འཇམ་པའི་དབྱངས་ཀརྨ་ཡོན་ཏན་རྒྱ་མཚོའི་གསོལ་འདེབས་བྱིན་རླབས་ཟླ་སྣང་།
འཇམ་པའི་དབྱངས་ཀརྨ་ཡོན་ཏན་རྒྱ་མཚོའི་གསོལ་འདེབས་བྱིན་རླབས་ཟླ་སྣང་ཞེས་བྱ་བ་བཞུགས་སོ། །འཇིག་རྟེན་གསུམ་གྱི་མགོན་པོ་ཀརྨ་པའི། །བསྟན་འཛིན་བྱེ་བའི་ཁྱུ་མཆོག་ངག་གི་དབང་། །མཁས་ཤིང་གྲུབ་བརྙེས་ཡོན་ཏན་རྒྱ་མཚོའི་གཏེར། །བློ་གྲོས་ཕ་མཐའ་ཡས་ལ་གསོལ་བ་འདེབས། །འཆི་མེད་པདྨ་གར་གྱི་དབང་ཕྱུག་དང་། །མི་ཕྱེད་བློ་གཏེར་རབ་དགའི་ཡེ་ཤེས་སྐུ། །ཚངས་བྱུང་སྙེམས་པའི་ལང་ཚོའི་ཟླ་སྣང་ཅན། །བསྐལ་བརྒྱར་ཞབས་བརྟན་ཕྲིན་ལས་རྒྱས་གྱུར་ཅིག །བདག་སོགས་དེང་ནས་བྱང་ཆུབ་སྙིང་པོའི་བར། །མགོན་པོ་ཁྱོད་ཀྱིས་འབྲལ་མེད་རྗེས་
བཟུང་མཐུས། །ཚུལ་གནས་ཐོས་བསམ་སྒོམ་པའི་མཐར་སོན་ནས། །རང་གཞན་དོན་གཉི་པར་བྱིན་གྱིས་རློབས། །ཞེས་པའང་དད་དམ་གྱི་ནོར་ཅན་དགེ་སྦྱོང་དྷརྨ་ཝནྡྷ་སོགས་ཀྱིས་བསྐུལ་བ་དང་། རང་ཉིད་ཀྱིས་ཀྱང་མི་ཕྱེད་པའི་དད་པས་མཚམས་སྦྱར་ཏེ། རྗེ་བླ་མ་གང་གི་ལེགས་གསུང་བདུད་རྩིའི་བཅུད་ཀྱིས་འཚོ་བའི་བཀའ་སློབ་ཀྱི་ཐ་ཆུང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་ཀུན་དགའི་ལོའི་ཆོ་འཕྲུལ་ཟླ་བའི་དཀར་ཕྱོགས་ཀྱི་དགའ་བ་དང་པོ་ལ་བྲིས་ནས་ཆུ་སྟོད་ཟླ་བའི་ཚེས་བཞིར་རྩེ་གཅིག་གུས་པས་གསོལ་པ་བཏབ་པ་སིདྡྷི་རསྟུ།།