གཏེར་ཆེན་རྡོ་རྗེ་གླིང་པའི་རྣམ་རོལ་རྦ་ཁ་མཆོག་གི་སྤྲུལ་པའི་སྐུ་རིན་པོ་ཆེའི་ཞབས་བརྟན།

ཨོཾ་སྭསྟི་ཛཱི་ཝནྟ། །པདྨའི་རིང་ལུགས་འཛིན་པའི་རྣམ་འདྲེན་མཚན། །འཆི་མེད་གྲུབ་པའི་རྡོ་རྗེར་བྱང་ཆུབ་ཅིང་། །རྨད་བྱུང་ཕྲིན་ལས་ཀུན་ཏུ་ཁྱབ་ཅིང་རྟག །ཕྱོགས་ལས་རྣམ་རྒྱལ་དགེ་མཚན་རྒྱས་གྱུར་ཅིག །ཅེས་སྤྲུལ་པའི་གཏེར་ཆེན་རྡོ་རྗེ་གླིང་པའི་རྣམ་རོལ་རྦ་ཁ་མཆོག་གི་སྤྲུལ་པའི་སྐུ་རིན་པོ་ཆེ་བསྐལ་བརྒྱལ་འཚོ་གཞེས་ཕྲིན་ལས་རྒྱས་པའི་རྟེན་འབྱུང་དུ་པདྨ་འཆི་མེད་གྲུབ་པའི་རྡོ་རྗེ་ཐེག་མཆོག་བསྟན་འཕེལ་ཕྱོགས་ལས་རྣམ་རྒྱལ་དཔལ་བཟང་པོ་ཞེས་པའི་མཚན་འབུལ་བར་བཀྲ་ཤིས་པའི་ལྷ་རེག །འཆི་མེད་སྐུ་གསུང་ཐུགས་རྡོ་རྗེའི་སྣང་བརྙན་བྱིན་ལྡན་བཅས་ཤཱཀྱའི་དགེ་སྦྱོང་འཇམ་དབྱངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པས་ཀུན་མཁྱེན་དྲི་མེད་འོད་ཟེར་གྱི་དུས་དྲན་མཆོད་པའི་ཚེས་བཟང་པོར་ཕུལ་བ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། །།