གངས་ཅན་བོད་ཀྱི་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ།
ཤོག་ལྷེབ་ ༣༢༣ ནས་ ༤༠༠ བར།
གངས་ཅན་བོད་ཀྱི་ཡུལ་དུ་བྱོན་པའི་གསང་སྔགས་གསར་རྙིང་གི་གདན་རབས་མདོར་བསྡུས་ངོ་མཚར་པདྨོའི་དགའ་ཚལ་ཞེས་བྱ་བ་བཞུགས་སོ།། །།
ན་མོ་གུ་རུ་མཉྫ་གྷོ་ཥཱ་ཡ། བླ་མ་འཇམ་དཔལ་གཞོན་ནུ་དང་། །རིས་མེད་མཁས་གྲུབ་རྒྱ་མཚོའི་ཚོགས། །གཉིས་སུ་མ་མཆིས་ཞབས་པདྨོ། །དད་བརྒྱའི་གཙུག་གིས་རྟག་ཏུ་མཆོད། །དེ་ལ་འཕགས་མཆོག་ཕྱག་ན་པདྨོའི་ཡེ་ཤེས་ཀྱི་གཟིགས་པ་ལྷག་པར་འཇུག་པའི་གནས། སའི་ཆ་གླང་པོ་ཆེའི་སྤྱི་གཙུག་ལྟར་མཐོ་བའི་ཕྱོགས་ཐམས་ཅད་ཁ་བའི་རྡུལ་བརྩེགས་ཀྱིས་བསྐོར་བའི་ལྗོངས་འདིར་མཁས་པ་དང་། གྲུབ་པའི་སྐྱེས་བུ་ཇི་སྙེད་ཅིག་བྱོན་པ་རྣམས་ཀྱི་རིང་ལུགས་འཛིན་པའང་དེ་སྙེད་ཅིག་མཆིས་པ་ལས། ཐོག་མར་གསང་སྔགས་སྔ་འགྱུར་གྱི་རིང་ལུགས་འཛིན་པ་ནི་བསྟན་པ་སྔ་དར་གྱི་དུས་སྔགས་ཕྱོགས་སུ་གསང་ཆེན་རྙིང་མ་ལས་གཞན་པའི་
ཆོས་ལུགས་མི་གཅིག་པ་མེད་པས་མཆོད་གནས་སྡེ་གཉིས་པོ་འཕེལ་རྒྱས་ཆེ་ཞིང་བཤད་སྒྲུབ་ཤིན་ཏུ་དར་ནའང་། ཕྱི་དར་གྱི་དུས་སུ་ཆོས་ལུགས་དང་གྲུབ་མཐའ་མི་འདྲ་བ་དུ་མ་དར་ཞིང་། དེ་དག་གིས་ཀྱང་རང་རང་སོ་སོའི་རིང་ལུགས་ལ་གཟི་བྱིན་བསྒྲུབས་པའི་ཤུགས་ཀྱིས་གཅིག་ཤོས་རིམ་གྱིས་བག་ལ་ཞ་བར་གྱུར་མོད། དེ་ལྟ་ནའང་རྒྱལ་བའི་ཐུགས་རྗེ་དང་ཕྲིན་ལས་ནི་ཚད་མེད་པའི་ཕྱིར། སྟོད་མངའ་རིས་ནས་སྨད་རྒྱ་མཚམས་ལ་ཐུག་གི་བར་དང་། ལྷོ་མོན་ནས་སོག་ཡུལ་ཚུན་གྱི་ལྗོངས་རྣམས་སུ་དགོན་སྡེ་ཆེ་ཕྲ་ཇི་སྙེད་གཅིག་གིས་མ་ཁྱབ་པ་མེད་པ་ལྟ་བུར་སྣང་བས་ན། མཐའ་དག་སུས་བརྗོད་པར་སྤོབས། འོན་ཀྱང་གྲགས་ཆེ་བ་དང་།
དེང་སང་ཆོས་བརྒྱུད་དར་རྒྱས་སུ་བཞུགས་པ་འགའ་ཞིག་སྨོས་ན། ཐོག་མར་རྙིང་མ་བཀའ་མའི་རིང་ལུགས་འཛིན་པ། སྔགས་པའི་རྒྱལ་པོ་སོ་ཟུར་གནུབས་སོ་ཡེ་ཤེས་དབང་ཕྱུག །ཟུར་ཤེས་རབ་འབྱུང་གནས། མ་མཆེད་གྲོགས་མཛད་པས་དེ་སྐད་དུ་གྲགས་སོ། །གསུམ་ཞེས་གྲགས་པ་ལས་ཟུར་གྱི་གདན་ས་འུག་པ་ལུང་དང་། གསེར་མདོག་ཅན་དང་ཉེ་བའི་སྤྱན་ཐག་མའི་ལུང་བུར་ཡོད། གསང་སྔགས་གཞིས་ཀ་རྩེའི་ཤར་ཐད་དུ་ཡོད། ཆོས་གླིང་པ་སོགས་སྔར་དར་རྒྱས་ཧ་ཅང་ཆེ་ཡང་། དེང་སང་གསང་སྔགས་ཆོས་གླིང་པའི་གདུང་བརྒྱུད་མ་ཆད་ཙམ་ལས་བཤད་སྒྲུབ་སོགས་རྒྱ་ཆེར་མི་སྣང་ངོ་།། ༈ །།གཏེར་མའི་ཕྱོགས་ལ་གཏེར་ཁ་གོང་མ། མངའ་བདག་ཉང་རིན་པོ་ཆེའི་གདན་ས་ལྷོ་བྲག་ཤར་སྨྲ་བོ་ཅོག་གི་གདན་རབས་ནི། ཐོག་མར་ཁྲི་སྲོང་རྣམ་འཕྲུལ་གཏེར་ཆེན་ཉང་ཉི་མ་འོད་ཟེར་གྱིས་བཏབ། དེ་ནས་སྲས་འགྲོ་མགོན་ནམ་མཁའ་དཔལ། དེ་སྲས་བློ་ལྡན་ཤེས་རབ། དེ་སྲས་གསང་བདག་བདུད་འདུལ། དེ་སྲས་མདོ་སྡེ་སེངྒེ། དེ་སྲས་པདྨ་དོན་གྲུབ། དེ་སྲས་འཇམ་དཔལ་ནོར་བུ། དེ་སྲས་ཀུན་དགའ་རྒྱལ་མཚན་སྟེ། འདི་དུས་ཙམ་ནས་གདུང་བརྒྱུད་ཁག་མང་དུ་གྱེས་ཤིང་། བར་འདིར། མངའ་བདག་ནོར་བུ་འཕེལ་བ་དང་། ཀུན་དགའ་འོད་ཟེར་གཉིས་ཀྱིས་གདན་ས་ཐོག་རེ་མཛད། དེ་
ནས་ཀུན་དགའ་རྒྱལ་མཚན་སྲས་ལྷའི་རྒྱལ་མཚན། དེ་སྲས་བཟང་པོ་ལྷུན་གྲུབ། དེ་སྲས་ཉང་རྡོ་རྗེ་རྒྱལ་མཚན་དང་། མངའ་བདག་ཀུན་དགའ་འོད་ཟེར་གྱི་སྲས། ཀུན་དགའ་འཕེལ། དེ་སྲས་མངའ་བདག་ཀུན་དགའ་ལྷུན་གྲུབ། ཀུན་དགའ་བསྟན་འཛིན། བསྟན་འཛིན་ནོར་བུ། བསྟན་འཛིན་ཆོས་རྒྱལ་གྱི་བར་དུ་བྱོན་ཅིང་། འདི་ཙམ་ནས་སྨྲ་བོ་ཅོག་གི་གདུང་འཛིན་མེད་པར་མངོན། །གཞན་ཉང་གི་གདུང་ཆེས་མང་བ་དེང་སང་ཡང་ཡོད། སྨྲ་བོ་ཅོག་གི་གདན་ས་ནི་ཆོས་དབང་རིན་པོ་ཆེའི་གདུང་གིས་འཛིན་པར་སྣང་ངོ་། ༈ །།གཏེར་ཁ་འོག་མ་གུ་རུ་ཆོས་དབང་གི་གདན་སའི་གཙོ་བོ་ལྷོ་བྲག་ནུབ་ལ་ཡ་ག་གུ་རུ་ལྷ་ཁང་ནི། དེང་སོང་གསུང་སྤྲུལ་རིན་པོ་ཆེས་སྐྱོང་། གཞན་ཆོས་དབང་གི་སྲས་པདྨ་དབང་ཆེན་གྱི་བརྒྱུད་ལས། ལྷོ་བྲག་ཤར་བཙན་འགྲོ་གནས་གཞི་དགོན་དང་། ཡར་སྟོད་ལྷ་བྲོ་བ། གཙང་ནས་ཁ་མོ་བ་སྲས་ཆུང་མངའ་བདག་ཉི་མའི་འོད་ཟེར་གྱི་གདུང་ཨེ་བྲག་སྣ་ཆོས་རྗེ་སོགས་ཏེ། ཕལ་ཆེར་དེང་སང་གི་བར་དུ་གདུང་བརྒྱུད་མ་ཆད་པར་ཡོད།། ༈ །།གཏེར་ཆེན་།རཏྣ་གླིང་པའི་གདན་ས། ལྷོ་མདོ་མཁར་ལྷུན་གྲུབ་ཕོ་བྲང་ནི། སྔར་དར་རྒྱས་ཆེ་བར་བྱུང་ཡང་དེང་སང་རྒྱ་ཆེར་ཡོད་པར་མ་མངོན།། ༈ །།ལྷོ་བྲག་ཤར་ཆག་བྱང་ཆུབ་གླིང་ནི། པད་གླིང་གཏེར་སློབ་
བྱང་ཆུབ་གླིང་པའི་གདན་ས་སྟེ། དེང་སང་སྨིན་གླིང་ནས་སྐྱོང་།། ༈ །།ལྷོ་བྲག་མཁར་ཆུ་བདུད་འཇོམས་གླིང་ནི་ལྔ་པ་རིན་པོ་ཆེས་བཏབ། གཏེར་ཁ་གོང་འོག་དང་། བྱང་གཏེར། རྒྱ་ཅན་སོགས་ལ་ཉམས་ལེན་བྱེད་པའི་གྲྭ་གཙང་ཞིག་ཡོད་ཅིང་། གཙོ་བོར་གཞུང་དང་རྡོར་བྲག་ནས་སྐྱོང་།། ༈ །།ལྷོ་བྲག་གུ་རུ་ལྷ་ཁང་ནི་གསུང་སྤྲུལ་རིན་པོ་ཆེས་བསྐྱངས་ཏེ། དེའི་གདན་རབས་ཀྱི་ཐོག་མ་ནི། པདྨ་གླིང་པའི་སྤྲུལ་སྐུ་བསྟན་འཛིན་གྲགས་པ། དེའི་སློབ་མ་པད་གླིང་གདུང་སྲས་ཟླ་བ་རྒྱལ་མཚན་གྱི་སྲས་པདྨ་ཕྲིན་ལས། འདི་ལ་ཆོས་མཛད་རྒྱལ་པོ་དོན་གྲུབ་ཀྱིས་གུ་རུ་ལྷ་ཁང་ཕུལ་བ་ནས་བཟུང་གདན་སའི་མཐིལ་དུ་གནང་། དེ་ནས་རིམ་པར་པད་གླིང་གསུམ་པ་གསུང་སྤྲུལ་རིན་པོ་ཆེ་མཁས་གྲུབ་ཆེན་པོ་ཚུལ་ཁྲིམས་རྡོ་རྗེ། སྲས་ཟླ་བ་རྒྱལ་མཚན་གྱི་སྤྲུལ་སྐུ་རིམ་པར་བྱོན་པའི་བཞི་པ་ཐུགས་སྲས་སྤྲུལ་པའི་སྐུ་བསྟན་འཛིན་འགྱུར་མེད་རྡོ་རྗེ་འདི་ཉིད་ལྔ་པ་རིན་པོ་ཆེའི་ཐུགས་སྲས་ཀྱི་དྭངས་མར་གྱུར་ཏེ། ལྷ་ལུང་མེ་འདི་སྔར་བཀའ་བརྒྱུད་པའི་གདན་ས་ཡིན། ཏོག་ལྷ་ནང་ཐེག་མཆོག་རབ་རྒྱས་གླིང་གི་དགོན་མ་ལག་དང་བཅས་པ་སྦྱོར་འཇགས་མཛད་པ་ནས་བཟུང་གདན་སའི་གཙོ་བོར་མཛད། པད་གླིང་བཞི་པ་ངག་དབང་ཀུན་བཟང་རྡོ་རྗེ་ཐུགས་སྲས་ལྔ་པ་འགྱུར་མེད་མཆོག་གྲུབ་དཔལ་འབར་བཟང་
པོ། པད་གླིང་ལྔ་པ་བསྟན་འཛིན་གྲུབ་མཆོག་རྡོ་རྗེ། ཐུགས་སྲས་དྲུག་པ་བསྟན་འཛིན་ཆོས་ཀྱི་ཉི་མ། པད་གླིང་དྲུག་པ་ཀུན་བཟང་བསྟན་པའི་རྒྱལ་མཚན། ཐུགས་སྲས་དྲུག་པ་སྤྲུལ་སྐུ་གཉིས་བྱུང་བའི་སྡེ་པ་པུ་ཤུད་སར་འཁྲུངས་པ་དེས་གདན་ས་མཛད། གཅིག་ཤོས་བསྟན་འཛིན་ངག་དབང་ཕྲིན་ལས་ནི་རྡོར་བྲག་ཏུ་བཞུགས། པད་གླིང་བདུན་པ་ཀུན་བཟང་པདྨ་བསྟན་འཛིན་ནི། །མོན་བུམ་ཐང་དུ་འཁྲུངས། བསྟན་པའི་གསལ་བྱེད་ཆེན་པོར་བཞུགས་ཀྱང་། དགུང་ལོ་ཉི་ཤུ་རྩ་གྲངས་ལས་མ་བཞུགས་པར་སྐུ་གཤེགས། ཐུགས་སྲས་བརྒྱད་པ་ནི། ལྷོ་མདོ་མཁར་དུ་འཁྲུངས་ནས། དེང་སང་ཞབས་པད་བརྟན་བཞིན་པའོ།། ༈ །།མོན་ཕྱོགས་སུ་འབྲུག་ངག་དབང་རྣམ་རྒྱལ་གྱི་གདན་ས་ཡང་ཀར་རྙིང་ཟུང་འབྲེལ་ཡིན་ལ། དགོངས་འདུས་དང་། པད་གླིང་སྐོར་དར་ཆ་ཆེ། གཞན་ཡང་བསྟན་འཛིན་ལེགས་པ་དོན་གྲུབ་ཀྱི་སྐུ་སྐྱེ་རིམ་བྱོན་དང་། པད་གླིང་པའི་གདུང་བརྒྱུད་སོ་སོར་ཕོག་པའི་དགོན་གནས་ཆེ་ཕྲ་དུ་མ། འབྲས་མོ་གཤོང་དུ་ལྷ་བཙུན་ནམ་མཁའ་འཇིགས་མེད་ཀྱི་སྐུ་སྐྱེ་འབྲས་གཤོང་རྫོགས་ཆེན་པ་རིམ་བྱོན་སོགས་དང་། དུས་ཕྱིས་ཀུན་མཁྱེན་འཇིགས་མེད་གླིང་པའི་སློབ་མ་སློབ་དཔོན་འཇིགས་མེད་ཀུན་གྲོལ་གྱིས་བཏབ་པའི། རྒྱ་གར་གྱི་མཚམས་སུ་གདུང་
བསམ་རི་བོ་བསྟན་ཡང་ལྷ་དགོན་ཟེར། རྒྱས་གླིང་སོགས་ཀྱིས་མཚོན་ཀུན་མཁྱེན་དེ་ཉིད་ཀྱི་བཀའ་དྲིན་ལས་རྙིང་བསྟན་ཅུང་ཟད་དར་བར་ཡོད་སྣང་།། ༈ །།ཡར་འབྲོག་ཡོན་པོ་དེ་ནི། གཏེར་སྟོན་མཆོག་ལྡན་མགོན་པོའི་སྤྲུལ་སྐས་བཏབ། དེའི་སྐེ་སྤྲུལ་རིམ་བྱོན་དང་། གསུང་སྤྲུལ་རིན་པོ་ཆེས་སྐོང་།། ༈ །།གཙང་ལ་སྟོད་བྱང་ཁའི་ཕྱོགས་ན། ཟང་ཟང་ལྷ་བྲག་ཏུ་དབང་པོའི་སྡེའི་གཅུང་ཡིད་བཞིན་ནོར་བུས་བཏབ་པའི་དགོན་པ་སྲིད་གསུམ་རྣམ་རྒྱལ་ནི། རྡོ་རྗེ་བྲག་ནས་འཛིན་སྐྱོང་དང་། ཀླུ་སྒྲུབ་སྐུ་སྐྱེ་བཞུགས།། ༈ །།གཅུང་རི་བོ་ཆེ་ནི། ཐང་སྟོང་པས་བཏབ། ཕྱིས་ཡོལ་མོ་གཏེར་སྟོན་བསྟན་འཛིན་ནོར་བུ་ལ་ཕྱག་ཏུ་བཞེས་ནས། དེའི་གཅུང་སྒོམ་སྨྱོན་ཕྱག་རྡོར་ནོར་བུའི་སྐྱེ་སྤྲུལ་རིམ་བྱོན་གྱིས་གདན་ས་མཛད། ༈ །།མཚོ་སྐྱ་བོ་ཁ་གདང་གི་སྨད་ན་ས་སྐྱ་པའི་གནས་དང་། དེ་ནས་བདེ་གྲོལ་གསང་སྔགས་ཆོས་གླིང་ཞེས་མེས་སྟོན་གྱི་གདན་ས་དང་། མཚོ་དེའི་སྟོད་ན་མཚོ་སྟོད་རྒྱ་མཁར་གསང་སྔགས་ཆོས་གླིང་སྟེ། དེའི་གདུང་བརྒྱུད་ལས་སེ་སྟོན་ཉི་མ་བཟང་པོ། སེ་སྟོན་མགོན་པོ་བཟང་པོ། སེ་སྟོན་རིན་ཆེན་རྒྱལ་མཚན། འདི་ནས་སེ་རྒྱ་མཁར་པ་དང་། སེ་བཀྲ་བཟང་པ་གཉིས་སུ་གྱེས། བཀྲ་བཟང་གི་དགོན་ཐོག་མར་རིག་འཛིན་རྒོད་ལྡེམ་གྱིས་བཏབ། ཐུགས་སྲས་རྣམ་
རྒྱལ་མགོན་པོ་བཞུགས། ཕྱིས་སེ་སྟོན་རིམ་བྱོན་གྱི་གདན་སར་གྱུར་ཏེ། དེ་ཡང་། སེ་སྟོན་པདྨ་དབང་ཆེན། ཚེ་དབང་རིག་འཛིན། ནམ་མཁའ་རིག་འཛིན། ཐུགས་མཆོག་འོད་འབར། །ཀུན་བཟང་འཛམ་གླིང་རྡོ་རྗེ་སོགས་ནས། དེང་སང་གི་བར་དུ་སྔགས་བརྒྱུད་མ་ཆད་པར་ཡོད་ཅིང་། བྱང་གཏེར་དང་། ཚེ་བདག་སོགས་ལ་གཙོ་བོར་མཛད། གཞན་ཡང་རྒྱང་ཆོས་སྡེ་སོགས་དགོན་གནས་ཕྲན་བུ་མང་ཙམ་དང་། མེས་སྟོན། སྐྱི་སྟོན། རྟ་ནག་སྒྲོལ་མ་ཕུག་པ་སོགས་སྔགས་བརྒྱུད་མང་ངོ་། ༈ །།གཙང་ལ་སྟོད་ནུབ་དགོན་ནི། དང་པོ་སུས་བཏབ་མ་ངེས། ཕྱིས་བྱམས་པ་ཆོས་ཀྱི་རྒྱལ་མཚན། ཐུགས་སྲས་བློ་གྲོས་རྒྱལ་མཚན་སོགས་རིམ་པར་བྱོན་ཅིང་། ཁམས་ལུང་པ་རིག་འཛིན་དབང་རྒྱལ་ནས་བཟུང་། ཁམས་ལུང་དབོན་དང་སྐྱེ་སྤྲུལ་རིམ་བྱོན་གྱིས་གདན་ས་མཛད་ཅིང་རྡོར་བྲག་པས་སྐྱོང་།། ༈ །།གཙང་གངས་ར་ངེས་གསང་རྡོ་རྗེ་གླིང་ནི། རོང་གཏེར་འཇམ་དཔལ་རྡོ་རྗེས་བཏབ། དེ་རྗེས་སྣང་རྩེའི་ཆོས་བདག་ཉི་ཟླ་གྲགས་པ་དང་། དེའི་དབོན་ལོ་ཆེན་ངག་གི་དབང་པོ། དེའི་དབོན་མཁས་གྲུབ་ཆེན་པོ་ལོ་ཆེན་གཞན་ཕན་རྡོ་རྗེ་རྣམས་བཞུགས། ལྔ་པ་རིན་པོ་ཆེས་སྨན་ལུར་པ་བློ་མཆོག་རྡོ་རྗེ་ལ་གནང་བ་ནས་བཟུང་། དེའི་སྐྱེ་སྤྲུལ་རིམ་བྱོན་གྱིས་གདན་ས་
མཛད།། ༈ །།གཙང་སྨད་དུ་ཕུང་པོ་རི་བོ་ཆེ་བདུད་དཔུང་ཟིལ་གནོན་གླིང་ནི་ལྔ་པ་རིན་པོ་ཆེས་བཏབ། སྙེ་མོ་བདེ་ཆེན་གླིང་། བྲེས་དགོན་གསར། བོན་ལུང་པདྨ་ཆོས་གླིང་སོགས་སུ། བོན་ལུང་སྤྲུལ་སྐུ་དང་། ཆུ་བཟང་སྤྲུལ་སྐུ་སོགས་རྙིང་མའི་བསྟན་འཛིན་མང་དུ་བཞུགས།། ༈ །།གཙང་ཉང་སྟོད་རྒྱལ་རྩེའི་མངའ་ཁུལ་ལྷ་རི་སྒྲོལ་མ་ཕུག་གི་ཉེ་འདབས། ཨོ་རྒྱན་འགྲོ་འདྲེན་གླིང་ནི། རིག་འཛིན་ཡོལ་མོ་བའི་རྣམ་འཕྲུལ་གཙང་པ་སྒྲུབ་ཆེན་པ་པདྨ་བཤེས་གཉེན་གྱིས་བཏབ་ཅིང་། དེའི་སྤྲུལ་སྐུ་རིག་འཛིན་འཇིགས་མེད་དཔའ་བོ་བཞུགས། ༈ །།ཐེག་མཆོག་གླིང་ནི། འབྲུག་པ་པདྨ་དཀར་པོས་བཏབ། ལྔ་པ་རིན་པོ་ཆེས་རྙིང་དགོན་དུ་བསྒྱུར། བྱང་གཏེར་དང་རྒྱ་ཅན་གཙོ་བོར་གྱུར་པའི་ཉམས་བཞེས་དང་། ཕྱིས་སུ་ཀུན་མཁྱེན་འཇིགས་མེད་གླིང་པ་ཕེབས་ནས་སྒྱུ་འཕྲུལ་ཞི་ཁྲོ་སོགས་བཙུགས་པའི་རྒྱུན་དེང་སང་ཡང་ཡོད། ༈ །དབུས་ཕྱོགས་སུ། ཡར་ཀླུང་འཕྱོང་རྒྱས་དཔལ་རི་ཐེག་མཆོག་གླིང་ནི། འཕྲེང་པོ་གཏེར་ཆེན་ཤེས་རབ་འོད་ཟེར་གྱིས་བཏབ། དེ་རྗེས་རྒྱལ་སྲས་ཀརྨ་ཀུན་བཟང་། མཚོ་རྒྱལ་སྤྲུལ་སྐུ་རིག་འཛིན་ཕྲིན་ལས་རྣམ་རྒྱལ། ངག་དབང་ཀུན་བཟང་པདྨ། ངག་དབང་བློ་བཟང་པདྨ། པདྨ་ཆོས་འབྱོར་རྒྱ་མཚོ། བསྟན་འཛིན་ཆོས་ཀྱི་ཉི་མ་རྣམས་
བཞུགས། ༈ །དེ་དང་ཉེ་བར་དོན་མཁར་ལུང་པའི་ཕུར། ཚེ་རིང་ལྗོངས་པདྨ་འོད་གསལ་ཐེག་མཆོག་གླིང་ནི། ཀུན་མཁྱེན་འཇིགས་མེད་གླིང་པས་བཏབ། རེ་ཞིག་རྗེ་ཉིད་ཀྱི་དབོན་པོ་འོད་ཟེར་ཕྲིན་ལས་དང་། སྒོམ་ཆེན་ངག་དབང་ཆོས་གྲགས་སོགས་བཞུགས་ཀྱང་དེང་སང་སྡེ་པ་པུ་ཤུད་པ་དང་། དཔལ་རི་བས་སྐྱོང་བ་ཙམ་ལས་བརྒྱུད་འཛིན་ཆེར་མེད།། ༈ །ལྕགས་ཟམ་ཆུ་བོ་རིའི་ཚེ་ཆུ་སྒྲུབ་སྡེ་ནི་ཐང་སྟོང་པས་བཏབ། ཐུགས་སྲས་སྐྱོབ་པ་བཟང་པོའི་ཡང་སྲིད་ལྕགས་ཟམ་སྤྲུལ་སྐུ་རིམ་བྱོན་གྱི་གདན་ས་མཛད་ཅིང་། བསྟན་འཛིན་ཡེ་ཤེས་ལྷུན་གྲུབ་སོགས་མཁས་གྲུབ་ཆེན་པོ་མང་དུ་བྱོན། ༈ །ཁྱད་པར་ཡུལ་དབུས་འདིར་ཡོངས་སུ་གྲགས་པའི་ཆོས་སྡེ་ཆེན་པོ་ནི་རྡོར་སྨིན་གཉིས་ཏེ། དེ་ལ་དང་པོ་ཐུབ་བསྟན་རྡོ་རྗེ་བྲག་གི་གདན་རབས་ལ་ཆོས་བརྒྱུད་གང་ལས་བྱུང་བ་དང་། གདན་ས་དངོས་གཉིས་ལས། དང་པོ་ནི། གཏེར་སྟོན་རིག་འཛིན་རྒོད་ཀྱི་ལྡེམ་འཕྲུ་ཅན་དངོས་གྲུབ་རྒྱལ་མཚན། དེ་སྲས་རྣམ་རྒྱལ་མགོན་པོ། སྔགས་འཆང་རྡོ་རྗེ་དཔལ་བ་དང་། རྡོ་རྗེ་མགོན་པོ་སྟེ། རྡོ་རྗེ་རྣམ་གཉིས། མཚན་ལྡན་བྱམས་པ་བཤེས་གཉེན། མཚན་ལྡན་ངག་དབང་གྲགས་པ། ཆོས་རྗེ་སངས་རྒྱས་དཔལ་བཟང་། སྔགས་འཆང་ཆོས་རྒྱལ་བསོད་ནམསཾ། ཐུགས་སྲས་ནམ་
མཁའ་རྒྱལ་མཚན། རིག་འཛིན་ཡོལ་མོ་བ་གཏེར་སྟོན་ཤཱཀྱ་བཟང་པོ། དེའི་སློབ་མ་མངའ་རིས་རིག་འཛིན་ཆེན་པོ་སྐུ་མཆེད་ལས། རྒོད་ལྡེམ་གྱི་སྐྱེ་སྲིད་གཉིས་པ་རིག་འཛིན་ལེགས་ལྡན་རྗེ། དེའི་སློབ་མ་བྱང་བདག་བཀྲ་ཤིས་སྟོབས་འདི་དུས་གུ་རུ་པདྨའི་ཨེ་ཝཾ་ལྕོག་སྒར་ཞེས་གྲགས་པའི་གྲྭ་ཚང་ཞིག་ཡོད་པ་དེ་རྡོར་བྲག་གི་ས་བོན་ཡིན། རྒྱལ་གྱི་བར་དུ་བྱོན་པ་ཡིན་ལ། གཉིས་པ་གདན་རབས་དངོས་ཀྱི་ཐོག་མ་ནི། །ལེགས་ལྡན་རྗེའི་ཡང་སྲིད་རྒོད་ལྡེམ་གསུམ་པ་རིག་འཛིན་ངག་གི་དབང་པོ་སྟེ། དེའང་བྱང་བདག་བཀྲ་ཤིས་སྟོབས་རྒྱལ་གྱི་སྲས་སུ་ལྕགས་འབྲུག་ལོར་འཁྲུངས། འདིས་ཐུབ་བསྟན་རྡོ་རྗེ་བྲག་གི་ཆོས་སྡེ་ཐོག་མར་བཏབ། ས་ཡོས་ལོར་སྐུ་གཤེགས། དེ་རྗེས་ཡོལ་མོ་སྤྲུལ་སྐུ་བསྟན་འཛིན་ནོར་བུས་གདན་ཚབ་མཛད། རྒོད་ལྡེམ་བཞི་པ་ཞབས་དྲུང་ཀུན་བཟང་པདྨ་ཕྲིན་ལས་ནི། མོན་མཁར་རྣམ་བསམ་ཡས་ཀྱི་ཐད། སྲས་གླིང་དུ་འཁྲུངས། ཟུར་ཆེན་དང་ལྔ་པ་རིན་པོ་ཆེ་སོགས་བསྟེན་ནས་མཁས་བཙུན་གྲུབ་པའི་ཡོན་ཏན་བསམ་གྱིས་མི་ཁྱབ། སྐུ་ཚེའང་རིང་པོར་བཞུགས་ཤིང་། མཐར་ཡིད་སྲུབས་ཀྱི་བདག་པོ་ལྗོངས་འགར་བའི་དཔུང་ཆེན་ལྷགས་པའི་རྐྱེན་གྱིས་གཤེགས་ཚུལ་བསྟན། དེའི་ཡང་སྲིད་རྒོད་ལྡེམ་ལྔ་པ་སྐལ་བཟང་པདྨ་དབང་ཕྱུག་ནི། སྤོ་འབོར་སྒང་གི་ནང་ཚན་ཉག་རོང་
ལྕགས་མདུད་ཅེས་པར་སྐུ་འཁྲུངས། ཐུབ་བསྟན་རྡོ་རྗེ་བྲག་ཉམས་གསོ་ཕུལ་དུ་བྱུང་བ་མཛད། སྔ་འགྱུར་བསྟན་པའི་གསལ་བྱེད་ཆེན་པོར་གྱུར་ཅིང་། དགོངས་གཏེར་དག་སྣང་གི་སྐོར་ཡང་རྒྱ་ཆེ་བར་ཡོད། དེའི་སྤྲུལ་སྐུ་རྒོད་ལྡེམ་དྲུག་པ་ཀུན་བཟང་འགྱུར་མེད་ལྷུན་གྲུབ་རྡོ་རྗེ་ནི། དར་མདོ་ལྕགས་ལའི་རྒྱལ་ཁབ་དང་ཉེ་བའི་གསེར་ཏོག་ཞེས་པར་འཁྲུངས། དག་སྣང་ལུང་བསྟན། འཁོར་ལོ་གསུམ་གྱི་མཛད་བཟང་ངོ་མཚར་ཆེ་བར་གནང་། ཡང་སྐུ་ཚེ་མཐར་མ་ཕྱིན་པར་གཤེགས། དེའི་སྤྲུལ་སྐུ་རྒོད་ལྡེམ་བདུན་པ་ངག་དབང་འཇམ་དཔལ་མི་འགྱུར་ལྷུན་གྲུབ་རྡོ་རྗེ་ནི། མོན་མཁར་རྣམ་སྲས་གླིང་དུ་འཁྲུངས། ༈ །འོག་མིན་ཨོ་རྒྱན་སྨིན་གྲོལ་གླིང་གི་གདན་རབས་ལ། ཐོག་མར་ཆོས་བརྒྱུད་གང་ལས་བྱུང་བའི་ཚུལ་ནི། གཏེར་ཆེན་རཏྣ་གླིང་པའི་སྤྲུལ་སྐུ་སྣ་ཚོགས་རང་གྲོལ་ནི། ལྷོ་བྲག་སྨན་ཐང་དུ་འཁྲུངས། ཐོས་བསམ་སྒོམ་གསུམ་གྱི་ཕ་རོལ་ཏུ་སོན། དགུང་ལོ་ཞེ་གཉིས་པར་གྲྭ་ནང་དར་རྒྱས་ཆོས་སྡིང་གི་རི་ཁྲོད་བཏབ། དོན་བདུན་པར་གཤེགས། དེ་རྗེས་པདྨ་གླིང་པའི་སྤྲུལ་སྐུ་བསྟན་འཛིན་གྲགས་པ། སྨྱོན་སྟོན་མཁས་གྲུབ་ཆེན་པོ་མདོ་སྔགས་བསྟན་འཛིན། དེ་སྲས་རིག་འཛིན་ཕྲིན་ལས་ལྷུན་གྲུབ་ཀྱི་བར་དར་རྒྱས་ཆོས་སྡིངས་སུ་བཞུགས། གདན་རབས་ཀྱི་ཐོག་མ་ནི། །
དེ་སྲས་བཻ་རོའི་རྣམ་འཕྲུལ་གཅེན་གཏེར་ཆེན་འགྱུར་མེད་རྡོ་རྗེའམ། འགྲོ་འདུལ་གཏེར་བདག་གླིང་པ་སྟེ། དེ་ཡང་རབ་བྱུང་བཅུ་པའི་མེ་ཁྱི་ལོར་སྐུ་འཁྲུངས། ཡབ་རྗེ་དང་ལྔ་པ་རིན་པོ་ཆེ་སོགས་བརྟེན་ནས་མཁས་ཤིང་གྲུབ་པའི་ཕ་རོལ་ཏུ་སོན། དགུང་ལོ་བཅོ་བརྒྱད་པར་གཡའ་མ་ལུང་ནས་རིག་འཛིན་ཐུགས་ཐིག་སོགས་རིམ་པར་ཟབ་གཏེར་ཀྱང་མང་དུ་སྤྱན་དྲངས། སྔ་འགྱུར་བསྟན་པའི་སྲོག་ཤིང་འགྲན་ཟླ་དང་བྲལ་བ་དེས། མེ་འབྲུག་ལོར་གྲྭ་ཕྱི། ཨོ་རྒྱན་སྨིན་གྲོལ་གླིང་བཏབ། རེ་དགུ་པ་ཤིང་རྟ་ལོར་སྐུ་གཤེགས། སྐུ་འབྲིང་བ་མཁན་རབས་དང་པོ་རྒྱལ་སྲས་བསྟན་པའི་ཉི་མ་ནི། ཤེས་བྱ་རིག་པའི་གནས་ལྔ་མཁྱེན་པའི་པཎྜི་ཏ་ཆེན་པོར་གྱུར་ཀྱང་། ཉེར་བདུན་པར་གཤེགས། གཅུང་གཡུ་སྒྲའི་རྣམ་འཕྲུལ་མཁན་ཆེན་ལོ་ཙཱ་བ་དྷརྨ་ཤྲཱི་ནི་མཁས་བཙུན་བཟང་པོའི་ཡོན་ཏན་གྱིས་མངོན་པར་མཐོ་བའི་སྔ་འགྱུར་བསྟན་པའི་མིག་གཅིག་པུར་གྱུར། སྨིན་གླིང་མཁན་རབས་གཉིས་པར་མཛད། རེ་ལྔ་པར་གཤེགས། ཕྱིས་སུ་རྙིང་མ་བཀའ་གཏེར་གྱི་བསྟན་པ་ལ་གཏེར་ཆེན་སྐུ་མཆེད་འདི་གཉིས་ཁོ་ན་བཀའ་དྲིན་ཆེ། ཁྲི་རབས་གཉིས་པ་པདྨ་འགྱུར་མེད་རྒྱ་མཚོ་ནི་ཡབ་གཏེར་ཆེན་ཆོས་ཀྱི་རྒྱལ་པོ་དང་། ཡུམ་ཡོན་ཏན་སྒྲོལ་མའི་སྲས་སུ་འཁྲུངས། སུམ་ཅུ་པར་ཁྲིར་ཕེབས། སོ་
གསུམ་པར་གཤེགས། རྒྱལ་སྲས་ཡིད་བཞིན་ལེགས་གྲུབ་ནི། ཡབ་གཏེར་ཆེན་དང་། ཡུམ་ཕུན་ཚོགས་དཔལ་འཛོམ་གྱི་སྲས་སུ་འཁྲུངས། ལོ་ཆེན་ལས་བསྙེན་པར་རྫོགས། འོན་ཀྱང་རྐྱེན་དབང་གིས་གཤེགས། ཁྲི་རབས་གསུམ་པ་རྒྱལ་སྲས་རིན་ཆེན་རྣམ་རྒྱལ་ནི། དུས་འགྱུར་གྱི་སྐབས་ཀྱང་མོན་བོད་བརྒྱུད་ནས་ཁམས་ཕྱོགས་སུ་ཉག་རོང་ལྕགས་མདུད་པར་ཕེབས་པས་བརྫི་བར་མ་ནུས། སླར་དབུས་སུ་ཕེབས་ནས་གདན་སའི་ཉམས་གསོ་གནང་ཞིང་བསྟན་པ་ལ་བཀའ་དྲིན་ཆེ། རེ་ལྔ་པར་གཤེགས། གཅུང་མོ་རྗེ་བཙུན་མ་མི་འགྱུར་དཔལ་གྱི་སྒྲོལ་མས་ཀྱང་། བསྟན་པ་ལ་བཤད་སྒྲུབ་སོགས་བྱ་བ་རྒྱ་ཆེར་མཛད་ཅིང་། དོན་གཅིག་པར་གཤེགས། རིན་ཆེན་རྣམ་རྒྱལ་ལ་སྲས་ཁྲི་རབས་བཞི་པ་འགྱུར་མེད་པདྨ་བསྟན་འཛིན་དང་། མཁན་ཆེན་ཨོ་རྒྱན་བསྟན་འཛིན་རྡོ་རྗེ་གཉིས་འཁྲུངས། འགྱུར་མེད་པདྨ་བསྟན་འཛིན་གྱི་སྲས་ཁྲི་རབས་ལྔ་པ་འགྱུར་མེད་ཕྲིན་ལས་རྣམ་རྒྱལ་དང་། མཁན་ཆེན་འགྱུར་མེད་གསང་སྔགས་བསྟན་འཛིན། ཕྲིན་ལས་རྣམ་རྒྱལ་གྱི་སྲས་ཁྲི་རབས་དྲུག་པ་འགྱུར་མེད་པདྨ་དབང་རྒྱལ་དང་། མཁན་ཆེན་ཨོ་རྒྱན་ཆོས་འཕེལ། རྗེ་བཙུན་མ་ཕྲིན་ལས་ཆོས་སྒྲོན། པདྨ་དབང་རྒྱལ་སྲས་ཁྲི་རབས་བདུན་པ་འགྱུར་མེད་སངས་རྒྱས་ཀུན་དགའ། །
དེ་སྲས་ཁྲི་རབ་བརྒྱད་པ་འགྱུར་མེད་ཡིད་བཞིན་དབང་རྒྱལ་ཏེ། མཁས་དང་གྲུབ་པའི་ཡོན་ཏན་རྒྱ་མཚོའི་དཔལ་གྱིས་མངོན་པར་མཐོ་བ་དང་བཅས། དེང་སང་ཞབས་པད་བརྟན་བཞིན་པར་བཞུགས་སོ། །སྤྱིར་དབུས་གཙང་གི་རྙིང་དགོན་ཆེ་ཕྲ་ཐམས་ཅད། སོག་པོ་ལྗོངས་འགར་གྱི་དུས་ཉམས་ཆག་ཤིན་ཏུ་ཆེ་བར་བྱུང་ཡང་། ཕྱིས་རྒྱལ་བ་བསྐལ་བཟང་རྒྱ་མཚོས་སྔར་རྒྱུན་ལྟར་ཉམས་གསོ་དགོས་པའི་བཀའ་ལུང་ཕེབས་པ་ནས་བཟུང་ཕལ་ཆེར་རིམ་གྱིས་སོར་ཆུད་དེ་སྔར་དང་ཆ་འདྲ་བ་ཙམ་ཡོད།། ༈ །རྒྱལ་བ་འབྲི་གུང་པའི་གདན་ས་ནི། ཐོག་མར་མེ་ཉག་སྒོམ་རིང་ཞེས་པས་བཏབ། དེ་ནས་སྐྱོབ་པ་རིན་པོ་ཆེས་བསྐྱང་པ་ནས་བཟུང་གདུང་རབས་བཅུ་གསུམ་ཙམ་གྱི་བར་བཀའ་བརྒྱུད་ཀྱི་གདན་ས་ཆེན་པོར་གྱུར། དེ་ནས་སྐྱོབ་པ་རིན་པོ་ཆེའི་རྣམ་འཕྲུལ་གཏེར་ཆེན་རིན་ཆེན་ཕུན་ཚོགས་ཀྱི་དུས་ནས་རྙིང་ལུགས་ལ་གཙོ་བོར་མཛད་པས། དེ་ཕྱིན་གྱི་གདན་རབས་མདོ་ཙམ་ནི། རིན་ཆེན་ཕུན་ཚོགས་ཀྱི་སྲས་ཆོས་རྒྱལ་ཕུན་ཚོགས། དེ་ལ་སྲས་སྐུ་མཆེད་ལྔ་ཙམ་བཞུགས་པའི་ནང་ནས། །བརྒྱུད་འཛིན་གྱི་སྲས། ཞབས་དྲུང་ནཱ་རོ་པ། རྗེ་དཀོན་མཆོག་རཏྟཱ། རིག་འཛིན་ཆོས་ཀྱི་གྲགས་པ་སྟེ་གསུམ་ལས། ཆོས་ཀྱི་གྲགས་པ་ནི་རིན་ཆེན་ཕུན་ཚོགས་པའི་སྤྲུལ་སྐུ་ཡིན་ཅིང་། འདི་དུས་
གདུང་བརྒྱུད་ཆད་དེ། ཕྱིས་ནས་སྐྱེ་སྤྲུལ་རིམ་བྱོན་གྱིས་ཞལ་འཛིན་གནང་བས། དེ་ཡང་རིམ་པར། རྗེ་དཀོན་མཆོག་རཏྣའི་སྐྱེ་བ་དཀོན་མཆོག་ཕྲིན་ལས་བཟང་པོ། ཆོས་ཀྱི་གྲགས་པའི་སྐྱེ་བ་འཇངས་ཡུལ་དུ་འཁྲུངས་པའི་དོན་གྲུབ་ཆོས་ཀྱི་རྒྱལ་པོ། དཀོན་མཆོག་ཕྲིན་ལས་བཟང་པོའི་རྣམ་འཕྲུལ། དཀོན་མཆོག་བསྟན་འཛིན། དོན་གྲུབ་ཆོས་རྒྱལ་གྱི་སྐྱེ་བ་ཆོས་ཀྱི་ཉི་མ། དཀོན་མཆོག་བསྟན་འཛིན་གྱི་སྐྱེ་བ་ཀོང་པོ་ཀྲ་ཏི་སྔགས་འཆང་གི་སྲས་བསྟན་འཛིན་པདྨའི་རྒྱལ་མཚན། ཆོས་ཀྱི་ཉི་མའི་སྐྱེ་བ་ཀུན་མཁྱེན་འཇིགས་མེད་གླིང་པའི་རྒྱལ་སྲས་འཇིགས་མེད་ཉིན་བྱེད་འོད་ཟེར་རྣམས་བྱོན་ཅིང་། དེ་གཉིས་ཀྱི་ཡང་སྲིད་རིན་པོ་ཆེ་ཟླ་བ་ཚེས་པ་ལྟ་བུ་དེང་སང་ཞབས་པད་བརྟན་བཞིན་པའོ། ༈ །ལྷོ་བརྒྱུད་གཉལ་དང་ལོ་རོའི་ཕྱོགས་སུ། རིག་འཛིན་ངག་གི་དབང་པོའི་ཞལ་སློབ་ཤ་གཟུགས་པ་ངག་དབང་བཀྲ་ཤིས་རྣམ་རྒྱལ་གྱི་སྐྱེ་སྤྲུལ་རིམ་བྱོན་དང་། འབྲུག་སྨྱོན་གདན་ས་དྲེའུ་ལྷས་པའི་སྤྲུལ་སྐུ་རིམ་བྱོན། ལོ་རོར་བོ་དོང་པ་ཆོས་ཀྱི་རྒྱལ་མཚན་གྱི་རྣམ་འཕྲུལ་སྦྱོར་ར་ཐམས་ཅད་མཁྱེན་པ་རིམ་བྱོན་སོགས་རྙིང་མའི་བསྟན་འཛིན་འགའ་ཞིག་བཞུགས་ལ།། ༈ །།ཨེ་རོང་ཕྱོགས་སུ། རོང་པ་རྫོགས་ཆེན་པ་ནམ་མཁའ་འབྲུག་སྒྲ་བཟང་པོས་བཏབ་པའི་རྩ་སྒྲུབ་སྡེ་ནི། དེའི་སྤྲུལ་སྐུ་
རིམ་བྱོན་གྱིས་བསྐྱང་། གཞན་ཡང་ལས་འཕྲོ་གླིང་པའི་གདན་ས་ཨེ་སྦེ་ལྕོག་དང་། ཆོས་རྗེ་ཨོ་རྒྱན་བསྟན་འཛིན་གྱི་གདན་ས་བྲག་སྣ་བ་སོགས་ཀྱང་མ་ནུབ་ཙམ་ཡོད། ༈ །དྭགས་པོའི་ཕྱོགས་སུ། །ལ་དྭགས་སྟོན་དབང་ཕྱུག་རྡོ་རྗེ་ནས་རིམ་པར་བྱོན་པའི་ཀུན་མཁྱེན་ཆོས་སྐུ་འོད་ཟེར་གྱིས་རྩེ་ལེ་དགོན་བཏབ། དེའི་སློབ་མ་རྒྱ་ར་ཀློང་ཆེན་པ་སོགས་བྱུང་། ཕྱིས་སུ་རིག་འཛིན་བསོད་ནམས་རྣམ་རྒྱལ་གྱིས་རྩེ་ལེ་དགོན་གསར་བཏབ་ཅིང་བཤད་སྒྲུབ་ཤིན་ཏུ་དར་ཡང་། དེང་སོང་རྒྱ་ཆེར་ཡོད་པར་མ་མངོན་ཞིང་། འཛིན་སྐྱོང་སྨིན་གླིང་ནས་གནང་།། ༈ །།དྭགས་ལྷ་སྒམ་པོའི་གདན་རབས་ནི། ཐོག་མར་མཉམ་མེད་དྭགས་པོ་རིན་པོ་ཆེས་བཏབ། གདན་རབས་བཅུ་བདུན་ཙམ་གྱི་བར་ཕལ་ཆེར་དབོན་བརྒྱུད་ཁོ་ནས་འཛིན་ཞིང་། བཀའ་བརྒྱུད་པའི་ལུགས་སྲོལ་བཟུང་བ་ཤ་སྟག་བྱུང་། ཕྱིས་སུ་དྭགས་པོ་རིན་པོ་ཆེའི་རྣམ་འཕྲུལ་ཀུན་མཁྱེན་བཀྲ་ཤིས་རྣམ་རྒྱལ་ནི། དྭགས་པོ་རང་གི་དབོན་བརྒྱུད་དུ་འཁྲུངས། དེའི་སྤྲུལ་སྐུ་འཛམ་གླིང་ནོར་བུ་རྒྱན་པ་ནས་རྙིང་ལུགས་གཙོ་བོར་མཛད་དེ། དེའི་སློབ་མ་སྤྱན་སྔ་བསོད་ནམས་རིན་ཆེན། མཆོག་སྤྲུལ་གཏེར་ཆེན་བཟང་པོ་རྡོ་རྗེ། བདེ་བའི་རྡོ་རྗེ་ལྷུན་གྲུབ་ངེས་དོན་དབང་པོ། མཆོག་སྤྲུལ་ཀུན་བཟང་ངེས་དོན་དབང་པོ། ཞྭ་དམར་མཆོག་སྤྲུལ་
ཟུར་པ་གར་དབང་རྒྱ་མཚོ། མཆོག་སྤྲུལ་རིན་པོ་ཆེ་དྲུག་པ་འཇམ་དཔལ་ཕྲིན་ལས་དབང་པོའམ། གཏེར་ཆེན་གཏེར་ཆོས་གསང་བདག་དྲག་པོའི་སྐོར་སོགས་ཡོད། རྡོ་རྗེ་རྒྱལ་པོའི་བར་དུ་བྱོན་པ་རྣམས་ནི་རྙིང་ལུགས་ཀྱི་བསྟན་འཛིན་ཆེན་པོར་གྱུར། གཞན་ཡང་དྭགས་ཕྱོགས་སུ་རྙིང་དགོན་ཕྲ་མོ་དུ་མ་ཞིག་ཡོད་དོ།། ༈ །།དཔལ་སྟག་ལུང་བ་མཚུར་ཕུ་བ། འབྲུག་པ་རིན་པོ་ཆེ་སོགས་ཀྱིས་ཀྱང་།། ཀར་རྙིང་ཟུང་འབྲེལ་དུ་སྐྱོང་བར་གནང་ཡང་སོ་སོའི་གདན་རབས་འདིར་མ་བཀོད་དོ།། ༈ །ཀོང་པོའི་ཕྱོགས་སུ། གཏེར་ཆེན་སངས་རྒྱས་གླིང་པའི་གདུང་རབས་སྙི་ཕུ་བ་ནི། གཏེར་ཆེན་གྱི་སྲས་ཡེ་ཤེས་རྡོ་རྗེ་ནས། སངས་རྒྱས་བློ་གྲོས། ཆོས་ཀྱི་རྒྱལ་མཚན། ཀརྨ་བཟང་པོ། གྲུབ་མཆོག་བཟང་པོ་དེ་ལ་ཐུགས་སྲས་ཀརྨ་གསང་སྔགས་རྣམ་རྒྱལ། ཀརྨ་རིག་འཛིན་སྙིང་པོ། ཀརྨ་བསྟན་སྐྱོང་གསུམ་བྱོན་ཅིང་། དེ་རྣམས་ལས་གདུང་བརྒྱུད་མ་འཕེལ་ཡང་། གྲུབ་མཆོག་བཟང་པོའི་མཆེད་ཞིག་ལས་འཕེལ་བའི་གདུང་བརྒྱུད་མཁར་རྒྱ་པོར་གཏན་ཆགས་པ་དང་། གཞན་ཡང་སངས་གླིང་ཆོས་བདག་བླ་མ་བྱ་ཁྱུང་པ་དཔལ་ལྡན་སེངྒེས་བཏབ་པའི་བྱ་ཁྱུང་དགོན་པ་ནི་གདུང་བརྒྱུད་རིམ་བྱོན་གྱིས་བསྐྱང་། ཐང་འབྲོག་དགོན་ནི། མཚུངས་མེད་བསྟན་འཛིན་རྡོ་རྗེས་བཏབ། དེའི་སྤྲུལ་སྐུ་རྩེ་ལེ་སྣ་
ཚོགས་རང་གྲོལ་ལམ་མཁས་མཆོག་པདྨ་ལེགས་གྲུབ། དེའི་སྤྲུལ་སྐུ་ཀུན་བཟང་པདྨ་ལེགས་གྲུབ། དེའི་སྤྲུལ་སྐུ་འཇིགས་མེད་བསྟན་པའི་རྒྱལ་མཚན་གྱི་བར་དུ་བྱོན། ཀོང་པོ་རྩྭ་ནང་དུ་དྲི་མེད་ལྷུན་པོའི་གདན་ས་དང་། བང་རིང་འཇའ་ཚོན་པའི་གདན་ས་རྣམས་ཀྱང་མ་ཉམས་པར་ཡོད།། ༈ །སྤོ་བོའི་ཕྱོགས་སུ། དགའ་བ་ལུང་དུ་གཏེར་སྟོན་སྟག་ཤམ་པའི་གདན་སར། སྐྱེ་སྤྲུལ་རིམ་བྱོན་གྱིས་བསྐྱང། དཔལ་ཁ་གསང་སྔགས་ཆོས་གླིང་ནི། རིག་འཛིན་ཆོས་ཀྱི་རྒྱ་མཚོའི་རྣམ་འཕྲུལ་རིམ་བྱོན་གྱིས་གདན་ས་མཛད་པ་ལས། དེང་སོང་ལྷོ་བྲག་གསུང་སྤྲུལ་གོང་མའི་སྲས་སུ་འཁྲུངས་པའི་མཁྱེན་རྟོགས་ཅན་ཞིག་ཡོད། གྲྭ་སའང་ལྷོ་བྲག་ལྷ་ལུང་དུ་ཞུགས་སྲོལ་སྣང་ངོ་།། ༈ །།མདོ་སྨད་འབའ་ཡུལ་དུ་རྡོར་བྲག་གི་རིང་ལུགས་འཛིན་པ་གྲུབ་པ་དགོན་དང་། རྒྱ་བླ་རབས་བཅུ་གསུམ་གྱི་གདན་ས་གནམ་བསྐོས་གསང་སྔགས་ཆོས་གླིང་སོགས་དེང་སང་ཡང་དར་རྒྱས་ཆེ་ཙམ་ཡོད།། ༈ །།ཁྱད་པར་བོད་ཆེན་པོའི་ལྗོངས་ཀྱི་ཐིག་ལེར་སྟོབས་ཀྱི་འཁོར་ལོས་སྒྱུར་བ་སྡེ་དགེ་ཆོས་ཀྱི་རྒྱལ་པོའི་མངའ་ཁུལ་འདིར་ནི། སྔ་འགྱུར་གྱི་བསྟན་པ་ཁོ་ན་དར་རྒྱས་ཆེ་བས་དགོན་གནས་ཆེ་ཕྲའང་མང་དུ་བཞུགས་ཤིང་། དེ་ཐམས་ཅད་ཀྱང་རྒྱལ་བ་ཀཿཐོག་པ་དང་། གྲུབ་དབང་རྫོགས་ཆེན་པའི་ཕྲིན་ལས་ལས་
བྱུང་བ་ཤ་སྟག་ཡིན་པས། དེའི་ཚུལ་མདོ་ཙམ་བརྗོད་ན། ཐོག་མར་ཤར་རྒྱལ་བ་ཀཿཐོག་པའི་གདན་རབས་ཀྱི་ཐོག་མ། ཟུར་པ་མེས་དབོན་གསུམ་དུ་གྲགས་པའི་ནང་ཚན། སྒྲོ་ཕུག་པ་ཤཱཀྱ་སེངྒེའི་ཐུགས་སྲས་འཛོམ་སྟོན་འགྲོ་བའི་མགོན་པོ་སོགས་ཀྱི་ཞལ་སློབ། དམ་པ་བདེ་གཤེགས་ཤེས་རབ་སེངྒེ་ནི། རྗེ་ཕག་མོ་གྲུ་པ་དང་། ཡུམ་མཆེད་དུ་རབ་བྱུང་གཉིས་པའི་ཆུ་སྟག་ལོར་འཁྲུངས། དཔེ་ཝར་འབེས་མོ་ནང་། འཛམ་སྟོན་རིན་པོ་ཆེའི་ལུང་བསྟན་བཞིན་ས་ཡོས་ལོར་ཀཿཐོག་རྡོ་རྗེ་གདན་བཏབ། དོན་གཅིག་པར་གཤེགས། དེ་ནས་རིམ་པར། ཆོས་རྗེ་གཙང་སྟོན་རྡོ་རྗེ་རྒྱལ་༡མཚན། རྒྱལ་ཚབ་བྱམས་པ་འབུམ་པ་༢། འདིས་ཀརྨ་པཀི་བསྙེན་པར་རྫོགས། སྤྱན་སྔ་བསོད་ནམས་འབུམ་པ་༣། དབུ་འོད་ཡེ་འཕགས་པ་རིན་པོ་ཆེར་དབང་ཕུལ། ཤེས་འབུམ་པ་༤། རྒྱལ་ཚབ་བྱང་ཆུབ་དཔལ་བ་༥། རྒྱལ་ཚབ་བསོད་ནམས་འདི་སྐབས་ཙམ་ནས་ཉང་ཆོས་དབང་སོགས་ཀྱི་གཏེར་ཆོས་ཡང་ཅུང་ཟད་དར་བ་བྱུང་། བཟང་༦པོ། རྒྱལ་ཚབ་ཀུན་དགའ་འབུམ་པ་༧། རྒྱལ་ཚབ་བློ་གྲོས་འབུམ་པ་ར། རྒྱལ་ཚབ་བློ་གྲོས་སེངྒེ། རྒྱལ་ཚབ་བྱང་ཆུབ་བློ་གྲོས་༡༠། དེའི་རྒྱལ་ཚབ་བྱང་ཆུབ་སེངྒེ་དང་༡༡། བྱང་ཆུབ་རྒྱལ་༡༢མཚན། བྱང་ཆུབ་རྒྱལ་མཚན་གྱི་སློབ་མ་གཉགས་ཆེན་ཡེ་ཤེས་གཞོན་ནུའི་རྣམ་འཕྲུལ་བུ་
འབོར་བ་མཁས་གྲུབ་ཡེ་ཤེས་རྒྱལ་༡ ༣མཚན་སྟེ། འདི་ཡན་ཆད་ཀཐོག་བླ་རབས་བཅུ་གསུམ་ཞེས་རིགས་གསུམ་མགོན་པོའི་རྣམ་འཕྲུལ་ཟམ་མ་ཆད་པར་བྱོན་ཅིང་། སྔ་འགྱུར་གྱི་བསྟན་པ་ཤིན་ཏུ་དར་བ་མཛད། གཞན་ཡང་དམ་པ་བདེ་གཤེགས་ཀྱི་སློབ་མ། ཤེས་རབ་རྒྱལ་མཚན། ཤེས་རབ་དཔལ་བ། ཤེས་རབ་རྡོ་རྗེ་སྟེ་རོང་པོ་ཐོས་མཆོག་རྣམ་གསུམ། ལུང་བསྟན་བུ་བཞིར་གྲགས་པ་ནི། འབྲུ་ཚ་སྒང་པས་བུ་རོང་གཞག་གསུམ་ཁ་བ་དཀར་པོ་ཡན་ཆད་དུ་དགོན་གནས་བརྒྱ་རྩ་བརྒྱད་བཏབ། རྩ་སྡེ་སྤྱན་སྔ་ནམ་མཁའ་རྡོ་རྗེས་གོ་འཇོ་རྩ་སྡེ་དགོན་བཏབ། རྨོག་སྟོན་འཇམ་དཔལ་སེང་གེས་འབྲི་རྒྱུད་དུ་དགོན་པ་མཛད་ཅིང་། ཁོང་ལས་གྲུབ་ཐོབ་རྨོག་རབ་བཅུ་གསུམ་དུ་གྲགས་པ་བྱུང་། གྲུབ་ཐོབ་མ་ཎི་རིན་ཆེན་གསེར་རག་ཅོག་ཏུ་བཞུགས་ཤིང་། མཐར་འོད་ཕུང་དུ་གཤེགས་པ་སོགས་མཁས་གྲུབ་ཀྱི་ཚང་ཆེན་པོ་བརྡོལ། བླ་རབས་བཅུ་གསུམ་གྱི་རྗེས་སུ་དྲུང་རབས་བཅུ་གསུམ་བྱོན་ཡང་། བཀའ་མ་རྣམས་རིམ་གྱིས་ཉག་ཕྲ་ནས། གཏེར་མའི་ཕྱོགས་དར་རྒྱས་སུ་གྱུར། དེ་ཡང་མཁས་གྲུབ་ཡེ་ཤེས་རྒྱལ་མཚན་གྱི་སློབ་མ། ལ་བསྟོད་ནམ་མཁའ་རིན་ཆེན། དེ་ནས་དྲུང་ནམ་མཁའ་སེང་གེ །འདི་ནས་བཟུང་གདན་ས་འཛིན་པ་རེ་དང་། འཆད་ཉན་པ་རེ་ཟུར་དུ་བྱུང་བའི་སྲོལ་
དོད་པ་ལས། གདན་ས་པ་དྲུང་རྡོ་རྗེ་བློ་གྲོས། འཆད་ཉན་པ་བསོད་ནམས་འབུམ། གདན་ས་པ་དྲུང་རྒྱལ་མཚན་རྡོ་རྗེ། འཆད་ཉན་པ་དགེ་འདུན་འབུམ། གདན་ས་པ་དྲུང་མགོན་པོ་རྡོ་རྗེ། འཆད་ཉན་པ་ནམ་མཁའ་དཔལ། འདི་དུས་ཨ་རྡོ་དཀོན་མཆོག་རྒྱལ་མཚན་གྱིས་རྫོགས་ཆེན་དགོངས་པ་ཟངས་ཐལ་སྤེལ་བས་དར་རྒྱས་ཆེ་བར་བྱུང་། གདན་ས་པ་དྲུང་ལྷ་དབང་རྡོ་རྗེས་མཛད། དཀོན་མཆོག་རྒྱལ་མཚན་གྱི་སློབ་མ་རོང་པོ་དཀོན་མཆོག་རྡོ་རྗེ། དེའི་སློབ་མ་ཧོར་པོ་ཤཱཀྱ་རྒྱལ་མཚན། དེའི་སློབ་མ་མཚུངས་མེད་བྱང་ཆུབ་སེངྒེ་སྟེ། འདིའི་སྐུ་ཚེའི་མཇུག་ཙམ་ལ། བུ་འབོར་བ་བཀྲ་ཤིས་རྒྱ་མཚོ་བྱོན། འདི་དུས་གདན་ས་པ་དྲུང་རྣམ་པར་དགེ་བའི་མཚན་ཅན་གྱིས་མཛད། བཀྲ་ཤིས་རྒྱ་མཚོའི་སློབ་མ་རྨོག་ཚ་ཧེ་པ་ཆོས་འབྱུང་། རྒྱལ་ཐང་བ་བསྟན་པ་སེང་གེ དཔལ་མོ་ཤེས་རབ་བཟང་པོ། རྒྱལ་རོང་བ་སོགས་སློབ་མ་མང་། གདན་ས་པ་དྲུང་རྟ་མགྲིན་ཞེས་པས་མཛད། དེ་དུས་བླ་མ་ཚེ་མདོའི་མཚན་ཅན་དང་། གྲུབ་ཐོབ་མ་ལ་བླ་མ་སོགས་བཞུགས། གཞན་ཡང་། སྔོ་ཁ་སངས་རྒྱས་རིན་ཆེན་དང་། དཔལ་འབར་བ་ནམ་མཁའ་རྒྱ་མཚོ་སོགས་བྱོན། ནམ་མཁའ་རྒྱ་མཚོའི་སློབ་མ་བསོ་དབང་དྲག་རྒྱ་མཚོ། དེའི་སློབ་མ་སྒར་རྗེ་ཆོས་སྐྱོང་རྒྱ་མཚོ། དེའི་སློབ་མ་བྱང་
ཆུབ་རྒྱལ་མཚན་ཏེ་གཏེར་ཆེན་ཀློང་གསལ་སྙིང་པོ། ཡང་རྒྱལ་ཐང་བའི་སློབ་མ་ཨ་རྡོ་དཀོན་མཆོག་སེངྒེ། དེའི་སློབ་མ་གཏེར་ཆེན་བདུད་འདུལ་རྡོ་རྗེ། དེའི་སློབ་མ་ཀློང་གསལ་སྙིང་པོ། ཡང་། །དཀོན་མཆོག་སེང་གེའི་སློབ་མ། གསེར་ལོ་བསྟན་པ་རྒྱལ་མཚན་དང་། ཆོས་ཉིད་རྒྱ་མཚོ་གཉིས། དེ་གཉིས་ཀའི་སློབ་མ་རིག་འཛིན་ཀུན་བཟང་ཤེས་རབ་ཡིན་ལ། རྒྱལ་རོང་བའི་སློབ་མ་སྟག་ཕུ་བླ་མ་རྡོ་རྗེ་རྒྱལ་མཚན་དང་། དེའི་སློབ་མ་དཔོན་སངས་རྒྱས་བཀྲ་ཤིས་རྣམས་སོ། །འདི་སྐབས་ཙམ་ན་ལང་གྲོ་ལོ་ཙཱ་བའི་རྣམ་འཕྲུལ་གཏེར་ཆེན་རིག་འཛིན་ཀློང་གསལ་སྙིང་པོ་བྱོན་ཏེ། དེ་ཡང་ཀམ་པོ་གནས་དང་ཉེ་བའི་དཔྲ་བ་ཞེས་པའི་ནང་ཚན་ཞིག་ཏུ་འཁྲུངས། སྒར་རྗེ་ཆོས་སྐྱོང་རྒྱ་མཚོ་དང་། རིག་འཛིན་བདུད་འདུལ་རྡོ་རྗེ་སོགས་བརྟེན་ཅིང་། ཐོས་བསམ་སྒོམ་གསུམ་གྱི་ཕ་མཐར་སོན། དགུང་ལོ་སོ་གཉིས་པར་གཏེར་གྱི་ཁ་བྱང་བྱུང་བ་ལ་བརྟེན། སོ་བཞི་པ་ནས་བཟུང་། ཁེ་མི་འགྱུར་རྡོ་རྗེའི་བྲག་སོགས་ནས་ཀློང་གསལ་རྡོ་རྗེ་སྙིང་པོས་མཚོན་ཟབ་གཏེར་ཀྱང་མང་དུ་བཞེས། སྡེ་དགེ་ཆོས་རྒྱལ་ཆེན་པོའི་བཀས་བསྐུལ་ཏེ་ཀཿཐོག་ཏུ་བཞུགས་ནས་བསྟན་པའི་ཉམས་གསོ་མཛད། དེ་དུས་ཀཿཐོག་ཏུ་ཉིན་དགོན་བླ་མ་སངས་རྒྱས་བཀྲ་ཤིས་བཞུགས་པ་ཡིན་ནོ། །རྒྱལ་སྲས་བསོད་ནམས་
ལྡེའུ་བཙན་ནི། ཡབ་རྗེ་གཏེར་ཆེན་ཀློང་གསལ་དང་། ཡུམ་རིགས་ལྡན་ལྷ་སྐྱིད་ཅེས་པའི་སྲས་སུ་འཁྲུངས། བསྐལ་བཟང་སངས་རྒྱས་སྟོང་གི་རིགས་ཀྱི་ཅོད་པན་རྣལ་འབྱོར་པ་ནུས་ལྡན་རྡོ་རྗེ་དང་འབྲོག་བན་ལོ་ཙཱ་སོགས་ཀྱི་རྣམ་རོལ་གཏེར་ཆེན་བདུད་འདུལ་རྡོ་རྗེའི་སྐུའི་སྐྱེ་བ་འཕོས་མ་ཐག་པ་ཡིན། དགུང་ལོ་ཞེ་དགུ་པར་གཤེགས། རིགས་སྲས་ཞིག་བྱུང་བ་རྒྱལ་སྲས་བསྟན་འཕེལ་ཡིན་ནོ། །དེ་རྗེས་གདན་ས་དབོན་པོ་ཚེ་དབང་ཕྲིན་ལས་ཀྱིས་གནང་། ཆོས་བརྒྱུད་འཆད་སྤེལ་ནི་དྲུང་ནམ་མཁའ་རྒྱ་མཚོས་མཛད། རྒྱལ་སྲས་བསོད་ནམས་ལྡེའུ་བཙན་གྱི་ཡང་སྲིད་དྲི་མེད་ཞིང་སྐྱོང་མགོན་པོ་སྟེ། མདོ་སྨད་འབའ་ཡུལ་དུ། གཏེར་ཆེན་པདྨ་ཆོས་རྒྱལ་གྱི་སྲས་སུ་འཁྲུངས། དྲུང་ནམ་མཁའ་རྒྱ་མཚོ་དང་། ཀུན་མཁྱེན་སི་ཏུ་རིན་པོ་ཆེ་སོགས་བསྟེན་ནས་མཁས་བཙུན་གྲུབ་པའི་ཡོན་ཏན་བསམ་གྱིས་མི་ཁྱབ་ཅིང་འཁོར་ལོ་གསུམ་གྱི་ཕྱག་རྗེས་རྒྱ་ཆེ། འདི་སྐབས་ལོ་ཆེན་བེ་རོ་ཙཱ་ན་དང་། ཤུད་པུ་དཔལ་གྱི་སེངྒེ་ཟུང་དུ་འཇུག་པའི་ཡེ་ཤེས་སྒྱུ་འཕྲུལ་དྲྭ་བའི་རོལ་གར་འཁྲུལ་ཞིག་དབང་དྲག་རྒྱ་མཚོ་དང་། གཏེར་ཆེན་མི་འགྱུར་རྡོ་རྗེའི་སྐུའི་སྐྱེ་བ་རྨོག་སྟོན་རིག་འཛིན་ནམ་མཁའ་ཆོས་དབང་ཞེས་གྲུབ་པའི་དབང་ཕྱུག་ཆེན་པོ་དེའང་བཞུགས། དེ་གཉིས་ཀྱི་ཞལ་སློབ་ཀྱི་གཙོ་བོ་ནི།
དབོན་པོ་ཚེ་དབང་ཕྲིན་ལས་ཀྱི་ཡང་སྲིད་ཀཿཔཎྜི་ཏ་འགྱུར་མེད་ཚེ་དབང་མཆོག་གྲུབ་དགེ་རྩེ་ཁྲོ་ཤུལ་དབོན་ཚང་དུ་འཁྲུངས། དང་། བདུད་འདུལ་ཀློང་གསལ་གཉིས་ཀའི་ཆོས་བདག་ལུང་ཟིན་སྦྲ་མགོ་བརྩོན་འགྲུས་རྒྱ་མཚོའི་རྣམ་རོལ་ཀུན་བཟང་ངེས་དོན་དབང་པོ་ཕྱག་ཚ་དབོན་ཚང་དུ་འཁྲུངས། སྟེ། སྔ་མས་གདན་ཚབ་ཡུན་རིང་དུ་མཛད། གཞན་ཡང་སི་ཏུ་པཎྜི་ཏའི་སྤྲུལ་པའི་བྱེ་བྲག་ཨོ་རྒྱན་བསམ་འགྲུབ་སོགས་བྱོན། དེ་རྗེས་དྲི་མེད་ཞིང་སྐྱོང་མགོན་པོའི་ཡང་སྲིད་རིན་པོ་ཆེ་སྔ་མའི་དབོན། བརྒྱུད་དུ་འཁྲུངས་པ་འཇིགས་མེད་རིག་འཛིན་མགོན་པོས་གདན་སའི་ཁུར་བསྣམས་ཤིང་། རྨོག་གྲུབ་རིན་པོ་ཆེའི་རྣམ་རོལ་འཇིགས་བྲལ་ཆོས་དབྱིངས་རྡོ་རྗེ་དང་། ཉིན་དགོན་སྤྲུལ་པའི་སྐུ་འོད་གསལ་རྡོ་རྗེ་སྙིང་པོ་སོགས་ཀྱང་བཞུགས་ཤིང་། སླར་ཡང་འཇིགས་མེད་རིག་འཛིན་མགོན་པོའི་ཡང་སྲིད་སྔ་མ་རིགས་ཀྱི་འཁྲི་ཤིང་ལས་སོན་པ་ཞབས་པད་བརྟན་བཞིན་པ་དང་། སྐུ་སྐྱེ་ཨོ་རྒྱན་བསམ་འགྲུབ་ཀྱི་ཡང་སྲིད་མཆོག་སྤྲུལ་རིན་པོ་ཆེ་ཆོས་ཀྱི་བློ་གྲོས་ཞེས་བསྟན་པའི་གསལ་བྱེད་ཆེན་པོར་བཞུགས་པས་མཚོན། བཤད་སྒྲུབ་ཀྱི་ཕྲིན་ལས་ལྷག་པར་དར་བ་འདི་ལགས་སོ། ༈ །དཔལ་ཡུལ་རྣམ་རྒྱལ་བྱང་ཆུབ་གླིང་ནི། རིག་འཛིན་ཀུན་བཟང་ཤེས་རབ་ཀྱིས་བསྐྱངས་ཏེ། དེ་ཡང་དཔལ་ཡུལ་གྱི་བྱེ་བྲག་
ཨ་འཁྱོག་ཞེས་པར་འཁྲུངས། སྒར་རྗེ་ཆོས་སྐྱོང་རྒྱ་མཚོ་ལ་གཙུག་ཕུད་ཕུལ། གསེར་ལོ་བསྟན་པ་རྒྱལ་མཚན་དང་། ཆོས་ཉིད་རྒྱ་མཚོ། རིག་འཛིན་ཀློང་གསལ་སྙིང་པོ་སོགས་དང་། ཁྱད་པར་གཏེར་ཆེན་མི་འགྱུར་རྡོ་རྗེ་དང་། རིག་འཛིན་ཀརྨ་ཆགས་མེད་གཉིས་རྩ་བའི་བླ་མར་བཟུང་སྟེ་ཐོས་བསམ་སྒོམ་པའི་ཕ་རོལ་དུ་གཤེགས། དགུང་ལོ་སུམ་ཅུ་པར་ས་སྐྱོང་སྡེ་དགེའི་ལུང་གིས་དཔལ་ཡུལ་རྣམ་རྒྱལ་རྩེར་ཕེབས་ནས་འཁོར་ལོ་གསུམ་གྱི་མངའ་ཐང་གོང་དུ་འཕེལ། སྐུ་ཚེའི་སྨད་ལ་ལྷ་རི་འོད་གསལ་འདའ་ཁོ་སྒང་གི་རི་ཁྲོད་བཏབ་ནས་བཞུགས། རེ་གསུམ་པར་གཤེགས། དེ་རྗེས་རྗེ་ཉིད་ཀྱི་དབོན་པདྨ་ལྷུན་གྲུབ་རྒྱ་མཚོ། དེའི་ཐུགས་སྲས་མཚུངས་མེད་པདྨ་ནོར་བུ། ཀུན་བཟང་ཤེས་རབ་ཀྱི་དབོན་བརྒྱུད་མཁྱེན་ནུས་ཀྱི་མངའ་བདག་བླ་མ་ཀརྨ་བཀྲ་ཤིས་རྣམས་རིམ་པར་བྱོན་ནས་གདན་ས་མཛད། བར་འདིར་ཀརྨ་བཀྲ་ཤིས་ཀྱི་སྣག་དབོན་བླ་མ་ཨ་བསམ་དང་། དབང་ཕྱུག་གཉིས་ཀྱིས་རེ་ཞིག་གདན་སའི་འཛིན་སྐྱོང་དང་། སླར་ཡང་བླ་མ་ཀརྨ་བཀྲ་ཤིས་ཀྱི་ཡང་སྲིད་རིན་པོ་ཆེ་ཀརྨ་འགྱུར་མེད་ངེས་དོན་དང་། བླ་མ་དབང་ཕྱུག་གི་སྐུ་སྐྱེ་སོགས་བཞུགས་ཤིང་བཤད་སྒྲུབ་ཀྱི་བསྟན་པ་དར་ཞིང་རྒྱས་པའི་སྐབས་སོ། ༈ །གཞན་ཡང་གཙང་གཤིས་ཕྱོགས་སུ་འཁྲུངས་པའི་བླ་མ་
པདྨ་རྒྱལ་མཚན་ནི། མཁས་གྲུབ་སོག་བཟློག་པ་དང་། ཞིག་གླིང་གི་སློབ་མར་གྱུར། དེའི་སློབ་མ་མཁས་གྲུབ་ཆེན་པོ་སྟག་བླ་པདྨ་མ་ཏི། དེའི་སློབ་མ་བླ་མ་ཚེ་རིང་རྡོ་རྗེ་དང་། པདྨ་རིག་འཛིན་གཉིས་བྱུང་བ་ལས། སྔ་མའི་དབོན་ཀུན་བཟང་ཡེ་ཤེས་མཐོང་གྲོལ་དང་། ཀུན་བཟང་ཁྱབ་བརྡལ་ལྷུན་གྲུབ་གཉིས། དེའི་དབོན་ཀུན་བཟང་ཡེ་ཤེས་དང་། ཀུན་བཟང་རྣམ་རྒྱལ་གཉིས། ཀུན་བཟང་ཁྱབ་བརྡལ་གྱི་སྤྲུལ་སྐུ་རྡོ་རྗེ་དཔའ་བོ་དང་། དེའི་སྤྲུལ་སྐུ་ཡིད་བཞིན་དབང་རྒྱལ་གྱི་བར་དུ་བྱོན་པ་སྟེ་བྲག་དམར་པ་དང་། པདྨ་རིག་འཛིན་གྱི་དབོན་པོ། པདྨ་བློ་ལྡན་དང་། པདྨ་ནོར་བུ། །དེའི་དབོན་པོ་བླ་མ་བསྐལ་བཟང་དང་། པདྨ་ནོར་བུའི་སྐྱེ་བ་ནི་རིག་འཛིན་ཆེན་པོ་ཚེ་དབང་ནོར་བུ་ཞེས་ཉི་ཟླ་ལྟར་ཡོངས་སུ་གྲགས་པའི་མཁས་གྲུབ་ཆེན་པོ་དེ་ཉིད་དེ། ཇོ་མོ་ནང་ངམ་གནས་ནང་བར་གྲགས་པ་སོགས་དང་། སྒར་རྗེ་ཆོས་སྐྱོང་རྒྱ་མཚོའི་དབོན་བརྒྱུད་རིམ་བྱོན་གྱི་གདན་ས་ཁམས་གོང་དགོན་སོགས་ཀྱིས་མཚོན་འབའ་དར་རོང་གནས་མཚམས། གོ་བྲག་གཙང་གཤིས། རེ་ཁེ། ཉག་རོང་སྟོད་སྨད། རྡོ་གསེར་མགུ་ལོག །ཤར་རྒྱལ་མོ་རོང་གི་བར་དུ་རྒྱལ་བ་གཉིས་པ་ཀཿཐོག་པ་དང་། དཔལ་ཡུལ་བའི་ཕྲིན་ལས་ལས་བྱུང་བའི་དགོན་གནས་ཆེ་ཕྲ་མཐའ་ཀླས་སོ། ༈ །གྲུབ་དབང་
རྫོགས་ཆེན་པའི་གདན་རབས་ལ། ཆོས་བརྒྱུད་གང་ལས་བྱུང་བ་དང་། གདན་རབས་དངོས་བཤད་པ་ལ་གཉིས། དང་པོ་ནི། རྫོགས་པ་ཆེན་པོ་སྙིང་ཐིག་གི་བཀའ་སྲོལ་སྤྱི་དང་། བྱེ་བྲག་ཏུ་ཟབ་གསང་མཁའ་འགྲོ་སྙིང་ཐིག་གི་བཀའ་བབས་ཏེ། དེ་ཡང་དུས་གསུམ་མཁྱེན་པ་ཨོ་རྒྱན་ཆེན་པོས་ཡེ་ཤེས་ཌཱཀྐི་མཚོ་རྒྱལ་མ་ལ་མནོག་ཆོས་སུ་སྩལ་ཞིང་། ལྷ་ལྕམ་པདྨ་གསལ་གྱི་ཆོས་སྐལ་དུ་དེང་ལུང་ཁྲ་མོ་བྲག་ཏུ་སྦས་པ་པདྨ་ལས་འབྲེལ་རྩལ་གྱིས་གཏེར་ནས་སྤྱན་དྲངས་ཏེ་ཀུན་མཁྱེན་དྲི་མེད་འོད་ཟེར་གྱིས་དར་རྒྱས་སུ་མཛད་པ་ནས་བཟུང་། གུ་རུ་ཡེ་ཤེས་རབ་འབྱམས་སོགས་ལས་རིམ་པར་བརྒྱུད་པའི་མན་ངག་གི་བདུད་རྩིས་རང་གཞན་རྣམས་སྨིན་གྲོལ་ལ་འགོད་པར་མཛད་པས་ཆོས་ཀྱི་མིང་གང་ཟག་ལ་ཆགས་པ་ཡིན་ནོ། །གཉིས་པ་ནི། རྫོགས་པའི་སངས་རྒྱས་རིན་ཆེན་གཙུག་ཏོར་ཅན་དང་། བྲམ་ཟེ་ཆེན་པོ་ས་ར་ཧ། པཎྜི་ཏ་བི་མ་ལ་མི་ཏྲ་ལ་སོགས་པའི་ཡེ་ཤེས་སྒྱུ་འཕྲུལ་དྲྭ་བའི་རོལ་གར་གྲུབ་པའི་དབང་ཕྱུག་པདྨ་རིག་འཛིན་ཞེས་གྲགས་པ་དེ་ཉིད་ནི། ཁམས་རི་བོ་ཆེའི་ཕྱོགས་སུ་སྐུ་འཁྲུངས། མཁས་གྲུབ་ཀརྨ་ཆགས་མེད། རིག་འཛིན་བདུད་འདུལ་རྡོ་རྗེ། གནམ་ཆོས་མི་འགྱུར་རྡོ་རྗེ། རིག་འཛིན་ཆོས་ཀྱི་རྒྱ་མཚོ་སོགས་ལས་གསན་བསམ་གྱི་སྒྲོ་འདོགས་བཅད་དེ། །
བསྒོམ་པས་ཐུགས་ཉམས་སུ་བཞེས་པས་གདོད་མའི་རྒྱལ་སར་གཤེགས་ཤིང་། ཕྱག་ན་པདྨོ་ལྔ་པ་ཆེན་པོས་ཀྱང་བསྔགས་བརྗོད་ཀྱི་མེ་ཏོག་ལྷག་པར་འཐོར། དགུང་ལོ་དྲུག་ཅུ་པར་ཁམས་ཕྱོགས་སུ་ཕེབས་ཤིང་། སྡེ་དགེ་སངས་རྒྱས་བསྟན་པ་དང་ཡོན་མཆོད་དུ་འབྲེལ་བས། རེ་གཅིག་པར་ཤིང་གླང་ལོར་རུ་དམ་སྐྱིད་ཕྲམ་ལུང་པར་སྒྲུབ་སྡེ་ཨོ་རྒྱན་བསམ་གཏན་ཆོས་གླིང་འདི་ཉིད་བཏབ། དོན་གསུམ་པར་གཟུགས་སྐུའི་བཀོད་པ་བསྡུས་སོ། །དེ་ནས་གདན་སར་རིམ་པ་བཞིན་དུ། དཔོན་སློབ་ནམ་མཁའ་འོད་གསལ་ནི། ནག་ཤོད་དུ་འཁྲུངས། གྲུབ་ཆེན་མེ་ལོང་རྡོ་རྗེའི་སྤྲུལ་པར་གྲགས། །སྐུ་ཚེ་ཡང་མཐར་ཕྱིན་པར་བཞུགས། རྫོགས་ཆེན་གཉིས་པ་འགྱུར་མེད་ཐེག་མཆོག་བསྟན་འཛིན་ནི། རུ་དམ་གཡང་འཁྱིལ་དུ་སོག་པོའི་རྒྱལ་པོ་ཀུན་དགའ་དཱ་ཆིངས་ཀྱི་འབངས་རིགས་སུ་འཁྲུངས། དབོན་སློབ་རིན་པོ་ཆེ་གཏེར་ཆེན་འགྱུར་མེད་རྡོ་རྗེ་སོགས་ཡོངས་འཛིན་རྒྱ་མཚོ་ལྟ་བུ་བསྟེན་ནས་མཁས་གྲུབ་ཀྱི་གོ་འཕང་མཐོན་པོར་གཤེགས། འཁོར་ལོ་གསུམ་གྱི་ཕྱག་རྗེས་གོང་འཕེལ་དུ་གྱུར། དབོན་རིན་པོ་ཆེ་འགྱུར་མེད་པདྨ་ཀུན་གྲོལ་རྣམ་རྒྱལ་ནི། དཔོན་སློབ་རིན་པོ་ཆེའི་དབོན་དུ་འཁྲུངས། གཏེར་ཆེན་བདུད་འདུལ་རྡོ་རྗེའི་རྣམ་འཕྲུལ་དུ་གྲགས། རྫོགས་ཆེན་གཉིས་པའི་རྗེས་སུ་གདན་
སའི་ཁུར་བཞེས། རེ་བདུན་པར་གཤེགས། རྫོགས་ཆེན་གསུམ་པ་ངེས་དོན་བསྟན་འཛིན་བཟང་པོ་ནི། ཟླ་རྒྱུད་དུ་ཧོ་པ་ཞེས་པའི་ཆར་འཁྲུངས། ཉི་སྤྲུལ་གཉིས་པ་དང་། དབོན་རིན་པོ་ཆེ་སོགས་ལ་གསན་པ་རྒྱ་མཚོ་ལྟ་བུ་མཛད། བཀའ་མའི་སྒྲུབ་མཆོད་བཙུགས་པ་སོགས་ཕྱག་རྗེས་རྒྱ་ཆེ། སོ་ལྔ་པར་གཤེགས། དཔོན་སློབ་གཉིས་པ་པདྨ་གསང་སྔགས་བསྟན་འཛིན་ནི། གདན་ས་ཆེན་པོ་དང་ཉེ་བའི་ཕྱོགས་ཞིག་ཏུ་འཁྲུངས། རྟོགས་པའི་དབང་ཕྱུག་ཆེན་པོར་བཞུགས། འོན་ཀྱང་གདན་སའི་ཁུར་རེ་ཞིག་ལས་མ་མཛད། ཕྲིན་ལས་མཐའ་ཀླས་པའི་ངང་དོན་བཞི་པར་གཤེགས། དེའི་སྤྲུལ་སྐུ་རུ་དམ་དུ་འཁྲུངས་པའི་ནམ་མཁའ་ཆོས་ཀྱི་རྒྱ་མཚོ་དང་། དེའི་སྤྲུལ་སྐུ་ཡིད་ལྷུང་ལ་ཐོག་ཏུ་འཁྲུངས་པའི་འཇིགས་མེད་ཆོས་དབྱིངས་འོད་གསལ་ཞེས་ད་ལྟ་ཞལ་བཞུགས་པ་འདིའོ། །མཁས་བཙུན་བླ་མ་ནམ་མཁའ་ཚེ་དབང་མཆོག་གྲུབ་ནི། གཡུ་སྒྲའི་རྣམ་འཕྲུལ་ཧོར་ཏྲེ་ཧོ་བླ་མ་འགྱུར་མེད་སྐལ་བཟང་གི་ཡང་སྲིད་དུ་ཡིད་ལྷུང་གི་སའི་ཆར་འཁྲུངས། དབོན་རིན་པོ་ཆེ་སོགས་བརྟེན་ནས་མཁས་གྲུབ་ཆེན་པོར་གྱུར། རྫོགས་ཆེན་གྱི་གདན་ས་ཡང་ཡུན་རིང་དུ་མཛད་ནས་བསྟན་པ་ལ་བཀའ་དྲིན་ཆེ། རྫོགས་ཆེན་བཞི་པ་མི་འགྱུར་ནམ་མཁའི་རྡོ་རྗེའམ། འཇིགས་མེད་མཁྱེན་བརྩེའི་
དབང་ཕྱུག་ནི། ལྡན་ཡུལ་དུ་འཁྲུངས། བླ་མ་ལྷ་སྲུང་སྤྱི་དང་། ཁྱད་པར་ཀུན་མཁྱེན་འཇིགས་མེད་གླིང་པའི་ལུང་གིས་སོམ་ཉིའི་དྲྭ་བ་བཅད་དེ་གདན་ས་ཆེན་པོར་ཞབས་བཀོད། ཐུགས་རྗེ་དང་ཕྲིན་ལས་བསམ་གྱིས་མི་ཁྱབ་པས་བསྟན་འགྲོའི་དོན་མཛད་བཞིན་པར་ཞབས་པད་བརྟན་པ་འདིའོ། ༈ །ཞར་བྱུང་རྒྱ་རོང་རྟག་བརྟན་སྒྲུབ་སྡེ་ནི། རྗེ་དབོན་རིན་པོ་ཆེས་དགུང་ལོ་སོ་བདུན་པར་ཞབས་ཀྱིས་བཅགས་ཤིང་རིམ་པར་བཏབ། དེ་ནས་ནམ་མཁའ་ཚེ་དབང་མཆོག་གྲུབ་དང་། རྗེ་དབོན་རིན་པོ་ཆེའི་ཡང་སྲིད་ཉི་གྲགས་གསུམ་པའི་གཅུང་ཀུན་བཟང་བསྟན་པའི་ཉི་མ་དང་། སླར་ཡང་དེའི་ཡང་སྲིད་ཡིད་ལྷུང་དུ་འཁྲུངས་པའི་གར་དབང་ཐུགས་མཆོག་རྡོ་རྗེ་དང་། ནམ་མཁའ་རིན་པོ་ཆེའི་ཡང་སྲིད་དཔོན་སློབ་བཞི་པའི་མཆེད་ཀུན་བཟང་ཐེག་མཆོག་རྡོ་རྗེ་བཅས་ཀྱིས་འཛིན་སྐྱོང་གནང་བཞིན་དུ་བཞུགས་སོ།། ༈ །།གྲུབ་དབང་རྫོགས་ཆེན་པའི་ཐུགས་སྲས་གཏེར་ཆེན་ཉི་མ་གྲགས་པ་རྩལ་ནི། འཕགས་མཆོག་སེམས་ཉིད་ངལ་གསོ་དང་། ལོ་ཆེན་འཁོན་ཀླུ་དབང་སྲུང་བ་སོགས་དག་པའི་སྐྱེ་སྲིད་པ་གྲང་ལས་འདས་པའི་མཐར། སྒོམ་སྡེ་ནང་ཆེན་གྱི་སའི་ཆ་བན་རུ་གྲུ་ཡ་ཞེས་པར་སྐུ་འཁྲུངས། གྲུབ་དབང་རིན་པོ་ཆེ་དང་། གཏེར་ཆེན་བདུད་འདུལ་རྡོ་རྗེ་སོགས་ལ་བརྟེན་ནས་མཁས་གྲུབ་
ཆེན་པོར་གྱུར། དགུང་ལོ་ཉེར་གསུམ་པར་ཙཱ་རི་ནས་གཏེར་གྱི་ཁ་བྱང་ཕྱག་ཏུ་སོན་པ་ལ་བརྟེན། ཉེར་བརྒྱད་པ་ཤིང་སྟག་ལོར་སྲིང་རྫོང་རྡོ་རྗེ་སྙིང་རྫོང་ནས་རྩ་གསུམ་གསང་བ་སྙིང་ཏིག་གིས་མཚོན། རིམ་པར་ཟབ་གཏེར་རྒྱ་མཚོ་ལྟ་བུ་སྤྱན་དྲངས། ཆུ་བྱ་ལོར་སྟག་མོ་སྒང་སྐལ་བཟང་ཕུན་ཚོགས་གླིང་དང་། ཆུ་ལུག་ལོར་ཆག་རུ་འོད་གསལ་སྒྲུབ་སྡེ་བཏབ། ལྕགས་སྟག་ལོར་གཤེགས། །དེའི་ཞལ་སློབ་བླ་མ་སྐལ་བཟང་དབང་ལྡན་དང་། བླ་མ་བློ་གྲོས་རྒྱ་མཚོ་གཉིས་ཀྱི། སྔ་མ་ལས་ཉི་སྤྲུལ་གཉིས་པ་དང་། ཕྱི་མ་ལས་རྫོགས་ཆེན་དབོན་རིན་པོ་ཆེས་གསན་ནས་ཆོས་བརྒྱུད་རྒྱ་ཆེར་འཕེལ། གཞན་ཡང་ཧོར་ལོ་ཆེན་དང་། བཀའ་བཅུ་བཀྲ་ཤིས་དཔལ་ལྡན་སོགས་མང་ངོ་། །གདན་རབས་གཉིས་པ་རྒྱལ་སྲས་ཨོ་རྒྱན་བསྟན་འཛིན་ནི། ཡབ་གཏེར་ཆེན་དང་། ཡུམ་ཌཱ་ཀི་ཚེ་རིང་དབང་མོའི་སྲས་སུ་འཁྲུངས། དྭགས་པོ་བཟང་པོ་རྡོ་རྗེའི་སྐྱེ་བར་གྲགས། ཉེར་བདུན་པར་གཤེགས། དེ་ལ་སྤྲུལ་སྐུ་ལྔ་ཙམ་བྱོན་ཀྱང་སྐུ་ན་མཐར་མ་སོན་པར་གཤེགས་ཤིང་། དེང་སང་དྭགས་པོ་གཏེར་ཆེན་སྲས་ཉི་སྤྲུལ་བཞི་པའི་གཅེན་དུ་འཁྲུངས་པ་གཏེར་སྟོན་བདེ་ཆེན་གླིང་པར་གྲགས་པ་དེའོ། །གདན་རབས་གསུམ་པ་ཉི་སྤྲུལ་གཉིས་པ་པདྨ་ཐེག་མཆོག་བསྟན་པའི་རྒྱལ་མཚན་ནམ། རིག་
འཛིན་བསྟན་སྐྱོང་རྒྱ་མཚོ་ནི་ནག་ཤོད་སྨད་དུ་འཁྲུངས། དགུང་ལོ་ལྔ་པར་གདན་སར་ཕེབས། རྒྱལ་དབང་བསྐལ་བཟང་རྒྱ་མཚོ། རྒྱལ་སྲས་རིན་ཆེན་དང་། བླ་མ་སྐལ་བཟང་དབང་ལྡན་སོགས་ཡོངས་འཛིན་རྒྱ་མཚོ་ལྟ་བུར་བརྟེན། ཐོས་བསམ་སྒོམ་གསུམ་དང་མཁས་བཙུན་གྲུབ་པའི་ཕ་རོལ་དུ་སོན་པས་བསྟན་པ་ཡོངས་རྫོགས་ཀྱི་དགེ་བའི་བཤེས་གཉེན་དུ་བསྔགས། བཀའ་སྲོལ་འཛིན་ངེས་ཀྱི་སློབ་མའང་། དབོན་པོ་པདྨ་འཇིགས་མེད་དང་། དཔའ་བོ་ལས་རབ་རྩལ། ཁྲོ་ཤུལ་རིག་འཛིན་རྒྱ་མཚོ། མཁས་དབང་ངག་དབང་བློ་གྲོས་སོགས་མང་དུ་བྱོན་ཅིང་གསུང་གི་བདུད་རྩི་བཞེས་པའི་སློབ་ཚོགས་ནི་བསམ་གྱིས་མི་ཁྱབ། གདན་རབས་བཞི་པ་གུ་གུ་བླ་མ་བསྟན་འཛིན་སྙིང་པོ་ནི། སོག་རོང་སྟོད་དུ་འཁྲུངས། ཉི་སྤྲུལ་གཉིས་པ་སོགས་བརྟེན། སྐུ་བཙུན་ཞིང་གྲུབ་པའི་ཉམས་མྱོང་སོགས་ཁྱད་པར་དུ་འཕགས། གདན་ས་གོང་འོག་གཉིས་ཀར་ཕེབས། གདན་རབས་ལྔ་པ་ཉི་སྤྲུལ་གསུམ་པ་རིན་པོ་ཆེ། མི་འགྱུར་ཕན་བདེ་རྒྱ་མཚོ་ནི། བྱང་ཡིད་ལྷུང་གི་སའི་ཆར་ཆེན་པོ་གླིང་གི་རིགས་སུ་འཁྲུངས། དགུང་ལོ་ལྔ་པར་སྟག་སྒང་དུ་གདན་དྲངས། རྫོགས་ཆེན་གསུམ་པ། དཔའ་བོ་ལས་རབ་རྩལ། ཀུན་མཁྱེན་འཇིགས་མེད་གླིང་པ་སོགས་བརྟེན་ནས་ཐོས་བསམ་སྒོམ་པའི་ཡོན་
ཏན་ལ་དབང་འབྱོར། འཁོར་ལོ་གསུམ་གྱི་ཕྱག་རྗེས་རྒྱ་ཆེ། འོན་ཀྱང་སྐུ་ཚེ་མཐར་མ་ཕྱིན་པར་གཤེགས། རྗེ་དེ་ཡི་ཡང་སྲིད་ནི། དྭགས་པོ་གཏེར་ཆེན་རྡོ་རྗེ་རྒྱལ་པོའི་སྲས་སུ་འཁྲུངས་ཤིང། དེང་སང་ཞབས་པད་བརྟན་བཞིན་བཞུགས་པ་དང་། ཞལ་སློབ་ཀྱང་ནག་ཤོད་གཏེར་ཆེན་ཀློང་ཆེན་རོལ་པ་རྩལ། དབོན་སྤྲུལ་ཨོ་རྒྱན་ཉི་མ། གྲུབ་དབང་བསྟན་འཛིན་སྙིང་པོའི་སྐུ་སྐྱེ་འགྲོ་མགོན་ཕྲིན་ལས་བསྟན་དར་དང་། བླ་མ་པདྨ་བསྟན་འཛིན་གྱི་ཡང་སྲིད་ཨོ་རྒྱན་ཆོས་རྒྱལ་སོགས་སོ།། ༈ །།གྲུབ་དབང་རྫོགས་ཆེན་པའི་བསྟན་པ་སྤེལ་བའི་བྱེད་པོ་མཚུངས་མེད་སྨྲ་བའི་སེང་གེ་རབ་འབྱམས་བསྟན་པའི་རྒྱལ་མཚན་ནི། སངས་རྒྱས་མྱ་ངན་མེད་ཀྱི་རྣམ་རོལ་སློབ་དཔོན་ཧཱུྃ་ཀཱ་ར་དང་། འབྲོག་བན་ལོ་ཙཱ་བ་རྔོག་ལེགས་པའི་ཤེས་རབ་སོགས་དམ་པའི་སྐྱེ་སྲིད་བརྒྱུད་མར་བཟུང་བའི་མཐར། དབུ་རུ་འཕན་ཡུལ་དུ་སྐུ་འཁྲུངས། འབྲས་ཡུལ་སྐྱེད་ཚལ་དུ་མཚན་ཉིད་ཀྱི་གཞུང་མང་པོར་སྦྱངས་ཤིང་གྲྭ་སྐོར་ལ་ཕེབས་པས་རབ་འབྱམས་པའི་མཚན་གྱི་ཅོད་པན་དཔྱངས། མདོ་སྔགས་རྒྱ་མཚོའི་ཕ་རོལ་ཏུ་སོན། ཡེར་པར་གྲུབ་དབང་རིན་པོ་ཆེ་མཇལ་ནས་སྙིང་ཏིག་གི་བདུད་རྩི་གསོལ། དཔོན་སློབ་ལྷན་ཅིག་ཁམས་སུ་ཕེབས་ནས་སྒྲུབ་པའི་རྒྱལ་མཚན་བཙུགས། དགུང་གྲངས་ང་ལྔ་
པར་གཤེགས། དེའི་སློབ་མ་ཧོར་བླ་མ་པདྨ་དབང་ཕྱུག་གི་གཙོ་བོར་གྱུར་པ་རྣམས་ཀྱིས་ཞེ་ཆེན་ཨོ་རྒྱན་ཆོས་རྫོང་གི་འདབས་སུ་སྒྲུབ་པའི་རྒྱལ་མཚན་བཙུགས། རབ་འབྱམས་གཉིས་པ་འགྱུར་མེད་ཀུན་བཟང་རྣམ་རྒྱལ་ནི། རྫོགས་ཆེན་གཉིས་པའི་གཅུང་དུ་འཁྲུངས། གསན་བསམ་སྒོམ་པ་མཐར་ཕྱིན་ནས་གྲུབ་པའི་དབང་ཕྱུག་ཆེན་པོར་གྱུར། ཉེར་ལྔ་པ་ཤིང་སྟག་ལོར་ཞེ་ཆེན་བསྟན་གཉིས་དར་རྒྱས་གླིང་བཏབ། ང་བརྒྱད་པར་གཤེགས། གདན་ས་གཉིས་པ་རྒྱལ་ཚབ་པདྨ་གསང་སྔགས་བསྟན་འཛིན་ཆོས་རྒྱལ་ནི། གནུབས་ཆེན་ནམ་མཁའི་སྙིང་པོ་ལ་སོགས་པའི་རྣམ་འཕྲུལ་རབ་འབྱམས་པའི་སློབ་མ་གྲུབ་དབང་པདྨ་རྒྱལ་མཚན་གྱི་ཡང་སྲིད་དེ། ལྷོ་ཀེ་ཆུ་རྒྱུད་དུ་ཡོན་དགེ་མི་འགྱུར་རྡོ་རྗེའི་དབོན་རིགས་སུ་འཁྲུངས། རབ་འབྱམས་གཉིས་པ་སོགས་བརྟེན་ནས་མཁས་གྲུབ་ཆེན་པོར་གྱུར། །ཞེ་ཆེན་གྱི་གདན་སར་བཞུགས་ནས་འཁོར་ལོ་གསུམ་གྱི་མཛད་བཟང་གོང་འཕེལ་དུ་གནང་། རབ་འབྱམས་གསུམ་པ་རིག་འཛིན་དཔལ་འབྱོར་རྒྱ་མཚོ་ནི། རྒྱ་རོང་སྒྲུབ་སྡེ་དང་ཉེ་བའི་ཕྱོགས་སུ་འཁྲུངས། སྨིན་གླིང་ཁྲི་ཆེན་མཆེད། རྒྱལ་ཚབ་རིན་པོ་ཆེ། ཀུན་མཁྱེན་འཇིགས་མེད་གླིང་པ་སོགས་བརྟེན་ནས་མང་དུ་གསན་པའི་ཕ་རོལ་དུ་སོན། ཤིང་སྟག་ལོར་སྒྲུབ་སྡེ་པདྨ་འོད་གླིང་གསར་དུ་
བཏབ་པ་སོགས་མཛད་པ་རྨད་དུ་བྱུང་ཡང་སྐུ་ཚེ་མཐར་མ་འཁྱོལ་བར་གཤེགས། དེ་ནས་གྲུབ་དབང་པདྨ་རྒྱལ་མཚན་གྱི་དབོན་སངས་རྒྱས་རབ་བརྟན་གྱི་ཡང་སྲིད་གནས་ལྔ་རིག་པའི་མ་ཧཱ་པཎྜི་ཏ་འགྱུར་མེད་མཐུ་སྟོབས་རྣམ་རྒྱལ་དང་། རབ་འབྱམས་བཞི་པ་གར་དབང་ཆོས་ཀྱི་རྒྱལ་མཚན། རྒྱལ་ཚབ་རིན་པོ་ཆེའི་ཡང་སྲིད་ཨོ་རྒྱན་རང་བྱུང་རྡོ་རྗེ་སོགས་ད་ལྟ་ཞབས་པད་བརྟན་བཞིན་བཞུགས་པ་འདི་ལགས་སོ། །དེ་ལ་སྤྱིར་གསང་སྔགས་སྔ་འགྱུར་ཞེས་པ་ནི། མདོ་ཕྱོགས་ལ་གསར་རྙིང་གི་དབྱེ་བ་མེད་ཅིང་། སྔགས་ལའང་རྒྱུད་སྡེ་འོག་མ་གསུམ་གྱི་སྒོ་ནས་དབྱེ་བ་མ་ཡིན་ཏེ། །གཙོ་བོར་རྡོ་རྗེ་ཐེག་པ་བླ་མེད་ཀྱི་ཕྱོགས་ལ་པཎྜི་ཏ་སྤྱི་ཏི་བྱོན་པ་ཡན་ལ་བསྒྱུར་བའི་ནང་རྒྱུད་སྡེ་གསུམ་ཡན་ལག་དང་བཅས་པ་སྔ་འགྱུར་རམ། རྙིང་མ་ཞེས་གྲགས་ཤིང་། ཆོས་ཀྱི་བཀའ་སྲོལ་ཡང་རིང་བརྒྱུད་བཀའ་མ། ཉེ་བརྒྱུད་གཏེར་མ། ཟབ་མོ་དག་སྣང་མ། སྟེ་གསུམ་དུ་ཡོད་པ་ལས། བཀའ་མ་ནི། གཙོ་བོར་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱི་སྐུ་རིང་ལ། པཎྜི་ཏ་པདྨ་འབྱུང་གནས་དང། བི་མ་མི་ཏྲ་དང་། ལོ་ཙཱ་བ་བཻ་རོ་ཙཱ་ན། གཉགས་ཛྙཱ་ན་ཀུ་མཱ་ར། གནུབས་ཆེན་སངས་རྒྱས་ཡེ་ཤེས་སོགས་ཀྱིས་བསྒྱུར་བའི་བསྐྱེད་པ་མ་ཧཱ་ཡོ་ག་རྒྱུད་སྡེ་སྒྱུ་འཕྲུལ་ཞི་ཁྲོ་དང་། སྒྲུབ་སྡེ་འཇམ་
དཔལ་སྐུ། བཀའ་བརྒྱད། ལུང་ཨ་ནུ་ཡོ་ག་འདུས་པ་མདོ། མན་ངག་རྫོགས་པ་ཆེན་པོ་སེམས་སྡེ་བཅོ་བརྒྱད།། ཀློང་དགུ་མན་ངག་སྡེ་རྒྱུད་བཅུ་བདུན་སོགས། དབང་། རྒྱུད་བཤད། བསྐྱེད་རིམ། མ་མོ་རྦོད་གཏོང་། འཇིག་རྟེན་མཆོད་བསྟོད། དམོད་པ་དྲག་སྔགས་རྣམས་སོ། །རིམ་སྟེ་སྔ་འགྱུར་བཀའ་བབས་ཀྱི་ཆུ་བོ་བཞི་དང་ལྡན་པ་རྣམས་ཡིན་ལ། དེང་སང་ཡང་། འདུས་པ་༡མདོ། སྒྱུ་འཕྲུལ་ཞི་ཁྲོ་༢། མཉམ་༣སྦྱོར། དོང་སྤྲུགས་།། གཤིན་རྗེ་གཤེད་རུ་མཚོན་དམར་ནག་༦། །ཡང་དག་༧ ས་ལུགས་དག སོ་ལུགས་གཉིས། ཕུར་པ་རོང་ལུགས་ར། རོག་ལུགས། འཁོན་ས་ཕུར། ལུགས། ལུང་ལུགས་ཚེ་སྒྲུབ་། བཀའ་བརྒྱད་རྫོང་འཕྲང་། གུ་རུ་དྲག་དམར་འོ་བྲན་ལུགས་༡༠། རྒྱུད་མགོན་ལེགས་༡༡ལྡན་རྣམས་ཀྱི་དབང་ལུང་སྒྲུབ་མཆོད། དེང་སང་རྫོགས་ཆེན་སོགས་སུ་གོང་གི་རྟགས་ཅན་བཅུ་གཅིག་དང་། སྒྱུ་འཕྲུལ་གསང་བ་སྙིང་པོའི་རྒྱུད་བཤད། གྲོལ་ལམ་གྱི་ཁྲིད། སེམས་སྡེ་ཨ་དོན་བཅོ་བརྒྱད་ཀྱི་དབང་། ཀློང་སྡེ་རྡོ་རྗེ་ཟམ་པའི་དབང་ལུང་ཁྲིད་གསུམ། མན་ངག་སྡེ་རྒྱུད་བཅུ་བདུན་གྱི་དབང་སོགས། སྨིན་གླིང་རྡོར་སེམས། ཆ་གསུམ་བཅས་དཀྱིལ་འཁོར་བཅུ་གསུམ་གྱི་སྒྲུབ་མཆོད་ཡོད། བསམ་གྱིས་མི་ཁྱབ་པ་དང་། རྒྱབ་
བརྟེན་གྱི་ལུང་རྙིང་མ་རྒྱུད་འབུམ་པོད་ཆེན་ཉེར་ལྔས་མཚོན་རྒྱ་ཆེར་བཞུགས། ཉེ་བརྒྱུད་གཏེར་མ་ནི། ས་གཏེར་དང་། དགོངས་གཏེར་དང་གཉིས་ལས། དང་པོ་ས་གཏེར་ལ། གཏེར་ཆེན་བརྒྱ་རྩ་དང་། གཏེར་ཕྲན་སྟོང་རྩ་སོགས་བྱོན་ཅིང་། དེ་ཡང་གང་ཟག་གཅིག་འཚང་རྒྱ་བའི་ལམ་ཚང་ལ་མ་ནོར་བར་སྟོན་པ་ལ་གཏེར་ཆེན། གཞན་ཡང་ལས་ཚོགས་ཕྲན་བུ་རེ་ཙམ་ཐོན་པ་ལ་གཏེར་ཕྲན་ཞེས་གཏེར་བདག་གླིང་པ་བཞེད་དེ། སྔ་མ་ནི་མངའ་བདག་ཉང་ཡབ་སྲས་ལྟ་བུ་དང་། ཕྱི་མ་ནི་སྐལ་ལྡན་བྱིས་པ་གཏེར་སྟོན་ལྟ་བུ་ལ་འཇོག །སྔ་ཕྱིར་གཏེར་སྟོན་ཤིན་ཏུ་མང་བར་བྱོན་པ་ལས། དེང་སང་གྲགས་ཆེ་ཞིང་གཙོ་བོར་གྱུར་པ། མངའ་བདག་ཉང་གི་བཀའ་བརྒྱད་བདེར་འདུས་པོད་༡༣། གུ་རུ་ཆོས་དབང་བཀའ་བརྒྱད་གསང་པོད་༦། བྱང་གཏེར་རྒོད་ལྡེམ་ཅན་གྱི་བཀའ་བརྒྱད་རང་ཤར་པོད་། བཀའ་བརྒྱད་རྣམ་གསུམ། སངས་རྒྱས་གླིང་པའི་དགོངས་འདུས་པོད་༡༣། ཆོས་དབང་ཕུར་པ་སྤུ་གྲི་དང་། རཏྣ་གླིང་པའི་ཕུར་བ་ཡང་གསང་བླ་མེད་སོགས་ཕུར་པའི་སྐོར་ཏེ་བཀའ་དགོངས་ཕུར་གསུམ་དང་། བྱིན་རླབས་ཅན་བླ་མ་ཞི་དྲག་གི་སྐོར་ལ། ཆོས་དབང་གསང་འདུས་དང་། བྱང་གཏེར་ཐུགས་སྒྲུབ། པད་གླིང་བླ་མ་ནོར་བུ་རྒྱ་མཚོ། རཏྣ་གླིང་ཐུགས་སྒྲུབ་
དང། ཉང་གི་དྲག་དམར་དང་། རཏ་གླིང་དྲག་དམར་སྐོར་སོགས། ཟབ་ལམ་ཐམས་ཅད་ཀྱི་མཐར་ཐུག་རྫོགས་པ་ཆེན་པོའི་སྐོར་ལ། ལྡང་མ་ལྷུན་རྒྱལ་གྱི་བི་མ་སྙིང་ཏིག །དེའི་སྙིང་པོ་ཀློང་ཆེན་པའི་བླ་མ་ཡང་ཏིག །ལས་འབྲེལ་རྩལ་གྱི་མཁའ་འགྲོ་སྙིང་ཏིག །དེའི་དོན་རྒྱས་པར་ཕྱེ་བ་ཀློང་ཆེན་པའི་མཁའ་འགྲོ་ཡང་ཏིག་སྟེ་སྙིང་ཐིག་ཡ་བཞི། སྙིང་ཐིག་གཉིས་ཀའི་དོན་གྱི་བཅུད་ཕྱུང་བ་ཟབ་མོ་ཡང་ཏིག་སྟེ། འདི་རྣམས་ལས་བི་མ་སྙིང་ཏིག་དང་། མཁའ་འགྲོ་ཡང་ཏིག་གི་དབང་ལུང་ཁྲིད་གསུམ། གཞན་རྣམས་ཀྱི་དབང་ལུང་། བྱང་གཏེར་དགོངས་པ་ཟང་ཐལ་དང་། པད་གླིང་ཀུན་བཟང་དགོངས་འདུས། རཏ་གླིང་ཀློང་གསལ་སོགས་རྫོགས་ཆེན་སྐོར། བོད་གངས་ཅན་གྱི་ལྷ་སྐལ་ཐུགས་རྗེ་ཆེན་པོའི་སྒྲུབ་སྐོར་ལ། གྲུབ་ཐོབ་དངོས་གྲུབ་དང་ཉང་གི་གཏེར་བྱོན་རྒྱལ་པོ་བཀའ་མ་ཎི་བཀའ་འབུམ། འབུམ་གྱི་དབང་ལུང་ཁྲིད་གསུམ། ཆོས་དབང་ཡང་སྙིང་འདུས་པ། སྨིན་གླིང་བདེ་གཤེགས་ཀུན་འདུས་སོགས་ཐུགས་རྗེ་ཆེན་པོའི་སྐོར་ཏེ་བླ་རྫོགས་ཐུགས་གསུམ་དུ་གྲགས་པ་དང་། གཞན་ཡང་ཞང་ཁྲོམ་གྱི་གཤིན་རྗེ་ཚེ་བདག །ལྕགས་འདྲ། ལྕགས་བྱང་ལུགས་གཙོ་ཆེ། སྡིག །ཡང་འབྲི་ལུགས་གཙོ་ཆེ། ཟློག་སོགས་གཤེད་སྐོར། རིན་ཆེན་གླིང་པའི་ནཱ་ག་རཀྵ། གཏེར་སྟོན་གསུམ་
ཚོགས་ཀྱི་རྟ་མགྲིན་ཡང་གསང་ཁྲོས་པ་དང་། སྐྱེར་སྒང་ལུགས་ཀྱི་གསང་སྒྲུབ། ཉང་གཏེར་རྟ་ནག་སོགས་རྟ་མགྲིན་སྐོར། ཉང་གཏེར་ཁྲོས་ནག་དང་། ཉང་ཆོས་དབང་གི་ལོཀྵ་སོགས་ཀྱིས་མཚོན་ཕྲིན་ལས་ཀྱི་ལྷ་དང་། ཉང་གཏེར་ཕྱག་བཞི། ཆོས་དབང་མ་ནིང་། སྡི་རི་ཆོས་གྲགས་ཀྱི་ཚོགས་བདག །ལས་འབྲེལ་རྩལ་གྱི་གཟའ་བདུད། རཏ་གླིང་དམ་ཅན། སྙིང་ཏིག་གི་ཨེ་ཀ་ཛཱ་ཊི་སོགས་ཆོས་སྲུང་གི་སྐོར་བསམ་གྱིས་མི་ཁྱབ་པ་ཞིག་བཞུགས་ཤིང་། གཏེར་སྟོན་གྱི་གཙོ་བོ་ཡང་། ཨོ་རྒྱན་རིན་པོ་ཆེས་གཏེར་སྟོན་རྒྱལ་པོ་ལྔ་ལ་བྲན་བརྒྱས་བསྐོར། ཞེས་གསུངས་པ་ལྟར། །གཏེར་ཁ་གོང་མ་ཉང་། འོག་མ་ཆོས་དབང་། པད་གླིང་། རྡོར་གླིང་། མདོ་སྔགས་གླིང་པ་ལྔ་དང་། ཁྱད་པར། ཉང་ཆོས་དབང་རྒོད་ལྡེམ་སྟེ་མཆོག་གི་སྤྲུལ་སྐུ་རྣམ་གསུམ། ལས་འབྲེལ་རྩལ། ཞང་ཁྲོམ། ལྷོ་གཏེར་པད་གླིང་། རཏྣ་གླིང་པ། ཀོང་གཏེར་སངས་རྒྱས་གླིང་པ་རྣམས་ནི་ཚད་ལྡན་ཡོངས་གྲགས་དང་། ཕྱིས་སུ། གཏེར་བདག་གླིང་པ། འཇའ་ཚོན་སྙིང་པོ། བདུད་འདུལ་རྡོ་རྗེ། ཀློང་གསལ་སྙིང་པོ། ཉི་མ་གྲགས་པ། སྟག་ཤམ། ཆོས་གླིང་། མི་འགྱུར་རྡོ་རྗེ། རོལ་པའི་རྡོ་རྗེ་སོགས་ཕྲིན་ལས་རྒྱ་ཆེར་བྱུང་ངོ་། དགོངས་གཏེར་ནི། ཀུན་མཁྱེན་ཀློང་ཆེན་པའི་མཛོད་
བདུན། སྙིང་ཏིག་སྐོར་སོགས་ཟབ་ཅིང་རྒྱ་ཆེ་བ། གནམ་ཆོས་མི་འགྱུར་རྡོ་རྗེའི་དགོངས་གཏེར་དང་གནམ་ཆོས། ཀུན་མཁྱེན་འཇིགས་མེད་གླིང་པའི་ཀློང་ཆེན་སྙིང་ཐིག་སོགས་ཀྱི་རྒྱུན་མང་དུ་བཞུགས་ལ། ཟབ་མོ་དག་སྣང་མ་ལ། གཡུ་ཐོག་ཡོན་ཏན་མགོན་པོའི་སྙིང་ཏིག །ལྷ་བཙུན་ནམ་མཁའ་འཇིགས་མེད་པའི་རིག་འཛིན་སྲོག་སྒྲུབ། རྒྱལ་དབང་ལྔ་པ་རིན་པོ་ཆེའི་དག་སྣང་རྒྱ་ཅན་ཉེར་ལྔ་སོགས་མང་ཙམ་མཆིས་སོ། །དེ་བཞིན་རྗེས་འབྲེལ་བླ་མའི་གསུང་འབུམ་སྐོར་ཀློང་ཆེན་པའི་མཛོད་བདུན་སོགས་དང་། རྡོར་བྲག་པད་ཕྲིན་བཀའ་འབུམ། གཏེར་བདག་གླིང་པའི་བཀའ་འབུམ། ལོ་ཆེན་རིན་པོ་ཆེའི་བཀའ་འབུམ། འཇིགས་མེད་གླིང་པའི་བཀའ་འབུམ་པོད་དགུ་སོགས་ཀྱི་རྒྱུན་ཡང་བཞུགས་སོ། །དེ་ཡང་རྙིང་མ་བཀའ་མ་མདོ་སྒྱུ་སེམས་གསུམ་གྱི་གཞུང་བསྲངས་ནས། གཏེར་མའི་མན་ངག་ཟབ་མོས་བརྒྱན་ཏེ་ཉམས་སུ་ལེན་དགོས་པ་ཡིན་ཅིང་། རྙིང་མ་བཀའ་མའི་ཕྱོགས་ལ་བཀའ་དྲིན་ཆེ་བ། གཉགས་གནུབས་ཟུར་གསུམ་དམ་གཙང་བྱམས་གསུམ། རོང་ཟམ་པཎྜི་ཏ་སོགས་དང་བཀའ་གཏེར་གཉིས་ཀ་ལ་གཡུང་སྟོན་རྡོ་རྗེ་དཔལ། མངའ་རིས་པཎ་ཆེན། འབྲི་གུང་རིན་ཆེན་ཕུན་ཚོགས། ཀུན་མཁྱེན་ཤེས་རབ་འོད་ཟེར། བྱང་པ་རིག་འཛིན་ལེགས་ལྡན་རྡོ་རྗེ།
དཔལ་བཀྲ་ཤིས་སྟོབས་རྒྱལ། སོག་བཟློག་པ་བློ་གྲོས་རྒྱལ་མཚན། གངས་ར་ལོ་ཆེན་གཞན་ཕན་རྡོ་རྗེ། གསུང་སྤྲུལ་ཚུལ་ཁྲིམས་རྡོ་རྗེ། རིག་འཛིན་ཕྲིན་ལས་ལྷུན་གྲུབ་སོགས་དང་། །ཁྱད་པར་རྒྱལ་དབང་ལྔ་པ་རིན་པོ་ཆེ། རྡོར་བྲག་པདྨ་ཕྲིན་ལས། སྨིན་གླིང་གཏེར་ཆེན་སྐུ་མཆེད། ཀུན་མཁྱེན་འཇིགས་མེད་གླིང་པ་སློབ་བརྒྱུད་དང་བཅས་པའི་བཀའ་དྲིན་གྱིས་དེང་སང་ཡང་རྒྱུན་མ་ནུབ་པར་ཡོད་པ་སྟེ། སླར་ཡང་སྔ་འགྱུར་རྙིང་མའི་བསྟན་འཛིན་རྣམས་ཀྱི་སྔར་སྨོས་པའི་བཀའ་གཏེར་གྱི་ཆོས་ཚུལ་ཚད་ལྡན་དེ་རྣམས་ལ་བཤད་སྒྲུབ་གཙོ་བོར་འཛིན་པས་རྒྱུན་མི་ཉམས་ཞིང་འཕེལ་བ་དང་རང་རང་གི་ལུགས་སྲོལ་རྣམས་ཀྱིས་གཞན་དོན་སོགས་ཕྲིན་ལས་སྐྱོང་བར་རིགས་སོ། །སྔ་འགྱུར་རྙིང་མའི་ལོ་རྒྱུས་རྒྱས་པར་རྟོགས་པར་འདོད་ན། སྒྲོལ་ཆེན་བསམ་འགྲུབ་རྡོ་རྗེས་མཛད་པའི་སྒྱུ་འཕྲུལ་གྱི་ལོ་རྒྱུས། པདྨ་ཕྲིན་ལས་དང་སྨིན་གླིང་ལོ་ཆེན་གྱི་མདོ་དབང་གི་ཆོས་འབྱུང་། བི་མ་སྙིང་ཏིག་གི་ལོ་རྒྱུས་ཆེན་མོ་དང་། བབས་ལུགས་བདུན་པ། སྨིན་གླིང་གཏེར་ཆེན་གྱི་སྙིང་ཏིག་བླ་བརྒྱུད་ཁ་སྐོང་། ཕུར་འགྲེལ་འབུམ་ནག ་སྨིན་གླིང་མཁན་ཆེན་ཨོ་རྒྱན་བསྟན་འཛིན་རྡོ་རྗེའི་ཆོས་འབྱུང་ཉུང་ངུ་། ཀུན་མཁྱེན་འཇིགས་མེད་གླིང་པའི་རྒྱུད་འབུམ་རིན་པོ་ཆེའི་རྟོགས་བརྗོད་འཛམ་གླིང་།
ཐ་གྲུར་ཁྱབ་པའི་རྒྱན། ཀཿཐོག་པཎྜི་ཏའི་རྒྱུད་འབུམ་རིན་པོ་ཆེའི་དཀར་ཆག་ལྷའི་རྔ་བོ་ཆེ་ལྟ་བུའི་གཏམ། སྟག་སྒང་མཁས་མཆོག་ངག་དབང་བློ་གྲོས་ཀྱིས་མཛད་པའི་སྔ་འགྱུར་རྙིང་མ་བཀའ་གཏེར་དག་སྣང་གདན་རབས་སོགས་ཀྱི་ཆོས་འབྱུང་ཆེན་མོ་ངོ་མཚར་གཏམ་འདི་ནང་གཏེར་མའི་སྐོར་དམ་གདན་རབས་སྐོར་ཤིན་ཏུ་རྒྱས། གྱི་རོལ་མཚོ་པོད་སོགས་ལས་ཤེས་པར་བྱ་ཞིང་། རྙིང་མའི་ཕྱོགས་ལ་འགོས་ཁུག་པ་ལྷ་བཙས། འབྲི་གུང་དཔལ་འཛིན་དང་། ཀརྨ་པ་མི་བསྐྱོད་རྡོ་རྗེ་སོགས་ཀྱིས་དགག་པ་དུ་མ་མཛད་པའི་ལན་ཡང་། ཀུན་མཁྱེན་ཀློང་ཆེན་པ། མཉམ་མེད་བསམ་གཏན་གླིང་པ། མངའ་རིས་པཎྜི་ཏ་རྣམས་ཀྱི་རྩོད་སྤོང་། ཀརྨ་པ་མི་བསྐྱོད་རྡོ་རྗེའི་རང་ལན། དཔའ་བོ་གཙུག་ལག་ཕྲེང་བའི་རྩོད་སྤོང་། བླ་མ་སོག་བཟློག་པའི་ལན་ཚིགས་བཅད་ལྷུག་གཉིས། སྨིན་གླིང་རབ་འབྱམས་པ་ཨོ་རྒྱན་ཆོས་གྲགས་ཀྱི་ལུང་རིགས་རྡོ་རྗེའི་གད་རྒྱངས། ཀུན་མཁྱེན་འཇིགས་མེད་གླིང་པའི་ཆོས་འབྱུང་དང་། གཏམ་ཚོགས་ལས་འབྱུང་བ། ཀཿཐོག་པཎྜི་ཏས་མཛད་པའི་རྩོད་སྤོང་ལེ་ཚན། ཐུའུ་ཀོན་དྷརྨ་བཛྲ་གྱི་གསུང་སོགས་ལས་རྟོགས་པར་བྱའོ། །རྫོགས་པ་ཆེན་པོ་ཞེས་པའི་སྒྲ་དོན་ནི། མ་ཧཱ་ས་མ་དྷི་ཞེས་ཟུར་ཆག་པ་སྟེ། ཏིང་འཛིན་ཆེན་པོ་ཞེས་པ་ལ་འཇུག་པར་འདོད་པའང་ཡོད། མ་ཧཱ་སིན་ཞེས་པའི་སྒྲ་ལས་དྲངས་
ན་ཡང་དག་པའི་བསམ་གཏན་ཆེན་པོའམ། མཉམ་པའི་བློ་ཆེན་པོ་སོགས་འགྱུར་ཏེ། ཐེག་བརྒྱད་བློ་ཡི་གྲུབ་མཐས་མ་གོས་པའི་ཕྱིར་ཡང་དག་པའི་བསམ་གཏན་དང་། དེ་ལས་གོང་ན་གཞན་མེད་པས་ཆེན་པོ་ཞེས་གཞི་མཐུན་པའི་བསྡུ་བའམ། ཡང་ན་རྫོགས་རིམ་ཆེན་པོ་ཞེས་བཤད་ཀྱང་རུང་སྟེ། འཇམ་དཔལ་ཞལ་ལུང་ལས། རྫོགས་པ་ཆེན་པོ་ཡེ་ཤེས་སྤྱི་ཡི་གཟུགས། །ཞེས་པའི་འགྲེལ་པར། རྫོགས་པ་ཆེན་པོ་ནི་རིམ་པ་གཉིས་པའི་རིམ་པ་གཉིས་པའོ། །ཞེས་སོགས་གསུངས་པའི་ཕྱིར་རོ།། ༈ །།གསང་སྔགས་གསར་མ་ནི། གཙོ་བོར་ལོ་ཆེན་རིན་ཆེན་བཟང་པོས་འགྱུར་མགོ་ཚུགས་ནས་བཟུང་། ལོ་ཆེ་ཆུང་འབྲོག་འགོས་མར་གསུམ་ལ་སོགས་པས་བསྒྱུར་འཆད་སྒོམ་སྒྲུབ་ཀྱིས་གཏན་ལ་ཕབས་པ་སྟེ། དེ་ཡང་བསྟན་པ་ཕྱི་དར་གྱི་ཐོག་མ་ནས་རིང་ཞིག་སོང་བ་ན། ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་ཕེབས། སློབ་མ་འབྲོམ་རྔོག་ཁུ་གསུམ་ལ་སོགས་པ་རྒྱ་ཆེར་འཕེལ་བ་ལས་ཇོ་བོ་བཀའ་གདམས་པ་ཞེས་ཕྲིན་ལས་ནམ་མཁའ་དང་མཉམ་པ་དེ་བྱུང་། སྔར་ཧ་ཅང་དར་རྒྱས་ཆེ་བས་དགོན་གནས་དང་གདན་རབས་སོགས་སྨོས་ཀྱིས་མི་ལངས་ཀྱང་། གཙོ་ཆེ་བ་འགའ་ཞིག་བརྗོད་ན།། ༈ །།བྱང་རྭ་བསྒྲེངས་རྒྱལ་བའི་དབེན་གནས་ནི། སྤྱན་རས་གཟིགས་དངོས་འབྲོམ་
སྟོན་པ་རྒྱལ་བའི་འབྱུང་གནས་ཀྱིས་ཇོ་བོས་ལུང་བསྟན་ལྟར་དགུང་ལོ་ང་གཅིག་པ་མེ་ལུག་ལོར་བཏབ། ལ་ལར་འབྲོམ་སྟོན་དགུང་ལོ་ང་གཉིས་པ་སྤྲེལ་ལོར་བཏབ་པར་བཤད། བཀའ་གདམས་བསྟན་པའི་ཆུ་མགོ་ལྟ་བུར་གྱུར། དེང་སང་ཆོས་བརྒྱུད་དམིགས་བསལ་མེད་ཀྱང་། དགོན་གནས་དགའ་ལྡན་པའི་ཁྲི་ཆེན་ངག་དབང་མཆོག་ལྡན་གྱི་སྐྱེ་སྤྲུལ་རིམ་བྱོན་གྱིས་བཟུང་ནས་དར་རྒྱས་ཆེ། ༈ དཔལ་གསང་ཕུ་ནེའུ་ལྷ་ས་ནས་ཐུར་དུ་ཡོང་བའི་སྙེ་ཐང་གི་ཐད་ཀྱི་གཙང་པོ་ཕ་རིར་ཡོད། ཐོག་གི་ཆོས་གྲྭ་ནི། འཇམ་དབྱངས་རྣམ་འཕྲུལ་རྔོག་ལེགས་པའི་ཤེས་རབ་ཀྱིས་ལྕགས་ཕག་ལོར་བཏབ། ཕྱིས་རྔོག་ལོ་བསྟན་པའི་ཉི་མ་བློ་ལྡན་ཤེས་རབ་ཀྱིས་བསྐྱངས་ནས་མཚན་ཉིད་གྲྭ་ཚང་ཐམས་ཅད་ཀྱི་འབྱུང་ཁུངས་ལྟ་བུར་གྱུར་ཀྱང་། དེང་སང་ནི་སྐུ་གསུང་ཐུགས་རྟེན་ཙམ་ལས་དགེ་འདུན་གྱི་སྡེ་གང་ཡང་མེད།། ༈ །།ཡར་ཀླུང་སོལ་ནག་ཐང་པོ་དགོན་ཐང་འབུམ་པ་དང་ཉེ་བར་ཡོད། ཆེ་ནི། བསྟན་པ་ཕྱི་དར་གྱི་ཐོག་མར་ཀླུ་མེས་ཆེན་པོའི་དུས་སུ་དགེ་བའི་བཤེས་གཉེན་གྲུ་མེར་སོགས་ཀྱིས་བཏབ། ཕྱིས་ཕྱག་རྡོར་རྣམ་འཕྲུལ་ཁུ་སྟོན་བརྩོན་འགྲུས་གཡུང་དྲུང་གིས་གདན་ས་མཛད། བར་སྐབས་དར་རྒྱས་ཆེ་ཡང་། དེང་སང་ནི་དགེ་འདུན་གྱི་སྡེ་ཆུང་ངུ་ཞིག་ལས་མེད། ༈ །གཙང་སྣར་ཐང་ཆོས་གྲྭ་ནི། གཏུམ་སྟོན་བློ་གྲོས་གྲགས་ཀྱིས་
རབ་བྱུང་དང་པོའི་ཆུ་བྱ་ལོར་བཏབ། དེང་སང་བཀྲ་ཤིས་ལྷུན་པོ་ནས་ཞལ་འཛིན་གནང་།། ༈ །།དབུས་ཀྱི་དཔལ་རྩེ་ཐང་གི་ཆོས་གྲྭ་ནི། བཀྲ་ཤིས་ལྷུན་དང་ཉེ་བར་ཡོད། ཏཱའི་སི་ཏུ་བྱང་། ཆུབ་རྒྱལ་མཚན་གྱིས་བཏབ། བར་སྐབས་དར་རྒྱས་ཆེ་བར་བྱུང་བ་སོགས་སྔར་བཀའ་གདམས་པའི་གདན་ས་བསམ་གྱིས་མི་ཁྱབ་པ་ཞིག་བྱོན་མོད། དེང་སང་ནི་ཆོས་བརྒྱུད་ཀྱང་བཀའ་བརྒྱུད་པ་། དང། དགེ་ལུགས་པ་སོགས་དང་འདྲེས་ནས་གདན་ས་ལས་ཟུར་དུ་མེད་ཅིང་། དགོན་གནས་ཡང་ཕལ་ཆེར་མིང་ཙམ་ལས་མེད་པས་ཞིབ་པར་མ་སྨོས་ལ། རྒྱས་པར་བཀའ་གདམས་གླེགས་བམ་རིན་པོ་ཆེའི་ལོ་རྒྱུས་དང་། རྩེ་གདོང་ལ་ས་ཆེན་ཀུན་དགའ་རྒྱལ་མཚན་གྱིས་མཛད་པའི་ཆོས་འབྱུང་ཆེན་མོ་དང་། འཇམ་མགོན་ཨ་མེས་ཞབས་ཀྱིས་མཛད་པའི་བཀའ་གདམས་ཆོས་ཀུན་གསལ་བའི་ཉིན་བྱེད་སོགས་ལས་རྟོགས་པར་བྱའོ། །བཀའ་གདམས་ཅེས་པའི་སྒྲ་དོན་ནི་རྒྱལ་བའི་བཀའ་ཐམས་ཅད་གང་ཟག་གཅིག་འཚང་རྒྱ་བའི་གདམས་ངག་ཏུ་གོ་བས་ཆོས་ཀྱི་མིང་གང་ཟག་ལ་ཆགས་པ་ཡིན་ནོ། །བཀའ་གདམས་པའི་ཆོས་སྐོར་ལ། སྔར་གཞུང་དང་། གདམས་ངག་དང་། མན་ངག་གསུམ་གྱི་བཀའ་སྲོལ་བསམ་གྱིས་མི་ཁྱབ་ཀྱང་། དེང་སང་སྐྱེས་ཚོམ་དད་པའི་ས། བསླབ་སྤྱོད་སྤྱོད་
པའི་ས། ས་རྒྱན་ཏིང་ངེ་འཛིན་གྱི་ས་སྟེ་བཀའ་གདམས་གཞུང་དྲུག་ཏུ་གྲགས་པ་དང་། ཇོ་བོའི་ཐུགས་དམ་ཆོས་ཆུང་བརྒྱ་རྩ་སོགས་ཀྱི་ལུང་། གདམས་ངག་བློ་སྦྱོང་དོན་བདུན་མ་ཐུན་བརྒྱད་མ་ཚིག་རྐང་བརྒྱད་མ་སོགས་ཀྱི་འཁྲིད། བློ་སྦྱོང་སྐོར་གྱི་ཡིག་ཆ་གསར་རྙིང་མང་པོའི་ལུང་། མན་ངག་གསང་ཆོས་གླེགས་བམ་རིན་པོ་ཆེའི་ཐིག་ལེ་བཅུ་དྲུག་གི་དབང་ཁྲིད་ལུང་གསུམ། ཐམས་ཅད་ཀྱི་གཞིར་གྱུར་པ་བྱང་ཆུབ་ལམ་རིམ་ཆེན་མོའི་ཁྲིད། གཞན་ཡང་དཔེ་ཆོས་རིན་སྤུངས། མན་ངག་རིན་སྤུངས། བཀའ་གདམས་ཐོར་བུ། དཔེ་བུམ་སྔོན་པོ། གྲོ་ལུང་པའི་བསྟན་རིམ་རྩ་བ། བཀའ་གདམས་ཆོས་འབྱུང་ཆེན་མོའི་ལུང་སོགས་དང་། ཇོ་བོ་ནས་བརྒྱུད་པའི་ཐོགས་མེད་ལུགས་ཀྱི་སེམས་བསྐྱེད། གསང་འདུས་སྤྱན་རས་གཟིགས་དང་། རྣལ་འབྱོར་རྒྱུད་སྦྱོང་དཀྱིལ་བཅུ་གཉིས། མི་འཁྲུགས་པ་སོགས་ཀྱི་དབང་། བཀའ་གདམས་ལྷ་བཞིའི་རྗེས་གནང་དང་ཁྲིད། སྣར་ཐང་པའི་སྒྲུབ་ཐབས་བརྒྱ་རྩ་སོགས་ཀྱི་རྗེས་གནང་། གནས་བརྟན་བཅུ་དྲུག །ཀླུ་དབང་རྒྱལ་པོ། སྤྱན་རས་གཟིགས། །སྒྲོལ་མ་ཉེར་གཅིག །སྨེ་བརྩེགས། ཛམ་དཀར་སོགས་རྗེས་གནང་དང་མན་ངག་ཐོར་བུ་མང་པོ། མགོན་པོ་གྲི་གུག་གི་རིགས་འགའ་ཞིག་གི་རྗེས་གནང་སོགས་ཆོས་རྗེ་རི་བོ་དགེ་ལྡན་པ་གཙོ་བོར་
གྱུར་པ་རྣམས་ལ་བཞུགས་ཤིང་། བསྟན་འཛིན་གྱི་སྐྱེས་བུ་ནི། ཁུ་རྔོག་འབྲོམ་གསུམ། སྐུ་མཆེད་རྣམ་གསུམ། གླང་ཤར་ཉི་ཟླ་ཟུང་གཅིག་སོགས་བསམ་གྱིས་མི་ཁྱབ་པ་ཞིག་བྱོན་ཅིང་། །དེ་ཐམས་ཅད་ཀྱི་རྣམ་ཐར་མདོར་བསྡུས་ན། འབྲོམ་སྟོན་རིན་པོ་ཆེས། ངོ་མཚར་བཀའ་ནི་སྡེ་སྣོད་གསུམ་ཡིན་ཏེ། །གདམས་པ་སྐྱེས་བུ་གསུམ་གྱི་རྒྱན་གྱིས་མཛེས། །བཀའ་གདམས་རིན་ཆེན་གསེར་གྱི་ཕྲེང་བ་ལ། །འགྲོ་བ་གང་གིས་བགྲངས་ཀྱང་དོན་ཡོད་འགྱུར། །ཅེས་གསུངས་པ་ལྟར། བཀའ་སྡེ་སྣོད་གསུམ་གྱིས་གཞུང་བསྲང་། གདམས་པ་སྐྱེས་བུ་གསུམ་གྱིས་ཉམས་སུ་བླངས་པས་འདུལ་བ་ཀཱ་རི་ཀ་ནས། དཔལ་གསང་བ་འདུས་པ་མན་ཆད་གང་ཟག་གཅིག་འཚང་རྒྱ་བའི་ཆ་རྐྱེན་དུ་རྟོགས་ནས་བསྟན་པ་ཐམས་ཅད་འགལ་མེད་དུ་གཟིགས། དེ་ཐམས་ཅད་ཀྱི་དོན་རང་གི་སེམས་རྒྱུད་འདུལ་བ་སྦྱར་ནས་གསུང་རབས་མ་ལུས་པ་གདམས་པར་ཤར། བྱང་ཆུབ་ཀྱི་སེམས་དང་ཡང་དག་པའི་ལྟ་བ་རྩལ་དུ་བཏོན་པས་རྒྱལ་བའི་དགོངས་པ་བདེ་བླག་ཏུ་རྙེད། ཞེན་ལོག་དང་ངེས་འབྱུང་སྙིང་ལ་ཤར་བ་ཚུལ་ཁྲིམས་ཀྱི་བསླབ་པ་རྣམ་པར་དག་ཅིང་ཉེས་སྤྱོད་ཆེན་པོ་རང་འགགས་སུ་སོང་། ནང་དུ་ཏིང་ངེ་འཛིན་གྱི་སྒོ་དང་། ལྷག་པའི་ལྷས་རྗེས་སུ་བཟུང་བ་སོགས་ཡོན་ཏན་བསམ་གྱིས་མི་
ཁྱབ་པ་བརྙེས་ཀྱང་བུམ་ནང་གི་མར་མེ་ལྟར་སྦ་བ་ལ་བརྩོན་པས་འཕགས་པའི་སར་མངོན་སུམ་དུ་གཤེགས། མདོར་ན་མཁས་ལ་བཙུན་ཞིང་གྲུབ་པའི་ཉམས་མྱོང་གིས་བརྒྱན་པ་སྟེ། བཀའ་གདམས་ཀྱི་རྣམ་ཐར་ཕྱི་གཙང་ནང་གཙང་པདྨའི་སྦུབས་ལྟ་བུ་ཞེས་ཀུན་ལ་རླུང་ལྟར་དུ་གྲགས། ལྷ་བཞིས་ལུས། ཐུབ་པ་སྤྱན་རས་གཟིགས་མི་གཡོ་བ་སྒྲོལ་མ། སྡེ་སྣོད་གསུམ་གྱིས་ངག །བསླབ་པ་གསུམ་གྱིས་སེམས་བརྒྱན་པས་ལྷ་ཆོས་བདུན་ལྡན་གྱི་བསྟན་པའི་བདག་པོ་ཞེས་རྒྱལ་བ་དགྱེས་པའི་བཤེས་གཉེན་མིང་དོན་དང་མཚུངས་པར་གྱུར་པ་ཡིན་ནོ།། ༈ །།དེ་རྗེས་དཔལ་ས་སྐྱ་པའི་རིང་ལུགས་རྒྱས་པར་གྱུར་ཏེ། དེ་ཡང་རྒྱ་གར་རྡོ་རྗེ་གདན་ནས་བྱང་ཕྱོགས་སུ་དཔག་ཚད་བརྒྱ་བགྲོད་པའི་ས་མཚམས་གངས་ཅན་བོད་ཀྱི་རྡོ་རྗེ་གདན་གཙང་ལ་སྟོད་གྲམ་པ་ས་སྐྱ་ནི། འཁོན་དཀོན་མཆོག་རྒྱལ་པོས་དགུང་ལོ་བཞི་བཅུ་པ་ཆུ་གླང་ལོར་བཏབ། སྲས་ས་ཆེན་ཀུན་དགའ་སྙིང་པོ་སོགས་དེང་སང་བར་གདུང་བརྒྱུད་མ་ཆད་པས་འཛིན་སྐྱོང་གནང་ཞིང་། བར་སྐབས་ལྷ་ས་རྫོང་པའི་དུས་ཉམས་ཆག་ཆེ་ངེས་བྱུང་ཡང། སྔགས་འཆང་ཆེན་མོ་ཀུན་དགའ་རིན་ཆེན་གྱིས་ཉམས་གསོ་མཛད་པ་ནས་བཟུང་གོང་འཕེལ་དུ་གྱུར་པས། ཕྱིས་སུ་ས་སྐྱ་པའི་བསྟན་པ་ལ་འདི་ཁོ་ན་བཀའ་དྲིན་ཆེ་བར་བྱའོ། །དེ་ཡང་རྒྱ་གར་
འཕགས་པའི་ཡུལ་དུ་མང་པོས་བཀུར་བའི་གདུང་རབས་དང་། གངས་ཅན་གྱི་ལྗོངས་འདིར་འཁོན་ས་སྐྱ་པའི་གདུང་རབས་ཀྱི་རྟོགས་པ་བརྗོད་པ་ནི་བསོད་ནམས་ཚད་མེད་པའི་འཇུག་ངོགས་ཉིད་དོ། །ཞེས་མཁས་པ་རྣམས་ཀྱིས་བསྔགས་པའི་རྗེས་སུ་འབྲངས་ཏེ་འདིར་མཚན་ཙམ་ཞིག་བརྗོད་ན། ཡུལ་མཐོ་ཞིང་གཙང་བ་མངའ་རིས་ཀྱི་སྟོད་དམ། བྱང་གི་ཤེལ་ཚ་རྒྱལ་མོའི་གངས་འགྲམ་དུ་འོད་གསལ་གནམ་ལྷ་མཆེད་གསུམ་བསིལ་ལྗོངས་བསོད་ནམས་ཀྱི་མགྲོན་དུ་བབས་པ་ལས་བར་པ་གཡུ་༡རིང་དང་དམུ་བཟའ་ལྡེམ་བུའི་སྲས་མ་སངས་སྤུན་བདུན་བྱོན་པའི་གཅེན་དྲུག་ཡབ་བཅས་ལྷ་ཡུལ་དུ་གཤེགས། བདུན་པ་མ་སངས་༢སྤྱི་རྗེ་དང་། ཐོག་ལྕམ་ཝུར་མིའི་སྲས་དཔའ་བོ་སྟག །དེའི་སྲས་སྟག་པོ་འོད་༣ཅན་ཏེ། འདི་རྣམས་མི་ལས་འདས་པའི་གཟུགས་བཟུང་སྟེ་བར་སྣང་དུ་བཞུགས། དེའི་སྲས་གཡའ་༤སྤང་སྐྱེས་ཏེ་འདི་ཡན་ལ་འོད་གསལ་༡ལྷའི་རིགས་ཅེས་གྲགས། དེས་སྲིན་པོ་ཁྲག་མིག་མ་བསད་ཅིང་། དེའི་ཆུང་མ་གཡའ་འབྲུག་སི་ལི་མ་ཁབ་ཏུ་བཞེས་པས། ལྷ་དང་སྲིན་པོ་འཁོན་པའི་བར་དེར་སྲས་གཅིག་འཁྲུངས་པ་འཁོན་བར་སྐྱེས་ཞེས་བཏགས་ཤིང་འཁོན་གྱི་གདུང་དུ་མཚན་ཆགས། དེ་སྲས་འཁོན་དཔལ་པོ་ཆེ། དེའི་སྲས་གཅེན་སློབ་དཔོན་རིན་པོ་ཆེ་པདྨ་
འབྱུང་གནས་ཀྱི་ཐུགས་སྲས་མཁན་ཆེན་བོ་དྷི་སཏཱ་ལས་བསྙེན་པར་རྫོགས་པའི་སད་མི་མི་བདུན་གྱི་ནང་ཚན་ནཱ་གརྗེ་རཀཱི་ཏ་སྟེ་ཀླུ་དབང་སྲུང་བ་ཞེས་གྲགས་པ་དང་། གཅུང་རིག་སྔགས་གྲུབ་པ་རྡོ་རྗེ་རིན་ཆེན་མཆེད་གཉིས། རྡོ་རྗེ་རིན་ཆེན་གྱི་སྲས་བདུན་བྱོན་པ་ལས་གདུང་བརྒྱུད་ཀྱང་མང་དུ་འཕེལ་ཞིང་། དྲུག་པ་ཤེས་རབ་ཡོན་ཏན་གྱི་སྲས་གསུམ་གྱི་ནང་ཚན་ཚུལ་ཁྲིམས་རྒྱལ་པོ། དེ་ལ་སྲས་གསུམ་བྱོན་པའི། གཙུག་ཏོར་ཤེས་རབ། དེ་ལ་སྲས་བདུན་གཅུང་དང་བཅས་པ་བྱོན་པ་ལས། ཆེ་བ་དགེ་མཐོང་གི་སྲས་བལ་པོ། དེ་སྲས་ཤཱཀྱ་བློ་གྲོས། དེ་སྲས་ཤེས་འགྲན་ཟླ་མེད་པའི་མཁས་གྲུབ་དཀོན་མཆོག་རྒྱལ་པོ་གཉིས་ལས། ཤེས་རབ་ཚུལ་ཁྲིམས་ཡན་གསང་སྔགས་རྙིང་མའི་རིག་པ་འཛིན་པ་ཟམ་མ་ཆད་པར་བྱོན་ཞིང་། ཡི་དམ་ཡང་ཕུར་གྱི་སྒོ་ནས་དངོས་གྲུབ་གཉིས་བརྙེས། ཆོས་སྐྱོང་དཀར་བདུད་ལྕམ་དྲལ་སོགས་བྲན་དུ་ཁོལ། དཀོན་མཆོག་རྒྱལ་པོའི་སྔོན་སྨོན་དང་ཕྲིན་ལས་ཀྱི་སྒོ་ཕྱི་འགྱུར་གསར་མ་ལ་བྱེད། དཔལ་ས་སྐྱའི་ཆོས་གྲྭ་ཆེན་པོ་བཏབ་པ་ནས་བཟུང་འཁོན་ས་སྐྱ་པ་ཞེས་གྲགས་ཏེ། དེ་ལྟར་ན་ལྷ་རིགས་འཁོན་གདུང་ས་སྐྱ་ཞེས་མཚན་མཆོག་གསུམ་ལྡན་གྱི་གྲགས་དཀར་འཛམ་གླིང་ཐམས་ཅད་དུ་ཁྱབ། དེ་སྲས་སྤྱན་རས་གཟིགས་
དངོས་དཔལ་བརྩེ་བ་ཆེན་པོ་ཀུན་དགའ་སྙིང་པོ་ནི། ཆུང་ངུ་ནས་དམ་པའི་རིགས་སད། དགུང་ལོ་བཅུ་གཅིག་པར་རྗེ་བཙུན་འཇམ་དཔལ་དབྱངས་ཀྱིས་རྗེས་སུ་བཟུང་བས་ཕ་རོལ་ཏུ་ཕྱིན་པའི་ལམ་གྱི་གནད་ཐམས་ཅད་དུས་གཅིག་ཏུ་གཟིགས། རྣལ་འབྱོར་གྱི་དབང་ཕྱུག་གྲུབ་ཆེན་བིརླ་པ་དངོས་སུ་བྱོན་ནས་རྒྱུད་སྡེ་རྒྱ་མཚོའི་གསང་བའི་མཛོད་ཆེན་པོ་བྱིན། བྲང་ཏི་དར་མ་སྙིང་པོ་སོགས་ལས་མདོ་ཕྱོགས་དང་། རང་གི་ཡབ་དང་། བླ་མ་བ་རི་ལོ་ཙཱ་བ། མལ་ལོ་ཙཱ་བ་སོགས་ལས་གསང་སྔགས་སྤྱི་དང་། ཞང་སྟོན་ཆོས་འབར་ལས་གསུང་ངག་རིན་པོ་ཆེའི་བདུད་རྩི་གསོལ་བས་ཉམས་རྟོགས་ཀྱི་པདྨོ་གསར་དུ་བཞད་པའི་ཚུལ་བཟུང་། མྱ་ངན་ལས་འདས་པའི་ཚེ། སྐུའི་རྣམ་འཕྲུལ་བཞིར་བསྟན་ནས་དག་པའི་ཞིང་སོ་སོར་གཤེགས་པའི་སྣང་བས་མཚོན་རྫུ་འཕྲུལ་རྡོ་རྗེའི་བཀོད་པ་ཟད་མི་ཤེས་པ་ལ་དབང་འབྱོར། སློབ་མ་ཡང་མཆོག་ཐོབ་པ་གསུམ་དང་། བཟོད་ཐོབ་པ་བདུན་སོགས་མཁས་གྲུབ་ནམ་མཁའི་མཐའ་དང་མཉམ་པ་བྱུང་། དེ་སྲས་ཀུན་དགའ་འབར། བསོད་ནམས་རྩེ་མོ། གྲགས་པ་རྒྱལ་མཚན། དཔལ་ཆེན་འོད་པོ་རྣམས་ལས། ཀུན་དགའ་འབར་རྒྱ་གར་དུ་གཤེགས། སློབ་དཔོན་རིན་པོ་ཆེ་བསོད་ནམས་རྩེ་མོ་ནི་འཕགས་ཡུལ་གྱི་ཆུ་བོ་གངྒཱ་ཚུན་ཆད་དུ་མཁས་
པའི་གྲགས་པས་ཁྱབ། ཡེ་ཤེས་ཀྱི་ཌཱ་ཀི་མ་རྣམས་ཀྱིས་རྡོ་རྗེ་གདན་གྱི་སྒོ་གོང་དུ་མི་ཐུབ་ཟླ་བའི་རྣམ་འཕྲུལ་གནས་ལྔ་རིག་པའི་པཎྜི་ཏ་ཆེན་པོར་བསྔགས་པའི་ཡི་གེར་བཀོད། བཤད་སྒྲུབ་ཀྱི་ཕྲིན་ལས་བསམ་གྱིས་མི་ཁྱབ་པའི་ངང་འཇའ་ལུས་རྡོ་རྗེའི་གོ་འཕང་ཆེན་པོར་བྱོན། རྗེ་བཙུན་གྲགས་པ་རྒྱལ་མཚན་ནི། འཕགས་པ་འཇམ་དཔལ་དབྱངས་ཀྱིས་རྗེས་སུ་བཟུང་བས་སྡེ་སྣོད་དང་རྒྱུད་སྡེ་རབ་ཡ འབྱམས་ལ་མཁྱེན་པའི་གཏེར་མཛོད་གྲོལ། རྗེ་བཙུན་ས་སྐྱ་པས་འོད་གསལ་གྱི་ངང་དུ་ལམ་འབྲས་ཉེ་བརྒྱུད་ཀྱི་གདམས་པ་སྩལ་ཞིང་གྲུབ་པའི་གོ་འཕང་མཐོན་པོར་གཤེགས། མཁས་བཙུན་གྲུབ་པའི་ཡོན་ཏན་བསམ་གྱིས་མི་ཁྱབ་པས། མ་བྱོན་སངས་རྒྱས་གསུམ་པ་ཁ་ཆེ་པཎྜི་ཏ་ཤཱཀྱ་ཤྲཱི་བྷ་དྲས་ཀྱང་རྡོ་རྗེ་འཛིན་པ་གསང་བ་འདུས་པ་ཞེས་བསྔགས་པའི་རྒྱུད་མང་བསྒྲེངས། ཁེངས་པའི་རུ་ཚོན་དབྱིངས་སུ་བརྟུལ་ནས། གཙུག་གི་ནོར་བུའི་ཞབས་བརྟན་གྱི་པདྨོ་ལ་ཕྱག་བྱས་ཏེ། གསུང་གི་བདུད་རྩི་གསོལ་བར་མཛད་པས་འཕགས་བོད་རྡོ་རྗེ་འཛིན་པ་བྱེ་བའི་གཙུག་རྒྱན་དུ་ངེས་པ་རྙེད། སྐུ་ཚེའི་འདུ་བྱེད་ཀྱང་ཡུན་རིང་དུ་བྱིན་གྱིས་བརླབས་ཏེ་ཟབ་རྒྱས་ཀྱི་བསྟན་པ་ནམ་ལངས་པའི་རྗེས་སུ་ཉི་མ་ཤར་བ་ལྟར་མཛད། གཅུང་གྲུབ་པའི་རིག་འཛིན་དཔལ་ཆེན་འོད་པོ་ལ་སྲས་ས་སྐྱ་པཎྜི་ཏ་དང་། །
ཟངས་ཚ་བསོད་ནམས་རྒྱལ་མཚན་གཉིས་འཁྲུངས་པའི། འཇམ་དབྱངས་ས་སྐྱ་པཎྜི་ཏ་ཆེན་པོ་ནི། མི་ནས་མིར་གྱུར་པའི་སྐྱེ་བ་ཉི་ཤུ་རྩ་ལྔར་རྗེ་བཙུན་བརྟན་པའི་འཁོར་ལོས་དགེ་བའི་བཤེས་སུ་མཛད་པས། སྐུ་ཚེ་འདིར་ཡང་ཕྱི་ནང་རིག་པའི་གནས་མཐའ་དག་ལན་རེ་འམ། ཟུང་རེ་གསན་པ་ཙམ་གྱིས་ཁོང་དུ་ཆུད། ལྷག་པར་ལམ་ཟབ་བླ་མའི་བྱིན་རླབས་ལ་བརྟེན་ནས་རྗེ་བཙུན་རིན་པོ་ཆེ་གྲགས་པ་རྒྱལ་མཚན་དང་། འཇམ་དཔལ་དབྱངས་དབྱེར་མེད་དུ་གཟིགས་པས་ཕྱི་ནང་གསང་བའི་རྟེན་འབྲེལ་ཐམས་ཅད་དེར་འགྲིགས། མཁས་ཤིང་གྲུབ་པའི་ཡོན་ཏན་དང་། གཞན་ཕན་ཕྲིན་ལས་ཀྱི་ཀློང་བརྡོལ། འཕགས་ཡུལ་ནས་རྒྱ་ནག་གི་བར་དུ་སྙན་པའི་གྲགས་པས་ཁྱབ། རིག་པའི་གནས་མཐའ་དག་ལ་ཤིན་ཏུ་བྱང་ཞིང་འཇིག་རྟེན་པའི་ལྷ་ལས་དངོས་གྲུབ་ཀྱང་ཐོབ་པ་ཕྱི་རོལ་པའི་སྟོན་ཆེན་འཕྲོག་བྱེད་དགའ་བོ་སོགས་དྲུག་ལུང་དང་། རིགས་པ་དང་། ལྷག་པའི་ལྷས་རྗེས་སུ་བཟུང་བའི་མཐུས་བརྟུལ་ནས་ནང་པའི་བསྟན་པ་ལ་བཅུག །མཐར་རྒྱ་ནག་གོ་དན་རྒྱལ་པོས་སྤྱན་དྲངས་ཏེ་བྱང་ཕྱོགས་སྤྲུལ་པ་སྡེའི་ལྷ་ཁང་དུ་ངོ་མཚར་བའི་རྣམ་འཕྲུལ་བསམ་གྱིས་མི་ཁྱབ་པས་གཟུགས་སྐུའི་བཀོད་པ་བསྡུས། ཟངས་ཚ་བསོད་ནམས་རྒྱལ་མཚན་ལ་སྲས་ཆོས་ཀྱི་རྒྱལ་པོ་འཕགས་པ་དང་།
གྲུབ་པའི་དབང་ཕྱུག་འགྲོ་མགོན་ཕྱག་ན་གཉིས་འཁྲུངས་པ་ལས། ཆོས་རྒྱལ་འཕགས་པ་རིན་པོ་ཆེ་བློ་གྲོས་རྒྱལ་མཚན་ནི། ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་བསམ་བཞིན་དུ་མིའི་སྲིད་པར་བཟུང་བས། ཐོག་མ་ནས་རིགས་དང་། བརྩེ་བ་དང་། བྱང་ཆུབ་སེམས་དཔའི་སྤྱོད་ཚུལ་སོགས་གཞན་ལས་ཆེས་ཁྱད་པར་དུ་གྱུར་པས། འཕགས་པ་ཞེས་པའི་མཚན་གྱི་མེ་ཏོག་ཕྱེ། རིག་པ་དང་གྲོལ་བའི་སྤོབས་པ་ཟད་མི་ཤེས་པའི་གཏེར་བརྡོལ། ཡན་ལག་ལྔ་མཚོན་རྣོན་པོས་སོ་སོར་ཕྲལ་བ་རྒྱལ་བ་རིགས་ལྔའི་བཀོད་པར་བསྟན་པ་སོགས་རྫུ་འཕྲུལ་གྱི་སྤྱོད་པ་དང་། སྐུ་གསུང་ཐུགས་ཀྱི་མཛད་པ་ཕུན་སུམ་ཚོགས་པས་གདུག་ཅན་ཧོར་གྱི་རྒྱལ་པོའང་མི་ཕྱེད་པའི་དད་པ་འཁྲུངས་ཏེ་དབང་བསྐུར་ལན་གསུམ་གསན་པའི། དང་པོའི་དབང་ཡོན་དུ་དབུས་གཙང་ཁྲི་སྐོར་གསུམ། བར་པར་བོད་ཆོལ་ཁ་གསུམ། ཐ་མ་རྒྱ་ཡི་ལི་ཡུལ་ཆེན་མོ་ཕུལ་བས་ཕན་བདེའི་ཉེར་འཚོ་བླ་ན་མེད་པར་གྱུར། འཇམ་དཔལ་རྩ་རྒྱུད་ལས། ཡི་གེ་དྷི་དྷི་ཞེས་པ་བློ་གྲོས་ཀྱི་སྐད་དོད་ཡིན་པས་མཚན་གྱི་ཟུར་དང་པོ་བསྟན། ཞེས་སྡོམ་བརྩོན་ཉིད། །སྟོན་པའི་བསྟན་པ་གསལ་བར་བྱེད། །ཅེས་ལུང་གིས་བསྟན་པ་ལྟར། སྡོམ་བརྩོན་རྒྱལ་པོའི་ཚུལ་བཟུང་ནས། གྲུབ་མཐའ་ལ་ཉེ་འཁོན་མེད་པར་བསྐྱངས་པས་ཡོངས་རྫོགས་
བསྟན་པའི་བཤད་སྒྲུབ་དང་། གངས་ཅན་གྱི་བདེ་སྐྱིད་ཉིན་མོ་ལྟར་གསལ་བར་མཛད། མང་དུ་ཐོས་པའི་མཆོག་སྣར་ཐང་པ་བཅོམ་ལྡན་རིག་པའི་རལ་གྲི་ཡང་གྲུབ་པའི་ཡོན་ཏན་གྱིས་རང་དབང་མེད་པའི་དད་པར་བཀོད་པ་སོགས་རྣམ་ཐར་བསམ་གྱིས་མི་ཁྱབ་ཅིང་། ཁམས་གསུམ་ཆོས་ཀྱི་རྒྱལ་པོར་བསྔགས་པའི་སྤྲིངས་ཡིག་འཇིག་རྟེན་གསུམ་ན་གྲགས་པ་ཉིད་དོ། །འགྲོ་མགོན་ཕྱག་ནའི་སྲས་ཆོས་སྐྱོང་སྲུང་བས་གདན་ས་ལོ་ཤས་མཛད་ཅིང་། དེ་ནས་ཟངས་ཚའི་སྲས་སློབ་དཔོན་ཡེ་ཤེས་འབྱུང་གནས་ཀྱི་སྲས་བདག་ཉིད་ཆེན་པོ་བཟང་པོ་དཔལ་གདན་སར་ཕེབས། དེ་ལ་བཙུན་མོ་བདུན་བཞེས་པ་ལས་སྲས་མིང་སྲིང་བཅོ་ལྔ་འཁྲུངས་པའི་ཏི་ཤྲཱི་ཀུན་དགའ་བློ་གྲོས་ཀྱིས་གཅུང་རྣམས་ལ་བླ་བྲང་ཁག་བཞིར་བགོས་ནས་གནང་བས། གཞི་ཐོག་བླ་བྲང་། བླ་བྲང་རིན་ཆེན་སྒང་པ། ལྷ་ཁང་བླ་བྲང་། དུས་མཆོད་བླ་བྲང་བཞིར་བྱུང་བ་ལས། གཞི་ཐོག་བླ་བྲང་ནི། མཁས་བཙུན་ནམ་མཁའ་ལེགས་པ་ནས་བདག་ཆེན་བློ་གྲོས་དབང་ཕྱུག་གི་བར་དུ་མཁས་གྲུབ་མང་དུ་བྱོན། བླ་བྲང་རིན་ཆེན་སྒང་པར། ཀུན་དགའ་ཉི་མ། འཇམ་དབྱངས་དོན་ཡོད་རྒྱལ་མཚན། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་ཏེ་སྐུ་མཆེད་གསུམ་ལས། བླ་མ་དམ་པ་བསོད་ནམས་རྒྱལ་མཚན་
ནི་མཁས་ཤིང་གྲུབ་པའི་འཁོར་ལོས་སྒྱུར་བ་ཆེན་པོར་གྱུར། སྙན་བརྒྱུད་རྒྱ་མཚོ་ལྟ་བུའི་བཀའ་བབས། གངས་ཅན་གྱི་མཁས་གྲུབ་ཕལ་མོ་ཆེས་ཞབས་པད་ལ་བཏུད་པས་ཐུགས་སྲས་ཀྱང་། སྔགས་ཀྱི་རྒྱལ་ཚབ་ཆེན་པོ་གཉིས། གསུང་གི་གསང་བ་འཛིན་པ་བརྒྱད། ཡོངས་གྲགས་ཀྱི་མཁས་པ་བཅུ་གཅིག་སོགས་བསམ་གྱིས་མི་ཁྱབ་པར་བྱོན་ཏེ། དེང་སང་གི་བར་དུ་རྗེ་བཙུན་ས་སྐྱ་པའི་ཚོགས་དང། སློབ་མར་བཤད་པའི་སྙན་བརྒྱུད་རྣམས་མ་ཉམས་པར་གནས་པ་འདི་རྗེ་ཉིད་ཀྱི་ཕྲིན་ལས་ཁོ་ན་ཡིན། འཇམ་དབྱངས་དོན་ཡོད་རྒྱལ་མཚན་གྱི་སྲས་བླ་ཆེན་ཀུན་དགའ་རྒྱལ་མཚན། དེ་སྲས་འཇམ་དབྱངས་ནམ་མཁའ་རྒྱལ་མཚན། དེ་སྲས་རྒྱ་གར་པ་ཤེས་རབ་རྒྱལ་མཚན་དང་། སྙན་བརྒྱུད་རྒྱ་མཚོའི་གཏེར་མཛོད་བདག་ཆེན་བློ་གྲོས་རྒྱལ་མཚན་སོགས་ཀྱི་བར་དུ་བྱོན་ནས་མགོན་པོ་ཆེ་ཆུང་སོགས་ཐུན་མོང་མ་ཡིན་པའི་གདམས་པ་ཞལ་ངོ་ནང་བརྒྱུད་དུ་གྲགས་པས་མཚོན་བསྟན་པའི་སྲོག་ཤིང་མཚུངས་པ་མེད་པར་གྱུར། ལྷ་ཁང་བླ་བྲང་པ་ནི། ངག་དབང་ཀུན་དགའ་ལེགས་པའི་འབྱུང་གནས་དང་། ཀུན་དགའ་རྒྱལ་མཚན་མཆེད་གཉིས་ནས་བཟུང་། ཆོས་ཀྱི་རྒྱལ་མཚན་དང་ཀུན་དགའ་ལེགས་པའི་བར་མཁས་བཙུན་གྲུབ་པའི་ཡོན་ཏན་ཅན་དུ་བྱོན། དུས་མཆོད་བླ་བྲང་ནི་ད་ལྟའི་
གདུངས་རབས་འདི་ཉིད་ཀྱི་རྩ་བ་སྟེ། དེ་ཡང་བཟང་པོ་དཔལ་གྱི་སྲས་བདག་ཆེན་ཀུན་དགའ་ལེགས་འབྱུང་སོགས་མཆེད་གསུམ། ཀུན་དགའ་ལེགས་འབྱུང་སྲས་གྲགས་པ་རྒྱལ་མཚན། དེ་སྲས་རྣམ་སྲས་རྒྱལ་མཚན། དེ་སྲས་ནམ་མཁའ་ལེགས་པ། དེ་སྲས་ནམ་མཁའ་རྒྱལ་མཚན། དེ་སྲས་ས་ལོ་འཇམ་པའི་རྡོ་རྗེ་རབ་མཛེས། ཀུན་དགའ་བསོད་ནམས། ངག་གི་དབང་ཕྱུག །འཇམ་དཔལ་གྲགས་པ། སངས་རྒྱས་ཚེ་བརྟན་ཏེ་མཆེད་བཞི་ལས། ཕྱི་མ་ལ་སྲས་གཅེན་བདག་ཆེན་ཀུན་དགའ་བསམ་འགྲུབ་དང་། གཅུང་སྔགས་འཆང་ཆེན་པོ་ཀུན་དགའ་རིན་ཆེན་གཉིས་འཁྲུངས་པ་ལས། སྔ་མ་རྩེ་གདོང་དུ་བཞུགས་ནས། ངག་དབང་ནོར་བུ་རྒྱན་པའི་བར་གྱི་རྩེ་གདོང་གི་གདུང་བརྒྱུད་རྣམས་བྱོན། ལོ་ཆེན་བཻ་རོ་དང་རྗེ་བཙུན་གྲགས་པ་སོགས་ཀྱི་རྣམ་འཕྲུལ་སྤྲུལ་པའི་སྐྱེས་མཆོག་སྔགས་འཆང་ཆེན་མོ་དཔལ་ས་སྐྱར་བྱོན། ས་ལོ་ཆེན་པོ་དང་དཀོན་མཆོག་ལྷུན་གྲུབ་སོགས་བརྟེན་ནས་ལུང་དང་མངོན་པར་རྟོགས་པའི་ཡོན་ཏན་རྒྱ་མཚོ་ལ་དབང་འབྱོར། གདན་ས་ཆེན་པོར་བར་སྐབས་ཉམས་ཆག་བྱུང་བ་ལ་ཐུགས་ཀྱིས་མ་བཟོད་པ། རྡོ་རྗེའི་ཆོས་སྐྱོང་རྣམས་བྲན་དུ་བཀོལ་བས་ཕས་རྒོལ་རྣམས་མིང་གི་ལྷག་མར་བྱས། ཕྱི་གཙུག་ལག་གི་ཁང་། ནང་དཀོན་མཆོག་གི་རྟེན།
བར་དགེ་འདུན་གྱི་སྡེ། མཚན་ཉིད་ཀྱི་བཤད་སྲོལ། སྔགས་ཀྱི་ཕྱག་ལེན། སྙིང་པོའི་ཉམས་བཞེས་སོགས་འཁོར་ལོ་གསུམ་གྱི་མཛད་པས་དཔལ་ལྡན་ས་སྐྱ་པའི་བསྟན་པ་སྡེ་དང་བཅས་པ་ལ་བཀའ་དྲིན་ཆེན་པོས་ཁྱབ་པར་མཛད། དེ་ལ་སྲས་འཇམ་དབྱངས་བསོད་ནམས་དབང་པོ་དང་། སྔགས་འཆང་གྲགས་པ་བློ་གྲོས་གཉིས་འཁྲུངས། འདི་ནས་བཟུང་སྟེ་བར་སྐབས་སུ་གདན་ས་ཆེན་པོར་སྙན་བརྒྱུད་ཀྱི་གདམས་པ་ཅུང་ཟད་ཉག་ཕྲ་བར་གྱུར་པའང་རིམ་གྱིས་འཕེལ་བའི་མགོ་ཚུགས། ཕྱི་མའི་སྲས་འཇམ་མགོན་ཨ་མེས་ཞབས་ཀུན་དགའ་བསོད་ནམས་ཀྱིས། བསོད་ནམས་དབང་པོ་མཆེད་དང། མུས་ཆེན་སངས་རྒྱས་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། མཁན་ཆེན་ངག་དབང་ཆོས་གྲགས་སོགས་དམ་པ་དུ་མ་བརྟེན་ནས་མདོ་སྔགས་སྙན་བརྒྱུད་དང་བཅས་པའི་གདམས་པ་རྒྱ་མཚོ་ལྟ་བུ་གསན། འཆད་སྤེལ་གྱི་ཕྲིན་ལས་དང་། བདེ་གསང་གཤེད་སྐོར་ཀྱེ་རྡོར་ཕུར་པ་སོགས་ཀྱི་ཆོས་འབྱུང་དང་རྣམ་བཤད་ཀྱིས་མཚོན་གསུང་རྩོམ་ཀྱང་མང་དུ་མཛད། དེ་སྲས་འཇམ་དབྱངས་བསོད་ནམས་དབང་ཕྱུག་གིས་ཡབ་དང་། ཞྭ་ལུ་མཁན་ཆེན་སོགས་ལས་གསན་བསམ་མཛད་ཅིང་ཆོས་སྲིད་ཀྱི་ཕྲིན་ལས་གོང་དུ་འཕེལ། དེ་སྲས་ངག་དབང་ཀུན་དགའ་བཀྲ་ཤིས་ཀྱིས་ཨ་མེས་ཞབས་
ཡབ་སྲས་དང་། བྱམས་པ་ངག་དབང་རྣམ་རྒྱལ། ལྷུན་གྲུབ་དཔལ་ལྡན། བྱམས་པ་ངག་དབང་ལྷུན་གྲུབ། བཟང་པོ་རྒྱལ་མཚན། སྨིན་གླིང་ལོ་ཆེན་སོགས་བསྟེན་ཅིང་གསུང་གི་བདུད་རྩི་གསོལ། དེ་སྲས་འཇམ་མགོན་བསོད་ནམས་རིན་ཆེན་གྱིས་ཡབ་རྗེ་དང་། བཅོ་བརྒྱད་པ་མཁྱེན་བརྩེ་རབ་བརྟན། སྤྲོ་ལུང་པ་བསོད་ནམས་ཆོས་འཕེལ། ངོར་ཆེན་བསོད་ནམས་བཟང་པོ། ཐར་རྩེ་ནམ་མཁའ་བསམ་གྲུབ་སོགས་ཡོངས་འཛིན་དུ་མ་ལས་གསན་བསམ་མཛད། དེ་སྲས་སྙིགས་དུས་བསྟན་པའི་ཉི་མ། འཇམ་མགོན་ངག་གི་དབང་པོ་ཀུན་དགའ་བློ་གྲོས་མཆེད་གཉིས་སོགས་བྱོན་པ་ལས། འཇམ་མགོན་ཀུན་དགའ་བློ་གྲོས་ནི། འཕགས་མཆོག་ཕྱག་ན་པདྨོའི་ཡེ་ཤེས་སྒྱུ་འཕྲུལ་དྲྭ་བའི་རྣམ་རོལ་ལས། འཕགས་པའི་ཡུལ་དུ་འཆི་མེད་གྲུབ་པའི་དབང་ཕྱུག་ཛེ་ཏཱ་རི་དགྲ་ལས་རྣམ་རྒྱལ་དང་། གངས་ཅན་གྱི་ལྗོངས་འདིར་བརྩེ་ཆེན་ཀུན་དགའ་སྙིང་པོ་དང་། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་སོགས་དམ་པའི་སྐྱེས་བུ་བརྒྱུད་མར་འཁྲུངས་ཤིང་། སྐུ་ཚེ་འདིར་ཡང་གསུང་བྱེ་བ་ཙམ་ནས་ཨ་ར་པ་ཙ་ན་དྷི་ཞེས་གསལ་བར་གསུངས་པས་མཚོན་མཁྱེན་རབ་ཀྱི་པདྨོ་བྱེ། ཐུགས་རྗེའི་གྲིབ་བསིལ་རྒྱས། དམ་པས་བསྔགས་པའི་ཡོན་ཏན་ཐམས་ཅད་ལ་དབང་འབྱོར། ཡབ་རྗེ་
དང་། རྗེ་བཙུན་མཁའ་སྤྱོད་དབང་མོ། ཐར་རྩེ་ནམ་མཁའ་བསམ་འགྲུབ། བྲག་རྩེ་པ་བློ་གསལ་བསྟན་འཛིན། ངོར་ཆེན་སངས་རྒྱས་ཡེ་ཤེས་སོགས་ཡོངས་འཛིན་དུ་མ་ལས་རང་ལུགས་གཙོ་བོར་གྱུར་པའི་གྲུབ་མཐའ་རིས་མེད་ཀྱི་དབང་ལུང་མན་ངག་བསམ་གྱིས་མི་ཁྱབ་པ་དང་། ཁྱད་པར་གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས་ལས་ལམ་འབྲས་སློབ་བཤད་སོགས་སྙན་བརྒྱུད་ཀྱི་སྐོར་ཡོངས་སུ་རྫོགས་པ་དང་། རྒྱལ་བའི་བཀའ་འགྱུར་རིན་པོ་ཆེ་སོགས་ཟབ་རྒྱས་ཀྱི་གདམས་པ་རྒྱ་མཚོ་ལྟ་བུ་གསན། དཔལ་ཀྱེ་རྡོ་རྗེའི་གཞི་བསྙེན་ལན་གསུམ་སོགས་དུས་དང་། རྒྱུན་དུའང་ལྷག་པའི་ལྷ་སུམ་ཅུར་ཉེ་བ་སོགས་ཀྱི་སྒོམ་བཟླས་ཀྱིས་མཚོན་ཐུགས་དམ་ཉམས་བཞེས་རྩེ་གཅིག་ཏུ་གནང་པས་ལྷག་པའི་ལྷ་དུ་མས་རྗེས་སུ་བཟུང་། རྡོ་རྗེའི་ཆོས་སྲུང་རྣམས་ཀྱིས་ཕྲིན་ལས་སྒྲུབ་པར་ཁས་བླངས། དམ་ཅན་པུཏྲ་ལྕམ་སྲིང་དང་། ཕུར་སྲུང་དཀར་བདུད་ཀྱིས་བྲན་བཞིན་དུ་བྱ་བ་བྱེད། དབང་དང་གདམས་ཁྲིད་སོགས་ཇི་ལྟ་བུ་ཞིག་གསུང་ནའང་ཐུགས་ནས་ཤར་གྱིས་གསུང་བ་སོགས་མཁས་པ་དང་། ལམ་འབྲས་སློབ་བཤད་དུས་བིར་སྲུང་ཕྱི་མ་གནང་སྐབས་ཉི་འཛིན་ཡོང་བར་བྱེད་གྲུབ་དགོངས་མཐུན་དུ་རི་མོས་གཏན་ལ་ཕེབས་ཀྱང་། རྗེ་དེ་ཉིད་ཀྱིས་རྣལ་འབྱོར་དབང་
ཕྱུག་གི་སྐུར་བཞེངས་ཏེ་རོ་མའི་རླུང་དྷུ་ཏིར་ཞུགས་སུ་མ་སྟེར་བས་ཉི་འཛིན་མི་མངོན་པར་བྱིན་གྱིས་བརླབས་པ་སོགས་གྲུབ་པའི་མཚན་མ་འབྱམས་ཀླས། སྔ་ཕྱིར་རྟེན་བཞེངས་མང་པོ་དང་། །ཁྱད་པར་འཆད་སྤེལ་གྱི་ཕྲིན་ལས་རྒྱུན་མི་འཆད་ཅིང་། གསུང་རྩོམ་ཀྱང་པོད་ཆེན་བཅུ་གཉིས་ཙམ་གནང་བས་བསྟན་པའི་སྲོག་མཐུད་པ་ལྟ་བུའི་བཀའ་དྲིན་བསྐྱངས། ཞལ་སློབ་ཀྱི་གཙོ་བོ་གདུང་སྲས་སྐུ་མཆེད། ཐར་རྩེ་རྡོ་རྗེ་འཆང་ནམ་མཁའ་འཆི་མེད། གནས་གསར་མཆོག་སྤྲུལ་ནམ་མཁའ་ལེགས་པ། བཅོ་བརྒྱད་ཁྲི་ཆེན་མཆེད། གཟིམ་འོག་སྤྲུལ་སྐུ་བསྟན་འཛིན་ཕྲིན་ལས། ས་སྐྱའི་ཟུར་འཆད་པ་རིན་ཆེན་རྒྱལ་མཚན། ལྔ་རིག་པ་ཀུན་དགའ་བཀྲ་ཤིས། རི་ཁུ་སྤྲུལ་སྐུ་ཀུན་དགའ་མཁས་གྲུབ་དབང་པོ་སོགས་བསྟན་པ་འཛིན་ངེས་ཀྱི་སྐྱེས་བུ་དམ་པ་མང་དུ་བྱོན་པ་ལས། དེང་སང་ཡང་རྗེ་བཙུན་ས་སྐྱ་པའི་དབང་ལུང་མན་ངག་ཕྱག་འཁྲིད་སོགས་ཀྱི་བཀའ་སྲོལ་མ་ཉམས་པར་ཡོད་པ་འདི་ཁོ་ནའི་བཀའ་དྲིན་ཡིན། དེ་སྲས་འཇམ་མགོན་དབང་སྡུད་སྙིང་པོ་དང་། ཀུན་དགའ་ཕན་བདེ་རྒྱ་མཚོ་མཆེད་ཞལ་གྱིས། ཡབ་རྗེ་གཙོ་བོར་གྱུར་པའི་དམ་པ་དུ་མ་ལས་གདམས་པ་རྒྱ་མཚོ་ལྟ་བུ་གསན། འཆད་སྤེལ་དང་གྲུབ་པའི་ཕྲིན་ལས་ཀྱིས་བསྟན་འགྲོའི་ཕན་བདེ་སྤེལ། སྔ་མའི་སྲས་ཁྲི་ཆེན་
པདྨ་བདུད་འདུལ་དབང་ཕྱུག་གམ་ཀུན་དགའ་བཀྲ་ཤིས། སྔགས་འཆང་ཀུན་དགའ་རིན་ཆེན། འཇམ་མགོན་ཀུན་དགའ་རྒྱལ་མཚན། མགོན་པོ་དངོས་གྲུབ་དཔལ་འབར་རྣམས་བྱོན་པ་ལས། ཡབ་རྗེ་དང་། གནས་ལྔ་རིག་པའི་པཎྜི་ཏ་ཀུན་དགའ་བཀྲ་ཤིས་ལས་རང་ལུགས་གཙོ་བོར་གྱུར་པའི་གདམས་པའི་གསན་བསམ་ཉམས་བཞེས་འཆད་སྤེལ་སོགས་གནང་། ཁྲི་ཆེན་སྲས་ཁྲི་ཆེན་བཀྲ་ཤིས་རིན་ཆེན་གྱིས་ཡབ་རྗེ་དང་། ཐར་རྩེ་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་ལས་གསན་བསམ་དང་། སྔགས་འཆང་ཀུན་དགའ་རིན་ཆེན་སྲས་འཇམ་མགོན་རྡོ་རྗེ་རིན་ཆེན་གྱིས་ཡབ་རྗེ་དང་། །འཇམ་མགོན་ཀུན་དགའ་རྒྱལ་མཚན། ཡོངས་འཛིན་བློ་གྲོས་རྒྱ་མཚོ་སོགས་ལས་ཟབ་རྒྱས་ཀྱི་གདམས་པ་རྒྱ་མཚོ་ལྟ་བུ་གསན། སྐུ་ན་ཕྲ་མོ་ནས་དམ་པའི་རིགས་སད་པའི་སྤྱོད་པ་ངོ་མཚར་བསམ་གྱིས་མི་ཁྱབ་པ་དང་། འཆད་སྤེལ་གྱི་ཕྲིན་ལས་རྒྱུན་མི་འཆད་པར་མཁས་དང་གྲུབ་པའི་གཙུག་གི་ནོར་བུར་ཞབས་ཀྱི་པདྨོ་བརྟན་བཞིན་པ་འདི་ལྟར་ལགས་སོ།། ༈ །།གདན་ས་འོག་མ་གཙང་རྩེ་གདོང་ནི། བདག་ཆེན་ཀུན་དགའ་བསམ་འགྲུབ་སོགས་དུས་མཆོད་བླ་བྲང་གི་གདུང་རབས་རྣམས་ཀྱིས་སྐྱོང་། ཁྲི་ཆེན་བསོད་ནམས་ལྷུན་གྲུབ་སོགས་བསྟན་འཛིན་དམ་པའང་མང་དུ་བྱོན། ཕྱིས་སུ་གདུང་
རབས་མེད་ཀྱང་། བར་སྐབས་སྐྱེ་སྤྲུལ་རིམ་བྱོན་དང་། དེང་སང་ས་སྐྱ་ནས་ཞལ་འཛིན་གནང་།། ༈ །།གཞན་ཡང་དཔལ་ས་སྐྱ་པའི་བརྒྱུད་འཛིན་གྲགས་ཆེ་བ་འགའ་ཞིག་གི་གདན་ས་ལ། ངོར་ཨེ་ཝཾ་ཆོས་ལྡན་ནི། འཇམ་མགོན་ས་སྐྱ་པཎྜི་ཏ་ཆེན་པོའི་ཡེ་ཤེས་གཟིགས་པའི་ནོར་བུའི་མེ་ལོང་གཙང་མར་ཇི་ལྟར་ཤར་བ་བཞིན་རྡོ་རྗེ་འཆང་ཀུན་དགའ་བཟང་པོས་དགུང་ལོ་ཞེ་བརྒྱད་པ་ས་བྱ་ལོར་བཏབ། དེ་ལ་རྗེ་རྡོ་རྗེ་འཆང་འདི་ཉིད་ནི། འཕགས་པ་དགེ་བའི་རྩ་བ་ཡོངས་སུ་འཛིན་པའི་མདོ་ལས། དེ་ཚེ་འཇིག་རྟེན་མགོན་པོའི་སྤྲུལ་པ་འབྱུང་། །དེ་ཚེ་དགེ་སློང་ཀུན་དགའ་བཟང་པོར་སྤྲུལ། །ཚུལ་ཁྲིམས་ཀྱིས་ཀྱང་ཁྱད་པར་འཕགས་གྱུར་ལ། །ཐོས་པ་མང་ཞིང་ཕ་རོལ་ཕྱིན་པས་འཕགས། །ཅེས་སོགས་དང་། མདོ་སྡེ་པདྨ་དཀར་པོ་ལས། ཀུན་དགའ་བཟང་པོ་ང་ཡི་ཆོས་འཛིན་པ། །བདེ་གཤེགས་བྱེ་བ་དྲུག་ཅུ་མཆོད་བྱས་ནས། །མ་འོངས་དུས་ཀྱི་ཚེ་ན་རྒྱལ་བར་འགྱུར། །ཞེས་རྡོ་རྗེའི་ལུང་གིས་གསལ་བར་བསྔགས་པ་བཞིན་འོད་གསལ་འཁོན་གྱི་རིགས་སུ་འཁྲུངས། ཆུང་ངུ་ནས་དད་བརྩོན་ཤེས་རབ་སོགས་རིགས་ཀྱི་རྟགས་རྣམས་སད། ཤར་ཆེན་ཡེ་ཤེས་རྒྱལ་མཚན། གྲུབ་ཆེན་བུདྡྷ་ཤྲཱི། ས་བཟང་འཕགས་པ་གཞོན་ནུ་བློ་གྲོས་སོགས་ལས་ཟབ་རྒྱས་ཀྱི་གདམས་པ་རྒྱ་
མཚོ་ལྟ་བུ་གསན། མདོ་སྔགས་རིག་གནས་དང་བཅས་པ་ལ་ཐོས་བསམ་གྱི་སྒྲོ་འདོགས་བཅད། བསྒོམ་པས་ཉམས་སུ་བླངས་པས་གྲུབ་པའི་གོ་འཕང་མཐོན་པོར་གཤེགས། འོད་གསལ་གྱི་སྣང་བར་རྗེ་བཙུན་ས་སྐྱ་པ་ཡབ་སྲས་སོགས་ཀྱིས་རྗེས་སུ་བཟུང་། འཆད་སྤེལ་གྱི་ཕྲིན་ལས་ཀྱིས་རྒྱལ་བའི་བསྟན་པ་ལ་སྟོན་པ་གཉིས་པའི་བྱ་བ་མཛད། སྔགས་ཕྱོགས་གཙོ་བོར་གྱུར་པའི་གསུང་རབ་གླེགས་བམ་བཞི་བཞུགས། ལྷག་པར་རྒྱུད་སྡེ་བཞིའི་སྨིན་གྲོལ་གྱི་གདམས་པ་མཁའ་ཁྱབ་ཏུ་སྤེལ་བས་རྡོ་རྗེ་ཐེག་པའི་བསྟན་པ་ལ་བཀའ་དྲིན་མཚུངས་པ་མེད་པའི་ཕྱིར་རྩོད་པའི་དུས་ཀྱི་རྡོ་རྗེ་འཆང་ཞེས་གྲགས་དཀར་གྱི་ཡི་གེ་ཕྱོགས་ཀྱི་བུ་མོའི་རྣ་ལུང་དུ་བཀོད། མཁས་ཤིང་དངོས་གྲུབ་བརྙེས་པའི་ཞལ་སློབ་ཀྱང་བསམ་གྱིས་མི་ཁྱབ་པ་བྱོན་པས་སྟོད་མངའ་རིས་ནས་སྨད་རྒྱ་མཚམས་ཡན་ཆད་དུ་ཕྲིན་ལས་གྱི་རྒྱུན་སྐྱོང་བའི་ཆོས་སྡེ་ཆེ་ཕྲ་བགྲང་གིས་མི་ལང་། དེ་ལྟར་རྗེ་རྡོ་རྗེ་འཆང་ཉིད་དགུང་ལོ་དོན་ལྔ་པར་གྲུབ་མཐའ་རྙོགས་ནས་གཟུགས་སྐུའི་བཀོད་པ་བསྡུས་པའི་རྗེས་གདན་སར་འཁོར་ལོ་སྡོམ་པ་ངུར་སྨིག་གར་གྱིས་རོལ་པ་མུས་ཆེན་སེམས་དཔའ་ཆེན་པོ་དཀོན་མཆོག་རྒྱལ་མཚན་བཞུགས་ཏེ། དེ་ཡང་མུས་སྟག་མོ་གླིང་སྐྱར་ཞང་གི་རིགས་སུ་འཁྲུངས། རོང་སྟོན་དང་། རྡོ་རྗེ་འཆང་སོགས་
ཡོངས་འཛིན་བཞི་བཅུ་ཙམ་བསྟེན་ནས་ཐོས་བསམ་སྒོམ་གསུམ་གྱི་ཕ་རོལ་སོན། རྡོ་རྗེ་འཆང་གཤེགས་རྗེས་གདན་ས་ལོ་གསུམ་དུ་མཛད་ཅིང་། གཤེགས་རྗེས་ཀྱི་བྱ་བ་དང་། འཆད་སྤེལ་གསུང་འབུམ་པོད་གཅིག་ཡོད། རྒྱུན་བསྲིངས། ཞལ་སློབ་ཀྱང་ཀུན་མཁྱེན་བསོད་ནམས་སེང་གེ་སོགས་ཚོགས་བཤད་དང་། བདག་ཆེན་རྡོ་རྗེ་འཆང་སོགས་སློབ་བཤད་ཀྱི་བརྒྱུད་འཛིན་རྣམས་བྱོན་པས་ཚོགས་སློབ་ཐམས་ཅད་ཀྱི་འབྱུང་གནས་ཀྱང་རྗེ་འདི་ཉིད་ཡིན་ནོ། །ཕྱིས་མུས་བསམ་གཏན་ཕུག་ཏུ་ཐུགས་དམ་གོང་འཕེལ་དུ་མཛད་ཅིང་གྲུབ་པའི་སར་གཤེགས། དགུང་ལོ་བརྒྱད་ཅུ་རྩ་གསུམ་པར་གཟུགས་སྐུའི་སྤྲོས་པ་བརྟུལ། དེ་ནས་རིམ་བར་གཙང་ཆུ་མིག་པ་འགར་སྟོན་འཇམ་དབྱངས་འཇམ་དབྱངས་ས་པཎ་གྱིས་རྗེས་སུ་བཟུང་། གསུང་རབ་མང་ཙམ་བཞུགས།ཤེས་རབ་༣རྒྱ་མཚོ། ངོར་ཆེན་གྱི་དབོན་གྲུབ་ཆེན་བིརླ་པའི་རྣམ་འཕྲུལ་རྒྱལ་ཚབ་དམ་པ་ཀུན་དགའ་༤དབང་ཕྱུག གསུང་འབུམ་པོད་གཅིག་བཞུགས། དཔལ་ས་སྐྱ་པའི་བསྟན་འཛིན་མདོ་སྔགས་གཉིས་ཀ་ལ་མཁས་པ་གོ་བོ་རབ་འབྱམས་པ་ཀུན་མཁྱེན་བསོད་ནམས་སྔགས་ཕྱོགས་གླེགས་བམ་བཞི་དང་། མདོ་ཕྱོགས་ཤིན་ཏུ་མང་བར་བཞུགས། སེང་གེ་༥སྟེ་འདི་ཡན་ཐམས་ཅད་རྗེ་རྡོ་རྗེ་འཆང་གི་ཐུགས་སྲས་ཡིན། ངོར་ཆེན་དབོན་རྒྱུད་ཡོངས་འཛིན་དཀོན་འདི་སྐབས་རྗེ་རྡོ་རྗེ་
འཆང་གི། བསྟན་པ་དཀར་འབྱམས་སུ་བཏང་། ལུང་བསྟན་གནང་བ་ལྟར་བསྟན་པ་དར་རྒྱས་ཆེ། མཆོག་འཕེལ་བ་༦། མུས་ཆེན་དབོན་མཁས་གྲུབ་ཆེན་པོ་སངས་༧རྒྱས་ལམ་འབྲས་ཁྲིད་ཡིག་སོགས་གསུང་འབུམ་པོད་གཅིག རིན་ཆེན། སློབ་དཔོན་བསོད་ནམས་རྩེ་ངོར་ཆེན་དབོན་བརྒྱུད། མོས་རྗེས་སུ་བཟུང་བའི་རྒྱལ་བ་ལྷ་མཆོག སེང་གེ་ར། ངེས་པར་ཐམས་ཅད་མཁྱེན་ཡོངས་འཛིན་རིན་པོ་ཆེའི་སྣག་དབོན། དངོས་འཇམ་དབྱངས་དཀོན་མཆོག་ལྷུན་གྲུབ་༩། བཀའ་འབུམ་པོད་བཞི་བཞུགས། ཆོས་ཀྱི་རྒྱལ་པོ་འཕགས་པ་རིན་པོ་ཆེའི་རྣམ་འཕྲུལ་མདོ་སྔགས་རབ་འབྱམས་སྨྲ་བ་འཇམ་དབྱངས་སངས་རྒྱས་སེང་ངོར་ཆེན་དབོན་བརྒྱུད། གེ་༡༠། མཁས་ཤིང་དངོས་གྲུབ་བརྙེས་པའི་མཚུངས་མེད་དཀོན་མཆོག་དཔལ་ལྡན་༡༡། དཀོན་མཆོག་ལྷུན་གྲུབ་རུས་དབོན་བརྒྱུད་ཡིན། གསུང་རབ་ཀྱང་འགའ་ཞིག་ཡོད། བྲང་ཏི་མཁས་པའི་རིགས་འཁྲུངས་གནས་ལྔ་རིག་ལའི་མ་ཧཱ་པཎྜི་ཏ་ཐར་རྩེ་ནམ་མཁའ་དཔལ་བཟང་༡༢། རྡོར་ཕྲེང་སོགས་ལེགས་བཤད་པོད་གསུམ། དཔལ་ས་སྐྱ་པའི་སྐུ་ཞང་བདག་ཆེན་ཤར་པའི་རིགས་འཁྲུངས་བྱམས་པ་ཀུན་དགའ་བཀྲ་ཤིས་༡༣། དཔལ་ས་སྐྱ་པ་རྩེ་གདོང་ཁྲི་ཆེན་འཇམ་དབྱངས་ཀུན་དགའ་བསོད་ནམས་ལྷུན་གྲུབ་༡༤། མཁས་ཤིང་གྲུབ་པའི་དབང་ཕྱུག་སྒྲུབ་ཁང་པ་དཔལ་ས་སྐྱའི་དབོན་ཆེན་འོད་ཟེར་སེངྒེའི་བརྒྱུད་པར་འཁྲུངས། གསུང་རབ་པུ་ཏི་གཅིག་ཡོད་པ་ལེགས་
བཤད་རྒྱ་ཆེ། ལྡན་དོན་གྲུབ་༡༥། བྲང་ཏི་མཁན་ཆེན་གྲུབ་པའི་དབང་ཕྱུག་ནམ་མཁའ་སངས་རྒྱས་༡༦། དཔལ་ལྡན་ཨ་ཏི་ཤའི་རྣམ་འཕྲུལ་མཁྱེན་རབ་དང་ཕྲིན་ལས་ཚད་མེད་པ་ཤར་ཆེན་ཤེས་རབ་འབྱུང་གནས་༡༧། བྲང་ཏི་མཁན་ཆེན་ནམ་མཁའ་རིན་ཆེན་༡༨། བདག་པོ་རྒྱལ་རྩེ་བ་བྱང་པ་ངག་དབང་བསོད་ནམས་རྒྱལ་མཚན་༡༩། ངོར་ཚར་གཉིས་ཀའི་བརྒྱུད་འཛིན། སྣར་ཐང་དཔལ་འབྱོར་གླིང་པ་ཁང་གསར་མཁན་ཆེན་༢༠བསོད་ནམས་རྒྱ་མཚོ། སྒྲུབ་ཁང་པའི་དབོན་མཁན་ཆེན་འཇམ་དབྱངས་དཔལ་མཆོག་རྒྱལ་༢༡མཚན། འདིར་སྡེ་དགེར་ཕེབས་པའི་མཁན་རབས་ཀྱི་ཐོག་མ། ཧོར་སེ་ཆེན་གན་གྱི་བརྒྱུད་ལས་འཁྲུངས་པའི་འདྲེན་མཆོག་ནམ་མཁའ་དཔལ་འདི་ཐར་རྩེར་གདན་ཚབ་མཛད། བཟང་༢༢། ཤར་མི་ཉག་གི་སྟོན་པ་འཇམ་མགོན་ལྷུན་གྲུབ་དཔལ་ལྡན་༢༣། མངའ་རིས་སྨད་པ་སྙིགས་དུས་བསྟན་པའི་ཉི་མ་མཁན་ཆེན་འཇམ་པའི་དབྱངས་སངས་རྒྱས་ཕུན་༢༤ ཚོགས། བདག་ཆེན་ཤར་པའི་རིགས་འཁྲུངས་བྱང་ཆུབ་སེམས་དཔའ་ཆེན་པོ་སངས་རྒྱས་བསྟན་འཛིན་༢༥། ཤབས་སྟོད་རྫི་ལུང་པ་མཁན་ཆེན་བྱམས་པ་ཤེས་བྱ་བཟང་༢༦ ཐར་རྩེའི་སྣག་དབོན། པོ། ཤར་མི་ཉག་ར་བ་སྒང་པ་འཇམ་དབྱངས་ངུར་སྨིག་གར་རོལ་བྱམས་པ་ཚུལ་ཁྲིམས་དཔལ་བཟང་༢༧། གཙང་ཕྱུག་གཞུང་སྤེལ་སྐྱ་
བ་མཚུངས་མེད་བསོད་ནམས་དཔལ་ལྡན་༢༨། མཁན་ཆེན་སངས་རྒྱས་ཕུན་ཚོགས་ཀྱི་ཕྱག་ཕྱིར་སྡེ་དགེར་ཡང་ཕེབས། ཁང་གསར་པ་གྲུབ་པའི་དབང་ཕྱུག་འཇམ་མགོན་བྱམས་པ་བསོད་ནམས་བཟང་པོ་༢༩། དཔལ་མར་མེ་མཛད་ཀྱི་རྣམ་འཕྲུལ་གཙང་མདོ་མཁར་བ་མཁན་ཆེན་བཀྲ་ཤིས་ལྷུན་གྲུབ་༣༠། མཁྱེན་རབ་མཐའ་ཡས་པའི་མངའ་བདག་བྱམས་པ་ཚུལ་ཁྲིམས་ལྷུན་གྲུབ་༣༡། ཤར་དར་རྩེ་མདོར་འཁྲུངས། བྲང་ཏི་མཁན་ཆེན་གྲུབ་པའི་དབང་ཕྱུག་བྱམས་པ་ནམ་མཁའ་བསམ་འགྲུབ་༣༢། རྣལ་འབྱོར་དབང་ཕྱུག་གི་རྣམ་འཕྲུལ་མཁན་ཆེན་རྡོ་རྗེ་འཆང་དཔལ་ལྡན་ངོར་སྤྲེལ་གྲོང་དུ་འཁྲུངས། ཆོས་སྐྱོང་༣༣། མཚུངས་མེད་མཁས་ཤིང་གྲུབ་པ་འཇམ་མགོན་སངས་རྒྱས་དཔལ་༣༤བཟང་། ཁང་གསར་པ་མཁན་ཆེན་བྱམས་པ་བསོད་ནམས་ལྷུན་༣་གྲུབ། ཤར་ཆེན་བྱང་ཆུབ་སེམས་དཔའ་རིན་ཆེན་མི་འགྱུར་རྒྱལ་མཚན་༣༦། མཁན་ཆེན་བཀྲ་ཤིས་ལྷུན་གྲུབ་སྐུ་དབོན་འཇམ་དབྱངས་ཆོས་ཀྱི་བླ་མ་སངས་རྒྱས་༣༧ཡེ་ཤེས། འཇམ་དབྱངས་ཆོས་ཀྱི་རྗེ་དཀོན་མཆོག་གྲགས་པ་༣༨། ཁང་གསར་པ་ངག་དབང་ཆོས་སྐྱོང་བཟང་པོ། ༣༩མཁས་གྲུབ་སངས་རྒྱས་གྲགས་པ་༤བ། མཚུངས་མེད་ཕུན་ཚོགས་དོན་གྲུབ་༤༡། མཁས་གྲུབ་ཆེན་པོ་བྱམས་པ་ཀུན་དགའ་བསོད་ནམས་༤ ༢། བྲང་ཏི་མཁན་ཆེན་ཐམས་ཅད་།
མཁྱེན་པ་བྱམས་པ་ནམ་མཁའ་༤ ༣འཆི་མེད། རབ་འབྱམས་ཤེས་བྱ་ཀུན་གཟིགས་མཁས་གྲུབ་ངག་དབང་དམ་ཆོས་༤༤། སྨྲ་བའི་དབང་ཕྱུག་མཁན་ཆེན་བསོད་ནམས་དཔལ་༤༥འབྱོར། །བྲང་ཏི་མཁན་ཆེན་རྡོ་རྗེ་འཆང་བྱམས་པ་ཀུན་དགའ་༤༦བསྟན་འཛིན། ཁང་གསར་པ་ངག་དབང་བློ་གྲོས་བཟང་༤ ༧པོ། ༠༠༠ རབ་འབྱམས་སྨྲ་བའི་དབང་པོ་ཡོངས་འཛིན་པཎྜི་ཏ་དཔལ་ལྡན་ཆོས་ཀྱི་རྒྱལ་མཚན་༤༨། མཁན་ཆེན་དཔལ་ལྡན་ཆོས་སྐྱོང་གི་སྐུ་དབོན་རིན་ཆེན་མཆོག་གྲུབ་ཀྱི་རྣམ་འཕྲུལ་བྱམས་པ་དཔལ་ལྡན་བཟང་པོ། བྲང་ཏི་མཁན་ཆེན་བྱང་ཆུབ་སེམས་དཔའ་རིགས་བརྒྱའི་ཁྱབ་བདག་རྣལ་འབྱོར་འཇམ་དཔལ་བཟང་(༠པོ། ཁང་གསར་པ་མཁན་ཆེན་མཚུངས་མེད་ངག་དབང་བློ་གྲོས་བརྟན་འཛིན་གྱི་བར་དུ་བྱོན་ནས་པཎྜི་ཏས་བཤད། ལོ་ཙཱ་བས་བསྒྱུར། གྲུབ་ཐོབ་ཀྱིས་བསྒོམ། མཁས་པ་རྣམས་ལ་ཚད་མར་གྲགས་པའི་མདོ་རྒྱུད་བསྟན་བཅོས་དང་བཅས་པ་རྗེ་བཙུན་ས་སྐྱ་པ་ཡབ་སྲས་དང་ངོར་ཆེན་རྡོ་རྗེ་འཆང་ཆེན་པོས་ཇི་ལྟར་བཀྲལ་བ་བཞིན་དུ་ལུང་རིགས་ཀྱི་བཤད་པ། སྒོམ་སྒྲུབ་ཀྱི་ཉམས་ལེན། ཆོ་གའི་ཕྱག་ལེན་ཕྲ་མོ་ཚུན་ཚད་ཀྱང་གཞན་དང་མ་འདྲེས་པར་བསྐྱངས་པས་དཔྱད་པ་གཙང་ཞིང་བློ་གྲོས་ཀྱི་པདྨོ་རྒྱས་པ་རྣམས་ཀྱིས་གཅིག་ཏུ་བསྔགས་པའི་གཞིར་
གྱུར་པ་ཡིན་ནོ།། ༈ །།འཕེན་ཡུལ་ནཱ་ལེནྡྲ་སྟེ་བོད་སྐད་དུ་རྒྱུན་གྱི་དབང་པོར་གྲགས་པའི་ཆོས་གྲྭ་ནི། པཎྜི་ཏ་ཀ་མ་ལ་ཤཱི་ལ་དང་། རྨ་ལོ་ཙཱ་བ་རིན་ཆེན་མཆོག་གི་རྣམ་འཕྲུལ་རོང་སྟོན་སྨྲ་བའི་སེངྒེ་ཤེས་བྱ་ཀུན་མཁྱེན་ཤེས་རབ་རྒྱལ་མཚན་གྱིས་དགུང་ལོ་བདུན་ཅུ་པ་མེ་འབྲུག་ལོར་བཏབ། གཟིམ་ཁང་འོག་མ་ཀུན་མཁྱེན་བཀྲ་ཤིས་རྣམ་རྒྱལ་སོགས་ཀྱིས་བསྐྱངས། སྔར་མཚན་ཉིད་ཀྱི་གྲྭ་ས་ཆེན་པོར་གྱུར་ཀྱང་། བར་སྐབས་ཉམས་ཆག་བྱུང་བའི་རྐྱེན་གྱིས་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས། ལོ་ཙཱ་བ་ལྕེ་ཁྱི་འབྲུག་སོགས་ཀྱི་རྒྱུད་ལས་འཁྲུངས་པ་ཞྭ་ལུ་སྐུ་ཞང་མཁྱེན་རབ་ཆོས་རྗེ་རིན་ཆེན་མཆོག་གྲུབ་འབྱོན་པར་བསྐུལ་ཏེ་སྔགས་ཀྱི་གྲྭ་ཚང་དུ་བསྒྱུར་བས། ཕྱིས་མཁྱེན་རབ་བསྟན་འཛིན་བཟང་པོ་དང་། མཁྱེན་རབ་བྱམས་པ་ངག་དབང་ལྷུན་གྲུབ། དབོན་མཁྱེན་བརྩེ་རབ་བརྟན་སོགས་ཆོས་རྗེ་བཅོ་བརྒྱད་པ་གོང་འོག་རྣམས་དང་། ཞབས་དྲུང་ནོར་བུ་ལགས་ཀྱི་སྐུ་སྐྱེ་མཁས་གྲུབ་སངས་རྒྱས་བསྟན་འཛིན། ཐམས་ཅད་མཁྱེན་པ་བྱམས་པ་ངག་དབང་བསྟན་འཛིན་ཕྲིན་ལས། ལྕེ་བཙུན་བྱམས་པ་ངག་དབང་བསྟན་འཛིན་སྙན་གྲགས་བར་གྱི་གཟིམ་འོག་སྐུ་ཕྲེང་རིམ་བྱོན་གྱིས་ཟབ་གསང་སློབ་བཤད་ཀྱི་སེངྒེའི་སྒྲ་ཆེན་པོ་སྒྲོགས་པས་མཚོན། རྒྱུད་དང་མན་ངག་རྒྱ་མཚོའི་འཇུག་
ངོགས་སུ་གྱུར།། ༈ །།གངས་དཀར་རྡོ་རྗེ་གདན་ནི། མཐུ་སྟོབས་ཀྱི་དབང་ཕྱུག་བུ་སྟོན་ཀུན་དགའ་རྣམ་རྒྱལ་གྱིས་བཏབ། ས་སྐྱ་རྫོང་ལུགས་དང་། བུ་ལུགས་འདྲེས་མའི་ཆོས་རྒྱུན་བསྐྱངས། བར་སྐབས་སུ་དར་རྒྱས་ཤིན་ཏུ་ཆེ་བར་བྱུང་ཞིང་། དེང་སང་ཡང་རྒྱུད་སྡེ་བཞི་དང་འབྲེལ་བའི་སྨིན་གྲོལ་སྒྲུབ་མཆོད་སོགས་རྒྱུན་ཕལ་ཆེར་མ་ཉམས་པར་ཡོད།། ༈ །།གཙང་ངོམས་རིང་གི་ཆོས་སྡེར། མཁན་པོ་ཤཱཀྱ་སེངྒེ་སོགས་རིམ་པར་བྱོན། མཚན་ཉིད་ཀྱི་གྲྭ་ས་ཆེ་ཤོས་གཅིག་ཡིན།། ༈ །།གཙང་རོང་འབྲས་ཡུལ་སྐྱེད་ཚལ་ནི། བྱམས་ཆེན་རབ་འབྱམས་པ་སངས་རྒྱས་འཕེལ་གྱིས་དགུང་ལོ་སོ་དགུ་པ་ས་སྦྲུལ་ལོར་བཏབ་ཅིང་། མཚན་ཉིད་ཀྱི་གྲྭ་ས་ཆེན་པོར་གྱུར། དེ་ལས་མཚན་ཉིད་པའི་གྲྭ་སའང་མང་དུ་ཡོད།། ༈ །།གཙང་གསེར་མདོག་ཅན་ནི། པཎ་ཆེན་དོན་ཡོད་དཔལ་བས་བཏབ། པཎ་ཆེན་ཤཱཀྱ་མཆོག་ལྡན་དགུང་ལོ་ཞེ་གཉིས་ལོན་པའི་ཚེ་ཕེབས་ནས་དར་རྒྱས་སུ་མཛད་པས། བར་སྐབས་དགོན་མ་ལག་དང་བཅས་པ་ཤིན་ཏུ་དར་བར་གྱུར་ཀྱང་། དེང་སང་ནི་དགེ་འདུན་གྱི་སྡེ་མ་སྟོང་ཙམ་ལས་མེད། ༈ །།གཙང་རྟ་ནག་ཐུབ་བསྟན་རྣམ་རྒྱལ་གླིང་ནི། ཀུན་མཁྱེན་གོ་བོ་རབ་འབྱམས་པ་བསོད་ནམས་སེངྒེས་དགུང་ལོ་ཞེ་ལྔ་པ་ཆུ་སྦྲུལ་ལོར་བཏབ། དེང་
སང་ཡང་བཤད་གྲྭ་མ་ཉམས་པར་ཡོད་ཅིང་། དཔལ་ས་སྐྱ་པའི་ལྷ་ཁང་ཆེན་མོའི་མཚན་ཉིད་གྲྭ་ཚང་ཡང་འདིའི་བཤད་རྒྱུན་ལས་བྱུང་བ་སོགས་དགོན་ལག་ཀྱང་མང་དུ་འཕེལ།། ༈ །།གཉན་ཡོད་བྱ་རྒོད་གཤོང་ནི། པཎ་ཆེན་འབུམ་ཕྲག་གསུམ་པས་དགུང་ལོ་ང་བདུན་པ་ས་བྱ་ལོར་བཏབ། མཚན་ཉིད་ཀྱི་རིང་ལུགས་འཛིན་པ་ཆེ་ཤོས་ཞིག་ཡིན།། ༈ །།གཙང་ཉང་སྟོད་ཤེལ་མཁར་རྒྱལ་རྩེའི་ཆོས་སྡེ་ནི། ཆོས་རྒྱལ་རབ་བརྟན་ཀུན་བཟང་འཕགས་ཀྱིས་བཏབ། ས་བུ་དགེ་གསུམ་གྱི་གྲྭ་ཚང་ཁག་བཅུ་དྲུག་ཙམ་ཡོད་ཅིང་དེང་སང་ཡང་དར་རྒྱས་ཆེ། ༈ །གཙང་སྟོད་འདར་གྲང་མོ་ཆེ་ནི། ཚར་ཆེན་བློ་གསལ་རྒྱ་མཚོའི་གདན་སའི་མཐིལ་དུ་མཛད། དེང་སང་ཡང་དེའི་རིང་ལུགས་འཛིན་པའི་སྡེ་མ་ཉམས་པར་ཡོད།། ༈ །།ཡར་ཀླུང་བཀྲ་ཤིས་ཆོས་སྡེ་ནི། ཚར་ཆེན་གྱི་སློབ་མ་མཐུ་སྟོབས་ཀྱི་དབང་ཕྱུག་ཡོལ་པ་རྡོ་རྗེ་འཆང་གཞོན་ནུ་བློ་གྲོས་ཀྱིས་བཏབ། ཕྱིས་སུ་ཁྱབ་བདག་བཀའ་འགྱུར་བ་མགོན་པོ་བསོད་ནམས་མཆོག་ལྡན་སོགས་གནས་གསར་པའི་དབོན་དང་སྐུ་སྐྱེ་རིམ་བྱོན་གྱིས་སྐྱོང་། །ཡང་དཔལ་ས་སྐྱ་པའི་སྙན་བརྒྱུད་རྒྱ་མཚོའི་མཛོད་འཆང་བ། ཆོས་རྗེ་ཚར་པའི་ལུགས་སྲོལ་འདི་ནི། གསུང་ངག་རིན་པོ་ཆེ་ལམ་འབྲས་བུ་དང་བཅས་པ་གཙོ་བོར་ངོར་ཆེན་རྡོ་རྗེ་འཆང་ནས་མུས་ཆེན་
སེམས་དཔའ་ཆེན་པོ་དང་། དེས་བདག་ཆེན་རྡོ་རྗེ་འཆང་ཉིད་ལ་ཆིག་བརྒྱུད་དུ་གནང་། གཞན་ཡང་ཡབ་འཇམ་དབྱངས་ཆོས་རྗེ་ནས་བརྒྱུད་པ་སོགས་བརྒྱུད་སྲོལ་གསུམ་གྱི་བཀའ་ཐམས་ཅད་བདག་ཆེན་རྡོ་རྗེ་འཆང་ལ་བབས། དེ་བཞིན་དུ་གསེར་ཆོས་བཅུ་གསུམ་དང་། མགོན་པོ་ཆེ་ཆུང་སོགས་ཆོས་རྗེ་བླ་མ་དམ་པ་ནས་ཡར་ཀླུང་པ་རྣམས་ལ་བརྒྱུད་པ་དང་། ཞལ་ངོ་ཆིག་བརྒྱུད་དུ་བྱོན་པ་སོགས་དཔལ་བརྩེ་བ་ཆེན་པོའི་རྣམ་འཕྲུལ། མཁས་པའི་ཅོད་པན། གྲུབ་པའི་གཙུག་རྒྱན། ཟབ་རྒྱས་གདམས་པའི་རྒྱ་མཚོ་བདག་ཆེན་རྡོ་རྗེ་འཆང་ཉིད་ལ་བཀའ་བབས། དེ་ལ་ཞལ་གྱི་བདུད་རྩི་བཞེས་པའི་སློབ་མ་བསམ་གྱིས་མི་ཁྱབ་ཀྱང་། ཐུན་མོང་མ་ཡིན་པའི་སྙན་བརྒྱུད་ཀྱི་གདམས་པ་བུམ་པ་གང་འབྱོར་སྩལ་བའི་ཡུལ་ནི། སངས་རྒྱས་འཁོར་བ་འཇིག་ཉིད་འཕགས་བོད་ཀྱི་བར་བརྒྱུད་མར་བྱོན་པའི་རྗེ་བཙུན་རྡོ་རིང་པ་ཀུན་སྤངས་ཀུན་བཟང་ཆོས་ཀྱི་ཉི་མ་བློ་ལྡན་ཤེས་རབ་རྒྱལ་མཚན་དཔལ་བཟང་པོ་ཉིད་ཡིན་ཏེ། རྗེ་འདིས་སྤྱིར་རྡོ་རྗེ་འཆང་།ཀུན་དགའ་བཟང་པོ་ཡབ་སྲས་སོགས་གསར་རྙིང་རིས་མེད་ཀྱི་མཁས་གྲུབ་དམ་པ་བདུན་ཅུ་རྩ་གཉིས་བསྟེན། མདོ་སྔགས་ཀྱི་གདམས་པ་རྒྱ་མཚོར་ལུང་རིགས་ཀྱི་སྒྲོ་འདོགས་བཅད། ཁྱད་པར་བདག་
ཆེན་རྡོ་རྗེ་འཆང་གི་ཞབས་པད་མཉེས་པ་གསུམ་གྱིས་བསྟེན་ནས་གསུང་ངག་རིན་པོ་ཆེས་མཚོན་པའི་སྙན་བརྒྱུད་ཚད་མ་བཞི་ལྡན་གྱི་གདམས་པ་མཐའ་དག་གསན་བསམ་མཐིལ་ཕྱིན་པར་མཛད། ཕྱག་ལེན་ཕྲ་མོ་ཚུན་ཆད་ཀྱང་བྱང་ཆུབ། ཁའུ་བྲག་རྫོང་ནག་པོའི་རི་ཁྲོད་སོགས་དབེན་པའི་རི་སུལ་རྣམས་སུ་སྐུ་ཚེ་རིལ་པོར་ཐུན་བཞིའི་རྣལ་འབྱོར་ལས་ནམ་ཡང་མི་འདའ་བས་གྲུབ་པའི་གོ་འཕང་མཐོན་པོར་གཤེགས། ཟབ་གསང་སེངྒེའི་སྒྲ་དབྱངས་རྒྱུན་མི་འཆད་པར་བསྒྲགས་ཏེ་སྙན་བརྒྱུད་ཟབ་མོའི་གདམས་པ་སྲིད་མཐར་སྤེལ་བས་རྗེ་བཙུན་ཁའུ་པའི་རིང་ལུགས་ཅེས་གྲགས་པའི་རྒྱུད་མང་བསྒྲེངས། དེ་ལ་སློབ་མ་མང་དུ་བྱོན་པའི་ནང་ནས་ཐུགས་ཀྱི་སྲས་གཅིག་པུ་ཚར་ཆེན་ཆོས་ཀྱི་རྒྱལ་པོ་བློ་གསལ་རྒྱ་མཚོ་ནི། རྒྱ་གར་འཕགས་པའི་ཡུལ་དུ་གྲུབ་ཆེན་བི་རཱུ་པ་དང་གངས་ཅན་གྱི་ལྗོངས་འདིར་རྩོད་པའི་དུས་ཀྱི་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་སོགས་མཁས་པ་དང་གྲུབ་པའི་སྐྱེ་བའི་ཕྲེང་བ་མེ་ཏོག་མནྡ་རའི་ཕྲེང་བ་ལྟ་བུ་ཚར་དུ་དངར་བ་བཟུང་བའི་མཐར། མང་མཁར་མུ་གུ་ལུང་དང་ཉེ་བའི་ནོར་འཛིན་གྱི་ཐིག་ལེར་མཚན་དཔེའི་མེ་ཏོག་ཐོག་མར་འཁྲུངས་པ་ནས་མཁས་བཙུན་བཟང་པོའི་ཡོན་ཏན་ངང་གིས་སད། རྡོ་རྗེའི་ཆོས་སྲུང་རྣམས་ཀྱིས་རྣམ་འཕྲུལ་དུ་མས་ཕྲིན་ལས་བསྒྲུབས།
གདན་གསུམ་རྡོ་རྗེའི་དཀྱིལ་འཁོར་གསལ་བར་གཟིགས་པ་སོགས་དང་། ངོ་མཚར་པའི་རྣམ་ཐར་དུ་མ་དང་བཅས་ཆོས་གྲྭ་ཆེན་པོ་བཀྲ་ཤིས་ལྷུན་པོར་མཚན་ཉིད་ཀྱི་ཐེག་པ་ལ་སྦྱངས་པས་ལུང་རིགས་སྨྲ་བ་རྣམས་ཀྱི་ཁེངས་པའི་རུ་ཚོན་བརྟུལ། སྔོན་གྱི་སྨོན་ལམ་སད་པས་རྗེ་བཙུན་ས་སྐྱ་པའི་རིང་ལུགས་དང་། གྲུབ་པའི་ཁྱུ་མཆོག་རྡོ་རིང་པར་འཕྲོག་ཏུ་མེད་པའི་དད་པས་རྒྱུ་བྱས། རྡོ་རྗེ་རྣལ་འབྱོར་མས་མངོན་སུམ་དུ་ལུང་གི་སྐབས་དབྱེ་བས་རྐྱེན་སྦྱར་ཏེ་གངས་རིའི་ཁྲོད་ཀྱི་ཨོ་ཌི་ཡ་ན་གཉིས་པ་ཁའུ་བྲག་རྫོང་ནག་པོའི་རི་ཁྲོད་དུ་ཕེབས། ས་སྐྱ་ཚད་ཀྱི་རྣ་བར་མ་གྲགས་པའི་སློབ་བཤད་སྙན་བླ་བརྒྱུད་ཚད་མ་བཞི་ལྡན་གྱིས་མཚོན། ཟབ་རྒྱས་ཀྱི་གདམས་པ་བསམ་གྱིས་མི་ཁྱབ་པ་གསན། དེ་ཡང་གསན་ལོ་ཙམ་དུ་མ་བཞག་པར་ཕྱག་ལེན་ཕྲ་མོ་ཚུན་བསམ་བྱུང་གིས་སྒྲོ་འདོགས་བཅད་དེ། བསྒོམས་པས་ཉམས་སུ་བླངས་པས་དྲོད་རྟགས་མངོན་དུ་གྱུར། ཆོས་ཉིད་ལྷན་ཅིག་སྐྱེས་པའི་ཡེ་ཤེས་གཟིགས། ཆོས་ཅན་གྱི་སྣང་བ་ཐམས་ཅད་ལྷའི་འཁོར་ལོར་ཤར། རྡོ་རྗེའི་ཆོས་སྐྱོང་རྣམས་ཀྱིས་བྲན་བཞིན་དུ་བྱ་བ་བྱེད། ཁྱད་པར་ཀུན་མཁྱེན་བུ་སྟོན་རིན་པོ་ཆེའི་ཁྲི་ལ་ཞབས་པད་བཀོད་པ་ན་འཆི་བདག་ལས་ཀྱི་གཤིན་རྗེས་དམ་ཚིག་གི་རྡོ་རྗེ་སྤྱི་བོར་བླངས་པས་དཔྱོད་ལྡན་རྣམས་ཀྱིས་འཇམ་
དཔལ་ཁྲོས་པ་ངུར་སྨྲིག་གར་གྱིས་རོལ་པར་ངེས་པ་རྙེད། གཞན་ཡང་རིས་མེད་པའི་དམ་པ་དྲུག་ཅུ་རྩ་གསུམ་བསྟེན་ནས་གངས་ཅན་གྱི་ལྗོངས་སུ་ཡོད་དོ་ཅོག་གི་མཆོག་ཐུན་གྱི་དངོས་གྲུབ་སྒྲུབ་པའི་གདམས་པ་ཟབ་མོ་མཐའ་དག་གི་བཀའ་བབས་པས་སྙིགས་དུས་ཀྱི་རྡོ་རྗེ་འཆང་གཉིས་པར་གྱུར། འདར་གྲང་མོ་ཆེ། མང་མཁར་ཐུབ་བསྟན་དགེ་འཕེལ། ཆ་ལུང་རྡོ་རྗེའི་བྲག་རྫོང་སོགས་སུ་བཞུགས་ནས་བཤད་སྒྲུབ་སྤེལ་མར་མཛད་གསུང་རབ་པོད་བཞི་ཙམ་ཡོད། པས། མཁས་པ་དང་གྲུབ་པའི་པདྨའི་རྫིང་བུ་དར་ལ་བབས་པའི་གྲགས་དཀར་སྦྲང་རྩིའི་བསུང་ཞིམ་གྱིས་རང་དང་གཞན་གྱི་དམ་པའི་སྐྱེས་བུ་སྐལ་བཟང་གི་བུང་པའི་ཚོགས་སྤྲིན་བཞིན་དུ་ངང་གིས་འདུ་བ་ལ། སྙན་བརྒྱུད་ཟབ་མོའི་བདུད་རྩི་ལྷུག་པར་སྩལ་བས་ལུང་དང་། མངོན་པར་རྟོགས་པས་རྒྱུད་ཕྱུག་པའི་ཞལ་སློབ་བསམ་གྱིས་མི་ཁྱབ་པ་ཞིག་བྱུང་བ་ལས། གཙོ་བོར་གསུང་གི་གསང་བ་ཇི་བཞིན་དུ་འཛིན་པ་ནི་སྐུའི་སྐྱེ་བ་དུ་མར་ཡབ་སྲས་སུ་འབྲེལ་བས་སྐུ་ཚེ་འདིར་ཡང་ཚར་ཆེན་ཡབ་སྲས་ཞེས་མཚན་གྱི་ཡི་གེ་འབྲེལ་མར་གསལ་ཞིང་ནང་ཐུགས་ཀྱི་སྲས་གཅིག་པུར་གྱུར་པ་ལྷ་རིགས་འ་ཞྭའི་རྒྱུད་དུ་འཁྲུངས་པ་གནས་གསར་པ་འཇམ་དབྱངས་མཁྱེན་བརྩེའི་དབང་ཕྱུག་སྟེ། དམ་པ་འདིས་བདག་ཆེན་དང་། རྡོ་རིང་པ་གཉིས་
ཤོག་ལྷེབ་ ༤༠༡ ནས་ ༥༠༠ བར།
ཀའི་ཐུགས་སྲས་རྗེ་བཙུན་སྒོ་རུམ་པ་ཀུན་དགའ་ལེགས་པ་དང་། རྗེ་ཚར་ཆེན་གཙོ་བོར་གྱུར་པའི་གསར་རྙིང་གི་མཁས་གྲུབ་དུ་མ་ལས་གསར་མའི་ཕྱོགས་ལ་དབང་བཀའ་ཆེན་པོ་བརྒྱ་དང་བཅུ་དྲུག །བྱིན་རླབས་དགུ་བཅུ་རྩ་བཞི། རྗེས་གནང་ཟུར་བཀའ་བརྒྱ་དང་དོན་བརྒྱད། ཁྲིད་བཀའ་བརྒྱ་དང་ཉེར་གཅིག་ལྷག་པ། རྙིང་མའི་ཕྱོགས་ལ་དབང་ཆེན་བརྒྱ་དང་དོན་གཅིག །དབང་ཕྲན་སུམ་ཅུ་རྩ་གཅིག །ཁྲིད་བཀའ་སུམ་ཅུ་རྩ་བརྒྱད་སོགས་དང་། དེ་དག་གི་རྒྱབ་བརྟེན་ལུང་གི་རིམ་པ་གླེགས་བམ་བརྒྱ་ཕྲག་མང་པོར་གསན་བསམ་གྱིས་སྒྲོ་འདོགས་བཅད། དཔེ་ཆ་དང་དཀྱིལ་ཐང་སོགས་བཞེངས། ཐ་ན་གཏོར་བཤམས་དང་། རྡོར་དྲིལ་འཛིན་ལུགས་སོགས་ཕྱག་ལེན་ཕྲ་མོ་ཚུན་ཆད་ཀྱང་མ་འདྲེས་པར་མཁྱེན། མདོ་སྔགས་ཀྱི་གཞུང་ལུགས་རྒྱ་མཚོར་བཤད་སྒྲུབ་ཀྱི་ཕྲིན་ལས་ནམ་མཁའ་དང་མཉམ་ཞིང་བུ་སྟོན་རིན་པོ་ཆེའི་གདན་སའང་མཛད། ལྷག་པར་སྙན་བརྒྱུད་ཚད་མ་བཞི་ལྡན་གྱི་སྐོར་ལ་ཐོས་བསམ་སྒོམ་གསུམ་གྱི་མཐར་སོན། གསུང་སྒྲོས་ཟིན་ངེས་ཀྱི་བཀའ་རྩོམ་སྙན་བརྒྱུད་གཙོར་གྱུར་གླེགས་བམ་བཞི། ཀྱང་མང་དུ་གནང་བས་བརྒྱུད་འཛིན་རྣམས་ཀྱི་མིག་གཅིག་པུར་གྱུར། མདོར་ན་མཁྱེན་བརྩེ་ནུས་གསུམ་གྱི་ཡོན་ཏན་གྱིས་མཁས་པ་རྣམས་མགུ་ཞིང་གྲུབ་པའི་སྐྱེས་བུ་།
རྣམས་ཀྱིས་ཕྱག་བྱ་བའི་ཡུལ་དུ་འོས་པ་ཁོ་ནར་ངེས། གཞན་ཡང་འཇམ་མགོན་ས་སྐྱ་པཎྜི་ཏས་བྱིན་གྱིས་བརླབས་པས་མཁྱེན་རབ་ཚད་མེད་པ། རིག་པར་སྨྲ་བ་ཐམས་ཅད་ཀྱི་གཙུག་གི་ནོར་བུ། །མཉན་ཡོད་བྱ་རྒོད་གཤོངས་ཀྱི་མཁན་ཆེན་དབྱངས་ཅན་མགྲིན་པར་ཆགས་པ་དཔལ་མང་དུ་ཐོས་པ་ཀླུ་སྒྲུབ་རྒྱ་མཚོ་མདོ་སྔགས་གཉིས་ཀའི་ཕྱོགས་གསུང་རྩོམ་པོད་བཅུ་གཅིག་ཙམ་ཚིག་དོན་ཕུན་སུམ་ཚོགས་པར་ཡོད། མཉན་ཡོད་སྦས་པའི་རྣལ་འབྱོར་གྱི་རྣམ་འཕྲུལ་མཁས་བཙུན་གྲུབ་པའི་ཡོན་ཏན་འགྲན་ཟླ་དང་བྲལ་བ་སྣེ་གདོང་རྩེ་ཚོགས་མཁན་ཆེན་ཡོལ་པ་གཞོན་ནུ་བློ་གྲོས། སྙན་བརྒྱུད་ཀྱི་མངའ་བདག་མཐུ་སྟོབས་ནུས་པའི་དབང་ཕྱུག་བོད་མཁར་བ་མེ་ཏྲི་དོན་གྲུབ་རྒྱལ་མཚན་བཞི་ནི་ཐུགས་སྲས་ཀྱི་གཙོ་བོ་དང་། གཞན་ཡང་ཡབ་སྲས་གཉིས་ཀའི་སློབ་མ་མཁན་ཆེན་བསླབ་གསུམ་རྒྱལ་མཚན་དང་། རྡོ་རྗེ་འཆང་དབང་༣ ཕྱུག་རབ་བརྟན་སོགས་མཐའ་ཀླས་སོ། །འཇམ་དབྱངས་མཁྱེན་བརྩེའི་དབང་ཕྱུག་ལ་སློབ་མ་མང་དུ་བྱོན་པའི་ནང་ནས་བོ་དོང་མཁན་ཆེན་རམ་སྡིང་བ་བསླབ་གསུམ་རྒྱལ་མཚན། སྐུའི་དབོན་གནས་གསར་བ་རྡོ་རྗེ་འཆང་དབང་ཕྱུག་རབ་བརྟན། མཐུ་སྟོབས་ཀྱི་དབང་ཕྱུག་འབྲས་བུའི་སྔགས་འཆང་དགོན་གསར་བ་བསོད་ནམས་ཆོས་འཕེལ་གསུམ་ལས་རིམ་པར་བརྒྱུད་དེ། ཚར་ཆེན་རིན་པོ་ཆེའི་
རྣམ་འཕྲུལ་ཁྱབ་བདག་བཀའ་འགྱུར་བ་ཆེན་པོ། གནས་གསར་དབོན་རིན་པོ་ཆེ་མགོན་པོ་བསོད་ནམས་མཆོག་ལྡན། རྒྱུད་སྡེ་རྒྱ་མཚོའི་མངའ་བདག་ཞྭ་ལུ་མཁན་རིན་པོ་ཆེ་བསོད་ནམས་མཆོག་གྲུབ། དཔལ་ནཱ་ལེནྡྲའི་མཁན་ཆེན་བཅོ་བརྒྱད་པ་ལྕེ་བཙུན་མཁྱེན་རབ་བྱམས་པ་ངག་དབང་ལྷུན་གྲུབ། སྙིགས་དུས་བསྟན་པའི་ཉི་མ་མདོ་སྔགས་རབ་འབྱམས་སྨྲ་བའི་དབང་ཕྱུག་རྨོར་ཆེན་ངག་དབང་ཀུན་དགའ་ལྷུན་གྲུབ། ཁྱབ་བདག་བཀའ་འགྱུར་བའི་རྣམ་འཕྲུལ་གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས། དཔལ་ས་སྐྱ་པ་འཇམ་མགོན་ཀུན་དགའ་བློ་གྲོས། གནས་གསར་བའི་རྣམ་འཕྲུལ་ཡར་ཀླུང་མཆོག་སྤྲུལ་རིན་པོ་ཆེ་ནམ་མཁའ་ལེགས་པ་ལྷུན་གྲུབ་ཞལ་སློབ་དང་བཅས་པ་དང་། རྗེ་དེ་ཉིད་ཀྱི་མཆོག་སྤྲུལ་བསྟན་པའི་སྣང་བྱེད་ཆེན་པོ་འདི་ཉིད་ཀྱི་བར་དུ་བྱོན་ནས་སློབ་བཤད་ཐུན་མོང་མ་ཡིན་པའི་བསྟན་པ་ཉིན་མོ་ལྟར་མཛད། གཞན་ཡང་མཐུ་སྟོབས་ཀྱི་དབང་ཕྱུག་གཞོན་ནུ་བློ་གྲོས་ལས། ས་སྐྱ་པ་འཇམ་དབྱངས་བསོད་ནམས་དབང་པོས་བཀའ་ཆོས་ཅུང་ཟད་གསན་པས་གདན་ས་ཆེན་པོར་ཡབ་ཆོས་དར་བའི་རྟེན་འབྲེལ་འགྲིགས། མང་ཐོས་ཀླུ་སྒྲུབ་དང་། སྔགས་འཆང་བསོད་ནམས་ཆོས་འཕེལ་གཉིས་ཀའི་སློབ་མ་མཁན་ཆེན་ངག་དབང་ཆོས་གྲགས་
ནས། དཔལ་ས་སྐྱ་པ་འཇམ་མགོན་ཨ་མེས་ཞབས་སོགས་ས་སྐྱ་དང་། རྒྱལ་རྩེ་བ་ངག་དབང་བསོད་ནམས་རྒྱལ་མཚན་སོགས་ཀྱིས་ངོར་ཨེ་ཝཾ་པའི་ཕྱོགས་སུའང་དར། བོད་མཁར་བས་ཞྭ་སེར་བསྟན་པའི་ཉི་མ་རྒྱལ་དབང་བསོད་ནམས་རྒྱ་མཚོ་རྗེས་སུ་བཟུང་བས་རི་བོ་དགེ་ལྡན་པའི་ཕྱོགས་སུ་ཕྲིན་ལས་ཀྱི་སྒོ་བྱེ། བཀའ་འགྱུར་བ་དང་ཞྭ་ལུ་མཁན་ཆེན་ལས་རྒྱལ་དབང་ལྔ་པ་རིན་པོ་ཆེས་སྙན་བརྒྱུད་མཐའ་དག་གསན་པས་སློབ་བཤད་བསྟན་པའི་སྨན་ཡོན་ཆེན་པོར་གྱུར། བཀའ་འགྱུར་བ་དང་། རྨོར་ཆེན་ལ་སོགས་ལས་རྡོ་རྗེ་བྲག་རིག་འཛིན་པདྨ་ཕྲིན་ལས་དང་། རིག་འཛིན་གཏེར་བདག་གླིང་པ་སོགས་ཀྱིས་ཀྱང་ཟབ་ཆོས་ཀྱི་བདུད་རྩི་བཞེས་པས་གསང་ཆེན་རྙིང་མའི་བསྟན་འཛིན་ཆེན་པོ་རྣམས་ཀྱང་ཕྱོགས་འདི་ལ་ཐུགས་མོས་ཀྱི་པདྨོ་ལྷག་པར་བྱེ། ལྷག་པར་ཁྱབ་བདག་གནས་གསར་པ་ལས། འཇམ་མགོན་ཀུན་དགའ་བློ་གྲོས་ཀྱིས་སྙན་བརྒྱུད་མཐའ་དག་གསན་པས་གདན་ས་ཆེན་པོ་གཙོ་བོར་གྱུར་པའི་གཙང་དབུས་ཁམས་གསུམ་གྱི་སློབ་བཤད་བསྟན་པའི་ཆུ་མགོ་ལྟ་བུར་གྱུར། རྡོ་རྗེ་འཆང་མཁྱེན་རབ་བྱམས་པ་དང་། དེའི་སྐུ་དབོན་མཁྱེན་བརྩེ་རབ་བརྟན། རྩེ་གདོང་ཁྲི་ཆེན་མཁྱེན་རབ་བསྟན་འཛིན་ལྷུན་གྲུབ། གནས་གསར་པའི་ཞལ་སློབ་རྫོང་ཤར་བོད་འབྲུག་པ་ཆོས་རྗེ་བློ་
གསལ་ཕུན་ཚོགས། དེའི་ཞལ་སློབ་བཅོ་བརྒྱད་ཁྲི་ཆེན་ངག་དབང་ཀུན་དགའ་མཁྱེན་རབ། འཇམ་མགོན་ཀུན་བློའི་ཞལ་སློབ་རྩེ་གདོང་ཁྲི་ཆེན་དགེ་འདུན་བཀྲ་ཤིས་དཔལ་འབྱོར་དང་། གཟིམས་འོག་པ་ངག་དབང་བསྟན་འཛིན་ཕྲིན་ལས་གོང་འོག་སོགས་ཀྱིས་དཔལ་རྩེ་གདོང་སྲིད་གསུམ་རྣམ་རྒྱལ་དང་། ནཱ་ལེནྡྲར་སློབ་བཤད་ཀྱི་བདུད་རྩི་སྤེལ། ཁྱབ་བདག་བཀའ་འགྱུར་བ་དང་། །ཞྭ་ལུ་མཁན་ཆེན། རྨོར་ཆེན་རྡོ་རྗེ་འཆང་སོགས་ཀྱིས་དཔལ་ཞྭ་ལུ། རྡོ་རྗེ་གདན། ཐུབ་བསྟན་རབ་སྨད་སོགས་ཀྱང་སློབ་བཤད་ཀྱི་བརྒྱུད་འཛིན་དུ་གྱུར། ཐར་རྩེ་མཁན་ཆེན་ཐམས་ཅད་མཁྱེན་པ་བྱམས་པ་ནམ་མཁའ་འཆི་མེད་ཀྱིས་དཔལ་ཨེ་ཝཾ་ཆོས་ལྡན་དང་སྡེ་དགེ་ལྷུན་གྲུབ་སྟེང་སོགས་སུ་སློབ་བཤད་ཟབ་མོའི་ཤིང་རྟའི་སྲོལ་གསར་དུ་ཕྱེ་བས་སྐུའི་དབོན་རྣམ་གཉིས་ཀྱིས་གཙོས་སྙན་བརྒྱུད་ཚད་མ་བཞི་ལྡན་གྱི་བསྟན་འཛིན་མཐའ་ཀླས་པ་བསྐྲུན་པ་སོགས་མདོར་ན་ཚར་ཆེན་ཆོས་ཀྱི་རྒྱལ་པོའི་ཕྲིན་ལས་ཀྱིས་རང་དང་གཞན་གྱིས་གྲུབ་མཐའ་ཕལ་མོ་ཆེར་ཁྱབ་པར་གྱུར་པས་སྙིགས་མའི་དུས་འདིར་རྒྱལ་བའི་བསྟན་པ་སྤྱི་དང་བྱེ་བྲག་རྡོ་རྗེ་ཐེག་པའི་ལམ་སྲོལ་ལ་སྟོན་པ་གཉིས་པའི་བྱ་བ་མཛད་པ་ཡིན་ནོ།། ༈ །།བོད་ཆེན་པོའི་ལྗོངས་ཀྱི་ཐིག་ལེ་ཕལ་མོ་ཆེར་བསོད་ནམས་སྟོབས་ཀྱི་འཁོར་ལོས་སྒྱུར་
བ། སྡེ་དགེ་ཆོས་ཀྱི་རྒྱལ་པོ་རིམ་བྱོན་གྱི་གདན་ས་དཔལ་ལྷུན་གྲུབ་སྟེང་ཞེས་གྲགས་པའི་མེ་ཏོག་དྲེགས་ལྡན་བྱེ་བའི་གཙུག་ན་ངལ་འཚོ་བ་འདི་ཉིད་ནི། སློབ་དཔོན་པདྨ་སཾ་བྷ་ཝ་མངལ་སྐྱེས་ཀྱི་ཚུལ་དུ་བྱོན་པ་གྲུབ་ཆེན་ཐང་སྟོང་རྒྱལ་པོ་དང་། སྡེ་དགེ་བོ་ཐར་བཀྲ་ཤིས་སེང་གེ་མཆོད་ཡོན་གྱིས་བཏབ། གྲུབ་ཆེན་འདི་ངོར་ཆེན་རྡོ་རྗེ་འཆང་གི་སློབ་མ་ཡིན་པས་དེང་དུས་ཆོས་རྗེ་ངོར་བའི་ཕྲིན་ལས་ཀྱི་ཨཱ། རྒྱུན་སྐྱོང་བའི་རྟེན་འབྲེལ་དུ་གྱུར། དེ་ཡང་བར་སྐབས་སུ་སྡེ་དགེ་སྐུ་ཕྲེང་རིམ་བྱོན་བཞུགས་ཤིང་། ཕྱིས་སུ་ཤར་ཆེན་ཀུན་དགའ་བཀྲ་ཤིས་ཐོག་མར་ཕེབས། དེ་རྗེས་བླ་ཆེན་བྱམས་པ་ཕུན་ཚོགས་ཀྱིས་སྒྲུབ་ཁང་པ་དཔལ་མཆོག་རྒྱལ་མཚན་ཆེད་ཀྱིས་སྤྱན་དྲངས་ཏེ་ལྟར་སྣང་ཆོས་ལྟར་བཅོས་པ་ཐམས་ཅད་སུན་ཕྱུང་། ལུང་རིགས་ཀྱི་བཤད་པ། ཆོ་གའི་ཕྱག་ལེན། སྙིང་པོའི་ཉམས་བཞེས་ཐམས་ཅད་ངོར་ཆེན་རྡོ་རྗེ་འཆང་ཆེན་པོའི་བཀའ་སྲོལ་ཇི་ལྟ་བ་བཞིན་ཕྱེས། ངོར་ལུགས་དཀྱིལ་འཁོར་རྣམ་པ་ལྔས་མཚོན་པའི་སྒྲུབ་མཆོད་ཀྱི་རྒྱུན་བཙུགས། དེ་ནས་རིམ་པར་མཁན་ཆེན་སངས་རྒྱས་ཕུན་ཚོགས། འཇམ་མགོན་བཀྲ་ཤིས་ལྷུན་གྲུབ། རྡོ་རྗེ་འཆང་དཔལ་ལྡན་ཆོས་སྐྱོང་། ཤར་ཆེན་མི་འགྱུར་རྒྱལ་མཚན། ངག་དབང་ཆོས་སྐྱོང་བཟང་པོ། བྲང་ཏི་ནམ་མཁའ་འཆི་མེད། རྗེ་དེ་ཉིད་ཀྱི་
སྐུའི་དབོན་དང་། ཐུགས་ཀྱི་སྲས་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་དང་། རྣལ་འབྱོར་འཇམ་དཔལ་བཟང་པོ་མཆེད་གཉིས་ཀྱི་བར་དུ་བྱོན་པ་དང་། གཞན་ཡང་འཇམ་མགོན་བཀྲ་ཤིས་དཔལ་ལྡན། མཁས་གྲུབ་སངས་རྒྱས་དཔལ་བཟང་། འཇམ་དབྱངས་སངས་རྒྱས་ཡེ་ཤེས། མཁས་བཙུན་ཀུན་དགའ་ཆོས་འཕེལ། བླ་མ་བཀྲ་ཤིས་དབང་ཕྱུག །སློབ་དཔོན་འཇམ་དཔལ་གྲགས་པ་དང་། མཁན་ཆེན་ཞི་བ་འཚོའི་རྣམ་འཕྲུལ་ཞུ་ཆེན་མ་ཧཱ་པཎྜི་ཏ་ཚུལ་ཁྲིམས་རིན་ཆེན་སོགས་དམ་པ་དུ་མས་ངོར་ཨེ་ཝཾ་པའི་རིང་ལུགས་སྲིད་མཐར་སྤེལ། འཇམ་དབྱངས་བསོད་ནམས་དབང་ཕྱུག་ཡབ་སྲས་ཀྱི་ཕྲིན་ལས་ལ་བརྟེན་ནས། ཁྲི་ཆེན་བླ་མ་སངས་རྒྱས་བསྟན་པས་དཔལ་ས་སྐྱ་པའི་ཡབ་ཆོས་བཅོམ་ལྡན་འདས་རྡོ་རྗེ་གཞོན་ནུའི་སྒྲུབ་མཆོད་བཙུགས་པ་ནས་བཟུང་རྗེ་བཙུན་ས་སྐྱ་པའི་རིང་ལུགས་གོང་དུ་འཕེལ་ཞིང་། ས་སྐྱ་སྨན་ལ་བླ་མ་དང་། ཕུར་པ་བླ་མ་རིམ་བྱོན་གྱིས་དེའི་རྒྱུན་སྐྱོང་། བྱང་ཆུབ་སེམས་དཔའ་བསྟན་པ་ཚེ་རིང་གིས་གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས་སྤྱན་དྲངས་ཏེ། བཅོམ་ལྡན་འདས་དུས་ཀྱི་འཁོར་ལོའི་སྒྲུབ་མཆོད་བུ་ལུགས་དང་། ལྷག་པར་ཕོ་བྲང་གི་ཤར་དུ་ཚར་ལུགས་ཐུན་མོང་མ་ཡིན་པའི་ཕྱག་བཞེས་ལྟར་རྡོ་རྗེ་ནག་བཞི་བཅུ་ཞེ་གསུམ་
པོ་ཆེན་པོ་གཙོ་འཁོར་གྱི་སྣང་བརྙན་གསར་དུ་བཞེངས། རྒྱུན་དང་དུས་གཏོར་བཙུགས། ཐུབ་བསྟན་མཁན་ཆེན་བཟང་པོ་རྒྱལ་མཚན་དང་། རྨོར་ཆེན་སློབ་མ་མཁས་གྲུབ་སངས་རྒྱས་རྒྱ་མཚོ་སོགས་ཀྱིས་ཆོས་རྗེ་ཚར་པའི་ཕྲིན་ལས་ཀྱི་སྒོ་ཕྱེས། ཕྱིས་སུ་གནས་གསར་པ་མཆོག་སྤྲུལ་རིན་པོ་ཆེ་གོང་འོག་དང་། སྡེ་དགེ་བླ་ཆེན་བྱམས་པ་ཀུན་དགའ་སངས་རྒྱས་བསྟན་པའི་རྒྱལ་མཚན་མཆོད་ཡོན་སོགས་ཀྱིས་སྙན་བརྒྱུད་ཟབ་མོའི་བསྟན་པ་ཆེས་ཆེར་དར་བར་མཛད། དེ་ལྟར་གཙོ་བོར་དཔལ་ལྡན་ས་ངོར་ཚར་གསུམ་དང་། གཞན་ཡང་འཇམ་དཔལ་ཚེ་བདག་སོགས་གསང་ཆེན་རྙིང་མས་མཚོན་གྲུབ་མཐའ་རིས་མེད་ཀྱི་བཤད་སྒྲུབ་དར། མཁན་ཆེན་བཀྲ་ཤིས་ལྷུན་གྲུབ་དང་། དཔལ་ལྡན་ཆོས་སྐྱོང་སོགས་ཀྱིས་རིམ་པར་བསྐུལ་བ་ལས་རྒྱལ་བའི་བཀའ་བསྟན་འགྱུར། དཔལ་ས་སྐྱ་པའི་བཀའ་འབུམ་སོགས་ངོ་མཚར་སྤར་གྱི་ཕྱི་མོ་མང་པོ་བཞེངས་པས་དམ་པའི་ཆོས་ཀྱི་མཛོད་གཅིག་པུར་གྱུར་ཏོ། །དེ་ལ་གདན་ས་འདིར་བཀའ་དྲིན་ཆེ་བའི་སྡེ་དགེ་གོང་མ་རྣམས་ཀྱི་རྣམ་ཐར་ནི་དྲུང་ཡིག་བསྟན་འཛིན་གྱི་རྒྱལ་རབས་སོགས་དང་། མཁན་ཆེན་དཔལ་མཆོག་རྒྱལ་མཚན་ནས་ཆོས་སྐྱོང་བཟང་པོ་ཡན་ཆད་ཀྱི་རྟོགས་པ་བརྗོད་པ་ནི་སོ་སོའི་རྣམ་ཐར་ལས་ཤེས་པར་བྱ་ཞིང་། འདིར་སྐབས་སུ་བབས་
པ་བྲང་ཏི་མཁན་ཆེན་རྡོ་རྗེ་འཆང་བྱམས་པ་ནམ་མཁའ་འཆི་མེད་དང་། བྱམས་པ་ཀུན་དགའ་བསྟན་འཛིན་མཆེད་ཞལ་བཅས་བཀའ་དྲིན་ཆེ་བའི་བླ་མ་གསུམ་གྱི་རྣམ་ཐར་ས་བོན་ཙམ་བརྗོད་ན། མཁན་ཆེན་ཐམས་ཅད་མཁྱེན་པ་བྱམས་པ་ནམ་མཁའ་འཆི་མེད་ནི། སྔོན་གྱི་དུས་ན་བོད་ཆོས་རྒྱལ་འཇམ་དཔལ་དབྱངས་དངོས་ལྷ་བཙན་པོ་ཁྲི་སྲོང་ལྡེའུ་བཙན་གྱི་བླ་སྨན་མཁས་པ་མི་དགུ་ཞེས་གྲགས་པའི་ཡ་གྱལ་བྲང་ཏི་རྒྱལ་གཉེན་མཁར་ཕུག་དང་། བྲང་ཏི་ལོ་ཙཱ་བ་ཛ་ཡ་རཀྵི་ཏ་དང་། བྲང་ཏི་དར་མ་སྙིང་པོ་སོགས་མཁས་ཤིང་དངོས་གྲུབ་བརྙེས་པའི་དམ་པའི་སྐྱེས་བུ་བར་མ་ཆད་པར་བྱོན་པའི་རྒྱུད་དུ་སྐྱེ་བའི་འཁྲི་ཤིང་བཟུང་སྟེ། གཞོན་ནུའི་དུས་ནས་བྱིས་པའི་སྤྱོད་པ་ལས་འདས་པའི་དམ་པའི་རིགས་ཀྱི་མེ་ཏོག་བྱེ། སྔོན་གནས་རྗེས་སུ་དྲན། སྡུག་བསྔལ་བདེན་པའི་མཚན་ཉིད་གཟིགས་ཤིང་ཅིར་ཡང་སེམས་སུ་རྟོགས་པ་སོགས་ཡོན་ཏན་བསམ་གྱིས་མི་ཁྱབ་པ་མངའ། དེ་ནས་ཤྲཱི་ཨེ་ཝཾ་ཆོས་ལྡན་ཐར་པ་ཆེན་པོའི་དགའ་བའི་ཚལ་གྱི་ཡང་རྩེར་ཕེབས་ནས་ཐུབ་བསྟན་རིན་པོ་ཆེའི་གདུགས་དཀར་པོའི་གྲིབ་མར་ཞུགས། ཕྱི་ནང་གི་རིག་གནས་དང་། དཀྱིལ་འཁོར་བྲི་ཐིག་ལས་རབ་འབྱམས་ཐམས་ཅད་ལ་བྱང་ཆུབ། ཀུན་ཏུ་དགོས་པའི་གཞུང་བདུན་དང་། རྒྱུད་ཆུང་བཞི་སོགས་
མདོ་སྔགས་ཀྱི་གཞུང་ལུགས་དུ་མ་ཐུགས་ལ་བཟུང་ཞིང་ཐོགས་པ་མེད་པར་སྨྲ་བའི་པཎྜི་ཏར་གྱུར། ཁང་གསར་མཁན་ཆེན་ངག་དབང་ཆོས་སྐྱོང་བཟང་པོ་ལས་གསུང་ངག་རིན་པོ་ཆེའི་བདུད་རྩི་བཞེས། །ལྷག་པར་གངས་ཅན་བོད་ཀྱི་རྡོ་རྗེ་གདན་དཔལ་ས་སྐྱར་ཐུབ་བསྟན་ལྷ་ཁང་དུ་མཁན་ཆེན་བྱམས་པ་སྦྱིན་པ་བཀྲ་ཤིས་ལས་པཎ་ཆེན་ཤཱ་ཀྱ་ཤྲཱི་དང་། འཇམ་དབྱངས་ས་པཎ་སོགས་ལས་བརྒྱུད་པའི་བསྙེན་རྫོགས་ཀྱི་སྡོམ་པ་རྣམ་པར་དག་པ་དང་། འཇམ་མགོན་ཀུན་དགའ་བློ་གྲོས་ལས་སེམས་བསྐྱེད་སྲོལ་གཉིས་དང་། དཔལ་ཀྱེ་རྡོ་རྗེའི་རྒྱ་དུས་ཀྱི་དབང་བསྐྱར་ཕྱིན་ཅི་མ་ལོག་པར་གསན་པས་སྡོམ་པ་གསུམ་ལྡན་དུ་མཛད་ཅིང་སོ་སོའི་བསླབ་བྱ་ལ་མིག་གི་འབྲས་བུ་ལྟར་གཅེས་སྤྲས་ཀྱིས་བསྐྱངས། ཁྱད་པར་འཇམ་མགོན་དེ་ཉིད་ལས་དཔལ་ས་སྐྱ་པའི་ལམ་འབྲས་ཚོགས་སློབ་གཉིས་ཀྱིས་ཐོག་དྲངས་པའི་སྙན་བརྒྱུད་ཚད་མ་བཞི་ལྡན་གྱི་གདམས་པ་མཐའ་དག་ལ་ཐོས་བསམ་གྱི་སྒྲོ་འདོགས་བཅད། བསྒོམ་པས་ཉམས་སུ་བླངས་པས་བསྟན་པའི་བདག་པོར་དབང་བསྐུར་བའང་ཐོབ། གཞན་ཡང་ཕན་བདེ་ཁང་སྐུ་དབོན་རིན་ཆེན་མཆོག་གྲུབ། སྐྱོ་མདའ་བ་མང་ཐོས་ཀུན་དགའ་བསོད་ནམས་སོགས་ཡོངས་འཛིན་དམ་པ་བཅུ་ཕྲག་ལྔ་ལྷག་ལས་ཟབ་རྒྱས་གདམས་པའི་བདུད་རྩི་ངོམས་པ་མེད་
པར་གསོལ། ཕྱག་ལེན་ཕྲ་མོ་ཚུན་ཆད་ལའང་གཅེས་སྤྲས་ཀྱིས་བཟུང་། དུས་དང་རྒྱུན་གྱི་ཉམས་བཞེས་ཐུན་བཞིའི་རྣལ་འབྱོར་ལས་མ་གཡེལ་བས་ས་ལམ་ཀྱི་གོ་འཕང་མཐོན་པོར་གཤེགས། གྲུབ་པའི་སློབ་དཔོན་པདྨ་སཾ་བྷ་ཝ་སོགས་ལྷག་པའི་ལྷ་རབ་འབྱམས་ཀྱིས་རྗེས་སུ་བཟུང་། རྡོ་རྗེའི་ཆོས་སྐྱོང་རྣམས་ཀྱིས་བཀའི་ཅོད་པན་སྤྱི་བོར་འཛིན། འཆི་འཕོ་སྐྱེ་བ་སོགས་འབྱུང་འགྱུར་མངོན་སུམ་དུ་གཟིགས་པ་དང་། སྲ་མཁྲེགས་ཀྱི་བྲག་ལ་ཕུར་པ་བཏབ་པ་སོགས་གྲུབ་པའི་མཚན་མའང་སྐལ་པ་དང་ལྡན་པ་རྣམས་ཀྱི་ངོར་སྣང་། མདོར་ན་མཁས་བཙུན་གྲུབ་པའི་ཡོན་ཏན་རྒྱ་མཚོའི་མཐར་སོན་ཀྱང་། རང་གི་ཡོན་ཏན་བུམ་ནང་གི་མར་མེ་ལྟར་སྦ་བར་མཛད་པ་ཇོ་བོ་བཀའ་གདམས་པའི་རྣམ་ཐར་ལ་ཐུགས་ཕྱོགས་པས་རང་ཉིད་མཁས་པ་དང་གྲུབ་པར་ནམ་ཡང་ཞལ་གྱིས་མི་བཞེས་པས་འདི་ཁོ་ནའི་ངོ་མཚར་ཀྱང་བསམ་གྱིས་མི་ཁྱབ། རྗེ་རྡོ་རྗེ་འཆང་གི་ཁྲི་ལ་ཞབས་པད་བཀོད་དེ། ངོར་ཨེ་ཝཾ་པའི་ཕྱོགས་སུ་གཏོགས་པ་རྣམས་བལ་དམག་གི་འཇིགས་པ་ལས་བསྐྱབས་པ་སོགས་ཆོས་དང་འཇིག་རྟེན་གྱི་སྒོ་ནས་ཕན་འདོགས་པ་མཛད། དེ་ལྟ་བུའི་སྙན་པའི་གྲགས་པས་ཐུགས་འཕྲོགས་ཏེ། ས་སྐྱོང་སྡེ་དགེ་ཆོས་རྒྱལ་ཡུམ་སྲས་ཀྱིས་སྤྱན་དྲངས་ཏེ་གུས་པས་མཆོད། དཔལ་
ལྷུན་གྲུབ་སྟེང་སོགས་ཕྱོགས་དེའི་ཆོས་སྡེ་ཆེ་ཕྲ་དུ་མར་དབང་ལུང་མན་ངག་གི་འཆད་སྤེལ་དང་། ཆོ་གའི་ཕྱག་ལེན། རིམ་གཉིས་ཀྱི་རྣལ་འབྱོར་སོགས་བཤད་སྒྲུབ་ཀྱི་བསྟན་པ་འཁྲུལ་མེད་དུ་སྤེལ། །སྔ་ཕྱིར་གསུང་ངག་ཚོགས་བཤད་ལན་དུ་མ་དང་། སློབ་བཤད་ལན་གཉིས་ཀྱིས་མཚོན་ཟབ་རྒྱས་ཆོས་ཀྱི་འཁོར་ལོ་རྟག་ཏུ་བསྐོར་བའི་གྲུབ་འབྲས་སྐུའི་དབོན་མཆེད་སོགས་བསྟན་འཛིན་གྱི་སྐྱེས་བུ་མང་དུ་བསྐྲུན། བཤད་སྒྲུབ་ལས་གསུམ་གྱི་ཕྲིན་ལས་བསམ་གྱིས་མི་ཁྱབ་པའི་ངང་རེ་ཞིག་ཞིང་འདིའི་གདུལ་བྱ་དེ་ཙམ་དུ་གཟིགས་ནས་དབོན་རིན་པོ་ཆེ་བྱམས་པ་རྣལ་འབྱོར་འཇམ་དཔལ་བཟང་པོ་ལ་ཕྱི་མཐའི་ཞལ་ཆེམས་ལྷུག་པར་སྩལ་ཞིང་དགུང་ལོ་ལྔ་བཅུ་རྩ་དྲུག་པར་ངོ་མཚར་བའི་ལྟས་དུ་མ་དང་བཅས་ཏེ་དཔལ་ལྷུན་གྲུབ་སྟེང་གི་བླ་བྲང་ཕན་བདེ་ཀུན་ཁྱབ་གླིང་དུ་གཟུགས་སྐུའི་བཀོད་པ་བསྡུ་བའི་ཚུལ་བསྟན། གཤེགས་རྗེས་ཀྱི་བྱ་བ་རྣམས་སྐུའི་དབོན་མཆོག་དང་། སྡེ་དགེ་ཆོས་རྒྱལ་ཆེན་པོ་མཆོད་ཡོན་གྱིས་མཐར་ཕྱིན་པར་མཛད་དོ།། ༈ །།རྗེ་འདི་ཉིད་ཀྱི་སྐུའི་དབོན་དང་ཐུགས་ཀྱི་སྲས་སུ་གྱུར་པ་བདག་ཅག་ལྷ་དང་བཅས་པའི་སྐྱབས་གཅིག་མཁན་ཆེན་རྡོ་རྗེ་འཆང་ཆེན་པོ་མཆེད་ཞལ་གཉིས་ཏེ། དེ་ལ་རིགས་དང་དཀྱིལ་འཁོར་རྒྱ་མཚོའི་ཁྱབ་བདག་མཁན་ཆེན་རྡོ་རྗེ་འཆང་བྱམས་པ་ཀུན་
དགའ་བསྟན་འཛིན་ནི། རབ་བྱུང་བཅུ་གསུམ་པའི་མེ་སྤྲེལ་ལོར་བྲང་ཏི་མཁས་པའི་རིགས་སུ་འཁྲུངས། སྐུ་གཞོན་ནུ་ནས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཕེབས། ངེས་འབྱུང་སྙིང་རྗེ་ངང་གིས་འཁྲུངས། མཁྱེན་རབ་ཀྱི་གཏེར་མཛོད་གྲོལ་བས་རྒྱུན་གྱི་བྱ་བ་ཆོས་སྤྱོད་ནས་བརྩམས་ཏེ། ཀུན་ཏུ་དགོས་པའི་གཞུང་བདུན་སོགས་མདོ་སྔགས་ཀྱི་གཞུང་ལུགས་ཆེན་པོའི་བར་ཐམས་ཅད་དཀའ་བ་མེད་པར་ཐུགས་སུ་ཆུད། རྡོ་རྗེ་འཆང་ནམ་མཁའ་འཆི་མེད་ལས་སྡོམ་པ་གསུམ་གྱི་བཀའ་དྲིན་ནོས་ཏེ་ཐུབ་བསྟན་ཡོངས་སུ་རྫོགས་པའི་ནོར་བུའི་ཁྲི་ལ་ཞབས་བཀོད་བཅས་པ་དང་རང་བཞིན་ཉེས་ལྟུང་ཕྲ་མོས་ཀྱང་མ་གོས་པའི་ཕྱིར་ཚུལ་ཁྲིམས་ཀྱི་དྲི་བསུང་ཞིམ་པོས་གར་བཞུགས་ཀྱི་ཕྱོགས་ཐམས་ཅད་དུ་ཁྱབ། མཁན་ཆེན་དམ་པ་གཙོ་བོར་གྱུར་པའི་ཡོངས་འཛིན་ཉི་ཤུ་རྩ་ལྔ་ལས་རྗེ་བཙུན་ས་སྐྱ་པའི་སྙན་བརྒྱུད་ཚད་མ་བཞི་ལྡན་སོགས་ཟབ་རྒྱས་ཀྱི་གདམས་པ་རྒྱ་མཚོ་ལྟ་བུ་གསན་ཅིང་། དེ་དག་གི་ཚིག་གི་སྡེབ་སྦྱོར། དོན་གྱི་དགོངས་པ། ཕྱག་ལེན་ཕྲ་མོ་ཚུན་ལའང་བསམ་བྱུང་གིས་སྒྲོ་འདོགས་བཅད་པས་འཁྲུལ་མེད་དུ་མཁྱེན། དཔལ་དགྱེས་པ་རྡོ་རྗེའི་བསྙེན་པ་ལན་གཉིས་སོགས་ལྷག་པའི་ལྷ་དུ་མའི་གཞིའི་བསྙེན་པ་དང་། རྒྱུན་གྱི་
ཉམས་བཞེས་རིམ་གཉིས་ཟབ་མོའི་རྣལ་འབྱོར་རྩེ་གཅིག་ཏུ་བསྒོམས་པས། ལྷན་ཅིག་སྐྱེས་པའི་ཡེ་ཤེས་གཟིགས། བྱང་ཆུབ་སེམས་གཉིས་འབྱོངས། ཐུབ་དབང་གནས་བརྟན་བཅུ་དྲུག་དང་། སློབ་དཔོན་སངས་རྒྱས་གཉིས་པ་སོགས་ཀྱིས་དགྱེས་པའི་འཛུམ་ཞལ་བསྟན། རྡོ་རྗེའི་སྲུང་མ་དང་དཀར་ཕྱོགས་སྐྱོང་བའི་གཞི་བདག་རྣམས་ཀྱིས་ཕྲིན་ལས་སྒྲུབ། རྗེ་རྡོ་རྗེ་འཆང་གི་ཆོས་ཀྱི་ཁྲི་ལ་བགྲང་བྱ་དགུའི་བར་དུ་བཞུགས་ནས་འཆད་རྩོད་རྩོམ་གསུམ་དང་། མཁྱེན་བརྩེ་ནུས་པའི་ཕྲིན་ལས་ཀྱིས་རྒྱལ་བ་གཉིས་པའི་བསྟན་པ་ཉིན་མོ་ལྟར་མཛད། སྐབས་དེར་སྡེ་དགེ་ཆོས་རྒྱལ་ཆེན་པོས་སྤྱན་དྲངས་ཏེ་ཞབས་པད་ཤིང་རྟའི་ཁ་ལོ་བོད་ཆེན་པོའི་བསོད་ནམས་ཀྱི་མགྲོན་དུ་སྔ་ཕྱིར་ལན་གཉིས་བསྒྱུར་ཏེ་འབྲེལ་ཚད་དོན་ལྡན་གྱི་ཕྲིན་ལས་སྐྱོང་། སྨིན་གྲོལ་ཕྱག་ལེན་གྱི་རྒྱུན་ཉམས་པ་གསོས། མེད་པ་གསར་དུ་སྤེལ། འཁྲུལ་པའི་དྲི་མ་ཐམས་ཅད་བསལ་ཏེ་ཡོངས་རྫོགས་བསྟན་འགྲོ་སྤྱི་དང་། ལྷག་པར་བརྩེ་ཆེན་སྙིང་པོའི་རིང་ལུགས་ལ་བཀའ་དྲིན་ཆེན་པོས་ཁྱབ་པར་མཛད། ཆོས་རྒྱལ་ཆེན་པོ་ཉིད་བསྙེན་པར་རྫོགས། གདན་ས་གོང་འོག་སོགས་སུ་ལམ་འབྲས་ཚོགས་བཤད་ཚར་དུ་མ། སློབ་བཤད་ཚར་གསུམ། རྡོ་རྗེ་ཕྲེང་བ་ཚར་གཉིས་སོགས་ཆོས་ཀྱི་འཁོར་ལོ་བར་མེད་དུ་བསྐོར་བས་གསུང་
གི་གསང་བ་འཛིན་པའི་ཐུགས་སྲས་ཀྱང་། དཔལ་ས་སྐྱ་པ་ཁྲི་ཆེན་འཇམ་མགོན་ཀུན་དགའ་བཀྲ་ཤིས། དེ་སྲས་བཀྲ་ཤིས་རིན་ཆེན། ཡར་ཀླུང་མཆོག་སྤྲུལ་རིན་པོ་ཆེ། སྡེ་དགེ་བླ་ཆེན་བྱམས་པ་ཀུན་དགའ་སངས་རྒྱས་བསྟན་པའི་རྒྱལ་མཚན། སྐུའི་དབོན་ཡོངས་རྫོགས་བསྟན་པའི་ཉི་མ་ཀུན་དགའ་འཇམ་དཔལ་གྲགས་པ་དང་། མཁྱེན་རབ་ཀྱི་དབང་ཕྱུག་མཚུངས་མེད་ཞབས་དྲུང་གཅུང་རིན་པོ་ཆེ་སོགས་ཀྱིས་མཚོན། མདོར་ན་དུས་འདིར་དཔལ་ལྡན་ས་ངོར་ཚར་གསུམ་གྱི་བསྟན་འཛིན་རྣམས་ཀྱི་གཙུག་ན་སངས་རྒྱས་གཉིས་པ་ལྟར་འཚོ་ཞིང་གཞེས་པ་སྟེ། སླར་ཡང་ཇི་སྲིད་བསྐལ་པ་རྒྱ་མཚོར་ཞབས་པད་རྡོ་རྗེའི་ཁམས་སུ་བརྟན་ཅིང་ཕྲིན་ལས་མཁའ་མཐའ་བརྡལ་བར་གསོལ་བ་འདེབས་པ་ལགས་སོ།། ༈ །།རྗེ་འདི་ཉིད་ཀྱི་སྐུ་མཆེད་རྡོ་རྗེ་འཆང་བྱམས་པ་རྣལ་འབྱོར་འཇམ་དཔལ་བཟང་པོ་ནི། རབ་བྱུང་བཅུ་གསུམ་པའི་ས་མོ་བྱ་ཡི་ལོར་དམ་པའི་རིགས་སུ་འཁྲུངས། ངོར་ཨེ་ཝཾ་ཆོས་ལྡན་དུ་བྱོན་ནས་རྡོ་རྗེ་འཆང་ནམ་མཁའ་འཆི་མེད་ཀྱི་སྤྱན་སྔར་ཐུབ་བསྟན་རིན་པོ་ཆེའི་སྒོར་ཞུགས། རིམ་གྱིས་གཞུང་ལུགས་ཆེ་ཕྲ་ཐུགས་འཛིན་སོགས་བསླབ་སྦྱོང་ལ་བརྩོན་པའི་སྐབས་རྣམས་སུ་འོད་གསལ་གྱི་སྣང་བར། རྗེ་བཙུན་རྣལ་འབྱོར་གྱི་དབང་ཕྱུག་དང་། དཔལ་ས་སྐྱ་པ་
ཆེན་པོས་ཡང་ཡང་བྱིན་གྱིས་བརླབས། མཁན་ཆེན་ཐམས་ཅད་མཁྱེན་པ་བྱམས་པ་བསོད་ནམས་དཔལ་འབྱོར་ལས། དཔལ་ཨེ་ཝཾ་པའི་སྐྱེས་བུ་དམ་པ་རྣམས་རིམ་པར་བརྒྱུད་པའི་སྡོམ་རྒྱུན་རྣམ་པར་དག་པ་ལས་བསྙེན་པར་རྫོགས་ཤིང་ཚུལ་ཁྲིམས་ཀྱི་བསླབ་པས་གཞི་བཟུང་སྟེ། རྡོ་རྗེ་འཆང་ནམ་མཁའ་འཆི་མེད་ཀྱི་ཞབས་པད་མཉེས་པ་གསུམ་གྱིས་བསྙེན་ནས་མདོ་སྔགས་ཀྱི་གདམས་པ་རྒྱ་མཚོ་ལྟ་བུ་གསན་ཞིང་། བསམ་བྱུང་གིས་སྒྲོ་འདོགས་བཅད། རིམ་གཉིས་ཟབ་མོའི་ཉམས་བཞེས་ལ་རྩེ་གཅིག་ཏུ་གཞོལ་བས་ངེས་འབྱུང་དང་སྙིང་རྗེ་ཆེན་པོ་རྩོལ་མེད་དུ་འཁྲུངས། བླ་མ་དང་ལྷག་པའི་ལྷ་དབྱེར་མེད་དུ་གཟིགས་ནས་བཅོས་མིན་གྱི་མོས་གུས་མངའ་བ་སོགས་ནང་དུ་ཡང་དག་པའི་ཡོན་ཏན་བརྙེས། ཉམས་ལེན་དང་ཕྱག་ལེན་ཕྲ་རགས་ཐམས་ཅད་མཁན་ཆེན་བླ་མའི་ཕྱག་བཞེས་ཇི་ལྟ་བ་འཁྲུལ་མེད་དུ་སྐྱོང་། གཞན་ཡང་ཡོངས་འཛིན་དུ་མ་ལས་ཟབ་རྒྱས་ཀྱི་གདམས་པ་མཐའ་ཀླས་པ་གསན། དུས་རྒྱུན་དུའང་ཅིས་ཀྱང་དགོས་མེད་ཐུགས་ལ་མངའ་ཞིང་ཆོས་བརྒྱད་ཀྱི་སྣང་བ་ཐམས་ཅད་རྨི་ལམ་ལྟ་བུར་གཟིགས། ཆོས་དང་འཇིག་རྟེན་གང་གི་ཐད་ནས་ཀྱང་ཆགས་སྡང་ཕྱོགས་ལྷུང་གི་རྟོག་པ་གཏན་ནས་མི་མངའ་བ་འདི་ཁོ་ནའང་ངོ་མཚར་བསམ་གྱིས་མི་ཁྱབ། རྡོ་རྗེ་འཆང་ནམ་མཁའ་
འཆི་མེད་ཀྱིས་ཡེ་ཤེས་གཟིགས་པ་དམ་པས། ལུང་བསྟན་པ་བཞིན་ཀུན་མཁྱེན་གཉིས་པ་བཟང་པོའི་ཆོས་ཀྱི་ཁྲིར་ལོ་བདུན་དུ་བཞུགས་ནས་ཆོས་དང་ཟང་ཟིང་གི་དགའ་སྟོན་སྤེལ། འདུས་སྡེའི་བསྒྲིགས་ལམ་ཀུན་སྤྱོད་སོགས་ཀྱང་དམ་པ་གོང་མའི་དུས་ལྟར་གོང་འཕེལ་དུ་གནང་བས་ངོར་ཨེ་ཝཾ་པར་ཕྱི་མཐའི་བར་དུ་བཀའ་དྲིན་ཆེན་པོས་ཁྱབ་པར་མཛད། དེ་ནས་ལམ་ཟབ་མོའི་སྒྲུབ་པ་ལ་གཞོལ་པའི་ཐུགས་འདུན་ཐུན་མོང་མ་ཡིན་པ་མངའ་ནའང་། བསྟན་པའི་སྦྱིན་བདག་སྡེ་དགེ་ཆོས་རྒྱལ་ཆེན་པོ་དམ་ཚིག་རྡོ་རྗེ་མཆེད་ཞལ་གྱིས་སྤྱན་དྲངས་ཏེ་ལྷུན་གྲུབ་སྟེང་གི་ཆོས་གྲྭར་ཕེབས། མཆོག་དམན་ཐམས་ཅད་ཀྱི་གུས་པས་མཆོད་ཅིང་སོ་སོར་བསྡུ་བའི་དངོས་པོ་རྣམ་བཞིའི་སྒོ་ནས་འབྲེལ་ཚད་ཕན་བདེར་སྦྱོར་བའི་ཕྲིན་ལས་བསམ་གྱིས་མི་ཁྱབ་པའི་ངང་འཚོ་ཞིང་གཞེས་པ་སྟེ། སླར་ཡང་རྒྱལ་བ་གཉིས་པ་མ་ཕམ་པའི་ཆོས་ཀྱི་བདུད་རྩིས་འཛམ་གླིང་སྣང་བར་མཛད་པའི་བར་དུ་སྐུ་གསུང་ཐུགས་རྡོ་རྗེའི་རང་བཞིན་དུ་བརྟན་ཅིང་། ཕྲིན་ལས་ཀྱི་འཇུག་པ་ཟླ་བས་རེག་པའི་ཆུ་གཏེར་བཞིན་དུ་རྒྱས་པར་གསོལ་བ་འདེབས་ན་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །དེ་ལྟར་ཆོས་གྲྭ་ཆེན་པོ་ལྷུན་གྲུབ་སྟེང་གིས་གཙོས་མདོ་ཁམས་སྡེ་དགེའི་མངའ་ཁུལ་དུ་གཙོ་བོར་ངོར་ཨེ་ཝཾ་བའི་རིང་
ལུགས་འཛིན་པ་འདུས་སྡེ་ཆེ་ཕྲ་མང་དུ་མཆིས་ཀྱང་ཕལ་ཆེར་ཁྲི་ཆེན་སངས་རྒྱས་བསྟན་པ་དང་། བསྟན་པ་ཚེ་རིང་སོགས་ཀྱི་དུས་ཉམས་གསོ་གནང་བ་ཙམ་ལས། དང་པོར་སུས་བཏབ་ཞིབ་པར་མ་ངེས།། ༈ །།གཞན་ཡང་སྒ་སྟོད་དུ་སྐྱེ་རྒུ་དོན་གྲུབ་གླིང་སོགས་ཆོས་སྡེ་ཆེ་ཕྲ་དུ་མ་དང་། ཨ་མདོ་ལྔ་པའི་ནང་གདུ་བུ་ཆོས་རྗེའམ་ཨ་ལི་ཆོས་རྗེར་གྲགས་པའི་གདན་ས། སྔགས་དང་མཚན་ཉིད་ཟུང་འབྲེལ་གྱི་གྲྭ་གཙང་ཆེ་བས་མཚོན། སྟོད་མངའ་རིས་ནས་བཟུང་སྟེ། སྨད་ཙཱི་ནའི་ཡུལ་གྲུ་ལ་ཐུག་གི་བར་དུ་ཆོས་སྡེ་ཆེ་ཕྲ་མང་དུ་མཆིས་པ་སོ་སོར་སྨོས་ཀྱིས་མི་ལང་བ་ཉིད་དོ། །དེར་མ་ཟད་གངས་རིའི་ཕྲེང་བས་བསྐོར་བའི་ལྗོངས་འདིར་གྲུབ་པའི་མཐའ་མི་འདྲ་བ་དུ་མ་ཞིག་མཆིས་ཀྱང་། དེ་དག་ཕལ་ཆེར་དངོས་དང་བརྒྱུད་པའི་སྒོ་ནས་རྗེ་བཙུན་ས་སྐྱ་པའི་རིང་ལུགས་ལས་བྱུང་བ་དང་གུས་པ་ཅན་ཤ་སྟག་ཡིན་ཏེ། གསང་སྔགས་རྙིང་མར་གྲགས་པའི་སོ་ཟུར་གནུབས་གསུམ་གྱི་གདུང་རིགས་དང་། སྤྲུལ་པའི་གཏེར་སྟོན་གུ་རུ་ཆོས་ཀྱི་དབང་ཕྱུག་སོགས་བཀའ་གཏེར་གྱི་སྐྱེས་ཆེན་དུ་མ་དང་། བཀའ་གདམས་བྱ་ཡུལ་བ། དོ་ཀོང་བ། ནམ་མཁའ་འབུམ། མཆིམས་ནམ་མཁའ་གྲགས། བཅོམ་ལྡན་རིག་པའི་རལ་གྲི་སོགས་ཆེན་པོར་རློམ་པ་དུ་མས་ཀྱང་ཆོས་རྗེ་ཁུ་དབོན་གྱི་གསུང་གི་བདུད་
རྩི་བླངས། བསིལ་ལྗོངས་ཐུབ་པའི་རྒྱལ་ཚབ་རྔོག་ལོ་ཆེན་པོའི་བརྒྱུད་འཛིན་རིག་པའི་དབང་ཕྱུག་ཕྱྭ་པ་ཆེན་པོ་དང་། ཉང་བྲན་པ་ཆོས་ཀྱི་སེངྒེ་སོགས་ཀྱིས་ས་ཆེན་གྱི་དངོས་སློབ་སྒྱུར་ཨ་སེང་ལས་ཟབ་དོན་གྱི་སྨིན་གྲོལ་གསན། བཀའ་བརྒྱུད་སྟོང་གི་ཆུ་མགོ་ལྟ་བུ་དཔལ་ཕག་མོ་གྲུ་པ་ནི་ས་ཆེན་གྱི་ཞབས་པད་ལོ་བཅུ་གཉིས་སུ་བསྟེན། ལམ་འབྲས་ཀྱི་གཞུང་བཤད་མཛད། ཕྱིས་རྗེ་བཙུན་གྲགས་པ་ལའང་གསུང་གི་བདུད་རྩི་གསོལ་ཏེ་ཉམས་རྟོགས་ཀྱི་པདྨོ་རྒྱས་པ་ཉིད། དྭགས་པོ་རིན་པོ་ཆེས་བོགས་འདོན་པར་མཛད་པས་བརྒྱུད་འཛིན་གྱི་སློབ་མ་གྲགས་པ་ཅན་ཡིན་ཞིང་། འདི་ལས་འབྲི་སྟག་ཁྲོ་གླིང་འབྲུག་པ་སོགས་བཀའ་བརྒྱུད་ཕལ་མོ་ཆེ་བྱུང་། ཀམ་ཚང་བཀའ་བརྒྱུད་ཀྱི་ཐོག་མ་ཀརྨ་པ་དུས་གསུམ་མཁྱེན་པས་ས་ཆེན་གྱི་དངོས་སློབ་དཔལ་རྒ་ལོ། ཁམ་པ་ཨ་སེང་། གཤེན་རྡོར་སེང་རྣམས་ལས་ལམ་འབྲས་སོགས་གསན། ཤངས་པ་བཀའ་བརྒྱུད་ཀྱི་གྲུབ་ཆེན་རྨོག་ཅོག་པས་ཁམས་པ་ཨ་སེང་དང་། གཉེན་སྟོན་སྦས་པའི་རྣལ་འབྱོར་གྱིས་རྗེ་བཙུན་གྲགས་པའི་ཞབས་པད་ཡུན་རིང་དུ་བསྟེན་ནས་ལམ་འབྲས་སོགས་ཟབ་དོན་བླངས། ཀུན་མཁྱེན་བུ་སྟོན་རིན་པོ་ཆེས་ས་སྐྱ་པ་ནས་བརྒྱུད་པའི་སྔགས་དང་མཚན་ཉིད་ཕལ་ཆེར་གསན་ནས་འཆད་རྩོད་རྩོམ་གསུམ་རྩལ་དུ་བཏོན།
རྗེ་བཙུན་གྲགས་པས་ཡེ་ཤེས་ཀྱི་སྐུས་རྗེས་སུ་བཟུང་། ཇོ་ནང་པ་ཀུན་མཁྱེན་ཆོས་སྐུ་འོད་ཟེར་ནི་ས་པཎ་གསུང་ལས་སྐྱེས་པའི་སློབ་མ་ཡིན་ཅིང་། དོལ་བུ་པ་ཤེས་རབ་རྒྱལ་མཚན་ཀྱང་ས་སྐྱར་མཚན་ཉིད་ཀྱི་ཕྱོགས་ལ་སྦྱངས་ཤིང་། སྐུ་ཚེའི་སྨད་ས་སྐྱ་པཎྜི་ཏས་བྱིན་གྱིས་རླབས་པས་ཐལ་འགྱུར་པའི་ལྟ་བ་ཐུགས་ལ་འཁྲུངས་ཞེས་ཀྱང་གཏམ་དུ་གྲགས། ཤངས་སྟོན་ལོ་ཙཱ་བ་རྡོ་རྗེ་རྒྱལ་མཚན་ནས་བཟུང་སྟེ་བོ་དོང་ཕྱོགས་ལས་རྣམ་རྒྱལ་གྱི་བར་དུ་བྱོན་པ་རྣམས་ས་སྐྱ་པའི་དགེ་བའི་བཤེས་གཉེན་དུ་གཏོགས་ཤིང་། ཕྱོགས་ལས་རྣམ་རྒྱལ་གྱིས་གྲུབ་མཐའ་ས་སྐྱ་པར་ཞལ་གྱིས་འཆེས་ཚུལ་རྣམ་ཐར་ན་གསལ། རྒྱལ་སྲས་ཐོགས་མེད་པས་ཀྱང་ཆོས་རྗེ་བླ་མ་དམ་པ་སོགས་ལས་ས་ལུགས་ཀྱི་གདམས་པ་བསམ་གྱིས་མི་ཁྱབ་པ་གསན། དེང་དུས་ཉི་ཟླ་ལྟར་རི་བོ་དགེ་ལྡན་པའང་། ས་སྐྱའི་ལས་ཆེན་རེས་མདའ་པ་གཞོན་ནུ་བློ་གྲོས་ཀྱི་སློབ་མ་རབ་འབྱམས་སྨྲ་བ་བདུན་གྱི་ནང་ཚན། སྲས་ཀྱི་མཆོག་གྱུར་བློ་བཟང་གྲགས་པ་དང་། རྩོད་པའི་མཆོག་གྱུར་དར་མ་རིན་ཆེན་དང་། ཞེས་གསུངས་པའི་ཡབ་སྲས་འདི་གཉིས་བྱུང་བ་ཡིན་ཞིང་། གཞན་ཡང་རྗེ་རིན་པོ་ཆེས་བླ་མ་དམ་པ་དང་། ས་བཟང་མ་ཏི་པཎ་ཆེན་སོགས་ལས་ཟབ་ཆོས་མང་དུ་གསན། མཚན་ཉིད་ས་ལུགས་དང་། སྔགས་བུ་ལུགས་
གཙོ་བོར་སྟོན་པའི་ཚུལ་འཇམ་མགོན་བླ་མ་རང་ཉིད་ཀྱི་རྣམ་ཐར་ལས་ཀྱང་འབྱུང་བས་མཚོན། ཇི་སྐད་དུ། འཛམ་གླིང་ཐུབ་པའི་རྒྱལ་ཚབ་ས་སྐྱ་པའི། །ཆོས་ཀྱི་བརྒྱུད་པ་འཛིན་པའི་སློབ་མ་རུ། །མ་གྱུར་གངས་རིའི་ཁྲོད་འདིར་བསྟན་འཛིན་དུ། །ཞལ་གྱིས་འཆེས་བའི་མཁས་པ་འགའ་ཡོད་མིན། །ཞེས་ཆེད་དུ་བརྗོད་པའང་དོན་གྱི་སྙིང་པོས་ལྕི་བ་ཉིད་དོ། །དེ་ལྟ་བུའི་དཔལ་ས་སྐྱ་པའི་༡ བསྟན་པ་ལ་བཀའ་དྲིན་མཆོག་ཏུ་ཆེ་བ་ནི། འཁོན་དཀོན་མཆོག་རྒྱལ་པོའི་དུས་སུ་གསང་སྔགས་ཕྱི་འགྱུར་གྱི་བསྟན་པའི་དབུ་བརྙེས། དཔལ་བརྩེ་བ་ཆེན་པོས་སྲོལ་བཏོད། རྗེ་བཙུན་སྐུ་མཆེད་ཀྱིས་དར་ཞིང་རྒྱས་པར་མཛད། ཆོས་རྗེ་ཁུ་དབོན་གྱི་སྐུ་རིང་ལ་གངས་ཅན་ཐམས་ཅད་ས་སྐྱ་པའི་ཆོས་སྲིད་ཀྱི་གདུགས་དཀར་པོའི་གྲིབ་མར་དབང་དུ་བསྡུས་ཏེ་ཤིན་ཏུ་དར་བར་མཛད་པ་ལས། བཤད་པའི་རྒྱུན་ཐམས་ཅད་ཤར་ནུབ་གུང་གསུམ། །སྒྲུབ་པའི་རྒྱུན་ཚོགས་ཉན་ཞང་གསུམ་སོགས་ཀྱིས་བཟུང་། ཆོས་རྗེ་བླ་མ་དམ་པ་ལ་བཤད་སྒྲུབ་ཐམས་ཅད་ཀྱི་བཀའ་བབས། དེ་རྗེས་མདོ་ལ་མཁས་པ་གཡག་ཕྲུག་སངས་རྒྱས་དཔལ་དང་། ཀུན་མཁྱེན་རོང་སྟོན་ཤེས་བྱ་ཀུན་རིག་སྟེ། གཡག་རོང་རྣམ་གཉིས་སམ། རེ་མདའ་བ་གཞོན་ནུ་བློ་གྲོས་ཏེ་གཡག་གཞོན་རྣམ་གཉིས། སྔགས་ལ་མཁས་པ་
ངོར་ཆེན་རྡོ་རྗེ་འཆང་ཀུན་དགའ་བཟང་པོ་དང་། རྫོང་པ་ཀུན་དགའ་རྒྱལ་མཚན་སྟེ་ཀུན་དགའ་རྣམ་གཉིས། གཉིས་ཀ་ལ་མཁས་པ་ཀུན་མཁྱེན་གོ་བོ་རབ་འབྱམས་པ་བསོད་ནམས་སེངྒེ་དང་། གསེར་མདོག་པཎ་ཆེན་ཤཱཀྱ་མཆོག་ལྡན་ཏེ་གོ་ཤཱཀ་རྣམ་གཉིས་ཅེས་རྗེ་བཙུན་ས་སྐྱ་པའི་བསྟན་འཛིན་གངས་ཅན་མཛེས་པར་བྱེད་པའི་རྒྱན་དྲུག་བྱོན་ནས་བཤད་སྒྲུབ་ཀྱི་དགའ་སྟོན་ཕྱོགས་བརྒྱར་སྤེལ། གཞན་ཡང་ཉ་དབོན་ཀུན་དགའ་དཔལ་དང་། མཁན་ཆེན་བརྩོན་འགྲུས་དཔལ་ཏེ་མཁས་པ་ཉ་བརྩོན་རྣམ་གཉིས། སེམས་དཔའ་ཆེན་པོ་གཞོན་ནུ་རྒྱལ་མཆོག །བྱམས་ཆེན་རབ་འབྱམས་པ་སངས་རྒྱས་འཕེལ། སྨར་ཁམས་གྲགས་པ་བཟང་པོ། ཀུན་མཁྱེན་ནམ་མཁའ་བསོད་ནམས། རོང་སྟོན་དོན་ཡོད་དཔལ། འཇམ་དབྱངས་ཀུན་དགའ་ཆོས་བཟང་། མུས་རབ་འབྱམས་པ་བྱམས་པ་ཐུགས་རྗེ་དཔལ་བཟང་། འབུམ་རབ་འབྱམས་པ་བྱམས་པ་ཆོས་ཀྱི་དོན་གྲུབ། གཞུང་བརྒྱ་པ་དངོས་གྲུབ་དཔལ་འབར། མངའ་རིས་པ་ལྷ་དབང་བློ་གྲོས། སྟག་ཕྱག་པ་ཀུན་དགའ་དཔལ་འབྱོར། ཤེལ་གྲོགས་པཎ་ཆེན་བློ་གྲོས་ཆོས་ཀྱི་རྒྱལ་པོ། གཟི་བཀའ་བཅུ་ཤཱཀྱ་བློ་གྲོས། མང་ཐོས་ཀླུ་སྒྲུབ་རྒྱ་མཚོ། མཁན་ཆེན་ངག་དབང་ཆོས་གྲགས། ངག་དབང་བསྟན་པའི་རྡོ་རྗེ་སོགས་བགྲང་གིས་མི་ལང་བ་
ཞིག་བྱོན་ནས། པོད་ཆེན་དྲུག་གཙོར་གྱུར་པའི་དཔལ་ས་སྐྱ་པའི་མཚན་ཉིད་ཀྱི་བཀའ་སྲོལ་ལ་འཆད་རྩོད་རྩོམ་གསུམ་གྱིས་གཏན་ལ་ཕབ་ཅིང་། བཤད་རྒྱུན་འཁྲུལ་མེད་དུ་འཛིན་པའི་ཆོས་གྲྭ་ཆེན་པོ་མང་དུ་བཏབ། ཁྱད་པར་སྔགས་ཕྱོགས་ལ། དཔལ་ས་སྐྱ་པའི་གདན་ས་གོང་འོག་ཏུ། ཐེག་ཆེན་ཆོས་རྗེ་ཀུན་དགའ་བཀྲ་ཤིས། རྒྱ་གར་པ་ཤེས་རབ་རྒྱལ་མཚན། བདག་ཆེན་བློ་གྲོས་རྒྱལ་མཚན། ས་ལོ་ཀུན་དགའ་བསོད་ནམས། སྔགས་འཆང་ཀུན་དགའ་རིན་ཆེན་ནས། ངག་གི་དབང་པོ་ཀུན་དགའ་བློ་གྲོས་ཡབ་སྲས་བརྒྱུད་འཛིན་དང་བཅས་པ་དང་། རྩེ་གདོང་ཁྲི་ཆེན་བསོད་ནམས་ལྷུན་གྲུབ་རྣམས་བཀའ་དྲིན་ཆེ་ཞིང་། སྤྱིར་ཡང་ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས། མི་ཤེས་གདོལ་པའི་ཕྲུ་གུ་ཕོངས་པ་ཡི། །འཁོར་གྱིས་བཏགས་ལ་འཇིག་རྟེན་འདྲེན་པ་རྒྱུར་འབབ་ཆུར་སྒྲོགས་པའི་གྲགས་སྟོང་སྒྲས། །འཇིག་རྟེན་ཡམ་ཡོར་བྱེད་དང་འདི་མི་མཚུངས། །ཞེས་པ་ལྟར་གདུང་བརྒྱད་རིན་པོ་ཆེ་འདི་རྣམས་མཁྱེན་རབ་དང་། མཐུ་སྟོབས་སོགས་སྐྱེས་ཐོབ་ཀྱི་ཡོན་ཏན་ཁོ་ནའང་གཞན་སྤྲུལ་པའམ། གདུང་བརྒྱུད་ཆེས་ཆེན་པོར་རློམ་པ་རྣམས་ཀྱིས་ཀྱང་ཆ་ཙམ་བསྐྲུན་དུ་མེད་པ་ནི་དེང་སང་གི་བར་དུ་མངོན་སུམ་ཚད་མས་གྲུབ། བྱེ་བྲག་ཏུ་
ངོར་ཆེན་རྡོ་རྗེ་འཆང་ཆེན་པོའི་བཀའ་སྲོལ་འཛིན་པ་ལ། མུས་ཆེན་དཀོན་མཆོག་རྒྱལ་མཚན། ཀུན་མཁྱེན་བསོད་ནམས་སེངྒེ། ཐམས་ཅད་མཁྱེན་པ་དཀོན་མཆོག་ལྷུན་གྲུབ། པཎ་ཆེན་ནམ་མཁའ་དཔལ་བཟང་། སྒྲུབ་ཁང་པ་མཁས་གྲུབ་དཔལ་ལྡན་དོན་གྲུབ། འཇམ་མགོན་སངས་རྒྱས་ཕུན་ཚོགས། ཞུ་ཆེན་མ་ཧཱ་པཎྜི་ཏ་ཚུལ་ཁྲིམས་རིན་ཆེན་རྣམས་ནི་འགྲན་ཟླ་དང་བྲལ་བའི་མཁས་གྲུབ་ཡིན་ཅིང་གཞན་ཡང་མཁན་ཆེན་བཀྲ་ཤིས་ལྷུན་གྲུབ། རྡོ་རྗེ་འཆང་དཔལ་ལྡན་ཆོས་སྐྱོང་། རིན་ཆེན་མི་འགྱུར་རྒྱལ་མཚན་སོགས་མཁྱེན་རབ་དང་ཕྲིན་ལས་རྒྱ་ཆེ་བའང་མང་དུ་བྱོན། རྫོང་པའི་བཀའ་སྲོལ་ལ། མུས་སྲད་པ་རྡོ་རྗེ་རྒྱལ་མཚན་དང་། ཀུན་མཁྱེན་རྡོ་རྗེ་གདན་པ་ཀུན་དགའ་རྣམ་རྒྱལ་སོགས་བརྒྱུད་འཛིན་དང་བཅས་པས་བཤད་སྒྲུབ་མཛད། སྙན་བརྒྱུད་རྒྱ་མཚོའི་མངའ་བདག་ཚར་བ་ཆོས་རྗེའི་རིང་ལུགས་ནི། འཇམ་དབྱངས་མཁྱེན་བརྩེའི་དབང་ཕྱུག་མཁན་ཆེན་བསླབ་གསུམ་རྒྱལ་མཚན་སོགས་ནས། གནས་གསར་པ་ངག་དབང་ཀུན་དགའ་ལེགས་པའི་འབྱུང་གནས་སྐུ་གོང་འོག་གི་བར་དུ་བྱོན་པའི་སློབ་བཤད་རྩ་བའི་བརྒྱུད་པ་དང་། གཞན་ཡང་མང་ཐོས་ཀླུ་སྒྲུབ་རྒྱ་མཚོ། བོད་མཁར་བ་མེ་ཏྲི་དོན་གྲུབ་རྒྱལ་མཚན། དགོན་གསར་པ་བསོད་ནམས་ཆོས་འཕེལ། མཁན་ཆེན་ངག་
དབང་ཆོས་གྲགས། རྒྱལ་དབང་ལྔ་པ་རིན་པོ་ཆེ་ངག་དབང་བློ་བཟང་རྒྱ་མཚོ། གྲུབ་ཆེན་སངས་རྒྱས་རྒྱ་མཚོ་སོགས་ཀྱིས་སྤེལ། ཆོས་རྗེ་ཚར་པའི་བརྒྱུད་པ་ལས་བྱུང་བའི་ནཱ་རོ་མཁའ་སྤྱོད་མའི་སྐོར་སོགས་སྙན་བརྒྱུད་གསེར་ཆོས་ཀྱི་སྐོར་རྣམས་རྨོར་ཆེན་ནས། འཇམ་དབྱངས་བདེ་བའི་རྡོ་རྗེ། སྟག་ཕུ་པ་བློ་བཟང་བསྟན་རྒྱན། ལྕང་སྐྱ་རོལ་པའི་རྡོ་རྗེ། ཐུའུ་ཀྭན་བློ་བཟང་ཆོས་ཀྱི་ཉི་མ། སྟག་ཕུ་པ་ཆོས་ཀྱི་དབང་ཕྱུག་སོགས་དང་། གནས་གསར་བ་ལས་ཞི་བ་ལྷ་འཕགས་པ་དགེ་ལེགས་རྒྱལ་མཚན་གྱིས་གསན་པས་དགེ་ལུགས་པའི་ཕྱོགས་སུ་ཤིན་ཏུ་དར་ཞིང་ཡིག་ཆའང་མང་དུ་མཛད་སྣང་ངོ་། །དེ་ལྟར་དཔལ་ས་སྐྱ་པ་བརྒྱུད་འཛིན་དང་བཅས་པའི་རྣམ་ཐར་རྒྱས་པ་ནི། དཀོན་མཆོག་ལྷུན་གྲུབ་ཀྱིས་མཛད་པའི་བསྟན་པ་སྤྱིའི་ཆོས་འབྱུང་བསྟན་པའི་རྒྱ་མཚོར་འཇུག་པའི་གྲུ་ཆེན་འཇམ་མགོན་སངས་རྒྱས་ཕུན་ཚོགས་ཀྱི་ཞལ་སྐོང་དང་བཅས་པ། མང་ཐོས་ཀླུ་སྒྲུབ་པའི་བསྟན་རྩིས། མཁན་ཆེན་ངག་དབང་ཆོས་གྲགས་ཀྱི་པོད་ཆེན་དྲུག་གི་འབེལ་གཏམ་རིན་ཆེན་མཛེས་པའི་ཕྲ་ཚོམ། ཐུབ་བསྟན་པ་ཆོས་རྣམ་རྒྱལ་གྱི་ཆོས་འབྱུང་འབེལ་གཏམ་ཉུང་ངུ་མེ་ཏོག་སར་པའི་དོ་ཤལ། དཀོན་མཆོག་ལྷུན་གྲུབ་ཀྱི་ས་སྐྱའི་གདུང་རབས་ཚིགས་བཅད་དང་། ཨ་མེས་ཞབས་ཀྱིས་མཛད་པའི་གདུང་
རབས་ཆེན་མོ་ངོ་མཚར་བྱེ་བའི་བང་མཛོད། དེའི་ཁ་སྐོང་ཀུན་བློས་མཛད་པ། ས་ལོ་ཆེན་པོ་དང་། སྔགས་འཆང་ཀུན་དགའ་རིན་ཆེན་ནས། ཀུན་བློ་ཡབ་སྲས་བར་སོ་སོའི་རྣམ་ཐར་རྒྱས་པ། རྗེ་བཙུན་བིརླ་པ་ནས་མཁན་ཆེན་བཀྲ་ཤིས་ལྷུན་གྲུབ་ཡན་ངོར་ལུགས་གསུང་ངག་དང་གདན་རབས་ཀྱི་རྣམ་ཐར་རྒྱས་པ་པོད་གསུམ། དེ་ཕྱིན་དཔལ་ཆོས། མི་འགྱུར་རྒྱལ་མཚན། ཆོས་སྐྱོང་བཟང་པོ་སོགས་སོ་སོའི་རྣམ་ཐར། མཁན་ཆེན་སངས་རྒྱས་ཕུན་ཚོགས་ཀྱིས་མཛད་པའི་ངོར་པའི་གདན་རབས་ནོར་བུའི་ཕྲེང་བ་དང་། དེའི་ཁ་སྐོང་དཔལ་ཆོས་སོགས་ཀྱིས་མཛད་པ་དཀོན་མཆོག་གྲགས་པ་ཡན་གྱི་རྣམ་ཐར་མདོར་བསྡུས། བདག་ཆེན་རྡོ་རྗེ་འཆང་ནས་གནས་གསར་བ་ལེགས་པའི་འབྱུང་གནས་བར་གྱི་ཚར་ལུགས་བླ་མ་བརྒྱུད་པའི་རྣམ་ཐར་འདི་ལས་ཞྭ་ལུ་མཁན་ཆེན་ཡན་འབྲས་སྤུངས་སུ་པར་ཡོད། །པོད་ལྔ། འཇམ་དབྱངས་མཁྱེན་བརྩེས་མཛད་པའི་སློབ་བཤད་ཁོག་ཕུབ་ཁ་སྐོང་དང་བཅས་པ། འཇམ་མགོན་ཨ་མེས་ཞབས་ཀྱིས་མཛད་པའི་ལམ་འབྲས་ཆོས་འབྱུང་ཆེན་མོ་རྩ་འགྲེལ། བདེ་མཆོག །གསང་འདུས། གཤེད་སྐོར། མགོན་པོ་རྣམས་ཀྱི་ཆོས་འབྱུང་། ཕུར་པའི་རྣམ་བཤད་ཀྱི་ཐོག་མའི་ལོ་རྒྱུས་ཚར་ཆེན་དང་ངག་དབང་ཆོས་གྲགས་སོགས་ཀྱིས་མཛད་པ་མགོན་པོའི་ཆོས་
འབྱུང་། ངག་དབང་ཆོས་གྲགས་ཀྱིས་མཛད་པའི་ལམ་འབྲས། བདེ་མཆོག །གཤེད་སྐོར་སོགས་ཀྱི་ལོ་རྒྱུས། དམར་པོ་སྐོར་གསུམ་གྱི་ལོ་རྒྱུས་སོ་སོའི་གླེགས་བམ་ལས་འབྱུང་བ། ཐུའུ་བཀྭན་ཆོས་ཀྱི་ཉི་མས་མཛད་པའི་རྣལ་འབྱོར་མའི་བླ་མ་བརྒྱུད་པའི་ལོ་རྒྱུས་སོགས་ལས་ཤེས་པར་བྱ་ཞིང་། དེ་ལྟ་བུའི་བསྟན་འཛིན་གྱིས་སྐྱེས་བུ་དམ་པ་ཚད་ལྡན་རྣམས་ཀྱི་དོན་གྱི་རྣམ་ཐར་ཀྱང་མདོར་བསྡུ་ན། རྗེ་བཙུན་ས་སྐྱ་པཎྜི་ཏ་ཆེན་པོས། ཐོག་མར་ཤེས་བྱ་ཀུན་ལ་མཁས་པར་བྱ། །བར་དུ་མཁས་པའི་ཚོགས་སུ་ལེགས་པར་བཤད། །ཐ་མ་འདྲིས་པའི་དོན་ལ་བརྩོན་པས་བསྒོམ། །དུས་གསུམ་རྒྱལ་བ་ཀུན་གྱི་བཞེད་གཞུང་ཡིན། །ཞེས་གསུངས་པ་ལྟར། གཞི་ཚུལ་ཁྲིམས་རྣམ་པར་དག་པས་བཟུང་ཏེ། པཎྜི་ཏ་དང་ལོ་ཙཱ་ཆེན་པོ་རྣམས་ཀྱིས་བསྒྱུར་ཞིང་གཏན་ལ་ཕབ། མཁས་གྲུབ་རྣམས་ཀྱིས་བཤད་ཅིང་ཉམས་སུ་བླངས་པས་བློ་གྲོས་དང་ལྡན་པ་ཐམས་ཅད་ལ་ཚད་མར་གྲགས་ཤིང་གྲུབ་པའི་མདོ་སྔགས་ཀྱི་གཞུང་ལུགས་རྒྱ་མཚོ་ལྟ་བུ་ལ་མང་དུ་ཐོས་པའི་མཐར་སོན་པར་བྱས། དེ་དག་གི་ཚིག་གི་སྡེབ་སྦྱོར། དོན་གྱི་དགོངས་འགྲེལ། ཆོ་གའི་ཕྱག་ལེན་ཕྲ་མོ་ཚུན་ཆད་ལའང་དངོས་དང་བཏགས་པ། དགོངས་གཞི་དང་དགོས་པ། རང་གཞན་གྱི་གྲུབ་མཐའི་ཁྱད་པར་སོགས་
བསམ་བྱུང་གི་རིག་པས་སྒྲོ་འདོགས་ཞིབ་མོར་བཅད། གཞན་ལ་འཆད་པ་དང་། བསྟན་བཅོས་རྩོམ་པ་སོགས་གང་གི་ཚེའང་ལུང་དང་རིགས་པས་གྲུབ་ཅིང་། བླ་མ་བརྒྱུད་པའི་མན་ངག་ལས་ཇི་ལྟར་འབྱུང་བ་འཁྲུལ་མེད་དུ་སྐྱོང་བ་ལས་གཞན་གཞུང་གི་ཟེར་སྒྲོས་དང་། རང་བཟོའི་དྲི་མ་ཕྲ་མོ་ཙམ་གྱི་བསྲེ་སླད་ཀྱང་མི་མཛད། ཟབ་མོའི་ལམ་སྤྱི་དང་། ཁྱད་པར་ཁྱབ་བདག་རྡོ་རྗེ་འཆང་ཆེན་པོ་དང་གྲུབ་ཆེན་བིར་ཝ་པ་ནས་རྒྱ་བོད་ཀྱི་མཁས་གྲུབ་ཟམ་མ་ཆད་པར་བརྒྱུད་ཅིང་། མི་བར་དུ་ཁྱི་མ་ཞུགས། མཁའ་འགྲོའི་ཞལ་རླངས་མ་ཡལ་བའི་གསུང་ངག་རིན་པོ་ཆེ་སྙན་བརྒྱུད་ཚད་མ་བཞི་ལྡན་ཐུགས་ཉམས་སུ་བཞེས་ཏེ། དང་པོ་རྒྱུ་དུས་ཀྱི་དབང་གིས་སྨིན་པར་བྱས། བར་དུ་ལམ་དུས་ཀྱི་དབང་གི་ཆུ་བོ་མ་ནུབ་པ་ཐུན་བཞིར་བླང་བས་གསོས་ཏེ་རིམ་པ་གཉིས་ཀྱི་ལམ་བཞི་ལ་གོམས་པས། མཐར་འབྲས་བུའི་དུས་ཀྱི་དབང་གིས་ཚེ་འདིའམ་བར་དོ་སོགས་ངེས་པར་ཕྱག་རྒྱ་ཆེན་པོ་མཆོག་གི་དངོས་གྲུབ་ལ་གཤེགས་པའི་ལམ་གཞན་ལས་ཆེས་ཁྱད་པར་དུ་འཕགས་པ་དང་། གཞན་ཡང་མཆོག་སྒྲུབ་པས་ཐུན་མོང་ཞར་ལ་འབྱུང་བ་དང་། ཐུན་མོང་སྒྲུབ་པས་མཆོག་ཞར་ལ་འབྱུང་བའི་ཟབ་རྒྱས་ཀྱི་གདམས་པ་ལག་ཏུ་ལོན་ངེས་པ་དུ་མས་རང་གཞན་ཐམས་ཅད་ལ་གནས་སྐབས་དང་མཐར་ཐུག་གི་
དངོས་གྲུབ་རྣམ་གཉིས་ལ་བདེ་བླག་ཏུ་སྦྱོར་བར་མཛད་པ་ཡིན་ལ། གཞན་ཡང་རང་གི་གྲུབ་མཐའ་མ་འཁྲུལ་པར་སྐྱོང་བ་ལས་གཞན་ལུགས་ཀྱི་རྗེས་སུ་མི་འབྲང་ཡང་། དེ་དག་ལུང་རིགས་ཀྱི་དཔྱད་པ་རེ་ཙམ་མ་གཏོགས་རྒྱུ་མཚན་མེད་པའི་སྡང་ཞེན་གྱིས་སྨོད་པ་སོགས་གྲུབ་མཐའི་ཆགས་སྡང་མི་མཛད། ནང་དུ་ཉམས་རྟོགས་དང་། མངོན་པར་ཤེས་པ་སོགས་རྒྱ་ཆེ་བ་མངའ་ཡང་སྦས་པའི་ངང་ཚུལ་ལྟ་བུར་མཛད་དེ། དཔལ་གསང་པ་འདུས་བ་ལས། ཕྱི་རུ་ཉན་ཐོས་སྤྱོད་པ་སྐྱོང་། །ནང་དུ་འདུས་པའི་དོན་ལ་དགའ། ཞེས་གསུངས་པ་ལྟར། ཕྱག་ལེན་དུ་བཏབ་པས། མདོ་སྔགས་རིག་གནས་དང་བཅས་པའི་གཞུང་ལུགས་རབ་འབྱམས་རྒྱ་བོད་ཀྱི་ཤིང་རྟ་ཆེན་པོ་རྣམས་ཀྱི་བཞེད་སྲོལ་ཇི་ལྟ་བ་བཞིན་དུ་སྨྲ་བའི་པཎྜི་ཏ་དང་། རྒྱུད་སྡེ་ནས་གསུང་པའི་ལམ་འཁྲུལ་མེད་བསྒོམས་པས་ཕྱག་རྒྱ་ཆེན་པོའི་ཡེ་ཤེས་དང་ས་ལམ་གྱི་ཡོན་ཏན་མཚན་ཉིད་པ་རྒྱུད་ལ་སྐྱེས་པའི་གྲུབ་ཐོབ་རྣལ་འབྱོར་གྱི་དབང་ཕྱུག་བསམ་གྱིས་མི་ཁྱབ་པ་ཞིག་བྱོན་པ་ཡིན་ནོ། །དེ་དག་གིས་བཤད་སྒྲུབ་མཛད་པའི་ཆོས་ཀྱི་རྣམ་གྲངས་དེང་སང་རྒྱུན་བཞུགས་པའང་། བསྟན་པ་རིན་པོ་ཆེའི་སྒོར་ཞུགས་པ་དང་། ཞུགས་པའི་རྟེན་དེ་དང་ཐོས་བསམ་བྱ་བའི་ཡུལ་གཉིས། དང་པོ་ནི། སོ་སོ་ཐར་པའི་སྡོམ་རྒྱུན།
པཎ་ཆེན་ཤཱཀྱ་ཤྲཱི་ནས་འཇམ་དབྱངས་ས་པཎ་ས་སྐྱ་ལྷ་ཁང་ཆེན་མོའི་སྡོམ་རྒྱུན། སོགས་ནས་བརྒྱུད་པ་དང་། མཁན་ཆེན་རྡོ་རྗེ་དཔལ་སོགས་ནས་ཐམས་ཅད་མཁྱེན་པ་ཀུན་དགའ་བཟང་པོ་ཡབ་སྲས་ལས་བརྒྱུད་པའི་སྡོམ་རྒྱུན་ངོར་པའི་སྡོམ་རྒྱུན། ཕྱག་ལེན་དང་བཅས་རྣམ་པར་དག་པ། གཉིས་པ་ལ། རྒྱུ་མཚན་ཉིད་ཀྱི་ཐེག་པ་དང་། འབྲས་བུ་གསང་སྔགས་རྡོ་རྗེ་ཐེག་པ་གཉིས་ལས། དང་པོ་ནི། ལས་ཨུདང་པོ་པ་འཇུག་པའི་སྒོ་བསྡུས་ཚད་ཀྱིས་རིག་པའི་ལམ་ཕྱེས་ནས། ཚད་མ་རྣམ་འགྲེལ་དང་། རིག་གཏེར་སོགས་ཚད་མའི་གཞུང་དང་༡། འདུལ་བ་མདོ་རྩ་༢། མངོན་པ་མཛོད་༣། ཕར་ཕྱིན་མངོན་རྟོགས་རྒྱན་༤། དབུ་མ་འཇུག་པ་།། མདོ་སྔགས་སྤྱིའི་གཞུང་སྡོམ་༦གསུམ་སྟེ་པོད་ཆེན་དྲུག་གི་བཤད་སྲོལ་ཕུལ་དུ་བྱུང་བ་ས་སྐྱ་ཐུབ་བསྟན་ལྷ་ཁང་ཆེན་མོ། རྟ་ནག་རྣམ་རྒྱལ། སྐྱེས་ཚལ་གོང་འོག །ཐུབ་བསྟན་རབ་སྨད། རྣམ་རབ་དྭགས་པོ་གྲྭ་ཚང་། ཨ་མདོ་གདུ་བུ་དགོན་སོགས་སུ་རྒྱ་ཆེར་དར་ཞིང་། དེས་མཚོན་པའི་གཞུང་མང་པོའི་ལུང་སེམས་བསྐྱེད་ལུགས་གཉིས། བློ་སྦྱོང་ཞེན་པ་བཞི་བྲལ་དང་། དོན་བདུན་མ་སོགས་ཉམས་ལེན་གྱི་སྐོར་རྣམས་སོ། །གཉིས་པ་ལ་སྤྱིར་རྒྱུད་སྡེ་བཞིའི་སྐོར་དང་། བྱེ་བྲག་ཏུ་སློབ་བཤད་གསེར་ཆོས་ཀྱི་སྐོར་དང་། རྗེས་འབྲེལ་བླ་མའི་
གསུང་འབུམ་རྣམས་ལས། དང་པོ་ལའང་སྤྱི་བཀའ་དང་། ཟུར་བཀའ་གཉིས་ལས། དང་པོ་ནི། རྡོ་རྗེ་ཕྲེང་བའི་དབང་། སྒྲུབ་ཐབས་བརྒྱ་རྩ། རྒྱ་མཚོ། སྣར་ཐང་བརྒྱ་རྩ་སོགས་ཀྱི་རྗེས་གནང་དང་། གཉིས་པ་ལ། ཐོག་མར་བྱ་བ་སྤྱིའི་རྒྱུད་ལ་རིགས་གསུམ་སྤྱིའི་དབང་བསྐུར་བ། སོ་སོའི་རྒྱུད་ལ། དེ་བཞིན་གཤེགས་པའི་རིགས་ཀྱི་གཙོ་བོ་ཐུབ་དབང་གནས་བརྟན་བཅུ་དྲུག །འོད་ཟེར་དྲི་མེད། སྨན་བླ། ཀླུ་དབང་རྒྱལ་པོ་སོགས་དང་། རིགས་ཀྱི་བདག་པོ་འཇམ་དཔལ་མ་ཏི་ལུགས། གང་བློ་མ། ཤེས་རབ་འཁོར་ལོ། །སྨྲ་སེང་སོགས་ཀྱི་སྐོར། རིགས་ཀྱི་ཡུམ། སྲུང་བ་ལྷ་ལྔའི་དབང་། འོད་ཟེར་ཅན། གཟའ་ཡུམ། རིགས་ཀྱི་གཙུག་ཏོར་གདུགས་དཀར་ལྷ་ཉེར་བདུན་མ་དང་། ལྷ་བཅུ་བདུན་མ། གཙུག་གཏོར་དྲི་མེད་སོགས་ཀྱི་དབང་། རིགས་ཀྱི་ཁྲོ་བོ་མི་གཡོ་བ་དཀར་སྔོན་གྱི་སྐོར། པདྨའི་རིགས་ཀྱི་གཙོ་བོ་ཚེ་དཔག་མེད་ལྷ་དགུ་དང་། འཆི་མེད་རྔ་སྒྲ། མི་ཏྲིའི་ལུགས་ཀྱི་ཚེ་དཔག་དཀར་པོ། །སྒྲ་མི་སྙན་གྱི་རང་གཟུངས། རིགས་ཀྱི་བདག་པོ་སྤྱན་རས་གཟིགས་ཀླུ་སྒྲུབ་ལུགས་ལྷ་སོ་བདུན་མའི་དབང་། བཅུ་གཅིག་ཞལ་དཔལ་མོ་ལུགས། ཐུགས་རྗེ་ཆེན་པོ་སྐྱེར་སྒང་ལུགས། ས་ལུགས་ཐུགས་རྗེ་ཆེན་པོ་དང་ཕྱག་རྒྱ་ཆེན་པོ་ཟུང་འཇུག་དང་།
གཙོ་འཁོར་གསུམ་པ། དོན་ཡོད་ཞགས་པ་ལྷ་ལྔ། སེངྒེ་སྒྲ་སོགས་ཀྱི་རྗེས་གནང་མན་ངག་དང་བཅས་པ། རིགས་ཀྱི་ཡུམ་སྒྲོལ་དཀར་བཀའ་བབས་དགུ་ལྡན་དང་། འོད་ཟེར་དྲུག་སྦྲགས་ཀྱི་རྗེས་གནང་ཟབ་ཁྲིད་མན་ངག་དང་བཅས་པ། སེང་ལྡེང་ནགས་སྒྲོལ་གཙོ་རྐྱང་། ཇོ་ལུགས་སྒྲོལ་མ་ཉེར་གཅིག་དང་། སྒྲོལ་མ་བར་ཆད་ཀུན་སེལ། དབང་གི་སྒྲོལ་མ་དམར་མོ་སོགས་ཀྱི་རྗེས་གནང་། མཎྜལ་བཞི་བའི་མན་ངག །ལྷ་མོ་ཤྲ་མ་ཎའི་སྐོར། རིགས་ཀྱི་ཁྲོ་བོ་རྟ་མགྲིན་ཟླ་རྒྱལ་ལུགས། གྲུབ་རྒྱལ་ལུགས། རིགས་ཀྱི་ཁྲོ་མོ་རི་ཁྲོད་མ་སེར་མོའི་རྗེས་གནང་མན་ངག་དང་བཅས་པ། རྡོ་རྗེའི་རིགས་ཀྱི་གཙོ་བོ་མི་འཁྲུགས་པ་ལྷ་དགུའི་དབང་། རིགས་ཀྱི་བདག་པོ་ཕྱག་ན་རྡོ་རྗེ་འགྲོ་བཟང་ལུགས། རྣམ་འཇོམས་བ་རི་ལུགས། རིགས་ཀྱི་ཕོ་ཉ་སྨེ་བརྩེགས་ས་ལུགས་དང་། ཇོ་ལུགས་མན་ངག་བཅས། རིགས་ཀྱི་ཕོ་ཉ་མོ། ཁྲོ་མོ་སྨེ་བརྩེགས་སོགས་སོ། །ནོར་ཅན་གྱི་རིགས། བ་རི་ལུགས་ཀྱི་ཛམ་སེར་ནག །ཇོ་ལུགས་ཛམ་དཀར་འབྲུག་ཞོན་མན་ངག་དང་བཅས་པ། རྣམ་སྲས་སེར་ཆེན་སོགས་རྗེས་གནང་རིགས་མི་འདྲ་བ་འདི་ལ་རྒྱུད་སྡེ་གོང་འོག་ཅི་རིགས་པར་ཡོད། བཅུ་བདུན་དང་། མན་ངག་རབ་ཏུ་མང་པོའི་ལུགས་བཅས་བཞུགས་པ་ཡིན་ནོ།། ༈ །།གཉིས་པ་སྤྱོད་རྒྱུད་ལ། གཤེགས་
རིགས་ཀྱི་བདག་པོ་འཇམ་དབྱངས་ཨ་ར་པ་ཙ་ན་ལྷ་ལྔའི་དབང་དང་། དཔལ་གཅིག་པའི་རྗེས་གནང་། གསུམ་པ། རྣལ་འབྱོར་གྱི་རྒྱུད་ལ་ཆ་མཐུན་གྱི་རྒྱུད་སྦྱོང་དཀྱིལ་བཅུ་གཉིས་དང་། ཀུན་རིག །ཕྱག་རྡོར་འཆི་འཇོམས་སོགས་དང་། ཀུན་རིག་གི་གཞུང་གཞན་ཕན་སྐོར་གསུམ་སོགས་ཡིག་ཆ་མང་པོའི་ལུང་། རྒྱུད་སྡེ་བཞི་པ་བླ་མེད་ཀྱི་རྒྱུད་ལ་གསུམ་ལས་དང་པོ་ཕ་བརྒྱུད་ལ། །གསང་འདུས་མི་བསྐྱོད་པ། འཇམ་པའི་རྡོ་རྗེ། སྤྱན་རས་གཟིགས་རྣམས་ཀྱི་དབང་ལུང་། གཤེད་དམར་ལྷ་ལྔའི་དབང་ཟབ་འཁྲིད་དང་བཅས་པ། དགྲ་ནག་བཅུ་གསུམ་མ། འཇིགས་བྱེད་ས་ལུགས་དང་། རྭ་ལུགས་རོ་ལངས་བརྒྱད་སྐོར། ར་ལུགས་བཅུ་གསུམ་མ་རྣམས་ཀྱི་དབང་། སྐྱོ་ལུགས་རྭ་རྩེ་སེམས་འཛིན་དང་། རྭ་ལུགས་མཁའ་འགྲོའི་སྙན་བརྒྱུད་ཀྱི་འཁྲིད། རྒྱབ་བརྟེན་ལུང་པོད་བཞི། དུག་དབང་རྨ་བྱ་རྒྱས་པ་དང་། འཇིགས་བྱེད་དཔའ་གཅིག །ལས་གཤིན་རིགས་བཞི་དང་བཅས་པའི་རྗེས་གནང་། དེ་དག་གི་རྒྱབ་བརྟེན་ལུང་པོད་བཞི། གཉིས་པ་མ་རྒྱུད་ལ་སྒོ་དྲུག་ལས། ཧེ་རུ་ཀའི་རིགས་ཀྱི་རྒྱུད་པ་དེ་མཆོག་དུས་འཁོར་ལྟར་བཀྲལ་བ་མཁའ་འགྲོ་རྒྱ་མཚོ་དང་། རྣལ་འབྱོར་གསང་མཐའ་ལྟར་བཀྲལ་བ་ལཱུ་དྲིལ་ནག་གསུམ་དང་། བདེ་མཆོག་བོང་ཞལ་ཅན་ཀྱི་
དབང། དཔྱལ་ལུགས་ཕག་མོ་སྐོར་དང་། ཕག་དཀར་ཤེས་རབ་གསལ་བྱེད་རྣམས་ཀྱི་བྱིན་རླབས། པདྨ་གར་དབང་གི་རིགས་སུ་གཏོགས་པ། ཀུ་རུ་ཀུལླེ་ལྷ་ལྔའི་དབང་། ཚེ་འདི་རྒྱུད་སྡེའི་རིགས་སུ་ཧེ་རུ་ཀའི་རིགས་སུ་གཏོགས། དཔག་གྲུབ་རྒྱལ་ལུགས་ཀྱི་བྱིན་རླབས། ཐུགས་རྗེ་ཆེན་པོ་ཚེམ་བུ་ལུགས་ཀྱི་ཁྲིད། འདི་ཕ་རྒྱུད་དུ་བཞེད་པའང་ཡོད། རྟ་མཆོག་གི་རིགས་བཅོམ་ལྡན་འདས་རྡོ་རྗེ་གཞོན་ནུའི་དབང་བསྐུར་མན་ངག་དང་བཅས་པ། ཉི་སྦས་ལུགས་ཀྱི་སྒྲོལ་མ་ཉེར་གཅིག་གི་རྗེས་གནང་། གསུམ་པ་གཉིས་མེད་ཀྱི་རྒྱུད་ལ། དཔལ་ཀྱེ་རྡོ་རྗེ་མན་ངག་ལུགས། འགྲེལ་པ་ལུགས། མཚོ་སྐྱེས་ལུགས། ནག་པོ་ལུགས་སྐུ་གསུང་ཐུགས་སྙིང་པོ་ཀྱེ་རྡོ་རྗེ་དང་བཅས་བཀའ་བབས་བཞི་ལ་དབང་ཀ་བདུན། ཡུམ་བཀའ་བདག་མེད་ལྷ་མོ་བཅོ་ལྔ། བཤད་རྒྱུད་རྡོ་རྗེ་གུར། ཆ་མཐུན་གྱི་རྒྱུད། སམ་བུ་ཊ་རྣམས་ཀྱི་དབང་། གུར་གྱི་ལས་རྒྱས་པའི་ལྷ་གསུམ་ཞེས་ཕྱག་ན་རྡོ་རྗེ་འབྱུང་པོ་འདུལ་བྱེད། ཤེར་འདིའི་ཟུར་ཀ་ཡོད་མེད་དཔྱད། ཕྱིན་དཀར་མོ། སོ་འབྲང་དཀར་མོ་རྣམས་ཀྱི་རྗེས་གནང་། དཔལ་དུས་ཀྱི་འཁོར་ལོའི་སྐུ་གསུང་ཐུགས་ཡོངས་རྫོགས་ཀྱི་དབང་། རྒྱུད་དེ་ཉིད་ལས་གསུངས་པའི་ལས་རྒྱས་པའི་ལྷ་གསུམ་ཞེས། རྡོ་རྗེ་ཤུགས། རྡོ་རྗེ་ཁྱུང་ཁྲ། སྣ་ཚོགས་ཡུམ། རྣམས་ཀྱི་རྗེས་གནང་
སོགས་སོ། །གཉིས་པ་ཐུན་མོང་མ་ཡིན་པ་སྙན་རྒྱུད་གསེར་ཆོས་ཀྱི་སྐོར་ལ། ཐོག་མར་གསུང་ངག་རིན་པོ་ཆེར། དཔལ་ཀྱེ་རྡོ་རྗེ་མན་ངག་ལུགས་ཀྱི་རྒྱུ་དབང་། ཨཋའི་བཟླས་ལུང་། །ལམ་དབང་། ཡིག་བརྒྱའི་བཟླས་ལུང་། ལམ་ཟབ་ཕྱི་ནང་། བླ་མ་རིན་འབྱུང་། ཚར་གསུམ་ཁུག་པ། བིར་སྲུང་ཕྱི་ནང་། བདག་མེད་མ། ལམ་སྦས་བཤད། བརྡ་དོན་གསལ་བ། བརྡ་ཚིག་བརྒྱུད་ཐུན་མོང་དང་། ཐུན་མིན། སྒྲུབ་པ་ལུང་སྦྱིན། གསང་བཅུའི་རྒྱས་གདབ། རྣམ་འཇོམས་བིར་ལུགས། རྟེན་འབྲེལ་སྲུང་བ་རྣམས་ཀྱི་བྱིན་རླབས། ལམ་འབྲས་ལུགས་ཀྱི་མགོན་རྐྱང་གི་རྗེས་གནང། ལམ་འབྲས་ཚོགས་བཤད་དང་། སློབ་བཤད་སོ་སོའི་ཉམས་ཁྲིད། ལུས་སྦྱོང་དང་འཁྲུལ་འཁོར་གྱི་ཕྱག་ལེན། རྒྱབ་བརྟེན་ལུང་གི་རིམ་པར། ཚོགས་སློབ་སོ་སོའི་རྣམ་ཐར་གླེགས་བམ་དུ་མ། ལམ་འབྲས་གླེགས་བམ་པོད་སེར་ལམ་སྐོར་དང་བཅས་པ། པོད་དམར། པོད་ནག །སྟོང་ར་བའི་པོད་སྔོན། གཞུང་བཤད་སྲས་དོན་མ། ཚར་ཆེན་གྱི་རྣམ་བཤད་ཉི་ཟེར་སོགས་དང་། །མཁྱེན་བརྩེའི་ཁྲིད་ཡིག་སོགས་ཀླུ་སྒྲུབ་དང་། ངག་དབང་ཆོས་གྲགས། ངག་དབང་བརྟན་རྡོར་སོགས་བླ་མ་ཕྱི་མའི་གསུང་རབས་བཅས་རབ་ཏུ་མང་པོའི་ལུང་དང་། ལྕགས་རིའི་ཁོངས་ལས་མི་འདའ་།
བའི་སྙན་བརྒྱུད་གསེར་ཆོས་བཅུ་གསུམ་ཞེས་གྲགས་པ་ལ་མཆོག་བསྒྲུབས་པ་ལ་ཐུན་མོང་ཞར་ལ་འབྱུང་བ་དམར་མོ་སྐོར་གསུམ་མམ། མཁའ་སྤྱོད་སྐོར་གསུམ་ཞེས་གྲགས་པར། ནཱ་རོ་མཁའ་སྤྱོད་༡མ་ངོར་ལུགས་དང་། ཚར་ལུགས་སོ་སོའི་བྱིན་རླབས། བསྐྱེད་རྫོགས་ཀྱི་ཉམས་འཁྲིད། ཆོས་ཉིད་དངོས་བསྟན་གྱི་བྱིན་རླབས། རྩ་དབུ་མ་ཆེ་བའི་འཁྲིད། ཨིན་༢དང་། མེ་ཏྲི་༣མཁའ་སྤྱོད་ཀྱི་བྱིན་རླབས། རྒྱབ་བརྟེན་ལུང་པོད་གསུམ། ཐུན་མོང་སྒྲུབ་པས་མཆོག་ཞར་ལ་འབྱུང་པ་དམར་པོ་སྐོར་གསུམ་ལ། ཀུ་རུ་ཕྱི་སྒྲུབ་ཀུལླེ་ངོར་ལུགས་ཐུན་མོང་དང་ཐུན་མོང་མ་ཡིན་པའི་རྗེས་གནང་། ཚར་ལུགས་ནང་སྒྲུབ། ཐུན་མོང་དང་ཐུན་མོང་མ་ཡིན་པའི་རྗེས་གནང་། ལི་ལུགས་ཀྱི་གསང་སྒྲུབ་ལྷ་ལྔའི་བྱིན་རླབས། ལུང་པོད་གཅིག ཚོགས་བདག་དམར་ཆེན་ངོར་ལུགས་ཐུན་མོང་མ་ཡིན་པ། ཚར་ལུགས་དམར་ཆེན་ཕྱག་བཅུ་གཉིས་པ་ཐུན་མོང་མ་ཡིན་པ། དམར་ཆེན་ཁྱད་པར་ཅན། ཇོ་ལུགས་ཚོགས་བདག་དཀར་པོ་ཆགས་པ་རྡོ་རྗེ་དང་། ཕྱག་བཞི་པའི་རྗེས་གནང་སྟེ་ལྔ། ལུང་པོད་༡། ཁྲོ་བོ་ཀག་ཆོལ་འདོད་པའི་རྒྱལ་༦པོ་ལ་ངོར་ལུགས་ཐུན་མོང་མ་ཡིན་པ་འདོད་པ་ལྷའི་རྗེས་གནང་དང་། གསང་སྔགས་སྒྲའི་རྗེས་གནང་གཉིས། ལུང་པོད་༡། དེ་རྣམས་ཀྱི་ཕྱག་ལེན་དམར་ཁྲིད་ཀྱི་རྒྱུན་
དང་བཅས་པ། དམར་ཆུང་སྐོར་གསུམ་མམ་གཉན་ལོའི་དབང་གི་ལྷ་གསུམ་དུ་གྲགས་པ། ཀུ་རུ་ཀུལླེ་དཔལ་༧མོ་གསེར་གྱི་སྙིང་ཐག་ཅན། ནོར་རྒྱུན་མ་དམར་མོ། །ལྷ་མོ་ཏི་ནུ་མ་༩རྣམས་ཀྱི་རྗེས་གནང་མན་ངག་གི་ལུང་དང་བཅས་པ། སེང་གདོང་སྔོན་མོ་༡༠། །འཇམ་དཔལ་ནག་པོ་༡༡། རྡོ་རྗེ་ཁྱུང་ཁྲ་༡༢། ཛམ་དམར་སྲོག་༡༣སྒྲུབ་རྣམས་ཀྱི་རྗེས་གནང་། སོ་སོའི་མན་ངག་གི་ལུང་དང་བཅས་པ། གཞན་ཡང་གསེར་ཆོས་བཅུ་གསུམ་གྱི་སྟེང་། སེངྒེ་སྒྲའི་ངག་སྲུང་༡༤འགྲོལ་གྱི་རྗེས་གནང་ལུང་དང་བཅས་པ་བསྣན་པས། ཀླུ་པའི་གསེར་ཆོས་བཅུ་བཞི་གྲགས་ཤིང་། གསེར་ཆོས་སུ་གཏོགས་པ་ཚེ་དཔག་མེད་སྤྲུལ་སྐུའི་རྗེས་གནང་། གཉན་ལོའི་གསེར་ཆོས་ཛམ་བྷ་ལ་སུམ་བསྒྲིལ་གྱི་སྒོམ་ལུང་། ལྷ་མོ་དབྱུ་གུ་སྤུན་གསུམ་གྱི་མན་ངག་གི་ལུང་བཅས་སོ། །དཔལ་ས་སྐྱ་པ་ཡབ་སྲས་རྣམས་ལ་བསྟན་པ་སྲུང་པའི་མཚོན་ཆ་རྡོ་རྗེའི་ཆོས་སྲུང་རྒྱ་མཚོ་ལྟ་བུ་ཞིག་བཀའ་བབས་པ་ལས་གཙོ་བོར་གྱུར་པ་ནི་རྡོ་རྗེ་ནག་པོ་ཆེན་པོ་གུར་ཞལ་གཉིས་ཏེ། དེ་ཡང་གུར་གྱི་མགོན་པོའི་སྐོར་ལ་བཀའ་བབས་བཞི་ལས། ག་ཡ་དྷ་ར་ནས་བརྒྱུད་པ་ལམ་འབྲས་༡ལུགས་ཀྱི་མགོན་རྐྱང་དང་། སྒྲུབ་ཐབས་བརྒྱ་རྩ་ནས་འབྱུང་བའི་བ་རི་ལུགས་ཀྱི་མགོན་རྐྱང་གཉིས་ཀྱི་རྗེས་གནང་། སོ་སོའི་མན་
ངག་གི་ལུང་། །ཁ་ཆེ་༣པཎྜི་ཏ་ནས་བརྒྱུད་པའི་སྤུ་གྲི་སྐོར་གསུམ་གྱི་ལུང་། ཤིན་ཏུ་ཟབ་ཅིང་རྒྱ་ཆེ་བ་བླ་མ་མལ་ལས་བརྒྱུད་པའི་སྐོར་ལ། སྨིན་གྲོལ་རྒྱབ་བརྟེན་དང་བཅས་པ་ལས། དང་པོ་༤ལ། །དབང་བཀའ་མ་ནུབ་པ་དང་། རྗེས་གནང་བཀའ་མ་ནུབ་པ་གཉིས་ཀྱི་དང་པོ་ནི། མགོན་པོ་ལྷ་ལྔ། ལྷ་བརྒྱད། ལྷ་བཅུ་གཅིག་མ། ལྷ་བཅུ་བདུན་མ། གྲི་འདི་ག་ཡ་དྷ་ར་ནས་བརྒྱུད་པ་ཡིན། གུག་ལྷ་ལྔ་སྙན་བརྒྱུད་ལུགས་ཀྱི་དབང་བཅས་ལྔ། གཉིས་པ་ལ། ལྕམ་དྲལ། ལྷ་གསུམ། ལྷ་བརྒྱད་ཐུན་མོང་དང་། ཐུན་མོང་མ་ཡིན་པ། ངོར་ལུགས་ལྷ་བརྒྱད། ལྷ་བཅུ་གཉིས་མ་ཐུན་མོང་དང་། ཐུན་མོང་མ་ཡིན་པ། ཕྱི་ཁྲིད་ཁྲོ་བཅུ། གསང་ཁྲིད་ལྷ་དགུ། ཞར་བྱུང་མོ་རྐྱང་དུ་སྒྲུབ་པ་དུད་སོལ་མ་ཕྱི་སྒྲུབ་དང་། གསང་སྒྲུབ་ཀྱི་རྗེས་གནང་གཅེར་བུ་ཟངས་གྲི་ཅན། བེར་ནག་ཟངས་གྲི་ཅན། པུ་ཏྲ་ཐུན་མོང་དང་ཐུན་མིན། བྲན་བདུད་ནག་པོ་ཐུན་མོང་དང་། ཐུན་མིན་རྣམས་སོ། །གཉིས་པ་ལས། ཕྱི་ཁྲིད། གསང་ཁྲིད། ཞར་བྱུང་མགོན་པོ། དཀར་པོའི་ཚེ་ཁྲིད་བཅས། གསུམ་པ་ལ། །གླེགས་བམ་མེ་འབར་མ། ཁ་སྐོང་། སྙན་བརྒྱུད། ཡང་སྐོང་སྟེ་སྙན་བརྒྱུད་འཛིན་པ་ཕྱི་མའི་གསུང་རབ། ཡང་སྐྱོ་མདའ་བསོད་ནམས་དབང་ཕྱུག་གིས་བསྒྲིགས་པའི་ཁ་སྐོང་པོད་ཆེན་༢། གྱི་ལྗང་
པོད། དུད་སོལ་པོད་བཅས་སོ། །ཞིང་སྐྱོང་ཞལ་བཞི་པའི་སྐོར་ལ། བསྙེན་༡དུས་ཐུན་མོང་། སྒྲུབ་དུས་ཐུན་༢མོང་། ཐུན་མོང་མ་ཡིན་༣པ། གདོང་བརྙན་༤ཅན། གསང་ཁྲིད་སྔོན་༥འགྲོའི་རྗེས་གནང་། དཀར་པོ་ཚེ་འཕེལ་ཐུན་༦མོང་དང་། ཐུན་མོང་མ་༧ཡིན་པ། སེར་པོ་རྒྱས་བྱེད། དམར་པོ་དབང་༩བསྡུད། སྔོན་པོ་༡༠བགེགས་འཇོམས། ནོར་སྒྲུབ་སེར་པོ་ལྷ་༡༡དགུ། །གནད་དབབས་༡༢མགོན་པོ། ཁྱུང་ཞལ་ཅན་༡༣། ཤི་ས་བསྟན་པ་༡༤། བྲམ་ཟེ་མངགས་༡༥གཏད། ཡེ་ཤེས་ཀྱི་༡༦མགོན་པོ་སེངྒེ་ནག་པོ། བྲམ་ནག་བཤན་པ་༡༧དྲུག་སྐོར། ངོར་ལུགས་བསྙེན་དུས། དེའི་བཀའ་སྲུང་བེགྱེ་ལྕམ་སྲིང་ལྷ་གསུམ་དང་། འཁོར་མང་རྣམས་ཀྱི་རྗེས་གནང་། ཞལ་གྱི་གསང་ཁྲིད་ཚེ་ཁྲིད་དང་བཅས་པ། ཐུན་མོང་བ་དཀར་ཆག་ནོར་བུའི་དོ་ཤལ་གྱིས་ཟིན་པ་པོད། ཐུན་མོང་མ་ཡིན་པ་ཆིག་བརྒྱུད་ཧ་ལ་ནག་པོ་མ་བུ་པོད་གཅིག །ཐེགྱེའི་པོད་གཅིག །གཞན་ཡང་མགོན་དཀར་དམག་ཟོར་མ་དུར་ཁྲོད་བདག་པོ་ཡབ་ཡུམ་རྣམས་ཀྱི་རྗེས་གནང་། སོ་སོའི་མན་ངག་གི་གླེགས་བམ། གནུབས་ལུགས་སྟག་ཞོན། ལེགས་ལྡན་མཆེད་བྱ་རྒྱུད། གསུམ་སོགས་ཀྱི་རྗེས་གནང་བཞུགས་སོ། །གསུམ་པ་གསུང་འབུམ་སྐོར་ལ། ས་སྐྱ་གོང་མ་ལྔའི་བཀའ་འབུམ་
པོད་བཅོ་ལྔ། རྒྱལ་སྲས་ཐོག་མེད་བཀའ་འབུམ་པོད་གཅིག །ངོར་ཆེན་རྡོ་རྗེ་འཆང་བཀའ་འབུམ་པོད་བཞི། མུས་ཆེན་གཅིག །ཀུན་མཁྱེན་བསོན་ནམས་སེངྒེའི་སྔགས་ཕྱོགས་བཞི། དཀོན་མཆོག་ལྷུན་གྲུབ་བཞི། དཔལ་ལྡན་དོན་གྲུབ་གཅིག །ཞུ་ཆེན་པཎྜི་ཏ་༡༠རྣམས་ཀྱི་བཀའ་འབུམ་ཡོངས་རྫོགས་དང་ཚར་ཆེན་ཡབ་སྲས། པཎ་ཆེན་ནམ་མཁའ་དཔལ་བཟང་། ངག་དབང་ཆོས་གྲགས། །སངས་རྒྱས་ཕུན་ཚོགས། རྨོར་ཆེན་ཀུན་དགའ་བློ་གྲོས་སོགས་ཀྱི་གསུང་འབུམ་ཐོར་བུ་བཅས་ཀྱིས་མཚོན་མདོ་སྔགས་ཀྱི་ཟབ་ཆོས་རྒྱ་མཚོ་ལྟ་བུ་ཞིག་བཞུགས་ཤིང་། ས་ངོར་ཚར་གསུམ་གྱི་རིང་ལུགས་འཛིན་པའི་དགོན་སྡེ་རྣམས་སུའང་། བྱ་རྒྱུད་ཚེ་དཔག་ལྷ་དགུ། རྔ་སྒྲ། མི་འཁྲུགས་པ། རྣམ་རྒྱལ། རྣམ་འཇོམས། སྒྲོལ་དཀར། རྣལ་འབྱོར་རྒྱུད་ཀུན་རིག །འཆི་འཇོམས་རྣམས། བླ་མེད་ཕ་རྒྱུད་གསང་འདུས་མི་བསྐྱོད་པ་༣༢། འཇམ་རྡོར་༡༩། མ་རྒྱུད་བདེ་མཆོག་༦༢ལུ་ནག་༦༣གཉིས། གཉིས་མེད་རྒྱུད་ཀྱེ་རྡོར་མན་ངག་ལུགས། གུར་༤༥། སམྦྷཊ་༡༧སྟེ་ངོར་ལུགས་དཀྱིལ་འཁོར་བདུན་དུ་གྲགས་པ་དང་། བདག་མེད་ལྷ་མོ་བཅོ་ལྔ། གཤིན་རྗེ་གཤེད་དམར་ནག་འཇིགས་གསུམ། འཇིགས་བྱེད་བཅུ་གསུམ་མ། མཁའ་འགྲོ་རྒྱ་མཚོ། ཡབ་ཆོས་ཡང་ཕུར་གཉིས། དཔལ་དུས་
ཀྱི་འཁོར་ལོ་སོགས་ཀྱི་སྒྲུབ་མཆོད་དང་། བཅོམ་ལྡན་འདས་རྡོ་རྗེ་འཇིགས་བྱེད་དང་། རྡོ་རྗེ་ནག་པོ་ཆེན་པོ་སོགས་ཀྱི་གཏོར་ཟློག་གིས་མཚོན་ཏེ་བཤད་སྒྲུབ་གྱི་ཕྲིན་ལས་གོང་གོང་དཀར་རྡོ་རྗེ་གདན་དང་། བཀྲ་ཤིས་ཆོས་སྡེ་སོགས་སུ་ས་ལུགས་དང་། བུ་ལུགས་འདྲེས་མའི་སྒྲུབ་མཆོད་ཤིན་ཏུ་མང་པར་བཞུགས་སོ། །འཕེལ་དུ་བཞུགས་པ་ལགས་སོ། །ས་སྐྱ་པ་ཞེས་གྲགས་པའི་སྒྲ་དོན་ནི། རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱི་ཞལ་ནས། ས་དཀར་པོ་སེངྒེའི་གདོང་པ་འདྲ། །དཔལ་ལྡན་ས་སྐྱ་སེངྒེའི་ལུས། །འགྲོ་དྲུག་གི་བསམ་པ་འགེངས་པ་པོ། །རྗེ་རྡོ་རྗེ་འཆང་གི་བཞུགས་གནས་ཡིན། །ཞེས་གསུངས་པ་ལྟར་གནས་ཀྱི་མིང་གང་ཟག་ལ་ཆགས་པ་ཡིན་ནོ། །དཔལ་ས་སྐྱ་པའི་རིང་ལུགས་ལ་དགག་པ་མཛད་མཁན་ཆེར་མ་བྱུང་མོད། འོན་ཀྱང་མཁས་གྲུབ་དགེ་ལེགས་དཔལ་བཟང་སོགས་དགེ་ལུགས་པའི་ཕྱོགས་དང་། ཀུན་མཁྱེན་བུ་སྟོན་རིན་པོ་ཆེ་དང་། བོ་དོང་པ་ཕྱོགས་ལས་རྣམ་རྒྱལ་སོགས་ཀྱིས་ཀྱང་ཅུང་ཟད་དགག་པ་གནང་བའི་ལན་ངོར་ཆེན་རྡོ་རྗེ་འཆང་དང་། ཀུན་མཁྱེན་བསོད་ནམས་སེངྒེ་སོགས་ཀྱིས་གསུང་རབས་ལས་ཤེས་པར་བྱ་ཞིང་། པཎ་ཆེན་ཤཱཀྱ་མཆོག་པས་སྡོམ་གསུམ་ལ་དོགས་པ་འདྲི་བ་བཀོད་པ་དང་། ཐམས་ཅད་མཁྱེན་པ་པདྨ་དཀར་པོས་ཀྱང་སྡོམ་གསུམ་གྱི་ཐད་ནས་།
དགག་སྒྲུབ་ཅུང་ཟད་དང་། བརྟགས་གཉིས་འཆད་པ་རྣམས་ལ་དྲི་བ་གནང་བ་སོགས་ཀྱི་ལན་ཀུན་མཁྱེན་རིན་པོ་ཆེ། གློ་བོ་མཁན་ཆེན། ཀླུ་སྒྲུབ་རྒྱ་མཚོ། ངག་དབང་ཆོས་གྲགས་སོགས་ཀྱིས་རིམ་བྱས་པའི་ལན་ཐམས་ཅད་མཁྱེན་པ་དཀོན་མཆོག་ལྷན་གྲུབ་དང་། ངག་དབང་བརྟན་པའི་རྡོ་རྗེ་སོགས་ཀྱིས་མཛད་པ་དང་། ཇོ་ནང་པ་སོགས་ཀྱི་ཕྱོགས་ནས་གསང་ཆེན་སློབ་བཤད་པའི་རིང་ལུགས་ལ་ཟུར་ཟ་མཛད་པར། མང་ཐོས་ཀླུ་སྒྲུབ་དང་། མཁན་ཆེན་ངག་དབང་ཆོས་གྲགས་ཀྱིས་ལན་ཟབ་ཅིང་རྒྱ་ཆེ་བར་གནང་བ་རྣམས་ལ་བློ་གྲོས་ཀྱི་མིག་བསྒྲུབས་ན་ལོག་རྟོག་གི་དྲི་མ་དང་བྲལ་ནས་སླར་ཡང་རྒྱུ་མཚན་ཤེས་ནས་མི་ཕྱེད་པའི་དད་པ་ཐོབ་པར་འགྱུར་རོ།། ༈ །།ས་སྐྱ་དང་དུས་མཉམ་ཙམ་དུ་མཉམ་མེད་དྭགས་པོ་བཀའ་བརྒྱུད་ཀྱི་རིང་ལུགས་ཀྱང་ཤིན་ཏུ་དར་བར་གྱུར་ཏེ། དེ་ལ་དྭགས་ལ་སྒམ་པོ་ནི། མངའ་བདག་མར་པའི་སྒྲུབ་བརྒྱུད་ཀྱི་ཀ་ཆེན་མི་ལ་བཞད་པའི་རྡོ་རྗེའི་ཐུགས་སྲས་ཉི་མ་ལྟ་བུ་དྭགས་པོ་རིན་པོ་ཆེ་བསོད་ནམས་རིན་ཆེན་གྱིས་དགུང་ལོ་བཞི་བཅུ་རྩ་གྲངས་དུས་བཏབ། བཀའ་བརྒྱུད་ཐམས་ཅད་ཀྱི་འབྱུང་ཁུངས་སུ་གྱུར་ཕྱིས་སྒམ་ཚུལ་ཚུལ་ཁྲིམས་སྙིང་པོ་སོགས་དབོན་དང་། ཀུན་མཁྱེན་བཀྲ་ཤིས་རྣམ་
རྒྱལ་སོགས་སྐྱེ་སྤྲུལ་རིམ་བྱོན་གྱིས་སྐྱོང་།། ༈ །།ངོམས་ཤོད་ཕག་མོ་གདན་ས་ཐེལ། གྲུ་ཀུན་ཏུ་བཟང་པོའི་ནགས་ཁྲོད་ནི། འགྲོ་བའི་མགོན་པོ་ཕག་གྲུ་རྡོ་རྗེ་རྒྱལ་པོས་དགུང་ལོ་ཞེ་དགུ་པར་བཏབ། རེ་ཞིག་འབྲི་སྟག་གཉིས་ཀྱིས་ཅུང་ཟད་བསྐྱང་ཞིང་། ཕྱིས་ལྷ་གཟིགས་རླངས་ཀྱི་གདུང་ལས་འཁྲུངས་པ་སྤྱན་སྔ་གྲགས་པ་འབྱུང་གནས་སོགས་ལྷ་གཟིགས་སྤྱན་སྔ་རིམ་བྱོན་གྱིས་གདན་ས་མཛད་ཀྱང་། དེང་སང་ནི་རྟེན་གསུམ་ཙམ་ལས་ཆོས་བརྒྱུད་ཆེར་མི་བཞུགས། ཕག་གྲུའི་སློབ་མ། འབྲི་སྟག་གཉིས། གཡའ་ཤུག་གཉིས། སྨར་ཡེལ་གཉིས། ཁྲོ་གླིང་གཉིས་ཏེ་བཀའ་བརྒྱུད་ཟུང་བཞིའམ་ཡ་བརྒྱད་དུ་གྲགས་པ་རྣམས་བྱུང་བ་ལས།། ༈ །།འབྲི་གུང་ཐེལ་བྱང་གླིང་རྡོ་རྗེའི་གདན་ནི། ཐོག་མར་ཕག་གྲུ་རིན་པོ་ཆེའི་སློབ་མ་མེ་ཉག་བསྒོམ་རིང་ཞེས་པས་བཏབ། ཕྱིས་འཕགས་པ་ཀླུ་སྒྲུབ་ཀྱི་རྣམ་འཕྲུལ་སྐྱོབ་པ་འཇིག་རྟེན་གསུམ་མགོན་དགུང་ལོ་སོ་བརྒྱད་པར་ཕེབས་ནས་བཞུགས། དེ་ནས་མཁན་ཆེན་གུ་ར་བ་དང་། དབོན་བསོད་ནམས་གྲགས་པ་སོགས་དབོན་བརྒྱུད་དང་། །དཔལ་ཆོས་ཀྱི་གྲགས་པ་སོགས་སྐྱེ་སྤྲུལ་རིམ་བྱོན་གྱིས་སྐྱོང་།། ༈ །།བྱང་སྟག་ལུང་གི་ཆོས་གྲྭ་ནི། སྟག་ལུང་ཐང་པ་རིན་པོ་ཆེ་བཀྲ་ཤིས་དཔལ་གྱིས་དགུང་ལོ་སོ་བདུན་པར་བཏབ། དེའི་དབོན་རིན་
ཆེན་མགོན་སོགས་དང་། ཕྱིས་སྐྱེ་སྤྲུལ་རིམ་བྱོན་གྱིས་བསྐྱངས་ཤིང་འདི་གཉིས་དེང་སང་དར་རྒྱས་ཆེ། ༈ །།ཁམས་སུ་རི་བོ་ཆེ་ནི། ཐང་པ་རིན་པོ་ཆེའི་དབོན་བརྒྱུད་གསུམ་པ་སངས་རྒྱས་དབོན་གྱིས་བཏབ།། ༈ །།གྲྭ་རབས་ཟ་ར་དགོན་ནི། སྐལ་ལྡན་ཡེ་ཤེས་སེངྒེས་བཏབ། དེའི་སློབ་མ་རྒྱལ་བ་གཡའ་བཟང་བ་སོགས་ཀྱིས་སྐྱོང་། ༈ །།སྙེ་ཕུ་ཤུགས་གསེབས་དགོན་ནི། ཡར་ཀླུང་པ་གྱེར་སྒོམ་ཆེན་པོས་བཏབ་ཅིང་བར་སྐབས་ཕྲིན་ལས་ཀྱང་རྒྱས་པར་བྱུང་།། ༈ །།ཁམས་སུ་ཤྭ་དགོན་པ་ནི། ཆོས་རྗེ་སྨར་པ་ཤེས་རབ་ཡེ་ཤེས་ཀྱིས་བཏབ། དེང་སང་ཆོས་བརྒྱུད་ཅུང་ཟད་དཔལ་ཡུལ་བ་ལ་ཡོད།། ༈ །།ཤར་རྡོ་རྫོང་། ལྷོ་ཡེལ་ཕུག །བྱང་རྟ་རྣ་རྣམས་ནི་འགྲོ་མགོན་སངས་རྒྱས་ཡེལ་བ་ཡེ་ཤེས་བརྩེགས་ཀྱིས་བཏབ། དེང་སང་དགོན་གནས་ཙམ་ལས་ཆོས་བརྒྱུད་ཆེར་མེད་འདྲ།། ༈ །།གཙང་དུ་ཁྲོ་ཕུ་དགོན་ནི། གནུབས་ནམ་མཁའི་སྙིང་པོའི་གདུང་རིགས་རིན་པོ་ཆེ་རྒྱལ་ཚ་དང་། ཀུན་ལྡན་རས་ཆུང་མཆེད་གཉིས་ཀྱིས་བཏབ། དེའི་དབོན་ཁྲོ་ཕུ་ལོ་ཙཱ་བ་བྱམས་པའི་དཔལ་གྱིས་པཎ་ཆེན་ཤཱཀ་ཤི་སོགས་གདན་དྲངས། བྱམས་ཆེན་ཁྲུ་བརྒྱད་ཅུ་པ་བཞེངས་པས་མཚོན་ཕྱག་རྗེས་རྒྱ་ཆེ། བརྒྱུད་པར་བཅས་པ་རྣམས་ལ་ཁྲོ་ཕུ་བཀའ་བརྒྱུད་དུ་གྲགས། དེང་སང་དགོན་གནས་
ཙམ་ལས་བརྒྱུད་འཛིན་ཟུར་པ་མེད་མོད། འོན་ཀྱང་ཀུན་མཁྱེན་བུ་སྟོན་རིན་པོ་ཆེ་ཡང་། གཙོ་བོ་འདིའི་ཆོས་བརྒྱུད་ལས་བྱུང་བ་ཡིན་ནོ།། ༈ །།དབུས་སུ་སྣ་ཕུ་ཆོས་རྡོར་བྲག་དང་ཉེ་བར་ཡོད། །ལུང་དགོན་ནི། རྟོགས་པ་མཐར་ཕྱིན་གླིང་རྗེ་རས་པ་པདྨ་རྡོ་རྗེས་བཏབ། དེང་སང་དགོན་གནས་ཙམ་ལས་བརྒྱུད་འཛིན་ཟུར་པ་མེད་ནའང་། ཁོང་ལས་དོན་བརྒྱུད་འབྲུག་པའི་གྲུབ་མཐའ་བྱུང་བ་ཡིན་པས་ཕྲིན་ལས་ཀྱི་རྒྱུན་ནམ་མཁའ་དང་མཉམ་པར་སོང་ངོ་།། ༈ །།བྱང་འབའ་རོམ་དགོན་ནི། དྭགས་པོའི་སློབ་མ་འབའ་རོམ་རས་པ་དར་མ་དབང་ཕྱུག་གིས་བཏབ། ཕྱིས་ཏི་ཤྲཱི་རས་པ་སོགས་ཀྱིས་དར་རྒྱས་སུ་མཛད།། ༈ །།ཚལ་གུང་ཐང་ནི། དྭགས་པོ་སྒམ་ཚུལ་གྱི་སློབ་མ། སྐྱེ་མེད་ཞང་འགྲོ་བའི་མགོན་པོ་གཡུ་བྲག་པ་དར་མ་གྲགས་ཀྱིས་བཏབ། མཉམ་མེད་ཤཱཀྱ་ཡེ་ཤེས་སོགས་ཀྱིས་བསྐྱངས་ཏེ་བར་སྐབས་སུ་དར་རྒྱས་ཆེ་བར་བྱུང་།། ༈ །།སྟོད་ལུང་མཚུར་ཕུ་མདོ་བོ་ལུང་གི་གདན་ས་ནི། དྭགས་པོའི་སློབ་མ་རྗེ་དུས་གསུམ་མཁྱེན་པས་དགུང་ལོ་བརྒྱད་ཅུ་པར་བཏབ། སྤྱིར་འདི་ཉིད་ཀྱིས་དགུང་ལོ་ང་ལྔ་པར་ཁམས་ཀཾ་པོ་གནས་དང་། དོན་བདུན་པར་ཀརྨའི་དགོན་སོགས་ཀྱང་བཏབ། གདན་སར་ལ་ཡག་པ་བྱང་ཆུབ་དངོས་གྲུབ་སོགས་བཞུགས། དེ་ནས་ཀརྨ་པཀི་སོགས་
སྤྲུལ་པའི་སྐུ་རིམ་བྱོན་གྱིས་བསྐྱངས་པས་སྒྲུབ་བརྒྱུད་ཐམས་ཅད་ཀྱི་སྙིང་པོ་ཀཾ་ཚང་བཀའ་བརྒྱུད་ཞེས་ཡོངས་སུ་གྲགས་པ་འདི་བྱུང་། དེ་ཡང་དཔལ་ཀརྨ་པ་ཆེན་པོ་ནི་འཕགས་མཆོག་ཕྱག་ན་པདྨོ་བསམ་བཞིན་དུ་མིའི་སྲིད་པར་བཟུང་སྟེ། རྗེ་དུས་གསུམ་མཁྱེན་པ་བོད་ཆེན་པོ་སའི་ཐིག་ལེ་ཏྲེ་ཤོད་དུ་འཁྲུངས། དབུས་གཙང་དུ་བྱོན་ནས་འགྲོ་མགོན་དྭགས་པོ་ལྷ་རྗེ་གཙོ་བོར་གྱུར་པ་ལས་ཐོས་བསམ་དང། ཉམས་བཞེས་ཀྱི་བཀའ་དྲིན་བསྐྱངས་པས་གྲུབ་པའི་གོ་འཕང་མཐོན་པོར་གཤེགས་པའི་ཚུལ་བསྟན། ཡེ་ཤེས་ཀྱི་ཊཱ་ཀི་མ་རྣམས་ཀྱིས་ཞྭ་ནག་པོ་གསེར་མདངས་ཅན་ཅོད་པན་དུ་བཅིངས་པ་གཟིགས་པས། གྲོལ་བ་བཞི་ལྡན་གྱི་དབུ་ཞྭ་དེ་ལྟ་བུ་བཞེས་པ་ན་ཞྭ་ནག་པོར་གྲགས་པའི་ཨུཏྤལ་ཐོག་མ་ཕྱེས། གོང་དུ་སྨོས་པའི་དགོན་གནས་སོགས་བཏབ་ནས་དོན་བརྒྱུད་ཀྱི་བསྟན་པ་སངས་རྒྱས་རས་ཆེན་ལ་གཏད། དགུང་ལོ་བརྒྱད་ཅུ་རྩ་བཞི་བར་ཞི་བའི་དབྱིངས་སུ་དགྱེས་པའི་སྤྱན་ཟུར་ལྷུང་། དེའི་སྐྱེ་སྤྲུལ་རིམ་པར། གཉིས་པ་ཀརྨ་པཀྴི་ནི་མདོ་སྨད་ལེའི་ཚག་ཏོར་འཁྲུངས། རྫུ་འཕྲུལ་གྱི་བཀོད་པ་དང་ཕྲིན་ལས་མཐའ་ཀླས། དོན་བརྒྱུད་ཀྱི་བསྟན་པ་གྲུབ་ཆེན་ཨོ་རྒྱན་པ་རིན་ཆེན་དཔལ་ལ་གཏད། དགུང་ལོ་དོན་བཞི་པར་གཤེགས་གསུམ་པ་ཐམས་ཅད་མཁྱེན་པ་རང་བྱུང་རྡོ་རྗེ་ནི་མང་།
ཡུལ་གུང་ཐང་དུ་འཁྲུངས། མངལ་གྱི་དྲི་མས་ཅུང་ཟད་ཀྱང་མ་སྒྲིབ་པར་སྔོན་གནས་རྗེས་སུ་དྲན་པས་མཚོན་ངོ་མཚར་པའི་རྣམ་ཐར་བསམ་གྱིས་མི་ཁྱབ། ཐུགས་སྲས་ཀྱི་ཐུ་བོ་ཞྭ་དམར་ཅོད་པཎ་འཛིན་པའི་ཐོག་མར་གྲགས་པ་སེངྒེ་དང་། དོན་བརྒྱུད་གཡུང་སྟོན་པ་རྡོ་རྗེ་དཔལ་ལ་གཏད། བཞི་པ་ཆོས་རྗེ་རོལ་པའི་རྡོ་རྗེ་ནི། རྗོད་ཨ་ལ་རོང་དུ་འཁྲུངས། རྗེ་བཙུན་བློ་བཟང་གྲགས་པའང་ཨ དམ་པ་འདི་ཉིད་ཀྱིས་ཆོས་སྒོར་བཅུག་པར་མཛད། ལྔ་པ་དེ་བཞིན་གཤེགས་པ་ཉང་པོ་འོད་གསལ་གྱི་ཡུལ་དུ་འཁྲུངས། རྒྱ་ནག་ཏཱ་མིང་གཡུང་ལོ་རྒྱལ་པོ་སོགས་ཆེ་དགུ་དུ་མས་མཆོད། ཐུགས་རྗེ་དང་ཕྲིན་ལས་བསམ་གྱིས་མི་ཁྱབ། དྲུག་པ་མཐོང་བ་དོན་ལྡན་ནི་ངོམ་གྱིས་ཆ་ཀརྨ་དགོན་དང་ཉེ་བར་འཁྲུངས། ཐུགས་སྲས་ཀྱང་རྒྱལ་ཚབ་ན་རིམ་གྱི་ཐོག་མ་གོ་ཤྲི་དཔལ་འབྱོར་དོན་གྲུབ་སོགས་བྱོན། བདུན་པ་ཆོས་གྲགས་རྒྱ་མཚོ་ནི། རྗོད་ཀྱི་མདོར་འཁྲུངས། འཆད་རྩོད་རྩོམ་གསུམ་གྱི་ཕྲིན་ལས་རྒྱ་ཆེར་བསྐྱངས། བརྒྱད་པ་ཀུན་མཁྱེན་མི་བསྐྱོད་རྡོ་རྗེ་ནི། ངམ་གྱི་ཡུལ་དུ་འཁྲུངས། ཤེས་བྱ་རིག་པའི་གནས་མཐའ་དག་ཐོགས་པ་མེད་པར་སྨྲ་བའི་པཎྜི་ཏ་ཆེན་པོར་གྱུར། བསྟན་བཅོས་ཀྱང་ཤིན་ཏུ་མང་བར་མཛད། དགུ་པ་དབང་ཕྱུག་རྡོ་རྗེ་ནི་ཁམས་ཡུལ་ཏྲེ་སྨད་ཁ་བ་གླང་རིའི་ཞོལ་དུ་འཁྲུངས།
བཅུ་པ་ཆོས་དབྱིངས་རྡོ་རྗེ་ནི་མགུ་ལོག་གི་སྨར་སྟོད་མགུ་མདར་འཁྲུངས། འདི་དུས་ཀར་བསྟན་ལ་ཉམས་ཆག་ཆེ་བར་བྱུང་ནའང་། རྗེ་དེ་ཉིད་འཇང་ཡུལ་སོགས་སུ་ཕེབས་པས་བརྫི་བར་མ་ནུས། །བཅུ་གཅིག་པ་ཡེ་ཤེས་རྡོ་རྗེ་མགུ་ལོག་གི་ཡུལ་དུ་འཁྲུངས། བཅུ་གཉིས་པ་བྱང་ཆུབ་རྡོ་རྗེ་ནི་སྡེ་དགེའི་མངལ་ཁུལ་དབོན་སྟོད་དཀྱིལ་ལེ་ཞེས་པར་འཁྲུངས། བཅུ་གསུམ་པ་བདུད་འདུལ་རྡོ་རྗེ་ནི་ལྷོ་གནས་དགེ་རི་དང་ཉེ་བར་འཁྲུངས། བཅུ་བཞི་པ་ཁྱབ་བདག་ཐེག་པ་མཆོག་གི་རྡོ་རྗེ་ནི་རི་བོ་ཆེའི་མངའ་ཁུལ་འོག་མིན་ཀརྨའི་དགོན་དང་ཉེ་བར་འཁྲུངས། ཤེས་བྱ་རིག་པའི་གནས་ཐམས་ཅད་ལ་མཁྱེན་རབ་ཀྱི་པདྨོ་བྱེ་ཞིང་། འཆད་རྩོད་རྩོམ་གསུམ་སོགས་འཁོར་ལོ་གསུམ་གྱི་ཕྲིན་ལས་གོང་དུ་འཕེལ་བའི་ངང་ད་ལྟ་ཞབས་པད་བརྟན་བཞིན་པ་འདིའོ། །མདོར་ན་རྗེ་སྐུ་ཕྲེང་འདི་རྣམས་སྐུ་འཁྲུངས་མ་ཐག་ནས་སྔོན་གནས་རྗེས་སུ་དྲན་པ་དང་། མཁས་པ་དང་གྲུབ་པའི་རྣམ་ཐར་ངང་གིས་སད་པ་སོགས་སྤྲུལ་པར་སྒྲོ་བཏགས་པ་གཞན་ལས་ཆེས་ཁྱད་པར་དུ་གྱུར་པ་ནི་ཀུན་གྱི་མིག་དང་རྣ་བའི་སྤྱོད་ཡུལ་དུ་གྱུར་ཏོ།། ༈ །།བྱང་བདེ་ཆེན་ཡངས་བ་ཅན་གྱི་ཆོས་གྲྭ་ནི། ཞྭ་དམར་རིམ་བྱོན་གྱི་གདན་སར་མཛད་དེ། དེ་ཡང་སངས་རྒྱས་སྣང་བ་མཐའ་ཡས་ཀྱི་ཡེ་ཤེས་ཐུན་མོང་གདུལ་བྱའི་
མཁས་གྲུབ་ཀྱི་སྐྱེ་བ་བརྒྱུད་མར་བཟུང་བའི་མཐར། རྗེ་གསུམ་པའི་ཐུགས་སྲས་ཞྭ་དམར་པ་རྟོགས་ལྡན་གྲགས་པ་བུ་འབོར་ཤྭ་ཡི་ཡུལ་དུ་འཁྲུངས། སེངྒེ། དཔལ་མཁའ་སྤྱོད་གནམ་གྱི་བྱེ་མ་ལང་། །དབང་པོ། སྤྲུལ་སྐུ་ཆོས་དཔལ་ཡེ་ཉང་པོ་ཁེ་བྲག་མདོར། ཤེས། ཆོས་ཀྱི་གྲགས་པ་ཡེ་ཤེས་དཔལ་ཏྲེ་ཤོད་ཁ་གསར། བཟང་པོ། དཀོན་མཆོག་ཀོང་པོ་ཆེ་རྐྱེན་གཞུང་། ཡན་ལག །ཆོས་ཀྱི་དབང་འབྲི་གུང་པའི་པ་གདུང་། ཕྱུག །ཡེ་ཤེས་སྙིང་མགོ་ལོག་སྨད། པོ། དཔལ་ཆེན་ཡོལ་མོ་གངས་རར། ཆོས་ཀྱི་དོན་གྲུབ། དགུ་པ་རྗེ་ཆོས་གྲུབ་སྡེ་པ་བཀྲ་ཤིས་རྩེ། རྒྱ་མཚོའི་བར་བྱོན་ནས། མཁས་བཙུན་གྲུབ་པའི་ཡོན་ཏན་བསམ་གྱིས་མི་ཁྱབ་པས་འཕགས་བོད་མཁས་གྲུབ་ཐམས་ཅད་ཀྱིས་བསྔགས་པའི་མེ་ཏོག་འཐོར་བའི་ཡུལ་གཅིག་ཏུ་གྱུར་ནའང་། དགུ་པ་ཆོས་གྲུབ་རྒྱ་མཚོའི་དུས་བསྟན་པའི་གེགས་ཆག་ལྟ་བུས་གོམའི་དུས་ཟིང་སྐབས་གཞུང་ནས་དགོངས་ཕོག་གིས། ཡངས་པ་ཅན་གྱི་ཆོས་གྲྭ་དགེ་ལུགས་པར་བསྒྱུར་ཞིང་། སླད་ནས་སྤྲུལ་པའི་སྐུའང་ཁྲིར་འཁོད་དུ་མེད་པ་སོགས་མཛད་མོད། འོན་ཀྱང་རྒྱལ་བའི་ཕྲིན་ལས་རྟག་ཅིང་ཁྱབ་དང་ལྷུན་གྱིས་གྲུབ་པར་འཇུག་པ་ནི་སུ་ཞིག་གིས་འགོག་པར་ནུས།། ༈ །།མདོ་ཁམས་སྡེ་དགེའི་མངལ་ཁུལ་ཤར་དཔལ་སྤུངས་ཐུབ་བསྟན་ཆོས་འཁོར་གླིང་ཞེས་བཤད་སྒྲུབ་ཀྱི་ཆུ་
གཏེར་ཆེན་པོ་འདི་ཉིད་ནི། དུས་གསུམ་མཁྱེན་པ་པདྨ་སཾ་བྷ་ཝས་ཡེ་ཤེས་གཟིགས་པའི་སྤྱན་ཅན་དུ་རྡོ་རྗེའི་ལུང་གིས་མངོན་པར་བསྔགས་པ་སི་ཏུ་རིན་པོ་ཆེ་ཀུན་མཁྱེན་བསྟན་པའི་ཉིན་བྱེད་ཀྱིས་དགུང་ལོ་ཉེར་དགུ་པ་མེ་ལུག་ལོར་བཏབ། དེའི་དབོན་དང་མཆོག་སྤྲུལ་རིམ་བྱོན་གྱིས་སྐྱོང་། འཇང་ཡུལ་ཡན་ཆད་དུ་དགོན་ལག་ཀྱང་མང་དུ་འཕེལ་ཞིང་དར་རྒྱས་ཆེ། དེ་ཡང་སི་ཏུ་རིན་པོ་ཆེ་ནི། འཕགས་པའི་ཡུལ་དུ་གྲུབ་ཆེན་ཌོམྦི་པ་དང་། གངས་ཅན་འདིར་ལྷོ་བྲག་མར་པ་ལོ་ཙཱ་སོགས་དག་པའི་རྣམ་འཕྲུལ་ཚད་མེད་པ་ལས། བྱེ་བྲག་ཀརྨ་པ་དུས་གསུམ་མཁྱེན་པའི་ཐུགས་སྲས་རས་ཆེན་བསོད་ནམས་གྲགས་པ། པཀིའི་ཉེ་གནས་ཡེ་ཤེས་འོད། རང་བྱུང་རྡོ་རྗེའི་དུས་རི་མགོ་བ་རན་ཀཱ་ར། རོལ་པའི་རྡོ་རྗེའི་དུས་གནས་བརྟན་སྤྱན་འདྲེན་པའི་ཏཱ་ཞིང་རྫུ་འཕྲུལ་ཅན་རྣམས་དང་། དེ་བཞིན་གཤེགས་པའི་དུས་ན་སྐྱེས་མཆོག་ཆོས་ཀྱི་རྒྱལ་མཚན་ནི་འོག་མིན་ཀརྨ་པའི་དབོན་བརྒྱུད། གདན་ས་བར་མར་ལས་ཀ་བསྐོས་པས་རྒྱ་ནག་ཏཱ་མིང་རྒྱལ་པོས་སི་ཏུ་ཞེས་པའི་མཚན་དང་། ཤེལ་དམ་སོགས་གནང་བ་ལ་བརྟེན་དེ་ཕྱིན་ཆད་མཚན་དེ་སྐད་དུ་ཆགས། དེ་ནས་སི་ཏུ་བཀྲ་ཤིས་རྣམ་རྒྱལ་དང་། བཀྲ་ཤིས་དཔལ་འབྱོར་རྣམས་གདན་ས་བར་པའི་དབོན་བརྒྱུད་དུ་འཁྲུངས། མི་འཁྲུགས་
ཆོས་ཀྱི་གོ་ཆ་ཟུར་མང་རྩིས་མདར་འཁྲུངས་ཤིང་ཤར་ཕྱོགས་སྤུངས་རིར་བཞུགས། དེའི་ཕྱི་མར་སི་ཏུ་ནོར་བུ་བསམ་འཕེལ། དེ་ཡི་སྤྲུལ་སྐུ་སི་ཏུ་ཆོས་ཀྱི་རྒྱལ་མཚན་དགེ་ལེགས་དཔལ་བཟང་པོ། །དེའི་སྤྲུལ་སྐུ་མི་ཕམ་ཕྲིན་ལས་རབ་བརྟན་སྡེ་དགེའི་མངའ་ཁུལ་སྨན་ཤོད་དུ་འཁྲུངས་ཤིང་འདི་ཡན་གདན་ས་བར་མ་ཀརྨའི་དགོན་དུ་བཞུགས། དེ་ཡི་རྣམ་འཕྲུལ་ཀུན་མཁྱེན་ཆོས་ཀྱི་འབྱུང་གནས་ནི། མདོ་ཁམས་སྡེ་དགེའི་མངའ་ཁུལ་ཨ་ཏ་རོང་གི་ཨ་ལོ་དིང་རིང་སྒང་དུ་འབྲུའི་རིགས་ལས། ས་མོ་ཡོས་ཀྱི་ལོར་མཚན་དཔེའི་པདྨོ་བཞད། རིགས་སད་པའི་ཡོན་ཏན་གསལ་བས་སྙན་པའི་གྲགས་པས་ཕྱོགས་ཐམས་ཅད་དུ་ཁྱབ། བླ་མ་ཀརྨ་དཔལ་གྲུབ་དང་། རིག་འཛིན་ཚེ་དབང་ནོར་བུ་ལས་སྒྲ། བླ་མ་ཆོས་དབང་ལས་སྙན་དངགས། དེ་ལ་དམར་དགེ་བཤེས་ལས་རྩིས། སྐྱེད་ཚལ་དྲུང་རམ་པ་བསོད་ནམས་རྣམ་རྒྱལ་སོགས་ལས་ཚད་མ་དང་། འདུལ་མངོན་དབུ་ཕར། ཀོང་པོ་སྤྲུལ་སྐུ་ལས་ལྷ་བྲིས། ཕྱག་མཛོད་སྐྱེས་མཆོག་དང་། དབོན་ཚང་ཡེ་ཤེས་བསམ་གཏན་སོགས་རྒྱ་དཀར་ནག་བོད་ལྗོངས་ཀྱི་མཁས་པ་མང་པོ་ལས་གསོ་རིག་སོགས་ཐུན་མོང་གི་རིག་གནས་མཐའ་དག་ལ་གསན་སྦྱངས་ཀྱི་ཚུལ་ཙམ་གནང་བས་ཐམས་ཅད་ལས་ཕུལ་དུ་བྱུང་བར་མཁྱེན། ཞྭ་དམར་
བརྒྱད་པ་དཔལ་ཆེན་ཆོས་ཀྱི་དོན་གྲུབ་ལས་སྡོམ་པ་གསུམ་གྱི་བཀའ་དྲིན་ནོས་ཤིང་། དེ་ཉིད་དང་རྗེ་རྒྱལ་བའི་དབང་པོ་བཅུ་གཉིས་པ། དཔལ་རིག་པ་འཛིན་པ་ཚེ་དབང་ནོར་བུ་སོགས་ལས་མདོ་སྔགས་ཀྱི་ཟབ་ཆོས་རྒྱ་མཚོ་ལྟ་བུ་གསན། ཐུན་མོང་གི་རིག་པའི་གནས་མཐའ་དག་སྨྲ་བ་ལ་རྗེ་བཙུན་ས་པཎ་དང་། ཤོང་དཔང་ཡབ་སྲས་ཞི་བར་གཟིམས་པའི་རྗེས་རྗེ་འདི་ཁོ་ན་མཁྱེན་རབ་ཚད་མར་གྱུར་པ་ནི་མཁས་པ་ཐམས་ཅད་ཀྱི་ཡིད་ཀྱི་མེ་ལོང་དུ་གསལ་བར་འཆར་ནའང་བླུན་པོ་ཕྱོགས་འཛིན་ཅན་རྣམས་ཀྱིས་གལ་ལ་མཐོང་། ལར་ཡང་འཕགས་ཡུལ་གྱི་པཎྜི་ཏ་ཆེན་པོ་ཁྱབ་འཇུག་བདག་པོ་དང། རབ་སྟོབས་སོགས་ཀྱིས་ཀྱང་བསྔགས་པའི་མེ་ཏོག་ཉིན་བཞིན་དུ་འཐོར་ན་གཞན་བོད་བླུན་པོ་ཁ་ཅིག་མགུ་མིན་ལ་ལྟོས་དགོས་པའང་ཅི། དུས་དབང་གིས་མ་གཏོགས་རྩོད་པའི་དུས་ཀྱི་ཐམས་ཅད་མཁྱེན་པ་རིན་འབྱུང་ཞི་བ་དང་། ཨ་བྷ་ཡ་དང་། ཤཱཀྱ་ཤྲཱི་སོགས་དང་མཁྱེན་རྟོགས་མཉམ་པར་འཁུམས་སོ། །གསུང་རྩོམ་ཡང་ཚིག་གི་ཟླ་བ་རེ་རེར་ལེགས་བཤད་ཀྱི་བདུད་རྩི་འབུམ་དུ་འཛག་པ་འཕགས་ཡུལ་མཁས་པའི་གསུང་རབ་དང་དབྱེར་མི་ཕྱེད་པ། ལེགས་སྦྱར་གྱི་བསྟན་བཅོས་གཙོ་བོར་གྱུར་པ་པོད་ཆེན་བཅོ་ལྔ་བཞུགས་ཤིང་། གདན་ས་བར་མར་ཕེབས་པའི་འོས་ཡིན་ཀྱང་། སྡེ་དགེ་
ཆོས་རྒྱལ་ཆེན་པོའི་ལུང་གིས་བསྐུལ་ཏེ་དཔལ་སྤུངས་ཐུབ་བསྟན་ཆོས་འཁོར་གླིང་གསར་དུ་བཏབ་སྟེ་བཞུགས། ཐུགས་ཀྱི་སྲས་རྗེ་བཅུ་གསུམ་པ་དང་། ཞྭ་དམར་དགུ་པ། དཔའ་བོ་རིན་པོ་ཆེ་སོགས་མཆོག་གི་དངོས་གྲུབ་བརྙེས་པ་དུ་མ་དང་། འབྲུག་སྒྲ་སྐོར་སོགས་རིག་གནས་ཀྱི་ཟིན་བྲིས་མང་། ཡོངས་འཛིན་རིན་པོ་ཆེ། ཁམས་སྤྲུལ་ཆོས་སྙན་ངག་དང་ནང་དོན་མཛོད་འགྲེལ་སོགས། ཀྱི་ཉི་མ། སྐུའི་གཅུང་སཙྪ་སྐུ་སྐྱེ་ཀརྨ་ངེས་ལེགས་སྨན་རྩིས་སྐོར་པོད་གསུམ། བསྟན་འཛིན། མཧཱ་པཎྜི་ཏ་ཚེ་སྒྲ་དང་སྡེབ་སྦྱོར་རྩིས་སྐོར་ནང་དོན་སོགས་ཀྱི་ཟིན་བྲིས་མང་དུ་ཡོད། དབང་ཀུན་ཁྱབ་སོགས་རིག་པར་སྨྲ་བ་དང་། གཞན་ཡང་གསོ་བ་ཨ། རིགས་པ་དང་། བཟོ་རིག་པ་སོགས་ཀྱིས་མཚོན་དེང་སང་གི་བར་དུ་ཀུན་མཁྱེན་ཆེན་པོ་འདི་ཉིད་ཀྱི་བཀའ་དྲིན་ཁོ་ན་ལ་བརྟེན་ནས་གཙུག་ལག་རབ་འབྱམས་ཀྱི་གནས་ཀུན་མ་འཁྲུལ་པར་སྨྲ་ཞིང་ལག་ལེན་དུ་འདེབས་པ་ཇི་སྙེད་ཅིག་བྱོན་པ་ཡིན་ནོ། །གདན་སར་སྐུའི་གཅུང་རིག་འཛིན་ཀློང་གསལ་སྙིང་པོའི་སྐུ་སྐྱེ་ཀརྨ་བསམ་འཕེལ་དང་། གཡུ་ཐོག་ཡོན་ཏན་མགོན་པོའི་རྣམ་འཕྲུལ་ཀརྨ་བསམ་གཏན་སོགས་བཞུགས་ཤིང་། སླར་ཡང་རྗེ་དེ་ཉིད་ཀྱི་མཆོག་སྤྲུལ་རིན་པོ་ཆེ་མཁས་བཙུན་གྲུབ་པའི་ཡོན་ཏན་རྒྱ་མཚོའི་མངའ་བདག་ཀཾ་ཚང་བའི་རིང་ལུགས་འཛིན་པ་མཐའ་དག་གི་གཙུག་གི་ནོར་བུ་གཅིག་
པུ། དུས་གསུམ་མཁྱེན་པ་ཨོ་རྒྱན་ཆེན་པོས་པདྨའི་ལྗགས་ལྡན་དྲུག་གི་དང་པོར་ལུང་བསྟན་པ་དཔལ་པདྨ་དབང་ཆེན་ནམ། པདྨ་ཉིན་བྱེད་དབང་པོ་དང་། དབོན་བསམ་འཕེལ་གྱི་རྣམ་འཕྲུལ་དབང་གི་རྡོ་རྗེ་གོང་འོག །ཀརྨ་ངེས་ལེགས་བསྟན་འཛིན་གྱི་མཆོག་སྤྲུལ་ཀརྨ་རིན་ཆེན། བསམ་གཏན་མཆོག་སྤྲུལ་རིན་པོ་ཆེ་ཀརྨ་ངེས་དོན་བསྟན་འཕེལ་སོགས་ཀྱིས་འཁོར་ལོ་གསུམ་གྱི་ཕྱག་རྗེས་གོང་འཕེལ་དུ་མཛད་དོ།། ༈ །།དབུས་སུ་གནས་ནང་རྒྱལ་བའི་རི་ཁྲོད་ནི། ཐོག་མར་ཞྭ་དམར་གྲགས་པ་སེངྒེས་བཏབ། ཕྱིས་སུ་དཔའ་བོ་རིམ་བྱོན་གྱི་གདན་སར་མཛད་དེ། དེ་ཡང་གཏེར་སྟོན་རིན་ཆེན་གླིང་པའི་སྤྲུལ་སྐུ་ལྷོ་བརྒྱུད་ལོ་རོར་བྱོན་པ་རྒྱལ་མཚན་དཔལ་བཟང་དང་། གཞོན་ནུ་ལྷུན་གྲུབ། དཔའ་བོ་ཞེས་པའི་མཚན་ཐོག་མར་གྲགས་པ། ཆོས་དབང་ལྷུན་གྲུབ་ཡར་འབྲོག་ཏུ་འཁྲུངས། ཡན་རྙིང་མ་ཡིན་ལ། འདི་དུས་རྗེ་བདུན་པས་ལྷོ་གྲོ་བོ་ལུང་དང་སྲས་མཁར་གྱི་བདག་པོར་བསྐོས་པས་བཀའ་བརྒྱུད་པར་གྱུར། དེའི་སྤྲུལ་སྐུ་ཐམས་ཅད་མཁྱེན་པ་གཙུག་ལག་ཕྲེང་སྙིང་ཐང་སྒང་བརྒྱུད། བ་ནས། རིམ་པར། གཙུག་ལག་རྒྱ་འཁར་ཡུལ་བརྗེ་ལུང་། མཚོ། ཕྲིན་ལས་རྟའུ་ཤེས་ཁོག་ཏུ་འཁྲུངས། རྒྱ་མཚོ། འདི་དུས་ཀར་བསྟན་ཉམས་ཆག་སྐབས་ཡིན་ཀྱང་རྗེ་འདིར་ཀུན་མཁྱེན་ལྔ་པས་གཟིགས་ཕྱོགས་ལེགས་པས་གནས་ནང་དང་།
བསྐྲགས་སྔགས་གྲྭ་སོགས་འཛིན་སྐྱོང་ཆོག་པར་མཛད། གཙུག་ལག་དོན་གྲུབ། ཆུ་ཤུལ། གཙུག་ལག་དགའ་བའི་དབང་པོ། གཙུག་སི་ཏུ་རིན་པོ་ཆེའི་གཅུང་། ལག་ཆོས་རྒྱལ་རྣམས་ཀྱི་བར་བྱོན་ནས་མཁས་གྲུབ་ཀྱི་སྣང་བས་བློ་ལྡན་ཡིད་ཀྱི་པདྨོ་ཁ་བྱེ་བར་མཛད་དོ།། ༈ །།ཁམས་སུ་ཟུར་མང་དགོན་ནི། དྲུང་རྨ་སེ་བློ་གྲོས་རིན་ཆེན་གྱིས་ཐོག་མར་བཏབ། ཀཾ་ཚང་བཀའ་བརྒྱུད་ཀྱི་ནང་གསེས་ཟུར་མང་བཀའ་བརྒྱུད་ཅེས་དེང་སང་ཡང་དར་རྒྱས་ཆེ།། ༈ །།ངོམ་ཡུལ་གནས་མདོ་དཔལ་རི་རྩེའི་སྒྲུབ་ཁང་ནི། ཞྭ་དམར་ཆོས་ཀྱི་དབང་ཕྱུག་གི་ཞལ་སློབ། རྗེ་བརྒྱད་པའི་སྐུའི་རྣམ་འཕྲུལ་དུ་གྲགས་ཤིང་། ཀར་རྙིང་གཉིས་ཀའི་བསྟན་པའི་སྒྲོན་མེ་གྲུབ་ཆེན་ཀརྨ་ཆགས་མེད་ཀྱིས་བཏབ་ཅིང་སྐྱེ་སྤྲུལ་རིམ་བྱོན་གྱིས་སྐྱོང་། འདི་ལས་གནས་མདོ་བཀའ་བརྒྱུད་ཅེས་ཕྲིན་ལས་ཀྱི་སྒོ་ཕྱོགས་ཐམས་ཅད་དུ་བྱེ་བ་བྱུང་། གསུང་རྩོམ་ཡང་པོད་ལྔ་བཅུ་ཙམ་ཡོད་པར་གྲགས་ཤིང་ཕལ་ཆེར་འགྲོ་ཕན་དར་སོ་ཆེའོ། ༈ །གཙང་སྙིང་སྟོད་ར་ལུང་ནི། གྲུབ་པའི་སློབ་དཔོན་མཚོ་སྐྱེས་ཞབས་ཀྱིས། ས་རལ་ཞེས་བྱའི་ལུང་གསུམ་མདོར། །ནོར་བུ་འཛིན་པའི་སྤྲུལ་པ་འབྱུང་། །ཞེས་རྡོ་རྗེའི་ལུང་གིས་བསྟན་པ་བཞིན། །སངས་རྒྱས་ཐམས་ཅད་ཀྱི་ཐུགས་རྗེ་ཆེན་པོའི་ཡེ་ཤེས་གཟུགས་སུ་ཤར་བ་ཕྱག་ན་པདྨོའི་རྣམ་འཕྲུལ་མཚན་
གཞན་དུ་བསྒྱུར་པ་ནི་རྒྱ་གར་འཕགས་པའི་ཡུལ་དུ་གྲུབ་ཆེན་ནཱ་རོ་ཏཱ་པར་གྱུར་ཏེ་རྡོ་རྗེ་ཐེག་པའི་སེངྒེའི་སྒྲ་ཆེན་པོ་བསྒྲགས། དེ་ཉིད་གངས་ཅན་འདིར་རྒྱ་གར་གྱི་ཆུ་བོ་གང་གཱ་ཚུན་ཆད་དུ་རྟོགས་པ་མཐོ་བར་གྲགས་ཤིང་། དཔལ་ས་ར་ཧ་ཆེན་པོའི་སྤུན་ཟླར་འོས་པ་གླིང་རས་པདྨ་རྡོ་རྗེའི་སློབ་མ་གཙང་པ་རྒྱ་རས་ཡེ་ཤེས་རྡོ་རྗེ་ཞེས་བྱ་བར་སྤྲུལ་ཏེ། རྗེ་དེ་ལ་གྲུབ་ཆེན་གླིང་རས་ཀྱིས་ལུང་བསྟན་ནས་༧གདན་ས་འདི་ཉིད་དང་། ཞང་གིས་ལུང་བསྟན་ནས་ཀློང་བརྡོལ་དགོན་དང་། ཀརྨ་པ་དུས་གསུམ་མཁྱེན་པས་ལུང་བསྟན་ནས་འབྲུག་དགོན་པ་རྣམས་བཏབ། གདན་ས་གོང་མར་རྗེ་འདི་ཉིད་ཀྱིས་དབོན་རས་དར་མ་སེངྒེ་༡ནས་རིམ་པར། ཆོས་རྗེ་གཞོན་ནུ་༢སེང་གེ །བྱང་སེམས་ཉི་མ་སེང་གེ ༣། རྒྱལ་སྲས་སེངྒེ་ཤེས་རབ། སྤོས་སྐྱ་པ་སེང་གེ་རིན་ཆེན།། བཅུ་གསུམ་སེངྒེ་རྒྱལ་པོ༦། །འཇམ་དབྱངས་ཀུན་དགའ་སེངྒེ༧། འཇམ་དབྱངས་བློ་གྲོས་སེངྒེ། སྤྲུལ་སྐུ་ཤེས་རབ་སེང་གེ་སྟེ་མཉམ་མེད་སེང་གེ་དགུ་ཚར་དུ་གྲགས་པ་དང་། ཡེ་ཤེས་རིན་ཆེན། ནམ་མཁའ་དཔལ་བཟང་། རྒྱ་རས་རྣམ་འཕྲུལ་རྒྱལ་དབང་ཆོས་རྗེ་ཀུན་དགའ་དཔལ་འབྱོར། ངག་དབང་ཆོས་རྒྱལ་རྣམས་དང་། རྒྱལ་དབང་རྗེའི་སྐྱེ་བ་བྱར་ཁྲི་དཔོན་གྱི་རིགས་སུ་འཁྲུངས་པ་འཇམ་དབྱངས་ཆོས་ཀྱི་གྲགས་པ་དང་། །
དེའི་སྐྱེ་བ་ཀོང་པོར་འཁྲུངས་པ་ཐམས་ཅད་མཁྱེན་པ་པདྨ་དཀར་པོ་ཞེས་ཤེས་བྱ་རིག་པའི་གནས་མཐའ་དག་ཐོགས་པ་མེད་པར་འཆད་ཅིང་རྩོད་པ་དང་། ལེགས་བཤད་ཀྱང་མང་དུ་རྩོམ་པ། ཕྲིན་ལས་རྒྱ་ཆེ་བ་དེ་ཉིད་བྱོན། དེ་ནས་དཔག་བསམ་དབང་པོ་དང་། བཀའ་བརྒྱུད་ཕྲིན་ལས་ཤིང་རྟ་དང་། ཆོས་ཀྱི་སྣང་བ་གོང་འོག་སོགས་ཐམས་ཅད་མཁྱེན་པའི་མཚན་གྱི་གྲགས་དཀར་འཇིག་རྟེན་ན་ཉི་མ་བཞིན་དུ་གསལ་བ་རྣམས་བྱོན་ནས་དོན་བརྒྱུད་ཀྱི་ཕྲིན་ལས་མཁའ་མཐར་བརྡལ། གཞན་ཡང་རྒྱ་རས་སློབ་མ་རྒོད་ཚང་པ་ལས་སྟོད་འབྲུག་གནམ་གྱི་སྐར་མ་ལྟ་བུ་དང་། རྒྱལ་བ་ལོ་རས་པ་ལས་སྨད་འབྲུག་སའི་དྲེགས་པ་ལྟ་བུ་ཞེས་གྲགས་པས་མཚོན། ཞལ་སློབ་ཁྲི་ཚོ་ལྔ་བྱུང་བ་ཕལ་ཆེར་གྱིས་འཇའ་ལུས་གྲུབ། རྡོ་རྗེ་ཕག་མོས་བསྟན་པ་བྱ་རྒོད་པོའི་ཉིན་ལམ་བཅོ་བརྒྱད་དུ་ཁྱབ་པར་ལུང་བསྟན་པ་བཞིན། ཨོ་ཌི་ཡཱ་ན་དང་། ཛ་ལནྡྷ་ར་ཚུན་ཆད་སློབ་བརྒྱུད་ཀྱིས་གང་ཞིང་། མི་ཕྱེད་འབྲུག་པ། འབྲུག་ཕྱེད་སྤྲང་པོ། སྤྲང་ཕྱེད་གྲུབ་ཐོབ་ཞེས་འཇིག་རྟེན་ན་གཏམ་དུ་སྒྲོགས་སོ།། ༈ ༈ །བྱར་བཀྲ་ཤིས་མཐོང་སྨོན་ནི། འབྲུག་པ་རྒྱལ་དབང་རྗེའི་ཡང་སྲིད་འཇམ་དབྱངས་ཆོས་ཀྱི་གྲགས་པར་མཁའ་འགྲོ་མ་སུ་ཁ་སིདྡྷིས་ལུང་བསྟན་ནས་བཏབ་ཅིང་། སྐྱེ་སྤྲུལ་རིམ་པས་སྐྱོང་།
༈ །།ཁྱད་པར་ཀུན་མཁྱེན་པདྨ་དཀར་པོའི་དུས་སུ་ཕྲིན་ལས་རྒྱས་པར་བྱུང་བས་དགོན་གནས་མང་ཙམ་དང་། རྗེ་ངག་དབང་རྣམ་རྒྱལ་ལྷོ་མོན་དུ་ཕེབས། མོན་པ་ཚོ་བཞི་སོགས་ཏིང་ངེ་འཛིན་གྱིས་དབང་དུ་བསྡུས་ནས་སྤོང་ཀློག་གི་འདུས་སྡེ་མང་པོ་བཙུགས་ཏེ་ལྷོ་འབྲུག་ཞེས་ལུགས་གཉིས་ཀྱི་མངའ་ཐང་ལ་གཞན་དྲིང་མི་འཇོག་པ་འདི་དང་། དབུས་སུའང་བདེ་ཆེན་ཆོས་འཁོར་དང་། གྲྭ་ནང་སྡིང་པོ་ཆེ། ཁམས་སུ་ཁམ་སྤྲུལ་རིན་པོ་ཆེའི་གདན་ས་མཚོན་མངའ་རིས་ནས་བཟུང་སྟེ་ཁམས་ཀོང་ཡན་དུ་དེང་སང་ཡང་དར་རྒྱས་ཤིན་ཏུ་ཆེ་བར་གནས་སོ། །དེ་ལྟར་གངས་རིའི་ཁྲོད་ཀྱི་གྲུབ་རིགས་རྒྱ་མཚོའི་འབྱུང་གནས་བཀའ་བརྒྱུད་རིན་པོ་ཆེ་དེ་རྣམས་ཀྱི་སྐྱེས་བུ་དམ་པ་བསྟན་པ་ལ་བཀའ་དྲིན་ཆེ་བ་ནི། སྤྱིར་མར་མི་དྭགས་གསུམ་རས་ཆུང་པ་དང་། དཔལ་ཕག་མོ་གྲུ་བ་རྣམས་ནི་བཀའ་བརྒྱུད་རིན་པོ་ཆེའི་སྤྱི་མེས་ལྟ་བུ་ཡིན་ལ། བྱེ་བྲག་ཀམ་ཚང་བཀའ་བརྒྱུད་ལ་རྗེ་དུས་གསུམ་མཁྱེན་པ་དང་། རྟོགས་ལྡན་གྲགས་པ་སེང་གེ་སོགས་རྒྱལ་བ་ཡབ་སྲས་རིམ་བྱོན་དང་། དེ་ལས་ཀྱང་ཀུན་མཁྱེན་རང་བྱུང་ཞབས། རྗེ་ཆོས་གྲགས་རྒྱ་མཚོ། མི་བསྐྱོད་རྡོ་རྗེ། ཞྭ་དམར་ཆོས་ཀྱི་གྲགས་པ། དཔའ་བོ་གཙུག་ལག་ཕྲེང་བ་སོགས་མཁས་ཤིང་དངོས་གྲུབ་བརྙེས་པར་གྲགས་ཆེ་ཞིང་། ཕྱིས་སུ་དུས་ཀྱི་
དབང་གིས་བསྟན་པ་ལ་ཉམས་ཆག་བྱུང་བའི་ཚེ། དཔལ་ཆེན་ཆོས་ཀྱི་དོན་གྲུབ་དང་། ཐམས་ཅད་མཁྱེན་པ་ཆོས་ཀྱི་འབྱུང་གནས་ཡབ་སྲས་བརྒྱུད་པ་དང་བཅས་པ་གཅིག་ཏུ་བཀའ་དྲིན་ཆེའོ། །དེ་བཞིན་དུ་དཔལ་སྟག་ལུང་པ་ངག་དབང་གྲགས་པ་དང་། འབྲི་གུང་རིན་ཆེན་ཕུན་ཚོགས་དང་། ཆོས་ཀྱི་གྲགས་པ། འབྲུག་པ་རྒྱལ་དབང་རྗེ་དང་། པདྨ་དཀར་པོ་སོགས་སྙན་པའི་གྲགས་དཀར་ཉིན་བཞིན་དུ་གསལ་ཞིང་། དེ་ལྟ་བུའི་སྐྱེས་ཆེན་མཆོག་རྣམས་ཀྱི་དོན་གྱི་རྣམ་ཐར་ཀྱང་མདོར་བསྡུ་ན། ཉན་ཐོས་ཀྱི་ངེས་འབྱུང་། ཐེག་ཆེན་གྱི་སེམས་བསྐྱེད། གསང་སྔགས་ཀྱི་དམ་ཚིག་རྣམས་གཞིར་བཞག་ཅིང་། མོས་གུས་ཕྱག་རྒྱ་ཆེན་པོའི་རྣལ་འབྱོར་གྱིས་ངེས་དོན་སྙིང་པོའི་ལམ་ལ་རྩེ་གཅིག་ཏུ་གཞོལ་བའི་སྟེང་། སོ་སོའི་ཁྱད་ཆོས། མར་རྔོག་གི་རྒྱུད་བཤད། མི་ལའི་སྙིང་རུས་དང་གདམས་ངག །སྒམ་པོ་པའི་ངོ་བོའི་ག་དར། ཀརྨ་པའི་རླུང་སེམས་དབྱེར་མེད། ཞང་གི་ལམ་མཆོག་མཐར་ཐུག །ཕག་གྲུའི་གསང་སྔགས། འབའ་རོམ་པའི་བསྲེ་འཕོ་གསེབ་ལམ། སྟག་ལུང་པའི་རྣམ་ཐར་སོ་དགུ །འབྲི་གུང་པའི་སྡོམ་གསུམ་གནད་གཅིག །གཙང་བ་རྒྱ་རས་ཀྱི་རྟེན་འབྲེལ་དང་རོ་སྙོམས། ལོ་རྒོད་ཀྱི་མོས་གུས་དང་ཞེན་ལོག་རྣམས་ནི་ཆ་མཐུན་ཁྱད་འཕགས་ཞེས་རེ་རེ་
ལའང་ཐམས་ཅད་ཚང་བར་ཡོད་དེ། གང་ལ་རྩལ་དུ་བཏོན་ནས་རང་རང་གིས་ཐུགས་ཉམས་སུ་བཞེས་པ་དང་། སློབ་མ་འཁྲིད་ཅིང་སྐྱོང་བར་མཛད་པ་ལ་ཁྱད་པར་གྱི་འབྱེད་ཆོས་སུའང་བཞག་ཏུ་རུང་ཞིང། དེ་ཡོངས་སུ་རྫོགས་པ་ལའང་བཀའ་བརྒྱུད་ཀྱི་བསྟན་པ་དང་། དེ་ཉིད་རྒྱུད་ལ་མངའ་བ་རྣམས་ལ་བསྟན་འཛིན་གྱི་སྐྱེས་བུ་ཞེས་འཇིག་རྟེན་གསུམ་ན་སྙན་པར་གྲགས་སོ། །དེ་དག་ལས་བརྒྱུད་ཚཔའི་གདམས་པའང་། སྤྱིར་མདོ་སྔགས་རིག་གནས་དང་བཅས་པའི་ཚིག་གི་བཤད་སྲོལ། དོན་གྱི་བརྒྱུད་པ། སྙིང་པོའི་ཉམས་ལེན་བསམ་གྱིས་མི་ཁྱབ་པ་ཞིག་བཞུགས་ནའང་། བྱེ་བྲག་བཀའ་བརྒྱུད་རིན་པོ་ཆེ་རང་གི་ཁྱད་ཆོས་ཀྱི་དབང་དུ་བྱས་ན། ངེས་དོན་ཕྱག་རྒྱ་ཆེན་པོ་དང་། ཟབ་ལམ་ནཱ་རོ་ཆོས་དྲུག་གཉིས་གཙོ་བོར་དར་ཞིང་། དེ་ལས་ཀྱང་ཀཾ་ཚང་བཀའ་བརྒྱུད་ལ་སྔར་མཚུར་ལུགས་ཀྱི་རྒྱུད་སྡེ་བརྒྱ་རྩ་དང་། ཡངས་ཅན་གྱི་དཀྱིལ་འཁོར་ཞེ་གཉིས་སོགས་རྒྱ་ཆེར་བཞུགས་ནའང་། དེང་དུས་བྱ་རྒྱུད་ཚེ་དཔག་མི་འཁྲུགས་སོགས་ཉེར་མཁོའི་དབང་བཀའི་སྐོར་དང་། རྗེས་གནང་ཟུར་བཀའ་མང་པོ། རྣལ་འབྱོར་རྒྱུད་ཀུན་རིག བླ་མེད་ལ་ཐུགས་རྗེ་ཆེན་པོ་རྒྱལ་བ་རྒྱ་མཚོ། བདེ་མཆོག་ལྷ་ལྔ། ཕག་མོ་སོགས་ཀྱི་དབང་རྒྱ་གཞུང་བོད་གཞུང་མང་པོའི་ལུང་མན་ངག་དང་བཅས་པ།
ཕྱག་རྡོར་གཏུམ་ཆེན་གཏུམ་ཆུང་། བླ་མ་རྔོག་པ་རྣམས་ནས་བརྒྱུད་པའི་དཀྱིལ་འཁོར་བདུན་ཞེས། ཀྱེ་རྡོར་ཡབ་༡བཀའ་དང་ཡུམ་བཀའ་༢བདག་མེད་མ། རྡོ་རྗེ་གར༣། མ་ཧཱ་མཱ་ཡ༤། གདན་བཞི་ཡབ་བཀའ་༥དང་། ཡུམ་བཀའ་ཡེ་ཤེས་དབང་ཕྱུག་མ༦། འཇམ་དཔལ་གསང་རྣལ་འབྱོར་རྒྱུད། ལྡན་༧རྣམས་དང་། སྤྱི་བཀའ་རྡོར་ཕྲེང་ཤཱཀྱ་ཤྲཱི་སོགས་ནས་བརྒྱུད་པ་དང་། པཎྜི་ཏ་ནགས་ཀྱི་རིན་ཆེན་སོགས་ནས་བརྒྱུད་པ་སོ་སོ། །གྲུབ་ཆེན་མི་ཏྲའི་ཐུགས་དམ་དཀྱིལ་འཁོར་བརྒྱ་རྩ། སྒྲུབ་ཐབས་རྒྱ་རྒྱམ། རིན་འབྱུང་སོགས་དང་། རྗེ་དགུ་པའི་མངོན་རྟོགས་ཞི་ཕྲེང་། དྲག་ཕྲེང་། །ཆོས་སྐྱོང་གློག་ཕྲེང་རྣམས་ཀྱི་རྗེས་གནང་། ཁྱད་པར་ངེས་དོན་ཕྱག་རྒྱ་ཆེན་པོའི་ཉམས་ཁྲིད་དང་། རྒྱ་གཞུང་དང་བོད་གཞུང་རབ་ཏུ་མང་པོའི་ལུང་། ཟབ་ལམ་ནཱ་རོ་ཆོས་དྲུག་གི་ཉམས་ཁྲིད། ཆོས་དྲུག་སྲས་མཁར་མའི་ལུགས། ཟབ་མོ་ནང་དོན་གྱི་བཤད་སྲོལ། ཟུར་མང་སྙན་བརྒྱུད་ཀྱི་དབང་ལུང་མན་ངག་གི་སྐོར་བསམ་གྱིས་མི་ཁྱབ་པ། ཟབ་མོ་བདུད་ཀྱི་གཅོད་ཡུལ་སྐོར་གྱི་དབང་ལུང་ཉམས་ཁྲིད། རྗེ་བཙུན་ཇོ་ནང་པ་ནས་བརྒྱུད་པའི་སྐོར་ལ། དུས་འཁོར་དབང་ཡོངས་རྫོགས་མཆོག་དབང་བདག་དབང་དང་བཅས་པ། བདེ་མཆོག་སྟོད་འགྲེལ། ལཱུ་དྲིལ་ནག་གསུམ། ལྷན་སྐྱེས་བདག་
དབང། བདེ་མཆོག་རབ་འབྱམས། ཀྱེ་རྡོར་ས་ལུགས། མ་ཡཱ་རྔོག་ལུགས། གདན་བཞི། ཡུམ་བཀའ། སྒྲོལ་མ་རྣལ་འབྱོར་མ། མཁའ་སྤྱོད་རིགས་གསུམ། ཕུར་པ་རྒྱུད་ལུགས། གསང་འདུས་འཕགས་ཞབས་ལུགས་གཉིས། གཤེད་དམར་ལྷ་ལྔ། དགྲ་ནག་ཞང་ལུགས། འཇིགས་བྱེད་བཅུ་གསུམ་མ། རོ་ལང་བརྒྱད་སྐོར། གཤིན་རྗེ་རབ་འབྱམས། མི་གཡོ་བ་བླ་མེད། ཤངས་ལུགས་རྒྱུད་སྡེ་ལྔ། མི་འཁྲུགས་ལོངས་སྐུ། ཚེ་དཔག་ལྷ་དགུ་རྣམས་ཀྱི་དབང་། སྦྱོར་དྲུག་དང་། ནི་གུ་ཆོས་དྲུག་ཉམས་ཁྲིད། གྲོལ་མཆོག་ཁྲིད་བརྒྱ། ཆོས་སྐྱོང་བེར་ནག་ཅན་གྱི་དབང་། རྗེས་གནང། རང་བྱུང་རྒྱལ་མོ་དང་མ་མགོན་འཁོར་ལྔ། བཀྲ་ཤིས་ཚེ་རིང་མ་སོགས་ཀྱི་རྗེས་གནང་མགོན་པོ་ཕྱག་བཞི་པའི་དབང་སོགས་བཞུགས། རྒྱབ་བརྟེན་ལུང་ལ། མར་མིའི་རྣམ་མགུར། །དྭགས་པོ་དང་ཕག་གྲུའི་གསུང་ཚང་མ། རྔོག་འགྲེལ་རིན་ཆེན་རྒྱན་འདྲ། དུས་མཁྱེན་བཀའ་འབུམ་ཚང་མ། རང་བྱུང་པའི་ནང་དོན་སོགས་ཐོར་བུ་མི་བསྐྱོད་ཁྲིད་ཐུང་པུ་ཏི་སོགས། དབང་ཕྱུག་རྡོ་རྗེ་ཞ་དམར་མཁའ་སྤྱོད་དབང་པོ། དཀོན་མཆོག་ཡན་ལག །ཆོས་ཀྱི་འབྱང་གནས་སོགས་ཀྱི་བཀའ་འབུམ། ཀརྨ་ཆགས་མེད་ཀྱི་གསུང་རབས་མང་པོ། དོལ་པོའི་རི་ཆོས། ཏ་ར་ན་ཐའི་བཀའ་
འབུམ་སོགས་མང་དུ་བཞུགས་ལ། བར་སྐབས་ནས་རྙིང་མའི་ཕྱོགས་ལའང་ཐུགས་དམ་ཉམས་བཞེས་མཛད་པས། གཏེར་ཁ་གོང་འོག །སངས་གླིང་། རཏ་གླིང་། ཀརྨ་གླིང་པ་སོགས་ཀྱི་གཏེར་ཆོས་ཅི་རིགས་པ་དང་། འཇའ་ཚོན་པ། བདུད་འདུལ། གནམ་ཆོས། སྟག་ཤམ། ཆོས་གླིང་། རོལ་རྡོར་སོགས་དང་། ལྷག་པར་ཡོངས་དགེ་མི་འགྱུར་རྡོ་རྗེའི་ཞི་ཁྲོ་པདྨ་བཛྲ། ཚེ་སྒྲུབ་ཐབས་ཤེས་ཁ་སྦྱོར། རྡོ་རྗེ་གྲོ་ལོད་རྣམས་ནི་ཤིན་ཏུ་དར་རོ། །དོན་བརྒྱུད་འབྲུག་པའི་རིང་ལུགས་ལ་སྤྱིར་རྒྱུད་སྡེ་བཞི་དང་འབྲེལ་བའི་སྤྱི་བཀའ་ཟུར་བཀའ་སོགས་ཕལ་ཆེར་སྔར་ལྟར་ལ། ཁྱད་པར་ལྟ་བ་གཙོ་བོར་སྟོན་པ་གདམས་ངག་ཕྱག་རྒྱ་ཆེན་པོ། སྒོམ་པ་གཙོ་བོར་སྟོན་པ་གདམས་ངག་ནཱ་རོ་ཆོས་དྲུག །སྤྱོད་པ་གཙོ་བོར་སྟོན་པ་གདམས་ངག་འབྱུང་བ་རོ་སྙོམས། འབྲས་བུ་གཙོ་བོར་སྟོན་པ་གདམས་ངག་རྟེན་འབྲེལ་བར་བདུན། ཀུན་ལ་གཅེས་པའི་གདམས་ངག་ལམ་ཟབ་བླ་མ་སྒྲུབ་པའི་སྐོར་དང་། འབྲུག་ལུགས་འཕྲལ་མཁོའི་རྗེས་གནང་༢། སྒྲུབ་ཐབས་སྐོར་ལྔ་ཞེས། བདེ་མཆོག་དངོས་གྲུབ་ཀྱི་སྐོར། ཕག་མོ་བྱིན་རླབས་ཀྱི་སྐོར། གཏུམ་པོ་ནུས་མཐུའི་སྐོར། བདེ་མཆོག་ལྷན་སྐྱེས་ཀུ་སཱ་ལིའི་སྐོར། མགོན་པོ་བྱ་རོག་བསྟན་སྲུང་མའི་དབང་ལུང་མན་ངག་ཤིན་ཏུ་མང་། སྐོར། ཉམས་
ལེན་འཕྲལ་དགོས་བཞི་ཞེས། རྡོར་སེམས་ཉེས་ལྟུང་འཁྲུད་པའི་ཆོས། ཀཾ་ཀ་ནི་ངན་སོང་སྦྱོང་བའི་ཆོས། ཚེ་དཔག་མེད་འཆི་མེད་གྲུབ་པའི་ཆོས། རས་ཆུང་ལུགས་འདི་ལ་ཕྱི་ནང་གསུམ་སོགས་མང་། ཐུགས་རྗེ་ཆེན་པོ་དཔལ་མོ་ལུགས། རྒྱུད་བྱིན་གྱིས་བརླབ་པའི་ཆོས་གཞན་ཡང་རས་ཆུང་པའི་སྙན་བརྒྱུད་གསར་རྙིང་། སྟོད་འབྲུག་རྒོད་ཚང་པའི་ཁྲིད་ཆེན་བརྒྱད། ཨོ་རྒྱན་པའི་རྡོ་རྗེ་གསུམ་གྱི་བསྙེན་སྒྲུབ། ཡང་དགོན་པའི་རི་ཆོས་སྐོར་གསུམ། སྨད་འབྲུག་ལོ་རས་ཀྱི་ཐུབ་པ་ལྔ། ཐུགས་དམ་དགེ་སྦྱོར་བདུན་པ། བཀའ་བརྒྱུད་ཀྱི་བཀའ་འབུམ་ལ། གླིང་རས་རྒྱ་རས། མཉམ་མེད་སེང་གེ་དགུ་ཚར། རྒྱལ་དབང་རྗེ། པདྨ་དཀར་པོ་རྣམས་ཀྱི་གསུང་རབ་རྣམས་སོ། །དེ་བཞིན་དཔལ་སྟག་ལུང་པའི་ཆོས་དྲུག་ཡིད་བཞིན་ནོར་བུ་དང་། ཐང་པ་སྔ་ཕྱི་སོགས་ཀྱི་བཀའ་འབུམ། མགོན་པོ་ཕྱག་བཞིའི་སྐོར་གསེར་པོད་དང་བཅས་པ། འབྲི་གུང་པའི་དགོངས་གཅིག་དང་གནད་གཅིག་ཕྱག་ཆེན་ལྔ་ལྡན་སོགས་རྒྱ་ཆེར་མཆིས་སོ། །བཀའ་བརྒྱུད་རིན་པོ་ཆེ་རྣམས་ཀྱི་རྣམ་ཐར་རྒྱས་པ་ནི། བཀའ་བརྒྱུད་སོ་སོའི་རྣམ་མགུར་གྱི་སྐོར་གླེགས་བམ་ཤིན་ཏུ་མང་པོ་དང་། ཀུན་མཁྱེན་བསྟན་པའི་ཉིན་བྱེད་དང་པཎྜི་ཏ་ཚེ་དབང་ཀུན་ཁྱབ་ཀྱིས་མཛད་པའི་སྒྲུབ་བརྒྱུད་ཀརྨ་ཀཾ་ཚང་གི་རྣམ་ཐར་རབ་འབྱམས་ཟླ་བ་ནོར་
བུ་ཆུ་ཤེལ་གྱི་ཕྲེང་བ། འགོས་ལོ་ཐམས་ཅད་མཁྱེན་དེབ་ཐེར་སྔོན་པོ་པོད་གཅིག་པ་གཞོན་ནུ་དཔལ། འབྲུག་པ་པདྨ་པད་དཀར་རྒྱས་པའི་ཉིན་བྱེད་པོད་གཅིག་དཀར་པོ། སྟག་ལུང་པ་ངག་དབང་གྲགས་པ། དཔའ་བོ་གཙུག་ལག་ཕྲེང་བ་མཁས་པའི་དགའ་སྟོན་པོད་གཉིས། རྣམས་ཀྱི་ཆོས་འབྱུང་གི་བཀའ་བརྒྱུད་པའི་སྐབས་སོགས་ལས་ཤེས་པར་བྱའོ། །བཀའ་བརྒྱུད། ཅེས་པའི་སྒྲ་དོན་ནི། །དྭངས་པོ་རིན་པོ་ཆེས་ཐོག་མར་ཇོ་བོ་རྗེ་ནས་བརྒྱུད་པའི་བཀའ་གདམས་པའི་གདམས་ངག་གསན་ཅིང་། ཕྱིས་མར་པ་ནས་བརྒྱུད་པའི་ཕྱག་རྒྱ་ཆེན་པོའི་བརྒྱུད་པ་རིན་པོ་ཆེ་ལ་ཞུགས་ཏེ། དེ་གཉིས་ཟུང་འབྲེལ་དུ་སྐྱོང་བས་གདམས་པའི་མིང་གང་ཟག་ལ་ཆགས་པ་ཡིན་ཞིང་། འབྲུག་པ་ནི། གཙང་པ་རྒྱ་རས་ཀྱིས་དགོན་གནས་འདེབས་པའི་ཕྱོགས་དེར་བྱོན་པའི་ཚེ། འབྲུག་མ་སྨད་དགུ་བབས་ནས་འདུག་པ་ནམ་མཁར་སོང། འབྲུག་སྒྲ་དྲག་པོའང་ལན་གསུམ་དུ་གྲགས་པས་གནས་ཀྱི་ཕུར་དགོན་པ་བཏབ་པ་ལ་འབྲུག་ཅེས་བཏགས་པར་བཤད་པའི་ཕྱིར་གནས་ཀྱི་མིང་གང་ཟག་ལ་ཆགས་པ་ཡིན་ནོ།། ༈ །།དེ་ནས་ཕྱིས་སུ་མཉམ་པ་མེད་པའི་ཕྲིན་ལས་ཅན་རི་བོ་དགེ་ལྡན་པ་བྱོན་ཏེ། དེ་ལ་གདན་ས་ཐམས་ཅད་ཀྱི་རྩ་བ་ལྟ་བུ་འབྲོག་རི་བོ་དགེ་ལྡན་རྣམ་པར་རྒྱལ་བའི་གླིང་ནི། ཤར་བཙོང་ཁ་པ་བློ་བཟང་གྲགས་
པས་དགུ་ང་ལོ་ང་གསུམ་པ་ཆུ་གླང་ལོར་བཏབ། འདི་ལོར་ལྷ་ལྡན་སྨོན་ལམ་ཆེན་མོའང་ཐོག་མར་བཙུག་པ་ཡིན་ནོ། །དེ་ནས་རྒྱལ་ཚབ་དར་མ་རིན་ཆེན་སོགས་ཁྲི་རབས་རིམ་བྱོན་གྱིས་གདན་ས་མཛད། ཆོས་སྡེ་འདི་ལ་རྒྱལ་ཚབ་རྗེའི་གདན་ས་བྱང་རྩེར་ཁང་ཚན་ཁག་བཅུ་གསུམ་དང་། མཁས་གྲུབ་རྗེའི་གདན་ས་ཤར་རྩེར་ཁང་ཚན་ཁག་བཅུ་གསུམ་སྟེ་ཉེར་དྲུག་ཡོད། དེ་ལ་འཇམ་མགོན་བློ་བཟང་གྲགས་པ་ནི། །འཇམ་དཔལ་རྩ་བའི་རྒྱུད་ལས། །འཇིག་རྟེན་ང་ནི་མྱ་ངན་འདས། །ས་ཡི་སྟེང་འདི་སྟོང་གྱུར་ནས། །ཁྱོད་ཉིད་བྱིས་པའི་གཟུགས་ཀྱིས་ནི། །སངས་རྒྱས་མཛད་པ་བྱེད་པར་འགྱུར། །དེ་ཚེ་དགོན་ཆེན་རབ་དགའ་བ། །ཁ་བ་ཅན་ནང་ཡོད་པ་ཡིན། །ཅེས་དང་། །སྟོན་པའི་གཟུགས་བརྙན་ཡིད་འོང་བྱེད། །བློ་ལྡན་དང་པོར་ཡི་གེ་མ། མ་ཏི་བྷ་དྲ་ཀཱིཏི། ཞེས་སོགས་རྟེན་དང་བརྟེན་པར་བཅས་པ་ལུང་གིས་གསལ་བ་བསྟན་པ་བཞིན། རྗེ་བཙུན་འཇམ་དཔལ་དབྱངས་སྐུ་གསུང་ཐུགས་ཡེ་ཤེས་རྡོ་རྗེའི་རྣམ་རོལ། གཟུགས་གཞན་དུ་བསྒྱུར་བ་ན་མདོ་སྨད་ཀྱི་ཡུལ་ཙོང་ཁ་ཞེས་བྱ་བར་མེ་མོ་བྱའི་ལོ་ཆོ་འཕྲུལ་ཟླ་བའི་ཚེས་བཅུར་ངོ་མཚར་བའི་ལྟས་དང་བཅས་ཏེ་ལྷུམས་ཀྱི་པདྨོ་ལས་གྲོལ། དེ་མ་ཐག་དངོས་གྲུབ་བརྙེས་པའི་ཆོས་རྗེ་དོན་གྲུབ་རིན་ཆེན་གྱིས་དཔལ་རྡོ་རྗེ་འཇིགས་བྱེད་ཀྱི་སྤྲུལ་པར་ལུང་
བསྟན། དགུང་ལོ་གསུམ་པར་རྒྱལ་དབང་ཀརྨ་པ་རོལ་པའི་རྡོ་རྗེར་ཡོངས་རྫོགས་དགེ་བསྙེན་གྱི་སྡོམ་པ་བཞེས། མཚན་ཀུན་དགའ་སྙིང་པོར་གསོལ། བདུན་པར་ཆོས་རྗེ་དོན་གྲུབ་རིན་ཆེན་ལས་རབ་ཏུ་བྱུང་བས་བློ་བཟང་གྲགས་པ་ཞེས་སྙན་པས་ཁྱབ། དེ་ཉིད་ལས་གསན་བསམ་ཡང་རྒྱ་ཆེར་མཛད། སླར་བཅུ་བདུན་པར་དབུས་སུ་ཕེབས་ཏེ། སྔ་ཕྱིར་ཚལ་གུང་ཐང་དུ་གསོ་རིག །ལོ་ཙཱ་བ་རིན་ཆེན་རྣམ་རྒྱལ་དང་། ས་བཟང་མ་ཏི་པཎ་ཆེན་ལས་སྒྲ། ལོ་ཙཱ་བ་ནམ་མཁའ་བཟང་པོ་ལས་སྙན་དངགས་སོགས་ཕྱི་རིག་པ་དང་། རེ་མདའ་བར་དབུ་ཚད་ཕར་ཕྱིན། མངོན་པ་གོང་འོག་དང། སྐྱོར་མོ་ལུང་དུ་འདུལ་བ། ལྷོ་བྲག་ནམ་མཁའ་རྒྱལ་མཚན་ལས་བཀའ་གདམས་ལམ་རིམ། བླ་མ་དམ་པ་ལས་བདེ་མཆོག་དྲིལ་བུ་པ། གོང་གསུམ་པ་བདེ་ཆེན་ཆོས་ཀྱི་དཔལ་བ་ལས་དུས་འཁོར། ཁྱུང་པོ་ལྷས་པ་གཞོན་ནུ་བསོད་ནམས་ལས་འདུས་པ་སོགས་རྒྱུད་སྡེ་བཞིས་མཚོན་ནང་རིག་པའི་སྡེ་སྣོད་རྒྱ་མཚོ་ལྟ་བུ་ལ་མང་དུ་གསན་པ་དང་། དེ་དག་གི་དོན་ལ་བསམ་བྱུང་གི་རིགས་པས་ཞིབ་མོར་དཔྱད་པས་ལུང་གི་ཡོན་ཏན་བསམ་གྱིས་མི་ཁྱབ་པ་བརྙེས་ཀྱང་དེ་ཙམ་དུ་མ་བཞག་པར། དགུང་ལོ་སོ་དྲུག་པ་ནས་འཁོར་དག་པ་རྣམ་བརྒྱད་ཁྲིད་དེ་བྱ་བྲལ་བའི་ཚུལ་གྱིས་བླ་མ་འཇམ་དཔལ་
དབྱེར་མེད་ལ་གསོལ་བ་འདེབས་པ་དང་། གཞུང་ཆེན་པོར་བསམ་བྱུང་གིས་དཔྱད་དེ་རྩེ་གཅིག་ཏུ་ཉམས་སུ་བཞེས་པས་བླ་མ་དང་ལྷག་པའི་ལྷས་རྗེས་སུ་བཟུང་། ཁྱད་པར་མགོན་པོ་ཀླུ་སྒྲུབ་ཡབ་སྲས་ཀྱིས་བྱིན་གྱིས་བརླབས་པ་ལ་བརྟེན། འགྲེལ་པ་བུདྡྷ་པཱ་ལི་ཏཱར་གཟིགས་པས། རྩ་ཤེའི་རབ་བྱེད་བརྒྱད་པའི་བརྟེན་ནས་འབྱུང་བ་མེད་པ་ཡི། ཞེས་སོགས་ཀྱི་འགྲེལ་པ་ལ་བརྟེན་ནས་སྟོང་ཉིད་གསར་དུ་རྟོགས་པའི་ཚུལ་བསྟན། དེ་ལྟར་རང་ཉིད་ལུང་དང་མངོན་པར་རྟོགས་པའི་ཡོན་ཏན་མཐའ་དག་ལ་དབང་འབྱོར་ནས་གཞན་རྗེས་སུ་བཟུང་བའི་སླད། དམ་པའི་ཆོས་འདུལ་བའི་ཕྱག་ལེན་ཕྲ་ཞིབ་ཀྱིས་གཞི་བཟུང་། སྡོམ་པ་གོང་མ་གཉིས་ཀྱི་བཅས་པའི་མཚམས་ལས་ནམ་ཡང་མི་འདའ་བའི་བསླབ་པས་བསྟན་པའི་རྨང་བཙུགས་ཏེ། མོན་མཁར་བཀྲ་ཤིས་གདོང་དུ་ཉིན་རེ་བཞིན་གཞུང་ལུགས་ཆེན་པོ་བཅོ་ལྔ་རེའི་ཚིག་དོན་འཁྲུལ་མེད་དུ་གསུང་པས་མཚོན་འཆད་པ་དང་། གསང་ཕུ། ས་སྐྱ། རྩེ་གདོང་རྣམས་སུ་ཀ་པོད་ལྔ་ལ་གྲྭ་སྐོར་མཛད་པའི་ཚེ་ཕྱོགས་ཐམས་ཅད་ལས་རྣམ་པར་རྒྱལ་བའི་གྲགས་པས་ཁྱབ་པ་སོགས་རྩོད་པ་དང་། ཇོ་བོ་ཡབ་སྲས་དང་། རྒྱ་གར་གྱི་པཎ་གྲུབ་མང་པོས་བྱིན་གྱིས་བརླབས་པའི་སྣང་བ་ལ་བརྟེན་ནས་བྱང་ཆུབ་ལམ་རིམ་ཆེ་ཆུང་དང་། སྔགས་རིམ་ཆེན་མོ་
སོགས་ཀྱི་རྩོམ་པ་ཨུཏྤལ་གཞོན་ནུའི་ཆུན་པོ་པོད་ཆེན་བཅོ་བརྒྱད་ཙམ་བློ་གྲོས་དང་ལྡན་པ་རྣམས་ཀྱི་རྣ་བའི་རྒྱན་དུ་བྱོན། ང་གསུམ་པ་གླང་ལོར་ལྷ་ལྡན་དུ་སྨོན་ལམ་ཆེན་མོ་བཙུགས་ཏེ་དགེ་འདུན་ཁྲི་ལ་བསྙེན་བཀུར་མཛད། དེའི་དཔྱིད་ཀར་ལྷ་དང་བླ་མས་ལུང་བསྟན་ཏེ་འབྲོག་དགེ་ལྡན་རྣམ་པར་རྒྱལ་བའི་གླིང་བཏབ་ནས་འཁོར་ལོ་གསུམ་གྱི་མཛད་བཟང་གོང་དུ་འཕེལ། དེ་ལྟ་བུའི་འཆད་རྩོད་རྩོམ་གསུམ་གྱི་གྲུབ་འབྲས་གསུང་གི་བདུད་རྩི་ལས་སྐྱེས་པའི་སློབ་མའང་། རང་གི་བླ་མ་ཆོས་འབྲེལ་གསན་པ་བཞི། སྔ་ཚར་བཞི། འཁོར་དག་པ་རྣམ་བརྒྱད། ཁྱད་པར་དུ་འཕགས་པའི་སྲས་གསུམ། ཕྲིན་ལས་ནམ་མཁའ་དང་མཉམ་པའི་བུ་ཆེན་བཞི། དབུས་གཙང་གི་བསྟན་པའི་སྒྲོན་མེ་བཅུ། གཞན་དོན་ལྷུན་གྱིས་གྲུབ་པའི་སེམས་དཔའ་བཅུ། མི་དབང་གཙུག་ན་མཛེས་པའི་༧ཏི་ཤྲཱི་གཉིས། རྒྱ་ཆེན་མང་དུ་ཐོས་པའི་དབོན་སྲས་གཉིས། སྦྱངས་པའི་ཡོན་ཏན་འཛིན་པའི་ལྕོག་ཆེ་ཆུང་གཉིས། བསྟན་པ་ཕྱོགས་མཐར་སྤེལ་བའི་དར་ཆེན་དྲུག་སོགས། མདོར་ན་དུས་དེར་གངས་ཅན་དུ་བྱོན་པའི་ས་རྔོག་བཀའ་ཕྱག་གི་བསྟན་འཛིན་ཕལ་ཆེར་གྱིས་ཞབས་ཀྱི་པདྨོ་གུས་པས་བསྙེན་པ་ན། ཐམས་ཅད་མཁྱེན་པོ་འགོས་ལོ་གཞོན་ནུ་དཔལ་གྱིས། དེ་དུས་ས་ཆེན་པོ་འདི་རྗེ་བཙུན་ཙོང་
ཁ་པའི་གདུགས་དཀར་པོ་གཅིག་གིས་ཁྱབ་ཡོད་པ་ཡིན། ཅེས་ཆེད་དུ་བརྗོད་པའང་དོན་ལ་གནས་སོ། །སློབ་མའི་གཙོ་བོ་ནི། རྟོགས་ལྡན་འཇམ་དཔལ་རྒྱ་མཚོ། རྒྱབ་ཚབ་རྗེ། མཁས་གྲུབ་རྗེ། །འཇམ་དབྱངས་ཆོས་རྗེ། བྱམས་ཆེན་པ་ཤེར་སེང་། དགེ་འདུན་གྲུབ། ཤེར་བཟང་རྣམ་གཉིས་རྣམས་སོ། །དེ་ལྟར་མཁྱེན་བརྩེ་ནུས་པའི་ཕྲིན་ལས་ཐམས་ཅད་རྫོགས་པའི་སངས་རྒྱས་དང་རྣམ་དབྱེར་མེད་པས་རྒྱལ་བའི་བསྟན་པ་ལ་སྟོན་པ་གཉིས་པའི་བྱ་བ་མཛད་དེ། མཐར་དགུང་ལོ་རེ་གསུམ་པ་ས་ཕག་ཧོར་ཟླ་བཅུ་པའི་དམར་ཕྱོགས་ཀྱི་ཚེས་བཅུར་སྤྲུལ་སྐུའི་བཀོད་པ་བསྡུས། དེ་ལ་བརྟེན་ནས་དགའ་ལྡན་ལྔ་མཆོད་ཅེས་དེང་སང་གི་བར་དུ་དར་བ་འདི་གཅིག་པུའི་རྣམ་དཀར་གྱི་ཕྲིན་ལས་ཀྱང་བསམ་པར་ག་ལ་ནུས། བླུན་པོ་འགའ་ཞིག་གིས་དམ་པ་མ་ཡིན་པའི་སྤྲུལ་པར་སྒྲོ་བཏགས་པ་སོགས་ནི་མི་བཟད་པའི་ལས་སུ་ངེས་པས་ན་བག་ཡོད་པར་བྱའོ། །དེ་ལྟར་ཐུབ་དབང་གངས་རིའི་དབང་པོ་ལས་བབས་པའི་མདོ་སྔགས་ཀྱི་ཆུ་ཀླུང་འབུམ་ཕྲག་གཅིག་ཏུ་འཁྱིལ་བའི་ཆུ་གཏེར། བཤད་སྒྲུབ་ལས་གསུམ་དང་། བསླབ་པ་གསུམ་དང་རིམ་གཉིས་ཀྱི་ཡོན་ཏན་རིན་པོ་ཆེ་དུ་མའི་འབྱུང་གནས། མཁས་གྲུབ་གདེངས་ཅན་བྱེ་བའི་བསྟི་གནས་དཔལ་མཉམ་མེད་རི་བོ་དགེ་ལྡན་པའི་གསེར་ཁྲིར་
ཁྲི་ཐོག་དང་པོ། ཁམས་གསུམ་ཆོས་ཀྱི་རྒྱལ་པོ་ཤར་ཙོང་ཁ་པ་བློ་བཟང་གྲགས་པའི་དཔལ་ཉིད་དགུང་ལོ་ལྔ་བཅུ་རྩ་གསུམ་པར་ཕེབས། དྲུག་ཅུ་རེ་གསུམ་གྱི་བར་ལོ་བཅུར་བཞུགས། དེ་ནས་རིམ་པར། གཙང་ཉང་སྟོད་༥༦རི་ནང་པ་རྒྱལ་ཚབ་དར་མ་རིན་ཆེན༡ ༣། ལ་སྟོད་བྱང་གི་ལྡོག་ལོད་པ་མཁས་༤ ༧གྲུབ་ལྕགས་ར་བ། དགེ་ལེགས་འདི་ཡན་ལ་རྗེ་ཡབ་སྲས་གསུམ་ཞེས་གྲགས། དཔལ་བཟང་ར། གཙང་ཞྭ་༦༤ ལུང་ལེགས་པ་རྒྱལ་༡༢མཚན། གཙང་༦༣རོང་གཡག་སྡེ་པ་བློ་གྲོས་ཆོས་ཆོས་ལུང་ཚོགས་པ། སྐྱོང་༡༣། མཁས་གྲུབ་༦༢རིན་པོ་ཆེའི་སྐུ་མཆེད་ཆོས་ཀྱི་རྒྱལ་འདི་ལ་སྤྲུལ་པའི་གླེགས་བམ་ཡང་ཕྱག་ཏུ་བྱུང་། མཚན། གཙང་༧༤པ་རྗེ་བློ་གྲོས་བསྟན་འདིས་དྭགས་པོ་གྲྭ་ཚང་བཏབ། པ་ལ་སྟོད་བྱང་པ། རྗེ་སྨོན་ལམ་དཔལ་ལེགས་རྒྱལ་ཚབ་ནས་འདིའི་བར་ལ་འཇམ་དབྱངས་གཙང་པ་བདུན་དུ་གྲགས། པའི་བློ་གྲོས༡༥། རྗེ་རིན་པོ་ཆེ་སྐུ་ཚ་ཀླུ་འབུམ་བློ་བཟང་། ༈ །ཤངས་མགྲོན་ཁང་གནས་རྙིང་པ། འབྲས་སྤུངས་སྒོ་མང་། ཉི་མ་ཁམས་ལྡན་མ། བློ་གསལ་གླིང་པ་ཤར་རྩེ་ཡེ་ཤེས་བཟང་པོ།། འདི་བར་ལོ་གཉིས་མ་ཚང་། གཙང་འདར་༧༠པ་ཤར་རྩེ་བློ་བཟང་གྲགས་པ༡༡། ཨེ་༦༢པ་ཉི་མཐང་བ། བྱང་རྩེ་འཇམ་དབྱངས་ཤེས་རབ་ལེགས་པའི་བློ་གྲོས།། སྟོད་མདའ་༦༤ པ་ཤར་རྩེ་བློ་གསལ་གླིང་པ། ཆོས་ཀྱི་བཤེས་གཉེན༦། སྟོད་ལུང་
༧༠པ་མདའ་ཞིང་བཟང་བློ་གླིང་། པ་བྱང་རྩེ་རིན་ཆེན་འོད་ཟེར༧། རྩེད་དྭངས་༥༡ནང་པ་རལ་མ་པའི་སྲས་ཤར་རྩེ་ཉི་མ་ཐང་དར་སེར་བྱེས་པ། པཎ་ཆེན་བསོད་ནམས་གྲགས་པའི་དཔལ་རྣམ་དཔྱོད་མཆོག་གི་སྡེ༦། དབུས་སྟོད་རྒྱུར་༦༣གུར་པ་བར་གྲ་ཚང་། བྱང་རྩེ་ཆོས་འདིས་རྒྱུད་སྨད་ཁྲི་ཆེན་བརྒྱད་མཛད། སྐྱོང་རྒྱ་མཚོ། ཁམས་མི་ཉག་༤༩སེར་སྨད་ཤར་རྩེ་རྡོ་རྗེ་བཟང་༧པོ། །དབུས་སྟོད་༥༠སྟག་རྩེ་བ་བྱང་རྩེ་རྒྱལ་མཚན་བཟང་༢པོ། སྟོད་ལུང་༤༨མདའི་དངོས་གཞི་པ་ཤར་རྩེ་ངག་དབང་ཆོས་གྲགས༣། དབུས་སྟོད་༦༠སྟག་ཕུ་པ་སེར་བྱེས་བྱང་རྩེ་ཆོས་གྲགས་བཟང་པོ༦། འོལ་ཁ་༥༤༤གྱང་གསར་པ་ཤར་རྩེ་བསམ་གླིང་པ། བདེ་བ་ཅན་པ་དགེ་ལེགས་དཔལ་བཟང༦། རླུད་ཤོད་དབུ་༧༣སྣ་བར་གྲྭ་ཚང་། པ་བྱང་རྩེ་དགེ་འདུན་བསྟན་པ་དར་རྒྱས། རྩེད་དྭངས་པ་ཤར་རྩེ་ཚེ་བརྟན་རྒྱ་མཚོ༧། དབུས་༦༠སྟོད་ཞོགས་གམ་གྲུ་༣ པ་བྱང་རྩེ་མངོན་དགའ་བ་བྱམས་པ་རྒྱ་མཚོ༧། སྟོད་ལུང་༥༧སྤ་རྭ་བ་སྟོད་པ་ཤར་རྩེ་རྒྱལ་ཁང་རྩེ་པ་དཔལ་འབྱོར་རྒྱ་མཚོ༣༧། གཙང་གནས་༦༧པ་བྱང་རྩེ་དམ་ཆོས་དཔལ་འབར༧། མལ་༥༧གྲོ་རིན་ཆེན་གླིང་པ་དགའ་ལྡན་ཉག་རོང་པ་ཤར་རྩེ་སངས་རྒྱས་རིན་ཆེན༧། ལྷ་ས་ལུམ་པ་༧༢ཤག་པ་བྱང་རྩེ་སེར་བྱེས་པ། དགེ་འདུན་རྒྱལ་མཚན། མདོ་སྨད་༦༢ཅོ་ནེ་སེར་སྨད་ཤར་རྩེ་བཤམས་
གྲགས་པའམ་མཚན་གཞན་བསོད་ནམས་དོན་གྲུབར། སྟོད་ལུང་མདའ་པ་༧༠ར་བསྟོད་བྱང་རྩེ་ཁྲི་ཆེན། སྟག་ལུང་གྲགས་པ་བློ་གྲོས་རྒྱ་༣མཚོ། འདི་རྒྱ་གར་གྱི་ཆུ་བོ་གངྒཱ་ཚུན་ཆོད་དུ་མཁས་པར་གྲགས། ཁམས་འཇང་ཞབས་༧༣པ་བློ་གསལ་གླིང་ཤར་རྩེ་འཇམ་དབྱངས་དམ་ཆོས་དཔལ་བ༢། གཙང་༦༠ཉང་སྟོད་འབྲོང་རྩེ་བ་སེར་བྱེས་བྱང་རྩེ་ཚུལ་ཁྲིམས་ཆོས་འཕེལ༣། དབུས་སྟོད་གེ་རེ་བ་ཤར་རྩེ་གྲགས་པ་རྒྱ་མཚོ། རྭ་བ་སྟོད་དང་བར་གྲྭ་ཚང་པ། འཕན་༤༩ཡུལ་དེ་གོང་པ་གསལ་ཁང་སྐུ་སྐྱེ་བྱང་རྩེ་ངག་དབང་ཆོས་ཀྱི་རྒྱལ་མཚན༡། འདིས་རྒྱལ་དབང་ལྔ་པ་ཆེན་པོའི་ཡོངས་འཛིན་མཛད། གྲ་ནང་པ་དྭགས་པོ་དང་རྭ་བ་སྟོད་ཤར་རྩེ་འཇམ་དབྱངས་དཀོན་མཆོག་འཕེལ༧། ཀོང་པོ་བཀྲ་ཤིས་རབ་བརྟན་དྭགས་པོ་གྲྭ་ཚང་བྱང་རྩེ་བསྟན་འཛིན་ལེགས་བཤད༧། འདིའི་སྐབས་སུ་ཤར་བྱང་གཉིས་གླེང་གཞི་བྱུང་བར་བརྟེན་སྡེ་པ་གཙང་བས་ལོ་བདུན་རེ་རེས་མོས་དགོས་པ་བྱས། འཇངས་ཐམ་པ་སེར་སྨད་ཤར་རྩེ་དགེ་འདུན་རིན་ཆེན།། དྭགས་གྲོ་མདའ་པ་དྭགས་པོ་གྲྭ་ཚང་བྱང་རྩེ་བསྟན་པ་རྒྱལ་མཚན་ནམ་མཚན་ཆོས་རྒྱལ་བཀྲ་ཤིས༢། །སྟོད་༥༢ལུང་ཆུ་བཟང་པ་འབྲས་སྒོ་མང་ཤར་རྩེ་དཀོན་མཆོག་ཆོས་བཟང་། འདི་ལྷ་རམ་པ་དང་པོའི་དུས་ཀྱི་གཅིག་ཡིན། མངའ་རིས་སྤྱི་ཏི་བྲང་མཁར་པ་མངའ་རིས་གྲྭ་ཚང་བྱང་རྩེ་དཔལ་ལྡན་རྒྱལ་མཚན་ནམ་
མཚན་གཞན་ངག་དབང་རྡོ་རྗེ༧། རྩེ་དྭངས་པ་ར་བ་སྟོད་ཤར་རྩེ་བློ་བཟང་རྒྱལ་མཚན༧། དབུས་སྟོད་ཞོག་པ་འཕན་ལན། སེར་བྱེས་བྱང་རྩེ་བློ་བཟང་དོན་ཡོད༧། འདི་ལ་འགའ་ཞིག་གིས་ཁྲི་རྣམ་དག་རྡོ་རྗེ་ཡང་ཟེར། རྒྱལ་ས་དྭགས་པོ་གྲ་ཚང་ཤར་རྩེ་གླིང་ཡག་པ་བྱམས་པ་བཀྲ་ཤིས། ཨ་མདོ་སྐུ་འབུམ་པ་འབྲས་སྤུངས་སྒོ་མང་བྱང་རྩེ་ངག་དབང་བློ་གྲོས་འདི་ལ་ཁྲི་ཆེན་རྒྱ་ནག་པའང་ཟེར། རྒྱ་མཚོ། ཨ་༦༣མདོ་ཅོ་ནེ་ཞོ་བཟང་པ་སེར་སྨད་ཤར་རྩེ་འཇམ་དབྱངས་འདིས་རྒྱལ་བ་རིན་ཆེན་ཚངས་དབྱངས་རྒྱ་མཚོའི་ཡོངས་འཛིན་མཛད། ཚུལ་ཁྲིམས་དར་རྒྱས༡༨། ཨ་༦༤མདོ་བསམ་བློ་འབྲས་སྤུངས་སྒོ་མང་བྱང་རྩེ་བཀའ་འ འདི་ལ་ངག་དབང་དཔལ་བཟང་ཡང་ཟེར། པ་རྒྱ་མཚོ༢། ཁམས་ཡང་༢༧སྟེང་པ་སེར་སྨད་ཤར་རྩེ་བློ་བཟང་ཆོས་འཕེལ༣། ཀྲེ་ནག་༦༠ཚང་པ་འབྲས་སྤུངས་སྒོ་མང་བྱང་རྩེ་དོན་གྲུབ་རྒྱ་༦མཚོ། འདིས་ཀྱང་རྒྱལ་བ་རིན་ཆེན་ཚངས་དབྱངས་རྒྱ་མཚོའི་ཡོངས་འཛིན་མཛད། ཨ་༤༨མདོ་ཨ་གཟིགས་ཐང་པ། ཅོ་ནེ་སེར་སྨད་ཤར་རྩེ་བློ་བཟང་དར་རྒྱས༧། འདིས་རྒྱལ་བ་སྐལ་བཟང་རྒྱ་མཚོའི་ཡོངས་འཛིན་མཛད། ཨ་མདོ་བྱ་བྲལ་བ་ཝ་ཤུལ་འབྲས་སྤུངས་སྒོ་མང་བྱང་རྩེ་དགེ་འདུན་ཕུན་འདི་ལ་ཁྲི་གུང་ཐང་པའང་ཟེར། ཚོགས༧། ཨ་མདོ་རྟ་འོན་ཧོར་ཚང་གོ་ཉིན་པ། འབྲས་སྒོ་མང་ཤར་རྩེ་དཔལ་འདིས་ཀྱང་རྒྱལ་བ་སྐལ་བཟང་རྒྱ་མཚོའི་ཡོངས་འཛིན་མཛད། ལྡན་གྲགས་
པ༧། ཙ་རི་གཡག་༦༢ཞོལ་བ་དྭགས་པོ་གྲྭ་ཚང་བྱང་རྩེ་ངག་དབང་ཚེ་འཕེལ༣། ཨ་མདོ་རྟ་༥༥འོན་ཆོས་འཁོར་བ་འབྲས་སྒོ་མང་ཤར་རྩེ་རྒྱལ་མཚན་སེངྒེ༧། ཨ་མདོ་བྱ་༦༢ཁྱུང་བ་སེར་བྱེས་བྱང་རྩེ་ཞྭ་སེར་བསྟན་པའི་གསལ་བྱེད་ཨ་ཆི་ཐུ་ནོ་མིན་ཧན་ངག་དབང་མཆོག་ལྡན༧། འདིས་ཀྱང་རྒྱལ་བ་བསྐལ་བཟང་རྒྱ་མཚོའི་ཡོངས་འཛིན་མཛད། ཨ་༥༧མདོ་གཞུང་རྨོག་རི་ལྡན་ཐང་པ། པ་འབྲས་སྒོ་མང་ཤར་རྩེ་ངག་དབང་ནམ་མཁའ་བཟང་པོའམ་མཚན་གཞན་བློ་བཟང་དཔལ་ལྡན། ཁམས་ཤོག་དྲུག་པ་འབྲས་བློ་གླིང་བྱང་རྩེ་སྤོ་འབོར་བློ་བཟང་དྲི་མེད། དབུས་སྟོད་༥༥ལོ་མདའ་ཕག་མོ་ཆོས་སྡེ་བ་འབྲས་བློ་གླིང་ཤར་རྩེ་བསམ་གཏན་ཕུན་ཚོགས༧། འདི་རྗེ་རིན་པོ་ཆེའི་སྤྲུལ་པར་རྗེ་རང་ཉིད་ཀྱི་ལུང་བསྟན་པ་ཡིན་ནོ། །ཨ་མདོ་བྱ་ཁྱུང་བ་སེར་བྱེས་བྱང་རྩེ་ངག་དབང་ཆོས་གྲགས༧། འདིས་རྒྱལ་བ་འཇམ་དཔལ་རྒྱ་མཚོའི་ཡོངས་འཛིན་མཛད། སྟོད་ལུང་ཆུ་བཟང་༦༡པ་སེར་སྨད་ཤར་རྩེ་ངག་དབང་ཆོས་གྲགས༡། འདི་ལ་ཁྲི་ལྷ་ཐོབ་ཡང་ཟེར། ཁམས་ཚ་༤༨ རབ་ལོ་བ། བ་སེར་བྱེས་བྱང་རྩེ་བློ་བཟང་བསྟན་པ༦། འདིས་ཀྱང་རྒྱལ་བ་འཇམ་དཔལ་རྒྱ་མཚོའི་ཡོངས་འཛིན་མཛད། ཨ་མདོ་ཅོ་ནེ་སེར་སྨད་ཚ་ཐོར་བ་ཤར་རྩེ་ནོ་མིན་ཧན་ངག་དབང་ཚུལ་ཁྲིམས། འདིས་བོད་ཀྱི་སྲིད་སྐྱོང་དང་རྒྱལ་བ་འཇམ་དཔལ་རྒྱ་མཚོའི་ཡོངས་འཛིན་གཉིས་ཀ་མཛད། ཁམས་༥༧རྒྱལ་རོང་སྤྲོ་
སྣང་པ་འབྲས་བློ་གླིང་པ་བྱང་རྩེ་བློ་བཟང་སྨོན་ལམར། འཕན་༥༨ཡུལ་བས་གྲོང་པ་སེར་སྨད་ཤར་རྩེ་བློ་བཟང་མཁས་མཆོག །ཟླ་བ་དྲུག །ཏྲེ་འོ་བྲག་༥༦མགོའི་ཞབས་ན་འཛོམས་པ་དར་རྒྱས་དགོན་པ་སེར་བྱེས་བྱང་རྩེ་བློ་བཟང་བཀྲ་ཤིས༧། ཁམས་རྒྱལ་༥༨ཐང་ཡང་ཐང་པ་སེར་སྨད་ཤར་རྩེ་དགེ་འདུན་ཚུལ་ཁྲིམས༦། ཨ་མདོ་བྱ་ཁྱུང་༦༡པ་སེར་བྱེས་བྱང་རྩེ་ངག་དབང་འདིས་རྒྱལ་བ་ལུང་རྟོགས་རྒྱ་མཚོ་དང་ཚུལ་ཁྲིམས་གཉིས་ཀའི་ཡོངས་འཛིན་མཛད། སྙན་གྲགས༧། ཁམས་མུ་༦༥ལི་བ་འབྲས་བློ་གླིང་ཤར་རྩེ་བཀའ་འགྱུར་པ་འཇམ་དབྱངས་སྨོན་ལམ། ཟླ་བ་གསུམ། འཕན་ཡུལ་རྒྱལ་ས་སེར་སྨད་ཚ་བ་བྱང་རྩེ་བློ་བཟང་དགེ་ལེགས། ཁམས་ཆ་༦༠འཕྲིན་བསམ་འཕེལ་གླིང་པ་དགའ་ལྡན་ཉག་རོང་ཤར་རྩེ་བྱང་ཆུབ་ཆོས་འཕེལ༧། འདིས་ཀྱང་རྒྱལ་བ་ལུགས་རྟོགས་རྒྱ་མཚོའི་ཡོངས་འཛིན་མཛད། འབྲས་སྒོ་མང་ཧོར་བཀའ་འགྱུར་བ་བྱང་རྩེ་ངག་དབང་ཆོས་འཕེལ༦། འདིས་ཀྱང་རྒྱལ་དབང་ཚུལ་ཁྲིམས་རྒྱལ་མཚོའི་ཡོངས་འཛིན་མཛད། ཀོང་པོ་འབྲུ་ལ་༧༣བ་སེར་སྨད་ཤར་རྩེ་ཡེ་ཤེས་ཐར་འདོད། གཙང་ཐོབ་རྒྱལ་༦༢བ་སེར་བྱེས་བྱང་རྩེ་འཇམ་དཔལ་ཚུལ་ཁྲིམསར། མདོ་སྨད་རྩེ་ནེ་བ་སེར་སྨད་ཤར་རྩེ་ནོ་མིན་ཧན་ངག་དབང་འཇམ་བོད་ཀྱི་སྲིད་སྐྱོང་དང་རྒྱལ་བ་ཚུལ་ཁྲིམས་རྒྱ་མཚོའི་ཡོངས་འཛིན་ཡང་མཛད། དཔལ་ཚུལ་ཁྲིམས་རྒྱ་མཚོ། རྒྱལ་རོང་ཚ་གོ་མཆོག་
རྩེ་བ་སེར་སྨད་བྱང་རྩེ་བློ་བཟང་འདིས་རྒྱལ་དབང་ཐམས་ཅད་མཁྱེན་པ་མཁས་གྲུབ་རྒྱ་མཚོའི་ཡོངས་འཛིན་མཛད། ལྷུན་གྲུབ་ཀྱི་བར་ཁྲི་རབས་བདུན་བཅུ་རྩ་བཞི། དོན་ལྔ་པ་གླིང་པ་ཤར་རྩེ་ངག་དབང་ལུང་རྟོགས་ཡོན་ཏན་རྒྱ་མཚོ། དོན་དྲུག་པ་རྒྱལ་རོང་བྱང་བློ་བཟང་མཁྱེན་རབ་དབང་༧ཕྱུག དོན་བདུན་པ་སྤོམ་འབོར་ཤར་རྩེ་ཚུལ་ཁྲིམས་དར་རྒྱས༢། དོན་བརྒྱད་པ་རྒྱལ་རོང་བྱང་རྩེ་འཇམ་དབྱངས་དམ་ཆོས༧། དོན་དགུ་པ་དགའ་ལྡན་ཕུ་ཁང་པ་ཤར་བློ་བཟང་སྦྱིན་པ༢། བརྒྱད་ཅུ་པ་བསམ་བློ་བྱང་རྩེ་གྲགས་པ་དོན་གྲུབ༧། གྱ་གཅིག་པ་ཟུང་ཆུ་ཤར་ངག་དབང་ནོར་བུ།། གྱ་གཉིས་པ་རྒྱལ་རོང་དར་རྩེ་མདོ་པ་བྱང་རྩེ་ཡེ་ཤེས་ཆོས་འཕེལ༧། བྱོན་ནས་བཤད་སྒྲུབ་ཕྲིན་ལས་ཀྱི་སྣང་བས་ས་གསུམ་བསྟན་འགྲོའི་རྒུད་པའི་སྨག་རུམ་མཐའ་དག་བསལ་ཏེ། ཕན་བདེའི་པདྨོ་ཆེས་ཆེར་རྒྱས་པར་མཛད་དོ། །དཔལ་འབྲས་སྤུངས་ཀྱི་ཆོས་གྲྭ་ནི། རྗེ་རིན་པོ་ཆེའི་དངོས་སློབ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་ཞེས་མདོ་ཕྱོགས་ཀྱི་པུ་ཏི་བརྒྱ་དང་བརྒྱད་ཐུགས་ལས་ཤར་གྱིས་གསུངས་པས་མཚོན་མཁས་ཤིང་གྲུབ་པའི་མངོན་རྟོགས་བསམ་གྱིས་མི་ཁྱབ་པ་དེས་དགུང་ལོ་སོ་བརྒྱད་པ་མེ་སྤྲེལ་ལོར་བཏབ། འདི་ལ་སྔར་སྒོ་མང་། བློ་གསལ་གླིང་། བདེ་ཡངས། ཤག་སྒོར། འདུལ་བ།
སྔགས་པ་གྲྭ་ཚང་སྟེ་བདུན་བྱུང་ཡང་། ཕྱིས་སྒོ་ཁང་ཚན་བཅུ་དྲུག མང་། བློ་གསལ་༢༦གླིང་། བདེ་ཡངས། སྔགས་པ་བཞིར་དྲིལ། དེ་ཡང་སྒོ་མང་དུ་གུང་རུ་ཆོས་འབྱུང་དང་། འཇམ་དབྱངས་བཞད་པ། བློ་གསལ་གླིང་དུ། ཀུན་མཁྱེན་ལེགས་པ་ཆོས་འབྱོར་རམ་འཇམ་དབྱངས་དགའ་བའི་བློ་གྲོས། པཎ་ཆེན་བསོད་ནམས་གྲགས་པ། བདེ་ཡངས་སུ་གྲ་ཚང་ཡོན་ཏན་རྒྱ་མཚོ། ཤག་སྒོར་དུ་སྣར་ཐང་པ་རབ་མཆོག །ཐོས་བསམ་གླིང་དུ་ཉན་པོ་ཤཱཀྱ་རྒྱལ་མཚན་རྣམས་ཀྱིས་འཆད་ཉན་དང་ཡིག་ཆ་སོགས་རྒྱ་ཆེར་མཛད།། ༈ །།སེ་ར་ཐེག་ཆེན་ཆོས་གླིང་ནི། རྗེའི་དངོས་སློབ་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཞེས་ལུང་དང་མངོན་པར་རྟོགས་པའི་ཡོན་ཏན་རྗེ་རང་ཉིད་ངང་མཚུངས་པར་བསྔགས་ཏེ། ཤར་ཕྱོགས་འཇམ་དབྱངས་གོང་མ་ཆེན་པོའི་མཆོད་གནས་སུ་མངའ་གསོལ་བ་དེ་ཉིད་ཀྱིས་ས་མོ་གླང་གི་ལོར་བཏབ། སྔར་གྲྭ་ཚང་ཁག་ལྔ་ཡོད་པ་ལས། ཕྱིས་སུ་བྱེས་པ༢༢། སྨད་པ༡༥། སྔགས་པ་གྲྭ་ཚང་གསུམ་དུ་དྲིལ།་བྱེས་པར་འཇམ་དབྱངས་ཆོས་རྗེའི་སློབ་མ་མུས་སྲིད་པ་བློ་གྲོས་རིན་ཆེན་དང་། སྨད་པ་ཀུན་མཁྱེན་བྱང་ཆུབ་འབུམ་གྱིས་འཆད་ཉན་མཛད་ནས་རིམ་པར་དར། གཞན་ཡང་གུ་རུ་རྒྱལ་མཚན་བཟང་པོ། གཉལ་སྟོན་དཔལ་འབྱོར་ལྷན་གྲུབ། རྗེ་བཙུན་ཆོས་ཀྱི་རྒྱལ་
མཚན་སོགས་རིག་པར་སྨྲ་བའི་དབང་ཕྱུག་དུ་མ་བྱོན།། ༈ །།གཙང་བཀྲ་ཤིས་ལྷུན་པོ་དཔལ་གྱི་སྡེ་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་ནི། བཀའ་གདམས་གླེགས་བམ་རིན་པོ་ཆེར། །མཐོ་བཀྲ་ཤིས་བརྟན་པ་ལྷུན་པོའི་གནས། །ནོར་པདྨ་རཱ་ག་ལྟ་བུ་བདུན། །ཅེས་དང་། ལྟ་བས་མི་ངོམས་གཟི་བརྗིད་ཅན། །མཚུངས་པ་མེད་པའི་བཀྲ་ཤིས་གནས། །བཀྲ་ཤིས་ལྷུན་པོ་རྒྱལ་འགྱུར་ཤོག །ཅེས་སོགས་ལུང་གིས་གསལ་བར་ཟིན་པ་བཞིན་པཎ་ཆེན་དགེ་འདུན་གྲུབ་པས་དགུང་ལོ་ང་བདུན་པར་མེ་ཡོས་དགའ་ལྡན་བཏབ་ནས་ལོ་ཉེར་དགུ་ལོན། ལོར་བཏབ། བྱམས་ཆེན་སོགས་སྐུ་གསུམ་ཐུགས་རྟེན་བསམ་གྱིས་མི་ཁྱབ་པ་བཞེངས། བཀའ་གདམས་པའི་སྐུ་མཆེད་གསུམ་ཀའི་རྣམ་ཐར་འཁྱོངས་པར་མཛད། གྱ་བཞི་པ་ཤིང་རྟ་ལོའི་རྒྱལ་ཟླའི་༨ཚེས་ལ་གཤེགས། དེ་ནས་གདན་སར་པཎ་ཆེན་བཟང་པོ་བཀྲ་ཤིས། པཎ་ཆེན་ལུང་རིགས་རྒྱ་མཚོ། པཎ་ཆེན་ཡེ་ཤེས་རྩེ་མོ། རྒྱལ་བ་དགེ་འདུན་རྒྱ་མཚོ་སོགས་ནས། པཎ་ཆེན་ལྷ་དབང་བློ་གྲོས་ཀྱི་རྗེས་སུ་པཎ་ཆེན་བློ་བཟང་ཆོས་ཀྱི་རྒྱལ་མཚན་བཞུགས་ཏེ། དེ་ཡང་རྗེ་འདི་ཉིད། སངས་རྒྱས་སྣང་བ་མཐའ་ཡས་ཀྱི་ཡེ་ཤེས་སྒྱུ་འཕྲུལ་དྲྭ་བའི་རྣམ་རོལ་རྒྱ་གར་འཕགས་པའི་ཡུལ་དུ་བདག་ཅག་གི་སྟོན་པའི་སྤྱན་སྔར་འདྲི་
ཞིང་ལན་ལྡོན་པའི་མཆོག་འཕགས་པ་རབ་འབྱོར་དང་། གངས་ཅན་གྱི་ལྗོངས་འདིར་ལོ་ཙཱ་བ་འགོས་ཁུག་པ་ལྷས་བཙས་དང་། འཇམ་དབྱངས་ས་པཎ་སོགས་དམ་པའི་སྐྱེ་བ་བརྒྱུད་མར་བཟུང་པའི་མཐར། རྗེ་རིན་པོ་ཆེའི་ནང་ཐུགས་ཀྱི་སྲས་གཅིག་པུ་མཁས་གྲུབ་དགེ་ལེགས་དཔལ་བཟང་ནས་རིམ་པར། ཆོས་ཀྱི་རྗེ་བསོད་ནམས་ཕྱོགས་ཀྱི་དབང་པོ། རྒྱལ་བ་དབེན་ས་པ་བློ་བཟང་དོན་གྲུབ། །དེའི་སྐྱེ་བ་ནི་པཎ་ཆེན་འདི་ཉིད་དེ་གཙང་རོང་ལྡན་དུ་བྲུ་རྒྱལ་བའི་ཞལ་ངོར་འཁྲུངས་མ་ཐག་ཨཱ་ལི་ཀཱ་ལིའི་སྒྲ་སྒྲོག་པ་སོགས་ངོ་མཚར་བའི་རྣམ་ཐར་བཟུང་། བཅུ་བཞི་པར་མཁས་གྲུབ་སངས་རྒྱས་ཡེ་ཤེས་ལས་རབ་ཏུ་བྱུང་། རྗེ་བཙུན་འཇམ་པའི་དབྱངས། རྒྱལ་བ་བློ་བཟང་གྲགས་པ། མཁས་གྲུབ་དགེ་ལེགས་དཔལ་བཟང་། བ་སོ་ཆོས་ཀྱི་རྒྱལ་མཚན། འཇའ་ལུས་མངོན་གྱུར་གྲུབ་ཆེན་ཆོས་རྗེ་རྡོ་རྗེ། དབེན་ས་པ་བློ་བཟང་དོན་གྲུབ། མཁས་གྲུབ་སངས་རྒྱས་ཡེ་ཤེས་རྣམས་ལས་རིམ་པར་བརྒྱུད་པའི་དགའ་ལྡན་བཀའ་བརྒྱུད་དམ་དབེན་ས་སྙན་བརྒྱུད་ཅེས་གྲགས་པའི་གདམས་པས་མཚོན་ཟབ་རྒྱས་ཀྱི་གདམས་ངག་རྒྱ་མཚོ་ལྟ་བུ་གསན། བཀྲ་ཤིས་ལྷུན་པོར་མདོ་ཕྱོགས་ལ་སྦྱངས། པཎ་ཆེན་དམ་ཆོས་ཡར་འཕེལ་ལས་བསྙེན་པར་རྒྱལ་བ་བསོད་ནམས་རྒྱ་མཚོ་ལ་བསྙེན་པར་རྫོགས་པ་ཡིན། རྫོགས། །
ཉེར་བདུན་པར་གངས་ཅན་ཆོས་འཕེལ་དང་། སུམ་ཅུ་པར་བཀྲ་ཤིས་ལྷུན་པོའི་སེངྒེའི་ཁྲིར་ཕེབས། རྒྱལ་བ་ཡོན་ཏན་རྒྱ་མཚོ་དང་། བློ་བཟང་རྒྱ་མཚོ་གཉིས་ཀའི་ཡོངས་འཛིན་གནང་བས་མཚོན་འཁོར་རྫོགས་པ་ཡིན། ལོ་གསུམ་གྱི་ཕྲིན་ལས་རྗེ་བླ་མ་རང་ཉིད་སླར་ཡང་བྱོན་བཀའ་འབུམ་པོད་ལྔ། པ་ལྟ་བུར་གྱུར་པས་ཕྱིས་བྱོན་གྱི་དགེ་ལྡན་པ་རྣམས་འདི་ཁོ་ནར་བསྔགས་བརྗོད་ཆེ། ཀུན་མཁྱེན་བུ་སྟོན་རིན་པོ་ཆེའི་གདན་ས་ཡང་མཛད། གོ་གསུམ་པ་ཆུ་སྟག་ནག་ཟླའི་ཚེས་བཅུ་གཉིས་ལ་དགའ་ལྡན་ཆོས་ཀྱི་འདུན་སར་གཤེགས། དེ་ནས་རིམ་པར་པཎ་ཆེན་བློ་བཟང་ཡེ་ཤེས་གཙང་ཐོབ་རྒྱལ་དུ་འཁྲུངས། ཀྱིས་རྒྱལ་བ་བདུན་པའི་ཡོངས་འཛིན་བཀའ་འབུམ་པོད་བཞི། མཛད། ཆོས་སྲིད་ཀྱི་སྟོབས་འབྱོར་འདི་དུས་ཁོ་ན་ཆེ། པཎ་ཆེན་དཔལ་ལྡན་ཡེ་ཤངས་ལྷ་ཕུར་སྡེ་པ་བཀྲ་ཤིས་རྩེར་ཀརྨ་ཞྭ་དམར་དགུ་པ་དང་མཆེད་དུ་འཁྲུངས། ཤེས་ཀྱིས་རྒྱལ་བ་བརྒྱད་པའི་ཡོངས་འཛིན་མཛད། གོང་མ་ཆེན་ལུང་རྒྱལ་པོས་གདན་དྲངས་ནས་རྒྱ་ནག་ཏུ་ཕེབས་བཀའ་འབུམ་པོད་ལྔ། ཏེ་སྐུ་གཤེགས། པཎ་ཆེན་བློ་བཟང་དཔལ་ལྡན་བསྟན་པའི་ཉི་ཤངས་ཐོབ་རྒྱལ་དུ་འཁྲུངས། མས་རྒྱལ་བ་དགུ་པ་དང་། བཅུ་པ། བཅུ་གཅིག་པ་རྣམས་ཀྱི་ཡོངས་འཛིན་མཛད། ད་ལྟ་ཞབས་པད་བརྟན་བཞིན་བཀའ་འབུམ་པོད་དགུ། པ་འདི་འོ། །ཆོས་གྲྭ་འདིར་
ཤར་རྩེ། དཀྱིལ་ཁང་། ཐོས་བསམ་གླིང་། སྔགས་པ་སྟེ་བཞི་ལས། ཤར་རྩེར་དང་པོ་ཤངས་སྟོན་དྲི་མེད། དྲུག་པ་བློ་གྲོས་རྒྱ་མཚོ། དཀྱིལ་ཁང་ནས་བརྒྱད་པ་བློ་གྲོས་རྒྱལ་མཚན་དང་། བཅུ་པ་མཁས་གྲུབ་བསྟན་དར། ཐོས་བསམ་གླིང་དང་པོ་ཀུན་མཁྱེན་ཆོས་འབྱོར་བཟང་པོ་དང་། བཞི་པ་ཁྱུང་ཕྲུག་བྱམས་པ་བཀྲ་ཤིས། སྔགས་པར་སྔགས་ཆེན་པཎ་ཆེན་ཆོས་རྒྱན་དུས་དང་པོར་བཙུགས། དཀོན་མཆོག་རྒྱལ་མཚན་སོགས་མཁས་གྲུབ་མང་དུ་བྱོན་ནས་ཡིག་ཆ་སོགས་རྒྱ་ཆེར་མཛད་དོ། །མ་འོངས་པ་ན་པཎ་ཆེན་ཉིད་ཤམྦྷ་ལའི་རིགས་ལྡན་ཆོས་རྒྱལ་དྲག་པོ་འཁོར་ལོ་ཅན་དང་། རྒྱལ་དབང་རིན་པོ་ཆེ་དམག་དཔོན་ཧ་ནུ་མན། ལྕང་སྐྱ་རིན་པོ་ཆེ་དམག་དཔོན་དྲག་པོ་རྣམས་སུ་གྱུར་ཏེ་ཀླ་ཀློའི་དཔུང་ཚོགས་བཅོམ། ལས་ས་དུམ་བུ་བཅུ་གཉིས་ཐམས་ཅད་འབྲས་བུའི་ཐེག་པའི་སྨིན་གྲོལ་དང་། རྫོགས་ལྡན་གྱི་དགའ་སྟོན་ལ་སྦྱོར་བར་འགྱུར་ཞེས་ཡེ་ཤེས་གཟིགས་པ་རྣམས་གསུངས་སོ། །དེ་ལྟར་སེ་འབྲས་དགེ་གསུམ་བཀྲ་ཤིས་ལྷུན་པོ་བཞི་ལ་གྲ་ས་ཆེན་པོ་བཞི་ཞེས་ཡོངས་སུ་གྲགས་ཤིང་།། ༈ །།གཞན་ཡང་རྭ་དྭགས་མངའ་གསུམ་དུ་གྲགས་པའི། སྙེ་ཐང་སྟག་ཚང་རབ་སྟོན་ནི་སྨར་ཁམས་གྲགས་པ་བཟང་པོ་སོགས་ཀྱིས་བསྐྱངས་ཤིང་། ཚད་མ་རིག་པའི་འབྱུང་གནས་སུ་གྱུར།། ༈ །།
ལྷོ་རྒྱུད་དྭགས་པོ་གྲྭ་ཚང་ནི། དགའ་ལྡན་གྱི་ཁྲི་རབས་བདུན་པ་ཤངས་པ་བློ་གྲོས་བརྟན་པས་བཏབ།། ༈ །།ལྷོ་རྒྱུད་མངའ་རིས་གྲྭ་ཚང་ནི། རྒྱལ་བ་དགེ་འདུན་རྒྱ་མཚོས་དགུང་ལོ་རེ་དྲུག་པར་བཙུགས་པ་རྣམས་ཀྱང་མཚན་ཉིད་ཀྱི་གྲྭ་ས་ཆེ་ཤོས་ཡིན།། ༈ །།སྲིད་རྒྱུད་པ་གྲྭ་ཚང་དང་། ལྷ་སའི་རྒྱུད་སྨད་པ་ནི་རྗེ་ཤེས་རབ་སེང་གེས་བཏབ། རྗེ་རིན་པོ་ཆེའི་སློབ་མ། རྒྱུད་སྟོད་པ་ནི་རྗེ་ཤེས་རབ་སེངྒེའི་སློབ་མ་རྒྱུད་ཆེན་ཀུན་དགའ་དོན་གྲུབ་ཀྱིས་བཏབ། འདི་གསུམ་དགེ་ལུགས་པའི་སྔགས་པ་གྲྭ་ཚང་གི་རྩ་བ་ལྟ་བུ་ཡིན། ཆོས་སྲིད་ཟུང་དུ་འབྲེལ་བའི་ཕོ་བྲང་ཆེན་པོ་པོ་ཏཱ་ལ་ནི། རྒྱལ་དབང་ལྔ་པ་ཆེན་པོ་དགུང་ལོ་ཉེར་ལྔ་པ་ཞེས་པའི་དུས་གོ་ཤཱི་བསྟན་འཛིན་ཆོས་རྒྱལ་གྱིས་བོད་ཁྲི་སྐོར་བཅུ་གསུམ་ཐོག་མར་ཕུལ་ཞིང་། དུས་དེར་ཆོས་རྒྱལ་སྲོང་བཙན་སྒམ་པའི་གཟིམ་ཕུག་ཉིད་ལྟེ་བ་ལྟ་བུར་མཛད་ནས་བཞེངས། དེ་ཡང་རྒྱལ་དབང་རིན་པོ་ཆེ་ནི། འཕགས་མཆོག་ཕྱག་ན་པདྨོ་བསམ་བཞིན་དུ་སྤྲུལ་པའི་རྣམ་རོལ་དུ་མར་བཟུང་སྟེ་གངས་ཅན་གྱི་འགྲོ་བ་ཀུན་ལ་བུ་གཅིག་མ་ལྟར་ལྷག་པར་བརྩེ་བ་ལས། བསྟན་པ་སྔ་དར་གྱི་དུས་སུ་ཆོས་རྒྱལ་སྲོང་བཙན་སྒམ་པོ་དང་། ཕྱི་དར་གྱི་ཚེ་རྒྱལ་བ་འབྲོམ་སྟོན་པ་སོགས་མཚན་དང་སྐུ་ཡི་བཀོད་པ་བསམ་གྱིས་མི་ཁྱབ་པའི་མཐར། རྗེ་རིན་པོ་ཆེའི་
སྤྱན་སྔར་པཎ་ཆེན་དགེ་འདུན་གྲུབ་པ་ནི། དཔལ་ས་སྐྱའི་ཉེ་འདབས་སྲད་གུར་མ་རུ་བ་ཞེས་པར་ལྕགས་མོ་ལུག་གི་ལོར་འཁྲུངས། དཔལ་སྣར་ཐང་དུ་ཆོས་སྒོར་ཞུགས། རྒྱ་སྟོན་ཙནྡྲ་དེ་བ་ལས་ཀློག་བྲིས། མཁན་ཤཱཀྱ་དཔལ་ལས་ཡིག་རིགས་དང་། ལོ་ཙཱ་བ་སཾ་གྷ་ཤྲཱི་ལས་སྙན་ངག་དང་མངོན་བརྗོད། ཕྱིས་སྒྲ་པ་ཐུགས་རྗེ་དཔལ་ལས་སྒྲ་དང་སྡེབ་སྦྱོར། འཇམ་དབྱངས་རིན་རྒྱལ་ལས་སྐར་རྩིས། གནས་དེ་ཉིད་དང་གསང་ཕུ་སོགས་སུ་ཚད་མས་མཚོན་ཐུན་མོང་གི་རིག་གནས་དང་། སྣར་ཐང་མཁན་རབས་བཅུ་བཞི་པ་གྲུབ་པ་ཤེས་རབ་ལས་རབ་ཏུ་བྱུང་ཞིང་བཀའ་གདམས་ཀྱི་གདམས་ངག་དང་། འཕན་ཡུལ་གྲོང་པར་འདུལ་བ། འཇམ་དབྱངས་རིན་རྒྱལ་ལས་འདུལ་མཛོད། རྗེ་རིན་པོ་ཆེ་དང་རྒྱལ་ཚབ་ལས་དབུ་ཕར་གྱི་གཞུང་དང་རྒྱུད་འགྲེལ་སོགས་གསན་ཅིང་། མདོར་ན་མཁས་གྲུབ་ཡོངས་འཛིན་དྲུག་ཅུ་ཙམ་ལས་ཕྱི་ནང་རིག་པའི་གནས་མཐའ་དག་གསན་ཅིང་བྱང་ཆུབ་པས་མ་ཧཱ་པཎྜི་ཏའི་མཚན་གྱི་སྙན་པ་དང་ཕྲིན་ལས་ཀྱིས་ས་གསུམ་དུ་ཁྱབ། སྒྲོལ་དཀར་ཡིད་བཞིན་འཁོར་ལོ་སོགས་ལྷག་པའི་ལྷས་རྗེས་སུ་བཟུང་། འདུལ་ཊིཀྲ་དང་། གླེང་འབུམ་ཆེན་མོས་མཚོན་གསུང་རྩོམ་ཡང་པུ་ཏི་བདུན་ཙམ་བཞུགས་སོ། །རྗེ་དེའི་རྣམ་འཕྲུལ་རྒྱལ་བ་གཉིས་པ་དགེ་འདུན་རྒྱ་མཚོ་ནི། གཙང་
རྟ་ནག་ཏུ་སྔགས་འཆང་ཆེན་པོ་ཀུན་དགའ་རྒྱལ་མཚན་གྱི་སྲས་སུ་རབ་བྱུང་བརྒྱད་པའི་ཤིང་ལུག་ལོར་འཁྲུངས། བཅུ་གཅིག་པར་བཀྲ་ཤིས་ལྷུན་པོར་པཎ་ཆེན་ལུང་རིགས་རྒྱ་མཚོ་ལས་རབ་ཏུ་བྱུང། བཅུ་གསུམ་པར་འབྲས་སྤུངས་སུ་འཇམ་དབྱངས་དགའ་བའི་བཤེས་གཉེན་ལས་མདོ་སྔགས་ཀྱི་གསན་བསམ་མཛད། གཞན་ཡང་མཁས་གྲུབ་ནོར་བཟང་རྒྱ་མཚོ་སོགས་བསྟེན། སྒྲ་དབྱངས་ལྷ་མོས་རྗེས་སུ་བཟུང་བས་ཇ་སྦྱོར་རེར་ཤཱ་ལོ་ཀ་བརྒྱ་ཕྲག་ཙམ་ཐུགས་ལ་ཟིན་པ་སོགས། མཁྱེན་རབ་བསམ་གྱིས་མི་ཁྱབ། ས་སྦྲུལ་ལོར་ཆོས་འཁོར་རྒྱལ་མེ་ཏོག་ཐང་བཏབ། སེར་འབྲས་དང་བཀྲ་ཤིས་ལྷུན་སོགས་ཀྱི་མཁན་པོ་མཛད། གསུང་རྩོམ་ཡང་མཚན་བརྗོད་འགྲེལ་ཆེན་སོགས་པོད་ལྔ་བཞུགས་༦སོ། །གསུམ་པ་བསོད་ནམས་རྒྱ་མཚོ་ནི། རྗེ་གོང་མ་ཞིང་གཤེགས་མ་ཐག་པདྨ་འོད་དུ་ཕེབས་པས། སློབ་དཔོན་ཆེན་པོས་ལུང་གིས་བསྐུལ་ཏེ་སླར་ཡང་སྟོད་ལུང་མདའ་རྩེ་དགའ་ཁང་གསར་དུ་རྨའི་རིགས་སུ་མཚན་དཔེའི་མེ་ཏོག་བཞད། འབྲས་སྤུངས་སུ་པཎ་ཆེན་བསོད་ནམས་གྲགས་པ་སོགས་ལས་གསན་བསམ་མཛད། སོག་ཡུལ་དུ་ཕེབས་ནས་ཨལ་ཐན་ཆོས་ཀྱི་རྒྱལ་པོས་མཆོད་ཅིང་། ཏཱ་ལའི་བླ་མ་བཛྲ་ཛྷཱ་ཞེས་པའི་མཚན་གསོལ། ཕྱོགས་དེར་དགོན་སྡེ་ཆེ་ཕྲ་མང་དུ་བཏབ་ནས་
བཀའ་འབུམ་པོད་གཅིག །གཤེགས༤༦། བཞི་པ་མཐུ་སྟོབས་ཀྱི་དབང་ཕྱུག་ཡོན་ཏན་རྒྱ་མཚོ་ནི། ཆེན་པོ་ཧོར་གྱི་ཡུལ་དུ་ཇིང་གིར་གནམ་གྱི་རྒྱལ་པོའི་རིགས་སུ་འཁྲུངས། བློ་བཟང་ཆོས་རྒྱན་སོགས་ལས་གསན་བཞེས་གནང་། དངོས་སྤྱོད་ཀྱི་ལས་སྦྱོར་ཀྱང་མང་དུ་མཛད། སྐུ་ཚེ་མཐར་མ་ཕྱིན་པར་གཤེགས། ལྔ་པ་ཁམས་གསུམ་ཆོས་ཀྱི་རྒྱལ་པོ་ངག་དབང་བློ་བཟང་རྒྱ་མཚོ་ནི། ཡར་ལུང་འཕྱོང་རྒྱས་།། འཕྱིང་པར་སྟག་རྩེར་ཟ་ཧོར་གྱི་རིགས་སུ་མེ་སྦྲུལ་ལོར་འཁྲུངས། ཨོ་རྒྱན་ཆེན་པོས་ཀྱང་གཏེར་ཁ་དུ་མ་ནས་མངའ་བདག་ཁྲི་སྲོང་ལྡེའུ་བཙན་གྱི་ཕྲིན་ལས་ཀྱི་སྤྲུལ་པར་ལུང་བསྟན་ཤིན་ཏུ་གསལ། །འཁྲུངས་ལོར་བྱང་བདག་ངག་གི་དབང་པོ་ལས་ཚེ་དབང་གསན་པས་རྙིང་ལུགས་ལ་ཐུགས་ཕྱོགས་པའི་རྟེན་འབྲེལ་དུ་གྱུར། ཆུ་ཁྱི་ལོར་དཔལ་ལྡན་འབྲས་སྤུངས་སུ་ཕེབས། པཎ་ཆེན་བློ་བཟང་ཆོས་རྒྱན་ལ་གཙུག་ཕུད་ཕུལ། ཁྲི་ཆེན་དཀོན་མཆོག་ཆོས་འཕེལ་ལ་མཚན་ཉིད་ཀྱི་ཕྱོགས་དང་། སྨོན་འགྲོ་པཎྜི་ཏ་ཡབ་སྲས་ལས་སྒྲ་སྙན་སྡེབ་སྦྱོར་མངོན་བརྗོད། ཟླུམ་པོ་པ་ལས་སྐར་རྩིས། ཟུར་ཆེན་ལས་ནག་རྩིས་སོགས་དང་། རྔོག་ལོའི་རྣམ་འཕྲུལ། སྔ་ཕྱིར་པཎ་ཆེན་ཆོས་རྒྱན། ཕ་བོང་ཁ་བ་འཁོན་སྟོན་དཔལ་འབྱོར་ལྷུན་གྲུབ། ཐུར་ཆེན་ཆོས་དཔལ་འབྱོར་ཕྲིན་ལས་རབ་རྒྱས་ཀྱང་རྗེར། དབྱིངས་རང་གྲོལ། །
བཀའ་འགྱུར་པ་མགོན་པོ་བསོད་ནམས་མཆོག་ལྡན། ཞྭ་ལུང་བསོད་ནམས་མཆོག་ཚེ་དབང་ལྷུན་གྲུབ་རབ་བརྟན། གྲུབ། སྨན་ལུང་པ་བློ་མཆོག་རྡོ་རྗེ། ཆོས་ཀྱི་རྒྱལ་པོ་གཏེར་བདག་གླིང་པ་སོགས་ལས་གསར་རྙིང་གི་ཆོས་ཚུལ་རྒྱ་མཚོ་ལྟ་བུ་གསན་པས་ཐམས་ཅད་མཁྱེན་པའི་མཚན་དོན་མཚུངས་པར་གྱུར་ཅིང་གསན་ཡིག་ཀྱང་པོད་ཆེན་བཞི་བཞུགས། རྙིང་ཕྱོགས་ནས་བྱང་བདག་བཀྲ་ཤིས་སྟོབས་རྒྱལ་དང་། གསར་མར་འཇམ་དབྱངས་མཁྱེན་བརྩེའི་དབང་ཕྱུག་ཁོ་ནར་བསྔགས་བརྗོད་ཆེ། གོང་མ་ཤུཀྱིས་རྒྱལ་པོས་སྤྱན་དྲངས་ཏེ། ནུབ་ཕྱོགས་མཆོག་ཏུ་དགེ་བའི་ཞིང་གི་རྒྱལ་དབང་ས་སྟེང་གི་རྒྱལ་བསྟན་ཡོངས་ཀྱི་བདག་པོ་ཐམས་ཅད་མཁྱེན་པ་བཛྲ་དྷ་ར། ཞེས་པའི་འཇའ་ས་དང་ཤེལ་ཐམ་ཕུལ། བཤད་སྒྲུབ་ལས་གསུམ་གྱི་ཕྲིན་ལས་ཀྱིས་རྒྱ་གར་གྱི་ཆུ་བོ་གང་གཱ་ཚུན་ཆད་ནས་ཤར་ཕྱོགས་ཏོང་ཀུའི་ཡུལ་གྱི་བར་དུ་ཁྱབ། གསུང་རྩོམ་ཁོ་ནའང་། ཕྱི་རྣམ་ཐར་དང་། རིག་གནས་མཚན་ཉིད་ཀྱི་སྐོར། ནང་གསང་སྔགས་སྤྱིའི་སྐོར། གསང་བ་གསང་ཆེན་རྙིང་མའི་སྐོར། ཡང་གསང་དག་སྣང་རྒྱ་ཅན་གྱི་སྐོར་རྣམས་ལ་པོད་ཆེན་སུམ་ཅུ་ཐམ་བ་བཞུགས་སོ། །རེ་དྲུག་པར་དབོ་ཟླའི་༢ཚེས་༢༥གཤེགས། དགོངས་རྫོགས་སུ་སྡེ་སྲིད་སངས་རྒྱས་རྒྱ་མཚོས་ལྷ་ལྡན་ཚོགས་མཆོད་
ཆེན་མོ་བཙུགས། གསེར་གདུང་འཛམ་གླིང་རྒྱན་གཅིག་བཞེངས་པ་སོགས་ཕྱག་རྗེས་རྒྱ་ཆེ། ༈ །དྲུག་པ་བློ་བཟང་རིན་ཆེན་ཚངས་དབྱངས་རྒྱ་མཚོ་ནི། ལྷོ་མོན་ཤིང་ལོའི་ཚལ་དུ་པདྨ་གླིང་པའི་གདུང་རིགས་སུ་འཁྲུངས། སྔགས་ཀྱི་སྤྱོད་པ་བསྐྱངས་ཤིང་ཉེར་ལྔ་པར་རྒྱ་ནག་ཏུ་ཕེབས་ལམ་གཤེགས། བདུན་པ་སྐལ་བཟང་རྒྱ་མཚོ་ནི། ལི་ཐང་དུ་འཁྲུངས། པཎ་ཆེན་བློ་བཟང་ཡེ་ཤེས་དང་། ཁྲི་ཆེན་ངག་དབང་མཆོག་ལྡན་སོགས་ལས་གསན་བཞེས་མཛད། མཁས་བཙུན་བཟང་པོའི་ཡོན་ཏན་འགྲན་ཟླ་དང་བྲལ། འགར་ཐར་རྣམ་པར་རྒྱལ་བའི་གླིང་བཏབ། གསང་འདུས་དབང་གི་རྣམ་བཤད་ཆེན་པོ་རྡོ་རྗེ་སེམས་དཔའི་ཞལ་ལུང་སོགས་གསུང་རྩོམ་ལེགས་བཤད་ཕལ་ཆེ་བ་པོད་བདུན་བཞུགས། བརྒྱད་པ་འཇམ་དཔལ་རྒྱ་མཚོ་ནི་ཡུལ་དབུས་སུ་འཁྲུངས། པཎ་ཆེན་དཔལ་ལྡན་ཡེ་ཤེས་དང་ཡོངས་འཛིན་པཎྜི་ཏ་ཡེ་ཤེས་རྒྱལ་མཚན་སོགས་ལས་གསན་བསམ་མཛད། དགུ་པ་ངག་དབང་ལུང་རྟོགས་རྒྱ་མཚོ་ནི། ཁམས་ལྡན་ཡུལ་ཆོས་འཁོར་དུ་འཁྲུངས། བཅུ་པ་ཚུལ་ཁྲིམས་རྒྱ་མཚོ་ནི་ལེ་ཐང་དུ་འཁྲུངས། བཅུ་གཅིག་པ་མཁས་གྲུབ་རྒྱ་མཚོ་ནི་འགའ་ཐར་དུ་འཁྲུངས་ཤིང་། པཎ་ཆེན་བསྟན་པའི་ཉི་མ་དང་། ཁྲི་ཆེན་བློ་བཟང་ལྷུན་གྲུབ་སོགས་ལས་གསན་བསམ་མཛད་ཅིང་གངས་ཅན་
བསྟན་འགྲོའི་གཙུག་རྒྱན་དམ་པར་ཞབས་པད་བརྟན་བཞིན་པ་འདིའོ། །དེ་བཞིན་ལྷ་ལྡན་རང་དུ་རྒྱལ་བ་ཙོང་ཁ་པའི་སློབ་མ་འཁོར་དག་པ་རྣམ་བརྒྱད་ཀྱི་ནང་ཚན་དགེ་སློང་འཇམ་དཀར་བའི་རྣམ་འཕྲུལ་རིམ་བྱོན། དེ་མོ་ཧུ་ཐོག་ཐུའི་གདན་ས་བསྟན་རྒྱས་གླིང་། རྗེའི་དངོས་སློབ་དགའ་ལྡན་ཁྲི་རབས་དྲུག་པ་བ་སོ་ཆོས་ཀྱི་རྒྱལ་མཚན་གྱི་རྣམ་འཕྲུལ་རྟ་ཚག་རྗེ་དྲུང་རིན་པོ་ཆེའི་གདན་ས་དབུས་གཙང་ཀུན་བདེ་གླིང་། ལོ་ཙཱ་བ་ལྕོག་རོ་ཀླུའི་རྒྱལ་མཚན་སོགས་ཀྱི་རྣམ་འཕྲུལ་དགའ་ལྡན་ཁྲི་ཐོག་རེ་གཅིག་པ་ཤར་རྩེ་ནོ་མི་ཧན་ངག་དབང་ཚུལ་ཁྲིམས་གོང་འོག་གི་གདན་ས་ཆེ་སྨོན་གླིང་སོགས་ཀྱང་སོ་སོའི་སྐྱེ་སྤྲུལ་རིམ་བྱོན་གྱིས་སྐྱོང་།། ༈ །།ལྷ་ལྡན་གྱི་ཐད་གྲིབ་ཚེ་མཆོག་བསམ་གཏན་གླིང་ནི། རྒྱལ་བ་བརྒྱད་པའི་ཡོངས་འཛིན་པཎྜི་ཏ་ཡེ་ཤེས་རྒྱལ་བཀའ་འབུམ་པོད་ཆེན། མཚན་གྱིས་བཏབ། དེའི་སྐྱེ་སྤྲུལ་བཞུགས།། ༈ །།སྟོད་མངའ་རིས་སུ། མང་ཡུལ་སྔགས་མོའི་ཆོས་གྲྭ་ནི། རྗེ་ཤེས་རབ་བཟང་རྗེའི་དངོས་སློབ། པོས་བཏབ་ཅིང་། དེའི་དབོན་ཤེས་རབ་པས་ཁྲིགས་སེའི་ཆོས་སྡེ་བཙུགས་པ་སོགས་དར་རྒྱས་ཆེ། ཡར་ཀླུང་འཕྱང་རྒྱས་རི་བོ་བདེ་ཆེན་ནི། མཁས་གྲུབ་རྗེའི་སློབ་མ་ཉི་ཁྲི་འཛིན་པ་བློ་གྲོས་དཔལ་བཟང་གིས་བཏབ་ཅིང་རྒྱ་ཆེར་འཕེལ།། ༈ །།འོལ་དྭགས་གཉིས་ཀྱི་མཚམས་
སུ། ཆོས་འཁོར་རྒྱལ་མེ་ཏོག་ཐང་ནི། རྒྱལ་བ་དགེ་འདུན་རྒྱ་མཚོས་བཏབ།། ༈ །།མདོ་སྨད་ཆབ་མདོ་ཆོས་འཁོར་བྱམས་གླིང་ནི། བྱང་སེམས་ཤེས་རབ་བཟང་རྗེའི་དངོས་སློབ། པོས་བཏབ། ཕྱིས་སུ་རྗེ་རིན་པོ་ཆེའི་དངོས་སློབ་ཀུ་ཅོར་རྟོགས་ལྡན་གྱི་སྲས་འཕགས་པ་ལྷ་རིམ་བྱོན་དང་། དེའི་ཐུགས་སྲས་ཞི་བ་ལྷ་དང་། ལྕགས་ར་སྤྲུལ་སྐུ་རིམ་བྱོན་རྣམས་ཀྱིས་གདན་ས་མཛད།། ༈ །།སྨར་ཁམས་སྒང་དུ་བྲག་གཡབ་ནོ་མིན་ཧན་གྱི་གདན་ས་ནི། ཉག་རེ་བཀའ་བཅུ་གྲགས་པ་རྒྱ་མཚོས་བཏབ། དེའི་སྐྱེ་སྤྲུལ་རིམ་བྱོན་ལ་སྤྲུལ་སྐུ་ལ་སྤྲུལ་སྐུ་ཆེ་ཚང་དང་། བཀའ་བཅུ་གྲགས་རྒྱམ་གྱི་སློབ་མ་སངས་རྒྱས་བཀྲ་ཤིས་རིམ་བྱོན་ལ་སྤྲུལ་སྐུ་ཆུང་ཚང་དུ་གྲགས་པའི་སྐྱེ་སྤྲུལ་རིམ་བྱོན་གྱིས་སྐྱོང་།། ༈ །།དཔལ་ལི་ཐང་གི་ཆོས་གྲྭ་ནི། རྗེ་བསོད་ནམས་རྒྱ་མཚོའི་ཕྲིན་ལས་ལས་བྱུང་། ༈ །མེ་ཉག་ར་བ་སྒང་གི་ས་ཡི་ཆར་འགའ་ཐར་གྱི་ཆོས་སྡེ་ནི། རྒྱལ་དབང་བདུན་པ་སྐལ་བཟང་རྒྱ་མཚོ་ཕྱོགས་དེར་ལོ་བདུན་བཞུགས་པའི་ཚེ་གོང་མ་གཡུ་ཊིང་ངམ་ཆེན་ལུང་རྒྱལ་པོས་སྦྱིན་བདག་མཛད་ནས་བཏབ།། ༈ །།ཨ་མདོའི་ཕྱོགས་སུ། བྱ་ཁྱུང་དགོན་ནི། རྗེ་ཙོང་ཁ་པའི་བླ་མ་དོན་གྲུབ་རིན་ཆེན་གྱིས་བཏབ།། ༈ །།རྗེ་སྐུ་འབུམ་བྱམས་པ་གླིང་། ནི། སྤར་དགོན་གནས་ཀྱི་མིང་ཙམ་ཞིག་ཆགས་པར། རྒྱལ་བ་བསོད་
ནམས་རྒྱ་མཚོའི་ལུང་གིས་བསྐུལ་ནས། ཆོས་རྗེ་འོད་ཟེར་རྒྱ་མཚོས་མཚན་ཉིད་དང་། སྔགས་པ། ཕྱིས་སྨན་པ་གྲྭ་ཚང་བཅས་བཙུགས། ༈ །དགོན་ལུང་བྱམས་པ་གླིང་ནི། རྒྱལ་བ་ཡོན་ཏན་རྒྱ་མཚོས། རྒྱལ་བའི་སྲས་པོ་མགོན་པོ་རྒྱ་མཚོར་བཀས་བསྐུལ་ཏེ་བཏབ། ཕྱིས་ལྕང་སྐྱ་རྡོ་རྗེ་འཆང་དང་། རྗེ་ཐུའུ་ཀྭན་རིན་པོ་ཆེ་སོགས་ཀྱང་བྱོན། ཡང་བྱམས་ཆེན་ཆོས་རྗེ་ཤཱཀྱ་ཡེ་ཤེས་སོགས་ཀྱི་རྣམ་འཕྲུལ་ངག་དབང་བློ་བཟང་མཆོག་ལྡན་གོང་མ་བདེ་སྐྱིད་རྒྱལ་པོས་གདན་དྲངས་ཏེ། ཏཱ་ཀོ་ཤྲི་ཞེས་ཆབ་སྲིད་ཀྱི་བླ་མ་ཆེན་པོར་བསྔགས་པའི་གསེར་ཡིག་དང་གསེར་ཐམ་ཕུལ། ཕོ་བྲང་ཆེན་པོར་གཙུག་ལག་ཁང་འགའ་ཞིག་དང་། མཚོ་བདུན་དུ་ལྷ་ཁང་ཆེན་པོ་གསར་དུ་བསྐྲུན་ཅིང་དགེ་འདུན་གྱི་སྡེ་བཙུགས། དེའི་སྤྲུལ་སྐུ་ལྕང་སྐྱ་རོལ་པའི་རྡོ་རྗེ་༢པོད་བདུན། གོང་མ་གཡུང་ཊིང་ཆེན་པོས་སྤྱན་དྲངས་ཏེ། སྔར་བཞིན་གྱི་མཚན་དང་ཐམ་ཀ་ཕུལ། དེའི་སྤྲུལ་སྐུ་ཡེ་ཤེས་བསྟན་པའི་རྒྱལ་མཚན་དུ་གྲགས་པའི་བར་བྱོན་ཡང་གོང་མ་གཡུང་ཊིང་གིས་སེམས་དཔའ་ཆེན་པོ་ཐུའུ་བཀྭན་པ་ངག་དབང་ཆོས་ཀྱི་རྒྱ་མཚོ་ཕོ་བྲང་གི་བླ་མར་མངའ་གསོལ། དེའི་སྤྲུལ་སྐུ་མཁས་གྲུབ་ཆེན་པོ་བློ་བཟང་ཆོས་འདོན་ཆ་གཙོ་བོར་གྱུར་པ་པོད་བཅུ་བདུན་ཡོད། ཀྱི་ཉི་མ་གོང་འོག་སོགས་བྱོན་ནོ། ༈ །གསེར་ཁོག་
དགའ་ལྡན་དམ་ཆོས་གླིང་ནི། དགོན་ལུང་མཁན་པོ་བཙན་པོ་དོན་གྲུབ་རྒྱ་མཚོས་བཏབ། ཕྱིས་སྨིན་གྲོལ་ནོ་མི་ཧན་རིམ་གྱིས་སྐྱོང་། ༈ དེ་ནས་མཁའ་སྤྱོད་སྐོར་པོད་གཅིག །རྟ་མགྲིན་གསང་སྒྲུབ་སྐོར་པོད་གསུམ་ཡོད། གཡེར་གཤོང་གྲྭ་ཚང་ནི། སྔགས་རམ་པ་འཇམ་དབྱངས་བློ་གྲོས་ཀྱིས་བཙུགས། ༈ །ཨ་མདོ་ལྷོ་རྒྱུད་ཆོས་སྡེ་བཀྲ་ཤིས་འཁྱིལ་ནི། རྗེ་རིན་པོ་ཆེའི་བླ་མ་དབུ་མ་པ་དཔའ་བོ་རྡོ་རྗེའི་རྣམ་འཕྲུལ་འཇམ་དབྱངས་བཞད་པ་ངག་དབང་བརྩོན་བཀའ་འབུམ་པོད་བདུན། འགྲུས་ཀྱིས་བཏབ། དེའི་སྐྱེ་སྤྲུལ་དཀོན་མཆོག་འཇིགས་མེད་དབང་པོད་ལྔ། པོ་སོགས་ཀྱིས་སྐྱོང་། ཁྲི་གུང་ཐང་པའི་རྣམ་འཕྲུལ་འཇམ་པའི་དབྱངས་དཀོན་མཆོག་བསྟན་པའི་སྒྲོན་མེ་པོད་བཅུ། དང་། དཔལ་མང་མཁན་ཆེན་དཀོན་མཆོག་པོད་དྲུག རྒྱལ་མཚན་སོགས་དེང་སང་གི་བར་དུ་མཁས་གྲུབ་མང་དུ་བྱོན། ཐོས་བསམ་གླིང་། རྒྱུད་པ། དུས་འཁོར། སྨན་པ་གྲ་ཚང་སྟེ་བཞི་ཡོད་ཅིང་། །སོག་པོའི་ཕྱོགས་སུ་དགོན་གནས་ཐམས་ཅད་ཀྱི་ནང་ནས་ཆེ་ཤོས་ཧལ་ཧའི་ཡུལ་གྱི་རི་བོ་དགེ་རྒྱས་གླིང་ནི། མདོ་སྨད་ཙམ་ན་ཆེ། ༈ །།ཅོ་ནེ་དགོན་ནི། ཅོ་ནེའི་དབོན་བརྒྱུད་ཆོས་རྗེ་རིན་ཆེན་ལྷུན་པོས་བཏབ། ཕྱིས་གྲགས་པ་བཤད་སྒྲུབ་གཞུང་མང་པོའི་འགྲེལ་པ་སོགས་པོད་བཅུ་གཅིག་ཡོད། སོགས་བྱོན།། ༈ འཇམ་དབྱངས་ཆོས་རྗེ་བཀྲ་ཤིས་
དཔལ་ལྡན་སོགས་ཀྱི་སྐྱེ་བརྒྱུད། རྗེ་བཙུན་དམ་པ་ཏཱ་ར་ནཱ་ཐའི་སྐུའི་སྐྱེ་བ་བློ་བཟང་བསྟན་རྒྱན་གྱིས་བཏབ། དེའི་སྐྱེ་སྤྲུལ་རིམ་བྱོན་བཞུགས།། ༈ །།རྒྱ་ནག་ཏུ། གོང་མ་གཡུང་ཊིང་ཆེན་པོས། ཕོ་བྲང་ཆེན་པོར་དགའ་ལྡན་སྲིད་ཆགས་གླིང་ཞེས་པའི་ཆོས་སྡེ་དང་། ཞེས་ཧོའུ་ཞེས་པའི་ཆར་ཡང་གཙུག་ལག་ཁང་དང་། གྲྭ་ཚང་ཁག་མང་པོ་བཙུགས་པ་སོགས། མདོར་ན་འཕགས་ཡུལ་རྒྱ་གར་གྱི་ས་མཚམས་ནས་བཟུང་སྟེ། ཤར་ཕྱོགས་རྒྱ་ནག་དང་། སོག་པོའི་བར་གྱི་ཡངས་པའི་རྒྱལ་ཁམས་ཀུན་ཏུ་རྒྱལ་པ་གཉིས་པ་བློ་བཟང་གྲགས་པའི་རིང་ལུགས་འཛིན་པས་མ་ཁྱབ་པ་འགའ་ཡང་མེད་པའི་ཕྱིར་མཚན་ཙམ་ཡང་བརྗོད་པར་དཀའ་བ་ཉིད་དོ། །དེ་ལྟར་དཔལ་མཉམ་མེད་རི་བོ་དགེ་ལྡན་པའི་བསྟན་འཛིན་གྱི་སྐྱེས་བུ་བསམ་གྱིས་མི་ཁྱབ་པ་ཞིག་བྱོན་པ་ལས་ཡོངས་སུ་གྲགས་པ་ནི། རྗེ་རིན་པོ་ཆེའི་དངོས་ཀྱི་སློབ་མའི་གཙོ་བོ་སྔར་སྨོས་པ་རྣམས་དང་། རྒྱལ་བ་དགེ་འདུན་རྒྱ་མཚོ། བསོད་ནམས་རྒྱ་མཚོ། ལྔ་པ་རིན་པོ་ཆེ། བདུན་པ་སྐལ་བཟང་རྒྱ་མཚོ། པཎ་ཆེན་རིན་པོ་ཆེ་སྐུ་ཕྲེང་བཞི། ལྕང་སྐྱ་རྡོ་རྗེ་འཆང་གོང་འོག །སྔགས་ཆེན་དཀོན་མཆོག་རྒྱལ་མཚན། སྐྱི་ཤོད་སྤྲུལ་སྐུ་བསྟན་འཛིན་ཕྲིན་ལས། འཇམ་དབྱངས་བཞད་པ་སྐུ་གོང་འོག །ཕུར་བུ་ལྕོག་བྱམས་པ་རིན་པོ་
ཆེ། འཇམ་དབྱངས་བདེ་བའི་རྡོ་རྗེ། སྟག་ཕུ་རིན་པོ་ཆེ། ཀ་ཆེན་ཡེ་ཤེས་རྒྱལ་མཚན། ཞི་བཟང་འཕགས་པ་དགེ་ལེགས་རྒྱལ་མཚན། ཐུའུ་བཀྭན་རིན་པོ་ཆེ། ཀློང་བརྡོལ་གྲུབ་ཆེན་ངག་དབང་བློ་བཟང། གུང་ཐང་འཇམ་པའི་དབྱངས་སོགས་བྱོན་ཞིང་། དེ་རྣམས་ཀྱི་དོན་གྱི་རྣམ་པར་ཐར་པའང་། ངེས་འབྱུང་གིས་རྒྱུད་སྦྱངས་ཏེ་ཁས་བླངས་པའི་དམ་ཚིག་དང་སྡོམ་པ་རྣམ་པར་དག་པས་གཞི་བཟུང། མདོ་སྔགས་ཀྱི་ཤིང་རྟའི་ལམ་སྲོལ་ཆེན་པོ་རྣམས་ཀྱི་གསུང་རབ་ལ་ཐོས་བསམ་གྱི་སྒྲོ་འདོགས་བཅད་པས་གཞུང་ལུགས་མ་ལུས་པ་གདམས་པར་ཤར། འཆད་རྩོད་རྩོམ་གསུམ་གྱི་སེངྒེའི་སྒྲ་ཆེན་པོ་བསྒྲགས་པས་བསྟན་པ་ཉིན་མོ་ལྟར་མཛད། བསྒོམ་པས་ཉམས་སུ་བླངས་པས་བྱང་ཆུབ་སེམས་བཅོས་མིན་དུ་འབྱོངས། ཟབ་མོ་དབུ་མའི་མན་ངག་ལ་བརྟེན་ནས་ཡང་དག་པའི་ལྟ་བ་མངོན་དུ་གྱུར། སླར་ཡང་དཔལ་གསང་བ་འདུས་པ་དང་། འཁོར་ལོ་བདེ་མཆོག་དང་། རྡོ་རྗེ་འཇིགས་བྱེད་སོགས་ཆོས་ཟབ་པའི་རིམ་གཉིས་ཀྱི་རྣལ་འབྱོར་ཡན་ལག་དང་བཅས་པས་བར་དོ་ཚུན་ཆད་དུ་ཟུང་འཇུག་གོ་འཕང་ཆེན་པོར་གཤེགས་པ་ར་ན་རྗེ་རིན་པོ་ཆེའི་རྟོགས་བརྗོད་མདུན་ལེགས་མ་ལས། དང་པོ་རྒྱ་ཆེན་ཐོས་པ་མང་དུ་བཙལ། །བར་དུ་གཞུང་ལུགས་ཐམས་ཅད་གདམས་པར་
ཤར། །ཐ་མ་ཉིན་མཚན་ཀུན་ཏུ་ཉམས་སུ་བླངས། །ཀུན་ཀྱང་བསྟན་པ་རྒྱས་པའི་རྒྱུ་རུ་བསྔོས། །ཅེས་སོགས་གསུངས་པ་བཞིན་ཐུགས་ཉམས་སུ་བཞེས་པས་མཁས་ཤིང་དངོས་གྲུབ་བརྙེས་པའི་སྐྱེས་བུ་དམ་པ་ཇི་སྙེད་གཅིག་བྱོན་པ་ཡིན་ནོ། །དེ་དག་ལས་བརྒྱུད་པའི་ཆོས་ཀྱི་རྣམ་གྲངས་བཞུགས་པ་ལ། ཐོག་མར་དབང་བཀའ་ལ་བྱ་རྒྱུད་ཐུབ་པ་དམ་ཚིག་གསུམ་བཀོད། དྲི་མེད་རྣམ་གཉིས། གདུགས་དཀར་བཅུ་བརྒྱུད་པ་མ་ཚང་། བདུན་མ། ལྷ་སོ་ལྔ་མ། ལེགས་ལྡན་མཆེད་གསུམ་རྗེས་གནང་བཅས། བཅུ་གཅིག་ཞལ་རྒྱལ་སྲས་ཐོག་མེད་ནས་བརྒྱུད། དཔལ་ལུགས་ཀྱི་དབང་། དེ་དང་འབྲེལ་བའི་མཁའ་འགྲོ་ལྔ་སྐོར་གྱི་རྗེས་གནང་མི་འཁྲུགས་པ་ལྷ་དགུ་དང་། བཅུ་གསུམ་༡མ་སྨན་བླ་སོ་བདུན་མ་འདི་ཤིན་ཏུ་དཀོན། སྤྱོད་རྒྱུད། རྣམ་སྣང་མངོན་བྱང་། རྣལ་འབྱོར་རྒྱུད་རྡོར་དབྱིངས་ལ། །འཇམ་དཔལ་གསང་ལྡན། ཀུན་རིག །སྦྱོང་དཀྱིལ་བཅས་༡༢བླ་མེད་ལ། གསང་འདུས་རིགས་གསུམ། སྔགས་བཏུའི་བྱིན་རླབས་བདེ་མཆོག་ལུགས་གསུམ། དྲིལ་བུ་ལུས་དཀྱིལ། སྔགས་བཏུ། བོང་ཞལ་ཅན། འཇིགས་བྱེད་༡ ༣མ། དཔལ་གཅིག །རོ་ལངས་བརྒྱད་སྐོར། སྔགས་བཏུའི་བྱིན་རླབས་དཔའ་གཅིག་རྗེས་གནང་། ཞལ་ཕྱག་ཡོངས་རྫོགས་ཡུམ་བཅས་ཀྱི་རྗེས་གནང་། །
དུག་དབང་རྨ་བྱ་རྒྱས་པ། དམར་པོ་མདའ་འགེངས་རྗེས་གནང་། འཇིགས་བྱེད་གངས་དཀར། ཞེ་དགུ་མ། གཤེད་དམར་ལྷ་ལྔ། བཅུ་གསུམ་མ་དགྲ་ནག །ཕྱག་རྡོར་འཁོར་ཆེན་ལྷ༡༨། ཀྱེ་རྡོར་ཐོད་པ་ཅན། དུས་འཁོར་སྐུ་གསུང་ཐུགས་ཡོངས་རྫོགས་གཞན་ཡང་བདེ་མཆོག་དམ་རྫོང་སྙན་བརྒྱུད་དབང་བཀའ་གདམས་ཐིག་ལེ༡༦། རྟ་མགྲིན་ཡང་གསང་དབང་ལུང༢། དབེན་ས་སྙན་བརྒྱུད་ལུགས་ཀྱི་རྟ་མགྲིན་གསང་སྒྲུབ་དབང་། རྗེས་གནང་ཟུར་བཀའ་མང་ཙམ། དབང་སྤྱི་བཀའ། རྡོར་༥ཕྲེང་། མི་༦༥ཏྲ། སྒྲོལ་༢༠མ། རྗེས་གནང་སྒྲུབ་ཐབས་བརྒྱ་རྒྱམ་སྣར་ཐང་བརྒྱ་རྩ་བཅས། །རིན་འབྱུང་རྣམས་དང་། ལུང་གི་སྐོར་ལ། རྒྱལ་བའི་བཀའ་འགྱུར་རིན་པོ་ཆེ། བསྟན་འགྱུར་ལས་ལུང་རྒྱུན་ཡོད་རིགས་པོད་༢༠ལྷག །བཀའ་གདམས་རྙིང་མའི་སྐོར་སྔར་སྨོས་པ་དང་། གཞན་ཡང་ཞལ་གདམས་སྣ་ཚོགས། བཀའ་གདམས་གསར་མ་ལ། རྗེ་རིན་པོ་ཆེ༡༩། རྒྱལ་ཚབ༣། མཁས་གྲུབ་༤རྣམས་ཀྱི་གསུང་རགས་རིམ། འདུལ་འཛིན་པའི་གསུང་པོད་ཕྱེད་ཙམ། འགའ་ཞིག །ཧོར་ སྟོན་པའི་བློ་སྦྱོང་། སྤྱན་སྔ་བློ་གྲོས་རྒྱལ་མཚན་བཀའ་༡འབུམ། རྒྱལ་བ་དགེ་འདུན་གྲུབ།། དགེ་འདུན་རྒྱ་མཚོ་གཉིས་ཀྱི་གསུང་ཡོངས་རྫོགས། བསོད་ནམས་རྒྱ་མཚོའི་ལམ་འཁྲིད་གསེར་ཞུན་
གུར་གྱི་གཏོར་ཆོག །ལྔ་པ་རིན་པོ་ཆེའི་གསུང་ཆ་ཚང༦ར། ཚངས་དབྱངས་པའི་ཇ་མཆོད་པད་དཀར་ལྟར་བསྔགས་མ། སྐལ་རྒྱམ་གསུང་ཡོངས་རྫོ་གས༧། འཇམ་དཔལ་རྒྱ་མཚོའི་ཡོངས་འཛིན་རྣམ་ཐར་དང་། ཞབས་བརྟན་ཆ་ཤས་པཎ་ཆེན་ཆོས་རྒྱན།། བློ་བཟང་ཡེ་ཤེས། དཔལ་ལྡན་ཡེ་ཤེས། བསྟན་པའི་ཉི་མ་བཅས་ཀྱི་གསུང་ཡོངས་རྫོགས། སྔགས་ཆེན་དཀོན་མཆོག་རྒྱལ་མཚན་དང་། དྭགས་པོ་ངག་དབང་གྲགས་པའི་ལམ་རིམ། པཎ་ཆེན་བསོད་ནམས་གྲགས་པ་དང་། ཐང་སག་པ་དངོས་གྲུབ་རྒྱ་མཚོའི་འཇིགས་བྱེད་བསྐྱེད་རྫོགས། སྐྱིད་སྤྲུལ་གོང་འོག །ཞོག་དོན་ཡོད་མཁས་གྲུབ༡། འཇམ་དབྱངས་བདེ་པའི་རྡོ་རྗེ། ཕུར་བུ་ལྕོག་བྱམས་པ༣། ལྕང་སྐྱ་ངག་དབང་བློ་བཟང་མཆོག་ལྡན།། རོལ་པའི་རྡོ་རྗེ༧། ཡོངས་འཛིན་ཡེ་ཤེས་རྒྱལ་མཚན༡༨། སྟག་ཕུ་པ་གོང་འོག །ཞི་བཟང་དགེ་ལེགས་རྒྱལ་མཚན། འོན་རྒྱལ་སྲས། ཀློང་བརྡོལ་བླ་མ༢། རྭ་བསྒྲེངས་ཁྲི་ཆེན༢། སྐེད་ཚང་སྤྲུལ་སྐུ་འཇམ་དབྱངས་སྨོན་ལམ༡། ཨ་མདོ་བཀྲ་ཤིས་འཁྱིལ་འཇམ་དབྱངས་བཞད་པ་ངག་དབང་བརྩོན་འགྲུས༡། དཀོན་མཆོག་འཇིགས་མེད་དབང་པོ༦། ཁྲི་གུང་ཐང་པ་དཀོན་མཆོག་བསྟན་པའི་སྒྲོན་མེ༩། དབལ་མང་དཀོན་མཆོག་རྒྱལ་མཚན༦། དགོན་ལུང་ཐུའུ་
བཀྭན་རིན་པོ་ཆེ༡༧། སོག་པོ་ལྕང་ལུང་པཎྜི་ཏ་རྡོ་རྗེ་གྲགས་༦པ་རྣམས་ཀྱི་གསུང་འབུམ་དང་། གཞན་ཡང་ཡུལ་ཕྲན་སོ་སོའི་དམ་པ་རྣམས་ཀྱིས་མཛད་པའི་གསུང་རབ་མཐའ་ཀླས་པ་ཞིག་གི་རྒྱུན་བཞུགས་སོ། །བཤད་ལུང་ཉམས་ཁྲིད་ཀྱི་སྐོར་ལ། རྗེ་རིན་པོ་ཆེའི་བཀའ་འབུམ་ནས། ལམ་རིམ་ཆེན་མོའི་བཤད་ལུང་རྐྱང་པ། མཚན་བཞི་བསྒྲགས་ཀྱི་བཤད་པ། ལམ་རིམ་ཆུང་བ། ལེགས་བཤད་སྙིང་པོ་རྟེན་འབྲེལ་བསྟོད་པ་རྣམས་ཀྱི་བཤད་ལུང་། ལམ་རིམ་བསྡུས་དོན་དང་། ལམ་གཙོ། ཡོན་ཏན་གཞི་གྱུར་མ་རྣམས་ཀྱི་ལུང་ཁྲིད། སྔགས་རིམ་ཆེན་མོ། གསང་འདུས་འགྲེལ་པ་བཞི་བསྒྲགས། རིམ་ལྔ་གསལ་སྒྲོན། བདེ་མཆོག་རྒྱུད་འགྲེལ་སྦས་དོན་ཀུན་གསལ་དེའི་བསྐྱེད་རིམ་རྣམས་ཀྱི་བཤད་ལུང་། གསང་འདུས་རིམ་ལྔ་གདན་རྫོགས་ཀྱི་ཉམས་ཁྲིད། ཆོས་དྲུག་ཡིད་ཆེས་སུམ་ལྡན་དང་། འཕོ་ཁྲིད་གསེར་གྱི་སྒོ་འབྱེད་ཀྱི་བཤད་ལུང་། སྦྱིན་སྲེག་དངོས་གྲུབ་རྒྱ་མཚོའི་བཤད་ཁྲིད་སྒྲ་མི་སྙན་གྱི་ཚེ་ཁྲིད་བཅས། རྒྱལ་ཚབ་རྗེའི་ཚད་མའི་བརྗེད་བྱང་ཆེན་མོའི་བཤད་ལུང་། །དུས་འཁོར་འགྲེལ་ཆེན་དྲི་མེད་འོད་ལ་མཁས་གྲུབ་རྗེའི་ཊི་ཀ་ཆེན་སྦར་བའི་བཤད་པ། གསང་འདུས་དང་། འཇིགས་བྱེད་བསྐྱེད་རིམ་བཤད་ལུང་། འཁྲུལ་འཁོར་གྱི་ཁྲིད། མགོན་པོའི་དཔེ་བུམ་གྱི་
ཁྲིད། ཀྵེ་ཏྲ་པཱ་ལ་རྟེའུ་འཁྲིད་མའི་ཁྲིད། རྒྱལ་བ་བསོད་ནམས་རྒྱ་མཚོའི་ལམ་རིམ་གསེར་ཞུན་ཁྲིད་ལུང་། ལྔ་པ་རིན་པོ་ཆེའི་འཇམ་དཔལ་ཞལ་ལུང་གི་ཉམས་ཁྲིད། དམིགས་བརྩེ་མའི་ཊཱི་ཀའི་སྟེང་ནས་རིགས་གསུམ་སྤྱི་སྒྲུབ་འོད་འབར་མའི་ཁྲིད། གཟུངས་འབུལ་གྱི་ཕྱག་ཁྲིད། པཎ་ཆེན་ཆོས་རྒྱན་གྱི་བཀའ་འབུམ་ལས། བདེ་ལམ་གྱི་ཁྲིད་ཐུན་མོང་དང་། ཐུན་མིན། ཤེར་སེར་ནས་བརྒྱུད་པའི་ལྟ་ཁྲིད་དྲན་པ་བཞི་ལྡན། ཐུན་དྲུག །བདེ་མཆོག་ལཱུ་ཧི་དང་། འཇིགས་བྱེད་བཅུ་གསུམ་མའི་བསྐྱེད་རྫོགས་ཀྱི་ཁྲིད། ལྕགས་མཁར་མཚོན་ཆ་འབར་བའི་འཁྲུལ་འཁོར་གྱི་ཁྲིད། ལྕགས་མཁར་དྲུག་ཅུ་པའི་ཁྲིད། སྔོན་འགྲོའི་ཁྲིད་ཆེན་བཞི་ཞེས། སྐྱབས་འགྲོ། རྡོར་སེམས། བླ་མའི་རྣལ་འབྱོར། མཎྜལ་རྣམས་ཀྱི་ཁྲིད། རྩ་ཚིག་ལ་ཡོངས་འཛིན་གྱི་ཡིག་ཆ་སྦྱར་བའི་སྟེང་ནས་ཕྱག་ཆེན་གྱི་ཁྲིད། བསོ་བའི་ལྟ་ཁྲིད་རྒྱས་པའི་བཤད་ལུང་། བསྡུས་པའི་ཁྲིད། བློ་སྦྱོང་དོན་བདུན་མའི་ཁྲིད་སྲོལ་མི་འདྲ་བ་གཉིས། གླང་ཐང་པའི་ཚིག་རྐང་བརྒྱད་མ་དང་། ཁམས་ལུང་པའི་ཐུན་བརྒྱད་པའི་ཁྲིད། པཎ་ཆེན་ཀྱི་རིག་གསུམ་སྤྱི་སྒྲུབ་དང་། བླ་མའི་རྣལ་འབྱོར་དགའ་ལྡན་ལྷ་བརྒྱ་མ། དེ་དང་འབྲེལ་བའི་འཕོ་ཁྲིད་བཀའ་རྒྱ་མ། འཕོ་བ་དཔའ་བོ་གཡུལ་འཇུག །སེ་ར་པའི་ལུགས་
ཀྱི་འཇའ་ཟུག་མ་བྱམས་འཕོ། འཇིགས་བྱེད་འཕོ་ལུང་རྣམས་ཀྱི་ཁྲིད། དགེ་འདུན་རྒྱ་མཚོའི་ནི་གུ་ཆོས་དྲུག་གི་ཁྲིད། དེའི་འཕོ་ཁྲིད་བཀའ་རྒྱ་མ། མགོན་པོ་ཕྱག་དྲུག་པ་སྙིང་ཞུགས་མའི་འཕོ་ཁྲིད། །གཅོད་དབང་ནམ་མཁའ་སྒོ་འབྱེད་སྔོན་དུ་འགྲོ་བས་དབེན་ས་པའི་གཅོད་གདན་ཐོག་གཅིག་མ་དང་། ཐར་འདོད་དེད་དཔོན་གྱི་ཁྲིད། གཞན་ཡང་འཇམ་དབྱངས་མགོན་པོ། པུཎྱེ་ཤི་རྒྱལ་ཐང་པ་རྣམས་ནས་བརྒྱུད་པའི་གཅོད་དབང་། ལུང་པོད་རེ་རེ། སྦས་པ་གྲྭ་ཚང་འཇམ་དཔལ་བཤེས་གཉེན་གྱི་གཅོད་དབང་དང་། དགའ་ལྡན་འཇུག་ངོགས་ཆེ་ཆུང་ཟླ།།གི་ཁྲིད་པཎ་ཆེན་ཡིག་སྟེང་ནས་གཏུམ་མོ་ཞག་བདུན་མ། ཞག་གསུམ་མ། ཛ་བཱིར་གྱི་རླུང་བཅུད་ལེན། དགེ་འདུན་རྒྱ་མཚོའི་མེ་ཏོག་བཅུད་ལེན། དབེན་ས་པའི་ལུགས་ཀྱི་ཆུ་བཅུད་ལེན། རྡེའུ་བཅུད་ལེན་རྣམས་ཀྱི་ཁྲིད། ལྕང་སྐྱ་ངག་དབང་བློ་བཟང་ཆོས་ལྡན་སོགས་ཀྱི་ཡིག་སྟེང་ནས་སྙིང་པོ་དོན་གསུམ་དང་། རོལ་རྡོར་ཡིག་སྟེང་ནས་ཚོམ་བུ་དམར་ཁྲིད། འཇིགས་བྱེད་སེར་པོའི་ཚེ་ཁྲིད། ངག་བྱིན་རླབས་ཀྱི་ཁྲིད་ལེ་ཚན། གསང་འདུས་ཚེ་དཀར་ཁྲིད། ལྕང་སྐྱ་རོལ་རྡོར་ཡིག་སྟེང་ནས་དྲིལ་བུ་པའི་བསྐྱེད་རྫོགས་ཀྱི་ཁྲིད། དགེ་འདུན་རྒྱ་མཚོའི་ཡིག་སྟེང་ནས་དྲིལ་བུ་བསྐྱེད་རིམ་ཁྲིད།
ཤོག་ལྷེབ་ ༥༠༡ ནས་ ༥༣༠ བར།
འཇིགས་བྱེད་ཞི་ཁྲོ་སྒྲགས་སྒྲུབ་ཀྱི་བཤད་ལུང་དབང་ཁྲིད་ལེ་ཚན། འཇིགས་བྱེད་དཔའ་གཅིག་གི་ཁྲིད། སྨྱུག་ལ་པཎ་ཆེན་ཡིག་སྟེང་ནས་བཀའ་གདམས་ལྷ་བཞི་དང་། ཡོངས་འཛིན་ཡིག་སྟེང་ནས། ཐིག་ལེ་བཅུ་དྲུག་གི་ཁྲིད། སྒྲོལ་དཀར། རིག་བྱེད་མའི་བདག་བྱིན་རླབས། གྲུབ་རྒྱལ་ལུགས་ཀྱི་ཚེ་ཁྲིད། དཔལ་ལྡན་རྒྱུད་སྨད་པའི་ལུགས་ཀྱི་རྫོགས་རིམ་ཁྲིད་ཆེན་བརྒྱད་ཅེས། །གསང་འདུས་འཕགས་ལུགས་རིམ་ལྔ། འཇམ་རྡོར་གྱི་ཐིག་ལེ་བཞི། ལཱུ་ཧི་པའི་རྣལ་འབྱོར་ཆེན་མོ། དྲིལ་བུ་རིམ་ལྔ། འཇིགས་བྱེད་རྣལ་འབྱོར་བཞི། འཁོར་ཆེན་བྱིན་རླབས་བཞི་ལྡན། དུས་འཁོར་སྦྱོར་དྲུག །ནཱ་རོ་ཆོས་དྲུག་རྣམས་ཀྱི་ཁྲིད། གཞན་ཡང་རབ་གནས། གཏོར་མ་བརྒྱ་རྩ་སོགས་ཉེར་མཁོའི་ཕྱག་ལེན་དང་དམིགས་ཁྲིད། སྐྱེས་རབས་སོ་བཞི་པ། འདུལ་བ་མདོ་རྩ། མངོན་པ་མཛོད། མངོན་རྟོགས་རྒྱན། དབུ་མ་འཇུག་པ་རྣམས་ཀྱི་བཤད་ལུང་ཁུངས་བཙུན་ངེས་འདྲོངས། བརྒྱད་སྟོང་གི་བཤད་ལུང་། འཇམ་དབྱངས་བཞད་པའི་གྲུབ་མཐའ་ཆེན་མོའི་བཤད་ལུང་སོགས་མཐའ་ཀླས་པ་དང་། དབེན་ས་བཀའ་བརྒྱུད་ཀྱི་སྐོར་ལ། བ་སོ་ཆོས་རྒྱན་གྱི་ལྟ་ཁྲིད་ཆེ་ཆུང་༢། བློ་བཟང་དོན་གྲུབ་དང་༡། སངས་རྒྱས་ཡེ་ཤེས་༡ཀྱི་གསུང་ཚང་མའི་ལུང་། འཇམ་དབྱངས་ཆོས་
སྐོར་ལ། འཇམ་དབྱངས༥། རྣལ་འབྱོར་མ༡། བདེ་མཆོག་དཀར་པོ། སྒྲོལ་དཀར་རྣམས་ཀྱི་རྗེས་གནང་། ཆོས་རྒྱལ་ཕྱི་ནང་གསང་གསུམ་ཐུན་མོང་དང་། ཐུན་མོང་མ་ཡིན་པའི་རྗེས་གནང་། དེ་དག་གི་ཡིག་ཆ་མི་འདྲ་བ་གཉིས་ཀྱི་ལུང་། ལྷོ་བྲག་ཕྱག་ཉན་བརྒྱུད། རྡོར་སྐོར་ལ། དོན་དམ་སེམས་བསྐྱེད་ཀྱི་བྱིན་རླབས། ཚེ་དཔག་མེད་ལྷ་དང་༡༩། རྣམ་འཇོམས་ལྷ་དབང་༣༥། ཕྱག་རྡོར་སྐུ་ལྔ༔ རྡོ་རྗེ་གཅེས་ཕྲེང་། བདུད་རྩི་ཐིགས་པ། གཏུམ་པོ་མེ་འབར། དྲག་པོ་སུམ་སྒྲིལ་རྣམས་ཀྱི་རྗེས་གནང་། ལུང་པོད༡། འཇིགས་བྱེད་རྭ་པོད་དང་། དཔལ་པོད་ཀྱི་ལུང་། ཆོས་སྐྱོང་སྐོར་ཟླ|ལ། ཕྱག་དྲུག་པ་བཀའ་ཆེན་བཅུ་གསུམ་དང་། སྙིང་ཞུགས་ཆིག་བརྒྱུད་མ་བཅས་རྗེས་གནང་༡༤། ལུང་པོད༡། རྣམ་སྲས་བཀའ་ཆེན༡༥། ལུང་པོད༢། ལས་གཤིན་ཡང་གསང་ཧ་ལ་ནག་པོའི་༧རྗེས་གནང་། ལུང་སྐོར་པོད་ཆུང་། དམག་ཟོར་མའི་རྗེས་གནང་། ལུང་པོད་ཆུང་། བེཀྱེའི་རྗེས་ལུང་གཞན་ཡང་ཆབ་མདོའི་མི་ཏྲའི་སྤྱན་རས་གཟིགས་ཀྱི་དབང་། ལྷ་དྲུག་གི་རྗེས་གནང་། དེའི་ཁྲིད་དྲུག་སོགས་ལུང་པོད༡། ཀུ་ཅོར་རྟོགས་ལྡན་གྱི་ཁྲིད་བརྒྱ། སྟག་ཕུ་པ་བློ་བཟང་ཆོས་ཀྱི་དབང་ཕྱུག་གི་དག་སྣང་མི་ཏྲ་དང་། སྒྲོལ་མའི་སྐོར་སོགས་ཀྱི་དབང་ལུང་མང་ཙམ་དང་། ལུང་སྲོལ་
གཞན་ཡང་། མ་ཎི་བཀའ་འབུམ། མར་མིའི་རྣམ་མགུར། བླ་མ་ཞང་གི་བཀའ་འབུམ་༤དབང་ལུང་སྟག་ཕུ་པའི་ཡིག་སྟེང་ན་གསེར་ཆོས་བཅུ་གསུམ་སྐོར༡༧། སྟག་ཕུ་གོང་མ་དང་། ཐུའུ་བཀཱན་སོགས་ཀྱི་ཡིག་སྟེང་ནས་རྣལ་འབྱོར་མའི་ཉམས་ཁྲིད། ཇོ་ནང་ཁྲིད་བརྒྱ། ལྕང་ལུང་པཎྜི་ཏ་རྡོ་རྗེ་གྲགས་པའི་ཡིག་སྟེང་ནས་ཞལ་རྣམ་འགྱུར་བཅུ་བདུན་གྱི་རྗེས་གནང་སོགས་ཀྱི་རྒྱུན་ཡང་དར་བར་མཆིས་སོ། །དཔལ་མཉམ་མེད་རི་བོ་དགེ་ལྡན་པའི་སྐྱེས་བུ་དམ་པ་རྣམས་ཀྱི་རྟོགས་པ་བརྗོད་པ་རྒྱས་པར་མཁྱེན་འདོད་ན། རྗེ་རིན་པོ་ཆེའི་རྣམ་ཐར་ཕྱི་ནང་གི་ཡིག་ཆ་དུ་མ། ཙོང་ཁ་བརྒྱད་ཅུ་པ་རྩ་འགྲེལ། བྱམས་པས་མཛད་པའི་རྟོགས་བརྗོད་མདུན་ལེགས་མའི་འགྲེལ་པ། པཎ་ཆེན་བསོད་ནམས་གྲགས་པས་མཛད་པའི་དགའ་ལྡན་ཆོས་འབྱུང་། འོལ་ཁ་མཁར་ནག་ལོ་ཙཱ་བའི་དགའ་ལྡན་ཆོས་འབྱུང་། སྡེ་སྲིད་སངས་རྒྱས་རྒྱ་མཚོས་མཛད་པ་དགའ་ལྡན་ཆོས་འབྱུང་བཻཌཱུར་སེར་པོ། དཀོན་མཆོག་འཇིགས་མེད་དབང་པོའི་ཆོས་འབྱུང་། ཡོངས་འཛིན་ཡེ་ཤེས་རྒྱལ་མཚན་གྱིས་མཛད་པའི་ལམ་རིམ་བླ་བརྒྱུད་ནོར་བུའི་ཕྲེང་བ་པོད་ཆེན་གཉིས། ཕུར་བུ་ལྕོག་བྱམས་པ་རིན་པོ་ཆེས་མཛད་པའི་གྲྭ་ས་ཆེན་པོ་བཞི་དང་། རྒྱུད་སྟོད་སྨད་ཀྱི་ཆགས་ཚུལ་པད་དཀར་ཕྲེང་བ། ཐུའུ་བཀྭན་རིན་པོ་
ཆེའི་གྲུབ་མཐའ་ཐམས་ཅད་ཀྱི་ཁུང་དང་འདོད་ཚུལ་སྟོན་པ་ཤེལ་དཀར་མེ་ལོང་གི་དགེ་ལུགས་པའི་སྐབས་སོགས་དང་། གཞན་ཡང་རྒྱལ་བ། པཎ་ཆེན། ལྕང་སྐྱ་རིན་པོ་ཆེ། འཇམ་དབྱངས་བཞད་པ་སོགས་བསྟན་འཛིན་ཆེན་པོ་རྣམས་ཀྱི་སྐུ་ཕྲེང་སོ་སོའི་རྣམ་ཐར་ཤིན་ཏུ་རྒྱས་པ་པོད་དུ་མ་དང་། དགའ་ལྡན་པའི་ཁྲི་རབས་ཕལ་ཆེར་སོ་སོའི་རྣམ་ཐར། དེ་དག་ཕྱོགས་གཅིག་ཏུ་བསྡུས་པ་སོགས་ལས་༄༅། ཤེས་པར་བྱའོ། །དགའ་ལྡན་ཞེས་པའི་སྒྲ་དོན་ནི་གནས་ཀྱི་མིང་གང་ཟག་ལ་ཆགས་པ་ཡིན་ཏེ་ཤེས་སླ་ཞིང་། དགེ་ལུགས་པ་ཞེས་པའི་དོན་བཞེད་ཚུལ་མི་འདྲ་བ་མང་ཡང་། དོན་ལ་ཆོས་རྗེ་རི་བོ་དགའ་ལྡན་པའི་ལུགས་ཞེས་པ་བསྡུས་པས་དགའ་ལུགས་པར་འགྱུར། དེ་བརྗོད་བདེ་བའི་དབང་དུ་བྱས་ནས། དགེ་ལུགས་པར་བསྒྱུར་བར་མཁས་པ་དག་བཞེད། གཞན་ཡང་འདི་ལ་བཀའ་གདམས་གསར་མ་ཞེས་ཀྱང་བྱ་སྟེ། རྗེ་རིན་པོ་ཆེ་དཔལ་ལྡན་ཨ་ཏི་ཤའི་སྤྲུལ་པར་ཡོངས་སུ་གྲགས་ཤིང་། མདོ་ཕྱོགས་ཀྱི་ཉམས་ལེན་ལ་དེ་ཉིད་ནས་བརྒྱུད་པའི་གདམས་པ་བྱང་ཆུབ་ལམ་གྱི་རིམ་པ་ གཙོ་བོར་བཟུང་ནས་བསྟན་པའི་མེ་རོ་གསར་དུ་གསོས་པ་ལྟ་བུ་ཡིན་པའི་ཕྱིར། བཀའ་གདམས་གླེགས་བམ་ལས་ཀྱང་། ཐ་མ་བསྟན་པའི་མེ་རོ་ནི། །གྲགས་པའི་མཚན་གྱིས་གསོ་བར་བྱེད། །ཅེས་
པའི་ལུང་གིས་ཀྱང་གྲུབ་པ་ཡིན་ནོ། །ཡང་། བླ་ཆེན་དགོངས་པ་རབ་གསལ་གྱིས་གླུ་མེས་ཤེས་རབ་ཚུལ་ཁྲིམས་ལ་དབུ་ཞྭ་སེར་པོ་གནང་བར་བརྟེན། སྔོན་གྱི་འདུལ་འཛིན་ཆེན་པོ་རྣམས་ཀྱི་ཞྭ་སེར་མནབས་པས། རྗེ་རིན་པོ་ཆེས་ཀྱང་འདུལ་བསྟན་ཉམས་པ་གསོ་བའི་རྟེན་འབྲེལ་དུ་ཞྭ་སེར་བཞེས་ཤིང་འཁོར་རྣམས་ལའང་དེ་ལྟར་གནང་བས་ཞྭ་སེར་འཆང་བའི་རིང་ལུགས་ཞེས་ཀྱང་གྲགས་སོ།། ༈ །།གཞན་ཡང་དེ་དག་ཏུ་མ་འདུས་པའི། གྲུབ་མཐའ་ཟུར་པ། ཇོ་ཞལ། པོ་ཤངས། ཞི་གཅོད་སོགས་མང་དུ་མཆིས་པ་ལས། ཇོ་ནང་རྒྱལ་བའི་རི་ཁྲོད་ནི། ཀུན་མཁྱེན་ཆོས་སྐུ་འོད་ཟེར་གྱི་སློབ་མ་ཀུན་སྤངས་ཐུགས་རྗེ་བརྩོན་འགྲུས་ཞེས་གྲུབ་པའི་ཁྱུ་མཆོག་ཆེན་པོ་དེས་བཏབ། དེ་རྗེས་ཀུན་མཁྱེན་དོལ་བུ་པ་ཤེས་རབ་རྒྱལ་མཚན་ནི། སྤྱི་སྟོན་གྲགས་པ་རྒྱལ་མཚན་སོགས་བླ་མ་སུམ་ཅུ་ལྷག་པ་ལས་མདོ་སྔགས་ཀྱི་ཆོས་ཚུལ་རྒྱ་མཚོ་ལྟ་བུ་གསན། དབུས་གཙང་དུ་གྲྭ་སྐོར་མཛད་པས་ཐམས་ཅད་མཁྱེན་པའི་གྲགས་པས་ཁྱབ། སོ་གཅིག་པར་ཛེ་ནང་དུ་ཕེབས་ནས་མཁས་བཙུན་ཡོན་ཏན་རྒྱ་མཚོ་ལས་རྡོ་རྗེའི་རྣལ་འབྱོར་ཟབ་མོ་གསན་ཅིང་སྲོག་རྩོལ་མཐར་ཕྱིན། དེ་ནས་གདན་སར་བཞུགས་ཏེ་སྐུ་འབུམ་ཆེན་མོ་བཞེངས། དབུ་མ་གཞན་སྟོང་པའི་ལྟ་བ་ལ་ཐུགས་ངེས་འདྲངས་ཏེ། དེ་
རྩལ་དུ་བཏོན་པའི་ཡིག་ཆ་ངེས་དོན་རྒྱ་མཚོ་དང་། བཀའ་བསྡུ་བཞི་པ་སོགས་མང་དུ་བརྩམས། དེའི་རྒྱུན་ཇོ་ནང་ཕྱོགས་ལས་རྣམ་རྒྱལ་དང་། ཉ་དབོན་ཀུན་དགའ་དཔལ་སོགས་ཀྱིས་བསྐྱངས། །ཕྱིས་འཇམ་དབྱངས་ཀུན་དགའ་གྲོལ་མཆོག་ཀྱང་ཕེབས། དེའི་རྣམ་འཕྲུལ་རྗེ་བཙུན་ཏཱ་ར་ནཱ་ཐས་འཕགས་བོད་ཀྱི་མཁས་གྲུབ་དུ་མ་བསྟེན་ནས་མདོ་སྔགས་རྒྱ་མཚོ་ལྟ་བུར་གསན་བསམ་སྒོམ་གསུམ་མཛད་པས་མཁས་ཤིང་ཉམས་མྱོང་དང་ལྡན་པར་གྱུར། གསང་སྔགས་གཙོ་བོར་གྱུར་པའི་བསྟན་བཅོས་ཀྱང་པོད་བཅོ་བརྒྱད་ཐམ་པ་མཛད། རྟག་བརྟན་ཕུན་ཚོགས་གླིང་བཏབ་ཅིང་དར་རྒྱས་ཆེ་བར་བྱུང་ནའང་། བར་སྐབས་སུ་དུས་འགྱུར་གྱི་དབང་གིས། དེང་སང་ཇོ་ནང་དུ་རྟེན་གསུམ་སོགས་མ་ཉམས་ཙམ་ལས་བརྒྱུད་འཛིན་ཆེར་མེད་ལ། ཕུན་ཚོགས་གླིང་ནི་ལྔ་པ་རིན་པོ་ཆེས་དགེ་ལུགས་པར་བསྒྱུར་ནས་དགའ་ལྡན་ཕུན་ཚོགས་གླིང་ཞེས་གྲགས། ཆོས་བརྒྱུད་འགའ་ཞིག་སྔར་སྨོས་པ་ལྟར་བཀའ་འབྲུག་དང་། ཇོ་ནང་ཀུན་མཁྱེན་གྱི་ཡང་སློབ་དྲུང་ཀ་བཞི་པ་རིན་ཆེན་དཔལ་གྱིས་བཏབ་པའི་ཁམས་ཛི་ཐང་འདིར་སྦྱོར་དྲུག་གི་ཉམས་ལེན་གྱི་རྒྱུན་སོགས་མ་ཉམས་པར་ཡོད། དགོན་སོགས་སུ་ཡོད་དོ།། ༈ །།དཔལ་ཞྭ་ལུ་གསེར་ཁང་ཁྲ་མོ་ནི། ཆོས་རྒྱལ་ཁྲི་སྲོང་གི་དུས་ལོ་ཙཱ་བ་ཆེན་པོ་ལྕེ་ཁྱི་འབྲུག་སོགས་
མང་དུ་བྱོན་པའི་གདུང་བརྒྱུད་རྣམ་པར་དག་པ་ལས། བསྟན་པ་ཕྱི་དར་གྱི་ཐོག་མར་དབུས་གཙང་གི་མི་བཅུར་གྲགས་པའི་ནང་ཚན་གཙང་པ་ལོ་སྟོན་རྡོ་རྗེ་དབང་ཕྱུག་གི་སློབ་མ། ལྕེ་བཙུན་ཤེས་རབ་འབྱུང་གནས་ཀྱིས་བཏབ་སྟེ། དེ་ཡང་རང་གི་བླ་མ་ལོ་སྟོན་ལ་དགོན་གནས་གར་འདེབས་ཀྱི་ལུང་བསྟན་ཞུས་པས། བླ་མས་ཕྱག་མདའི་ལྟོངས་ཁ་གསེར་གྱིས་བཀང་བ་ཞིག་གནང་བས། ད་ལྟའི་ཆོས་སྡེ་ཆགས་ས་འདིར་མདིལ་རྩེ་ཞྭ་ལུ་གསར་པ་ཞིག་ལ་ཁེལ་འདུག་པས་དེར་དགོན་གནས་བཏབ་པས་འབྲེལ་པ་རྒྱུ་མཚན་དུ་བྱས་ནས་ཞྭ་ལུ་གསེར་སྐོང་དང་། ཕྱིས་ཚོན་རྩི་ཁྲ་བོ་གསོལ་བས་ཞྭ་ལུ་གསེར་ཁང་ཁྲ་མོ་ཞེས་གྲགས། ལྕེ་བཙུན་ཉིད་རྒྱ་གར་དུ་བྱོན་ནས་ཨ་བྷ་ཡ་ལས་སྡོམ་རྒྱུན་གསར་དུ་ཞུས་ཏེ་སྤེལ། ལྔ་བརྒྱ་པ་རྣམས་ཀྱི་གཙུག་གི་ནོར་བུ་དཔལ་ལྡན་ཨ་ཏི་ཤས་རབ་ཏུ་གནས་པའི་མེ་ཏོག་འཐོང་ཞིང་། རི་སྦུགས་སུ་གཟིམས་སྐྱིལ་ཕུབས་ཏེ་ཕྱག་ཚ་བཏབ་པའི་ས་འབུམ་ད་ལྟ་ཡང་བཞུགས། དེ་རྗེས་མགོ་ཡེ་ཤེས་གཡུང་དྲུང་གིས་འདུལ་བ་དང་། པཎྜི་ཏ་འབུམ་ཕྲག་གསུམ་པ་དང། རྔོག་ལོ་ཆེན་པོས་ཕར་ཕྱིན་གྱི་བཤད་གྲྭ་བཙུགས། ཀུན་མཁྱེན་བུ་སྟོན་རིན་པོ་ཆེ་ཡན་ཆད་མཁན་ཐོག་བཅུ་གཅིག་ཙམ་གྱིས་འདུལ་བ་ཨ་བྷ་ཡའི་སྡོམ་རྒྱུན་དང་། ཕར་ཕྱིན་རྔོག་ལུགས་གཙོ་
བོར་བཏོན། ཕྱིས་སུ་རྒྱལ་པོ་ཆེན་པོ་རྣམ་ཐོས་སྲས་ཀྱི་སྤྲུལ་པ་སྐུ་ཞང་གྲགས་པ་རྒྱལ་མཚན་གྱིས་ལྕགས་སྤྲེལ་ལོ་རྩོད་པའི་དུས་ཀྱི་ཐམས་ཅད་མཁྱེན་པ་ཁྲོ་ཕུ་བུ་སྟོན་རིན་པོ་ཆེ་གདན་སར་སྤྱན་དྲངས། །དེ་ནས་བཟུང་། སྡོམ་རྒྱན་ཁ་ཆེ་པཎ་ཆེན་ལུགས་དང་། མདོ་སྔགས་གཉིས་ཀའི་སྒོ་ནས་གྲུབ་མཐའ་བུ་ལུགས་ཞེས་གངས་ཅན་མཁས་པ་རྣམས་ཀྱི་རྣ་བའི་རྒྱན་དུ་གྱུར། དེ་ཡང་མ་བྱོན་པའི་སངས་རྒྱས་རབ་གསལ་གྱི་རྣམ་འཕྲུལ་ཀུན་མཁྱེན་འདི་ཉིད་ནི། འཇམ་དཔལ་རྩ་རྒྱུད་ལས། ཡི་གེ་ར་ར་ལུང་། དང་པ་བུ་སྟོན། དང་པོར། བློ་ལྡན་གང་ཞིག་རབ་འབྱུང་གསུངས། །སྟོན་པའི་བསྟན་པ་གསལ་བྱེད་པ། །འབྱུང་བར་འགྱུར་པ་ཐེ་ཚོམ་མེད། །ཅེས་རྟེན་བརྟེན་པར་བཅས་པ་ལུང་གིས་གསལ་བར་བསྟན་པ་བཞིན། གཙང་ཤབ་སྨད་སྒོམ་གནས་ཞེས་བྱ་བར་བྲག་སྟོན་རྒྱལ་མཚན་དཔལ་བཟང་གི་སྲས་སུ་ལྕགས་ཕོ་རྟ་ཡི་ལོར་འཁྲུངས། ཆུང་ངུ་ནས་འཇམ་དཔལ་དཔའ་བོས་རྗེས་སུ་བཟུང་། ཁྲོ་ཕུ་སེམས་དཔའ་ཆེན་པོ། རང་གི་མེས་པོ་ཚུལ་ཁྲིམས་བཟང་པོ། མཁན་ཆེན་བཟང་པོ་དཔལ་གྲགས་པ་གཞོན་ནུ། ཐར་ལོ་ཉི་མ་རྒྱལ་མཚན། བླ་མ་དཔལ་ལྡན་འཛིན་དུ་བཀུར། སྙན་གྲགས་ཀྱིས་ས་སྟེང་ཐམས་ཅད་ཁྱབ་པས་རྒྱ་ནག་རྒྱལ་པོ་ཐོ་གོན་ཐེ་མུར་ཁཱ་དང་། རྒྱ་ནག་ཆོས་ཀྱི་
རྒྱལ་པོ་པུཎྱ་མཱ་ལ་སོགས་པས་ཀྱང་བསྔགས་པའི་སྤྲིངས་ཡིག་གིས་མཆོད། ཞྭ་ལུ་མཐིལ་དུ། དགེ་འདུན་སུམ་སྟོང་བརྒྱད་བརྒྱ་དང་། རི་སྦུགས་སུ་སྡེ་སྣོད་འཛིན་པ་འདག་སྦྱར་ཆུ་བུག་སྒོ་ལ་བཞུགས་པའི་བཤེས་གཉེན་ལྔ་བརྒྱ་ཙམ་རེ་འདུས། རྒྱུད་སྡེ་བཞི་དང་འབྲེལ་བའི་དབང་ལུང་མན་ངག་བསམ་གྱིས་མི་ཁྱབ་པ་འཆད་སྤེལ་མཛད། ཕྱིས་རེ་ལྔ་པར་གདན་ས་དངོས་ཐུགས་སྲས་ལོ་ཙཱ་བ་རིན་ཆེན་རྣམ་རྒྱལ་ལ་གཏད་ནས། རྗེ་ཉིད་རི་སྦུག་ཏུ་ཀུན་སྤངས་མཛད་དེ་ཐུགས་དམ་ཟབ་མོ་ལ་རྩེ་གཅིག་ཏུ་གཞོལ། མདོར་ན་འཁོར་ལོ་གསུམ་གྱི་ཕྱག་རྗེས་རེ་རེ་ནས་བསམས་ཀྱང་འདི་ཁོ་ན་སྐུ་ཚེ་ཧྲིལ་པོར་མཛད་དམ་སྙམ་པ་ཡོད། དམ་པའི་ཆོས་མ་བསྒྱུར་བ་རྣམས་བསྒྱུར། བསྒྱུར་བ་རྣམས་ཞུ་ཆེན་བྱས། ཧོར་ཀོང་བོསབས། འགྲེལ་བཤད་ཀྱིས་བཀྲལ། ཐུན་མོང་དང་ཐུན་མོང་མ་ཡིན་པའི་ཆོས་ཐམས་ཅད་ཕས་བུ་གཅིག་ལ་སྟེར་བ་ལྟ་བུར་མཛད་པས་བཀའ་དྲིན་བསམ་གྱིས་མི་ཁྱབ་ལེགས་བཤད་གསུང་རྩོམ་ཀྱང་སྔགས་ཕྱོགས་ལ་པོད་ཆེན་དང་༡༨། མདོ་ཕྱོགས་རིག་གནས་དང་བཅས་པ་ལ་པོད་བཞུགས། མཐར་དོན་ལྔ་པར་དགའ་ལྡན་ཆོས་ཀྱི་འདུན་སར་གཤེགས། དེ་ནས་གདན་སར་ལོ་ཙཱ་བ་རིན་ཆེན་རྣམ་རྒྱལ་བཞུགས། ཕྲིན་ལས་ཀྱི་རྒྱུན་ནི་གདན་ས་རང་དུ་རྡོ་རྗེ་འཆང་མཁྱེན་
རབ་ཆོས་རྗེ། ལོ་ཆེན་ཆོས་སྐྱོང་བཟང་པོ་མཚུངས་མེད་ཚར་པ་ཆོས་རྗེ་ཡབ་སྲས་སོགས་མཁས་གྲུབ་བསམ་གྱིས་ཁྱབ་པ་ཞིག་བྱོན་པ་དང་། རྗེ་ཉིད་ཀྱི་དངོས་སློབ་མཁས་གྲུབ་ཁྱུང་པོ་ལྷས་པ་དང་། །གོང་གསུམ་པ་ལས་རྒྱལ་བ་བཙོང་ཁ་པ་ཆེན་པོས་གསན་པ་དང་། ཐུགས་སྲས་རིན་པོ་ཆེའི་སློབ་མ་བཀྲ་ཤིས་རིན་ཆེན་ལས་ངོར་ཆེན་རྡོ་རྗེ་འཆང་གིས་གསན་པ་སོགས། ས་དགེ་ཀར་འབྲུག་གི་གྲུབ་མཐའ་ཐམས་ལ་རྗེ་འདི་ལས་བརྒྱུད་པའི་དབང་དང་རྒྱུད་བཤད་མན་ངག་གིས་ཁྱབ་པས་བསམ་དཔྱོད་ཀྱི་ཡུལ་ལས་འདས་ཤིང་། དེང་སང་ཡང་རྒྱུད་སྡེ་བཞིའི་སྨིན་གྲོལ་དང་སྒྲུབ་མཆོད་ཀྱི་སྲོལ་མ་ནུབ་པར་བཞུགས་པའི་ཚུལ་མདོ་ཙམ་བརྗོད་ན། ཐོག་མར་རྣལ་འབྱོར་ཆེན་པོ་བླ་མེད་པའི་རྒྱུད་ལ། ཐབས་དང་། ཤེས་རབ། གཉིས་སུ་མེད་པའི་རྒྱུད་གསུམ་ལས། དང་པོ་གཉིས་སུ་མེད་པའི་རྒྱུད་ལ། ཕྱོགས། དཔལ་དུས་ཀྱི་འཁོར་ལོ་སྐུ་གསུང་ཐུགས་ཡོངས་རྫོགས་ཀྱི་དཀྱིལ་འཁོར་ལྷ༦༣༤། ཐུགས་གཙོ་བོར་སྟོན་པའི་དཀྱིལ་འཁོར། དུས་འཁོར་སྡོམ་ཆེན་ལྷ་༧༢། གཉིས་པ་ཤེས་རབ་གཙོ་བོར་སྟོན་པའི་རྒྱུད་ལ། རིགས་དྲུག་ཆ་མཉམ་དུ་སྟོན་པ་ཧེ་རུ་ཀའི་རིགས། རྣམ་སྣང་གི་རིགས། རྡོ་རྗེ་ཉི་མའི་རིགས། པདྨཀ་ར་དབང་གི་རིགས། རྟ་མཆོག་གི་རིགས། རྡོ་རྗེ་འཆང་གི་རིགས་དང་དྲུག་ལས། །
དང་པོ་ནི། དཔལ་སངས་རྒྱས་ཐམས་ཅད་མཉམ་པར་སྦྱོར་བ་རིགས་དྲུག་བསྡུས་པའི་དཀྱིལ་འཁོར་ལྷ༥༡། གཉིས་པ་ནི། གྲུབ་ཆེན་ལཱུ་ཧི་པའི་ལུགས་ཀྱི་བདེ་མཆོག་འཁོར་ལོ་ལྷ༦༢། །གྲུབ་ཆེན་ནག་པོ་པའི་ལུགས་ཀྱི་བདེ་མཆོག་ལྷ༦༢། གྲུབ་ཆེན་རྡོ་རྗེ་དྲིལ་བུ་པའི་ལུགས་ཀྱི་བདེ་མཆོག་ཕྱི་དཀྱིལ་ལ་ལྷ་ལྔ། ལུས་དཀྱིལ་དང་བཅས་པ། སློབ་དཔོན་ལྭ་བ་པའི་ལུགས་ཀྱི་བདེ་མཆོག་སྦྱངས་པའི་ཡོན་ཏན་བཅུ་གཉིས་ཀྱི་དཀྱིལ་འཁོར་ལྷ༡༣། སློབ་དཔོན་པདྨ་བཛྲ་གྱི་ལུགས་གྱི་འཁོར་ལོ་བདེ་མཆོག་སྤྱན་རས་གཟིགས་པདྨ་དྲྭ་བ་ལྷ༢༠། འཁོར་ལོ་བདེ་མཆོག་འདུས་པ་འཕགས་ལུགས་དང་མཐུན་པར་བཤད་པ་སྡོམ་པ་འབྱུང་བ་ལྷ༡༢། ༡༣གྲུབ་ཆེན་འདི་བརྒྱུད་པདྨའི་རིགས་བདེ་ཆེན་རལ་གཅིག་མའི་དབང་ཀ་ཆད་པས་དེའི་ཚབ་ཏུ་གསར་བཙུགས། ནཱ་རོ་པའི་ལུགས་ཀྱི་མཁའ་སྤྱོད་རྡོ་རྗེ་རྣལ་འབྱོར་མ་སྟེ་བདེ་མཆོག་གི་སྐོར་དང་། དཔལ་བིར་ཝ་བའི་ལུགས་ཀྱི་ཀྱེ་རྡོར་མན་ངག་ལུགས༩། གྲུབ་ཆེན་ཀུ་ཀུ་རི་པས་ལེགས་པར་བཀྲལ་བའི་རྔོག་དཀྱིལ་བདུན་གྱི་ཡ་གྱལ་མ་ཧཱ་མ་ཡ་ལྷ་ལྔ་རྣམས་སོ། །གཉིས་པ་ནི། གྲུབ་ཆེན་འཕགས་པ་ལྷའི་ལུགས་ཀྱི་དཔལ་རྡོ་རྗེ་གདན་བཞི་ལྷ་མང་། ལྔ་པ་ནི། སློབ་དཔོན་ཉི་མ་སྦས་པའི་ལུགས་ཀྱི་སྒྲོལ་མ་ལྷ་བཅུ་བདུན་མ་ཕྱི་དཀྱིལ་དང་། ལུས་དཀྱིལ་གཉིས་
སོ། །གསུམ་པ་ཐབས་གཙོ་བོར་སྟོན་པའི་རྒྱུད་ལ། མི་བསྐྱོད་པ། རྣམ་སྣང་། རིན་འབྱུང་། འོད་དཔག་མེད། དོན་གྲུབ། རྡོ་རྗེ་འཆང་གི་རིགས་དང་དྲུག་ཏུ་གསུངས་པའི་དང་པོ་ནི། འཕགས་པ་ཀླུ་སྒྲུབ་ཀྱི་གསང་འདུས་མི་བསྐྱོད་པ་ལྷ ༣༢། སློབ་དཔོན་སངས་རྒྱས་ཡེ་ཤེས་ཞབས་ཀྱི་ལུགས་སྲོལ་གསང་འདུས་འཇམ་དཔལ་རྡོ་རྗེ་ལྷ༡༩། ཇོ་བོ་ཨ་ཏི་ཤའི་ལུགས་ཀྱི་གསང་འདུས་སྤྱན་རས་གཟིགས་ལྷ༡༩། མི་བསྐྱོད་པའི་རིགས་ཀྱི་ཁྲོ་བོ་གྲུབ་ཆེན་པ་པ་རི་པའི་ལུགས་ཀྱི་ཕྱག་ན་རྡོ་རྗེ་འཁོར་ཆེན་ལྷ་༡༨རྣམས་སོ། །གཉིས་པ་ནི། གྲུབ་ཆེན་བིར་ཝ་པའི་ལུགས་ཀྱི་གཤེད་དམར་ལྷ་ལྔ། གྲུབ་ཆེན་དཔལ་འཛིན་གྱི་ལུགས་ཀྱི་གཤེད་དམར་ལྷ༡༢། རྭ་ལུགས་ཀྱི་གཤིན་རྗེ་གཤེད་དགྲ་ནག་ལྷ༡༣། རྭ་ལུགས་རྡོ་རྗེ་འཇིགས་བྱེད་དཔའ་བོ་གཅིག་པ་ཕྱག་མཚན་སོ་གཉིས་ཀྱིས་བསྐོར་བའི་དཀྱིལ་འཁོར། རྭ་ལུགས་ཐུན་མོང་མ་ཡིན་པ་འཇིགས་བྱེད་ལྷ༡༣། རྭ་ལུགས་གཤིན་རྗེ་གཤེད་གདོང་དྲུག་ལྷ་༢༡རྣམས་སོ། །གཉིས་པ་རྣལ་འབྱོར་གྱི་རྒྱུད་ལ། ཐབས་གཙོ་བོར་སྟོན་པ་དང་། ཤེས་རབ་གཙོ་བོར་སྟོན་པའི་རྒྱུད་གཉིས་ཀྱི། དང་པོ་ལའང་། རྩ་བརྒྱུད། བཤད་རྒྱུད། འཕྲོས་རྒྱུད། ཆ་མཐུན་གྱི་རྒྱུད། ཡན་ལག་གི་རྒྱུད་དང་ལྔར་གསུངས་པའི། དང་པོ་ནི། དེ་བཞིན་
གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པའི་རྒྱུད་ཆེན་པོ་སྟེ། དེ་ལ་ནང་གསེས་སུ་དུམ་བུ་བཞི་ལས། དུམ་བུ་དང་པོ་འདོད་ཆགས་ཅན་གྱི་འདོད་ཆགས་འདུལ་བའི་ཕྱིར་བསྟན་པ་དེ་བཞིན་གཤེགས་པའི་རིགས་རྡོ་རྗེ་དབྱིངས་ཀྱི་དཀྱིལ་འཁོར་ལ། རྡོར་དབྱིངས་རྩ་ལུགས་ཀྱི་དཀྱིལ་འཁོར་ལྷ ༣༠། འགྲེལ་ཆེན་དེ་ཉིད་སྣང་བའི་ལུགས་ཀྱི་དཀྱིལ་འཁོར་ལྷ༡༠༣༧། དུམ་བུ་གཉིས་པ་ཁྲོ་བས་ཁྲོ་བ་སྤངས་པའི་ཕྱིར་བསྟན་པ་རྡོ་རྗེའི་རིགས་ཁམས་གསུམ་རྣམ་རྒྱལ་གྱི་དཀྱིལ་འཁོར་ལྷ༡༠༣༧། གཉིས་པ་ནི། བཤད་རྒྱུད་རྡོ་རྗེ་རྩེ་མོ་ནས་གསུངས་པའི་གསང་བ་མཆོད་ཆེན་རིགས་ཐམས་ཅད་བསྡུས་པའི་དཀྱིལ་འཁོར་བཅུ་ལ་ལྷ་གྲངས༡༢༧༡། གསུམ་པ་ནི། རྩ་རྒྱུད་དུམ་བུ་གསུམ་པའི་ངན་འགྲོ་དགུག་ཅིང་སྡིག་པ་བྲལ་བ་ལས་འཕྲོས་པའི་ཀུན་རིག་རྣམ་པར་སྣང་མཛད་ཀྱི་དཀྱིལ་འཁོར་རྩ་བའི་ལྷ ༣༧། ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོའི་བརྟག་པ་ཕྱོགས་གཅིག་པ་ལས་གསུངས་པའི། ཤཱཀྱ་སེང་གེ་གཙུག་ཏོར་དགུ་པའི་དཀྱིལ་འཁོར་ལྷ ༣༧། དཔལ་ཕྱག་ན་རྡོ་རྗེ་འཆི་བདག་འཇོམས་པའི་དཀྱིལ་འཁོར་ལྷ༡༣། ངན་འགྲོ་ཐམས་ཅད་ཡོངས་སུ་སྦྱོང་བ་བཅོམ་ལྡན་འདས་རྡོ་རྗེ་མི་འཁྲུགས་པ་ལྷ་༡༣གྱི་དཀྱིལ་འཁོར་རྣམས་སོ། །བཞི་པ་ནི། ཤེས་རབ་
གཙོ་བོར་སྟོན་པའི་རྒྱུད་དམ། ཆ་མཐུན་གྱི་རྒྱུད་དཔལ་མཆོག་དང་པོ་ལས་གསུངས་པའི་རིགས་ཐམས་ཅད་བསྡུས་པའི་དཀྱིལ་འཁོར་བཅུ་བཞི་ལྷ་དང་༣༣༩། རིགས་རྐྱང་པ་རྡོ་རྗེ་སེམས་དཔའི་དཀྱིལ་འཁོར་གཉིས་སོ། །ལྔ་པ་ནི། འཇམ་དཔལ་སྒྱུ་འཕྲུལ་དྲྭ་བ་མཚན་ཡང་དག་པར་བརྗོད་པ་རྣལ་འབྱོར་གྱི་རྒྱུད་དུ་བཀྲལ་བའི་སྐོར་ཏེ། དེ་ཡང་ཆེ་བ་སློབ་དཔོན་འཇམ་དཔལ་གྲགས་པས་བཀྲལ་བ་ཆོས་དབྱིངས་གསུང་ནམ་མཁའ་འདྲི་མེད་ཆེ་བ། གི་དབང་ཕྱུག་ལྷ༢༢༩། འབྲིང་པོ་སློབ་དཔོན་སྒེག་པའི་རྡོ་རྗེས་བཀྲལ་བའི་འཇམ་དཔལ་གསང་ལྡན་ནམ་འཇམ་དཔལ་ཡོན་ཏན་ཀུན་འབྱུང་གི་དཀྱིལ་འཁོར་ལྷ༡༥། ཆུང་བ་སློབ་དཔོན་འཇམ་དཔལ་བཤེས་གཉེན་གྱིས་བཀྲལ་བའི་འཇམ་དཔལ་ནམ་མཁའ་དྲི་མེད་ཆུང་བའང་ཟེར། རིགས་བསྡུས་རྣམས་འདི་ཡི་འཇམ་དཔལ་གོང་འོག་གཉིས་ཀྱི་དབང་རྒྱུན་མེད། སོ། །དེ་དག་ལས་རྡོ་རྗེ་རྩེ་མོ་ནི། ཟངས་དཀར་ལུགས་དང་། ཀུན་རིག་གཙུག་དགུ་གཉིས་སྟོད་ལུགས་སམ་ཇོ་བོ་ལུགས་དང་། སྨད་ལུགས་སམ་ལོ་ཆེན་ལུགས་གཉིས་ཀ་ཡོད་ཅིང་། མི་འཁྲུགས་པ་དང་ཕྱག་རྡོར་འཆི་འཇོམས་གཉིས་ཇོ་ལུགས་དང་འཇམ་དཔལ་ནམ་མཁའ་དྲི་མེད་ཆུང་བ་དཀོན་དབང་ཕྱུག་བློ་གྲོས་ནས་བརྒྱུད། འཇམ་དཔལ་གསང་ལྡན་སྤྱི་ཏི་ནས་རྔོག་གི་ཕྱོགས་སུ་བཀའ་བབས་པ་ཡིན་ལ།
གཞན་རྣམས་ལོ་ཆེན་རིན་བཟང་ལས་བརྒྱུད་པ་ཁོ་ནའོ། །གསུམ་པ་སྤྱོད་པའི་རྒྱུད་ལ་དེ་བཞིན་གཤེགས་པ་དང་། པདྨ་དང་། རྡོ་རྗེའི་རིགས་གསུམ་ལས། དང་པོ་ནི། རྡོ་རྗེ་གདན་པ་ནས་བ་རི་ལོ་ཙཱ་བ་ལ་བརྒྱུད་པའི་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས་གསུངས་པའི་དཀྱིལ་འཁོར་ལྷ༡༡༩། གཉིས་པ་ནི། སྐབས་འདིར་མི་འབྱུང་ལ། གསུམ་པ་ནི། ཕྱག་རྡོར་འགྲོ་བཟང་ལུགས་དང་། རྣམ་འཇོམས་དཀར་པོ་སོགས་སྦྱོང་རྒྱུད་དུ་བཞེད་པ་ལྟར་ན་འདིར་དྲང་བར་བྱའོ། །བཞི་པ་བྱ་བའི་རྒྱུད་ལ། དེ་བཞིན་གཤེགས་པ་དང་། པདྨ་དང་། རྡོ་རྗེ་དང་། ནོར་ཅན་དང་། ལྔ་རྩེན་དང་། འཇིག་རྟེན་པའི་རིགས་ཏེ་སྒོ་དྲུག་ལས། དང་པོ་ལའང་རིགས་ཀྱི་གཙོ་བོ་སོགས་བརྒྱད་ཀྱི། དང་པོ། རིགས་ཀྱི་གཙོ་བོ་ཐུབ་པ་གནས་བརྟན་བཅུ་དྲུག་གིས་བསྐོར་བའི་དཀྱིལ་འཁོར། མཁན་པོ་བོ་དྷི་ས་ཏཱས་མཛད་པའི་སྨན་བླ་བདེ་གཤེགས་བརྒྱད་ལ་མཆོད་ཅིང་གསོལ་བ་གདབ་པའི་ཚོམ་བུའི་དཀྱིལ་འཁོར། འཕགས་པ་འོད་ཟེར་དྲི་མེད་ལས་གསུངས་པའི་ཐུབ་དབང་ལྷ་བདུན་གྱི་དཀྱིལ་འཁོར། གཉིས་པ་རིགས་ཀྱི་ཡུམ་ནི། རྡོ་རྗེ་གདན་པ་ནས་བ་རི་ལོ་ཙཱ་བ་ལ་བརྒྱུད་པའི་སྲུང་བ་ལྷ་ལྔ་ལྷ༥༡། གསུམ་པ་རིགས་ཀྱི་གཙུག་ཏོར་ལ། རྡོ་རྗེ་གདན་པ་ནས་བ་རི་
ལོ་ཙཱ་བ་བརྒྱུད་པའི་གཙུག་ཏོར་གདུགས་དཀར་གྱི་དཀྱིལ་འཁོར་ལྷ། འཕགས་པ་གཙུག་ཏོར་དྲི་མེད་ཀྱི་དཀྱིལ་འཁོར་ལྷ་མང་། རྣམ་རྒྱལ་ལྷ་མང་། གཉིས་པ་པདྨའི་རིགས་ལ་རིགས་ཀྱི་གཙོ་བོ་གདན་པ་ནས་བ་རི་ལོ་ཙཱ་བ་ལ་བརྒྱད་པའི་ཚེ་དཔག་མེད་འཆི་མེད་རྔ་སྒྲ་ལྟ༩། རིགས་ཀྱི་བདག་པོ་འཕགས་པ་སྤྱན་རས་གཟིགས་དོན་ཡོད་ཞགས་པ་ལྷ ༢།།། གསུམ་པ་རྡོ་རྗེའི་རིགས་ལ། རིགས་ཀྱི་གཙོ་བོ་སོགས་ལྔ་ལས་རིགས་ཀྱི་གཙོ་བོ་སློབ་དཔོན་འབྲོ་བཟང་སྙིང་པོའི་ལུགས་ཀྱི་དཔལ་ཕྱག་ན་རྡོ་རྗེ་ལྷ ༢༡། གྲུབ་ཆེན་པ་བ་རི་པའི་ལུགས་ཀྱི་རྣམ་འཇོམས་དཀར་པོ་ལྷ་བཅོ་ལྔ་ལ། སྒོ་བ་བཞི་བསྣན་པའི་ལྷ་བཅུ་དགུ་པའི་དཀྱིལ་འཁོར། ནོར་བུའི་རིགས་ལ། ཆོས་སྐྱོང་ཆེན་པོ་རྣམ་ཐོས་སྲས་ཀྱི་གཏོར་སྒྲུབ་བཅས་སོ། །དེ་ལྟར་ཡང་བླ་མེད་ཀྱི་རྒྱུད་ལ་དཀྱིལ་འཁོར་ཉེར་བརྒྱད། རྣལ་འབྱོར་གྱི་རྒྱུད་ལ་བཅུ་གསུམ། སྤྱོད་རྒྱུད་ལ་གཅིག །བྱ་རྒྱུད་ལ་བཅུ་གཉིས་ཏེ་དཀྱིལ་འཁོར་ལྔ་བཅུ་རྩ་གསུམ་སྟེ། དེ་རྣམས་ཀྱི་དབང་རྗེས་གནང་ལུང་མན་ངག་དང་བཅས་པ་དང་། སྒྲུབ་མཆོད་ཀྱི་རྒྱུན་རྣམས་སུ་བཞུགས་ཤིང་། བུ་ལུགས་ཀྱི་ཁྲིད་ཆེན་རིམ་ལྔ། བཞི་ཞེས་གྲགས་པ་ལས། གསང་འདུས་རིམ་ལྔ་དང་། གཤེད་དམར་སྤྲོས་མེད་ཀྱི་ཁྲིད། ཁྲིད་ཆུང་
བཞི་ལས། སྙིང་པོ་དོན་གསུམ་དང་ཚེམ་བུ་དམར་ཁྲིད། གཞན་ཡང་ར་ཁྲིད་མཁའ་འགྲོའི་སྙན་སྤྲོས་མེད། ངལ་བསོ། སྦྱོར་དྲུག་བཞི། བརྒྱུད་སོགས་ཁྲིད་བཀའ་དང་། བུ་སྟོན་རིན་པོ་ཆེའི་བཀའ་འབུམ་སྔགས་ཕྱོགས་སྐོར་པོད༡༨། ཐུགས་སྲས་ལོ་ཙཱ་བའི་བཀའ་འབུམ་པོད་༢བཅས་ཀྱི་ལུང་། ཆོས་སྐྱོང་སྐོར་ལ་རྒྱལ་པོ་རྣམ་ཐོས་སྲས་བཀའ་བཅོ་ལྔ། གླེགས་བམ་གཉིས་ཀྱི་ལུང་། མགོན་པོ་བིང་ཟླདམར་གྱི་རྗེས་གནང་། ལྷ་མོ་རྡོ་རྗེ་རབ་བརྟན་མའི་རྗེས་གནང་ཐུན་མོང་དང་། ཐུན་མོང་མ་ཡིན་པ་དང་། སྒྲུབ་སྐོར་གྱི་ལུང་སོགས་བཞུགས་སོ། །དཔལ་ཞྭ་ལུ་པའི་གདན་རབས་སོགས་རྒྱས་པར་རྟོགས་པར་འདོད་ན། ཀུན་མཁྱེན་བུ་སྟོན་རིན་པོ་ཆེའི་རྣམ་ཐར་ལེ་ཚན་དང་། མཆོག་སྤྲུལ་རིན་པོ་ཆེ་བློ་གསལ་བསྟན་སྐྱོང་གིས་མཛད་པའི་གདན་རབས་གླེགས་བམ་སོགས་ལས་ཤེས་པར་བྱ་ཞིང་། །རྒྱུད་སྡེའི་བྱུང་ཚུལ་སོགས་ཀྱང་། ཀུན་མཁྱེན་བུ་སྟོན་རིན་པོ་ཆེའི་རྒྱུད་སྡེ་སྤྱིའི་རྣམ་བཞག་ཆེ་འབྲིང་ཆུང་གསུམ་དང་། བདེ་གསང་དུས་གསུམ་ཡོ་ག་དང་བཅས་པའི་ཆོས་འབྱུང་རྣམས་ལས་ཤེས་པར་བྱའོ། ། །བོ་དོང་ཨེ་ནི། ཐོག་མར་བཀའ་གདམས་པའི་དགེ་བཤེས་མུ་ཏྲ་ཆེན་པོས་ས་གླང་ལོར་བཏབ། ཕྱིས་དཔང་ལོ་བློ་གྲོས་བརྟན་པ། དེའི་དབོན་ལོ་ཆེན་བྱང་ཆུབ་རྩེ་མོ། དེའི་དབོན་ལོ་
ཆེན་གྲགས་པ་སོགས་མཁས་གྲུབ་ཆེན་པོ་མང་དུ་བྱོན། ཁྱད་པར་གྲགས་པའི་དབོན་པོ་བོ་དོང་ཕྱོགས་ལས་རྣམ་རྒྱལ་ལམ། འཇིགས་བྲལ་ཆོས་ཀྱི་རྒྱལ་མཚན་ནི་སྒྲ་དབྱངས་ལྷ་མོས་རྗེས་སུ་བཟུང་བས་ རིག་པའི་གནས་མཐའ་དག་ཐོགས་པ་མེད་པར་སྨྲ་པའི་མ་ཧཱ་པཎྜི་ཏར་གྱུར། གངས་ལྗོངས་མཁས་པ་ཕལ་ཆེར་རྩོད་པས་ཕམ་པར་བྱས། རྡོ་རྗེ་སེམས་དཔའ་དང་། རྡོ་རྗེ་ཕག་མོ་སོགས་དཀྱིལ་འཁོར་གྱི་གཙོ་བོ་རྣམས་ཀྱིས་གསང་བའི་མཛོད་ཆེན་པོ་བྱིན་པས་དེ་ཉིད་འདུས་པ་ཆེན་པོ་སོགས་བསྟན་བཅོས་པོད་བརྒྱ་ཕྲག་ཐལ་པ་མཛད་ཅིང་གསུང་ལས་སྐྱེས་པའི་སློབ་མ་ཡང་། བཟོ་རིག་པ་ནས་བསྟན་པ་ཡོངས་རྫོགས་ཀྱི་བར་བཀའ་བབས་ཉི་ཤུ་རྩ་གསུམ། འཁོན་གྱི་གདུང་བརྒྱུད་གསུམ། སྔགས་འཆང་ཆེན་པོ་གཅིག མཁས་གྲུབ་གཉིས། ལོ་ཆེན་གསུམ་སོགས་ནས། བཀའ་བཅུ་སྨྲ་བ་སྟོང་ཕྲག་གཅིག །བཀའ་བཞི་སྨྲ་བ་སྟོང་ཕྲག་ཟུང་། ཕར་ཚད་ཤེས་པའི་སློབ་མ་ཁྲི་ཕྲག་བརྒལ་བ་སོགས་བྱོན་པར་གྲགས་ཤིང་། ཕྱིས་དཔལ་མོ་ཆོས་སྡིངས་སུ་ཕྲིན་ལས་སྐྱོང་། གྲུབ་མཐའི་ཁས་ལེན་ཅུང་མི་འདྲ་བ་མང་དུ་མཛད་པས་བོ་དོང་པའི་ལུགས་ཞེས་གྲགས། དེང་སོང་གདན་ས་དངོས་སུ་ཆོས་རྒྱུན་སོགས་ཆེར་མི་བཞུགས་ཀྱང་། ལོ་རོར་རྗེ་ཉིད་ཀྱི་རྣམ་འཕྲུལ་སྦྱོར་ར་ཐམས་ཅད་མཁྱེན་པ་རིམ་བྱོན་
དང་། ཡར་འབྲོག་བསམ་སྡིངས་སུ་རྡོ་རྗེ་ཕག་མོ་རིམ་བྱོན་སོགས་ཀྱིས་བཟུང་སྟེ་ཆོས་རྒྱུན་འགའ་ཞིག་ཡོད་དོ།། ༈ །།ཤངས་ཞང་ཞང་རྡོ་རྗེ་གདན་ནི། སྐུ་གསང་བ་འདུས་པ། གསུང་མ་ཧཱ་མཱ་ཡ། ཐུགས་དགྱེས་པ་རྡོ་རྗེ། ཡོན་ཏན་འཁོར་ལོ་སྡོམ་པ། ཕྲིན་ལས་རྡོ་རྗེ་འཇིགས་མཛད་དེ་རྒྱུད་སྡེ་ལྔ་ཡི་ངོ་བོར་བཞུགས་པ་མཁས་གྲུབ་ཁྱུང་པོ་རྣལ་འབྱོར་བརྩོན་འགྲུས་མགོན་ཞེས་གྲགས་པ་ཟླདེ་ཉིད་དང་པོར་བོན་གྱི་སྒོར་ཞུགས། བར་དུ་རིམ་པར་རྫོགས་ཆེན་དང་ཕྱག་ཆེན་སྦྱངས། མཐར་དེས་ཀྱང་ཐུགས་མ་ཚིམ་པར་འཕགས་པའི་ཡུལ་དུ་བྱོན་ནས། ཡེ་ཤེས་ཀྱི་མཁའ་འགྲོ་ནི་གུ་མ། སུ་ཁ་སི་དྷི། མེ་ཏྲི་པ། རྡོ་རྗེ་གདན་པ་སོགས་པཎ་གྲུབ་བརྒྱ་དང་ལྔ་བཅུའི་ཐུགས་ཀྱི་དགོངས་པ་བླངས་ནས་གངས་ཅན་དུ་ཕེབས་ཏེ་གླང་ཐང་པ་རྡོ་རྗེ་སེང་གེ་ལས་རབ་ཏུ་བྱུང་། སྐུ་ཚེའི་སྨད་ལ་ལོ་གཅིག་གི་ནང་དགོན་གནས་བརྒྱ་རྩ་གཅིག་བཏབ་པའི་ཡ་གྱལ་ཏེ། ཤངས་པ་བཀའ་བརྒྱུད་ཀྱི་འབྱུང་གནས་ལྟ་བུ་ཡིན་ཀྱང་། དེང་སང་ནི་སྐུ་འདྲ་རིན་པོ་ཆེ་བྱིན་ཅན་ཙམ་ལས་བརྒྱུད་འཛིན་སོགས་མི་སྣང་། །ཆོས་བརྒྱུད་ནི། རྡོ་རྗེ་འཆང་༡། ནི་གུ་མ༢། ཁྱུང་པ ༣། དེ་ཡི་སློབ་མ་ཁྲི་བརྒྱད་དུ་ལོངས་པར་བྱུང་བར་གྲགས་པའི་གཙོ་བོ་གྲུབ་ཐོབ་རྨོག་ལྕོག་པ་རིན་ཆེན་བརྩོན་འགྲུས། དེ་ནས། དབོན་སྟོན་
སྐྱེར་སྒང་པ་ཆོས་ཀྱི་སེང་གེ།། སངས་རྒྱས་གཉན་སྟོན་སྦས་པའི་རྣལ་འབྱོར་ཆོས་ཀྱི་ཤེས་རབ༦། འགྲོ་མགོན་སངས་རྒྱས་སྟོན་པ་བརྩོན་འགྲུས་སེངྒེ་༧རྣམས་ལ་དཔལ་ཤངས་པ་བཀའ་བརྒྱུད་པའི་བརྒྱུད་པ་རིན་པོ་ཆེ་སྣ་བདུན་དུ་གྲགས་ཤིང་། གདམས་པ་ཕལ་ཆེར་ཀྱང་ཆིག་བརྒྱུད་དུ་བཞུགས། སངས་རྒྱས་གཉན་སྟོན་པས་ཁྱབ་བདལ་དུ་སྤེལ་བས་ཤངས་འཇག་པ་ཚུལ་ཁྲིམས་མགོན་དང་། ཉང་བསམ་སྡིངས་པ་གཞོན་ནུ་གྲུབ་སོགས་མཁས་ཤིང་དངོས་གྲུབ་བརྙེས་པ། སྒྱུ་ལུས་དང་རྨི་ལམ་ལ་རང་དབང་ཐོབ་པ་མང་དུ་བྱོན། གྲུབ་མཐའ་ཐམས་ཅད་ལ་རྒྱུད་འདྲེས་པར་གྱུར། དེ་ལས་བྱུང་བའི་ཆོས་བཀའ་ལ། ནི་གུའི་ཆོས་སྐོར། སུ་ཁའི་ཆོས་སྐོར། རྡོ་རྗེ་གདན་པའི་ཆོས་སྐོར། མེ་ཏྲི་པའི་ཆོས་སྐོར། རཱ་ཧུ་ལའི་ཆོས་སྐོར་ཏེ་ལྔ་དང་། དེར་མ་འཐུས་པའི་མན་ངག་ཐོར་བུ་དང་བཅས་བསམ་གྱིས་མི་ཁྱབ་པ་ཞིག་མཆིས་ནའང་། དེང་སང་ཆོས་རྗེ་མུས་པ་དང་། བཀའ་བརྒྱུད་སོགས་སུ་ནི་གུའི་སྐོར་གཙོ་བོར་གྱུར་པ་ལ། རྩ་བ་ནི་ནི་གུ་ཆོས་དྲུག །སྡོང་པོ་ཕྱག་རྒྱ་ཆེན་པོ་གའུ་མ། ཡལ་ག་ལམ་ཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར། འབྲས་བུ་ལུས་སེམས་འཆི་མེད། བཀའ་སྲུང་ཡེ་ཤེས་མགོན་པོའི་སྐོར་རྣམས་ཀྱི་སྨིན་གྲོལ་རྒྱབ་བརྟེན་དང་བཅས་པ་ལས། དང་
པོ་ལ། ཆོས་དྲུག་གི་སྨིན་བྱེད་ཁོག་ཕུབ་གསུམ། སྒོས་བཀའ་དྲུག །ཕྱག་ཆེན་བཀའ་ལྔ། མཁའ་སྤྱོད་བཀའ་གསུམ། གསང་སྒྲུབ་བཀའ་ལྔ། མགོན་པོ་བཀའ་གཉིས་ལས། དང་པོ་ནི། ཆོས་དྲུག་སྤྱི་ཡི་ཁོག་ཕུབ་རྒྱུད་སྡེ་ལྔ་གཙོ་བོར་གྱུར་པའི་འཇུག་སྒོ་སྒྱུ་ལུས་དབང་མོ་ཆེ༡། བདེ་མཆོག་དབང་བཞི་ལུས་བསྒྲིགས། ལྷ་བཞི་དྲིལ་སྒྲུབ་བཅས། གཉིས་པ་ནི། གཏུམ་མོ་སོགས་ཆོས་དྲུག་སོ་སོའི་དབང་། གསུམ་པ་ནི། ཕྱག་ཆེན་གའུ་མ༡། བླ་མ༢། ཡི་དམ ༣། སྒྱུ་ལུས་༤ལམ་ཁྱེར། ལུས་སེམས་༥འཆི་མེད་ཀྱི་དབང་། བཞི་པ་ནི། མཁའ་སྤྱོད་དཀར་མོ༡། དམར་མོ༢། སུམ་ཕྲུགས་༣ཀྱི་དབང་། ལྔ་པ་ནི། བདེ་མཆོག༡ །སྤྱན་རས་གཟིགས༢། ཕྱག་རྡོར༣། རྟ་མགྲིན། དྲུག་པ་ནི། ཕྱག་དྲུག་༡པ་དང་། མགོན་དཀར༢། ཞར་བྱུང་སུ་ཁ་སིདྡྷིའི་བྱིན་རླབས་བཅས་སོ།། །།གཉིས་པ་གྲོལ་བྱེད་ཁྲིད་ལ། ཐང་རྒྱལ་མུས་པ་སོགས། དང་། ཇོ་ནང་བཀའ་བརྒྱུད་སོགས། ཏཱ་ར་ནཱ་ཐ་སོགས་ཀྱི་ཡིག་ཆའི་སྟེང་ནས་ཆོས་དྲུག །ཕྱག་ཆེན། ལམ་ཁྱེར་རྣམ་གསུམ། །མཁའ་སྤྱོད་དཀར་དམར་གྱི་འཕོ་བ། ལུས་སེམས་འཆི་མེད། བླ་མགོན་དབྱེར་མེད་རྣམས་ཀྱི་ཉམས་ཁྲིད། གསུམ་པ་ལུང་ལ། རྩ་བ་རྡོ་རྗེའི་ཚིག་རྐང་སོགས་གླེགས་བམ་གཅིག་ལྷག་རྣམས་
བཞུགས་ཤིང་། གཞན་ཡང་སྔར་སྨོས་པ་ལྟར་དགེ་ལུགས་པའི་ཕྱོགས་ལའང་ཆོས་དྲུག་གི་ཁྲིད་རྒྱུན་ཙམ་དང་། ཁྱད་པར་མགོན་པོ་ཕྱག་དྲུག་པའི་རྗེས་གནང་། ཁྲིད་ལུང་བཅས་རྒྱ་ཆེར་དར་རོ།། ༈ །།ལ་སྟོད་དིང་རི་གླང་འཁོར་ནི། འགྲོ་མགོན་དམ་པ་སངས་རྒྱས་དང་། དེའི་ཐུགས་སྲས་བྱང་ཆུབ་སེམས་དཔའ་ཀུན་དགའ་སོགས་ཀྱིས་བྱིན་གྱིས་བརླབས་པའི་གནས་ཁྱད་པར་ཅན་ཏེ། དེ་ལ་གྲུབ་ཆེན་འདི་ཉིད་ནི། འཕགས་ཡུལ་བེ་ཏཱ་ཡུལ་གྱི་ཙ་ར་སིདྷར་འཁྲུངས། གྲུབ་ཐོབ་ཕོ་མོ་ལྔ་བཅུ་རྩ་དྲུག་ལས་གདམས་ངག་གི་སྒྲོ་འདོགས་བཅད། ཐུགས་དམ་བདེ་གཤེགས་བཅུ་གཉིས་དང་། ངོ་མཚར་མཁའ་སྤྱོད་ཀྱི་བླ་མ་སུམ་ཅུ་རྩ་དྲུག་གི་ཡེ་ཤེས་ཀྱི་སྐུས་རྗེས་སུ་བཟུང་། ཐུན་མོང་གི་དངོས་གྲུབ་ཆེན་པོ་བརྒྱད་དང་། མཆོག་གི་དངོས་གྲུབ་མཐོང་ལམ་ཆེན་པོ་མངོན་དུ་གྱུར། བོད་དུ་ལན་ལྔ་བྱོན་པའི་དུས། གསུམ་པ་ལ་ཁ་ཆེ་ཛྙ་ན་གུ་ཧྱ་ལ་ཞི་བྱེད་སྒྲོན་མའི་སྐོར་གསུམ་སོགས་གསུངས། དེ་དང་དམ་པ་གཉིས་ཀས་རྗེ་བཙུན་ལོང་པོ་ལོ་ཙཱ་དང་། ཁ་ཆེ་པུ་ཧྲང་ལོ་ཆུང་ལ་གསུངས་པ་སོགས་བརྒྱུད་པ་སྔ་མ་དང་། བཞི་པར། རྨ་ཆོས་ཀྱི་ཤེས་རབ་ལ་ཕྱག་ཆེན། སོ་ཆུང་དགེ་འདུན་འབར་ལ་རིགས་པ་གཅེར་མཐོང་། ཀམ་ཚུལ་ཁྲིམས་རྒྱལ་མཚན་ལ་རྟོགས་པ་ལམ་ཁྱེར་གྱི་གདམས་ངག་
གནང་བས་མཚོན་རྨ་སོ་ཀམ་གསུམ་གྲངས་དང་། ཕྲན་དང་བཅས་པ་ལ་བརྒྱུད་པར་བར་མ། ལྔ་པར་དམ་པ་ཕྱར་ཆེན། ཕྱར་ཆུང་བཛྲ་ཀྲོ་དྷཱ། ཀུན་དགའ་བཞི་ལ་གདམས་པ་སོ་སོར་གནང་། །གཞན་ཡང་མ་ཇོ་ཉི་ཤུ་རྩ་བཞི་སོགས་ལྕེ་དང་། ལྗགས་ལུགས་གསུམ། གྲུབ་པའི་སྐྱེས་བུ་ནམ་མཁའི་སྐར་ཚོགས་ཙམ་བྱོན་པ་བརྒྱུད་པ་ཕྱི་མ་སྟེ། དེ་ལས་ཀྱང་སྐྱེ་བ་ལྔར་དམ་པས་རྗེས་སུ་བཟུང་ཞིང་། ང་དང་དགོངས་པ་མཉམ་པ་ཀུན་དགའ་ཡིན། །ཅེས་བསྔགས་པ་ཆིག་བརྒྱུད་སྦས་པའི་གཏེར་མཛོད་དམ་པ་ཀུན་དགའ་ནས་རིམ་པར་པ་ཚབ་སྒོམ་པ་རྒྱལ་བ་ཏེ་ནེ། རོག་ཤེས་རབ་སེང་གེ་སྐུ་མཆེད་སོགས་བརྒྱུད་ཤིན་ཏུ་དར་བ་བྱུང་ཡང་། དེང་སང་ནི་བརྒྱུད་ལ་ཕྱི་མའི་སྐོར་ལས། ཚོགས་ལམ་བློ་སྦྱང་སྦྱོར་ལམ་དཀའ་ཐུབ། མཐོང་ལམ་བློ་བྲལ། སྒོམ་ལམ་རོ་སྙོམས། མཐར་ལམ་བདག་བསྟོད་དང་བཅས་པའི་ལམ་ལྔའི་དབང་རྒྱས་པ། འབྲིང་པོ་ལམ་གསུམ་གཞུང་མ། བསྡུས་པ་དབང་རྣོན་ཀུ་སཱ་ལའི་རྣལ་འབྱོར་གྱི་དབང་། རྟེན་འབྲེལ་སྔོན་དུ་བདག་པོ་བསྟོད་པ་ཞེས་བྱ་བ་དམ་པ་ཕྱི་ནང་གསང་གསུམ་གྱི་བླ་སྒྲུབ་བྱིན་རླབས། ཐུགས་དམ་བདེ་གཤེགས་བཅུ་གཉིས་ཀྱི་དབང་། བདེ་མཆོག་བཅུ་གསུམ་མ། ཕག་མོ་ཕྱི་སྒྲུབ་ལྷ་དགུ། ནང་སྒྲུབ་ཞལ་གཉིས་མ། གསང་སྒྲུབ་ཁྲོས་ནག །
བདུད་རྩི་བུམ་པ་རྣམས་ཀྱི་དབང་། ཆོས་སྐྱོང་ཡེ་ཤེས་ཀྱི་མགོན་པོ་ཨ་གྷོ་སྐྲག་མེད། ར་གསང་སྒྲུབ་དམར་ནག་གི་དབང་བཀའ་རྒྱ་མ། ཕྱི་སྒྲུབ་ཐུན་མོང་བ། ཞིང་སྐྱོང་ཀུན་ཏུ་རི་ཀ་དང་། ཨ་པ་ར་ཙིཏྟ་སོགས་ཀྱི་རྗེས་གནང་དང་། མཁྱུད་དཔྱད་དཀར་ནག་ཁྲ་གསུམ་གྱི་ལུང་སོགས་ཐོར་བུ་ཙམ་ལས། གྲུབ་མཐའི་རྐང་འཛིན་པ་དང་ཆོས་བརྒྱུད་སོགས་རྒྱ་ཆེར་མི་སྣང་ངོ་།། ༈ །།ངོམ་ཤོད་ཟངས་རི་མཁར་དམར་གྱི་ཕུག་པར། མ་གཅིག་ལབ་ཀྱི་སྒྲོན་མས་སྐུ་ཚེའི་སྨད་དུ་ཡུན་རིང་བཞུགས་ཤིང་། གདུལ་བྱ་དཔག་ཏུ་མེད་པའི་དོན་མཛད་པ་དང་སྲས་སྙིང་པོ་གྲུབ་པས་གཡེ་ཆུང་གླང་ལུང་དགོན་པ་བཟུང་བ་སོགས་ཕྱོགས་དེར་གཅོད་ཡུལ་གྱི་བསྟན་པ་དར་བ་བྱུང་མོད། དེང་སང་ནི་གདན་ས་དངོས་སུ་ཆོས་བརྒྱུད་འཛིན་པ་དམིགས་བསལ་མེད་ཀྱང་། གདམས་ངག་གི་རྒྱུན་ནི་གྲུབ་མཐའ་ཐམས་ཅད་ལ་ཁྱབ་པར་གྱུར་ཏེ། སྤྱིར་དམ་པས་ཡར་ལུང་སྨ་ར་སེར་པོ་དང་། སྐྱོ་སྟོན་བསོད་ནམས་བླ་མ་ལ་བཤད་པར་ཕོ་གཅོད་དང་། མ་གཅིག་གིས་དམ་པ་དང་སྐྱོ་སྟོན་གཉིས་ཀ་ལས་གསན་ནས་བརྒྱུད་པ་ལ་མོ་གཅོད་ཅེས་གྲགས་པ་ལས། ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ་དང་དབྱེར་མེད་པའི་ཡེ་ཤེས་ཌཱ་ཀི་འདི་ཉིད་ནི་ཡུལ་གཡེལ་བ། གྲོང་འདབ་གྲོང་མ་ཚེ་མོར་མོར་རུས་ཁེའུ་གད་ཀྱི་
རིགས་སུ་འཁྲུངས། གྲྭ་པ་མངོན་ཤེས་དབང་ཕྱུག་འབར་ལས་རབ་ཏུ་བྱུང་། ཤེར་ཕྱིན་ཀློག་པས་སྟོང་ཉིད་ཀྱི་ལྟ་བ་གཤའ་མར་སྐྱེས། ཅེར་གྲོང་ཐོད་པ་འབབ་རེ་བྱ་བ་དང་འདུས་པས་སྲས་ལྕམ་སྲིང་ལྔ་འཁྲུངས། སླར་ཡང་རབ་ཏུ་བྱུང་ནས་དགུ་བཅུ་རྩ་ལྔའི་བར་དུ་གདུལ་བྱ་བསམ་གྱིས་མི་ཁྱབ་པའི་དོན་མཛད་ཅིང་། ཤེར་ཕྱིན་གྱི་གདམས་ངག་ཟབ་མོ་གཅོད་ཡུལ་གྱི་གྲུབ་མཐའ་གངས་ཅན་ཐམས་ཅད་ལ་ཁྱབ་པར་མཛད། ཚོགས་སློབ་ཀྱང་སྲས་རྒྱལ་བ་དོན་གྲུབ་ནས་བརྒྱུད་པ་ལ་སྲས་བརྒྱུད་དང་། ཁུ་སྒོམ་ཆོས་སེང་ནས་སློབ་བརྒྱུད་རྣམས་བྱུང་། ཕྱིས་ཀུན་མཁྱེན་རང་བྱུང་རྡོ་རྗེ་དང་། རྒོད་ཕྲུག་རས་པ་རྒྱལ་ཐང་པ་སོགས་ལམ་འདིའི་བཀའ་བབས་མང་དུ་བྱུང་སྟེ། དེང་སང་ཡང་བཀའ་བརྒྱུད་གཙོ་བོར་གྱུར་པའི་ས་རྙིང་དགེ་ལུགས་སོགས་ཀྱི་གྲུབ་མཐའ་ཐམས་ཅད་ལ་ཁྲོས་ནག་ལྷ་ལྔའི་དབང། ནམ་མཁའ་སྒོ་འབྱེད་ཀྱི་བྱིན་རླབས། ཞག་བདུན་མ་དང་སྟན་ཐོག་གཅིག་མ་སོགས་ཀྱི་ཉམས་ཁྲིད་ཕྱག་བཞེས་དང་བཅས་པ། མ་གཅིག་གི་བཀའ་ཆེམ་སོགས་རྩ་བའི་གཞུང་དང་། གྲུབ་མཐའ་སོ་སོའི་གཅོད་གཞུང་གླེགས་བམ་མང་པོའི་ལུང་སོགས་ཅི་རིགས་པར་མཆིས་སོ། །དེ་ལ་སྡུག་བསྔལ་ཞི་བྱེད་ཅེས་པའི་དོན་ནི། བོད་དུ་བྱོན་པའི་གདམས་པ་ཕལ་མོ་ཆེ་སློབ་མ་མི་དགེ་བ་ལས་
ཟློག་ཏུ་བཅུག་ནས་གཟོད་དེའི་སེམས་རྒྱུད་ཀྱི་ཉོན་མོངས་པར་སྦྱངས་བར་བྱེད་པ་གཙོ་ཆེ་ལ། འདིས་ནི་ཚེ་རབས་སྔ་མའི་ལས་ཀྱི་དབང་གིས་ལུས་དམན་པ་དང་། ནད་གདོན་གྱིས་གཙེས་པ་སོགས་སྡུག་བསྔལ་རྣམས་ལམ་དུ་བསླངས་པས་འཕྲལ་དུ་ཞི་བར་བྱས་ནས་རྣལ་འབྱོར་ལ་སྦྱོར་བཟོད་པའི་ཕྱིར་དེ་སྐད་ཅེས་བྱ་སྟེ། ཤེར་སྙིང་ལས། སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའི་སྔགས། ཅེས་པ་ལ་བརྟེན་ནས་བཏགས་པར་བཞེད་དེ། གཅོད་ཡུལ་ཅེས་པ་ནི། གཅོད་བྱ་ནི། ཐོགས་བཅས། ཐོགས་མེད། དགའ་བྲོད། སྙེམས་བྱེད་དེ་བདུད་བཞིའི་རྒྱུ་འབྲས་སུ་གྱུར་པའི་ཉོན་མོངས་ཐམས་ཅད་སྤང་གཉེན་རེས་འཇོག་མ་ཡིན་པར་ཡུལ་དེ་ཉིད་ཀྱི་རང་ཐོག་ཏུ་གཅོད་པར་བྱེད་པས་དེ་སྐད་ཅེས་བྱ་ཞིང་། ངོ་བོ་ཕ་རོལ་ཏུ་ཕྱིན་པ་ལ་སྔགས་དང་རྗེས་སུ་མཐུན་པའི་སྤྱོད་པས་ཁྱད་པར་དུ་བྱས་པའོ། ༈ །ཡང་དམ་པའི་ཆོས་འདུལ་བའི་ཐོག་མར་བསྟན་པ་ལ་སྔ་འགྱུར་སྨད་འདུལ་གྱི་བརྒྱུད་ནི། ལྷ་བཙན་པོ་ཁྲི་སྲོང་དུས། བྱང་ཆུབ་སེམས་དཔའ་ཆེན་པོ་ཞི་བ་འཚོས། སྦ་རཏྣ་ཡེ་ཤེས་དབང་པོ་སྲུང་བ་སོགས་སད་མི་མི་བདུན་རབ་ཏུ་བྱུང་བས་མཚོན་བསྟན་པའི་སྒྲོན་མེ་དང་པོར་སྦྱར། དར་མས་བསྟན་པ་བསྣུབས་པའི་སྐབས། སྦ་རཏྣའི་མཁན་བུ་འདུལ་བ་འཛིན་པ་དམར་གཡོ་གཙང་
གསུམ་ཁམས་སུ་བྱོན། དེ་རྣམས་ཀྱི་སྤྱན་སྔར་བླ་ཆེན་དགོངས་པ་རབ་གསལ་གྱིས་རབ་ཏུ་བྱུང་ཞིང་འདུལ་བའི་སྡེ་སྣོད་ལ་སྦྱངས། དེ་ལས་ཀླུ་མེས་སོགས་དབུས་གཙང་གི་མི་བཅུས་བཀའ་དྲིན་ཞུས་ཏེ་སོ་སོས་གནས་གཞི་ཡང་བརྩིགས་ཏེ་ཆོས་གྲྭ་ཤིན་ཏུ་མང་བ་བྱུང་། བཀའ་གདམས་པའི་དགེ་བའི་བཤེས་གཉེན་ཆེན་པོ་རྣམས་ཀྱང་སྔ་འགྱུར་གྱི་སྡོམ་རྒྱུན་ལས་བསྙན་པར་རྫོགས། བར་དུ་ལྷ་བླ་མ་ཡེ་ཤེས་འོད་ཀྱིས་རྒྱ་གར་ཤར་ཕྱོགས་ཀྱི་པཎྜི་ཏ་དྷརྨ་པཱ་ལ་སྤྱན་དྲངས་ཏེ། མཁན་བུ་པཱ་ལ་རྣམ་གསུམ་བསྙེན་པར་རྫོགས་ཏེ་སྟོད་མངའ་རིས་ཕྱོགས་སུ་དར་བསྟོད་འདུལ་ཞེས་གྲགས་པ་བྱུང་། །གཞན་ཡང་ལྕེ་བཙུན་གྱིས་ཞྭ་ལུར་ཨ་བྷ་ཡའི་སྡོམ་རྒྱུན་སྤེལ་ནའང་། སྔ་འགྱུར་གྱི་བཤད་རྒྱུན་ནི་ཁ་ཆེ་ལུགས་ཀྱི་བརྒྱུད་པ་དང་འདྲེས་ཤིང་སྡོམ་རྒྱུན་ཀྱང་དེང་སང་གི་བར་དུ་གནས་ལ། རྙིང་མ་དང་དགེ་ལུགས་ཕྱོགས་ལས་ཞིག ཕྱི་མ་གཉིས་ཀྱི་སྲོལ་ནི་ཡུན་མ་བྱུང་ངོ་། །ཕྱིས་མ་བྱོན་པའི་སངས་རྒྱས་གསུམ་པ་ཁ་ཆེའི་པཎྜི་ཏི་ཤཱཀྱ་ཤྲྰི་བོད་དུ་ཕེབས་ནས་འདུལ་བའི་སྡོམ་རྒྱུན་གསར་དུ་བཙུགས་པ་ལས། །ཚོགས་སྡེ་གྲངས་མེད་པ་ཞིག་འཕེལ་བའི་རྩ་བ་ལྟ་བུ་ནི། དགེ་འདུན་སྒང་པ། ཆོས་ལང་པ། ཚལ་མིག་པ། བྱེ་རྫོང་པ་སྡེ་ཚོགས་སྡེ་བཞིར་གྲགས་པ་འདི་ཡིན་ལ། འདི་རྣམས་སུ་སྔར་འདུལ་བའི་
བཤད་པ་ལག་ལེན་གཉིས་ཀ་ཁྱད་པར་ཅན་བྱུང་ནའང་། དེང་སང་ནི་སྤྱི་འགྲེ་ཙམ་ལས་དམིགས་བསལ་གྱི་ཁྱད་ཐོན་ཡོད་པར་མ་མངོན་མོད། འོན་ཀྱང་དགེ་འདུན་སྒང་པ་ལས་ཀར་ལུགས། ཆོས་ལུང་པ་ལས་འབྲུག་ལུགས་ཚལ་མིག་པ་ལས་ངོར་ལུགས་དང་། ས་ལུགས་སྔ་མ་རྣམས་ཀྱིས་མཚོན་སྡོམ་རྒྱུན་མང་དུ་འཕེལ་བས་ཕྱོགས་ཐམས་ཅད་དུ་འདུལ་བའི་བསྟན་པ་ཤིན་ཏུ་དར་ཞིང་རྒྱས་པར་གྱུར་ཏོ། །དེ་ལྟར་ན་གངས་ཀྱི་རི་བོའི་སུལ་ན་སྟོན་པ་བདེ་བར་གཤེགས་པའི་བསྟན་པ་འབའ་ཞིག་གི་དབང་དུ་བྱས་ཏེ། འགྲོ་བ་རྣམས་ཀྱི་ཕན་བདེའི་གཞིར་གྱུར་པའི་དགེ་འདུན་འདུས་པའི་སྡེ་དང་། གདན་རབས་ཀྱི་སྐོར་ཇི་ལྟར་བྱོན་པའི་ཚུལ་སོགས་ཡོངས་སུ་གྲགས་པ་འགའ་ཞིག་གི་མཚན་ཙམ་བརྗོད་ཟིན་ཏེ། སྤྱིར་ཡང་ཇི་སྐད་དུ། ཤེས་རབ་མཆོག་ཡིན་དེའི་གཞི་ནི། །ཐོས་པ་ཡིན་ཕྱིར་ཐོས་པ་གཅེས། །ཅེས་གསུངས་པ་ལྟར་རང་དང་གཞན་གྱི་གྲུབ་པའི་མཐའ་ཡི་གང་ཟག་དང་ཆོས་ཀྱི་ཚུལ་མང་དུ་ཐོས་པར་བྱ་བ་ནི་ཤིན་ཏུ་གལ་ཆེ་སྟེ། གཞན་དུ་རང་རང་གི་ལུགས་སྲོལ་ཙམ་ཁོང་དུ་ཆུད་པར་རློམ་པ་ཁ་ཅིག་ཀྱང་། རང་གི་བླ་མ་བརྒྱུད་པ་དང་། ཆོས་ལུགས་ཙམ་མ་གཏོགས་གཞན་མཁས་པ་དང་གྲུབ་པ་དང་ལུང་རིགས་ཀྱིས་དབེན་ནོ་སྙམ་དུ་སེམས་ཤིང་གཞན་ལའང་གདམས་པས་ཆོས་སྤོང་
བའི་ལས་མི་བཟོད་པ་གསོག་པ་དག་སྣང་བའི་ཕྱིར་རོ། །དེ་བས་ན་བདག་ལེགས་སུ་འདོད་པ་རྣམས་ཀྱིས་སྟོན་པ་ཐུགས་རྗེ་ཅན་གྱི་རྣམ་ཐར་མདོ་སྡེ་རིན་པོ་ཆེ་རྣམས་དང་། དེ་དག་གི་དོན་བསྡུས་པ་བརྒྱ་ཉེར་ལྔ་བྱམས་པ་ཆོས་རྗེས་བསྐལ་བཟང་རྒྱ་མཚོ། པ་དང་། སྐྱེས་རབས་སོ་བཞི་པ་ཁ་སྐོང་རང་བྱུང་ཞབས་སོགས། འགྲེལ་ཆེན་ཡེ་ཤེས་རྒྱལ་མཚན་སོགས། དང་བཅས་པ་དང་། རྟོགས་བརྗོད་དཔག་བསམ་གྱི་འཁྲི་ཤིང་མཆན་སྤང་ལོས་སྟོན་སོགས། དང་དོན་བསྡུ་བའི་རིགས་དང་། འཕགས་པའི་གནས་བརྟན་ཡེ་ཤེས་རྒྱལ་མཚན་སོགས། བཅུ་དྲུག་དང་། གྲུབ་ཆེན་བརྒྱད་ཅུའི་རྟོགས་པ་བརྗོད་པ་སོགས་ལེགས་པར་བལྟ་ཞིང་དད་པ་བསྐྱེད། གྲུབ་མཐའ་སྤྱིའི་ཆོས་འབྱུང་སྐོར་ལ། ཐམས་ཅད་མཁྱེན་པ་ཏཱ་ར་ནཱ་ཐས་མཛད་པའི་རྒྱ་གར་ཆོས་འབྱུང་དང་བཀའ་བབས་བདུན་གྱི་གཏམ་སོགས་རྒྱ་གར་བའི་གཏམ་ཚད་མ་མང་པོ་དང་། གུང་མགོན་པོ་སྐྱབས་ཀྱིས་བྱས་པའི་རྒྱ་ནག་གི་ཆོས་འབྱུང་། བུ་སྟོན་རིན་པོ་ཆེའི་ཆོས་འབྱུང་། ཚལ་པའི་དེབ་དམར། འགོས་ལོའི་དེབ་སྔོན། དཔའ་བོ་གཙུག་ལག་ཕྲེང་བའི་ཆོས་འབྱུང་མཁས་པའི་དགའ་སྟོན། པད་དཀར་གྱི་བསྟན་པའི་པདྨོ་རྒྱས་པའི་ཉིན་བྱེད། ཐུའུ་བཀྭན་པའི་གྲུབ་མཐའ་ཤེལ་གྱི་མེ་ལོང་། རྒྱལ་རབས་གསལ་བའི་མེ་ལོང་དང་། རྫོགས་ལྡན་
གཞོན་ནུའི་དགའ་སྟོན་སོགས། བྱེ་བྲག་སྔར་སྨོས་པའི་སོ་སོའི་རྣམ་ཐར་དང་ལོ་རྒྱུས་རྣམས་ལ་བློ་གྲོས་ཀྱི་མིག་བསྒྲུབས་ཏེ་རང་གི་ལུགས་སྲོལ་མ་ཉམས་པར་བཟུང་བའི་སྟེང་། གྲུབ་མཐའ་གཞན་ལའང་སྡང་ཞེན་གྱིས་སྨོད་པ་སོགས་སྤངས་ཏེ། དད་པའི་པདྨོ་མཆོག་ཏུ་རྒྱས་པར་བྱའོ། །ཐོས་པས་ཡིད་ཀྱི་གདུང་སེལ་ཞིང་། །ཕན་བདེའི་ཆུ་གཏེར་འཕེལ་བྱེད་པ། །དམ་པའི་རྣམ་ཐར་ཟླ་ཤེལ་གྱིས། །འཇིག་རྟེན་གསུམ་པོ་སྣང་གྱུར་ཅིག །གངས་ཅན་གྱི་ལྗོངས་སུ་བྱོན་པའི་གདན་རབས་སོགས་ཅུང་ཟད་བཤད་པའི་བརྗེད་བྱང་གི་ལེའུ་ཚན་ནོ།། །།ཤུབྷམ་སྐུ་སརྦ་ཛཱ་ག་ཏཱཾ།། །