ངོར་ཨེ་ཝཾ་པའི་དཔོན་སློབ་རྡོ་རྗེ་འཛིན་པ་ངག་དབང་ལེགས་གྲུབ་དཔལ་བཟང་པོར་བརྡ་སྤྲོད་ཀུན་བཤད་ཀྱི་མཚན་འབུལ་ཞབས་བརྟན་སྨོན་ཚིག་དང་བཅས་པ་འཆི་མེད་བདུད་རྩིའི་སྒྲ་དབྱངས།
༈ ངོར་ཨེ་ཝཾ་པའི་དཔོན་སློབ་རྡོ་རྗེ་འཛིན་པ་ངག་དབང་ལེགས་གྲུབ་དཔལ་བཟང་པོར་བརྡ་སྤྲོད་ཀུན་བཤད་ཀྱི་མཚན་འབུལ་ཞབས་བརྟན་སྨོན་ཚིག་དང་བཅས་པ་འཆི་མེད་བདུད་རྩིའི་སྒྲ་དབྱངས་ཞེས་བྱ་བ་བཞུགས་
སོ། །སྡེབ་སྦྱོར་མཉམ་པའི་བྲྀཏྟཱ་ཡི་གེ་བཅུ་གཅིག་པ་གསུམ་བརྟན་ལ་སྤྱིར་རྣམ་གྲངས། ༢༠༤༨ མཆིས་པ་ལས། བྱེ་བྲག་ཨུདྷིཥྛ། ༢༥༨ ཀྱི་མཚམས་ནས་ཟིན་པ་ཨུ་པེན་བཛྲ་ཞེས་བྱ་བའི་པྲསྣ་རས་མཛེས་པར་བྱས་པ་ཛ་ཡནྟུ། །སུསཱིཙྪསིཙྩཕྱིསཾནྟཾ སཱིའི༽ རྣམཛེསྦོམུཉྩིབིདཾབདོདཱ། ཨམཱརནཱཐསུཀརུཎྱཙནྡྲི རམཱརནིཧཱུྃཏྠཔདེཧིཏུདྡྷཾ། འཆི་མེད་གྲུབ་པའི་བདུད་རྩིའི་བཅུད་ལེན་གྱིས། །འཆི་མེད་ཚེ་དང་ཡེ་ཤེས་མཆོག་སྦྱིན་པ། །འཆི་མེད་མགོན་པོའི་ཐུགས་རྗེའི་ཟླ་ཤེལ་གྱིས། །འཆི་མེད་རྟག་པའི་དགའ་སྟོན་ཁྱེད་ལ་སྩོལ། ༡ །ཚàརྒྱའjདིཔོརཉྙོ ཙེབ་དྲིལཝིཏ། ༈ ཕྱི་མོ་མཉམ་པ་ཛཱ་ཏིའི་སྡེབ་སྦྱོར་ལས་འཕགས་མའི་དབྱངས་ཞེས་བྱ་བའི་ཕྲ་སྣ་རའོ། །ནཱཾནནུསྶ པཱདཱིཙིཏྟིཡབ་ཤ་བོཛཡ ཤུ རྙིབ་འཇམ་དབྱངས་སྨྲ་བའི་ཉི་མའི་བྱིན་རླབས་ཀྱིས། །བློ་གྲོས་ཨུཏྤལ་མཆོག་ཏུ་རྒྱས་པ་ལས། །ཚངས་སྲས་དགྱེས་པའི་ལང་ཚོ་དར་བབས་པ། །སྲིད་ཞིའི་ཕྱོགས་ལས་རྣམ་པར་རྒྱལ་གྱུར་ཅིག ༢ །སྒྲིབ་གསུམ་ཆ་དང་བཅས་ལས་རྣམ་གྲོལ་བ། །ཤིན་ཏུ་ཞི་བ་དམ་པའི་ཡེ་ཤེས་ནི། །རྨད་བྱུང་གཟུགས་སྐུའི་སྣང་བ་རབ་འབར་བའི། །ཞབས་པད་བསྐལ་པ་རྒྱ་མཚོར་སྐུ འཚོ་གཞེས་གསོལ། ༣ །ལུང་དང་རིག་པས་དག་པའི་མཁྱེན་དཔྱོད་ཀྱིས། །ཟབ་རྒྱས་ཆོས་ཕུང་རྒྱ་མཚོར་དབང་བསྒྱུར་ནས། །འཆད་རྩོད་རྩོམ་ལ་འཇིགས་པ་མེད་པའི་དབྱངས། །སྲིད་པ་གསུམ་ན་ཀུན་༼འདིའི་ནང་རི་མོ་ཡོད།༽
ཏུ་སྙན་གྱུར་ཅིག ༤ །ཤེས་དང་ཤེས་བྱ་གཉིས་སུ་མི་ཕྱེད་པའི། །ཡེ་ཤེས་གཟིགས་པ་དམ་པས་སྐྱེ་འགག་དང་། །མཚན་མའི་སྤྲོས་པ་མཐའ་དག་བརྟུལ་བྱས་ཏེ། །འཆི་མེད་རྟག་པའི་བདེན་པ་མངོན་གྱུར་མཛོད། ༥ །བྲལ་སྨིན་ཡོན་ཏན་ནོར་བུའི་ཟ་མ་ཏོག །སྲས་བཅས་རྒྱལ་བ་དགྱེས་པའི་དགེ་མཚན་ཅན། །ཕན་བདེའི་འདོད་དགུ་ལྷུག་པར་འབེབས་པའི་དཔྱིད། །ངེས་པར་ཞིང་ཁམས་འདི་ལས་ཡོལ་མེད་ཤོག ༦ །མདོར་ན་བསླབ་དང་གྲོལ་བའི་བརྟུལ་ཞུགས་ཀྱིས། །མཁས་གྲུབ་རྒྱ་མཚོའི་གཙུག་ཏུ་ངལ་འཚོ་བའི། །ཕྲིན་ལས་སྣང་བ་དམ་པས་འཇིག་རྟེན་ན། །ཀུན་དགའི་དགའ་སྟོན་རྟག་ཏུ་སྦྱིན་གྱུར་ཅིག ༧ །ཅེས་རྗེ་བཙུན་བླ་མ་དམ་པ་སུམ་ལྡན་རྡོ་རྗེ་འཛིན་པ་ཆེན་པོ་ངག་དབང་ལེགས་གྲུབ་སྙན་བརྒྱུད་བསྟན་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས། སྒྲ་སྙན་སྡེབ་སྦྱོར་སོགས་ཐ་སྙད་རིག་པའི་གནས་ལ་གསན་བསམ་མཐར་ཕྱིན་པར་གྲུབ་ནས་ལེགས་བཤད་ཀྱི་དགའ་སྟོན་ཁྱད་པར་ཅན་སྩོལ་བའི་སྐབས། འཇམ་དབྱངས་སྨྲ་བའི་ཉི་མ་ཚངས་སྲས་དགྱེས་པའི་ལང་ཚོ་ཞེས་མཚན་འབུལ་ཞབས་བརྟན་སྨོན་ཚིག་དང་འབྲེལ་བ་འདིའང་། ཟེ་ཆེན་མ་ཧཱ་པཎྜི་ཏ་འཇམ་དབྱངས་དགྱེས་པའི་བློ་གྲོས་དང་། ངེས་པར་ཐམས་ཅད་མཁྱེན་པ་གུ་ཎ་སཱ་ག་རའི་བཀའ་དྲིན་ལས་བརྡ་སྤྲོད་རིག་པའི་མིང་རྐྱང་ཙམ་ཞིག་ཐོས་པ་
ཤཱཀྱའི་དགེ་སློང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོའམ། ཚངས་སྲས་དགྱེས་པའི་བློ་ལྡན་གདོང་དྲུག་དགའ་བའི་ལང་ཚོ་ཞེས་ཀྱང་བགྱི་བས་ཆེད་དུ་བརྗོད་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། །།