ཤོག་ལྷེབ་ ༡༠༠༡ ནས་ ༡༠༤༡ བར།
པ་སྨྲས་པ་ནི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་:ཆག:གསང་བའི་ཡི་གེ་དུ་རྟོགས་པ་དང་ལྡན་ན་ཟེར། བའི་ཡི་གེ་དུ་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག །དེ་བཞིན་གཤེགས་པ་ཐམས་ཅད་ཀྱི་གསང་བའི་དམ་ཚིག་ཐོས་ནས། འདུས་པ་འདི་ལ་དད་ཅིང་དེའི་ལམ་སྒོམ་པར་འགྱུར། ཞེས་བཅོམ་ལྡན་འདས་ལ་ཞུས་པར་གྱུར་བའོ། དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་གསང་བའི་ཡི་གེ་གསུམ་:ཆག:རྟོགས་པ་དང་ལྡན་ན་ཟེར། དང་ལྡན་ན། བྱང་ཆུབ་སེམས་དཔའ་དེ་དག་དེ་བཞིན་གཤེགས་པ་ཐམས་ཅད་ཀྱི་བླ་ན་མེད་པའི་བྱང་ཆུབ་ཀྱི་ཕྱིར་དུ་སྤྱད་པའི་རྡོ་རྗེ་འདུས་པ་གང་ཡིན་པ་དེ་ལ་དད་ཅིང་དེའི་ལམ་སྒོམ་པར་འགྱུར་རོ། ཞེས་བྱ་བ་ནི་ལན་ནོ། དེ་བཞིན་གཤེགས་པ་ཐམས་ཅད་ཀྱིས་གསོལ་བ། གསུམ་པོ་གང་ཞིག་ལགས། ཞེས་བྱ་བ་ནི་ཡང་ཞུས་པའོ། རྡོ་རྗེ་འཛིན་པས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེ་དང༌། དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེ་དང༌། དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེ་སྟེ་དེ་གསུམ་མོ། ཞེས་བྱ་བ་ནི་ལན་ནོ། །རྒྱུད་ཀྱི་མཆོག་འདི་ལ་རྡོ་རྗེ་
གསུམ་གྱི་གསང་བ་རྟོགས་པ་དང་ལྡན་ན་འདི་ལ་མོས་པ་ཆེན་པོ་འཐོབ་ཅིང༌། འདིའི་དོན་བསྒོམ་པར་འགྱུར། ཞེས་གསུངས་པའི་དོན་ནི། རྒྱུད་ཕྱི་མ་ལས། སྐུ་གསུང་ཐུགས་ནི་རྣམ་པ་གསུམ། །གསང་བ་ཞེས་ནི་བསྟན་པ་ཡིན། །སངས་རྒྱས་ཐམས་ཅད་ཅེས་བྱ་བ། །ཚོགས་པ་འདུས་པ་ཡིན་པ་བཤད། ཅེས་གསུངས་པས་རྡོ་རྗེ་གསུམ་གྱི་གསང་བ་ནི། འདུས་པའི་འདུ་རྒྱུ་ཡིན་ལ། དེའི་ཤུགས་ཀྱིས་འདུས་པ་ཡང་འཛིན་པས། གསང་འདུས་པའི་མཚན་གྱི་དོན་རྟོགས་དགོས་པར་སྟོན་པའོ། །དེས་ན་ལེའུ་དང་པོའི་འགྲེལ་པར་གསང་བ་དང་འདུས་པ་གཉིས་པོ་རེ་རེ་ལ་ཚུལ་བཞི་བཞིར་བཤད་པ་ལྟར་དུ་གོ་ན་དད་ཅིང་སྒོམ་པར་འགྱུར་བའོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ནས་ཅང་མི་གསུང་བར་གྱུར་ཏོ། །ཞེས་བྱ་བ་ནི་དེ་ལྟར་དེ་བཞིན་གཤེགས་པ་རྣམས་ཐེ་ཚོམ་དང་བྲལ་བར་གྱུར་པའོ། ༈ །གཞན་ཡང་རྒྱུད་རྙེད་པར་དཀའ་བ་ཉིད་བསྟན་པས་རྒྱུད་ལ་དད་པ་རྣམ་པར་འཕེལ་བར་བྱ་བའི་ཕྱིར། དེ་བཞིན་གཤེགས་པ་རྣམས་ལ་བོས་པ་དེ་བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས། དེ་བཞིན་གཤེགས་པ་ཐམས་ཅད་དང༌། བྱང་ཆུབ་སེམས་དཔའ་དེ་དག་ལ་བཀའ་སྩལ་བ། བཅོམ་ལྡན་འདས་དེ་བཞིན་གཤེགས་པ་ཐམས་ཅད། སྔོན་བྱུང་བ་ན་བརྗོད་ཀྱིས་མི་ལང་བའི་ཡང་བརྗོད་ཀྱིས་མི་ལང་བའི། སངས་རྒྱས་ཀྱི་ཞིང་གི་རྡུལ་རབ་ཏུ་ཕྲ་བ་དང་མཉམ་པའི་བསྐལ་པ་ཡང་འདས་ནས། གང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མར་མེ་མཛད་ནི་བསྐལ་ཆེན་གྲངས་མེད་
གཅིག་དང༌། དགུ་བཅུ་རྩ་གཅིག་གི་གོང་རོལ་ཏུ་བྱུང་བ་སྟེ། དེས་ཐེག་པ་འདི་གསུངས་སོ། །མཛད་འདས་པ་ནས། ཐུབ་པ་ཆེན་པོ་འོད་སྲུངས་མངོན་པར་སངས་རྒྱས་པའི་བར་གྱིས་ཀྱང་མ་གསུངས་སོ། །དེ་ཅིའི་ཕྱིར་ཞེ་ན། བཅོམ་ལྡན་འདས་གསང་བ་ཆེན་པོའི་གནས་ཀྱི་དོན་བཤད་པ་དེ། དེའི་ཚེ་དེའི་དུས་ན་སེམས་ཅན་རྣམས་ལ་སྐལ་བ་མེད་པའི་ཕྱིར་རོ། ཞེས་བྱ་བ་ལ། བཅོམ་ལྡན་འདས་ཞེས་བྱ་བ་ལ་སོགས་པས་ནི། འདས་པའི་ཚུལ་གྱི་གཏམ་བསྡུས་པ་ཡིན་ཏེ། དེ་བཞིན་གཤེགས་པ་འོད་སྲུངས་ཡོངས་སུ་མྱ་ངན་ལས་འདས་པའི་བར་དུ་མ་བྱུང་བར་བསྟན་པ་ཡིན་ན། དེ་ཅིའི་ཕྱིར་ཞེ་ན། ཞེས་བྱ་བ་ལ་སོགས་པས་ནི། ཅིའི་ཕྱིར་མ་གསུངས་པའི་རྒྱུ་མཚན་འདིར་གསུངས་པ་ཡིན་ཏེ། དུས་དེ་སྲིད་ཀྱི་བར་དུ་ནི་སེམས་ཅན་ཐེག་པ་ཆེན་པོ་བ་རྣམས་ཀྱང་དམན་པ་སྟེ་རྒྱུའི་ཐེག་པ་ལ་ལྷག་པར་མོས་ཤིང༌། སྦྱིན་པ་དང་ཚུལ་ཁྲིམས་ལ་སོགས་པའི་བྱིན་དྲུག་གི་ལམ་འདོད་ཡོན་ལ་ཆགས་པ་ལམ་དུ་བྱེད་པ་དང་བྲལ་བའི་ཆོས་ཀྱི་འདུལ་པ། ཆགས་པ་ལམ་དུ་བྱེད་པའི་ཆོས་ཟབ་མོ་བསྟན་པས་སྐྲག་པ་སྟེ་སེམས་མི་དགའ་བ འི་ཡིད་དང་ལྡན་པ་ཡིན་ཏེ། དེ་བས་ན་ཐེག་པ་འདི་ལ་སྐལ་བ་མེད་པས་དེའི་ཚེ་གསང་བ་ཆེན་པོ་འདོད་ཆགས་ཀྱི་ཆོས་ཀྱིས་འཚང་རྒྱ་བའི་དོན་བཤད་པ་མ་གསུངས་སོ། ཚེ་ལོ་བརྒྱ་བའི་དུས་འདིར་ནི་སེམས་ཅན་རྣམས་འདོད་ཆགས་ལ་ལྷག་པར་སྤྱོད་ཅིང་ཆེ་དང་ལྟ་བ་དང་སེམས་ཅན་དང་དུས་དང་ཉོན་མོངས་པའི་སྙིགས་མ་ལྔ་བདོ་བ་སྟེ་རྒྱས་པའི་འགྲོ་བ་རྣམས་ཀྱི་ཐེག་འདི་ལ་མོས་པར་འགྱུར་པ་མཁྱེན་ནས་བྱོན་ཏེ། དེ་བཞིན་
གཤེགས་པ་ཤཱཀྱའི་རྒྱལ་པོ་འབའ་ཞིག་གིས་གསུངས་པ་ཡིན་ནོ། །འདིས་ན་དབང་པོ་ཤིན་ཏུ་རྣོ་བ་འདོད་ཡོན་ལ་ཆགས་པ་ལམ་དུ་བྱེད་པ་ལ་མོས་ཤིང༌། དེ་ལས་བཟློག་པ་ལ་མི་མོས་པའི་གདུལ་བྱ་ལ་ལམ་འདི་གསུངས་པར་སྟོན་ནོ། །སྔགས་བླ་མེད་གསུངས་པ་དང་མ་གསུངས་པའི་ཚུལ་འདི་ལྟར་བཤད་པ་ནི། གཙོ་བོར་མའི་གདུལ་བྱའི་ཁྱད་པར་མང་པོ་ཞིག་ལ་དགོངས་ནས་ཡིན་ནོ། ༈ །རྒྱུད་རྙེད་དཀའ་བ་འོན་ཀྱང་སངས་རྒྱས་ཉིད་ལམ་འདིས་འཐོབ་པར་འགྱུར་རམ་མི་འགྱུར་ཞེས་འགའ་ཞིག་རྟོག་པར་འགྱུར་པས་དེ་བསལ་བར་བྱ་བའི་ཕྱིར། འོན་ཀྱང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་འདི་ལ། སྐད་ཅིག་ཐང་ཅིག་ཡུད་ཙམ་གྱིས་སངས་རྒྱས་ཀྱི་བྱང་ཆུབ་རྫོགས་པར་བྱེད་དོ། །གང་གཱ འི་ཀླུང་ནི་ཆུ་བོ་ཆེན་པོའོ། །དེའི་གི་བྱེ་མ་ནི་ཆུའི་རྔུལ་ལོ། །དུ་མ་ནི་རྡུལ་དེ་རེ་རེའི་གྲངས་ཇི་སྙེད་པ་དེ་སྙེད་ཀྱི་བསྐལ་པར་བྱང་ཆུབ་སེམས་དཔའ་རྣམས་ཀྱིས། བསམ་པས་འབད་ཅིང་སྦྱོར་བས་བཙལ་ཀྱང་བྱང་ཆུབ་ཐོབ་པར་མི་འགྱུར་བ་གང་ཡིན་པ་དེ། གསང་བ་འདུས་པ་ལ་མངོན་པར་དགའ་བའི་བྱང་ཆུབ་སེམས་དཔའ་རིན་པོ་ཆེ་ལྟ་བུས་སྙིགས་དུས་ཀྱི་ཚེ་གཅིག་པོ་འདི་ཉིད་ལ་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཞེས་བྱ་བའི་གྲངས་སུ་འགྲོ་ཞིང༌།ཞེས་པས་ནི། ཐེག་པ་འདིར་བཤད་པའི་ཚེ་གཅིག་གིས་རྫོགས་པའི་སངས་རྒྱས་འཐོབ་པ་ནི་སྤངས་རྟོགས་མཐར་ཐུག་པའི་སངས་རྒྱས་མ་ཡིན་གྱི། ས་དང་པོ་སོགས་ཡིན་པར་འདོད་པ་རྣམས་བཀག་པ་ཡིན་ནོ། །སངས་རྒྱས་ཀྱི་བྱང་ཆུབ་སྐད་ཅིག་ཐང་ཅིག་ཡུད་ཙམ་ཉིད་ཀྱིས་རྫོགས་པར་བྱེད་དོ། །ཞེས་བྱ་བའི་དོན་ནི་འདི་ཡིན་ཏེ། རིན་པོ་ཆེ་ལྟ་བུའི་གང་ཟག་
གིས་བསྐྱེད་རིམ་ནས་བརྩམས་ཏེ། སློབ་བའི་ཟུང་འཇུག་གི་བར་བསྐྱེད་ནས། དེའི་འོག་ཏུ་སྤྱོད་པ་བྱས་པའི་མཐར་ནང་གི་མངོན་པར་བྱང་ཆུབ་པའི་རིམ་གྱིས་ལྷན་སྐྱེས་ཀྱི་བདེ་བ་ཆེན་པོས་དོན་དམ་པའི་བདེན་པ་འོད་གསལ་ལ་ཞུགས་ནས། རྙོག་པའི་དྲི་མ་ཕྲ་མོ་ཐམས་ཅད་ཀྱང་བཀྲུས་ཏེ་སྐད་ཅིག་སྟེ་སེ་གོལ་གཏོགས་པ་ཙམ་དང༌། ཐང་ཅིག་ཡུངས་ཀར་བསྐོར་བ་ཙམ་དང་ཡུད་ཙམ་དབུགས་འབྱུང་རྔུབ་ཙམ་དང༌། མིག་འཛུམས་པའི་ཡུན་ཙམ་གྱིས་བདག་ལ་བྱིན་གྱིས་བརླབ་པའི་རིམ་པ་ནི་དག་པའི་སྒྱུ་མའི་སྐུའོ། །དེ ས་ལངས་ནས།ཞེས་པ་ནི་འོད་གསལ་ལས་བཞེངས་པ་མ་ཡིན་ཏེ། འདི་འཚང་རྒྱ་ཁ་མའི་སྐབས་ཡིན་པའི་ཕྱིར་རོ། །དེས་ན་སློབ་ལམ་གྱི་ཐ་མའི་ཐུགས་འོད་གསལ་གྱི་ཡེ་ཤེས་དེ་ཉིད་ཀྱིས། །ཀུན་མཁྱེན་ཡེ་ཤེས་ཀྱི་སྐད་ཅིག་དང་པོ་སྐྱེད་པ་དེ་བཞིན་དུ་སློབ་ལམ་གྱི་ཐ་མའི་རྡོ་རྗེའི་སྐུ་དེ་ཉིད་ཀྱི་རྫོགས་པའི་སངས་རྒྱས་ཀྱི་ལོངས་སྐུའི་སྐད་ཅིག་མ་དང་པོ་བསྐྱེད་པ་ལ་ལངས་ཞེས་བརྗོད་པའོ། །ཐམས་ཅད་མཁྱེན་པའི་ཕུན་སུམ་ཚོགས་པ་དང་ལྡན་པར་འགྱུར་རོ། ༈ །གསང་བ་འདུས་པ་འདི་ལ་དེ་ཁོ་ན་ཉིད་རྟོགས་པ་རྣམས་མཐོང་བའི་ཆོས་ཉིད་ལ། ཚེ་འདི་ཉིད་དུ་སངས་རྒྱས་ཉིད་འཐོབ་པ་ཐོས་ཤིང༌། །རྒྱུད་ཀྱི་གཞུང་མ་ལུས་པར་ཐོས་ཀྱང་མཐའ་དྲུག་གི་ཚིག་གི་དབྱེ་བས། རྒྱུད་ཀྱི་དོན་ལ་རྨོངས་པ་དང་མ་བྲལ་བ་ཙན་དན་ལྟ་བུའི་གང་ཟག་ལ་སོགས་པའི། །ཉན་པ་པོ་རྣམས་སེམས་ཇི་ལྟ་བ་བཞིན་དུ་རངས་པ་མ་ཐོབ་པར་གྱུར་
པ་དེ་བསྟན་པར་བྱ་བའི་ཕྱིར། དེ་ནས་བྱང་ཆུབ་སེམས་དཔའ་ད་དག་གིས་གསུང་རྡོ་རྗེའི་ཚིག་འདི་ཐོས་ནས་རབ་ཏུ་ངུས་སོ། ཞེས་བྱ་བ་གསུངས་སོ། ༈ །དེ་ལྟར་སྡུག་བསྔལ་བའི་ཡིད་ཀྱིས་དབང་པོ་དམན་པ་རྣམས་རབ་ཏུ་ངུ་བར་གཟིགས་ནས། སྔོན་བྱུང་ལ་དེ་བཞིན་གཤེགས་པ་རྣམས་ཀྱིས་བྱང་ཆུབ་སེམས་དཔའ་རྣམས་དབུགས་འབྱིན་པ་ལྟར་མཛད་པ་ན། རྗེས་འཇུག་ལ་རིན་པོ་ཆེ་ལྟ་བུའི་གང་ཟག་རིམ་པ་གཉིས་ཀྱི་ཕྱོགས་གཉི་ག་ལ་འཇིགས་པ་མེད་པ ས་ཇི་ལྟར་དབུགས་འབྱིན་པར་བྱེད་པ་དེ་བསྟན་པར་བྱ་བའི་ཕྱིར། དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས། བྱང་ཆུབ་སེམས་དཔའ་དེ་རྣམས་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་ཁྱེད་རྣམས་མ་ངུ་ཞིག །སྡུག་བསྔལ་གསུམ་ལ་མ་བསྒོམ་ཞིག །ཅེས་བྱ་བ་གསུངས་ཏེ། དེ་ལྟར་རྗེས་འཇུག་ལ་རིན་པོ་ཆེ་ལྟ་བུའི་གང་ཟག་གིས་ཙན་དན་ལྟ་བུའི་གང་ཟག་དབུགས་ཕྱུང་ནས། དེ་ནས་ཙན་དན་ལྟ་བུ་ལ་སོགས་པས་བདག་ཉིད་ཀྱི་སྡུག་བསྔལ་གྱི་རྒྱུར་གྱུར་པ་ཇི་ལྟ་བ་བཞིན་དུ་གསོལ་བ་དེ་བསྟན་པར་བྱ་བའི་ཕྱིར། དེ་ནས་དེ་བཞིན་གཤེགས་པ་དེ་དག་ཐམས་ཅད་ལ། བྱང་ཆུབ་སེམས་དཔའ་དེ་རྣམས་ཀྱིས་འདི་སྐད་ཅེས་གསོལ་ཏོ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཇི་ལྟར་མི་ངུ་བར་བགྱི། ཇི་ལྟར་སྡུག་བསྔལ་གསུམ་མི་བསྒོམ་པར་བགྱི། དེ་ཅིའི་ཕྱིར་ཞེ་ན། བཅོམ་ལྡན་འདས་སྔར་རྒྱུད་མ་ལུས་པར་ཐོས་པར་བསྟན་པས་གསང་བའི་ཡི་གེའི་མིང་ཙམ་ཐོས་པའི་
སྐལ་བ་ཡང་མ་མཆིས་སོ། །ཞེས་པ་ནི་འདུས་པའི་མིང་ཚིག་གི་དོན་ཐོས་བསམ་གྱིས་ལེགས་པར་མ་རྟོགས་པ་ཡིན་ལ། ཙམ་གྱི་སྒྲས་ནི་རྫོགས་རིམ་གྱི་ལམ་སྐྱེ་བ་གཅོད་དོ། །ཞེས་བྱ་བ་གསོལ་ཏེ། སྡུག་བསྔལ་གསུམ་ཞེས་བྱ་བ་ནི། སྡུག་བསྔལ་གྱི་སྡུག་བསྔལ་དང༌། འགྱུར་བའི་སྡུག་བསྔལ་དང༌། འདུ་བྱེད་ཀྱི་སྡུག་བསྔལ་ལམ། ལུས་དང་ངག་དང་ཡིད་ཀྱི་སྡུག་བསྔལ་ནི་སྡུལ་བསྔལ་གསུམ་མོ། །གསང་བའི་ཡི་གེ་ཞེས་བྱ་བ་ལ། སྐུ་དང་གསུང་དང་ཐུགས་ནི་གསང་བ་གསུམ་སྟེ་ཡི་གེའི་དོན་ནོ། ཡི་གེ་གསུམ་ནི་གསང་བ་གསུམ་སྟེ་སྤྱིའི་དོན་ནོ། །འཇུག་པ་དང་གནས་པ་དང་ལྡང་བ་གསུམ་ནི་གསང་བ་གསུམ་སྟེ་སྦས་པ་གསུམ་གྱི་སྣང་བ་སེམས་ཀྱི་སྤས་པར་བསྡུ། །ཤེས་རབ་དང་ཐབས་དང་ཉེ་བར་ཐོབ་པ་གསུམ་ནི་གསང་བ་གསུམ་སྟེ། རིམ་པ་བཞི་པའི་འོད་གསལ་གྱི་སྔ་ལོགས་ཀྱི་སྟོང་བ་གསུམ་འོད་གསལ་གྱི་མཐར་ཐུག་ཏུ་བསྡུས་པའོ། །གསང་བའི་ཡི་གེ་གསུམ་པོ་དེ་དག་འདི་ལྟར་དོན་དམ་པར་རྣམ་པར་དག་པ་བསྟན་པར་བྱ་བའི་ཕྱིར། དེ་བཞིན་གཤེགས་པ་རྣམས་ཀྱིས་བཀའ་སྩལ་པ། རིགས་ཀྱི་བུ་དེ་སྐད་མ་ཟེར་ཅིག །ཡི་གེ་ནི་ཐུན་མོང་སྟེ། ཐུན་མོང་བ་ཡིན་ཚུལ་ནི་རིགས་ཀྱི་བུ་ཁྱེད་རྣམས་ཀྱི་ཇི་ལྟར་མི་ཤེས་པ་སྟེ་དོན་མངོན་དུ་མ་གྱུར་པ་དང་མ་ཐོས་པ་སྟེ་ཐོས་བསམ་གྱིས་མ་ཤེས་པ། དེ་བཞིན་དུ། ངེད་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཀྱིས་ཀྱང༌། རིགས་ཀྱི་བུ་གསང་བའི་ཡི་གེ་འདི་དག་མ་ཐོས་ཤིང་མངོན་པར་སངས་མ་རྒྱས་སོ། །
དེ་ཅིའི་ཕྱིར་ཞེ་ན། གསང་བའི་ཡི་གེ་རྣམ་པར་དག་པའི་ཕྱིར་རོ། ཞེས་པ་ནི་དོན་དམ་ལ་དགོངས་སོ། །དེ་ནས་བྱང་ཆུབ་སེམས་དཔའ་དེ་དག་ཅང་མི་སྨྲ་བར་གྱུར་ཏོ། །ཞེས་བྱ་བ་གསུངས་ཏེ། ཁྱེད་རྣམས་ཀྱིས་ཇི་ལྟར་མི་ཤེས་མ་ཐོས་པ་གང་ཡིན་པ་དེ། དེ་བཞིན་གཤེགས་པ་ཐམས་ཅད་དང༌། བྱང་ཆུབ་སེམས་དཔའ་རྣམས་ཀྱི་ཡང་འདི་ནི་ཐུན་མོང་ངོ༌། ཅིའི་ཕྱིར་གསང་བའི་ཡི་གེ་དེ་མ་ཐོབ་ཅེ་ན། དོན་དམ་པར་གཟུང་བར་བྱ་བ་མེད་པས་མ་ཐོབ་ཅིང་དོན་དམ་པར་འཛིན་པ་པོ་མེད་པས་མངོན་པར་སངས་མ་རྒྱས་པ་སྟེ་མངོན་སུམ་དུ་མ་གྱུར་ཏོ་སོ་། །དེ་ཅིའི་ཕྱིར་ཞེ་ན། གསང་བའི་ཡི་གེ་རྣམ་པར་དག་པའི་ཕྱིར་རོ་ཞེས་བྱ་བ་ལ། གསང་བའི་ཡི་གེ་རྣམས་ནི་རང་བཞིན་གྱིས་གྲུབ་པས་སྟོང་པའི་འོད་གསལ་བ་སྟེ། སྟོང་པ་དེས་རྣམ་པར་དག་པའི་ཕྱིར་རོ། །ཞེས་དེ་བཞིན་གཤེགས་པ་རྣམས་ཀྱིས་དེ་ཁོ་ན་ཉིད་གསལ་བར་མཛད་པ་ཡིན་ནོ། ༈ །དེ་ལྟར་མགོ་སྨོས་པས་གོ་བ་རིན་པོ་ཆེ་ལྟ་བུའི་གང་ཟག་གིས། ཙན་དན་ལྟ་བུ་ལ་སོགས་པའི་གང་ཟག་རྣམས་ཀྱི་ཤེས་རབ་ཀྱི་རབ་རིབ་ཀྱི་སོམ་ཉི་རྣམ་པར་བསལ་ནས། དེ་ཁོ་ན་ཉིད་མངོན་པར་རྟོགས་ཤིང་ཤིན་ཏུ་སྦྱངས་པས། འབྲས་བུའི་གནས་སྐབས་གང་འཐོབ་པར་འགྱུར་པ་དེ་བསྟན་པར་བྱ་བའི་ཕྱིར། དེ་ནས་བྱང་ཆུབ་སེམས་དཔའ་དེ་དག་ཐེ་ཚོམ་ཆོད་ནས་ཅང་མི་སྨྲ་བར་གྱུར་ཏོ། ཞེས་བྱ་བ་གསུངས་ཏེ་འདིས་ནི་ཙན་དན་ལ་སོགས་པའི་གང་ཟག་ཡིན་ཀྱང་འདུས་པ་ལ་ཤིན་ཏུ་སྦྱངས་པས་རྒྱུད་དོན་ལེགས་པར་རྟོགས་པ་འབྱུང་བར་བསྟན་ནོ། །དགོངས་པ་མ་ཡིན་པས་བཤད་པའོ། ༈ །དེ་ལྟར་དེ་བཞིན་གཤེགས་པའི་གསུང་གིས་ཐེ་
ཚོམ་དང་བྲལ་བར་གྱུར་པའི། བྱང་ཆུབ་སེམས་དཔའ་དེ་རྣམས་ཀྱི ས་ཉམས་སུ་བླངས་པ་དེའི་འབྲས་བུ་བསྟན་པར་བྱ་བའི་ཕྱིར། རྣམ་སྣང་ལ་སོགས་པའི་དེ་བཞིན་གཤེགས་པ་རིགས་ལྔ་པོ་འདུས་པའི་དྲུག་པ་རྡོ་རྗེ་འཆང་རང་གི འི་བདག་ཉིད་དུ་འོད་གསལ་བར་ཇི་ལྟར་ཞུགས་པར་གྱུར་པ་དེ་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་དེ་བཞིན་གཤེགས་པ་རིགས་ལྔ་པོ་ཐམས་ཅད། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་རྡོ་རྗེ་འཆང་གི་བཙུན་མོ་འོད་གསལ་དེ་ཉིད་སངས་རྒྱས་ཀྱི་ཆོས་སྐྱེ་བའི་སྐྱེ་གནས་སུ་གྱུར་པས་འི་བྷ་ག་ལ་བཞུགས་སོ། །ཞེས་པ་འོད་གསལ་དུ་ཞུགས་པའོ། །ཞེས་བྱ་བ་གསུངས་ཏེ། འདིའི་དོན་ནི་ལེའུ་དང་པོ་འགྲེལ་པར་བཤད་ཟིན་ཏོ། །དེས་ནི་ལམ་བསྒོམས་པ་ལས་འབྲས་བུ་བཅོམ་ལྡན་འདས་རྡོ་རྗེ་འཆང་དང་མཉམ་པའི་འོད་གསལ་གྱི་རྟོགས་པ་འཐོབ་པར་བསྟན་ནོ། ༈ །དེ་ལྟར་ཁའོད་གསལ་བའི་བདག་ཉིད་ཅན་དུ་གྱུར་པ་རྡོ་རྗེ་འཆང་ཆེན་པོ་གལ། བཙུན་མོ་བཞི་རྡོ་རྗེ་འཆང་དེ་དང་འབྲེལ་བས་གདུང་བའི་ཡིད་ཀྱིས་བལྟ་བར་འདོད་པའི་ཕྱིར། སྙིང་རྗེ་དང་བཅས་པས་ཏེ་རང་ཉིད་སྙིང་རྗེ་རྗེ་ལྟར་བྱས་ནས་ཇི་ལྟར་སྨྲེ་བ འི་སྨྲེ་སྔགས་དེ་བསྟན་པར་བྱ་བའི་ཕྱིར། དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བཙུན་མོས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཛིན་པ་ཆེན་པོ་ལ་དགའ་བས་བསྟོད་པ། ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ཏེ།
དེའི་སྐུ་དང་གསུང་དང་ཐུགས་མཉེས་:པ་ཚབ:པར་བྱེད་པའི་ཀྱི་བཙུན་མོ་ནི་སྤྱན་ཏེ། དགའ་བས་ཏེ་རྡོ་རྗེ་འཆང་དང་སྙོམས་པར་འཇུག་པར་འདོད་པས་བསྟོད་པ་བྱེད་པ་སྟེ་དྲུག་ལྡན་ནི་གཅིག་ཏུ་བསྔགས་པ་བརྗོད་པར་བྱེད་པ་དང༌། ལུས་ཀྱི་བྱ་བཞིན་པ་རྣམས་དང༌། བསྔགས་པ་སྣ་ཚོགས་པ་སྟེ་གསུམ་དང༌། དབུས་སུ་དང་བར་སྐབས་སུ་དང༌། ཐ་མར་ཡང་འཕྲལ་དུ་བསྔགས་པས་རྨོངས་པར་བྱེད་པ་གསུམ་དང༌། དྲུག་གོ་ཞེས་ཐུགས་རྗེ་དཔལ་ཞབས་ཀྱིས་བཤད་དོ། །ལ་སོགས་པ ས་ནི་ཀ་མོ་དང་སོ་རིང་དང་ས་འཛིན་པ་སོགས་སྒེག་ཅིང་སྟེ་དབྱངས་འཇམ་པ་དང་སྙན་པའི་སྣ་གླུའི་དབྱངས་ཀྱི། བསྟོད་པ་སྔོན་དུ་འགྲོ་བས་སྐུལ་བར་བྱེད་པའོ། སེམས་ཅན་ཁམས་ཞེས་བྱ་བ་ལ་སོགས་པ་ལ། སེམས་ཅན་གྱི་:ཆག:ཁམས་ཁམས་ནི་ཟེར། ཏེ་དབྱིངས་ན་ཞེས་བྱ་བ་ནི། སེམས་ཅན་ཐམས་ཅད་ཀྱི་རང་བཞིན་རྣམ་དག་གི་བདག་ཉིད་དུ་གྱུར་པས་སོ། །:པ་ཚབ:སའི་དབང་ཕྱུག་ཟེར། གནས་ཀྱི་དབང་ཕྱུག་ཅེས་བྱ་བ་ནི། ཁམས་གསུམ་གྱི་ཆོས་ཀྱི་རྒྱལ་སྲིད་བརྙེས་པའི་ཕྱིར་རོ། །ཁྱོད་ནི་ཞེས་བྱ་བ་ནི་མདུན་ན་གནས་པ་བཞིན་དུ་བལྟས་ཏེ་སྨྲེ་བའོ། །རྡོ་རྗེ་ཐུགས་ཞེས་བྱ་བ་ནི། ཐུགས་ལ་དབང་དུ་གྱུར་པ་བརྙེས་པའོ། །དགའ་བ་ནི་སྙོམས་འཇུག་གིས་རོལ་པའོ། །རོལ་པ་དེའི་ཡིད་དུ་འོང་བས་ཚིམ་པ་སྐྱེད་པས་ན་དགའ་བ་ཡིད་འོང་ངོ༌། །དོན་ཆེན་ནི་མཆོག་ཏུ་དགའ་བ་ཞེས་པ་སྟོང་པ་བཞི་པ་ལྷན་སྐྱེས་ཀྱི་བདེ་བ།དེ་འདོད་ཅིང་སྟེ་སྐྱེད་པས་ན་དོན་ཆེན་འདོད་པ་སྟེ། དེ་ལྟ་བུའི་དགའ་བ་ཡིད་དུ་འོང་བའི་དོན་ཆེན་འདོད་པས་འཁྱུད་པ་ལ་སོགས་པས། བདག་ལ་བསྐྱབ་ཏུ་གསོལ་ཞིང་སྟེ་
རོལ་བར་མཛོད་ཅིག་པའོ། །མགོན་པོ་ཞེས་བྱ་བ་ནི་བདག་པོ་སྟེ། གལ་ཏེ་དེ་རིང་སྤྱན་མ་བདག་གསོན་ཞིང་འཚོ་བར་མཆིས་པར་བཞེད་ན།སེམས་ཅན་ཐམས་ཅད་ནི་འོད་གསལ་གྱི་ངང་ནས་སྐྱེ་བ་ཡིན་ལ། འོད་གསལ་དེ་མཐར་ཐུག་པ་ནི་རྡོ་རྗེ་འཆང་གི་ངོ་བོ་ཉིད་ཡིན་པས་རྒྱུར་གྱུར་པས་ཞེས་ཐ་སྙད་མཛད་དོ། །སེམས་ཅན་ཐམས་ཅད་སྐྱེད་པའི་རྒྱུར་གྱུར་པས་ཡབ་ཡིན་ཞིང༌། སེམས་ཅན་རྣམས་ཀྱི་ཕན་པ་དང་བདེ་བ་བྱེད་པས་སེམས་ཅན་གྱི་གཉེན་གྱི་མཆོག་ཆེན་པོས། བདག་ལ་དགྱེས་པར་མཛད་པར་གསོལ་ཞིང་རོལ་བར་མཛད་དུ་གསོལ་ཞེས་པའོ། །སྤྱན་མས་བསྐུལ་བར་མ་ཟད་ཡང་མཱ་མ་ཀཱིའི་བསྐུལ་བ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ཀྱི་ཐུགས་ནི་མི་བསྐྱོད་པའོ། །དེའི་བཙུན་མོ་ནི་འཕགས་མ་མཱ་མ་ཀཱིའོ། །རྡོ་རྗེ་འདོད་པའི་དགའ་བའི་མཆོད་པའི་མཆོག་ནི། ཐ་མལ་པ་མ་ཡིན་པའི་ཁྱད་པར་གྱི་ཤིན་ཏུ་དགའ་བ་ལ་ཞུགས་པ་སྟེ། དེ་སྟོན་པའི་ཡི་གེའི་ཚིག་གིས་བསྟོད་པར་གྱུར་པའོ། །རྡོ་རྗེའི་སྐུ་ཁྱོད་ཅེས་བྱ་བ་ནི་འཁོར་བ་ཇི་སྲིད་ཀྱི་བར་དུ་སྐུའི་རིགས་འདྲ་མི་འཇིག་པ་སྟེ་མི་འཛད་པའི་སྐུ་དང་ལྡན་པའི་ཕྱིར་རོ། །བཀའ་ཡི་འཁོར་ལོ་སེམས་ཅན་ཀུན་ལ་ཕན་ཞེས་བྱ་བ་ལ། ཁྱོད་ནི་སེམས་ཅན་ལ་རྗེས་སུ་ཕན་པ་མཛད་པའི་བཀའི་འཁོར་ལོ་བསྐོར་བར་མཛད་པས་ན་དེ་སྐད་ཅེས་བྱའོ། །སངས་རྒྱས་དོན་དོན་དང་ཟེར་:པ་ཚབ: དུ་བྱང་ཆུབ་དོན་དམ་རྗེས་སུ་ཕན་སྟོན་པ། ཞེས་བྱ་བ་ལ། སངས་རྒྱས་ནི་
ཕུང་པོ་ལྔ་རྣམས་སོ། །ཕུང་པོ་ལྔ་པོ དེ་རྣམས་ཀྱི་ཤིན་ཏུ་ཕྲ་བའི་དོན་ནི་རླུང་སེམས་ཙམ་ལས་བསྒྲུབས་པའི་ཀུན་རྫོབ་ཀྱི་བདེན་པ་སྒྱུ་མའི་སྐུ། །བྱང་ཆུབ་ནི་དོན་དམ་པ་འོད་གསལ་ལོ་འོ་། །དེའི་དོན་དམ་ནི་ཀུན་རྫོབ་དང་དོན་དམ་དེ་གཉིས་ཡང་དག་པར་འདུས་པ་ལས་བྱུང་བའི་བདེ་བ་ཆེན་པོ་ཟུང་དུ་འཇུག་པའི་སྐུ་སྟེ། དེ་སེམས་ཅན་རྣམས་ལ་ཕན་པའི་དགོངས་པས་རབ་ཏུ་སྟོན་པར་མཛད་པས་ན་ཕན་པ་རྗེས་སྟོན་པའོ། །འདོད་ཆགས་ཞེས་བྱ་བ་ནི། འདོད་ཆགས་འདོད་ཆགས་ཀྱིས་ནི་འདོད་ཆགས་རྣམ་པར་སྦྱོང་བའི་རྣམ་པས་སོ། འདོད་ཆགས་དམ་ཚིག་མ་ནི་སྟེ་འདོད་ཆགས་ལ་སྤྱོད་པའི་རང་བཞིན་ཅན་བདག་:པ་ཚབ:ལ་ཟེར། ཀྱིས་འདོད་ཆགས་རྣམ་པར་སྦྱོང་བའི་རྣམ་པས་ཕྱིར་རོ། །༢དམ་ཚིག་ཆགས་པ་ནི་འདོད་ཆགས་ལ་སྤྱོད་པའི་ངོ་བོ་ཉིད་ཏེ།༢བདག་ལ་དགྱེས་པར་མཛད་དུ་གསོལ་ཞེས་པའོ། །དེ་ནས་ཞེས་བྱ་བ་ལ་སོགས་པ་ལ། འཇིག་རྟེན་གྱི་དབང་ཕྱུག་ནི་འོད་དཔག་ཏུ་མེད་པའོ། །སྣང་མཐའ་དེའི་སྐུ་དང་གསུང་དང་ཐུགས་རྡོ་རྗེའི་སྤྱན་སྤྱན་གྱི་སྐད་དོད་འདྲེན་པར་བསྒྱུར་དུ་རུང་བས། རྡོ་རྗེ་འདྲེན་པ་:པ་ཚབ:ཟེར་ཏེ་སྣང་མཐའ་བདག་གི་གམ་དུ་འདྲེན་པའོ། །ནི་གོས་དཀར་མོ་སྟེ། དེས་རྡོ་རྗེ་འཛིན་པ་ཆེན་པོ་ལ་བསྐུལ་བའོ། །ཁྱོད་ནི་རྡོ་རྗེའི་གསུང་སྟེ་ཞེས་བྱ་བ་ནི། ངག་གི་དབང་ཕྱུག་བརྙེས་པས་སོ། །སེམས་ཅན་གྱི་ཁམས་མ་ལུས་པ་ཀུན་ལ་ཕན་ཞིང་ཐུགས་བརྩེ་བ་སྟེ། མཆོག་ཏུ་ཐུགས་རྗེ་ཆེ་བའི་བདག་ཉིད་དོ། །དེ་བས་ན་ཚངས་པའི་གནས་པ་ཚད་མེད་བཞིས་འཇིག་རྟེན་དག་གི་སྟེ། སེམས་ཅན་མ་ལུས་པའི་དགོས་པའི་དོན་མཛད་པ་ལ་རྟག་ཏུ་སྟེ།
དུས་ཐམས་ཅད་དུ་བརྩོན་ཞིང་འཇུག་པར་མཛད་པའོ། །སེམས་ཅན་གྱི་ཁམས་རྣམས་ཀུན་ནས་བཟང་ཞིང་དགེ་བ་ཐོབ་པར་མཛད་པས་ན་ཀུན་ཏུ་བཟང་པོ་སྟེ། བདག་ལ་དགྱེས་ཤིང་རོལ་པར་མཛོད་ཅིག་པ་སྟེ། གཞན་དག་དགྱེས་པ་སྟེ། དགའ་བའི་རོལ་པས་ཚིམ་པ་དང༌། དོན་ཆེན་སྐྱེད་པས་འཁྱུད་པ་སོགས་མཛོད་ཅེས་པ་རྣམས་ནི་འདིར་ཡང་འདྲ་སྟེ་སྤྱན་མའི་སྐབས་སུ་བཤད་ཟིན་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དམ་ཚིག་རྡོ་རྗེ་ནི་དོན་ཡོད་པར་གྲུབ་པའོ། །དེའི་བཙུན་མོ་ནི་འཕགས་མ་སྒྲོལ་མ་སྟེ། རྡོ་རྗེ་འཆང་ཆེན་པོ་རང་བཞིན་བརྒྱ་དྲུག་ཅུའི་རྣམ་པའི་སྤྱོད་པ་སྟེ་རྒྱུ་བ་འགགས་ཤིང༌། ཡེ་ཤེས་ཀྱི་གཉིད་ཀྱིས་ཐམས་ཅད་སྟོང་པར་བཞུགས་པ་ལ་བལྟས་ཏེ་སྐུལ་བར་བྱེད་པའོ། །ཁྱོད་ནི་རྡོ་རྗེ་འདོད་པ་ཞེས་བྱ་བ་ནི། དོན་ཡོད་པར་གྲུབ་པའི་སྒོ་ནས་བོད་པ་སྟེ། རྡོ་རྗེ་དང་པདྨ་མཉམ་པར་སྦྱོར་བ་ལས་བྱུང་བའི་དཀྱིལ་འཁོར་གྱི་ལྷ་རྣམས་ཀྱིས། ཞེ་སྡང་ལ་སྤྱོད་པ་ལ་སོགས་པའི་སེམས་ཅན་གྱི་ཁམས་རྣམ་པར་སྦྱོང་བས་ན་རྡོ་རྗེ་འདོད་པའོ། །ལས་ཀྱི་རིགས་ཀྱི་བདག་པོར་གྱུར་པས་ན་དམ་ཚིག་མཆོག་གོ །འདོད་ཆགས་ལ་སྤྱོད་པའི་སེམས་ཅན་རྣམས་ཀྱི། འདོད་ཆགས་ལམ་དུ་བྱས་པའི་རྣམ་པར་དག་པའི་ཐབས་འོད་གསལ་གྱི་ཡེ་ཤེས་ཀྱིས་བྱང་ཆུབ་རབ་ཏུ་སྩོལ་བས་ན་ཕན་དོན་ཆེའོ། ཤཱཀྱའི་རིགས་ལས་བྱུང་བ་རྣམས་ཀྱི་མཆོག་ཏུ་གྱུར་པས་ན། རྫོགས་སངས་རྒྱས་གདུང་
སྟེ་རིགས་མཆོག་གོ །ཡང་ན་སོ་སོར་རྟོག་པའི་ཡེ་ཤེས་ཞེས་པ། བ་ཚབ་ཀྱི་འགྱུར་ལས་ཀྱང་འབྱུང་ཡང༌། ཆག་གིས་ཡང་ན་བྱ་བ་བསྒྲུབ་པའི་ཡེ་ཤེས་ཀྱི་ངོ་བོ་ཉིད་ཀྱིས་ཞེས་པ་ལེགས་སོ། ཡང་ན་སོ་སོར་རྟོག་པའི་ཡེ་ཤེས་ཀྱི་ངོ་བོ་ཉིད་ཀྱིས་འགྲོ་བ་མ་ལུས་པའི་དོན་མཛད་པས་ན། རྫོགས་སངས་རྒྱས་ཀྱི་གདུང་མཆོག་གོ །རང་དང་གཞན་དུ་རྣམ་པར་དབྱེ་བའི་མངོན་པར་ཞེན་པའི་དམིགས་པ་དང་བྲལ་བ་ཉིད་ཡིན་ཡང། སེམས་ཅན་རྣམས་ལ་རྗེས་སུ་ཐུགས་བརྩེ་བས་ཀུན་ནས་ཉེ་རིང་མེད་པར་མཉམ་པ་ཉིད་རྗེས་བརྩེ་བའོ། །ཡོན་ཏན་:པ་ཚབ:དེ་ལྟ་བུས་ཁྱད་པར་དུ་འཕགས་པས་ཡོན་ཏན་གྱི་གཏེར་རིན་པོ་ཆེ་མང་པོ་འབྱུང་བ་བདག་ལ་ཞེས་འབྱུང་བ་ལེགས་ཏེ། དེ་ལྟ་བུའི་ཡོན་ཏན་ཞེས་པ་རྡོ་རྗེ་འཆང་ལ་སྦྱར་དགོས་ཤིང༌། ཡོན་ཏན་མང་པོའི་གཏེར་དུ་གྱུར་པ་ནི། སྒྲོལ་མ་རང་ཉིད་ལ་བསྟོད་པ་བྱེད་པར་བཤད་པས། སྒྲོལ་མ་ལ་སྦྱར་དགོས་པའི་ཕྱིར་རོ། །དེ་ལྟ་བུའི་ཁྱད་པར་གྱི་ཡོན་ཏན་དང་ལྡན་པའི་ཡོན་ཏན་གྱི་རིན་པོ་ཆེ་མང་པོའི་གཏེར་དུ་གྱུར་པས། བདག་ལ་དགྱེས་ཤིང་སྟེ་སྟེན་པར་མཛོད་ཅིག་པ་སྟེ། གང་གི་ཕྱིར་ཁའདོད་ཆགས་མཆེད་པ་དང་ཀའདོད་ཆགས་དང་བྲལ་བ་སྣང་བ་དང་གའདོད་ཆགས་བར་མ་ཉེར་ཐོབ་དང༌། འོད་གསལ་བའི་ཡེ་ཤེས་འདི་སྐྱེད་པར་བྱེད་པ་ཡིན་པས་ཡོན་ཏན་རིན་ཆེན་མང་པོའི་གཏེར་གྱུར་བདག་ལ འོ་ཞེས་བདག་ཉིད་བསྟོད་པར་བྱེད་པའོ། །མགོན་པོ་གལ་ཏེ་དེ་རིང་བདག་ནི་གསེན་པར་མཆིས་བཞེད་ན། ཞེས་བྱ་བ འི་རྐང་པ་བཞིའི་དོན་ནི་འདོད་ཆགས་དང་ཞེ་སྡང་དང་གཏི་མུག་སྟེ་སྣང་བ་གསུམ་རྣམ་པར་དག་པའི་ཐབས་
འོད་གསལ་གྱི་ཡེ་ཤེས་ཀྱིས། རྡོ་རྗེ་སེམས་དཔའི་ཚེ་དང་སྲོག་:པ་ཚབ:ལང་ཚོ་ཟེར། སྟེ་འཆི་མེད་ཀྱི་དངོས་གྲུབ་རྩོལ་བས་གསོན་པར་མཛོད་ཅིག་ཅེས་བྱ་བར་དགོངས་སོ། །དེས་ན་ཐུགས་རྗེ་ཞབས་ཀྱིས་གསོན་ཞིང་འཚོ་བའི་དོན་ཟག་བཅས་དང་ཟག་མེད་ཀྱི་བདེ་བ་མྱོང་བ་ནི། རིམ་པ་བཞིན་དུ་ཐ་མལ་པ་དང༌། ཐ་མལ་པ་མིན་པའི་བུད་མེད་ཀྱི་འཚོ་བའོ་ཞེས་པ་ནི་དོན་མིན་ནོ། །དེ་ལྟར་གླུས་བསྐུལ་བ་འདི་རྣམས་ཀྱིས་ནི་འབྲས་བུའི་སྐབས་སུ་སྟོན་པ་ཞི་བ་ཕྱོགས་གཅིག་ལ་མི་བཞུགས་པར་གཞན་དོན་མཛད་པ་དང༌། རྗེས་འཇུག་ལ་པདྨ་ཅན་སོགས་ལས་ཀྱི་ཕྱག་རྒྱ་བཞི་དང༌། ཡེ་ཤེས་ཀྱི་ཕྱག་རྒྱ་ལ་བརྟེན་ནས་སྟོང་པ་བཞིའི་ཡེ་ཤེས་བསྐྱེད་དེ། རྡོ་རྗེ་སེམས་དཔའི་ཚེ་བསྒྲུབ་པར་བསྟན་ནོ། ༈ །དེ་ལྟར་ཚངས་པའི་གནས་པ་ཚད་མེད་བཞིའི་རང་བཞིན་གྱི་ལྷ་མོ་བཞི་རྣམས་ཀྱིས་འགྲོ་བའི་དོན་དང་འདོད་ཡོན་ལ་རོལ་བ་ལ་ཡང་དག་པར་བསྐུལ་པར་གྱུར་པ་དང༌། སྔོན་གྱི་སྨོན་ལམ་གྱི་རྒྱུན་གྱི་ཤུགས་ཀྱིས་སྟོང་པ་ཉིད་ཀྱི་རྣལ་འབྱོར་འོད་གསལ་ལས་གཞན་སྣང་དུ་བཞེངས་པར་བསྟན་ནས། རྗེས་འཇུག་ལ་གཉིས་སུ་མེད་པའི་ཡེ་ཤེས་ཀྱི་དཔལ་ཡབ་ཡུམ་སྙོམས་པར་ཞུགས་པའི་ཤིན་ཏུ་དགའ་བའི་བདེ་བས་འདོད་ཆགས་ལ་སྤྱོད་དགོས་པར་བསྟན་པར་བྱ་བའི་ཕྱིར། འཁྱུད་པ་ལ་སོགས་པའི་ཚུལ་རྣམས་སྟོན་པར་མཛད་དོ། །འཁྱུད་པ་དང་འོ་བྱེད་པ་དང། མ་མཆུ་དང་པདྨའི་སྣ་རྩེ་འཇིབ་པ་དང་ཐལ་མོ་བརྡབ་པ་དང༌། གནས་རྣམས་སུ་སོ་འདེབས་པ་དང་སེན་མོས་འདེབས་པ་དང༌། ནུ་མ་དང་སྨད་ཉེད་པ་དང་ཁྱུང་ལྡིང་ནི་ཁ་ཅིག་གིས་དཔྱང་ཐག་དང་ཁ་ཅིག་གིས་ཁྱོགས་སུ་བསྒྱུར་ཏེ། དོན་ནི་སྐྱེས་པ་འོག་དང་
བུད་མེད་སྟེང་དུ་བྱས་ནས་སྤྱོད་བའོ་དང་། རབ་ཏུ་བརྐྱང་བ་ནི་རྐང་པ་བརྐྱང་ནས་སྦྱར་བའོ་དང༌་།“གོང་ལ་སོགས་པའི་བྱེད་པ་ལ་བྱང་བ་ཉིད་:ཆག:ཀྱིས་ཟེར། གྲོང་གི་བྱ་བས་རྒྱབ་ནས་སྤྱོད་པའོ། །རྒྱས་པར་ནི་རྡོ་རྗེ་མཁའ་འགྲོའི་འགྲེལ་པར། དེ་ཡང་འཁྱུད་པ་དང༌། འོ་བྱེད་པ་དང༌། སེན་མོ་འདེབས་པ་དང། སོ་འདེབས་པ་དང༌། ཡང་དག་པར་བསྐྱོད་པ་དང༌། སིད་ཀྱི་སྒྲ་སྒྲོག་པ་དང༌། སྐྱེས་པའི་བྱ་བ་བྱེད་པ་དང༌། སྟེང་ན་འདུག་པ་དང་བརྒྱད་ནི་རྣམ་པར་རྟོག་པའི་ཁྱད་པར་གྱིས་བརྒྱད་བརྒྱད་དྲུག་བཅུ་རྩ་བཞིར་འགྱུར་རོ། །ཞེས་གསུངས་སོ། ཞེས་པ་ལྟར་སྒྱུ་རྩལ་དྲུག་ཅུ་རྩ་བཞིར་བཤད་པ་ལས་ཤེས་པར་བྱའོ། །མུ་ཏིག་གི་འཕྲེང་བ་སྟེ་དོ་ཤལ་དང༌། གདུ་བུ་དང། འཁོར་གདུ་བུ་:པ་ཚབ:རྒྱན་ཅན་ཟེར། གདུབ་དང༌། རྐང་གདུབ་རྣམས་བསྐྱོད་པའི་ཀྱི་སྒྲ་དང་ཡུལ་དང་དབང་པོ་སྙོམས་པར་ཞུགས་པ་ནི། ཐབས་ཀྱི་དབང་པོ་ལྔས་ཤེས་རབ་ཀྱི་ཡུལ་ལྔ་སྤྱོད་པའོ་སྟེ་། རྡོ་རྗེ་དང་པདྨ་མཉམ་པར་སྦྱོར་ཞིང༌། སྟེ་སྦྱོར་བ་:པ་ཚབ:ལས་ཤེས་རབ་དང་ཐབས་ཀྱི་སྙོམས་པར་ཞུགས་པ་ནི་རྡོ་རྗེ་འཕྲེང་བ་ལས། དཔའ་བོ་རྣལ་འབྱོར་མ་སྦྱོར་བ། །གང་ཚེ་གསང་བའི་རྩ་གཉིས་ནི། །ཡང་དག་སྦྱོར་བས་རེག་གྱུར་པ། ཞེས་གསུངས་པ་ལྟར་གསང་གནས་གཉིས་ཀྱི་ངྷཱུ་ཏཱིའི་མར་སྣ་གཉིས་ཕྲད་ནས་སྙོམས་པར་ཞུགས་པ་ཡིན་ཏེ། ལས་རྒྱ་ལ་བརྟེན་ནས་ལྷན་སྐྱེས་འདྲེན་པའི་གནད་མཆོག་གོ །དེ་ལྟར་ཞུགས་པ ས། ཨཱ་ལི་ཀཱ་ལི་སྟེ་སྤྱོད་བསྡུས་ཆག་འགྱུར་ལས། རྩ་སྟོང་ཕྲག་བདུན་ཅུ་རྩ་གཉིས་ལས། དྲི་མ་མེད་པའི་
ཆུ་རྒྱུན་ལྟ་བུས་ཨཱ་ལི་ཀཱ་ལི་ཞུ་བར་གྱུར་ནས་ཞེས་གསུངས་དང་དོན་གཅིག་སྟེ། རྩ་རྣམས་ཀྱི་ནང་ནས་ཨཱ་ལི་བྱང་སེམས་དཀར་པོ་དང༌། ཀཱ་ལི་བྱང་སེམས་དམར་པོ་འབབ་པའོ། །འདོད་པའི་གདུགས་དང་རུས་སྦལ་རུས་སྦལ་གྱི་མགུལ་པ་ལ་:པ་ཚབ:ཡང་ཟེར། དང་ཟླ་བ་གང་བ་སྟེ། རྩ་སྦུབས་གསུམ་སོར་མོ་གསུམ་གྱིས་བསྐྱོད་ཅིང༌། རབ་ཏུ་བསྐུལ་བ ནི་སྙོམས་པར་འཇུག་པའི་སྔོན་དུ་བྱའོ་འི་དགའ་བའི་སྒྲས་ཞེས་པ་དང་སྒྱུ་མའི་སྒྲས་ཞེས་པ་ནི་རྡོ་རྗེ་དང་པདྨ་གཉིས་སྲུབ་པའི་སྒྲའོ། །དེས་མཆོག་ཏུ་དགའ་བའི་བདེ་བ་ཉམས་སུ་མྱོང་བ་ནི་འོད་གསལ་ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང་བས། ཕུང་པོ་དང་ཁམས་དང་སྐྱེ་མཆེད་ཀྱི་ངོ་བོ་ཉིད་སྤྱི་བོ་ནས་བརྩམས་ཏེ། དྲི་མ་མེད་པའི་ཆར་གྱི་རྒྱུན་བཞིན་དུ་བཞུས་ལ་བྱང་ཆུབ་ཀྱི་སེམས་ཀྱི་ངོ་བོ་ཉིད་དུ་འཛག་པས། ཡུམ་གྱི་ཆོས་འབྱུང་བའི་ནང་དུ་ཡང་དག་པར་བཞག་སྟེ། ཐིག་ལེ་དེས་འདོད་ཆགས་ལ་སོགས་པ་ལ་སྤྱོད་པའི་སེམས་ཅན་རྣམས་རྣམ་པར་སྦྱངས་ནས། དཀྱིལ་འཁོར་གྱི་འཁོར་ལོ ར་གྱུར་པ་ཕྱིར་ཕྱུང་སྟེ། སྤྲོས་པས་མཛད་པ་མཛད་བསྡུས་ཏེ་དཀྱིལ་འཁོར་དུ་འཁོད་པའི་རྗེས་སུ་སླར་ཡང་གཙོ་བོ་འོད་གསལ་བར་ཞུགས་ནས་རྣམ་པར་རྟོག་པ་མེད་པ་ཉིད་དུ་གྱུར་ཏོ། །བཤད་མ་ཐག་པའི་དོན་འདི་ཉིད་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ། འདོད་ཆགས་ཐམས་ཅད་ཉེ་བར་ལོངས་སྤྱོད་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་བཙུན་མོ་དེ་དག་ལ་དམ་ཚིག་གི་འཁོར་ལོས། འདོད་པ་སྤྱོད་ཅིང་ཅང་མི་གསུང་བར་གྱུར་ཏོ། །ཞེས་བྱ་བ་གསུངས་ཏེ། འདོད་པ་ཆགས་ཆགས་ཞེས་པ་འགྱུར་གསར་གཉིས་ལ་མེད་དོ། །ཐམས་ཅད་ནི་རིག་མའི་
གཟུགས་ལ་སོགས་པའི་ཡུལ་རྣམས་སོ། །དེ་རྣམས་ལ་ལོངས་སྤྱོད་པ་ནི་དེ་རྣམས་ཀྱི་རང་གི་ངོ་བོ་ཉིད་ཡིན་ལུགས་ཡོངས་སུ་ཤེས་པས་མིག་ལ་སོགས་པ་དང་མཉམ་པར་སྦྱོར་བ་སྟེ་ཡུལ་ལ་འགྲོ་བ་མི་འགོག་པར་ལོངས་སྤྱོད་པ། །དེའི་དཔལ་ནི་བདེ་སྟོང་མཉམ་པ་ཉིད་ཏེ། ཀུན་ཏུ་དགའ་བའི་བདེ་བའི་གནས་སྐབས་སོ། །ཏིང་ངེ་འཛིན་གང་ལ་དེ་སྐད་ཅེས་བྱ་བ་དེ་ལ་སྙོམས་པར་ཞུགས་པ་ནི་བརྙེས་པའོ། །དེ་བཞིན་གཤེགས་པ་ནི་བདག་པོ་སྟེ། དེ་བཞིན་གཤེགས་པ་དེ་དག་ཐམས་ཅད་ཀྱི་བཙུན་མོ་དེ་དག་ནི་སྤྱན་ལ་སོགས་པ་བཞི།དམ་ཚིག་གི་འཁོར་ལོ་ཞེས་བྱ་བ་ནི། རྣམ་པར་སྣང་མཛད་ལ་སོགས་པ་རིགས་བཞི འི་ངོ་བོ་ཉིད་ཀྱིས། སྤྱན་སོགས་ལ་འདོད་པ་སྤྱོད་ཅིང་རོལ་བར་མཛད་ནས་མི་གསུང་བར་གྱུར་པ་སྟེ། ཆོས་སྟོན་པ་ལ་སོགས་པའི་བྱ་བ་དང་བྲལ་ཞིང་ཡེ་ཤེས་ཀྱི་ཕྱག་རྒྱ་དང༌། ལྷན་ཅིག་སྙོམས་པར་ཞུགས་ནས་བཞུགས་སོ་ཞེས་བྱ་བའི་བར་དུ སྟེ་ཐ་ཚིག་གོ། །འབྲས་བུའི་སྐབས་ཀྱི་ཡུམ་སྤྱན་མ་ལ་སོགས་པ་ཡང་ཡེ་ཤེས་ཀྱི་ཕྱག་རྒྱར་བཤད་པས། ཡེ་ཤེས་ཀྱི་ཕྱག་རྒྱ་ལ་ཡེ་ཤེས་ཀྱི་སྐུར་གྱུར་པའི་ལྷ་མོ་གཅིག་དང༌། རྟོག་པས་ལྷ་མོར་བསྐྱེད་པ་གཉིས་ཤེས་པར་བྱའོ། ༈ །དེ་ནས་ཞེས་བྱ་བ་ནི་བཅོམ་ལྡན་འདས་ཡེ་ཤེས་ཀྱི་ཕྱག་རྒྱ་ལ་སྙོམས་པར་ཞུགས་པའི་འོག་ཏུའོ། །ནམ་མཁའི་དབྱིངས་འདི་དག་ཐམས་ཅད་ལ་དེ་བཞིན་གཤེགས་པ་ཐམས་ཅད་ཀྱི། སྐུ་དང་གསུང་དང་ཐུགས་ཀྱི་རྡོ་རྗེའི་དམ་ཚིག་གི་འཁོར་ལོས་:པ་ཚབ:ཟེར། ཁུ་བས་ཡོངས་སུ་གང་སྟེ། བུམ་པ་རྡོ་རྗེ་ཆུས་གང་བ་ལྟར་གནས་པར་གྱུར་ཏོ། །ཞེས་
བྱ་བ་ནི། ནམ་མཁའི་གཏོས་འདི་དེ་བཞིན་གཤེགས་པ་ཐམས་ཅད་ཀྱི་སྟེ། རྡོ་རྗེ་འཆང་ཆེན་པོའི་ངོ་བོ་ཉིད་དུ་གྱུར་པའི་སྐུ་རྡོ་རྗེ་སོགས་རྡོ་རྗེ་གསུམ་དང་ཡང་དག་པར་ལྡན་པ། དམ་ཚིག་སྟེ་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པའི་འཁོར་ལོ་སྟེ་ཚོགས་ཀྱིས། ཡོངས་སུ་གང་ཞིང་ཏིལ་གྱི་གང་བུ་བཞིན་དུ་བར་མཚམས་མེད་པར་གྱུར་ལ། བུམ་པ་རྡོ་རྗེ་ཆུས་གང་བ་ལྟར་ཞེས་པ། མཆོག་ཏུ་དགའ་བ་སྟེ་འདོད་པ་ཐམས་ཅད་རྫོགས་པར་བྱེད་པའི་བུམ་པ་བཟང་པོ་རྡོ་རྗེའི་ཆུས་གང་བ་བཞིན་དུ་བར་མཚམས་མེད་པར་གནས་ཤིང་མི་གཡོ་བར་གྱུར་ཏོ་ཞེས་བྱ་བའི་དོན་ཏོ། ༈ །སྔར་བཤད་པ་དེ་ལྟར་བཅོམ་ལྡན་འདས་ཀྱི ས་ཡེ་ཤེས་ཀྱི་ཕྱག་རྒྱ་དང་སྙོམས་པར་ཞུགས་པས་འགྲོ་བའི་དོན་མཛད་པ་བསྟན་པར་བྱ་བའི་ཕྱིར། དེ་ནས་རྡོ་རྗེ་ནམ་མཁའི་དབྱིངས་འདི་ན་གང་སེམས་ཅན་སྐུ་གསུམ་གྱི་དམ་ཚིག་ལས། ཡང་དག་པར་བྱུང་བ་དེ་རྣམས་རྡོ་རྗེ་དཔལ་གྱིས་རེག་ནས། ཐམས་ཅད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རྡོ་རྗེ་གསུམ་གྱི་ཡེ་ཤེས་ཅན་དུ་གྱུར་ཏོ་ཞེས་བྱ་གསུངས་སོ། །འདིའི་དོན་ནི་འདི་ཡིན་ཏེ། རྡོ་རྗེ་ནམ་མཁའི་དབྱིངས་ནི་ཁམས་གསུམ་གྱི་:ཆག:གནས་ན་སྟེ་དེ་ན་གནས་པའི་གང་སེམས་ཅན་རྣམས་སོ། སྐུ་གསུམ་གྱི་དམ་ཚིག་ལས་ཡང་དག་པར་བྱུང་བ་ནི་རྡོ་རྗེ་གསུམ་གྱི་ངོ་བོ་ཉིད་དོ། །རྡོ་རྗེ་དཔལ་གྱིས་ཞེས་བྱ་བ་ནི་རྡོ་རྗེ་:པ་ཚབ:འཆང་ཆེན་པོའི་བདེ་བས་རེག་ཅིང་ཟེར་ཏེ། ཡབ་ཡུམ་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱི་
འོད་ཟེར་གྱིས་རེག་པའོ། །རྡོ་རྗེ་འཆང་ཆེན་པོའི་དཔལ་གྱིས་ཏེ། བདེ་བས་རེག་ཅིང་ཡུལ་དུ་བྱས་པས་སེམས་ཅན་ཐམས་ཅད་ཀྱིས་དེ་བཞིན་གཤེགས་པ་ཉིད་ཐོབ་པའོ། །རྡོ་རྗེ་གསུམ་ནི་རྡོ་རྗེ་འཛིན་པ་ཆེན་པོའོ། །དེའི་ཡེ་ཤེས་ནི་སྟོབས་བཅུ་དང་མི་འཇིགས་པ་བཞི་ལ་སོགས་པ་སྟེ། དེ་མྱོང་བར་གྱུར་པའོ། །དེ་ནས་བརྩམས་ཏེ་ཞེས་བྱ་བ་ནི། རྡོ་རྗེའི་འོད་ཟེར་གྱིས་དབང་བསྐུར་བརྩམས་ནས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱིས་དབང་བསྐུར་བར་གྱུར་ནས། ཀུན་ཏུ་བཟང་པོ་ཀུན་ཏུ་བཟང་པོ་ཞེས་སྔོན་མ་བྱུང་བའི་དོན་གྱི་མིང་ཅན་དུ་གྱུར་ཏོ། །མཛད་པ་འདིས་འཁོར་བ་སྟོངས་པར་སྟོན་པ་མིན་གྱི། སེམས་ཅན་མཐའ་ཡས་པ་ཅིག་གོ་འཕང་དེ་ལ་བཀོད་པའོ། ༈ །དེ་ལྟར་སེམས་ཅན་ཐམས་ཅད་བྱང་ཆུབ་ཀྱི་སེམས་ཀྱི་ཡེ་ཤེས་ཀྱི་འོད་ཟེར་གྱིས་དབང་བསྐུར་བས་དབང་བསྐུར་ནས། གདུལ་བྱའི་སེམས་ཅན་རྣམས་ཀུན་ཏུ་བཟང་པོར་མཉམ་པ་ཉིད་དུ་བསྟན་པས་འཁོར་རྣམས་ཀྱིས་ཇི་ལྟར་སྨྲ་བར་གྱུར་པ་དེ་བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་པས། དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བོས་ནས་སེམས་ཅན་ཐམས་ཅད་དང་ཆོས་ཐམས་ཅད་བདེ་བ་ཆེན་པོའི་ངོ་བོ་ཉིད་དུ་རོ་གཅིག་པའི་ཀྱི་མཉམ་པ་ཉིད་མཐོང་ངམ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་འདི་སྐད་ཅེས་གསོལ་ཏོ། བཅོམ་ལྡན་འདས་དེ་
བཞིན་གཤེགས་པ་ཐམས་ཅད་ཀྱི་རྡོ་རྗེ་ཡེ་ཤེས་ཀྱི་སྤྱོད་པ་མཐོང་ལགས་སོ། །བདེ་བར་གཤེགས་པ་མཐོང་ལགས་སོ། །ཞེས་བྱ་བ་གསུངས་ཏེ། འདིར་དེ་བཞིན་གཤེགས་པ་ཐམས་ཅད་ནི་རྡོ་རྗེ་འཛིན་པ་ཆེན་པོའོ། །དེའི་རྡོ་རྗེ་ཡེ་ཤེས་ཀྱི་སྤྱོད་པ་ནི་རྡོ་རྗེ་འཆང་རང་གི་ཡེ་ཤེས་ཀྱི་ཕྱག་རྒྱ་དང་སྙོམས་པར་འཇུག་པའི་བདེ་བ་ཉམས་སུ་མྱོང་བ་ཉིད་ཀྱིས། སེམས་ཅན་ཐམས་ཅད་ཀྱི ས་ཀྱང་སྙོམས་པར་འཇུག་པའི་བདེ་བ་དེ་བདག་གིར་མཛད་པ་སྟེ་ཉམས་སུ་མྱོང་བར་མཛད་པ། ༈ །དེ་ལྟར་འཁོར་གྱི་བཅོམ་ལྡན་འདས་:པ་ཚབ:རྣམས་ཀྱིས་ཟེར། བཅོམ་ལྡན་འདས་རྣམས་ཀྱིས་རྡོ་རྗེ་ཡེ་ཤེས་ཀྱི་སྤྱོད་པ་ཉམས་སུ་མྱོང་བ ས་འོད་གསལ་དུ་ཞུགས་པ ར་མཛད་ནས། སླར་ཡང་སྙོམས་པར་འཇུག་པ་འོད་གསལ་དེ་ལས་བཞེངས་ནས། ཇི་ལྟར་ཐུགས་རབ་ཏུ་དགྱེས་པར་གྱུར་པས་བཅོམ་ལྡན་འདས་ལ་མངོན་པར་གསོལ་པ། དེ་བསྟན་པར་བྱ་བའི་ཕྱིར། དེ་ནས་འཁོར་གྱི་བཅོམ་ལྡན་འདས་རྣམས་ཀྱིས། དེ་བཞིན་གཤེགས་པ་ཐམས་ཅད་ཀྱི་བཙུན་མོའི་བྷ་ག་འོད་གསལ་དུ་ཞུགས་པ་ལས་མངོན་པར་བྱུང་ནས། བཅོན་ལྡན་འདས་ཕྱག་ན་རྡོ་རྗེ་ཆེན་པོ་ལ་འདི་སྐད་ཅེས་གསོལ་ཏོ། །གང་འདོད་ཆགས་ཀྱི་ཡི་གེའི་ཚིག་གིས་སངས་རྒྱས་ཀྱི་བྱང་ཆུབ། རྗེས་སུ་རྟོགས་པར་བྱ་བ་དེ་ནི། བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། ཞེས་བྱ་བ་གསུངས་ཏེ། གང་ཞེས་བྱ་བ་ནི་རྒྱུ་མཚན་གང་གི་ཕྱིར་རོ། །འདོད་ཆགས་ཀྱི་
ཡི་གེའི་ཚིག་ཅེས་བྱ་བ་ནི། འདོད་ཆགས་ཀྱི་ཡི་གེའི་ཚིག་གིས་བསྟན་པའི་འདོད་ཆགས་ཀྱི་སྤྱོད་པ་ལ་སྤྱོད་པ་ཐམས་ཅད་ཀྱིས་སངས་རྒྱས་ཀྱི་བྱང་ཆུབ་སྟེ། རྡོ་རྗེ་འཆང་ཆེན་པོ་ཉིད་དུ་རྗེས་སུ་ཆུད་ཅིང་ཐོབ་པ་གང་ཡིན་པ་དེ་ངོ་མཚར་རབ་ཏུ་ཆེ་བའོ། ༈ །དེ་བཞིན་གཤེགས་པ་རྣམས་ཀྱི་ངོ་མཚར་གྱི་ཚིག་སྟོན་པས་ཐོས་པ་སྟེ་གསན་ནས།འདོད་ཆགས་:ཆག:ལ་སོགས་དེ་རྣམས་ཀྱིས་ཟེར། དེ་ཁརྣམས་ཀྱི་འདོད་ཀཆགས་ལ་སོགས་པ་ག རང་བཞིན་རྣམ་པར་དག་པ་བསྟན་པས། འདོད་ཆགས་ཀྱི་ཆོས་ཀྱིས་བྱང་ཆུབ་འཐོབ་བམ་མི་འཐོབ་ཅེས་ཇི་ལྟར་སོམ་ཉི་མེད་པར་མཛད་པ་དེ་བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཀྱི་བདག་པོས། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་དེ་སྐད་མ་ཟེར་ཅིག །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་ནམ་མཁའི་རྡོ་རྗེའི་དམ་ཚིག་དང་མཚུངས་པའི་ཕྱིར། ཆགས་སོགས་ཀྱི་ཆོས་ཐམས་ཅད་ཀྱི་དེ་ཁོ་ན་ཉིད་ལ་དཔྱད་ན་དེ་རྣམས་ནི་གཟུགས་ཀྱི་ཕུང་པོ་མ་ཡིན། ཚོར་བའི་ཕུང་པོ་མ་ཡིན།འདི་དང་པ་ཚབ་ཀྱི་འགྱུར་ལ་ཕུང་པོ་ཕྱི་མ་གསུམ་མེད་ཀྱང༌། ཆག་འགྱུར་ལ་ཡོད་དོ། །ཁམས་བཅོ་བརྒྱད་པོ་གང་ཡང་མ་ཡིན། སྐྱེ་མཆེད་བཅུ་གཉིས་པོ་གང་ཡང་མ་ཡིན། འདོད་ཆགས་མ་ཡིན་ཞེ་སྡང་མ་ཡིན། གཏི་མུག་མ་ཡིན། ཆོས་དགེ་བ་མ་ཡིན་ཆོས་མ་ཡིན་པ་མི་དགེ་བ་མ་ཡིན་ཏེ་དེ་རྣམས་གང་དུ་ཡང་མི་རྙེད་པའི་ཕྱིར་རོ་ནོ་། ཞེས་བྱ་བ་གསུངས་ཏེ། ནམ་མཁའི་རྡོ་རྗེའི་དམ་ཚིག་ནི་དེ་བཞིན་
གཤེགས་པ་དྲུག་པ་སྟེ། ཇི་ལྟར་རྡོ་རྗེ་འཆང་ཆེན་པོས་ཆགས་སོགས་ཀྱི་ཆོས་ཐམས་ཅད་ཀྱི་དེ་ཁོ་ན་ཉིད་འོད་གསལ་དུ་ཐུགས་སུ་ཆུད་པ་དེ་བཞིན་དུ་ཆོས་ཐམས་ཅད་ཀྱི་ཡིན་ལུགས་ཀྱང་རྡོ་རྗེ་འཆང་གི་རྟོགས་པ་དེ་དང་མཉམ་པ་སྟེ་འདྲ་བ འི་ཕྱིར་ན་འདོད་ཆགས་ཀྱི་ཆོས་ཀྱིས་བྱང་ཆུབ་འཐོབ་པ་མི་སྲིད་པ་ལྟར་མཐོང་ནས། འདོད་ཆགས་ཀྱི་ཡི་གེའི་ཚིག་གིས་བྱང་ཆུབ་འཐོབ་པ་ཤིན་ཏུ་ངོ་མཚར་རོ་ཞེས་པ་དེ་སྐད་ཅེས་མ་ཟེར་ཅིག་ཅེས་ཐེམ་ཚོམ་མེད་པར་མཛད་པ་ཡིན་ཏེ། འདོད་ཆགས་དང་དེའི་འོད་གསལ་བ་གཉིས་ངོ་བོ་དབྱེར་མེད་པའི་ཕྱིར་རོ་སྙམ་དུ་དགོངས་པ། །གཟུགས་ཀྱི་ཕུང་པོ་མ་ཡིན་ཞེས་བྱ་བ་ལ་སོགས་པས་ནི། རྡོ་རྗེ་འཆང་དང་མཚུངས་པའི་དོན་འདི་ཉིད་སྤྲོས་ནས་ཏེ་རྒྱས་པར་སྟོན་པ་ཡིན་ནོ། །དེ་ནས་དེ་བཞིན་གཤེགས་པ་དེ་དག་ཐམས་ཅད་ཅང་མི་གསུང་བར་གྱུར་ཏོ་ཞེས་བྱ་བ་ནི། དེ་བཞིན་གཤེགས་པས་ཆོས་ཐམས་ཅད་འོད་གསལ་བ་ཉིད་དུ་གསུངས་པའི་ཚིག་གི་རྗེས་ཐོགས་ཉིད་ལ་འོད་གསལ་མངོན་སུམ་དུ་བྱས་ནས་བརྗོད་དུ་མེད་པའི་ཆོས་ཉིད་དེ་ཉིད་ལ་སྒོམ་ཞིང་བཞུགས་པར་གྱུར་པའོ་ཞེས་བྱ་བ་ནི་རྡོ་རྗེའི་ཚིག་གི་དོན་ཡིན་ནོ། ༈ །དེ་ལྟར་གསང་བ་འདུས་པའི་དོན་བསྟན་པ་ཡོངས་སུ་རྫོགས་ནས། འདུས་པ་དེས་འདུལ་བའི་སེམས་ཅན་རྣམས་དེ་བཞིན་གཤེགས་པ་རྣམས་ལ་ཇི་ལྟར་ཡོངས་སུ་གཏད་པར་མཛད་པ་དེ་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་དེ་བཞིན་གཤེགས་པ་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་དེ་རྣམས་ལ་བཀའ་སྩལ་པ། ཁྱེད་
རྣམས་ཀྱིས་འཇིག་རྟེན་གྱི་ཁམས་ཐམས་ཅད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འདི་བསྒོ་བར་གྱིས་ཤིག །པ་ནི་འཛིན་དུ་ཆུག་ཅིག་པའོ། །དེ་ཅིའི་ཕྱིར་ཞེ་ན། ཕྱོགས་བཅུ་ན་གནས་པའི་བྱང་ཆུབ་སེམས་དཔའ་དེ་དག་ཆོས་ཀྱི་རྣམ་གྲངས་འདི་ལ་སྐལ་བ་ཡོད་པའི་ཕྱིར་རོ། །ཞེས་བྱ་བ་གསུངས་ཏེ། སྐུ་དང་གསུང་དང་ཐུགས་རྡོ་རྗེ་འདི་བསྒོ་བར་གྱིས་ཤིག་ཅེས་བྱ་བ་ནི། རྡོ་རྗེ་འཛིན་པ་ཆེན་པོའི་ཏིང་ངེ་འཛིན་རྣམ་པ་གཉིས་དང༌། དེ་སྟོན་པར་བྱེད་པའི་རྒྱུད་ཀྱི་རྒྱལ་པོའོ། །དེ་ནི་ཆོས་ཀྱི་རྣམ་གྲངས་འདི་ལ་སྐལ་བ་དང་ལྡན་པའི་སེམས་ཅན། འདོད་ཆགས་ལས་བྱུང་བའི་བྱང་ཆུབ་ཀྱི་གནས་ཐོབ་པ་ལ་སྣོད་དུ་གྱུར་བའི་ཕྱིར། དེ་ལྟར་སྐལ་བ་ཡོད་པ་ཉིད་ཡིན་ནོ། ༈ །དེ་ལྟར་ཡུལ་ལ་ཆགས་པའི་སེམས་ཅན་རྣམས་རྒྱུད་འདིའི་སྣོད་དུ་གྱུར་པར་བསྟན་ནས། མ་འོངས་པའི་སེམས་ཅན་ལ་ཡང་དག་པར་སྟོན་པར་འགྱུར་པའི་ཕྱིར། རྡོ་རྗེ་ཆོས་ནི་རྡོ་རྗེ་ཐེག་པ་སྟེ་དེ་ལ་དབང་བས་ན། ཕྱག་ན་རྡོ་རྗེ་ནི་རྡོ་རྗེ་ཆོས་སོ། །དེ་ལ་རྒྱུད་གཏད་པ་བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་ཆོས་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་འདི་ཟུངས་ཤིག །ཁྱོད་ཀྱང་དེ་བཞིན་གཤེགས་པ་ཐམས་ཅད་ཀྱིས་ཆོས་ཀྱི་དབང་ཕྱུག་རྡོ་རྗེ་ཞེས་བྱ་བར་དབང་བསྐུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཆོས་ཀྱིས་དེ་བཞིན་དུ་བགྱིའོ་ཞེས་གསོལ་ནས། ཅང་མི་སྨྲ་བར་གྱུར་ཏོ། ཞེས་བྱ་བ་གསུངས་སོ། །
འདིའི་དོན་ནི་འདི་ཡིན་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་དེ། དེ་བཞིན་གཤེགས་པ་ཐམས་ཅད་ལས་གཅིག་ནས་གཅིག་ཏུ་བརྒྱུད་དེ་འོངས་པ། འདའ་བར་མི་བྱ་བའི་དམ་ཚིག་གི་དེ་ཁོ་ན་ཉིད་སྐུ་དང་གསུང་དང་ཐུགས་ཀྱི་གསང་ཆེན། གསང་བ་འདུས་པའི་ཚུལ་འདི་ད་ལྟར་ངས་བཤད་པ་ཁྱོད་ཀྱིས་ཡིད་ལ་ཞོག་ལ་ཟུངས་ཤིག །གང་གི་ཕྱིར་ན ཁརྣམ་པར་སྣང་མཛད་ལ་སོགས་པ ས། ཀ་དེ་བཞིན་གཤེགས་པ་ཐམས་ཅད་ཀྱིས་ཏེ། གགཞུང་དུ་བྱས་པའི་བསྟན་པའི་ཆོས་ཐམས་ཅད་ཏེ། གསང་སྔགས་ཀྱི་ཆོས་དེ་རྣམས་ལ་སྤོབས་པ་དཔག་ཏུ་མེད་པ་དང་ལྡན་པ ས་ན་དབང་ཕྱུག་སྟེ་གཙོ་བོར་དབང་བསྐུར་ཞིང་རྗེས་སུ་གནང་བ་མཛད་ཚུལ་ནི། ལག་ན་རྡོ་རྗེ་དབང་བསྐུར་བའི་རྒྱུད་ལས། རྡོ་རྗེའི་དཀྱིལ་འཁོར་ཆེན་པོ་བྲིས་ནས། ལག་ན་རྡོ་རྗེ་དབང་ཆེན་པོ་བསྐུར་བས། བྱང་ཆུབ་སེམས་དཔའ་ཀུན་ཏུ་བཟང་པོ་དབང་བསྐུར་བ་ནས་དེ་ཉིད་ལ་བསྟན་པ་གཏད་དོ། ཞེས་གསུངས་པ་ལྟར་རོ། །སྟེ། རྡོ་རྗེ་ཐེག་པའི་བསྟན་པ་འདི་དག་ལ་ནི་ཁགསུང་གི་གསང་བ་རྣམས་ལ་ཕྱག་ན་ཀརྡོ་རྗེ་སྟེ་ གསང་སྔགས་ཀྱི་གགཙོ་བོ་སྟེ་བདག་:ཆག:པོ་ཡིན་པའི་ཕྱིར་རོ། །ཤཱནྟི་པ་དང་སྐལ་ལྡན་གྲགས་པས་ཀྱང་ཕྱག་རྡོར ་ལ་རྒྱུད་གཏད་པར་བཤད་དོ། །རྒྱ་གར་བའི་སློབ་དཔོན་ཁ་ཅིག་རྡོ་རྗེ་ཆོས་ནི་འཇིག་རྟེན་དབང་ཕྱུག་ལ་བཞེད་དོ། །སེམས་དཔའ་ཆེན་པོ་ཅང་མི་སྨ་བར་གྱུར་པ་ནི། དེ་བཞིན་གཤེགས་པའི་གསུང་ཇི་ལྟ་བ་བཞིན་དུ་ཁས་བླངས་པའི་ཕྱིར་རོ། ༈ །རྒྱུད་གཏད་པའི་འོག་ཏུ་ཉན་པ་པོའི་
འཁོར་བརྗོད་དུ་མེད་པའི་སངས་རྒྱས་ཀྱི་ཞིང་གི་རྡུལ་ཕྲ་རབ་དང་མཉམ་པའི་དེ་བཞིན་གཤེགས་པ་རྣམས་ཀྱིས་ཅི་ཞིག་མཛད་ཅེ་ན། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྡོ་རྗེ་སེམས་དཔའི་ཡི་གེ་རྡོ་རྗེ་གསུམ་ལ་རང་གི་སྐུ་དང་གསུང་དང་ཐུགས་ཞུགས་པར་གྱུར་ཏོ། ཞེས་བྱ་བ་གསུངས་སོ། །འདི་སྐད་སྟོན་པར་འགྱུར་ཏེ། རིགས་ལྔ་དང་ལྡན་པའི་སྤྲུལ་པའི་སྐུ་དཔག་ཏུ་མེད་ཅིང་མཐའ་ཡས་པའི། སངས་རྒྱས་དང་བྱང་ཆུབ་སེམས་དཔའ་རྣམས་དང༌། ཁྲོ་བོའི་རྒྱལ་པོ་དང་ལ་སོགས་པ ས་གཤེགས་པ་དང་སེམས་མ་དང་ཁྲོ་མོ་ཐམས་ཅད་ཀྱི་རང་གི་སྐུ་གསུང་ཐུགས་ཐམས་ཅད་རྡོ་རྗེ་སེམས་དཔའི་ཡི་གེ་གསུམ་ལ་ཞུགས་པ་སྟེ་རྣམ་པར་སྣང་མཛད་དང༌། འོད་དཔག་ཏུ་མེད་པ་དང་མི་བསྐྱོད་པ་ཉིད་ཐོབ་པར་གྱུར་ཏོ་ཞེས་བྱ་བའི་བར་དུའོ། །དེ་ལ་དེ་བཞིན་གཤེགས་པ་རྣམ་པར་སྣང་མཛད་ནི་ཁམས་གསུམ་ཐམས་ཅད་ཀྱི། སྐུ་རྡོ་རྗེའི་ངོ་བོ་ཉིད་དུ་ཇི་ལྟར་གྱུར་པ་དེ་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་དེ་བཞིན་གཤེགས་པ་སྐུ་རྡོ་རྗེ་རྣམ་པར་སྣང་མཛད། ཅེས་བྱ་བ་ལ་སོགས་པ་གསུངས་ཏེ། སྲིད་པ་གསུམ་གྱི་གནས་འདི་ན་སྒོ་ང་ལས་སྐྱེས་པ་ལ་སོགས་པ་སྐྱེ་གནས་བཞིས་བསྡུས་པའི་སེམས་ཅན། མཆོག་དང་འབྲིང་དང་ཐ་མ་བའི་ཚོགས་རྣམས་ཀྱི་ལུས་གང་ཡིན་པ་དེ་ནི་རྣམ་པར་སྣང་མཛད་དོ། ཞེས་བྱ་བ་འདིའི་དོན་ནི་ཁམས་གསུམ་ཐམས་ཅད་ཀྱི་ལུས་
རྡོ་རྗེ་ལ་གནས་ཤིང་ཞེས་བྱ་བ་འདིས་སྟོན་ཏོ། །སེམས་ཅན་རྣམས་ཀྱི་ལུས་དང་ཁརྣམ་པར་སྣང་མཛད་ནི་རྟེན་ཀ ཏེ་རྒྱུ་དང་གབརྟེན་པ་སྟེ་འབྲས་བུ་ཉིད་དུ་སྟེ་དེ་ཁོ་ནར་མེད་ཅིང༌། དེ་བཞིན་དུ་སྤངས་རྟོགས་རྫོགས་པའི་ལུས་དང་མ་རྫོགས་པའི་ལུས་དག་ནི་དེ་ཁོ་ན་ཉིད་དུ་དབྱེར་མེད་པར་བསྟན་པར་བྱ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྐུ་གཉིས་མཉམ་པ་ཉིད་དེ་རང་བཞིན་གྱིས་གྲུབ་པས་སྟོང་ཡང་དེར་སྣང་བའི་སྒྱུ་མ་ལྟ་བུ འི་མཉམ་པ་ཉིད་ལ་དམིགས་ནས་ཅང་མི་གསུང་བར་གྱུར་ཏོ། །དེ་བཞིན་དུ་ཞེས་པ་ནི་ཁམས་གསུམ་པའི་བཤད་པ་དང་། དེ་དག་གི་ངག་དང་སྣང་མཐའ་གཉིས་རྟེན་དང་བརྟེན་པར་མེད་པ་དང༌། རྫོགས་པ་དང་མ་རྫོགས་པའི་ངག་དབྱེར་མེད་པ་དང༌། གསུང་མཉམ་པ་ཉིད་ཀྱི་བཤད་པ་རྣམས་རྣམ་སྣང་ལ་བཤད་པ་བཞིན་དུ་ཤེས་པར་བྱ་ལ། མི་བསྐྱོད་པ་ལ་ཡང་མི་འདྲ་བར་བཤད་པ་དངོས་སུ་བྱུང་བ་མ་གཏོགས་པ་དེ་དང་འདྲའོ། །ཁམས་གསུམ་པའི་སེམས་ཅན་ཐམས་ཅད་ཀྱི། ངག་གང་ཡིན་པ་དེ་ནི་འོད་དཔག་མེད་པའོ། ཞེས་བྱ་བའི་དོན་ནི་ངག་རྡོ་རྗེ་ལ་གནས་ཞེས་པ འདི་ཡིན་ཏེ། དེ་ནས་གསུང་རྡོ་རྗེ་དེ་བཞིན་གཤེགས་པ། ཁམས་གསུམ་ཐམས་ཅད་ཀྱི་ངག་རྡོ་རྗེ་ལ་གནས་ཤིང་། ཞེས་བྱ་བས་བསྟན་ཏོ། །དེ་བཞིན་དུ་སེམས་ཐམས་ཅད་ཀྱི་སེམས་གང་ཡིན་པ་དེ་མི་བསྐྱོད་པའོ། །ཞེས་བྱ་བའི་དོན་ནི་སེམས་རྡོ་རྗེ་ལ་གནས་ཤིང་ཞེས་པ་འདི་ཡིན་ཏེ། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཁམས་གསུམ་ཐམས་ཅད་ཀྱི་སེམས་རྡོ་རྗེ་ལ་གནས་ཤིང༌། ཞེས་བྱ་བའི་རྡོ་རྗེའི་ཚིག་གིས་སྟོན་ཏོ། །དེ་བཞིན་གཤེགས་པ་ཐམས་ཅད་ཀྱི་
ཐུགས་གང་ཡིན་པ་དང༌། སེམས་ཅན་ཐམས་ཅད་ཀྱི་སེམས་གང་ཡིན་པ་གཅིག་པ་ཉིད་དུ་བསྟན་པར་བྱ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཐུགས་མཉམ་པ་ཉིད་དུ་གྱུར་པས། བདེན་པ་གཉིས་གཉིས་སུ་མེད་ཅིང་གཅིག་པ་ཉིད་ཟུང་འཇུག་ལ་དམིགས་པར་མཛད་ནས་ཅང་མི་གསུང་བར་གྱུར་ཏོ། ཞེས་མཐར་ཐུག་པ་སྟེ་:པ་ཚབ:མཐར་ཕྱིན་པ། གསུངས་པ་ཡིན་ནོ། །སྐབས་འདིར་:ཆག:རྩ་བའི་རྒྱུད་ཀྱི་མཐར་སྨྲས་པ་ཞེས་པ་ཅིག་ཡོད། ༈ འདིར་ཟླ་བའི་སློབ་མས་ཞུ་བ་བྱེད་པའི་ཚུལ་ཡིན་པས་སློབ་དཔོན་སྐལ་ལྡན་གྲགས་པས། སློབ་དཔོན་ནི་ཀླུ་སྒྲུབ་དང༌། དྲིན་གྱིས་ནི་དེས་རྗེས་སུ་བཟུང་བས། ཟླ་བ་གྲགས་པ་རྒྱུད་དོན་ལ་ཐེ་ཚོམ་དང་བྲལ་བར་འཆད་པ་ནི་ཤིན་ཏུ་མི་རིགས་ཏེ། དེ་ལྟ་ཡིན་ན་ཐེ་ཚོམ་གཞན་ཡོད་པ་གཅོད་པར་ཞུ་བ་པོ་ཡང༌། ཟླ་གྲགས་ལ་བྱ་དགོས་པར་འགྱུར་བས་ཤིན་ཏུ་མ་འབྲེལ་བར་འགྱུར་དང༌། སྤྱོད་བསྡུས་ལས་ཀྱང༌། བསྟན་བཅོས་མཛད་པ་པོ་ལ་སློབ་མས་དྲི་བའི་ཚུལ་དུ་མཛད་པའི་དྲི་བ་འདི་འདྲའི་རིགས་མང་དུ་འབྱུང་བ་དང་འདྲ་བས། འགྲེལ་པ་མཛད་པ་པོའི་བཀའ་དྲིན་གྱིས་རྒྱུད་དོན་ལ་ཐེ་ཚོམ་ཆོད་ཀྱང༌། ཐེ་ཚོམ་གཞན་ཅིག་ཡོད་པ་ཞུ་ཞེས་ཟླ་བའི་སློབ་མས་འདྲི་བའི་ཚུལ་ཡིན་པའི་ཕྱིར་རོ། །ཟླ་བའི་གྱི་ཞལ་སྔ་ནས་ཀྱི ས། རྒྱུད་དོན་རྒྱ་ཆེར་འགྲེལ་གྱིས་བཤད་པའི་བཀའ་དྲིན་གྱིས་རྩ་རྒྱུད་ཀྱི་བརྗོད་བྱའི་དོན་རིམ་གཉིས་དང་རྒྱུད་འཆད་པའི་ཚུལ་མཐའ་དྲུག་དང་ཚུལ་བཞི་དང་འཆད་ཚུལ་དེས་བཤད་པའི་དོན་གྱི་གཙོ་བོ་ཆོས་ཉིད་དེ་ཁོ་ན་ཉིད་ཟུང་འཇུག་ལ་སོམ་ཉི་སྟེ་ཐེ་ཚོམ་དང་བྲལ་མོད་ཀྱི། སྟེ་ཀྱང༌། ད་དུང་སོམ་ཉི་གཞན་འགའ་ཞིག་བདག་ལ་ཡོད་དེ། དེ་ཁྱེད་ལ་ཞུ་ཞེས་པའོ། །ཞུ་བ་དེ་ནི་རྩ་རྒྱུད་མཐའ་དྲུག་
གི་སྒོ་ན ས་བཤད་དགོས་པ་ལ་རྒྱབ་ཀྱིས་ཕྱོགས་པ་སྟེ་དེ་ལྟར་ལེགས་པར་འཆད་མི་ཤེས་པའི་སྔགས་པ་རྣམས། སྒྲ་ཇི་བཞིན་དུ་གསུངས་པའི་ཚིག་ལ་སྟེ་རྩ་རྒྱུད་ཀྱི་སྒྲས་ཟིན་གྱི་དོན་བཤད་པ་ཙམ་ལ་བརྟེན་ཏེ། རང་རང་གི་སློབ་དཔོན་གྱི་མན་ངག་གིས་ཟླ་བ་དང་ཉི་མ་སོགས་ཀྱི་མངོན་པར་བྱང་ཆུབ་པ་རྣམ་པ་ལྔའི་རིམ་པ ས་ཡོངས་སུ་ནས་སློབ་པ་དང་ཞེས་སྦྱར་རོ་དང་། དེ་བཞིན་དུ་སྦྱར་ཏེ། ཟླ་བ་དང་ས་བོན་དང་རྡོ་རྗེ་རིམ་པའམ།པ་ཚབ་ཀྱིས་ཟླ་བ་དང་རྡོ་རྗེའི་རིམ་པས་སྲིད་པ་འབྱུང་བ། ཞེས་བསྒྱུར་ཡང༌། འགྱུར་རྙིང་དང་ཆག་གིས་འམ་ཞེས་བསྒྱུར་བ་དག་སྟེ། རྡོར་སེམས་ཀྱི་སྒྲུབ་ཐབས་ལས། རྡོ་རྗེ་སློབ་དཔོན་ཁ་ཅིག་ཟླ་བ་དང་རྡོ་རྗེའི་རིམ་པས་རྡོ་རྗེ་སེམས་དཔའ་རྫོགས་པར་རྟོག་གོ །ཁ་ཅིག་ནི་སྲིད་པ་སྐྱེ་བའི་རིམ་པས་སོ། ཞེས་དེ་གཉིས་ལུགས་སོ་སོར་བཤད་པའི་ཕྱོར་རོ། །འཆི་སྲིད་དང་བར་སྲིད་དང་སྐྱེ་བའི་སྲིད་པ་གསུམ་འབྱུང་བ་དང་མཐུན་པར་སྐྱེད་པའི་རིམ་གྱིས་ཡོངས་སུ་བརྟགས་པའི་ལྷའི་རྣལ་འབྱོར་ལ་སློབ་པ་དང་།འདིར་སློབ་པ་དང་ཞེས་པ་དང་། སློབ་པ་:ཆག:སྟེ་ཞེས་འབྱུང་ཡང་། ལྷའི་རྣལ་:པ་ཚབ:འབྱོར་ལ་གོམས་པར་བྱེད་མོད་ཀྱི་ཞེས་འབྱུང་བ་ལེགས་ཏེ། དེ་ལྟར་བྱེད་མོད་ཀྱང་མཐའ་དྲུག་གི་སྒོ་ནས་མ་བཤད་པའི་གནད་ཀྱིས་ཟུང་འཇུག་གི་གནད་མི་རྙེད་ཅེས་པའི་དོན་ཡིན་པའི་ཕྱིར། ༈ །ཡོངས་སུ་དག་པའི་ལྷའི་རྣམ་འབྱོར་ཟུང་དུ་འཇུག་པ་ཡང་བདེན་པར་འཛིན་པའི་རྟོག་པ་ཐམས་ཅད་ལས་འདས་པ་སྟེ་ཟད་པར་སྤངས་བ་ལམ་འདིའི་རྣམ་འབྱོར་པ་ཟུང་འཇུག་ཐོབ་པ་སོ་སོ་རང་གིས་མངོན་སུམ་དུ་རིག་པ། དེའི་རང་གི་ངོ་བོ་དང་སྒྲུབ་ཚུལ་མཐའ་དག་པ་ནི་སངས་རྒྱས་རྣམས་ཀྱི་སྤྱོད་ཡུལ་དུ་གྱུར་
པ་ནོར་བུ་རིན་པོ་ཆེ་སྣོད་གང་གི་ནང་དུ་འཇོག་པའི་སྣོད་ལ་རིན་པོ་ཆེའི་ཟ་མ་ཏོག་ཅེས་ཟེར་བས་སྒྲུབ་པ་པོའི་ཕུང་པོ་རིན་པོ་ཆེའི་ཟ་མ་ཏོག་དང་འདྲ་བའི་གི་ནང་ན་ཡེ་ཤེས་སེམས་དཔའི་ཚུལ་གྱིས་གནས་པ།སྟེ་ཀླུ་བྱང་གིས་ཀྱང་ཡང་དག་མགོན་པས་དེ་ཉིད་ནི། འབད་པས་སྦས་ནས་ཕུང་པོ་ཡི། །རིན་ཆེན་ཟ་མ་ཏོག་ཏུ་བཞག །ཅེས་གསུངས་སོ། །ཡོད་པ་སྲིད་པའི་མཐའ་དང་མེད་པ་ཞི་རྐྱང་གི་མཐ འི་ཕྱོགས་གཉིས་དང་བྲལ་བ། རྒྱུད་ཀྱི་ཡི་གེ་སྟེ་ཚིག་ཟིན་ཙམ་གྱི་དོན་བཤད་པའི་རྗེས་སུ་འབྲང་བ་རྣམས་དང༌། རྒྱུད་མཐའ་དྲུག་གིས་འཆད་བའི་མན་ངག་མེད་པ་རྟོག་གེ་པ་རྣམས་ཀྱི ས་ཇི་ཙམ་བརྟགས་ཤིང་དཔྱད་པའི་ཡུལ་མ་ཡིན་པ། རྩ་རྒྱུད་མཐའ་དྲུག་དང་ཚུལ་བཞིས་བཤད་རྒྱུད་ལ་བརྟེན་ནས་ལེགས་པར་འཆད་པའི་བླ་མའི་མན་ངག་འབའ་ཞིག་ལས་ཤེས་པར་བྱ་སྟེ། ༈ །སྔར་བཤད་པའི་ཁྱད་པར་བདུན་དང་ལྡན་པ་འདི་ལྟ་བུའི་ལྷའི་དེ་ཁོ་ན་ཉིད་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཤིང༌། ཕྱག་ན་རྡོ་རྗེ་ལ་སོགས་པ་སྡུད་པ་པོ་རྣམས་ཀྱང༌། འཇིག་རྟེན་འདིར་གདུལ་བྱའི་སྣང་ངོར་མེད་པར་གྱུར་པའི་ཕྱི་མའི་དུས་ན། སངས་རྒྱས་ཀྱི ས་ཡང་དག་པར་བཤད་པ་འདི་རྒྱུན་མི་འཆད་པར་སུ་ཞིག་གིས་སྟོན་པར་འགྱུར།ཞེས་ཞུས་སོ། །རྩ་རྒྱུད་ལ་དོན་ཟབ་མོ་དུ་མ་ཞིག་ཡོད་ཀྱང་སྒྲས་ཟིན་ཙམ་གྱི་བཤད་པ་ལ་བརྟེན་ན། དག་པའི་སྒྱུ་མ་ཟུང་འཇུག་མི་རྙེད་པ་དང༌། དེ་ཉིད་མ་འོངས་པ་ན་སུས་སྟོན་འདྲི་བ་ནི། རླུང་སེམས་གཉིས་ཙམ་ལས་བསྒྲུབས་པའི་སྒྱུ་མའི་སྐུ་འོད་གསལ་དུ་ཞུགས་པའི་འོད་གསལ་གྱི་རླུང་སེམས་གཉིས་ཙམ་ལས་དག་པའི་སྒྱུ་མའི་སྐུར་འཁྲུངས་པའི་སྒྱུ་ལུས་དང༌། ལྷན་སྐྱེས་ཀྱི་བདེ་
བ་ཆེན་པོས་དེ་ཁོ་ན་ཉིད་མངོན་སུམ་དུ་རྟོགས་པའི་འོད་གསལ་གཉིས་ངོ་བོ་གཅིག་ཏུ་སྦྱོར་བའི་ཟུང་འཇུག་ནི་རྟོགས་དཀའ་བའི་མཐར་ཐུག་པ་ཡིན་པས་དེ་ཉིད་སུས་སྟོན་ཞུས་པ་ཡིན་ཏེ། འདིའི་མཐའ་གཅོད་པ་གཞན་དུ་བཤད་པ་ལས་ཤེས་པར་བྱའོ། །གདུལ་བྱའི་སེམས་ཅན་རྣམས་ཀྱི་རྒྱུད་ལ་རྒྱུན་མི་འཆད་:པ་ཚབ:པར་ཇི་ལྟར་འཇུག་པར་འགྱུར། ༈ །དྲི་བ་དེའི་ལན་སྨྲས་པ་མ་འོངས་པའི་དོན་འདི་ནི། ལང་ཀར་གཤེགས་པའི་མདོ་ལས། དེ་བཞིན་གཤེགས་པ་ལ་མཚན་གཞན་བྱང་ཆུབ་སེམས་དཔའ་བློ་གྲོས་ཆེན་པོ་དོན་བྱང་ཆུབ་སེམས་དཔའ་འཇམ་དཔལ་གྱིས་ཞུས་པ་དེ་འདིར་བསྟན་པར་བྱ་སྟེ། མན་ངག་དམ་པ་མེད་པའི་རྟོག་གེ་རྣམས་ཀྱི་ཡུལ་མིན་པ། འཕགས་པ་སོ་སོ་རང་གིས་རིག་པའི་ཡེ་ཤེས་ནི། ཕྱི་མའི་དུས་སུ་གྱུར་པ་ན། མགོན་པོ་ཞེས་བོས་ནས་གང་ཟག་སུ་ཞིག་གིས་འཛིན་པ་དང་སྟོན་པར་འགྱུར་བ་གསུངས།ཤིག་ཅེས་ཞུས་ཏེ་ཚིག་རྐང་གོང་མ་གཉིས་ཀྱིས་འདྲི་བ་ན། དེ་ཁོ་ན་ཉིད་ཀྱི་དོན་མཐར་ཐུག་པའི་ལྟ་བ་དང༌། སྔར་བཤད་པའི་ཟུང་འཇུག་གཉིས་ཀ་ལ་བསམས་ནས་དྲིས་སོ། །བདེ་གཤེགས་མྱ་ངན་འདས་པའི་འོག །ཏུ་ལོ་བཞི་བརྒྱའི་དུས་དག་འདས་ནས་འབྱུང་བ་ནི། །གང་ཞིག་རྒྱལ་བའི་བསྟན་པའི་སྙིང་པོ་འཛིན་པར་འགྱུར་བ་དེ་ནི་ཏེ། །བདག་གིས་བཤད་ཀྱི་བློ་གྲོས་ཆེན་པོ་ཁྱོད་ཀྱིས་ཤེས་པར་བྱོས། །ཤིག །རྒྱ་གར་གྱི་ལྷོ་ཕྱོགས་བཱཻ་ད ར་བ་ཞེས་པ་འཇག་མ་སྐྱེ་བ འི་ཡུལ་དུ་ནི། །རྟེན་དགེ་སློང་དཔལ་ལྡན་ཞེས་བྱ་བ། །དེ འི་མིང་འཇིག་རྟེན་ན་ཀླུ་ཞེས་བོད་པ་སྟེ། །ཞེས་པའམ་དེའི་མིང་:ཆག:ཡང་ན་
ཀླུ་སྒྲུབ་སྟེ་ཞེས་པ་ལྟར་རོ། །གང་དུ་བཟུང་ན་ཕུང་བར་འགྱུར་བའི་ཡོད་པ་དང་མེད་པའི་ཕྱོགས་ཏེ་མཐའ་གཉིས་འཇིག་པ། །སྟེ་སྤངས་པའི། ང་ཡི་བསྟན་པ་འཇིག་རྟེན་འདིར། །བླ་སྟེ་གོང་ན་མེད་པའི་ཐེག་ཆེན་གྱི་ལམ་མཐར་ཐུག་པ་འཇིག་རྟེན་འདིར་རབ་ཏུ་སྟེ་གསལ་བར་བཤད་ཅེས་པ་ནི་མདོ་སྡེ་དང་རྒྱུད་སྔའི་ཕྱོགས་གཉིས་ཀ་ལ་དགོངས་ནས་གསུངས་པའོ། །ནས། །རབ་ཏུ་དགའ་བའི་ས་བསྒྲུབས་སྟེ། །བདེ་བ་ཅན་དུ་དེ་འགྲོའོ། ༈ །ཞེས་ལུང་བསྟན་པའི་རིམ་པ་འདིས་ན། དེ་བཞིན་གཤེགས་ཡོངས་སུ་མྱ་ངན་ལས་འདས་ཤིང་སྡུད་པ་པོ་རྣམས་མི་ཞུགས་ཀྱང༌། ཇི་སྲིད་དུ་འཇིག་རྟེན་དུ་དམ་པའི་ཆོས་གནས་པ་དེ་སྲིད་ཀྱི་བར་དུ། བླ་མེད་ཀྱི་རྡོ་རྗེ་ཐེག་པ་ལ་རྣལ་འབྱོར་ཆེན་པོའི་རྒྱུད་འདུས་པའི་ཀྱི་ལུང་ལ་བརྟེན་ནས། བསྐྱེད་པའི་རིམ་པའི་གོ་རིམས་ཀྱིས་རྫོགས་པའི་རིམ་པ་རྟོགས་པར་བྱ་བ འི་ཚུལ་ནི། འདི་དྲི་བ་དང་པོའི་ལན་ནོ། །སློབ་དཔོན་ཆེན་པོ་ཀླུ་སྒྲུབ་ཀྱི་ཞལ་སྔ་ནས་བརྩམས་པ་སྟེ་ཉེ་བར་བཟུང་ནས་ཕས་བསགས་པའི་ཏེ་གཏེར་ལ་བུ་བརྒྱུད་ཀྱིས་ལོངས་སྤྱོད་པ་དང་འདྲ་བར། སློབ་དཔོན་རྣམས་གཅིག་ནས་གཅིག་ཏུ་བརྒྱུད་པའི་རིམས་ཀྱིས་རང་རང་གི་བླ་མའི་ཞལ་ནས། གསང་བ་འདུས་བ་པ་རྣམས་ཀྱིས་ཚེ་འདི་ཉིད་ལ་སངས་རྒྱས་ཉིད་དུ་འགྱུར་པའི་གང་ཟག་གི་རྒྱུད་ལ་འཇུག་ཅིང་འཕོའོ། ༈ །དེ་ལྟར་ལུང་བསྟན་པའི་སློབ་དཔོན་ཆེན་པོ་དཔལ་ཀླུ་སྒྲུབ་ཀྱི་ཞལ་སྔ་ནས་ཀྱིས་ཉིད་ཀྱི་བཞེད་པའི་དོན་མཐར་ཐུག་པ་རྗེས་སུ་བརྙེས་ནས། གཞན་གྱི་དོན་རྗེས་སུ་སྒྲུབ་པའི་ཕྱིར་དུ་འཕགས་པ་མཆོག་གི་སོ་སོར་རང་གི་རིག་པའི་ཡེ་ཤེས་ཀྱི་ཡུལ་དུ་གྱུར་པ་རྡོ་རྗེ་
འཛིན་པ་རྡོ་རྗེ་འཆང་ཆེན་པོ་སྒྲུབ་པའི་ཐབས་སུ་གྱུར་པའི་ཏིང་ངེ་འཛིན་གཏན་ལ་འབེབས་པའི་གཞུང་རིམ་ལྔ་དང་མདོར་བྱས་སོགས་མིའི་འཇིག་རྟེན་དུ་བསྟན་ནས། ལྷ་དང་མིའི་བདེ་བ་ལས་འདས་ཤིང༌། མུ་སྟེགས་དང་ཉན་ཐོས་དང་རང་སངས་རྒྱས་ཀྱི་བསམ་གཏན་དང༌། སྙོམས་པར་འཇུག་པའི་བདེ་བ་ཐམས་ཅད་ལས་འདས་ནས། སྲིད་པར་སྐྱེ་བ་དང་འགག་པ་སྟེ་འཆི་བ་དང་བྲལ་བའི་དེ་བཞིན་གཤེགས་པའི་སྐུ། མཚན་དཔེའི་རྣམ་པ་ཐམས་ཅད་ཀྱི་མཆོག་དང་ལྡན་པ། སྐུ་བལྟ་བས་ཆོག་མི་ཤེས་སྟོབས་བཅུ་དང་མི་འཇིགས་པ་ལ་སོགས་པ། སངས་རྒྱས་ཀྱི་ཡོན་ཏན་རྣམས་ཀྱི་བརྒྱན་པ་བརྙེས་ནས། བདེ་ཅན་དུ་གཤེགས་ཏེ། སྐུ་ཡི་དབང་ཕྱུག་ལ་སོགས་པའི་ཡོན་ཏན་གྱི་དབང་ཕྱུག་བརྒྱད་དང་ལྡན་པས་བཞུགས་སོ། ། འོ་ན་ལང་གཤེགས་ལས། ས་དང་པོ་བསྒྲུབས་ཏེ་བདེ་བ་ཅན་དུ་གཤེགས། ཞེས་པ་དང། འདིར་མངོན་པར་རྫོགས་པར་སངས་རྒྱས་ནས་བདེ་བ་ཅན་དུ་གཤེགས་པར་བཤད་པ་གཉིས་འགལ་ལོ་སྙམ་ན། མི་འགལ་ཏེ། ཀུན་དགའ་བོ་མདོ་སྡེའི་ཕྱོགས་སུ་རྒྱུན་ཞུགས་སུ་བཤད་ལ། ཐམས་ཅད་གསང་བའི་རྒྱུད་ལས། ཀུན་ཏུ་བཟང་པོར་བཤད་པ་བཞིན་དུ་གདུལ་བྱའི་དགོས་པའི་དབང་དང༌། ཐེག་པ་ཕྱོགས་རེ་པའི་དབང་དུ་བྱས་ནས་གསུངས་པའི་ཕྱིར་རོ། །སྤྲིན་ཆེན་ལས། མཐར་རབ་ཏུ་དང་པའི་འོད་ཅེས་བྱ་བའི་ཞིང་དུ་མཐར་འཚང་རྒྱ་བར་གསུངས་པ་དང་ཡང་མི་འགལ་ཏེ། ཤཱཀྱའི་རྒྱལ་པོ་ཚེ་ལོ་བརྒྱ་བའི་དུས་སངས་རྒྱས་པར་གསུངས་པ་དང༌། སྔོན་བསྐལ་པ་དུ་མའི་སྔོན་དུ་སངས་རྒྱས་པར་གསུངས་པ་གཉིས་མི་འགལ་བ་དང་འདྲ་བའི་ཕྱིར་རོ། ༈ །དེ་ལྟར་ལུང་བསྟན་པ་དང་ལུང་
མ་བསྟན་པ་གང་ཡིན་ནམ་སྙམ་པའི་ཐེ་ཚོམ་གྱི་རྣམ་པར་རྟོག་པ་བསལ་ལ། བཤད་པ་ཡང་དག་པ་དང་ལྟར་སྣང་བའི་ངོ་བོ་ཉིད་ལེགས་པར་ཤེས་པས་མཐའ་དྲུག་གི་སྒོ་ནས་བཤད་པའི་ཕྱོགས་འདི་དང་སྒྲས་ཟིན་གྱིས་དོན་ཙམ་གྱི་ཕ་རོལ་གྱི་གྲུབ་པའི་མཐའ་སྟེ་ལུགས་གཉིས་ཀྱི་ཁྱད་པར་གཉིས་ལེགས་པར་ངེས་པར་བྱའོ། ༈ །ད་ནི་རྒྱུད་ཀྱི་གཞུང་ཉེ་བར་སྡུད་པར་བྱེད་དེ། འདི་སྐད་བདག་གིས་ཐོས་པ་ཞེས་བྱ་བ་ལ་སོགས་པ། རྒྱུད་མ་ལུས་པར་རྒྱན་རྣམ་པ་བདུན་དང།བདུན་:ཆག:བཤད་པའི་ཟེར། ༢བཤད་པའི་ཚུལ་གྱིས་སྟོན་པ་ལ་ཐོས་ནས།རྩ་རྒྱུད་ལས། རྒྱན་བདུན་གྱི་བཤད་པ་དངོས་སུ་མེད་ཀྱང་སྡུད་པ་པོས་རྒྱན་བདུན་གྱི་བཤད་པ་འཇུག་པར་མཁྱེན་པའོ། །དོན་དང་ཚུལ་དང་ཆོས་ཉིད་ཁོང་དུ་ཆུད་དེ། རིམ་པ་གཉིས་ཀྱི་མན་ངག་སྦྱིན་པ་སྔོན་དུ་འགྲོ་བས། རྒྱུད་སྡུད་བའི་དུས་ཀྱི་ཉན་པ་པོ་རྣམས་ལ་ཡང་དག་པར་བཤད་དེ་སྡུད་པར་བརྩམས་པའི་དོན་ཡོངས་སུ་རྫོགས་ནས། བདག་ཉིད་ཀྱི ས་སྡུད་པར་དམ་བཅས་པའི་བསམ་པ་ཡོངས་སུ་རྫོགས་པར་སྟོན་པ་ནི། སྡུད་པར་བྱེད་པས་དེ་སྐད་ཅེས་བཀའ་སྩལ་ཏོ། ཞེས་བྱ་བ་སྨྲས་ཏེ། གསང་བ་འདུས་པའི་རྒྱུད་འདི་དེ་སྐད་ཅེས་བཀའ་སྩལ་སྟེ། རྡོ་རྗེ་འཆང་ཆེན་པོ་བདེ་བ་ཆེན་པོས་རབ་ཏུ་བསྟན་པའོ། ༈ །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྡོ་རྗེ་གསུམ་གཙོ་བོར་བྱས་ནས་གཅིག་ཏུ་ཞུགས་པ་སྟེ། དེ་ཡང་རྒྱུད་གང་དུ་གསང་བ་གསུམ་པོ་རྣམས་ཀྱི་འདུས་པ་ནི་དེ་གསུམ་ཚོགས་
པ་སྟེ། གསང་བ་འདུས་པའི་རྒྱུད་ཀྱི་རྒྱལ་པོ་དེར་དེ་བཞིན་གཤེགས་པ་ཐམས་ཅད་ཀྱི་དམ་ཚིག་དང༌། སྡོམ་པ་རྡོ་རྗེ་བྱིན་གྱི་བརླབས་ཀྱི་རྒྱལ་པོ་ཞེས་བྱ་བའི་ལེའུ་ཞེས་བྱ་བ་ལ། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ལ་སོགས་པའི་རིགས་ལྔའོ། །རིགས་ལྔ་པོ་དེ་རྣམས་ཀྱི་དམ་ཚིག་ནི་ཉམས་སུ་བླང་བར་བྱ་བ འི་དོན་བསྲུང་བ་དང་ལ་སོགས་པ ས་བཟའ་བ་དང་བསྟེན་པའི་དམ་ཚིག་རིགས་ལྔས་བསྡུས་པའི་དམ་ཚིག་ལྔའོ། །སྡོམ་པ་ནི་ཉམས་སུ་བླང་བྱའི་དོན་དེ་ལ་ནན་ཏན་དུ་སྒྲུབ་པ་སྟེ། དེ་བཞིན་གཤེགས་པའི་རིགས་ལ་སོགས་པ་ལྔས་བསྡུས་པའི་སྡོམ་པ་ལྔའོ། །གཉིས་:ཆག:པོ་དེ་ནི་ཟེར། གདེ་ནི་ཀདམ་ཚིག་དང་སྡོམ་པ་གཉིས་ཁཔོ་སུ་མེད་ཅིང་འདའ་བར་བྱ་བ་མ་ཡིན་པས་ན་རྡོ་རྗེ་སྟེ་མི་ཕྱེད་བར་བྱ་བ། །དམ་ཚིག་དང་སྡོམ་པ་དེའི་བྱིན་གྱིས་བརླབས་ཀྱི་རྒྱལ་པོ་རྡོ་རྗེ་ཞེས་པ་འདི་རྒྱུད་ལ་མེད་དོ། །རྡོ་རྗེ་ནི་རྡོ་རྗེ་འཆང་ཆེན་པོ། །དེའི་མཚན་གྱི་རྣམ་གྲངས་ནི་རྡོ་རྗེའི་རིགས་ལ་སོགས་པའི་རིགས་ཐམས་ཅད་ཀྱི་བདག་ཉིད་ཅན། ཐོག་མ་དང་ཐ་མ འི་མཚམས་གཟུང་དུ།་མེད་པ་དང་པོའི་སངས་རྒྱས། རིག་པ་ཆེན་པའི་སྐྱེས་བུའི་གཟུགས། ཡེ་ཤེས་ཀྱི་སྐུ། རང་བཞིན་གྱིས་འོད་གསལ་བའི་བདག་ཉིད་ཅན། ས་གསུམ་གྱི་འཇིག་རྟེན་གསུམ་གྱི་བདག་ཉིད་ཅན། སྐུ་གསུམ་གྱི་བདག་ཉིད་ཅན། ཐེག་པ་གསུམ་གྱི་བདག་ཉིད་ཅན། འདས་པ་ལ་སོགས་པའི་དུས་གསུམ་གྱི་བདག་ཉིད་ཅན། རྡོ་རྗེ་གསུམ་གྱི་བདག་ཉིད་ཅན། བདེན་པ་གཉིས་ཀྱི་བདག་ཉིད་ཅན། ཞེས་བྱ་བ་ལ་སོགས་པ་དེ་བཞིན་གཤེགས་པ་
དྲུག་པའི་མཚན་གྱི་རྣམ་གྲངས་མཐའ་ཡས་ཏེ། དམ་ཚིག་དང་སྡོམ་པ་དང་དེ་བྱིན་གྱིས་བརླབ་པ་དེ་སྟོན་པའི་གཞུང་བསྡུས་པ་མ་ལུས་པ་ནི། སྔ་མ་ལེའུ་དང་པོར་བཤད་པ་བཞིན་དུ་གོས་དང་འདྲ་བའི་ཕྱིར་ན་ལེའུ་ཞེས་བྱའོ། ༈ །བདེ་བར་གཤེགས་པ་རྡོ་རྗེ་འཆང་གི་གསུང་དོན་ཤིན་ཏུ་ཕྲ་བ་སྟེ་རྟོགས་པར་དཀའ་བ འི་རྣལ་འབྱོར་གྱི་རྒྱུད། དཔལ་འདུས་པའི་དོན་རྣམས་མཐའ་དྲུག་གིས་བཤད་པ་དང་བྲལ་བར་བཤད་ཀྱང་ངེས་པར་རྟོགས་པར་ནུས་སོ་ཞེས་གང་སྨྲ་བ་དེ ས་ནི་འདུས་པའི་དོན་ཟབ་མོ་རྣམས་ཀྱི་དེ་ཉིད་བློས་མཐོང་བ་སྟེ་རྟོགས་པ་མིན་གྱི་རྒྱུད་ཀྱི་ཡི་གེ་སྟེ་ཚིག་ཟིན་ཙམ་གྱི་དོན་བལྟ་བ་སྟེ། རྟོགས་པ་ལ་བདག་གིས་འདུས་པའི་དོན་ཀུན་ཤེས་སོ་སྙམ་དུ་འཛིན་པ་ཙམ་ཡིན་ཏེ། དཔེར་ན་བྱིས་བ་ཆུང་དུ་ལ་རྒན་པས་ཟླ་བ་ལྟ་བ་སྟེ་བསྟན་པར་འདོད་ནས་སོར་མོ་མིག་སྔར་བཞག་སྟེ་རིམ་གྱིས་གྱེན་དུ་བཏེག་པར་ཟླ་བ་ལ་མི་བལྟ་བར་སོར་མོ་ཁོ་ན འི་རྩེ་ལ་ལྟ་བ་ན་སོར་མོས་མཚོན་པར་བྱ་རྒྱུའི་ཟླ་བ་ལ་མི་བལྟ་བར་མཚོན་བྱེད་ཀྱི་སོར་མོ་ལ་བལྟ་བ་དང་མཚུངས་ཇི་ལྟར་མཚུངས་ན་རྩ་རྒྱུད་ཀྱི་དངོས་ཟིན་གྱི་དོན་ནི་སོར་མོ་དང་འདྲ་བར་མཚོན་བྱེད་དོ། ཚིག་ཟིན་གྱི་དོན་དེས་མཚོན་པར་བྱ་བའི་ངེས་དོན་ནི་ཟླ་བ་དང་འདྲའོ། །རྡོ་རྗེ་འཆང་གི་ངེས་དོན་དེ་ལྟར་བསྟན་པར་འདོད་ནས་ཚིག་ཟིན་གྱི་དོན་བསྟན་པ་ནི་རྒན་པོས་ཟླ་བ་བསྟན་པར་འདོད་ནས་སོར་མོས་མིག་ཁྲིད་པ་དང་འདྲ་བས། རྡོ་རྗེ་འཆང་གིས་གདུལ་བྱ་མཆོག་ལ་བསྟན་པར་བཞེད་པའི་སྐབས་དོན་གྱི་གཙོ་བོ་མ་རྙེད་པས་ངལ་བ་འབྲས་མེད་དུ་འགྲོའོ། །སོ། ༈ །གཞན་ཡང་རྒྱལ་བ་སྐྱེས་མཆོག་རྣམས་ཀྱིས་ཡེ་ཤེས་རྡོ་རྗེ་ཀུན་ལས་བཏུས་པ་སོགས་ལས་རྣམ་པར་བཤད་པའི་མཐའ་དྲུག་གི་བཤད་སྲོལ་གྱི་ལམ་གང་ཡིན་པ། །གང་ཞིག་གིས་འདུས་པའི་རྩ་རྒྱུད་འདི་དང་
འདི་དང་འདྲ་བའི་རྒྱུད་ཀྱི་ཚུལ་གཞན་མ་ལུས་པ་རྣམ་པར་འབྱེད་པར་བྱེད་པས་རྒྱུད་ཀྱི་མཐར་ཐུག་འདུས་པ་བཤད་པར་བྱས་པས། །ཟླ་བའི་ཞབས་བདག་གིས་དགེ་བ་གང་ཐོབ་པ་དེས་ནི་སྒྲོན་མ་འབར་བའམ། གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་འདི འི་བཤད་པ་འཇིག་རྟེན་ན་རིང་དུ་གནས་ཤིང༌། །ཟག་པ་མེད་པའི་བདེ་བ་དམ་པའི་གནས་ཏེ་གོ་འཕང་མཆོག་གི་ཟླ་བའི་དཀྱིལ་འཁོར་རྫོགས་ལ་གསལ་བ་ལྟ་བུའི་བློ་དང་འགྲོ་བ་རྣམས་ནི་ལྡན་པར་ཤོག །ཅིག་པའོ། །འགྲེལ་པ་བརྩམས་པའི་དགེ་བ་སྒྲོན་གསལ་གྱི་བཤད་པ་རིང་དུ་གནས་པའི་དོན་དུ་བསྔོ་བ་མཛད་པས་ན། གསང་བ་འདུས་པ་འཕགས་པ་ཡབ་སྲས་ཀྱི་ལུགས་སུ་རྒྱུད་འཆད་པ་རྣམས་ཀྱིས། འགྲེལ་པའི་མཆོག་འདི་ཉིད་ཀྱི་སྟེང་ནས། འཇིག་རྟེན་གསུམ་གྱི་རིན་པོ་ཆེ་གཅིག་ཏུ་དཔལ་གསང་བ་འདུས་པའི་དོན་རྣམས་ཕྱོགས་དུས་ཀུན་ཏུ་རྒྱས་པར་བྱའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་བདུན་པ་མཐར་དྲུག་གིས་བཤད་པའོ། ༈ །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་འདུས་བའི་རྒྱ་ཆེར་བཤད་པ། སྒྲོན་མ་གསལ་བར་བྱེད་པ་ཞེས་བྱ་བ་སློབ་དཔོན་ཆེན་པོ་ནཱ་གཱརྫུ་ནའི་མན་ངག་ལ་བརྟེན་ཏེ། སློབ་དཔོན་ཟླ་བ་གྲགས་པས་མཛད་པ་རྫོགས་སོ། ༈ །རྒྱ་གར་གྱི་མཁན་པོ་ཤྲ་ངྷཱ་ཀ་ར་ཝརྨ་དད་བྱེད་བོ་ཆ་དང༌། ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། རྒྱ་གར་གྱི་མཁན་པོ་ཤྲཱི་དཔལ་
ཤྲཱི་ཛྙཱ་ན་ཀ་ར་བཱ་:ཆག:ལས་བཤད་ནས་ཟེར་བ་ལྟར་ན། དཔལ་ཡེ་ཤེས་སྐྱོང་བར་བྱེད་པའོ། །ཛྙཱ་ནཱ་ཡེ་ཤེས་ཀ་ར་བྱེད་པ་བས་བཤད་ནས། བོད་ཀྱི་ཞུ་ཆེན་གྱི་ལོཙྪ་བ་འགོས་ལྷས་བཙས་ཀྱིས་ཞུ་གཏུགས་གཡར་ཁྲལ་འཚལ་བའོ། །ཡང་སླད་ཀྱི་རྒྱ་གར་གྱི་པཎྜི་ཏ་ཆེན་པོ་ནག་པོའི་ཞལ་སྔ་ནས་ཀྱིས་བཤད་ནས། བོད་ཀྱི་ལོཙྪ་བ་འགོས་ལྷས་བཙས་ཀྱིས་ཡུལ་དབུས་ཀྱི་དཔེ་དང་གཏུགས་ཏེ་བཅོས་པའོ། ། ༈ ། །རྗེ་རིན་པོ་ཆེ་འགོས་ཀྱིས་དང་པོར་ལོ་ཆེན་གྱིས་བསྒྱུར་བའི་སྒྲོན་གསལ་ལ་བཤད་པ་མང་དུ་མཛད། དེའི་རྗེས་སུ་ཁོང་རང་གིས་ཛྙཱ་ན་ཀ་ར་ལ་བརྟེན་ནས་འགྱུར་བཅོས་མཛད་པ་ལ་བཤད་པ་མང་དུ་མཛད། དེའི་རྗེས་སུ་ཁོང་རང་གིས་ནག་པོ་དམ་ཚིག་རྡོ་རྗེ་ལ་བརྟེན་ནས་འགྱུར་བཅོས་མཛད་པའི་སྒྲོན་གསལ་ལ་བཤད་པ་མང་དུ་མཛད་པའི་གནད་ཀྱིས། འགོས་འགྱུར་རང་ལའང་དཔེ་མི་མཐུན་པ་མང་དུ་ཡོད་ནའང༌། འགྱུར་རིམ་པ་གསུམ་པ་དག་པར་བླ་མ་གོང་མ་རྣམས་མཛད་པར་འདུག་པས། འགྱུར་གསུམ་པ་ལ་གཞི་བྱས་ནས་འགོས་འགྱུར་གྱི་སྒྲོན་གསལ་མང་དུ་བསགས་ཏེ། དོན་ལ་ཞིབ་ཏུ་དཔྱད་ཅིང་འགོས་འགྱུར་གྱི་ཆ་འགའ་ཞིག་མི་བཅོས་སུ་མི་རུང་བ་རྣམས་ལ། འགྱུར་གསར་པས་སྐྱེད་ཐོན་པ་རྣམས་འགྱུར་མཆན་དུ་བཀོད་པའི་ཞུས་དག་ཡིད་ཆེས་པའི་གནས་སུ་རུང་བར། དཔལ་གསང་བ་འདུས་པའི་རྣལ་འབྱོར་པ་ཤར་ཙོང་ཁ་པ་བློ་བཟང་གྲགས་པའི་དཔལ་གྱིས། འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་དག་གཏེར་བྱས་
པའོ། ། ། །སརྦ་མངྒཱལཾ། ༈ །དོན་མང་གཞུང་ཉུང་ཤིན་ཏུ་གཏིང་དཔག་དཀའ། །རྣམ་མང་བཤད་པའི་རླབས་ཀྱི་འཕྲེང་བས་དཀྲིགས། །དངོས་གྲུབ་གཉིས་ཀྱི་རིན་ཆེན་གཏེར་གྱུར་པ། །དཔལ་ལྡན་འདུས་པ་བདུད་རྩིའི་རྒྱ་མཚོ་ཆེ། །སྤས་དོན་གསལ་བའི་ཀླུ་སྒྲུབ་མན་ངག་གིས། །རྒྱུད་རྒྱལ་གདམས་པར་ཤར་བའི་ཉམས་ལེན་དང༌། །རིགས་ལམ་ཕྲ་མོ་ཕྱེད་པའི་རྣམ་དཔྱོད་ཀྱི། །སྲུབ་ཐག་བཟང་པོས་དཀྲིས་པའི་བཤད་རྒྱུད་ཀྱི། །སྲུབ་ཤིང་མཆོག་གིས་ཡང་ཡང་བསྲུབས་པ་ལས། །ཚིག་གི་ཟུར་ཕྱིན་དོན་གྱི་གནད་གསལ་བ། །སྔོན་ཆད་ཕྱོགས་འདིར་མངོན་དུ་མ་གྱུར་བའི། །ཚིག་དོན་བདུད་རྩིས་གང་བའི་བུམ་པ་རྙེད། །དེ་ལས་འོངས་པའི་རྣམ་དག་བདུད་རྩིའི་ཆུ། །སྒྲོན་མ་གསལ་བའི་གླེགས་བམ་ངོས་རྣམས་ལ། །ཡི་གེའི་གཟུགས་ཀྱིས་ཆགས་པའི་མཆན་བུ་འདི། །རྣམ་དཔྱོད་ཡངས་པའི་མིག་གི་བདུད་རྩིའོ། །རབ་འབྱམས་གཞུང་དང་ཁྱད་པར་དུ། །ཕྱོགས་འདིར་འགྱུར་བའི་འཕགས་སྐོར་དང༌། །ཚུལ་འདིར་སྦྱངས་པ་ཆེ་བ་ཡི། །གངས་ཅན་མཁས་པའི་གཞུང་རྣམས་ལ། །རིང་དུ་ལེགས་པར་སྦྱངས་པའི་མཐར། །བཀོད་པ་ཡིན་མོད་འོན་ཀྱང་ནི། །ཚུར་མཐོང་བློ་མིག་ཞན་པའི་མཐུས། །ཇི་བཞིན་མིན་བཤད་སྙིང་ནས་འཆགས། །དེར་འབད་པ་ལས་འོངས་པ་ཡི། །ཚོགས་གཉིས་ཤིན་ཏུ་དཀར་བ་རྣམས། །ལམ་བཟང་འདི་དང་མི་འབྲལ་ཞིང། །འགྲོ་ཀུན་ལམ་འདིས་བགྲོད་ཕྱིར་བསྔོ། །ཞེས་དཔལ་གསང་བ་འདུས་པ་སྒྲོན་མ་གསལ་བས་བཤད་པའི་མཐའ་གཅོད་ཀྱི་སྤྱི་དོན་ནི་ལོགས་སུ་བཤད་པ་བྱེད་པར་ཡོད་ལ། རྩ་འགྲེལ་གྱི་ཚིག་དོན་ཟུར་ཕྱིན་པར་མཆན་གྱིས་གསལ་བར་བཤད་པ་འདི་ནི་མང་དུ་ཐོས་པའི་དགེ་སློང་གསང་བ་འདུས་པའི་རྣལ་འབྱོར་པ་ཤར་ཙོང་ཁ་པ་བློ་བཟང་གྲགས་པའི་དཔལ་གྱིས་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་སྦྱར་བའོ། །འདིས་ཀྱང་བསྟན་པ་རིན་པོ་ཆེ་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་
གནས་པར་བྱེད་ནུས་པར་གྱུར་ཅིག། ༈ ། །འདི་ལ་སྤྱིར་པར་དུ་མ་འཁོད་པའི་འགྲོ་དོན་ཆེ་བའི་རིགས་ལ་བྲིས་ནོར་རྒྱུན་འབྱམས་དང༌། སོ་སོའི་དཔེ་ཡིན་པར་བསམ་པས་བསམ་ཚོད་སྣ་ཚོགས་བྲིས་པ་ལས་མཆེད་པ་མང་ཞིག་ཡོང་གིན་འདུག་པ་ལྟར་འགྲེལ་མཆན་འདིར་ཡང་སྦྲུལ་ཤད་དང༌། ཀ་རྟགས། མཆན་འཇུག་སོགས་ལ་མི་འདྲ་བ་མང་ཞིག་འདུག་པ་གཞུང་དང་རྒྱལ་མཚན་མཐོན་པོ་གཉིས་ཀྱི་ཕྱག་དཔེ་དང༌། འཆད་ཉན་པ་དག་གི་དཔེ་ཁུངས་བཙུན་གྱིས་མཚོན་འགྲེལ་པ་དང་ཟིན་བྲིས་ཉི་ཤུ་སྐོར་བསགས་ཏེ་ཞུས་དག་ལེགས་པར་གྲུབ་པ་ལས། མཆན་དངོས་གཞི་དང༌། རྒྱ་སྐད་ཀྱི་རིགས་རྣམས་མཐུན་མིན་བྱུང་བ་རྣམས། འཕགས་འོད་ཡོན་ཏན་རྒྱ་མཚོ། རྗེ་ཤེས་རབ་སེང་གེས་དངོས་སློབ་བཅས་འགྲེལ་བཤད་རྣམ་ངེས་སོར་བཞག་ཏུ་བྱས། དཀྱུས་མཆན་རྣམས་དང༌། རྩ་འགྲེལ་གྱི་ཁ་སྐོང་ཕལ་ཆེ་བ་དཀྱུས་སུ་བཀོད། ཟུར་མཆན་གྱི་རིགས་ཡིག་འཕྲེང་དངོས་གཞིའི་སྟེང་འོག་སོགས་ཅི་རིགས་པ་ནས་བཅུག་ཅིང༌། དེ་ཡང་སྤྱིར་ན་དཀྱུས་མཆན་རྣམས་དཀྱུས་མའི་དོན་དང༌། ཟུར་མཆན་རྣམས་འཕྲོས་དོན་ལས་དཀྱུས་མའི་དོན་མིན་པར་བརྟེན། དཀྱུས་ཟུར་གྱི་མཆན་འཇུག་ཚུལ་ཡང་ཡི་གེའི་སྲུབས་ལ་བཅུག་པ་དང༌། ཡི་གེ་དང་ཚེག་གི་སྟེང་འོག་ཏུ་འཇུག་པའི་དབྱེ་བ་རྗེ་རིན་པོ་ཆེ་ཉིད་ཀྱི་གནང་བའི་དོན་བཞིན་དཀྱུས་མཆན་དངོས་གཞི་དཀྱུས་མའི་དོན་དུ་མ་ཟད་ཚིག་གོང་འོག་གཉིས་ཀར་འགྲིག་པ་དགོས་ཤིང༌། ཟུར་མཆན་ལ་ངེས་པ་མེད་རུང༌། རེ་གཉིས་ལ་དོན་དཀྱུས་མཆན་དུ་ཐོབ་པ་འདྲ་ཞིག་བྱུང་ཀྱང༌། དཀྱུས་མཆན་དུ་བྱས་ན་འགྲེལ་བའི་འཇུག་ཡུལ་གོང་འོག་གང་རུང་རེ་མ་འབྲེལ་བ་ཆེན་པོར་གྱུར་པ་དག་ཟུར་མཆན་དུ་བཀོད། ས་བཅད་མཚམས་སྦྲུལ་ཤད་ཡང་འགྲེལ་ཚིག་ལ་འཐེན་ཕྱོགས་ཡོད་པར་བརྟེན། རྣམ་ངེས་དང་བསྡུས་དོན་གྱི་དཔེའི་རིགས་ལ་མི་མཐུན་པ་ཁ་ཤས་འདུག་པ་དགའ་ལྡན་གྱི་བསྡུས་དོན་པར་རྙིང་སོར་བཞག་ཏུ་བྱས་ཏེ། ཡིད་ཆེས་ཀྱི་གནས་སུ་ལེགས་པར་གྲུབ་ཡོད་པས། ཐོག་མར་པར་གྲུབ་མཚམས་རང་ནས་རྩ་བ་རྣམས་སེར་
འབྱེད་དང༌། ཀ་རྟགས་དང༌། འགྱུར་མཚན་དང་སྦྲུལ་ཤད་རྣམས་མཚལ་གྱིས་ཕྱེ་ན་ཤིན་ཏུ་ལེགས་པས་དེ་ལྟར་ཅི་འགྲུབ་བྱ། སེར་འབྱེད་ཅིས་ཀྱང་མ་གྲུབ་ནའང་ཀ་རྟགས་དང༌། འགྱུར་མཚན་སྦྲུལ་ཤད་རྣམས་མཚལ་གྱིས་ཕྱེ་བ་ཞིག་བྱུང་ན་གོ་བདེ་ཞིང༌། དྭང་པ་འདྲེན་པ་སོགས་ལ་ཁྱད་ཆེ་ངེས་སུ་ཡོང་དེ་ལྟར་ཅི་ནས་ཀྱང་མཛད་པར་ཞུ། འདིས་ཀྱང་བསྟན་པའི་སྙིང་པོ་འཇམ་མགོན་བླ་མ་ཙོང་ཁ་པ་ཆེན་པོའི་བསྟན་པ་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག། ། །ༀ་སྭསྟི། རྒྱལ་བསྟན་པད་ཚལ་ཕན་བདེའི་དྲུ་བསུང་ཅན། །བཤད་སྒྲུབ་འདབ་རྒྱས་རྣམ་གྲོལ་སྦྲང་རྩའི་བཅུད། །འགྲོ་ཀུན་སྤྱོད་ཕྱིར་སྡེ་དགེ་ལྷུན་གྲུབ་སྟེང་། །ཆོས་སྡེ་ཆེ་ནས་ཆོས་སྦྱིན་ཆར་འདི་སྤེལ། །ཤུ་བྷ་མསྟུ་སརྦ་ཛ་ག་ཏཱམ། ། །