སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ།
༈ སྲོག་རླུང་གི་བཅོས་ཚུལ་སོགས་ཀྱི་མན་ངག་གུད་དུ་སྦས་པ་བཞུགས་སོ། །ན་མོ་གུ་རུ་བྷུ རྣམ་བཅས་གཟུངས་འཛིན་འཁྲུལ་པའི་འཁོར་ལོ་ཀུན། །རྣམ་པ་ཀུན་བྲལ་འཇོ་སྒེག་གིས་འཁྱུད་པས། །རྣམ་ཀུན་མཆོག་ལྡན་བདེ་སྟོང་མཚན་དཔེའི་ཞལ། །རྣམ་འདྲེན་འཁོར་ལོའི་མགོན་པོ་སྙིང་དབུས་རོལ། །ཟབ་ཅིང་ཉེ་བར་སྦས་པའི་དོན། །ཀུན་ལ་གསང་བར་རྒྱས་བཏབ་པ། །དེང་འདིར་མདོ་ཙམ་རབ་དབྱེ་ཡིས། །དཔྱོད་ལྡན་སྙིང་གི་ཐིག་ལེར་ཟུང་།
དེ་ལ་ཐོག་མར་སྲོག་རླུང་གི་བཅོས་ཐབས་ཕན་བདེའི་དོ་ཤལ་སྐབས་སུ། ཐང་སྦྱོར་ལས། རུས་བཅུད་གསུམ་ནི། སོག་ཁ། གཞུག་ཆུང་། སྲེ་ལོང་ངོ་། །སྨན་སྒ་སུམ་ཐང་གི་གསང་སྨན་ཀོ་བྱི་ལ་དུག་མ་ཕྲལ་བའམ། རི་སྙིང་། ༈ །སྲོག་འཛིན་བཅུ་གཅིག་པའི་སྦྱོར་ཚད་ཛཱ་ཏི°་༤༠ རུ་རྟ་༤༠ ཨ་རུབ་༤༠ ཨར་ནག༠་༥༠ ལི་ཤིབ་༥༠ ཤ་ཆེན༠་༥༠ ཤིང་ཀུན༠་༥༠ སྙིང་ཞོབ་༥༠ ཅུ་གང་བ་༣༠ གེ་སར༠་༣༠ སྤོས་དཀར༠་༢༠ བཅས་སོ། །ཀོ་བྱི་བདུན་པ་སོགས་ལ་ཀོ་བྱིའི་རྒྱབ་ཀྱི་སྤུ་དེ་བཞར་དགོས། ༈ །བཱི་མ་མི་ཏྲའི་ལུགས་ཀྱི་སྦྱོར་ཚད་ཛཱ་ཏིབ་༡༠ ཨ་རུབ་༡༠ སྤོས་དཀར་༡༠ ཨར་ནག༠༡༠རེ། གཞན་རྣམས་ཐམས་ཅད༠་༠༥ རེ་སྦྱར། གུ་གུལ་ཉི་ཤུ་པའི་སྦྱོར་སྡེའི་གསང་སྨན་གངས་སྐྱེས་ཀྱི་འཛིམ་པ། ༈ །སེམས་ཀྱི་བདེ་སྐྱིད་ལ། གོ་ཡུ་སྨུག་འཇང་ཆུང་ངུ་དེ༢་༠༠ ཨར་ནག༡་༠༢ ཛཱ་ཏིབ་༡༠ ལི་ཤིབ་༨༠ ཤིང་ཀུན༠་༤༠ རུ་རྟ་༧༠ སྙིང་ཞོ༡་༠༠ སྨན་ཆེན་འབྲི་ཚིལ་ལྟ་བུ༤་༠༠ སྒ་དམར༠་༡༠ པི་ལིང་བ་༦༠ ཕོ་རིལབ་༩༠ ཁ་རུ་ཚྭ་༠ རྣམས་སྦྱར། ཚབ་ཆེན་ཁྱི་ཕག་མ་གཏོགས་པའི་སྙིང་སྣ་གང་འཛོམ་ཁ་ཚར་ཆ་ཆུང་རེ་བཏབ། །བུར་སྨུག་གམ་གྲིར་ཤིའི་རྐང་མར་གྱིས་རིལ་བུ་དྲིལ་བ་མན་ངག་གོ ༈ །བུར་སྨུག་གི་
རིལ་བུར། བི་ཥ་ནི་བོང་ང་སྟེ། སྤྱིར་སྙིང་རླུང་སོགས་རླུང་ནད་ལ་འགྲོ་བའི་བོང་ང་ཐམས་ཅད་བཅག་ཁ་འབྲི་ཚིལ་འདྲ་བ་དེ་དགོས། ལོ་བརྒྱད་ཨེ་ཀྲོ་དྲི་ཆུ། གསང་སྨན་དར་མའི་གྲི་སྙིང་། སྦྱོར་སྡེ་། དེ་སྨན་མར་ལ་སྦྱར་ན། དངུལ་ཆུབ་༡༠ མུ་ཟི་དུལ་མ༠་༠༥ འབྲོང་དང་ནེ་ཙོའི་སྙིང་བཅས་འབྲས་གསུམ་སྨན་མར་ལ་བསྲེའོ། ༈ །ཙིཏྟ་ཉེར་ལྔ། གསང་སྨན་རྒྱལ་མོ་ནི་དཔའ་བོ་གཡུལ་དུ་ཕན་ཚུན་གཉིས་ཀ་གྲིར་ཤི་བའི་སྙིང་སྲོག་རྩ་བཅས་པ་དང་བ་༦༠ དངུལ་ཆུབ་༤༠ ཛཱ་ཏི°༤༠ མུ་ཟི༠་༣༠ བཅས་བསྣན་ཏེ་ལོ་བརྒྱད་དྲི་ཆུ་ཅུང་ཟད་ཀྱིས་རླན་ཕབ་ནས་རྡོ་གཏུན་ཚ་མོར་མཐིང་ནག་ཏུ་མ་སོང་བར་འདུལ། དེ་སྟེང་བཙན་དུག་འབྲི་ཚིལ་༥༠ ཤིང་ཀུན༠་༣༠ སྙིང་ཞོབ་༥༠ རི་སྙིང་བ་༡༠ ཏེ་ལོའི་སྙིང་བ་༥༠ གཡག་རྒོད་སྙིང་བ་༡༠ ཡུངས་ཀར༠་༠ ཤུ་དག༠་༠༨ གླ་རྩི་༠༣ ཨ་རུ་རབ་༥༠ རུ་རྟ༠་༡༠ སྤོས་དཀར༠་༢༠ སྒང་ཐོགས་པ་ཞེས་འབྲས་བུ་དམར་ཞིབ་སྣུམ་བག་ཅནབ་༢༠ ཨར་ནགབ་༤༠ ཚེར་སྔོན༠་༣༠ གུལ་ནགབ་༡༠ ཀོ་བྱིབ་༢༠ ཁ་རུ་ཚུབ་༤༠ ཡུག་སའི་མངལ་ཁྲག༠་༠༣ ཙམ། སྔགས་པ་ནུས་ལྡན་དྲི་ཆེན༠་༡༠ བཅས་བཏབ་ཏེ་འདམ་བཏག་ཡུན་རིང་བྱས་མཐར་གྲི་ཁྲག་གི་ན་བཟའ་གསོལ་ཏེ་སྲོད་དུས་སུ་ཕུལ། ༈ ཁྱུང་སྟེང་གསང་སྨན་ནི་དཔའ་
བོ་གཡུལ་དུ་ཤི་བའི་གྲི་སྙིང་། སྦྱོར་ཚད་ཨ་རུ་༤༠ བཙན་དུག༠་༤༠ ཤུ་དག༠་༠༧ རུ་རྟ॰་༥༠ གླ་རྩི༠་༠༣ གྲི་སྙིང་བ་༨༠ ཛཱ་ཏི༠་༣༠ ལི་ཤི༠་༣༠ བཅས་བསྣན། ཡང་ན་ཛཱ་ཏི་ལི་ཤི་ཕྲི་ཏེ། ཤིང་ཀུན༠་༦༠ ཁ་རུ་ཚྭབ་༦༠ བསྣན་ཀྱང་རུང་། ༈ །སྙིང་ཞོའི་སྨན་མར་ཁ་ཚར་གསང་སྨན་གཉིས་ནི། ཡུག་སའི་མངལ་ཁྲག །ནལ་བུའི་ཤ །བྲེ་སྲང་སོགས་ཀྱི་ཚད་ནི། །སྲང་གཅིག་སྤར་གང་སྲང་གཉིས་འཁྱོར་ཕུལ་གང་དང་དོན་གཅིག བ་གང་། །སྲང་བཞི་སྙིམ་གང་སྲང་བརྒྱད་བྲེ་གང་ངོ་། །ཞེས་བཤད། ༈ །ཛཱ་ཏིའི་སྨན་མར་ལ། སྣ་མའི་འབྲས་བུ་ཛཱ་ཏི། ༈ །རྗེས་སུ་སེ་འབྲུབ་༡༠ ཤིང་ཚྭབ་༡༠ སུ་སྨེལབ་༡༠ པི་ལིང་བ་༣༠ གུརྒུམ་༡༠ དེ་སྟེང་ཛཱ་ཏི༠་༡༠ ཀ་ཀོ་ལབ་༡༠ སྒ་སྐྱབ་༤༠ སྦྱར་བའམ། ཡང་ན་གོང་སྟེང་ཛཱ་ཏི༠་༡༠ ཤིང་ཀུནབ་༡༠ ཁ་རུ་ཚྭབ་༡༠ སྒབ་༡༠ བསྣན་པ་སྐབས་སྦྱར་བཏང་། ༈ །སྲོག་འཛིན་བཅུ་གཅིག་གམ། སེམས་ཀྱི་བདེ་སྐྱིད་ལ་བསྣན་རྒྱུའི་གསང་སྨན་རི་བོང་སྙིང་། མེ་གསང་དངོས་བསྟན་དུ་མེད་པའི་རིགས་ཅུང་ཟད་བརྗོད་ན། སྨན་དཔྱད་ཟླ་བའི་རྒྱལ་པོ་ལས་འབྱུང་བ་རྒྱབ་ཀྱི་ཚིག་པ་དྲུག་བདུན་དང་པོ་རྣམས་ལ། ཚབ་ཆེན་ཁ་གསུམ་བསྲེགས་པ་ཞེས་གསུངས། ནུ་མའི་བར་ན་ཁ་གསུམ་དུ་བཏབ་པ་སྙིང་གསང་ཆེན་པོ་
སྟེ། སྙིང་འདར་བ་དང་། བཟའ་བཏུང་ཡིད་མི་འོང་བ་ལ་སོགས་ལ། དེ་ནས་ནུབ་ཏུ་ཚོན་གང་སར་བཏབ་པས་གཡས་གཡོན་གྱི་གཟེར་ཟུག་འཇོམས། མཚན་རྐུབ་པར་དུ་བཏབ་ན་དྲན་པ་མྱོས་པ་དང་། རོ་སྟོད་ལྕི་བ་སོགས་ལ་ཕན་ཞེས་སྣང་། ཡང་ཐུར་མ་འཕང་ཡུལ་གྱི་དམིགས་རྒྱུད་ལས། བྱེ་བྲག་སྙིང་ལ་གསང་ས་བཅུ་གཅིག་སྟེ། ཞེས་ནུ་ཏོག་ནས་གཞོལ་བའི་ནུ་མའི་སྟེང་ཚོན་གང་སར་སྙིང་སྲོག་འཛོམ་པའི་གསང་། དེ་བཞིན་དུ་ནུ་རྩེ་ནས་མཆན་ཁུང་ངོས་སུ་གཞལ་བར་སྲོག་རྩ་མྱོས་བྱེད་གསང་། ཐུར་དུ་གཞལ་བར་སྙིང་ཆུ་བཙག་པའི་གསང་། བྲང་ངོས་སུ་གཞལ་བ་སྙིང་ལོག་ཆུ་སེར་དང་རླུང་འཁྱིལ་པའི་གསང་སྟེ། ནུ་མའི་ཕྱོགས་བཞིར་ཕྱིར་མཚོན་གང་ལ་བསྲེག །ཞེས་སྨྲས་པ་དེའོ། །དེ་ནས་བྲང་ངོས་སུ་ཚོན་དོ་གཞལ་བ་གློ་སྙིང་འདོམས་གསང་། རྒྱབ་ཀྱི་ཚིག་པ་བདུན་པ་ཁ་གསུམ་ཡང་དེ་དང་འདྲ། དྲུག་པའི་ཁ་གསུམ་སྲོག་རྩའི་གསང་སྟེ། བྱ་རོག་མིག་ནས་ཕྱིར་ཚོན་གང་བཅལ་བ་རྩིབས་བར་གོང་མ་གོ་ཆེན། འོག་མ་གོ་ཆུང་། རྐེ་སྟོང་ཅ་ར་ཁུག་རྣམས་ཏེ་དེ་དག་སྐབས་བབ་དང་བསྟུན་པའི་མེ་བཙའ་གདབ་ཏུ་རུང་ངོ་། ༼།།ྃ།༽ །དེ་ལྟར་སྲོག་རླུང་གི་བཅོས་ཐབས་སྐོར་མདོར་བསྡུ་ན། ཐོག་མར་ཐང་སྦྱོར་ལན་འགའ་བཏང་རྗེས། དངོས་གཞིའི་སྨན། སེམས་ཀྱི་
བདེ་སྐྱིད་དང་། རླུང་གི་མདེ་ཐུང་ལས་བཤད་པའི་ཨར་བརྒྱད་ནུ་ཞོས་རིལ་བུ་དྲིལ་རྒྱུ་ཅན་དེ་དང་། བི་མ་མི་ཏྲའི་ལུགས་འདི་རྣམས་དང་། ཁྱད་པར་ཙིཏྟ་ཉེར་ལྔ་པ་ཚད་ལྡན་སྦྱར་བས་མཆོག་ཏུ་ཕན། གཞན་མའི་སྦྱོར་སྡེ་རྣམས་སྐབས་དང་བསྟུན། ཤིན་ཏུ་གཟེར་ཆེ་ན་འབྲང་རྩེ་ལྷ་སྲས་བེ་བུམ་ལས་འབྱུང་བའི་ཨ་གར་བརྒྱད་པ། ཨ་ག་རུ་དང་ཛཱ་ཏི་སྙིང་ཞོ་ཤ །རུ་རྟ་བསྣན་པས་རླུང་ཁྲག་སྤྱི་ལ་ཕན། །ཨ་བྱག་བསྣན་པའི་ལྔ་པས་གཟེར་ལ་ཕན། །ལི་ཤི་བསྣན་ལི་ཤི་དང་ཤ་ཆེན་ཡིན་པའི་བདུན་པས་རླུང་ལ་ཕན། །རི་བོང་སྙིང་བསྣན་བརྒྱད་པས་སྨྱོ་འབོག་སེལ། །ཞེས་པ་འདི་ལ་ཨ་བྱག་གཟེར་འཇོམས་ཐང་གིས་ཕུལ་བས་འཕྲལ་དུ་ཟུག་གཅོག །དཔྱད་དུ་སྤྱིར་མེ་བཙའ་ཁོ་ན་བསྔགས་ཏེ་ཁྲག་ཤས་ཤིན་ཏུ་ཆེ་ན་སྙིང་རྩའམ། རྩེ་ཆུང་རླངས་ཐོན་ཙམ་གཏར། སྙིང་ཞོ་གདོན་ཤས་ཆེ་ན་ཤ་དང་ཛཱ་རླུང་ཤས་ཆེ་ན་ཏིའི་སྨན་མར་སོགས་སྐབས་དང་སྦྱར་ནས་སྦྱོར། སྙིང་འཁྱོས་ལའང་གོང་གི་སྦྱོར་སྡེ་ནས་འབྱུང་བའི་ཙིཏྟ་ཉེར་ལྔ་པ་དང་། སེམས་ཀྱི་བདེ་སྐྱིད། འབྲང་རྩེའི་ཨར་བརྒྱད་རྣམས་ཀྱིས་ཤིན་ཏུ་ཕན་ནོ། །སྙིང་འཕྱོའི་བཅོས་སྐབས་འབྲས་གསུམ་ནི། ཨ་རུ་༣༠ བ་རུ༠་༣༠ སྐྱ་རུབ་༤༠ མ་ནུ་བཞི་ནི། མ་ནུ༠་༣༠ ཀཎྜ་ཀ་རིབ་༦༠ སླེ་ཏྲེས༠་༣༠ སྒ་སྐྱབ་༡༠ དེ་སྟེང་ཤ་ཆེན་
༤༠ ཀོ་བྱིབ་༣༠ ༈ ཨ་གར་བརྒྱད་པའི་གསང་སྨན་སྙིང་ཞོ་ཤ ༈ བཙན་དུག་སྨན་མར་སྦྱར་ཚུལ་ནི། རྒྱུད་ལས། བོང་ང་ཞོ་གཅིག་ཆང་དུ་སྦང་ལ་བཏགས། །ཨ་རུ་དྲུག་འགྱུར་ཕྱེ་མ་ཆུ་ལ་གདུ། །མང་བསྐོལ་བཟང་དྲུག་བུ་རམ་བཏབ་ཏེ་བཏང་། །ཐབས་དང་མི་ལྡན་ཚེ་ཡིས་ཐར་ཆད་འགྱུར། །ཞེས་གསུངས་པ་ཉིད་ལག་ཏུ་ལེན་ཚུལ། བཙན་དུག་འབྲི་ཚིལ་མ་སྲང་གང་ཁྲམ་ཁྲུམ་དུ་བརྡུངས་ནས་ཆང་བཟང་རང་ནུབ་ཙམ་ལ་ཞག་གཅིག་སྤངས་ནས་བཙན་དུག་ཆང་དང་བཅས་ལེགས་པར་བཏགས། ཨ་རུ་ཞོ་དྲུག་གསུངས་ཀྱང་ཞོ་བརྒྱད་ཀྱི་ཕྱེ་མ་གཉིས་བསྲེས་ལ་རྒྱ་སྣག་གི་མདོག་མ་ཐོན་གྱི་བར་དུ་འདམ་བཏགས་བྱ། གར་སླ་ཞོ་ཟན་ཙམ་དུ་སོང་ཚེ་ཆུ་བྲེ་དོ་རུ་གདུས་ནས་བྲེ་གང་བར་དུ་བསྐོལ། དེ་ནས་མཁྲིས་ཤས་ཆེ་ན་མཛོ་མོ། གྲང་ཤས་ཆེ་ན་འབྲི་འོ་བྲེ་དོ་བླུགས། དེ་ཉིད་བྲེ་གང་དུ་གདུས་ཚེ་ཞུན་མར་བྲེ་གང་བཏབ། ཆུ་ཆོད་ཚེ་སྙིགས་མ་དོར་ནས་དྭངས་མའི་ནང་དུ་བཟང་དྲུག་ཨ་གར་ནག་པོ་སོགས་ཀྱི་ཕྱེ་མ་ཁ་ཚར་བཏབ། ཐོ་རངས་དུས་སུ་ཨ་རུ་ར་ཙམ་བཟའ་ཞིང་། །སྲིད་ན་དེ་ལས་ཆ་ཅུང་ཟད་རེ་ཕྲིའོ། ༼།།ྃ།༽ །ཁྲག་རླུང་སྟོད་འཚང་གི་བཅོས་ཚུལ་ངོ་མཚར་སྲོག་སྟེར་སྐབས་སུ། དྲང་སྲོང་ཨར་བརྒྱད་སྟེང་བསྣན་རྒྱུའི་གཟེར་སྨན་མིང་ཅན་སེར་པོར་གྲགས་པ་དེའོ། །
ཨ་གར་སོ་ལྔའི་སྐབས། ཨ་གར་རིགས་གསུམ་ནི། ཨ་གར་ནག་པོ་འཇང་སོགས་ནས་ཡོང་བ། ལྷོ་མོན་ཕྱོགས་ནས་འོང་བའི་ཨར་སྐྱ་དང་། དེའི་མཆོག་འབའ་ཞིག་ཏེ་གཉིས་ཀ་དཀར་སོབ་ཅན། སྟོད་ནས་ཡོང་བའི་ཨ་གར་སེར་པོའམ་གོ་སྙོད་མར་གྲགས་པ་སྟེ། དེ་ཡང་། ཨར་ནགབ་༤༠ གོ་སྙོད་མ°་༢༠ ཨར་སྐྱབ་༤༠ ཛཱ་ཏི་༡༠ ལི་ཤི༠་༡༠ ཅུ་གང་བ་༥༠ གུརྒུམ་༢༠ སུག་སྨེལ༠་༣༠ ཀ་ཀོ་ལ༠་༣༠ སྟེ་བཟང་པོ་དྲུག ཨབ་༢༠ བར༠་༣༠ སྐྱུར༠་༤༠ སྟེ་འབྲས་བུ་གསུམ། ཙན་དན་དཀར་པོབ་༢༠ དམར་པོབ་༤༠ སྟེ་ཙནྡན་གཉིས། མ་ནུབ་༦༠ སླེ་ཏྲེས་༡༠ ཀཎྜ་ཀ་རི་༣༠ བ་ཤ་ཀཋ་༢༠ ཏིག་༢༠ གུ་གུལ་དཀར་པོ་སྤོས་དཀར༠་༣༠ གུལ་ནག༠་༣༠ གླ་རྩིབ་༡༠ ཀོ་བྱི༠་༣༠ ཤ་ཆེན༠་༡༠ འཛིམ་པ་༥༠ ཚེར་སྔོནབ་༤༠ སྙིང་ཞོབ་༣༠ གེ་སར༠་༢༠ རུ་རྟ༠་༢༠ ཧོང་ལེན་༢༠ ཨ་བྱག་གུརྒུམ”་༤༠ ཨ་བྱག་གཟེར་འཇོམས་སམ་མིང་ཅན་སེར་པོབ་༤༥ མིང་ཅན་གཅིག་ནག་པོ་༤༠ སེ་འབྲུབ་༢༠ སྲོ་ལོབ་༣༠ བཅས་སོ། ༈ །མ་ཎི་བདུན་པ་ནི་ནོར་བུ་བདུན་ཐང་སྟེ་གསང་སྨན་ཀོ་བྱི་ལ་ཡིན། བདུད་རྩི་སྙམ་ལྡན་ནི་སྐྱུ་རུ་ར། །གེ་སར་ཉེར་ལྔའི་མིང་ཅན་རྣམ་གཉིས་ནི། མིང་ཅན་ནག་པོ་དང་སེར་པོའོ།
ཨ་བྱག་གསུམ་པའི་གསང་སྨན་ཀོ་བྱི་སྤུ་ལྡན། ༈ རྡོ་རྗེ་རབ་འཇོམས་སྐབས། རུས་ཞུན་ཁཎྜ་རྒྱུ་ནི། རབ་བྱང་འབྲོང་། འབྲིང་ཡུལ་འབྲོང་། ཐ་མ་རུས་རྙིང་དྲོད་ཅན་གང་འབྱོར་རོ། །འཁྲུལ་འཁོར་གྱིས་བཅོས་བ་འདི་ཉམས་ཡིག་སོགས་ལས་བྱུང་ངོ་། ༈ ཁཎྜ་བཟོ་ཐབས་ཀྱི་ལག་ལེན་ཞིབ་པ་ནི། རུ་རྟའི་རྩ་ལོའི་མཚམས་སུ་ཡོད་པའི་ས་ལ་ཞེས་པ་སྤོས་སྦྱོར་དུ་འགྲོ་བ་དེ་ཡི་གཙོས་པའི་ཤུག་པ་དང་། ཐང་མ་སོགས་ནགས་མིའི་རིགས་ཀྱི་ཤེལ་ཏ་སྟེ་ཐང་ཆུ་གང་འབྱོར། རུས་སྣ་ཡོངས་རྫོགས་ཀྱི་ཁུ་བ་སོ་སོར་བཞུར་ནས་ཆ་མཉམ་གྱི་ཁཎྜར་བཟོ། ཞོ་གར་ཙམ་དུ་སོང་དུས་བླངས། དེ་ནས་ཇ་ཤོག་ལྟ་བུར་བཅུག དགོས་དུས་གཟེར་མིག་དང་འབྲུམ་ཐོར་སོགས་ལ་སྲབ་མཐུག་ཤོག་བུ་ཙམ་པ་ཤོག་མཐུག་ལ་སྦྱར་ནས་མེ་ལ་བསྲོས་ནས་བསླན། ཚབ་ཆུང་གི་རླུང་གཟེར་སོགས་མྱུར་དུ་འདྲེན། ༈ ཅར་ཁུག་མཆན་ཁུང་སྟེ། དེར་སྐར་མ་མ་ཡལ་བའི་ཆུ་མདའ་དང་། གཟེར་སྟེང་རྨོས་ལྕགས་བྱང་མ་ཆུ་ལ་བཅུག་སྟེ་བསླན། གཞན་ཡང་མནན་པ་དང་འབེབས་པ་སོགས་ཀྱི་མན་ངག་མང་དུ་ཡོད་ཀྱང་འདིར་དེ་ཙམ་མོ། ༈ །དེ་ལྟར་ཁྲག་རླུང་སྟོད་འཚང་གི་ནད་གཞི་ཀུན་ལ། སྤྱི་སྨན་གེ་སར་ཉེར་ལྔ་དང་། ཨ་གར་སོ་ལྔ། ཁྲག་རླུང་སོགས་ཤས་གང་ཆེ་ན་ཨ་གར་སྦྱོར་བ་གཞུང་ནས་
འབྱུང་བ་དང་། ཤིན་ཏུ་གཟེར་ཆེ་ན་རྒོད་པོ་རབ་འཇོམས་དང་། ཨ་བྱག་གསུམ་པ་ཁོང་དུ་བཏང་ཅིང་བདུག །དེས་ཀྱང་མ་ཚུག་ན་མེ་བུམ་བྱ། ཤིན་ཏུ་ཁྲག་ཤས་ཆེ་ན་རྩེ་ཆུང་ངམ་ཐོང་རྩ་གཏར་ཏེ། གཞན་ཡང་སྲོག་རླུང་སྐབས་སུ་ཡོད་པའི་སྦྱོར་སྡེ་ཀོ་བྱི་བདུན་པ་དང་བཅོ་ལྔ། ཨ་གར་ཉི་ཤུས་ཀྱང་ཕན་ནོ། །།ྃ། རྩ་དཀར་གྱི་བཅོས་ཚུལ་ཕན་བདེའི་ཕྲེང་བའི་སྐབས་སུ། ནོར་བུ་བསམ་འཕེལ་སྦྱོར་ཚད། ཅུ༠་༠༢ གུར༠་༡༠ ལིབ་༠༧ ཛཱབ་༠༢ སུག༠་༠༧ ཀོཏ་༣༢ ཙནྡན་དཀར༠་༠༦ དམར་བ་༠༤ ཨར་ནག༠་༠༦ གི་ཝཾབ་༡༠ གླ་རྩི༠་༠༦ ཉ་ཕྱིས༠་༢༠ བསྲེ་རུབ་༡༡ ཨ༠་༠༧ བར༠་༠༧ སྐྱུར༠༡༠ སྒ༠་༠༥ པི༠་༠༧ ཟི་ར་དཀར༠་༥ ཟི་ར་ནག༠་༠༧ སྟེ་ཟི་ར་གཉིས། རྒྱ་ཚྭ་༠༨ སྡིག་སྲིན༠་༠༧ ཤིང་མངར༠་༣༠ ཤིང་ཚྭ་༠༥ འབྲི་རྟ་ས་འཛིན༠་༠༨ ཉི་དགའ་སྟེ་ལྕམ་འབྲསབ་༠༧ རྣམས་སོ། ༈ །བསམ་འཕེལ་རཏྣའི་སྦྱོར་བའི་སྐབས་སུ། གསེར་ཟངས་སོགས་ཐལ་བ་བྱ། གཡུ་རྙིང་བྱེ་རུ་ཉ་ཕྱིས་རྣམས་དུག་འདོན། སྦལ་རྒྱབ་དཀར་སྨུག་བཞི་ནི། དཀར་པོ་འབྲུམ་པ་ཡོད་པ་ཕོ་དང་མེད་པ་མོ། དེ་བཞིན་ནག་པོ་ལའང་གཉིས་སུ་དབྱེ་བ་ཟུར་མཁར་དང་། ཀུན་མཁྱེན་བསྟན་པའི་ཉིན་བྱེད་སོགས་ཀྱིས་བཞེད་ཅིང་། སྦྱར་ཚུལ་
གྱི་རིམ་པ་ཞིབ་མོར་རྟོགས་པར་འདོད་ན་རིན་ཆེན་གྱི་སྦྱོར་བ་སྤྱི་དང་བྱེ་བྲག་གི་སྐབས་སུ་ཤེས་པར་བྱ་བ་ལས་འདིར་སྨོས་ཀྱིས་མི་ལོང་ངོ་། ༈ །ཁྱུང་ཆེན་ཉེར་གཅིག་གི་སྐབས་སུ། ཆུ་སེར་སྨན་གསུམ་ནི། སྤོས་དཀར། ཐལ་རྡོར། སོ་རཱ། ༈ །གསེར་མདོག་ཉེར་ལྔའི་སྦྱོར་ཚད། ཨ་རུབ་༥༠ ཛཱ°་༠༧ སུག༠་༡༠ ཀོབ་༣༠ ཅུ་༡༠ གུར༠་༠༧ ལི༠་༠༧ ཉ་ཕྱིས॰་༢༠ ཚོསབ་༡༠ བཙོད༠་༢༠ འབྲི་མོག་༡༠ སྟེ་དམར་པོ་གསུམ། མཁལ་ཞོབ་༢༠ ཨ་འབྲསབ་༡༠ སྲ་འབྲསབ་༡༠ འཇམ་འབྲསབ་༡༠ སྟེ་འབྲས་སྣ་གསུམ། བསྲེ་རུ་༡༣ ཤིང་ཚྭབ་༡༠ ཤུག་ཚེར་༣༠ ཨརྫ་ཀ་ཏེ་ལྕམ་འབྲསབ་༢༠ རུ་རྟབ་༡༠ ཟི་ར་དཀར་པོབ་༡༠ བྲག་ཞུན༠་༡༥ སྡིག་སྲིན༠་༠༧ ཤིང་མངར༠་༣༠ རྣམས་སོ། ༈ །འབྲས་གསུམ་སྨན་མར་ཚད་ནི། ཨ་རུ༡་༠༠ བ་རུ॰༠ ༧ སྐྱུ་རུབ་༢། ༈ །ལུམས་སྐབས་བདུད་རྩི་རྣམ་ལྔ་ནི། ཇི་སྐད་དུ། བ་ལུས་པགས་པ་མཉེན་པར་བྱེད། །འོམ་བུས་རུས་པའི་དུག་རྣམས་འདོན། །མཚེ་ཡིས་ལུས་བོང་བརྟས་པར་བྱེད། །མཁན་སྐྱེས་ལུས་ཀྱི་འབྱུང་བ་འདུལ། །ཤུག་པ་ཡོན་ཏན་བརྒྱད་དང་ལྡན། །ཞེས་སོ། །རྩ་བ་ལྔ་ནི། བ་སྤུ་གཟེ་མ་ར་མཉེ་དང་། །ཉེ་ཤིང་ལྟ་བ་རྣམ་པ་ལྔས། །ཚེ་བསྲིང་ལུས་བརྟས་བཅུད་ལེན་བྱེད། །
ཞེས་སོ། །གླ་རིལ་པོའི་རིལ་མ་དྲི་ལྡན་དགོས། འདི་ཡི་ལག་ཏུ་ལེན་ཚུལ་རླངས་ལུམས་ནི་དེ་དག་བཀོལ་ཏེ་རླངས་པའི་ཁར་ཉལ་བ་དང་། ཆུ་ལུམས་ནི་དེར་ཞུགས་པ་དང་། བཅིངས་ལུམས་ནི་ཁུག་མ་ལྟ་བུའི་སྣོད་དུ་བླུགས་ནས་ནད་དམིགས་སུ་བཅིངས་པ་སྟེ་ཞིབ་པར་མཐོང་བརྒྱུད་ལས་ཤེས་པར་གཅེས་སོ། ༈ །བྱུག་པའི་སྐབས་སུ་དེ་བ་ད་རུ་ནི་རྒྱ་ཤུག་སྣུམ་བག་ཅན། ༈ རྡོ་སྦྱོར་ལ། གངས་ཐིག༠་༣༠ སྦལ་རྒྱབ༠་༢༠ མདུང་རྩེབ་༢༠ བྱིའུ་མགོ་༢༠ ཁབ་ལེན༠་༢༠ རྡོ་རྒྱུས་བྱ་བལ་མ॰་༢༠ མཐིང་རྒྱུསབ་༢༠ སྟེ་རྡོ་རྒྱུས་གཉིས་དང་། བ་ནུ॰་༢༠ ཁ་ཚར་ཆུ་སེར་སྨན་གསུམཁ་༡༠ རེ། རུ་རྟབ་༡༠ ཛཱ་ཏིབ་༡༠ ལི་ཤི་ཞོ་གང་རྣམས་སྦྱར་རོ། ༈ །མེ་དམིགས་ལ། ཕྱི་མཆན་གཉེར་རིངས་སུ་བཏབ་པ་སྟོད་ཀྱི་ལག་པ་བཤལ་བ་ལ་ཕན། ཕྱི་ལོང་ནས་ཡར་ལ་ཚོན་གང་བཅལ་བར་བཏབ་ནས་པུས་མོ་མན་ཆད་སྦྲིད་པ་ལ་ཕན། ཐུར་དུ་དེ་བཞིན་རྐང་ནད་རིགས་ཕལ་ཆེར་ལ་ཕན་ཚུལ་སོགས་མཆིས་རུང་། འོན་ཀྱང་རྩ་དཀར་གྱི་དམིགས་ནི་གཞུང་ལས་མ་ཚོར་མ་འཐུས་པ་ཆེར་མེད་དོ། ༈ །ནད་དམིགས་གང་ཡོད་ཕལ་ཆེར་གྱིས་འབྲོས་འདེད་ཚུལ་དུ་བསྲེགས་ན་ལེགས་པར་བཞེད་པ་ཡང་ཡོད། ༈ །སྔགས་བཅོས་སྐབས་མདའ་འཕང་གོ་ལྡོག་ཞེས།
ཕོའི་འཕང་། མོའི་མདའ་མནན། ༈ རྩ་སྦྱོངས་སྐབས། དངུལ་ཆུ། མུ་ཟི། བྱང་བ། རྒྱ་ཚྭ་བཞི་ཆ་མཉམ། གཞན་རྣམས་ཕྱེད་ཆ་རེ། དུར་བྱིད་ཉུང་ངུ་ལས་མི་བཏང་། ཤིང་མངར་དང་ཉ་ཕྱིས་ཅུང་ཟད་བསྐྱེད། ལག་ཏུ་ལེན་ཚུལ་ནི། ཀུན་མཁྱེན་བསྟན་པའི་ཉིན་བྱེད་ཀྱི་ཕྱག་བཞེས་ལྟར་ན། ཐོག་མར་རྩ་ཁུ་བྱུག་འཁྲུལ་མེད་དེ་ཀོ་ཐའི་ཐང་ཞག་གསུམ་བཏང་། དེ་ནས་གཟའ་སྐར་ལེགས་ཉིན་གཡེར་མ་དང་ཉི་དགའི་འདབ་ཚོད་ཚྭ་ཅུང་ཟད་ཡོད་པ་ཕོར་ཆུང་གང་ཙམ་བཏང་། ཉི་ནུབ་ནོར་ཕྱུག་གང་བྱུང་གི་སེ་བ་རུས་དང་། དེ་ཡི་རུས་པ་གོང་འོག་གོང་མོ་སྲེ་ལོང་ལྕམ་པ་བཅས་གདུས་ཐང་ཚྭ་ཅུང་ཟད་ལྡན་པ་བཏང་། མུན་རུག་སྣ་སེལ་གྱི་ཐང་བཏང་། དེ་ཡི་ནམ་གུང་སྨན་རིལ་བུ་བདུན་དགུ་བཅུ་བདུན་སོགས་ནད་སྟོབས་དང་སྦྱར་ལ་བཏང་། སྔས་མཐོར་བྱས་ནས་གཉིད་ལོག །ལྟོ་བ་སྙི་ན་ནམ་ལངས་དང་། སྲ་ན་ཉི་ཤར་ཐེབས། དེ་དུས་རྒྱུ་ཞབས་སོགས་ཟུག་ཆེ་ན་རྡེའུ་ཆང་བྲན་བསྲོས་པས་བདུག་འགྱིངས་ན་རྒྱམ་ཚྭ་བོང་དཀར་གྱི་ཐང་བཏང་། བྱང་བའི་དུག་ཆེ་ན་ཐང་ཕྲམ་ནག་པོའི་འབྲུ་བཞི་ཙམ་དང་། ཤིང་མངར་མཐེབ་ཙམ་གྱི་ཐང་བཏང་། ཐེབས་ན་རྒྱབ་སྐྱོར་རིལ་བུ་མང་ཉུང་ལུས་ཟུང་དང་ནད་སྟོབས་ལ་དཔགས་ཏེ་བཏང་། རྩ་བཤལ་ལ་ལྕགས་ཁོ་ན་གཙོ་ཆེ་བས། སྲེ་
ལོང་ཐང་དང་ཇ་ཆུ་སོགས་སྐབས་བསྟུན་སྤེལ། རྗེས་སུ་ཐུག་པ་སྣུམ་ལྡན་ཕོར་གང་ཙམ་བཏུང་། གཞན་ཡང་བྱང་བའི་དུག་འདོན་སྐོར་བར་གཤོག་མི་དབྱུངས། ཤིང་མངར་པི་ལིང་ནས་ཙམ་དེ་ཆང་དྲི་ཆུ་དཀར་ཡོལ་གང་གི་ནང་དུ་ཞག་གཅིག་སྦངས་རྗེས་ཡོས་ཚན་དུ་གདུལ། ༈ །དེ་ལྟར་རྩ་དཀར་བཅོས་ཚུལ་མདོར་བསྡུ་ན། སྤྱི་སྨན་བསམ་འཕེལ་ནོར་བུ་དང་། བསམ་འཕེལ་རཏྣ། བྱ་ཁྱུང་བཅུ་གསུམ་རྣམས་ཤིན་ཏུ་ཟབ། བྱེ་བྲག་མགོར་བབས་ཁྱུང་ཆེན་ཉེར་ལྔ། ཡན་ལག་ལ་ད་ལིས་བཅོ་བརྒྱད། མཁལ་བབ་གསེར་མདོག་ཉེར་ལྔ། ཁྲག་རླུང་དང་སྟོད་འཚངས་ན་ཨ་གར་ཉི་ཤུ་རྣམས་ཟབ་ཅིང་གཞན་རྣམས་སྐབས་དང་བསྟུན། དཔྱད་དུ་ལུམས་དང་མེ་བཙའ་གཉིས་ཀྱིས་ཕན་ཆེ། རེངས་འཁུམ་ཆེ་ན་རྡོ་སྦྱོར་གྱི་བྱུགས་པ་འདི་མཆོག་ཏུ་བཤད། མེ་བཙའ་བསྲེག་དུས་ཅུང་མ་བསྔས་ན་བཟང་ཞེས་གསུངས། ཁྲག་ཤས་ཆེ་ན་མགོ་བོར་ལྟག་རལ་དང་། ལག་པར་དྲུག་མགོ །རྐང་པར་བྱིན་གཞུག་རྣམས་རླངས་ཐོན་ཙམ་གཏར་རོ། །༈།༽ །འབྱུང་གདོན་གྱི་བཅོས་ཚུལ་རྡོ་རྗེའི་ཟེག་མའི་སྐབས་སུ། རྫས་སྦྱོར་ཁྲག་སྣ་གསུམ་ནི། མི་ཁྱི་ར་གསུམ་ཁྲག ཤ་གསུམ་ནི་འཕར་སྤྱང་གླག་གསུམ། རྭ་གཉིས་ནི་གཡག་རྒོད་དང་རྩོད་རུ་བཅས་སོ། ༈ །འཁོར་ལོའི་རྫས་རྡོ་རྗེ་
གསུམ་ནི། ཐལ་དཀར་རྡོ་རྗེ། ཀླུ་བདུད་རྡོ་རྗེ། ཡུངས་ཀར་གསུམ་དུ་བཞེད། འགའ་ཞིག་གི་ཡུངས་ཀར་ཚབ་ཏུ་གཟའ་བདུད་རྡོ་རྗེར་བཞེད་པ་ཡང་ཡོད། འདི་ཨོ་རྒྱན་རིན་པོ་ཆེའི་སྨན་དཔྱད་ལས་བྱུང་། ༈ །བདུག་པའི་སྐབས་སུ། བྱཱ་ཀཱི་ནི་ཀཎྜ་ཀ་རི། ཡང་བྱི་ཀུ་ནི་སྒྲོག་པ། མུ་ཟི་ཀཱ་ལ་ནི་ནག་པོ། ལྷོག་དུག་ལྡུམ་སྟག་ཤའོ། །དྲི་ལྡན་གཉིས་ནི་ཤིང་ཀུན་གུལ་ནག་གོ །རྫས་ཆེན་བཅོ་བརྒྱད་ལ་བྲུན་གཉིས་ནི། སྤྱང་བྲུན་ཁྱི་བྲུན་གཉིས། གཞོབ་གཉིས་ནི་རྟ་རྨིག་དང་རྭ་གཞོབ་བོ། །ནག་པོ་གསུམ་ནི་མུ་ཟི་ནག་པོ། གུལ་ནག །མཚུར་ནག ༈ མཆོག་ཏུ་ཟབ་པ་ཁྱུང་ཆེན་སོ་ལྔའི་སྐབས་སུ། པཉྩཔཀྴི་ནི་ཁྱུང་ལྔ་སྟེ། ཚད་གོང་དུ་བཤད་པ་ལྟར་མཉམ་སྦྱོར་ཁྱུང་རྒོད་དྲག་པོ་སྟེ་སྲོག་རླུང་གི་སྐབས་སུ་ཡོད། དང་། བཟང་པོ་དྲུག་ནི་གཞན་རྣམསབ་༡༠རེ། ལི་ཤིབ་༢༠ ནཱ་ག་གེ་སར་༡༥ ཁ་རུ་ཚྭབ་༡༠ ཨར་ནགབ་༡༥ ཡུངས་ཀར༠་༡༠ ཟི་ར་དཀར༠་༡༠ ནགབ་༢༠ ཤ་ནི་སྦལ་ནག་སྦྲུལ་པུ་ཤུད་རྣམས་ཀྱི་ཤབ་༡༠ ཡུག་སའི་མངལ་ཁྲག །ནུས་ལྡན་གྱི་སྲིན་ལག་ཁྲག །ཁྱི་ནག་སྙིང་དཀར་གྱི་ཁྲག་བཅསབ་༠༥ དཔའ་བོ་གཡུལ་དུ་ཤི་བའི་སྙིང་། རྨ་བྱའི་སྙིང་། སྤྲེའུའི་སྙིང་བཅས་༡༠རེ། དྲི་ལྡན་མུ་ཟི་ནག་པོ॰་༢༠ ལྡོང་རོས་༢༠ ནུས་ལྡན་རྣམ་སྣང་བ་༡༠ དམར་པོ་གསུམ་
ནི། རྒྱ་སྐྱེགསབ་༡༠ མཁན་དམར་རྩ་བབ་༡༠ བཙན་འདིས་དོད་རྣམས་སུ་མེ་ཏོག་དམར་པོ་འབྱུང་ཞིང་བཅད་ཁ་ནས་ཁྲག་འབབས་པ་ཞིག་ཡོད། དུག་དམར་པོབ་༡༠ བཅས་སོ། །གསང་སྨན་ཁ་བསྒྱུར་ཐ་དད་ནི། རྒྱལ་གདོན་ལ་གུ་གུལ་ནག་པོ་བཙན་ལ་ཤུ་དག་ནག་པོ། གཟའ་ལ་ཙིཏྟ་གཉིས་ཁྲའམ་པུ་ཤུད་དང་པྲི་ཡང་ཀུ་བཅས། སྤྱི་ལ་མིང་ཅན་ནག་པོ་༡་༠༠ དང་ཡུག་སའི་དོར་རྟའི་གཞོབ་སྐྱེ་བདུན་ཤ་རྣམས་ཅུང་ཟད་བཏང་། དང་པོ་ཁྱུང་ལྔ་སྦྱོར་ཚུལ་བཞིན་དུ་འདམ་བཏགས་བྱས། དེ་སྟེང་གཞན་རྣམས་གདབ་ཏེ་རིལ་བུར་དྲིལ། མངལ་ཁྲག་དང་གྲི་ཁྲག་གང་བྱུང་གིས་གོས་གསོལ། རླུང་མི་འཆོར་བའི་པར་བུར་བཅངས། ཕྱི་ནས་ཚིལ་ཆེན་སྦྱར་ལ་བྱུག་ཅིང་བདུག །ཁོང་དུ་དྲི་ཆུས་ཕུལ། ཡང་ན་གོང་གི་དམིགས་གསལ་གྱི་གསང་སྨན་ཁ་བསྒྱུར་རྣམས་ཀྱི་ཐང་གིས་ཕུལ་ཀྱང་རུང་ངོ་། །ཤིན་ཏུ་ཟབ་བོ། །སྤྱི། ༈ ཁུས་འདེབས་སྨན་མར་དུ། ཚ་བ་གསུམ་ནི་སྒ་པི་ཕོ་གསུམ། གཅིན་དྲུག་ནི། བ་གླང་རྟ་བོང་ར་ལུག་གི་འོ། །བདུག་པར་རྨ་བྱའི་ཁྲག་ཞེས་ཟེར་བ་དེ་མ་རྙེད་ན་ཤའམ་སྒྲོ་གང་བྱུང་གི་ཆོག །ཚིལ་གཉིས་ནི་སྟག་དང་གྲི་ཚིལ་ལོ། ༈ །ཟ་ཡིག་སྐབས་སུ། ཐ་དད་རྫས་ཀྱི་ཞེས། རྒྱུན་དུ་བསྲུང་བཟློག་དང་ཚེ་བསྲིངས་སོགས་ལ་བདུད་རྩི་ཆོས་སྨན། གཞན་དུ་གཟའ་ལ་སྤོས་
དཀར། ལ་ཆ། རྒྱལ་པོ་ལ་གུལ་ནག །ཀླུ་ལ་གླ་ནག་གི་རྩི། བཙན་ལ་ཤུ་དག་ནག་པོ། གཉན་ལ་ཁྱུང་ལྔ། དུག་ལ་རྨ་བྱའི་མདོངས་ཐིག །ཡམས་ལ་སྤྲུ་ནག་སོགས་བྱུག །མ་འཛོམ་ཡང་ཆོག་པར་གསུངས། ཡེ་ཤེས་སེམས་དཔའ་གུ་རུ་ཞི་དྲག་སྐབས་སུ་གང་བབ་བཞིན་སྒོམ་ལ་སྤྱན་དྲངས་ཅིང་བསྟིམས་སམ། དེའི་བསྙེན་པ་དང་རང་བསྔགས་བརྒྱ་རྩས་རབ་གནས་བྱའོ། །དུས་ནི་སྲུང་བ་ལ་ཉི་ཤར། གཞན་སྲོད་དོ། །ཟ་དུས་ཚེ་བསྙེན་ནམ་སྙིང་པོ་བཟླས། ༈ །གཞན་ཀུན་ལ་ལྷ་བསྐྱེད་སྔགས་བཟླས་ཞེས། རྒྱལ་འགོང་ལ་གུ་རུ་དྲག་པོ། བཙན་ལ་རྟ་མགྲིན། གྲེ་བོར་ཡཀྵ་མེ་དབལ་སོགས་རང་རང་གི་གཉེན་པོའོ། ༈ །གདོན་བཤལ་དྲག་པོའི་སྐབས་སུ་ཁྲག་སྣ་ལྔ་ནི། གྲི་མངལ་རྟ་ཁྱི་ཕག་ནག་རྣམས་ཀྱི་ཁྲག་གོ །གཞོབ་ལྔ་ནི་གཡག་རྒོད་རྭ། རྟ་གསེབ་རྨིག་པ། ར་ལུག་གླང་ཐུག་གསུམ། ཡུག་སའི་དོར་རྟའི་གཞོབ་བོ། །རྨོང་ཁའི་སྦེ་གསུམ་ནི། ར་ལུག་གླང་ཐུག་གིའོ། །རབ་གནས་སྔགས་ནི་ཡི་དམ་གང་ཤེས་ཀྱི་སྒོམ་བཟླས་ལས་སྦྱོར་བཅས་པ་བྱ། ༈ །བརྗེད་བྱེད་སྐབས། ཙིཏྟ་རྣམ་གཉིས་ནི་ཁྲའམ་པུ་ཤུད་ཀྱི་སྙིང་སྐམ་པོ་དང་། གསང་སྨན་མཆོག་ནི་ཏི་ཏིའི་སྒོང་ང་། ༈ །འགོ་གྲིབ་གསོ་སྐབས། གསང་སྨན་ནི་ཆུ་ཤེལ་འཁྲུལ་མེད་ཉིད་ཡིན། སྤོས་གཉིས་ནི་
སྔོ་རྒྱ་སྤོས་དང་སྤང་སྤོས་གཉིས་ཀྱི་རྩ་བ། ༈ །བྱད་སྲུང་སྐབས། སྔགས་ཀྱི་ངར་བཏགས་ཞེས་པ་སེང་གདོང་མའི་རྩ་སྔགས་འབྲུ་བཅུ་བཞི་པ་བཟླས། ཁྱད་པར་གྲི་ལྕགས་གི་སོར་གདུབ་ལོ། ཟླ་ཟད་དུས་ཉེར་དགུའི་ཉིན་པར་བརྡུངས། དེ་ལ་གྲི་ཁྲག །བོང་ང་ནག་པོ་གྲི་སྙིང་། ཤུ་དག །གཙང་མའི་མངལ་ཁྲག །གུ་གུལ་ནག་པོ་རྣམས་ཀྱི་ཁུ་བར་ཡང་བཟློག་གི་སྔགས་བཏབ་པས་ངར་ལན་གསུམ་བླུད། དེ་ནས་ལྷ་སྔགས་ཀྱི་ཏིང་ངེ་འཛིན་དང་ལྡན་པས་སྲིན་ཕོ་གཡས་མོ་གཡོན་ལག་ཏུ་བཅིངས། ལོ་དུས་སུ་རབ་གནས་བསྐྱར། བྱད་སྟེམས་སོགས་ལ་ཉམ་ང་མེད་པའི་གདེང་དང་ལྡན་པར་བྱ། ཤིན་ཏུ་གལ་ཆེ་ན་ནང་རེ་བཞིན་སྔགས་ཀྱི་ངར་བཏགས། མཆོག་ཏུ་ཟབ། ལྕི། ༈ །མིར་ཁའི་སྐབས། གཏི་མུག་འཁོར་ལོ་ནི་ཕག་གི་སྣ། དེའི་བདུད་རྩི་ནི་བྲུན། ཝ་ར་སྐད་ཆེན་ནི་བོང་བུའོ། །དེ་སྟེང་མུ་ཟི་ནག་པོ་ཐུན་གཅིག་བསྣན་ཏེ་སྣ་ནས་བླུག་གོ །ཡང་བྷ་ཏྲི་ཞེས་པའི་སྲིན་བུ་ཀླད་དཀྱིལ་ནས་མགུལ་བས་བརྒྱལ་བ་ལ་གཤའ་དཀར་གྱི་དྭངས་མའམ་འབྲས་གསུམ་གང་རུང་གི་ཕྱེ་མ་བོང་བུའི་ཆུ་ཡིས་སྣ་ནས་བཏང་ན་ཕན་ཚུལ་འདུག ༈ །འབྱུང་གདོན་གྱི་སྨན་བཅོས་སྐོར་ལ། ཕྱི་ནས་བྱུག་བདུག་ནི་རྫས་ཆེན་བཅོ་བརྒྱད་དང་། ཁོང་སྨན་ཁྱུང་ཆེན་མང་སྦྱོར་གཉིས་ཤིན་ཏུ་ཟབ།
རླུང་ཤས་ཆེ་ན་ཨ་གར་སྦྱོར་བ་དང་། གྲིབ་གདོན་རྩ་དཀར་ཤས་ཆེ་ན་བསམ་འཕེལ་རཏྣ་ཟབ། ༈ །བྱུག་བདུག་གི་རྫས་ངན་འགྲོ་རིགས་ལ། ཤུག་པ། རྡོ་དྲེག་དམར་པོ། མཁན་སྐྱ་བཅས་བསྲེས་ན་ལྷ་སྲུང་ལ་མི་ཕོག་པར་བཞེད་དོ། །གཞན་ཡང་དྲང་སྲོང་གི་ནད་ལ་ཐོག་མར་སྤོས་དཀར་གྱི་ཐང་བཏང་བས་བཙོན་དུ་འཛིན། དེ་རྗེས་བསམ་འཕེལ་ནོར་བུའི་སྟེང་ཙིཏྟ་གཉིས་དང་ཁྲག་བཅས་བསྣན་པ་བཏང་། ཀླུ་གདོན་ལ་ཕྱག་རྡོར་རིལ་བུ་ཚད་ལྡན་སྦྱར་བ་དེ་ཤིན་ཏུ་ཟབ་བོ། །འོན་ཀྱང་དེ་དག་གི་བཅོས་ཚུལ་སོགས་ནི་འོལ་སྤྱི་ཙམ་ཏེ་ཞིབ་པར་གཞན་དུ་ཤེས་པར་བྱ་བ་ལས་འདིར་སྨོས་པའི་སྐབས་སུ་མ་བབ་བོ། །དེ་ལྟར་ཟབ་མོའི་མན་ངག་ཨུཏྤ་ལ། སྔོན་བྱོན་མཁྱེན་སྤྱོད་ཉི་གཞོན་དཔྱིད་དཔལ་གྱིས། །རྣམ་པར་ཕྱེ་བ་གང་དེར་ལེགས་བཏུས་ཏེ། །དཔྱོད་ལྡན་སྙིང་གི་ཐིག་ལེར་སླར་ཡང་སྤེལ། །འོན་ཀྱང་བདག་འདྲ་གྲགས་པའི་ཡོན་ཏན་གྱིས། །རྣམ་པར་མ་བསྲུང་བློ་གྲོས་ན་ཚོད་བཟུང་། །ཆེས་ཆེར་ཕྲ་བས་འདི་ལྟར་སྨྲ་བྱེད་པར། །ཆུ་སྐྱེས་ཚོགས་ཀྱང་ཁྲེལ་བས་འཛུམ་པ་བཞིན། །དེ་ལྟ་ནའང་ལུང་རྟོགས་སྤྱན་ལྡན་གྱིས། །བཀའ་སྩལ་རྣ་བའི་རྒྱན་དུ་དཔྱངས་པ་ལས། །མ་བཟོད་སྨྲ་བ་གང་དེར་ཉེས་པའི་ཚོགས། །བཤགས་སོ་དགེ་བས་འགྲོ་ཀུན་སྨན་གྱུར་ཅིག །
ཞེས་སྲོག་རླུང་གི་བཅོས་ཚུལ་སོགས་ལེ་ཚན་བཞི་ཡི་མན་ངག་ཕྱོགས་གཅིག་ཏུ་བསྡེབས་པ་འདི་ཡང་རྨོངས་པ་ཀུན་གྱི་གྲལ་མཐར་སོན་པའི་བན་སྤྲང་འཇིགས་མེད་མཁྱེན་བརྩེའི་མྱུ་གུས་སྦྱར་བ་ཛ་ཡནྟུ།། །།