བསྟན་འགྲོའི་དཔལ་མགོན་ཞེ་ཆེན་རབ་འབྱམས་མཆོག་གི་སྤྲུལ་པའི་སྐུའི་ཞབས་བརྟན།
ཨོཾ་སྭསྟི་སིདྡྷཾ། འགྱུར་མེད་ཀུན་ཏུ་བཟང་པོའི་ཡེ་ཤེས་ནི། །བསྟན་པ་རྒྱ་མཚོའི་མགོན་དུ་ལེགས་བཞེངས་པ། །སྨྲ་བའི་ཉི་མ་ཕྱོགས་ལས་རྣམ་རྒྱལ་དཔལ། །འདྲེན་མཆོག་བཟང་པོ་བསྐལ་བརྒྱར་ཞབས་བརྟན་གསོལ། །འཕོ་འགྱུར་ལས་འདས་དམིགས་མེད་ཐུགས་རྗེའི་རྩལ། །པདྨའི་རིང་ལུགས་བསྟན་འཛིན་མཆོག་
གི་ཚུལ། །མཁས་གྲུབ་རྒྱ་མཚོའི་དབང་པོར་ཡོངས་ཤར་བའི། །གསང་གསུམ་འཆི་མེད་གྲུབ་པ་ཉིད་གྱུར་ཅིག །རྣམ་འདྲེན་ཡབ་སྲས་རྟག་ཏུ་འཚོ་གཞེས་ཤིང་། །བཤད་སྒྲུབ་བསྟན་པ་གཉིས་ལྡན་དར་ཞིང་རྒྱས། །འཛམ་གླིང་ཡངས་པའི་རྒྱལ་ཁམས་ཐམས་ཅད་དུ། །ཕན་བདེའི་སྣང་བས་ས་གསུམ་ཁྱབ་གྱུར་ཅིག །ཅེས་མཚུངས་བྲལ་བསྟན་འགྲོའི་དཔལ་མགོན་ཞེ་ཆེན་རབ་འབྱམས་མཆོག་གི་སྤྲུལ་པའི་སྐུའི་ཟླ་ཞལ་གསར་དུ་ཚེས་པ་ལ་འགྱུར་མེད་ཀུན་བཟང་བསྟན་པའི་ཉི་མ་ཕྱོགས་ལས་རྣམ་རྒྱལ་དཔལ་བཟང་པོ་དང་། དབོན་སྤྲུལ་རིན་པོ་ཆེ་འགྱུར་མེད་པདྨ་བསྟན་འཛིན་མཁས་གྲུབ་རྒྱ་མཚོའི་དབང་པོ་ཞེས་མཚན་འབུལ་ཞབས་བརྟན་སྨོན་ཚིག་དང་བཅས་པ་འདིའང་རྣམ་འདྲེན་རྒྱལ་ཚབ་རིན་པོ་ཆེའི་བཀའ་སྩལ་ནོར་བུའི་ཕྲེང་བ་སྤྱི་བོར་ཕེབས་པ་གུས་པས་མཆོད་དེ། བྱ་བྲལ་སྤོང་བ་པ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། །།