རིག་འཛིན་འཇིགས་མེད་བསྟན་པའི་ཉི་མ་གྲགས་པ་ཀུན་ཁྱབ་དཔལ་བཟང་པོའི་ཞབས་བརྟན།
ཨོཾ་སྭསྟི་སིདྡྷཾ། ཚེ་མཐའ་ཡས་དངོས་རྩ་གསུམ་རྒྱ་མཚོའི་བདག །རིག་འཛིན་ཆེན་པོར་པདྨ་ཐོད་ཕྲེང་གིས། །བྱིན་རླབས་གཏེར་ཆེན་མཆོག་གི་སྤྲུལ་པའི་སྐུ། །འཇིགས་མེད་སེང་གེའི་ཁྲི་ལ་ཞབས་བརྟན་གསོལ། །རིམ་དགུའི་བསྟན་པའི་ཉི་མ་འོད་པོ་ཆེས། །སྲིད་དང་ཞི་བའི་རྒུད་པ་ཀུན་སེལ་ཞིང་། །ཕན་བདེའི་པདྨོ་རྒྱས་མཛད་ལེགས་བཤད་གསུང་། །འཇིག་རྟེན་ཁམས་སུ་རྟག་ཏུ་སྣང་གྱུར་ཅིག །ཚུལ་གནས་གསན་བསམ་སྒོམ་ལ་དབང་འབྱོར་ཞིང་། །འཆད་རྩོད་རྩོམ་པའི་གྲགས་པས་ས་གསུམ་ཀུན། །ཁྱབ་མཛད་ཐུགས་རྗེའི་དཔལ་མངའ་མགོན་པོ་ཆེའི། །བཟང་པོའི་ཕྲིན་ལས་རྒྱས་པའི་བཀྲ་ཤིས་སྩོལ། །ཞེས་གཏེར་ཆེན་ཉི་མ་གྲགས་པའི་མཆོག་གི་སྤྲུལ་པའི་སྐུ་རིན་པོ་ཆེ་པདྨ་རྒྱས་པ་ལྟ་བུ་གསར་དུ་བཞད་པར། །རིག་འཛིན་འཇིགས་མེད་བསྟན་པའི་ཉི་
མ་གྲགས་པ་ཀུན་ཁྱབ་དཔལ་བཟང་པོ་ཞེས་པའི་མཚན་འབུལ་དང་འབྲེལ་བར་ཞབས་པད་བསྐལ་བརྒྱར་བརྟན་པའི་གསོལ་བ་འདེབས་མཚོན་བཀྲ་ཤིས་ལྷ་གོས། འཆི་མེད་སྐུ་གསུམ་ཐུགས་རྡོ་རྗེའི་སྣང་བརྙན། ༠ བཅས་མདོ་ཁམས་སྡེ་དགེ་རྫོང་གསར་བཀྲ་ཤིས་ལྷ་རྩེའི་བསམ་གཏན་གྱི་ཁང་བུ་ནས་ཤཱཀྱའི་དགེ་སྦྱོང་རྒན་པོ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོར་ན་ཚོན་ལྡན་གྱི་ལོའི་སྣོན་ཟླ་བའི་དཀར་ཕྱོགས་རྒྱལ་བ་དང་པོས་བསམ་པ་དག་ཅིག་སྦྱོར་བ་གུས་པས་ཕུལ་བ་སརྦ་དཱ་ཤེ་ཡནྟུ། །