རྟོགས་ལྡན་ཤཱཀྱ་ཤྲཱི་ལ་གནང་བའི་གསོལ་འདེབས་ཤིན་ཏུ་རྣམ་དག་མ།

ན་མོ་གུ་རུ་བྷྱ༔ ཤིན་ཏུ་རྣམ་དག་འོད་གསལ་ནམ་མཁའི་དབྱིངས། །རྒྱུ་རྐྱེན་འདུས་མ་བྱས་པའི་རྡོ་རྗེའི་སྐུ། །དྲིན་ཅན་བླ་མ་པདྨ་འོད་འབར་རྩལ། །རྩ་གསུམ་རྒྱ་མཚོའི་སྤྱི་དཔལ་ཆེན་པོར་བཞུགས། །མི་ཕྱེད་རྩེ་གཅིག་གུས་པས་གསོལ་བ་འདེབས། །ལུས་དང་ལོངས་སྤྱོད་ལྟོས་མེད་མཆོད་སྤྲིན་འབུལ། །བར་ཆད་ཀུན་ཞི་བསམ་དོན་ཆོས་བཞིན་འགྲུབ། །ཡེ་ཤེས་རྩལ་ཆེན་རྫོགས་པར་བྱིན་གྱིས་རློབས། །ཨོཾ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ། སྒྲུབ་བརྩོན་རྟོགས་ལྡན་ཤཱཀྱ་ཤྲཱིའི་ཆེད་མཁྱེན་བརྩེའི་དབང་པོས་སྤེལ་བ་དགེ་ལེགས་སུ་གྱུར་ཅིག། །།