རྡོ་རྗེ་གཡུ་སྒྲོན་མའི་སྐོང་གསོ་ཉེར་བསྡུ་ནི།
རྡོ་རྗེ་གཡུ་སྒྲོན་མའི་སྐོང་གསོ་ཉེར་བསྡུ་ནི། རང་ཉིད་པདྨ་འབྱུང་གནས་སུ་གསལ་ལ། ཀྱེ་མདུན་དུ་གངས་རི་སྐྱེད་མོས་ཚལ། །དབུས་ན་རིན་ཆེན་ཁང་བཟང་ཆེ། །དེ་ནང་རིན་ཆེན་ཁྲི་སྟེངས་སུ། །རྡོ་རྗེ་གཡུ་སྒྲོན་དཀར་གསལ་ནི། །དར་དཀར་ན་བཟའ་གསེར་གཡུས་བརྒྱན། །ཕྱག་གཡས་ཡིད་བཞིན་ནོར་བུ་དབང༌། །གཡོན་པ་དངུལ་དཀར་མེ་ལོང་འཛིན། །དར་ཐོད་རིན་ཆེན་རྒྱན་ཕྲེང་ཅན། །འཛུམ་བཅས་ཕྱེད་ཀྲུང་འོད་ཟེར་འཕྲོ། །ཕྱོགས་བཞིར་མཆེད་བཞི་གཙོ་མོ་འདྲ། །ཀུན་ཀྱང་བཅུ་དྲུག་ན་ཚོད་ལ། །སྒེག་མཛེས་དགྱེས་པའི་ཚུལ་དུ་བསྒོམ། །སྙིང་གའི་འོད་ཟེར་རབ་འཕྲོས་པས། །གནམ་སྨན་གངས་རི་ལྷ་ཡི་གནས། །སྤྲིན་དཀར་དག་བའི་ཕོ་བྲང་ནས། །ཡེ་ཤེས་སེམས་དཔལ་སྤྱན་དྲངས་བསྟིམ། །དེ་ནས་སྤྱན་འདྲེན་པ་ནི། །ཧཱུྃ་རིག་འཛིན་པདྨ་ཐོད་ཕྲེང་གི །བཀའ་ཉན་ཆད་ཐོ་ལ་གནས་པའི། །སྨན་བཙུན་རྡོ་རྗེ་གཡུ་སྒྲོན་མ། །སྤྱན་འདྲེན་གནས་འདིར་ད་ཚུར་བྱོན། །བཛྲ་ས་མ་ཡ་ཛཿ མཆོད་པ་འབུལ་བ་ནི། ཧཱུྃ ཏིང་འཛིན་སྔགས་དང་ཕྱག་རྒྱ་ཡིས། །སྣང་སྲིད་སྣོད་བཅུད་མ་ལུས་པའི། །མཁོ་དགུའི་འབྱོར་ཚོགས་ཇི་སྙེད་ཀུན། །ཡེ་ཤེས་བདུད་རྩིར་འཆར་
བས་བསྐང༌། །བདག་ཅག་དཔོན་སློབ་ཡོན་མཆོད་ཀྱི། །འགལ་འཁྲུལ་ནོངས་པ་དབྱིངས་སུ་བསྐང༌། །མཐུན་རྐྱེན་ཚེ་དཔལ་ནུས་སྟོབས་བསྐྱེད། །བདེ་སྟོང་རང་བྱུང་མངོན་མྱུར་སྩོལ། །ཨོཾ་བཛྲ་པྲ་མོ་ཧ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་ལྔའམ་བདུན་གྱིས་གཏོར་མ་བསྔོ། །བསྟོད་པ་དང་ཕྲིན་ལས་བཅོལ་བ་ནི། ཧཱུྃ རྡོ་རྗེ་གཡུ་སྒྲོན་ཤིན་ཏུ་མཛེས་པའི་སྐུ། །དཀར་གསལ་གངས་རིའི་ངོས་ལ་ཉི་ཤར་འདྲ། །སྒྲུབ་པ་པོ་ལ་དངོས་གྲུབ་མཆོག་སྩོལ་བའི། །མཆེད་ལྔ་འཁོར་དང་བཅས་ལ་ཕྱག་འཚལ་བསྟོད། །སྔོན་ཚེ་སློབ་དཔོན་པདྨའི་སྤྱན་སྔ་རུ། །ཇི་ལྟར་ཞལ་བཞེས་ཐུགས་དམ་དྲན་མཛོད་ལ། །རྣལ་འབྱོར་བདག་ལ་དགྱེས་པའི་ཞལ་བཟང་སྟོན། །བཅོལ་བའི་ཕྲིན་ལས་མྱུར་དུ་འགྲུབ་པར་མཛོད། །མཁྱེན་བརྩེའི་ལྷས་སོ།། །།