བདེ་གཤེགས་སྙིང་པོའི་ཆོས་ཉིད།
― JLAZ008_Page_0727 ―
[མ་དཔེ་གཟིགས་ན་འདིར་གནོན།]
བདེ་གཤེགས་སྙིང་པོའི་ཆོས་ཉིད་ནི། རང་བཞིན་རྫོགས་པ་ཆེན་པོའི་ཞལ། །ཚོགས་བརྒྱད་གློ་བུར་དྲི་མའི་དངོས། །བསལ་མཛད་རིག་འཛིན་འཇིགས་མེད་གླིང༌། །དེ་ཕྱིར་སྙིང་གི་ཟེའུ་འབྲུ་རུ། །དྲན་པའི་ངོ་བོར་བླ་མ་ཞུགས། །ཉིན་མཚན་སྐད་ཅིག་ཐང་ཅིག་ཀྱང༌། །བརྗེད་པ་མེད་པར་གསོལ་བ་འདེབས། །བསྐལ་པ་རྒྱ་མཚོར་ཞབས་བརྟན་ཅིང༌། །མོས་གུས་གོམས་པའི་རྒྱུ་འབྲས་ཀྱིས། །འདི་ཕྱི་བར་དོ་ཐམས་ཅད་དུ། །བླ་མའི་སྣང་བ་མི་འབྲལ་བ། །བར་གཅོད་རྐྱེན་གྱིས་མི་བརྫི་ཞིང༌། །བློ་འདས་དྲན་པའི་ངོ་བོ་རུ། །ས་ལམ་ཡོན་ཏན་ཡོངས་རྫོགས་ནས། །ཐུགས་ཡིད་གཅིག་ཏུ་འདྲེས་པར་ཤོག །ཅེས་པའང་བསམ་གླིང་སློབ་དཔོན་དཔོན་སློབ་གསུམ་གྱི་ངོར་སྨྲས་པའོ།། །།