ཀཿཐོག་སི་ཏུའི་མྱུར་བྱོན་གསོལ་འདེབས།
ཕྱོགས་བཅུ་དུས་བཞིའི་རྒྱལ་བ་སྲས་བཅས་ཀྱི། །མཁྱེན་བརྩེའི་ནུས་གསུམ་གཅིག་ཏུ་བསྡུས་པའི་གཟུགས། །དཔལ་ལྡན་བླ་མ་ཆོས་ཀྱི་བློ་གྲོས་ཞབས། །སྙིང་ནས་འབོད་དོ་ཐུགས་རྗེའི་སྤྱན་གྱིས་གཟིགས། །འོད་གསལ་ཆོས་ཀྱི་དབྱིངས་ལས་
སྤྲུལ་པའི་སྐུ། །གཟིགས་པ་རྣམ་ལྔས་ལྗོངས་འདིར་མྱུར་བྱོན་ནས། །མཁས་བཙུན་བཟང་པོའི་རྣམ་ཐར་རྨད་བྱུང་ཞིང་། །བཤད་སྒྲུབ་བསྟན་པས་ས་ཆེན་ཁྱབ་མཛད་གསོལ། །དཀོན་མཆོག་རྩ་བ་གསུམ་གྱི་བྱིན་རླབས་དང་། །ཆོས་ཉིད་ཆོས་ཅན་རྒྱུ་འབྲས་བསླུ་མེད་མཐུས། །ཇི་ལྟར་གསོལ་བ་བཏབ་བཞིན་འགྲུབ་གྱུར་ནས། །ཕན་བདེའི་དགེ་མཚན་རྟག་ཏུ་སྣང་གྱུར་ཅིག །ཅེས་དཔལ་ཀཐོག་པའི་བསྟན་འཛིན་ཆེན་པོ་སི་ཏུ་མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་གཞན་དོན་དུ་གཤེགས་པའི་སྐབས་གསོལ་འདེབས་འདི་ལྟ་བུ་ཞིག་བྲིས་ཤིག་ཅེས་རྗེ་བཙུན་མཆོག་གི་སྤྲུལ་པའི་སྐུ་ལྷན་རྒྱས་ཀྱི་བཀྲ་ཤིས་པའི་ལྷ་རེག་བཅས་བཀའ་སྩལ་རིན་པོ་ཆེའི་ཕྲེང་བ་སྤྱི་བོར་ཕེབས་པ་གུས་པས་མཆོད་དེ། འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་བྷ་བ་ཏུ། །།