ཤོག་ལྷེབ་ ༥༠༡ ནས་ ༦༠༠ བར།
བཅོམ་ལྡན་འདས་ཞེས་བྱ་བ་ལ་སོགས་པ་ལ། རྡོ་རྗེ་འཆང་ཆེན་པོ་ནི་སྒྲུབ་པ་པོའོ། །དེ་རྣམས་ཀྱི་དམ་ཚིག་ཆེན་པོའི་རྡོ་རྗེ་ནི་མི་ཕྱེད་པའི་དམ་ཚིག་གོ །དེ་སྟོན་པར་མཁྱེན་པས་ན་དམ་ཚིག་ཆེན་པོའི་རྡོ་རྗེ་མངོན་པར་མཁྱེན་པ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། ཞེས་པ་སྟེ་སྒྲ་ཇི་བཞིན་པའོ། ༈ །བསྐྱེད་པའི་རིམ་པས་ས་བོན་རྣམ་པར་དགོད་པ་སྔོན་དུ་འགྲོ་བས། མངོན་པར་ཤེས་པ་ལྔ་བསྒྲུབ་པ་ཉེ་བར་བསྟན་ནས། རྫོགས་པའི་རིམ་པའི་མངོན་ཤེས་སྒྲུབ་པ་བསྟན་པར་བྱ་བའི་ཕྱིར། རྡོ་རྗེ་ཆེན་པོ་ཞེས་བྱ་བ་ལ་སོགས་པ་གསུངས་ཏེ། རྩེ་ལྔ་པ་ནི་དབང་པོ་རྣམ་པ་ལྔ་སྟེ། རྩེ་ལྔ་པའི་མདུང་ལྟར་ཡུལ་རྣམས་ལ་འབིགས་པའི་ཕྱིར་རོ། །དབང་པོ་ཡུལ་ལ་འཇུག་པ་དེ་ཉིད་ནི་རྡོ་རྗེ་ཆེན་པོ་སྟེ་མི་ཤིགས་པ་སྟེ་མི་བཟློག་པར་འབྱུང་བའི་ཕྱིར་རོ། །འབར་བ་ལྔ་ནི་རྣམ་པར་ལྡང་བ་སྟེ་རྒྱུ་བ་ལ་སོགས་པ་འོད་ཟེར་རྣམ་པ་ལྔ་སྟེ་དབང་པོའི་སྒོ་ནས་རྒྱུ་བའི་ཡན་ལག་གི་རླུང་ལྔའོ། །ལྔ་པོ་དེ་རྣམས་ཀྱིས་བརྒྱན་ཞིང་སྟེ་སྤུད་པ་ནི་རླུང་དེ་རྣམས་ཕྱིར་སྤྲོ་བ་དང་ནང་དུ་བསྡུ་བས་རང་ལ་ཞོན་པའི་རྣམ་ཤེས་ཡུལ་ལ་ཕར་འཇུག་པ་དང༌། ནང་དུ་ལྡོག་པ་སྐྱེད་པའོ། །གནས་ལྔ་ནི་གཟུགས་དང་སྒྲ་ལ་སོགས་པཡུལ་ལྔའོ། །ཡུལ་ལྔ་པོ་དེ་རུ་རབ་ཏུ་སྦྱོར་ཞིང་ཏེ་རབ་ཏུ་འབྱུང་བ་དང་། དེ་ནས་ལྡོག་པ་ལ་རྡོ་རྗེ་བཟླས་པ་བྱས་པས་རྡོ་རྗེ་མངོན་ཤེས་ཞེས་པའི་རྡོ་རྗེ་ནི་རྡོ་རྗེ་འཆང་ཆེན་པོ་ཡིན་ཏེ། དེའི་མངོན་ཤེས་
དང་འདྲ་བར་འགྱུར་བའོ། །མེ་སྟག་མང་པོ་འཁྲུག་པ་ཡི་ཞེས་པ་ནི་ཡན་ལག་གི་རླུང་ལྔ་རེ་རེ་ཡང་འོད་ཟེར་ལྔ་ལྔ་འཕྲོ་བ་ཡི་བདག་ཉིད་ཅན་ནོ། །ཡན་ལག་གི་རླུང་ལྔ་རང་གི་ཁ་དོག་ནི། རྒྱུ་བའི་རླུང་དམར། རྣམ་པར་རྒྱུ་བ་སྔོ། ཡང་དག་པར་རྒྱུ་བ་སེར། རབ་ཏུ་རྒྱུ་བ་དཀར། ངེས་པར་རྒྱུ་བ་ལྗང་ཞེས་རྗེ་རིན་པོ་ཆེ་འགོས་གསུང་ངོ༌། །རང་སྔགས་ནི་རང་གིས་ངང་གིས་སྔགས་ཟློ་བ་ནང་དུ་འཇུག་པ་དང་ལ་སོགས་པས་ནང་དུ་གནས་པ་དང་། ཕྱིར་ལྡང་བའི་རང་བཞིན་ཅན་གྱི་གདངས་ཡི་གེ་གསུམ་གྱི་གདངས་སུ་བཟློ་བའོ་མོ་། །དེ་རྒྱུན་མི་འཆད་པར་ཟོ་ཆུན་གྱི་འཁྲུལ་འཁོར་དང་འདྲ་བར་ཉིན་དང་མཚན་དུ་རབ་ཏུ་བསྐོར་བས་ན་འཁོར་ལོཏེ། དེ་བསྒོམས་པར་བྱའོ། །རྡོ་རྗེ་ལྔ་ནི་ཡན་ལག་གི་རླུང་གི་ཁ་དོག་ལྔ་སྟེ། རླུང་དེ་རྣམས་ཀྱི་སྦྱོར་བསྟེ་སྟོབས་ཀྱིས་དྲངས་པའི་རྡོར་བཟླས་བྱས་པས་རྡོ་རྗེ་མངོན་ཤེས་དང་འདྲ་བར་འགྱུར་རོ། ༈ །དེ་འདྲ་བའི་རྡོར་བཟླས་དེ་རྟེན་ཇི་ལྟ་བུ་ཞིག་གིས་བྱེད་པའི་རྟེན་སྟོན་པ་ནི་རྡོ་རྗེ་ནམ་མཁའ་ནི་འོད་གསལ་ལས་བཞེངས་པའི་རང་གི་ཕྱག་རྒྱ་ཆེན་པོའི་གཟུགས་ཡེ་ཤེས་སྐུའོ་སོ་། །སྐུ་དེའི་དཀྱིལ་དུ་ཆུད་པ་ནི་དེར་གནས་པའི་སྟེ། ༢ འཁོར་ལོ་སྟེ། དེ་ནི་དེའི་མིག་ལ་སོགས་པའི་དབང་པོའི་ཙཀྲ་ཞེས་པ་ཚོགས་ལའང་འཇུག་གོ །ཚོགས་སོ། །སངས་རྒྱས་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་སྐུའི་ཁ་དོག་གིས་ཉེ་བར་མཚོན་པའི་འབར་བའི་འོད་ནི་དཀར་པོ་ལ་སོགས་པའི་འོད་ཟེར་ཏེ། འོད་ལྔ་པོ་དེ་རྣམས་དང་། འདྲ་ཞིང་བ་ནི་དེ་དང་མཉམ་
པའི་ཁ་དོག་ཅན་གྱི་རླུང་མིག་ལ་སོགས་པའི་སྒོ་ནས་རྒྱུ་བ་བསམ་ཞིང་ཤེས་པར་བྱས་ནས་བའོ་། །སངས་རྒྱས་ནི་གཟུགས་ལ་སོགས་པའི་ཡུལ་རྣམས་སོ། །ཡུལ་དེ་རྣམས་ལ་རླུང་ལྔ་འཇུག་པར་སྒོམ་པ་ནི་རླུང་སྔགས་མཉམ་པར་སྦྱོར་བས་བྱའོ་སོ་། །དེ་རྣམས་ཀྱི་དོན་ནི། ཟུང་འཇུག་ཤིན་ཏུ་ཕྲ་བའི་ལོངས་སྐུས་རགས་པའི་སྤྲུལ་སྐུའི་ལུས་བཟུང་ནས། དབང་པོ་ལྔའི་སྒོ་ནས་འཇུག་པའི་རླུང་ལྔ་ཕྱིར་འཕྲོ་བ་ན། ཡུལ་ལྔ་ཐམས་ཅད་གསལ་བར་བྱས་པར་བསམས་ནས། རླུང་ལྡང་འཇུག་གནས་གསུམ་གྱི་རྡོར་བཟླས་བྱས་པས་མངོན་ཤེས་ལྔ་འགྲུབ་པར་བསྟན་ན། །འདི་ལ་བླ་མ་གོང་མ་རྣམས་ཟུང་འཇུག་པའི་དང་པོ་སྦྱོར་བ་དང༌། དཀྱིལ་འཁོར་རྒྱལ་མཆོག་གཉིས་བྱས་པའི་རྗེས་ལས་རྒྱལ་མཆོག་གི་ཆེ་འདི་བྱ་བར་བཞེད་དོ། །སངས་རྒྱས་ནི་འདིར་མི་སློབ་པའི་ཟུང་འཇུག་གི་ཕུང་པོ་ལྔའོ། །ཕུང་པོ་ལྔ་པོ་དེ་རྣམས་ཀྱི་གནས་ནི་མི་སློབ་པའི་ཡེ་ཤེས་ཀྱི་སྐུ་རྡོ་རྗེ་འཆང་ཆེན་པོ་སྟེ། དེ་དང་འདྲ་བར་འགྱུར་བ་ནི་ཕན་ཡོན་སྟོན་པའོ། །རྫོགས་རིམ་པས་སྣ་ལྕེ་ལུས་གསུམ་ལ་མངོན་ཤེས་སྒྲུབ་པ་ནི། རླུང་གི་སྟོབས་ཀྱིས་སྒྲུབ་པ་ཡིན་ཏེ། སྔོན་དུ་རླུང་ལ་དབང་ཐོབ་པས། སྣ་ལྕེ་ལུས་གསུམ་གྱི་རྣམ་ཤེས་ཀྱི་བཞོན་པར་གྱུར་པའི་རླུང་གསུམ། དབང་པོ་དེ་གསུམ་དང་ཡུལ་གཉིས་ཀྱི་བར་དུ་ཆད་པའི་ཕྱི་རོལ་གྱི་ཡུལ་རྣམས་ལའང་ཞུགས་པར་བསྒོམས་པ་ན། རླུང་གི་མཐུས་དྲངས་ཏེ་རྣམ་ཤེས་ཡུལ་དེ་རྣམས་ལ་འཇུག་པར་ནུས་པའི་ཐབས་མཁས་ཆེན་པོས་སྒྲུབ་པ་ཡིན་པས། མངོན་པ་བ་སོགས་དང་མེ་འདྲ་བའི་རྒྱུ་མཚན་དེ་ལྟར་རོ། །
༈ རྫོགས་པའི་རིམ་པའི་ཏིང་ངེ་འཛིན་གཞན་དག་སྟེ། འོད་གསལ་དུ་འཇུག་པའི་ཐབས་ཉེ་བར་བསྟན་པར་བྱ་བའི་ཕྱིར། སངས་རྒྱས་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། བུད་ངྷའི་དོན་ནི་རྟོགས་པའི་ཕྱིར་ན་སངས་རྒྱས་ཏེ་དེ་ལ་ཡང་གཉིས་ལས། འདིས་རྟོགས་པ་མིན་གྱི་འདི་རྟོགས་པའོ། །གང་ཞིག་རྟོགས་ཞེ་ན། ཤེས་བྱའི་དཀྱིལ་འཁོར་རོ། །བདག་གི་ལུས་ནི་ཁམས་གསུམ་པའི་ལུས་སུ་ལྷག་པར་མོས་པའོ། །སྣང་མཛད་བཞག་ཅེས་བྱ་བ་ནི་རྣམ་པར་སྣང་མཛད་དུ་བརྟག་པའོ། །སྙིང་གར་ཡི་གེ་ༀ་བསམས་ལ། ཞེས་བྱ་བ་ནི། ཁམས་གསུམ་པའི་ལུས་ཀྱི་ངོ་བོ་ཉིད་དུ་བསམས་པའི་ཀྱི་སྐུ་རྡོ་རྗེའི་ཐུགས་ཀར་ཡི་གེ་ༀ་ཞེས་བྱ་བ་ཡེ་ཤེས་སེམས་དཔའ་བསམས་ལ་སྔགས་ལ་ཞེས་བྱ་བ། ཡེ་ཤེས་སེམས་དཔའ་ལ་རྣམ་པར་ཤེས་པ་བསྒོམ་པ་ནི་ཐིག་ལེའི་བདག་ཉིད་ཅན་གྱི་ཏིང་ངེ་འཛིན་གྱི་སེམས་དཔའ་བསྒོམ་པར་བྱའོ། །དེ་ལྟར་སློབ་པར་བྱེད་པའི་རྣལ་འབྱོར་བས་སེམས་འགོག་པའི་རྡོ་རྗེའི་དབུས་སུ་ཆུད་པས་ཐིག་ལེར་སྒོམ་པ་ཡང་སྤངས་ནས། གང་གི་ཚེ་འོད་གསལ་པའི་མཐར་ཐུག་པར་གྱུར་པ་དེའི་ཚེ། རྣལ་འབྱོར་པ་དེ་སངས་རྒྱས་ཀུན་གྱི་མཆོག་རྡོ་རྗེ་འཛིན་པ་ཆེན་པོ་དེ་སྒྲུབ་པར་བྱེད་པས་ན་སངས་རྒྱས་ཐམས་ཅད་ཀྱི་མཆོག་སྒྲུབ་པར་འགྱུར་ཞིང༌། བསམ་པ་ཐམས་ཅད་ཡོངས་སུ་རྫོགས་པར་བྱེད་པས་ཡིད་བཞིན་གྱི་ནོར་བུ་དང་འདྲ་ལ། ཚོགས་གཉིས་དང་
ཉེ་བར་ལྡནཔས་དཔལ་ལྡན་ཏེ་དེ་ལྟ་བུར་འགྱུར་པའོ། །དེ་བཞིན་དུ་རང་གི་སེམས་ཁམས་གསུམ་པའི་སེམས་ཀྱི་ངོ་བོ་ཉིད་མི་བསྐྱོད་པར་བསྒོམ་པར་བྱའོ། །དེ་ནས་ཁམས་གསུམ་པའི་སེམས་ཀྱི་ངོ་བོ་ཉིད་དུ་བསམས་པའི་དམ་ཚིག་སེམས་དཔའི་སྙིང་གར་ཡི་གེ་ཧཱུཾ་ཡེ་ཤེས་སེམས་དཔའ་བསྒོམས་ནས། སེམས་ནི་ཐིག་ལེར་གྱུར་པར་བཞག་ཅེས་བྱ་བ། དམ་ཚིག་སེམས་དཔའི་སྙིང་གར་གནས་པའི་ཡེ་ཤེས་སེམས་དཔའ་ཞེས་གྲགས་པ་ལ། རང་གི་སེམས་ཐིག་ལེར་གྱུར་པ་ཏིང་ངེ་འཛིན་གྱི་སེམས་དཔའི་གཟུགས་ཅན་བཞག་གོ །རང་གི་གསུང་རྡོ་རྗེ་ཡང་སྔ་མ་བཞིན་དུ་ཁམས་གསུམ་པའི་རང་གི་ངོ་བོ་ཉིད་དུ་བསམས་ལ། དེ་ཚེ་དཔག་ཏུ་མེད་པར་རབ་ཏུ་བསྒོམས་ནས། དམ་ཚིག་སེམས་དཔའི་སྙིང་གར་ཡི་གེ་ཨཱཿ ཡེ་ཤེས་སེམས་དཔའ་བསམས་ཏེ། རྡོ་རྗེ་ཞེས་པ་རང་གི་སེམས་ཏིང་ངེ་འཛིན་སེམས་དཔར་གཏོགས་པ་གཞག་ཅིང་དགོད་པར་བྱའོ། །དེ་རྣམས་ཀྱི་དོན་བསྡུ་ན། ཤེས་བྱའི་དཀྱིལ་འཁོར་ནི་ཁམས་གསུམ་པའི་ལུས་ངག་ཡིད་གསུམ་མོ། །དེའི་དབུས་ནི་དེ་རྣམས་ཀྱི་ངོ་བོ་ཉིད་དོ། །དེར་གནས་པ་ནི་རང་གི་ལུས་ངག་ཡིད་གསུམ་གྱི་ངོ་བོར་མོས་པའོ། །སྣང་མཛད་བཞག་པ་དང༌། མི་བསྐྱོད་པ་དང་ཚེ་དཔག་མེད་སྒོམ་པ་ནི། ལུས་གཉིས་དབྱེར་མེད་དུ་བྱས་པ་རྣམ་སྣང་དང༌། སེམས་གཉིས་དབྱེར་མེད་དུ་བྱས་བ་མི་བསྐྱོད་པ་དང༌། ངག་གཉིས་དབྱེར་མེད་དུ་བྱས་པ་འོད་དཔག་ཏུ་མེད་པར་བསྒོམས་པའོ། །དེ་ལྟར་དམ་ཚིག་སེམས་དཔའ་གསུམ་བསྒོམས་པའི་སྙིང་གར་ༀ་དང་ཨཱཿ དང་ཧཱུཾ་གསུམ་བསྒོམ་པ་ནི་ཡེ་ཤེས་
སེམས་དཔའོ། །སྔགས་ཏེ་ༀ་ལ་རྣམ་པར་ཤེས་པ་སྟེ་ཏིང་ངེ་འཛིན་སེམས་དཔའ་ཐིག་ལེ་དང༌། ཧཱུཾ་ལ་ཏིང་ངེ་འཛིན་སེམས་དཔའ་རང་གི་སེམས་ཐིག་ལེར་གྱུར་པ་དང༌། ཨཱཿ ལ་ཏིང་ངེ་འཛིན་སེམས་དཔའ་རྡོ་རྗེ་སྟེ་རང་གི་སེམས་ཐིག་ལེར་གྱུར་པ་བཞག་གོ །དེ་ལྟར་སྒོམ་པའི་རྣལ་འབྱོར་བ་རང་གི་སེམས་འགོག་པའི་རྡོ་རྗེ་འོད་གསལ་གྱི་དབུས་སུ་ཆུད་པས། ཐིག་ལེར་སྒོམ་པ་ཡང་སྤངས་ནས་བསྒོམས་པས། འོད་གསལ་གྱི་མཐར་ཐུག་པར་སྟེ། བདེ་ཆེན་གྱི་དེ་ཁོ་ན་ཉིད་མངོན་སུམ་དུ་རྟོགས་པ་སྐྱེ་བར་འགྱུར་རོ། ༈ །འདི་ནི་ཞེས་བྱ་བ་ལ་སོགས་པས་ནི་བཤད་མ་ཐག་པའི་དམ་ཚིག་གསུམ་གྱི་ཕན་ཡོན་ཉེ་བར་སྡུད་པ་ཡིན་ཏེ། དམ་ཚིག་མཆོག་ནི་བསྐྱེད་པའི་རིམ་པ་བསྒོམ་པའོ། །དེའི་མཆོག་ཡིན་པས་ན་དམ་ཚིག་གི་མཆོག་གི་མཆོག་གོ །རྡོ་རྗེ་གསུམ་ནི་སེམས་ཅན་ཐམས་ཅད་ཀྱི་ལུས་དང་ངག་དང་ཡིད་དོ། །དེས་རང་གི་ལུས་དང་ངག་དང་ཡིད་རྡོ་རྗེ་དང་མི་ཕྱེད་པ་ཉིད་དུ་བསྒོམ་པ་ནི་རྡོ་རྗེ་མི་ཕྱེད་གསུམ་བསྒོམ་པའོ། །འགོག་པའི་དམ་ཚིག་ནི་སྦྱོར་བ་ཡན་ལག་དྲུག་གི་ནང་ནས་འཛིན་པའི་ཡན་ལག་འོད་གསལ་ལོ་འོ་། །གང་གིས་ཤེས་པ་དེ་ནི་འགོག་པའི་དམ་ཚིག་ཡེ་ཤེས་སོ། །སངས་རྒྱས་ནི་གཟུགས་ལ་སོགས་པའི་ཕུང་པོ་རྣམས་སོ། །དེ་རྣམས་ཀྱི་དངོས་གྲུབ་ནི་ཐ་མལ་པའི་ལུས་དང་བྲལ་ནས། ཟབ་ཅིང་རྒྱ་ཆེ་བའི་བདག་ཉིད་ཅན་གྱི་ཡེ་ཤེས་ཀྱི་ལུས་ཡོངས་སུ་ལེན་པ་སྟེ། དེ་འཐོབ་ཅིང་རྙེད་པར་འགྱུར་བས་ན་སངས་རྒྱས་དངོས་གྲུབ་ཐོབ་འགྱུར་པའོ། ༈ །སྐུ་གསུང་ཐུགས་ཀྱི་རྡོ་རྗེ་གསུམ་གྱི་སེམས་དཔའ་སུམ་བརྩེགས་བསྒོམས་ནས་འོད་གསལ་དུ་འཇུག་པའི་དོན་འདི་ཉིད་ཚིག་གི་རྣམ་པ་གཞན་གྱིས་
གསལ་བར་བྱ་བའི་ཕྱིར། རྡོ་རྗེ་ནམ་མཁའ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ནམ་མཁའ་ནི་འོད་གསལ་བའོ། །དེར་འཛིན་པས་ན་ནམ་མཁའི་དབྱིངས་ཏེ་ཁམས་གསུམ་པ་དེར་གནས་པར་བསྒོམ་པར་བྱའོ། །ཞེས་པ་འདིས་ཁམས་གསུམ་འོད་གསལ་དུ་གཞུག་པར་བཤད་པས། སྔ་མ་གསུམ་གཞིར་བཞག་པ་ལ་འདི་བསྣན་ན་རྡོ་རྗེ་གསུམ་གྱི་སྒོ་ནས་འོད་གསལ་དུ་འཇུག་པའི་རྗེས་གཞིག་བསྟན་ལ། སྔོན་དུ་སྣོད་བཅུད་སྡུད་པ་མེད་པར་སེམས་དཔའ་གསུམ་གྱི་སྡུད་རིམ་ཙམ་བྱེད་པ་ནི་རིལ་འཛིན་ནོ། །གསལ་བའི་དཀྱིལ་འཁོར་བསྒོམ་པར་བྱ་བ་ནི་སྐུ་རྡོ་རྗེའོ། །ཁམས་གསུམ་པའི་ལུས་དང་ངག་དང་སེམས་ལ་ཡི་གེ་ༀ་ཡེ་ཤེས་སེམས་དཔའ་བསྒོམས་ཏེ། ཁམས་གསུམ་པའི་ལུས་དང་ངག་དང་སེམས་ཉེ་བར་བཅོམ་ནས་ཡེ་ཤེས་ཀྱི་སྐུ་བསྒོམ་མོ་ཞེས་བྱ་བའི་བར་དུའོ། །དེ་ལྟར་བསྒོམས་པས་ཅིར་འགྱུར་ཞེ་ན། བསམས་ན་དེ་ནི་བསྐལ་པར་གནས། ཞེས་བྱ་བ་གསུངས་ཏེ། སེམས་ཅན་ཐམས་ཅད་ཀྱི་ཡིད་ལ་རེ་བའི་རྟོག་པ་ཡོངས་སུ་རྫོགས་པར་བྱེད་པས་སྐལ་བ་སྟེ། དེར་གནས་པ་ནི་འཁོར་བ་ཇི་སྲིད་པར་སྐུ་གསུམ་གྱི་བདག་ཉིད་ཅན་དུ་གྱུར་ནས། སྐྱེ་བོ་མ་ལུས་པའི་མངོན་པར་འདོད་པའི་དོན་རྫོགས་པར་ནུས་པས་གནས་པར་འགྱུར་རོ་ཞེས་བྱ་བའི་བར་དུའོ། །གསུང་དང་ཐུགས་རྡོ་རྗེའི་ཏིང་ངེ་འཛིན་གཉིས་པོ་དག་ཀྱང་སྐུ་རྡོ་རྗེ་ལ་བཤད་པ་འདི་ཉིད་ཀྱིས་ཤེས་པར་བྱའོ། །དེ་ལྟར་བྱས་ན་རིལ་འཛིན་དང་རྗེས་གཞིག་རེ་
རེ་ལ་ཡང་སྐུ་གསུང་ཐུགས་རྡོ་རྗེའི་སེམས་དཔའ་སུམ་བརྩེག་གི་རིལ་འཛིན་གསུམ་དང་རྗེས་གཞིག་གསུམ་དུ་ཤེས་པར་བྱའོ། །རྡོ་རྗེ་གསུམ་གྱི་རྟོག་པའི་དམ་ཚིག་གིས་ཞེས་བྱ་བ་ནི། སྐུ་རྡོ་རྗེ་ལ་སོགས་པས་འགྲོ་བའི་དོན་རྟོག་ཅིང་རྫོགས་པར་བྱེད་པས་ན་རྡོ་རྗེ་གསུམ་གྱི་རྟོག་པའི་དམ་ཚིག་སྟེ་རྡོ་རྗེ་འཆང་ཆེན་པོའོ། ༈ །སྐུ་དང་གསུང་ཐུགས་ཞེས་བྱ་བ་ལ་སོགས་པས་ནི་སྔར་བཤད་པའི་རིམ་གཉིས་བསྒོམས་པའི་ཕན་ཡོན་སྟོན་པ་ཡིན་ཏེ། སྐུ་དང་གསུང་ཐུགས་རྡོ་རྗེ་ཡི་སྟེ་རྡོ་རྗེ་འཆང་ཆེན་པོའི་རིམ་གཉིས་ཀྱི་རྣལ་འབྱོར་པ་རྣམ་པ་གཉིས་པོ་འདི་ལ་བླ་མ་རྣམས་ཀྱིས་དབང་བསྐུར་ཞིང་ལམ་སྒོམ་པའི་གནང་བ་ཐོབ་པ་ཕྱིན་ཆད་ནས་བརྩམས་ཏེ། རྒྱུད་འདི་རྣལ་འབྱོར་པ་གང་ཞིག་རྒྱུད་ཀློག་པ་དང་གདུལ་བྱ་གཞན་རྣམས་ལ་སྟོན་པ་དང༌། སེམས་ཀྱང་རུང་ཞེས་བྱ་བ་སྟེ། གང་རང་ཉིད་ཀྱིས་དོན་ཡིད་ལ་སེམས་པའི་ཚུལ་གྱིས་སློབ་པ་སྟེ། གོམས་པར་བྱེད་པ་དེ་ཡང་རྡོ་རྗེ་འཛིན་འདྲར་འགྱུར་ཏེ། སྒོམ་པ་པོ་ཉིད་འབའ་ཞིག་རྡོ་རྗེ་འཆང་དུ་འགྱུར་བར་ཏུ་ནི་མ་ཟད་དོ་ཞེས་བྱ་བར་དགོངས་སོ། ༈ །དེ་བཞིན་གཤེགས་པ་ཐམས་ཅད་ཀྱི་སྔགས་ནི་ༀ་ལ་སོགས་པ་སྟེ། དེས་བསྐྱེད་པའི་དམ་ཚིག་ནི་རྡོ་རྗེ་འཆང་ཆེན་པོའོ། །དེ་ཉིད་ནི་སྔགས་ལ་མཆོག་ཏུ་གཞོལ་བ་རྣམས་ཀྱི་དེ་ཁོ་ན་ཉིད་དོ། །རིག་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་ལོ་སྟེ་། དེ་ལས་ཡང་དག་བར་བྱུང་བའི་སྐྱེས་བུ་ཟུང་འཇུག་ནི་རིག་པའི་སྐྱེས་བུའོ། །དེ་
ཉིད་ནི་ཡེ་ཤེས་ཀྱི་དམ་ཚིག་ཡིན་པས་ན་མཆོག་སྟེ། གང་དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་དམ་ཚིག་ནི་དེ་ཁོ་ན་ཉིད་ཀྱང་ཡིན་ལ། རིག་པའི་སྐྱེས་བུའི་མཆོག་ཀྱང་ཡིན་པ་དེ་ནི། དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་དམ་ཚིག་དེ་ཁོ་ན་ཉིད་རྡོ་རྗེའི་རིག་པའི་སྐྱེས་བུ་མཆོག་གི་ལེའུ་སྟེ། དགོངས་པས་བཤད་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་གཅིག་པ་མཐའ་དྲུག་གིས་བཤད་པའོ། ། ༈ ། །ཀློག་གམ་ཡང་ན་སེམས་ཀྱང་རུང༌། ཞེས་གསུངས་པ་དེ་ལྟར་སྒོ་གསུམ་ཀྱི་ལས་ཀྱི་ལམ་རྣམ་པར་དག་པར་བྱེད་པའི་ཐབས་བསྟན་ནས། བསྐྱེད་རྫོགས་ཀྱི་རིམ་པ་གཉིས་ཀྱི་ལྷའི་སྐུ་ཕྱག་རྒྱ་ཆེན་པོ་བསྐྱེད་པ་དང་ཡོངས་སུ་ཐིམ་པ་ཚབ་ཆག །གྱུར་པ་བྱས་ནས་དངོས་གྲུབ་བསྒྲུབ་པ་རབ་ཏུ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་གཉིས་པ་གསུངས་ཏེ། ༈ །ས་འོག་དང་ས་སྟེང་དང་ས་བླ་བའི་གདུལ་བྱ་རྣམས་ལ་སྟོན་པར་མཛད་པས་ན་སྟོན་པའོ། །དེ་ཉིད་ནི་དཀྱིལ་འཁོར་པ་རྣམའབྱིན་པ་པོ་ཡིན་པས་ན་སྐྱེད་པའོ། །ཡེ་ཤེས་མཆོག་ནི་རིན་པོ་ཆེ་ལྟ་བུའི་གང་ཟག་གོ །གང་ཟག་དེ་རྡོ་རྗེ་ལྟ་བུའི་ཏིང་ངེ་འཛིན་ལ་རབ་ཏུ་འཇོག་པས་བསྒྲུབ་པར་མཛད་པས་ན་ཡེ་ཤེས་མཆོག་བསྒྲུབ་པའོ། །དམ་ཚིག་རྡོ་རྗེ་གསུམ་ནི་རྡོ་རྗེ་འཆང་ཆེན་པོའོ། །དེའི་
དེ་ཁོ་ན་ཉིད་ནི་དོན་དམ་པའི་བདེན་པའོ། །དེ་རྡོ་རྗེ་གསུང་གིས་འོག་ནས་བཤད་པའི་མཚན་ཉིད་བཀའ་སྩལ་པའོ། ༈ །མཁའ་དང་མཚུངས་པ་ཞེས་བྱ་བ་ལ། ནམ་མཁའ་ནི་གོ་འབྱེད་པའོ། །ནམ་མཁའ་དེ་དང༌། དགག་བྱ་བཅད་པ་ཙམ་དུ་མཚུངས་པ་ནི་དོན་དམ་པའི་བདེན་པའོ། །དོན་དམ་བདེན་པ་དེ་དང་མཉམ་ཞིང་སྟེ་གཅིག་ཏུ་གྱུར་པ་ནི་མཁའ་དང་མཚུངས་པར་མཉམ་པར་གྱུར་པ་སྟེ། ཕུང་སོགས་ཐམས་ཅད་ཀྱང་དོན་དམ་པའི་བདེན་པའི་མཐར་ཐུག་པར་སོན་པའི་ཕྱིར་རོ། །དེ་ལྟར་ནམ་མཁའ་དང་མཉམ་པར་གྱུར་པའི་འོད་གསལ་ཐོབ་པས་རྣམ་པར་མི་རྟོག་པའི་ངོ་བོ་ཉིད་དུ་གྱུར་པ་གང་ཡིན་པ་དེ་ནི་རྣམ་པར་མི་རྟོག་ངོ་བོ་ཉིད་དོ། །དེ་ཉིད་ཀྱིས་ན་ཆོས་རྣམས་གདོད་མ་ནས་རང་བཞིན་གྱིས་དག་པ་ལ། ཟློས་གར་གྱི་རོལ་མོ་མཁན་གཅིག་ཉིད་སྣ་ཚོགས་སུ་བསྒྱུར་བ་བཞིན་དུ་རང་བཞིན་རྣམ་དག་གི་ངང་ནས་སྤྲོས་པར་གྱུར་པ་འོག་ནས་འཆད་པའི་ལྷའི་སྐུ་ལ་སོགས་པ་འདི་དག་རབ་ཏུ་བསྒོམ་པ་སྟོན་པ་སྟེ། དགོངས་པ་མ་ཡིན་པས་བཤད་པའོ། ༈ །དངོས་གྲུབ་ཐམས་ཅད་བསྒྲུབ་པའི་གནས་བསྟན་པར་བྱ་བའི་ཕྱིར། དགོན་པ་ཆེན་པོའི་ཞེས་བྱ་བ་ལ་སོགས་པ་གསུངས་ཏེ། གྲོང་ལས་གཞུ་འདོམ་ལྔ་བརྒྱའི་རྒྱང་གྲགས་གཅིག་སོང་བ་ནི་དགོན་པ་ཡིན་ལ། དགོན་པ་ཆེན་པོ་ནི་གྲོང་ལས་དཔག་ཚད་བཅོ་ལྔ་སྤངས་པའི་བས་མཐའོ་འི་ས་ཕྱོགས་ཞེས་བྱ་བ་མཆོག་ཏུ་གྱུར་པའི་ས་ཕྱོགས་དང༌། ཆུའི་ཚོགས་ལ་སོགས་པས་ཡིད་
དུ་འོང་ཞིང་མེ་ཏོག་དང་འབྲས་བུ་ལ་སོགས་པས་བརྒྱན་པའི་རི་བོ་དང་དེར་མ་ཟད་སྐྱེ་བོའི་འདུ་འཛིས་རྣམ་པར་དབེན་པའི་ས་ཕྱོགས་གཞན་རྣམས་སུ་ཡང༌། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་གང་དུ་བསྡུས་ཤིང་བསགས་པར་གྱུར་པ་དེ་ནི་དངོས་གྲུབ་ཐམས་ཅད་བསྡུས་པ་སྟེ། བསྒྲུབ་པར་བྱ་བ་སངས་རྒྱས་ཉིད་བསྒྲུབ་པར་བྱ་བ་སྟེ། དྲང་པའི་དོན་ཏོ། ༈ །གནས་ཀྱི་ངེས་དོན་ལུང་སྟོན་གྱི་ལུང་གིས་བཤད་པ་བརྗོད་པར་བྱ་སྟེ། ༢ ནམ་མཁར་ཏེ་འོད་གསལ་ཏུ་བརྟག་པ་སྟེ་ཞུགས་པའི་སྦྱོར་བ་ཡིས། ༡ ཕུང་པོ་རྣམས། ༣ གྲོང་ལས་རིང་དུ་སོང་བའི་དགོན་པ་ཆེན་པར་འདོད། དོ། །མཚན་མ་འཛིན་པའི་དམིགས་གཏད་ཀྱིས་གནས་པ་མེད་པར་དེ་ཁོ་ན་ཉིད་ལ་གནས་པའི་སྦྱོར་བ་ཡིས། ཏེ་རྣལ་འབྱོར་གྱིས། གནས་པ་ཆེན་པོ་ནི་ས་ཕྱོགས་ཞེས་པ་ཡིན།ནོ། །ངེས་དོན་གྱི་སྐབས་འདིར་ནི་ལོངས་སྤྱོད་རྫོགས་པ་སྒྱུ་མའི་སྐུ་ནི། ཤིང༌། ལྗོན་པའོ། འཇིག་རྟེན་ལས་འདས་མ་འདས་ཀྱི་དངོས་གྲུབ་སྣ་ཚོགས་པ་དང་ལྡན་པ་ནི་མེ་ཏོག་དང་ལྡན། པའོ། །ལོངས་སྐུས་སྤྲུལ་པའི་སྐུ་གཟུང་བ་ནི་འབྲས་བུས་ཡང་དག་པར་བརྒྱན། པའོ། ཟུང་འཇུག་གི་སྐབས་ཀྱི་ཡང་དག་པར་རྫོགས་པའི་བྱང་ཆུབ་པ་སྟེ། རྟོགས་པའི་འོད་གསལ་ཆོས་སྐུ་ནི་རིའོ། །སྤྲོས་པའི་དངོས་པོ་མེད་པ་ཁདབེན་པ་ཀཉམས་དགའ་བ་ནིགའོ། །འབྲས་བུའི་རྡོ་རྗེ་འཆང་ཞེས་བྱ་བ་ནི་དབེན་གནས་དེར་བསྒྲུབ་པར་བྱ། ཞེས་བྱ་བ་སྟེ། ངེས་པའི་དོན་ཏེ། །
༈ མཱྃ་ཞེས་བྱ་བ་ནི་འོག་ནས་འཆད་པའི་འཇམ་དཔལ་གྱི་ཏིང་ངེ་འཛིན་སྟོན་པ་སྟེ་མཚོན་པའི་ས་བོན་ནོ། །ལུས་དང་ཞེས་བྱ་བ་ལ་སོགས་པ་ལ། མཉྫུ་ལ་ངེས་ཚིག་གིས་མཱ་ནཿ སྭ་བྷ་ཝེན། ཡིད་ཀྱི་རང་བཞིན་གྱིས། ཇུཥྱ་ཏེ་བསྟེན་པར་བྱ་ཞིང་ཅིང་སེ་བྱ་སྟེ་བསྙེན་པར་བྱ་བ་ཡིན་པས་ན་འཇམ་པ་སྟེ་སྒྱུ་མའི་སྐུའོ། །དེ་ཉིད་ནི་རྟོག་པས་མི་ཕྱེད་པ་ཉིད་པས་ན་རྡོ་རྗེའོ། །དེའི་རབ་ཏུ་བསྒོམ་པ་ནི་རྡོ་རྗེ་འཇམ་པ་སྒྱུ་ལུས་རབ་ཏུ་བསྒོམ་པར་བྱ་བའོ། །གང་དུ་བསྒོམ་ཞེ་ན། རང་གི་ལུས་དང་ངག་དང་སེམས་ཀྱི་རྡོ་རྗེ་ལབསྒོམ་མོ་འོ་། །རང་གི་ལུས་ལ་སོགས་པ་འབའ་ཞིག་ཏུ་ཡང་བསྒོམ་པར་མ་ཟད་ཀྱི། རང་ཉིད་ལ་བསྒོམས་པ་དེ་ནས་ཁམས་གསུམ་པའི་ལུས་དང་ངག་དང་སེམས་ལ་སྤྲོས་པས་ཏེ་དེ་རྣམས་ལ་སྒྱུ་མ་ལྟ་བུའི་ཏིང་ངེ་འཛིན་གྱིས་ཁྱབ་པར་བསྒོམ་ མོ་ཀྱང་བྱས་ཏེ། སྒོམ་པ་དེ་བྱས་ནས་ནི་རྡོ་རྗེ་འཇམ་པ་དང་འདྲ་པར་འགྱུར་རོ། །དཔག་ཚད་བརྒྱ་ཡི་ཞེས་བྱ་བ་ལ་སོགས་པ་ལ། དཔག་ཚད་བརྒྱ་པ་ནི་དཔག་ཚད་བརྒྱ་སྟེ་ཁྱོན་དེ་ཙམ་དུ་ཆེ་ཞིང་ཚད་མེད་གྲངས་མེད་པའོ། །རྡོ་རྗེ་འབར་བ་ནི་རང་གི་སྒྱུ་མའི་སྐུ་གང་ཡིན་པ་དེ་ནི་འབར་བའི་རྡོ་རྗེ་སྟེ་དེའི་འོད་ཀྱི་སྣང་པའོ། །སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པས་ན་རྒྱན་རྣམས་ཀུན་གྱིས་བརྒྱན་པ་ཡིའོ། །སྒྱུ་མ་ལྟ་བུའི་སྐུ་མངའ་བས་ན་དག་པའི་བདག་ཉིད་དོ། །སྒྱུ་མའི་སྐུ་དེའི་འོད་ཀྱིས་འཇིག་རྟེན་གྱི་ཁམས་དཔག་ཏུ་མེད་པ་གསལ་བར་བྱེད་
པས་ན་སྣང་བར་འགྱུར་བའོ། །དེས་འདི་ལྟར་གྱུར་པའི་ཡེ་ཤེས་ཀྱི་སྐུ་བརྙེས་པས་ཚངས་པ་ལ་སོགས་པའི་ལྷ་རྣམས་ཀྱིས་ནམས་ཀྱང་སྟེ་ནམ་ཡང་མཐོང་བར་མི་ནུས་ན། སོ་སོ་སྐྱེ་པོ་ཕལ་པ་གཞན་དག་གིས་ལྟ་སྨོས་ཀྱང་ཅི་དགོས་ཏེ། ཕྱིར་མི་ལྡོག་པའི་བྱང་ཆུབ་སེམས་དཔའི་སྤྱོད་ཡུལ་ཡིན་པའི་ཕྱིར་རོ། །རྡོ་རྗེ་འཇམ་པ་མཆོག་གི་དམ་ཚིག་ཅེས་བྱ་བ་ནི། འཇམ་དཔལ་གྱི་ཕྱག་རྒྱ་ཆེན་པོའི་རང་བཞིན་ནོ། །དེ་ནི་སྒྱུ་ལུས་མ་ཐོབ་པའི་སོ་སོའི་སྐྱེ་བོ་རྣམས་ཀྱིས་མི་མཐོང་ཞིང་མི་རེག་པ་ཉིད་ཀྱིས་ན་ཏིང་ངེ་འཛིན་འདི་ནི་མི་སྣང་བ་ཞེས་བྱའོ། ༈ །སྒྱུ་མའི་རང་བཞིན་གྱི་སྐུ་སྔར་བཤད་པ་མཚན་སོ་གཉིས་ཀྱིས་བརྒྱན་པ་དང༌། འོད་ཀྱིས་འཇིག་རྟེན་གྱི་ཁམས་འགེངས་པའི་སྒྱུ་ལུས་འདི་ཉིད་འོད་གསལ་དུ་དག་པར་བྱེད་པར་གསུངས་པས། འདི་རིམ་པ་གསུམ་པའི་སྒྱུ་ལུས་ཡིན་ལ། དེ་ལ་འདི་འདྲ་བའི་ཡོན་ཏན་ཡོད་པ་མ་ཤེས་ན་བོད་ཀྱི་སྒྱུ་ལུས་ཀྱི་གདམས་ངག་བཞིན་དུ་སྒྱུ་ལུས་ཀྱི་ཡོན་ཏན་ཕྱོགས་རེའང་མེད་པ་ལ་སྒྱུ་ལུས་སུ་ངོ་སྤྲོད་པར་འགྱུར་རོ། །འདི་ཉིད་འོད་གསལ་བས་རྣམ་པར་སྦྱངས་པས་ཏེ་དག་པར་བྱས་པས། ཟུང་འཇུག་བསྒྲུབ་པར་བྱ་བའི་ཕྱིར། རྡོ་རྗེ་མི་ཕྱེད་ཅེས་བྱ་བ་ལ་སོགས་པ་གསུངས་ཏེ། རྡོ་རྗེ་མི་ཕྱེད་གསུམ་ནི་ཐུགས་ཏེ། སེམས་སོ། །སེམས་དེ་ལས་བྱུང་བའི་ཡུལ་ལྔ་དང་དབང་པོ་ལྔ་རྣམས་ཀྱིས་སོ། ཞེས་པ་ནི་བཤང་གཅི་སོགས་ཀྱིས་སྟོན་ཏེ།བཤང་གཅི་ནི་ཡུལ་དང་དབང་པོ་རྣམས་ཏེ། ཡུལ་དབང་དེ་ཕན་
ཚུན་བསྲེས་པས་ན་དམ་ཚིག་ལྔ་རྣམས་ཀྱིས་སོ། །ཞེས་པ་ནི་ཡུལ་དབང་ལྔ་ཚན་གཉིས། དམ་ཚིག་གི་དོན་མཉམ་པ་ཉིད་དེ། དེ་ཡང་གཟུགས་རྡོ་རྗེ་སོགས་དང་ས་སྙིང་སོགས་ཀྱི་ལྷར་མཉམ་པ་ཉིད་དུ་བལྟས་ནས། འདོད་ཡོན་ལ་སྤྱད་པས་སེམས་དབེན་གྱི་སྣང་བ་གསུམ་སྐྱེད་པའོ། །ལྕགས་གསུམ་ལས་བྱུང་བ་ནི་སྣང་བ་རྣམ་པ་གསུམ་དང་ལྡན་པའི་རླུང་སེམས་ཙམ་ལས་སྒྱུ་མའི་སྐུར་བྱས་ཤིང་སྐྱེད་ནས། ཁ་སྟེ་འོད་གསལ་བར་རིལ་པོར་འཛིན་པའམ་རྗེས་སུ་གཞིག་པ་དག་གིས་བཅུག་ནས་བསྒོམ་པར་བྱའོ། །འོད་གསལ་བ་དེར་སངས་རྒྱས་ཀུན་གྱིས་ཏེ་རྟོག་གེ་པ་ཐམས་ཅད་ཀྱིས་མི་ཕྱེད་ཅིང་ཡུལ་མ་ཡིན་པའི་ཐུགས་ཀྱི་ཡེ་ཤེས་ཀྱི་སྐུ་ཏེ་ཞུགས་པར་བསྒོམ་པར་བྱའོ། །གང་དེ་ལྟར་བསྒོམ་པའི་རྣལ་འབྱོར་པ་དེ་ནི་དེ་མ་ཐག་ཏུ་རྣལ་འབྱོར་པ་དེ་འོད་གསལ་ལས་ལྡང་བ་སྟེ་ལངས་པར་གྱུར་པའི་ཟུང་འཇུག་གི་མཚན་ཉིད་ཅན་ཉིད་དུ་རྡོ་རྗེ་འཇམ་པ་དང་འོད་འདྲ་བར་འགྱུར་རོ་ཞེས་པ་སྟེ། དགོངས་པས་བཤད་པའོ། ༈ །དེ་ལྟར་བྱང་ཆུབ་སེམས་དཔའ་འཇམ་དཔལ་གྱི་ཏིང་ངེ་འཛིན་ཉེ་བར་བསྟན་ནས། འཁོར་ལོའི་རིགས་པ་འཛིན་པ་ལ་སོགས་པའི་དངོས་གྲུབ་བསྒྲུབ་པ་ཉེ་བར་བསྟན་པར་བྱ་བའི་ཕྱིར། འཁོར་ལོ་ཞེས་བྱ་བ་ལ་སོགས་པ་གསུངས་ཏེ། དང་པོསྦྱོར་བ་དང་དཀྱིལ་འཁོར་རྒྱལ་མཆོག་གི་སྐབས་སུ་ར་རྣམ་པར་སྣང་མཛད་ཀྱི་ཏིང་ངེ་འཛིན་མངོན་དུ་བྱས་ལ། །འདི་ནས་བཟུང་སྟེ་གདུལ་བྱའི་སེམས་འདུན་པའི་དགུག་པའི་ལས་སྒྲུབ་པའི་
བར་རྣམས་ནི། ནང་ལ་མཆོག་ཏུ་གཞོལ་བའི་ལས་ཚོགས་ཡིན་ལ། དེ་རྣམས་སྒྲུབ་པ་ལ་བསྲུང་བའི་འཁོར་ལོ་ནས་བཟུང་བའི་དང་པོ་སྦྱོར་བ་དང། རང་རིག་ཀྱི་ལས་རྒྱ་སྤྱན་མ་ལ་སོགས་པར་བསྐྱེད་པ་ལ་བརྟེན་ནས་དཀྱིལ་འཁོར་རྒྱལ་མཆོག་གཉིས་བྱེད་པ་འདྲའོ། །ས་བོན་ལས་བྱང་ཆུབ་པའི་སྐབས་སུ་ༀ་ལ་སོགས་པའི་ཡི་གེ་རེ་རེ་བ་ལས་བྱེད། ལས་རྒྱལ་མཆོག་གི་དུས་སུ་རང་རང་གི་སྐབས་ཀྱི་ལས་སྒྲུབ་པ་རྣམས་བྱེད་ཅེས་རྗེ་རིན་པོ་ཆེ་འགོས་ཀྱི་གསུང་རྒྱུན་འཛིན་པའི་བླ་མ་གང་མ་རྣམས་བཞེད་དོ། །ལས་རྒྱལ་མཆོག་གི་དུས་སུ་རྒྱུ་དངུལ་ལམ་དུང་ངམ་ལྕགས་ལས་བྱས་པའི་འཁོར་ལོ་ཁྲུ་གང་པ་རྩིབས་བརྒྱད་པ་ལྟེ་བ་མུ་ཁྱུད་དང་བཅས་པ་མདོག་དཀར་པོ་བ་ཕན་ཚུན་བསྣོལ་མར་འཕྲོ་བ་ལྟ་བུའི་འོད་ཟེར་རྣམས་ཀྱིས་བརྒྱན་པ་འོད་ཟེར་མདངས་ཅན་འཕྲོ་བ་བྱས་ལ་ཡི་གེ་གསུམ་བཟླས་པའི་དྲིའི་ཆུས་བསང་བདུད་རྩི་ལྔས་བྱུགས་པས་བསྲུང་བ་བྱས་ལ། བསྒྲུབ་པའི་དཀྱིལ་འཁོར་གྱི་དབུས་སུ་བཞག །བསང་སྦྱངས་ཏེ་རང་གི་སྔགས་ཏེ། རྣམ་པར་སྣང་མཛད་བསྐྱེད་པའི་ཡི་གེ་ༀ་ལས་འཁོར་ལོ་ཇི་སྐད་བཤད་པ་བཞིན་བསྐྱེད་ལ། མདུན་དུ་བསྒོམས་ནས། སངས་རྒྱས་ཐམས་ཅད་ཀྱི་སྟེ། དེ་བཞིན་གཤེགས་པརྣམ་སྣང་གིའི་རིགས་དང་ལྡན་པའི་བཞུགས་པའི་གནས་ཏེ། གཞིར་གྱུར་པར་བསྒོམས་ལ། ཞེས་པ་ལྟར་ན་འཁོར་ལོའི་ལྟེ་བའི་ནང་དུ་རྣམ་སྣང་དང༌། དེའི་རིགས་ཀྱི་ལྷ་བདུན་བསྒོམ་པ་འདྲ་བ་ཅིག་སྣང་ཡང༌། རྣམ་སྣང་གིས་གཙོ་བོ་བྱས་པའི་དཀྱིལ་འཁོར་བ་དེ་འདྲ་བ་ཐུན་བཞིར་བསྒོམ་པའོ། །ཇི་སྲིད་དུ་འཁོར་
ལོ་པོ་དྲོ་བར་གྱུར་པའམ་དེ་ལས་དུ་བ་འཐུལ་བའམ་རབ་ཏུ་འབར་བར་གྱུར་པའི་རྟགས་རབ་འབྲིང་ཐ་གསུམ་མཐོང་བ་དེ་སྲིད་དུ་བསྒོམས་ལ། རྟགས་ང་བྱུང་བ་དང་འཁོར་ལོ་དེ་ལག་ཏུ་བླངས་ནས་འདུག་པའི་རྣལ་འབྱོར་བ་གང་ཡིན་པ་དེ་ནི་སངས་རྒྱས་དང་འདྲ་བ་སྟེ་རྡོ་རྗེ་འཆང་ཆེན་པོ་དང་འདྲ་བར་ཀུན་གྱི་མཆོད་པའི་གནས་སུ་འགྱུར་རོ། ༈ །དེ་ལྟར་འཁོར་ལོའི་སྒོ་ནས་དངོས་གྲུབ་ཐོབ་པའི་རིག་པ་འཛིན་པའི་མཐུ་བསྟན་པར་བྱ་བའི་ཕྱིར། རི་རབ་སུམ་ཅུ་ཞེས་བྱ་བ་ལ་སོགས་པ་གསུངས་ཏེ། རི་རབ་སུམ་ཅུ་རྩ་དྲུག་གི་ཚད་ཀྱི་རྡུལ་ཕྲ་རབ་ཇི་སྙེད་པ་དེ་སྙེད་ཀྱི་ཚད་ཀྱི་རྗེས་སུ་འབྲང་པའི་འཁོར་ནི་འཁོར་ལོའི་རིག་པ་འཛིན་པ་དེ་ལ་འབྱུང་བར་འགྱུར་རོ། །འཁོར་ཇི་ལྟ་བུ་ཞེ་ན། འཁོར་ཐམས་ཅད་ཀྱང་རྡོ་རྗེ་འཛིན་པའི་འཁོར་དང་འདྲ་བར་རྣམ་པར་མི་འཇིག་པ་སྟེ། མི་ཕྱེད་པའི་འཁོར་དུ་འགྱུར་ རོ་འི་ངོ་བོ་ཉིད་དོ། །ཏིང་ངེ་འཛིན་གང་གིས་འཁོར་ལོའི་རིགས་ཀྱི་རིགས་འཛིན་རྣམས་དང་མཉམ་པར་འགྲོགས་པ་ཐོབ་པ་དེ་ནི་འཁོར་ལོའི་དམ་ཚིག་ཅེས་བྱ་བའི་ཏིང་ངེ་འཛིན་ཏོ། ༈ །རྡོ་རྗེ་ཆེན་པོ་ཞེས་བྱ་བ་ལ་སོགས་པས་རྡོ་རྗེའི་རིག་འཛིན་སྒྲུབ་པ་སྟོན་པ་ནི་རྣམ་པར་སྣང་མཛད་ཀྱི་རྣལ་འབྱོར་དང་འདྲ་བར་བལྟ་བར་བྱ་བ་ནི་མི་བསྐྱོད་པའི་ཏིང་ངེ་འཛིན་ལ་གནས་པ་དང༌། ལས་རྒྱལ་མཆོག་གི་དུས་སུ་ལྕགས་ལས་བྱས་པའི་རྡོ་རྗེ་སྔོན་པོ་རྩེ་ལྔ་པ་སོར་བརྒྱད་པ་ལ་བྱུགས་པ་དང་བསྲུང་བ་བྱས་ནས། སྒྲུབ་པའི་དཀྱིལ་འཁོར་གྱི་དབུས་སུ་འཇོག་པའོ། །རྡོ་རྗེ་ཆེན་པོ་དེ་བསང་སྦྱངས་ནས་སྟེ། རང་
གི་སྔགས་ནི་ཡི་གེ་ཧཱུཾ་སྟེ། དེས་རྡོ་རྗེར་བསྐྱེད་དོ་མོ། །དཀྱིལ་འཁོར་ནི་ནམ་མཁའི་དཀྱིལ་འཁོར་རོ། །ཞེས་པ་ནི་མདུན་དུ་གཞལ་ཁང་བསྐྱེད་པའི་ནང་གི་ནམ་མཁའ་འོ། །རྡོ་རྗེ་ཀུན་གྱི་གནས་ཡིན་པར་བསམ་པ་ནི། རྡོ་རྗེའི་ལྟེ་བའི་ནང་དུ་རྡོ་རྗེ་མི་བསྐྱོད་པའི་རིགས་ཀྱི་ལྷ་ཀུན་སྒོམ་པའོ། །དེ་ལྟར་བསྒོམས་པས་སྔར་བཞིན་རྟགས་བྱུང་བ་དང༌། རྡོ་རྗེ་ལག་ཏུ་བླངས་པས། རི་རབ་ཞེས་སོགས་ཀྱིས་བསྟན་པའི་ཕན་ཡོན་འབྱུང་ངོ༌། ༈ །བུད་མེད་རྣམས་འདི་ལ། :པ་ཚབ:དེ་སྙེད་ཀྱིས་ནི་བུད་མེད་དག །ཡོན་ཏན་གནས་རྣམས་དེ་ཡིར་འགྱུར། ཞེས་འབྱུང་བ་ཤིན་ཏུ་གསལ་ལོ། །ཡོན་ཏན་ཅན་གྱི་གནས་སུ་འགྱུར་ཞེས་བྱ་བ་ནི། འདོད་པའི་དབང་ཕྱུག་ཏུ་འགྱུར་བར་སྟོན་ཏེ་རྡོ་རྗེ་འཆང་ཆེན་པོ་དང་འདྲ་བའི་ཕྱིར་རོ། །དྲག་པོ་དག་གིས་ཕྱག་བྱས་པ་ཞེས་བྱ་བའི་ལྷག་པའི་ཚིག་གིས་ནི་ཁམས་གསུམ་གྱིས་ཕྱག་བྱ་བ་ཉིད་དུ་སྟོན་ཏེ། དྲག་པོ་ནི་ཁམས་གསུམ་གྱིས་ཕྱག་བྱས་པ་ཡིན་པའི་ཕྱིར་རོ། །རྡོ་རྗེ་ཆེན་པོར་འགྱུར་ཞེས་བྱ་བ་ནི་རྡོ་རྗེ་འཆང་ཆེན་པོར་འགྱུར་པའོ། །རྡོ་རྗེ་ནི་རྡོ་རྗེ་འཆང་ཆེན་པོའི། །དམ་ཚིག་ནི་ས་མ་ཏ་མཉམ་པར་ཨཏྣ་ཏི་འགྲོ་ཞིང་གཙྪནྟི་བཞུད་པས་ན་མཉམ་པ་དམ་ཚིག་སྟེ། རྡོ་རྗེའི་རིགས་ཀྱི་མཁའ་འགྲོ་མ་རྣམས་དང་མཉམ་པར་འཇུག་པ་ཡིན་པས་རྡོ་རྗེའི་དམ་ཚིག་ནི་རང་གི་ལྷན་ཅིག་སྤྱོད་པ་ཡིད་དུ་སྡུག་པའི་བུད་མེད་རྣམས་ཏེ། དེ་དང་དེ་རྣམས་ཀྱི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། ༈ །ཙན་དན་ནམ་ཟངས་ལ་པདྨ་ཆེན་པོ་དམར་པ་འདབ་མ་བརྒྱད་པ་བྱ་བ་དང༌། དེ་ལ་བྱུགས་པ་སོགས་སྔར་དང་འདྲ་ལ། རང་གི་སྔགས་ཨཱཿ
ལས་རྡོ་རྗེ་ཆོས་ཀྱི་པདྨ་དཀྱིལ་འཁོར་གྱི་དབུས་སུ་བསམ་མོ། །ཆོས་རྣམས་ཀུན་ནི་འོད་དཔག་ཏུ་མེད་པའི་རིགས་དང་ལྡན་པའི་ལྷ་རྣམས་སོ། །ལྷ་དེ་རྣམས་ཀྱི་གནས་ནི་བསྐྱེད་པའི་གཞིའོ། །ཞེས་པ་དེའི་ལྟེ་བར་ལྷ་རྣམས་བསྐྱེད་པའོ། །དེ་ལ་ཐུན་བཞིར་བསྒོམས་པས་རྟགས་གསུམ་གང་རུང་བྱུང་བ་ལག་ཏུ་བླངས་པའི་ཕན་ཡོན་ནི་རྡོ་རྗེ་ཆོས་ནི་འཇིག་རྟེན་དབང་ཕྱུག་སྟེ། དེ་དང་འདྲ་བར་འགྱུར་བའོ། ༈ །རི་རབ་ཅེས་བྱ་བ་ལ་སོགས་པ་ལ། རི་རབ་སུམ་ཅུ་རྩ་དྲུག །ལས་བྱུང་བའི་རྡུལ་ཕྲ་རབ་ཇི་སྙེད་པ་གང་ཡིན་པ་དེ་སྙེད་ཀྱི་གྲངས་དང་མཉམ་པའི་དག་པའི་བདག་ཉིད་ནི་པད་མའི་རིགས་ཀྱི་སངས་རྒྱས་ཏེ་ཐབས་ཀྱི་ངོ་བོ་ཉིད་རིག་འཛིན་ཕོ་དང༌། མཆོད་པའི་མཆོག་སྟེ་ཤེས་རབ་ཀྱི་ངོ་བོ་ཉིད་རིག་འཛིན་མོ་དང༌། དེ་རྣམས་ཀྱི་དཀྱིལ་འཁོར་ཏེ་ཚོགས་དེར་འཇོག་པར་བྱེད་ཅིང༌། སྔགས་དང་ཕྱག་རྒྱ་རིག་འཛིན་ཕོ་མོའི་ཚོགས་ཐམས་ཅད་སྒྲུབ་པ་པོ་ལ་རང་གི་བདག་པོར་ལྟ་བ་ཉིད་ཀྱིས་སྒྲུབ་པ་པོ་ལ་དབང་བསྐུར་བསྟེ་དབང་སྟེར་བར་བྱེད་དོ་འོ་། །ཞེས་བྱ་བའི་བར་དུའོ། །པདྨོ་ན་པདྨའི་རིགས་དང་ལྡན་པའི་རིག་འཛིན་རྣམས་སོ། །དེ་རྣམས་དང་མཉམ་པ་ནི་ཏིང་ངེ་འཛིན་གང་ལ་དབྱེར་མི་ཕྱེད་པའི་དོན་དེ་ལ་དེ་སྐད་ཅེས་བྱའོ། ༈ །ཡེ་ཤེས་ལྔ་ལྡན་ཞེས་བྱ་བ་ལ་སོགས་པའི་དོན་ནི་ལེའུ་བཅུ་གཅིག་པར་བཤད་ཟིན་ཏོ། །གསང་བ་གསུམ་ལ་བསྙེན་བཀུར་བྱེད་ཅེས་བྱ་བ་ནི། དེ་བཞིན་གཤེགས་པ་ཐམས་ཅད་དང་འབྲེལ་བའི་སྐུ་དང་གསུང་དང་ཐུགས་
ཀྱི་གསང་བ་གསུམ་ལ་བསྙེན་བཀུར་བྱེད་ཅིང་རྟོགས་པར་འགྱུར་བ་སྟེ་དེའི་བདག་ཉིད་ཅན་དུ་འགྱུར་རོ། ཞེས་བྱ་བའི་བར་དུའོ། །འོད་ཟེར་ ལྔ་དང་ལྷག་པ་དང་ཆད་པ་མེད་པར་མཉམ་པའི་མདོག་གང་ཡིན་པ་དེ་ནི་འོད་ཟེར་ལྔ་ཡི་མདོག་འདྲའི་འོད་ཟེར་ཡང་འོད་ཟེར་ལྔ་མཉམ་པ་ཞེས་པའི་དོན་ནོ་དོ་། །གནམ་ལྕགས་སམ་ལྕགས་གཞན་བཟང་པོ་ལས་བྱས་པའི་རལ་གྲི་ལྗང་གུ་དང༌། དེ་ལ་བྱུག་བསྲུང་སོགས་བྱ་བ་སྔར་དང་འདྲ། རལ་གྲི་འོད་ཟེར་ལྔ་འབར་བ་རང་གི་སྔགས་ཧཱ་ལས་བསྐྱེད་རང་གི་སྔགས་ཀྱི་ཞེས་བྱ་བ་ནི་རང་གི་སྔགས་ལས་ཞེས་བྱ་བར་རིགས་སོ། །རལ་གྲི་ནི་འོད་ཟེར་ལྔ་པ་གང་ཡིན་པའོ། །དེར་དོན་གྲུབ་ཀྱི་རིགས་ཀྱི་ལྷ་རྣམས་ཐུན་བཞིར་བསྒོམས་པས་རྟགས་བྱུང་བ་དང༌།མིག་ཡངས་ནི་བསྒྲུབ་པ་པོའོ། །ལག་ན་ཐོགས་པ་ནི་ལག་གིས་བླངས་པའོ། ༈ །དེའི་ཕན་ཡོན་ནི་རྡོ་རྗེ་གསུམ་ལས་བྱུང་བའི་རིག་པ་ནི་སྔགས་ཀྱི་སྐུ་ཕྱག་རྒྱ་ཆེན་པོ་སྟེ། དེའི་བདག་ཉིད་ཀྱིས་འཛིན་པར་བྱེད་པས་ན་རྡོ་རྗེ་གསུམ་རིག་འཛིན་པར་འགྱུར་ཞེས་བྱའོ། །ཁམས་གསུམ་པོ་ཀུན་གྱི་གང་རྫུ་འཕྲུལ་ཆེ་བའི་ཆེ་བ་དེ་རྣམས་ཀྱིས་མཆོད་པ་དང༌། ཚངས་པ་སྟེ་ཚངས་པའི་གཙོ་བོ་དང་དབང་པོ་སྟེ་བརྒྱ་བྱིན་དང་ལྷ་མིན་ཏེ་ལྷ་མ་ཡིན་གྱི་གཙོ་བོ་དེ་དག་གིས་ཀྱང་ཕྱག་བྱས་པར་འགྱུར་བ་དང༌། སྟོང་གསུམ་གྱི་འཇིག་རྟེན་གྱི་ཁམས་སུ་གཅིག་བུ་དཔའ་བ་སྟེ་དེར་བདག་པོར་གྱུར་པས་སོ། །གསང་བ་ནི་ཐ་མལ་བའི་སྒྲུབ་པ་ལ་གནས་པའོ། །
དེ་རྣམས་ཀྱི་མཆོག་ནི་གཙོ་བོ་སྟེ་དེར་འགྱུར་བའོ། །གང་རྣམས་ཞེས་བྱ་བ་ལ་སོགས་པ་ལ། སྐུ་གསུང་ཐུགས་ཀྱི་རྡོ་རྗེ་འཛིན་ཏེ་སྒྲུབ་པ་པོ་གང་འདོད་ཅིང་གང་གསོལ་བ་འདེབས་པ་རྡོ་རྗེ་ཐུགས་ལས་རབ་ཏུ་བྱུང་ཞིང་ཡིད་ལ་ཀུན་ཏུ་རྟོག་པའི་དེ་ལྟ་བུ་སྟེ་དེ་འདྲ་བའི་ངོ་བོ་ཉིད་ཀྱི་དངོས་གྲུབ་འཇིག་རྟེན་དང་འཇིག་རྟེན་ལས་འདས་པ་སྟེར་ཞིང་སྩོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཀྱི་རལ་གྲི་ནི་རལ་གྲི་ཐམས་ཅད་དེ་དེ་དང་དབྱེར་མེད་པས་ཏིང་ངེ་འཛིན་ཀྱང་རལ་གྲི་ཐམས་ཅད་ཅེས་བྱའོ། །འདིར་རྒྱུད་ལས་རིན་པོ་ཆེའི་ཕྱག་མཚན་ལ་བརྟེན་པའི་བསྒྲུབ་པ་མ་གསུངས་པ་ལ། སྔ་མ་ཁ་ཅིག །ཕྱག་མཚན་གཞན་བཞི་ལ་རང་བཞིན་གྱིས་གྲུབ་པའི་སེམས་ཅན་གྱི་དོན་བྱ་བའི་ནུས་པ་མེད་ལ། རིན་པོ་ཆེའི་ཕྱག་མཚན་ལ་ནུས་པ་དེ་ཡོད་པས། དེ་ལ་བརྟེན་པའི་སྒྲུབ་པ་མ་གསུངས་སོ་ཞེས་པ་ནི་ཤིན་ཏུ་མི་རིགས་ཏེ། རིན་པོ་ཆེས་ནི་ཕྱག་མཚན་གྱི་དངོས་གྲུབ་ཀྱི་ཆའི་ཆ་ཙམ་དུ་ཡང་མི་ཆོག་པའི་ཕྱིར་རོ། །དེས་ན་གསང་འདུས་ལུགས་གཞན་ནས་གསེར་ལ་སོགས་པའི་རིན་པོ་ཆེ་ལ་བརྟེན་པའི་བསྒྲུབ་བ་བཤད་པ་ལྟར་ཡིན་ལ། འདིར་མ་བཤད་ཀྱང་ཤུགས་ཀྱིས་ཤེས་པར་ནུས་སོ། ༈ །དེ་ལྟར་འཁོར་ལོ་དང་རྡོ་རྗེ་ལ་སོགས་པའི་དངོས་གྲུབ་བསྟན་ནས། ད་ནི་ཕྱི་རོལ་གྱི་རྫས་ལས་བྱུང་བའི་རི་ལུའི་དངོས་གྲུབ་མ་ཡིན་པ་སྔགས་ཉིད་ཀྱིས། རི་ལུའི་དངོས་གྲུབ་ངེས་པར་བསྟན་པར་བྱ་བའི་ཕྱིར། ༀ་ནི་ཞེས་བྱ་བ་ལ་སོགས་པ་གསུངས་ཏེ།རྣམ་སྣང་གི་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་དུས་སུ་ཡི་གེ་ༀ་ཉིད་ཙ་ན་ཀའི་འབྲས་བུ་སྟེ་མོན་སྲན་
རྗེའུའི་ཚད་ཙམ་གྱི་རི་ལུ་བསམས་ལ། དབུས་ཏེ་རི་ལུༀ་ཡིག་གི་འི་། ནང་དུ་རང་གི་ལྷ་ཡིན་གཟུགས་ཏེ་ས་བོན་ༀ་ལས་བདག་པོ་རྣམ་སྣང་གི་འི་གཟུགས་སུ་བསམས་ལ་ཁ་སྟེ་མགོའི་སྒོ་སྤྱི་བོར་རླུང་ནང་དུ་འཇུག་པའི་རང་བཞིན་དུ་རྣམ་པར་བསམས་ཤིང༌། བསྒོམ་པ་ཡང་དང་ཡང་དུ་བསླབ་པར་བྱའོ། །གང་དེ་ལྟར་སློབ་པ་དེ་ནི་དེ་མ་ཐག་ཏུ་སྟེ་དེ་ནས་བརྩམས་ནས། བྱང་ཆུབ་སེམས་དཔའ་དང་འོད་འདྲ་བར་འགྱུར་ཏེ། བྱང་ཆུབ་ནི་དོན་དམ་པའི་བདེན་པའོ། །སེམས་དཔའ་ནི་ཀུན་རྫོབ་ཀྱི་བདེན་པ་སྟེ། དེ་དག་མི་གཉིས་པར་གནས་པ་གང་ཡིན་པ་དེ་ནི་བྱང་ཆུབ་སེམས་དཔའ་སྟེ། རྡོ་རྗེ་འཆང་ཆེན་པོའོ། །དེ་དང་འདྲ་བའི་འོད་དེ་རྫུ་འཕྲུལ་གང་ལ་ཡོད་པ་དེ་ནི་བྱང་ཆུབ་སེམས་དཔའི་འོད་འདྲར་འགྱུར་ཞེས་བྱ་སྟེ་སྒྲུབ་པ་པོ་དེ་ལྟ་བུར་འགྱུར་བའོ། །གཟི་བརྗིད་བལྟ་བར་དཀའ་བས་ན་ཉི་མ་ཤར་བའི་འོད་འདྲ་ཞིང་ཞེས་བྱའོ། །ཛམྦུ་ཆུ་བོའི་གསེར་གྱི་མདོག་ཅེས་བྱ་བ་ནི་ཕན་ཡོན་ནོ། །དེ་བཞིན་དུ་ཞེས་པ་ནི། སྔགས་ཀྱི་རི་ལུའི་ནང་དུ་ས་བོན་ལས་སྣང་མཐར་བསྐྱེད་པའོ། །ཡི་གེ་ཨཱཿ རླུང་ནང་དུ་གནས་པའི་བདག་ཉིད་ཅན་མདོག་དམར་པོ་ཁ་སྟེ་ལྐོག་མའི་གནས་སུ་བསམ་པའོ། །བྱང་ཆུབ་ཡེ་ཤེས་ནི་རྡོ་རྗེ་འཆང་ཆེན་པོའོ། །ཡི་གེ་ཧཱུཾ་ཡང་གི་སྒྲས་རི་ལུའི་ནང་དུ་ས་བོན་ལས་མི་བསྐྱོད་པར་བསྐྱེད་པའོ། །ཡང་རི་ལུའི་གཟུགས་ཀྱིས་སྙིང་ཁའི་པདྨ་དཀར་པོའི་སྟེང་དུ་རླུང་ཕྱིར་ལྡང་པའི་བདག་ཉིད་ཅན་དུ་བསམ་པར་བྱའོ། །འདིར་གནས་གསུམ་དུ་བཀོད་པའི་ཡི་གེ་གསུམ་གྱི་
གཟུགས་རླུང་ལྡང་འཇུག་གནས་གསུམ་གྱི་ངོ་བོར་སྒོམ་པ་ཡིན་གྱི། བྲིས་པའི་རྣམ་པ་ཅན་གྱི་ཡི་གེ་གསུམ་དང་རླུང་སྦྱར་ནས་རྡོར་བཟླས་བྱེད་པ་མིན་ནོ། །སྔགས་ཀྱི་རི་ལུ་ཕྱི་མ་གཉིས་ཀྱང་རང་རང་གི་ཏིང་ངེ་འཛིན་གསུམ་དང་སྦྱར་ལ། ཐུན་བཞིར་བསྒོམ་པ་ཡང་སྔར་དང་འདྲའོ། ༈ །ཕྱི་རོལ་གྱི་ཕྱག་མཚན་ལ་བརྟེན་ནས་རིག་འཛིན་སྒྲུབ་པར་མ་ཟད་ད་ནི་སྔགས་ཀྱི་སྐུ་ཡི་ཕྱག་རྒྱ་ཆེན་པོའི་གཟུགས་ཀྱིས་ཀྱང་རིག་འཛིན།གྲུབ་པ་བསྟན་པར་བྱ་བའི་ཕྱིར། མཁའ་དབྱིངས་ཞེས་བྱ་བ་ལ་སོགས་པ་གསུངས་ཏེ། འདིར་རིགས་ལྔ་ལ་མཁའ་དབྱིངས་ལྔ་ནི་ལྷག་མོས་འོད་གསལ་དུ་བསྡུས་པའི་དེ་བཞིན་ཉིད་ལས་བྱང་ཆུབ་པ་ཡིན་ཏེ། དེས་དང་པོ་སྦྱོར་བ་གཞན་ཡང་མཚོན་ནོ། །ཟླ་ཉི་ལ་སོགས་པའི་གདན་ལྔ་ནི། དཀྱིལ་འཁོར་རྒྱལ་མཆོག་གི་གཙོ་བོ་རྣམས་ཀྱི་གདན་ནོ། འཁོར་ལོ་དང་རྡོ་རྗེ་དང་རིན་པོ་ཆེ་དང་པདྨ་དང་རལ་གྲི་ཆེན་པོའི་རིགས་སྒོམ་པར་གསུངས་པ་ནི། ཕྱག་མཚན་གྱི་གཙོ་བོ་ལྔ་སྟོང་པའི་ངང་ལས་འཁོར་ལོ་སོགས་ལྔར་བསྐྱེད་པ་ལ་རྣམ་སྣང་སོགས་ཀྱིས་གཙོ་བོ་བྱས་པའི་དཀྱིལ་འཁོར་བསྐྱེད་ནས་སྒོམ་པ་ལ་བླ་མ་རྣམས་འཆད་དོ། །ནམ་མཁའ་ཡི་དབྱིངས་ནི་དེ་བཞིན་ཉིད་དོ། །དེར་གསལ་བའི་དཀྱིལ་འཁོར་ཏེ་ཟླ་བའི་དཀྱིལ་འཁོར་རྣམ་པར་བསམས་ལ། དེའི་དཀྱིལ་དུ་གནས་པའི་རྣམ་པར་སྣང་མཛད་དུ་བདག་ཉིད་བསྒོམས་ནས། དེའི་ལག་ཏུ་འཁོར་ལོ་རྩིབས་བརྒྱད་པ་བསྒོམས་ན། འཁོར་ལོའི་རིག་པ་འཛིན་པར་འགྱུར་རོ། །ཕྱག་གི་འཁོར་ལོ་སྒོམ་པ་སོགས་འདི་དག་གི་ལས་སྒྲུབ་ཚུལ་ཇི་ལྟར་བྱ་ཞེ་ན། འཁོར་ལོ་ཆེན་པོ་ཞེས་བྱ་བ་ལ་སོགས་པ་གསུངས་ཏེ། འཁོར་ལོ་ཆེན་པོའི་རིགས་ནི་རྣམ་
པར་སྣང་མཛད་ཀྱི་རིགས་ཀྱི་ལྷ་རྣམས་ཏེ། :ཆག:སྔ་མ་བཞིན་ཞེས་འབྱུང༌། དེ་དང་པོ་ལྷ་དེ་རྣམས་སྔ་མ་ཕྱི་རོལ་གྱི་ཕྱག་མཚན་ལ་བརྟེན་པའི་སྐབས་སུ་བཤད་པ་བཞིན་དུ་འཁོར་ལོའི་ལྟེ་བར་ལྷ་རྣམས་བསྐྱེད་པའོ། །བསྒོམས་ལ་སངས་རྒྱས་སྐུར་ནི་རབ་སྦྱོར་ཞིང་སྟེ། རྣམ་པར་སྣང་མཛད་ཀྱི་རྣལ་འབྱོར་དང་ལྡན་པས། ཡེ་ཤེས་འདི་ནི་ཞེས་བྱ་བ་རྣམ་པར་སྣང་མཛད་ཀྱི་སྒྲུབ་པ་འདི་ཡེ་ཤེས་རྡོ་རྗེ་ཞེས་བྱ་བ་སྒྲུབ་པ་པོས་བསྒྲུབ་པར་བྱའོ། །མཁའི་དབྱིངས་ཞེས་བྱ་བ་ལ་སོགས་པ་ལ། ནམ་མཁའི་དབྱིངས་ལ་ཉི་མའི་དཀྱིལ་འཁོར་བསྒོམས་ལ། དེའི་དབུས་སུ་གནས་པར་གཉིས་སུ་མེད་པའི་ཡེ་ཤེས་ཀྱི་བདག་ཉིད་ཅན་མི་བསྐྱོད་པར་བདག་ཉིད་བསྒོམ་པ་སྟེ། ལག་ཏུ་རྡོ་རྗེ་ཞེས་བྱ་བ་ནི་སྔ་མ་རྣམ་སྣང་ལ་བཤད་པ་བཞིན་དུ་རྡོ་རྗེ་ལ་གནས་པའི་དཀྱིལ་འཁོར་བསྐྱེད་དོ་ནོ་། །དེ་བཞིན་དུ་ནམ་མཁའི་དབྱིངས་ལ་རིན་པོ་ཆེ་བསམས་ལ། དེའི་དབུས་སུ་གནས་པར་རིན་ཆེན་རྡོ་རྗེ་སྟེ་རིན་ཆེན་འབྱུང་ལྡན་དུ་བདག་ཉིད་བསྒོམ་མོ། །ལག་ཏུ་རིན་ཆེན་ཞེས་བྱ་བ་ནི་བཤད་ཟིན་པ་ནི་ཕྱག་མཚན་ལ་ལྷ་སྒོམ་ཚུལ་རྣམ་སྣང་ལྟར་བྱ་བའི་དོན་ཏོ། །ནམ་མཁའི་དབྱིངས་ལ་ཆོས་ཀྱི་དབྱིངས་ཏེ་པདྨ་འདབ་མ་བརྒྱད་པ་བསམས་ལ། དེའི་དབུས་སུ་གནས་པར་ཚེ་དཔག་ཏུ་མེད་པར་བདག་ཉིད་རབ་ཏུ་བསྒོམས་ནས། པདྨ་ལ་ལྷ་སྒོམ་པ་སོགས་ཐམས་ཅད་སྔ་མ་རྣམ་སྣང་གི་སྐབས་བཞིན་དུ་བསྐྱེད་པར་བྱའོ། །ནམ་མཁའི་དབྱིངས་ལ་
དམ་ཚིག་གི་དབུས་སུ་གནས་པ་སྟེ་སྣ་ཚོགས་རྡོ་རྗེ་ལ་གནས་པར་རོ། །གདོན་མི་ཟ་བ་ཞེས་བྱ་བ་ལ་སོགས་པ་འདིའི་དོན་ནི་བཤད་ཟིན་པ་ཡང་རིན་འབྱུང་དང་འདྲའོ་ཏོ་། ༈ །དེ་ལྟར་རིགས་ལྔའི་ཕྱག་མཚན་ཕྱི་ནང་གི་འཁོར་ལོ་ལ་སོགས་པའི་མཚན་མ་རྣམས་ལ་བརྟེན་པའི་བསྒྲུབ་པ་བཤད་ནས། གཞན་ཡང་ཁྲོ་བོའི་རྒྱལ་པོའི་མཚན་མ་ལ་བརྟེན་ ནས་སོགས ༧འགྱུར་གསར་གཉིས་ལ་སོགས་མེད་དོ། །པ་དག་ཀྱང་ བསྒྲུབ་པར་བྱའོ། ཞེས་བསྟན་པར་བྱ་བའི་ཕྱིར། རྩེ་གསུམ་ཞེས་བྱ་བ་ལ་སོགས་པ་སྨོས་པ་ཡིན་ཏེ། [སྟོབས་པོ་ཆེའི་རྩེ་གསུམ་དང༌། འདོད་རྒྱལ་གྱི་ཡེ་ཤེས་ཀྱི་ལྕགས་ཀྱུ་དང༌། སོགས་ཀྱིས་ཁྲོ་བོ་ལྷག་མའི་ཕྱག་མཚན་བཟུང་ངོ༌། །རྡོ་རྗེའི་ཁྱད་རྡོ་རྗེའི་སྦྱོར་བོས་བསྒྲུབ་པར་བྱ། ཞེས་འབྱུང་ངོ་། །པར་གྱིས་བསྒྲུབས་ན་ཞེས་བྱ་བ་ནི། མི་བསྐྱོད་པའི་ཏིང་ངེ་འཛིན་གྱིས་བསྒྲུབ་པ་སྟེ་མི་བསྐྱོད་པའི་བསམ་གཏན་དེས་ནི་ཏྲི་ཤུ་ལ་ལ་སོགས་པ་འདི་དག་འགྲུབ་པར་འགྱུར་རོ། །ཁྲོ་བོ་བཅུ་གང་གི་ཕྱག་མཚན་གྱིས་སྒྲུབ་ཀྱང་མི་བསྐྱོད་པའི་ཏིང་ངེ་འཛིན་གསུམ་གྱིས་བྱའོ། །སྒྲུབ་པ་པོ་གང་གིས་བསྒྲུབ་ཅེ་ན། སྐུ་གསུང་ཐུགས་ཀྱི་སྒྲུབ་པ་ཡིས་ཞེས་བྱ་བ་གསུངས་ཏེ། སྐུ་གསུང་ཐུགས་ནི་སྒྲུབ་པ་པོ་གང་ཐ་མལ་པའི་ལུས་ངག་ཡིད་གསུམ་གྱི་དངོས་པ་སྤངས་ནས། ཕུལ་དུ་བྱུང་བའི་ལྷའི་སྐུ་གསུང་ཐུགས་ཀྱི་དངོས་པོར་སྒྲུབ་པར་ནུས་པའི་བསྐྱེད་རིམ་མཐར་ཕྱིན་པ་དེ་ནི། སྐུ་གསུང་ཐུགས་ཀྱི་བསྒྲུབ་པ་སྟེ་དེས་འགྲུབ་པར་འགྱུར་གྱི་གཞན་དག་གིས་ནི་
མ་ཡིན་ནོ། །དམ་ཚིག་ཆེན་པོ་ནི་ཐེག་པ་ཆེན་པོའོ། །དེའི་དངོས་གྲུབ་ནི་བཤད་མ་ཐག་པ་སྟེ། དེ་སྟོན་པའི་རྡོ་རྗེ་ནི་དམ་ཚིག་ཆེན་པོའི་དངོས་གྲུབ་རྡོ་རྗེའོ། །དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་རབ་ཏུ་བྱེད་པ་ཉེ་བར་སྡུད་པའོ། ༈ །བཤད་ཟིན་པ་དང་འཆད་འགྱུར་གྱི་དངོས་གྲུབ་བསྒྲུབ་པའི་ཐབས། ཁྱད་པར་ཅན་བསྟན་པར་བྱ་བའི་ཕྱིར། ལམ་གྱི་བཞི་མདོ་ཞེས་བྱ་བ་ལ་སོགས་པ་གསུངས་ཏེ། བྲམ་ཟེའི་རིགས་ལ་སོགས་པ་ལས་བྱུང་པའི་ཕྱག་རྒྱ་རྣམ་པ་བཞི་དང་ངམ། ཡང་ན་ཤིང་གཅིག་དྲུང་སྟེ་གཅིག་པུ་ཉིད་དང་ངོ༌། །མཚན་མ་གཅིག་ཅེས་པ་ནི་རབ་ཏུ་མཉམ་པ་སྟེ། རང་གི་རིགས་དང་མཐུན་པའི་ཆ་ལུགས་འཛིན་པའི་ཕྱག་རྒྱ་མ། །ཞི་བའི་གནས་ནི་གདོལ་པ་ལ་སོགས་པའི་བུད་མེད་རྣམས་ཏེ། དེ་དག་ལས་ཇི་ལྟར་རྙེད་པའི་བདེ་ཆེན་སྐྱེ་བའི་གནས་རྣམས་སུ། རྡོ་རྗེ་སྟེ་ཡེ་ཤེས་གསུམ་པོ་དགུག་ཅིང་རྣལ་འབྱོར་པ་གང་གིས་རྗེས་སུ་མྱོང་བ་དེ་ནི་རྡོ་རྗེ་དགུག་པ་ཞེས་པ་ཕྱག་རྒྱ་དང་འི་སྙོམས་པར་ཞུགས་པའི་མཚན་ཉིད་དེ་དེ་བསྒྲུབ་པར་བྱའོ། །ཁྱད་པར་གྱིས་ཞེས་པ་ནི་ཕུལ་དུ་བྱུང་བའི་ཐབས་དེས་དངོས་གྲུབ་བསྒྲུབ་པར་བྱ་བ་སྟེ། ཕྱག་རྒྱའི་ཡུལ་དང་སྙོམས་པར་འཇུག་པ་ལས་གཞན་པའི་ཐབས་དག་ནི་དངོས་གྲུབ་བསྒྲུབ་པ་ལ་འཇུག་པ་བུལ་པ་སྟེ་འགྲུབ་ཐག་རིང་བ་ཡིན་པའི་ཕྱིར་རོ། །དེའི་ཕྱིར་རྩ་བར་ཁྱད་པར་གྱིས། ཞེས་ཐབས་དེ་ཁྱད་པར་དུ་འཕགས་པར་གསུངས་སོ། །
དགོངས་པར་བཤད་པའོ། ༈ །དེ་ལྟར་ཕྱག་མཚོན་གྱི་རིག་པ་འཛིན་པ་ལ་སོགས་པའི་དངོས་གྲུབ་ཁྱད་པར་ཅན་རྟོགས་པ་སྟེ་ཐོབ་པས་རང་གི་དོན་ཕུན་སུམ་ཚོགས་པ་བསྟན་ནས། གདུལ་བྱའི་སྐྱེ་བོ་རྣམས་ཀྱི་སེམས་རང་ལ་འདུན་པར་བྱ་བའི་ཕྱིར། སྦྱོར་གསུམ་ཞེས་བྱ་བ་ལ་སོགས་པ་གསུངས་ཏེ། སྦྱོར་གསུམ་རྡོ་རྗེ་ཅན་ཞེས་བྱ་བ་ནི་རང་རྡོ་རྗེ་ཅན་གྱི་སེམས་དཔའ་གསུམ་གྱི་བདག་ཉིད་ཅན་དུ་བྱ་བའོ་ནོ་། །སྦྱོར་གསུམ་སྔགས་ཀྱི་སྐྱེས་བུ་ཞེས་བྱ་བ་ནི་རྡོ་རྗེ་གསུམ་གྱི་བདག་ཉིད་ཅན་གྱི་སྔགས་ཡི་གེ་གསུམ་ལས་བསྐྱེད་པའི་ཀྱི་སྐྱེས་བུའོ། །བསམ་ཞེས་བྱ་བ་ནི་བདག་ཉིད་རྡོ་རྗེ་འཆང་དེར་བསྐྱེད་པའོ། །ཁསངས་རྒྱས་ནི་རིན་པོ་ཆེ་ལྟ་བུའི་གང་ཟག་གོ །ཡེ་ཤེས་བློ་ལྡན་ནི་གཉིས་སུ་མེད་པའི་ཡེ་ཤེས་འདོད་པ་རྣམས་སོ། །:པ་ཚབ:སངས་རྒྱས་ཡེ་ཤེས་བློ་ལྡན་རྣམས། །རླུང་གི་དཀྱིལ་འཁོར་མཆོག་གནས་པ། ཞེས་འབྱུང་བ་ལྟར་བྱའོ། །སངས་རྒྱས་ཡེ་ཤེས་བློ་ལྡན་ཞེས་པ་འདི། སྔ་མ་རྣམས་པཎྜི་ཏ་ལ་འདོད་དེ། དེ་བཀུག་ནས་དེ་ལ་གདམས་པ་ཉན་པ་ལ་འཆད་དོ། །འོན་ཀྱང་ལམ་འདིའི་སྐལ་བ་དང་ལྡན་པའི་གདུལ་བྱ་དམ་པ་རྣམས་བཀུག་ནས་ལམ་ལ་སྦྱོར་བ་ལ་བཤད་ན་འགྲིག་གོ །ཀ སྐུ་གསུང་ཐུགས་ཀྱི་ཀྱོ་བ་ཏང་ཞེས་བྱ་བ་ནི། དེ་ནས་བདག་ཉིད་ཀྱི་ལུས་དང་ངག་དང་ཡིད་ཀྱོ་བ་ཏང་སྟེ་འོད་ཟེར་ལྕགས་ཀྱུ་ལྟ་བུའི་གི་རང་བཞིན་དུ་བསམ་པའོ། །དེ་ལྟར་སེམས་པ་དེ་དགོས་པ་ཅིའི་ཕྱིར་ཞེ་ན། སངས་རྒྱས་ཡེ་ཤེས་བློ་ལྡན་དགུག་པའི་ཕྱིར་རོ། །གགང་ཟག་ཁྱད་པར་ཅན་དགུག་
པ་དེ་ཉིད་ཀྱི་སྦྱོར་བ་བསྟན་པར་བྱ་བའི་ཕྱིར། རླུང་གི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་འཆང་གི་དབང་དུ་བྱས་པའི་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་ཚེ་ཡི་གེ་ཡྃ་ལས་བྱུང་བའི་རླུང་གི་དཀྱིལ་འཁོར་གཡོ་བའི་གཟུགས་ཅན་བསམ་ལ། དགུག་པར་བྱ་བའི་བསྒྲུབ་པར་བྱ་བ་དེ་རླུང་དེར་བཞག་སྟེ། དགུག་རྒྱུ་དེའི་ལུས་དང་ངག་དང་ཡིད་ལ་བདག་ཉིད་ཀྱི་སྐུ་གསུང་ཐུགས་སེམས་དཔའ་གསུམ་གྱི་འོད་ཟེར་གྱི་ཀྱོ་བ་ཏང་བཏང་ལ། ལྕགས་ཀྱུས་སྙིང་ག་ནས་དྲངས་ནས་ཞགས་པས་བཅིངས་ཏེ་རིམ་གྱིས་རིམ་གྱིས་བདག་གི་གམ་དུ་འོངས་ཏེ་རླུང་གི་དཀྱིལ་འཁོར་ལས་བབས་ནས། ཡི་གེ་ལྃ་ལས་བྱུང་བའི་དབང་ཆེན་གྱི་དཀྱིལ་འཁོར་ལ་འདུག་སྟེ། རང་ལ་གུས་པས་འདུད་པ་བྱེད་པར་བསམ་མོ། །སངས་རྒྱས་དགུག་པ་ཞེས་བྱ་བ་ནི། གང་བཤད་མ་ཐག་པའི་དགུག་པའི་ཆོ་ག་དེ་ནི་སྐྱེ་བོ་ལམ་འདི་ལ་སྐལ་བ་དང་ལྡན་པའི་སེམས་དགུག་པའི་དམ་པ་ཡིན་ཏེ། རྒྱུད་གཞན་དག་དང་ :པ་ཚབ:ཏུ་ནི་ཆོ་ག་ ཐུན་མོང་མ་ཡིན་པའོ། ༈ །དགུག་པའི་སྦྱོར་བ་འདི་ཉིད་ཀྱིས་དམ་ཚིག་ལས་བྱུང་བ། ཕྱོགས་བཅུ་ན་གནས་པའི་ལྷ་མོ་རྣམས་ཀྱང་བཀུག་ལ་ཉེ་བར་ལོངས་སྤྱད་པར་བྱ་ཞིང་རང་གི་ལུང་བསྒོ་བ་སྒྲུབ་པ་ལ་གཟུད་པར་བྱའོ། །ནམ་མཁའི་དབྱིངས་ཀྱི་དམ་ཚིག་ནི་ལྷ་མོ་རྣམས་སོ། །དེ་རྣམས་ཀྱི་རྡོ་རྗེ་དགུག་པ་ནི་གཞན་གྱིས་མི་ཕྱེད་པའི་དགུག་པའོ། ༈ །རྣམ་པར་
སྣང་མཛད་ཅེས་བྱ་བ་ལ་སོགས་པ་ལ། རྣམ་པར་སྣང་མཛད་ཀྱི་འཁོར་ལོ་ཆེན་པོ་ནི་རྣམ་པར་སྣང་མཛད་ཀྱི་མཚན་མར་གྱུར་པའི་འཁོར་ལོ་སྟེ། རྣམ་པར་སྣང་མཛད་ཀྱི་རིགས་དང་ལྡན་པ་རྣམས་ཀྱི་སྐྱེད་པའི་རྒྱུར་གྱུར་པའི་ ཕྱིར་རོ། །༢ རྒྱལ་བའི་གནས་སོ་ལྕགས་ཀྱུ་བསམས་ནས་ནི་ཞེས་བྱ་བ་ནི། འཁོར་ལོ་ལྕགས་ཀྱུས་མཚན་པ་དེ་ཀྱོ་བ་ཏང་འདྲ་བ་བྱུང་བར་བསྒོམས་ལ་བསྒྲུབ་པར་བྱ་བའི་སྙིང་གར་བཏང་སྟེ་སྔ་མ་བཞིན་དུ་དགུག་པར་བྱའོ། །བཤད་མ་ཐག་པའི་རིམ་པ་འདི་ཉིད་ཀྱིས་མཚན་མ་སྟེ། ཕྱག་མཚན་ལྷག་མ་ལྕགས་ཀྱུས་མཚན་པ་རྣམས་ཀྱིས་ཀྱང་དགུག་པར་བྱའོ་ཞེས་བསྟན་པར་བྱ་བའི་ཕྱིར། རྡོ་རྗེ་པདྨ་ལ་སོགས་པས། ཞེས་བྱ་བ་ལ་སོགས་པ་གསུངས་སོ། །ས་འོག་ས་སྟེང་ས་བླའི་ཁམས་གསུམ་གྱི་དམ་ཚིག་ནི་གནོད་སྦྱིན་མོ་ལ་སོགས་པ་སྟེ། དེ་རྣམས་ཀྱི་དགུག་པ་ནི་ཁམས་གསུམ་གྱི་དམ་ཚིག་དགུག་པའོ། །རྣམ་པའི་མཆོག་རྣམས་ཀུན་ལྡན་པའི། ཞེས་བྱ་བ་ནི། རྣམ་པར་སྣང་མཛད་ལ་སོགས་པའི་རྣམ་པར་ཡོངས་སུ་བསྐྱེད་པའི་ལྷའི་སྐུ་དེ་རྒྱས་འདེབས་པའི་དུས་སུ་སངས་རྒྱས་ཀྱི་སྐུ་སྟེ་རྡོ་རྗེ་འཆང་ཆེན་པོར་བདག་ཉིད་རྣམ་པར་བསྒོམས་ལ། ལག་ཏུ་སྟེ་དེའི་ལག་པར་སྐུ་དང་གསུང་དང་ཐུགས་ཏེ་བསྒྲུབ་པར་བྱ་བའོ། །ཞེས་པ་ནི་བསྒྲུབ་བྱ་ཁུགས་པའི་ཚེ་རང་གི་ལག་པས་སྒྲུབ་བྱ་བཟུང་བར་སེམས་པའོ། །ཀྱོ་བ་ལ་སོགས་རབ་ཏུ་བསྒོམ་ཞེས་
བྱ་བ་ནི། རྩ་བར་ལྕགས་ཀྱུ་ལ་སོགས་སྒོམ་ཞེས་རྣམ་དབྱེ་གཉིས་པར་ཡོད་པ་དེ་ཀྱོ་བ་ལ་སོགས་པ་རྣམས་ཀྱིས་ཞེས་རྣམ་དབྱེ་གསུམ་པར་བླང་བར་བྱ་བ་སྟེ། བཟུང :པ་ཚབ:་བར་བྱའོ། །ལྕགས་ཀྱུས་བསྒྲུབ་བྱའི་སྙིང་ག་ནས་དྲངས་ནས་མགྲིན་པ་ཞགས་པས་བཅིངས་ཏེ་རླུང་གི་དཀྱིལ་འཁོར་ལ་བསྐྱོན་ནས་བཀུག་སྟེ། མདུན་དུ་སླེབ་པ་དང་རླུང་ལས་བབས་ཏེ། ལཾ་ལས་བྱུང་བའི་ས་ལ་འདུག་པ་དེ་རང་རྡོ་རྗེ་འཆང་དུ་བསྒོམས་པའི་ལག་པས་བཟུང་ནས་རྒྱས་གདབ་པར་བྱའོ་ཞེས་བྱ་བར་དགོངས་སོ། །རྒྱས་འདེབས་བྱེད་ལུགས་ལ་འཆད་ཚུལ་མི་འདྲ་བ་མང་དུ་ཡོད་ཀྱང༌། རྒྱས་བཏབ་པ་འདི་ལྟ་བུའི་སྦྱོར་བ་ཡིས། ཞེས་གསུངས་པའི་རྐང་པ་གཉིས་ཀྱི་དོན། རྣམ་པའི་མཆོག་རྣམས་ཞེས་པ་ནས། རྡོ་རྗེ་དང་ནི་འདྲ་བར་འགྱུར། ཞེས་པའི་བར་གྱི་འགྲེལ་པར་གསུངས་སོ། །དེའི་དོན་ནི། རྒྱས་བཏབ་པ་ནི་རང་གི་བསྒོ་བ་ལས་མི་འདའ་བར་བྱེད་པ་ཡིན་ལ། དེའི་བྱེད་ཚུལ་ནི་རང་གི་ལུས་རྡོ་རྗེ་འཆང་དུ་སྒོམ་པ་དང༌། ལྕེ་རྡོ་རྗེར་བསྐྱེད་ནས་ༀ་ཨཱཿ ཧཱུཾ་ཆེ་གེ་མོ་མ་མ་བ་ཤཾ་ཀུ་རུ་ཨཱཿ །ཞེས་པའི་སྔགས་འདོན་པ་དང་སྔགས་དེའི་དོན་བསྒྲུབ་བྱ་འདི་ཞེས་བྱ་བ་ཁྱོད་ཇི་ལྟར་འདོད་པར་བདག་གི་དབང་དུ་གྱུར་པར་མཛོད་ཅིག །ཅེས་པ་ཡིད་ལ་སེམས་པ་གསུམ་གྱི་སྒོ་ནས་རྒྱས་བཏབ་ན་རྡོ་རྗེ་གསུམ་དུ་འགྱུར་བའོ། །རྒྱས་བཏབ་པ་འདི་ལྟ་བུ་ཡི་སྦྱོར་བ་ཡིས་ནི་སྒྲུབ་པ་པོ་དེ་ནི་གནས་ཏེ་རྡོ་རྗེ་སེམས་དཔའི་གོ་འཕང་ངོ༌། །དེའི་ལས་ནི་དེ་ཉམས་སུ་ལེན་པའི་བྱ་བ་དེ་བཀུག་པ་དེ་ལ་བརྟེན་ནས་བྱེད་པར་འགྱུར་པས་ན་ལས་བྱེད་པར་འགྱུར་ཞེས་བྱའོ། ༈ །རྣམ་པའི་མཆོག་རྣམས་ཞེས་བྱ་བ་ལ་སོགས་
པས་ནི་བཤད་མ་ཐག་པའི་རྒྱས་འདེབས་པའི་དོན་ཉིད་རྣམ་པར་འགྲེལ་ཏེ། རྡོ་རྗེའི་སྐུ་ནི་རང་གི་ལུས་སོ། །དེ་བསྒོམ་པ་ནི་ཇི་སྐད་དུ་གསུངས་པའི་མཚན་ཉིད་དང་ལྡན་པར་རྡོ་རྗེ་འཆང་དུ། བསྒོམ་པ འོ་ནི་། དེ་ལྟར་བྱས་པས་རང་གི་ལུས་རྣམ་པར་སྣང་མཛད་དུ་བྱ་བ་སྟེ་བྱེད་དོ་འོ་། །ལྕེ་ཉིད་རྡོ་རྗེ ར་བསྐྱེད་པ་ཡིན་པས་ན་རྡོ་རྗེའི་ལྕེའོ། །དེའི་སྦྱོར་བ་ནི་སྔགས་འདོན་པའོ། །དེས་ནི་གསུང་སྟེ་འོད་དཔག་ཏུ་མེད་པ་དེ་དང་འདྲ་བར་འགྱུར་རོ་ཞེས་པ་སྟེ་འོད་དཔག་ཏུ་མེད་པ་ཉིད་དུ་བྱེད་པའོ། །རང་གི་ལྷའི་ང་རྒྱལ་དང་ལྡན་པས་ལག་པར་གནས་པའི་བསྒྲུབ་པར་བྱ་བ་བཟུང་སྟེ། བཟླས་པར་བྱ་བའི་སྔགས་ཀྱི་དོན་བསམས་ན་རྡོ་རྗེ་འདྲ་བར་འགྱུར་རོ་ཞེས་བྱ་བ་ལ་རྡོ་རྗེ་ནི་མི་བསྐྱོད་པ་སྟེ་དེ་དང་འདྲ་བར་འགྱུར་རོ་ཞེས་བྱ་བ་སྟེ། སྔགས་དོན་སེམས་པ་འདི ས་ནི་མི་བསྐྱོད་པ་ཉིད་དུ་བྱེད་པའོ། །དེ་ཡང་སྐུ་གསུང་ཐུགས་ཀྱི་སྒོ་ནས་བསྒྲུབ་བྱ་ལ་རྒྱས་འདེབས་པའི་རྣམ་པ་འདི་དག་གིས་གསང་བ་གསུམ་སྟེ་སྐུ་དང་གསུང་དང་ཐུགས་དེ་དང་མཉམ་པར་འགྲོ་ཞིང་སྐུ་ལ་སོགས་པའི་ངོ་བོར་གྱུར་པས་ན་གསང་གསུམ་དམ་ཚིག་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་མཆོད་པའི་མཆོག་ནི་མཆོད་པ་སྟེ། སྒྲུབ་གྲོགས་ཕྱག་རྒྱའི་འདོད་ཡོན་ལྔའི་རང་གི་ངོ་བོ་ཉིད་གནས་ལུགས་ཇི་ལྟ་བ་བཞིན་དུ་ཡོངས་སུ་ཤེས་པའི་སྒོ་ནས་དེ་དག་དང་སྙོམས་པར་འཇུག་པའི་མཚན་ཉིད་ཀྱི་མཆོད་པས་མཆོད་ནས་རབ་ཏུ་བསྒྲུབ་པར་བྱ་ཞིང་བཤད་
མ་ཐག་པའི་དགུག་པའི་སྦྱོར་བ་འདི་རྫོགས་པར་བྱའོ། ༈ །ད་བཤད་མ་ཐག་པའི་ཆོ་ག་དེ་ནི་སངས་རྒྱས་ཐམས་ཅད་ཀྱི་སྟེ། དེ་བཞིན་གཤེགས་པ་ཐམས་ཅད་དང་འབྲེལ་བའི་གསང་བ་སྟེ་སྦ་བར་བྱ་བ་དང༌། སྙིང་པོ་སྟེ་མཆོག་ཏུ་གྱུར་པ་རྣམས་གང་གིས་བསགས་ཤིང་བསྡུས་པར་གྱུར་པའི་ཆོ་ག་དེ་ནི་གསང་བའི་སྙིང་པོ་བསྡུས་པ་ཡིན་ཞེས་བྱའོ། །གསང་བ་ཆེན་པོ་ནི་ལྷ་ལ་སོགས་པ་དགུག་པའོ། །དམ་ཚིག་ནི་འདའ་བར་བྱ་བ་མ་ཡིན་པར་གྱུར་པ་གང་ཡིན་པ་དེ་ནི་གསང་བ་ཆེན་པོའི་དམ་ཚིག་སྟེ་རྡོ་རྗེ་འཆང་ཆེན་པོའོ། །དེ་སྐད་ཅེས་གསུངས་སོ་ཞེས་བྱ་བ་ནི་སྡུད་པ་པོའོ་ཚིག་གོ ། ༈ ལས་ཀྱི་རིགས་སོ་སོའི་དབྱེ་བས་ཤ་གང་ལ་ཉེ་བར་ལོངས་སྤྱོད་པ་བསྟན་པར་བྱ་བའི་ཕྱིར། ཤ་ཆེན་ཞེས་བྱ་བ་ལ་སོགས་པ་གསུངས་ཏེ། ཆེ་བ་ནི་མི་སྟེ་དེ་རྣམས་ཀྱི་ཤ་ནི་ཤི་བའི་རོ་ལས་བྱུང་བས་ན་དམ་ཚིག་མཆོག་སྟེ་དེས་འབྱུང་པ་ལ་གཏོར་མ་བྱིན་ལ། རྡོ་རྗེ་གསུམ་མཆོག་ཅེས་བྱ་བ་རང་གི་ལུས་བསྒྲུབ་པར་བྱས་ན། ནམ་མཁའ་ལ་གནས་པ་འཐོབ་པར་འགྱུར་རོ། །དེ་ཡང་བཟའ་བའི་ཕྱིར་དུ་བསད་པའི་ཁ་ན་མ་ཐོ་བ་མེད་པར་རྙེད་པའི་མིའི་ཤས། བགེགས་རྣམས་ཉེ་བར་ཞི་བར་བྱ་བའི་ཕྱིར་འབྱུང་པོ་ཐམས་ཅད་ལ་གཏོར་མ་བྱིན་ལ།གཏོར་མ་ནི་མཚོན་པ་ཙམ་སྟེ་ལེའུ་དྲུག་པར་བཤད་པ་ལྟར་རང་ཟ་བ་དང༌། ལྷ་ལ་དབུལ་བ་ཡང་ཤ་དེས་བྱ་སྟེ། གཞན་རྣམས་ལ་ཡང་དེ་ལྟར་སྦྱར་རོ། །
ནམ་མཁའ་ལ་སྤྱོད་ལ་ཉིད་བསྒྲུབ་པར་བྱའོ། ཞེས་པའི་དོན་ནོ། དམ་ཚིག་མཆོག་གིས་ཞེས་བྱ་བ་ནི་ཤ་ཆེན་ལ་སོགས་པ་བཤང་གཅི་དང་ལྡན་པ་ནི་དམ་ཚིག་མཆོག་སྟེ། ཤ་དེས་རིག་པ་འཛིན་པ་ཉིད་བསྒྲུབ་པར་འདོད་ན་གཏོར་མ་སྦྱིན་པར་བྱའོ། །གླང་པོ་ཉིད་ཀྱི་ལུས་རང་ཤི་བ་དེའི་ཤ་ལས་མངོན་པར་ཤེས་པ་ལྔ་འདོད་པས་གཏོར་མ་སྦྱིན་པར་བྱའོ། །དེ་བཞིན་དུ་རྟའི་ཤས་ནི་མི་སྣང་བ་ཡི་དངོས་གྲུབ་བསྒྲུབ་བར་བྱའོ། །ལས་ཀྱི་དབྱེ་བས་གསུངས་པའི་ཤ་སོ་སོ་བ་རྣམས་མ་རྙེད་པ་ལ་ཆོ་གར་བྱ་བ་སྟེ་བྱེད་ལུགས་བསྟན་པར་བྱ་བའི་ཕྱིར། ཁྱི་ཤ་དག་གི་ཞེས་བྱ་བ་ལ་སོགས་པ་གསུངས་ཏེ། ཤ་གཞན་མ་རྙེད་ན་ཁྱིའི་ཤས་ནི་སྔར་བསྟན་པའི་དངོས་གྲུབ་རྣམས་ཐམས་ཅད་རབ་ཏུ་བསྒྲུབ་པར་བྱའོ་ཞེས་ཤེས་པར་བྱའོ། །དེ་བཞིན་དུ་ཁ་ན་མ་ཐོ་བ་མེད་པའི་བ་ལང་གི་ཤ་ལ་ཉེ་བར་ལོངས་སྤྱོད་པས་རྡོ་རྗེ་སྟེ་དབང་དུ་བྱ་བ་བསྒྲུབ་པར་དཀའ་བ་རྒྱལ་པོ་ལ་སོགས་པ་དགུག་པ་བསྒྲུབ་པར་བྱའོ། །ཁ་ན་མ་ཐོ་བ་མེད་པའི་ཤ་མེད་ན་ཆོ་གར་བྱ་བ་བསྟན་པར་བྱ་བའི་ཕྱིར། ཤ་རྣམས་ཐམས་ཅད་ཅེས་བྱ་བ་ལ་སོགས་པ་གསུངས་ཏེ། དེ་ལྟར་བཤད་པའི་ཤ་རྣམས་མ་རྙེད་ན་ཟས་གཞན་ལ་ཤ་དེ་རྣམས་སུ་བསྒོམས་པས་ཤ་རྣམས་བསྐྱེད་པར་བྱའོ། །ཡང་ན་བག་ཕྱེ་ལ་སོགས་པ་ལས་མིའི་གཟུགས་ལ་སོགས་པ་ལྔ་བྱས་ལ། བྱས་པ་དེའི་ངོ་བོ་ཉིད་ལས་ཏེ་མ་བསད་པར་སྲོག་དང་བྲལ་
བར་བསམས་ནས་དེའི་ཡན་ལག་གིས་ཏེ་ཐབས་ཀྱིས་བསྒྲུབ་པར་བྱའོ། །རྡོ་རྗེ་སྦྱོར་བ་སྟེ། གཞན་གྱིས་མི་ཤིགས་པའི་ཁ་ཟས་ཀྱི་ཆོ་ག་བཤད་མ་ཐག་པ་འདི་བྱས་ན། སྒྲུབ་པ་པོ་ལ་སངས་རྒྱས་ཐམས་ཅད་བྱིན་གྱིས་རློབ་པར་མཛད་ཅིང་མངོན་པར་འདོད་པའི་དོན་གྱི་དངོས་གྲུབ་འཐོབ་པར་འགྱུར་རོ། ༈ །རིགས་ལྔའི་ལྷ་རྣམས་ཀྱི་བདག་ཉིད་ཀྱི་ལུས་རྒྱས་པར་བྱ་བའི་ཕྱིར་ཚིམ་པར་བྱ་བའི་ཆོ་ག་བསྟན་པར་བྱ་བའི་ཕྱིར། རྣམ་པའི་ཀུན་མཆོག་ཅེས་བྱ་བ་ལ་སོགས་པ་གསུངས་ཏེ། མཚན་དཔེའི་རྣམ་པའི་མཆོག་རྣམས་ཀུན་དང་ལྡན་པའི་སྐུ་གསུང་ཐུགས་ཀྱི་རྡོ་རྗེ་ཅན་ཏེ་རྡོ་རྗེ་འཆང་ཆེན་པོར་བདག་ཉིད་བསམས་ལ། དེའི་འོག་ཏུ་དམ་ཚིག་སེམས་དཔའ་དེའི་སྙིང་གའི་པདྨ་ལ་གནས་པའི་ཟླ་བའི་དཀྱིལ་འཁོར་ལ་ཡེ་ཤེས་དམ་ཚིག་སྟེ་ཡེ་ཤེས་སེམས་དཔའ་བསྒོམས་ནས། འཕགས་པ་ཡབ་སྲས་ཀྱི་གཞུང་གཞན་རྣམས་ལས། ཞལ་ཕྱག་གི་རྣམ་པ་ཅན་གྱི་ཡེ་ཤེས་སེམས་དཔའ་སྒོམ་པ་གསལ་བར་མ་བྱུང་བ་ལ། རྡོ་རྗེ་སེམས་དཔའི་སྒྲུབ་ཐབས་ལས། ཡེ་ཤེས་སེམས་དཔའ་དམར་པོ་ཕྱག་གཉིས་པ་ཁ་སྦྱོར་གྱི་སྦྱོར་བས་ལུས་ཐམས་ཅད་ཚིམ་པར་བྱེད་པ་སྒོམ་པར་གསུངས་ཤིང༌། ཐུགས་རྗེ་ཞབས་ཀྱི་ཀྱང་ཡུམ་དང་བཅས་པ་དེ་བཞིན་དུ་བཤད་དོ། །ཏིང་ངེ་འཛིན་སེམས་དཔའ་ནི་ཧཱུཾ་ཡིག་ནག་པོར་བཤད་དེ། འདི་རྡོ་རྗེ་འཆང་གི་དབང་དུ་བྱས་པའོ། །དེའི་ཡང་ཐུགས་ཀར་ཏིང་ངེ་འཛིན་སེམས་དཔའ་བསམ་ཞིང་དབུ་བརྒྱན་ཏེ། སྤྱི་གཙུག་གི་གནས་
སུ་རྡོ་རྗེ་འཛིན་པ་ཞེས་བྱ་བ་རྡོ་རྗེ་འཆང་ཆེན་པོ་འདི་དཀར་པོ་ཕྱག་གཉིས་པར་ཐུགས་རྗེ་ཞབས་ཀྱིས་བཤད་དེ་རྡོར་དྲིལ་འཛིན་པས་ཡུམ་ལ་འཁྱུད་པའོ། །སྦྱོར་མཚམས་ནས་ཟླ་བའི་འོད་ཟེར་གྱི་ཚོགས་དང་འདྲ་བའི་བདུད་རྩི་འཇོག་པས། སངས་རྒྱས་ཐམས་ཅད་དེ་ཀྱི་དམ་ཚིག་དང་ཡེ་ཤེས་དང་ཏིང་ངེ་འཛིན་གྱི་སེམས་དཔའ་ཞེས་བྱ་བར་གྲགས་པ་གསུམ་ཚིམ་ཞིང༌། མཉེས་པར་འགྱུར་པར་བསམ་པར་བྱ་སྟེ་བཤད་མ་ཐག་པ་འདི་ནི་དམ་ཚིག་ཐམས་ཅད་ཀྱི་མཆོག་ཡིན་ཞིང་ཁྱད་པར་དུ་གྱུར་པ་ཡིན་པས་དམ་ཚིག་མཆོག་གོ །དེ་ལྟ་བུའི་མཆོག་ཏུ་འགྱུར་པའི་དངོས་གྲུབ་ཐམས་ཅད་བྱེད་པའི་མཆོག་གི་བསམ་གཏན་རབ་ཏུ་བྱ་བ་སྟེ་བསྒོམ་པར་བྱ་བའོ། །དམ་ཚིག་མཆོག་གིས་ནི་སྒྲུབ་པ་པོས་སོ། །དམ་ཚིག་ཐམས་ཅད་ནི་སྒྲུབ་པ་པོ་དེ་རྣམས་ཀྱི་ཡེ་ཤེས་རྡོ་རྗེ་ནི་རྡོ་རྗེ་འཆང་ཡབ་ཡུམ་གྱི་བྱང་ཆུབ་ཀྱི་སེམས་འབབ་པ་སྟེ་ཏེ་དེས་ཚིམ་པར་འགྱུར་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། ༈ །རིགས་ཀྱི་དབྱེ་བས་ལྕེའི་བསྐྱེད་ཆོག་སོ་སོར་བསྟན་པར་བྱ་བའི་ཕྱིར། ལྕེ་ཡི་དམ་ཚིག་རྡོ་རྗེ་མཆོག་ཅེས་བྱ་བ་ལ་སོགས་པ་གསུངས་ཏེ། དམ་ཚིག་རྡོ་རྗེ་ནི་རིགས་ལྔའི་རྣལ་འབྱོར་པ་རྣམས་སོ། །དེ་རྣམས་ཀྱི་མཆོག་ནི་མི་བསྐྱོད་པའི་རིགས་ཏེ་མི་བསྐྱོད་པའི་སྐུ་དེར་གནས་ནས་ལྕེ་ལ་ཧཱུཾ་:པ་ཚབ་ཆག:ཡིག་རྡོ་རྗེ་ཅན་ ཏེ རྡོ་རྗེ་ཅན་གྱི་ཧཱུཾ་སྟེ། ཧཱུཾ་ཡོངས་སུ་གྱུར་པ་
ལས་ལྕེ་རྡོ་རྗེར་བསྒོམས་ཏེ། ཟས་ལ་སོགས་པ་བཟའ་བཏུང་གང་ཅི་ཡང་རུང་བ་ལ་སྤྱོད་པ་དེ་དག་བདུད་རྩི་ལྔ་ཡི་སྦྱོར་བས་ཏེ་བདུད་རྩི་ལྔར་བསྐྱེད་པར་བྱས་ནས་ཉེ་བར་སྤྱོད་ཅིང་ཟོས་ན་རྡོ་རྗེ་གསུམ་སྟེ། སྐུ་དང་གསུང་དང་ཐུགས་ཤིན་ཏུ་སྦྱངས་པ་འཐོབ་པར་འགྱུར་རོ་ཏེ་བཤད་མ་ཐག་པའི་ཟས་སུ་བྱ་བའི་མཚན་ཉིད་འདི་ནི་རྡོ་རྗེའི་ཚུལ་མཆོག་སྟེ་རྡོ་རྗེའི་རིགས་ཀྱི་བྱེད་ཚུལ་ཡིན་ཏེ། དེ་བཞིན་དུ་ཡི་གེ་ཨཱཿ དང་ཡི་གེ་ༀ་གྱི་དམ་ཚིག་དག་གིས་ཀྱང་བྱ་སྟེ། འོད་དཔག་ཏུ་མེད་པའི་རྣལ་འབྱོར་པས་ལྕེ་ལ་ཨཱཿ ཡོངས་སུ་གྱུར་པའི་མཚན་ཉིད་ཅན་པདྨ་བསམ་པར་བྱ་ལ། རྣམ་པར་སྣང་མཛད་ཀྱི་རྣལ་འབྱོར་པས་ནི་ཡི་གེ་ༀ་ཡོངས་སུ་གྱུར་པ་ལས་ལྕེ་འཁོར་ལོར་བསམ་པར་བྱའོ་ཞེས་བྱ་བའི་བར་དུའོ། །དེ་གསུམ་གྱིས་ནི་རིན་འབྱུང་དང་དོན་གྲུབ་ཀྱི་རྣལ་འབྱོར་པས་ལྕེ་སྭ་དང་ཧཱ་ལས་རིན་པོ་ཆེ་དང་རལ་གྲིར་བསྐྱེད་པ་དང༌། བཟའ་བཏུང་བདུད་རྩི་ལྔར་བསྐྱེད་ནས་ལོངས་སྤྱོད་པ་ཡང་ཤེས་པར་བྱ་ལ། རིགས་ལྔའི་རྣལ་འབྱོར་བས་ནི་དེ་ལྔའི་རིགས་ཀྱི་ལྷའི་རྣལ་འབྱོར་པ་ཡང་སྟོན་པར་གཟུང་ངོ༌། །སྔ་མ་ཁ་ཅིག་འདི་བསྙེན་པའི་དུས་ཡིན་གྱི་ལས་སྒྲུབ་པའི་དུས་མིན། ཞེས་ཟེར་བ་ལྟར་མི་བྱ་བར་བསྙེན་བསྒྲུབ་གཉིས་ཀ་ལ་ཤེས་པར་བྱའོ། ༈ །འདི་ལྟ་བུ་ཡི་ཟས་སུ་བྱས་པའི་སྦྱོར་བས་ནི་སྐུ་ལ་སོགས་པ་ལས་སུ་རུང་པ་ཐོབ་ནས། རྡོ་རྗེ་འཆང་ཆེན་པོ་དང་འདྲ་བར་འགྱུར་བའོ། །རྡོ་རྗེ་དམ་ཚིག་ནི་བདུད་
རྩིར་བྱེད་པའི་མཚན་ཉིད་ཅན་གྱིས་བསམ་གཏན་གྱི་ཁྱད་པར་རོ། །བདུད་རྩི་ཕྲེང་བ་ནི་བདུད་རྩིའི་ཚོགས་ཏེ་རྡོ་རྗེའི་དམ་ཚིག་གིས་བདུད་རྩིའི་ཕྲེང་བ་གང་དུ་བསྐྱེད་པའི་ཏིང་ངེ་འཛིན་དེ་ལ་ནི་དེ་སྐད་ཅེས་བྱ་སྟེ། སྒྲ་ཇི་བཞིན་པའོ། ༈ །བསྐྱེད་པའི་རིམ་པའི་རྣལ་འབྱོར་པའི་བྱ་བའི་སྒོ་ནས་འཇིག་རྟེན་པའི་དངོས་གྲུབ་བསྟན་ནས། ད་ནི་རྫོགས་པའི་རིམ་པ་ཟུང་འཇུག་ལ་གནས་པ་རྣམས་ཀྱི་ཕྱག་རྒྱ་ཆེན་པོ་མཆོག་གི་འི་དངོས་གྲུབ་སྒྲུབ་པའི་ཐབས་བསྟན་པར་བྱ་བའི་ཕྱིར། རྡོ་རྗེ་དམ་ཚིག་ཅེས་བྱ་བ་ལ་སོགས་པ་གསུངས་ཏེ། རྡོ་རྗེ་གསུམ་ནི་སྐུ་དང་གསུང་དང་ཐུགས་ཏེ། སྣང་བ་གསུམ་མོ། །དམ་ཚིག་གི་དོན་ནི་གསུམ་པོ་དེ་འོད་གསལ་གང་དུ་མཉམ་པར་ཐིམ་པར་གྱུར་པ་དེ་ནི་རྡོ་རྗེ་དམ་ཚིག་གསུམ་སྟེ། དོན་དམ་པའི་བདེན་པ་ཡིན་ལ་དེ་དང་རོ་གཅིག་ཏུ་ཞུགས་པའི་ཡེ་ཤེས་དེ་ཉིད་ནི་གྲུབ་མཆོག་གོ །དེ་ལས་སྐུ་གསུམ་ནི་ཆོས་དང་ལོངས་སྤྱོད་རྫོགས་པ་དང་སྤྲུལ་པའི་མཚན་ཉིད་ཅན་གྱི་སྐུ་གསུམ་པོ་སྟེ། དེའི་རྡོ་རྗེ་གང་ལ་ཡོད་པ་དེ་ནི་སྐུ་གསུམ་རྡོ་རྗེ་ཅན་ཏེ་འབྲས་བུའི་རྡོ་རྗེ་འཆང་ཆེན་པོའོ། །འགྱུར་བ་ནི་འབྱུང་བའོ། ༈ །དེ་ལྟར་སྤངས་རྟོགས་ཡོངས་སུ་རྫོགས་པའི་ཆོ་འཕྲུལ་དང་ནུས་མཐུ་བསྟན་པར་བྱ་བའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། ཕྱོགས་བཅུ་ན་རྣམ་པར་:པ་ཚབ:གནས་པ། སེམས་ཅན་གྲུབ་པ་ཀུན་གྱི་ཞེས་
པ་བདེའོ། །རྫོགས་པར་གྱུར་པས་གནས་པའི་སེམས་ཅན་ཐམས་ཅད་ཀྱི་ཡིད་བཞིན་གྱི་ནོར་བུའི་རྒྱ་མཚོར་འགྱུར་བས་ན་ནོར་བུ་ཡིད་བཞིན་རྒྱ་མཚོར་འགྱུར་ཞེས་བྱ་སྟེ་དེ་དང་འདྲ་བར་དགོས་འདོད་ཀུན་འབྱུང་བར་འགྱུར་བའོ། །རྡོ་རྗེའི་བདག་ཉིད་ནི་རྡོ་རྗེའི་སྐུའོ། །སྣང་བར་བྱེད་ཅིང་རང་གི་ལུས་ཀྱི་འོད་ཉིད་ཀྱིས་གསལ་བར་བྱེད་པས། སྣང་བར་བྱེད་པ་སྟེ་དེས་ཁྱབ་པར་བཤད་པའོ། །འཁོར་ལོའི་དམ་ཚིག་ཅེས་བྱ་བ་ལ་སོགས་པ་ལ། འཁོར་ལོའི་དམ་ཚིག་ནི་རྣམ་པར་སྣང་མཛད་དེ་དེ་དང་འབྲེལ་བའི་དངོས་གྲུབ་ནི་འཁོར་ལོའི་དམ་ཚིག་གྲུབ་པའོ། །དེ་ཉིད་མཆོག་སྟེ་དེ་ལ་སངས་རྒྱས་ཀྱི་སྐུ་དང་འདྲ་བར་འགྱུར་ཞིང་དེ་དང་མཚུངས་པར་འགྱུར་བའོ། །དེ་ལྟར་མི་བསྐྱོད་པ་ལ་སོགས་པ་དང་རབ་ཏུ་འབྲེལ་པའི་དངོས་གྲུབ་ཀྱི་རྒྱུ་ནི་དེའི་ཉེ་བར་མཚོན་པ་ལས་ཤེས་པར་བྱའོ། །གངྒཱའི་བྱེ་སྙེད་ཅེས་བྱ་བ་ལ་སོགས་པ་ལ། བཤད་མ་ཐག་པའི་དངོས་པོ་སྟེ་རིགས་ལྔ་དང་འབྲེལ་པའི་དངོས་གྲུབ་ཐམས་ ཅད་ཀྱིས་ གྲུབ་པས་ན་གངྒཱའི་ཀླུང་གི་བྱེ་མ་སྙེད་ཀྱི་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་རྣམ་པར་སྤྱོད་པར་འགྱུར་རོ། །དམ་ཚིག་དམ་པ་ཞེས་བྱ་བ་ལ་སོགས་པ་ལ། དམ་ཚིག་ཐམས་ཅད་ནི་མཁའ་འགྲོ་དང་མཁའ་འགྲོ་མའི་དམ་ཚིག་ཐམས་ཅད་དེ་དེ་རྣམས་ཀྱི་དམ་པའོ། །དེ་རྣམས་ཀྱི་རིག་པ་ནི་དེ་སྒྲུབ་པའི་སྔགས་ཡིན་ལ། དེ་འཛིན་པར་
བྱེད་པས་ན་རིག་པ་འཛིན་པ་སྟེ་དེ་རྣམས་ཀྱི་ཡང་གཙོ་བོར་འགྱུར་བའོ། །རྡོ་རྗེ་སྐུ་ནི་ཞེས་བྱ་བ་ལ་སོགས་པ་ལ། རྡོ་རྗེ་སྐུ་ནི་རབ་བསྒོམས་པས། ཞེས་བྱ་བ་ནི་ཕྱག་རྒྱ་ཆེན་པོ་རབ་ཏུ་བསྒོམས་པས་སོ། །ཐམས་ཅད་དམ་ཚིག་མཆོག་ཏུ་འགྲུབ་ཅེས་བྱ་བ་ནི། བཤད་མ་ཐག་པའི་མཁའ་འགྲོ་ལ་སོགས་པའི་དམ་ཚིག་མཆོག་འགྲུབ་པར་འགྱུར་བའོ། །མི་སྣང་གྱུར་པ་ཐམས་ཅད་ལ། ཞེས་བྱ་བ་ནི་ངག་གི་བྱ་བ་དང་ལུས་ཀྱི་ཡན་ལག་མི་སྣང་བར་གྱུར་པ་ལ་གནས་ནས་པའོ། །སྟོང་ཁམས་དག་ནི་སྣང་པར་བྱེད་ཅེས་བྱ་བ་ནི་སྟོང་གསུམ་གྱི་འཇིག་རྟེན་གྱི་ཁམས་སྣང་བ་གཅིག་གིས་སྣང་བར་བྱེད་པས་ཀྱང། སངས་རྒྱས་ཀུན་ལས་དངོས་གྲུབ་ཐམས་ཅད་དང་འབྲེལ་བའི་ཕུན་སུམ་ཚོགས་པ་རྣམས་འཕྲོག་ཅིང་ལེན་པར་བྱེད་པ་དང༌། ལྷ་ཡི་མཆོག་སྟེ་བརྒྱ་བྱིན་ལ་སོགས་པ་དེ་རྣམས་ཀྱི་བུ་མོ་བཀུག་ནས་ཉེ་བར་ལོངས་སྤྱོད་པ་རྗེས་སུ་མྱོང་བར་འགྱུར་བའོ། །གངྒཱའི་ཞེས་བྱ་བ་ལ་སོགས་པ་ལ། གངྒཱའི་བྱེ་མའི་ཚད་སྙེད་ཀྱི་རྒྱལ་བ་རྣམས་རྡོ་རྗེ་གསུམ་སྟེ་རྡོ་རྗེ་འཆང་ཆེན་པོ་དེའི་གནས་ནི་འཇིག་རྟེན་གྱི་ཁམས་མཐའ་ཡས་མུ་མེད་པ་སྟེ། དེ་ན་བཞུགས་པ་རྣམས་རང་གི་ལག་པའི་མཐིལ་དུ་བཞག་པའི་སྐྱུ་རུ་ར་བཞིན་དུ་རྡོ་རྗེའི་མིག་གིས་ཏེ་ལྷའི་མིག་ཤིན་ཏུ་ཕྲ་ཞིང་རྣམ་པར་དག་པས་མཐོང་བར་འགྱུར་བའོ། །གངྒཱའི་ཀླུང་གི་བྱེ་མ་སྙེད་ཀྱི་ཞིང་རྣམས་ན། གང་སྒྲར་གྲགས་པ་སེམས་ཀྱིས་ཟིན་
པའི་འབྱུང་བ་ལས་བྱུང་བ་ངག་སྨྲ་བ་ལྟ་བུ་དང༌ སེམས་ཀྱིས་མ་ཟིན་པ་ལས་བྱུང་བ་ཆུའི་སྒྲ་སོགས་དང༌། ཟིན་མ་ཟིན་གཉི་འོ་ན་སློབ་དཔོན་འདིས་མཛད་ཟེར་བའི་དབུ་མ་ཕུང་པོ་ལྔ་བར། ཟིན་མ་ཟིན་གཉིས་ཀ་ལས་བྱུང་བའི་སྒྲ་མེད་པར་བཤད་པ་ཇི་ལྟར་ཡིན་ཞེ་ན། སློབ་དཔོན་འདི་ལ་ཁ་གཡར་བྱས་པའི་གཞུང་མང་དུ་སྣང་བ་བཞིན། འདི་ཡང་དེ་རྣམས་དང་འདྲ་བ་ཡིན་པས་སྐྱོན་མེད་དོ། །གའི་འབྱུང་བ་ཆེན་པོ་ལས་འབྱུང་བ་ལག་པས་རྔ་ལ་བརྡབས་པའི་སྒྲ་ལྟ་བུ་ཇི་སྙེད་པ་དེ་ཐམས་ཅད་རྣ་བའི་དྲུང་ན་འཁོད་པ་བཞིན་མངོན་ཤེས་ཏེ་རྫུ་འཕྲུལ་གྱིས་ཐོས་པར་འགྱུར་རོ། །པ་ཚབ་ཀྱིས། གང་དག་སྒྲར་ནི་བསྒྲགས་པ་རྣམས། །མངོན་ཤེས་ཁྱུ་མཆོག་གིས་ཐོས་འཆད། །རྣ་བར་འཁོད་བཞིན་ཐོས་པར་འགྱུར། ཞེས་དང༌། དེ་ཐམས་ཅད་མངོན་ཤེས་ཁྱུ་མཆོག་གིས་ཏེ། མངོན་ཤེས་ནི་རྫུ་འཕྲུལ་ཏེ། དེ་ལ་ཁྱུ་མཆོག་གི་མངའ་བདག་གཙོ་བོས་རྣ་བའི་བུ་གར་སོང་པའི་སྒྲ་བཞིན་དུ་ཐོས་པར་འགྱུར་རོ། །ཞེས་བསྒྱུར་རོ། །འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་དང་མཉམ་པའི་སེམས་ཅན་ཐམས་ཅད་ཀྱི་ལུས་ལ་སོགས་པའི་ངོ་བོ་ཉིད་ཀྱི་ལུས་དང་ངག་དང་ཡིད་ཀྱིས་མཚན་པའི་འཇིག་རྟེན་གྱི་ཁམས་རྣམས་ན་སེམས་ཅན་རྣམས་རོལ་མོ་པའི་གར་མཁན་དང་འདྲ་བར་སྣ་ཚོགས་པར་བྱུང་བའི་སེམས་ཞེས་བྱ་བ། རང་བཞིན་བརྒྱ་དྲུག་ཅུའི་རྒྱུར་གྱུར་པ་རིག་པར་འགྱུར་རོ། །འཁོར་བ་དག་ན་གནས་པ་ཡི། ཞེས་བྱ་བ་ནི། དགེ་བ་དང་མི་དགེ་བའི་ལས་ཀྱི་དབང་གིས་འཁོར་བ་ཐོག་མ་མེད་པར་
འགྲོ་བ་ལྔར་ཡོངས་སུ་འཁོར་བ་དེར་འབྱུང་བའི་སྔོན་གྱི་གནས་ཏེ་སྔོན་གྱི་སྐྱེ་བ་གཏན་ཚིགས་ཏེ་ལུས་ཀྱི་ཁྱད་པར་རྣམས་ཞག་གསུམ་ལོན་པ་བཞིན་ཏེ། ཞག་གསུམ་འདས་པ་བཞིན་དུ་དྲན་པར་འགྱུར་རོ། །གངྒཱ་ཀླུང་གི་བྱེ་མ་སྙེད་ཀྱི་བདག་ཉིད་ཀྱི་ལུས་ལ་སངས་རྒྱས་སྤྲིན་ལ་སོགས་པས་བརྒྱན་པ་སྟེ། རྣམ་པར་སྣང་མཛད་ལ་སོགས་པའི་རིགས་ལྔའི་ལྷ་རྣམས་ཀྱི་འཁོར་ལོས་བརྒྱན་ནས། བསྐལ་པ་གངྒཱའི་ཀླུང་གི་བྱེ་མ་སྙེད་དང་མཉམ་པར་གནས་ནས། རྡོ་རྗེ་འཕྲུལ་མཆོག་ཅེས་བྱ་བ་ནི་འོད་གསལ་བ་སྟེ། དེ་གང་ལ་ཡོད་པ་དེ་ནི་རྡོ་རྗེ་རྫུ་འཕྲུལ་མཆོག་ལྡན་ནོ། །འགེངས་པ་ནི་སྤྲུལ་པ་སྤྲོ་བའོ། །དམ་ཚིག་མངོན་པར་མཁྱེན་པ་ནི་རྡོ་རྗེ་འཆང་ཆེན་པོ་སྟེ་དེས་དེ་སྐད་ཅེས་བཀའ་སྩལ་བའོ། ༈ །དེ་ལ་མངོན་པར་ཤེས་པ་ཞེས་བྱ་བ་ལ་སོགས་པ་ལ། རྡོ་རྗེའི་སྤྱན་ཞེས་བྱ་བ་རྡོ་རྗེ་ནི་རྡོ་རྗེ་འཆང་ཆེན་པོའོ། །དེའི་སྤྱན་ནི་འོད་གསལ་བ་བསྒོམས་པས་དྲི་མ་རྣམ་པར་དག་པ ར་བྱས་པ ས་གཟིགས་པ་གང་ཡིན་པ་དེ་ནི་རྡོ་རྗེའི་སྤྱན་ཏེ་དེ་བཞིན་དུ་རྡོ་རྗེའི་སྙན་དང༌། རྡོ་རྗེའི་ཐུགས་དང༌། རྡོ་རྗེའི་གནས་དང༌། རྡོ་རྗེའི་རྫུ་འཕྲུལ་བཞི་པོ་གཞན་དག་ལ་ཡང་རྡོ་རྗེ་བཞི་ནི་རྡོ་རྗེ་འཆང་དང༌། འོད་གསལ་བསྒོམས་པས་དག་པར་བྱས་པའི་གསན་པའི་སྙན་དང༌། ཐུགས་ཀྱིས་སེམས་ཅན་གྱི་སེམས་ཤེས་པ་དང༌། སྔོན་གྱི་གནས་དྲན་པ་དང༌། ལུས་ཀྱི་བཀོད་པ་དཔག་ཏུ་མེད་པའི་རྫུ་འཕྲུལ་སྟོན་པ་ལ་ཡང༌། རྡོ་རྗེའི་མིག་ལ་བཤད་པ་
བཞིན་དུ་སྦྱར་བར་བྱའོ། །འདི་དག་གིས་གཞན་གྱི་དོན་དུ་ཇི་ལྟར་འགྱུར་ཞེ་ན། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཀྱི་མངོན་པར་ཤེས་པ་ནི་ལྷའི་མིག་ལ་སོགས་པའོ། །དེས་དོན་འགྲུབ་པ་ནི་གཞན་གྱི་དོན་ཕུན་སུམ་ཚོགས་པའོ། །སངས་རྒྱས་སྐུ་དང་འདྲ་བར་འགྱུར། ཞེས་བྱ་བ་ནི། ཇི་ལྟར་སངས་རྒྱས་ཀྱི་སྐུ་དཔག་ཏུ་མེད་པ་དེ་བཞིན་དུ་སེམས་ཅན་གྱི་དོན་བྱ་བ་ཡང་མཐའ་ཡས་པའོ། ༈ །དེ་ལྟར་གཞན་གྱི་དོན་ཕུན་སུམ་ཚོགས་པ་གྲུབ་ནས་ཇི་ལྟར་གནས་པར་འགྱུར་ཞེ་ན། གངྒཱའི་ཞེས་བྱ་བ་ལ་སོགས་པ་གསུངས་ཏེ། གངྒཱའི་བྱེ་མའི་ཚད་སྙེད་ཀྱི་གྲངས་མེད་པའི་མི་ཕྱེད་པའི་འཁོར་གྱི་གཡོག་རྣམས་མཆོད་པའི་ཚོགས་དང་བཅས་ཤིང་ལྷའི་བཞོན་པ་ལ་ཞོན་པ་རྣམས་ཀྱིས་ཡོངས་སུ་བསྐོར་ནས་མདུན་དུ་བདར་ཏེ། ཕྱོགས་བཅུའི་འཇིག་རྟེན་གྱི་ཁམས་ཀུན་ཏུ་རྣམ་པར་སྤྱོད་ཅིང་གནས་པར་འགྱུར་རོ། །འབྲས་བུའི་ཕྱོགས་གཅིག་འབྲས་བུའི་ཕྱོགས་གཅིག་གོ །ཞེས་ཡར་ལ་བཅད་པ་ལེགས་ཏེ། སྔར་བཤད་པའི་ཡོན་ཏན་དེ་རྣམས་མཆོག་གྲུབ་པའི་སྐབས་ཀྱི་ཡོན་ཏན་གྱི་ཕྱོགས་གཅིག་ཙམ་བརྗོད་པའོ་ཞེས་པའི་དོན་ཡིན་པའི་ཕྱིར་རོ། །གོ ། ༈ བཞུགས་པའི་ཚིག་གླེང་གཞི་ལས་སམ་ནས་བརྩམས་ནས འདི་ཡན་ཆད་དུ་ཅི་ལྟར་རིགས་པར་ཏེ་སྐབས་སུ་གང་བབས་པར་མཆོག་རྫོགས་རིམ་གྱི་སྒྲུབ་པ་དང་ཐ་མལ་པ་
བསྐྱེད་རིམ་པའི་སྒྲུབ་པ་ཉེ་བར་བསྟན་ནས། ད་ནི་བསྐྱེད་པའི་རིམ་པའི་བསྒྲུབ་པའི་ཡན་ལག་བསྙེན་བསྒྲུབ་བཞི་སླར་ཡང་གསལ་བར་བྱ་བའི་ཕྱིར། བསྙེན་པའི་དམ་ཚིག་ཅེས་བྱ་བ་ལ་སོགས་པ་གསུངས་ཏེ། [བསྙེན་པའི་སྐད་དོད་སེ་བ་ལ་སེ་བྱ་སྟེ་བསྙེན་པར་བྱ། ཨ་ལཾ་བྱ་ཏེ་དམིགས་པར་བྱ་བའོ། །བསྙེན་པར་བྱ་ཞིང་དམིགས་པར་བྱ་བ་ཡིན་པས་ན་བསྙེན་པ་སྟེ། ཡེ་ཤེས་ཀྱི་སའི་ཆ་དེ་བཞིན་ཉིད་སྒོམ་པ་ཡིན་ལ་དེ་ཉིད་ནི་འདའ་པར་མི་བྱ་བས་དམ་ཚིག་གོ །དེ་བཞིན་ཉིད་སྒོམ་པ་དེ་ནས་རྡོ་རྗེའི་སའི་ཆ་དང་ལ་སོགས་པས་བྷྲུཾ་ལས་གཞལ་ཡས་ཁང་བསྐྱེད་པ་ནས་ལྷག་མོས་འོད་གསལ་དུ་བསྡུས་པའི་བར་རྣམས་ཡང་དག་པར་སྦྱར་ཞིང་སྟེ་བསྐྱེད་པ་ནི་བསྙེན་པའི་དམ་ཚིག་སྦྱོར་བ་སྟེ། ཡན་ལག་དང་པོའོ། །སྟོང་པ་ཉིད་ལ་དམིགས་པ་ཉེར་སྒྲུབ་ལ་ཕྱིར་གཅོད་པ་འདི་དང༌། ཆག་འགྱུར་དུ་འབྱུང་བ་ནི་མི་ལེགས་པས། པ་ཚབ་ཀྱིས་ཡན་ལག་དང་པོ་སྟོང་པ་ཉིད་ལ་དམིགས་པའོ། ཞེས་པ་ལྟར་བྱའོ། །རྒྱུད་ཕྱི་མའི་འགྲེལ་པར་ཡང་ལྷག་མོས་འོད་གསལ་དུ་སྡུད་པ་བསྙེན་པ་ལ་སྦྱར་རོ། །སྟོང་པ་ཉིད་དམིགས་ནས་སྟོང་པའི་ངང་ལས་ཧཱུཾ་ལས་ཉི་མ་ལ་སོགས་པ་དམིགས་པ་ནི་ཉེ་བར་སྒྲུབ་པ་སྟེ། ཉེར་སྒྲུབ་དེ་ཉིད་ཀྱི་ལུས་ལ་ༀ་ལ་སོགས་པའི་སྔགས་རྣམ་པར་དགོད་པའི་མཐར་ཐུག་པར་འབྱུང་བ་ནི་ཉེ་བར་སྒྲུབ་པ་འབྱུང་བ་སྟེ། ཡན་ལག་གཉིས་པའོ། །སྒྲུབ་པའི་དོན་གྱི་དམ་ཚིག་དང་ཞེས་བྱ་བ་ནི། རང་གི་སྒོ་གསུམ་སངས་རྒྱས་ཀྱི་སྐུ་གསུང་ཐུགས་སུ་སྒྲུབ་པ་
ཉེ་བར་བཞག་པའི་དོན་དུ་གསོལ་བ་འདེབས་པ་ནི་སྒྲུབ་པའི་དོན་གྱི་ཞེས་པའོ། །དམ་ཚིག་སྟེ་མཉམ་པར་གྱུར་པས་ན་དམ་ཚིག་ཅེས་བྱ་བས་རང་དམ་ཚིག་སེམས་དཔའ་ལ་ཏིང་ངེ་འཛིན་གྱི་སེམས་དཔའ་དང་ཡེ་ཤེས་སེམས་དཔའ་བཀོད་ནས་སེམས་དཔའ་གསུམ་ངོ་བོ་དབྱེར་མེད་དུ་མཉམ་པར་བྱེད་པ་ནི་སྒྲུབ་པའི་དོན་གྱི་ཆེད་དང་དམ་ཚིག་སྟེ། ཡན་ལག་གསུམ་པའོ། །ལྷག་མ་དཀྱིལ་འཁོར་གྱི་རྒྱལ་བ་མཆོག་དང༌། ལས་ཀྱི་རྒྱལ་པོ་མཆོག་གི་མཐར་ཐུག་པ་ནི་གཞན་གྱི་དོན་ཆེན་པོ་སྒྲུབ་པས་ན་སྒྲུབ་པ་ཆེན་པོ་སྟེ་དེ་ནི་ཡན་ལག་བཞི་པའོ། །དེ་ལྟར་ཡན་ལག་བཞི་པོ་ཤེས་པར་བྱས་ལ། རྡོ་རྗེའི་བྱེ་བྲག་སྟེ། རིགས་ལྔའི་རིགས་ཀྱི་བྲེ་བྲག་གིས་ཏེ་དབྱེ་བས་དེ་ནས་ཞེས་པ་བསྙེན་བསྒྲུབས་ཡན་ལག་བཞི་སྒོམ་པ་སྔོན་དུ་བཏང་པ་དེའི་འོག་ཏུ་ལས་:པ་ཚབ་ཆག:ལས་རྣམས་ཏེ་བཤད་པ་དང་འཆད་པ་ཞེས་འབྱུང་ངོ༌། །རྣམས་ཞེས་བྱ་བ་འོག་ནས་འཆད་པ་དང༌། སྔར་བཤད་པ་རྣམས་བསྒྲུབ་པར་བྱའོ་༧ རྗེ་རིན་པོ་ཆེ་འགོས་ཀྱི་བཞེད་པས་རྒྱུད་འདིའི་ལས་ཚོགས་རྣམས་སྒྲུབ་པ་ལ་སྐབས་ལ་གང་བབས་ཀྱི་ལྷ་སོ་སོའི་དང་པོ་སྦྱོར་བ་དང༌། དཀྱིལ་འཁོར་རྒྱལ་མཆོག་སྔོན་དུ་བཏང་ནས། ལས་རྒྱལ་མཆོག་གི་དུས་སུ་སྐབས་སུ་གང་བབས་ཀྱི་ལས་སྒྲུབ་པར་བཞེད་པ་ནི། རྡོ་རྗེའི་བྱེ་བྲག་ཤེས་བྱས་ལ། །དེ་ནས་ལས་རྣམས་བསྒྲུབ་པར་བྱ། ཞེས་གསུངས་པ་རྩ་འགྲེལ་གྱི་དགོངས་
པ་ཡིན་ལ། ལས་རྒྱལ་མཆོག་གི་འོག་ཏུ་ལས་ཚོགས་བྱ་བ་ནི། བསྙེན་པའི་དུས་ལ་དགོངས་ཤིང༌། མདོ་བསྲེ་ལས་ཞི་སོགས་ཀྱི་ལས་སྒྲུབ་པ་ཐམས་ཅད་ལས་རྒྱལ་མཆོག་ཏུ་གསུངས་པ་ནི་སྒྲུབ་བའི་དུས་ཀྱི་ལས་རྒྱལ་མཆོག་གོ །ཞེས་བྱ་བ་སྟེ་མདོར་བསྟན་པའོ། ༈ །བསྙེན་པའི་ཏིང་ངེ་འཛིན་ཞེས་བྱ་བ་ལ་སོགས་པས་ནི་མདོར་བསྟན་པའི་བསྙེན་བསྒྲུབ་ཀྱིས་ཡན་ལག་བཞི་རྒྱས་པར་སྟོན་པ་ཡིན་ཏེ། སྟོང་པ་ཉིད་ལ་ཞུགས་པའི་བྱང་ཆུབ་ཀྱི་སེམས་ལ་དམིགས་པ་ནི་བསྙེན་པའོ། །དེ་ཉིད་ལ་སེམས་རྩེ་གཅིག་ཏུ་འཇོག་པར་བྱེད་ཅིང་དེའི་དོན་སེམས་ལ་འཇོག་པས་ན་ཏིང་ངེ་འཛིན་ནོ། །རབ་ཏུ་སྦྱོར་བ་ནི་ཡང་དག་པར་སྦྱོར་བའོ། །དེ་གང་ཞེན། རྡོ་རྗེའི་སའི་ཆ་ལ་སོགས་པ་ནས་དཀྱིལ་འཁོར་གྱི་འཁོར་ལོའི་བར་དུ་ལྷག་པར་མོས་པས་བསྐྱེད་པ་སྟེ། བསྙེན་པའི་ཏིང་ངེ་འཛིན་དང༌། རབ་ཏུ་སྦྱོར་བ་ནི་བསྙེན་པའི་ཏིང་ངེ་འཛིན་རབ་སྦྱོར་བ་སྟེ་དེ་བྱས་ལ། དེ་ཙམ་དུ་མ་ཟད་ༀ་ཤཱུ་ནྱ་ཏཱ་ཞེས་བྱ་བའི་སྔགས་ཀྱི་དོན་རབ་ཏུ་རྣམ་པར་དཔྱད་པ་ལས་བྱུང་བའི་བྱང་ཆུབ་ཀྱི་མཆོག་དེ་ཁོ་ན་ཉིད་ཀྱི་མཚན་ཉིད་ཅན་བསྒོམ་པར་བྱ་བའི་བར་རོ། །དེ་བཞིན་ཉིད་ལས་བྱང་ཆུབ་བ་དེ་བྱས་ནས། ༈ ཉི་མ་དང་ཟླ་བ་དང་པདྨ་ལ་སོགས་པའི་རིམ་གྱིས་གོང་ནས་གོང་དུ་བཞག་ལ། དེའི་སྟེང་དུ་ཡི་གེ་གསུམ་རྣམ་པར་བཀོད་དེ་དེ་ཐམས་ཅད་བསྡུས་པ་ལས། ཟླ་བའི་དཀྱིལ་འཁོར་བསམ་ཞིང་དེའི་སྟེང་དུ་ཡང་ཡི་གེ་གསུམ་པོ་བཀོད་ལ། དེ་ཡོངས་སུ་གྱུར་པ་ལས་རིགས་དྲུག་སོ་སོའི་ཕྱག་མཚན་ནོ། ཕྱག་མཚན་རྣམས་ཡོངས་སུ་གྱུར་པ་ལས་རིགས་དྲུག་གི་ཕྱག་རྒྱ་ཆེན་པོའི་གཟུགས་སུ་བསྐྱེད་པ་ནི། ཉེ་བར་ཏེ་ཉེ་
བའི་དོན་གན་དུ་ཞེས་པ་ནི་གམ་དུ་ཞེས་ཀྱང་འབྱུང་བ་དང་འདྲ་སྟེ་རང་གི་རྩར་མངོན་དུ་གྱུར་པའི་དོན་ནོ། །གན་དུ་སྒྲུབ་ཅིང་བསྐྱེད་པས་ན་ཉེ་བར་བསྒྲུབ་པའོ། །གྲུབ་པ་ནི་མངོན་བྱང་ལྔ་ལས་ཕྱག་རྒྱ་ཆེན་པོ འི་སྐུ་གྲུབ་པའོ། །དེའི་མཆོག་མཆོག་གི་སྐད་དོད་ནི་དང་པོ་དང་ཐོག་མ་ལའང་འཇུག་པས། འདིར་ཐོག་མར་ༀ་ཡིག་འགོད་པ་ལ་བྱའོ། །ནི་ཐོག་མར་གྱུར་པ་ༀ་:ཆག:ལ་སོགས་པའི་སྔགས་རྣམས་ཏེ་གང་ལ་ཉེ་བར་སྒྲུབ་པ་གྲུབ་མཆོག་སྔགས་ཀྱི་ཡི་གེ་མ་ལུས་པར་རྣམ་པར་བཀོད་པའི་ཕྱག་རྒྱ་ཆེན་པོའོ། ཞེས་འབྱུང་བ་གོ་བདེའོ། །ༀ་ལ་སོགས་པའི་སྔགས་གང་ཡིན་པ་དེ་ནི་ཉེ་བར་སྒྲུབ་པ་གྲུབ་མཆོག་ལའོ། །སྔགས་ཀྱི་ཡི་གེ་མ་ལུས་པར་རྣམ་པར་བཀོད་ལ་ཕྱག་རྒྱ་ཆེན་པོའི་གཟུགས་དེ་ལ་རྡོ་རྗེ་སྟེ་རྣམ་པར་སྣང་མཛད་ལ་སོགས་པ་ནས་གནོད་མཛེས་ཀྱི་བར་དེ་རྣམས་ཀྱི་སྐྱེ་མཆེད་ནི་གཟུགས་:པ་ཚབ:ཀྱི་ཕུང་པོ་ལ་སོགས་པ་དེ་རྣམས་ཀྱིས་རྣམ་པར་དཔྱད་པ་ནི་གཟུགས་ཀྱི་ཕུང་པོ་ལ་སོགས་པ། །དེ་ཡང་གཟུགས་ཕུང་ནས་རྐང་མཐིལ་གྱི་བར་སོ་གཉིས་སོ། །དེ་རྣམས་ཀྱི་ཁརྣལ་འབྱོར་གྱི་རིམ་པ་བཞིའི་ནང་ནས་རིམ་འདིར་བཤད་པའི་རིམ་པ་གསུམ་པ་རྣམ་གཞག་རིམ་པའི་རིམ་པ་གསུམ་པ་ལ་འདོད་པ་དང༌། རྡོར་སེམས་ཀྱི་སྒྲུབ་ཐབས་ཀྱི་རིམ་པ་གསུམ་པ་ལ་འདོད་པ་ནི་དོན་མིན་ཏེ། རྣམ་གཞག་གི་རིམ་པ་གསུམ་པར་ཤིན་ཏུ་རྣལ་འབྱོར་སྒོམ་པ་མ་བཤད་པའི་ཕྱིར་དང༌། རྡོར་སེམས་
ཀྱི་སྒྲུབ་ཐབས་སུ། རྒྱུ་དང་འབྲས་བུ་ཤེས་ནས་སྒོམ་པ་མ་བཤད་པའི་ཕྱིར་རོ། །པ་གསུམ་པ་ཤིན་ཏུ་རྣལ་འབྱོར་སྒོམ་པའི་ཚུལ་རྣམ་གཞག་རིམ་པ་ལས་གསུངས་པའི་གོ་རིམས་ཀྱིས་ཏེ་རིམ་པ་དེས་ངེས་པར་བྱས་ལ། སྟེ་ངེས་པར་བྱ་བ། རྒྱུ་ལུས་ལ་ལྷ་དགོད་ཚུལ་དང་དེ་ལྟར་བཀོད་ནས་བསྒོམས་པའི་འབྲས་བུ་ཡོངས་སུ་ཤེས་ནས་བསྒོམས་པའོ་པས་ཀརྣམ་པར་དཔྱད་ཉེ་བར་སྒྲུབ་པ་ཞེས་པའི་རྐང་པ་གཉིས་ཀས་ཉེར་སྒྲུབ་སྟན་དགོས་པས། སྔར་མངོན་བྱང་ལྔ་ལས་ཕྱག་རྒྱ་ཆེན་པོའི་སྐུ་བསྐྱེད་པ་ཉེར་སྒྲུབ་ཏུ་བཤད་པ་ལ་འཁྲུལ་ནས། དེ་ཙམ་ཞིག་ཉེར་སྒྲུབ་ཏུ་འདོད་པར་མི་བྱའོ། །པ་ནི། ༈ །དེ་ལྟར་བྱས་ནས་སྒྲུབ་ཅིང་སྟེ། རང་གི་སྒོ་གསུམ་བྱིན་གྱིས་བརླབ་པ ར་བྱ་བ འི་ཕྱིར། རྡོ་རྗེ་གསུམ་གྱི་ལྷ་ཚོགས་སྤྱན་དྲངས་ཏེ་རང་ལ་བཅུག་པའི་སྒོ་ནས་མཉེས་པར་བྱས་པ་གང་ཡིན་པ་དེ་ལ་ནི་བསྒྲུབ་པའི་ཚེ་ན་བསྐུལ་བར་གསུངས་ཞེས་བྱ་བའི་བར་དུ་གསུངས་ཏེ། སྒྲུབ་པ་དང་བསྐུལ་བ་གཉིས་ནི་རྣམ་གྲངས་སོ། །བསྐུལ་བ་དེ་གང་ཞེན། སངས་རྒྱས་སྐུ་འཛིན་དཔལ་དང་ལྡན། ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་:ཆག:གཉིས་གཉིས་ཞེས་འབྱུང་ངོ༌། །སོ། །སྔགས་ཀྱི་བདག་པོ་བསྒོམས་པ་ཡིས། །ཞེས་བྱ་བ་ལ། སྔགས་ནི་ཡི་གེ་ༀ་ལ་སོགས་པ་སྟེ། ཏིང་ངེ་འཛིན་སེམས་ཏིང་ངེ་འཛིན་སེམས་དཔའ་ཞེས་བྱ་བ་ནི་དང་པོ་སྦྱོར་བའི་སྐབས་སུ་བདག་པོ་དྲུག་འོང་བས། དེ་ལ་རྡོ་རྗེ་འཆང་དང་མི་བསྐྱོད་པ་ཡིན་ན་ཧཱུཾ་ཡིག་དང༌། ལྷག་མ་བཞི་ལ་ༀ་སྭ་ཨཱཿ ཧཱ་བཞི་ཏིང་ངེ་འཛིན་སེམས་དཔར་བྱ་སྟེ། དཀྱིལ་འཁོར་པ་གཞན་གཙོ་བོར་སོང་བ་
ལའང་ཅི་རིགས་པར་ཤེས་པར་བྱའོ། །དཔའ་ དང༌། བདག་པོ་དང་ཞེས་པ་འགྱུར་གསར་གཉིས་ལ་མེད་དོ། །བདག་པོ་དང༌༢ ཡེ་ཤེས་སེམས་དཔའ་རྣམས་ནི་སྔགས་ཀྱི་བདག་པོ་སྟེ། རིགས་སོ་སོའི་རིགས་ཀྱི་དབྱེ་བས་ཕྱེ་བའི་ཡེ་ཤེས་སེམས་དཔའ་ཅི་ལྟར་རིགས་པར་བསྒོམ་པ་ནི་སྔགས་ཀྱི་བདག་པོ་བསྒོམས་པ་ཡིས་ཞེས་བྱའོ། །ཐུགས་རྗེ་ཞབས་ཀྱིས་ཡེ་ཤེས་སེམས་དཔའ་ནི་རྡོ་རྗེ་འཆང་བཞིན་དུ་དང༌། ཏིང་ངེ་འཛིན་སེམས་དཔའ་ནི་རང་རང་གི་ཁ་དོག་ཅན་སྒོམ་པར་བཤད་པའི་སྔ་མ་ནི། འགྲེལ་པར་ཡེ་ཤེས་སེམས་དཔའ་རིགས་ཀྱི་དབྱེ་བས་སྒོམ་པར་གསུངས་པ་དང་འགལ་བས། སྙིང་པོ་བསྐུལ་བའི་སྐབས་ལྟ་བུ་དམིགས་བསལ་ཅན་མ་གཏོགས་པའི་སྐབས་སུ། རྣམ་སྣང་ལ་སོགས་པ་གཞན་ལ་རང་འདྲའི་ཡེ་ཤེས་སེམས་དཔའ་དང༌། དེའི་ས་བོན་གྱི་ཡི་གེ་ཏིང་ངེ་འཛིན་སེམས་དཔར་བྱའོ། ། ༈ སྒྲུབ་པ་ཆེན་པོ་ཞེས་གསུངས་པའི་སྒྲུབ་པ་ཆེན་པོ་དེ་བསྐྱེད་པར་བྱེད་པའི་ཚེ་ན་ཡེ་ཤེས་རྡོ་རྗེ་ཅན་གྱིས་ཏེ། སྒྲུབ་པ་པོ་རང་གི་ལྷག་པའི་ལྷའི་སྦྱོར་བ་སྟེ་རྣལ་འབྱོར་དང་ལྡན་པའི་སྔགས་པས། རང་རིགས་ཀྱི་ཕྱག་རྒྱ་འདུ་བྱ་བ་དང་རྡོ་རྗེ་དང་པདྨ་མངོན་པར་འདུ་བྱས་པ་སྔོན་དུ་འགྲོ་བའི་སྙོམས་པར་འཇུག་པ་བྱས་ལ། ཡུམ་གྱི་པདྨའི་ནང་དུ་ཐེག་ལེ་དང་ལྷ་རང་རང་གི་མངལ་དུ་བསྐྱེད་པ་ལ་རང་རང་གི་ས་བོན་ༀ་ལ་སོགས་པ་ལས་བསྐྱེད་པ་དང༌། བཛྲ་དྷྲིཀ་ལ་སོགས་པའི་མཚན་སྔགས་ལས་བསྐྱེད་པ་གཉིས་ཡོད་པས་གང་རུང་གི་ཆོག་མོད་ཀྱང༌། མདོར་བྱས་ལོ་ཆེན་གྱིས་བསྒྱུར་བ་དག་པ་རྣམས་ལས་འབྱུང་བ་ནི། ས་བོན་
རྣམས་བསྐྱེད་སྔགས་དང༌། མཚན་སྔགས་རྣམས་འབྱིན་སྔགས་སུ་མཛད་པའོ། །སྔགས་བཛྲ་དྷྲིཀ་ཅེས་བྱ་བ་ལ་སོགས་པའི་སྔགས་སོ་གཉིས་པོ་དེ་ལས་བྱུང་བའི་རྡོ་རྗེ་ཅན་ཏེ། དཀྱིལ་འཁོར་བའི་དེ་བཞིན་གཤེགས་པ་རྣམས་ཏེ་ཐམས་ཅད་ནི་རང་སྔགས་རྡོ་རྗེ་ཅན་ནོ། །དེ་རྣམས་ཀྱི་གཟུགས་ཏེ་ཕྱག་རྒྱ་ཆེན་པོའི་གཟུགས་བསྒོམས་ནས།ཞེས་པས་ནི་དཀྱིལ་འཁོར་རྒྱལ་མཆོག་རྫོགས་པར་བསྒོམ་པ་སྟོན་ནོ། །དབུ་རྒྱན་ལ་ནི་བདག་པོ་བསམ། ཞེས་བྱ་བ། དེ་བཞིན་གཤེགས་པ་ལྔའི་ཕྱག་རྒྱ་ཆེན་པོའི་གཟུགས་ཀྱི་རལ་པ་དང༌། རལ་བའི་དབུ་རྒྱན་ལ་ནི་བདག་པོ་སྟེ་རྡོ་རྗེ་འཆང་ཆེན་པོ་བསམས་ལ། ཞེས་པ་དང༌། ལེའུ་བཅོ་ལྔ་པ་དང་མདོར་བྱས་ལས་རིགས་ལྔ་ཀ་ལ་མི་བསྐྱོད་པའི་དབུ་རྒྱན་བཤད་པ་ནི་མི་འགལ་ཏེ། དེ་གཉིས་གང་བྱས་ཀྱང་ཆོག་བར་སྟོན་པའི་དོན་ཡིན་གྱི་ངེས་བཟུང་མིན་པའི་ཕྱིར་རོ། །རྣམ་སྣང་སོགས་དེའི་རིགས་ལྷག་མ་སྤྱན་མ་ལ་སོགས་པ་རྣམས་ཀྱི་དབུ་རྒྱན་ལ་ནི་རྣམ་པར་སྣང་མཛད་ལ་སོགས་པ་བསམས་ན་འགྲུབ་པར་འགྱུར་རོ། ཞེས་བྱ་བ་དངོས་གྲུབ་འཐོབ་པར་འགྱུར་པ་སྟེ། སྒྲ་ཇི་བཞིན་པའོ། །སྒྲུབ་ཆེན་ལ་ལས་རྒྱལ་མཆོག་ཀྱང་ཡོད་མོད་ཀྱང༌། འདིར་རྒྱུད་ནས་མ་གསུངས་པ་ནི། འདི་ཉིད་ཀྱི་སྐབས་གཞན་ནས་གསུངས་པས་ཁ་འགེངས་པ་ལ་དགོངས་སོ། ། ༈ དེ་ལྟར་བསྙེན་པ་ཉེར་སྒྲུབ་བསྒྲུབ་པ་གསུམ་གྱི་སྦྱོར་བ་བཞི་དང་བསྒྲུབ་པ་ཆེན་པོ འི་རིམ་གྱིས་རྡོ་རྗེ་སེམས་དཔའ་མཉེས་པར་བྱ་བ་སྟེ་བྱས་པས་རྒྱུད་སྨིན་པར་བྱེད་པ་བསྟན་ནས། ད་ནི་འཆད་པའི་ཡན་ལག་དྲུག་
གི་རིམ་གྱིས་འབྲས་བུའི་རྡོ་རྗེ་འཆང་ཆེན་པོར་རྫོགས་པར་བྱ་བ་གསུངས་ཏེ། གསང་བ་འདུས་པའི་རྒྱུད་ཕྱི་མ་ལས། ཐུན་མོང་བ་དང་མཆོག་གི་སྟེ་ཐུན་མོང་མ་ཡིན་པའི་བསྙེན་པའི་དབྱེ་བ་ཡིས། །བསྙེན་པ་ལ་བྱེ་ན་རྣམ་པ་གཉིས་སུ་འགྱུར། །ཐ་མལ་ཐུན་མོང་བའི་དོན་ནི། ལམ་འདིའི་རྣལ་འབྱོར་ལ་མཆོག་སྒྲུབ་པ་དང༌། འཇིག་རྟེན་པའི་དངོས་གྲུབ་དོན་དུ་གཉེར་བ་གཉི་གས། དང་པོར་བསྒྲུབ་པ་ནི་བསྐྱེད་རིམ་མོ། །པ འམ་ཐུན་མོང་བ་ནི་རྡོ་རྗེ་བཞིས། །་རྡོ་རྗེ་བཞི་ཞེས་པ་ནི་འདིར་སྒྲུབ་ཐབས་བསྡུས་པ་ཙམ་སྟོན་པ་མིན་གྱི་བསྐྱེད་རིམ་སྤྱིར་སྟོན་པའི་སྐབས་ཡིན་པས། སྔར་བཤད་པའི་བསྙེན་བསྒྲུབ་ཡན་ལག་བཞི་ལ་བྱའོ། །འོ་ན་སྔ་མ་འདིར་མ་འདུས་པའི་བསྐྱེད་རིམ་པའི་ཉེར་སྒྲུབ་སོགས་དགོས་པས་དེ་གང་ཡིན་སྙམ་ན། འདི་ནི་རྒྱུད་ཕྱི་མའི་འགྲེལ་པ་དང་བསྟུན་ན། སྔར་བཤད་པའི་བསྐྱེད་རིམ་པའི་སྙིང་པོ་བསྐུལ་བ་ནི་ཉེར་སྒྲུབ་དང༌། བསྐྱེད་རིམ་པའི་སྤྱོད་པ་དང་ལྷ་ལ་དྲག་ཤུལ་བྱེད་པ་ནི་སྒྲུབ་པར་གསལ་ལ། སྒྲུབ་ཆེན་ནི་རྒྱུད་ཕྱི་མ་རྩ་འགྲེལ་གཉིས་ཀ་ལས་མི་གསལ་ཡང། འགྲེལ་པ་འདིར་ལས་རྒྱལ་མཆོག་སྒྲུབ་ཆེན་དུ་བཤད་ལ། མདོ་བསྲེ་ལས། འཇིག་རྟེན་པའི་དངོས་གྲུབ་སྒྲུབ་པ་ཐམས་ཅད་ལས་རྒྱལ་མཆོག་ཏུ་བཤད་པ་ནི། བསྙེན་པའི་དུས་ཀྱི་ལས་རྒྱལ་མཆོག་མིན་ཞིང༌། སྒྲུབ་ཆེན་གྱི་ལས་རྒྱལ་མཆོག་ཡིན་པས་དེ་ཉིད་ལ་འདིར་སྒྲུབ་ཆེན་དུ་བྱའོ། །དེ་ལྟར་བཤད་པའི་བསྙེན་བསྒྲུབ་བཞི་ལ་སྒྲུབ་ཐབས་ཀྱི་བསྙེན་བསྒྲུབ་བཞི་ལྟར་སྔ་ཕྱིའི་གོ་རིམས་ངེས་པ་མི་སྣང་ངོ༌། །སྒྲུབ་པ་ཡིན་ལ། ཐུན་མོང་མ་ཡིན་པའམ་མཆོག་ཐུན་མོང་མ་ཡིན་པ་
ནི་བསྐྱེད་རིམ་མཐར་ཕྱུང་བའི་རྫོགས་རིམ་པ་ཉིད་ཀྱིས་བསྒྲུབ་པའི་ཡན་ལག་དྲུག་ལ་སོགས་པའི་རྫོགས་རིམ་མོ། །ནི་སོར་སྡུད་སོགས་ཡན་ལག་དྲུག་གིས་སྒྲུབ་པའོ་སོ་། ༈ །ཞེས་བྱ་བའི་དོན་མཆོག་གི་བསྙེན་པ་བསྟན་པར་བྱ་བའི་ཕྱིར། བསྙེན་པའི་ཡེ་ཤེས་ཞེས་བྱ་བ་ལ་སོགས་པ་གསུངས་ཏེ། བསྙེན་ཅིང་སྟེ་ཐར་པ་མཆོག་གི་དངོས་གྲུབ་འདོད་པའི་རྫོགས་རིམ་པ་རྣམས་ཀྱིས་བསླབ་པར་བྱ་བ་ཡིན་པས་ན་བསྙེན་པའོ། །དེ་ལྟར་འདོད་པའི་ཐར་པ་དེ་གང་ཡིན་ཞེ་ན། སྒྲིབ་གཉིས་ཡོངས་སུ་དག་པའི་ཟུང་འཇུག་གི་ལྷའི་སྐུའོ། །འབྲས་བུ་དེ་ནི་ཡེ་ཤེས་བདུད་རྩི་སྟེ། སློབ་ལམ་པའི་ཡན་ལག་དྲུག་གི་སྦྱོར་བས་བྱ་ཞིང་བསྐྱེད་པར་བྱའོ། །འདི་ནི་རྒྱུད་ཕྱི་མ་ལས། མཆོག་ནི་ཡེ་ཤེས་བདུད་རྩི་ཉིད། །སྦྱོར་བ་དྲུག་གིས་བྱ་བ་ཡིན། ཞེས་གསུངས་པ་ཇི་ལྟ་བ་བཞིན་ཡིན་ནོ། །འདིའི་འགྲེལ་པར་མཆོག་གི་ཞེས་འབྱུང་བ་བདེའོ། །ཐམས་ཅད་དུ་ནི་རྣམ་པ་ཐམས་ཅད་ཀྱི་བདག་ཉིད་དུའོ། །ཞེས་པ་ནི་ཡན་ལག་དྲུག་ག་ཚང་བའི་བདག་ཉིད་ཀྱི་ལམ་རྫོགས་པར་བསྐྱེད་པའི་དོན་ནོ། །རྟག་ཏུ་ནི་དྲུག་པོ་དེ་དུས་ཐམས་ཅད་དང་སྤྱོད་ལམ་ཐམས་ཅད་དུ་བསྒོམ་མོ་འོ་། །ནི་ཞེས་བྱ་བ་ནི་པ་ཚབ་ཀྱི་འགྱུར་ལས། བསྙེན་པའི་ཡེ་ཤེས་བདུད་རྩི་ཡི། །ཁོ་ནས་ཐམས་ཅད་དུ་བརྟག་བྱ། ཞེས་དང༌། ཁོ་ནའི་སྒྲ་ནི་ངེས་པར་བཟུང་པའོ། ཞེས་འབྱུང་ངོ༌། །ངེས་པའོ་འདི་ནི་ཞེས་པ་ནི་ཡེ་ཤེས་བདུད་རྩི་ཞེས་བྱ་བའི་སྒྲུབ་བྱེད་ཡན་ལག་དྲུག་གི་སྦྱོར་བའོ། །སྔགས་རྣམས་ཐམས་ཅད་ཀྱི་ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱིའོ། །སྔགས་ནི་སྤྲུལ་ཞེས་
བྱ་བ་ལ་སོགས་པའི་དྲང་དོན་དང་ངེས་དོན་གྱི་སྔགས་རྡོ་རྗེ་བཟླས་པའོ། །དེའི་དེ་ཁོ་ན་ཉིད་ནི་ལྷའི་དེ་ཁོ་ན་ཉིད་ཟུང་འཇུག་མཐར་ཐུག་པའོ་དོ་། །སྔགས་དེ་དག་གི་དོན་ནི་འབྲས་བུ་སྟེ། འབྲས་བུ་དེ་ཡན་ལག་དྲུག་གིས་སྒྲུབ་པས་ན་སྔགས་ཀྱི་དེ་ཉིད་དོན་བསྒྲུབ་པ་ཞེས་པ་སྟེ། བསྡུ་ན་སྔགས་ཀྱི་དེ་ཉིད་ཀྱི་དོན་མཐར་ཐུག་པ་སྒྲུབ་པ་ནི། དེ་བཞིན་གཤེགས་པ་ཐམས་ཅད་ཀྱི་མན་ངག་སྦྱོར་བ་ཡན་ལག་དྲུག་ཡིན་ནོ་ཞེས་པ། །དེ་བས་:ཆག:གང་གི་ཕྱིར་ན་སྒྲུབ་པའི་ཡན་ལག་དྲུག་པོ་འདི་དག་གིས་བསྒྲུབས་ཏེ། དེ་བས་ན་སྟེ་དེའི་ཕྱིར་ཡན་ལག་དྲུག་པོ་དེ་ཉིད་ཀྱིས་བསྙེན་ པ་ལ་སོགས་འགྱུར་གསར་གཉིས་ལ་སོགས་མེད་པ་ལྟར་བྱའོ། །པ་བྱའོ། །གལ་ཏེ་ཡན་ལག་དྲུག་ག་བསྙེན་པར་བྱེད་ན་རྫོགས་རིམ་ལ་བསྙེན་བསྒྲུབ་ཡན་ལག་བཞིར་བྱེད་པ་མི་འཐད་དེ། ཡན་ལག་དྲུག་པོ་དེར་མ་འདུས་པའི་རྫོགས་རིམ་འདིར་མེད་པའི་ཕྱིར་རོ་ཞེ་ན། འདི་ནི་ཤིན་ཏུ་བདེན་པ་ལྟར་སྣང་མོད་ཀྱང༌། ནཱ་རོ་བའི་རྒྱུད་ཕྱི་མའི་འགྲེལ་པ་ལ་བརྟེན་ནས་བཤད་ན། སྔར་བཤད་པའི་རྫོགས་རིམ་པའི་སྙིང་པོ་བསྐུལ་པ་སྤྱོད་བ་ལ་བརྟེན་ནས་བྱེད་པ་དེ་རྫོགས་རིམ་གྱི་ཉེར་སྒྲུབ་དང༌། རྫོགས་རིམ་པའི་སྤྱོད་པ་གཞན་དང་དྲག་ཤུལ་སྒྲུབ་པ་དེ་སྒྲུབ་པ་དང༌། ཏིང་ངེ་འཛིན་གྱི་ཡན་ལག་ཟུང་འཇུག་ལོངས་སྐུ་ནི་བསྙེན་པར་བཞག་ལ། ཟུང་འཇུག་པས་དཀྱིལ་འཁོར་རྒྱལ་མཆོག་སྤྲུལ་བ་སྒྲུབ་ཆེན་ནོ། །སྒྱུ་ལུས་པས་སྤྱོད་པ་དང་མ་འབྲེལ་བར་འོད་གསལ་སྒོམ་པ་ནི་བསྙེན་པར་བཞག་དགོས་ལ། དེ་བཞིན་དུ་སྤྱོད་པ་དང་མ་འབྲེལ་བའི་སེམས་དབེན་སྒོམ་པ་ཡང་བསྙེན་པའོ། །དེ་ལྟར་བཤད་པའི་བསྙེན་བསྒྲུབ་བཞི་ལ་སྔ་ཕྱིའི་གོ་རིམས་ངེས་པ་ནི་མི་སྣང་ངོ༌། །
༈ མཆོག་གི་བསྙེན་པ་དེའི་སོ་སོར་སྡུད་པ་ལ་སོགས་པའི་ཡན་ལག་རེ་རེ་ནས་བཤད་པ་ནི། གསང་བ་འདུས་པའི་རྒྱུད་ཕྱི་མ་ལས། བསྙེན་པའི་དབྱེ་བ་ལ་ཡན་ལག་དྲུག་ཏུ་ནི། །བྱས་ནས་མཆོག་གི་དངོས་གྲུབ་ཏུ་བསྒྲུབ་པར་བྱའོ། །དེ་ལྟར་བྱེད་པ་དེ་ལས་གཞན་དག་གིས་ནི་ཞེས་པ་དྲུག་པོ་དེ་དང་བྲལ་ནས་བསྐྱེད་རིམ་གྱིས་བསྒྲུབས་པར་གྱུར་ན། །དེ་ཙམ་གྱིས་དངོས་གྲུབ་མཆོག་འགྲུབ་པར་ཏུ་མི་འགྱུར་རོ། །་ཞེས་པའི་དོན་ཡིན་གྱི་རྫོགས་རིམ་ལས་གཞན་དུ་གྱུར་པའི་བསྐྱེད་རིམ་སངས་རྒྱས་ཀྱི་རྒྱུ་མིན་པར་སྟོན་པ་གཏན་མིན་ནོ། ༈ །སོ་སོར་སྡུད་དང་བསམ་གཏན་དང། །སྲོག་རྩོལ་དེ་བཞིན་འཛིན་པ་དང༌། །རྗེས་སུ་དྲན་དང་ཏིང་འཛིན་རྣམས། །སྦྱོར་བའི་ཡན་ལག་དྲུག་ཅེས་བྱ། །མདོར་བསྟན་པ་འདི་རྒྱས་པར་བཤད་པར་བྱ་བའི་ཕྱིར། དབང་པོ་བཅུ་པོ་རྣམས་ཀྱི་ཡང༌། །ཡང་ཞེས་པ་འདི་ཆག་འགྱུར་ལ་མེད་ཅིང་འགྲེལ་པར་ཡང་དེ་ལ་བཤད་པ་མེད་དོ། །རང་གི་འཇུག་གནས་ཐམས་ཅད་དུ། །འདོད་པ་སོ་སོར་སྡུད་པས་ན། །སོ་སོར་སྡུད་པ་ཞེས་བཤད་དོ། །འདོད་པ་ལྔ་ནི་མདོར་བསྡུས་ནས། །སངས་རྒྱས་ལྔ་རུ་སྦྱོར་བ་ཡིས། །བརྟག་པ་བསམ་གཏན་ཞེས་བཤད་དེ། །བསམ་གཏན་དེ་ནི་རྣམ་ལྔར་འགྱུར། །རྟོག་དང་དཔྱོད་དང་དགའ་བ་དང༌། །དེ་བཞིན་བདེ་བ་ཉིད་དང་ཡང༌། །སེམས་ཀྱི་རྩེ་གཅིག་ཉིད་དག་སྟེ། །ལྔ་པོ་དེར་ནི་བསམ་གཏན་བསྡུ། །གསང་བའི་རྒྱུད་ནི་ཐམས་ཅད་དུ། །རྣམ་པ་དུ་མར་ཡོངས་བཤད་པ། །གསང་
བ་གསུམ་བྱུང་:པ་ཚབ།:ནི་རྟོག་པ་སྟེ། །དེ་ཡི་ལོངས་སྤྱོད་དཔྱོད་པའོ། །དགའ་ལ་རེག་པ་གསུམ་པ་སྟེ། །བདེ་བས་བསྡུས་པ་བཞི་པའོ། །ཤེས་དང་ཤེས་བྱ་བྱུང་ཟད་པའི། །རང་སེམས་ལྔ་པར་ཤེས་པར་བྱ། །སངས་རྒྱས་ཀུན་དངོས་ཞི་བ་ནི། །འདོད་པ་ཀུན་ལ་རབ་ཏུ་:པ་ཚབ:ཐམས་ཅད་ནམ་མཁའ་ལ་རབ་གནས། གནས། །ཡེ་ཤེས་ལྔ་ཡི་རང་བཞིན་དབུགས། །འབྱུང་བ་ལྔ་ཡི་ངོ་བོ་ཉིད། །གོང་བུའི་གཟུགས་ཀྱིས་ཕྱུང་ནས་ནི། །སྣ་ཡི་རྩེ་མོར་རབ་ཏུ་བརྟག །རིན་ཆེན་ཁ་དོག་སྣ་ལྔ་པ། །སྲོག་དང་རྩོལ་བ་ཞེས་བྱར་བཤད། །རང་སྔགས་སྙིང་གར་བསམས་ནས་ནི། །སྲོག་ནི་ཐིག་ལེར་གྱུར་པ་བཞག །རང་དབང་རིན་ཆེན་དགག་པ་ཡི། །གཟུང་བ་འཛིན་པ་ཡིན་པར་བཤད། །སེམས་ནི་འགོག་པའི་རྡོ་རྗེར་གྱུར། །མཚན་མ་ཉེར་འཛིན་འབྱུང་བར་འགྱུར། །མཚན་མའི་ཁམས་ནི་རྣམ་པ་ལྔར། །བྱང་ཆུབ་རྡོ་རྗེས་གསུངས་པ་ཡིན། །སྨིག་རྒྱུ་འདྲ་བ་དང་པོ་སྟེ། །དུ་བ་ལྟ་བུ་གཉིས་པ་ཡིན། །མཁའ་སྣང་འདྲ་བ་གསུམ་པ་སྟེ། །མེ་མར་ལྟར་འབར་བཞི་པའོ། །སྤྲིན་མེད་ནམ་མཁའ་ལྟ་བུར་ནི། །རྟག་ཏུ་སྣང་བ་ལྔ་པའོ། །བརྟན་གྱུར་རྡོ་རྗེའི་ལམ་ནས་ནི། །ནམ་མཁའི་ཁམས་སུ་སྤྲོ་བར་བྱ། །རྗེས་དྲན་གང་ཞིག་རྣམ་སྒོམ་པ། །དེ་དང་འདྲ་བར་སྤྲོ་བར་བྱ། །རྗེས་སུ་དྲན་པ་ཞེས་བཤད་དེ། །སོ་སོར་སྣང་བ་དེ་ལས་སྐྱེ། །ཐབས་དང་ཤེས་རབ་སྙོམས་འཇུག་པས། །དངོས་
པོ་ཐམས་ཅད་མདོར་བསྡུས་པ། །གོང་བུའི་ཚུལ་གྱིས་བསྡུས་ནས་ནི། །དབུས་སུ་གཟུགས་ནི་རྣམ་པར་བསྒོམ། །ཡུད་ཀྱིས་ཡེ་ཤེས་རྫོགས་བྱེད་པ། །ཏིང་ངེ་འཛིན་ཞེས་བཏགས་པ་ཡིན། ཞེས་གསུངས་སོ། ༈ །སོ་སོའི་བཤད་པ་བསྟན་པར་བྱ་བའི་ཕྱིར། དབང་པོ་བཅུའི་ཞེས་བྱ་བ་ལ་སོགས་པ་གསུངས་ཏེ། མིག་ལ་སོགས་པའི་དབང་པོ་རྣམས་དང་དབང་པོ་དེ་རྣམས་ཀྱི་ཡུལ་གཉི་ག་ནི་དབང་པོ་སྟེ། ཡུལ་རྣམས་ལའང་དབང་པོའི་སྒྲ་ཉེ་བར་བཏགས་ནས་དབང་པོ་བཅུར་བཤད་དོ། །དབང་པོ་བཅུ་པོ་ཡུལ་དང་ཡུལ་ཅན་དེ་རྣམས་ཀྱི་རང་གི་འཇུག་པ་ནི། ཡུལ་ཁཇི་ལྟར་ཡིན་པ་དེ་ལྟར། དབང་པོ་ཀརང་ཉིད་ཀྱི་གགཟུགས་སོགས་ལྔ་གཟུང་བ་དང་མིག་སོགས་ལྔ་འཛིན་པའི་རང་བཞིན་གྱིས་འཇུག་པ་ནི་རང་གི་འཇུག་པའོ། །འཇུག་པ་དེར་གནས་པས་ན་རང་གི་འཇུག་གནས་སོ། །ཐམས་ཅད་དུ་ནི་ལའི་དོན་ནོ། །གཟུགས་སོགས་ལྔ་པོ་རེ་རེ་ལ་ཡང་དམན་པ་དང་བར་མ་དང་མཆོག་གི་བྱེ་བྲག་གིས་ཕྱེ་བའི་ཡུལ་རྣམས་སོ། །འདོད་པ་སོ་སོར་རྒྱུད་གཞན་ལས་སོ་སོར་སྡུད་པའི་དོན་ཡུལ་ལྔ་ལ་ཕར་མི་གཏོང་བར་ཚུར་བཀུག་ནས་སེམས་ནང་དུ་འཛིན་པ་ལ་བཤད་པ་དང༌། འདིར་ཡུལ་ལྔ་ལ་ཡང་ཡང་སྤྱོད་བ་སོར་སྡུད་ཀྱི་དོན་དུ་བཤད་པ་གཉིས་མི་འགལ་ཏེ། སྔ་མ་ནི་སྔར་སྲོག་དབུ་མར་མ་ཚུད་པ་གཅིག་གིས་དབུ་མ་སྦྱོང་བའི་དོན་དུ་སྒོམ་པའི་སྐབས་ཡིན་པས། དེ་ལ་ནི་ཡུལ་ལ་འཕྲོ་བ་འགུགས་དགོས་ལ། འདིར་བཤད་པ་ནི་སྲོག་བསྡུས་པ་ལས་ལྷན་སྐྱེས་ཀྱི་དགའ་བ་མཉམ་གཞག་ཏུ་དྲངས་པའི་རྗེས་ཐོབ་ཏུ། ཡུལ་ལ་འཕྲོ་བ་ཡེ་འགོག་པར་གང་ཤར་
གྱི་སྣང་བ་ལ་སྔར་གྱི་བདེ་བ་དྲན་ནས་རྒྱས་བཏབ་པས། ཡུལ་སྣང་ཐམས་ཅད་བདེ་བ་འབར་བའི་གྲོགས་སུ་འགྲོ་བ་ལ་དགོངས་པའི་ཕྱིར་དང༌། རྒྱུད་ཕྱི་མའི་སོར་སྡུད་སོགས་ཀྱི་དོན་རྣམས་ནཱ་རོ་བས་རྒྱུད་ཕྱི་མའི་འགྲེལ་པར་སྒྲོན་གསལ་བཞིན་དུ་བཤད་ཅིང༌། དབང་མདོར་བསྟན་གྱི་འགྲེལ་པར་དུས་འཁོར་བཞིན་བཤད་པའི་ཕྱིར་རོ། །དེས་ན་སོར་སྡུད་ལྟ་བུ་གཅིག་གི་རྡོ་རྗེའི་ཚིག་ལ་ཚུལ་མི་འདྲ་བ་མང་དུ་འོང་བ་མི་ཤེས་བར་བཤད་པ་གཅིག་ཁོ་ན་ཚད་མར་བྱས་ནས་གཞན་སྤོང་བ་དང༌། མི་འགྲིག་བཞིན་དུ་དོན་གཅིག་ཏུ་འཆད་པ་ནི་ཐོས་རྒྱ་ཆུངས་པ་དང༌། བློ་དམན་པར་སྟོན་པ་ཙམ་མོ། །སྡུད་པས་ན། ཞེས་བྱ་བ་ནི། འདིས་འདོད་པ་དང་འདི་འདོད་པ་གཉིས་ལས་འདིར་ནི་གཉིས་པ་སྟེ་འདོད་ཅིང་ཆགས་པར་བྱ་བ་ཡིན་པས་ན། འདོད་པ་སྟེ་གཟུགས་ལ་སོགས་པ་ལྔའོ། །དེ་རྣམས་ལ་དབང་པོ་རྣམས་ཀྱིས་གང་སོ་སོར་ཡང་དང་ཡང་དུ་སྡུད་ཅིང་འདི་ཐུན་མོང་གི་བསྙེན་པ་རྡོ་རྗེ་བཞི་མཐར་ཕྱིན་ནས་མཆོག་གི་བསྙེན་པ་ལ་འཇུག་པའི་རྣལ་འབྱོར་བའི་དབང་པོས་ཡུལ་ལོངས་སྤྱོད་པ་ཡིན་མོད་ཀྱང༌། དེ་ཙམ་ཞིག་སོར་སྡུད་བསྒོམ་པའི་ལམ་མ་ཡིན་ཏེ། དེ་ནི་ཡིད་ཀྱི་ཤེས་པ་ཉིད་ལ་བཞག་དགོས་པའི་ཕྱིར་རོ། །དེས་ན་ཡན་ལག་དྲུག་གི་ཡ་གྱལ་གྱི་སོར་སྡུད་ནི། དབང་པོས་ཡུལ་ལ་ལོངས་སྤྱོད་པའི་ཚེ་མཉམ་གཞག་གི་ལུས་དབེན་གྱི་བདེ་བ་ཆེན་པོའི་བདེ་སྟོང་གིས་རྒྱས་བཏབ་ནས་ལོངས་སྤྱོད་པའི་རྣལ་འབྱོར་ཡིན་པས། སོར་སྡུད་ནི་རྗེས་ཐོབ་ཏུ་སྐྱེད་པའི་ལུས་དབེན་ནོ། །ལེན་པས་ན། །སོ་སོར་སོ་སོའི་སྐད་དོད་པྲ་ཏཱི་ནི་རྟེན་འབྲེལ་གྱི་སྐབས་སུ་ཚིག་གསལ་ལས་ཕྲད་པ་དང་ཟློས་པའི་དོན་དུ་བཤད་དོ། །སོ་སོར་ཐར་པའི་སྐད་དོད་པྲ་ཏཱི་མོཀྵའི་དོན་མཛོད་ལས་
དང་པོར་ཐར་བའི་དོན་དུ་བཤད། པྲ་ཏཱིཙྪའི་དོན་སོ་སོར་བཞེས་པའི་དོན་དུ་བཤད་པ་མང་ཡང༌། འདིར་ནི་ཟློས་པའི་དོན་ཡང་དང་ཡང་དུ་ཤེས་བ་ལ་བཟུང་ངོ༌། །དེས་ན་སྒྲོན་མ་རབ་གསལ་ལས་གཟུགས་སོགས་རེ་རེ་ལ་སྤྱོད་པ་གཟུགས་སོགས་སོ་སོར་སྡུད་པའི་དོན་དུ་བཤད་པ་ནི་འདིའི་དོན་མིན་ནོ། །སྡུད་པ་ལ་ཡང་དོན་མང་དུ་ཡོད་ཀྱང་འདིར་ནི་ཁྲལ་བླངས་པ་ལ་ཁྲལ་བསྡུས་ཟེར་བ་ལྟར་ཡིན་ལ། ད་ཡང་འདོད་ཡོན་ལྔ་ལ་ཡང་ཡང་སྤྱོད་པའོ། །སྡུད་པ་ཞེས་བྱ་སྟེ། ཡན་ལག་དང་པོའི་བཤད་པའོ། ༈ །སོ་སོར་སྡུད་པ་རྣམ་པར་སྦྱང་ཞེས་པ་ནི་སོར་སྡུད་ཀྱི་སྐབས་སུ་བསམ་གཏན་གྱི་སྐབས་ལྟར་ཡུལ་རྣམས་ལྷར་བལྟ་བ་མེད་པས་སྣང་པ་རང་དགའ་བ་དེ་ལྟར་བསྒོམས་ནས་སྤྱོད་པའི་དོན་དུ་བསམ་གཏན་བསྒོམ་པ་ཡིན་ནོ། །བར་བྱ་བའི་དོན་དུ་ཡན་ལག་གཉིས་པ་བསྟན་པའི་ཕྱིར། འདོད་པ་ལྔ་ནི་ཞེས་བྱ་བ་ལ་སོགས་པ་གསུངས་ཏེ། འདོད་པ་ལྔ་ནི་དབང་པོ་ལྔའི་ཡུལ་དུ་གྱུར་པ་གཟུགས་ལ་སོགས་པ་ལྔའོ་ནི་མདོར་བསྡུས་ནས་ཏེ་དབང་པོ་རྣམས་དང་གཅིག་ཏུ་གྱུར་ནས་སོ། །ཞེས་པ་ནི་དབང་པོ་དང་ཡུལ་ཡུལ་ཅན་དུ་ལྷན་ཅིག་ཏུ་འདུས་པའི་དབང་པོ་དང་ཡུལ་གཉིས་ཀའོ། །སངས་རྒྱས་ལྔ་ནི་མིག་ལ་སོགས་པའི་དབང་པོ་ལྔ་སྟེ། དེ་རྣམས་ཀྱི་སྦྱོར་བ་ནི་མིག་ལ་སོགས་པ་ལྔ་རྣམ་སྣང་ནས་མི་བསྐྱོད་པའི་བར་གྱི་ཁཡང་དག་པར་སྦྱོར་བས་ཀསངས་རྒྱས་ལྔ་རུ་གསྦྱོར་བ་ཡིས་ཏེ། དེ་བས་ན་གཟུགས་ལ་སོགས་པ་རྣམས་ཀྱང་སངས་རྒྱས་རིགས་ལྔ་ཡིན་ནོ། །ཞེས་དེ་རྣམས་ཀྱང་སངས་རྒྱས་ལྔར་སྦྱོར་རོ། །སྦྱོར་ལུགས་དེ་ལྟར་གྱུར་པའི་ཐ་མལ་གྱི་སྣང་བ་
ཡོངས་སུ་དག་པའི་བརྟག་པ་དེ་ནི་བསམ་གཏན་ཞེས་བཤད་དོ། །བསམ་གཏན་སྤྱིའི་མཚན་ཉིད་བཤད་པའི་སྐབས་འདིར། བསམ་གཏན་གྱིས་ཡུལ་དབང་ལྷར་སྒོམ་པར་བཤད་པ་ནི་མཚོན་པ་ཙམ་སྟེ། ལུས་དབེན་གྱི་སྐབས་ལྟར་ཕུང་སོགས་ལྷར་སྒོམ་པ་ཡང་ཤེས་པར་བྱ་ལ། ལྷའི་སྐུ་ཁོ་ན་སྒོམ་པར་མི་བཟུང་སྟེ་ལྷའི་དེ་ཁོ་ན་ཉིད་སྒོམ་པ་ཡང་དགོས་པར་རྒྱས་བཤད་ཀྱི་སྐབས་ལས་ཤེས་སོ། །དེ་ཡང་རྟོག་པ་ལ་སོགས་པའི་དབྱེ་བས་རྣམ་པ་ལྔར་འགྱུར་ཏེ། རྟོག་དང་ཞེས་བྱ་བ་ལ་སོགས་པ་ནི་དེའི་དབྱེ་བ་བཤད་པའོ། །གསང་བ་སྟེ་གསང་སྔགས་ཀྱི་རྒྱུད་ནི་ཐམས་ཅད་དུ་བཤད་པའི་དབང་པོ་དང་ཡུལ་དང་དབང་པོའི་ཤེས་པ་ནི་གསང་བ་གསུམ་སྟེ། དབང་པོ་ལྔ་དང་དབང་པོའི་ཤེས་པ་ལྔ་དང་དེའི་ཡུལ་ལྔ་རྣམས་ནི་དེ་བཞིན་གཤེགས་པ་རྣམ་པ་ལྔའི་བདག་ཉིད་ཡིན་ནོ་ཞེས་གང་རགས་པའི་རྣམ་པར་རྟོག་པ་དེ་ནི་རྟོག་པའོ། །རྟོག་པ་དེའི་ལོངས་སྤྱོད་ཡུལ་དེ་ཉིད་ལ་ ཞིབ་ཏུ་རྣམ་པར་དཔྱོད་པ་ནི་ གནས་པ་ལ་ དཔྱོད་པའོ། །འདི་གཉིས་ཀྱང་རྗེས་ཐོབ་ཏུ་སྐྱོང་བའི་ལུས་དབེན་ནོ། །དེ་ལྟར་རྟོག་དཔྱོད་ཀྱིས་དཔྱད་ནས་བདེ་བས་དེ་ཁོ་ན་ཉིད་ལ་འཇུག་པ་ལ་མངོན་པར་ཕྱོགས་པས་ཡུལ་སྣང་རྣམས་བདེ་བ་འབར་བའི་གྲོགས་སུ་སོང་ནས་གང་ཚོར་བ་ཡིད་བདེ་བའི་མཚན་ཉིད་ཅན་མྱང་བ་དེ་ནི་དགའ་བ་ལ་རེག་པའོ། །བདེ་བས་དེ་ཁོ་ན་ཉིད་ལ་མངོན་པར་ཞུགས་པས་ལུས་ཤིན་ཏུ་སྦྱངས་པ་དང་ལ་སོགས་པས་སེམས་ཤིན་ཏུ་སྦྱངས་
པའི་མཚན་ཉིད་ཅན་གྱི་ཤིན་སྦྱངས་ཀྱི་བདེ་བ་གང་ཐོབ་པ་དེ་ནི་བདེ་བས་བསྡུས་པའོ། །ཚུལ་དེས་དགའ་བདེ་འཐོབ་ཚུལ་ནི། དང་པོར་འོག་སྒོའི་ཕྲ་མོ་བསྒོམས་པའི་དབང་གིས་བདེ་བ་ཆེན་པོ་ཐོབ་པ་ན། དེས་དེ་ཁོ་ན་ཉིད་ཀྱི་དོན་ངེས་པར་བྱས་ཏེ་བསྒོམས་པས། སྟོང་པ་ཉིད་རྟོགས་པའི་ཡིད་བདེ་ཁྱད་པར་ཅན་རེག་པ་སྟེ་འཐོབ་པ་དང། སྟོང་ཉིད་རྟོགས་པའི་ལུས་སེམས་ཤིན་ཏུ་སྦྱངས་པའི་བདེ་བ་འཐོབ་བོ། །དེ་ལྟར་སྦྱངས་པ་སྟེ་གོམས་པ་ལས་རབ་ཀྱི་མཐར་ཐུག་པར་སོན་པའི་ཕྱིར། ཤེས་པ་སྟེ་མིག་ལ་སོགས་པ་དྲུག་གི་འཇུག་པའི་རྣམ་པར་ཤེས་པ་དང༌། ཤེས་བྱ་སྟེ་གཟུགས་ལ་སོགས་པ་ནས་ཆོས་ཀྱི་ཁམས་ཀྱི་བར་དུ་བྱུང་བ་ནི་ཤེས་དང་ཤེས་བྱ་བྱུང་བའོ། །དེའི་ཟད་པ་ནི་སེམས་ཀྱི་གཟུང་བ་དང་འཛིན་པ་རྒྱངས་ཆད་དུ་སྣང་བའི་རགས་པའི་གཉིས་སྣང་གཞན་གྱིས་སྟོང་པ་ཉིད་དེ། དེ་བས་ན་གཉིས་སྣང་རགས་པ་ལོག་པའི་ཡེ་ཤེས་ཀྱི་མཚན་ཉིད་ཀྱི་སེམས་རྩེ་གཅིག་པ་ལ་ནི་རང་སེམས་ཞེས་བྱའོ། །དེ་ལྟ་བུའི་སེམས་དེ་ནི་སངས་རྒྱས་ཀུན་གྱི་དངོས་པོ་སྟེ་རང་བཞིན་སྟོང་པ་ཉིད་ལ་ཞུགས་ཤིང་ཞི་བ་སྟེ། སྣང་བ་ཙམ་ཞེས་པ་ནི་སྣང་བ་གསུམ་གྱི་བདག་ཉིད་སྟོང་པ་གསུམ་མོ། །ཙམ་གྱི་སྒྲས་ཀུན་རྟོག་རྣམས་དེའི་དུས་ན་ཡོད་པ་གཅོད་དེ། ཞི་བའི་དོན་ནོ། །ནམ་མཁའ་ནི་སྟོང་པ་ཉིད་ཡིན་པས་ཐམས་ཅད་སྟོང་པ་བཞི་པའོ། །དེ་ལ་རབ་ཏུ་གནས་པ་ཞེས་པ་ནི་སྟོང་པ་གསུམ་རིམ་གྱིས་ཐིམ་ནས། ཐམས་ཅད་
སྟོང་པ་ཉིད་གཅིག་བུའི་མཐར་ཐུག་པར་འགྱུར་རོ། །དང་ཐམས་ཅད་སྟོང་པར་གཅིག་ཏུ་པ་ཚབ་ཀྱིས། དེ་ནི་ཐམས་ཅད་སྟོང་པ་ཉིད་གཅིག་བུའི་མཐར་ཐུག་པར་འགྱུར་ཏེ། ཞེས་བསྒྱུར་བ་བདེའོ། །མཐར་ཐུག་པར་འབྱུང་བར་འགྱུར་ཏེ།འདི་ནི་སྔར་རབ་ཀྱི་མཐར་ཐུག་པར་སོན་པ་ཞེས་བཤད་པ་དེ་ཡིན་ནོ། །ཡན་ལག་གཉིས་པའི་དབྱེ་བ་རྣམ་པ་ལྔའོ། །སངས་རྒྱས་ཞེས་པའི་རྐང་པ་གཉིས་ཀྱང་སེམས་རྩེ་གཅིག་པའི་བཤད་པར་སྣང་བས་སེམས་རྩེ་གཅིག་པ་ལ་སྟོང་པ་བཞིར་བྱའོ། །དེ་བཞིན་དུ་རྡོ་རྗེ་འཕྲེང་བའི་སྦས་བཤད་ཀྱི་ཁམས་འབྱུང་བ་བཞི་སྤྱན་སོགས་བཞིར་སྒོམ་པའི་ལུས་དབེན་གྱི་སྐབས་སུ་ཡང༌། རླུང་དང་མེ་དང་ཆུ་དང་ས། །སྤྱན་ལ་སོགས་པ་བཞི་པོ་སྟེ། །ཡེ་ཤེས་བདག་ཉིད་ཅན་གསུམ་དུ། །ཤེས་བྱ་སངས་རྒྱས་བྱང་ཆུབ་སྟེར། ཞེས་ཡེ་ཤེས་གསུམ་སྐྱེ་བ་གཅིག་བཤད་པ་ནི། སྒྲོན་གསལ་ལས། བསམ་གཏན་གྱི་སྐབས་སུ་སྟོང་པ་བཞི་འབྱུང་བར་བཤད་པ་དང་ཤིན་ཏུ་མཐུན་ལ། སྟོང་པ་བཞི་པ་ནི་དཔེའི་འོད་གསལ་ཡིན་ཏེ། དེ་ཉེར་ཐོབ་ཀྱི་ནང་དུ་བསྡུས་ནས་སེམས་དབེན་ཚུན་ཆད་དུ་སྟོང་པ་གསུམ་དུ་གསུངས་ཀྱང༌། དཔེའི་འོད་གསལ་ལོགས་སུ་བྱས་ན་སྟོང་པ་བཞིར་འགྱུར་རོ། །འདིའི་སྐྱེ་ཚུལ་ཁུངས་དང་བཅས་པ་ནི་རིམ་ལྔ་གསལ་སྒྲོམ་ལས་ཤེས་པར་བྱའོ། ༈ །ཡེ་ཤེས་ལྔ་ཡི་ཞེས་བྱ་བ་ལ་སོགས་པ་ལ། མེ་ལོང་ལྟ་བུ་ལ་སོགས་པ་ཡེ་ཤེས་ཡེ་ཤེས་ལྔའི་རང་བཞིན་ཞེས་པའི་རྐང་པ་བཞིས་གསང་བའི་སྣ་རྩེར་རྫས་ཀྱི་ཐིག་ལེ་སྒོམ་པ་དང༌། རྐང་པ་དང་པོ་གཉིས་དང་རིན་ཆེན་ཞེས་པ་ནས་རང་སྔགས་ཞེས་པའི་བར་གྱིས་སྟེང་གི་སྣ་སྒོར་རྡོར་བཟླས་བྱེད་པའི་འོད་ཀྱི་ཐིག་ལེ་སྒོམ་པ་དང༌། སྙིང་གར་ཞེས་པ་མན་
ཆད་རྐང་པ་ཕྱེད་དང་གཉིས་ཀྱིས་སྙིང་གའི་སྣ་རྩེར་མི་ཤིགས་པའི་ཐིག་ལེ་སྒོམ་པ་དགོས་པ་དང་བཅས་པ་བསྟན་ཏེ། སྣ་རྩེ་གསུམ་དུ་ཐིག་ལེ་གསུམ་སྒོམ་པའི་སྲོག་རྩོལ་གསུམ་སྒོམ་པའོ། །ཡེ་ཤེས་ལྔ་དང་འབྱུང་བ་ལྔ་དང༌། རླུང་ལྔ་སྦྱོར་ཚུལ་དང་རྩ་བར་པདྨའི་སྣ་རྩེར། ཞེས་པ་མ་དག་པ་ཡིན་པར་ལེའུ་དྲུག་པར་བཤད་ཟིན་ནོ། །ལྔ་ཡི་རང་བཞིན་གྱི་དབུགས་ཏེ། ཡང་ཡེ་ཤེས་ལྔའི་དབུགས་དེ་ཉིད་ས་ལ་སོགས་པའི་བདག་ཉིད་ཅན་རང་གི་རྡོ་རྗེའི་བུ་ག་ལས་བྱུང་ནས། རིག་མའི་པདྨའི་སྣ་ཡི་རྩེ་མོར་ཁགོང་བུའི་གཟུགས་ཀྱིས་ཏེ།ཀབྱང་ཆུབ་ཀྱི་སེམས་ཀྱི་གཐིག་ལེའི་གཟུགས་ཀྱིས་སྒོམ་པར་བྱའོ། །རླུང་རྣམས་ཐིག་ལེའི་ངོ་བོར་འགྱུར་ཚུལ་ནི། ལེའུ་དྲུག་པའི་སྒྲོན་གསལ་ལས། ཐབས་ཤེས་སྙོམས་པར་འཇུག་པའི་དུས་སུ་སྟེང་ན་གནས་པའི་སྲོག་རྩོལ་གྱི་རླུང་སྙོམས་འཇུག་གི་དགའ་བས་དྲངས་པས་ཆགས་པའི་མེས་ཞུ་ནས་ཐིག་ལེར་འགྱུར་པར་བཤད་དོ། །སྔར་ཡེ་ཤེས་དང་འབྱུང་བའི་དབུགས་སུ་བཤད་པའི་དབུགས་དེ་ཉིད་གྱེན་དུ་དབང་པོའི་སྒོར་འགྲོ་བའི་དབུགས་ནི་ཁ་དོག་སྣ་ལྔ་པ་སྟེ་དེ་བཞིན་གཤེགས་པ་ལྔའི་བདག་ཉིད་ཅན་ནོ། །དེ་ཉིད་ཀྱིས་ན་རིན་པོ་ཆེའོ། །སྲོག་ནི་འཚོ་བའོ། །རྩོལ་ཞིང་རིང་དུ་སྤྲོས་པ་གང་ཡིན་པ་དེ་ནི་སྲོག་གི་དང་རྩོལ་བ་ཞེས་བྱ་བ ར་རྩ་རྒྱུད་ལས་བཤད་དོ། །ཅེས་བྱ་བར་ཤེས་པར་བྱ་པ་ཚབ་ཀྱིས། གང་གིས་བསྲིང་ཞིང་རིང་དུ་མཆེད་པར་བྱེད་པས་ན་དེ་ནི་སྲོག་རྩོལ་ཞེས་བསྒྱུར་བ་བདེ་ལ། དོན་ནི་གང་གིས་སྲོག་སྟེ་ཚེ་རིང་དུ་བསྲིང་བར་བྱེད་པའི་རླུང་ལ་སྲོག་རྩོལ་དུ་བརྗོད་པའོ། །རྩོལ་བའི་སྐད་དོད་ཨ་ཡཱ་མ་ཞེས་པ་འབད་པ་དང་འགོག་པ་དང་མཆུར་རིང་བ་རྣམས་ལ་འཇུག་པ་ལས། འདིར་ནི་ཕྱི་མ་
ཡིན་པས་སྲོག་དང་རྩལ་བ་ཞེས་པ་ནི་འགྱུར་ནོར་བའོ། ཞེས་བོད་ཀྱི་མཁས་པ་ང་གསུང་ངོ༌། །དེས་ན་རྒྱུད་གཞན་ནས་སྲོག་འགོག་པ་སྲོག་རྩོལ་གྱི་དོན་དུ་བཤད་པ་ནི་འགོག་པའི་སྟེང་ནས་ཡིན་ལ། འདིར་ནི་རིང་དུ་བསྲིང་པའི་སྟེང་ནས་བཤད་པས་སྲོག་རྩོལ་གྱི་སྒྲ་དོན་མི་འདྲ་ཡང༌། ལམ་དེས་རོ་རྐྱང་གི་རླུང་འགོག་པར་འདྲའོ། །སྟེ། སྟེང་གི་སྒོར་འགྲོ་བའི་རླུང་དེ་ཉིད་འཇུག་པ་ལ་སོགས་པའི་ངོ་བོ་ཉིད་ཀྱིས་ཉིན་དང་མཚན་དུ་རང་གི་ངང་གིས་ཟློས་པར་གྱུར་པའི་ཕྱིར་རོ། །རང་སྔགས་སོ་:པ་ཚབ་ཆག:ཞེས་ཡར་བཅད་དོ། །སྙིང་ཁར་ཏེ་རང་གི་སྙིང་ཁའི་པདྨ་ལ་རྩ་འདབ་བརྒྱད་པའི་དབུས་སུ་ཨ་ཐུང་ལ་སོགས་པ་མི་ཤིགས་པའི་ཐིག་ལེ་བསམས་པའོ་ནས་དེ་ལྟར་བསྒོམས་པའི་དགོས་པ་ནི་སྲོག་ནི་རླུང་རྣམས་སོ། །ཐིག་ལེ་ནི་མི་ཤིགས་པའོ། །དེ ར་གྱུར་པར་བཞག་པ་ནི་དེར་གཏོགས་པར་དགོད་ཅེས་པ་མི་ཤིགས་པའི་ཐིག་ལེ་ལ་རླུང་རྣམས་སྡུད་པའོ། །ཅེས་བྱ་བ་མི་ཤིགས་པར་གཏོགས་པར་དགོད་པ་སྟེ་ཡན་ལག་གསུམ་པའོ། ༈ །རང་ནི་གཟུགས་ལ་སོགས་པའི་ཡུལ་ལྔ། །དབང་པོ་ནི་མིག་ལ་སོགས་པ་ལྔ་སྟེ། དེ་ལ་ཡུལ་དང་དབང་པོ་གཉིས་དགག་ཅིང་སྟེ་ངེས་པར་ཐིམ་པ་ནི་དེ་གཉིས་འཆི་རིམ་བཞིན་དུ་ཐིམ་པ་ནི་རང་དབང་དགག་པ་ཞེས་པའི་དོན་ནོ་ནས་། རིན་ཆེན་དགག་པ་ནི་དབང་ཤེས་ཐིམ་པ་དེའི་འོག་ཏུ་ཡུལ་དུ་སྣང་བ་དང་མིག་སོགས་ཀྱི་དབང་པོའི་རྟེན་དུ་གྱུར་པའི་རིན་པོ་ཆེ་སྟེ། ཡིད་ཀྱི་རྣམ་ཤེས་ཀྱི་སེམས་ཀྱི་རིན་པོ་ཆེ་རགས་པ་སྲོག་གི་དང་རྩོལ་བ་རླུང་རགས་པ་དང་བཅས་པར་དགག་ཅིང་སྟེ་ནུབ་ཅིང་ཐིམ་པར་གྱུར་པའི་
གཟུང་བ་གང་ཡིན་པ་དེ་ནི་འཛིན་པ་ཡིན་པར་བཤད་དེ། དེ་གང་ཞེ་ན། ཡང་དག་པའི་མཐའ་འོད་གསལ་གྱི་ཡེ་ཤེས་ཞེས་བྱ་བ་སྟེ་སེམས་གསུམ་རིམ་གྱིས་ཐིམ་ནས་འོད་གསལ་དུ་ཞུགས་པའོ། །འདིས་འོད་གསལ་དུ་ཞུགས་པའི་སྔོན་དུ་དབང་ཤེས་ཀྱང་ཐིམ་པར་བསྟན་པ་ནི་དཔེ་དང་དོན་གྱི་འོད་གསལ་གཉིས་ཀ་ལ་འདྲ། །སེམས་ནི་འགོག་པའི་རྡོ་རྗེར་གྱུར། །མཚན་མར་ཉེར་འཛིན་འབྱུང་བར་འགྱུར། ཞེས་བྱ་བ་ལ། འགོག་པའི་རྡོ་རྗེ་ནི་འོད་གསལ་བའོ། །དེར་གྱུར་པ་ནི་སེམས་འོད་གསལ་དེར་ཞུགས་ནས་དབྱེར་མེད་དུ་གྱུར་པའོ། །དེ་ལ་སྔོན་དུ་རྟགས་འཆར་ཚུལ་ནི་མཚན་མ་རྣམས་ཀྱི་ཉེ་བར་འཛིན་པ་ནི་མཚན་མར་ཉེར་འཛིན་ཏེ་མཚན་མར་སྣང་བའོ། །འབྱུང་བར་འགྱུར་བ་ནི་སྐྱེ་བར་འགྱུར་བའོ། །དེ་ལྟར་སྐྱེ་བའི་མཚན་མའི་ཁམས་ནི་རྣམ་པ་ལྔར། བྱང་ཆུབ་རྡོ་རྗེ་རྡོ་རྗེ་འཆང་གི ས་གསུངས་པ་ཡིན་ནོ །ཞེས་བྱ་བ་ནི། སྒྲུབ་པ་པོའི་ལུས་ཀྱི་ས་ཆུ་ལ་ཐིམ་པར་གྱུར་པ་ལས་སྨིག་རྒྱུ་དང་འདྲ་བར་སྣང་བར་འགྱུར་བ་ནི་མཚན་མ་དང་པོའོ། །དེ་བཞིན་དུ་ཆུ་མེ་ལ་ཐིམ་པར་གྱུར་པ་ལས་དུ་བ་ལྟ་བུ་སྟེ་གཉིས་པའོ། །མེ་རླུང་ལ་ཐིམ་པར་གྱུར་པ་ལས་ནམ་མཁའ་སྣང་བར་གྱུར་པ་མེ་ཁྱེར་ལྟ་བུ་སྟེ་གསུམ་པའོ། །ཁམས་ཕྲ་བ་ནི་རླུང་སྟེ། དེ་ཡང་རང་བཞིན་གྱི་རྟོག་པ་ཆེར་གཡོ་བར་བྱེད་པའོ། །རླུང་དེ་ཀུན་ཏུ་སྣང་བ་གསུམ་གྱི་དང་པོ་སྣང་བར་དུ་སོང་བ་སྟེ་ཐིམ་པ་ལས་མེ་མར་ལྟར་སྣང་བའི་ཚོགས་ཀྱི་ངོ་བོ་ཉིད་ནི་བཞི་པའོ། །རང་བཞིན་གྱི་ཀུན་ཏུ་སྣང་བ་གསུམ་སྔ་མ་ཕྱི་མ་ལ་ཐིམ་པར་གྱུར་པ་ལས་སྤྲིན་མེད་པའི་ནམ་མཁའ་
དང་འདྲ་ཞིང་རྟག་ཏུ་སྣང་བ་འོད་གསལ་བ་ཙམ་དུ་གྱུར་པ་ནི་ལྔ་པའོ། །སྤྲིན་མེད་པའི་ནམ་མཁའ་ལྟར་སྣང་བ་སྟོང་པ་སྔ་མ་གསུམ་ལའང་ཡོད་མོད་ཀྱང༌། ཁྱད་པར་ཅན་ནི་བཞི་པའི་གནས་སྐབས་སོ། །མཚན་མ་ལྔ་པོ་དེ་དག་གིས་མྱ་ངན་ལས་འདས་པ་དོན་གྱི་འོད་གསལ་ཐོབ་པར་འགྱུར་རོ། །ས་ཆུ་ལ་ཐིམ་པ་སོགས་ལས་སྨིག་རྒྱུ་སོགས་འབྱུང་བར་བཤད་པ་དེ་ཡང་ཇི་སྐད་དུ་ལས་མཐའ་རྣམ་འབྱེད་ནི་ཀླུ་བྱང་གི་གཞུང་ཡིན་གྱི། ལས་མཐའ་རྣམ་འབྱེད་ཅེས་པའི་མདོ་ཡིན་ཞེས་སྐལ་ལྡན་གྲགས་བ་ཟེར་བ་ལྟར་མིན་ནོ། །ལས་ཀྱི་མཐའ་རྣམ་པར་འབྱེད་པ་ལས། དང་པོ་ས་ནི་ཆུ་ལ་ཐིམ། །ཆུ་ཡང་མེ་ལ་ཐིམ་པར་འགྱུར། །མེ་ནི་རླུང་ལ་ཐིམ་འགྱུར་ཞིང༌། །རླུང་ཡང་རྣམ་པར་ཤེས་ལ་འཇུག །རྣམ་ཤེས་གཟུང་བ་སྟེ་འཛིན་པ་དེ་ཉིད་ནི། །འོད་གསལ་བར་ཡང་འཇུག་པ་ཡིན། ཞེས་གསུངས་གཞུང་དེར་ལུང་དེ་དག་གིས་གཞིའི་འཆི་རིམ་བསྟན་ཀྱང༌། དེ་དང་ལམ་གྱི་འོད་གསལ་དུ་འཇུག་པ་གཉིས་སྨིག་རྒྱུ་བཞིན་དུ་འཆར་བ་སོགས་འདྲ་བས་འདིར་དྲངས་སོ། །པ་ལས་ཤེ ས་སོ། །བརྟན་པར་གྱུར་ཅིང༌། སྟེ་འོད་གསལ་དུ་རྣམ་པར་དག་པར་གྱུར་ནས། རྡོ་རྗེའི་ལམ་ནས་ཏེ་སྨིག་རྒྱུ་སོགས་ཀྱི་གོ་རིམས་ལས་འདའ་བར་མི་བྱ་བའི་མཚན་མ་ལྔའི་རིམ་གྱིས་འོད་གསལ་བར་འཇུག་པས། ནམ་མཁའི་ཁམས་ཏེ་འཇིག་རྟེན་གྱི་ཁམས་རྣམས་སུ་སྤྲོ་བར་བྱ་ཞིང༌། ཆོས་ཀྱི་སྐུའི་ཚུལ་གྱིས་ཁྱབ་པར་བྱའོ། །ཞེས་པ་ནི་སྣོད་བཅུད་ཀུན་གྱི་ཆོས་ཉིད་ལ་བློས་ཁྱབ་པར་བྱེད་པའི་དོན་ནོ། །དེ་དག་ནི་འཛིན་པའི་ཡན་ལག་ཅེས་བྱ་བ་བཞི་པའོ། །སྒྲོན་གསལ་ལོ་ཆེན་གྱིས་བསྒྱུར་བ་ལས། རང་དབང་ཞེས་པའི་རྐང་པ་དང་པོ་གཉིས་ཀྱི་བཤད་པ་རྫོགས་མ་ཐག །འདི་ནི་འཛིན་པ་ཞེས་བྱ་བའི་ཡན་ལག་བཞི་པའོ། ཞེས་འབྱུང་ཞིང། པ་ཚབ་ཀྱི་འགྱུར་ཡང་དེ་དང་འདྲའོ། །འགོས་འགྱུར་ལས། སྐབས་འདིར་དེ་དག་ནི་འཛིན་པའི་ཡན་ལག་ཅེས་བྱ་བ་
བཞི་པའོ། །ཞེས་གཞུང་དེ་རྣམས་ཐམས་ཅད་འཛིན་པའི་ཡན་ལག་གི་གཞུང་དུ་མཛད་པ་བཞིན་དུ་ཆག་འགྱུར་ལས་ཀྱང་འབྱུང་ངོ༌། །དེ་ལྟར་རྒྱ་དཔེ་ལ་གཉིས་ཡོད་པར་སྣང་ཡང་འགོས་འགྱུར་ལྟར་ལེགས་པ་ནི་འགྲེལ་པའི་བཤད་པས་ཤེས་སོ། ༈ །དེ་ལྟར་བདག་ཉིད་འོད་གསལ་བར་སོང་བར་རྣམ་པར་བསྒོམ་ཞིང་སྟེ་མངོན་སུམ་དུ་བྱས་ནས། གང་སྔོན་རྗེས་སུ་དྲན་པ་སྨིག་རྒྱུ་འདྲ་བ་ལ་སོགས་པའི་རྣམ་པས་ཡང་དག་པའི་མཐའ་ཐོབ་པ་དེ་དང་འདྲ་ཞིང༌ སྨིག་རྒྱུ་ལ་སོགས་པའི་གོ་རིམས་སྔར་བཤད་པ་དེ་ཉིད་སྔར་ལུགས་མཐུན་དུ་འོད་གསལ་དུ་ཞུགས་པའི་ཚེ་སྨིག་རྒྱུ་སོགས་ཀྱི་རྣམ་པས་ཞུགས་པ་བཞིན་དུ། ལུགས་ཟློག་གི་ཚེ་ཡང་རིམ་པ་དེ་བཞིན་དུ་ལྡང་བར་བཤད་པས། འོད་གསལ་ལས་ཉེར་ཐོབ་སྐྱེ་བ་ནས་བཟུང་སྟེ། སྣང་བའི་འོག་ཏུ་མར་མེ་དང༌། དེ་ནས་མེ་ཁྱེར་དང༌། དེ་ནས་དུ་བ་དང་། དེ་ནས་སྨིག་རྒྱུ་ལྟ་བུའི་བར་རྣམས་སྐྱེའོ། །ཀྱི་རིམ་གྱིས་སྤྲོ་བར་བྱ་ཞིང་བསྐྱེད་པར་བྱ་སྟེ། བཤད་མ་ཐག་པ་དེ་དག་ནི་རྗེས་སུ་དྲན་པ་ཞེས་བཤད་པ་ཡིན་པར་ཤེས་ཤིང་ཁོང་དུ་ཆུད་པར་བྱའོ། །སོ་སོར་སྣང་བ་དེ་ལས་སྐྱེ་ཞེས་བྱ་བ་ལ། སོ་སོར་སྣང་བ་ནི་ཡང་དག་པར་རིག་པ་འོད་གསལ་གྱི་ཡེ་ཤེས་སྟེ། འོད་གསལ་དེ་ལས་རྗེས་སུ་དྲན་པའི་ཡན་ལག་སྐྱེ་བར་འགྱུར་གྱི། གཞན་དུ་ནི་མ་ཡིན་ནོ། །ཞེས་ནན་ཏན་དུ་གསུངས་པ་
ནི། འོད་གསལ་དུ་འཇུག་པ་ལ་ལུགས་མཐུན་དང་ལུགས་ཟློག་གཉིས་ཡོད་པ་ལས་རྗེས་དྲན་དེ་གཉིས་གང་གི་སྐབས་དང་སྦྱར་སྙམ་པ་ལ་འོད་གསལ་ལས་ལུགས་ཟློག་ཏུ་ལྡང་བའི་རིམ་པ་ལ་བཤད་དགོས་ཀྱི། དེ་ལས་གཞན་ལུགས་མཐུན་དང་སྦྱོར་བ་མིན་ནོ་ཞེས་ངེས་པར་བྱ་བའི་དོན་དུ་ཡིན་ནོ། །དེ་ལྟར་ན་དོན་གྱི་འོད་གསལ་ལས་ལུགས་ཟློག་ཏུ་ལངས་པའི་སྣང་བ་གསུམ་ནས་སྨིག་རྒྱུའི་བར་ནི་རྗེས་དྲན་ཡིན་པས། རྗེས་སུ་དྲན་པ་ཞེས་བཤད་དོ། ཞེས་པ་སྐབས་འདིར་འོང་བ་ནི་དོན་གྱི་རིམ་པའོ། །༈ཐབས་དང་ཞེས་བྱ་བ་ལ་སོགས་པ་ལ། ཐབས་ཀ ནི་དང་ཀཤེས་རབ་ནི་སྙོམས་པར་འཇུག་པ་ནི་སྟེ་ཁཀུན་རྫོབ་ཀྱི་བདེན་པ་དག་པའི་སྒྱུ་མའི་སྐུ་དང་ཁདོན་དམ་པའི་བདེན་པ་ལ་གསུངས་ཀྱང་དེ་དང་རོ་གཅིག་པའི་འོད་གསལ་གྱི་ཡེ་ཤེས་སོ་འི་ངོ་བོ་དབྱེར་མེད་དུ་སྦྱོར་བ འོ་ས་དངོས་པོ་ཐམས་ཅད་དེ། རྒྱུ་བ་བཅུད་དང་མི་རྒྱུ་བ་སྣོད་ཀྱི་ངོ་བོ་ས་གནས་པ་དེ་མདོར་བསྡུད་པ་གོང་བུའི་ཚུལ་གྱིས་ཏེ། ལྷའི་སྐུ་ཕྱག་རྒྱ་ཆེན་པོའི་གཟུགས་ཀྱིས་གཅིག་ཏུ་བྱས་ནས། རྒྱུ་བ་དང་མི་རྒྱུ་བ་དེའི་དབུས་སུ་ཟུང་དུ་འཇུག་པའི་བདག་ཉིད་ཅན། རྡོ་རྗེ་འཆང་ཆེན་པོའི་གཟུགས་རྣམ་པར་བསྒོམ་པར་ཤེས་པར་བྱའོ། །གཅིག་ཏུ་བྱ་ཚུལ་ནི་བརྟན་གཡོ་ཐམས་ཅད་ཀྱི་རྩ་བ་ནི་རླུང་སེམས་ཙམ་དུ་ཟད་ཅིང་དེ་ཡང་ཟུང་འཇུག་གི་སྐུ་གཅིག་ཏུ་བསྐྱེད་པའོ། །འོད་གསལ་ལས་ཆུ་ལས་ཉ་ལྡང་གི་ཚུལ་དུ་རིམ་པ་འདི་ཉིད་ཀྱིས་ཡུད་ཀྱིས་ཞེས་པ་སྟེ་སྐད་ཅིག་ཙམ་གྱི་སྒྲས་འོད་གསལ་ལས་གཞན་གྱིས་བར་ཆོད་པ་གཅོད་དོ། །ཙམ་གྱིས་སོ། །ཡེ་ཤེས་
རྫོགས་བྱེད་པ་ཞེས་པ་སྟེ་ཡེ་ཤེས་ཀྱི་སྐུ་རྫོགས་པར་བྱེད་པ་ནི་ཏིང་ངེ་འཛིན་ཏེ་ཡན་ལག་དྲུག་པ་ཡིན་པར་བཤད་དོ། ༈ །འདུས་པའི་རྩ་རྒྱུད་དང་རྒྱུད་ཕྱི་མར་མ་ཟད་དཔལ་སྒྱུ་འཕྲུལ་དྲ་བ་ལས་ཀྱང༌། སྔགས་དང་ཡེ་ཤེས་ཀྱི་སྐུའི་ལྷ་བསྐྱེད་པའི་དབྱེ་བ་འདུས་པར་བཤད་པ་འདི་ཉིད་གསལ་བར་གསུངས་ཏེ། རྣལ་འབྱོར་རྣམ་གསུམ་ཤེས་བྱ་སྟེ། །བྱིན་གྱིས་བརླབས་པའི་རྣལ་འབྱོར་དང་ཡོངས་སུ་བརྟགས་པའི་རྣལ་འབྱོར་དང་:ཆག:བསམ་གྱིས་མི་ཁྱབ་གཟུགས་རྫོགས་པའི། རྣལ་འབྱོར་ཞེས་འབྱུང་པ་ལེགས་སོ། །གཟུགས་ཉིད་ཡོངས་སུ་རྫོགས་པ་སྟེ། །རྣལ་འབྱོར་སངས་རྒྱས་རྣམས་ཀྱིས་བསྔགས། །སྔགས་ཀྱིས་བྱིན་བརླབས་ང་རྒྱལ་བསྐྱེད། །འགྱུར་གསར་གཉིས་ཀ་ལས། བྱིན་བརླབས་ཙམ་གྱིས་ང་རྒྱལ་བསྐྱད་ཅེས་འབྱུང་སྟེ། སྔགས་ཞེས་པ་ནི་མེད་དོ། །ཙམ་གྱིས་ནི་ས་བོན་སོགས་ལས་བསྐྱེད་པ་གཅོད་པས་ལྷ་དེར་དཀྲོངས་བསྐྱེད་དུ་བྱིན་གྱིས་བརླབས་པ་ཙམ་གྱིས་ལྷ་དེའི་ང་རྒྱལ་བསྐྱེད་པ་ནི། ཁརྣལ་འབྱོར་ཀབྱིན་གྱིས་བརླབས་པའི་གཡིན་པར་གསུངས། །བྱང་ཆུབ་སེམས་ནི་དག་པ་ནི་སྟོང་པར་བསྒོམས་ནས་ཐ་མལ་གྱི་སྣང་བ་དག་པར་བྱེད་པའོ་དང༌། གསང་སྔགས་ས་བོན་ནི་ལྷ་སོ་སོའི་ས་བོན་ལ་སོགས་པའི་སྔགས་སྐྱེ ས་བ འི་ཆེ ན་པོ་ལས། །༣ཕྱག་རྒྱའི་ཚོགས་སུ་བརྟགས་པ་སྟེ་སོ་སོའི་ཕྱག་མཚན་དུ་བསྐྱེད་པ་ཡིས། །རིམ་གྱིས་ལྷའི་གཟུགས་ནི་རྫོགས་པར་བྱས་པ། །དེ་ནི་བརྟགས་པར་བརྗོད་པ་སྟེ། །རྣལ་འབྱོར་བརྟགས་པའི་རྣལ་འབྱོར་ཡིན་པར་
གསུངས་སོ། །ཆོ་ག་ཡིན་པར་གསུངས་ཁ དཀྱིལ་འཁོར་པའི་ལྷ་:པ་ཚབ:རྣམ་པ་ཀུན་གྱི་མཆོག་ལྡན་པ། །སྤྲོ་དང་བསྡུ་བ་བྱེད་པ་པོ། །ཡུད་ཀྱིས་ཡེ་ཤེས་རྫོགས་པ་ནི། ཞེས་འབྱུང་ངོ་། །བསྡུ་བ་དང་སྤྲོ་བར་བྱ་བ་ལས་ཏེ་བྱེད་པ་པོ། །ཀམཚན་དང་དཔེ་བྱད་ཀྱི་རྣམ་པའི་མཆོག་ཀུན་དང་ལྡན་པའི་སྐུ་དག །ག འོད་གསལ་ལས་སྐད་ཅིག་སྟེ་ཡུད་ཙམ་གྱི་ཡེ་ཤེས་ཀྱི་སྐུ ས་རྫོགས་པ། །ར་བཞེངས་པའི་ཟུང་འཇུག་ནི། རྫོགས་པའི་རྣལ་འབྱོར་ཞེས་བྱ་བར་བརྗོད་དོ། ། ཞེས་གསུངས་པའི་རྣལ་འབྱོར་དང་པོ་གཉིས་ནི་བསྐྱེད་རིམ་པའི་སྔགས་ཀྱི་སྐུ་ཡིན་ལ། རྣལ་འབྱོར་གསུམ་པ་ནི་རྫོགས་རིམ་པའི་ཡེ་ཤེས་ཀྱི་སྐུའོ། །རྒྱུད་འདི་སློབ་དཔོན་ཀུན་སྙིང་གིས་རྣལ་འབྱོར་རྒྱུད་དུ་བཀྲལ་ཡང༌། འདིར་དེ་མི་འདོད་དེ་གསང་འདུས་བཞིན་ནོ། །ཞེས་འབྱུང་བ་དང༌། ༈ རྒྱུ་དྲར་མ་ཟད་རྣམ་པར་སྣང་མཛད་མངོན་པར་བྱང་ཆུབ་པ་ལས་ཀྱང༌། དག་པ་དང་མ་དག་པའི་ལྷའི་རྣལ་འབྱོར་རྣམ་པ་གཉིས་སྟོན་ཏེ། གསང་བའི་བདག་པོ་ལྷའི་གཟུགས་ཀྱང་རྣམ་པ་གཉིས་ཏེ། ཡོངས་སུ་དག་པ་དང་ཡོངས་སུ་མ་དག་པའོ། །དེ་ལ་ཡོངས་སུ་དག་པའི་ལྷའི་སྐུ་ནི་དེ་ཁོ་ན་ཉིད་ཇི་བཞིན་དུ་རྟོགས་པའི་ངོ་བོ་སྟེ་མཚན་མ ར་འཛིན་པ་ཐམས་ཅད་དང་བྲལ་བའོ། །ཡོངས་སུ་མ་དག་པའི་སྐུ་ནི་མཚན་མ ར་འཛིན་པ་དང་བཅས་པའི་གཟུགས་ཏེ་ཁ་དོག་དང་དབྱིབས་སུ་བདེན་པར་བཟུང་པའོ་སོ་། །དེ་ལ་ལྷའི་གཟུགས་རྣམ་པ་གཉིས་ཀྱིས་བྱ་བ་གཉིས་འགྲུབ་པར་འགྱུར་ཏེ །མཚན་མ་དང་བཅས་པས་ནི་མཚན་
མ་དང་བཅས་པའོ། །མཚན་མ་མེད་པས་ནི་མཚན་མ་དང་བཅས་པའི་དངོས་གྲུབ་ཀྱང་ཀྱང་གི་སྒྲས་ནི་འཇིག་རྟེན་ལས་འདས་པའི་དངོས་གྲུབ་ཀྱང་འགྲུབ་པར་སྟོན་ནོ། །འགྲུབ་པར་འགྱུར་རོ། །མཚན་མར་བཅས་པས་མཚན་བཅས་ཀྱི། །དངོས་གྲུབ་རྒྱལ་བ་དམ་པ་:པ་ཚབ:རྟག་ཏུ་བཞེད། །མཚན་མ་མེད་ལ་གནས་པས་ནི། །མཚན་མ་ཅན་ཡང་འགྲུབ་ཏུ་རུང༌། །དེ་བས་རྣམ་པ་ཐམས་ཅད་དུ། །མཚན་མ་མེད་པ་བསྟེན་པར་བྱ། ཞེས་བྱ་བ་སྟེ། སྤྱོད་རྒྱུད་ཁུངས་སུ་དྲངས་པ་ནི་འདུས་པར་བཤད་པའི་སྔགས་དང་ཡེ་ཤེས་ཀྱི་སྐུ་ནི། མ་དག་པ་དང་དག་པའི་ལྷའི་སྐུ་ཡིན་པའི་ཆ་ནས་ལུང་ཕྱོགས་མཐུན་དུ་དྲངས་པའོ། །འདིར་སྦྱོར་བ་ཡན་ལག་དྲུག་བཤད་པ་ལ་དགོངས་པས་བཤད་པའོ། །ཞེས་པ་ནི་རྫོགས་རིམ་པའི་བསྙེན་པ་ཡན་ལག་དྲུག་ལ་ཡེ་ཤེས་བདུད་རྩི་ཞེས་པ་དང། མིག་སོགས་ལྔ་ལ་སངས་རྒྱས་ལྔ་ཞེས་པ་དང༌། རླུང་ལྔ་ལ་ཡེ་ཤེས་ལྔ་དང༌། འབྱུང་བ་ལྔ་དང༌། རིན་ཆེན་ཁ་དོག་སྣ་ལྔ་པ་ཞེས་པ་དང༌། སེམས་ཐིམ་པ་ལ་རིན་པོ་ཆེ་འགོག་པ་ཞེས་དོན་གཞན་ལ་དགོངས་ནས་སྒྲ་འགལ་བས་བཤད་པ་ལ་དགོངས་པ་ཡིན་གྱི། དེ་ཐམས་ཅད་ལ་དགོངས་བཤད་ཀྱི་མཚན་ཉིད་ཚང་མི་དགོས་པ་ནི་དགོངས་བཤད་གཞན་ལ་ཡང་མང་ངོ༌། ༈ །དེ་ལྟར་ལྷའི་རྣལ་འབྱོར་རྣམ་པ་གཉིས་བསྟན་ནས། ད་ནི་སྒྲུབ་པའི་གནས་བསྟན་པར་བྱ་བའི་ཕྱིར། དགོན་པ་ཆེན་པོ་ཞེས་བྱ་བ་ལ་སོགས་པ་གསུངས་ཏེ། རྐང་པ་དེ་བཞིའི་ཚིག་གི་དོན་གོ་སླའོ། །བཅོམ་ལྡན་འདས་སྐུ་གསུང་ཐུགས་དབྱེར་མི་བྱེད་པས་རྡོ་རྗེ་ཡང་ཡིན་ལ། མཆོག་གི་དངོས་གྲུབ་ཀྱི་ངོ་བོ་ཡང་ཡིན་པས། སྒྲུབ་པ་ཆེན་པོ་རྡོ་རྗེ་འཆང་གིས་དེ་སྐད་ཅེས་བཀའ་
སྩལ་ཏོ། །དྲང་བའི་དོན་ཏོ། ༈ །སྐབས་འདིར་ངེས་དོན་ལུང་སྟོན་གྱི་ལུང་གིས་བཤད་པ་བརྗོད་པར་བྱ་སྟེ། མེ་ལོང་ཞེས་བྱ་དགོན་པ་ཆེ། །མཉམ་ཉིད་ཅེས་བྱ་ས་ཕྱོགས་སོ། །སོ་སོར་རྟོག་བྱ་རབ་ཏུ་དབེན། །རྣམ་པར་དག་པ་ཆོས་དབྱིངས་ཡེ་ཤེས་ནི་རི་བོ་ནགས། །བྱ་བ་སྒྲུབ་པའི་ཆུ་ངོགས་སུ། །རིགས་དྲུག་པ་རྡོ་རྗེ་འཆང་ཉིད་ནི་གནས་དེ་རྣམས་སུ་འཐོབ་ཅེས་གསུངས་པའི་བདེ་བ་ཆེན་པོ་ཐོབ་པའོ།དྲངས་པ་དེ་རྣམས་རྒྱུད་ཀྱི་དོན་བླངས་པ་ཡིན་གྱི་ཚིག་གཞན་དུ་ཡོད་ཅེས་སྨྲ་བ་ནི། རྣམ་པར་མ་བརྟགས་པ་ཡིན་ཏེ། འགྲེལ་པར་དྲངས་པ་འདི་ཉིད་དག་པར་བྱ་དགོས་པའི་ཕྱིར་རོ། །ཞེས་བྱ་བ་སྟེ། ངེས་པའི་དོན་ཏོ། ༈ །དེ་ལྟར་རྣལ་འབྱོར་པ་རྣམ་པ་གཉིས་ཀྱི་གནས་ཕུན་སུམ་ཚོགས་པ་བསྟན་པ་བྱས་ནས། རིམ་གཉིས་ཀྱི་རྣལ་འབྱོར་པ་དེ་རྣམས་ཉིད་ཀྱི་སྒྲུབ་པ་སྔར་རྒྱས་པར་བཤད་པ་ལ་ལྟོས་ཏེ་མདོར་བསྡུས་པ་བསྟན་པར་བྱ་བའི་ཕྱིར། ཡང་ན་ཞེས་བྱ་བ་ལ་སོགས་པ་གསུངས་ཏེ། བསྐྱེད་པའི་རིམ་པ་ལ་གནས་པ་སྒྲུབ་ཐབས་མདོར་བསྡུས་པ་ལ་དགའ་བ་རྣམས་ཀྱི་ཕྱིར། དུ་གསུངས་པའི་རྡོ་རྗེ་བཞི་པོ་གསང་བ་འདུས་པའི་རྒྱུད་ཕྱི་མ་ལས་བཤད་པ་ནི། རྡོ་རྗེ་དང་པོ་སྟོང་ཉིད་བྱང་ཆུབ་སྟེ། །ཅེས་པ་ནི་ཡེ་ཤེས་ཀྱིས་སྒོམ་པ་ནས་ལྷག་མོས་འོད་གསལ་དུ་བསྡུས་པའི་བར་རོ། །འདི་ལྟར་བཤད་པ་རྣམས་མངོན་རྟོགས་དངོས་གཞིའི་དབང་དུ་བྱས་པ་སྟེ། དེས་སྒྲུབ་ཐབས་དངོས་ཀྱི་སྔོན་དུ་འགྲོ་བའི་ཡན་ལག་བསྲུང་འཁོར་སོགས་ཀྱང་ཤེས་པར་བྱའོ། །རྡོ་རྗེ་
གཉིས་པ་ས་བོན་བསྡུས་པའོ། །ནི་ཧཱུཾ་ཡིག་ལས་ཉི་མ་བསྐྱེད་པ་ནས་ཟླ་བའི་སྟེང་དུ་ས་བོན་འབྲུ་གསུམ་འགོད་པ་དང༌། དེ་བསྡུས་པ་སྟེ་ཡོངས་སུ་གྱུར་པ་ལས་ཕྱག་མཚན་བསྐྱེད་པའི་བར་རོ། །རྡོ་རྗེ་གསུམ་པ་གཟུགས་ཉིད་རྫོགས་པ་ནི་མངོན་བྱང་ལྔ་ལས་སྐུ་རྫོགས་པ་དང་དེ་ལ་བརྟེན་ནས་ལུས་དཀྱིལ་གྱི་སྐུ་རྫོགས་པའོ་སྟེ་། །རྡོ་རྗེ་བཞི་པ་ཡི་གེ་དགོད་པ་ནི་སྐུ་གསུང་ཐུགས་ཀྱི་ཡི་གེ་དང༌། ཏིང་ངེ་འཛིན་སེམས་དཔའི་ཡི་གེ་དང༌། རིག་མའི་ལུས་ལ་ཡི་གེ་འགོད་པ་དང༌། རྡོ་རྗེ་དང་པདྨའི་ཡི་གེ་འགོད་པ་སྟེ། མངོན་རྟོགས་བསྡུས་པའི་ལུགས་ཀྱི་རྡོ་རྗེ་བཞིའོ། །རྒྱུད་ཕྱི་མའི་འགྲེལ་པར། འབྱིན་པའི་ཡི་གེ་ལ་སོགས་པས་ལྷ་རྣམས་བསྐྱེད་པ་སྟེ། ཞེས་དཀྱིལ་འཁོར་རྒྱལ་མཆོག་བསྐྱེད་པའི་ཡི་གེ་ཡང་ཡི་གེ་འགོད་པར་མཛད་པ་ནི། རྡོ་རྗེ་བཞི་བསྐྱེད་རྒྱས་པའི་དབང་དུ་བྱས་པ་ཡིན་ལ། འདིར་ནི་ཡང་ན་ཞེས་པའི་གནད་ཀྱིས་བསྡུས་པ་ལ་བྱ་དགོས་སོ། །བརྟུལ་ཞུགས་བརྟན་པས་ཞེས་པའི་རྐང་པ་ལྷག་མ་གསུམ་གྱི་བཤད་པ་འོག་ནས་འབྱུང་བ་ནི་རིམ་པ་གཉིས་ཀ་ལ་སྦྱར་རོ་། །འོ་། །ཞེས་བྱ་བ་སྟེ། དྲང་བའི་དོན་ཏོ། ༈ །བསྐྱེད་རིམ་ལ་གནས་པས་རྡོ་རྗེ་བཞིས་བསྙེན་པ་བྱ་བར་མ་ཟད་མཆོག་གི་སྒྲུབ་པ་རྫོགས་རིམ་ལ་གནས་པ་རྣམས་ཀྱིས་ཀྱང༌། རྡོ་རྗེ་བཞིས་བསྙེན་པ་བསྡུས་པ་བྱ་བར་བསྟན་པ་ལ། ཡང་ན་ཞེས་པ་ནི་དྲང་དོན་གྱི་རྡོ་རྗེ་བཞིས་བསྙེན་པ་བྱ་བ་ལས། ཡང་ན་ངེས་དོན་གྱི་རྡོ་རྗེ་བཞིས་བསྙེན་པ་བྱ་ཞེས་པའོ། །ངེས་དོན་ལྟར་ན་རྡོ་རྗེ་རྣམ་པ་བཞི་ནི་སྟོང་པ་ཉིད་རྣམ་པ་བཞི་ཡིན་ཏེ། སྟོང་པ་བཞི་པོ་དེས་བསྙེན་པ་བྱ་ཞིང་སྟེ་རྡོ་རྗེ་འཆང་ཆེན་པོའི་གོ་འཕང་འཐོབ་
པར་བྱ་བའི་ཕྱིར་འབད་པར་བྱའོ། །འོ་ན་བསྙེན་པའི་ཡན་ལག་དྲུག་ཏུ་ནི། ཞེས་སོགས་ཀྱིས་གསུངས་པ་ལྟར་ཡན་ལག་དྲུག་ག་ཚང་བས་བསྙེན་པ་བྱ་དགོས་པ་མ་ཡིན་ནམ། སྟོང་པ་བཞི་ཙམ་གྱིས་བསྙེན་པ་བྱ་བ་ཇི་ལྟར་རིགས་སྙམ་ན། སྐྱོན་མེད་དེ་བསྙེན་པ་ལ་ཡན་ལག་དྲུག་ཡོད་ཅིང་དེ་དྲུག་ཚང་བ་བྱ་དགོས་ནའང༌། འདིར་བསྙེན་པ་སྟོང་པ་བཞིར་བསྡུས་པ་ནི། སོར་བསམ་གྱི་ངོ་བོར་ལུས་དབེན་གྱི་སྐབས་སུ་ཡང་སྟོང་པ་བཞི་དྲངས་ནས་མཉམ་རྗེས་སུ་སྐྱོང་བ་ཡིན་ལ། དེ་བཞིན་དུ་སྲོག་རྩོལ་ངག་དབེན་གྱིས་སྐབས་སུ་ཡང་སྣ་རྩེ་གསུམ་གྱི་སྲོག་རྩོལ་གསུམ་བསྒོམས་པའི་མཐུས་སྟོང་པ་བཞི་དྲངས་ནས་སྒོམ་པ་ཡིན་ཞིང༌། ཕྱི་ནང་གི་ཐབས་གཉིས་ལ་བརྟེན་ནས་སེམས་དབེན་སྒོམ་པ་དང༌། སྒྱུ་ལུས་གྲུབ་ནས་བསམ་གཏན་གཉིས་ཀྱིས་འོད་གསལ་སྒོམ་པ་དང༌། སློབ་པའི་ཟུང་འཇུག་ཐོབ་ནས་མི་སློབ་པའི་ཟུང་འཇུག་གི་ཕྱིར་སྤྱོད་པ་བྱེད་པ་ཐམས་ཅད་ཀྱང་སྟོང་པ་བཞི་དྲངས་ནས་མཉམ་རྗེས་སུ་སྐྱོང་བ་ཤ་སྟག་ཡིན་པས། དོན་འདི་རྟོགས་པར་བྱ་བའི་ཕྱིར་དུ་བསྙེན་པ་བསྡུ་ན་སྟོང་པ་བཞིར་བཤད་པ་འདི་ལེགས་པར་ངེས་དགོས་པ་ཡིན་ནོ། །བརྟུལ་ཞུགས་བརྟན་པ་ནི་བརྩོན་འགྲུས་བརྟུལ་པ་སྟེ་རབ་ཏུ་འབར་བ་ཅན་གྱིས་བསྙེན་པ་བྱའོ་སོ་། །སྐུ་གསུམ་ནི་རྡོ་རྗེ་འཆང་ཆེན་པོ་སྟེ་དེ་དང་བདག་མཉམ་པར་གྱུར་པ་ནི་རྡོ་རྗེ་འཆང་གི་ངོ་བོར་བལྟ་བ། །ད་ལྟར་དེ་ལྟར་བཤད་མ་ཐག་པའི་རྡོ་རྗེ་བཞི་དག་གིས་བསྒོམས་ཤིང༌། སྟེ་འདོད་ཡོན་གྱི་ངོ་བོ་ཉིད་ཡོངས་སུ་ཤེས་པས་འདོད་ཡོན་ལམ་དུ་བྱེད་པའི་ཚུལ་གྱིས་བསླབས་ན་དངོས་གྲུབ་སྟེ་ཕྱག་
རྒྱ་ཆེན་པོའི་དངོས་གྲུབ་ཐོབ་པར་འགྱུར་ཞིང༌། མྱོང་བར་འགྱུར་བ་སྟེ། ངེས་པའི་དོན་ཏོ། ༈ །དུས་བཞི་དག་ཏུ་ཞེས་བྱ་བ་ལ་སོགས་རྐང་པ་བཞིས་གཙོ་བོའི་ཡུམ་དང་བཅས་པའི་ལྷ་མོ་ལྔ་དང་ལྷན་ཅིག་ཏུ་སྤྲོས་མེད་ཀྱི་སྤྱོད་པ་བྱེད་པ་གཅིག་སྟོན་ནོ། །པ་ལ། དུས་བཞི་ནི་ལྷ་མོ་བཞི་རྣམས་ཏེ།ཞེས་པ་ནི་སྦྱན་སོགས་བཞིའི་རིགས་ཀྱི་ཕྱག་རྒྱ་པདྨ་ཅན་སོགས་བཞིའོ། །དེ་རྣམས་ཀྱི་རབ་ཏུ་སྦྱོར་བ་ནི་འཁྱུད་པ་ལ་སོགས་པའི་རྣམ་པས་ཕྱག་རྒྱ་དེ་རྣམས་མཉེས་པར་བྱས་པ་སྟེ་དེས་ན་དུས་བཞི་དག་ཏུ་རབ་སྦྱོར་བས་སོ། །བློ་དང་ལྡན་པ་ནི་ཤིན་ཏུ་དགའ་བ འི་བསྟན་བཅོས་ནས་བཤད་པའི་སྒྱུ་རྩལ་རྣམས་ཤེས་པའི་སྒྲུབ་པ་པོས་རབ་ཏུ་སྦྱོར་བ། །གནས་ལྔར་ཞེས་བྱ་བ་ནི་ལྷ་མོ་བཞིའི་གནས་ན་གནས་པ་དེ་རྣམས་ཀྱི་གཟུགས་ལ་སོགས་པ་ཁྱད་པར་ཅན་ཏེ་ཤིན་ཏུ་ཡིད་དུ་འོང་བའི་གྱི་ཡུལ་ལྔ་མངོན་དུ་གྱུར་པ་རྣམས་ལ་སྦྱོད་པ་སྟེ། དེ་རྣམས་ཀྱི་གཟུགས་སྡུག་པ་ལ་ལྟ་བ་དང་སྒྲ་སྙན་པའི་གླུ་ཉན་པ་དང༌། ལུས་དང་གོས་ལ་བྱུགས་པའི་དྲི་ཞིམ་པོ་སྣོམ་པ་དང༌། མ་མཆུའི་སྦྲང་རྩིའི་རོ་འཇིབ་པ་དང༌། ལུས་ཀྱི་རེག་བྱ་ལ་རེག་བར་བྱེད་པ། །ཡེ་ཤེས་ཞེས་བྱ་བ་ལ་སོགས་པ་ལ། བློ་དང་ལྡན་པ་སྒྲུབ་པ་པོ་དེས་ཡི་གེ་ༀ་རང་གི་རྡོ་རྗེའི་རྩེ་མོ འི་བུ་ག ར་བསྒོམས་ནས་ཡེ་ཤེས་རྡོ་རྗེ་སྟེ། ༀ་དེས་བྱིན་གྱིས་བརླབས་པའི་རང་གི་རྡོ་རྗེས་དགའ་བ་སྟེ་རིག་མ་ལ་རོལ་བར་བྱས་ལ། སྡོམ་པ་སྟེ་བདེ་བ་དམ་པ་ཞེས་པ་ནི་སྡོམ་པའི་སྐད་དོད་སམྦྷ་ར་ལ་སཾ་ནི་བདེ་བ་དང༌། བ་ར་ནི་མཆོག་གོ །བདེ་བ་དེ་:པ་ཚབ:བསྟབ་ཅིང་བསྟན་ཅིང་སྟེ་
སྦྱིན་པར་བྱའོ། །ཞེས་པ་ནི་རིག་མ་དང་མཉམ་པར་སྦྱར་བ་ལས་གཉིས་ཀ་ལ་ལྷན་སྐྱེས་ཀྱི་བདེ་ཆེན་སྐྱེ་བ་ལ་དགོངས་ནས་བདེ་བ་མཆོག་རིག་མ་ལ་སྦྱིན་པར་གསུངས་སོ། །འདི་ལྟར་བྱེད་པ་ནི་ཕན་ཡོན་གྱི་སྐབས་ནས། བསྐྱེད་རིམ་ལ་གསུངས་པ་དང༌། ༀ་ཡིག་གིས་བྱང་སེམས་ཕྱིར་འཕོ་བ་འགོག་པར་བཤད་ཅིང༌། རྫོགས་རིམ་པའི་སྦྱོད་པའི་སྐབས་ཡིན་ན། ཡི་གེ་སྒོམ་པ་ལ་མི་ལྟོས་པར་རླུང་སྟོབས་ཉིད་ཀྱིས་བྱང་སེམས་ཕྱིར་འཕོ་བ་འགོག་པ་ཡིན་པས་སྦྱོད་པ་འདི་བསྐྱེད་རིམ་པ་ལ་སྦྱར་རོ། ༈ །དེ་ལྟར་སྤྱོད་པ་བྱེད་པའི་རྐྱེན་ཕུན་སུམ་ཚོགས་པ་མ་ཚང་བ་མེད་ཅིང༌། དགའ་བའི་བསྟན་བཅོས་ལ་ལེགས་པར་བསླབས་པའི་ཕྱག་རྒྱ་རྣམས་དང་ལྷན་ཅིག་བདེ་བ་ཆེན་པོ་སྟོང་ཉིད་ཀྱི་ལྟ་བ་དང་དབྱེར་མེད་པའི་ཏིང་ངེ་འཛིན་གྱི་དོན་ལ་སློབ་པར་བྱེད་པ་དག་གི་ཕན་ཡོན་བསྟན་པར་བྱ་བའི་ཕྱིར། ཞག་བདུན་ཞེས་བྱ་བ་ལ་སོགས་པ་གསུངས་ཏེ། བསྐྱེད་རིམ་མཐར་ཕྱུང་ཞིང་དེ་ནས་སྤྱོད་པ་བྱས་པའི་བསྐྱེད་རིམ་པ་དབང་པོ་རབ་ཀྱི་འཇིག་རྟེན་པའི་དངོས་གྲུབ་ཀྱི་དུས་ནི་ཉིན་ཞག་བདུན་ནོ། །དབང་པོ་འབྲིང་གིས་ནི་ཟླ་བ་ཕྱེད་དེ་ཉིན་ཞག་བཅོ་ལྔའོ། །དབང་པོ་ཐ་མས་ནི་ཟླ་བ་གཅིག་གམ་ཟླ་བ་ཕྱེད་དང་གཉིས་ཏེ། ཟླ་བ་ཕྱེད་ཀྱིས་ལྷག་པའི་ཟླ་བ་ནི་ཟླ་བ་ཕྱེད་དང་གཉིས་ཏེ་དེས་དབང་པོ་ཐ་མས་འགྲུབ་པར་འགྱུར་རོ། །རྫོགས་རིམ་པས་མཆོག་གི་དངོས་གྲུབ་འགྲུབ་པའི་ཐབས་ཀྱི་གཙོ་བོ་ཟུང་འཇུག་སྟོན་པ་ལ་རྡོ་རྗེ་ནི་ཡུལ་གྱི་འོད་གསལ་བའོ། །དམ་ཚིག་ནི་ས་མ་ཏ་མཉམ་པ། ས་མ་ཡ་དུས། ཨེ་ཀ་ཀཱ་
ལཾ་དུས་གཅིག་པ་སྟེ་ཡུལ་གྱི་འོད་གསལ་དེ་དང་ཡུལ་ཅན་གྱི་ཡེ་ཤེས་གཉིས་རོ་མཉམ་ཞིང་དུས་གཅིག་ཏུ་ཞུགས་པར་གྱུར་པ་ལ་བརྟེན་ན ས་རྫོགས་པར་གྱུར་པ་སྟེ། རྡོ་རྗེ་དམ་ཚིག་ནི་རྡོ་རྗེ་འཆང་ཆེན་པོའོ། །ཟུང་འཇུག་དེ་བསྒྲུབས་ཤིང་སྟེ་དེར་གྱུར་བར་བདག་ཉིད་བསྐྱེད་ན་དངོས་གྲུབ་སྟེ་ཕྱག་རྒྱ་ཆེན་པོའི་དངོས་གྲུབ་ཀྱི་བདག་ཉིད་ཅན་མྱུར་ཞིང་རིང་པོ་མི་ཐོགས་པར་འཐོབ་པར་འགྱུར་རོ། ༈ །རྟོག་པ་སྟེ་བརྟགས་པའི་ཏིང་ངེ་འཛིན་བསྐྱེད་རིམ་ལ་གནས་པའི་དངོས་གྲུབ་འགྲུབ་པའི་དུས་ཀྱི་དབྱེ་བ་བསྟན་ནས། སྔགས་ཀྱི་སྐུ་དེ་ལས་བཟློག་པའི་ཏིང་ངེ་འཛིན་མཆོག་ཡེ་ཤེས་ཀྱི་སྐུ་ལ་གནས་པའི་རྫོགས་རིམ་པའི་དངོས་གྲུབ་འགྲུབ་པའི་དུས་ཀྱི་ངེས་པ་བསྟན་པར་བྱ་བའི་ཕྱིར། ཞག་གྲངས་བྱེ་བྲག་ཅེས་བྱ་བ་ལ་སོགས་པ་གསུངས་ཏེ། ལས་དང་པོ་པའི་སེམས་ཅན་བསྐྱེད་རིམ་པ་རྣམས་ལ་ནི་ཞག་བདུན་ཞེས་བྱ་བ་ལ་སོགས་པའི་བྱེ་བྲག་གིས། རབ་ཏུ་བསྐུལ་ནས་ང་ཡིས་སྔོན་ཏེ་སྔར་ཞག་བདུན་དང་ནི་ཞེས་སོགས་སུ་རྒྱས་པར་སྤྲོས་ཏེ་བསྟན་ཅིང་བཤད་དོ། །ད་ནི་ཏིང་ངེ་འཛིན་མཆོག་ལ་གནས་པའི་བཤད་པ་ཡིན་ནོ་ཞེས་པ་ཅིག་དངོས་སུ་མ་བྱུང་ཡང༌། ཚིགས་བཅད་གཅིག་གི་ཕྱེད་སྔ་མ་ཞག་གྲངས་བྱེ་བྲག་ཅེས་པའི་རྐང་པ་གཉིས་ཀྱི་དགོངས་པར་ཤུགས་ཀྱིས་འཐོབ་པའོ། །དགོངས་པ་ནི་སྔ་མ་བཞིན་ཏེ། སྒྲ་ཇི་བཞིན་པའོ། །ཟླ་བ་ཕྱེད་ནི་པཀྵ་ཞེས་པ་ཕྱོགས་དང་ཟླ་ཕྱེད་གཉིས་ཀ་ལ་འཇུག་ཀྱང༌། འདིར་ཕྱོགས་ལ་བསྒྱུར་དགོས་ཤིང་ནང་གི་བཤད་པ་མཛད་པ་རྩ་བར་མ་
བྱུང་བས། པ་ཚབ་ཀྱིས། ཕྱོགས་ཀྱི་ནང་དུ་འགྲུབ་པར་འགྱུར་ཞེས་བསྒྱུར་བ་ལྟར་དགོས་སོ། །ཕྱོགས་ནི་ཐབས་ཀྱི་ཕྱོགས་ཀུན་རྫོབ་དང་ཤེས་རབ་ཀྱི་ཕྱོགས་དོན་དམ་པའོ། །དེ་གཉིས་ཀྱི་ནང་ནི་བར་ཏེ། གང་ཡིན་ཞེ་ན། བདེན་པ་གཉིས་ཀྱི་བདག་ཉིད་ཅན་གཉིས་སུ་མེད་པའི་རྣམ་པས་གནས་པ་དེ་ལས་ཟླ་བ་ཕྱེད་ཀྱིས་དངོས་གྲུབ་སྟེ། རྡོ་རྗེ་འཆང་ཆེན་པོའི་གོ་འཕང་འཐོབ་པར་གསུངས་སོ། །གང་གིས་གསུངས་ཤེ་ན། གསང་བ་མཆོག་ལས་བྱུང་བ་ཞེས་བྱ་བ་སྟེ། གསང་བའི་མཆོག་ནི་འོད་གསལ་བ་སྟེ། དེ་ལས་བྱུང་བའི་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་གསུང་པ་སྟེ། དགོངས་པས་བཤད་པའོ། ༈ །བཤད་མ་ཐག་པའི་རིམ་པས་ཕྱག་རྒྱ་ཆེན་པོའི་དངོས་གྲུབ་སྒྲུབ་པར་འདོད་པའི་རྣལ་འབྱོར་པས་བསྙེན་པའི་དུས་སུ་སྐུ་ལ་སོགས་པ་བྱིན་གྱིས་བརླབ་པ་སྔོན་དུ་འགྲོ་བ་སྟེ་བཏང་ན ས་ཕྱིས་དངོས་གྲུབ་སྒྲུབ་པ་ལ་འཇུག་པར་བྱའོ་ཞེས་བསྟན་པར་བྱ་བའི་ཕྱིར། དེ་ལ་འདི་ནི་ཞེས་བྱ་བ་ལ་སོགས་པ་གསུངས་ཏེ། དེ་ལ་ཞེས་བྱ་བ་ནི་ཚིག་གི་རྒྱན་ནམ་ཚིག་ཕྲད་དེ། སྐུ་གསུང་ཐུགས་བྱིན་གྱིས་རློབ་པ་དེ་ལ་སྟེ་དེའི་ནང་ནས་ཞེས་པ་སྟེ་གཞན་ལ་ཡང་དེ་ལྟར་ཤེས་པར་བྱའོ། །འདི་ནི་ཞེས་པ་གསུམ་ནི་སྐབས་སོ་སོའི་བྱིན་གྱིས་རློབ་པའོ་ནོ་། །ལྷ་གང་གི་མཐུས་སྒྲུབ་པ་པོས་རྡོ་རྗེའི་སྐུ་ཉེ་བར་ཐོབ་ཅིང་སྟེ་ཐོབ་པར་སྒྲུབ་པ་པོ་སྒྲུབ་པར་བྱེད་པ་ལ་སྣོད་དུ་རུང་བར་བྱེད་པས་ན་ཉེ་བར་སྒྲུབ་པ་སྟེ། ལུས་བྱིན་གྱིས་རློབ་པའི་
སྐུ་རྡོ་རྗེའི། །ཁ སྒྲུབ་པ་པོའི་ལུས་དེར་སྡུད་ཅིང་སྡོམ། དེ་ལ་གསོལ་བ་འདེབས་པའི་ཐབས་ཀྱིས་གཔས་ན་ཉེ་བར་སྒྲུབ་པའི་སྡོམ་པ་སྟེ། དེ་ཡང་རྣམ་པར་སྣང་མཛད་དོ། །རྣམ་སྣང་དེའི་ཡུལ་ལ་གསོལ་བ་འདེབས་པ་ནི་འོག་ནས་བཤད་པའི་སངས་རྒྱས་སྐུ་འཛིན་ཞེས་བྱ་བ་ལ་སོགས་པའི་ཚིགས་སུ་བཅད་པའོ་སྟེ་། སངས་རྒྱས་ནི་དུས་གསུམ་དུ་བཞུགས་པའི་དེ་བཞིན་གཤེགས་པ་རྣམས་ཡིན་ལ། དེ་རྣམས་ཀྱི་སྐུ་རྣམ་སྣང་དེའི་བདག་ཉིད་ཀྱིས་འཛིན་པར་བྱེད་པས་ན་སངས་རྒྱས་སྐུ་འཛིན་ནོ། །དཔལ་ནི་སངས་རྒྱས་སྤྱན་ནོ། །སྤྱན་དེ་གང་ལ་ཡུམ་དུ་ཡོད་པ་དེ་ནི་དཔལ་ལྡན་ནོ། །རྡོ་རྗེ་གསུམ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེས་རྡོ་རྗེ་གསུམ་སོ་སོར་མི་ཕྱེད་པ་ཉིད་ཀྱིས་གཅིག་པའི་བདག་ཉིད་དུ་བསྒོམས་པར་བྱས་པ་བདག་གི་ལུས་བྱིན་གྱིས་བརླབས་པའི་གནས་སུ་རབ་ཏུ་གནས་པར་མཛོད་ཅིག་པ་སྟེ། སྐུ་རྡོ་རྗེ་རྣམ་པར་སྣང་མཛད་དུ་བྱིན་གྱིས་རློབས་ཤིག་པའོ་དོ་། །དེ་ལྟར་བདག་པོ་ལ་གསོལ་བ་བཏབ་ནས། ཕྱོགས་བཅུ་ཞེས་བྱ་བ་ལ་སོགས་པ། རྣམ་སྣང་གཙོ་བོ་དེའི་འཁོར་རྣམས་ལ་གསོལ་བ་འདེབས་པའོ། །དེ་ལ་ཞེས་བྱ་བ་ལ་སོགས་པས་ནི་གསུང་བྱིན་གྱིས་བརླབ་པ་ལ་འཇུག་པ་ཡིན་ཏེ། སྒྲུབ་པ་པོ འི་གསུང་སྟེ་ངག་གི་ངོ་བོ་ཉིད་ལ་གནས་ནས་དེ་གསུང་རྡོ་རྗེའི་ངོ་བོར་སྒྲུབ་ཅིང་སྐྱེད་པ་ཡིན་པས་ན་སྒྲུབ་པའོ། །ཁ སྒྲུབ་པ་པོའི་ངག་དེར་སྡུད་ཅིང་སྟེ་ཀགསོལ་བ་འདེབས་པའི་ཐབས་ཀྱིས། གདབྱེར་མེད་པར་སྡོམ་པས་ན་སྒྲུབ་
པའི་སྡོམ་པ་སྟེ་འོད་དཔག་ཏུ་མེད་པའོ། །དེའི་ཡུལ་ལ་གསོལ་བ་འདེབས་པ་ནི་འོག་ནས་བཤད་པའི་ཚིགས་སུ་བཅད་པའོ། །ཆོས་ནི་འོད་དཔག་ཏུ་མེད་པའོ། །གསུང་གི་ལམ་ནི་གསུང་གི་ངོ་བོ་ཉིད་ཡིན་པའི་ཕྱིར་རོ། །དཔལ་ནི་གོས་དཀར་མོ་སྟེ་དེ་དང་ལྡན་པས་དཔལ་ལྡན་ནོ། །རྡོ་རྗེ་མི་ཕྱེད་ཅེས་བྱ་བ་ལ་སོགས་པ་ནི་སྔ་མ་བཞིན་ནོ། །དེ་ལ་ཞེས་བྱ་བ་ལ་སོགས་པས་ནི་ཐུགས་བྱིན་གྱིས་བརླབ་པ་གསུངས་པ་ཡིན་ཏེ། སྒྲུབ་པ་ཆེན་པོ་ནི་ཐུགས་ཆེན་པོ་མི་བསྐྱོད་པ། །ཐུགས་དེ་ལ་གནས་ནས་སྒྲུབ་པ་པོ་སེམས་ལ་དབང་ཐོབ་པ་ལ་སྦྱོར་བས་ན་སྒྲུབ་པ་ཆེན་པོའོ། །སྒྲུབ་པ་པོའི་སེམས་དེར་དབྱེར་མེད་དུ་སྡུད་པས་ན་སྡོམ་པ་སྟེ་མི་བསྐྱོད་པའོ། །མི་བསྐྱོད་པ་དེའི་ཡུལ་ལ་གསོལ་བ་འདེབས་པ་ནི་ཚིགས་སུ་བཅད་པའོ། །རྡོ་རྗེ་ལྟ་བུ ར་མི་ཕྱེད་པ་མི་གནས་པའི་མྱ་ངན་ལས་འདས་པའི་ཐུགས་ནི་རྡོ་རྗེ འི་ཐུགས་ཏེ་འཁོར་བ་དང་མྱ་ངན་ལས་འདས་པའི་མཐར་མ་ཆགས་པ་སྟེ་མ་ལྷུང་བ། །དེ་ལྟ་བུའི་ཐུགས་འཛིན་པར་མཛད་པས་ན་རྡོ་རྗེ་ཐུགས་འཛིན་ཏེ་མི་བསྐྱོད་པའོ། །མཱ་མ་ཀཱི་དང་ཡང་དག་པར་ལྡན་པས་ན་དཔལ་ལྡན་ཏེ། ལྷག་མ་ནི་སྔ་མ་བཞིན་ནོ། ༈ །དེ་ལྟར་སྐུ་དང་གསུང་དང་ཐུགས་བྱིན་གྱིས་བརླབ་པའི་མཐར་ཐུག་པས། ལེའུ་འདིར་ལྷའི་རྣལ་འབྱོར་རྒྱས་པར་བསྟན་ནས། རང་གི་ལུས་ངག་ཡིད་གསུམ་དང་ལྷའི་སྐུ་གསུང་ཐུགས་གསུམ་ངོ་བོ་དབྱེར་མེད་པར་ལྟ་བ་དེ་
ཉིད་ངེས་པར་ཏེ་གདོན་མི་ཟ་བར་བྱའོ་ཞེས་བྱ་བའི་སྒོ་ནས་ཉེ་བར་སྡུད་པ་བསྟན་པར་བྱ་བའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་རྣམ་སྣང་དང་དབྱེར་མེད་པར་སྒོམ་པ་ཡིན་པས་ན་རྣམ་པར་སྣང་མཛད་ཀྱི་རྣལ་འབྱོར་པའོ། །དེ་བཞིན་དུ་ཆོས་ནི་འོད་དཔག་ཏུ་མེད་པའི་རྣལ་འབྱོར་པའོ། །རྡོ་རྗེ་སེམས་དཔའ་ནི་མི་བསྐྱོད་པའི་རྣལ་འབྱོར་པའོ། །གལ་ཏེ་རྨོངས་པའི་བདག་ཉིད་ཅན་ལམ་འདིར་ཞུགས་ཕྱིན་ཆད་རང་གི་སྒོ་གསུམ་དང་དེ་བཞིན་གཤེགས་པའི་སྐུ་གསུང་ཐུགས་དབྱེར་མེད་དུ་ལྟ་བ་རྒྱུན་ལྡན་དུ་བྱ་དགོས་པའི་མན་ངག་མ་ཐོབ་པས་རྨོངས་པས་ཟིལ་གྱིས་མནན་ནས་འདས་པར་གྱུར་ཅིང༌། སྟེ། རང་གི་སྒོ་གསུམ་དེ་བཞིན་གཤེགས་པའི་སྐུ་དང་གསུང་དང་ཐུགས་སུ་བྱིན་གྱིས་བརླབ་པ་དང་བྲལ་ནས་གསུམ་ཚན་དེ་གཉིས་ཐ་དད་པ་ཉིད་ཀྱིས་རྟོག་ན་ཚལ་པར་འགས་པ་ནི་སོ་སོར་རིང་དུ་གྱེས་པ་སྟེ་དེ་དང་འདྲ་བར་:པ་ཚབ་ཆག:རྫོགས་པའི་རིམ་པ་ལས་ཟེར་ཤིང༌། བསྐྱེད་པའི་རིམ་པ་ལས་རིང་དུ་གྱུར་པར་འདིར་ངའི་ཚིག་ལ་ཡིད་གཉིས་དང་སོམ་ཉི་མ་བྱེད་ཅིག་ཅེས་རྡོ་རྗེ་འཆང་ཆེན་པོས་གསུངས་པའོ། ༈ །དེ་བཞིན་གཤེགས་པ་ཐམས་ཅད་ནི་སྐུ་རྡོ་རྗེ་ལ་སོགས་པའོ། །དེ་རྣམས་ཀྱི་མི་ཕྱེད་པའི་ངོ་བོ་ཉིད་ཀྱི་སྦྱོར་བ་རྡོ་རྗེ་བཞི་ནི་རྡོ་རྗེའི་སྦྱོར་བའོ། །རིམ་པ་གཉིས་ཀྱི་རྡོ་རྗེ་བཞི་པོ་དེ་ལེའུ་འདིར་བཤད་པའི་སྐུ་གསུང་ཐུགས་བྱིན་བརླབ་དང་འོད་གསལ་དུ་འཇུག་པའི་ཐབས་འདིས་མཉམ་པར་བྱས་པས་ན་དམ་ཚིག་གོ །དེ་ཉིད་ནི་
བསྒྲུབ་པར་བྱ་བའི་ངོ་བོ་ཉིད་ཡིན་པས་ན་སྒྲུབ་པའོ། །རྫོགས་པའི་རིམ་པ་ཐོབ་པར་བྱེད་པས་ན་མཆོག་གོ །བསྟན་པ་ནི་རབ་ཏུ་བཤད་པའོ། །ལེའུ་ནི་གཞུང་གི་ཚོགས་སོ། །ལེའུ་དང་པོ་ནས་བཅུ་གཅིག་པའི་བར་གྱི་ལེའུ་སོ་སོའི་མིང་ལ་ལྟོས་པས་ན་བཅུ་གཉིས་པ་སྟེ། སྒྲ་ཇི་བཞིན་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་གཉིས་པ་མཐའ་དྲུག་གིས་བཤད་པའོ། ། ༈ ། །རིམ་པ་གཉིས་ལ་སློབ་པ་ལ་འཇུག་པའི་རྣལ་འབྱོར་པ་རིམ་པ་གཉིས་ལ་བརྟན་ཞིང་སྤྱོད་པ་བྱས་པ་རྣམས་ཀྱིས་གདུལ་བྱའི་སྐྱེ་བོ་རྣམས་རང་དང་བསྟན་པ་ལ་མོས་པར་བྱ་བའི་ཕྱིར་རིམ་པ་གཉིས་ཀྱི་ཏིང་ངེ་འཛིན་ཙམ་དུ་མ་ཟད། ཚར་བཅད་དང་རྗེས་འཛིན་གྱི་ལས་ཀྱི་ཚོགས་རྣམས་ཀྱང་ཉམས་སུ་བླང་བར་བྱའོ་ཞེས་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་གསུམ་པ་གསུངས་ཏེ། ༈ །དེ་ནས་ནི་རིམ་གཉིས་ཀྱི་བསྙེན་པ་ལ་སོགས་པའི་ཆོ་ག་བཤད་ཟིན་པའི་འོག་ཏུའོ། །འདོད་པའི་དབང་ཕྱུག་ལ་སོགས་པ་བརྒྱད་དང་ལྡན་པས་བཅོམ་ལྡན་འདས་སོ། །བདེ་གཤེགས་ཀུན་ནི་མི་བསྐྱོད་པ་ལ་སོགས་པའོ། །ཡེ་ཤེས་རྡོ་རྗེ་ནི་གཉིས་སུ་མེད་པའི་ཡེ་ཤེས་སོ། །དེ་ཉིད་གཙོ་བོ་ཡིན་པས་ན་མཆོག་སྟེ། དེ་འཛིན་པས་ན་ཡེ་ཤེས་རྡོ་རྗེའི་མཆོག་འཛིན་པའི་དེ་བཞིན་གཤེགས་པའི་འཁོར་དང་ངོ༌། །སེམས་ཅན་ཀུན་གྱི་དོན་ནི་དགོས་པ་
སྟེ། ཞི་བ་ལ་སོགས་པའོ། །དེའི་དོན་དུ་ཡང་དག་པར་བྱུང་བ་ནི་བརྩོན་པ་མཛད་པ། །དེ་གང་ཞེ་ན། བྱང་ཆུབ་སེམས་དཔའ་སྟེ་སའི་སྙིང་པོ་ལ་སོགས་པའོ། །བློ་ལྡན་ནི་ཕྱག་རྒྱ་དང་ལྡན་པ་སྟེ། དེ་ལྟ་བུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཕྱག་འཚལ་ཞིང་མཆོད་ནས་གསུངས་སོ། །ཞེས་སྦྱར་རོ། །དེ་བཞིན་གཤེགས་པ་ཐམས་ཅད་ཀྱི་ཐུགས་ལ་བཞུགས་པས་ན་ཐུབ་པའི་སྐད་དོད་མུ་ནྱ་ལ་མ་ན་ཡིད་དེ་ཐུགས་སོ། བརྟྟི་འཇུག་པ་སྟེ་བཞུགས་པའོ། །ཐུབ་པའོ། །འཇིག་རྟེན་པ་དང་འཇིག་རྟེན་ལས་འདས་པའི་དོན་ཡང་དག་པར་སྦྱིན་པ་ལ་ཐོགས་པ་མེད་པའི་ནུས་པ་དང་ལྡན་པས་ན་དོན་ཀུན་རྡོ་རྗེ་ཅན་ནོ། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྟོན་པ་ཆེན་པོ་ཡིན་པས་ན་སྟོན་པ་ཆེ་སྟེ་རྡོ་རྗེ་འཆང་ཆེན་པོ་སྟེ་དེ་ལ་ཕྱག་འཚལ་ནས་སོ་འོ་། །བདེན་པ་གཉིས་ཡོངས་སུ་མཁྱེན་པས་ན་དམ་ཚིག་དེ་ཉིད་མཁྱེན་པ་སྟེ། དེ་ལ་ཕྱི་དང་ནང་གི་མཆོད་པ་རྣམས་ཀྱིས་མཆོད་དེ་རྡོ་རྗེའི་དབྱངས་འདི་གསུངས་པ་སྟེ། ལས་ཀྱི་ཚོགས་ལ་གསོལ་བ་འདེབས་པའི་ཚིག་ནི་རྡོ་རྗེའི་དབྱངས་ཡིན་ལ། དེ་གསུང་བར་མཛད་པ་སྟེ། སྒྲ་ཇི་བཞིན་པའོ། ༈ །ཨེ་མའོ་ཞེས་བྱ་བ་ནི་ངོ་མཚར་དུ་གྱུར་པའོ། །གང་ལ་ངོ་མཚར་ཞེ་ན། སངས་རྒྱས་ཀྱི་ཚུལ་ཏེ་དེ་འཁྲིད་པའི་ཐབས་ནི་སོ་སོར་སྡུད་པ་ལ་སོགས་པ་ཡན་ལག་དྲུག་གི་སྦྱོར་བའོ། །རྡོ་རྗེ་བཞི་འདའ་རྡོ་རྗེ་བཞི་ལས་:པ་ཚབ:འདས་པའི་ཕྱིར་ན་བཟང་པོའོ། ཞེས་འབྱུང་སྟེ་
བསྐྱེད་རིམ་གྱི་རྡོ་རྗེ་བཞི་ལས་འདས་པའོ། །པར་མི་བྱ་བ་ཡིན་པས་བཟང་པོའོ། །སྦྱོར་བ་ཡན་ལག་དྲུག་གི་བསྔགས་པ་བསྟན་ནས་བདེན་པ་གཉིས་བསྲེས་པ་ཟུང་འཇུག་ལ་མངོན་པར་བསྟོད་པ་གསུངས་པ་ནི། ཡང་ཨེ་མའོ་ཞེས་བྱ་བ་ལ་སོགས་པ་སྟེ། བྱང་ཆུབ་ནི་སྦྱོར་བ་དྲུག་གོ །དེའི་ཚུལ་ནི་བདེན་པ་གཉིས་ཀྱི་ངེས་པར་སྦྱོར་བ་ཟུང་འཇུག་གོ་འོ་། །དེ་ཉིད་ཕུལ་དུ་བྱུང་བས་མཆོག་སྟེ། དེ་བཞིན་གཤེགས་པ་ཐམས་ཅད་ཀྱི་གསུང་རབ་ཀྱི་གི་སྙིང་པོའི་དོན་བསྡུས་པ་ཡིན་པའི་ཕྱིར་རོ། །གཞན་ཡང་ཨེ་མའོ་ཞེས་བྱ་བ་ལ། ཆོས་ནི་བདེན་པ་གཉིས་སོ། །དེའི་ཚུལ་ནི་གཅིག་ཏུ་བྱས་པའོ། །དེ་ཞི་བ་ནི་སྤྲོས་པ་རྣམས་དང་བྲལ་བའོ། །གཞན་ཡང་ཨེ་མའོ་ཞེས་བྱ་བ་ལ་སོགས་པས་ནི་བསྟོད་པ་ཉེ་བར་སྡུད་པ་ཡིན་ཏེ། སྔགས་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་ཚུལ་ནི་བྱང་ཆུབ་འཐོབ་པའི་ཐབས་སོ། །བརྟན་པ་ནི་མི་ཕྱེད་པ་སྟེ་ཉན་ཐོས་ལ་སོགས་པས་མི་ཤིགས་པའི་ཕྱིར་ཏེ། དགོངས་པའི་བཤད་པའོ། །མ་སྐྱེས་པ་ཡི་ཞེས་བྱ་བ་ལ་སོགས་པ་ལ།ཁམ་སྐྱེས་ཤིང་ཞེས་པ། དབུ་མ་རྩ་བ་ལས། རྟེན་ཅིང་འབྱུང་བ་གང་ཡིན་པ། །དེ་ནི་ངོ་བོ་ཉིད་ཀྱིས་ཞི། ཞེས་གསུངས་པ་ལྟར་གཟོད་མ་ནས་ངོ་བོ་ཉིད་ཀྱིས་སྐྱེ་བ་ཞི་བ ར་རྟོགས་པ་ལ་བརྟེན་ནས་འི་ཀཆོས་ཕུང་པོ་ལ་སོགས་པ་རྣམས་ལ་གབྱང་ཆུབ་འཐོབ་པར་བྱེད་པའི་ངོ་བོ་ཉིད་ཀྱིས་ཕུལ་དུ་བྱུང་ཞིང་
ཁྱད་པར་ཅན་ཡིན་པ་དང་མ་སྐྱེས་ཤིང་རྣམ་པར་མི་རྟོག་པ་སྟེ། དེ་ཁོ་ན་ཉིད་ལ་བརྟག་པ་དང་བྲལ་ཞིང་སྟེ་བརྟག་མི་བཟོད་ཅིང་མ་བརྟགས་ན་ཉམས་དགའ་བ་ཙམ་དུ་ཡོད་པར་འགྱུར་གསར་གཉིས་ལ་བདེན་ཞིང་ཞེས་པ་མེད་དོ། །བདེན་ཞིང༌།༢ཡང་དག་པ་རྣམས་ཏེ། དེ་ལྟར་གྱུར་པའི་ཆོས་རྣམས་ལས་ཡན་ལག་དྲུག་གི་སྦྱོར་བའི་ཐབས་ཀྱིས་ཡེ་ཤེས་འབྱུང་བ་སྟེ། རྡོ་རྗེ་སེམས་དཔའ་སྐྱེ་བར་བཅོམ་ལྡན་འདས་ཀྱིས་མང་དུ་གསུངས་ཤིང་བཀའ་སྩལ་པ། དེ་ནི་ངོ་མཚར་འདིའི་ངོ་མཚར་ཆེ་ལུགས་ནི། ངོ་བོ་ཉིད་ཀྱིས་གྲུབ་པ་ཅུང་ཟད་ཀྱང་མེད་བཞིན་དུ་རྒྱུ་འབྲས་འཇོག་པ་འཐད་པའོ། །ཆེའོ་ཞེས་པ་སྟེ། དགོངས་པ་མ་ཡིན་པས་བཤད་པའོ། ༈ །དེ་ལྟར་བསྟོད་པས་བཅོམ་ལྡན་འདས་མ་ཉེས་པར་བྱས་ནས་མངོན་པར་འདོད་པའི་དོན་གྱི་ཕྱིར་གསོལ་བ་འདེབས་པ་བསྟན་པར་བྱ་བའི་ཕྱིར། སྔགས་རྣམས་ཀུན་ཞེས་བྱ་བ་ལ་སོགས་པ་གསུངས་ཏེ། སྔགས་རྣམས་ཐམས་ཅད་ནི་ཨཱ་ལི་དང་ཀཱ་ལི་ལས་བྱུང་བ འི་སྦྲུལ་ལ་སོགས་པ་རྣམས་སོ། །སྔགས་དེ་གང་དུ་བསགས་ཤིང་བསྡུས་པ་ནི་སྔགས་བཟླ་བར་གསུངས་པ་ཐམས་ཅད་ཀྱི་ངེས་དོན་མཐར་གཏུགས་ན་རླུང་སྔགས་དབྱེར་མེད་དུ་བཟློ་བའོ། །བསྡུས་པའོ། །རྡོ་རྗེ་བཟླས་པ་ནི་དོན་ཏེ་འབྲས་བུ་ཡོད་པའི་བཟླས་པའོ། །ཡེ་ཤེས་ཆེན་པོ་ནི་བླ་ན་མེད་པའི་ཡེ་ཤེས་ཐོབ་པར་བྱེད་པའི་ཕྱིར་རོ། །སྐུ་གསུམ་མི་ཕྱེད་པ་ནི་རྡོ་རྗེ་འཆང་ཆེན་པོའོ། །དེ་ལྟར་བསྒོམས་
པའི་རྣལ་འབྱོར་པ་དེའི་རླུང་ནང་དུ་འཇུག་པ་དང་གནས་པ་དང་ལྡང་བའི་ཚུལ་གྱིས་འཇུག་པའི་གནས་ནི་དཀྱིལ་འཁོར་བཞིའི་རླུང་ཏེ་དེ་བཤད་དུ་གསོལ་ཞེས་པའོ། །རྡོ་རྗེ་བཟླས་པ་དེ་ཉིད་ཀྱི་ཁྱད་པར་བསྟན་པ་ནི། སངས་རྒྱས་ཞེས་བྱ་བ་ལ་སོགས་པ་སྟེ། སངས་རྒྱས་ཀྱི་ཡེ་ཤེས་ནི་སྟོབས་བཅུ་དང་མི་འཇིགས་པ་ལ་སོགས་པ་སྟེ། རྡོ་རྗེ་མི་ཕྱེད་པ་གསུམ་བསྒོམས་པའི་སྒྲུབ་པ་པོ་གང་གིས་འཐོབ་པར་འགྱུར་བ་དེ་བཤད་དུ་གསོལ་ཞེས་བྱ་བར་སྦྱར་རོ། །རྡོ་རྗེ་བཟླས་པ་ནི་རྡོ་རྗེའི་བཟླས་བརྗོད་དོ། །དེའི་སྦྱོར་བ་ནི་འཇུག་པ་ལ་སོགས་པའི་ཚུལ་གྱིས་རླུང་སྔགས་དབྱེར་མེད་དུ་ཡོངས་སུ་ཟློས་པའོ། །དེ་ཡིས་སངས་རྒྱས་ཀུན་ཏེ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་ཅིང་བདག་གིར་མཛད་པའོ། །རྡོར་བཟླས་ནི་སྔགས་ཐམས་ཅད་ཀྱི་ངེས་དོན་གྱི་སྔགས་ཟློ་བ་ཡིན་པས། སྔགས་བཟླས་པས་རྒྱལ་བ་སྲས་བཅས་ཀྱི་ཐུགས་བསྐུལ་ནས། རང་ལ་བྱིན་གྱིས་རློབ་པའི་དགོས་པ་རྣམས་རྡོར་བཟླས་ཀྱིས་སྒྲུབ་པས་མཆོག་ཏུ་གྱུར་པའོ། །རིགས་དང་ཞེས་བྱ་བ་ལ་སོགས་པ་ལ། གསང་སྔགས་ཐམས་ཅད་ནི་སྦྲུལ་ཞེས་བྱ་བ་ལ་སོགས་པའི་རིགས་ཏེ་ཚོགས་རྣམས་ཀྱིའོ། །སྐུ་དང་གསུང་དང་ཐུགས་ཀྱི་མཚན་ནི་རྡོར་བཟླས་ཀྱི་ཡི་གེ་གསུམ་སྐུ་རྡོ་རྗེ་ལ་སོགས་པ་གསུམ་གྱི་འི་ངོ་བོ ར་སྟོན་པ། །གསང་སྔགས་ཟློས་པ་ནི་རྡོ་རྗེ་བཟླས་པའོ། །དེ་རིང་ཞེས་
པ་ནི་ད་ལྟའོ། །གསུངས་ཤིག་པ་ནི་བཀའ་སྩོལ་ཅིག་པའོ། །རྡོ་རྗེ་བཟླས་པ་དེ་དགོས་པ་ཅིའི་ཕྱིར་ཞུ་ཞེ་ན། ཡེ་ཤེས་ཡེ་ཤེས་:པ་ཚབ:རྒྱ་མཚོའི་གསན་དོན་དུའོ། ཞེས་འབྱུང་ངོ༌། །རྒྱ་མཚོ་སྟེ་རིན་པོ་ཆེ་ལྟ་བུའི་གང་ཟག་གོ །གསན་པ་ནི་དེས་བཀའ་སྩལ་པ་དེ་ཐོས་ནས་ཤེས་པའི་དོན་དུ། །སྐུ་གསུང་ཐུགས་ཀྱི་རྡོ་རྗེ་ཅན་ཞེས་པ་ནི་ལམ་ལ་སློབ་བཞིན་པ་ལ་གནས་པའོ། །སངས་སངས་:པ་ཚབ:རྒྱས་དུས་གསུམ་ལས་བྱུང་བ། ཞེས་བྱ་བ་ནི་འཇུག་པ་དང་གནས་པ་དང་ལྡན་པའི་བདག་ཉིད་ཅན་ནོ། །བྱུང་བ་ནི་རྫོགས་པའོ། །དེ་དག་གང་ཞེ་ན། སྐུ་གསུང་ཐུགས་ཀྱི་རྡོ་རྗེ་ཅན་ཏེ་སྦྱོར་བཞིན་པ་རྣམས་སོ། །དེའི་དོན་ནི་དུས་གསུམ་ནི་རླུང་ལྡང་འཇུག་གནས་པ་གསུམ་མོ། །དེ་ལས་བྱུང་བའི་སངས་རྒྱས་ནི་རླུང་གསུམ་ལས་བྱུང་བའི་གདངས་གསུམ་རྫོགས་པའོ། །དེ་དག་ཀྱང་གང་ཡིན་ཞེ་ན་སྐུ་གསུང་ཐུགས་ཀྱི་རྡོ་རྗེ་གསུམ་གྱི་ཡི་གེའི་གདངས་དང༌། རླུང་གི་གདངས་གསུམ་དབྱེར་མེད་དུ་སྦྱོར་བཞིན་པའོ། །སངས་རྒྱས་ཞེས་པ་ནི་རྡོ་རྗེ་ཅན་ཞེས་པའི་དོན་ནོ། །རྒྱས་དུས་གསུམ་ལས་བྱུང་རྣམས་ཞེས་པ་ནི། འཇུག་པ་དང་གནས་པ་དང་ལྡང་བའི་བདག་ཉིད་ཅན་དུ་གྱུར་པའོ། །བྱུང་བ་ནི་རྫོགས་པའོ། །གང་ཞེ་ན། སློབ་པའི་རྣལ་འབྱོར་པའོ། །རྡོ་རྗེ་སྔགས་ནི་རབ་བསྒོམས་པས། ཞེས་བྱ་བ་ནི། རྡོ་རྗེ་བཟླས་པ་ཡོངས་སུ་ཤེས་པས་སོ། །ཡེ་ཤེས་མཉམ་མེད་ནི་གཉིས་སུ་མེད་པའི་ཡེ་ཤེས་ཏེ་དེ་ཐོབ་པར་འགྱུར་བ་བཅོམ་ལྡན་འདས་ཀྱིས་བཤད་དུ་གསོལ་ཞེས་གསོལ་བ་བཏབ་པའོ། ༈ །དེ་ནས་
ཞེས་བྱ་བ་ནི་གསོལ་བ་བཏབ་མ་ཐག་ཏུའོ། །ནམ་མཁའ་རྡོ་རྗེ་ནི་དོན་དམ་པའི་བདེན་པའོ། །ཡེ་ཤེས་ནི་ཀུན་རྫོབ་ཀྱི་བདེན་པའོ། །དེ་གཉི་ག་ལས་བྱུང་བས་ནམ་མཁའ་རྡོ་རྗེ་ཡེ་ཤེས་ལས་བྱུང་བ་སྟེ་རྡོ་རྗེ་འཆང་ཆེན་པོའོ། །བྱེད་ཅེས་བྱ་བ་ལ་སོགས་པས་ནི་རྡོ་རྗེ་འཆང་དེ་ཉིད་ཀྱི་ཁྱད་པར་སྟོན་པ་ཡིན་ཏེ། ཞི་བ་ལ་སོགས་པའི་བྱ་བ་རྣམས་བསྐྱེད་པས་ན་བྱེད་པའོ། །རང་གི་དབང་དུ་གྱུར་པ་མ་ཡིན་པ་སྟེ་རང་གིས་བཟློག་པར་མི་ནུས་པ་གཞན་གྱིས་བྱས་པའི་མངོན་སྤྱོད་དང་ལ་སོགས་པ ས་དབང་གི་འི་ལས་གཅོད་པས་ན་སྐྱེད་པའོ། །དམ་པ་ནི་ཚངས་པ་ལ་སོགས་པའོ། །དེ་རྣམས་ཀྱི་མཆོག་ནི་དགྲ་བཅོམ་པ་ལ་སོགས་པའོ། །དེ་རྣམས་པས་ཀྱང་ལྷག་པར་གྱུར་པས་དམ་པ་མཆོག་གི་གཙོས་ཏེ། བཅོམ་ལྡན་འདས་ཉིད་དེ་དེས་རང་ཉིད་ཀྱི་རྡོ་རྗེ་བཟླས་པ་འདི་གསུངས་ཤིང་བཀའ་སྩལ་པའོ། ༈ །སྔགས་ཀྱི་དོན་ཀུན་ཞེས་བྱ་བ་ལ་སོགས་པ་ལ། གསང་སྔགས་ཐམས་ཅད་ནི་སྦྲུལ་ཞེས་བྱ་བ་ལ་སོགས་པའོ། །སྔགས་དེ་རྣམས་ཀྱི་དོན་བསྡུས་པ་ནི་ཡི་གེ་གསུམ་མོ། །ཡི་གེ་གསུམ་པོ་དེའི་བཟླས་པ་ནི་རླུང་ནང་དུ་འཇུག་པ་ལ་སོགས་པ་གསུམ་གྱི་གདངས་དང་དབྱེར་མེད་པ་ཟློ་བའོ་མོ་། །རླུང་སྔགས་དེ་རྣམས་མི་ཕྱེད་པར་ཟློ་བ་ཡོད་པ་ལ་ནི་རྡོ་རྗེ་མི་ཕྱེད་གསུམ་གྱིས་མཚན་པ་སྟེ། རྡོ་རྗེ་གསུམ་གྱི་ཡི་གེ་དང་རླུང་གཉིས་མི་ཕྱེད་པ་དེའི་ངོ་བོ་ཉིད་ཀྱི་རྡོ་རྗེ་བཟླས་པ་གསུངས་སོ་ཞེས་བྱ་བར་སྦྱར་ཏེ་
འདིས་རྡོ་རྗེ་བཟླས་པའི་སྒྲ་བཤད་བསྟན་ཏོ་། །རོ་། །རྡོ་རྗེ་བཟླས་པ་དེ་རྣམ་པར་དབྱེ་བ་སྟེ་བཤད་པར་བྱ་བའི་ཕྱིར་རྡོ་རྗེ་དབྱེ་བ་ཞེས་བྱ་བ་ལ་སོགས་པ་གསུངས་ཏེ། :པ་ཚབ:[ དབྱེ་བ་གསུམ་ལ་རྡོ་རྗེའི་མཐར། །བཀོད་པ་རྡོ་རྗེ་གསུམ་ཞེས་བྱ། ཞེས་འབྱུང་བ་དང་འགྲེལ་པའི་བཤད་པ་མཐུན་ནོ། །དབྱེ་བ་གསུམ་ནི་སྐུ་རྡོ་རྗེ་ༀ་ལ་སོགས་པའི་དབྱེ་བ་གསུམ་མོ་འོ་། །དེའི་བཟླས་པ་ནི་རྡོ་རྗེའི་མཐར་ཐུག་པ་ནི་རྡོ་རྗེ་འཛིན་པ་གཅིག་པུའི་མཐར་ཕྱིན་པའོ། །:པ་ཚབ:[ ཞེས་པ་ནི་རྡོ་རྗེ་འཆང་ནི་རྡོ་རྗེ་གསུམ་མི་ཕྱེད་པ་ཡིན་ལ། དེ་ཡང་འདིར་རྡོར་བཟླས་བྱས་པས་མཐར། འཇུག་གནས་ལྡང་གསུམ་གྱི་རྡོ་རྗེ་གསུམ་མི་ཕྱེད་པར་སྙིང་ཁའི་རྩ་འཁོར་གྱི་དབུས་ཀྱི་རྡོ་རྗེ་འཛིན་པ་མི་ཤིགས་པའི་ཐིག་ལེ་ལ་ཞུགས་པ་ཡིན་ཏེ། །ལེའུ་དྲུག་པའི་འགྲེལ་པར་སྙིང་ག་ན་གནས་པའི་རྡོ་རྗེ་སེམས་དཔའ་བསྐུལ་ཞེས་བཤད་པ་བཞིན་ནོ། །ཡི་གེ་གསུམ་གྱི་བཀོད་པ་ནི་རླུང་ནང་དུ་འཇུག་པ་ལ་སོགས་པའི་རང་གི་ངོ་བོ ཡི་གེ་གསུམ་གྱི་གདངས་སུ་ར་ཡོངས་སུ་ཤེས་པ ས་བཟློ་བ་སྟེ། དེ་ནི་རྡོ་རྗེ་གསུམ་གྱི་བཟླས་པ་ཞེས་བྱའོ་ཞེས་ཤེས་པར་བྱའོ། །བཟླས་པ་འདིའི་ཡུལ་ཅན་ལ་རྟེན་ཅན་ཞེས་གསུངས་པ་མང་བས་ཡུལ་ཏེ་རྟེན་བསྟན་པར་བྱ་བའི་ཕྱིར། སྐུ་གསུང་ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་བཟླས་པའི་གནས་ནི་ཉེ་བར་ལེན་པའི་ལུས་སོ་འོ་། །དེ་གང་ཡིན་ཞེ་ན། གཞི་དུས་ཀྱི་སྐྱེ་བ་སྤྲུལ་པའི་སྐུ་ཞེས་པའི་སྤྲུལ་པའི་སྐུའི་ལུས་དང༌། ཟུང་འཇུག་པས་སྤྲུལ་སྐུའི་ལུས་ལེན་པའོ། །ལུས་དེ་ཡོད་པ་ལ་བརྟེན་
ནས་སྤྲོ་བ་རྣམ་པ་གསུམ་པོ་འཇུག་པ་ལ་སོགས་པའི་མཚན་ཉིད་ཅན་གྱི་རྡོར་བཟླས་ཀྱི་བྱ་བ་རྫོགས་པར་བྱའོ། །འདིར་སྔ་མ་རྣམས་སྐབས་འདི་རྣམས་སུ་རྡོར་བཟླས་བྱ་བར་གསུངས་པ་ཐམས་ཅད་ཟུང་འཇུག་པས་ཞི་སོགས་ཀྱི་ལས་སྒྲུབ་པའི་རྡོར་བཟླས་ཁོ་ན་ལ་འཆད་མོད་ཀྱང༌། རྫོགས་རིམ་པའི་བསྙེན་པའི་དུས་སུ་རྡོར་བཟླས་བྱས་པས་སྟོང་པ་རྣམས་འདྲེན་པ་ལ་ཡང་སྦྱར་དགོས་པར་སྣང་ངོ༌། །འདིའི་ཕན་ཡོན་ནི་རྡོ་རྗེ་བཟླས་པ་ཞེས་བྱ་བ་ལ་སོགས་པ་སྟེ། རྡོ་རྗེ་བཟླས་པ་བཤད་མ་ཐག་པ་འདི་ཡིས་ནི། རྡོ་རྗེ་གསུམ་སྟེ་སྐུ་ལ་སོགས་པའོ། །དེའི་ཐུགས་ནི་སྐུ་ལ་སོགས་པའི་ངོ་བོ་ཉིད་ཀྱིས་ཐ་མི་དད་པ་མི་ཕྱེད་པ ར་གྱུར་པའི་ཡེ་ཤེས་ཀྱི་སྐུའི་ངོ་བོ་ཉིད་རྡོ་རྗེ་འཆང་ཆེན་པོ་སྟེ་དེ་དང་འདྲ་བར་འགྱུར་བའོ། ༈ །བླ་སྟེ་གོང་ན་མེད་པའི་རྫོགས་རིམ་པའི་མཆོད་པ་བསྟན་པར་བྱ་བའི་ཕྱིར། སངས་རྒྱས་རྣམས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་ཞེས་བྱ་བ་ནི་ཟུང་འཇུག་པས་རྣམ་སྣང་ལ་སོགས་པའི་སྤྲུལ་པའི་སྐུ་འཛིན་པ་སྒོམ་ཞིང་སྟེ་བསྐྱེད་ནས། སངས་རྒྱས་ཏེ་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པ་རྣམས་ཀྱི་འམ་ལ་མཆོད་པའི་མཆོག་གི་ཁྱད་པར་བརྟག་པར་བྱའོ། །གང་གིས་ཤེ་ན། ཡེ་ཤེས་རྡོ་རྗེ་སྟེ་རྫོགས་པའི་རིམ་པའི་ཏིང་ངེ་འཛིན་ཟུང་འཇུག་ལ་གནས་པས་སོ། །རྡོ་རྗེ་གསུམ་གྱི་ཞེས་བྱ་བ་ལ་སོགས་པ་ནི་ཕན་ཡོན་ཏེ་སྔ་མ་རྡོ་རྗེ་
འཆང་དང་འདྲ་བར་བཤད་པ་བཞིན་ནོ། །ཕྱི་རོལ་གྱི་མེ་ཏོག་སོགས་ཀྱི་མཆོད་པ་ལ་མངོན་པར་ཞེན་པ་སྤང་པར་བྱ་བའི་ཕྱིར། སླར་ཡང་ཡང་གི་སྒྲས་ནི་སྔར་གསུངས་པའི་མཆོད་པའི་མཆོག་དེ་ཉིད་འདིར་འཆད་པའོ། །སངས་རྒྱས་རྣམས་ཀྱི་ཞེས་བྱ་བ་ལ་སོགས་པ་གསུངས་ཏེ། སྔར་མཆོད་པའི་མཆོག་བརྟག་པ ར་བྱ་བར་གསུངས་པ་དེ་ནི་ཞེས་པ་མ་ལུས་པའི་མཆོད་པའི་ཚོགས་རྣམས་ཁབསམས་ནས་ཀའཇིག་རྟེན་གྱི་ཁམས་རྣམས་སུ་གསངས་རྒྱས་རྣམས་ཀྱི་སྐུ་དང་གསུང་དང་ཐུགས་སུ་བསྒོམས་ནས་མཆོད་པ་བྱ་བ་སྟེ། བྱེད་པའོ། །དེ་ཇི་ལྟར་ཡིན་ཞེ་ན། འདོད་ཡོན་དང་རིན་ཆེན་སྣ་བདུན་ལ་སོགས་པ་བླ་ན་ཡོད་པ་དང་བཅས་པའི་མཆོད་པའི་ཚོགས་འཇིག་རྟེན་གྱི་ཁམས་ཁྱབ་པར་སྤྲུལ་པ་རྣམས་དེ་བཞིན་གཤེགས་པ་ཐམས་ཅད་ཀྱི་འི་སྐུ་རྡོ་རྗེ་ལ་སོགས་པ་གསུམ་གྱི་ངོ་བོ ར་གྱུར་པར་ཡེ་ཤེས་རྡོ་རྗེས་ཁོང་དུ་ཆུད་པར་བྱ ས་ནས་མཆོད་བའོ། །ཟུང་འཇུག་པས་འདི་ལྟར་བྱས་ནས་མཆོད་པའི་ཆ་ནས་བླ་ན་མེད་པ་ཞེས་བྱ་ལ། ཉེར་སྦྱོད་དང་འདོད་ཡོན་སོགས་ནི་བླ་ན་ཡོད་པར་འཇོག་པས་མི་འགལ་ལོ། །འདི་ནི་ཞེས་པ་ནི་འདི་ལྟ་བུའི་ཡོངས་སུ་ཤེས་པའོ། །བྱང་ཆུབ་མཆོག་ཐོབ་པའོ་ཞེས་བྱ་བ་ནི་རྡོ་རྗེ་འཆང་ཆེན་པོའི་གོ་འཕང་སྐྱེད་པ་སྟེ་ཕན་ཡོན་ནོ། ༈ །དེ་ལྟར་དབང་པོ་རབ་དང་ལྡན་པ་རྫོགས་རིམ་པའི་མཆོད་པ་བསྟན་ནས། དབང་པོ་ཐ་མལ་པ་བསྐྱེད་རིམ་པ་རྣམས་ཀྱི་མཆོད་པ་ཡང་བསྟན་པར་བྱ་བའི་ཕྱིར། ཡང་ན་དབྱེ་བ་ཞེས་བྱ་བ་ལ་སོགས་པ་གསུངས་ཏེ། ཡང་ན་ཞེས་བྱ་
བ་ནི་རྫོགས་རིམ་པའི་མཆོད་པ་ལས་རྣམ་པ་གཞན་སྟོན་པའི་ཚིག་གི་ཕྲད་དོ། །དབྱེ་བ་རྣམ་གསུམ་གྱིས་ཞེས་བྱ་བ་ནི་ལྷ་རེ་རེའི་སྤྲུལ་པ་ཡང་སྐུ་ལ་སོགས་པའི་དབྱེ་བ་རྣམ་པ་གསུམ་གྱིས་ཞེས་པ་ནི་སྤྱན་མ་ལྟ་བུ་གཅིག་སྤྲོས་པ་དེས་སྤྲུལ་པ་ལ་ཡང༌། རྡོ་རྗེ་གསུམ་གྱི་ལྷ་ཚོགས་དུ་མ་ཞིག་སྤྲུལ་པའོ། །སོ་སོར་ཐ་དད་པར་ཞེས་པ་ནི་ཐུན་མིང་དུ་བྱེད་པ་མིན་པར་རེ་རེ་ནས་སྤྲུལ་པའོ། །སྤྲོ་ཞིང་ཞེས་པ་ནི་རང་གི་ལུས་ཀྱི་དཀྱིལ་འཁོརལས་ལྷ་རྣམས་ཉེ་བར་འབྱིན་པའི་བྱ་བ་བྱེད་པའོ། །སྤྲུལ་པའི་དཀྱིལ་འཁོར་པ་རྣམས་ཀྱི་སྟེ་ལ་བདེན་པར་ཉེ་བར་དམིགས་པའི་མངོན་ཞེན་དགག་པར་བྱ་བའི་ཕྱིར། སྐུ་དང་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་བདག་མེད་པ་སྟེ། ལྷ་དེ་རྣམས་ཀྱི་སྐུ་ལ་སོགས་པ་དངོས་པོ་སྟེ་རང་བཞིན་མེད་པ ར་རང་གི་ཡེ་ཤེས་ཀྱི་སེམས་ཏེ། སོ་སོར་རྟོག་པའི་བདག་ཉིད་ཅན་གྱི་ཡེ་ཤེས་ཀྱི་ཁྱད་པར་གྱིས་ཟིན་པར་བྱས་ནས་ལྷ་རྣམས་ཡང་དག་པར་སྤྲོ་ཞིང་བློའི་ཡུལ་དུ་གསལ་བར་བྱའོ། ། འདིས་ནི་མཆོད་པ་བྱེད་པའི་ལྷ་རྣམས་ཀྱི་རྣམ་པ་གསལ་བ་དང༌། མི་དམིགས་པར་རྟོགས་པའི་ལྟ་བས་ཟིན་པར་བྱས་ནས་མཆོད་དགོས་པར་བསྟན་ནོ། །སྤྲོས་པའི་ལྷ་རྣམས་ཀྱིས་མཆོད་པ་ཇི་ལྟར་བྱ་བ་སྐབས་འདིར་མ་བཤད་ཀྱང༌། སྔར་བླ་ན་མེད་པའི་མཆོད་
པའི་སྐབས་སུ་མཆོད་རྫས་མ་ལུས་པས་འཇིག་རྟེན་གྱི་ཁམས་ཁྱབ་པར་སྤྲུལ་ནས་སངས་རྒྱས་ཐམས་ཅད་ལ་མཆོད་པར་བཤད་པས་གོ་ནུས་པ་ལ་དགོངས་སོ། །བཤད་པ་འདི་ལ་བརྟེན་ནས་དཀྱིལ་འཁོར་རྒྱལ་མཆོག་གི་ལྷ་སྤྲུལ་པ་ལ་ཡང་རེ་རེ་ལས་དུ་མ་སྤྲུལ་པ་དང༌། རྣམ་པ་གསལ་བ་དང༌། ལྟ་བས་ཟིན་པར་བྱེད་པར་རྟོགས་པར་བྱ་བ་ཡིན་ཀྱང༌། དེ་ཁོ་ན་ལ་འཆད་པ་ནི་དོན་མ་ཡིན་ནོ། །རང་ལས་སྤྲོས་པའི་ལྷ་རྣམས་མཐར་རང་ལ་གཞུག་པའི་ཁ་སྦྱར་བ་བསྟན་པར་བྱ་བའི་ཕྱིར། བརྗོད་ནས་རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སྟེ་རང་གིས་སྤྲུལ་པའི་ལྷའི་སྐུ་བརྗོད་པ་སྟེ། གང་དུ་སྤྲུལ་པའི་གནས་ནས་བསྐྱོད་ནས་སླར་འོང་སྟེ། གནས་དེ་ནས་ཚུར་ལ་སྤྲོ་བ་སྟེ། རང་གི་ཕུང་པོ་ལ་སོགས་པའི་རང་བཞིན་གྱིས་ཏེ་ངོ་བོར་བདག་ཉིད་དུ་སྟེ་ལ་བཞག་པ་སྟེ་བཞུག་པ ར་བྱ་བའོ་འདིས་ནི་ཐུན་གྱི་མཐར་དཀྱིལ་འཁོར་བའི་ལྷ་རང་ལ་བསྡུ་བ་སྟོན་ནོ། །་དང་མཆོད་པའི་དོན་དུ་སྤྲོས་པ་རྣམས་ཀྱིས་མཆོད་པའི་ལས་རྫོགས་ནས་ཏེ། རྫོགས་པའི་འོད་ཏུ་རང་ལ་སྡུད་པའི་ཁ་སྦྱར་བར་བྱ་བའི་གནས་སྐབས་སུ་མཆོད་ལྷ་རྣམས་རབ་ཏུ་བསྡུ་བ་སྟེ། ཏིང་ངེ་འཛིན་གྱི་སེམས་དཔར་གཞུག་པར་བྱ སྟེ་འོ་། །འདིས་ནི་སྤྲོ་བའི་ཚེ་ན་ཏིང་ངེ་འཛིན་སེམས་དཔའ་ལས་སྤྲོ་བ་ཡང་ཤེས་པར་བྱའོ། །འདི་ནི་ཞེས་པ་ནི་བཤད་མ་ཐག་པའོ། །ཡེ་ཤེས་ཀྱི་སྤྱན་ཕྱེ་བ་ནི་ཡེ་ཤེས་ཀྱི་མིག་རྣམ་པར་གདངས་པ་རྣམས་ཀྱིའོ། །སངས་རྒྱས་རྣམས་ནི་རིན་པོ་ཆེ་ལྟ་བུའི་གང་ཟག་རྣམས་ཀྱིའོ། །འདི་བསྐྱེད་རིམ་པའི་མཆོད་པ་ཡིན་ཀྱང༌། རིན་པོ་ཆེ་ལྟ་བུའི་གང་ཟག་གི་ཡིན་པར་གསུངས་པ་མི་འགལ་ཏེ། དེ་ལ་
ཡང་བསྐྱེད་རིམ་ལ་གནས་པའི་སྐབས་ཡོད་པའི་ཕྱིར་རོ། ༈ །སྐུ་རྡོ་རྗེ་ནི་རྣམ་པར་སྣང་མཛད་དོ། །ཐབས་གང་གིས་རྣམ་སྣང་དེ་མངོན་པར་བྱང་ཆུབ་ཅིང་སྟེ་རྫོགས་པར་བྱེད་པ་དེ་ནི་སྐུ་ཡི་རྡོ་རྗེ་རྫོགས་པའི་བྱང་ཆུབ་སྟེ་ཡི་གེ་ༀ་གྱི་དོན་སྒོམ་པའོ་མོ་། །དེའི་འདིར་:པ་ཚབ:དེ་ནི་རྣ་བའི་ལམ་གྱི་སྤྱོད་ཡུལ་ཡིན་པའི་ཕྱིར་དངོས་པོ་དང༌། རང་བཞིན་དང་བྲལ་བའི་ཕྱིར་དངོས་པོ་མེད་པ་ཉིད་དུ་ཡོངས་སུ་ཤེས་པ་ཞེས་བསྒྱུར་བ་ལེགས་སོ། །དེའི་དོན་ནི་ༀ་ཞེས་པའི་སྒྲ་དེ་ལ་དཔྱད་པ་ན། རང་གི་མཚན་ཉིད་ཀྱིས་གྲུབ་པ་ཅི་ཡང་མེད་པར་རྟོགས་པ་ནི། ༀ་དེའི་དངོས་པོ་མེད་པ་སྟེ་རང་བཞིན་མེད་པ་དཔྱོད་པའོ། །དེ་ལྟར་ཡིན་ཀྱང་ༀ་གྱི་སྒྲ་དེ་རྣ་བས་ཐོས་སུ་ཡོད་པ་ནི་དངོས་པར་ཡོད་པར་སྟེན་ཏེ། འདིས་ནི་སྒྲ་རང་བཞིན་གྱིས་གྲུབ་པ་མེད་པར་གཏན་ལ་ཕབ་པ་ན། རྣ་བའི་ཤེས་པ་སྒྲ་དེ་འཛིན་བྱེད་དང༌། སྒྲ་དེའི་གཟུང་བྱར་འཇོག་ཐུབ་པའི་བྱ་བྱེད་ཐམས་ཅད་མི་རུང་བའི་ཆད་སྟོང་འགོག་པས། དེ་ལས་བཟློག་པའི་དོན་དུ་རྟོགས་པ་དགོས་པར་བསྟན་ནོ། །གཟུང་བ་མེད་པ་ནི་སྤྱོད་ཡུལ་ཇི་ལྟ་བ་བཞིན་དུ་མེད་པའི་དངོས་པོ་དང་ངོ་བོ་ཉིད་དང་བྲལ་བས་དངོས་པོ་མེད་པ་ཉིད་དུ་ཡོངས་སུ་ཤེས་པ་དེ་ནི་དངོས་དང་དངོས་མེད་རྣམ་དཔྱད་པ་སྟེ། དེ་ནི་སངས་རྒྱས་ཀྱི་སྐུ་ཞེས་བྱ་བར་བཤད་དེ། ༀ་ཡིག་གི་སྒྲ་ལ་རྟག་ཆད་ཀྱི་མཐའ་དང་བྲལ་བར་ལྟ་བ་དེ་ནི་སྐུའི་བཟླས་པ་ཞེས་བྱ་བ་སྟེ། སྐུ་ༀ་ཡིག་གི་དོན་ལ་ཡང་ཡང་སེམས་པས་ན་བཟླས་པའམ་ཟློས་པའོ། །འདིས་གཞན་གཉིས་ཀྱང་ཤེས་པར་བྱ། །གསུང་གི་དམ་ཚིག་ནི་འོད་དཔག་ཏུ་མེད་པའོ། །དེའི་
མངོན་པར་བྱང་ཆུབ་པ་ནི་དེ་རྫོགས་པར་བྱེད་པའི་ཡི་གེ་ཨཱཿ། །ཨཱཿ ཡིག་དེ་སྒྲས་བརྗོད་ཅིང་རྣ་བའི་དབང་པོས་འཛིན་པས་སྒྲའོ། །དེ་ལས་བཟློག་པ་ནི་སྒྲ་མིན་པ་སྟེ།སྒྲ་ཡིན་མིན་དུ་འཇོག་ཚུལ་ནི་སྔར་བཞིན་ནོ། །རྣ་བས་ཟིན་པ་སྟེ་བཟུང་བ འམ་མ་ཟིན་པ་སྟེ་མ་བཟུང་བ་ཡིན་ཞེས་པའི་བར་དུའོ། །༢བརྟག་པ་ནི་སྒྲ་དང་སྒྲ་མིན་པ་ལ་རྣམ་པར་དཔྱད་པའོ། །དེ་ནི་གསུང་གི་རྡོ་རྗེའི་བཟླས་པར་བཤད་ཅེས་བྱ་བའོ། །ཐུགས་ཀྱི་དམ་ཚིག་ནི་མི་བསྐྱོད་པའོ། །དེའི་རྫོགས་པའི་བྱང་ཆུབ་པ་ནི་དེ་རྫོགས་པར་བྱེད་པའི་ཡི་གེ་ཧཱུཾ་མོ། །ཧཱུཾ་དེའི་གནས་པའི་ནི་འགྱུར་གསར་གཉིས་ལ་ནི་མེད་དོ། །རྡོ་རྗེ་ནི་དེ འི་ངོ་བོ་ཉིད་ཡིན་ལུགས་སོ་དོ་། །དེའི་རྣམ་པར་དཔྱད་པ་ནི་ཐུགས་ཀྱི་ཡི་གེའི་ངེས་དོན་ཇི་ལྟ་བ་ཉིད་ཇི་ལྟར་ཡིན་པ་ཡོངས་སུ་ཚོལ་བ་སྟེ།ཚོལ་ལུགས་ནི་སྔར་བཞིན་ནོ། །དེ་ནི་ཐུགས་ཀྱི་བཟླས་པ་ཞེས་བྱའོ། ༈ །དེ་ལྟར་སྐུ་དང་གསུང་དང་ཐུགས་ཀྱི་སྒོ་ནས་རྡོ་རྗེ་ཡི་གེ་གསུམ་གྱི་དེ་ཁོ་ན་ཉིད་ལ་དམིགས་ནས་བཟླས་པ་སྟེ་ཡང་ཡང་སེམས་པ་བཤད་ནས། རྡོ་རྗེ་བཟླས་པའི་གཙོ་བོ་རླུང་སྔགས་དབྱེར་མེད་དུ་བཟློ་བ་བསྟན་པར་བྱ་བའི་ཕྱིར། དོན་གྱི་རྗེས་འགྲོའི་ཞེས་བྱ་བ་ལ་སོགས་པ་གསུངས་ཏེ། ཡི་གེ་ༀ་ལ་སོགས་པའི་དོན་ནི་རླུང་ནང་དུ་འཇུག་པ་ལ་སོགས་པ་གསུམ་སྟེ། གསུམ་པོ་དེ་རྟོགས་ཤིང་སྟེ་གསུམ་པོ་དེའི་རྗེས་སུ་ཡིད་འགྲོ་བའི་བཟླས་པ་གང་ཡིན་པ་དེ་ནི་དོན་གྱི་རྗེས་འགྲོའི་བཟླས་པའོ། །རྒྱུ་
མཚན་དེས་ན་ངོ་ངོ་བོ་ཉིད་:ཆག:བྱུང་བ་ནི་ངོ་བོ་ཉིད་དེ་མི་ཤིགས་པ་ལས་བྱུང་ཞིང༌། བཟང་པོ་ཡིས་ཏེ་རྒྱུན་མི་འཆད་པར་ཞེས་འབྱུང་བ་ལེགས་ལ། དེའི་དོན་ནི་རྡོར་བཟླས་བྱེད་པ་ན་སྙིང་གའི་མི་ཤིགས་པ་ལས་འབྱུང་བའི་ཚུལ་གྱིས་བཟླ་བའི་དོན་ནོ། །བོ་ཉིད་མེད་ཅིང་དངོས་པོ་དང་བྲལ་ཞིང་མི་ཤིགས་པས་བཟང་ལ། ཉིན་མཚན་ཀུན་ཏུ་རྒྱུན་མི་འཆད་པར་རྣམ་པར་འཕྲོ་བའི་ཚུལ་གྱིས་དུས་གསུམ་གྱི་སངས་རྒྱས་ཏེ་འཇུག་གནས་ལྡང་པའི་དུས་གསུམ་དུ་བྱུང་བའི་དེ་བཞིན་གཤེགས་པ་རིགས་བཞིའི་ངོ་བོར་བཤད་པའི་དཀྱིལ་འཁོར་བཞིའི་རླུང་རྣམས་ལ་རྣམ་པར་དཔྱད་ཅིང་སྟེ་རླུང་སྔགས་དབྱེར་མེད་དུ་སྦྱར་བ་ཡོངས་སུ་ཤེས་པས་བཟླས་ན་གོམས་པའི་མཐར་རླུང་རྣམས་དེ་བཞིན་གཤེགས་པ་ཐམས་ཅད་ཀྱི་ངོ་བོ་རྡོ་རྗེ་སེམས་དཔར་བཤད་པའི་སྙིང་གའི་མི་ཤིགས་པ་ལ་ཐིམ་པའི་ཚུལ་གྱིས་སྟོང་པ་བཞི་རྟོགས་པ་གང་ཡིན་པ་དེ་ནི་འདོད་དོན་སྟེར་བའི་རིན་པོ་ཆེ འི་ན་བཟླས་པ་ཞེས་བཤད་དོ། ༈ །རླུང་རྣམས་མི་ཤིགས་པ་ལ་ཐིམ་པའི་འོག་ཏུ་ཡང་ལྡང་བ་ན་ཡན་ལག་གི་རླུང་གི་རྡོ་རྗེའི་བཟླས་པ་བསྟན་པར་བྱ་བའི་ཕྱིར། སངས་རྒྱས་ཞིང་རྣམས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཀྱི་ཞིང་ཞེས་པ་སྙིང་གའི་པདྨ འི་དབུས་ཀྱི་མི་ཤིགས་པ་ལས་ཐམས་ཅད་དུ་སྟེ་མིག་ལ་སོགས་པའི་སྐྱེ་མཆེད་རྣམས་སུ། སྐུ་ཡི་སྤྲིན་རྣམས་ཏེ་མི་ཤིགས་པས་ཏེ་གཞན་གྱིས་མི་བཟློག་པའི་ཕྱིར་བཞུད་ཅིང་ནང་དུ་བྱོན་པ་དང་གནས་པའི་
རྡོ་རྗེའི་དོན་ཏེ། ནང་དུ་འཇུག་པ་དང་གནས་པ་དང་ལྡང་པའི་བདག་ཉིད་ཅན་གྱི་སྤྲོ་བ་གང་ཡིན་པ་དེ་ནི་ཡུལ་ལ་ཐོགས་པ་མེད་པར་འཇུག་པའི་ཡན་ལག་གི་རླུང་གི་རྡོ་རྗེའི་བཟླས་པ་ཞེས་བཤད་དོ། ༈ །དེ་ལྟར་ཡིད་ཀྱི་བཟླས་དེ་ལྟར་རླུང་སྔགས་དབྱེར་མེད་དུ་འཇུག་པ་ལ་ཡིད་གཏོད་པའི་བཟླས་པ་ཡིན་པས་ཡིད་བཟླས་སུ་བཤད་ཀྱི། བསྐྱེད་རིམ་པའི་ཡིད་བཟླས་དང་ཡེ་མི་འདྲ་བ་ཕྱེད་དགོས་སོ། །པ་བཤད་ནས། ངག་གི་བཟླས་པ་བསྟན་པར་བྱ་བའི་ཕྱིར། ཁྲོ་བོའི་ཞེས་བྱ་བ་ལ་སོགས་པ་གསུངས་ཏེ། ཁྲོ་བོ་ནི་གཤིན་རྗེ་གཤེད་ལ་སོགས་པའི་སྔགས་སོ། །དེ་རྣམས་ཀྱི་དམ་ཚིག་ནི་བསྐྲད་པ་ལ་སོགས་པའི་ཆོ་ག་སྟེ། དེ་ཡོངས་སུ་ཤེས་པས་སོ། །རང་གི་རྡོ་རྗེ་ནི་རང་གི་ལྕེ་སྟེ་ལྕེ་དེས་སྔགས་ཀྱི་སྒྲ་བསྒྲགས་ཤིང་སྐད་དུ་འདོན་པའོ། །དཀྱིལ་འཁོར་ནི་ལུས་ཏེ་དེ་ནི་རང་གི་རྡོ་རྗེའི་ལུས་ཀྱི་དཀྱིལ་འཁོར་དུ་བསྒྲགས་པ། །སྔགས་ནི་སྦྲུལ་ཞེས་བྱ་བ་ལ་སོགས་པའོ། །དེ་རྣམས་ཀྱི་ཡི་གེའི་ཚོག་ནི་ཡི་གེ་ༀ་ལ་སོགས་པའོ། །གྲགས་པ་ནི་རང་ངམ་གཞན་གྱིས་ཐོས་པར་རོ། །དེ་ལྟ་བུའི་བཟླས་པ་ནི་ཁྲོ་བོའི་བཟླས་པ་ཞེས་བྱའོ། ༈ །འདོད་པ་ནི་གཟུགས་ལ་སོགས་པའི་ཡུལ་རྣམས་སོ། །འདོད་ཡོན་དེའི་དོན་གྱིས་མྱོས་པར་གྱུར་པ་ནི་འདོད་པ་དེ་ཚོལ་བ་ལྷུར་ལེན་པ ས་ངལ་བ། །ཀུན་ཏུ་སྐྱོབ་ཅིང་ཕན་པར་དགའ་བ་ནི་རང་པ་ཚབ་ཀྱིས། རང་དོན་ཕུན་ཚོགས་ཀྱི་མཐར་ཐུག་པ་མེད་པའི་
ཕྱིར་རོ། ཞེས་ལྷུར་ལེན་པ་དང་སྦྲེལ་ནས་བསྒྱུར་ཞིང༌། ཀུན་ཏུ་སྐྱོབ་ཅིང་ཕན་པར་འདོད་པས་ཞེས། སེམས་ཅན་གཏི་མུག་གནས་ལ་འཇོག་པའི་ཀུན་སློང་དུ་བསྒྱུར་རོ། །ཆག་གིས། སེམས་ཅན་དོན་ལ་ཕན་པ་དགའ་མེད་ནི། རང་གི་དོན་གཅིག་ཏུ་ངེས་པའི་ཕྱིར་རོ། ཞེས་གཏི་མུག་ཅན་གྱི་སེམས་ཅན་ལ་བཤད་དོ། །དེ་ལྟར་མི་འདྲ་བ་མང་ཡང་ཆག་འགྱུར་ལྟར་ལེགས་པ་འདྲའོ། །གི་དོན་ཕུན་སུམ་ཚོགས་པའི་མཐར་ཐུག་པས་སོ། །སེམས་ཅན་དེ་རྣམས་གཏི་མུག་སྟེ་རྣམ་པར་སྣང་མཛད་དོ། །དེའི་གནས་ནི་གཏི་མུག་རྣམ་པར་དག་པ་འོད་གསལ་སྟེ། འོད་གསལ་དེར་འཇོག་པར་གང་སེམས་དཔའ་དེ་ནི་གཏི་མུག་བཟླས་པ་ཞེས་བྱའོ། ། ཟུང་འཇུག་པས་གཏི་མུག་ཅན་གྱི་སེམས་ཅན་བསམ་གཏན་གཉིས་ཀྱིས་འོད་གསལ་དུ་འཇུག་པ་མཛད་པས་དེ་ལ་དངོས་སུ་ཕན་འདོགས་པ་ཡིན་ཏེ། གཞན་གཉིས་ལའང་དེའི་རིགས་པ་ཤེས་པར་བྱའོ། །འདོད་ཆགས་ནི་བུད་མེད་དང་སྐྱེས་པ་ཕན་ཚུན་ཆགས་པའོ། །འདོད་ཆགས་དེ་བརྟན་པས་ན་རྡོ་རྗེའོ། །དེ་ལས་བྱུང་བའི་ཚིག་ནི་དེ་ལས་སྐྱེས་པའི་ཚིག་གོ །ལུས་དང་ངག་སེམས་ལ་གནས་པའི། ཞེས་བྱ་བ་ནི། ལུས་ལ་སོགས་པ་ཡིད་དུ་འོང་བར་གཏོགས་པའི་དོན་བརྗོད་པའི་ཚིག་ཕན་ཚུན་དུ་ཐོས་པའོ། །སེམས་ཅན་ནི་འདོད་ཆགས་ཅན་དེ་རྣམས་སོ། །འདོད་ཆགས་རྒྱ་མཚོ་ནི་འོད་དཔག་ཏུ་མེད་པའོ། །དེའི་གནས་ནི་འདོད་ཆགས་རྣམ་པར་དག་པ་སྟེ། དེར་འཇོག་པར་རྣལ་འབྱོར་པས་གང་སྒོམ་པ་དེ་ནི་འདོད་ཆགས་
བཟླས་པ་ཞེས་བཤད་དོ། །ཞེ་སྡང་ནི་སེམས་ཅན་ལ་མངོན་པར་འཁུ་བ་སྟེ་དེ་ཉིད་ནི་བརྟན་པས་ན་རྡོ་རྗེའོ། །དེ་ལས་བྱུང་བའི་སེམས་ནི་ལུས་དང་ངག་དང་སེམས་ལ་གནས་པའི་ཞེ་སྡང་ཅན་ནི་ལུས་ལ་སོགས་པའི་ཡུལ་མཁྱེན་ནས། སེམས་ཅན་ཞེས་པ་ཞེ་སྡང་དང་ལྡན་པ་རྣམས་ཞེ་སྡང་སྟེ་མི་བསྐྱོད་པའོ། །དེའི་གནས་ནི་འོད་གསལ་བ་སྟེ་དེར་བཞག་པའི་བྱ་བ་གང་ཡོངས་སུ་ཤེས་པ་དེ་ནི་ཞེ་སྡང་གི་བཟླས་པ་ཞེས་བྱའོ། ༈ །དམ་ཚིག་རྡོ་རྗེ་གསུམ་ནི་རྡོ་རྗེ་འཆང་ཆེན་པོའོ། །དེའི་དེ་ཉིད་ནི་འོད་གསལ་བའོ། །དབུ་མ་དམ་ཚིག་རྡོ་རྗེ་ཅན་ཞེས་པའི་རྡོ་རྗེ་ཅན་ནི་དེ་བཞིན་གཤེགས་པ་རྣམས་ཏེ། དེ་རྣམས་ཀྱི་དབུ་མ་དམ་ཚིག་ནི་དབུས་ཏེ་སྙིང་པོར་གྱུར་པ་འོད་གསལ་ལོ་འོ་། །དེ་ཉིད་དམ་ཚིག་རྡོ་རྗེ་ཡི་སྟེ་སྒྲུབ་པ་པོ་ཐམས་ཅད་ཀྱི་བཟླས་པ་མ་ནིང་སྟེ་དངོས་པོ་སྟེ་རང་བཞིན་མེད་པའི་བཟླས་པ་ཞེས་བཤད་དེ།མ་ནིང་ཕོ་མོ་ཕྱོགས་གཅིག་པའི་མཐར་མ་ལྷུང་བ་དང་འདྲ་བར་འོད་གསལ་སྒོམ་པ་ཡང་མཐར་མ་ལྷུང་བའོ། །དགོངས་པས་བཤད་པའོ། ༈ །འདོད་ཆགས་དེ་ཉིད་ཅེས་བྱ་བ་སྟེ། ཁ་སྦྱོར་ལས་ཆགས་པ་མཆེད་པ་མ་ཡིན་ཆགས་བྲལ་སྣང་བ་མིན། །དབུ་མ་ཉེར་ཐོབ་ཏུ་དམིགས་པར་མི་འགྱུར་རོ། ཞེས་བྱ་བ་ནི་འདོད་ཆགས་ཀྱི་ཡང་དག་པའམ་དེ་ཁོ་ན་ཉིད་འོད་གསལ་ལྷན་ཅིག་སྐྱེས་པའི་ཡེ་ཤེས་སོ་དོ་། །དེའི་དོན་ནི་ཇི་ལྟ་བ་བཞིན་དུ་ཡོངས་སུ་ཤེས་པའོ། །དེ་ཤེས་པས་ན་འདོད་ཆགས་དེ་ཉིད་དོན་སྒོམ་པའོ། །
རྡོ་རྗེ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེ་གང་ལ་བདག་པོར་ཡོད་པར་གྱུར་པ་གང་ཡིན་པ་དེ་རྣམས་ནི་རྡོ་རྗེ་བདག་པོ་སྟེ། དེ་ཐམས་ཅད་ནི་རྡོ་རྗེ་འཆང་གི་སྒྲུབ་པ་པོ་ཕོ་མོ་རྣམ་པ་གཉིས་སོ། །སེམས་ཅན་ཀུན་ལ་ཕན་འདོད་པའི་ནི་སེམས་ཅན་ཐམས་ཅད་ལ་ཕན་པར་བྱེད་པའི་བྱང་ཆུབ་རྡོ་རྗེ་འཆང་ཆེན་པོའི་གོ་འཕང་ངོ༌། །འདོད་ཆགས་ནི་འདོད་པའི་ཡོན་ཏན་རྣམ་པ་ལྔ་ལ་ཆགས་པ། །དེ་ལ་བརྟེན་ནས་རྡོ་རྗེ་འཆང་རྫོགས་པར་མཛད་པ་ནི་མཐར་ཕྱིན་པར་མཛད་པའོ། ༈ །འདོད་ཆགས་ལས་སྐྱེས་པའི་བྱང་ཆུབ་ནི་སྐྱེས་པ་འབའ་ཞིག་གིས་ཚེ་འདི་ལ་འགྲུབ་པ་སྒྲུབ་པར་མ་ཟད་ཀྱི། བུད་མེད་ཀྱི་རྟེན་གྱིས་ཀྱང་ཚེ་འདི་ལ་འགྲུབ་པ་སྒྲུབ་པར་བྱེད་དོ། ཞེས་བསྟན་པར་བྱ་བའི་ཕྱིར། རིག་པ་ཆེན་མོ་ཞེས་བྱ་བ་ལ་སོགས་པ་གསུངས་ཏེ། རིག་པ་ཆེན་མོ་ནི་རྒྱུད་ལེགས་པར་སྦྱངས་ཤིང་འདོད་པའི་བསྟན་བཅོས་ལ་ལེགས་པར་བསླབས་པའི་ཕྱག་རྒྱའོ། །སྤྱན་ལ་སོགས་པ་ནི་སྤྱན་སོགས་བཞིའི་རིགས་ཅན་གྱི་བུད་མེད་པདྨ་ཅན་ལ་སོགས་པ་བཞི། །འདོད་པ་ནི་གཟུགས་ལ་སོགས་པའི་འདོད་ཡོན་ལྔ་ལ་སྤྱོད་པ། །འདོད་ཡོན་ལ་ཆགས་པ་ལམ་དུ་བྱེད་པ་དེ་རྣམས་ཀྱི་མངོན་པར་འདོད་པའི་དོན་ནི་ཆགས་པ་དེ་རྣམས་པར་དག་པ ར་བྱེད་པའི་འོད་གསལ་ལོ་འོ་། །དེ་ལ་བརྩོན་པ་ནི་དེ་བསྒོམ་པ་ལྷུར་ལེན་པའོ། །འདོད་པའི་ལོངས་སྤྱོད་ནི་
ཡུལ་རྣམས་སོ། །ཇི་ལྟར་འདོད་པ་ནི་ཇི་ལྟར་བདེ་བར་རོ། །བསྟེན་ན་ཞེས་པ་ནི་བསླབས་པར་གྱུར་པའོ། །འགྲུབ་པར་འགྱུར་བ་ནི་རྡོ་རྗེ་འཆང་ཆེན་པོའི་གོ་འཕང་འཐོབ་པར་འགྱུར་བ་སྟེ།ཐབས་ཀྱིས་ཤེས་རབ་མ་ལ་བརྟེན་ནས་སྟོང་པ་བཞིའི་ཡེ་ཤེས་བསྐྱེད་པ་དེ་བསྒོམས་ནས། འཚང་རྒྱ་བ་བཞིན་དུ། ཤེས་རབ་མས་ཀྱང་ཐབས་ལ་བརྟེན་ནས་སྟོང་པ་བཞི་བསྐྱེད་པའི་འོད་གསལ་བསྒོམས་པས་ཚེ་འདིར་འཚང་རྒྱ་བའི་གནད་ཤེས་པར་བྱའོ། །སྒྲ་ཇི་བཞིན་པའོ། ༈ །གཏི་མུག་དམ་ཚིག་ལས་བྱུང་བ། ཞེས་བྱ་བ་ལ་སོགས་པ་ལ། གཏི་མུག་གི་དམ་ཚིག་ནི་རྣམ་པར་སྣང་མཛད་དོ། །དེ་ལས་བྱུང་བ་ནི་རྣམ་སྣང་དེ འི་རིགས་ལས་སྐྱེས་པ ས་སྙིང་ལ་སོགས་པ། །རིག་པའི་རྒྱལ་པོ་ནི་གཙུག་ཏོར་འཁོར་ལོ་བསྒྱུར་བ་ལ་སོགས་པའོ། །རྡོ་རྗེ་ཅན་ནི་སའི་སྙིང་པོ་ལ་སོགས་པའོ། །མ་ནིང་དག་གི་གནས་འགྲུབ་པ་ཞེས་བྱ་བ་ལ། མ་ནིང་ནི་འོད་གསལ་དང་ཟུང་འཇུག་གོ །དེ་དག་གི་གནས་ནི་ཡི་གེ་ༀ་ལ་སོགས་པ་གསུམ་མོ་སྟེ་། གནས་དེ་བཟླས་པས་འགྲུབ་པ་ནི་དེ་ལས་བྱུང་བའི་དངོས་གྲུབ་དམ་པ་ནི་བྱང་ཆུབ་རབ་ཏུ་སྟེར་ཞིང་འགྲུབ་པར་འགྱུར་བའོ། །འདི་ནི་རྒྱུད་འདིར་འཕྲེང་སྔགས་མ་བྱུང་བའི་ལྷ་རྣམས་ཀྱི་སྒོ་ནས་བཟླས་པས་དངོས་གྲུབ་བསྒྲུབ་ན་ཡི་གེ་གསུམ་གྱི་བྱ་བར་སྟོན་པ་ཡིན་ཞེས་བླ་མ་སྔ་མ་རྣམས་གསུང་ངོ༌། །ཁྲོ་བོ་ནི་གཤིན་རྗེ་གཤེད་ལ་སོགས་པའོ། །ཞེ་སྡང་ནི་མི་བསྐྱོད་པ་ཡིན་ལ། དེའི་གི་གནས་ཏེ་ས་བོན་ནི་ཡི་གེ་ཧཱུཾ་སྟེ་དེ་ལས་སྐྱེས་པ་ནི་དེ་ལས་བྱུང་བའོ། །
གསོད་ལ་རྟག་ཏུ་བརྩོན་པ་ནི་གདུག་པ་རྣམས་འདུལ་བའི་ལས་ཅན་ནོ། །མཆོག་གི་ཆོས་ཅན་ནི་བརྩོན་འགྲུས་ཤིན་ཏུ་བརྟུལ་བ་ཅན་གྱི་སྒྲུབ་པ་པོའོ། །གསོད་པའི་དོན་གྱིས་ཞེས་བྱ་བ་ནི་དྲག་པོའི་ལས་ཀྱིས་སོ། །འགྲུབ་པར་འགྱུར་བ་ནི་མངོན་པར་འདོད་པའི་དོན་སྒྲུབ་པར་བྱེད་པ་སྟེ། དྲང་བའི་དོན་ཏོ། ༈ །གཏི་མུག་གི་དམ་ཚིག་ནི་མ་རིག་པའོ། །མ་རིག་པ་དེ་ལས་བྱུང་བ་ནི་ཉེ་བར་ལེན་པའི་ཕུང་པོ་བླངས་པའོ། །རིག་པའི་རྒྱལ་པོ་རྡོ་རྗེ་ཅན་ནི་ལུས་བླངས་པའི་སྐྱེས་པ་དང་བུད་མེད་དོ། །མ་ནིང་ནི་མ་རིག་པ་ཉེར་ཐོབ་སྟེ་དེ་ལུགས་བཟློག་གི་ཚེ་འབྱུང་བ འི་གནས་ནི་འོད་གསལ་བ་སྟེ། དེར་དེ་:པ་ཚབ:ལས་ཏེ་མངོན་སུམ་དུ་བྱེད་པ་ལས་གྲུབ་པ་ནི་རྫོགས་པའོ། །ཞེས་འབྱུང་བའི་དོན་ནི་འོད་གསལ་མངོན་སུམ་དུ་བྱས་པ་ལས་ཟུང་འཇུག་ཏུ་རྫོགས་པའོ། །དེ་མངོན་སུམ་དུ་བྱེད་པས་གྲུབ་པ་ནི་རྫོགས་པའོ། །དེ་ལྟར་རྫོགས་པའི་དངོས་གྲུབ་དམ་པ་ནི་དངོས་གྲུབ་ཁྱད་པར་ཅན་ཏེ། ཕྱག་རྒྱ་ཆེན་པོའི་དངོས་གྲུབ་བོ། །རབ་ཏུ་སྟེར་བ་ནི་སྒྲུབ་པ་པོ་རྣམས་ལ་སྩོལ་བར་མཛད་པའོ། །ཁྲོ་བོ་ནི་ཐབས་ཀྱི་རང་བཞིན་གྱི་རྟོག་པ་བཞི་བཅུའོ་ནོ་། །ཞེ་སྡང་གི་གནས་ནི་ཤེས་རབ་ཀྱི་རང་བཞིན་གྱི་རྟོག་པ་སོ་གསུམ་མོ་བོ་། །དེ་གཉིས་ཀྱིས་ཉེར་ཐོབ་ཀྱི་རང་བཞིན་བདུན་ཡང་མཚོན་ནོ། །དེ་ལས་སྐྱེས་པ་ནི་སྣང་བ་དེ་རྣམས་ལས་བྱུང་བའོ། །གསོད་ལ་རྟག་ཏུ་བརྩོན་པ་ནི་འཆི་འཚེ་བའི་:པ་ཚབ་ཆག:བདག་ཉིད་ཅན། ཞེས་འབྱུང་བའི་དོན་ནི་རྟག་ཏུ་རང་བཞིན་བརྒྱད་ཅུའི་རྟོག་པ་ལ་འཚེ་བར་བྱེད་པའི་འོད་གསལ་ལོ། །བའི་
བདག་ཉིད་ཅན་ནོ། །མཆོག་གི་ཆོས་ནི་རྡོ་རྗེ་ལྟ་བུའི་ཏིང་ངེ་འཛིན་ཏེ་དེ་གང་ལ་ཡོད་པ་དེ་ནི་མཆོག་གི་ཆོས་ཅན་ཏེ་རིན་པོ་ཆེ་ལྟ་བུའི་གང་ཟག་གོ །དེ་ལྟར་གྱུར་པའི་རང་བཞིན་རྣམས་:པ་ཚབ་ཆག:གྱིས་གསོད་པའི་དོན་ཏེ། གསོད་པ་ནི་ཕུང་པོ་ལ་སོགས་པ་དངོས་པོ་མེད་པར་བྱས་པ་སྟེ་འོད་གསལ་ཏུ་འཇུག་པ། །དེའི་དོན་ནི་བདེན་པ་གཉིས་གཉིས་སུ་མེད་པར་གྱུར་པ་ལས་རྡོ་རྗེ་འཆང་ཆག་གིས། རྡོ་རྗེ་འཆང་དུ་བསྐྱེད་པའོ། །མཆོག་གི་ཆོས་ནི་རྡོ་རྗེ་ལྟ་བུའི་ཏིང་ངེ་འཛིན་ཏེ། དེ་གང་ལ་ཡོད་པ་དེ་ནི་མཆོག་གི་ཆོས་ཅན་ཏེ། རིན་པོ་ཆེའི་གང་ཟག་གིས་གསོད་པའི་དོན་དེས་བསྒྲུབ་པར་འགྱུར་ཞིང་རང་བཞིན་རྣམས་དབང་དུ་འགྱུར་བའོ། ཞེས་བསྒྱུར་བའི་གོ་རིམས་བདེའོ། །ཉིད་དུ་སྐྱེས་པའོ། །དེའི་རང་བཞིན་གྱིས་འགྲུབ་པར་འགྱུར་ཞིང་དབང་དུ་འགྱུར་བའོ། །སྐྱེས་བུ་ཆེན་པོའི་དམ་ཚིག་ནི་རྡོ་རྗེ་འཆང་ཆེན་པོ་སྟེ་དེས་དེ་སྐད་ཅེས་བཀའ་སྩལ་ཏོ། །ཞེས་བྱ་བ་ནི་སྡུད་པར་བྱེད་པའི་ཚིག་སྟེ། ངེས་པའི་དོན་ཏོ། ༈ །རྡོར་བཟླས་སོགས་བསྟན་པ་ལས་གཞན་ཡང་ལས་བསྒྲུབ་པའི་བསམ་གཏན་གཞན་དག་བསྟན་པར་བྱ་བའི་ཕྱིར། ཡེ་ཤེས་ཞེས་བྱ་བ་ལ་སོགས་པ་གསུངས་ཏེ། དང་པོར་རང་རྣམ་སྣང་དུ་བསྒོམས་ལ། དེའི་ཐུགས་ཀའི་ཡེ་ཤེས་འཁོར་ལོ་ཅན་ཏེ་ཡེ་ཤེས་སེམས་དཔའི་སྙིང་ཁའི་དབུས་སུ་སྟེ་ཐུགས་ཀའི་དབུས་སུ་གནས་པར་འཁོར་ལོ་ཞེས་པ་རྣམ་པར་སྣང་མཛད་ཀྱི་མཚན་མ་བསྒོམ་སྟེ། སྒོམ་ལུགས་ཇི་ལྟ་བུ་ཞེ་ན། ཡེ་ཤེས་སེམས་དཔའི་ཐུགས་ཀར་གསལ་