ཚེ་རིང་དཔལ་འབྱོར་ལ་གནང་བའི་གསོལ་འདེབས་སྲས་བཅས་རྒྱལ་བ་མ།
― JKT002_Page_0355 ―
[མ་དཔེ་གཟིགས་ན་འདིར་གནོན།]
༈ སྲས་བཅས་རྒྱལ་བའི་ཡབ་གཅིག་འཇམ་པའི་དབྱངས། །མཁྱེན་བརྩེའི་དབང་པོ་མཆོག་གི་སྐུར་སྣང་བ། །པདྨས་བྱིན་བརླབས་འོད་གསལ་མདོ་སྔགས་གླིང་། །སྐྱབས་གནས་ཀུན་འདུས་ངོ་བོར་གསོལ་བ་འདེབས། །འདི་ནས་བྱང་ཆུབ་བར་དུ་མགོན་པོ་མཆོག །བརྟན་པའི་འཁོར་ལོའི་རྣམ་པར་སྙིང་གི་དབུས། །འབྲལ་མེད་བཞུགས་ཤིང་བྱིན་གྱིས་བརླབས་པ་ལས། །འགལ་རྐྱེན་ཀུན་ཞི་བསམ་དོན་ལྷུན་གྲུབ་ཤོག །འཆི་མེད་ཚེ་དང་ཤེས་རབ་སྣང་བ་རྒྱས། །ནད་གདོན་བར་ཆད་མི་མཐུན་རྒུད་པ་ཞི། །བདེ་སྐྱིད་ཆོས་ལྡན་འབྱོར་
― JKT002_Page_0356 ―
[མ་དཔེ་གཟིགས་ན་འདིར་གནོན།]
པས་མངོན་མཐོ་བའི། །བཀྲ་ཤིས་དཔལ་གྱིས་རྟག་ཏུ་ཁྱབ་གྱུར་ཅིག །ཅེས་བི་ཤཱའི་ཀརྨའི་རིགས་སྐྱེས་དད་ལྡན་གཞོན་ནུ་ཚེ་རིང་དཔལ་འབྱོར་གྱི་ཁ་ཏོན་དུ་མཁྱེན་བརྩེའི་དབང་པོས་སྤེལ་པ་མངྒ་ལཾ།། །།