རིན་ཆེན་ཚ་སྦྱོར་གྱི་ཟིན་བྲིས་མཁས་པའི་ངག་རྒྱུན།
༈ རིན་ཆེན་ཚ་སྦྱོར་གྱི་ཟིན་བྲིས་མཁས་པའི་ངག་རྒྱུན་བཞུགས། ཨོཾ་ཨ་ཐཱ། རིན་ཆེན་ཚ་སྦྱོར་བགྱིས་པའི་ཟིན་བྲིས་ལ། ཐོག་མར་གསེར། ༠་༩༩ དངུལ༡་༠༠། ཟངས་༡་། ལྕགས་ཕྱེ་བ་༡༠། བཅས་སོ་སོར་སྦྱངས་ཤོག་དང་ཕྱེ་མ་ཇི་ལྟར་བཤད་པ་ལྟར་འདུ་བྱས་ནས། སོ་སོའི་གཡའ་འདོན་པ་དང་། ༢ཐལ་སྨན་དུ་སྦྱར་བའི་ཕྱིར་བསྲེག་རྫས་རྣམས་བྱུགས། ས་གབ་བཞིར་ལྕགས་དཀྲིས་ཀྱིས་བསྡམས། ས་སྦྱོར་དང་རས་འདག་གིས་དཀྲི་བ་སོགས་ལག་ལེན་ཟུར་གསལ་ལྟར་བྱས་ནས། སྐམ་ཐག་ཆོད་པ་དང་བསྲེག་ཁང་དུ་བཞག །མཚན་ངོར་མེ་བཏང་བས་ཕྱིར་ནང་ལེགས་པར་བྱུང་བ་ཉིད་རྫས་རོ་རྣམས་བསལ། དངུལ་ཆུ་དྲག་འདུལ་རྡོ་རྗེ་ཐིགས་པ་ལྟར་དུག་གཏན་མེད་པའི་མཚོན་བྱེད་སུས་འཐུང་ཀྱང་དུག་གི་གཡའ་མི་འབྱུང་བ་བགྱིས། །སྨན་རྣམས་སོ་སོར་༡་༠༠། རེ་དྲག་ཞིབ་བཏགས་དར་ཚགས་ལ་དྲངས་པ་བཅས་ཉེར་བསྡོག་གྲུབ་ནས། དངོས་གཞི། གསེར་ཐལ་བ་༠༩། དངུལ་ཐལ་བ་༩༠། ཟངས་ཐལ་བ་༩༠། ལྕགས་ཐལ་བ་༠༩༠
དངུལ་ཆུ་སྲང་གང་ཞན། མུ་ཟི་དུག་བྲལ་༡་༠༠། གུ་གུལ་༡་༠། སོར་༡་༠། ཤུ་དག་༡་༠༠། ཙིཏྲ་ཀ་༡་༠༠། རེ་སྐོན་༡་༠། སེང་ཁཎ་༡་༠༠། མགྲོན་ཐལ་༡་༠༠། བསྲེ་འདུར་ཉིན་གཅིག་དང་། །ཆུ་གཙང་གིས་འདམ་བཏགས་བར་མ་ཆད་པ་ཉིན་ལྔ། རིལ་བུ་དྲིལ་ནས་ཐོག་མར་ཅུང་ཟད་གྲིབ་མར་སྐམ་རྗེས། ལྷུང་བཟེད་དུ་རིལ་ཆགས་ཉིན་གཅིག་དང་། རས་སྐྱེར་གཡབ་གསིག་ཉིན་ལྔ་བགྱིས་པས་ལེགས་པར་གྲུབ་པ་སྟེ། ཕུལ་བྱེད་ཆང་གིས་བགྱིས་ནས་བཏང་བས་རྒྱུད་ལས་གསུངས་པའི་ནད་ཀྱི་དམིགས་སྤྱི་དང་། ཁྱད་པར་ལུས་ལ་གནས་པའི་གྲང་རྣག་ཆུ་སེར་ཆུ་ལྷག་སོགས་སྒེམ་པ་ལ་ཆེས་ཆེར་བསྔགས་སོ། །མངྒ་ལཾ། འདིའི་ལག་ལེན་གྱི་གཞི་གཙོ་བོར་ཀོང་རོང་སྨན་བླ་དོན་གྲུབ་ཀྱི་ཕྱི་རྒྱུད་ལྷན་ཐབས་ལྟར་རོ། །དབང་རིལ་ཉེར་ལྔའི་ཕྱག་ལེན་ནི། དབང་རིལ་འཁྲུལ་མེད་བ་༡༠། གཙོ་བོར་བྱེད་པའི་དབང་དུ་བྱས་ན། །བསེ་རུ་དཀར་པོ་ཆུ་བརྡར་བྱས་པ་བ་༤བ། གུར་གུམ་ཁ་ཆེ་མའམ་དཀྱུས་མ་བ་༥༠། ཆར་ཉུང་ཁཎྜ་ཧ་༧༠། ཁྱུང་སྐྱུགས་༠་༣༠། སུག་སྨེལ། ལི་ཤི། ཅུ་གང་རྣམས་བ་༣༠རེ། གླ་རྩི་བ་༠༣། རྒྱ་གར་རུ་རྟ་དང་བོད་ཀྱི་རུ་རྟ་འདྲེས་མ་བ་༥༠། གསེར་བྱེ། ཉི་དགའ། སྡིག་སྲིན་རྣམས་བ་༢༠། ཨ་རུ་གསེར་མདོག་བ་༧༠། བ་རུ་ར་བ་༤༠། སྒྱུ་
རུ་ར་བ་༤༠། ཙནྡན་དཀར་པོ་བ་༣༠། བ་ཤ་ཀ་བ་༠། ལྡུམ་བུ་རེ་རལ་བ་༧༠། འབྲས་སྣ་གསུམ་སོ་སོ་ནས་བ་༤༠རེ། མཚལ་དཀར་ཏེ་རྡོ་མཚལ་རང་བྱུང་༢་༢༠། མཁལ་མ་ཞོ་ཤ་དང་། །གོ་ཡུ་བ་༤༠། བཅས་སྨན་བྱིང་རྣམས་ཞིབ་པར་བཏགས་དེ་ནས་དབང་རིལ་དུག་འདོན། དཀར་པོ་མཛོ་མོའི་འོ་མ་དང་། སྔོ་ལྗང་གར་ཆང་ནང་དུ་དྲོད་བབ་ཙམ་བཙོ། སེར་བོ་ཡིན་ན་བཙོས་ཟན་དང་། དམར་པོ་གཡག་རྒོད་ཤའི་ནང་དུ་བསྟུམ་ལ་དྲོད་བབ་ཙམ་བསྲེགས། ངར་འདོགས་གདན་གཙང་ཁར་དཀར་ཡོལ་གས་ཆག་མེད་པའི་ནང་བྱིས་པ་ཕ་མ་འཛོམ་ཞིང་མིང་བཀྲ་ལེགས་པས་ཆུ་མིག་ཁ་ཤར་བསྟན་ནས་སྐྱོགས་ཁ་ཐུར་དུ་གྱུས་ཏེ་བླངས་པའི་ཆུ་དབང་རིལ་བ་༡༠ཕྱེ་མ་དང་། ཁ་ཆེ། གི་ཝཾ། གླ་རྩི། ལི་ཤི། ཛཱ་ཏི་རྣམས་བ་༠༡། རེའི་ཕྱེ་མ་དང་ལྷན་ཅིག་ཏུ་ཞག་གཅིག་བར་དར་དཀར་གྱིས་ཁ་བཅད་ལ་བཞག་ནས་སྨན་དང་བསྲེ། ཁྱུང་སྐྱུགས་སྤོས་རྡོ་མ་ཡིན་པའི་རིན་པོ་ཆེའི་རིགས་སུ་གཏོགས་པའི་ལེགས་པ་ལ་དུག་འདོན་དགོས་པས། གཞི་ཁྱུང་སྐྱུགས་ཞོ་གསུམ་ལ། ཟེ་ཚྭ་དང་། ཚྭ་ལ་ཆུ་བཅད་བ་༣༠རེ། བེ་ལྗང་རེ་རལ། ལྡུམ་བུ་རེ་རལ། གང་ཆུང་རྣམས་བ་༡༠རེ། སྟར་བུའི་ཁཎཱ་བ་༤༠། ཨ་རུ་གསེར་མདོག་དང་། མགྲོན་བུ་སྤོ་ཅན་ཧ་ར་བསྲེགས་ཐལ་བ་བ་
༠༧རེ། གླ་རྩི་དྲི་ཐོན་བཅས་ལོ་བརྒྱད་དྲི་ཆུར་ཉིན་ཕྱེད་ཙམ་བཙོ། དེ་རྗེས་གར་ཆང་བསྣན་ལ་བཙོ། ཆུ་གྲང་གིས་དག་པར་བཀྲུས། སླར་ཡང་ཆུ་གཙང་ནང་དུ་ལན་གསུམ་བཙོ་ཞིང་བཤལ་བའི་ཞིབ་བཏགས་ཀྱི་ཕྱེ་མ་སྨན་དང་བསྲེ། དེ་རྣམས་ཆར་ཉུང་གི་ཁཎྜས་འདམ་འཐག་ལེགས་པར་བྱས་ཏེ་རིལ་བུ་སྲན་འཕོས་ཙམ་དྲིལ། རིལ་ཆགས་འཐེམ་པར་བྱ། རབ་ཏུ་གནས་ཤིང་རླུང་མི་འཆོར་བའི་སྣོད་སྤར་བུ་བཟང་པོར་བཅང་བར་བྱའོ། །དབང་རིལ་མེ་དང་ཉི་མས་མ་རེག་ཅིང་ནམ་མཁའ་མ་མཐོང་བར་བྱ་བ་དམ་ཚིག་ཏུ་བཤད། ཕན་ཡོན་ནི་གཞུང་ལས། ཕན་ཡོན་དུག་ནད་གསར་རྙིང་དང་། །ཚད་པ་རྙིང་པ་རྣམས་ལ་ནི། །བསྡུ་དང་གསོ་དང་འཇོམས་པར་བྱེད། །འདི་ལས་ཟབ་པ་གཞན་ན་མེད། །ཞེས་གསུངས་པ་ལྟར། སྦྱར་དུག་དང་གྱུར་དུག་གིས་གཙོས། ཁོང་ནད་རིགས་སྤྱི་དང་། ཁྱད་པར་སྨུག་པོ་དུག་ཐབས་ལ་ཡུན་དུ་བསྲིངས་ཏེ་བསྟེན་ན་ཤིན་ཏུ་ཕན་པ་ལག་ལེན་མྱང་གྲུབ་མའོ། །