ཤོག་ལྷེབ་ ༢༠༡ ནས་ ༣༠༠ བར།
ལ་འཇིགས་འཇིགས་ལྟ་བུ་སྟེ། ཁྲོ་བ་དང་འདོད་ཆགས་ཆེན་པོ་འདྲེས་པར་གྱུར་པས་མཆེ་བ་ཅུང་ཟད་གཙིགས་པའོ། །ཤེལ་དང་ཟླ་བའི་འོད་འདྲ་བ་ཞེས་བྱ་བ་ནི། རྣམ་པར་སྣང་མཛད་སྟེ་དེ་ནི་རལ་བའི་ཐོར་ཚུགས་དང༌། རིན་པོ་ཆེའི་ཅོད་པན་གྱིས་བརྒྱན་པ་སྟེ་འདི་ཀུན་ལ་སྦྱར་བར་བྱའོ་དང་འོད་ཀྱི་དཀྱིལ་འཁོར་དང་བཅས་ཤིང༌། སྐུ་ལ་མཚན་ཐམས་ཅད་ཀྱིས་བརྒྱན་པ། ཕྱག་གི་གཙོ་བོ་གཡས་ཀྱི་དང་པོས་འཁོར་ལོ་བསྣམས་པར་བསྒོམ་པར་བྱའོ། །སྙན་རྒྱན་ལ་སོགས་པ་རིན་པོ་ཆེ་སྣ་ཚོགས་པའི་རྒྱན་གྱིས་མཛེས་པར་བརྒྱན་པ་སྟེ། འདི་ཡང་ཀུན་ལ་སྦྱར་རོ། །ཛམྦུ་ཆུ་པོའི་གསེར་འོད་འདྲ་ཞེས་བྱ་བ་ནི། རིན་ཆེན་འབྱུང་ལྡན་གསེར་གྱི་མདོག་ཅན་ལ། སངས་རྒྱས་ཞེས་པ་དེ་བཞིན་གཤེགས་པའི་སྤྲིན་གྱིས་ཀུན་ཏུ་འཁྲིགས་པའི་དོན་ནི། པ་ཚབ་ཀྱིས། དེ་བཞིན་གཤེགས་པའི་བཀོད་པ་སྤྲོ་བར་བསྒྱུར་བ་ལྟར་ཏེ། འདིའང་ཀུན་ལ་སྦྱར་རོ། །ར་བསྒོམ་པའོ། །དེ་ཡི་ཕྱག་ན་ཞེས་བྱ་བ་ལ་སོགས་པ་ནི། ཞེ་སྡང་རྡོ་རྗེ་དེའི་ཕྱག་ཏུ་རྣམ་པར་བསྒོམ་པའོ། །རྡོ་རྗེ་འབར་བས་རྣམ་པར་བརྒྱན་ཞེས་པ་ནི། མི་ཕྱེད་པའི་འོད་ཟེར་འབར་བས་སྐུ་ལ་བརྒྱན་པའོ། །མརྐ་ཏ་ཡི་ཞེས་བྱ་བ་ལ་སོགས་པས་ནི། དོན་ཡོད་པར་གྲུབ་པའི་ངོ་བོ་ཉིད་གསུངས་པའོ། །ཕྱག་ན་རིན་ཆེན་ཞེས་བྱ་བ་ལ་སོགས་པས་ཀུན་ཏུ་འབར་བའི་སྤྲིན་གྱིས་ཁྱབ་ཅེས་པ་ནི། འོད་ཟེར་འབར་བའི་སྤྲིན་གྱིས་ཕྱོགས་ཀུན་ཏུ་ཁྱབ་པའི་རིན་པོ་ཆེ་ཕྱག་གཡས་ཀྱི་དང་པོས་བསྣམས་པ་ནི། རིན་ཆེན་འབྱུང་ལྡན་གྱི་
ཕྱག་མཚན་གསུངས་པའོ། །པདྨ་རཱ་ག་ཞེས་བྱ་བ་ལ་སོགས་པས་ནི་འོད་ཟེར་རབ་ཏུ་འབར་བའི་པདྨ་ཕྱག་གཡོན་གྱི་དང་པོ་ན་བསྣམས་ཤིང༌། གཡས་པས་དེ་ཐུགས་ཀར་ཁ་འབྱེད་པར་མཛད་པའི་འོད་དཔག་ཏུ་མེད་པའི་ཕྱག་མཚན་གསུངས་པའོ། །འོད་ཟེར་འདིར་འགྱུར་རྙིང་ལས། འོད་ཟེར་སྣ་ལྔའི་འོད་འདྲའི་སྐུ། །གདོན་མི་ཟ་བ་རྡོ་རྗེ་ཅན། ཞེས་འབྱུང་བ་ལ་པ་ཚབ་ཀྱིས། འོད་ཟེར་ལྔ་འོད་རྣམ་པ་ཅན། སྣ་ཚོགས་དོན་ཡོད་ཅེས་བསྒྱུར་བ་ལེགས་སོ། །རྒྱུད་ལས་ཞི་བ་ཞེས་པ་ནི་ཞི་བའི་ཉམས་ཅན་ཏེ། ཞེ་སྡང་རྡོ་རྗེ་མ་གཏོགས་པ་གསུམ་ལའང་སྦྱར་རོ། །སྣ་ལྔའི་ཞེས་བྱ་བ་ལ་སོགས་པས་ནི། དོན་གྲུབ་ཀྱི་ཕྱག་མཚན་གསུངས་སོ། །སྣ་ཚོགས་པ་ཞེས་གསུངས་པའི་དོན་ནི་འགྲོ་བ་མ་ལུས་པའི་དོན་སྒྲུབ་པར་མཛད་པའི་ངོ་བོ་ཉིད་ཡིན་པས་ན། དེ་སྣ་ཚོགས་པའོ། །ཁའོད་ཟེར་དཀར་པོ་ལ་སོགས་པ་དང་ལྡན་པའི་ཀདོན་ཡོད་པར་གྲུབ་པའི་རྡོ་རྗེ་ཅན་གྱི་ཕྱག་མཚན་དུ་ནི་ག གཡས་ཀྱི་དང་པོ་ན་རལ་གྲི་བསྣམས་པར་བསམ་མོ། ༈ །སྔར་བཤད་པའི་རིགས་དྲུག་པོ་དེ་རྣམས་སྐྱེད་པའི་ཡན་ལག་ཏུ་སྟེ། ཐབས་སུ་གྱུར་པའི་དང་པོའི་སྤྱོར་བ་ལ་རྣལ་འབྱོར་བཞི་ཡོད་པའི་རྣལ་འབྱོར་དང་པོ་བསྟན་པའི་ཕྱིར་ལྷའི་སྐུ་སྐྱེད་པ་བསྟན་པ་དེ་ནས་ཞེས་བྱ་བ་ལ་སོགས་པ་གསུངས་ཏེ། གང་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་འཆང་དེ་བཞིན་གཤེགས་པ་དྲུག་པོ་ཐམས་ཅད་ཀྱི་ཆོས་ཀྱི་སྟེ། སྐུའི་དབྱིངས་ཀྱི་སྟེ་རྒྱུའི་ངོ་བོ་ཉིད་དུ་གྱུར་པ་རྡོ་རྗེ་ཞེས་བྱ་བ་སེམས་ཟླ་བའི་རྣམ་པར་མི་ཕྱེད་པ་སྐྱེད་པ་ལ་ཐུགས་རྩེ་གཅིག་ཏུ་མཛད་པའི་ཏིང་ངེ་འཛིན་དེ་ལ་སྙོམས་པར་ཞུགས་ཤིང་རིགས་དྲུག་སོ་སོའི་སྐུ་
ཞལ་ཕྱག་གི་རྣམ་པ་ཅན་དང་གསུང་ཡིག་འབྲུའི་རྣམ་པ་དང་ཐུགས་རང་གི་ཕྱག་མཚན་གྱི་རྣམ་པ་ཅན་བྱིན་གྱིས་རློབ་པར་མཛད་ཅིང་སྟེ་སྐྱེད་པར་མཛད་པ་སྟེ། ལྷ་སོ་སོའི་ཟླ་བ་གང་དང་གང་གིས་སོ་སོའི་སྐུ་དང་གསུང་དང་ཐུགས་བྱིན་གྱིས་རློབ་པ་སྟེ། སྐྱེད་པའི་ཟླ་བ་དེ་དང་དེ་ལ་ང་རྒྱལ་འཇོག་པའི་གསང་སྔགས་རྡོ་རྗེ་འཆང་ཆེན་པོས་གསུངས་པའོ། །ༀ་ངྷརྨཱ་ནི་ཆོས་ཏེ། སྔར་བཤད་པ་དང་སྣོད་བཅུད་ཀྱི་ཆོས་ཀུན་གྱི་ངྷཱ་ཏུ་ནི་དབྱིངས་སམ་ཁམས་ཏེ། མཐར་གཏུགས་པའི་རྩ་བའོ། །སྭ་བྷཱ་ཝ་ཞེས་པ་ནི་རང་བཞིན་ཏེ། ངོ་བོ་རླུང་སེམས་ཙམ་རྣམ་པ་ཟླ་བར་སྣང་བའོ། །ཨཱ་ཏྨ་ཀ་ནི་དེའི་བདག་ཉིད་དོ་ཀོ་ཨ་ཧཾ་ནི་དེ་ངའོ་ཞེས་པ་སྟེ། ངའོ་སྙམ་དུ་འདོགས་པའི་གཞི་མཐར་གཏུགས་ན་རླུང་སེམས་ཙམ་དུ་ཟད་པའོ། །ཞེས་བྱ་བ་འདིས་ནི། རིགས་དྲུག་ཀ་ལ་ལེའུ་བཅུ་གཅིག་པའི་འགྲེལ་པར་འབྱུང་བ་ལྟར། དེ་བཞིན་ཉིད་ལས་བྱང་ཆུབ་པའི་ངང་ནས་ཡི་གེ་གསུམ་ལས་ཉི་ཟླ་པདྨ་གསུམ་དང༌། པདྨའི་སྟེང་དུ་ཡི་གེ་གསུམ་དང༌། དེ་ཐམས་ཅད་འདྲེས་པ་ལས་བདག་ཉིད་ཟླ་བའི་དཀྱིལ་འཁོར་འདྲ་བའི་རྣམ་པར་བྱིན་གྱི་སྒྲུབ་ཐབས་གསུམ་གར་སྔགས་འདི་ཟླ་བ་བསྐྱེད་ཟིན་ནས། དེ་བརྟན་བྱེད་དུ་གསུངས་པས། འདིས་ཟླ་བ་བསྐྱེད་པ་མིན་ནོ། །བརླབས་པ་སྟེ། སྔགས་དོན་ལྟར་ང་རྒྱལ་བརྟན་པར་བྱས་ལ། ཟླ་བ་དེའི་སྟེང་དུ་དེས་བསྐྱེད་པའི་ཡི་གེ་གསུམ་དང་ལ་སོགས་པས་བསྡུས་པ་རྡོ་རྗེ་འཆང་དང་མི་བསྐྱོད་པ་ལ་རྡོ་རྗེ་དང་ལྷག་མ་ལ་རང་རང་གི་ཕྱག་མཚན་གྱི་གཙོ་བོ་འོག་ནས་འབྱུང་བ་དང༌། དེ་རྣམས་ལས་རིགས་དྲུག་སོ་སོའི་ལྷ་སོ་སོ འི་སྐུར་བསྐྱེད་དེ་སྒྲུབ་ཐབས་
བསྡུས་པ་ལྟར་ན། དང་པོ་སྦྱོར་བ་ཟིན་པ་དང༌། རྒྱས་པ་ལྟར་ན་དཀྱིལ་འཁོར་རྒྱལ་མཆོག་ཟིན་པ་དང༌། འོག་ནས་བཤད་པའི་རིམ་གྱིས་ཕྲ་མོའི་རྣལ་འབྱོར་གཉིས་རྣམ་པར་བསྒོམ་མོ་ཞེས་བྱ་བ་ནི་དྲང་བའི་དོན་ཏེ། རིགས་དྲུག་གི་དབང་དུ་བྱས་ནས་ལྷག་མོས་དང་དཀྱིལ་འཁོར་རྒྱལ་མཆོག་གི་བསྐྱེད་པའི་རིམ་པའི་ཏིང་ངེ་འཛིན་ཏོ། ༈ །ཡང་སྔར་བཤད་པའི་གཞུང་རྣམས་ངེས་དོན་ལ་འཆད་པ་ན་དེ་བཞིན་གཤེགས་པ་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་འོད་ཟེར་ལྔ་པོའོ། །ཞེས་པ་ནི་འབྱུང་བའི་རླུང་རེ་རེ་ལ་འོད་ཟེར་ལྔ་ལྔ་བར་བཤད་པ་ལྟར་མིན་གྱི་འདི་ཉིད་ཀྱི་འོག་ནས་འབྱུང་བ་བཞིའི་རླུང་ལ་འོད་ཟེར་བཞིའི་རྒྱུ་བ་ཞེས་པ་ལྟར་ཡིན་ལ། ལྔ་པ་ནི་ཁྱབ་བྱེད་ནམ་མཁའི་རླུང་སྟེ། དེ་ལྔ་དེ་བཞིན་གཤེགས་པ་རིགས་ལྔར་རྡོ་རྗེ་འཕྲེང་བ་ལས་གསུངས་སོ། །ལྔ་པོ་དེ་རྣམས་ཀྱི་འཕྲོ་བ་ནི་སྟེང་གི་སྣའི་སྒོ་ནས་བྱུང་བའོ། །སྤྲིན་ནི་ཚོགས་སོ། །བཀོད་པ་ནི་འབྱུང་བ་བཞིའི་དཀྱིལ་འཁོར་རེ་རེ་རྒྱུ་བ་ལ་ན་འབྱུང་བ་ལྷག་མ་གསུམ་གསུམ་དང་བཅས་པའི་དཀྱིལ་འཁོར་བཞིར་རབ་ཏུ་འབྱུང་བས་གཅིག་ཀྱང་དུ་མར་སྟོན་ཞིང༌། དཀར་པོ་ལ་སོགས་པའི་འོད་ཟེར་གྱིས་ཁ་དོག་དུ་མ་རྣམས་ཀྱིས་ཕྱེ་བས་ཏེ། དུ་མར་སྟོན་པས་ན་བཀོད་པ་སྟེ། ཏིང་ངེ་འཛིན་ནི་རླུང་དེ་རྣམས་ལ་རྩེ་གཅིག་ཏུ་ཡང་དག་པར་དམིགས་པའོ། །རྡོ་རྗེ་ནི་རྡོ་རྗེ་གསུམ་གྱི་ཡི་གེ་གསུམ་མོ། །དེའི་བཀོད་པ་ནི་ཚོགས་པ་སྟེ། འདུས་པའི་དོན་ནོ་ཏེ་། གང་དུ་འདུས་ན་ཨཱ་ལི་ཀཱ་ལི་རྣམས་ཀྱི་མ་
ནིང་དང་ལ་སོགས་པ ས་བསྡུས་པ་སྐྱེས་པ་དང་བུད་མེད་ཀྱི་འི་གཟུགས་ཅན་གྱི་ཡེ་གེ་རྣམས་ནི་ཡི་གེ་འབྲུ་གསུམ་དུ་ཞུགས་ཤིང་འདུས་པས་སོ། །དབྱངས་གསལ་ལ་ཕོ་མོ་མ་ནིང་གསུམ་དུ་བྱེད་ཚུལ་ནི་འདུས་པའི་ཆ་མཐུན་གྱི་རྒྱུད་རྡོ་རྗེ་སྙིང་པོ་རྒྱན་ལས། ཨཱ་ལི་བཅུ་གཉིས་བུད་མེད་དང༌། ཀ་ཙ་ཊ་ཏ་པའི་སྡེ་ཚན་རྣམས་སྐྱེས་པ་དང། རྀ་ལྀ་བཞི་མ་ནི་དུ་བཤད་པ་ལྟར་བྱའོ། ཡི་གེ་གསུམ་དུ་སྔུད་ཚུལ་ནི། སྐྱེས་པ་རྣམས་ༀ་དང༌། བུད་མེད་རྣམས་ཨཱཿ དང༌། མ་ནིང་རྣམས་ཧཱུཾ་དུ་བསྡུའོ། །མཉམ་པར་བཞག་ཅིང་དེ་ཉིད་དང་མཚན་དུ་འཇུག་པ་དང་གནས་པ་དང་ལྡང་བས་བཟླས་པ་ན་ཏིང་ངེ་འཛིན་ཏེ། དེ་ལྟ་བུའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱ་སྟེ་ལེའུ་དེ་གསུངས་པའོ། །རླུང་སྔགས་གཉིས་སྦྱར་བའི་རྡོར་བཟླས་ཀྱི་དོན་འདི་ཉིད་ནི་ༀ་ཤཱུ་ནྱ་ཏཱ་ཞེས་བྱ་བ་ལ་སོགས་པའི་གསང་སྔགས་ཀྱིས་སླར་ཡང་སྟོན་ཏེ། ༀ་ནི་རིགས་དྲུག་གི་དང་པོ་གཅིག་དང་ལྡན། པ་ཞེས་པ་རྣམས་སྣང་སྟེ། ཁྱབ་བྱེད་དོ་ཤཱུ་ནྱ་ཏཱ་ནི་གཉིས་པ་རིན་འབྱུང་སྟེ། ཐུར་སེལ་ལོ་ཛྙཱ་ན་ཞེས་པ་ནི་གསུམ་པ་འོད་དཔག་མེད་ཉིད། དེ། གྱེན་རྒྱུའོ། །བཛྲ་ཞེས་བྱ་བ་ནི་བཞི་པ་དོན་གྲུབ་སྟེ། མཉམ་གནས་སོ་འོ་། སྭ་བྷཱ་ཝ་ཨཱཏྨ་ཀ་ནི་ལྔ་པ། མི་བསྐྱོད་པ་སྟེ་སྲོག་འཛིན་ནོ། །རླུང་ལྔ་དེ་བཞིན་གཤེགས་པ་ལྔར་བྱས་པ་ནི་རྡོར་འཕྲེང་ལས་སོ། །ཨ་ཧཾ་ཞེས་པ་ནི་དྲུག་པ་རྡོ་རྗེ་སེམས་དཔའ་ར་བརྗོད། པ་སྟེ། སྙིང་གའི་མི་ཤིགས་པའི་ཐིག་ལེའོ། །འདི་ནི་རྡོར་བཟླས་བྱེད་པའི་ཚེ། རླུང་ལྡང་འཇུག་གཉིས་གང་ནས་བྱེད་པ་དང༌། གནས་པ་གང་དུ་བྱེད་པའི་གནས་ཏེ། ལེའུ་
དྲུག་པའི་འགྲེལ་པར། རྡོར་བཟླས་ཀྱིས་སྙིང་གའི་རྡོར་སེམས་བསྐུལ་བར་གསུངས་པའང་འདི་ཉིད་དོ། །དེ་ལྟར་བདེ་གཤེགས་དྲུག་པོ འི་བརྡས་རླུང་ལྔ་མི་ཤིགས་པ་དང་དྲུག་བསྟན་པ་ནི། སྐྱེ་བོ་མཆོག་རིན་པོ་ཆེ་ལྟ་བུ་ལ་བསྟན་པ་ཡིན། ཏེ། རླུང་དང་འོད་གསལ་གཉིས་ཀའི་དབང་དུ་བྱས་པ་ཤེས་དགོས་སོ། །ༀ་ཡང་སྔགས་ཚན་པ་དྲུག་པོ་དེ་ཟུང་གསུམ་དུ་བཅད་པས་ནི་སྔར་བཤད་པའི་རླུང་གཉིས་གཉིས་སྟོན་པ་མིན་གྱི་འཇུག་གནས་ལྡང་གསུམ་སྟོན་པའོ། །དང་ཤཱུ་ནྱ་ཏཱ་ཟུང་གསུམ་གྱི་དང་པོ་ནི་རྣམ་སྣང་དང་རིན་འབྱུང་གཉིས་སྐུ་རྡོ་རྗེ་དང་དེ་ཡང་ལུང་ནང་དུ་འཇུག་པ། །ཛྙཱ་ན་དང་བཛྲ་ཟུང་གཉིས་པ་ནི་སྣང་མཐའ་དང་དོན་གྲུབ་གསུང་རྡོ་རྗེ་དང་དེ་ཡང་རླུང་ནང་དུ་གནས་པ་ཡིན་ན ། །སྭ་བྷཱ་ཝ་ཨཱ་ཏྨ་ཀ་དང་ཀོ་ཨ་ཧཾ་གཉིས་གཅིག་ཏུ་གྱུར་པ་ནི་མི་བསྐྱོད་པ་དང༌། དྲུག་པ་གཉིས་ཐུགས་རྡོ་རྗེ་དང་དེ་ཡང་རླུང་ཕྱིར་ལྡང་བའོ། །དེ་ལྟར་ན་རླུང་གི་དེ་ཉིད་ལྡང་འཇུག་གནས་པ་གསུམ་དུ་འདིར་བརྟགས་པ་སྟེ་བསྟན་པ། །དེ་ཉིད་གསུམ་ནི་གཅིག་ཏུ་གྱུར་པ་ར་། ། འདི་ལ་གཉིས་ཏེ། སྔགས་ཀྱི་དེ་ཉིད་ཡི་གེ་གསུམ་གྱི་རང་གདངས། རླུང་གི་དེ་ཉིད་གསུམ་གྱི་གདངས་སུ་སྦྱོར་བའི་རྡོ་རྗེ་བཟླས་པ་དང། དེ་བྱས་པའི་མཐུས་རླུང་ལྡང་འཇུག་གཉིས་དབུ་མར་གནས་པར་གྱུར་ནས་ལྡང་འཇུག་མི་བྱེད་ཅིང༌། གནས་པ་ཡང་དེར་ཐིམ་པའི་གཅིག་ཏུ་གྱུར་པའོ། །རླུང་བཞིའི་རེ་རེ་རྒྱུ་བ་ན། ལྷག་མ་གསུམ་གསུམ་རྒྱུ་བ་དང༌། སྟེང་དང་བསེགས་ཞེས་པ་ལྟར་རྒྱུ་ཚུལ་རྣམས་ཤིན་ཏུ་ཕྲ་བས། རྣལ་འབྱོར་བ་མིན་པ་ལ་མི་མངོན་ཞིང༌། མི་གསལ་བ་དང། རྣལ་འབྱོར་བ་ལ་དེ་རྣམས་གསལ་བའི་མིང་ཅན་ཞེས་བྱ་བ ར་བརྗོད། ཞེས་བྱ་བ་ནི་དགོངས་པ་ལུང་སྟོན་
གྱི་ལུང་གིས་བཤད་པའོ། ༈ །ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་བསྒོམ་པ་ནི། ཞེས་བྱ་བ་ནི། ཡང་དག་པར་སྦྱོར་བ་གསུམ་གྱི་ཞེས་པ་ནི། རྡོར་བཟླས་ཀྱི་མཐུས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བའི་སེམས་དབེན་གྱི་སྣང་མཆེད་ཐོབ་གསུམ་གྱི་ཡེ་ཤེས་རང་གི་བཞོན་པའི་རླུང་དང་སྦྱར་བའི་རླུང་སེམས་ཙམ་ལས་སྒྱུ་མའི་སྐུར་བསྒོམ་ཞིང་བསམ་པ་སྟེ་བསྐྱེད་པ། །སྒྱུ་མའི་སྐུ་དེ་ཁྱད་པར་ཇི་ལྟ་བུ་ཅན་དུ་བསྒྲུབ་ཞེ་ན། འོད་ཟེར་སྤྲིན་གྱི་ཚོགས་འགྱུར་གསར་གཉིས་ལས། བཀོད་པ་ཆེ་ཞེས་པ་བདེའོ། །ཆེན་པོ་ཞེས་བྱ་བ་སྟེ། འོད་ཟེར་ནི་རླུང་དང་བཅས་པའི་སྣང་བ་གསུམ་གྱི་སྤྲིན་ཏེ་ཚོགས་ཀྱི་སྣང་བ་རྣམས་འཁྲིགས་པ་སྟེ། རྒྱུའི་ཁྱད་པར་རོ་འོ་། །སངས་རྒྱས་འབར་བའི་འོད་དང་མཉམ་ཞེས་བྱ་བ འི་སངས་རྒྱས་ནི་སྒྱུ་མའི་སྐུའོ། །འབར་བའི་འོད་དང་མཉམ་པ་སྟེ་འདྲ་བ་ནི། འཇའ་ཚོན་ལྟ་བུར་དཀར་པོ་ལ་སོགས་པའི་འོད་ཟེར་ལྔས་བརྒྱན་པ་སྟེ་འོད་ཟེར་འཕྲོ་བའི་ཁྱད་པར་རོ་འོ་། །འོད་ཟེར་སྣ་ལྔས་ཀུན་ཏུ་ཁྱབ་ཅེས་བྱ་བ་ནི། སྐུ་དེ་ཁམས་ཕྲ་བ་རླུང་འོད་ཟེར་ལྔ་ལས་ཀུན་ཏུ་སྟེ་ཡོངས་སུ་ཁྱབ་པ་སྟེ། བསྒྲུབས་པ་སྟེ། གང་ལས་བསྒྲུབས་པའི་ཁྱད་པར་རོ་འོ་། །ཀུན་ནས་ཡོངས་སུ་ཟླུམ་པོ་སྟེ་ཞེས་བྱ་བ་ནི་སྣོད་བཅུད་ཀྱི་དངོས་པོ་ཐམས་ཅད་ཀྱི་མཐར་གཏུགས་པའི་རྩ་བ་རླུང་སེམས་ཙམ་དུ་ཟད་པ་དེའི་ངོ་བོ་ཉིད་དེ་ངོ་བོའི་ཁྱད་པར་རོ་དོ་། །འདོད་པའི་ཡོད་ཏན་ལྔ་ཡིས་བརྒྱན། ཞེས་བྱ་བ་ནི། རྒྱུ་བ་ལ་སོགས་
པའི་འོད་ཟེར་ལྔ་སྟེ། དེ་རྣམས་དང་ཉེ་བར་ལྡན་པའོ། །མཆོད་པ་རྣམ་པ་ལྔས་བརྒྱན་པ་ཞེས་བྱ་བ་ནི། ཡུལ་རྣམས་ལ་ཉེ་བར་ལོངས་སྤྱོད་པས་ན་མཆོད་པ་སྟེ་དབང་པོ་ལྔ་རྣམས་སོ། །དེ་རྣམས་ཀྱིས་བརྒྱན་པ་ནི་ལུས་པ་ནི་ལྷག་མའོ། །དེ་མ་ལུས་པར་ནི་ལྷག་མ་ཟད་པ འམ། མེད་པའི་དོན་ཏེ། དབང་པོ་ཀུན་ཚང་བའོ། །འདི་དང་ཡན་ལག་གི་རླུང་ལྔ་དང་ལྡན་པ་ནི། ཡུལ་ལ་ལོངས་སྤྱོད་པའི་ཁྱད་པར་རོ། །སྒྱུ་མའི་སྐུ་དངོས་ནི་དབང་པོ་ཀུན་ཚང་བར་བསྟན་པས། ཞལ་ཕྱག་ལ་སོགས་པ་ཡིད་ཀྱིས་བསྒོམས་པ་ཙམ་མིན་གྱི། རླུང་སེམས་ལས་སྐུ་དེར་དངོས་སུ་སྐྱེས་པ་ལ་བྱ་དགོས་པ་ནི། འདིའི་སྐབས་ཀུན་ཏུ་ཤེས་དགོས་སོ་ཕྱིར་ཏེ་། ༈ །དེ་ལྟ་བུའི་རྣམ་པའི་སངས་རྒྱས་ཀྱི་དཀྱིལ་འཁོར་སྒྱུ་མའི་ལུས་འོད་གསལ་བར་འཇུག་པར་བསྒོམ་པར་བྱ་བ་ནི་བསམ་གཏན་གཉིས་ཀྱིས་འོད་གསལ་དུ་ཡང་ཡང་སྡུད་བ། །དེ་ནི་ནམ་མཁའི་དབྱིངས་ཀྱི་དབུས་གནས་པར། ཞེས་པས་བསྟན་ཏེ། སྔར་ནམ་མཁའི་དབྱིངས་ཆོས་འབྱུང་དང། དེའི་དབུས་སུ་དཀྱིལ་འཁོར་གནས་པར་བཤད་པའི་ངེས་དོན་ནོ། །དེ་ལྟར་བདག་ཉིད་ཡང་དང་ཡང་དུ་འོད་གསལ་བར་ཆུད་པར་བསྒོམས་ནས་ཏེ་པས། དོན་གྱི་འོད་གསལ་མངོན་དུ་གྱུར་པ་ན། དེའི་རླུང་སེམས་ཙམ་ལས་མདོར་ན་སྟེ་སྐད་ཅིག་མའི་རྣམ་པས་ཟུང་འཇུག་རྡོ་རྗེ་འཆང་ཆེན་པོའི་སྐུའི་གཟུགས་སུ་དབུས་ཞེས་བྱ་བ་འཁོར་བ་དང་མྱ་ངན་ལས་འདས་པ་དག་གི་མཐའ་གཉིས་སྤངས་པའི་དབུས་སུ་འཁོར་བ་ཡོད་པ་དང་མྱང་འདས་མེད་པའི་ཕྱོགས་ཏེ་མཐའ་གཉིས་དང་བྲལ་བར་བདག་ཉིད་རྣམ་པར་བསྒོམ་པར་བྱ་བ་ནི་
དབུས་སུ་བསྒོམ་པའི་དོན་ནི། །ཟུང་འཇུག་པའི་དག་པའི་སྒྱུ་མའི་སྐུ་ནི་སེམས་ཅན་གྱི་དོན་དུ་འཁོར་བ་ཇི་སྲིད་པར་བཞུགས་པས་ཞི་རྐྱང་གི་དབྱིངས་ལ་གནས་པའི་མེད་མཐའ་སྤོང་ཞིང། དེའི་དོན་གྱི་འོད་གསལ་ལྷན་ཅིག་སྐྱེས་པའི་ཡེ་ཤེས་ཀྱིས་ནི་འཁོར་བའི་བག་ཆགས་མ་ལུས་པ་སྦྱང་བས་འཁོར་བའི་ཡོད་མཐའ་སྤོང་ངོ་། །ཞིང་ཤེས་པར་བྱའི་ཞེས་བྱ་བའི་དོན་ཏོ། །འོད་གསལ་ལས་ཟུང་འཇུག་ལོངས་སྐུར་བཞེངས་པའི་རིམ་པ་འདི་ཉིད་ཀྱིས་སྟེ། དེ་སྔོན་དུ་བཏང་ནས་ལོངས་སྐུར་མ་ཟད་རྣམ་པར་སྣང་མཛད་ལ་སོགས་པ་སྤྲུལ་པའི་སྐུ ར་ཡང༌ གདུལ་བྱ་ལྷ་གང་ལ་དགའ་བའི་བསམ་པ་ཇི་ལྟ་བའི་དབྱེ་བས། རྣམ་སྣང་ལ་སོགས་པ་དེ་རྣམས་སུ་རང་གི་བདག་ཉིད་བསྐྱེད་ལ་བདག་གི་དོན་ལམ་གོང་དུ་བགྲོད་པ་དང་གཞན་གྱི་དོན་ཞེ་རྒྱས་སོགས་བྱའོ། །དེ་ལྟར་བསྐྱེད་དགོས་པ་དེ་བས་ན་རྣམ་པར་སྣང་མཛད་ཕྱག་རྒྱ་ཆེ། སྐུ་གསུངས་ཐུགས་ཀྱིས་མཚན་པའམ། ཞེས་བྱ་བ་ལ་སོགས་པ་རིགས་ལྔར་བསྐྱེད་ཚུལ་རྒྱུད་དུ་གསུངས་པ་ཡིན་ནོ། །འདིར་གཞུང་དེ་དག་ཞིབ་ཏུ་མ་བཤད་པ་ནི་ལྷ་དེ་རྣམས་ཀྱི་སྐུ་མདོག་དང་ཕྱག་མཚན་སོགས་ཀྱི་རྣམ་པ་ནི་དྲང་ངེས་གཉིས་ཀ་ལ་འདྲ་བ་ལ་དགོངས་སོ། ༈ །ཟུང་འཇུག་གི་རྡོ་རྗེ་འཆང་ཆེན་པོའི་རྣལ་འབྱོར་གོང་དུ་བཤད་པ་འདི་ཉིད་ལ་ངེས་པ བརྟན་པར་བྱ་བའི་ཕྱིར། སླར་ཡང་དེ་བསྐྱེད་ཚུལ་དེ་ནས་བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། ཆོས་ཀྱི་དབྱིངས་ནི་འོད་གསལ་བ་སྟེ། ཏིང་ངེ་འཛིན་ནི་འོད་གསལ་དེ་ལ་དམིགས་པའོ། །སྔགས་དོན་གང་གིས་ཟུང་འཇུག་པར་སྐུ་
དང་གསུང་དང་ཐུགས་བྱིན་གྱིས་རློབ་ཅིང་སྟེ་སྐྱེད་པ་དེ་ནི། སྐུ་གསུང་ཐུགས་བྱིན་གྱིས་རློབ་པ་སྟེ། གསང་སྔགས་དེ་རྡོ་རྗེ་འཆང་ཆེན་པོ་གསུངས་པ་ནི། ༀ་དྷརྨཱ་དྷཱ་ཏུ་སྭ་བྷཱ་ཝ་ཨཱཏྨ་ཀོ་ཧཾ། ཞེས་བྱ་བའོ། །སྔགས་འདིའི་ངེས་དོན་ནི་བཤད་པའི་རྒྱུད་ལུང་སྟོན་ལས་གསུངས་ཏེ། ༀ་ནི་རིགས་དྲུག་གི་དང་པོར་ཏེ། རྣམ་སྣང་དུ་ཤེས་པར་བྱ། སྟེ། དོན་གྱི་འོད་གསལ་གྱི་ཡེ་ཤེས་བཞོན་པའི་རླུང་གི་འོད་ཟེར་སྔོན་པོའོ། །དྷརྨཱ་ཞེས་བྱ་བ་ནི་གཉིས་པ་རིན་འབྱུང་སྟེ། རླུང་གི་འོད་ཟེར་སེར་པོ། །དྷཱ་ཏུ་ཞེས་བྱ་བ་ནི་གསུམ་པ་སྣང་མཐའ་སྟེ། རླུང་གི་འོད་ཟེར་དམར་པོར་བཤད་དོ། །སྭ་བྷཱ་ཝར་གྲགས་པ་ནི་བཞི་པ་དོན་གྲུབ་སྟེ། རླུང་གི་འོད་ཟེར་ལྗང་གུ། །ཨཱ་ཏྨ་ཀ་ནི་ལྔ་པ་མི་བསྐྱོད་པ་སྟེ། རླུང་གི་འོད་ཟེར་དཀར་པོ་ཡིན་ཏེ། ལྷའི་ཁ་དོག་དང་རླུང་གི་ཁ་དོག་མཐུན་པའི་ངེས་པ་མེད་དོ། །ཨ་ཧཾ་དུ་གྱུར་པ་ནི་དྲུག་པ་རྡོ་རྗེ་འཆང་བ ར་འདོད་པ་སྟེ། དོན་གྱི་འོད་གསལ་གྱི་ཡེ་ཤེས་ཉིད་དོ། །སྔགས་འདི འི་དོན་གྱི་འོད་གསལ་གྱི་ཡེ་ཤེས་དང༌། དེའི་བཞོན་པའི་རླུང་འོད་ཟེར་ལྔ་པ་གཉིས་བརྗོད་པ་སྟེ། བསྐྱེད་ནས་དེ་གཉིས་ལས་དེ འི་འོག་ཏུ། །བསྒོམ་པའི་བདག་ཉིད་ཅན་གྱི་སྒྲུབ་པ་པོས་ཟུང་འཇུག་བསྒོམ་པ་སྟེ། བསྐྱེད་པར་བྱའོ །ཞེས་བྱ་བ་སྟེ། ངེས་པའི་དོན་ཏོ། ༈ །ད་ནི་རང་གི་སེམས་དམིགས་པ་ལ་བརྟན་པོར་གནས་པར་བྱ་བའི་ཕྱིར་དུ་ཕྲ་མོ་བསྒོམ་པ་ནི། བསྐྱོད་རིམ་པའི་ཕྲ་མོ་གཉིས་ལ་སྦྱར་རོ། །རིན་ཆེན་ཞེས་བྱ་བ་ལ་སོགས་པས་ཕྲ་མོའི་རྣལ་འབྱོར་རྣམ་པ་གསུམ་
གསུངས་ཏེ། རིན་ཆེན་ཆེན་པོ་ནི་རྡོ་རྗེ་ལ་སོགས་པའི་ཕྱག་མཚན་ཏེ། རིན་ཐང་ཆེ་བས་ན་རིན་པོ་ཆེ་ཞེས་བཏགས་པ། །ཁ་དོག་ལྔ་ནི་རིགས་ལྔ་ལས་བྱུང་བ་ནི་མི་བསྐྱོད་པའི་རྣལ་འབྱོར་པ་ཡིན་ན་རྡོ་རྗེ་སྔོན་པོ་སྟེ། དེས་གཞན་རྣམས་ཀྱང་ཤེས་པར་བྱ། །དེའི་ཚད་ནི་ཡུངས་ཀར་གྱི་འབྲས་བུའི་ཚད་ཙམ་ཞིག་གོ །གནས་ཀྱི་རྩ་ཞལ་གྱི་སྟེང་གི་སྣ་ཡི་རྩེ་མོར་བསྒོམ་མོ་རང་ཉིད་གཙོ་བོ་གང་དུ་བསྐྱེད་པའི་གི་ལྷའི་རྣལ་འབྱོར་གྱིས་སྒོམ་ཚུལ་ནི་ཁཉིན་དང་མཚན་ཀུན་དུ་ནན་ཏན་དུ་བྱས་ཏེ་ཀརྟག་ཏུ་སྟེ་གབསྒོམ་པར་བྱའོ། །རིན་ཆེན་བརྟན་པར་ཞེས་བྱ་བ་ལ་སོགས་པ་ལ། གང་གི་ཚེ་དེ་ལྟར་བསྒོམས་པ་ལ་བརྟེན་ནས་མཐོང་ཆག་འགྱུར་ལས། མཐོང་བའི་མཚན་མ་དང༌། གཟུང་བའི་མཚན་མ་ཞེས་འབྱུང་བ་ལེགས་སོ། །བའི་མཚན་མ་དང་གཟུང་བ་སྟེ། རེག་པའི་མཚན་མ་ཉེ་བར་སྲེ་བ་དེའི་ཚེ། རྡོ་རྗེ་ལ་སོགས་པའི་ཕྱག་མཚན།་བསྒོམས་པ་དེའི་མཐུ ས་མི་འགྱུར་བ་སྟེ། ཏིང་ངེ་འཛིན་བརྟན་པོར་སོང་བ ར་ཤེས་པའི་མཚམས་ནས་དགོས་པ་ནི་ཏིང་ངེ་འཛིན་བསྒོམ་པ་ལ་སེམས་རང་དབང་དུ་གྱུར་པ་བསྐྱེད་པའི་ཕྱི་དུའོ། །རྡོ་རྗེ་ལ་སོགས་པ་མང་པོར་བྱས་ནས་སྤྲོ་བར་བྱའོ། །བརྟན་པར་མ་གྱུར་ཡོང་མི་སྤྲོ་ཞེས་བྱ་བ་ནི། བསྒོམ་པ་ལ་སློབ་བཞིན་པས་བརྟན་པ་མ་ཐོབ་པར་མི་སྤྲོ་བའོ། །སངས་རྒྱས་ཞེས་བྱ་བ་ལ་སོགས་པ་ལ། རྡོ་རྗེ་ལ་སོགས་པ་ལ་དམིགས་ནས་སྤྲོ་བ་དང་བསྡུ་བ ས་དེ་ལ་བརྟན་པར་བྱས་ནས་ལྷའི་སྐུ་ཕྱག་རྒྱ་ཆེན་པོའི་གཟུགས་
ཀྱང་སྤྲོ་བར་བྱ་བའི་ཕྱིར། སངས་རྒྱས་ཀྱི་སྐུ་འབར་བ་དང་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་འབར་བ་འདྲ་བའི་འོད་ནི་དཀར་པོ་ལ་སོགས་པའི་ཁ་དོག་དང་ལྡན་པའོ། མཆོག་རབ་སྤྲིན་རྣམས་ནི་སངས་རྒྱས་ཀྱི་སྤྲིན་གྱི་ཚོགས་སོ། །འཁོར་ལོ་རྡོ་རྗེ་རིན་ཆེན་དང་ཞེས་བྱ་བ་ནི་རིགས་ལྔའི་ཕྱག་མཚན་ནི་རིམ་པ་བཞིན་དུ་འཁོར་ལོ་དང༌། རྡོ་རྗེ་དང།པ་ཚབ་ཀྱིས། རྡོ་རྗེ་སྤྲིན་ཆེན་པོ་ཞེས་དང༌། །སྤྲིན་གྱིས་མཚོན་པའི་རིན་པོ་ཆེ་ཞེས་བསྒྱུར་བ་ལྟར་ཡིན་ནོ། །གརིན་པོ་ཆེས་ཁཉེ་བར་མཚོན་པའི་སྤྲིན་གྱིས་རྣམས་ཀྱིས་སོ། །པདྨ་རལ་གྲི་མཚོན་ཆེན་འཛིན། ཞེས་བྱ་བ་ནི། པདྨ་དང་རལ་གྲི་བསྣམས་པའོ། །ཞེས་བྱ་བའི་དོན་ཏོ། །ལྷའི་སྐུ་སྤྲོ་ཚུལ་ནི། མི་བསྐྱོད་པའི་རྣལ་འབྱོར་བ་ཡིན་ན། རྡོ་རྗེ་དུ་མ་ལས་མི་བསྐྱོད་པའི་སྐུ་དུ་མར་གྱུར་བ་རྣམས་སྤྲོ་སྟེ། དེས་གཞན་ཡང་ཤེས་པར་བྱའོ། །བྱང་ཆུབ་སེམས་དཔའི་སྤྲིན་ཆེན་རྣམས་ཞེས་བྱ་བ་ནི་སྔར་བཤད་པའི་རིགས་ལྔ་སྤྲོ་བས་ཉེ་བར་མཚོན་པ་སྟེ་མཚོན་ན ས་རིགས་ལྔ་དང་འབྲེལ་བའི་ལྷ་ལྷག་མ རྣམས་ཀྱང༌། སྤྲོ་བའི་བདག་ཉིད་སྒྲུབ་པ་པོས་དང་པོར་རང་གི་ལུས་ཙམ་ཁྱབ་པ་ནས། མཐར་ནམ་མཁའ་ཁྱབ་པར་སྤྲོ་བར་བྱ་ཞིང་གཡོག་པར་བྱ་ལ། ཡང་རིམ་གྱིས་བསྡུས་ནས་རྩ་བའི་དམིགས་པ་ལ་གཞུག་པར་བྱ།ཞེས་པ་ནི་གཙོ་བོ་འཕོ་བའི་དབང་གིས་སྟེང་སྒོར་ཕྱག་མཚན་སོ་གཉིས་དང༌། དེ་ལས་ལྷར་བསྐྱེད་ནས་སྤྲོ་བ་ཡང་སོ་གཉིས་ཡོད་དོ་སྟེ་། སྤྱིའི་དོན་ནི་ཐུན་མོང་བའི་དོན་ཡིན་པས། གང་དང་ཐུན་མོང་བ་ཡིན་སྙམ་ན། སྟེང་སྒོར་ཕྱག་མཚན་སྒོམ་པ་དང༌། དེ་བརྟན་ནས་སྤྲོ་བསྡུ་བྱེད་པ་ནི། དེ་ཉིད་
བསྡུས་པ་ནས་ཀྱང་བཤད་པས། རྣལ་འབྱོར་རྒྱུད་པ་དང་འདིའི་བསྐྱེད་རིམ་པ་གཉིས་ཀྱི་ཐུན་མོང་བའོ། །ཕྲ་མོའི་གཞུང་འདི་རྣམས་ལ། སྔར་བསྡུས་དོན་དུ་ཚུལ་བཞིས་བཤད་པར་གསུངས་ནས། རྒྱས་བཤད་དུ་ཡིག་དོན་ཟུར་དུ་མ་བཤད་པ་ནི། འདི་ལ་སྤྱི་དོན་ལས་ལོགས་སུ་ཡིག་དོན་མེད་པ་ལ་དགོངས་ཏེ། དོན་དེ་ཉིད་སྒྲའི་ནུས་པས་ཐོན་ཚོད་བཤད་པའི་ཆ་ནས་ཡིག་དོན་ནོ་ཏོ་། ༈ །རིན་ཆེན་ཆེན་པོ་ནི་ཀུན་རྫོབ་ཀུནྟ་ལྟ་བུའི༌ བྱང་ཆུབ་ཀྱི་སེམས་ཏེ། དེ་བསྒོམས་པ་ལས་རིན་ཐང་ཆེ་བས་སོ། །ཆེ་ཆུང་གི་ཚད་ནི་ཡུངས་ཀར་གྱི་འབྲས་བུའི་ཚད་ཙམ་མོ། །གནས་ནི་སྣ་ཡི་རྩེ་མོ་སྟེ། རང་ལྷར་བྱས་པའི་གསང་གནས་ཀྱི་གི་རྡོ་རྗེ་རྩེ་ལྔ་པའི་ཁ་སྟེ། བུག་པ ར་རོ། །ཁ་དོག་རྣམ་པ་ལྔ་སྟེ་དེ་བཞིན་གཤེགས་པ་ལྔའི་བདག་ཉིད་དུ་བྱས་པ་ནི། ཐིག་ལེ་སྔོན་པོ་མི་བསྐྱོད་པ་དང༌། དཀར་པོ་རྣམ་སྣང་གི་ངོ་བོར་མོས་ནས་བྱེད་པ་སོགས་ལ། མ་བརྟན་གྱི་བར་དུ་རྟག་ཏུ་བསྒོམ་པར་བྱའོ། །རིན་ཆེན་ཏེ། ཐིག་ལེ་བརྟན་པར་གྱུར་ནས་སྤྲོ་ཚུལ་ཞེས་བྱ་བ་ནི་མདོར་བྱས་ལས་ཇི་སྐད་དུ་བཤད་པའི་ཚོགས་རྡོ་རྗེ་དང༌། པདྨ་འདུས་བྱས་པ་སྔོན་དུ་འགྲོ་བས། རང་གི་བྱང་ཆུབ་ཀྱི་སེམས་ཀྱི་རིན་པོ་ཆེ་ཐིག་ལེ་སྔར་བརྟན་པར་བྱས་ནས་བརྟན་པ་དེ་རྣལ་འབྱོར་ཏེ་ཡུམ་དང་སྙོམས་པར་འཇུག་པའི་ཐབས་ཀྱི ས་སྤྲོ་བར་བྱ་ཞིང་ཏེ། ཡུམ་གྱི་པདྨར་དམིགས་པས་དབྱུང་བ འི་ཐིག་ལེ་རྡོ་རྗེའི་བུ་གར་བསྒོམས་པ་བརྟན་པར་མ་གྱུར་གྱི་བར་དུ་མི་སྤྲོ་སྟེ། དེ་ལ་ནི་བྱང་སེམས་མི་ཉམས་པའི་དགོས་པ་ཆེ་བའི་ཕྱིར་རོ་ར་བྱའོ། །༢སངས་རྒྱས་འབར་བ་ཞེས་པ་ནི་རྐང་པ་
དྲུག་གི་ཚིག་དོན་ལྷག་མ་སྔར་དང་འདྲ་བ་ལ། སྤྲོ་བ་ནི་པདྨའི་དཀྱིལ་འཁོར་གྱི་ནང་དུ་བསྐྱེད་པའོ། །འདྲ་བའི་འོད་ཅེས་བྱ་བ་ལ་སོགས་པས་ནི། བྱང་ཆུབ་ཀྱི་སེམས་ཀྱི་ཐིག་ལེ་པདྨར ཕྱུང་བ་ལས། བུ འི་ཚུལ་དུ་བྱུང་བ་ནི་རིགས་ལྔ་དང་ཚ་བོ འི་ཚུལ་ནི་ལྷ་ཕོ་ལྷག་མ་དང་ལ་སོགས་པས་བསྡུས་པ་ཚ་མོའི་ཚུལ་ནི་ལྷ་མོརྣམས་སོ། །བུ་དང་ཚ་བོ་སོགས་ལ་འཇོག་ཚུལ་གཞན་ཡང་ཡོད་དོ། །འི་ཚུལ་དུ་ཕྱུང་བའི་རྟེན་དང་བརྟེན་པའི་དཀྱིལ་འཁོར་ཐིག་ལེའི་ནང་དུ་བསྐྱེད་ནས་བསྒོམ་པ་དུ་སྟོན་པ་ཡིན་ཏེ། སྦས་པ་གསུམ་གྱི་ནང་ནས་འདོད་ཆགས་ཆོས་ཀྱི་སྦས་པ་སྟེ་ཤས་ཆེར་ཡེ་རྒྱ་ལ་བརྟེན་པ། །འདི་ནི་རིམ་པ་གཉིས་ཀའི་ཐུན་མོང་བར་བྱའི། བསྐྱེད་རིམ་ཁོ་ན་ལ་མི་བྱའོ། ༈ །ཁ་དོག་རྣམ་པ་ལྔ་བའི་སྟེ་ནི་དེ་བཞིན་གཤེགས་པ་ལྔ འི་བདག་ཉིད་ཅན་གྱི་ཁ་དོག་ལྔའོ། །རིན་པོ་ཆེ་ནི་རྡོ་རྗེ་དཀྱིལ་འཁོར་རྒྱན་གྱི་རྒྱུད་སྤྱོད་བསྡུས་སུ་དྲངས་པ་ལས། སྙིང་གི་དབུས་གནས་མི་ཤིགས་པ། །གསལ་ཞིང་མར་མེ་དག་དང་མཚུངས། །མི་འགྱུར་མཆོག་ཏུ་ཕྲ་བ་སྟེ། །ཨ་ནི་གཙོ་བོ་དམ་པའོ། ཞེས་གསུངས་པ་ལྟར། སྙིང་གའི་དབུས་ཀྱི་མི་ཤིགས་པར་གྲགས་པ་སྟེ། དེ་ལ་དམིགས་ནས་བསྒོམ་པས་སངས་རྒྱས་ཀྱི་ཡོན་ཏན་རིན་པོ་ཆེ་བསྐྱེད་པས་རིན་པོ་ཆེའོ་སོ་། །ཡུངས་ཀར་གྱི་འབྲུ་ཚད་ཙམ་ཞེས་བྱ་བ་ནི་ཐིག་ལེའི་གཟུགས་ཅན་ཡིན་པས་སོ། །ཞེས་པའི་དོན་ནི་ཐིག་ལེ་དཀར་ལ་དམར་བའི་མདངས་ཅན་ནམ། ཉི་ཟླ་ཁ་སྦྱོར་གྱི་ཐིག་ལེའི་དབུས་སུ་ཨ་ཐུང་སྒོམ་པའོ། །སྣ་ཡི་རྩེ་མོར་ཞེས་བྱ་བ་ནི་མི་ཤིགས་གང་དུ་སྒོམ་པའི་གནས་ནི་སྙིང་ག་ཆོས་ཀྱི་འཁོར་ལོ འི་པདྨ་འདབ་མ་
བརྒྱད་པའི་ལྟེ་བར་ཏེ། ངྷཱུ་ཏཱིའི་ནང་དུའོ་རོ་། །ནན་ཏན་དུ་ཞེས་པ་ནི་མི་ཤིགས་པ་དེ་ལ་ཞེན་པས་ཏེ། དེ་བསྒོམ་པ་ལྷུར་ལེན་པས། རྟག་ཏུ་བསྒོམ་པར་བྱ། ཞེས་སྦྱར་ཞིང་རྡོར་བཟླས་བྱེད་པ་ལ་ཡང་དེ་སྦྱར་རོ། །རླུང་ནང་དུ་འཇུག་པའི་གདངས་ༀ་དང་ནང་དུ་གནས་པའི་གདངས་ཨཱཿ་དང་ནང་ནས་ཕྱི་རོལ་དུ་ལྡང་བ འི་གདངས་ཧཱུཾ་གི་གདངས་དང་།ཁསྡུད་པའི་རྣལ་འབྱོར་ནི་རྡོར་བཟླས་ལ་ནུས་པ་ཐོན་པའི་མཚམས་ཤིག་ནས། བསམ་གཏན་གཉིས་འདྲ་བའི་སྡུད་རིམ་ལྟར་བྱེད་པ་ཡིན་ཏེ། མན་ངག་གི་བཤད་པ་ལས་ཤེས་པར་བྱའོ། །འདི་ཡང་གནད་ཅན་ཞིག་གོ །ཀགཉིས་མེད་དུ་སྦྱོར་བའི་རྣལ་འབྱོར་གྱིས་རྟག་པར་ཉིན་མཚན་དུ་བསྒོམ་པར་བྱའོ། །གབརྟན་པ་ཞེས་པ ནི་རྟག་པ་སྟེ། དེ་གང་ཡིན་ཞེ་ན། སྔར་བཤད་པའི་མི་ཤིགས་པའོ། །དེའི་དོན་ནི་སྔར་བཤད་པ་ལྟར་མི་ཤིགས་པ་བསྒོམས་པས། དམིགས་པ་ཤིན་ཏུ་བརྟན་ཞིང་རྟག་པ་སྟེ་མི་འགྱུར་བར་སོང་སོང་དུ་བསླབ་པའི་དོན་ནོ། །ནས་ནི་དེ་བརྟན་པའི་འོག་ཏུ། དེ་ལས་ཞེས་པ་ནི་ལྡང་འཇུག་གནས་གསུམ་གྱི་རྡོར་བཟླས་གང་བྱེད་མི་ཤིགས་པ་དེ་ལས་བྱ་བའི་དོན་ཏེ། འདི་ཡང་གནད་ཤིན་ཏུ་ཆེ་ཡང་མན་ངག་ཏུ་ཇི་ལྟ་བ་བཞིན་དུ་མ་ཐོན་པར་སྣང་བ་ནི་གཞན་དུ་བཤད་པ་ལས་ཤེས་པར་བྱའོ། །རིན་ཆེན་ཏེ་ཁ་དོག་ལྔ་ནི་རླུང་རེ་རེ་ཡང་འོད་ཟེར་ཁ་དོག་ལྔ་ལྔ་དང་ལྡན་པའི་འོད་ཟེར་གྱི་ཚོགས་སྤྲོ་བར་བྱ་ཞིང་སྟེ། འཇུག་པ་དང་། གནས་པ་དང་ལྡང་བས་འཇུག་པར་བྱའོ། །ཞེས་ཏེ། བརྟན་པར་གྱུར་ནས་རིན་ཆེན་སྤྲོ། ཞེས་པའི་སྟེང་ནས་བཤད་པའོ། །བརྟན་པར་མ་གྱུར་
ཡོང་མི་སྤྲོ། ཞེས་བྱ་བ་ནི། མི་ཤིགས་པའི་དེ་ཁོ་ན་ཉིད་རྟོགས་པ་ཉིད་ཀྱིས་ཏེ། ཁོ་ནས་མི་ཤིགས་པ་ལས་ལྡང་འཇུག་གནས་གསུམ་གྱི་རྡོར་བཟླས་ཀྱི་རྣལ་འབྱོར་འདི་བྱའི། གཞན་གྱིས་ནི་སྟེ། དེའི་དེ་ཉིད་མ་རྟོགས་པས་ནི་རྣལ་འབྱོར་འདི་བྱ་བ་མ་ཡིན་ནོ། ཞེས་བསྟན་པ་ཡིན་ནོ། །ད་ནི་སྤྲོ་བའི་ཆོ་ག་བསྟན་པར་བྱ་བའི་ཕྱིར། སངས་རྒྱས་འབར་བ་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་འབར་བ་ནི་སངས་རྒྱས་ཀྱི་སྐུ་འོད་ཟེར་རྣམ་པ་ལྔ་འབར་བ། །དེ་དང་འདྲ་བའི་འོད་ནི་གྱེན་རྒྱུ་ལ་སོགས་པའི་དཀྱིལ་འཁོར་བཞི་སྟེ་གྱེན་རྒྱུས་གཙོ་བོ་བྱས་ནས་རྒྱུན་སྣ་བུག་གཡས་པ་དང་ལ་སོགས་པ ས་བསྡུས་པ་མཉམ་གནས་ཀྱིས་གཙོ་བོ་བྱེད་ན་སྣ་བུག་གཡོན་པ་དང་། སྲོག་དང་ཐུར་སེལ་གྱིས། གཙོ་བོ་བྱེད་ན་སྣ་བུག་གཉིས་ཀ་ལས་མཉམ་རྒྱུ་བྱེད་པའི་དབྱེ་བས་ཕྱེ་བའི་རླུང་བཞི་གཙོ་བོ་དང་འཁོར་དང་། དེ་དག་གི་སྤྲིན་གྱི་སྣ་བུག་གི་ནང་གི་ནམ་མཁའ་ཁྱབ་པར་སྤྲོ་བ་ནི་རྡོ་རྗེ་སོགས་འཛིན་པའི་དེ་བཞིན་གཤེགས་པ་དང་བྱང་ཆུབ་སེམས་དཔའི་སྤྲིན་སྤྲོས་པས་ནམ་མཁའི་ཁོངས་སུ་གཏོགས་པ་དགང་བར་བྱའོ་ཞེས་ཞེས་བྱ་བ་སྔར་བཤད་པའི་ངེས་དོན་སྟེ། མཐར་ཐུག་པའོ། ༈ །རྣམ་པར་སྣང་མཛད་ལ་སོགས་པ་རིགས་ལྔ འི་བསྐྱེད་པའི་སྐྱེད་ཆོག་གི་རིམ་པ་བསྟན་པའི་ཕྱིར། ནམ་མཁའ་དབྱིངས་ཀྱི་དབུས་གནས་པར་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་ལྟག་མོས་འོད་གསལ་དུ་བསྡུས་པའི་དེ་བཞིན་ཉིད་དོ། །དབུས་གནས་པ་ནི་ཏེ་ལ་དམིགས་པའི་དེ་བཞིན་ཉིད་ལས་བྱང་ཆུབ་པ་ཡི་གེ་དང་མཚན་མའི་སྔོན་
དུ་འགྲོ་བས་དེ་གཉིས་བསྒོམས་ལ། ཐམས་ཅད་འདྲེས་པ་ལས་བྱང་ཆུབ་པ་གཉིས་པ་ཟླ་བའི་དཀྱིལ་འཁོར་ཡིད་ཀྱིས་བྲི་བ་སྟེ་བསྒོམས་ལ། །གསལ་བ་ཟླ་བའི་དཀྱིལ་འཁོར་གྱི་དབུས་སུ་གནས་པར་ཏེ། ཟླ་བ་དེའི་སྟེང་དུ་ཕྱག་མཚན་ལས་བྱང་ཆུབ་པ། འཁོར་ལོ་བསམས་ཏེ། དེ་ཡོངས་སུ་གྱུར་པ་ལས་འཁོར་ལོ་ལས་བྱུང་བའི་དཀྱིལ་འཁོར་ཏེ། རྣམ་པར་སྣང་མཛད་སྐུ་མདོག་དང་ཕྱག་མཚན་སྔར་བཤད་པ་ཇི་ལྟར་བ་བཞིན་དུ་བསྒོམ་མོ། །དེ་བཞིན་དུ་ཞེས་པ་ནི། བྱང་ཆུབ་པ་དང་པོ་གཉིས་སྔར་བཤད་པ་དང་འདྲ་བར་བསྐྱེད་པ། །རིགས་གཞན་ལའང་སྦྱོར་བའོ། །པདྨ་ཡོངས་སུ་གྱུར་པ་ལས་པདྨའི་དཀྱིལ་འཁོར་དང་འདྲ་བ་པདྨ་རཱ་གའི་འོད་ཅན་འོད་དཔག་ཏུ་མེད་པ་པདྨའི་རིགས་ཀྱི་རྣལ་འབྱོར་པས་བསྒོམ་པར་བྱའོ། །རིན་པོ་ཆེ་ལ་བརྩོན་པ་རིན་པོ་ཆེའི་རིགས་ཀྱི་རྣལ་འབྱོར་པས་རིན་པོ་ཆེ་ཡོངས་སུ་གྱུར་པ་ལས་རིན་ཆེན་འབྱུང་ལྡན་གྱི་རིན་པོ་ཆེའི་དཀྱིལ་འཁོར་འདྲ་བ་ཁ་དོག་སེར་པོར་བསྒོམ་པར་བྱའོ། །སྦྱོར་བའི་དཀྱིལ་འཁོར་ནི་སྣ་ཚོགས་རྡོ་རྗེ་སྟེ་དེ་ལས་བྱུང་བ་དོན་ཡོད་པར་གྲུབ་པ་བསྒོམ་པར་བྱའོ། །ནམ་མཁའ་འདྲ་བར་བྲི་བར་བྱ་ཞེས་བྱ་བ་ནི་ནམ་མཁའ་དང་འདྲ་ཞིང་མཚུངས་པ་སྟེ། ནམ་མཁའ་དང་འདྲ་བ་དེར་གནས་ཞེས་པ་ནི།འགྱུར་རྙིང་ལྟར་ན་མ་འབྲེལ་ཡང༌། པ་ཚབ་ཀྱིས། མཁའ་དང་འདྲ་ལ་བྲི་བར་བྱ། ཞེས་བསྒྱུར་བ་ལ་གནས་གཞིའི་སྒྲ་ཡོད་པ་ལྟར་བྱ་དགོས་པའི་དོན་ནོ། །ཤྱ་མ་ཞེས་པ་ལྗང་གུ་དང༌། སྔོ་སངས་གཉིས་ཀ་ལ་འཇུག་ཀྱང་ནམ་མཁའ་ལྟར་སྔོ་བསངས་ཞེས་འབྱུང་བས་སྔོ་སངས་
ཉིད་ལ་བྱ་དགོས་པས་མི་བསྐྱོད་པ་ལ་སྦྱར་རོ། །བྱ་བའི་དོན་ཏོ། །འདི་དག་ཅེས་བྱ་བ་ལ་སོགས་པ་ལ་སྐུ་དང་གསུང་དང་ཐུགས་སྒོམ་པའམ་སྒྲུབ་པས་མཚོན་སྐུཁ འོ་འི་ཀདཀྱིལ་འཁོར་ཏེ། ལྷའི་གདེ་གང་ཡིན་ཞེ་ན། མི་བསྐྱོད་པ་སྟེ་དེ་ནི་ཕྱག་མཚན་རྡོ་རྗེ་རྩེ་ལྔ་པ་ལས་བྱུང་བའོ། །༼ཁ༽རིགས་ལྔ་པོ་འདི་དག་༼ཀ༽སངས་རྒྱས་རབ་ཀྱི་མཆོག་༼ག༽བསྒོམས་པའི་ཕན་ཡོན་ནི་ཐམས་ཅད་མཁྱེན་པའི་ཚུལ་འཐོབ་ཞེས་པས་སྟོན་ལ། དེ་ཡང་པ་ཚབ་ཀྱི་འགྱུར་ལས། སེམས་ཅན་རྣམས་ཀྱིས་ཀུན་མཁྱེན་པ་ཉིད་འཐོབ་ཅིང་འཛིན་པར་བྱེད་དུ་འཇུག་པའི་ངང་ཚུལ་ཅན་གང་དག་ལ་ཡོད་པ་དེ་དག་ལ་དེ་སྐད་ཅེས་བྱའོ། །ཞེས་པ་ལྟར་ལེགས་པས་བྱེད་དུ་འཇུག་པའི་ངང་ཚུལ་ཅན་གྱི་ཕན་ཡོན་ནི་རིགས་ལྔའི་ཏིང་ངེ་འཛིན་གང་དག་ལ་ཡོད་པ་ཞེས་པའོ། །པའོ། །ཞེས་བྱ་བ་ནི། ཐམས་ཅད་མཁྱེན་པ་ཉིད་ནི་སྦྱོར་བ་སྟེ། དེ་སེམས་ཅན་རྣམས་ཀྱིས་དམིགས་ཤིང་འཛིན་པའི་ངང་ཚུལ་ཅན་གང་ཡིན་པ་དེའོ། །རྡོ་རྗེ་བཀོད་པ་ཞེས་བྱ་བ་ནི། རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་བཀོད་པ་ནི་གང་དུ་འདུས་པ་མཛད་པ་དེ་ནི་རྡོ་རྗེ་བཀོད་པའི་ལེའུ་ཞེས་བྱ་སྟེ། དྲང་བའི་དོན་ཏོ། ༈ །ཡང་ངེས་དོན་དུ་བཤད་པས་ནི་སྔར་བཤད་པའི་སྙིང་གའི་མི་ཤིགས་པ་ལས་རླུང་ལྡང་འཇུག་གནས་གསུམ་གྱི་རྡོར་བཟླས་བྱེད་པ་དེ་ཉིད་འདིར་གསལ་བར་སྟོན་ནོ། །ནམ་མཁའི་དབྱིངས་ནི་འོད་གསལ་བའོ། །དེའི་དབུས་སུ་གནས་པ་ནི་འོད་གསལ་བ་དེ་ལས་བྱུང་བའོ། །ཟླ་བའི་དཀྱིལ་འཁོར་ཏེ། སྙིང་གའི་མི་ཤིགས་པའོ། །བྲི་བར་བྱ་བ འི་དོན་ནི་ཤེས་པར་བྱ་བལ་བཤད་པ་ནི་རླུང་སྣ་སྒོ་གང་ལས་རྒྱུ་ཡང་། སྙིང་གའི་དྷཱུ་ཏཱིའི་ནང་གི་མི་ཤིགས་པ་ལས་འབྱུང་བར་ལྟ་བ་སྟེ་ལྷག་མ་རྣམས་ལ་ཡང་དེ་ལྟར་རོ། །འོ། །
གསལ་བའི་དཀྱིལ་འཁོར་ནི་མི་ཤིགས་པ་དང་དབུས་གནས་པར་ཞེས་པ་ནི་མི་ཤིགས་པ་ལས་ངེས་པར་བྱུང་བ འི་དོན་ནོ་འོ་། །འཁོར་ལོའི་དཀྱིལ་འཁོར་ནི་ཆུའི་དཀྱིལ་འཁོར་སྲོག་འཛིན་ཏེ། འདིས་གཙོ་བོ་བྱས་ནས་རྒྱུན་སྣ་བུག་གཉིས་ཀ་ནས་སོ། །འདིས་ན་དྲང་དོན་ལ་རྣམ་སྣང་དུ་བཤད་པའི་ངེས་དོན་སྟོན་གྱི་སྲོག་འཛིན་རྣམ་སྣང་གི་རླུང་དུ་སྟོན་པ་མིན་པས་མི་བསྐྱོད་པའི་ངོ་བོ་ཉིད་ཅེས་བཤད་དོ། ཁ་དོག་དཀར་ཞིང་དལ་བར་རྒྱུ་བའོ། །དེ་སྒོམ་པ་ནི་འབྱུང་བར་གྱུར་པར་ཤེས་པར་བྱ་བའོ། །པདྨའི་དཀྱིལ་འཁོར་འདྲ་བ་ནི་མེའི་དཀྱིལ་འཁོར་ཏེ་གྱེན་རྒྱུ་ཁ་དོག་དམར་པོའོ། །པདྨ་བསྒོམ་པར་བྱ་བ་ནི་འོད་དཔག་ཏུ་མེད་པའི་ངོ་བོ་ཉིད་དེ། འདིས་གཙོ་བོ་བྱས་ནས་རྒྱུ་ན་སྣ་བུག་གཡས་ནས་འབྱུང་བར་གྱུར་བར་ཤེས་པར་བྱའོ། །རིན་ཆེན་དཀྱིལ་འཁོར་འདྲ་བ་ནི་དབང་ཆེན་གྱི་སྟེ། སའི་དཀྱིལ་འཁོར་ཐུར་སེལ་ལོ་རོ་། །རིན་ཆེན་བརྩོན་ཞེས་པ་ནི་རིན་ཆེན་འབྱུང་ལྡན་ཟློས་པས། འདིས་གཙོ་བོ་བྱས་ནས་རྒྱུ་ན་སྣ་བུག་གཉིས་ཀ་ལས་དྲག་ཏུ་འབྱུང་བར་གྱུར་པར་ཤེས་པར་བྱའོ། །སྦྱོར་བའི་དཀྱིལ་འཁོར་ནི་རླུང་གི་དཀྱིལ་འཁོར་ཏེ། ཁ་འདི་ཁ་དོག་ནག་པོར་འགྱུར་གསར་རྙིང་ཀུན་ལས་འབྱུང་ཡང༌། ཤྱཱ་མ་ཞེས་པ་ལྔང་གུར་མ་བསྒྱུར་བའི་སྐྱོན་ཏེ། སྤྱོད་བསྡུས་ལས། རླུང་འདི་མདོག་ལྗང་སེར་དང༌། །འོད་ཟེར་ནག་
པོར་བཤད་པ་ལྟར་བྱའོ། དོག་ནག་པོ་དོན་ཡོད་པར་གྲུབ་པའི་ངོ་བོ་ཉིད་འདིས་གཙོ་བོ་བྱས་ནས་རྒྱུ་ན་སྣ་བུག་གཡོན་ནས་འབྱུང་བ་ཡིན་པར་ཤེས་པར་བྱ་སྟེ། དེ་རྣམས་ནི་དེ་བཞིན་གཤེགས་པའི་ངོ་བོ་ཉིད་ཀྱི་རླུང་ལ་ལྔ་ཡོད་ཀྱང༌། ད་ལྟ་རྡོར་བཟླས་བྱེད་པ་ཁྱབ་བྱེད་ལ་མི་བྱེད་པས་འོད་ཟེར་བཞིའི་རབ་ཏུ་རྒྱུ་བ་བཤད་པ་ཡིན་ནོ། །འདིར་རླུང་ལྡང་བ་ཙམ་བཤད་པ་ནི་ཕྱོགས་ཙམ་མཚོན་པ་སྟེ། དེས་འཇུག་གནས་གཉིས་ཀྱང་ཤེས་པར་བྱའོ། ༈ །རྩ་བའི་རླུང་བཞི་ལ་རྡོར་བཟླས་བྱེད་པ་དེ་རྣམས་ཀྱིས་སྐུ་དང་གསུང་དང་ཐུགས་སྒྲུབ་ཅིང༌། སྟེ། རྫོགས་རིམ་པའི་སྐུ་རྡོ་རྗེ་ལ་སོགས་པ་རྡོ་རྗེ་གསུམ་སྐྱེད་པས་ན་རྡོ་རྗེ་ལས་བྱུང་བ་སྟེ། ཞེས་པའི་རྡོ་རྗེ་ནི་འདི་གསལ་བའོ། །བྱུང་བ་ནི་འོད་གསལ་བ་ལས་བཞེངས་པ་བདེན་པ་གཉིས་ཀྱི་བདག་ཉིད་ཅན་གྱི་ལྷའི་དཀྱིལ་འཁོར་བསྐྱེད་པ་ཡིན་པར་ཤེས་པར་བྱའོ། །གང་ཟག་གང་གི་ཡིན་ཞེ་ན། ཐམས་ཅད་མཁྱེན་པའི་ཚུལ་འཐོབ་པ་ནི་རྣམ་པ་ཐམས་ཅད་མཁྱེན་པའི་གོ་འཕང་ཐོབ་པར་འདོད་པ་རྣམས་ཀྱིའོ། །རྡོ་རྗེ་ཞེས་བྱ་བ་ལ་སོགས་པ་ལ། རྡོ་རྗེ་ནི་ཡོངས་སུ་རྫོགས་པ་ཟུང་འཇུག་པའི་ལྷའི་སྐུའོ། །བཀོད་པ་ནི་ཚོགས་སོ། །དེ་སྟོན་པའི་ཚིག་གི་ལེའུ་ལ་ཡང་དེ་སྐད་ཅེས་བྱའོ། ༈ །ལྔར་བཤད་པའི་རྫོགས་རིམ་པའི་ཕྲ་མོའི་རྣལ་འབྱོར་འདི་ཉིད་བཤད་པའི་རྒྱུད་ལུང་སྟོན་གྱི་ལེའུ་འདི་ཉིད་ལས་གསལ་བར་སྟོན་པས་འདིར་དེ་ལ་འཇུག་པར་བྱ་སྟེ། ཐོག་མར་སྐྱེ་བ་དང་མཐར་འགག་པ འ་མེད་པའི་ཡུལ་གྱི་འོད་གསལ་དང་རེ་གཅིག་དུ་སྦྱོར་བའི་ཟུང་འཇུག་གི་རྣལ་འབྱོར་ནི། ཤིན་ཏུ་རྟགས་དཀའ་བས་ཕྲ་མོ་
ཞེས་ནི་རབ་ཏུ་བརྟགས། པ་སྟེ་བཤད་དོ། །ཟུང་དུ་སྦྱོར་ཚུལ་ནི་མི་གསལ་བ་དང༌། གསལ་བ འི་ཐུགས་དང་སྐུ ར་ངོ་བོ་གཅིག་ཏུ་ཡང་དག་པར་སྦྱོར། །བ་སྟེ། སྐུ་དེ་ནི་དངོས་མེད་ཀྱི་ངོ་བོ་ཉིད་འོད་གསལ། ལས་བྱུང༌། །བའི། །ཁརང་བཞིན་གྱིས་གྲུབ་པ་སྟེ། རྒྱུ་རྐྱེན་གྱིས་མ་བསྐྱེད་པའི་དེ་ཁོ་ན་ཉིད་དང་རོ་གཅིག་ཏུ་ཞུགས་པས། ཀམི་གསལ་བ་དང་གསལ་བ་གཉིས་གང་ཞེ་ན། དང་པོ་གཅིག །སྟེ་མི་གསལ་བ་ནི་གགཅིག་དང་དུ་མ འི་སྤྲོས་པའི་སྣང་བ་རྣམ་པར་སྤངས་པ། །འི། ཡེ་ཤེས་སོ། །ཡང་གཅིག་སྟེ་གསལ་བ་ནི་འོད་གསལ་གྱི་རླུང་སེམས་ཙམ་ལས་སྐྱེས་པའི་རྟེན་ཅིང་འབྲེལ་བར་འབྱུང་བའི་ཆོས་སུ་གྲགས། པ་སྟེ། བཤད་པ་སྣོད་བཅུད་ཀྱི་དངོས་པོ་ཀུན་གྱི་འབྱུང་གནས་རླུང་སེམས་ཙམ་གྱི་ངོ་བོ་ཉིད་ཀྱི་དག་པའི་སྒྱུ་མའི་སྐུའོ། །གཅིག །དེ་གཉིས་སྦྱོར་ཚུལ་ནི་རྣལ་འབྱོར་པ་བདག་ཉིད་ཀྱི་ཐུགས་ནི་འོད་གསལ་གྱི་ཡེ་ཤེས་དང༌། སྐུ་ནི་སྒྱུ་མའི་སྐུར་ངོ་བོ་གཅིག་པ་འདི་ལྟར་རམ། འདི་འདྲར་བྱས་པའོ། །བྱས་ནས་ནི། །ཞེས་པས་ཟུང་འཇུག་པས་རྡོར་བཟླས་བྱེད་པ་བསྟན་པ་འདྲ་བ་གཅིག་ཡོད་ཀྱང། དེ་མིན་གྱི་བཤད་པའི་རིམ་པ་ལ་སྦྱར་རྒྱུ་ཡིན་ནོ། །དེ་ཡང་ཐོག་མཐའ་ཞེས་པ་ནས། བྱས་ཞེས་པ་ཡན་གྱིས། སངས་རྒྱས་རབ་ཀྱི་མཆོག །སྐུ་དང་གསུང་ཐུགས་སྒྲུབས་པ་ཡིས། །རྡོ་རྗེ་ལས་བྱུང་དཀྱིལ་འཁོར་རོ། ཞེས་པའི་ངེས་པའི་དོན་བཤད་ནས་ནི། ནམ་མཁའི་དབྱིངས་ཀྱི་དབུས་གནས་པར། །ཟླ་བའི་དཀྱིལ་འཁོར་བྲི་བར་བྱ། ཞེས་སོགས་ཀྱི་ངེས་དོན་འཆད་ཅེས་པའི་དོན་ནོ། །རྩ་རྒྱུད་ལས། འཁོར་ལོ་དང་པདྨ་དང་རིན་པོ་ཆེ་དང་སྦྱོར་བའི་ཆོས་ཀྱི་དཀྱིལ་འཁོར་བྲི་བར་བྱ་བར་གསུངས་པའི་དོན་རླུང་བཞི་ལ་
རྡོར་བཟླས་བྱས་པ་འདི་དག་གིས་སྔར་བཤད་པའི་འོད་ཟུང་གི་ཡེ་ཤེས་བསྐྱེད་པར་སྟོན་པ་ནི། རིགས་བཞིའི་སྐུ་མདོག་བཞི་བསྒོམ་པར་གསུངས་པའི་ངེས་དོན་ནི། ཆོས་ཀྱི་དཀྱིལ་འཁོར་བྲི་བར་བྱ། །དམར་པོ་གྱེན་རྒྱུ་དང་གནག་པ་ནི་སྔར་བཞིན་ལྗང་ཁུ་མཉམ་གནས་དང་དེ་བཞིན་སེར། །པོ་ཐུར་སེལ་དང་དཀར་པོ་ཉིད་ནི་སྲོག་འཛིན་ཏེ། དེ་ནི་མདོར་བསྡུས་པ། །སྟེ་ཞིབ་ཏུ་མ་ཕྱེ་པའོ། །ཕྱེ་ན་ནི་རླུང་བཞི་པོ་རེ་རེ་རྒྱུ་བ་ན། བཞི་བཞི་ཡི ར་ནི་སྦྱོར་བ་སྟེ། ལྡན་པ་ཡིས། །རྒྱུ་བ་ལ་སྣ་བུག་གཡས་ལ་རྒྱུ་བ་ལ་མཚོན་ན་ཐོག་མའི་ཉིས་བརྒྱ་ཉེར་ལྔ་གོས་དཀར་དང་ལ་སོགས་པས་བསྡུས་པ་དེ་ནས་དེ་ཙམ་ཞིག་རྒྱུ་བ་སྤྱན་མ་དང༌། དེ་ནས་དེ་ཙམ་ཞིག་རྒྱུ་བ་མཱ་མ་ཀཱིའི་རླུང་དུ་ཤེས་པར་བྱས་ལ། ལེགས་པར་བྲི། །བ་སྟེ། བསྒོམ་པར་བྱའོ། །ངེས་གཞན་གསུམ་ལའང་ཤེས་པར་བྱའོ། །རླུང་བཞི་པོ་དེ་རེ་རེ་ཡི་དབུས་སུ་ཏེ་ནང་དུ་རང་རང་གི་ལྷ། །བཞིའི་རླུང་རྒྱུ་བ་དང་སྔགས་སྦྱོར་བ་ལ་གཞོལ་བ་ནི་མཆོག་གོ་ཞེས་དེའི་བསྔགས་པ་བསྟན་ནོ། །པ་ཚབ་ཀྱིས་བཞི་དང་སྦྱོར་བ་ལ་གཞལ་མཆོག །ཅེས་བསྒྱུར་བ་ལེགས་སོ། བཞི་ཡི་གོ་འཕང་མཆོག །གོས་དཀར་ལ་སོགས་ལྷ་མོ་བཞིའི་རླུང་གི་རྒྱུ་ཚུལ་གོ་རིམས་ཇི་ལྟ་བ་བཞིན་དུ། །སྦྱར་ན་གོས་དཀར་མོ་ནི་སྣ་བུག་གི་སྟེང་ངོས་ནས་དང་སྒྲོལ་མ་ནི [ ཆག་གིས་ལོགས་སུ་བསྒྱུར་བ་ལེགས་སོ། །བསེགས་ཏེ། སྣ་བུག་གི་ལོགས་ནས་དང་སྤྱན་མ་ནི་སྣ་བུག་གི་དབུས་དྲངས་ཐད་ཀ་ནས་དང༌། མཱ་མ་ཀཱི་རྒྱུ་བ་ན་སྣ་བུག་གི་འོག །ངེས་ནས་རྒྱུའོ། །སྔར་དམར་དང་ཞེས་བཞི་བཤད་པ་ནི་རིམ་པ་བཞིན་དུ་མེ་དང་རླུང་དང་དབང་ཆེན་དང༌། ཆུ་སྟེ་འབྱུང་བ་བཞི་སོ་སོའི་དཀྱིལ་
འཁོར་དང་སྦྱར་བར་བྱ་སྟེ། རྡོར་བཟླས་སུ་འགྲོ་ཚུལ་ནི་སྔར་བཞིན་ནོ་རོ། །ཞེས་བཅོམ་ལྡན་འདས་ཀྱི་གསུངས་ཏེ། ངེས་པའི་དོན་ཏེ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་གསུམ་པ་མཐའ་དྲུག་གིས་བཤད་པའོ། ། ༈ ། །རིགས་པའི་པ་ཚབ་ཀྱིས། ལྷ་ལ་དམིགས་པ་སྔོན་དུ་བཏང་སྟེ། ཕྲ་མོའི་རྣལ་འབྱོར་བསྒོམས་པས་ཁྱད་པར་དུ་བསྒྲུབས་པའི་སློབ་མ་ཞེས་བསྒྱུར་བ་ལྟར་ན་ལེའུ་སྔ་ཕྱིའི་འབྲེལ་གྱི་རྣམ་པ་གསལ་ལོ། །ལྷ་ལ་དམིགས་པ་སྔོན་དུ་འགྲོ་བས་སྟེང་འོག་གི་སྒོར་ཕྲ་མོའི་རྣལ་འབྱོར་བསྒོམ་པ་ལེའུ་གསུམ་པར་བསྟན་ནས་བླ་མ་ལ་གུས་པ་སོགས་ཀྱི་མཚན་ཉིད་ཁྱད་པར་ཅན་རྣམས་ཚང་བའི་གྱི་སློབ་མ་རྣམས་རྡུལ་ཚོན་གྱི་དཀྱིལ་འཁོར་དུ་དབང་བསྐུར་བའི་ཕྱིར། །དེ་ནས་ཞེས་བྱ་བ་ལ་སོགས་པ་ལ་སྔོན་བྱུང་ལ་སྟོན་པ་ལ་གསོལ་བ་བཏབ་པ་འདི་རྗེས་འཇུག་ལ་སྦྱར་ན། བླ་མ་ལ་གསོལ་བ་འདེབས་པའི་ཆོ་ག་གསུངས་ཏེ། ༈ །དེ་ནས་ཞེས་བྱ་བ་ནས་དེ་བཞིན་གཤེགས་པ་ཐམས་ཅད་སླར་ཡང་དགོངས་པ་གཅིག་ཏུ་འདུས་ནས་སྟོན་པ་ལ་འོག་གི་བསྟོད་པ་འདིས། གསོལ་བ་བཏབ་བོ་ཞེས་བྱ་བའི་བར་ནི་སྒྲ་ཇི་བཞིན་པའོ། །དེ་བཞིན་གཤེགས་པ་ཀུན་ཞེས་བྱ་བ་ནི། སྔོན་གྱི་སྟོན་པ་དང་རྗེས་ཀྱི་བླ་མ་རྡོ་རྗེ་འཆང་ལ་རིགས་ལྔའི་སྒོ་ནས་བསྟོད་ནས། དཀྱིལ་འཁོར་བཤད་པ་དང་བྲི་བར་གསོལ་བ་འདེབས་པ་ནི། ཆོས་དབྱིངས་ཡེ་ཤེས་ཀྱིས་དེ་བཞིན་གཤེགས་པ་ཀུན་ལ་ཁྱབ་པས་ན། དེའི་ངོ་བོ་ཉིད་ཀྱིས་མི་བསྐྱོད་པའི་ཡོན་ཏན་གྱི་སྒོ་ནས་སྒོ་ནས་ཞེས་པ་མན་
ཆད་འོག་མ་བཞི་ལ་ཡང་སྦྱར་རོ། །བསྟོད་པས་མཉེས་པར་བྱེད་པའོ། །ཞི་བ་ཞེས་བྱ་བ་ནི་གཙོ་བོར་ཞི་བའི་ལས་སྒྲུབ་པའི་རྣམ་པར་སྣང་མཛད་ཀྱི་ངོ་བོ་ཉིད་ཀྱིས་སོ། །དེ་བཞིན་གཤེགས་པ་ཀུན་ནི་འདོད་དོན་རྫོགས་པར་མཛད་པའི་རིན་ཆེན་ནོ་གྱི་དེ་དག་གི་གནས་ཞེས་བྱ་བ་ནི། རིན་ཆེན་ཏ་འབྱུང་ལྡན་གྱི་ངོ་བོ་ཉིད་ཀྱིས་སོ། །ཆོས་ཀུན་ཞེས་བྱ་བ་ནི་གསུང་རབ་ཀྱི་ཆོས་ཀུན་རྣམ་པར་དག་པའི་བདག་ཉིད་འོད་དཔག་ཏུ་མེད་པའི་ངོ་བོ་ཉིད་ཀྱིས་ས། །བདག་མེད་པ་ཡི་མཆོག་ཅེས་བྱ་བ་ནི་བདག་མེད་པའི་མཆོག་གདུལ་བྱས་རྟོགས་པའི་བྱ་བ་སྒྲུབ་པ་དོན་ཡོད་པར་གྲུབ་པའི་ངོ་བོ་ཉིད་ཀྱིས་སོ། །སླར་ཡང་སྔར་བཤད་པའི་ཡུལ་ལ་སྐུ་གསུང་ཐུགས་ཀྱི་རིགས་གསུམ་གྱི་ངོ་བོ་ཉིད་ཀྱི་བསྙོད་པའི་ཚིགས་བཅད་གསུམ་ཡོད་པའི་དང་པོའི་བསྟོད་པ་ནི། མཚན་རྣམས་ཐམས་ཅད་ཡང་དག་རྫོགས། །ཞེས་བྱ་བ་ལ་སོགས་པ་སྟེ། མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །ཁདཀྱིལ་འཁོར་དམ་པ་བཤད་དུ་གསོལ། ཞེས་བྱ་བར་སྦྱར་རོ་ཏེ་། དཀྱིལ་འཁོར་ཇི་ལྟ་བུ་ཞེ་ན། སྟོན་པས་དཀྱིལ་འཁོར་གྱི་ཆོ་གའི་སྐབས་སུ་ཇི་སྐད་དུ་བཤད་པའི་གྲུ་བཞི་སྒོ་བཞི་སོགས་ཀྱི་དཀྱིལ་འཁོར་གྱི་མཚན་ཉིད་རྣམས་ཐམས་ཅད་རྫོགས་པ་དང་ལྡན་ཞིང༌། མཚན་ཉིད་མིན་པ་སྟེ། ཆད་པ་དང་ལྷག་པའི་ཉེས་པ་ཐམས་ཅད་དང་སྤངས་པ་སྟེ། བྲལ་བ། ཀཀྱེ་ཀུན་ཏུ་བཟང་པོ་སྐུ་ཡི་མཆོག །ཅེས་བོས་ནས། ༼ཁ༽མཆོག་རབ་ཀྱི་དཀྱིལ་འཁོར་༼ཀ༽དམ་པ་སྟེ་རབ་ཏུ་༼ག༽བཤད་དུ་གསོལ། །ཞེས་བྱ་བའི་དོན་ཏོ། །ཞི་བའི་ཆོས་ནི་མཆོག་ལས་བྱུང་ཞེས་བྱ་
བ་ནི། སྤྲོས་པ་ཞི་བའི་ཆོས་དོན་དམ་པའི་བདེན་པ ར་ཞུགས་པ་ལས་ངེས་པར་བྱུང་བའོ། །ཡེ་ཤེས་ནི་སྣང་བ་གསུམ་མོ། །དེའི་སྤྱོད་པ་སྟེ། རང་བཞིན་ནི་འདོད་ཆགས་ལ་སོགས་པ་སྟེ། དེ་རྣམས་ཀྱི་རང་བཞིན་བརྒྱད་ཅུའ། རང་བཞིན་དེ་རྣམས་མངོན་པར་བྱང་ཆུབ་པ་འོད་གསལ་བསྒོམས་པས་རྣམ་པར་སྦྱོང་བར་མཛད་པས་ན་ཡེ་ཤེས་སྤྱོད་པ་རྣམ་སྦྱོང་བའོ། །སྐུ་ལ་སོགས་པ་ཐམས་ཅད་ཀྱི་དབང་ཕྱུང་བརྙེས་པས་ན་ཀུན་ཏུ་བཟང་པོའོ། །ངག་གི་དབང་ཕྱུང་བརྙེས་པས་ན་གསུང་གི་མཆོག་གོ །སེམས་ཅན་ཐམས་ཅད་ཀྱི་སེམས་ཀྱི་ངོ་བོ་ཉིད་ནི་རྡོ་རྗེ་སྟེ། འོད་གསལ་ཉིད་ཡིན་པས་ན་ཁྱོད་ནི་སེམས་ཅན་ཀུན་གྱི་སེམས་ཀྱི་དེ་ཁོ་ན་ཉིད་ཆེན་པོ འི་ངོ་བོ་ཉིད་དོ། །འདོད་ཆགས་ལ་སོགས་པ་རྣམས་ལ་ངོ་བོ་ཉིད་ཀྱིས་གྲུབ་མ་གྲུབ་རིགས་པས་རྣམ་པར་དཔྱད་ན་ཅུང་ཟད་ཀྱང་དམིགས་སུ་མེད་པ་སྟེ་མི་རྙེད་པ ས་རང་བཞིན་གྱིས་ཏེ་གདོང་མ་ནས་དག་པའི་ངོ་བོ་ཉིད་དོའོ། །ལམ་བསྒོམས་སྟོབས་ཀྱིས་འདོད་ཆགས་ལ་སོགས་པའི་དྲི་མ་དང་བྲལ་བས་ན་གློ་བུར་གྱི་དྲི་མ་མེད་པའི་ངོ་བོ། །དག་པ་གཉིས་དང་ལྡན་པ་དེ་ཉིད་ཀྱིས་ན་ཀུན་ཏུ་བཟང་པིའོ། །རང་གི་ཐུགས་སོ་སོར་ཐུགས་སུ་ཆུད་པས་ན་ཐུགས་ཀྱི་མཆོག་གོ །སེམས་ཅན་ཐམས་ཅད་མྱ་ངན་ལས་འདས་པ་འཐོབ་པར་མཛད་པས་ན་གདུལ་བྱའི་ཁ་ལོ་སྒྱུར་བའོ། །དཀྱིལ་འཁོར་གྱི་ཆོ་ག་བཤད་དུ་གསོལ། །ཞེས་པ་སྟེ། དགོངས་པ་མ་ཡིན་པའོ། ༈ །དེ་ནས་ཞེས་བྱ་བ་ལ་སོགས་པ་ནས་ཉམས་དགའ་བཤད་ཅེས་པའི་བར་ནི། རྡོ་རྗེ་འཆང་བའི་གསུང་ལ་འཇུག་པར་བྱ་བའི་ཕྱིར་སྡུད་པ་པོས་
སྨྲས་པའོ། །གདུལ་བྱ་རྣམས་ལ་རང་རང་གི་སྐལ་བ་དང་འཚམས་པར་ཅི་རིགས་པར་རྗེས་སུ་སྟོན་པར་མཛད་པས་ན་སྟོན་པའོ། །རྡོ་རྗེ་ནི་གཉིས་སུ་མེད་པའི་ཡེ་ཤེས་ཏེ། ཡེ་ཤེས་དེ་རང་གི་བདག་ཉིད་དུ་འཛིན་པར་མཛད་པས་ན་རྡོ་རྗེ་འཛིན་ཏོ། །ས་འོག་དང་ས་སྟེང་དང་མཐོ་རིས་ཀྱི་དེ་ཁོ་ན་ཉིད་ཀྱི་ངོ་བོ་ཉིད་དུ་གྱུར་པས་ན། འཇིག་རྟེན་གསུམ་པའོ། །འདོད་པའི་ཁམས་ལ་སོགས་པའི་ངོ་བོ་ཉིད་ཀྱིས་བཞུགས་པས་ན་ཁམས་གསུམ་པའོ། །འཇིག་རྟེན་གསུམ་མཆོག་རྡོ་རྗེ་ནི་རང་སངས་རྒྱས་ལ་སོགས་པ་སྟེ། དེ་རྣམས་ཀྱི་མཆོག་ནི་གཙོ་བོར་གྱུར་པས་སོ། །འཇིག་རྟེན་གསུམ་ནི་ཚངས་པ་ལ་སོགས་པ་སྟེ། དེ་རྣམས་ལ་རྗེས་སུ་སྟོན་པ་ཉིད་དེ་དེ་ལྟ་བུའི་རྡོ་རྗེ་འཆང་ཆེན་པོའོ། །དེ་བཞིན་གཤེགས་པ་ཀུན་གྱི་གནས་ཞེས་པ་ནི་དེ་རྣམས་ཀྱི་བཞུགས་གནས་སུ་གྱུར་པས་སོ། །དེ་བཞིན་གཤེགས་པ་ཐམས་ཅད་ཀྱི་ངོ་བོ་ཉིད་དུ་གཤེགས་པས་ན་དེ་བཞིན་གཤེགས་པ་ཀུན་གྱིའོ། །ཐུགས་ཀྱི་དཀྱིལ་འཁོར་ཞེས་བྱ་བ་ནི་སྐུ་དང་གསུང་གི་དཀྱིལ་འཁོར་དག་ལས་དགར་བའོ། དཀྱིལ་འཁོར་གྱི་སྐད་དོད་མཎྜལ་ཞེས་པའི་མཎྜ་ནི་སྙིང་པོ་སྟེ། གཉིས་སུ་མེད་པའི་ཡེ་ཤེས་སོ་འོ་། །འཁོར་ནི་ལཱ་ཏི་ནི་ལེན་པ་དང་ཅིང་གྲིཧྣཏི་འཛིན་པ་ཡིན་པས་ན་དཀྱིལ་འཁོར་ཏེ། སྙིང་པོའི་ཡེ་ཤེས་ལེན་པ་དེ་དང་དེའི་རྣམ་པ་ལྟ་བུ་སྟེ། མཚོན་པའི་དཀྱིལ་འཁོར་གང་ཡིན་པ་དེ་ནི་ནང་གི་དཀྱིལ་འཁོར་དེ་དང་རབ་འདྲ་བ་ཞེས་བྱ་བ་སྟེ། དེའི་རྣམ་པ་ཅན་ནོ་འོ་། །ཡིད་དུ་འོང་བས་ན་ཉམས་དགའ་བ་སྟེ། དེ་ལྟ་བུའི་ཐུགས་ཀྱི་དཀྱིལ་འཁོར་དུ་གྱུར་པ་བཤད་པ་སྟེ། སྒྲ་ཇི་བཞིན་པའོ། ༈ །རྡོ་རྗེ་འཆང་ཆེན་པོའི་གསུང་གིས་དཀྱིལ་འཁོར་སྟོན་
པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ནི་ཚིག་གི་སྐབས་འབྱེད་པའོ། །འདིར་འགྱུར་རྙིང་གི་རྒྱུད་ལས། དེ་ཕྱིར་ཞེས་པ་མ་བྱུང་ཡང་པ་ཚབ་ཀྱི་འགྱུར་ལས། དེ་ནས་དེ་ཕྱིར་ཐུགས་དཀྱིལ་འཁོར། ཞེས་འབྱུང་བ་དགོས་སོ། །དེའི་ཕྱིར་ཞེས་པའི་སྒྲ་ནི་གཏན་ཚིགས་ཀྱི་དོན་ཏེ། སློབ་མ ས་དཀྱིལ་འཁོར་བཤད་པར་གསོལ་བ་བཏབ་པའི་ཚིག་བཤད་པར ཁས་བླངས་ནས། གང་གི་ཕྱིར་གསོལ་བ་འདེབས་པའི་སློབ་མ་ཁྱད་པར་ཅན་འདི་ནི་དད་པ་ལ་སོགས་པའི་ཡོན་ཏན་རྫོགས་པ་ཡིན་པས་ན། དཀྱིལ་འཁོར་འདི་བཤད་པར་བྱའོ་ཞེས་བྱ་བར་དགོངས་སོ། །སེམས་གཙོ་བོར་བྱས་པའི་དཀྱིལ་འཁོར་ནི། ཐུགས་ཀྱི་དཀྱིལ་འཁོར་རོ། །རྡོ་རྗེའི་རིགས་གཙོ་བོ་ཡིན་པས་ན་མཆོག་སྟེ། དེ་བས་ན་འདི་ཉིད་ནི་དང་པོར་གསུངས་སོ། །ཐུགས་ཀྱི་རྡོ་རྗེ་ནི་མི་བསྐྱོད་པའོ། །དེ་དང་འདྲ་བར་བདུད་ལ་སོགས་པ་རྣམས་ཀྱིས་གཡོ་བར་མི་ནུས་པས་ན་རྡོ་རྗེ་རབ་འདྲ་བའོ། །སྐུ་དང་གསུང་དང་ཐུགས་རྣམས་ཀྱི་དཀྱིལ་ནི་དེ་གསུམ་གྱི་སྙིང་པོ་མཆོག་སྟེ་སྣོད་མིན་ལ་གསང་བ ར་བྱ་བ། །ཐུགས་རྡོ་རྗེའི་དཀྱིལ་འཁོར་དེ་འདིར་ལེན་པས་ན་སྐུ་དང་གསུང་དང་ཐུགས་གསུམ་ཀྱི་གཙོ་བོར་གྱུར་པའི་དཀྱིལ་འཁོར་ཏེ་དེ་ཡང་དག་པར་བཤད་པར་བྱའོ་ཞེས་བྱ་བར་སྦྱར་རོ། ༈ །ལུས་དང་ཞེས་བྱ་བ་ལ་སོགས་པ ས་ནི། དཀྱིལ་འཁོར་དེའི་ཐིག་སྐུད་སྟེ། ཐིག་འདེབས་པའི་ཀྱི་ཆོ་ག་སྟོན་པ་ཡིན་ཏེ། ལུས་དང་ངག་སེམས་བསྒོམས་པ་ཡིས། ཞེས་པའི་བསྒོམས་པ་ནི། ལུས་དང་ངག་དང་སེམས་མཉམ་པར་བཞག་ཅིང༌། མ་ཡངས་པས་སོ། །ཤེས་རབ་ཅན་
ནི་དཀྱིལ་འཁོར་བྲི་སྒྲུབ་ཀྱི་ལས་ཀྱི་ཆོ་ག་མཐོང་བའིསློབ་དཔོན་གྱིས་སོ་ནོ་། །ཐིག་གདབ་པ་ནི་ཆ་ཆེན་དང་ཆ་ཆུང་གི་ཆ་རྣམ་པར་བགོ་བའོ། །ཐིག་སྐུད་ཀྱི་སྐད་དོད་སཱུ་ཏྲ་ལ་ངེས་ཙིག་གིས་སཱུ་ཏྲ་ན་ཞེས་པ་ནི་དཀྱིལ་འཁོར་སྨོས་པའམ་སྟོན་པ་ཡིན་པ ས་ཐིག་སྐུད་དོ། །སར་པ་ནི་དཀྱིལ་འཁོར་གཞན་དག་ཏུ་ལོངས་མ་སྤྱད་པའོ། །ལེགས་པར་བཀལ་བ་ནི་ཡང་དག་པར་བསྒྲིལ་བའོ། །ཚད་མ་སྟེ། རིང་ཐུང་གི་ཚད་ནི་དཀྱིལ་འཁོར་གྱི་ཉིས་ལྡབ་ཅེས་པ་ལ་ཁ་ཅིག །ཨབྷྱ་ཀ་རས། མདའ་ཡབ་ནས་མདའ་ཡབ་ཀྱི་བར་ཀྱི་ཉིས་འགྱུར་ལ་འདོད་པ་མིན་གྱི། རྩ་ཐིག་ནས་རྩ་ཐིག་གི་བར་གྱི་ཉིས་འགྱུར་རོ། །ཞེས་སྨྲ་བ་ནི། པཎྜི་ཏ་དེས་ཐིག་སྐུད་ཆ་ཆུང་རེ་བཞི་པ་ལ་རྩ་ཐིག་ནས་རྩ་ཐིག་གི་བར་གྱི་དཀྱིལ་འཁོར་ཉིས་འགྱུར་དང༌། ཐིག་སྐུད་ཆ་ཆུང་གོ་དྲུག་པ་ལ། མདའ་ཡབ་ནས་འདའ་ཡབ་ཀྱི་བར་གྱི་དཀྱིལ་འཁོར་འབོར་བཅས་ཀྱི་ཉིས་འགྱུར་ལ་བཞེད་པས་གཞན་འདོད་མ་ལོངས་ཤིང༌། ཀླུ་བྱང་གི་ལུགས་རྟ་བབས་དཔངས་སུ་སྒོ་ཚད་གསུམ་མ་ཡིན་པས། ཐིག་སྐུད་ཀྱི་ཚད་ཕྱི་མ་ལྟར་བྱ་དགོས་པའི་ཕྱིར། ཉིས་འགྱུར་ཡང་ཕྱི་མ་ལྟར་བྱ་དགོས་པས། རང་གི་ལུགས་མ་ངེས་པ་ཡིན་པས་མི་རིགས་སོ། །སྒོམས་སུ་ནི་སྒོ་ཡི་ཉི་ཤུ་ཆའོ། །བོ། །རབ་ཏུ་མཛེས་པ་ནི་ཚོན་སྣ་ལྔ་པ་ཞེས་པ་ནི་ཡེ་ཐིག་གི་དབང་དུ་བྱས་ཀྱི། ལས་ཐིག་ནི་དཀར་པོའོ། སྟེ། སྒོ་ཡི་ཉི་ཤུ་ཆ་ལས་ཤིན་ཏུ་ཕྲ་བ་དང་སྦོམ་པ་མ་ཡིན་པ་དེ་ལྟ་བུའི་ཐིག་སྐུད་ཀྱིས་ཐིག་གདབ་བོ། །ཁྲུ་ནི་བཅུ་གཉིས་ཞེས་བྱ་བ་ནི་དཀྱིལ་འཁོར་གྱི་ཚད་བསྟན་པ་ཡིན་ནོ། །ཞེས་པ་ནི་རྩ་ཐིག་ཕན་ཚུན་གྱི་མཐའ་ལ་ཁྲུ་བཅུ་གཉིས་འདོད་པ་ལྟར་མིན་གྱི། རྩ་ཐིག་རེ་རེ་ལ་ཁྲུ་གསུམ་མར་བྱས་པ་ཡིན་ཏེ། རྡོ་རྗེ་འཕྲེང་བར། རྡོ་རྗེ་ཅན་གྱི་ཁྲུ་གསུམ་
གསུམ་ཞེས་དང་ལེའུ་བཅུ་དྲུག་པའི་འགྲེལ་པ་ལས་ཤེས་སོ། །ཚད་དེར་ཡང་མ་ངེས་ཏེ། འབྱོར་བ་དང་བསྟུན་ནས་བྱ་བར་ཀླུ་བྱང་གིས་གསུངས་སོ། །ངོས་བཞི་དང་ནི་གྲྭ་བཞིར་ལྡན་ཞེས་པའི་གྲྭ་བཞི་ནི་ཟུར་བཞི་དང་ལྡན་པའི་ཕྱིར་རོ། །འདི་ཐིག་གིས་བྲི་ཚུལ་སྟོན་པ་ཡིན་ལ། རྩ་ཐིག་གི་ལོགས་ཀྱི་ངོས་བཞི་དག་ཟུར་བཞི་ནི་ཁྲུ་བཅུ་གཉིས་པར་བཤད་ཟིན་པས་འདིར་རྩ་ཐིག་ནས་མདའ་ཡབ་ཀྱི་བར་གྱི་ལོགས་བཞི་དང་དེའི་ཟུར་ཐིག་ལ་བྱའོ། །སྒོ་བཞི་པར་ནི་ཞེས་བྱ་བ་ནི་ཆ་ཆེན་རེ་རེའི་ཚད་ཀྱི་ཤར་ལ་སོགས་པའི་སྒོ་བཞི་དང་ལྡན་པ་སྟེ། དེ་འདྲ་བའི་དཀྱིལ་འཁོར་དེ་གྲུབ་ཞི་སྒོ་བཞི་པར་བཤད་པའི་དོན་གྱིས་ཏེ་ཤུགས་ཀྱིས་ན་ཕྱིའི་དཀྱིལ་འཁོར་ཡིན་ཏེ། །དེའི་དབུས་སུ་དཀྱིལ་འཁོར་ནང་མ་ཟླུམ་པོ་བྲི་བར་འདི་ཉིད་ལས་གསུངས་པའི་ཕྱིར་རོ། །དེའི་ཕྱིར་ཁ་ཅིག་རྡོ་རྗེ་འཕྲེང་བ་ལས། སྙིང་པོར་ཡང་ནི་སྒོ་བཞི་པ། རྩེ་གསུམ་རྡོ་རྗེའི་ཕྲེང་བས་བསྐོར། །ཞེས་གསུངས་པས། དེའི་ལུགས་ཀྱིས། ནང་གི་དཀྱིལ་འཁོར་ལ་སྒོ་བཞི་བཞེད་པར་སྨྲ་བ་མི་རིགས་ཏེ། སྒོ་བཞི་པའི་སྙིང་པོར་ཞེས་བསྒྱུར་རྒྱུ་ལ། གོ་རིམས་འཁྲུགས་པའི་འགྱུར་སྐྱོན་ཡིན་པའི་ཕྱིར་རོ། །ནོ། །དེ་ཡི་ཞེས་བྱ་བ་ལ་སོགས་པ་ལ། ངོས་བཞི་ལ་སོགས་པའི་ཡོན་ཏན་དང་ལྡན་པའི་ཕྱིའི་དཀྱིལ་འཁོར་དེའི་ནང་དུ་འཁོར་ལོ་སྟེ། ནང་གི་དཀྱིལ་འཁོར་རབ་ཏུ་ཟླུམ་པོ་ལྟ་ཞེས་པ་ལ་འགྱུར་གསར་གཉིས་ལས་རྣམ་པར་བསྒྱུར་བ་ལེགས་སོ། །བུར་བྲི་བར་བྱའོ། ༈ །ཁདེ་ནས་དེའི་འོག་ཏུ་སློབ་དཔོན་གྱིས རྡོར་འཕྲེང་ལས། མཚན་མའི་ཕྱག་རྒྱ་ལ་སོགས་བྲི། ཞེས་པ་ལྟར་རྡོ་རྗེ་ལ་སོགས་པའི་ཕྱག་རྒྱ་དགོད་པར་བྱའོ། །དེ་ཡང་ཀདེ་ནས་ཞེས་བྱ་བ་ལ་སོགས་པ་ཡིན་ཏེ། ཆོ་ག་ནི་ས་སྦྱང་བ་ལ་སོགས་པའི་ཆོ་ག་ཉི་ཤུ་ཉི་ཤུ་ནི། དང་
པོར་ས་ནི་སྤྱང་བ་དང༌། །དེ་ནས་ས་ཡོངས་འཛིན་པ་དང༌། །ཕྱི་ནས་བགེགས་ནི་ཉེར་ཞི་དང༌། ཐོད་ལོ་ཀོར་གྱིས་ཐིག་གདབ་དང༌། དེ་ནས་ས་ལྷ་སོགས་ལྷག་པར། །གནས་༥དང་དེ་ནས་གསོལ་གདབ་དང༌། ཕྱི་ནས་སློབ་མ་ལྷག་གནས་དང༌། ནམ་མཁར་ཐིག་ནི་གདབ་པ་༨དང༌། ཚོན་སྣ་ལྔ་ཡི་ཆོ་ག་དང༌། ཚོན་རྩི་རྣམས་ནི་དགྱེ་བ་དང༌། ལྷ་རྣམས་སྤྱན་དྲངས་ཉིད་དང་ནི། དེ་ནས་སློབ་མ་གཞུག་པ་དང༌། ཁྲུས་ཀྱི་དཀྱིལ་འཁོར་ཆོ་ག་དང༌། །དེ་ནས་སངས་རྒྱས་དབང་བསྐུར་དང༌། །དེ་ནས་ཕྱག་མཚན་དབང་བསྐུར་དང༌། །བླ་མ་ལྷ་ལ་ཡོན་གཉིས་དང༌། །རྗེས་སུ་གནང་བ་སྦྱིན་པ་དང། །དེ་ནས་གཤེགས་གསོལ་ཆོ་ག་དང༌། །དཀྱིལ་འཁོར་ལས་ཆད་ཕུར་བ་དང༌། །སྐུད་པ་བསྡུས་པ་ཉིད་ཀྱང་སྟེ། །རབ་བཤད་ཆོ་ག་ཉི་ཤུ་ཡིས། ཞེས་ཀླུ་བྱང་གིས་གསུངས་པ་ལྟར་ཏེ། རྡོར་འཕྲེང་ལས་དེ་རྣམས་དང་ཅུང་མི་འདྲ་ཙམ་ཡང་བཤད་དོ། །འོ། །དེ་མཐོང་བ་ནི་ཆོ་ག་མཐོང་བ་སྟེ། ལས་ཀྱི་ཆོ་ག་དེས་དབང་བསྐུར་བའི་གཞིར་གྱུར་པའི་དཀྱིལ་འཁོར་བྲི་བ་སོགས་རྫོགས་པར་བྱས་ནས་བྱེད་ཤེས་འགྱུར་གསར་གཉིས་ལས། གཞིའི་དཀྱིལ་འཁོར་རྫོགས་པར་བྱས་ནས། དེ་ནས་སློབ་དཔོན་གྱིས་རྡོ་རྗེ་སོགས་དགོང་པར་བྱའོ། ཞེས་རིམ་པ་དེ་ལྟར་འབྱུང་ངོ་། །པའོ། །གཕྱག་རྒྱ་ནི་ཆོས་ཀྱི་ཕྱག་རྒྱ་དང༌། །མཚན་མའི་ཕྱག་རྒྱ་དང༌། ཕྱག་རྒྱ་ཆེན་པོ་དང་གསུམ་སྟེ། ཡི་གེ་ཧཱུཾ་ལ་སོགས་པ་ནི་གསུང་ཆོས་ཀྱི་ཕྱག་རྒྱའོ། །རྡོ་རྗེ་ལ་སོགས་པ་ནི་མཚན་མ་སྟེ། །ཐུགས་དམ་ཚིག་གི འི་ཕྱག་རྒྱའོ། །མི་བསྐྱོད་པ་ལ་སོགས་པ་ལྷའི་འཁོར་ལོ་ནི་སྐུ་ཕྱག་རྒྱ་ཆེན་པོའོ། །སེམས་ཅན་གྱི་རྒྱུད་དེ་བསམ་པའི་ཁྱད་པར་ཐམས་ཅད་ལ་ལྟོས་ནས་རྣམ་པ་གསུམ་པོ་འདི་དག་གི་ཕྱག་རྒྱ་གང་ལ་དགའ་བ་དགོད་པ་དེ་ཡང་བྱའོ། །ཕྱག་རྒྱ་དགོད་པ་གསུམ་ཡོད་པ་དེ་ལ་ཕྱོགས་ཙམ་ཞིག་ཉེ་བར་མཚོན་པའི་
དོན་ཙམ་དུ་མཚན་མའི་ཕྱག་རྒྱ་བསྟན་པའི་ཕྱིར། །དེའི་དབུས་སུ་ཞེས་བྱ་བ་ལ་སོགས་པ་གསུངས་ཏེ། །འཇིགས་པ་དག་ཀྱང་རབ་འཇིགས་བྱེད་ཅེས་བྱ་བ་ནི། །ཞེ་སྡང་གི་སྟེ། མི་བསྐྱོད་པ་དག་པོའི་དེ་ཁོ་ན་ཉིད་མཚོན་པ་ཡིན་པའི་ཕྱིར། །ཁ དཀྱིལ་འཁོར་ནང་མ་དེའི་དབུས་སུ་རྡོ་རྗེ་བྲི་བ་ནི་ཨིནྡྲ་ནཱི་ལའི་ཁ་དོག་དང་འདྲ་བ། འོད་ཟེར་རྣམ་པ་ལྔ་འབར་བས་བསྐོར་བ་ཆེན་པོའོ། །ཀའཇིགས་པའི་བགེགས་རྣམས་ཀྱང་རབ་ཏུ་འཇིགས་པར་བྱེད་པའོ། །ལེའུ་ཚེའི་ཤར་ཕྱོགས་སུ་འཁོར་ལོ་དཀར་པོ་ཆེན་པོ་རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་འབར་བ་ནི་འོད་ཟེར་ལྔ་སྟེ་དེས་འཁོར་ལོ་རྣམ་པར་བརྒྱན་པའོ། །ལྷོ་ཕྱོགས་སུ་རིན་ཆེན་ཆེན་པོ་འོད་ཟེར་མང་པོས་རབ་ཏུ་འཁྲིགས་ཞེས་བྱ་བ་ནི། །རིན་པོ་ཆེ་ལ་འོད་ཟེར་གྱི་ཚོགས་ཀྱིས་རྒྱས་པའོ། །འདི་ལ་པ་ཚབ་ཀྱིས། ནུབ་ཏུ་པདྨ་ཆེན་པོ་ནི། པདྨ་རཱ་ག་དང་མཚུངས་པའི་འོད་ཅན་ཁ་དོག་དམར་པོ་བྲི་བར་བྱའོ། ཞེས་བསྒྱུར་བ་བདེའོ། །པདྨ་ཆེན་པོ་ནི་འོད་དཔག་ཏུ་མེད་པའི་མཚན་མ་སྟེ། །པདྨ་དམར་པོའི་འོད་དང་མཉམ་ཞིང་ཁ་དོག་དམར་བ་ནུབ་ཕྱོགས་ཀྱི་ཆར་བྲི་བར་བྱའོ། །རལ་གྲི་ཆེན་པོ་བྱང་ཕྱོགས་འདིར་རྒྱུད་ཀྱི་འགྱུར་རྙིང་ལས། འོད་ཟེར་མང་པོས་རབ་ཏུ་འཁྲིགས། ཞེས་པ་ལ་པ་ཚབ་ཀྱིས། འོད་ཟེར་འབར་བ་ཞེས་བསྒྱུར་བ་ནི་འགྲེལ་པ་དང་མཐུན་ནོ། །སུ་ཞེས་བྱ་བ་ལ་སོགས་པ་ལ། འོད་ཟེར་ནི་ཁ་དོག་སྣ་ལྔ་པའོ། །དེ་རྣམས་ཀྱིས་འབར་བ་ནི་འོད་འཕྲོ་བའོ་དེ་རྣམས་ཀྱིས་རབ་ཏུ་འཁྲིགས་པ་ནི་རལ་གྱི་ལ་འོད་དེའི་ཚོགས་ཀྱིས་ཁྱབ་པའོ། །དབུས་ན་སྤྲིན་དང་འདྲ་བའི་འོད་ཅེས་བྱ་བ་ལ་
སོགས་པ་ལ། སྤྲིན་སྔོན་པོའི་མདོག་འདྲ་བ་ནི་དབུས་ན་སྤྲིན་དང་འདྲ་བའི་འོད་སྟེ། དབུས་གནག་ལ་མཐའ་དཀར་པའི་འོད་དང་ལྡན་པ་གང་ཡིན་པ་དེ་ནི་དབུས་ན་སྤྲིན་དང་འདྲ་བའི་འོད་མངའ་བའི་སྤྱན་ནི་ཤར་གྱི་གྲྭ་སྟེ། ཤར་ལྷོར་བྲིའོ་ནོ། །མཱ་མ་ཀཱི་ཡི་རིགས་བྱུང་བ་ཞེས་བྱ་བ་ནི། མཱ་མ་ཀཱི་ཡི་ཕྱག་མཚན་རྡོ་རྗེ་སྟེ། དེ་ཡང་ཏེ། རིགས་ལས་བྱུང་བ་ནི་ཞེས་པ་མཱ་མ་ཀཱི་རྡོ་རྗེའི་རིགས་ལ་ལྟོས་པ་དེའི་ཚེའོ་སྟེ། གང་གི་ཚེ་མཱ་མ་ཀཱི་རིན་པོ་ཆེའི་རིགས་ལ་ལྟོས་པར་གྱུར་པ་དེའི་ཚེ་ནི། རིན་པོ་ཆེ་ཡང་མཱ་མ་ཀཱིའི་ཕྱག་མཚན་དུ་འགྱུར་ཏེ། རྡོ་རྗེ་ཁོ་ན་ནི་མ་ཡིན་ནོ་ཞེས་བྱ་བར་དགོངས་སོ། །མཱ་མ་ཀཱིའི་ཕྱག་མཚན་ནི་ལྷོ་ཕྱོགས་སུ་སྟེ། ལྷོ་ནུབ་ཏུའོ། །པདྨ་ནི་ཁ་བྱེ་ཞིང་རྒྱས་པ་དང༌། སྡོང་བུར་བཅས་ཤིང་རྩ་བར་བཅས་པ་ནུབ་ཕྱོགས་སུ་སྟེ། ནུབ་བྱང་གི་ཕྱོགས་སུ་བྲི།ཨུཏྤ་ལ་ནི་སྤྲིན་སྔོན་པོ་ལྟར་རྣམ་པར་མཛེས་པ་བྱང་ཕྱོགས་སུ་སྟེ། བྱང་ཤར་ཀྱི་ཕྱོགས་སུ་བྲི། །ཐོ་བ་ནི་ཕྱོགས་ཀུན་ནས་འོད་ཟེར་སྣ་ལྔ་འབར་བ ས་ཁྱབ་བ་སྟེ། སྔོན་པོ་ལ་སོགས་པའི་འོད་ཟེར་ལྔས་བརྒྱས་པ་དེ་ནི་ཤར་ཕྱོགས་ཀྱི་སྒོར་བྲིའོ་ས་སོ། །བེ་ཅོན་ནི་རྡོ་རྗེ་འབར་བ་ལ་སོགས་པའི་འོད་བཟང་བ་ཡོད་པའི་དབྱུག་པ་ལྷོ་ཡི་སྒོར་བྲི། །པདྨ་ནི་རལ་གྱི་ལྟར་རྣོ་བའི་འོད་འཕྲོ་བ་གང་ཡིན་པ་དེ་ལ་དེ་སྐད་ཅེས་བྱའོ། །རྡོ་རྗེ་ཞེས་བྱ་བ་ལ་སོགས་པ་ལ། རྡོ་རྗེ་ནི་སྣ་ཚོགས་རྡོ་རྗེའོ། །འཁྱིལ་པ་རྡོ་རྗེ་ཅན་ཞེས་པའི་འཁྱིལ་པ་ནི་བདུད་རྩི་འཁྱིལ་བ་དང༌། རྡོ་རྗེ་ཅན་ནི་སྣ་ཚོགས་རྡོ་རྗེ་ཅན་ཞེས་བྱ་བའི་དོན་ཏོ། །དེའི་རྡོ་རྗེ་ནི་བྱང་གི་སྒོར་བྲིའོ། ༈ །ཐུགས་ཀྱི་དཀྱིལ་འཁོར་
དམ་པ་དེ་ཞེས་བྱ་བ་དང་ལ་སོགས་པ ས་བསྡུས་པ་ཡོངས་སུ་གསལ་བར་ཤེས་བྱས་ནས། ཞེས་ཐུགས་དཀྱིལ་མཆོག་དེ་བྲི་བ་ཡོངས་སུ་གསལ་བ་སྟེ་རྫོགས་པ་ན། དེ་ལྟར་ཤེས་པར་བྱས་ནས་ཞེས་པ་ནི་ལ། བཤད་མ་ཐག་པའི་དཀྱིལ་འཁོར་བྲི་བའི་ཆོ་ག་ཉེ་བར་སྡུད་པ་ཡིན་ལ་ནས་ཀྱི་སྒྲས་ནི། དེ་ནས་དཀྱིལ་འཁོར་བསྒྲུབས་ཏེ་མཆོད་ཅེས་པ་གདོན་པར་བྱའོ། །ཏེ། འདིར་རྒྱ་ཆེར་ནི་ཀླུ་བྱང་གི་དཀྱིལ་འཁོར་གྱི་ཆོ་ག་ལས་བལྟ་བར་བྱའོ། ༈ །ལུས་དང་ཞེས་བྱ་བ་ལ་སོགས་པ་ལ། སྒྲུབ་པ་པོས་ལུས་ཀྱི་མཆོད་པ་ཕྱག་བསྐོར་བ་སོགས་དང༌། ངག་གི་ནི་བསྟོད་པ་སོགས་དང༌། ཡིད་ཀྱི་ནི་མཆོད་པའི་དམིགས་པ་ལ་སེམས་རྩེ་གཅིག་པའི་མཆོད་པ་རྣམ་པ་གསུམ་གྱིས་ལྷ་རྣམས་ཀྱི་འཁོར་ལོ་གུས་པ་དང་བཅས་པས་མཆོད་པར་བྱའོ། །ཞེས་པ་ནི་མཆོད་པ་བྱ་བར་སྤྱིར་བསྟན་པའོ། ༈ །ཕྱག་རྒྱ་དང་སྦྱར་བས་བྱང་ཆུབ་ཀྱི་སེམས་ཞུ་བ་ལས་མཆོག་ཏུ་དགའ་བ་སྐྱེད་པ་སོགས་ཀྱི་ནང་གི་མཆོད་པ་བསྟན་པར་བྱ་བའི་ཕྱིར། །བུད་མེད་ཅེས་བྱ་བ་ལ་སོགས་པ་གསུངས་ཏེ། བུད་མེད་ནི་སྒྲུབ་པ་པོ་རང་རང་གི་རིགས་ཀྱི་བུ་མོ་སྟེ། མི་བསྐྱོད་པའི་རིགས་ལ་སྨེ་ཤ་ཅན་གྱི་བུ་མོ་དགོས་པ་སོགས་སོ། །འོ། །མདངས་བཟང་བ་ནི་གཟུགས་སྡུག་པ་ལ་སོགས་པའི་ཡོན་ཏན་དང་ལྡན་པའོ། །ལོ་གྲངས་བཅུ་དྲུག་ལོན་པ་ནི་ན་ཚོད་དོ། །ནི་ཞེས་བྱ་བ་ནི་ངེས་པར་གཟུང་པའོ། །ཞེས་པ་ནི་འགྱུར་གསར་གཉིས་ལས། དེའི་དབུས་སུ་འདོད་པ་བྱ་བའི་འོད་ཏུ་འབྱུང་ངོ༌། །ངེས་གཟུང་གི་དོན་ནི། །བོད་ཁ་ཅིག །ཧ་ཅང་གཞོན་པ་དང་རྒན་པ་ལ་བདེ་བ་མི་སྐྱེ་བས། བཅུ་དྲུག་མ་ངེས་པར་གཟུང་
བར་འདོད་བ་ནི་མི་འཐད་དེ། །ལེའུ་བཅོ་ལྔ་པ་རྩ་འགྲེལ་ལས། མི་བསྐྱོད་པའི་སྒྲུབ་པ་པོས་སྨེ་ཤ་ཅན་གྱི་བུ་མོ་ལོ་བཅུ་གཉིས་མ་དང་ལྷན་ཅིག་ཏུ་དཀྱིལ་འཁོར་གྱི་དབུས་སུ་འདོད་པ་བྱ་བར་གསུངས་པས་སོ། །སྐལ་ལྡན་གྱིས་ཡང་སྒྲ་ངེས་གཟུང་དུ་བྱས་ནས་དེས་ནི་ཕྱག་རྒྱ་དང་ལྷན་ཅིག་གནས་པ་ཙམ་དང༌། ཙུམྦྷ་ན་དང་འཁྱུད་པ་ཙམ་བྱེད་པ་འགོག་སྟེ། ཐབས་དེ་ལས་བདེ་ཆེན་གྱི་རྒྱུར་གྱུར་བའི་བྱང་ཆུབ་ཀྱི་སེམས་མི་འབྱུང་བའི་ཕྱིར་རོ། །དེས་ན་སྙོམས་པར་ཞུགས་པས་མཉེས་པར་བྱས་པ་ཁོ་ནའོ། ཞེས་ཟེར་མོད་ཀྱང༌། པ་ཚབ་ཀྱིས། ནིའི་སྒྲ་ནི་ངེས་པར་གཟུང་བ་ལས་ཏེ། མཉེས་པ་ཁོ་ནར་བྱའོ་སྙམ་དུ་དགོངས་སོ། །ཞེས་བསྒྱུར་བ་ལྟར། ལས་རྒྱ་དངོས་སམ། ཡེ་རྒྱ་དང་སྙོམས་པར་ཞུགས་པས་མཉེས་པ་ཁོ་ནར་བྱའོ། །ཞེས་བསྟན་པས། དེའི་ལོག་ཕྱོགས་གཅོད་པ་ངེས་གཟུང་གི་དོན་ནོ། །དྲི་དང་མེ་ཏོག་འཕྲེང་བརྒྱན་ཏེ། ཞེས་བྱ་བ་ནི། དྲི་དང་མེ་ཏོག་དང་རྒྱན་རྣམ་པ་སྣ་ཚོགས་པས་བརྒྱན་པར་བྱས་ནས། དཀྱིལ་འཁོར་དེ་ཡི་དབུས་ཞེས་པ་ལ་སྐལ་ལྡན་གྱིས། དངོས་སུ་དཀྱིལ་འཁོར་གྱི་དབུས་སུ་བྱས་ན། དེ་ལ་གནོད་པས་ཕྱོགས་གཞན་གཅིག་ཏུ་བྱས་ལ། ཕྱོགས་དེ་དཀྱིལ་འཁོར་གྱི་དབུས་སུ་མོས་པར་བྱས། ཞེས་ཟེར་ཡང། ཕྱག་རྒྱ་གཉིས་གང་ལ་བརྟེན་ཡང་། མདུན་གྱི་དཀྱིལ་འཁོར་གྱི་དབུས་ཀྱི་གཙོ་བོའི་ང་རྒྱལ་བཟུང་ནས་བྱེད་པའི་དོན་ནོ། །མཉེས་པར་བྱ་ཞིང་རོལ་པར་བྱའོ། ཞེས་དགོངས་སོ། །ཅི་ལྟར་རོལ་པར་བྱ་ཞེ་ན། བྱིན་བརླབས་ལ་ཞེས་བྱ་བ་ལ་སོགས་པ་གསུངས་ཏེ། ཤེས་རབ་ཅན་ནི་མཁས་པ་སྟེ། སྔགས་པ་འདོད་པའི་བསྟན་བཅོས་སོགས་ལ་མཁས་པ།ཡོན་ཏན་སྐ་རགས་མཱ་མ་ཀཱིར། ཞེས་བྱ་བ་ནི། ཡང་ཡོན་ཏན་ཉིད་ཀྱིས་སྐ་རགས་སུ་བྱས་པ་ནི་སྔར་བཤད་པའི་བུད་མེད་
དོ། །དེ་མཱ་མ་ཀཱི་དང་འདྲ་བར་བྱིན་གྱིས་བརླབ་མཱ་མ་ཀཱིར་བྱིན་གྱིས་རློབ་པ་ནི་མི་བསྐྱོད་པའི་སྒྲུབ་པ་པོ་ལ་དགོངས་ཏེ། དེས་གཞན་ལ་སྤྱན་མ་སོགས་སུ་བསྐྱེད་པ་ཡང་ཤེས་པར་བྱའོ། །མི་བསྐྱོད་པའི་དཀྱིལ་འཁོར་སྒྲུབ་པའི་དུས་སུ་ནི་རིག་མ་རེག་རྡོ་རྗེ་མར་བྱའོ། །པ་སྟེ། ཐ་མལ་པའི་དངོས་པོ་གསལ་ཏེ། རིགས་ལྔས་ཁྱབ་པར་བརྒྱན་པར་བྱས་ནས་མཉེས་པར་བྱའོ། །དེ་ནས་འགྱུར་གསར་གཉིས་ལས། ཞི་བ་སྟེ་ཞེས་གནས་མི་འབྱུང་བ་བཞིན་བྱའོ། །ཞི་བའི་གནས་ཏེ། ཞེས་པའི་ཞི་བ་ནི བྱང་ཆུབ་ཀྱི་སེམས་ཀུནྟ་ལྟ་བུ་ཡིན་ལ་དེ་སྤྲོས་པ་ནི་རྡོ་རྗེའི་ལམ་ནས་ཕྱི་རོལ་དུ་སྟེ། ཡུམ་གྱི་པདྨར་བྱ་པའོ། །ཀུནྟ་ལྟ་བུ་སྤྲོས་པས་སངས་རྒྱས་ཀྱི་གནས་ཁཇི་ལྟར་འགྱུར། ཀསྤྲོ ས་པར་ག་ཞེ་ན། ནམ་མཁའི་དབྱིངས་ནི་རབ་ཏུ་བརྒྱན་ཞེས་པ་སྟེ། པདྨར་བྱང་སེམས་ལས་སངས་རྒྱས་རབ་ཏུ་བྱུང་བ་སྟེ། བསྐྱོད་པ ས་ནམ་མཁའི་ཁམས་མ་ལུས་པར་བརྒྱན་པར་གྱུར་པར་སྤྲོ་བ། །རྐང་པ་ཕྱེད་དང་གཉིས་ཀྱི་དོན་ཕྱོགས་གཅིག་ཏུ་བཤད་ན་འདི་སྐད་སྟོན་པ་ཡིན་ཏེ། ཡུམ་གྱི་པདྨར་ཕྱུང་བའི་བྱང་ཆུབ་ཀྱི་སེམས་ཀྱི་རྡུལ་ཕྲ་རབ་སྟེ། ཐིག་ལེ་ཆ་མང་པོ་ལས་བསྒྲུབས་པའི་ཁནམ་མཁའི་ཁོངས་སུ་ཁྱབ་པའི་དེ་ཀབཞིན་གཤེགས་པའི་ཚོགས་གབསམ་པར་བྱའོ་ཞེས་པའོ། །བུད་མེད་ཅེས་པ་ནས་རབ་ཏུ་བརྒྱན། ཞེས་པའི་པར་རྣམས་འགྲེལ་པས་བཤད་པ་ལྟར། དཀྱིལ་འཁོར་མཆོད་པ་ལ་སྦྱར་བ་དང༌། ཀླུ་བྱང་གི་དཀྱིལ་ཆོག་ལྟར་རྡུལ་ཚོན་གྱི་དཀྱིལ་འཁོར་སྒྲུབ་པའི་སྐབས་སུ། ཡུམ་གྱི་པདྨར་ལྷའི་འཁོར་ལོ་བསྐྱེད་པ་ལ་སྦྱར་བའི་བཤད་ཚུལ་གཉིས་ཡོད་པས། བཤད་པ་ཕྱི་མ་འདིས་དཀྱིལ་འཁོར་བསྒྲུབ་པ་སྔོན་དུ་བྱས་པའི་
འོག་ཏུ་མཆོད་པའི་རིམ་པ་རྣམས་སྦྱར་བར་བྱའོ། ༈ །ཕྱག་རྒྱ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་འབའ་ཞིག་གིས་མཆོད་པར་མ་ཟད་དེ། གཞན་ཡང་ལུས་ཀྱི་སྟེ། དེ་ལས་བྱུང་བའི་རྒྱུ་མཐུན་པ འབྲས་བུ་བདུད་རྩི་ལྔ ས་ཀྱང་མཆོད་པར་བསྟན་པའི་ཕྱིར། བཤད་དང་ཞེས་བྱ་བ་ལ་སོགས་པ་གསུངས་ཏེ། བདུད་རྩི་ལྔ་ལྷ་རྣམས་ལ་དབུལ་བར་བྱ་སྟེ།ཞེས་པའི་བདུད་རྩི་ལྔ་ནི། བཤང་གཅི་ཁུ་བ་ཁྲག་ལ་སོགས་ཞེས་བདུད་རྩི་བཞི་གསུངས་ཀྱང༌། ལྔ་པ་རྩ་རྒྱུད་དང་འགྲེལ་པར་མི་གསལ་བ་བཤད་རྒྱུད་རྡོར་འཕྲེང་ལས་ཤ་ཆེན་དང༌། དགོངས་པ་ལུང་སྟོན་ལས་རྐང་ལ་བཤད་པ་ལྟར་རོ། །ཁ་ཅིག་རྒྱུད་ཕྱི་མ་ལས། དྲི་ཆུ་རྐང་དང་ཡང་དག་ལྡན། ཞེས་གསུངས་པས་ལྔ་པ་ནི་རྐང་མར་རོ། ཞེས་འཆད་ཀྱང་དེའི་འགྲེལ་པར་ནཱ་རོ་པས་རྐང་ནི་ས་བོན་ཁུ་བ་ལ་བཤད་པས་ཁུངས་སུ་མི་འགྲོའོ། །ལྷ་བཤོས་སུ་གྱུར་པས་དཀྱིལ་འཁོར་གྱི་འཁོར་ལོ་ལ་བསྟབ་པར་བྱ་ཞིང༌། བདུད་རྩི་དེ་ཉིད་ཀྱིས་བདག་ཉིད་ཀྱང་ཚིམ་པར་བྱའོ། ༈ །བྱང་ཆུབ་ཀྱི་སེམས་དང་བདུད་རྩིས་དེ་ལྟར་བྱས་པའི་ཡོན་ཏན་ནི། དེ་ལྟར་བྱས་ན་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་གཟུགས་ཀྱི་ཕུང་པོ་ལ་སོགས་པའོ། །བྱང་ཆུབ་སེམས་དཔའ་ནི་མིག་ལ་སོགས་པའི་སྐྱེ་མཆད་དེ། ཕུང་པོའི་ངོ་བོར་གྱུར་པའི་སངས་རྒྱས་དང༌། མིག་སོགས་ཀྱི་ངོ་བོར་གྱུར་པའི་བྱང་ཆུབ་སེམས་དཔའ་གྲགས་པ་ཆེ་ཞིང་སྤྱོད་པ་བཟང་བ་དེ་རྣམས་མཉེས་ཤིང་དགྱེས་པར་འགྱུར་བས། འཇིག་རྟེན་གྱི་མིག་དགའ་བར་མཛད་པར་འགྱུར་རོ་ཞེས་པ་སྟེ། དྲང་བའི་དོན་ཏོ། །སླར་ཡང་ལུང་སྟོན་གྱི་ལུང་གིས་ཐུགས་དཀྱིལ་གྱི་
ངེས་དོན་བཤད་པ་བརྗོད་པར་བྱ་སྟེ།རྩ་རྒྱུད་དུ། དཀྱིལ་འཁོར་དམ་པ་བཤད་དུ་གསོལ། ཞེས་ཡང་ཡང་ཞུས་པའི་དམ་པ་ནི་མཆོག་གི་ཡིན་ལ། དཀྱིལ་འཁོར་ནི་སྙིང་པོ་ལེན་ཞིང་འཛིན་པ་ཡིན་པས་སྙིང་པོ་ལེན་པའི་མཆོག་བཤད་དུ་གསོལ། །ཞེས་པ་ནི་མཚོན་བྱེད་དཔེའི་དཀྱིལ་འཁོར་ཙམ་མིན་གྱི་མཚོན་བྱ་དོན་གྱི་དཀྱིལ་འཁོར་ཡང་ཡིན་ཏེ། དཀྱིལ་འཁོར་དཀྱིལ་འཁོར་རབ་འདྲ་བ། །བཤད་ཅེས་དེའི་ཚིག་ཟུར་གྱི་འདྲ་ཡུལ་གྱི་དཀྱིལ་འཁོར་ཡང་བསྟན་པས་སོ། །དེས་ན་འཇིན་ངེས་དོན་བཤད་དགོས་སོ། །སྡུད་པ་པོའི་ཚིག་གིས་མཚམས་སྦྱར་བ་དེ་ནས་ཐུགས་ཀྱི་དཀྱིལ་འཁོར་དཀྱིལ་འཁོར་རྣམས་ཀྱི་མཆོག་ཏུ་གྱུར་པ། རྡོ་རྗེ་སྟེ། གཉིས་སུ་མེད་པའི་ཡེ་ཤེས་རབ་རབ་གསལ་བ་:ཆག:ཟེར། འདྲ་བ་སྟེ། །རབ་ཏུ་གསལ་བ་སྐུ་དང་གསུང་དང་ཐུགས་རྣམས་ཀྱི། །དཀྱིལ་འཁོར་སྟེ། སྙིང་པོ་འཛིན་པའི་མཆོག་རབ་ཏུ་བཤད་པར་བྱ། ༈ །འདི་ལ་ཐིག་གིས་ཆ་བགོ་བ་སོགས་ངེས་དོན་དུ་བཤད་པ་གསུམ་གྱི་དང་པོ་སྟོན་པ་ནི། ཐིག་སྐུད་སར་པ་ཞེས་པའི་སར་པའི་སྐད་དོན་ན་བ་ཞེས་པ་གྲངས་དགུ་ལའང་འཇུག་པ འདི ས་ནི་ཟུང་འཇུག་པའི་ཕུང་པོ་ལྔ་དང་ཁམས་བཞི་སྟེ། དགུ་པོ་ཡི་བདག་ཉིད་མཆོག །སྟོན་ལ། དགུ་པོ་དེ་ལེགས་པར་བཀལ་བའམ་བསྒྲིལ་བས་ནི་དེ་བཞིན་ཉིད་འོད་གསལ་གྱི་ཡེ་ཤེས་ཀྱི་ངོ་བོ་གཅིག་ཏུ་བྱས་པ་སྟོན་པའོ། །དོན་དེ་ངེས་དོན་ཀྱི་ལུང་སྣ་ཚོགས་པའི་ལུང་གི་བརྡར་གྱུར་པས་བསྟན་པ་ནི། ཚད་མ་བཟང་པོར་དེ་བཤད་དོ། །ཀུན་རྫོབ་སྒྱུ་མའི་སྐུ་དང་ནི་དོན་དམ་འོད་གསལ་གྱི་ཡེ་ཤེས་དག །གཉིས་སུ་མེད་པ་ངོ་བོ་དབྱེར་མེད་དུ་སྦྱོར་བ་ནི་ཡིད་འཕྲོགས་པས་མཛེས་
ཡིན་ནོ། །ཟུང་འཇུག་གི་ཡ་ཁྱལ་ཤེས་རབ་འདི་ནི་ཐིག་འདེབས་བྱེད་ཡིན་ཏེ། །ཐབས་ནི་ཐིག་འདེབས་བྱེད་དེ་ཡི་རྗེས་སུ་འཇུག་པ ཐིག་བཏབ་པ། །ཐབས་ཤེས་གཉིས་པོ་དེ་གང་ཞེ་ན། ཤེས་རབ་འོད་གསལ་ཆོས་ཀྱི་སྐུ་དང་ཐབས་ནི་སྒྱུ་མ་ལོངས་སྤྱོད་རྫོགས་པའི་སྐུ་མཆོག་གོ །དེ་འདྲའི་ཤེས་རབ་དང་ཐབས་གཉིས་ཀྱི་ཁཐིག་ཀགཅིག་པའི་གགིས། །དེས་དོན་གྱི་ཐུགས་ཀྱི་དཀྱིལ་འཁོར་གྱི་ཐིག་གདབ་པར་བྱ། ། རྟེན་གྱི་དཀྱིལ་འཁོར་གྱི་ངེས་དོན་བཤད་པ་ལ་ཁྱད་གཞི་ཟུང་འཇུག་གྱི་དཀྱིལ་འཁོར་དེའི་ཁྱད་པར་གྱི་ཆོས་ནི་རྟེན་འབྲེལ་ཡན་ལག་བཅུ་གཉིས་དག་པས་ཁྲུ་བཅུ་གཉིས་པ། འཕགས་པའི་བདེན་བཞི འི་དེ་ཁོ་ན་ཉིད་མཉམ་པར་རྟོགས་པས་ངོས་བཞི་མཉམ་པ་སྟེ། ཚངས་པའི་གནས་ཚད་མེད་བཞི ས་གཞན་དོན་ལ་གཞོལ་བའི་བསམ་པ་དག་པ་ནི་གྲྭ་བཞི་ཡིན་ནོ། །བསྡུ་བའི་དངོས་པོ་བཞིར་གྲགས་པས་གདུལ་བྱ་སྡུད་པའི་སྦྱོར་བ་དག་པ་ནི་སྒོ་བཞི་ཡིན་ཏེ། །ངོས་དང་གྲྭ་དང་སྒོ་རྣམས་རེ་རེའང་བཞི་བཞི་ཡི་མིང་ཅན་ནོ། །ཆོས་ཀྱི་དེ་ཉིད་ཀྱི་དོན་གྱི་སྤྲོས་པའི་གྲྭ་ཟུར་དང་བྲལ་བ་ཆོས་ཅན་གྱི་ཕྱོགས་ཀུན་ཏུ་སོན་པའི་དོན་རྟོགས་པའི་བརྡའ། །འཁོར་ལོ སྟེ། གཞལ་ཡས་ཁང་གི འི་ནང་གི་དཀྱིལ་འཁོར་ཟླུམ་པོ་སྟེ། དེས་དོན་ལ་ཟུང་འཇུག་གི་ཡེ་ཤེས་དང༌། རྟེན་གྱི་དཀྱིལ་འཁོར་གཉིས་ངོ་བོ་དབྱེར་མེད་དུ་བསྟན་ནོ་རོ། ༈ །ཆོས་ཀྱི་ཕྱག་རྒྱ་བཀོད་པའི་ངེས་དོན་ནི་གཉིས་སུ་མི་ཕྱེད་ཡེ་ཤེས་དེ་མཚོན་པའི་མཚན་མ་ཉིད་དེ་ནི ། །རྡོ་རྗེ་ཨིནྡྲ་ནཱི་ལའི་མདོག་ཅན་གྱི་ཕྱག རྒྱ འི། །མཚན་
མའོ། །རྭ་ལྔ་ནི་ཡེ་ཤེས་རྣམ་པ་ལྔ་རུ་ཕྱེ་སྟེ་བཤད། །པར་བྱ་བ་ལ། རྭ་དབུས་མ་ནི་ཆོས་ཀྱི་དབྱིངས་ཀྱི་ཡེ་ཤེས་སོ། །རྡོ་རྗེ་དེས་རྩེ་མོ་རྣོ་བ་ནི་འཁོར་བ འི་བག་ཆགས་མྱུར་དུ་འཇིག་པར་བྱེད་པའོ། །ཁཤར་དུ་གནས་པའི་ཀཟུང་འཇུག་པའི་མེ་ལོང་ཡེ་ཤེས་ཀྱི་གཟུགས་ཏེ། ངོ་བོ་ཉིད་ནི། །འཁོར་ལོ་ལ་འབར་བའི་འོད་ཀྱིས་བརྒྱན། །པའོ། །ཁལྷོ་རུ་གནས་པའི་ཀམཉམ་ཉིད་ཡེ་ཤེས་ནི། །གརྩེ་མོ་སྟེ་ཆ། དགུ་པའི་རིན་པོ་ཆེ། །ནུབ་ཏུ་གནས་པའི་སོ་སོར་རྟོག་པའི་ཡེ་ཤེས་ནི། པདྨ། །པདྨ་རཱ་གའི་འོད་དང་འདྲ་བ། །ཁབྱང་དུ་གནས་པའི་མཆོག་ཏུ་གྱུར་པའི་གི་སེམས་གང་ཡིན པ ། །འགྲོ་བའི་རྣམ་རྟོག་འཇོམས་པར་བྱེད་པ། །སོགས་ཀྱི་ཀབྱ་བ་སྒྲུབ་པའི་ཡེ་ཤེས་ནི། གརལ་གྲིར་གྱུར། །པའོ། །ཁའོད་ཟེར་འབར་བ་འདྲ་པའི་མདོག །ཅན་གྱི་སྤྲིན་སྔོན་དང་ནི་མཉམ་པ་སྟེ། འདྲ་བ འི་འོད། །ཤར་ལྷོར་གནས་པའི་ཀབྱམས་པའང་ན། གསྤྱན་ཡིན་ནོ་ཏེ། །ལྷོ་ཁནུབ་ཏུ་གནས་པའི་སྙིང་ཀརྗེ་ཞེས་བྱ་བ། །ནི་གམཱ་མ་ཀཱི་ཡི་རིགས་ཀྱི་རྡོ་རྗེ། །འོ། །ནུབ་བྱང་དུ་གནས་པའི་སྡོང་བུ་དང་བཅས་པའི། །པདྨ་ནི་དགའ་བས་ཡང་དག་པར་གནས། །པའོ། །བྱང་ཤར་དུ་གནས་པའི་ཨུཏྤལ་འོད་ཟེར་ནི། །སྔོ་དང་བཅས་པ་ནི་བཏང་སྙོམས་ཡིན། །ན། །དེ་བཞིན་དུ་སྒོའི་མཚན་མ་བསྡུ་བཞིར་འཆད་པ་ནི་ཁཤར་སྒོར་གནས་པའི་ཀསྤྱིན་པ་ནི། །གཐོ་བ་མདངས་ལྔན་འོད་དང་བཅས། །པའོ། །དེ་བཞིན་སྙན་སྨྲ་ཞེས་གྲགས་པ། །ནི་ལྷོ་
སྒོར་གནས་པའི་དབྱིག་པ་འོད་བཟང་རྡོ་རྗེ་འབར། །ར ཁནུབ་སྒོར་གནས་པའི་ཏུ་ཀདོན་སྤྱོད་ཅེས་བྱ་བ། །ནི་གརྟ་མགྲིན་གྱི་ནི་པདྨའོ། །དོན་མཐུན་པ་ནི་བྱང་སྒོར་གནས་པའི་སྣ་ཚོགས་རྡོ་རྗེ་སྟེ། །རྡོ་རྗེ་བདུད་རྩི་འཁྱིལ་བ་སྣ་ཚོགས་རྡོ་རྗེ་ཅན། །གྱིའོ། །དཀྱིལ་འཁོར་ལ་བྲིས་པའི་ཕྱག་རྒྱ་དགོད་པའི་མཚན་ཉིད་དེ། །རྣམས་ངེས་དོན་དུ་ལེགས་པར་བཤད་པ་ནི་གོང་དུ་བཤད་པ་འདི་ཡིན་ནོ། །དེ་དག་གིས་ནི་བརྟེན་པའི་དཀྱིལ་འཁོར་གྱི་ལྷ་རྣམས་ཀྱང་ཟུང་འཇུག་ལས་ངོ་བོ་ཐ་དད་མེད་པར་བསྟན་ཏེ། དེ་རྣམས་ཀྱང་ཟུང་འཇུག་གི་ཁྱད་པར་གྱི་ཆོས་སོ། །གྲྭ་དང་སྒོ་བཞི་དང་དེ་ན་གནས་པའི་མཚན་མ་བཞིའི་ངེས་དོན་གཅིག་ཉིད་ལན་གཉིས་སུ་གསུངས་པ་ནི། ངེས་དོན་ལ་ལྷ་སོ་སོའི་རྟེན་དང་བརྟེན་པ་ཡང་ཐ་དད་མེད་པར་བསྟན་པའི་དོན་ནོ། ༈ །དེ་ལྟར་སྔར་བཤད་པའི་ཟུང་འཇུག་དེ་ཐབས་གང་གིས་འཐོབ་པ་ནི་མཆོད་པ་ངེས་དོན་དུ་བཤད་པས་སྟོན་ཏེ། ཁཇི་ལྟ་བ་བཞིན་དུ་ཀའོད་གསལ་དུ་ཡང་དག་པ་གགནས་པ་ནི་ངེས་དོན་གྱི་མཆོད་པ། ། འོད་གསལ་དུ་འཇུག་པ་ཡང་ལུས་ངག་ཡིད་གསུམ་གྱི་མཆོད་པ་བྱ་བའི་ངེས་དོན་ལུས་ངག་སེམས་ཀྱི་དབེན་པ་རྣམ་པ་གསུམ་བསྒོམས་པས་འཐོབ་པར་འགྱུར་བ་ཡིན ནོ། །དབེན་གསུམ་རིམ་གྱིས་བསྐྱེད་པའི་སེམས་དབེན་ལ་མཧཱ་མུ་ཏྲ་ཞེས་པའི་དང་པོར་ཆེན་པོ་ཡོད་པ་ཡི། །སྒྱུ་མའི་སྐུ་ཕྱག་རྒྱ་ཆེན་པོར་བསྐྱེད་པ་ནི འི་དཀྱིལ་འཁོར་ཏེ་འོད་གསལ་གྱི་སྙིང་པོ་ལེན་པ་ཡིན་པར་བཤད་དེ། འདི་ནི་སྒོ་གསུམ་གྱི་མཆོད་པ་བྱེད་མཁན་གྱི་ངེས་དོན་ནོ། ༈ །ནང་དང་ཕྱི་ལ་སོགས་པ་ཆོས་བཅུ་དྲུག་གི་དབྱེ་བ་ཡི། །ས་ཕྱེ་བའི། ནང་སྟོང་པ་ཉིད་སོགས་སྟོང་
པ་ཉིད་བཅུ་དྲུག་ཡོད་པ་ཉིད་ཀྱིས་ཕྱེ་བ་ནི་ལོ་བཅུ་དྲུག་ལོན་པ། ། དེ་འདྲ་བའི་མ་སྐྱེས་པ་ཡི་སྤྲོས་པ་ཞི་བ འི་སྟོང་ཉིད་གང༌། །ཡིན་པ་དེ་ནི་སྒྱུ་མའི་ལུས་ཐོབ་པ་དེས། ནང་གི་རྐྱེན་བསམ་གཏན་གཉིས་བང་། ཕྱིའི་རྐྱེན་ལས་རྒྱ་ལ་བརྟེན་ནས་སྒྱུ་མའི་སྐུ་ཡང་ཡང་འོད་གསལ་དུ་བཅུག་པ་ལས། འོད་གསལ་དུ་ཞུགས་པ་ནི། བུད་མེད་ཅེས་སོགས་ཀྱིས་སྟོན་ཏེ། བུད་མེད་ཅེས་བྱ་བར་རྩ་རྒྱུད་ལས་བཤད་དོ། །དེ་ལ་དམིགས་པས་མངོན་ཞེན་གྱི་སྤྲོས་པ་ཞི་བའི་ཆོས་དང་རྗེས་སུ་ལྡན་པར། །བྱེད་པའི་འོད་གསལ་ནི། རབ་ཏུ་མདངས་བཟང་འོད་ནི་ཡིན་པར་གསུངས། །རླུང་སེམས་ཙམ་གྱི་རྒྱུ་རྐྱེན་ལ་རྟེན་ནས་འབྲེལ་བ་སྟེ། འབྱུང་བའི་ཟུང་འཇུག་གི་སྐུ་འགྲུབ་པའི་རྒྱུའི་བག་ཆགས་ཏེ། འབེན་པ་ནི་དྲི་བཟང་པོས་བསྒོས་པ་དང་འདྲའོ་ཡིན་ཏེ། །དེ་ཁོ་ན་ཉིད་ཀྱི་དོན་ལ་ཡུལ་ཅན་གྱི་ཡེ་ཤེས་ཀྱི་བློ་ཁ་བྱེ་བ་ནི་མེ་ཏོག་གོ །དངོས་པོ་སྟེ། རང་བཞིན་མེད་པའི་དོན་རྟོགས་པ་ནི་རིགས་ཏེ། རྩ་རྒྱུད་དུ་རྒྱན་ཞེས་པ་ཡིན་ཏེ། །ངེས་དོན་གྱི་བུ་མོ་བརྒྱན་པར་བྱེད་པའོ། །ཆག་འགྱུར་ལས། དངོས་མེད་བརྒྱན་དུ་ཤེས་པར་བྱ། ཞེས་བསྒྱུར་བ་ལྟར་བྱའོ། །ཇི་ལྟ་བ་ཀུན་མཁྱེན་པའི་འོད་གསལ་གྱི་ཡེ་ཤེས་ནི་དབུས་ཏེ། སྙིང་པོ་ཉིད་དོ། །:པ་ཚབ:ཤེས་རབ་ཅན་གྱིས་ཆོས་དབྱིངས་ཀྱི། བུ་མོ་འདི་འདྲ་མཉེས་པར་བྱ། ཟེར། ཆོས་དབྱིངས་ཉིད་ཀྱི་བུད་མེད་ནི། །ཤེས་རབ་འདི་འདྲས་མཉེས་པ་། དེ་ལ་རྟག་ཏུ་འདོད་པ་བསྟེན་པ ར་བྱ། ། མིག་སོགས་ནང་ན་མ་ཡིན་ཞིང༌། གཟུགས་སོགས་ཕྱི་ན འང་མིན། །ལ། གཉིས་ཀར་ཡང་མ་ཡིན་
ཞིང༌། དེ་གསུམ་ལས་གཞན་དུ་ཡང་མཚན་འཛིན་གྱི་དམིགས་གཏད་ཀྱི་གནས་པ་མིན། །པས། མཐའ་བཞིར་གནས་པ་མེད་པའི་དེ་ཁོ་ན་ཉིད་ལ་གནས་པའི་རྣལ་འབྱོར་ཅན་དུ་གྱུར། །བ། དེ་བས་ན་མཱ་མ་ཀཱི་སྟེ། བདག་ཉིད་མ ར་བཤད་དེ། །དེ་ཁོ་ན་ཉིད་ཇི་འདྲ་བ་དེ་བཞིན་དུ་རྣལ་འབྱོར་པ་བདག་ཉིད་ཀྱང་དེ་ལྟར་ཞུགས་པའི་ཕྱིར་རོ་དོ། །མཐའ་བཞིར་མི་གནས་པའི་དེ་ཁོ་ན་ཉིད་དེ་ཡི་ངོ་བོ་ཉིད་དང་ཡུལ་ཅན་ཡེ་ཤེས་གཅིག་པ། །སྟེ། ཆུ་ལ་ཆུ་བཞག་པ་ལྟར་རོ་གཅིག་ཏུ་གྱུར་པ་ནི་བྱིན་གྱིས་བརླབ་པ་ཅེས་དེ་ལ་བཤད་དོ། །ནམ་མཁའ་སྟེ། ཐམས་ཅད་སྟོང་པ་རང་ནི་རོ་གཅིག་ཏུ་གྱུར་པ་ནི། ནམ་མཁའི་དབྱིངས་རབ་ཏུ་བརྒྱན་པའོ། །༡གནས། །༢ དེ་ཉིད་ནི་སངས་རྒྱས་ཞི་བའི་གནས་སྟེ་འོད་གསལ་དུ་སུ་འགྱུར། །རོ། །རྩ་རྒྱུད་དུ་བཤད་པའི་ལས་རྒྱ་འདི་ལ་སྔར་ལྟར་འོད་གསལ་དུ་ཞུགས་པ་ལ་བཤད་པ་གཅིག་དང༌། ཡང་ལས་རྒྱ་ལ་བརྟེན་ནས་སྲོག་དྡྷུ་ཏཱིར་སྡུད་ནུས་པ་རྫོགས་རིམ་པ་ལ་ནི། དེ་སྟོན་པ་ངེས་དོན་དུ་ཡང་འགྱུར་བས་ཚུལ་གཉིས་ཤེས་པར་བྱ་སྟེ། དེ་ལྟར་ན་འོད་གསལ་དུ་འཇུག་པའི་ཐབས་ཆེན་པོའོ། ༈ །དེ་ལ་ཞེས་:པ་ཚབ:བསྒྱུར་བ་ལྟར་འོད་གསལ་དུ་ཞུགས་པ་དེ་ལ་གཟུགས་སོགས་ཀྱི་དེ་བས་ཡུལ་དུ་རྣམ་པར་བརྟགས་པ། །རྣམས་འོད་གསལ་དུ་སྡུད་པ་དག་ནི་བཤད་པ ས་མཆོད་པ ཡིན་ན། །གཤང་པའི་སྐད་དོད་བི་ཌ་ལ་བི་ཥ་ཡ་ཞེས་པ་ཡུལ་དང་ན་ནི་ངེས་ཆིག་གིས་ཧ་རུ་བསྒྱུར་ནས་སམ་ཧ་ར་ཎ་སྡུད་པ་ཡིན་གསུང་པ་ལྟར་རོ། །ཡེ་ཤེས་སྟེ། མིག་ཤེས་སོགས་དྲུག་དང་མིག་སོགས་ཀྱི་དབང་པོ་དྲུག་སྟོང་པ་འོད་གསལ་དུ་སྡུད་པ་ནི།
གཅིན། །གྱིས་མཆོད་པ་སྟེ། དྲི་ཆུའི་སྐད་དོད་མུ་ཏྲ་ལ་ཨིནྟྲ་ཡ་ཞེས་པ་དབང་པོ་ཡིན་ལ་རྣམ་ཤེས་དྲུག་ཀྱང་ཡིད་ཀྱི་དབང་པོའོ། །རྣམ་པར་དག་པའི་ཆོས་ཉིད་རྟོགས་པ་ནི་ཁུ་བ འི་མཆོད་པ་ཡིན། །ཏེ་ཁུ་བའི་སྐད་དོད་ཤཱུ་ཏྲའི་ཤུ་ལ་བི་ཤུད་དྷི་དྷ་རྨ་ཏ་ཞེས་སྦྱར་བའོ། །ཇི་ལྟ་བ་ཐམས་ཅད་མཁྱེན་པའི་འོད་གསལ་གྱི་ཡེ་ཤེས་དེ་ཁོ་ན་ཉིད་ཀྱི་དོན་ལ་ཆགས་པ་ནི་ཁྲག་ཅེས་བྱ་སྟེ། ཁྲག་གི་སྐད་དོད་རཀྟ་ལ་ངེས་ཚིག་གིས་སཀྟ་ཞེས་སྦྱར་བ་ཆགས་པ་ཡིན་ལ། དེའི་ཐོག་མ་ལ་བརྟེན་ནས་སརྦ་ཛྙཱ་ཞེས་སྦྱར་བས་ཐམས་ཅད་མཁྱེན་པར་འགྱུར་བའོ། །གང་ཞིག་སྟེ། ཕུང་པོ་ལ་སོགས་པའི་ཆོས་སུ་ཡོངས་སུ་བརྟག་པ། །དེ་ཉིད་ལ་ལྷ་རྣམས་ཞེས་བྱ་སྟེ། །དེ་རྣམས་དངོས་པོ་མེད་པ་འོད་གསལ་དུ་འཇུག་པ་ནི་དབུལ་བ འི་དེས་དོན་ནོ། །དེ་བྱས་ན་སངས་རྒྱས་རྒྱལ་སྲས་རྣམས། །ཁྱད་པར་དུ་ནི་སྟེ། ལྷག་པར་ཡང་མཉེས་པར་འགྱུར་རོ། །གང་ཡང་འཇིག་རྟེན་པ སྟེ་ཐ་སྙད་པའི་ཤེས་པ ས་བརྟགས་པའི། །ཐིག་སྐུད་སོགས་དེ་རྣམས་ཀྱི་ངེས་དོན་ནི། སྔར་ཇི་སྐད་བཤད་པ་ཉིད་དོ། །ཅེས་བྱ་བ་སྟེ། མདོར་བསྡུས་ན་ལུས་ངག་སེམས་ཀྱི་དབེན་པ་གསུམ་སྔོན་དུ་བཏང་བའི་སེམས་དབེན་ལས། སྒྱུ་མའི་སྐུ་བསྒྲུབ་པ། འོད་གསལ་དུ་ཞུགས་པའི་རླུང་སེམས་ཙམ་ལས་ཟུང་འཇུག་གི་སྐུར་བཞེངས་པ་སྟོན་ཏེ། འདི་འདྲ་བ་ཡང་དང་ཡང་དུ་སྔར་ལྟར་རྒྱུད་ལས་གསུངས་པས་ནི། ལུགས་མཆོག་ཏུ་གྱུར་པའི་ལམ་སྲོལ་འདི་ལ་ངེས་པ་བླ་ན་མེད་པ་སྟེར་བ་ཡིན་ནོ། །དེ་ལྟར་ཐིག་ཚོན་གྱིས་བྲི་པའི་དཀྱིལ་འཁོར་ལ་སོགས་པའི་
ངེས་དོན་བསྟན་པས། ཡོངས་སུ་དག་པའི་ལྷའི་ངོ་བོ་ཉིད་ཟུང་འཇུག་དང༌། དེ་འགྲུབ་པའི་ཐབས་རབ་ཏུ་བསྟན་པ་ཡིན་ཏེ། ངེས་པའི་དོན་ཏོ། ༈ །དེ་བཞིན་གཤེགས་པ་ཐམས་ཅད་ཅེས་བྱ་བ་ལ། ཐུགས་རྡོ་རྗེ་བདག་པོར་གྱུར་པའི་དཀྱིལ་འཁོར་ནི་ཐུགས་ཀྱི་དཀྱིལ་འཁོར་ཏེ། དཀྱིལ་ནི་སྙིང་པོ་སྟེ་ཀུན་རྫོབ་ཀྱི་བདེན་པ་བཅོས་མ། །འཁོར་ནི་བཅོས་མ་དེ་ལེན་ཅིང་སྟེ། དེ་སྒྲུབ་པ་དང༌། དེའི་དོན་འཛིན་པས་ན་དཀྱིལ་འཁོར་ཏེ། དྲང་བའི་དོན་ཏོ། །དཀྱིལ་འཁོར་ནི་སྙིང་པོ་སྟེ་དོན་དམ་པའི་བདེན་པ དང་རོ་གཅིག་ཏུ་ཞུགས་པའི་ལྷན་སྐྱེས་ཀྱི་ཡེ་ཤེས་སོ། །འཁོར་ནི་དེ་རང་གི་བདག་ཉིད་དུ་ལེན་ཅིང་འཛིན་པས་ན་དཀྱིལ་འཁོར་ཏེ། ཇི་སྐད་དུ་བཅོམ་ལྡན་འདས་ཀྱིས་བཤད་པའི་རྒྱུད་ལས།བཤད་པའི་རྒྱུད་ཅེས་སྤྱིར་བསྟན་ཡང༌། སྐབས་སྟོབས་ཀྱིས་འདུས་པའི་བཤད་རྒྱུད་ཡིན་ལ། དེ་ཡང་ཟླ་གསང་ཐིག་ལེ་ལས། ཡན་ལག་ཐམས་ཅད་བསྒོམས་ལས་འདས། །རྟོག་དང་མི་རྟོག་རྣམ་སྤངས་པ། །འདྲེན་དང་ཚིག་ལས་ཡང་དག་འདས། །འདི་ནི་དཀྱིལ་འཁོར་མཆོག་ཅེས་བྱ། ཞེས་གསུངས་པ་དང༌། སྤྱོད་བསྡུས་ཆག་འགྱུར་ལས་ཀྱང༌། རྣལ་འབྱོར་ཆེན་པོའི་རྒྱུད་དཔལ་ཟླ་གསང་ནོར་བུའི་ཐིག་ལེར་ཡང༌། ཡན་ལག་ཀུན་བསྒོམས་ལས་འདས་ཤིང༌། །བརྟགས་པའི་རྟོག་པ་སྤངས་པ་དང༌། ཞེས་ཚིགས་བཅད་གཅིག་དྲངས་པའི་འཕྲོ་ལ། སེམས་ཅན་ཐམས་ཅད་འཇུག་པ་གང༌། ཞེས་སོགས་ཀྱི་ཚིགས་བཅད་གཅིག་དྲངས་པ་རྣམས་ཕལ་ཆེར་འདྲ་བར་སྣང་ན་ཡང༌། རྒྱུད་འདིས་བཤད་རྒྱུད་གཞན་གྱིས་རྩ་རྒྱུད་ཀྱི་དོན་རྩལ་དུ་བཏོན་ནས་འཆད་པ་དང་རིགས་མཚུངས་པའི་
འཆད་ཚུལ་མི་སྣང་བས། འགྲེལ་པ་མཛད་པས་འདི་ལ་དགོངས་པ་མིན་པ་འདྲ་སྟེ་དཔྱད་པར་བྱའོ། །ཁ་དོག་དང་དབྱིབས་སུ་སྣང་བའི་རྟེན་དང་བརྟེན་པའི་ལུས་ཀྱི་ཡན་ལག་ཀུན་བསྒོམས་པ་ལས་འདས་ཤིང༌། དེ་ཡང་རྟོག་པས་བཏགས་པ་རྣམས་ཀདང་རྟོག་མེད་ཁ ཀྱིས་བསྒོམ་པ་རྣམ་པར་སྤངས། །པ་དང་གུག་སྐྱེད་ནི་འདིར་ཕྱི་མོའི་ཡི་གེ་དང༌། དེ་རྣམས་ལ་བརྒྱན་པའི་ཐིག་ལེ་རྟེན་དང་བརྟེན་པ་སྐྱེད་པའི་ས་བོན་ལས་ཀྱང་འདས་པ། །སྟེ། གཉིས་སྣང་གི་སྤྲོས་པ་ཐམས་ཅད་ཉེ་བར་ཞི་བའི་བདེ་ཆེན་འོད་གསལ་གྱི་ཡེ་ཤེས་འདི་ནི་དཀྱིལ་འཁོར་མཆོག་སྟེ། ངེས་དོན་གྱི་དཀྱིལ་འཁོར་ཡིན་ནོ། ཞེས་གསུངས་ཏེ། ངེས་པའི་དོན་ཏོ། །འདི་སྤྱོད་བསྡུས་ལས་ཀྱང་འོད་གསལ་གྱི་དཀྱིལ་འཁོར་ལ་བཤད་ལ། འདིར་ཡང་དེ་ལ་བཤད་པའི་ཁུངས་ཡིན་པས་དཀྱིལ་འཁོར་གཞན་ལ་མི་སྦྱར་རོ། ༈ །སྒྲོན་མ་གསལ་པར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཞི་པ་མཐའ་དྲུག་གིས་བཤད་པའོ། ། ༈ ། །སྔར་བཤད་པའི་རིམ་པ་གཉིས་རྟོགས་ཤིང་སྟེ། ཐོབ་ཅིང་དབང་བསྐུར་བ་ཐོབ་པས་ཀྱང་སྤྱོད་པ་གསུམ་གང་རུང་ལ་སློབ་པ་དང་བྲལ་བས་ནི་ཚེ་འདིར་མཆོག་འགྲུབ་པར་མི་འགྱུར་རེ། ཞེས་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ༈ །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་ཅན་གྱི་རྡོ་རྗེ་འཆང་པའི་རྒྱལ་པོ་ནི་ཁམས་གསུམ་གྱི་བདག་པོའོ། །དེ་ཇི་ལྟ་བུ་ཡིན་ཞེ་ན། ས་
འོག་དང་ས་སྟེང་དང་མཐོ་རིས་ལྷའི་འཇིག་རྟེན་རྣམས་སུ་རྗེས་སུ་སྟོན་པར་མཛད་པས་ན་གནས་ཀྱི་དབང་ཕྱུག་གོ །ཁྱབ་འཇུག་དང་ལྷ་ཆེན་པོ་ལ་སོགས་པ་འཇིག་རྟེན་པའི་ལྷ་རྣམས་དང༌། ཉན་ཐོས་ལ་སོགས་པ་འཇིག་རྟེན་ལས་འདས་པ་རྣམས་རྫུ་འཕྲུལ་ལ་སོགས་པས་ཟིལ་གྱིས་གནོན་པར་མཛད་པས་ཀུན་མཆོག་གིས་སོ། །བདག་དང་གཞན་གྱི་དོན་དེ་རྣམས་ཀུན་གྱི་ཐབས་སྒྲུབ་པའི་ཚོགས་ཀྱི་སྤྱོད་པ་ནི་སྤྱོད་པ་ཀུན་ཏེ། བདག་གཞན་ཐམས་ཅད་ཀྱི་ཕྱིར་སྤྱོད་པ་ཞེས་བྱ་བའི་དོན་ཏོ། །མཆོག་གི་ཆོས་ཀྱང་ཡིན་ལ་དོན་ཡང་ཡིན་པས་མཆོག་གི་ཆོས་ཀྱི་དོན་ཏེ། རྡོ་རྗེ་འཆང་ཆེན་པོ་སྤྱོད་པ་ཐམས་ཅད་ཀྱིས་ཐོབ་པར་བྱ་བ་གང་ཡིན་པ་དེ་ལ་ནི་མཆོག་གི་ཆོས་ཀྱི་དོན་ཞེས་བྱ་སྟེ། ཐམས་ཅད་མཁྱེན་པ་ཉིད་ནི་ཐར་པ་འདོད་པ་རྣམས་ཀྱིས་དོན་དུ་གཉེར་བར་བྱ་བ་ཡིན་པས་སོ། །དེའི་དོན་དུ་སྤྲོས་པ་དང་བཅས་པ་དང༌། སྤྲོས་པ་མེད་པ་དང༌། ཤིན་ཏུ་སྤྲོས་པ་མེད་པ་སྟེ། སྤྱོད་པ་རྣམ་པ་གསུམ་པོ་འདི་ལ་སྤྱད་པས་ན་སྤྱོད་པའོ། །དེའི་མཚན་ཉིད་ནི་རང་གི་ངོ་བོ་ཉིད་དེ་བཀའ་སྩལ་པ་སྟེ། སྒྲ་ཇི་བཞིན་པའོ། ༈ །རྣམ་པར་མི་རྟོག་ཅེས་བྱ་བ་ལ་སོགས་པ་ལ། རྣམ་པར་མི་རྟོག་པ་ནི་དོན་དམ་པའི་བདེན་པ་རྟོག་པའི་འོད་གསལ་གྱི་ཡེ་ཤེས་སྟེ་ཟབ་པའི་མཚན་ཉིད་དོ། །དོན་ནི་བསྒྲུབ་བྱའི་དོན་ཀུན་རྫོབ་ཀྱི་བདེན་པ་སྒྱུ་མའི་སྐུ་སྟེ། རྒྱ་ཆེ་པའི་མཚན་ཉིད་དེ། གཉིས་པོ་དེ་དག་གཉིས་སུ་མེད་པའི་རྣམ་པས་ཡང་དག་པར་བསྒོམས་པ་གང་ཡིན་པ་དེ་ནི། རྣམ་པར་མི་
རྟོག་དོན་ལས་བྱུང་ཞེས་བྱ་བའོ་སྟེ། ལམ་འདིའི་རྣལ་འབྱོར་པ་དེ་ནི་འདོད་ཆགས་ལ་སོགས་པ གསུམ་གྱི་རིགས་ཀྱི ས་རྒྱུད་འཁྲུགས་ཀྱང་ཐེག་པའི་མཆོག་སྟེ་རྡོ་རྗེ་ཐེག་པ་ཁྱད་པར་པ་འདི་ནི་ཉན་རང་ཕར་ཕྱིན་གྱི་ཐེག་པ་ཐམས་ཅད་ཀྱི་བླ་མར་གྱུར་པས་ན་བླ་ན་འམ་གོང་ན་མེད་པ་སྟེ། རྣལ་འབྱོར་རྒྱུད་མན་ཆད་གཞན་རྣམས་ལས་ཕུལ་དུ་བྱུང་ཞེས་བྱ་བ་ནི་བླ་ན་མེད་ཅེས་པའི་ཚིག་གི་ལྷག་མ ཁོང་ན་གནས་པ། །ཐེག་པ་དེ་ལ་བརྟེན་ནས་དངོས་གྲུབ་རབ་མཆོག་ནི་ཕུལ་དུ་བྱུང་བའི་དངོས་གྲུབ་སྟེ། ཕྱག་རྒྱ་ཆེན་པོའི་སྟེ། མཆོག་གི་དངོས་གྲུབ་སྒྲུབ་པར་བྱེད་ཅིང་སྐྱེད་པར་བྱེད་པ་སྟེ། དགོངས་པ་མ་ཡིན་པའོ། །འདིས་ནི་རྡོ་རྗེ་ཐེག་པའི་ཆེ་བ་སྟོན་ཏེ། རྡོ་རྗེ་ཐེག་པ་གོང་ན་མེད་པའི་ཁྱད་པར་བ་ལ་བྱའོ། །འདིར་འགྲེལ་པས་དགོངས་མིན་དུ་བཤད་པ་མི་འཐད་དེ། ལུང་སྟོན་ལས། ཆགས་སྡང་གཏི་མུག་གསུམ་རིམ་པ་བཞིན་དུ། རླུང་ལྡང་འཇུག་གནས་གསུམ་ལ་བཤད་པས། དེ་ལ་དྲང་ངེས་ཀྱི་བཤད་པ་བྱ་དགོས་པའི་ཕྱིར་སྙམ་ན། སྐྱོན་མེད་དེ། དྲང་ངེས་ཀྱི་བཤད་དགོས་པ་དང་དགོངས་མིན་དུ་འཆད་པ་གཉིས་མི་འགལ་བའི་ཕྱིར་རོ། ༈ །ཆོས་རྣམས་ཀྱི་རང་བཞིན་ཡིན་ལུགས་ལྷན་སྐྱེས་ཀྱི་བདེ་བས་ཡོངས་སུ་ཤེས་པ་ཉིད་ཚེ་འདིར་འཚང་རྒྱ་བའི་རྒྱུ་ཡིན་གྱི། སྐྱེ་གནས་ཀྱིས་སྨད་པ་རིགས་དན་པ་དང་ལ་སོགས་པ ས་བསྡུས་པ་ལས་ཀྱིས་སྨད་པ་ནི་ཚེ་འདིར་འཚང་མི་རྒྱ་བའི་རྒྱུ་མཚན་མ་ཡིན་ནོ་ཞེས་བསྟན་པའི་ཕྱིར། རིགས་ངན་ཞེས་བྱ་བ་ལ་སོགས་པ་གསུངས་ཏེ།
རིགས་ངན་ཞེས་བྱ་བ་ནི་སྐྱེ་གནས་ཀྱི་སྨད་པ་ཉིད་དུ་བསྟན་པའོ། །སྨིག་མ་མཁན་ཞེས་བྱ་བ་ནི་ལས་ཀྱིས་སྨད་པའོ་སོ། །སོགས་པའི་སྒྲ་ནི་ལྷམ་མཁན་ལ་སོགས་པ་ལས་གཞན་དག་གིས་ཀྱང་སྨད་པའོ་སོ། །གསོད་དོན་དོན་གཉེར་སེམས་པ་རྣམས་ནི། རླུབས་ནི་དོང་ངོ་དང་ས་མདའ་ལ་སོགས་པའི་འཁྲུལ་འཁོར་དང༌། རལ་གྲི་ལ་སོགས་པའི་མཚོན་ཆ་དང༌། ཉ་དང་རི་དྭགས་ཀྱི་རྒྱ་ལ་སོགས་པ་སྟེ། དེ་རྣམས་ནི་སེམས་ཅན་ལ་འཚེ་བ་རྣམས་ཀྱིས་དོན་ཏེ། རང་གི་དགོས་པ་བསྒྲུབ་པར་བྱེད་པའི་ཐབས་སུ་སེམས་པས་ན་སྲོག་ཆགས་གསོད་པའི་དགོས་པའི་དོན་དོན་དུ་གཉེར་བ་རྣམས་ཞེས་བྱའོ། །ཐེག་ཆེན་བླ་ན་མེད་པ་ཡི། །ཐེག་མཆོག་འདི་ལ་འགྲུབ་པར་འགྱུར། ཞེས་བྱ་བ་ནི། རྡོ་རྗེ་ཐེག་པ་ནི་ཐེག་པ་ཆེན་པོ་བླ་ན་མེད་པའོ། །མཆོག་ནི་རིན་པོ་ཆེའི་གང་ཟག་སྟེ། གང་ཟག་དེ་བླ་མེད་ཀྱི་ཐེག་པ་འདི་ཉིད་ཀྱིས་འགྲོ་བས་ན་ཐེག་པ་མཆོག་སྟེ། ཐེག་པ་འདི་ལ་བརྟན་ནས་ཚེ་གཅིག་གིས་མཆོག་འགྲུབ་པར་འགྱུར་བའོ། ༈ །སེམས་ཅན་མཚམས་མེད་ཅེས་བྱ་བ་ལ་སོགས་པ་ལ།མཚམས་མེད་གཉིས་གཞུང་གཞན་དང་མི་མཐུན་པར་མཛད་པ་ནི། མཚམས་མེད་ཀྱི་ལས་བྱས་པས་ཀྱང་ཚེ་འདིར་མཆོག་འགྲུབ་པ་ཅིག་ཡོད་པར་བསྟན་པ་ནི། ཤས་ཆེར་རྒྱལ་བ་མྱ་ངན་ལས་འདའ་ཚུལ་བསྟན་པའི་འོག་ཏུ་ཡིན་ལ། དེའི་ཚེ་དེ་བཞིན་
གཤེགས་པའི་སྐུ་ལ་ངན་སེམས་ཀྱི་ཁྲག་འབྱིན་པ་དང༌། མཚམས་མེད་ཀྱི་འཁོར་ལོའི་དབྱེན་མི་འབྱུང་བས། དེ་གཉིས་ཀྱི་དོད་གཞན་འབྱུང་གཉིས་བཤད་དོ། ཞེས་གསུངས་པ་ལྟར་རམ། ཡང་ན་མཚམས་མེད་ཀྱི་གྲངས་དེ་ལྟར་གསུངས་པ་ཡང་ཡོད་པ་མངོན་ནོ། །པ་ཚབ་ཀྱིས། དགྲ་བཅོམ་གསད་པའི་ངང་ལ། དགེ་སློང་གསོད་པ་ཞེས་བསྒྱུར་ཡང༌། འགྱུར་རྙིང་དང་ཆག་འགྱུར་ལྟར་བྱའོ། །ཕ་དང་མ་དང་དགྲ་བཅོམ་པ་གསོད་པ་དང༌། སངས་རྒྱས་ཀྱི་སྐུ་གཟུགས་འཇིག་པ་དང༌། དམ་པའི་ཆོས་སྤོང་བ། ཞེས་བྱ་བའི་ལས་ལྔས་ནི་འཆི་བའི་དུས་བྱས་ལ་ཐག་ཏུ་དམྱལ་བར་ལྟུང་བར་འགྱུར་བས་ན་མཚམས་མེད་པ་སྟེ།འདི་ལ་པ་ཚབ་ཀྱི་འགྱུར་ལས། རྩ་བར་མཚམས་མེད་ལ་སོགས་སེམས་ཅན། ཞེས་དང༌། འགྲེལ་པར། འདིར་མཚམས་མེད་པའི་སྒྲ་ནི། བཏགས་པས་དེ་དག་རྣམས་ལ་འཇུག་ཞེས་འབྱུང་བ་འགྲེལ་པའི་བཤད་པ་ལ་འཇུག་ཚབས་ཆེ་སྟེ་གོ་སླའོ། །ཉེ་བར་མཚོན་པ་འདིས་ན་མཚམས་མེད་པ་ཞེས་བྱ་བའི་སྒྲ་ནི་དེ་བྱེད་པ་ལ་འཇུག་གོ །སོགས་པ་ཞེས་བྱ་བའི་སྒྲ་ནི་མཚམས་མེད་པ་དང་ཉེ་བ་ལྔ་རྣམས་གཟུང་སྟེ། དེ་ནི་མཛོད་ལས། མ་དགྲ་བཅོམ་པ་སུན་བྱས་དང༌། །བྱང་ཆུབ་སེམས་དཔའ་ངེས་གནས་དང༌། །སློབ་པ་གསོད་དང་དགེ་འདུན་གྱི། །འདུ་བའི་སྒོ་ནི་འཕྲོག་པ་དག །མཚམས་མེད་པ་དང་ཆ་འདྲ་སྟེ། །ལྔ་པ་མཆོད་རྟེན་འཇིག་པ་ཡིན། ཞེས་གསུངས་པ་ལྟར་རོ། །ངོ༌། །སྡིག་པ་ཆེན་པོ་བྱེད་པ་ཞེས་བྱ་བ་ནི། དགེ་སློང་གི་རྩ་བ་བཞིའི་ལྟུང་བ་བྱུང་བས། ཏ་ལ་མགོ་བཅད་ན་མི་འཕེལ་ཞིང་སྐམ་པ་ལྟར་སངས་རྒྱས་ཀྱི་བསྟན་པ་ལས་ཉམས་ནས། སེམས་ཅན་དམྱལ་བ་ལ་གཞོལ་བ་སྟེ། དེ་རྣམས་ཀྱང་འདུས་པ་འདིར་བླ་མའི་དྲིན་གྱིས་རྫོགས་པའི་རིམ་པ་ཁྱད་པར་ཅན་རྣམས་ཐོབ་
ནས། འགྲུབ་པར་འགྱུར་ཞིང་སྟེ། རྫོགས་པའི་སངས་རྒྱས་ཉིད་ཐོབ་པར་འགྱུར་ན། མཚམས་མེད་དང་རྩ་ལྟུང་མ་བྱས་པའི་རིགས་ངན་ལ་སོགས་པ་ལྟ་སྨོས་ཀྱང་ཅི་དགོས་ཞེས་ལས་སྒྲིབ་ཆེན་པོ་དེའི་ཉེས་པ་ལས་འདའ་བ ར་སྟོན་པ། །དེ་ལྟར་དེ་རྣམས་ལས་བཟློག་པ་རྣམས་ཚེ་འདིར་མཆོག་འགྲུབ་པའི་སྣོད་དང༌། དེ་རྣམས་སྣོད་མ་ཡིན་པ འོ་ཞེས་སོ་སོར་ངེས་པ་དེ་ལ་ལྟོས་པ་མེད་པར་དོན་མཛད་པས་ན། གཞུང་དེ་རྣམས་ཀྱིས་བླ་མེད་ཀྱི་ཐེག་པའི་ཆེ་བའི་བདག་ཉིད་གསལ་བར་སྟོན་པ་ཡིན་ནོ། ༈ །དེ་ལྟར་སྐྱེ་བོ་མཚམས་མེད་ལ་སོགས་པའི་སྡིག་པ་ཅན་གྱི་ལས་སྒྲིབ་མ་ལུས་པ་རྣམ་པར་སྦྱོང་བ་ནི། བླ་མེད་ཀྱི་རྡོ་རྗེ་ཐེག་པ་ཡིན་པས་གང་ཟག་འགའ་ཞིག་གལ་ཏེ་རྡོ་རྗེ་སློབ་དཔོན་ལ་འཁུ་བ་ཡང་ཚེ་གཅིག་གིས་མཆོག་འགྲུབ་པར་འགྱུར་རོ་ཞེས་རྟོག་པར་འགྱུར་ཏེ། དེ་བས་ན་དེ་མི་སྲིད་དོ་ཞེས་དགག་པའི་ཕྱིར་སྙིང་ནས་སློབ་དཔོན་སྨོད་པ་དག །ཅེས་བྱ་བ་ལ་སོགས་པ་གསུངས་ཏེ། དང་པོར་སློབ་དཔོན་ལ་བསྙེན་བཀུར་བྱས་ཏེ། ཐོས་པ་དང་བསམ་པའི་རིམ་གྱིས་ཐེག་པ་འདིའི་ལམ་གྱིས་དེ་ཁོ་ན་ཉིད་རྟོགས་ནས། དེའི་རྗེས་སུ་ད་ནི་འདིས་བདག་ལ་ཅི་ཞིག་བྱ་ཞེས་གང་བླ་མ་ལ་བཀུར་བའི་གནས་དམ་པར་མི་མཛིན་པར་བརྙས་པར་བྱེད་པ་དེ་ནི་སློབ་དཔོན་ལ་སྨོད་པ་སྟེ། སྨོད་པ་དེ་དང་ལྷན་ཅིག་ཟང་ཟིང་གི་ལོངས་སྤྱོད་ཀྱིས་ཀུན་ཏུ་དགའ་བར་བྱེད་པ་གང་ཡིན་པ་ཡང་སློབ་དཔོན་ལ་སྨོད་པ་དང་འདྲ་སྟེ། དེས་ཀྱང་ཡང་འགྲུབ་པར་མི་
འགྱུར་ན། སློབ་དཔོན་ལ་སྙིང་ནས་སྨོད་པ་ཉིད་ལྟ་སྨོས་ཀྱང་ཅི་དགོས་ཏེ། ནམ་ཡང་འགྲུབ་པར་མི་འགྱུར་རོ་ཞེས་བླ་མ་ལ་བརྙས་པའི་རྩ་ལྟུང་བྱུང་བས་ཀྱང༌། འགྱོད་པ་དྲག་པོ་སྐྱེས་ནས། སླར་ཡང་དཀྱིལ་འཁོར་དུ་ཞུགས་ཏེ་དམ་ཚིག་དང་སྡོམ་པ་ལེགས་པར་བཟུང་ཞིང༌། དབང་བསྐུར་བ་རྫོགས་པར་བླངས་ཏེ། ཕྱིས་དམ་ཚིག་དང་སྡོམ་པ་རྣམས་ཚུལ་བཞིན་དུ་བསྲུང་བ་སོགས་ཀྱི་ཉེས་པ་དག་པའི་ཐབས་བྱས་ན། ངན་འགྲོར་སྐྱེ་བ་འགོག་ནུས་ཀྱང་ཚེ་འདིར་དངོས་གྲུབ་མཆོག་འགྲུབ་མི་སྲིད་དེ། འདི་ནི་གསུང་རབ་ནས་སྡིག་པའི་མཐར་ཐུག་ཏུ་བཤད་པས། གནས་འདི་ལ་གཟབ་པར་བྱའོ། །ངེས་པར་མཛད་པའོ། །འདིར་པ་ཚབ་ཀྱིས་བསྒྱུར་བའི་རྒྱུད་ལས། སློབ་དཔོན་སྨོད་དང་གཞན་རྣམས་ཀྱིས། །སྒྲུབ་ལ་འགྲུབ་པར་མི་འགྱུར་ཉིད། ཅེས་འབྱུང་ཞིང༌། འགྲེལ་པར་ཡང༌། གང་དག་དེ་དང་ལྷན་ཅིག་ཟང་ཟིང་ལོངས་སྤྱོད་པ་དག་གིས་ཀུན་ཏུ་དགའ་བར་བྱེད་དོ། །རེ་ཤིག་སློབ་དཔོན་ལ་སྨོད་པར་བྱེད་པ་ལས། གཞན་རྣམས་ཀྱིས་ཀྱང་འགྲུབ་པར་མི་འགྱུར་ན། སློབ་དཔོན་སྨོད་པར་བྱེད་པ་ལྟ་སྨོས་ཀྱང་ཅི་དགོས། མི་འགྱུར་ཉིད་ཅེས་བྱ་བས་ནི་ནམ་ཡང་འགྲུབ་པར་མི་འགྱུར་བ་ཁོ་ནའོ་ཞེས་ངེས་པར་འཛིན་ཏོ། ཞེས་བླ་མ་ལ་སྨད་པ་དང་ལྷན་ཅིག་ཟང་ཟིང་གིས་དགྲའ་བར་བྱེད་པའི་གྲོགས་པོ་བླ་མ་ལ་སྨོད་པ་ལས་གཞན་པས་ཀྱང་མི་འགྲུབ། ཅེས་རྒྱུད་འདི་ཉིད་ཀྱི་དོན་དུ་འཆད་པ་དང༌། རྐང་པ་གཉིས་པའི་ཐ་མའི་ངེས་གཟུང་གི་དོན་དུ་འཆད་པ་འགྱུར་ཤིན་ཏུ་ལེགས་པར་སྣང་ངོ་། འགྲུབ་པར་མི་འགྱུར་པ་སྡིག་པ་ཐམས་ཅད་བྱེད་པ་ཡང་ལམ་གང་དུ་འགྲུབ་པར་འགྱུར་བ་གསང་བ་འདུས་པ་ཉིད་སྟེ། ཁོ་ན་སྒྲུབ་པར་
བྱེད་པ་ཡིན་ན་དེ་ལ་ཡང་འགྲུབ་པར་མི་འགྱུར་ན། གཞན་དག་ཏུ་འགྲུབ་པ་ལྟ་སྨོས་ཀྱང་ཅི་དགོས་ཏེ། ཇི་སྐད་དུ། སྒྱུ་འཕྲུལ་དྲ་བའི་རྒྱུད་ལས་ཀྱང༌། སློབ་དཔོན་སྨོད་པར་བྱེད་པ་དག །དངོས་སུ་མ་ཟད་རྨི་ལམ་དུ་ཡང་མཐོང་མི་བྱ། །སློབ་དཔོན་སྨོད་པ་གང་ཡིན་དེ། །བགེགས་དང་ལོག་འདྲེན་རྣམས་ཀྱིས་བཟུང༌། །བ་སྟེ། འཛིན་པས། ངན་པ་གཏུམ་པོ སྟེ། མི་བཟད་པ་དྲག་པོ འི་ལས་བྱེད་པ། །སྟེ། མཁའ་པས་རྟག་ཏུ་སྤང་པར་བྱ། ཞེས་གསུངས་ཏེ།བློས་སྤོབ་བ་མིན་གྱི། དེ་དང་ཆོས་དང་ཟང་ཟིང་གི་ལོངས་སྤྱོད་ལྷན་ཅིག་ཏུ་བྱ་བ་གཏན་ནས་སྤང་ངོ༌། །སྒྲ་ཇི་བཞིན་པའོ། ༈ །ཤོ་ལོ་ཀ་ཕྱེད་དང་བཞིས་རྒྱུད་ཀྱི་རྒྱལ་པོ་འདུས་པ་ཐེག་པ་དང༌། རྒྱུད་སྡེ་གཞན་ལས་ཁྱད་པར་སྙིང་ནས་ཞེས་པ་གཉིས་ཀྱིས་བླ་མ་ཞིང་ཁྱད་པར་ཅན་དུ་བསྟན་པ་ཡང་ཐེག་པ་འདིའི་བླ་མ་ཡིན་པའི་གནད་ཀྱིས་ཡིན་པས་རྒྱུད་ཀྱི་ཆེ་བར་འགྱུར་རོ། །དུ འཕགས་པར་གྱུར་པར་བསྟན་ནས། ཁ སྒྲ་འགལ་བས་གསུངས་པའི་དགོས་པ་ནི། སྒྲ་དྲང་ཐད་དུ་གསལ་པོར་བསྟན་ན་སློབ་དཔོན་མེད་པར་རྒྱུད་ལ་རང་དགར་འཇུག་པར་འགྱུར་པས། དེར་མ་གྱུར་ཅིག་སྙམ་དུ་དགོངས་པས་སློབ་དཔོན་ལ་རག་ལས་པར་བྱ་བའི་ཕྱིར་དུ་སྲོག་གཅོད་པའི་སེམས་ཅན་གང༌། ཞེས་པ་ནས། དེ་དག་སྒྲུབ་པའི་སྣོད་དུ་འགྱུར། ཞེས་པའི་བར་གྱིས་སྲོག་གཅོད་དང༌། རྫུན་སྨྲ་སོགས་བཞི་བྱེད་བ་དང༌། བཤང་གཅི་ཟ་བ་རྣམས་ལམ་སྒྲུབ་པའི་རྟེན་དུ་བསྔགས་སོ། །ཀའཇིག་རྟེན་དང་འགལ་བའི་ཚིག་གིས་སྲོག་གཅོད་པ་སོགས་ལ་སྤྱོད་པའོ་ཟབ་དོན་ཁྱད་པར་ཅན་བསྟན་པའི་ཕྱིར་སྲོག་གཅོད་པ་ཡི་
ཞེས་བྱ་བ་ལ་སོགས་པ་གསུངས་ཏེ། ག སྲོག་གཅོད་ཞེས་སོགས་འདིའི་དོན་ནི་གང་ལ་དགོངས་ནས་གསུངས་པའི་བཤད་པའི་རྒྱུད་ལུང་སྟོན་ལས་གསུངས་ཏེ་འོད་གསལ་དུ་འཇུག་པའི་ཐབས་གང་གིས་ཕུང་སོགས་དངོས་པོ་མེད་པ འོད་གསལ་དུ་འཇུག་པར། སྤྲོས་པ་ཞི་བ་ལ་གནས་ལ་གོམས་པ་ལས་བྱུང་བའི་སེམས་ཀྱིས་སྲོག་ཅེས་གྲགས་པའི་རླུང་གི་རྒྱུལ་གཅོད་པའི་སྒོ་ནས་བྱས། །པ། དེ་ནི་སྲོག་གཅོད་བྱེད་པ་ཞེས་བྱ་བ་སྟེ། །དེ་ཡང་ཐེག་པའི་མཆོག་བླ་མེད་ལ་གནས་པ་རྣམས་ཀྱི་ཡིན་ནོ། །རྟེན་འབྱུང་ལ་དེ་ཁོ་ནར་ཕྱི་ནང་གཉིས་མེད་ཀྱང་ནང་གི་དང་དེ་བཞིན་དུ་ཕྱི་རོལ་དག །གི་རྟེན་འབྱུང་གཉིས་སུ་སྟོན་པ་ནི། །བརྫུན་པ་སྒྱུ་མ་ལྟ་བུ་སྨྲ་བ་ཡིན་པས་དེ་ལ་ནི་བརྫུན་དུ་སྨྲ་བ་ལ་དགའ་བ་ཞེས་བྱ་སྟེ། །དེ་ཡང་མཚན་འཛིན་གྱི་དམིགས་གཏད་ཀྱི་གནས་མེད་པའི་དེ་ཁོ་ན་ཉིད་ལ་གནས་པའི་རྣལ་འབྱོར་པའོ། །རྫོགས་པའི་སངས་རྒྱས་ཀྱི་ཡེ་ཤེས་གང༌། །ཡིན་པ་དེ་ནི་བླང་བྱའི་རྫས་སུ་ཤེས་པར་བྱ་སྟེ། །ད་མ་བྱིན་པར་འཕྲོག་པ་སྟེ། ལེན་པའི་ངང་ཚུལ་གང་ཡིན་པ། །ནི་གཞན་གྱི་ནོར་ལ་ཆགས་པ་ཞེས་བྱ་བ ར་འདོད་དོ། །རྣལ་འབྱོར་པ་གང་ཞིག་དེ་ཁོ་ན་ཉིད་ཀྱི་དངོས་པོ་སྟེ། །རང་བཞིན་གཅིག་པ། །སྟེ། དབྱེར་མེད་པའི་དེ་བཞིན་ཉིད་ལ་ཡིད་རྟག་ཏུ་སྦྱོར་བའི། །སེམས་ཅན་དེ་དང་དེ་ནི་ཆོས་ཀྱི་དབྱིངས་ཀྱི་བུ་མོ་ལ་སྤྱོད་པས་རྟག་ཏུ་འདོད་པ་སྤྱོད་པ་ལ་དགའ། །བ་སྟེ། ཁ
སྒྲུབ་པ་ཀ་མཚོག་ལ་དམ་པར་ཏེ། མཆོག་ཏུ་འགྱུར་རོ། །རང་བཞིན་མེད་པའི་སྟོང་ཉིད་ཀྱིས་སྐྲག་པས་བདེན་འཛིན་གྱི་གཏི་མུག་གིས། །ཞེན་པའི་ཞེས་གཉིས་ཀ་ལ་སྦྱར་ལ་དེ་འདྲ་བའི་ཡུལ་ནི་བཤད་པ་ཞེས་གྲགས་པས་ཏེ། །བཤད་ཅིང༌། དབང་པོ་ནི་གཅི་བ་ཞེས་བྱ་ང་ནི་སྔར་བཤད་ཟིན་ཏེ། སྐབས་གཞན་དུ་ཡང་དྲན་པར་བྱའོ། །ལ། །ཡུལ་དབང་གི་སྣང་བ་དང་དེ་དག་ཏུ་ཞེན་པ་འོད་གསལ་དུ་ཞི་བ་ནི། བཤང་གཅི་ཟ་བ་ཡིན་ནོ། །དོན་དེ་རྣམས་ལ་དགོངས་ནས་ཐེག་པ་ཆེན་པོའི་ཆོས་མཆོག་བླ་ན་མེད་པ་འདིར། །སྲོག་གཅོད་བྱེད་པ་སོགས་ལྔ་པོ་དེ་དག་ལམ་འདི་སྒྲུབ་པའི་སྣོད་དུ་འགྱུར་རོ། །ཞེས་བྱ་སྟེ།ཞེས་ལམ་གྱི་རྟེན་དུ་བསྔགས་ཀྱི། དངོས་ཟིན་ལྟར་བྱེད་པ་ལམ་འདི་སྒྲུབ་པ་ལ་དགོས་ཞེས་སྟོན་པ་མ་ཡིན་ནོ། །འདི་ནི་དགོངས་པས་བཤད་པའོ། ༈ །སྔར་ཐེག་པ་འདིར་མཆོག་མྱུར་དུ་འགྲུབ་པར་གསུངས་པའི་མྱུར་ཁྱད་ནི། བདེ་བ་ཆེན་པོས་སྟོང་ཉིད་སྒོམ་པ་ཡིན་ལ། དེའི་བདེ་བ་འདྲེན་པའི་ཐབས་གཉིས་ལས། ནང་གི་ཐབས་ནི་སྔར་བཤད་ཟིན་པས་འདིར་ཕྱག་རྒྱ་ལ་བརྟེན་པའི་ཐབས་ནི། མ་དང་སྲིང་མོ་ཞེས་བྱ་བ་ལ་སོགས་པས་སྟོན་ཏེ། དེ་ཉིད་སྤྱོད་པ་དང་པོ་གཉིས་ཀྱི་སྐབས་ཀྱི་ལས་རྒྱ་ལ་འདི་འདྲ་བས་དེར་ཡང་སྦྱར་རོ། །་ལ། མ་ཞེས་བྱ་བ་ནི་མ་དང་འདྲ་བར་སྒྲུབ་བ་པོ་དང་སེམས་ཤིན་ཏུ་རྗེས་སུ་མཐུན་པའི་ཕྱག་རྒྱ་མ། །སྲིང་མོ་དང་བུ་མོ་ཞེས་པ་ཡང་སྔར་བཤད་པ་དེ་བཞིན་ཏེ་། །དེས་ན་མ་ལྟར་བྱམས་པ་དང༌། སྲིང་མོ་ལྟར་བརྩེ་བ་དང༌། བུ་མོ་ལྟར་གདུང་སེམས་ཆེ་བ་དང༌། འདྲ་བའི་སྒོ་ནས་མ་དང་སྲིང་མོ་དང་
བུ་མོ་ཞེས་བཤད་ཀྱི་དེ་དག་དངོས་མ་ཡིན་ནོ། །གསུམ་པོ་འདི་རྣམས་ལས་གང་ཡང་རུང་བའི་རྣལ་འབྱོར་པ་རང་རང་གི་རིགས་ཀྱི་བུད་མེད་མི་བསྐྱོད་པའི་རིགས་ལ་སྨེ་ཤ་ཅན་དང༌། རྣམ་སྣང་གི་རིགས་ལ་བཙོ་བླག་མཁན་ལ་སོགས་པ་བླངས་ལ་རྫོགས་རིམ་ཁྱད་པར་ཅན་ཐོབ་པ་རྣམས་ལ་ནི་རིགས་སོ་སོའི་ངེས་པ་མེད་དོ། །བསྒྲུབ་པའི་ཐབས་མདོར་བྱས་ལས་བཤད་པའི་རིམ་པས་སྤྱི་བོ་ལ་སོགས་པར་རིགས་ལྔ་དགོད་པ་བྱས་ལ་སྒྲུབ་པ་པོ་གང་གིས་འདོད་པ་སྤྱད་པས་ནི་མཉེས་པར་བྱས་ན་ཐབས་དེ ས་དངོས་གྲུབ་རྒྱ་ཆེན་པོ་འཐོབ་པར་འགྱུར་ཏེ། ཐེག་པ་ཆེན་པོ་ཞེས་བྱ་བ་མཆོག་གི་ཆོས་གང་ལ་ཡོད་པ་གང་ཡིན་པ་དེ་ནི། ཐེག་ཆེན་མཆོག་གི་ཆོས་ཉིད་ཏེ་དེའི་ནང་དུ་དངོས་གྲུབ་རྒྱ་ཆེ་ཞིང་སྟེ་མཆོག་ཏུ་གྱུར་པ་སྒྲུབ་པ་པོ་དེས་འཐོབ་པར་འགྱུར་གྱི་སྒྲུབ་པ་པོ་དང་རྗེས་སུ་མི་མཐུན་པའི་སེམས་དང་ལྡན་པའི་ཕྱག་རྒྱ་མ་དང་མཉམ་པར་སྦྱོར་བས་ནི་ངེས་པར་ཏེ་གདོན་མི་ཟ་བར་སེམས་རྣམ་རྟོག་གི་དབང་དུ་འགྲོ་བའི་གཡེང་བ་སྐྱེ་བར་འགྱུར་བས་ཕྱག་རྒྱར་མི་བྱའོ། །དེས་ན་སེམས་ཤིན་ཏུ་བརྩེ་བའི་ཕྱག་རྒྱ་དགོས་ལ་རོ། །རྗེས་སུ་མཐུན་པ་དེ་ཡང་སྐྱེ་བ་འདིར་མ་ཟད་སྐྱེ་བ་གཞན་དག་ཏུ འང་དེ་དག་དང་ཡིད་གཅུགས་པར་གྱུར་པ་ལས་རྗེས་སུ་མཐུན་པར་འགྱུར་རོ། ༈ །ཁལྷར་སྒོམ་པ་དང་དམ་ཚིག་སྲུང་བ་སོགས་ཀྱི་སྔགས་དང་འཁྲིག་ཐབས་རེ་བཞི་སོགས་སྟོན་པའི་རྒྱུད་ལ་སོགས་པ་ལ་ལེགས་པར་བསླབ་པའི། །འགྱུར་
གསང་གཉིས་ཀ་ལའོ་ཞེས་པ་མེད་པ་ལེགས་སོ། །ཀགལ་ཏེ་གསྒྲུབ་པ་པོ་དང་རྗེས་སུ་མཐུན་པའི་ཕྱག་རྒྱ་མ་མ་རྙེད་ན་དེའི་ཚེ་ཇི་ལྟར་བྱ་ཞེ་ན། སངས་རྒྱས་གཙོ་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཀྱི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་འཆར་བའི་གནས་དམ་པ་སྙིང་ག་ཡིན་པས་རང་གི་སྙིང་ཁ་ལ་གནས་པ་དེའི་ངོ་བོར་མོས་པའི་རང་རིགས་ཀྱི་བུ་མོ་དེ་ནས་ཕྱུང་ལ། སྐབས་ཀྱི་ཡུམ་གང་ཡིན་དུ་བྱས་པ་དེ་དང་ལྷན་ཅིག་སྙོམས་པར་འཇུག་པར་བྱས་པས་བདེ་ཆེན་བསྐྱེད་པར་བྱ་སྟེ། དེ་སྐད་དུ་ཡང་སྙིང་ལ་གནས་པའི་ལྷ་མོ་ཆེ། །རྣལ་འབྱོར་པ་ཡི་རྒྱུད་ལ་ཐབས་ཤེས་དབྱེར་མེད་ཀྱི་རྣལ་འབྱོར་བསྐྱེད། །པ་ནི་སངས་རྒྱས་ཀུན་གྱི་སྐྱེད་པའི་ཡུམ་དུ་གྱུར་པ། །རྡོ་རྗེ་འཆང་གི་ཡུམ་རྡོ་རྗེ་དབྱིངས་ཀྱི་དབང་ཕྱུག་མོར་བཤད། །ལུང་འདིའི་ཁུངས་འདིར་མི་གསལ་ཡང༌། རྡོ་རྗེ་སེམས་དཔའི་སྒྲུབས་ཐབས་ལས་ཐམས་ཅད་གསང་བའི་རྒྱུད་ལས་གསུངས་པར་བཤད་དོ། །ཅེས་གསུངས་ལ། དེ་ཡང་སངས་རྒྱས་ཀྱི་གཙོ་བོའི་ཡུམ་ཡིན་པས་སོ། །མཉེས་པར་བྱས་ཀྱང་ཞེས་བྱ་བ་ནི། མ་དང་སྲིང་མོ་དང་བུ་མོ་དང་འདྲ་བར་ཕན་པར་:པ་ཚབ:ཕན་པར་འདོད་པ་དམ་ཚིག་ཤེས་པ་རྣམས་དང་ཡེ་ཤེས་ཀྱི་ཕྱག་རྒྱ་ཟེར། འདོད་པ་དང༌། དེ་ཡང་དམ་ཚིག་ཤེས་པ ར་བྱས་ནས་བསྲུང་བ་དང༌། བཤད་མ་ཐག་པའི་ཡེ་ཤེས་ཀྱི་ཕྱག་རྒྱ་རྣམས་དང་སྦྱོར་བའི་ཐབས་ཀྱིས་ནི། མཆོག་ཏུ་དགའ་བ་ལྷན་ཅིག་སྐྱེས་པའི་བདེ་བ་ཉམས་སུ་མྱོང་བར་བྱས་པས་སྟེ། བྱས་ཀྱང་ནི་མི་ཆགས་ཞེས་བྱ་བ་སྟེ། འདོད་ཆགས་ལ་སོགས་
པའི་ཉོན་མོངས་པའི་ཉེས་པས་ངན་འགྲོར་འཁྲིད་པ་དང༌། ལམ་ལ་སྒྲིབ་པས་གོས་པར་མི་འགྱུར་བའོ། །འདོད་ཆགས་ལ་སོགས་པའི་ཉེས་པ་རྣམས་ཀྱིས་མ་གོས་པ་འབའ་ཞིག་ཏུ་མ་ཟད་ཀྱི་གཞན་ཡང་ཐབས་དེས་ཕུན་སུམ་ཚོགས་པ་ཐམས་ཅད་འཐོབ་བོ་ཞེས་བསྟན་པའི་ཕྱིར། དེ་ནི་སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སྒྲུབ་པ་པོ་དེ་ནི་བློ་ནི་འདིར་ཤེས་རབ་ཡིན་ལ་དེ་ཡང་སྐབས་ཀྱིས་ཤེས་རབ་མ་སྟེ་ལེགས་པར་བསླབས་པའི་ཕྱག་རྒྱ་གང་ལ་ཡོད་པ་དེ་ནི་བློ་ཅན་ཏེ། རྣམ་པར་མི་རྟོག་པ སྟེ། ཆོས་རྣམས་ཀྱི་ཡིན་ལུགས་ཀྱི འི་ངོ་བོ་ཉིད་ཤེས་པ་དེས་མཚན་འཛིན་གྱི་རྟོག་པ་འཇོམས་པས་ནི། སངས་རྒྱས་ཉིད་དེ་རྡོ་རྗེ་འཆང་ཆེན་པོ་ཉིད་འགྲུབ་པར་འགྱུར་ཞིང་སྟེ། གོ་འཕང་དེར་བདག་ཉིད་རྫོགས་པར་འགྱུར་བ་སྟེ། དྲང་བའི་དོན་ཏོ། །ཞེས་པ་ནི་མ་སྲིང་སོགས་ཆོས་སྐུ་སོགས་ལ་མ་བཤད་པར། བུད་མེད་ལ་བཤད་པའི་ཆ་ནས་ཡིན་གྱི། འདི་རྣམས་རྫོགས་རིམ་པས་མི་བྱེད་པར་བསྐྱེད་རིམ་པ་ཁོ་ནས་བྱེད་པའི་ཆ་ནས་མ་ཡིན་ནོ། ༈ །སླར་ཡང་ལུང་སྟོན་གྱི་ལུང་གིས་ངེས་དོན་བརྗོད་པར་བྱ་སྟེ། ཆོས་ཐམས་ཅད་ཀྱི་ཡིན་ལུགས་རང་བཞིན་རྣམ་པར་དག་པའི་ཆོས་ཀྱི་སྐུར་མཚན་ཉིད་གཅིག་པ་སྟེ་མཚུངས་པ་ཡི། །ཁཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་བ་ནི་ཀཡུམ་གམ། །ཁགཉིས་སུ་མེད་པར་ཀདེ་བཞིན་ཉིད་དེ་ཡང་ཡུལ་ཅན་བདེ་ཆེན་དང༌། གསྦྱོར་བས་དངོས་པོ་མེད་པ་ཅེས་བྱ་བ་འོད་གསལ་དུ་འཇུག་པ་ནི་མེད་ལ་འདོད་པ་
སྤྱོད་པའོ། །འོད་གསལ་གྱི་རླུང་སེམས་ཙམ་ལས་ཟུང་འཇུག་གི་སྐུར་བཞེངས་པའི་ལོངས་སྤྱོད་རྫོགས་བའི་སྐུ་དང་མཉམ་པ་ཉིད་དུ་ཞུགས་པ་གང་ཡིན། །པའི་འོད་གསལ་དེ་ཉིད་ནི་སྲིང་མོ་ཡིན་པར་འདོད་ཅིང༌། །དེ་ལ་སྤྱོད་པ་ནི་སྔ་མ་བཞིན་ནོ། །རྫོགས་རིམ་པ་རང་རང་གི་ལྷའི་རྣལ་འབྱོར་དང་ལྡན་པ་ཡི། །གསང་སྔགས་ཀྱི་ལྷའི་ལུས་ཀྱི་ཏེ། སྐུ་ཡི་འོད་གསལ་བསྒོམས་པ་གམས་པར་བྱེད་པ་ནི་མ་སྲིང་བུ་མོ་མཉེས་པར་བྱ། །ཞེས་པའོ། །དེ་ལ་ནི་སྒྱུ་ལུས་པའི་ཡེ་ཤེས་ཀྱི་སྐུ་དང༌། ཟུང་འཇུག་པའི་ལོངས་སྤྲུལ་གྱི་སྐུས་མཉེས་པར་བྱེད་པ་གསུམ་མོ། །ཟུང་འཇུག་ལོངས་སྐུའི་རྟེན་གྱི་རྣམ་སྣང་སོགས་ཀྱི་སྤྲུལ་སྐུའི་གཟུགས་ཅན་དུ་སྤྲུལ་ནས་སྒོམ་པའི་འོད་གསལ་ནི་བུ་མོ་ཡིན་ལ། དེ་འདྲ་བ་དེ། སྒྲུབ་པ་པོས་ནི་བསྒོམ་པར་བྱ། །མ་ལ་སོགས་པ་ལ་འདོད་པ་སྤྱོད་བར་གསུངས་པའི་དོན་འོད་གསལ་དུ་འཇུག་པ་ལ་བཤད་ཅིང་དེ་ཉིད་མཉེས་པར་བྱེད་པ་ཡང་ཡིན་པས། འོད་གསལ་གཅིག་ཉིད་སྒོམ་པ་པོའི་རྟེན་གྱིས་ཕྱེ་བའི་༽མ་དང་སྲིང་མོ་བུ་མོ་ནི། གསུམ་པོ་སྔར་བཤད་པ་འདི་འདྲ་བ་རྫོགས་རིམ་པའི་རྣལ་འབྱོར་པས་མཉེས་པར་བྱས། །ན་བླ་མེད་ཀྱི་ཐེག་ཆེན་ཐབས་མཁས་པ་མཆོག་གི་ཆོས་དང་ལྡན་པ་འདི་ཉིད་ལ། །བརྟེན་ནས་དངོས་གྲུབ་རྒྱ་ཆེན་པོ་སྒྲུབ་པ་པོ་དེས་འཐོབ་བོ། །ཞེས་བྱ་བ་སྟེ། ངེས་པའི་དོན་ཏོ། ༈ །དེ་ནས་ཞེས་བྱ་བ་ལ་སོགས་པ་ལ། རིགས་ངན་ལ་སོགས་པ ས་ཚེ་གཅིག་ལ་སངས་རྒྱས་ཉིད་དུ་འགྲུབ་པར་ཐོས་པས་ངོ་མཚར་དུ་གྱུར་ལ། མཚམས་མེད་པ་ལ་སོགས་པ་སྡིག་
པ་བྱེད་པ་རྣམས་ཀྱིས་ཀྱང་ཚེ་གཅིག་ལ་བདེ་བ་ཆེན་པོའི་གོ་འཕང་འཐོབ་པར་ཐོས་པས་ནི་རྨད་དུ་གྱུར་ཏོ། །དེ་ལྟར་ངོ་མཚར་དང་རྨད་དང་ལྡན་པ་ནི་སྒྲིབ་པ་ཐམས་ཅད་རྣམ་པར་སེལ་བ་ལ་སོགས་པའི་འཁོར་གྱི་བྱང་ཆུབ་སེམས་དཔའ་སྟེ། དེ་ཡང་རྗེས་འཇུག་གི་དོན་དུ་ཡིན་པས། དེ་ནི་པདྨ་དཀར་པོ་ལྟ་བུའི་གང་ཟག་ལ་སོགས་པ་དབང་པོ་བརྟུལ་པོ་བཞི་རྣམས་ཀྱིས། སྲོག་གཅོད་པའི་ཞེས་བྱ་བ་ནས་ལ་སོགས་པ ས་བསྡུས་པ། དེ་དག་སྒྲུབ་པའི་སྣོད་དུ་འགྱུར་ཞེས་པའི་བར་གྱི འི་རྡོ་རྗེའི་ཚིག་རྣམས་སྟོན་པས་དགོངས་པས་བཤད་པ་ལ། སྒྲ་ཇི་བཞིན་པའི་དོན་ལ་ཏེ་དུ་མངོན་པར་ཞེན་པར་གྱུར་པས་མ་འོངས་པ་ན་རྒོལ་པ་མཚོན་པའི་ཕྱིར། སྔོན་བྱུང་ལ་བྱང་སེམས་རྣམས་ཀྱིས་བཅོམ་ལྡན་འདས་ཅིའི་སླད་དུ་ཞེས་བྱ་བ་ལ་སོགས་པས་རྒོལ་བར་བྱེད་དེ། ཅིའི་སླད་དུ་གསུང་ཞེས་གསོལ་ཏོ། ཞེས་བྱ་བར་སྦྱར་རོ། །བཅོམ་ལྡན་འདས་ནི་ཚོགས་གཉིས་དང་ལྡན་པའོ། །དེ་བཞིན་གཤེགས་པ་ཐམས་ཅད་ཀྱི་བདག་པོ་ནི་འཕགས་པ ཏེ་དེ་རྣམས་ཀྱི་རྗེ་བོ ར་གྱུར་པ་རྣམས་ཏེ་ཚིག་འདི་གཉིས་ཀྱིས་ནི་ཚིག་ངན་པ་གསུང་བའི་གནས་ཏེ། འོས་མ་ཡིན་པར་བསྟན་ཏོ། །དེ་བཞིན་གཤེགས་པ་ཐམས་ཅད་ནི་རྫོགས་པ་མི་བསྐྱོད་པ་ལ་སོགས་པ་དང་མ་རྫོགས་པ་སྒྲིབ་སེལ་ལ་སོགས་པ་སྟེ། དེ་རྣམས་ཀྱི་འཁོར་གྱི་ཚོགས་ཀྱི་ནང་དུ་སྟེ་དབུས་དེར་ཡང་ཚིག་ངན་པ་གསུང་བ་འདི་མི་རིགས་
ཏེ། ངན་པར་གསུངས་པའི་ཚིག་ནི་ཚིག་ངན་པ་སྟེ། སྲོག་གཅོད་པའི་ཞེས་བྱ་བ་ལ་སོགས་པ་འཕགས་པ་སྟེ། དམ་པ་མ་ཡིན་པ་རབ་ཏུ་འཇུག་པའི་ལས་ཀྱི་མཚན་ཉིད་དོ། །དེ་གསུང་བས་ན་གསུང་བ་སྟེ་ཚིག་ངན་པ་ཡང་དེ་ཉིད་ཡིན་ལ་གསུངས་པ་ཡང་དེ་ཉིད་ཡིན་པས་ན་ཚིག་ངན་པར་གསུང་པ་སྟེ། དེ་ཅིའི་ཕྱིར་གསུང་བར་མཛད་ཅེས་བྱ་བའོ། ༈ །དེ་ནས་ཞེས་བྱ་བ་ལ་སོགས་པ་ལ། བྱང་ཆུབ་སེམས་དཔའ་རྣམས་ཀྱི་ཚིག་གི ས་གསོལ་བ་གསན་པའི་རྗེས་ཐོགས་སུ། དེ་བཞིན་གཤེགས་པ་ཐམས་ཅད་སྟེ། མི་བསྐྱོད་པ་ལ་སོགས་པས་བྱང་སེམས་དེ་དག་ལ་འདི་སྐད་ཅེས་བཀའ་སྩལ་བའོ། །ཐོང་ཞེས་བྱ་བ་ལ་སོགས་པ་ལ། ཐོང་ཞེས་བྱ་བ་ནི་ཚིག་ངན་པ་མ་གསུང་ཞེས་ཟེར་བ་ལས་ཟློག་པ་སྟེ། ཁྱེད་རྣམས་ཀྱི་བསམ་པ་ཤེས་ཀྱིས་མང་པོ་སྨྲས་པ ས་ཅི་ཞིག་བྱ་ཞེས་དགོངས་པ་སྟེ། བཅོམ་ལྡན་འདས་ཀྱིས་དོན་གཞན་ལ་དགོངས་པས་ཏེ་ནས་བཤད་པའི་གསུང་ལ་སྒྲ་ཇི་བཞིན་པར་བཟུང་བས་ཏེ་ནས་ཚིག་ངན་པའི་ཞེས་སེམས་པ་འདི་ལྟ་བུ་མ་སྨྲ་བའམ། དེ་སྐད་མ་ཟེར་ཤིག །དེ་ཅིའི་ཕྱིར་ཞེ་ན། སྲོག་གཅོད་པའི་ཞེས་བྱ་བ་ལ་སོགས་པ་དོན་རྟོགས་པར་དཀའ་བ་རྡོ་རྗེའི་ཚིག་ཏུ་གསུངས་པས་དགོངས་གཞི་ཆོས་རྣམས་ཀྱི་དེ་ཉིད་སྔར་བཤད་པ་ལྟ་བུ་གང་གསུངས་པའི་ཆོས་རྣམས་ཀྱི་དེ་ཉིད་རྣམ་པར་དག་པ་འདི་ནི། སངས་རྒྱས་རྣམས་ཀྱིས་བློ་མཆོག་ཏུ་གྱུར་པ་རིན་པོ་ཆེ་ལྟ་བུའི་གང་ཟག་སྙིང་པོ་ཤེས་
པ་ལ་གསུངས་ཏེ། ཤེས་བྱའི་སྙིང་པོ་ཆི་མི་གནས་པའི་མྱ་ངན་ལས་འདས་པའོ། །ཡེ་ཤེས་ཅན་ནི་མྱང་འདས་དེ་ཤེས་ཤིང་ཁོང་དུ་ཆུད་པར་ནུས་པ་གང་ཡིན་པ་དེ་ལ་དེ་སྐད་ཅེས་བྱའོ། །སྙིང་པོའི་ཆོས་མྱང་འདས་ནི་དོན་དམ་པའི་བདེན་པ དང་རོ་གཅིག་ཏུ་ཞུགས་པའི་འོད་གསལ་གྱི་ཡེ་ཤེས་སོ། །དོན་ནི་ཀུན་རྫོབ་ཀྱི་བདེན་པ་སྒྱུ་མའི་སྐུ་སྟེ། དེ་གཉིས་ངོ་བོ་གཅིག་ཏུ་མི་ཕྱེད་པའི་རྣམ་པས་ཐོབ་པ་ནི་བྱུང་བ་སྟེ། སྙིང་པོའི་ཆོས་ཀྱི་དོན་ལས་བྱུང་བ་ནི་ཟུང་འཇུག་དེ་ཐོབ་པའོ། །སྔར་བཤད་པ་དེ་ལྟར་དགོངས་གཞི་ཁྱད་པར་ཅན་གྱི་ངོ་བོ་ཉིད་ཀྱི་ཆོས་ཉིད་ལ་དགོངས་ནས་གསུངས་པ་འདི་ནི་གཙོ་བོར་ནི་རིན་པོ་ཆེའི་གང་ཟག་ཉིད་ལ་སྟེ་ཁོ་ནའི་དབང་དུ་བྱས་ནས་སྦྱིན་པར་བྱ་བ་སྟེ། གསུངས་པ་ཡིན་གྱི་པད་དཀར་ལ་སོགས་པ་གཞན་དག་ལ་ནི་མ་ཡིན་ཏེ། སྣོད་ཀྱི་ཁྱད་པར་དེ་ལྟ་བུ་ཡོད་པ་དེ་བས་ན་དོན་གཞན་ལ་དགོངས་པའི་གསུང་གིས་སྟོན་པར་མཛད་པ་ནི། དེ་བཞིན་གཤེགས་པ་རྣམས་ཀྱི་གསུང་དགོངས་པ་ཅན་ཡིན་ནོ། །བྱང་ཆུབ་སྤྱོད་པའི་གནས་འདི་ཡིན་ཞེས་བྱ་བ་ནི་རྫོགས་པར་བྱང་ཆུབ་པའི་སྤྱོད་པ ར་གྱུར་པ་ནི་བྱང་ཆུབ་སྤྱོད་པའོ། །དེའི་གནས་ནི་མི་སློབ་པའི་རྡོ་རྗེ་འཆང་ཉིད་དོ། །འདི་ནི་ཞེས་པ་སྔར་བཤད་པའི་ཟུང་འཇུག་འདི་ཉིད་དེ་འདིས་ངེས་པར་རྡོ་རྗེ་འཆང་ཆེན་པོ་ཉིད་འཐོབ་པར་འགྱུར་པས་ན། དེ་ལ་ཡང་འབྲས་བུའི་མིང་བཏགས་ནས་སྤྱོད་པའི་གནས་ཞེས་གསུངས་ཏེ། སྒྲ་
ཇི་བཞིན་པའོ། ༈ །དེ་ནས་ཡང་བརྗོད་ཀྱིས་མི་ལང་བ་ཞེས་བྱ་བའི་ཚིག་གཉིས་ཀྱི་དོན་ནི། ལེའུ་དང་པོའི་འགྲེལ་པར་བཤད་ཟིན་ཏོ། །འཇིགས་པ་ནི་སྔར་སྲོག་གཅོད་པ་ལ་སོགས་པ་བྱའོ། །ཞེས་པའི་བྱ་བ་དེ་བྱས་ན་ལས་དེའི་རྣམ་པར་སྨིན་པ་ཚ་བའི་ཕྱིར། འཇིགས་པ་སྐྱེས་པར་གྱུར་ལ། བྱ་བ་མ་ཡིན་པས་ཏེ། བྱ་བ་དེ་མ་བྱས་ན་བཅོམ་ལྡན་འདས་ཀྱི་བཀའ་སྲོག་གཅོད་སོགས་བྱའོ་ཞེས་པ་ལས་འདས་པའི་རྣམ་སྨིན་དམྱལ་བའི་འཇིགས་པས་སྐྲག་པར་གྱུར་ཅིང༌། བྱ་བ་གཉིས་པོ་དེ་གང་བྱ་རྒྱུ་ཡིན་པ་ལ་བློ་རྨོངས་པས་མགོ་ཀུན་ཏུ་འཁོར་བར་གྱུར་ཏོ། །སྲོག་གཅོད་བའི་ཞེས་སོགས་ཀྱི་ཕྱི་ནས་ཏེ། རྗེས་སུ་སྙིང་པོ་ཡེ་ཤེས་ཞེས་སོགས་ཀྱིས་སྲོག་གཅོད་པའི་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ཀྱི་ངེས་པའི་དོན་དེ་བཞིན་གཤེགས་པ་ལས་ཐོས་པས་དགའ་བའོ། །འདིར་པ་ཚབ་དང་ཆག་འགྱུར་ལས། དགའ་བ་དང་གཞན་དབང་གཉིས་སོ་སོར་མ་བཅད་པར་དགའ་བའི་གཞན་དབང་དུ་གྱུར་པས་བརྒྱལ་ཞེས་འབྱུང་བ་ལྟར་བདེའོ། །གཞན་གྱི་དབང་དུ་གྱུར་པས་བརྒྱལ་བར་གྱུར་ཏེ། དགའ་བ་ཆེན་པོ་སྐྱེ་བའི་རྒྱུ་ནི་རྡོ་རྗེའི་ཚིག་དོན་སྔོན་ཆད་མ་རྟོགས་པའི་ཆོས་ཉིད་དེ་དགོངས་པའི་དོན་རྟོགས་པའི་མཐུས་སོ། །བརྒྱལ་ལུགས་ནི་རྟོགས་པའི་དོན་དེ་ལ་ཡིད་རྩེ་གཅིག་ཏུ་གྱུར་པས་དབང་པོ འི་སྒོ་ནས་འཇུག་པའི་ཀུན་རྟག་མ་ལུས་པ་ལྡོག་ཅིང༌། ཕྱིར་འཕྲོ་བ་རྣམས་འགགས་པར་གྱུར་ཏོ་ཞེས་བྱ་བར་དགོངས་ཏེ། དྲང་བའི་དོན་ཏོ། ༈ །བརྒྱལ་བའི་དོན་དྲན་དོན་དུ་བཤད་པ་ལས་སླར་ཡང་ལུང་
སྟོན་གྱི་ལུང་གིས་ངེས་པའི་དོན་དུ་བཤད་པ་འདི་བརྗོད་པར་བྱ་སྟེ། རྩ་བའི་རྒྱུད་ལས་བརྒྱལ་བ་ཞེས་ཡིད་གཞན་དུ་མི་གཡོ་བ ར་གསུངས་པ་འདི་ནི་ཁཤིན་ཏུ་གསང་བ འི་གནས་སུ་གྱུར་པ་སྟེ། ཞེས་པ་ཐེག་པ་གཞན་དང་རྒྱུད་སྡེ་འོག་མ་དང་ཐུན་མོང་མ་ཡིན་པར་བསྟན་ནོ། །གནས་སྐབས་དེར་གཉིས་སྣང་གི་རྟོག་པ་ཕྲ་མོ་ཡང་ཞི་བ་དང༌། དེའི་ཕྱིར་རང་གི་ངོ་བོའི་སྒོ་ནས་མི་འདྲ་བ་དུ་མ་མེད་པས་གཅིག་པུ་དང༌། དེ་ཁོ་ན་ཉིད་རྟོགས་པའི་བདེ་བ་ཀུན་གྱི་ནང་ནས་ལྷན་སྐྱེས་ཀྱི་བདེ་ཆེན་གྱིས་དེ་ཁོ་ན་ཉིད་རྟོགས་པ་མཆོག་ཏུ་གྱུར་པས་བདེ་བའི་མཆོག་དང༌། རྫོགས་པའི་བྱང་ཆུབ་ཚེ་གཅིག་ལ་འཐོབ་པར་བྱེད་པའི། །ཁྱད་པར་རྣམས་དང་ལྡན་པའི་འོད་གསལ་གྱི་ཡེ་ཤེས་འདི་ལ་ནི། །ཀདགོངས་པའི་ཚིག་གི ས་གསུངས་པ་ཡིན་ནོ། །ཞེས་སྦྱར་རོ། །དེ་སྐད་གསུངས་པའི་དགོངས་གཞི་དེ་གང་སྙམ་ན། གའོད་གསལ་དེར་འཇུག་ཚུལ་ཇི་འདྲ་བ་ཞིག་སྙམ་ན་ནམ་མཁའ་ནི་སྟོང་པའོ། །མཐའ་ཡས་ནི་ཐམས་ཅད་ཀྱི་དོན་སྟེ་བསྡུ་ན་ཐམས་ཅད་སྟོང་བ་ཡུལ་ཅན་གྱི་འོད་གསལ་ལོ། །སྦྱོར་བ་ནི་རྣལ་འབྱོར་ཏེ། བསམ་གཏན་གཉིས་སོ། །རྣལ་འབྱོར་དེ་ཡིས། །འོད་གསལ་དུ་འཇུག་པར་བྱེད་དོ། །འོད་གསལ་དུ་གཞུག་རྒྱུ་ནི་གཟུགས་ལ་སོགས་པའི་ཕུང་པོ་དང༌། ས་ལ་སོགས་པའི་ཁམས་དང༌། མིག་ལ་སོགས་པའི་དབང་པོ་མཐའ་ཡས་པ་བཤད་པ་རྣམས་སོ། །དེ་ཉིད་ཀྱང་འབྱུང་བའི་ཚེ་དེ་བཞིན་ཉིད་ཀྱི་ངང་ནས་འབྱུང་ལ་འཇིག་པའི་ཚེ་དེ་བཞིན་ཉིད་ཀྱི་ངང་དུ་འགྲོ་བས་རྒྱུད་སྡེ་རྣམས་ལས་ཕུང་པོ་རྣམས། དེ་བཞིན་གཤེགས་པར་བཤད་ཅིང་དང༌། དེ་བཞིན་དུ་དབང་པོ་རྣམས་
བྱང་ཆུབ་སེམས་དཔར་བཤད། །པ་རྣམས་སོ། །དེ་ལྟར་མཐའ་ཡས་པར་བཤད་པ་དེ་ཉིད་སྟེ་དེ་རྣམས་ལས་གསལ་དུ་འཇུག་རྒྱུ་མདོར་བསྡུས་པ་འདི་ལྟ་བུ། །ཡིན་ཏེ། ཁདཀྱིལ་འཁོར་ཀ རྣལ་འབྱོར་བ་རང་གི་ལུས་ཀྱི་གགང་ཡིན་པ། །སྟེ། འཇིག་རྟེན་འདི་ན་འཇིག་པ་མི་རྟག་པ་དང༌། ཚོགས་པ་སྟེ། དུ་མ་འདུས་པའི་ལུས་སུ་རྟོག་པ་སྟེ། ཐ་སྙད་བྱེད་པ་དེ་ལ། །བྱའོ། །དེ་འདྲ་བའི་རང་གི་ཕུང་པོ་འོད་གསལ་དུ་ཞུགས་པ་ལ་བྱང་ཆུབ་སེམས་དཔའ་རྣམས་བརྒྱལ་བར་གྱུར་ཞེས་གསུངས་སོ། །གདུལ་བྱ་བློ་དམན་པ་རྣམས་ཀྱིས་དེ་ལྟ་བུ འི་ལྷན་སྐྱེས་ཀྱི་བདེ་བ་ཆེན་པོས་མྱོས་པ་འདི་མ་ཤེས་པས་བྱང་ཆུབ་སེམས་དཔའ་རྣམས་སྔར་དྲང་དོན་གྱི་སྐབས་སུ་བཤད་པའི་བརྒྱལ་བ་ལ་དེ་བཞིན་གཤེགས་པས་བསྐུལ་བར་མཛད་པ ར་འཛིན་ལ་བློ་མཆོག་དང་ལྡན་པ་རྣམས་ཀྱིས་དང༌། །བྱང་ཆུབ་སེམས་དཔའ་སེམས་དཔའ་ཆེ། །ན་པོ་རྣམས་ཀྱིས། རང་གི་ཕུང་པོ་བསམ་གཏན་གཉིས་ཀྱིས་འོད་གསལ་དུ་བཅུག་ནས་ཞུགས་པ་ལ་རྩ་རྒྱུད་ལས་བརྒྱལ་བ་ཞེས་ནི་བཤད་པ་ཡིན། །པར་རྟོགས་སོ། ཞེས་བྱ་བ་སྟེ། ངེས་པའི་དོན་ཏོ། ༈ །དེ་ནས་ཞེས་བྱ་བ་ལ་སོགས་པ་ལ། བྱང་ཆུབ་སེམས་དཔའ་ཆེན་པོ་དེ་དག་བསླང་པར་གསོལ་ཞེས་པའི་བར་དུ་ནི་གོ་སླ་སྟེ། སྒྲ་ཇི་བཞིན་པའོ། ༈ །དེ་ལྟར་བརྒྱལ་བའི་དོན་དྲང་ངེས་གཉིས་སུ་བཤད་ནས། བརྒྱལ་བ་ལས་ལངས་པའི་དོན་དྲང་ངེས་གཉིས་ཀྱིས་འཆད་པའི་དྲང་དོན་ནི་ནམ་མཁའ་
ནི་སྟོང་པ་ཉིད་དོ། །དེ་དང་མཉམ་ཞིང་ནི་དེ་དང་འདྲ་བར་ཡུལ་ཅན་གྱི་ཡེ་ཤེས་གཉིས་སུ་མེད་པར་རོ་གཅིག་ཏུ་ཞུགས་པས་ན་ནམ་མཁའ་དང་མཉམ་པ་གཉིས་སུ་མེད་པའོ། །ཡེ་ཤེས་དེ་ཉིད། གཉིས་འཛིན་གྱི་རྟག་པས་མི་ཕྱེད་པས་རྡོ་རྗེ་སྟེ་དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པའོ། །སྙོམས་པར་ཞུགས་མ་ཐག་ཏུ་ཞེས་བྱ་བ་ནི། ཏིང་ངེ་འཛིན་ལ་སྙོམས་པར་ཞུགས་པ་ཙམ་གྱིས་སོ། །བཅོམ་ལྡན་འདས་ནས་ཞེས་བྱ་བ་ལ་སོགས་པའི་བདག་པོའི་བར་གྱི་དོན་ནི་སྔར་འགྲེལ་པར་མང་དུ་བཤད་ཟིན་ཏོ། །བདག་པོའི་འོད་ནི་དེ་ལྟ་བུའི་རྡོ་རྗེ་འཆང་ཆེན་པོའི་འོད་སྟེ། འོད་ཟེར་དུ་སྟེ། དེ་རྣམས་གཅིག་ཏུ་ཡང་དག་པར་བསྡུས་པར་གྱུར་པས། རེག་པ་ཙམ་གྱིས་ཞེས་པ་ནི་རེག་པ་སྟེ། ཕོག་པར་གྱུར་པ་ཙམ་གྱིས་སོ། །རང་རང་གི་སྟན་ལ་གནས་པར་གྱུར་ཏོ། ཞེས་བྱ་བ་ནི། དྲན་པ་སླར་སོ་སོར་རྙེད་པ་ནི་སྔར་དྲང་དོན་གྱི་སྐབས་སུ་བཤད་པའི་དྲན་པ་མེད་ཅིང་ཡིད་ལ་བྱ་བ་མེད་པར་བཞག་པ་ལས་ལངས་པར་གྱུར་ཏོ། ཞེས་པ་སྟེ། དྲང་བའི་དོན་ཏོ། ༈ །ངེས་དོན་དུ་བཤད་ན་ནམ་མཁའ་ནི་སྟོང་པ་ཉིད་གསུམ་མོ། །སྟོང་བ་གསུམ་པོ་དེ་དང་མཉམ་པ་སྟེ་སྟོང་པར་འདྲ་བ་ནི་བཞི་པ་འོད་གསལ་ལོ་བ་སྟེ་། འོད་གསལ་དང་སྒྱུ་མའི་སྐུ་དེ་དག་གཉིས་སུ་མེད་པ་ནི་ཟུང་དུ་འཇུག་པའོ། །དེ་གཉིས་ཐུགས་དང་སྐུའི་ངོ་བོར་དུས་གཅིག་ཏུ་རོ་གཅིག་པར་དབྱེར་མི་ཕྱེད་པས་ན་རྡོ་རྗེ་སྟེ་དེ་སྐད་ཅེས་བྱ་བའི་ཏིང་ངེ་འཛིན་དེ་ལ་
སྙོམས་པར་ཞུགས་སོ་ཞེས་བྱ་བ་སྟེ། འདིས་ནི་རྗེས་འཇུག་ལ་མི་གཡོ་བའི་འོད་གསལ་གྱི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའི་སྒྱུ་མའི་སྐུའི་གཟུགས་སུ་གནས་པའི་ཟུང་འཇུག་གི་བདག་ཉིད་ཐོབ་པར་གྱུར་པ སྟོན་ནོ་འོ། །སྙོམས་པར་ཞུགས་མ་ཐག་ཏུ་ཞེས་བྱ་བ་འདིར་ནི། དེ་ལྟར་འོད་གསལ་དུ་ཞུགས་པའི་སྒོ་ནས་བྱིན་གྱིས་བརླབས་པ་ཙམ་གྱིས་ཞེས་པའི་དོན་ཏེ་སྙོམས་པར་ཞུགས་པའི་ཏིང་ངེ་འཛིན་ལ་འོད་ཟུང་གཉིས་ཡོད་ཀྱང་ད་ལྟ་ནི་འོད་གསལ་ལ་ཞུགས་པ་ཉིད་གཟུང་ངོ་། །དེ་ལྟར་འོད་གསལ་དུ་ཞུགས་པའི་འོག་ཏུ་འོད་གསལ་ལས་ལྡང་ཚུལ་ནི་ཟུང་འཇུག་གི་རྡོ་རྗེ་འཆང་ཆེན་པོ་དང་རྒྱུ་འབྲས་སུ་འབྲེལ་བའི་འོད་སྟེ། སྣང་བའི་འོད་ཀྱི་ཚོགས་ཀྱིས་རེག་པ་ཙམ་གྱིས་ཞེས་པའི་འོད་ཀྱི་ཆོགས་ནི། །འོད་ཀྱི་ཁྱད་པར་ཏེ་འོད་གསལ་གྱི་ཡེ་ཤེས་སོ། །རེག་པ་ཞེས་བྱ་བ་ནི། ཕྲད་པའི་དོན་ཏེ། ཡེ་ཤེས་དེ་དང་རླུང་གཉིས་དང་འདུས་ཤིང་ཚོགས་པའོ། །རླུང་དེས་རེག་པ་ཙམ་གྱིས་ཞེས་པ་ནི། འོད་གསལ་གྱི་ཡེ་ཤེས་དེ་ཁམས་ཕྲ་བ་རླུང་ལ་ངོ་བོ་དབྱེར་མེད་དུ་རྗེས་སུ་ཞུགས་པའི་ཡེ་ཤེས་ཀྱི་བཞིན་པའི་རླུང་གི་འོད་ཟེར་འཕྲོས་བ་སྟེ། ཆེར་གཡོས་པས་འོད་གསལ་བ་ལས་ལྡང་བར་གྱུར་ཏོ། ཞེས་བྱ་བའི་དོན་ཏེ། །དོན་གྱི་འོད་གསལ་དེ་ལས་ལངས་མ་ཐག་ཏུ་ཟུང་འཇུག་གི་སྐུ་ཡང་འགྲུབ་པར་འགྱུར་རོ། །རང་རང་གི་སྟན་ལ་ཞེས་བྱ་བ་ནི་རང་གི་འཇིག་རྟེན་གྱི་ཁམས་ཇི་ལྟ་བར་ར། །གནས་པ་ཞེས་བྱ་བ་ནི་སེམས་ཅན་གྱི་དོན་རྫོགས་པར་བྱེད་ནུས་པར་གྱུར་པ་སྟེ། ངེས་པའི་དོན་ཏོ། ༈ །དེ་ནས་
ཞེས་བྱ་བ་ལ་སོགས་པ་ལ་འཁོར་གྱི་དེ་བཞིན་གཤེགས་པ་རྣམས་བཅོམ་ལྡན་འདས་ཟབ་པའི་ཆོས་སྟོན་པ་ལ་མཁས་པས་ན་ངོ་མཚར་དུ་གྱུར་པའོ། །སྔོན་མང་དུ་མ་བྱུང་བ་བྱུང་བར་གྱུར་པས་ན་རྨད་དུ་གྱུར་པའོ། །ཤིན་ཏུ་དགྱེས་པས་ཁྱད་པར་གྱུར་པ་ནི་དགྱེས་པས་ཁྱད་པར་གྱུར་ཅིང་རངས་ཏེ། རངས་ཚུལ་ནི། སྟོན་པས་བཀའ་སྩལ་པའི་ཟབ་མོའི་དོན་རྟོགས་ཤིང་རྟོགས་པའི་ཏིང་ངེ་འཛིན་གྱི་ཁྱད་པར་སྒྱུ་མ་དང་འོད་གསལ་གདུལ་བྱས་བསྒོམས་པ་ཡིས། དེ་རྣམས་ཐབ་པར་གྱིས། བསྐྱེད་པའི་སེམས་ཅན་གྱི་ཚོགས་ཀྱི་དོན་མཛད་པ་གཟིགས་པས་དགྱེས་པས་ཁྱབ་པར་གྱུར་པའོ། །ཆོས་ཀྱི་དབྱིངས་འདི་སྐད་ཅེས་གསུངས་སོ། ཞེས་བྱ་བ་ནི་རྣམ་པ་དེ་ལྟ་བུའི་ཆོས་རྣམས་ཀྱི་ཆོས་ཀྱི་དབྱིངས་ཏེ་ཆོས་དང་ཡང་དག་པར་ལྡན་པའི་དབྱངས་གསུང་བར་མཛད་པའོ། །འཁོར་གྱི་དེ་བཞིན་གཤེགས་པ་རྣམས་ཆོས་བསྟན་པས་དགྱེས་པས། ཆོས་བསྟན་པའི་སྒོ་ནས་དེ་སྟོན་པར་མཛད་པའི་སྟོན་པ་ཉིད་ལ། ཨེ་མའོ་ཞེས་བྱ་བ་ལ་སོགས་པའི་ཚིགས་སུ་བཅད་པས་བསྟོད་པར་མཛད་པ་སྟེ། ཨེ་མའོ་ཞེས་བྱ་བ་གསུམ་ནི་ངོ་མཚར་དུ་གྱུར་པའི་དོན་ནོ། །ཆས་ཞེས་བྱ་བ་དང་པོ་ནི་བསྟན་པའི་མཚན་ཉིད་ཅན་གྱི་རྗོད་ཕྱེད་ཀྱི་ཆོས་སོ། །ཆོས་ཀྱི་སྒྲ་གཉིས་པས་ནི་རྗོད་བྱེད་དེས་བསྟན་པའི་བརྗོད་བྱའི་དོན་མཚོན་པ་ཡིན་ནོ། །འདིར་པ་ཚབ་ཀྱི་འགྱུར་ལས། རྩ་བར་ཆས་དོན་ལས་བྱུང་བ། ཞེས་དང༌། འགྲེལ་
པར། དེ་གཉིས་ལས་བྱུང་བ་ནི་ཆོས་དོན་ལས་བྱུང་བའོ། །ཞེས་འབྱུང་བ་དང་མཐུན་པར་ཆག་འགྱུར་ལས་ཀྱང་འབྱུང་ལ། ཐུགས་རྗེ་ཞབས་དང་ཡང་མཐུན་པས་འགྱུར་དེ་ལྟར་བྱའོ། །ཆོས་ཀྱི་དོན་འབྱུང་ཞེས་བྱ་བ་ལ། ཆོས་ནི་བརྗོད་པའི་མཚན་ཉིད་དོ། །དོན་ནི་བརྗོད་པར་བྱ་བའི་མཚན་ཉིད་དེ། དེ་བརྗོད་བྱ་དང་རྗོད་བྱེད་དེ་གཉིས་ལ་དམིགས་པ་ལས་བྱུང་བ་ནི། ཆོས་དང་དོན་ལས་བྱུང་བའོ་འབྱུང་བས་ན་ཆོས་ཀྱི་དོན་འབྱུང་བའོ། །ཚིག་དོན་གཉིས་ལ་དམིགས་པ་ལས་བྱུང་བ་དེ་གང་ཡིན་ཞེ་ན། ཆོས་དོན་དག་པ་བདག་མེད་པ་ཞེས་བྱ་བ ས་སྟོན་སྟེ། ཆོས་ནི་ཐོས་པའི་རང་བཞིན་ཏེ། དེ་ལས་བྱུང་བའི་ཤས་རབ་བ་ནོ། །དོན་དག་པ་ནི་བསམ་པའི་རང་བཞིན ཏེ། དེ་ལས་བྱུང་བའི་ཤེས་རབ་བོ་ནོ། །ངན་དེ་དག་མངོན་སུམ་དུ་བྱས་པ་ནི་བདག་མེད་པ་སྟེ། དེ་གང་ཡིན་ཞེ་ན། སྒོམ་པ་ལས་བྱུང་བའི་ཤེས་རབ་སྟེ། རྒྱུད་སྡེ་ཟབ་མོའི་ཚིག་དོན་ལ་དམིགས་པ་ལས་ཐོས་བསམ་སྒོམ་གསུམ་གྱི་ཤེས་རབ་རིམ་གྱིས་སྐྱེ་བར་སྟོན་པའོ། ༈ །རྡོ་རྗེ་རྒྱལ་པོ་ཞེས་བྱ་བ་ལ་རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་རྒྱལ་པོ་ནི་བདག་པོ་སྟེ། རྡོ་རྗེ་འཆང་ཆེན་པོའོ། །དེ་ལྟ་བུ་ཁྱེད་ལ་ཕྱག་འཚལ་བདུད། ཅེས་ཕྱག་འཚལ་བ་དང༌། འདུད་པའི་ཚིག་གཉིས་ཀ་དོན་གཅིག་ཡིན་ཀྱང༌། ལན་གཉིས་སྨོས་པ་ནི། བཅོམ་ལྡན་འདས་ཀུན་རྫོབ་སྒྱུ་མ་དང༌། དོན་དམ་འོད་གསལ་གྱི་བདེན་པ་གཉིས་ཀྱི་བདག་ཉིན་ཅན་ཡིན་པས་ན་ཚིག་གཉིས་སྨོས་ཏེ། ཕྱག་འཚལ་བའི་ཡུལ་གཉིས་ཀྱི་སྒོ་ནས་ཡིན་ནོ་སོ། །
སྐུ་དང་གསུང་ཐུགས་རབ་ཏུ་དག །ཅེས་བྱ་བ་ནི་སྐུ་རྡོ་རྗེ་ལ་སོགས་པ་གསུམ་ངོ་བོ་གཅིག་ཡིན་པའི་ཕྱིར། ཕན་ཚུན་ཐ་དད་པ་མ་ཡིན་པས་སོ། །ནམ་མཁའ་དང་ནི་མཉམ་པ་སྟེ། འདྲ་བ་ཉིད་ནི་འབྲས་བུའི་འོད་གསལ་བ འོ་སྟེ། འོད་གསལ་དེའི་གནས་གང་ལ་ཡོད་པ་སྟེ། གང་ཡིན་པ་དེ་ལ་རྟག་ཏུ་གནས་པ་དེ་ལ་དེ་སྐད་ཅེས་བྱའོ། །སྐྱེ་འཆིར་གྲགས་པའི་སྐྱེ་བ་དང་འགག་པ་དང་བྲལ་བས་རྣམ་པར་མི་འགྱུར་བའོ། །བག་ཆགས་ཀྱིས་བསླད་བའི་སྣང་བ་རྣམ་པར་དག་པས་སྣང་བ་མེད་པའོ། །རྡོ་རྗེ་སྐུ་ལ་ཞེས་བྱ་བ་ནི་འཇའ་ཚོན་ལྟར་སྣང་བའི་རླུང་འོད་ཟེར་ལྔ་ལས་བསྒྲུབས་ཤིང༌། མཚན་དང་དཔེ་བྱད་ཀྱི་རྣམ་པ་ཐམས་ཅད་ཀྱི་མཆོག་དང་ལྡན་པ་རྒྱུན་ཆད་པ་མེད་པའི་མི་འཇིག་པའི་སྐུ་ནི་རྡོ་རྗེའི་སྐུ་སྟེ་དེ་ལྟ་བུ་ཁྱོད་ལ་ཕྱག་འཚལ་འདུད། ཅེས་ཕྱག་འཚལ་བའི་ཚིག་གཉིས་སྨོས་པ་ནི་སྔ་མ་བཞིན་དུ་གཉིས་སྨོས་སོ། །སངས་རྒྱས་ཐམས་ཀྱི་ཡོན་ཏན་གྱི་ཐུགས་ཉིད་ཡིན་པས་ན་ཐུགས་འདིར་པ་ཚབ་ཀྱི་འགྱུར་ལས། སངས་རྒྱས་ཐམས་ཅད་ཀྱི་ཡོན་ཏན་གྱིས་བསགས་པའི་ཕྱིར་ན་ཐུགས་ཏེ། ཞེས་འབྱུང་བ་ལྟར་བདེ་སྟེ། ཙིཏྟ་ནི་བསགས་པ་ལའང་འཇུག་པའི་ལུགས་སོ། །ནིའོ། །དེ་བཞིན་གཤེགས་པ་རྣམས་ཀྱི་ཐོག་མར་གྱུར་ཚུལ་ནི་སངས་རྒྱས་ཀྱི་ཐོག་མ་ནི་འཁོར་བའི་ཐོག་མ་དང་འདྲ་བས་མེད་དོ། དེས་ན་དེ་བཞིན་གཤེགས་པ་དྲུག་པ་ནི་
སངས་རྒྱས་གཞན་རྣམས་འབྱིན་བྱེད་དང༌། སྡུད་བྱེད་ཡིན་པས་དེ་ལ་ལྟོས་པའི་ཐོག་མའོ། །པས་ན་དེ་བཞིན་གཤེགས་པའི་གཙོ་སྟེ་དམ་པར་གྱུར་པའོ། །དུས་གསུམ་གྱི་ལམ་སྟེ། བགྲོད་པ་ལ་རབ་ཏུ་གནས་པའི་ངང་ཚུལ་ཅན་གང་ཡིན་པ་དེ་ནི། དུས་གསུམ་དག་གི་ལམ་དུ་བྱུང་ཞེས་བྱ་སྟེ། འདས་པ་ལ་སོགས་པའི་དུས་སུ་བྱུང་བའི་དངོས་པོ་རྣམས་ཉིད་ཡིན་ཞིང༌། ཞེས་པའི་དོན་ནི་དངོས་པོ་ཐམས་ཅད་ཀྱི་ངོ་བོ་ཉིད། སྟེ། རང་བཞིན་དུ་གྱུར་པས་སོ། །ཞེས་པས་བསྟན་ཏེ། རང་བཞིན་རྣམ་དག་གི་དབང་དུ་བྱས་ན་དུས་གསུམ་ལ་ཁྱབ་པའོ། །ནམ་མཁའ་ཆེན་པོ་ཞེས་བྱ་བ་འོད་གསལ་བའང་ཁྱེད་ཉིད་དོ། །ཁྱེད་ཉིད་ནི་དབྱིངས་སུ་གྱུར་པ་ཡང་ཡིན་ཏེ་ཁམས་གསུམ་པའོ། །ཞེས་པ་ནི་ཁམས་ཀྱི་སྐད་དོད་དྷཱ་ཏུ་ནི་ཁམས་དང་དབྱིངས་གཉིས་ཀ་ལ་འཇུག་པས་སོ། །དེས་ན་དེ་ཡང་བཤད་མ་ཐག་པ་ལྟར་བྱའོ། །ཁྱོད་ནི་ནམ་མཁའི་ལམ་ལ་སྟེ། ལམ་ཅན་ཡིན་ཏ་རྫུ་འཕྲུལ་གྱི་དབང་ཕྱུག་བརྙེས་པས་སོ ། །ཁྱེད་ལ་ཕྱག་འཚལ་འདུད། ཅེས་ཕྱག་འཚལ་བའི་ཚིག་གཉིས་སྨོས་པ་ནི་བདེན་པ་གཉིས་ཀྱི་བདག་ཉིད་ཅན་ཡིན་པས་གཉིས་སྨོས་སོ། །ནམ་མཁའི་སྐུ་ལས་ཡང་དག་བྱུང་ཞེས་བྱ་བ་ནི། མཁྱེན་པ་ཤིན་ཏུ་རྒྱ་ཆེ་བས་ནམ་མཁའ་ལྟ་བུའི་སྐུ་སྟེ། ངོ་བོ་ཉིད་གང་ཡིན་པ་དེ་ནི་ནམ་མཁའི་སྐུ་སྟེ་མེ་ལོང་ལྟ་བུའི་ཡེ་ཤེས་སོ། །ཡེ་ཤེས་དེ་ལས་ཡང་དག་པར་བྱུང་བ་ནི་རྣམ་པར་སྣང་མཛད་དེ་དེ་བཞིན་གཤེགས་པ་དྲུག་པ་དེའི་ངོ་བོ་ཉིད་ཡིན་པའི་ཕྱིར་རོ། །ནམ་མཁ འ་ནི། སྟོང་པ་ཉིད་དང་དེར་རོ་མཉམ་པར་བགྲོད་པའི་ལམ་ནི་མཉམ་པ་ཉིད་
ཀྱི་ཡེ་ཤེས་སོ། འོད་གསལ་དེ་ལས་བྱུང་བ་ཉིད་ཀྱིས་གནས་པར་མཛད་ཅིང་སྐྱེས་པར་གྱུར་བའི་རིན་ཆེན་འབྱུང་ལྡན་གང་ཡིན་པ་དེ་ནི་ནམ་མཁའི་ལམ་ལ་གནས་པ་པོ་ཞེས་བྱ་སྟེ། དེ་ཡང་དྲུག་པའི་ངོ་བོ་ཉིད་དོ། །ནམ་མཁའ་འདྲ་བའི་ཐུགས་མངའ་བ་གང་ཡིན་པ་དེ་ནི་ནམ་མཁའི་ཐུགས་ཏེ། ཆོས་ཀྱི་དབྱིངས་རྣམ་པར་དག་པའི་ངོ་བོ་ཉིད་ཡིན་པའི་ཕྱིར་མི་བསྐྱོད་པའི་ངོ་བོ་ཉིད་དོ་འོ་། །ཆོས་རྣམས་ནི་པདྨའི་རིགས་སོ། །དེ་རྣམས་ཀྱི་མཆོག་ནི་སོ་སོར་རྟོག་པའི་ཡེ་ཤེས་ཀྱི་བདག་ཉིད་ཅན་ཏེ་འོད་དཔག་ཏུ་མེད་པའི་ཡང་ངོ་བོ་ཉིད་དོ་འོ་། །འགྲོ་བ་མ་ལུས་པའི་དོན་ནི་སྤྱོད་པའོ། །དེ་རྣམས་ཀྱི་གནས་ནི་གཞི་སྟེ། བྱ་བ་སྒྲུབ་པའི་ཡེ་ཤེས་ཀྱི་ངོ་བོ་ཉིད་དེ་དོན་ཡོད་པར་གྲུབ་པའི་ཡང་ངོ་བོ་ཉིད་དོ་འོ་། །རིགས་ལྔའི་སྒོ་ནས་རྒྱུད་གསུང་བ་པོ་ལ་བསྟོད་པ་དེ་ལྟར་ན་གོང་དུ་སྨོས་པའི་ཚིགས་སུ་བཅད་པ་འདི་རྣམས་ཀྱིས་ནི་རྒྱུད་ཀྱི་སྟོན་པ་རིགས་ལྔའི་བདག་ཉིད་ཅན་ཡིན་པ་ཉིད་ཀྱིས། བཅོམ་ལྡན་འདས་རྡོ་རྗེ་འཆང་ཆེན་པོ་ལ་བསྟོད་པའོ། ༈ །བསྒྲུབ་བྱའི་དོན་ཀུན་ནི་བདག་དང་གཞན་གྱི་དོན་གཉིས་སུ་ངེས་ལ་དེ་སྒྲུབ་པའི་སྤྱོད་པ་ནི་ཀུན་ཏུ་སྤྱོད་པ འམ་སྤྱོད་པ་ཀུན་ནོ། །དེ་ཉིད་ནི་སྤྱོད་པ་རྣམས་ཀྱི་ནང་ནས་ཁྱད་པར་དུ་གྱུར་པས་ན་མཆོག་སྟེ། ཀུན་ཏུ་སྤྱོད་པའི་མཆོག་གོ །དེའི་དོན་སྟོན་པའི་ལེའུ་ནི་ཀུན་ཏུ་སྤྱོད་པ་མཆོག་གི་ལེའུ་ཞེས་བྱ་སྟེ། དགོངས་པ་མ་ཡིན་པའོ། །
༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་ལྔ་པ་མཐའ་དྲུག་གིས་བཤད་པའོ། ༈ །ལེའུ་ལྔ་པའི་འོག་ཏུ་དྲུག་པ་སྟོན་པའི་འབྲེལ་ནི་སྒྲུབ་པ་པོ་བདག་བདག་བྱིན་གྱིས་རློབ་པ་ལ་གཉིས་ལས་བསྐྱེད་རིམ་པའི་བྱིན་རླབས་ནི་འོག་ནས་འབྱུང་བ་ལྟར་ཏེ། རྒྱས་པར་ནི་མདོར་བྱས་ནས་གསུངས་པ་ལྟར་ཡིན་ལ། དེ་སྔོན་དུ་བཏང་བ་ནི། དེས་མཚོན་པའི་བསྐྱེད་རིམ་ཕྲ་རགས་ལ་བརྟན་པ་སྔོན་དུ་བཏང་ནས། བསྐྱེད་རིམ་པའི་སྐབས་ཀྱི་སྤྱོད་པ་བྱེད་པའོ། །རྫོགས་རིམ་པའི་བདག་བྱིན་བརླབས་ནི། སྒྱུ་ལུས་དངོས་དང་རྗེས་མཐུན་པ་མན་ངག་ཏུ་བཤད་པ་ལྟ་བུ་སྔོན་དུ་བཏང་ནས་རྫོགས་རིམ་པའི་སྐབས་ཀྱི་སྤྱོད་པ་བྱེད་པའོ། །ཉིད་ལྷར་བསྐྱེད་པ་ལ་རང་གི་སྒོ་གསུམ་རིགས་གསུམ་གྱི་སྐུ་གསུང་ཐུགས་སུ་བྱིན་གྱིས་བརླབ་པའི་ང་རྒྱལ་ལེའུ་དྲུག་པ་ནས་གསུངས་པ་སྔོན་དུ་འགྲོ་བས་ཏེ། བཏང་ནས་ལེའུ་ལྔ་པར་གསུངས་པའི་སྤྱོད་པ་བྱ་བ་ཡིན་པས། དེ་ནས་ཞེས་བྱ་བ་ལ་སོགས་པས་སྐུ་ལ་སོགས་པ་བྱིན་གྱིས་བརླབ་པའི་རིམ་པ་རབ་ཏུ་སྟོན་ཏེ། ཞེས་པས་བསྟན་ནོ། ༈ །སྔོན་བྱུང་ལ་རྡོ་རྗེ་མི་བསྐྱོད་པས་གསུངས་སོ་ཞེས་སྦྱར་རོ། །ཇི་ལྟར་མཛད་ནས་ཅི་ཞིག་གསུངས་ཞེ་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ནི་མི་བསྐྱོད་པའོ། །དེའི་གསང་བ་ནི་སྒྲུབ་པ་པོའི་ཐུགས་མི་བསྐྱོད་པ་དེ ར་བྱིན་གྱིས་རློབ་པ་ནི་མི་བསྐྱོད་པར་བསྐྱེད་པའི་གསང་སྔགས་ཏེ། མིང་དེ་སྐད་ཅེས་བྱ་བའི་ཏིང་ངེ་འཛིན་དེ་ལ་ཐུགས་བྱིན་གྱིས་རློབ་པའི་ཐབས་བསྟན་པར་བྱའོ་སྙམ་དུ་ཐུགས་རྩེ་གཅིག་ཏུ་མཛད་དེ། སྙོམས་པར་ཞུགས་ཤིང་
མངོན་སུམ་དུ་མཛད་ནས། འོག་ནས་བཤད་པ་འདིས་ཐུགས་བྱིན་གྱིས་རློབ་པ་གང་ཡིན་པ་དེ་ནི་ཐུགས་བྱིན་གྱིས་རློབ་པའོ། །སྔགས་ཀྱི་སྐད་དོད་མཱན་ཏྲ་ལ་མཱན་ནི་ཡིད་དང༌། ཏྲ་ཡ་ནི་སྐྱོབ་པ་ཡིན་པས་ངན་འགྲོ་སོགས་ཀྱི་སྡུག་བསྔལ་ལས་ཡིད་སྐྱོབ་པས་ན་སྔགས་ཞེས་བྱ་སྟེ། དེ་གསུངས་པ་ནི་བཀའ་སྩལ་པར་གྱུར་པ་སྟེ། ༀ་སརྦ་ནི་ཐམས་ཅད་དོ། །ཏ་ཐཱ་ནི་དེ་བཞིན་ནོ། ག་ཏཱ་ནི་གཤེགས་པའོ། །ཙིཏྟ་ནི་ཐུགས་དང༌། བཛྲ་ནི་རྡོ་རྗེ་དང༌། སྭ་བྷཱ་ཝ་ནི་རང་བཞིན་རྣམ་དག་སྟེ། གློ་བུར་རྣམ་དག་གིའང་རང་བཞིན་ནོ། །ཨཱཏྨ་ནི་བདག་ཉིད་ཅན་ཏེ་རང་བཞིན་རྣམ་དག་དེ་རང་ལའང་གནས་པར་སྟོན་པའོ། །ཀོ྅ཧཾ།ནི་དེ་ངའོ་ཞེས་པ་སྟེ། སྔ་མ་རྣམས་དང་སྒྲུབ་པ་པོའི་སེམས་གཉིས་མི་བསྐྱོད་པའི་ངོ་བོར་དབྱེར་མི་ཕྱེད་པར་ལྟ་བའོ། །ཞེས་བྱ་བའོ། །དེ་ནས་ཞེས་བྱ་བ་ལ་སོགས་པ་ལ་རྡོ་རྗེ་རྣམ་པར་སྣང་མཛད་ཀྱི་གསུངས་སོ་ཞེས་སྦྱར་རོ། །རྡུལ་དང་བྲལ་བའི་གནས་རྡོ་རྗེ་ཞེས་པའི་ཚིག་སྔ་མའི་དོན་ནི་རྡུལ་དང་བྲལ་བས་ཤིན་ཏུ་དངས་པའི་མེ་མེ་ལོང་ལྟ་བུའི་ཡེ་ཤེས་ཀྱི་བདག་ཉིད་ཅན་རྣམ་པར་སྣང་མཛད་དེ། དེའི་གནས་ནི་རྣམ་སྣང་དེར་བྱིན་གྱིས་རློབ་པ་ནི་དར་བསྐྱེད་པའི་སྔགས་ཏེ། དེ་སྐད་ཅེས་བྱ་བའི་ཏིང་ངེ་འཛིན་དེ་ལ་དམིགས་ནས་སྐུ་བྱིན་གྱིས་རློབ་པའི་སྔགས་གསུངས་པ་ནི། ༀ་སརྦ་ཏ་ཐཱ་ག་ཏཱ་ཀཱ་ཡ་ནི་སྐུའོ། །བཛྲ་སྭ་བྷཱ་ཝ་ཨཱཏྨ་ཀོ྅ཧཾ་ཞེས་བྱ་བའོ། །དེ་ནས་ཞེས་བྱ་བ་ལ་སོགས་པ་ལ། ཚེ་དཔག་ཏུ་མེད་པས་གསུངས་སོ་ཞེས་སྦྱར་རོ། །ཚེ་དཔག་ཏུ་མེད་ཅིང་
ཚད་མེད་པ་གང་གིས་བརྙེས་པ་དེ་ནི་ཚེ་དཔག་ཏུ་མེད་པའོ། །མཉམ་པ་ཉིད་ནི་བསླད་བའི་དབང་གིས་གཉིས་སྣང་དུ་མི་འཆར་བའི་མི་གཉིས་པ་སྟེ། དེ་ཡང་ནི། སོ་སོར་རྟོག་པའི་ཡེ་ཤེས་ཀྱི་བདག་ཉིད་ཅན་ཏེ་འོད་དཔག་ཏུ་མེད་པའོ། །དེའི་རྡོ་རྗེ་ནི་འོད་དཔག་མེད་དེར་བྱིན་གྱིས་རློབ་ཅིང་ཞེས་བསྐྱེད་པར་བྱེད་པའི་མི་ཕྱེད་པའི་ངོ་བོ་ཉིད་ཀྱི་སྔགས་ཏེ། དེ་སྐད་ཅེས་བྱ་བའི་ཏིང་ངེ་འཛིན་དེ་མངོན་སུམ་དུ་མཛད་ནས་གསུང་བྱིན་གྱིས་རློབ་པའི་སྔགས་གསུངས་པ་ནི། ༀ་སརྦ་ཏ་ཐཱ་ག་ཏཱ་ཝཱ་ཀ་ནི་གསུང་ངོ༌། །བཛྲ་སྭ་བྷཱ་ཝ་ཨཱཏྨ་ཀོ྅ཧཾ་ཞེས་བྱ་བའོ། །སྐུ་དང་གསུང་གཉིས་ཀྱིས་མ་བཤད་པའི་ལྷག་མ་ནི་སྔར་བཤད་པའི་རིགས་པས་ཤེས་པར་ནུས་སོ། ༈ །དེ་ལྟར་བསྐྱེད་རིམ་པའི་སྐུ་ལ་སོགས་པ་བྱིན་གྱིས་རློབ་པའི་སྔགས་བསྟན་ནས། ཡང་བྱིན་གྱིས་རློབ་ལུགས་དེ་གསལ་བར་བཤད་པར་བྱ་བའི་ཕྱིར། དེ་བཞིན་གཤེགས་པའི་ཞེས་བྱ་བ་ལ་སོགས་པ་གསུངས་ཏེ། མི་བསྐྱོད་པ་ལ་སོགས་པའི་ངོ་བོ་ཉིད་ནི་དེ་བཞིན་གཤེགས་པའོ། །ཉན་ཐོས་ལ་སོགས་པས་ཡོངས་སུ་མི་ཤེས་པས་ན་གསང་བའོ། །འདིར་པ་ཚབ་དང་ཆག་འགྱུར་ལས། སྐུ་དང་གསུང་དང་ཐུགས་རྡོ་རྗེ་གསུམ་པོ་གང་ལ་ཡོད་པ་དེ་ནི་རྡོ་རྗེ་གསུམ་ཞེས་འབྱུང་ལེགས་སོ། །སྐུ་དང་གསུང་དང་ཐུགས་རྡོ་རྗེ་ཁགང་ལ་ཡོད་པ་ཡིན་པ་ཀགསུམ་པོ་དེ་གནི་རྡོ་རྗེ་གསུམ་མོ། །རྡོ་རྗེ་གསུམ་གང་ལ་ཡོད་པ་དེ་གང་ཞེ་ན། གནས་ནི་ཞེས་པ་ནི་སྒྲུབ་པ་པོ་རང་གི་ལུས་ཏེ། རྒྱུ་མཚན་ནི་ལྷ་རྣམས་ཀྱི་འཁོར་
ལོ་དགོད་པའི་གཞིར་གྱུར་བའི་ཕྱིར་རོ། །གནས་ཀྱི་རྣམ་པར་བསྒོམ་ཞེས་བྱ་བ་ལ། གནས་ཀྱི་ཞེས་པའི་གནས་ནི་བྱིན་གྱིས་རླབ་བྱེད་ཀྱི་ལྷ་སྤྱན་འདྲེན་པའི་སྤྱན་མ་དང་ལ་སོགས་ཀྱིས་བསྡུས་པའི་གོས་དཀར་མོ་དང༌། མཱ་མ་ཀཱི་ཡི་བཀོད་པ་སྟེ། ནམ་མཁའི་ཁམས་སུ་སྤྲོ་བ་གསུམ་པོ་སྟེ། དེ་གསུམ་གནས་སུ་འཇོག་པའི་རྒྱུ་མཚན་ནི་བདག་དང་གཞན་གྱི་དོན་ཕུན་སུམ་ཚོགས་པའི་གཞིར་གྱུར་པའི་ཕྱིར་རོ། །གནས་གསུམ་པོ་དེའི་རྣམ་པར་བསྒོམ་པར་བྱ་བ་ནི་ཡེ་ཤེས་པའི་སྐུ་རྡོ་རྗེ་ལ་སོགས་པ་གསུམ་གྱི་ངོ་བོ ར་དམ་ཚིག་པའི་ལུས་ངག་ཡིད་གསུམ་བྱིན་གྱིས་བརླབ་པའི་ཕྱིར་སྤྱན་སོགས་གསུམ་ནམ་མཁའི་ཁམས་གང་དུ་སྤྲོས་པ་དེ་ཉིད་དོ། །སྔགས་ནི་མི་བསྐྱོད་པ་ལ་སོགས་པ་རིགས་གསུམ་སྟེ། གསུམ་པོ་དེ་རྣམས་ཀྱིས་མཆོན་པ་གང་ཡིན་པ་དེ་ནི་སྔགས་ཀྱི་མཚན་གྱིས་ཏེ། ༀ་ལ་སོགས་པའི་ཡི་གེ་གསུམ་མོ། །ཡི་གེ་གསུམ་པོ་དེས་རིམ་པ་བཞིན་དུ་མགོ་དང་ལྐོག་མ་དང་སྙིང་གའི་ཕྱོགས་སུ་སྒྲུབ་ཐབས་བཞིན་རྣམ་པར་བཀོད་པ་ནི་ཡི་གེ་གསུམ་པོ་དེས་ཤིན་ཏུ་མཚན་པའོ། །དེ་རྣམས་ཀྱི་དོན་བསྡུ་ན་རྡོ་རྗེ་གསུམ་གང་ལ་སྒོམ་པའི་རང་གི་ལུས་ཀྱི་གནས་གསུམ་དུ་ཡི་གེ་གསུམ་བཀོད་པ་ལས། སྤྱན་སོགས་གསུམ་སྤྲོས་ཏེ། རྡོ་རྗེ་གསུམ་གྱི་ལྷ་ཚོགས་བཀུག་སྟེ་བསྟིམ་ནས། སྔར་བཤད་མ་ཐག་པའི་སྐུ་ལ་སོགས་པ་བྱིན་གྱིས་རློབ་པའི་སྔགས་དེ་དག་ཉིད་པ་ཚབ་དང་ཆག་འགྱུར་ལས། གྱིས་ཞེས་པ་མི་འབྱུང་བ་ལྟར་
དག་གོ །ཀྱིས་མཆོག་རབ་སྟེ་དམ་པར་གྱུར་བ་འདི་ཡིས་བསྒྲུབ་པ་ཉིད་དུ་བྱ་ཞིང་བྱིན་གྱིས་བརླབ་པོ་ཞེས་པ་སྟེ། དྲང་བའི་དོན་ཏོ། ༈ །རྫོགས་པའི་རིམ་པའི་རྣལ་འབྱོར་པ་རྣམས་ཀྱིས་སྐུ་དང་གསུང་དང་ཐུགས་བྱིན་གྱིས་བརླབ་པའི་ཚུལ་བཤད་པའི་རྒྱུད་ལུང་སྟོན་ལས་བསྟན་པ་ལ་འཇུག་པར་བྱ་སྟེ།བྱིན་གྱིས་རློབ་པ་གསུང་པ་པོ་གསུམ་ནི། སྔོན་བྱུང་ལ་རིགས་གསུམ་ཡིན་ལ། རྗེས་འཇུག་ལ་སྒྱུ་ལུས་ཐོབ་པའི་སྐུ་གསུང་ཐུགས་ཀྱི་རིལ་འཛིན་དང་རྗེས་གཞིག་སྒོམ་པ་པོ་གསུམ་མོ། །ཏིང་ངེ་འཛིན་གསུམ་ནི་འོད་གསལ་ལོ། །དེ་གསུམ་གྱིས་སྐུ་གསུང་ཐུགས་བྱིན་གྱིས་བརླབས་པའི་དོན་ནི། ཟུང་འཇུག་པའི་རྡོ་རྗེ་གསུམ་དབྱེར་མི་ཕྱེད་པར་བསྐྱེད་པའོ། །དེར་བྱིན་གྱིས་རློབ་པའི་ཐབས་སྔགས་ཚན་གསུམ་ལ། ཚན་པ་དྲུག་ཏུ་བཅད་པ་དང༌། ཡང་ཚན་པ་གསུམ་དུ་བྱས་པའི་དོན་ལ་འཆད་ཚུལ་མང་ཡང་སྐབས་འདིར་ནི། རྣམ་གཞག་རིམ་པ་ནས་བསམ་གཏན་གཉིས་ཀྱིས་འོད་གསལ་དུ་དངོས་སུ་ཞུགས་པ་ལ། ཤཱུནྱ་ཏའི་སྔགས་དོན་དུ་གསུངས་ཤིང༌། དེའི་ཤེས་བྱེད་དུ་སྔགས་དེ་ལ་ཆན་པ་དྲུག་ཏུ་བཅད་པའི་ལུང་སྟོན་གྱི་ལུང་དྲངས་པ་དང་འདྲ་བས། སྔགས་གསུམ་གའི་ངེས་དོན་དོན་གྱི་འོད་གསལ་ལ་བྱ་ཞིང༌། དེ་ལ་ཡང་ༀ་ཡིག་གིས་མཚོན་པའི་བུང་སོགས་འོད་གསལ་དུ་ཞུགས་པ་དེས་དོན་གྱི་རྣམ་སྣང་དུ་བཤད་ཅིང༌། དེས་རིགས་ལྷག་མ་བཞི་ཡང་ཤེས་པར་བྱ་ལ། དེ་ལྔ་ཀ་ཡང་ཨ་ཧཾ་གི་དོན་དེ་བཞིན་གཤེགས་པ་དྲུག་པའི་རིགས་སུ་ཤེས་པར་བྱ་སྟེ། ངོ་བོ་གཅིག་ལ་ལྡོག་པ་ཐ་དད་ཀྱིས་ཕྱེ་བའོ། །སྔགས་ཚན་གསུམ་དུ་བཤད་པའི་དོན་ཡང་སྐབས་སྟོབས་
ཀྱིས་མོ་འདྲ་བ་འགའ་ཡར་ལ་སྦྱོར་བ་ཡོད་ཀྱང༌། འདིར་ནི་འོད་གསལ་གྱི་རྡོ་རྗེ་གསུམ་དང་སྦྱར་ལ་བཤད་དོ། །རྗེས་འཇུག་ལ་སྦྱར་ན། དབེན་གསུམ་སྔོན་དུ་སོང་ཞིང༌། སྒྱུ་ལུས་གྲུབ་པ་དེ་ནས་མི་མཐུན་ཕྱོགས་ཟིལ་གྱིས་གནོད་པའི་དཔའ་བོ་ཆེན་པོ་མི་བསྐྱོད་པའི་སྒོ་ནས་བསམ་གཏན་གཉིས་བསྒོམ་པས།་སྐུ་དང་གསུང་དང་ཐུགས་ཀྱི་གསང་པ་པོ། །སྟེ། གསང་བ་ཞེས་བྱ་བའི་ཏིང་ངེ་འཛིན་འོད་གསལ་དུ་འཇུག་པའི་ཐབས་ལ་སྙོམས་པར་ཞུགས་ནས་རང་གི་སེམས་ཟུང་འཇུག་པའི་ཐུགས་སུ་བྱིན་གྱིས་རློབ་པ་སྟེ། བསྐྱེད་པ་ཅེས་བྱ་བ་ཡི། །གསང་སྔགས་དེ་ནི་བཀའ་སྩལ་པའི། །སྔགས་དེའི་ངེས་པའི་དོན་ནི།་ༀ་ཞེས་བྱ་བ་རྣམ་སྣང་གི་རིགས་ཀྱི་ཕུང་སོགས་འོད་གསལ་དུ་ཞུགས་པའི་ༀ་གྱི་ངེས་དོན་གྱི་རྣམ་སྣང་ནི་རིགས་དྲུག་གི་དང་པོ་ཡིན་ནོ། །རིགས་ལྷག་མ་བཞི་ལ་ཡང་དེ་བཞིན་དུ་སྦྱར་ལ། སརྦ་ཏ་ཐཱ་ག་ཏ་འོད་གསལ་གྱི་རིན་འབྱུང་ནི་རིགས་དྲུག་གི་གཉིས་པའོ། །ཙིཏྟ་འོད་གསལ་གྱི་འོད་དཔག་མེད་ནི་ཡོན་ཏན་ཞེས་པ་ནི་རྡུལ་མུན་སྙིང་སྟོབས་ཀྱི་ཡོན་ཏན་གསུམ་ཡོངས་སུ་བརྟག གོ །བཛྲ་འོད་གསལ་གྱི་དོན་གྲུབ་ནི་གཉིས་གཉིས་དང་ལྡན་པ། །སྟེ། རིགས་བཞི་པའོ། །སྭཱ་བྷཱ་ཝ་ཨཱདྨ་ཀ་འོད་གསལ་གྱི་མི་བསྐྱོད་པ་ནི་རིགས་ལྔ་པ། །རིགས་ལྔ་ཀ་ཚོགས་པའི་འོད་གསལ་ཨ་ཧཾ་ཞེས་པ་ནི་རིགས་དྲུག་པ་སྟེ། །འོད་གསལ་གྱི་རྡོ་རྗེ་འཆང་ངོ༌། །རིགས་དྲུག་གི་སྐུ་སྟེ། ངོ་བོ་ཉིད་དྲུག་ཀྱང༌། རྡོ་རྗེ་གསུམ་པའི་མིང་ཅན་ཏེ་དང་པོ་གཉིས་སྐུ་རྡོ་རྗེ་དང༌། བར་བ་གཉིས་གསུང་རྡོ་རྗེ་དང༌། ཐ་མ་ཐུགས་རྡོ་རྗེ་སྟེ། འོག་མ་ཡང་དེ་བཞིན་དུ་ཤེས་པར་བྱའོ། །་ནོ། ༈ །དེ་ནས་ཞེས་པ་འདི་དང་འོག་མ་གཉིས་
སྔར་བཤད་པ་དང་འདྲ། རྣམ་སྣང་དང་འོད་དཔག་མེད་གཉིས་ནི་སྒྱུ་ལུས་པས་དེ་གཉིས་སུ་བསྒོམས་པའོ། །དཔལ་ལྡན་རྣམ་སྣང་མཛད། །རྡུལ་བྲལ་རྡོ་རྗེ་ཞེས་བྱ་བའི། །ཏིང་ངེ་འཛིན་ལ་སྙོམས་ཞུགས་ནས། །སྐུ་ནི་བྱིན་གྱིས་རློབ་པ་གསུངས། །ༀ་ཞེས་བྱ་བ འི་ངེས་དོན་གྱི་འོད་གསལ་ནི་མེས་ཞིག་རྗེས་སུ་བཅུད་ཆགས་པའི་ཐོག་མར་ཚངས་པ་བྱུང་བས་ཚངས་པ་སྟེ། རིགས་དྲུག་གི་དང་པོར་བཤད། །སརྦ་ཏ་ཐཱ་ག་ཏ་ནི་གཉིས། །པའོ། །ཀཱ་ཡ་ཆགས་གཏོགས་དབང་ཕྱུག་ཅེས་པ་དབང་ཕྱུག་ལ་མིག་གསུམ་ཡོད་པས་གསུམ་གྱི་བརྡའོ་སྟེ། །བཛྲ་ནི་རིག་བྱེད་བཞིའི་བརྡའ་ཡིན་པས། བཞི་པ་ཡིན་པར་བསྒྲགས་སོ ། །རིག་བྱེད་བཞི་ནི། མཆོད་སྦྱིན་དང༌། སྙན་དངགས་དང༌། ངེས་བརྗོད་དང༌། སྲིད་སྲུང་གི་རིག་བྱེད་དོ། །སྭ་བྷཱ་ཝ་ཨཱདྨ་ཀ་ནི་འདོད་པའི། །ཡོན་ཏན་ལྔ་ཞེས་པ་ལྔ་པའོ། །ཨ་ཧཾ་སྐེམ་བྱེད་ལ་གདོང་དྲུག་ཡོད་པས་རིགས་དྲུག་པ་ཅེས་བརྗོད་དེ། །འོད་གསལ་གྱི་ཆོས་དྲུག་ལ་དགོངས་པ་ཡིས་ནི་སྟེ། དགོངས་ནས་སྔགས་ཚན་དྲུག་ཏུ་ཡང་དག་པར་བརྟགས སོ། །དེ་འདྲ་བའི་ངེས་དོན་གྱི་དབྱེ་བ་ནི་ཤེས་རབ་ཅན་གྱིས་དབྱེ་བས་དབྱེ་བ་སྟེ། ཕྱེ་བ ར་ཤེས་པར་བྱ། ༈ །དེ་ནས་ཚེ་དཔག་མེད་ཅེས་པ། །ཀུན་ཏུ་མི་གཉིས་རྡོ་རྗེ་ཅན། །ཏིང་ངེ་འཛིན་ལ་སྙོམས་ཞུགས་ནས། །གསུང་ནི་བྱིན་གྱིས་རློབ་པ་གསུངས། །ༀ་ནི་དང་པོར་བསྒྲགས་པ་ཡིན། །སརྦ་ཏ་ཐཱ་ག་ཏ་ནི་གཉིས། །ཝཱ་ཀ་ནི་ཡོན་ཏན་གསུམ་དུ་གྱུར། །བཛྲ་ནི་དབྱར་དགུན་སྟོན་དཔྱིད་ཀྱི་དུས་ཀྱི་མིང་ཅན་རིགས་བཞི་པ་ཡིན། །སྭ་བྷཱ་ཝ་ཨཱདྨ་ཀ་ནི་འདོད་པ་སྟེ། ལྔ་པའོ། །
ཨ་ཧཾ་ཞེས་པ་ནི་དགུན་སྟོད་དགུན་སྨད་གཉིས། དཔྱིད་དང་སོ་ཀ་གཉིས། དབྱར་དང་སྟོན་གྱི་དུས་སུ་བཤད། །པ་སྟེ། དྲུག་པའི། །སྔར་བཤད་པ་དེ་ལྟར་ཡང་དག་པ་སྟེ། ཕྱིན་ཅི་མ་ལོག་པར་བཤད་པའི་སྔགས་གསུམ་ཅར་གྱི། །རེ་རེ་ཞིང་ཡང་སྔགས་ཚན་དྲུག་དང་གསུམ་གསུམ དུ་བཤད་པའི། །མ་བཤད་པ་རྣམས་ཀྱི་ལྷག་མ་ནི་ཐུགས་བྱིན་རློབ་ཀྱི་སྔགས་ལ་བཤད་པའི་རིགས་པས་ཤེས་པར་བྱའོ། །ཁདང་པོར་ཐུགས་དང་དེ་ནས་སྐུ་དང་དེ་བཞིན་དུ་སྟེ། དེ་ནས་གསུང༌། བྱིན་གྱིས་བརླབས་པའི་རིམ་པའོ། །ཀབྱིན་གྱིས་རློབ་པ་གསུམ་གྱི་གོ་རིམ་ནི་སྐབས་འདིར་རིམ་པ་མིན་པས་རྩ་རྒྱུ་ལས་གསུངས་སོ། །དེ་གང་ཞེ་ན། དེ་གའདྲ་བའི་འོད་གསལ་གྱི་རྡོ་རྗེ་གསུམ་དང༌། དེ་རེ་རེ་ལ་གཉིས་གཉིས་སུ་ཕྱེ་བ་ཞེས་བྱ་བ འི་དོན་གྱི་འོད་གསལ་དུ་ཞུགས་པ་ལས། །ཟུང་འཇུག་གི་སྐབས་ཀྱི་རིགས་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོ འི་ཆོས་ཅན་གཅིག་ཏུ་བྱུང༌། དེར་བྱུང་ཚུལ་ནི་ཆོས་རྡོ་རྗེ་གསུམ་ཐ་དད་དུ་འབྱུང་བ་དེ་ཆོས་ཅན་ཟུང་འཇུག་གི་སྐུ་གསུང་ཐུགས་དབྱེར་མི་ཕྱེད་པར་འགྱུར་པའོ། །ཞེས་བྱ་བའོ། ༈ །རྡོ་རྗེ་གསུམ་པོ་དེ་བཞིན་གཤེགས་པའི་གསང་ཞེས་བྱ་བ་ངེས་དོན་དུ་བཤད་པ་ལ། རྡོ་རྗེ་གསུམ་ནི་སེམས་དབེན་གྱི་ཡེ་ཤེས་གསུམ་མོ། །ཡེ་ཤེས་གསུམ་པོ་དེ་ཇི་ལྟ་བུ་ཞེ་ན། དེ་བཞིན་གཤེགས་པའི་སྟེ། དེ་ནི་རླུང་རྣམ་ཤེས་ལ་ཐིམ་པ་ལས་བྱུང་བས་དེ་བཞིན་གཤེགས་པ་རྣམས་ཀྱི་ངོ་བོ། །རླུང་འོད་ཟེར་ལྔ་པ་ལས་བྱུང་བའོ། །གསང་བ་ནི་བསྐྱེད་པའི་རིམ་པ་ལ་གནས་པའི་རྣལ་འབྱོར་པའི་སྤྱོད་ཡུལ་མ་ཡིན་པའི་ཕྱིར་རོ། །
གནས་ནི་གནས་ཀྱིས་རྣམ་པར་བསྒོམ་པར་བྱ་ཞེས་བྱ་བ་ལ། གནས་ནི་དོན་དམ་པའི་བདེན་པ་འོད་གསལ་སྟེ། རྣམ་པར་ཤེས་པ་གསུམ་གྱི་ཐིམ་པ་དང༌། སྐྱེ་བའི་གནས་སུ་གྱུར་པ་ཡིན་པའི་ཕྱིར་རོ། །གནས་ཀྱིས་ཞེས་པ་ནི་ཀུན་རྫོབ་ཀྱི་བདེན་པ་སྒྱུ་མའི་སྐུ་སྟེ། གང་གི་ཕྱིར་སྒྱུ་ལུས་དེ་རྣམ་པར་བསྒོམ་ཞིང་རྒྱུད་ལ་སྐྱེད་པར་གྱུར་པ་དེ་ནི་འོད་གསལ་གྱི་ཡེ་ཤེས་བསྐྱེད་པའི་གནས་སུ་རྣམ་པར་བསྒོམ་པར་བྱ་བ ས་གནས་ཞེས་བྱ་སྟེ། དོན་དམ་པའི་བདེན་པ་འོད་གསལ་མངོན་དུ་འགྱུར་བ་དེ་ཉིད་ཀྱི་ཁྱད་པར་རོ། །འདིར་པ་ཚབ་ཀྱི་འགྱུར་ལས། རྡོ་རྗེའི་སྐུ་ནི་རབ་མཆོག་སྟོང་བ་བཞི་པོ་བཤད་མ་ཐག་པ་འདི་དག་གིས་ནི་བསྒྲུབ་པར་བྱ་སྟེ་ཞེས་འབྱུང་བ་ལྟར་བདེའོ། །ཁདེ་ལྟར་སྔར་བཤད་མ་ཐག་པ་དེ་དག་གིས་མཆོག་རབ་སྟེ་སྟོང་པ་ཉིད་བཞི་པོ་སྣང་མཆེད་ཐོབ་གསུམ་འོད་གསལ་དང་བཅས་པ། །གསྔགས་ནི་ཟུང་འཇུག་པའི་དེ་བཞིན་གཤེགས་པ་རྣམས་སོ། །དེ་བཞིན་གཤེགས་པ་དེ་རྣམས་ཀྱི་སྐུ་ཡི་མཚན་ཉིད་ནི་ཤིན་ཏུ་ཕྲ་བའི་རླུང་འོད་ཟེར་ལྔ འི་རང་བཞིན་འཇའ་ཚོན་ལྟ་བུའི་སྟེ། སྔགས་ཀྱི་མཚན་པ་སྟེ། །མཚན་ཉིད་དེས་མཆན་ཅིང་སྟེ། མཚོན་པར་བྱས་པའོ། །དེ་འདྲའི་ཐོབ་བྱའི་ཡུལ་དུ་གྱུར་པའི་རྡོ་རྗེའི་སྐུ་བསྒྲུབ་པ་ཉིད་དུ་བྱ་ཞིང་སྟེ་སྐྱེད་པར་བྱའོ་ཞེས་པ་སྟེ། ངེས་པའི་དོན་ཏོ། ༈ །དེ་ལྟར་བདག་ལ་སྐུ་བྱིན་གྱིས་བརླབ་པ་ལ་སོགས་པ་གསུམ་བྱས་ནས། རྗེས་ཆགས་ཀྱི་སྦྱོར་བ་སྟོན་པ་ལ་ཡང་དྲང་ངེས་གཉིས་སུ་བྱའོ། །བསྐྱེད་རིམ་ལ་ཕྱག་རྒྱ་རིགས་ངེས་པ་དགོས་པས། མི་བསྐྱོད་པ་ལ་
སོགས་པའི རང་གི་རིགས་ཀྱི་ཡུམ་དངོས་སམ་ཡེ་ཤེས་ཀྱི་ཕྱག་རྒྱ་དང༌། རྫོགས་རིམ་པ་ལ་ཕྱག་རྒྱའི་རིགས་ངེས་པ་མི་དགོས་པས། རིགས་གང་ཡང་རུང་བའི་ཡུམ་དངོས་སམ། ཡེ་ཤེས་ཀྱི་ཕྱག་རྒྱ་བསྐྱེད་པ་ལ་རིགས་ལྔ་ལ་སོགས་པ་དགོད་པ་སྒྲུབ་ཐབས་བཞིན་ར་བྱས་ལ། ཡབ་ཡུམ་གཉི་གའི་ལུས་ལ་བཀོད་པའི་ལྷའི་འཁོར་ལོ་རྗེས་སུ་མཉེས་པར་བྱེད་པའི་གསང་སྔགས་བསྟན་པའི་ཕྱིར། །དེ་ནས་ཞེས་བྱ་བ་ནས་ལ་སོགས་པ ས་བསྡུས་པ་ཀོ་྅་ཧཾ་ཞེས་པའི་བར་རྣམས་གསུངས་ཏེ། དེ་ནས་བཅོམ་ལྡན་འདས་དང་ དཀོན་མཆོག་སྟེ། རིན་ཆེན་དཔལ་དང་ཡེ་ཤེས་སྒྲོན ་མ་ཞེས་བྱ་བ་ལ་སོགས་པའི་དོན་ནི་ལེའུ་དང་པོའི་འགྲེལ་པར་བཤད་ཟིན་ཏོ། །སྔོན་བྱུང་གི་དཀོན་མཆོག་དཔལ་ནི་རྗེས་འཇུག་ལ་བསྐྱེད་རིམ་གྱི་སྒྲུབ་པ་པོས། རིན་འབྱུང་གི་ང་རྒྱལ་དུ་བྱས་ལ། ༀ་སརྦ་ཏ་ཐཱ་ག་ཏ་ཨ་ནུ་ནི་རྗེས་སུའོ། །རཱ་ག་ཎ་ནི་ཆགས་པའོ། །བཛྲ་སྭ་བྷཱ་ཝ་ཨཱདྨ་ཀོ྅ཧཾ་ཞེས་བྱ་བ་འདི་བརྗོད་ན ས་རང་གི་ཡུམ་ལ་འཁྱུད་པ་དང་ལ་སོགས་པ ས་ཙུམ་བྷ་ན་ནས་ལས་ལ་གནས་པའི་བར་བཟུང་སྟེ། འདིའི་འོག་ཏུ་སྙོམས་པར་ཞུགས་པའི་འོག་ཏུ་མཆོད་པའི་སྔགས་བསྟན་ཞེས་འབྱུང་བས་སོ། །རྫོགས་རིམ་པས་ཕྱག་རྒྱ་དང་སྙོམས་པར་ཞུགས་པ་ལས། སྟོང་པ་བཞི་བསྐྱེད་པའི་འོད་གསལ་གྱི་ཡེ་ཤེས་ཀྱི་སྟེང་ནས་ངེས་པའི་དོན་ཤེས་པར་བྱའོ། ༈ །ཡབ་ཡུམ་སྙོམས་པར་ཞུགས་པའི་ལས་ལ་གནས་པའི་འོག་ཏུ་རང་གི་ལུས་ལ་བསྒོམས་པ་ལ་སོགས་པའི་དེ་བཞིན་གཤེགས་པ་ཐམས་ཅད་མཆོད་པ ར་བྱེད་པའི་སྔགས་བསྟན་པའི་ཕྱིར། དེ་ནས་ཞེས་
བྱ་བ་ལ་སོགས་པ་གསུངས་ཏེ། དེ་ནས་སྔོན་བྱུང་ལ་མཆོད་སྔགས་གསུང་བ་བོ་བཅོམ་ལྡན་འདས་གྲུབ་པ་རྡོ་རྗེ་གདོན་མི་ཟ་བ་ཞེས་བྱ་བ་ལ་སོགས་པ་འདི་དག་གི་དོན་ཡང་སྔར་བཤད་ཟིན་ཏོ། །མཆོད་སྔགས་ནི་ༀ་སརྦ་ཏ་ཐཱ་ག་ཏ་པཱུ་ཛ་ནི་མཆོད་པ་སྟེ། ལྷག་མ་ནི་སྔར་བཞིན་ནོ། །བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཞེས་བྱ་བའོ། །བཤད་མ་ཐག་པའི་སྙོམས་འཇུག་གི་ཆོ་ག་བདེ་བས་རྒྱས་པ་དེ་ཉིད་ཀྱིས་སྒོ་ནས། རིམ་པ་གཉིས་ཀྱི་སྔགས་པས་རྟག་ཏུ་གནས་པར་བྱའོ། ཕྱག་རྒྱ་ལ་བརྟེན་ནས་བདེ་བ་ཆེན་པོ་བསྐྱེད་པ་དེ་ཉིད་ལ་ངེས་པ་བརྟན་པར་བྱ་བ་བསྐྱེད་པའི་ཕྱིར། །དུས་རྟག་ཏུ་རིག་མའི་འདོད་པའི་ཡོན་ཏན་ལྔ་སྤྱི་དང་ཁྱད་པར་དུ་སྙོམས་འཇུག་གི་རེག་བྱ་ལ་སྤྱོད་པ ས། སངས་རྒྱས་རྣམས་ཚུལ་བཞིན་ཏེ། ཕྱིན་ཅི་མ་ལོག་པར་མཆོད་པར་བྱ་ཞེས་བྱ་བ་རྒྱུད་འདི་ལས་གསུངས་སོ། །དེ་ནི་སྙོམས་འཇུག་གི་འོག་ཏུ་སྔགས་བརྗོད་ནས་ང་རྒྱལ་འཛིན་པའི་རིམ་པ་དང་པོའིམཆོད་པའོ། ༈ །བསྐྱེད་རིམ་པའི་འདོད་ཡོན་ལྔའི་མཆོད་པ་བསྟན་པར་མ་ཟད་རྫོགས་པའི་རིམ་པ་ལ་གནས་པའི་རྣལ་འབྱོར་པ་རྣམས་ཀྱི་ཡང་མཆོད་པའི་ཆོ་ག་གཞན་དག་ངེས་པར་བསྟན་པ ར་བྱ་བ འི་ཕྱིར། །མཆོད་པ་རྣམ་པ་ལྔ་ཞེས་བྱ་བ་ལ་སོགས་པ་གསུངས་ཏེ། མཆོད་པ་ལྔ་ནི་པཉྩ་ཨུ་པ་ཧ་ར་ཞེས་པ་ལ་ཨུ་པ་ཏྲི་ཡན་ཏི་ཞེས་པ་ཉེ་བར་འཕྲོག་པ་དང་ཉེ་བར་སྲུང་པ་དང་ཅིང་ཨུ་པ་ལི་ཡནྟེ་ཞེས་པ་ཞུ་ལ་འཇུག་གོ་འདོད་ཡོན་ལྔ་དང་མིག་སོགས་ལྔ་འོད་གསལ་དུ་སྡུད་པ་དང་ཞུ་བ་སྟེ་ཐིམ་པའི་ཡེ་ཤེས་ལྔའོ། །པར་གྱུར་པས་ན་མཆོད་པ་སྟེ། དེ་བཞིན་གཤེགས་
པ་གང་ལ་ཡེ་ཤེས་ལྔའི་མཆོད་པ་རྣམ་པ་ལྔ་ཡོད་པ་དེ་ནི་མཆོད་པ་རྣམ་པ་ལྔ་རྣམས་ཏེ།ཞེས་པ་འོད་གསལ་གྱི་དེ་བཞིན་གཤེགས་པ་དྲུག་པའོ། །དྲུག་པོ་དེའི་མཆོད་པ་ནི་རྣམ་སྣང་ནས་མི་བསྐྱོད་བའི་བར་གྱི་དེ་བཞིན་གཤེགས་པ་ལྔའི་ངོ་བོ་ཉིད་ནི་རིམ་པ་བཞིན་དུ་མེ་ལོང་ལྟ་བུ་ནས་ལ་སོགས་པ ས་བསྡུས་པ་ཆོས་དབྱིངས་ཡེ་ཤེས་ཀྱི་བར་འོད་གསལ་གྱི་ཡེ་ཤེས་ལྔ་མངོན་དུ་བྱེད་པའི་རྒྱུར་གྱུར་པ་དབང་པོ་དང་ཡུལ་རྣམས་འོད་གསལ་དུ་སྡུད་པའི་ཐབས་རྣམས་ཀྱིས་དོན་གྱི་འོད་གསལ་བ་མངོན་སུམ་དུ་གྱུར་བའི་ཚུལ་གྱིས་རྟོགས་པ་སྟེ། མཆོད་པ་དེ་རྣམས་ཀྱིས་སངས་རྒྱས་ཉིད་སྟེ་སྐུ་གསུམ་གྱི་བདག་ཉིད་ཅན་གྱི་བདེ་བར་གཤེགས་པའི་གོ་འཕང་མྱུར་ཞིང་མགྱོགས་པར་ཚེ་འདི་ཉིད་ལ་ཐོབ་པར་འགྱུར་པའོ། །ཞེས་པ་ནི་རྫོགས་རིམ་པའི་མཆོད་པའོ། །དེ་ལྟར་མཆོད་པ་རྣམ་པ་གཉིས་སྨོས་པས་ཏེ་གསུངས་སོ། །༧འདི་པ་ཚབ་ཀྱི་འགྱུར་ལས། དེ་ལྟར་མཆོད་པ་རྣམ་པ་གཉིས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་འཆང་ཆེན་པོས་གསུངས་སོ། །ཞེས་འབྱུང་བ་རྒྱུད་ཚིག་དང་མཐུན་ནོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་འཆང་ཆེན་པོས་རྫོགས་རིམ་པའི་མཆོད་པའི་ཆོ་ག་འདི་ཉིད་གསལ་བར་བྱ་བའི་ཕྱིར་བཤད་པའི་རྒྱུད་ལུང་སྟོན་ལས་གསུངས་པ། གཟུགས་དང་སྒྲ་དང་དྲི་དང་རོ། །རེག་བྱ་དང་ནི་ཆོས་ཀྱི་ཁམས་ཏེ། །ཡུལ་དྲུག་དང༌། མིག་ལ་སོགས་
པའི་ཡུལ་ཅན་གྱི་ཁམས་དྲུག་པོ་དེ་དག་དངོས་པོ་མེད་པ་འོད་གསལ་དུ་འཇུག་པར་བྱས་པ་ནི། །སངས་རྒྱས་མཆོད་པ་བླ་ན་མེད་པ་དེ། དེ་འདྲ་བའི་མིག་དང་སོགས་པས་དབང་པོ་ལྷག་མ་དང་ཡུལ་རྣམས་འོད་གསལ་དུ་ཞུགས་པའི་ཡེ་ཤེས་ལས་མཉམ་ལངས་ཀྱི་དུས་སུ་བྱུང་བ འི། །གཟུགས་སྒྲ་ལ་སོགས་པའི་ཡུལ་ལྔ་ལ་ཐོགས་མེད་དུ་འཇུག་པའི་མངོན་ཤེས་ལྔས་ནི་མཛེས་པར་བྱས་པའི། །མཆོད་པ་བཟང་པོར་བཤད་པའི་འོད་གསལ་གྱི་ཡེ་ཤེས་འདིས། །བྱང་ཆུབ་མྱུར་རུ་སྟེ། ཚེ་འདི་ཉིད་ལ་འཐོབ་པར་འགྱུར། །ཞེས་བྱ་སྟེ། །དགོངས་པས་བཤད་པའོ། ༈ །དེ་ལྟར་ཕྱི་བསྐྱེད་རིམ་དང་ནང་གི་སྟེ་རྫོགས་རིམ་གྱི་མཆོད་པ་རྣམ་པ་གཉིས་བསྟན་ནས། །རྫོགས་པའི་རིམ་པ་དང་བྲལ་བ འི་བསྐྱེད་རིམ་གྱི ས་བྱང་ཆུབ་མྱུར་དུ་སྟེ། ཚེ་འདི་ཉིད་ལ་འཐོབ་པར་མི་འགྱུར་རོ་ཞེས་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ།ཞེས་འདིས་ནི་རྒྱུད་སྡེ་འོག་མ་གསུམ་གྱི་ལམ་གྱིས་ཀྱང་སྙིགས་དུས་ཀྱི་ཚེ་གཅིག་ལ། བླ་ན་མེད་པའི་བྱང་ཆུབ་འགྲུབ་པ་བཀག་སྟེ། དེ་གསུམ་ལ་བླ་མེད་གྱི་བསྐྱེད་རིམ་འཁོར་བཅས་ལས་ལྷག་པའི་ལམ་མེད་པའི་ཕྱིར་རོ། །རྡོ་རྗེ་འཆང་ཆེན་པོས་དེ་བཞིན་གཤེགས་པ་ཐམས་ཅད་ཀྱི་སྔགས་འདིར་པ་ཚབ་ཀྱིས། །དེ་བཞིན་གཤེགས་པ་ཐམས་ཅད་ཀྱི་སྔགས་ཏེ་དེ་བཞིན་གཤེགས་པ་ཐམས་ཅད་ཀྱི་གསུང་དང༌། སྔགས་ནི་ཉེ་བར་མཚན་པའི་ཕྱིར་སྐུ་དང་ཐུགས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དེ་དག་གིས་གསང་བ་སྟེ། རྣམ་པར་དག་པ་ཞེས་བསྒྱུར་པ་ལྟར་བདེའོ། །
ཞེས་པ་ནི། དེ་ཁནི་དེ་ཙམ་དུ་མ་ཟད་དེ་བཞིན་གཤེགས་པ་ཐམས་ཅད་ཀྱི་སྐུ་དང་དེ་ཀབཞིན་གཤེགས་པའི་གསུང་ཡིན་ལ་དང་གཐུགས་གཉིས་ཀྱང་ཉེ་བར་མཚོན་པའི་སྔགས་ཡིན་ཏེ། དེ་བཞིན་གཤེགས་པ་དེ་དག་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྣམ་པར་དག་པ་འོག་ནས་བཤད་པ་འདི་གསུངས་པའོ། ༈ །སྔགས་འདིར་པ་ཚབ་ཀྱིས་བསྒྱུར་བའི་རྒྱུད་ལས། སྔགས་ལ་ངེས་རྟོག་ལུས་ཀྱིས་ནི། །ངག་གིས་ཡིད་ལ་བསྐུལ་གྱུར་པས། །བསྒྲུབ་བྱ་རབ་མཆོག་དངོས་གྲུབ་དང༌། །ཡིད་ནི་དགའ་དང་མགུ་བའོ། ཞེས་འབྱུང་བ་དང་འགྲེལ་པའི་འགྱུར་ཡང་ཤིན་ཏུ་ལེགས་སོ། །དེ་ལྟར་བྱས་ན་ལུས་ཀྱིས་བསྒྲུབས་པའི་སྔགས་ལ་དེས་རྟོག་གི་ངག་གིས་ཞེས་པར་འགྱུར་རོ། །ལ་དམིགས་པའི་ཞེས་བྱ་བ་ལ་སོགས་པ་ལ། སྔགས་བཏུ་བའི་གཞི་ནི་ཨཱ་ལི་བཅུ་དྲུག་དང༌། ཀཱ་ལི་སོ་བཞིའམ། སོ་གསུམ་ལས་བྱུང་བ འི་སྔགས་རྣམས་ཏེ། དེ་ཡང་འགོར་ༀ་དང་མཐར་སྭཱ་ཧཱ་ཡོད་པའི་སྔགས་སྦྲུལ་ཞེས་པ་དང་ལ་སོགས་པས་བསྡུས་པ་འགོར་ༀ་ཡོད་ལ་མཐར་སྭཱ་ཧཱ་མེད་པ་ནི་མཐའ་མེད་དང༌། དེ་ལས་བཟློག་པའི་སྔགས་འགོ་མེད་དང༌། འགོར་ༀ་དང༌། མཐར་སྭཱ་ཧཱ་མེད་པའི་སྔགས་བཏུས་པའི་ངོ་བོ་ཉིད་ཡིན་ལ། །བཟླས་པའི་སྔགས་བཞི་པ་དེ་རྣམས་ནི་བུད་མེད་ཨཱ་དང་སྐྱེས་པ་ༀཿ དང་མ་ནིང་ཧཱུཾ་ཉིད་ཀྱིས། ཡི་གེ་གསུམ་གྱི་གཞིར་གྱུར་པས་ཏེ། འདུས་པས་བཟླས་བྱའི་སྔགས་ཐམས་ཅད་ཡི་གེ་གསུམ་དུ་འདུ་བའི་རྒྱུ་མཚན་ནི་སྔགས་ཀྱི་ལྷ་
ཐམས་ཅད་རྡོ་རྗེ་གསུམ་གྱི་རིགས་སུ་འདུ་བའི་གནད་ཀྱིས་ཡིན་ནོ། །སྔགས་རྣམས་ནི་ཡི་གེ་གསུམ་སྟེ། །དེ་རྣམས་ཀྱི་ངོ་བོ་ཉིད་ནི་འཇུག་པ་ༀ་དང་གནས་པ་ཨཱཿ དང་ལྡང་པ་ཧཱུཾ་གི་གདངས་ཀྱི་འི་ངོ་བོ་ཉིད་ཀྱིས་ཡོངས་སུ་ཤེས་པ་ནི་སྔགས་ལ་དམིགས་པའོ། །རྡོར་བཟླས་དེ་ལ་ལུས་ཞེས་བྱ་བ་ལ་ལུས། རྣམ་པར་དབེན་པ་སྔོན་དུ་འགྲོ་པས་རྡོ་རྗེ་བཟླས་པ་ངག་རྣམ་པར་དབེན་པའི་སྒྲུབ་པར་ཏེ། སྒྲུབ་བྱེད་དུ་གྱུར་པས། ངག་དབེན་སྒྲུབ་པའི་ཕུང་སོགས་དེ་བཞིན་གཤེགས་པ་ལྔ་ལ་སོགས་པར་བློས་སྤྲུལ་པའི་ལུས་དབེན་དང༌།ཞེས་ཏེ་འོག་གི་རིམ་པ་བཞི་རྡོར་བཟླས་ཀྱིས་སྒྲུབ་པ་དེ། ལུས་དབེན་སྔོན་དུ་བཏང་བའི་རྡོར་བཟླས་ཀྱིས་ཡིན་གྱི། རྡོར་བཟླས་རྐྱང་པས་མིན་ཞེས་པའོ། །ངག་གིས་ཅེས་བྱ་བ་རྡོ་རྗེ་བཟླས་པས་ཉེ་བར་མཚོན་པའི་ཐབས་ཀྱི ས་ཡིད་ཅེས་བྱ་བ་ནི་རང་གི་སྙིང་གར་ཆོས་ཀྱི་འཁོར་ལོའི་དྷཱུ་ཏཱིའི་ནང་དུ་གནས་པའི་རྡོ་རྗེ་སེམས་དཔའ་སྟེ། དེ་མཚོན་པའི་མི་ཤིགས་པ་སྔགས་ཀྱི་ཐིག་ལེ་ཡི་གེ་དང་བཅས་པ་བསྐུལ་ཞིང༌། ཞེས་པ་དེ་ལས་རླུང་ལྡང་འཇུག་གནས་གསུམ་སྔགས་དང་སྦྱོར་བ་ཇི་ལྟ་བ་བཞིན་དུ་ཡོངས་སུ་ཤེས་པས་ཡུལ་དུ་བྱས་ཏེ། རྡོ་རྗེ་བཟླས་པ་བྱེད་པའོ། །འདིར་པ་ཚབ་ཀྱི་འགྱུར་ལས། ཡིད་ལ་བསྐུལ་བས་བསྒྲུབ་པར་བྱ་ཞེས་བྱ་བ་ལ། རྣལ་འབྱོར་པའི་རྒྱུད་ལ་འཆད་པར་འགྱུར་བའི་སེམས་དབེན་ལ་སོགས་པའི་གནས་སྐབས་བཞི་པོ་རྣམས་བསྒྲུབ་པར་བྱའོ། །ཞེས་པའི་དོན་ནོ། །བསྒྲུབ་བྱ་བཞི་པོ་དེ་རྣམས་གང་ཞེ་ན། རབ་མཆོག་
ཅེས་བྱ་བ་ལ་སོགས་པ་གསུངས་ཏེ། རབ་མཆོག་གི་དོན་ནི་མཆོག་ཏུ་བྱུང་བ་སེམས་རྣམ་པར་དབེན་པའི་མཚན་ཉིད་དེ། གང་ལས་མཆོག་ཏུ་བྱུང་ན་རྡོ་རྗེ་བཟླས་པའི་རིམ་པ་བས་ལྷག་པའི་ཕྱིར་རོ། །དངོས་གྲུབ་ཞེས་བྱ་བ་ནི་རིམ་པ་གསུམ་པ་བདག་ལ་བྱིན་གྱིས་བརླབ་པའི་མཚན་ཉིད་ཅན་ཕྱག་རྒྱ་ཆེན་པོ་སྒྱུ་མའི་སྐུའོ། ཡིད་དགའ་བར་བྱེད་པས་ན་ཡིད་དགའ་བ་སྟེ་ཞེས་པ་ནི་ཡིད་དགའ་བྱེད་ཀྱི་བྱེད་པ་ཡིན་གྱི། དགའ་བའི་ལས་སུ་བྱ་བ་ལ་མི་བྱ་བའི་དོན་ནོ། །ཕྱག་རྒྱ་ཆེན་པོ་སྒྱུ་མའི་སྐུ་རྣམ་པར་དག་པ་ཡིན་པའི་ཕྱིར་རོ། །དག་པ་དེ་གང་ཞེ་ན། དོན་དམ་པའི་བདེན་པ་དང༌། ཡུལ་ཅན་གཉིས་རོ་གཅིག་ཏུ་ཞུགས་པའི་འོད་གསལ་བའོ། །མགུ་བ་ནི། ཡིད་དུ་འོང༌བས་སྟེ། དེ་ཡང་སྲིད་པ་སྟེ། དག་པའི་སྒྱུ་མའི་སྐུ་དང་སྤྲོས་པ་ཞི་བའི་མཚན་ཉིད། དེ། ངོ་བོ་ཉིད་འོད་གསལ་གྱི་ཡེ་ཤེས་དང་རོ་གཅིག་པའི་ཟུང་འཇུག་རྡོ་རྗེ་འཆང་ཆེན་པོའི་སྐུ་སྟེ། བཞི་པོ་དེ་བསྒྲུབ་པར་བྱའོ་ཞེས་འབྱུང་ངོ༌། །ཡིད་ནི་དགའ་ཞིང་ཞེས་བྱ་བ་ནི། ཡིད་ཡང་དག་པར་དགའ་བར་གྱུར་པ་སྟེ་ཕྱག་རྒྱ་ཆེན་པོ་རྣམ་པར་དག་པར་བྱེད་པའི་ཕྱིར་རོ། །དེ་གང་ཡིན་ཞེ་ན། དོན་དམ་པའི་བདེན་པའོ། །མགུ་བ་ཡིས་ཞེས་བྱ་བ་ནི། །སྲིད་པ་དང་ཞི་བ་རོ་གཅིག་པའི་མཚན་ཉིད་ཅན་ཡིད་དུ་འོང་བའི་རྡོ་རྗེ་འཆང་ཆེན་པོའི་སྐུ་སྐྱེད་པར་གྱུར་པའོ། །དེ་གང་ཡིན་ཞེ་ན། དངོས་གྲུབ་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ནི་བདག་ལ་བྱིན་གྱིས་བརླབ་པའིམཚན་ཉིད་ཅན་ཕྱན་རྒྱ་ཆེན་པོའོ།
རབ་མཆོག་ནི་ཕུལ་དུ་བྱུང་བ་སྟེ། སེམས་རྣམ་པར་དབེན་པའི་མཚན་ཉིད་ཅན་རྡོ་རྗེ་བཟླས་པས་རྟོགས་པར་གྱུར་པའི་ཕྱིར་རོ། །བསྒྲུབ་པར་བྱ་ཞེས་བྱ་བ་ནི་རྣལ་འབྱོར་པའི་རྒྱུད་ལ་འོག་ནས་བཤད་པའི་གནས་སྐབས་བཞི་པོ་རྫོགས་པར་བྱ་བ་སྟེ། ༈ །ངག་གིས་ཡིད་ལ་བསྐུལ་བས་བསྒྲུབ་པར་བྱ་ཞེས་པའི་རྒྱུད་ཆག་འདི་དག་གིས་ནི་རིམ་པ་ལྷག་མ་བཞི་རྡོ་རྗེ་བཟླས་པའི་ཕན་ཡོན་ཡིན་པར་གསུངས་པ་ཡིན་ནོ། ༈ །མདོར་བསྟན་པའི་ཚིག་རབ་མཆོག་ལ་སོགས་པའི་བཞིའི་བཤད་པ་བསྟན་པའི་ཕྱིར། །སེམས་ལ་དམིགས་པ་ཞེས་བྱ་བ་ལ་སོགས་པ་གསུངས་ཏེ། སེམས་ལ་དམིགས་པ་ནི་རིམ་པ་གཉིས་པ་སེམས་དབེན་ཏེ། དེ་རིམ་པ་གཉིས་པར་འཇོག་པ་ནི། སྒྲོན་གསལ་གྱི་རིམ་ལྔ་དང༌། འཕགས་པའི་རིམ་ལྔའི་གྲངས་གཉིས་ཀ་ལྟར་ནའང་གཉིས་པའོ། །རིམ་པ་དེས་ཇི་ལྟ་བ་བཞིན་དུ་ཡོངས་སུ་ཤེས་པ་ནི་སེམས་ལ་དམིགས་པའོ། །ཇི་ལྟ་བ་བཞིན་དུ་ཤེས་རྒྱུའི་དོན་དེ་ཤེས་པར་བྱས་པའི་ཡུལ་ནི་སེམས་ཀྱི་བདག་མེད་པའི་དེ་ཁོ་ན་ཉིད་གང་ཡིན་པ་སྟེ་དེ་ནི་སེམས་ཀྱི་བདག་མེད་པ་ཡིན་ལ། དེ་ལ་དམིགས་པ་ལ་སེམས་ལ་དམིགས་པ་ཞེས་བྱ། །འདིས་ནི་གླན་ལ་སོགས་པ་འགའ་ཞིག་སེམས་དབེན་གྱི་ཡེ་ཤེས་ཀྱིས་ཆོས་ཅན་སེམས་ལ་དམིགས་ཀྱི། སེམས་ཀྱི་ཆོས་ཉིད་ལ་དམིགས་པ་མ་ཡིན་ནོ་ཞེས་འདོད་པ་ཡག་བཀག་ཀོ། ངག་དང་ལུས་ཀྱང་ཞེས་བྱ་བ་ལ་སོགས་པ་ལ་སེམས་དབེན་གྱིས་སེམས་ཀྱི་དེ་ཁོ་ན་ཉིད་རྟོགས་པར་ཟད་ངག་དང་ལུས་ངག་ཀྱང་བདག་མེད་
པར་རྣམ་པར་བསྒོམ་པས། །སེམས་སོ་སོར་རྟོགས་པ་སེམས་དབེན། བསྒྲུབ་པ་སྟེ། རྫོགས་པ ར་བྱའོ་ཞེས་བྱ་བའི་དོན་ཏོ། །ཏེ། སེམས་ལ་དམིགས་པ་ཞེས་པའི་རྐང་པ་གཉིས་པོ་འདིས་ནི་སྐུ་དང་གསུང་དང་ཐུགས་ཀྱི་མཚན་ཉིད་དེ་ངོ་བོ་གསུམ་དང་འོག་མ་གསུམ་རིམ་པ་བཞིན་དུ་སྦྱར་བའམ། ཡང་ན་སྐུ་ཐབས་དང༌། གསུང་ཤེས་རབ་ཅེས་སྦྱར་བའོ། །ཤེས་རབ་དང་ཐབས་དང་ཉེ་བར་ཐོབ་པ་གསུམ་སྟོན་པར་གྱུར་བ་ཡིན་ནོ། །སེམས་དབེན་རྫོགས་པའི་རྗེས་དེ་ནས་ཅི་ཞིག་བྱ་ཞེ་ན། ནམ་མཁའ་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་བཞིན་དུ་མཉམ་ཞེས་པའི་ནམ་མཁའ་ནི་དོན་དམ་པའི་བདེན་པ་སྟེ། དེ་ཇི་འདྲ་བ་དེ་བཞིན་དུ་མཉམ་པ་སྟེ། ངོ་གཅིག་ཏུ་ཞུགས་པའི་འོད་གསལ་གྱི་ཡེ་ཤེས་སོ། །འོད་གསལ་དེ་སྐྱེད་པའི་གནས་ཡིན་པས་ན་གནས་ཏེ། སྒྱུ་མའི་ལུས་རྡོ་རྗེ་འཛིན་པ་གང་ཡིན་པ་དེ་བསྒྲུབ་བར་བྱ་བ་སྟེ། སྐྱེད་པར་བྱའོ། ཇི་ལྟར་སྐྱེད་པར་བྱ་སྙམ་ན་སྦྱོར་བ་རྣམ་པ་གསུམ་ནི་རྣམ་པར་གསུམ་སྦྱོར་བ་སྟེ། ཡིད་ཀྱི་རང་བཞིན་གྱི་ལྷའི་གཟུགས་སུ་བྱས་པའོ། །སྦྱོར་ཚུལ་ནི། སྒྱུ་ལུས་གང་དུ་སྣང་མཆེད་ཐོབ་པ་རྣམ་པ་གསུམ་པོ་སྔ་མ་ཕྱི་མ་ལ་ཐིམ་པའི་ཚུལ་གྱིས་མཐར་གཅིག་ཏུ་གྱུར་པ་ལས་སྒྱུ་མའི་སྐུ་གཅིག་ཏུ་སྦྱར་བ་དེ་ནིའོ། །གང་དུ་སྦྱོར་བ་གསུམ་པོ་གཅིག་ཏུ་གྱུར་བ་དེ་ནི་སྦྱོར་བ་རྣམ་གསུམ་སྟེ་ཡིད་ཀྱི་རང་བཞིན་གྱི་ལྷའི་གཟུགས་སོ། །ལུས་དང་ངག་དང་སེམས་དམིགས་ན། ངོ་བོ་ཉིད་ནི་དམིགས་སུ་མེད་ཅེས་བྱ་བ་ལ། ལུས་དང་ངག་དང་
སེམས་ཀྱི་དམིགས་པ་ཞེས་པའི་དོན་ནི་སེམས་དམིགས་ཀྱིས་ཡེ་ཤེས་གསུམ་ཉེ་བར་བརྟགས་པ་སྟེ། བསྐྱེད། ནས་གང་ཞིག་ཐོབ་པའི་ཀུན་རྫོབ་ཀྱི་བདེན་པའི་ངོ་བོ་ཉིད་དེ་སྒྱུ་མའི་སྐུའོ། །སྐུ་དེ་ནི་དམིགས་སུ་མེད་དེ་ཞེས་པ་ནི་སྐུ་དེའི་ཕུང་ཁམས་སོགས་ཐམས་ཅད་ཀྱང་བསམ་གཏན་གཉིས་ཀྱིས་དོན་དམ་པའི་བདེན་པ་འོད་གསལ་ཉིད་དུ་རྟོགས་པ་སྟེ། སོན་པར་བྱས་པས་སོ། །ལུས་དང་ཞེས་པའི་རྐང་པ་གཉིས་པོ་འདིས་ནི་འོད་གསལ་མངོན་པར་བྱང་ཆུབ་པའི་རིམ་པ་གསལ་བར་བྱེད་དོ། ༈ །སྔགས་ཀྱི་ལམ་འདིར་ཁ་ཅིག་འདི་སྙམ་དུ་ཡེ་ཤེས་ཀྱི་རང་བཞིན་གྱི་སྒྱུ་མའི་སྐུ་ལ་གནས་པ་མི་དམིགས་པ་སྟེ། མ་རྙེད་ཀྱང༌། གལ་ཏེ་རྟོགས་པའི་རྣལ་འབྱོར་བསྐྱེད་རིམ་གྱིས་སྔགས་ཀྱི་ལྷའི་སྐུར་གནས་པ་དམིགས་པ་སྟེ། རྙེད་པ ར་འགྱུར་བས། མཐའི་གཟུགས་སྐུ་སྒྲུབ་བ་ལ་ཡེ་ཤེས་ཀྱི་སྐུ་མི་དགོས་སོ་སྙམ་དུ་རོ་ཞེས་རྟོག་པར་གྱུར་ན་ལོག་རྟོག་དེ་བཟློག་པའི་ཕྱིར། སྔགས་ཀྱི་ལུས་སུ་སྦྱོར་བ་ལ་ཞེས་བྱ་བ་ལ་སོགས་པ་གསུངས་ཏེ།ཞེས་པའོ། །སྔར་སྤྱིའི་མཚམས་སྦྱོར་དུ་རྫོགས་རིམ་དང་བྲལ་བས་བྱང་ཆུབ་མྱུར་དུ་མི་ཐོབ་ཞེས་བསྟན་པའི་ཕྱིར་ཞེས་པ་ནི། སྔགས་ཀྱི་ལུས་སུ་ཞེས་པའི་རྐང་པ་གཉིས་པོ་འདི་ཡིན་ལ། འདི་ཡི་དོགས་པའི་རྒྱུ་ཚང་བར་བཀོད་ནས། དོགས་པ་ལེགས་པར་གཅོད་པ་ཅིག་དགོས་པ་ནི། མཐའ་གཅོད་དུ་འཆང་བར་
འགྱུར་རོ། །སྔགས་ནི་ལྷ་བསྐྱེད་པའི་ས་བོན་ༀ་ལ་སོགས་པའི་ཡི་གེ་རྣམས་སོ་འོ་། །ས་བོན་དེས་ལུས་སུ་སྟེ། སྐུར་བྱས་པ་སྟེ། བསྐྱེད་པ། གང་ཡིན་པ་དེ་ནི་སྔགས་ཀྱི་སྐུའམ་སྔགས་ཀྱི་ལུས་ཏེ། བསྐྱེད་པའི་རིམ་པ་གང་གི་སྦྱོར་བ་རྡོ་རྗེ་བཞི་རྒྱས་པ་བསྙེད་སྒྲུབ་བཞི་པོ་ཡན་ལག་དང་བཅས་པ་དེས་ནི་བྱང་ཆུབ་པ་མེད་པ་སྟེ་སངས་རྒྱས་པ་ཉིད་མེད་དོ། །གང་གི་ཕྱིར་ཞེ་ན། སྔགས་ཀྱི་ཡི་གེ་ཇི་སྲིད་ཡོད་པ་དེ་སྲིད་ཚོགས་པ་ལས་སྐྱེས་པ་ཡིན་ཏེ། ཇི་སྲིད་དེ་གང་རྟོགས་པས་སྔགས་ཀྱི་ཡི་གེ་རེ་རེ་བ་དང༌། ཚོགས་པ་ལས་སྐྱེས་པ་སྟེ། བསྐྱེད་པ་ཡོད་པ་ཡིན་པ་དེ་སྲིད་དེ། དེ་ནི་རིང་པོར་མི་ཐོགས་པར་སྐྱེས་ནས་རྒྱུན་འཇིག་པར་འགྱུར་བས། །ཁྱབ་པས་ན་ནམ་མཁའ་དང་མཉམ་པ་སྟེ། འདྲ་བར་དངོས་མེད་དུ་འགྱུར་ན་བསྐྱེད་རིམ་སྒོམ་པ་གཅིག་པུ་དེས་སངས་རྒྱས་ཀྱི་ལུས་ཏེ། གཟུགས་ཀྱི་སྐུ་འཁོར་བ་ཇི་སྲིད་པར་གནས་པ་སྐྱེད་པར་ལྟ་ག་ལ་འགྱུར་ཏེ། མི་འགྱུར་བའི་ཕྱིར་རོ། །བསྒོམ་པའང་མེད་ཅེས་བྱ་བ་ནི། རང་ལྷར་གསལ་ཞིང་ཤིན་ཏུ་བརྟན་པ་དེ་བསྒོམ་བཞིན་པ་ཉིད་ནའང་རང་ལྷ་དེ འི་སྐུ ར་དོན་ལ་སོང་བ་མེད་པས་དོན་ལ་ལྷའི་སྐུར་སོང་བ་དེ་སྒོམ་པ་ཡང་མེད་དོ། །༧དེ་ལྟར་བསྐྱེད་རིམ་པའི་ཆོས་ཀྱི་སྐུ་དང་ལོངས་སྤྱོད་རྫོགས་པའི་སྐུ་དང་ལ་སོགས་པ ས་བསྡུས་པ་སྤྲུལ་སྐུ་རྣམས་ཀྱང་སྤངས་པ་སྟེ། དེ་རྣམས་ལས་འདས་པའི་ལམ་གྱིས་གོང་དུ་བགྲོད་དགོས་པ་ཡིན་པའི་ཕྱིར་ན། སྐུ་གཉིས་མཉམ་པར་ཏེ། འབྲལ་མེད་དུ་བྱུང་ཞིང་སྲིད་ཞི་ལ་མི་གནས་པའི་མཚན་ཉིད་ཅན་མི་སློབ་པའི་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་སྒྲུབ་བྱེད་ཀྱི་གཙོ་
བོ་སློབ་པའི་ཟུང་འཇུག་བསྟན་པར་བྱ་བའི་ཕྱིར། སྐུ་གསུང་ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་མཚན་ཉིད་ནི། སྔགས་ལ་དམིགས་པ་ངག་དབེན་དང་ལ་སོགས་པ ས་བསྡུས་པ་ལུས་དབེན་ནོ། །དེ འི་རིམ་གྱིས་ཞེས་པ་ནི། དེ་གཉིས་རིམ་པ་བཞིན་དུ་བསྐྱེད་པའི་ལམ་གྱིས་སྐུ་དང་གསུང་དང་ཐུགས་སྒྲུབ་པ་པོ་གང་གིས་བརྟགས་པ་དེ་ནི་སྐུ་དང་གསུང་དང་ཐུགས་ཀྱི་མཚན་ཉིད་དེ་སེམས་དབེན་གྱི་སྟོང་པ་ཉིད་གསུམ་གྱི་ཡེ་ཤེས་གསུམ་མོ། །༡འདི་ནི་ཞེས་བྱ་བ་ནི་སྔར་སེམས་དབེན་གྱི་སྐབས་སུ་བཤད་མ་ཐག་པའོ། །༤རྣམ་པར་དཔྱད་ནས་ཞེས་བྱ་བ་ནི་ཡོངས་སུ་ཤེས་པའོ། །ཞེས་པ་ཡང་སྔགས་ལ་དམིགས་པ་ལ་སོགས་པའི་རིམ་གྱིས་ཞེས་པ་དང་སྦྱར་རོ། །མདོར་ན་སྟེ། བསྡུས་ན་ཞེས་བྱ་བ འི་དོན་ནི་སེམས་དབེན་གྱི་སྟོང་བ་གསུམ་ལས་ཀུན་རྫོབ་ཀྱི་བདེན་པ་སྒྱུ་མའི་སྐུར་བསྐྱེད་པ་ཉིད་ཀྱིས་ཏེ། རྟེན་དེས་འོད་གསལ་དུ་ཞུགས་ནས། དེ་དང་གཅིག་ཏུ་བྱས་པས་སོ། །སྔགས་ཀྱིས་བརྟགས་པའི་ཏིང་ངེ་འཛིན། །བྱང་ཆུབ་སྦྱོར་བ་བསྒོམ་པར་བྱ་ཞེས་བྱ་བ་ལ། སྔགས་ནི་དོན་གྱི་འོད་གསལ་དུ་ཞུགས་པའི་ཡེ་ཤེས་ཀྱི་བཞོན་པར་གྱུར་པའི་རླུང་འོད་ཟེར་ལྔའོ། །དེ་འདྲ་བའི་རླུང་དང་ཡེ་ཤེས་དེ་རྣམས་ཀྱིས་བརྟགས་པ་ནི་བློས་བརྟགས་པ་མ་ཡིན་གྱི་དོན་ལ་དག་བའི་སྒྱུ་མའི་སྐུར་བསྐྱེད་པའོ། །ཏིང་ངེ་འཛིན་ནི་རྡོ་རྗེ་ལྟ་བུའི་ཏིང་ངེ་འཛིན་ཏེ། ཟུང་འཇུག་གོ་ཏོ་། །བྱང་ཆུབ་ནི་དོན་དམ་པའི་བདེན་པ་འོད་གསལ་ལ། །དེ་དང་དག་པའི་སྒྱུ་མའི་སྐུ་དེ་མ་ཐག་ཏུ་བཤད་པས་ཉིས་རོ་གཅིག་ཏུ་སྦྱོར་བ་གང་ཡིན་པ་དེ་
ནི་བྱང་ཆུབ་སྦྱོར་པའོ། །བསྒོམ་པར་བྱ་ཞེས་བྱ་བ་ནི་ཟུང་འཇུག་ལ་བསླབ་པར་བྱའོ་ཞེས་པ་སྟེ། སྐུ་གསུང་ཐུགས་ཞེས་སོགས་རྐང་པ་བཞི་པོ་འདིས་ནི་ཟུང་དུ་སྦྱོར་བའི་རིམ་པ་སྟོན་པ་ཡིན་ཏེ། དགོངས་པས་བཤད་པའོ། ༈ །ད་ནི་ལེའུ་གསུམ་པ་ལས་སྣའི་རྩེ་མོར་ཡུངས་ཀར་ཙམ་གྱི་ཕྲ་མོ་སྒོམ་པར་གསུངས་པའི་ཕྲ་མོའི་རྣལ་འབྱོར་དེ་ཉིད་སླར་ཡང་ཁ སྔར་བསྟན་པ་ཙམ་ཞིག་འཆང་ངམ་སྙམ་ན་དེ་ནི་མ་ཡིན་ཏེ། རྣམ་པར་ཤེས་པ་སྟེ། ཡེ་ཤེས་ཀྱི་དེ་ཁོ་ན་ཉིད་དང་རླུང་གི་དེ་ཁོ་ན་ཉིད་སྔགས་དང་བཅས་པར་འཆད་པས་སོ། །ཀབསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་གནས་ཞེས་བྱ་བའི་སྒྲ་ནི་རྫོགས་པའི་རིམ་པའི་རིམ་པ་དྲུག་བསྟན་པའི་འོག་ཏུའོ། །ཚོགས་གཉིས་རྫོགས་པའི་དཔལ་དང་ལྡན་པས་ན་དཔལ་ལྡན་ནོ། །རྡོ་རྗེ་འཛིན་ཞེས་བྱ་བ་ནི། ཕྱག་མཚན་གྱི་རྡོ་རྗེ་རྩེ་ལྔ་པ་ཕྱག་ཏུ་འཆང་བར་མཛད་པས་ན་རྡོ་རྗེ་འཛིན་པ་སྟེ། ཡི་གེའི་དོན་ཏོ། །མེ་ལོང་ལྟ་བུ་ལ་སོགས་པའི་ཡེ་ཤེས་ལྔ་པོ་ཡེ་ཤེས་དེའི་རང་བཞིན་གྱིས་ཏེ། དེ་རང་གི་ངོ་བོ་ཉིད་དུ་འཆང་བར་མཛད་པས་ན་རྡོ་རྗེ་འཛིན་པ་སྟེ། སྤྱིའི་དོན་ཏོ། །ཡིད་ཀྱི་རང་བཞིན་གྱི་སྐུ་རིམ་པ་གསུམ་པའི་སྒྱུ་མའི་ལུས་རང་གི་ངོ་བོ་ཉིད་དུ་འཛིན་པར་མཛད་པས་ན་རྡོ་རྗེ་འཛིན་པ་སྟེ་སྦས་པའོ། །རྡོ་རྗེ་ནི་ཟུང་འཇུག་གཉིས་སུ་མེད་པའི་ཡེ་ཤེས་ཟུང་འཇུག་ཏེ་དེའི་ངོ་བོ་ཉིད་ཀྱིས་ཏེ། དེ་རང་གི་ངོ་བོ་ཉིད་དུ་འཆང་པར་མཛད་པས་ན་རྡོ་རྗེ་འཛིན་པ་སྟེ།
མཐར་ཐུག་པའོ། །དེ་བཞིན་གཤེགས་པ་ཀུན་ནི་སྤྱན་ལ་སོགས་པའི་ལྷ་མོ་རྣམས་སོ་སྟེ་། །ལྷ་མོ་དེ་རྣམས་ཀྱིས་ཟག་མེད་ཀྱི་བདེ་བ་སྟེར་བའི་སྒོ་ནས་མཆོད་པས་ན་དེ་བཞིན་གཤེགས་པ་ཀུན་གྱི་མཆོད་པའོ་དོ་། །སངས་རྒྱས་ཀུན་ནི་རྣམ་པར་སྣང་མཛད་ལ་སོགས་པ་སྟེ། དེ་རྣམས་ཀྱི་ནང་ན ས་མཆོག་ཏུ་གྱུར་པ་དྲུག་པ། །ཀུན་མཁྱེད་པ་ནི་ཐུགས་རྡོ་རྗེ་སྟེ་ཞེས་པ་ནི་རིགས་གསུམ་དུ་སྡུད་པ་ན་རྡོ་རྗེ་འཆང་ཐུགས་རྡོ་རྗེར་སྤྱོད་བསྡུས་ལས་གསུངས་པས་དེ་ཡང་དྲུག་པའོ། །དེ་བསྒོམ་པ ར་བྱ་བ འི་མཆོག་འོད་ནས་བཤད་པ་རྣམས་བཀའ་སྩལ་ཅིང་གསུངས་པའོ། ༈ །ནམ་མཁའི་དབྱིངས་ཀྱི་དབུས་གནས་པར་ཞེས་པ་བཞིས་ཕྲ་མོ་བསྒོམ་པའི་རྟེན་རིམ་པ་གཉིས་ཀྱི་ལྷའི་རྣལ་འབྱོར་སྔོན་དུ་བཏང་ནས་ཕྲ་མོ་སྒོམ་དགོས་པར་བསྟན་པས་དྲང་ངེས་གཉིས་ཀ་དང་སྦྱར་རོ། །ཞེས་བྱ་བ་ནི། འོད་གསལ་བ་ལ་གནས་པའོ། །ཞེས་པ་ལ་ནི་ལྷག་མོས་འོད་གསལ་དུ་བསྡུས་པ་དང་། སྒྱུ་ལུས་འོད་གསལ་དུ་དག་པ་གཉིས་སོ། །ཟླ་བའི་དཀྱིལ་འཁོར་ལ་ནི་ཟླ་བ་ལས་བྱང་ཆུབ་པ་དང༌། འོད་གསལ་ལས་ལུགས་ཟློག་ཏུ་བྱུང་བའི་སྣང་བའི་ཚོགས་གཉིས་སོ། །བསྒོམ་པར་བྱ་ཞེས་བྱ་བ་ནི་དང་པོར་དང་པོའི་མགོན་པོ་དང༌། ཟུང་འཇུག་གི་ལོངས་སྤྱོད་རྫོགས་པའི་སྐུར་བསྐྱེད་པ་གཉིས་ཏེ། དེ་ནི་སངས་རྒྱས་ཀྱི་གཟུགས་སུ་རབ་ཏུ་སྒོམ་པའི་དོན་ཡང་ཡིན་ནོ་འོ་། །སངས་རྒྱས་གཟུགས་ནི་རབ་བསྒོམས་ནས། ཞེས་བྱ་བ་ནི་ལོངས་སྐུར་བསྐྱེད་པའི་ཕྱི་ནས་ཏེ། རྗེས་སུ་སྤྲུལ་སྐུར་བསྒྱུར་བ་གཉིས་ཡིན་ཏེ། ཟུང་འཇུག་གི་སྐབས་ཀྱི་རགས་པའི་ཕུང་པོ་ལ་སོགས་
པར་རྗེས་སུ་གཞུག་པ་སྟེ་ཞུགས་པ་དང༌། དང་པོའི་མགོན་པོ་སྤྲུལ་རྡོར་སེམས་སུ་བསྒྱུར་བའི་ཕུང་པོ་ལ་སོགས་པའི་ངོ་བོར་རྣམ་སྣང་སོགས་རྗེས་སུ་ཞུགས་པས་དེ་བཞིན་གཤེགས་པ་ཐམས་ཅད་ཀྱི་ཕྲ་རབ་ལས་བསྒྲུབས་པའི་སྤྲུལ་བའི་སྐུར། །བདག་ཉིད་བསྐྱེད་ལ་འོག་ནས་བཤད་པའི་རིམ་གྱིས་ཕྲ་མོའི་སྦྱོར་བ་སྟེ། རྣལ་འབྱོར་གཉིས་ཀུན་ཏུ་བརྩམ་བར་བྱའོ། ༈ །སྣ་ཡི་རྩེ་མོར་ཡུངས་ཀར་བསམ། །འགྲོ་དང་མི་འགྲོ་ཡུངས་ཀར་ལ། ཡེ་ཤེས་གནས་ནི་ཉམས་དགའ་བ། །གསང་བའི་ཡེ་ཤེས་ཀྱིས་བརྟགས་བསྒོམ། །ཞེས་བྱ་བའི་རྡོ་རྗེའི་མདོ་འདིས་ནི་ཐ་མལ་པའི་སེམས་ཅན་པ་ཚབ་དང་ཆག་འགྱུར་ལས། སེམས་ཅན་རྣམས་ཀྱི་སྐྱེ་བ་དང་། བརྟགས་པའི་ལྷར་དམིགས་པ་གཉིས་སོ་སོར་ཕྲལ་ཞིང༌། སྔགས་ཀྱི་དེ་ཁོ་ན་ཉིད་དང་ཞེས་པ་བསྣན་ཏེ་དྲུག་བྱའོ། །མངལ་དུ་སྐྱེ་བ་རྣམས་ཀྱི་སྐྱེ་བ འི་རྒྱུ་དང་་ལྟར་བརྟགས་པའི་ལྷར་དམིགས་པ་དང༌། །རླུང་གི་དེ་ཁོ་ན་ཉིད་དང༌། ཡེ་ཤེས་ཀྱི་དེ་ཁོ་ན་ཉིད་དང༌། ཡོངས་སུ་དག་པའི་ལྷའི་དེ་ཁོ་ན་ཉིད་དེ་དྲུག་སྟོན་ཏེ། ༈ དང་པོ་སྣའི་རྩེ་མོར་ཞེས་པ་བཞི་དྲང་དོན་དུ་འཆད་པ་ལ། སེམས་ཅན་སྐྱེ་བའི་རྒྱུ་བསྟན་པ་ནི་ཕའི་ལུས་ཀྱི་སྟེང་སྟེ། སྟོད་ན་གནས་པའི་སྲོག་ཆག་འགྱུར་ལས། སྲོག་གི་རྩེ་ལ་བ་ཞེས་འབྱུང་བ་ལེགས་སོ། །སྟེ། རླུང་གི་དང་རྩོལ་བ་སྟེ། བྱེད་པ་དང་དཀར་དམར་གཉིས་འདྲེས་བ་ཕོ་མོའི་དབང་པོ་གཉིས་འདུས་པ་ལས། ལུས་ཀྱི་ནང་གི་ཤེས་རབ་སྟེ། དམར་
ཆའི་མེ་འབུར་བ་དང་ཐབས་ཀྱི ས་ཏེ། སྤྱི་བོའི་དཀར་ཆ་གཉིས་སྙོམས་པར་འཇུག་པ་སྟེ། འབར་འཛག་གཉིས་འདྲེས་པའི་དགའ་བས་དྲངས་པ་སྟེ་བསྐྱོད་པས་ཡན་ལག་མ་ལུས་པ་ལས་འདོད་ཆགས་ཆེན་པོའི་མེས་བཞུས་པར་གྱུར་ནས། བྱང་ཆུབ་ཀྱི་སེམས་ཀྱི་ཐིག་ལེའི་གཟུགས་སུ་པདྨའི་སྣ་ཡི་རྩེ་མོར་ལྟུང་བ་སྟེ། ལྷུང་བ་མའི་ཁྲག་དང་འདྲེས་པ་ནི་སེམས་ཅན་མངལ་དུ་སྐྱེ་བའི་རྒྱུའོ། །གསང་བའི་སྣ་རྩེའི་ཐིག་ལེ་འདི་ནི་སྲིད་པ་སྐྱེ་བའི་རིམ་པ་ལྟར་སྒོམ་པའི་བསྐྱེད་རིམ་པ་རྣམས་ལ། །དེ་བཞིན་གཤེགས་པ་རྣམས་ཀྱིས་སྣ་ཡི་རྩེ་མོར་ཡུངས་ཀར་བསམ། །ཞེས་ཡུངས་ཀར་གྱི་སྒྲས་མཚོན་པར་མཛད་དེ། གསང་བའི་སྣ་རྩེར་ཡུངས་ཀར་གྱི་སྒྲས་མཚོན་པའི་ཐིག་ལེ་སྒོམ་པ་འདི་ཉིད་ནི་རྩ་རྒྱུད་དུ་མ་ཟད། འདུས་པའི་རྒྱུད་ཕྱི་མ་ལས་ཀྱང་གསུངས་ཏེ། ཡེ་ཤེས་ལྔ་ཡི་རང་བཞིན་གྱི་དབུགས་ནི་ཁྱབ་བྱེད་ཀྱི་རླུང་མེ་ལོང་ལྟ་བུའི་ཡེ་ཤེས་ཡིན་པ་ནས། སྲོག་འཛིན་གྱི་རླུང་ཆོས་དབྱིངས་ཡེ་ཤེས་ཡིན་པའི་བར་རོ། །ས་ནས་ནམ་མཁའི་བར་གྱི་འབྱུང་བ་ལྔ་ཡི་ངོ་བོ་ཉིད་ནི། ཐུར་སེལ་སའི་ངོ་བོ་ཉིད་ཡན་པ་སོགས་སོ། །པདྨའི་སྣ་རྩེར་ལེའུ་དྲུག་པའི་སྒྲོན་གསལ་དུ་རྒྱུད་ཕྱི་མ་དྲངས་པའི་འགྱུར་ཐམས་ཅད་དང༌། བཅུ་གཉིས་པའི་འགྲེལ་པར་དྲངས་པའི་འགྱུར་གསར་གཉིས་དང༌། ཆག་གིས་བསྒྱུར་བའི་རིམ་ལྔ་དང༌། སྤྱོད་བསྡུས་ལས། པདྨའི་སྣ་རྩེར་ཞེས་འབྱུང་ལ། ལེའུ་བཅུ་གཉིས་པའི་འགྲེལ་པའི་འགྱུར་རྙིང་གཉིས་དག་པ་
དང་རྒྱུད་ཕྱི་མ་དང་རིམ་ལྔ་དང༌། སྤྱོད་བསྡུས་ལོ་ཆེན་གྱིས་བསྒྱུར་བ་ལ་པདྨ་ཞེས་པ་མེད་པས། རྒྱ་གར་གྱི་དཔེ་ལ་ཡོད་མེད་གཉིས་བྱུང་བར་གསལ་ཡང༌། སྤྱོད་བསྡུས་སུ་དཀྱིལ་འཁོར་བཞིའི་རླུང་ལ་ཡི་གེ་གསུམ་གྱི་རྡོར་བཟླས་སྟེང་གི་སྣ་རྩེར་བྱེད་པ། ཡེ་ཤེས་ལྔའི་ཞེས་སོགས་རྐང་པ་དྲུག་གིས་གསལ་བར་བསྟན་པར་གསུངས་པས་པདྨ་མེད་པ་དག་གོ །ཕྱུང་ནས་ནི། དེ་ལྟར་རླུང་དང་བྱང་སེམས་འདྲེས་པ་དེ་ཉིད་གོང་བུའི་གཟུགས་སུ་བྱས་ནས་གསང་བའི་སྣ་རྩེར་ཐིག་ལེའི་གཟུགས་སུ་བརྟག་པ་སྟེ། བསྒོམ་པར་བྱ། རྩ་རྒྱུད་ལས་རིན་ཆེན་ཁ་དོག་སྣ་ལྔ་པ། ཞེས་གསུངས་པའི་དོན་ནི་སྲོག་གི་དང་། རྩོལ་བ་ཞེས་བྱ་བ་རླུང་ཁ་དོག་ལྔ་པར་བཤད་དོ། ཅེས་སྦྱོར་བ་ཡན་ལག་དྲུག་གི་སྲོག་རྩོལ་གྱི་ཡན་ལག་སྟོན་པའི་རྐང་བ་དྲུག །འདིར་བསྐྱེད་རིམ་པའི་ཕྲ་མོ་སྒོམ་པ་ལ་དྲངས་པ་ནི་མཚན་ཉིད་མཚུངས་པའི་སྒོ་ནས་བསྟན་པ་ཡིན་པས་མི་འགལ་ལོ། །གསུངས་པས་སོ། །འགྲོ་དང་མི་འགྲོ་ཡུངས་དཀར་ལ། ཞེས་བྱ་བ་ནི། ཡུངས་ཀར་ཏེ་ས་བོན་གྱི་ཐིག་ལེའི་དབུས་སུ་འགྲོ་བ་སྟེ་རྒྱུ་བ་བཅུད་དང་མི་འགྲོ་བ་སྟེ། མི་རྒྱུ་བའི་སྣོད་ཀྱི་འཇིག་རྟེན་རྣམས་བསམ་ཞིང་།ཞེས་པ་ནི་བསྐྱེད་རིམ་པས་ཐིག་ལེ་ཕྲ་མོའི་དབུས་སུ་རྟེན་དང་བརྟེན་པའི་ལྷའི་འཁོར་ལོ་བསམ་པའོ། །གཞི་དུས་སུ་སྔར་བཤད་པའི་ཐིག་ལེ་དེ་ཉིད་ལས་འགྲོ་བ་རྣམས་སྐྱེ་བཞིན་པ་སྟེ། སྐྱེ་བར་ཤེས་པར་བྱ་སྟེ། བདུད་རྩི་ཞེས་པ་ནི་ས་བོན་ཐིག་ལེ་ཞེས་བྱ་བར་བཤད་དེ། ཐིག་ལེ་དེ་ལས་མངལ་སྐྱེས་ཀྱི་འགྲོ་བ་མཆོག་དམན་འབྲིང་གསུམ་པོ་སྐྱེས། ཞེས་རྡོ་རྗེ་བདུད་རྩིའི་རྒྱུད་དུ་གསུངས་པས་སོ། །ཡུངས་ཀར་འདི་ཉིད་ལ་སྟེ། འདི་ཉིད་ཀྱི་རྟོག་པའི་རྣལ་འབྱོར་ཕྲ་མོ་ལ་སློབ་པ་ན། རྒྱུ་བ་ཕྲ་མོའི་རྟེན་པའི་ལྷ་དང༌མི་
རྒྱུ་བ་དེའི་གཞལ་ཡས་ཁང་རྣམས་དྲུག་པ་རྡོ་རྗེ་སེམས་དཔར་བསམ་མོ། །དེ་ལྟར་བསྒོམ་པ་འདི་ཉིད་ཀྱི་ཁྱད་པར་ནི། ཟག་མེད་ཀྱི་ཡེ་ཤེས། །སྐྱེ་པའི་གནས་འོག་སྒོའི་ཐིག་ལེ་ནི་ཉམས་དགའ་བ་སྟེ། དེ་ལ་དམིགས་ནས་བསྒོམས་པས་བདེ་ཆེན་འདྲེན་པས་སོ། །དེ་ཡང་རང་ལྷ་ཡབ་ཡུམ་དུ་གསལ་བའི་གསང་བའི་གནས་གཉིས་ཡེ་ཤེས་ཏེ། ཡིད་ཀྱིས་སྙོམས་པར་ཞུགས་པར་བརྟགས་ནས་བསྒོམ་པ་ལས་བྱུང་བའི་ཐིག་ལེའོ། ཞེས་བྱ་བ་སྟེ། དྲང་བའི་དོན་ཏོ། ༈ །སྣ་ཡི་རྩེ་མོར་ཡུངས་ཀར་བསམ་ཞེས་བྱ་བ་ལ་སོགས་པའི་རྐང་བ་བཞི་ལ་ངེས་དོན་རྫོགས་པའི་རིམ་པའི་བཤད་པ་གསུངས་པ་ལ་བཞི་ལས་རླུང་གི་དེ་ཉིད་ནི། སྙིང་ག་དང༌། གསང་བའི་གནས་དང་། ལྐོག་མ་དང༌། ལྟེ་བ་དང༌། ལུས་ཐམས་ཅད་ལ་གནས་པའི་རླུང་ལྔ་ནི། རིམ་པ་བཞིན་སྲོག་འཛིན་ཐུར་སལ། གྱེན་རྒྱུ། མཉམ་ནས། ཁྱབ་བྱེད་ལྔ་ཡེ་ཤེས་ལྔའི་ངོ་བོའི་འོད་ཟེར་ལྔ་པོ་སྲོག་གི་དང་རྩོལ་བར་གྱུར་ནས་སྣ་ཡི་རྩེ་མོ་སྟེ། སྟེང་གི་སྣ་ཡི་བུ་ག་ལས་དཀྱིལ་འཁོར་བཞིའི་།ཁྱབ་བྱེད་འཆི་བའི་དུས་སུ་སྟེང་གི་སྣ་བུག་ལས་རྒྱུ་ཡང་ད་ལྟ་མི་རྒྱུ་བས་དཀྱིལ་འཁོར་བཞི་ཞེས་གསུངས་སོ། །རླུང་གི །དཀར་སེར་དམར་ལྗང་གུའི་ཁ་དོག་གིས་རང་གི་གནས་སོ་སོ་ནས་གོ་རིམས་བཞིན་དུ་ངེས་པར་འབྱུང་སྟེ། ཇི་སྐད་དུ་རྡོ་རྗེ་ཕྲེང་བ་ལས་རྩ་རྒྱུད་ལས་སྣ་རྩེར་ཡུངས་ཀར་བསམ་པར་བྱ། ཞེས་བྱ་བ འི་དོན་ནི། སྲོག་གི་དང་རྩོལ་བའི་རླུང་ལ་ཡིད་ཀྱིས་བརྟག་པའི་དོན་ནོ་འོ་། །སྲོག་གི་དང་རྩོལ་བ་ལ་
ཡིད་གནས་པའི་སྲོག་གི་རྩོལ་བ་ནི། །འོད་ཟེར་ཏེ། ཁ་དོག་ལྔ་པོ་སངས་རྒྱས་ཏེ། རིགས་ལྔའི་དངོས། །བོ་སྟེ་ངོ་བོར་བཤད་པའོ། །དེ་རྣམས་སྟེང་གི་སྣ འི་བུ་ག་ལས་ངེས་པར་འབྱུང་བ འི། །ཚུལ་ནི། མཉམ་གནས་ཀྱིས་གཙོ་བོ་བྱས་ནས་རྒྱུ་ན་སྣ་བུག་གཡོན་རྐྱང་དང་གྱེན་རྒྱུས་གཙོ་བོ་བྱེད་ན་གཡས་རྐྱང་དང་ཐུར་སེལ་གྱི་གཙོ་བོ་བྱེད་ན་སྣ་བུག་གཉི་ག་ནས་དྲག་ཏུ་དང་། །སྲོག་འཛིན་གྱི་གཙོ་བོ་བྱེད་ན་དལ་བ ར་རྒྱུ་བ་ཞེས་བྱ་བ་རྣམ་པ་བཞིར་འགྱུར་ལ། །དེ་རྣམས་རེ་རེའི་གནས་ཡུན་ནི་ནང་གི་དུས་ནི་ཡིན་པར་བཤད་དོ། །དེ་འདྲ་བའི་རླུང་བཞི་ལ་དམིགས་ནས་ཟློ་བ་ནི་སྣ་རྩེར་ཡུངས་ཀར་བསམ་བའི་བསམ་ལུགས་ཏེ་རླུང་གི་དེ་ཁོ་ན་ཉིད་དོ། །རང་ཤུགས་ཀྱིས་བཟློ་བའི་སྔགས་ཡི་གེ་གསུམ་གྱི་གདངས་དང་དཀྱིལ་འཁོར་བཞི་ཡི་རླུང་གི་གདངས་དབྱེར་མི་ཕྱེད་པར་སྦྱོར་བ་ཡིས། །ཉིན་མཚན་རྣམ་པ་ཐམས་ཅད་དུ། །རྒྱུ་བ་ལ་ཐུན་ཕྱེད་ཉེར་བཞིར་བྱས་པའི་ཐུན་རེ་རེའི་དུས་སུ་གནས་པར་བྱེད་པ་ན་རླུང་སྔགས་གཉིས་སྦྱར་ནས་བཟློ་བ་ནི་སྔགས་ཀྱི་དེ་ཉིད་དེ། འདི་ཡང་སྣ་རྩེར་ཡུངས་ཀར་སེམས་པའོ་དེ། །དེ་རྣམས་ཀྱི་རྒྱུ་བའི་རིམ་པ་ནི་འབྱུང་བའི་གོ་རིམ་ཇི་ལྟར་རིགས་པ་བཞིན་དུ་རྒྱུ་བས། །མཐའ་གཅིག་ཏུ་མ་ངས་སོ་འོ་། །ཞེས་གསུངས་པ་སྟེ། སྣ་ཡི་རྩེ་མོར་ཡུངས་ཀར་བསམ། ཞེས་བྱ་བའི་རྡོ་རྗེའི་ཚིག་གི་དོན་འདིས་རླུང་གི་དེ་ཁོ་ན་ཉིད་དང༌། སྔགས་ཀྱི་དེ་ཁོ་ན་ཉིད་སྟོན་པ་ཡིན་ནོ། །འགྲོ་དང་མི་འགྲོ་ཡུངས་ཀར་ལ། ཞེས་
བྱ་བའི་རྐང་པ་གཅིག་གིས་ཡེ་ཤེས་ཀྱི་དེ་ཁོ་ན་ཉིད་སྟོན་པ་ལ། འགྲོ་བ་ནི་རླུང་གི་བཞོན་པ་དང་མི་འགྲོ་བ་ཞེས་པ་ནི། དེ་ལ་ཞན་པ་རྣམ་པར་ཤེས་པ་གསུམ་པོ་བྱང་ཆུབ་པ་སྟེ། སྟོང་པ་ཉིད་ཀྱི་བདག་ཉིད་ཅན་གྱི་སེམས་སོ། །ཡུངས་ཀར་ནི་ཁམས་ཕྲ་བ་སྟེ། རླུང་རྟེན་དང་ཡེ་ཤེས་གསུམ་པོ་བརྟེན་པར་གྱུར་པར་བསམ་ཞིང་རྣམ་པར་ཤེས་པར་བྱ་བ་སྟེ། བསྒོམ་པར་བྱའོ། །འདིར་འགྱུར་གསར་གཉིས་ལས། ཡེ་ཤེས་ཀྱི་དེ་ཁོ་ན་ཉིད་དོ་ཞེས་འབྱུང་བ་ལེགས་སོ། །ཡེ་ཤེས་ཀྱི་དེ་ཁོ་ན་ཉིད་དུ་བསྒོམ་པར་བྱའོ། །ཡེ་ཤེས་གནས་ནི་ཉམས་དགའ་པ། གསང་བའི་ཡེ་ཤེས་ཀྱིས་བརྟགས་བསྒོམ། ཞེས་བྱ་བ་ལ། རླུང་དག་རྣམ་པར་ཤེས་པ་ལས་སྒྲུབ་པའི་སྐུ་ཞེས། མིང་དུ་བཏགས་པའི་དག་པའི་ཡེ་ཤེས་ཀྱི་སྐུ་ནི། དེའི་ཐུགས་ཀྱི་རྟེན་ཡིན་པས་ཡེ་ཤེས་ཀྱི་གནས་སོ། །འཇའ་ཚོན་ལྟར་དཀར་པོ་ལ་སོགས་པའི་འོད་ཟེར་རྣམས་དང་ལྡན་པས་ན། ཉམས་དགའ་བའོ། །རྟོག་པའི་རྣལ་འབྱོར་པ་རྣམས་ཀྱི་ཡུལ་མ་ཡིན་པའི་ཕྱིར། གསང་བའོ། །འོད་གསལ་བའི་ཡེ་ཤེས་ལས་བྱུང་བས་ན། ཡེ་ཤེས་ཀྱིས་བརྟགས་པ སྟེ། བསྐྱེད་པ། །ཟུང་འཇུག་གི་སྐུ་འདིའི་དོན་ནི་གསང་འདུས་ལྟ་བུར་མ་ཟད་ཐེག་པ་ཆེན་པོའི་མདོ་སྡེ་ལས་ཀྱང་ཁ དངོས་སུ་འམ་སྙམ་ན་ཟུང་འཇུག་གི་སྐུ་འདི་ལ་དགོངས་པའི་གཞིར་བྱས་ན ས་བཤད་པས་ཏེ། སྒྲ་གཞན་གྱིས་སྟོན་གྱི་དངོས་སུ་མ་ཡིན་ན། ཀསྟོན་ཏེ། སྐྲ་གཙམ་ཁྱོན་གཅིག་ལ་ཡང་སངས་རྒྱས་ནི། །རྣམ་མང་གངྒཱའི་ཀླུང་