རྡོ་རྗེ་འཛིན་པ་ཆེན་པོ་ཀུན་དགའ་ཆོས་དབང་གི་གསུང་ངོར།
༈ ན་མོ་གུ་རུ་བིདྨ་པཱ་དཱ་ཡ། གཞུང་ལུགས་ཀུན་མཁྱེན་མཁའ་འགྲོས་རྗེས་སུ་བཟུང་། །མངོན་གྱུར་ས་བརྙེས་དཔལ་ལྡན་བིརཱུ་པ། །གྲུབ་རིགས་རྒྱ་མཚོའི་གཙོ་བོར་གསོལ་བ་འདེབས། བར་ཆད་ཀུན་སེལ་མཆོག་ཐུན་དངོས་གྲུབ་སྩོལ། །ཅེས་པའང་རྡོ་རྗེ་འཛིན་པ་ཆེན་པོ་ཀུན་དགའ་ཆོས་དབང་གི་གསུང་ངོར་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་རང་གཞན་ཀུན་གྱི་རྒྱུད་ལ་རྣལ་འབྱོར་དབང་ཕྱུག་གི་བྱིན་རླབས་འཇུག་པའི་རྒྱུར་གྱུར་ཅིག། ༈ །།ཨོཾ་ཨཱབྷཊྛར་ཀ་ཏ་ས་བཛྲ་སརྦ་སིདྡྷི་ཧཱུྃ། རྣལ་འབྱོར་དབང་ཕྱུག་བཞད་པ་རྡོ་རྗེ་ལ། །བཟོད་མེད་གདུང་ཤུགས་དྲག་པོས་གསོལ་འདེབས་ན། །ཡེ་ཤེས་གཟིགས་པས་རྟག་ཏུ་རྗེས་བཟུང་ནས། །མགོན་པོ་ཁྱོད་དང་མཚུངས་པར་བྱིན་གྱིས་རློབས། །ཞེས་པའང་ངེས་དོན་སྒྲུབ་པའི་རྒྱལ་མཚན་འཛིན་པ་ཀུན་སྤངས་ཆོས་ཀྱི་རྗེ་ཨཱ་ནནྡ་དྷརྨེནྡས་བཀའ་སྩལ་པ་ལྟར་བྱ་བྲལ་བ་མཉྫ་གྷོ་ཥས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་སུ་ཐེ་ཡོ་བྷ་བ་ཏུ། །