རྡོ་རྗེ་འཛིན་དབང་འཇམ་དཔལ་བཟང་པོའི་སྤྲུལ་སྐུ་མྱུར་འབྱོན་མའི་གསོལ་འདེབས་ཕན་བདེའི་དཔལ་སྟེར།
རྡོ་རྗེ་འཛིན་དབང་འཇམ་དཔལ་བཟང་པོའི་སྤྲུལ་སྐུ་མྱུར་འབྱོན་མའི་གསོལ་འདེབས་ཕན་བདེའི་དཔལ་སྟེར་ཅེས་བྱ་བ་བཞུགས་སོ། །ཨོཾ་སྭསྟི་སིདྡྷཾ། འཇམ་དཔལ་གཞོན་ནུ་རྗེ་བཙུན་ས་སྐྱ་པའི། །བཟང་པོའི་ཕྲིན་ལས་ཕྱོགས་བརྒྱར་སྤེལ་མཁས་པ། །
མཁྱེན་བརྩེ་ནུས་གཏེར་རྣམ་འདྲེན་བླ་མ་ཡི། །ཟག་མེད་ཐུགས་ཀྱི་དགོངས་པ་ཡོངས་རྫོགས་ཤོག །ཁྱད་པར་ཚད་མེད་ཐུགས་རྗེའི་གཞན་དབང་གིས། །བདག་སོགས་གདུལ་བྱ་རྣམས་ལ་བརྩེར་། །དགོངས་ནས། །ཕུན་སུམ་ཚོགས་པའི་གཟིགས་པ་རྣམ་པ་ལྔས། །སྤྲུལ་པའི་སྣང་བརྙན་མྱུར་དུ་འབྱོན་མཛད་གསོལ། །བླ་མ་ལྷ་དང་མཁའ་འགྲོ་ཆོས་སྐྱོང་གི། །བདེན་པའི་སྟོབས་ཀྱིས་རྒྱལ་བའི་མྱུ་གུ་མཆོག ། །བསྟན་འགྲོའི་མགོན་དུ་གེགས་མེད་སྣང་བ་དང་། །ཕན་བདེའི་ཕྲིན་ལས་རྒྱས་པའི་བཀྲ་ཤིས་ཤོག །ཅེས་པའང་གཙང་དགོན་ཐུབ་བསྟན་དར་རྒྱས་གླིང་གི་བླ་གྲྭ་རྣམས་ཀྱི་བཞེད་ངོར་དུ། བྱ་བྲལ་སྤོང་བ་པ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །