གསང་འདུས་འཇིག་རྟེན་དབང་ཕྱུག་གི་བརྒྱུད་འདེབས་བྱིན་རླབས་བདུད་རྩིའི་སྙེ་མ།
༈ གསང་འདུས་འཇིག་རྟེན་དབང་ཕྱུག་གི་བརྒྱུད་འདེབས་བྱིན་རླབས་བདུད་རྩིའི་སྙེ་མ་ཞེས་བྱ་བ་བཞུགས་སོ། །
རྡོ་རྗེ་འཆང་ཆེན་འཕགས་པ་སྤྱན་རས་གཟིགས། །མར་མེ་མཛད་དཔལ་ལྷ་བཙུན་བྱང་ཆུབ་འོད། །བྱང་ཆུབ་རྡོ་རྗེ་ལྕགས་རི་གོང་པ་དང་། །ཤཱཀྱ་གྲགས་པ་རྣམས་ལ་གསོལ་བ་འདེབས། །དར་མ་གྲགས་པ་ཤེས་རབ་རྡོ་རྗེ་དང་། །དོན་གྲུབ་མགོན་པོ་ཤཱཀྱ་རྡོ་རྗེའི་ཞབས། །སློབ་དཔོན་ཆོས་གྲགས་དར་མ་ཤཱཀྱའི་མཚན། །བསོད་ནམས་དབང་པོ་རྣམས་ལ༴ །ལོ་ཆེན་མཆོག་ལྡན་དཔལ་ལྡན་སེང་གེ་དང་། །རྩོད་དུས་ཀུན་མཁྱེན་གཉིས་པ་རིན་ཆེན་གྲུབ། །གཞོན་ནུ་བསོད་ནམས་བཀྲ་ཤིས་རིན་ཆེན་ཞབས། །ངོར་ཆེན་རྡོ་རྗེ་འཆང་ལ་གསོལ་བ༴ །རྒྱལ་ཚབ་དམ་པ་ཀུན་མཁྱེན་ཆོས་ཀྱི་རྗེ། །སངས་རྒྱས་རིན་ཆེན་འཇམ་པའི་རྡོ་རྗེའི་ཞབས། །གྲགས་པ་བློ་གྲོས་སངས་རྒྱས་སེང་གེ་དང་། །བྲང་ཏི་པཎ་ཆེན་རྣམས་ལ༴ །ནམ་མཁའ་རིན་ཆེན་འདྲེན་མཆོག་ནམ་མཁའི་མཚན། །ཤེས་རབ་རྒྱ་མཚོ་ཀུན་དགའ་ཆོས་འཕེལ་དཔལ། །དཀོན་མཆོག་རྒྱལ་མཚན་མངྒ་ལ་བྷ་དྲ། །སངས་རྒྱས་ཡེ་ཤེས་རྣམས་ལ༴ །འཇམ་པའི་དབྱངས་དངོས་ཀུན་དགའ་བློ་གྲོས་ཞབས། སྨྲ་བའི་ཁྱུ་མཆོག་ཀུན་དགའ་མཁས་གྲུབ་དབང་། །རིགས་ཀུན་ཁྱབ་བདག་ཀུན་དགའ་བསྟན་འཛིན་དང་། །རྩ་བའི་བླ་མ་རྣམས་ལ༴ །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །སངས་རྒྱས་
ཀུན་གྱི་གསང་བ་འདུས་པའི་དངོས། །འཇིག་རྟེན་དབང་ཕྱུག་རིམ་གཉིས་ལམ་བཟང་ལ། བརྟེན་ནས་ཟུང་འཇུག་གོ་འཕང་མྱུར་འགྲུབ་ཤོག །ཅེས་པའང་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ། །