རྒྱལ་བའི་མྱུ་གུ་རྗེ་བཙུན་སོགས།

ཨོ་སྭསྟི་སིདྡྷཾ། རྒྱལ་བའི་མྱུ་གུ་རྗེ་བཙུན་སྤྲུལ་པའི་སྐུ། །མཚོ་སྐྱེས་ཞབས་བཞིན་སྐུ་ཚེ་ཕྲིན་ལས་རྒྱས། །མཁན་ཆེན་ཇི་བཞིན་སྟོན་པ་གཉིས་པར་གྱུར། །ཆོས་རྒྱལ་ཆེན་པོའི་ཐུགས་བསྐྱེད་ཡོངས་རྫོགས་ཤོག ། ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་གོས། འཆི་མེད་སྐུ་གསུམ་ཐུགས་རྡོ་རྗེའི་སྣང་བརྙན། ༠ བཅས་བཀྲ་ཤིས་པའི་རྟགས་ཀྱི་གྲངས་ལྡན་འདི་དག་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་ཐོག་མའི་རྟེན་འབྱུང་དུ་ཕུལ་བ་ཇི་ལྟར་སྨོན་པའི་དོན་ཐམས་ཅད་ཡིད་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །།