ཤོག་ལྷེབ་ ༧༠༡ ནས་ ༨༠༠ བར།

---

^{[མ་དཔེ་གཟིགས་ན་འདིར་གནོན།]}

ཞེས་པ་ནི་ཏུ་རུའི་སྒྲ་ཏྭ་ར་ན་སྟེ་རིངས་པ་རིངས་པར་རོ། །ཧུ་ལུ་ཧུ་ལུ་ནི་སྔ་མ་ཁ་ཅིག་གནོད་སྦྱིན་གྱི་སྐད་ཡིན་པས་བདག་ཅག་གི་སྒྲས་བཤད་དུ་མེད་པས་གང་དུ་ཡང་མ་བཤད་ཅེས་ཟེར་བ་ནི་མཐོང་རྒྱ་ཆུངས་པའི་སྐྱོན་ཏེ། མཉམ་སྦྱོར་གྱི་ཕྱི་མའི་ཕྱི་མར། ཧུ་ལུ་ཧུ་ལུ་ཞུགས་ཤིག་པའོ། །ཞེས་གསུངས་ལ། ཤཱནྟི་པས་ཀྱེ་མའི་དོན་དུ་བཤད་ཀྱང་འདིར་ནི་སྔ་མ་ཡིན་ཏེ་རིངས་པ་རིངས་པར་བདག་ལ་ཞུགས་ཤིག་པའི་དོན་ནོ། །ཧ་ཧ་ཞེས་པ་ནི་ལྷའི་ཐུགས་ཡང་དག་པར་སད་པར་བྱ་བའོ། །གུ་ལུ་གུ་ལུ་ཞེས་པ་ནི་ཚིར་ཅིག་པའོ། །གུ་ལཱ་པ་ཡ་གུ་ལཱ་པ་ཡ་ཞེས་པ་ནི་འཁོར་རྣམས་ཀྱང་འཚིར་དུ་ཆུག་ཅིག་པའོ། །ཀྲ་མ་ཀྲ་མ་ཞེས་པ་ནི། ཀྲ་མ་གོམ་པ་པཱ་ད་བསྐྱོད་པའམ་འདོར་བ་བི་ཀྵེ་པ་རྣམ་པར་སྤྲོ་བ་སྟེ་གོམ་པ་བསྐྱོད་པར་རབ་ཏུ་སྤྲོ་བར་བྱ་བའོ། །བྷ་ག་བན་ཞེས་པ་ནི་བཅོམ་ལྡན་འདས་ཞེས་བོད་པའོ། །བཱ་ཡུ་རླུང་བེ་གེ་ཎ་ཤུགས་ཀྱིས་ཞེས་པ་ནི་རླུང་གི་ཤུགས་ཀྱིས་སོ། །བྷུ་ཏ་ན་འབྱུང་པོ་རྣམས་ཤཱི་གྷྲཾ་མྱུར་དུ་ད་ཧ་ད་ཧ་ཞེས་པ་ནི་འབྱུང་པོ་རྣམས་མྱུར་དུ་བསྲེགས་ལ་ཐལ་བར་གྱིས་ཤིག་པའོ། །ད་ར་ད་ར་ཞེས་པ་ནི་ཁོས་ཤིག་པའོ། །བ་ཧ་བ་ཧ་ཞེས་པ་ནི་ཆོམས་ཤིག་པའོ། །པ་ཙ་པ་ཙ་ཞེས་པ་ནི་སྐོལ་ཅིག་པའོ། །མ་ཐ་མ་ཐ་ཞེས་པ་ནི་རྣམ་པར་ཤིག་ཅིག་པའོ། །པཱ་ཏ་ཡ་པཱ་ཏ་ཡ་ཞེས་པ་ནི་འོག་ཏུ་ལྟུང་བར་གྱིས་ཤིག་པའོ། །མ་ཊ་མ་ཊ་ཞེས་པ་ནི་རློག་ཤིག་པའོ། །མོ་ཊ་པ་ཡ་མོ་ཊ་ཡ་ཞེས་པ་ནི་འཁོར་རྣམས་ཀྱིས་ཀྱང་བརླག་པར་གྱིས་ཤིག་པའོ། །སརྦ་ཀརྨཱ་ཎི་ཚིནྡ་ཚིནྡ་ཞེས་པ་ནི་ལས་ཐམས་ཅད་ཆོད་

---

^{[མ་དཔེ་གཟིགས་ན་འདིར་གནོན།]}

ཅིག་པ་སྟེ། དགྲ་བོས་རབ་ཏུ་སྦྱར་བའི་བསྐྲད་པ་ལ་སོགས་པའི་ལས་རྣམས་ཤིག་ཅིག་ཤིག་ཅིག་པའོ། །བྷཀྵ་ཡ་བྷཀྵ་ཡ་ཞེས་པ་ནི་ཟོ་ཤིག་པའོ། །མེ་དམ་ནི་ཚིལ་ལོ། །ཨ་སྱ་ནི་འདིའི་སྟེ། འདི་ནི་བསྒྲུབ་པར་བྱ་བའི་འོ། །མེ་ད་ཚིལ་མད་ཛ་:པ་ཚབ:མཉྫ་ཟེར།རྐང་:པ་ཚབ་ཆག:ཞག་ཟེར། རུ་དྷི་ར་ཁྲག་བྲི་ཡ་དགྱེས་པ་ཨེ་ཧྱ་ཧི་ཚུར་བྱོན་བྷ་ག་ཝན་ཞེས་བྱ་བ་ནི་ཀྱེ་བཅོམ་ལྡན་འདས་ཚིལ་དང༌། རྐང་དང་། ཞག་དང༌། ཁྲག་ལ་དགྱེས་པ་ཚུར་སྤྱོན་ཚུར་སྤྱོན་ཞེས་བོད་པའོ། །སརྦ་བིགྷྣན་ཞེས་པ་ནི་བགེགས་ཐམས་ཅད་དོ། །སརྦ་བིདྱཱ་རིག་པ་ནི་ཞེས་པ་ནི་རིག་པ་ཐམས་ཅད་དོ། །སརྦ་མན་ཏྲ་ནི་ཞེས་པ་ནི་སྔགས་ཐམས་ཅད་དོ། །སརྦ་མཱུ་ལ་རྩ་བའི་ཀརྨ་ནི་ཞེས་པ་ནི་རྩ་བའི་ལས་ཐམས་ཅད་དང༌། ཀྲི་ཏྲི་མ་བཅོས་པའི་བི་ཥཱ་དུག་དེ་ནི་ལ་སོགས་པ་ཞེས་པ་ནི་བཅོས་པའི་དུག་ལ་སོགས་པའོ། །སརྦ་གྲ་ཧཱ་ན་གདོན་ཞེས་པ་ནི་གདོན་ཐམས་ཅད་དེ། དེ་རྣམས་ཧ་ན་ཧ་ན་ཞེས་པ་ནི་ཆོམས་ཤིག་པའོ། །བྷན་ཛ་བྷན་ཛ་ཞེས་པ་ནི་ཤིག་ཤིག་པའོ། །མར་ད་མར་དཞེས་པ་ནི་མཉེས་ཤིག་པའོ། །ཨི་དཾ་ཞེས་པ་ནི་འདི་ཞེས་པའི་དོན་ཏེ། གང་འདོད་པའི་ལས་དེ་ལ་འདི་ཞེས་བརྗོད་དོ། །ཀཱརྱཾསཱ་དྷ་ཡ་ཞེས་པ་ནི་བྱ་བ་སྒྲུབས་ཤིག་པའོ། །ཧཱུཾ་ཞེས་པ་ནི་རྗེས་སུ་བྱེད་པའི་སྡིགས་མཛུབ་བྱ་བའོ། །ནཱི་ལཱ་ཡ་ཞེས་པ་ནི་སྔོན་པོ་ལའོ། །ནཱི་ལཱ་བཛྲ་དན་ཌ་ཡ་ཞེས་པ་ནི་རྡོ་རྗེ་དབྱིག་པ་སྔོན་པོ་ཅན་ལའོ། །ཏུ་རུ་ཏུ་རུ་ཞེས་པ་ནི་རིངས་པར་མཛོད་ཅིག་པའོ། །བིགྷྣན་བི་ན་ཡ་ཀ་ནཱ་ཤཱ་ཡ་ནཱ་ཤཱ་ཡ་ཞེས་པ་ནི་བགེགས་དང་ལོག་འདྲེན་

---

^{[མ་དཔེ་གཟིགས་ན་འདིར་གནོན།]}

རློག་ཤིག་རློག་ཤིག་པའོ། །ཧུ་རུ་ཧུ་རུ་ཞེས་བྱ་བ་ནི་བྱ་བ་ལ་འབད་པར་མཛོད་ཅིག་པའོ། །དཱིཔྟ་འབར་བ་ཙཎྜ་ཡ་གཏུམ་པོ་ཞེས་པ་ནི་འབར་བ་གཏུམ་པོ་སྟེ། ལྷག་པར་ཁྲོ་བའི་ཕྱིར་རོ། །སརྦ་ཤ་ཏྲུཾ་ཎཱཾ་དགྲའི་ཧྲི་ད་ཡཱ་སྙིང་ནི་བི་ངེས་པར་ཌ་ཡ་ཚིར་ཅིག་ཞེས་པ་ནི་དགྲ་ཐམས་ཅད་ཀྱི་སྙིང་ངེས་པའི་ཚིར་ཅིག་པའོ། །ཚིནྡ་ཚིནྡ་པ་ར་གཞན་ནམ་ཕ་རོལ་བིདྱཱ་ཎཱཾ་ཚེ་ད་ཀ་གཅོད་པ་ཞེས་པ་ནི་གཞན་གྱི་རིག་པ་གཅོད་པ་པོས་གཞན་གྱི་རིག་པ་ཆོད་ཅིག་པའོ། །ཧཱུཾ་ནི་དེ་གསལ་བར་བྱེད་པའི་ས་བོན་ནོ། །བིདྱཱ་ཎཱཾ་རིག་པ་རྣམས་ཀྱི་ཤིཥྚ་ཀ་བྱེད་པ་པོ་ཞེས་པ་ནི་རིག་པ་རྣམས་ཀྱི་དམ་པར་གྱུར་པ་སྟེ། བྱེད་པ་པོའོ། །ས་མ་ཡ་མ་ནུ་སྨ་རཾ་ཞེས་པ་ནི་དམ་ཚིག་རྗེས་སུ་དྲོན་ཅིག་པ་སྟེ། ཀྱེ་རྡོ་རྗེ་འཆང་གི་བཀའ་རྗེས་སུ་དྲོན་ཅིག་པའོ། །མར་མཱ་ཎི་ནི་གནད་ཀྲིན་ཏ་ཆོད་ཅིག་ཞེས་པ་ནི་གནད་ཆོད་ཅིག་པའོ། །ཧཱུཾ་ནི་སྐུལ་བའོ། །ཧ་ན་ཧ་ན། ད་ཧ་ད་ཧ། ཀུ་རུ་ཀུ་རུ། ཏུ་རུ་ཏུ་རུ། ཧུ་རུ་ཧུ་རུ་ཕཊ་ཕཊ་ཧཱུཾ་ཧཱུཾ་ཞེས་པ་ནི་སྔར་བཤད་པར་ཟད་དོ། །ཀྲི་ཏཱན་ཏ་ཡ་ཞེས་པ་ནི་ཀྲིཏ་ཡ་བྱེད་པ། ཨན་ཏ་མཐའོ། །མཐར་བྱེད་པ་དེ་གཤིན་རྗེའོ། །དེ་བ་ལྷ་རི་ཥི་དྲང་སྲོང་བི་རྣམ་པར་དྲཱ་བ་ཀཱ་ཡ་སྐྲོད་པ་ཞེས་པ་ནི་ལྷ་དང་དྲང་སྲོང་རྣམ་པར་སྐྲོད་པའོ། །ཧ་ན་རྒྱོབ་ཧ་ན་རྒྱོབ་བཛྲ་དཎ་ཌེ་ན། དབྱུག་པས་སྭཱ་ཧཱ་ཞེས་པ་ནི་རྡོ་རྗེའི་དབྱིག་པས་རྒྱོབ་ཅིག་པའོ། །འདིར་ཁ་ཅིག་འདྲི་བ་དང་ལས་སྦྱོར་གྱིས་དུས་སུ་སྭཱ་ཧཱ་སྤངས་ནས་ཧཱུཾ་ཕཊ་འཇུག་པ་ཡིན་ཟེར་ཡང༌། སྔ་མ་རྣམས་

---

^{[མ་དཔེ་གཟིགས་ན་འདིར་གནོན།]}

དེ་མི་བྱེད་པར་སྭཱ་ཧཱའི་སྔོན་དུ་སྤེལ་ཞིང་ཞེས་པ་དང་མཐུན་ནོ། །སྭཱ་ཧཱའི་སྔོན་དུ་འགྲོ་བའི་ཆེ་གེ་མོ། །མ་ར་ཡ་གསད་ཅིག་ཕཊ་ཕཊ་ཅེས་བྱ་བ་དང་སྔགས་སྤེལ་ལོ། །དེ་ནས་ཞེས་བྱ་བ་ལ་སོགས་པ་ལ། གདུག་པའི་མཆོག་ལས་བྱུང་བ་ཀུན། ཞེས་བྱ་བ་ནི་བགེགས་ཀྱི་མཆོག་རྣམས་སོ། །གཞན་དག་ནི་གོ་སླའོ། །ཁྲོ་བོའི་རྒྱལ་པོ་འདིའི་སྔགས་བརྒྱ་རྩ་བརྒྱད་བཟླས་ན་གདུག་པ་ཐམས་ཅད་གསོད་པར་འགྱུར་རོ། །ཆོ་གའི་ཚུལ་བཞིན་ཞེས་བྱ་བ་ནི་རྟོག་པ་ལས་བཤད་པའི་ཆོ་གའི་སྦྱོར་བས་སོ། །བསྐུལ་བ་ཡིས་ཞེས་བྱ་བ་ནི་སྔགས་ཀྱི་དོན་ཡོངས་སུ་ཤེས་པ་ལ་སོགས་པས་ལྷ་རྣམས་ལ་རྦོད་པའོ། །དེ་ལ་འདིར་ཆོ་ག་ནི་འདི་ཡིན་ཏེ། དོན་གྲུབ་ཀྱི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་དུས་སུ་དུར་ཁྲོད་ཀྱི་སྟེ་རོ་རས་ལ་འཁོར་ལོ་རྩིབས་བཅུ་དྲུག་པ་བྲིས་ཏེ། དེའི་ལྟེ་བའི་སྟེང་དུ་སྣ་ཚོགས་རྡོ་རྗེ་བྲི། དེའི་ལྟེ་བ་ལ་བྲིས་པའི་མེའི་དཀྱིལ་འཁོར་ལ་སྐེ་ཚེ་དང་ལན་ཚྭ་དང་ཡུངས་མར་དང་དུག་དང་ད་ཏུ་ར་ཐང་ཕྲོམ་པའི་ཁུ་བ་སྟེ། རྫས་འདི་དག་གིས་བསྒྲུབ་པར་བྱ་བའི་མིང་དང་དབྱུག་སྔོན་ཅན་གྱི་སྔགས་སྤེལ་ཏེ་བྲིས་ལ། རྒྱ་མཚོར་འབབ་པའི་ཆུ་བོའི་ངོགས་གཉིས་དང་གྲོག་མཁར་གྱི་ས་དང་བསྒྲུབ་པར་བྱ་བའི་རྐང་རྗེས་ཀྱི་ས་དང༌། བཤང་གཅི་ལ་སོགས་པ་བདུད་རྩི་ལྔ་དང་ལྡན་པ་ལ ས་དགྲ་བོ་དེའི་གཟུགས་བརྙན་བྱས་ལ། དེ་ལ་དགྲ་བོའི་རྣམ་ཤེས་དགུག་པ་སྟེ་བཀུག་ནས་བཅུག་སྟེ། དེ་དངོས་ཡིན་པར་བསམ་པ་སྔོན་དུ་འགྲོ་བས་བསྒྲུབ་པར་བྱ་བའི་གཟུགས་བརྙན་གྱི་སྙིང་ཁར་བཅུག་

---

^{[མ་དཔེ་གཟིགས་ན་འདིར་གནོན།]}

ནས། དཔའ་བོ་གཡུལ་དུ་ཤི་བའི་ཐོད་པ་ཁ་སྦྱར་གྱི་ནང་དུ་གཞུག་གོ །དེ་ནས་ཉི་མ་ཕྱེད་དམ་ནམ་ཕྱེད་ན་རྐང་པ་གཡོན་པས་མནན་ཏེ། སྔགས་ཀྱི་དོན་ཤེས་པས་དབྱུག་སྔོན་ཅན་ལ་བཀའ་བསྒོ་བའི་ཚུལ་གྱིས་སྔགས་བརྒྱ་རྩ་བརྒྱད་བཟླས་ན་འཆི་བར་འགྱུར་རོ། །གལ་ཏེ་འཇིག་པ སྟེ་འཆི་བ ར་མི་འགྱུར་ན་དེའི་ཚེ་དཔའ་བོ་གྲིར་ཤི་བའི་ཐོད་པ་གསུམ་སྒྱེད་བུར་བྱས་ལ། དེའི་སྟེང་དུ་གཟུགས་བརྙན་བཞག་ལ་དུར་ཁྲོད་ཀྱི་གྲིར་ཤི་བའི་རོ་བསྲེགས་པའི་མགལ་དུམ་གྱི་མེས་གདུངས་པར་བྱས་ན། ཚ་བའི་རིམས་ཀྱིས་འཛིན་པར་འགྱུར་རོ། །དེ་ནས་གཟུགས་བརྙན་དེ། དུར་ཁྲོད་ཀྱི་མེར་བཅུག་ན་དེའི་ཚེ་འཕྲལ་དུ་འཆི་བར་འགྱུར་རོ། །འདི་ནི་དོན་གྲུབ་དང་དབྱུག་སྔོན་ཅན་གྱི་སྒོ་ནས་བསད་ལས་བསྒྲུབ་པའོ། ༈ །དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་མི་བསྐྱོད་པ་ནི། རྡོ་རྗེ་འཆང་ཆེན་པོ་ཡོངས་སུ་གྱུར་པས་བཞུགས་པའོ། །ཆར་ཀུན་ནས་འབབ་པའི་སྤྲིན་སྡུད་པའི་གྱི་དཔལ་གང་ལ་ཡོད་པ་དེ་ནི་ཀུན་ནས་སྤྲིན་གྱི་དཔལ་སྟེ་སྟོབས་པོ་ཆེའོ། །དེ་བསྐྱེད་པའི་ཏིང་ངེ་འཛིན་ནི་དེ་དང་དབྱེར་མེད་པས་དེ་སྐད་ཅེས་བྱ་སྟེ། དེ་མངོན་སུམ་དུ་མཛད་ནས་སྟོབས་པོ་ཆེ་སྔགས་ཀྱི་བདག་ཉིད་དུ་གྱུར་པ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ན་མཿ ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨོ་ཞེས་བྱ་བ་ལ་སོགས་པ་ནི་སྔགས་དངོས་སོ། །ཨུ་གྲ་ནི་དྲག་པོའོ། །ཤཱུ་ལ་ནི་མདུང་སྟེ། པཎི་ནི་ལག་པའོ་གང་གི་ལག་པ་ན་དྲག་

---

^{[མ་དཔེ་གཟིགས་ན་འདིར་གནོན།]}

ཅིང་རྣོ་བའི་མདུང་ཡོད་པ་དེ་ལ་དེ་སྐད་ཅེས་བྱའོ། །ཛྱོ་ཏི་ཞེས་པ་ནི་ཐོག་གོ །ནིར་ནཱ་ད་ནི་སྒྲ་སྟེ། ཐོག་འབབ་པ་ལྟ་བུའི་སྒྲ་གང་ལ་ཡོད་པ་དེ་ལ་དེ་སྐད་ཅེས་བྱའོ། །འདིར་སྭཱ་ཧཱའི་སྔོན་དུ་འགྲོ་བའི་:ཆག:པ་རི་ཟེར་བཱར་ཥ་ཆར་གྱི་དྷཱ་རཾ་རྒྱུན་པཱ་ཏ་ཡ་ཕོབ་ཅིག་ཧྲི་ཞེས་བྱ་བ་དང་འདིའི་སྔགས་སྤེལ་ལོ། །འདི་ནི་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། ། འདིར་འགྱུར་རྙིང་ལས། སྟོབས་པོ་ཆེ་ཡིས་ཀླུ་རྣམས་ཀུན། ཞེས་འབྱུང་ཡང་། :པ་ཚབ:ཀླུ་ནི་སྟོབས་པོ་ཆེ་རྣམས་ཀུན། ཞེས་པ་དག་གོ །སྐུ་གསུམ་རྡོ་རྗེ་རྗེས་སུ་དྲན་པ་ཞེས་པ་ནི་རྡོ་རྗེ་འཆང་དྲག་པོའོ། །བཟླས་པ་ཞེས་བྱ་བ་ལ་སོགས་པ་ནི་ཐུན་གསུམ་དུ་རེ་རེ་ལ་བརྒྱ་རྩ་བརྒྱད་བཟླས་པས་སོ། །སྦྱོར་བ་ཡིས་ཞེས་བྱ་བ་ནི་སྦྱོར་བ་དེ་དང་དེས་དབང་དུ་བྱ་བ་ལ་སོགས་པའི་ལས་:པ་ཚབ་ཆག:དབང་དུ་བྱ་བ་ལ་སོགས་པའི་ལས་རྣམས་ཟེར། ཀྱིས་སྒྲུབ་པར་བྱའོ། །ཐན་པ་བྱུང་བའི་ཞེས་བྱ་བ་ནི་ཆར་མི་འབབ་པ་སྟེ། ཆར་ཆད་པ་སེལ་ཞིང་ཆར་གྱི་རྒྱུན་འབེབས་པའོ། །འདིར་རིམ་པ་ནི་འདི་ཡིན་ཏེ། རྡོ་རྗེ་འཆང་ཡན་གྱི་དང་པོ་སྦྱོར་བ་དང༌། དེ་མི་བསྐྱོད་པར་བསྒྱུར་བའི་དཀྱིལ་འཁོར་རྒྱལ་མཆོག་བྱ། དེ་ནས་ལས་རྒྱལ་མཆོག་གི་དུས་སུ་སྐེ་ཚེ་ལ་སོགས་པའི་མངོན་སྤྱོད་ཀྱི་རྫས་རྣམས་ཀྱིས་དུར་ཁྲོད་ཀྱི་རས་ལ། པདྨ་འདབ་མ་བརྒྱད་པ་བྲིས་ལ་དེའི་ཤར་གྱི་འདབ་མ་ལ་ནོར་རྒྱས་ཀྱི་བུ་སེར་པོ། ལྷོར་པདྨ་དཀར་པོ། ནུབ་ཏུ་སྟོབས་ཀྱི་རྒྱུ་དམར་པོ། བྱང་དུ་འཇོག་པོ་ནག་པོ། མེར་པད་ཆེན་སྔོ་བསངས། བདེན་བྲལ་དུ་མཐའ་ཡས་སྐྱ་བོ། རླུང་དུ་རིགས་ལྡན་དཀར་པོ། དབང་ལྡན་དུ་དུང་སྐྱོང་སེར་པོ། སྟོད་སྦྲུལ་མགོའི་གདེངས་ཀ་བདུན་དང་ལྡན་པ། སྨད་

---

^{[མ་དཔེ་གཟིགས་ན་འདིར་གནོན།]}

སྦྲུལ་མཇུག་ལན་བདུན་དུ་འཁྱིལ་བའི་ཀླུ་བརྒྱད་བྲིས་ལ། དེ་རྣམས་ཀྱི་སྙིང་ག་དང༌། སྤྱི་བོར་ཧཱུཾ་ནཱཾ་ཧཱུཾ་:ཆག:ཧཱུཾ་ནཱཾ་ཧཱུཾ་ཞེས་པ་སྔགས་དང་སྤེལ་ལོ་ཟེར། ཞེས་བྱ་བར་སྔགས་སྔགས་དང་སྤེལ་བ་ནི་སྐལ་ལྡན་གྱི་གདན་བཞི་ནས་བཤད་པའི་སྔགས་དང་སྤེལ་ཟེར་ཡང༌། སྟོབས་པོ་ཆེའི་སྔགས་འདིར་བཤད་པའི། མ་ཧཱ་བ་ལའི་མཇུག་ཏུ་བཏགས་པར་བྱའོ། །སྤེལ་ལ། པདྨའི་ལྟེ་བའི་དབུས་སུ་ༀ་ཨཱཿ ཧཱུཾ་བཛྲ་དྷ་ར་འཛིན་པའམ་འཆང་བ་ཨཱཛྙཱ་པ་ཡ་ཏི་བཀའ་ཉོན་ཅིག་སརྦ་ནཱ་གཱ་བར་ཥ་དྷ་ར་:ཆག:མུད་སྲི་ཛ་ཏཱ་ཧྲིཿ ཟེར། མུད་ཙིར་:ཆག:རྒྱས་པར་ཟེར། ཛན་ཏི་ཕོབ་ཅིག་ཧྲཱི་སྭཱ་ཧཱ་ཞེས་བྱ་བ་བཀོད་ནས། ཡང་འཁོར་ལོ་གཉིས་པ་བྲི་ཚུལ་ནི་དེ་བཞིན་དུ་ཞེས་པས་པདྨ་འདབ་བརྒྱད་ནས་དབུས་ཀྱི་ཡི་གེ་བྲི་བའི་བར་སྔར་དང་འདྲ་བ་ལ་ཁྱད་པར་ནི་སྔ་མ་གཡས་སྐོར་དང་འདི་གཡོན་སྐོར་དུ་བྲིས་ལ་འཁྲུལ་འཁོར་གཉིས་ཁ་སྦྱར་ཏེ་ཀླུ་བརྒྱད་ཀྱི་རྣམ་ཤེས་ཀླུའི་གཟུགས་དེ་རྣམས་ལ་དགུག་པ་དང༌། བཀུག་ནས་སོ་སོའི་གཟུགས་ལ་བཅུག་སྟེ། དེ་རྣམས་དངོས་ཡིན་པར་བསམ་པ་སྔོན་དུ་འགྲོ་བས་ཀླུའི་གཟུགས་བརྙན་གྱི་སྙིང་ཁར་གཞུག་གོ །གཟུགས་བརྙན་ནི་ཆོ་ག་འདིས་བྱ་སྟེ། ཆུ་བོའི་ངོགས་གཉིས་ཀྱི་ས་བདུད་རྩི་ལྔ་དང་ལྡན་པ་ལས་བྱས་ལ།ཞེས་པ་ནི་སྔར་བཤད་པའི་རྣམ་པ་ཅན་གྱི་ཀླུ་གཅིག་གི་གཟུགས་བརྙན་བྱེད་པ་ཡིན་གྱི། ཀླུ་བརྒྱད་གང་རུང་གཅིག་གི་དམིགས་བསལ་མི་དགོས་སོ། །མངོན་སྤྱོད་ཀྱི་རྫས་ཀྱིས་ཉེ་བར་བྱུགས་ཏེ། ཁདུར་ཁྲོད་ཀྱི་མེ་ལ་ཀ སྟོབས་པོ་ཆེ་ལ་བཀའ་བསྒོ་བའི་ཚུལ་གྱིས་གསང་སྔགས་བརྗོད་ཅིང་གགདུང་བར་བྱས་ན། ཀླུ་རྣམས་ཆར་འབེབས་པར་འགྱུར་རོ། །རྩ་རྒྱུད་ལས། ལས་རྣམས་ཐམས་ཅད་སྒྲུབ་པར་

---

^{[མ་དཔེ་གཟིགས་ན་འདིར་གནོན།]}

བྱེད། ཅེས་གསུངས་པ་ལྟར། སྟོབས་པོ་ཆེ་ལ་བཀའ་བསྒོ་བ་དང༌། དེའི་ཕྲེང་སྔགས་ཀྱིས་དབང་ལ་སོགས་པའི་ལས་ཀུན་འགྲུབ་ཀྱང༌། ཆར་འབེབས་པ་འདི་ནི་བསྒྲུབ་བྱ་ཀླུ་གདུང་བར་བྱེད་པ་ཡིན་པས་དྲག་ལས་སུ་བྱའོ། ༈ །དེ་ནས་ཞེས་བྱ་བ་ལ་སོགས་པ་ལ། ཀུན་ཏུ་ངེས་པར་སྒྲོགས་པའི་རྡོ་རྗེའི་འབྲུག་སྒྲ་:པ་ཚབ:ཀུན་ཏུ་སྒྲོགས་པ་རྡོ་རྗེ་ཞེས་བྱ་བའི་ཟེར། གང་ཡིན་པ་དེ་ནི་ཀུན་ཏུ་འཇོམས་པ་སྟེ་འདོད་པའི་རྒྱལ་པོའོ། །དེ་སྐྱེས་པའི་ཏིང་ངེ་འཛིན་ཡང་དེ་དང་དབྱེར་མེད་པས་དེ་སྐད་ཅེས་བྱ་སྟེ། དེ་མངོན་སུམ་དུ་མཛད་པའོ། །དེ་བཞིན་གཤེགས་པ་ཐམས་ཅད་ནི་མཐུ་ཆེན་པོ་དང་ལྡན་པའི་བགེགས་རྣམས་སོ། །དེ་འཆིང་བར་བྱེད་པས་དེ་བཞིན་གཤེགས་པ་ཐམས་ཅད་ཀྱི་ཊཀྐི་སྟེ། སྐད་ཀྱི་བྱིངས་ལས་ཊཀྐི་ནི་འཆིང་བར་འདྲེན་པས་སོ། །དེ་ཉིད་གཙོ་བོ་ཡིན་པས་ན་རྒྱལ་པོ་སྟེ་ཁྲོ་བོ་ཆེན་པོ་དེ་སྔགས་ཀྱི་བདག་ཉིད་ཅན་དུ། ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ན་མཿ ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཊཀྐི་ཧཱུཾ་ཛ་ཞེས་བྱ་བ་ནི་སྔགས་དངོས་སྟེ་མིང་བཏུས་པ་ཞེས་བྱ་སྟེ། དེ་ཡང་སྭཱ་ཧཱ་མེད་ཅིང་ༀ་མེད་པ། གང་ཡིན་བཏུས་པ་ཞེས་བརྗོད་དོ། ཞེས་རྡོ་རྗེ་གཙུག་ཏོར་གྱི་རྒྱུད་ལས་གསུངས་པའི་ཕྱིར་རོ། །ཊཀྐི་ཞེས་པ་ནི་གདུག་པ་འཆིང་བ་པོ་སྟེ་བོད་པའོ། །ཧཱུཾ་ནི་གདུག་པ་རྣམས་ལ་བསྡིགས་པ ར་བྱེད་པ། །ཛ་ནི་གདུག་པ་རྣམས་སྐྲག་པའི་ཕྱིར་རྦོད་པའོ། །འདིར་ཊཀྐི་ཧཱུཾ་ཛ་ཞེས་པའི་སྔགས་ཀྱི་མཇུག་ཏུ་ཆེ་གེ་མོ་ཨ་ཀར་ཥ་ཡ་ཧྲི་ཞེས་བྱ་བ་དང་སྔགས་སྤེལ་ལོ། །དེ་ནས་ཞེས་བྱ་བ་ལ་སོགས་པ་ལ། སངས་རྒྱས་

---

^{[མ་དཔེ་གཟིགས་ན་འདིར་གནོན།]}

ཀུན་ཏེ་རྟོགས་པ་ནི་:ཆག:བགེགས་རྣམས་ཏེ་བསྒྲུབ་པར་བྱ་བ་ཉིད་དུ་ཤེས་པར་བྱ་བས་སོ། །ཟེར། བགེགས་རྣམས་ཏེ། ཅི་ཞིག་རྟོགས་ན་རང་ལ་ལས་འདི་བསྒྲུབ་པར་བྱ་བ་ཉིད་དུ་ཤེས་པར་བྱ་བ་སྟེ་བྱེད་པས་བྱུང་བས་སོ། །བདག་ཉིད་ཆེན་པོ་ནི་རྫུ་འཕྲུལ་ཆེན་པོ་དང་ལྡན་པའོ། །འཇིགས་ཤིང་ནི་སྐྲག་པར་གྱུར་པའོ། །དམ་ཚིག་ནི་ཊཀྐིའི་རྒྱལ་པོར་གྲགས་པའོ། །ལྡན་པར་གྱུར་ནས་ཞེས་པ་ནི། འདོད་རྒྱལ་མདུན་དུ་བློས་དམིགས་པ་དང་ལྡན་པ། །རྡོ་རྗེ་སྐུ་གསུམ་ནི་རྡོ་རྗེ་འཆང་ཆེན་པོ་སྟེ། རྗེས་སུ་དྲན་པ་ནི་བསྒོམ་པའོ། །རྡོ་རྗེ་སེམས་དཔའི་ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་སྟེ་མི་བསྐྱོད་པའི་ཏིང་ངེ་འཛིན་ལ་གནས་པའི་རྣལ་འབྱོར་པས། ཏིང་ངེ་འཛིན་གཞན་གཉིས་སྔོན་དུ་བཏང༌། དེ་ནས་ལས་རྒྱལ་མཆོག་གི་དུས་སུ་ཛ་ལས་བྱུང་བའི་རྡོ་རྗེ་ལྕགས་ཀྱུས་བྱིན་གྱིས་བརླབས་པའི་རྐང་པ་གཡས་པས་ལིང་ག་སྟེ། བསྒྲུབ་པར་བྱ་བའི་གཟུགས་བརྙན་བཙག་གིས་ས་ལ་བྲིས་ཏེ། སྙིང་ཁའི་ཕྱོགས་སུ་མིང་དང་སྤེལ་ཏེ་སྔགས་བྲིས་ནས། མིང་དེ་ལ་དེའི་རྣམ་པར་ཤེས་པ་དགུག་པ་དང་དེ་དངོས་སུ་འདུ་ཤེས་པ་སྔོན་དུ་འགྲོ་བས་མནན་ནས།ཞེས་པ་འདི་རང་མི་བསྐྱོད་པར་གནས་པ་འདོད་རྒྱལ་དུ་བསྒྱུར་བའི་རྐང་པ་ལ་ལྕགས་ཀྱུས་མཚན་པ་དང་འདིའི་བར་བྱས་ནས། དེ་ནས་སྔགས་བཟློ་བ་ན་མི་བསྐྱོད་པའི་ང་རྒྱལ་གྱིས་བྱེད་པར་སྔ་མ་རྣམས་བཞེད་དོ། །རྡོ་རྗེ་གསུམ་གྱི་སྔགས་ནི་འདོད་པའི་རྒྱལ་པོའི་སྔགས་ཏེ། དེ་ནས་མི་བསྐྱོད་པའི་ང་རྒྱལ་གྱིས་འདོད་རྒྱལ་ལ་བཀའ་བསྒོ་བའི་ཚུལ་གྱིས་སྔགས་དེ་ཐུན་རེ་ལ་བརྒྱ་རྩ་བརྒྱད་བཟླས་པས་

---

^{[མ་དཔེ་གཟིགས་ན་འདིར་གནོན།]}

སྔགས་རྣམས་ཏེ། རྒྱལ་པོ་ལ་སོགས་པ་སྟེ་དེ་རྣམས་འགུགས་པའི་བྱ་བ་བྱེད་པར་འགྱུར་རོ། །དགུག་པ་ལ་དབང་དྲག་གཉིས་ལས། འདི་དབང་གི་དགུག་པ་ཡིན་པས། མི་བསྐྱོད་པ་དང་འདོད་རྒྱལ་སོགས་ཀྱི་ལྷ་རྣམས་ཁ་དོག་དམར་པོར་བྱའོ། ༈ །དེ་ནས་ཞེས་བྱ་བ་ལ་སོགས་པ་ལ། དེ་ཁོ་ན་ཉིད་རྟོགས་པའི་ཡེ་ཤེས་ཀྱི་ཕྲེང་བ་སྟེ་རྒྱུན་མི་འཆད་པའི་ཆུ་ལྟར་མཉེན་པའི་རྡོ་རྗེ་སྟེ་མི་ཕྱེད་པ་ནི་མི་གཡོ་བའོ། །དེ་སྐྱེད་པའི་ཏིང་ངེ་འཛིན་ཀྱང་དེ་དང་དབྱེར་མེད་པས་དེ་སྐད་ཅེས་བྱ་སྟེ། དེ་མངོན་སུམ་དུ་མཛད་ནས་མི་གཡོ་བའི་རྡོ་རྗེ་གཏུམ་མོའི་དམ་ཚིག་སྔགས་ཀྱི་བདག་ཉིད་ཅན་འདི། བཅོམ་ལྡན་འདས་ཀྱིས་ཉིད་ཀྱི་སྐུ་ལ་སོགས་པའི་རྡོ་རྗེ་ལས་ཕྱུང་ངོ༌། །ན་མཿ ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨ་ཙ་ལ་ཞེས་བྱ་བ་ལ་སོགས་པ་ནི་སྔགས་ཀྱི་ཚིག་སྟེ། མིང་མགོ་མེད་ཅེས་བྱའོ། །དེ་ཡང་སྭཱ་ཧཱར་ལྡན་ཞིང་ༀ་མེད་པ། །མིང་ནི་མགོ་མེད་ཅེས་བྱ་སྟེ། །འདི་ནི་ལས་ཀུན་ཆོ་ག་ལ། །རྡོ་རྗེ་གཙུག་ཏོར་:པ་ཚབ:ལས་ཟེར། གྱིས་གསུངས་སོ། ཞེས་འབྱུང་བས་སོ། །ད་ནི་སྔགས་ཀྱི་དོན་བཤད་པར་བྱ་སྟེ། ཨ་ཙ་ལ་ནི་གཡོ་བ། དེ་དགག་པའི་ཨ་ཐུང་གིས་བཀག་པས་མི་གཡོ་བའོ། །ཙ་ལ་ཞེས་པ་ནི་མི་གཡོ་བ་སྟེ། བགེགས་རྣམས་ཀྱིས་བསྐྱོད་པར་མི་ནུས་པའོ། །ཀཱ་ཎ་ཞེས་པ་ནི་ལོང་བ་སྟེ། བགེགས་རྣམས་ལོང་བར་བྱེད་པའོ། །ཙཎ་ཌ་ནི་གཏུམ་པོ་སྟེ་ཁྲོ་བོའོ། །ནཊྚ་ཞེས་པ་ནི་ཤཱ་ཏ་ན་སྟེ་གཅོད་པའོ། །སྔགས་འདིར་:ཆག:ཤ་ཏ་ན་ལའོ་ཞེས་འབྱུང་སྟེ་གོང་མའི་ཤེས་བྱེད་དུ་སྒྲའི་གཞུང་དྲངས་པའོ། །

---

^{[མ་དཔེ་གཟིགས་ན་འདིར་གནོན།]}

དེ་ནས་:ཆག:ཡི་གེ་གོ་བཟློག་པར་བལྟའོ་ཞེས་པ་ཅིག་འབྱུང་བའི་དོན་ནི། སྡེ་ཚན་གསུམ་པའི་ཏ་ལོག་སྡེ་ཚན་བཞི་པའི་ཏ་དྲང་པོར་བྱས་པའོ། །འདིར་ཡང་ཏ་ལོག་ཏ་དྲང་པོར་བཟློག་པའམ་བསྒྱུར་བའོ། །མཊྚ་ནི་མཏ་ཏ་སྟེ། མ་དཱི་ཧ་ར་ཥ་སྟེ་དགའ་བའོ། །འདིར་ཡང་ཡི་གེ་གོ་ལྡོག་པ་ཡིན་ནོ། །མོཊ་ཊ་ནི་ལུས་བོངས་ཆེ་བའོ། །:ཆག:པཊ་ཊ་ཞེས་ཀྱང་ཟེར་ཏེ་དོན་འདྲའོ། །ཥཊ་ཊ་འཇིག་པ་ཞེས་པ་ནི་ལེ་ལོ་ལ་སོགས་པ་འཇིག་པ་སྟེ་:ཆག:པཊ་ཊ་ནི་ཨ་བ་སཱ་ད་ན་ལའོ། །ཞེས་འབྱུང་ལ་དོན་ནི་སྔ་མ་དེ་འཇིག་པ་ལ་འགྲོ་བའི་ཁུངས་སུ་སྒྲ་མདོ་དྲངས་པའོ། །ཤ་ད་ལི་ཨ་བ་ཤ་ཏ་ནི་ཞེས་ཟེར་བའི་ཕྱིར་རོ། །ཏཊ་ཊ་ཞེས་པ་ནི་ཟད་པར་བྱེད་པ་སྟེ།:ཆག:ཏ་ནི་ཉེ་བར་ཟད་པ་ལའོ། །ཟེར། ཏ་མ་ཨུ་པ་ཉེ་བར་ཀྵ་ཡ་ཟད་པ་ལའོ། །ཞེས་བྱིངས་ལས་ཟེར་བས་སོ། །ཧ་ན་ཧ་ན་ནི་རྒྱོབ་ཅིག་པའོ། །ད་ཧ་ད་ཧ་ནི་སྲེགས་ཤིག་པའོ། །མོ་ཧ་མ་ཧ་ནི་རྨོངས་པའོ། །མོ་ཧ་ར་ཀ་ར་ནི་རྨོངས་པར་གྱིས་ཤིག་པའོ། །ཧ་ས་ཧ་ས་ནི་རྒོད་པའོ། །བཛྲ་ཧ་སཾ་ཀུ་རུ་ཞེས་པ་ནི་རྡོ་རྗེ་བཞད་པ་གྱིས་ཤིག་པའོ། །ཧ་ས་ཧ་ས་མར་ད་རཊ་མར་ད་གནད་ར་ཊ་ཆོད་ཅིག་ཞེས་པ་ནི་གནད་ཆོད་ཅིག་པའོ། །གརྫ་གརྫ་ཧ་ན་ཧ་ན། བན་དྷ་བན་དྷ་ཞེས་པ་ནི་ཆིངས་ཤིག་པའོ། །ཏིཥྛ་ཏིཥྛ་ཞེས་པ་ནི་བདག་གི་བསྒོ་བ་བྱེད་པའི་ཕྱིར་གནོས་ཤིག་པའོ། །ཨཱ་བེ་ཤ་ནི་ཞུགས་ཤིག་པ་སྟེ་སློང་:པ་ཚབ་ཆག:སྨིན་པར་བྱེད་ཉིད་ཀྱི་ཟེར། བ་པོའི་ཚུལ་གྱིས། བསྒྲུབ་པར་བྱ་བའི་ལུས་ལ་རབ་ཏུ་ཞུགས་ཤིག་པའོ། །མ་ཧཱ་མན་ཏྲཱ་ཞེས་པ་ནི་སྔགས་ཆེན་པོ་སྟེ་མི་གཡོ་བའི་འཕྲེང་བའི་སྔགས་འདི་ཉིད་དོ། །པཱ་ལ་ཀ་ནི་སྐྱོང་བ་དང༌།

---

^{[མ་དཔེ་གཟིགས་ན་འདིར་གནོན།]}

ཕྲེང་སྔགས་དེའི་དོན་རྫོགས་པར་བྱེད་པས་མཧཱ་མན་ཏྲཱ་པཱ་ལ་ཀ སྟེ། གང་ཞེ་ན། མི་གཡོ་བའོ། །དྷུ་ན་དྷུ་ན་ནི་སྐྱོད་ཅིག་སྐྱོད་ཅིག་པའོ། །ཏི་ཎི་ཏི་ཎི་ཏིཀྵ་ཎ་སྟེ་རྣོ་ཞིང་ཚ་བའོ། །ནི་ནི་ན་ཡ་སྟེ་ཞེས་པ་འདྲེན་པའམ་ཐོབ་པར་བྱེད་པའོ། །ཞེས་པ་ནི་རྣོ་ཞིང་ཚ་བའི་ལུས་ཅན་གང་ཡིན་པ་དེ་ཐོབ་པ་ནི་ཏི་ཎི་ཞེས་བྱའོ། །ཁཱ་ད་ཁཱ་ད་ཞེས་པ་ནི་བགེགས་ཟོ་ཤིག་པའོ། །མཱ་ར་ཡ་སོད་མཱ་ར་ཡ་སོད། གང་ན་དུཥྚྃ་གདུག་པ་ཅན་བྷཀྵ་ཟོ་བྷཀྵ་ཟོ། གང་ན་སརྦཱཾ་སྦྲུལ་ཀུ་རུ་མཛོད་ཀུ་རུ་མཛོད་ཀི་རི་བྱེད་ཀི་རི་བྱེད་ཞེས་པ་ནི། གང་ན་བསྒྲུབ་པར་བྱ་བའི་ལུས་རྣམ་པར་གཏོར་ཅིག་པའོ། །ཀི་རིའི་མཇུག་ཏུ་འགྱུར་རྙིང་གི་རྒྱུད་ལས་མ་ཧཱ་བི་ཥ་ཎ་ཞེས་པ་ཡོད། :པ་ཚབ:གཞན་ལས་མ་ཧཱ་བི་ཥ་བཛྲ་ཞེས་སོ། །སྥོ་ཊ་ཡ་ནི་བཀས་པ་སྟེ་གདུག་པ་རྣམས་ཀྱི་ལུས། སྣ་ཚོགས་རྡོ་རྗེ་ཆེན་པོས་ཁོས་ཤིག་ཁོས་ཤིག་ཅེའམ་ཕྱུང་ཤིག་པའོ། །ཧཱུཾ་ཧཱུཾ་ཧཱུཾ་ནི་བསྐུལ་བའི་ཚིག་གོ །ཏྲི་བ་ལི་ནི་རིམ་གསུམ་ཏེ་ཁམས་གསུམ་མོ། །དེ་ཉིད་རྃ་ག་སྟེ་གར་གྱི་གནས་སོ། །:པ་ཚབ:ནིར་ཏ་ཀ་ཞེས་ཀྱང་ཟེར་ཏེ་དོན་འདྲའོ། །ནར་ཏ་ཀ་ནི་དེར་གར་བྱེད་པའོ། །ཨཱཾ་ཨཱཾ་ཨཱཾ་ཞེས་པ་ནི་ལུང་བསྒོ་བའོ། །ཧཱཾ་ཧཱཾ་ཧཱཾ་ནི་བོད་པའོ། །ཨ་ཙ་ལ་ཙེ་ཊ་ཁོལ་ལམ་མངག་གཞུག་པ་ཞེས་པ་ནི་མི་གཡོ་བ་མངག་གཞུག་པ་སྟེ། རྡོ་རྗེ་འཆང་གི་མངག་གཞུག་གོ །སྥོ་ཊ་ཡ་སྥོ་ཊ་ཡ་ཞེས་པ་ནི་དགས་པར་མཛོད་ཅིག་པའོ། །ཧཱུཾ་ཧཱུཾ་ཨ་ས་མན་ཏི་ཀ་ཞེས་པ་ནི་ཉེ་བར་མི་གནས་པ་སྟེ། དེ་དག་ཏྲཊ་ཞེས་ཏེ་ཁོས་ཤིག་པའོ། །མ་ཧཱ་

---

^{[མ་དཔེ་གཟིགས་ན་འདིར་གནོན།]}

བ་ལ་ཤཱ་ཏ་ཡ་ནི་ཆོད་ཅིག་པའོ། །པ་ར་མན་ཏྲཱཾ་ཞེས་པ་ནི་གཞན་གྱི་རིག་པའོ། །ཨཱཾ་ཨཱཾ་ནི་བཀའ་བསྒོ་བའོ། །ཧཱཾ་ཧཱཾ་ནི་བོད་པ་ལ་སྙེགས་སོ། །:པ་ཚབ:ཤུད་དྷ་ལོ་ཀི་ནི་ཟེར། ཤུད་དྷྱ་ཏུ་དག་པར་གྱུར་ཅིག་ལོ་ཀ་འཇིག་རྟེན་ཞེས་པ་ནི་འཇིག་རྟེན་དག་པར་གྱུར་ཅིག་པའོ། །ཏུ་ཥྱ་ཏུ་དགེས་པར་གྱུར་ཅིག་བཛྲཱི་རྡོ་རྗེ་ཅན་ཞེས་པ་ནི་རྡོ་རྗེ་ཅན་དགྱེས་པར་གྱུར་ཅིག་པའོ། །ཨཱ་པྲ་ཏི་ཧ་ཏ་བ་ལེ་བྷྱ་ན་མོ་ཞེས་པ་ནི་ཐོགས་པ་མེད་པའི་སྟོབས་ཅན་ཏེ། སྟོབས་བཅུ་པ་ལ་ཕྱག་འཚལ་ལོ་བའི་དོན་ཏོ། །ཛྭ་ལ་ཡ་ནི་འབར་བ་སྟེ། གསལ་བར་བྱེད་པའོ། །ཏྲཊ་ནི་ཁོས་ཤིག་པའོ། །ཨ་ས་ཧ་མི་བཟོད་པ་ནི་མི་བཟོད་པ་སྟེ། ཉོན་མོངས་པ་ཐམས་ཅད་མི་བཟོད་པས་ན་མི་བཟོད་པ་སྟེ། དེ་བཞིན་གཤེགས་པའོ། །དེ་རྣམས་ལ་ཕྱག་འཚལ་བས་ན་ན་མཿ སྭཱ་ཧཱ་ཞེས་སྨོས་སོ། །འདི་ནི་ཞེས་བྱ་བ་ལ་སོགས་པ་ལ། ལྷ་རྣམས་ནི་ཚངས་པ་ལ་སོགས་པའི་ལྷ་ཐམས་ཅད་དོ། །འཁོར་དང་བཅས་པ་ཀུན་ནི་མངག་གཞུག་པ་རྣམས་དང་བཅས་པའོ། །རྡོ་རྗེའི་སྐུ་ནི་རྡོ་རྗེ་འཆང་ཆེན་པོ་སྟེ། དེ་རྗེས་སུ་དྲན་པའོ། །འདི་ཡིས་ཞེས་བྱ་བ་ནི། བཤད་མ་ཐག་པའི་འཕྲེང་བའི་སྔགས་ཀྱིས་ལྷ་ཆེན་དག་སྟེ། དབང་ཕྱུག་ཆེན་པོ་ལ་སོགས་པའི་ལྷ་རྣམས། རྒྱལ་བའི་སྤྱན་སྔར་ཁས་བླངས་པའི་དམ་ཚིག་ལས་འདས་པའི་འཇིགས་པས་སྐྲག་པར་གྱུར་ནས། ཁ་སྦྱར་ལུས་སུ་

---

^{[མ་དཔེ་གཟིགས་ན་འདིར་གནོན།]}

འགུགས་པར་འགྱུར། ཞེས་པ་སྟེ། འཁྲུལ་འཁོར་ཁ་སྦྱར་བས་འགུགས་པའོ། །དེ་ལ་འདིར་སྦྱོར་བ་ནི་འདི་ཡིན་ཏེ། རྡོ་རྗེ་འཆང་དང་དེ་མི་བསྐྱོད་པར་བསྒྱུར་བའི་ཏིང་ངེ་འཛིན་གཉིས་བྱས་ལ། ལས་སྦྱོར་གྱི་དུས་སུ་གྲོ་ག་དང་ལ་སོགས་པ ས་དར་དང་རས་ལ་སོགས་པའི་གཞི་ལ་གི་ཧང་དང་ལ་སོགས་པ ས་གུར་ཀུམ་དང་རྒྱ་སྐྱེགས་ལ་སོགས་པ ས་བསྒྲུབ་པར་བྱ་བ དབང་ཕྱུག་ཆེན་པོ་ལ་སོག་པའི་གཟུགས་བརྙན་བྲིས་ལ་དེའི་སྙིང་གར་སྔགས་མིང་གིས་མཚན་པ་སྤེལ་ཚིག་དང་བཅས་པ་བྲིས་ལ། ཡང་འཁྲུལ་འཁོར་གཉིས་པ། ལ་སྔགས་གཡོན་སྐོར་དུ་བྲིས་ཏེ་ཡི་གེ་གཅིག་སྟེང་དུ་གཅིག་འབབ་པར་བྱས་ཏེ་དེས་སྟེང་ན་ས་བཀབ་ལ་སྔར་བཞིན་རྡོ་རྗེ་ལྕགས་ཀྱུས་མཚན་པའི་གཡོན་བརྐྱང་བའི་གནས་པས་ལིང་ག་མནན་ལ། མི་བསྐྱོད་པའི་ང་རྒྱལ་གྱིས་མི་གཡོ་བ་ལ་བཀའ་བསྒོ་བའི་ཚུལ་གྱིས་ཕྲེང་སྔགས་ཨཀརྵ་ཡ་ཧྲིའི་སྤེལ་ཚིག་བཅས་པ་དུས་གསུམ་དུ་བཟླས་པས་དབང་ཕྱུག་ལ་སོགས་པ་འགུགས་པར་འགྱུར་རོ། །འདི་ཡང་དབང་གིས་འགུགས་པའོ། ༈ །དེ་ནས་ཞེས་བྱ་བ་ལ་སོགས་པ་ལ། དམ་ཚིག་ནི་རྡོ་རྗེ་འཆང་བའི་བཀའོ། །དེའི་རྣམ་པར་འཕྲུལ་བ་ནི་རབ་ཏུ་འཇུག་པའོ། །དེ་ཉིད་མི་ཕྱེད་པས་ན་རྡོ་རྗེ་སྟེ། དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པའོ། །རྡོ་རྗེ་འཛིན་ཐམས་ཅད་ཀྱི་དམ་ཚིག་སྟེ། བཀའི་ངོ་བོ་གང་ཡིན་པ་དེ་ནི་རྡོ་རྗེ་འཛིན་ཐམས་ཅད་ཀྱི་དམ་ཚིག་གོ །གདུག་པ་རྣམས་ངེས་པར་འདུལ་བས་ན་ཁྲོ་བོ་ཆེན་པོ་གནོད་མཛེས་ཏེ། ཁྲོ་བོ་སྔར་གྱི་བདག་ཉིད་དུ་གྱུར་པ་འདི་

---

^{[མ་དཔེ་གཟིགས་ན་འདིར་གནོན།]}

ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ༀ་ཞེས་བྱ་བ་ལ་སོགས་པ་ནི་སྔགས་ཏེ། འདིའི་མིང་ནི་མཐའ་མེད་པ་ཞེས་བྱ་སྟེ། དེ་ཡང༌། གང་ལ་ༀ་ཡོད་སྭཱ་ཧཱ་མེད། དེ་ནི་མཐའ་མེད་ཅེས་བརྗོད་དོ། །ཞེས་རྡོ་རྗེ་གཙུག་ཏོར་ལས་གསུངས་སོ། །དེའི་དོན་ནི་འདི་ཡིན་ཏེ། སུམྦྷ་ཞེས་པ་ནི་ངེས་པར་འདུལ་བ་སྟེ། འདི་ནི་བོད་པའོ། །ནི་སུམྦྷ་ཞེས་པ་ནི་མ་ལུས་པར་ངེས་པར་འདུལ་བའོ། །ཧཱུཾ་ནི་འདུལ་བ་དེ་གསལ་བར་བྱེད་པའོ། །གྲིཧྣ་ཟུང་གྲིཧྣ་ཟུང་ཞེས་པ་ནི་གནོད་པར་བྱེད་པ་འབྲོས་པ་ལ་ཟུང་ཤིག་པའོ། །གྲིཧྣཱ་པ་ཡ་འཛིན་དུ་ཆུག་ཅིག་གྲིཧྣཱ་པ་ཡ་འཛིན་དུ་ཆུག་ཅིག་ཞེས་པ་ནི་འཁོར་རྣམས་ཀྱང་འཛིན་དུ་ཆུག་ཅིག་པའོ། །ཧཱུཾ་ནི་བསྐུལ་བའོ། །ཨཱ་ན་ཡ་ཁུག་ཅིག་ཧོ་ཀྱེ་བྷ་ག་ཝན་ཞེས་པ་ནི་ཀྱེ་བཅོམ་ལྡན་འདས་ཁུག་ཅིག་པ་སྟེ། རྡོ་རྗེ་ཞགས་པས་བཅིངས་ལ་རྡོ་རྗེ་ལྕགས་ཀྱུས་སྙིང་ཕུག་སྟེ་ཁུག་ཅིག་པའོ། །བིདྱཱ་རཱ་ཛ་རྒྱལ་པོ་ཞེས་པ་ནི་རིག་པའི་རྒྱལ་པོ་ཞེས་པ་སྟེ། གནོད་མཛེས་ལ་དབུགས་འབྱིན་པའོ། །ཧཱུཾ་ཕཊ་ཅེས་པ་ནི་གསོད་པའི་ཕྱིར་བསྐུལ་བའོ། །ཁྲོ་བོ་དགུའི་འཕྲེང་སྔགས་ཞིབ་ཏུ་བསྒྱུར་བ་འགྱུར་སྙིང་དང་ཆག་འགྱུར་ལས་འབྱུང་ལ། :པ་ཚབ:ཀྱི་འགྱུར་

---

^{[མ་དཔེ་གཟིགས་ན་འདིར་གནོན།]}

ལ་དེ་ལྟར་མི་སྣང་བ་ནི་རྒྱ་དཔེ་ལ་མི་མཐུན་པ་གཉིས་ཡོད་པར་གསལ་ཡང་སྔ་མ་ལེགས་སོ། །དེ་ནས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །རྡོ་རྗེ་སེམས་དཔའ་ནི་མི་བསྐྱོད་པ་སྟེ། དེའི་རང་གི་ཡེ་ཤེས་སེམས་དཔའི་ཐུགས་ཀའི་ས་བོན་ནོ་འོ་། །དེའི་ཞབས་ཀྱིས་ནི་ས་བོན་གྱི་འོད་ཟེར་ཏེ། དེས་མནན་པ་ནི་བསྐོར་བའོ། །བསྐོར་བའི་ཚུལ་ནི་དེ་བཞིན་གཤེགས་པ་ཀུན་གྱི་བདག་པོའི་ནི། བསྒྲུབ་པར་བྱ་བ། །དེའི་ཡེ་ཤེས་སེམས་དཔའ་ནི་དེ་དག་གི་སྙིང་ངོ་སྟེ། སྙིང་དེ་རྡོ་རྗེ་ལྕགས་ཀྱུ་ས་ཕུག་ཅིང་མགྲིན་པ་དང་ཞགས་པས་བཅིངས་པའོ། །དེ་ལྟར་བྱས་ནས། བུ་མོ་དགུག་པ ར་བྱའོ། །བུ་མོ་ཞེས་བྱ་བ་ནི་ཉེ་བར་མཚོན་པ་ཙམ་སྟེ། སྐྱེས་པ་ལ་སོགས་པ་ཡང་འགུགས་སོ། །་མོ་། །འདི་མི་བསྐྱོད་པའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱས་ལ། ལས་སྦྱོར་གྱི་དུས་སུ་སྔར་ལྟར་དགུག་པའི་དམིགས་པ་བྱས་ཏེ། གནོད་མཛེས་ལ་བཀའ་བསྒོ་བའི་ཚུལ་གྱིས། ཕྲེང་སྔགས་སྤེལ་ཚིག་དང་དང་བཅས་པ་ཐུན་གསུམ་དུ་བཟླས་པས་ཁུག་པར་འགྱུར་རོ། །འདི་ནི་དྲག་པོའི་དགུག་པར་མངོན་ནོ། ༈ །དེ་ལྟར་སྔགས་ལ་གཞོལ་བའི་ལས་སྒྲུབ་པ་སྟོན་པར་མ་ཟད་ད་ནི་ནང་ལ་མཆོག་ཏུ་གཞོལ་བ་རྣམས་ཀྱི་ཡང་དགུག་པ་ལ་སོགས་པའི་རིམ་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །དམ་ཚིག་ཆེན་པོ་ནི་སྒྲུབ་པ་པོ་རྣམས་སོ། །དེ་དག་གི་དེ་ཁོ་ན་ཉིད་ནི། དགུག་པ་ལ་སོགས་པས་སེམས་ཅན་རྣམས་ཀྱི་དོན་བྱེད་པའོ། །དེའི་འབྱུང་བ་ནི་སྟོན་པའོ། །དེ་མི་ཕྱེད་པས་ན་རྡོ་རྗེ་སྟེ། ཏིང་ངེ་འཛིན་གང་ལ་མིང་དེ་སྐད་ཅེས་བྱ་བ་དེ་ལ་དམིགས་

---

^{[མ་དཔེ་གཟིགས་ན་འདིར་གནོན།]}

པའོ། །དམ་ཚིག་ཆེན་པོ་ནི་སློབ་བཞིན་པ་རྣམས་ཏེ། དེ་རྣམས་ཀྱི་རྡོ་རྗེ་གསུམ་ནི་སྐུ་དང་གསུང་དང་ཐུགས་ཀྱི་ཏིང་ངེ་འཛིན་གསུམ་གྱི་སྒོ་ནས་ལས་སྒྲུབ་པའོ་སོ་། །དེའི་གསང་བ་ནི་སྣོད་མིན་ལ་བསྟན་པར་བྱ་བ་མ་ཡིན་པས་སོ། །གསུང་གི་དམ་ཚིག་ནི་ཚིག་ཏུ་བརྗོད་པའོ། །དེའི་དེ་ཁོ་ན་ཉིད་ནི་ཇི་ལྟར་གསུངས་པ་ལས་གཞན་དུ་མི་འགྱུར་བ་ཉིད་དོ། །གསུངས་པ་ལྟར་འགྲུབ་པ་དེའི་གནས་ནི་གཞིར་གྱུར་པ་སྟེ། དགུག་པ་ལ་སོགས་པའི་ལས་དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །སངས་རྒྱས་རྡོ་རྗེ་ནི་དགུག་པའི་ལས་བསྒྲུབ་པར་དཀའ་བའོ། །དེ་རྣམས་ཀྱི་སྐུ་གསུམ་ལ་སྟེ། སྐུ་དང་གསུང་དང་ཐུགས་རྣམས་ལ་རྡོ་རྗེ་སེམས་དཔའ་སྟེ། སྒྲུབ་པ་པོ་རིམ་པ་དང་པོ་ལ་སེམས་ཤིན་ཏུ་བརྟན་པོ་དེས་རྣམ་པར་བསྒོམ་པ་སྟེ། འཆད་པའི་བསམ་གཏན་གྱི་ཁྱད་པར་དགུག་པ་བྱ་བའོ། །:པ་ཚབ:ཞགས་པ་རྡོ་རྗེ་ཀྱོ་འཛིན་པས་ཟེར། ཞགས་པ་རྡོ་རྗེ་ཀྱོ་བ་འཛིན། ཞེས་བྱ་བ་ནི་གང་འགུགས་པ་བསྒྲུབ་པར་བྱ་བའི་ལུས་ལ་སོགས་པ་ལ། གོ་རིམས་ཇི་ལྟ་བ་བཞིན་དུ་ཞེས་པ་ནི་གོང་གི་ལུས་ལ་སོགས་པ་གསུམ་དང༌། འོག་གི་ཞགས་པ་སོགས་རིམ་པ་བཞིན་སྦྱོར་ན་མི་འགྲིག་པས། བསྒྲུབ་བྱའི་ལུས་རླུང་དཀྱིལ་ལ་བསྐྱོན་པ་དང༌། འོད་ཟེར་ཞགས་པ་ལྟ་བུས་ངག་གི་གནས་མགྲིན་པ་འཆིང་བ་དང༌། རྡོ་རྗེ་ལྕགས་ཀྱུའི་རྣམ་པ་ཅན་གྱི་འོད་ཟེར་གྱིས་སེམས་ཀྱི་

---

^{[མ་དཔེ་གཟིགས་ན་འདིར་གནོན།]}

གནས་སྙིང་གར་འདེབས་པ་རྣམས་རིམ་གྱིས་བྱེད་པའི་དོན་ནོ། །ཞགས་པ་ལ་སོགས་པའི་འོད་ཀྱི་ཚོགས་རྣམས་ཀྱིས་གཞུག་པར་ཏེ་དགུག་པར་རྣམ་པར་བསྒོམ་མོ། །དེ་ནི་སངས་རྒྱས་དགུག་པ་སྟེ། །སྐུ་དགུག་པའི་དམ་པ་སྟེ་གཙོ་བོའོ། །:པ་ཚབ་ཆག:སངས་རྒྱས་ནི་གསོལ་བ་འདེབས་པ་པོའོ། །ཞེས་འབྱུང་ཡང༌། དེའི་གསུང་ཞེས་པ་སངས་རྒྱས་ཀྱི་གསུང་ལ་བྱ་དགོས་པས་འགྱུར་རྙིང་ལྟར་ལེགས་སོ། །སངས་རྒྱས་ནི་སྟོན་པ་པོའོ། །འགྱུར་རྙིང་གི་རྒྱུད་ལས། སངས་རྒྱས་སྐུ་གསུང་སྦྱོར་བ་ཡིས། །འཁོར་ལོ་ཆེན་པོའི་སྦྱོར་བ་ཡིས། ཞེས་འབྱུང་ལ། གཞན་ལས། :པ་ཚབ:སངས་རྒྱས་གསུང་ཚོགས་སྦྱོར་བ་ཡིས། །འཁོར་ལོ་ཆེ་ལྡན་སྦྱོར་བ་ལས། ཞེས་དང༌། དེའི་གསུང་ཚོགས་ནི་ཚིག་གི་ཚོགས་ཏེ་དེས་སོ། །འཁོར་ལོ་ཆེ་སྟེ་ཡུལ་གང་ལ་ཡོད་པ་དེ་ནི་འཁོར་ལོ་ཆེ་ལྡན་ཏེ། ཡུལ་གྱི་བདག་པོའོ། །དེའི་སེམས་དགུག་པར་བྱ་བའི་ཕྱིར། ཞེས་འབྱུང་ངོ༌། །དེའི་སྐུ་སངས་རྒྱས་དེའི་སྐུ་གསུང་ནི་གསུང་སྐུ་ཞེས་ཆག་བསྒྱུར་བ་ལྟར་ཏེ། གསུང་གི་ལུས་ཞེས་པའོ། །སྐབས་འདི་པཎྜི་ཏ་འགུགས་པ་ལ་སྔ་མ་རྣམས་སྦྱོར་བར་སྣང་བ་ལྟར་ཡིན་ལ། དེ་ལ་ནི་འགྱུར་རྙིང་དང་ཆག་འགྱུར་བཞིན་བྱས་ན་མི་འགྲིག་པས། :པ་ཚབ:ལྟར་བྱ་དགོས་སོ། །དེས་ན་སངས་རྒྱས་ཀྱི་གསུང་རབ་ཀྱི་འཁོར་ལོ་ཆེན་པོ་ཡུལ་ལམ་རྟེན་གང་ལ་ཡོད་པའི་ཡུལ་གྱི་སྟེ་འཁོར་གྱི་ཚོགས་མང་པོའི་བདག་པོ་མཁས་པའོ། །གསུང་ནི་གསུང་གི་ཚོགས་སོ། །དེ་དང་ལྷན་ཅིག་ཏུ་འཁོར་ལོ་སྟེ། དཀྱིལ་འཁོར་མངའ་བ་དེ་ནི་འཁོར་ལོ་ཆེན་པོ་སྟེ་དཀྱིལ་འཁོར་གྱི་བདག་པོའོ། །དེའི་ཐུགས་དགུག་པར་བྱ་བའི་ཕྱིར། བསྒྲུབ་པར་བྱ་བའི་སེམས་ལ་སྟེ་སྙིང་གར་རྡོ་རྗེ་ཀྱོ་བའི་འོད་ཟེར་གྱིས་སྦྱོར་བ་གཏོང་བས། རྡོ་རྗེ་སེམས་དཔའ་རྒྱལ་པོ་ཆེ། སྟེ་ཐུགས་རྡོ་རྗེ་

---

^{[མ་དཔེ་གཟིགས་ན་འདིར་གནོན།]}

དེ་རྟག་ཏུ་སྟེ་འཕྲལ་དུ་ངེས་པར་གཅིག་ཏུ་ཁུག་པར་འགྱུར་རོ། །མི་ཕྱེད་རྡོ་རྗེ་གསུམ་བསྒོམས་པས། ཞེས་བྱ་བ་ནི། རྣམ་པར་སྣང་མཛད་ལ་སོགས་པའི་རྣལ་འབྱོར་པ་གསུམ་པོ་རྣམས་ཀྱིས་སོ། །དེ་ཡང་ཅི་འདྲ་སྙམ་ན། རྣལ་འབྱོར་པ་གཏི་མུག་ལ་སྤྱོད་པ་སྟེ། དེ་ཤས་ཆེ་བ་ཡིན་ན། རྣམ་སྣང་གི་སྒོ་ནས་དགུག་སྟེ་གཞན་གཉིས་ལ་ཡང་དེས་འགྲེའོ། །འཁོར་ལོ་པདྨ་རྡོ་རྗེ་ཆེ། ཞེས་བྱ་བ་ནི། གཏི་མུག་དང་འདོད་ཆགས་དང་ཞེ་སྡང་ལ་སྤྱོད་པ་རྣམས་ཀྱིས་སོ། །རྡོ་རྗེ་ཀྱོ་བ་ནི་རྡོ་རྗེ་ལ་སོགས་པའི་ལྕགས་ཀྱུས་ཏེ། དེའི་ཁྱད་པར་གྱིས་ཞེས་པ་རིམ་པ་བཞིན་འཁོར་ལོ་དང་། པདྨ་དང་། རྡོ་རྗེས་མཚན་པའི་ལྕགས་ཀྱུའོ་སྟེ། ངེས་པར་བསྒྲུབ་པར་བྱ་བའི་སྙིང་འགུགས་པས། སྔགས་རྣམས་ཐམས་ཅད་དགུག་པའི་མཆོག་སྟེ། བསྒྲུབ་པར་བྱ་བ་ཐམས་ཅད་དགུག་པའི་མཆོག་ནི་འདི་ཡིན་ཏེ་ལམ་ཕྱིན་ཅི་མ་ལོག་པའི་གནད་རྣམས་ཇི་ལྟ་བ་བཞིན་དུ་འདོམས་པར་བྱེད་པའི་ཕྱིར་རོ། །འདིར་ཉོན་མོངས་གང་ཤས་ཆེ་བའི་དབྱེ་བས་རྣམ་སྣང་ངམ་སྣང་མཐའ་འམ་མི་བསྐྱོད་པ་གང་ཡིན་པའི་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་དུས་སུ་གཡས་ཀྱི་ཕྱག་མཚན་དང་པོ་ལས་འོད་ཟེར་འཕྲོས་པས། པཎྜི་ཏའི་ལུས་རླུང་དཀྱིལ་ལ་བསྐྱོན། མགྲིན་པ་འོད་ཟེར་གྱི་ཞགས་པས་བཅིངས་ཐུགས་ཀར་ལྕགས་ཀྱུ་སོ་སོས་བཏབ་ནས་བདག་གི་གམ་དུ་འོང་བར་ཡང་ཡང་བསམས་ན་ཁུགས་པར་འགྱུར་ལ། དེའི་ཚེ་བཅུ་གཉིས་པ་ན་གསུངས་པ་བཞིན་དུ་རྒྱས་བཏབ་ན་རང་གི་འདོད་པའི་དོན་སྒྲུབ་འགྱུར་རོ། །འདི་དབང་གི་དགུག་པ་འདྲ་སྟེ་དཔྱད་དོ། །ནོ་། ༈ །རང་

---

^{[མ་དཔེ་གཟིགས་ན་འདིར་གནོན།]}

གི་མཚན་མས་ཀྱང་དགུག་སྟེ། རྡོ་རྗེ་སེམས་དཔའ་སྟེ་རྡོ་རྗེ་འཆང་ཆེན་པོའི་རྣལ་འབྱོར་པས་དེའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱས་ལ། ལས་སྦྱོར་གྱི་དུས་སུ་དགུག་པར་བྱ་བའི་མདུན་དུ་དང་པོར་རྡོ་རྗེ་འཆང་བསྒོམ། དེ་ནས་དེ་ཡོངས་སུ་གྱུར་པ་ལས་སྣ་ཚོགས་རྡོ་རྗེར་གྱུར་པའི་སྟེང་དུ་བསྒྲུབ་བྱ་བཞག །སྣ་ཚོགས་རྡོ་རྗེའི་འོག་ཏུ་ཡཾ་ལས་རླུང་གི་དཀྱིལ་འཁོར་བསམ། དེ་ནས་རླུང་གིས་ཆེས་ཆེར་བསྐྱོད་པ་དང་ལྕགས་ཀྱུས་དྲངས་པའི་དམིགས་པ་བྱེད་དེ། དགུག་པ་ལྷག་མ་གསུམ་ལའང་ལྷ་སོ་སོའི་ཏིང་ངེ་འཛིན་གསུམ་ལ་སོགས་པའི་རིག་པ་སྦྱར། ཞགས་པས་བཅིངས་པའང་ཀུན་ལ་བྱའོ། །ཐམས་ཅད་རྡོ་རྗེའི་དངོས་ཏེ་སྣ་ཚོགས་རྡོ་རྗེའི་རང་བཞིན་ཞི་བ་སྟེ་མཛེས་པ་བསྒོམ་པའོ། །རང་སྔགས་སྐྱེས་བུ་བསྒོམ་ནས་ནི། ཞེས་བྱ་བ་ནི་སྒྲུབ་པ་པོ་རང་གི་མེ་ཏོག་ཕོག་པའི་ལྷར་བསྒོམ་པའོ། །འདིས་རྡོ་རྗེ་འཆང་དང་འདི་གཉིས་གང་བྱས་ཀྱང་འདྲ་བར་བསྟན་ནོ། །མི་ཡི་བུ་མོ་མཆོག་རྣམས་ཀྱི། ཞེས་བྱ་བ་ནི། བསྒྲུབ་པར་བྱ་བ་མིའི་བུ་མོ་སྣ་ཚོགས་རྡོ་རྗེ་དེ་ལ་གནས་པར་བྱས་ལ། དེའི་སྙིང་ཁར་རྡོ་རྗེ་ཀྱོ་བ་སྦྱར། ཞེས་བྱ་བ་སྟེ། སྙིང་ལྕགས་ཀྱུས་ཕུག་ནས་དྲངས་པར་གྱུར་པའོ། །རླུང་གི་དཀྱིལ་འཁོར་སྦྱོར་བ་ཡིས། ཞེས་བྱ་བ་ནི། རླུང་གིས་དྲངས་པར་གྱུར་པར་བསམས་ན། ངེས་པར་རྟག་ཏུ་འགུགས་པར་འགྱུར་རོ། ༈ །དེ་བཞིན་དུ་ཞེས་པ་རླུང་ལ་གཞག་པ་དང༌། ལྕགས་ཀྱུས་འདྲེན་པ་འདྲ་བར་སྟོན་པའོ། །རྣམ་པར་སྣང་མཛད་ཀྱི་རྣལ་འབྱོར་པས། ཤ་ཙིའི་མདུན་དུ་རྣམ་པར་སྣང་མཛད་ཀྱི་གཟུགས་ཆེན་པོ་གཅིག་བསམ། དེ་ནས་རྣམ་སྣང་དེ་ཟླ་བའི་དཀྱིལ་

---

^{[མ་དཔེ་གཟིགས་ན་འདིར་གནོན།]}

འཁོར་གྱི་རྣམ་པར་ཡོངས་སུ་གྱུར་པར་བསྒོམས་ལ། བརྒྱ་བྱིན་:པ་ཚབ:བརྒྱ་བྱིན་གྱིས་གནས་ནས་ཤ་ཙི་སྟེ་བརྒྱ་བྱིན་གྱི་ཆུང་མ་བདུད་རྩི་འཁྱིལ་པས་ཕྲོགས་ཏེ། ཟླ་བ་དེ་ལ་བསྐྱོན་ནས་བཀུག་པར་བསམ་ཏེ་ཞེས་འབྱུང་བ་ལྟར་བྱའོ། །གྱི་ཁང་པ་ལས་ཤ་ཙི་སྟེ། བརྒྱ་བྱིན་གྱི་ཆུང་མ་བདེ་སོགས་མ་བླངས་ལ་དེར་གནས་པར་བསམས་ཏེ། རྡོ་རྗེ་མི་འཆི་བ འི་སྦྱོར་བ་ལྕགས་ཀྱུ་ཡིས། འགུགས་པར་གྱུར་པར་བསམས་ལ། བདུད་རྩི་འཁྱིལ་པའི་སྔགས་ལན་གྲངས་ལྔ་བཅུ་བརྗོད་ནས་དགུག་པར་བྱའོ། །རྡོ་རྗེ་དཀྱིལ་འཁོར་ནི་འདོད་པའི་རྒྱལ་པོ་སྟེ། དེ་རྡོ་རྗེ་ལྕགས་ཀྱུར་བསྒོམས་ལ། དེ་ལ་ལྷའི་བུ་མོ་བསྐྱོན་ཏེ་དེ་ཉིད་ཀྱིས་སྙིང་ཁ་ནས་འགུགས་པར་གྱུར་ཅིང་། རླུང་གིས་བསྐྱོད་པས་དགུག་པར་བྱའོ། ༈ །ཁྲོ་བོ་རྡོ་རྗེ་ནི་མི་བསྐྱོད་པ་སྟེ། དེའི་དམ་ཚིག་ནི་བཀའ་གང་ཡིན་པ་སྟེ། དེ་ནི་ཁྲོ་བོ་རྡོ་རྗེའི་དམ་ཚིག་གོ །འདིར་མི་བསྐྱོད་པ་ཡོངས་སུ་གྱུར་པ་ལས་རྡོ་རྗེ་བསྐྱེད་པ་ལ་བུ་མོ་གཞག་པར་བྱའོ། །རྡོ་རྗེ་ས་འོག་གནས་པ་ནི་གནོད་མཛེས་རྒྱལ་པོ་སྟེ་དེ་བསྐུལ་བ་ནི་གནོད་མཛེས་མདུན་དུ་བཀུག་ལ་བསྒྲུབ་བྱའི་བུ་མོ་ཁུག་ཅིག་ཅེས་བཀའ་བསྒོ་བའི་ཚུལ་གྱིས་ཧཱུཾ་བཞི་པ་བཟླ་བ། །ཤུ་ལ་རྡོ་རྗེ་ཀྱོ་བའི་གནས། ཞེས་བྱ་བ་ནི། གནོད་མཛེས་ཀྱི་རྩ་ཕྱག་གཉིས་ཀྱི་ཕྱག་མཚན་མདུང་དང་ལྕགས་ཀྱུ་བསམས་ཏེ། མདུང་གིས་སྙིང་ཕུག་ལ་རྡོ་རྗེ་ལྕགས་ཀྱུས་དྲངས་ཏེ་ཞགས་པས་བཅིངས་ནས་འགུགས་ཤིང་རླུང་གི་འཁོར་ལོ་ལ་བསྐྱོན་པར་བསམས་ནས། ལྷ་མ་ཡིན་གྱི་བུ་མོ་

---

^{[མ་དཔེ་གཟིགས་ན་འདིར་གནོན།]}

དགུག་པར་བྱའོ། ༈ །རང་གི་ལྷག་པའི་ལྷའི་ཏིང་ངེ་འཛིན་གཉིས་བྱས། ལས་སྦྱོར་གྱི་དུས་སུ་བཙག་དག་གམ་ཞེས་བྱ་བ་ལ་སོགས་པ་ལ། བཙག་དང་ལ་སོགས་པ ས་རྡོ་རྒྱུས་ཀྱི་འི་ཚོན་ལ་རྡོ་རྗེ་ཀྱོ་བའི་སྦྱོར་བ་ཡིས། རྡོ་རྗེ་ལྕགས་ཀྱུ་ལྟ་བུས་ཟླ་བ་གཟས་ནི་ཟིན་པའི་ཚེ་རྡོ་རྗེ་ལྕགས་ཀྱུ་ལྟ་བུའི་གཟུགས་བྱས་ལ་སྟེ། ཁར་ཞེས་པ་ཡབ་ཀྱི་རྡོ་རྗེ འི་བུ་ག འམ་ཡུམ་གྱི་ཆོས་འབྱུང་བར་བཅུག་ལ། ཇི་སྲིད་གཟས་ཟིན་པ་བཏང་གི་བར་དུ་བསྒྲུབ་པར་བྱ་ཞིང་སྟེ་སྙོམས་པར་འཇུག་པར་བྱའོ། །ཟླ་བ་གཟས་ཟིན་པ་བཏང་བ་དེ་ནས་ལྕགས་ཀྱུའི་གཟུགས་དེ་བཏོན་ལ་ཡི་གེ་གསུམ་མམ་བསྲུང་འཁོར་གྱིས་ཡང་དག་པར་བསྲུངས་ཏེ། ཚངས་པ་ལ་སོགས་པའི་ལྷ་གང་ཡང་རུང་བ་འགུགས་འདོད་པའི་མིང་རྣམས་སྔར་གྱི་རྫས་དེས་སྤང་ལེབ་ལ་སྔགས་དང་སྤེལ་བ་བྲིས་ནས་སྔགས་སྤེལ་ཚིག་དང་བཅས་པ་བཟླས་ན ནི། རྡོ་རྗེ་གསུང་གི་བཀའ་ཐོགས་པ་མེད་པ་ཇི་ལྟ་བ་བཞིན་དུ་ངེས་པར་འོང་བར་འགྱུར་རོ། ༈ །རྣམ་པའི་མཆོག་རྣམས་ཞེས་བྱ་བ་ལ་སོགས་པ་ལ། བདག་ཉིད་རྣམ་པ་ཐམས་ཅད་ཀྱི་མཆོག་དང་ལྡན་པ་སྟེ། མཚན་ཐམས་ཅད་དང་ལྡན་པའི་རྡོ་རྗེ་འཇམ་དཔལ་དུ་རྣམ་པར་བསྒོམས་པའི་ཏིང་ངེ་འཛིན་གཉིས་བྱས་ལ། ལས་སྦྱོར་གྱི་དུས་སུ་གནོད་སྦྱིན་མོའི་མདུན་དུ་གཤིན་རྗེ་གཤེད་སྤྲོས་ཏེ་དེ་ཡོངས་སུ་གྱུར་པ་ལས། རྡོ་རྗེ་ལྕགས་ཀྱུར་རྣམ་པར་བསམས་ལ། དེ་ནས། :པ་ཚབ:དེ་ལས། བསྐལ་བའི་སྲེགས་པ་འཁོར་ལོ་ཆེ། མེའི་དཀྱིལ་འཁོར་མེ་སྟག་འབར་བ་བསམ་ནས་ཞེས་སོ། །བསྐལ་པའི་བསྲེག་པའི་འཁོར་ལོ་ཆེ། ཞེས་པ། མེའི་དཀྱིལ་འཁོར་འབར་བ་འཁྲུགས་

---

^{[མ་དཔེ་གཟིགས་ན་འདིར་གནོན།]}

པ་བསམས་ལ། ལྕགས་ཀྱུ་དེར་མངོན་པར་འདོད་པའི་གནོད་སྦྱིན་མོ་རང་གི་ཐུགས་ཀའི་འོད་ཟེར་གྱི་ལྕགས་ཀྱུས་དྲངས་པ་བཞག་སྟེ། ལྕགས་ཀྱུས་འདྲེན་པ་དང༌། ལྕགས་ཀྱུའི་འོག་གི་རླུང་གིས་བཏེག་པར་གྱུར་ནས་བདག་གི་གན་དུ་བཀུག་ལ་ཉེ་བར་སྤྱད་པར་བྱའོ། ༈ །:པ་ཚབ:ཀུན་གྱི་ནི་ལྷ་རྣམས་ཀྱིའོ་ཟེར། ཕྱག་རྒྱའི་ཁྱད་:པ་ཚབ:དབྱེ་བ་ཡིས་ཟེར། པར་དང་ཞེས་བྱ་བ་ནི་:པ་ཚབ:སྔགས་ཀྱི་སྐུ་དང་ཡེ་ཤེས་ཀྱི་སྐུའི་ཕྱག་རྒྱ་ཆེན་པོ་གཉིས་ཀྱི་དབྱེ་བས་སོ། །སྔགས་ཀྱི་ཁྱད་པར་ནི་ལྷ་ཐམས་ཅད་ཀྱི་སྔགས་སུ་འདོན་པས་ན་སྔགས་ཏེ་བཟླས་པའོ། །སྐུ་གཉིས་ཀྱི་སྒོ་ནས་སྔགས་བཟླས་པའི་དབྱེ་བ་ཡང་དག་གི་བཟླས་བརྗོད་དང༌། རྡོ་རྗེའི་བཟླས་བརྗོད་རྣམ་པ་གཉིས་ཀྱི་ཁྱད་པར་གྱིས། ཐམས་ཅད་དུ་ཞེས་པ་ནི་བཟླས་པ་དེ་གཉིས་ཀྱི་སྒོ་ནས་ཁམ་ལུས་པར་ཀདགུག་འགྱུར་རྙིང་གི་རྒྱུད་ལས། དགུག་པ་དག་ནི་ཐབས་སུ་གསུངས། ཞེས་པ་མ་ལགས་པས། འགྲེལ་པར། དགུག་པའི་རབ་ཏུ་སྦྱོར་བ་གསུངས། ཞེས་པ་ལྟར་བྱའོ། །ཀུན་གྱི་ཕྱག་རྒྱ་ཞེས་པ་ནས། གསུངས་སོ་ཞེས་བྱ་བའི་བར་ནི་སྔར་བཤད་པ་རྣམས་ཀྱི་མཇུག་ཉེ་བར་སྡུད་པའོ། །པའི་རབ་ཏུ་སྦྱོར་བ་གརྒྱུད་འདིར་གསུངས་ཤིང་བཤད་པ་ཡིན་ནོ། །གསུངས་ཞེས་བྱ་བ་ནི་ཉེ་བར་སྡུད་པའོ། །གལ་ཏེ་ཁྱད་པར་རྣམ་པ་གཉིས་ཀྱིས་མ་བསྒྲུབས་ན།ཞེས་པ་ནི། སྤྱིར་སྔགས་དང་ཡེ་ཤེས་ཀྱི་སྐུ་རེ་རེའི་སྐུ་སྒོམ་པ་དང༌། སྔགས་བཟློ་བ་གཉིས་གཉིས་ལ་བཤད་དུ་ཡོད་ཀྱང་སྔ་མ་ལ་

---

^{[མ་དཔེ་གཟིགས་ན་འདིར་གནོན།]}

དགོས་པ་ཆེ་སྟེ། སྔགས་ལ་གཞོལ་བས་ལས་སྒྲུབ་པ་ལ་བཟླས་པ་མང་དུ་སོང་ན་ལྷའི་ཏིང་ངེ་འཛིན་བརྟན་པོ་མི་དགོས་སམ་སྙམ་པ་ལ། དེ་འདྲས་མི་ཆོག་གཉིས་ཀ་དགོས་ཞེས་སྟོན་པའོ། །དེ་འཇིག་པར་འགྱུར་བ་སྟེ། འཇིག་པ་ནི་མི་འགྲུབ་པར་འགྱུར་བའོ། །རྡོ་རྗེ་ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་ནི་དྲུག་པ་སྟེ། དེ་ཉིད་རྒྱལ་པོ་ཆེན་པོ་སྟེ། ལྔ་པོ་རྣམས་ཀྱི་རྟེན་དུ་གྱུར་པའི་ཕྱིར་རོ། །ཡང་དང་ཡང་དུ་སྟེ། ཡང་ནས་ཡང་དུ་བསྐུལ་བར་བྱ་ཞིང་དམིགས་པར་བྱའོ། །ཅིའི་ཕྱིར་ཞེ་ན། དེ་ཉིད་སྔགས་རྣམས་ཐམས་ཅད་དེ། དེ་བཞིན་གཤེགས་པ་ཐམས་ཅད་ཀྱི་རྒྱལ་པོ་སྟེ། གསལ་བར་བྱེད་པར་ངེས་ཤིང་མཆོག་ཏུ་རྟག་པའོ། །དེ་བས་ན་ལས་ཐམས་ཅད་དང༌། གནས་སྐབས་ཐམས་ཅད་དུ་ཐམས་ཅད་དུ་རྡོ་རྗེ་འཆང་སྒོམ་དགོས་པར་གསུངས་པ་འདི། ལྷག་མོས་ཀྱི་རྡོ་རྗེ་འཆང་སྒོམ་པ་ལ་སྦྱོར་བ་དང༌། སྙིང་པོ་བསྐུལ་བའི་སྐབས་ཡིན་ཞེས་པ་དང༌། དབང་དུ་བྱ་བ་ཁུགས་པ་ན་རྒྱས་འདེབས་ཀྱི་སྐབས་ཡིན་ཞེས་པ་མང་དུ་བྱུང་ཡང་དོན་མ་ཡིན་ནོ། །འདིའི་དོན་ནི་ཀླུ་བྱང་དང་ཟླ་བས། མཉམ་སྦྱོར་ལས། རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་དཔའ་དེ་བཞིན་གཤེགས། །ཁམས་གསུམ་པ་ནི་མ་ལུས་ཀུན། །དེ་ཡི་ཉེ་བར་ལོངས་སྤྱོད་ཉིད། ཅེས་ཡང་ཡང་དྲངས་ནས་ལྷ་ཐམས་ཅད་རྡོ་རྗེ་འཆང་གི་ངོ་བོ་ཉིད་དུ་བལྟ་བར་གསུངས་པས། ཕྱི་དཀྱིལ་དང་ལུས་དཀྱིལ་སྒོམ་པ་དང༌། བསྙེན་པ་དང་བསྒྲུབ་པའི་སྐབས་ཐམས་ཅད་དུ་ལྷ་ཐམས་ཅད་ལ་རྡོ་རྗེ་འཆང་གི་ངོ་བོར་བལྟ་བའི་རྒྱས་འདེབས་པ་ཡིན་ལ། འདི་ཤིན་ཏུ་གལ་ཆེའོ། །དམིགས་པར་བྱའོ། ༈ །དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །ནམ་མཁའི་ནི་རྟག་པ་སྟེ། ནམ་མཁའ་ལྟར་ཐོག་མ་དང་མཐའ་མ་མེད་པའོ། །ཀུན་ཏུ་ནི་ཐམས་ཅད་དོ། །རྣམ་པར་འཕྲུལ་ཞིང་རབ་ཏུ་འཕྲོ་བའི་

---

^{[མ་དཔེ་གཟིགས་ན་འདིར་གནོན།]}

གཟུགས་ཅན་སྣ་ཚོགས་རྡོ་རྗེ་གང་ལ་ཡོད་པ་ཡིན་པ་དེ་ནི། ཀུན་ཏུ་རྣམ་པར་འཕྲུལ་བའི་ཡེ་ཤེས་རྡོ་རྗེ་ནི། དོན་ཡོད་པར་གྲུབ་པ་སྟེ། དེ་སྐྱེད་པའི་ཏིང་ངེ་འཛིན་ཀྱང་དེ་དང་དབྱེར་མེད་པས་དེ་སྐད་ཅེས་བྱ་སྟེ། མིང་དེ་སྐད་ཅེས་བྱ་བའི་ཏིང་ངེ་འཛིན་གྱི་གནས་སྐབས་ཀྱི་ཁྱད་པར་ལ། སྙོམས་པར་ཞུགས་ཤིང་ཀུན་ནས་དམིགས་ཏེ། རྡོ་རྗེའི་རང་བཞིན་གྱི་ཐོར་ཚུགས་གཅིག་མ་སྟེ། གང་ལ་རལ་པའི་ལན་བུ་གཅིག་ཡོད་པ་དེ་ནི་ཐོར་ཚུགས་གཅིག་མ་སྟེ། དེ་ཡང་སྔགས་ཀྱི་བདག་ཉིད་ཅན་ནོ། །དམ་ཚིག་ཆེན་པོ་གཞན་གྱིས་མི་ཐུབ་པའི་གསུང་ནི་དོན་ཡོད་པར་གྲུབ་པ་སྟེ། དེའི་རྡོ་རྗེ་ནི་དོན་གྲུབ་དེའི་དཀྱིལ་འཁོར་བ་རྣམས་སོ། །དེ་རྣམས་ཀྱི་མཆོག་ནི་གཙོ་བོ་སྟེ། འོག་ནས་བཤད་པའི་མཚན་ཉིད་དང་ལྡན་པ་དེ”་859ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ༀ་ཞེས་བྱ་བ་ལ་སོགས་པ་ནི་སྔགས་སོ། །ཤཱུ་ལི་ནི་ཞེས་བྱ་བ་ནི་ཤཱུ་ལ་མདུང་སྟེ་ན་རྐྱེན་དུ་བྱས་པ་ལ་ཨི་མོ་རྟགས་སྦྱར་བས་མདུང་ཅན་མ་སྟེ། མདུང་ཅན་མ་ཞེས་བོད་པའོ། །འདི་ནི་ཞེས་བྱ་བ་ལ་སོགས་པ་ལ། རིག་པ་འདི་གསུངས་པ་ཙམ་གྱིས་ཏེ། བཅོམ་ལྡན་འདས་ཀྱི་ཞལ་གྱི་པདྨ་ལས་ངེས་པར་ཕྱུང་བས། ཀླུ་ཡི་བུ་མོ་མཐུ་ཆེན་རྣམས། འདོད་པའི་ཆེས་ཚིག་པར་གྱུར་ཅིང་། གོས་དང་བྲལ་བས་གཞན་གྱི་དབང་དུ་གྱུར་ནས་སངས་རྒྱས་བྱང་ཆུབ་སྟེ། དོན་ཡོད་པར་གྲུབ་པ་རྗེས་སུ་དྲན་ཞིང་སྒོམ་པ་སྟེ། སྔགས་ཀྱི་རིག་པ་འདི་དང་ཆོ་ག་སྦྱར་བས་ཀླུ་ཐམས་ཅད་འོང་བར་འགྱུར་

---

^{[མ་དཔེ་གཟིགས་ན་འདིར་གནོན།]}

རོ། །དེ་ལ་འདིར་ཆོ་ག་ནི་འདི་ཡིན་ཏེ། སྔགས་འདིའི་བཟླས་པའི་གྲངས་དང༌། དེའི་བཅུ་ཆའི་སྦྱིན་སྲེག་སོགས་སྔོན་དུ་སོང་བས། དོན་གྲུབ་ཀྱི་ཏིང་ངེ་འཛིན་གཉིས་བྱ། རལ་གཅིག་མ་ནི་སྐུ་མདོག་སོགས་སྒྲོལ་མ་དང་འདྲ་ལ། དེ་རང་གི་ཡུམ་དུ་བྱའོ། །དེ་ནས་ལས་སྦྱོར་གྱི་དུས་སུ་སྐྱེས་པའི་ཐོད་པ་ལ་བཙག་གིས་རླུང་གི་དཀྱིལ་འཁོར་སྔར་བཤད་པའི་རིམ་པས་བྲིས་ལ། དེའི་ནང་དུ་ནོར་རྒྱས་ལ་སོགས་པ་ཀླུ་གང་ཡང་རུང་བའི་གཟུགས་བརྙན་བྲིའོ། །དེའི་སྙིང་གར་སྔགས་མིང་སྤེལ་དང་བཅས་པ་བྲིས་ལ་གཞུག །དེ་ལ་ཀླུའི་རྣམ་ཤེས་བཀུག་སྟེ་བཅུག་ལ་དོན་དུ་ཞེན་པར་བྱས་ནས་དེའི་མིང་:པ་ཚབ:སྤེལ་ནས་ཟེར། ནས་སྨོས་ཏེ་རྡོ་རྗེ་ལྕགས་ཀྱུས་བྱིན་གྱིས་བརླབས་པའི་རྐང་པ་གཡོན་པས་མནན་ལ། ༀ་ཤཱུ་ལི་ནི་ཆེ་གེ་མོ་ཨ་ཀརྵ་ཡ་ཧྲིཿ སྭཱ་ཧཱ་ཞེས་མིང་དང་སྤེལ་བ་དང་བཅས་པས་སྔགས་བཟླས་བརྗོད་བྱས་ན་ཀླུ་རྣམས་ཁུགས་པར་འགྱུར་རོ། །ཆོ་ག་འདི་ཉིད་ཀྱིས་བུད་མེད་ཀྱི་ཐོད་པའི་ནང་དུ་ཀླུའི་བུ་མོ་བྲིས་ན་ཁུག་པར་འགྱུར་རོ། །དེ་ནས་ན། ཀླུ་ཡི་བུ་མོ་མིག་བཟང་དག །བཀུག་ནས་ཉེ་བར་སྤྱད་པར་བྱ། ཞེས་གསུངས་སོ། །འདི་ནི་དབང་གི་དགུག་པའོ། ༈ །དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །ནམ་མཁའི་དམ་ཚིག་ནི་འོད་དཔག་ཏུ་མེད་པ་སྟེ། དེ་གང་དུ་འབྱུང་བ་དེ་ནི་ནམ་མཁའི་དམ་ཚིག་འབྱུང་བ་སྟེ། དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཤིང་མངོན་སུམ་དུ་མཛད་ནས་སོ། །ཆོས་ཆེན་པོ་ནི་འོད་དཔག་ཏུ་མེད་པའོ། །དེའི་དམ་ཚིག་ནི་དེའི་རིགས་དང་ལྡན་པ་རྣམས་སོ། །དེའི་ནང་ན་རྡོ་རྗེ་ཁྲོ་གཉེར་མ་

---

^{[མ་དཔེ་གཟིགས་ན་འདིར་གནོན།]}

སྟེ༌། མི་ཕྱེད་པའི་སྨིན་མ་བསྐྱོད་པ་དང་ལྡན་པ་འོག་ནས་སྔགས་ཀྱི་བདག་ཉིད་དུ་བཤད་པ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ༀ་ཞེས་བྱ་བ་ལ་སོགས་པ་ནི་སྔགས་སོ། །སརྦ་བྷ་ཡ་ནི་འཇིགས་པ་ཐམས་ཅད་དོ། །ནཱ་ཤ་ཡ་ནི་འཇིག་པ་སྟེ་རྐུན་མ་ལ་སོགས་པས་བྱས་པའི་འཇིགས་པ་ཐམས་ཅད་འཇིག་པའོ། །དགྲ་རྣམས་རྣམ་པར་འཇིག་པ་སྟེ་སྐྲག་པ ར་མཛད་པས་ན་ཏྲཱ་ས་ནིའོ། །ཏྲཱ་ས་ཞེས་པ་ནི་སྐྲག་པ་སྟེ། འཇིགས་པའི་གཟུགས་ཅན་ནོ། །ཏྲཱ་ས་ཡ་ཞེས་པ་ནི་བཀའ་བསྒོ་བའོ། །བེ་ར་ཊི་:པ་ཚབ:བཻ་ར་ཊི་ནི་ཏ་ཊིའི་འོག་ཏུ་འབྱུང་ངོ༌། །བྷྲི་ཀུ་ཊི་ཞེས་པ་ནི་ཁྲོ་གཉེར་ཅན་ཏེ་གློག་ལྟར་:པ་ཚབ:གློག་ལྟར་གཡོ་བའི་གཟུགས་ཅན་ཡིན་པའི་ཕྱིར། བྷྲི་ཀུ་ཊི་ཏ་ཊིའོ། །འབྲུག་ལྟར་སྒྲ་སྒྲོགས་པའི་ཕྱིར་བཻ་ར་ཊིའོ། །སྡིག་པའི་དྲི་མ་མཐའ་དག་དང་བྲལ་བའི་ཕྱིར་ཤྭེ་ཏེའོ། །འདོད་ཆགས་རྣམ་པར་དག་པས་རྣམ་པར་དག་པ་ཤྭེ་ཏ་ནིའོ། །ཞེས་འབྱུང་སྟེ་བཻ་ར་ཊི་གཉིས་མེད་དོ། །གཡོ་བའི་གཟུགས་ཅན་ཡིན་པའི་ཕྱིར་རོ། །ཏ་ཊཱི་ནི་འབྲུག་ལྟར་སྒྲ་སྒྲོག་པའོ། །བཻ་ར་ཊི་ནི་དྲི་མ་ངན་པ་མ་ལུས་པ་དང་བྲལ་བའོ། །ཤྭེ་ཏེ་ནི་དཀར་པོ་སྟེ། འདོད་ཆགས་དག་པས་རྣམ་པར་དག་པའོ། །ཤྭེ་ཏ་ནི་འོད་དཔག་ཏུ་མེད་པའོ། །ཛ་ཊི་ནི་རལ་པ་སྟེ། གང་གི་མགོ་ལ་འོད་དཔག་ཏུ་མེད་པ་ཡོད་པ་དེ་ནི་ཤྭེ་ཏ་ཛ་ཊི་ནི་ཞེས་བྱའོ། །སྔགས་སྤེལ་ཚུལ་ནི། སྭཱ་ཧཱའི་སྔོན་དུ་ཆོ་གེ་མོ་ཨ་ཀརྵ་ཡ་ཧྲིཿ ཞེས་སྦྱར་བའོ། །བྷ་ཡ་ནཱ་ཤ་ནི་ཞེས་བྱ་བ་ལ་སོགས་པ་ཀུན་ཀྱང་བོད་པའི་ཚིག་ཡིན་ནོ། །དེ་ནས་ཞེས་བྱ་བ་ལ་སོགས་པ་ལ། རིག་པ་འདི་བརྗོད་པ་ཙམ་གྱིས། རིག་པ་འཛིན་པའི་བུ་མོ་ཀུན་ཞེས་

---

^{[མ་དཔེ་གཟིགས་ན་འདིར་གནོན།]}

བྱ་བ་ནི། རིག་པ་འཛིན་པའི་བུ་མོ་ཐམས་ཅད་དོ། །འདར་བར་གྱུར་པ་ནི་འདོད་ཆགས་ཀྱིས་བསྐྱོད་པའོ། །ཡེ་ཤེས་རྡོ་རྗེ་ནི་འོད་དཔག་ཏུ་མེད་པའོ། །རྗེས་སུ་དྲན་པ་ནི་བསྒོམ་པར་གྱུར་པའོ། །རིག་པ་འཛིན་པའི་བུ་མོ་མཆོག །ཅེས་བྱ་བ་ནི། གཟུགས་ལ་སོགས་པའི་ཡོན་ཏན་དང་ལྡན་པའོ། །གསེར་གྱི་རྣ་ཆ་གཡོ་བ་རྣམས། ཞེས་བྱ་བ་ནི། རྣ་རྒྱན་འཕྱང་ཞིང་གཡོ་བར་གྱུར་པའོ། །སྔགས་ཀྱི་རིག་པ་འདི་དང་ནི། ཞེས་བྱ་བ་ནི་བཤད་མ་ཐག་པའོ། །དམ་ཚིག་ལ་སོགས་པ་ཡིས་ཞེས་བྱ་བ་ནི། ཆོ་གའི་ཁྱད་པར་གཟུགས་བྲི་བ་སོགས་གྱིས་སོ། །དགུག་པ་ནི་འགུགས་པས་སོ། །དེ་ལ་འདིར་ཆོ་ག་ནི་འདི་ཡིན་ཏེ། འོད་དཔག་མེད་ཀྱི་ཏིང་ངེ་འཛིན་གཉིས་བྱ་སྟེ། ཁྲོ་གཉེར་ཅན་ནི་དཀར་ལ་དམར་བའི་མདངས་ཆགས་པ་མ་གཏོགས་པ་གོས་དཀར་མོ་དང་འདྲ་བ་ཡུམ་དུ་བྱའོ། །ལས་སྦྱོར་གྱི་དུས་སུ་བུད་མེད་ཀྱི་ཐོད་པ་ལ་རླུང་གི་དཀྱིལ་འཁོར་བྲིས་ཏེ། དེའི་དབུས་སུ་རིག་པ་འཛིན་པའི་བུ་མོ་བྲིས་ལ། དེའི་སྙིང་གར་སྔགས་མིང་སྤེལ་དང་བཅས་པ་གཞུག །དེ་ནས་དེའི་རྣམ་ཤེས་བཀུག་པ་དེ་ལ་གཞུག་ཅིང་དོན་དུ་ཞེན་ནས་རྡོ་རྗེ་ལྕགས་ཀྱུས་བྱིན་གྱིས་བརླབས་པའི་གཡོན་བརྐྱང་བས་མནན་ནས་སྔགས་སྤེལ་ཚིག་དང་བཅས་པ་བཟླས་ན་ཁུགས་པར་འགྱུར་རོ། །འདིར་སྒྲ་ཇི་བཞིན་པའོ། །:པ་ཚབ་ཆག:ཞེས་འབྱུང་བ་ལེགས་ཤིང༌། དེ་ཡང་ལེའུ་འདིའི་འགོ་ནས་

---

^{[མ་དཔེ་གཟིགས་ན་འདིར་གནོན།]}

འདིའི་བར་ཐམས་ཅད་དོ། །འདི་ཡང་དབང་གི་དགུག་པའོ། ༈ །འགོག་པའི་རྡོ་རྗེ་ཞེས་བྱ་བ་ལ་སོགས་པ་ལ། སྦྲུལ་ལ་སོགས་པའི་སྔགས་རིགས་བཞི་པོ་ཐམས་ཅད་བུད་མེད་དང་སྐྱེས་པ་དང༌། མ་ནིང་གི་དབྱེ་བས། ཡི་གེ་གསུམ་པོ་གང་:པ་ཚབ:གང་དུ་འགོག་ཅིང་སྡུད་པས་ན་འགོག་པའོ་ཟེར། དུ་མང་པོ་རྣམས་འགོག་ཅིང་སྡུད་ཀཔས་ཡང་དག་པར་བཟུང་བས་ཁན་འགོག་པའོ། །རྡོ་རྗེ་རྒྱལ་པོ་ནི་ཡི་གེ་གསུམ་གྱི་སྔགས་སོ། །དེ་ཡང་འགོག་པ་ཡང་ཡིན་ལ་རྡོ་རྗེ་རྒྱལ་པོ་ཡང་ཡིན་པས་ན། འགོག་པ་རྡོ་རྗེ་རྒྱལ་པ་སྟེ། ཡི་གེ་གསུམ་པོ་དེ་ཡོངས་སུ་རྫོགས་པ སྟེ་ས་འཇུག་པ་དང་ལ་སོགས་པ ས་གནས་པ་དང་ལྡང་བ འི་ཚུལ་གྱིས་རྒྱུན་མི་འཆད་པར་རྒྱུ་བར་གྱུར་པས་སོ། །དེས་ནི་ཡི་གེ་གསུམ་རླུང་གསུམ་དང་སྦྱར་བས་ནི་ཡི་གེ་གསུམ་གྱི་བཟླས་པ་རྫོགས་པར་བསྟན་ནོ། །མཛེས་པའི་མཆོག་སྟེ། འདོད་པའི་དོན་ཞི་རྒྱས་སོགས་ཀྱི་དངོས་གྲུབ་སྒྲུབ་པས་མཛེས་པའི་ཕྱིར་རོ། །རྡོ་རྗེ་ཡེ་ཤེས་གསུམ་ནི་མི་བསྐྱོད་པ་ལ་སོགས་པ རིགས་གསུམ་མོ་འོ་། །དེ་རྣམས་ལས་བྱུང་བ་ནི་བཤད་མ་ཐག་པའི་སྤྱན་དང༌། གཤིན་རྗེ་གཤེད་ལ་སོགས་པའི་འཕྲེང་སྔགས་བཅུ་གསུམ་དང༌། སྔགས་གཞན་གཉིས་རྣམས་སོ། །ཀུན་ནས་ཞེས་བྱ་བ་ནི་སྔར་བཤད་པའི་སྔགས་ཐམས་ཅད་ཀྱི་དངོས་གྲུབ་བསྒྲུབ་པ་ལ་བཟླས་པས་གྲོགས་བྱས་ན་དོ་། །དེ་མ་ཐག་ཏུ་ཞེས་པ་རིང་པོ་མི་ཐོགས་པར་འགུགས་ཤིང་སྟེ་ཁུགས་པར་འགྱུར་ལ། ཉེ་བར་འགྲུབ་པར་འགྱུར་བ་སྟེ་དགོངས་པས་བཤད་པའོ། །འདིའི་དོན་ནི་མཁས་པ་ཁ་ཅིག་སྔགས་བཅོ་ལྔ་པོས་ལས་གང་འགྲུབ་པ་དེ་འབྲུ་གསུམ་ངག་ཏུ་བཟླས་པ་ཁོ་ནས་འགྲུབ་པར་སྟོན་པ་ཡིན་ཟེར་བ་ནི་དོན་མ་ཡིན་ནོ། །རང་གི་ལུགས་ནི་འདི་འབྲུ་གསུམ་ངག་ཏུ་བཟླས་པ་མིན་གྱི་རླུང་སེམས་དབྱེར་མེད་ཀྱི་རྡོ་རྗེ་བཟླས་པ་བྱས་པས་འདོད་དོན་སྒྲུབ་པ་

---

^{[མ་དཔེ་གཟིགས་ན་འདིར་གནོན།]}

ཡིན་ལ། བསྐྱེད་རིམ་པས་ཀྱང་ངག་ཏུ་བཟླས་པའི་སྔགས་ཀྱིས་ལས་སྒྲུབ་པ་རྣམས་ལ་རྡོར་བཟླས་ཀྱི་གྲོགས་བྱས་ན། མྱུར་དུ་འགྲུབ་པར་སྟོན་པ་ཡིན་ནོ། ༈ །སྔགས་ལ་མཆོག་ཏུ་གཞོལ་བ་རྣམས་ཀྱི་ཁྱད་པར་གྱི་ཆོ་ག་བསྟན་པར་བྱ་བའི་ཕྱིར། ཡང་ན་ཞེས་བྱ་བ་ལ་སོགས་པ་གསུངས་ཏེ། ཁྲོ་བོ་ཐམས་ཅད་ནི་གཤིན་རྗེ་གཤེད་ལ་སོགས་པ་སྟེ། དེ་རྣམས་ཀྱི་སྔགས་དབེན་པའི་གནས་ནི་ཆེན་པོ་རུ་སྟེ། རི་བོ་དབེན་པའི་གནས་དག་ཏུའོ། །སྔགས་པས་ཞེས་པ་སྟེ་སྒྲུབ་པ་པོས་འབུམ་དུ་ཟླས་པ་བྱས་ན་ལས་རྣམས་ཐམས་ཅད་བྱེད་པ་སྟེ། དོན་ཐམས་ཅད་སྒྲུབ་པར་བྱེད་པར་བཤད་དོ། །འདིར་ཁྲོ་བོ་བཅུ་ལ་གསུངས་པ་ནི་མཚོན་པ་ཙམ་སྟེ། ལྷ་གཞན་ལའང་འདྲའོ། །འབུམ་དུ་བཟླས་ན་ལས་འགྲུབ་པར་གསུངས་པ་ནི་སྡིག་དང་བྲལ་བའི་སྔགས་པ་ལ་དགོངས་པར་རྣམ་སྣང་མངོན་བྱང་ལས་གསུངས་ལ། སྔགས་གྲངས་འདི་འདྲ་རྣམས་ལ་རྩོད་དུས་སུ་བཞི་འགྱུར་དུ་བགྲང་དགོས་པར་སྡོམ་འབྱུང་ལས་བཤད་དོ། །སངས་རྒྱས་ཐོད་པར་བསོད་ནམས་ཆུང་བས་བྱེ་བ་བགྲང་བར་ཡང་བཤད་དོ། ༈ །མངོན་སྤྱོད་བྱ་བའི་ཡུལ་བསྟན་པར་བྱ་བའི་ཕྱིར། རྡོ་རྗེ་སློབ་དཔོན་ཞེས་བྱ་བ་ལ་སོགས་པ་གསུངས་ཏེ།:པ་ཚབ:གཞན་ལས། སློབ་དཔོན་སྨོད་དང་གཞན་རྣམས་དང༌། ཞེས་དང༌། སློབ་དཔོན་སྨོད་དང་གཞན་རྣམས་དང་ནི། བླ་མ་ལ་སྨོད་པར་བྱེད་པ་རྣམས་དང༌། རྡོ་རྗེ་སློབ་དཔོན་ལ་སྨོད་པར་བྱེད་པ་རྣམས་སོ། །ཞེས་སོ། །རྡོ་རྗེ་སློབ་དཔོན་སྨོད་པ་ནི། ཐེག་པ་ཐུན་མོང་བའི་བླ་མ་ལ་མཆོག་ཏུ་སྨོད་པ་དང་། ཐུན་མོང་མ་ཡིན་པའི་རྡོ་རྗེ་སློབ་དཔོན་ལ་སྨོད་པའོ། །ཐེག་པ་ཆེན་པོ་སྨོད་པ་དག །ཅེས་བྱ་བ་ནི་རྡོ་རྗེའི་ཐེག་པ་སྤོང་བ་སྟེ། དེ་དག་དང་སྡིག་པ་བྱེད་པ་གཞན་དག །ནན་ཏན་དུ་ནི་གསད་

---

^{[མ་དཔེ་གཟིགས་ན་འདིར་གནོན།]}

པར་བྱ། ཞེས་བྱ་བ་ནི་ལྷོད་པ་མེད་པའི་བརྩོན་འགྲུས་ཀྱིས་སོ། །ཡང་ན་གནས་ནས་སྤོ་བར་བྱ། ཞེས་བྱ་བ་ནི་བསྐྲད་པར་བྱའོ། །དེ་ལྟར་བྱས་པའི་ལས་འདི་ཡིས་ནི་བྱང་ཆུབ་མཆོག་སྟེ། མི་གནས་པའི་མཚན་ཉིད་ཅན་གྱི་སྔགས་ཀྱི་དངོས་གྲུབ་ཐོབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ་ཞེས་བྱ་བ་ནི། སྡུད་པ་པོའི་ཚིག་གོ ། ༈ གསད་པར་བྱ་བ་དེ་རྣམས་ཀྱི་ཁ་སྦྱར་དབྱེ་བའི་ཆོ་ག་བསྟན་པར་བྱ་བའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། ཕྱོགས་བཅུའི་འཇིག་རྟེན་གྱི་ཁམས་སུ་གཏོགས་པའི་སེམས་ཅན་གྱི་ཚོགས་ཐམས་ཅད་ཀྱི། ལུས་དང་ངག་དང་སེམས་གསད་ཅིང་གཞིག་པར་སྒྲུབ་པ་པོས་བསྒོམ་པར་བྱ་ཞིང་བསམ་པར་བྱའོ། །གང་ལ་ཞེ་ན། གདུག་སེམས་ལྡན་པའི་དགྲ་རྣམས་ལ། ཞེས་བྱ་བ་སྟེ། གདུག་པའི་སེམས་དང་ལྡན་པའི་སློབ་དཔོན་སྨོད་པ་ལ་སོགས་པ་རྣམས་ལ། བསྒོམ་པར་བྱའོ་ཞེས་བྱ་བ་འདི་དང་སྦྱར་གང་གསད་པར་བྱ་བ་དེ་རྡོ་རྗེ་གནོད་སྦྱིན་སྲིན་པོར་བསྒྱུར་ལ། དེས་སེམས་ཅན་ཐམས་ཅད་བསད་པར་བསྒོམ་མོ། །འདི་ཁ་སྦྱར་དབྱེ་བ་དངོས་མིན་གྱི། དེའི་སྔོན་དུ་བྱ་རྒྱུ་ཡིན་པས། ཁ་སྦྱར་དབྱེ་བའི་ཆོ་ག་ཞེས་གསུངས་སོ། །རོ། །གསོད་པའི་སྦྱོར་བ་བསྟན་པར་བྱ་བའི་ཕྱིར་ཁྲག་དང་ཞེས་བྱ་བ་ལ་སོགས་པ་གསུངས་ཏེ། མི་བསྐྱོད་པའི་ཏིང་ངེ་འཛིན་གཉིས་སྔོན་དུ་བྱ། ལས་སྦྱོར་གྱི་དུས་སུ་ཁྲག་དང་ཆུ་དྲོན་དང་བཤང་བ་དང་གཅི་བ་གཅིག་ཏུ་བྱས་པར་གོས་སྦངས་ནས་དེས་ལུས་དཀྲིས་པར་གྱུར་པས་སོ། །ལིང་ག་རྐང་པས་མནན་

---

^{[མ་དཔེ་གཟིགས་ན་འདིར་གནོན།]}

ཞེས་བྱ་བ་ནི། མངོན་སྤྱོད་ཀྱི་རྫས་སྐེ་ཚེ་ལ་སོགས་པ་ལས་བསྒྲུབ་པར་བྱ་བའི་གཟུགས་བརྙན་བྱས་ལ། སྙིང་ཁར་སྔགས་དང་སྤེལ་བའི་མིང་བཅུག་ལ། དེ་ལ་དགྲའི་རྣམ་ཤེས་བཀུག་པ་བཅུག་སྟེ། དོན་དུ་ཞེན་ནས། སྣ་ཚོགས་རྡོ་རྗེས་མཚན་པའི་རྐང་པ་གཡས་པས་གཟུགས་བརྙན་མནན་ལ། མི་བསྐྱོད་པའི་ང་རྒྱལ་གྱི་སྦྱོར་བ་དང་ལྡན་པས་ཁྲོ་བོའི་རྒྱལ་པོ་སྟེ། གཤིན་རྗེ་གཤེད་ལ་སོགས་པ་གང་ཡང་རུང་བའི་ཁྲོ་བོའི་སྔགས་བརྒྱ་རྩ་བརྒྱད་ཡོངས་སུ་བཟླས་ན་སངས་རྒྱས་ཏེ། ལས་ཀྱི་ཚོགས་ལ་མཁས་པ་རྣམས་ཀྱང་ངེས་པར་འཇིག་ཅིང་འཆི་བར་འགྱུར་རོ། །ཆུ་ཡིས་གོས་ནི་ཞེ་བྱ་བ་ལ་སོགས་པ་ལ། གོས་ཆུ་དྲོན་གཅིག་པུས་གཤེར་བར་བྱས་ལ། སྔར་བཤད་པའི་ཆོ་ག་སྤྱད་པར་བྱའོ། །ཆུ་ཡི་གོས་ནི་ཞེས་པའི་ཚིགས་བཅད་ཀྱི་རྐང་པ་གསུམ་པ་ལ། འགྱུར་རྙིང་ལས། ལྷ་ཆེན་རྐང་གཡོན་གྱིས་མནན་ན། ཞེས་པ་ནི་མ་དག་པས། :པ་ཚབ:གཞན་ལས”་884ལིང་ག་རྐང་པས་མནན་ནས་ནི། ཞེས་འབྱུང་བ་ལྟར་བྱའོ། །བཤང་བ་དང་གཅི་བས་གཤེར་བར་བྱས་པའི་སྦྱོར་བས་བརྩམ་པར་བྱ་བ་ཡང་དེ་དང་འདྲའོ། །ཐལ་བའི་སྐྱོ་མས་ཀྱང་གོས་གཤེར་བར་བྱས་ལ། གསད་པ་བརྩམས་ན་རྡོ་རྗེ་སེམས་དཔའང་འཇིག་པར་འགྱུར་ཞེས་གསུངས་པའི་དོན་ནི་གསད་ལས་ཤིན་ཏུ་བསྒྲུབ་པར་དཀའ་བ འི་ཡུལ་ཡང་འཆི་བར་འགྱུར་ཞེས་པའི་དོན་ནོ། །དེ་ལྟར་ལས་སྦྱོར་ལྔ་པོ་ནི་ཆས་གོས་ཀྱིས་བྱེ་བ་ཙམ་དུ་ཟད་དོ། །རོ། །གཅེར་བུར་ཞེས་བྱ་བ་ལ་སོགས་པ་ལ། གཤིན་རྗེ་གཤེད་ལ་སོགས་པའི་ཁྲོ་བོའི་ང་རྒྱལ་དམིགས་ཏེ། ལུས་ཤིན་ཏུ་ཆེ་བ་དང་ལྡན་པས་འཇིགས་པའི་ཚུལ་ཅན་ནོ། །མཆེ་བ་གཙིགས་པས་

---

^{[མ་དཔེ་གཟིགས་ན་འདིར་གནོན།]}

ན་གཙིགས་ཤིང་ངོ༌། །འཇིགས་པ་ལ་བརྩོན་པས་ན་འགྱུར་བ་སྟེ་སྒྲུབ་པ་པོའོ། །ཁྲོ་བོ་བཅུ་གང་རུང་གི་ཏིང་ངེ་འཛིན་གཉིས་བྱ། ལས་སྦྱོར་གྱི་དུས་སུ་ལིང་ག་ནི་སྔ་མ་བཞིན་དུ་བྱས་པའི་གཟུགས་བརྙན་ནོ། །རྐང་པས་མནན་པ་སྟེ། སྣ་ཚོགས་རྡོ་རྗེས་མཚན་པའི་གཡས་པའི་རྐང་མཐིལ་གྱིས་མནན་ན ས་རང་རང་གི་སྔགས་སྤེལ་ཚིག་དང་བཅས་པ་ཐུན་གསུམ་དུ་བཟླས་ན་ནི། ནམ་མཁའི་དབྱིངས་ཞེས་བྱ་བ་གཟུགས་ཅན་མ་ཡིན་པའི་ནམ་མཁའ་ཡང་འཇིག་པར་འགྱུར་ན། གཟུགས་ཅན་ལྟ་སྨོས་ཀྱང་ཅི་དགོས་ཞེས་བྱ་བ་སྟེ། འདི་ཉིད་ཕུལ་དུ་བྱུང་བ་ཡིན་པར་གསུངས་པ་ཡིན་ཏེ། འདིས་ནི་བསམ་གཏན་གྱི་ཆེ་བ་ཉིད་གསལ་བར་བྱས་པ་ཡིན་ནོ། ༈ །མ་མོའི་གནས་ཞེས་བྱ་བ་ལ་སོགས་པས་ནི། བྱ་བར་བརྩམས་པའི་དྲག་པོའི་ལས་སྒྲུབ་པའི་ཀྱི་གནས་གསུངས་པ་ཡིན་ཏེ། ཚངས་པ་མོ་ཚངས་པའི་ཆུང་མ་དང་ཁྱབ་འཇུག་མོ་ཁྱབ་འཇུག་གི་ཆུང་མ་དང་དྲག་མོ་དྲག་པོ་དབང་ཕྱུག་གི་ཆུང་མ་དང་དབང་མོ་བརྒྱ་བྱིན་གྱི་ཆུང་མ་དང༌། གཞོན་:པ་ཚབ:ལུས་ངན་མོ་ཟེར་ཏེ། དེ་ལྟར་ན་ལུས་ངན་གྱི་ཆུང་མའོ། །ནུ་མ་གཞོན་ནུ་གདོང་དྲུང་གི་ཆུང་མ་དང་ཕག་མོ་ནི་ཁ་ཅིག་གཤིན་རྗེའི་ཆུང་མར་འདོད་དོ། །དང་རྒན་བྱད་མ་:པ་ཚབ་ཙ་མུན་ཏྲི8་ཟེར། འདི་དབང་ཕྱུག་གི་ཆུང་མར་སྨྲ་ཡང་སྔར་དྲག་མོ་བཤད་ཟིན་པས་མི་འགྲིག་གམ་སྙམ་མོ། །སྟེ་འཇིག་རྟེན་གྱི་མ་མོ་བདུན་པོ་སྟེ། དེ་རྣམས་ཀྱི་གནས་ནི་དེ་དག་གི་ལྷ་ཁང་ངོ༌། །སམ་དུར་ཁྲོད་དང་ཁང་སྟོང་དང༌། ལམ་བཞི འི་མདོ་ལམ་རྒྱ་གྲམ་དང་མཚན་མ་གཅིག་པ་དབང་ཕྱུག་གི་ལིང་ག་གནས་པ་དང་ཤིང་གཅིག་ཏུའོ། ༈ །མི་རུས་ཞེས་བྱ་བ་ལ་

---

^{[མ་དཔེ་གཟིགས་ན་འདིར་གནོན།]}

སོགས་པ་ལ། ཁྲོ་བོ་བཅུ་དང༌། ཞེ་སྡང་རྡོ་རྗེ་ཤིན་ཏུ་དྲག་པོ་གང་རུང་གི་ཏིང་ངེ་འཛིན་གཞན་གཉིས་སྔོན་དུ་བྱ། ལས་སྦྱོར་གྱིས་དུས་སུ། མིའི་རྗེ་ངར་གྱི་ཕྱོགས་ཀྱི་རུས་པ་ལས་སོར་བརྒྱད་པའི་ཚན་ཙམ་བླངས་ལ། དུར་ཁྲོད་ཀྱི་རས་ལ་མངོན་སྤྱོད་ཀྱི་རྫས་ཀྱིས་སྣ་ཚོགས་རྡོ་རྗེ་བྲིས་ཏེ། དེའི་ལྟེ་བ་ལ་བསྒྲུབ་པར་བྱ་བའི་མིང་དང་སྔགས་སྤེལ་བ་བྲིས་ནས། འཁོར་ལོ་དེ་རུས་པ་ཁོང་སྟོང་གི་ནང་དུ་བཅུག་ལ་བསྒྲུབ་པར་བྱ་བའི་རྐང་རྗེས་ཀྱི་སས་རུས་པའི་སྟོང་པ་རྣམས་བཀབ་པ་སྟེ། བཀང་ནས། ཁྲོ་བོ་གང་ཡིན་པའི་སྔགས་ཐུན་གསུམ་མམ་བཞིར་བརྒྱ་རྩ་བརྒྱད་བཟླས་ལ་དགྲའི་སྒོ་ཁར་སྦ་བར་བྱའོ། །ལས་སྦྱོར་དེས་ནི་སངས་རྒྱས་ཏེ་སེམས་ཅན་ཐོས་བསམ་གྱི་ཤེས་རབ་དང་ལྡན་པ་དང༌། སྐུ་གསུམ་སྟེ་མཆོག་དང་བར་མ་དང་དམན་པའི་སེམས་ཅན་གྱི་ཚོགས་རྣམས་ཏེ། དེ་རྣམས་ལ་འདོད་པའི་དོན་སྟེར་བས་ན་མཆོག་འདི་ནི་སྒྲུབ་པ་པོ་དེ་རྣམས་ལ་མཆོག་སྟེར་བའོ། །སྦྱིན་པའོ། །ལས་འདི་བྱ་བའི་ཡུལ་ནི ཤེས་པ་ནི་དྲིན་ལ་ལན་ལྡོན་པའི་སེམས་དང་ལྡན་པའོ། །མི་ཤེས་པ་ནི་གཞན་གྱི་ཕན་བཏགས་པ་ལ་ལྟོས་པ་མེད་པ ར་ཕན་འདོགས་པ་སྟེ། གཉིས་པོ་དེ་དག་རྣམ་པར་སྤངས་པ དགོས་སམ་སྙམ་ན་འོ་། །དེ་ལྟ་བུར་གྱུར་པ་སྟེ་དེ་གཉིས་ཡིན་ཡང་སློབ་དཔོན་ལ་སྨོད་པ་ཡིན་ན་རྒྱུ་མཚན་དེ་ཉིད་ཀྱིས་སྨད་པར་བྱ་བ་སྟེ་གསད་པར་བྱ་བ་ཡིན་ནོ། །ཟླ་བ་ཕྱེད་ནི་ཚུན་ཆད་ཀྱིས། ཞེས་བྱ་བ་ནི། ཟླ་བ་ཕྱེད་ཀྱི་ནང་དུའམ། ཟླ་བ་ཕྱེད་རྫོགས་པས་གནས་ལས་ཉམས་པ སྟེ་སྐྲོད་པ ར་འགྱུར་བའམ། འཆི་བར་འགྱུར་འགྱུར་རྙིང་ལས། སྐམས་སམ་

---

^{[མ་དཔེ་གཟིགས་ན་འདིར་གནོན།]}

ཡང་ན་འཆི་བར་འགྱུར། ཞེས་འབྱུང་ཡང༌། :པ་ཚབ:གཞན་ལས། ཉམས་པའམ་ཡང་ན་འཆི་བར་འགྱུར། ཞེས་འབྱུང་བ་འགྲེལ་པའི་བཤད་པ་དང་མཐུན་ནོ། །རོ། །ཏིང་ངེ་འཛིན་གཞན་གཉིས་སྔ་མ་དང་འདྲ་བ་ལ། ལས་རྒྱལ་མཆོག་གི་དུས་སུ་ཁྱད་པར་དུ་ཐོད་པ་གང་བ་ནི་ཐོད་པ་ལ་རྨ་མེད་པ་སྟེ། དེ་བཙལ་ལ་མཁས་པས་ཏེ། ཕོ་མོ་གང་འགུགས་པ་ལ་དེ་གཉིས་ཀྱི་ཐོད་པའི་བྱེ་བྲག་ཤེས་པས་ཐོད་པ་དེར་ནི་སྔགས་ཀྱི་ཚིག་སྟེ། ཇི་ལྟར་མངོན་པར་འདོད་པའི་ཁྲོ་བོའི་སྔགས་བསྒྲུབ་པར་བྱ་བའི་མིང་དང་བཅས་པ་བྲིས་ཏེ། རྡོ་རྗེའི་ཚིག་གིས་བཟླས་པ་བྱ། ཞེས་པ། རྡོ་རྗེའི་ཚིག་ནི། རང་ངམ་གཞན་གྱིས་ཐོས་པར་བཟློ་བའི་ཁྲོ་བོའི་ཚིག་སྟེ། དེས་བཟླས་པ་ནི་ངག་གི་བཟླས་པ་ཐུན་བཞིའམ་གསུམ་དུ་བྱས་ལ། ཐོད་པ་དེ་དགྲ་ཡི་སྒོའམ་གྲོང་དག་ཏུ་སྦས་ཏེ་བཞག་ན་ངེས་པར་སྐྲོད་པར་འགྱུར་རོ། །ཡང་ཏིང་ངེ་འཛིན་གཞན་གཉིས་སྔར་དང་འདྲ་བ་ལ། ལས་སྦྱོར་གྱི་དུས་སུ་ཏ་ལའི་ལོ་མའམ་རས་གཞན་གང་ལའང་སྟེ་གང་ཡང་རུང་བ་ལ་མངོན་སྤྱོད་ཀྱི་རྫས་རྣམས་ཀྱིས་ཁྲོ་བོའི་སྔགས་མིང་དང་བཅས་པར་ཀུན་ཏུ་བྲིས་ལ། བསྒྲུབ་བྱའི་རྣམ་ཤེས་བཀུག་སྟེ། མིང་ལ་བཅུག་ནས་དོན་དེར་ཞེན་པས་དགྲ་ཡི་གྲོང་ངམ་སྒོ་དང་ཉེ་བ་དག་ཏུ་བརྐོས་ལ་སྦས་ནས། སྔགས་དེ་ཉིད་ཐུན་བཞིར་ཁྲོ་བོའི་ཚིག་གིས་བཟླའོ། །དེ་ལྟར་བྱས་པས་རིམ་གྱིས་དང་པོར་སྐམས་པར་འགྱུར་ལ་ཕྱིས་འཆི་བར་འགྱུར་རོ། །དམ་ཚིག་ཆེན་པོ་ནི་གསད་པ་ལ་སོགས་པའི་ལས་བསྒྲུབ་པ། །དེའི་རྒྱུ་ནི་འི་རྡོ་རྗེ་ནི་རྗོ་རྗེ་འཛིན་པ་ཆེན་པོའོ། །དེ་སྐད་ཅེས་བཀའ་སྩལ་ཏོ་ཞེས་བྱ་

---

^{[མ་དཔེ་གཟིགས་ན་འདིར་གནོན།]}

བ་ནི་སྡུད་པར་བྱེད་པའི་ཚིག་གོ ། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཛིན་པ་ཆེན་པོའོ། །བསྒྲུབ་བྱ་འདི་ཇི་ལྟ་ཇི་ལྟར་དྲག་པོའི་ལས་བྱ་བའི་ཡུལ་གྱི་གདུག་པའི་དངོས་པོར་གྱུར་ཅིང་སོང་བ། དེ་ལྟ་དེ་ལྟར་དེ་དང་འཚམ་པའི་དྲག་ལས་ཀྱིས་ངེས་པར་དགག་པར་བྱ་བ་ཡིན་པས་ན་དེ་བཞིན་བཤེགས་པ་སྟེ་བསྒྲུབ་པར་བྱ་བའོ། །ཞེས་པ་ནི་དེ་བཞིན་གཤེགས་པའི་དོན་ཡུལ་ཇི་ལྟ་བ་ཡིན་པ་དེ་ལྟར་གཤེགས་ཞེས་པའི་ཚིག་དོན་དང་སྦྱར་བའོ། །དེ་རྣམས་ཀྱི་ལུས་དང་ངག་དང་ཡིད་ངེས་པར་འཆིང་བ་ནི་ལུས་ངག་ཡིད་མི་གཡོ་བར་བྱས་པའོ། །རྡོ་རྗེ་རྡོ་རྗེ་སྟེ་མི་ཕྱེད་པའི་ཞེས་པ་ལྟར་ན། འགྱུར་རྙིང་གི་རྒྱུད་ལས། ཐུགས་གནོན་པ་ཞེས་པ་མི་འབྱོར་བས། :པ་ཚབ:གཞན་ལས་ཐུགས་རྡོ་རྗེ་འདེབས་པ་ནི་སྔགས་ཞེས་པ་ལྟར་བྱ་དགོས་སོ། །ནི་མི་ཕྱེད་པའི་ངོ་བོར་གྱུར་པ་གང་ཡིན་པ་སྟེ། དེ་སྐད་ཅེས་བྱ་བའི་ཏིང་ངེ་འཛིན་དེ་ལ་སྙོམས་པར་ཞུགས་ཤིང་མངོན་སུམ་དུ་མཛད་པའོ། །ཁམས་གསུམ་ནི་མཆོག་དང་འབྲིང་དང་ཐ་མ་སྟེ། བསྒྲུབ་པར་བྱ་བ་རྣམ་པ་གསུམ་མོ། །དེ་རྣམས་ཀྱི་ལུས་ལ་སོགས་པ་གཟིར་བར་བྱ་བའི་ཕྱིར་རྡོ་རྗེ་སྟེ་མི་ཕྱེད་པའི་ཕུར་བུའི་སྔགས་འདི”་894ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ༀ་ཞེས་བྱ་བ་ལ་སོགས་པ་ནི་སྔགས་དངོས་ཏེ། སྔགས་ཀྱི་མིང་མཐའ་མེད་ཅེས་བྱའོ། །གྷ་གྷ་ཞེས་པ་ནི་གྷ་ཏ་ཀ་སྟེ། གསོད་བྱེད་ཅེས་བོད་པའོ། །གྷཱ་ཏ་ཡ་སརྦ་དུཥྚཱན་ཞེས་པ་ནི་མ་རུངས་པ་ཐམས་ཅད་ཆོམས་ཤིག་ཅེས་རྦོད་པའོ། །ཕཊ་ཕཊ་ཅེས་པ་ནི་དེ་གསལ་བར་བྱེད་པའི་ས་བོན་ནོ། །ཀཱི་ལ་ཡ་ཀཱི་ལ་ཡ་ཞེས་པ་ནི། ཕུར་

---

^{[མ་དཔེ་གཟིགས་ན་འདིར་གནོན།]}

བུས་བཏབ་པ་ལ་མི་འགུལ་བར་གྱིས་ཤིག་པའོ། །སརྦ་པཱ་པཾ་ཞེས་པ་ནི་སྡིག་པ་དང་སྡིག་པའི་བསམ་པ་ཅན་ལ་འཇུག་པ་གཉིས་ལས་འདིར་ཕྱི་མའོ། །ཐམས་ཅད་དོ། །ཕཊ་ཅེས་པ་ནི་དགས་པའོ། །ཧཱུྃ་ཧཱུྃ་ཧཱུྃ་ཞེས་པ་གསུམ་ནི་སྐུ་གསུང་ཐུགས་ཀྱི་དེ་ཁོ་ན་ཉིད་སྐུལ་བའོ། །བཛྲ་ཀཱི་ལ་ཡ་ཞེས་བྱ་བ་ནི་བྱ་བ་སྟེ་བྱ་བའི་སྒོ་ནས་རྡོ་རྗེ་ཕུར་བུ་ལ་བོད་པའོ། །བཛྲ་དྷ་ར་ཨཱ་ཛྙཱ་པ་ཡ་ཏི་ཞེས་པ་ནི། རྡོ་རྗེ་འཆང་གི་བཀའ་ཉོན་ཅིག་པ་སྟེ། བདག་ཉིད་རྡོ་རྗེ་འཆང་ཉིད་དུ་བྱིན་གྱིས་བརླབས་པ་སྟེ་ང་རྒྱལ་བྱས་ལ་བསྒོ་བའོ། །ཀཱ་ཡ་བཱ་ཀ་ཙིཏྟ་བཛྲ་ཞེས་པ་ནི་ལུས་ངག་ཡིད་རྡོ་རྗེ་སྟེ། འདིར་ནི་གདུག་པ་རྣམས་ལ་བྱ་བར་དགོངས་སོ། །ཧཱུྃ་ཧཱུྃ་ཕཊ་ཕཊ་ཅེས་པ་ནི་གཞན་:པ་ཚབ་ཆག:སླར་ཡང་ཟེར། ཡང་སྐུལ་བའོ། །དེ་ནས་ཞེས་བྱ་བ་ལ་སོགས་པ་ལ། ཕུར་བུའི་སྔགས་འདི་གསུངས་ཤིང་ངེས་པར་ཕྱུང་མ་ཐག་ཏུའོ། །ལས་འདི་སྒྲུབ་པར་དཀའ་བས་ན་སངས་རྒྱས་:པ་ཚབ་ཆག:རྡོ་རྗེའོ་ཟེར། སོ། །མཐུ་ཆེན་པོ་དང་ལྡན་པས་ན། རྫུ་འཕྲུལ་ཆེན་པོ་སྟེ། བརྒྱ་བྱིན་ལ་སོགས་པ་ཐམས་ཅད་དོ། །སྔགས་ཀྱི་སྒྲ ས་རྣ་བའི་ཡུལ་དུ་རེག་པ་སྟེ་ཐོས་པ ས་དང་པོ་བརྒྱལ་བར་གྱུར་ལ། དེའི་འོག་ཏུ་དྲན་པ་རྙེད་ནས་སྐྲག་པར་གྱུར་པས་ན་འཇིགས་པར་གྱུར་པའོ། །ནམ་མཁའ་རྡོ་རྗེའི་ཐུགས་ནི་རྡོ་རྗེ་འཆང་ཆེན་པོ་སྟེ། དེ་དྲན་པར་གྱུར་པ་ནི་དེ་ལ་སྐྱབས་སུ་སོང་བའོ། །འདིས་ལས་སྦྱོར་འདི་ལ་དང་པོ་རྡོ་རྗེ་འཆང་དུ་བསྐྱེད་པར་བསྟན་ནོ། ༈ །མི་རུས་ཞེས་བྱ་བ་ལ་སོགས་པས་ནི་འདིར་རྫས་ཀྱི་ཕུར་

---

^{[མ་དཔེ་གཟིགས་ན་འདིར་གནོན།]}

བུའི་ཆོ་ག་གསུངས་པ་སྟེ། མངོན་སྤྱོད་ཀྱི་རྫས་རྣམས་ལས་བསྒྲུབ་པར་བྱ་བའི་གཟུགས་བརྙན་བྱས་ནས། དུར་ཁྲོད་ཀྱི་རས་ལ་དུག་ལ་སོགས་པས་མིང་དང་སྤེལ་བའི་སྔགས་བྲིས་ལ། གཟུགས་བརྙན་གྱི་སྙིང་གར་བཅུག་ནས་དེ་ལ་བསྒྲུབ་བྱའི་རྣམ་ཤེས་བཀུག་པ་དེ་བསྟིམས་ལ་དོན་དེར་ཞེན་ནས་མི་རུས་སམ། སེང་ལྡེང་གི་སྙིང་པོ་ལ་སོགས་པ་གང་ཡང་རུང་བའི་ཕུར་བུ་སྟེ། ཁྲོ་བོའི་གཟུགས་ཅན་ལ་འོག་མདུང་རྩེ་གཅིག་པར་བྱས་ལ། གསང་སྔགས་སྤེལ་ཚིག་དང་བཅས་པ་ཐུན་དུ་བཅད་ནས་འདོན་ཅིང་སྤྱི་བོ་ནས་བརྩམས་ཏེ། རྐང་པའི་མཐིལ་གྱི་བར་དུ་རྡོ་རྗེ་ཐོ་བས་བརྡུངས་ན། འདིས་ནི་གདུག་པ་རྣམས་ཀྱི་ལུས་དང་ངག་དང་ཡིད་རྣམ་པར་འཇིག་པར་འགྱུར་རོ། ༈ །རྫས་ཀྱི་ཕུར་གདབ་བསྟན་ནས། བསམ་གཏན་གྱིས་ཏེ་བསྒོམ་པས་བསྐྱེད་པའི་ཕུར་བུ་གདབ་པའི་ཆོ་ག་བསྟན་པར་བྱ་བའི་ཕྱིར། འོད་འཕྲོ་ཞེས་བྱ་བ་ལ་སོགས་པ་གསུངས་ཏེ། “བསྒྲུབ་པའི་ཐབས་མདོར་བྱས་དང་མདོ་བསྲེ་ལས་འབྱུང་བའི་ཚུལ་གྱིས་དང་པོར་བྱང་ཆུབ་ཀྱི་སེམས་རྡོ་རྗེ་འཆང་གི་འི་སྦྱོར་བ་སྟེ་རྣལ་འབྱོར་དང་ལྡན་པས། ཡུམ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་ལས་བསྐྱེད་པའི་མི་བསྐྱོད་པ་ཕྱིར་དབྱུང་ཞིང་དེ་ནས་རང་ལ་རྗེས་སུ་ཞུགས་པས། འོད་འཕྲོ་འཁྲུག་ཅིང་མདངས་བཟང་བའི། །རྡོ་རྗེ་སེམས་དཔར་མཉམ་གཞག་ལ། ཞེས་བྱ་བ་སྟེ། ཞེ་སྡང་རྡོ་རྗེ་ཞལ་ཅུང་ཟད་མཆེ་བ་གཙིགས་པ་འོད་ཀྱི་དཀྱིལ་འཁོར་དམར་པོ་མེ་འོད་འབར་བ འི་དབུས་སུ་ཆུད་པར་བདག་ཉིད་བསྒོམས་ལ། མངལ་དུ་བསྐྱེད་པའི་ཁྲོ་

---

^{[མ་དཔེ་གཟིགས་ན་འདིར་གནོན།]}

བོ་བཅུ་ཕྱུང་སྟེ། ཕྱོགས་དང་མཚམས་རྣམས་སུ་བཞག་ནས། རྡོ་རྗེ་སྐུ་ནི་འདིར་འཕགས་པ་ཡབ་སྲས་ཀྱི་འཁོར་ལོ་སེར་པོ་རྩིབས་བཅུ་པ་བསྒོམ་པ་གསལ་བར་མ་བཤད། ཨ་བྷ་ཡས་འཁོར་ལོ་དེ་བསྒོམ་པར་མདོར་བྱས་ཀྱི་འགྲེལ་པར་བཤད་པ་ནི་ཤིན་ཏུ་ལེགས་ཏེ། རྒྱུད་ཕྱི་མ་ལས། ལོངས་སྤྱོད་བཞི་དང་ཡང་དག་ལྡན། །རིག་པའི་སྐྱེས་བུ་རྡོ་རྗེ་ཅན། །སྐུ་གསུང་ཐུགས་ཀྱི་དབྱེ་བ་ཡིས། །གྲུ་གསུམ་དུ་ནི་རྣམ་པར་བསྒོམ། །ཀུན་ནས་སེར་བའི་འཁོར་ལོ་ནི། །རྩིབས་བཅུ་དེ་དབུས་རྣམ་པར་བསྒོམ། །རྩིབས་ཀུན་ལ་ནི་ཁྲོ་བོ་བཅུ། །ཡེ་ཤེས་བདག་ཉིད་བཅུ་ལས་བྱུང་། །འགོག་པའི་རྡོ་རྗེ་བསྒོམ་བྱ་ཞིང་། །མཆོག་ཏུ་མཛེས་པར་བསྒྲུབ་པར་བྱ། །རྡོ་རྗེ་འབར་བའི་སྤྲིན་སྤྲོས་པས། །མི་གཡོ་བ་དང་མཚུངས་པར་འཁོར། །ཞེས་གསུངས་པའི་ཕྱིར་རོ། །དེའི་རྐང་པ་གཉིས་པས་ནི་བསྲུང་འཁོར་གྱི་དབུས་སུ་རྡོ་རྗེ་འཆང་བསྒོམ་པ་བསྟན། རྐང་པ་དང་པོས་རྡོ་རྗེ་གསུམ་དང་ཡེ་ཤེས་སེམས་དཔའ་བསྟན་པར་འགྲེལ་པར་བཤད་དེ། དེ་བཞི་རྡོ་རྗེ་འཆང་ལ་དགོད་དོ། །རྐང་པ་གསུམ་པ་དང་བཞི་པས་ཆོས་འབྱུང་གྲུ་གསུམ་བསྒོམ་པ་བསྟན། ཀུན་ནས་ཞེས་པ་གཉིས་ཀྱིས་འཁོར་ལོ་དེའི་དབུས་སུ་རྡོ་རྗེ་འཆང་བསྒོམ་པར་བསྟན། འདིར་འགྲེལ་པས་ཆོས་འབྱུང་གི་ཕྱི་རོལ་དུ་འཁོར་ལོ་བསྒོམ་པར་བཤད་པ་ནི། འཁོར་ལོའི་ལྟེ་བའི་ཁྲོ་བོ་རྡོ་རྗེ་སེམས་དཔར་གྱུར་པ་ལས། ཆོས་འབྱུང་བསྐྱེད་པའི་ཕྱོགས་ལ་དེ་རུང་ཡང་འདིར་ནི་མི་རུང་ངོ༌། །ཡེ་ཤེས་བཅུ་ནི་བདེན་པ་བཞི་ཤེས་པ་ལ་སོགས་པའི་ཤེས་པ་བཅུའོ། །འགོག་པའི་རྡོ་རྗེ་ནི་ཡིད་ཕྱིར་གཡེང་བ་བཀག་ནས་བསྒོམ་པའོ། །རྐང་པ་ཐ་མའི་དོན་ནི། ཁྲོ་བོ་རྣམས་

---

^{[མ་དཔེ་གཟིགས་ན་འདིར་གནོན།]}

མི་གཡོ་བ་དང་འཁོར་ལོ་འཁོར་བ་གཉིས་མཚུངས་པ་སྟེ་མཉམ་པོར་བྱ་བའོ། །གསུམ་གྱི་མཐར་ཞེས་བྱ་བ་སྐུ་གསུམ་གྱི་བདག་ཉིད་ཅན་གྱི་གཟུགས་བརྙན་གནོད་མཛེས་ཀྱི་གཟུགས་སུ་བསྒོམས་ལ། :པ་ཚབ:རྡོ་རྗེ་གསུམ་སྐུའི་མཐར་ཐུག་པ། །གཟུགས་བསམ་ནས་ནི་སྦྱར་བར་བྱ། ཞེས་འབྱུང་ངོ༌། །དེའི་དོན་ནི། རྡོ་རྗེ་གསུམ་གྱི་སྐུ་ནི་སེམས་དཔའ་གསུམ་བརྩེགས་ཅན་གྱི་གཙོ་བོ་ཞེ་སྡང་རྡོ་རྗེའོ། །དེའི་མཐར་ཐུག་པ་ནི། འོག་གི་མཐར་གནས་པའོ། །གཟུགས་བསམ་པ་ནི། གནོད་མཛེས་ཀྱི་ཡིན་ཏེ། འོག་གི་གནོད་མཛེས་ཀྱིས་སྤྲུལ་པའི་གནོད་མཛེས་གཉིས་པ་རང་གི་མདུན་ན་འདུག་པ་ལ་བཀའ་བསྒོ་བས་བགེགས་རྣམས་བཀུག་པ་ལ་བཤད་མ་ཐག་པའི་ཕུར་བུའི་ཆོ་ག་བསམ་གཏན་གྱིས་སྦྱར་བར་བྱའོ། །མི་བསྐྱོད་པའི་གཟུགས་འབའ་ཞིག་ཏུ་མ་ཟད་པའི་ཕྱིར། རྣམ་པར་སྣང་མཛད་ཅེས་བྱ་བ་ལ་སོགས་པ་གསུངས་ཏེ། རྒྱུད་ལས། རྣམ་པར་སྣང་མཛད་རྒྱ་ཆེན་ནམ། །ཡང་ན་འདོད་ཆགས་རྡོ་རྗེ་ཅན། །གཤིན་རྗེ་གཤེད་ཀྱི་རྒྱ་ཆེན་དག །བསམས་ན་རྡོ་རྗེ་གསུམ་ཡང་གནོན། ཞེས་གསུངས་པ་ལྟར་རྣམ་པར་སྣང་མཛད་ལ་སོགས་པར་བསྒོམས་པས་ཀྱང་ཕུར་བུའི་ཆོ་ག་འདི་བྱའོ། ཞེས་བྱ་བ་ནི་མདོ་སྟེ་རྩ་རྒྱུད་ཀྱི་འི་དོན་ཏོ། །རྡོ་རྗེ་གསུམ་གནོན་པ་ནི་བགེགས་ཀྱི་ལུས་ངག་ཡིད་གསུམ་ལ་ཕུར་བུས་འདེབས་པའོ། ༈ །རྡོ་རྗེ་བདུད་རྩི་ཞེས་བྱ་བ་ལ་སོགས་པ་ལ། བསམ་གཏན་གྱིས་བསམ་གཏན་གྱི་ཆོ་གའི་ཕུར་བུས་གདབ་པ་སྟོན་ཏེ། རྡོ་རྗེ་བདུད་རྩི་འཁྱིལ་བ་ཡིས། ཞེས་བྱ་བ་ནི། བྱང་རྩིབས་ཀྱི་བདུད་རྩི་འཁྱིལ་བ ས་སྤྲུལ་པའི་བདུད་རྩི་འཁྱིལ་བ་ཕུར་བུ་བཅུ འི་གཟུགས་སུ་གྱུར་པས། གདུག་ཅིང་ཁྲོ་བ་ཚར་བཅད་ལ། ཞེས་བྱ་བ་སྟེ། གདུག་པ་རྣམས་ཀྱི་ཁྲོ་བ་ཚར་གཅོད་པ་སྟེ། བརྩེ་བ་མེད་པར་གཞོམ་པར་བྱའོ། །རྡོ་རྗེའི་སྦྱོར་

---

^{[མ་དཔེ་གཟིགས་ན་འདིར་གནོན།]}

བས་བྱ་བ་ཡིན། ཞེས་བྱ་བ་ནི། མི་བསྐྱོད་པའི་སྦྱོར་བས་སོ། །སངས་རྒྱས་ཀྱིའང་སྟེ་རྣམ་པར་སྣང་མཛད་དང༌། འོད་དཔག་ཏུ་མེད་པའི་རྣལ་འབྱོར་པའི་ཡང་ཆོ་ག་འདི་ཉིད་དོ། །བདག་ཉིད་ཆེན་པོ་སྟེ། གཤིན་རྗེ་གཤེད་ཀྱི་ཡང་ཆོ་ག་འདི་ཉིད་དོ། །རང་ལྷ་དེ་གསུམ་དུ་བསྒོམ་ནས་བདུད་རྩི་འཁྱིལ་པའི་ཕུར་བུས་འདེབས་ཚུལ་མི་བསྐྱོད་པ་དང་འདྲ་བར་བསྟན་ནོ། །ཕུར་བུའི་:པ་ཚབ:དབྱིབས་གནས་བསྟན་པར་བྱ་བའི་ཕྱིར། སྙིང་ཁ་ནས་ནི་ཞེས་བྱ་བ་ལ་སོགས་པ་གསུངས་ཏེ། ཕུར་བུའི་རྣམ་པ་ཅན་གྱི་བདུད་རྩི་ཐབ་སྦྱོར་:ཆག:ནི་ལྟེ་བ་ནས་གོང་དུ་ཞེས་བཤད་པས་སྙིང་ག་ནས་ཟེར་ཡང་སྙིང་ཁ་སྟེ་ལྟེ་བ་ནས་བཟུང་སྟེ། རྐང་མཐིལ་གྱི་བར་དུ་ཕུར་བུའི་གཟུགས་སུ་བསམས་ལ། ཕུར་བུ་དེ་ཉིད་ལྟེ་བ་ནས་གོང་དུའང་དམ་ཚིག་སྟེ། བདུད་རྩི་ཐབ་སྦྱོར་གྱི་གཟུགས་སུ་བསམ་པར་བྱའོ། །འདི་ནི་ཕུར་བུའི་རྣམ་འཕྲུལ་ཡིན། ཞེས་བྱ་བ་ལ། ཕུར་བུའི་དབྱིབས་ངེས་པར་བརྟག་པ་སྔར་བཤད་མ་ཐག་པ་འདི་དང་། བསམ་གཏན་གྱི་རྡོ་རྗེའི་སྦྱོར་བ་ཡིས། སངས་རྒྱས་དག་ཀྱང་སྟེ།:པ་ཚབ:ཕུར་བུའི་ཆོ་ག་ཤེས་པའི་སྒྲུབ་པ་པོ་ཡང་ཟེར་བ་ལྟར་ཡིན་ནོ། །ཕུར་བུའི་ཆོ་ག་ཤེས་པའི་སྒྲུབ་པ་པོས། ངེས་པར་ཕུར་བུས་འདེབས་ཤིང་མི་འགྱུར་བ སྟེ་མི་གཡོ་བ ར་བྱེད་དོ། །རྡོ་རྗེ་སེམས་དཔའ་རྒྱལ་པོ་ཆེ། །ཕུར་བུས་བཏབ་ན་མྱུར་དུ་འཆི། །ཞེས་བྱ་བ་ནི་:པ་ཚབ:སྒྲུབ་པ་པོ་གལ་ཏེ་ཆོ་ག་དེ་ལྟ་བུས་ཕུར་བུས་འདེབས་ན། དེའི་ཚེ་བསྒྲུབ་བྱ་བརྩོན་འགྲུབ་བརྟན་པའི་ཕྱིར་རྡོ་རྗེ་སེམས་དཔའ་ཡིན་ཞིང༌། ཁམས་གསུམ་གྱི་ཆོས་ཀྱི་རྒྱལ་

---

^{[མ་དཔེ་གཟིགས་ན་འདིར་གནོན།]}

པོར་དབང་བསྐུར་བས་ན། རྒྱལ་པོ་ཆེན་པོ་ཡང་མྱུར་དུ་སྟེ་རིངས་པར་འཆི་བར་འགྱུར་རོ། །ཞེས་འབྱུང་བ་ལྟར་བྱའོ། །སྒྲུབ་པ་པོ་སྟེ། བརྩོན་འགྲུས་བརྟན་པས་ན་རྡོ་རྗེ་སེམས་དཔའོ། །ཁམས་གསུམ་གྱི་ཆོས་ཀྱི་རྒྱལ་པོའི་དབང་བསྐུར་བས་ན་རྒྱལ་པོ་ཆེན་པོ་སྟེ། དེས་གལ་ཏེ་འདི་ལྟ་བུའི་ཆོ་གས་ཕུར་བུས་འདེབས་ན། དེའི་ཚེ་བསྒྲུབ་པར་བྱ་བ་མྱུར་ཞིང་རིངས་པར་འཆི་བར་འགྱུར་རོ། ༈ །རྡོ་རྗེ་དང་པདྨ་མཉམ་པར་སྦྱོར་བས་ཀྱང་ཕུར་བུའི་ཆོ་ག་བརྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །རྣམ་པར་སྣང་མཛད་ཆེན་པོའི་ངོ་བོ་ཉིད་དོ། །སྐུ་ནི་རྣམ་པར་སྣང་མཛད་ཆེན་པོའི་སྐུ་སྟེ། བསྒྲུབ་པར་བྱ་བའི་ལུས་སོ། །འདིར་རྣམ་པར་འཕྲུལ་ཞིང་ཕུར་བུའི་གནས་སུ། རྣམ་པར་རོལ་པའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་པའོ། །སྐུའི་དམ་ཚིག་ནི་སྐུའི་སྟོབས་སོ། །ལུས་དེའི་ཚམ་ངམ་གྱིས་གནོན་པ་ནི་ཚར་གཅོད་པ་སྟེ། རྡོ་རྗེ་ཕུར་བུའི་སྔགས་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ༀ་ཞེས་བྱ་བ་ལ་སོགས་པ་ནི་སྔགས་ཏེ། མིང་མཐའ་མེད་ཅེས་བྱའོ། །ཚིནྡ་ཚིནྡ་ཞེས་བྱ་བ་ནི། བསྒྲུབ་པར་བྱ་བའི་ལུས་ཆོད་ཅིག་པའོ། །ཧ་ན་ཧ་ན་ཞེས་བྱ་བ་ནི་དེའི་ལུས་ཀྱི་སྟོབས་ཆོམས་ཤིག་པའོ། །ད་ཧ་ད་ཧ་ཞེས་པ་ནི་ལུས་སྲེགས་ཤིག་པའོ། །དཱིཔ་ཏ་འབར་བ་བཛྲ་ཙཀྲ་འཁོར་ལོ་ཞེས་བྱ་བ་ནི་རྡོ་རྗེ་དང་འཁོར་ལོ་འབར་བ་ཅན་གང་ཡིན་པ་ལ། འབར་བའི་རྡོ་རྗེ་འཁོར་ལོ་ཅན་ཞེས་མི་བསྐྱོད་པ་ལ་བོད་པའོ། །ཧཱུཾ་ཕཊ་ཅེས་པ་ནི་

---

^{[མ་དཔེ་གཟིགས་ན་འདིར་གནོན།]}

བསྐུལ་བའོ། །ཕན་ཚུན་ཞེས་བྱ་བ་ལ་སོགས་པས་ནི། ཕུར་བུ་གདབ་པའི་སྦྱོར་བ་གསུངས་པ་ཡིན་ཏེ། མི་བསྐྱོད་པའི་སྦྱོར་བ་དང་ལྡན་པའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱ་ལ། ལས་རྒྱལ་མཆོག་གི་དུས་སུ་རང་གི་ཕྱག་རྒྱ་མཱ་མ་ཀཱི ར་བསྐྱེད་པ་མདུན་དུ་བཞག་སྟེ། ཕན་ཚུན་དཀྲི་བའི་ཚུལ་དུ་བྱ་ཞེས་པ་ཡབ་ཡུམ་ཕན་ཚུན་དུ་གྱིས་འཁྱུད་པ་ལ་སོགས་པ་དེ་དང་དེ་དག་བྱས་ལ། མཐེ་བོ་གཞི་ནི་རབ་ཏུ་བསྡམ། ཞེས་བྱ་བ་ལ། མཐེ་བོ་ནི་རང་གི་རྡོ་རྗེའོ། །གཞི་ནི་ཕྱག་རྒྱའི་གསང་བ འི་པདྨ་སྟེ། དེ་ལ་གཞི་ཟེར་བ་ནི་དགའ་བ་སྐྱེ་བ འི་གནས་ཡིན་པའི་ཕྱིར་རོ། །བསྡམ་པ་ནི་གཉིས་འདུས་ནས་གཅིག་ཏུ་བྱས་པའོ། །ཇི་ལྟར་ཞེ་ན། རྣམ་པར་སྣང་མཛད་ཚུལ་གནས་ཏེ། ཞེས་བྱ་བ་སྟེ། རྣམ་པར་སྣང་མཛད་ཀྱི་ཚུལ་གྱི་གནས་ནི་བསྒྲུབ་པར་བྱའི་ལུས་སོ། །ལུས་དེ་གང་གིས་མནན་ཅིང་ཕུར་བུས་བཏབ་རང་གི་ཐུགས་ཀའི་ས་བོན་གྱི་འོད་ཟེར་གྱིས། བསྒྲུབ་བྱ་ཡུམ་གྱི་པདྨའི་ནང་དུ་བཀུག་པ་ལ། རང་གི་ལིང་ག་རྡོ་རྗེ་རྩེ་ལྔ་པར་བསྐྱེད་པའི་ཕུར་བུས་ལུས་ཀྱི་སྤྱི་བོ་ནས་རྐང་པའི་བར་དུ་ཕུག་པར་བསམ་པའོ། །པ་དེ་ནི། རྣམ་པར་སྣང་མཛད་ཀྱི་ཚུལ་གྱི་གནས་ལུས་གནོན་པ་སྟེ། འདི་ནི་མཐེ་བོ་གཉིས་ཀྱི་རབ་ཏུ་བསྡམ་པའི་ཁྱད་པར་ཏེ། འདིའི་སྔགས་ཀྱི་མཐར་ཆེ་གེ་མོ་མཱ་ར་ཡ་ཧཱུཾ་ཕཊ་ཅེས་སྤེལ་བའི་སྔགས་འདི་བཟླས་བརྗོད་བྱེད་ཅིང་སྙོམས་འཇུག་བྱའོ། །བཏབ་མ་ཐག་ཏུ་ཞེས་བྱ་བ་ནི། བསྒྲུབ་པར་བྱ་བའི་ལུས་ལ་རྡོ་རྗེས་བསྣུན་པ་ཙམ་གྱིས་སོ། །སེམས་དཔའ་ཆེ་ནི་སྟོབས་ཆེན་པོ་དང་ལྡན་པར་

---

^{[མ་དཔེ་གཟིགས་ན་འདིར་གནོན།]}

གྱུར་པ་ཡང་ངོ་། །རྡོ་རྗེ་སྐུ་གསུམ་ལས་བྱུང་བ། ཞེས་བྱ་བ་ནི། བསྒྲུབ་བྱ་རབ་འབྲིང་ཐ་མ་གསུམ་གྱི་བདག་ཉིད་དོ། །དམ་ཚིག་མཆོག་གིས་ཏེ་དྲག་ལས་དེས་ལྡང་བར་འགྱུར། ཞེས་བྱ་བ་ནི། གནས་ལས་སྐྲོད་པར་འགྱུར་བའམ། ཡང་ན་འཆི་བའི་གནས་སུ་འགྱུར་རོ། ༈ །དེ་ནས་ཞེས་བྱ་བ་ལ་སོགས་པ་ལ། འཇིག་རྟེན་དབང་ཕྱུག་གི་ངོ་བོ་ཉིད་ཀྱི་གསུང་ནི། འཇིག་རྟེན་དབང་ཕྱུག་གསུང་སྟེ། བསྒྲུབ་པར་བྱ་བའི་ཚིག་གོ །ཚིག་དེའི་གནས་ལ་ཕུར་བུས་གདབ་པའི་རྣམ་པར་འཕྲུལ་པའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་པའོ། །གསུང་ནི་བསྒྲུབ་པར་བྱ་བའི་ཚིག་གོ །དེའི་དམ་ཚིག་ནི་སྟོབས་སོ། །དེ་གནོན་པ་ནི། ངག་རེངས་པར་བྱ་བའོ། །རྡོ་རྗེ་ནི་མི་ཕྱེད་པ་སྟེ་ཕུར་བུ་གདབ་པའི་སྔགས་ཕྱུང་བའོ། །ༀ་ཞེས་བྱ་བ་ལ་སོགས་པ་ནི་སྔགས་ཏེ། མིང་མཐའ་མེད་ཅེས་བྱའོ། །ཧྲི་ཞེས་བྱ་བ་ནི་བསྒྲུབ་པར་བྱ་བའི་ངག་འགུགས་པའི་ས་བོན་ནོ། །བྷུར་བྷུ་བཿ ཞེས་བྱ་བ་ནི་འཇིག་རྟེན་གསུམ་གྱི་བདག་པོ་ཞེས་བོད་པའོ། །ཡེ་ཤེས་པདྨོ་ཁ་བྱེ་བ། ཞེས་བྱ་བ་ནི། ཡེ་ཤེས་གསུམ་འབྱུང་བའི་པདྨ་ནི་ཡེ་ཤེས་པདྨོ་སྟེ། ཡེ་ཤེས་པདྨ་དེ་ཁ་བྱེ་བའི་ལྷ་མོའི་བྷ་གའོ། །རྡོ་རྗེ་སོར་མོ་ངེས་པར་བཞག །ཅེས་བྱ་བ་ལ། རང་གི་རྡོ་རྗེ་ཉིད་སོར་མོ་ཡིན་པས་ན་རྡོ་རྗེ་སོར་མོའོ། །དེ་ངེས་པར་བཞག་པ་ནི་རྡོ་རྗེ་དེའི་པདྨར་རབ་ཏུ་འཇུག་པའོ། །འདོད་ཆགས་རྡོ་རྗེའི་ཚུལ་གནས་ཏེ། ཞེས་བྱ་བ་ལ། འདོད་ཆགས་རྡོ་རྗེ་ནི་བསྒྲུབ་པར་བྱ་བའི་ཚིག་གི་རྒྱུན་ནོ། །ཚིག་དེའི་གནས་ནི་ལྕེ་ཡིན་ཏེ་དེ་ལ་

---

^{[མ་དཔེ་གཟིགས་ན་འདིར་གནོན།]}

རང་གི་ལིང་ག་རྡོ་རྗེ་རྩེ་ལྔ་པར་བསྐྱེད་པའི་རྩེ་མོས་ཇི་ལྟ་བ་བཞིན་དུ་མནན་པ་སྟེ་བཏབ་པ ར་གྱུར་པ་དེ་ལྟ་བུར་རྡོ་རྗེའི་ཕུར་བུ་འདི་ངེས་པར་འདེབས་པའོ། །འདིའི་དུས་སུ། ༀ་ཧྲིཿབྷུར་བྷུ་བཿ མཱ་ར་ཡ་ཕཊ་ཅེས་པ་བཟླས་སོ། །བཏབ་མ་ཐག་ཏུ་ཞེས་བྱ་བ་ནི། ཆོས་འབྱུང་བའི་ནང་དུ་ཆུད་པར་བསྒོམས་པའི་བསྒྲུབ་པར་བྱ་བའི་ལྕེའི་རྩེ་མོ་ལ་རེག་པ་ཙམ་གྱིས་སོ། །བསྒྲུབ་བྱ་ཡུམ་གྱི་ཆོས་འབྱུང་གི་ནང་དུ་སྒོམ་པ་ལུས་གནོན་པ་ལ་ཡང་བྱའོ། །རྡོ་རྗེ་ཆེ་ཞེས་བྱ་བ་ནི་འོད་དཔག་མེད་ཀྱི་རང་བཞིན་གྱི་བསྒྲུབ་པར་བྱ་བའི་ངག་གི་སྤྲོས་པའོ། །སྐུ་གསུམ་དྲི་མེད་ལས་བྱུང་བ། ཞེས་བྱ་བ འི་སྐུ་གསུམ་དྲི་མེད་ནི། ནམ་མཁའ་ལྟ་བུའི་འོད་གསལ་ལོ། །དེ་ལས་བྱུང་བ་ནི་ངག་རང་བཞིན་གྱིས་དག་པ། །བཏབ་པ་ཙམ་གྱིས་ཞེས་བྱ་བ་ནི་བཤད་མ་ཐག་པའི་སྦྱོར་བའི་ཁྱད་པར་གྱིས་སོ། །ལྡང་བར་འགྱུར་ཞེས་བྱ་བ་ནི་བསྒྲུབ་པར་བྱ་བའི་ལྕེ་ལ་སོགས་པ་གནོན་པ་སྟེ་རེངས་པ ར་འགྱུར་བའམ། ཡང་ན་བསྒྲུབ་པར་བྱ་བ་འཆི་བར་འགྱུར་རོ། ༈ །དེ་ནས་ཞེས་བྱ་བ་ལ་སོགས་པས་ནི། ཐུགས་ཀྱི་ཕུར་བུས་གདབ་པའི་ཆོ་ག་གསུངས་པ་ཡིན་ཏེ། བསྒྲུབ་པར་བྱ་བའི་སེམས་ལ་ཕུར་བུའི་རྣམ་པར་འཕྲུལ་པ་གང་ཡིན་པའི་ཏིང་ངེ་འཛིན་དེ་ལ་སྙོམས་པར་ཞུགས་པའོ། །ཐུགས་ཀྱི་དམ་ཚིག་ནི་སེམས་ཀྱི་སྤྲོ་བའོ། །དེའི་ཚམ་ངམ་ནི་སེམས་ཀྱི་སྤྲོ་བ་གཞོམ་པར་བྱ་བའི་ཕྱིར། ཕུར་བུ་གདབ་པའི་སྔགས་གསུངས་པར་གྱུར་པའོ། །ༀ་བཛྲ་རཱ་ཛ་ཞེས་བྱ་བ་ནི་ཀྱེ་རྡོ་རྗེ་རྒྱལ་

---

^{[མ་དཔེ་གཟིགས་ན་འདིར་གནོན།]}

པོ་ཞེས་བྱ་བ་བོད་པའི་དོན་ཏོ། །ཧཱུཾ་ཞེས་བྱ་བ་ནི་བསྒྲུབ་པར་བྱ་བའི་སྙིང་གནོན་པ་ལ་བཞུད་ཅིག་ཅེས་བྱ་བ་སྟེ། དེ་ནི་སྔགས་ཀྱི་དོན་ཏོ། །རྩེ་མོ་ལྔ་པར་ཞེས་བྱ་བ་ལ་སོགས་པ་ལ། རྩེ་མོ་ལྔ་པའི་རང་བཞིན་ཅན་གྱི་མེའི་འོད་འཕྲོད་བས་འཁྲིགས་པའི་རང་གི་རྡོ་རྗེ་བསྒོམ་པར་བྱ་བའོ། །རང་གི་ལིང་གའི་བསྐྱེད་ཚུལ་འདི་ནི་སྔ་མ་གཉིས་ཀ་ལའང་སྦྱར་རོ། །མཁས་པ་དག་རང་གི་ལིང་གའི་སྟོད་རྡོ་རྗེ་རྩེ་ལྔ་པ་ལ་སྨད་རྩེ་གཅིག་པའི་རྣམ་པ་ཅན་ཞེས་གསུངས་པ་ནི་འདི་ཕུར་བུར་བཤད་པ་དང་མཐུན་ནོ། །ཇི་ལྟ་ཞེ་ན། རྡོ་རྗེ་ཐུགས་ཀྱི་ཞེས་བྱ་བ་སྟེ། སེམས་སོ། །དེའི་གནས་ནི་སྙིང་ཁའི་པདྨ་ཞེས་བྱ་བ་འདི་ཇི་ལྟར་གནོན་པར་འགྱུར་བ་དེ་ལྟར་བྱ་བ་ནི་ལིང་གའི་ཕུར་བུས་སྙིང་གར་འདེབས་པའོ་སྟེ་། འདི་ནི་རྡོ་རྗེ་ཕུར་བུ་ངེས་པར་གདབ་པའོ། །འདིའི་དུས་སུ་ཡང་ༀ་བཛྲ་རཱ་ཛ་ཧཱུཾ་མཱ་ར་ཡ་ཕཊ་ཅེས་བཟླས་ཤིང་སྙོམས་འཇུག་བྱའོ། །བཏབ་པ་ཙམ་གྱིས་ཞེས་བྱ་བ་ལ་སོགས་པ་ལ། རང་གི་ཕྱག་རྒྱའི་ཆོས་འབྱུང་བའི་ནང་དུ་ཆུད་པའི་མེའི་དཀྱིལ་འཁོར་ལ་མེའི་དཀྱིལ་འཁོར་ལ་གནས་པ་འདི་གོང་མ་གཉིས་ལའང་སྦྱར་རོ། །གནས་པའི་བསྒྲུབ་པར་བྱ་བའི་སྙིང་གི་པདྨ་ལ་འབར་བར་གྱུར་པའི་རང་གི་རྡོ་རྗེས་བཏབ་ཅིང༌། བརྡུངས་པ་ཙམ་གྱིས་རྡོ་རྗེ་ཆེན་པོ་སྟེ། བསྒྲུབ་པར་བྱ་བའི་སེམས་རྡོ་རྗེ་དྲི་མེད་གསུམ་ལས་འབྱུང་། ཞེས་པའི་རྡོ་རྗེ་གསུམ་དྲི་མ་

---

^{[མ་དཔེ་གཟིགས་ན་འདིར་གནོན།]}

མེད་པ་ཞེས་སྦྱར་ལ། དེ་ལས་བྱུང་བ་ནི་སྔར་དང་འདྲའོ། །རྡོ་རྗེ་དྲི་མེད་དེ་འོད་གསལ་བ་དེའི་ངོ་བོ་ཉིད་ཀྱི་སེམས་སོ། །བཏབ་མ་ཐག་ཏུ་ཞེས་བྱ་བ་ནི་སྦྱོར་བའི་ཁྱད་པར་གྱིས་སོ། །ལྡང་བར་འགྱུར་བ་ནི་སྙིང་ལས་ངེས་པར་འབྱུང་བ་ནི་སེམས་རྣལ་དུ་གནས་པ་ལས་འདས་ནས་དྲན་པ་ཉམས་པའོ་སྟེ་། གལ་ཏེ་བསྒྲུབ་པར་བྱ་བ་འཆི་བ་དེ་ལྟ་བུར་མི་འགྱུར་བ་དེའི་ཚེ་ལྡང་བར་འགྱུར་རོ། །བཅོམ་ལྡན་འདས་རྡོ་རྗེ་ཕུར་བུ་ཆེན་པོས་སྟེ་རྡོ་རྗེ་འཆང་གིས་དེ་སྐད་བཀའ་སྩལ་ཏོ་ཞེས་བྱ་བ་ནི། སྡུད་པར་བྱེད་པའི་ཚིག་གོ ། ༈ དེ་ནས་ཞེས་བྱ་བ་ལ་སོགས་པ་ལ། སངས་རྒྱས་ནི་རྫོགས་པའི་རིམ་པ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་སོ། །དེ་རྣམས་ཇི་ལྟ་བུ་ཞེ་ན། སྐུ་གསུམ་མཆོག་སྟེ། སངས་རྒྱས་ཀྱི་ཐེག་པ་པ་ཐེག་པ་གསར་པ་བླ་མེད་ཀྱི་ཐེག་པ་ལ་གནས་པའི་ལས་དང་པོ་པ་བསྐྱེད་རིམ་པ་རྣམས་ནི་རྡོ་རྗེ་གསུམ་དབྱེར་མི་ཕྱེད་པའི་ང་རྒྱལ་ཅན་ཡིན་པས་སྐུ་གསུམ་པ་སྟེ། དེ་རྣམས་ཀྱི་མཆོག་གོ །སེམས་ཅན་ཁམས་ལ་ཕན་མཛད་པ། ཞེས་བྱ་བ་ནི། སེམས་ཅན་གྱི་དོན་བྱེད་པར་ནུས་པའོ། །དེ་རྣམས་མཉེས་ཤིང་ཞེས་བྱ་བ་ནི་དེ་ལས་ཚོགས་རྣམས་དང་པོར་ཐོས་པ་ཙམ་གྱིས་སོ། །རབ་ཏུ་དགྱེས་པར་གྱུར་ནས་ནི། དེའི་འོག་ཏུ་རྟོགས་པས་ཤིན་ཏུ་མགུ་བ་ཐོབ་པར་གྱུར་ནས་སོ། །གསུང་ནི་འདི་སྐད་བཀའ་སྩལ་ཏོ། ཞེས་བྱ་བ་ནི། རང་གི་རྗེས་སུ་མྱོང་བའི་གསུང་འོག་ནས་བཤད་པའི་མཚན་ཉིད་ཅན་གྱི་ཚིག་འདི་སྐད་དུ་བཀའ་སྩལ་ཅིང་སྨྲས་པར་གྱུར་པའོ། །ཨེ་མའོ་ཞེས་བྱ་བ་ནི་ངོ་མཚར་དུ་གྱུར་པའོ། །ངོ་མཚར་བའི་ཡུལ་ནི་གསང་བའི་གནས་ཞེས་བྱ་བ་སྔགས་ཀྱི་གནས་ཏེ། དེ་མཆོག་ཏུ་གྱུར་པའོ། །འདི་ནི་སྔགས་ལ་གཞོལ་བས་ལས་སྒྲུབ་པ་ལ་མཚར་བའོ། །སྙིང་པོ་

---

^{[མ་དཔེ་གཟིགས་ན་འདིར་གནོན།]}

ཀུན་བཏུས་པ་ཞེས་བྱ་བ་ནི་སྔགས་རྣམས་ཀྱིས་ལས་སོ་སོ་ལ་རབ་ཏུ་སྦྱོར་བའི་བྱེ་བྲག་སྟེ་དབྱེ་བ་དུ་མ་གསུངས་པའོ་གོ་།ཆོས་ཀྱི་གནས་ཞི་བ་ཞེས་བྱ་བ་ནི། ལས་ལ་རབ་ཏུ་སྦྱོར་བ་དེ་ཉིད། ནང་ལ་གཞོལ་བས་བསམ་གཏན་གྱིས་རྫོགས་པར་བྱས་པའོ། །རྡོ་རྗེ་རྣམ་པར་འཇོམས་ཞེས་བྱ་བ་ནི་གདུག་པ་རྣམས་ཚར་གཅོད་པའི་ལས་སོ་འོ། །:པ་ཚབ:སངས་རྒྱས་ཀུན་ལ་སྟེ། ལས་ཀྱི་ཚོགས་ལ་ནུས་པ་དང་ལྡན་པ་རྣམས་ལ། ཕུར་བུས་འདེབས་པ་དེ་ཡང་ངོ་མཚར་ཆེའོ་ཞེས་པ་ལྟར་བྱའོ། །ཕུར་འདེབས་སངས་རྒྱས་ཐམས་ཅད་དང་སྟེ། ལས་ཀྱི་ཚོགས་ལ་ནུས་པ་དང་ལྡན་པའི་ཕུར་བུས་འདེབས་པ་དེ་ཡང་ངོ་མཚར་ཆེ་བའོ། །བྱང་ཆུབ་སེམས་དཔའ་ནི་སྐྱེ་བོ་ཐ་མལ་པ་རྣམས་སོ། །གྲགས་ཆེན་དེ་ནི་ཕྱོགས་སྐྱོང་བ་རྣམས་ཏེ། དེ་རྣམས་ཀྱི་ཕུར་བུས་གནོན་པ་དེ་ཡང་ངོ་མཚར་ཆེའོ། །རྡོ་རྗེ་དང་པདྨ་སྦྱར་བས་བསྒྲུབ་བྱའི་སྐུ་ལ་སོགས་པའི་ཕུར་བུས་གནོན་པ་བསམ་གཏན་གྱིས་སོ་སོར་གསུངས་པ་དེ་ཡང༌། ངོ་མཚར་ཆེ་བའོ་ཞེས་རིན་པོ་ཆེ་ལྟ་བུའི་གང་ཟག་གིར་བཤད་པ་ཡིན་ནོ། །ཞེས་པ་འདི་དང་སྒྲུབ་པ་པོ་རྣམ་པ་གཉིས་ཞེས་གསུངས་པ་འདིས་ནི། རྡོ་རྗེ་དང་པདྨ་སྦྱོར་བའི་ཕུར་གདབ་འདི་ལ་རིམ་པ་གཉིས་ཀའི་ཕུར་གདབ་ཡོད་པར་བཤད་ལ། བསམ་གཏན་གྱིས་སོ་སོར་གསུངས་པ་ཞེས་པས་ནི། རྫོགས་རིམ་པའི་ཕུར་གདབ་ལ་སྔགས་ཀྱི་བཟླས་པ་

---

^{[མ་དཔེ་གཟིགས་ན་འདིར་གནོན།]}

གསུམ་མི་བྱེད་པར་བསྟན་ནོ། །གང་བཤད་མ་ཐག་པ་འདི་ནི་སྔགས་རྣམས་ཐམས་ཅད་ཀྱི་སྟེ། སྒྲུབ་པ་པོ་རྣམས་པ་གཉིས་ལ་དང་ཉེ་བར་:པ་ཚབ:མཁོ་བའོ་ཟེར། འཚམ་པའོ། །ཕུར་གདབ་ནི་ཕུར་བུས་བཏབ་པ་སྟེ། མི་གཡོ་བར་བྱས་པའོ། །དེ་ཉིད་ལས་བྱུང་བ་ནི་རྡོ་རྗེ་འཆང་ཆེན་པོས་རབ་ཏུ་བསྟན་པའོ། །སྐུ་གསུང་ཐུགས་ནི་སྒྲུབ་པ་པོ་རྣམས་ཏེ། དེ་རྣམས་ལ་ཀྱི་མཆོག་སྦྱིན་པ་ནི་འདོད་པའི་དོན་སྟེར་བའོ། །སྔགས་ཀྱི་དེ་ཉིད་དོན་བསྡུས་པ། ཞེས་བྱ་བ་ལ། སྔགས་ནི་སྦྲུལ་ཞེས་བྱ་བ་ལ་སོགས་པ་འོ། །དེ་རྣམས་ཀྱི་དེ་ཁོ་ན་ཉིད་ནི་སྔགས་ཀྱི་དོན་དང་ལ་སོགས་པ ས་སྔགས་སྤེལ་བ་དང་བཟླས་ཚུལ་སོགས་ཡོངས་སུ་ཤེས་པའོ། །བསྡུས་པ་ནི་བཏུས་ནས་བསྟན་པའོ། །གསུངས་སོ་ཞེས་བྱ་བ་ནི་སྡུད་པར་བྱེད་པའི་ཚིག་སྟེ། སྒྲ་ཇི་བཞིན་པའོ། ༈ །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཉིད་རྨད་དུ་བྱུང་བ་སྟེ། དེའི་རྒྱུ་མཚན་ནི་སེམས་ཅན་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དེ་ཁོ་ན་ཉིད་གཅིག་ཏུ་གྱུར་པ ཡིན་ས་ཀྱང་སྒྲུབ་པ་པོ་རང་དང་བསྒྲུབ་བྱ་གཞན་གྱི་ཆ་དུ་མ་ལ་དམིགས་ནས་མི་མཐུན་ཕྱོགས་ཚར་གཅོད་པར་བྱེད་ཅིང་འདོད་པའི་དོན་ཐམས་ཅད་སྒྲུབ་པ་པོས་ལས་དེ་ལྟར་སྒྲུབ་པའི་སྔགས་ཀྱིས་ཏེ། ཨཱ་ལི་བཅུ་དྲུག་དང་ཀཱ་ལི་སོ་གསུམ་ལས་འབྱུང་བའི་སྔགས་རིགས་བཞི་པོ་ཐམས་ཅད་ཀྱང་ཕོ་མོ་མ་ནིང་གི་མཚན་མ་སྟེ་རྟགས་གསུམ་གྱི་ངོ་བོ་ཉིད་ཀྱི་ཡི་གེ་གསུམ་ལ། རབ་ཏུ་འཇུག་པས་ན་སྔགས་དེ་ཐམས་ཅད་འགུགས་པའོ་ཤིང་།འདིས་ནི་ཞི་སོགས་ཀྱི་ལས་ཚོགས་སྒྲུབ་པ་ལ་སྔར་འགོག་པ་རྡོ་རྗེ་རྒྱལ་པོ་ནི་ཞེས་པའི་སྐབས་

---

^{[མ་དཔེ་གཟིགས་ན་འདིར་གནོན།]}

སུ་བཤད་པ་ལྟར། རླུང་སྔགས་དབྱེར་མེད་ཀྱི་ཡི་གེ་གསུམ་གྱི་རྡོར་བཟླས་བྱེད་པ། བཟླས་པ་ཐམས་ཅད་ཀྱི་ནུས་པ་འབྱིན་པ་ལ་བསྔགས་པར་བསྟན་ནོ། །དེས་སམ་དེའི་རྣམ་པར་སྤྲུལ་པའམ་རྣམ་པར་འཕྲུལ་པ་ནི་ལ་ཡི་གེ་གསུམ་པོ་དེའི་ཡོངས་སུ་རོལ་པས། ཞི་བ་ལ་སོགས་པའི་ལས་ཀྱི་ཚོགས་རབ་འབྱམས་རྣམས་བསྒྲུབ་པ་ཡིན་ལ། རྒྱུ་མཚན་དེ་ཉིད་ཀྱིས་རྒྱལ་པོར་གྱུར་ཅིང་སྟེ། རཱ་ཛ་ཏེ་དཱི་བྱ་ཏཿ ཞེས་པས་འབར་བ་སྟེ་གསལ་བར་བྱེད་པ ར་གྱུར་ཅེས་བྱ་བའི་དོན་གྱིས་ན། སྐུ་དང་གསུང་དང་ཐུགས་རྨད་དུ་བྱུང་བའི་སྔགས་ཀྱིས། འགུགས་པའི་རྣམ་པར་སྤྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་ཏེ། དེ་སྟོན་པའི་སྒྲའི་ཚོགས་ལ་ཡང་དེ་སྐད་ཅེས་བྱ་སྟེ། དགོངས་པས་བཤད་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་བཞི་པ་མཐའ་དྲུག་གིས་བཤད་པའོ། ། ༈ ། །སྔར་བཤད་ཟིན་པ་དང་མ་བཤད་པ བཤད་མ་ཟིན་པ་འཆད་པར་འགྱུར་བ འི་ཞི་བ་ལ་སོགས་པའི་ལས་རྣམས་ཀྱི་དངོས་གྲུབ་རྣམས་ནི། འོག་ནས་འཆད་པའི་སྤྱི་དོན་གྱི་སྒྱུ་མ་ལྟ་བུ་དང༌། སྦས་པ་དང་མཐར་ཐུག་གི་སྒྱུ་མ་ལྟ་བུའི་ཏིང་ངེ་འཛིན་ཡོངས་སུ་ཤེས་ནས་སྒོམ་པ་དང་བྲལ་བས་འགྲུབ་པར་མི་འགྱུར་རོ། །ཞེས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅོ་ལྔ་པ་གསུངས་ཏེ། ༈ རྒྱལ་པོ་རྡོ་རྗེ་འཛིན་ཅེས་བྱ་བ་ནི། རྡོ་རྗེ་འཛིན་པ་ཆེན་པོའོ། །ཐམས་ཅད་ནམ་མཁའ་ནི་སྟོང་པ་ཉིད་བཞིའི་བདག་ཉིད་ཅན་ནོ། །ཞེས་པ་ནི་སྟོང་པ་སྔ་མ་གསུམ་སྔ་མ་ཕྱི་མ་ལ་ཐིམ་པའི་སྟོང་པ་བཞི་པའི་བདག་ཉིད་ཅན་དུ་སྟོན་གྱི། སངས་རྒྱས་ཀྱི་ས་ན་སྟོང་པ་བཞི་ཡོད་པར་སྟོན་པ་མིན་ནོ། །

---

^{[མ་དཔེ་གཟིགས་ན་འདིར་གནོན།]}

མི་འགྱུར་ཆེ་ནི་རྣམ་པར་མི་འཇིག་པའོ། །ཐམས་ཅད་དབང་བསྐུར་:པ་ཚབ:ཐམས་ཅད་ལ་དབང་བསྐུར་བའི་ཡང་དབང་བསྐུར་བ་ཡིན་པའི་ཕྱིར་རོ། །ཟེར། ནི་གདབང་བསྐུར་བ འི་ཡང་ཀགཞན་ཐམས་ཅད་ཁལ་ཀྱིས་ཀྱང་ང་དབང་བསྐུར་བ་པོ་ཡིན་པས་སོ་འོ། །ཀུན་མཁྱེན་ནི་རིགས་ཐམས་ཅད་ཀྱི་བདག་ཉིད་ཅན་དུ་གྱུར་པས་སོ། །རྡོ་རྗེ་གསུང་ནི་མི་ཕྱེད་པའི་གསུང་ངོ༌། །བཀའ་སྩལ་པ་ནི་གསུངས་པར་གྱུར་པ་སྟེ། དགོངས་པ་མ་ཡིན་པས་བཤད་པའོ། ༈ །སྤྱོད་པ་གསུམ་གྱི་ནང་ནས་སྤྲོས་པ་མེད་པའི་སྤྱོད་པ་བསྟན་པར་བྱ་བའི་ཕྱིར། སྨེ་ཤ་ཅན་གྱི་ཞེས་བྱ་བ་ལ་སོགས་པ་གསུངས་ཏེ། སྨེ་ཤ་ཅན་གྱི་བུ་མོ་ནི་རིགས་ངན་གྱི་བུ་མོའོ། །བུ་མོ་དེ་དད་པ་དང་ལ་སོགས་པ ས་བརྩོན་འགྲུས་དང་དྲན་པ་དང་ཏིང་ངེ་འཛིན་དང་ཤེས་རབ་ཀྱི་འི་ཡོན་ཏན་དང་ལྡན་པས་ན་བདག་ཉིད་ཆེའོ། །བུ་མོ་ལོ་གྲངས་བཅུ་གཉིས་པ་ནི་ལོ་བཅུ་གཉིས་ལོན་པའི་ན་ཚོད་དོ། །དབེན་པའི་གནས་སུ་ཁྱད་པར་དུ། ཞེས་བྱ་བ་ནི། སྐྱེ་བོ་འདུས་པའི་འདུ་འཛི་དང་ཤིན་ཏུ་བྲལ་བས་དབེན་པའི་གནས་དག་ཏུ་བསླབ་པར་བྱའོ། །ཁྱད་པར་དུ་ཞེས་པའི་དོན་ནི་ཤིན་ཏུ་དབེན་པ་ཞེས་པའོ། །སྒྲུབ་པ་པོས་ནི་ཞེས་བྱ་བ་ནི་སྒྲུབ་པ་པོས་སྒྱུ་རྩལ་རེ་བཞི་སྟོན་པའི་རྒྱུད་དང་སྔགས་ཏེ་ལྷ་ལ་བསྒོམ་པ་དང་བཟླས་པ་སོགས་

---

^{[མ་དཔེ་གཟིགས་ན་འདིར་གནོན།]}

ལེགས་པར་སློབ་ཏུ་གཞུག་པའོ། །དེས་ནི་རྒྱུད་གཞན་ནས་བཤད་པའི་སྐྱབས་སུ་འགྲོ་བ་དང༌། སེམས་བསྐྱེད་པ་དང༌། མི་དགེ་བ་བཅུ་པོ་སྤོང་བ་སོགས་ཀྱིས་རྒྱུད་སྦྱོང་བ་ཡང་མཚོན་ལ། དབང་མ་བསྐུར་བ་དང་དམ་ཚིག་མི་འཛིན་པ་ལ་ལམ་འདི་སྟོན་པ་བཀག་པས་དེ་དག་ཀྱང་གཟུང་ངོ༌། །རྟག་ཏུ་ཞེས་བྱ་བ་ནི། སྔར་བཤད་པ་རྣམས་དུས་ཐམས་ཅད་དུ་ལེགས་པར་བསླབས་པ་སྟེ། ལན་ཅིག་ངེས་ཀྱང་བརྗེད་ངས་པའི་འཇིགས་པ་ཡོད་པའི་ཕྱིར་རོ། །བསྒྲུབ་ཅེས་བྱ་བ་ནི། སྔགས་དང་རྒྱུད་ལ་ལེགས་པར་བྱང་བར་བསླབས་པའོ། ༈ །ཕྱག་རྒྱ་དེ་དང་གང་དུ་འདུ་བའི་གནས་ཡོངས་སུ་སྦྱང་བ་བསྟན་པར་བྱ་བའི་ཕྱིར། བཤང་གཅི་ཞེས་བྱ་བ་ལ་སོགས་པ་གསུངས་ཏེ། བཤང་བ་ནི་བ་སེར་སྐྱའི་ལྕི་བའོ། །གཅི་བ་ཞེས་བྱ་བ་ནི་བ་དེ འི་གཅིན་ཏེ་དེས་བ་བྱུང་གཞན་འོ་ཞོ་མར་དང་བཅས་པའི་བ་ལས་བྱུང་བ་ལྔ་བཟུང་ངོ་ནོ་། །བ་བྱུང་དེ་ཉིད་བསྒྲུབ་པའི་ཡན་ལག་ཉིད་དུ་ཡང་དག་པར་གྱུར་པ་སྟེ་འགྲོ་བ ས་ན། དམ་ཚིག་ས་མ་ཡའི་སྒྲ་ལས་ཡང་དག་པར་འགྲོ་བའོ། །སྟེ་དེ་ལ་སོགས་པ་གང་ཡིན་པ་ནི། བཤང་གཅི་དམ་ཚིག་ལ་སོགས་པ། ཞེས་བྱ་སྟེ། སོགས་པའི་སྒྲས་ནི་ཙན་དན་ལ་སོགས་པ་ཡང་ཡོངས་སུ་གཟུང་ངོ༌། །དེ་རུ་ཆོ་ག་བཞིན་དུ་ནི། ཞེས་བྱ་བ་ནི། འདིར་ཀླུ་བྱང་གི་དཀྱིལ་འཁོར་གྱི་ཆོ་ག་བཞིན་དུ་སྟེ། དེའི་ཆོ་གས་བྱའོ་སོ་། །དཀྱིལ་འཁོར་གྲུ་བཞི་ལྷམ་པར་བྱ་ཞེས་བྱ་བ་ནི། གྲུ་བཞི་བྱ་བའི་ཉེ་བར་མཚོན་པས། སྒོ་བཞི་ལ་སོགས་པ་དེའི་མཚན་ཉིད་ཐམས་ཅད་དང་ཡང་དག་པར་ལྡན་པ་ཡིན་པར་གཟུང་

---

^{[མ་དཔེ་གཟིགས་ན་འདིར་གནོན།]}

བར་བྱའོ། ༈ །དཀྱིལ་འཁོར་ཐིག་ཚོན་གྱིས་བྲིས་པའི་འོག་ཏུ་ཇི་ལྟ ར་བྱ་ཞེ་ན། རྡོ་རྗེ་དཀྱིལ་འཁོར་སྒོམ་པ་ཡིས། ཞེས་བྱ་བ་སྟེ། རྡོ་རྗེའི་དཀྱིལ་འཁོར་ནི་མི་བསྐྱོད་པའི་དཀྱིལ་འཁོར་རོ། །དེ་སྒོམ་ཞིང་གསལ་བར་བྱེད་པས་ན། རྡོ་རྗེའི་དཀྱིལ་འཁོར་སྒོམ་པ་ཡིས་ཏེ། མི་བསྐྱོད་པའི་དཀྱིལ་འཁོར་པའི་ལྷ་རྣམས་ཀྱི་གཟུགས་དེ་རྣམས་ཀྱིས་དཀྱིལ་འཁོར་བརྒྱན་པར་བྱའོ། །ཞེས་བྱ་བར་དགོངས་སོ། །འདིར་མི་བསྐྱོད་པའི་དཀྱིལ་འཁོར་གྱི་ལྷ་ཚང་བར་བསྒོམ་པར་བསྟན་པ་འདིས། ཚོགས་ཀྱི་དཀྱིལ་འཁོར་ལ་མང་ཉུང་ཡོད་ཀྱང༌། ཏིང་ངེ་འཛིན་གྱི་དཀྱིལ་འཁོར་མང་ཉུང་མེད་པར་ལྷ་སོ་གཉིས་སུ་བྱེད་པ་ཡིན་ཞེས་སྔོན་གྱི་མཁས་པ་དག་གསུང་བ་ནི་ལེགས་པར་སྣང་ངོ༌། ༈ །མཚན་ཉིད་ཐམས་ཅད་ནི་ཞབས་ལ་སོགས་པ་ནས། དབུ་སྐྲའི་བར་གྱི་མཚན་མ་བཟང་པོ་གང་ཡིན་པ་དེ། དེས་ཡོངས་སུ་དག་ཅིང་ཉེ་བར་འབར་བའོ། །རབ་ཏུ་བཟང་བ་ནི་སྐྱེས་པ་གཞན་རྣམས་ལ་མ་ཆགས་པའོ། །བཞིན་ཡང་ངམ་རབ་མཛེས་ཞེས་བྱ་བ་ནི་སྒྲུབ་པ་པོ་ལ་ཉེ་བར་ལྟ་ཞིང་དེ་ལ་གཅིག་ཏུ་ཕྱོགས་པའོ། །རྒྱན་རྣམས་ཐམས་ཅད་ཅེས་པའི་རྒྱན་གྱི་དོན་ནི་དགའ་བ་བསྐྱེད་པ་ཡིན་པས་དགའ་བ་བསྐྱེད་པའི་ཐབས་འཁྲིག་ཐབས་ཐམས་ཅད་ལ་མཁས་:ཆག:མཁས་པའོ། །ཡོངས་སུ་རྫོགས་པ་ནི་དེ་རྣམས་མ་ཚང་བ་མེད་པ་སྟེ་ཞེས་པ་

---

^{[མ་དཔེ་གཟིགས་ན་འདིར་གནོན།]}

ལྟར་བྱའོ། །པ འོ་སྟེ་དེ་ཡོངས་སུ་རྫོགས་པ་ནི་མ་ཚང་བ་མེད་པ་སྟེ། འདི་ལྟ་བུའི་སྨེ་ཤ་ཅན་ཏེ་རིགས་ངན་གྱི་བུ་མོ་ལེགས་པར་བསླབས་པ། པང་པར་ཏེ་བདག་དང་ལྷན་ཅིག་ཏུ། དཀྱིལ་འཁོར་གྱི་དབུས་སུ་བཞག་ནས་ཞེས་པ་ནི་རྗེ་འགོས་བཞེད་པ་ལྟར་སྤྱོད་པའི་སྐབས་ཀྱི་དཀྱིལ་འཁོར་ཆུ་ཚོན་གྱིས་བྲིས་པ་ཡིན་ན། སྒྲས་ཟིན་ལྟར་ཡིན་ལ། རྡུལ་ཚོན་གྱིས་བྲིས་པ་ཡིན་ན། དངོས་སུ་དཀྱིལ་འཁོར་དང་ཉེ་བར་ཡིན་ལ། ཡིད་ཀྱིས་ནི་དཀྱིལ་འཁོར་གྱི་དབུས་སུ་བསྒོམ་མོ། །རྣམ་པར་བསྒོམ་པ་ནི་ལས་རྒྱལ་མཆོག་གི་སྐབས་གཙོ་ཆེ་ཡང༌། དཀྱིལ་འཁོར་རྒྱལ་མཆོག་གི་ལྷ་བསྐྱེད་པའི་སྔོན་དུ་ཡང་ཤེས་པར་བྱ་སྟེ། འོག་མ་རྣམས་ལ་ཡང་ངོ་སྟེ་། མངོན་པར་འདོད་པའི་དོན་སྤྱོད་པ་བྱེད་པའི་སྐབས་དོན་བདེ་སྟོང་གི་ཏིང་ངེ་འཛིན་རྫོགས་པར་བྱའོ། ༈ །དཀྱིལ་འཁོར་ལྔ་ཡི་ཞེས་བྱ་བ་ནི་རིགས་ལྔ་ཡི་དཀྱིལ་འཁོར་ཏེ་དེ་ལྔ་རེ་རེས་གཙོ་བོ་བྱས་པ། །འཁོར་ལོ་ཡིས་ཞེས་བྱ་བ་ནི་གཙོ་བོ་རིགས་ལྔ་པོ་དེ་རྣམས་ཀྱི་འཁོར་རྣམས་ཀྱིས་ཡོངས་སུ་བསྐོར་བའི་དཀྱིལ་འཁོར་ལྔའོ་སོ་། །སངས་རྒྱས་གཟུགས་སུ་ཞེས་བྱ་བ་ནི། རིགས་སོ་སོའི་སྒྲུབ་པ་པོའི་ལུས་ཏེ། དེ་རྣམ་པར་སྒོམ་པ་ནི་གཙོ་བོ་རིགས་ལྔ་པོ་དེར་བསྐྱེད་པའོ། །རང་དེ་ལྟར་བསྐྱེད་པའི་གཙོ་བོ་ཕྱག་རྒྱ་མ་དང་སྙོམས་པར་ཞུགས་པའི་གསང་མཆོད་བྱ་བ་སྟོན་པ་ནི། སྔགས་ཏེ་ལྷའི་ཀྱི་འཁོར་ལོ འི་ང་རྒྱལ་ཅན་གྱི་ཞེས་བྱ་བ་ནི། སྒྲུབ་པ་པོ་རྣམས་ཀྱི་གསང་བའི་མཆོད་པའི་གནས་ནི་ཉམས་དགའ་ཞིང༌། བླ་ན་མེད་པའི་མཆོད་པའི་བྱ་བ་འདི་དག་སྒོམ་པར་བྱའོ། །ཞེས་རིགས་ལྔའི་སྒྲུབ་པ་པོས་དཀྱིལ་འཁོར་ལྔའི་དབུས་སུ་གསང་མཆོད་བྱ་བར་སྤྱིར་བསྟན་པས། ཁ་ཅིག་མི་བསྐྱོད་པ་ཁོ་ན་དང༌། ཁ་ཅིག་རྣམ་སྣང་ཁོ་ན་ལ་འཆད་པ་དོན་མིན་ནོ། ༈ །རིགས་ལྔའི་རྣལ་འབྱོར་པས་བྱ་བ་སྤྱིར་

---

^{[མ་དཔེ་གཟིགས་ན་འདིར་གནོན།]}

བསྟན་ནས། རིགས་སོ་སོར་ཕྱེ་སྟེ་སྟོན་པ་ནི་བཤད་མ་ཐག་པ་དེ་ལྟར་སྒྲུབ་པ་པོས་སྐུ་གསུང་ཐུགས་ནི་རྡོ་རྗེ་ཅན་གྱི། བདག་ཉིད་རྣམ་པར་སྣང་མཛད་ཆེན་པོའི་སྐུར་བདག་ཉིད་དཀྱིལ་འཁོར་གྱི་དབུས་སུ་གནས་པར་བསམ་མོ། །རྣམ་སྣང་དེའི་དཀྱིལ་འཁོར་ཇི་ལྟར་བྱ་ཞེ་ན། བསམ་གཏན་སྔགས་ཀྱི་སྟེ་ཞེས་པས་སྔགས་ཏེ་ལྷའི་བསམ་གཏན་ཞེས་པ་མི་བསྐྱོད་པ་ལ་སོགས་པ་བསྒོམ་པ། །ལྷ་དེ་རྣམས་ཀྱི་སྦྱོར་བ་ནི་མི་བསྐྱོད་པ་ཤར་དུ་བཞག་པ་སོགས་རང་རང་གི་གནས་ཇི་ལྟ་བ་བཞིན་དུ་བཞག་པའོ། །དེས་ནི་སངས་རྒྱས་ཀྱི་ནི་འོད་དང་འདྲ་བར་འགྱུར་བ་སྟེ། རྣམ་པར་སྣང་མཛད་དུ་གྱུར་པར་བསྒྲུབ་པར་བྱའོ། །བུ་མོ་ཨུཏྤལ་མཐིང་གའི་མདོག །ཅེས་བྱ་བ་འདི་མཚན་ཉིད་ཐམས་ཅད་ཡོངས་སུ་དག །བཞིན་རས་མཛེས་ལ་ཞེས་བྱ་བ་འདི་དང་།:ཆག:འདི་དང་སྦྱར་བ་ནི་མི་བསྐྱོད་པའིའོ། ཞེས་པ་ལྟར་བྱ་ལ། འོག་ནས་འབྱུང་བ་ཞེས་པ་འགྱུར་གསར་གཉིས་ཀ་ལ་མེད་པ་དག་གོ །འོག་ནས་འབྱུང་བའི་མི་བསྐྱོད་པར་སྦྱར་ལ། བཙོ་བླག་མཁན་ཞེས་བྱ་བ་ལ་སོགས་པ་ལྷག་མ་བཙོ་བླག་མཁན་ནི་བདག་ཉིད་ཆེ། ཞེས་དང་། རྟག་ཏུ་སྒྲུབ་ཅེས་པ་རྣམས་ནི། བཤད་མ་ཐག་པའི་རྣམ་པར་སྣང་མཛད་ཀྱི་ཏིང་ངེ་འཛིན་དང་སྦྱར་བར་བྱ་སྟེ། བཙོ་བླག་མཁན་གྱི་བུ་མོ་མདོག་དཀར་བ། སྔར་བཤད་པ་ལྟར་གྱི་བདག་ཉིད་ཆེ་བ་ལ་བསྒྲུབ་ཅིང་སྟེ་སྔགས་དང་རྒྱུད་ལེགས་པར་བསླབ་པར་བྱའོ། །རྡོ་རྗེ་སེམས་དཔའི་སྦྱོར་བ་ཡིས། ཞེས་བྱ་བ་ནི།

---

^{[མ་དཔེ་གཟིགས་ན་འདིར་གནོན།]}

རྡོ་རྗེ་སེམས་དཔའ་སྟེ་མི་བསྐྱོད་པའི་ང་རྒྱལ་གྱི་ཏིང་ངེ་འཛིན་གྱིས་བུ་མོ་བསྒྲུབ་ཅེས་སྦྱར་རོ་སོ་། །སྦྱོར་བའི་ཆོ་ག་འདི་ཉིད་ནི། ཞེས་བྱ་བ་ནི། རྡོ་རྗེ་སེམས་དཔའི་སྦྱོར་བ་དེ་ཉིད་ནི་སྙོམས་པར་འཇུག་པའི་ཆོ་ག་སྟེ། སྦྱོར་བ་དེ་ཉིད་ཀྱིས་སྤྱོད་པ་བྱས་ནས། ཞི་སོགས་ཀྱི་ལས་རྣམས་བརྩམ་པར་བྱ་ཞེས་བྱ་བ་སྟེ། ཕྱག་རྒྱ་དེ་དང་ལྷན་ཅིག་ཏུ་འཁོད་ནས་ཇི་ལྟར་འདོད་པའི་ཞི་སོགས་ཀྱི་ལས་རྣམས་བྱ་བའོ། །འདིར་མི་བསྐྱོད་པའི་བསྐྱེད་རིམ་པས་སྔོན་དུ་སྤྱོད་པ་བྱས་ནས། དེའི་འོག་ཏུ་ལས་རྣམས་བསྒྲུབ་པར་བསྟན་ཏེ། རིགས་ལྷག་མ་བཞི་ལའང་འདྲའོ། ༈ །འདི་ནི་ཞེས་བྱ་བ་ལ་སོགས་པ་ལ། སྔགས་རྣམས་ཐམས་ཅད་ཀྱི་ཞེས་བྱ་བ་ནི། རིན་ཆེན་འབྱུང་ལྡན་དང་འོད་དཔག་ཏུ་མེད་པ་དང་དོན་ཡོད་པར་གྲུབ་པ་ཡིའོ། །རིན་འབྱུང་གི་རྣལ་འབྱོར་པས་ནི་ཕྲེང་རྒྱུད་མ་དང་དོན་གྲུབ་ཀྱི་རྣལ་འབྱོར་པས་བཟོ་བྱེད་མའི་བུ་མོ་ཕྱག་རྒྱ་བྱའོ། །དམ་ཚིག་ནི་བསྒྲུབ་པའི་ཆོ་གའོ། །ཤིན་ཏུ་འདའ་དཀའ་བའོ་ཞེས་བྱ་བ་ནི། སྒྲུབ་པ་པོ་དེས་འདའ་བར་བྱ་བ་མ་ཡིན་པ ནི་ལས་ཚོགས་ཁྱད་པར་ཅན་རྣམས་སྒྲུབ་པ་ལ་མངོན་དུ་སྤྱོད་པ་བྱ་བ་ལས་མི་འདའ་བར་བྱ་བའི་དོན་ནོ་འོ་། །དེ་ནི་དེ་མ་ཐག་ཏུ་ཡང༌། ཞེས་བྱ་བ་ནི། བསྒོམས་མ་ཐག་ཉིད་དུའོ། །རྡོ་རྗེ་སེམས་དཔའི་འོད་འདྲར་འགྱུར། ཞེས་བྱ་བ་ནི། རིན་ཆེན་དཔལ་དང་འདྲ་བར་འགྱུར་བ་སྟེ་དེའི་རྣལ་འབྱོར་དང་ལྡན་པའོ། །རྒྱལ་པོ་ཆོས་རྣམས་ཀུན་དང་མཚུངས། ཞེས་བྱ་བ་ནི། སྦྱོར་བ་དེ་དང་ལྡན་པས་ཆོས་ཐམས་ཅད་འཛིན་པའི་རྒྱལ་པོ་འོད་དཔག་ཏུ་མེད་པ་དང་མཚུངས་པར་འགྱུར་

---

^{[མ་དཔེ་གཟིགས་ན་འདིར་གནོན།]}

བའོ། །འདོད་དང་ཐར་པ་རབ་བསྒྲུབ་པ། ཞེས་བྱ་བ་ནི། ལས་ཀྱི་རིགས་ཀྱི་རྣལ་འབྱོར་པ་སྦྱོར་བ་དེ་དང་ལྡན་པས། འདོད་པ་སྟེ་མངོན་མཐོ་དང་ཐར་པ་རབ་ཏུ་སྒྲུབ་པར་བྱེད་པ་དོན་ཡོད་པར་གྲུབ་པ་དང་འདྲ་བར་འགྱུར་བའོ། ༈ །རྡོ་རྗེ་ཆོས་ནི་ཞེས་བྱ་བ་ལ་སོགས་པས་ནི། འོད་དཔག་ཏུ་མེད་པའི་རྣལ་འབྱོར་པས་ཁྱད་པར་གྱི་ཆོ་ག་སྟོན་པ་ཡིན་ཏེ། རྡོ་རྗེ་ཆོས་ནི་རྣམ་བསྒོམས་པས། ཞེས་བྱ་བ་ནི། འོད་དཔག་ཏུ་མེད་པའི་སྦྱོར་བས་སོ། །རབ་མཛེས་ཤིང་ཞེས་བྱ་བ་ནི་དམར་སྐྱའོ། །བཞིན་བཟང་ནི་སྒྲུབ་པ་པོ་ལ་དགའ་བས་ལྟ་བའོ། །མིག་ནི་དཀྱུས་རིང་བ་ཞེས་བྱ་བ་ནི་ཤེས་རབ་དང་ལྡན་པའོ། །སྒྲུབ་པ་པོས་ནི་རྟག་ཏུ་བསྒྲུབ་ཅེས་བྱ་བ་ནི་རྟག་ཏུ་སྔར་ལྟར་བསླབ་པའོ། །དེ་ནི་ཞེས་བྱ་བ་ནི་དེ་ལྟར་ཞུགས་པའི་སྒྲུབ་པ་པོའོ། །རྡོ་རྗེ་ཆོས་ཀྱི་བདག་ཉིད་ཅན་ནི་འོད་དཔག་ཏུ་མེད་པའི་ངོ་བོ་ཉིད་དེ། རབ་དགའ་སོགས་ས་བཅུ་ལ་གནས་པར་འགྱུར་བའོ། །རྒྱལ་པོ་གསུང་གི་དམ་ཚིག་འཛིན། ཅེས་བྱ་བ་ནི། ངག་གི་དབང་ཕྱུག་སྟེ་དེ་འཛིན་པའོ། །མངའ་བདག་དམ་པ་ཀུན་གྱི་མཆོག །ཅེས་བྱ་བ་ནི། དབང་ཕྱུག་དམ་པ་དང་ལྡན་པའི་སེམས་ཅན་ཐམས་ཅད་ལས་ཁྱད་པར་དུ་གྱུར་པའི་འཁོར་ལོ་སྒྱུར་བའི་རྒྱལ་པོར་འགྱུར་བ་སྟེ། རྟོག་པའི་རྣལ་འབྱོར་ཡིན་པའི་ཕྱིར་རོ། །ཞེས་པ་ནི་བསྐྱེད་རིམ་རྐྱང་བའི་དབང་དུ་བྱས་པའོ། ༈ །དེ་ལྟར་རྟོག་པའི་རྣལ་འབྱོར་བ་

---

^{[མ་དཔེ་གཟིགས་ན་འདིར་གནོན།]}

རྣམས་ཀྱི་རིགས་སོ་སོའི་ཕྱག་རྒྱའི་དབྱེ་བ་རབ་ཏུ་བསྟན་ནས། རྫོགས་པའི་རིམ་པ་ལ་གནས་པ་རྣམས་ཀྱི་བུད་མེད་ཀྱི་རིགས་མ་ངེས་པའི་ཕྱག་རྒྱ་བསྟན་པར་བྱ་བའི་ཕྱིར། བྲམ་ཟེ་ཞེས་བྱ་བ་ལ་སོགས་པ་གསུངས་ཏེ། རིགས་བཞི་པོ་རྣམས་ལས་གང་ཡང་རུང་བའི་བུ་མོ་ཞེས་པ་འདིས་རྫོགས་རིམ་པའི་ཕྱག་རྒྱ་ལ་རིགས་ངེས་པ་མི་དགོས་པར་བསྟན་ནོ། །བླངས་ནས་རྡོ་རྗེ་ཆོས་བདག་སྟེ། རྡོ་རྗེ་དང་འདྲ་བར་མི་ཕྱེད་པའི་ཆོས་རྣམས་ནི། རྫོགས་པའི་རིམ་པའི་རྣལ་འབྱོར་ཏེ། དེའི་བདག་ཉིད་ནི་དེ་རྟོགས་པ་དང་ལྡན་པའི་སྒྲུབ་པ་པོ་འོ་། །འདི་ནི་གསང་བ་ཐོབ་བྱེད་པ།ཞེས་བྱ་བ་ལ། གསང་བ་ནི་རྡོ་རྗེ་འཆང་ཆེན་པོ་སྟེ། དེ་ཐོབ་པར་བྱེད་པ་ནི་དེ་སྐྱེད་པར་བྱེད་པ་བསྒྲུབ་པར་བྱའོ། །འདི་སྔ་མ་ཁ་ཅིག་ཟུང་འཇུག་ཐོབ་པས་མཆོག་སྒྲུབ་པ་ཉིད་ལ་སྦྱོར་བ་ནི་དོན་མིན་ཏེ། ཕྱི་ནང་གི་མངོན་པར་བྱང་ཆུབ་པ་གཉིས་བསྟན་ནས། འོད་གསལ་མངོན་དུ་བྱེད་པ་ནི། རིམ་ལྔ་དང་སྤྱོད་བསྡུས་གཉིས་ཀ་ལས་རིམ་པ་བཞི་པའི་འོད་གསལ་གྱི་སྐབས་སུ་གསུངས་པའི་ཕྱིར་དང༌། འདིར་ཡང་ཕྱི་ནང་གི་བྱང་ཆུབ་པ་གཉིས་ཀྱི་སྒོ་ནས་འོད་གསལ་མངོན་དུ་བྱེད་པར་གསུངས་པའི་ཕྱིར་རོ། །འོན་ཀྱང་འོད་གསལ་གྱི་རྗེས་སུ་ཕྱག་རྒྱ་ཆེན་པོ་འགྲུབ་པ་ལ་སྟོབས་བཅུ་དང་མི་འཇིགས་པ་ལ་སོགས་པའི་ཡོན་ཏན་ལྡན་པར་བཤད་པས། རིམ་པ་བཞི་པའི་དོན་གྱི་འོད་གསལ་འགྲུབ་པ་དང་སློབ་པའི་ཟུང་འཇུག་ཐོབ་པས། མཆོག་འགྲུབ་ཏུ་ཉེ་བར་ཇི་ལྟར་སྒྲུབ་པ་གཉིས་ཀའི་དབང་དུ་བྱས་པ་སྟེ། དེ་གཉིས་སྒྲུབ་ཚུལ་འདྲ་བའི་ཕྱིར་རོ། ༈ །རྡོ་རྗེ་འཆང་དེ་ཡང་མངོན་པར་རྫོགས་པར་བྱང་ཆུབ་པ་འོད་གསལ་གྱི་འི་རིམ་པས་རྫོགས་པར་བྱ་སྟེ། དོན་གྱི་འོད་གསལ་

---

^{[མ་དཔེ་གཟིགས་ན་འདིར་གནོན།]}

དེ་མངོན་དུ་བྱེད་པའི་ཐབས་བསྟན་པར་བྱ་བའི་ཕྱིར། རྡོ་རྗེ་ཉི་མ་ཞེས་བྱ་བ་ལ་སོགས་པ་གསུངས་ཏེ། འདི་ལ་ཕྱི་ནང་གི་མངོན་བྱང་གཉིས་ལས། དང་པོ་ལྟར་བཤད་ན་རྡོ་རྗེ་ཉི་མ་ནི་ཡོངས་སུ་གྲགས་པའི་ཉི་མ་ཉིད་དོ། །ནུབ་ནས་ནི་ཞེས་བྱ་བ་ནི་དམར་ཐག་ཆད་ཅིང་འདས་པར་གྱུར་ཏེ། མེད་པ་ན་ཡོ་བྱད་ཅི་རྙེད་པས་བླ་མ་མཉེས་པར་བྱའོ། །དེ་ནས་བླ་མའི་དྲིན་གྱིས་མཚན་ཕྱེད་ན་དབང་བསྐུར་བ་ཐོབ་ནས། སྐྱ་རེངས་འཆར་བའི་དུས་སུ་ནི་སྟེ། ཉེར་ཐོབ་དང་སྣང་བ་མཚོན་པའི་མཚན་མོའི་ཆ་འདས་ནས་ཉི་མ་མ་ཤར་བའི་དུས་སུ་བསྒོམ་པའི་མཆོག་སྟེ། མངོན་པར་བྱང་ཆུབ་པའི་རིམ་པ་ལུང་ཕོག་པས་ཀྱང་འགྲུབ་པར་འགྱུར་ཞིང་རྣམ་པར་དག་པར་འགྱུར་ཏེ། དོན་གྱི་འོད་གསལ་མངོན་དུ་གྱུར་པ་འདི་ནི་ཕྱིའི་ཐོ་རངས་ཀྱི་དུས་ཁྱད་པར་བ་ལ་ལྟོས་པས་ན་ཕྱིའི་མངོན་པར་བྱང་ཆུབ་པའི་རིམ་པའོ། ༈ །ཡང་དེ་ཉིད་ནང་གི་སྟོང་པ་བཞིའི་རིམ་པས་མངོན་དུ་བྱེད་པའི་ཕྱིར། ནང་གི་མངོན་པར་བྱང་ཆུབ་པར་བཞག་པ་བསྟན་པར་བྱ་བའི་ཕྱིར། རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ཉི་མ་སྟེ་ཐབས་ཀྱི་ཡེ་ཤེས་སྙོམས་པར་འཇུག་པའི་མཚན་ཉིད་སྣང་བ་མཆེད་པ་བྱུང་བར་གྱུར་ནས། ནུབ་པ་སྟེ་ཤེས་རབ་ཀྱི་ངོ་བོ་ཉིད་དུ་གྱུར་པ་སྟེ་སྣང་བ་དེ་ངེས་པར་འགགས་ནས་སྒྲུབ་པ་སྟེ། འོད་གསལ་བའི་སྔོན་དུ་འགྲོ་བས། འོད་གསལ་བ་སྒྲུབ་པར་བྱེད་པའི་ཀུན་ཏུ་སྣང་བ་ཉེ་བར་ཐོབ་པ་ཀུན་ཏུ་བརྩམ་པ་སྟེ། འབྱུང་བར་འགྱུར་

---

^{[མ་དཔེ་གཟིགས་ན་འདིར་གནོན།]}

རོ། །སྐྱ་རེངས་འཆར་བ་ནི་མ་རིག་པ་སྟེ། དེ་འདས་ཤིང་སོང་བར་གྱུར་པའི་དུས་སུ་སྒྲུབ་པ་པོས། བསྒོམ་པའི་མཆོག་གིས་ཏེ་སྟོང་པ་ཉིད་དང་ཤིན་ཏུ་སྟོང་པ་ཉིད་དང་ཆེན་པོ་སྟོང་པ་ཉིད་ཀྱི་རྒྱུ་ཡེ་ཤེས་དང་དེའི་བཞོན་པའི་རླུང་གི་རྐྱེན་གྱིས། འགྲུབ་པར་འགྱུར་ཞིང་སྟེ་དོན་གྱི་འོད་གསལ་བ་མངོན་དུ་བྱེད་པས། དེའི་རླུང་སེམས་ཙམ་ལས་ཟུང་འཇུག་ཕྱག་རྒྱ་ཆེན་པོ་འགྲུབ་པར་འགྱུར་རོ། །དེ་མངོན་དུ་གྱུར་པ་ལ་ཉེ་བའི་སྐབས་སུ་ཕྱིའི་ཕྱག་རྒྱ་ལ་བརྟེན་པ་ནི། རྡོ་རྗེ་ཉི་མ་ཞེས་པའི་དོན་ནོ། །རྟེན་ཚུལ་ནི་མཚན་ཕྱེད་ན་བླ་མས་ལས་རྒྱ་ལ་བརྟེན་པའི་དབང་བསྐུར་ཏེ། འོད་གསལ་མཚོན་པར་བྱེད་པའོ། །དེ་ནས་ཐོ་རངས་འོད་གསལ་སྒོམ་ཚུལ་དང༌། དེའི་འོག་ཏུ་ཟུང་འཇུག་འགྲུབ་ལུགས་ཀྱི་གདམས་ངག་ཕོག་པས་དོན་གྱི་འོད་གསལ་འཐོབ་ཅིང༌། དེའི་འོག་ཏུ་ཟུང་འཇུག་འགྲུབ་པའོ། ༈ །སྐུ་དེ་ཡོན་ཏན་ཇི་ལྟ་བུ་དང་ལྡན་ཞེ་ན། རྒྱན་རྣམས་ཞེས་བྱ་བ་ལ་སོགས་པ་གསུངས་ཏེ། རྒྱན་རྣམས་ཐམས་ཅད་ཡོངས་སུ་རྫོགས། ཞེས་བྱ་བ་ནི། མཚན་ཐམས་ཅད་ཀྱིས་བརྒྱན་པའོ། །འདི་ཟུང་འཇུག་གཉིས་ཀའི་ཡོན་ཏན་ཐུན་མོང་བའོ། །སྟོབས་བཅུ་དང་མི་འཇིགས་པ་ནི་མི་སློབ་པའི་ཟུང་འཇུག་གི་ཡོན་ཏན་ནོ། །སྤོས་དང་མེ་ཏོག་རྣམས་ཀྱིས་བརྒྱན། ཅེས་བྱ་བ་ནི། སྟོབས་བཅུ་དང་མི་འཇིགས་པ་ལ་སོགས་པ་དང་ཉེ་བར་ལྡན་པའོ། །རྡོ་རྗེ་སེམས་དཔའ་ནི་སྒྲུབ་པ་པོ་རྣམས་ཏེ། ཟུང་འཇུག་ཐོབ་པ་དེ་རྣམས་ཀྱི ས་མཆོག་སྟེ་ཟུང་འཇུག་བསྒོམས་ནའོ། །གྲུབ་པ་ནི་ཕྱག་རྒྱ་ཆེན་པོ་རྫོགས་པ་མི་སློབ་པའི་ཟུང་འཇུག་མྱུར་དུ་སྟེ། རིང་པོར་མི་

---

^{[མ་དཔེ་གཟིགས་ན་འདིར་གནོན།]}

ཐོགས་པར་འཐོབ་པར་འགྱུར་རོ། །དེ་ལྟར་ཟུང་འཇུག་གྲུབ་པར་གྱུར་པ་འདི་ནི་སྐུ་གསུམ་མཆོག་སྦྱིན་པ་སྟེ་ཁམས་:ཆག:འཇིག་རྟེན་གསུམ་ཟེར། གསུམ་གྱི་མངོན་པར་འདོད་པའི་དོན་གྱི་འབྲས་བུ་རབ་ཏུ་སྟེར་བའོ། །སངས་རྒྱས་མཚན་གྱིས་ཞེས་པ་ནི་མདོ་སྡེ་རྣམས་སུ་རབ་ཏུ་གྲགས་པའི་མཚན་རྣམས་ཀྱིས་སོ། །དེ་རྣམས་ཀྱིས་མཚན་པར་གྱུར་པ་ནི་དེ་རྣམས་དང་ཉེ་བར་ལྡན་པའོ། །སྔར་མཚན་ཐམས་ཅད་ཀྱིས་བརྒྱན་པར་བཤད་པ་དང༌། མི་ཟློས་ཏེ། སྔར་མཚན་ཐམས་ཅད་ཅེས་མི་གསལ་བར་བཤད་པ་དེ། འདིར་ཡོངས་སུ་གྲགས་པའི་མཚན་བཟང་པོ་ལ་གསལ་བར་བཤད་པའི་ཕྱིར་རོ། །དཔག་ཚད་བརྒྱ་ཡི་ཁྱོན་ཙམ་དུ། ཞེས་བྱ་བའི་ཉེ་བར་མཚོན་པའི་དོན་གྱིས་ན། སྟོང་གསུམ་ལ་སོགས་པའི་འཇིག་རྟེན་གྱི་ཁམས་རྣམས་སུ། དེ་ཡི་འོད་ཀྱང་སྣང་བར་བྱེད་པར་འགྱུར་རོ། །དབང་པོ་གཉིས་ནི་སྦྱོར་བ་ཡིས། ཞེས་བྱ་བ་ནི། བདེན་པ་གཉིས་གཉིས་སུ་མེད་པར་བྱས་པས། རྡོ་རྗེ་འཆང་ཆེན་པོ་སྐྱེད་པ་སྟེ། དེས་སྦྱོར་བ་ཐམས་ཅད་ཅེས་བྱ་བ་ཞི་བ་ལ་སོགས་པ་རྣམས་བརྩམ་པར་བྱ་སྟེ། བཤད་མ་ཐག་པའི་ཏིང་ངེ་འཛིན་འདི་ནི། དངོས་གྲུབ་ཐམས་ཅད་ཀྱི་ཞེས་བྱ་བ་འཇིག་རྟེན་དང༌། འཇིག་རྟེན་ལས་འདས་པ་རྣམས་ཀྱི་དམ་ཚིག་སྟེ། རྫོགས་པར་བྱེད་:པ་ཚབ:རྫོགས་པར་བྱེད་པ་འདའ་བར་དཀའ་བ་ཟེར་ཏེ་ཟུང་འཇུག་པས་སྤྱིར་ལས་རྣམས་འགྲུབ་པ་ལས་མི་འདའ་བའི་དོན་ནོ། །པ་དང་ཤིན་ཏུ་འདའ་བར་དཀའ་ཞིང་འདར་མི་རུང་བའོ། །

---

^{[མ་དཔེ་གཟིགས་ན་འདིར་གནོན།]}

༈ རྡོ་རྗེ་ཅན་གྱི་གྲུབ་འདོད་ན། ཞེས་བྱ་བ་ནི་སྒྲུབ་པ་པོའོ། །དངོས་གྲུབ་ནི་ཕྱག་རྒྱ་ཆེན་པོའི་དངོས་གྲུབ་སྟེ། དེ་གལ་ཏེ་འདོད་ན་བཤང་གཅིའི་དམ་ཚིག་བཟའ་བ་བྱ། ཞེས་བྱ་བ་སྟེ། བཤང་བ་ནི་གཟུགས་ལ་སོགས་པའི་ཡུལ་རྣམས་སོ། །གཅི་བ་ནི་མིག་ལ་སོགས་པའི་དབང་པོ་རྣམས་ཏེ། དེ་དག་གི་དམ་ཚིག་ནི་ཡུལ་དང་ཡུལ་ཅན་དུ་གྱུར་པས་འདུས་པ་སྟེ། འདུས་ནས་དབང་པོས་ཡུལ་ལོངས་སྤྱོད་པའོ། །དེ་བཟའ་བ་ནི་སོ་སོར་སྡུད་པ་དང་ལ་སོགས་པའི་བསམ་གཏན་གྱི་ཡན་ལག་གཉིས་ཀྱི་འི་རིམ་པས་ཡུལ་ཐམས་ཅད་བདེ་སྟོང་དབྱེར་མེད་ཀྱི་ངོ་བོར་རྒྱས་བཏབ་ནས་བསྒོམས་པས། ཡུལ་སྣང་ཀུན་བདེ་བ་འབར་བའི་གྲོགས་སུ་སོང་ནས་བདེ་ཆེན་ཉམས་སུ་མྱོང་བ་འདི་ཉིད་ནི། དངོས་གྲུབ་ཐམས་ཅད་འགྲུབ་པའི་དམ་ཚིག་ཡིན་ནོ། །ཀྱི་དམ་ཚིག་ཤིན་ཏུ་འདའ་དཀའ་བ་སྟེ། འདའ་བར་དཀའ་བའི་ལམ་ཡིན་ནོ། །ཐབས་དེས་དངོས་གྲུབ་འགྲུབ་པ་ལས་མི་འདའ་བའི་དོན་ནོ། །བཤང་གཅིའི་དམ་ཚིག་ཅེས་བྱ་བ་ལ་སོགས་པ་ལ་སྒྲུབ་པ་པོས་བཤད་མ་ཐག་པའི་ཡུལ་དང་དབང་པོ་འདུས་ནས་ཡུལ་ལ་ལོངས་སྤྱོད་པ་སྔར་བཤད་པ་དེ་སྔོན་དུ་འགྲོ་བས། དབང་པོ་གཉིས་ཀྱི་སྦྱོར་བ་སྟེ་བདེན་པ་གཉིས་གཉིས་སུ་མེད་པར་བྱས་པའི་སྦྱོར་བས། སངས་རྒྱས་བྱང་ཆུབ་ཀྱི་གནས་ཏེ་མི་གནས་པའི་མྱ་ངན་ལས་འདས་པ་དགེ་ཞིང་ཞི་བ། དེ་ཁོ་ན་ཉིད་དེ་མི་བསླུ་བ་བླ་ན་མེད་པ་སྟེ། དངོས་གྲུབ་ཐམས་ཅད་ལས་ཕུལ་དུ་བྱུང་བ་འགྲུབ་པར་འགྱུར་ཞིང་འཐོབ་པར་འགྱུར་རོ། །བཅོམ་ལྡན་འདས་ཞེས་བྱ་བ་ལ་སོགས་པ་ནི། སྡུད་

---

^{[མ་དཔེ་གཟིགས་ན་འདིར་གནོན།]}

པར་བྱེད་པའི་ཚིག་ཡིན་ཏེ་འདོད་པ་ནི་འཁོར་བ འི་མངོན་མཐོ། །ཐར་པ་ནི་མྱ་ངན་ལས་འདས་པའོ། །དེ་དག་མཉམ་ཞིང་གཅིག་ཏུ་བྱས་པ་མཁྱེན་པས་ན། འདོད་པ་དང་ཐར་པའི་དམ་ཚིག་རྡོ་རྗེ་ནི་རྡོ་རྗེ་འཆང་ཆེན་པོ་སྟེ། དགོངས་པས་བཤད་པའོ། ༈ །དེ་ལྟར་རྡོ་རྗེ་འཆང་ཆེན་པོ་སྒྲུབ་པ་བཤད་ནས། ཡང་འཇིག་རྟེན་པའི་དངོས་གྲུབ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །དམ་ཚིག་ཆེན་པོ་ཞེས་བྱ་བའི་རྡོ་རྗེ་ཁྲོ་བོའི་ཏིང་ངེ་འཛིན་གང་དུ་སྟོན་པ་དེ་ལ་དེ་སྐད་ཅེས་བྱ་སྟེ། ཏིང་ངེ་འཛིན་དེ་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྟེ། བསྒྲུབ་པར་བྱ་བ་ཐམས་ཅད་དོ། །དེ་རྣམས་ཀྱི་སྐུ་དང་གསུང་དང་ཐུགས་རྡོ་རྗེ་ཀུན་ཏུ་སྐྲག་པར་བྱེད་པ་ནི། ཁྲོ་བོ་སྔགས་ཀྱི་བདག་ཉིད་ཅན་ཏེ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ༀ་ཞེས་བྱ་བ་ལ་སོགས་པ་ནི་སྔགས་ཏེ། མིང་སྦྲུལ་ཞེས་བྱའོ། །དེ་ཡང་ༀ་ཞེས་བྱ་བ་ནི་སྔགས་ཀྱི་ལྷ་རྣམས་ཀྱི་སྐུ་ཕྱག་རྒྱ་ཆེན་པོ་རབ་ཏུ་བསྟན་པ་སྟེ་མཚོན་པ་ཡིན་ཏེ། ༀ་ཡིག་སྐུ་རྡོ་རྗེའི་ས་བོན་ཡིན་པའི་ཕྱིར་རོ་འོ་། །ཧྲཱིཿ ཞེས་བྱ་བ་ནི་ཧྲི་ཉ་འཕྲོག་པ་ལའོ་ཞེས་བྱིངས་ལས་འདོན་པས་ཕ་རོལ་གྱི་ཇོ་བོ་སེལ་ཞིང་མེད་པར་བྱེད་པས་གཤིན་རྗེ་མཐར་བྱེད་ཅེས་བོད་པའོ། །ཥྚི་ཞེས་བྱ་བ་ནི་ཥྚཱི་ནི་དཾཥྚན་མཆེ་བ་སྟེ་མཆེ་བ་གཙིགས་པས་རྣམ་པར་འགྱུར་བས་གདུག་པ་རྣམས་འདུལ་བ་ཡིན་ལ། དེ་ལ་རྦད་པ་

---

^{[མ་དཔེ་གཟིགས་ན་འདིར་གནོན།]}

ཡང་ཡིན་པས་རྣམ་པར་འགྱུར་བ་ལྟ་བུར་རང་གི་ངོ་བོ་ཉིད་སྟོན་པའོ། །བུཞེས་མཁས་པ་དག་གསུང་ངོ༌། །བི་ཀྲི་ཏ་ཨཱ་ན་ན་ཞེས་བྱ་བ་ནི་ཞལ་འཇིགས་སུ་རུང་བའོ། །སརྦ་ཤ་དྲུན་ཞེས་བྱ་བ་ནི་ཕྱིར་རྒོལ་བ་ཐམས་ཅད་དོ། །ནཱ་ཤ་ཡ་བརླག་པར་གྱིས་ཤིག་སྟམྦྷ་རེངས་པར་གྱིས་ཤིག་པའོ། །ཡ་ཞེས་བྱ་བ་ནི། བྲོས་པ་རྣམས་ཀྱང་ཁུག་ལ་བརླག་པར་གྱིས་ཤིག་པའོ། །ཧཱུྃ་ཧཱུྃ་ཞེས་བྱ་བ་ནི་དོན་འདི་གསལ་བར་བྱེད་པའི་ས་བོན་ནོ། །འགྱུར་རྙིང་གི་རྒྱུད་དང་ཆག་འགྱུར་ལས་ཕཊ་གཉིས་འབྱུང༌། གཞན་:པ་ཚབ:ལ་ཕཊ་གཅིག་ལས་མེད་དོ། །ཕཊ་ཅེས་བྱ་བ་ནི་གསོད་པ་གསལ་བར་བྱེད་པའི་ས་བོན་ནོ། །སྭཱ་ཧཱ་ཞེས་བྱ་བ་ནི་སྔགས་ཀྱི་ལྷ་རྣམས་དབུགས་དབྱུང་བའོ། །འདིའི་སྤེལ་བ་ནི་སྔ་མ་བཞིན་ནི་སྭཱ་ཧཱའི་སྔོན་དུ་མིང་སྤེལ་བའོ་ནོ་། ༈ །དུག་ནི་ཞེས་བྱ་བ་ལ་སོགས་པ་སྟེ། བསྲེག་རྫས་ནི་སྡོང་བུ་དང་ལོ་མ་ལ་སོགས་པའི་དུག་གམ་མར་དང་སྦྲང་རྩི་མ་ཉམས་པར་སྦྱོར་བ་སོགས་སྦྱར་བའི་དུག་དང་ཁྲག་སྟེ་ཅི་རིགས་པར་རྙེད་པ་དང་ལན་ཚྭ་དང་ཡུངས་མར་དང་སྐེ་ཚེ་སྟེ། དངོས་སུ་གྲགས་པ་དེ་དག་ཐམས་ཅད་གཅིག་ཏུ་བྱས་ལ། ཏིལ་མར་ལ་སོགས་པས་བསྒོས་ནས་ཚེར་མའི་མེ་སྟེ། པོ་སོ་འཆའ་ལ་སོགས་པ་ཚེར་མ་ཅན་གྱི་ཤིང་གི་མེ་རབ་ཏུ་འབར་བ་ལ། སྦྱིན་སྲེག་བྱ་ཞེས་སྦྱར་རོ། །ཁྲོས་ཤིང་གཤིན་རྗེ་གཤེད་ལ་སོགས་པ་ཁྲོ་བོ་བཅུ་གཅིག་གང་རུང་བའི་སྦྱོར་བ་སྟེ་རྣལ་འབྱོར་དང་ལྡན་པས། ཏིང་ངེ་འཛིན་གཉིས་བྱས་ལ། ལས་སྦྱོར་གྱི་དུས་སུ་བུ་མོའི་མིང་དང་ཚིག་ཏུ་བཅས། ཞེས་

---

^{[མ་དཔེ་གཟིགས་ན་འདིར་གནོན།]}

བྱ་བ་སྟེ། མངོན་པར་འདོད་པའི་མིང་གི་ཡི་གེ་དང་སྔགས་སུ་སྤེལ་ཏེ་སྤེལ་ལུགས་ནི། འོག་ནས་ཕཊ་ཀྱི་འོག་ཏུ་སྤེལ་བ་གཅིག་དང༌། ཨ་ན་ནའི་འོག་ཏུ་སྤེལ་བ་གཉིས་བཤད་པས། བུ་མོ་དགུག་པ་ལ་སརྦ་ཤ་ཏྲུཾ་དང་ནཱ་ཤ་ཡ་ཞེས་པ་གཉིས་སྤངས་ལ། ཀ་ནྱ་ཆེ་གེ་མོ་སྟམྦྷ་ཡ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་ཞེས་པའམ། ཕཊ་ཀ་ནྱ་ཆེ་གེ་མོ་སྟམྦྷ་ཡ་སྭཱ་ཧཱ། ཞེས་སྤེལ་ལོ། །འདོན་ཞིང་འོག་ནས་བཤད་པའི་རིམ་གྱིས་སྦྱིན་སྲེག་བྱ་སྟེ། ཉི་མ་གུང་ངམ་ནམ་ཕྱེད་ན་གནོན་པའི་ལས་འདི་ནི་བུ་མོ་གནོན་པར་མ་ཟད་དཔུང་ལ་སོགས་པ་གནོན་པ་ལ་ཡང་ཤིས་ཤིང་བསྔགས་པ་ཡིན་ནོ། །གྲུ་གསུམ་དུ་ཞེས་བྱ་བ་ནི་ཐབ་ཁུང་ཟུར་གསུམ་པར། དམ་ཚིག་ཆེན་པོའི་རྡོ་རྗེ་ཁྲོ་བོ་རྡོ་རྗེ་ཞལ་གདངས་པ་མཆེ་བ་གཙིགས་ཤིང་ལྗགས་བསྐྱོད་པར་རྣམ་པར་བསྒོམས་ལ། སྟོང་རྩ་བརྒྱད་ནི་ཚུལ་བཞིན་དུ་བསྲེག་ཅེས་པ་སྟེ། དཔུང་དཔུང་གནོན་པར་འདོད་ན་སྱཻ་ནྱ་ཆེ་གེ་མོ་སྟམྦྷ་ཡ་ཧཱུཾ་ཧཱུཾ་ཕཊ་ཕཊ་ཅེས་སྤེལ་ལོ། །གནོན་པ་དང་ལ་སོགས་པ ས་ལུས་དང་ངག་གནོན་པ་སོགས་ལ་སྔར་བཤད་པའི་རང་རང་གི་ཆོ་གས་སྦྱར་ཏེ་ཆོ་ག་འདི་ཉི་མ་གསུམ་གྱི་བར་དུ་སྦྱར་ན། བུ་མོ་དག་དང་འབྲེལ་བའི་ལོངས་སྤྱོད་ཆེན་པོ་འཐོབ་པའི་རྒྱུར་བུ་མོ་གནོན་པ་སྟེ། སྒྲུབ་པ་:པ་ཚབ:སྒྲུབ་པ་པོ་ལས་གཞན་ལ་བུ་མོ་མི་སྟེར་བ་ནི་སྦྱོར་བ་དེས་འགྱུར་རོ་ཞེས་པ་ལྟར་རོ། །པོ་གཞན་ལས་ལེན་པ་ནི་སྦྱོར་བ་དེས་འགྲུབ་པར་འགྱུར་རོ། །དུས་ཇི་སྲིད་ཅིག་ན་ཞེ་ན། བསྐལ་པ་གྲངས་མེད་པ་གསུམ་སྟེ། བྱིས་པ་དང་ལང་ཚོ་དང་བར་མ་དེ་དག་འདས་ཀྱི་བར་དུ་སྟེ། ཇི་སྲིད་གྲངས་

---

^{[མ་དཔེ་གཟིགས་ན་འདིར་གནོན།]}

མེད་པ་ཞེས་བྱ་བ་བགྲང་དུ་མེད་པ་ཉིད་དེ། རྒས་འཁོགས་པ་དེ་སྲིད་དུ་གནས་པར་འགྱུར་རོ། །རྟག་:ཆག:རྟག་ཏུ་ཞེས་པ་ནི་བར་དུ་ཡང་སྐྱེས་པ་གཞན་དང་སྦྱོར་བ་མེད་པར་བསྟན་ཏེ་ཞེས་པ་ལྟར་རོ། །ཏུ་ཞེས་བྱ་བ་ནི་བར་དུ་ཡང་ངོ༌། ༈ །སྐྱེས་པའི་སྦྱོར་བའི་བྱེ་བྲག་བསྟན་པར་བྱ་བའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་རྣམ་པར་སྣང་མཛད་ཀྱི་རྣལ་འབྱོར་པའོ། །ཆོས་འཛིན་པ་ནི་འོད་དཔག་ཏུ་མེད་པའི་རྣལ་འབྱོར་པའོ། །རྡོ་རྗེ་སེམས་དཔའ་ནི་མི་བསྐྱོད་པའི་རྣལ་འབྱོར་པའོ། །གཞན་ཡང་རིན་པོ་ཆེའི་རྣལ་འབྱོར་པ་དང༌། ལས་ཀྱི་རྣལ་འབྱོར་པའམ། ཁྲོ་བོའི་རྣལ་འབྱོར་བ་གང་ཡང་རུང་བ གཅིག་གི། །གལ་ཏེ་རྨོངས་པས་འདས་ན་ནི། ཞེས་བྱ་བ་ནི། གནོན་པའི་ལས་འདི་གཅོད་པ་སྟེ་བཟློག་པ ར་འདོད་ན་སྒྲུབ་པ་པོ་དེའི་ཚེ་ནི་དེར་ཟད་འགྱུར། ཞེས་བྱ་བ་སྟེ། ལས་དེ་བརྩམས་པ་ནས་བཟུང་ནས་ཟད་ཅིང་མཐར་ཐུག་པར་འགྱུར་གྱི་ལས་དེ་མི་འགྲུབ་བོ་རོ་། ༈ །ཧྲཱིཿཥྚཱིའི་སྔགས་འདི་ཉིད་ཀྱི་ལས་ཀྱི་སྦྱོར་བ་གཞན་བསྟན་པར་བྱ་བའི་ཕྱིར། ཁྲོ་བོ་བཅུ་གཅིག་གང་རུང་གི་ཏིང་ངེ་འཛིན་གཉིས་སྔོན་དུ་བྱ། ལས་སྦྱོར་གྱི་དུས་སུ་བཅུ་བཞིའམ་ཞེས་བྱ་བ་ལ་སོགས་པ་གསུངས་ཏེ། ཟླ་བ་མར་གྱི་ངོའི་བཅུ་བཞིའམ་ཡང་ན་མར་ངོའི་ཚེས་བརྒྱད་དག་ལ། མཚོན་གྱིས་བསད་

---

^{[མ་དཔེ་གཟིགས་ན་འདིར་གནོན།]}

པའི་སྐྱེས་བུའི་རོ་བསྲེགས་པའི་སོལ་བ་བླངས་ནས། ཐོད་པ་ཁ་སྦྱོར་གྱི་ནང་དུ་བཞག་སྟེ་སྟོང་རྩ་བརྒྱད་བཟླས་བརྗོད་བྱས་ལ། དུར་ཁྲོད་གྱི་རས་རིན་ལ་མ་བརྩེགས་པར་ཉོས་པ་ལ། ཐོད་པའི་ནང་གི་སོལ་བ་དེས་དམ་ཚིག་ཆེན་པོའི་རྡོ་རྗེ་ཁྲོ་བོའི་གཟུགས་གཤིན་རྗེ་གཤེད་ལྟ་བུར་བྲིས་ལ། སྤྱན་དྲངས་ཏེ་དགུག་གཞུག་བཅིང་མཉེས་དང་དབང་བསྐུར་ལ་དེའི་སྙིང་ཁར་སྒྲུབ་པོའི་ལག་པ་གཡོན་པ ས་བྲབ་ཏེ། བཤད་མ་ཐག་པའི་སྔགས་བཏབ་ནས། ཕཊ་ཀྱི་འོག་ཏུ་ཆེ་གེ་མོ་ཨི་དམ་འདི་དཱ་པ་ཡ་ཧྲི་སྦྱིན་ཏུ་ཆུག་ཅིག་སྭཱ་ཧཱ། ཞེས་བྱ་བའི་སྔགས་མཚན་ཕྱེད་དམ། ཉི་མའི་གུང་ལ་སྟོང་རྩ་བརྒྱད་བཟླས་ན། སྒྲུབ་པ་པོ་དེ་སེམས་ཅན་རྣམས་ཀྱི་མངོན་པར་འདོད་པའི་འབྲས་བུ་རྟག་ཏུ་སྟེར་བར་འགྱུར་རོ། ༈ །སྔགས་འདི་ཉིད་ཀྱི་སྦྱོར་བ་གཞན་བསྟན་པར་བྱ་བའི་ཕྱིར། སྔགས་ཤེས་པ་ཡིས་ཞེས་བྱ་བ་ལ་སོགས་པ་གསུངས་ཏེ། སྔ་མ་བཞིན་དུ་བཟླས་པའི་སོལ་བས་དུར་ཁྲོད་ཀྱི་རས་ལ། དགྲ་གང་ཡང་རུང་བའི་གཟུགས་བརྙན་བྲིས་ལ། སྙིང་ཁར་སྔགས་དང་ཁསྤེལ་བས་ཀམིང་གབྲིས་ལ། ཟླ་བ་མར་གྱི་ངོའི་ཉི་མ་ལ་མངོན་སྤྱོད་ཀྱི་དུས་ཉིན་གུང་ངམ། མཚན་ཕྱེད་ན་སུ། གང་ལ་དགའ་བའི་ཁྲོ་བའི་ཏིང་ངེ་འཛིན་གསུམ་དང་ལྡན་པའི་རྣལ་འབྱོར་པས། ༀ་ཧྲཱིཿཥྚྲིཿ་བི་ཀྲི་ཏ་ཨ་ན་ན་ཆེ་གེ་མོའི་ཧྲི་ད་ཡཾ་སྙིང་པཱ་ཊ་ཡ་ཁོས་ཤིག་སཱ་ད་ཡ་ཤོག་ཅིག་ཞེས་བརྗོད་ལ། ལྷག་མ་ཧཱུཾ་མན་ཆད་

---

^{[མ་དཔེ་གཟིགས་ན་འདིར་གནོན།]}

རྣམས་ཀྱང་བཟླས་ཏེ་སོལ་བ་དེ་མཚོན་ཆ་ལྟ་བུར་བསམས་ལ། དགྲའི་གཟུགས་ཀྱི་སྤྱི་བོ་ནས་བརྩམས་ནས་གཉིས་སུ་བྱ་བའི་བསམ་པས་དབུས་སུ་རི་མོ་བྱས་ན། བྲིས་པ་ཙམ་གྱི་མོད་ལ་སྙིང་གས་ནས་འཆི་བར་འགྱུར་རོ། ༈ །ཐོ་བ་ཞེས་བྱ་བ་ལ་སོགས་པ་ལ། གཤིན་རྗེ་གཤེད་ཀྱི་སྦྱོར་བ་གཉིས་དང་ལྡན་པས། ལས་རྒྱལ་མཆོག་གི་དུས་སུ་ཆུ་ངོགས་གཉིས་ཀྱི་ས་བསྒྲུབ་པར་བྱ་བའི་རྐང་རྗེས་ཀྱི་ས་དང་བཅས་པ་ལ། དགྲ་བོའི་གཟུགས་བརྙན་བྱས་ལ་རྣམ་པར་ཤེས་པ་བཀུག་སྟེ། དེའི་ནང་དུ་བཅུག་ནས་དོན་དུ་ཞེན་ཏེ་ཁྲོས་པས་ཕཊ་ཅེས་བརྗོད་ཅིང་རྡོ་རྗེ་ཐོ་བས་སྤྱི་བོར་བསྣུན་ཏེ། དེ་ལྟར་བྱས་ན་ངེས་པར་ལྟུང་ཞེས་བྱ་བ་སྟེ། བསྒྲུབ་པར་བྱ་བའི་མགོ་ལ་ཐོ་བ་མངོན་དུ་འབབ་པར་འགྱུར་རོ། །ཡང་ན་བསམ་གཏན་གྱིས་ཀྱང་འདི་དག་ཐམས་ཅད་རྫོགས་པར་བྱའོ། །ཧཱུཾ་ནི་ཞེས་བྱ་བ་ལ་སོགས་པ་ལ། གནོད་མཛེས་ཀྱི་སྦྱོར་བ་གཉིས་དང་ལྡན་པས། ལས་སྦྱོར་གྱི་དུས་སུ་བཤད་མ་ཐག་པའི་སྦྱོར་བས་ས་གཉིས་ལ་བསྒྲུབ་པར་བྱ་བ་དགྲ འི་གཟུགས་བརྙན་བྱ་བ་སོགས་བྱས་ལ། རང་གི་ལག་ན་གནས་པའི་རྡོ་རྗེའི་ཁ་རྣམ་པར་དགྱེས་ཤིང༌། འབར་ཧཱུཾ་ཡིག་འབར་བ་དང་ལྡན་པ་སྟེ། ཧཱུྃ་རིང་པོ་ལས་བྱུང་བའི། :པ་ཚབ:ཟེར། བ་དང་བཅས་པའི་ཡི་གེ་ཧཱུཾ་གི་ཡེ་ཤེས་དང་ལྡན་པ། ཧཱུྃ་ལས་བྱུང་བའི་འོད་ཟེར་འབར་བ་ནག་པོས་ཀུན་ནས་ཁྱབ་པར་བསམས་ལ། བསྒྲུབ་པར་བྱ་བའི་མགོ་ལ་བསྒོམས་ཏེ་ཞེས་པ་ལྟུང་བར་གྱུར་

---

^{[མ་དཔེ་གཟིགས་ན་འདིར་གནོན།]}

པར་བསྒོམ་མོ། །སྒྲུབ་པ་པོས་དེ་ལྟར་བྱས་ན་གདུག་པ་ཐམས་ཅད་འཇིག་པར་བྱེད་ཅིང་ལྟུང་བར་བྱེད་པར་འགྱུར་རོ། ༈ །སྦྱོར་བ་སྟེ་ལྷའི་རྣལ་འབྱོར་གང་ལ་གནས་ནས་སྦྱོར་བ་འདི་བྱ་ཞེ་ན། ཕྱག་ན་རྡོ་རྗེའི་རིགས་དྲན་ཏེ། ཞེས་བྱ་བ་གསུངས་ཏེ། ཕྱག་ན་རྡོ་རྗེའི་རིགས་ནི་རྡོ་རྗེའི་རིགས་ཏེ། རིགས་དེའི་ཁྲོ་བོ་ནི་གནོད་མཛེས་རྒྱལ་པོ་ཡིན་པས་ན། གནོད་མཛེས་ཀྱི་སྦྱོར་བ་གསུམ་དང་ལྡན་པས་ལས་འདི་ལ། ཕྱག་ན་རྡོ་རྗེ་དྲན་ཞིང་རྗེས་སུ་གནང་བའོ་ཞེས་བྱ་བའི་བར་དུ་སྟེ། དེ་དག་ཐམས་ཅད་ནི་ནང་ལ་མཆོག་ཏུ་གཞོལ་བ་རྣམས་ཀྱིས། བསམ་གཏན་ཉིད་ཀྱིས་ཐམས་ཅད་རྫོགས་པར་བྱའོ། ༈ །རྡོ་རྒྱུས་ནི་ཐོད་ལོ་ཀོར་རོ་ཞེས་བྱ་བ་ལ་སོགས་པ་ལ། ཚོན་རྩི་གང་ཡང་རུང་བས་སྐྱེས་པའམ་བུད་མེད་ཀྱི་གཟུགས་དུར་ཁྲོད་ཀྱི་རས་ལ་བྲིས་ལ། གཤིན་རྗེ་གཤེད་ཀྱི་ཏིང་ངེ་འཛིན་གཉིས་ལ་གནས་པས་རང་གི་ལག་པར་ཡི་གེ་ཧཱུྃ་རིང་པོ་ཡོངས་སུ་གྱུར་པ་ལས་བྱུང་བའི་སྟ་རེ་བསམས་ནས། ཕཊ་ཅེས་བརྗོད་ལ་དེས་མིད་པ་བཅད་པར་རྣམ་པར་བསྒོམས་ན། སངས་རྒྱས་ཏེ་ལས་འདི་བསྒྲུབ་བྱ་ཚར་གཅོད་པའི་ལས་ཚོགས་ཤེས་པ་དང༌། བསྒྲུབ་པར་བྱ་བ་ཉིད་དུ་ཤེས་པ་དང༌། སྐུ་གསུམ་རིན་ཆེན་མཆོག་སྟེ་ཁྱད་པར་ཅན་གྱི་ལུས་དང་ངག་དང་ཡིད་ཀྱི་བདག་ཉིད་ཅན་དང༌། སེམས་ཅན་ཐམས་ཅད་དེ། མཆོག་དང་འབྲིང་དང་ཐ་མ་སྟེ། དེ་རྣམས་མ་ལུས་པའི་ཡང་ཕན་པ་ཡང་དག་པར་

---

^{[མ་དཔེ་གཟིགས་ན་འདིར་གནོན།]}

བསྐྱེད་པས་ན་སེམས་ཅན་ཀུན་ལ་ཕན་འདོད་པ་སྟེ།:ཆག:རྒྱལ་པོ་ལ་སོགས་པ་བག་མེད་པར་གནས་པའོ་ཞེས་པ་ལྟར་རོ། །དད་ཅིང་མཛེས་པར་གནས་པའོ། །བསྒྲུབ་བྱ་དེ་རྣམས་ལའང་ལས་ཀྱི་སྦྱོར་བ་འདི་ཡིས་སྣད་པར་འགྱུར་བའམ། ཞེས་པ་ནི། སྦྱོར་བ་འདི་ཡིས་བསྣུན་ན་ལུས་རབ་ཏུ་སྣད་པར་འགྱུར་བའམ་ཡང་ན་འཆི་བ་ཉིད་དུ་འགྱུར་བར་འདི་ལ་གདོན་མི་ཟའོ། ༈ །ལས་ཀྱི་རྡོ་རྗེ་ཞེས་བྱ་བ་ལ་སོགས་པ་ལ། བདུད་རྩི་ཐབ་སྦྱོར་གྱི་ཏིང་ངེ་འཛིན་གཉིས་ལ་གནས་པས། ལས་སྦྱོར་ནི་སྣ་ཚོགས་རྡོ་རྗེ་སེར་པོ་རབ་ཏུ་འབར་བ་ཆེན་པོ། ཆར་ཧ་ཅང་ཆེས་པ་གཅོད་པར་མངོན་པར་འདོད་པའི་ནམ་མཁའི་ཕྱོགས་ན་གནས་པར་གྱུར་པར་བསམས་ལ། དེའི་དབུས་སུ་ཡང་མེ་སྟག་མང་པོ་འཁྲིགས་པས་བསྐལ་པའི་མེ་ལྟ་བུར་རྣམ་པར་གྱེས་པའི་དབུས་སུ་ཁ་རྣམ་པར་གྱེས་པའི་རྡོ་རྗེ་རྩེ་མོ་གྱེན་དུ་བལྟས་པ་བསྒོམས་ནས། དེའི་འོད་ཟེར་གྱི་ཚོགས་རྣམས་ཀྱིས། ཆར་གྱི་རྒྱུན་གྱི་ཚོགས་ཐམས་ཅད་རེངས་པར་སྟེ་འོག་ཏུ་ལྟུང་མི་ནུས་པར་བསམས་པ་ནི་ཆུ་གནོན་པ་སྟེ། ཆར་གནོན་པ་ལ་མཆོག་ཏུ་ཁྱད་པར་དུ་འཕགས་པའོ། ༈ །དཀྱིལ་འཁོར་ཞེས་བྱ་བ་ལ་སོགས་པ་ལ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ལ་སོགས་པ་སློབ་དཔོན་རྣམས་འདྲི་བར་བྱེད་པ་ན། རླུང་ལ་སོགས་པ་སྟེ་རླུང་ནི་རླུང་གི་ཚོགས་སོ། །སོགས་པའི་སྒྲས་ནི་ཐོག་འབབ་པ་དང་རྡོ་ཆར་འབབ་པ་དང༌། དཀྱིལ་འཁོར་གྱི་འོག་ཏུ་ཆུ་དང་སྦྲུལ་བྱུང་བ་ལ་སོགས་པ་ཡང་

---

^{[མ་དཔེ་གཟིགས་ན་འདིར་གནོན།]}

བཟུང་ངོ༌། །དེ་ལྟར་རླུང་ལ་སོགས་པའི་བགེགས་རྣམས་རང་གཞན་གྱི་སྡེ་པའི་རྣལ་འབྱོར་པ་གཞན་གྱིས་རབ་ཏུ་སྦྱར་བའམ། དེ་ལྟར་མ་བྱས་ཀྱང་གནོད་པ་བྱེད་པ་དུས་ཀྱི་ཤུགས་ཀྱི ས་བྱུང་བ་དག་གལ་ཏེ་:པ་ཚབ:བབ་ཅོལ་དུ་བྱུང་ན་ཟེར། བག་མེད་པས་བྱུང་བར་གྱུར་ན། དེའི་ཚེ་མཆེ་བའི་ཕྱག་རྒྱ་ཞེས་བྱ་བ་སྟེ། མཆེ་བ་ནི་ནོར་རྒྱས་ལ་སོགས་པའི་ཀླུ་རྣམས་སོ། །དེ་ཚར་གཅད་པར་བྱ་བ་སྟེ་བྱེད་པའི་ཕྱག་རྒྱ་རྟ་མགྲིན་གྱི་ཕྱག་རྒྱ་བསྒོམས་པ་ནི་མཆེ་བའི་ཕྱག་རྒྱ་སྟེ། རྟ་མགྲིན་གྱི་ཕྱག་རྒྱ་དེ་བཅིངས་ཤིང་སྟེ་བདག་གིར་བྱས་ནས་སོ། །གདུག་པ་ནི་བགེགས་རྣམས་ཏེ། དེ་རྣམས་ཀྱི་དགྲ་ནི་རྟ་མགྲིན་ཡིན་ལ། དེ་རྗེས་སུ་དྲན་པར་བྱ་བ་ནི་ཡིད་ཀྱིས་བསྒོམས་པ་སྟེ། རྟ་མགྲིན་གྱི་ཏིང་ངེ་འཛིན་གསུམ་དང་ལྡན་པས་རང་གི་ལག་ན་གནས་པའི་མཚོན་གྱིས་བགེགས་རྣམས་བཟློག་པར་བྱའོ། །སངས་རྒྱས་ནི་རང་གི་སྡེ་པའི་སྔགས་པ་རྣམས་སོ། །བྱང་ཆུབ་སེམས་དཔའ་ནི་གཞན་གྱི་སྡེ་པ་རྣམས་ཏེ། དེ་དག་གིས་ཀྱང་གང་ཞིག་སྤྲུལ་པར་གྱུར་ཅིང་སྦྱོར་བའི་བགེགས་ཀྱི་རིགས་གལ་ཏེ་བྱུང་བར་གྱུར་ན་མཐོང་བ་ཙམ་གྱིས་ཏེ། ཕྱག་རྒྱ་མཐོང་བ་ཙམ་གྱིས་འགག་པར་འགྱུར་ཞིང་མི་སྣང་བར་འགྱུར་རོ། །གཞན་དུ་བྱས་ན་ཞེས་བྱ་བ་ལ། རང་བཞིན་ཏེ་སྔར་བཤད་པ་ལྟར་གྱི་ཟློག་ཐབས་དེ་ལྟར་མི་བྱེད་ན་འཇིག་པར་འགྱུར་ཞིང་བརྩམས་པའི་ལས་འགྲུབ་པར་མི་འགྱུར་ཏེ་བར་ཆད་དེ་མ་བསལ་ན་ཞེས་པའོ་རོ་། །སངས་རྒྱས་ཞེས་བྱ་བ་ལ་སོགས་པ་ལ། གང་བདག་དང་གཞན་གྱི་སྡེ་པའི་སྔགས་པ་རྣམས་དང༌། སྐྱེ་བོ་གདུག་

---

^{[མ་དཔེ་གཟིགས་ན་འདིར་གནོན།]}

པ་གཞན་དག་ཀྱང་སྟེ། སེམས་ཅན་ཐ་མལ་པ་རྣམས། སྔགས་ཀྱི་རྣམ་པར་འཕྲུལ་པ་འདིས་སྐྲག་པར་བྱས་ཤིང༌། སྡིགས་མཛུབ་བྱས་ན་འཆི་བར་འགྱུར་བར་གདོན་མི་ཟའོ། ༈ །དེ་ལ་ཞེས་པ་དྲག་པོའི་ལས་རྣམས་ལ་འོག་ནས་བཤད་པའི་ཕཊ་གྱི་སྔགས་འདི་ནི། སྔགས་ཐམས་ཅད་ཅེས་བྱ་བ་ནི་དེ་བཞིན་གཤེགས་པ་ཐམས་ཅད་དེ་དེ་རྣམས་ཀྱི་གསང་བའོ། །སྙིང་པོ་ནི་གདུག་པ་སྟེ་དྲག་པོ འི་སྔགས་ཀྱི་སྲོག་གོ །༡ཏེ་ཆེ་གེ་མོ་ཞེས་པ་དང་འཕྲོག་པའོ་ཞེས་པ་འགྱུར་གསར་གཉིས་ལ་མེད་དོ། །ཆེ་གེ་མོའི་སྲོག་འཕྲོག་པའོ། །༢དེ་གང་ཡིན་ཞེ་ན། ཕཊ་ཅེས་བྱ་བ་སྟེ་ཕཊ་ནི་གསོད་པའོ། །ཐོ་བ་དང་སྟ་རེའི་སྦྱོར་བ་ལ་ཕཊ་བཟླ་བར་བཤད། གཞན་གཉིས་ལ་མི་གསལ་ཡང་རྟ་མགྲིན་གྱི་སྦྱོར་བ་ལ་སྔ་མ་གཉིས་དང་འདྲ། བདུད་རྩི་འཁྱིལ་པ་ལ་ཡང་སྔ་མ་རྣམས་ཕཊ་བཟླ་བར་བཞེད་ཀྱང་མི་ཐོབ་པ་འདྲའོ། ༈ །ད་ནི་གསང་བ་སྟེ་ཕྱག་རྒྱ་མ་ལྔའི་སྒོ་ནས་བདེ་སྟོང་དབྱེར་མེད་དུ་སྦྱོར་བའི་དེ་ཁོ་ན་ཉིད་ཆེན་པོའི་ངོ་བོ་ཉིད་ཀྱི་སྤྱོད་པ་བསྟན་པར་བྱ་བའི་ཕྱིར། ཡེ་ཤེས་སེམས་དཔའ་ཞེས་བྱ་བ་ལ་སོགས་པ་གསུངས་ཏེ།འདིར་སྤྲོས་མེད་ཀྱི་སྤྱོད་པ་འབྲིང་པོ་གཅིག་བཤད་ཅིང༌། དེ་ལ་ཡང་རིམ་པ་གཉིས་ཡོད་པ་ལ་སྔ་མ་རྣམས་འདི་ཟུང་འཇུག་པའི་སྤྱོད་པར་འདོད་དོ། །སྤྱིར་རྫོགས་རིམ་པའི་སྤྱོད་པ་རྣམས་སྤྱིའི་མཚན་ཉིད་མཚུངས་ཀྱང༌། སྐབས་སོ་སོའི་རྟེན་སོ་སོས་སྒྲུབ་པ་མི་འདྲ་བས་སྐབས་དབྱེ་དགོས་ལ། འདིར་སྤྲོས་མེད་ཀྱི་སྤྱོད་

---

^{[མ་དཔེ་གཟིགས་ན་འདིར་གནོན།]}

པ་འབྲིང་དང་བསྡུས་པ་གཉིས་གསུངས་པ་ནི་འབྲིང་གི་སྐབས་སུ་ཡན་ལག་གི་རླུང་གི་བཟླས་པ་དང༌། སྙིང་གའི་པདྨ་ཁ་འབྱེད་པར་གསུངས་པ་དང༌། བསྡུས་པའི་སྐབས་སུ་ཕྱག་རྒྱ་རིགས་མ་ངེས་པར་གསུངས་པས་རྫོགས་རིམ་པའི་སྤྱོད་པ་ཡིན་ནོ། །དེ་ལ་སྐབས་གསུམ་ཡོད་པ་ལས། འདི་ནི་སྒྱུ་ལུས་པས་ཟུང་འཇུག་གི་དོན་དུ་སྤྱོད་པ་བྱེད་པ་ཡིན་ཏེ། དངོས་ཀྱི་ཕན་ཡོན་གྱི་སྐབས་སུ་ཐ་མལ་པའི་ལུས་སྤངས་པ་བཤད་ཅིང༌། ཟུང་འཇུག་ཐོབ་མ་ཐག་རིགས་འདྲ་མི་འཆད་པའི་རྡོ་རྗེའི་སྐུ་འཐོབ་དགོས་པའི་ཕྱིར་རོ། །ཡེ་ཤེས་གསུམ་གྱི་རིམ་པས་བསྐྱེད་པའི་སེམས་དཔའ་ནི། ཡེ་ཤེས་སེམས་དཔའ་སྟེ། དེའི་སྦྱོར་བ་ནི་ཡེ་ཤེས་ཀྱི་སྐུ་དེར་སྐད་ཅིག་གིས་དམིགས་པ་སྟེ། དེའི་ཐབས་དེས་དབུས་སུ་སྟེ། སྣ་ཚོགས་པདྨ་རས་ཀྱིས་གཡོགས་པའི་གདན་རྣམ་པ་བཞིའི་དབུས་སུ་གྱུར་པའི་སྟན་ལ་གཟུགས་ཏེ། རང་ཉིད་རྡོ་རྗེ་འཆང་ཆེན་པོའི་སྐུ ར་རབ་ཏུ་བསྒོམ་པར་བྱའོ། །སྔགས་ཤེས་པ་ཡིས་ཞེས་པ་ནི་ལྷའི་དེ་ཁོ་ན་ཉིད་ཤེས་པས་སོ། །གནས་བཞི་རུ་ཞེས་བྱ་བ་ནི་སྤྱན་ལ་སོགས་པའི་གནས་གྲྭ་བཞི་རྣམས་སུ། བུད་མེད་དེ་སྔགས་དང་ཕྱག་རྒྱ་ལེགས་པར་བསླབས་པའི་བུད་མེད་བཞི། སྤྱན་ལ་སོགས་པའི་དངོས་པོར་ཡོངས་སུ་བརྟགས་ལ། རྟག་ཏུ་སྟེ་ཉིན་མཚན་དུ་གཞག་པར་སྤྱོད་བསྡུས་ལས། བུད་མེད་བཞི་གཟུགས་རྡོ་རྗེ་མ་སོགས་བཞིའི་རྣམ་པས་མཚམས་བཞི་དང༌། བུད་མེད་གཅིག་རེག་རྡོ་རྗེ་མའི་རྣམ་པས་རང་གི་པང་ན་གནས་པར་གསུངས་ཏེ། བུད་མེད་ལྔ་ལས་མེད་ན་སྤྱན་སོགས་སུ་སྒོམ་པ་དང༌། གཟུགས་རྡོ་རྗེ་མ་སོགས་སུ་སྒོམ་པ་གཉིས་གདམ་ང་ཅན་ནོ། །བྱའོ། །བུད་མེད་དེ་རྣམས་ཇི་ལྟ་བུར་གྱུར་པར་བཞག་ཅེ་ཞེ་ན། རྒྱན་རྣམས་ཐམས་ཅད་ཡོངས་སུ་རྫོགས། །མཚན་རྣམས་ཐམས་ཅད་ཀྱིས་མཚན་

---

^{[མ་དཔེ་གཟིགས་ན་འདིར་གནོན།]}

ཞིང༌། ཞེས་བྱ་བ་སྟེ། ཇི་སྐད་དུ་བཤད་པའི་བུད་མེད་ཀྱི་མཚན་ཉིད་དང༌ ལྡན་པ་དང༌། རྒྱན་དང་ཆས་གོས་དང༌། འབག་ལ་སོགས་པ་ཕུན་སུམ་ཚོགས་པ་དང་ལྡན་པའོ། །དེ་ནས་པདྨོ་རབ་ཏུ་རྒྱས་བྱས་འདིར་པདྨོ་རབ་ཏུ་རྒྱས་བྱས་ནས། ཞེས་པ་ལ། སྙིང་གའི་པདྨ་ཁ་བྱེ་བ་དང༌། སྒོའི་པདྨ་ཁ་བྱེ་བ་གཉིས་བཤད་དོ། །ཕྱི་མ་ལ་:ཆག:བཞིན་གྱི་པདྨ་དང༌། :པ་ཚབ:ཁའི་པདྨ་ཞེས་འབྱུང་བ་ནི། མུ་ཁེ་ཞེས་པ་གདོང་དང་ཁ་དང་སྒོ་ལ་འཇུག་པའི་དང་པོ་གཉིས་ཀྱི་དབང་དུ་བྱས་པ་ཡིན་ཀྱང༌། འདིར་སྒོ་ལ་བསྒྱུར་རྒྱུ་ཡིན་ནོ། །དེ་ལྟར་ན་སྒོའི་པདྨ་ཁ་བྱེ་བ་རྒྱས་པ་ནི་ལེའུ་བཅུ་བདུན་པའི་འགྲེལ་པར་བཤད་པ་ལྟར། རིག་མའི་རྩ་འཚོལ་བའི་སྦྱོར་བས་དྷཱུ་ཏཱིའི་མར་སྣ་ཁ་འབྱེད་པ་ཡིན་ཏེ། རྒྱུད་རྡོར་འཕྲེང་ལས། དཔའ་བོ་རྣལ་འབྱོར་མ་སྦྱོར་བ། །གང་ཚེ་གསང་བའི་རྩ་གཉིས་ནི། །ཡང་དག་སྦྱོར་བས་རེག་གྱུར་པ། །དེ་ཚེ་ནམ་མཁའ་རྣམ་རྒྱས་ཉིད། ཅེས་གསུངས་པ་བཞིན་ནོ། །དེའི་ཕྱིར་དེའི་ཚེ་གསང་བའི་རྡོ་རྗེའི་མར་སྣའི་དབུ་མ་ཁ་བྱེ་བ་ཡང་ཤེས་པར་བྱ་སྟེ། རྟོགས་པར་ཤིན་ཏུ་དཀའོ། །དེའི་ཚེ་སྙིང་གའི་པདྨ་ཁ་བྱེ་ཚུལ་ནི། སྔ་མ་ལས་ཀྱང་ཆེས་རྟོགས་དཀའ་ཞིང༌། “འདིའི་ལུགས་ལ་གནད་ཤིན་ཏུ་ཆེ་སྟེ། སྤྱོད་བསྡུས་ལ་བརྟེན་ནས་གཞན་དུ་ལེགས་པར་བཤད་ཡོད་དོ། །ནས། ཞེས་བྱ་བ་ནི། རང་གི་སྙིང་ཁའི་པདྨ་དང་སྒོའི་པདྨ་རྒྱས་ཤིང་བྱེ་བར་བྱས་ནས་སྟོང་པ་བཞི་བསྐྱེད་པའི་མཐར་ལངས་པའི་རྗེས་ཐོབ་ཀྱི་སྐབས་སུ། ཡན་ལག་གི་རླུང་ལྔ་འཁོར་ལོ་བསྐོར་བ་བཞིན་དུ་ཉིན་མཚན་ཀུན་ཏུ་ཕྱི་ནང་དུ་རྒྱུ་བའི་སྔགས་ཧཱུྃ་ཞེས་བྱ་བ་རླུང་འོད་ཟེར་ལྔ་པོ་ཕྱིར་ལྡང་བ འི་བདག་ཉིད་ཅན་འདི་རྣམ་པར་བསྒོམ་པར་བྱ་ཞིང་ཤེས་པར་བྱ་སྟེ། སེམས་ནི་ཡེ་ཤེས་གསུམ་མོ། །ཙམ་གྱི་སྒྲས་ནི་ཀུན་རྟོག་གཅོད་དོ། །རླུང་ཕྱིར་རྒྱུ་བའི་ཚེ་ཡུལ་

---

^{[མ་དཔེ་གཟིགས་ན་འདིར་གནོན།]}

རྣམས་ཡེ་ཤེས་དེའི་ངོ་བོ་ཡིན་པར་ཤེས་པ་སྟེ་བལྟ་བ་ལ་འབད་པར་བྱའོ་ཞེས་བྱ་བའི་བར་དུའོ། །འདིས་མཉམ་གཞག་ཏུ་བསྐྱེད་པའི་བདེ་སྟོང་གི་ཡུལ་ལ་རྒྱས་འདེབས་པ་བསྟན་ནོ། །འོད་ཟེར་ལྔ་ནི་ཞེས་བྱ་བ་ལ་སོགས་པ་ལ། རྡོ་རྗེ་ཅན་གྱི་སྦྱོར་བ་ཞེས་བྱ་བ་ནི་ཡུལ་ལྟ་བུར་གནས་པའི་རྡོ་རྗེ་འཆང་ཆེན་པོའོ། །འདིས་ནི་ཡུལ་རྣམས་རྡོ་རྗེ་འཆང་ཆེན་པོའི་ངོ་བོར་བལྟ་བར་བསྟན་ནོ། །འོད་ཟེར་ལྔ་ནི་མིག་ལ་སོགས་པའི་སྒོ་ལྔ་ནས་རྒྱུ་བའི་རླུང་འོད་ཟེར་ལྔ་པའོ་སྟེ་། དེ་རྣམས་ཀྱི་འོད་:པ་ཚབ:འོད་ཟེར་ལྔ་འོད་ཟེར། ནི་ཡུལ་རྣམ་པ་གསུམ་འཛིན་པའོ། །དེ་རབ་ཏུ་འབར་བ་ནི་རབ་ཏུ་གསལ་བར་བསྒོམ་ཞིང་བསླབ་པར་བྱ་བ་ནི་རླུང་ཕྱིར་རྒྱུ་བའི་ཚེ་ཡུལ་རྣམས་སྔར་ལྟར་ལྟ་བ། །དེ་ལྟར་བསླབས་ནས་རང་གི་ལུས་ཏེ་སྤྱི་བོ་དང་ལ་སོགས་པ ས་ངག་སྟེ། མགྲིན་པ་དང་སེམས་ཏེ་སྙིང་ག་རྣམས་ལ། ལུས་དབང་གི་ཡུལ་གྱི་ངོ་བོ་རྡོ་རྗེ་ཅན་བྱང་སེམས་རིམ་པ་བཞིན་དུ་སྤྱི་བོ་ནས་ཕབ་ཅིང་བསྲེས་ན་ཞེས་པ་ནི་རྒྱུད་རྡོར་འཕྲེང་ལས། དེ་ནས་བྱང་ཆུབ་སེམས་ཀྱང་ནི། །གནས་ཀུན་ནས་ནི་ཞུ་གྱུར་ནས། །ངོ་བོ་གཅིག་ཏུ་གྱུར་པ་དང༌། །རྩ་ནི་གཅིག་གི་འབྲས་བུ་ནི། །རོ་གཅིག་ཏུ་ནི་གྱུར་པ་ལ། །འདུས་པ་ཞེས་ནི་དེ་ལ་གསུངས། ཞེས་གསུངས་པ་ལྟར། སྟོང་ཕྲག་དོན་གཉིས་ཀྱི་རྩ་ནས་བྱང་སེམས་ཞུ་བ་རྣམས་རྩ་དབུ་མ་གཅིག་པུའི་ལམ་དུ་བསྲེས་པའམ་འདྲེས་པར་གྱུར་ན་བྱང་ཆུབ་སྟེ། མཆོག་ཏུ་དགའ་བ་ལྷན་ཅིག་སྐྱེས་པའི་བདེ་བ་ཐོབ་པར་འགྱུར་ཞིང་རྟོགས་པར་འགྱུར་རོ། །དེ་རྣམས་ཀྱི་དོན་བསྡུ་ན། རང་དང་རིག་མའི་གསང་རྩ་གཉིས་ཀྱི་སྒོ་བྱེ་བའི་སྙོམས་འཇུག་བྱས་

---

^{[མ་དཔེ་གཟིགས་ན་འདིར་གནོན།]}

པས། སྙིང་གའི་དབུས་ཀྱི་དྷཱུ་ཏཱི་ཁ་ཕྱེ་བར་རླུང་འདུས་པ་དང༌། སྤྱི་བོ་ནས་བྱང་སེམས་ཞུ་བ་གཅིག་ཏུ་འདྲིལ་བ་ལ་བརྟེན་ནས་དགའ་བཞིའམ་སྟོང་པ་བཞི་བསྐྱེད་པ་མཉམ་གཞག་ཏུ་བསྐྱངས་པའི་མཐར་རྗེས་ཐོབ་ཀྱི་དུས་སུ། མཉམ་གཞག་གི་བདེ་སྟོང་དྲན་ནས་ཡུལ་རྣམས་ལ་དེའི་ངོ་བོར་བལྟ་བ་དང༌། རྡོ་རྗེ་འཆང་དུ་བལྟ་བས་རྒྱས་བཏབ་ན་མྱུར་དུ་འཚང་རྒྱ་ཞེས་པའོ། ༈ །དེ་ལྟར་སྤྱོད་པའི་རྣལ་འབྱོར་པ་དེ་ནི་དེ་མ་ཐག་ཏུ་སྟེ། རིང་པོར་མི་ཐོགས་པར་རྣམ་པར་སྣང་མཛད་འོད་འདྲ་ཞིང༌། ཞེས་བྱ་བ་སྟེ། སྐུ་རྡོ་རྗེ་དང་འདྲ་བར་འགྱུར་བའོ། །རྡོ་རྗེ་སེམས་དཔའ་ནི་མི་བསྐྱོད་པའོ། །རྒྱལ་པོ་ཆེ་ནི་རིན་ཆེན་འབྱུང་ལྡན་ནོ། །སངས་རྒྱས་ནི་འོད་དཔག་ཏུ་མེད་པའོ། །སྐུ་གསུམ་རྡོ་རྗེ་འཛིན་ནི་དོན་ཡོད་པར་གྲུབ་པ་སྟེ། དེ་དག་དང་ཡང་མཉམ་པར་འགྱུར་རོ། །སེམས་དཔའ་ཐམས་ཅད་ནི་རྣམ་པར་སྣང་མཛད་ལ་སོགས་པའོ། །སྐྱེད་པ་ནི་འབྱུང་བར་བྱེད་པ་སྟེ། རྡོ་རྗེའི་ཡེ་ཤེས་ཞེས་བྱ་བའི་ཏིང་ངེ་འཛིན་གང་ཡིན་པ་དེ་ལ། སེམས་དཔའ་ཐམས་ཅད་སྐྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཅེས་བྱའོ། ༈ །ད་ནི་ཕྱག་རྒྱ་མ་ལྔ་མ་རྙེད་ན་ཕྱག་རྒྱ་གཅིག་དང་ཡང་ལྷན་ཅིག་ཏུ་སྤྲོས་མེད་བསྡུས་པའི་སྤྱོད་པ་བྱེད་པ་བསྟན་པར་བྱ་བའི་ཕྱིར། བཞིན་བཟང་ཞེས་བྱ་བ་ལ་སོགས་པ་གསུངས་ཏེ། གཞིན་བཟང་ཞེས་བྱ་བ་ནི་བཞིན་རབ་ཏུ་དང་བའོ། །ཕན་པར་འདོད་པ་ཡི་ཞེས་བྱ་བ་ནི། སྒྲུབ་པ་པོ་ལ་ཕན་པར་འདོད་པའོ། །གང་ཞིག་ཅེ་ན། བུད་མེད་དེ་བྲམ་ཟེ་ལ་སོགས་པའི་རིགས་གང་ཡང་རུང་བའི་བུ་མོ་རྙེད་པ་ནི་ཐོབ་པའོ། །ཆོ་ག་བཞིན་ཞེས་བྱ་བ་

---

^{[མ་དཔེ་གཟིགས་ན་འདིར་གནོན།]}

ནི་འདུས་པ་འདི་ལས་གསུངས་པའི་ཆོ་གས་སོ། །དབེན་པར་ནི་སྐྱེ་བོ་མེད་ཅིང་ཡིད་དུ་འོང་བའོ། །མཆོད་པ་ནི་སྙོམས་པར་འཇུག་པ་སྟེ་དེ་བརྩམ་པར་བྱའོ། །གསང་བ་ནི་ཆགས་པ་ལ་སོགས་པ་ཡེ་ཤེས་གསུམ་མོ། །བླངས་ནས་ནི་བློས་ངེས་པར་བྱས་པའོ། །བཟའ་བར་བྱ་བ་ནི་འོད་གསལ་བས་རྣམ་པར་སྦྱང་བ་སྟེ་དེ་རྣམས་རིམ་གྱི་འོད་གསལ་དུ་གཞུག་པ། །པདྨ་རྒྱས་པར་བྱ་བ་སོགས་ནི་སྤྲོས་མེད་འབྲིང་པོ་དང་འདྲའོ། །དེ་ལྟར་སྦྱངས་པའི་རྣལ་འབྱོར་པ་དེ་ནི། དེ་མ་ཐག་ཏུ་ཡང་སྟེ་རིང་པོ་མི་ཐོགས་པ་ཉིད་དུ། འཇམ་དཔལ་དང་ནི་སྟེ་རྡོ་རྗེ་འཆང་ཆེན་པོ་དང་གཟི་བརྗིད་མཉམ་པ་སྟེ། དེ་དང་མཉམ་པའི་མཐུ་དང་ལྡན་པར་འགྱུར་ཞིང་མི་སྣང་བ་སྟེ། ཐ་མལ་པའི་བདག་གི་རང་བཞིན་གྱི་ལུས་ཡོངས་སུ་སྤངས་པ་ཙམ་ནི་སྒྱུ་ལུས་ནས་ཡོད་མོད་ཀྱང༌། འདིར་ནི་རིགས་འདྲ་མི་འཆད་པའི་རྡོ་རྗེའི་སྐུ་ཐོབ་པས་སྤངས་པའོ། །ནས། དེའི་འོག་ཏུ་བདག་པོ་སྟེ། རང་ཉིད་གཙོ་བོ་ཟུང་འཇུག་རྡོ་རྗེ་འཛིན་པ ར་འགྱུར་ཞིང་རང་ཁོ་ནར་མ་ཟད་ཕྱག་རྒྱ་རིག་མ་དང་བཅས་པར་དངོས་གྲུབ་ཐོབ་བས་ན་དཔལ་དང་ལྡན་པའོ། །ཛམྦུ་གསེར་གྱི་མདངས་འདྲར་འགྱུར། ཞེས་བྱ་བ་ནི། རིན་ཆེན་ཏོག་དང་མཉམ་པར་འགྱུར་ཞིང་ནམ་མཁའ་མཛོད་ཀྱི་ཏིང་ངེ་འཛིན་གྱིས་སེམས་ཅན་གྱི་དོན་རྫོགས་པར་བྱེད་དོ། ༈ །ད་ནི་སྒྲུབ་པ་པོའི་ཟས་ཀྱི་བྱ་བ་བསྟན་པར་བྱ་བའི་ཕྱིར། བཤང་བའམ་ཞེས་བྱ་

---

^{[མ་དཔེ་གཟིགས་ན་འདིར་གནོན།]}

བ་ལ་སོགས་པ་གསུངས་ཏེ། བཤང་བ་ནི་བ་ལང་གི་ལྕི་བ་ལ་སོགས་པའོ། །ཡང་ན་བཟའ་བའམ་ཞེས་པ་ནི། འཇིག་རྟེན་པ་དང་ཐུན་མོང་དུ་གྱུར་པ་ཟན་དང་འབྲས་ཆེན་ལ་སོགས་པའོ། །ཤ་ནི་ཅི་རིགས་པར་རྙེད་པ་དང༌། གཞན་དག་གང་ཅི་ཡང་རུང་བ་ཆོ་ག་བཞིན་དུ་སྟེ། ཆོ་ག་ཤེས་པའི་མཁས་པས་ཆོ་ག་ལྟར་བསྔགས་ནས་ནི་ཞེས་པ་སྟེ། སྦྱང་བ་ལ་སོགས་པའི་རིམ་པས་མངོན་པར་འདུས་བྱས་ནས། སྙིང་ཁ་དང་ལྐོག་མ་ཡང་སྦྱངས་ནས་ཁར་གཞུག་པར་བྱས་ཤིང་ཟོས་ན། སངས་རྒྱས་ཏེ་མཁས་པ་རྣམས་སམ། སྐལ་བ་ངན་པ་གཞན་དག་གིས་ཀྱང་ཤེས་ཤིང་མཐོང་བར་མི་འགྱུར་རོ། །བཅོམ་ལྡན་འདས་རྡོ་རྗེ་འཆང་ཆེན་པོས། དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་འོག་ནས་བཤད་པ་ལ་ལྟོས་པ་ཡིན་ཞེས་པ་ནི་འཆད་འགྱུར་དང་སྦྲེལ་ལོ་ནོ་། ༈ །རི་ལུ་བཅུའི་བསྒྲུབ་པ་ལ། ནང་ལ་གཞོལ་བས་རང་གི་ལྷའི་ཏིང་ངེ་འཛིན་གཉིས་སྔོན་དུ་བྱ། དེ་ནས་ལས་རྒྱལ་མཆོག་གི་དུས་སུ། རི་ལུའི་རྒྱུ་བཅུ་གང་རུང་ལ་རི་ལུ་སྲན་མ་ཙམ་བྱས་ཏེ། གསེར་དངུལ་དང་ཟངས་ཀྱི་ལྗང་པ་གསུམ་གྱིས་བཀྲིས་ཏེ། ཟླ་བ་གཟས་ཟིན་པའི་དུས་སུ་ཡུམ་གྱི་པདྨར་གཞུག་ལ་གཟའ་ལས་མ་གྲོལ་གྱི་བར་དུ་སྙོམས་འཇུག་བྱ་ཞིང༌། གྲོལ་བ་ན་གཏོན་ཏེ་བལྟས་པས་དུ་བ་ལ་སོགས་པ་བྱུང་ན། གྲུབ་པར་ཤེས་པར་བྱ་སྟེ་ཁར་བཅུག་

---

^{[མ་དཔེ་གཟིགས་ན་འདིར་གནོན།]}

ན་མི་སྣང་བར་འགྱུར་རོ། །བཤང་བ་ནི་ཉིན་ཞག་དེ་ལ་སྐྱེས་པའི་བདག་ཉིད་ཅན་གྱི་བུ་ཆུང་གི་བཤང་བའོ། །ཆོ་ག་བཞིན་ཞེས་བྱ་བ་ནི་ས་ལ་མ་རེག་པར་བླངས་ནས། ཁམ་ཕོར་ཏེ་ཐོད་པ་ཁ་སྦྱོར་གྱི་ནང་དུ་བཞག་ལ། དེ་ནས་བརྒྱ་རྩ་བརྒྱད་ཀྱི་བར་དུ་ཡི་གེ་གསུམ་བཟླས་ཤིང་ཡང་དག་པར་བསྐུལ་ནས། རི་ལུ་བྱས་ལ་ལྕགས་གསུམ་གྱིས་དཀྲིས་ཏེ། ཁར་བཅུག་ན། སངས་རྒྱས་ཉི་མས་ཏེ་སྒྲུབ་པ་པོའི་རིག་པ་འཛིན་པ་རྣམས་ཀྱིས་ཀྱང༌། མི་མཐོང་ངོ་ཞེས་པ་སྟེ་སྦྱོར་བའི་ཕན་ཡོན་ནོ། །ཁྱིའི་ཤ་དང་ཞེས་བྱ་བ་ལ་སོགས་པ་ལ། ཁྱི་དང་རྟ་ཤ་དང་མི་ཤི་བའི་ཤ་ཆེན་དག་ནི་ཆོ་ག་བཞིན་ཏེ། བཤད་མ་ཐག་པའི་ཆོ་གས་བླངས་ནས་ཐོད་པ་ཁ་སྦྱར་གྱི་ནང་དུ་བཞག་སྟེ། དེ་བཞིན་དུ་བཟླས་བརྗོད་བྱས་ནས་རི་ལུ་བྱས་ཏེ་ཟོས་ཤིང་ཁར་བཅུག་ན། དེ་ཡིས་གྲུབ་པ་ལ་སོགས་པ་རྣམས་ཀྱིས་མི་མཐོང་ངོ༌། །ས་ལ་མ་རེག་པར་བླངས་པ་དང༌། ཐོད་པ་ཁ་སྦྱར་གྱི་ནང་དུ་བཞག་པ་དང༌། སྔགས་བཟླས་པའི་འོག་ཏུ་རི་ལུ་བྱེད་པ་ནི་ཀུན་ལ་འདྲ་བར་མངོན་ནོ། །ལྕགས་གསུམ་ནི་གསེར་མ་ཤ་གསུམ་དང་ར་ཏི་བདུན། དངུལ་མ་ཤ་བཞི་དང་ར་ཏི་གསུམ། ཟངས་མ་ཤ་བཞི་དང་ར་ཏི་ལྔ། མ་ཤ་རེ་ལ་ར་ཏི་བཅུ་བཅུ་སྟེ་བསྡོམས་ན་ར་ཏི་བརྒྱ་ཉི་ཤུ་རྩ་ལྔའོ། །དཀྲི་ལུགས་ནི་དང་པོར་གསེར། དེའི་སྟེང་ནས་དངུལ། དེའི་སྟེང་ནས་ཟངས་ཀྱིས་དཀྲི་ཟེར་རོ། །དང་པོ་དང་གཉིས་པ་ལ་ཡུམ་གྱི་ཆོས་འབྱུང་དུ་འཇུག་པ་མ་བཤད་ཀྱང༌། སྔ་མ་རྣམས་འོག་མ་རྣམས་དང་འདྲ་བར་བཞེད་དོ། །བཤང་དང་ཞེས་བྱ་བ་ལ་སོགས་པ་ལ། བཤང་བ་དང་ལྷན་ཅིག་བདུད་རྩི་བཞི་པོ་སྦྱར་ནས་རི་ལུ་བྱས་ལ། ལྕགས་གསུམ་གྱིས་དཀྲིས་པ་སྟེ། གསེར་ལ་སོགས་པས་ལེགས་པར་དཀྲིས་པའོ། །དབང་པོ་གཉིས་ཀྱི་སྦྱོར་བ་ཡིས། ཞེས་བྱ་བ་ནི། ཟླ་བ་གཟས་ཟིན་པའི་དུས་

---

^{[མ་དཔེ་གཟིགས་ན་འདིར་གནོན།]}

སུ་དང་པོར་འཛིན་པ་ནས་བཟུང་སྟེ། ཆོས་འབྱུང་བའི་ནང་དུ་བཅུག་ལ། ཇི་སྲིད་བཏང་གི་བར་དུ་སྙོམས་པར་འཇུག་པར་བྱའོ། །དེ་ནས་བཏོན་ལ་མཚན་མ་བལྟས་ཏེ། གལ་ཏེ་དུ་བ་ལ་སོགས་པ་བྱུང་ན་གྲུབ་པ་ཡིན་པར་ཤེས་པར་བྱས་ཏེ་ཁར་བཅུག་ན། དེའི་ཚེ་སངས་རྒྱས་ཐམས་ཅད་ཀྱིས་ཀྱང་མི་མཐོང་ངོ༌། །དེ་བཞིན་དུ་ཁྱིའི་ཤ་བདུད་རྩི་ལྔ་དང་བཅས་པ་ལས་རི་ལུ་བྱས་ལ། ལྕགས་གསུམ་གྱིས་དཀྲིས་ཏེ་སྔར་བཤད་མ་ཐག་པའི་དབང་པོ་གཉིས་ཀྱི་སྦྱོར་བས་བསྒྲུབ་པར་བྱས་ནས་ཁར་བཅུག་ན། སངས་རྒྱས་ཐམས་ཅད་ཀྱིས་ཀྱང་མི་མཐོང་ངོ༌། །ཤ་ཆེན་དང་བ་ལང་ཤ་ལ་སོགས་པ་ཡང༌། སྔར་བཤད་མ་ཐག་པའི་མན་ངག་གིས་སྦྱར་བར་བྱའོ། །བཤང་བ་ལས་བྱུང་བའི་སྲོག་ཆགས་ཞེས་བྱ་བ་བཤང་བ་དང་ལྷན་ཅིག་ཕྱིར་བྱུང་བའི་སེམས་ཅན་དང་། བདུད་རྩི་ལྔ་དང་བཅས་པ་ལས་བརྟུལ་ཞུགས་ཅན་ཏེ་བརྟུལ་ཞུགས་སྤྱོད་པས་རི་ལུ་བྱས་ལ། དབང་པོ་གཉིས་ཀྱི་སྦྱོར་བས་སྔ་མ་བཞིན་དུ་བསྒྲུབ་པར་བྱའོ། །ག་པུར་ཙན་དན་ཞེས་པ་ཙན་དན་དམར་པོ་དང་ལྷན་ཅིག་བདུད་རྩི་ལྔ་དང་རི་ལུ་བྱས་ལ་སྔ་མ་བཞིན་དུ་བསྒྲུབ་པར་བྱའོ། །གི་ཧཾ་དང་ཨ་ཀ་རུ་ནག་པོ་གཉིས་བདུད་རྩི་ལྔ་དང་བཅས་པ་ལས། རི་ལུ་བྱས་ལ་སྔ་མ་བཞིན་དུ་བསྒྲུབས་ནས་ཁར་བཅུག་སྟེ་འཆག་ན། སྟོབས་པོ་ཆེ་སྟེ་ཐོགས་པ་མེད་པའི་བརྩོན་འགྲུས་དང་ལྡན་པར་འགྱུར་རོ། །ག་པུར་དང་གུར་ཀུམ་དུ་སྦྱར་བའི་བདུད་རྩི་ལྔས་ཀྱང༌། དེ་བཞིན་དུ་

---

^{[མ་དཔེ་གཟིགས་ན་འདིར་གནོན།]}

བསྒྲུབ་པར་བྱའོ་ཞེས་གསུངས་སོ། ༈ །ད་ནི་འཇིག་རྟེན་ལས་འདས་པ་ཟུང་འཇུག་པའི་དངོས་གྲུབ་རབ་ཏུ་བསྟན་པར་བྱ་བའི་ཕྱིར། རྡོ་རྗེ་འཛིན་པ་ཞེས་བྱ་བ་ལ་སོགས་པ་གསུངས་ཏེ། ཟུང་འཇུག་རྡོ་རྗེ་འཛིན་པ་རང་ཉིད་ཟུང་འཇུག་པའི་དཀྱིལ་འཁོར་པའི་ལྷ་རྣམས་ཀྱི་དབུས་སུ། གཤིན་རྗེ་གཤེད་ལ་སོགས་པའི་ཁྲོ་བོ་བཅུ་གང་ཡང་རུང་བའི་སྐུ་ཕྱག་རྒྱ་ཆེན་པོ་དྲག་པོའམ། རྣམ་སྣང་ལ་སོགས་པའི་སྐུ་ཞི་བར་བྱིན་གྱིས་བརླབས་ཤིང་སྟེ་བསྐྱེད་ནས། གདུལ་བྱའི་སྐྱེ་བོ་རྣམས་སྨིན་པར་བྱ་བའི་ཕྱིར། རྡོར་བཟླས་ཀྱིས་ཞི་བ་ལ་སོགས་པའི་ལས་བསྒྲུབས་ན་ཞི་སོགས་གང་འདོད་དེ་ལྟ་བུར་འགྲུབ་པར་འགྱུར་ཏེ། ༈ དེར་ཡང་མ་ཟད་ཀྱི་རྣལ་འབྱོར་པ་དེ་རྡོ་རྗེ་འཆང་ཆེན་པོ་ཅི་འདྲ་བ་དེ་དང་འདྲ་བར་འབྱུང་བར་འགྱུར་རོ། །ཡོན་ཏན་གྱི་དབང་ཕྱུག་བརྒྱད་དང་ལྡན་པས་ན། དེ་ནི་དཔལ་དང་ལྡན་པའོ། །ཡོན་ཏན་གྱི་དབང་ཕྱུག་བརྒྱད་ནི། འབྲས་བུའི་སྐབས་ཡིན་ལ། སློབ་པའི་ཟུང་འཇུག་གི་སྐབས་སུ་དབང་ཕྱུག་གི་ཡོན་ཏན་བརྒྱད་འབྱུང་བར་གསུངས་པས། དབང་ཕྱུག་གི་ཡོན་ཏན་བརྒྱད་ལ་བྱས་ན་ལེགས་པར་སེམས་སོ། །སྤྱོད་བསྡུས་ཆག་འགྱུར་ལས། གཟུགས་ཕྲ་བ་དང་རེག་པ་ཡང༌། །ཁྱབ་པ་ཡང་དག་ཐོབ་པ་ཉིད། །རབ་ཏུ་གསལ་བ་ཉིད་བརྟན་པ། །དབང་ཕྱུག་ཉིད་དང་འདོད་དགུར་འགྱུར། ཞེས་འབྱུང་བ་བརྒྱད་ནི་དབང་ཕྱུག་གི་ཡོན་ཏན་བརྒྱད་ཅེས་བྱའི། དབང་ཕྱུག་བརྒྱད་ནི་མིན་ནོ། །དེའི་དོན་ནི། སྔ་མ་རྣམས་ཀྱིས་བཤད་པ་ནི། དབང་ཕྱུག་གི་ཡོན་ཏན་བརྒྱད་ཀྱི་བཤད་པ་མ་མཐོང་བར་སྣང་བས། སྤྱན་རས་གཟིགས་བརྟུལ་ཞུགས་ཀྱིས་དབང་ཕྱུག་གི་ཡོན་ཏན་བརྒྱད་བཤད་པ་དང་སྦྱར་བར་བྱའོ། །དེ་ལ་

---

^{[མ་དཔེ་གཟིགས་ན་འདིར་གནོན།]}

དབང་ཕྱུག་གིས་སེམས་ཅན་གྱི་འཇིག་རྟེན་སྐྱེ་འཇིག་བྱེད་པ་ཕྲ་བ་དང༌། སྣོད་ཀྱི་འཇིག་རྟེན་སྐྱེད་པ་ཡང་བ་དང༌། དེ་གཉིས་ཀ་སྐྱེ་འཇིག་བྱེད་པ་བདག་པོར་གྱུར་པ་ཡིན་ལ། འདིར་ནི་རྣལ་འབྱོར་པས་དེ་རྣམས་སྤྲུལ་པ་དང་སྡུད་པ་བྱེད་ནུས་པའོ། །ཕྱི་མ་ནི་ཡང་དག་ཐོབ་པས་བསྟན་ནོ། །ཡིད་ལུས་ཀྱིས་གང་བསམ་པར་ཕྱིན་པ་ནི་གར་ཡང་ཁྱབ་པས་བསྟན་ནོ། །འབྱུང་པོ་ཀུན་གྱིས་མཆོད་པར་བྱ་བ་ནི་འོད་དང་གཟི་བརྗིད་ཀྱིས་གཞན་རྣམས་ཟིལ་གྱིས་གནོན་པའི་རབ་ཏུ་གསལ་བའམ་སྣང་བས་བསྟན་ནོ། །སེམས་ཅན་རྣམས་ལ་ཚར་བཅད་དང་རྗེས་འཛིན་གྱི་དབང་ཡོད་པ་ནི་དབང་དུ་གྱུར་པའོ། །ཡོན་ཏན་ལ་འདོད་དགུར་དབང་བསྒྱུར་པ་ནི་འདོད་དགུར་ལྡན་པའོ། །གང་ཐོབ་པར་འདོད་པའི་དོན་དེ་ལྟར་ཐོབ་ནུས་པ་ནི་དགའ་དགུར་གནས་པ་སྟེ་བརྟན་པས་བསྟན་ནོ། །ཁམས་གསུམ་འདུལ་བས་ན་སྟོབས་ཆེན་ཕ་རོལ་གནོན་པར་འགྱུར། ཞེས་བྱའོ། །གཞན་ཡང་སྐད་ཅིག་མ་གཅིག་གིས། དཔག་ཚད་བྱེ་བ་རྫོགས་པ་ཡི། ཚད་ཙམ་གྱི་སའི་སྟེང་དུ་འགྲོ་བར་འགྱུར་རོ། །:པ་ཚབ:དེ་ཉིད་ཀྱི་ཚད་ཙམ་གྱི་སའི་འོག་ཏུ་ཡང་གནམ་ལྕགས་ཀྱི་རྡོ་རྗེ་ལྟར་ཞེས་པ་ལེགས་སོ། །ཁསའི་འོག་ཏུ་ཡང་ཀདེ་ཉིད་ཀྱི་ཚད་ཙམ་གྱི་གརྡོ་རྗེ་གདན་ལྟ་བུར་འགྲོ་བ་དང༌། དེ་བཞིན་དུ་ཤར་ལ་སོགས་པའི་ཕྱོགས་དང་མཚམས་རྣམས་དང༌། སྐད་ཅིག་གིས་སྟོང་གསུམ་གྱི་འཇིག་རྟེན་གྱི་ཁམས་ཐོགས་པ་མེད་པར་བགྲོད་པར་འགྱུར་ལ། ཕྱག་རྒྱའི་ཚོགས་དཔག་ཏུ་མེད་པ་དང་ལྡན་པས་ན་དཔལ་དང་ལྡན་པའོ། །སྟོབས་བཅུ་དང་མི་འཇིགས་པ་ལ་སོགས་པའི་ཡོན་ཏན་དང་ལྡན་པས་སངས་རྒྱས་ཏེ་འདི་ཡང་དེ་དང་འདྲ་བར་འགྱུར་བ་སྟེ། དེ་དང་མཚུངས་སོ་ཞེས་བྱ་བར་དགོངས་སོ། །དེ་ལྟར་ཐོགས་པ་མེད་

---

^{[མ་དཔེ་གཟིགས་ན་འདིར་གནོན།]}

པར་འགྲོ་བས་ཇི་ལྟར་དགའ་བར་འགྲོ་བའི་ཕྱིར། འདོད་ཁམས་ཞེས་བྱ་བ་ལ་སོགས་པ་གསུངས་ཏེ། རྒྱལ་ཆེན་རིགས་བཞི་དང་སུམ་ཅུ་རྩ་གསུམ་དང་འཐབ་བྲལ་དང༌། དགའ་ལྡན་དང་འཕྲུལ་དགའ་དང༌། གཞན་འཕྲུལ་དབང་བྱེད་དེ། རྣམ་པ་དྲུག་ནི་འདོད་པའི་ཁམས་ཏེ། དེ་ན་གནས་པའི་ལྷའི་བུ་མོ་རྣམས་དང༌། ལྷའི་ལོངས་སྤྱོད་ཅེས་བྱ་བ་ལྷ་རྣམས་ཀྱི་ལོངས་སྤྱོད་དང་འདྲ་བ་གང་ཡིན་པ་དེ་ནི། ལྷའི་ལོངས་སྤྱོད་དེ་འཁོར་ལོ་སྒྱུར་བ་ལ་སོགས་པའི་བུ་མོར་གྲགས་པ་བཀུག་པ་དང༌། རིགས་ཞེས་པ་ལྷ་དང་ལྷ་མ་ཡིན་ལ་སོགས་པའི་རིགས་སོ། །དེ་རྣམས་ཀྱི་བརྟུལ་ཞུགས་ནི་དེ་དང་འབྲེལ་བའི་བུ་མོ་རྣམས་སོ། །འདོད་པའི་ཁམས་ན་གནས་པ་འབའ་ཞིག་ལ་འདོད་པ་སྤྱོད་པར་མ་ཟད་ཀྱི། གལ་ཏེ་གཟུགས་ཀྱི་ཁམས་ན་བུད་མེད་ཡོད་ན་དེ་ལ་ཡང་སྤྱོད་པར་བྱེད་དོ། ཞེས་ནུས་པ་ཕུལ་དུ་བྱུང་བའི་ཁྱད་པར་བཤད་པ་གསུངས་པ་ཡིན་ནོ། །སློབ་པའི་ཟུང་འཇུག་ལ་འདི་འདྲ་བའི་ཡོན་ཏན་ཡོད་པ། འདི་ལེགས་པར་ཤེས་ན་མན་ངག་གི་བཤད་པ་ལྟར་སྣང་རྣམས་ཀྱིས་ཡིད་ཚིམ་པར་མི་འགྱུར་རོ། །དམ་ཚིག་སེམས་དཔའ་ཞེས་བྱ་བ འི་དམ་ཚིག་ནི་ཐ་མལ་པའི་ལུས་དེ། རྡོ་རྗེ་ཆེན་པོ་ཞེས་བྱ་བའི་སེམས་དཔའ་མི་སྣང་བར་བྱས་པ་སྟེ་སྤངས་པ་གང་ཡིན་པ་དེ་ནི། དམ་ཚིག་མི་སྣང་བའི་རྡོ་རྗེ་ཆེན་པོ་སྟེ་རྡོ་རྗེ་འཆང་ཆེན་པོའོ། །དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་སྡུད་པར་བྱེད་པའི་ཚིག་གོ ། ༈ དེ་ནས་ཞེས་བྱ་ལ་

---

^{[མ་དཔེ་གཟིགས་ན་འདིར་གནོན།]}

སོགས་པ་ལ། སངས་རྒྱས་ནི་རིན་པོ་ཆེ་ལྟ་བུའི་གང་ཟག་གོ །དང་པོར་ཐོས་པ་ཙམ་གྱིས་ནི་སེམས་འཁྲུལ་པ་སྟེ། རང་དབང་མེད་པར་སེམས་བསྐྱོད་པ་ནི། སེམས་འཁྲུལ་བ་དང་འདྲ་བས་དེ་སྐད་ཅེས་བྱའོ། །སེམས་བསྐྱོད་ལུགས་ནི། གསུངས་པའི་དོན་ལ་ཤིན་ཏུ་ཡང་ངོ་མཚར་དུ་གྱུར་པའི་ཕྱིར་རོ། །སྔོན་བྱུང་ལ་ད་ལྟར་བསྟན་པ་ནི་རྗེས་འཇུག་ལ་ཆོས་ཟབ་མོ་ཐོས་པ་ན་འདི་འདྲ་བའི་བསམ་པ་སྐྱེད་དགོས་པར་སྟོན་པ་འདི་གོ་དགོས་སོ། །ཕྱི་ནས་བསམས་པ་དང་བསྒོམས་པའི་ངོ་བོ་ཉིད་ཀྱིས་རྟོགས་པར་གྱུར་པའི་ཕྱིར། ཡིད་ལ་དབང་བ་སྟེ་ཡེ་ཤེས་ཤར་བ་ནི་དོན་དེ་རྣམས་ཅི་རིགས་རྒྱུད་ལ་སྐྱེས་པ། །དེའི་འོག་ཏུ་ནི་ཁརབ་ཏུ་དགྱེས་པ་ཀབདག་ཉིད་གསྟེ་སྟོན་པ་པོ་ལ་དད་པས་སོ། །དེ་ཉིད་ཀྱིས་ངོ་མཚར་དུ་གྱུར་ཅིང་སྤྱན་གདངས་ནས་རབ་ཏུ་མཉེས་པར་སྟོན་པའི་གསུང་གི་ཚིག་འོག་ནས་བཤད་པ། འདི་སྐད་བཀའ་སྩལ་ཅིང་གསུངས་པར་གྱུར་པ་ནི། ཨེ་མའོ་ཞེས་བྱ་བ་ལ་སོགས་པ་སྟེ། ཨེ་མའོ་ཞེས་བྱ་བ་ནི་ངོ་མཚར་སྐྱེས་པར་གྱུར་པ་ཡིན་ཏེ། ངོ་མཚར་བའི་ཡུལ་ནི་སྤྱན་མ་དང་གཤིན་རྗེ་གཤེད་ཀྱི་སྔགས་གཅིག་ཉིད་ཀྱིས་ལས་མང་པོ་འགྲུབ་པ་དང༌། རྡོ་རྗེ་བཟླས་པའི་སྔགས་གཅིག་པུ་ཉིད་ཀྱིས་ལས་རབ་འབྱམས་དཔག་ཏུ་མེད་པ། རབ་ཏུ་སྒྲུབ་པ་གང་ཡིན་པ་དེ་ནི་འདི་རབ་ཏུ་ངོ་མཚར་ཆེ་སྟེ། ཤིན་ཏུ་ཡང་རྨད་དུ་བྱུང་བར་གྱུར་པ་དང༌། བུད་མེད་དང་ལྷན་ཅིག་རོལ་པའི་ཆགས་པ་ལམ་དུ་བྱས་པས་ཀྱང་འཇིག་རྟེན་དང༌། འཇིག་རྟེན་ལས་འདས་པའི་དངོས་གྲུབ་བསྒྲུབ་པར་བྱའོ། །ཞེས་བྱ་བའི་ཤིན་ཏུ་གསང་བའི་གནས་ཇི་སྐད་བཤད་པ་ལས་གཞན་དུ་མི་འགྱུར་བ་

---

^{[མ་དཔེ་གཟིགས་ན་འདིར་གནོན།]}

གང་ཡིན་པ་དེ་ཡང་ངོ་མཚར་ཆེ་བ་དང༌། གང་བདུད་རྩི་ལྔ་དང་ཤ་ལ་སོགས་པའི་རི་ལུ་རྣམས་ཀྱིས་ཀྱང༌། གང་གི་ཕྱིར་དངོས་གྲུབ་ཕུན་སུམ་ཚོགས་པ་བསྒྲུབ་པ་དེ་ནི། ངོ་མཚར་ཆེ་བ་དང་ཆོས་རྣམས་ཀྱི་ངོ་བོ་ཉིད་ཀྱིས་དག་པ་སྟེ་འདི་ཡང་ངོ་མཚར་ཆེ་བ་དང༌། ཟུང་འཇུག་པས་ལྷ་ཞི་ཁྲོ་གང་ཡང་རུང་བའི་ཕྱག་རྒྱ་ཆེན་པོ་ལ་དམིགས་ནས་ལས་རབ་འབྱམས་བསྒྲུབས་ན ས།་རྡོ་རྗེ་འཆང་ཆེན་པོའི་གོ་འཕང་གང་ཡིན་པ་ཐོབ་པར་འགྱུར་བ་དེ་ལ། གོས་པ་མེད་ཅིང་ཤིན་ཏུ་དྲི་མ་མེད་པའི་ཆོས་དེ་ཡང་ངོ་མཚར་ཆེ་སྟེ།དེ་འདྲ་བའི་ངོ་མཚར་བ་རྣམས་ཀྱང་ཟབ་མོ་སྟོང་པ་ཉིད་རྟོགས་པའི་མཐུ་ཡིན་པས་དེ་ལ་ངོ་མཚར་བ་ནི། ཨེ་མའོ་ངོ་བོ་ཉིད་ཀྱིས་དག །ཨེ་མའོ་ཤིན་ཏུ་དྲི་མེད་ཆོས། ཞེས་པས་སྟོན་ཏེ། ཆོས་རྣམས་རང་གི་མཚན་ཉིད་ཀྱིས་གྲུབ་པའི་ངོ་བོ་ཉིད་ཀྱིས་གདོད་མ་ནས་དག་པར་རྟོགས་པ་ནི་ཤིན་ཏུ་ཡང་དྲི་མ་མེད་པ་སྟེ་དྲི་མ་ཟད་པར་བྱེད་པའི་ཆོས་སོ་ཞེས་པའོ། །དགོངས་པས་བཤད་པའོ། ༈ །ད་ནི་རིགས་ཀྱི་དབྱེ་བས་རང་གི་ལྷའི་དབང་བསྐུར་བ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སྟོན་པ་རྡོ་རྗེ་འཛིན་ཅེས་བྱ་བ་ནི། གདུག་ཤསྟ་ཨི་ཏི་ཤཱནྟིཾ་ཀ་ར་ན་:ཆག:ཟེར། པ་ཐམས་ཅད་འདུལ་བར་མཛད་པས་ན་སྟོན་པའོ། །རྣམ་པར་སྣང་མཛད་ལ་སོགས་པ་འབྱིན་པས་ན་སྐྱེད་པའོ། །འཇིག་རྟེན་པ་ལ་སོགས་པའི་དངོས་གྲུབ་སྐྱེད་པར་མཛད་པས་ན་བྱེད་པའོ། །གཞན་ཡང་དྲུག་པའི་ངོ་བོ་ཉིད་དུ་གྱུར་པས་མི་འགྱུར་ཆེའོ། །སངས་རྒྱས་ནི་རྣམ་པར་སྣང་མཛད་དོ། །རྡོ་རྗེ་ནི་མི་བསྐྱོད་པའོ། །

---

^{[མ་དཔེ་གཟིགས་ན་འདིར་གནོན།]}

ཆོས་ཆེན་པོ་ནི་འོད་དཔག་ཏུ་མེད་པ་སྟེ། རྡོ་རྗེ་གསུམ་གྱི་བདག་ཉིད་ཅན་གྱི་རྡོ་རྗེའི་གསུང་དུ་བཀའ་སྩལ་ཅིང་གསུངས་པའོ། ༈ །སེམས་དཔའ་རྡོ་རྗེ་ནི་མི་བསྐྱོད་པའོ། །མི་བསྐྱོད་པ་དེའི་སྦྱོར་བ་ནི་སྤྱི་བོར་འཇོག་པའོ། །བཞག་པ་དེས་རྡོ་རྗེ་འཛིན་རྣམས་ཏེ་མི་བསྐྱོད་པའི་རིགས་དང་ལྡན་པ་རྣམས་སོ། །གཉེས་པར་བྱ་བ་ནི་རིགས་བདག་གིས་དབང་བསྐུར་བའོ། །འདི་ལ་སྟེང་གི་ཁྲོ་བོ་གཉིས་དང་རིགས་གཉིས་འཛིན་པའི་མཱ་མ་ཀཱི་དང་རེག་རྡོ་རྗེ་གཉིས་ཏེ་དེ་རྣམས་ལ་མི་བསྐྱོད་པས་རྒྱས་འདེབས་པ་ཡོད་དོ། ༈ །སངས་རྒྱས་བྱང་ཆུབ་ནི་རྣམ་པར་སྣང་མཛད་དོ། །དེའི་རབ་ཏུ་དབྱེ་བ་ནི་རྣམ་སྣང་རང་གི་རིགས་དང་ལྡན་པ་རྣམས་ཀྱིས་སྤྱི་བོར་སོ་སོར་བཞུགས་པས། སངས་རྒྱས་རྡོ་རྗེ་ཅན་ཏེ་རྣམ་པར་སྣང་མཛད་ཀྱི་རིགས་དང་ལྡན་པ་རྣམས། མཉེས་པར་འགྱུར་ཞིང་གང་གི་རིགས་ཡིན་པ་གསལ་བར་འགྱུར་རོ། ༈ །རྡོ་རྗེ་སྤྱན་ཞེས་བྱ་བ་ནི་རྡོ་རྗེ་ཅན་ལ་སོགས་པ་ཞེས་བྱ་བར་གཟུང་སྟེ། སོགས་ཀྱི་སྒྲས་ནི་རིགས་བཞི་དང་འབྲེལ་བའི་ལྷ་རྣམས་གཟུང་ངོ༌། །གཟུགས་ལ་སོགས་པ་ཞེས་བྱ་བ་ནི། རྣམ་པར་སྣང་མཛད་དང་ལ་སོགས་པ ས་རིན་འབྱུང་སྣང་མཐའ་དོན་གྲུབ་ཀྱི འི་གཟུགས་ཀྱིས། རང་རང་གི་རིགས་ཅན་རྣམས་ལ་གཙུག་ཏོར་འཇོག་པར་བྱེད་པར་བཤད། ཅེས་བྱ་བ་སྟེ། དབུ་རྒྱན་དུ་བྱ་བ་ཡིན་པར་ཞེས་པར་བྱའོ། །ཁྲོ་བོ་རྣམས་ལ་དེས་མཆོག་སྟེ། །:པ་ཚབ:ཟེར། ཁྲོ་བོའི་ནང་ན་དེ་མཆོག་སྟེ། ཤིན་ཏུ་དགའ་བར་གྱུར་པ་རྣམས་ཀྱི་ཡང་རྣམ་སྣང་ལ་སོགས་པའི་རིགས་དེ་དང་འབྲེལ་བའི་ཁྲོ་བོ་རྣམས་ལ་སངས་རྒྱས་རྡོ་རྗེ་སྟེ། རྣམ་པར་སྣང་མཛད་ལ་སོགས་པ་དེ་ས་དབུ་རྒྱན་དུ་བྱས་པར།

---

^{[མ་དཔེ་གཟིགས་ན་འདིར་གནོན།]}

རབ་ཏུ་བསྒོམ་པར་བྱ་ཞིང་དེས་ཉེ་བར་གསལ་བར་བྱ་སྟེ་སྤྱན་མ་གཟུགས་རྡོ་རྗེ་མ། བྱམས་པ། ས་སྙིང༌། གཤིན་རྗེ་གཤེད། མི་གཡོ་བ་རྣམས་ལ་རྣམ་སྣང་གི་དབུ་རྒྱན་ནོ་འོ་། །དེ་ལྟར་རང་རང་གི་དབུ་རྒྱན་བྱེད་པ་དེ་མཆོག་ཅེས་བྱ་སྟེ། གོང་དུ་ཤིན་ཏུ་དགའ་བར་གྱུར་པ་རྣམས་ཀྱི་ཡང༌། ཞེས་པ་འདིར་སྦྱར་ཏེ་ཤིན་ཏུ་ཡིད་དུ་འོང་བའོ། །རིག་པ་ནི་མཱ་མ་ཀཱི་སྟེ་དེའི་རྒྱལ་པོ་ནི་ཞེས་པ་ནི་འདི་རྡོ་རྗེའི་རིགས་འཛིན་པ་ཡང་ཡིན་པས་དེ་ལས་དགར་བའོ། །འདིར་རིན་ཆེན་འབྱུང་ལྡན་ནོ། །དེ་ནི་ཆོས་མཆོག་དེ་ཆོས་མཆོག་སྟེ་མངའ་བདག་ཏུ་གང་ལ་ཡོང་བ་དེ་དག་ནི་རིག་པའི་རྒྱལ་པོ་ཆོས་མཆོག་ཅན་རྣམས་ཏེ་རིན་པོ་ཆེའི་རིགས་ཅན་དེ་རྣམས་ལ་ཞེས་:པ་ཚབ:ཟེར། རྣམས་ཏེ་གཙོ་བོར་གྱུར་པ་གང་ཡིན་པ་དེ་ནི་རིག་པའི་རྒྱལ་པོ་ཆོས་མཆོག་སྟེ། རིན་པོ་ཆེའི་རིགས་དེ་རྣམས་ཀྱི་ནི། དཀོན་མཆོག་དཔལ་ནི་རྣམ་པར་བསྒོམ་ཞེས་བྱ་བ་སྟེ། དབུ་རྒྱན་དུ་དཀོན་མཆོག་དཔལ་གྱིས་དབང་བསྐུར་བར་བྱ་བ་ནི། མཱ་མ་ཀཱི། སྒྲ་རྡོ་རྗེ་མ། ཕྱག་རྡོར། ནམ་སྙིང༌། གཞན་གྱིས་མི་ཐུབ་པ། འདོད་རྒྱལ་རྣམས་ལ། །རྒྱུད་རྡོར་འཕྲེང་ལས། དྲི་རྡོ་རྗེ་མ་རིན་པོ་ཆེའི་རིགས་སུ་བཤད་ལ། ཕྱག་རྡོར་རིགས་གཉིས་པར་བཤད་པས་དེ་གཉིས་ནི་རིགས་གཉིས་པའོ། །རིག་པའི་རྒྱལ་མོ་ནི་གོས་དཀར་མོ་སྟེ། དེའི་དེའི་སྦྱོར་བ་ནི་:ཆག:འཚོགས་ཤིང་འབྲེལ་བ་གང་ཡིན་པ་དེ་ནི་ཞེས་ཟེར་ཏེ། གོས་དཀར་མོ་དང་ཡབ་ཡུམ་དུ་འཚོགས་ཤིང་འབྲེལ་བ་སྣང་མཐའོ། །སྦྱོར་བ་ལ་ཞེས་བྱ་བ་ནི་འབྲེལ་པས་འབྲེལ་པ་གང་ཡིན་པ་དེ་ནི། རིག་པའི་རྒྱལ་མོ་སྦྱོར་བ་སྟེ། པདྨའི་རིགས་དེ་རྣམས་ཀྱི་སྤྱི་བོར་ནི། ཚེ་དཔག་མེད་པ་རབ་ཏུ་བསྒོམ་ཞེས་བྱ་བ་སྟེ། དབུ་རྒྱན་དུ་ཚེ་དཔག་མེད་

---

^{[མ་དཔེ་གཟིགས་ན་འདིར་གནོན།]}

གཞག་པར་བྱ་བ་ནི་གོས་དཀར་མོ། དྲི་རྡོ་རྗེ་མ། འཇིག་རྟེན་དབང་ཕྱུག །འཇམ་དབྱངས། རྟ་མགྲིན། དབྱུག་སྔོན་ཅན་རྣམས་ལ། །རྒྱུད་རྡོར་འཕྲེང་ལས། འཇམ་དཔལ་རྡོ་རྗེའི་རིགས་སུ་བཤད་པས་རིགས་གཉིས་པའོ། །ཐམས་ཅད་ལས་བྱེད་སྔགས་རྣམས་ལ། ཞེས་བྱ་བ་ནི། ལས་ཀྱི་རིགས་རྣམས་ཏེ་སྒྲོལ་མ། རོ་རྡོ་རྗེ་མ། སྒྲིབ་སེལ། ཀུན་བཟང༌། བགེགས་མཐར་བྱེད། སྟོབས་པོ་ཆེ་སྟེ། དེ་རྣམས་ཀྱི་སྤྱི་བོར་ནི། གདོན་མི་ཟ་བའི་ཡེ་ཤེས་བསྒོམ། ཞེས་བྱ་བ་སྟེ་དབུ་རྒྱན་ལའོ། །རྒྱུད་རྡོར་འཕྲེང་ལས། རེག་བྱ་རྡོ་རྗེ་མ་ཡང་དོན་གྲུབ་ཀྱི་རིགས་སུ་བཤད་དེ་རིགས་གཉིས་པའོ། ༈ །སྔགས་རྣམས་ཐམས་ཅད་ཉིད་ལ་ནི། ཞེས་པ། རྣམ་པར་སྣང་མཛད་ལ་སོགས་པ་བདག་པོ་ལྔ་ལ་ནི། རྡོ་རྗེ་སེམས་དཔའ་རྣམ་པར་བསྒོམ། ཞེས་བྱ་སྟེ་དབུ་རྒྱན་ལ་མི་བསྐྱོད་པ་རྣམ་པར་བསྒོམ་པར་བྱའོ། །ཁྲོ་བོ་བཅུའི་ཁྲོ་བོ་གཉིས་གཉིས་རྣམ་སྣང་ནས་མི་བསྐྱོད་པའི་བར་ལྔའི་རིགས་སུ་རྒྱུད་རྡོར་འཕྲེང་ལས་གསུངས་སོ། ༈ །གནོད་སྦྱིན་མོ་ནི་རྡོ་རྗེ་མཁའ་འགྲོ་མ་:པ་ཚབ་ཆག:རྡོ་རྗེ་རོ་ལངས་མ་ཟེར། ལ་སོགས་པ་སྟེ། དེ་རྣམས་ཀྱི་སྔགས་ནི་སྐྱེད་པའི་ས་བོན་དང་ལ་སོགས་པ ས་བཟླས་པའི་སྔགས་སོ་འོ་། །དེའི་:པ་ཚབ:དེས་ཕྱག་རྒྱའི་གཟུགས་གང་དུ་བརྒྱུད་པར་བྱ་ཞིང༌། བསྒྲུབ་པར་བྱ་བ་ཟེར། རྒྱུད་ནི་སྒྲུབ་པའི་ཕྱག་རྒྱའི་གཟུགས་གང་ཡིན་པ་སྟེ། གནོད་སྦྱིན་མོ འིག་དེ་རྣམས་ཀྱི་ཀསྔགས་དང་ཁརྒྱུད་ཀྱི་ངདབང་བསྐུར་བའི་གནས་སུ་ནི། གཤིན་རྗེ་གཤེད་ཉིད་བརྟག་པར་བྱ་ཞིང་སྟེ་དབུ་རྒྱན་དུ་གཞག་པར་བྱའོ། ༈ །སྔགས་རྣམས་ཞེས་བྱ་བ་ལ་སོགས་པ་ལ་བཤད་མ་ཐག་པའི་དབང་བསྐུར་བ་ཐམས་ཅད་ལ་སྦྱོར་

---

^{[མ་དཔེ་གཟིགས་ན་འདིར་གནོན།]}

བས་ན་སྦྱོར་བ་སྟེ།:པ་ཚབ:སྦྱོར་སྔགས་སྤྱི་བོ་པ་དག་རྣམས། །ཐམས་ཅད་ལ་ནི་བསྐུལ་བ་ཤིས། ཞེས་པའི་སྦྱོར་སྔགས་ཞེས་པ་འགྲེལ་པའི་བཤད་པ་དང་མཐུན་ནོ། །དེ་རྣམས་ཀྱི་སྦྱོར་བའི་སྔགས་ཏེ་ལྷ་རྣམས་ལ་ནི། སྤྱི་བོར་གནས་པའི་བསྐུལ་བ་སྟེ། རྣམ་སྣང་ལ་སོགས་པའི་རིགས་བདག་ལྔ་རང་རང་གི་ཕྱག་རྒྱ་སྤྱན་མ་སོགས་དང་བཅས་པ ར་སྙོམས་པ ར་ཞུགས་པས་རྒྱས་གདབ་བྱའི་ལྷ་རྣམས་ཀྱིས་བདེ་བ་ཆེན་པོ་རྗེས་སུ་མྱོང་བ་ཤིས་ཏེ་ཚིམ་པར་བྱེད་པ་ཡིན་ནོ་ཞེས། བཅོམ་ལྡན་འདས་དམ་ཚིག་ཆེན་པོ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། ༈ །བསམ་གཏན་ཞེས་བྱ་བ་ལ་སོགས་པ་ལ། དབང་བསྐུར་བའི་བསམ་གཏན་རྒྱས་པ་བཤད་མ་ཐག་པའི་རིགས་བདག་གིས་དབང་སྐུར་བ་འདི་ཡིས་སོ། །སྔགས་ནི་ལྷ་རྣམས་ཏེ་དེ་རྣམས་ཀྱི་མཉེས་པ་དང༌། དཀྱིལ་དེ་རྣམས་མཉེས་པའི་དཀྱིལ་འཁོར་ནི་མཉེས་པར་བྱ་བ་ལ། དཀྱིལ་ཏེ་སྙིང་པོའོ་:པ་ཚབ:ཟེར། འཁོར་ནི་མཉེས་པར་བྱེད་པའི་སྔགས་ཏེ་སྙིང་པོའོ། །དེ་འཁོར་ཏེ་ལེན་ཅིང་འཛིན་པར་བྱེད་པས་ན་དཀྱིལ་འཁོར་རོ། །དམ་ཚིག་ཆེན་པོ་སྒྲུབ་བྱེད་པ། ཞེས་བྱ་བ་ལ། དམ་ཚིག་ཆེན་པོ་ནི་ཕྱག་རྒྱ་ཆེན་པོ་སྟེ། དེ་སྒྲུབ་ཅིང་སྟེ་སྐྱེད་པར་བྱེད་པའོ། །སྒྲུབ་པ་པོ་རྣམས་ནི་སློབ་པར་བྱེད་བཞིན་པ་རྣམས་སོ། །དེ་ལ་ཕན་པ་ནི་ཕན་པ་སྐྱེད་པར་བྱེད་པ་སྟེ་དེ་གསུངས་པའོ། ༈ །ད་ནི་ཁྱེའུ་དང་བུ་མོ་མཚན་ཉིད་དང་ལྡན་པའི་སྣོད་ལ་ཡེ་ཤེས་དབབ་པའི་ཆོ་ག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བགེགས་ཐམས་ཅད་:ཆག:ཨུ་པ་ས་

---

^{[མ་དཔེ་གཟིགས་ན་འདིར་གནོན།]}

མ་ཀ་ར་ཏཏ་ཤསྟ་ཉེ་བར་ཞི་བར་མཛད་པས་ན་སྟོན་པའོ། །ཁམས་གསུམ་གྱི་བདག་པོར་གྱུར་པས་ན་གཙོ་བོའོ། །ཆོས་རྣམས་ཀུན་ནི་གཟུགས་ཀྱི་ཕུང་པོ་ལ་སོགས་པའི་ངོ་བོ་དཀྱིལ་འཁོར་པའི་ལྷ་སྟེ། དེ་རྣམས་ཀྱི་གཙོ་བོ་ཡིན་པས་ན་ཆོས་རྣམས་ཀུན་གྱི་དབང་ཕྱུག་གོ །རྡོ་རྗེ་གསུམ་མི་ཕྱེད་པའི་ངོ་བོ་ཉིད་ཀྱི་བདག་ཉིད་ཅན་ཡིན་པས་ན། སྐུ་དང་གསུང་དང་ཐུགས་ཡོངས་སུ་དག་པས་སོ། །ཡེ་ཤེས་རྡོ་རྗེ་ནི་ཡེ་ཤེས་ཕབ་པ་ལ་བརྟེན་ནས་འདས་པ་ལ་སོགས་པ་ཡོངས་སུ་མཁྱེན་པའི་ཆོ་ག་མི་ཕྱེད་པ་སྟེ། དེ་གསུངས་པ་ནི་བཀའ་སྩལ་པའོ། ༈ །རི་རྩེ་ཞེས་བྱ་བ་ལ་སོགས་པ་ལ། རི་བོ་དང་མཐོ་བར་འདྲ་བས་ན་རི་སྟེ་ཁང་པ་རྩེག་མ་ཆེན་པོའོ། །དེའི་རྩེ་མོ་སྟེ་སྟེང་གི་ས་ཕྱོགས་དང༌། ཉམས་ནི་དགའ་བ་དང་ཞེས་བྱ་སྟེ་གནས་དག་དང༌། ནགས་ཚལ་ཏེ་སྐྱེད་མོས་ཚལ་ལ་སོགས་པ་རྣམས་དང༌། དབེན་པར་ནི་ཞེས་བྱ་བ་ནི་སྐྱེ་བོའི་འདུ་འཛི་དང་བྲལ་བ་རྣམས་ཏེ་དེ་དག་དང༌། ཡིད་དང་རྗེས་སུ་མཐུན་པའི་གནས་གཞན་གང་ཡང་རུང་བར། སྒྲུབ་པ་པོས་མངོན་སུམ་དུ་བྱ་བའི་ཕྱིར།འདི་ལ་:པ་ཚབ:མཉམ་པར་བཞག་པར་བྱ་བའི་ཕྱིར་དང༌། :ཆག:ནུས་པ་བསྒྲུབ་པར་བྱ་བའི་ཕྱིར། ཞེས་པ་གསུམ་བྱུང་ཡང་ཕྱི་མ་ལྟར་རོ། །བསམ་གཏན་རྡོ་རྗེ་སྟེ་སྔགས་དང་ཡེ་ཤེས་ཀྱི་སྐུའི་ཕྱག་རྒྱ་ཆེན་པོ་རྣམ་པ་གཉིས་ལ་རིམ་གཉིས་ཀྱི་རྣལ་འབྱོར་པས་སོ་སོར་དམིགས་པར་བྱའོ། །སྔགས་དང་བཟླས་པའི་སྦྱོར་བས་སོ། །ཞེས་བྱ་བ་ལ། སྔགས་ནི་ངག་གི་བཟླས་བརྗོད་དོ། །བཟླས་པ་ནི་རྡོ་རྗེའི་བཟླས་པའོ། །དེ་གཉི་གའི་སྦྱོར་བ་ནི་ཉམས་སུ་བླང་བའོ། །དགོས་པ་ཅིའི་

---

^{[མ་དཔེ་གཟིགས་ན་འདིར་གནོན།]}

ཕྱིར་སྐུ་གཉིས་ལ་དམིགས་ནས་བཟླས་པ་གཉིས་པོ་འདི་ལྟར་བྱ་ཞེ་ན། རྡོ་རྗེ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་དཔའ་ལ་སོགས་ཀུན། ཞེས་བྱ་བ་ནི། མི་བསྐྱོད་པ་ལ་སོགས་པའོ། །སྔགས་ཀྱི་བསམ་གཏན་གྱིས་བསྐུལ་བས་ཞེས་བྱ་བ་ནི། རྣལ་འབྱོར་པ་རང་རང་གི་སྔགས་དང༌། རང་རང་གི་ལྷའི་སྐུའི་ཕྱག་རྒྱ་ལ་དམིགས་པས་རབ་ཏུ་བསྐུལ་ཞིང་རྦོད་པས་སོ། །གསུང་གི་ལས་ཀྱི་བཀའ་བཞིན་དུ། ཞེས་བྱ་བ་ནི། གསུང་གི་ལས་ཀྱི་བྱ་བ་གང་དང་འབྲེལ་བ་དེ་ནི་གསུང་གི་ལས་ཏེ། འོད་དཔག་ཏུ་མེད་པ་སྟེ་དེའི་བཀའ་ཇི་བཞིན་དུའོ། །ལས་རྣམས་སྣ་ཚོགས་བྱེད་པར་འགྱུར། ཞེས་བྱ་བ་ནི། ལས་ཀྱི་ལམ་རྣམ་པ་སྣ་ཚོགས་བྱེད་ཅིང་སྒྲུབ་པར་འགྱུར་བའོ། །འདིར་སྔོན་དུ་རང་གི་ལྷའི་སྔགས་ལ་ཡི་གེ་བཞི་པོ་གདགས་ལ་འབུམ་བཟླ་ཞིང་དེའི་བཅུ་ཆའི་སྦྱིན་སྲེག་བྱ། ལས་ཚོགས་གཞན་ལ་བཤད་པ་ལྟར་གྱི་བསྐྱེད་རིམ་བརྟན་པ་དང༌། སྤྱོད་པ་བྱ་བ་ཡང་སྔོན་དུ་འགྲོ་དགོས་ཏེ། ཡེ་ཤེས་པ་བཤད་ཚོད་བཞིན་ཕེབས་པ་ལ་དེ་རྣམས་དགོས་སོ། ༈ །དེ་ལྟར་སྔོན་དུ་ཁབྱས་པ་གལ་ཀསྤྱོད་པངའི་སྒྲུབ་པ་པོས། བདག་ཉིད་མི་བསྐྱོད་པའི་སྦྱོར་བ་དང་ལྡན་པས་ཡེ་ཤེས་དབབ་པའི་ཡུལ་དེ་བཞིན་ཉིད་དང༌། ཟླ་བ་དང་ས་བོན་དང་ཕྱག་མཚན་གྱི་མཚན་མའི་རིམ་གྱིས་རྡོ་རྗེ་ཆོས་ཀྱི་གཟུགས་ཆེན་པོ། པདྨ་ར་གའི་འོད་དང་འདྲ་བར་བསམས་ལ། མགོ་ལ་ཧཿ དང་ལྐོག་མ་ལ་ཨཱཿ དང་སྙིང་ཁ་ལ་ཧཱུཾ འི་ཕྱོགས་རྣམས་སུ་ཡི་གེ་གསུམ་བཀོད་ནས། དེར་སྐུ་གསུང་ཐུགས་ཀྱི་རྡོ་རྗེ་ཆེ།

---

^{[མ་དཔེ་གཟིགས་ན་འདིར་གནོན།]}

ཞེས་བྱ་བའི་དགོད་པ་སྟེ་ཚོགས་གསུམ་ཡི་གེ་གསུམ་གྱི་ནང་དུ་ཐིམ་པར་བསམས་ཏེ། འདི་ནི་གནས་གསུམ་དུ་ནི་རིགས་བརྟག་གོ །ཞེས་བྱ་བ་ཡིན་ནོ། ༈ །དེ་ལྟར་སྣོད་ཡོངས་སུ་སྦྱང་བ འི་བསྐྱེད་ཆོག་བྱས་ནས། དབབ་པའི་ཆོ་ག་འོག་ནས་བཤད་པ་ཐམས་ཅད་ནི་བྱས་ཤིང་བསྒྲུབས་ན། གདོན་མི་ཟ་བར་གཅིག་ཏུ་འགྲུབ་པར་འགྱུར་ཞིང་རབ་ཏུ་འགྲུབ་པར་ཉེ་བར་འགྲོའོ། །གཡོ་དང་རེངས་ཞེས་བྱ་བ་ལ་སོགས་པ་ལ། གཡོ་བ་ནི་འཕར་བ་དང་འདར་བ་དང་འཁོར་བའོ་:པ་ཚབ:ཟེར། བསྐུལ་དང་ཞེས་བྱ་བ་ལ། བསྐུལ་བ་ནི་འགུལ་བ་དང་གཡོ་བ་བསྐྱེད་པའོ། །རེངས་པ་:པ་ཚབ:རེངས་པ་ནི་ལྷ་ཕབ་པའི་སྔོན་རོལ་དུ་སྣོད་ཐ་མལ་པའི་ངར་འཛིན་བསལ་ནས། ཤིང་ལྟར་མི་གཡོ་བའི་ངོ་བོར་གནས་པའི་གནས་སྐབས་སོ། །ཞེས་པ་ལྟར་ཏེ། སྣོད་མངོན་བྱང་ལྔས་སྣང་མཐར་བསྐྱེད་དེ། ཐ་མལ་གྱི་རྟོག་པས་མི་གཡོ་བར་བྱས་པའོ། །ཞེས་བྱ་བ་ནི་ལྷའི་བཀས་དང་པོ་སྣོད་ཀྱི་ཐ་མལ་པའི་ང་རྒྱལ་བསལ་ནས། ཤིང་ལྟར་མི་གཡོ་བར་བྱས་པའི་གནས་སྐབས་སོ། །ལྷ་ཆེན་པོ་ནི་རྡོ་རྗེ་སེམས་དཔའ་ལ་སོགས་པ་འཇིག་རྟེན་ལས་འདས་པའི་ལྷ་རྣམས་རབ་ཏུ་ཞུགས་ནས་བབས་པའི་སྐད་ཅིག་ལ་ལུས་ལ་ལྷ་བཞུགས་པའོ། །ལྷ་ཆེན་པོ་དེས་འདས་པ་ལ་སོགས་པའི་དོན་ཇི་ལྟ་བ་བཞིན་དུ་སྟོན་པ་ནི། འཕགས་པའི་ལམ་དེ་དབབ་པ་བཞི་པོ་དེ་དག་ནི། གང་ཞིག་རྡོ་རྗེ་གྲུབ་པའི་ངོ་བོ་ཉིད་གང་ཡིན་པའི་རྡོ་རྗེ་གྲུབ་པ་དེས། བརྟུལ་ཞུགས་ཀྱི་སྤྱོད་པ་བྱང་བར་གྱུར་པས་དེ་ལྟར་བྱས་ན་རྟག་པར་འགྲུབ་པར་འགྱུར་ཞིང༌། རབ་ཏུ་འགྲུབ་པར་ཉེ་བར་འགྲོ་བར་

---

^{[མ་དཔེ་གཟིགས་ན་འདིར་གནོན།]}

འགྱུར་རོ། ༈ །སྣོད་ཀྱི་མཚན་ཉིད་བསྟན་པར་བྱ་བའི་ཕྱིར། བུ་མོ་ཞེས་བྱ་བ་ལ་སོགས་པ་གསུངས་ཏེ། བུ་མོ་ལོ་གྲངས་བཅུ་གཉིས་ཀྱི་ཚད་ལ་གཞོན་ནུ་མ འི་ཚུལ་མ་ཉམས་ཤིང་གཙང་བའམ། ཁྱེའུ་ལོ་དེའི་ཚད་ཙམ་ལ་བུད་མེད་ཀྱི་ཡུལ་དང་མ་འཕྲད་པ་མཚན་ཉིད་ཐམས་ཅད་ཡོངས་སུ་རྫོགས་པ་སྟེ། ཡན་ལག་དང་ཉིང་ལག་མ་ཚང་བ་མེད་པ་བཟུང་ནས། སྔར་བཤད་པའི་རིམ་གྱིས་མངོན་པར་སྦྱངས་ལ། དབབ་པ་བཞི་པོ་རབ་ཏུ་བརྟག་པར་བྱའོ། །ཆོ་ག་ཐམས་ཅད་བྱས་ནས་ནི། ཞེས་བྱ་བ་ནི། སྣོད་མངོན་པར་སྦྱང་བ་ལ་སོགས་པ་དང་པོ་བྱས་ཤིང་རྫོགས་ནས་སོ། །ལས་རྣམས་རབ་ཏུ་བསྒྲུབ་པར་བྱ། ཞེས་བྱ་བ་ནི། དེའི་འོག་ཏུ་དབབ་པའི་ལས་རབ་ཏུ་བསྒྲུབ་པར་བྱ་བའོ། ༈ །རྣམ་པ་གཞན་དུ་བྱས་ན་ནི། ཁམས་གསུམ་སྐྱེ་བོས་དཔྱས་པར་འགྱུར། ཞེས་བྱ་བ་སྟེ། ཡེ་ཤེས་འབེབས་ཚུལ་སྔར་བཤད་པ་དེ་ལྟར་མ་བྱས་ན་མཆོག་དང་འབྲིང་དང༌། ཐ་མའི་ཁམས་གསུམ་པའི་སྐྱེ་བོས་དཔྱས་ཤིང་སྨད་པར་འགྱུར་རོ། ༈ །དབབ་པའི་ཆོ་ག་དེ་ལ་ནི་སྙིང་པོའི་སྔགས་ཀྱི་ཚིག་འདི་དག་ཡིན་ཏེ་ཞེས་བྱ་བ་ནི། ཐུགས་ལས་བྱུང་བའི་ཕྱིར་སྙིང་པོའོ། །སྣོད་མིན་ལ་གསང་བ་ཡིན་པས་ན་སྔགས་སོ། །ཡི་གེ་ནི་ཧཱུཾ་ལ་སོགས་པ་བཞིའོ། །དེ་རྣམས་ཉིད་ཚིག་ཚིག་གི་སྐད་དོད་བཱ་ད་ནི་ཚིག་ལ་འགྲོ་ཡང་འདིར་གནས་ལ་བསྒྱུར་དགོས་སོ། །སྟེ་དབབ་པའི་གཞིར་

---

^{[མ་དཔེ་གཟིགས་ན་འདིར་གནོན།]}

གྱུར་པས་སོ། །སྒྲུབ་པ་པོས་རིམ་པ་འདིས་དབབ་པར་བྱའོ། །དེ་ལྟར་བྱས་པས་ཕབས་པའི་སྣོད་ནི་ནམ་མཁའི་ཁམས་ནི་ཞེས་བྱ་བ་ལ་སོགས་པ་ལ། ཡུལ་ལ་ཕྱིར་འཕྱར་བའི་རྣམ་པར་ཤེས་པ་དང་བྲལ་བས་ནམ་མཁའི་ཁམས་ལྟར་སྟོང་པར་གྱུར་ལ། སེམས་མེད་ཅིང་སྟེ་ཤི་བའི་ལུས་ལྟ་བུར་རེ་ཞིག་མི་གཡོ་ལ། དེ་ནས་འཕར་བ་སོགས་འབྱུང་ངོ་འོ་། །རྟོག་པ་ཐམས་ཅད་རྣམ་སྤངས་དང༌། ཞེས་པ་ནི། རྟོག་པ་བྲལ་བའོ། །རྡོ་རྗེ་སེམས་དཔའ་བདག་ཉིད་ཀྱང། ཞེས་པ་ནི། རྡོ་རྗེ་སེམས་དཔའ་འང་མངོན་སུམ་དུ་བབས་པར་འགྱུར་རོ། །ཞེས་སྒོམ་པའི་ཆེ་བའི་བདག་ཉིད་གསལ་བར་བྱས་པ་ཡིན་ནོ། །ཆོ་ག་བཞིན་དུ་བྱས་ན་འབབ། ཅེས་བྱ་བ་ནི་དབབ་པའི་ཆོ་གས་འབབ་པའོ། །ཡི་གེ་བཞི་བཀོད་པའི་དགོས་པ་བསྟན་པར་བྱ་བའི་ཕྱིར། ཧཱུྃ་ནི་ཞེས་བྱ་བ་ལ་སོགས་པ་གསུངས་ཏེ། ཧཱུྃ་ལ་ནི་རྡོ་རྗེ་སེམས་དཔའི་བདག་ཉིད་ཏེ། ཐུགས་རྡོ་རྗེ་བཞུགས་ལ། ཧཱ་ལ་ནི་སྐུ་རྡོ་རྗེ་བཞུགས་ལ། ཨཱ་ལ་ནི་ཆོས་འཛིན་པའི་རྒྱལ་པོ་སྟེ་འོད་དཔག་ཏུ་མེད་པ་བཞུགས་ཏེ། འདི་ནི་གསང་ཚིག་བསྟན་པའོ། །ཞེས་བྱ་བ་ལ། ཡི་གེ་གསུམ་གྱི་གསང་ཚིག་བསྟན་པ་འདི་གང་ཡིན་སྙམ་ན་གསང་ཚིག་བསྟན་པ་ནི་ཡེ་ཤེས་དབབ་པའི་ཡུལ་ལ་བསྟན་པའོ་ལོ་། །ཛྷཱཻཿནི་བསྐུལ་བར་བྱེད་པར་བཤད། ཅེས་བྱ་བ་སྟེ། སྐུལ་བ་སྟེ་འཕགས་པ་སྐྱེད་ཅེས་བྱ་བར་བཤད་དོ། །འགུལ་བ་ནི་འཁོར་ལོ་བཞིན་ཏུ་འཁོར་བའོ། །གཡོ་བ་ནི་བསྐྱོད་པ་སྟེ། དེ་དག་ལ་ཡང་ཛྷཱཻཿཞེས་པ་ཉིད་

---

^{[མ་དཔེ་གཟིགས་ན་འདིར་གནོན།]}

བསྐུལ་བ་ཡིན་པར་བཤད་དེ། ཛྷཱཻཿཞེས་བྱ་བ་འདི་ཉིད་ཀྱིས་བསྐུལ་བ་ཐམས་ཅད་ནི་སྟེ།:ཆག:རེངས་པ་ལ་སོགས་པ་གསུམ་ལ་ཡང་ཟེར། སྐུལ་བ་ལ་སོགས་པ་གསུམ་ལ་ཡང་གསང་བ་སྟེ། སྙིང་པོར་གྱུར་པ་ཡིན་པར་བཤད་དོ། །དེ་ལྟར་བཤད་པའི་ཆོ་གས་བབས་པར་གྱུར་ནས། ས་གཞི་ལས་ཁྲུ་གང་ཙམ་མམ་དེ་ལས་ལྷག་པར་ནམ་མཁའ་ལ་འཕགས་པར་འགྱུར་རོ། །རྡོ་རྗེ་སེམས་དཔའ་སྟེ་མི་བསྐྱོད་པའི་ཏིང་ངེ་འཛིན་དང༌། ཡི་གེ་ཧཱུྃ་གིས་རབ་ཏུ་བསྐུལ་ཞིང་གསལ་བར་བྱས་པས། ལྷ་རྣམས་རྡོ་རྗེ་སེམས་དཔའི་བཀའ་ལས་འདས་པས། འཇིགས་ཤིང་སྐྲག་ལ་འཁྲུལ་བས་འཕར་བར་འགྱུར་རོ། །སྔ་མ་བཞིན་དུ་ཞེས་བྱ་བ་ལ་སོགས་པ་ལ། ས་བོན་ཐ་མ་ཛྷཱཻཿ འདིའི་ཇི་ལྟར་རྣམ་པ་གང་གིས་གསང་བ་ཐོབ་པ་སྟེ། འབེབས་པར་བྱེད་པ་དེ་བཞིན་དུ། ས་བོན་ལྷག་མ་གསུམ་ཡང་ཇི་ལྟར་ཐ་མ་ཨཱཿ ནས་བརྩམས་ཏེ། ས་བོན་དང་པོ་ཧཱུཾ་གྱི་འི་བར་དུ་དེ་དང་འདྲ་བར་འབེབས་པར་བྱེད་པའོ། ༈ །འདིར་མདོར་བསྡུས་པ་ནི་འདི་དག་ཡིན་ཏེ། དེ་ལ་དང་པོར་སྒྲུབ་པ་པོས་རི་བོ་ལ་སོགས་པ་ཡིད་དུ་འོང་བའི་གནས་སུ། སྔོན་དུ་བྱ་བའི་སྤྱོད་པ་བྱས་ཤིང༌། ལྷའི་རྣལ་འབྱོར་ལ་སེམས་བརྟན་པས་སྣོད་ལ་དབབ་པར་འདོད་པས། རང་མི་བསྐྱོད་པའི་ཏིང་ངེ་འཛིན་ཇི་ལྟ་བ་བཞིན་དུ་དམིགས་ཏེ། མཚན་ཉིད་དང་ལྡན་པའི་སྣོད་ལྷག་པར་རྙེད་པར་བྱས་ཏེ་:པ་ཚབ:ཟེར། ལྷག་པར་གནས་པའི་ཆོ་ག་

---

^{[མ་དཔེ་གཟིགས་ན་འདིར་གནོན།]}

བྱས་ནས། འོད་དཔག་ཏུ་མེད་པ་ཇི་ལྟ་བ་བཞིན་དུ་བསྐྱེད་པར་བྱས་ཏེ། སྤྱི་བོ་དང་ལྐོག་མ་དང་སྙིང་ཁ་རྣམས་སུ་ཡི་གེ་གསུམ་བཀོད་ནས། ཡི་གེ་གསུམ་པོ་དེར་དགོད་པ་རྡོ་རྗེ་གསུམ་ནང་དུ་བསྟིམས་ཏེ། སྣོད་ཀྱི་རྐང་པའི་མཐིལ་ནས་ཁོང་སྟོང་ལྟ་བུར་བསམས་ལ། འོག་ཏུ་རླུང་དང་མེའི་དཀྱིལ་འཁོར་གྱི་སྟེང་ན། རྐང་མཐིལ་དུ་གནས་པའི་ཡི་གེ་ཛྷཱཻཿ དམར་པོ་ལས་བྱུང་བའི་འོད་ཟེར་ཁ་གྱེན་དུ་བལྟས་པའི་ཚོགས་རྣམས། རྐང་པའི་མཐིལ་གྱི་དབུས་སུ་ཞུགས་ནས། སྤྱི་བོའི་གཙུག་ཏུ་ཕྱིན་པས་ལུས་ཤེལ་སྒོང་ལྟར་ཡང་དག་པར་སྦྱངས་ནས། ཡེ་ཤེས་ཀྱི་ངོ་བོར་གྱུར་པའི་སེམས་དཔའ་སྣང་མཐའ་འོད་གསལ་བར་གཞུག་པར་བྱའོ། །དེ་ནས་དེ་ནས་:པ་ཚབ་ཆག:རེངས་པར་འགྱུར་རོ་ཟེར། ནི་འགུལ་བར་འགྱུར་ཏེ།:པ་ཚབ:ཡང་ལྡང་བའི་སྣོད་ཟེར། ཡང་འོད་གསལ་དུ་བཅུག་པ་དེ་ལྡང་བར་བྱ་བ་སྟེ། དེ་ལས་ལངས་པའི་སྣོད་སྣང་མཐར་བསྒོམ་པའི་ཕྱིར་སྣོད་ཀྱི་སྙིང་གའི་པདྨའི་སྟེང་དུ་ཡི་གེ་ཧཱུཾ་བསམས་ལ། དེ་ཡོངས་སུ་གྱུར་པ་ལས་བྱུང་བའི་རྡོ་རྗེ་སེམས་དཔའ་སྟེ་མི་བསྐྱོད་པ་བསྒོམ་པར་བྱའོ། །དེ་བཞིན་དུ་མགོ་ལ་ཧཿ ཡོངས་སུ་གྱུར་པ་ལས་བྱུང་བའི་སྐུ་རྡོ་རྗེའོ། །ཡང་ལྐོག་མར་ཨཱཿ ལས་བྱུང་བའི་འོད་དཔག་ཏུ་མེད་པ་དེ་རྡོ་རྗེ་གསུམ་ཡུམ་དང་བཅས་པ་བསྒོམས་ལ། ཡང་ཛྷཱཻཿ འི་འོད་ཀྱིས་རྡོ་རྗེ་གསུམ་ཡབ་ཡུམ་ཡང་དག་པར་བསྐུལ་ལ། དེ་གསུམ་སྙོམས་པར་ཞུགས་པ་ལས་ཐབས་ཀྱི་ཡེ་ཤེས་བྱང་སེམས་ཀུནྟ་ལྟ་བུ་འབྱུང་བར་བྱས་ན ས། དེའི་རྒྱུན་བབས་པས་ལུས་གང་བར་བསམས་

---

^{[མ་དཔེ་གཟིགས་ན་འདིར་གནོན།]}

ན་ལྷ་ཆེན་པོའི་གནས་སྐབས་ཐོབ་པར་འགྱུར་རོ། །སྣོད་ལ་བབས་པར་ཤེས་ནས་བསྐུལ་བ་སྟེ་གཡོ་བ་ལ་སོགས་པ་བྱ་བའི་ཕྱིར། ཧཱུཾ་ལ་སོགས་པའི་ས་བོན་བཞི་དྲིལ་བུ་དཀྲོལ་བ་དང་བཅས་པས་བརྗོད་པར་བྱས་:པ་ཚབ:ཞིང་འབད་རྩོལ་བྱའོ། །ལ་བརྩལ་ལོ། །དེ་ནས་འགུལ་བ་ལ་སོགས་པས་སྣོད་ལ་བབས་པ་བརྟན་པོར་གྱུར་པར་རྟོགས་ནས། འཕགས་པའི་ལམ་གྱི་གནས་སྐབས་ལྐོག་ཏུ་གྱུར་པའི་དོན་ཤེས་པ་འཐོབ་པར་བྱ་བའི་ཕྱིར། ལྐོག་མའི་ཕྱོགས་ན་གནས་པའི་གསུང་གི་རྡོ་རྗེ་ལ། སྙིང་ཁའི་ཕྱོགས་ཀྱི་ཐུགས་རྡོ་རྗེ་ལས་བྱུང་བའི་འོད་ཀྱི་ཚོགས་སྟེང་དུ་འགྲོ་བས་ཡང་དག་པར་བསྐུལ་བར་གྱུར་པར་བསམས་ལ། བྲཱུ་ཧི་བཛྲ་རྡོ་རྗེ་སྨྲོས་ཤིག་ཞེས་བརྗོད་ན་དྲིས་པའི་དོན་ཁབདེན་པ་ར་ཀགང་ཡིན་པ་དེ་གསྟོན་པར་འགྱུར་རོ། །དེ་ལྟར་བྱས་ནས་དཀྱིལ་འཁོར་དུ་འཇུག་པའི་སྐབས་ཡིན་ན། མེ་ཏོག་དོར་བ་དང་ལ་སོགས་པ ས་དེ་མིན་ཀྱང་བྱ་བ་གཞན་བྱེད་པའི་དགོས་པ་བསྒྲུབས་ཏེ། ཧཱུྃཿ ཧཿ ཨཱཿ མུཿ ཞེས་བརྗོད་དེ་ལྷ་གཤེགས་སུ་གསོལ་ལ་སྣོད་རང་གི་གནས་སུ་བཞག་སྟེ། དེའི་གནས་གསུམ་དུ་ཡི་གེ་གསུམ་གྱི་གོ་ཆ་དང་ལ་སོགས་པ་མཱ་མ་ཀཱིའི་སྔགས་བཟླས་པ ས་བསྲུང་པར་བྱའོ། ༈ །དེ་ལྟར་སྣོད་ལ་དབབ་པས་རང་གི་བྱ་བ་དང༌། གཞན་གྱི་བྱ་བ་གང་བྱ་རྒྱུ་ཡིན་པ་ངེས་པར་བྱས་ནས། གདུག་པ་འདུལ་བ་ལ་ཞུགས་པའི་སྒྲུབ་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ།

---

^{[མ་དཔེ་གཟིགས་ན་འདིར་གནོན།]}

དེ་བཞིན་གཤེགས་པ་ཀུན་ནི་སྤྱན་ལ་སོགས་པ་སྟེ། དེ་རྣམས་ཀྱི་བདག་པོའོ། །སྐུ་གསུམ་ནི་སྐུ་དང་གསུང་དང་ཐུགས་སོ། །དེའི་གནས་ནི་འོད་གསལ་བ་སྟེ་དེས་ཡོངས་སུ་དག་པས། གསུང་ནི་འདི་སྐད་བཀའ་སྩལ་པའོ། ༈ །རྩེ་གཅིག་མ་གྱུར་པ་ཡིས་ཀྱང༌། ཞེས་བྱ་བ་ནི། ཞིང་དང་ཚོང་དང་བསྙེན་བཀུར་ལ་སོགས་པ་ལ་ཞུགས་པ་རྣམས་ཀྱིས་ཀྱང་བརྟུལ་ཞུགས་བརྟན་པས་ཏེ་དགྲ་བོ་ཚར་གཅོད་པ་ལ་བརྩོན་པས་འདི་དག་བྱའོ། །སྦྱོར་བ་གཞན་མིན་པས་བྱ་བ། ཞེས་པ་ནི། རྣམ་པར་སྣང་མཛད་ལ་སོགས་པ་ནས། གནོད་མཛེས་ལ་ཐུག་པའི་བར་དེ་རྣམས་ཀྱི་སྦྱོར་བ་ནི་སྦྱོར་བ་གཞན་ཡིན་ཏེ། དེ་བས་ན་མི་བསྐྱོད་པའི་སྦྱོར་བས་གདུག་པ་རྣམ་པར་གཞིག་པ་འདི་བྱའོ་ཞེས་བྱ་བའི་བར་དུའོ། །མི་བསྐྱོད་པའི་རྣལ་འབྱོར་གྱིས་ཞེས་པ་ནི་དཀྱིལ་འཁོར་གྱི་གཙོ་བོ་ལ་དགོངས་ལ། དེ་ཡང་འདི་གཙོ་ཆེ་བར་སྟོན་གྱི་ངེས་པ་ནི་མ་ཡིན་ནོ། ༈ །འདིར་མི་བསྐྱོད་པ་ཤིན་ཏུ་དྲག་པོའི་ཏིང་ངེ་འཛིན་གཞན་གཉིས་སྔོན་དུ་བྱ། ལས་སྦྱོར་གྱི་དུས་སུ་དུར་ཁྲོད་ཅེས་བྱ་བ་ལ་སོགས་པ་ལ། དགྲ་བོའི་གཟུགས་བརྙན་དུར་ཁྲོད་ཀྱི་སོལ་བ་དང༌། དུག་དང་ད་ཏུ་ར་ཀ་སྔོན་པོ་འདབ་མ་གསུམ་པ་གཅིག་ཡིན་ཟེར། དང་སྐེ་ཚེ་དང་ལན་ཚྭ་དང༌། ཡུངས་མར་དང་ལ་སོགས་པ “ས་ཁྲག་ལས་བྱས་ནས་བཞག་སྟེ། མངོན་སྤྱོད་ཀྱི་རྫས་ཉིད་ཀྱིས་དུར་ཁྲོད་ཀྱི་རས་ལ་བསྒྲུབ་པར་བྱ་བའི་མིང་སྔགས་དང་སྤེལ་བ་བྲིས་ཏེ། བསྒྲུབ་པར་བྱ་བའི་སྙིང་ཁར་བཅུག་ལ།

---

^{[མ་དཔེ་གཟིགས་ན་འདིར་གནོན།]}

རྫས་ལིང་ག་ལ་དེའི་རྣམ་ཤེས་དགུག་པ་དང་དོན་དུ་ཞེན་པ་སྔོན་དུ་འགྲོ་བས། ལྷོ་ཕྱོགས་སུ་ཁ་བལྟས་ལ་སྐྲ་བཤིག་ཅིང་གཅེར་བུར་བྱུང་ནས། གཤིན་རྗེ་གཤེད་ལ་སོགས་པ་ཁྲོ་བོ་གང་ཡང་རུང་པའི་སྔགས་བསད་པའི་སྤེལ་ཚིག་དང་བཅས་པ་ཐུན་བཞིའམ་གསུམ་དུ་བཏོན་ན། ཁམས་གསུམ་དག་ཀྱང་འཇིག་པར་བྱེད་དོ། །ཞེས་བྱ་བ་ནི། ཤིན་ཏུ་ཁྱད་པར་དུ་འཕགས་པར་གསུངས་པའོ། །དུར་ཁྲོད་རོ་བསྲེགས་ཞེས་བྱ་བ་ལ་སོགས་པ་ལ། རོ་བསྲེགས་པའི་ཐལ་བ་ཡུངས་མར་དང་སྦྲུས་པ་ལས་དགྲའི་གཟུགས་བརྙན་བྱས་ནས། དེའི་རྣམ་པར་ཤེས་པ་ནང་དུ་བཅུག་ལ། དེ་བཞིན་དུ་མི་བསྐྱོད་པའི་ཏིང་ངེ་འཛིན་ལ་གནས་པའི་རྣལ་འབྱོར་པས། ཁྲོ་བོའི་སྔགས་སྟོང་ངམ་བརྒྱ་རྩ་བརྒྱད་དུ་བཟླས་པས་ཀྱང་ངེས་པར་འཆི་བར་འགྱུར་རོ། ༈ །དཀྱིལ་འཁོར་གྲུ་གསུམ་ཞེས་བྱ་བ་ལ་སོགས་པ་ལ། རོ་བསྲེགས་པའི་ཐལ་བ་ལས་མེའི་དཀྱིལ་འཁོར་གྲུ་གསུམ་དུར་ཁྲོད་དུ་བྲིས་ལ། དེར་ཤིང་ཚེར་མ་ཅན་གྱིས་མེ་སྦར་ལ་བ་ལང་གི་ཤ་ལ་སོགས་པ་ལས། དགྲ་བོའི་གཟུགས་བརྙན་ཇི་ལྟ་བ་བཞིན་དུ་བྱས་ཏེ། དགུག་པ་ལ་སོགས་པ་སྔོན་དུ་འགྲོ་བས་སྔ་མ་བཞིན་དུ་སྔགས་བཟླས་ལ། གཏུབ་ཅིང་གཏུབ་ཅིང་མེ་ལ་སྦྱིན་བསྲེག་བྱའོ། །གཞིག་པར་དཀའ་བའི་རྡོ་རྗེའང་གདོན་མི་ཟ་བར་འཇིག །ཅེས་བྱ་བ་ནི། ལས་ཀྱི་ཆེ་བའི་བདག་ཉིད་བསྟན་པའོ། །ཤ་ཆེན་ཞེས་བྱ་བ་ལ་སོགས་པ་ལ།

---

^{[མ་དཔེ་གཟིགས་ན་འདིར་གནོན།]}

སྲོག་འཇིག་པའི་ལས་གང་ཡིན་པ་ལ་ཤ་ཆེན་པོ་ལས་སྔ་མ་བཞིན་དུ་བྱ་སྟེ། ཤ་ལས་བྱས་པའི་སྦྱོར་བ་ཐམས་ཅད་ཀྱི་ནང་ན། རྡོ་རྗེ་ལས་བྱུང་བ་ཤ་ཆེན་ལས་བྱས་པ་ནི། ཤིན་ཏུ་མི་བཟད་པ་ཡིན་པར་བཤད་དོ། །དེ་ཉིད་ཀྱི་ཕྱིར་འདི་ནི་དགྲ་རྣམས་ཐམས་ཅད་ཀྱི”། འཇིག་པ་ཤིན་ཏུ་མི་བཟད་ཡིན། ཞེས་བྱ་བ་གསུངས་སོ། །དགྲའི་ཞེས་བྱ་བ་ལ་སོགས་པ་ལ། ཆོས་མཆོག་ཅན་ཏེ་སྨེ་ཤ་ཅན་ལ་སོགས་པའི་བཤང་བ་དང༌། གཅི་བ་ལས་དགྲའི་གཟུགས་བརྙན་བྱས་ལ། དགུག་པ་སྔོན་དུ་འགྲོ་བས་སྔགས་བཟླས་ཏེ། ཐབ་ཁུང་གྲུ་གསུམ་པའི་ནང་དུ་ཚེར་མའི་མེ་ལ་གཏུབས་ཤིང་གཏུབས་ཤིང་བསྲེགས་ན། སངས་རྒྱས་དག་ཀྱང་ངེས་པར་འཇིག་པར་འགྱུར་རོ་ཞེས་གསུངས་སོ། །དགྲའི་གཟུགས་བརྙན་ཞེས་བྱ་བ་ལ་སོགས་པ་ལ། ཆུ་བོ་འབབ་པའི་འགྲམ་གཉིས་ཞེས་བྱ་བ་ནི། ནུབ་ཕྱོགས་ཀྱི་རྒྱ་མཚོ་འབབ་པའི་ཆུ་བོ་སྟེ། དེའི་འགྲམ་གཉིས་ཀྱི་ས་བླངས་ལ་དགྲའི་གཟུགས་བརྙན་བྱས་ཏེ། ཤྲིང་གི་ཤྲིང་གི་ནི་དུག་དམར་པོ་སྟེ། བའི་རྭ་ལ་བསྐུས་ན་འོ་མ་དམར་པོར་འོང་བའི་དུག་གོ །ལ་སོགས་པའི་དུག་དང༌། པོ་སོ་འཆའི་ཚེར་མ་དང༌། སང་གོ་ཙ་སྦལ་བ་དཀར་པོ་ལ་སོགས་པའི་དུག་གམ །སརྦཾ་སྦྲུལ་ཀཎ་ཊ་ཀའི་ཚེར་མ་ཅན་ཏེ་སྦྲུལ་རུས་པའི་མཆེ་བ་ཅན་ཡིན་ཟེར། དུག་ཏིལ་གྱི་འབྲས་བུ་ཙམ་གྱིས་གཟུགས་བརྙན་གྱི་ལུས་བཀང་ལ། སྦས་ནས་ཆེ་གེ་མོ་མཱ་ར་ཡ་ཕཊ་ཅེས་བྱ་བས་བསྐུལ་ན། སངས་རྒྱས་ཀྱང་ངེས་པར་འཇིག་