ཤོག་ལྷེབ་ ༨༠༡ ནས་ ༩༠༠ བར།

---

^{[མ་དཔེ་གཟིགས་ན་འདིར་གནོན།]}

པར་འགྱུར་རོ། །ཞེས་གསུངས་སོ། །སྐེ་ཚེ་ཞེས་བྱ་བ་ལ་སོགས་པ་ལ། སྐེ་ཚེ་ལ་སོགས་པའི་རྫས་རྣམས་ལས་དགྲའི་གཟུགས་བརྙན་བྱས་ལ། དེ་བཞིན་དུ་ཚེར་མ་ཅན་གྱི་མེ་ལ་སྦྱིན་བསྲེག་བྱ་སྟེ། འདི་ནི་སངས་རྒྱ་ཐམས་ཅད་དེ། བསྒྲུབ་པར་བྱ་བ་ཉིད་དུ་མངོན་པར་འདོད་པ་རྣམས་ཀྱི་གསད་པར་བྱ་བ་ལ། འདི་དག་ཉིད་གཙོ་བོ་ཡིན་པར་བཤད་དོ། །གསོད་པའི་ལས་འདི་དག་ཐམས་ཅད་ཀྱང་། དཀོན་མཆོག་གསུམ་ལ་གནོད་པ་བྱེད་པ་རྣམས་བཟློག་པར་བྱ་བའི་ཕྱིར། བསྐྱེད་པའི་རིམ་པ་མཐར་ཕྱིན་པ་དང་ལྡན་པ་རྣམས་ཀྱི ས་བྱ་བར་གསུངས་པ་ཡིན་ནོ། ༈ །རྫོགས་པའི་རིམ་པ་ལ་གནས་པའི་གསོད་པའི་ལས་ཀྱི་ངེས་དོན་ཀྱང་ལེའུ་དགུ་པ་ལས་གསུངས་པའི་ཚུལ་དུ་བྱ་བར་ཤེས་པར་བྱའོ། ༈ །སོལ་ཁུས་ཞེས་བྱ་བ་སོགས་པ་ལ། དུར་ཁྲོད་ཀྱི་སོལ་བའི་ཁུ་བས་གཤེར་བར་བྱས་པའི་གོས་གྱོན་ལ། ལིང་ག་སྟེ་སེམས་ཁྲོས་པས། སྐེ་ཚེ་ལ་སོགས་པ་ལས་བྱས་པའི་དགྲ་བོའི་གཟུགས་བརྙན། མི་བསྐྱོད་པའི་སྦྱོར་བ་དང་ལྡན་པའི་རྐང་པས་མནན་ནས། ཆེ་གེ་མོ་རཀྵ་སཻ་གྲིཧྣ་བ་ཡ་སྲིན་པོ་རྣམས་ཀྱིས་འཁྱེར་དུ་ཆུག་ཅིག་ཅེས་བྱ་བའི་བསྐུལ་བའི་ཚིག་དང་ལྡན་པར་གནོད་མཛེས་ཀྱི་སྔགས་བཟླས་ན་སྲན་པོས་འཁྱེར་བར་འགྱུར་རོ། །རུས་ཕྱེ་ཞེས་བྱ་བ་ལ་སོགས་པ་ལ། མི་རུས་ཀྱི་ཕྱེ་མ་དང་ཁྲག་དང་དུག་རྣམས་ལས་དགྲའི་གཟུགས་བརྙན་བྱས་ལ། བཤད་མ་ཐག་པའི་ཆོ་

---

^{[མ་དཔེ་གཟིགས་ན་འདིར་གནོན།]}

ག་བཞིན་དུ་མནན་ནས་བཟླས་བརྗོད་བྱའོ། དེ་ལྟར་བྱས་པའི་སྦྱོར་བའི་ཆེ་བའི་མཐུ་བསྟན་པར་བྱ་བའི་ཕྱིར། རྡོ་རྗེ་སེམས་དཔའ་སྲིན་པོས་འཁྱེར་བར་འགྱུར་རོ། །ཞེས་གསུངས་པ་ཡིན་ནོ། །སྐེ་ཚེ་ཞེས་བྱ་བ་ལ་སོགས་པ་ལ། སྐེ་ཚེ་དང་བཤང་གཅི་ལ་སོགས་པ་ལས་དགྲ་བོའི་གཟུགས་བརྙན་བྱས་ནས། དེ་བཞིན་དུ་རྐང་པས་ཡོངས་སུ་མནན་ལ། ཆེ་གེ་མོ་མཧཱ་དཱ་ཧེ་ན་གྲིཧྣ་པ་ཡ། རབ་ཏུ་ཚ་པས་འཁྱེར་དུ་ཆུག་ཅིག་ཅེས་པ་དང༌། བདུད་རྩི་ཐབ་སྦྱོར་གྱི་སྔགས་བརྗོད་ལ། བསྒྲུབ་པར་བྱ་བའི་ལུས་ལ་རིམས་དང་ཚ་བ་བསྐྱེད་པར་བྱའོ། ༈ །དེ་ལ་ཞེས་བྱ་བ་ལ་སོགས་པ་ལ། གང་བཤད་མ་ཐག་པའི་དྲག་པོའི་ལས་དེ་དག་ཐམས་ཅད་ལ། འོག་ནས་འཆད་པའི་དེ་བཞིན་བཤེགས་པ་ཐམས་ཅད་ཀྱི་དམ་ཚིག་ཆེན་པོའི་རྡོ་རྗེ་ཁྲོ་བོ་ཞེས་བྱ་བ་བདུད་རྩི་ཐབ1་སྦྱོར་ཏེ། དེའི་སྙིང་པོ་ནི་གསོད་པའི་ཡུལ་ལ་འཕྲེང་བའི་སྔགས་ཤིན་ཏུ་དམ་པར་གྱུར་པ་ཡིན་ཏེ། ན་མཿ ཞེས་བྱ་བ་ལ་སོགས་པ་སྔར་བཤད་པ་རྣམས་སོ། །སྔགས་དམིགས་བསལ་མེད་པ་ཐམས་ཅད་ལ་བདུད་རྩི་འཁྱིལ་བའི་སྔགས་བཟླའོ། །དེ་ཡང་སརྦ་བིགྷྣན་ཞེས་པ་སྤངས་ལ། དེའི་ཚབ་མར་བསྒྲུབ་བྱའི་མིང་སྤེལ་ཚིག་དང་བཅས་པ་གཞུག་གོ །སྦྱིན་སྲེག་ཅེས་བྱ་བ་ལ་སོགས་པ་ལ། སྦྱིན་སྲེག་གི་རྣམ་པ་ནི་བཤད་ཟིན་ཏོ། །བསམ་གཏན་ནི་འོག་ནས་བཤད་པའི་མཚན་ཉིད་ཅན་ཏེ། སྦྱིན་སྲེག་དེའམ། བསམ་གཏན་དེ་ནི་ལུས་དང་ངག་སེམས་འཇིག་པ་སྟེ། དགྲ་བོའི་ལུས་ལ་སོགས་པ་འཇིག་པའོ། །མ་ཡེངས་

---

^{[མ་དཔེ་གཟིགས་ན་འདིར་གནོན།]}

པ་ཡི་སེམས་ཀྱིས་བྱ། ཞེས་བྱ་བ་ནི། རྩེ་གཅིག་པའི་ཡིད་ཀྱིས་གསོད་པའི་ལས་ཀྱི་མཆོག་འདི་བྱའོ། ༈ །རྡོ་རྗེ་སེམས་དཔའ་ཞེས་བྱ་བ་ལ་སོགས་པ་ལ། བསད་ལས་གང་བྱེད་ཀྱང་ལས་རྒྱལ་མཆོག་གི་དུས་སུ། རང་གི་ཕྱག་གཡས་ཀྱི་རྡོ་རྗེ་ལས་འོད་ཟེར་འཕྲོས་པས་སེམས་ཅན་ཐམས་ཅད་ཀྱི་རྒྱུད་ལ་ཡོད་པའི་ཞེ་སྡང་ཐམས་ཅད་འོད་ཟེར་ནག་པོའི་རྣམ་པར་གཅིག་ཏུ་བྱས་ཏེ་དྲངས་པ་ཡོངས་སུ་གྱུར་པ་ལས། འབྱུང་པོ་ནག་པོའི་གཟུགས་སུ་བསམས་ནས། དེ་བསྒྲུབ་བྱ་དགྲ་བོ་ལ་བསྟིམས་པས་དགྲ་བོ་དེ་རྡོ་རྗེ་སེམས་དཔའ་སྟེ། རྡོ་རྗེ་གནོད་སྦྱིན་སྲིན་པོའི་གཟུགས་ཅན་སྟོབས་ཆེ་ཞིང་ཕ་རོལ་གནོན་པ་ལ། རྣམ་པར་བགྲད་པ་འཇིགས་འཇིགས་ལྟ་བུ་སྟེ། སྨིན་མ་བསྐྱོད་པ་ལ་སོགས་པ་དང་ལྡན་ཞིང༌། རྣམ་པར་འཚེ་བ་ལ་བརྩོན་པ་སྟ་རེ་དང་ཐོ་བ་ཕྱག་སྟེ་ལག་པ་ན་བསྣམས་པར་བསྒྲུབ་བར་བྱ་བ་འདི་ལྟ་བུར་དང་པོར་བསམས་ནས་མཁའ་དབྱིངས་ཞེས་སོགས་འོག་ནས་བཤད་པའི་བསམ་གཏན་འདི་རབ་ཏུ་བརྟག་པར་བྱའོ། །དེ་ལ་ནི་གསོད་པའི་ལས་ལའོ། །འདི་ནི་དྲག་པོ་ཆེན་པོའི་ཁྲོ་བོ་ནི་མི་བསྐྱོད་པའོ། །དེའི་དམ་ཚིག་ནི་འདའ་བར་མི་བྱ་བའི་གསུང་ངོ༌། །ནམ་མཁའི་དབྱིངས་ནི་ནམ་མཁའི་གཏོས་ཏེ། ཉན་ཐོས་དང་རང་སངས་རྒྱས་དང་ཡང་དག་པར་རྫོགས་པའི་སངས་རྒྱས་རྣམས་ཀྱིས། ཡོངས་སུ་གང་བར་རབ་ཏུ་བསྒོམས་ལ། གདུག་པ་སྟེ་བསྒྲུབ་པར་བྱ་བ་དེ་ཡིས་ཐོ་བས་བསྣུན་ཅིང༌། སྟ་རེས་བཅད་ནས་བསད་ཅིང་བཅོམ་པར་བསམས་ལ།

---

^{[མ་དཔེ་གཟིགས་ན་འདིར་གནོན།]}

འདས་པ་བཤད་ཟིན་པ་དང་མ་འོངས་པ་འཆད་འགྱུར་གྱི་བསད་པའི་ལས་རྣམས་བྱ་སྟེ། དེ་ལྟར་བྱས་ན་དེ་མ་ཐག་ཏུ་འཆི་བར་འགྱུར་རོ། །སངས་རྒྱས་ནི་བསྟན་པ་ལ་གནས་ཤིང༌། ཚུལ་ཁྲིམས་ལ་སོགས་པའི་ཡོན་ཏན་དང་ལྡན་པའི་དགེ་སློང་སོགས་རབ་ཏུ་བྱུང་བ་རྣམས་སོ། །བྱང་ཆུབ་སེམས་དཔའ་ནི་དེ་དང་རྗེས་སུ་འབྲེལ་བ་བསླབ་པ་ལྔ་ལ་སོགས་པ་དང་ལྡན་པའི་ཁྱིམ་པ་སྡོམ་ལྡན་སྟེ། དེས་ཡོངས་སུ་གང་བའི་མིའི་འཇིག་རྟེན་བསྒོམས་ནས། གདུག་པ་དེས་བསད་པར་བསམས་ནས་ལས་རྣམས་བྱའོ། །རྡོ་རྗེ་འཛིན་པ་རང་ཉིད་ཀྱང་འཆིའོ་ཞེས་བྱ་བ་ནི་ཤིན་ཏུ་སྟེ་ཕུལ་དུ་བྱུང་བའི་ཁྱད་པར་གསུངས་པའོ། །སངས་རྒྱས་གནོད་བྱེད་ཅེས་བྱ་བ་ལ་སོགས་པ་ལ། དགྲ་བོ་དེས་བཤད་མ་ཐག་པའི་རྣམ་པས་སྡིག་པའི་དྲི་མ་བསགས་པར་གྱུར་ལ། ཁོ་རང་འགྱོད་པས་སྐྲག་ཅིང་དེ་ཉིད་ཀྱིས་ན་འཇིགས་པས་དཀྲུགས་ལ་སྐྱབས་མེད་པར་བསམས་ནས། ལས་བྱས་ན་འཆི་བར་འགྱུར་བར་འདི་ལ་གདོན་མི་ཟའོ། ༈ །ལས་བྱེད་ཚུལ་ནི་བསམ་གཏན་གྱིས་གསོད་པ་བསྟན་པར་བྱ་བའི་ཕྱིར། སྲིན་པོ་ཞེས་བྱ་བ་ལ་སོགས་པ་གསུངས་ཏེ། གནོད་མཛེས་ལ་བཀའ་བསྒོས་པས། དེས་དགྲ་བོ་བཀུག་སྟེ་མདུན་ན་འདུག་པ་ལ། ལེའུ་བཅུ་གསུམ་པ་ནས་བཤད་པའི་ཚིག་གིས་བཀའ་བསྒོ་བས། ཕྱི་རོལ་གྱི་དུར་ཁྲོད་དུ་ཁྱེར་ནས་འདས་པ་དང༌། འཇིག་རྟེན་པའི་འཁོར་སྲིན་པོ་དང༌། འུག་པ་ལ་སོགས་པ་ཁྲོ་ཞིང་འཚེ་བའི་བདག་ཉིད་ཅན། ཤ་དང་ཁྲག་དང་ཚིལ་དང་ཞག་ཟ་བ་རྣམ་པ་སྣ་ཚོགས་པ། གཏུམ་ཞིང་ཤིན་ཏུ་འཇིགས་

---

^{[མ་དཔེ་གཟིགས་ན་འདིར་གནོན།]}

སུ་རུང་བ་དང༌། ཁྲོ་བ་མི་བཟད་དེ་ཁྲོ་བའི་མེ་དང་དུ་བས་བལྟ་བར་དཀའ་བ་རྣམས་ཀྱིས། བསྒྲུབ་པར་བྱ་བ་སྐྲག་པར་བྱས་པ སྟེ་མཚོན་ཆ་སྣ་ཚོགས་ཀྱིས་བཅད་ཅིང་གཏུབས་ཏེ། བསད་ནས་ཤ་ལ་སོགས་པ་ཟོས་པ ར་བསམས་ན། བསམ་གཏན་དེས་ནི་འཆི་བར་འགྱུར་རོ། །རྡོ་རྗེ་འཛིན་པ་ཉིད་ཀྱང་འཆི། ཞེས་བྱ་བ་ནི་ཁྱད་པར་གསུངས་པའོ། །འུག་པ་ཞེས་བྱ་བ་ལ་མཆུ་རིང་བ་ནི་བྱ་ཀང་ཀའོ། །ཝ་དང་ཅེ་སྤྱང་སྐད་དོད་ཐུན་མོང་བ་ཡིན་པས་འདིར་ཝ་ལ་བསྒྱུར་ཡང་ཅེ་སྤྱང་ལ་བྱའོ། །སོགས་པ་ནི་གོ་སླའོ། ༈ །ནང་ལ་གཞོལ་བའི་བསྙེན་པ་མཐར་ཕྱིན་པས་ལས་སྦྱོར་གྱི་དུས་སུ་སྦྲུལ་གནག་ཅེས་བྱ་བ་ལ་སོགས་པ་ལ། དུག་དང་ངེས་པར་ལྡན་པས་མདོག་གནག་པ་ནི་སྦྲུལ་གནག་གོ །རབ་ཏུ་ཁྲོ་བ་ནི་ཤིན་ཏུ་འཇིགས་སུ་རུང་བའོ། །འཇིགས་པ་དག་ཀྱང་འཇིགས་པར་བྱེད་པའི་གདེངས་ཀ་ལྔ་དང༌། ལྕེ་གཉིས་ཡོད་ཅིང་མཆེ་བ་གཙིགས་པ་ཚོན་རྩི་གང་ཡང་རུང་བས་བྲིས་ལ། དེའི་དཔྲལ་བར་ཁཾ་དགོད་ཅིང་བསམས་ལ་དུག་གི་མཆོག་གི་དམ་ཚིག་འདི། སྟེ་རྒྱུ་བ་སེམས་ཅན་དང་མི་རྒྱུ་བ་ཤིང་ལ་སོགས་པའི་དུག་རྣམས། སྒྲུབ་པ་པོའི་ཐུགས་ཀའི་ཡི་གེ་ཧྲིཿ འི་འོད་ཟེར་གྱིས་ནག་པོར་དྲངས་ལ། དཔྲལ་བར་ཁཾ་དང་ལྡན་པའི་སྦྲུལ་གྱི་ཁར་ཞུགས་པར་བསམ་མོ། །དེ་ནས་ཧྲཱིཿ འི་འོད་ཟེར་གྱིས་ཀླུ་བརྒྱད་གང་རུང་གི་རྣམ་ཤེས་བཀུག་ནས། དེ་ལ་བསྟིམས་པས་སྦྲུལ་གྱི་གཟུགས་འདི་ཁྱད་པར་དུ་འགྱུར་ཞིང་འགྲོ་བར་འགྱུར་རོ། །དེ་ནས་དེ་ལ་ཆེ་གེ་མོ་ཟོ་ཤིག་ཅེས་བསྐུལ་ན་དེ་ཟ་

---

^{[མ་དཔེ་གཟིགས་ན་འདིར་གནོན།]}

བར་འགྱུར་ཏེ། དེ་ཡང་ངེས་པར་འཆི་བར་འགྱུར་རོ། །སྡིག་པ་དང་ལ་སོགས་པ ས་སྦལ་པ་ལ་སོགས་པའི་གཟུགས་ལ་དུག་བསྡུས་ནས་བསྐུལ་བ་ལ་ཡང་ཆོ་ག་འདི་ཉིད་དོ། ༈ །ཕྱོགས་བཅུའི་ཞེས་བྱ་བ་ལ་སོགས་པ་ལ། ཕྱོགས་བཅུའི་འཇིག་རྟེན་གྱི་ཁམས་ན་གནས་པའི་སེམས་ཅན་ཐམས་ཅད་དང་འབྲེལ་བའི་འཆེ་བ་སྟེ། སྦྲུལ་དང་གཅན་གཟན་གདུག་པ་ལ་སོགས་པས་བྱས་པ་སྟེ་སྐྱེད་པའི་འཇིགས་པ་ཐམས་ཅད་དང་ཁམས་མི་མཉམ་པར་འཁྲུག ས་པ ས་བསྐྱེད་པའི་རྣམ་པར་འགྱུར་བ འི་ནད་ཐམས་ཅད་སེམས་ཅན་དེ་རྣམས་ལས་འོད་ཟེར་གྱིས་དྲངས་ནས། དེ་གྱུར་བ་ལས། འབྱུང་པོ་ནག་པོའི་གཟུགས་སུ་བསམས་ནས་གཟུགས་དེ་དགྲ་རྣམས་ཏེ། དགྲ་བོའི་རྒྱུད་ལ་ངེས་པར་དབབ་ཅིང་སྟེ་བཞག་པ འམ་བཞུགས་པ ར་བྱ་སྟེ། འདི་ནི་འདི་ནི་:པ་ཚབ:བསྐུལ་བ་སྟེ། བསྒོམ་པ་མཆོག་སྟེ། གདུག་པ་འདུལ་བ་ལ་ཆེས་སྟོབས་དང་ལྡན་པ་དང༌། བསྐུལ་བའི་ལས་གཞན་ལ་ལྟོས་ནས་དམ་པའོ་ཟེར། བསྐུལ་བ་ཞེས་བྱ་བ་བསྒོམ་པའོ། །མཆོག་ཡིན་ནོ་ཞེས་པ་ནི་གདུག་པ་འདུལ་བ་ལ་ཤིན་ཏུ་སྟོབས་དང་ལྡན་པ་སྟེ། མཆོག་ཅེས་པ་ནི་བསྐུལ་བའི་ལས་གཞན་ལ་ལྟོས་པས་སོ། །དེ་ལྟ་བུའི་སྡིག་པའི་དྲི་མ་བསགས་པའི་བསྒྲུབ་པར་བྱ་བ་མདུན་དུ་བསམས་ལ། གཤིན་རྗེ་གཤེད་ཀྱི་སྦྱོར་བས་ཐོ་བས་བསྒྲུབ་པར་བྱ་བའི་སྙིང་ཁར་བརྡེགས་ཏེ། དེ་ལྟར་བྱས་ན་རྡོ་རྗེ་འཛིན་པ་ཆེན་པོའི་བཀའ་བཞིན་དུ་དགྲའི་སྲོག་མེད་པར་བྱེད་པར་འགྱུར་རོ། །རྡོ་རྗེ་ཅན་ཏེ་སྒྲུབ་པ་པོས་བསྒྲུབ་པར་བྱ་བ་དེ་ཉིད་ལ། ཐག་མདུད་ལ་སོགས་པ་བཤད་པས་གཤེགས་

---

^{[མ་དཔེ་གཟིགས་ན་འདིར་གནོན།]}

པ་དང༌། སྟ་རེ་ལ་སོགས་པས་གཤེག་ཅིང་གཏུབ་པར་བསམ་མོ། །དེ་ལྟར་བྱས་པས་སྐུ་གསུམ་གྱི་ནི་མཆོག་སྦྱིན་པ། ཞེས་བྱ་བ་སྟེ། སེམས་ཅན་དབང་པོ་རབ་འབྲིང་ཐ་མ་རྣམ་པ་གསུམ་ལ་ཡིད་དུ་འོང་བའི་འབྲས་བུ་སྟེར་བ་དང༌། རྡོ་རྗེ་སེམས་དཔའ་སྟེ་བརྩོན་འགྲུས་བརྟན་པ་དང༌། དྲག་པོ་སྟེ་བླ་མ་ལ་སྨོད་པ་ལ་སོགས་པའི་སྡིག་པའི་དྲི་མ་ཉེ་བར་བསགས་པའི་བསྒྲུབ་པར་བྱ་བ་འཆི་བར་འགྱུར་རོ། ༈ །བསྲུང་བ་ཞེས་བྱ་བ་ལ་སོགས་པ་ལ། བསྒྲུབ་པར་བྱ་བའི་ནད་མེད་པ་རྒྱས་པར་བཟླས་བརྗོད་དང༌། སྦྱིན་སྲེག་ལ་སོགས་པ་དེ་ལ་ཕན་པར་འདོད་པས་བྱེད་བཞིན་པ་དང༌། བསྲུང་བ་བྱས་པ་དེ་ལ་སོགས་པའི་སྲུང་བར་བྱེད་པའི་སྔགས་རྣམས་ཏེ། བསྒྲུབ་པར་བྱ་བ་ཟློས་པར་གྱུར་པའི་འཕྲེང་བའི་སྔགས་ལ་སོགས་པ་རྣམས་དང༌། ལྷ་རྣམས་ཀྱང་སྟེ་བསྒྲུབ་པར་བྱ་བས་མཉེས་པར་བྱས་པའང་ཕུར་བུས་གདབ་བྱས་པ་སྟེ། ཕུར་བུས་འདེབས་པར་བྱེད་དོ། །སྔར་བཤད་པ་ལྟར། སངས་རྒྱས་བྱང་སེམས་ལ། དགྲ་བོའི་ཉེས་པ་བསྒྲག་པའི་བར་དུ་བྱས་ནས། བསྒྲུབ་བྱ་དེའི་བསྲུང་བའི་ལྷ་དང་སྔགས་ཐམས་ཅད་རང་གིས་བཀའ་བསྒོས་པའི་གནོད་མཛེས་ཀྱིས་བཀུག་སྟེ། གཡོན་ལོགས་སུ་བཞག་པ་ལ། བདུད་རྩི་ཐབ་སྦྱོར་གྱིས་སྤྲུལ་པའི་ཕུར་བུས་གདབ་ཅིང༌། སྔགས་ཀྱི་ཀཱ་ཡ་ཝཱ་ཀ་ཙིཏྟ་བཏོན་ལ། དེའི་གནས་སུ་ཆེ་གེ་མོའི་རཀྵཾ་སམྦྷུ་ཊ་དིཾ་རཀྵ་མནྟྲ་དེ་བ་ཏ་ཤྩ་ཞེས་པ་བཅུག་ལ་ཕུར་བུའི་སྔགས་བརྗོད་ཅིང་བཏབ་པར་བསམ་མོ། །འདི་ནི་གཞན་གྱི་རིག་པ་གཅོད་པར་བྱེད་པ་དང༌། གསོད་

---

^{[མ་དཔེ་གཟིགས་ན་འདིར་གནོན།]}

པར་བྱེད་པའི་ཆོ་ག་སྟེ། རིམ་པ་འདི་ནི་གསོད་པར་བྱེད་པའི་ཡུལ་ལ་མཆོག་ཏུ་གྱུར་ཅིང་ཁྱད་པར་དུ་འཕགས་པ་དང༌། དམ་ཚིག་ཤིན་ཏུ་འདའ་བར་དཀའ་བ་སྟེ། འདའ་བར་མི་བྱ་བའི་དམ་ཚིག་ཏུ་རྡོ་རྗེ་འཆང་ཆེན་པོས་གསུངས་པའོ། ༈ །གསོད་པའི་ཡུལ་འདི་ལ་སེམས་ཅན་རྣམས་འོད་གསལ་དུ་རྣམ་པར་དག་པ་བསྟན་པར་བྱ་བའི་ཕྱིར། རྡོ་རྗེ་ཕུང་པོ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སྟེ་དེ་བཞིན་གཤེགས་པ་ལྔའི་ངོ་བོར་བཤད་པའི་ཕུང་པོས་ཞེས་བྱ་བ་ཕུང་པོ་ལྔའི་བདག་ཉིད་ཀྱིས། འཇིག་རྟེན་གསུམ་པོ་འདི་དག་གི་ནང་གི་བཅུད་ཀྱི་དཀྱིལ་འཁོར་དུ། སེམས་ཅན་སྒོ་ང་ལས་སྐྱེས་པ་ལ་སོགས་པ་སྐྱེ་གནས་བཞིས་བསྡུས་པ་ཅི་ཙམ་གནས་པ་དེ་དག་ཐམས་ཅད་འོད་གསལ་དུ་བསད་ཅིང་གཞོམ་པས་བདག་ཏུ་གཏོགས་པ་ཞེས་པ་སྟེ། རང་གི་བདག་ཉིད་དུ་གཏོགས་ཤིང་སྟེ་བསམས་པའི་རྡོ་རྗེ་སེམས་དཔའི་ངོ་བོ་འ་ཉིད་དུ་གྱུར་པར་བསམས་ཤིང་ཤེས་ན་མཉེས་པར་འགྱུར་ཏེ་ཞེས་བྱ་བ་སྟེ། བསད་པར་གྱུར་པའི་སེམས་ཅན་དེ་རྣམས་སྔགས་པས་རྣམ་པ་འདི་ལྟ་བུས་བསད་པའི་ལས་བསྒྲུབ་ན་དགའ་བར་འགྱུར་ཞིང་མི་བསྐྱོད་པའི་འཇིག་རྟེན་གྱི་ཁམས་སུ་རོལ་པར་འགྱུར་ཀྱིས། གཞན་དུ་མཚོན་ཆ་ལ་སོགས་པས་ཉེ་བར་བཅོམ་ནས་བསད་པ་ནི་འདི་ལྟ་བུ ར་མི་འགྱུར་རོ། །དེ་ནི་རྫོགས་རིམ་པས་བསད་ཆོག་དེ་ལྟར་བྱས་ན་བསྒྲུབ་བྱ་སངས་རྒྱས་ཀྱི་ཞིང་དུ་སྐྱེ་བ་ཡིན་ནོ། །རྣམ་པར་དག་པ་དེ་ཉིད་གསལ་བར་བསྟན་པར་བྱ་བའི་ཕྱིར། སྟོན་

---

^{[མ་དཔེ་གཟིགས་ན་འདིར་གནོན།]}

པ་སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་སྐུ་རྡོ་རྗེའོ། །རྡོ་རྗེ་འཛིན་པ་ནི་ཐུགས་རྡོ་རྗེའོ། །རྡོ་རྗེ་ཆོས་ནི་གསུང་རྡོ་རྗེའོ། །རྡོ་རྗེ་ཅན་ནི་སྐུ་རྡོ་རྗེ་ལ་སོགས་པ་གསུམ་པོ་དབྱེར་མེད་པ་སྟེ་དེ་དག་རིལ་བོར་འཛིན་པ་དང༌། །ཕྲ་རྗེས་སུ་:པ་ཚབ:གཞིག་པ་དག་གིས་ཟེར། རབ་ཏུ་སོ་སོར་གཞིག་པའི་བསམ་གཏན་གྱི་སྦྱོར་བ་གཉིས་ཀྱི ས་དེ་བཞིན་ཉིད་དུ་དམིགས་པ་སྟེ་འོད་གསལ་དུ་བསྡུས་པ ས་འཆི་བར་འགྱུར་རོ་བ་རྫོགས་རིམ་པས་བསད་ལས་བསྒྲུབ་པ་ན་ཇི་ལྟར་གང་ཟག་གཞན་གྱི་རྒྱུད་དུ་གནས་པའི་ཕུང་སོགས་འཇིག་པར་སྣང་བ་སྟེ་འཆི་རིམ་བཞིན་དུ་འོད་གསལ་དུ་སྡུད་པ་དེ་བཞིན་དུ། སྒྲུབ་པ་པོ་བདག་གི་རྒྱུད་ལ་གནས་པའི་རྡོ་རྗེ་གསུམ་ལ་འང་གསང་བར་བསྟན་པས་ནི་དོན་དམ་པ་ལ་དམིགས་པའི་རིམ་པ་ཉིད་ནི་འཆི་རིམ་བཞིན་དུ་བྱེད་པ་བསྟན་པ་ཡིན་ཏེ། གསང་བའི་ཆོ་ག་འདི་ནི་རྫོགས་པའི་རིམ་པ་ལ་གནས་པ་རྣམས་ཀྱི་ཡིན་ཏེ། འདི་ནི་རྡོ་རྗེ་འཆང་ཆེན་པོའི་བཀའོ། །འཕགས་པ་ཡབ་སྲས་ཀྱི་བཞེད་པས་འོད་གསལ་གཉིས་པོ་གང་དུ་འཇུག་ཀྱང་འཆི་རིམ་བཞིན་དུ་འཇུག་པ་འདི་ནི་སྒྱུ་མའི་སྐུ་སྒྲུབ་པ་བར་དོ་བཞིན་དུ་སྒྲུབ་པའི་ཆེད་ཡིན་པས་གནད་ཤིན་ཏུ་ཆེ་བ་ཤེས་དགོས་ཀྱི། འོད་གསལ་དུ་འཇུག་པ་ན་ཕུང་སོགས་ཀྱི་སྤྲོས་པ་སྡུད་པ་ཙམ་འཆི་བ་དང་མཐུན་པའི་དོན་དུ་

---

^{[མ་དཔེ་གཟིགས་ན་འདིར་གནོན།]}

མི་བཟུང་ངོ༌། །ཁྲོ་བོ་ཆེན་པོའི་དམ་ཚིག་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེ་ལས་བྱུང་ནས་རྡོ་རྗེ་འཆང་དེ་དང་གཅིག་ཏུ་གྱུར་པ་ཞེ་སྡང་རྡོ་རྗེ་ནི་རྡོ་རྗེ་ཁྲོ་བོའོ། །དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་སྡུད་པར་བྱེད་པའི་ཚིག་གོ ། ༈ དེ་ནས་ཞེས་བྱ་བ་ལ་སོགས་པ་ལ། རྒྱལ་པོ་ནི་འབར་བར་གྱུར་པའོ། །རྡོ་རྗེ་འཛིན་ནི་ཞེ་སྡང་རྡོ་རྗེའོ། །ཐམས་ཅད་ནམ་མཁའ་ནི་ཐམས་ཅད་སྟོང་པའི་བདག་ཉིད་དེ། དེ་ཉིད་ཀྱིས་ན་ཐུབ་པ་ཆེན་པའོ། །:པ་ཚབ:ཐམས་ཅད་དབང་བསྐུར་ནི་སྡིག་པ་ཐམས་ཅད་འཁྲུ་བའོ། ཞེས་འབྱུང་ངོ་། །དེ་ལ་དབང་བསྐུར་གྱི་སྐད་དོད་ཨ་བྷི་ཥེ་ཀ་ལ། བྱིངས་ཥེ་ཙ་འགྱུར་བ་ལ་འགྲོ་སྟེ། དེའི་དོན་ནི་ཟད་ཅིང་ཉམས་པ་ཡིན་པས། དྲི་མ་ཐམས་ཅད་བཀྲུས་པས་ཟད་པའོ། །ཐམས་ཅད་ཀྱི་དབང་བསྐུར་ནི་ཟད་ཅིང་འགྱུར་བ་དང་འཇིག་པའོ། །རྫོགས་སངས་རྒྱས་ནི་དེ་ཤེས་པའོ། །ཡེ་ཤེས་རྡོ་རྗེ་ནི་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བར་འདོད་པའི་འབྲས་བུ་རབ་ཏུ་སྟེར་བའི་མི་འཇིགས་པའི་ངོ་བོ་ཉིད། འོག་ནས་བཤད་པའི་ཆེད་དུ་བརྗོད་པའི་ཚིགས་སུ་བཅད་པས་བཀའ་སྩལ་ཅིང་གསལ་བར་མཛད་པའོ། ༈ །ཨེ་མའོ་ཞེས་བྱ་བ་ནི་ངོ་མཚར་དུ་གྱུར་པའོ། །:པ་ཚབ:ངོ་བོ་ཉིད་ཀྱིས་དག་པ་ནི་རང་བཞིན་དང་བྲལ་བ་སྟེ། རྣམ་པར་རྟོག་པ་ཐམས་ཅད་དང་བྲལ་བའི་ཕྱིར་རོ་ཟེར། ངོ་བོ་ཉིད་ཀྱིས་དག་པ་ནི་རྣམ་པར་རྟོག་པ་ཐམས་ཅད་དང་བྲལ་བའི་ཕྱིར་རོ། །རྡོ་རྗེ་ཐེག་པ་བླ་ན་མེད། །པ་ནི་ངོ་བོ་ཉིད་དང་རང་བཞིན་ནི་རྣམ་གྲངས་ཏེ། དེ་གཉིས་དང་བྲལ་ཚུལ་ནི་མིང་དུ་བཏགས་པ་ཙམ་མིན་པའི་ངོ་བོ་ཉིད་ཀྱིས་སྟོང་པའོ། །དེའི་ཕྱིར་བདེན་འཛིན་གྱི་རྟོག་པའི་དམིགས་གཏད་ཐམས་ཅད་དང་བྲལ་ལོ། །ངོ་བོ་ཉིད་དང་བྲལ་བའི་འོད་གསལ་བ་བླ་ན་མེད་པ་སྟེ། གང་ཞིག་སྟེ་དོན་དེ་དང་ལྷའི་རྣལ་འབྱོར་སོགས་བསྒོམས་པས་མ་སྐྱེས་པའི་ཆོས་རྣམས་ལ་སྟེ། རང་བཞིན་ཀྱི་སྐྱེ་བའི་རྒྱུ་དང་བྲལ་བའི་

---

^{[མ་དཔེ་གཟིགས་ན་འདིར་གནོན།]}

ཕྱིར་རང་བཞིན་གྱིས་སྐྱེ་བ་མེད་པའི་ཆོས་རྣམས་ཟིན་པ་སེམས་ཀྱི་རྟེན་དུ་གྱུར་པ་དང་མ་ཟིན་པ་སེམས་ཀྱི་གནས་སུ་མ་ར་གྱུར་པ་རྣམས་ལ། དུས་གསུམ་དུ་འབྱུང་བའི་རྒྱལ་བ་རྣམས་ཀྱིས། ཞི་བ་ལ་སོགས་པའི་ལས་ཀྱི་ཚོགས་རྣམས་ཀྱི་སྐྱེ་བ་འབྱུང་བ་བསྟན་ཅིང་གསུངས་སོ། །དེ་ལ་ངོ་མཚར་བ་ནི། རང་བཞིན་གྱིས་མ་གྲུབ་པའི་མིང་ཙམ་ལ་ཞི་སོགས་ཀྱི་བྱ་བྱེད་བཞག་པས་ཆོག་པ་ཡིན་ལ། དེ་ཙམ་དུ་མ་ཟད་ཀྱི་དེ་ཁོ་ན་ཉིད་དེ་ལྟར་རྟོགས་པ་དེ་བསྒོམས་པས་དངོས་གྲུབ་འགྲུབ་པ་ཡང་ངོ་མཚར་བར་སྟོན་པས། དངོས་གྲུབ་གཉིས་སྒྲུབ་པ་ལ་ལྟ་བ་དེ་ཤིན་ཏུ་གལ་ཆེ་བར་སྟོན་ནོ། ༈ །དེ་ལ་ཞེས་བྱ་བ་ལ་སོགས་པ་ལ། མི་བསྐྱོད་པའི་ཏིང་ངེ་འཛིན་གཉིས་སྔོན་དུ་བྱ་ཆོས་བདག་མེད་པ་རྟོགས་པ་ལ་གནས་པ་ལ་འོག་ནས་བཤད་པ་འདི་ནི་འཕྲན་ཚེགས་ཏེ། རྡོ་རྒྱུས་སོགས་ཀྱི་ཡོ་བྱད་ཉུང་ཟད་ཙམ་གྱིས་བསྒྲུབ་པར་བྱ་བ་ཡིན་པས་ན་ལས་འཕྲན་ཚེགས་སོ། །ཕྲན་ཚེགས་ཡིན་པ་འོན་ཀྱང་སྙིང་པོ་སྟེ་དྲག་ལ་གཅེས་པ ར་གྱུར་པས་ན་རྡོ་རྗེའོ། །དེ་ཉིད་ཀྱིས་ན་སྦ་བར་བྱ་བ་ཡིན་པས་ན་གསང་བའོ། །ལས་རྒྱལ་མཆོག་གི་དུས་སུ་སྦྲུལ་ནི་ཞེས་བྱ་བ་ལ་སོགས་པ་ལ། སྦྲུལ་གདེངས་ཀ་གཅིག་པའམ། གདེངས་ཀ་གསུམ་ལ་སོགས་པ་དང་ལྡན་པ་མི་སྡུག་ཅིང་གཟུགས་ངན་པ་དང༌། འཇིགས་པར་བྱེད་ཅིང་རྣམ་པར་འགྱུར་བ། འོད་ནག་པོ་འབར་བ་འཁྲུག་ཅིང་ཁྲོ་ལ། ལྕེ་གཉིས་ཀུན་ཏུ་བསྐྱོད་པ་ཁ་རེ་རེ་ཞིང་མཆེ་བའི་འཕྲེང་བས་གཏམས་པ། རྡོ་

---

^{[མ་དཔེ་གཟིགས་ན་འདིར་གནོན།]}

རྒྱུས་དང་སོལ་བའམ། གང་ཡང་རུང་བའི་ཚོན་གྱིས་བྲི་ཞིང་སྦྲུལ་དེ་དངོས་སུ་བསམས་ལ་དེ་ལ་སྟེ། དེར་འདི་ནི་སྟེ་འོག་ནས་བཤད་པའི་ཀླུ་ཁྲོ་བོ་བསྐུལ་བའི་སྙིང་པོ་སྟེ། ས་བོན་བསམ་པར་བྱའོ། །ཁཾ་ཀླུའི་ཁའི་ནང་དུ་ཁཾ་ནག་པོ་བཀོད་ལ། དེ་ཡོངས་སུ་གྱུར་པ་ལས་བྱུང་བའི་དུག་ཧ་ལ་ཧ་ལ་དང་འདྲ་བར་གནག་པ། མེ་ལྟར་སྲེག་པ་བཟོད་པར་དཀའ་བ་བསྒོམས་ལ། ནོར་རྒྱས་ལ་སོགས་པ་གང་ཡང་རུང་བའི་རྣམ་པར་ཤེས་པ། སྒྲུབ་པ་པོའི་ཐུགས་ཀའི་ཧྲཱིཿ ལས་བྱུང་བའི་ལྕགས་ཀྱུས་དྲངས་ལ་སྦྲུལ་གྱི་གཟུགས་ལ་བཅུག་པས། སྦྲུལ་རྣམ་པར་གཡོ་བར་བསྒོམས་ན་འགུལ་བར་འགྱུར་བར་གདོན་མི་ཟའོ། །དེ་ལ་སྟེ་སྦྲུལ་དེ་ལ་རྒྱུ་བ་དང་མི་རྒྱུ་བ་རྣམས་ལས། དུག་ཐམས་ཅད་འབྱིན་པའི་སྙིང་པོ་སྟེ། དེ་གང་ཞེ་ན། ཡི་གེ་ཧྲཱིཿ ཞེས་བྱ་བའོ། །རྣམ་པ་སྣ་ཚོགས་ལས་བྱུང་དུག །ཅེས་བྱ་བ་ནི། རྒྱུ་བ་དང་མི་རྒྱུ་བ་ལས་བྱུང་བའི་བདག་ཉིད་ཅན་ནོ། །ཁམས་གསུམ་ན་ནི་གནས་པ་ཀུན། ཞེས་པ་ནི། མཆོག་དང་འབྲིང་དང་ཐ་མའི་སྣོད་ན་གནས་པ་མ་ལུས་པ་ཀུན། ཧྲཱིཿ དེ་ཡིས་ཁྱེར་ཞིང་དྲངས་པར་བསྒོམས་ལ། དེ་ནས་སྦྲུལ་གྱི་ལུས་ལ་འབབ་པར་གྱུར་ཅིང༌། རབ་ཏུ་ཞུགས་པར་བསམས་ན་སྦྲུལ་དེ་དེ་མ་ཐག་ཏུ་སྟེ། བསམས་པ་ཙམ་གྱིས་དུག་གི་རྒྱ་མཚོ་ལྟར་ཤིན་ཏུ་མི་བཟད་པར་འགྱུར་རོ། །རེག་མ་ཐག་ཏུ་ཞེས་པ་ནི་ཁཾ་ཧྲཱིཿ ཨ་མུ་ཀ་བྷཀྵ་ཡ་ཞེས་པའི་སྔགས་འདིས་བསྐུལ་བས་ཟིན་པ་སྟེ་མཐོང་བཙམ་

---

^{[མ་དཔེ་གཟིགས་ན་འདིར་གནོན།]}

གྱིས་སམ། རེག་པ་ཙམ་གྱིས་འགྲོ་བ་ཐམས་ཅད་དུག་གིས་ཕོག་པས། འཆི་བར་འགྱུར་བར་གདོན་མི་ཟའོ། །སྡིག་པ་ཞེས་བྱ་བ་ལ་སོགས་པ་ལ། སྦྲུལ་ལ་བཤད་མ་ཐག་པའི་ཆོ་ག་ཉིད་ཀྱིས། སྡིག་པ་དང་རུས་སྦལ་ལ་སོགས་པའི་སེམས་ཅན་གྱི་བྱེ་བྲག་རྣམས་ལའང་བྱའོ། །གང་གིས་ཞེ་ན། སྦྱོར་བ་འབྱུང་བའི་མཚན་ཉིད་ཀྱིས། ཞེས་བྱ་བ་སྟེ། སྦྱོར་བ་ནི་དུག་གོ །དེའི་འབྱུང་བ་ནི་སྡིག་པ་ལ་སོགས་པའི་གཟུགས་བྲི་བ་སྟེ། གཟུགས་བྲི་བ་སོགས་དེའི་མཚན་ཉིད་ལ་མཁས་པས་བྲིའོ་སོ་། ༈ །དེ་ལ་ཞེས་བྱ་བ་ལ་སོགས་པས་ནི། དུག་གི ས་ཟིན་པའི་གནས་གཞན་ལྷ་སྦྱིན་ནས་གཞན་མཆོད་སྦྱིན་དུ་འཕོ་བ་སྟེ་སྤོ་བ་གསུངས་པ་ཡིན་ཏེ། ལྟ་བ་རྡོ་རྗེ་ཞེས་བྱ་བ་ལ་སོགས་པ་ལ། མི་བསྐྱོད་པའི་སྒོ་ནས་ཏིང་ངེ་འཛིན་གཉིས་སྔོན་དུ་བཏང་ལ། ལས་སྦྱོར་གྱི་དུས་སུ་མཐོང་བའི་དུག་ཅན་གྱི་ལྟ་བའི་དུག་དང་མཆེ་བ ས་བཟུང་བས་འཆི་བའི་མཆེ་བ འི་དུག་ལ་སོགས་པའི་དུག་དང༌། སེམས་ཅན་གཞན་ཡང་མི་བཟད་པ་ཡི་དུག །དང་ལྡན་པ་དེ་རྣམས་ཀྱི་དུག་གིས་ཟིན་པའི་སྣོད་ཀྱི་ལུས་ལྷ་སྦྱིན་ལ། གནས་པ་དེ། ལྷ་སྦྱིན་དེའི་སྟེང་སྦྱི་བོ་ཀདང་འོག་ན་ཁགནས་པའི་ༀ་དཀར་པོ་འོད་གཏོང་བར་བྱེད་པས། སྤྱི་བོ་ནས་བདས་པ་རྣམས་རྐང་པའི་འོག་སྟེ་མཐིལ་ན་ༀ་ཁ་དོག་གནག་ཅིང་རྣམ་པར་འཕྲོ་བའི་གཟུགས་སུ་གནས་པར་བསམས་ལ། ནམ་མཁའ་རྡོ་རྗེའི་དཀྱིལ་འཁོར་ཏེ། སྣོད་ཀྱི་སྟེ་མཆོད་སྦྱིན་གྱི་སྙིང་ཁར་གནས་

---

^{[མ་དཔེ་གཟིགས་ན་འདིར་གནོན།]}

པའི་ཡི་གེ་ཁྃ་གི་སྟེང་དུ། ཡེ་ཤེས་རྡོ་རྗེ་སྟེ་སྒྲུབ་པ་པོའི་སྙིང་གའི་ཡི་གེ་ཧྲཱིཿ འི་འོད་ཟེར་གྱི་ལྕགས་ཀྱུས་རྐང་མཐིལ་ནས་དྲངས་ནས་སྔགས་པས་འཛུད་པར་བྱེད་དོ། །བཅོམ་ལྡན་འདས་དུག་གི་དམ་ཚིག་ཆེན་པོ་རྡོ་རྗེས། དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་རྡོ་རྗེ་འཆང་ཆེན་པོའོ། ༈ །དེ་ལ་ཞེས་བྱ་བ་ལ་སོགས་པས་ནི། དུག་བསལ་བའི་ཆོ་ག་རྩོམ་པ་ཡིན་ཏེ། རྣམ་སྣང་གི་སྒོ་ནས་ཏིང་ངེ་འཛིན་གཉིས་སྔོན་དུ་བྱ། ལས་སྦྱོར་གྱི་དུས་སུ་དུག་གསོ་བའི་སྙིང་པོ་གང་ཡིན་ཞེ་ན། ཡི་གེ་ཧཱུྃ་:པ་ཚབ:སྙིང་གར་རྡོ་རྗེ་ཆེན་པོ་མདོག །དཀར་པོ་འདི་ནི་རྣམ་བསྒོམས་ཏེ། ཞེས་པ་དང་། སྙིང་པོ་དེ་ཡང་གང་ཞེ་ན་ཧཱུྃ་ངོ༌། །སྙིང་གར་ཏེ་རྐང་པའི་མཐིལ་གྱི་དབུས་སུ་ཡི་གེ་ཧཱུྃ་མདོག་དཀར་པོ་རྡོ་རྗེ་ཆེན་པོའི་འོད་ཟེར་གྱི་ཚོགས་ཀྱི་བདག་ཉིད་ཅན་ཟླ་བའི་འོད་ཟེར་ལྟར་བསིལ་བ་རྣམ་པར་བསྒོམ་མོ་ཞེས་འབྱུང་ངོ༌། །ཞེས་བྱ་བ་སྟེ་ཧཱུྃ་འདི་རྡོ་རྗེ་འཆང་ཆེན་པོའི་སྙིང་པོ་འདི་སྟེ། རྐང་པའི་འོག་ཏུ་རྡོ་རྗེ་ཆེན་པོའི་འོད་ཀྱི་ཚོགས་ཀྱི་བདག་ཉིད་ཅན། ཟླ་བའི་འོད་ཟེར་བཞིན་དུ་བསིལ། །ཞིང་གསལ་བར་རྣམ་པར་བསམ་མོ། །གནས་བཞི་དག་ཏུ་སྦྱོར་བ་ཡིས། ཞེས་བྱ་བ་ནི། རྐང་པའི་མཐིལ་ནས་ཁོང་སྟོང་ལས་གྱེན་དུ་འབྱུང་བ་སྟེ། ནད་པའི་དུག་རྣམས་ཧཱུྃ་རང་གི་འོད་ཀྱི་ཚོགས་ཀྱིས་གྱེན་དུ་ཕུལ་བས་འདོམས་ཀྱི་པདྨར་ཕྱིན་པ་དང་དེ་དེ་ལས་:ཆག:དེར་གནས་ནས་དེ་ལས་འཐོན་ཏེ་དེ་བཞིན་དུ་ལྟེ་བའི་པདྨར་ཟེར།

---

^{[མ་དཔེ་གཟིགས་ན་འདིར་གནོན།]}

ཀྱང་བཅད་ཅིང་བཏོན་པས་དེ་ལས་བྱུང་སྟེ། དེ་བཞིན་དུ་ལྟེ་བའི་པདྨར་ཕྱིན་པར་བསམས་ལ། དེ་ལས་ཀྱང་སྙིང་གའི་པདྨར་ཕྱིན་པར་རྣམ་པར་བསམས་ཏེ། དེ་ལས་ཀྱང་ལྐོག་མའི་པདྨར་ཕྱིན་པར་བསྒོམས་ཏེ། དེ་ལྟར་སྡུད་པའི་ཚུལ་གྱིས་ལངས་ནས་དུག་སྟེང་དུ་འགྲོའོ། །དེ་བཞིན་དུ་ལན་གཉིས་སམ་གསུམ་དུ་བསམས་ནས་ནད་པ་ནག་པོའི་གཟུགས་ཅན་གྱི་དུག་སྐྱུགས་པར་བསམས་ན་བདེ་བར་གནས་པར་འགྱུར་རོ། །ཧཱུཾ་གི་འོད་ཟེར་གྱིས་དུག་འདེད་པའི་རིམ་པ་འདི་ཉིད་ཀྱིས་སྤྱི་བོ་ནས་བརྩམས་ཏེ། རྐང་པའི་མཐར་ཐུག་གི་བར་དུ་དེད་ནས་བུ་ག་དེ་ལས་ངེས་པར་འབྱུང་བར་བསམ་པར་བྱའོ། ཞེས་ལ་ལ་དག་འདོད་དོ། །ནམ་མཁའི་ཁམས་ནི་ནམ་མཁའི་གཏོས་ཏེ། དུག་གིས་བཀང་བར་གྱུར་པ་ཡང་སྦྱོར་བ་འདིས། དེ་མ་ཐག་ཏུ་དུག་མེད་པར་འགྱུར་རོ་ཞེས་དེ་སྐད་བཀའ་སྩལ་ཏོ། ༈ །དེ་ལ་འདི་ནི་ཞེས་བྱ་བ་ལ་སོགས་པ་ལ། འོག་ནས་བཤད་པ་ལ་ལྟོས་ནས་དུག་བསལ་བ་དེ་ལ་ཉེ་བའི་དུག་སྟེ། ད་དུ་ར་དང་ལམ་ག་ལི་ནི་ཤོག་ཤིང་ངོ༌། །ལ་སོགས་པ་དང་སྦྱར་བའི་དུག་རྣམས་ཏེ། དུག་དེ་དག་ཐམས་ཅད་ཀྱི་གསོ་བའི་སྙིང་པོའོ། །དེ་གང་ཞེ་ན། ཨ་ཞེས་བྱ་བའོ། །ཉེ་བའི་དུག་འབའ་ཞིག་གི་གཉེན་པོར་གྱུར་པར་མ་ཟད་ཀྱི། འབྲས་དང་ཕོལ་མིག་ཅེས་བྱ་བ་ལ་སོགས་པ་གསུངས་ཏེ། འབྲས་ནི་བྱ་ལ་ནི་འབྲས་ཀྱི་ཕྲེང་བའོ། །དང་གརྡྷ་བྷ་ནི་བོང་བུའི་གདོང་པ་ལྟ་བུའི་འབྲས་སོ། །ལ་སོགས་པའོ། །ཕོལ་མིག་ནི་འབྲུམ་ཕྲན་ལ་སོགས་པའོ། །འབྲུམ་བུ་ནི་ཨེ་ཎཱི་པ་བྱཱ་ཞེས་ནི་རི་དྭགས་ཀྱི་རྐང་རྗེས་ལྟ་བུའོ། །

---

^{[མ་དཔེ་གཟིགས་ན་འདིར་གནོན།]}

བྱ་བ་ལ་སོགས་པ་སྟེ། དེ་རྣམས་ཀྱི་ནུས་པ་གང་ཡིན་པ་དང༌། གང་གཞན་ནང་དུ་བཤད་པ་རྣམས་ཏེ། རིམས་དང་འགོ་བའི་ནད་ལ་སོགས་པ་དག་ཀྱང༌། ཕྱག་ན་རྡོ་རྗེའི་བཀའ་བསྟན་པ་ཇི་ལྟ་བ་བཞིན་དུ། བསམས་པ་ཙམ་གྱིས་ཏེ་འོག་ནས་བཤད་པའི་བསམ་གཏན་གྱིས་མེད་པར་འགྱུར་ཏེ། ནད་པའི་ལུས་ལས་རིང་དུ་འགྱུར་རོ། །པདྨོ་ཞེས་བྱ་བ་ལ་སོགས་པ་ལ། སྣང་མཐའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱ། ལས་སྦྱོར་ཀྱི་དུས་སུ་པདྨ་ཆེན་པོ་འདབ་མ་བརྒྱད་པ་དཀར་པོ་སྒྲུབ་པ་པོའི་ལག་པ་གཡོན་པའི་མཐིལ་དུ་བསམས་ནས། པདྨ་དེའི་ལྟེ་བ་ལ་ཡི་གེ་ཨཱཿ འོད་ཟེར་ལྔ་རབ་ཏུ་རྫོགས་པ་བསམ་ཞིང་འདབ་མ་རྣམས་སུ་ཧྲཱིཿ བསྒོམས་ནས། ཡི་གེ་ཧྲཱིཿ འདོན་ཅིང་ལག་པ་གཡོན་པས་བྱབས་ལ་ཧྲཱིཿ འི་འོད་ཟེར་གྱིས་དུག་དང་ལ་སོགས་པ ས་འབྲས་ལ་སོགས་པ་དྲངས་ཏེ། དབུས་ཀྱི་ཡི་གེ་ཨཱཿ་ལ་བཅུག་པས་ཨཱཿ དེ་ནག་པོར་སོང་བར་བསམ་ནས་ཁུ་ཚུར་སྡུད་པའི་ཚུལ་གྱི ས་ས་ལ་སོང་བར་བསམས་པའི་འོག་ཏུ་ཨཱཿ དེ་དཀར་པོར་བསམ་པར་བྱའོ། །ཨཱཿ འི་ས་བོན་དེ་ཉིད་བསམ་གཏན་གྱི་ཁྱད་པར་གྱིས་ཁྱད་པར་དུ་གྱུར་པར་བསྟན་པར་བྱ་བའི་ཕྱིར། སྡུད་པ་ཞེས་བྱ་བ་ལ་སོགས་པ་གསུངས་ཏེ། སྡུད་པ་ན་དཀར་པོའི་མདོག་ལྟ་བུ་ཞེས་བྱ་བར་སྦྱར་ཏེ། དུག་བསལ་བ་ལ་ནི་ཨཱཿ དེ་དཀར་པོར་བསམ་པར་བྱའོ། །བསྐུལ་བ་དེ་དུག་བསླང་བ་ལ་ནི་ཨཱཿ དེ་ཁ་དོག་ནག་པོར་བསམ་པར་བྱའོ། །འདི་ནི་ཞེས་བྱ་བ་ལ་

---

^{[མ་དཔེ་གཟིགས་ན་འདིར་གནོན།]}

སོགས་པ་ལ། སྔར་བཤད་པའི་བསམ་གཏན་གྱི་གནས་ས་བོན་གྱི་རྣམ་པ་འདི་ནི། ཡེ་ཤེས་དྲི་མ་མེད་པ་སྟེ་འོད་གསལ་བས་ཡོངས་སུ་སྦྱངས་པའི་ཕྱིར་དང༌། གསང་བ་སྟེ་སྐལ་བ་ངན་པ་རྣམས་ལ་སྦ་བར་བྱ་བའོ། །དེ་བས་ན་གསང་ཆེན་ཏེ་སངས་རྒྱས་རྣམས་ཀྱི་གསང་བའོ། ༈ །དང་པོར་:པ་ཚབ:གོང་དུ་ཉེ་བའི་དུག་གི་ཞར་ལ་གསུངས་ནས་ཁྱད་པར་དུ་ནད་གསོ་བ་ཞེས་ཏེ། ཉེ་བའི་དུག་གསོ་བའི་ཞར་ལ་འབྲས་ཀྱི་ནད་གསོ་བ་གསུངས་པའོ། །གནས་སྐབས་ཀྱི་འབྲེལ་བས་ཉེ་བའི་དུག་གསོ་བ་བཤད་ནས། ཁྱད་པར་དུ་ནད་གསོ་བ་བསྟན་པར་བྱ་བའི་ཕྱིར། དེ་ལ་འདི་ནི་ཞེས་བྱ་བ་ལ་སོགས་པ་གསུངས་ཏེ། དེ་ལ་ནད་ཁྱད་པར་དུ་གསོ་བའི་གྱི་ཆོ་ག་ལ་མཚོན་ཆ་ལ་སོགས་པ་གློ་བུར་བའི་རྒྱུ་ལས་བྱུང་བ་དང༌། མངོན་སྤྱོད་ཀྱི་རྒྱུ་ལས་བྱུང་བ་ནི་ཕྱིའི་འོ། །ནད་གཞི་ནི་རླུང་མཁྲིས་བད་ཀན་ལྡན་པ་དང་འདུས་པ་རྣམས་སོ་དང་ཁམས་ཏེ་ལུས་ཟུང་ནི་རླུང་མཁྲིས་བད་ཀན་རོ་ཁྲག་ཤ་ཚིལ་རུས་པ་རྐང་ཁུ་བ་གཅིན་བཤང་བ་རྡུལ། སྙིང་པོ་ནུ་མ་ཅན་ཕྲ་མོ་སྟེ་བཅུ་དྲུག་གོ་དང་དྲི་མ་ནི་དྲི་མ་བསྡུས་པ་ལས་བྱུང་བའི་སྐྲན་སོགས་སོ། །དང་ཁ་ཟས་ཀྱི་མི་མཐུན་པའི་རྒྱུ་ལས་བྱུང་བ་ནི་ནང་གི་སྟེ། ཕྱི་དང་ནང་གི་ནད་དེ་རྣམས་ཀྱི་གསོ་བ་ནི་གཉེན་པོར་གྱུར་པའོ། །དེའི་དོན་རྡོ་རྗེ་ལྟར་མི་ཕྱེད་ཅིང་སྙིང་པོར་གྱུར་པའི་སྔགས་ཀྱི་ཡི་གེའི་ཚིག་རྣམས་ཏེ། ཛི་ན་ཛཱི་ཀ་ཅེས་བྱ་བ་ལ་སོགས་པ་གསུམ་གྱིས་སོ། །ནད་ཀྱི་ཞེས་བྱ་བ་ལ་སོགས་པ་ལ།

---

^{[མ་དཔེ་གཟིགས་ན་འདིར་གནོན།]}

ནད་ཀྱི་རྡོ་རྗེ་ནི་གསོ་བར་དཀའ་བའི་ནད་དེ། དེ་བསྐུལ་བ་ཡིས་ཞེས་བྱ་བ་ནི་དེ་དབྱུང་བའི་བསམ་པས་སོ། །ཡི་གེའི་ཚིག་ནི་གང་འདོད་པ། ཞེས་པ་ནི། འདི་རྣམས་ལས་སྔགས་ཀྱི་ཚིག་གང་འདོད་ཅིང་མངོན་པར་དགའ་བས་དད་པས་ཏེ། མོས་པས་བསྟེན་ན་དེས་ཡོན་ཏན་འཐོབ་པར་འགྱུར་བ་སྟེ། འབྲས་བུ་འཐོབ་པར་འགྱུར་བ་དེ་དང་འདྲ་བའི་སྟེ། སྔགས་དེ་དང་རྗེས་སུ་མཐུན་པའི་གཟུགས་ནི་ལྷའི་སྐུ་བསྒོམ་ཞིང་བསམ་པར་བྱའོ། །རྡོ་རྗེ་གསུམ་གང་རུང་གི་ཏིང་ངེ་འཛིན་གཉིས་སྔོན་དུ་བྱ་ལ། ལས་སྦྱོར་གྱི་དུས་སུ་ཇི་ལྟར་བྱ་ཞེ་ན། རང་གི་ཐུགས་ཀའི་ཏིང་ངེ་འཛིན་སེམས་དཔའི་མཐའ་དང༌། བསྒྲུབ་བྱའི་ལྟེ་བར་སྔགས་གསུམ་གང་རུང་འོད་ཟེར་འབར་བ་དང་བཅས་པ་བསམས་ལ། ཁདམ་ཚིག་གི་སྐད་དོད་ས་མ་ཡའི་སྒྲ་ལ་ངེས་ཚིག་གིས་བཤད་ན་བདེ་འདས་ཏེ་ནད་དོ། །དམ་ཚིག་སྤྲེའུ་དང་འདྲ་བའམ་ཞེས་བྱ་བ་སྟེ། ནད་སྤྲེའུ་དང་འདྲ་བའམ། ཡང་ན་ཁྱི་ལས་བྱུང་བའང་རུང༌། ཞེས་བྱ་བ་སྟེ། ཁྱི་དང་འདྲ་བའོ། །དེ་ལྟ་བུའི་གཟུགས་ཅན་གྱི་ནད་དེ།ཀནད་པ་རང་གི་ལུས་དང་ངག་སེམས་ལ་གནས་ལས་ཞེས་པ་སྟེ། ལུས་དང་ངག་དང་སེམས་ལ་ཀུན་ཏུ་བརྟེན་ནས་གནས་པ་དེ་སྙིང་གར་ཡི་གེ་ཀཾ་ནག་པོའི་རྣམ་པར་བསྡུས་པར་བསམ་མོ། །དེ་ནས་ལྟེ་བའི་སྔགས་ཀྱི་འོད་ཟེར་གྱིས་གྱེན་དུ་བདས་པས་སྔགས་སྙིང་གར་ཕྱིན་པ་ན། ཚོགས་གཉིས་རྫོགས་པའི་ཡེ་ཤེས་ཀྱི་མེའི་རང་བཞིན་ཤིན་ཏུ་དཀར་བར་གྱུར་ཏེ། དེའི་ཚེ་ཡི་གེ་ཀཾ་ཡང་སྣའི་རྩེ་མོར་བྱུང་སྟེ་སྡིག་པའི་ངོ་བོ་ཀཾ་དེ་གནག་ཅིང་མི་སྡུག་པའི་སྤྲེའུ་འམ། ཁྱི་དང་འདྲ་བའམ། གནག་ཅིང་མི་སྡུག་པའི་ཡི་དྭགས་ཀྱི་གཟུགས་སུ་གྱུར་ནས་སྟེ་།གབྱུང་བ་དག་

---

^{[མ་དཔེ་གཟིགས་ན་འདིར་གནོན།]}

ཏུ་རྣམ་པར་བསམ་ཞེས་བྱ་བ་ནི། བསྒྲུབ་པར་བྱ་བའི་ལུས་ལས་བྱུང་བར་རྣམ་པར་བརྟག་ཅིང་བསྒོམ་པར་བྱའོ། །དེ་ནས་ཤིན་ཏུ་སྐྲག་ཅིང་རིད་པའི་གཟུགས་སུ་མདུན་ན་གནས་པ་ལ་སྔགས་གསུམ་པོ་གང་རུང་ལ། སྡིག་པ་ཐམས་ཅད་ཆོམས་ཤིག་ཧཱུཾ། ཞེས་པའི་སྤེལ་ཚིག་དང་བཅས་པ་བརྗོད་ཅིང་འཁོར་ལོ་འམ་རྡོ་རྗེ་ཁ་གྱེས་པ་རྡོ་རྗེའི་གོ་འཕང་སྟེ། ལག་པ་གཡས་པར་གནས་པར་བསྒོམས་ལ། དེ་འཕངས་པས་ལུས་དང་ངག་སེམས་དམ་ཚིག་རྣམས་ཏེ། ལུས་ལ་སོགས་པ་ལ་གནོད་པར་བྱེད་པའི་ནད་ཕྱེ་མར་བརླག་ཅིང་ཐལ་བར་གྱུར་པར་བསྒོམ་པར་བྱའོ། །དེ་ནས་བརྩམས་ཏེ་ཞེས་པ་དུས་དེ་ནས་བཟུང་སྟེ། རྫོགས་པའི་སངས་རྒྱས་ཞེས་བྱ་བ་མི་བསྐྱོད་པ་ལ་སོགས་པ་དང༌། བྱང་ཆུབ་སེམས་དཔའ་ཞེས་བྱ་བ་བྱམས་པ་ལ་སོགས་པ་དང༌། གྲགས་ཆེན་རྣམས་ཞེས་བྱ་བ་སྒྲུབ་པ་པོ་རང་གི་ལུས་ལ་གནས་པ་རྣམས་ནད་པ་དེ་ལ། བྱིན་བརླབས་གོ་འཕང་དམ་པ་དག །ཅེས་བྱ་བ། ནད་ལས་ངེས་པར་རྒྱལ་བ་རབ་ཏུ་གནས་པ་དགྱེས་པའི་སྤྱན་གྱིས་ཏེ། སྤྱན་གདངས་ནས་རབ་ཏུ་སྩོལ་ཅིང་སྟེར་བར་འགྱུར་རོ། །འདི་སྐད་ཅེས་ཀྱང་བཀའ་སྩལ་ཏོ་ཞེས་བྱ་བ་ནི། སྡུད་པར་བྱེད་པས་འོག་ནས་བཤད་པ་ལ་ལྟོས་པའོ། །ནད་ལས་རྒྱལ་བ་སྟེར་ལུགས་ཇི་ལྟ ར་ཞེ་ན། རང་ལུས་ངག་སེམས་རྡོ་རྗེ་ལ། ཞེས་བྱ་བ་སྟེ། ནད་པའི་སྒོ་གསུམ་ལ་སངས་རྒྱས་ཀྱི་སྤྲིན་ནི་སྤྱན་དང་སྙོམས་པར་ཞུགས་པའི་རྣམ་པར་སྣང་མཛད་ཀྱི་ཚོགས་རྣམས་དང༌། དེ་

---

^{[མ་དཔེ་གཟིགས་ན་འདིར་གནོན།]}

བཞིན་དུ་རྡོ་རྗེ་རྒྱལ་པོ་སྤྲིན་ཆེན་པོ་སྟེ། ཇི་ལྟ་བ་བཞིན་བྱུང་བའི་མི་བསྐྱོད་པའི་སྤྲིན་རྣམས་དང༌། འོད་དཔག་ཏུ་མེད་པའི་སྤྲིན་རྣམས་བཞག་སྟེ། དེ་ལྟར་བྱས་པས་ནད་ལས་ཐར་བར་འགྱུར་རོ། །དེ་དག་གི་དོན་ནི། ལྷ་གསུམ་ཡུམ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱི་རྒྱུན་ནད་པ་ལ་ཕབ་པའི་མཐར། དེའི་གནས་གསུམ་དུ་དགོད་དོ། ༈ །རྫོགས་པའི་རིམ་པ་ལ་གནས་པ་རྣམས་ཀྱི་ནད་ཚར་གཅད་པ་བསྟན་པར་བྱ་བའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཐམས་ཅད་ཅེས་བྱ་བ་ནད་པའི་གཟུགས་ཀྱི་ཕུང་པོ༌ལ་སོགས་པའི་ངོ་བོ་ཉིད་དོ། །བློ་ལྡན་ནི་མིག་སོགས་རང་རང་གི་རྣམ་པར་ཤེས་པ་དང་ལྡན་པ་རྣམས་སོ། །བྱང་ཆུབ་སེམས་དཔའ་དག་ནི་མིག་ལ་སོགས་པ་རྣམས་སོ། །དེ་ལ་ནི་ནད་པ་ལའོ། །ཁྲོས་པ་ནི་:ཆག:ཉེས་པས་བསྐྱོད་པ་འཁྲུགས་པའོ་ཟེར་ཏེ།ཕྱི་ནང་གི་ཉེས་པའི་རྐྱེན་གྱིས་བསྐྱོད་པས་ཁམས་རྣམས་མི་མཉམ་པར་འཁྲུགས་ཤིང་ན་བའོ། །སྡང་བས་བསྐྱོད་པས་ཏེ། ནད་པ་དེ་དག་གི་འཆི་བར་བྱེད་པ་དམ་པ་ཡིན། ཞེས་བྱ་བ་ནི། འོད་གསལ་བར་འཇུག་པའི་མཚན་ཉིད་ཅན་དུ་བྱ་བའོ། །ནད་ཞི་བའི་བསམ་པས་ནད་པ་འོད་གསལ་དུ་འཇུག་པར་སྒོམ་པའོ། །བསམ་གཏན་སྦྱོར་བ་འདི་དག་གིས། ཞེས་བྱ་བ་ནི། འོད་གསལ་བ་ལ་དམིགས་པ་འདིས་ནི། ནད་ཀྱི་རིགས་གང་ཡིན་པ་ལས་ལས་སྐྱེས་པའམ་སྟེ། ལས་ལས་བྱུང་བར་གང་གྲགས་ཤིང་ཤེས་པ་དེ་ཉི་མ་བདུན་གྱིས་འཇིག་པར་འགྱུར་རོ། །ཡང་ཟློས་པ་སྟེ་རྡོ་རྗེ་བཟླས་པས་རྗེས་

---

^{[མ་དཔེ་གཟིགས་ན་འདིར་གནོན།]}

སུ་དྲན་པས་ཀྱང་རྣམ་པར་འཇིག་པར་འགྱུར་རོ། །དེ་བཤད་པ་ནི་བརྒྱ་རྩ་བརྒྱད་ཀྱི་ཞེས་བྱ་བ་ནི། བརྒྱ་དང་བཅས་པའི་བརྒྱད་བརྒྱ་སྟེ། ས་ཆུ་མེ་རླུང་གི་དཀྱིལ་འཁོར་བཞི་པོ་རེ་རེ ར་བརྒྱ་ཕྲག་དགུ་ཟློས་པ་ནི་:པ་ཚབ:ཡང་ན་བརྒྱ་བརྒྱད་ཟེར། བརྒྱ་རྩ་བརྒྱད་དུ་བཟླས་པ་སྟེ། དེའི་སྦྱོར་བས་ཀྱང་ནད་རྣམས་འཇིག་པར་འགྱུར་རོ། །ཡང་ན་བདག་གི་སྔགས་དེ་ལྷའི་ང་རྒྱལ་གྱིས་ཞེས་བྱ་བ་སྟེ། བདག་ལ་བྱིན་གྱིས་བརླབ་པའི་སྒྱུ་མའི་ལུས་ཀྱི་སྦྱོར་བས་རྡོ་རྗེ་བསམ་གཏན་ཏེ། ནད་རྣམ་པར་འཇིག་པའི་བསམ་གཏན་ནོ། །ཆོ་གས་བསམ་ཞེས་བྱ་བ་ནི་དེའི་ཆོ་ག་དྲན་པར་བྱ་བའོ། །ཞེས་པ་ནི་བསྒྲུབ་བྱའི་ནད་ཞི་བར་བྱ་བའི་བསམ་པས་བསྒྲུབ་བྱ་དེ་སྒྱུ་མའི་སྐུར་སྒོམ་པར་བྱེད་པའོ། །འདི་ནི་ཞེས་བྱ་བ་ནི། བཤད་མ་ཐག་པའི་རྫོགས་རིམ་པའི་ཆོ་ག་གསུམ་པོ་ཐམས་ཅད་དོ། །ནད་རྣམས་ཐམས་ཅད་ཀྱི་ཞེས་བྱ་བ་ནི་ཕྱི་དང་ནང་གིའོ། །དམ་ཚིག་ནི་རྡོ་རྗེ་སེམས་དཔས་གསུངས་པའོ། །ཤིན་ཏུ་འདའ་བར་དཀའ་བ་ནི་བཟླ་བར་མི་བྱ་བའོ། ༈ །དེ་ལྟར་ལས་ཀྱི་ཚོགས་རབ་འབྱམས་རྣམས་བཤད་ནས། ད་ནི་སྒྱུ་མ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། ཕྱག་རྒྱ་ཆེན་པོ་སྒྲུབ་པ་ལ་ཞུགས་པ་རྣམས་ཀྱི། འདོད་པའི་རྨི་ལམ་བསྟན་པར་བྱ་བའི་ཕྱིར།ཞེས་པ་ནི་གཙོ་ཆེ་བ་དེ་ལྟར་ཡིན་གྱི་བསྐྱེད་རིམ་པའི་ཡང་རྨི་ལྟས་དང་མི་འདོད་པའི་རྨི་ལྟས་ཀྱང་སྟོན་ནོ། །དེ་ནས་རྒྱལ་པོ་ཞེས་བྱ་བ་ལ་སོགས་པ་གསུངས་ཏེ། ཡེ་ཤེས་

---

^{[མ་དཔེ་གཟིགས་ན་འདིར་གནོན།]}

ཀྱོ་བ་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་ནང་ན་འོད་པོ་ཆེ་ནི་གཙོ་བོའོ། །འདོད་པའི་ཡོན་ཏན་ལ་བརྟེན་ནས་ཐར་པ་རབ་ཏུ་སྩོལ་བས་ན། འདོད་:པ་ཚབ:འདོད་པས་ཐར་པའོ་ཟེར་དང་ཐར་པའོ། །རྡོ་རྗེ་ཆོས་ཞེས་བྱ་བ་ནི་རྡོ་རྗེ་འཆང་ཆེན་པོ་སྟེ། དེས་གསུང་འདི་སྐད་བཀའ་སྩལ་པའོ། ༈ །ཆོས་རྣམས་རྨི་ལམ་ལྟ་བུ་སྟེ། ཞེས་བྱ་བ་ནི་ཕྱི་ནང་གི་དངོས་པོའི་ཆོས་རྣམས་ནི་རྨི་ལམ་དང་འདྲ་བ ར་རྫུན་པ་དེ་རྣམས་ལའོ། །ངོ་བོ་ཉིད་ཀྱིས་མ་སྐྱེས་ཤིང།སྟེ་སྐྱེ་བ་མེད་དོ། །སྐྱེ་བ་མེད་ཚུལ་ནི་ལང་ཀར་གཤེགས་པ་ལས། རང་བཞིན་གྱིས་མ་སྐྱེས་པ་ལ་དགོངས་ནས་ངས་ཆོས་ཐམས་ཅད་སྐྱེ་བ་མེད་པའོ་ཞེས་གསུངས་སོ། ཞེས་གསུངས་པ་དང་ངོ་བོ་ཉིད་ཀྱིས་མ་སྐྱེས་ཞེས་འདིར་གསུངས་པ་གཉིས་དོན་གཅིག་པས། ངོ་བོ་ཉིད་ཀྱིས་སམ་རང་བཞིན་གྱིས་མ་སྐྱེས་ཞེས་བྱ་ཡི་སྐྱེ་བ་ཙམ་འགོག་པའི་ཆད་ལྟ་བསྐྱེད་པར་མི་བྱའོ། །ཞེས་བྱ་བ་ནི་རང་བཞིན་ཀྱིས་སྐྱེ་བ་མེད་པའི་རྒྱུ་མཚན་དུ་སྐྱེ་བའི་རྒྱུ་མེད་པའི་ཕྱིར་རོ། །ཞེས་གསུངས་པས་ནི་སྐྱེ་བ་ཙམ་རྒྱུ་ལ་ལྟོས་ཀྱང་རང་བཞིན་གྱིས་སྐྱེ་བ་ནི་སུ་ལའང་མི་ལྟོས་པས་དེ་ལ་སྐྱེ་བའི་རྒྱུ་གཞག་ཏུ་མེད་པའི་ཕྱིར་རོ། །རང་བཞིན་དག་པའི་དེ་ཉིད་ལ། ཞེས་བྱ་བ་ལ། རང་བཞིན་ནི་འོད་གསལ་བའོ། །དེས་དག་པ་ནི་རྙོག་པ་རྣམས་དང་བྲལ་བའོ། །ཞེས་པ་ནི་ངོ་བོ་ཉིད་དམ། རང་གི་མཚན་ཉིད་ཀྱིས་གྲུབ་པས་སྟོང་པ་ནི་རང་བཞིན་འོད་གསལ་ཡིན་ལ། དེ་ལྟར་རྟོགས་པ་དེས་རྙོག་པའི་དྲི་མ་ཐམས་ཅད་དང་བྲལ་བར་བྱེད་པ་ནི་རང་བཞིན་རྣམ་དག་གི་དོན་རྟོགས་པའོ། །དེ་ཉིད་ཅེས་པའི་དེ་ཁོ་ན་ཉིད་ནི་འོད་གསལ་གྱི་ཡེ་ཤེས་དང་དབྱེར་མེད་དུ་བསྐྱེད་རྒྱུའི་ལྷའི་སྐུ་

---

^{[མ་དཔེ་གཟིགས་ན་འདིར་གནོན།]}

གང་ཡིན་པ་སྟེ་དེ་ནི་ངོ་བོ་ཉིད་ཀྱིས་དག་པའི་དེ་ཁོ་ན་ཡིན་ནོ། །དེ་ལྟར་རྟོགས་པ་དེ་གང་ལ་ཡོད་པ་རྣམས་ལ་སྟོན་པས། འཁྲུལ་པའི་རྡོ་རྗེ་རབ་ཏུ་གསུངས་པ། ཞེས་བྱ་བ་ལ། འཁྲུལ་པ་ནི་སེམས་རྟག་ཆད་དུ་ལྟ་བའི་སྒོ་ནས་འཁོར་བར་རྣམ་པར་འཁོར་བའོ། །དེའི་རྡོ་རྗེ་ནི་རྡོ་རྗེ་དང་འདྲ་བར་རྟག་ཆད་དུ་ལྟ་བ་དེ་འཇོམས་པས། དེ་གཉིས་ཉེ་བར་ཞི་བ འོ་སྟེ་། རྨི་ལམ་བརྫུན་པའི་གྱི་དཔེས་འདུས་བྱས་མ་བྱས་ཀྱི་ཆོས་ཐམས་ཅད་ཀྱང་རང་རང་གི་རྒྱུ་རྐྱེན་ལ་བརྟེན་ནས་འབྱུང་བ་ལ་བསྙོན་པར་མི་ནུས་པ་དང༌། གང་དུ་སྣང་བ་དེའི་རང་གི་ངོ་བོ་ཉིད་ཀྱིས་གྲུབ་པས་ཀུན་ཏུ་སྟོང་པ་རྨི་ལམ་དང་མཚུངས་པར་ཤེས་ནས། རང་བཞིན་གྱིས་གྲུབ་པའི་རྟག་པ་དང་བྱ་བྱེད་ཐམས་ཅད་མི་འཐད་པའི་ཆད་པའི་མཐར་འཛིན་པའི་འཁྲུལ་:ཆག:འཁྲུལ་པ་རབ་ཏུ་གསུངས་པ་ནི་རབ་ཏུ་སྤོང་ངོ་ཞེས་དགོངས་སོ་ཟེར། པ་ཤེས་ནས་ལྟ་བ་ལོག་པ་ཐམས་ཅད་རབ་ཏུ་སྤོང་ངོ་སོ་ཞེས་བྱ་བར་དགོངས་སོ། ༈ །བསམ་རྒྱུད་ལས། སྒྲུབ་པོ་རྟག་ཏུ་:པ་ཚབ:བསམ་གཏན་དང༌། །བཟླས་བརྗོད་དག་ནི་ལྷུར་ལེན་པ། །སངས་རྒྱས་བྱང་ཆུབ་སེམས་རྣམས་ཀྱིས། །མཐོང་བའི་དབྱེ་བ་རྣམ་གཉིས་གཟིགས། ཞེས་འབྱུང་ངོ༌། །གཏན་ཞེས་བྱ་བ་ལ་སོགས་པ་ལ། བསམ་གཏན་དང་བཟླས་པ་ལ་རྟག་ཏུ་བརྩོན་པའི་སྒྲུབ་པ་པོ་རྣམ་པ་གཉིས་ཀྱིས། རྟག་ཏུ་སྟེ་རྒྱུན་དུ་བསླབས་ན་མཐོང་བའོ། །སངས་རྒྱས་ནི་ནང་གི་བདག་ཉིད་ལ་མཆོག་ཏུ་གཞོལ་བའོ། །བྱང་ཆུབ་སེམས་དཔའ་རྣམས་ནི་སྔགས་ལ་མཆོག་ཏུ་གཞོལ་བའོ། །སྔགས་དང་ནང་ལ་

---

^{[མ་དཔེ་གཟིགས་ན་འདིར་གནོན།]}

གཞོལ་བ་འདི་སྐབས་གཞན་དུ་བསྐྱེད་རིམ་ཉིད་ལ་བཤད་པ་མང་ཡང་འདིར་ནི་རིམ་གཉིས་ཀྱི་རྣལ་འབྱོར་པ་ལ་བྱའོ། །དབྱེ་བ་རྣམ་པ་གཉིས་སུ་མཐོང༌། ཞེས་བྱ་བ་ནི། མཚན་མ་དང་བཅས་པ་བསྐྱེད་རིམ་པ་དང་མཚན་མ་མེད་པ་རྫོགས་རིམ་པའི་དབྱེ་བ་རྣམ་པ་གཉིས་ཀྱིས་རྨི་ལམ་སྣང་ཞིང་མཐོང་བར་འགྱུར་རོ། །རྨི་ལམ་འདི་རྣམས་སྤྱོད་བསྡུས་ལས་སྤྱོད་པ་བྱས་པ་ལས་འབྱུང་བར་གསུངས་སོ། ༈ །དེ་ལ་རིམ་གཉིས་ཀྱི་སྒྲུབ་པ་པོ་རྣམ་པ་གཉིས་ལ་འོག་ནས་བཤད་པ་འདི་ནི། འབྲས་བུ་ཆེན་པོ་སྟོན་པའི་རྨི་ལམ་ཡིན་པས་རྨི་ལམ་ཆེན་པོ་སྟེ། དེ་ཉིད་མི་སླུ་བ་ཡིན་པའི་ཕྱིར་དམ་ཚིག་སྟེ་མི་འདའ་བའི་གི་གནས་སོ། །འདི་ཡང་ལམ་གྱི་དུས་གང་དུ་འབྱུང་བར་གསུངས་པའི་དུས་དེར་བྱུང་ན་མི་སླུ་བ་ཡིན་གྱི། དེའི་ཕྱོགས་སུ་མ་སླེབ་པར་བྱུང་བ་མང་སྟེ་དེ་ནི་མི་སླུ་བ་མིན་ནོ། །བྱང་ཆུབ་ཡེ་ཤེས་མཆོག་ནི་འོད་གསལ་བ་སྟེ། དེར་ཞུགས་པར་བདག་ཉིད་མཐོང་བ་དང༌། རྫོགས་པའི་སངས་རྒྱས་འོད་ནི་བཟང་པོར་ཏེ། ཡེ་ཤེས་ཀྱི་སྐུར་མཐོང་བ་དང༌། བརྒྱ་ལམ་ན་སངས་རྒྱས་ཀྱི་རྫོགས་ལོངས་སྤྱོད་པའི་སྐུ་ཐོབ་པར་རྣལ་འབྱོར་པ་དེ། བདག་ཉིད་མྱུར་དུ་མཐོང་ན་རིང་པོར་མི་ཐོགས་པར་ཇི་ལྟར་མཐོང་བ་ལྟར་མངོན་སུམ་དུ་བྱེད་པར་འགྱུར་རོ། །སེམས་ཅན་ཆེན་པོ་ཁམས་གསུམ་པས། ཞེས་བྱ་བ་སྟེ། ཚངས་པ་དང་བརྒྱ་བྱིན་ལ་སོགས་པ་མཐུ་ཆེན་པོ་དང་ལྡན་པ་རྣམས་ཀྱིས། མཆོད་པ་བྱེད་པར་སྒྲུབ་པ་པོ་དེ་བདག་ཉིད་མཐོང་བ་དང༌། ཡེ་ཤེས་ཆེན་པོ་སྟེ་རྡོ་རྗེ་འཆང་ཆེན་པོ་

---

^{[མ་དཔེ་གཟིགས་ན་འདིར་གནོན།]}

དང་མདངས་མཚུངས་པར་འགྱུར་བ་དང༌། གཟུགས་ཏེ་རང་གི་ལུས་མཐོང་ཞིང་དེ་ལ་སངས་རྒྱས་དང་བྱང་ཆུབ་སེམས་དཔའ་ཁྱད་པར་ཅན་གྱི་གཟུགས་ལ་སོགས་པའི་ཡུལ་རྣམས་ཀྱིས། རྟག་ཏུ་ངེས་པར་མཆོད་པ་བྱེད་བཞིན་པར་མཐོང་ན། རིང་པོར་མི་ཐོགས་པར་སྒྲུབ་པ་པོ་ཕྱག་རྒྱ་ཆེན་པོའི་དངོས་གྲུབ་མངོན་སུམ་དུ་བྱེད་པར་འགྱུར་རོ་ཞེས་བྱ་བའི་བར་དུའོ། །རྡོ་རྗེ་སེམས་དཔའི་ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་ནི་མི་བསྐྱོད་པའི་སྐུའོ། །གཟུགས་ཆེན་དང་ནི་རྣམ་པར་སྣང་མཛད་ཀྱི་སྐུའོ། །གྲགས་པ་ཆེན་པོ་སྟེ་རིན་ཆེན་འབྱུང་ལྡན་དུའམ། རྡོ་རྗེ་ཆོས་ཏེ་འོད་དཔག་ཏུ་མེད་པར་རམ། རྡོ་རྗེ་གསང་བ་སྟེ་དོན་ཡོད་པར་གྲུབ་པའི་སྐུར་རང་གི་གཟུགས་ཏེ་བདག་གི་ལུས་སྒྲུབ་པ་པོ་དེས་མཐོང་བ་དང༌། བྱང་ཆུབ་སེམས་དཔའ་ནི་ཡེ་ཤེས་མཉམ་པའི་ངོ་བོ་ཉིད་དོ། །རྡོ་རྗེ་ཅན་ནི་སློབ་བཞིན་པའི་རྣལ་འབྱོར་པའོ། །སངས་རྒྱས་ཆེན་པོ་ནི་ཉན་ཐོས་དང་རང་སངས་རྒྱས་རྣམས་ཕྱག་འཚལ་ན་ཡང་དེ་བཞིན་དུ་སྒྲུབ་པ་པོས། འདི་ལྟ་བུའི་རྡོ་རྗེ་སེམས་དཔའ་ལ་སོགས་པའི་གཟུགས་ཀྱིས་གདུལ་བྱ་གཞན་རྣམས་ལ། སྐུ་དང་གསུང་དང་ཐུགས་ཀྱི་དངོས་གྲུབ་སྩོལ་བར་མཛད་ཅིང༌། ཕྱག་རྒྱ་ཆེན་པོའི་དངོས་གྲུབ་སྟེར་བ་རིང་པོ་མི་ཐོགས་པར་མཐོང་བར་འགྱུར་རོ་ཞེས་བྱ་བ་ནི་རྨི་ལམ་གྱི་འབྲས་བུའོ། ༈ །བསྐྱེད་རིམ་པའི་རྨི་ལྟས་ནི་རྒྱན་རྣམས་ཐམས་ཅད་ཡོངས་

---

^{[མ་དཔེ་གཟིགས་ན་འདིར་གནོན།]}

སུ་རྫོགས་པའི། ལྷ་ཡི་བུ་མོ་ཡིད་དུ་འོང་བ་སྟེ། བརླ་དབང་མ་ནི་བརྒྱ་བྱིན་གྱི་ཆུང་མའོ། །ལ་སོགས་པ་ལྷའི་བུ་མོ་རྣམས་མཐོང་བ་དང༌། ཡང་ན་མིའི་བུ་མོའམ་ཁྱེའུ་མཚན་ཐམས་ཅད་དང་ལྡན་པའི་ཁྱེའུ་དང༌། བུ་མོ་གང་གིས་མཐོང་བ་དེ་ནི་འཇིག་རྟེན་པའི་དངོས་གྲུབ་རྣམས་འཐོབ་ཅིང་རེག་པར་འགྱུར་རོ། ༈ །ཕྱོགས་བཅུ་ན་བཞུགས་པའི་དེ་བཞིན་གཤེགས་པ་རྣམས་རང་གི་སངས་རྒྱས་ཀྱི་ཞིང་ན་བཞུགས་པ་རྣམས་སྒྲུབ་པ་པོ་གང་གིས་ངེས་པར་མཐོང་:པ་ཚབ་ཆག:མཐོང་བ་དང་ཟེར། ན། གང་ལ་ཇི་ལྟ་བ་བཞིན་དུ་དེ་བཞིན་གཤེགས་པ་རྣམས་ཐུགས་དགྱེས་པར་གྱུར་ནས། ཆོས་ཀྱི་མཛོད་དེ་དམ་པའི་ཆོས་ཀྱི་རྒྱལ་པོ་གླེགས་བམ་དུ་ཆུད་པ་ཡིད་དུ་འོང་ཞིང་དགའ་བར་བྱེད་པ་སྩོལ་བར་འགྱུར་རོ། །གང་ཆོས་ཀྱི་འཁོར་ལོ་སྒྱུར་བའི་སྟེ་ཆོས་ཀྱི་སྟན་སེང་གེའི་ཁྲི་ལ་བཞུགས་པར་ལུས་ཏེ་བདག་གི་ལུས་སངས་རྒྱས་ཀུན་དང༌། བྱང་ཆུབ་སེམས་དཔའ་རྣམས་ཀྱིས་ཡོངས་སུ་བསྐོར་བའོ། །བསམ་གཏན་རྡོ་རྗེ་ལ་གནས་པའི། ཞེས་པ་ནི། རྫོགས་པའི་རིམ་པ་ལ་གནས་པའི་དམ་ཚིག་སྦྱོར་བས་ཏེ་སྒྲུབ་པ་པོས་མཐོང་བར་གྱུར་ན་དེ་ནི་འཇིག་རྟེན་ལས་འདས་པའི་དངོས་གྲུབ། འགྲུབ་པར་འགྱུར་རོ་ཞེས་བྱ་བ་ནི་རྨི་ལམ་མཐོང་བའི་འབྲས་བུ་ཡིན་ནོ། ༈ །ཀུན་དགའ་ར་བ་ནི་དཀའ་ཐུབ་ཀྱི་གནས་སོ། །སྐྱེད་མོས་ཚལ་ནི་རྒྱལ་པོའི་རྩེད་མོ་བྱེད་པའི་ཚལ་ཏེ། དེ་དག་ལ་སོགས་པ་ཡིད་ཉམས་དགའ་བའི་ས་ཕྱོགས་

---

^{[མ་དཔེ་གཟིགས་ན་འདིར་གནོན།]}

རྣམ་པ་སྣ་ཚོགས་པ་ལ། ལྷ་དང་མི་ལ་སོགས་པའི་བུ་མོས་བརྒྱན་པར་བསམ་གཏན་གྱི་དམ་ཚིག་ཅན་ཏེ། ཡོངས་སུ་རྟོག་པའི་རྣལ་འབྱོར་ལ་གནས་པ་གང་གིས་མཐོང་བ་དེ་ནི། སངས་རྒྱས་ཀུན་གྱིས་བྱིན་གྱིས་བརླབས་པ་སྟེ། དེ་བཞིན་གཤེགས་པ་ཐམས་ཅད་ཀྱི་ཡིད་དུ་འོང་བའི་དངོས་གྲུབ་འཐོབ་པར་འགྱུར་ཏེ། དེ་ཉིད་ལས་འཇིག་རྟེན་པའི་བདེ་བ་ཡིད་ལ་འདོད་པ་ཡང་འཐོབ་པར་འགྱུར་བ་ནི་རྨི་ལམ་གྱི་རྣམ་པར་སྨིན་པའོ། །བདག་ཉིད་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་དབང་བསྐུར་བར་གྱུར་པ་གང་གི་རྨི་ལམ་དུ་མཐོང་བ་དེ་ནི། རིག་འཛིན་རྒྱལ་པོ་ཆེན་པོ་ཡིས་ཏེ། རིག་པ་འཛིན་པའི་གཙོ་བོ་རྣམས་ཀྱིས་བདག་ཉིད་ལ་མཆོད་པ་བྱས་པར་མཐོང་ན་རྨི་ལམ་གྱི་འབྲས་བུ་ཐོབ་པར་འགྱུར་རོ་ཞེས་ཀྱང་གསུངས་སོ། ༈ །མངོན་པར་འདོད་པའི་རྨི་ལམ་ཉེ་བར་བསྡུ་བར་བྱ་བའི་ཕྱིར། རྡོ་རྗེ་ལས་བྱུང་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ལས་བྱུང་བ་ནི་དེ་བཞིན་གཤེགས་པས་བསྟན་པའོ། །སྣ་ཚོགས་པ་ནི་དེ་ལྟར་གསུངས་པ་རྣམས་དང༌། མ་གསུངས་པའི་རྨི་ལམ་དྲི་མ་མེད་པ་སྟེ། རྨི་ལམ་བཟང་པོ་གང་གིས་མཐོང་བ་དེས་ནི་སྐུ་དང་གསུང་དང་ཐུགས་ཀྱི་རྡོ་རྗེ་ལས་སྐྱེས་པ་སྟེ། ཐ་མལ་པའི་ལུས་དང་ངག་དང་ཡིད་ལས་བྱུང་བ་བླ་ན་མེད་པའི་དེ་ཁོ་ན་ཉིད། རྫོགས་པར་གྱུར་བའི་ཡོངས་སུ་དག་པའི་ལྷའི་སྐུ་འགྲུབ་ཅིང་འཐོབ་པར་འགྱུར་རོ། ༈ །གདོལ་པ་ཞེས་བྱ་བ་ལ་

---

^{[མ་དཔེ་གཟིགས་ན་འདིར་གནོན།]}

སོགས་པ་ནི། དམ་ཚིག་ཉམས་པས་རྨི་ལམ་ངན་པ་མཐོང་བ་ནི། གདོལ་པ་དང་ཁྱི་ལ་སོགས་པ་ཞེས་བྱ་བར་སྦྱར་ཏེ། སོགས་པའི་སྒྲས་ནི་སྤྲེའུ་དང་ཡི་དྭགས་ལ་སོགས་པ་གཟུགས་ངན་པ་རྣམས་ཀྱང་གཟུང་ངོ༌། །རྡོ་རྗེ་བློས་ཞེས་བྱ་བ་ནི་སྒྲུབ་པ་པོས་ཏེ། གལ་ཏེ་གདོལ་པ་སོགས་དང་སྦྱོར་བ་འདི་ལྟར་བུ་མཐོང་ན་ནི་བློ་དང་ལྡན་པ་བདེན་པ་མཐོང་ཞིང༌།ཞེས་པ་ནི་བདེན་པ་མངོན་སུམ་དུ་རྟོགས་པ་ལ་བྱར་མི་རུང་བས། བདེན་བཞི་རྟོགས་པའི་ཤེས་རབ་དང་ལྡན་པ་ལ་བྱའོ། །རྡོ་རྗེ་སེམས་དཔའ་སྟེ། བརྩོན་འགྲུས་བརྟན་པ་ཡིན་ཡང་སེམས་ཀྱི་གནས་ཏེ། ངན་འགྲོའི་ལུས་འགྲུབ་པར་འགྱུར་བ་སྟེ་སྡིག་པར་ཏེ་ངན་འགྲོར་ཉེ་བར་འགྲོ་བར་འགྱུར་ཏེ། རྩ་བའི་དམ་ཚིག་ལས་འདས་པར་བྱས་ཤིང་དམ་ཚིག་ཡོངས་སུ་སྤངས་པས། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ལ་རབ་ཏུ་ཞུགས་པར་གྱུར་ཀྱང༌། ཡང་བ་མ་སྤངས་པས་དུས་བྱེད་པར་འགྱུར་རོ་ཞེས་བྱ་བའི་བར་དུའོ། །སྙིམ་པའི་མེ་ཏོག་ལས། གདོལ་བ་མོའམ། ཁྱི་མོ་འམ། རྒོད་མ་ལ་སོགས་པ་རྣམས་དང༌། བདག་ཉིད་སྦྱོར་བར། རྡོ་རྗེ་སློབ་དཔོན་ཏེ་བརྟན་པའི་བློས་མཐོང་བར་གྱུར་པ་དེའི་ཚེ། བློ་ལྡན་རྡོ་རྗེ་སེམས་དཔའ་སྟེ། མི་བསྐྱོད་པའི་སེམས་ཀྱི་གནས་ཏེ། ཐུགས་ཀྱི་གསང་བ་འགྲུབ་པར་འགྱུར་རོ། །ཞེས་རྨི་ལམ་བཟང་བའི་རྟགས་སུ་བཤད་དོ། ༈ །དེ་ལ་ཞེས་བྱ་བ་ལ་སོགས་པ་ལ། སྒྲུབ་པ་པོ་དེ་ལ་ཆོས་རྣམས་དང་རྨི་ལམ་དཔེ་དོན་དུ་སྦྱར་ཏེ། དེ་ཁོ་ན་ཉིད་སྒྲུབ་པ་འོག་ནས་བཤད་པ་འདི་ནི། རྨི་ལམ་རྣམ་པར་དཔྱད་པའི་དམ་ཚིག་སྟེ། རྨི་ལམ་དེ་ལ་བརྟེན་ནས་དེ་ཁོ་ན་ཉིད་ལ་རྣམ་པར་

---

^{[མ་དཔེ་གཟིགས་ན་འདིར་གནོན།]}

དཔྱོད་པའི་དུས་དེའི་ཚེ་སྙིང་པོར་གྱུར་པ་ཡིན་ཅིང༌། དེ་ཁོ་ན་ཉིད་ལ་ཐེ་ཚོམ་གཅོད་པར་བྱེད་པའི་སྙིང་པོའི་ཚིག་གོ །རང་སེམས། རྣམས་ནི་དམིགས་པ་ནི་སེམས་ལ་དམིགས་ནས་སོ་སོར་རྟོགས་པའི་ཤེས་རབ་ཀྱིས་དེ་ཁོ་ན་ཉིད་དུ་གྲུབ་མ་གྲུབ་དཔྱད་པ་སྟེ། དེ་ལྟར་དཔྱད་པས་སེམས་ཀྱི་རང་བཞིན་གྱིས་གྲུབ་པས་སྟོང་པའི་ངོ་བོ་ཉིད་ཡོངས་སུ་ཤེས་པ་དེ་ལྟར་ཤེས་པ་ལ། །དེ་བཞིན་དུ་སད་དུས་ཀྱི་སྣོད་བཅུད་ཀྱི་ཆོས་རྣམས་ཐམས་ཅད་ཀྱང་རང་གི་སེམས་ཀྱིས་བཏགས་པ་ཙམ་སྟེ། བཏགས་པ་ཙམ་ལས་གཞན་དུ་གྱུར་པ་ཅི་ཡང་མེད་པ་དེ་ལྟར་རབ་ཏུ་གནས་སོ། །རྨི་ལམ་མཐོང་བའི་དུས་སུ་སྣོད་བཅུད་དུ་སྣང་བ་རྣམས་སེམས་ལས་ཕྱི་རོལ་ན་མི་གནས་ཏེ། མིག་ཡོར་ཏེ་སྣང་བརྙན་ཙམ་དུ་སྣང་བ་གང་ཡིན་པ་དེ་ཐམས་ཅད་ནི་རང་གི་སེམས་ཀྱི་ངོ་བོ་ཉིད་ཏེ། རང་གི་སེམས་ཉིད་ལས་ངོ་བོ་ཐ་དད་པ་གཞན་ན་ཅི་ཡང་མེད་དོ། །གལ་ཏེ་སྣོད་བཅུད་ཀུན་སེམས་ཀྱིས་བཏགས་པ་ཙམ་ཡིན་ན་སེམས་དེ་ཉིད་ཀྱང་གང་ན་གནས་ཤེ ་ན། ནམ་མཁའ་རྡོ་རྗེ་གནས་སེམས་འདི། ཞེས་བྱ་བ་སྟེ། ནམ་མཁའ་རྡོ་རྗེ་ནི་འོད་གསལ་བའོ། །དེ་ལ་གནས་པའི་སེམས་ནི་ནམ་མཁའ་རྡོ་རྗེའི་སེམས་ཏེ་འདིར་འོད་གསལ་ནི་རང་བཞིན་གྱིས་གྲུབ་པས་སྟོང་པ་སྟེ། སེམས་དེ་ལ་གནས་པར་བསྟན་པ་ན། སེམས་

---

^{[མ་དཔེ་གཟིགས་ན་འདིར་གནོན།]}

ཀྱང་རང་བཞིན་གྱིས་གྲུབ་པས་སྟོང་པར་གོའོ། །སེམས་སུ་མ་ཟད་དངོས་པོ་འདི་དག་ཐམས་ཅད་ཀྱང་གཉིད་ཀྱིས་ལོག་པ་འམ་རྨི་ལམ་མམ་མ་ལོག་པ་སད་པའི་གནས་སྐབས་ན་འོད་གསལ་དེ་ལ་གནས་སོ། །སེམས་ལས་དངོས་པོ་ཐ་དད་པར་གནས་པ་ཡོད་དམ་ཞེ་ན། ཞེས་འདྲི་བ་འདི་ཕྱི་རོལ་གྱི་དོན་འགོག་འདོད་ནས་འདྲི་བ་མེད་ཏེ། ལུགས་འདིའི་དབུ་མ་ལ་དོན་སེམས་གཉིས་བདེན་གཉིས་གང་དུའང་ཡོད་ན་ཡོད་མཉམ་དང༌། མེད་ན་མེད་མཉམ་དུ་ཁས་བླང་དགོས་ཤིང༌། དེ་བཞིན་དུའང་གསུངས་པས་སོ། །དེས་ན་སེམས་ཀྱིས་བཏགས་པ་ཙམ་ལས་དངོས་པོ་སྟེ་ངོ་བོ་ཐ་དད་པར་ཡོད་དམ་ཞེས་འདྲི་བ་འོ། །དེ་ཕྱིར་ངོ་བོ་ཉིད་མེད་པའོ། །ཞེས་རང་གི་ངོ་བོས་གྲུབ་པ་མེད་པའི་ལན་ཡང་ལེགས་པར་འབྲེལ་ལོ། །ཆོས་མེད་ཅེས་བྱ་བ་གསུངས་ཏེ་དངོས་པོ་རྣམས་ཀྱི་ངོ་བོ་ཉིད་མེད་པའོ། །གལ་ཏེ་ཆོས་ཅན་མི་བདེན་ཀྱང་ཆོས་རྣམས་བདེན་པས་སྟོང་པའི། ཆོས་ཉིད་འགའ་ཞིག་བདེན་པར་ཡོད་དམ་ཞེ་ན། ཆོས་ཉིད་མེད་པའོ་ཞེས་བྱ་བ་གསུངས་ཏེ་རྩ་ཤེ་ལས། མི་སྟོང་ཅུང་ཟད་ཡོད་མིན་ན། །སྟོང་པ་ཡོད་པར་ག་ལ་འགྱུར། ཞེས་དང༌། འདུས་བྱས་རབ་ཏུ་མ་གྲུབ་པས། །འདུས་མ་བྱས་ནི་ཇི་ལྟར་འགྲུབ། ཅེས་གསུངས་པ་ལྟར། ཆོས་ཅན་བདེན་གྲུབ་འགོག་པའི་རིགས་པ་དེས་ཆོས་ཉིད་བདེན་གྲུབ་ལེགས་པར་དགག་ནུས་པའི་ཕྱིར་དང༌། བདེན་གྲུབ་ལ་རྟེན་བརྟེན་པའི་འབྲེལ་བ་འགོག་ནུས་པའི་ཕྱིར་དང༌། རྟེན་དང་བརྟེན་པའི་འབྲེལ་བ་མེད་ན་ཆོས་ཅན་དང་ཆོས་ཉིད་དུ་མི་རུང་བའི་ཕྱིར་ཏེ་རྒྱས་པར་གཞན་དུ་བཤད་ཟིན་ཏོ། །སོ། །འདིར་གསུངས་པ་ཞེས་པ་ནི་གཉིད་ལོག་སད་ཀྱི་སྣང་བ་ལ་བདེན་རྫུན་གྱི་ཁྱད་པར་མེད་པར་སྤྱོད་བསྡུས་ལས་གསུངས་པ་ཁུངས་སུ་འདྲེན་པའོ། །རྒྱུད་རྡོར་འཕྲེང་ལས་གསུངས་པ་ལྟར་ཕུང་པོ་དང་པོ་བཞི་དང་ས་སོགས་ཁམས་བཞི་དང་ཡུལ་གྱི་སྐྱེ་མཆེད་བཞི་དང་མིག་སོགས་དབང་པོ་བཞི་དང་སོགས་ཀྱིས་དེ་དག་གི་ལྷག་མ་རྣམས་སོ། །དེ་ཁལྟར་འདུས་པ་ལས་

---

^{[མ་དཔེ་གཟིགས་ན་འདིར་གནོན།]}

སྣང་བ་དང་མཆེད་པ་སྐྱེ་བ་ནི། ཤེས་པ་གཉིས་པོ། །དེཀ་རྣམས་ལུས་འདིར་ལེགས་པར་འདུས་པ་ནི་ཤེས་པ་ཡུལ་ལ་འཇུག་པ་རང་དབང་མེད་པར་རིམ་གྱིས་འདུས་པའོ།་ནས་། དེག་གཉིས་ཀྱང་སྔ་མ་ཕྱི་མ་ལ་འདུས་ནས་ཉེར་ཐོབ་ཏུ་ཐིམ་པ་ནི་སྟོང་པ་ཆེན་པོར་གྱུར་པས་གང་ཞིག་གཉིད་འཐུག་ལོག་པ། འོ། །གཉིད་ཀྱིས་སྟོང་པར་ཞུགས་པ་ལས་རླུང་གིས་བསྐྱོད་པ་ལ་བརྟེན་པས་ཏེ་ནས་ངེས་པར་རྨི་ལམ་མཐོང༌། བ་སྟེ་འཆར་རོ། །རྨི་ལམ་བཟང་པོ་ལས་འབྲས་བུ་བཟང་པོ་ཐོབ་པར་འདོད་པས་བདེན་པར་ཀུན་ཏུ་བརྟགས་པའི། གཉིད་ལོག་པའི་སྣང་བ་དང་སད་པའི་སྣང་བ་ལ་བདེན་རྫུན་གྱི་དབྱེ་བ་ཡོད་པ་མ་ཡིན། ནོ། །ཆོས་རྣམས་དེ་ཀུན་རྨི་ལམ་ལྟ་བུ་སྟེ། །བརྫུན་དང་བདེན་པའི་ཁྱད་པར་དག་ཀྱང་ཡོད་པ་མ་ཡིན། ནོ། །ཞེས་སྤྱོད་བསྡུས་ལས་གསུངས་པའོ། །སྤྱོད་བསྡུས་ཀྱི་གཞུང་འདི་དག་ལ་བརྟེན་ནས། གཉིད་དང་རྨི་ལམ་དང་བསྲེ་བ་དང་སྒྱུ་མ་ལོངས་སྐུ་དང་སྤྲུལ་སྐུའི་བསྲེ་བ་ཁྱད་པར་ཅན་རྣམས་རྟོགས་དགོས་པ་ནི་རྒྱས་པར་རིམ་ལྔ་གསལ་སྒྲོན་དུ་བཤད་ཟིན་ཏོ། ༈ །དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པའོ། །ངོ་མཚར་དུ་གྱུར་པ་ནི་རྨི་ལམ་བསྟན་པ་ལའོ། །རྨད་དུ་གྱུར་པ་ནི་རྨི་ལམ་གྱི་འབྲས་བུ་ཐོབ་པས་སོ། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་ནི། རྡོ་རྗེ་སེམས་དཔའི་ཏིང་ངེ་འཛིན་ཏེ། དེའི་ཐེ་ཚོམ་

---

^{[མ་དཔེ་གཟིགས་ན་འདིར་གནོན།]}

གཅོད་པ་རྡོ་རྗེ་སེམས་དཔའ་ལ་ཞུས་པའོ། །འདི་ཅི་ཞིག་ལགས་ཞེས་བྱ་བ་ནི་ཞུས་པ་སྟེ། འདི་དག་ནི་ ཤིན་ཏུ་དཀའོ་ཞེས་བྱ་བར་དགོངས་སོ། །དཀའ་བ་དེ་གང་ཡིན་སྙམ་ན་ཆོས་རྣམས་ངོ་བོ་མེད་པ་ལ། ཞེས་པ་ནི། དངོས་པོ་སྟེ་ངོ་བོས་གྲུབ་པ་མེད་པའི་ཆོས་རྣམས་ཀྱི་འབྲས་བུ་སྟོན་པ་ལ་ཆོས་ཀྱི་དེ་ཉིད་དེ་འབྲས་བུ་ཐོབ་པ ཡོད་པའི་དེ་ཁོ་ན་ཉིད་དེ་རྒྱུ་འབྲས་མི་སླུ་བར་ཀུན་ཏུ་བཤད་དོ། །དེ་བས་ན་རྒྱུ་ལ་བརྟེན་ནས་འབྲས་བུ་འབྱུང་ཞེས་རྒྱུ་རྟེན་དང་འབྲས་བུ་བརྟེན་པ་པོར་བྱེད་པ་ནམ་མཁའ་ལ་ནི་སྟེ་གཞིར་གྱུར་པ་ལ་བརྟེན་ནས་ནམ་མཁའ་སྒོམ་པ་སྟེ། ནམ་མཁའ་བརྟེན་པ་པོར་བྱས་ནས་སྐྱེ་བ་པ་ནི་ཇི་སྲིད་དུ་སྟེ་དེ་ཇི་ལྟར་བ་དེ་ལྟར་དུ་གྱུར་པ་ངོ་མཚར་ལས་བྱུང་བ་ནི་ངོ་མཚར་བསྟན་པའོ། །འདི་ནི་ཤིན་ཏུ་དཀའ་སྟེ་བརྟེན་ནས་འབྱུང་བའི་རྟེན་འབྲེལ་ཡོད་ན་རང་གིས་ངོ་བོ་ཉིད་ཀྱིས་ཡོད་པར་འགྱུར་ཞིང༌། རང་གི་ངོ་བོ་ཉིད་ཀྱིས་ཡོད་པ་བཀག་ན་རྒྱུ་འབྲས་ཀྱི་བྱ་བྱེད་ཐམས་ཅད་མེད་པར་སོང་ནས་ཡང་དག་པའི་ལྟ་བ་མི་རྙེད་པའི་ཕྱིར་རོ། །དེས་ན་དེ་གཉིས་ལ་འགལ་འདུ་མེད་པར་རྟོགས་པ་ནི་ཤིན་ཏུ་ངོ་མཚར་བའོ་ཞེས་སྟོན་པ་ཡིན་པས། ལྟ་བ་འཚོལ་བ་ལ་གནད་ཤིན་ཏུ་ཆེ་བར་ཟུངས་ཤིག ། ༈ སྔར་བཤད་པའི་འགལ་བ་ལྟར་སྣང་བ་གཉིས་ནི་གཏན་མི་འགལ་བར་འདུ་བ་ནི། དེ་དེ་:པ་ཚབ:བཞིན་གཤེགས་པ་རྣམས་ཀྱི་བསམ་པ་ཉིད་གསལ་བར་བྱ་བའི་ཕྱིར། ཞེས་

---

^{[མ་དཔེ་གཟིགས་ན་འདིར་གནོན།]}

ཟེར་བ་ལ་ཡང་ཅུང་ཟད་ཅིག་བཤད་དུ་ཡོད་ཀྱང་དེ :ཆག:་བཞིན་གཤེགས་པའི་དགོངས་པ་ཉིད་ཡིན་པར་བསྟན་པ་ནི་ཞེས་ཟེར་བ་ནི་ལེགས་པར་སྣང་སྟེ་འགྱུར་རྙིང་དང་ཡང་མཐུན་ནོ། །བཞིན་གཤེགས་པའི་དགོངས་པ་ཉིད་ཡིན་པར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་འཆང་ཆེན་པོས་དེ་བཞིན་གཤེགས་པ་རྣམས་ལ་འདི་སྐད་ཅེས་གསུངས་ཏེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བྱ་བ་ནི་འཁོར་གྱི་དེ་བཞིན་གཤེགས་པ་རྣམས་ལ་བོད་པའོ། །འདུས་མ་བྱས་པའི་ནམ་མཁའ་ནི་ཆོས་གང་དང་ཡང་སྟེ། བུམ་པ་དང་སྣམ་བུ་ལ་སོགས་པ་གང་དང་ཡང་མི་ལྡན་པ་སྟེ། ལྡན་པ་མ་ཡིན་ཞེས་པ་ཡིན་ལ། དེའི་དོན་ནི་དེ་གཉིས་དབྱེར་མེད་པ་མ་ཡིན་པའོ། །ཏེ། ཐ་དད་པར་ཡང་མི་སྣང་བའི་ཕྱིར་རོ། །ཞེས་པའི་རྒྱུ་མཚན་འདི་ཆག་འགྱུར་ལས་ཀྱང་འདི་བཞིན་འབྱུང་ཡང༌། པ་ཚབ་ཀྱིས་ཐ་དད་པ་ཉིད་དུ་མཐོང་བའི་ཕྱིར་རོ། ཞེས་བསྒྱུར་བ་ལེགས་ལ། དོན་ནི། ནམ་མཁའ་ནི་ཐོགས་པའི་རེག་བྱ་བཀག་ཙམ་ལ་འཇོག་ལ། བུམ་སྣམ་སོགས་ནི་དེ་ལ་མི་འཇོག་པས་དེ་གཉིས་ཐ་དད་དུ་གཞག་དགོས་པའི་ཕྱིར་ཞེས་པའོ། །འོ་ན་དེ་གཉིས་བུམ་སྣམ་བཞིན་དུ་སོ་སོར་གནས་པ་ཞིག་ཡིན་ནམ་སྙམ་ན། མི་ལྡན་པ་ཞེས་པ་ནི་འོག་ནས་ལྡན་པ་དང་བྲལ་བདག་ཀྱང་ཞེས་གསུངས་པས་སོ་སོར་བྲལ་བའི་ངོ་བོ་ཐ་དད་པ་མིན་ཞེས་པའོ། །མི་ལྡན་པ་ཡང་མ་ཡིན་ཏེ། བུམ་སྣམ་ལ་སོགས་པའི་གཟུགས་ཅན་གྱི་དངོས་པོ་ཐམས་ཅད་ནམ་མཁའ་དེའི་བདག་ཉིད་དེ་ངོ་བོ་ཉིད་ཡིན་པའི་ཕྱིར་རོ། །དཔེར་བརྗོད་ན། བུམ་པ་སྟོང་པའི་ནང་དེར་ཆུ་ལ་སོགས་པའི་ཐོགས་བཅས་གཞན་བཀག་པ་ཙམ་ཞིག་ཡོད་པ་དེ་ནམ་མཁའ་ཡིན་ལ། བུམ་པ་དང་དེའི་ནང་དུ་ཐོགས་བཅས་གཞན་བཀག་པ་གཉིས་ངོ་བོ་

---

^{[མ་དཔེ་གཟིགས་ན་འདིར་གནོན།]}

ཐ་དད་ན། བུམ་པ་དེ་ནང་གི་ཐོགས་བཅས་གཞན་བཀག་པ་མིན་པར་འགྱུར་བས་ངོ་བོ་གཅིག་པའོ། །དེས་གཞན་ལའང་ཤེས་པར་བྱའོ། །ནམ་མཁའ་དེ་ཐམས་ཅད་གཏོགས་པ་ནི་ཡོད་པའི་ཆོས་བུམ་པ་ལ་སོགས་པ་རྣམས་ལ་ཡང་ཁྱབ་པ་ཉིད་ཡིན་ལ་བུམ་སོགས་དེ་རྣམས་ཀྱི་ངོ་བོ་ཉིད་ནམ་མཁའ་ལ་གནས་པའང་གཟུགས་ཅན་བཞིན་དུ་རྗེས་སུ་བལྟར་མེད་པ་སྟེ། གཉིས་པོ་དེ་དག་བདག་ལ་ཡོད་དོ་ཞེས་བྱ་བའི་མངོན་པའི་ང་རྒྱལ་ཡང་ནམ་མཁའ་འདི་ལ་མེད་པས་ན་ནམ་མཁའ་དེ་ང་ནི་ཆོས་ཐམས་ཅད་དུ་གཏོགས་ལ། ཐམས་ཅད་ཀྱི་རྗེས་སུ་སོང་བར་བལྟར་མེད་པའོ་སྙམ་དུ་ཡང་མི་སེམས་སོ་ཞེས་བྱ་བ་གསུངས་སོ། །དེ་ལྟར་དཔེ་གསུངས་ནས། དཔེ་དེ་དང་དོན་ཡང་དག་པར་སྦྱར་བ་བསྟན་པར་བྱ་བའི་ཕྱིར། དེ་བཞིན་དུ་ཞེས་བྱ་བ་ལ་སོགས་པ་གསུངས་ཏེ། ཇི་ལྟར་ནམ་མཁའ་ཆོས་གང་དང་ཡང་མི་ལྡན་པས་ཏེ། མི་ལྡན་པ་ཡང་མ་ཡིན་པ་དེ་བཞིན་དུ་རྨི་ལམ་དང༌། རྨི་ལམ་གྱི་འབྲས་བུ་དག་གི་ལྡན་པ་མེད་པ་དང་མི་ལྡན་པ་བྲལ་བ་དག་ཀྱང་བལྟ་བར་བྱ་སྟེ། འདི་ནི་དཔེ་དོན་སྦྱོར་ཚུལ་དང་པོའོ། །འདི་ལ་སྣམ་བུ་སོགས་ནི་རྨི་ལམ་དང༌། རྨི་ལམ་གྱི་འབྲས་བུ་གཉིས་ཀྱི་དཔེའོ། །ནམ་མཁའ་ནི་དེ་གཉིས་ཀྱི་དེ་ཁོ་ན་ཉིད་ཀྱི་དཔེའོ། །དེས་ན་རྨི་ལམ་དང་དེའི་འབྲས་བུ་གཉིས་ནི་རང་གི་མཚན་ཉིད་ཀྱིས་གྲུབ་པས་སྟོང་པ་དང་དབྱེར་མེད་པའི་གཅིག་མ་ཡིན་ཏེ། གཅིག་ཀུན་རྫོབ་བདེན་པ་དང་གཅིག་ཤོས་དོན་དམ་བདེན་པ་ཡིན་པའི་ཕྱིར་རོ། །ངོ་བོ་ཐ་དད་པའི་མི་ལྡན་པ་ཡང་མ་ཡིན་ཏེ། དེ་གཉིས་རང་གི་ངོ་བོ་ཉིད་ཀྱིས་གྲུབ་པས་སྟོང་པ་དེའི་བདག་ཉིད་ཡིན་པའི་ཕྱིར་རོ། །ཞེས་སྦྱར་ཏེ། ཆོས་ཅན་དང་ཆོས་ཉིད་གཉིས་དབྱེར་མེད་ཀྱི་གཅིག་ཡིན་པ་དང༌། ངོ་བོ་ཐ་དད་པ་བཀག་ནས་ངོ་བོ་གཅིག་ལ་ལྡོག་པ་ཐ་དད་པར་བསྟན་ནོ། །འོ། །དཔེ་དོན་སྦྱོར་ཚུལ་གཉིས་པ་

---

^{[མ་དཔེ་གཟིགས་ན་འདིར་གནོན།]}

སྟོན་པ་ནི་ཇི་ལྟར་ནམ་མཁའ་ཆོས་ཐམས་ཅད་དུ་གཏོགས་པ་དང༌། ཐམས་ཅད་ཀྱི་རྗེས་སུ་བལྟའོ་སྙམ་དུ་མི་སེམས་པ་བཞིན་དུ། རྨི་ལམ་དང་དེའི་འབྲས་བུ་ཡང་དེ་དང་འདྲའོ་ཞེས་བསྟན་པར་བྱ་བའི་ཕྱིར། །ལྟ་བུ་ནི་རྣམ་པར་ཡང་བསྒྱུར་བས་ཆོག་པས་རྨི་ལམ་ལྟ་བུ་སྟེ་རྣམ་པ་དང་རྨི་ལམ་གྱི་དམ་ཚིག་ལས་བྱུང་བ་ནི་རྨི་ལམ་གྱི་འབྲས་བུར་རྗེས་སུ་སྟེ་འདྲ་བར་རྟོགས་པར་བྱའོ། །ཞེས་བྱ་བ་གསུངས་སོ། །འདི་ལ་དཔེ་དོན་སྦྱོར་ཚུལ་གཉིས་ལས། གཅིག་ནི་ཇི་ལྟར་ནམ་མཁའ་གཟུགས་ཅན་ཀུན་ལ་སོང་བ་དང༌། དེ་བལྟར་མི་མངོན་པ་བཞིན་དུ་རང་གི་ངོ་བོ་ཉིད་ཀྱིས་གྲུབ་པས་སྟོང་པ་རྨི་ལམ་དང་། དེའི་འབྲས་བུའི་ཆོས་ཀུན་ལ་ཁྱབ་པ་དང་། ཁྱབ་ཀྱང་དེ་བལྟར་མི་མངོན་པར་ཤེས་པར་བྱའོ། །གཅིག་ནི་ནམ་མཁའ་དེ་ཆོས་གཉིས་པོ་དེ་ཡིན་ཀྱང་དེ་གཉིས་ཡིན་ནོ་སྙམ་དུ་མི་ལྟ་བ་དེ་བཞིན་དུ། ཆོས་རྣམས་རང་གི་ངོ་བོ་ཉིད་ཀྱིས་གྲུབ་པས་སྟོང་པའི་དོན་དམ་མངོན་སུམ་དུ་རྟོགས་པའི་ཚེ། རྟོག་པ་གང་ཡང་མེད་པ་དང་། གཉིས་ཀྱི་སྣང་བ་རྣམས་ཉེ་བར་ཞི་བར་ཤེས་པར་བྱའོ། ༈ །རྨི་ལམ་སོགས་དེ་ཉིད་ཀྱི་རྣམ་པར་དག་པ་རང་བཞིན་མེད་པས་ཆོས་གཞན་ཀུན་ལ་ཡང་ཁྱབ་པར་བསྟན་པར་བྱ་བའི་ཕྱིར། བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། ཇི་ལྟར་ནམ་མཁའ་བརྟག་ཏུ་མེད་ཅིང་བལྟར་མི་སྣང་བ་དེ་བཞིན་དུ་རྨི་ལམ་གྱི་ངོ་བོ་ཉིད་ཀྱང་དེ་དང་འདྲ་སྟེ། བརྟག་ཏུ་མེད་པ་ནི་མིག་ལ་སོགས་པའི་དབང་པོས་གང་ཡུལ་དུ་བྱར་མེད་པའོ། །ཐོགས་པ་མེད་པ་ནི་རྩིག་པ་ལ་སོགས་པ་ལ་རྡུགས་པ་མེད་དོ། །དེ་བཞིན་དུ་ཕུང་པོ་ལ་སོགས་པའི་ཆོས་ཐམས་ཅད་ཀྱང་

---

^{[མ་དཔེ་གཟིགས་ན་འདིར་གནོན།]}

ཡོངས་སུ་ཤེས་པར་བྱ་ན།ཡོངས་སུ་ཤེས་པར་བྱ་ཚུལ་ནི། སྔར་རྨི་ལམ་དང་དེའི་འབྲས་བུ་གཉིས་ལ་ནམ་མཁའ་དཔེར་བླངས་ཏེ་བཤད་པ་ཇི་ལྟ་བ་བཞིན་དུ་ཤེས་པར་བྱའོ། །རྨི་ལམ་དང་རྨི་ལམ་གྱི་འབྲས་བུ་ལྟ་སྨོས་ཀྱང་ཅི་དགོས། ཆོས་ཐམས་ཅད་ནམ་མཁའ་དང་མཚུངས་པར་གཏན་ལ་འབེབས་པ་འདི། སྔར་བསྟན་པ་དེ་ཙམ་དུ་མ་ཟད་སླར་ཡང་བསྟན་པར་བྱ་བའི་ཕྱིར། བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། ལུས་དང་ངག་དང་སེམས་ནི་སེམས་ཅན་གྱི་འཇིག་རྟེན་ནོ། །ཆོས་ཐམས་ཅད་ནི་སྣོད་ཀྱི་འཇིག་རྟེན་ནོ། །བརྗོད་བྱའི་ཡུལ་ལ་རྡོ་རྗེ་ལྟར་མི་བཟློག་པར་འཇུག་ལ་བརྗོད་བྱ་དང་རྗོད་བྱེད་དུ་གནས་པ་དེ འི་དམ་ཚིག་ནི་དེ་ལས་འདར་མེད་པ་ནི་ངག་གི་རང་བཞིན་མ་ལུས་པ སྟེ་དེས་ཇི་སྙེད་ཅིག་བརྗོད་དོ་ཅོག་ཐམས་ཅད་དོ་འོ་། །ཐམས་ཅད་ཀྱི་རྗེས་སུ་སོང་བ་ནི། འཇིག་རྟེན་གྱི་ཁམས་མཐའ་ཡས་མུ་མེད་པ་ཐམས་ཅད་དུ་ཁྱབ་པའོ། །ཆོས་དེ་རྣམས་ངོ་བོ་ཉིད་གཅིག་པ་ནི་རང་བཞིན་གྱིས་གྲུབ་པས་སྟོང་པའི་མཚན་ཉིད་དེ་རང་བཞིན་གཅིག་པ་སྟེ་མཚུངས་པ ར་ཤེས་པར་བྱའོ། །འདི་ལྟ་སྟེ་ཞེས་བྱ་བ་ནི་རང་བཞིན་དེ་ཇི་ལྟར་བུ་ཡིན་པ་མཚན་གཞི་གཅིག་ལ་སྟོན་པ། །སེམས་ཀྱི་ངོ་བོ་ཉིད་ནི་སེམས་ཀྱི་རང་བཞིན་ནོ། །ཞེས་པ་ནི་སྔར་སེམས་རང་བཞིན་མེད་པར་གཏན་ལ་ཕབ་པའོ། །ལུས་དང་ངག་དང་སེམས་ཀྱི་ཁམས་གང་ཡིན་ཞེས་བྱ་བ་ནི་ཆོས་ཐམས་ཅད་དེ། དེ་དང་ནམ་མཁའི་ཁམས་ཏེ། གཉིས་པོ་དེ་དག་ནི་དོན་ཡིན་ལུགས་ལ་གཉིས་སུ་མེད་ཅིང་བློས་ཀྱང་དེ་ལྟར་གཉིས་སུ་བྱར་མེད་པས། ཐ་དད་པ་མེད་པའི་མཚན་ཉིད་ཅན་ནོ། །འདིར་སྔར་བསྟན་པ་ལས་ཁྱད་པར་ལྷག་པོ་ཅི་ཞིག་བསྟན་ཞེ་ན། དཔེར་ན་ནམ་མཁའ་ནི་རང་གི་དགག་བྱ་ཐོགས་པའི་རེག་བྱ་བཀག་ཙམ་ལ་འཇོག་པ་བཞིན་དུ། ཆོས་ཅན་སོ་སོ་བ་མཐའ་ཡས་ཀྱང༌། དེ་རྣམས་ཀྱི་དེ་ཁོ་ན་ཉིན་ནི་བདེན་པ་རྣམ་པར་བཀག་ཙམ་ལ་འཇོག་པ་འདི་ཉིད་ལ་ངེས་པ་བསྐྱེད་པ་ཡིན་ལ། ནམ་མཁའ་དང་འདྲ་བར་འཆད་ལུགས་ཁྱད་པར་བ་ཡོད་དོ། །

---

^{[མ་དཔེ་གཟིགས་ན་འདིར་གནོན།]}

བཅོམ་ལྡན་འདས་ཞེས་བྱ་བ་ལ་སོགས་པ་ནི། སྔར་བཤད་པའི་དོན་འདི་ཉིད་རྣམ་པར་འགྲེལ་ཏེ། སེམས་ཅན་ཐམས་ཅད་ཅེས་བྱ་བ་ནི་སྒོ་ང་ལས་སྐྱེས་པ་ལ་སོགས་པའོ། །དེ་ནི་ནམ་མཁའ འི་ཁམས་ལ་གནས་ཏེ་ཞེས་པ་ནི་སྡུད་པ་ལས། མཁའ་ལ་རླུང་བརྟེན་དེ་ལ་ཆུ་ཡི་ཕུང་པོ་བརྟེན། །དེ་ལ་ས་ཆེན་འདི་བརྟེན་དེ་ལ་འགྲོ་བ་བརྟེན། ཞེས་གསུངས་པ་ལྟར་རོ། །འདུས་མ་བྱས་པའི་ནམ་མཁའི་ཁམས་དེ་ནི། འདོད་པའི་ཁམས་ལ་སོགས་པ་ལ་རྟེན་དང་བརྟེན་པའི་རང་གི་མཚན་ཉིད་ཀྱིས་གནས་པ་མ་ཡིན་ནོ། །དེ་བས་ན་ཆོས་གང་དེ་ལྟར་ཁམས་གསུམ་ན་མི་གནས་པ་དེ་ནི་རང་བཞིན་གྱིས་སྐྱེ་བ་མེད་དོ། །ཆོས་གང་ལ་རང་བཞིན་གྱིས་སྐྱེ་བ་མེད་པའི་ཆོས་འདི་ནི་ཆོས་གང་གིས་ཀྱང་སྟེ། ངོ་བོ་ཉིད་ཀྱིས་གྲུབ་པའི་ངོ་བོ་ཉིད་གང་དང་གང་གིས་ཀྱང་བརྟག་པར་མི་ནུས་ཤིང་འཇོག་པར་མི་ནུས་ཏེ། ཆོས་ཐམས་ཅད་ནི་ངོ་བོ་ཉིད་མེད་པའི་ཕྱིར་ཤིན་ཏུ་དབྱེར་མེད་པའོ། །དེ་བས་ན་སྟེ་སེམས་ཅན་རྣམས་ནམ་མཁའ་ལ་གནས་པ་དང༌། ནམ་མཁའ་ལ་ཡང་རང་གི་མཚན་ཉིད་ཀྱིས་གྲུབ་པའི་ངོ་བོ་ཉིད་ཅུང་ཟད་ཀྱང་མེད་པའི་ཚུལ་དེ་ལྟར་ཆོས་ཐམས་ཅད་ཀྱང་བདེན་པས་སྟོང་པའི་སྟོང་པ་ལ་གནས་པ་དང༌། བདེན་སྟོང་ལ་ཡང་རང་གི་མཚན་ཉིད་ཀྱིས་

---

^{[མ་དཔེ་གཟིགས་ན་འདིར་གནོན།]}

གྲུབ་པ་མེད་པར་བྱས་ན་ཆོས་ཐམས་ཅད་ནི་ངོ་བོ་ཉིད་མེད་པ་སྟེ། འོད་གསལ་བའི་ངོ་བོ་ཉིད་དོ། །འདིས་ནི་ཆོས་ཐམས་ཅད་ནི་རྩ་བ་ཡོངས་སུ་ཆད་པ་སྟེ། ཞེས་གསུངས་པ་བཞིན་དུ། གང་ལ་གནས་པའི་རྩ་བ་མཐར་གཏུགས་པ་བདེན་པར་གྲུབ་པ་མེད་པར་བསྟན་ནོ། །དེ་ལྟར་ན། རང་སེམས་རྣམས་ནི་དམིགས་པ་ལ། ཞེས་པ་ནས། ཆོས་ཐམས་ཅད་ངོ་བོ་ཉིད་མེད་པའོ་ཞེས་པའི་བར་གྱིས་དེ་ཁོ་ན་ཉིད་ཀྱི་ལྟ་བ་གཏན་ལ་ཕབ་བོ། །འདུས་པར་སྟོང་ཉིད་གཏན་ལ་ཕབ་པ་འདིར་འབྱུང་བ་བཞིན་དུ་ལེའུ་གཞན་གང་ལས་ཀྱང་མི་འབྱུང་ཞིང༌། དངོས་གྲུབ་རླབས་ཆེ་བ་གཉིས་གང་སྒྲུབ་ཀྱང་སྒྱུ་མ་ལྟ་བུར་རྟོགས་པ་མེད་ན་མི་འགྲུབ་པར་ལེའུ་འདིའི་མཚམས་སྦྱོར་གྱི་སྐབས་སུ་གསུངས་པས་ཚིག་དོན་རྣམས་འཕགས་པ་ཡབ་སྲས་ཀྱི་བཞེད་པ་བཞིན་དུ་ཟུར་ཕྱིན་པར་བཀོད་དོ། །རྒྱུད་ཀྱི་རྒྱལ་པོ་ལས། འདི་ལྟར་གསུངས་པ་ཤེས་པར་བྱས་ནས་ཟབ་མོ་དབུ་མའི་ལྟ་བ་ཕུ་ཐག་གཅོད་པ་ལ་འབད་པར་བྱའོ། ༈ །ཀྱེ་བཅོམ་ལྡན་འདས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་དུས་གསུམ་དུ་གཤེགས་པའོ། །དེ་རྣམས་ཀྱི་ཡེ་ཤེས་ནི་ཡེ་ཤེས་ཀྱི་རང་བཞིན་གྱི་སྐུའོ། །དེའི་འབྱུང་བར་བྱེད་པ་རྡོ་རྗེའི་གནས་ལྟ་བུ་ནི། རྡོ་རྗེའི་གནས་ལྟ་བུའི་རང་བཞིན་ཏེ། བྱང་ཆུབ་ཀྱི་སེམས་ཉིད་དོ། །འདིས་ནི་སྔར་བཤད་པའི་ལྟ་བ་གཏན་ལ་ཕབ་ནས། དེ་ཁོ་ན་ཉིད་ཀྱི་དོན་བསྒོམ་པའི་བྱང་ཆུབ་ཀྱི་སེམས་ཉིད་ཀྱིས་ཤིན་ཏུ་ངོ་མཚར་བའི་སྒྱུ་མའི་སྐུ་བསྒྲུབ་པར་བསྟན་ཏེ། སྔར་བཤད་པ་ལྟར་གྱི་ལྟ་བ་ལ་རྣལ་འབྱོར་བླ་མེད་པ་དང༌། ཕར་ཕྱིན་གྱི་དབུ་མ་པ་དང༌། རྒྱུད་སྡེ་འོག་མ་གསུམ་ལ་ཞུགས་པ་དང༌ཁྱད་པར་མེད་ཀྱང་དེ་ཁོ་ན་ཉིད་རྟོགས་ཟིན་གྱི་དོན་བསྒོམ་པ་ནི། ཐམས་ཅད་སྟོང་པའམ་ལྷན་ཅིག་སྐྱེས་པའི་བདེ་བ་ཆེན་པོས་བསྒོམས་པ་ན། ལམ་ཐུན་མོང་མ་ཡིན་པར་འགྱུར་བའི་ཚུལ་ལེགས་པར་ཤེས་

---

^{[མ་དཔེ་གཟིགས་ན་འདིར་གནོན།]}

དགོས་པ་ནི། རིམ་ལྔ་གསལ་སྒྲོན་དུ་རྒྱས་པར་བཤད་ཟིན་ཏོ། །བྱང་ཆུབ་ཀྱི་སེམས་དེ་ཡང་ལུས་ལ་མི་གནས་ཏེ། འདོད་པའི་ཁམས་ན་མི་གནས་སོ། །ངག་ལ་མི་གནས་ཏེ། གཟུགས་ཀྱི་ཁམས་ན་མི་གནས་སོ། །སེམས་ལ་མི་གནས་པ་སྟེ་གཟུགས་མེད་པའི་ཁམས་ན་ཡང་མི་གནས་སོ། །དེ་ལྟར་ཆོས་གང་ཁམས་གསུམ་ན་མི་གནས་པ་ནི་བྱང་ཆུབ་ཀྱི་སེམས་གནས་པ་པོ་དང༌། ཁམས་གསུམ་གནས་སུ་རང་གི་ངོ་བོ་ཉིད་ཀྱིས་གྲུབ་པའི་ཚུལ་གྱིས་མི་གནས་པའོ། །དེ་ནི། རང་བཞིན་གྱིས་སྐྱེ་བ་མེད་པའོ་དོ་། །གང་ཁམས་གསུམ་ན། ངོ་བོ་ཉིད་ཀྱིས་མི་གནས་པའི་མཚན་ཉིད་ཅན་ཡོངས་སུ་ཤེས་པ་དེ་ནི། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྐུ་འབྱུང་བར་བྱེད་པའི་རྡོཁ་རྗེའི་ཞེས་པ་ནི་གནསཀ་ཏེ། མིག་ཕྱེད་ཅིང་མི་སླུ་བའི་འབྱུང་གནས་སུ་སྟོན་ནོ་སོ་། ༈ །དེ་ལྟར་རྨི་ལམ་ལ་ངོ་བོ་ཉིད་མེད་པའི་དཔེ ས་དངོས་པོ་གཞན་རྣམས་ཀྱི་ངོ་བོ་ཉིད་མེད་པར་ངེས་པར་བརྟགས་ནས།ཞེས་པ་ནི་སྔར་བཤད་པ་ལྟར་ལྟ་བ་གཏན་པ་ཕབ་པའོ། །དེ་འདྲ་བའི་སྟོང་ཉིད་རྟོགས་པ་དང༌། སྒྱུ་མ་ལྟ་བུར་རྟོགས་པ་ནི། ཐེག་པ་གཞན་དང་རྒྱུད་སྡེ་འོག་མ་དང༌། རིམ་པ་དང་པོ་དང་ཐུན་མོང་བ་ཡིན་པས་སྤྱི་དོན་གྱི་སྟོང་ཉིད་རྟོགས་པ་དང༌། སྤྱི་དོན་གྱི་སྒྱུ་མའི་ཏིང་ངེ་འཛིན་ཡིན་པས། དེ་དང་སྦས་པ་དང༌། མཐར་ཐུག་གི་འོད་གསལ་དང༌། སྒྱུ་མའི་སྐུ་རྣམས་གཏན་མི་འདྲ་བས་ལེགས་པར་ཕྱེད་པར་བྱའོ། །གཞན་ཡང་རྨི་ལམ་དང་སྒྱུ་མ་ཙམ་ལ་དམིགས་པ་དེ་ཉིད་བསྟན་པར་བྱ་བའི་ཕྱིར། ཀྱེ་བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། བདག་གི་ཁམས་གསུམ་དུ་ཞེས་པ་སྟེ། སེམས་ཅན་

---

^{[མ་དཔེ་གཟིགས་ན་འདིར་གནོན།]}

རབ་འབྲིང་ཐ་མ་རྣམ་པ་གསུམ་ལ་རྨི་ལམ་མཐོང་བར་བྱའོ་ཞེས་པ་སྟེ། རྨི་ལམ་གྱི་འབྲས་བུ་བརྟག་པར་བྱའོ། །སྙམ་པ་རྨི་ལམ་གྱིས་ཀུན་ཏུ་རྟོག་པར་མི་འགྱུར་རོ། །མི་སྟེ་རྨི་ལམ་རྨི་མཁན་ཡང་བདག་གིས་རྨི་ལམ་མཐོང་བར་བྱའོ་ངོ་སྙམ་དུ་གསོལ་བ་འདེབས་པར་མི་འགྱུར་རོ། །ཞེས་པ་ནི་རྨི་ལམ་གང་རྨིས་ཐམས་ཅད་རྨི་བ་པོའི་འདུན་པའི་དབང་གིས་མ་ཡིན་ཞེས་པའི་དོན་ནོ། །དེ་ལྟར་བློ་སྔོན་དུ་གཏོང་བའི་བྱེད་པ་པོ་མེད་པར་འབྱུང་བའི་རྟེན་འབྲེལ་ཙམ་ཡིན་པ་དེ་བས་ན་ཁམས་གསུམ་གྱི་བྱ་བ་སྟེ་སེམས་ཅན་གྱི་ཚོགས། རབ་འབྲིང་ཐ་མ་རྣམ་པ་གསུམ་གྱི་གཉིད་མ་ལོག་པའི་གནས་སྐབས་ཀྱི་དགེ་བ་དང་མི་དགེ་བའི་བྱ་བ་རྣམས་ཀྱང་རྨི་ལམ་ལྟ་བུ་སྟེ། རྨི་ལམ་དང་མཚུངས་པར་མི་བདེན་པ་དང༌། རྨི་ལམ་དང་འདྲ་བ་སྟེ་དེ་ནི་རྨི་ལམ་ལྟར་མི་བདེན་ཀྱང་རྒྱུ་སྣ་ཚོགས་པ་ལས་འབྲས་བུ་སྣ་ཚོགས་འབྱུང་བ་དང༌། རྨི་ལམ་ལས་བྱུང་བ་སྟེ་རྨི་ལམ་གྱི་སྟེ་བརྫུན་པའི་ངོ་བོ་ཉིད་སྟོན་ཏོ། །ཁམས་གསུམ་པའི་བྱ་བ་རྣམས་རྨི་ལམ་དང་འདྲ་བའི་དཔེ་དེ་བཞིན་དུ་རྣམ་པ་འམ་ཚུལ་འདིས་ཕྱོགས་བཅུའི་འཇིག་རྟེན་གྱི་ཁམས་ཀྱི་སངས་རྒྱས་ཏེ། རྫོགས་པ་རྣམས་དང་བྱང་ཆུབ་སེམས་དཔའ་སྟེ་རབ་ཏུ་དགའ་བ་ལ་སོགས་པའི་ས་ཐོབ་པ་རྣམས་དང༌། སེམས་ཅན་ཇི་སྙེད་པ་ཐམས་ཅད་ཀྱང་སྟེ། སྒོ་ང་ལས་སྐྱེས་པ་དང་། མངལ་ནས་སྐྱེས་པ་དང༌། དྲོད་གཤེར་ལས་སྐྱེས་པ་དང་། བརྫུས་ཏེ་སྐྱེད་པ་རྣམས་ཏེ། དེ་དག་ཀྱང་རྨི་ལམ་དུ་ཤར་བའི་གང་ཟག་ལ་ངར་འཛིན་པའི་བདག་གི་མེདཁ་པ དང་འི་གནསཀ་སུ་རྗེསག་སུ་སྟེ་འདྲ་བར་རྟོགས་

---

^{[མ་དཔེ་གཟིགས་ན་འདིར་གནོན།]}

པར་བྱ་སྟེ། རྨི་ལམ་དང་འདྲ་བར་སྒྱུ་མ་ལྟ་བུའི་ཏིང་ངེ་འཛིན་ལ་གནས་པར་ཁོང་དུ་ཆུད་པར་བྱའོ། །འོ་ན་སྔར་ཁམས་གསུམ་པའི་བྱ་བ་ཐམས་ཅད་རྨི་ལམ་བཞིན་དུ་བཤད་ཟིན་མ་ཐག་ཏུ། སླར་ཡང་སེམས་ཅན་ཐམས་ཅད་རྨི་ལམ་དང་འདྲ་བར་བཤད་པ་འདི་མི་དགོས་སོ་སྙམ་ན། སྔ་མ་དང་འདི་གཉིས་རྨི་ལམ་དཔེར་ལེན་པར་འདྲ་ཡང་ལེན་ཚུལ་མི་འདྲ་སྟེ། སྔ་མས་ནི་ཆོས་གཞན་རྣམས་དང་རྨི་ལམ་གཉིས་མི་བདེན་པར་འདྲ་བར་སྟོན་ལ། འདིར་དག་མ་དག་གི་གང་ཟག་ཏུ་འདོགས་པའི་གཞི་ཐམས་ཅད་མཐར་གཏུགས་ན་རླུང་སེམས་ཙམ་གྱི་ལུས་སུ་ཟད་པ་རྨི་ལམ་དུ་ཤར་བའི་གང་ཟག་དང་འདྲའོ་ཞེས་སྟོན་པས་སྔ་མ་དང་ཁྱད་པར་ཤིན་ཏུ་ཆེའོ། །འདི་ཡང་རགས་པ་གནས་སྐབས་པའི་ལུས་དང༌། ཕྲ་བ་གཉུག་མའི་ལུས་གཉིས་ལུང་དང་རིགས་པས་སོ་སོར་ཕྱེད་པ་ལ་རག་ལས་ཏེ། གསལ་སྒྲོན་དུ་རྒྱས་པར་བཤད་ཟིན་ཏོ། །དེ་ལྟར་ཤེས་ན་སྒྱུ་མའི་སྐུ་དེ་གང་ལས་སྒྲུབ་པའི་སྒྲུབ་གཞིའི་སྒྱུ་ལུས་དང༌། དེ་ལས་སྒྲུབ་པའི་སྒྱུ་ལུས་ལེགས་པར་ཤེས་པར་འགྱུར་བས། གཞུང་འདི་རྣམས་སྤྱོད་བསྡུས་ལས་ཀྱང༌། སྒྱུ་ལུས་སྟོན་པ་ལ་དྲངས་སོ། །དེའི་ཕྱིར་སྒྱུ་མ་ལྟ་བུའི་ཏིང་ངེ་འཛིན་ལ་གནས་པ་:པ་ཚབ:ཤེས་པར་བྱ་ཞེས་དང༌། གནས་པར་ཁོང་དུ་ཆུད་པར་བྱ། ཞེས་པ་ནི་ཡིད་ཀྱི་རང་བཞིན་གྱི་ལྷའི་སྐུས་ཁྱབ་པར་བསྟན་པ་ཞེས་དང་འགྲིག་ལ། གནས་པས་:ཆག:ཤེས་པར་བྱ། ཞེས་པ་ནི་རིམ་ལྔ་ལས། སྒྱུ་མ་ལྟ་བུའི་ཏིང་འཛིན་གནས། །ཐམས་ཅད་དེ་དང་འདྲ་པར་མཐོང༌། ཞེས་གསུངས་པ་དང་མཐུན་ཏེ། ཚུལ་གཉིས་ཀ་ཁས་ལེན་པས་མི་འགལ་ལོ། ༈ །དེ་ལྟར་ཡིད་ཀྱི་རང་

---

^{[མ་དཔེ་གཟིགས་ན་འདིར་གནོན།]}

བཞིན་གྱི་ལྷའི་སྐུས་ཁྱབ་པར་རབ་ཏུ་བསྟན་ནས། སྒྱུ་མའི་སྐུ་དེའི་ངོ་བོ་ཉིད་རྡོ་རྗེ་འཆང་བསྟན་པར་བྱ་བའི་ཕྱིར། བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། ཡིད་བཞིན་གྱི་ནོར་བུ་རིན་པོ་ཆེ་ནི། འཇིག་རྟེན་པའི་རིན་པོ་ཆེ་ཐམས་ཅད་ཀྱི་ནང་ན་ཤིན་ཏུ་ཁྱད་པར་དུ་འཕགས་པ་སྟེ། མངོན་པར་འདོད་པ་སྟེར་བའི་ཕྱིར་ལྷ་དང་མི་དང་མི་མ་ཡིན་པའི་ཡོན་ཏན་ཐམས་ཅད་དང་ལྡན་ཞིང༌། སེམས་ཅན་ཐམས་ཅད་ཀྱིས་གསོལ་བ་བཏབ་ན། གསེར་ལ་སོགས་པ་དེ་བསམས་པ་ཙམ་གྱིས་ཏེ། མངོན་པར་འདོད་པ་ཙམ་གྱིས་གང་འབྱོར་པར་བྱེད་དེ། རིན་པོ་ཆེ་ལ་སོགས་པ་དེ་དག་འབྱུང་བ་ནི། དེ་ཁོ་ན་ཉིད་ལ་དཔྱོད་པའི་རིགས་པས་དཔྱད་ན་གསོལ་བ་འདེབས་པའི་སེམས་ཅན་རྣམས་ཀྱི་སེམས་ལས་ཀྱང་མ་བྱུང༌། ཡིད་བཞིན་གྱི་ནོར་བུ་རིན་པོ་ཆེ་ལས་ཀྱང་མ་འོངས་སོ། །དཔེ་དེ་བཞིན་དུ་ཆོས་ཐམས་ཅད་དེ་སྒྱུ་མའི་མཚན་ཉིད་ཅན་དུ་རྟོགས་པར་བྱ་ཞེས་སྦྱར་རོ། །དང་སངས་རྒྱས་ཏེ་རྫོགས་པ་དང༌། མ་རྫོགས་པའི་སེམས་ཅན་གྱི་ཚོགས་སོ། །དེ་རྣམས་ཀྱི་ཡིད་བཞིན་གྱི་ནོར་བུ་ལྟ་བུའི་ཆོས་ནི་ལྷའི་འཁོར་ལོ་རྣམས་ཀྱི་རྒྱུར་གྱུར་པ་དྲུག་པ་སྟེ། དེ་ལས་དངོས་གྲུབ་ཐམས་ཅད་། འབྱུང་བ་ཡང་རྗེས་སུ་སྟེ་དེ་དང་འདྲ་བར་སྒྱུ་མ་ལྟ་བུ་རྟོགས་པར་བྱ་ཞིང་ཁོང་དུ་ཆུད་པར་བྱའོ། ༈ །དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པའོ། །རབ་ཏུ་དགྱེས་པའི་སྤྱན་གདངས་ནས། ཞེས་པ་ནི། དགའ་བ་རྒྱ་དཔེ་ཁ་ཅིག་ལས། དགའ་བ་ལྔ་དང་ལྡན་པས་སྤྱན་རྒྱས་པར་གྱུར་པའོ། །ཞེས་པ་ལྟར་ན། དབང་པོ་ལྔ་དགའ་ཞིང་བདེ་བའོ། །ཆེན་པོ་དང་ལྡན་པས་སྤྱན་རྒྱས་པར་གྱུར་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་

---

^{[མ་དཔེ་གཟིགས་ན་འདིར་གནོན།]}

དང་ཐུགས་རྡོ་རྗེ་ནི། རྡོ་རྗེ་འཆང་ཆེན་པོ་སྟེ་དེ་ལ་འདི་སྐད་ཅེས་གསོལ་པའོ། །བཅོམ་ལྡན་འདས་གང་ཞེས་པ་ནི་གང་ངོ་མཚར་དུ་གྱུར་པའོ། །ནམ་མཁའི་རྗེས་སུ་འབྲང་བའི་ཆོས་རྣམས་ཐམས་ཅད་ལ་ཞེས་པ་ནི། ནགམ་མཁ འི་ཁམས་ཀྱི་རྗེས་སུ་འབྲང་བ་སྟེ་དེ་དང་མཚུངས་པར་ས་སྟོང་པ་ཉིད་དུ་རོ་གཅིག་པས་ཁྱབ་པ་དང་འི་གཀང་ཆོས་རང་གི་ངོ་བོས་མི་གནས་པ་ཁཐམས་ཅད་ལའོ། །གསངས་རྒྱས་ཀྱི་ཆོས་རྣམས་ནི་ཡེ་ཤེས་ཀྱི་སྐུ་སྟེ་སྒྱུ་མའི་ལུས་གསྒྱུ་མའི་ལུས་དེ་རྣམས་བསྡུ་བ་སྟེ་གང་ཟག་ཏུ་འདོགས་པའི་གཞི་ཐམས་ཅད་མཐར་གཏུགས་ན་རླུངས་སེམས་ཙམ་གྱི་ལུས་སུ་འདུ་བ་སྟེ། འོད་གསལ་དང་སྒྱུ་ལུས་སྒྲུབ་ཚུལ་ལ་ངོ་མཚར་སྐྱེས་པའོ༡། །ཀདེ འི་རྗེས་སུ་འབྲང་བཁནི་ར་འགྱུར་ཞིང་འགྲོ་བར་འགྱུར་རོ། །༢ངོ་མཚར་དུ་གྱུར་པ་ནི་རྨད་དུ་བྱུང་བའོ། །དེ་ལྟར་སྤྲོ་བ་བསྐྱེད་ནས་དེའི་འོག་ཏུ་ཅི་ཞིག་བྱས་པར་འགྱུར་ཞེ་ན། དེ་ནས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་དང་བྱང་ཆུབ་སེམས་དཔའ་དེ་དག་ཐམས་ཅད་ཀྱིས། བཅོམ་ལྡན་འདས་ཕྱག་ན་རྡོ་རྗེ་སྟེ། རྡོ་རྗེ་འཆང་ཆེན་པོའི་ཞབས་གཉིས་ལ་བཏུད་ཅིང་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཁྱེད་ཀྱིས་སྔགས་ཐམས་ཅད་ཀྱི་རྡོ་རྗེའི་དངོས་གྲུབ་མདོར་བསྡུས་ཏེ་གསུངས་པ་ཞེས་བྱ་བ་སྟེ། སྔགས་ནི་འཕྲེང་བའི་སྔགས་ལ་སོགས་པའོ། །རྡོ་རྗེ་ནི་བསམ་གཏན་ཏེ་དེས་བྱས་པའི་དངོས་གྲུབ་རྣམས་ནི་འཇིག་རྟེན་པ་དང་འཇིག་རྟེན་ལས་འདས་

---

^{[མ་དཔེ་གཟིགས་ན་འདིར་གནོན།]}

པའོ། །དེ་རྣམས་ཀྱི་མདོ་བསྡུས་པ་སྟེ། ཚོགས་གང་གསུངས༌ཤིང་བཤད་པའི་སྔགས་ཐམས་ཅད་ཀྱི་རྡོ་རྗེའི་མདོ་བསྡུས་པའི་དངོས་གྲུབ་དེ་དག་གང་ལ་གནས་ཞེས་བྱ་བ་ནི་ཞུས་པའོ། ༈ །དེ་ནས་ཞེས་བྱ་བ་ལ་སོགས་པ་ནི་ལན་ཏེ། ཕྱག་ན་རྡོ་རྗེ་ཞེས་པ་ནི་རྡོ་རྗེ་འཆང་ཆེན་པོ་སྟེ། དེས་དེ་དག་ལ་ལེགས་སོ་ཞེས་བྱ་བ་བྱིན་ནས། དེ་ལ་འདི་སྐད་ཅེས་གསུངས་ཏེ། བཅོམ་ལྡན་འདསཀ་གང་ན་ཡང་མི་གནས་སོ་ཞེས་པ་འགྱུར་གསར་གཉིས་ལ་མེད་དོ། །གང་ན་ཡང་མི་གནས་སོ།ཁཞེས་བྱ་བ་ལ་སོགས་པའོ། །སྔགས་ཐམས་ཅད་ཀྱི་རྡོ་རྗེའི་མདོ་བཏུས་པའི་དངོས་གྲུབ་ཅེས་བྱ་བ་ལ། སྔགས་ཐམས་ཅད་ནི་སྒྲུབ་པ་པོ་རྣམས་ཏེ། དེ་རྣམས་ཀྱི་ལུས་དང་ངག་དང་སེམས་ལ་ཡང་རེ་ཤིག་གནས་པར་མི་འགྱུར་རོ། །དེ་བས་ན་གང་ན་ཡང་མི་གནས་སོ། །དེ་ཅིའི་ཕྱིར་ཞེ་ན། ཞེས་པ་ནི། རྒྱུ་རྒྱུ :ཆག:་གང་གི་ཕྱིར་ཞེ་ན། དོན་དམ་པ་ལས་ཏེ་རང་གི་ལུས་ལ་སོགས་པ་དང༌། སྔགས་ལ་སོགས་པའི་དངོས་གྲུབ་རྣམས་དོན་དམ་པར་ན་གདོད་མ་ནས་ངོ་བོ་ཉིད་མེད་པའི་ཕྱིར་རོ། །ཞེས་པའི་ལྷག་མ་སྒྲུབ་པ་སྦས་པའོ། །ཞེས་པ་ལྟར་བྱ་དགོས་སོ། །དོན་ནི་རྒྱུད་དུ། དེ་ཅིའི་ཕྱིར་ཞེ་ན། ཞེས་སྒྲུབ་བྱེད་དྲིས་ནས་འགྲེལ་པ་ལྟར་ལྷག་མ་སྒྲུབ་བྱེད་མ་གསུངས་པ་ནི་སྦས་པའམ་གསང་བའོ། །འདི་ཡང་ཤུགས་ཀྱིས་ཤེས་ནུས་པས་མ་བསྟན་པའམ་སྦས་པའམ་གསང་བ་ཞེས་པའོ། །གང་གི་ཕྱིར་ཞེས་པ་སྟེ། དོན་དམ་པར་བདག་གི་ལུས་ལ་སོགས་པ་དང༌། སྔགས་ལ་སོགས་པའི་དངོས་གྲུབ་དོན་དམ་པར་ངོ་བོ་ཉིད་མེད་པར་རབ་གྲུབ་པའོ། །གསང་བ་ནི་རྣམ་པ་ཐམས་ཅད་དུ་མེད་པར་གསུངས་པའོ། །དེ :ཆག:་ལྟར་

---

^{[མ་དཔེ་གཟིགས་ན་འདིར་གནོན།]}

ན་དངོས་གྲུབ་ཐམས་ཅད་སྒྲུབ་པ་ནི་རྣམ་པ་ཐམས་ཅད་དུ་མེད་དོ་ཞེ་ན། གསུངས་པ། འོན་ཀྱང་ཞེས་པ་ལ་སོགས་པ་སྟེ། ཞེས་འབྱུང་སྟེ་དོན་ནི་དོན་དམ་པར་མེད་ན་མེད་པར་བསམས་པ་སྟེ། ཡོད་ན་རང་གི་མཚན་ཉིད་ཀྱིས་གྲུབ་པར་འཛིན་པའི་ལོག་རྟོག་གོ ། ༈ འོན་ཀྱང་ཞེས་བྱ་བ་ལ་སོགས་པ་ལ། ཀུན་རྫོབ་ཀྱི་བདེན་པར་ཞེས་པ་ནི་ཀུན་རྫོབ་ཏུ་ཡོད་པ་ཐམས་ཅད་ཀུན་རྫོབ་ཀྱི་བདེན་པར་སྟོན་པ་མིན་གྱི། ཐ་སྙད་པའི་ཚད་མའི་ངོར་ཡོད་པའོ། །དངོས་གྲུབ་ཐམས་ཅད་དང༌། སངས་རྒྱས་ཀྱི་ཆོས་ཐམས་ཅད་དེ། སྟོབས་བཅུ་དང་མི་འཇིགས་པ་བཞི་ལ་སོགས་པ་བདག་གི་ལུས་དང་ངག་དང༌། སེམས་རྡོ་རྗེ་ལ་ནི་གནས་པ་སྟེ་དེ་ལ་བརྟེན་ནས་འབྱུང་ངོ་ཏེ་དངོས་གྲུབ་ཀྱི་རྟེན་རང་གི་ལུས་དང་ངག་དང་སེམས་རྡོ་རྗེའི་ངོ་བོ་ཉིད་ནི་ཡོད་དོ། །ཞེས་པས་དོན་དམ་པར་མེད་པ་དང་། རང་གི་ངོ་བོ་ཉིད་ཡོད་པ་གཉིས་མི་འགལ་བར་སྟོན་ལ། གསུམ་པ་དེ་དག་གི་ངོ་བོ་ཉིད་འགོག་པ་ལ་དོན་དམ་པར་ཞེས་པའི་ཁྱད་པར་ཡང་སྦྱར་དགོས་པར་སྟོན་ནོ། ༈ །དེ་ལྟར་ལུས་ལ་སོགས་པ་ཡོད་པར་བསྟན་པ་ན། ཡོད་པ་དེ་རང་བཞིན་གྱིས་ཡོད་པར་བཟུང་ནས་དེ་ལྟར་ན་ནི་ལུས་ལ་སོགས་པ་ཡོད་པ་ཉིད་པས་དེ་ལ་བརྟེན་ནས་འབྱུང་བ་པ་འི་དངོས་གྲུབ་རྣམས་ཀྱང་རང་བཞིན་གྱིས་ཡོད་པའི་ཚུལ་གྱིས་དམིགས་སུ་ཡོད་དོ་ཞེ་ན། དེ་བཟློག་པར་བྱ་བའི་ཕྱིར། དེ་ཡང་ཞེས་བྱ་བ་ལ་སོགས་པ་གསུངས་ཏེ། ལུས་ལ་སོགས་པ་དེ་དག་ཀྱང་འདོད་པའི་ཁམས་ལ་སོགས་པ་ལ་རང་གི་ངོ་བོ་ཉིད་ཀྱིས་གྲུབ་པའི་ཚུལ་གྱིས་མི་གནས་སོ། །ཁམས་གསུམ་ན་མི་གནས་པ་ཉིད་དུ་བསྟན་ནས། ཕན་ཚུན་བརྟེན་པར་གྱུར་པ་དག་ཀྱང་དགག་པར་བྱ་བའི་ཕྱིར། སེམས་

---

^{[མ་དཔེ་གཟིགས་ན་འདིར་གནོན།]}

ཀྱང་ལུས་ལ་མི་གནས་ཞེས་བྱ་བ་ལ་སོགས་པ་གསུངས་ཏེ། དེ་ཡང་སེམས་ཀྱང་ལུས་ལ་མི་གནས་ཏེ། ལུས་ཀྱང་སེམས་ལ་མི་གནས་ཞེས་པ་ནི། གཉི་ག་ཡང་རྟེན་དང་བརྟེན་པ་དགག་པའོ། །དེ་བཞིན་དུ་ངག་ཀྱང་སེམས་ལ་མི་གནས་ལ། སེམས་ཀྱང་ངག་ལ་མི་གནས་སོ། །དེ་བཞིན་དུ་ངག་ཀྱང་ལུས་ལ་མི་གནས་ལ། ལུས་ཀྱང་ངག་ལ་མི་གནས་སོ་ཞེས་བལྟ་བར་བྱའོ། །དེ་ཅིའི་ཕྱིར་ཞེ་ན། གསུམ་པོ་དེ་དག་ནམ་མཁའ་ལྟར་དོན་དམ་པར་ངོ་བོ་ཉིད་དག་པའི་ཕྱིར། གསུམ་པོ་དེ་དག་ཀྱང་ཕན་ཚུན་རྟེན་དང་བརྟེན་པ་ཉིད་དུ་མེད་པའི་ཕྱིར་རོ། །ཚུལ་དེ་ལྟར་ཡོད་པ་དང་རང་བཞིན་གྱིས་མེད་པའི་ཚུལ་མང་དུ་གསུངས་པ་ན། རང་གི་ངོ་བོ་ཉིད་ཀྱིས་མ་གྲུབ་ཕྱིན་ཆད་ངོ་བོ་ཡེ་མེད་པ་དང༌། ཡོད་ཕྱིན་ཆད་རང་གི་ངོ་བོ་ཉིད་ཀྱིས་གྲུབ་པར་འཛིན་པས་ཡང་དག་པའི་ལྟ་བ་མི་རྙེད་པས་དེ་གཉིས་མི་འགལ་བ་ལ་ནན་ཏན་ཆེར་མཛད་པའོ། ༈ །དེ་ནས་ཞེས་བྱ་བ་ལ་སོགས་པ་ལ། རྡོ་རྗེ་འཛིན་པ་དེ་ལ་འདི་སྐད་ཅེས་གསོལ་པའོ། །དེ་བཞིན་གཤེགས་པ་ཐམས་ཅད་ཅད་ནི་མི་བསྐྱོད་པ་ལ་སོགས་པའོ། །དེ་འཛིན་ཆོས་ཀྱི་སྐད་དོད་དྷརྨ་ལ། དྷ་ར་ནི་འཛིན་པའོ། །པར་བྱེད་པས་ན། དེ་བཞིན་གཤེགས་པ་ཐམས་ཅད་ཀྱི་ཆོས་ཏེ་དྲུག་པའོ། །དེ་གང་ན་གནས་གང་ནས་བྱུང་ཞེས་བྱ་བ་ནི་ཞུས་པའོ། །རང་གི་ལུས་དང་ངག་དང་སེམས་ལས་བྱུང་ངོ་ཞེས་བྱ་བ་ནི། རྡོ་རྗེ་འཆང་ཆེན་པོས་གསུངས་པ་སྟེ། རང་གི་ལུས་དང་ངག་དང་སེམས་ལས་བྱུང་བའོ། །དེའི་ཕྱིར་འབྲས་བུའི་ས་ན་གནས་སོ། །དེ་བཞིན་གཤེགས་པ་ཐམས་ཅད་ཀྱིས། སེམས་གང་ན་གནས་

---

^{[མ་དཔེ་གཟིགས་ན་འདིར་གནོན།]}

ཞེས་གསོལ་བ་ནི་ཞུས་པ་སྟེ། འབྲས་བུ་དེ་གང་ལས་འབྱུང་བའི་ལུས་ངག་གཉིས་ནི་སེམས་ཀྱི་གཞན་དབང་ཅན་ཡིན་པས་དེ་གཉིས་ལ་མ་དྲིས་པར་སེམས་གང་ན་གནས་ཞེས་པ་ནི། སེམས་ལ་མཐར་གཏུགས་པའི་རྟེན་རང་བཞིན་གྱིས་གྲུབ་པ་ཡོད་དམ་ཞེས་འདྲི་བའོ། །ཐུགས་རྡོ་རྗེ་གང་ན་གནས་ཞེས་པའོ། །ནམ་མཁའ་ལ་གནས་སོ་ཞེས་པ་ནི། རྡོ་རྗེ་འཆང་བས་ལན་གསུངས་པ་སྟེ། འོད་གསལ་བ་ལ་གནས་པའོ། །ཞེས་པ་ནི་རང་བཞིན་གྱིས་གྲུབ་པས་སྟོང་པ་ལ་གནས་པར་སྟོན་པའོ། །ནམ་མཁའ་སྟེ་འོད་གསལ་བ་གང་ན་གནས་ཞེས་བྱ་བ་ནི་དེ་ལ་ཡང་རྟེན་རང་བཞིན་གྱིས་གྲུབ་པ་ཡོད་དམ་ཞེས་པའོ། །དེ་བཞིན་གཤེགས་པ་རྣམས་ཀྱིས་གསོལ་བའོ། །གང་ན་ཡང་མི་གནས་སོ་ཞེས་བྱ་བ་ནི། བཅོམ་ལྡན་འདས་ཀྱིས་བཀའ་སྩལ་པ་སྟེ། འོད་གསལ་བ་དེ་ནི་གང་ན་ཡང་མི་གནས་ཏེ། བདག་ཉིད་ལ་གནས་སོ་ཞེས་བྱ་བའི་བར་དུའོ། །ཞེས་པ་ནི་རྟེན་དེ་ལྟ་བུ་ལ་གང་ན་ཡང་སྟེ་འགར་ཡང་མི་གནས་ཀྱི། རང་གི་བདག་ཉིད་རང་བཞིན་གྱིས་གྲུབ་པས་སྟོང་པ་ཁོ་ན་ལ་གནས་སོ་ཞེས་པའོ། ༈ །དེ་ནས་ཞེས་བྱ་བ་ལ་སོགས་པ་ནི་སྡུད་པར་བྱེད་པའི་ཚིག་སྟེ་སངས་རྒྱས་དང་བྱང་ཆུབ་སེམས་དཔའ་དེ་དག་ངོ་མཚར་དུ་གྱུར་པ་ནི་རྒྱུ་ལའོ། །རྨད་དུ་གྱུར་བ་ནི་འབྲས་བུ་ལའོ། །རང་གི་སེམས་ཀྱི་ཆོས་ཉིད་ལ་གནས་པ་ནི་རང་གི་སེམས་ཀྱི་རོལ་པ་ལ་གནས་པ། །སེམས་ཤིང་ཞེས་པ་ནི་གསུངས་པའི་དོན་ལ་དམིགས་པ ས་འོ་། །ཐེ་ཚོམ་ཆོད་པའི་ཕྱིར་རོ། །ཅང་མི་སྨྲ་བར་འཁོད་པ་ནི་ཅང་མི་སྨྲ་བར་གྱུར་

---

^{[མ་དཔེ་གཟིགས་ན་འདིར་གནོན།]}

པའོ། །གྱུར་ཏོ་ཞེས་བྱ་བ་ནི་བྱུང་བའོ། ༈ །རྒྱུ་བ་བཅུད་དང་མི་རྒྱུ་བ་སྣོད་ཀྱི་འི་བདག་ཉིད་ནི་དེ་གཉིས་ཀྱི་དེ་ཁོ་ན་ཉིད་སྟོང་པ་ཉིད་དོ། །ཅན་ནི་སྟོང་པ་དེའི་ངོ་བོ་ཅན་གྱི་སེམས་ནི་སེམས་ཐམས་ཅད་དོ། །སེམས་ཀྱི་སྟོང་པ་དེའི་བདག་ཉིད་ཅན་གྱི་འདའ་བར་མི་བྱ་བའི་དམ་ཚིག་ནི། སེམས་ཅན་ཡོད་མེད་གཉིས་བྱུང་:ཆག:ཡང་མེད་པ་དག་གོ །ཅན་ཐམས་ཅད་ཀྱི་དམ་ཚིག་སྟེ། རྡོ་རྗེ་འཆང་ཆེན་པོའོ། །རྡོ་རྗེ་འཆང་དེའི་སྙིང་པོ་སྟེ་ཞེས་པ་ནི་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་སྟེ། གཉིས་པོ་དེ་འདི་ལྟར་སྒོམ་པ་པོ་དེ་རྣམས་ཀྱི་རྒྱུད་ལ་རྡོ་རྗེ་སྟེ་རྒྱུན་ཆགས་པར་འབྱུང་བ་ནི་བསྟན་པ་སྟེ། དེ་སྟོན་པའི་གཞུང་གི་ཚོགས་གང་ཡིན་པ་དེ་ལ་དེ་སྐད་ཅེས་བྱ་སྟེ། དགོངས་པས་བཤད་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅོ་ལྔ་པ་མཐའ་དྲུག་གིས་བཤད་པའོ། ། ༈ ། །སྔར་བཤད་པའི་མཚན་ཉིད་ཅན་གྱི་དངོས་གྲུབ་གཉིས་པོ་ཐམས་ཅད་ནི། དཀྱིལ་འཁོར་དུ་དབང་བསྐུར་བ་ཉིད་ལ་འགྲུབ་པར་འགྱུར་རོ། ཞེས་བསྟན་པའི་ཕྱིར། སློབ་མ་སྣོད་དུ་རུང་བར་བྱ་བའི་དོན་དུ། དབང་གི་དཀྱིལ་འཁོར་གྱི་སྒྲུབ་པའི་ཐབས་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་ཞེས་བྱ་བ་ལ་སོགས་པ་ལེའུ་བཅུ་དྲུག་པ་གསུངས་ཏེ། ༈ ཡང་འདུས་པར་གྱུར་ནས་ཞེས་བྱ་བ་ནི། ལུས་ཀྱི་མིན་གྱི། དཀྱིལ་འཁོར་གྱི་བཤད་པ་ཞུ་བ་ལ་ཡང་དགོངས་

---

^{[མ་དཔེ་གཟིགས་ན་འདིར་གནོན།]}

པ་གཅིག་ཏུ་གྱུར་ནས་བཅོམ་ལྡན་འདས་རྡོ་རྗེ་འཆང་ཆེན་པོ་ལ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེའི་ཚིག་གིས་ཞེས་པ་སྟེ། འཇིག་རྟེན་གྱི་ཁམས་དཔག་ཏུ་མེད་པ་ན་བཞུགས་པའི་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེ་ལ་གནས་པའི་བསྟོད་པ་ལེའུ་བཞི་བར་གསུངས་པའི་དེ་བཞིན་གཤེགས་པ་ཀུན་ཞི་བ། ཞེས་བྱ་བ་ལ་སོགས་པའི་རྣམ་པས་གསོལ་པ་བཏབ་ཅིང་སྟོན་པ་རང་ལ་མངོན་སུམ་དུ་སྟེ་མངོན་དུ་ཕྱོགས་པར་བྱས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་ཆེན་གྱི་མཆོད་པའི་ཚོགས་ཏེ།:པ་ཚབ:ལྷ་རྫས་ཀྱི་ཡུལ་གྱི་སྤྲིན་གྱིས་ཟེར། ལྷའི་ཡུལ་དུ་གྱུར་པའི་སྤྲིན་གྱིས་མཆོད་པ་བྱས་སོ། །ཞེས་པ་སྟེ་དཀྱིལ་འཁོར་གྱི་ཆོ་ག་ཉན་པའི་བསམ་པས་སོ། ཞེས་བྱ་བ་ནི་ལྷག་མ ར་ཡོད་པས་དེ་གདོན་ནོ་འོ་། ༈ །རྡོ་རྗེ་ཐམས་ཅད་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་དཀྱིལ་འཁོར་ནི་སྐུའི་སྟེ་རྣམ་སྣང་གི་དཀྱིལ་འཁོར་རོ། །སྐུ་དཀྱིལ་དེ་ཉིད་ཉོན་མོངས་པའི་རི་དྭགས་རྣམ་པར་འཇིག་པ ར་མཛད་པ ས་ན། སེང་གེའི་དམ་ཚིག་གི་རྒྱལ་པོ་སྟེ། སྐུའི་དཀྱིལ་འཁོར་དེ་སྟོན་པ་ལ་ཁྱད་པར་དུ་འབད་པ་བྱས་ཤིང་འབད་པ་དེས་བསྐྱེད་པའི་བཀོད་པ་སྐུའི་དཀྱིལ་འཁོར་ལྟ་བུ་སྟེ་དེ་དང་འདྲ་བ འི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་པའོ། །རྡོ་རྗེའི་སྐུ་ནི་རྣམ་པར་སྣང་མཛད་དོ། །

---

^{[མ་དཔེ་གཟིགས་ན་འདིར་གནོན།]}

དེའི་དཀྱིལ་འཁོར་ནི་རྣམ་སྣང་དེ་དཀྱིལ་འཁོར་གྱི་བདག་པོར་གྱུར་པ་འདི་ཉིད་དོ། །སངས་རྒྱས་ཐམས་ཅད་ཀྱི་སྟེ། སྒྲུབ་པ་པོ་ཐམས་ཅད་ཀྱི་དགོས་པ་བསྒྲུབ་པ་ནི་ཉིད་ཀྱི་སྐུ་ལ་སོགས་པ་ལས་ཕྱུང་བའོ། །དེ་ནས་ཞེས་བྱ་བ་ནི་ཚིག་གི་ཁ་བསྐང་བ འི་ཕྲད་དོ་འོ་། །སྐུའི་དཀྱིལ་འཁོར་ནི་རྣམ་པར་སྣང་མཛད་ཀྱི་དཀྱིལ་འཁོར་རོ། །མཆོག་ནི་དངོས་གྲུབ་ཐམས་ཅད་རྩོལ་བའོ། །དེ་ཇི་ལྟ་བུ་ཞེ་ན། ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། ཐུགས་ཀྱི་དཀྱིལ་འཁོར་རབ་འདྲ་བ། ཞེས་བྱ་བ་ནི། ལེའུ་བཞི་པར་བཤད་པའི་མི་སྐྱོད་པའི་དཀྱིལ་འཁོར་དང་འདྲ་བའོ། །དཀྱིལ་འཁོར་རྣམས་ནི་ཀུན་གྱི་མཆོག །ཅེས་བྱ་བ་ནི། ཟུར་བཞི་ལ་སོགས་པའི་ཡོན་ཏན་གྱིས། གང་བྱ་རྒྱུད་ལ་སོགས་པའི་དཀྱིལ་འཁོར་ཐམས་ཅད་ལས་དེ་མཆོག་ཏུ་གྱུར་པ་སྟེ། དེ་ལེགས་པར་རབ་ཏུ་བཤད་པར་བྱའོ་ཞེས་བྱ་བའི་དོན་ཏོ། ༈ །ཁྲུ་ནི་བཅུ་དྲུག་ཚད་དུ་བྱ། ཞེས་བྱ་བ་ནི། ཟུར་ཏེ་ལོགས་བཞི་ཀ་བསྡོམས་པ་ལ་ལྟོས་པ་སྟེ། ངོས་རེ་རེ་ཞིང་ཁྲུ་བཞི་བཞིར་བྱ་བར་ཤེས་པར་བྱའོ། །ཕྱིའི་དཀྱིལ་འཁོར་དེ་ནི་གྲུ་བཞི་ལྷམ་པ་སྟེ་ཟླུམ་པོ་ནི་མ་ཡིན་ནོ། །གྲུ་བཞི་ཞེས་བྱ་བའི་ཉེ་བར་མཚོན་པས་ནི་སྒོ་བཞི་ལ་སོགས་པ་ཡང་གཟུང་ངོ༌། །རབ་ཏུ་མཛེས་པ་ནི་དྲི་མ་མེད་པའི་ཚོན་གྱིས་སོ། །ཇི་ལྟ་བུ་ཞེ་ན། སངས་རྒྱས་ཀུན་གྱི་དཀྱིལ་འཁོར་ཏེ། ཞེས་བྱ་བ་སྟེ། དེ་བཞིན་གཤེགས་པ་ཐམས་ཅད་ཀྱིས་རབ་ཏུ་བསྔགས་པའོ། །སྐུ་ཡི་རྡོ་རྗེ་

---

^{[མ་དཔེ་གཟིགས་ན་འདིར་གནོན།]}

རབ་ཏུ་གནས། ཞེས་བྱ་བ་ལ། སྐུའི་རྡོ་རྗེ་ནི་རྣམ་པར་སྣང་མཛད་ཏེ། དེ་རབ་ཏུ་གནས་ཤིང་བདག་པོ་ཉིད་ཀྱིས་མཛེས་པར་བྱས་པའོ། །དེའི་ཞེས་བྱ་བ་ནི། དཀྱིལ་འཁོར་གྲུ་བཞི་བའི་ནང་དུ་འཁོར་ལོ་ནི་སྟེ། ཟླུམ་པོ་ལ་འཁོར་ལོའི་འཕྲེང་བས་བརྒྱན་པའི་དཀྱིལ་འཁོར་ནང་མ་བྱ། །དེ་ཇི་ལྟ་ཞེ་ན། རྡོ་རྗེའི་ཆོ་གས་བྲི་བར་བྱ། ཞེས་བྱ་བ་གསུངས་ཏེ། ཆོ་ག་ནི་དེ་ཁོ་ན་ཉིད་བསྡུས་པ་ལས་གསུངས་པའི་དཀྱིལ་འཁོར་གྱི་ཐིག་གདབ་པའི་ཆོ་གའོ། །དེ་ཉིད་རྡོ་རྗེ་སྟེ་རྡོ་རྗེ་ལྟར་ཁཤིན་ཏུ་བརྟན་པོ་ཀངེས་པ་གགང་གིས་ཤེས་པ་དེས་བྲི་བར་བྱའོ། ༈ །དེ་ལྟར་དཀྱིལ་འཁོར་བྲིས་ནས་སྔགས་:པ་ཚབ:སྔགས་རྣམས་དབུས་སུ་བསང་བ་མཆོག །ཕྱག་རྒྱ་རྡོ་རྗེའི་གནས་གྱུར་པ། །རྣམ་པར་སྣང་མཛད་གནས་བྱའོ། །ཞེས་འབྱུང་ངོ༌། །རྣམས་ཀྱི་སྟེ། སྣོད་མིན་ལ་མི་བསྟན་པའི་གསང་བ་མཆོག་སྟེ་ལྷ འི་སྐུའོ། །དེ་རྣམས་ཀྱི་དབུས་སུ་རྣམ་པར་སྣང་མཛད་གནས། ཞེས་པ་ལ། །ཕྱག་རྒྱ་ནི་སྤྱན་ནོ། །དེ་ཉིད་ནི་བདེ་སྟོང་དབྱེར་མི་ཕྱེད་པའི་རྡོ་རྗེ་བསྐྱེད་པའི་གནས་སུ་གྱུར་པ་བྱ་ཞེས་པ་སྟེ། རང་གི་ཕྱག་རྒྱ་སྤྱན་མ་དང་ལྡན་པའི་རྣམ་སྣང་གི་ལྷའི་གཟུགས་སུ་བྱས་པའོ། །རྣམ་སྣང་གི་གཙོ་བོ་བྱེད་པ་ན་མི་བསྐྱོད་པ་ལ་སོགས་པའང་ཤར་ལ་སོགས་པའི་ཕྱོགས་སུ་བཞུགས་པར་བྲི་སྟེ། དེ་ཡང་ཡུམ་མེད་པར་གཅིག་པུ་བྲིའོ། །སྐུ་དང་གསུང་ཐུགས་རྡོ་རྗེ་མཆོག །ཅེས་བྱ་བ་ནི་སྤྱན་ལ་སོགས་པའོ། །གྲྭ་རྣམས་ཀུན་ཏུ་དགོད་པར་བྱ། ཞེས་བྱ་བ་ནི། ཤར་ལྷོ་ལ་སོགས་

---

^{[མ་དཔེ་གཟིགས་ན་འདིར་གནོན།]}

པའི་མཚམས་རྣམས་སུ་ཅི་རིགས་པར་ཞེས་པ་ནི། སྤྱན་མ་དབུས་སུ་སོང་བས་དེའི་གནས་སུ་རེག་རྡོ་རྗེ་མ་བྲི་བར་བྱའོ། །ཁྲོ་བོ་:པ་ཚབ:ཁྲོ་བོ་སོགས་དང་སྟོབས་ཆེན་པོ། །ཕ་རོལ་གནོད་རྣམས་སྒོར་བྲིའོ། ཞེས་པ་འགྲེལ་བ་དང་མཐུན་ནོ། །རྣམས་ནི་གཤེན་རྗེ་གཤེད་ལ་སོགས་པ་གང་ཡིན་པ་སྟེ། གཞན་གྱིས་མི་ཐུབ་པ་དང་རྟ་མགྲིན་དང༌། བདུད་རྩི་ཐབ་སྦྱོར་ཏེ། དེ་དག་ནི་སྒོ་བཞིར་དགོད་པར་བྱའོ། །སྟོབས་ཆེན་ཕ་རོལ་གནོན་པ་ཞེས་བྱ་བ་མི་གཡོ་བ་ལ་སོགས་པ་མཚམས་རྣམས་སུ་བྲི་བར་བྱའོ། །གཟུགས་རྡོ་རྗེ་དང་བྱམས་པ་ལ་སོགས་པའང་རང་རང་གི་གནས་ཇི་ལྟ་བ་བཞིན་དུ་དགོད་པར་བྱའོ། ༈ །སྔགས་ཤེས་པ་ནི་སློབ་དཔོན་ཏེ། དེས་རྡོ་རྗེ་གསང་བ་རབ་བསྒོམས་པས། ཞེས་བྱ་བ་སྟེ། རྡོ་རྗེ་དང་པདྨ་ཡང་དག་པར་འདུས་པར་བྱས་པའི་མཆོད་པ་དངོས་སུ་དཀྱིལ་འཁོར་དང་ཉེ་བར་བྱ་ལ། བློས་དཀྱིལ་འཁོར་གྱི་དབུས་སུ་རང་གི་ཕྱག་རྒྱ་དང་བཅས་པས་བྱ་བ་འདི་ནི་ཆོ་གའོ། །སྔགས་རྣམས་ཐམས་ཅད་ཀྱི་ཞེས་པ་ནི། སྒྲུབ་པ་པོ་རྣམས་ཀྱིའོ། །དམ་ཚིག་ནི་རྣལ་འབྱོར་བླ་མེད་གྱི་རྒྱུད་ལ་གནས་པའི་འོ། །ཤིན་ཏུ་འདའ་བར་དཀའ་བ་ནི་གསང་མཆོད་དེ་བྱེད་པ་ལས་འདས་བར་མི་བྱ་བའོ། །བཤང་དང་གཅི་བ་ལ་སོགས་པ། ཞེས་བྱ་བ་ནི་བདུད་རྩི་ལྔ་སྟེ། བྱེ་བྲག་ཏུ་ནི་ཞེས་པ་སྐུའི་དཀྱིལ་འཁོར་འདིར་ངེས་པར་གཅིག་ཏུ་ལྷ་ལ་དབུལ་བར་བྱ་ཞིང་རང་ཉིད་ཀྱིས་ཀྱང་བཟའ་བར་བྱའོ། །དེ་ལྟར་བདུད་རྩི་ལྔ་བཟའ་བ་འདི་ནི་སྐུའི་རྡོ་རྗེ་ཅན་ཏེ། སྐུའི་དཀྱིལ་འཁོར་དང་ལྡན་པའི་

---

^{[མ་དཔེ་གཟིགས་ན་འདིར་གནོན།]}

སྔགས་རྣམས་ཐམས་ཅད་ཀྱི་སྟེ། སྒྲུབ་པ་པོ་ཐམས་ཅད་ཀྱི་དམ་ཚིག་སྟེ་འདའ་བར་མི་བྱ་བའོ། །ལུས་སྐུའི་རྡོ་རྗེ་ཡིན་ལ། དེ་བཟའ་བས་རྒྱས་པར་བྱེད་པ་ལ་བདུད་རྩི་ལྔ་བསྔགས་པས། རིགས་འདི་ལ་དམ་ཚིག་འདི་ལས་མི་འདའ་བར་གསུངས་སོ། །འདི་ནི་དེ་བཞིན་གཤེགས་པ་ཐམས་ཅད་མངོན་པར་དགྱེས་པའི་སྐུའི་དཀྱིལ་འཁོར་རོ། ༈ །དེ་ནས་ཞེས་བྱ་བ་ལ་སོགས་པས་ནི། རྡོ་རྗེ་འཆང་ཆེན་པོས་གསུང་གི་དཀྱིལ་འཁོར་གྱི་ཆོ་ག་གསུངས་པ་ཡིན་ཏེ། གསུང་རྡོ་རྗེ་ཐམས་ཅད་ཀྱི་དམ་ཚིག་ནི། འོད་དཔག་ཏུ་མེད་པའི་དཀྱིལ་འཁོར་པ་རྣམས་སོ། །དེ་རྣམས་ཀྱི་སྤྲིན་ནི་ཚོགས་སོ། །དེའི་བཀོད་པ་ནི་གནས་ཇི་ལྟ་བ་བཞིན་དུ་ཡང་དག་པར་བཞག་པ་སྟེ། ཏིང་ངེ་འཛིན་གང་ལ་མིང་དེ་སྐད་ཅེས་བྱ་བ་ལ་སྙོམས་པར་ཞུགས་ཏེ། གསུང་རྡོ་རྗེའི་དཀྱིལ་འཁོར་འདི་ཞེས་པ་དེའི་དོན་གྱི་ཚིག་གི་ཚོགས། ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། ཞེས་པ་ནི་དེ་སྟོན་པའོ། །དེ་ནས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། ༈ །ཁྲུ་ནི་ཉི་ཤུའི་ཚད་དུ་བྱ། ཞེས་བྱ་བ་ནི་ངོས་རེ་ཞིང་ཁྲུ་ལྔ་པར་ཐིག་གདབ་པའོ། །རྡོ་རྗེ་བསྒོམས་པས་ཞེས་བྱ་བ་ལ་རྡོ་རྗེ་ནི། དེ་བཞིན་གཤེགས་པ་ལྔ། །དེ་ལྔ འི་ཁ་དོག་ཅན་གྱི་སྲད་བུ་རྣམས་དེ་བཞིན་གཤེགས་པ་ལྔར་བསྒོམ་པ ས་ཐིག་གདབ་བོ་སོ། །དེའི་དབུས་ཞེས་པ་དཀྱིལ་འཁོར་གྲུ་བཞི་པ་དེའི་དབུས་སུ་འཁོར་ལོ་ཆེན་པོ་ནི་སྟེ། རྟེན་གྱི་དཀྱིལ་འཁོར་ཕྱི་མ་ལས་

---

^{[མ་དཔེ་གཟིགས་ན་འདིར་གནོན།]}

གཙོ་བོར་གྱུར་པ ཕོ་བྲང་ནང་མ། །ཟླུམ་པོར་ཀུན་ཏུ་བྲི་བར་བྱ། ཞེས་བྱ་བ་ནི། ཟླུམ་པོ་ལ་པདྨའི་འཕྲེང་བས་བརྒྱན་པ་བྲིས་ལ། ༈ གསུང་གི་དཀྱིལ་འཁོར་དེར་ཕྱག་རྒྱ་སྟེ་ལྷ་ཐམས་ཅད་ཡོངས་སུ་རྫོགས་པར་བྲིའོ། །ཆོ་ག་བཞིན་དུ་ཞེས་པ་ནི་ཆོ་ག་ལ་མཁས་པའོ། །ཇི་ལྟར་ཞེ་ན། ཚེ་དཔག་མེད་ཀྱི་ཕྱག་རྒྱ་ཆེ། ཞེས་བྱ་བ་སྟེ། རང་གི་ཕྱག་རྒྱ་གོས་དཀར་མོ་དང་ཡང་དག་པར་ལྡན་པར་དེ་ཡི་དབུས་སུ་གཞག་པར་བྱའོ། །རྡོ་རྗེའི་གནས་དེ་ཞེས་བྱ་བ་ལ་སོགས་པ་ལ། རྡོ་རྗེའི་གནས་ནི་སྐུ་དང་ཐུགས་ཀྱི་དཀྱིལ་འཁོར་དག་ཏུ། དེ་བཞིན་གཤེགས་པའི་བཀོད་པ་གང་ཡིན་པ་ཐམས་ཅད་ཀྱང༌། གསུང་དཀྱིལ་དུ་ཡོངས་སུ་བརྟག་པར་བྱ་ཞིང་དགོད་པར་བྱའོ། །འདིར་སྣང་མཐའི་གནས་སུ་མི་བསྐྱོད་པ་དང་། གོས་དཀར་མོའི་གནས་སུ་རེག་རྡོ་རྗེ་མ་དགོད་དོ། ༈ །ཆོ་ག་བཞིན་ཞེས་བྱ་བ་ནི་རྒྱུད་ལས་བཤད་པའི་ཆོ་ག ལ་མཁས་པ ས་དཀྱིལ་འཁོར་ཡོངས་སུ་གསལ་བར་ཡང་དག་པར་བྱས་ཤིང་བསྒྲུབས་ཏེ་ལ་། མཆོད་པའི་སྐབས་སུ་གསང་བའི་མཆོད་པ་སྟེ། དབང་པོ་གཉིས་མཉམ་པར་སྦྱོར་བའི་མཚན་ཉིད་ཅན་གྱི། དེ་བཞིན་གཤེགས་པའི་མཆོད་པ་བྱས་ན་རྡོ་རྗེ་ཅན་ཏེ། ཕྱོགས་བཅུའི་འཇིག་རྟེན་གྱི་ཁམས་ན་གནས་པའི་སངས་རྒྱས་རྣམས། དེ་ལྟར་བྱས་པས་མཉེས་པར་འགྱུར་ཞིང་སྒྲུབ་པ་པོ་ལ་དགྱེས་པར་འགྱུར་རོ། །བཤང་གཅི་ཁུ་བའི་དམ་ཚིག་གིས། ཞེས་བྱ་བ་ནི། བདུད་རྩི་ལྔ་སྟེ་དེས་མཆོད་ན་ཞེས་པ་བདག་དང་སློབ་མ་ལ་མཆོད་ན་དངོས་གྲུབ་ཐོབ་པར་འགྱུར་

---

^{[མ་དཔེ་གཟིགས་ན་འདིར་གནོན།]}

བ་སྟེ་མངོན་པར་འདོད་པའི་དངོས་གྲུབ་འཐོབ་པར་འགྱུར་རོ། །འདི་ནི་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །དེ་བཞིན་གཤེགས་པ་ཐམས་ཅད་ཀྱིས་བསྔགས་པའི་འོད་དཔག་མེད་ཀྱི་དཀྱིལ་འཁོར་རོ། ༈ །དེ་ལྟར་བཤད་མ་ཐག་པར་སྐུ་དང་གསུང་དང་ལེའུ་བཞི་པར་ཐུགས་ཀྱི་དཀྱིལ་འཁོར་གསུམ་བཤད་ནས། དེ་བཞིན་གཤེགས་པ་ལྷག་མ་རིན་འབྱུང་དང་དོན་གྲུབ་གཉིས་དང་དཀྱིལ་འཁོར་པ་སྟེ་འཁོར་གྱི་ལྷ་དེ་བཞིན་གཤེགས་པ་ལས་གཞན་གྱི་ཡང༌། དབུས་སུ་དཀྱིལ་འཁོར་གྱི་གཙོ་བོ་གང་ཞིག་བྱ་བ་དེའི་ཚུལ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཀུན་ནས་ཏེ་སྒོ་སྣ་ཚོགས་པ་ལས་ཏེ་ནས་སྤྲིན་ལྟར། དོན་ཐམས་ཅད་ཆར་དུ་འབེབས་པར་བྱེད་པས་ན། ཀུན་ནས་སྤྲིན་ཏེ་དེ་བཞིན་གཤེགས་པ་རྣམས་སོ། །དེ་རྣམས་ཀྱི་ཚོགས་ནི་ཕུང་པོའོ། །དེའི་རྡོ་རྗེ་ནི་ལྷ་སོ་སོའི་དཀྱིལ་འཁོར་ཏེ། དེའི་ཏིང་ངེ་འཛིན་གང་དུ་ངེས་པར་སྟོན་པ་དེ་ནི། ཀུན་ནས་སྤྲིན་གྱི་ཚོགས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་ཐུགས་རྩེ་གཅིག་པ་མངོན་སུམ་དུ་མཛད་ནས། སྣོད་མིན་ལ་རབ་ཏུ་གསང་ཞིང་ཤིན་ཏུ་སྦ་བར་བྱ་བའི་དཀྱིལ་འཁོར་གསང་ཆེན་ཏེ། མང་པོ་ལ་མངོན་དུ་མི་བྱ་བ་སྟེ་མི་བསྒྲག་་པ་བློ་ལ་བཞག་པ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། ༈ །རྡོ་རྗེ་འཛིན་པ་ཞེས་བྱ་བ་ལ་སོགས་པ་ལ། རྡོ་རྗེ་འཛིན་

---

^{[མ་དཔེ་གཟིགས་ན་འདིར་གནོན།]}

མཆོག་མཆོག་དང་སོགས་ཀྱི་སྐད་དོད་ཐུན་མོང་བ་ཡོད་ཀྱང༌། འདིར་རྡོ་རྗེ་འཛིན་སོགས་:པ་ཚབ:ཞེས་བསྒྱུར་བ་ལྟར་བྱ་དགོས་སོ། །ཅེས་བྱ་བ་རྡོ་རྗེ་འཛིན་པ་དང་ལ་སོགས་པ ས་ལྷ་ལྷག་མ་དཀྱིལ་འཁོར་པའི་ལྷ་རྣམས་གང་ཡིན་པའི་གཟུགས་ཏེ་སྐུ་དཀྱིལ་འཁོར་གྱི་དབུས་སུ་བྲིས་ཤིང་བཞག་པར་གྱུར་བའི་དཀྱིལ་འཁོར་དེ་ནི། ལྷའི་ཁྱད་པར་དེ་ཡི་དཀྱིལ་འཁོར་གྱི་འཁོར་ལོར་འགྱུར་ཏེ་རིན་འབྱུང་གི་དཀྱིལ་འཁོར་ནས་གནོད་མཛེས་ཀྱི་དཀྱིལ་འཁོར་ཞེས་པའི་བར་རོ། སྐུ་གསུང་ཐུགས་ཀྱི་གསང་བ་ལས་བྱུང་བ་ནི་གསང་བ་གསུམ་གྱི་བདག་ཉིད་ཅན་ནོ། །རིན་པོ་ཆེ་:པ་ཚབ་ཆག:དང་ལས་ཀྱི་རིགས་དག་ཀྱང་དེའི་ནང་དུ་འདུས་པ་ཡིན་ནོ། ཞེས་པ་ལེགས་སོ། །རིན་པོ་ཆེ་དང་ལས་ཀྱི་རིགས་ཀྱི་དཀྱིལ་འཁོར་པ་དག་ཀྱང་སྐུ་གསུངས་ཐུགས་ཀྱི་རྡོ་རྗེ་གསུམ་པོ་དེའི་ནང་དུ་འདུས་པ་ཡིན་ནོ། །འདུས་ཚུལ་ནི་སྤྱོད་བསྡུས་ལས། རིན་འབྱུང་སྐུ་དང༌། དོན་གྲུབ་གསུང་རྡོ་རྗེར་བསྡུས་པ་བཞིན་ནོ། །དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པ་སྟེ། དེ་རྣམས་ཀྱི་སྐུ་དང་གསུང་དང་ཐུགས་རྡོ་རྗེའི་གནས་ནི་སྐུ་ལ་སོགས་པའི་རྟེན་གྱི་དཀྱིལ་འཁོར་རོ། །དེ་ལ་ཡེ་:ཆག:ཤེས་པ་ནི་ཟེར། ཤེས་ནི་དཀྱིལ་འཁོར་དེའི་ཐིག་གདབ་པ་ལ་སོགས་པའི་ཆོ་གའོ། །དེའི་གསང་བ་ནི་ཆོ་ག་དེའི་དཀྱིལ་འཁོར་དུ་ཡོངས་སུ་གྱུར་པ་སྟེ་བསྒྲུབ་པའི་མཚན་ཉིད་ཅན་ནོ། །རབ་ཏུ་གསང་བ་ནི་མན་ངག་གི་མཆོག་གང་ཡིན་པ་དེ་ལ་དེ་སྐད་ཅེས་བྱའོ། ༈ །དེ་ནས་ཞེས་བྱ་བ་ལ་སོགས་པ་ལ། དཀྱིལ་འཁོར་ཐམས་ཅད་ཀྱི་

---

^{[མ་དཔེ་གཟིགས་ན་འདིར་གནོན།]}

འཁོར་ལོ་ནི། མི་བསྐྱོད་པ་ལ་སོགས་པའི་གཞིར་གྱུར་པའི་རྟེན་གྱི་དཀྱིལ་འཁོར་ཏེ། དེ་འབྱུང་བར་བྱེད་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱ་སྟེ། ཏིང་ངེ་འཛིན་དེ་ལ་ཐུགས་རྩེ་གཅིག་པར་སྙོམས་པར་ཞུགས་ནས། དཀྱིལ་འཁོར་དེ་དག་ཐམས་ཅད་ཉིད་ཀྱི་སྐུ་དང་གསུང་དང་ཐུགས་རྡོ་རྗེའི་ངོ་བོ་ཉིད་ཀྱི་གསང་བ་འདི། ཉིད་ཀྱི་སྐུ་རྡོ་རྗེ་ལ་སོགས་པ་ལས་ཕྱུང་ཞིང་གསུངས་སོ། །དེ་ལ་ཞེས་བྱ་བ་ལས་སོགས་པ་ལ། དེ་ལ་སྐུ་རྡོ་རྗེ་ལ་སོགས་པའི་གསང་བ་ལ། འོག་ནས་འཆད་པའི་འབྲུ་གསུམ་པོ་འདི་ནི་རྡོ་རྗེའི་དཀྱིལ་འཁོར་གྱི་སྟེ། དེ་བཞིན་གཤེགས་པའི་འཁོར་ལོའོ། །དེ་རྣམས་ཀྱི་སྔགས་ནི་སྔགས་ཀྱི་སྐད་དོད་མཱན་ཏྲ་ལ་མཱན་ཡིད། ཏྲ་ཡ་སྐྱོང་བའམ་སྐྱོབ་པའོ། །ཡིད་སྐྱོབ་པར་བྱེད་ཅིང་སེམས་དགའ་བར་བྱེད་པའི་རང་བཞིན་ནོ། །དེ་ཉིད་ལྷ་ཡིན་པས་སྙིང་པོའོ། །དཀྱིལ་འཁོར་གྱི་ཐིག་འདེབས་པ་ལ་ཉེ་བར་འཚམས་པས་ཏེ་མཁོ་བས་ན་ཐིག་གདབ་པའོ། །མི་འཇིག་པ་སྟེ་མི་འགྱུར་བ་ཉིད་པས་ན་ཡི་གེའི་སྐད་དོད་ཨཀྵརའི་ཀྵར་འགྱུར་བ་དང༌། དེ་ཨས་བཀག་པས་སོ། །ཡི་གེའོ། །སྔགས་ཐམས་ཅད་ཀྱི་གནས་སུ་གྱུར་པས་ན་གནས་རྣམས་སོ། །གང་ཡིན་ཞེ་ན། ༀ་ཨཱཿ ཧཱུཾ་ཞེས་བྱ་བའོ། །རྡོ་རྗེ་ཞེས་བྱ་བ་ལ་སོགས་པ་ལ་རྡོ་རྗེ་ནི་མི་བསྐྱོད་པ་ལ་སོགས་པ་སྟེ། དེའི་ཁ་དོག་ཏུ་བཙོས་པའི་ཐིག་སྐུད་ལྔ་པ་ལྔའི་ཐིག་ནི་རྡོ་རྗེའི་ཐིག་གོ །དེའི་:ཆག:ཟེར། དེ་ལ་རྡོ་རྗེ་དེའི་ཐིག་སྐུད་དེས་གདབ་བ་ནི་དཀྱིལ་འཁོར་གྱི་ཐིག་གདབ་པ་དང་འོ་། །ཚོན་རྩི་

---

^{[མ་དཔེ་གཟིགས་ན་འདིར་གནོན།]}

རྣམས་ཀྱང་ཚོན་སྣ་ལྔས་དགྱེ་བ་ནི་རྣམ་པར་དགྲམ་པ་སྟེ། ༀ་ཞེས་བྱ་བ་ལ་སོགས་པ་འབྲུ་གསུམ་པའི་སྔགས་ཀྱིས་དགྱེ་བར་བྱའོ་ཞེས་བྱ་བ་ནི་དགྱེ་བ་དག་ཞེས་པའི་ཚིག་གི་ལྷག་མའོ། ༈ །སྔགས་ཀྱི་སེམས་པས་ནི་སྔགས་ལ་མཆོག་ཏུ་གཞོལ་བ་སྟེ། དེས་ནི་བཤད་པའི་རྣམ་པས་དཀྱིལ་འཁོར་བྲི་བར་མི་བྱ་སྟེ།འདིར་ཁ་ཅིག །སྔགས་ཀྱི་སེམས་པས་མི་བྱ་བའི་དོན། སྒྱུ་ལུས་སམ་ཟུང་འཇུག་ལ་གནས་པས། ཟུང་འཇུག་སྔགས་ཡིན་པས་སྔགས་དེས་དཀྱིལ་འཁོར་བྲི། སྔར་བཤད་པའི་ༀ་ཨཱཿ ཧཱུཾ་སོགས་བརྗོད་པའི་སྔགས་ཀྱི་མི་བྲི་ཞེས་པ་ནི་ཤིན་ཏུ་མི་རིགས་ཏེ། འདིར་དཀྱིལ་འཁོར་བྲི་བ་བཀག་པ་ནི། དེ་ཉིད་བསྡུས་པ་ལ་སོགས་པ་ལྟར་མི་བྱ་བའི་དོན་དུ་གསུངས་ཤིང༌། དེ་ཡང་སྒྲུབ་གྲོགས་ཕྱག་རྒྱ་མ་དང་བྲ་བས་མི་བྱ་བ་ཡིན་པར། དེ་བས་དམ་ཚིག་ཚུལ་ཤེས་པས། ཞེས་སོགས་ཀྱི་བཤད་པ་ལས་ཤིན་ཏུ་གསལ་བའི་ཕྱིར་དང༌། ཕྱག་རྒྱ་མ་དང་བཅས་པར་བསྐྱེད་རིམ་པས་བྲི་བར་གསལ་བར་གསུངས་པའི་ཕྱིར་རོ། །བཤད་པའི་རྣམ་པས་ཞེས་པ་ཡང་འགྱུར་མ་དག་པས། བ་ཚབ་ཀྱིས། དཀྱིལ་འཁོར་བཤད་ཟིན་པའི་རྣམ་པ་ཅན་བྲི་བར་མི་བྱ་སྟེ། ཞེས་བསྒྱུར་ཞིང༌། ཆག་ཀྱང་དེ་དང་མཐུན་ནོ། །ཆག་འགྱུར་ལས། སྔགས་ཀྱི་སེམས་པ་ནི་སྔགས་ལ་མཆོག་ཏུ་གཞོལ་བ་ཡིན་ཏེ། གཉིས་མེད་ཡེ་ཤེས་མངོན་ལྡན་པས། །ཡེ་ཤེས་སྔགས་སུ་ངེས་པར་བརྗོད། ཅེས་པའི་རིགས་པས། བཤད་པའི་རྣམ་པའི་དཀྱིལ་འཁོར་བྲི་བར་མི་བྱ་སྟེ། ཞེས་འབྱུང་ངོ༌། དེ་དག་གི་དོན་ནི། སྔགས་ཀྱི་དོན་ནི་ཡིད་སྐྱོབ་པ་ཡིན་ལ། དེའི་གཙོ་བོ་ཡང་བདེ་བ་ཆེན་པོ་དང་སྟོང་པ་གཉིས་སུ་མེད་པའི་ཡེ་ཤེས་ཡིན་པ་ལ། དེ་མ་རྟོགས་པས་

---

^{[མ་དཔེ་གཟིགས་ན་འདིར་གནོན།]}

དེ་ལས་ཕྱི་རོལ་དུ་གྱུར་པའི་སྔགས་ལ་གཙོ་བོར་བྱེད་པ། རྒྱུད་སྡེ་འོག་མའི་གདུལ་བྱའོ། །དེའི་དབང་དུ་མཛད་ནས་གསུངས་པའི་སྒྲུབ་གྲོགས་ཕྱག་རྒྱ་མ་དང་བྲལ་ནས། དཀྱིལ་འཁོར་བྲི་སྒྲུབ་སོགས་བྱེད་པའི་ཆོ་གས་མི་བྱ་བའི་དོན་ནོ། །གལ་ཏེ་བྱས་ན་དེས་བྱང་ཆུབ་སྟེ་རྡོ་རྗེ་འཆང་ཆེན་པོ་ཉིད་རྙེད་པར་དཀའ་ཞིང་རིང་བར་འགྱུར་རོ། །གལ་ཏེ་དེ་ཁོ་ན་ཉིད་བསྡུས་པ་ལ་སོགས་པ་ལས་བཤད་པའི་ཕྱག་རྒྱ་མ་དང་བྲལ་བའི་ཆོ་གས་བྱེད་ནའོ། ཞེས་བྱ་བར་དགོངས་སོ། །འདིས་ནི་རྒྱུད་དེ་དག་གི་ལམ་གྱིས་ཚེ་འདིར་མཆོག་མི་རྙེད་པར་བསྟན་ནོ། ༈ །ཕྱག་རྒྱ་མ་དང་བྲ་བའི་ལམ་ལ་བྱང་ཆུབ་རིང་བ་དེ་བས་ན་ཞེས་བྱ་བ་ལ་སོགས་པ་ལ། དེས་ན་རྫོགས་པའི་རིམ་པ་ལ་གནས་པ་ལས་གཞན་བསྐྱེད་པའི་རིམ་པ་ལ་གནས་པ། རིག་པའི་བརྟུལ་ཞུགས་ཡང་དག་པར་སྤྱད་པས། གལ་ཏེ་དཀྱིལ་འཁོར་འབྲི་བར་བྱེད་ན་དེའི་ཆོ་ག་ནི་དམ་ཚིག་སྟེ། མི་བསྐྱོད་པ་ལ་སོགས་པ་རིགས་སོ་སོའི་རྣལ་འབྱོར་པ་འདི་ལ། རིགས་ངན་གྱི་བུ་མོ་ལ་སོགས་པ་འདིའོ། ཞེས་རིགས་ཀྱི་དབྱེ་བས་བཤད་པའི་ཕྱག་རྒྱ་མ། །དེའི་ཚུལ་ནི་འདུས་པ་ལས་གསུངས་པའི་ཚུལ་གྱིས་བསྐྱེད་པ་སྟེ་རིག་མ་འདུ་བྱས་པ། ཤེས་པ་ནི་སྔགས་པའོ། །སྔགས་ནི་སྒྲུབ་པ་པོའོ། །དེའི་ལྷ་ནི་སྒྲུབ་པ་པོ་ལ་མཆོག་སྟེར་བས་རང་གི་ཕྱག་རྒྱ་མ་སྟེ་དེ་ཕབ་ལ་མདུན་དུ་སྟེ་དྲུང་དུ་བཞག་ནས་སྒྲུབ་གྲོགས་སུ་བྱས་པའོ། །བྱིན་གྱིས་བརླབ་པ་ནི་རིག་མའི་ལུས་ལ་རིགས་ལྔར་གཏོགས་པའི་ལྷ་རྣམས་དགོད་པར་བྱ་བ། །རིགས་ལྔ་དགོད་པ་དེའི་གནས་ནི་དེའི་གཞི་ཕྱག་རྒྱ་མ་སྟེ་དེ་བསྒོམ་ཞིང་བསྐྱེད་ལ། དཀྱིལ་འཁོར་རྣམས་ཏེ་སྐུ་ལ་སོགས་པའི་དཀྱིལ་འཁོར་རྣམས་ཀྱི་ཐིག་གདབ་པ་

---

^{[མ་དཔེ་གཟིགས་ན་འདིར་གནོན།]}

དང་ལ་སོགས་པ ས་ཚོན་དགྱེ་བ་དང་དཀྱིལ་འཁོར་བསྒྲུབ་པ་དང་མཆོད་པའི་རིམ་གྱིས་རྣམ་པར་བརྟག་ཅིང་སྟེ་བསྒྲུབ་པར་བྱའོ། ༈ །དེ་ལྟར་རིགས་རྣམས་ཀྱི་ཐུན་མོང་གི་ཆོ་ག་བསྟན་ནས། རིགས་ཀྱི་དབྱེ་བ་སྟེ་ཕྱེ་བ ས་བྱ་བའི་ཆོ་ག་བསྟན་པར་བྱ་བའི་ཕྱིར། རྒྱལ་ཆེན་ཞེས་བྱ་བ་ལ་སོགས་པ་གསུངས་ཏེ། དེ་ལ་སྐུའི་དཀྱིལ་འཁོར་འབྲི་བར་འདོད་པའི་སྔགས་པས། བདག་ཉིད་རྣམ་པར་སྣང་མཛད་ཀྱི་སྦྱོར་བ་དང་ལྡན་པས། རང་གི་ཕྱག་རྒྱ་མ་བཙོ་བླག་མཁན་གྱི་བུ་མོ་ཡང་ན་ཞེས་པ་ནི་རིགས་གཞན་ལ་ལྟོས་པའོ། །སྤྱན་ནི་ཞེས་པ་སྤྱན་མངོན་སུམ་པ་བཞིན་དུ་བསྐྱེད་ལ། དེ་དང་ལྷན་ཅིག་དཀྱིལ་འཁོར་གྱི་ཐིག་གདབ་པ་ལ་སོགས་པ་བྱའོ། །བྱ་བ་འདིའི་ཕན་ཡོན་བསྟན་པར་བྱ་བའི་ཕྱིར། སྐུའི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། སྐུ་ནི་རྣམ་པར་སྣང་མཛད་དོ། །དེའི་དཀྱིལ་འཁོར་གྱི་གནས་ནི་དེའི་དབང་དུ་བྱས་པའི་འཁོར་ལོའོ། །ཡིད་དུ་འོང་བ་ནི་འདོད་པའི་འབྲས་བུ་རབ་ཏུ་སྟེར་བས་ཡིད་འཕྲོག་པའོ། །རྡོ་རྗེའི་སྐུ་ཡི་ནི་སྐུ་རྡོ་རྗེའོ། །དེའི་ཡོན་ཏན་ནི་འཇིག་རྟེན་གྱི་ཁམས་མཐའ་ཡས་མུ་མེད་པར། སེམས་ཅན་རྣམས་ལ་སྣ་ཚོགས་པའི་གཟུགས་ཀྱིས། ཆོས་སྟོན་པ་ལ་རབ་ཏུ་འཇུག་པ་སྟེ་སྒྲུབ་པ་པོས་དེ་ཐོབ་པར་འགྱུར་བའོ། །རྡོ་རྗེ་ཆོས་ནི་ཞེས་བྱ་བ་ལ་སོགས་པ་ལ། སྔགས་པ་ཆོས་ཀྱི་རྒྱལ་པོ་ཆེན་པོ་སྣང་མཐར་བདག་ཉིད་བསྒོམས་ལ། རང་གི་ཆོས་

---

^{[མ་དཔེ་གཟིགས་ན་འདིར་གནོན།]}

མས་ཏེ་རང་གི་རིག་པ་གར་མཁན་གྱི་བུ་མོ་གོས་དཀར་མོར་བསྒོམས་ལ། དེ་ལ་རང་དང་འདྲ་བའི་ཡེ་ཤེས་པ་དབབ་པར་བྱས་པ་སྟེ་བཅུག་ནས་གསུང་གི་དཀྱིལ་འཁོར་བྲི་བར་བྱ་སྟེ། རིམ་པ་འདི་ནི་སྔགས་རྣམས་ཐམས་ཅད་ཀྱི་སྟེ། པདྨའི་རིགས་དང་ལྡན་པ་ཐམས་ཅད་ཀྱིས་གསང་ཞིང་སྦ་བར་བྱ་བ་དང༌། རྟག་པ་སྟེ་ཐོག་མ་མེད་པའི་དུས་ཅན་གྱི་དེ་བཞིན་གཤེགས་པ་རྣམས་ཀྱི་མན་ངག་ཡིན་ནོ། །རྡོ་རྗེ་སེམས་དཔའ་ཞེས་བྱ་བ་ལ་སོགས་པ་ལ། བདག་ཉིད་མི་བསྐྱོད་པའི་སྐུར་བསམས་ལ། རང་གི་ཕྱག་རྒྱ་རིགས་ངན་གྱི་བུ་མོ་མཱ་མ་ཀཱིར་བྱིན་གྱིས་བརླབས་ལ། དེ་ལ་རང་དང་འདྲ་བའི་ཡེ་ཤེས་པ་དབབ་པར་བྱས་པ་སྟེ་བཅུག་ནས་ཐུགས་ཀྱི་དཀྱིལ་འཁོར་བྲི་བར་བྱའོ། །འདི་ནི་སྔགས་རྣམས་ཐམས་ཅད་ཀྱི། ཞེས་བྱ་བ་ནི། རྡོ་རྗེའི་རིགས་དང་ལྡན་པའི་སྒྲུབ་པ་པོ་རྣམས་ཀྱིའོ། །གསང་བ་རྨད་དུ་བྱུང་བའོ། ཞེས་པ་ནི་རང་གི་བླ་མ་ནས་རྡོ་རྗེ་འཆང་གི་བར་དུ་གོང་ནས་གོང་དུ་བརྒྱུད་པའི་གསང་བའོ། ༈ །དེ་ལྟར་ཞེས་བྱ་བ་ལ་སོགས་པ་ལ། རིག་མ་དང་ལྷན་ཅིག་ཏུ་དེ་ལྟར་བྱས་པའི་དཀྱིལ་འཁོར་གྱི་ཆོ་གས་ཡིད་ལ་དབང་ཐོབ་པའི་སངས་རྒྱས་དང༌། བྱང་ཆུབ་སེམས་དཔའ་རྣམས་ཤིན་ཏུ་དང་བས་གནས་དེར་གཤེགས་ཤིང་དགོངས་པར་མཛད་ནས་རབ་ཏུ་དགྱེས་པར་གྱུར་ཅིང༌། ཤིན་ཏུ་ཐུགས་རངས་ནས་ཤིན་ཏུ་ཡང་གསང་བའི་མཆོག་ཏུ་གྱུར་པའི་དཀྱིལ་འཁོར། འབྲི་ཞིང་རྫོགས་པར་མཛད་པ་སྟེ་སྒྲུབ་

---

^{[མ་དཔེ་གཟིགས་ན་འདིར་གནོན།]}

པ་པོ་ཕྱག་རྒྱ་དང་བཅས་པའི་ལུས་དང་ངག་དང་ཡིད། བྱིན་གྱིས་རློབ་པར་མཛད་ཅིང་དེ་གཉིས་ཀྱིས་དཀྱིལ་འཁོར་རྫོགས་པར་བྱེད་དོ། །ཞེས་བྱ་བའི་བར་དུའོ། ༈ །འདི་སྐད་ཀྱང་གསུངས་སོ་ཞེས་བྱ་བ་ནི་སྡུད་པར་བྱེད་པའི་ཚིག་གོ །སྔགས་ཀྱི་སེམས་པས་ཞེས་བྱ་བ་ལ་སོགས་པ་ལ། སེམས་པས་ཞེས་པ་ནི། སྔར་བཤད་མ་ཐག་པའི་ཆོ་གས་དཀྱིལ་འཁོར་རྫོགས་པར་བྱས་པ་སྟེ་བསྒྲུབ་པའི་སྔགས་པས། རྡོ་རྗེ་གསང་བ་སྟེ་དེ་བཞིན་གཤེགས་པའི་གསང་བ་རྨད་དུ་བྱུང་བ་ཆེན་པོ་སྟེ། མཆོག་ཏུ་རྨད་དུ་བྱུང་བ་དང་ལྡན་པ་བྱའོ། །རྨད་དུ་བྱུང་བ་དེ་གང་ཡིན་ཞེ་ན། ཁྲོ་བོའི་ཞེས་བྱ་བ་ལ་སོགས་པ་གསུངས་ཏེ། གནོད་མཛེས་བཀུག་ནས་མདུན་དུ་བཀའ་ནོད་པ་ལ། རྒྱལ་བ་རྣམས་སློབ་མ་ལ་དབང་བསྐུར་བའི་དོན་དུ་འབྱོན་པར་བསྐུལ་ཅིག་ཅེས་བསྒོས་པས་ཁྲོ་བོའི་རྒྱལ་པོས་ཞེས་པ་ངེས་པར་གནོད་མཛེས་ཀྱིས། སངས་རྒྱས་ཐམས་ཅད་ཅེས་པ་ཡེ་ཤེས་པ་རྫོགས་པ་སྟེ་གྲུབ་ཟིན་པ ར་གྱུར་པ་ལྷ་སོ་གཉིས་སུ་འདུས་ནས། ནམ་མཁའི་དཀྱིལ་འཁོར་ལ་སྟེ་ནམ་མཁའི་དབྱིངས་ཀྱི་སངས་རྒྱས་ཀྱི་ཞིང་རྣམས་ན་བཞུགས་པ་རྣམས་བཀུག་ནས། རང་རང་གི་གནས་ཇི་ལྟ་བ་བཞིན་ན་བཞུགས་པའི་དམ་ཚིག་པ་རྣམས་ལ་བསྟིམས་ལ་མཆོད་པར་བྱའོ། ༈ །ཇི་ལྟར་ཞེ་ན། རྡོ་རྗེ་ཞེས་བྱ་བ་ལ་སོགས་པ་གསུངས་ཏེ།རྡོ་རྗེ་:ཆག:གསུམ་དང་གནས་དག་ལ་ནི་རྡོ་རྗེ་ཅན་དང་དཀྱིལ་འཁོར་པ་རྣམས་ལ་ཟེར། རྡོ་རྗེ་དྲི་མེད་གསུམ་དག་གི །ཞེས་པ་དཀྱིལ་འཁོར་པ་རྣམས་ལ། དམ་ཚིག་ཅེས་པ་གཟུགས་རྡོ་རྗེ་ལ་སོགས་པ་

---

^{[མ་དཔེ་གཟིགས་ན་འདིར་གནོན།]}

སྟེ། དེ་རྣམས་ཀྱིས་བྱས་པའི་མཆོད་པ་ནི་དམ་ཚིག་གི་་མཆོད་པའོ། །དེས་དུས་གསུམ་པ་སྟེ་དུས་ཚིགས་གསུམ་དུ འམ་ཐུན་གསུམ་དུ་མཆོད་པར་བྱའོ། །ཇི་ལྟར་བྱ་ཞེ་ན། རྡོ་རྗེ་གསུམ་གྱི་སྦྱོར་བས་བྱ། ཞེས་བྱ་བ་སྟེ། རྡོ་རྗེ་གསུམ་ནི་དུས་གསུམ་དུ་བཞུགས་པའི་སངས་རྒྱས་རྣམས་ཏེ། དེའི་སྦྱོར་བས་ཞེས་པ་ནི། དུས་གསུམ་དུ་བཞུགས་པའི་དེ་བཞིན་གཤེགས་པ་རྣམས་དང་ལྷ་སོ་གཉིས་གཅིག་ཏུ་བྱས་པ་ལ་འམ་གཅིག་ཏུ་བྱ་བ འི་ཚུལ་གྱི ས་མཆོད་དོ། ཞེས་བྱ་བའི་བར་དུའོ། །དེ་འདྲ་བའི་ཆོ་ག་འདི་དག་བྱས་པས་ཅི་ཞིག་བྱེད་ཅེ་ན། སྔགས་ཀྱི་དངོས་གྲུབ་ཐོབ་པར་བྱེད། ཅེས་བྱ་བ་གསུངས་ཏེ། སྔགས་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་དངོས་གྲུབ་ནི་འཇིག་རྟེན་དང་འཇིག་རྟེན་ལས་འདས་པའི་མཚན་ཉིད་ཀྱི་དངོས་གྲུབ་བོ། །དེ་ཐོབ་པར་བྱེད་པ་ནི་རྫོགས་པར་བྱེད་པའོ། ༈ །འདི་སྐད་ཀྱང་གསུངས་སོ། །སྔགས་རྣམས་ཐམས་ཅད་ཅེས་བྱ་བ་ལ་སོགས་པ་ལ།གནས་དེར་:ཆག:ཡང་དག་པར་འདུས་པའི་སྔགས་པ་རྣམས་ཉིད་ལ་རྨད་བྱུང་ཆེན་པོའི་སྟེ་ཤིན་ཏུ་རྒྱ་ཆེ་བའི་རང་བཞིན་ནང་གི་བདག་ཉིད་ཀྱི་གཏོར་མ་སྟེ་ཚིམ་པར་བྱེད་པ་དབུལ་ཞིང་བསྟབས་པར་བྱའོ། །ཟེར། ཡང་དག་པར་འདུས་པའི་སྔགས་པ་རྣམས་ལ་རྨད་དུ་བྱུང་ཞིང་ཆེན་པོའི་སྟེ། ཤིན་ཏུ་རྒྱ་ཆེ་བའི་རང་བཞིན་ནང་གི་བདག་ཉིད་ཀྱི་གཏོར་མ་སྟེ་ཚིམ་པར་བྱེད་ཀཔ་བྱ་བའི་ཕྱིར་ཁདབུལ་བར་བྱའོ། །འདིས་ནི་དེར་འདུས་པའི་རྣལ་འབྱོར་པ་རྣམས་ལ་ཚོགས་ཀྱི་མཆོད་པར་བྱ་བར་བསྟན་ནོ། །

---

^{[མ་དཔེ་གཟིགས་ན་འདིར་གནོན།]}

ནང་གི་གཏོར་མ་གོང་དུ་བཤད་པ་འདི་ཉིད་བསྟན་པར་བྱ་བའི་ཕྱིར། བཤང་གཅི་ཞེས་བྱ་བ་ལ་སོགས་པ་གསུངས་ཏེ།སྔགས་རྣམས་:པ་ཚབ:ཐམས་ཅད་ཉིད་ལ་འང་6༌། །རྨད་བྱུང་ཆེ་བའི་གཏོར་མ་དབུལ། བཤང་གཅི་ཤ་དང་འབྲུ་མར་དང༌། །སེམས་ལས་བྱུང་བ་ལྔ་པ་འོ། །ཁུ་བ་ཡིས་ནི་སྔགས་རྣམས་ཀུན། །ཚིམ་པར་གྱུར་པར་ཀུན་ཏུ་བཤད། ཅེས་འབྱུང་ངོ༌། །བཤང་བ་དང་ལ་སོགས་པ ས་གཅི་བ་དང་ཤ་དང་འབྲུ་མར་དང་སེམས་ལས་བྱུང་བའི་ཙན་དན་ཏེ་དེ་ལྔ་ནི་ཡུལ་རྣམ་པ་ལྔ་སྤྱི་དང་ཁྱད་པར་དུ་ཕྱག་རྒྱའི་འདོད་ཡོན་ལྔ་ཡིན་ལ། དེས་ཚིམ་པར་བྱེད་པ་ནི་ནང་གི་གཏོར་མ་འབུལ་བའོ། “།བཤང་བ་སོགས་ལྔ་ཡུལ་ལྔ་ལ་བྱེད་པ་ནི་འཇིག་རྟེན་པ་དང་བསྟན་བཅོས་གཞན་ལ་མེད་པ་དེ་བཞིན་གཤེགས་པའི་བརྡར་གྱུར་པ་སྟེ་སྒྲ་ཇི་བཞིན་པ་མ་ཡིན་པར་འདོད་དོ། །སྔར་གཏོར་མ་དབུལ་བར་བཤད་པ་དེ་ཉིད་གཞུང་ཕྱི་མས་སྟོན་པར་གསུངས་པས། འདིར་གཏོར་མ་ཞེས་པ་ལྷ་དང་ཕྱོགས་སྐྱོང་གི་གཏོར་མར་འཆད་པ་དོན་མིན་ནོ། །གང་གི་ཚེ་ཡུལ་ལྔ འི་སྒོ་ནས་ཚོགས་ཀྱི་མཆོད་པ་མ་འབྱོར་ན་ཇི་ལྟར་བྱ་ཞེ་ན། ཁུ་བ་དག་གིས་ཞེས་བྱ་བ་ལ་སོགས་པ་གསུངས་ཏེ། ཤུ་ཙ་ནི་མྱ་ངན་ཏེ་འདིར་སྡུག་བསྔལ་ལོ། །་མྱ་ངན་དེ་དེ་ཀྲ་ཀ་ཙ་སོག་ལེ་སྟེ་སྡུག་བསྔལ་སོག་ལེ་ལྟར་གཅོད་ཅིང་འཇིག་པར་བྱེ་པས་ན་ཤུ་ཀྲ་སྟེ་ཁུ་བ་ནི་ཆང་ལ་བྱའོ་ངོ་༌། །དེས་སྔགས་རྣམས་ཀུན་ཏེ་སྒྲུབ་པ་པོ་རྣམས་ཚིམ་པར་འགྱུར་ཞིང་ལུས་རྟས་པར་འགྱུར་བར་བཤད་དོ། །ཆོ་ག་འདི་ནི་འདའ་བར་མི་བྱ་བའི་དམ་ཚིག་སྟེ། གཙོ་བོར་གྱུར་པས་མཆོག་ཡིན་ནོ། །སངས་རྒྱས་ཞེས་

---

^{[མ་དཔེ་གཟིགས་ན་འདིར་གནོན།]}

པ་ནི་སྔགས་པ་རྣམས་ཏེ། དེ་རྣམས་ཀྱི་བྱང་ཆུབ་ཅེས་པ་སེམས་དེ་རྫོགས་པར་བྱེད་ཅིང༌། ཚིམ་པར་བྱེད་པ་སྟེ་སྔགས་པ་ཚིམ་པར་བྱེད་པ་དེ་བཞིན་དུ་སྟེ་དེ་ཁོ་ན། དེ་བཞིན་གཤེགས་པ་རྣམས་ཡང་དག་པ་ཚིམ་པར་བྱེད་པའོ། །ཞེས་བྱ་བར་དགོངས་སོ། །མ་ད་ན་བརྟེན་པས་སྒྲུབ་པ་པོའི་བྱང་ཆུབ་ཀྱི་སེམས་རྫོགས་པར་བྱེད་པའི་བྱང་སེམས་ནི་ཀུནྟ་ལྟ་བུ་ཡིན་ཏེ། ཀྱཻ་རྡོར་ལས། དེ་ལ་ག་པུར་རྒྱུ་ཡི་ཕྱིར། །ཤ་ནི་བཟའ་བ་ཉིད་དུ་བྱ། །ཁྱད་པར་དུ་ཡང་ཆང་ཉིད་དོ། ཞེས་གསུངས་ཏེ། ག་པུར་ནི་ཤུ་ཀྲའོ། །དེ་འཕེལ་ན་ཞུ་བདེ་འཕེལ་ལ། དེས་སྟོང་ཉིད་བསྒོམས་ན་ལམ་བགྲོད་པ་མྱུར་བའི་ཕྱིར་གཙོ་བོ་འམ་མཆོག་ཅེས་གསུངས་སོ། ༈ །དེ་ལྟར་ལེགས་པར་བསླབས་པའི་ཕྱག་རྒྱ་དང་ལྷན་ཅིག་དཀྱིལ་འཁོར་བྲི་བའི་ཆོ་ག་བཤད་ནས། དེ་དང་བྲལ་བའི་ཆོ་ག་བསྟན་པར་བྱ་བའི་ཕྱིར། ཐིག་གདབ་པ་ཡི་ཞེས་བྱ་བ་ལ་སོགས་པ་གསུངས་ཏེ། དཀྱིལ་འཁོར་གྱི་ཐིག་གདབ་པ་ཡི་ཆོ་ག་འདི་ཤེས་རབ་མ་མེད་པར་བདག་ཉིད་གཅིག་པུ་གང་གི་ཚེ་སྤྱོད་པར་གྱུར་པ་དེའི་ཚེ། སྐུའི་དཀྱིལ་འཁོར་ལ་སློབ་དཔོན་བདག་ཉིད་རྣམ་པར་སྣང་མཛད་དུ་རབ་ཏུ་བསྒོམས་ནས། སློབ་མ་རྡོ་རྗེ་སེམས་དཔ འ་སྟེ་མི་བསྐྱོད་པ ར་རབ་ཏུ་བསྒོམ་མོ། །ཡང་ན་སློབ་མ་རྡོ་རྗེ་འོད་པོ་ཆེ་སྟེ་བདུད་རྩི་ཐབ་སྦྱོར་དུ་བསྒོམ་ཞིང་བརྟག་པར་བྱ་སྟེ། བཤད་མ་ཐག་པའི་ཁལས་ཐམས་ཅད་ཀྱི་གོ་འཕང་སྟེ་གནས་ཀདཀྱིལ་འཁོར་གྱི་ཐིག་གི་བྱ་བ་ལ་ནི།ག བདུད་རྩི་འཁྱིལ་པ་སངས་རྒྱས་ཐམས་ཅད་ཀྱིས་ངེས་པར་བསྟེན་

---

^{[མ་དཔེ་གཟིགས་ན་འདིར་གནོན།]}

ཅིང་བསྔགས་པའོ། །དེ་བཞིན་དུ་ཐུགས་ཀྱི་དཀྱིལ་འཁོར་དུ་བདག་ཉིད་མི་བསྐྱོད་པར་བསྒོམས་ལ། སློབ་མ་རྣམ་པར་སྣང་མཛད་དམ། བདུད་རྩི་ཐབ་སྦྱོར་དུ་རབ་ཏུ་བརྟག་པར་བྱའོ། །དེ་བཞིན་དུ་གསུང་གི་དཀྱིལ་འཁོར་ལ་རང་ཉིད་སྣང་མཐའ་དང་ཡང་གི་སྒྲས་སློབ་མ་མི་བསྐྱོད་པའམ་ཐབ་སྦྱོར་དུ་བསྒོམ་མོ། །ཅི་རིགས་པར་ནི་དེ་བཞིན་དུ་ཞེས་པ་ཐུགས་དཀྱིལ་བཞིན་བྱེད་ཀྱང་དེ་ཇི་བཞིན་དུ་མི་བྱེད་པའོ། །ཤེས་པར་བྱའོ། ༈ །སངས་རྒྱས་རྒྱལ་ཆེན་ལྔ་རྣམས་ནི། །མི་བསྐྱོད་པ་ལ་སོགས་པའོ། །རྡོ་རྗེའི་ཐིག་སྐུད་དག་ལ་དགོད། ཅེས་བྱ་བ་ནི། ལག་པར་གནས་པའི་ཐིག་སྐུད་ནག་པོ་ལ་སོགས་པ་ལྔ་ལ་སངས་རྒྱས་ལྔ་དགོད་ཅེས་པའི་དོན་སྟེ་ནམ་མཁར་བཞུགས་པའི་སྟ་གོན་གྱི་ལྷའི་ཐུགས་ཀ་ནས་བཏང་བ་རིགས་ལྔ་རང་རང་གི་མདོག་ཅན་ཡི་གེ་ཧཱུཾ་དང་ལ་སོགས་པ ས་ༀ་སྭཱ་ཨཱཿ ཧཱའི་རྣམ་པ་ཅན་གྱི་ཐིག་སྐུད་ཀྱི་འི་གཟུགས་ཀྱིས་ཞུགས་ཤིང་དགོད་པར་བསམས་ཏེ་འོ །འདིར་ཧཱུཾ་ལ་སོགས་པ་ལས་ཐིག་སྐུད་རིགས་ལྔར་བསྐྱེད་པ་ནི་ཡི་གེའི་དོན་ལ་མ་ཞུགས་སོ། །ཐིག་གདབ་པའི་ཆོ་ག་འདི་ནི་སངས་རྒྱས་ཐམས་ཅད་ཀྱི་གསང་བ་ཁྱད་པར་མཆོག་ཏུ་རྨད་དུ་བྱུང་བའོ། །རྣམ་པ་ཉི་ཤུ་རྩ་ལྔར་ནི། ཞེས་བྱ་བ་ལ་སོགས་པ་ལ། ཚོན་རེ་རེ་ཞིང་ཡང་དེ་བཞིན་གཤེགས་པ་རྣམ་པ་ལྔའི་བདག་ཉིད་ཅན་ཡིན་པའི་ཕྱིར། ཉི་ཤུ་རྩ་ལྔ་སྟེ་རྣམ་པ་ཉི་ཤུ་རྩ་ལྔའི་བྱེ་བྲག་གིས་ཕྱེ་བའི་ཚོན་རྩི འི་ཕུང་པོ་སྟེ་ཚོགས་ལྔ་རྣམ་པར་དགྱེ་བར་བྱའོ། །རྣམ་པར་ཉི་ཤུ་རྩ་ལྔར་ནི། “།་39ཚོན་རྩི་དག་ཀྱང་རྣམ་པར་བསྒོམ། ཞེས་པ་འདིས་ནི་ཚོན་རྩི་རེ་རེ་ལ་

---

^{[མ་དཔེ་གཟིགས་ན་འདིར་གནོན།]}

གཙོ་བོ་དང་ཕལ་པའི་ཚུལ་གྱིས། དེ་བཞིན་གཤེགས་པ་ལྔ་པར་བསྒོམ་པར་བྱའོ། ཞེས་བསྟན་ཏོ་ཟེར། དེས་ན་ཚོན་རེ་རེ་ཞིང་ཡང་རྣམ་པ་ལྔ་ཞེས་པས་ཚོན་རྩི་ཁ་དོག་རེ་རེ་ལ་ཚོན་གཞན་བཞི་བཞི་བསྲེ་བར་སྟོན་པ་མིན་གྱི། དཀར་པོ་ལྟ་བུ་གཅིག་ཀྱང་གཙོ་བོར་རྣམ་སྣང་གི་ངོ་བོ་ཡིན་ཀྱང༌། ཕལ་པའི་ཚུལ་གྱིས་རིགས་གཞན་བཞིའི་ཡང་ངོ་བོར་བསྒོམ་པའི་དོན་ནོ། །རྡུལ་ཚོན་ཕན་ཚུན་འདྲེས་ན་རིགས་བརྒྱུད་འཆད་པར་གསུངས་པས་དེ་རྣམས་བསྲེ་བར་མི་བྱའོ། །འདི ས་ནི་ཚོན་རྩི་རེ་རེ་ལ་ཡང་གཙོ་བོར་བྱས་ཤིང་བསྔགས་པའི་ཚུལ་གྱིས་དེ་བཞིན་གཤེགས་པ་ལྔ་པར་བསྒོམ་པར་བྱའོ་ཞེས་སྟོན་ཏོ། །འདི་ནི་སངས་རྒྱས་ཐམས་ཅད་ཀྱི་ཞེས་པ་ནི། དེ་བཞིན་གཤེགས་པ་ཐམས་ཅད་ཀྱིའོ། །གསང་བ་ནི་མཆོག་ཏུ་གྱུར་པའོ། །བྱང་ཆུབ་ནི་ཡང་དག་པར་བགྲོད་པ་དམ་པའོ། ༈ །དཀྱིལ་འཁོར་འབྲི་བའི་དུས་སུ། བགེགས་རྣམས་ཉེ་བར་ཞི་བར་བྱ་བའི་ཆོ་ག་བསྟན་པར་བྱ་བའི་ཕྱིར། སྔགས་རྣམས་ཞེས་བྱ་བ་ལ་སོགས་པ་གསུངས་ཏེ། སྔགས་རྣམས་ཐམས་ཅད་ནི་དཀྱིལ་འཁོར་པ་རྣམས་ཏེ། དེ་རྣམས་ཕྱི་རོལ་གྱི་ཉེ་བར་འཚེ་བ་རྣམས་ལས་བསྲུང་བར་བྱ་བའི་ཕྱིར། རྡོ་རྗེ་ཧཱུཾ་ནི་སྐབས་འདིར་གཤིན་རྗེ་གཤེད་དེ་དེ་བསྒོམ་པར་བྱའོ། །ཇི་ལྟར་ཞེ་ན། སྐུ་དང་ཞེས་བྱ་བ་ལ་སོགས་པ་གསུངས་ཏེ། ཕུལ་དུ་བྱུང་ཞིང་ཐུན་མོང་མ་ཡིན་པའི་སྐུ་དང་གསུང་དང་ཐུགས་ཀྱི་དམ་ཚིག་སྟེ། སྐུ་དང་གསུང་དང་ཐུགས་ཀྱི་རྣམ་པར་འཕྲུལ་བས་ས་ལ་སོགས་པ་ལས་བྱུང་བའི་གནོད་པ་འབྱུང་བ་རྣམས་ལ་

---

^{[མ་དཔེ་གཟིགས་ན་འདིར་གནོན།]}

གཤིན་རྗེ་གཤེད་ཀྱི་སྦྱོར་བ་དང་ལྡན་པ་བསྒོམ་པར་སྟོན་ཏོ། །དེ་ལ་གཡས་བརྐྱང་བ་ལ་སོགས་པས་བགེགས་ཕྱེ་མར་རློག་པ་ནི་སྐུའི་རྣམ་པར་འཕྲུལ་པའོ། །འཇིག་པའི་བསྐལ་བའི་དུས་ཀྱི་འབྲུག་སྒྲ་སྒྲོགས་པ་ལྟ་བུར། སྔགས་འདོན་པ་ནི་གསུང་གི་རྣམ་པར་འཕྲུལ་པའོ། །བགེགས་ཐམས་ཅད་སྟོང་པ་ཉིད་དུ་དམིགས་པ་ནི། ཐུགས་ཀྱི་རྣམ་པར་འཕྲུལ་པའོ། །དེ་ལ་ཤིང་དང་བོང་བ་ལ་སོགས་པས་སྐྲག་པ་སྐྱེད་པ་ནི་སའི་གནོད་པའོ། །ཆུ་རླབས་:པ་ཚབ:ཆུ་འབུར་ཟེར། གཡོ་བ་དང་ཆར་འབབ་པ་ལ་སོགས་པ་ལས་བྱུང་བ་ནི་ཆུ་ལས་བྱུང་བའི་གནོད་པའོ། །ཐོག་དང་མེས་བྱས་པ་ནི་མེའི :ཆག:འོ་ཟེར། ཐ་མལ་པའི་མེ་ལས་བྱུང་བ་ནི་མེའི་འོ། །རླུང་ལས་བྱུང་བ་ནི་རླུང་གིའོ། །རྒྱུ་འདི་ལས་བྱུང་དབང་པོ་ལས་འདས་པ སྟེ་མངོན་དུ་མ་གྱུར་པ ས་ནམ་མཁའི་ཉེ་བར་འཚེ་བ་སྟེ། གནས་ལྔ་པོ་དེ་དག་ཏུ་རྡོ་རྗེ་ཧཱུཾ་མཛད་དེ་གཤིན་རྗེ་གཤེད་བསྒོམ་པར་བྱའོ། །དེ་ལྟར་བྱས་པས་ནི་རྡོ་རྗེ་མི་ཕྱེད་གསུམ་ཞེས་པ་ནི་རྡོ་རྗེ་འཆང་ཆེན་པོའི་སྟེ། གལ་ཏེ་དེ་ལས་བྱུང་ཞིང་སྐྱེས་པ ཡིན་ན འང་འཇིགས་ཤིང་སྐྲག་སྟེ། རང་ཉིད་འཇིག་པའི་འཇིགས་པས་སྐྲག་ནས་རྡོ་རྗེ་སེམས་དཔའ་བློ་ལྡན་པ་སྟེ། ཡེ་ཤེས་དང་ལྡན་པའི་སྒྲུབ་པ་པོའི་དཀྱིལ་འཁོར་དུ་ཉེ་བར་འགྲོ་བར་མི་འགྱུར་ཏེ་བགེགས་བྱེད་པར་མི་ནུས་སོ། ༈ །རྡོ་རྗེ་བུམ་པ་བཞག་པ་ནི། ཞེས་བྱ་བ་ནི། བསང་གཏོར་བྱ་བ་ལས་ཐམས་ཅད་པའི་བུམ་པ་དང་རྣམ་པར་རྒྱལ་བ་གཙོ་བོའི་བུམ་པ་དང་ལ་སོགས་པས་

---

^{[མ་དཔེ་གཟིགས་ན་འདིར་གནོན།]}

ལྷ་གཞན་རྣམས་ཀྱི་བུམ་པ་རྣམས་འི་དགོད་པ། །ཁྱད་པར་:ཆག:ཇི་ལྟ་བུ་ཞེ་ན་ཞེས་པ་ལེགས་ཏེ། བུམ་པ་ཁྱད་པར་ཇི་ལྟ་བུ་དང་ལྡན་པ་ཞེ་ན་ཞེས་པའོ། །ཇི་ལྟ་བ་ལྟ་བ་བྱ་ཞེ་ན། སྔགས་རྒྱུད་བདག་པོས་ཤེས་བྱ་སྟེ། ཞེས་བྱ་བ་སྟེ། སྔགས་ཀྱི་རྣམ་གཞག་རྣམས་བརྗོད་བྱར་བསྡུས་པའི་རྒྱུད་ནི་སྔགས་རྒྱུད་དོ། །རྒྱུད་དེར་ལྷག་པར་བསླབས་ཤིང་རྒྱུད་དེ་ནས་ཇི་སྐད་དུ་གསུངས་པའི་དཀྱིལ་འཁོར་གྱི་ཆོ་གས་རྒྱུད་གཞན་ཆོ་ག་དེ་མ་ཚང་བ་རྣམས་ལྷག་པར་སྐྱོང་པ་སྟེ་ཁ་བསྐོང་བ ར་བྱེད་པས་ན་སྔགས་རྒྱུད་བདག་པོ་སྟེ། དེ་ཁོ་ན་ཉིད་བསྡུས་པ་ལ་སོགས་པ་དཀྱིལ་འཁོར་གྱི་ཆོ་ག་རྒྱས་པར་བཤད་པ་རྣམས་ལ་མངོན་པར་བརྩོན་པའོ། །དེས་ན་སྔགས་རྒྱུད་ནི་དེ་ཉིད་བསྡུས་པ་སོགས་ཡིན་ལ། དེའི་བདག་པོ་ནི་དེ་དག་ལ་མཁས་པའོ། །མངོན་པར་བརྩོན་པ་དེས་ཤེས་པར་བྱ་བ་ནི་བུམ་པ་འགོད་པའི་གནས་དང་བུམ་པ་ལ་འཇུག་པའི་བུམ་སྨན་དང་ས་བོན་ཏེ་འབྲུ་རྣམས་དང་རིན་པོ་ཆེ་རྣམས་དང་བུམ་པ་ལ་བྲི་བའི་མཚན་མ་དང་ལ་སོགས་པ ས་མགུལ་ཆིངས་དང༌། གདན་དང་ཁ་རྒྱན་སོགས་དགོད་པས་བརྟགས་ཤིང་སྤྲས་པར་བྱས་པའི་བུམ་པ་ཆས་སུ་བཅུག་པ། །དེ་རྣམས་དེ་ཉིད་བསྡུས་པ་ནས་ཚང་བར་མ་བྱུང་ཡང༌། ལ་སོགས་པ་ཞེས་གསུངས་པས་སོགས་ཀྱིས་བསྡུས་པའི་སྔགས་རྒྱུད་དང་བཅས་པ་ལས་བྱུང་ན་དེས་ཆོག་གོ །རྡོ་རྗེ་སེམས་དཔའི་ཏིང་འཛིན་གནས་ཞེས་པ་ནི་དཀྱིལ་འཁོར་གྱི་སློབ་དཔོན་ནོ། །བརྟན་པའི་བློས་ནི་ཞེས་པ་ནི་དྲན་པ་མི་གཡེང་བས་སོ། །བརྟག་པར་བྱ་ཞེས་པ་ནི་རང་རང་གི་གནས་ཇི་ལྟ་བ་བཞིན་དུ་གཞག་

---

^{[མ་དཔེ་གཟིགས་ན་འདིར་གནོན།]}

པར་བྱ་བ་སྟེ། སྒྲ་ཇི་བཞིན་པའོ། ༈ །དེ་ལྟར་དཀྱིལ་འཁོར་བྲི་བ་དང་སྒྲུབ་པ་དང་མཆོད་པ་དང་བུམ་པ་དགོད་པ་སོགས་ཡོངས་སུ་རྫོགས་པར་བྱས་ནས། དེའི་འོག་ཏུ་སྦྱིན་སྲེག་བྱའོ་ཞེས་བསྟན་པར་བྱ་བའི་ཕྱིར། དངོས་གྲུབ་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ཀུན་གྱི་འབྲས་འདོད་པའི། ཞེས་བྱ་བ་ནི། འཇིག་རྟེན་པ་དང་འཇིག་རྟེན་ལས་འདས་པའི་དངོས་གྲུབ་འདོད་པའོ། །སྔགས་ཤེས་པས་ནི་ཞེས་པ་ནི་སྔགས་པའོ། །དངོས་གྲུབ་གཉིས་གང་འདོད་ཀྱང་སྦྱིན་སྲེག་བྱ་ཞེས་པ་ནི་ལྷས་བྱིན་གྱིས་མ་བརླབས་པར་དངོས་གྲུབ་མི་འགྲུབ་ལ། དེ་ཡང་ལྷ་དབང་དུ་མ་བྱས་པར་མི་འབྱུང་ཞིང་ལྷ་དབང་དུ་བྱེད་པ་ཡང་ཐོག་མར་སྦྱིན་སྲེག་གིས་བྱེད་དགོས་པ་ལ་དགོངས་སོ། །སྦྱིན་སྲེག་གི་མཆོད་སྦྱིན་དབུལ་བ་སྟེ། གཉིས་ཀའི་རྒྱུད་ལས་འབྱུང་བ འི་ཆོ་གས་བྱའོ། །་ཞེས་བྱ་བ་ནི་དངོས་སུ་མ་ཟིན་པར་ཁོངས་ན་གནས་པའི་ལྷག་མ་བཏོན་པ། །གཉིས་ཀའི་རྒྱུད་ནི་ཁ་ཅིག་རྣམ་སྣང་མངོན་བྱང་གི་རྒྱུད་ཕྱི་མ་ནས་སྦྱིན་སྲེག་རྒྱས་པར་གསུངས་པས་དེའོ་ཞེས་ཟེར་རོ། །སྤྱིར་སྤྱོད་རྒྱུད་ལ་གཉིས་ཀའི་རྒྱུད་དུ་བཤད་པ་ཡོད་ཀྱང༌། འདིར་ནི་སྤྱོད་རྒྱུད་ལ་མི་བྱ་སྟེ། ཡེ་ཤེས་རྡོ་རྗེ་ཀུན་ལས་བཏུས་ལས་གཉིས་ཀའི་རྒྱུད་རྣལ་འབྱོར་རྒྱུད་ལ་གསུངས་ལ། རྣམ་གཞག་གི་རིམ་པར་ཡང་དེ་ཁོ་ན་ཉིད་བསྡུས་པ་ལ་སོགས་པ་གཉིས་ཀའི་རྒྱུད་ལས་ནི། ཞེས་གསུངས་ཤིང། ལེའུ་བདུན་པའི་འགྲེལ་པར་ཡང༌། སྔགས་ཀྱི་སྤྱོད་པ་ནི་བྱ་བ་དང་སྤྱོད་པ་དང་གཉིས་ཀའི་རྒྱུད་ལས་བཤད་པའི་སྤྱོད་པའོ། །དེ་དག་གི་མཆོག་ནི་རྣལ་འབྱོར་གྱི་སྤྱོད་པ་སྟེ། ཞེས་སྤྱོད་རྒྱུད་གཉིས་ཀའི་རྒྱུད་ལས་ལོགས་སུ་གསུངས་པས། རྣལ་འབྱོར་གྱི་རྒྱུད་ནས་གསུངས་པའི་ཆོ་གས་བྱེད་པ་ཡིན་ནོ། །

---

^{[མ་དཔེ་གཟིགས་ན་འདིར་གནོན།]}

བཤང་གཅི་ཞེས་བྱ་བ་ལ་སོགས་པས་ནི་ནང་གི་སྦྱིན་སྲེག་གསུངས་པ་ཡིན་ཏེ། དེ་ལ་བཤང་བ་ནི་:པ་ཚབ:རྩམ་པ་ཟེར། ཟས་སོ། །གཅི་བ་ནི་ཚོད་མའོ། །འབྲུ་མར་ནི་ཆང་ངོ༌། །ཤ་ནི་བཟའ་བ་སྟེ། དེ་ལ་སོགས་པའི་བཟའ་བ་དང་བཏུང་བ ཚོགས་ཀྱི་ཡོ་བྱད་དུ་བྱིན་གྱིས་བརླབས་པ ས་ཟོས་པ་དང་འཐུངས་པ་ས་ལུས་ཀྱི་དཀྱིལ་འཁོར་ལ་གནས་པའི་ལྷ་རྣམས་ལ། སྦྱིན་སྲེག་ཏུ་དབུལ་ཞིང་བསྟབ་པར་བྱའོ། །རྡོ་རྗེ་མི་ཕྱེད་ཅེས་བྱ་བ་ལ་སོགས་པ་ལ། རྡོ་རྗེ་གམི་ཕྱེད་པའི་ཀགསུམ་ཁགྱི་ངའཁོར་ལོ་ཅན་ཏེ། ཚོགས་ཀྱི་དཀྱིལ་འཁོར་དུ་འདུས་པའི་རྣལ་འབྱོར་པ་རྣམས་ཀྱིས་ཟོས་པ་དང་འཐུངས་པའི་ལྷག་མ་རྣམས་གཅིག་ཏུ་བྱས་པ་སྟེ་བསྲེས་པས། ཞི་རྒྱས་ལ་སོགས་པའི་ལས་ཀྱི་དབྱེ་བས་:པ་ཚབ:ཐབ་ཁུང་དང་བུད་ཤིང་དང་མེ་ཅི་རིགས་པ་ལ་དགང་བླུགས་རྡོ་རྗེའི་སྦྱིན་སྲེག་དབུལ་ལོ་ཟེར། འདི་ནི་དང་པོར་ཚོགས་འཁོར་གྱི་ཆོ་གས་ཚོགས་འཁོར་བྱས་ནས། དེའི་འོག་ཏུ་ཐབ་ཁུང་གི་ལྷ་ལ་ཁ་ཟས་ཀྱི་ལྷག་མས་སྦྱིན་སྲེག་བྱེད་པར་དེ་ལྟར་ཚོགས་ཀྱི་ཞེས་སོགས་ཀྱིས་ཤེས་ལ། དེ་ལ་ཡང་དཀྱིལ་འཁོར་དང་འབྲེལ་མ་འབྲེལ་གཉིས་ཀ་ཡོད་དོ། །འགྱུར་རྙིང་གི་རྒྱུད་ལས། རྡོ་རྗེ་གསང་བ་ཞེས་ཟེར་ལ། འགྲེལ་བའི་དཔེ་ཁ་ཅིག་ལས་གང་བ་དང་ཁ་ཅིག་ལས་གསང་བ་འབྱུང་ཡང་གང་བ་ལ་བྱ་སྟེ། དགང་བླུགས་རྡོ་རྗེའི་སྦྱིན་སྲེག་དབུལ :པ་ཚབ:།ཞེས་པ་དང་མཐུན་ནོ། །ཅི་སྙེད་པའི་ཐབ་ཁུང་དང༌། བུད་ཤིང་གི་མེ་ལ་རྡོ་རྗེ་གང་བའི་སྦྱིན་སྲེག་དབུལ་ལོ། །སྦྱིན་སྲེག་བྱེད་ལུགས་ཇི་ལྟ་བུར་བྱ་ཞེ་ན། དབུས་སུ་སྟེ་ཐབ་ཀྱི་དབུས་སུ་རང་གི་ལྷའི་གཟུགས་ཞེས་བྱ་བ། ཞི་བ་ལ་སོགས་པའི་ཁ་དོག་དང་དབྱིབས་

---

^{[མ་དཔེ་གཟིགས་ན་འདིར་གནོན།]}

ཀྱི་རྣམ་པས་ཕྱེ་བའི་རང་རང་གི་ལྷའི་གཟུགས་བསམས་ལ། ཞལ་ཏེ་དེའི་ཁའི་སྒོར་དགང་བླུགས་དང་བསྲེག་བླུགས་དབུལ་བར་བྱའོ། ༈ །དེ་ལྟར་ཚོགས་ཀྱི་དཀྱིལ་འཁོར་ལ་གནས་པའི་སྦྱིན་སྲེག་རྫོགས་པ་སྟེ་བཤད་ཟིན་ནས། ཡང་དབང་པོ་གཉིས་ཀྱི་རབ་ཏུ་སྦྱོར་བའི་ལྷའི་ཏི་ངེ་འཛིན་ལ་གནས་པས་ཀྱང་ཁ་ཟས་ཀྱི་ལྷག་མ་ལས་ཞི་སོགས་ཀྱི ལས་དབྱེ་བས་སྦྱིན་སྲེག་བརྒྱ་རྩ་བརྒྱད་དབུལ་བར་བྱ་ཞིང་སྦྱིན་བསྲེག་བྱའོ། །འདི་དང་སྔ་མ་གཉིས་ཚོགས་འཁོར་སྔོན་དུ་བྱེད་པ་དང༌། དེའི་བཟའ་བཏུང་གི་ལྷག་མས་སྦྱིན་སྲེག་དབུལ་བར་འདྲ་ཡང༌། སྔ་མའི་དུས་སུ་སྦྱིན་སྲེག་བྱེད་པ་པོ་ལ་དབང་པོ་གཉིས་སྦྱོར་གྱི་ནང་གི་སྦྱིན་སྲེག་མེད་ལ། འདི་ལ་ནི་དེ་ཡོད་པས་ཕྱི་ནང་གི་སྦྱིན་སྲེག་གཉིས་སྤེལ་ནས་བྱེད་པ་ཡིན་གྱི། སྙོམས་འཇུག་བྱེད་པ་ཐབ་ཀྱི་ལྷ་ལ་སྦྱོར་བ་ལུགས་གཞན་ནས་འཆད་པ་ལྟར་མི་བྱའོ། །དེས་ན་ཡང་ཞེས་པ་དང༌། འགྱུར་གསར་གཉིས་ལས་སྙོམས་འཇུག་ལ་གནས་པས་ཀྱང་ཞེས་པའི་ཡང་དང་ཀྱང་གི་སྒྲས་ནི་སྙོམས་འཇུག་མེད་པའི་སྦྱིན་སྲེག་ཏུ་མ་ཟད། དེ་ཡོད་པའི་སྦྱིན་སྲེག་ཀྱང་བྱ་ཞེས་པའོ། །སྙོམས་འཇུག་བྱེད་པ་ནང་གི་སྦྱིན་སྲེག་ཏུ་ནི་རྒྱུད་མང་པོ་ལས་གསུངས་སོ། །ཕྱི་ནང་གཉིས་ཀའི་སྦྱིན་སྲེག་རྒྱུན་གཅིག་ལ་བྱེད་པ་འདི་ནི་སངས་རྒྱས་ཏེ་སྒྲུབ་པ་པོ་ཐམས་ཅད་ཀྱི་དམ་ཚིག་ཤིན་ཏུ་འདའ་དཀའ་བ་སྟེ་འདར་མི་རུང་བར་གསུངས་པས། གཞན་ལ་མ་གྲགས་པའི་སྦྱིན་སྲེག་གི་བྱེད་ཚུལ་འདི་ཤེས་པར་བྱའོ། །འདི་ནི་ཞེས་བྱ་བ་ལ་སོགས་པ་ནི་གོ་སླ་སྟེ། སྒྲ་ཇི་བཞིན་པ་མ་ཡིན་པར་བཤད་པའོ། ༈ །རྣམ་པར་སྣང་མཛད་ཅེས་བྱ་བ་ལ་སོགས་པས་ནི། དབབ་པ་སྔོན་དུ་འགྲོ་འོ་ན་ཡི་གེ་ལྔས་དཀྱིལ་འཁོར་དུ་བཅུག་ཟིན་

---

^{[མ་དཔེ་གཟིགས་ན་འདིར་གནོན།]}

པའི་འོག་ཏུ་ཡེ་ཤེས་འབེབས་པ་མ་ཡིན་ནམ་སྙམ་ན། ཡི་གེ་ལྔས་དཀྱིལ་འཁོར་དུ་འཇུག་པ་ལ་སྐབས་གཉིས་ལས། ཡེ་ཤེས་ཕབ་པའི་འོག་ཏུ་འཇུག་པ་ནི་མེ་ཏོག་འདོར་བའི་དུས་ཡིན་ཏེ། ཀླུ་བྱང་གི་དཀྱིལ་ཆོག་ལས། མེ་ཏོག་འདོར་བའི་སྔགས་ལ། ༀ་ཨཱཿཁཾ་བཱི་ར་ཧཱུཾ་ཞེས་གསུངས་པ་བཞིན་ནོ། །བས་སློབ་མ་གཞུག་པའི་ཆོ་ག་སྟོན་ཏེ། རྣམ་པ་སྣ་ཚོགས་པའི་ཚུལ་གྱིས་འབར་བར་གྱུར་པས་ན། རྣམ་པར་སྣང་མཛད་དེ་རྡོ་རྗེ་འཆང་ཆེན་པོའོ། །དེའི་སྦྱོར་བ་ནི་རྡོ་རྗེ་འཆང་དེ་ཡོངས་སུ་གྱུར་པ་ལས་ཞེ་སྡང་རྡོ་རྗེར་བྱ་བ་སྟེ་བྱེད་པ། །སྔ་མ་འགའ་ཞིག་རྡོ་རྗེ་འཆང་ཞེ་སྡང་རྡོ་རྗེར་བསྐྱེད་པ་ནི་སློབ་དཔོན་གྱི་སྐྱེད་ཆོག་ཏུ་བྱེད་དེ། ཞེ་སྡང་རྡོ་རྗེར་བྱ་བའོ། །དེས་ཞེས་གསུངས་པས་ཞེ་སྡང་རྡོ་རྗེར་བྱས་པ་དེས་སློབ་མ་ཡི་གེ་གསུམ་ལས་བྱུང་བར་བྱས་པར་བཤད་པའི་ཕྱིར་རོ། །སྙམ་པའོ། །དེ་ནི་མི་རིགས་ཏེ་རྡོ་རྗེ་འཆང་ཞེ་སྡང་རྡོ་རྗེར་བསྒྱུར་བའི་རྡོ་རྗེ་འཆང་གི་བསྐྱེད་ཆོག་དེས་སློབ་མ་འབྲུ་གསུམ་ལས་བྱུང་བའི་ལྷར་བྱ། ཞེས་པའི་དོན་ཡིན་པའི་ཕྱིར་དང༌། ཀླུ་བྱང་གི་དཀྱིལ་ཆོག་ལས། ལེའུ་བཅོ་ལྔ་པའི་འགྲེལ་པར་བཤད་པ་བཞིན་གྱི་ཡེ་ཤེས་འབེབས་པ་བྱས་ཀྱང་མ་ཕེབས་པའི་སྤོགས་ཆོག་ལ། དེ་ལྟ་ནའང་གལ་ཏེ་མ་ཕེབས་ན། གསང་སྔགས་བརྟན་པོ་འདི་བརྗོད་ཅིང༌། དེ་ནས་ཡི་གེ་ཨཱཿ ཟེར་གྱིས། ཡེ་ཤེས་ཆེན་པོ་བསྐུལ་པར་བྱ། ཞེས་འདིར་བཤད་པའི་ཨཱཿ དམར་པོ་འོད་ཟེར་དང་བཅས་པ་ཡན་ལག་ཐམས་ཅད་ལ་བསམ་པར་བཤད་པ་སྤོགས་ཆོག་ཏུ་གསུངས་པའི་ཕྱིར་དང༌། སློབ་མ་རྡོ་རྗེ་འཆང་དུ་བསྐྱེད་པ་སོགས་སྤོབས་ཆོག་ཡིན་པའི་ཕྱིར་རོ། །དེ་ལྟར་དུ་བོད་ཀྱི་མཁས་པ་དག་བཞེད་པ་ཤིན་ཏུ་ལེགས་པར་སྣང་ངོ༌། །ཚུལ་དེས་ཞེ་སྡང་རྡོ་རྗེར་བྱ་རྒྱུ་དེ་གང་ཡིན་སྙམ་ན། རྡོ་རྗེ་གསུམ་ལས་བྱུང་བ་དེར་སློབ་མ་བྱ། ཞེས་པ་ནི་དང་པོར་སློབ་མ་ཡི་གེ་གསུམ་ལས་བྱུང་བའི་རྡོ་རྗེ་འཆང་དུ་བྱ། དེ་ནས་ཞེ་སྡང་རྡོ་རྗེར་བསྒྱུར་བར་སྟོན་ཏེ། ཡི་གེ་

---

^{[མ་དཔེ་གཟིགས་ན་འདིར་གནོན།]}

གསུམ་གྱིས་ནི་མངོན་བྱང་ལྷག་མ་ཡང་མཚོན་པས། མངོན་བྱང་ལྔ་ལས་རྡོ་རྗེ་འཆང་དུ་བསྐྱེད་དོ། །རྡོ་རྗེ་གསུམ་སྟེ་ༀ་ལ་སོགས་པ་གསུམ་མོ། །དེ་ལས་བྱུང་བ་གང་ཡིན་པ་དེ་ནི་རྡོ་རྗེ་གསུམ་ལས་བྱུང་བ་སྟེ། དེར་སློབ་མ་བྱས་ལ་ཡི་གེ་ཨཱཿ ཁ་དོག་དམར་པོ་འོད་ཟེར་དང་བཅས་པ། ལུས་དང་ངག་དང་སེམས་ཞེས་པ་ཡན་ལག་ཐམས་ཅད་ལ་བསམས་ནས། དབབ་པའི་ཆོ་ག་བཞིན་དུ་བྱས་ན་ཞེས་པ་ནི། ཨཱཿ བཀོད་པའི་འོད་ཟེར་གྱི་ཞེ་སྡང་རྡོ་རྗེའི་གནས་གསུམ་དུ་བཀོད་པའི་རྡོ་རྗེ་གསུམ་གྱིས་ཡེ་ཤེས་ཆེན་པོ་བསྐུལ་བས། རྡོ་རྗེ་གསུམ་སྙོམས་པར་ཞུགས་པའི་ཐབས་ཀྱིས་ཡེ་ཤེས་ཀྱི་ལུས་གང༌། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཨཱཿ དམར་པོ་འོད་ཟེར་ཆར་ལྟར་འབབས་པར་བསམས་ལ། ཨ་བེ་ཤ་ཡ་ཞེས་སོགས་དྲག་ཏུ་བརྗོད་པའོ། །རྡོ་རྗེས་ཏེ། དབབ་པའི་རྡོ་རྗེས་གཟུང་བར་བྱ་ཞིང་སྟེ་བྱིན་གྱིས་རློབ་པའི་སྒོ་ནས་བདག་གིར་བྱེད་པར་འགྱུར་རོ། །བདག་གིར་བྱེད་པ་དེ་གང་སྙམ་ན་རྒྱལ་ཆེན་ཞེས་བྱ་བ་ལ་སོགས་པ་གསུངས་ཏེ། རྒྱལ་ཆེན་ནི་འོད་དཔག་ཏུ་མེད་པའོ། །རྡོ་རྗེ་སེམས་དཔའ་ནི་མི་བསྐྱོད་པའོ། །གྲགས་ཆེན་རྣམ་པར་སྣང་མཛད་ནི་རྣམ་པར་སྣང་མཛད་དོ། །སྐུ་གསུང་ཐུགས་ཀྱི་དམ་ཚིག་ཏུ་ནི་ལུས་ལ་སོགས་པའི་ཡུལ་ཏེ་གནས་གསུམ་ལའོ། །བྱིན་གྱིས་བརླབས་པ་རབ་ཏུ་གསོལ་བ་ནི། གསུམ་པོ་དེར་འཇུག་པར་མཛད་པའོ། ༈ །འོག་གི་ཡི་གེ་ལྔ་པོ་འདི་ནི་ཡེ་ཤེས་འབེབས་པ་དེའི་ཡན་ལག་སྟེ་སྔོན་དུ་ཏུ་འགྲོ་བའི་རྒྱུར་གྱུར་པ་སྟེ། :ཆག:སྔར་དབབ་པ་སྔོན་དུ་འགྲོ་བས་སློབ་མ་གཞུག་པའི་ཆོ་ག་སྟོན་ཏེ། ཞེས་ཀྱང་གསུངས་པས་འབྲུ་ལྔ་པོ་འདིས་ཀྱང༌། ཡོལ་བའི་ནང་འཇུག་

---

^{[མ་དཔེ་གཟིགས་ན་འདིར་གནོན།]}

གི་སྐབས་སུ་དཀྱིལ་འཁོར་ཆེན་པོ འི་ནང་དུ་ར་འཇུག་པར་བྱ་བའི་ཕྱིར་རྡོ་རྗེའི་ཚིག་ཡིན་ནོ། །དེ་གང་ཞེ་ན་ཨཱཿ ཁཾ་བཱི་ར་ཧཱུཾ་ཞེས་བྱ་བ་སྟེ། ཡི་གེ་ལྔ་པོ་འདི་ནི་དམ་ཚིགས་ཐམས་ཅད་ཀྱི་སྙིང་པོ་ཡིན་ཏེ། ཨཱཿ་ནི་སྣང་མཐའ་དང༌། ཁཾ་ནི་དོན་གྲུབ་ཀྱི་ས་བོན་དང༌། བི་ནི་རྣམ་པ་སྟེ་དེ་དང་ར་གཉིས་ནི་རྣམ་སྣང་དང་རིན་འབྱུང་གི་མིང་ཡིག་དང་པོ་དང༌། ཧཱུཾ་ནི་མི་བསྐྱོད་པའི་ས་བོན་ནོ། །སྟེ། དེ་བཞིན་གཤེགས་པ་རིགས་ལྔ་པོ་ཐམས་ཅད་ཀྱིའོ། །དེ་བཞིན་གཤེགས་པ་དེ་རྣམས་ཀྱི་ལུས་ཏེ་སྐུ་དང་ངག་སྟེ་གསུང་དང་སེམས་ཏེ་ཐུགས་ཀྱི་བདག་ཉིད་ཅན་གྱི་སྙིང་པོ་ཡིན་པས་ན། ལུས་ངག་སེམས་ཀྱི་སྙིང་པོ་སྟེ།རིན་འབྱུང་དང་དོན་གྲུབ་གཉིས་སྐུ་དང་གསུང་གཉིས་སུ་བསྡུས་པའོ། །དེ་སྟོན་པ་སྟེ་མཚོན་པ ར་བྱེད་པའི་སྔགས་ཀྱི་རྡོ་རྗེ་ནི་འདི་ཡིན་ནོ། ༈ །དེ་ལ་ཞེས་བྱ་བ་ལ་སོགས་པ་ལ། དེ་ལ་ནི་དཀྱིལ་འཁོར་གྱི་ཆོ་ག་ལའོ། །རྡོ་རྗེ་ཆེན་པོ་ནི་དབང་བསྐུར་བའི་དོན་གྱི་སློབ་མའོ། །དེའི་དབང་བསྐུར་བ་ནི་རྡོ་རྗེ་ཆེན་པོའི་དབང་བསྐུར་བ འི་གསང་བ་ནི་བུམ་པའི་དབང་ལ་སོགས་པ། །དེ་ཉིད་སྦ་བར་བྱ་བ་ཡིན་པས་ན་ཡེ་ཤེས་གསང་བའོ། །སངས་རྒྱས་ཀུན་གྱིས་ཞེས་པ་ནི་རྣམ་པར་སྣང་མཛད་ལ་སོགས་པ་སྟེ། དེས་ནམ་མཁའི་ཁམས་ཞེས་པ་ནམ་མཁའི་གཏོས་ཡོངས་སུ་གང་བར་བསམ་ཞིང་བསྒོམ་པར་བྱའོ། །རྡོ་རྗེའི་རིགས་ནི་ཞེས་བྱ་བ་ལ་སོགས་པ་ལ། རྡོ་རྗེའི་རིགས་ནི་སློབ་དཔོན་ཏེ། དེས་སིལ་སྙན་དེ་སྒྲ་ལ་སོགས་པ་འདོད་པའི་

---

^{[མ་དཔེ་གཟིགས་ན་འདིར་གནོན།]}

ཡོན་ཏན་ལྔས། ནམ་མཁའ་དེ་ལ་གནས་པ་ལ་མཆོད་ཅིང་བསྒོམས་ལ། བདག་ཉིད་ཀྱིས་བྲིས་པའི་རྡུལ་ཚོན་གྱི་དཀྱིལ་འཁོར་གྱི་ལྷ་དམ་ཚིག་པ་རྣམས་གསལ་བར་བསྒོམ་པར་བྱ་ཞིང༌། གཙོ་བོ་ནས་གནོད་མཛེས་ཀྱི་བར་གྱི་རིམ་པ་ཇི་ལྟ་བ་བཞིན་དུ་དམ་ཚིག་པ་ལ་ཡེ་ཤེས་པ་རྣམས་བསྟིམ་པར་བྱའོ། །འདི་དཀྱིལ་འཁོར་སྒྲུབ་པའི་སྐབས་དང་འབྲེལ་ལ། དེ་ཡང་སློབ་མ་ལ་དབང་བསྐུར་བའི་དོན་དུ་ཡིན་པས། དབང་བསྐུར་བའི་གསང་བར་གསུངས་སོ། ༈ །འདི་སྐད་ཀྱང་གསུངས་སོ། །རྡོ་རྗེ་སྐུ་གསུམ་ཞེས་བྱ་བ་ལ་སོགས་པ་ལ། རྡོ་རྗེ་སྐུ་གསུམ་སྔགས་ཀྱི་ནི། ཞེས་པ་ནི། བདག་ཉིད་གཙོ་བོར་བྱས་པ་དང་རང་གི་ཕྱག་རྒྱ འི་ལུས་དང་ངག་དང་ཡིད་གཅིག་ཏུ་སྟེ་སྙོམས་པར་འཇུག་པའི་བྱ་བ་ལ་མཚུངས་པར་བྱས་ཏེ་སྙོམས་པར་ཞུགས་པ་ལས་བྱུང་བའི་་་ཡུངས་ཀར་ཏེ། བྱང་ཆུབ་ཀྱི་སེམས་ཀྱི་ཐིག་ལེ་འོད་ཟེར་གྱི་རྣམ་པ་ཅན་རྣམས་ཀྱིས་བརྟུལ་ཞུགས་ཅན་ཏེ་སློབ་དཔོན་གྱིས་དེ་བཞིན་གཤེགས་པ་རྣམས་ཀབསྒོམས་བསྒོམས་ཞེས་པ་འགྱུར་གསར་གཉིས་ལ་མེད་དོ། ཁལ། སློབ་མ་ལ་དབང་བསྐུར་བར་བྱ་བའི་ཕྱིར་བརྡེག་པར་བྱ་ཞིང་སྟེ་བསྐུལ་བར་བྱའོ། །ཞེས་སྦྱར་རོ། །འདིས་ནང་དབང་བསྐུར་བ་བསྟན་ཟེར་ཡང༌། ལྷ་སྤྱན་འདྲེན་པར་སྣང་གི །ནང་དབང་བསྐུར་བ་འདིས་སྟོན་པ་མི་འགྲིག་གོ །ནང་དབང་ནི་ལེའུ་བཅུ་བདུན་པ་ལས་སྟོན་པར་འགྱུར་རོ། །དེ་ཡི་ཚེ་སྟེ། དུས་དེའི་ཚེ་དེ་བཞིན་གཤེགས་པ་དེ་བཞིན་གཤེགས་:པ་ཚབ་ཆག:པ་བསྐུལ་བར་གྱུར་བ་རྣམས་ཟེར། རྣམས་བསྐུལ་ན། བདག་ཉིད་ཉེ་བར་བྱོན་ནས་སློབ་མ་དེ་ལ་དབང་བསྐུར་ཞིང་བྱིན་གྱིས་རློབ་པ་སྩོལ་

---

^{[མ་དཔེ་གཟིགས་ན་འདིར་གནོན།]}

བར་འགྱུར་རོ། །ཁརྡོ་རྗེ་སེམས་དཔའ་སྟེ་མི་བསྐྱོད་པའི་ང་རྒྱལ་གྱི་ཏིང་ངེ་འཛིན་གྱིས།:པ་ཚབ:ཡང་ན་རྡོ་རྗེ་སེམས་དཔའི་ཏིང་ངེ་འཛིན་གྱིས་སངས་རྒྱས་ཏེ་རྣམ་པར་སྣང་མཛད་ལ་སོགས་པ་བསྒོམས་ཏེ་བསམ་པར་བྱའོ་ཟེར། ཀཡང་ན་གསངས་རྒྱས་ཏེ་རྣམ་པར་སྣང་མཛད་ལ་སོགས་པའི་དབང་གི་ལྷ་རྣམས་སྤྱན་དྲངས་པར་བསྒོམ་པར་བྱའོ། །འདིས་སྔ་མ་ནི་གཙོ་བོའི་ང་རྒྱལ་གྱིས་དབང་ལྷ་སྤྱན་འདྲེན་པར་བསྟན་ཏེ་དེ་གཉིས་གདམ་ང་ཅན་ནི་ཆུ་དབང་ལས་ཏེ། མི་བསྐྱོད་པ་ལས་གཞན་པའི་ལྷས་གཙོ་བོ་མཛད་པ་རྣམས་ལ་དགོངས་སོ། ། :པ་ཚབ:དེ་ལྟར་བསྒོམས་ནས་བུམ་པ་དེ་རྣམས་སྤྱན་ལ་སོགས་པས་བཟུང་ཟེར། དེ་ལྟར་བསྒོམས་ནས་དེ་བུམ་པའི་ནང་དུ་ཚུད་པ་ནི། ཞེས་པ་ནི་སྔར་ནང་དུ་རྣམ་སྣང་སོགས་བསྐྱེད་པའི་བུམ་པ་རྣམས་དམ་ཚིག་མཆོག་རྣམས་ཀྱིས་ཏེ་སྤྱན་ལ་སོགས་པས་བཟུང་བར་མཁས་པ་སྟེ་སློབ་དཔོན་གྱིས་བསྒོམ་པར་བྱའོ། ༈ །དེས་དེ་ལྟར་བསྒོམས་པ་དེ་ནས་ཅི་ཞིག་བྱ་ཞེ་ན། ཅིར་འགྱུར་ཞེས་ན།:ཆག:དེ་ནས་ཅི་ཞེ་ན་ཟེར་༢སློབ་མ་བློ་བརྟན་ཏེ་མ་ཡེངས་བར་སེམས་རྩེ་གཅིག་ཏུ་གྱུར་པ ས།་རྡོ་རྗེ་རྣམ་པར་སྣང་མཛད་དུ་གྱུར་པར་བསམ་མོ། །རྡོ་རྗེ་རྣམ་སྣང་དུ་བསྐྱེད་པ་དེའི་འོག་ཏུ་ལུས་དང་ངག་སེམས་རྡོ་རྗེ་ཅན། ཞེས་པ་ནི། སློབ་མའི་ལུས་ཀྱི་དཀྱིལ་འཁོར་ལ་སྔགས་ཤེས་པས་ཞེས་པ། ལུས་དཀྱིལ་གྱི་ལྷ་བསྐྱེད་པའི་ས་བོན་ཤེས་པས་སྒྲུབ་ཐབས་ཇི་ལྟ་བ་བཞིན་དུ་དགོད་པར་བྱའོ། །མཁས་པ་ཁ་ཅིག་གཞུང་དེ་དག་གིས་ཟུང་འཇུག་གསལ་བ་ནས་བཤད་པ་ལྟར་རྣམ་སྣང་གི་ཆུ་དབང་བསྐུར་བ་བསྟན་ཞེས་གསུངས་སོ། །ཀླུ་བྱང་གི་

---

^{[མ་དཔེ་གཟིགས་ན་འདིར་གནོན།]}

དཀྱིལ་ཆོག་ལས་ཆུ་དབང་བསྐུར་བ་ལ་སློབ་མ་ལྷ་གང་དུ་བསྐྱེད་པ་མི་གསལ་ལོ། །ཡན་ལག་མེད་པའི་རྡོ་རྗེས་ཀྱང་རྣམ་སྣང་གི་ཆུ་དབང་བཤད་པས། སྤྱིར་རྣམ་སྣང་གི་ཆུ་དབང་མི་འཐད་པ་མིན་ཀྱང༌། བཤད་རྒྱུད་རྡོ་རྗེ་འཕྲེང་བ་ལས་མི་བསྐྱོད་བའི་ཆུ་དབང་གསུངས་པ་ལྟར། ནཱ་རོ་པ་དང་ནག་པོ་དམ་ཚིག་རྡོ་རྗེས་ཀྱང་དེ་ལྟར་བཤད་པ་ལྟར་བྱའོ། །སློབ་དཔོན་ལ་ལྟོས་པར་བྱ་བའི་ཕྱིར་དུ། རྒྱུད་ལས་སྐབས་འདི་དག་ཏུ་ཡང་དཀྱིལ་འཁོར་སྒྲུབ་པ་དང༌། བྱང་ཆུབ་རྡོ་རྗེས་གསོལ་བ་བཏབ་པའི་འོག་ཏུ་ལྷ་ངོ་སྟོན་པ་སོགས་གོ་རིམ་འཁྲུགས་པ་མང་བས། འདིར་རྣམ་སྣང་དུ་བསྒོམས་ནས་ལུས་དཀྱིལ་སྒོམ་པ་ནི་མེ་ཏོག་འདོར་བའི་སྔ་རོལ་དུ་ལུས་དཀྱིལ་སྒོམ་པ་དང་སྦྱར་རྒྱུ་ཡིན་ནོ། ༈ །དེ་ལྟར་དགོད་པ་བྱས་ནས་འོག་ནས་བཤད་པ་སངས་རྒྱས་རྣམས་ནི་ཐམས་ཅད་ཀྱི་ཞེས་པ་ལ་སོགས་པ་འདིས་སྐུ་ལ་སོགས་པའི་དཀྱིལ་འཁོར་ཐམས་ཅད་དུ་དབང་བསྐུར་བ་ནི་དབང་བསྐུར་བ་ཐམས་ཅདདེ། དེར་གསང་བ་ནི་སྦ་བར་བྱ་བའོ། །སློབ་དཔོན་ཐམས་ཅད་ཀྱི་ཞེས་བྱ་བ་ནི། ཐུགས་ཀྱི་དཀྱིལ་འཁོར་ལ་སོགས་པར་དབང་བསྐུར་བ་སྩོལ་བ་སྟེ། དེ་རྣམས་ཀྱིས་སློབ་མའི་དོན་དུ་དབང་བསྐུར་བའི་རྡོ་རྗེའི་ཚིག་ཏུ་སྨྲ་བར་བྱ་བ་ནི་རྡོ་རྗེའི་ཚིག་བརྗོད་པའོ། །དེ་གང་ཡིན་ཞེ་ན། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་རྣམས་ནི་ཐམས་ཅད་ཀྱི། ཞེས་པ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་རོ། །རྡོ་རྗེ་གསང་བ་གསུམ་ལས་བྱུང་ཞེས་བྱ་བ་ལ། རྡོ་རྗེ་གསང་བ་གསུམ་ནི་རྡོ་རྗེ་འཆང་ཆེན་པོའོ། །དེ་ལས་བྱུང་བ་ནི་དེའི་རིགས་ལས་སྐྱེད་པའོ། །

---

^{[མ་དཔེ་གཟིགས་ན་འདིར་གནོན།]}

རྡོ་རྗེ་ཆེན་པོ་ནི་མི་ཕྱེད་པ་ཆེན་པོ་སྟེ་དོར་དུ་མེད་པའོ། །དབང་བསྐུར་བ་ཆེན་པོ་ནི་ཁམས་གསུམ་གྱི་རྒྱལ་པོར་རབ་བཞག་པ་སྟེ། དེ་ངས་དེང་སྦྱིན་པར་བྱའོ། །ཁྱེད་ཀྱིས་ཀྱང་འདི་ལ་ནན་ཏན་དུ་བསྒྲུབ་པར་བྱའོ། །ཞེས་པ་ནི་སློབ་མ་ལ་དབུགས་དབྱུངས་བའོ། །དེ་དེ་ལ་:ཆག:དེ་སྐད་གསུང་བ་ཅན་གྱི་རྡོ་རྗེ་བླ་མ་ལ་འཆད་བཞིན་པ་འདི་ནི། སློབ་མ་ཐམས་ཅད་དེ་རིགས་ཀྱི་དབྱེ་བས་ཞེས་སོ། །ལ་རྡོ་རྗེ་སློབ་དཔོན་གྱིས་དེ་སྐད་དུ་སྨྲས་པ་དང༌། འོག་ནས་བཤད་པའི་སློབ་མ་འདི་དག་ཐམས་ཅད་དེ་རྡོ་རྗེའི་རིགས་ལ་སོགས་པའི་རིགས་ཀྱི་དབྱེ་བས། གནས་པ་དེ་རྣམས་ཀྱིས་རྡོ་རྗེ་ཆེན་པོ་སྟེ། རྡོ་རྗེ་སློབ་དཔོན་དེ་ལ་གསོལ་བ་བྱ་བ་ནི་གསོལ་བ་འདེབས་པའོ། །དེའི་ཆོ་ག་ནི་བྱ་བའི་ཆོ་གའོ། །དེ་ཉིད་ནི་གསང་བར་འགྱུར་བའོ། །དེ་གང་ཡིན་ཞེ་ན། བྱང་ཆུབ་རྡོ་རྗེ་ཞེས་བྱ་བ་ལ་སོགས་པ་སྟེ། བྱང་ཆུབ་རྡོ་རྗེ་ནི་རྡོ་རྗེ་འཆང་ཆེན་པོའོ། །སངས་རྒྱས་ལ་ཞེས་པ་ནི་མི་བསྐྱོད་པ་ལ་སོགས་པ་ལའོ། །མཆོད་ཆེན་ནི་དབང་བསྐུར་བ་ཆེན་པོའོ། །ཇི་ལྟར་རྣམ་པ་གང་གིས་སྩལ་བ་དེ་བཞིན་དུ་བདག་ཀྱང་རབ་ཏུ་བསྒྲལ་བའི་ཕྱིར། ཞེས་པ་སྟེ། བདག་འཁོར་བ་མ་ལུས་པའི་རྒྱ་མཚོ་ལས་བསྒྲལ་བར་བྱ་བའི་ཕྱིར་ནམ་མཁའི་རྡོ་རྗེ་སྟེ། རྡོ་རྗེ་འཆང་ཆེན་པོ་དང་མཉམ་པ་ཞེས་བོས་ནས་དེང་སྟེ་ད་ལྟར་བདག་ཁྱེད་ལ་སྐྱབས་སུ་མཆིས་པ་ལ་སྩོལ་ཅིང་གནང་བར་གསོལ་ཞེས་གསོལ་བ་འདེབས་པའོ། །དེའི་ཚེ་སྟེ་དེའི་དུས་སུ་རབ་ཏུ་དགྱེས་པས་ཏེ། གསོལ་བ་བཏབ་

---

^{[མ་དཔེ་གཟིགས་ན་འདིར་གནོན།]}

པས་ཡིད་རངས་པར་གྱུར་པའི་བླ་མས་དབང་བསྐུར་བ་སྦྱིན་པར་བྱའོ། །ལྷའི་གཟུགས་ནི་ཕྱིའི་དཀྱིལ་འཁོར་རོ། །དེའི་སྦྱོར་བ་ཡིས་ཞེས་པ་ནི། སློབ་མ རྣམ་སྣང་དུ་བསྐྱེད་པའི་ལུས་ཀྱི་དཀྱིལ་འཁོར་ལ་ཕྱི་དཀྱིལ་ལ་ལྷ་སོ་གཉིས་ཚང་བ་ཇི་ལྟ་བ་བཞིན་དུ་བཀོད་པའོ། །་81ལྷ་ཚང་བར་ལུས་ལ་འགོད་པའི་རྒྱུ་མཚན་དེས་ན་སྙིང་ཁར་ཞེས་པ་སློབ་མ་དེ་ཉིད་ཀྱི་སྙིང་ཁའི་པདྨ་ལ། བདག་པོ་སྟེ་གཙོ་བོ་གཞག་པར་བྱ་ཞིང་དགོད་པར་བྱའོ། ༈ །དེ་ལྟར་དཀྱིལ་འཁོར་གྱི་བདག་ཉིད་དུ་བྱས་པའི་རྡོ་རྗེའི་སློབ་མ་བློ་ལྡན་ལ། ཞེས་པ་ཤེས་རབ་དང་ལྡན་པ་ལ།རྒྱུད་ལས། སྔགས་ཀྱི་ཡི་གེའི་ཚིག་བྱིན་ལ། ཞེས་པ་ནི། ཀླུ་བྱང་གིས། བརྟུལ་ཞུགས་བཟང་པོས་སྔགས་འདི་ཡིས། “།གདོང་གཡོགས་རབ་ཏུ་དགྲོལ་བར་བྱ། ཞེས། ༀ་རྡོ་རྗེ་སེམས་དཔའ་དེང་ཁྱོད་ཀྱི། ཞེས་པ་བཞིན་གདོང་གཡོགས་དགྲོལ་བ་ལ་བཤད་དེ། འདི་དེ་ཉིད་བསྡུས་པ་ན་སྔགས་སུ་ཡོད་དོ། །དཀྱིལ་འཁོར་དག་ནི་བསྟན་པར་བྱ། ཞེས་བྱ་བ་སྟེ། ཕྱི་ནང་གི་དཀྱིལ་འཁོར་གཉིས་ཀྱི་རིམ་པ་ཇི་ལྟ་བ་བཞིན་དུ་དེ་གཉིས་ཀྱི་དེ་ཁོ་ན་ཉིད་ཀླུ་བྱང་གི་དཀྱིལ་ཆོག་བཞིན་བསྟན་པར་བྱའོ། །སངས་རྒྱས་ཞེས་བྱ་བ་ལ་སོགས་པ་ལ། སངས་རྒྱས་ཐམས་ཅད་དེ་རྫོགས་པའི་དེ་བཞིན་གཤེགས་པ་རྣམས་ཀྱིས། གསུངས་ཤིང་བསྟན་པ་ཡི་དམ་ཚིག་ཅེས་བྱ་བ་འདའ་བར་མི་བྱ་བས། བསྒྲུབ་པར་བྱ་བ་བསྒྲག་པར་བྱ་ཞིང་རྡོ་རྗེ་སློབ་མ་ལ་བསྟན་པར་བྱ་སྟེ། ཁྱོད་ཀྱིས་སྲོག་ཆགས་གསད་པར་བྱ། ཞེས་བྱ་བ་ལ་སོགས་པའི་དམ་ཚིག་བཞི་ནི། ལེའུ་ལྔ་

---

^{[མ་དཔེ་གཟིགས་ན་འདིར་གནོན།]}

པ་ལས་གསུངས་པའི་དགོངས་པས་བཤད་པ་བཞིན་དུ་ཤེས་པར་བྱའོ། །དེ་ལྟར་བཤད་མ་ཐག་པའི་རྡོ་རྗེའི་ལམ་གྱི་མི་ཕྱེད་པའི་ཏིང་ངེ་འཛིན་འདི་དག་གིས་ནི། སེམས་ཅན་ཐམས་ཅད་དེ་རྡོ་རྗེ་སློབ་མ་རྣམས་དོན་དེ་དག་ཉམས་སུ་ལེན་པ་ལ་རྗེས་སུ་བསྐུལ་བར་བྱ་སྟེ། ལམ་འདི་ནི་སངས་རྒྱས་ཐམས་ཅད་ཀྱི། འདའ་བར་དཀའ་བའི་དམ་ཚིག་དང་སྡོམ་པའོ། །ཇི་ལྟ་བུ་ཞེ་ན། མཆོག་ཏུ་རྟག་པ་སྟེ་ཐོག་མ་དང་ཐ་མ་མེད་པའོ་ཞེས་ཀྱང་གསུངས་སོ། །ཞེས་པ་ནི་དམ་ཚིག་འདི་ཐོག་མ་མེད་པ་ནས་བཟུང་སྟེ། ཐ་མ་ཡང་མེད་པར་ཡོད་པ་ཡིན་པས་མ་འདའ་ཞིག་ཅེས་པའོ། ༈ །སྔགས་ཀྱི་ཞེས་བྱ་བ་ལ་སོགས་པ་ལ། དམ་ཚིག་དང་སྡོམ་པ་འཛིན་པ་ལ་བླ་མས་ཁྱོད་དངོས་གྲུབ་གང་འདོད་ཅེས་དྲི་བར་བྱའོ། །དེ་གལ་ཏེ་བདག་ནི་འདི་འཚལ་ལོ་ཞེས་སྨྲ་ན། དེའི་ཚེ་དེ་ལ་བྱ་བ་དེ་སྒྲུབ་པའི་སྔགས་སྦྱིན་པར་བྱའོ། །ཇི་ལྟར་སྦྱིན་པར་བྱ་ཞེ་ན། སྔགས་ཀྱི་བསྐུལ་བ་སྨྲས་པ་ཡིས། ཞེས་བྱ་བ་སྟེ། སྔགས་ཀྱི་དོན་དུ་བསྐུལ་བ་དེར་སྨྲས་པ་ཡིས་ཞེས་པ་སྟེ། སྨྲས་པ་དེ་ལ་སྔགས་ཀྱི་བསྐུལ་བ་སྨྲ་བའི་སློབ་མའི་ཚིག་དེས། སློབ་དཔོན་གྱིས་དེའི་ཚིག་ལས་བསམ་པ་ཤེས་པར་བྱས་ལ་སྦྱིན་པར་བྱའོ། ཞེས་བྱ་བར་སྦྱར་རོ། །དེ་ནས་སྔགས་ཀྱི་རྒྱལ་པོའི་ཏིང་ངེ་འཛིན། ཅེས་པ་དེ་དང་རྗེས་སུ་མཐུན་པའི་ལྷའི་རྣལ་འབྱོར་དང་བཟླས་པ་བྱེད་ཚུལ་བྱིན་ལ“།འདིར་:པ་ཚབ:སྔགས་ཀྱི་རྒྱལ་པོའི་ཏིང་ངེ་འཛིན“་་87བྱིན་ནས་གསང་བ་བརྩམ་པར་བྱ། ཞེས་སོ། ༈ །གསང་བ་

---

^{[མ་དཔེ་གཟིགས་ན་འདིར་གནོན།]}

ཞེས་པ་གསང་:ཆག:བའི་དབང་བསྐུར་བ་སྐབས་སུ་བབ་པ། དངོས་གྲུབ་ཀྱི་དོན་དུ་ཡང་དག་པར་བརྩམ་ཞིང་བྱའོ། །ཟེར། གསང་བའི་དབང་བསྐུལ་བ་འོག་ནས་བཤད་པ་གྲུབ་པ ར་བྱ་བ འི་ཕྱིར་བརྩམ་པར་བྱའོ། །དེ་ཉིད་བསྟན་པར་བྱ་བའི་ཕྱིར། ཁུ་བ་ཞེས་བྱ་བ་ལ་སོགས་པ་གསུངས་ཏེ། འམ་ཞེས་བྱ་བའི་སྒྲས་ནི་བདུད་རྩི་ལྷག་མ་གསུམ་བཟུང་སྟེ། བདུད་རྩི་ལྔ་པོ་འདི་དག་ལ་ཆོ་ག་བཞིན་དུ་ཡི་གེ་གསུམ་གྱིས། མངོན་པར་བསྔགས་ནས་ཧཱུཾ་ཡིག་གིས་སྦྱང་བ་དང་ལ་སོགས་པ ས་ཨཱཿ ཡིག་གིས་བདུད་རྩིའི་ངོ་བོར་རྟོགས་པར་བྱ་བ་དང༌། ༀ་ཡིག་གིས་མང་པོར་སྦར་བའམ་སྤེལ་བ འི་ཆོ་གས། བདུད་རྩིར་བྱས་ལ་རྡོ་རྗེའི་བློས་ཞེས་པ་རྡོ་རྗེ་སློབ་དཔོན་གྱིས། རྡོ་རྗེ་སློབ་མ་ཟར་གཞུག་ཅིང་སྦྱིན་པར་བྱ བ་ནི་ལེའུ་བརྒྱད་པར་བཤད་པ་བཞིན་བྱ། །འོན་ཏང་ཞེས་པ་ནི་དེ་ལྟ་ན་ཞེས་པའོ། །མངོན་པར་འདོད་པའི་དངོས་གྲུབ་རྙེད་པར་མི་དཀའོ། ༈ །དེ་ལྟར་ཕྱི་བུམ་དབང་དང་གསང་བའི་དབང་གིས་དབང་བསྐུར་བའི་སློབ་མ་ལ་གསང་བ་སྟེ་ཤེས་རབ་ཡེ་ཤེས་ཀྱི་དབང་བསྐུར་བ་བསྟན་པར་བྱ་བའི་ཕྱིར། རྣམ་པ་འདི་བཞི་ཞེས་བྱ་བ་ལ་སོགས་པ་གསུངས་ཏེ། གང་ས་ལ་སོགས་པ་བཞིའི་ངོ་བོར་གྱུར་པ་དེ་ཉིད་སྤྱན་མ་སོགས་བཞིའི་རིགས་པདྨ་ཅན་ལ་སོགས་པ་བཞི་དང༌། ཕྱག་རྒྱ་མ་སྤྱན་སོགས་སུ་བསྒོམ་པ་དང་མཉམ་པར་སྦྱོར་བའི་དབང་གསུམ་པ་ནི་གསང་ཆེན་རྣམ་པ་བཞི་སྟེ་མཆོག་ཏུ་གསང་བའོ། །རྡོ་རྗེ་ཅན་ནི་ཀུན་གྱིས་གསང་། ཞེས་པ་ནི། རྡོ་རྗེ་ཅན་ཏེ་ཐེག་པ་གསར་ལ་གནས་པའི་སྔགས་པ་ཐམས་ཅད་ཀྱི་ལ་།ཐམས་:ཆག:ཅད་ཀྱི་གསང་བ་སྟེ་ཞེས་བ་རྩ་བ་དང་མཐུན་

---

^{[མ་དཔེ་གཟིགས་ན་འདིར་གནོན།]}

ནོ། །གསང་བ་སྟེ་སྣོད་མིན་ལ་བསྟན་པར་མི་བྱ་བའོ། །སྔགས་ཀྱི་འཁོར་ལོ་བུད་མེད་གཟུགས། ཞེས་བྱ་བ་ནི། སྔགས་ཀྱི་འཁོར་ལོ་སྟེ། རྣམ་སྣང་ལ་སོགས་པའི་དེ་བཞིན་གཤེགས་པ་རྣམས་སྤྱན་མ་ལ་སོགས་པའི་བུད་མེད་ཀྱི་གཟུགས་ཡོངས་སུ་བཟུང་ནས་བཞུགས་པའོ། །དེ་ལྟར་མཛད་པ་དེ་དགོས་པ་གང་གི་ཕྱིར་ཡིན་ཞེ་ན། སེམས་ཅན་དོན་སྤྱོད་ཕྱིར་གནས་པའོ། །ཞེས་བྱ་བ་གསུངས་ཏེ། སེམས་ཅན་རྣམས་ཀྱི་ཞི་བ་ལ་སོགས་པའི་དོན་སྤྱོད་པའི་ཕྱིར་རྣམ་པར་སྣང་མཛད་ལ་སོགས་པའི་སྐུ་ཉིད་ས་ལ་སོགས་པ་:ཆག:ཡང་ཟེར། ས་ལ་སོགས་པ་སྟེ། ཡང་སྐྱེས་བུའི་གཟུགས་མི་སྣང་བར་མཛད་ནས། སྤྱན་ལ་སོགས་པར་ཡོངས་སུ་གྱུར་ཏོ། ཞེས་བྱ་བའི་བར་སྤྱན་:པ་ཚབ:མ་ལ་སོགས་པར་ཡོངས་སུ་གྱུར་ཏོ། ཞེས་བྱ་བའི་ཐ་ཚིག་གོ །ཞེས་བསྒྱུར་བས་བར་གྱི་སྒྲས་བསྡུ་རྒྱུ་མེད་པ་རྣམས་ཐ་ཚིག་གོ་ཞེས་པའིདོན་དུ་གཟུང་བར་བྱའོ། །དུའོ། ༈ །དེ་ལ་ཞེས་བྱ་བ་ནི་དམ་ཚིག་སྦྱིན་པའི་དུས་སུའོ། །རྡོ་རྗེ་དཀྱིལ་འཁོར་ནི་སྟེ། ཐུགས་ཀྱི་དཀྱིལ་འཁོར་རོ། །དེར་སྔགས་ནི་ལྷ་རྣམས་ཏེ། དེ་ཐམས་ཅད་མཉེས་པར་བྱ་བ་ནི་དབང་དུ་བྱ་བ་སྟེ་དེར་དབང་དུ་བྱ་བ་ནི་སྣོད་མིན་ལ་གསང་བའོ། །གང་ཡིན་ཞེ་ན། གླང་པོའི་ཤ་དང་ཞེས་བྱ་བ་ལ་སོགས་པ་སྟེ། ཆོ་ག་འདི་དག་ནི་བདག་ཉིད་ཀྱིས་བརླབ་ཅིང༌། སྔགས་རྣམས་ཞེས་བྱ་བ་ལྷ་རྣམས་ལ་ཕྱི་ནང་གི་སྦྱིན་སྲེག་དང༌། གཏོར་མའི་ཚུལ་གྱིས་དབུལ་བར་བྱའོ། །དེ་ལྟར་བྱས་ན་མགོན་པོ་མཉེས། ཞེས་བྱ་བ་ནི། མངོན་པར་འདོད་པའི་འབྲས་བུ་

---

^{[མ་དཔེ་གཟིགས་ན་འདིར་གནོན།]}

སྩོལ་ཞིང་མཉེས་པར་འགྱུར་རོ། །ཉིན་རེ་ཞེས་བྱ་བ་ལ་སོགས་པ་ལ། རྡོ་རྗེ་སློབ་མ་སྟེ་དབང་བསྐུར་བ་ཐོབ་པ་ལ། མཁས་པས་ཞེས་པ་རྡོ་རྗེ་སློབ་དཔོན་གྱིས། དཀྱིལ་འཁོར་ཞེས་པ་ཚོགས་ཀྱི་འཁོར་ལོའི་ཆོ་ག་ཉིན་རེའམ་ཟླ་རེའམ། ལོ་རེ་བྱ་བའི་ཚུལ་བསྟན་ཅིང་ལུང་དབོག་པར་བྱའོ། །ཇི་ལྟར་ཞེ་ན། བཤང་གཅི་ཤ་ཡི་བྱ་བ་དང༌། ཞེས་བྱ་བ་སྟེ། དེ་ལ་བཤང་གཅི་སྨོས་པས་ནི་བདུད་རྩི་ལྔ་ཅར་ཡོངས་སུ་གཟུང་ངོ༌། །ཤ་སྨོས་པས་ནི་ཤ་རྣམ་པ་ལྔ་ཡོངས་སུ་གཟུང་ངོ༌། །བྱ་བ་དང་ཞེས་བྱ་བ་སྨོས་པས་ནི། འཇིག་རྟེན་ན་བཟའ་བ ར་བྱ་བ་མ་ཡིན་པ་དང་བཏུང་བར་བྱ་བ་མ་ཡིན་པ་རྣམས་བཟུང་སྟེ། བཤང་བ་ལ་སོགས་པ་འདི་དག་དང༌། རྡོ་རྗེ་དང་པདྨའི་གསང་བའི་ཚིག་དག་གིས། ཏེ་གནས་ཀྱིས་ཞེས་བྱ་བ་དབང་པོ་གཉིས་མཉམ་པར་སྦྱོར་བ་དང༌། གར་དང་གླུ་ལ་སོགས་པ་དག་གིས་སྡུག་གདུག་:པ་ཚབ:པ་ཐམས་ཅད་འདུལ་བར་བྱའོ། །ཞེས་དང༌། སྡུག་:ཆག:པ་ཐམས་ཅད་བསྟན་པར་བྱའོ། །ཞེས་ཟེར་ཡང༌། དཀྱུས་ལྟར་ལེགས་སོ། །པ་སྟེ་ཡིད་དུ་འོང་བ་ཐམས་ཅད་རྣལ་འབྱོར་ཕོ་མོ་རྣམས་ལ་དབུལ་བར་བྱའོ། །ཞེས་བྱ་བར་དགོངས་སོ། །བདུད་རྩི་ལྔ་ལ་སོགས་པ་བཟའ་བ་ལ་ཉེ་བར་ལོངས་སྤྱོད་པའི་དུས་སུ། ཡིད་ཆེད་:ཆག:དུ་བྱ་བ་བསྟན་པ་ནི་ཟེར། ཆེས་པ་བསྟན་པར་བྱ་བའི་ཕྱིར། སྔགས་རྣམས་ཞེས་བྱ་བ་ལ་སོགས་པ་གསུངས་ཏེ།ཁསྔགས་ཐམས་ཅད་ཀྱི་དང་པོར་གྱུར་པ་ཡི་གེ་ༀ་ཀབཟའ་བ་དང་པོ་ལྔར་ཧཱུཾ་ཡིག་གིས་དྲི་མ་རྣམས་སྦྱང་བ་དང༌། དེ་ནས་ཨཱཿ ཡིག་གིས་བདུད་རྩིར་རྟོགས་པར་བྱས་

---

^{[མ་དཔེ་གཟིགས་ན་འདིར་གནོན།]}

ལ་གབསྒོམས་ན། དེ་མ་ཐག་ཏུ་མངོན་སུམ་དུ་འབར་བ་སྟེ་འཕེལ་བ ར་འགྱུར་རོ་ཞེས། བཅོམ་ལྡན་འདས་རིག་པའི་སྐྱེས་བུ་ཆེན་པོ་སྟེ། རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །༈ཁཐོག་མར་དབང་ལེགས་པར་བསྐུར་ནས་དམ་ཚིག་དང་སྡོམ་པ་་5འདི་ལ་ཀའཇིག་རྟེན་དང་འཇིག་རྟེན་ལས་འདས་པའི་བསྒྲུབ་པར་བྱ་བ་སྟེ་དངོས་གྲུབ་དག་ཀྱང་སྟེ་ཐམས་ཅད་ཀྱང༌ གཡོད་དོ་ཞེས་བསྟན་པར་བྱ་བའི་ཕྱིར། དངོས་གྲུབ་ཐམས་ཅད་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ཐམས་ཅད་ཅེས་བྱ་བ་ནི། ཞི་བ་ལ་སོགས་པའི་དངོས་གྲུབ་ཕྲན་ཚེགས་ཏེ་ཆུང་དུ་བསྒྲུབ་པ་ནི་བཤད་མ་ཐག་པའི་ལམ་འདིས་འགྲུབ་པར་འགྱུར་རོ། །དམ་ཚིག་ཆེན་པོ་བསྒྲུབ་པ་དང་ཞེས་བྱ་བ་ནི། དངོས་གྲུབ་འབྲིང་པོ་རི་ལུ་ལ་སོགས་པའི་དངོས་གྲུབ་ཆེན་པོ་རྣམ་པ་བརྒྱད་བསྒྲུབ་པ་ཡང་དབང་བསྐུར་བ་སོགས་ལ་རབ་ཏུ་འབད་པ་འདི་ཉིད་ཀྱིས་འགྲུབ་བོ། །སངས་རྒྱས་བྱང་ཆུབ་ཉིད་དག་ཀྱང༌། ཞེས་པ་ནི། དངོས་གྲུབ་མཆོག་ཕྱག་རྒྱ་ཆེན་པོ་གྲུབ་པའི་མཚན་ཉིད་ཅན་སངས་རྒྱས་ཉིད་ཀྱང༌། བདག་ཉིད་ཀྱིས་དབང་ལེགས་པར་ཐོབ་ནས་དམ་ཚིག་དང་སྡོམ་པ་བསྲུང་བ་དང་བསྒོམ་པའི་ཐབས་འདི་ལྟ་བུས་བསྒྲུབ་པར་བྱའི། དེ་དང་མི་མཐུན་པའི་ཐབས་གཞན་གྱིས་ནི་མ་ཡིན་ནོ་ཞེས་བྱ་བའི་བར་དུའོ། །ནན་ཏན་དུ་ནི་བསྒྲུབ་པར་བྱ། ཞེས་བྱ་བ་ནི། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་ཚུལ་གྱིས་ནི་རབ་ཏུ་འབད་པས་བསྒྲུབ་པར་བྱའོ། །དབང་བསྐུར་བ་སོགས་ཀྱིས་འགྲུབ་པའི་དོན་འདི་ཉིད་བསྟན་པར་བྱ་

---

^{[མ་དཔེ་གཟིགས་ན་འདིར་གནོན།]}

བའི་ཕྱིར། མི་སྣང་ཞེས་བྱ་བ་ལ་སོགས་པ་གསུངས་ཏེ། མི་སྣང་སྟོབས་དང་བརྩོན་འགྲུས་དང༌།རྡོ་རྗེ་དགུག་པའི་མཆོག་དག་ཀྱང༌། །རྡོ་རྗེ་སྐུ་ཡི་བཀའ་བཞིན་དུ། །དཀྱིལ་འཁོར་དག་གིས་ཐམས་ཅད་འགྲུབ། ཅེས་གསུངས་ཏེ། སྟོབས་ནི་རིག་འཛིན་གྱི་བདག་པོའོ། །བརྩོན་འགྲུས་ནི་མངོན་ཤེས་ལྔའི་མཐུའོ། །རྡོ་རྗེ་དགུག་པ་ནི་དགུག་དཀའ་བ་རྣམས་འགུགས་པའོ། །དཀྱིལ་འཁོར་དག་གིས་ནི་དཀྱིལ་འཁོར་དུ་དབང་བསྐུར་དམ་སྡོམ་སྲུང་ཞིང་ལམ་སྒོམ་པའོ། །བསྒྲུབ་པའི་དཀྱིལ་འཁོར་བྲིས་ནས་སྒྲུབ་པ་ཡང་ཤེས་པར་བྱའོ། །ཞེས་བྱ་བ་ལ་སོགས་པ་ནི་གོ་སླའོ། ༈ །བཤང་གཅི་ཞེས་བྱ་བ་ལ་སོགས་པ་ལ། བཤང་གཅི་ནི་བདུད་རྩི་ལྔའོ། ཤ་ཆེན་ཞེས་བྱ་བ་ནི་མར་མེ་རྣམ་པ་ལྔ་སྟེ། ཤ་ལྔའོ། །དེ་ལྔ་ནི་དངོས་གྲུབ་གསལ་བར་བྱེད་པས་མར་མེའམ་སྒྲོན་མེ་ལྔ་ཞེས་བྱ་ལ། དངོས་གྲུབ་འགུགས་པས་ལྕགས་ཀྱུ་ལྔ་ཞེས་ཀྱང་གསུངས་སོ། །གཉིས་པོ་དེ་དག་ཆ་མཉམ་པར་བྱས་ནས་ཟླ་བ་མར་ངོའི་ཚེས་བརྒྱད་དམ། བཅུ་བཞི་ལ་རི་ལུ་བྱས་ལ་གྲིབ་མ་ལ་བསྐམས་ནས། ཁམ་ཕོར་སྦྱར་མར་ཞེས་བྱ་བ་པདྨའི་སྣོད་དེ་ཐོད་པ་ཁ་སྦྱར་བའི་ནང་དུ་གཞག་ལ་གཏོར་མ་བྱིན་རླབས་ལྟར་བྱིན་གྱིས་བརླབ་ཅིང༌། རང་གི་ལྷའི་རྣལ་འབྱོར་ལ་གནས་པས་འབྲུ་གསུམ་ཐུན་བཞིར་བཟླས་ལ། རྟགས་གསུམ་བྱུང་བ་དང་ཉིན་རེ་ཞིང་རེ་རེ་ཟའོ། །དེས་ཅིར་འགྱུར་ཞེ་ན། སངས་རྒྱས་ཀུན་དང་ལྷན་ཅིག་འཁོད། ཅེས་བྱ་སྟེ། སངས་རྒྱས་ནི་གྲུབ་པ་པོ་སྟེ། གྲུབ་པ་ཐོབ་པ་རྣམས་སོ། །དེ་དང་ལྷན་ཅིག་འཁོད་པ་ནི་གྲུབ་ཐོབ་དེ་དང་འདྲ་བར་དུས་ཟད་པ་སྟེ་འདས་པ ར་འགྱུར་རོ།ཞེས་པ་ཚེ་དེ་དག་དང་མཉམ་པའོ། །ཞེས་བྱ་བའི་བར་དུའོ། ༈ །འདི་སྐད་ཅེས་ཀྱང་གསུངས་ཏེ། དེ་ལ་འདི་ནི་ཞེས་བྱ་བ་ལ་སོགས་པ་

---

^{[མ་དཔེ་གཟིགས་ན་འདིར་གནོན།]}

ལ། དེ་ལ་ཞེས་པ་ནི་དངོས་གྲུབ་སྒྲུབ་པའི་ཀྱི་གནས་སྐབས་ལའོ་སོ་། །འདི་ནི་ཞེས་པ་ནི། འོག་ནས་བཤད་པའོ། །གསང་བ་ཐམས་ཅད་ཀྱི་རྡོ་རྗེ་ནི་གནོད་སྦྱིན་ཐམས་ཅད་ཀྱི་གཙོ་བོ་རྣམས་སོ། །དེ་ཉིད་ནི་སྒྲུབ་པ་པོའི་བཀའ་ནོད་པར་བྱེད་པས་ན་མངག་གཞུག་པའོ། །དེ་རྣམས་ཀྱི་སྒྲུབ་པའི་ཚིག་ནི་སྒྲུབ་པའི་ཐབས་འདི་ཉིད་དོ། །འདི་ལ་རང་གི་ལྷའི་ཏིང་ངེ་འཛིན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་ཧྲཱིཿ ནི་ཁ་དོག་དམར་པོ་འབར་པའི་འོད་བཟང་པོ་ནི། འོད་ཟེར་ལྔས་ཀུན་ནས་འཁྲིགས་པའོ། །ཡི་གེ་དེ་ནམ་མཁའ་རྡོ་རྗེ་དབུས་སུ་ནི། ནམ་མཁའི་དཀྱིལ་དུ་ཆུད་པའོ། །བསམ་པ་ནི་བསྒོམ་པར་བྱ་བའོ། །མདུན་གྱི་ནམ་མཁའ་ལ་ཧྲཱིཿ ཡིག་བསྒོམ་པ་དེ་ལྟར་བྱས་ནས་སངས་རྒྱས་ཀུན་གྱིས་ཞེས་བྱ་བ། མི་བསྐྱོད་པ་ནས་ཁྲོ་བོའི་མཐར་ཐུག་པའི་ཕྱོགས་བཅུའི་སངས་རྒྱས་རྣམས་ཀྱིས། ནམ་མཁའི་ཁམས་ཏེ་ནམ་མཁའི་གཏོས་ཡོངས་སུ་གང་ཞིང་ཁྱབ་པར་རྣམ་པར་བསྒོམ་ལ་སངས་རྒྱས་དེ་རྣམས་ཀྱི་སྐུ་གསུང་ཐུགས་ཀྱི་གནས་ཞེས་བྱ་བ། སྐུ་ལ་སོགས་པའི་ས་བོན་ཨཱཿ སྐུ་ཁྃ་གསུང་དྷཱི་ཐུགས་ཞེས་བྱ་བ་གསུམ་ལ་རིགས་གསུམ་པོ་ཐམས་ཅད་རིམ་པ་བཞིན་དུ་ཞུགས་པར་བསམ་མོ། །དེ་ནས་ཡི་གེ་འདི་གསུམ་གདེར་:པ་ཚབ:གསང་སྔགས་དེ་རུ་དབབ་པར་བྱ། ཟེར། ནི་ཀསྔགས་ཀྱིས་ཁཞེས་ངབྱ་བ་གསང་སྔགས་ཡི་གེ་ཧྲཱིཿ དེར་ནི་ལ་དབབ་པར་བྱའོ། །དེ་ལ་འདི་ནི་ཞེས་བྱ་བ་ལ་སོགས་པ་ལ། མངག་གཞུག་བསྐྱེད་པ་དེ་ལ་སྐུ་དང་གསུང་དང་ཐུགས་ཀྱི་

---

^{[མ་དཔེ་གཟིགས་ན་འདིར་གནོན།]}

སྔགས་རྡོ་རྗེའི་གསང་བར་གྱུར་པ་བྱིན་གྱིས་རློབ་པའི་གནས་ཏེ་བསྐྱེད་པའི་གཞིའོ། །དེ་གང་ཡིན་ཞེ་ན། ཨཱཿ ཁྃ་དྷཱི་ཞེས་བྱ་བ་སྟེ།དེ་ལས་མངག་གཞུག་པར་བསྐྱེད་དོ། །ཡི་གེ་གསུམ་ཧྲཱིཿ ་ལ་ཐིམ་པའོ། །ཧྲཱིཿ ལས་བསྐྱེད་པར་ཤཱནྟི་པ་དང་སྐལ་ལྡན་གྲགས་པ་འདོད་དོ། །ཐིམ་པའི་ཧྲཱིཿ ཡི་གེ་གསུམ་དུ་གྱུར་པ་ལས་སྐྱེད་པར། ཙི་ལུ་པ་དང༌། རྒྱལ་བས་བྱིན་འདོད་པའི་ཕྱི་མ་འདི་དང་འགྲིག་གོ །བོད་ཀྱི་མཁས་པ་ཁ་ཅིག་ཡི་གེ་གསུམ་ཕྲལ་བ་ལས་རིགས་གསུམ་གྱི་ཁྲོ་བོར་བསྐྱེད་པར་འདོད་པ་ལེགས་སམ་སྙམ་སྟེ་སྐུ་གསུང་ཐུགས་ཀྱི་ས་བོན་སོ་སོ་བ་ཡིན་པའི་ཕྱིར་རོ། །དེ་ལྟར་ཨཱཿ ཁཾ་དྷཱི་ཡིས་ཡི་གེ་གསུམ་གྱི་བདག་ཉིད་ཅན་གྱི་མངག་གཞུག་པ་གསུམ་བསྒྲུབས་ནས། ཇི་ལྟར་མངོན་པར་འདོད་པའི་ལས་ལ་སྦྱར་པར་བྱའོ། ༈ །མངག་གཞུག་པའི་སྒྲུབ་པ་ཐུན་མོང་དུ་བསྟན་པ་ལས་གཞན་ཡང་མངག་གཞུག་པའི་ཁྱད་པར་ཏེ་རིགས་སོ་སོའི་སྒྲུབ་པ་བསྟན་པར་བྱ་བའི་ཕྱིར། ཕྱག་ན་རྡོ་རྗེ་ཞེས་བྱ་བ་གསུངས་ཏེ། མི་བསྐྱོད་པའི་རིགས་ཀྱི་རྣལ་འབྱོར་པ་ཡིན་ན་ཕྱག་ན་རྡོ་རྗེ་ནི་མི་བསྐྱོད་པ་སྟེ། དེ་དང་འདྲ་ཞིང་མཚུངས་པའི་གཟུགས་ཆེན་པོ་དྲག་པོའི་ལུས་ཅན་གང་ཡིན་པ་དེ་ནི། ཕྱག་ན་རྡོ་རྗེའི་གཟུགས་ཆེན་དང༌། ཞེས་བྱ་སྟེ། གནོད་མཛེས་རྒྱལ་པོ་བསམ་པའོ། །སྣང་མཐའི་རིགས་ཀྱི་རྣལ་འབྱོར་པ་ཡིན་ན་དེ་བཞིན་དུ་། ཕྱག་ན་པདྨོ་འོད་ཆེན་དང༌། ཞེས་བྱ་བ་ནི་འོད་དཔག་ཏུ་མེད་པ་སྟེ། དེ་དང་འདྲ་བའི་འོད་ཟེར་ཆེན་པོ་དང་ལྡན་པའི་རྟ་མགྲིན་ཡང་གནོད་མཛེས་དེ་བཞིན་དུ་དྲག་པོར་བསམ་པའོ། །རྣམ་སྣང་གི་རིགས་ཀྱི་རྣལ་འབྱོར་ཡིན་ན་གཞན་གྱིས་མི་ཐུབ་གཟུགས་ཆེན་དག །ཅེས་བྱ་བ་ནི། འོད་

---

^{[མ་དཔེ་གཟིགས་ན་འདིར་གནོན།]}

ཀྱི་ཚོགས་ཀྱིས་མི་མཉམ་ཞིང་གཞན་གྱིས་མི་ཕམ་པས་ན། གཞན་གྱིས་མི་ཐུབ་པ་སྟེ་རྣམ་པར་སྣང་མཛད་ཡིན་ལ། དེ་ལས་བྱུང་བའི་གཟུགས་ཆེན་པོ་ནི། མཐུ་ཆེན་པོ་དང་ལྡན་པའི་གཤིན་རྗེ་གཤེད་ཅེས་བྱ་བ་སྟེ། དེ་དག་གི་རིགས་ཀྱི་དབྱེ་བས་བསྒོམས་ནས། དེ་རྣམས་ཀྱི་གསང་བའི་གནས་དག་སྟེ། གསང་བའི་མཆོག་བཀའ་བསྒོ་བ་ལ་གཞག་ཅིང་དགོད་པར་བྱའོ། ༈ །དེ་ལ་ཞེས་པ་ནི་དེ་རྣམས་ལ་འོག་ནས་བཤད་པ། འདི་ནི་རྡོ་རྗེའི་གསང་བའི་ཞེས་བྱ་བ་ནི་ཁྲོ་བོ་རྣམས་ཏེ། དེ་རྣམས་ཀྱི་གནས་སོ་ཞེས་པ་ནི་བཀའ་བསྒོ་བ་ལ་ངེས་པར་གཟུང་པའོ། །དེ་ཡང་གང་ཡིན་ཞེ་ན། ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་སྟེ། བགེགས་ཀྱིས་མི་གཡོ་བ་སྟེ་མི་བསྐྱོད་པའི་ཕྱིར་དང་རྡོ་རྗེ་འཆང་བའི་སྤྲུལ་པ་ཡིན་པས་ན་མི་བསྐྱོད་པ་སྟེ། གནོད་མཛེས་རྒྱལ་པོ་དེ་ཉི་མའི་དཀྱིལ་འཁོར་ལ་གནས་པར་བྱ་སྟེ།ཁྲོ་བོ་གཞན་གཉིས་ལ་གདན་གཉིས་གཉིས་བྱུང་བས། འདིར་ཉི་དཀྱིལ་གཉིས་བརྩེགས་བྱེད་ཟེར་མོད་ཀྱང། གསུམ་ག་ལ་ཉི་གདན་ཐུན་མོང་དུ་སྣང་ཞིང། གཞན་གཉིས་ལ་རང་གི་རིགས་ཀྱི་མཚན་མའི་གདན་རེ་སྣང་བས་གནོད་མཛེས་ལ་རྡོ་རྗེ་ལ་གནས་པའི་ཉི་གདན་བྱའོ། །རྡོ་རྗེ་གསང་བའི་གནས་ཞེས་བྱ་བའི་བཀའ་བསྒོ་བས་བར་ཏུ་བརྟག་པར་བྱའོ། །ཚེ་དཔག་མེད་པའི་འཁོར་ལོ་ཆེ། ཞེས་བྱ་བ་ནི། རྟ་མགྲིན་ཏེ་དེ་བཞིན་དུ་པདྨ་དང༌། ཉི་མའི་དཀྱིལ་འཁོར་ལ་གནས་པའི་མངག་གཞུག་པར་བྱས་ལ། གསང་བའི་གནས་བཀའ་བསྒོ་བ་དེ་ལ་སྦྱར་བར་བྱའོ། །རྡོ་རྗེ་

---

^{[མ་དཔེ་གཟིགས་ན་འདིར་གནོན།]}

སྣང་མཛད་དེ་བཞིན་ཏེ། ཞེས་བྱ་བ་ནི། དེ་བཞིན་དུ་རྣམ་པར་སྣང་མཛད་ཀྱི་མངག་གཞུག་པ་གཤིན་རྗེ་གཤེད་དེ། ཟླ་བ་དང་ཉི་མའི་དཀྱིལ་འཁོར་ལ་གནས་པར་བྱ་སྟེ་བཀའ་བསྒོ་བར་བྱའོ། །འོད་ཆེན་ཞེས་པ་ནི་རྡོ་རྗེ་མངག་གཞུག་པ་དེ་དག་ཐམས་ཅད་ཀྱང་འོད་ཆེན་ཏེ། འོད་ཟེར་ཆེན་པོ་དང་ལྡན་པའོ། །སྡུག་བསྔལ་ཆེན་པོ་ཡིས་ཞེས་བྱ་བ་ནི། འགྲོ་བ་འདོན་པའི་སྡུག་བསྔལ་གྱིས་སྡུག་བསྔལ་བར་གྱུར་པས། སྡུག་བསྔལ་ཆེན་པོ་དང་ལྡན་པ་སྟེ་མི་བསྐྱོད་པ་ལ་སོགས་པའོ། །མངག་གཞུག་པ་དེ་ལ་སྡུག་བསྔལ་ཆེན་པོ་དེ རྣམས་ཀྱི ས་བསྐུལ་བ་ནི། སྒྲུབ་པ་པོ་ལ་དངོས་གྲུབ་སྩོལ་བར་བྱ་བའི་ཕྱིར་ཡང་དག་པར་བསྐུལ་བར་བྱའོ། །དེ་དག་གི་དོན་ནི། རང་རྡོ་རྗེ་གསུམ་གྱི་ང་རྒྱལ་གྱིས་མངག་གཞུག་པ་བསྐུལ་ན། རྡོ་རྗེ་གསུམ་དངོས་ཀྱིས་ཀྱང་འགྲོ་བའི་སྡུག་བསྔལ་མ་བཟོད་ནས་ཁྲོ་བོ་རྣམས་བསྐུལ་བར་འགྱུར་བའོ། །དེ་ལ་ཞེས་བྱ་བ་ནི། ཡང་དག་པར་བསྐུལ་བ་ལ་ས་བོན་འདི་ཡིན་ཏེ།རྡོ་རྗེ་སྙིང་པོ་ཐམས་ཅད་བསྐུལ་བའོ་ཞེས་པ་མ་དག་གོ །དེས་རྡོ་རྗེ་ཐམས་ཅད་ཅེས་བྱ་བ་རྣམ་པར་སྣང་མཛད་པ་སོགས་པའོ། །དེ་རྣམས་ཀྱི་སྙིང་པོ་ནི་ཐུགས་ཏེ། བསྐུལ་བ་ནི་ཁྲོ་བོ་ལ་བཀའ་བསྒོ་བར་བྱ་བའི་ཕྱིར་སྤོང་བའོ། །ཨཱཿ ཞེས་བྱ་བ་ནི་ཁྲོ་བོ་བསྐུལ་བར་བྱ་བའི་ཕྱིར་བཀའ་བསྒོ་བའི་ཚིག་གོ །འགྱུར་རྙིང་གི་རྒྱུད་ལས། ཨ་དང་འགྲེལ་པར་ཨཱཿ ཞེས་འབྱུང་ཡང། ཨཱྃ་ཞེས་པ་དག་པར་བཞེད་དོ། །རང་དང་མངག་གཞུག་པའི་ཐུགས་ཀར་ཨཱྃ་བསྒོམས་ལ། དེ་ལས་བྱུང་བའི་འོད་ཟེར་ཀྱི་ལྕགས་ཀྱུས་མངག་གཞུག་པའི་ཡེ་ཤེས་པའི་སྙིང་གར་བཏབ་པས། དེའི་ཐུགས་བསྐུལ་བར་བསམ་ཞིང། ཨཱཿ ཁཾ་དྷཱི་ཨཱྃ་ཞེས་བཟླ་བར་བྱའོ། །

---

^{[མ་དཔེ་གཟིགས་ན་འདིར་གནོན།]}

༈ དེ་ལྟར་:པ་ཚབ:བདག་པོ་རྣམས་ཀྱི་ཁྲོ་བོ་ཟེར། དེ་ལྟར་གརིགས་ཀྱི་ཁྲོ་བོ་གསུམ་ཁརྣམས་ཀྱི་ཀ རིགས་གསུམ་གྱི་བདག་པོ་ངཡང་དག་པར་བསྐུལ་བ་བསྟན་ནས། གསུམ་པོ་དེའི་འཁོར་རྣམས་ལ་ཡང་མངག་གཞུག་པ་དེ་ཉིད་བྱ་བར་བཀའ་བསྒོ་བར་འདོད་པའི་ཕྱིར། མདུང་རྩེ་ཆེ་དང་ཞེས་བྱ་བ་ལ་སོགས་པ་གསུངས་ཏེ། མདུང་རྩེ་ཆེ་ཞེས་བྱ་བ་ནི་མདུང་རྩེ་འཛིན་པ་ལ་བསྐུལ་བ། །དེ་བཞིན་དུ་གཞན་ལ་ཡང་ངོ༌། །རྡོ་རྗེ་ཆེ་ཞེས་བྱ་བ་ནི་རྡོ་རྗེ་འཛིན་པ་ལའོ། །ལྕགས་ཀྱུ་ཞེས་བྱ་བ་ནི་ལྕགས་ཀྱུ་འཛིན་པ་ལའོ། །སྣ་ཚོགས་ཞེས་བྱ་བ་ནི་མཚོན་ཆ་གཞན་དང་གཞན་ཐོགས་པ་རྣམས་ལའོ། །མཆོག་རྣམས་ཀྱི་ཞེས་བྱ་བ་ནི་མི་ཕྱེད་པའི་འཁོར་གྱི་ཚོགས་རྣམས་ལའོ། །འོག་ནས་མངག་གཞུག་པ་འཇིག་རྟེན་པ་དང་འཇིག་རྟེན་ལས་འདས་པ་གཉིས་བཤད་པའི་གཉིས་པ་ནི། གཤིན་རྗེ་གཤེད་ལ་སོགས་པ་དང༌། དང་པོ་ནི་འདི་དག་གི་འཁོར་འཇིག་རྟེན་པ་ཡིན་པས་རྩེ་གསུམ་འཛིན་པ་སོགས་སྟོབས་པོ་ཆེ་ལ་སོགས་པ་ལ་འཆད་པ་ནི་འདིར་མི་འགྲིག་གོ །མི་ཕྱེད་པའི་འཁོར་ནི་རྩེ་གསུམ་འཛིན་པ་ལ་སོགས་ཀྱི་འཁོར་ཉིད་ཀྱི་ཁྱད་པར་རོ། །རྡོ་རྗེ་ཆོ་ག་བཞིན་དུ་བསྐུལ་ན་ཞེས་བྱ་བ་ནི་མངག་གཞུག་པ་བསྐུལ་བར་བྱ་ཞེས་པ་ཙམ་དང༌། བསྐུལ་བའི་ས་བོན་ཨཱཾ་ཞེས་པ་ཙམ་མ་གཏོགས་པ་བསྐུལ་ལུགས་མ་བཤད་པས། སྔར་:པ་ཚབ:བཤད་པའི་རིམ་པས་ཞེས་པ་མི་དག་པས་དཀྱུས་ན་ཡོད་པ་བཞིན། ཆག་འགྱུར་ལས་ཀྱང་འབྱུང་བ་དག་གོ །བཤད་པའི་རིམ་པས་བསྐུལ་བའོ། །དེ་ལྟར་བྱས་པས་ཅིར་འགྱུར་ཞེ་ན། སངས་རྒྱས་བྱང་ཆུབ་རབ་ཏུ་འགྲུབ། ཅེས་བྱ་བ་སྟེ། སངས་རྒྱས་

---

^{[མ་དཔེ་གཟིགས་ན་འདིར་གནོན།]}

ནི་སྒྲུབ་པ་པོ་སྟེ་དེ་ཡི་བྱང་ཆུབ་ནི། མངོན་པར་འདོད་པའི་དོན་འགྲུབ་པར་འགྱུར་ཞིང་མཐར་ཐུག་པར་འགྱུར་བའོ། ༈ །འདི་སྐད་ཅེས་ཀྱང་གསུངས་སོ་ཞེས་བྱ་བ་ནི། རྡོ་རྗེ་འཆང་ཆེན་པོས་དེ་སྐད་ཅེས་ཀྱང་གསུངས་སོ་ཞེས་པའོ། །ཉམས་དགའ་བ་ཞེས་བྱ་བ་ལ་སོགས་ཆུ་གླིང་ནི་མཐའ་ཆུས་བསྐོར་བའི་སྐམ་སའོ། །རྣམ་པར་སྣ་ཚོགས་ཞེས་པ་སྐྱེད་མོས་ཚལ་དང་ལྷ་ཁང་ལ་སོགས་སོ། །པའི་དོན་ནི་བཤད་ཟིན་ནོ། །ཟླ་བ་ཕྱེད་ནི་ཚུན་ཆད་ཀྱིས། སངས་རྒྱས་ཐོབ་པར་གདོན་མི་ཟ། ཞེས་བྱ་བའི་སངས་རྒྱས་ནི་འདིར་བསྒྲུབ་པར་བརྩམས་པའི་མངག་གཞུག་གྲུབ་པ་ཉིད་དོ། །སངས་རྒྱས་ཐོབ་པ་ཞེས་བྱ་བ་ནི་འདིར་སྒྲུབ་པར་བརྩམ་པ་ཉིད་དོ། ༈ །རི་རབ་སུམ་ཅུ་ཞེས་བྱ་བ་ལ་སོགས་པས་ནི་སྒྲུབ་པའི་འབྲས་བུ་གསུངས་པ་ཡིན་ཏེ། རིའི་རྒྱལ་པོ་རི་རབ་སུམ་ཅུ་རྩ་དྲུག་གི་རྡུལ་ཕྲན་གྱི་རྡུལ་གྱི་ཆ་ཤས་ཇི་སྙེད་ཡོད་པ། དེ་སྙེད་ཀྱི་ཚད་ཀྱི་བྲན་ཕོ་ལ་སོགས་པའི་དབྱེ་བས་ཕྱེ་བའི་རྡོ་རྗེ་སེམས་དཔའ་ལ་སོགས་པ་དེའི་སྟེ། རྡོ་རྗེ་སེམས་དཔའ་ལ་སོགས་པའི་མངག་གཞུག་པར་གང་གྱུར་པ་དེ་དག་ཐམས་ཅད། བྱང་ཆུབ་རྡོ་རྗེ་ཅན་འགྱུར་རྙིང་ལས། དེ་ཡི་འཁོར་ཚོགས་ལྷན་ཅིག་ཏུ། །འཁོར་ལོ་ཅན་གྱི་བྱང་ཆུབ་འགྲུབ། ཅེས་པ་མི་དག་པས། :པ་ཚབ:བྱང་ཆུབ་རྡོ་རྗེ་ཅན་དེ་ཡི། །འཁོར་གྱི་ཚོགས་ནི་འགྲུབ་པར་འགྱུར། ཞེས་པ་ལེགས་སོ། །ཞེས་བྱ་བ་སྒྲུབ་པ་པོའི་འཁོར་དུ་འགྲུབ་པར་འགྱུར་ཞིང༌། འཁོར་གྱི་ཚུལ་གྱིས་བཀའ་ནོད་ཅིང་གནས་པར་འགྱུར་རོ། །སུམ་ཅུ་རྩ་དྲུག་སྨོས་པ་ནི་འདི་ལས་ཉུང་བར་མི་འགྱུར་རོ་ཞེས་བསྟན་པའི་ཕྱིར་གསུངས་

---

^{[མ་དཔེ་གཟིགས་ན་འདིར་གནོན།]}

པ་ཡིན་ནོ། ༈ །ཕན་ཡོན་གཞན་ཡང་བསྟན་པར་བྱ་བའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། ཤར་ལ་སོགས་པ་ཕྱོགས་བཅུ་ན་སངས་རྒྱས་ཐམས་ཅད་ཀྱི་ཞེས་པ། ”གངྒཱ་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་ཇི་སྙེད་ཡོད་པ། དེ་དག་ཐམས་ཅད་དུ་འགྲོ་བར་འགྱུར་ཞིང་ཕྱིན་པར་འགྱུར་བ་ནི་མངག་གཞུག་པ་དེས་སངས་རྒྱས་བཞུགས་པའི་སྤྱན་སྔར་འཁྲིད་པའོ་རོ་། །དེར་སོང་ནས་ཀྱང་ཟབ་མོའི་ཆོས་རྡོ་རྗེ་འཆང་ཆེན་པོ་ཐོབ་པའི་རྒྱུར་གྱུར་པའི་སྔགས་ཀྱི་ལམ་ཁྱད་པར་ཅན་དེ་བཞིན་གཤེགས་པ་རྣམས་ལས་ཐོས་པར་འགྱུར་རོ། །དེ་ནས་ཅིར་འགྱུར་ཞེ་ན།་ སངས་རྒྱས་ས་ཡང་འཐོབ་པར་འགྱུར། ཞེས་བྱ་བའོ། །འདི་སྐད་སྟོན་པར་འགྱུར་ཏེ་བསྐྱེད་པའི་རིམ་པའི་ཏིང་ངེ་འཛིན་ལ་གནས་ནས། བཤད་མ་ཐག་པའི་ཚུལ་གྱིས་མངག་གཞུག་པའི་དངོས་གྲུབ་ཐོབ་ནས། དེ་བཞིན་གཤེགས་པ་རྣམས་མཉེས་པར་བྱས་པས། རྫོགས་པའི་རིམ་པའི་ཏིང་ངེ་འཛིན་མངོན་དུ་བྱས་ཏེ། རྡོ་རྗེ་འཆང་ཆེན་པོའི་གོ་འཕང་ཐོབ་པར་འགྱུར་བའོ། །བཅོམ་ལྡན་འདས་དམ་ཚིག་རྡོ་རྗེ་བཞད་པས་དེ་སྐད་ཅེས་བཀའ་སྩལ་ཏོ། ཞེས་བྱ་བ་ནི་རྡོ་རྗེ་འཆང་ཆེན་པོའོ། ༈ །དེ་ལ་འདི་ནི་ཞེས་བྱ་བ་ལ་སོགས་པ་ལ། མངག་གཞུག་པ་ཐམས་ཅད་ནི་འཇིག་རྟེན་པའི་གནོད་སྦྱིན་ལ་སོགས་པ་དང་འཇིག་རྟེན་ལས་འདས་པ་གནོད་མཛེས་ལ་སོགས་པ་རྣམས་སོ། །དེ་ཉིད་སྦ་བར་བྱ་བ་ཡིན་པས་ན་གསང་བའོ། །མངག་གཞུག་པ་དེ་

---

^{[མ་དཔེ་གཟིགས་ན་འདིར་གནོན།]}

རྣམས་བསྒྲུབ་པར་བྱ་བའི་ཕྱིར་རྡོ་རྗེ་གསང་བ་ཞེས་བྱ་བ་སྟེ། རྡོ་རྗེ་སེམས་དཔས་ཡང་དག་པར་བསྟེན་པར་གྱུར་པའི་གསང་བའི་ལས་རྩོམ་པའོ། །རྡོ་རྗེ་སེམས་དཔའ་ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་ནི་མི་བསྐྱོད་པའོ། །དེའི་ཡེ་ཤེས་ཆེན་པོ་ནི་སེམས་ཀྱི་ངོ་བོ་ཉིད་ཡི་གེ་ཧཱུཾ་ངོ་། །གསུང་གི་རྡོ་རྗེ་ནི་འོད་དཔག་ཏུ་མེད་པའོ། །དེ་འཛིན་ཅིང་སྐྱེད་པར་བྱེད་པས་ན་གསུང་གི་རྡོ་རྗེ་འཛིན་པ་སྟེ་ཡི་གེ་ཨཱཿ། །རྡོ་རྗེའི་སྐུ་ནི་རྣམ་པར་སྣང་མཛད་དོ། །དེའི་དགོད་པ་ཆེན་པོ་ནི་སྐྱེད་པར་བྱེད་པའི་ཡི་གེ་ༀ་ཡིན་ཏེ། ཡི་གེ་གསུམ་པོ་དེ་དག་གིས་རྟག་ཏུ་བསྐུལ་བར་བྱ་ཞེས་སྦྱར་རོ། །རྟག་ཏུའི་དོན་ནི་མངག་གཞུག་པ་རྣམས་བསྐྱེད་པ་ནས་བརྩམས་ཏེ། དུས་ཐམས་ཅད་དུ་འོ། རྟག་ཏུ་དེ་ལྟར་འབྲུ་གསུམ་བཟླས་པས་བསྐུལ་བར་བྱ་ཞིང༌། སྟེ་བསྐུལ་བས་རང་ཉིད་ནུས་པ་དང་ལྡན་པར་བྱིན་གྱིས་བརླབ་པར་བྱའོ། ༈ །དེ་ལ་ཞེས་བྱ་བ་ནི་མངག་གཞུག་པ་བསྒྲུབ་པར་བྱ་བའི་ཡུལ་ལ་སྟེ། འོག་ནས་བཤད་པ་དམ་ཚིག་བསྐུལ་བ་སོགས་འདི་ནི་རྡོ་རྗེ་ཡེ་ཤེས་ཞེས་པ། དེ་བཞིན་གཤེགས་པ་རྣམས་ཏེ་དེ་རྣམས་ཀྱི་འཁོར་ལོ་ནི་ཚོགས་སོ། །དེ་རྣམས་ཀྱི ས་བྱས་པའི་སྔགས་ཀྱི་ཚིག་ནི་མངག་གཞུག་པ་སྒྲུབ་པའི་ཚིག་གོ །དེ་རྣམས་ཀྱི་དམ་ཚིག་གི་གནས་ཞེས་པ་ནི། འདའ་བར་མི་བྱ་བའི་གནས་སྐབས་སོ། །དེ་ཡང༌། དམ་ཚིག་བསྐུལ་བ་ལ་སོགས་པའི་དབྱེ་བས་རྣམ་པར་བཞིའོ། །དམ་ཚིག་བསྐུལ་བ་དང་ཞེས་བྱ་བ་ལ། དམ་ཚིག་ནི་རྡོ་རྗེ་འཆང་ཆེན་པོའི་བཀའ་ཡི་གེ་གསུམ་མོ་འོ་། །

---

^{[མ་དཔེ་གཟིགས་ན་འདིར་གནོན།]}

གསུམ་པོ་དེ་བཟླས་པ ས་ཐུགས་བསྐུལ་བ་ནི་རང་ནུས་ལྡན་དུ་བསྒྲུབ་པའི་དོན་དུ་གསོལ་བ་བཏབ་པ་སྟེ་འདེབས་པ། །རྒྱུད་ཕྱི་མ་ལས། སྐུ་གསུང་ཐུགས་ཀྱི་དེ་ཉིད་ནི། སད་པར་བྱ་བ་བསྐུལ་བར་བཤད། ཅེས་སོ། །དམ་ཚིག་གཏོང་བ་ཞེས་བྱ་བ་ནི། དམ་ཚིག་གི་དེ་ཉིད་ནི་མི་འདའ་བའི་རིམ་པའོ་ཀྱི་དེ ས་བྱ་བ་རྣམས་ལ་སྦྱར་བ་ནི་རང་གི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས་མངག་གཞུག་པའི་ཡེ་ཤེས་པ་རྣམས་སྤྱན་འདྲེན་པ་དང༌། དྲངས་པ་རྣམས་དམ་ཚིག་པ་ལ་འཇུག་པའི་ལས་རྣམས་ལ་སྦྱར་ནས་དམ་ཚིག་གི་དོན་བསྒྲུབ་བྱ་སྒྲུབ་པ སྟེ་འོ་། །ཕྱོགས་བཅུའི་འཇིག་རྟེན་ཁམས་རྣམས་སུ། འོད་ཟེར་འགྱེད་པ་གཏོང་བ་ཡིན་ཞེས་སོ། །དམ་ཚིག་བོད་པ་ནི་དམ་ཚིག་གི་ལྷ་དེ་ལས ས་འདི་འགྱུར་གསར་གཉིས་ལ་མེད་དོ། །་བོད་ཅིང་སྟེ་ལྷ་དེའི་མིང་དང་སྤེལ་ཚིག་སྦྱར་ནས་དམ་ཚིག་ཏུ་བྱེད་པ་སྟེ་བཀའ་བསྒོ་བ་ལས་མི་འདའ་བར་བྱེད་པ་སྟེ། རྡོ་རྗེ་ཅན་ཀུན་སྤྱན་འདྲེན་པས། རྡོ་རྗེ་ཅན་ཀུན་སྤྱན་དྲང་པའོ་ཞེས་སྤྱན་འདྲེན་པ་དང་དྲངས་བ་གཉིས་ཡོད་པའི་དོན་ནོ་འོ་། །དམ་ཚིག་འཆིང་བའོ་ཞེས་བྱ་བ་ནི། རང་རིགས་གསུམ་གྱི་རྡོ་རྗེ་ཅན་དུ་བསྒོམ་པའི་སྙིང་གའི་གནས་ཀྱི་ས་བོན་གྱི་འོད་ཟེར་གྱི་མཚོན་ཆ་སྤྲོས་པས། ཡེ་ཤེས་པའི་རྡོ་རྗེ་ཀུན་གྱི་ཐུགས་ཀར་བཏབ་ནས། འོད་ཟེར་གྱི་གོང་བུ་གཅིག་ཏུ་བྱས་པ་དམ་ཚིག་པ་དེ་ལ་འཆིང་བ་སྟེ་གཞུག་ཅིང་དེའི་འོག་ཏུ་ཞིང་དྲག་པོ་སྟེ་འོད་ཟེར་གྱི་མཚོན་ཆ ས་མངག་གཞུག་པའི་སྙིང་གར་ངེས་པར་སྦྱོར་བ་སྟེ་འདེབས་པ། །རྒྱུད་ཕྱི་མ་ལས། རྡོ་རྗེ་ཅན་གྱི་གནས་དེ་ཡི། །འོད་ཟེར་གྱིས་ནི་རྡོ་རྗེ་ཀུན། །བསྡུས་ནས་གོང་བུའི་ཚུལ་གྱིས་སུ། །བཅིངས་པས་བཅིང་བ་ཡིན་པར་བཤད། ཅེས་སོ། །དེ་ལྟར་ན་འཇིག་རྟེན་པའི་མངག་གཞུག་པ་རྣམས་ཀྱང་སྐྱེད་ཆོག་སྔར་ལྟར་

---

^{[མ་དཔེ་གཟིགས་ན་འདིར་གནོན།]}

བྱས་ནས། དམ་ཚིག་བསྐུལ་བ་སོགས་བཞི་བྱའོ། ༈ །དེ་ལྟར་མངག་གཞུག་པ་སྒྲུབ་པས་གྲུབ་པ་དེ ས་ཅི་ཞིག་བྱེད་ཅེ་ན། མཁའ་དབྱིངས་རྒྱ་ཆེན་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་རྒྱ་ཆེ་ཞིང་མཐའ་མེད་ལ་དག་ཅིང་སྒྲིབ་པ་མེད་པ་དང་། ཆོས་རྣམས་ཐམས་ཅད་རྣམ་པར་སྤངས། ཞེས་བྱ་བ་སྟེ། མཐོང་བ་ལས་འདས་པ་འདི་ལྟ་བུའི་ནམ་མཁའང་གོང་བུའི་ཚུལ་གྱིས་ཞེས་པ། གཟུགས་ཅན་གྱི་རང་གི་ངོ་བོས་རྡོ་རྗེ་ལྟར་སྲ་བའི་གཟུགས་སུའང༌། སྒྲུབ་པ་པོས་བསྐུལ་ན་མངག་གཞུག་པ་རྣམས་ཀྱིས་བྱེད་པར་འགྱུར་ན། གཞན་དག་སྒྲུབ་པར་བྱེད་པ་ལྟ་སྨོས་ཀྱང་ཅི་དགོས། ཞེས་ཕུལ་དུ་བྱུང་བའི་ཁྱད་པར་དུ་གསུངས་པའོ། ༈ །བཅོམ་ལྡན་འདས་སངས་རྒྱས་ཐམས་ཅད་ཀྱི་ཞེས་རྒྱུད་དང་འགྲེལ་པ་གཉིས་ཀ་ལས་འབྱུང་བ་མ་དག་པས། གཞན་ལས་དེ་མེད་པ་:པ་ཚབ་ཆག:ལྟར་བྱའོ། །ཀྱི་བུ་གཅིག་པ་ཞེས་བྱ་བ་ནི།སངས་རྒྱས་ཐམས་ཅད་བུ་གཅིག་པ་གང་ལ་མངའ་བ་རྡོ་རྗེ་འཛིན་:པ་ཚབ:པ་དེས་ཟེར། གང་གི་བུ་གཅིག་པ་སངས་རྒྱས་ཐམས་ཅད་ཡིན་པ་དེ་ནི། རྡོ་རྗེ་སེམས་དཔའ་ཆེན་པོ་སྟེ་དེས་དེ་སྐད་ཅེས་བཀའ་སྩལ་པའོ། ༈ །ད་ནི་རྒྱལ་པོ་ལ་སོགས་པ་དབང་དུ་བྱ་བ་བསྟན་པར་བྱ་བའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་རྟོགས་པ་ལ་འཇུག་པས་ཤེས་རབ་ཆེན་པོ་དང་ལྡན་ཞིང་བསྟན་བཅོས་ཀྱི་རིགས་ཅན་ཏེ་དེ་ལ་མཁས་པའོ་ནོ་། །རྡོ་རྗེ་སེམས་དཔའ་ནི་རྒྱལ་བློན་ལ་སོགས་པ་བསོད་ནམས་ཆེ་ཞིང་བློ་བརྟན་པོ་

---

^{[མ་དཔེ་གཟིགས་ན་འདིར་གནོན།]}

སྟེ་དེ་དག་ཀྱང་གལ་ཏེ་དབང་དུ་བྱ་བར་འདོད་ཅིང༌། རང་གི་མངོན་པར་འདོད་པ་གང་ཡོད་པ་ལ་འཇོག་པར་འདོད་ན། རྡོ་རྗེ་མཆོག་གསུམ་འཛིན་པ་ཆེ། ཞེས་བྱ་བ། སྐུ་རྡོ་རྗེ་ལ་སོགས་པ་གསུམ་གྱི་འི་ངོ་བོ་ཉིད་འཇམ་དཔལ་ཆེན་པོའི་སྐུ་གསང་བ་ཆེན་པོ་སྟེ། སྦས་པར་གྱུར་པ་འོག་ནས་བཤད་པ་འདི་བསམ་ཞིང་བསྒོམ་པར་བྱའོ། །ཇི་ལྟར་བསྒོམ་ཞེ་ན། རྡོ་རྗེ་འཇམ་པ་ཞེས་བྱ་བ་ལ་སོགས་པ་གསུངས་ཏེ། སྐད་ཅིག་གིས་བདག་ཉིད་རྡོ་རྗེ་འཇམ་དཔལ་སྟོབས་ཆེ་ཞིང༌། བསྒྲུབ་པ་སྟེ་དབང་དུ་བྱ་བ ར་དཀའ་བ་ཡང་སྒྲུབ་པ་སྟེ་དབང་དུ་བྱེད་པ་ནམ་མཁའ་རྡོ་རྗེའི་དབུས་སུ་ཞེས་པ། འོད་གསལ་བ་ལས་བྱུང་བ་བསམ་ཞིང་བསྒོམ་པར་བྱའོ། ། བླ་མ་ཁ་ཅིག་འདི་བསྐྱེད་རིམ་པ་ལ་སྦྱོར། ཁ་ཅིག་ཟུང་འཇུག་པ་ལ་བྱ་དགོས་ཏེ། སྐད་ཅིག་གིས་ཞེས་པ་དང༌། འོད་གསལ་ལས་བྱུང་ཞེས་བཤད་པའི་ཕྱིར་རོ། །ཟེར་རོ། །རྟགས་དེ་ནི་ཤིན་ཏུ་ཡང་མ་ངེས་ཏེ། འགྲེལ་པ་འདིར་ནམ་མཁའི་དབྱིངས་ཀྱི་དབུས་གནས་ཞེས་པ་རྣམས་བསྐྱེད་རིམ་གྱི་སྐབས་སུ་འོད་གསལ་ལ་བཤད་པ་དུ་མ་ཞིག་སྣང་ཞིང༌། བསྐྱེད་རིམ་པ་ལ་ཡང་ལྷག་མོས་ཀྱི་དཀྱིལ་འཁོར་ལྟ་བུ་སྐད་ཅིག་གིས་བསྐྱེད་པ་དུ་མ་ཞིག་ཡོད་པའི་ཕྱིར་དང༌། བསྐྱེད་རིམ་ལ་བརྟན་ཞིང་སྤྱོད་པ་བྱས་པའི་དབང་རྣོན་གྱིས་འདི་འདྲའི་དངོས་གྲུབ་རྣམས་ཞག་བདུན་གྱིས་འགྲུབ་པར་གསུངས་པ་ལ། ཟུང་འཇུག་པས་འདི་ལ་ཟླ་ཕྱེད་

---

^{[མ་དཔེ་གཟིགས་ན་འདིར་གནོན།]}

སྒྲུབ་མི་དགོས་པའི་ཕྱིར་རོ། །དེས་ན་བསྐྱེད་རིམ་པ་ནང་ལ་མཆོག་ཏུ་གཞོལ་བའི་བསྙེན་པ་ལས་སུ་རུང་བས་བྱེད་པ་ཡིན་ནོ། །དེ་ཡང་སྟོང་པའི་ངང་ལས་འཇམ་དཔལ་དམར་པོ་ན་བཟའ་དང་རྒྱན་ཐམས་ཅད་དམར་པོ་ཕྱག་གཡས་ཀྱི་སོར་མོ་ལྔའི་ནང་ན་རཾ་ལས་བྱུང་བའི་མདའ་ཨུཏྤལ་དམར་པོ་ཁ་མ་བྱེ་བའི་མདེའུ་ཅན་ལྔ་འདྲེན་ཞིང་གཡོན་ན་བཾ་འམ་ཎཾ་ལས་བྱུང་བའི་གཞུ། ཨཾ་ལས་བྱུང་བའི་གཞུ་རྒྱུད་ཅན་དུ་བསྒོམ་མོ། །མདའ་ལྔའི་སྦྱོར་བ་དག་གིས་ནི། ཞེས་བྱ་བ་ལ། གཞན་འཕྲུལ་དབང་བྱེད་ཀྱི་བདག་པོ་ལ་ཡོད་པའི་མདའ་ལྔ་ནི་འདོད་ཆགས་རྒྱས་ཤིང་མྱོས་པར་བྱེད་པས་དྲེགས་པར་བྱེད་པ་དང༌། འདོད་པའི་དགའ་བས་མྱོས་ནས་རྨོངས་པར་བྱེད་པ་རྨོངས་པར་བྱེད་པ་དང༌། ཆགས་པའི་དབང་གིས་དྲན་པ་མེད་པར་བྱེད་པ་ཀུན་ཏུ་རྨོངས་པར་བྱེད་པ་དང༌། ཡུལ་དབང་རྣམ་ཤེས་ཉམས་པས་ཤིང་བཞིན་ས་ལ་ལྟུང་བར་བྱེད་པ་བརྒྱལ་བར་བྱེད་པ་དང༌། མི་གཡོ་བས་རོ་བཞིན་དུ་བྱེད་པ་སེམས་མེད་པར་བྱེད་པ་སྟེ་མདའ་ལྔའོ། །དེ་རྣམས་ཀྱི་སྦྱོར་བ་ནི་མདའ་ལྔ་ལས་ས་བོན་ལྔ་གཏོང་བ་སྟེ། དབུ་རྒྱན་གྱི་རྩེ་མོར་ཞེས་པ། བསྒྲུབ་པར་བྱ་བའི་མཆོག་ལ་ཡང་དག་སྤྲོ་ཞེས་བྱ་བ་སྟེ་འཕང་བར་བྱའོ། །མདའ་ལྔ་ཇི་ལྟར་འཕང་ཞེ་ན། གནས་ལྔ་དག་ཏུ་སྔགས་ཤེས་པས། ཞེས་བྱ་བ་སྟེ། ཧཱུཾ་སྙིང་ཁར་དང་ༀ་སྤྱི་བོར་དང་ལྟེ་བར་སྭ་དང་གསང་བར་ཨཱཿ དང་རྐང་པར་ཧ་སྟེ། གནས་ལྔ་རྣམས་སུ་སྔགས་ཤེས་པ་ཞེས་པ། ས་བོན་རྣམས་དགོད་པ་དང་གཏོང་ཤེས་པའི་སྔགས་པས་རྡོ་རྗེ་ཁྲོ་བོ་སྟེ་ལྷག་པའི་བསམ་པ་བརྟན་པས་ཁབསྒྲུབ་བྱ་ལ་དབབ་པར་བྱ་ཞིང་ཀམདའ་ལྔ་གབསྒོམ་པར་བྱའོ། །ཕྱག་གི་མདའ་ལྔ་ལས་ཡི་གེ་ལྔ་རིམ་པ་བཞིན་དུ་དྲེགས་བྱེད་ལ་སོགས་པའི་མདའ་ལྔའི་ངོ་བོར་

---

^{[མ་དཔེ་གཟིགས་ན་འདིར་གནོན།]}

བསམས་ནས། བསྒྲུབ་བྱའི་གནས་ལྔ་རུ་བསྣུན་པར་བསམ་མོ། །བྱིས་པའི་བློ་ནི་གྲགས་ཆེན་གྱིས། ཞེས་བྱ་བ་ལ། བྱིས་པ་ནི་ཤིན་ཏུ་གཞོན་ཤ་ཅན་དུ་གྱུར་པས་བྱིས་པ་དང་འདྲ་བ་འཇམ་པའི་དབྱངས་ཏེ་དེ་ལ་བློ་སེམས་པ་གང་ཡིན་པ་དེ་ནི། བྱིས་པའི་བློ་སྟེ་སྒྲུབ་པ་པོ་གྲགས་ཆེན་གྱིས་ཞེས་པ་ནི་ནུས་པ་ཆེན་པོ་དང་ལྡན་པ་དྲེགས་པར་བྱེད་པ་ལ་སོགས་པའི་མདས་བསྣུན་པས་བསྒྲུབ་པར་བྱ་བ་སྔངས་ཤིང་སྐྱབས་མེད་ལ་བརྒྱལ་ཞིང༌། རྨོངས་པར་བསྒོམ་ཞིང་བསམ་པར་བྱ་སྟེ། དབང་དུ་བྱ་བའི་བསམ་གཏན་འདི་ནི་གསང་བའི་བསྐུལ་བ་ཞེས་བྱ་བ། ནང་གི་བདག་ཉིད་ལ་མཆོག་ཏུ་གཞོལ་བས་ཟླ་བ་ཕྱེད་དེ་ཉིན་ཞག་བཅོ་ལྔའི་བར་དུ་བསྒོམ་པར་བྱ་བ་ནི། སྔགས་རྣམས་ཀུན་གྱི་ཞེས་པ། དེ་བཞིན་གཤེགས་པ་ཐམས་ཅད་ཀྱི་རབ་ཏུ་གསང་བ་ཡིན་པར། རྡོ་རྗེའི་དོན་གྱི་བློ་ཡིས་ཞེས་པ་རྡོ་རྗེ་འཆང་ཆེན་པོས་གསུངས་ཤིང་བཤད་པ་ཡིན་ནོ། ༈ །བསྟན་པ་ལ་མ་མོས་པ་གདུག་པ་ཅན་གདུལ་བའི་དོན་གྱི་སྦྱོར་བ་བསྟན་པར་བྱ་བའི་ཕྱིར། སངས་རྒྱས་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། རང་གི་ལྷའི་ཏིང་ངེ་འཛིན་གཉིས་སྔོན་དུ་བྱ། ལས་སྦྱོར་གྱི་དུས་སུ་ནམ་མཁའི་དབྱིངས་ཀྱི་དབུས་སུ་གནས་པའི་ཧཱུཾ་བསམས་ལ། དེ་ཡོངས་སུ་གྱུར་པ་ལས་སངས་རྒྱས་ཀྱི་དཀྱིལ་འཁོར་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་བཀོད་པའི་མཆོག་ལྷ་སོ་གཉིས་རྟེན་དང་བཅས་པ་བསམ་པར་བྱའོ། །སྔགས་ཀྱི་རྡོ་རྗེ་ནི་ཡི་གེ་ཧཱུཾ་སྟེ་དེ་ལ་སོགས་པ་རིགས་ལྔའི་ས་བོན་རྣམ་པ་ལྔ་རྣམས་ཀྱིས། རྡོ་རྗེ་གསུམ་ལ་སོགས་པར་ཞེས་པ་བསྒྲུབ་པར་བྱ་བར་གྱུར་པའི་གདུག་པ་རྣམས་རབ་ཏུ་བསྒོམ་པར་བྱ་སྟེ་འོ་། །དེ་ཡང་ཞེ་

---

^{[མ་དཔེ་གཟིགས་ན་འདིར་གནོན།]}

སྡང་དང་གཏི་མུག་དང་རྒྱལ་དང་ཆགས་པ་དང་ཕྲག་དོག་ཤས་ཆེ་ན་རིམ་པ་བཞིན་དུ་ཧཱུཾ་ༀ་སྭཱ་ཨཱཿ ཧཱ་ལས་རིམ་པ་བཞིན་དུ་མི་བསྐྱོད་པ་ནས་དོན་གྲུབ་ཀྱི་བར་དུ་སྐྱེད་དོ། །དེ་རྣམས་ཀྱི་མིག་གི་དབུས་སུ་ཞེས་པ་མིག་གི་སྦུབས་སུ། ཡི་གེ་ༀ་དཀར་པོ་འོད་རབ་ཏུ་འཕྲོ་བ་བསམས་ནས། ནམ་མཁའི་ཁོངས་ན་བཞུགས་པའི་དཀྱིལ་འཁོར་འདི་བསྒྲུབ་བྱ་འདི་དག་གིས་མཐོང་བར་ཤོག་ཅིག །ཅེས་བྱིན་གྱིས་བརླབ་པའི་ཆོ་གས་གདུལ་བྱ་དེ་ལ་དཀྱིལ་འཁོར་དེ་བསྟན་པར་བྱའོ། །དེ་ལྟར་བྱས་ན་སྔགས་རྣམས་ཀུན་གྱི་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་གཟུགས་དག་ནི་ཞེས་བྱ་བ། ཕྱག་རྒྱ་ཆེན་པོའི་གཟུགས་སྐུ་གསུམ་རྡོ་རྗེ་ཅན་དུ་མཐོང༌། ཞེས་པ་སྟེ་སྒྲུབ་:ཆག:བསྒྲུབ་བྱས་ཞེས་པ་དང༌། བསྒྲུབ་པས་:པ་ཚབ:ཞེས་ཟེར་བ་ལྟར་བསྒྲུབ་བྱ་ཡིན་གྱི་སྒྲུབ་པ་པོ་མིན་ནོ། །པ་པོས་མཐོང་བར་འགྱུར་རོ། ༈ །བཀྲེས་སྐོམ་ལ་སོགས་ཞེས་བྱ་བ་ལ་སོགས་པ་ལ། བཀྲེས་པ་དང་སྐོམ་པས་གདུངས་པ་ལ་སོགས་པས་ཟིལ་གྱིས་ནོན་པའི་སྒྲུབ་པ་པོས། སྦྱོར་བ་འདི་རྣམ་པར་བསམ་ན་རྡོ་རྗེ་ཐུགས་ཀྱི་བཀའ་བཞིན་དུ། ཞེས་པ་རྡོ་རྗེ་འཆང་ཆེན་པོས་གསུངས་པ་བཞིན་དུ། སྡུག་བསྔལ་ཐམས་ཅད་བྱང་བར་འགྱུར། ཞེས་བྱ་བ་སྟེ། ལུས་དང་ངག་དང་ཡིད་ཀྱི་སྡུག་བསྔལ་ཐམས་ཅད་རྣམ་པར་འཇིག་པར་འགྱུར་རོ། །དེ་ཉིད་བསྟན་པར་བྱ་བའི་ཕྱིར། རྣམ་པར་སྣང་མཛད་ཅེས་བྱ་བ་ལ་སོགས་པ་གསུངས་ཏེ། རང་ཉིད་རྣམ་པར་སྣང་མཛད་ཀྱི་དཀྱིལ་འཁོར་གྱི་འཁོར་ལོའམ་དཔའ་བོ་གཅིག་པའི་གཟུགས་སུ་དོན་