སྲིན་ནད་ཀུན་འཇོམས་མ་རུ་ཙེའི་སྦྱོར་བ་བརྒྱད་པ།
༈ སྲིན་ནད་ཀུན་འཇོམས་མ་རུ་ཙེའི་སྦྱོར་བ་བརྒྱད་པ་དགེ། ན་མོ་མ་ཧཱ་གུ་ཎཱ་ཡ། མགོ་སྲིན་སེལ་བའི་མ་རུ་རྩེ་སུམ་སྦྱོར་ནི། མ་རུ་ཙེ།
མི་ཐོད་རྙིང་པ། བདུད་རྩི་ལོ་མ་རྣམས་སྦྱར་བའི་ཐང་སྨན་ནད་ལྡང་ཙམ་ལན་ཁ་ཡར་བཏང་བས། མགོ་བོ་ལ་སྲིན་ཞུགས་ནས་ལྕི་ཞིང་འཐིབ་པ་དང་། གཟེར་ཞིང་འཁྱུགས་པ་ཐམས་ཅད་སེལ་བར་བྱེད་དོ། ༈ །མིག་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། གོ་སྙོད་ཀྱི་འབྲས་བུ། དྭ་བའི་རྩ་བ་རྣམས་ཀྱི་ཕྱེ་མ་ཟན་དྲོན་ལ་སྦྱར་ཏེ། ཐོ་རངས་སྔ་བའི་དུས་སུ་རླངས་པས་བདུག་ན་མིག་ལ་སྲིན་ཞུགས་ནས་ཚ་ཞིང་སྐམ་པ་དང་། མཆི་མ་འཛག་པ་ཐམས་ཅད་སེལ་བར་བྱེད་དོ། །ན་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། རུ་རྟ། ལ་ཕུག་གི་ས་བོན་རྣམས་ཞིབ་པར་བཏགས་པའི་ཕྱེ་མ་ར་ཐུག་གི་ཆུའམ། མར་ནག་ལ་སྦྱར་བ་བླུགས་པས་རྣ་བ་ལ་སྲིན་ཞུགས་ནས་གཟེར་ཞིང་འཁྱུགས་པ་དང་། འོན་ཅིང་རྣག་ཁྲག་འཛག་པ་རྣམས་སེལ་བར་བྱེད་དོ། །སྣ་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། ཤིང་ཀུན། ནཱ་གི་གླ་རྩིས་བཏུལ་བ་རྣམས་ཞིབ་པར་བཏགས་པའི་ཕྱེ་མ་རྔུབས་པས། གདོང་པ་ལ་སྲིན་ཞུགས་ནས་འཚང་ཞིང་གཟེར་བ་དང་། རྣག་ཁྲག་འཛགས་པ་སོགས་སེལ་བར་བྱེད་ཅིང་། དབང་པོ་དྭངས་པར་འགྱུར་རོ། །སོ་སྲིན་སེལ་བའི། མ་རུ་ཙེ་སུམ་སྦྱོར་ནི། མ་རུ་ཙེ། སྒོག་སྐྱའམ་ཤིང་ཀུན། བོང་ང་ནག་པོ་རྣམས་སྦྱར་བའི་རིལ་བུ་སོ་
བར་དུ་བཟུང་བས། སོ་ལ་སྲིན་ཞུགས་ནས་གཟེར་ཞིང་འཁྲུགས་པ་ཐམས་ཅད་སེལ་བར་བྱེད་དོ། །ཁོང་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། ཐང་ཁྲོམ་དཀར་པོའི་རྩ་བ། གླ་རྩི་རྣམས་སྦྱར་བའི་ཕྱེ་མའམ། རིལ་བུ་སྨན་ནད་ལྡང་ཙམ་ལན་ཁ་ཡར་བཏང་བས་ཁོང་པ་ལ་སྲིན་ཞུགས་པའི་གླང་ཐབས་དང་། ཁོང་ལྷོག་ཀྱང་སེལ་བར་བྱེད་དོ། །ལྤགས་སྲིན་སེལ་བའི་མ་རུ་ཙེ་སུམ་སྦྱོར་ནི། །མ་རུ་ཙེ། དྲེས་ཐག་རྙིང་པ་དང་། བོང་ང་ནག་པོའི་ཐལ་བ་བཅས་ཕག་ཚིལ་དུ་སྦྱར་བ་བྱུགས་ཤིང་། ཚབས་ཆེ་ན་ཉི་མར་བདུག་པས་ལྤགས་པ་ལ་སྲིན་ཞུགས་པའི་ཤུ་ཐོར་གྱི་རིགས་ཐམས་ཅད་སེལ་བར་བྱེད་དོ། །མཇུག་སྲིན་སེལ་བའི་མ་རུ་ཙེ་སུམ་སྦྱོར་ནི། མ་རུ་ཙེ། རུ་རྟ། ནཱ་གི་རྣམས་སྦྱར་བའི་ཕྱེ་མ་མར་དཀར་གྱི་རེང་བུ་དང་སྦྱར་ནས་བཅུག་ན། འཕངས་སུ་སྲིན་ཞུགས་པས་ཚ་ཞིང་འབྲབ་པ་དང་། གཡའ་ཞིང་ཟ་བ་ཐམས་ཅད་སེལ་བར་བྱེད་དོ། །དེ་རྣམས་གང་ལའང་ཟབ་མོའི་སྔགས་ཀྱིས་བཏབ་ན་རྣོ་ལ་ངར་བཏགས་པ་བཞིན་མཆོག་ཏུ་འགྱུར་རོ། །ཞེས་པའང་གུ་ཎ་ནཱ་ཐ་དགྱེས་པའི་འབངས་གྱི་བློ་མཚོ་ལས་བྱུང་བ་དགེ ༈ །ཨོཾ་ཨ་ཐཱ། ཞལ་ཤེས་ཟིན་བྲིས་ལ། ནོར་བུ་བདུན་ཐང་སྟེང་ཀོ་བྱི་བསྣན་པའི་རཏྣ་བརྒྱད་པས་འབམ་ནད་སྟོད་དུ་བབས་པ་ལ་ཕན། ཀོ་བྱི་བདུན་སྟེང་སྒྱུ་རུ་
ར་བསྣན་པ་ཁྲག་རླུང་སྟོད་འཚང་སེལ་བའི་རཏྣ་བརྒྱད་པ་ཞེས་ཟེར། ཀིག་བུ་ལ་ཨ་མྲ་འདོག་མཚམས་ཡུ་བ་ཞེས་རྒྱ་ཡུང་བ་ཚྭ་ཅན་ལ་བཞེད། ཆུ་རྟ་མོ་ནི་སྟག་ཤ །འདབས་ལྡན་ཁྲ་བོ་ནི་སྐྱ་ཀ །སྒྲ་ལྡན་མེ་རྫས་ནི་མེ་མདའི་རྫས་སམ་བཀྲུས་ཁུ་དང་མཁན་པ་ལྷན་གཅིག་སྣ་བུག་ཏུ་བརྫངས། ལྷོག་པའི་གསང་སྨན་ནི་ཨ་བྲའི་ཉུང་ཝའུ་ཆུང་ཡང་ཟེར། མ་རི་ལྡན་ནག་པོའི་ག་བུར་ལ་ལས་གསལ་ནག་སྟོང་ཟིལ་བཞེད་ཀྱང་། ཕག་རྒོད་ཀྱི་བྲུན་ཡིན་འདྲ། ལུག་སྙིང་ནི་བྱ་རོག་ནོར་བུ། ལྡུམ་ནག་དོམ་མཁྲིས། ༈ །བདུད་རྩི་ལྔ་ལུམ་སྟེང་། ཚ་རྙོགས་ལ་སྲོ་ལོ་དམར་པོ། སྦྱར་དུག་ལ་འོམ་བུ། རླུང་ལ་རུས་བཅུད། དྲེགས་གྲུམ་ལ་མཁན་པ་དང་སྤང་སྤོས། ཚད་རྙིང་ལ་འོམ་བུ་དང་ཀྱི་ཀྱེ། རྙིང་ཚད་རུས་ལ་ཞེན་པར་ཙན་དམར། མཁལ་གྲུམ་དང་རྩ་གྲུམ་ལ་ཤུག་པ་དང་སྐྱེར་ཤུན། རུས་འབྲས་ལ་སྤུ་རྩ་དང་ཤུག་པ་སྤ་མའི་འབྲས་བུ། གཞན་ཡང་རང་རང་གི་གཉེན་པོ་ཇི་ལྟར་རིགས་པའི་ཁུ་བས་བསྲིངས། ༈ །ཁཎྜའི་རིགས་གང་ཡང་། ཐོག་མར་ས་དང་རྡུལ་སོག་ཆུ་ཡིས་དག་པར་བཤལ། སྔོ་སྨན་ཡིན་ན་རྨ་ཅུང་ཟད་ཕབས་ནས་བཞག །གང་ལྟར་ཡང་ཆུ་གྲང་དུ་ཞག་གསུམ་སོགས་སྦངས། དེ་ནས་རན་བར་བསྐོལ་ལ་ཁུ་བ་ལེགས་པར་ཐོན་ནས་སྙིགས་མ་རྣམས་དོར། དྭངས་
དེ་གར་སླ་ཞོ་ཙམ་སོང་བའི་ཚེ་མེ་དལ་བུས་གཉུག་བསྲིངས་ལ་འབུད་པའམ། ཡང་ན་རླངས་ཚོས་བྱས་ནས་སྣ་མ་ཚིག་བར་གདུས་པ། གྲོད་པུ་ལ་སོགས་པའི་སྣོད་གཙང་མར་ཚགས་བྱའོ། ༈ །དམར་པོ་རྟ་ཟི་ལ་ཐར་ནུ་བསྐྱེད་པ་སྦྱངས་སྨན་ཟབ། ༈ །རྟེན་འབྲེལ་མེ་བཙའ་ནི་བྱིས་པ་སོགས་མེ་བཙའ་བསྲེགས་མི་རུང་བ་ལ་ཟབ། དབྱུགས་བཅོས་ཁྲག་རླུང་གིས་རོ་སྟོད་གཟེར་བ་སོགས་གཟེར་རིགས་སྤྱི་ལ་ཟབ། དེ་སྟེང་རྔབ་རུའམ་བུམ་པ་བྱ། མེ་ལོང་ལས་སྦྱོར་སྐྲན་ལ་བྱ། ༈ །ཆོས་ཉིད་རིལ་བུར་གླ་རྩི་བསྐྱེད་པ་རྐེད་སྨན་ཟབ། ཕུར་ནག་ཐང་གིས་ཕུལ་བས་རྒྱུ་གཟེར་དམར་བཤལ་ལ་ཤིན་ཏུ་ཕན། བཙོད་མདུད་ཞེས་ཚིགས་པ་ཅན་ཅུང་ཟད་བརྔོས་པ་བཏང་བ་ཕྱག་ལེན། ༈ །སེ་འབྲུ་ཉི་དཀྱིལ་སྟེང་ཁྱུང་ལྔ་བསྣན་པས་གཞང་ལུག་ལ་ཕན། སྲམ་ཤ་དང་། དབང་ལག་བསྣན་ན་༧ གྲང་ནད་ཀྱིས་ཁམས་ཟག་པ་དང་། མཁལ་རྐེད་ནད་ལ་ཕན། ༈ །གསེར་མདོག་ལྔ་སྟེང་སེ་མེ་བསྣན་པ་གསེར་མདོག་དུང་ལོ་ཅན་ཞེས་བད་མཁྲིས་ཕོ་བར་བབས་པ་ལ་ཕན་ཆེ། གུར་ཏིག་བསྣན་པས་མཁྲིས་པས་ཕོ་བ་གཟེར་བ་འཇོམས། ༈ །ཀོ་བྱིལ་ནི། ཁྲག་རླུང་སྟོད་འཚང་སོགས་ལ་དེ་ག་རང་གཏོང་། སྨུག་པོ་དང་དུག་སོགས་ལ་སྤུ་བཞར། ཀོ་བྱི་བདུན་ལ་མཛོ་འོ་ཕུལ་དོ་སྟེ། དེས་
འདྲེས་ཤེས་པར་བྱས་ནས་ཁུ་བ་རང་ཐིམ་དུ་འགྲོ་བར་བཙོས་ལ་སྐམ་ནས་ལོངས་སྤྱོད། ༈ །ཅོང་ཞི་ཁྲོལ་ཙམ་བརྡུངས་པ་གདུས་ནས་ཆུ་དྲོན་གྱིས་བཤལ། དེ་རྗེས་ཆུ་གྲང་གིས་ལེགས་པར་བཤལ། ༈ །རྡོ་དྲེགས་གླ་རྩིའི་ཆུས་ནེམ་ཙམ་བྱས་ནས་སླ་ངར་ཅུང་ཟད་བརྗོ། ༈ །མིག་སྨན་ལ་རྒྱ་ཚྭ་བསྲེགས་པའི་དུད་པ་དགོས། ༈ །ནི་ལ་ཐོ་ཋ་འདི་ནད་ལ་བཏང་ཡང་ལྕགས་སྣོད་དུ་ཧར་བསྲེགས་བྱ། མིག་སྨན་ལ་རྒོད་པོ་དེ་ག་བཏང་། ༈ །ཅོང་ཞི་འཕྲུལ་ཐལ་གྱི་ལག་ལེན་ཤིན་ཏུ་ཞིབ་པ་ནི། ཨ་རུ་གསེར་མདོག་ལེགས་པ། ༤་༠༠ ཚྭ་ལ་ཆུ་བཅད། ༤་༠༠ རྒྱམ་ཚྭ་གྲུ་བཞི་ཤེལ་འདྲ་བ། ༤་༠༠ བོང་དཀར་རྒྱ་གར་མ་བྱུང་ན་ལེགས། མ་འབྱོར་ན་ཉིས་འགྱུར་བཏང་དགོས་པས། ར་༠༠ ཅོང་ཞི་རིགས་གང་བྱུང་དུག་ཐོན་ངེས། ༤་༠༠ མུ་ཟི་གསེར་འདྲ་དུག་འདོན་མ་བྱས་པ། ༢་༠༠ ཙམ་བཅས་སྟ་གོན་བྱ། དངོས་གཞི། བསྲེགས་ཐབ་གྲུ་བཞི་པ། ནང་ཚ་འདམས་དང་ཞི་ག་བྱུགས། རྐེད་པ་ན་བསྲེགས་སྣོད་བཞག་ན་ལྕགས་ཀྱི་ཐབ་རུ་བཏང་། ཁ་དོག་ཅིང་མཐིལ་ཡངས་པ་ཞིག་བྱ། དེ་ནང་མེ་ཐུབ་ངེས་ཀྱི་རྫ་མ་ཁ་གཅོད་ཉིས་རིམ་ཅན་གྱི་སུམ་ཆ་གཉིས་སྨན་གྱིས་གང་བར་བླུགས། སྟེང་ས་སྦྱོར་གྱིས་བསྡམས། སྐམ་ནས་ཉི་མ་ཕྱེད་གཅིག་ཏུ་བསྲེགས། ཀོང་བུ་
ཚ་མོ་ལ་བསྣམས་པས་མུ་ཟིའི་དྲི་མ་སངས་ན་ཚོས་ཚད་ཡིན། དཀར་པོ་ཁ་བ་ལྟར་གྱུར་ན་ལེགས་པར་བཞེད། ༈ །གར་ནག་བརྒྱད་པ་ལ། དེ་སྟེང་། བྱི་ཏང་ཀ །གསེར་མེ། སེ་མེ་བསྣན་བ་གར་ནག་བཅུ་གཅིག་པ་ཡིན། དེ་དང་སྤང་རྩི་བཅུ་གཉིས་བསྲེས་པས་མཁྲིས་སྲིན་ཚད་པ་དང་བསྡོངས་བ་ལ་ཤིན་ཏུ་ཟབ། ༈ །སྤང་རྩི་བཅུ་གཉིས་སྟེང་སྦྲུལ་ཤ །ཨ་ཝ་བསྣན་པས་ལིང་ཏོག་ལ་ཟབ། ༈ །སྙིང་རླུང་སོགས་ལ་འགྲོ་བའི་བོང་ང་ཐམས་ཅད་འབྲི་ཚིལ་མ་ཁོ་ན་དགོས། ༈ །སྤང་རྩི་བཅུ་གཉིས་སྦྱོར་ཚད་ལུགས་གཅིག་ནི། སྤང་རྩི་བོང་དཀར་སྟག་ཤ་གསུམ་ཆ་མཉམ། དེ་ཀུན་དང་མཉམ་པའི་བདུད་རྩི་ལོ་མ། ཅུ་གང་གློ་ལ་བསྐྱེད། པྲི་ཡང་ཀུ་ཅུང་ཟད་བསྣན་པ་ཕོ་མཆིན་སོགས་ལ་མི་གནོད་པའི་ཁ་འཛིན་ཡིན་གསུངས། ༈ །གླང་ཆེན་བཅོ་བརྒྱད་སྟེང་གླ་རྩི་བསྣན་པས་མཆིན་པ་ཁྲག་གིས་གཟེར་པ་ལ་ཕན་པ་མྱོང་བས་གྲུབ། མ་ནུ་བཞི་སྟེང་། ཨ་རུ། བ་རུ། གཟེར་འཇོམས་བཅས་ཆ་མཉམ། ཀུན་དང་མཉམ་པའི་སྐྱུ་རུ་སྦྱར་བའི་ཐང་འདི་འབམ་ལ་མཆོག་ཏུ་བཟང་། ༈ ། སྒ་ལོས་མཛད་པའི་སྨན་མར་ལུགས་གཅིག་ནི། ཅོང་ཞི་ཆ་གཅིག འབྲི་མོག་དེ་ཡི་སུམ་གཉིས་སྦྱར་བ་སྦྱོར་སྡེའི་རྩ་བ་ཡིན། དེ་སྟེང་སྟོད་འཚངས་ལ་ཀོ་བྱི་དང་། གཟེར་འཇོམས། ཁྲག་ལ་བར་
སྐྱུར་རུ་རྟ། བད་ཀན་ལ་མ་ནུ་འུ་སུ་རྣམས་ཆ་བསྐྱེད། གློ་ལ་ཤིང་མངར་དང་ཨ་ཀྲོང་བསྣན་པ་མཆོག་ཏུ་ཟབ། རྒྱུན་སྨན་ལ་དེ་ཐམས་ཅད་སྦྱར་བས་བཤད་མ་ཐག་པའི་ནད་ཀུན་ལ་འགྲོ། །༈ །འཁྲུགས་ཁྲག་ཀུན་སེལ་ལུགས་གཅིག་ལ། ཅོང་ཞི་ཆ་གསུམ། འབྲི་མོག་ཆ་བཞི་སྦྱར་བའི་སྟེང་། འཁྲུགས་ལ་མ་ནུ་དང་། ཁྲག་ལ་བ་ཤ་ཀ། གློ་ལ་ཅུ་གང་ཀཎྜ་ཀ་རི་ཤིང་མངར་རྣམས་བསྣན། མཆོག་ཏུ་ཟབ། ༈ །སྨུག་པོ་གཡུལ་རྒྱལ་ཞལ་ཤེས་ལ། ཅོང་ཞི། སེ་འབྲུ། སུག་སྨེལ། པི་ལིང་བཞི་གཙོ་བོ་ལ། གྲང་ཤས་ཆེ་ན་སེ་འབྲུ་པི་ལིང་ཆ་བསྐྱེད། །ཁྲག་ཤས་ཆེ་དུས་འདི་གཉིས་འཕྲི་བའམ་ཞད་ཙམ་སྦྱར། མ་ནུ། འུ་སུ། ཨུཏྤལ། པྲི་ཡང་ཀུ་བཞི་བློན་པོའི་ཚུལ་དུ་ཐུན་གཉིས་རེ་བསྡེབས། བསེ་ཡབ་སྟར་བུ་སྐྱུ་རུ་བ་ཤ་ཀ་བཞི་པོ་དང་པོ་ཆུ་སྐྱུར་སྐྱུགས་དུས་གཙོ་བོར་སྦྱར། ཨ་རུ། གསེར་མེ། དུག་ཉུང་བཞི་པོ་བར་དུ་མཁྲིས་པ་རྒྱས་པའི་དུས་བསྐྱེད། གི་ཝཾ། ཏིག། རུ་རྟ། ཙནྡན་དམར། བྲག་ཞུན་རྣམས་མཆིན་ཁྲག་རྒྱས་ཤིང་དུག་ཐབས་སུ་གཟེར་བ་དང་། །ཁྲག་རུལ་དུད་ཁུ་སྐྱུགས་དུས་གཙོ་བོར་སྦྱར་རོ། ༈ །བློན་པོ་གསུམ་སྦྱོར་སྟེང་གླ་གུལ་བསྟན་པ་བྱིས་གདོན་ལ་ཟབ། སེ་འབྲུ་སུག་སྨེལ་བསྣན་པས་ཕོ་ནད་ལ་ཕན། ༈ །ཏིག་བརྒྱད་སྟེང་ཕག་ཐལ་
དང་འཛིན་པ་བསྣན་པ་དང་། མཁྲིས་ཕྱེ་བདུན་སྟེང་བྲག་ཞུན་དང་འཛིན་པ་བསྣན་པས་མཁྲིས་ཚད་ལ་ཕན། ༈ །དྲིས་ལན་བཀའ་རྒྱ་མ་ལས། ཙནྡན་བརྒྱད་པ་དང་ཨར་བརྒྱད་བསྲེས་པ་རྨ་བྱ་འཇིང་བསྣོལ་ཏེ་གློ་སྙིང་གཟེར་བ་ལ་ཕན། མཆིན་མཁྲིས་གཉིས་ལྡན་ལ་གི་དགུ་དང་ཏིག་བརྒྱད་སྦྱར་བ་བ་གླང་གསེར་བྱ་འཇིང་བསྣོལ་ཏེ་གློ་སྙིང་གཟེར་བ་ལ་ཕན། ཕོ་མཚེར་ལྡན་པ་ལ། བྲག་ཞུན་དགུ་པ་དང་། ཨ་རུ་བདུན་པ་བསྲེས་པ་སེངྒེ་འཇིང་བསྣོལ་ཟེར། ཆུ་སེར་དང་མོ་ནད་མཁལ་མར་བབས་པ་ལ་སྤོས་དཀར་བཅུ་པ་དང་། ཨ་རུ་བཅུ་པ་སྡེབས་པ་རྒྱ་སྟག་འཇིང་བསྣོལ་ཟེར། གུར་གུམ་བཅུ་གསུམ་དང་ཨོ་བྷི་དྲུག་ཐང་བསྡེབས་པས་ཚ་ཆུ་ལ་ཕན། གུར་གུམ་མཆོག་བདུན་དང་ཅུ་གང་བཅུ་གསུམ་བསྡེབས་པས་མཆིན་གློ་ལུ་བ་ལ་ཕན་ཞེས་སོགས་སྣང་། ༈ །སྤྱིར་ཏིག་འགྲོ་བ་ཐམས་ཅད་ལ་སུམ་ཏིག་དང་། བྱེ་བྲག་མཁྲིས་ཚད་ལ་ལྕགས་ཏིག་བཏང་བ་ནུས་པ་རྣོ། ༈ །རྒྱ་ནག་རིལ་བུར། ཡུངས་ཀར་དང་བོང་ང་མཉམ་སྦྱོར་བྱེད་པ་དེ་གཉན་དང་ཆུ་སེར་བསྡོངས་པ་ལ་ཟབ། ཆོས་ཉིད་རིལ་བུ་དམར་བཤལ་ལ་ཕན་ཆེ། ཆུ་སེར་སྨན་གསུམ། བོང་ཁྲག །སེང་ལྡེང་ཁཎྜ་བཅས་བསྣན་པས། དྲེག་གྲུམ་དང་མཛེ་ལ་མཆོག་ཏུ་བཤད། མན་བསིལ་དང་ཅོང་ཞི་དགུ་སྦྱོར་ལ་ཡུང་བ་མདོག་
འགྱུར་བ་བསྣན་པས་ཤ་དུག་ལ་ཟབ། ཚྭ་ལའི་འཕྲུལ་བཤལ་ལ་ཐར་ནུ་འདུལ་དྲུག་བཏང་དགོས། ༈ །རྟ་ཡི་རྒྱབ་སྲིན་སེལ་བྱེད་སྟེང་། ལྡོང་རོས། ནཱི་ལ་ཐོ་ཐ། ཤིང་ཀུན། རམ། །ཡུང་བ། ཐར་ནུའི་མྱུ་གུ་གསར་པ། ཨ་བྷི་ཥ། ཧ་ཤིག །འབྲུག་རུས། ལི་ཁྲི། སྟག་ཤ །ཐང་ཕྲམ་ནག་པོའི་འབྲས་བུ་བཅས་བསྣན་པ་རྨ་རིགས་སྤྱི་ཡི་བྱུགས་པ་ལ་ཟབ། རྙེད་ན་སྦྲུལ་དབའ་མདའ་དང་། མ་རྙེད་ན་ཟེར་མོའི་རུས་པ་བསྣན་པ་མན་ངག ༈ །གྲེ་བ་ཚ་ཞིང་སྐད་འགགས་པ་ལ། ལི་ཤི་དྲུག་སྟེང་། ཚར་བོང་། གླ་རྩི། འཛིན་པ་བསྣན་པས་ཕན་ངེས་ཟབ། ༈ །གཟའ་གདོན་ཡིན་མིན་བརྟག་པ་ནི། ནད་པའི་སེན་མོ་ལ་ལ་ཆ་བྲད་པའི་དུ་བས་བདུག་ན། གཟེར་ལྗིད་ཤ་འགུལ་བྱུང་ན་ཡིན། ཁོང་སྨན་གང་ཡང་མ་སོང་གོང་དུ། སྤོས་དཀར་དང་གུ་གུལ་ཞོག་ཆུས་ཕུལ་ལ་གཏོང་བས་བཙོན་དུ་བཟུང་། དེ་ནས་གཞུང་གི་སྨན་རྣམས་བསྟེན། ༈ །གཡུ་དྲིལ་བཅུ་གསུམ་འདི་གླང་ཐབས་དུག་སྨུག་སྤྱི་སྨན་ཟབ། ཨུཏྤལ་ཚབ་ལུག་མིག་བཏང་བ་ཕྱག་ལེན། ༈ །རྒྱུ་རུ་སྐུ་བཅུ་བཞིའི་སྟེང་། ཨ་གར་བཅོ་ལྔ་བསྣན་པས་རླུང་ཚབ་སྙིང་སྲོག་གཟེར་བ་འཇོམས། ཨ་རུ་བཅོ་བརྒྱད་བསྡེབས་པས་མཁལ་རྐེད་གཟེར་བ་འཇོམས། སྤོས་དཀར་བཅུ་པ་བསྡེབས་པས་རྐང་ལག་
དང་ཚིག་མིག་ལ་བབས་པ་འཇོམས། མོ་ནད་གྲང་བའི་རིགས་དང་། ཁྱད་པར་རྩ་ཆུ་འགགས་པ་ལ་སུག་སྨེལ་དང་རྣོན་པོ་གསུམ་བསྡེབས། ཁྲག་ཚབ་སྟོད་ལ་ཕྱུར་ནས་སྙིང་སྲོག་གཟེར་བ་ལ་སྒ་ལོ་སྨན་དམར་དང་། ལྟག་པ་སྤྱད་ལ་གཏོང་བ་སོགས་རིག་པས་འཁྲུལ་ཤེས་ན་མོ་ནད་ཀྱི་སྤྱི་འཇོམས་བླ་ན་མེད་པ་ཡིན་གསུངས། དགེའོ། །བྲག་ཞུན་ལྡེ་གུའི་ཕྱག་ལེན་འཆི་མེད་བདུད་རྩི་བུམ་བཟང་ལྟར་རོ། ༈ །སེ་འབྲུ་ལྔ་པ། གུར་གུམ་བཅུ་གསུམ། གི་ཝཾ་དགུ་པ། བདེ་བྱེད་སྙོམ་ལྡན་བཅས་ལ། འུ་སུ། ལྕམ་པ། གསེར་བྱེ། སྡིག་སྲིན། ལྕགས་ཕྱེ། འབུ་སྐྱོགས། རྒྱ་ཚྭ། གཟེ་མ། ཆུ་མ་རྩི་བཅས་ཆ་སྙམ་སྔར་བས་རྨ་ཆུ་ཚ་གྲང་ལམ་ནས་འདྲེན་པ་ལ་བསྔགས་སོ། ༈ །ཏིག་ཏ་བརྒྱད་པའི་སྟེང་། མཁྲིས་རིམས་གཉན་དང་བསྡོངས་བ་ལ། གུ་གུལ། འཛིམ་པ། སྟག་ཤ ། གཟེར་ཆེ་ན་ཨ་བྱག །ལུས་ཤེད་ཞན་ན་ཤ་ཆེན་རྣམས་བསྣན། ཀྵ་ཡ་ལ། གཡའ་ཀྱི། དུག་ཉུང་། ནིམ་པ། གུར་གུམ་བསྣན་པ་ཟབ། གུར་གུམ་བསྣན་པའི་སེ་འབྲུ་ལྔ་པའི་སྟེང་། མཁྲིས་སེལ་བདུད་རྩི་སུམ་སྦྱོར་བསྣན་པས་བད་མཁྲིས་གྲང་ཤས་ཆེ་བ་ལ་ཟབ་ངེས། ཐང་ཆེན་ཉེར་ལྔའི་སྟེང་། ནུས་པ་མྱུར་བར་འདོད་ན། ཐང་ཆེན་ཉེར་ལྔ་ཆ་གཉིས་ལ། དངུལ་ཆུ། མུ་ཟི། སོག་ཐལ། ཆུ་
རྩ་བཅས་བསྡམས་པའི་ཆ་གཅིག་བསྣན་པ་སྨུག་པོའི་རིགས་ལ་ཟབ་ཀྱང་མཐར་སྦྱོང་མ་གཏོང་ན་མི་ལེགས་པས་རིགས་པས་དཔྱད། ༈ །བདུད་རྩི་སུམ་སྦྱོར་དང་། གུར་གུམ་བཅུ་གསུམ། །ཞི་དྲུག་འཁྲུལ་འཁོར་ཟུར་དུ་གསལ། ད་ལིས་བཅུ་དྲུག་བཏང་ཚུལ་འབྲི་གཅེས་ཡང་ཡིག་ཏུ་གསལ། དངུལ་ཆུ་བཙོ་བཀྲུ། ཟླ་ཤེལ་གྱི་ཕྱག་ལེན། ནོར་ནད་སྨན་རྣམས་ཟུར་དུ་གསལ། ༈ །འབོལ་སྨན་བདུན་པའི་སྟེང་གློ་མང་གློ་འཁྲུགས་ཆེ་ན་ཙནྡན་བརྒྱད་པ། སྨུག་པོའི་མཆིན་ནད་རྒྱས་པའི་ཆུ་ལ་གི་ཝཾ་དགུ་པ། མཁལ་ནད་དང་གྲང་ཤས་ཆེ་བའི་རིགས་ལ་སུག་སྨེལ་བཅུ་པ། ཕོ་བའི་མེ་ཉམས་ཟས་མི་འཇུ་བ་ལ་གུར་གུམ་བསྣན་པའི་སེ་འབྲུ་ལྔ་པ། འབམ་གཞུག་ལ་གུར་ཏིག །ཤ་ལྤགས་ཀྱི་ཆུ་ལྷག་སྐེམས་བྱེད་ལ་འུ་སུ་དང་། ལྕམ་པའི་ཐང་གིས་ཕུལ་བ་མན་ངག །ཡང་སེངྒེ་སྦར་སྡེར་དང་། པྲི་ཡངྐ་ཆ་མཉམ་ཐང་གིས་ཚ་ཆུ་གྲང་ཆུར་བསྐྱུར་བ་ཟབ། ༈ །ཙནྡན་བཅོ་བརྒྱད་ཀྱི་ཏིག་ཏ་ནི། མགོ་གཟེར་ལ་ལྕགས་ཏིག་དང་། མཁྲིས་ཤས་ཆེ་ན་ཟངས་ཏིག །སྲིན་དང་བསྡོངས་པའི་རིགས་ལ་བྱི་ཏང་ཀ་བསྣན་ཞེས་སྣང་། ༈ །དུག་རིགས་དང་གླང་ཐབས་གང་ལའང་། ཞི་བྱེད་དྲུག་པའི་སྟེང་དྲེས་མའི་གེ་སར་སྦྱར་བས་ཕན་པ་མྱོང་གྲུབ། ༈ །རྟ་ཟི་རིལ་བུའི་ཞལ་ཤེས། གཟེར་ཐུང་ལ་གུ་
གུལ། གློ་འཁྲུགས་ལ་སྒང་ཐོག །གྲེ་འགགས་ལ་སྤང་རྩི། གཉིད་འཐིབས་ལ་བྱི་ཚེར། འཁྲུགས་ལ་ཧོང་ལེན་ཐང་གིས་ཕུལ། །སྤྱི། འཕྲུལ་ཐལ་གྱི་ཁ་བསྒྱུར་སོགས་བྱེ་རིངས་སུ་གསལ། ༈ ། མཁྲིས་ཚད་རྐྱང་པ་ལ་ཏིག་བརྒྱད་ལེགས། དེ་དང་མཆིན་ལྡན་གུར་གུམ་མཆོག་བདུན། མིག་ཆུ་སེར་ན་གྲང་མཁྲིས་ཡིན་པས་གསེར་ལྔ། བད་མཁྲིས་ལ་བདུད་རྩི་སུམ་སྦྱོར་དང་སྤེལ། ཀྟ་ཡ་ལ་གཏར་བཤལ་སྤངས་ནས། འབྲས་གསུམ་ཆ་མཉམ་ག་བུར་ཏིག །དུག་ཉུང་འུ་སུ་བྱི་ཏང་ཀ །བོང་དཀར་ཙི་ཏྲ་པི་པི་ལིང་། །ཞིབ་བཏགས་བུར་སྦྱར་ཆང་གིས་དབུལ། །མཁྲིས་ཚད་མཐར་ལུས་བྱིང་ཉོབ་པ། སྨན་གཞན་གང་གིས་ཀྱང་མ་ཕན་པ་ལ་ག་བུར་ཉེར་ལྔ་ཐུན་ཁ་ཤས་ཀྱིས་ཕན་པ་མྱོང་གྲུབ་བོ། ༈ །ཨོཾ་ཨ་ཐཱ། སྨན་གྱི་ངོས་འཛིན་སྐོར་ལས་འཕྲོས་པའི་དོགས་སེལ་ཕྲན་བུ་ལ། བདུད་རྩི་ལོ་མ་ནི་རི་ཁ་སྟོད་དུ་ཆིག་སྐྱེས་དང་། འཛིམ་པ་ཀླུངས་སུ་སྐྱེས་པའི་བོང་ངའི་ལོ་མ་ལ་བཞེད། ཟིལ་ཆེ་ཆུང་ཅུང་ཟད་ཡོད་པ་ལས་ཁྱད་ཆེར་མེད། སྟོང་ཟིལ་ཆབ་དང་མ་བྲལ་བ་དགོས། ཆབ་དང་བྲལ་ན་སེངྒེ་ཟིལ་པ་ཡིན། དེ་བ་ཞེས་པ་རིམས་སྐབས་སོ། །རླུང་སྐབས་རྒྱ་སྤོས། ཆུ་སེར་སོགས་ཀྱི་སྐབས་སྨོན་ཤིང་ལ་ངོས་འཛིན། མིང་ཅན་སེར་པོ་འུག་ལག་དང་། ནག་པོ་ཟུར་ལུགས་ཡོངས་
གྲགས། བྱང་ལུགས་རྒྱལ་བའི་སྤྱན་ཅན་ལ་བྱེད། སྔོ་ཅུ་གང་ཟེར་བ་དེ་ཀླུ་སྨན་སྐབས་ཅུ་གང་གི་ཚབ་ཏུ་གཏོང་ཟེར། བདུད་རྩི་གངས་ཤམ་ཀྱིས་འབམ་སྟོད་དུ་འཕྱུར་བ་ལ་འབྱར་བྱེད། །དོན་ཡོད་ཞགས་པ་ཞེས་བྱའི་རྩྭ། །སྡོང་བུ་འབྲས་ཀྱི་ལྗང་བུ་འདྲ། །ལོ་མ་སྔོ་འཐུག་རལ་གྲི་འདྲ། །བསོད་ནམས་ལྡན་པའི་པུ་ཏྲ་ཡིས། །སྨན་ལྗོང་ཉམས་དགར་བཙལ་བ་ན། །རླུང་གི་རྒྱུ་བ་བྲལ་བའི་དུས། །དེ་ཉིད་རང་བཞིན་གཡོ་འགུལ་བྱེད། །འདི་འཕྲད་ཡིད་བཞིན་ནོར་བུ་སྟེ། །བསམ་པ་ཐམས་ཅད་མྱུར་དུ་འགྲུབ། །ཞེས་སྣང་ནའང་ཕལ་གྱིས་མཐོང་བའི་ཡུལ་མིན། འབྲོག་ཟ་ཡུ་མོ་ནི་ས་ཁ་སྟོད་དུ་སྐྱེ་བ། ཟ་འདྲ་བ་ལ་དེ་ལས་སྐྱ་ཤིང་ཚེར་མ་མེད་པ་དེའོ། །སེར་པོ་དགུ་དྲིལ་སྤང་ལ་སྐྱེ། སྟོང་ཟིལ་དང་མཚུངས་ཞིང་རྩ་བ་སེར་པོ་རྟ་ལྕགས་ལྷས་མ་འདྲ་བ་ཞིག་ཡོད། ལུག་ངལ་ནི་བ་མྱོང་། སྐྱི་བའི་མེ་ཏོག་སྔོན་པོ་ཅན།འབྲས་བུ་ངང་པ་གསེར་སྒང་། ཚེར་སྐྱའི་འབྲས་མེ་ཏོག་སེར་པོ་ཅན། བུས་ཐལ་རྡོར་ཚབ་རུང་། རྒྱ་ཟས་བེ་རྣ་ཟེར་བ་འདིས་གྲེ་འགགས་ལ་ཕན། ཁོང་པའི་སྤུ་ཐམས་ཅད་དག་པར་བྱེད་ཅེས་བཤད། ཀླུང་སྐྱེས་གོ་སྙོད་དང་། རི་སྐྱེས་ལྕ་པ། ཁ་སྟོད་དུ་སྐྱེས་པ་ཏོང་ཀུན་ཏེ་རིགས་ཕྱོགས་གཅིག །སེ་རྒོད་ནི་ཡུལ་སྐད་དུ་འཛོ་མོ་ཤིང་དུ་གྲགས་པ་དེ་ཡིན། མཛོ་མོ་ཤིང་ནི་བ རྒྱ་ཉེར་བདུན་
སྤྱང་རྔ་མ་ཞེས་འབོད་པ་ལ་བཞེད། སྤོར་རྡོ་རྗེ་མཆུ་ཞེས་པ་དེ་ཨ་རུའི་ཚབ་རུང་ཟེར། འགའ་ཞིག་གིས་གྲེ་ཐོག་གསང་སྨན་དུ་བཞེད། ཆུ་ནད་ཀྱི་གསང་སྨན་རིགས་ཐམས་ཅད་ཁཎྜ་བྱེད། ཨ་ཙརྱ་ཛ་ལན་པཱུ་རིའི་རྨ་སྨན་རེ་རལ་འདྲ་ཚད་པ་ཞིག་ཡོད། འདི་རྨ་སྨན་གང་ལའང་ཁ་ཚར་བཏབ་པས་ཕན་ཆེ། རྒྱམ་ཚྭ་གྲུ་བཞི་ཤེལ་འདྲ་བ། གྲུ་བཞིར་ཆག་འགྲོ་བ་དེ་བཟང་། རྒྱ་ཚྭ་དཀར་པོ་བ་ཚྭ་འདྲ་བ་གྲི་ཡིས་༧ བཞོག་ཐུབ་པ་བཟང་། ཁ་རུ་ཚྭ་བཅག་མཚམས་ངང་ཁྲམ་ཁྲམ་བྱེད་པ་རྭ་གཞོབ་གྱི་དྲི་བྲོ་བ་དེ་བཟང་། ཨ་གར་ནག་པོ་ནི་རྭ་འདྲ་བ། མེ་ལ་བསྲེགས་དུས་སྣུམ་ཆིལ་ཆིལ་ཁོལ་བ་དེ་བཟང་། ཐར་ནུ་ཁ་བྱང་བསྟན། ས་གཟར་བ། ཆུ་སྒྲ་དྲག་པོ་ཐོས་པར་སྐྱེས་པ་ཉིད་སྟོན་སྔོ་ལོ་བསྐམ་ནས་བརྐོ། ནང་གི་ཞོ་མ་བོ་བར་རས་ལྟ་བུར་བསྣུམ་ནས་མགོ་མཇུག་བཟློག་ལ་བཏགས། ཁཎྜ་བྱུང་ན་མཆོག ། མ་བྱུང་ན་འདུལ་དྲུག་བྱ། ཚགས་ལེགས་པར་བྱས་པ་ཉིད་སྦྱངས་སྨན་གང་ལ་གཏོང་ཡང་བཞི་འགྱུར་བསྡེབས། ཡང་ན་ཁཎྜ་ཆུར་སྦྱངས་པས་རིལ་བུར་དྲིལ། སྐྱུགས་སྨན་རྣམས་ཁ་འབུས་དུས་བཏུ་ཞིང་། གནས་དང་། སྐམ་ཚུལ་སོགས་དེ་ལས་གོ་བཟློག །ཕུར་ནག་གི་ལོ་མ་སྔོ་སིབ་མཁན་པ་འདྲ་ལ་དྲི་དུག་པ། ཕུར་སྔོན་འགའ་ཞིག་གིས་འདི་ཕུར་ནག་ཏུ་བཞེད་སྣང་། ནི་སྔོ་ཨ་ག་རུ། ཕུར་དཀར་ནི་
མཁན་དཀར་འདྲ་བ། རྒྱལ་བ་ཆུ་ཐུབ་འབུ་སུ་ཧང་དང་། ལ་ལས་ནཱི་ལའི་མདོག་ཅན་ལ་བྱེད། བོང་སེར་ནི་ལོ་མ་གླང་སྣ་འདྲ་ལ། མེ་ཏོག་སེར་པོ་ཅན་དེ་དང་། ལ་ལས་མེ་ཏོག་སེར་ཆེན་ལ་བྱེད། དེ་གཉིས་གང་ཡིན་ཀྱང་རྩ་ལོ་འདྲེས་མ་དགོས་ཤིང་ནུས་པ་ཕྱོགས་མཚུངས་པ་འདྲ། བོང་དམར་ནི་ཁ་སྟོད་ཀྱི་སུར་ནག་སོགས་ཀྱི་ནང་དུ། ལོ་མ་བོང་དཀར་འདྲ་བ། སྡོང་བུ་མཐོ་རེའམ་ཁྲུ་རེ་ཙམ་གྱི་རྩེར་མེ་ཏོག་དམར་སྨུག་བོང་དཀར་འདྲ་ཚད་པ་ལ། སྤུ་ཐིབ་སེ་འབྱུང་བ་དེ་ཡིན། ཁྱུང་སྡེར་སྨུག་པོའི་ཚབ་ལྡུམ་རྩ་བཀག་དང་། དཀར་པོའི་ཚབ་ནི། ལོ་མ་རེ་རལ་འདྲ་ཞིང་སྤུ་འདིའི་སྤུ་འདི་རྒྱ་ལུགས་རྨ་སྨན་ཐམས་ཅད་ཀྱི་མཆོག་ཏུ་འཛིན། ཡོད་པ། རྩ་བ་ཁྱུང་གི་སྡེར་མོ་འདྲ་བ་དེ་ཡིན། དེ་ཡི་ལོ་མ་ཁ་པཱུ་རའི་རྨ་སྨན། བྱེའུ་ལ་ཕུག་ནི་ཁ་སྟོད་མཐོ་སར་བྱེ་ཤུལ་སོགས་སུ་སྐྱེ་བ། མེ་ཏོག་དཀར་ཁྲ། །རྩ་བ་ཉུང་མའི་དྲི་བྲོ་བ་དེ་དང་། ཚབ་རུང་ཙམ་དུ་དེ་དང་ཆ་འདྲ་ཀླུང་གི་གད་ཤུལ་སོགས་སུ་སྐྱེ་བ་དེ་བཏང་། སྲིན་ཤིང་སྣ་མ་ནི་སྟག་ཆུང་མར་འབོད་པ་དེ་ཡིན། འབྲས་བུ་བྱི་ཏང་གའི་ཚབ་རུང་ངེས། །ལྕགས་ཀྱུ་ཆེ་ཆུང་གཉིས་ལས། ཆུང་བ་དེ་ཡི་རྩ་བ་ཁྲག་རྐང་དང་། ལོ་མ་ལྕགས་ཀྱུ་བྱེད། ཆེ་བ་དེའི་འབྲས་བུ་ཟི་ར་དཀར་པོའི་ཚབ་རུང་ཟེར། མཁན་དཀར་ནི་གསེར་མགོ་འདྲ་ལ་མེ་ཏོག་མེད་པ་དེ་
དང་། མཁན་དམར་ནི་རྩ་སྡོང་ཐམས་ཅད་དམར་བ་དེར་ངོས་འཛིན། གཡའ་ཨ་ཀྲོང་ཡོངས་གྲགས། མཁན་ཨ་ཀྲོང་གསེར་མགོ་དང་། སྤོང་ཨ་ཀྲོང་གོང་མོ་སྤོ་ཐོ་ཞེས་འབོད་པ་དེ་ལ་ཕྱེད། ནིརྨ་ནཱ་ཐའི་རྨ་སྨན་ནི་ལོ་མ་ཁ་གསུམ་པ་རྒྱབ་ལ་རྡུལ་ཞགས་ཡོད་པ་སྡོང་བུ་ཟངས་སྐུད་འདྲ་བ་དེའོ། །བྱ་རོག་ཉུངས་མ་ནི་མེ་ཏོག་སེར་པོ་ཡུངས་དྲི་བྲོ་བ། བྲག་ལྕམ་ནི་སྒ་ཏིག་མེ་ཏོག་འདྲ་ལ་མདོག་དཀར་ཞིང་ལོ་མ་རལ་གྲི་འདྲ་བ་དེའོ། །སྔོ་ཆུ་སྲིན་སྡེར་མོ་ནི་ས་རོང་རྣམས་ལ་ལོ་མ་ལྗང་གུ་རལ་གྲི་འདྲ་བ་ཁྲད་པོར་སྐྱེ་བ་དེ་ཡིན། རི་ཤོ་ལ་ངོས་འཛིན་མང་ཡང་། རྐྱང་ཤོག་ལ་བྱེད་པ་ནུས་པ་རྣོ་ངེས། བྲག་སྐྱ་ཧ་བོ་ནི་ལོ་མ་འདབ་བཞི་སྒོར་མོ་དངུལ་ཞག་འཚེར་བ་སྡོང་བུ་མཁྱིད་རེ་ཙམ་རྩེར་མེ་ཏོག་དཀར་སྔོན་འབྱུང་བ་དེ་ལ་བྱེད་གསུང་། བྱ་ཕོ་ཙི་ཙི་ཤིང་མ་ལྡུམ་མེ་ཏོག་སྔོ་དམར་ཅན་དེ་ལ་བྱེད། བྱང་ལུགས་སྲད་དམར་ལ་བཞེད། སྒ་ཏིག་རྨུ་ཆུའི་སྐབས་རྩ་བ་ཤིང་འདྲ་བ་དེ་དགོས། རྨ་རིགས་དང་སྐུ་སྐྱེ་བའི་གསང་སྨན་ཐང་དཀར་མེ་ཏོག་དམར་པོ་དེ་ལ་བྱེད། གྲྭ་མ་ནི་ཤིང་ཚེར་མ་ཅན་མེ་ཏོག་སེར་པོ་མདངས་མི་གསལ་བ་འཆར་བ་དེ་ལ་བྱེད། སྔོན་བུ་ཕལ་ཆེར་གྱིས་ཤོག་ཤིང་ལ་ངོས་འཛིན་ཀྱང་། དངོས་ནི་མེ་ཏོག་སྔོན་པོ་སྡོང་བུ་བཅད་འཕྲོ་ནས་འོ་མ་འབབས་པ། དབྱར་གཞུང་ཙམ་སྐྱེ་བ་དེ་ལ་
བཞེད། བདུད་རྩི་གངས་ཤམ་ལོ་མ་སྔོ་ལྗང་སྐྱ་འདབས་བཞི་སྤུ་དང་ལྡན་པ། མེ་ཏོག་སྔོན་པོ་འཆར་བ་དེ་ཡིན། སྙི་བ་འགའ་ཞིག་གིས་ཚེར་སྔོན་གྱི་རྩ་བ་ལ་བྱེད། ལ་ལས་ནད་མ་གཡུ་ལོའི་རྩ་བ་ལ་བྱེད། དངོས་ནི་མེ་ཏོག་སྔོན་པོ་དམར་མདངས་ཅུང་ཟད་ཡོད་པ་རྩ་བ་མངར་ཞིང་ཁ་ཉམས་ཅན་དེ་ཡིན། སྲོལ་སྡེམས་པ་ནི་གོང་བུ་དམར་པོའི་ནང་སྐུ་འདྲ་བ་དྲིལ་ནས་ཡོད་པ་དེ་ཡིན། །འབམ་པོ་མེ་ཏོག་སྐྱ་བོ་སྤང་ལ་འབྱར་བ་དེ་དང་། དེ་ལས་རིང་བཙད། སྲད་དཀར་ནི་ལོ་མ་མུ་ཟི་མདོག་མེད་འདྲ། མདོག་ཤིན་ཏུ་སྐྱ་ཞིང་མེ་ཏོག་དཀར་ལ་སྔོ་མདངས་ཡོད་པ། རོ་མངར་ཤས་ཆེ་བ་དེ་དངོས་ཡིན། ལ་ལས་སྲད་དཀར་དུ་འཛིན་པའི་མེ་ཏོག་ཤ་སྒོག་འདྲ་བ་དེ་ཆུ་སྲད་ཡིན། ཆུ་ཤོ་ཆུ་མ་རྩིར་འཛིན་པ་ཡང་ཡོད། དེ་འཁྲུལ་པ་ཁོ་ན་བས་སོ། ལྷང་མཐིལ་ལམ་རྟ་ཚེར་ཟེར་བ་དེ་འབྲས་ཀྱི་གསང་སྨན་ཡིན། རྩ་ཁུ་བྱུག་ནི་ཀོ་ཟ་འཁྲུལ་མེད་ལ་བྱེད། འབྲི་ཀུ་རཏྣ་ནི་མེ་ཏོག་སེར་པོ་ཤེས་རབ་ལོ་མ་འདྲ་བ་མདངས་མི་གསལ་ཞིང་དེ་ལས་ཆེ་བ་དེ་ལ་བྱེད། རྨ་ཡི་གསང་སྨན་ཡིན། སེང་གེ་འཇིགས་མེད་ནི་ལོ་མ་པ་ཡག་འདྲ་བ། མེ་ཏོག་འབུ་སུ་ཧང་འདྲ་ཞིང་སོར་གསུམ་བཞི་ལས་མ་འཕགས་པ་ཟླ་བ་བཞི་པའི་མགོ་ཙམ་དུས་མེ་ཏོག་ཡལ་འགྲོ་བ་དེའོ། །སྤྱིར་རུས་ཆག་སྐབས་ནད་མ་སྐྱིད་
མ་དང་། རྨ་སྐབས་སེངྒེ་འཇིགས་མེད། གློ་བའི་སྐབས། ཤ་ལ་ཡུ་རིང་ཟེར་བར་སྣང་། གཟའ་དུག་ཡབ་ནི་ལོ་མ་ཁྲག་སྡུམ་སོག་ལེ་ཁ་འདྲ་བ། དྲན་པ་གཡག་སྙིང་དང་། ལའུ་དཀར་པོ་སོགས་ཟེར། དེ་ལས་ཆེ་ཞིང་དཔངས་མཐོ་བ། འབྲས་བུ་ནག་པོ་མཐེབ་རྡོག་ཙམ་ཡོད་པ་དེ་ལ་བཞེད་སྣང་། ཡུམ་ནི་མེ་ཏོག་ཀླུ་བདུད་འདྲ་བ་སྦྲེལ་ནས་སྐྱེ་བ་དེའོ། །ལ་ལས་ལའུ་དཀར་པོ་སེང་སྦར་ལ་ངོས་འཛིན། པྲི་ཡང་ཀུ་ནི། པྲི་ཡངྐ་དཀྱུས་མ་དང་འདྲ་ལ་དེ་ལས་རིང་ཞིང་དྲི་དུགས་པ་དེའོ། །གཟའ་བརྒྱད་ལྡུམ་བརྒྱད་ནི་སྟོང་རི་ཟིལ་པ་སོགས་ལ་ངོས་འཛིན་ནའང་ཐུན་མོང་དུ་མི་བཤད། ཇོ་མོ་གློ་ལྡུམ་ནི་ལོ་མ་སྲོ་ལོ་དམར་པོ་འདྲ་བ། མེ་ཏོག་སྔོན་པོ་དམར་མདངས་ཅན་ཟླ་བ་གསུམ་པའི་ནང་སྐོར་སྐྱེ་བ་དེ་ཡིན། སྤྲ་བ་སྟོན་ཟླ་གསུམ་གྱི་དུས་བཟང་བཏུ་ཞེས་པ། རྒྱ་རྩིས་དང་བསྟུན། ཟླ་༧ཚེས་༣། ཟླ་༨ཚེས་།། ཟླ་༩ཚེས་༧རྣམས་ལ་བཞེད་པའང་སྣང་། མཁྲིས་པ་ཐམས་ཅད་ཁ་བ་སྟེ། །དོམ་གྱི་མཁྲིས་པ་མངར་བ་ཡིན། ཞེས་དང་། ཙནྡན་བཟང་ངན་ཆུ་ལ་དྲིས། །ཆུར་བྱིངས་བསིལ་ངད་ལྡན་ན་བཟང་། ཞེས་དང་། ཨ་གར་བཟང་ངན་མེ་ལ་དྲིས། །དྲི་ལྡན་ཆིལ་ཆིལ་ཁོལ་ན་བཟང་། །ཞེས་སོ། །གཡུ་ཐོག་པས་ལོ་མ་བ་ལུ་དང་མེ་ཏོག་ད་ལིར་བཞེད། །སྤྱིར་དཀར་ནག་གཉིས་ལས། དཀར་པོ་ཅུང་
བསིལ་ཞིང་། ནག་པོ་དྲོད་ཆེ། གསེར་མེའི་མེ་ཏོག་གསེར་མེ་དང་། འབྲས་བུ་པ་ཏོ་ལར་བཞེད་མཁན་སྣང་ནའང་ཁྱབ་པ་ཡོད་མ་འདྲ། རྡོག་པོ་ཆེ་ཤོས་ཀ་རཉྫ་དང་། ཆུང་བ་འཇམ་འབྲས་སུ་བཞེད་པའང་སྣང་། ཤྲཱི་ཁཎྜ་ནི་བསེ་ཤིང་གི་ཞོ་ཡིན། དེ་ཡང་འབྲས་ཕྱེས་སྦྲུས་པ་ཕབས་རྡོག་འདྲ་བ་དང་། མ་སྦྲུས་པ་ཐང་ཆུ་འདྲ་བ་གཉིས་ཡོད་སྣང་། ཟེ་ཚྭ་ཆུ་ནང་ཡང་ཡང་བསྐོལ་ནས་ཤེལ་ལྟར་དྭང་བ་མ་གཏོགས་སྨན་དུ་མི་གཏོང་། དེ་སླར་ཡང་བསྐོལ་བས་གྲུ་བཞིར་ཆགས་པ་ལ་ན་གུ་ཚྭ་ཟེར་གསུངས། ཚར་བོང་དབྱིབས་ཧ་ལམ་ཐ་རམ་འདྲ་བ་འཕྲེད་དུ་ཁྲད་པོར་སྐྱེ་བ། དེ་འདྲ་གྱེན་དུ་སྐྱེ་བ་སྡོང་བུ་མཐོ་རེ་ཙམ་ཡོད་པ་ཡོག་མོ། ཤོ་རྩ་ནི་ཁག་མར་འབོད་པའི་རྩ་བ། ཤོ་མང་རྨ་ཡི་ཚ་བ་སེལ་བྱེད་ནི་ཡུལ་སྐད་དུ་ཨ་ཤོ་ཆུ་ཤོར་འབོད་པ་དེ་ཡིན། ཕུར་ནག །མཁན་རིགས་ཤིང་མ་ལྡུམ་ལོ་མ་སྔོ་སིབས་དྲི་དུགས་པ་དེ་དང་། གླ་རྐང་ཆུང་བའི་རིགས་དེ་གཉིས་ཕྱེད་མར་གཏོང་ཞེས་གསུངས། ༈ །ཏལ་ཞེས་པ་དཀར་པོ་གཟི་ཡི་དབྱིབས། ཞུམ་མིག་ཞེས་པ་མདོག་ལྗང་ལ་སྐྱ་ཞད་ཡོད་ཅིང་ལུང་མི་སྒྲིབས་པ་ཉི་མ་ལ་བསྟན་ན་ཞུམ་བུའི་མིག་ལྟ་བུའི་འོད་འབྱུང་བ། ཨིནྡྲ་ནཱི་ལ་མདོག་སྔོན་པོ་དཀར་འོད་འཕྲོ་བ་ཟུར་ལྡན་ཞིག་ཡོད། དམན་པ་སྔོན་པོ་འོད་དེ་ལས་ཞེན་པ། པདྨ་རཱ་ག་དམར་པོ་
རྒྱ་སྐྱེགས་མདངས་ཅུང་ཡོད་ཅིང་ཁ་དོག་མཆོག་ཏུ་གསལ་བ། ནལ་ཞེས་དེ་དང་ཆ་འདྲ་ཡང་མདོག་མི་གསལ་བ། ཤེལ་ཉི་འོད་ལ་བསྟན་པས། འཇའ་ཚོན་འཕྲོ་བ། དབང་རིལ་མདོག་སྣ་ཚོགས་འབྱུང་ཞིང་། ཤུན་པ་རིམ་པ་མང་བ། གཡུ་སྤུག་མདོག་དཀར་ལྗང་ཡུང་བ་དང་ལྷན་དུ་བརྡར་ན་དམར་ཁམ་དུ་འགྲོ་བ། མུ་ཏིག་དཀར་པོ་མདོག་དམར་ཉམས་ཅན། སྦྱར་ལེན་མདོག་སེར་ལ་དྭངས་པ་དང་། དམར་སེར་ཤིན་ཏུ་དྭངས་པ། རྡོ་རྗེ་ཕ་ལམ་དཀར་པོ་ཟུར་བརྒྱད་ལ་མདངས་གྲིབ་སོ་གུག་པ་ལྟ་བུ། འདི་སྲན་ཙམ་ལ་དངུལ། ༣༠་༠༠ ཨིནྡྲ་ནཱི་ལ་སྲན་ཙམ་ལ། ༠༡་༠༠ སྤྲད་ཟེར་སྤུར་ལེན་གྱི་ཚབ་སྤོས་ཤེལ་དཀྱུས་མ་ལས་དྭངས་ཤིང་མདངས་གསལ་བ་དང་། མུ་ཏིག་ཚབ་དོན་ཤུལ་ཡོད་པའི་ཉ་ཕྱིས་ཀྱིས་རུང་ཟེར་སྣང་། ༈ །ཨོཾ་ཨ་ཐཱ། ཚོགས་གསུམ་ཆུ་གཏེར་བསྲུབས་པའི་ཕུལ། །མཚན་བཟང་བདུད་རྩིའི་དོ་ཤལ་ཅན། །བླ་མ་སྨན་རྒྱལ་ཟླ་བ་དེས། །དེང་འདིར་ཤིས་པའི་སྣང་བ་སྩོལ། །གང་ཚེ་གཞན་ལ་སྨན་འདོད་པའི། །ལྷག་བསམ་ཨུཏྤལ་འཛུམ་པ་དང་། །ལྷན་ཅིག་སྣ་ཚོགས་གདམས་པའི་བཅུད། །སྦྲང་རྩི་གསར་བའི་ཟོལ་གྱིས་འོང་། །དེ་ལ་སྙིང་རླུང་སྨྱོ་འབོགས་ཀྱི་ནད་ཚབ་ཆེན་རིགས་ལ། །སྐྱེས་པ་དར་མ་གྲིར་ཤི་བའི་སྙིང་སྐྱུ་རུ་རའམ། རླུང་ཤས་ཆེ་
ན། མྱོས་བྱེད་ནར་སོན་གྱི་ཁུ་བས་ཕུལ་ན་འཕྲལ་དུ་བདེ་བ་སྟེར། ཨུཏྤལ་སེར་པོའི་ཕྱེ་མ་རི་ཤོའི་ཐང་གིས་ཕུལ་ན་བད་མཁྲིས་མགོ་ནད་སྐྱུགས་པར་བྱེད། ཅོང་ཞི་གཉེན་པོའི་ཆུར་བཞུས་པའི་ཐལ་བ་ཁོ་ནས་བད་ཀན་ཕོ་ནད་ཀྱི་རིགས་ལ་ཕན། སྟར་བུའི་ཁཎྜ་ཆ་གཅིག་ལ། རྡོ་ཐལ་ཆ་ཕྱེད་བསྣན་པས་སྐྲན་རིགས་ཐམས་ཅད་ཐལ་བར་རློག །སྐྱུ་རུ་རའི་ཁཎྜས་རྨུ་ཆུའི་ནད་རིགས་ཐམས་ཅད་ལ་ཕན། ཆུ་བསྐོལ་ཁོ་ནས་ཀྱང་རིམས་ཚད་སྨིན་པར་བྱེད། རི་མཐོ་སར་སྐྱེས་བའི་བདུད་རྩི་ལོ་མ་སོར་བཞི་ཙམ་དུས་བཏུས་པས་རིམས་ཚད་སྨིན་པའི་རིགས་ཀུན་ལ་བསྔགས། ཁྱུང་ལྔའི་སྟེང་། །གླང་ཆེན་སྨྱོན་བ་བསྣན་པས་གཉན་དང་ལྷོག་རྒོད་རིགས་ཀུན་ལ་ཕན། ཏི་ཚའི་དུད་པ་ལག་ལེན་ལྟར་བླང་ནས་ནུ་ཞོས་བྱུགས་པས་མིག་ནད་གྲང་རྐྱེན་ལ་ཕན། ཕ་ཝཾ་ལོང་བུའི་ཕྱེ་མ་ཆུ་གཙང་དང་སྦྱར་བས་ཚ་རྐྱེན་ལ་ཕན། དེ་གཉིས་ལ་ག་བུར་དང་ཁ་ཆེ་ཁ་ཚར་བཏབ་ནས་ཟངས་སྣོད་དུ་སྦྱར་བས་ནུས་པ་རྣོ། མཁན་སྐྱ་སོར་བཞིའི་དུས་བཏུས་པས་སྣ་ཁྲག་གཅོད། ཨ་རུ་ར་དང་གྲི་ཤ་སྦྱར་བས་ཁམ་ཟག་འཇོམས། དྭ་བའི་རྩ་བ་དང་གླ་རྩི་སྦྱར་བས་ཁོང་སྲིན་གྱི་རིགས་ཀུན་ལ་བསྔགས། གུར་ཏིག་སྐྱུ་རུ་རའི་ཐང་གིས་ཕུལ་བས་འབམ་སྟོད་དུ་བབས་པར་མཆོག །སྨད་འབམ་གཉན་དང་བསྡོངས་པ་
ལ་ཀླུ་བདུད་ནག་པོ་འཁྲུལ་མེད་དེས་ཕན། བྱ་རོག་ནོར་བུའི་ཐང་གིས་མོ་ནད་ཁྲག་འདྲིལ་བཤིགས། ཤ་དུག་ལ། གསེར་ཤ །རེ་རལ། སྙག །འོམ་བུའི་ལོ་མ་རྣམས་གང་ཡང་རུང་བའི་ཐང་གིས་ཕན། ཁ་སྟོད་དུ་སྐྱེ་བའི་མེ་ཏོག་སེར་ཆེན་མདངས་མི་གསལ་བ་དེས་ཆུ་དུག་ལ་ཕན། རྟ་ལྤགས་གཅིག་པུའི་ཁཎྜའམ། ཡུ་གུ་ཤིང་གི་ཁཎྜ་རྨ་རིགས་ཐམས་ཅད་ལ་བདུད་རྩི་དང་འདྲ། སྔོན་བུ་འཁྲུལ་སྔོ་སྨན་ཞིག་ཡོད། མེད་ཆ་གཅིག །ཐར་ནུ་ཆ་གཅིག་སྦྱར་བའི་ཁཎྜས་ནད་ཐམས་ཅད་སྦྱོང་པར་བྱེད། འཕར་བའི་ཤ་ཁུས་ཁ་ཚའི་ནད་ལ་ཕན་ཞེས་འགའ་ཞིག་བཞེད། འདི་མན་ངག་ཁྱད་པར་ཅན་ཡོད། མེས་ཚིག་གི་རྨ་རིགས་ཉ་ལྕིབས་བྱུགས་པས་འཕྲལ་དུ་བདེ་བ་སྟེར། རྨུ་ཆུའི་ནད་རིགས་ཆུ་སེར་རྡོལ་བ་ལ་འུག་པའི་ཤ་ཁུས་ཕན་པ་ལག་བླངས། ཁྱུང་ལྔའི་སྟེང་མགྲོན་ཐལ་བསྣན་པས་ཕོ་སྐྲུན་དང་ཕོ་ཐོག་ལ་ཟབ། ནཱི་ལ་ཐོ་ཟས་རེག་ཞོ་དང་སྦྱར་ནས་བྱུགས། དུག་དང་། བད་མཆུ་ལ་ཕན། རྒུན་འབྲུམ་ཐལ་བ་མར་དཀར་དང་སྦྱར་ནས་བྱུགས་པས་སྣ་ཤུའི་རིགས་ཀུན་འཇོམས། བདུད་རྩི་གངས་ཤམས་སྤར་བ་གང་བ་ཞོ་དང་སྦྱར་ནས་སྔས་སུ་ཐོ་རང་བཞགས་ནས། ཟོས་པ་ཁོ་ནས། གློ་ནད། གསོ་བ་དང་། འདྲེན་པར་བྱེད། འབྲུག་རུས་དང་། མི་རུས་བཙའ་མ་གང་རུང་གི་ཐང་གིས་འཁྲུ་བ་
གཅོད། ཡུང་བ། སྐྱུ་རུ་ར། སྦྲང་རྩི་སྦྱར་བས་ཆུ་ཁ་སྲ་བར་བྱེད། གོ་གྲེ་དང་རྒྱ་རུ་སྦྱར་བས་བུད་མེད་ཀྱི་ལྟོ་བར་བུ་ཤི་བའི་ནད་རིགས་ལ་ཕན། ར་མཆིན་རློན་པ་ལ་ཁ་ཆེ་དང་ཕོ་བ་རིས་བཏབ་སྐམ་ནས་ཟོས་པས་སྲོད་དུས་ལོང་བའི་ནད་རིགས་སེལ། ནགས་མའི་མེ་ཏོག་གསར་དུས་ཀྱི་ཁཎྜ་ལ། རྩ་ཨ་ཝ་དང་། འབུ་སུ་ཧང་བཏབ་པ་རྨ་སྨན་མཆོག །ཅོང་ཞི་ཆ་གསུམ། ལྕམ་རྩ་ཆ་གཉིས་བུལ་ཏོག་ཆ་གཅིག་སྦྱར་བ་ཕོ་ནད་ཐམས་ཅད་ལ་འགྲོ། སྦྲུལ་གྱིས་ཕུག་མ་ཐག་རང་གི་དྲི་ཆུ་དྲོན་མོས་བཀྲུ། དེ་ནས་གླ་རྩི་བཏབ་ལ་ཁ་ཤའི་རྭ་ཅོས་ཚུགས་བྱ། དེས་ཕན་ངེས། ཅོ་གའི་ཀླད་པས་གཉིད་སྲུངས། བསྟེན་དྲགས་ན་སྐྱོན་ཡང་ཡོད། གཏར་ཉེས་ཁྲག་ལོག་ན་སྡོམ་ཐག་བརླན། སྣ་ཁྲག་མ་ཆོད་ན་དཔུང་མགོ་གཡས་གཡོན་ལ་མེ་བཙའ་བྱ་བས་ཕན་ཆེ། སྣ་སྲིན་ལ། གླ་རྩི། ཤིང་ཀུན། འཇམ་འབྲས། བྱི་ཏང་། མ་རུ་ཙེ། བཅས་སྣ་དུད་དང་བསྲེས་ནས་རྔུབས་པས་ཕན་ངེས་ཡིན། བཤལ་བཅད་མ་ཐུབ་ན་ད་ཏྲིག་ཆིག་ཐང་གིས་ཕན་ཆེ། རླུང་གཟེར་འདྲ་བ་ཀུན་ལ་འདར་པུ་བརླན། དམར་དུག་གི་རིགས་ཤིན་ཏུ་ཐུ་བ་ལ། འོམ་ལོ་ལྕགས་སྣོད་དུ་བསྐོལ་བའི་གཡའ་ཁུ་ལས་ཕན་ཆེ་མེད། བོང་ང་ཆིག་དྲིལ་གྱིས་ནད་ངན་རིགས་ཀུན་ལ་ཕན། རྒྱུ་གཟེར་དམར་
བཤལ་ལ་ཆོས་ཉིད་རིལ་བུ་ཕུར་ནག་ཐང་གིས་ཕུལ་བ་ཁོ་ནས་ཕན་ཆེ། རྟ་བླའི་རོ་ཆུར་སྦྱངས་ནས་བླུད་པས་ལྷོག་པ་གསོད། རྟ་ལག་པ་ཞ་བ་ཏེ་ལོའི་ཤ་དང་ལྷན་དུ་དཀྲིས་པས་ཕན། གླ་རྩི་ལང་ཐང་། བྱི་ཏང་གསུམ་སོ་བར་བཟུང་བས་སོ་སྲིན་ལ་ཕན། ལྡུམ་ཟངས་རྩི་དང་གཡའ་ཀྱི་ཆ་མཉམ་གྱིས་མཁྲིས་ནད་གྱེན་དུ་འདྲེན་པ་ལ་ཟབ། ཤངས་དྲིལ་དམར་པོ་མདངས་མི་གསལ་བ་དེ་གློ་སྨན་ཆིག་ཐུབ་ཡིན། དེ་སྟེང་ཚན་དམར། འབྲོག་ཟ། སྒྲ་ཤ་ལ་ཡུ་རིངས་བཅས་ལ་གློ་སྨན་སྙན་བརྒྱུད་སྡེ་བཞི་ཟེར། གློ་རྣག་སྐེམས་པ་ལ་ཟངས་ཐལ་དང་། འདྲེན་པ་ལ་སྤ་ཡག་སྟར་བུ་བཅས་སྦྱར་བས་ཆིག་རྒྱུགས་ཡིན། བདུད་རྩི་གངས་ཤམ་བ་ཞོ་དང་སྦྱར་བ་གློ་རྣག་ལ་ཆིག་རྒྱུགས། ཐར་ནུའི་ལོ་མ་ཁ་འབུས་དུས་བཏུས་པ་དང་། ཐང་ཁྲམ་མེ་ཏོག་གསར་པ། ནགས་མའི་མེ་ཏོག་གཞོན་ནུ་བཅས་ཆ་རེ་རེ་ཁཎྜར་བསྐོལ་བས་རྨ་རིགས་ཐམས་ཅད་ལ་ཐེངས་ཆོག །གྲོགས་ཚང་གི་ས། ཨུག་ཆོས་འབྲས་བུ། རེ་ཚལ། དྲི་ཆེན་བཅས་ནུས་བསྲེགས་ཀྱིས་རྒྱ་ཐོར་ལ་ཤིན་ཏུ་ཕན། ཨ་བྷི་ཥ། ཅོག་ལ་མ། སྒ་སེར། སྡོང་རོས་བཞིས་རྨ་རིགས་ཐམས་ཅད་ལ་ཕན། ཀྲྀའི་རཱ་ཡི་དུད་པས་ལུག་ནད་ལ་ཕན། །ན་བཞི་སྟེང་རིམ་པ་བསྣན་པོས་འཁྲུ་གཅོད་ཟབ། བཙས་རྗེས་ཟླ་མཚན་འབྱམས་པ་
སོགས་ལ་ནང་ལང་འཕར་རྩ་བསྲེགས་པས་ཆོད་ངེས། གློ་བ་སྐྱ་རྩི་ལ་ག་བུར་ཉེར་ལྔ་སྟེང་། གྲོ་ལོ་དམར་པོ་བུངས་ཆེ་བ་དང་། ནག་པོ་དགུ་སྦྱོར་བཅས་བསྲེ་སྨན་གཞན་ལས་འདི་ཕན་ཆེ་བ་ལག་བླངས། ཧོན་གྱི་ཁ་སྲུངས་ལ། ཤིང་རྟ་མའི་རོ་སྒོ་སྐས་སོགས་མ་འགྲིམས་པ་དེ་ཉིད་ཆུ་བརྡུངས་བྱས་ལ། ནག་པོ་དགུ་སྦྱོར་དང་བསྲེས་ལ་བླུད། །སྤྱང་ཁུའི་ཤ་སྐྲན་གྱི་གསང་སྨན། སྤྱང་ལྕེ་དང་། སྐྱི་བའི་འབྲས་བུར་ཁྲག་ལ་སྦྱར་བས་གག་པར་ཕན། སྤྱང་ལྕེ་གཅིག་པུས་ལྕེ་ལ་འབྲུམ་ཐོར་བྱུང་བ་ལ་ཕན། སྤྱང་ཀིའི་སློ་དྲོན་གྱིས་མགུལ་འགགས་ལ་ཕན། དེ་ཡང་བཤས་མ་ཐག་པ་ཟླ། དགོས། རྟ་ནད་རིགས་ཐམས་ཅད་ལ་དང་པོ་གུ་གུལ་གྱི་ཐང་བཏང་། ཁྱིམ་ནང་མ་ཡིན་པར་བྱ་རྒོད་ཀྱི་ཤ་ཕོན་ཆེར་བདུག་པས་ཕན་ངེས་ཡིན། ས་ཟ་བའི་ནད་ལ་ཁམ་ས། གཡག་རྒོད་དར་མའི་ཁྲག །གསེར་མེ་བཅས་བསྐོལ་ནས་བླུད་པས་ཕན། སྦ་བྱིས་ཀྱི་ཚང་ནང་ནས་གཡའ་མ་ཆག་སྦྱོར་གྱི་སྨན་ཐམས་ཀྱིས་བླངས་པས་རྐང་བྲུན་གྱིས་རུང་། བྱང་བ་ནག་པོ་འདི་རྣོ་ཆེ། ཕྱེད་དུག་བར་གཤོག བཏོན་ཕྱེད་མི་བཏོན། དཀར་ཡོལ་གན་དཀར་ཆགས་ཕྱེས་བུ་རོགས་འཕྲལ་དུ་འབྱིན། ཁྱི་དུག་ལ། ཁྱི་སྨྱོན་ཀླད་པ་བཏང་བས་སྨྱོ་
མ་སྨྱོ་གང་ལའང་ཕན་ཆིག་བརྒྱུད། བུད་མེད་ཀྱི་ཟླ་མཚན་འབྱམས་པ་ལ། དེ་ཕོའི་ཨོག་ཞོལ། བྱ་ཕོ་ཙི་ཙི། དོམ་མཁྲིས། ཁ་ཆེ་བཅས་ཀྱི་ཐང་གིས་ཐེམ་བུ་སྡོམ་པ་དང་མཚུངས། རྗེས་གཅོད་ལང་རྩ་ལ་མེ་གདབ། རྒྱ་ཚོས་ཀྱི་ཐང་གར་མ་ལ་དོམ་མཁྲིས་བཏབ་གཏོང་ཟླ་མཚན་གཅོད་པ་ལ་ཟབ་འགྱིངས་ན་དེ་ཕོའི་གཙུག་གི་ཟེ་བ། སྟར་བུ། སྦྲུལ་ཤ །བྱང་བུལ་བཅས་གཡེར་ལྕམ་ཐང་གིས་ཕུལ་བས་མྱུར་དུ་འདྲེན་ཅིང་རྗེས་སུ་རྩ་ཁ་སྡོམ་པར་བྱེད། བུ་འགྱིངས་ན་སྤྲེའུའི་རུས་པའི་ཕྱེ་མ་བླུད། ཁབ་དང་མདེའུ་སོགས་ཁོང་དུ་ལུས་པ་ལ་དེ་ཕོའི་ཨོག་ཞོལ་གྱི་ཐང་བཏང་། རྨ་རིགས་ཁྲག་མ་ཆོད་ན་ཟེར་མོའི་རུས་ཕྱེ་འདེབས། མིག་ཁ་བས་ཕྱིད་པ་ལ་ཉ་རུས་ཀྱི་དུད་པས་ཕན། བྱིས་པའི་གཞང་ལུགས་ན་སྔོ་ཆུ་སྲིན་སྡེར་མོའི་ཕྱེ་མ་མར་ཁུ་ཅུང་ཟད་ཀྱིས་ཕུལ། བྲག་སྐྱེས་དབྱི་མོང་ནག་པོ་བཞི་ཤོག་ཅན་དེ་ར་འོ་དང་སྦྱར་ནས་བྱུགས་པས་མཛེར་པ་ལ་ཕན། རྗེས་གཅོད་རང་གི་མ་ཡོད་ན་དེ་ཡི་སྐྲ་ཆུས་བཀྲུ། མེད་ན་ཐོག་མར་གྲུ་ཀོ་ནང་གི་ཆུས་བཀྲུ། དེ་རྗེས་གཙང་ཆེན་གྱི་ཆུས་བཀྲུས་པས་རྟིང་དག་ལ་འགྲོ། སྨན་ནད་ཐལ་ཆེ་བ་ལ། བྲག་སྐྱ། ༡་༠༠ ཟེ་ཚྭ། ༠་༩༠ ཨ་རུ། བ་༨༠ བཙོད་མདུད། ༠་༥ བྱང་བུལ། ༠་༤༠ ཡུངས་ཀར། ༠་༣༠ བཅས་ཐང་བྱས་ནས། ཁ་ཤིང་ཐུར་
གྱིས་བཀར་ལ་བླུགས། སྐྱུགས་ན་ལེགས་ཤིང་། མ་སྐྱུགས་ན་གདུང་བསྐོར་བྱེད། ལུས་ལ་ཆུ་གྲང་ཕྱར། རྟ་སྦང་བཙིར་བའི་ཁུ་བར་བུལ་ཏོག་བཏབ་པ་བླུད་ཀྱང་ཕན། ཡང་ན་ཡུངས་ཀར་གྱི་ཐང་བཏང་འཕྲལ་དུ་མ་བཅོས་ན་ཉེན་ཆེ། ཝ་ཏས་བཟི་བ་ལ་ཆང་སོགས་སྐྱུར་རིགས་ཀྱིས་ཕན། རྟ་དྲེལ་དེ་ཡིས་དུག་པ་ལའང་སྐྱུར་རིགས་བླུད། ཨོལ་འགགས་ལ། གོ་གྲེ་ལ་སོགས་པའི་གྲེ་བའི་རིགས་ཐམས་ཅད་དང་། གིའུ་ཝཾ་ཡུ་མོ་ཨོལ་གོང་བཅས་སྦྱར་བས་ཕན་ཆེ་བ་ཞལ་རྒྱུན་ཆིག་བརྒྱུད་མའོ། །རྒྱུ་གཟེར་གྱི་གསང་སྨན་ཁུག་རྟའི་ཐུན་ལ་བྱེད། སྤྲོ་པ་དང་མཁན་སྐྱ་སོར་བཞི་ཙམ་དུས་བཏུས་པ་ཁ་དོམ་གྱི་ཆུས་སྦགས་ནས་སྣ་བུག་ཏུ་བཙུད་པ་རཀྟ་བཅད་པའི་གདམས་པ་ཟབ། རྟ་ཕྱུགས་ཀྱི་རྡོ་ཤུ་ལ། རྒྱ་རྩི་དུག་ལོ་དང་། འོལ་མོ་སེའི་འབྲས་བུ་མཉམ་སྦྱོར་མཆོག་ཏུ་ཟབ་ཀྱང་ནུས་པ་རྣོ་བས་ཐལ་ཆེས་ན་རྨ་ཤུ་འབྱུང་བའི་སྐྱོན་ཡོད། ཐ་རམ། ན་རམ། ནད་མ་རྣམས་གང་ཡང་རུང་བའི་ཐང་གིས་ཐིག་ལེ་འཛག་པ་གཅོད། ཀླུ་བདུད་ནག་པོ་ཁྱད་པར་ཅན་འཁྲུལ་མེད་དེ་གཉན་འབམ་དང་། དཀར་པོ་ལྔ་བ། དམར་ས་རོང་གི་བེ་ནགས་སོགས་སུ་སྐྱེ་བ། པོ་མཛེ་ནད་ཀྱི་གསང་སྨན་བླ་ན་མེད་པ་ཡིན། ཁ་ཆེ། དོམ་མཁྲིས། གླ་རྩི། རྒྱ་མཚལ། བཞི་བསྡུས་པ་ལ་རྨ་སྨན་སྟག་མོ་ཞེས་ཤིན་
ཏུ་ཟབ་པར་བཞེད། རྟ་ནོར་གྱི་ནད་རིགས་ཀུན་ལ། བོང་ང་ག་བུར་སྟག་ཤ་མ་དོམ་མཁྲིས་དང་། གིའུ་ཝཾ་ཅུ་གུར་རྒྱ་ཚྭ་ཨ་རུ་ར། །སྦྱར་བའི་དཔའ་ཆེན་སེང་སྟག་དགུ་སྤྲུགས་འདིས། །ས་བདག་ཀླུ་གདོན་ལྐོག་རིགས་བཅུ་གཅིག་དང་། །ཁྱད་པར་ཨོལ་འགགས་ནད་ཀུན་སེལ་བའི་མཆོག །ནཱ་ག་ཤྲི་ཕུད། ནཱ་ག་བཱི་ཤིག །ནཱ་ག་ཤཱི་རྦད། སྔགས་འདི་ཁྲི་ཡིས་རྫས་ལ་ངར་གདགས་ཤིང་། །ནམ་དགོས་བརྒྱ་རྩ་རེ་ཡིས་ཁ་སབ་བྱ། །གུ་རུ་རཏྣ་གླིང་པའི་གཏེར་བྱོན་ནོ། ༈ །རྒྱུན་དུ་བརྒྱལ་ན། བོང་བུའི་བྲུན། ཕག་ནག་དང་། ཁྱི་ནག་པོའི་བྲུན་བཅས་ཀྱི་ཁུ་བ་སྣར་བླུགས་པས་འཕྲལ་དུ་སོས་ཡོང་། ༈ །མིད་པ་ཁྲག་སྐྱེས་ལ་ཚྭ་དང་། གྲེ་བར་གྲ་མ་ཟུག་ན་ཟན་སྲ་མོ་འཇང་པས་ཕན། བུད་མེད་སྐྱེས་པ་མེད་པ་ཁོག་སྟོད་འཚང་ཞིང་། ལ་ལས་བད་ཀན་དུ་ངོས་འཛིན་པ་དེ་ལ་ལོ་བརྒྱད་དྲི་ཆུ་བླུད་པས་ཕན་ངེས་ཡིན། རྒྱ་མེན་མོ་ནད་ཆིག་སྡུམ་ཤིན་ཏུ་ཟབ། གྲེ་ཐོག་མཇུག་ཏུ་རྒྱ་ཁྲག་དྲོན་མོ་སྦྱར་བའི་མན་ངག །རྣ་བའི་ཁྲག་དྲོན་འཐུང་བས་ཆང་ནད་གཏན་དུ་འབྱངས། བུལ་ཏོག །རུ་རྟ། ཆུ་རྩ། དུར་བྱིད་ཀྱིས་རྒྱ་སྨར་སྲུངས། ལྤགས་སྲིན་ལ་སྤང་སྤོས་བདུག་ཅིང་། ལི་ཤི་བརྡར་ཁུ་བྱུགས་པས་ཕན། ཁ་ཤའི་རྭ་ཚུགས་དྲོད་ཅུང་ཟད་ཡོད་པས་བསྲོ། མིག་གི་ཤ་འཛེར་ལ་ནད་པ་རང་གི་
སྐྲ་དང་ཁ་སྤུ། རྐང་སེན། ཤ་རུས་བཙའ་མ་ལྷམ་དྲེགས་བཅས་བདུག་པས་ཕན། སོ་སྲིན་ལ། སྨན་ཆེན། གླ་རྩི། ཤིང་ཀུན། སྒོག་སྐྱ་བཅས་རས་ཐུམ་པོར་བསྟེམས། ཁ་ནད་རྙིལ་ཆུང་ཆད་པའི་རིགས་ལ། དྲི་ཆུས་བཀྲུས་ནས། གླ་རྩི། ཚལ་ནག་མཚུར་རྣམས་ཀྱི་ལྡེ་གུ་བྱུགས་ན་མྱུར་དུ་ཕན་ནོ། ༈ །འབོགས་པ་རྣམས་འབོགས་གྲབས་དུས་རྐང་པའི་མཐེ་བོང་ལ་སྐུད་པ་ཞིག་བཏགས་ནས་མི་གཞན་ཞིག་གིས་བཟུང་བས་འབོགས་འཕྲོ་ཆད། སྨན་ནི་ཁྲའམ་པུ་ཤུད་ཀྱི་སྙིང་སྐམ་པོ་ཆང་གིས་ཕུལ་བས་ལན་གསུམ་གྱིས་ཕན། དེ་རྗེས་ཨར་བརྒྱད་བསྟེན། ལྐུགས་པ་ཏི་ཏིའི་སྒོ་ང་གྱུར་མིད་བྱེད། གཟའ་དང་རྒྱལ་པོའི་བདུག་པ་སོགས་རྫས་ངན་འགྲོ་རིགས་ལ། སྤང་སྤོས། མཁན་པ། རྡོ་དྲེགས། ཤུག་པ་བཞི་བསྲེས་ན་ལྷ་སྲུང་ལ་མི་ཕོག་པ་མན་ངག །བུལ་ཏོག །རུ་རྟ། དུར་བྱིད། དབྱི་མོང་ནག་པོའི་མེ་ཏོག་བཞིས་ཤུ་ཏ་ལོ་སེ། ཟབ། ཡུང་བ། སྐྱེར་པ། སྐྱུ་རུ་རའི་ཐང་ཞག་འགའ་བསྟེན་པས་མཁྲིས་པ་ཤ་སེར་མིག་སེར་ལ་ཕན། བོང་དམར། ༡་༠༠ ཨ་རུ་ར་འཇིགས་མེད། ༠༡༠ སྦྱར་བས་བད་ཀན་གྲེ་འགགས་ནད་ལ་ཐེང་པས་ཆོག་པ་ལག་བླངས། རྣ་བའི་ནང་སྲོག་ཆགས་ཤོར་ན། རྒྱ་ཚྭ་ནས་ཙམ་ཆུ་དྲོན་ཐིག་པ་གཅིག་བླུགས། ཡང་ན་མཁན་པའི་ཁུ་
བ་བླུགས། ལུག་ཤིག་ལ་ཆང་དང་། ར་ཤིག་སོང་ན་གཡེར་མའི་ཆུ་བླུགས་པས་ཕན། མི་ཐོད་དུམ་བུ། ཕོ་བ་རིལ་འབྲུ་བདུན་བཅས་ནད་པའི་མཆིལ་མ་ལ་བརྡར་ནས་བྱུགས་ན་སྒྲོ་བ་སྐྲངས་པ་ལ་ཕན་། ཡུང་བ་དང་། སྐྱུ་རུ་རའི་ཁུ་བ་སྦྲང་རྩི་སྦྱར་བ་གཏོང་བས་ཆུ་ཁ་སྲ་བར་བྱེད། ཧ་ལོ། རྒྱ་སྐྱེགས་དོམ་མཁྲིས་ཀ་ར་སྦྱར་བས་མཁལ་ནད་དམར་པོ་ཆུ་ལམ་ནས་ཁྲག་འཛགས་པ་ལ་ཕན་ངེས་ཟབ། བྱིས་པ་ཁ་ལོང་ན། ར་ཁྲག་གམ། ཡང་ན་སྐྱ་གའི་སྒྲོ་ཐལ་བྱུགས་པས་ཕན་ངེས། བྱིས་བའི་ཆུ་སོ་དང་། བུད་མེད་ཀྱི་བྱ་ལྕེ་སྐྲངས་ན། གླ་རྩི་ཚྭ་མར་ལ་སྦྱར་ནས་བྱུགས་པས་ཕན། རྨིག་པ་སྐྲངས་ན་ར་ཁྱིའི་སྤུ་གཞོབས་ཆུ་སེར་སྦྱར་བ་བྱུགས། བཙན་དུག་གི་ནད་ཚབས་ཆེན་ལ་རྟ་གསེབ་སྔོན་བོའི་སྦང་སར་མ་ལྷུངས་པ་བཙིར་བའི་ཁུ་བས་ཕན་ངེས། ཡང་རྟ་སྦངས་ཀྱི་ཁུ་བ་བུལ་ཏོག་བཏབ་པ་དང་། བྲག་སྐྱ་ཧ་ཝོ་ལན་ཚྭ་དང་སྦྱར་བས་ཀྱང་འཇོམས། གཏར་ཁྲག་དྲོན་མོ་བླུད་ན་སྲོག་རྩ་སོགས་ལ་མི་བྱེར། ཧ་ཅང་ཚབ་ཆེ་ན་ཐལ་ཁུ་མང་དུ་བླུད་ཅིང་ཕུབ་བསྐོར་བྱས་པས་སྐྱུགས་ཡོང་། །ཅོང་ཞི། ༠་༡༠ རྒྱ་མཚལ། ༠༡༠ ཨ་ཝ། བ་༡༠ བཅས་མགོ་ཆག་ཁོང་སྨན་ལ་ཟབ། སྦྱར་དུག་གཞན་ལ་གསང་། ཐར་ནུའི་མྱུ་གུ་གྲིབ་སྐམ། ༡་༢༠ ཚྭ་ལ་ཆུ་བཅད། བ་༡༠ ཆུ་རྩ་མདོག་
འགྱུར་བཅས་མགོ་རྨ་ལ་ཟབ། སྟག་ཤ་འབྲུག་རུས་གཉིས་སམ། དེ་སྟེང་ཧ་ཤིག་བཅས་སྦྱར་བས་རྨ་རིགས་ཀུན་ལ་སྐུད་པས་བཙེམས་དང་མཚུངས། མེས་ཚིག་པའི་རྨ་ལ་རྟ་ཕྲུ་སྐམ་པོ་ཞིབ་པར་བཏགས་ནས་བཏབ་པས་ག་བུར་ལས་ཀྱང་བསིལ། སིནྡྷ་ར་དང་། ཅུ་གང་ངམ། རས་ལྕགས་ནག་བསྲེགས་ཐལ་གྱིས་ཕན་ཆེ། བུལ་ཏོག་དང་དུད་པ་བྱབ་ལ་མ་གཉིས་བྱུགས། ཉི་མ་ལ་བསྟན་པས་ཚབས་ཆེ་བ་ཉིན་གཅིག་དང་། ཆུང་བ་ཉིན་གསུམ་ནས་སོས། ཆུ་ཚན་གྱིས་ཚིག་པ་ལ་ཆུ་བལ་བརླན་པས་ཕན། རི་བོང་མཁྲིས་པ་དང་སྤུ་རྩས་ལིང་ཏོག་ལ་ཕན། མར་མེའི་དུད་པ་དང་སྐྱེར་ཤུན་སྦྱར་བས་མིག་ནད་ལ་ཕན། ཟངས་སྡེར་ནང་དུ་ལི་ཤི་ཞོ་དང་སྦྱར་བ་བྱུགས་པས་ཀྱང་ཕན། ཡུང་བ། གསེར་མདོག །མྱོང་རྩི་ཏྲ་གསུམ་ཆ་མཉམ་ནུ་ཞོས་སྦྱར་བ་བྱུགས་པས་ཕན་ཆེ། ཟངས་ལ་ཞོ་སྦྱར་ཉི་མར་བསྲོ་སྟེང་ནས་པྲི་ཡངྐའི་མེ་ཏོག་གིས་བཀབ། །སག་རྩི་ཆུ་སྦྱར་མིག་ལ་བྱུགས། །ལོང་པ་ལ་ཡང་མིག་དང་ལྡན། །འདི་ནི་མར་པ་ལོ་ཙཱའི་ལུགས། །སྤྱི། མིག་ཏུ་རྡུལ་སོང་ན། ལག་རྔ་སྲི། ཞེས་མང་དུ་བགྲངས་ནས་མཛུབ་མོ་ལ་བཏབ། མིག་ཏུ་བསྐོར་བས་དོན་འོང་། མིག་ཏུ་སྐྱེར་བྱུང་ན་བྱ་ལོ་པས་ཕུ་བྱ། དེས་ཕན། དྲང་སྲོང་གི་དུག་ལ་སྲིན་བྱའི་གོ་རོ་ཙ་ན། ཟངས་རྡོ། གྲི་ཁྲག །
ཡུགས་སའི་མངལ་ཁྲག་རྣམས་ཞིབ་བར་བཏགས། ཟངས་གཞོང་དུ་བུ་རམ་གྱི་མགོ་བསྡུས་ལ་རིལ་བུར་དྲིལ། ཕྱག་རྡོར་གོས་སྔོན་ཅན་གྱི་གཟུངས་རིང་མཐར་སྡུམ་པོ་ལི་སོགས་བཏགས་ལ་རབ་གནས་བྱ། སྲུང་ན་ཚེས་བཅོ་བརྒྱད་བཅོ་ལྔ་ཉེར་དགུ་དང་། ནད་གཞི་ཡོད་ན་ཚེས་བཞི་བརྒྱད་བཅུ་གཉིས་བཅུ་གསུམ་བཅོ་ལྔ་ཉེར་གསུམ་ཉེར་ལྔ་ཉེར་དགུ་གནམ་གང་རྣམས་ལ་གུལ་ཐང་གིས་ཕུལ་ལ་གཏོང་། རང་གིས་ཟོས་པས་རང་ལ་མི་ལྡོག །ནད་ཕོག་མ་ཐག་ནས་ནད་པས་ནད་དེ་རེད་ཚུལ་མ་ཐོས་གོང་དུ་སྤོས་དཀར་གུ་གུལ་བསྣན་པ་ཟབ། ཐང་ཞག་གསུམ་གཏོང་ནས་བཙོན་དུ་བཟུང་བ་གལ་ཆེ། །གཟའ་ནད་ཀྱིས་ཁ་ལྐུགས་པ་ལ། གངས་བྱིས་སྐེ་སེར་པོ་ཅན་གྱི་ཤ་ཆ་༡། ཟངས་རྡོ་དེ་ཕྱེད། བཙོད་ཁྲག་ཉུང་ཙམ་བཅས་ཀྱིས་འཕྲལ་དུ་ཕན་པ་མྱོང་གྲུབ་མའོ། །མགོ་རླུང་ཅིས་ཀྱང་མ་ཕན་ན་གུལ་ནག་གི་ཐང་བཏང་། སོ་ནད་སྤྱི་ལ་ཤོག་ཤིང་གི་བར་ཤུན་སོ་བར་དུ་བལ་གྱིས་དྲིལ་ལ་བསྟེམས་པས་ཕན། རླུང་ཤས་ཆེ་བའི་སོ་སྲིན་ལ་སྒོག་སྐྱས་ཕན། སྨན་ཆེན་རས་ལ་བསྟུམ་པས་གྲང་སྲིན་སེལ། སེང་སྦྱར་དང་། པྲི་ཡངྐ་ཆ་མཉམ་གྱི་ཐང་གིས་ཚ་ཆུ་གྲང་ཆུར་བསྒྱུར། དྲེག་ནད་ལ་ཟ་ཡི་ཁཎྜ་བྱུགས། ཡང་ན་མཛོ་ལྕི་དང་ལོ་བརྒྱད་དྲི་ཆུའི་ལུམ་བྱའོ། །བྱིས་པའི་ཁ་ལང་ལ་རུག་པ་དང་ར་ཁྲག་སྦྱང་
བ་བྱུགས། ལྕུམ་རྩ་ཅོང་ཞི་གོ་ཐལ་གསུམ། །མ་ཞུ་ཀུན་ལ་བདུད་རྩི་འདྲ། །ཆིག་ཐུབ་༢་༠མིང་ཅན་༡་༠སྟག་༡་བཤ་དང་། །ལན་ཚྭ་ཐུར་མགོ་གང་ཙམ་སྦྱར། གག་ལྷོག་གཉན་རིགས་ཀུན་ལ་འགྲོ། །སོལ་བས་ལོས་དང་གཡི་མང་ཚད། །ཤ་བམ་ཐང་ཐལ་ཁུ་ཚོས་ལེན། །ཁྲག་རླུང་གིས་འདར་བ་ལ། ཀོ་བྱི་ལའི་སྤུའམ། དེ་དང་ཨར་ནག་འཁྲུལ་མེད་བསྲེས་པ་བདུག་ན་འཕྲལ་དུ་ཞི་འགྲོ་བ་ལག་བླངས། ༈ །ཤྲཱི་སྭ་སྟི་པྲ་པུཏྟཾ། འདིར་གསང་སྨན་གྱི་རིགས་འགའ་ཞིག་ལ། བྱང་ལྷུན་པ་སོགས་ལུག་མིག་ཆེ་བ་མགོ་གཉིས་གསུམ་སྦྲེལ་བ། ལོ་མ་མིང་ཅན་སེར་པོ་འདྲ་བ། ཁེར་སྐྱེས་ཚོ་ཅན་རྟིང་པ་ཐུང་བ་རྐང་གཅིག་པ་དེ་ལ་དོམ་རལ་པའམ། དོམ་ནག་རལ་པ་ཞེས་མགོ་ཆག་གི་ཆིག་༡སྡུམ་མཛད། ཟུར་ལུགས་པས་མ་ཏང་མཆིན་བུ་ལ་མགོ་ཆག་གི་གསང་བ་ཆིག་༢སྡུམ་མཛད། བྲང་ཏི་སོགས་ཨབྷིཥ་༣དང་། སྔ་རབས་པ་ཁ་ཅིག་སྤང་སྐྱེས་ཨའུ་ཙི་༤ ལ་མཛད། །གློ་བའི་གསང་སྨན་ལ། ར་མོ་ཤེལ་སྨན་པས་བདུད་རྩི་གངས་ཤམ་པ། ཕལ་ཆེར་གྱིས་ཚན་༦དམར་པོ་སྟེ་སྲོ་ལོ་དམར་པོ། གཏེར་བྱུང་གི་མན་ངག་འགར་ཇོ་མོ་གློ་༧སྡུམ་མམ་རོག་བོ་འཇོམས་སྐྱེས། གཡུ་ཐོག་ཡབ་སྲས་ཀྱིས་སྲོ་ལོ་དཀར་ཆུང་སུག་འདྲ་ཞེས་པ་འདིའི་མེ་ཏོག་ཁ་བྱེ་མ་ཐག་པ་ལ་
མཛད། ༈ །མཁྲིས་པའི་གསང་སྡུམ་ནི་བི་ཇི་དང་དྭགས་པོ་རིན་པོ་ཆེ་བཅས་གུར་ཏིག་༩ལ་བཞེད། འདི་རྨ་ལའང་བཟང་། ༈ །ཤ་དུག་གསང་སྨན་ཕལ་ཆེར་བྱིའུ་༡༠ལ་ཕུག །བི་ཇིས་ཀོན་བ་གབ་༡༡སྐྱེས། མོ་གོལ་གྱི་སྨན་པ་དག་འོམ་བུའི་ལོ་མ་ལ་༡༢བཞེད་སྣང་། ༈ །དུག་སྤྱིའི་གསང་སྨན་ལྡམ་སྟག་༡༣དང་། དཔའ་བོ་དཀར་༡༤པོ་ལ་བཞེད་པ་མང་། དགས་པོ་མཛད་། འདི་ནོར་ཕྱུགས་ཀྱིས་རྩ་ཆུ་ཤིང་སོགས་ཀྱི་དུག་ལ་ཟབ་པ་མྱོང་གྲུབ། སྤུ་བོའི་སྨན་པ་དག་སྡུམ་བུ་རྨ་༡༦བྱ་ཟེར་བ་ལོ་མ་དམར་སྨུག་ས་ལ་བསྒྲད་ནས་སྐྱེ་བ། འདབ་མ་ཉ་ག །ལྡུམ་བུ་བོང་ང་དམར་པོའི་ལོ་དབྱིབས་ཕུང་པོ་ཆུང་བ་ཕོར་ཞབས་འཁོར་རྒྱ་ཙམ་ལས་མི་སྐྱེ་བ་རོ་ཤིན་ཏུ་ཁ་བ་ཞིག་ལ་བྱེད། གཡུ་ཐོག་དང་ཟུར་མཁར་བ་སོགས་ནི་ཀོ་༡༠ཋ་ཁོ་ན་མཛད་པ་ཉིད་དོ། ༈ །མོ་ནད་ཁྲག་ཚབ་གསང་སྨན་བ་མ་ལུ་༡༨ལུའི་རྩ་བ་ལ་ཆག་སྨན་པས་མཛད། ༈ །དམུ་ཆུའི་གསང་སྨན། གཡུ་ཐོག་པས་བྱ་མ་གྲགས་༡༧གོང་བཏུས་པའི་སྲད་དཀར་ཁོ་ན་དང་། ར་མོ་ཤེལ་སྨན་སོགས་མང་པོ་ཞལ་འཆམས་པར། པྲི་ཡངྐ་༢༠། སྲད་ནག །མེ་ཏོག་སྔོ་དམར་ལོ་མ་སྤུ་ཆུང་ཅན། སྔོ་སྟབས་སེང་ཞེས་ལོ་སྡེབས་སར་བསྒྲད་སྡོང་བུར་མེ་ཏོག་ནག་རྡོག་སྐྱེ་བ་སྔོ་ཆོལ་བརྡུངས་བྱས་ནས་ཆུར་བསྐྱུར་
ན་ཁུ་བ་སྔོན་པོར་འགྲོ་བ་སྔོ་བེཌུརྨ་ཞེས་པ། རྟ་མོན་པ་ཞེས་རྩ་བ་ཆ་ག་མོན་ཆེན་དམར་པོ་ཅན་མེ་ཏོག་རྩི་ཐོག་དཀར་པོ་ཅན་གྱི་ལོ་མ་སྟེ་འདི་བཞི་ལ་མཛད། དེ་དག་ཉི་མ་མ་ལྡོག་གོང་དུ་བཏུས་ནས་སྔོ་ཆོལ་གྲིབ་སྐམ་དགོས་གསུངས། ༈ །མན་ངག །ཨོཾ་ཨ་ཐཱ། གུ་གུལ་ནག་པོ། མི་ཟི་ནག་པོ། བོང་ང་ནག་པོ་གསུམ་སྦྱར་༡བའི་དུད་པས་བྱིས་པའི་གདོན་ཐམས་ཅད་རྒྱང་རིང་དུ་བྱེར་བར་བྱེད་དོ། །སྟར་བུ། རུ་རྟ་གཉིས་མཉམ་སྦྱོར་ལ། མཛེ་ཚྭ་ཕྱེད་ཆ་བསྣན་༢པས་བུད་མེད་ཀྱི་རླུང་ཚབ་སེལ་ཞིང་མངལ་སྐྲུན་ཐམས་ཅད་བཤིག་པར་བྱེད་དོ། །ལྕུམ་རྩ། སྐྱེར་ཤུན། ཡུང་བ་བ། གསུམ་ཆ་མཉམ་༣པའི་ཕྱེ་མས་བྱིས་པའི་ཤ་སེར་དང་མིག་སེར་གྱི་ནད་སེལ་སྟེ། ཐུན་གསུམ་གྱིས་ཆོག་པ་མྱོང་གྲུབ་མའོ། །ཡང་ན་མཁྲིས་ལས་རྣམ་རྒྱལ་ཚད་ལྡན་དང་། ཁ་ཆེ་གུར་གུམ་མཉམ་སྦྱོར་༤ཀྱང་ཟབ་བོ། །ཝ་བ་ལ་རྒྱ་མིའི་ཁ་ཟས་སུ་འགྲོ་བའི་ཧེ་ཏེ་༥ཞེས་པ་འདི་ནངས་པར་ལྟོ་སྟོང་ཟོས་པས་འཇོམས་ངེས་མྱོང་བས་གྲུབ་བོ། །པཎྜི་ཏ་གོ་དྷ་༦ལའི་ལུགས་ནི། བུ་ཧར་གྱི་ཐག་པ་ལ་གཤའ་ནག་གི་ཕྲེང་བ་བརྒྱུས་ཏེ་མགུལ་པར་དཔྱངས་པ་ཉིད་དོ། །རེ་ལྕགས་པའི་རྩ་བ་ཞིབ་བརྡུངས་ཆུར་བཙོས་༧པས་འབྱར་བྱ་བ་འབྲས་ནད་ལ་ཟབ་པ་མྱོང་གྲུབ་མའོ། །གསང་སྨན་ནར་མོ་སླ་ངར་བརྔོས་པ་
ལ། མར་ཁུ་དང་ཨ་རག་གི་ཉིང་ཁུས་བྲན་ནས་འཐུང་ན་གྲང་འགྲམ་གྱི་རིགས་ཐམས་ཅད་ལ་ཐེངས་པས་ཆོག་གོ །རྨ་སྲིན་འཚོར་མི་འདོད་པ་ལ་ས་ཁ་སྟོད་ཤིན་ཏུ་མཐོ་བར་གནས་པའི་བྲ་བྱིའི་པགས་པ་༩དྲོན་མོའི་འབྱར་གྱིས་ཕན་པར་ངེས་སོ། །དབང་ལག་ཆ་བཅོ་ལྔ་དང་ཏིལ་དཀར་ཆ་བཞི་ཞིབ་པར་བཏགས་ཏེ། ཕག་པའི་ཤ་ཆ་གསུམ་དང་སྦྱར་༡༠ཏེ་ཁྱེའུ་སོགས་སུ་བསྟེན་ན་རོ་ཙ་བའི་མཆོག་ཏུ་༧འགྱུར་རོ། །བྱིས་པའི་ཁ་ལང་ལ་ར་ཁྲག་དང་དངུལ་ཆུ་དུལ་མ་སྦྱར་བ་བྱུགས་༡༡པས་ཕན་ནོ། །བུད་མེད་བུ་བཙས་རྗེས་རཀྟ་འབྱམས་པ་ལ་འདོམས་སུ་འོམ་བུའི་དུད་པ་བཏང་ཞིང་། རྒྱ་ཚོས་ཀྱི་གར་ཐང་ལ་དོམ་མཁྲིས་བཏབ་ནས་བཏང་༡༢ན་ཆོད་ངེས། རྒྱ་སྐྱེགས་ཀྱི་ཆིག་ཐང་༡༣དུག་དང་སྲིན་ནད་ཐམས་ཅད་ལ་ཟབ། ༈ །ལིང་ཏོག་ལ་ནི་ལ་ཐོ་ཞིབ་བཏགས་ཕྱེ་མ་སྐམས་འདེབས་༡༤ཀྱིས་འཕྲལ་དུ་ཕན་ངེས་ལག་བླངས། ༈ །མེས་ཚིག་གི་རྨ་རིགས་ཐམས་ཅད་ལ་རྟ་ཕྲུ་རློན་པ་བརླན། སྐམ་པོ་ཡིན་ན་ཆུ་ལ་༡༥སྤངས་ནས་བརླན་པས་ཕན་ངེས་ཟབ། ༈ །བུད་མེད་ཕྲུ་གུ་སྐྱེ་མ་ཐུབ་པ་ལ། གོ་བོའི་ཤ་༡༦ཆུ་ལ་སྦྱར་ནས་གསང་སྟེ་བཏང་བས་འབྱིན་ངེས་ལག་བླངས། ༈ །རྒྱ་གར་སོགས་ཚད་པ་ཆེ་བའི་སྐྱོན་གྱིས་འཁྲུ་ནད་འབྱུང་བ། དེའི་གཉེན་པོར་རབ་བྱ་རྒོད་ཀྱི་གསོན་ཁྲག་དྲོན་མོ༡༧།
འབྲིང་ཁྲག་སྐམ། ཐ་མའང་ཤ་ཁྲག་སྤུ་སོགས་གང་འཛོམས་ཀྱི་ཐང་གིས་ཕན་པ་མྱོང་གྲུབ། ༈ །རྨ་རིགས་བཅད་འབྱོར་ཉི་ཤུ་ཐུན་མོང་དུ་གསལ་བ་དང་། གཞན་ཡང་གསང་སྡུམ་ཞལ་ཤེས་བཞི་ཡོད། ༈ །ཟུག་རྔུ་ཁོང་དུ་ལངས་པ་དང་། བུ་རོག་མ་ཐོན་པའི་གསང་སྨན་ཡུ་མོ་མདེ་འབྱིན་༢༥ཏེ། དེ་ཡང་སྔ་མ་ལ་རྡོ་ཁབ་༢༦ལེན་དང་། ཕྱི་མ་ལ་འོལ་མོ་སེའི་རྩ་བ་༢༧བསྡེབས་པ་ཆིག་རྒྱུག་ཏུ་བཤད་སྣང་། ༈ །སྣ་ཁྲག་སོགས་ཤོར་བའི་གསང་སྨན། གུར་ཏིག་དོམ་མཁྲིས་༢༨རྒྱ་སྐྱེགས་ཁུ་བས་ཕུལ་གཏོང་ཆུ་བསིལ་གྱིས་རེག་བྱ་བྲལ་བར་ཁྲག་འབྱམས་ཕྱོགས་ནས་ཡང་ཡང་བྲན་པས་ཆོད་ངེས་བི་ཇིས་བཞེད། ༈ །རྒྱུ་གཟེར་གསང་སྨན་གཞོན་ནུ་མ་གྲོང་ཆོས་ཀྱིས་མ་གོས་བའི་པད་རག །རི་ཀླད། སྙ་ལོ། དུག་ཉུང་བཞི་༣༨སྦྱོར་རིལ་བུ་ལྟོ་བཀུག་ནས་སྲན་འབྲིང་ཙམ་བདུན་རེ་ལན་གསུམ་གཏོང་བ་ལས་མི་དགོས་ཞེས་གནུབ་སྟོན་བུདྡྷ་ཛྷཱ་ན་བས་བཤད། །སྦྱར་དུག་སྲུང་བ་དང་། བྱུར་དུག་ནད་རོ་རྩི་ཞེན་གཏིང་འཕར་རྒྱུ་ཡོད་པ་རྣམས་ལ་བྱང་ལྟས་ཀྱི་ཆར་ཉུང་ལོ་དགུ་ལོན་པའི་ཁཎྜ་༣༣ ༈ དེ་ཡི་ས་བོན་ལོ་དགུ་ལོན་༣༤ པ། ཧ་བོའི་འབུས་བུ་ཆ་མཉམ་པའི་རིལ་བུ་སྲན་འབྲུ་ཙམ་པ་བདུན་རེ་རྩ་སྟོང་ལ་བསྟེན་པས་ཟླ་གཅིག་གིས་ནད་ཚབ་དང་ཡུན་ཇི་ལྟར་ཆེ་ཡང་གཏིང་དག །རིལ་
བུ་གསུམ་རེ་རྩ་སྟོང་ལ་གཏོང་ན་ཉིན་རེའི་སྦྱར་དུག་ངེས་པར་སྲུང་ཞེས་ཛི་ན་མི་ཏས་བཤད་པ། ཞང་སྨན་པས་ལུང་དྲངས་ཤིང་གསང་རྒྱ་ཆེ་བར་མཛད་འདུག་ལགས། ༈ །མན་ངག་ཉེར་མཁོ་སྣ་ཚོགས་སྐོར་ལས། འབྲུམ་བ་དཀར་པོར་འགྱུར་ཐབས་སི་ཏུའི་འབྲུམ་བཅོས་ལས་བཤད་པ་དེ་རང་གིས་ཡོང་། བསེ་འབྲས་ཀྱི་འབྲུམ་སྲུང་དཔྲལ་བར་བཙུག་སྐབས་རྨ་འབྱུང་བ་འཕྲུགས་མི་ཉན། ༈ ། འབྲོང་མཁྲིས་ཀྱི་སྐྲ་ལོ་སྐྱེ། མཚོན་མཐིང་ཁོང་དུ་སོང་ནས་སྐྱུགས་པ་ལ་ཤ་བསྲེགས་པས་ཕན། རོ་ཐལ་དང་ཕུག་རོན་ཁྲག་གིས་མཛེར་པ་ལ་ཕན། རྟ་ཁྲག་དྲོན་མོས་ཀྱང་ཕན་ངེས། ར་གསེབ་པགས་པས་འདྲེ་ཤིག་སྲུངས། ཤིང་ཀྲི་བའི་འབྲས་བུས་ཀྱང་མཛེར་པ་ལ་ཕན། མགོ་ཆག་དང་རྨ་སྨན་རིགས་གང་ལའང་གསེར་ཐུར་རྒྱལ་མོ་དང་། རྨ་ཆེ་ཆུང་གང་ལའང་བྲག་ལྕམ་མེད་ཐབས་མེད། ཁྱི་དུག་གསང་སྨན་གཡའ་ནག་སྟང་ཟིལ་དང་། མཆོག་ཏུ་ཟབ་པ་འབུ་ཁྱི་ཟེར་བ་དེ་ཡིན། འདིའི་ཚབ་ལུག་ངལ་གྱི་འབུ་དེས་ཀྱང་རུང་ཟེར། འབྲས་ཀྱི་གསང་སྨན་རྟ་ཚེར་ཡིན། ལིང་ཏོག་ལ་ནི་རྨ་ལ་བླུགས། ཞིམ་ཐིག་གི་ཕྱེ་མ་རེངས་བུར་སྦྱར་བས་ལེན། ནཱི་ལ་ཐོ་ཁས་ལོན་ངེས་ཀྱང་གཞན་ལ་རེག་མི་ཉན། རྟ་ཟོག་རྩ་དུག་ལ་བེ་ཁྲག་གིས་ཕན་ཆེ། ལྡོག་པ་ལ་དང་པོ་སྐྱེར་ཤུན་ཐང་བཏང་། ཕྱི་
ནས་དཀར་གསུམ་བྱུགས། དེ་རྗེས་གླང་ཆེན་སྨྱོན་པ་དང་། །ཁྱུང་ལྔ་མཉམ་སྦྱོར་བཏང་། དམར་ཆེན་རྡོ་རྗེ་ཕ་ལམ་ཟབ། ཕོ་ཐོག་ལ་ཟས་སྤྱོད་སྨན་དཔྱད་དྲོད་དང་། མགུལ་འགགས་བསིལ་ཤས་ཆེ་བས་བཅོས། མིག་གི་འགྲིབ་རྩ་ཕྱི་མ་གཅོད་ལུགས། མིག་ཟུར་ནས་ཕྱིར་ཚོན་གང་སར་བཙག་བུས་གཤགས། ལྕགས་ཀྱུས་དཀྲུགས་པས་རྩ་ཞིག་དོན་སོང་། དེ་སྲན་མ་ཟ་དུས་འགུལ་ཞིང་། མདོག་སྐྱ་ན་དེ་མི་བཅད། མི་འགུལ་ཞིང་མདོག་སེར་པོ་ཞིག་ཡོད་པས་དེ་བཅད། ཤུལ་ཚུག་གིས་མནན། ཤ་གདན་མ་བསྣད་པ་གལ་ཆེ། རྟ་ཤུ་ལ་རྟ་ཡི་སློ་དྲོན་ནམ། སྲབ་མདུད་གཏུགས་ཀྱང་ཕན་པ་ལག་བླངས། རྒྱ་ཐོར་ལ་འོལ་མོ་སེ་གཅིག་པུ་བྱུགས་པས་ཕན་ཟེར། འབམ་གྱི་གསང་སྨན་ནི་གུར་ཏིག འདི་མཁྲིས་པཀྵཡ་ཟབ། ཀྲྀ་ཎཾ། འབམ་པོ་རྣམས་ཡིན། ཁྲོག་ཆུང་ནི་དཀོན་པ་གབ་སྐྱེས་ཏེ་ཁྲག་ཆོད་ཆིག་སྡུམ། མཛེར་སྡུམ་གྱིས་དྲེག་ལ་འབྱར་བྱས་པས་ཕན། གཡའ་རུག་ཞེས་པ་ཧོང་ལེན་ཡིན། ལྷོག་པའི་གསང་སྨན་དུག་ཆུག་གམ་ཏའུ་ཆུང་ངམ་ཨ་བྲའི་ཉུང་མ་ཟེར་བ་དེ་ཡིན། སྟོད་འཚང་ལ། ལུས་གནད་རྣམ་སྣང་ཆོས་བདུན་དང་ལྡན་པར་བྱས། ནད་ཐམས་ཅད་སྙིང་གར་ཧ་ཡིག་ནག་པོ་ཞིག་ལ་བསྡུས་ནས་གཟེར་སར་བསྒོམས། ནམ་མཁའི་མཐོང་དུ་ཨདཀར་པོ་
ཞིག་བསམ། ཧ་ཞེས་བརྩེགས་མར་བརྗོད་ལ་ལག་པ་གཉིས་བསྒྲད། དམིགས་པ་ཧ་དེ་སྙིང་ཁ་ནས་བརྒྱུད། ནམ་མཁའི་ཨལ་ཐིམ་པར་བསམ་ནས་མི་དམིགས་པའི་ངང་དུ་བཞག །འདི་ལ་དམིགས་པ་བཀའ་རྒྱ་མ་ཟེར་གསུངས། རཀྵའི་ཕྲེང་བས་མིག་ལ་གནོད། ཤིང་དངར་གྱིས་དངུལ་ཆུའི་དུག་ལ་ཕན། ས་མུ་དྲ་ཕ་སྒོག་པ་དང་མཉམ་དུ། ལ་ཁར་བཟུང་བས་དངུལ་ཆུའི་སོ་ནད་མི་འབྱུང་། རྐང་པ་སྦྲིད་པ་ལ་གོ་ལྡོག་མིག་ལ་མཆིལ་མ་བྱུགས་པས་ཕན། ཅོང་ཞི་འོ་མ་དང་སྦྱར་བའམ། དབང་ལག་བ་འོ་དང་སྦྱར་བ་ཟླ་ཕྱེད་བསྟེན་པས་ཤ་མདངས་ཟླ་བ་ལྟར་འགྱུར། སོ་འབམ་ལ་སོ་ཕག་གོ་ཡུའི་ཐང་གིས་ཕུལ། གླང་ཐབས་ལ་སྲོག་ཆགས་ནག་པོ་ཀོག་པ་ཅན་གཏོང་། ར་གསེབ་ཁྲག་བླུད། ཅིས་ཀྱང་མ་ཕན་ན་ལང་རྩ་གཏར། སྨན་ཟླ་ཤེལ་དང་། གཡུ་དྲིལ། ཕན་པ་ཀུན་ལྡན་རྣམས་༧ ཟབ། རྐང་ལག་འགྱུར་བ་ལ་བུ་མོ་སྟག་ལོ་མས་སོ་བཏབ་པས་ཕན། རྟ་ཟོག་རྩ་དུག་ན་བ་ལ། རྔ་སྙིང་སོ་ཡིས་ཁྲག་མ་བྱུང་བར་འཛིན་པས་ཕན་ངེས། རྐང་ནད་ལ་གུར་གུམ་བཅོ་བརྒྱད་ཟབ། མེས་ཚིགས་ཚབ་ཆུང་ལ་སྦྱིན་བསྐུས་བས་ཆུ་བུར་འཕྲལ་དུ་འབྱུང་ཞིང་ཕན། ཁྱི་རུས་ཚིག་ཡག་མ་རེད་པའི་ཕྱེ་མ་པར་བུར་བཅངས། ཕག་ཚིལ་དང་སྦྱར་ནས་བྱུགས་པས་ཀྱང་ཕན། སོ་བརྡུངས་པ་
སོགས་ཀྱིས་འགུལ་ན་གཟེ་མའི་རྩ་བ་མེར་བསྲེགས་ཐལ་བྱུགས། བྱིས་པ་མཚན་ངུས་བྱེད་པ་ལ་མར་མེའི་རོས་ཐོ་སླར་ཡང་བསྲེགས་པ་ནུ་མར་བྱུགས་པས་ཕན། ཕག་བྲུན་བསྲེགས་ཐལ་བོང་བུའི་གཅིན་དང་སྦྱར་ནས་སྣར་བླུགས་ན་ཡམ་ཀླད་གཟེར་ལ་ཕན། ཀ་རཉྫ་བ་འོར་བཏབ་པས་ཁོང་སྲིན་དང་གཞང་སྲིན་ལ་ཕན། ཤ་འབྲས་དང་བྱེ་མ་ཀ་ར་ཞིབ་བཏགས་ཞོ་དང་སྦྱར་ན་ཚད་འཁྲུ་གཅོད། མགྲོན་བུ་བསྲེགས་ཐལ་ནུ་ཞོ་དང་སྦྱར་བས་རྣ་བའི་རྣག་ཁྲག་ཆོད། སྐྱུ་རུ་ར་ཨ་རག་གི་ནང་དུ་སྦངས་པའི་ཁུ་བས་བྱུགས་ན་སྐྲ་ཚན་ཆེ། ཕུར་མོང་ནག་པོ་ཤ་ཡི་གསེབས་ལ་བརྫོང་བས་འབུ་མི་འབྱུང་ཞིང་ཤིང་ཀུན་གྱི་དྲི་མས་ཀྱང་ཐུབ་བོ། །ལ་ལ་ཕུད་མེར་བསྲེགས་པའི་དུ་བ་ཁར་གཏོང་ན་སོ་སྲིན་ལ་ཕན། གཉན་འབུར་གྱིས་སྐྲངས་པ་ལ་བ་ལྕི་རློན་པ་སྣུམ་བསྲེས་པའི་སྐྱོ་མ་དྲོན་མོ་བྱུགས། །དེ་རས་ཀྱིས་བསྡམས། གྲང་བ་དང་ཡང་ཡང་བརྗེ་བ་སོགས་བྱས་པས་མྱུར་དུ་རྣག་ཏུ་སྨིན། དེ་བརྟོལ་བ་སྒ་སེར་མེར་བསྲེགས་པ་ཆུར་བརྡར་ལ་གང་བརྡོལ་སར་བུག་པ་ཆེ་ཆུང་ཇི་ལྟར་འདོད་པའི་རྒྱུར་ཡང་བྱུགས་པས་མྱུར་དུ་བརྟོལ་ངེས་སོ། །སྤྲ་ཚིལ་བཞུ་སྟེ་རས་ལ་བཙགས། དེ་སྟེང་བ་མར་བཙག་བླུགས་ཏེ་དཀྲུགས་པ་བྱུགས་ན་རྐང་ལག་གས་པ་ལ་འཕྲལ་དུ་ཕན་པ་མྱོང་གྲུབ། རྡོ་ཐལ་ཆུ་ལ་
སྦྱངས་པ་དང་སོ་ཕག་རྙིང་པ་གཉིས་བསྲེགས་པའི་ཁུ་བ་གང་རུང་གི་གདུས་ཐང་གཏོང་བས་ཞྭ་ལོག་འཁྲུ་སྐྱུགས་ཀྱིས་སྐྱུགས་པ་སོགས་སྐྱུགས་པའི་རིགས་ཐམས་ཅད་གཅོད། རི་སྒོག་རྩ་རྩེ་མ་རྙིང་མ་ རུལ་པ་གྲིབ་སྐམ་བྱས་ལ་ཞིབ་པར་བཏགས་པ་མར་གསར་པས་རྟ་བྱས་ནས་རིལ་བུ་སྐྱུ་རུ་ར་ཙམ་གཏོང་ན་གྲང་རླུང་གི་རིགས་མཐའ་དག་ལ་ཕན། ལུས་སྟོབས་བསྐྱེད། འདོད་པ་མཆོག་ཏུ་སྤྱོད་ནུས་པར་འགྱུར་རོ། །དེ་ཉིད་སྦྲང་རྩིས་རྟ་བྱས་ནས་གཏོང་ན་བུད་མེད་ཟླ་མཚན་མ་བབས་པའི་ཁྲག་ནད་ལ་ཕན་ནོ། །ཆུ་གྲང་གིས་རྟ་བྱས་ནས་སྣར་བླུགས་ན་སྣ་ཁྲག་ཅིས་ཀྱང་མ་ཆོད་པ་ཆོད་པར་འགྱུར་རོ། །ཡང་སྣ་ཁྲག་ཀྱང་འཛག་ཅིང་མགོ་བོ་ན་ན། རི་སྒོག་གི་འབྲས་བུ་བཙག་བཅད་པའི་མར་ཁུའི་ནང་དུ་མ་ཚིགས་བར་བཙོས་པ་དང་། པི་ལིང་ཆ་མཉམ་ཞིབ་པར་བཏགས་ལ་དུས་རེར་ཐུན་ཚད་གསུམ་རེ་ཙམ་གཏོང་བས་ཁྲག་ཆོད་ཅིང་ནད་ཀྱང་ཕན་ནོ། །ཞུམ་བུའི་ལྕེ་གྲིབ་སྐམ་བྱས་ལ་ཞིབ་པར་བཏགས་ལ་སེ་བ་བཅུ་དྲུག་ཙམ་རེ་གཏོང་ན་མ་ཡི་ཁོང་ནས་སྨྲ་མི་ཤེས་པའི་ལྐུགས་པ་ཁ་ཕྱེ་བར་འགྱུར་ཞིང་། དབང་པོ་ཡང་གསལ་བར་འགྱུར་རོ། །ཞུམ་བུའི་ཁྲག་མ་རུལ་བ་གྲིབ་སྐམ་ཞིབ་བཏགས་མིག་ལ་བཏབ་པས་ཤ་འཛེར་ལིང་ཏོག་སོགས་མིག་ནད་ཐམས་ཅད་ལ་ཕན་ནོ། །མགོ་པོའི་ནད་
སྨན་གང་གིས་ཀྱང་མི་ཕན་པ་ལ་ཞུམ་བུའི་པགས་པའི་ཞྭ་གྱོན་ན་ཕན་པར་ངེས་སོ། །སྐྲ་དང་ཁ་སྤུ་སོགས་མེད་པར་འདོད་ན་ཐོག་མར་ལེགས་པར་བཞར། དེ་ནས་ཕ་ཝཾ་གི་ཀླད་པས་བསྐུ་མཉེ་ཐེངས་གསུམ་ཙམ་རེ་བྱས་ན་ཕྱིས་མི་སྐྱེ་བར་ངེས་སོ། །ཕ་ཝང་གི་ཕྲུ་གུའི་རོ་མ་མེར་བསྲེགས་ཐལ་མིག་ལ་བྱུགས་ན་སྟོང་འགྲིབ། བར་འགྲིབ། ཤ་འཛེར། ལིང་ཏོག །སྐྲངས་པ་སོགས་མིག་ནད་ཐམས་ཅད་ལ་ཕན་ནོ། །སྦྲུལ་གྱི་སྤགས་པ་མེར་བསྲེགས་ཐལ་གྱིས་མིག་དམར་པོར་འོང་ཞིང་ན་བ་ལ་ཕན་ནོ། །རྔ་བོང་ཀླད་པ་སེ་བ་བཅུ་དྲུག་ཙམ་རེ་ཁོང་དུ་གཏོང་ན་རླུང་གི་ནད་ཐམས་ཅད་ལ་ཕན་ཞིང་མིག་ཤེད་ཆུང་བའང་ཆེ་བར་འགྱུར་རོ། །སྦྲུལ་དང་བྱི་ལའི་ཁྲག་བསྲེས་པ་སྣ་མདོག་དམར་པོར་འགྱུར་ཞིང་ཟ་འཕྲུག་གིས་ན་བ་ལ་མྱུར་དུ་ཕན་ནོ། །རྔ་བོང་གི་སྤུ་མེར་བསྲེགས་ཐལ་སྣ་བུག་ཏུ་བཏབ་ན་སྣ་ཁྲག་ཆོད་པར་འགྱུར་རོ། །གོ་ཐལ་བསྲེགས་ཐལ་ཀྱང་དེ་དང་འདྲའོ། །ཆུ་བལ་སྔོན་པོ་སྤྱི་བོར་བཀབ་ཀྱང་ངོ་། །མཁན་པའི་དུག་བྱས་ན་ཕོ་ལོང་སྦོ་འཁྲོག་མྱུར་དུ་ཞི་བར་འགྱུར་རོ། སྤ་ཡག་པས་སྐྲངས་པ་དང་རྨ་ལ་ཕན་པ་ཉིད་དོ། །དཔྱད་ཀྱི་རིམ་པ་ལ། ཚིགས་པ་དྲུག་པའི་ཕན་ཚུན་སོར་བཞི་རེ་གཞལ་སར་རྩ་ཧྲང་ངེ་ཡོད་པ་དེའི་ནང་འདེབས་སུ་མེ་བཙའ་བཞག་པས་རླུང་ཁྲག་གིས་
མགོ་བོ་ན་བ་དང་རྩ་དཀར་ལ་ཕན། བཅོ་བརྒྱད་པའི་གཡས་གཡོན་དུ་སོར་གསུམ་རེ་གཞལ་བ་དང་། བཅོ་བརྒྱད་པ་རང་སྟེ་ཁ་གསུམ་དུ་བཞག་པས་རླུང་། གྲང་བ། རྐེད་པ་ན་བ། མཁལ་རྩ་བྲལ་བ་རྣམས་ལ་ཕན། ཚིག་པ་ལྔ་པ། དྲུག་པ། བདུན་པ། གསུམ་དང་། མདུན་གྱི་དཀར་ནག་མཚམས་སུ་མེ་བཙའ་རེ་བཞག་པས་ཁྲག་མཁྲིས་བྲང་ཚ་བ་དང་། སྟོད་ན་བ་སོགས་ལ་ཕན། སྟོད་འཚང་ལ་དེ་སྟོང་སྐེ་སྟེང་ཅ་ར་ཁུག་ཏུའང་གཅིག་བཞག་པས་ཕན། ལྷེན་ལྷུན་རྩེ་དབུས་སུ་བཞག་པའི་རྒྱ་གྲམ་སོར་གསུམ་བསྲེགས་པས་མཁྲིས་པ་བད་ཀན་མཆིན་སྐྲན་རླུང་རྣམས་ལ་ཕན། མེ་ཉམས་གསང་གི་གཡས་གཡོན་ཚོན་རེར་ཚུགས་རེ་བཞག་པས་རླུང་ཁྲག་དང་ཁྲག་སྐྲན་ལ་ཕན། པུས་མོར་ཚིགས་ཆུ་འཁོར་ན་མེ་ལོང་རུ་བཞིར་ཚུགས་རེ་བཞག་པས་ཁྲག་རླུང་དང་ཆུ་སེར་སོགས་སེལ་ཞིང་ཁྱད་པར་བརྐྱང་བསྐུམ་མི་ཐུབ་པ་ལ་ཕན། ཟས་འགྲངས་ལྟོག་མ་སྙོམས་པའི་མ་ཞུ་གླང་ཐབས་ལ་མཐིལ་བཞིར་ལྕགས་ལེབ་མེ་ལ་དམར་པོར་སོང་བའི་འོད་མ་རེག་ཙམ་དང་། རས་ཀྱིས་དར་བ་བྱུགས་པ་རེས་འཇོག་ཏུ་བྱས་པས་དྲི་ཤིན་ཏུ་ངན་པ་ཞིག་དོན་ཡོང་ཞིང་དེས་མྱུར་དུ་ཕན་པར་འགྱུར་རོ། །ཞྭ་ལོག་འཁྲུ་སྐྱུགས་ཀྱི་ནད་ལ་ཞག་བཞི་ཚུན་དུ་མཁྲིག་མ་གཉིས་སམ། དེ་འོག་བསྒྲད་མཁྱིད་གང་གིས་
དཔུང་འོག་གི་ཞྭ་གཉིས། སོག་པའི་མཐིལ་གཉིས་བརླའི་ནང་གི་ཞྭ་གཉིས། བྱིན་དཀྱིལ་གྱི་ཞྭ་གཉིས་རྣམས་ལ་ལྕགས་མདའ་སོར་གསུམ་པ་ཞིག་གིས་སེར་མདོག་ཐོན་ཙམ་བསྲེགས་པས་ཕན་ཞིང་ཚབ་ཆེན་ལྟག་ཁུང་སྤུ་འཁྱིལ་གྱི་ཐད་ཀྱི་ལྟག་པའི་ཆུ་ལེབ་གཉིས་དང་། རྐང་མཐིལ་གཉིས་བསྲེགས་ན་དེས་ཕན་ངེས་སོ། །སྔར་སྤྱོད་ཀྱི་སྐྱོན་ཡོན་དང་ལུས་ཀྱི་གཟི་མདངས་གཞན་དུ་འགྱུར་བ་ སོགས་ཀླུ་གདོན་གྱི་ནད་གཞི་ཞུགས་པའི་རྟགས་ཡིན་པས་སོར་མོ་ཉི་ཤུའི་སེན་སྙིང་གི་མཚམས་དང་སྐྲ་མཚམས་སུ་འཕྲེད་ལ་སོར་ལྔ་སེར་མདོག་ཐོན་ཙམ་བསྲེགས་པ་ཕན་པར་ངེས་སོ། །ཨི་ཏི་ཨཱརྱ་བིཥ་ཡཱ་ནཱི་མཱ་ཙརློ་པ་དེ་ཤ་བི་ཤེ་ཥི་ཀཾ། ༈ །ཨུག་ཆོས་རྩ་བ་མེ་ཏོག་འབྲས་བུར་བཅས་པ་གྲིབ་སྐམ་ཐུན་གཅིག་ལ། བུལ་ཏོག་ཐུན་གཅིག་སྦྱར་བས་གླང་ཐབས་ཀྱི་རིགས་ཚ་གྲང་གང་ཡིན་ཀྱང་འཕྲལ་དུ་འཇོམས་པ་ལག་བླངས་མའོ། །རྟ་ཕྱུགས་ཀྱི་འབུ་ཚག་ལ། ཐང་ལ་ཤུགས་སྐྱེས་ཀྱི་ཁུ་བ་དྲོ་འཇམ་གྱིས་ལན་གསུམ་ཙམ་བཀྲུས་པས་ཕན། གོ་བོའི་མཆུ་བཅངས་པས་གག་པ་སྲུངས། ཤ་བའི་མིག་ཆུང་བདུག་པས་མགོ་སྲིན་གདོང་སྲིན་ལ་ཕན་ངེས་མྱོང་གྲུབ། གྲེ་བའི་འབྲུམ་པ་མཐའ་དག་ལ། །ཀྱི་ཀྱེ་དཀར་པོ་སྤང་རྩི་དང་། །སྤང་རྒྱན་དཀར་པོ་གསུམ་གྱི་སྟེང་། །རྒྱམ་ཚྭ་ཅོང་ཞི་དྲག་བཏུལ་
གྱི། །ཐལ་བ་སྨྱུག་སྦུབ་ནང་བླུགས་ནས། །གྲེ་འབྲུམ་གར་ཡོད་སྟེང་དུ་འཕུལ། །བྱ་རྫོགས་སྐད་ཅིག་བར་ཉིད་དུ། །ཟས་སྐོམ་མི་གཏོང་བཞག་པ་སོགས། །ཉིན་རེར་ལན་གྲངས་མང་དུ་བྱེད། །རྒྱ་ནག་འཇབ་ཙེའི་ཡུ་བ་ཡིས། །འབྲུམ་པ་གང་བྱུང་ཉིན་དེར་བཞར། །བྲག་ཁྱུང་སྨན་ནད་ལྡང་ཙམ་བྱིན། །འདིས་ནི་ཕན་པ་མྱོང་བས་གྲུབ། །སྤྱི། །གཉན་ནད་ཕོ་བར་བབས་པའི་གླང་ཐབས་ལ། །ཨ་རག་བཟང་པོ་ཕོར་གང་འཐུང་བའི་རྗེས། །ཆུ་གྲང་ནང་དུ་འདར་ཐོན་ཙམ་དུ་བསྡད། །དེས་ནི་ནད་ལས་གྲོལ་བ་མྱོང་བས་གྲུབ། །མཛོ་གཡག་དར་མའི་བཙོ་ཁྲག་དྲོན་མོ་བཏང་། །དེ་ཡང་ཕན་ཡོན་བཤད་མ་ཐག་དང་འདྲ། །ཞེས་སོ། ༈ །འོག་སྒོར་སྲིན་བུས་ཟ་བ་དང་། ཚ་བ་དང་། ཁྲག་ཟག་པ་དང་། གཞང་རྒྱུ་དོན་པ་སོགས་བྱུང་ན། རྫས་ནི། སྒོག་གཅིག །དྭ་བའི་རྩ་བ། ཐང་ཕྲོམ་འབྲུ། བཅའ་ས། ཕོ་རིས། བྱི་ཏང་ཀ །ཐར་ནུ། དེ་རྣམས་ཆ་མཉམ་པར་ཚིལ་དུལ་མའམ། ཕག་ཚིལ་ལམ། མར་རྙིང་གང་རུང་དང་སྦྱར། བལ་དང་རྫས་བསྲེས་པའི་རེང་བུ་གཤང་ལམ་དུ་ཕུལ། གྲང་ནད་དང་སྲིན་བུ་སོགས་འོག་སྒོ་ཚ་བྲབས་ལ་རྫས་འདིས་སླེབ་ཆོག་གོ ༈ །ཁ་ལྕེ་མི་བདེ་ཞིང་དག་པ་ལ། ཚྭ་ལ། ནག་ཚུར། ཨ་རུ་གསེར་མདོག །ཞུ་མཁན། ག་དུར་རྣམས་ཆུར་
སྦངས་པའི་ཁུ་བས་མཁུར་བཀང་ཡང་ཡང་བཏང་། དེ་ནས་ལྕེ་རྩ་གཏར་བས་སྐྱོན་ཞི་བར་འགྱུར་རོ། ༈ །ལུས་ཀྱི་རྡུལ་ནག་སྲུང་བ་ལ། སྒ་པི་ཕོ་གསུམ་མར་དཀར་དང་སྦྱར་ནས་བྱུགས། །རྫ་གསར་གྱི་ཕྱེ་མ་དང་སྲན་ཕྱེ་ཞོ་ལ་སྦྱར་ནས་དྲིལ་ཕྱིས་བྱས་པས་ལུས་སྐམ་སིང་གིས་འགྲོའོ། ༈ །ཤོ་མོང་ཞིབ་བཏགས་ཆུ་སྣ་གསུམ་དང་སྦྱར་ནས་ཁྱིམ་དུ་གཏོར་ན་བསྲེ་དྲི་དང་སྦྱར་པ་ཐུབ་བོ། ༈ ། རམ་བུ་དང་། ཉའི་མགོ་བོ་ཞིབ་པར་བཏགས་ནས་མར་དང་སྦྱར་ལ་ལུས་ལ་བྱུགས་པས་ཤིག་དང་ལྕི་བའི་གནོད་པ་ཐུབ་བོ། ༈ །ཤ་བའི་ཁྲག་དྲོན་ལ་ཚ་བཏབ་ནས་འཐུང་ན་ཆང་ནད་གཏན་ནས་མི་འབྱུང་། ༈ །སྐྱེར་པའི་བར་ཤུན་ཐང་གིས་སྣ་ཁྲག་ཆོད། ༈ །སྣ་ཤུ་ལ། རྒུན་འབྲུམ་ནུས་བསྲེགས། ལི་ཤི། མཚལ་དཀར། ཡུ་གུ་ཤིང་། ཅུ་གང་རྣམས་ཀྱི་ཕྱེ་མ་མར་དཀར་ལ་སྦྱར་ནས་བྱུགས་པས་ཕན། ༈ །མཚེར་པ་ལྤགས་དུག་ལ་ར་ཁྲག་དྲོན་མོ་བྱུགས། ༈ །གནའ་བའི་ཁྲག་དྲོན་མོ་བཏུང་བས་གདོང་སྲིན་ལ་ཕན་ཟེར། ༈ །རྔ་མོང་སྤུ་མེར་བསྲེག་ནས་བདུག་ན་སྣ་ཁྲག་གཅོད་། ༈ །ཛཱ་ཏིའི་ཕྱེ་མ་དྲི་ཆུར་སྦྱར་ནས་མིག་ལ་བྱུགས་ན་ཁ་བས་མིག་ཕྱིད་པ་ལ་བྱུགས་ཀྱང་ཕན་ནོ། ༈ །ཁ་ཆེ། སྐྱེར་པའི་བར་ཤུན་གྱི་ཁཎཱ། མཚལ་དཀར། རྒྱ་ཚྭ། དོམ་མཁྲིས་རྣམས་ཆ་
མཉམ་པར་ཟངས་ཀྱི་སྣོད་གཙང་མར་སྦྱར། གཡའ་སྔོན་པོ་མ་བྱུང་བར་བཞག །དེ་ནས་མཛུབ་མོས་སྣུར་ཏེ་བྱིའུའི་སྒྲོས་བྱུགས་པས་མིག་ནད་སྤྱི་དང་ཁྱད་པར་འགྲིབ་རིགས་ལ་ཟབ་བོ། ༈ །ལྕི་བ་རི་ལྕི་འཇམ་པོ་བསྲེགས་པའི་ཐལ་བར། ཐལ་རྡུལ་གཞན་མ་འདྲེས་པར་བྱས་ཏེ་སྣོད་གཙང་མར་ཆུར་སྦྱངས་ནས་བཞག་པས། ཁར་ཆུ་དངོས་འབྱུང་བ་ཕོ། དེ་འོག་ཏུ་ཆགས་པའི་དཀར་འཇམ་ཅན་དེ་བྱིའུའི་སྒྲོས་བླངས་ལ་བྱུགས་པས་མིག་དམར་ཚག་ཤིན་ཏུ་ཚབས་ཆེ་བ་ལ་ཕན། ༈ །ནད་༡རྒྱུ་རླུང་༢སྤྱི་སྲོག་༣རླུང་ཅེ་སྤྱང་༤དང་། །ཁྲག་རླུང་སྟོད་འཚངས་མཁྲིས་པ་༦བད་ཀན་༧འདུས། །རགཅོང་ནད་མ་ཞུ་༩སྐྲུན་༡༠དང་སྐྱ་སྦབས་༡༡དང་། །འོར་༡༢དང་དམུ་ཆུ་༡༣གཅོང་ཆེན་༡༤ ཟད་བྱེད་དྲུག །ཚ་བ་སྤྱི་༡༥དང་གལ་༡༦མདོ་རི་༡༧ཐང་མཚམས། །མ་སྨིན་༡༨རྒྱས་༡༩སྟོང་༢༠གབ་༢༡ རྙིང་༢༢ རྙོགས་༢༣པ་དང་། །འགྲམས་༢༤འཁྲུགས་༢༥བཅུ་གཅིག་ཚ་བའི་ལེའུར་བཤད། །རིམས་ལ་བལ་༢༦ནད་འབྲུམ་༢༧པ་བེ་༢༨གེ་དང་། །ཆམ་པ་༢༩བཅོས་པའི་ལེའུ་རྣམ་པ་བཞི། །གཉན་ནད་ཀླད་༣༠གཟེར་གག་༣༡པ་གཟེར་ཐུང་༣༢དང་། །གཉན་གླང་༣ ༣རྒྱུ་གཟེར་༣༤༤མེ་དཔལ་༣༥གཉན་རྨེན་༣༦བུ། །ཞྭ་ལོག་༣༧ལྷོག་པ་༣༨གཉན་༣༩འབྲས་འཛུམ་ལྟག་༤༠དགྱེ། །མཁྲིས་པ་༤༡རྩར་
རྒྱུགས་ནང་ལྷོག་༤ ༢ཁ་མེད་དང་༤༣། །འཁྱམས་༤༤པོ་འབར་འབུར་༤༥རྣ་རྩ་ཕུས་༤༦འདེབས་དང་། །ངམ་༤༧རུ་ཞེས་བྱའི་གཉན་ནད་བཅོ་བརྒྱད་དོ། །ལུས་སྟོད་མགོ་བོ་མགོ་༤༨སྲིན་༤༩མིག་བྷཱན་བ་༡། །སྣ་༥༢དང་ཁ་༥༣དང་སོ་རྙིལ་༥༤ཝ་བ་༥༥སྟེ། །ལུས་སྟོད་དབང་པོའི་ནད་ལ་ལེའུ་བརྒྱད། །དོན་སྣོད་སྙིང་དང་༦གློ་བ་༥༧གློ་རྣག་༥༨དང་། །༥༩མཆིན་༦༠མཚེར་མཁལ་ནད་༦༡དངོས་དང་ས་བོན་༦༢འཛག །ཕོ་བ་རྒྱུ་༦༣མའི་ནད་༦ དངོས་རྒྱུ་རྒན་༦༥དང་། །ལོང་ནད་བཅས་༦༦པ་དབང་པོའི་ལེའུ་བཅུ་གཅིག །གསང་བའི་ནད་ལ་༦༧ཕོ་མོ་ཐ་དད་༦རགཉིས། །ཐོར་ནད་སྐད་༦༩འགགས་ཡི་ག་༧༠འཆུས་པ་དང་། །སྐོམ་༧༡དད་》ག་བུ་༧༢དབུགས་མི་བདེ་བ་༧༣དང་། །གླང་༧༤ ཐབས་སྲིན་ནད་༧༥ འཁྲུ་༧༦སྐྱུགས་དྲི་མ་༧༧འགགས་༧ར། །གཅིན་༧༩འགགས་གཅིན་རྋསྙི་ཚད་༨༡འཁྲུ་དྲེགས་ནད་༨༢དང་། །གྲུམ་བུ་༨༣དངོས་དང་གསར་པ་༨༤ ཆུ་སེར་ནད་༨༥། །རྩ་༨༦དཀར་མཁལ་༨༧རྩ་ལྤགས་༨༨ནད་མཛེར་པ་༨༩སོགས། །ཐོར་བུའི་ནད་ལ་ལེའུ་ཉི་ཤུ་གཅིག །ཕྲན་བུའི་ནད་༩༠ཀྱི་མེས་ཚིག་༩༡ནུ་སྐྲངས་དང་༩༢། །༩༣སེ་དྲི་ཚེར་ལྷོག་ཕྲན་༩༤ནད་རྣམ་པ་ལྔ། །ལྷན་སྐྱེས་རྨ་ལ་འབྲས་༥དང་གཞང་༩༦འབྲུམ་དང་། །མེ་དཔལ་༩༧སུརླ་༩༨དམན་༩༩བུ་རླིག་
རླག་༡༠༠དང་། །རྐང་འབམ་༡༠༡མཚན་བར་རྡོལ་དང་ལེའུ་༡༠༢བརྒྱད། །བྱིས་པ་༡༠༣བཙའ་ཐབས་༡༠༤ ཉེར་སྤྱོད་ནད་༡༠།གདོན་དང་༡༠༦། །བྱ་༡༠༧འདྲེ་ལྔའོ་མོ་ནད་༡༠༨ཚབས་ཐོར་བུ་༡༠༩། །ཕལ་༡༡༠པ་སྐྱེ་རྒྱུན་གཅོད་༡༡༡དང་རྣམ་པ་ལྔ། །འབྱུང་༡༡༢གདོན་སྨྱོ་༡༡༣ བརྗེད་༡༡༤མིར་ཁི་༡༡༥གཟའ་༡༡༦ཀླུ་དྲུག་༡༡༧། །རྨ་༡༠༨ལ་རྨ་སྤྱི་མགོ་དང་༡༡༩༽་ཡི་༡༢༠རྨ། །བྱང་༧༡༢༡ཁོག་ཡན་ལག་༡༢༢ལེའུ་ལྔ་རུ་བཤད། །དུག་ལ་སྦྱར་༡༢༣དུག་སྤྱི་དང་མི་འཕྲོད་༡༢༤དུག །ཤ་༡༢༥དུག་ཤ་ནད་ལ་༡༢༦སོགས་༡༢༧རྐྱང་པ་དང་། །རེག་༡༢༨དུག་ཁྱི་༡༢༩དུག་དང་བཅས་ལེའུ་བདུན། །འདོད་ལྡན་རོ་ཙ་༡༣༠བུ་མེད་བཙལ་བ་དང་༡༣༡། །མགྲིན་སྙན་༡ ༣༢སྐད་བཅོས་བཅུད་ལེན་༡ ༣ ༣བཅས་པ་ཡི། །ལེའུ་བརྒྱ་དང་སུམ་ཅུ་རྩ་གསུམ་གྱིས། །ཞེས་སོ། ༈ །ན་མོ་གུ་༧རུ་བྷེཥ་ཛ་ཡ། །མི་ཐོད་རྙིང་པ་འབྲུག་རུས་ཏིག་གསུམ། །སུམ་གཉིས་བསྡུས་ཐང་མགོ་ནད་སེལ་བར་བྱེད། །སྐྱེར་པ་མཁན་སྐྱ་བསྡུས་པའི་ཁུ་བ་ལས། །དོམ་མཁྲིས་བཏབ་བཏང་སྣ་ཁྲག་འཛག་པ་གཅོད། །ནག་མཚུར་༥སེང་ཕྲོམ་ཨ་རུའི་གྲང་ཐང་གིས། །མཁུར་བཀང་ཁ་ཡི་ཁྲག་ནད་ཟུག་གཟེར་འཇོམས། །བོང་ང་ཤིང་མངར་སྤང་རྒྱན་དཀར་བསྡུས་ཁུར། །ཅུ་གང་ཀར་སྦྱར་སྐད་འགགས་ཚ་
སྐམ་སེལ། །སྲོ་ལོ་ཤིང་མངར་རྒྱ་སྐྱེགས་ག་དུར་ཐང་། །གློ་ཡི་ཁྲག་ཚད་གཟེར་དང་ལུད་པ་སེལ། །དུག་ཉུང་བོང་དཀར་ག་དུར་བ་ལེ་ཀའི། །ཐང་གིས་རྒྱུ་ལོང་སྣོད་ཚད་མ་ལུས་སེལ། །དེ་ལ་ཀ་པེད་འབྲས་བཏབ་ཚ་འཁྲུ་གཅོད། །སྒྲ་དང་ཤིང་ཀུན་བསྡུས་པའི་ཁུ་བ་ལ། །ཁ་རུ་ཚྭ་བཏབ་སྙིང་རླུང་སེལ་བར་བྱེད། །ཁ་རུ་ཚྭ་དང་ཟི་ར་པི་པི་ལིང་། །ཤིང་ཚ་ལ་ལ་ཕུད་དང་ཕོ་བ་རིས། །ཐང་གིས་ཁ་ཟས་མི་འཇུ་སྐྱུགས་པ་སེལ། །གྲང་སེལ་བཅའ་སྒ་རྒྱམ་ཚྭ་ཨ་རུ་ར། ཚན་མོས་དྲོད་ཆུང་གྲང་བ་མ་ལུས་སེལ། ༈ །ག་བུར་བཟང་པོ་དྲུག་དང་ཨ་ག་རུ། །ཙནྡན་དཀར་དམར་ཨཏྤལ་གེ་སར་གཉིས། །རུ་ཏ་ཟི་ར་དཀར་པོ་བ་ལེ་ཀ །ཤིང་ཚ་ཆུ་སྲིན་སྡེར་མོ་པུ་ཤེལ་རྩེ། །སྤང་སྤོས་རྡོ་དྲེག་དམར་པོ་འབུ་སུ་ཧང་། །ཚ་གྲང་འབྲས་བུ་གསུམ་དང་ཚ་བ་གསུམ། །གུར་གུམ་༧ཅུ་གང་གི་ཝང་གཙོ་བོ་ལ། །ཤིང་མངར་རུ་རྟ་རྒུན་འབྲུམ་ཨ་ཀྲོང་བཞི། །བསྡེབས་པས་བློ་ཡི་ཚད་པ་སེལ་བར་བྱེད། །གི་ཝཾ་ཙནྡན་ཅུ་གུར་ཏིག་ཏ་དང་། །བ་ཤ་ཧོང་ལེན་བོང་དཀར་གཙོ་བོ་བརྒྱད། ༈ །ཨ་གར་ཛཱ་ཏི་སྙིང་ཞོ་ཅུ་གང་སྤོས། །རུ་ཏ་ཨ་རུ་ནཱ་ག་གེ་སར་བརྒྱད། །བྲག་ཞུན་ཁགླ་གུར་སུག་སྨེལ་དོམ་མཁྲིས་དང་། །བོང་དཀར་འཇིབ་རྩི་ཨ་རུ་ག་དུར་དགུ། །དོམ་མཁྲིས་གསེར་མེ་དུག་ཉུང་གླ་སྒང་
པ། །བོང་དཀར་བ་ལེ་རེ་སྐོན་མཁྲིས་ཕྱེ་བདུན། །ཅོང་ཞི་སེ་འབྲུ་བཞི་དང་ཨ་རུ་ར། །ཛཱ་ཏི་མ་ནུ་འུ་སུ་སྐྱུ་རུ་ར། །རྒྱམ་ཚྭ་སྒ་བཅས་ཅོང་ཞི་ཅུར་ནིས་སོ། །གུར་གུམ་ལི་ཤི་གི་ཝཾ་བསེ་རུ་མཚལ། །ཙན་དུག་གླ་རྩི་འཇམ་འབྲས་བོང་ང་དཀར། །རུ་ཏ་འབྲས་གསུམ་གུར་གུམ་བཅུ་གསུམ་མོ། །བསིལ་གསུམ་ཨུཏྤལ་སེ་འབྲུ་པི་པི་ལིང་། །ཤིང་ཚ་ཀ་ར་བཞི་འགྱུར་ཅུ་གང་བདུན། །ཚ་གྲང་ཆ་སྙོམས་དྭང་ག་འབྱེད་པར་བྱེད། །རྒུན་འབྲུམ་ཤིང་མངར་གློ་ནད་རྙིང་པ་སེལ། །ཙནྡན་གི་ཝཾ་ཚ་བ་གབ་རྙིང་སེལ། །ཅུ་གང་བདེ་བྱེད་ཆུང་འབྲིང་ཆེན་པོར་བཤད། །ལི་ཅུ་ཤིང་སྤང་རུ་རྟ་ཨ་རུ་དྲུག །རྒུན༧་ཅུ་གུར་ཤིང་མངར་གླ་སྒང་ཤིང་ཚ་སེ། །སེ་འབྲུ་ཤིང་ཚ་ཕོ་བ་རིས་དང་གསུམ། །ཁ་ཟས་མི་འཇུ་སྐད་འགགས་དབུགས་མི་བདེ། །ཁྱད་པར་ཁ་རུ་ཚྭ་བསྣན་སེ་འབྲུ་བཞི། །སྦོ་འཁྲོགས་སྐྲན་དང་མ་ཞུ་སྐྱུགས་པ་སེལ། །ཀ་རཉྫ་དང་བཅའ་སྒ་ཙི་ཏྲ་ཀ །བྱི་ཏང་དང་ཨ་རུ་པི་པི་ལིང་། །དེ་སྟེང་ཁ་རུ་ཚྭ་དང་ཤིང་ཀུན་དང་། །ན་ལེ་ཤམ་སྡེབ་ཕོ་བ་སྦོས་པ་འཇོམས། །ཚྭ་གསུམ་སྡེབས་པས་མ་ཞུ་འཇུ་བར་བྱེད། །ད་ཏྲིག་སྨག་དང་ཐ་རམ་ལོ་ཙན་སྤྱོད། །བཙོད་ཁྲག་ལུག་མུར་བདུན་གྱིས་འཁྲུ་བ་གཅོད། །ཤིང་མངར་འབྲས་དང་བསེ་ཡབ་བྱི་ཏང་ཀ །གོ་སྙོད་འུ་སུ་དྲུག་པས་སྐྱུགས་པ་གཅོད། །བྱི་
ཏང་ཀ་དང་སྒོག་སྐྱ་མ་རུ་རྩེ། །སོ་མ་རཱ་ཛ་དྲེས་འབྲུ་ཕུར་ཐལ་དང་། །གླ་རྩི་ཚ་གྲང་རྟས་བསྒྱུར་སྲིན་སྨན་མཆོག ༈ །ཟི་ར་བཅའ་སྒ་ཤིང་ཀུན་བྱི་ཏང་ཀ །རྒྱ་ཚྭ་སྦྲངས་སྦྱར་རིལ་བུས་སོ་སྲིན་འཇོམས། །