ཤོག་ལྷེབ་ ༦༠༡ ནས་ ༧༠༠ བར།
བའི་དཀྱིལ་འཁོར་ཏེ་ཟླ་བའི་དཀྱིལ་འཁོར་བསྒོམས་ལ་ཟླ་བ་དེའི་དབུས་སུ་འཁོར་ལོ་གནས་པར་བསམ་མོ། །དབུས་སུ་ནི་འཁོར་ལོའི་དབུས་སུའོ། །འཁོར་ལོའི་དོན་སྒོམ་མོ་ཞེས་བྱ་བ་ནི། འཁོར་ལོས་དོན་སྒྲུབ་པས་ན་འཁོར་ལོའི་དོན་ནི་གང་ལ་ཞི་བའི་ལས་བསྒྲུབ་པའི་བསྒྲུབ་པར་བྱ་བ འི་གང་ཟག་སྟེ་དེ་བསྒོམ་པར་བྱའོ། །དེས་ནི་འདི་སྐད་སྟོན་པར་འགྱུར་ཏེ། རྣམ་པར་སྣང་མཛད་ཀྱི་སྦྱོར་སྦྱོར་བ་ཞེས་པ་རྣམས་རྣལ་འབྱོར་དུ་བྱའོ། །བ་དང་ལྡན་པས་རང་གི་ཡེ་ཤེས་སེམས་དཔའི་ཐུགས་ཀའི་ཟླ་བའི་དཀྱིལ་འཁོར་གྱི་སྟེང་དུ། འཁོར་ལོ་རྣམ་པར་བསྒོམས་ལ་བསྒྲུབ་པར་བྱ་བ་བཀུག་སྟེ། དེར་བཅུག་ལ་བཞག་སྟེ། ཞི་བའི་ཆོ་ག་ཇི་ལྟ་བ་བཞིན་དུ་ཞི་བའི་ལས་བྱའོ། །སྔ་མ་རྣམ་སྣང་གི་རྣལ་འབྱོར་དང་ལྡན་དགོས་པ་དེ་བཞིན་དུ་རང་མི་བསྐྱོད་པའི་སྦྱོར་བ་དང་ལྡན་པས་རང་གི་ཐུགས་ཀར་ཡེ་ཤེས་རྡོ་རྗེ་ཅན་ཏེ་ཡེ་ཤེས་སེམས་དཔའི་ཐུགས་ཀར་རྡོ་རྗེའི་དཀྱིལ་འཁོར་གྱི་དབུས་སུ་གནས་པ་སྟེ། དེར་ཉི་མའི་དཀྱིལ་འཁོར་ལ་གནས་པའི་རྡོ་རྗེ་བསྒོམས་ལ་དེར་རྡོ་རྗེ་བསྒོམས་ལ་དེར་རྡོ་རྗེ་སྔགས་ཀྱི་དོན་སྒོམ་པར་བྱ་སྟེ། རྡོ་རྗེའི་སྔགས་ནི་ཡི་གེ་ཧཱུཾ་མོ། །ཧཱུཾ་ཡིག་དེས་དོན་དུ་གཉེར་ཞིང་གཟིར་བ་སྟེ་འོད་ཟེར་སྤྲོས་ནས་བསྒྲུབ་བྱ་རང་གི་སྙིང་གར་འགུགས་པ ར་བྱེད་པས་ན་རྡོ་རྗེའི་སྔགས་དོན་ནི་བསྒྲུབ་པར་བྱ་བ འི་གང་ཟག་སྟེ་དེ་སྒོམ་པར་
བྱའོ། །རང་ཉིད་རིན་ཆེན་འབྱུང་ལྡན་གྱི་སྦྱོར་བ་དང་ལྡནཔས་རང་གི་ཐུགས་ཀར་རིན་ཆེན་ཡེ་ཤེས་ཅན་ཏེ་ཡེ་ཤེས་སེམས་དཔའི་ཐུགས་ཀར་རིན་པོ་:པ་ཚབ:སྣ་ཚོགས་རྡོ་རྗེའི་སྟེང་ན་གནས་པའི་རིན་པོ་ཆེ་རྣམ་པར་བསྒོམས་ནས་ཟེར། ཆེའི་དཀྱིལ་འཁོར་གྱི་དབུས་སུ་གནས་པའི་རིན་པོ་ཆེ་རྣམ་པར་བསྒོམས་ལ། དེར་རིན་པོ་ཆེའི་སྔགས་ཀྱི་དོན་བསྒོམས་པར་བྱ་སྟེ། རིན་ཆེན་སྔགས་ནི་ཡི་གེ་སྭའོ། །ཡི་གེ་དེས་དོན་དུ་གཉེར་ཞིང་རྒྱས་པར་འགྱུར་བས་ན་རིན་ཆེན་སྔགས་དོན་ནི་གང་ལ་རྒྱས་པའི་ལས་བསྒྲུབ་པར་བྱ་བ འི་གང་ཟག་སྟེ་དེ་བསྒོམ་པ་ལ་ཡང་དེ་སྐད་ཅེས་བྱའོ། །རང་ཉིད་འོད་དཔག་མེད་ཀྱི་སྦྱོར་བ་དང་ལྡན་པས་པདྨོ་ཡེ་ཤེས་ཅན་ཏེ་རང་གི་སྙིང་ཁར་བཞུགས་པའི་ཡེ་ཤེས་སེམས་དཔའི་ཐུགས་ཀར་ཆོས་ཀྱི་དཀྱིལ་འཁོར་གྱི་དབུས་ན་གནས་པ་སྟེ། སྣ་ཚོགས་པདྨ་ལ་གནས་པའི་པདྨ་དམར་པོ་བསམས་ལ། དེར་པདྨའི་སྔགས་ཀྱི་དོན་བསྒོམ་པ་སྟེ་པདྨའི་སྔགས་ནི་ཡི་གེ་ཨཱཿ། །དེས་དོན་དུ་གཉེར་ཞིང་དབང་དུ་བྱེད་པས་ན་པདྨའི་སྔགས་དོན་ནི་གང་ལ་དབང་གི་ལས་བསྒྲུབ་པར་བྱ་བ འི་གང་ཟག་སྟེ་དེའི་དོན་སྒོམ་པར་བྱའོ། །དོན་ཡོད་པར་གྲུབ་པའི་སྦྱོར་བ་དང་ལྡན་པས་རལ་གྲི་ཡེ་ཤེས་ཅན་ཏེ་རང་གི་ཡེ་ཤེས་སེམས་དཔའི་ཐུགས་ཀར་དམ་ཚིག་གི་དཀྱིལ་འཁོར་གྱི་དབུས་ན་གནས་པ་སྟེ། སྣ་ཚོགས་རྡོ་རྗེའི་སྟེང་ན་གནས་པའི་རལ་གྲི་བསམ་པར་བྱའོ། །
དེར་རལ་གྲིའི་སྔགས་ཀྱི་དོན་བསྒོམ་པ་སྟེ། རལ་གྲིའི་སྔགས་ནི་ཡི་གེ་ཧཱའོ། །ཧཱ་ཡིག་དེས་དོན་དུ་གཉེར་བར་བྱ་ཞིང་ཕུན་སུམ་ཚོགས་པ་རྣམ་པ་ཐམས་ཅད་ཀྱིས་སྒྲུབ་པར་བྱེད་པས་ན་རལ་གྲིའི་སྔགས་དོན་ནི་དབང་དུ་བྱ་བའི་ལས་བསྒྲུབ་པར་བྱ་བ་སྟེ་དེ་སྒོམ་པར་བྱའོ། ༈ །དེ་ལྟར་རིགས་ལྔའི་སྒོ་ནས་ཞི་སོགས་ཀྱི་ལས་སྒྲུབ་པའི་ལས་རྒྱལ་མཆོག་སྔར་བཤད་པ་འདི་ཉིད་ཀྱི་ཆོ་གའི་ལྷག་མ་དཀྱིལ་འཁོར་རྒྱལ་མཆོག་ལྔ་བྱེད་པ་བསྟན་པར་བྱ་བའི་ཕྱིར། དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། དཀྱིལ་འཁོར་ཀུན་ནི་འཁོར་ལོ་སྟེ་སྣམ་སྣང་དང་ལ་སོགས་པ ས་རིགས་ལྷག་མ་བཞི འི་དཀྱིལ་འཁོར་རོ། །དེ་རྣམས་ཀྱི་ངོས་རྣམ་པ་བཞི་རྣམས་སུ་སངས་རྒྱས་ལྔ་རྣམས་ཏེ། རྣམ་པར་སྣང་མཛད་ལ་སོགས་པའི་གོ་རིམས་ཇི་ལྟ་བ་བཞིན་དུ་ཞེས་པ་ནི་དབུས་ཀྱི་གཙོ་བོ་གང་གིས་བྱེད་པའི་གོ་རིམས་བཞིན་ཡིན་ཏེ། མི་བསྐྱོད་པས་གཙོ་བོ་བྱེད་ན་རྣམ་སྣང་ཤར་དུ་འོང་བ་དང་། རིགས་ལྷག་མ་བཞིས་གཙོ་བོ་བྱེད་ན། གང་གཙོ་བོར་སོང་བ་དེའི་ཤུལ་དུ་མི་བསྐྱོད་པ་འགྲོ་བ་བཞིན་ནོ། །དགོད་པར་བྱའོ། །འོད་ཟེར་ལྔ་ཡི་བྱེ་བྲག་གིས། ཞེས་བྱ་བ་ནི། ལས་དང་རྗེས་སུ་མཐུན་པའི་ཁ་དོག་ནི་རྣམ་སྣང་གིས་ཞི་བའི་ལས་བསྒྲུབ་ན་ལྷ་ཐམས་ཅད་དཀར་པོ། མི་བསྐྱོད་པས་དྲག་ལས་བསྒྲུབ་པ་ལ་ནག་པོ་དང་སྔོན་པོ། རིམ་འབྱུང་གི་རྒྱས་པ་སྒྲུབ་པ་ལ་སེར་པོ། སྣང་མཐའ་དབང་ལས་སྒྲུབ་པ་ལ་དམར་པོ། འོག་ནས་དོན་གྲུབ་ཀྱི་སྒོ་ནས་དབང་
གི་ལས་སྒྲུབ་པར་བཤད་པའི་སྐབས་སུ་བསྒྲུབ་བྱ་ལ་ཁ་དོག་སྣ་ཚོགས་པའི་བདུད་རྩི་དབབ་པར་གསུངས་པ་ལ་བརྟེན་ནས། བླ་མ་སྔ་མ་རྣམས་མདོར་བྱས་བཞིན་ཁ་དོག་སྣ་ཚོགས་པར་བཞེད་ལ། གསང་འདུས་ལུགས་གཞན་ནས་དོན་གྲུབ་ཀྱིས་གཙོ་བྱས་ཐམས་ཅད་དམར་པོར་བཤད་དོ། །འདིར་ནི་འོད་ཟེར་ལྔའི་བྱེ་བྲག་གིས། ཞེས་གསུངས་པའི་དོན་ཁ་དོག་ལྔ་ལ་བཤད་པས། དམར་པོར་བྱས་ན་ཁ་དོག་ལྔ་མི་ཚང་ཞིང༌། ཁ་དོག་སྣ་ཚོགས་པ་ཁ་དོག་ལྔའི་ཡ་གྱལ་གཅིག་མིན་པས་ལྗང་གུར་བྱའོ། །གིས་སྤྲོ་བར་བསྒོམ་མོ། །དེས་ཅིར་འགྱུར་ཞེ་ན། བྱང་ཆུབ་སྟེ་ཞི་བ་ལ་སོགས་པ་རང་གིས་གང་མངོན་པར་འདོད་པའི་འབྲས་བུ་འགྲུབ་པ་འཐོབ་པར་འགྱུར་རོ། ༈ །ད་ནི་བསྐྱེད་རྫོགས་ཀྱི་རིམ་པའི་དབྱེ་བས་ལྷ་སྤྲོ་བ་བསྟན་པར་བྱ་བའི་ཕྱིར། སྔགས་རྣམས་ཞེས་བྱ་ལ་སོགས་པ་གསུངས་ཏེ། སྔགས་རྣམས་ཐམས་ཅད་ནི་སྒྲུབ་པ་པོ་ཐམས་ཅད་ཀྱི་སྟེ། སྤྲོ་བ་ནི་ལྷ་རྣམས་ཡིད་ཀྱིས་སྤྲུལ་བའོ། །བྱེ་བྲག་རྣམ་པ་གཉིས་ནི་རྫོགས་པའི་རིམ་པ་དང་མ་རྫོགས་པ །སྟེ་སྔ་མའི་ཅིག་ཤོས་བསྐྱེད་རིམ་པའི་བྱེ་བྲག་རྣམ་པ་གཉིས་སུ་བསྒྲགས་སོ། །བསྐྱེད་པའི་རིམ་པའི་ཏིང་ངེ་འཛིན་ལ་གནས་པ་རྣམས་ཀྱི་ལྷ་སྤྲོ་བ་བསྟན་པར་བྱ་བའི་ཕྱིར། སྐུ་གསུམ་ཞེས་བྱ་བ་ལ་སོགས་པ་གསུངས་ཏེ། སྐུ་རྡོ་རྗེ་ལ་སོགས་པའི་བྱེ་བྲག་གིས་ལྷ་རྣམས་ཕར་ལ་སྤྲོ་བ་དང༌། ཚུར་ལ་བསྡུ་བ་སྟེ་བསྡུས་ནས་རང་གི་གནས་སུ འི་དགོད་པས་ལྷ་རྣམས་སྤྲོ་བ་དང་བསྡུ་བ་བྱའོ། །རྡོ་རྗེ་
གསུམ་གྱི་སྒོ་ནས་སྤྲོ་བསྡུ་བྱེད་ཚུལ་དེ་ཉིད་གསལ་བར་བྱ་བའི་ཕྱིར། ལུས་ཀྱིས་ཞེས་བྱ་བ་ལ་སོགས་པ་གསུངས་ཏེ། སྐུ་ཡི་ངོ་བོ་ཉིད་ནི་ལུས་ཀྱིས་རྣམ་པར་སྣང་མཛད་ཀྱི་ངོ་བོ་ཉིད་དོ། །སེམས་ཀྱིས་ནི་བདག་ཉིད་ཀྱི་སེམས་ཐུགས་ཀྱི་ངོ་བོ་ཉིད་དེ་མི་བསྐྱོད་པའི་ངོ་བོ་ཉིད་ཀྱིས་སོ། །ངག་ནི་བདག་ཉིད་ཀྱི་ཚིག་གི་ཚོགས་ཀྱིས་སོ། །གསུང་གི་ངོ་བོ་ཉིད་ནི་འོད་དཔག་ཏུ་མེད་པའི་རང་བཞིན་གྱིས་སོ། །དེ་རྣམས་ཀྱི་དོན་ནི་རང་གི་ལུས་ངག་ཡིད་གསུམ་རྡོ་རྗེ་གསུམ་གྱི་ངོ་བོར་བལྟས་ལ་ལྷའི་སྤྲོ་བསྡུ་བྱ་ཞེས་པའི་དོན་ནོ། །ཐབས་དེས་ལྷ་རྣམས་མཆོད་པར་ཤེས་ནས་སྤྲོ་བསྡུ་བྱས་ན་མཆོད་པའི་གནས་ཏེ་འདོད་པའི་དོན་ཡང་དག་པར་འགྲུབ་པ་འཐོབ་པར་འགྱུར་ཞིང་རྙེད་པར་འགྱུར་རོ། །དཀྱིལ་འཁོར་ཆེན་པོ་ནི་སྐུ་དང་གསུང་དང་ཐུགས་ཀྱི་རྡོ་རྗེའི་དཀྱིལ་འཁོར་རོ། །རྡོ་རྗེ་གསུམ་གྱི་དཀྱིལ་འཁོར་བ་དེ་རྣམས་ཀྱི་འཁོར་ལོ་ནི་མི་ཕྱེད་པར་ཚོགས་པའམ་བསྡུས་པ་སྟེ་དཀྱིལ་འཁོར་ཆེན་པོའི་འཁོར་ལོ་གཅིག་ཏུ་བསྡུས་པ་དེས་རྡོ་རྗེ་ལྔ་རྣམས་ཞེས་པ་སྟེ། རིགས་ལྔ་འདུས་པའི་རྡོ་རྗེ་འཆང་ཆེན་པོ་དེ་རྣམ་པར་སྒོམ་པར་བྱའོ། །ཞེས་པས་ནི་ཟུང་འཇུག་པས་ལྷ་བསྡུས་ཏེ་བསྒོམ་པ་བསྟན་ལ། དེས་ཟུང་འཇུག་པས་དཀྱིལ་འཁོར་རྒྱལ་མཆོག་གི་
ལྷ་སྤྲོས་ཏེ་སྒོམ་པ་ཡང་ཤེས་པར་བྱ་བ་ནི་རྫོགས་རིམ་པའི་ལྷ་སྤྲོ་བསྡུ་བྱེད་ཚུལ་ལོ། ༈ །དེ་ལྟར་རིགས་ལྔའི་དཀྱིལ་འཁོར་རྒྱལ་མཆོག་བཤད་པ་དེའི་སྔོན་དུ་འགྲོ་བ་དེ་ལྔའི་དང་པོ་སྦྱོར་བ་སྟོན་པ་ནི་དབུས་སུ་ཞེས་བྱ་བ་ལ་སོགས་པ་ལ། བཤད་མ་ཐག་པའི་སྐུ་རྡོ་རྗེ་འགྱུར་རྙིང་གི་རྒྱུད་ལས། སྐུ་གསུང་རྡོ་རྗེ་ཞེས་འབྱུང་བས། དམ་ཚིག་སེམས་དཔའ་སྐུ་རྡོ་རྗེ་ཁོ་ན་མིན་ལ་རྡོ་རྗེ་གཉིས་ཀྱིས་ཐུགས་རྡོ་རྗེ་ཡང་མཚོན་པས་ན། བསྡུ་ན་གསུམ་ཡིན་ཀྱང་ཕྱེ་ན་རིགས་ལྔ་ཀའི་དམ་ཚིག་སེམས་དཔའོ། །སྟེ་དམ་ཚིག་སེམས་དཔའི་དབུས་སུ་ཞེས་བྱ་བ་དམ་ཚིག་སེམས་དཔའ་རྣམས་ཀྱི་སྙིང་ཁར་བདག་པོ་སྟེ། ཡེ་ཤེས་སེམས་དཔའི་རང་གི་གཟུགས་ཞེས་བྱ་བ་རང་བཞིན་གྱི་གཟུགས་བསམས་ནས་ཡེ་ཤེས་སེམས་དཔའི་ཐུགས་ཀར་རང་སྔགས་རྡོ་རྗེའི་གཟུགས་ཞེས་བྱ་བ་ཏིང་ངེ་འཛིན་སེམས་དཔའི་གཟུགས་ཏེ་སྐུ་བསམ་པར་བྱའོ། །འདིས་དང་པོ་སྦྱོར་བའི་སྐབས་ཀྱིས་སེམས་དཔའ་སུམ་བརྩེག་བསྟན་པས། དེས་མཚོན་ནས་དང་པོ་སྦྱོར་བའི་ལྷ་ལྷག་མ་རྣམས་ཀྱང་གཟུང་ངོ་། །དེ་ལྟར་རིགས་ལྔའི་ཏིང་ངེ་འཛིན་གྱི་སྒོ་ནས་ཞི་སོགས་ཀྱི་ལས་བསྒྲུབ་པར་བསྟན་པ་འདི། ནང་ལ་མཆོག་ཏུ་གཞོལ་བའི་དབང་དུ་བྱས་ལ། དེས་རྒྱུད་ནས་བཤད་པ་བཞིན་དུ་རྫོགས་པར་འགྲུབ་པ་ལ་དྲན་པ་གཅིག་པ་དང་རྟོག་པའི་རྣལ་འབྱོར་མཐར་ཕྱིན་ནས་སྤྱོད་པ་བྱས་པ་དགོས་ཀྱང༌། རྗེས་མཐུན་པའི་ལས་ཚོགས་ནི་བསྐྱེད་རིམ་ལ་ལེགས་པར་སྦྱངས་བའི་དེ་ལྟའི་རྣལ་འབྱོར་བས་ཀྱང་འགྲུབ་པས་སྐབས་གཉིས་སུ་ཤེས་པར་བྱའོ། ༈ །ཡང་གི་སྒྲས་ནི་བསྐྱེད་རིམ་པས་ཞི་སོགས་བསྒྲུབ་
པར་མ་ཟད། ཟུང་འཇུག་པས་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་རླུང་བཞི་ལ་བརྟེན་པའི་རྡོར་བཟླས་ཀྱིས་ཞི་སོགས་ཀྱི་ལས་བསྒྲུབ་པ་སྟོན་པའོ། །དཀྱིལ་འཁོར་རྣམ་པ་བཞི་སྟེ་ཆུ་ལ་སོགས་པའི་དཀྱིལ་འཁོར་རྣམ་པ་བཞི་པོ་དག་ཁ་དོག་རྣམ་པ་བཞི་ཞེས་བྱ་བ་དཀར་པོ་ལ་སོགས་པར་ཀུན་ཏུ་བརྟགས་ཤིང་བསམས་ལ། སྙིང་གར་ཏེ་ཆུ་ལ་སོགས་པའི་དཀྱིལ་འཁོར་གྱི་དབུས་སུ། སྔགས་ཞེས་པ་ཡི་གེ་ༀ་ལ་སོགས་པ་དེ་རྣམས་ཀྱི་དོན་འཇུག་པ་ལ་སོགས་པ་སྟེ། དེ་རྣམས་བསྒོམ་ཞིང་ཡོངས་སུ་ཤེས་པར་བྱའོ། །རྡོ་རྗེ་རྣམ་པ་བཞི་ནི་ཆུ་ལ་སོགས་པའི་དཀྱིལ་འཁོར་བཞི་སྟེ། དེ་ཡི་ལས་ནི་ཞི་བ་ལ་སོགས་པའོ། །དེ་རྣམས་བསམ་གཏན་རྡོ་རྗེ་ཅན་ཞེས་པ་རྣལ་འབྱོར་པས་ལས་དེ་དག་བྱེད་ཅིང་རྫོགས་པར་བྱེད་པའི་ཆོ་ག་འདི་ནི་རྣལ་འབྱོར་གྱི་དབང་ཕྱུག་ཟུང་འཇུག་པ་ཐམས་ཅད་ཀྱི་མཆོག་ཏུ་བཟང་ཞིང་རྟག་པ་སྟེ། དེ་བཞིན་གཤེགས་པ་ཐམས་ཅད་ཀྱི་ལུང་ལས་བརྒྱུད་པ་ལས་འོངས་པ་ཡིན་ནོ། །དེ་བས་ན་གསང་བ་སྟེ་ལས་དང་པོ་པ་བསྐྱེད་རིམ་པ་རྣམས་ཀྱི་སྟེ་དང་ཐུན་མོངས་མ་ཡིན་པའི་དེ་ཁོ་ན་ཉིད་དོ། །རྡོ་རྗེ་བཞི་པོ་དེ་དག་ཞི་བ་སོགས་ལས་ཀྱི་བྱེ་བྲག་གིས་སོ་སོར་བསྟན་པར་བྱ་བའི་ཕྱིར། ཞི་བ་ལ་ནི་ཞེས་བྱ་བ་ལ་སོགས་པ་གསུངས་ཏེ། ཞི་བ་ནི་རིམས་ཀྱིས་མཚོན་པའི་ནད་ཐམས་ཅད་དང་ལ་སོགས་པ ས་བགེགས་ལ་སོགས་པ་སེལ་བར་བྱེད་པའི་མཚན་ཉིད་ཅན་གྱི་ལས་ལ་ནི་སྤྱན་གྱི་ཚུལ་ཏེ། སྤྱན་མའི་ཁ་དོག་ལྟར་ཁ་དོག་དཀར་པོ་སྣ་བུག་གཉིས་ཀ་ནས་དལ་བའི་རང་བཞིན་ཅན་དུ་རྒྱུ་བའི་གྱི་ཆུའི་དཀྱིལ་
འཁོར་སྲོག་འཛིན་གྱི་རྡོར་བཟླས་བསྒོམ་པར་བྱའོ། །རྒྱས་པ་སྟེ་ནོར་འཕེལ་བར་བྱ་བ་དང་ཚེ་དང་བསོད་ནམས་དང་ཤེས་རབ་དང་ཏིང་ངེ་འཛིན་ལ་སོགས་པ་རྒྱས་པ་ལ་ནི་རྣམ་པར་སྣང་མཛད་ལ་གནས་ཏེ་ཞེས་བྱ་བར་སྦྱར་ཏེ། གསེར་ཞུན་མ་ལྟར་རྣམ་པར་མཛེས་ཤིང་འབར་བས་ན་རྣམ་པར་སྣང་མཛད་སྟེ་རིན་ཆེན་འབྱུང་ལྡན་ནོ། །རིན་འབྱུང་དེའི་གནས་ནི་ཁ་དོག་སེར་པོར་སྣང་བ་སྣ་བུག་གཉི་ག་ལས་དྲག་ཏུ་འབྱུང་བ་དབང་ཆེན་གྱི་དཀྱིལ་འཁོར་ཐུར་སེལ་གྱི་རླུང་སྔགས་གཉིས་སྦྱར་བའི་རྡོར་བཟླས་བྱའོ་རོ་། །དེ་བཞིན་དུ་དབང་ལ་ནི་རྡོ་རྗེ་པདྨོ་ཅན་ཞེས་བར་སྦྱར་ཏེ། དབང་ཞེས་པ་རང་དང་ཆོས་ལ་མ་ཆགས་པ་རྣམས་རྗེས་སུ་ཆགས་པར་བྱ་བའི་ཕྱིར། པདྨོ་རྡོ་རྗེ་ཅན་འོད་ཟེར་དམར་པོའི་རང་བཞིན་ཅན་སྣ་བུག་གཡས་ཀྱི་སྒོ་ནས་འབྱུང་བ་མེའི་དཀྱིལ་འཁོར་གྱེན་རྒྱུའི་རླུང་སྔགས་སྦྱར་བའི་རྡོར་བཟླས་བསྒོམ་མོ། །མངོན་སྤྱོད་དེ་བསད་པ་དང་ལ་སོག་པ ས་བསྐྲད་པ་དང་དབྱེ་བ་སོགས་ཀྱི་དྲག་པོའི་ལས་རྣམས་ལ་ནི་རྡོ་རྗེ་ཁྲོ་བོ་སྟེ། འོད་ཟེར་ནག་པོའི་ངོ་བོ་ཉིད་གཡོན་གྱི་སྣའི་སྒོ་ནས་འབྱུང་བ་རླུང་གི་དཀྱིལ་འཁོར་མཉམ་གནས་ཀྱི་རླུང་སྔགས་སྦྱར་བའི་རྡོར་བཟླས་བསྒོམ་མོ། །འདི་ནི་ཞེས་བྱ་བ་ལ་སོགས་པ་ལ། གང་བཤད་མ་ཐག་པའི་དཀྱིལ་འཁོར་བཞི་པོ འི་རྡོར་བཟླས་འདི་ནི་རྡོ་རྗེ་ཐམས་ཅད་ཀྱི་སྟེ། རྫོགས་རིམ་པའི་སྒྲུབ་པ་པོ་ཐམས་ཅད་ཀྱི་གསང་བ། ཞེས་པ་སྦ་བར་བྱ་བ་དང་། སྐུ་གསུམ་
ལས་བྱུང་བ་སྟེ་རྡོ་རྗེ་འཆང་ཆེན་པོས་བསྟན་པའོ། །སྔགས་རྣམས་ཀུན་ནི་ཞེས་པ་ཟུང་འཇུག་པས་རྡོར་བཟླས་ཀྱི་ལས་སྒྲུབ་པ་འདི་ནི། བསྐྱེད་རིམ་ལྟར་ལས་སོ་སོ་ལ་ལྷ་སོ་སོ་དགོས་པ་ལྟ་བུ་མ་ཡིན་པར་ལྷ་ཐམས་ཅད་དང་འབྲེལ་བར་གྱུར་པའི་བྱ་བའི་རོལ་མོ་སྟེ་ཞི་བ་ལ་སོགས་པའི་ལས་གསུངས་པའོ། །དེས་མཚན་པ་ནི་མཚན་པར་བྱས་པའི་གསང་བའོ། ཞེས་བྱ་བར་སྦྱར་རོ། ༈ །ལས་རྣམ་པ་བཞིའི་ནང་ནས་མངོན་སྤྱོད་ཀྱི་ལས་འདིར་:ཆག:མངོན་སྤྱོད་དཀའ་བ་ཉིད་དུ་བསྟན་པའི་ཕྱིར་ཞེས་དང༌། མངོན་སྤྱོད་བྱ་:པ་ཚབ:དཀའ་བ་བསྟན་པའི་ཕྱིར་ཞེས་ཚུལ་གསུམ་བྱུང་བའི་དང་པོ་ནི་མིན་ཏེ། འདིར་དེ་ལས་རྣམས་ཀྱི་ནང་ནས་དཀའ་ཞེས་མ་བསྟན་པའི་ཕྱིར་རོ། །གཉིས་པ་ཡང་མ་ཡིན་ཏེ། བྱེད་ལུགས་ཀྱི་ཆོ་ག་ཤེས་པ་ནི་མི་དཀའ་ལ། བྱེད་མཁན་མཚན་ཉིད་ཚང་བ་དཀའ་བ་ནི་དངོས་གྲུབ་སྟོབས་ལྡན་གཞན་སྒྲུབ་པ་ལ་ཡང་མཚུངས་སོ། །དེས་ན་བཀར་ཏེ་ཞེས་བསྒྱུར་བ་ལེགས་སོ། །བཀར་ཏེ་བསྟན་པར་བྱ་གསུང་བར་བཞེད་པས། :པ་ཚབ:ཟེར། བ་ལ་དེ་རྣམ་པར་ཕྱེ་བས་མངོན་སྤྱོད་བྱ་བ་དེ་ཉིད་ཀྱི་ཡུལ་བསྟན་པར་བྱ་བའི་ཕྱིར། མ་དད་སྨྲ་བའི་ཞེས་བྱ་ལ་སོགས་པ་གསུངས་ཏེ། མ་དད་པ་ནི་རྗེས་སུ་གཟུང་བར་བྱ་བའི་སྣོད་མ་ཡིན་པ་སྟེ། དཀོན་མཆོག་གསུམ་དང་ལ་སོགས་པས་རྡོ་རྗེ་ཐེག་པ་སོགས་ལ་སྨོད་པར་སྨྲ་བའི་སེམས་ཅན་ལོག་པར་ལྟ་བ་ཅན་དང༌། རྡོ་རྗེ་རྡོ་རྗེ་:ཆག:སློབ་དཔོན་ཏེབླ་མ་དང༌། རྡོ་རྗེ་ཅན་ནི་རྡོ་
རྗེ་བཙུན་མོ་སྟེ། དེ་རྣམས་ལ་སྨོད་པ་ཞེས་ཀྱང་ཟེར་རོ། །སློབ་དཔོན་ཏེ་བླ་མར་གྱུར་པ་དེ་རྣམས་ལ་སྨོད་པ་དང༌། གཞན་ཡང་གདུག་པའི་སེམས་ཅན་ཏེ་མཚམས་མེད་པ་ལ་སོགས་པ་བྱེད་པ་རྣམས་ལའང་རབ་ཏུ་བསྐུལ་བ་སྟེ། ཆེ་གེ་མོ་སོད་ཅིག་ཅེས་བྱ་བ་ལ་སོགས་པ། བསྐུལ་བའི་མཚན་ཉིད་ཅན་གྱི་ལས་འོག་ནས་གཤད་པ་འདི་དག་བྱའོ། །ཡེ་ཤེས་ཆེན་པོའི་འཁོར་ལོའི་རྡོ་རྗེ་ནི་རིགས་གསུམ་གྱི་བདག་ཉིད་ཅན་རྡོ་རྗེ་འཆང་ཆེན་པོ་སྟེ་དེས་དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་དེ་སྐད་ཅེས་གསུངས་པའོ། ༈ །ཁམས་སུ་གསུམ་ཞེས་བྱ་བ་ལ་སོགས་པ་ལ། མི་བསྐྱོད་པ་དྲག་པོའི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་ཁམས་གསུམ་ན་གནས་པ་སྟེ་འདོད་པ་དང་གཟུགས་དང་གཟུགས་མེད་པར་གཏོགས་པའི་སྒོ་ང་ལས་སྐྱེས་པ་ལ་སོགས་པའི་སེམས་ཅན་རྣམས་སངས་རྒྱས་ཀྱི་སྐུར་ཞེས་བྱ་བ་སངས་རྒྱས་ཀྱི་སྐུ་དེ་བཞིན་གཤེགས་པའི་སྙིང་པོ་ཅན་དུ་སྒྲུབ་པ་པོས་རྣམ་པར་བསྒོམ་ཞིང་ལྷག་པར་མོས་ནས། དགྲ་བོས་ཞེས་པ་གང་ལ་དྲག་ལས་བྱ་བའི་ཡུལ་བསྒྲུབ་པར་བྱ་བའི་དགྲ་བོ་རྡོ་རྗེ་གནོད་སྦྱིན་སྲིན་པོར་བསྒྱུར་ལ་དེ ས་སེམས་ཅན་དེ་རྣམས་ཐམས་ཅད་བསད་པར་བསམ་ཞིང་སྟེ་བསྒོམས་ནས་སོ། །དེ་ནས་ལས་རྣམས་བརྩམ་པར་བྱ། ཞེས་བྱ་བ་ནི། བཤད་མ་ཐག་པའི་རིམ་པས་དགྲ་བོ་འདིས་སྡིག་པ་འདི་ལྟར་བྱས་
སོ་ཞེས་སངས་རྒྱས་རྣམས་ལ་སྡིག་པ་ཉེ་བར་བསྒྲགས་པ་བྱས་ལ་ཁ་སྦྱར་དབྱེ་ཁ་སྦྱར་དབྱེ་བ་ནི་བསྲུང་བ་དང་བྲལ་བར་བྱེད་པ་སྟེ། བསྒྲུབ་བྱའི་ལུས་གང་ཡིན་པ་དཀྱིལ་འཁོར་དུ་བསྒོམས་ནས། དེའི་ལུས་ལ་གནས་པའི་དཀྱིལ་འཁོར་གྱི་ལྷ་རྣམས་ལ། འདིས་ཕྱོགས་བཅུའི་སངས་རྒྱས་ཐམས་ཅད་བསད་དོ། །རྡོ་རྗེ་སློབ་དཔོན་ལ་སྨད་དོ། །མཚམས་མེད་ལྔ་ལ་སོགས་པའི་ཉེས་པ་ཆེན་པོ་བྱས་སོ། ཞེས་དེའི་ཉེས་པ་བསྒྲགས་ཏེ། འདིའི་སྐྱབས་མ་མཛད་པར་འདི་ཆོམས་ཤིག་ཅེས་བཀའ་བསྒོས་པས། བསྒྲུབ་བྱ་དེ་རྣམས་ལྷ་དེས་བཅོམ་ནས་བསྒྲུབ་བྱའི་ལུས་ལས་ཕྱིར་བཏོན། དེའི་རྣམ་པ་ཐམས་ཅད་ནས་དྲངས་ཏེ། རང་གི་ལུས་ཀྱི་ལྷའི་འཁོར་ལོ་ལ་བཅུག་པར་བསྒོམ་པ་སྟེ། རྒྱུད་ཕྱིར་མར། བསྒྲུབ་བྱའི་ལུས་གང་ཡིན་པ་ལའང༌། །དཀྱིལ་འཁོར་རྣམ་པར་བསྒོམས་ནས་སུ། །དེ་ཡི་ལུས་གནས་འཁོར་ལོ་ལ། །དེ་ཡི་ཉེས་པ་བསྒྲགས་པར་བྱ། །དེ་ནས་དེ་རྣམས་དེས་བཅོམ་ནས། །བྱུང་བར་གྱུར་པར་རྣམ་པར་བསྒོམ། །དངོས་པོ་ཀུན་གྱི་རྣམ་བསྒོམས་ནས། །དངོས་པོ་ཀུན་གྱིས་དྲངས་ནས་ནི། །དེ་ནས་རང་གི་འཁོར་ལོར་བཞུགས། ཞེས་གསུངས་སོ། །བ་སྔོན་དུ་འགྲོ་བས་ཏེ་སྔོན་བཏང་ནས་ཆད་པས་བཅད་པ་བསད་ལས་དངོས་གཞི་བརྩམས་པ ར་བྱའོ། ༈ །ལས་དེ་བྱེད་པ་ལ་སྔོན་དུ་དང་པོ་སྦྱོར་བ་བྱེད་ཚུལ་ནི་ནམ་མཁའ་དབྱིངས་ཀྱི་དབུས་གནས་པར། ཞེས་བྱ་བ་ལ་སོགས་པ་ལ། དེ་ལ་དང་པོར་རེ་ཤིག་སྒྲུབ་པ་པོས་ལྷག་མོས་ཡན་ཆད་སྔོན་དུ་བཏང་བའི་མཐར་ནམ་མཁའི་དབུས་སུ་གནས་པ་སྟེ། ལྷག་མོས་འོད་གསལ་བའི་ནང་དུ་ཆུད་པར་བྱས་པའི་དེ་བཞིན་ཉིད་ལས་
བྱང་ཆུབ་པ་དང༌། ཉི་ཟླ་པདྨ་ཡི་གེ་གསུམ་དང་བཅས་པ་བྱས་ལ་དེའི་འོག་ཏུ་དེ་རྣམས་ཐམས་ཅད་གཅིག་ཏུ་འདྲེས་པ་ལས་བདག་ཉིད་ཉི་མའི་དཀྱིལ་འཁོར་ལྟ་བུར་ཡོངས་སུ་གྱུར་པར་བསམས་ནས་དེའི་སྟེང་དུ་ས་བོན་ལས་བྱང་ཆུབ་པ་ཧཱུཾ་རིང་པོ་དང་དེ་ནས་ཕྱག་མཚན་ལས་བྱང་ཆུབ་པ་ཧཱུཾ་རིང་པོ་ལས་བྱུང་བའི་རྡོ་རྗེ་རྩེ་ལྔ་པ་ཕྱོགས་བཞིའི་རྭ་རྣམས་དབུས་རྭ་ལ་མ་རེག་པར་ཁ་སྟེ་རྭ་ཕྱིར་གྱེས་པ་བསམས་ལ། སྐུ་རྫོགས་པ་ལས་བྱང་ཆུབ་པ་ཕྱག་མཚན་དེ་ཡོངས་སུ་གྱུར་པ་ལས་རྡོ་རྗེ་སེམས་དཔའ་ཞལ་བཞི་གནག་པ་མཆེ་བ་གཙིགས་པ་ཨིནྡྲ་ནཱི་ལའི་མདོག་ཅན་ཕྱག་དྲུག་པ། རྣམ་པའི་མཆོག་རྣམས་ཀུན་དང་ལྡན། ཞེ་བྱ་བ་ནི། ཁྲོ་བོའི་རྒྱན་གྱི་རྣམ་པ་ཐམས་ཅད་ཀྱི་ཁྱད་པར་དང་ལྡན་པ་གཡས་བསྐུམ་གཡོན་བརྐྱང་བས་བཞུགས་པ། དཀྱིལ་འཁོར་གྱི་དབུས་ན་བཞུགས་པའི་རྡོ་རྗེ་སེམས་དཔར་མན་ངག་ཇི་ལྟ་བ་བཞིན་དུ་རྣམ་པར་བསྒོམ་མོ། །ཞེས་པས་ནི་དང་པོ་སྦྱོར་བ་བསྟན་ཏེ། ལེའུ་དགུ་བར་བསད་ལས་སྒྲུབ་པ་ལ། སྔོན་དུ་རྡོ་རྗེ་འཆང་ཞི་བ་བསྒོམས་ནས་མི་བསྐྱོད་པ་དྲག་པོར་བསྒྱུར་བ་དང་དོན་མི་གཅིག་གོ ། ༈ དྲག་པོའི་དཀྱིལ་འཁོར་རྒྱལ་མཆོག་བྱེད་ཚུལ་ནི་དུས་གསུམ་དམ་ཚིག་ནི་བཤད་མ་ཐག་པའི་རྡོ་རྗེ་འཆང་དྲག་པོའོ་ངོ་། །དེ་ལས་བྱུང་བའི་སངས་རྒྱས་འཁོར་ལོ་ནི་རྣམ་པར་སྣང་མཛད་ལ་སོགས་པའི་འཁོར་གྱི་ལྷའི་ཚོགས་ཏེ། དེ་རྣམ་པར་བསྒོམས་ལ་སངས་རྒྱས་ཀྱི་འཁོར་ལོ་སྟོབས་ཆེ་བ་
སྟེ་དྲག་པོའི་ལྷ་ཚོགས་བཤད་མ་ཐག་པའི་ལྷ་ཕོ་འདི་རྣམས། དབུས་ཀྱི་རྡོ་རྗེ་སེམས་དཔ འ་དྲག་པོ འི་ལག་པ་གཡས་པ་སྟེ་གཡས་ལོགས་སུ་བསམ་པར་བྱའོ། །ལྷ་ཕོ་རྣམས་གཡས་ཕྱོགས་སུ་དགོད་པར་དངོས་སུ་བསྟན་པའི་དོན་གྱི་ཤུགས་ཀྱིས་ནི་རིགས་ལྔའི་བདག་ཉིད་ཅན་གྱི་དྲག་མོའི་ལྷ་མོའི་འཁོར་ལོ་དགུའི་ཚོགས་ནི་གཡོན་དུ་བྱའོ། ཞེས་བྱ་བ་ནི་འཕགས་མཆོག་གི་མན་ངག་གོ །ཕྱོགས་བཅུ་ནས་བྱུང་སེམས་ཅན་རྣམས། ཞེས་བྱ་བ་ནི། ཕྱོགས་བཅུ་ན་བཞུགས་པའི་སངས་རྒྱས་རྣམས་སྤྱན་དྲངས་ཏེ་སོ་། །སངས་རྒྱས་སྐུ་ཡི་བྱེ་བྲག་གིས། ཞེས་བྱ་བ་ནི། རྡོ་རྗེ་རྣམ་པར་སྣང་མཛད་ལ་སོགས་པའི་རིགས་ཀྱི་བྱེ་བྲག་གིས་ལྷ་སོ་གཉིས་སུ་སོ་། །བསྡུས་ཏེ་གོང་བུའི་ཚུལ་གྱིས་སུ། ཞེས་བྱ་བ་ནི། རང་རྡོར་སེམས་དྲག་པོར་བསྐྱེད་པའི་གི་ཕྱག་རྒྱ་ཆེན་པོའི་གཟུགས་ཇི་ལྟ་བ་བཞིན་དུ་ཐམས་ཅད་དྲག་པོར་རིགས་གཅིག་ཏུ་བྱས་ལ། ལྷ་རྣམས་ཀྱི་ཚོགས་དེ་དག་རང་གི་ལུས་ལ་དེ་དག་གཟུགས་ཀྱི་ཕུང་པོ་ལ་སོགས་པའི་ཚུལ་གྱིས་གཞུག་པར་བྱ་ཞིང་གཟུང་བར་བྱའོ། །ཡང་གཞུག་པར་བྱས་པའི་འོག་ཏུ་ཡེ་ཤེས་འཁོར་ལོ་ཅན་ཏེ་ཡེ་ཤེས་པའི་ལྷ་རང་གི་ཀྱི་ལུས་ལ་བཅུག་ནས་གནས་པ་རྣམས་ཀྱི་སྤྲོ་བ་སྟེ་འབྱིན་པའི་བྱ་བ་དག་བྱའོ། །ཞེས་པའི་དོན་ནི་རྡོར་སེམས་དྲག་པོས་སྔོན་ལ་ཡེ་ཤེས་པའི་དཀྱིལ་འཁོར་རང་ལ་གཞུག །དེ་ནས་རིག་མ་དང་མཉམ་པར་སྦྱར་བ་ལས་ལུས་ཀྱི་ལྷ་རྣམས་ཡུམ་
གྱི་པདྨར་ཞུ་བ་ལས་ལྷ་སོ་གཉིས་མངལ་དུ་བསྐྱེད། ཕྱིར་སྤྲོས་པ་རྣམས་ཀྱིས་མཛད་པ་མཛད་ནས། སླར་འདུས་པའི་ཚེ་ལྷ་ཕོ་ཐམས་ཅད་གཡས་དང༌། མོ་ཐམས་ཅད་གཡོན་དུ་དགོད་པར་བྱའོ། །དཀྱིལ་འཁོར་རྒྱལ་མཆོག་གི་ལྷ་དེ་རྣམས་སྤྲོ་ཚུལ་དང༌། ཉམས་ཇི་ལྟ་བུ ར་བསྒོམ་ཞེ་ན། ཁྲོ་བས་ཞེས་བྱ་བ་ལ་སོགས་པ་གསུངས་ཏེ། ཁྲོས་པས་འཁྲུག་པ་ལ་སོགས་པའི་རང་གི་ངོ་བོར་བསམས་ལ། སྤྲོ་བར་བྱའོ་ཞེས་བྱ་བར་སྦྱར་རོ། །ཁྲོ་བས་ཞེས་བྱ་བ་ནི་ཡིད་དོ། །འཁྲུགས་པ་ནི་ལུས་ཀྱིས་སོ། །དེའི་ཕྱིར་མི་སྡུག་འཇིགས་སུ་རུང་པའི་གཟུགས་ཞེས་བྱ་བ་གསུངས་ཏེ། མི་སྡུག་པ་ཉིད་ནི་སྨིན་མ་བསྐྱོད་པ་དང་སྤྱན་དམར་པ་དང༌། ཞལ་མཆེ་བ་གཙིགས་པ་དང་ལྡན་པའི་ཕྱིར་རོ། །འཇིགས་སུ་རུང་བ་ནི་སྐུ་ཆེ་བ་དང་ལྡན་ཞིང་སྦྲུལ་སྐ་རགས་སུ་བཅིངས་པ་ལ་སོགས་པས་བརྒྱན་པས་འཇིགས་སུ་རུང་པའི་གཟུགས་ཅན་ནོ། །མཚོན་ཆ་སྣ་ཚོགས་མཆོག་འཛིན་པ་ནི་དགྲ་སྟ་དང་ཐོ་བ་ལ་སོགས་པ་ཕྱག་ན་བསྣམས་པའི་ཕྱིར་ཏེ་དེ་ལྟ་བུ་བསྒོམ་པར་བྱའོ་རོ་། །གསོད་པའི་ཞེས་བྱ་བ་ནི་རྡོ་རྗེ་འཆང་ཆེན་པོའོ། །དེའི་དོན་ནི་བཀའི་བྱེ་བྲག་གོ །དེ་འབའ་ཞིག་སེམས་དཔའ་ནི་གདུག་པ་ཆེན་པོ་དཀོན་མཆོག་གསུམ་ལ་གནོད་པ་བྱེད་ཅིང་སུན་འབྱིན་པའི་གདུག་པ་རྣམས་གསོད་ཅིང་འཇོམས་པའོ། །རྡོ་རྗེ་འགྱུར་རྙིང་གི་རྒྱུད་ལས། རྡོ་རྗེ་སེམས་དཔའ་རང་ཉིད་དམ། ཞེས་པ་དང༌། འགྲེལ་པའི་འགྱུར་གཉིས་མི་ལེགས་པས། ཆག་གིས། རྡོ་རྗེ་
སེམས་དཔའ་རང་ཉིད་ཀྱང༌། ཞེས་བསྒྱུར་བ་འགྲེལ་པའི་བཤད་པ་དང་མཐུན་ནོ། །སེམས་དཔའ་གསོད་པར་བསྒོམ། ཞེས་བྱ་བ་ནི། གལ་ཏེ་རྡོ་རྗེ་སེམས་དཔའང་འདི་ལྟ་བུའི་མ་རུངས་པར་གྱུར་ན་དེ་ལ་ཡང༌ ཁྲོ་བོ་འདི་རྣམས་ཀྱིས་འཚེ་ན་སེམས་ཅན་གདུག་པ་ཅན་གཞན་རྣམས་ལ་འཚོ་བ་ལྟ་སྨོས་ཀྱང་ཅི་དགོས་ཞེས་སྔགས་མཁན་བདག་ཉིད་ཀྱི་ནུས་པ་སྟོན་པ་ཡིན་ནོ། ༈ །འགྱོད་པ་སྟེ་དེ་མ་ཐག་ཏུ་བཤད་པའི་ལས་དེ་འགྲུབ་བམ་མི་འགྲུབ་སྙམ་པའི་ཐེ་ཚོམ་བཟློག་པར་བྱ་བའི་ཕྱིར། སངས་རྒྱས་སྐུ་གསུམ་ཞེས་བྱ་བ་ལ་སོགས་འགྱུར་གསར་གཉིས་དང༌། འགོས་འགྱུར་ཁ་གཅིག་ལས། སྒྱུ་མ་ལྟ་བུའི་ནུས་པ་ཞེས་འབྱུང་ཡང༌། དཀྱུས་ན་ཡོད་པ་འདི་ཉིད་དག་གོ་པ་གསུངས་ཏེ། སངས་རྒྱས་ནི་རྡོ་རྗེ་འཆང་ཆེན་པོའོ། །ཆོས་ཀྱི་སྐུ་ལ་སོགས་པའི་མཆོག་སྟོན་པའི་ལུང་སྩོལ་བར་མཛད་པས་ན་སྐུ་གསུམ་མཆོག་སྩོལ་བའོ། །རྡོ་རྗེ་གསུམ་ནི་ལུས་ངག་ཡིད་གསུམ་དང་ལྡན་པའི་སེམས་ཅན་རྣམས་ཏེ་དེ་རྣམས་ཀྱི་དཀྱིལ་འཁོར་གྱི་གནས་ཞེས་པའི་དཀྱིལ་འཁོར་ནི་ཁམས་གསུམ་ཡིན་ལ་ཁམས་གསུམ་པ་རྣམས་དང་རྡོ་རྗེ་འཆང་གཉིས་རང་བཞིན་རྣམ་དག་གི་དེ་ཁོ་ན་ཉིད་དབྱེར་མེད་པས་རྡོ་རྗེ་འཆང་དེའི་བདག་ཉིད་ཅན་ཡིན་པས་ན་རྡོ་རྗེ་གསུམ་གྱི་དཀྱིལ་འཁོར་གྱི་གནས་ནི་རྡོ་རྗེ་འཆང་ངོ་སོ། །དངོས་གྲུབ་ནི་མངོན་པར་འདོད་པའི་དོན་ཏེ། རྡོ་རྗེ་འཆང་དེ ས་སྒྲུབ་པ་པོ་ལ་སྟེར་བར་འགྱུར་རོ། །རྨོངས་པ་འགྱུར་
རྙིང་གི་རྒྱུད་ལས། རྨོངས་པས་གྲུབ་པ་མི་སྟེར་ན། འཆི་བར་འདིར་ནི་གདོན་མི་ཟ། ཞེས་འབྱུང་ལ། པ་ཚབ་ཀྱི་འགྱུར་ལས། རྨོངས་བདག་ཉིད་ཀྱིས་དངོས་གྲུབ་གསོལ། །འདི་ལ་ཐེ་ཚོམ་ཡོང་མི་བྱ། ཞེས་དང༌། ཆག་གིས་བསྒྱུར་བ་ཡང་དེ་དང་འདྲ་བས་དངོས་གྲུབ་སྟེར་བ་ལ་ཐེ་ཚོམ་མེད་པའི་དོན་དུ་བཤད་དོ། །དེ་ལྟར་མི་མཐུན་པ་སྣང་བ་ནི་བསྒྱུར་གཞིའི་རྒྱ་དཔེའི་ཁྱད་དུ་འདུག་ཅིང༌། རྨོངས་པས་ཞེས་པའི་ཚིག་ཟིན་ལ་བལྟས་ན། འགྱུར་རྙིང་ལྟར་བྱ་དགོས་པ་འདྲ་བ་ཅིག་སྣང་ནའང་འདིར་དངོས་གྲུབ་འགྲུབ་པ་ལ་ཐེ་ཚོམ་མེད་པར་བཤད་དགོས་པར་སྣང་བས་རྨོངས་པ་ནི་ཆག་འགྱུར་ལས། གཞན་གྱི་སྐུ་དྲིན་ལ་རག་ལས་པས་རྨོངས་པ་ནི། རྨོངས་བདག་ཉིད་དོ། ཞེས་འབྱུང་བ་ལྟར་བླ་མའི་སྐུ་དྲིན་ལ་རག་ལས་ནས་དངོས་གྲུབ་འགྲུབ་པ་ལ་བྱའོ། །ནི་དངོས་གྲུབ་གཞན་ལ་རག་ལས་པས་རྨོངས་པས་ན་རྨོངས་པའོ། །འདིར་ཞེས་པ་ནི་དངོས་གྲུབ་མི་སྟེར་བ་ལའོ། །ཐེ་ཚོམ་ནི་ཡིད་གཉིས་མི་བྱ་བའོ། །དྲག་པོའི་ཆོ་ག་འདི་ནི་ཉིན་འགྱུར་རྙིང་གི་རྒྱུད་ལས། ཉི་མ་བདུན་དུ་འདི་བྱས་ན། །སངས་རྒྱས་དངོས་གྲུབ་སྟེར་བར་འགྱུར། ཞེས་པ་ལྟར་མི་བྱ་བར། :པ་ཚབ:ཉི་མ་བདུན་དུ་འདི་བྱ་སྟེ། །སངས་རྒྱས་ཀྱིས་ཀྱང་འགྲུབ་མི་འགྱུར། ཞེས་འབྱུང་བ་འགྲེལ་པའི་བཤད་པ་དང་མཐུན་ནོ། །ཞག་བདུན་དུ་བྱའོ། །གཞན་དུ་ཉིན་ཞག་བདུན་ཚུན་ཆད་ཀྱིས་ནི་སངས་རྒྱས་ཀྱིས་ཀྱང་མི་འགྲུབ་བོ། ༈ །དེ་ལ་འདིར་སྦྱོར་བ་སྟེ་རྣལ་འབྱོར་མདོར་བསྡུས་ན་ནི་འདི་ཡིན་ཏེ་བཤད་མ་ཐག་པའི་རིམ་པས་རྡོ་རྗེ་འཆང་ཆེན་པོ་དྲག་པོར་བདག་ཉིད་བསྐྱེད་ལ། ཇི་སྐད་བཤད་པའི་ཁྲོ་བོའི་ལྷ་རྣམས་སྤྲོ་བར་བྱས་ལ། དེའི་དབུས་ན་གནས་པའི་
གནོད་མཛེས་ལ། དགྲ་བོ་ཁུག་ཅིག་ཅེས་པའི་ལུང་བསྒོ ས་བས་གནོད་མཛེས་དེས་དགྲ་བོའི་མགྲིན་པ་ཞགས་པས་བཅིངས་ནས་སྙིང་ག་ནས་ལྕགས་ཀྱུས་དྲངས་པར་འགྱུར་བཞིན་དུ་སྟེ་པ་རླུང་གི་དཀྱིལ་འཁོར་གྱི་དབུས་ན་གནས་པའི་མེའི་དཀྱིལ་འཁོར་ལ་བསྐྱོན་ནས་བསྒྲུབ་པར་བྱ་བ་སྐྲ་གྲོལ་ཞིང་ལུས་ཏིལ་མར་གྱིས་བསྐུས་པ། སྲོག་:པ་ཚབ་ཆག:ཁ་སྦྱོར་དབྱེ་བ་ཟེར་བྱེ་བ་སྐྱབས་མེད་པ་འགྱོད་པ་སྐྱེས་པ་མདུན་དུ་བཀུག་པར་རྣམ་པར་བསམས་ལ་དེ་ནས་སྤྲོས་པའི་ཁྲོ་བོའི་ལྷ་རྣམས་ཀྱིས་མཚོན་ཆ་སྣ་ཚོགས་པས་གཅོད་པར་བྱེད་ཅིང་སྲོག་དང་བྲལ་བ་སྟེ་ཕྲལ་ནས་མི་འཁྲུགས་པའི་སངས་རྒྱས་ཀྱི་ཞིང་དུ་སྐྱེ་བར་བསྒོམ་པར་བྱའོ། ༈ །རྡོ་རྗེ་དམ་ཚིག་ནི་ཁྲོ་བོ་རྣམས་སོ། །དེ་རྣམས་ཀྱི་ཡེ་ཤེས་ནི་འདི་ལྟར་རྣམ་པར་གཙེས་ཤིག་ཅེས་བྱ་བ་ཁོང་དུ་ཆུད་པར་བྱ་བ་སྟེ། དེ་ནི་རྡོ་རྗེའི་དམ་ཚིག་ཡེ་ཤེས་ཡིན་ལ། དེ་ཉིད་བཀའི་འཁོར་ལོ་སྟེ་རྣམ་པར་འཚེ་བའི་ཕྱིར་རོ། །དེའི་ཕྱིར་ཏིང་ངེ་འཛིན་འདི་ལ་ཡང་དེ་སྐད་ཅེས་བྱའོ། ༈ །དེ་ལྟར་མི་བསྐྱོད་པའི་རྣལ་འབྱོར་པའི་བཀའི་འཁོར་ལོ་དང་པོར་ཡང་དག་པར་བསྟན་ནས། རྣམ་པར་སྣང་མཛད་ཀྱི་རྣལ་འབྱོར་པ་རྣམས་ཀྱི་བཀའི་འཁོར་ལོ་ཡང་བསྟན་པར་བྱ་བའི་ཕྱིར། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། སྔར་ཇི་སྐད་དུ་གསུངས་པའི་མངོན་བྱང་ལྔའི་རིམ་པས་བདག་
ཉིད་རྣམ་པར་སྣང་མཛད་ཀྱི་སྐུར་བསྐྱེད་པའི་དང་པོ་སྦྱོར་བ་བྱས་ལ། དེའི་འོག་ཏུ་དུས་གསུམ་དམ་ཚིག་ལས་བྱུང་བ་ཞེས་པ། རིག་མ་དང་སྙོམས་པར་ཞུགས་པ་ལས་རྣམ་སྣང་མ་གཏོགས་པའི་དཀྱིལ་འཁོར་རྒྱལ་མཆོག་གི་ལྷ་རྣམས་བསྐྱེད་པའི་མི་བསྐྱོད་པ་སྤྲོས་ཏེ། རང་ལ་བཅུག་པའི་རྣམ་པར་སྣང་མཛད་ཡོངས་སུ་གྱུར་པ་ལས་བྱུང་བའི་རྡོ་རྗེ་སེམས་དཔའ་གྲགས་པ་ཆེན་པོ་ཁྲོས་པ་རྣམ་པར་བསམས་ལ། དེའི་ཕྱག་ཏུ་འཁོར་ལོའི་ཚབ་མར་རྡོ་རྗེ་མེ་སྟག་རྣམ་པར་འཕྲོ་བས་འཁྲུགས་པའི་རྡོ་རྗེ་ཁ་གྱེས་པ་བསྣམས་པར་བསྒོམ་མོ། །ཕྱོགས་བཅུ་ནས་བྱུང་སེམས་ཅན་རྣམས་ཞེས་བྱ་བ་རང་གི་ཐུགས་ཀའི་འོད་ཟེར་གྱིས་ཕྱོགས་བཅུ་ན་བཞུགས་པའི་དེ་བཞིན་གཤེགས་པ་རྣམས་སྤྱན་དྲངས་ཏེ་ནི་། རྡོ་རྗེ་སྐུ་ཡི་ཁྱད་པར་གྱིས་ཏེ་བུད་མེད་ལྷ་མོ་དང་སྐྱེས་པ་ལྷ་ཕོ འི་བྱེ་བྲག་གིས་བྱུང་བ་ཐམས་ཅད་རང་གི་ལུས་ཀྱི་ཏིང་ངེ་འཛིན་སེམས་དཔའ་ལས་བྱུང་བའི་འོད་ཟེར་གྱི་ཚོགས་ཀྱིས་དྲག་པོའི་སྐུར་རིགས་གཅིག་ཏུ་བྱས་ཤིང་ལྷ་སོ་གཉིས་སུ་བསྡུས་ནས་དྲངས་ལ་དེ་བཞིན་གཤེགས་པ་དེ་དག་བདག་གི་ལུས་ལ་གཟུད་ཅིང་གཞུག་གཞུག་པ་འདི་རྣམ་སྣང་ལ་བསྒྱུར་པའི་སྐབས་སུ་བྱའོ། །གོ །སྤྲོ་བ་རྡོ་རྗེ་ཐམས་ཅད་ཀྱི་སྟེ། དེ་ནས་རིག་མ་དང་སྦྱར་བ་ལས་རང་གི་ལུས་ལ་གནས་པའི་དཀྱིལ་འཁོར་པ་རྣམས་ཀྱི་སྤྲོ་བ་སྟེ། དཀྱིལ་འཁོར་པ་རྣམས་ཡུམ་གྱི་པདྨར་ཞུ་བ་ལས། དཀྱིལ་འཁོར་རྒྱལ་མཆོག་བསྐྱེད་པ་རྣམས་ཕྱི་རོལ་ཏུ་འབྱིན་པའི་བྱ་བ་དེ་དང་སྤྲོས་པ་རྣམས་
བསྡུས་ཏེ་གཡས་གཡོན་དུ་དགོད་པ་ཡེ་ཤེས་མཆོག་གི་གཉེན་ཏེ་སྒྲུབ་པ་པོས་བྱའོ། །དེ་ནས་ལས་རྒྱལ་མཆོག་བྱ་བ་ནི་སྔར་བཞིན་དགྲ་བོའི་སྡིག་པ་བསྒྲག་པ་ཅན་གྱི་ཁ་སྦྱོར་དབྱེ་བ་དང༌། གནོད་མཛེས་བསྐུལ་ནས་དགྲ་བོ་དགུགས་པ་རྣམས་བྱས་ལ་ཁྲོ་བོ་རྣམས་སྤྲོས་ཏེ་དེ་རྣམས་ལ་བཀའ་བསྒོ་བའི་ཚུལ་བསྟན་པར་བྱ་བའི་ཕྱིར། སྐུ་གསུང་ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་ཀྱི་སྦྱོར་བ་རྡོ་རྗེ་ཅན་ནི་རྡོ་རྗེ་གསུམ་གྱི་བདག་ཉིད་ཅན་ནོ། །སངས་རྒྱས་ཐམས་ཅད་ནི་དེ་བཞིན་གཤེགས་པ་ཐམས་ཅད་དང་དེའི་སྲས་རྣམས་བདག་ལ་གསོན་ཅིག་པའོ། །ཅི་ཞིག་ཅེ་ན། བདག་ནི་ཞེས་བྱ་བ་ལ་སོགས་པ་གསུངས་ཏེ། བདག་ནི་དཔལ་ལྡན་རྡོ་རྗེ་ཅན། །བཀའ་ཡི་འཁོར་ལོ་རབ་སྦྱོར་བ། ཞེས་བྱ་བ་ངེས་པར་རྫོགས་པར་བྱེད་པ་དེ་ནི་བདག་ཡིན་པའོ། །གལ་ཏེ་ཞེས་བྱ་བ་ལ་སོགས་པ་ལ། གལ་ཏེ་འགའ་ཞིག་འདིར་བདག་གི་བསྒོ་བ་མི་བྱེད་ཅིང་འདས་ན་རང་གི་ལག་ན་གནས་པའི་རྡོ་རྗེ་ཀུན་ནས་རབ་ཏུ་འབར་བའི་གཟུགས་ཅན་འབར་བས་ཀུན་ནས་བསྐོར་བའི་རྡོ་རྗེ་འདི་ཡིས་སྐུ་གསུམ་ལས་བྱུང་སྐུ་གསུམ་ལས་བྱུང་འདི། འགྱུར་གསར་གཉིས་ལྟར་ན་དགོས་བྱ་ལ་བྱེད་ཀྱང༌། དེའི་དོན་རྡོ་རྗེ་གསུམ་
གཅིག་ཏུ་གྱུར་པ་ལ་བཤད་པས། འགྱུར་རྙིང་ལྟར་འགེས་བྱེད་ལ་སྦྱར་ན་ལེགས་སོ། །བ་སྟེ། སྐུ་གསུམ་གཅིག་ཏུ་གྱུར་པས་དགས་པར་བགྱི་ཞིང་ཕྱེ་མར་བྱའོ། །དེས་ན་དེ་ཞིག་པར་འགྱུར་ཞིང་སྟེ་ཕྱེ་མར་རྣམ་པར་འཇིགས་པར་འགྱུར་བ་འདིར་གདོན་མི་འཚལ་ལོ། །ཞེས་པ་སྟེ་བདག་ཉིད་བདག་པོ་ཡིན་པར་སྟོན་ཏོ། །ད་ལྟར་བཀའ་བསྒོས་པའི་འོག་ཏུ་གསད་ལས་དངོས་གཞི་བྱའོ། ༈ །འཁོར་ལོའི་དམ་ཚིག་ནི་རྣམ་པར་སྣང་མཛད་དོ། །དེ་ལས་བྱུང་བ་ནི་ཡེ་ཤེས་རྡོ་རྗེ་ཡིན་ལ་དེ་ནི་རྡོ་རྗེ་སེམས་དཔའ་སྟེ་ཏིང་ངེ་འཛིན་འདི་ལ་ཡང་མིང་དེ་སྐད་ཅེས་བྱའོ། །རྣམ་སྣང་ལ་བཤད་པ་དེ་བཞིན་དུ་རིན་ཆེན་འབྱུང་ལྡན་ལ་སོགས་པ་གསུམ་གྱི་དྲག་ལས་སྒྲུབ་པ་ལ་འི་ཡང་རིགས་གསུམ་པོ་དེ་རྡོར་སེམས་སུ་ཡོངས་སུ་གྱུར་པར་སྦྱར་བར་བྱའོ། །དེ་ཡང་ལྷག་མོས་འོད་གསལ་དུ་བསྡུས་པ་སོགས་ཀྱི་མངོན་བྱང་ལྔ་ལས་རིགས་གསུམ་དུ་བསྐྱེད་པའི་དང་པོ་སྦྱོར་བ་དང༌། དེ་ནས་སངས་རྒྱས་རྣམས་སྤྱན་དྲངས་ཏེ་ལྷ་དྲག་པོ་སོ་གཉིས་སུ་བསྡུས་པ་རང་ལ་འཇུག་པ་དང༌། དེ་ནས་རིག་མ་དང་སྦྱར་བ་ལས་ལྷ་དེ་རྣམས་པདྨར་ཞུ་བ་ལས། དཀྱིལ་འཁོར་རྒྱལ་མཆོག་དྲག་པོར་བསྐྱེད་པ་དང༌། ཕྱིར་སྤྲོས་ཏེ་གཡས་གཡོན་དུ་དགོད་པའི་དཀྱིལ་འཁོར་རྒྱལ་མཆོག་བྱེད་པ་དང༌། ལས་རྒྱལ་མཆོག་གི་དུས་སུ་ཁྲོ་བོ་སྤྲོ་བ་སོགས་དང༌། བཀུག་པ་ན་བཀའ་བསྒོས་ཏེ་གསད་ལས་དངོས་གཞི་བྱེད་པ་རྣམས་འདྲ་བར་སྦྱར་རོ། ༈ །གཙོ་བོ་རིགས་ལྔའི་བཀའི་འཁོར་ལོ་བསྟན་པར་མ་ཟད་ལྔ་པོ་དེའི་འཁོར་ཁྲོ་བོ་བཅུ་པོ་རྣམས་ཀྱི་བཀའི་འཁོར་ལོ་ཡང་བསྟན་པར་བྱ་བའི་ཕྱིར། སངས་རྒྱས་དཀྱིལ་འཁོར་རྡོ་རྗེ་ཅན། ཞེས་བྱ་བ་ལ་སོགས་པ་གསུངས་ཏེ། སངས་རྒྱས་དཀྱིལ་འཁོར་རྡོ་རྗེ་ཅན་ཞེས་པའི་རྡོ་རྗེ་ཅན་ནི་བདག་ཉིད་
ལྷག་མོས་ཀྱི་རྡོ་རྗེ་འཆང་དུ་བསྐྱེད་པའོ། །སངས་རྒྱས་དེའི་དཀྱིལ་འཁོར་ནི། ལྷག་མོས་ཀྱི་ལྷ་ལྷག་མ་རྣམས་སོ་དོ་། །ནམ་མཁའ་རྡོ་རྗེའི་དབུས་གནས་པར། ཞེས་པ་ནི་ལྷག་མོས་ཀྱི་ལྷ་རྣམས་འོད་གསལ་བར་ཞུགས་པར་བསམ་པ་སྟེ། དེ་བཞིན་ཉིད་ལས་བྱང་ཆུབ་པའོ། །དེས་མཚོན་པའི་མངོན་བྱང་ལྔ་པོ་དེ་ལས་རང་གི་རྡོ་རྗེ་ཞེས་བྱ་བ་རང་ཉིད་གཤིན་རྗེ་གཤེད་དུ་བསྐྱེད་པའི་དང་པོ་སྦྱོར་བ་བྱའོ། །དེ་ནས་འོག་གི་དུས་གསུམ་སངས་རྒྱས་ཞེས་སོགས་ཀྱི་དོན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱན་དྲངས་ཏེ་རང་གཤིན་རྗེ་གཤེད་དུ་བསྐྱེད་པའི་སྐུ་གསུང་ཐུགས་ལ་གཞུག་པ་ནི་སྔར་བཤད་པ་བཞིན་དུ་བྱའོ། །དེའི་འོག་ཏུ་དཀྱིལ་འཁོར་རྒྱ་མཆོག་སྒོམ་པ་ནི། གཤིན་རྗེ་གཤེད་ཀྱི་འཁོར་ལོ་ཆེ། ཞེས་པས་སྟོན་པ་ལ། དེའི་འཁོར་ལོ་ཆེ་ནི་གཙོ་བོ་གཤིན་རྗེ་གཤེད་ཀྱི་འཁོར་གྱི་ལྷ་སོ་གཅིག་སྟེ། གཙོ་བོ་དང་བཅས་པ་སྔར་བཅུག་པའི་ལྷ་རྣམས་ཞུ་བ་ལས་ཡུམ་གྱི་པདྨར་བསྐྱེད་པའོ། །ཀྱི་འཁོར་ལོ་ཆེ་སྟེ་འཁོར་དང་བཅས་པ་རབ་ཏུ་བརྟག་པར་བྱའོ། །དུས་གསུམ་སངས་རྒྱས་ནི་རྣམ་པར་སྣང་མཛད་ལ་སོགས་པའོ། །སེམས་དཔའ་རྣམས་ནི་བྱམས་པ་ལ་སོགས་པ་རྣམས་ཀྱང་སྐུ་གསུམ་དཀྱིལ་འཁོར་ཏེ། སྐུ་དང་གསུང་དང་ཐུགས་ལ་ཞུགས་པར་བརྟག་པར་བྱའོ། །གཤིན་རྗེ་གཤེད་ཀྱི་ཞེས་བྱ་བ་ལ་སོགས་པ་ལ། སླར་ཡང་སྟེ་ཕྱིས་ཀྱང་ཞེས་པ་ནི་མངའ་དུ་ལྷ་བསྐྱེད་པའི་འོག་ཏུའོ། །སངས་རྒྱས་ཞེས་བྱ་བ་ཞི་བའི་ངོ་བོར་གནས་པ་རྣམས།ཞེས་པ་ནི་མངའ་དུ་ཞི་བར་
བསྐྱེད་ནས་སྤྲོ་བ་ན་དྲག་པོར་བྱེད་པ་མིན་གྱི། བསྙེན་པའི་དུས་སུ་ཞི་བར་གནས་པའི་ལྷ་རྣམས་འདིར་དྲག་པོར་བསྐྱེད་ནས་གཤིན་རྗེ་གཤེད་དང་འདྲ་བའི་ཁྲོ་བོར་སྤྲོ་བའི་དོན་ནོ། །སྤྲོས་པ་རྣམས་ཚུར་བཀུག་སྟེ་ཕོ་མོ་རྣམས་གཡས་གཡོན་ཏུ་དགོད་དོ། །གཤིན་རྗེ་གཤེད་ཀྱི་མདོག་:པ་ཚབ:རྣམ་པ་འདྲ་བར་ཟེར། དང་འདྲ་བར་སྤྲོ་བར་བྱའོ། །དེ་བཞིན་གཤེགས་པ་དང་སེམས་དཔའ་རྣམས་སྤྲོས་པས། དུས་གསུམ་ལ་བཞུགས་པ་ཞེས་པ་འགྱུར་རྙིང་ལས། དུས་གསུམ་ལ་བཞུགས་སེམས་ཅན་དང༌། ཞེས་དང༌། དེ་བཞིན་ཞེས་པ་ནས། སྤྲོས་པས་ཞེས་པའི་བར་མི་བདེ་བས། སེམས་ཅན་:པ་ཚབ:དུས་གསུམ་བྱུང་བ་རྣམས། ཞེས་པ་དང༌། སེམས་ཅན་ནི་སྤྲོས་པའི་དེ་བཞིན་གཤེགས་པ་སྟེ། ཞེས་འབྱུང་བ་ལྟར་བདེ་ལ། དོན་ནི་ཤིན་ཏུ་ཞི་བའི་སྐུ་གསུམ་གྱི་བདག་ཉིད་ཅན་ཡང་དཀྱིལ་འཁོར་རྒྱལ་མཆོག་གི་ལྷ་དྲག་པོར་སྤྲོས་པ་འདི་ལྟ་བུ ར་བསྒོམ་པར་བྱའོ། ཞེས་པའོ། །དེ་ནས་ལས་རྒྱལ་མཆོག་བྱ་བ་ནི་གདུག་སེམས་ཅན་ཞེས་པ་ནི་བྱ་བ་མ་ཡིན་པ་བྱེད་པ་དང་ལྡན་པའི་སེམས་ཡོད་པའི་དགྲ་བོ་རྣམས་ཏེ། དཀོན་མཆོག་གསུམ་ལ་གནོད་པ་བྱེད་པ་ལ་ཞུགས་པ་རྣམས་ལྷ་རྣམས་ཤིན་ཏུ་ཁྲོས་པས་གསོད་པར་བསྒོམ་པར་བྱའོ། ༈ །རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་བཀའ་ནི་གདུག་པ་རྣམས་གཞོམ་པའི་ཕྱིར་བསྐུལ་བའོ། །དེ་ཉིད་ནི་གཙོ་བོར་གྱུར་པས་ན་དཀྱིལ་ཏེ་སྙིང་པོའོ། །དེ་ལེན་ཅིང་འཛིན་ལ་བདག་གིར་བྱེད་པས་ན་དཀྱིལ་འཁོར་ཏེ། དེ་གང་ཡིན་ཞེ་ན་དཀྱིལ་འཁོར་གྱི་བདག་པོ་གཤིན་རྗེ་གཤེད་ཉིད་དོ། །
དམ་ཚིག་ཐམས་ཅད་ནི་ལྷག་མོས་ཀྱི་རྡོ་རྗེ་འཆང་ཆེན་པོའོ། །ལྷག་མོས་འོད་གསལ་དུ་བསྡུས་པ་དེ་ལས་བྱུང་བ་ནི་ཁ་ཅིག་ཚིག་ཕྱི་མ་གཉིས་པོ་འདི་ལ་བརྟེན་ནས། དང་སྦྱོར་དུ་རྡོ་རྗེ་འཆང་དུ་བསྐྱེད་པ་ཡོངས་སུ་གྱུར་པ་ལས་གཤིན་རྗེ་གཤེད་དུ་སྐྱེད་ཅེས་པ་ནི་དོན་མིན་ཏེ། སྔར་དེ་བཞིན་ཉིད་ལས་བྱང་ཆུབ་པ་ལས། གཤིན་རྗེ་གཤེད་དུ་བསྐྱེད་པར་བཤད་པའི་ཕྱིར་དང༌། དམ་ཚིག་ཐམས་ཅད་ཅེས་སོགས་ཀྱི་དོན་ནི། སྔར་བཤད་པ་ལྟར་ཡིན་པའི་ཕྱིར་རོ། །གཤིན་རྗེ་གཤེད་དེ། གཤིན་རྗེ་གཤེད་དེ་དང་ནུས་པ་མཉམ་ཞིང་དྲག་པོའི་གཟུགས་སུ་གཅིག་པ་ནི་སྐུ་གསུམ་གྱི་ཡེ་ཤེས་རྡོ་རྗེ་སྟེ། འཁོར་གྱི་ཁྲོ་བོ་དགུ་རྣམས་སོ། །ཞེས་པ་འདིས་ཁྲོ་བོ་ལྷག་མ་དགུའི་ཏིང་ངེ་འཛིན་གསུམ་ཡང་གཤིན་རྗེ་གཤིད་བཞིན་དུ་བྱ་བར་བསྟན་ཏོ། །ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། ༈ །དཀྱིལ་འཁོར་གྱི་ལྷ་ཐམས་ཅད་ཀྱི་ཐུན་མོང་གི་བཀའི་འཁོར་ལོ་བསྟན་པར་བྱ་བའི་ཕྱིར། སྐུ་གསུང་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་རྡོ་རྗེ་ཞེས་བྱ་བ་རྣམ་པར་སྣང་མཛད་ལ་སོགས་པ་ལྷ་ལྔ་རྣམས་དང༌། ལྔ་པོ་དེའི་རིགས་ཀྱི་ལྷ་མོ་སྤྱན་མ་ལ་སོགས་པ་རྣམས་ཀྱི་བཀའི་འཁོར་ལོ་སྦྱར་བར་བྱའོ། །རང་སྔགས་ནི་རྣམ་སྣང་ལ་སོགས་པ་རང་གི་རིགས་དང་འབྲེལ་བ་བྱམས་པ་ལ་སོགས་པ་བརྒྱད་དོ་འོ་། །དེ་རྣམས་ཀྱི་དོན་ནི་དང་པོ་སྦྱོར་བའི་སྐབས་སུ་མངོན་བྱང་ལྔ་ལས་སྐུ་མདོག་ཕྱག་མཚན་སོགས་མདོར་བྱས་ཇི་ལྟ་བ་བཞིན་དུ་
བསྐྱེད་པའི་ཕྱག་རྒྱ་ཆེན་པོའི་གཟུགས་སོ། །དེའི་ཡོན་ཏན་ནི་དཀྱིལ་འཁོར་རྒྱལ་མཆོག་གི་སྐབས་སུ་བྱམས་པ་ལ་སོགས་པ་དེ་ཡོངས་སུ་གྱུར་པ་ལས་བྱུང་བའི་རྡོར་སེམས་དྲག་པོའི་ཁྲོ་བོའི་གཟུགས་ཀྱིས་ཏེ། དེ་དག་གིས་བཀའི་འཁོར་ལོ་བྱ་བའམ་སམ་ཡང་ཞེས་པའི་དོན་བྱམས་པ་ལ་སོགས་པ་རྣམས་རྡོར་སེམས་དྲག་པོར་བསྒྱུར་བའམ། ཡང་ན་རང་གི་རིགས་ཀྱི་ཁྲོ་བོ་བསྒྱུར་ཞེས་པའི་དོན་མིན་ཏེ། རྒྱུད་ལས། རྡོ་རྗེའམ་ཞེས་པ་དང་། ཡོན་ཏན་ནམ་ཞེས་དང་། ཡང་ན་གཙུག་ཏོར་ཞེས་པ་གསུམ་འབྱུང་བ་ནི་ཚན་པ་དེ་གསུམ་གྱི་སྒོ་ནས་བཀའི་འཁོར་ལོ་སྦྱོར་བའི་འདམ་དར་གསལ་བར་གསུངས་པའི་ཕྱིར་རོ། །བྱམས་པ་ལ་སོགས་པ་ཁྲོ་བོར་བསྒྱུར་བ་ནི་ལྷ་མོ་རྣམས་ལའང་ཤེས་དགོས་སོ། །ན་གཙུག་ཏོར་ཏེ་སྟེང་གི་ཆར་གནས་པའི་ཁྲོ་བོའི་རྒྱལ་པོ་དེ་དང་མཉམ་ཞིང་མཚུངས་པར་གྱུར་པས། གཙུག་གཏོར་དམ་ཚིག་ཅེས་པ་ནི་ཁྲོ་བོ་ཐམས་ཅད་དེ་དེ་རྣམས་ཀྱི་སྒོ་ན ས་ཀྱང་བཀའ་ཡི་འཁོར་ལོ་སྦྱར་བར་བྱའོ། ༈ །སྔར་བཤད་པའི་བཀའི་འཁོར་ལོའི་དགོས་པ་ལས་དགོས་པ་གཞན་དག་སྟེ་སྒྲུབ་ཐབས་ཀྱི་སྐབས་སུ་བསྲུང་འཁོར་སྒོམ་པ་སོགས་ཀྱི་དགོས་པ་བསྟན་པའི་ཕྱིར། སྔགས་ཀུན་ཞེས་བྱ་བ་ལ་སོགས་པ་གསུངས་ཏེ། སྔགས་ཀུན་ཞེས་བྱ་བ་དབང་པོ་ལ་སོགས་པའི་ཕྱོགས་སྐྱོང་བ་བཅུ་བགེགས་བྱེད་པ་རྣམས་བསྲུང་བའི་ཕྱིར་ཏེ་བཟློག་པར་བྱ་བའི་ཕྱིར། ཡེ་ཤེས་མཆོག་རྡོ་རྗེ་ཅན་ཞེས་བྱ་བ་སྒྲུབ་པ་པོས་ཞེ་སྡང་རྡོ་རྗེས་གཙོ་བོ་བྱས་པའི་ཁྲོ་བོ་བཅུའི་བཀའི་
འཁོར་ལོ་འདི་བྱའོ། །འདི་ནི་ཞེས་པ་ནི་བཀའི་འཁོར་ལོའོ། །བཤད་མ་ཐག་པའི་བགེགས་རྣམ་པར་གཞིག་པ། །དེ་དགོས་པ་ཅིའི་ཕྱིར་བྱ་ཞེ་ན། རྡོ་རྗེ་ཐམས་ཅད་དེ་སྒྲུབ་པ་པོ་ཐམས་ཅད་ཀྱི་བྱང་ཆུབ་བསྲུང་བའི་དོན་དུ་ཞེས་བྱ་བ་བྱང་ཆུབ་བསྒྲུབ་པའི་སེམས་བགེགས་ཀྱིས་གཞན་དུ་རྣམ་པར་གཡེང་བར་བྱེད་པ་དེ་ལས་བསྲུང་བའི་ཕྱིར་རོ་ཞེས་བྱ་བ་སྟེ། འདི་ནི་བཀའི་འཁོར་ལོའི་དགོས་པ་གཞན་བསྟན་པ་ཡིན་ཏེ། སྒྲ་ཇི་བཞིན་པའོ། ༈ །བསྐྱེད་རིམ་པར་མ་ཟད་ད་ནི་རྫོགས་པའི་རིམ་པ་ལ་གནས་པ་རྣམས་ཀྱི་ཡང་གདུག་པ་ཚར་བཅད་པའི་ཐབས་བསྟན་པར་བྱ་བའི་ཕྱིར། ནམ་མཁའི་རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། གདུག་པའི་བསམ་པས་སྣང་ཞིང་འབར་བས་ན་འགྱུར་རྙིང་གི་རྒྱུད་ལས། ཆོས་ཀྱི་སྣང་མཛད་ཅེས་པ་མ་དག་གོ །རྣམ་པར་སྣང་མཛད་སྟེ་སྒྲུབ་པར་བྱ་བའོ། །བསྒྲུབ་བྱ་དེའི་སྐུ་མཆོག་གི་སྒྲ་དོན་མཐའ་དག་ལས་བྱུང་བའི་སྐུ་གསུམ་དམ་ཚིག་ནི་ལུས་དང་ངག་དང་ཡིད་ཀྱི་བདག་ཉིད་ཅན་གྱི་ཆོས་སོ། །མཁའ་དབྱིངས་རྡོ་རྗེའི་དབུས་གནས་པར། ཞེས་བྱ་བ་བསྒྲུབ་བྱའི་ལུས་ངག་ཡིད་གསུམ་སྟོང་པ་འོད་གསལ་དུ་ཞུགས་པ ར་གྱུར་པར་བསམས་ནས་གདན་དུ་ཞེས་བྱ་བ་སྟེ། བསྒྲུབ་པར་བྱ་བའི་གཟུགས་ཟུང་འཇུག་པ་རང་གི་སྐྱེ་བ་དང་གནས་པའི་གཞི་འོད་གསལ་དུ་ཞུགས་པ ར་གྱུར་པར་བརྟག་པར་བྱའོ། །ནམ་མཁའ་ཡི་དབྱིངས་འོད་
གསལ་དེ་ཉིད་ནི་སངས་རྒྱས་ཐམས་ཅད་ཀྱི་ཞེས་བྱ་བ་བསྒྲུབ་བྱའི་སྒོ་གསུམ་རླུང་འོད་ཟེར་རྣམ་པ་ལྔ་ཙམ་དུ་བལྟ ས་ལ་འོད་ཟེར་རྣམ་པ་ལྔ་པོ་དེས་ཡོངས་སུ་གང་ཞིང་ཁྱད་པར་རྣམ་པར་བསྒོམ་མོ། །ཟུང་འཇུག་པ་བདག་ཉིད་ཀྱིའང་རང་གི་ཡི་གེ་ནི་ངག་གོ །གནས་ནི་ལུས་སོ། །ཡེ་ཤེས་ནི་སེམས་ཏེ་གསུམ་པོ་དེ་དག་ཐུགས་ཀྱི་རྣམ་པ་སྟེ་སྒྱུ་མ་ལྟ་བུར་སྒོམ་པར་བྱའོ། །ཡང་དེའི་འོག་ཏུ་སངས་རྒྱས་རྣམས་ནི་ཞེས་བྱ་བ་སྟེ། བསྒྲུབ་བྱ་བཤད་མ་ཐག་པའི་རླུང་འོད་ཟེར་ལྔ་པ་ཙམ་དུ་བལྟས་པ་དེ་སེམས་ཙམ་དུ་གནས་པར་བསྒོམས་ལ། རང་གི་སྐུ་ཕྱག་རྒྱ་ཆེན་པོར་བསྡུ་བར་བྱ་ཞིང་གཞུག་པར་བྱའོ། །དེ་དག་ཐམས་ཅད་ནི་ཐུགས་ཀྱི་རྡོ་རྗེར་བྱས་:ཆག:བྱས་ནས་སུ་ཟེར། པའི་ཕྱིར། ཞེས་པ་ནི་སེམས་ཙམ་མོ་ཞེས་ཤེས་པར་བྱས་ལ། སྐུ་གསུམ་ལ་ཞེས་བྱ་བ་རང་གི་ལུས་དང་ངག་དང་ཡིད་ལ་དེ་དག་གཟུད་ཅིང་གཞུག་པ་འདིས་ནི་མངོན་པར་འདོད་པའི་དོན་དགྲ་བོ་བསད་པ་དང༌། བསད་པ་མི་བསྐྱོད་པའི་ཞིང་དུ་སྐྱེ་བ་སོགས་རྫོགས་པར་འགྱུར་རོ། །རྡོ་རྗེ་ནི་གཞིག་པར་དཀའ་བ་སྟེ། བསྒྲུབ་པར་བྱ་བའོ། །དེ་འཇིག་པར་བྱེད་པ་ནི་སྔགས་རིན་པོ་ཆེ་སྟེ་སྦྱོར་བ་སྟེ་རྣལ་འབྱོར་གྱི་འི་ཁྱད་པར་འོད་གསལ་དུ་གཞུག་པའོ རོ། །དེའི་རབ་ཏུ་སྣང་བར་བྱེད་པ་ནི་གསལ་བར་བྱེད་པ་ཞེས་བྱ་བའི་ཏིང་ངེ་འཛིན་ཏེ། དགོངས་པས་བཤད་པའོ། །འདི་ཟུང་འཇུག་པས་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་བསད་པའི་བསམ་པས་
དགྲ་བོ་འོད་གསལ་དུ་གཞུག་པ་སོགས་བྱས་པས་མངོན་སྤྱོད་བྱ་དགོས་པའི་ཡུལ་རྣམས་ཚར་གཅོད་པར་ནུས་པའོ། ༈ །སྣོད་མནན་པ་ལ་གཉིས་ལ། བསྐྱེད་རིམ་པས་རེངས་པར་བྱ་བའི་ཆོ་ག་བསྟན་པར་བྱ་བའི་ཕྱིར། རྣམ་པའི་མཆོག་ཅེས་བྱ་བ་ལ་སོགས་པ་རྣམ་པའི་མཆོག་རྣམས་ཀུན་ལྡན་པའི། །རྡོ་རྗེ་སེམས་དཔའ་རབ་ཏུ་བསྒོམ། ཞེས་གསུངས་ཏེ། དེ་ལ་དང་པོར་བདག་ཉིད་བདག་པོ་རྡོ་རྗེ་འཆང་གི་འི་རང་བཞིན་དུ་བསྐྱེད་པའི་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་བྱས་ལ་ལས་རྒྱལ་མཆོག་གི་དུས་སུ་སྣོད་ཆུས་བཀང་བ་མདུན་དུ་བཞག །རང་ཉིད་ཆུའི་སྟེང་གི། ནམ་མཁའི་དབུས་སུ་འདུག་པར་མོས་སྟེ། སངས་རྒྱས་ཞེས་པ་ཆུའི་ནམ་མཁ འི་ཁམས་འ་དང་ཆུའི་རླུང་གི་རྡུལ་དང་ཆུའི་མེ འི་རྡུལ་དང་ཆུ་ཉིད་ཀྱི་རྡུལ་དང་ཆུའི་སའི་རྡུལ་གྱི་ངོ་བོ་ཉིད་རྣམས་རིམ་པ་བཞིན་དུ་ཧཱུཾ་ལས་མི་བསྐྱོད་པ་དང་ལ་སོགས་པ ས་ཡྃ་ལས་དོན་གྲུབ་ཀྱི་རང་བཞིན་རླུང་གི་དཀྱིལ་འཁོར་སྔོན་པོ་དང༌། དེའི་སྟེང་དུ་རྃ་ལས་འོད་དཔག་མེད་ཀྱི་རང་བཞིན་མེ་དཀྱིལ་དམར་པོ་དང༌། དེའི་སྟེང་དུ་བྃ་ལས་རིན་འབྱུང་གི་རང་བཞིན་ཆུ་དཀྱིལ་དཀར་པོ་དང༌། དེའི་སྟེང་དུ་ལྃ་ལས་རྣམ་སྣང་གི་རང་བཞིན་སའི་དཀྱིལ་འཁོར་སེར་པོ་རྣམས་གོང་ནས་གོང་དུ་གོ་རིམས་བཞིན་བཀོད་ནས་སྲ་ཞིང་མཁྲེགས་པར་བསྒོམ་མོ། །དེ་ལྟར་བསྒོམས་པས་ནམ་ཞིག་ན་ཆུ་དེ་རྐང་ལག་གིས་མནན་བཟོད་པ་བྱུང་བ་ན། རྒྱ་མཚོ་ལ་སོགས་པའི་ཆུ་ཡི་སྟེང་དུ་བཅག་པར་བྱ ས་ཀྱང་མི་འབྱིང་བ་སྟེ་སྒྲ་ཇི་བཞིན་
པའོ། ༈ །རྫོགས་པའི་རིམ་པའི་ཏིང་ངེ་འཛིན་ལ་གནས་པའི་སྣོད་གནོན་པ་བསྟན་པར་བྱ་བའི་ཕྱིར། རྐང་པ་མཉམ་གཞག་ཅེས་བྱ་བ་ལ་སོགས་པ་གསུངས་ཏེ། རྐང་པ་མཉམ་གཞག་སྦྱོར་བ་ཡིས། ཞེས་བྱ་བ་ནི། བདེན་པ་གཉིས་ཀྱི་རྐང་པ་གཉིས་མཉམ་པར་བཞག་པའི་སྦྱོར་བ་སྟེ། ཟུང་འཇུག་གི་སྐུ་གཅིག་ཏུ་བྱས་པ་སྟེ། ཡེ་ཤེས་ཀྱི་རང་བཞིན་གྱི་ལུས་དེས་སྤྱི་བོ་ཞེས་བྱ་བ་ཆུའི་སྟེང་དུ་རྐང་པ་བསྒོམ་པ་ཞེས་བྱ་སྟེ། བཅག་པར་བྱའོ་ཞེས་བཅོམ་ལྡན་འདས་ངོ་བོ་ཉིད་དག་པ་ཞེས་བྱ་བ་དྲུག་པས་དེ་སྐད་ཅེས་བཀའ་སྩལ་ཏོ། །རྡོ་རྗེ་ནི་བསྐྱེད་རྫོགས་པའི་རྣལ་འབྱོར་པ་རྣམ་པ་གཉིས་སོ། །གཉིས་པོ་དེ་རྣམས་ཀྱིས་རྒྱ་མཚོ་ལ་སོགས་པར་རྐང་པས་གནོན་པ་ཞེས་བྱ་བ་འཆག་པ་གང་ཡིན་པའི་ཏིང་ངེ་འཛིན་དེ་ལ་དེ་སྐད་ཅེས་བྱ་སྟེ། དགོངས་པས་བཤད་པའོ། ༈ །བཅུད་གནོན་པ་ལ་ངག་གནོན་པ་ནི་དབང་ཆེན་ཞེས་བྱ་བ་ལ་སོགས་པ་ལ་ནང་ལ་གཞོལ་བས་རང་གི་ལྷའམ་རྡོ་རྗེ་འཆང་གི་སྒོ་ནས། ཏིང་ངེ་འཛིན་གཞན་གཉིས་སྔོན་དུ་བྱས་ལ། ལས་རྒྱལ་མཆོག་གི་དུས་སུ་དབུས་སུ་སྟེ་བསྒྲུབ་པར་བྱ་བའི་མུ་སྟེགས་དང་གཞན་ཕས་ཀྱི་རྒོལ་བ་རྩོད་པ་བྱེད་པའི་ཁའི་བུ་གར་དབང་ཆེན་གྱི་དཀྱིལ་འཁོར་ཞེས་བྱ་བ་ལྃ་ལས་བྱུང་བའི་མདོག་སེར་པོ་རྡོ་རྗེ་གཉིས་ཀྱིས་མཚན་པ་བསམས་ལ། དེའི་སྟེང་དུ་ཁྲོ་བོ་སྟེ་ཡི་གེ་ཧཱུཾ་རིང་པོ་ལས་བྱུང་བའི་རྡོ་རྗེ་ནག་པོ་རྩེ་ལྔ་པ་མེ་འབར་བ་བཞག་པས་
མནན་ཞིང་ཁ་བཀབ་པར་བསམ་མོ་ལ་། སྤྱི་བོར་ཞེས་བྱ་བ་བསྒྲུབ་པར་བྱ་བའི་མགོ་ལ་ལས་ཀྱི་རྡོ་རྗེ་སྟེ་སྣ་ཚོགས་རྡོ་རྗེའོ། །དེ་ཉིད་:པ་ཚབ:དེ་ཡི་སྤྱི་བོར་ལས་ཀྱི་ནི། །རྡོ་རྗེ་གནས་མནན་བསྒོམ་པར་བྱ། ཞེས་དང༌། དེ་ཉིད་ནི་གནས་ཏེ་དེ་མནན་པས་ཏེ། དེར་གནས་པའི་བདུད་རྩི་འཁྱིལ་བ་ཞེས་པ་བདེའོ། །ནི་རྐང་པ་སྟེ་དེས་གནོན་པ་ནི་དེར་གནས་པའི་བདུད་རྩི་ཐབ་སྦྱོར་ནི་སེར་པོ་རི་རབ་ལྟར་ལྕི་བ་གཡོན་བརྐྱང་གིས་སྣ་ཚོགས་རྡོ་རྗེ་གནོན་པ་བསྒོམ་པར་བྱ་བའོ། །མུ་སྟེགས་ཅན་ཐམས་ཅད་ནི་གཅེར་བུ་པ་ལ་སོགས་པའོ། །ཕས་ཀྱི་རྒོལ་བ་ནི་སྔ་མ་ལས་གཞན་པའི་ཕྱིར་རྒོལ་བ་ལས་དེ་བྱ་བར་འོས་པ། །དེ་རྣམས་ཀྱི་འཁྲུལ་འཁོར་ནི་ལུས་ལ་སོགས་པ་སྟེ་དེ་གནོན་པའོ། །ཏིང་ངེ་འཛིན་དེ་གང་དུ་འབྱུང་བ་དེ་ལ་ཡང་དེ་སྐད་ཅེས་བྱའོ། ༈ །གཞན་གྱི་དཔུང་གནོན་པ་སྟོན་པ་ནི་རྡོ་རྗེ་གསུམ་མཆོག་ཅེས་བྱ་བ་ལ་སོགས་པ་ལ། སྒྲུབ་པ་པོ་བདག་ཉིད་རྡོ་རྗེ་འཆང་ཆེན་པོའི་དང་པོ་སྦྱོར་བ་བྱས་ལ། རྡོ་རྗེ་འཆང་དེའི་གཟུགས་ཡོངས་སུ་བསྒྱུར་ནས་གཙུག་ཏོར་སོགས་ཀྱི་ཁྲོ་བོ་གཞན་གང་ཡང་རུང་བའི་གཟུགས་བཟུང་སྟེ། རྡོ་རྗེ་གསུམ་མཆོག་ཅེས་བྱ་བ་རང་གི་འཁོར་དང་བཅས་པའི་ལྷ་སོ་གཉིས་བསྐྱེད་པ་ནི་དཀྱིལ་འཁོར་རྒྱལ་མཆོག་གོ །ལས་རྒྱལ་མཆོག་གི་དུས་སུ་གེ་སར་སེར་པོའི་མདོག་འདྲ་བ་སྟེ་པདྨའི་གེ་སར་གྱི་རྡུལ་ལྟར་སེར་པོའི་མདོག་འདྲ་བ་དང་ལྷ་ཐམས་ཅད་ཀྱང་རིའི་རྒྱལ་པོ་ལྟ་བུ་སྟེ་ཚད་རི་རབ་
དང་འདྲ་བ་སྤྲོས་ཏེ་གླང་པོ་ཆེ་དང་རྟ་དང་ཤིང་རྟའི་བཞོན་པ་ཅན་དང་དཔུང་བུ་ཆུང་རྐང་ཐང་སྟེ་ཡན་ལག་བཞིའི་དཔུང་གི་སྟེང་དུ་བསམས་ནས། ཡན་ལག་བཞིའི་སྤྱི་བོར་ས་དཀྱིལ་དེའི་སྟེང་དུ་སྣ་ཚོགས་རྡོ་རྗེ་ཁྲོ་བོ་དེ་རྣམས་ཀྱིས་གཡོན་བརྐྱང་གིས་གནོན་པར་རབ་ཏུ་བསྒོམས་ལ་དགྲའི་དཔུང་ས་འོག་ཏུ་སོང་བར་བསམ་མོ། །སངས་རྒྱས་ནི་རེངས་པར་བྱ་བ འི་ལས་སྦྱོར་ལ་མཁས་པ་སྟེ། དེ་རྣམས་ཀྱི་དཔུང་ཡང་གནོན་པར་བྱེད་ན་གཞན་དག་ལྟ་སྨོས་ཀྱང་ཅི་དགོས་ཏེ། འདི་ལ་ཐེ་ཚོམ་མི་བྱའོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ལས་བྱུང་བ་དྲུག་པས་དེ་སྐད་ཅེས་བཀའ་སྩལ་ཏོ། །དཔུང་ཐམས་ཅད་ནི་སངས་རྒྱས་ཀྱི་ཞེས་པ་སྔར་ལྟར་རོ། །དཔུང་ཐམས་ཅད་ཏེ་དེ་གནོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། ༈ །དགྲ་བོ་སྐྲག་པ་ཞེས་བྱ་བ་ལ་སོགས་པ་ལ། དགྲ་བོ་སྟེ་དམ་པའི་ཆོས་སྤོང་བར་བྱེད་པ་སྐྲག་པའི་དམ་ཚིག་སྟེ། དགྲ་བོའི་དཔུང་གིས་རང་ལ་འཇིགས་པ་བསྐྱེད་པ ར་བྱེད་པའི་དུས་སུ་འོག་ནས་བཤད་པའི་བསམ་གཏན་འདི་རབ་ཏུ་བརྟག་པར་བྱའོ། །:ཆག:སངས་རྒྱས་ཀྱིས་ཀྱང་སྟེ། ལས་དང་པོ་པ་རྣམས་ཀྱིས་ཀྱང་གལ་ཏེ་སྦྱོར་བ་འདི་བགྲོད་ཅིང་བསླབས་ན། གསལ་བར་འགྱུར་བར་འཇིག་རྟེན་དུ་སྣང་བར་
འགྱུར་ཞེས་པ་འདི་བདེའོ། །སངས་རྒྱས་ཏེ་ལས་དང་པོ་པ་རྣམས་ཀྱིས་ཀྱང་གལ་ཏེ་སྦྱོར་བ་འདི་ལས་འདས་ཤིང་བཟླས་ན་འགས་པར་འགྱུར་བ་སྟེ་འཇིག་རྟེན་དུ་སྣང་བར་འགྱུར་བ་འདི་ལ་ཐེ་ཚོམ་མེད་དོ། །གསུངས་སོ་ཞེས་བྱ་བ་ནི་སྦྱོར་བ་ཡང་དག་པར་བསྟན་པའོ། །འདི་ལ་མི་བསྐྱོད་པའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་སྦྱོར་གྱིས་དུས་སུ་ཧཱུྃ་ཞེས་བྱ་བ་ལ་སོགས་པ་ལ། ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་ཁ་གྱེས་པ་བྱུང་བར་གྱུར་པའོ། །ཚད་དུ་སྟེ་ཞེས་པ་ནི་དབྱིབས་ཏེ་དེའང་རྡོ་རྗེ་རྩེ་ལྔ་པ་ལ་འོག་སྟེ་ལྟེ་བ་མན་ཆད་ཕུར་བུའི་དབྱིབས་སུ་བྱས་པ། དེ་ནས་སྟེང་དུ་མིག་ལ་སོགས་པའི་ཡན་ལག་དང་ལྡན་པས་ཏེ་ལྟེ་བ་མན་ཆད་རྩེ་གཅིག་པའི་རྣམ་པ་ཅན་ལ་སྟོད་བདུད་རྩི་ཐབ་སྦྱོར་གྱི་གཟུགས་སུ་སྒྲུབ་པ་པོས་བསྒོམས་ལ། སྙིང་ཁ་སྟེ་བསྒྲུབ་པར་བྱ་བའི་སྙིང་ཁར་ཕུར་བུ་དེས་བཏབ་ཅིང་བཅད་ཅིང་གཏུབ་པར་བརྟག་ཅིང་བསྒོམ་པར་བྱའོ། །སངས་རྒྱས་:པ་ཚབ:སངས་རྒྱས་ནི་རྒྱུད་དང་སྔགས་ཀྱི་ལས་ལ་མཁས་པའོ། །ཞེས་ཟེར་རོ། །ནི་རྒྱུད་དང་སྔགས་ཀྱི་རིགས་སོ། །དེ་རྣམས་ཀྱི་དཔུང་ནི་ཚོགས་སོ། །ཁྲོས་པ་ནི་ཕྱིར་ཏེ་ཚུར་རང་ལ་རྒོལ་བར་གྱུར་པའོ། །འཇིགས་པར་འགྱུར་བ་ནི་འདུལ་བར་འགྱུར་བར་འདིར་གདོན་མི་ཟའོ། །དགྲ་ནི་དགྲ་བོ་རྣམས་ཏེ་དེ་རྨོངས་པ་ནི་མཐོ་རིས་ཐོབ་འདོད་སོགས་ཀྱི་དགེ་བའི་བསམ་པས་ཀྱང་ཡིད་དང་མི་མཐུན་པ་ཕྱུགས་ཀྱི་མཆོད་སྦྱིན་སོགས་ལ་འཇུག་པའོ། །དེ་ལ་གནོད་པར་བྱེད་པ་ནི་སྲོག་འཇིག་པར་བྱེད་པ་སྟེ་ཏིང་ངེ་འཛིན་
དེ་གང་དུ་སྟོན་པ་དེ་ལ་དེ་སྐད་ཅེས་བྱའོ། ༈ །བདུད་དང་ལ་སོགས་པ ས་མ་མོ་སོགས་ཀྱིས་བཏང་བ འི་རྣམ་པར་འཚེ་བ་རྣམས་ཞི་བའི་སྦྱོར་བ་བསྟན་པར་བྱ་བའི་ཕྱིར། གྲོང་ངམ་ཞེས་བྱ་བ་ལ་སོགས་པ་གསུངས་ཏེ། གྲོང་ནི་རྒྱལ་པོའི་ཕོ་བྲང་ངོ༌། །གྲོང་ཁྱེར་ནི་སྐྱེ་བོ་རྣམས་གནས་པའི་ཕྱོགས་གཅིག་གོ །ལྗོངས་ཞེས་བྱ་བ་ཡང་སྐྱེ་བོ་མང་པོ་གནས་པ་ལ་བྱ་བ་སྟེ། དེར་འོག་ནས་བཤད་པའི་སྦྱོར་བ་བྱ་བའོ། །དེ་ཡང་རྣམ་སྣང་གི་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་སྐབས་སུ་ནད་ཀུན་སྤོང་བ་ཞེས་བྱ་བ་ལ་སོགས་པས་ནི་སྦྱོར་བའི་ནུས་པ་བསྟན་པ་ཡིན་ཏེ། དེ་ལ་དང་པོར་སྒྲུབ་པ་པོས་སེམས་ཅན་རྣམས་ལ་སྙིང་རྗེ་ཆེན་པོ་དམིགས་པ་སྟེ་བསྐྱེད་ནས་ནད་པ་རྣམས་གནས་པའི་གྲོང་གི་སྟེང་བར་སྣང་གི་ཕྱོགས་སུ་ༀ་ལས་བྱུང་བའི་ཟླ་བའི་སྟེང་དུ་ཧཱུཾ་ལས་བྱུང་བའི་ཤིང་ཏ་ལའི་ཚད་ཙམ་གྱི་རྡོ་རྗེ་ཆེན་པོ་རྩེ་མོ་ལྔ་པ་འོད་ཟེར་ལྔ་དང་ལྡན་པ་བསྒོམས་ལ། དེ་ལས་བྱུང་བའི་འོད་ཟེར་ཚོགས་སྲེག་པའི་སྐལ་པ་ལྟ་བུ་སྟེ། དུས་མཐའི་མེ་བཞིན་དུ་གནས་པ་དེས་སེམས་ཅན་ནད་པ་རྣམས་ཀྱི་སྡིག་པ་ཐམས་ཅད་སྲེག་པར་བསམས་ལ། དེའི་འོག་ཏུ་སླར་ཡང་རྡོ་རྗེ་ལས་འཕྲོས་པའི་འོད་ཟེར་གྱིས་རྡོ་རྗེ་དེར་རབ་ཏུ་བསྡུ་བར་བྱ་སྟེ་སེམས་ཅན་རྣམས་རྡོ་རྗེའི་ལྟེ་བའི་ནང་དུ་གཞུག་པར་བྱའོ། །སྤྲོ་བ་ཞེས་པ་ནི་རྡོ་རྗེ་དེ་ལས་བཅུག་པའི་སེམས་ཅན་ཕྱིར་འབྱིན་པ་དག་ཀྱང་བྱ་ཞིང་
ཉམས་སུ་བླང་ངོ༌། །འབྱིན་པ་ཇི་ལྟར་བྱ་ཞེ་ན། ནོར་བུ་རིན་ཆེན་ཞེས་པ་པདྨ་རཱ་ག་ལ་སོགས་པ་ཡིད་བཞིན་གྱི་ནོར་བུ་རིན་པོ་ཆེ་ཞེས་བྱ་བ་ཡིད་ལ་རེ་བ་སྐོང་བའོ། །འོད་ནི་ཚོན་ཤེལ་གྱི་ནོར་བུ་ལྟར་དྭངས་པའི་ལུས་ཀྱི་ཁ་དོག་སྟེ། ཡིད་བཞིན་གྱི་ནོར་བུ་རིན་པོ་ཆེའི་འོད་དེ་རྣམས་ཀྱིས་ཉེ་བར་མཚན་པའི་ཆོས་ཀྱི་སྤྲིན་ཞེས་བྱ་བ་བཤད་མ་ཐག་པའི་འོད་ཟེར་གྱིས་སྡིག་པ་སྲེག་པའི་རིམ་པས་སྦྱངས་པའི་སེམས་ཅན་གྱི་ཚོགས་ནོར་བུ་ལྟར་ཤིན་ཏུ་དྭངས་ཤིང་འོད་དང་ལྡན་པ་རྡོ་རྗེ་ལས་ཕྱིར་ཕྱུང་བ་བསྒོམ་ཞིང་སྟེ་རང་རང་གི་གནས་སུ་ཟླ་བ་ལ་དགོད་དོ། །དེ་ལྟར་བཀོད་ནས་ཀྱང་དེའི་འོག་ཏུ་འཆད་འགྱུར་གྱི་རིམ་པ་འདིས་དབང་བསྐུར་བ་ནི་ཡང་དག་པར་བྱ་བ་སྟེ། ནམ་མཁའི་སྟེང་དུ་རྣམ་པར་སྣང་མཛད་ཀྱི་ཚོགས་རང་གི་ཕྱག་རྒྱ་དང་སྙོམས་པར་ཞུགས་པར་བསྒོམས་ལ། དེ་ལྟར་ཞུགས་པའི་སྦྱོར་མཚམས་ལས་བྱུང་བའི་བྱང་ཆུབ་ཀྱི་སེམས་ཀྱི་རྒྱུན་འབབ་པས་སེམས་ཅན་རྣམས་ཀྱི་སྤྱི་བོ་ནས་དབང་བསྐུར་བར་བྱའོ་སྟེ་ནད་ལ་སོགས་པའི་ཕྱི་ནང་གི་དྲི་མ་རྣམས་སྦྱངས་པར་བསམ་མོ། །ཞེས་བྱ་བ་ནི་འཕགས་པའི་མན་ངག་གོ ། ༈ དེ་ལྟར་བྱས་པའི་ཕན་ཡོན་སྟོན་པ་ནི་རྡོ་རྗེ་བསམ་གཏན་ཞེས་བྱ་བ་ལ་སོགས་པ་ལ། ཞི་བའི་དོན་དུ་བསྟན་པའི་རྡོ་རྗེའི་བསམ་གཏན་བཤད་མ་ཐག་པ་འདི་ཡིས་ནི་དགང་དཀའ་བ་སྟེ།
ལུས་ཀྱི་ཉམས་སྟོབས་ཟད་པ་རྣམས་ཀྱང་རབ་ཏུ་འགེངས་ཤིང་ཡན་ལག་རྒྱས་པར་འགྱུར་རོ། །དེ་ལྟ་བུའི་བསམ་གཏན་གྱིས་སྟོབས་ཀྱིས་ལུས་རྒྱས་པ་བསྒྲུབ་བྱ་ལ་སྦྱིན་པའི་རྡོ་རྗེ་ཞེས་པ་སྟེ། དེ་འདྲ་བའི་སྦྱིན་པ་ཕུལ་དུ་བྱུང་བ་དེ་རབ་ཏུ་བསྒོམ་ཞིང་གསལ་བར་བྱེད་པས་ན་སྦྱིན་པའི་རྡོ་རྗེ་སྒོམ་བྱེད་པའོ། །དེ་ལྟར་སྒོམ་པར་བྱེད་པ་དེ་ནི་ཡིད་བཞིན་གྱི་ནོར་བུ་ནི་རིན་ཆེན་འབྱུང་ལྡན་ནོ། །དེའི་དཔལ་ནི་ཕུན་སུམ་ཚོགས་པ་སྟེ། དེ་གང་ལ་ཡོད་པ་དེ་ནི་དཔལ་ལྡན་ཏེ་དེར་ཏེ་དེ་དང་འདྲ་བར་འགྱུར་བའོ། །ས་ཕྱོགས་དེ་བྱིན་གྱིས་བརླབས་པ་ནི་དེར་ཞེས་བྱ་བ་ནི་སེམས་ཅན་གྱི་རྟེན་དུ་གྱུར་པའི་ས་དེར་སངས་རྒྱས་རྣམ་པར་སྣང་མཛད་དང་ཆོས་ཆེན་འོད་དཔག་ཏུ་མེད་པ་དང་རྡོར་སེམས་མི་བསྐྱོད་པའི་ཚོགས་ཀྱིས་ལེགས་པར་བྱིན་གྱིས་བརླབས་པར་སྤྲོ་བར་ཏེ་བསམ་ཞིང་བསྒོམ་པར་བྱའོ། །དེ་ནས་ཅིར་འགྱུར་ཞེ་ན། བསྐལ་པ་གྲངས་མེད་པ་གསུམ་གྱི་དུས་སུ་ཡང་གྲོང་ཁྱེར་ལ་སོགས་པའི་གནས་དེ་སངས་རྒྱས་ཐམས་ཅད་ཀྱིས་བྱིན་གྱིས་རློབ་ཅིང་ཡོངས་སུ་སྐྱོང་བར་མཛད་པ་སྟེ། བཤད་མ་ཐག་པ་འདི་ནི་སངས་རྒྱས་ཐམས་ཅད་ཀྱི་གསང་བ་སྐྱོན་མེད་པ་སྟེ། མི་སླུ་བའི་སྐུའི་གསང་བ་ལུས་བསྲུང་བར་བྱེད་པའོ། །ནད་ཐམས་ཅད་ནི་རིམས་ལ་སོགས་པའོ། །དེ་རྣམས་མེད་པར་བྱེད་པ་ནི་རབ་ཏུ་ཞི་བའོ། །དེའི་འོག་ཏུ་རྡོ་རྗེ་
ལྟ་བུའི་ལུས་འབྱུང་བ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། ༈ །བསམ་གཏན་ཞེས་བྱ་བ་ལ་སོགས་པས་ནི། ལས་དང་པོ་པ་བསྐྱེད་རིམ་པའི་དགེ་བའི་བྱ་བ་སྒྲུབ་ཐབས་དངོས་གཞི་འི་ཡན་ལག་ཏུ་གྱུར་པའི་བསྲུང་བའི་འཁོར་ལོའི་ཆོ་ག་གསུངས་པ་ཡིན་ཏེ། བསམ་གཏན་ལས་བྱུང་བའི་གདུག་པའི་ཕུར་བུས་ཞེས་པ་ནི་ཏིང་ངེ་འཛིན་གྱིས་བསྐྱེད་པའི་ཕུར་བུས་སོ། །དམ་བཅས་པས་ཏེ། ཕུར་བུས་འདེབས་པ་དེ་ཐུན་བཞིར་ཉམས་སུ་བླངས་པས་སོ། །གནས་གང་དུ་ནི་ཞེས་པ་ནི་ཡིད་དང་རྗེས་སུ་མཐུན་པའི་གནས་གང་ཡང་རུང་བར་གནས་ལ་འོག་ནས་བཤད་པའི་ཕུར་གདབ་འདི་བརྩམ་པར་བྱའོ། །བསམ་གཏན་ནི་ཞེ་སྡང་རྡོ་རྗེས་གཙོ་བོ་བྱས་པའི་ཁྲོ་བཅུ་སྒོམ་པའི་བསྲུང་བའི་ཆོ་གའོ། །དེ་སྔོན་དུ་འགྲོ་བའི་སྦྱོར་བ་ནི་ཏིང་ངེ་འཛིན་གསུམ་ཏེ་བསམ་གཏན་གྱི་སྦྱོར་བ་དེས་གནས་ན་སྟེ་རྡོ་རྗེ་སེམས་དཔའ་ལ་སོགས་པའི་སྦྱོར་བ་སྟེ་རྣལ་འབྱོར་ལ་སློབ་པ་ན་སངས་རྒྱས་ཏེ། རང་གི་ལྷ་རྣམས་ཀྱིས་བྱིན་གྱིས་རློབ་ཅིང་སྟེ་ལྷ་དང་ནུས་པ་གཅིག་ཏུ་སྟེ་མཚུངས་པར་འགྱུར་རོ། །བསམ་གཏན་གྱི་ཕུར་བུ་དེ་ཉིད་བསྟན་པར་བྱ་བའི་ཕྱིར། རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་བདུད་རྩི་རྒྱལ་པོ་ཆེ། ཞེས་བྱ་བ་ནི། བདུད་རྩི་ཐབ་སྦྱོར་ཏེ་དེ་རྡོ་རྗེ་ཕུར་བུ་སྟེ་ལྟེ་བ་ཡན་ཆད་ཁྲོ་བོའི་གཟུགས་
ལ། ལྟེ་བ་མན་ཆད་རྩེ་གཅིག་པའི་གཟུགས་སུ་རབ་ཏུ་བསྒོམས་ལ་མེ་སྟག་རབ་ཏུ་འབར་བ་འདྲ་བའི་ཕུར་བུ ས་ཕྱོགས་བཅུ་སྟེ་ཤར་ལ་སོགས་པའོ། །དེ་རྣམས་ཀྱི་དཀྱིལ་འཁོར་གྱི་མཆོག་ནི་བགེགས་ཀྱི་གཙོ་བོ་ཕྱོགས་སྐྱོང་སྟེ། དེ་དང་བཅས་པར་བགེགས་གཞན་རྣམས་ཀྱི་ཡང་མགོ་ལ་ཕུར་བུ་གདབ་པར་བྱ་ཞིང་ནུབ་པར་བྱའོ། །འགྲོ་བ་ནི་སྒྲུབ་པ་པོ་ལ་སོགས་པའོ། །དེ་ལོག་པར་བསྒྱུར་ཞིང་སེམས་བསྒྱུར་བ་ལ་སོགས་པས་ཁྲིད་ཅིང་འདྲེན་པར་བྱེད་པས་ན་འགྲོ་བ་འདུལ་བ་སྟེ་བགེགས་རྣམས་སོ། །དེ་རྣམས་ཞི་བ་ནི་ངེས་པར་བཟློག་པ་སྟེ། དེ་ཉིད་མི་ཕྱེད་པས་ན་རྡོ་རྗེའོ། །ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། ༈ །སྔར་བཤད་པའི་ཞི་བའི་ལས་རྒྱས་པར་འཆད་པ་ནི་ཞི་བའི་ཞེས་བྱ་བ་ལ་སོགས་པ་ལ། ནམ་མཁའི་དབྱིངས་ཀྱི་དབུས་ཏེ་ཆོས་འབྱུང་གྲུ་གསུམ་པ་ལ་གནས་པའི་གཞལ་ཡས་ཁང་ནས། ཟླ་བ་ལས་བྱང་ཆུབ་པའི་བར་འདྲ་བ་ལ་ཟླ་བའི་སྟེང་དུ་ཞི་བའི་དཀྱིལ་འཁོར་དམ་པ་སྟེ། ཆུའི་དཀྱིལ་འཁོར་ཡོངས་སུ་རྫོགས་པ་བསམ་ཞིང་བསྒོམ་པར་བྱའོ། །དེར་ཡི་གེ་ༀ་དང་དེ་ལས་བྱུང་བའི་འཁོར་ལོ་ལས་བྱུང་བའི་རྣམ་པར་སྣང་མཛད་ཀྱི་གཟུགས་ཇི་ལྟ་བ་བཞིན་དུ་བདག་ཉིད་བསམས་ལ་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་བྱས་ཏེ། ལས་རྒྱལ་མཆོག་གི་ཚེ་རང་རྣམ་སྣང་དུ་བསྒོམས་པ་དེའི་ཐུགས་ཀར་བཀོད་པའི་ཡེ་ཤེས་སེམས་དཔའི་ཐུགས་ཀའི་
ཟླ་གདན་གྱི་སྟེང་གི་འཁོར་ལོ་ལ་འདོད་པ་སྟེ་བསྒྲུབ་པར་བྱ་བའི་གང་ཟག་འོད་ཟེར་གྱིས་དྲངས་ཏེ། རང་གི་སྣ་བུག་གཡོན་པ་ནས་ཞུགས་པ་བཞག་ཅིང་དགོད་པར་བྱའོ། །དེའི་འོག་ཏུ་ནམ་མཁའི་དབྱིངས་ཏེ་ནམ་མཁའི་ཁོངས་སུ་གཏོགས་པ།:པ་ཚབ:གང་དག་ལ་སྤྱན་ལ་སོགས་པ་མཆོག་ཏུ་གྱུར་པ་མངའ་བ་དེ་དག་ནི། སྤྱན་ལ་སོགས་པ་མཆོག་ཅན་རྣམས་ཏེ་རྣམ་པར་སྣང་མཛད་ཀྱི་ཚོགས་རྣམས་སོ། །སྤྱན་ལ་སོགས་པའི་མཆོག་ཅན་བདེ་བ་ཆེན་པོ་ལ་སྙོམས་པར་ཞུགས་པ་ཞེས་ཟེར་བ་ལྟར་བདེའོ། །སྤྱན་ལ་སོགས་པ་མཆོག་ཏུ་གྱུར་པ་གང་ཡིན་པ་དེ་དག་ནི། སྤྱན་ལ་སོགས་པའི་མཆོག་རྣམས་ཏེ་རྣམ་པར་སྣང་མཛད་ཀྱི་ཚོགས་སོ། །དེ་ཡང་སྤྱན་ལ་སོགས་པ་མཆོག་དེ་རྣམས་བདེ་བ་ཆེན་པོ་ལ་སྙོམས་པར་ཞུགས་ནས། ནམ་མཁའི་ཁམས་ཡོངས་སུ་གང་ཞིང་ཁྱད་པར་རྣམ་པར་བསྒོམས་ལ། སྙོམས་པར་འཇུག་པས་སྤྱན་ལ་སོགས་པ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་དེ་དག་ཐམས་ཅད་བསྡུས་ཤིང་གཅིག་ཏུ་བྱས་ལ་འོད་ཀྱི་གོང་བུ འི་རྣམ་པ ས་དེའི་བདུད་རྩིའི་ཚོགས་རང་གི་སྤྱི་བོ་ནས་ཞུགས་པ་དེས་ནད་པའི་སྤྱི་བོར་ཕབ་ནས་སྡིག་པ་ཐམས་ཅད་གཞོམ་པར་བྱའོ། །དེ་ནས་རང་གི་སྙིང་ག་ནས་ནད་པ་དེ་སྣ་བུག་གཡས་པའི་སྒོ་ནས་ཕྱུང་ལ། སྡིག་པ་དང་བྲལ་བ་མདུན་དུ་ༀ་ཡིག་ལས་བྱུང་བའི་ཟླ་བའི་དཀྱིལ་འཁོར་ལ་བཞག་གོ །དེ་ནས་ག་བ་སྤུ་རྣམས་ཀྱི་བུ་གནས་ཏེ།ཁབརྟུལ་ཞུགས་ཅན་
གྱི་སྒྲུབ་པ་པོས་ངརང་གི་རྡོ་རྗེ་བུ་ག་ནས་ཀསངས་རྒྱས་ཀྱི་སྤྲིན་དུ་མ་སྔར་སྤྱན་དྲངས་པ་རྣམས་གྱི་འོད་ཟེར་གྱི་གཟུགས་ཀྱིས་རང་གི་སྤྱི་བོའི་བུ་གར་ཞུགས་པ་རྣམས།ཅཡུམ་གྱི་པདྨར་སྤྲོ་ཞིང་དེ་ནས་ཕྱིར་དབྱུང་བར་བྱའོ་ངོ༌་། །འོད་ཟེར་གྱི་གཟུགས་དེ་རྣམས་ཕྱིར་འབྱིན་པའི་ཚེ། ཇི་ལྟར་བྱ་ཞེ་ན། འོད་ཟེར་གྱི་གཟུགས་དེ་རྣམས་རྣམ་སྣང་ཡབ་ཡུམ་དཔག་ཏུ་མེད་པར་གྱུར་ཏེ། རྣམ་པར་སྣང་མཛད་ཡབ་ཡུམ་ཀྱི་ཚོགས་ཀྱིས་ཡང་ནམ་མཁའི་ཁམས་ཁེབས་ཤིང་གཡོགས་པར་བསམས་ནས་བརྟུལ་ཞུགས་ཅན་གྱིས་དེའི་ཚེ་དེའི་དུས་སུ་རང་རྣམ་སྣང་དུ་བསྒོམས་པ་དེའི་མདུན་ན་འདུག་པ་དེ་ལ་སྔ་མ་བཞིན་དུ་དབང་བསྐུར་ཏེ། སྐུར་ཚུལ་ནི་སངས་རྒྱས་ཀྱི་སྟེ་རྣམ་སྣང་གི་སྤྲིན་རང་གི་ཕྱག་རྒྱ་སྤྱན་མ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱི་རྒྱུན་རྣམས་ཀྱིས་དབང་བསྐུར་བ་སྩོལ་བར་མཛད་དོ། ༈ །བསམ་གཏན་གྱི་ཁྱད་པར་འདི་ཡིས་ནི་དམ་ཚིག་ཅེས་བྱ་བ། མི་:པ་ཚབ:བདེ་བ་སྟེ་དགེ་ལེགས་ལས་འདས་པ་སྟེ། རྒལ་བར་གྱུར་པ་ནི་བདེ་འདས་ཏེ། སྡུག་བསྔལ་གྱི་ཚོགས་སོ། ཞེས་འབྱུང་བ་ལྟར་རོ། །དགེ་བ་དེ་ལས་འདས་པར་གྱུར་པས་སྡུག་བསྔལ་གྱི་ཚོགས་རྣམས་ཀྱིས་རྡོ་རྗེ་ལྟར་མི་ཕྱེད་ཅིང་གཞིག་པར་དཀའ་བ་དང་ལྡན་པ ས་ན་རྡོ་རྗེ་དམ་ཚིག་སྟེ་ནད་པའོ། །དེའི་རྒྱུས་ན་ནད་པ་དེ་སྐད་ཅིག་གིས་ཏེ་རིང་པོར་མི་ཐོགས་པར་དཔའ་ལྡན་ཏེ། དགེ་:ཆག:ཡན་
ལག་བདེ་བ་དང་ལུས་རྒྱས་པར་འགྱུར་ཞིང་འབྱུང་ངོ་ཞེས་ཟེར་རོ། །བའི་ཡན་ལག་ཏུ་གྱུར་པས་ལུས་རྒྱས་པར་འགྱུར་བའོ། །སངས་རྒྱས་ཀྱི་དམ་ཚིག་གི་སྤྲིན་ནི་རྣམ་པར་སྣང་མཛད་དང་སྤྱན་གྱི་ཚོགས་སོ། །དེ་རྣམས་ཀྱི་བཀོད་པ་ནི་སྙོམས་པར་འཇུག་པའོ། །ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། ༈ །ཟླ་འགྱུར་རྙིང་གི་རྒྱུད་ལས། ཟླ་བའི་དཀྱིལ་འཁོར་དབུས་གནས་པར། ཞེས་འབྱུང་ཡང༌། རྣམ་སྣང་གི་སྐབས་སུ་ནམ་མཁའི་དབྱིངས་ཞེས་བཤད་པ་བཞིན་དུ། འདིར་ཡང་འགྱུར་གསར་གཉིས་ལས་འབྱུང་བ་ལྟར་བྱའོ། །བའི་དཀྱིལ་འཁོར་ཞེས་བྱ་བ་ལ་སོགས་པས་ནི་རིན་འབྱུང་དང་འོད་དཔག་མེད་ཀྱི་ཏིང་ངེ་འཛིན་གཉིས་པོ་:ཆག:སྤེལ་བའི་ཚིག་གིས་སྟོན་ཏེ་ཞེས་འབྱུང་བ་ནི་དབང་ཆེན་ཞེས་པ་ནས་དབབ་པར་བྱ་ཞེས་པའི་བར་ལ། དེ་གཉིས་གཅིག་གི་ཁྱད་པར་སྟོན་པ་ན་ཅིག་ཤོས་ཀྱི་ཁྱད་པར་མི་སྟོན་པར་སྤེལ་ནས་གསུངས་པའོ། །ཚིག་གཅིག་གིས་ཅུང་ཟད་ཅིག་སྟོན་པ་ཡིན་ཏེ། ཆོས་འབྱུང་བའི་ནང་དུ་གནས་པའི་དབང་ཆེན་གྱི་དཀྱིལ་འཁོར་བསམས་ཏེ། ཞེས་པ་ནི་ཡེ་ཤེས་ཀྱི་སའི་དབུས་སུ་ཆོས་འབྱུང་བསྐྱེད་པ་ནས་ཟླ་བ་ལས་བྱང་ཆུབ་པའི་བར་འདྲ་བར་བྱས་པའི་ཟླ་བའི་སྟེང་དུ། དབང་ཆེན་སའི་དཀྱིལ་འཁོར་དམ་པ་བསམ། དེའི་སྟེང་དུ་ས་བོན་སྭ་དང་ཕྱག་མཚན་རིན་པོ་ཆེ་དང་སྐུ་རྫོགས་པ་རིན་ཆེན་འབྱུང་ལྡན་དུ་བསྐྱེད་པར་བྱ་བའོ། །ཆོས་འཛིན་པ་ཡི་གཟུགས་བསམ་མོ། ཞེས་བྱ་བ་ལ། འོག་དཔག་ཏུ་མེད་པ་བསྐྱེད་པ་ལ་ནི་ཟླ་བ་ཡན་ཆད་
སྔར་དང་འདྲ་བ་ལ་ཁྱད་པར་ནི་ཟླ་བའི་སྟེང་དུ་མེའི་དཀྱིལ་འཁོར་བསམ་ཞིང༌། དེའི་སྟེང་དུ་ཨཱཿ དང་པདྨ་དང་སྐུ་རྫོགས་པ་བསམ་པའི་ཏིང་ངེ་འཛིན་གཉིས་པར་བྱའོ། །དེ་ནས་ལས་རྒྱལ་མཆོག་གི་དུས་སུ་སྙིང་ཁར་ཞེས་བྱ་བ་རིན་ཆེན་འབྱུང་ལྡན་དང༌། འོད་དཔག་ཏུ་མེད་པའི་ཐུགས་ཀར་འདོད་པ་སྟེ་ཅི་རིགས་པ་སྟེ་རྒྱས་པར་བྱ་བ་དང༌། དབང་དུ་བྱ་བ འི་བསྒྲུབ་པར་བྱ་བ་གཉིས་གཞག་པར་བྱ་བ་ནི་སྔར་སྐབས་གཉིས་སུ་བཤད་པ་བཞིན་བྱ། །དེ་ནས་ནམ་མཁའི་དབྱིངས་ནི་ཉམས་དགའ་བར། །རང་གི་ཐུགས་ཀའི་ཏིང་ངེ་འཛིན་སེམས་དཔའི་འོད་ཟེར་གྱིས་བཀུག་པའི་གོས་དཀར་མོ་ཞེས་བྱ་བ་དང་འོད་དཔག་མེད་ཡབ་ཡུམ་གྱི ས་རབ་ཏུ་དགང་བར་བྱའོ། ཞེས་བྱ་བ་ནི། འོད་དཔག་ཏུ་མེད་པའི་ཏིང་ངེ་འཛིན་ལ་ལྟོས་པའི་ཚིག་སྟེ་རིན་ཆེན་འབྱུང་ལྡན་གྱི་ཏིང་ངེ་འཛིན་ལ་ནི། མཱ་མ་ཀཱིའི་ཚོགས་འོད་ཟེར་སེར་པོ་ཅན་ཡབ་ཡུམ་གྱིས་དགང་བར་བྱ འོ་ཞེས་ཚིག་སྔ་མའི་འགྲོས་ལས་དཔག་པར་བྱའོ། །དེ་ནས་ཡབ་ཡུམ་ཟུང་གཉིས་པོ་དེ་སྙོམས་པར་ཞུགས་པའི་སྦྱོར་མཚམས་ལས་བྱུང་བའི་བྱང་ཆུབ་ཀྱི་སེམས་ཀྱི་ཁ་དོག་སྟོན་པ་ལ་སྣང་མཐའ་ལ་ནི་ཡིད་བཞིན་ནོར་བུ་ནི་པདྨ་རཱ་ག འི་ཁ་དོག་ལྟར་དམར་པོ། །རིན་ཆེན་འབྱུང་ལྡན་ལ་རིན་ཆེན་ནི་སེར་ཏེ་དེའི་ཁ་དོག་ལྟར་སེར་པོའོ་རོ་། །དེ་གཉིས་ཀྱི་འོད་ནི་ཡིད་བཞིན་ནོར་བུ་རིན་ཆེན་འོད་སྟེ། དེ་རྣམས་ཀྱི་འོད་ཀྱི་གོང་བུ་དང་ནི་འོད་ཀྱི་སྙིང་པོར་གྱུར་པས་ཚན་པ་གཉིས་སུ་བསྡུ་ཞིང་སོ་སོའི་མང་པོ་རྣམས་གཅིག་ཏུ་བྱའོ། །དེ་ལྟར་བྱང་ཆུབ་
ཀྱི་སེམས་སེར་པོ་དང་དམར་པོ་གཉིས་པོ་འདི་དག་ཏུ་བསྡུས་ནས་འདོད་པ་སྟེ། རང་གི་སྤྱི་བོ་ནས་ཞུགས་ནས་སྙིང་གར་བཞག་པའི་བསྒྲུབ་པར་བྱ་བའི་ལུས་དང་ངག་དང་སེམས་ཀྱི་གནས་ལ་སྟེ་ལུས་གཉིས་ལ་སེར་པོ་དང་དམར་པོ་དེ་སོ་སོར་དབབ་པར་བྱའོ་སྟེ་། དེ་ནས་སྔ་མ་རྣམ་སྣང་གི་སྐབས་སུ་བསྟན་པ་བཞིན་དུ་སྙིང་ག་ནས་བཏོན་ཏེ་མདུན་དུ་རིན་པོ་ཆེ་དང་པདྨའི་གདན་ལ་འཇོག་པ་དང༌། རང་ལ་ཕབ་བའི་བདུད་རྩིའི་རྒྱུན་རིམ་གྱིས་རྡོ་རྗེའི་ལམ་དུ་ཞུགས་པ་རྣམས་བརྟུལ་ཞུགས་ཅན་གྱི་བ་སྤུ་རྣམས་ཀྱི་སྟེ་རྡོ་རྗེའི་བུ་ག་ནས་ཡུམ་གྱི་པདྨར་སྤྲོས་པ་རྣམས་རིན་འབྱུང་དང༌། སྣང་མཐའ་ཡབ་ཡུམ་དཔག་ཏུ་མེད་པར་བསྐྱེད་དེ། རིན་ཆེན་འབྱུང་ལྡན་ཡབ་ཡུམ་གྱི་སྤྲིན་རྣམས་བསྒྲུབ་བྱའི་སྟེང་གི་ནམ་མཁའ་ལ་རིན་འབྱུང་གི་རྣལ་འབྱོར་པས་སྤྲོ་བར་བྱའོ། །འོད་དཔག་ཏུ་མེད་པའི་རྣལ་འབྱོར་པས་ནི་ཆོས་ཀྱི་སྤྲིན་བསྒོམས་ལ། དེ་ལྟར་སྤྲོ་བར་བྱའོ། །དབང་བསྐུར་བ་ནི་ཡང་དག་བྱ། ཞེས་བྱ་བ་ནི། སྔ་མ་རྣམ་སྣང་གི་སྐབས་བཞིན་དུ་མདུན་དུ་འདུག་པ་ལ་རིན་པོ་ཆེའི་སྤྲིན་དང་ཆོས་ཀྱི་སྤྲིན་ཡབ་ཡུམ་གྱིས་བྱང་ཆུབ་ཀྱི་སེམས་ཀྱིས་སྤྱི་བོ་ནས་དབང་བསྐུར་བར་བྱས་པས། དབུལ་བ་སོགས་ཀྱི་སྒྲིབ་པ་དང༌། རང་དང་ཆོས་ལ་མ་དད་པའི་སྒྲིབ་པ་བཀྲུས་པར་བསམ་མོ་འོ་། ༈ །རྡོ་རྗེ་བསམ་གཏན་བཤད་མ་ཐག་པའི་སྤྲོས་པ་འདི་ཡིས་ནི། དགང་དཀའ་བ་སྟེ་
ནོར་ལ་སོགས་པ་རྣམས་རྒྱས་པར་བྱ་དཀའ་བ་ཡང་རབ་ཏུ་འགེངས། ཞེས་བྱ་བ་ནི་རྒྱས་པའི་དོན་གྱི་ཚིག་གོ །སྦྱིན་པ་ཞེས་བྱ་ལ་སོགས་པ ས་ནི་བསྒྲུབ་བྱ་དབང་དུ་འགྱུར་བའི་དོན་སྟོན་ཏེ། དེ་ཁཞེས་བྱ་བ་ནི་བསྒྲུབ་པར་བྱ་བ་སྟེ་དེ ས་ནི་སྒྲུབ་པ་པོའི་མངོན་པར་འདོད་པའི་དོན་རབ་ཏུ་སྦྱིན་པར་བྱེད་པས་ཡིད་བཞིན་ནོར་བུ་དང་འདྲ་བ་དང༌། རྒྱལ་སྲིད་ཀྱི་དབང་ཕྱུག་ལ་སོགས་པ་དང་ལྡན་པས་དཔལ་ལྡན་ནོ། །ཀསྦྱིན་འགྱུར་རྙིང་གི་རྒྱུད་ལས། སྦྱིན་པའི་རྡོ་རྗེ་སྒྲུབ་པ་དེ། ཞེས་འབྱུང་ཡང༌། :པ་ཚབ:སྦྱིན་པའི་རྡོ་རྗེ་གསལ་བྱེད་དེ། ཞེས་འབྱུང་བ་འགྲེལ་པའི་བཤད་པ་དང་མཐུན་ནོ། །པའི་རྡོ་རྗེ་ནི་བསྒྲུབ་བྱ་དེས་རང་ལ་རྒྱུན་མི་འཆད་པའི་སྦྱིན་པ་བྱེད་པ། །སྦྱིན་པ་དེ་རབ་ཏུ་སྣང་ཞིང་མངོན་གྱུར་དུ་གསལ་བར་བྱེད་པས་ན་སྦྱིན་པའི་རྡོ་རྗེ་རབ་སྣང་བའོ། །གཆོས་ནི་འོད་དཔག་ཏུ་མེད་པའོ། །དེའི་སྤྲིན་ནི་ཚོགས་སོ། །དེའི་དམ་ཚིག་བཀོད་པ་ནི་སྙོམས་པར་འཇུག་པ་སྟེ་ཏིང་ངེ་འཛིན་དེ་གང་དུ་སྟོན་པ་དེ་ལ་དེ་སྐད་ཅེས་བྱའོ། །རིན་ཆེན་སྤྲིན་ཞེས་བྱ་བ་ལ་སོགས་པ་ཡང་འདིར་དྲང་བར་བྱའོ། །ཞེས་པ་ནི་སྣང་མཐའ་ལ། ཆོས་ཀྱི་སྤྲིན་གྱི་དམ་ཚིག་ཅེས་སོགས་གསུངས་པས་མཚོན་ནས། རིན་པོ་ཆེའི་སྤྲིན་གྱི་དམ་ཚིག་ཅེས་སོགས་སུ་ཡང་དྲང་བར་བྱ་བའི་དོན་ནོ། ༈ །ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཡེ་ཤེས་གྱི་ཀྱི་སའི་འབུས་སུ་ཆོས་འབྱུང་བསྐྱེད་པ་ནས་ཟླ་བ་ལས་
བྱང་ཆུབ་པའི་བར་འདྲ། ཟླ་བའི་སྟེང་དུ་ཕྱོགས་གཉིས་སུ་རྡོ་རྗེས་མཚན་པའི་དབྱིབས་ཟླ་གམ་ཅན་གྱི་རླུང་གི་དཀྱིལ་འཁོར་ཁ་དོག་ལྗང་སྔོན་བསམས་ལ། དེར་ཏེ། དེའི་སྟེང་དུ་ས་བོན་ཧཱུཾ་དང་ཕྱག་མཚན་རྡོ་རྗེ་དང་སྐུ་རྫོགས་པ་ལས་རྡོ་རྗེ་ནམ་མཁའ་སྟེ་མི་བསྐྱོད་པ་དང༌། ཆོས་ཏེ་འོད་དཔག་ཏུ་མེད་པ། །དེའི་:པ་ཚབ:དེ་གང་གི་སྔོན་དུ་སྟེ་གང་དུ་འགྲོ་བ་དེ་ནི་ཆོས་སྔོན་དུ་འགྲོ་བ་སྟེ། དོན་ཡོད་པར་གྲུབ་པའོ། ཞེས་འབྱུང་བ་ལེགས་སོ། །མདུན་དུ་སྟེ་ཐད་ཀར་གནས་པ་གང་ཡིན་པ་དེ་ནི་ཆོས་མདུན་ཏེ་དོན་ཡོད་པར་གྲུབ་པའོ། །དོན་གྲུབ་ཀྱང་རླུང་དཀྱིལ་གྱི་སྟེང་དུ་ཧཱ་དང་རལ་གྲི་ལས་བསྐྱེད་དོ། །གཟུགས་ནི་རྡོ་རྗེ་ནམ་མཁའ་དང་ཆོས་མདུན་ཏེ། མི་བསྐྱོད་པ་དང་དོན་ཡོད་པར་གྲུབ་པའི་ཕྱག་རྒྱ་ཆེན་པོར་བསྒོམས་པའི་ཏིང་ངེ་འཛིན་གཞན་གཉིས་སྔོན་དུ་བྱས་ལ་ལས་རྒྱལ་མཆོག་གི་དུས་སུ་ཇི་ལྟར་བྱ་བ་ནི་དེ་དག་ལས་དོན་ཡོད་པར་གྲུབ་པའི་སྙིང་ཁར་ཏེ་ཐུགས་ཀར་འདིར་བསྒྲུབ་བྱ་སྙིང་གར་འཇོག་པ་ནི་འགྱུར་རྙིང་དང་ཆག་འགྱུར་ལྟར་ན། དོན་གྲུབ་ཀྱི་ཐུགས་ཀར་བྱེད་ཀྱི། མི་བསྐྱོད་པའི་ཐུགས་ཀར་མི་བྱེད་དོ། །པ་ཚབ་ཀྱི་འགྱུར་ལས། མི་བསྐྱོད་པ་དང་དོན་ཡོད་གྲུབ་པ་དེ་གཉིས་ཀྱི་སྙིང་གར་ཞེས། དེ་གཉིས་ཀའི་ཐུགས་ཀར་བསྒྲུབ་བྱ་འཇོག་པར་བཤད་དོ། །དེ་གཉིས་མི་མཐུན་པ་ནི་འགྱུར་སྐྱོན་མིན་གྱི། རྒྱ་དཔེ་ལ་མི་འདྲ་བ་གཉིས་ཡོད་པར་གསལ་ལོ། །འདིར་རྣམ་སྣང་སོགས་ཀྱིས་ཞི་སོགས་ཀྱི་ལས་སྒྲུབ་པ་གསལ་བར་བཤད་པ་ནི། སྔར་ཡེ་ཤེས་འཁོར་ལོ་ཅན་རྣམས་ཀྱི། །འཁོར་ལོ་སྙིང་གའི་དབུས་སུ་བསྒོམ། །གསལ་
བའི་དཀྱིལ་འཁོར་དབུས་གནས་པར། །དབུས་སུ་འཁོར་ལོའི་དོན་བསྒོམ་མོ། ཞེས་སོགས་ཀྱིས་རང་ཉིད་རིགས་ལྔར་བསྐྱེད་པའི་ཡེ་ཤེས་སེམས་དཔའི་ཐུགས་ཀར་བསྒྲུབ་བྱ་འཇོག་པར་བཤད་པ་དེ་རྣམས་ཀྱི་འཕྲོ་རྒྱས་པར་འཆད་པ་ཡིན་ནོ། །དེས་ན་སྐབས་འདིར་མི་བསྐྱོད་པའི་ཐུགས་ཀར་བསྒྲུབ་བྱ་བཞག་པ་ལ་ལས་བྱེད་ཚུལ་ཅིག་སྟོན་དགོས་ལ། དེ་ལ་བསད་ལས་བྱེད་ན་སྔར་ལས་དེ་བྱེད་པའི་ཡུལ་དེ་རླུང་དཀྱིལ་གྱི་དབུས་ཀྱི་མེ་དཀྱིལ་ལ་བཞག་པ་ལ་བསད་ལས་དངོས་གཞི་བྱ་བར་བཤད་པ་དང་འགལ་བས། སྙིང་གར་བསྒྲུབ་བྱ་བཞག་པ་ལ་ནི་འཇམ་པོའི་ལས་ཅིག་བྱེད་པ་ཡིན་ནོ། །འོ་ན་རྡོ་རྗེའི་སྔགས་ནི་ཡི་གེ་ཧཱུཾ་མོ། །དེས་དོན་དུ་གཉེར་ཞིང་གཟིར་བར་བྱེད་པས་ཞེས་གསུངས་པ་དང་འགལ་ལོ་སྙམ་ན། མི་འགལ་ཏེ་དེའི་དོན་ནི་ཐུགས་རྗེ་ཞབས་ཀྱིས། གཟིར་བར་བྱེད་པ་ནི། ཧཱུཾ་ཡིག་དང་དེ་ལས་སྐྱེས་པའི་སྤྲོ་བ་དང་བསྡུ་བར་བྱེད་པ་སྟེ། བསྲེག་པར་བྱ་བ་ནི་མ་ཡིན་ནོ། ཞེས་བཤད་པ་ལྟར་ཡིན་པའི་ཕྱིར་རོ། །འོ་ན་འདིར་མི་བསྐྱོད་པའི་ལས་སྒྲུབ་པ་སྟོན་ན། འོག་ནས། རྡོ་རྗེ་ནམ་མཁའ་ཆོས་མདུན་དུ། ཞེས་བྱ་བ་འདིར་གང་བཞག་པའི་མི་བསྐྱོད་པ་ཞེས་འདིར་མི་བསྐྱོད་པའི་ལས་སྒྲུབ་པ་བཞག་པར་བཤད་པ་དང་འགལ་ལོ་སྙམ་ན། སྐྱོན་མེད་དེ། བཞག་པ་ནི་ལས་གཞན་མིན་གྱི། དྲག་ལས་ཡིན་པའི་ཕྱིར་རོ། །འདོད་པ་སྟེ་སྐྱེ་བོ་ཐམས་ཅད་དབང་དུ་བྱ་བ་བཞག་ལ།ཞེས་པ་ནི། སྤྱིར་དབང་གི་ལས་བྱེད་པ་ལ་གཉིས་ཡོད་དེ། སྒྲུབ་པ་པོ་རང་དང༌། གང་ཟག་གཞན་གྱི་དབང་དུ་སྡུད་པ་གཉིས་ལས་འདིར་ཕྱི་མ་དང༌། དེ་ལ་ཡང་གང་ཟག་དེ་དང་དེས་དབང་དུ་བསྡུ་རྒྱུ་གཉིས་ལས། འདིར་གང་ཟག་
གཞན་དེ་སྙིང་གར་འཇོག་པ་ཡིན་པས་རྒྱས་པའི་ལས་སུ་འཆད་པ་གཞུང་དོན་མ་ཡིན་ནོ། །སངས་རྒྱས་ཏེ་རྣམ་པར་སྣང་མཛད་ལ་སོགས་པ་དང༌། བྱང་ཆུབ་སེམས་དཔའི་སྟེ་བྱམས་པ་ལ་སོགས་པ་རྣམས་ཀྱིས། རང་གི་ཕྱག་རྒྱ་དང་བཅས་པས་ནམ་མཁའི་དཀྱིལ་འཁོར་ཡོངས་སུ་གང་བར་བསམས་ལ། དེ་བཞིན་གཤེགས་པ་ལྔའི་སྐུ་མདོག་གི་བྱེ་བྲག་གིས་གཟི་བརྗིད་སྟེ། བྱང་ཆུབ་ཀྱི་སེམས་རྣམ་པ་ལྔའི་རྒྱུན་བསྒྲུབ་པར་བྱ་བ་དེ་ལ་སྒྲུབ་པར་བྱེད་པས་དབབ་པར་བྱའོ། །དེ་རྣམས་ཀྱི་དོན་ནི། རང་གི་ཏིང་ངེ་འཛིན་སེམས་དཔའི་འོད་ཟེར་གྱིས། ལྷ་སོ་གཉིས་པོ་ཐམས་ཅད་ཡབ་ཡུམ་གྱི་རྣམ་པ་ཅན་དུ་ནམ་མཁའ་གང་བ་སྤྱན་དྲངས། སྙོམས་པར་ཞུགས་པ་ཐམས་ཅད་ཞུ་བ་རྣམས་རིགས་ལྔའི་ཁ་དོག་དང་འདྲ་བ་ལྔར་གྱུར་པ། རང་གི་སྤྱི་བོ་ནས་ཞུགས་པས་ཐུགས་ཀའི་བསྒྲུབ་བྱ་ལ་སྤྱི་བོ་ནས་འབེབས་པའོ། །ལྷའི་ཁ་དོག་ནི་རྣམ་སྣང་རིན་འབྱུང་སྣང་མཐའ་གསུམ་གྱི་སྐབས་སུ་བདུད་རྩི་ཁ་དོག་རེ་རེ་དབབ་པར་བཤད་ཅིང༌། འདིར་བདུད་རྩི་ཁ་དོག་སྣ་ལྔ་དབབ་པར་གསུངས་ལ། ལྗང་གུ་ནི་ལས་ཐམས་ཅད་པ་ཡིན་པས་གཉིས་ཀ་ལྗང་གུར་བྱའོ། །དེ་ལྟ་བུའི་:པ་ཚབ་ཆག:བསྒྲུབ་པར་བྱ་བ སྒྲུབ་པ་པོ་དེ་ནི་དེ་མ་ཐག་ཏུ་སྟེ་རིང་པོ་མི་ཐོགས་པར་དེ་བཞིན་གཤེགས་པ་ཐམས་ཅད་གྱི་ཐུགས་སུ་བྱོན་པར་འགྱུར་ཞིང་འཇམ་དཔལ་དང་འདྲ་བར་ཡང་དག་པར་སྣང་ཞིང་འབར་བས་ན་མདོག་འདྲ་བའོ། །གནས་ནི་རྒྱལ་པོ་ལ་སོགས་པའོ། །དེར་ལས་བྱེད་པ་ནི་རྒྱལ་པོ་ལ་སོགས་པའི་བྱ་བ་བྱེད་པ་སྟེ་དེ་ལྟ་བུའི་ལས་ཐབས་བྱེད་པར་བསྒྲུབ་པར་བྱ་བ་དེ་འགྱུར་བའོ། །སྙིང་གའི་བསྒྲུབ་བྱ་དབང་བསྐུར་བ་དེ་སྔ་མ་རྣམ་སྣང་
གི་སྐབས་སུ་བཤད་པ་བཞིན་དུ་སྙིང་ག་ནས་ཕྱིར་ཕྱུང་སྟེ་རང་གི་མདུན་དུ་རྡོ་རྗེ་དང་སྣ་ཚོགས་རྡོ་རྗེའི་གདན་ལ་འདུག་པ་ལ་བདུད་རྩིའི་རྒྱུན་རྡོ་རྗེར་ཞུགས་པ་རྣམས་པདྨར་སྤྲོས་ཏེ་སྔར་བཤད་པ་ལྟ་བུའི་ལྷ་དཔག་མེད་དུ་གྱུར་པ་དགྱེས་པའི་བདག་ཉིད་ཅན་ཏེ་དགའ་བའི་ཐུགས་ཅན་གྱི་རིགས་ལྔའི་སངས་རྒྱས་དང་བྱང་ཆུབ་སེམས་དཔའ་བསྒྲུབ་བྱའི་སྟེང་གི་ནམ་མཁའ་ལ་སྤྲོས་པ་རྣམས་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱིས་བསྒྲུབ་བྱའི་སྤྱི་བོ་ནས་དབང་བསྐུར་བའི་དགའ་སྟོན་ཆེན་པོ་སྩོལ་པར་མཛད་པར་བསམ་མོ་དོ་། ༈ །དེ་ལྟར་བྱས་པས་དེ་ནས་ཅིར་འགྱུར་ཞེ་ན། བལྟས་ཙམ་བསྐྱེད་ཅེས་བྱ་བ་ལ་སོགས་པ་གསུངས་ཏེ། བལྟས་པ་ཙམ་བསྐྱེད་ཅིང་བསྐྲུན་པ་བྱས་པས་ཀྱང་འགྲོ་བ་ཐམས་ཅད་དབང་དུ་བྱེད་པར་འགྱུར་རོ། །འཁོར་བསྒྱུར་གྱི་བློན་པོ་རིན་པོ་ཆེ་དང་མཉམ་པར་གྱུར་པས་རིན་ཆེན་དམ་ཚིག་སྟེ། རྒྱལ་པོ་དང་བློན་པོ་དེ་རྣམས་ཀྱི་སྤྲིན་ནི་ཚོགས་སོ། །དེས་བཀོད་པར་བྱས་པ་ནི་བསྙེན་བཀུར་གྱི་དོན་དུ་འོངས་ནས་བསྒྲུབ་བྱ་དེ་ལ་རིམ་གྲོར་བྱེད་པ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་དེ་སྐད་ཅེས་བྱའོ། ༈ །རྡོ་རྗེ་ནམ་མཁའ་ཆོས་མདུན་དུ། ཞེས་བྱ་བ འི་སྐབས་སུ་འདིར་མི་བསྐྱོད་པའི་དྲག་ལས་གང་བཞག་པའི་མི་བསྐྱོད་པའི་ཏིང་ངེ་འཛིན་མི་བསྐྱོད་པ་དེའི་དྲག་ལས་ཀྱི་ལྷག་མ་བསྟན་པར་བྱ་བའི་ཕྱིར། ནམ་མཁའ་རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། མི་
བསྐྱོད་པའི་སྦྱོར་བ་སྟེ་རྣལ་འབྱོར་དང་ལྡན་པས་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་གི་ཚེ་འཇིག་རྟེན་ལས་འདས་པའི་ལྷ་དྲག་པོ་རྣམས་སྤྲུལ་པའི་རྗེས་སུ་ནམ་མཁའ་ཡི་དབུས་སུ་སྲིན་པོ་སྟེ་གནོད་སྦྱིན་ལ་སོགས་པ་རྣམས་དྲག་ཅིང་སྟེ་གཞན་གསོད་པར་དགའ་བ་དང༌། ཁྲོ་ལ་སྟེ་ཁྲོ་བའི་དབང་དུ་གྱུར་པ་དང༌། རབ་གཏུམ་སྟེ་ཕ་རོལ་གནོན་པ་ལ་ཐོགས་པ་མེད་པ་དང༌། ཝ་དང་བྱ་རོག་ལ་སོགས་པ་སེམས་ཅན་ཤ་ཟ་བ་སྣ་ཚོགས་པ་རྣམས་དང༌། བྱ་རྒོད་དང་ཁྱི་རྣམས་ཀྱིས་གང་བར་བསྒོམ་མོ། །དེ་ནས་ལས་རྒྱལ་མཆོག་གི་དུས་སུ་མེ་ཡི་དཀྱིལ་འཁོར་ལ་གནས་པའི་དགྲ་བོའི་ཁ་སྦྱར་ཕྱེ་བར་བསྒོམ་མོ། །དགྲ་བོ་འདི་སངས་རྒྱས་ཀུན་ལ་སྟེ་སེམས་ཅན་ཀུན་ལ་གནོད་པ་བྱེད་པ་དང་བཅས་པར་ཏེ་གནོད་པ་བྱེད་པའོ་སྙམ་དུ་བསམས་ལ་དེ་ནས་རྣལ་འབྱོར་འདི་སྦྱར་བར་བྱ་སྟེ། མཚོན་ཆ་སྣ་ཚོགས་པ་ཐོགས་པ་རྣམས་ཀྱིས་མནན་ཏེ་ནས་དུམ་བུར་གཏུབས་པར་གྱུར་པར་བསམ་པ་དང་། ཡང་བསྒྲུབ་པར་བྱ་བའི་རྒྱུ་མ་ལ་སོགས་པ་ཐམས་ཅད་སྲིན་པོ་ལ་སོགས་པ་རྣམས་ཀྱིས་དྲངས་ནས་བླངས་ཏེ་ཟོས་པར་རྣམ་པར་བསྒོམ་མོ། །དེ་ནས་ཁསངས་རྒྱས་ཞེས་བྱ་བ་སངས་རྒྱས་ཀྱི་ཐེག་པ་པ་ཐེག་ཆེན་པ་རྣམས་དང༌། རྡོ་རྗེ་འཛིན་པ་སྟེ་ལས་དང་པོ་པ་བསྐྱེད་རིམ་པ་དག་ཀྱང་ཀགལ་ཏེ་སྦྱོར་བ་འདི་ལྟ་བུ་རབ་ཏུ་བསྒོམ་ཞིང་སེམས་ན་གཟླ་བ་ཕྱེད་ཚུད་ཆད་དེ། ཟླ་བ་ཕྱེད་
ཚང་བའམ་ཟླ་བ་ཕྱེད་ཀྱི་ཕྱེད་ཀྱིས་འཆི་བར་འགྱུར་ཞིང་འཇིག་པར་འགྱུར་པར་འདིར་གདོན་མི་ཟའོ། །རྡོ་རྗེ་སྤྲིན་ནི་མི་བསྐྱོད་པའོ། །དེའི་དམ་ཚིག་ནི་སྲིན་པོ་ལ་སོགས་པའོ། །དེ་རྣམས་ཀྱི་བཀོད་པ་ནི་རྣམ་པར་འཕྲུལ་པ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། ༈ །གཞན་ཡང་ལྷ་རྣམས་སྔར་བཤད་པ་ཉིད་ཀྱི་སྐུ་མདོག་དང་ཕྱག་མཚན་དང་ཕྱག་དང་ཞལ་གྱི་རྣམ་པ་སྟེ་གྲངས་བསྟན་པར་བྱ་བའི་ཕྱིར། རྣམ་པར་སྣང་མཛད་ཅེས་བྱ་བ་ལ་སོགས་པ་གསུངས་ཏེ། རྣམ་པར་སྣང་མཛད་ཞལ་གསུམ་པ་ཞེས་བྱ་བ་ལ་སོགས་པས་ནི། རྣམ་པར་སྣང་མཛད་ཀྱི་སྐུ་གསུངས་པ་ཡིན་ཏེ། ཀཎ་ཌ་ཀཾ་གི་ཀཾ་ནི་ཆུའོ། །དེའི་ཨཎྜ་ནི་སྒོ་ང་ལ་འཇུག་ཀྱང་འདིར་སྟེ་སྤྲིན་ཡིན་ལ་ཨཎ་ཌའི་ཨས་ཆུ་དེ་བཀག་པས་ན་ཆུ་སྟེ་ཆར་མེད་པའི་སྤྲིན་ཞེས་སྟོན་ཀའི་སྤྲིན་ལྟ་བུ་དང་མདོག་འདྲ་བ་སྟེ། རྣམ་སྣང་སྤྲིན་དཀར་པོ་ལྟར་རྣམ་པར་བསམ་མོ། །དཀར་པོ་ནག་པོ་རབ་ཏུ་དམར། ཞེས་བྱ་བ་ནི་ཞལ་གསུམ་འཆང་བ་སྟེ། དེ་ལ་ཞལ་བར་མ་རྩ་ཞལ་ནི་དཀར་པོའོ། །གཡས་པ་ནི་ནག་པོའོ། །གཡོན་པ་ནི་རབ་ཏུ་དམར་བ་སྟེ་མེ་ཏོག་ལེ་བརྒན་:ཆག:རྩི་ལྟ་བུ་ཟེར་ཀུ་སུམ་པ་ལྟ་བུའོ། །དབུ་སྐྲ་རལ་པ་ཐོར་ཚུགས་སམ་ཐོར་ཅོག་ཏུ་བཅིངས་པ་ལ་དབུ་རྒྱན་རིན་པོ་ཆེའི་ཕྲོག་ཞུ་དག་གི་བརྒྱན། པའོ་ཞེས་བྱ་བ་ནི། རྣམ་པར་སྣང་མཛད་གྱི་ཞལ་དང་སྐུ་མདོག་གི་ངེས་བའོ། །དེ་བཞིན་དུ་རྡོ་རྗེ་ཅན་ཏེ་མི་བསྐྱོད་
པ་ཡང་ཞལ་དབུས་མ་ནག་པོ་དང་གཡས་དཀར་པོ་དང་གཡོན་དམར་པོར་བསམ་མོ། །འབར་བ་སོགས་ནི་གོ་སླའོ། །འཇིག་རྟེན་ཁམས་རྣམས་འཁྲུག་བྱེད་པ། ཞེས་པ་ནི། ཉི་མའི་དཀྱིལ་འཁོར་གྱི་འོད་ཀྱིས་ཡོངས་སུ་བསྐོར་བའོ། །དེ་བཞིན་དུ་ནི་ཞལ་གྱི་འགྲོས་འདྲ་བའོ། །འདོད་ཆགས་ཅན་ཏེ་འོད་དཔག་ཏུ་མེད་པ་ནི་དམར་ནག་དཀར་བའི་ཞལ་གསུམ་པ་ཐོར་ཚུགས་དང་དབུ་རྒྱན་གྱིས་བརྒྱན་པ་སྟེ།ལོངས་སྤྱོད་ཅན་ནི་སྣང་མཐའ་དེ་འདོད་པ་ལ་ལོངས་སྤྱོད་པའི་ཆགས་ཆེན་ནོ། །དེ་ལྟར་ལྷའི་སྐུ་གསུམ་པོ་བསྒོམས་ན་ངེས་པར་བཤད་པ་དང་མ་བཤད་པའི་ལས་རྣམས་རབ་ཏུ་འགྲུབ་པར་གྱུར་རོ། །དེ་བཞིན་དུ་རྣམ་པར་སྣང་མཛད་ལ་སོགས་པ གསུམ་གྱི་འི་གཡས་པའི་ཕྱག་དང་པོ་གསུམ་ལ་རིམ་པ་བཞིན་དུ་འཁོར་ལོ་དང་རྡོ་རྗེ་དང་པདྨ་བསྒོམས་པར་བྱའོ། །རྡོ་རྗེ་ནི་ལྷ་རྣམས་ཀྱི་ཕྱག་རྒྱ་ཆེན་པོའི་གཟུགས་ཏེ་ཐམས་ཅད་ཀྱང་ཕྱག་དྲུག་པར་བསྒོམ་མོ། །བཟང་པོ་ནི་འདོད་པའི་དོན་རྫོགས་པར་བྱེད་པས་སོ། །མཚོན་ཆ་སྣ་ཚོགས་བསམ་ཞེས་བྱ་བ་ནི་བསྒྲུབ་པའི་ཐབས་མདོར་བྱས་ལས་བཤད་པའི་རིམ་གྱིས་རང་གི་མཚན་མ་རྣམས་བསྣམས་པའོ། །དེ་བཞིན་དུ་རིན་ཆེན་འབྱུང་ལྡན་ལ་སོགས་པ་རྣམས་ཀྱི་ཡང་ཕྱག་གཡས་ཀྱི་དང་པོར་རང་གི་ཕྱག་གི་མཚན་མ་རིན་པོ་ཆེ་ལ་སོགས་པ་བསམ་པར་བྱའོ། །
༈ སེམས་ཅན་ཀུན་ལ་ཕན་བཞེད་མ། ཞེས་བྱ་བ་ནི་འགྲོ་པ་ཐམས་ཅད་ཀྱི་སྡུག་བསྔལ་ཞི་བ འི་འཕྲིན་ལས་ར་མཛད་པའོ། །སངས་རྒྱས་སྤྱན་ནི་རྣམ་པར་སྣང་མཛད་ཀྱི་ཕྱག་རྒྱ་ཡིན་པས་རྣམ་པར་སྣང་མཛད་དང་འདྲ་བར་ཞལ་གསུམ་དུ་བསམ་མོ། །མཁའ་སྐྱེས་ནི་མི་བསྐྱོད་པའོ། །དེ་བདག་གི་གན་དུ་འདྲེན་པས་ན་སྤྱན་གྱི་སྐད་དོད་ནཻ་ཏྲ་ལ་ན་ཡ་ཏི་ཞེས་པ་འདྲེན་པའོ། །སྤྱན་ཏེ་མཱ་མ་ཀཱིའོ། །རྒྱལ་མོ་ཆེ་ནི་བཙུན་མོའི་མཆོག་སྟེ་ཞལ་གསུམ་མི་བསྐྱོད་པ་དང་འདྲ་བར་བསྒོམ་མོ། །གསུང་རྡོ་རྗེ་ནི་འོད་དཔག་ཏུ་མེད་པ་སྟེ་དེ་འདྲེན་པས་ན་ཆུ་སྐྱེས་སྤྱན་ཏེ། གོས་དཀར་མོ་ནི་འོད་དཔག་ཏུ་མེད་པ་དང་འདྲ་བར་བསྒོམ་མོ། །རིག་མ་རྡོ་རྗེ་ཨུཏྤལ་བསྣམས། ཞེས་བྱ་བ་ནི། རྡོ་རྗེ་མཚན་པའི་ཨུཏྤལ་ཏེ་དེ་བསྣམས་པས་ན་རྡོ་རྗེ་ཨཏྤལ་བསྣམས་ཏེ། དོན་ཡོད་པར་གྲུབ་པའི་ཕྱག་རྒྱ་སྒྲོལ་མ་སྟེ། ཞལ་ལ་སོགས་པ་ནི་དོན་ཡོད་པར་གྲུབ་པ་དང་འདྲ་བར་བསམ་མོ། །ཞེས་པ་ནི་མདོར་བྱས་ལས། ཡིད་འོང་སྒྲོལ་མ་དབྱུང་བྱ་སྟེ། །ལྗང་དང་ནག་དང་དཀར་བའི་ཞལ། །དུར་བའི་ལོ་མའི་འོད་དང་མཉམ། ཞེས་གསུངས་པ་ལྟར་མཛད་པའོ། །རྩ་རྒྱུད་ལས། སེར་དང་གནག་དང་དཀར་བའི་ཞལ། ཞེས་གསུངས་པ་ནི་རིན་པོ་ཆེའི་རིགས་ཀྱི་སྒྲོལ་མ་ལ་དགོངས་ལ། འདིར་ནི་དོན་གྲུབ་ཀྱི་རིགས་དམ་ཚིག་སྒྲོལ་མར་མཛད་པའི་ལུགས་སོ། ༈ །ཁྲོ་བོ་ཆེན་པོ་གཤིན་རྗེ་གཤེད། ཅེས་བྱ་བ་ནས་བརྩམས་ཏེ། བསམ་གཏན་དཀྱིལ་འཁོར་བསྒོམ་པར་བྱ། ཞེས་བྱ་བའི་བར་དུ་ནི་གོ་སླ་སྟེ། བསམ་གཏན་
གྱི་དཀྱིལ་འཁོར་ནི་བཀའི་འཁོར་ལོ་ནི་དྲག་ལས་སྒྲུབ་པ་དང༌། བསྲུང་འཁོར་བསྒོམ་པའི་སྐབས་སུ་ཁྲོ་བོ་བཅུ་བསྒོམ་པ། །གཟི་བརྗིད་ཕུང་པོ་དང་གཙུག་ཏོར་རྒྱལ་བ་ལ་སོགས་པའི་ཁྲོ་བོ་རྣམས་དང་། ཟེར། གཙུག་ཏོར་རྒྱལ་བ་ལ་སོགས་པ་ནི་ཁྲོ་བོ་རྣམས་སོ། ༈ །དེ་ལྟར་བསྟན་པ་ལས་གང་གཞན་སྔགས་ཀྱི་འཁོར་ལོ་ཅན། ཞེས་བྱ་བ་ནི་བྱམས་པ་ལ་སོགས་པ་རྣམས་སོ། །དམ་:ཆག:དམ་ཚིག་ནི་རིགས་ལ་འདི་རྣམས་ཀྱིས་ཡང་དག་པར་ལོངས་སྤྱོད་པས། ཟེར། ཚིགས་ནི་ལྷ་རང་རང་གི་རིགས་ཏེ་དེ་རྣམས་ལ་འདི་རྣམས་ཀྱིས་ཡང་དག་པར་ལོངས་སྤྱོད་པས་ན་དམ་ཚིག་ལོངས་སྤྱོད་དེ་རྡོ་རྗེ་ལ་སོགས་པའི་མཚན་མའོ། །ཕྱག་མཚན་དེ་རྣམས་ཀྱིས་ཏེ་དེ་རྣམས་འཛིན་པས་སོ་སོ་ཐ་དད་པ་དག་ཏུ་བསྒོམ་པར་བྱའོ། །ཏིང་ངེ་འཛིན་ནི་ཞེས་བྱ་བ་ལ་སོགས་པ་ལ། སྔགས་རྣམས་ཀྱི་སྟེ་ལྷ་རྣམས་ཀྱི་ཏིང་ངེ་འཛིན་དཔག་ཏུ་མེད་ཅིང་ཚད་མེད་པ་རྣམས་བཤད་ཅིང་བསྟན་པ་ཡིན་ཏེ། དེ་བས་ན་གཤིན་རྗེ་གཤེད་ལ་སོགས་པ་ཁྲོ་བོ་རེ་རེ་ཞིང་ཡང་བྲན་དང་བྲན་མོ་དང་ཕོ་ཉ་དང་ཕོ་ཉ་མོ་ལ་སོགས་པའི་རྣམ་པས་ཏིང་ངེ་འཛིན་རྣམས་ནི། ནམ་མཁའི་སྟེང་དུ་སྟེ་ནམ་མཁའི་ཁམས་པས་ཀྱང་ལྷག་པར་འགྱུར་རོ་ཞེས་པ་སྟེ་ཏིང་ངེ་འཛིན་གྲངས་མེད་པ་ཉིད་དུ་བཤད་པ་ཡིན་ནོ། ༈ །ད་ནི་རྫོགས་པའི་རིམ་པས་ལྷ་རྣམས་བསྐྱེད་པ་བསྟན་པར་བྱ་བའི་ཕྱིར། ནམ་མཁའི་དབྱིངས་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་
དབྱིངས་ནི་འོད་གསལ་བའོ། །དེ་ལས་ལུགས་བཟློག་གི་ཚེ་བྱུང་བའི་གསལ་བའི་དཀྱིལ་འཁོར་ནི་ཀུན་དུ་སྣང་བ་གསུམ་མོ། །དམ་པ་ནི་ཟླ་བ་དང་རྡོ་རྗེ་ལ་སོགས་པ་ལ་ལྟོས་པ་མེད་པ ར་འོད་གསལ་གྱི་རླུང་སེམས་ཙམ་ལས་ལྷ་བསྐྱེད་པའི་ཕྱིར་ཏེ། དེས་ན་འོད་གསལ་ལས་སངས་རྒྱས་ཀྱི་གཟུགས་ཏེ་རྡོ་རྗེ་འཆང་ཆེན་པོའི་གཟུགས་རབ་ཏུ་བསྒོམས་ཤིང་བསྐྱེད་ལ། དེ་ནས་སྤྲུལ་པའི་སྐུ་རྣམ་པར་སྣང་མཛད་རྣམ་པར་བསམ་ཞིང་སྤྲོ་བར་བྱའོ། །སྐུ་དེ་གཉིས་ཇི་ལྟ་བུ་ཞེ་ན། གསལ་ཞིང་སྟེ་ཟླ་བ་ལ་ཁུག་རྣ་ལ་སོགས་པའི་ཉེས་པ་དང་བྲལ་བར་གྱུར་པའི་ཟླ་བའི་གཟུགས་འདྲ་བས་ན་ཟླ་བ་བཞིན་ནོ། །ཞི་བ་ནི་ཞི་བའི་ཉམས་དང་ཉེ་བར་ལྡན་པའོ། །འོད་ཟེར་སྣ་ཚོགས་འདྲ་བའི་འོད། ཅེས་བྱ་བ་ནི། འོད་ཟེར་རྣམ་པ་ལྔས་འོད་ཀྱི་དཀྱིལ་འཁོར་དུ་བྱས་པའོ། །མེ་ལོང་ནི་མེ་ལོང་གི་དཀྱིལ་འཁོར་ཏེ་དེ་ལས་བྱུང་བ་ནི་མེ་ལོང་དེར་གཏོགས་པ་སྟེ་གནས་པའི་གཟུགས་བརྙན་ལྟ་བུ། །ཁམས་:ཆག:ཁམས་གསུམ་དག་གི་རྒྱན་གྱུར་པ་ནི། ཁམས་གསུམ་གྱི་རྒྱན་བཞིན། སྐྱེས་བུ་ཆེན་པོའི་ཞེས་འབྱུང་བ་ལྟར་བྱའོ། །གསུམ་དག་གི་དཀྱིལ་འཁོར་དུ། ཞེས་བྱ་བ་ནི་ཁམས་གསུམ་གྱི་དཀྱིལ་འཁོར་རོ། །དེ་བཞིན་དུ་སྐྱེས་བུ་ཆེན་པོའི་མཚན་རྣམས་དང་ཉེ་བར་ལྡན་པས་ན་རྒྱན་རྣམས་ཀུན་གྱིས་བརྒྱན་པ་དག་སྟེ། དེ་ལྟར་བདག་ཉིད་བསམས་ཤིང་ཤེས་པར་བྱས་ན། བྱང་ཆུབ་སྟེ་མི་གནས་པའི་
མྱ་ངན་ལས་འདས་པ་དེ་མཐོང་ཞིང་ཐོབ་པར་འགྱུར་བ་ནི་བསམ་གཏན་རྡོ་རྗེ་རབ་ཏུ་བསྒོམ་པ་འདི་ཡིས་སོ། ཞེས་བྱ་བར་གོང་འོག་སྦྱར་རོ། །སངས་རྒྱས་ཆེ་བའི་བདག་ཉིད་ནི་སངས་རྒྱས་ཀྱི་དབང་ཕྱུག་གོ །འཇིག་རྟེན་ཐམས་ཅད་དབང་བྱེད་པ། ཞེས་བྱ་བ་ནི། ཉན་ཐོས་ལ་སོགས་པ་འདུད་པར་བྱེད་པའོ། །ཚེ་འདི་ཉིད་ཀྱིས་ཏེ་ལུས་འདི་ཉིད་ལ་གནས་ནས་འཐོབ་པའོ། །རྣམ་པར་སྣང་མཛད་ཀྱི་ཞེས་བྱ་བ་ནི་རྫོགས་པའི་རིམ་གྱིས་བྱུང་བའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །རྡོ་རྗེའི་དཀྱིལ་འཁོར་ཞེས་བྱ་བ་ལ་སོགས་པ་ལ། རྡོ་རྗེའི་དཀྱིལ་འཁོར་ནི་ཀུན་ཏུ་སྣང་བ་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནམ་མཁའི་དབྱིངས་ཀྱི་དབུས་སུ་བསམ། །སངས་རྒྱས་གཟུགས་ནི་རབ་བསྒོམས་ལ། ཞེས་པའི་དོན་ནི་སྔ་མ་བཞིན་ནོ། །སྤྲུལ་སྐུ་རྡོར་སེམས་སུ་བསྒོམས་པའི་སྐུ་དེ་ནི་མཆེ་བ་ཅུང་ཟད་གཙིགས་པ་དང་ལྡན་པས་ན་ཁྲོས་པའོ། །གསལ་བའི་ལུས་ནི་དྲུག་པ་སྟེ། དེ་དང་འདྲ་བའོ། །མྱུར་དུ་རྡོ་རྗེ་ཉིད་ཐོབ་འགྱུར། ཞེས་བྱ་བ་ནི། སངས་རྒྱས་ཉིད་མྱུར་ཞིང་མགྱོགས་པར་ཐོབ་པའོ། །དམ་ཚིག་ཐམས་ཅད་ནི་ཟུང་འཇུག་པའི་དཀྱིལ་འཁོར་པ་རྣམས་སོ། །དེ་གང་དུ་སྟེ་ལས་འབྱུང་བ་དེ་ནི་དམ་ཚིག་ཐམས་ཅད་ལས་འབྱུང་བའོ། །མཛེས་པའི་རྡོ་རྗེ་ནི་མི་བསྐྱོད་པ་སྟེ་ཏིང་ངེ་འཛིན་དེ་གང་དུ་
སྟོན་པ་དེ་ལ་དེ་སྐད་ཅེས་བྱའོ། །ཆོས་ཀྱི་དཀྱིལ་འཁོར་ཞེས་བྱ་བ་ལ་སོགས་པ་ལ། ཆོས་ཀྱི་དཀྱིལ་འཁོར་ཞེས་བྱ་བ་ནི་ཀུན་ཏུ་སྣང་བ་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཆོས་ཀྱི་བདག་ཉིད་ཆེན་པོ་ནི་ངག་གི་དབང་ཕྱུང་གོ །སྐུ་གསུམ་མི་ཕྱེད་པ་ནི་རྡོ་རྗེ་འཆང་ཆེན་པོའོ། །དེ་ལས་བྱུང་བ་ནི་དེ་ལས་སྐྱེས་པའོ། །ཡེ་ཤེས་རྒྱ་མཚོས་རྣམ་པར་བརྒྱན། ཞེས་བྱ་བ་ནི་ཟུང་འཇུག་སྤྲུལ་སྐུའི་རྫོགས་པའི་རིམ་པའི་ཏིང་ངེ་འཛིན་ལ་གནས་པའོ། །འཐོབ་པར་འགྱུར་བ་ནི་རྙེད་པར་འགྱུར་བའོ། །ཆོས་ཀྱི་སེམས་དཔའ་ནི་འོད་དཔག་ཏུ་མེད་པའོ། །དེ་འབྱུང་བར་གྱུར་པ་གང་ཡིན་པ་དེ་ནི་ཆོས་ཀྱི་དམ་ཚིག་འབྱུང་བ་སྟེ་རྡོ་རྗེ་འཆང་ཆེན་པོའོ། །དེའི་དམ་ཚིག་འབྱུང་བ་ནི་ཡོངས་སུ་རྫོགས་པའི་རིམ་པའོ། །དེ་ཉིད་རྡོ་རྗེ་སྟེ་ཏིང་ངེ་འཛིན་དེ་གང་དུ་སྟོན་པ་དེ་ལ་དེ་སྐད་ཅེས་བྱའོ། ༈ །ཟླ་བའི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། ཟླ་བས་མཚན་པའི་དཀྱིལ་འཁོར་ནི་ཟླ་བའི་དཀྱིལ་འཁོར་ཏེ་ཀུན་ཏུ་སྣང་བ་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཟུང་འཇུག་ལོངས་སྐུས་སྤྲུལ་སྐུ་སྤྱན་མ་སྒོམ་པའི་ཁྱད་པར་སྟོན་པ་ནི། ཁམས་གསུམ་དག་ནི་དབང་བྱེད་པ། ཞེས་པ་ནི་དེའི་ངོ་བོ་ཉིད་བསྟན་པའོ། །ཡེ་ཤེས་ཐམས་ཅད་གྲུབ་པར་བྱེད། །འཁོར་ལོ་ཡིད་བཞིན་ནོར་བུ་སྟེར། ཞེས་བྱ་བ་ནི།
འཁོར་ལོ་ནི་སྒྲུབ་པ་པོའི་ཡིད་བཞིན་གྱི་ནོར་བུ་སྟེར་བ་སྟེ་ཡིད་བཞིན་གྱི་ནོར་བུ་དང་འདྲ་བའོ། །ཕྱག་ཏུ་ཞེས་པ་ནི་ཕྱག་གཡས་པའི་དང་པོ་ལ་འཁོར་ལོ་སྟེ་རིན་པོ་ཆེའི་འཁོར་ལོ་བསྒོམ་པར་བྱའོ། །སྤྱན་གྱི་དམ་ཚིག་ནི་སྤྱན་གྱི་ཕྱག་རྒྱ་ཆེན་པོ་སྟེ་དེའི་ཕྱག་གི་མཆོག་ནི་ཕྱག་གི་སྙིང་པོ་སྟེ་འཁོར་ལོའོ། །དེའི་ཏིང་ངེ་འཛིན་གང་ལ་ཡོད་པ་དེ་ལ་དེ་སྐད་ཅེས་བྱའོ། །རྡོ་རྗེ་དཀྱིལ་འཁོར་ཞེས་བྱ་བ་ལ་སོགས་པ་ལ། རྡོ་རྗེ་དཀྱིལ་འཁོར་ནི་སྟོང་པ་ཉིད་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཟུང་འཇུག་ལོངས་སྐུས་སྤྲུལ་སྐུ་མཱ་མ་ཀཱི་བསྒོམ་ཚུལ་ནི་ནམ་མཁའི་རྡོ་རྗེ་མཆོག་ནི་མཱ་མ་ཀཱི་སྟེ། ནམ་མཁའ་ནི་མི་བསྐྱོད་པའོ། །དེའི་དམ་ཚིག་གི་མཆོག་གཙུན་མོ་དེའི་ཕྱག་གཡས་པ་ན་ཨུཏྤ་ལ་སྔོན་པོ་རྩ་དམར་རྩ་རྒྱུད་ལེའུ་བཞི་པ་ལས། ཨུཏྤལ་མཐིང་གར་བཤད་པ་བཞིན། དེའི་འགྲེལ་པ་ལས་ཀྱང་སྔོན་པོར་བཤད། འདིར་རྩ་བར་སྔོ་དམར་དུ་བཤད་པའི་འགྲེལ་པ་ལས་རྩ་དམར་བ་ཞེས་བཤད་པ་ལ། ཁ་ཅིག་སྔོ་ལ་དམར་བའི་མདངས་ཡོད་པ་དང༌། ཁ་ཅིག་རྩ་བ་དམར་པ་ལ་འཆད་དོ། །བ་བསྣམས་པའོ། །ཁམས་གསུམ་དག་གི་ཞེས་བྱ་བ་ལ་སོགས་པ་ནི་དེ་ཉིད་ཀྱི་ཁྱད་པར་རོ། །དངོས་གྲུབ་རྡོ་རྗེ་ཅན་གྱི་གསང་ཞེས་བྱ་བ་ནི་སྒྲུབ་པ་པོ་རྣམས་ཀྱི་གསང་བར་གྱུར་པའོ། །ནམ་མཁའ་ནི་འོད་གསལ་བའོ། །ཡུམ་ནི་གང་ལས་འོད་གསལ་གྱི་ཡེ་ཤེས་རབ་ཏུ་སྐྱེད་པ་ཡོད་པ་
གང་ཡིན་པ་དེ་ནི་ནམ་མཁའི་ཡུམ་ཅན་སྟེ་མི་བསྐྱོད་:པ་ཚབ:ཡུམ་སྟེ་རབ་ཏུ་སྐྱེད་པ་གང་ལ་ཡང་ཡོད་པ་དེ་ནི་ནམ་མཁའི་ཡུམ་ཅན་ཏེ། མི་བསྐྱོད་པའོ་ཟེར། པའོ། །རིན་པོ་ཆེའི་འོད་ཀྱི་སྤྲིན་ནི་རིན་པོ་ཆེའི་འོད་ཀྱི་ཚོགས་སོ། །དེའི་རྡོ་རྗེའི་ངོ་བོ་ཉིད་གང་ཡིན་པ་དེ་ནི་རིན་པོ་ཆེའི་འོད་ཀྱི་སྤྲིན་གྱི་རྡོ་རྗེ་སྟེ་རིན་ཆེན་འབྱུང་ལྡན་ནོ། །རྡོ་རྗེ་དང་རིན་པོ་ཆེའི་རིགས་དེ་གཉིས་ཚིམ་པར་བྱེད་པ་ནི་མཱ་མ་ཀཱི་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། །ཆོས་ཀྱི་དཀྱིལ་འཁོར་ཞེས་བྱ་བ་ལ་སོགས་པ་ལ། ཆོས་ཀྱི་དཀྱིལ་འཁོར་ནི་ཡེ་ཤེས་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཟུང་འཇུག་ལོངས་སྐུས་སྤྲུལ་སྐུ་གོས་དཀར་མོ་སྒོམ་པའི་ཚུལ་ནི་སྒྱུ་མས་མཚན་པའི་ཕྱིར་སྒྱུ་མས་མཚན་པ་སྟེ་འོད་གསལ་བའོ། །དེ་ཉིད་གཙོ་བོ་ཡིན་པས་ན་མཆོག་སྟེ། དེ་ལས་བྱུང་བས་ན་སྒྱུ་མས་མཚན་པའི་མཆོག་ལས་བྱུང་ཞེས་བྱའོ། །འདོད་ཆགས་ཆགས་པ་འཛིན་པ་ནི་འོད་དཔག་ཏུ་མེད་པའོ། །དེའི་སྡུག་པ་གོས་དཀར་མོ་ནི་སྣང་མཐའ་དེའི་ཡིད་དུ་འོང་བའོ། །ཆོས་ཀྱི་དམ་ཚིག་ནི་འོད་དཔག་ཏུ་མེད་པའོ། །དེའི་དེ་ཁོ་ན་ཉིད་ནི་དོན་དམ་པའི་བདེན་པའོ། །དེ་ཉིད་དང་པོ་ངོ་བོ་གཅིག་ཏུ་གྱུར་པའི་ཡེ་ཤེས་ནི་མངོན་པར་བྱང་ཆུབ་པའོ། །དེ་ཀུན་ཏུ་སྟོན་པའི་རྡོ་རྗེ་ནི་གོས་དཀར་མོ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། །དངོས་གྲུབ་དཀྱིལ་འཁོར་ཞེས་བྱ་བ་ལ་སོགས་པ་ལ། དངོས་གྲུབ་
ཀྱི་དཀྱིལ་འཁོར་ནི་ཤེས་རབ་དང་ཐབས་དང་ཉེ་བར་ཐོབ་པའོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཟུང་འཇུག་ལོངས་སྐུས་སྤྲུལ་སྐུ་སྒྲོལ་མ་སྒོམ་པའི་ཚུལ་ནི། སྒྲོལ་མའི་མཆོག་ནི་བསྒོམ་པར་བྱ། ཞེས་སོགས་ཀྱིས་སྟོན་ནོ། །ཕྱག་མཚན་གྱི་ཨུཏྤལ་སེར་པོར་བཤད་པ་དང༌། ལེའུ་བཞི་པའི་ཕྱག་མཚན་འགོད་པའི་སྐབས་སུ་སྔོན་པོར་བཤད་པ་མི་འགལ་བ་ནི་སྒྲོལ་མ་རིགས་གཉིས་ཀྱི་སྒོ་ནས་ཤེས་པར་བྱའོ། །དམ་ཚིག་ནི་དོན་ཡོད་པར་གྲུབ་པའོ། །སྒྲོལ་མ་ནི་དེའི་གཙུན་མོའོ། །དམ་ཚིག་སྒྲོལ་མ་ཞེས་པ་འདིས་ལས་ཀྱི་རིགས་ཀྱི་སྒྲོལ་མ་བསྟན་ཏེ། རྒྱུད་འདིར་སྒྲོལ་མ་རིགས་གཉིས་ཀ་གསུངས་སོ། །མཆོག་ནི་ཡོན་ཏན་དམ་པ་དང༌ལྡན་པ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། ༈ །ད་ནི་ཁྲོ་བོ་དམ་ཚིག་བསྟན་པར་བྱ་བའི་ཕྱིར།དེ་ལྟར་བཤད་ཟིན་པའི་རྣམ་སྣང་སོགས་དང་སྤྱན་སོགས་བཞི་དང༌། འཆད་འགྱུར་གྱི་ཁྲོ་བོ་བཅུ་ཟུང་འཇུག་པས་བསྐྱེད་པ་ན། འོད་གསལ་ལས་ལུགས་ཟློག་ཏུ་ལངས་པའི་སྣང་བ་གསུམ་བཤད་པ་ནི། སྣང་བ་གསུམ་གྱི་མཐར་ཟུང་འཇུག་གི་སྐུ་སྐྱེད་པ་མིན་གྱི་སྐུ་དེ་ལུགས་ཟློག་ཏུ་ལྡང་བའི་དུས་སུ་བསྐྱེད་པར་སྟོན་ལ། དེ་ཡང་འོད་གསལ་གྱི་རླུང་སེམས་ཙམ་ལས་བསྐྱེད་པ་ཡིན་ཏེ། གཞན་དུ་རྒྱས་པར་བཤད་ཟིན་ཏོ། །དེ་ཡང་དེ་ཁོ་ན་ཉིད་མངོན་སུམ་ཏུ་རྟོགས་པའི་དོན་གྱི་འོད་གསལ་གྱི་མཐར་དག་པའི་སྒྱུ་མ་ཞེས་པ་ཟུང་འཇུག་གི་སྐུ་དང༌། མངོན་སུམ་དུ་མ་རྟོགས་པ་དཔེའི་འོད་གསལ་གྱི་མཐར་རིམ་པ་
གསུམ་པའི་སྒྱུ་མའི་སྐུ་འགྲུབ་ཀྱི། སྐུ་དེ་ཡང་ལུགས་ཟློག་གི་སྣང་བ་གསུམ་གྱི་མཐར་བསྐྱེད་པ་མིན་ནོ། །ཟུང་འཇུག་གི་སྐུ་དེ་རིམ་པ་གསུམ་པའི་སྒྱུ་ལུས་ལྟར་དོན་གྱི་འོད་གསལ་གྱི་དུས་སུ་དག་ནས་འགྲོ་བ་ཡང་མིན་པར། དེ་ཐོབ་ནས་རིགས་འདྲ་རྒྱུན་མི་འཆད་པར་འཇུག་པ་ནི་རིམ་པ་གསུམ་པའི་སྒྱུ་ལུས་ལས་མཆོག་ཏུ་གྱུར་པའི་ཁྱད་པར་ཡིན་ནོ། །དེའི་ཕྱིར་ཟུང་འཇུག་ལོངས་སྐུ་ཐོབ་པས། རྣམ་སྣང་སོགས་སྒོམ་པ་ན། སྤྲུལ་སྐུར་བསྒྱུར་ནས་བསྒོམ་ཞེས་སྔ་མ་རྣམས་འཆད་པ་ནི་ཟུང་འཇུག་གི་ལོངས་སྐུ་ཡལ་ནས་སྤྲུལ་སྐུར་བསྒྱུར་བ་ལ་འདོད་པ་ནི་ཟུང་འཇུག་ལོངས་སྐུའི་གནད་མ་རྟོགས་པ་ཡིན་ལ། དེ་ལྟ་མིན་པར་རྣམ་སྣང་ལ་སོགས་པ་སྤྲུལ་བ་དང༌། རང་ཉིད་དེ་རྣམས་སུ་བསྒོམ་པ་ལ་འདོད་ན་ནི་དེ་ལྟར་ཡིན་ནོ། །དེས་ན་ནམ་མཁའི་རྡོ་རྗེ་བཅུ་ནི་དོན་གྱི་འོད་གསལ་ལོ། །དབུས་གནས་པ་རྣམས་ནི་འོད་གསལ་དེ་ལས་བྱུང་བའི་ཟུང་འཇུག་པའི་རྡོ་རྗེའི་སྐུ་དང་སྣང་བ་གསུམ་ལུགས་ཟློག་ཏུ་བྱུང་བའོ། །དམ་པ་ཞེས་པ་ནི་མཆོག་གི་དོན་ཏེ། སྔགས་ཀྱི་སྐུ་ལས་མཆོག་ཏུ་གྱུར་པའི་ཡེ་ཤེས་ཀྱི་སྐུ་ཡིན་ཏེ། སངས་རྒྱས་གཟུགས་ནི་རབ་བསྒོམས་ལ། ཞེས་པ་བཅུའི་དོན་ནོ། །འདི་ཡང་དོན་གྱི་འོད་གསལ་གྱི་མཐར་འགྲུབ་པའི་ཟུང་འཇུག་ལོངས་སྐུ་གཅིག་པོ་དེ་ཉིད་ཡིན་གྱི། སྤྲུལ་པའི་ལྷ་སོ་སོ་ལ་ལྟོས་པའི་ལོངས་སྐུ་འགྲུབ་ཐེབས་རེ་སྟོན་པ་མིན་ནོ། །ཉི་མའི་དཀྱིལ་འཁོར་ཞེས་པ་རྣམས་ནི། ཉི་
མ་དེས་སྣང་བ་མཆེད་པ་མཚོན་ལ། དེ་སྣང་བ་གཞན་གཉིས་ཀྱང་གཟུང་ངོ་། །ཁྲོ་བོ་བཅུ་སྒོམ་པར་བཤད་པ་ནི་ཟུང་འཇུག་ལོངས་སྐུ་དེས་དེ་རྣམས་སྤྲུལ་པ་དང་རང་ཉིད་དེ་རྣམས་སུ་སྒོམ་པ་སྟོན་ཏེ། དེ་དག་གིས་མཚོན་ནས་ལྷ་སོ་གཉིས་ཀྱི་དཀྱིལ་འཁོར་བསྒོམ་པ་ཡང་སྟོན་ནོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། ཉི་མའི་དཀྱིལ་འཁོར་ནི་དེས་མཚོན་པའི་སྣང་བ་མཆེད་པ་ལ་སོགས་པ་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །འཇིགས་པའི་དཀྱིལ་འཁོར་ཞེས་བྱ་བ་ལ་བགེགས་རྣམས་འཇིགས་པ ར་མཛད་པ་ནི་སྙིང་པོ་སྟེ་དེ་ལེན་པར་བྱེད་པས་ན་དཀྱིལ་འཁོར་རོ། །ཕྱག་ན་ཞེས་པ་ནི་གཡས་ཀྱི་དང་པོས་རལ་གྲི་བསྣམས་པ་ནི་ལས་བསྒྲུབ་པའི་དུས་ལ་དགོངས་ཞེས་བླ་མ་རྣམས་གསུང་ངོ་། །ཤིང་དེའི་དབུ་རྒྱན་ལ་རྣམ་པར་སྣང་མཛད་བཞུགས་པར་བསྒོམས་ན། རྡོ་རྗེ་ཅན་ཏེ་སྒྲུབ་པ་པོ་དགྱེས་པ་སྟེ་དགའ་བར་འགྱུར་རོ། །ཡེ་ཤེས་རྡོ་རྗེ་ཅན་ཏེ་སྒྲུབ་པ་པོ་རྣམས་ཀྱི་བསྟན་པ་ལ་གནོད་པ་བྱེད་པ་ལ་སོགས་པའི་ཁྲོ་བོ་ཀུན་ཏེ། དེ་ལྟར་བུའི་ཁྲོ་བོ་སྟེ་མ་རུངས་པ་གང་ཡིན་པ་གདུལ་བའི་དམ་ཚིག་སྟེ་འདའ་བར་མི་བྱ་བའི་ལམ་མོ། །གཤིན་རྗེ་གཤེད་སྤྲོ་བ་ནི་སྤྲོ་མཁན་རྡོ་རྗེ་འཆང་ཆེན་པོ་སྟེ་དེས་ལྷ་དེ་སྣང་ཞིང་སྟེ་བསྐྱེད་པས་ན་གཤིན་རྗེ་གཤེད་ཀྱི་སྤྲོ་བ་སྣང་བ་སྟེ་གཤིན་རྗེ་གཤེད་དོ། །དེའི་བཀོད་པ་བསྒོམ་ཞིང་སེམས་པ་སྟེ། ཏིང་ངེ་འཛིན་དེ་སྟོན་པ་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །གཞན་གྱིས་མི་ཐུབ་པའི་རྡོ་རྗེ་བཀོད་པ་ཞེས་བྱ་བ་སྐྱེད་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །རྟ་ཞེས་བྱ་བ་ནི་རྟ་མགྲིན་
ཏེ་འདིར་རྟ་མགོ་ཅན་ནི་མིན་ནོ། །དེའི་འབྱུང་བ་རྣམ་པར་བཀོད་པ་ནི་འབྱུང་བ་སྟེ་སྐྱེད་པ་རྣམ་པར་བཞག་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །རྡོ་རྗེ་མི་འཆི་བ་ནི་བདུད་རྩི་ཐབ་སྦྱོར་རོ། །རྡོ་རྗེའི་སྤྲིན་ནི་རྡོ་རྗེ་ལྟ་བུའི་འོད་ཟེར་འབར་བའི་ཚོགས་སོ། །ཁྲོས་ཤིང་ནི་ཐུགས་སོ། །ཁྲོ་བཅས་ནི་སྐུའི་ཉམས་སོ། །ཁྲོ་འཛིན་ནི་སྒྲུབ་པ་པོའོ། །མི་འཆི་བའི་དམ་ཚིག་ནི་བདུད་རྩི་ཐབ་སྦྱོར་རོ། །འབྱུང་བ་རྡོ་རྗེ་ནི་ཁྲོ་བོ་དེ་སྐྱེད་པའི་ཁྱད་པར་གྱི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཊཀྐི་རྒྱལ་པོ་ནི་འདོད་རྒྱལ་ལོ། །རྡོ་རྗེ་འོད་བཟང་ནི་རྡོ་རྗེ་འདྲ་བའི་འོད་འབར་བའོ། །བསམ་གཏན་རྡོ་རྗེ་མངོན་པར་རྫོགས་པར་བྱང་ཆུབ་པ་ནི་མི་བསྐྱོད་པའོ། །དེ་ལ་དགའ་བ་ནི་མིག་ལ་འཇོག་པ་སྟེ་དེ་སྟོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །རྡོ་རྗེ་གསུམ་གྱི་གནས་ནི་འོད་གསལ་བའོ། །དེ་ཉིད་སྙིང་པོ་སྟེ་དེ་ལེན་ཅིང་འཛིན་པས་ན་རྡོ་རྗེ་གསུམ་གྱི་གནས་དཀྱིལ་འཁོར་རོ། །རྡོ་རྗེ་གསུམ་གྱི་སྟོབས་ནི་རྡོ་རྗེའི་སྤྱན་རྣམ་པ་གསུམ་ནི་སྟོབས་པོ་ཆེར་མ་ཟད་ཁྲོ་བོ་བཅུ་ཆར་ལ་ཤེས་པར་བྱའོ སྟེ། དེ་སྟོན་པའི་ཏིང་ངེ་འཛིན་གང་ཡིན་པ་དེ་ལ་ཡང་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་
སོགས་པ་ནི་སྔ་མ་བཞིན་ནོ། །རྡོ་རྗེ་སྔོན་པོ་ནི་དབྱུག་སྔོན་ཅན་ནོ། །རྒྱ་མཚོ་ནག་པོ་ནི་ཁྲོ་བོའི་རྒྱ་མཚོ་སྟེ་དེ་རབ་ཏུ་སྐྱེད་པར་བྱེད་པའོ། །རྡོ་རྗེ་དབྱིག་པའི་ངོ་བོ་ཉིད་ནི་རྡོ་རྗེའི་དབྱིག་ཐོགས་སོ། །རྡོ་རྗེས་མཚན་པའི་དབྱིག་པ་ནི་རྡོ་རྗེ་དབྱིག་པའོ། །འདའ་བར་མི་བྱ་བས་ན་དམ་ཚིག་མཆོག་སྟེ་དེ་གང་ཡིན་པ་དེ་ནི་དབྱིག་པའི་དམ་ཚིག་མཆོག་གོ །དེ་སྟོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཁྲོ་ཞིང་འཇིགས་པ་ནི་སྤྱན་གཡས་སོ། །ཟུར་ཀྱིས་ལྟ་བ་ནི་སྤྱན་གཡོན་ཆགས་པས་སོ། །འཁྲུགས་པ་ནི་ཁྲོ་བས་སོ། །རྡོ་རྗེ་ནམ་མཁའི་ནི་ཀུན་ཏུ་སྣང་བ་གསུམ་མོ། །གསུམ་པོ་དེའི་དབྱིངས་ཏེ་རྒྱུ་ནི་འོད་གསལ་བའོ། །འོད་གསལ་དེ་ཉིད་ཀྱི་དམ་ཚིག་བདེན་པ་གཉིས་ཀྱི་ཞབས་ཀྱིས་གནོན་པ་སྟེ་དེ་སྟོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ལ། རིག་པ་ནི་འཇིག་རྟེན་པའི་དངོས་གྲུབ་གྲུབ་པ་རྣམས་སོ། །དེ་རྣམས་ཀྱི་འཁོར་ལོ་ནི་ཚོགས་ཏེ། དེ་གང་ལ་ཡོད་པ་དེ་ནི་རིག་པའི་ཚོགས་ཀྱི་འཁོར་ལོ་སྟེ་དེ་བསྒོམ་པའོ། །འཁོར་ལོ་འབར་བས་ཡོངས་སུ་བསྐོར་བ་ནི་ལུས་འཁོར་ལོའི་འོད་ཀྱི་ཀུན་ནས་བསྐོར་བའོ། །གཙུག་ཏོར་ནི་ནམ་མཁའ་ལ་སྤྱོད་པ་རྣམས་སོ། །དེ་རྣམས་ཀྱི་འཁོར་ལོ་ནི་ཚོགས་སོ། །
དེ་རྣམས་ཀྱིས་:ཆག:བྱོན་ཞིང་ཟེར། རྗེད་ཅིང་མཆོད་པས་ན་གཙུག་ཏོར་གྱི་ཏོར་གྱི་དམ་ཚིག་སྟེ། གཙུག་ཏོར་གྱི་དམ་ཚིག་ནི་རིག་པ་འཛིན་པའི་དམ་ཚིག་གོ །དེ་དང་ལྡན་པའི་སྟོབས་ཀྱི་འཁོར་ལོ་ཅན་གྱི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ལ། རྡོ་རྗེ་སུམྦྷ་ནི་གནོད་མཛེས་སོ། །རྡོ་རྗེའི་སྤྲིན་ཞེས་བྱ་བ་ནི་ཆར་སྤྲིན་གྱི་མདོག་ཅན་གྱི་ལུས་གང་ལ་ཡོད་པ་དེ་ནི་རྡོ་རྗེའི་སྤྲིན་ཏེ་རྡོ་རྗེ་གནོད་མཛེས་སོ། །རྡོ་རྗེའི་དམ་ཚིག་སུམ་གང་དུ་བསྒོམ་ཞིང་སྐྱེད་པ་གང་ཡིན་པའི་ཏིང་ངེ་འཛིན་དེ་ལ་དེ་སྐད་ཅེས་བྱ་སྟེ། སྒྲ་ཇི་བཞིན་པའོ། །འདིར་གཤིན་རྗེ་གཤེད་ལ་རྣམ་སྣང་དང༌། རྟ་མགྲིན་ལ་སྣང་མཐའི་དབུ་རྒྱན་བཤད་ནས། ཁྲོ་བོ་གཞན་བརྒྱད་ཀ་ལ་མི་བསྐྱོད་པའི་དབུ་རྒྱན་བཤད་ཅིང༌། འགྲེལ་པར་ཡང་འདོད་རྒྱལ་ལ་མི་བསྐྱོད་པའི་དབུ་རྒྱན་བཤད་པ་དང༌། མདོར་བྱས་ལས་ཤར་དང་ཤར་ལྷོའི་ཁྲོ་བོ་གཉིས་ལ་རྣམ་སྣང་དང༌། ལྷོའི་གཉིས་ལ་རིན་འབྱུང༌། ནུབ་ཀྱི་གཉིས་ལ་སྣང་མཐའ་དང༌། བྱང་གི་གཉིས་ལ་དོན་གྲུབ་ཀྱི་དབུ་རྒྱན་བཤད་པ་གཉིས་མི་འགལ་ལམ་སྙམ་ན། མི་འགལ་ཏེ། རྡོ་རྗེ་འཕྲེང་བ་ལས་མདོར་བྱས་བཞིན་དུ་ཁྲོ་བོ་གཉིས་ཚན་ལྔ་རྣམ་སྣང་སོགས་ལྔའི་རིགས་སུ་བཤད་པས་ཚུལ་གཉིས་ཀ་ཡོད་པའི་ཕྱིར་རོ། ༈ །དེ་ལྟར་རིམ་པ་གཉིས་ཀྱི་སྔགས་དང་ཡེ་ཤེས་ཀྱི་སྐུ་སྐྱེད་པའི་ཏིང་ངེ་འཛིན་རྣམ་པ་གཉིས་ཉེ་བར་བསྟན་ནས། དེ་ཉིད་ཀྱི་དོན་ཉེ་བར་བསྡུ་བར་བྱ་བའི་ཕྱིར་འགོག་པ་ཁྲོ་བོའི་འཁོར་ལོ་ཞེས་བྱ་བ་ལ་སོགས་པ་གསུངས་ཏེ། འགོག་
པ་ནི་སྲོག་འགོག་པ་གསོད་པ་ལ་སོགས་པའི་དྲག་པོའི་ལས་སོ་འོ་། །ཁྲོ་བོའི་འཁོར་ལོ་ནི་ཞེས་བྱ་བ་ནི་ལས་དེ་གཤིན་རྗེ་གཤེད་ལ་སོགས་པ་ཁྲོ་བོ འི་ཏིང་ངེ་འཛིན་གྱིས་བྱེད་པའོ། །ལས་དེ་སྒྲུབ་པ་པོ་གང་གིས་བྱ་ཤེ་ན། སངས་རྒྱས་འཁོར་ལོ་བསྟེན་པ་ཡིས། ཞེས་བྱ་བ་སྟེ། ལྷ་སོ་གཉིས་པོ་རྣམས་ཀྱི་འཁོར་ལོ་བསྟེན་ཞིང་དམིགས་པས་སོ། །ལྷའི་འཁོར་ལོ་སྒོམ་པ་དེ་ཡང་ཇི་ལྟར་བྱ་ཞེ་ན། ཏིང་ངེ་འཛིན་ཞེས་བྱ་བ་ལ་སོགས་པ་གསུངས་ཏེ། ཏིང་ངེ་འཛིན་ནི་ལྷག་མོས་བསྡུས་པའི་དེ་ཁོ་ན་ཉིད་ལ་དམིགས་པ་སྔོན་དུ་འགྲོ་བས་ཟླ་བའི་དཀྱིལ་འཁོར་སྒོམ་པའི་མཚན་ཉིད་ཅན་ནོ། །རྡོ་རྗེ་ནི་དེའི་སྟེང་དུ་ས་བོན་དགོད་པ་སྔོན་དུ་འགྲོ་བས་རྡོ་རྗེ་ལ་སོགས་པ་དམིགས་པ་དང༌། དེ་ཡོངས་སུ་གྱུར་པ་ལས་རྡོ་རྗེ་འཆང་ཆེན་པོ་ལ་སོགས་པའི་ལྷ་རྣམས་དམིགས་པ་སྟེ། དེ་དག་ནི་ཏིང་ངེ་འཛིན་རྡོ་རྗེ་ཡེ་ཤེས་རྣམས་སོ། །རྡོ་རྗེའི་དཀྱིལ་འཁོར་ནི་དྲག་པོའི་བཀའི་འཁོར་ལོ་ལ་དམིགས་པའོ། །འདི་ནི་མཚོན་པ་ཙམ་སྟེ་ཞི་སོགས་འཇམ་པོའི་ལས་སྒྲུབ་པ་རྣམས་ཀྱང་ཤེས་པར་བྱའོ། །འགྲུབ་པར་འགྱུར་པ་ནི་མངོན་པར་འདོད་པའི་འབྲས་བུ ཞི་སོགས་རྣམས་འགྲུབ་པ ར་འགྱུར་བ་སྟེ། དྲང་བའི་དོན་ཏོ། ༈ །སངས་རྒྱས་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་འཁོར་ལོ་ནི་ཚོགས་ཏེ་སངས་རྒྱས་ཀྱི་འཁོར་ལོ་གཟུགས་
རྣམ་སྣང་ངོ་ཞེས་སོགས་སུ་རྟོག་ཅིང་ངེས་པར་བསྟེན་པའི་ངོ་བོ་ཉིད་གང་ཡིན་པ་དེ་ནི། སངས་རྒྱས་འཁོར་ལོ་བསྟེན་པ་ཡིས་ཏེ་གཟུགས་ཀྱི་ཕུང་པོ་ལ་སོགས་པའོ། །དེ་རྣམས་འགོག་པ་ནི་དོན་དམ་པའི་བདེན་པར་རྗེས་སུ་ཞུགས་པའོ། །ཁྲོ་བོ་ནི་འོད་གསལ་དེ་རང་བཞིན་གྱི་སྟེ་ཐ་མལ་པའི་ལུས་ལ་རྒྱབ་ཀྱིས་ཕྱོགས་པའོ། །དེ་ཉིད་འཁོར་ལོ་སྟེ་མཚོན་ཆ་དང་འདྲ་བར་གཉིས་སྣང་གི་སྤྲོས་པ་གཅོད་པ་གང་ཡིན་པ་དེ་ནི་ཁྲོ་བོའི་འཁོར་ལོ་སྟེ། རྫོགས་པའི་རིམ་པའི་ཏིང་ངེ་འཛིན་རིམ་པ་བཞི་པ་ལ་གནས་པའོ། །འོད་གསལ་དེ་ལ་བརྟེན་ན ས་ལུས་ལྡང་བར་སྟོན་པ་ནི་ཏིང་ངེ་འཛིན་རྡོ་རྗེ་སྟེ། དེ་ཤེས་ཤིང་སྟེ་ཏིང་ངེ་འཛིན་གྱི་བདག་ཉིད་ཅན་དུ་ཤེས་པས་ན་རྡོ་རྗེ་ཡེ་ཤེས་ནི་འོད་གསལ་ལོ་སོ་། །རྡོ་རྗེའི་དཀྱིལ་འཁོར་ནི་དོན་དམ་པའི་འོད་གསལ་གྱི་དཀྱིལ་འཁོར་ལས་ལྡང་བར་གྱུར་པ་སྟེ་ལངས་པ་ལ་ཟུང་འཇུག་གི་གོ་འཕང་འགྲུབ་པར་འགྱུར་རོ་ཞེས་བྱ་བ་སྟེ། ངེས་པའི་དོན་ཏོ། ༈ །རྡོ་རྗེ་ནི་དེ་བཞིན་གཤེགས་པ་རྣམས་སོ། །དམ་ཚིག་ནི་སྤྱན་ལ་སོགས་པའོ། །བཀོད་པ་ནི་ཁྲོ་བོ་རྣམས་ཏེ་དེ་རྣམས་བསྐྱེད་པར་བྱ་བའི་ཕྱིར་དེ་ཁོ་ན་ཉིད་ཀྱི་དོན་བསྒོམ་པ་ནི། རིམ་གཉིས་ཀྱི་སྐབས་ཀྱི་དོན་དམ་པའི་བདེན་པ་ལ་དམིགས་པའོ། །དེ་སྔོན་དུ་འགྲོ་བའི་མངོན་པར་བྱང་ཆུབ་པ་ནི་རིམ་པ་གཉིས་ཀྱི་ལྷའི་སྐུ་ཕྱག་རྒྱ་ཆེན་པོ་རྫོགས་པ་སྟེ། དེ་སྟོན་པའི་གཞུང་གི་ཚོགས་ནི་ལེའུའོ། ༈ །སྒྲོན་མ་གསལ་བར་བྱེད་པ་ཞེས་བྱ་
བའི་རྒྱ་ཆེར་བཤད་པ་ལས། ལེའུ་བཅུ་གསུམ་པ་མཐའ་དྲུག་གིས་བཤད་པའོ། ། ༈ ། །ལེའུ་བཅུ་གསུམ་པར་སྔགས་བཟླས་པ་ལ་མི་ལྟོས་པར་ནང་ལ་གཞོལ་བའི་ལས་ཚོགས་བསྟན་ནས། ད་ནི་སྤྲུལ་ལ་སོགས་པའི་སྔགས་སྨྲ་བ་རྣམ་པ་བཞིའི་རྗེས་སུ་འབྲངས་ནས་ལས་སྒྲུབ་པ་སྔགས་ལ་གཞོལ་བས་ཞི་བ་ལ་སོགས་པའི་ལས་ཀྱི་ཚོགས་ཉམས་སུ་བླང་བར་བྱའོ། ཞེས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་བཞི་པ་གསུངས་ཏེ། ༈ དེ་ལ་དང་པོར་ལས་ཀྱི་ཚོགས་རྣམས་ཀྱི་འགོ་རིམས་ནི་:ཆག:སྔོན་དུ་འགྲོ་བ་ནི་ཟེར། བཤད་པའི་རྒྱུད་བླན་དང་ཆག་གིས་དགོངས་པ་ལུང་སྟོན་ལ་འཆད་པ་ནོར་བའོ། །རྡོ་རྗེ་འཕྲེང་བ་ལ་འཇུག་པར་བྱ་སྟེ། ལས་རྣམས་བྱེད་པའི་ཟླ་བ་ཡར་གྱི་ངོ་དང་མར་ངོའི་དུས་ནི་ཞི་བ་དང་ནི་རྒྱས་པ་དག །ཟླ་བ་ཡར་གྱི་ངོ་ལ་བྱ། །དབང་དང་མངོན་སྤྱོད་བསད་ལས་དང་ལ་སོགས་པ ས་དྲག་ལས་ལྷག་མ་རྣམས།་ཟླ་བ་མར་གྱི་ངོ་ལ་བརྩམ། །ལས་རྣམས་སྒྲུབ་པའི་ཚེ་ཕྱོགས་གང་དུ་ཁ་བལྟ་བ་ནི་ཞི་བའི་ལས་ལ་བྱང་དང་རྒྱས་པ་ལ་ཁ་ཤར་དུ་ལྟ་བར་འདིར་བཤད་པ་བཞིན་དུ། རྡོ་རྗེ་འཕྲེང་བ་ལོགས་སུ་བསྒྱུར་བ་ལས་ཀྱང་འབྱུང་ལ། སྔ་མ་རྣམས་དང་སྐལ་ལྡན་གྲགས་པའང་དེ་བཞིན་དུ་འཆད་མོད་ཀྱང༌། ཐུགས་རྗེ་ཞབས་ཀྱིས། བྱང་དུ་ཁ་བལྟས་དང་རྒྱས་པ་གཉིས་སྦྲེལ།
ཤར་དུ་བལྟས་པ་དང་ཞི་བ་གཉིས་སྦྲེལ་ཏེ། ཀླུའི་བློའི་སྦྱིན་སྲེག་གི་ཆོ་ག་ལས། ཟླ་བ་ཉ་ལ་བྱང་དུ་བལྟ། །བཟང་པོའི་སྟོན་ལ་གནས་ནས་བརྩམ། །རྒྱས་པ་སེར་པོའི་གོས་ལ་སོགས། །ཉི་མ་སྔ་དྲོ་རྒྱས་པ་བརྩམ། །ཞི་བ་དཀར་པོའི་གོས་ལ་སོགས། །དཀར་པོའི་ཉི་མའི་དང་པོར་བརྩམ། །སྲོད་ལ་ཤར་དུ་ཁ་བལྟས་འགྱུར། །འཇམ་པོའི་སྟན་ལ་གནས་ནས་ནི། །སྒྲུབ་པ་ལས་དང་རྗེས་མཐུན་པས། །བྱམས་དང་སྙིང་རྗེ་ལྡན་བསམས་ནས། །ལས་ཀྱི་རྗེས་མཐུན་རྣལ་འབྱོར་གྱིས། །ཞི་ལ་བྱམས་པས་ཀུན་ཏུ་སྤྱད། ཅེས་གསུངས་སོ་ཞེས་དྲངས་པ་བཞིན་དུ་བྱའོ། །བྱང་དུ་ཁ་བལྟས་ཞི་བ་ལ། །དེ་བཞིན་རྒྱས་ལ་ཤར་དུ་བལྟ། །དྲག་པོའི་ལས་སྤྱི་ལ་ཁ་ལྷོ་ཕྱོགས་སུ། །བལྟ་དབང་གི་:སྐལ་ལྡན་:དབང་དང་དགུག་:པ་ཚབ:པ། ལས་ལ་ནུབ་ཏུ་བལྟ། །སྟེ་དགུག་པ་ལ་དབང་དང་དྲག་པོ་གཉིས་ལས་དབང་གི་དགུག་པའོ། །གསོད་པ་ཉིད་ལ་མེ་ཡི་ཕྱོགས། །སྡང་བ སྟེ་དབྱེ་བ ར་བྱ་བ་ལ་བདེན་བྲལ་དུ། །བལྟའོ། །གནས་ལས་ཏེ་ནས་བསྐྲད་པ་ལ་རླུང་གི་ཕྱོགས། །སུ་བལྟའོ། །གནོན་པ་སྟེ་རེངས་པར་བྱེད་པ་ལ་ནི་དབང་ལྡན་ཕྱོགས། །སུ་བལྟའོ། །ཞི་ལ་ལས་རྣམས་སྒྲུབ་པའི་ཚེ་ཁ་དོག་གི་ཁྱད་པར་ནི། དཀྱིལ་འཁོར་གྱི་ལྷ་དང་མེ་ལྷ་དང་ཆས་གོས་དང་མཆོད་རྫས་ཐམས་ཅད་དཀར་པོ་སོགས་སུ་བྱའོ། །ཁ་དོག་དཀར་པོ་སྟེ། །རྒྱས་པ་ལ་ནི་སེར་པོར་བྱ། །དབང་དང་དགུག་པ་དག་ལ་དམར། །ཁ་དོག་ནག་པོ་གསོད་པ་ལའོ། །དྲག་ལས་རྨོངས་རེངས་ལ་ནི་སེར་པོར་བཤད་དོ། །ལས་རྣམས་སྒྲུབ་པའི་ཚེ་བསམ་པའི་ཁྱད་པར་ནི་ཁབྱམས་པའི་སེམས་ཀྱིས་དང་ཀཞི་བ་ལ། །ནི།༢ཕུན་ཚོགས་སྒྲུབ་པ་ལ་དགའ་བའི་སེམས་ཀྱིས་དང་རྒྱས་པ་ལ། །ནི། ཁ བསྒྲུབ་བྱ་ལ་ཆགས་པའི་སེམས་ཀྱིས་དང་ཀདབང་གི་ལས་དག་ལ། །ནི།
ཁབསྒྲུབ་བྱ་ལ་ཁྲོས་བའི་སེམས་ཀྱིས་བྱ་ཀགསོད་པ་སོགས་ཀྱི་དྲག་ལས་ལ ནི་གའོ། །ལས་རྣམས་བསྒྲུབ་པའི་ཞག་གཅིག་གི་དུས་ནི། ཞི་བ འི་ལས་རྣམས་ཕལ་ཆེར་སྲོད་ལ་བྱ། །བ་ནི་དུས་ཚིགས་ཏེ་དེ་ལ་བསྔགས་པའི་དུས་ཡིན་གྱི་ཞག་གཅིག་གི་སྐབས་གཞན་དུ་མི་བྱ་བ་ནི་མ་ཡིན་ནོ། །དེའི་ཕྱིར་ཕལ་ཆེར་ཞེས་གསུངས་སོ། །རྒྱུད་རྡོར་ཕྲེང་ལོགས་སུ་བསྒྱུར་བ་ལས་ཞི་བ་ཐོ་རངས་བྱ་ཞེས་པ་ནི་དཔེ་མ་དག་པ་ལས་བསྒྱུར་བའོ། །དེ་བཞིན་ཞེས་པ་ནི་རྒྱས་པ་ཡང་ཕལ་ཆེར་སྔ་དྲོ་སྟེ་ནང་པར་བྱ། །བ་ཡང་བསྔགས་པའི་དུས་སོ། །དབང་དང་མངོན་སྤྱོད་དག་གི་ལས། །ཉི་མ་གུང་དང་མཚན་ཕྱེད་ལའོ། ༈ །རྫོགས་པའི་རིམ་པ་ཟུང་འཇུག་ལ་གནས་པས། །ཕྱིའི་ཁ་ལྟ་ཕྱོགས་དང་ཆས་གོས་མི་མཐུན་པ་དང༌། ཕྱིའི་དུས་ལ་མི་ལྟོས་པས་ནང་གི་བདག་ཉིད་ཅན་གྱི་དུས་ལ་བརྟེན་ཏེ། ཞི་བ་ལ་སོགས་པའི་ལས་རྣམས་བྱའོ། །ཞེས་བྱ་བ་ནི་རྫོགས་རིམ་པས་ལས་སྒྲུབ་པའི་ཁྱད་པར་ཏེ། ཁྱད་ཆོས་སོ། །བཅོམ་ལྡན་འདས་ཀྱིས་ཇི་སྐད་དུ་བཤད་པའི་རྒྱུད་ནི་ཤྲ་དྷཱ་དང་སྐལ་ལྡན་གྲགས་པས་དགོངས་པ་ལུང་སྟོན་ལ་བཤད་པ་ལྟར་བྱའི་རྡོ་རྗེ་ཕྲེང་བ་མིན་ནོ། །ད་ལྟ་འགྱུར་བའི་དགོངས་པ་ལུང་སྟོན་ལ་མི་སྣང་ཡང༌། རྒྱུད་དེའི་བསྒྱུར་འཕྲོ་ལས་འདུག་པས་དེར་ཡོད་པ་མི་འགལ་ལོ། །ལས། ཕྱག་ན་རྡོ་རྗེས་གསོལ་བ། བཅོམ་ལྡན་འདས་ནང་གི་བདག་ཉིད་ཅན་གྱི་དུས་ཞེས་གང་ལ་བགྱི། བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་ནང་གི་བདག་ཉིད་ཅན་གྱི་དུས་རླུང་
ལ་བརྟེན་ནས་དངོས་གྲུབ་བསྒྱུབ་བ་ནི་ཉན་ཐོས་སོགས་ལ་ལྟོས་ན་རྒྱུད་སྡེ་འོག་མ་གསུམ་ནི་གསང་:པ་ཚབ:གསང་བ་ཆེན་པོ་བས་ཤིན་ཏུ་གསང་བ་ཟེར། བ་ཆེན་པོ་ཡིན་ལ། དེ་གསུམ་ལས་ཀྱང་ཚུལ་འདི་ཤིན་ཏུ་གསང་བ འོ་ཤིན་ཏུ་ཕྲ་བ་ནི་བླ་ན་མེད་པའི་བསྐྱེད་རིམ་པ་རྣམས་ཀྱིས་མངོན་དུ་གྱུར་པའི་ཡུལ་མིན་པའོ། །རླུང་གི་དངོས་གྲུབ་བསྒྲུབ་པ་འདི་ནི་བྱང་ཆུབ་ཀྱི་སེམས་འོད་གསལ་ཀྱིས་བྱིན་གྱིས་བརླབས་པའི་མཐུ་ཡིན་ཏེ། རླུང་གི་བྱེད་ལས་ནི་སེམས་ཅན་གྲོལ་བར་བྱེད་པའི་ཕྱིར་དེ་ཁོ་ན་ཉིད་རྟོགས་པའི་ཡེ་ཤེས་ཡིན། །ཞེས་པ་དེ་དང་འདྲའོ། །སྦྲུལ་ལ་སོགས་པའི་སྔགས་རྣམས་ཀྱི་བསྒྲུབ་བྱ་སྒྲུབ་པ་ལ་དངོས་གྲུབ་གྲུབ་པ་དང་འདྲ་བ་ཡིན། །ནོ། །སྔགས་ཀྱི་བསྒྲུབ་བྱ་གང་ཞེ་ན་ཞི་དང་རྒྱས་པའི་ལས་དག་དང༌། །དེ་བཞིན་དབང་དང་མངོན་སྤྱོད་གྲུབ་པ་ཡིན་ལ། །དེ་བསྒྲུབ་པ་ལ་རླུང་བསྔགས་སོ། །རླུང་དེ་ཉིད་ཀྱིས་སྐལ་བ་དང་ལྡན་པར་བྱེད་པས་བཅོམ་ལྡན་དང་དབང་པོའི་ཤེས་པས་གཟུང་བྱ་མིན་པ་དང༌། དེ་ལ་གོམས་པས་གཟུང་འཛིན་གྱི་རྣམ་རྟོག་ཞི་བ ར་བྱེད་པ་དང་སྟེ། །སེམས་ཀྱི་བཞོན་པར་གྱུར་ནས་སེམས་འཁྲིད་པས་ན་སེམས་ཀྱི་དབྱིངས་ཏེ་རྒྱུ་དང་དེ་བཞིན་གཤེགས་པ་སྔར་བཤད་པའང་ཡིན། །ནོ། །མེ་ཏོག་ལ་དྲི་གནས་པ་ཇི་ལྟར་བར། །དེ་བཞིན་དུ་འགྲོ་བ་རྣམས་ཀྱི་འི་སྙིང་ལ་སྟེ། སེམས་ལའང་རླུང་གནས། །སོ། །མེ་རླུང་གི་རྗེས་ལ་རླུང་གི་རླུང་རྒྱུ་བ་སོགས་ཀྱི་རིམ་ནི་རླུང་བཞི་པོ་དེ་རྒྱུ་བའི་གོ་རིམས་བཤད་པ་ཇི་བཞིན་དུ། །བཞི་པོ་དེ་གང་གིས་གཙོ་བོ་བྱས་ནས་རྒྱུ་བའི་ཡུན་ནི་དགུ་བརྒྱ་པ་ཕྲག་རེའི་ཐུན་ཕྱེད་ཀྱི་ནི་དུས་སུ་གནས། །སོ། །མེ་དང་
རླུང་དང་དབང་ཆེན་དང༌། །ཆུ་སྟེ་དེ་འདྲ་བ་དེ་ཡང་སོ་སོའི་དཀྱིལ་འཁོར་ཏེ། །རེ་རེས་གཙོ་བོ་བྱས་ནས་རྒྱུ་བའི་ཡུན་ཡིན་ནོ། །དེ་བཞིའི་ཁ་དོག་ནི་དམར་དང་གནག་དང་དེ་བཞིན་སེར། །དཀར་པོ་ཉིད་དེ་མདོར་བསྡུས་ཏེ་བཤད་པའོ། །མཉམ་གནས་ཀྱི་རླུང་ནག་པོར་བཤད་པ་རྣམས་ལེའུ་གསུམ་པའི་སྐབས་སུ་བཤད་པ་བཞིན་དུ་ཤེས་པར་བྱའོ། །ཞེས་གསུངས་སོ། །རྒྱུད་ཀྱི་གཞུང་དེ་དག་གི ས་ནི་འདི་སྐད་དུ་སྟོན་པར་འགྱུར་ཏེ། ཆུའི་དཀྱིལ་འཁོར་གྱི་རླུང་སྲོག་འཛིན་སྙིང་གའི་འགྲེལ་པ་འདིར་རྩ་འཁོར་ཞེས་མ་བཤད་པར་སྙིང་གའི་པདྨ་ཞེས་སོགས་གསུངས་པ་རྣམས་ཀྱི་དོན་ནི་རྩ་འཁོར་ལ་གོ་བར་བྱ་སྟེ། བཤད་རྒྱུད་རྡོར་ཕྲེང་ལས། འཁོར་ལོའི་མིང་ཅན་པདྨ་རྣམས། །རིམ་གྱིས་རིམ་གྱིས་བྱེ་བར་འགྱུར། ཞེས་གསུངས་པ་ལྟར་རོ། །པདྨ་ལ་གནས་པ་དེའི་དེའི་ཞེས་པ་བཞི་འབྱུང་བའི་འི་རྣམས་འགྱུར་གསར་གཉིས་ལ་མེད་དོ། །འབྱུང་བའི་དུས་སུ། འོད་འོད་ཟེར་ཞེས་པ་བཞི་ཀ་རླུང་བཞིའི་ཁ་དོག་སྟོན་པར་གཟུང་ངོ༌། །ཟེར་ཁ་དོག་དཀར་པོར་བྱུང་ནས་ཐུན་ཕྱེད་དུ་སྟེ་དགུ་བརྒྱ་པ་ཕྲག་གཅིག་ཏུ་གནས་ཏེ་དེའི་ཚེ་རྡོར་བཟླས་ཀྱི་ཞི་བ་ཆེན་པོ འི་ལས་བྱའོ། །དབང་ཆེན་གྱི་དཀྱིལ་འཁོར་བཤང་རྒྱུད་རྡོར་ཕྲེང་ལས། འདོམས་ན་གནས་པའི་ཐུར་སེལ་ནི། ཞེས་རྒྱུ་ཞབས་ཀྱི་གསང་གནས་ཀྱི་འཁོར་ལོར་གནས་པར་གསུངས་ཤིང༌། ཡང་དེ་ཉིད་ལས། ཧཱ་ནི་ཐུར་སེལ་མིང་ཅན་རླུང༌། །བཤང་སྒོ་གསང་པའི་དབུས་ན་གནས། ཞེས་གསུངས་པའི་གསང་བའི་པདྨ་ཐུར་སེལ་གྱི་གནས་དངོས་གཞི་ཡིན་པས་བཤང་སྒོར་གནས་པ་ནི། ཐུར་སེལ་གྱིས་དྲི་ཆེན་བཤང་
སྒོ་ནས་ཐུར་དུ་སེལ་བ་ལ་དགོངས་སོ། །དེ་བཞིན་དུ་བཤང་སྒོའི་པདྨར་གནས་པ་ཞེས་འབྱུང་བ་ཡང་གསང་བའི་པདྨ་ལ་དགོངས་པའོ། །སྒོའི་པདྨར་གནས་པ་དེའི་འབྱུང་བ་ན་འོད་ཟེར་ཁ་དོག་སེར་པོར་བྱུང་ནས་ཐུན་ཕྱེད་དུ་གནས་ཏེ་དེའི་ཚེ་རྒྱས་པ་བྱའོ། །འདིར་ཐུགས་རྗེ་ཞབས་ཀྱིས། སྒྲུབ་ཐབས་སུ་སྭ་ཡིག་ལྟེ་བ་དང༌། རྐང་པ་གཉིས་ལ་ཧཱ་དགོད་པར་གསུངས་པས། བཤང་སྒོའི་པདྨར་གནས་པའི་རླུང་ནི་རླུང་གི་རླུང་ལ་བྱའོ། ཞེས་ཟེར་བ་མི་ལེགས་སོ། །མེའི་དཀྱིལ་འཁོར་གྱི་རླུང་གྱེན་རྒྱུ་ལྐོག་མའི་པདྨ་ལོངས་སྤྱོད་ཀྱི་འཁོར་ལོ་ལ་གནས་པ་དེའི་འབྱུང་བ་ན། འོད་ཟེར་དམར་པོར་བྱུང་ནས་ཐུན་ཕྱེད་དུ་གནས་ཏེ་དེའི་ཚེ་དབང་དང་དགུག་པ་དག་བྱའོ། །རླུང་གི་དཀྱིལ་འཁོར་གྱི་རླུང་མཉམ་གནས་ལྟེ་བའི་པདྨ་སྤྲུལ་པའི་འཁོར་ལོ་ལ་གནས་པ་དེའི་འབྱུང་བ་ན། འོད་ཟེར་གནག་ཅིང་སྔོ་བ་བྱུང་ནས་ཐུན་ཕྱེད་དུ་གནས་ཏེ་དེའི་ཚེ་དྲག་པོའི་ལས་བྱའོ། ༈ །ད་ནི་ལེའུ་ལ་འཇུག་པར་བྱ་སྟེ། དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པའོ། །དམ་ཚིག་ནི་ལྷ་མོ་རྣམས་སོ། །དེ་རྣམས་ཀྱི་བདག་པོ་ནི་རྡོ་རྗེ་འཆང་ཆེན་པོའོ། །ཞི་བ་ནི་རིམས་ལ་སོགས་པ་ཉེ་བར་ཞི་བའོ། །དེ ར་:ཆག:འགྲོ་བ ༡་བྱེད་པས༢་ན་ཞི་བའི་དམ་ཚིག་གོ །དེ ར་འགྲོ་བ་ནི་འདི་ལྟར་ཁྱད་པར་དུ་གྱུར་པས་ན་མཆོག་སྟེ། རྡོ་རྗེ་འཆང་དེ་སྐད་ཅེས་བྱ་བའི་ཏིང་ངེ་འཛིན་གྱི་གནས་སྐབས་ཀྱི་ཁྱད་པར་ལ་སྙོམས་པར་ཞུགས་པའོ། །ལེའུ་འདིར་ཕྲེང་སྔགས་བཅུ་གསུམ་གྱིས་ལས་སྒྲུབ་པའི་སྐབས་སུ། སྟན་པ་ཏིང་ངེ་འཛིན་སོ་སོ་ལ་སྙོམས་པར་
ཞུགས་པ་ནི། རང་རང་གི་སྐབས་ཀྱི་ལྷ་རྣམས་དང་དེ་རྣམས་སྐྱེད་པའི་ཏིང་ངེ་འཛིན་དབྱེར་མེད་པས་སོ་སོར་མ་ཕྱེ་བ་དང༌། ལྷ་དང་སྔགས་དེ་དང་དེས། ལས་དེ་དང་དེ་བསྒྲུབ་པར་བྱ་བ་ཅིག་བཤད་སྙམ་དུ་ཐུགས་རྩེ་གཅིག་ཏུ་བཞག་པའོ། །སྔགས་ཕྱུང་བ་ནི་ལྷ་དང་དབྱེར་མེད་པའི་སྔགས་སྒྲའི་རྣམ་པར་ཕྱུང་བ་སྟེ་དེ་ཐམས་ཅད་ལ་གོ་བར་བྱའོ། །དེ་བཞིན་གཤེགས་པ་ཐམས་ཅད་ཅེས་བྱ་བ་ནི་སྒྲུབ་པ་པོ་རྣམས་སོ། །དེ་རྣམས་ཀྱིས་བཙུན་མོའི་སྐད་དོད་བྷཱ་རྱཱ་ལ་ངེས་ཚིག་གི་དྷཱ་ར་ཡི་ཏ་བྱཾ་ཞེས་པ་གཟུང་བར་བྱ་བ་ཡིན་པས་ན་བཙུན་མོ་སྟེ་གཟུངས་སྔགས་ཡིན་ལ། གཟུངས་སྔགས་དེ་རྡོ་རྗེ་འཆང་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་བསྡུས་པ་ལས་སྒྲའི་ཚུལ་དུ་ཕྱུང་ཞིང་བཀའ་སྩལ་པའོ། །ༀ་ཞེས་བྱ་བ་ལ་སོགས་པ་ནི་སྔགས་ཡིན་ལ་སྔགས་འདིའི་མིང་ནི་སྦྲུལ་ཞེས་བྱ་སྟེ། ཐོག་མར་ༀ་ཡིག་གདེངས་ཀ་འདྲ་བ་དང། བར་དུ་སྦྲུལ་གྱི་ལུས་ལྟ་བུ་དང༌། མཐར་སྭཱ་ཧཱ་མཇུག་མ་ལྟ་བུ་ཡོད་པའི་ཕྱིར་རོ། །དེ་ཡང་རྡོ་རྗེ་གཙུག་ཏོར་གྱི་རྒྱུད་ལས། ཐོག་མར་ༀ་ལྡན་ཐ་མར་ནི། །སྭཱ་ཧཱར་ཡང་དག་ལྡན་པ་འདི། །སྦྲུལ་ཏེ་ཞི་བའི་ལས་ཅན་དུ། །སྔགས་སྟོན་རྣམས་ཀྱིས་ཤེས་པར་བྱ། ཞེས་གསུངས་པས་སོ། །སྔགས་ཀྱི་མིང་བསྟན་ནས། སྔགས་ཀྱི་དོན་བཤད་པར་བྱ་སྟེ། འདི་ལྟ་སྟེ། ཡི་གེ་ཨ་དང༌། ཨུ་ལས་ཨོ་དང༌། ཨཾ་གྱི་ཨ་ཡིག་བརྗོད་པའི་དོན་ཡིན་པས་ཕྱིས་ལ་ཐིག་ལེ་ཨོ་ལ་བྱིན་པས་ༀ་མོ། །སྟེ། དེ་རྡོ་རྗེ་གསུམ་གྱི་བདག་ཉིད་དུ་འཇོག་ལུགས་ནི། སྐལ་ལྡན་གྱིས། ཨ་མི་བསྐྱོད་པ། ཨུ་སྣང་མཐའ། མ་ཡིག་རྣམ་སྣང་དུ་འཆད་ལ། ལོཙྪ་པ་ཁ་ཅིག །ཨདྷེ་ཧ་ཙ་ལུས། ཨུ་ཙ་ར་ངག །
ཨཾ་མ་ན་ཙ་ཡིད་དུ་འདོད་དོ། །གྱུར་པས་ༀ་ཞེས་བྱ་སྟེ། དེ་ལྟར་ཤེས་ནས་ༀ་ཡིག་བརྗོད་པས་བསོད་ནམས་ལེན་པ་སྟེ་དགེ་བ་སྡུད་པ། །རུ་རུ་ཞེས་བྱ་བ་ལ། རུའི་སྒྲ་ནི་སྔགས་ཀྱི་:ཆག:སྔགས་ཀྱི་ལྷའི་ཚོགས་སོ་ཟེར། ལྷ་རྣམས་ཀྱི་གནས་སོ། །སྥུ་རུ་:པ་ཚབ:སྥུ་རུ་ནི་སྤྲོ་བ་ལ་སྟེ་གསལ་བར་མཛོད་ཅིག་པའོ་ཟེར། དོན་ནི་སྤྱན་མ་དང་རྣམ་སྣང་སོགས་ཀྱི་ལྷའི་ཚོགས་་འོད་ཟེར་སྤྲོས་ཏེ། བསྒྲུབ་བྱ་ལ་ནད་མེད་པ་སོགས་གསལ་བར་མཛོད་ཅིག་ཅེས་པའོ། །ཞེས་བྱ་བ་ནི་སྥུ་རུ་སྥ་ར་ཎ་སྟེ་གསལ་བར་བྱེད་པའོ། །ཛྭ་ལ་ནི་གཟི་བརྗིད་ཡིན་ལ། དེ་ཡང་འདིར་ཤིན་ཏུ་ཡང་ནད་ཀྱི་ཟུག་རྔུ་སྲེག་པའི་གཟི་བརྗིད་དང་ལྡན་པར་མཛོད་ཅིག་པའོ། །ཏིཥྛ་ཞེས་པ་ནི་བརྟན་པའམ་བཞུགས་ཤིག་པ་སྟེ། དེ་ཡང་འདིར་བདག་གི་བསམ་པ་མ་ལུས་པར་རྫོགས་པར་བྱ་བའི་ཕྱིར་བཞུགས་ཤིག་པའོ། །སིདྡྷ་ལོ་ཙ་ནེ་ཞེས་པ་ནི་གྲུབ་པའི་སྤྱན་ཞེས་པ་སྟེ། དེ་ཡང་འདིར་ཐོགས་པ་མེད་པར་གྲུབ་པའི་ལོ་ཙ་ན་སྟེ། སྤྱན་གང་ལ་ཡོད་པ་དེ་ནི་སིདྡྷ་ལོ་ཙ་ནེ་ཞེས་བྱའོ། །སརྦ་ནི་ཐམས་ཅད་ཨརྠ་ནི་དོན་སཱ་དྷ་ནི་གྲུབ་པ་ཞེས་པ་འདི་ནི་ཀྱེ་དོན་ཐམས་ཅད་གྲུབ་པ་ཞེས་ལྷ་ལ་བོད་པའོ། །སྭཱཧཱ་ཞེས་བྱ་བ་ནི་ཞི་བ འི་ལས་གསལ་བར་བྱེད་པའི་ས་བོན་ཏེ་འདིར་ཞི་བའི་ལས་ཀྱི་གཟི་བརྗིད་བསྐྱེད་པར་བྱ་བའི་ཕྱིར་སྔགས་སྤེལ་བར་བྱ་སྟེ། སྤེལ་ལུགས་ཇི་ལྟ ར་བྱ་ཞེ་ན། སྭཱཧཱའི་སྔོན་དུ་འགྲོ་བའི་ཆེ་གེ་མོ་ཤཱནྟིཾ་ཀུ་རུ་ཞེས་བྱ་བ ནི་འོ་། །ༀ་རུ་རུ་སྤུ་རུ་ཛྭ་ལ་ཏིཥྛ་སིདྡྷ་ལོ་ཙ་ནི་སརྦ་ཨརྠ་སཱ་དྷ་ནི་ཆེ་གོ་མོའི་ཤཱནྟིཾ་ཀུ་རུ་སྭཱཧཱ། ཞེས་པའོ། །འདིར་ཕྲེང་སྔགས་རྣམས་ཀྱིས་ལས་སྒྲུབ་པ་ལ་བསྐྱེད་རིམ་བརྟན་པ་སོགས་སྔར་དང་འདྲ། ཁྱད་
པར་དུ་འོག་ན་འཆད་པ་ལྟར་སྔགས་གང་གིས་ལས་སྒྲུབ་པའི་སྔགས་ལ་འབུམ་ཕྲག་གཅིག་དང༌། ལས་ཐམས་ཅད་པའི་དབང་གི་ཐབ་ཏུ་སྔགས་དེས་ལྷ་དབང་དུ་བྱེད་པའི་སྦྱིན་སྲེག་ཁྲི་ཕྲག་གཅིག་བྱ་བ་སྔོན་དུ་གཏོང་བ་ནི་སྔགས་ལ་གཞོལ་བས་ལས་སྒྲུབ་པ་ཐམས་ཅད་ལ་འདྲའོ། །འདིར་རྣམ་སྣང་གི་སྒོ་ནས་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་བྱས་ལ། ལས་རྒྱལ་མཆོག་གི་དུས་སུ་རང་གི་ཡེ་ཤེས་སེམས་དཔའི་ཐུགས་ཀར་ཟླ་བའི་སྟེང་གི་འཁོར་ལོ་ལ་ཏིང་ངེ་འཛིན་སེམས་དཔའ་ༀ་བསམ། དེ་ལ་སྔགས་ཀྱི་ཡི་གེ་རྣམས་གཡས་སྐོར་དུ་མགོ་གྱེན་བསྟན་ཁ་དོག་དཀར་པོས་བསྐོར་བ་དགོད། མདུན་དུ་ཟླ་བའི་སྟེང་དུ་བསྒྲུབ་བྱ་ནད་པ་ལྟ་བུ་དེ་བསམ། སྔགས་ཀྱི་ཕྲེང་བ། མུ་ཏིག་སྟར་ལ་བརྒྱུས་པ་བཞིན་བྱུང་ནས། རང་གི་སྣ་བུག་གཡོན་ནས་ཕྱུང༌། བསྒྲུབ་བྱའི་སྣ་བུག་གཡས་ནས་བཅུག་ལ། སྙིང་གར་བཀོད་པའི་འོད་ཀྱིས་བསྒྲུབ་བྱའི་ལུས་ལ་ཡོད་པའི་ནད་གདོན་སྡིག་སྒྲིབ་ཐམས་ཅད་ཤ་ཟའི་གཟུགས་སུ་བསྒྲུབ་བྱའི་སྣ་བུག་གཡོན་པ་ནས་ཕྱིར་ཕྱུང་བར་བསམས་ལ། སྔགས་བཟླས་པས་ནད་ལ་སོགས་པ་ཞི་བར་འགྱུར་ཏེ། བླ་མ་སྔ་མ་རྣམས་ཀྱིས་བཞེད་པའོ། །འདིར་སྔགས་ཀྱི་ཡི་གེ འི་གཟུགས་དང་མེ་ཏོག་དང་སྤོས་ལ་སོགས་པ་རྣམས་ནི་ཁ་དོག་དཀར་པོ་ཉིད་དུ་བསམ་པར་བྱའོ། །དེ་ནས་ཞེས་བྱ་བ་ལ་སོགས་པ་ལ། གཟུངས་འདི་ནི་གསུངས་ཙམ་གྱིས་ཏེ་འདི་བཀའ་སྩལ་མ་ཐག་གི་མོད་ལ་ཡང་འབྱོར་པ་ཀུན་ལ་དགྱེས་པ་རྣམས་ཞེས་བྱ་བ་སྟེ། སེམས་ཅན་ཐམས་ཅད་ནད་མེད་པར་བཞེད་པའི་འཁོར་རྣམས་སོ་འོ་། །སངས་རྒྱས་རྡོ་རྗེ་ནི་རྣམ་པར་སྣང་མཛད་སྟེ་དེ་རྗེས་སུ་དྲན་
པས་མཉེས་ཤིང་ཡིད་མགུ་བར་གྱུར་ཅིང་དགྱེས་པར་གྱུར་པས་རྩེ་གཅིག་པར་གྱུར་པ་ཐོབ་པར་གྱུར་ཏོ། །རྣམ་སྣང་རྗེས་སུ་དྲན་པར་བཤད་པས་ནི་ལས་འདི་རྣམ་སྣང་གི་སྒོ་ནས་བྱ་བར་བསྟན་ནོ། །སངས་རྒྱས་ནི་སྒྲུབ་པ་པོར་མངོན་པར་འདོད་པ་རྣམས་སོ། །དེ་རྣམས་ཀྱི་ཞི་བ་འབྱུང་བ འོ་སྟེ། གཟུངས་འདི་གཙོ་བོར་ཞི་བ་བསྐྱེད་པ་ཡིན་ཀྱང་ཞི་བ་འབྱུང་བ་འབའ་ཞིག་ཏུ་མ་ཟད་ཀྱི། བསྐུལ་བ་སྟེ་རྒྱས་པ་སོགས་ཀྱི་སྤེལ་ཚིག་དང་ཁ་དོག་གསུམ་དང་བསམ་པ་གསུམ་པོ འི་བྱེ་བྲག་གིས་ལས་ཐམས་ཅད་རབ་ཏུ་སྒྲུབ་པའོ། །རྡོ་རྗེ་དམ་ཚིག་ནི་རྣམ་པར་སྣང་མཛད་སྟེ་དེ་བསྐུལ་བར་བྱེད་པས་ན་རྡོ་རྗེ་དམ་ཚིག་བསྐུལ་བར་མཛད་མ་སྟེ་གཟུངས་སོ། །ཤི་བ་སློང་བར་བྱེད་པས་ན་ཤི་བ་སོས་པར་བྱེད་པར་ཞེས་བྱ་སྟེ། དེ་དག་ནི་སྔགས་ཀྱི་མཐུ་གསུངས་པ་ཡིན་ནོ། །གསུངས་ཞེས་བྱ་བ་ནི་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ་ཞེས་པ་སྟེ་སྡུད་པར་བྱེད་པའི་ཚིག་གོ ། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །སྐུ་གསུམ་ནི་ཁམས་གསུམ་མོ། །དེ་དང་མཉམ་པར་རྗེས་སུ་འཇུག་པའི་ཕྱིར་སྐུ་གསུམ་གྱི་དམ་ཚིག་ནི་ཁྲོ་བོ མི་བསྐྱོད་པ། །དེ་ཉིད་ནི་མི་ཕྱེད་པས་ན་རྡོ་རྗེའོ། །དེ་གང་ཡིན་པ་དེ་ནི་སྐུ་གསུམ་གྱི་དམ་ཚིག་རྡོ་རྗེ་ཁྲོ་བོ་སྟེ་བཅོམ་ལྡན་འདས་སོ། །དངོས་པོ་ནི་དངོས་པོའི་སྐད་དོད་བྷ་བ་ལ་བྷ་བནྟི་འབྱུང་བ་སྟེ། སྒྲུབ་པ་པོའི་ཡིད་ལ་རྣམ་པར་འཚེ་བར་བྱེད་པའི་དོན་དུ་འབྱུང་བར་བྱེད་དོ། ཞེས་བྱས་ནས་བགེགས་རྣམས་སོ། །དེ་
རྣམས་མེད་པས་དངོས་པོ་མེད་པའོ། །དེའི་དམ་ཚིག་ནི་འདའ་བར་མི་བྱ་བའོ། །དེ་ཉིད་མི་ཕྱེད་པས་ན་རྡོ་རྗེ་སྟེ། ཏིང་ངེ་འཛིན་གང་ལ་དེ་སྐད་ཅེས་བྱ་བ་དེ་ལ་སྙོམས་པར་ཞུགས་ཤིང་དམིགས་པའོ། །རྡོ་རྗེ་འཛིན་ཐམས་ཅད་ནི་གདུག་པ་ཅན་ཐམས་ཅད་འཇིགས་པར་མཛད་པས་རྡོ་རྗེ་འཛིན་པའོ། །དེའི་གཙུན་མོའི་མཆོག་ནི་གཙུན་མོའི་མཆོག་ལྟར་གཟུངས་ཐམས་ཅད་ཀྱི་གཙོ་བོར་གྱུར་པ་སྟེ།གཟུངས་ལ་བཙུན་མོ་ཞེས་པ་ནི་སྔར་བཞིན་ནོ། །མཱ་མ་ཀཱིའི་གཟུངས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ༀ་ཞེས་བྱ་བ་ལ་སོགས་པ་ལ། མིང་ནི་སྦྲུལ་ཏེ་ༀ་གྱི་དོན་ནི་བཤད་ཟིན་ཏོ། །ཤཾ་ཀ་རེ་ཤཱནྟིཾ་ཀ་རེ་ཞེས་པ་དང༌། འོག་གི། གྷུཊྚི་ནི་ཞེས་པ་གཉིས་སྦྲེལ་བ་ནི་བོད་པའོ་སྟེ། གྷུཊྚ་དང་གྷཱ་ཏ་ཡ་ཞེས་པ་གཉིས་ནི་རྦོད་པའོ། །ཤཾ་ཀ་རེ་ཞེས་པའི་ཤི་གི་སྒྲ་ལ་ཤ་མ་ཨུ་པ་ཤ་མ་ནི་ཉེ་བར་ཞི་བའོ་སྟེ། །དེ་ཡང་བགེགས་གདུག་པ་རྣམས་ཉེ་བར་ཞི་བར་མཛད་པས་ན་ཤཾ་ཀ་རེའོ། །བགེགས་གདུག་པ་རྣམས་ཉེ་བར་ཞི་བའི་འོག་ཏུ་དེ་དག་གིས་བྱས་པའི་ནད་ཞི་བར་མཛད་པས་ན་ཤཱནྟིཾ་ཀ་རེའོ། །གྷུཊྚ་ནི་གདུག་པ་རྣམས་གཞིག་པར་གྱིས་ཤིག་ཅེས་རྦོད་པ་སྟེ། གྷུཊྚ འི་སྒྲ་ནི་རབ་ཏུ་འཇོམས་པའོ། །ཞེས་སྒྲའི་དབྱིངས་ལས་བཤད་པའི་ཕྱིར་རོ། །གྷུཊྚི་ནི་གྷུཊྚི་ནི་ཞེས་པ་ནི་གདུག་པ་རྣམས་རབ་ཏུ་བརླག་པ་སྟེ་ཤིན་ཏུ་རྦོད་པའི་ཕྱིར་ལན་གཉིས་སྨོས་སོ། །གྷཱ་ཏ་ཡ་ཞེས་པ་ནི་འཁོར་རྣམས་ཀྱང་རློག་ཏུ་ཆུག་ཅིག་པ་སྟེ། འདི་ལ་ཧ་ན་ནི་འཚོ་བ་ལ། །ཞེས་
བྱིངས་ལས་བཤད་ཅེས་པའོ། །དེ་ཡང་གྷ་ཞེས་པའི་ཧའི་སྒྲ་ལས་ཡིན་ཟེར་རོ། །འདིར་ཡང་སྭཱཧཱའི་སྔོན་དུ་འགྲོ་བའི་ཆེ་གོ་མོ་རཀྵ་རཀྵ་ཞེས་བྱ་བ་དང་པ་ནི་ༀ་ཤཾ་ཀ་རེ་ཤཱནྟིཾ་ཀ་རེ་གྷུཊྚ་གྷུཊྚ་གྷུནྚི་ནི་གྷཱ་ཏ་ཡ་གྷཱ་ཏ་ཡ་གྷུཊྚི་ནི། ཆེ་གེ་མོ་ལ་རཀྵ་རཀྵ་སྭཱཧཱ་ཞེས་པའོ། །སྤེལ་ལོ། །མི་བསྐྱོད་པའི་ཏིང་ངེ་འཛིན་གཞན་གཉིས་སྔོན་ཏུ་བཏང་ནས། ལས་རྒྱལ་མཆོག་གི་དུས་སུ་བསྲུང་བྱ་གང་ཡིན་དེའི་མགོ་ལ་ཧཱུཾ་ལས་མི་བསྐྱོད་པའི་རྡོ་རྗེ་རྩེ་ལྔ་པ་གྱེན་དུ་འགྲེང་བའི་ལྟེ་བར་མཱ་མ་ཀཱི་སེམས་དཔའ་སུམ་བརྩེག་ཏུ་བསྐྱེད་པའི་ཏིང་ངེ་འཛིན་སེམས་དཔའི་མཐར་ཕྲེང་སྔགས་བཀོད། དེ་ལས་འཕྲོས་པའི་རྡོ་རྗེ་ཕྲ་མོ་རྣམས་གཅིག་ཏུ་གྱུར་པའི་རྡོ་རྗེའི་གོ་ཆས་སྤྱི་གཙུག་ནས་རྐང་པའི་བར་གོ་བགོས་པར་བསམ་ལ། སྔགས་བཟླས་ན་བསྲུང་བ་ཆེན་པོར་འགྱུར་ཏེ་ཕལ་ཆེ་བ་སྙིམ་ཏོག་གི་དགོངས་པའོ། །དེ་ནས་ཞེས་བྱ་ལ་སོགས་པ་ལ། རྡོ་རྗེ་གསུམ་ནི་སེམས་ཅན་ཐམས་ཅད་དོ། །དེ་རྣམས་:ཆག:དང་རང་བཞིན་དབྱེར་ཀྱིས་མི་ཕྱེད་པས་རྡོ་རྗེ་ལྟ་བུའི་ལུས་གང་ཡིན་པ་དེ་ནི་སྐུ་གསུམ་དབྱེར་མེད་རྡོ་རྗེ་ཅན་ཏེ་སྒྲུབ་པ་པོའོ། །དེ་དགའ་བས་མཉེས་པའི་སྤྱན་གྱི་ཨུཏྤལ་གདངས་ནས་སུ། རྡོ་རྗེའི་ཐུགས་ནི་སྟེ་མི་བསྐྱོད་པ་རྗེས་སུ་དྲན་ནོ། །བདུད་ལ་སོགས་པ་ལས་བསྲུང་བ་དེ་ཉིད་མི་ཕྱེད་པས་ན་རྡོ་རྗེའོ། །དེའི་སྦྱོར་བ་ལ་བསྲུང་བའི་ལས་ཀྱི་མཆོག་རྣམས་ལ་རྟག་ཏུ་སྟེ། དུས་ཐམས་ཅད་དུ་སྐུ་གསུམ་གྱི་དངོས་གྲུབ་རྩོལ་བར་བྱེད་པའོ། །གཞན་ཡང་རྡོ་རྗེ་ཆེན་པོ་འཇིགས་ཉེན་ནི། བགེགས་དང་ལོག་འདྲེན་གྱི་འཇིགས་པའོ། །དེས་གདུངས་ཤིང་གཟིར་བ་རྣམས་ལ་རྟག་ཏུ་སྟོབས་ནི་བྱེད་པ་སྟེ། བགེགས་གཞན་གྱིས་མི་ཐུབ་པའི་སྟོབས་སུ་འགྱུར་བའོ། །བཤད་
དོ་ཞེས་བྱ་བ་ནི་གཟུངས་ལ་བྱའོ། །རིན་རིན་འབྱུང་ལ་བརྟེན་ནས་མཱ་མ་ཀཱིའི་གཟུངས་ཀྱིས་རྒྱས་པའི་ལས་བསྒྲུབ་ནའང་ཁ་བསྒྱུར་བའི་ཚུལ་གྱིས་ཤེར་པར་བྱའོ། །པོ་ཆེའི་རིགས་ཀྱི་གཟུངས་ཀྱང་འདི་ཉིད་ཡིན་ཏེ། མཱ་མ་ཀཱི་ནི་རིགས་གཉི་གའི་ཐུན་མོང་དུ་གྱུར་པ་ཡིན་པའི་ཕྱིར་རོ། ༈ །དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །འདོད་ཆགས་ཆེན་པོའི་དམ་ཚིག་ནི་འོད་དཔག་ཏུ་མེད་པའོ། །དེ་ཏིང་ངེ་འཛིན་གང་གིས་གཟིགས་ཤིང་ཡུལ་དུ་བྱས་པ་དེ་ནི། འདོད་ཆགས་ཆེན་པོའི་དམ་ཚིག་ལ་གཟིགས་པ་ཞེས་བྱ་བའི་ཏིང་ངེ་འཛིན་ཅེས་བྱ་སྟེ། དེ་ལ་སྙོམས་པར་ཞུགས་ཤིང་མངོན་སུམ་དུ་མཛད་པའོ། །ཆོས་ཀྱི་དམ་ཚིག་གི་སྐུ་ནི་པདྨའི་རིགས་ཀྱི་ལྷ་མོ་རྣམས་སོ། །དེ་རྣམས་ཀྱི་ནང་ན་བཙུན་མོའི་མཆོག་ཡིན་ཞིང་ཁྱད་པར་དུ་བཅང་བ་སྟེ་གཟུང་བ ར་བྱ་བ་ཡིན་པས་ན། བཙུན་མོའི་མཆོག་སྟེ་གཟུངས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་བའོ། །ༀ་ཞེས་བྱ་བ་ལ་སོགས་པ་ལ། ཀ་ཊེ་ཞེས་བྱ་བ་ནི་ཤིན་ཏུ་:ཆག:དམན་པ་གསོ་བ་སྟེ་ཟེར། གསོ་བ་ལ་རྣོ་བ་སྟེ། ཀ་ཊ་ཀྲིཙྪ་ཛི་བ་ནེ་ཞེས་སྒྲའི་གཞུང་ལས་ཟེར་བས་ཏེ་བྱུང་བ་ནི་ཕོངས་པ་རྣམས་གསོ་བ་ལ།ཞེས་བཤད་དོ། །བི་ཀ་ཊེ་ཞེས་པ་ནི་ཕོངས་པ་རྣམས་ཁྱད་པར་དུ་གསོ་བའོ། །ནི་ཀ་ཊེ་ཞེས་པ་ནི་ཉེ་བ་སྟེ། འདིར་སྒྲུབ་པ་པོ་དང་ཉེ་བའོ། །ཀ་ཊཾ་ཀ་ཊེ་ཞེས་པ་ནི་ཤིན་ཏུ་ཡང་གསོ་བའོ། །འདིར་སྭཱཧཱའི་སྔོན་དུ་འགྲོ་བའི་ཆེ་གོ་མོ་པུཥྚ່་ཀུ་རུ་བཽ་ཥཊ་ཅེས་བྱ་བ་དང་སྔགས་སྤེལ་ལོ། །ཞེས་
པ་ནི་ༀ་ཀ་ཊེ་བི་ཀ་ཊེ་ནི་ཀ་ཊེ་ཀ་ཊཾ་ཀ་ཊེ་ཆེ་གེ་མོའི་དྷཱ་ན་དྷཱནྱ་ཡ་པུཥྚ່་ཀུ་རུ་བཽ་ཥཊ་སྭཱཧཱ། ཞེས་པའོ། །འདིར་འོད་དཔག་མེད་ཀྱི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་མདུན་དུ་པདྨ་སེར་པོའི་གདན་ལ་བསྒྲུས་བྱ་བསམ་ལ། བདག་གི་ཐུགས་ཀའི་སྔགས་ཕྲེང་ལས་སྔགས་ཕྲེང་སེར་པོ་བྱུང་བ་རང་གི་སྣ་བུག་གཡས་པ་ནས་འཐོན། བསྒྲུབ་བྱའི་སྣ་བུག་གཡོན་ནས་ཞུགས་སྙིང་གའི་པདྨ་སེར་པོའི་སྟེང་དུ་བཀོད་ནས་དེ་ལས་འོད་ཟེར་སེར་པོ་འཕྲོས་པས། བསྒྲུབ་བྱའི་སེར་སྣ་སོགས་ཀྱི་སྡིག་སྒྲིབ་ཐམས་ཅད་བསྲེགས། ལུས་འོད་ཟེར་སེར་པོས་བཀང་། སྔགས་ཀྱི་རང་བཞིན་གྱི་འོད་ཟེར་སེར་པོ་འཕྲོས། དེ་ལས་རིན་པོ་ཆེ་བརྒྱད་ཀྱི་བུམ་པས། རིན་པོ་ཆེ་ལ་སོགས་པའི་ཚོགས་དཔག་ཏུ་མེད་པ་འབྱིན་པར་བསམ་ཞིང༌། གོས་དཀར་མོའི་ཐུགས་ཀ་ནས་གསེར་དངུལ་གྱི་ཡི་གེ་ཕྱུང་ནས། བསྒྲུབ་བྱ་ལ་དབང་བསྐུར་ཞིང་རྒྱས་པར་བསམས་ན་ནོར་དང་འབྲུ་ལ་སོགས་པ་འཕེལ་བར་འགྱུར་རོ། །ཡང་ཏིང་ངེ་འཛིན་སེམས་དཔའ་ལས་འོད་འཕྲོས་པའི་སྔགས་ཀྱི་འཕྲེང་བ་བསྒྲུབ་བྱའི་སྙིང་གར་བཀོད། དེའི་འོད་ཀྱིས་གསུང་རབ་ཡན་ལག་བཅུ་གཉིས་ལ་རྨོངས་པའི་སྡིག་སྒྲིབ་བསྲེགས། ལུས་ཐམས་ཅད་སྔགས་ཀྱི་འོད་ཟེར་སེར་པོས་བཀང་། འོད་ཟེར་ཕྱིར་འཕྲོས་གསུང་རབ་ཡན་ལག་བཅུ་གཉིས་ཀྱི་བརྗོད་བྱ་དང་རྗོད་བྱེད་ཀྱི་ཆོས་དང་སངས་རྒྱས་ཀྱི་ཡོན་ཏན་ཐམས་ཅད་ཨཱ་ལི་ཀཱ་ལིའི་རྣམ་པར་བསྡུས་ཏེ་བསྒྲུབ་བྱ་ལ་ཐིམ་པར་བསྒོམ་ཞིང༌། ཆེ་གེ་མོའི་དྷརྨཱ་པུཥྚ່་ཀུ་རུ་བཽ་ཥཊ་ཅེས་བཟླས་ན་ཆོས་རྒྱས་པར་འགྱུར་རོ། །འདི་གཉིས་ཀྱི་སྔ་མ་ནི་བླ་མ་རྣམས་ཀྱི་མན་ངག་དང༌། ཐུགས་རྗེ་ཞབས་ཀྱིས་བཤད་པ་ལ་བརྟེན་པ་ཡིན་ལ། ཕྱི་མ་ནི་བླ་མ་སྔ་མ་རྣམས་ཀྱི་མན་ངག་ལ་བརྟེན་པའོ། །དེ་ནས་ཞེས་བྱ་བ་ལ་སོགས་པ་ལ། རྡོ་རྗེ་ཆོས་མཆོག་འཛིན་པ་རྣམས། ཞེས་བྱ་བ་ནི་པདྨའི་རིགས་ལ་ལྷག་པར་མོས་པ་རྣམས་སོ། །རྡོ་རྗེ་
ཆོས་ནི་རྗེས་སུ་དྲན། ཞེས་བྱ་བ་ནི། འོད་དཔག་ཏུ་མེད་པ་ལ་དམིགས་པར་བྱེད་པས་མཉེས་ནས་བསམ་གཏན་ཏེ་སེམས་རྩེ་གཅིག་པ་ཐོབ་པར་འགྱུར་བ་རྙེད་པར་གྱུར་པའོ། །ཆོས་ནི་ཆེད་དུ་བརྗོད་པ་ལ་སོགས་པའོ། །ཞེས་པ་ནི། མདོ་སྡེ་དབྱངས་བསྙད་ལུང་བསྟན་དང༌། །ཚིགས་བཅད་ཆེད་བརྗོད་རྟོགས་པ་བརྗོད། །དེ་ལྟར་བྱུང་དང་གླེང་གཞི་དང༌། །ཤིན་ཏུ་རྒྱས་པ་སྐྱེས་རབས་བཅས། །གཏན་ལ་ཕབ་རྨད་བྱུང་ཆོས་ཏེ། །དེ་ལྟར་ཡན་ལག་བཅུ་གཉིས་གསུངས། ཞེས་འདོན་པ་ལྟར་རོ། །ཚིག་གསལ་ལས། “བསྟན་པ་རྣམ་པ་དགུར་གསུངས་པ་ལྟར་ན། རྟོགས་བརྗོད་དང༌། དེ་ལྟ་བུ་བྱུང་བ་དང༌། སྐྱེས་རབས་གསུམ་གླེང་གཞིར་བསྡུས་པའོ། །དེ་འདྲ་བའི་གསུང་རབ་ལ་མཁས་པར་སྒྲུབ་པའི་ལས་ཚོགས་གཅིག་གོ །རྒྱས་པ་ནི་ལུས་རིད་པ་རྒྱས་པ ར་བྱེད་པ་དང་པོ། །སྟོབས་ནི་བྱ་བ་རྣམས་ལ་སྤྲོ་བ་ཆེན་པོ་སྒྲུབ་པ་སྟེ། གཉིས་པ། །མཛོད་པོ་ཆེ་ནི་ནོར་དང་འབྲུ་ལ་སོགས་པ་འཕེལ་བར་བྱེད་པ་སྟེ། གསུམ་པའོ། །དེ་དག་ཐམས་ཅད་རྡོ་རྗེ་གསུང་གི་བཀའ་ཇི་ལྟ་བ་བཞིན་དུ་མངོན་པར་འདོད་པའི་དངོས་གྲུབ་སྒྲུབ་པ་པོས་བཟླས་ཤིང་བཏོན་པ་ཙམ་གྱིས་ཀྱང་བྱེད་པར་འགྱུར་བའོ། ༈ །དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་པའོ། །དམ་ཚིག་ཀུན་ནས་འབྱུང་བ་ནི་དོན་ཡོད་གྲུབ་པ་སྟེ། དེ་གང་གིས་འབྱུང་བའི་ཏིང་ངེ་འཛིན་དེ་ལ་སྙོམས་པར་ཞུགས་པའོ། །དམ་ཚིག་ནི་དོན་ཡོད་པར་གྲུབ་པའོ། །དེའི་སེམས་དཔའ་ནི་དོན་ཡོད་པར་གྲུབ་པའི་རིགས་ཀྱི་ལྷ་མོ་རྣམས་སོ། །དེ་རྣམས་ཀྱི་ནང་ན་བཙུན་མོའི་མཆོག་ཡིན་ཞིང་ཁྱད་པར་དུ་བཅང་བར་བྱ་ཞིང་གཟུང་བར་བྱ་བ་
ཡིན་པས་ན་བཙུན་མོའི་མཆོག་སྟེ། གཟུངས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་བའོ། །ༀ་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཏཱ་རེ་ཞེས་བྱ་བ་ནི་སྒྲོལ་བ་སྟེ། སྡུག་བསྔལ་གྱི་རྒྱ་མཚོ་ལས་སྒྲོལ་བར་མཛད་པས་ན་སྒྲོལ་མའོ། །ཏུཏྟཱ་རེ་ཞེས་བྱ་བ་ནི་ནད་རྣམས་ལས་སྐྱོབ་པར་མཛད་པ་སྟེ། ཏུཏ་ཏ་རེ་ནི་ཉམ་ཐག་པ་རྣམས་སྐྱོང་བ་སྟེ་ཏྲེང་ནི་”ཏྲཻང་ནི་:ཆག:སྐྱོབ་པ་ལའོ་ཞེས་སྒྲའི་བྱིངས་ལས་བཤད་དོ། །སྐྱོང་བའོ། །ཏུ་རེ་ནི་ཏུ་ར འི་སྒྲ་ནི་ཏྭ་ར་ནེ་སྟེ། མྱུར་སྐྱོབ་པས་སོ་:ཆག:ཟེར། དུ་མཛད་པའོ། །ཚིག་འདི་གསུམ་ཅར་ཡང་བོད་པའོ། །འདིར་སྭཱཧཱའི་སྔོན་དུ་འགྲོ་བའི་ཆེ་གེ་མོ་བ་ཤ་མཱ་ན་ཡ་ཞེས་བྱ་བ་དང་སྔགས་སྤེལ་བར་བྱའོ། ། ཞེས་པ་ནི། ༀ་ཏཱ་རེ་ཏུཏྟཱ་རེ་ཏུ་རེ་ཆེ་གོ་མོ་ཝ་ཤཾ་མཱ་ན་ཡ་ཧོ་སྭཱཧཱ། ཞེས་པའོ། །འདིར་དོན་ཡོད་གྲུབ་པའི་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་སྒྲོལ་མ་དམར་མོའི་ཏིང་ངེ་འཛིན་སེམས་དཔའི་མཐའ་མར་སྔགས་ཕྲེང་དམར་པོ་གཡས་སྐོར་དུ་བཀོད་དེ་སྤེལ་ཚིག་དང་བཅས་པ་བཟླས་ཤིང༌། མདུན་དུ་སྣ་ཚོགས་རྡོ་རྗེའི་སྟེང་དུ་བསྒྲུབ་བྱ་གསལ་བར་དམིགས་ཏེ། རང་གི་ཏིང་ངེ་འཛིན་སེམས་དཔའ་ལས་འཕྲོས་པའི་སྔགས་ཀྱི་ཡི་གེའི་ཕྲེང་བ་དམར་པོ་སྣ་བུག་གཡས་སམ། ཁ་ནས་ཕྱུང༌། བསྒྲུབ་བྱའི་སྣ་བུག་གཡོན་ནམ་ཁའི་སྒོ་ནས་ཞུགས་ཏེ། ལུས་ཀྱི་ནང་ཐམས་ཅད་འོད་ཟེར་དམར་པོས་གང་བས་བདག་ལ་མ་གུས་པའི་སྡིག་སྒྲིབ་བསྲེགས། སྐྱེས་པ་ཡིན་ན་སྙིང་གའི་པདྨ་དམར་པོ་བསྐུལ། བུད་མེད་ཡིན་ན་གསང་གནས་ཀྱི་པདྨ་དམར་པོ་བསྐུལ་ནས། དེའི་སེམས་ཟླ་བའི་དཀྱིལ་འཁོར་དམར་པོ་ལྟ་བུ་བླངས་ཏེ། དེའི་མཚན་གྱི་སྒོ་ནས་བྱུང་ནས་སྒྲོལ་མའི་སྙིང་གར་ཟླ་བ་དམར་པོ་དང་གཉིས་སུ་
མེད་པར་གྱུར་ཏེ། དེ་ཉིད་དུ་འདུག་པར་བསམ་ཞིང༌། བསྒྲུབ་བྱ་དེ་ཡང་སྙིང་ཕྲོགས་པས་བདག་ཉིད་ཀྱི་རྐང་པ་ལ་བཏུད་ནས་བཀའ་ནོད་པར་བསམ་མོ། །གལ་ཏེ་བསྒྲུབ་བྱ་དེ་བླ་མ་ལྟ་བུ་གཞན་ཞིག་གི་དབང་དུ་བྱས་པར་འདོད་ན། ལེའུ་བཅུ་གསུལ་པ་ལས་གསུངས་པའི་དབང་དུ་བྱེད་པའི་ཆོ་གས་དབང་བསྐུར་ལ། དེའི་ཐུགས་ཀར་ཟླ་བ་ལ་སྔགས་ཕྲེང་དམར་པོ་བཀོད། དེའི་འོད་ཟེར་གྱིས་སྤྲོ་བསྡུ་སྔར་བཞིན་བྱ་ཞིང༌། ༀ་ཏཱ་རེ་ཏུཏྟཱ་རེ་ཏུ་རེ་ཆེ་གེ་མོའི་བ་ཤཾ་མཱ་ན་ཡ་ཧོ། ཞེས་བཟླས་ན་བསྒྲུབ་བྱ་དེ་དབང་དུ་འགྱུར་རོ། །འདི་ཡང་བླ་མ་སྔ་མ་རྣམས་ཀྱི་མན་ངག་དང༌། སྙིམ་ཏོག་ལས་བཤད་པ་ལ་བརྟེན་པའོ། །དེ་ནས་ཞེས་བྱ་བ་ལ་སོགས་པ་ལ། སངས་རྒྱས་ཀུན་ནི་དོན་ཡོད་པར་གྲུབ་པའོ། །དེའི་བདག་ཉིད་ཆེ་བ་ལས་སྐྱེས་པ་ནི་དེ་ལ་ལྷག་པར་མོས་པ་རྣམས་སོ། །མཉེས་པ་ནི་མགུ་བར་གྱུར་པའོ། །ཡེ་ཤེས་ནི་སེམས་རྩེ་གཅིག་པའོ། །ཐོབ་གྱུར་ནས་ཞེས་པ་ནི་རྙེད་པར་གྱུར་པའོ། །རྡོ་རྗེའི་སྐུ་ནི་དོན་ཡོད་པར་གྲུབ་པའོ། །རྗེས་སུ་དྲན་པ་ནི་བསྒོམས་པའོ། །སངས་རྒྱས་ནི་སྐྱེས་བུའི་གཙོ་བོ་ནི་ཁྱིམ་བདག་དང༌། བློན་པོ་ཆེན་པོ། །རྡོ་རྗེ་ནི་སྙིང་སྲ་ཞིང་ང་རྒྱལ་ཤིན་ཏུ་ཆེ་བ་རྣམས་སོ། །སྡེ་ཆེན་ནི་རྒྱལ་པོ་རྣམས་སོ། །སེམས་ཅན་ཁམས་ནི་འཇིག་རྟེན་ཐ་མལ་བ་རྣམས་ཏེ། དེ་དག་མ་ལུས་པར་ཏེ། ཀུན་ནས་རྣམ་པ་ཐམས་ཅད་དུ་སྐད་ཅིག་གིས་ནི་ཞེས་པ། འཕྲལ་དུ་བྲན་བཞིན་དུ་དབང་དུ་འགྱུར་ཞིང༌། སྔར་བཤད་པ་ཐམས་ཅད་སྒྲུབ་པ་པོའི་དབང་དུ་གྱུར་པས། གཡོ་མེད་པ་སྟེ་སེམས་དང་བྲལ་བ་བཞིན་དུ་གཞན་གྱི་དབང་དུ་འགྱུར་རོ། ཞེས་བཅོམ་ལྡན་འདས་ཀྱིས་གསུངས་སོ་ཞེས་པ་ནི་སྡུད་པར་བྱེད་པའི་ཚིག་གོ ། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་
ལྡན་འདས་ཞེས་བྱ་བ་ནི། བཅོམ་ལྡན་འདས་རྡོ་རྗེ་འཆང་ཆེན་པོ་ཡིན་པར་བཤད་དོ། །དྲི་མ་མེད་པའི་འོད་ཟེར་ནི་འོད་ཟེར་དཀར་པོའོ། །དེའི་ཚོགས་ནི་དྲི་མ་མེད་པའི་འོད་ཟེར་གྱི་སྤྲིན་ནོ། །དེ་རྡོ་རྗེ་ལྟར་མི་ཕྱེད་པས་ན་དྲི་མ་མེད་པའི་འོད་ཟེར་གྱི་སྤྲིན་རྡོ་རྗེ་ནི་རྣམ་པར་སྣང་མཛད་སྟེ། མི་ཤིགས་དབྱེར་མེད་:ཆག:པའི་ཕྱིར། དེ་བསྐྱེད་པའི་ཟེར། པའི་ཕྱིར་རོ། །རྣམ་སྣང་དེ་དང་དེའི་ཏིང་ངེ་འཛིན་གཉིས་དབྱེར་མེད་པའི་ཕྱིར། རྣམ་སྣང་དེ་སྐྱེད་པའི་ཏིང་ངེ་འཛིན་ལ་ཡང་དེ་སྐད་ཅེས་བྱ་སྟེ། དེ་ལ་སྙོམས་པར་ཞུགས་ནས་རྡོ་རྗེ་གཤིན་རྗེའི་གཤེད་པོ་ཆེན་པོ་ཞེས་བྱ་བ། རྡོ་རྗེ་ཁྲོ་བོ་སྔགས་ཀྱི་བདག་ཉིད་ཅན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མཿ ཕྱག་འཚལ་ལོ་ས་མནྟ་ཀུན་ནས་ཀཱ་ཡ་ཝཱཀ་ཙིཏྟ་བཛྲཱ་ཎཾ་ཞེས་བྱ་བ་ནི། ཀུན་ནས་སྐུ་དང་གསུང་དང་ཐུགས་རྡོ་རྗེ་ལ་ཕྱག་འཚལ་ལོ། ཞེས་བྱ་བའི་དོན་ཏེ། འདི་ནི་སྔགས་འདོན་པའི་དུས་སུ་སྔགས་པ་རྣམས་ཀྱི་དང་པོར་གདོན་པར་བྱ་བ་ཡིན་ནོ། །ༀ་ཞེས་པ་མན་ཆད་ཀཞེས་བྱ་བ་ལ་སོགས་པ་ཁནི་སྔགས་ཀྱི་ཚིག་དངོས་གཞིའོ་གོ་།ཁ་ཟོ་ཁ་ཟོ་ཞེས་པ་ནི་གཤིན་རྗེ་གཤེད་ཀྱིས་སོ། །ཁཱ་ཧི་ཟོ་ཤིག་ཁཱ་ཧི་ཟོ་ཤིག་སྟེ་འཁོར་རྣམས་ཟར་ཆུག་ཅིག་པའོ་ཞེས་པ་ནི་ཟོ་ཤིག་ཟོ་ཤིག་ཅེས་པ་སྟེ།ཁགཤིན་རྗེ་གཤེད་ལ་ཀགདུག་པ་རྣམས་ཟ་བའི་ཕྱིར་གརྦོད་པའོ། །སརྦ་ཐམས་ཅད་དུཥྚ་གདུག་པ་ཅན་སཏྭ་སེམས་ཅན་ད་མ་ཀ་འདུལ་བ་པོ་ཞེས་པ་ནི་སེམས་ཅན་གདུག་པ་ཐམས་ཅད་འདུལ་བ་པོའོ། །ཨ་སི་རལ་གྲི་མུ་ས་འམ་ཤ་ལ་གཏུན་ཤིང་པ་ར་ཤུ་
དགྲ་སྟ་པཱ་ཤ་ཞགས་པ་ཧསྟ་ཕྱག་ཞེས་པ་ནི་ཕྱག་འཚན་ཏེ། རལ་གྲི་དང་གཏུན་ཤིང་དང་དགྲ་སྟ་དང་ཞགས་པ་རྣམས་ཕྱག་ན་བསྣམས་པའོ། །ཙ་ཏུར་བཞི་མུ་ཁ་ཞལ་ཙ་ཏུར་བྷུ་ཛ་ཕྱག་ཥཊྩ་དྲུག་ར་ཎ་ཞབས་ཞེས་པ་ནི་སྐུའི་ཆ་ལུགས་ཏེ་ཞལ་བཞི་དང་ཕྱག་བཞི་དང་ཞབས་དྲུག་དང་ལྡན་པའོ། །ཨཱ་གཙྪ་ཚུར་བྱོན་ཨཱ་གཙྪ་ཚུར་བྱོན་ཞེས་པ་ནི་དགུག་པ་སྟེ། ཚུར་སྤྱོན་ཚུར་སྤྱོན་ཞེས་བོད་པའི་དོན་ཏོ། །སརྦ་དུཥྚ་པྲཱཎ་སྲོག་ཨཱ་བ་ཧཱ་རརྀ་ཎི་འཕྲོག་པ་ཞེས་པ་ནི་ཁྲོ་བོའི་རང་བཞིན་ཏེ་མ་རུངས་པ་ཐམས་ཅད་ཀྱི་སྲོག་འཕྲོག་པར་མཛད་པའོ། །སྲོག་འཕྲོག་པར་བྱེད་པ་འདི་བགེགས་ཆེན་པོ་ལ་མི་བྱའི་གཤིན་རྗེ་གཤེད་ལ་བྱའོ། །མཧཱ་ཆེན་པོ་བིགྷྣན་བགེགས་གྷཱ་ཏ་ཀ་གསོད་པ་ཞེས་པ་ནི་བགེགས་ཆེན་པོ་སྟེ་གཤིན་རྗེ་གསོད་པའོ། །བི་རྣམ་པར་ཀྲི་ཏཱ་འགྱུར་བ། ན་ན་འགྱུར་རྙིང་དང་ཆག་འགྱུར་ལས་ཏཱ་རིང་པོར་བྱས་ནས་ནན་ཞེས་བྱས། པ་ཚབ་ཀྱིས་ཏ་ཐུང་ངུར་བྱས་ནས་ཨ་ན་ན་ཞེས་བྱས་ཏེ་དོན་ནི་ཞལ་ལོ། །ཞལ་སརྦ་བྷཱུ་ཏ་འབྱུང་པོ་བྷ་ཡཾ་འཇིགས་པར་ཀ་ར་མཛད་པ་ཞེས་པ་ནི་ཞལ་རྣམ་པར་འགྱུར་བས་ནི་ཁྲོ་གཉེར་བསྡུས་པའོ། །འབྱུང་པོ་ཐམས་ཅད་འཇིགས་པར་མཛད་པ་ཞེས་པའི་དོན་ཏོ། །ཨ་ཊྚ་ཊྚ་ཧཱ་ས་ནཱ་དི་ནེ་ཞེས་པ་ནི་སྐྲག་པར་བྱེད་པའི་སྒྲ་སྟེ་ཧ་ཧ་ཞེས་སྒྲ་སྒྲོགས་པའོ། །བྷྱཱ་གྷྲ་སྟག་ཙརྨ་ལྤགས་པ་ནི་བ་ས་ན་གོས་ཞེས་བྱ་བ་ནི་སྟག་གི་པགས་པ་ཤམ་ཐམས་སུ་མནབས་པ་སྟེ། སརྦ་དུཥྚ་ནས་འདི འི་བར་དག་ནི་གཤིན་རྗེ་གཤེད་ལ་བོད་པའི་ཚིག་ཡིན་ནོ། །ཀུ་རུ་མཛོད་
༼འདི་ནས་མ་ཡག་པོ་རེད་མེད།༽ ཀུ་རུ་མཛོད་སརྦ་ཀརྨཱ་ཎི་ལས་ཞེས་པ་ནི་ལས་ཐམས་ཅད་མཛོད་ཅིག་མཛད་ཅིག་ཅེས་པའི་དོན་ཏོ། །ཚིནྡ་ཆོད་ཚིནྡ་ཆོད་སརྦ་མན་ཏྲཱན་སྔགས་ཞེས་པ་ནི་གཞན་གྱི་སྔགས་ཐམས་ཅད་ཆོད་ཅིག་ཆོད་ཅིག་ཅེས་པའོ། །བྷིནྡ་ཕུག་བྷིནྡ་ཕུག་པ་ར་གཞན་ནམ་ཕ་རོལ་མུད་ཏྲཱ་མ་མུད་ཏྲ་ན་:པ་ཚབ:དང་:ཆག:མུ་ཏྲན་ཞེས་ཀྱང་ཟེར་ཏེ་དོན་འདྲ་བར་མངོན་ནོ། །ཕྱག་རྒྱ་ཞེས་པ་ནི་ཕ་རོལ་གྱི་ཕྱག་རྒྱ་ཕུག་ཅིག་ཕུག་ཅིག་པའོ། །ཨཱ་ཀརྵ་ཡ་ཁུག་ཅིག་ཨཱ་ཀརྵ་ཡ་ཁུག་ཅིག་སརྦ་བྷུ་ཏཱ་ནན་ཞེས་པ་ནི་འབྱུང་པོ་ཐམས་ཅད་ཁུག་ཅིག་ཁུག་ཅིག་པའོ། །མ་ཐ་མ་ཐ་ཞེས་པ་ནི་ཆོམས་ཤིག་ཆོམས་ཤིག་པའོ། །ནིརྨ་ཐ་ནིརྨ་ཐ་སརྦ་དུཥྚན་ཞེས་པ་ནི་མ་རུངས་པ་ཐམས་ཅད་ངེས་པར་ཐུལ་ཅིག་ངེས་པར་ཐུལ་ཅིག་པའོ། །པྲ་བེ་ཤ་ཡ་ཆུག་ཅིག་པྲ་བེ་ཤ་ཡ་ཆུག་ཅིག་མཎྜལ་དཀྱིལ་འཁོར་མ་དྷྱེ་ནང་དུ་ཞེས་པ་ནི་དཀྱིལ་འཁོར་གྱི་ནང་དུ་ཆུག་ཅིག་ཆུག་ཅིག་པ་སྟེ། ཀུ་རུ་ནས་འདིའི་བར་འདི་དག་ནི་རྦོད་གཏོང་བྱ་བའི་ཚིག་གོ །བཻ་བ་སྭ་ཏ་དང་བཻ་བ་ཤྭ་ཏ་ནི་རྣམ་གྲངས་སོ། །ཛཱི་བི་ཏཱན་ཏ་ཀ་ར་ཞེས་བྱ་བ་ལ་བཻ་བ་སྭ་ཏ་ཞེས་པ་ནི་ཉི་མའི་བུ་སྟེ་གཤིན་རྗེའོ། །ཛཱི་བི་ཛཱི་བི་ཏ་ཞེས་པ་ཏ་ཐུང་ངུར་བྱས་པ་ནི་སྲོག་གོ །ཏྲ་རིང་པོའི་ཁོང་གི་ཨ་བཏོན་ནས་ཨནྟ་ཀ་ར་ཞེས་པའི་ཨནྟ་མཐའ་དང་ཀ་ར་བྱེད་པའི་དོན་ནོ། །ཏཱན་ཏ་ཀ་ར་ཞེས་པ་ནི་དེའི་སྲོག་མཐར་བྱེད་པ་སྟེ། དེའི་སྲོག་རྣམ་པར་འཇིག་པར་བྱེད་པ་ཞེས་པའི་དོན་ཏོ། །མ་མ་བདག་གི་སརྦ་ཀརྱཾ་བྱ་བ་ཀུ་རུ་ཀུ་རུ་ཞེས་པ་ནི་བདག་གི་བྱ་བ་ཐམས་
ཅད་གྱིས་ཤིག་གྱིས་ཤིག་པ་སྟེ། བདག་གི་བྱ་བ་རྣམས་སྒྲུབས་ཤིག་པའོ། །ད་ཧ་སྲེགས་ད་ཧ་སྲེགས་ཞེས་པ་ནི་སྡིག་པ་ཐམས་ཅད་སྲེགས་ལ་ཐལ་བར་གྱིས་ཤིག་པའོ། །པ་ཙ་ཚོས་པ་ཙ་ཚོས་ཞེས་པ་ནི་སྡིག་པ་ཐམས་ཅད་ཚོས་ཤིག་པའོ། །མཱ་བི་ལམ་བ། མཱ་བི་ལམ་པ་ཞེས་པ་ནི་མ་ཐོགས་མ་ཐོགས་ཞེས་པ་སྟེ། དུས་རིང་པོར་སྡོད་པར་མ་བྱེད་ཅིག་པའོ། །ས་མ་ཡ་དམ་ཚིག་མ་ནུ་རྗེས་སུ་སྨ་ར་དྲན་པ་ཞེས་པ་ནི་དམ་ཚིག་རྗེས་སུ་དྲོན་ཅིག་པ་སྟེ། དམ་ཚིག་ནི་རྡོ་རྗེ་སེམས་དཔའ་སྟེ་དེའི་བཀའ་རྗེས་སུ་དྲན་པར་གྱིས་ཤིག་པའོ། །ཧཱུཾ་ཧཱུཾ་ཞེས་པ་ནི་བགེགས་གཞིག་པའི་ཕྱིར་དེ་རྣམས་ལ་སྡིགས་མཛུབ་བྱ་བ་སྟེ་མཛོད་ཅིག་པ། །ཕཊ་ཕཊ་ཅེས་པ་ནི་བགེགས་རྣམས་དགས་པའོ། །བི་རྣམ་པར་སྥོ་ཊ་ཡ་ཁོས་ཤིག་བི་རྣམ་པར་སྥོ་ཊ་ཡ་ཁོས་ཤིག་ཞེས་བྱ་བ་ནི་བགེགས་རྣམས་རྣམ་པར་དགས་པ་སྟེ་ཁོས་ཤིག་པའོ། །སརྦཱན་ནཱ་ཤ་ཡ་ཞེས་པ་ནི་པ་ཚབ་གྱིས། སརྦཱ་ན་ཤ་ཡ། རི་སཱུན་ཀ་ར་ཀ་ར་ནི་བགེགས་རྣམས་གཏུབས་ནས་ཕྱོགས་བཅུར་རྣམ་པར་གཏོར་ཅིག་པའོ། ཞེས་བསྒྱུར་ཏེ། བིགྷྣན་ཞེས་པ་མེད་དོ། །རི་སཱུན་ཞེས་པ་གཏུབ་པའམ་གཏོར་ཞེས་པ་ལའང་འགྲོ་བ་འདྲ་སྟེ་དཔྱད་དོ། ། :ཆག:སརྦན་ན་ཤ་ཡ་རི་སུན་ནི་དགྲ་ཐམས་ཅད་རློག་ཅིག་པའོ་ཞེས་ཟེར། དགྲ་ཐམས་ཅད་རློག་ཅིག་པའོ། །ཀ་ར་ཀ་ར་བིགྷྣན་ཞེས་པ་ནི་འདི་ནས་གཏོར་ཅིག་བའི་བར་ནི་ཆག་འགྱུར་དང་ཡང་འདྲའོ། །བགེགས་རྣམས་གཏུབས་ལ་ཕྱོགས་བཅུར་གཏོར་ཅིག་པའོ། །སརྦ་ཨ་ཤཱ་བསམ་པ་པ་རི་པཱུ་ར་ཀ་
རྫོགས་པར་མཛད་ཞེས་པ་ནི་བསམ་པ་ཐམས་ཅད་རྫོགས་པར་མཛད་པའོ། །ཧེ་ཀྱེ་ཧེ་ཀྱེ་བྷ་ག་ཝཱན་ཞེས་པ་ནི་ཀྱེ་ཀྱེ་བཅོམ་ལྡན་འདས་ཞེས་བོད་པའོ། །ཀིཉྩི་རཱ་ཡ་སི་ཞེས་པ་ནི་ཅིའི་ཕྱིར་ཡུན་རིང་པོར་ཐོགས་ཞེས་པའོ། །མ་མ་སརྦ་ཨརྠཱ་ན་ཞེས་པ་ནི་བདག་གི་དོན་ཐམས་ཅད་དོ། །སཱ་དྷ་ཡ་ཞེས་པ་ནི་སྒྲུབས་ཤིག་པའམ་རྫོགས་པར་མཛོད་ཅིག་པའོ། །འདིར་སྭཱཧཱའི་སྔོན་དུ་འགྲོ་བའི་ཆེ་གེ་མོ་ཨཱ་ཀརྵ་ཡ་ཧྲི་ཞེས་བྱ་བ་དང་སྔགས་སྤེལ་བར་བྱའོ། །དེ་ནས་ཞེས་བྱ་བ་ལ་སོགས་པ་ལ། དེ་ནས་འདིར་སྔགས་ཀྱི་རྒྱལ་པོ་གསུངས་པ་ཙམ་གྱིས་སོ། །སངས་རྒྱས ཀུན་བུདྡྷ་ནི་ཤེས་པ་ལ་འཇུག་པས་སངས་རྒྱས་སོ། །ཅི་ཞིག་ཤེས་ཤེ་ན། :པ་ཚབ:སྒྲུབ་པ་པོས་གདུལ་བ་ཉིད་དུ་ཤེས་པ་ཉིད་ཀྱི་ཕྱིར་སངས་རྒྱས་ཏེ་ཞེས་པ་ལྟར་ཏེ། དོན་ནི་བརྒྱ་བྱིན་ལ་སོགས་པ་སྒྲུབ་པ་པོས་འགུགས་པའི་ཐབས་དེས་རང་འདུལ་བར་མཐོང་ནས་འཇིགས་པའོ། །ཞེས་པ་ནི་དེ་ཉིད་བསྒྲུབ་པར་བྱ་བ་ཉིད་དང༌། གདུལ་བར་བྱ་བ་ཉིད་དུ་ཤེས་པས་ན་སངས་རྒྱས་ཏེ། བརྒྱ་བྱིན་ལ་སོགས་པ་འཇིག་རྟེན་སྐྱོང་བའི་གྲགས་པ་ཆེན་པོ་རྣམས་སོ། །འཇིགས་ཤིང་ཞེས་པ་ནི་འཁྲུལ་པའོ། །ཀུན་ཏུ་སྐྲག་པར་གྱུར་ནས་ཞེས་པ་ནི་སེམས་འཁྲུགས་པའོ། །རྡོ་རྗེ་སེམས་དཔའ་ནི་རྡོ་རྗེ་འཆང་ཆེན་པོའོ། །རྗེས་སུ་དྲན་པ་ནི་སྐྱབས་སུ་སོང་བའོ། །དེ་ལ་རྣམ་པར་སྣང་མཛད་ཀྱི་སྦྱོར་བ་དང་ལྡན་པས་ཞེས་པ་ནི་རྣམ་སྣང་གི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་ཚངས་བུག་མེད་པ་བུད་མེད་ཀྱི་ཐོད་པ་ཡིན་ལ་དེ་མ་ཆག་པ་སྟེ། དུམ་བུར་མ་སོང་ཞིང་མ་
གས་པ་གས་པ་མེད་པ་ལ། གཟུགས་མཛེས་པ་ཡིད་དུ་འོང་ཞིང་སྟེ་ཡིད་ཚིམ་པར་བྱེད་པ་བླངས་ལ། དེའི་དབུས་སུ་དབུས་སུའི་སྐད་དོད་རྒྱབ་ཏུ་ཞེས་པ་ལའང་འཇུག་པས། :པ་ཚབ་ཆག:རྒྱབ་ཏུ་ཞེས་འབྱུང་ཡང་དབུས་སུ་ཞེས་པ་དག་གོ །རྒྱ་སྐྱེགས་ཀྱི་ཁུ་བས་གང་འགུགས་འདོད་པའི་བུད་མེད་ཀྱི་གཟུགས་བརྙན་བྲིས་ལ། གཟུགས་བརྙན་དེའི་སྙིང་ཁའི་ཕྱོགས་སུ་མིང་གི་ཡི་གེ་སྔགས་ཀྱི་མཐའི་སྭཱཧཱའི་སྔོན་དུ་སྤེལ་བ་རྣམ་པར་བཀོད་ནས། བསྒྲུབ་བྱའི་རྣམ་ཤེས་བཀུག་ནས་གཟུགས་བརྙན་ལ་བཅུག་སྟེ་དེ་དངོས་ཡིན་པར་བསམ་མོ། །རྐང་པས་མནན་པའི་ཚུལ་བྱས་ནས། ཞེས་བྱ་བ་སྟེ། ཉི་མའི་དཀྱིལ་འཁོར་གྱི་སྟེང་དུ་ཁཡི་གེ་ཧཱུཾ་ལས་བྱུང་བའི་རྡོ་རྗེ་ལྕགས་ཀྱུས་བྱིན་གྱིས་བརླབས་པ་སྟེ་མཚན་པར་བསམ་ལ།ཀརང་འི་ཁྲོ་བོ་གཤིན་རྗེ་གཤེད་དུ་བསྐྱེད་པའི་ཞབས་གཉིས་ལ་ཀྱི་གརྐང་པ་གཡས་བརྐྱང་བས། གནས་པས་དེའི་སྙིང་ཁར་མནན་ཏེ་ལྕགས་ཀྱུ་དེས་འགུགས་པའི་ལྕགས་ཀྱུ་ཕྱག་མཚན་གྱིས་ལྕགས་ཀྱུ་ལ་འདོད་པ་ཡོད་ཀྱང༌། འགྱུར་ཀུན་ལས་ལྕགས་ཀྱུ་དེས་ཞེས་འབྱུང་བས། ཞབས་ཀྱི་ལྕགས་ཀྱུ་ལས་སྤྲོས་པའི་ལྕགས་ཀྱུས་བསྒྲུབ་བྱའི་སྙིང་ཁ་ནས་ཕུག་ནས། གང་མངོན་པར་འདོད་པའི་བུད་མེད་འགུགས་པར་གྱུར་པར་བསམས་ལ། སྔགས་འདི་རྗེས་སུ་དྲན་པར་བྱས་ནས་ཁྲོ་བས་གདོན་པར་བྱའོ། །དེ་ནས་ཅིར་འགྱུར་ཞེ་ན། མཱ་མ་ཀཱི་འམ་ཞེས་བྱ་བ་ལ་སོགས་པ་སྟེ། མཱ་མ་ཀཱི་ནི་རྒྱལ་རིགས་ཀྱི་བུ་མོའོ། །སྤྱན་ནི་བྲམ་ཟེའི་རིགས་ཀྱི་བུ་མོའོ། །རྡོ་རྗེ་ནི་རྒྱལ་
པོ་དང་བློན་པོའོ། །དེ་རྣམས་ཀྱི་རིགས་ཆེན་ལས་བྱུང་བ་ནི་རིགས་མཐོན་པོའི་བུད་མེད་དོ། །ལན་གསུམ་ཞེས་བྱ་བ་ནི་དུས་གསུམ་དག་ཏུ་སྟེ། འཕྲེང་བའི་སྔགས་ཅི་ནུས་པ་བརྗོད་ན་ནི། དེ་མ་ཐག་ཏུ་སྟེ་ཞག་བདུན་གྱིས་ངེས་པར་འགུགས་པར་འགྱུར་ཞིང་ལུས་དངོས་སུ་ཁུགས་པར་འགྱུར་རོ། །སྐྱེས་པ་འགུགས་པར་འདོད་ན་སྐྱེས་པའི་ཐོད་པ་ལ་བཤད་མ་ཐག་པའི་ཆོ་གས་གཟུགས་བརྙན་བྲིས་ནས། གཡོན་བརྐྱང་བའི་གནས་པས་མནན་ལ་དགུག་པར་བྱ་སྟེ་ཁྱད་པར་ནི་དེ་དག་གོ །ཁྱད་པར་འདི་དག་མ་གཏོགས་པ་བུད་མེད་འགུགས་པ་དང་འདྲའོ། །བཅོམ་ལྡན་འདས་ཐུགས་རྡོ་རྗེས་དེ་སྐད་གསུངས་སོ་ཞེས་བྱ་བ་ནི་རྡོ་རྗེ་འཆང་ཆེན་པོས་སོ། ༈ །དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་རྣམ་པར་སྣང་མཛད་ནི་རྡོ་རྗེ་འཆང་ཆེན་པོའོ། །དམ་ཚིག་ནི་དོན་ཡོད་པར་གྲུབ་པའོ། །དེའི་འོད་ཟེར་ནི་མརྐ་ཏ་ལྟ་བུའི་མདོག་ཅན་གྱི་འོད་དོ་ཏེ་། སྟུག་པོའི་མཆོག་ནི་འོད་དེ་རྣམས་ཀྱིས་ནམ་མཁའ་ཁྱབ་པའི་དོན་འགྲུབ་ཀྱི་ཕྱག་རྒྱ་ཆེན་པོའི་གཟུགས་ཏེ། ལྷ་དེ་དང་དེའི་ཏིང་ངེ་འཛིན་གཉིས་ཁྱད་པར་མེད་པས་ཏིང་ངེ་འཛིན་དེ་ལ་དེ་སྐད་ཅེས་བྱ་སྟེ། དེ་ལ་སྙོམས་པར་ཞུགས་པའོ། །མི་འཆི་བའི་དམ་ཚིག་ནི་དོན་ཡོད་པར་གྲུབ་པ་སྟེ། དེ་ལས་བྱུང་པའི་ཁྲོ་བོའི་སྔགས་ཀྱི་བདག་ཉིད་ཅན་ནི་ཁྲོ་བོ་སྟེ། སྔགས་ཀྱི་ཕྲེང་བ་འདི་རྡོ་རྗེ་འཆང་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མ་༔ཞེས་བྱ་བ་ལ་
སོགས་པའི་དོན་ནི་བཤད་ཟིན་ཏོ། །ན་མོ་བཛྲ་ཀྲོ་དྷཱ་ཡ་ཁྲོ་བོ་མཧཱ་དཾཥྚོཊ་མཆེ་བ་ཀ་ཊ་གཙིགས་པ་བྷཻ་ར་བཱ་ཡ་འཇིགས་སུ་རུང་བ་ཨཱ་སི་མུ་ས་ལ་པ་ར་ཤུ་པཱ་ཤ་ཧསྟཱ་ཡ་ཞེས་པ་ནི། རྡོ་རྗེ་ཁྲོ་བོ་ཆེན་པོ་མཆེ་བ་གཙིགས་པས་འཇིགས་སུ་རུང་བ། རལ་གྲི་དང་གཏུན་ཤིང་དང་དགྲ་སྟ་དང་ཞགས་པ་ཕྱག་ན་བསྣམས་པ་ལ་ཕྱག་འཚལ་ལོ་ཞེས། ཁྲོ་བོ་བདུད་རྩི་ཐབ་སྦྱོར་ཉིད་ལ་ཕྱག་འཚལ་བའོ། །ༀ་ཞེས་བྱ་བ་ལ་སོགས་པ་ནི་སྔགས་ཀྱི་ཚིག་གོ །ཨ་དེ་ལ་ཨས་བཀག་པས་མི་འཆི་བ་སྟེ་བདུད་རྩིའོ། །མྲི་ཏ་འཆི་བ་ཀུནྜ་ལི་འཁྱིལ་བ་ཞེས་པ་ནི་བདུད་རྩི་འཁྱིལ་བ་ཞེས་བོད་པའོ། །ཁ་ཁ་ཁཱ་ཧི་ཁཱ་ཧི་ཞེས་པ་ནི་རྦོད་པ་སྟེ། ཟོ་ཤིག་པའོ། །ཏིཥྛ་མནོས་ཏིཥྛ་མནོས་ཞེས་པ་ནི་སྒྲུབ་པའི་དོན་དུ་མནོས་ཤིག་པའོ། །བན་དྷ་བན་དྷ་ཞེས་པ་ནི་ཆིངས་ཤིག་པའོ། །ཧ་ན་རྒྱོབ་ཧ་ན་རྒྱོབ་ཞེས་པ་ནི་རྒྱོབ་ཅིག་པའོ། །ད་ཧ་ད་ཧ་ཞེས་པ་ནི་སྲེགས་ཤིག་པའོ། །གརྫ་སྒྲོགས་གརྫ་སྒྲོགས་ཞེས་པ་ནི་གདུག་པ་རྣམས་འཇིགས་པའི་སྒྲ་སྒྲོགས་ཤིག་པའོ། །བི་སྥོ་ཊ་ཡ་བི་སྥོ་ཊ་ཡ་ཞེས་པ་ནི་རྣམ་པར་དགས་ཤིག་པའོ། །བན་དྷ་ནས་འདིའི་བར་རྣམས་ཡུལ་གང་ལ་ཡིན་སྙམ་ན་སརྦ་ནི་བིགྷཱན་ནི་བགེགས་ཐམས་ཅད་དོ། །བི་ནཱ་ཡ་ཀཱན་ནི་ལྷ་ཆེ་པོའི་བུ་ལོག་འདྲེན་ནོ། །དེ་ལ་བི་ནི་རྣམ་པའོ། །ནཱ་ཡ་ཀ་ནི་འདྲེན་པ་ཡིན་པས་དྲང་པོར་བསྒྱུར་ན་རྣམ་འདྲེན་ཡིན་ཀྱང་ལོ་ཙྪ་པ་མཁས་པ་རྣམས་ཀྱིས། སངས་རྒྱས་ལ་ཡང་རྣམ་འདྲེན་ཞེས་མང་དུ་གསུངས་པ་དང་ཁྱད་པར་
བསྟན་པའི་དོན་དུ་ལོག་འདྲེན་ཞེས་བསྒྱུར་རོ། །དེ་དངོས་གང་ཡིན་ཞེ་ན་ག་ཎ་ཚོགས་པ་ཏི་བདག་པོ་སྟེ་ཚོགས་ཀྱི་བདག་པོའོ། །ཛཱི་བི་ཏཱན་ཏ་ཀ་རཱ་ཞེས་པ་ནི་སྲོག་མཐར་བྱེད་པ་སྟེ། ཁྲོ་བོ་བདུད་རྩི་ཐབ་སྦྱོར་ནི་ལོག་འདྲེན་འདུལ་བར་མཛད་པ་ཡིན་པས་འདི་སྐད་ཅེས་བྱའོ། །འདི་དག་ནི་ཁ་ཁ་ཁཱ་ཧི་ཁཱ་ཧི། ཏིཥྠ་ཏིཥྠ། བན་དྷ་བན་དྷ། ཧ་ན་ཧ་ན། ད་ཧ་ད་ཧ། གརྫ་གརྫ། བི་སྥོ་ཊ་ཡ་བི་སྥོ་ཊ་ཡ། སརྦ་བིགྷྣན་བི་ནཱ་ཡ་ཀཱན་མཧཱ་ཀྲོ་དྷ། མཧཱ་དཾཥྚོཊ། ཀ་ཊ་བྷཻ་ར་བཱ་ཡ་ཨ་སི་མུ་ས་ལ། པ་ར་ཤུ་པཱ་ཤ་ཧསྟཱ་ཡ། མཧཱ་ག་ཎ་ཛཱི་བི་ཏི་ཨན་ཏ་ཀ་རཱ་ཡ་ཞེས་གདོན་པར་བྱའོ། །འདིར་སྭཱ་ཧཱའི་སྔོན་དུ་འགྲོ་བའི་ཆེ་གེ་མོ་ཨུད་:པ་ཚབ:ཨུ་ཙ་ཞེས་ཀྱང་ཟེར་ཙ་ཏ་ཡ་སྐྲོད་ཅིག་ཧཱུཾ་ཞེས་བྱ་བ་དང་སྔགས་སྤེལ་ལོ། །དེ་ནས་ཞེས་བྱ་བ་ལ་སོགས་པ་ནི་བཤད་ཟིན་ཏོ། །རྡོ་རྗེ་སྐུ་ཞེས་བྱ་བ་ནི་དོན་ཡོད་པར་གྲུབ་པ་སྟེ། དེ་རྗེས་སུ་དྲན་ཞིང་སྒོམ་པའོ། །སྔགས་རྣམས་ཀུན་ནི་སྐྲོད་པ་ལ་སོགས་པའི་དབང་དུ་བྱས་པའི་སྔགས་རྣམས་ཏེ། དེ་རྣམས་ཀྱི་སྦྱོར་བ་ཡོད་པའི་བསྒྲུབ་བྱ་རྣམས་ལ་ཡང་ལས་དེ་བྱའོ་ངོ་། །རྡོ་རྗེ་ནི་ཁབསྐྲད་པར་དཀའ་བ འོ་ཞེ ས་པ་ཀབསྒྲུབ་པར་བྱ་བ་སྟེ།གདེ་རྣམས་བསྐྲད་པའི་ལས་རྣམས་ལ་ཞེས་པ་ནི་རྟོག་པ་སྟེ་རྩ་རྒྱུད་དང་བཤད་རྒྱུད་ལས་བཤད་པའི་བྱ་བའི་ཆོ་གས་ལས་འདི་བྱའོ་སོ་། །སངས་རྒྱས་ནི་ལས་ཀྱི་ཚོགས་རྣམས་ལ་མཁས་པའོ། །དེ་རྣམས་ཉིད་ཀྱི་དཔུང་ནི་ཚོགས་ཏེ། དེ་དག་ཀྱང་རང་ཉིད་དོན་ཡོད་པར་གྲུབ་པའི་སྦྱོར་བ་དང་ལྡན་པས། ཚུལ་བཞིན་དུ་བྱས་ན་སྐྲོད་པར་འགྱུར་ཞིང་གནས་
ལས་འཕོ་བར་འགྱུར་རོ། །ལས་དེ་བྱ་བའི་རིམ་པ་ནི་འདིས་བྱ་སྟེ་ཞེས་པ་ནི་དོན་གྲུབ་ཀྱི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱས་ལ། ལས་རྒྱལ་མཆོག་གི་དུས་སུ་སྐེ་ཚེ་དང་ལན་ཚྭ་དང་ཏིལ་དང་དུག་དང་ད་ཏུ་རའི་ཁུ་བ་དང༌། མཛུབ་མོའི་ཁྲག་རྣམས་གཅིག་ཏུ་བྱས་ལ་དེ་དང་བྱ་རོག་གི་སྒྲོ་རྐང་གི་སྨྱུ་གུ ས་རོ་ལ་བཀབ་པའི་དུར་ཁྲོད་ཀྱི་རས་ལ་རླུང་གི་དཀྱིལ་འཁོར་ཟླ་གམ། ངོས་གཉིས་སུ་རྡོ་རྗེས་མཚན་པ་བྲིས་ལ། དེའི་དབུས་སུ་བསྒྲུབ་པར་བྱ་བའི་མིང་གི་ཡི་གེ་དང་སྔགས་སྤེལ་བ་བྲིས་ནས། བསྒྲུབ་བྱའི་རྣམ་ཤེས་དགུག་པ་མིང་ཡིག་ལ་འཇུག་པ་དང༌། དེ་ལ་བསྒྲུབ་བྱར་ཞེན་པ་སྔོན་དུ་འགྲོ་བས་མནན་ལ་སྔ་མ་གཤིན་རྗེ་གཤེད་ཀྱི་སྐབས་བཞིན་དུ་ཁྲོས་པས་བཟླས་ནས་དུར་ཁྲོད་དུ་སྦས་ན་ངེས་པར་བསྐྲོད་པར་འགྱུར་རོ། ༈ །དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་རིན་ཆེན་ཏོག་ཅེས་བྱ་བ་ནི། དེ་ཁོ་ན་ཉིད་ཀྱི་རིན་པོ་ཆེའི་རྒྱལ་མཚན་གང་ལ་ཡོད་པ་དེ་ནི་རིན་ཆེན་ཏོག་སྟེ། དེ་བཞིན་གཤེགས་པ་རྡོ་རྗེ་འཆང་ཆེན་པོའོ། །སངས་རྒྱས་ཀྱི་འོད་ཟེར་ནི་རིན་ཆེན་འབྱུང་ལྡན་ནོ། །དེ་ཉིད་མི་ཕྱེད་པས་ན་རྡོ་རྗེ་སྟེ། དེ་སྐྱེད་པའི་ཏིང་ངེ་འཛིན་ཀྱང་དེ་དང་དབྱེར་མི་ཕྱེད་པས་དེ་སྐད་ཅེས་བྱ་སྟེ། དེ་ལ་སྙོམས་པར་ཞུགས་ཤིང་མངོན་སུམ་དུ་མཛད་ནས། རྡོ་རྗེ་ཁྲོ་བོ་ཆེན་པོ་གཞན་གྱིས་མི་ཐུབ་པ་རང་གི་འི་སྔགས་ཀྱི་བདག་ཉིད་དུ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མ་༔ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ༀ་
ཞེས་བྱ་བ་ལ་སོགས་པ་ནི་ཁྲོ་བོའི་སྔགས་སོ། །དེའི་དོན་ནི་འདི་ཡིན་ཏེ། ༀ་ནི་སྔར་བཤད་ཟིན་ཏོ། །ཧཱུཾ་ནི་བགེགས་ལ་སྡིགས་མཛུབ་བྱེད་པའོ། །ཛི་ན་ནི་གཞན་གྱིས་མི་ཐུབ་པ་སྟེ་བོད་པའོ། །རི་ཊི་ཊྚ་ལྷོགས་ཤིག་པའོ། ཞེས་པ་ནི་བགེགས་རྣམས་ཕྱེ་མར་ལྷོགས་ཤིག་པའོ། །ཧཱུཾ་ཕཊ་ནི་སྔར་བཤད་ཟིན་ཏོ། །འདིར་སྭཱ་ཧཱའི་སྔོན་དུ་འགྲོ་བའི་ཆེ་གེ་མོ་རཀྵ་ས་སྲིན་པོ་དྷི་བྷྱོ་ལ་སོགས་པ་རྣམས་ལས་བི་རྣམ་པར་མོ་ཙ་ཡ་ཁྲོལ་བར་མཛོད་ཅིག་ཧྲི་ཞེས་བྱ་བ་དང་སྤེལ་ལོ། །དེ་ནས་འདི་ནི་ཞེས་བྱ་བ་ལ་སོགས་པ་ལ། སངས་རྒྱས་ནི་སྒྲུབ་:ཆག:སྒྲུབ་པ་པོས་བསྟེན་བྱ་མིན་པ་ཉིད་དུ་མངོན་པར་འདོད་པའི་ཕྱིར་སངས་རྒྱས་སོ་ཞེས་སོ། །དོན་ནི་སྲིན་པོ་སོགས་ཀྱིས་རང་ཉིད་སྒྲུབ་པ་པོས་ཚར་གཅད་བྱ་ཉིད་དུ་རྟོགས་པའོ། །པ་པོ་སྟེ། ངེས་པར་བསྟེན་པར་མངོན་པར་འདོད་པ་ཡིན་པའི་ཕྱིར་སངས་རྒྱས་སོ། །རང་གི་བྱ་བ་ལ་བརྩོན་འགྲུས་དང་ལྡན་པའི་ཕྱིར་བདག་ཉིད་ཆེ་སྐྱེས་ཀུན་ཏེ། འཇིགས་ཤིང༌ཀུན་ཏུ་སྐྲག་པར་གྱུར་པའོ། །བྱང་ཆུབ་སེམས་ནི་ཞེས་བྱ་བ་ནི་རིན་ཆེན་འབྱུང་ལྡན་ནོ། །རྗེས་སུ་དྲན་པ་ནི་སྒོམ་པར་གྱུར་པའོ། །སྲིན་པོ་ནི་ཤ་ཟའོ། །མ་རུངས་པ་ནི་སེང་གེ་ལ་སོགས་པའོ། །གཏུམ་པོ་ནི་ཕྱིར་རྒོལ་བ་རྣམས་ཏེ། གནོད་པར་བྱེད་པ་རྣམས་དང་འཇིགས་པ་:པ་ཚབ:འཇིགས་ཆེན་འཁྲུགས་པ་ལ་ཞེས་སོ། །ཆེན་པོ་འཁྲུགས་པ་སྟེ། མེ་དང་སྦྲུལ་ལ་སོགས་པས་འཇིགས་པར་བྱེད་པའི་གནས་རྣམས་སུའོ། །རྡོ་རྗེ་སེམས་ནི་རྡོ་རྗེ་འཆང་ཆེན་པོའོ། །དེས་རབ་ཏུ་སྦྱར་ཞིང་གཏོང་བས་ན། རྡོ་རྗེ་སེམས་
ཀྱིས་རབ་སྦྱར་ན་སྟེ་རིན་ཆེན་འབྱུང་ལྡན་ནོ། །དེ་བས་ན་རིན་ཆེན་འབྱུང་ལྡན་གྱི་ཏིང་ངེ་འཛིན་ལ་དམིགས་ནས། ཁྲོ་བོ་གཞན་གྱིས་མི་ཐུབ་པ་ལ་བཀའ་བསྒོའོ་ཞེས་བྱ་བར་དགོངས་སོ། །བཀའ་བསྒོ་བ་དེས་ཀྱང་ཅི་ཞིག་བྱེད་ཅེ་ན། ལས་རྣམས་ཏེ་བསྲུང་བ་ལ་སོགས་པའི་ལས་རྣམས་ཆོ་ག་བཞིན་དུ་སྟེ། “རྟོགས་པ་ལས་བྱུང་བའི་ཆོ་ག་བཞིན་དུ་བྱེད་པར་འགྱུར་བའོ། །དེ་ལ་འདིར་ཆོ་ག་ནི་འདི་ཡིན་ཏེ། ཞེས་པ་ནི་རིན་འབྱུང་གི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་རང་རིན་ཆེན་འབྱུང་ལྡན་གྱི་རྣལ་འབྱོར་དང་ལྡན་པས། རྩ་ཕྱག་གི་ལག་པའི་མཐིལ་གཉིས་སུ་ཡི་གེ་ཧཱུཾ་རིང་པོ་རེ་རེ་ཡོངས་སུ་གྱུར་པ་ལས། ཉི་མའི་དཀྱིལ་འཁོར་གཉིས་བསམས་ལ། གཞན་གྱིས་མི་ཐུབ་པ་ལ། ཆེ་གེ་མོའི་ལུས་ལ་ཞུགས་པའི་སྲིན་པོ་ལ་སོགས་པ་དྲོངས་ཤིག་ཅེས་བཀའ་བསྒོ་སྟེ། དེ་ནས་ཁྲོ་བོ་དེས་སྲིན་པོ་ལ་སོགས་པས་བཟུང་བའི་བསྒྲུབ་པར་བྱ་བའི་ལུས་སྤྲུགས་པ་ལས། སྲིན་པོ་ལ་སོགས་པ་ཕྱི་རོལ་ཏུ་དྲངས་པ་སྟེ་ཁྲིད་ནས། རིན་འབྱུང་ལ་ཕུལ་བ་ན། རིན་བྱུང་གིས་ཉི་མའི་དཀྱིལ་འཁོར་གཉིས་ཀྱི་དབུས་སུ་ཆུད་པར་བྱས་ལ། ཉི་མའི་འོད་ཟེར་གྱིས་བསྲེགས་ཏེ་ཐལ་བར་བྱས་པར་བསམས་ལ་སྔགས་སྤེལ་ཚིག་དང་བཅས་པ་བརྗོད་ན་བསྒྲུབ་བྱ་བདེ་བར་གནས་པར་འགྱུར་ཏེ་ཞི་བའོ་རོ་། ༈ །དེ་ནས་ཞེས་བྱ་བ་ལ་སོགས་པ་ལ། ཚེ་དཔག་ཏུ་མེད་པ་བསྐྱེད་པས་ཚེ་དཔག་ཏུ་མེད་པ་ནི་རྡོ་རྗེ་འཆང་ཆེན་པོའོ།
དཔག་ཏུ་མེད་པ་ནི་འོད་དཔག་ཏུ་མེད་པའོ། །དེ་གང་དུ་འབྱུང་བའི་ཏིང་ངེ་འཛིན་ནི། དཔག་ཏུ་མེད་པའི་རྡོ་རྗེ་ཞེས་བྱ་སྟེ། ཏིང་ངེ་འཛིན་དེ་ལ་དམིགས་པའོ། །པདྨོ་ནི་འོད་དཔག་ཏུ་མེད་པའོ། །དེ་ལས་འབྱུང་བ་ནི་ཁྲོ་བོ་རྟ་མགྲིན་ཏེ། ཁྲོ་བོ་ཆེན་པོ་དེ་རང་གི་སྔགས་ཀྱི་བདག་ཉིད་དུ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མཿ ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ༀ་ཞེས་བྱ་བ་ལ་སོགས་པ་ནི་སྔགས་ཏེ། སེམས་ཅན་གདུག་པ་ཅན་རྣམས་ཀྱི་ལུས་དང་ངག་དང་ཡིད། རྣམ་པར་གཞིག་པའི་སྡིགས་འཛུབ་བྱ་བའི་ཕྱིར་ཧཱུཾ་གསུམ་སྨོས་སོ། །ཏ་རུ་ལ་ཞེས་པ་ལ། ཏ་རུ་ནི་སྒྲོལ་བ་སྟེ། ཡམས་དང་གནོད་པ་ཐམས་ཅད་ལས་སྒྲོལ་བའོ། །ལ་ནི་སྒྲོལ་བ་དེ་ལེན་ཞིང་འཛིན་པའོ། །བི་རུ་ལ་ཞེས་པ་ནི། བི་ནི་བི་ཀ་ར་སྟེ་རྣམ་པར་འགྱུར་བ འི་གནོད་པ་རྣམས་སོ་འོ་། །རུ་ནི་བྷང་ག་སྟེ། གནོད་པ་དེ་རྣམས་འཇིག་པའོ། །ལ་ནི་ཁཨཱ་དཱ་ན་:པ་ཚབ:ན་ནི་བོད་པའི་དོན་ཡིན་ནོ་ཟེར་སྟེ་ཀ འཇིགས་པ་དེ་ལེན་པར་བྱེད་པའོ། །གསརྦ་པི་ཥ་དུག་གྷཱ་ཏ་ཀ་འཇོམས་པ་ཞེས་པ་ནི་དུག་ཐམས་ཅད་འཇོམས་པ་སྟེ། སྦྲུལ་ལ་སོགས་པ་རྒྱུ་བ་དང་མི་རྒྱུ་བ་ཤིང་ལ་སོགས་པ་ལས་བྱུང་བའི་དུག་མ་ལུས་པར་འཇིག་པའོ། །ཛྭ་ལི་ཏ་འབར་བ་བི་རྣམ་པར་སྥུ་ལིཾ་ག་འཁྲུགས་པ་ཞེས་པ་ནི་འབར་བ་རྣམ་པར་འཁྲུག་པ་སྟེ། མེ་སྟག་རབ་ཏུ་འབར་བ་དང་བཅས་པའོ། །ཨཊྚ་ཊྚ་ཧཱ་ས་ཧ་ས་ནི་རྒོད་པའོ་རྒོད་པའི་སྒྲ་ནི་ཨ་ཊ་ཊ་ཊ་
ཊ་ཞེས་པ་སྟེ་སྐྲག་པར་བྱེད་པའི་སྒྲ་སྦྲོགས་པའོ། །དེ་ཡང་གང་སྙམ་ན་ཧ་ཧ་ཞེས་པའོ། །ཞེས་པ་ནི་ཧ་ཧ་ཞེས་རྒོད་པའི་སྒྲ་དང་བཅས་པའོ། །ཀེ་ས་འམ་ཤ་རི་ས་སེང་གེ་ཊཱ་ཊོ་པ་རལ་པ་ཞེས་པ་ལ་ཀེ་ས་རི་ནི་རི་དྭགས་ཀྱི་རྒྱལ་པོ་སེང་གེའོ། །ས་ཊ་ནི་རལ་བའི་ཚོགས་ཕྲག་གོང་དུ་འཕྱང་བའོ། །ཨ་ཊོ་པ་ནི་བསྒྱིངས་པ་སྟེ་སེང་གེའི་རལ་པ་ལྟར་བསྒྱིངས་པ་གང་ལ་ཡོད་པའོ། །བཛྲ་ཁུ་ར་ཞབས་ནིར་གྷཱ་ཏ་ན་བརྡབས་པས་པ་ཙ་ལི་ཏ་གཡོ་བའམ་བསྐྱོད་པ་བ་སུ་དྷཱ་སའི་ཏ་ལ་གཞི་རྣམས་ཞེས་པ་ནི། རྡོ་རྗེའི་ཞབས་བརྡབས་པས་སའི་གཞི་རྣམས་བསྐྱོད་པའོ། །ནི་ཤྭཱ་ས་མཱ་རུ་ཏོ་ཏ་ཀྵིཔ་ཏ་དྷ་ར་ཎཱི་དྷ་ར་ཞེས་པ་ལ། ནི་ཤྭཱ་ས་དབུགས་མཱ་རུ་ཏ་འབྱིན་པ་ཞེས་པ་ནི་དབུགས་འབྱིན་པའི་རླུང་སྟེ་སྣའི་དབུགས་སོ། །ཨུད་ཀྵིབ་ཏ་ནི་གྱེན་དུ་འཐོར་བའོ། །དྷ་ར་ཎཱི་དྷ་ར་ས་འཛིན་པ་ཞེས་པ་ནི་རི་བོ་སྟེ། རྟ་མགྲིན་དེའི་སྣའི་དབུགས་ཀྱིས་རི་བོ་རྣམས་གྱེན་དུ་འཐོར་བར་བྱེད་པ་དེ་ལ་དེ་སྐད་ཅེས་བྱའོ། །བྷཱི་ཥ་ཎ་འཇིགས་སུ་རུང་བ་ཨཊྚ་ཊྚ་ཧཱ་ས་ཞེས་པ་ནི་ཧ་ཧ་ཞེས་བཞད་པས་འཇིགས་སུ་རུང་བའོ། །ཨ་པ་ར་མི་ཏ་དཔག་ཏུ་མེད་པ་བ་ལ་སྟོབས་པ་རཱ་ཕ་རོལ་ཀྲ་མ་གནོན་པ་ཞེས་བྱ་བ་ནི་སྟོབས་དང༌། ཕ་རོལ་གནོན་པ་དཔག་ཏུ་མེད་པ་མངའ་བ་སྟེ། འདི་དག་ནི་རྟ་མགྲིན་ལ་བོད་པའི་ཚིག་གོ །ཨཱརྱ་ག་ཎ་བྷཱི་ཏ་བྷཱུ་ཏ་ག་ན་ཞེས་པ་ལ་ཨཱརྱ་ནི་འཕགས་པ་སྟེ། དེ་
བཞིན་གཤེགས་པ་རྣམས་སོ། །དེ་རྣམས་ཀྱིས་བཟང་པོར་བརྩིས་པ་ཡིན་པས་ན་འཕགས་པས་བགྲངས་པ སྟ་ག་ཎ་ནི་བགྲངས་པ། །བྷཱི་ཏ་ཞེས་པ་ནི་འཇིགས་པའོ། །བྷཱུ་ཏ་ག་ཎ་ཚོགས་ནི་འབྱུང་པོའི་ཚོགས་ལྷ་མ་ཡིན་ལ་སོགས་པའི་ཚོགས་རྣམས་ཏེ། གང་གི་འབྱུང་པོའི་ཚོགས་དེ་འཇིགས་པའོ། ། འདིར་བྷུ་ཏ་ག་ཎའི་མཇུག་ཏུ་རྒྱུད་ལས། བྷུཥི་ཏ་ཞེས་པ་གཅིག་གསུངས་པའི་དོན་གསལ་བར་སྣང་བ་ནི་འཇིགས་པའི་དོན་ཡིན་མིན་དཔྱད་དོ། །བུདྷྱ་བུ་དྷྱ་སྐྱབས་འགྲོ་བདུན་ཅུ་པ་ལས། མ་རིག་གཉིད་ནི་རྒྱུན་བཅད་ཅིང༌། །ཡང་དག་ཡེ་ཤེས་ངེས་འབྱུང་བ། །གང་ཞིག་རྣམས་སད་དེ་སངས་རྒྱས། །སྐྱེས་བུ་གཉིད་སད་དེ་བཞིན་ནོ། ཞེས་གསུངས་པ་ལྟར། སངས་རྒྱས་ཀྱི་སྐད་དོད་བུདྡྷའི་སྒྲ་གཉིད་སད་པ་དང་པདྨ་རྒྱས་པ་གཉིས་ཀ་ལ་དྲང་དུ་རུང་བ་ལ་འདིར་དང་པོ་ལྟར་བཤད་དོ། །ཞེས་པ་ནི་བསྐུལ་བའི་ཕྱིར་ཡང་དག་པར་སད་པར་བྱས་ནས་རྦོད་པའོ། །ཧ་ཡ་གྲཱི་བ་ཞེས་པ་ནི་ཀྱེ་རྟ་མགྲིན་ཞེས་པའོ། །ཁཱ་ད་ཁཱ་ད་ཞེས་པ་ནི་གདུག་པ་ཐམས་ཅད་ཟོ་ཤིག་པའོ། །ཚིན་ད་ཚིན་ད་ཞེས་པ་ནི་:པ་ཚབ:ཚིན་ད་ཚིན་ད་པ་ར་མན་ཏྲན་ནི་གཞན་གྱི་སྔགས་སོ་ཞེས་སོ། །གཞན་གྱི་སྔགས་ཆོད་ཅིག་ཆོད་ཅིག་པའོ། །སིདྡྷི་དངོས་གྲུབ་མ་མེ་བདག་ལ་པ་ཚབ་གྱི་འགྱུར་ཡང་འདི་དང་འདྲ། ཆག་འགྱུར་ལས་ཨ་ཏི་ཤ་ཟེར། དི་ཤ་སྩོལ་ཅིག་ཞེས་པ་ནི་བདག་ལ་དངོས་གྲུབ་སྩོལ་ཅིག་པའོ། །ཨཱ་བེ་ཤ་ཡ་ནི་ཕོབ་ཤིག་པའོ། །སརྦ་ཛྭ་ར་རིམ་པི་ཤཱ་ཙཱ་ན་ཤ་ཟ་ཞེས་པ་ནི་རིམས་དང་ཤ་ཟ་ཐམས་ཅད་དོ། །སརྦ་གྲ་ཧེ་ཥུ་གདོན་གྱིས་ཨ་པྲ་ཏི་མི་ཚུགས་པར་ཧ་
ཏོ་བྷ་བ་མཛོད་ཅིག་ཞེས་པ་ནི། གདོན་ཐམས་ཅད་ཀྱིས་མི་ཚུགས་པར་མཛོད་ཅིག་པའོ། །བཛྲ་དྃཥྚ་མཆེ་བ་ཅན་ཀིཉྩི་རཱ་ཡ་སི་ཞེས་པ་ནི། རྡོ་རྗེ་མཆེ་བ་ཅན་ཅིའི་ཕྱིར་ཕྱི་བཤོལ་མཛད་ཅེས་པའོ། །ཨི་དཾ་འདི་དུཥྚ་གདུག་པ་གྲ་ཧཾ་གདོན་དུཥྚ་སརྦ་བཱ་སྦྲུལ་ཞེས་པ་ནི་གདོན་མ་རུངས་པའམ་སྦྲུལ་གདུག་པ་འདིའོ། །དྷུ་ན་དྷུ་ན་ནི་སྐྱོད་ཅིག་སྐྱོད་ཅིག་པའོ། །མ་ཐ་མ་ཐ་ཞེས་པ་ནི་རྣམ་པར་:པ་ཚབ:རྣམ་པར་ཆོམས་ཤིག་པའོ་ཟེར། གཏོགས་ཤིག་པའོ། །མར་དམར་དུ་ཞེས་པ་ནི་བརླག་པར་མཛོད་ཅིག་པའོ། །པཱ་ཊ་ཡ་པཱ་ཊ་ཡ་ཞེས་པ་ནི་ཁོས་ཤིག་པའོ། །མ་ཊ་མ་ཊ་མ་ཊ་གཉིས་པོ་འདི་པ་ཚབ་ཀྱི་འགྱུར་ལ་མེད་དོ། །བྷན་དྷ་བྷན་དྷ་ནི་ཆིངས་ཤིག་པའོ། །བུད་དྷ་སངས་རྒྱས་དྷརྨ་ཆོས་སཾ་གྷ་དགེ་འདུན་ཨ་ནུ་ཛྙཱ་ཏཾ་བཀའ་སྩལ་པའི་ཀརྨ་ཀུ་རུ་ཞེས་པ་ནི། སངས་རྒྱས་དང་ཆོས་དང་དགེ་འདུན་གྱིས་བཀའ་སྩལ་པའི་ལས་གྱིས་ཤིག་པ་སྟེ་རྦོད་པའོ། །གལ་ཏེ་:པ་ཚབ:གང་གི་ཚེ་མི་བྱེད་ན་དེའི་རང་གི་ངོ་བོ་གསུངས་ནས་བཅོམ་ལྡན་འདས་རྟ་མགྲིན་ལ་བསྡིགས་པར་མཛད་པ་ནི་ཟེར། དེ་ལྟར་མི་བྱེད་ན་དེའི་ཚེ་རང་ཉིད་ལ་སྨྲས་པ་ཧ་ཡ་གྲཱི་བཱ་ཡ་ཕཊ་ཅེས་པ་ནི་རྟ་མགྲིན་ལའོ། །བཛྲཱ་ཡ་ཕཊ་ཅེས་པ་ནི་རྡོ་རྗེ་སྟེ་གཞན་གྱིས་མི་ཕྱེད་པ་ལའོ། །བཛྲ་གཱ་ཏྲཱ་ཡ་ཕཊ་ཅེས་པ་ནི་རྡོ་རྗེའི་ལུས་ཅན་ལའོ། །བཛྲ་ནེ་ཏྲཱ་ཡ་ཕཊ་ཅེས་པ་ནི་རྡོ་རྗེའི་མིག་ལའོ། །བཛྲ་དཾཥྚཱ་ཡ་ཕཊ་ཅེས་པ་ནི་རྡོ་རྗེའི་མཆེ་བ་ཅན་ལའོ། །བཛྲ་ཁུ་རཱ་ཡ་ཕཊ་ཅེས་པ་ནི་རྡོ་རྗེའི་ཞབས་
ཅན་ལའོ། །བཛྲ་ཁུ་ར་ནིར་གྷཱ་ཏ་ནཱ་ཡ་ཕཊ་ཅེས་པ་ནི་རྡོ་རྗེའི་ཞབས་ཅན་ངེས་པར་རྡེབས་པ་ལའོ། །ཏྲཻ་གསུམ་པོ་ལོཀྱ་འཇིག་རྟེན་བྷ་ཡྃ་འཇིགས་པར་ཀ་རཱ་ཡ་མཛད་པ་ཕཊ་ཅེས་པ་ནི་འཇིག་རྟེན་གསུམ་འཇིགས་པར་མཛད་པ་ལ། །སརྦ་ཀརྨེ་ཁུ་ལས་ཐམས་ཅད་ལ་ཨ་པྲ་ཏི་ཧ་ཏཱ་ཡ་ཐོགས་པ་མེད་པ་ལ་ཕཊ་ཅེས་པ་ནི་ལས་ཐམས་ཅད་ལ་ཐོགས་པ་མེད་པ་ལའོ། །བཛྲཀུ་ལ་རིགས་སན་སན་གྱི་སྒྲ་ལ་དེས་ཚིག་གིས་བཤད་པས་ཡང་དག་པའོ། །ཏྲཱ་ས་ནཱ་ཡ་སྐྲག་པར་རམ་འཇིགས་པར་མཛད་པའོ། །ཕཊ་ཅེས་པ་ནི་རྡོ་རྗེའི་རིགས་རྣམས་ཡང་དག་པར་འཇིགས་པར་མཛད་པ་ལའོ། །ཧཱུྃ་ཧཱུྃ་ཧཱུྃ་ཕཊ་ཅེས་བྱ་བ་ནི་བཅོམ་ལྡན་འདས་ཀྱིས་རྟ་མགྲིན་བསྡིགས་པར་མཛད་པའོ། །སྭཱ་ཧཱ་ཞེས་པ་ནི་དེ་ལྟར་བསྡིགས་པའི་མཐར་དབུགས་དབྱུང་བར་བྱ་བའི་ཕྱིར་མཛད་པ་ཡིན་ཏེ། སྭཱ་ཧཱ་སྒྲ་ནི་དབུགས་འབྱིན་པ་སྟེ། རྡོ་རྗེ་བདུད་རྩིའི་རྒྱུད་ལས།ཁཡི་གེ་སྭཱ་ཧཱ་ནི་ཀམཱ་མ་ཀཱི་ཞེས་བོས་ནས་གདངོས་གྲུབ་ཐམས་ཅད་རབ་སྟེར་བའོ། ཞེས་གསུངས་པས་སོ། །འདིར་ཆེ་གེ་མོ་བི་ཤ་དུག་དི་ཀཾ་ལ་སོགས་པ་ཨ་པ་ཧ་ར་ཉེ་བར་ཕྲོགས་ཤིག་ཧཱུཾ་ཞེས་བྱ་བ་སྔགས་སྤེལ་ཏེ་སྭཱ་ཧཱ་སྔོན་དུའོ་ལོ་། །དེ་ནས་ཞེས་བྱ་བ་ལ་སོགས་པ་ལ། ཆོས་ཀྱི་རྡོ་རྗེ་ནི་འོད་དཔག་ཏུ་མེད་པའོ། །དེའི་ཆེ་མཆོག་སྐྱེས་པ་ནི། དེ་ལས་སྐྱེས་པའི་གཙོ་བོ་རྟ་མགྲིན་ལ་སོགས་པ་སྟེ། །དེ་:ཆག:དེས་གདུལ་བའི་བགེགས་ལ་ཡང་ཆེ་མཆོག་སྐྱེས་ཞེས་བརྗོད་དོ། ཞེས་སོ། །
གདུལ་བའི་ཕྱིར་རོ། །ཡེ་ཤེས་རྒྱལ་པོ་ནི་འོད་དཔག་ཏུ་མེད་པ་སྟེ། དེ་རྗེས་སུ་དྲན་པ་ནི་སྒོམ་པ་རྩེ་གཅིག་པ་ཐོབ་པར་གྱུར་པའོ། །མཁའ་དབྱིངས་ནི་ནམ་མཁའི་དབྱིངས་སུ་གཏོགས་པ་སྟེ། དེ་དུག་གིས་ཡོངས་སུ་གང་བའོ། །ཇི་ལྟ་བུ་ཞེ་ན། རྡོ་རྗེ་ནི་མི་ཕྱེད་པ སྟེ་གཞོམ་དཀའ་བ། །ཧ་ལ་ཧ་ལ་ནི་དུག་གི་ཁྱད་པར་རོ། །ཁྲོ་བོའི་རྒྱལ་པོ་རྟ་མགྲིན་བསྐུལ་བ་ཡིས། ཞེས་བྱ་བ་ནི་རྦོད་པས་སོ། །དུག་རྣམས་ཐམས་ཅད་མེད་པར་བྱེད། ཅེས་བྱ་བ་ནི། ཧ་ལ་ཧ་ལ་འཐུངས་ཀྱང་དུག་མེད་པར་མཛད་པའོ། །འདིར་མན་ངག་ནི་འདི་ཡིན་ཏེ། འོད་དཔག་མེད་ཀྱི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་བསྒྲུབ་པར་བྱ་བ་དུག་གིས་ཟིན་པ་དེ་རྟ་མགྲིན་སེམས་དཔའ་གསུམ་གྱི་བདག་ཉིད་དུ་ངེས་པར་བསམས་ལ། དེའི་སྙིང་ཁ :པ་ཚབ་ཆག:ར་ཟླ་བ་ལ་གནས་པའི་ཏིང་ངེ་འཛིན་སེམས་དཔའི་འོད་ཟེར་རྣམས་ཀྱིས། ནད་པའི་ལུས་ཡོངས་སུ་བཀང་ནས་དུག་རབ་ཏུ་སྤར་བ་སྟེ་:ཆག་པ་ཆབ:དུག་མི་མངོན་པར་གནས་པ་རྣམས་སད་པར་བྱའོ། །དེ་ནས་རང་འོད་དཔག་མེད་ལས་རྟ་མགྲིན་དུ་བསྒྱུར་བའི་ལག་པ་གཡས་པའི་ལག་མཐིལ་དུ་ཟླ་བའི་སྟེང་དུ། ཡི་གེ་ཧཾ་མདོག་དཀར་པོ་བསམས་ནས། ལག་པ་གཡས་པའི་མཐེ་བོང་ནས་མཐེའུ་ཆུང་གི་བར་གྱི་སོར་ཚིགས་རྣམས་ལ་རིམ་པ་བཞིན་ༀ་:པ་ཚབ:ༀཏྲ່་ཧྲ່་ཁྲ່་སྲ່ཿ ཟེར། ཛྲ່་ཧྲ່་ཀྵ່་ས་:ཆག:ཁྲ່་ཟེར། ཞེས་བྱ་བ་ཁ་དོག་དཀར་པོ་ཅན་རྣམ་པར་བཀོད་ལ། སྤྱི་བོ་ནས་བརྩམས་ཏེ་སྔགས་བརྗོད་པ་སྔོན་དུ་འགྲོ་བས་ལག་པ་ལ་བཀོད་པའི་
འོད་ཀྱི་ཚོགས་ཀྱིས་བྱབས་པས། སྔགས་ཀྱི་ཡིག་འབྲུ་རྣམས་ཀྱི་འོད་ཟེར་དཀར་པོ་འགྱེད་ཅིང་བདུད་རྩི་དྲི་མ་མེད་པའི་ཆུའི་རྒྱུན་ལྟ་བུ་ལུས་ལ་ཐུགས་པ ས། དུག་རྣམས་ཁ་དོག་ནག་པོའམ་སྔོན་པོ་ལྟ་བུ་འོག་ཏུ་བཏང་བ་སྟེ་འདས་ནས་རྐང་མཐིལ་ནས་ཕུད་དེ་སྟོངས་པར་གྱུར་ཞིང་དེའི་ཤུལ་དུ་བདུད་རྩི་དཀར་པོས་གང་པར་བསམས་ན་དུག་སེལ་བར་འགྱུར་རོ། །འདི་ནི་སྣང་མཐའ་དང་རྟ་མགྲིན་གྱིས་ཞི་བའི་ལས་སྒྲུབ་པའོ། ༈ །དེ་ནས་བྱ་བ་ལ་སོགས་པ་ལ། དོན་ཡོད་པའི་དངོས་གྲུབ་རབ་ཏུ་སྩོལ་བས་དེ་བཞིན་གཤེགས་པ་གདོན་མི་ཟ་བར་གྲུབ་པ་ནི་རྡོ་རྗེ་འཆང་ཆེན་པོའོ། །གདོན་མི་ཟ་བའི་དམ་ཚིག་ནི་དོན་ཡོད་པར་གྲུབ་པ་སྟེ། དེའི་བྱང་ཆུབ་ནི་གདོན་མི་ཟ་བར་དམ་ཚིག་འབྱུང་བའོ། །དེ་ཉིད་དཔལ་ལམ་ཏོག་སྟེ་རྒྱལ་མཚན་ཡིན་ལ་རྡོ་རྗེ་ནི་མི་ཕྱེད་པའི་མཚན་མ་སྟེ། དེ་ལ་དམིགས་པའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་ནས། རྡོ་རྗེ་བེ་ཅོན་སྔོན་པོ་ཞེས་བྱ་བའི་ཁྲོ་བོའི་རྒྱལ་པོ། །སྔགས་ཀྱི་བདག་ཉིད་ཅན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མཿ ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ༀ་ཞེས་བྱ་བ་ལ་སོགས་པ་ནི་སྔགས་དངོས་ཡིན་ཏེ། ཨེ་ཧྱ་ཧི་ཞེས་པ་ནི་ཚུར་སྦྱོན་ཚུར་སྦྱོན་ཞེས་བོད་:པ་ཚབ:ཨེ་ཧྱ་ཧི་ཞེས་པ་ནི་སྤྱན་འདྲེན་པའོ་ཟེར། པའོ། །བྷ་ག་ཝན་བཅོམ་ལྡན་འདས་ནཱི་ལ་སྔོན་པོའམ་ནག་པོ་བཛྲ་དཎ་ཌ་དབྱུག་པ་ཞེས་པ་ནི་བཅོམ་ལྡན་འདས་རྡོ་རྗེ་དབྱིག་སྔོན་ཞེས་བོད་པའོ། །ཏུ་རུ་ཏུ་རུ་ཧུ་ལུ་ཧུ་ལུ་