འཆི་མེད་ནམ་མཁའི་རྡོ་རྗེ་ཕྲིན་ལས་ཀུན་ཁྱབ་དཔལ་བཟང་པོའི་ཞབས་བརྟན།
ཨོཾ་སྭསྟི་ཛཱི་ཝནྟ། འཆི་མེད་ནམ་མཁའི་རྡོ་རྗེ་འདུས་མ་བྱས། །ཚེ་དབང་གྲུབ་པ་པདྨ་སཾ་བྷ་དང་། །དབྱེར་མེད་ཕྲིན་ལས་ཀུན་ཁྱབ་དཔལ་བཟང་པོ། །བསྐལ་བརྒྱར་འཚོ་གཞེས་ཆོས་འཁོར་བསྐོར་མཛད་གསོལ། །གང་སྐུ་ཚེ་མཐའ་ཡས་པའི་གཟུགས་སུ་རྟག །གསུང་གསང་ཡིད་བཞིན་འདོད་འཇོའི་འཁོར་ལོས་ཁྱབ། །རྡོ་རྗེའི་ཐུགས་མཆོག་སྲིད་ཞིའི་ཕྱོགས་ཀུན་ལས། །རྣམ་པར་རྒྱལ་མའི་ངོ་བོར་ཞབས་བརྟན་གསོལ། །བདག་ཅག་ཀུན་ཏུ་རྣམ་པ་ཐམས་ཅད་དུ། །ཡེ་ཤེས་གཟིགས་པའི་སྐྱབས་ཀྱི་འཇུག་པ་ལ། །བརྟེན་ནས་ཕན་བདེའི་དགེ་མཚན་རྒྱས་པ་དང་། །མྱུར་དུ་བྱང་ཆུབ་ཐོབ་པའི་བཀྲ་ཤིས་སྩོལ། །ཅེས་རྩེ་གཅིག་ཏུ་གུས་ཤིང་དྭངས་བ་ཆེན་པོས་གསོལ་བ་འདེབས་པའི་རྟེན་འབྱུང་གི་མཎྜལ་མཚོན་པར་བཀྲ་ཤིས་པའི་ལྷ་གོས་རབ་དཀར། སྐུ་གསུང་ཐུགས་རྡོ་རྗེའི་སྣང་བརྙན་བྱིན་ཅན། ༠ བཅས་རྣམ་གྲངས་འཆི་མེད་གྲུབ་པ་ཉེར་བདུན་གྱིས་མཚོན་པ་འདི་
དག་ཤཱཀྱའི་དགེ་སྦྱོང་རྒན་པོ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་འཆི་མེད་ལྷ་མོ་ཙཎྜ་ལིའི་སྨིན་ཆོག་དང་འབྲེལ་བར་དུས་ཚེས་མཆོག་ཏུ་དགེ་བའི་སྔ་ཆར་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུས་པ་ལགས་ན། ཡེ་ཤེས་གཟིགས་པའི་སྤྱན་རས་ཀྱིས་ཡུད་ཙམ་བཙས་པ་དང་། ཇི་ལྟར་གསོལ་བ་བཏབ་པའི་དོན་ཐམས་ཅད་ཡིད་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།། །།