འཇམ་དབྱངས་འོད་ཟེར་དྲི་མེད་ཀྱིས་བསྐུལ་ངོར།

---

^{[མ་དཔེ་གཟིགས་ན་འདིར་གནོན།]}

ན་མོ་གུ་རུ་མི་འགྱུར་འཆི་མེད་པདྨ་སཾ་བྷ་ཝས། །རྗེས་བཟུང་སངས་རྒྱས་ཀུན་དངོས་རིགས་བརྒྱའི་བདག །བསྟན་འགྲོར་ཕན་བདེའི་དགའ་སྟོན་མཆོག་སྩོལ་བའི། །རྒྱལ་སྲས་རྡོ་རྗེ་འཛིན་པར་གསོལ་བ་འདེབས། །ཀ་དག་འགྱུར་མེད་གཉུག་མའི་གནས་ལུགས་རྟོགས། །ལྷུན་གྲུབ་མངོན་སུམ་རིག་གདངས་ཚད་ལ་ཕེབས། །ཕྲིན་ལས་ཆོས་ཀྱི་སྣང་བས་འཇིག་རྟེན་གསུམ། །གསལ་མཛད་བསྟན་པའི་སྒྲོན་མེར་གསོལ་བ་འདེབས། །དེ་ལྟར་དཔལ་ལྡན་བླ་མའི་རྣམ་པར་ཐར། །སྙིང་ནས་དྲན་པའི་གདུང་བས་གསོལ་

---

^{[མ་དཔེ་གཟིགས་ན་འདིར་གནོན།]}

འདེབས་ན། །བྱང་ཆུབ་བར་དུ་འབྲལ་མེད་རྗེས་བཟུང་ནས། །དོན་གཉིས་ཡིད་བཞིན་འགྲུབ་པར་བྱིན་གྱིས་རློབས། །ཞེས་པའང་འཇམ་དབྱངས་འོད་ཟེར་དྲི་མེད་ཀྱིས་བསྐུལ་བའི་རྐྱེན་དང་། རང་ཉིད་ཀྱིས་ཀྱང་མངོན་པར་དད་པས་ཀུན་ནས་བསླངས་ཏེ། རིག་འཛིན་གྱི་བཙུན་པ་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག། །།