རྡོ་རྗེ་འཛིན་དབང་བསྟན་པ་དར་རྒྱས་ལ་གསོལ་བ་འདེབས་པ་བྱིན་རླབས་མྱུར་སྦྱོར།

རྡོ་རྗེ་འཛིན་དབང་བསྟན་པ་དར་རྒྱས་ལ་གསོལ་བ་འདེབས་པ་བྱིན་རླབས་མྱུར་སྦྱོར་ཅེས་བྱ་བ་བཞུགས། །ཨོཾ་སྭསྟི། །རྡོ་རྗེ་འཛིན་དབང་རྒྱ་མཚོའི་ཐུགས་ཀྱི་སྲས། །བསྟན་པ་རིན་ཆེན་བཤད་དང་སྒྲུབ་པ་ཡི། །དར་ཞིང་རྒྱས་པར་མཛད་པའི་ཕྲིན་ལས་ཅན། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཚུལ་གནས་གསན་བསམ་སྒོམ་པའི་ཕ་རོལ་སོན། །འཆད་རྩོད་རྩོམ་པའི་ལེགས་མཛད་རྨད་དུ་བྱུང་། །མཁྱེན་བརྩེ་ནུས་པའི་དཔལ་མངའ་ཆོས་ཀྱི་རྗེའི། །རྣམ་ཐར་དྲན་བཞིན་སྙིང་ནས་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཐུབ་བསྟན་དྲི་མེད་ཕྱོགས་བཅུར་རྒྱས་པ་དང་། །བདག་སོགས་འགྲོ་ཀུན་བླ་མས་རྗེས་བཟུང་ནས། །ཐུགས་ཡིད་གཅིག་འདྲེས་བྱང་ཆུབ་མྱུར་ཐོབ་ཤོག །ཅེས་པའང་སྒྲུབ་བརྩོན་བླ་མ་དམ་པ་བསོད་ནམས་རབ་རྒྱས་ཀྱིས་བསྐུལ་བའི་ངོར། བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། །།