འཇམ་མགོན་སྤྲུལ་སྐུ་རྣམ་གཉིས་དང་མཆོག་གླིང་བཅས་ལ་གསོལ་འདེབས་བཻ་རོ་དངོས་སྣང་།

---

^{[མ་དཔེ་གཟིགས་ན་འདིར་གནོན།]}

༈ བེ་རོ་དངོས་སྣང་ཡོན་ཏན་རྒྱ་མཚོའི་གཏེར། །རྒྱལ་བས་ལུང་བསྟན་བློ་གྲོས་མཐའ་ཡས་ཞབས། །པདྨས་རྗེས་བཟུང་གར་དབང་འགྲོ་འདུལ་རྩལ། །བསྟན་གཉིས་གླིང་པའི་ཞབས་ལ་གསོལ་བ་འདེབས། །ལྷ་སྲས་རྣམ་འཕྲུལ་ཨོ་རྒྱན་རྒྱལ་ཚབ་ཆེ། །སྤྲུལ་པའི་གཏེར་ཆེན་ཡོངས་ཀྱི་འཁོར་ལོས་སྒྱུར། །གྲུབ་པ་མཆོག་གི་ཡེ་ཤེས་མངོན་དུ་གྱུར། །བདེ་ཆེན་གླིང་པའི་ཞབས་ལ་གསོལ་བ་འདེབས། །ཆོས་རྒྱལ་རྣམ་འཕྲུལ་བི་མས་བྱིན་གྱིས་བརླབས། །ཟབ་རྒྱས་བཀའ་བབས་དུ་མའི་ཤིང་རྟ་ཆེ། །འཇམ་དཔལ་

---

^{[མ་དཔེ་གཟིགས་ན་འདིར་གནོན།]}

དབྱངས་དངོས་མཁྱེན་བརྩེ་ནུས་པའི་གཏེར། །མདོ་སྔགས་གླིང་པའི་ཞབས་ལ་གསོལ་བ་འདེབས། །ཞེས་པའང་འཇམ་མགོན་རྡོ་རྗེ་འཆང་བློ་གྲོས་མཐའ་ཡས་པའི་སྡེས་བཀའ་གནང་ཞིང་། མོས་ལྡན་དུ་མས་ཀྱང་བསྐུལ་བས་མཚམས་སྦྱར་ཏེ་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ། །།