རྒྱ་ཚན་སྤྲུལ་སྐུའི་མྱུར་འབྱོན་གསོལ་འདེབས།

དཀྱིལ་འཁོར་རྒྱ་མཚོའི་ཁྱབ་བདག་འཁོར་ལོའི་མགོན། །ངག་གི་དབང་ཕྱུག་ཀུན་དགའ་ལྷུན་གྲུབ་ཀྱི། །སྤྲུལ་པའི་ཟླ་སྣང་མྱུར་དུ་འཆར་བ་དང་། །སྐུ་ཚེ་བརྟན་ཅིང་ཕྲིན་ལས་རྒྱས་པར་ཤོག །རྩ་བརྒྱུད་བླ་མ་ཡི་དམ་མཁའ་འགྲོའི་ཚོགས། །ཆོས་སྐྱོང་སྲུང་མའི་བྱིན་རླབས་བདེན་སྟོབས་ཀྱིས། །རྒྱལ་བའི་མྱུ་གུའི་སྒྱུ་འཕྲུལ་མངོན་དུ་སྣང་། །བཤད་སྒྲུབ་བསྟན་པ་ཡུན་རིང་འབར་གྱུར་ཅིག །ཅེས་རྒྱ་ཚན་སྤྲུལ་པའི་སྐུའི་མྱུར་འབྱོན་གསོལ་འདེབས་སྨོན་ལམ་དང་བཅས་པ་འདིའང་། ངོ་ཁུ་རི་ཁྲོད་བླ་མ་མཆོག་གི་ཐུགས་བཞེད་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། །།