མཚུངས་མེད་བསྟན་འགྲོའི་དཔལ་མགོན་རིག་འཛིན་གྲགས་པའི་མཆོག་སྤྲུལ་བཞི་པ་ཨོ་རྒྱན་བསྟན་འཛིན་ཆོས་ཀྱི་ཉི་མའི་མྱུར་འབྱོན་གསོལ་འདེབས།
སངས་རྒྱས་གཉིས་པ་ཨོ་རྒྱན་བླ་མ་དང་། །དབྱེར་མེད་བསྟན་འཛིན་ཆོས་ཀྱི་ཉི་མ་ཆེ། །འོད་གསལ་ཞི་བ་ཆོས་སྐུའི་དབྱིངས་ཉིད་ལས། །ཡེ་ཤེས་གཟུགས་སྐུའི་སྒྱུ་འཕྲུལ་མྱུར་དུ་སྟོན། །ཕུན་སུམ་ཚོགས་པའི་གཟིགས་པ་རྣམ་པ་ལྔས། །རྒྱལ་བའི་མྱུ་གུ་མཆོག་ཏུ་ཡོངས་བཞེངསམཁས་མཙུན་བཟང་པོའི་ཕྲིན་ལས་མཐའ་ཡས་པས། །རབ་འབྱམས་བསྟན་འགྲོའི་ཕན་བདེ་རྒྱས་མཛད་གསོལ། །དེ་ལྟར་རྩེ་གཅིག་གུས་པས་གསོལ་བཏབ་དང་། །རྩ་གསུམ་ཆོས་སྲུང་རྒྱ་མཚོའི་བྱིན་རླབས་མཐུས། །རིག་འཛིན་མཆོག་གི་སྤྲུལ་པའི་སྣང་བ་ཡིས། །ས་གསུམ་དགེ་ལེགས་འཕེལ་བའི་བཀྲ་ཤིས་ཤོག །ཅེས་མཚུངས་མེད་བསྟན་འགྲོའི་དཔལ་མགོན་རིག་འཛིན་གྲགས་པའི་མཆོག་སྤྲུལ་བཞི་པ་ཨོ་རྒྱན་བསྟན་འཛིན་ཆོས་ཀྱི་ཉི་མ་གང་ཉིད་ཆོས་དབྱིངས་ཞི་
བ་ཆེན་པོར་སྐུར་བཞེངས་པའི་སྐབས་འཁྲུལ་མེད་སྤྲུལ་པའི་ཟླ་ཞལ་མྱུར་དུ་འཆར་བའི་གསོལ་འདེབས་རྗེ་དབོན་མཆོག་སྤྲུལ་རིན་པོ་ཆེས་རྒྱང་རིང་མོ་ནས་བཀའ་སྩལ་ཆེད་དུ་གནང་བ་ལྟར། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་རབ་ཚེས་དཀར་པོའི་ལོ་ཆོ་འཕྲུལ་ཟླ་བའི་དམར་ཕྱོགས་མཁའ་འགྲོ་འདུ་བའི་ཚེས་བཅུའི་མཆོད་པའི་སྐབས་སུ་གསོལ་བ་ཏབ་པ་དེ་དེ་བཞིན་དུ་འགྲུབ་པར་གྱུར་ཅིག། །།