ཤོག་ལྷེབ་ ༣༠༡ ནས་ ༤༠༠ བར།
ལེགས་སོ། །བདེ་བར་གཤེགས་པ་ལེགས་སོ། །ཅི་ནས་ཀྱང་མ་འོངས་པའི་སེམས་ཅན་རྣམས་ཀྱིས་མཚན་ཐོས་པས་ཀྱང་ངན་སོང་གསུམ་གྱི་ལམ་ལས་རྣམ་པར་གྲོལ་ཏེ། བདེ་འགྲོ་ལྷའི་འཇིག་རྟེན་ནམ་མིའི་འཇིག་རྟེན་དུ་སྐྱེས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བགྱི་བའི་སླད་དུ་བཤད་དུ་གསོལ། ཞེས་ཞུས་སོ། །དེ་ལྟར་གསོལ་བ་བཏབ་པའི་དོན་འཆད་པ་ལ། སྣོད་རུང་གི་དབང་དང་། དམ་ཚིག་དང་སྡོམ་པ་སོགས་དགོས་པས། དེ་ནས་བཅོམ་ལྡན་འདས་ཀྱིས། བརྒྱ་བྱིན་དང་ཚངས་པ་ལ་སོགས་པའི་ལྷའི་བུ་དེ་དག །དེ་བཞིན་གཤེགས་པ་ནི་རིགས་ལྔས་བསྡུས་པ་ཐམས་ཅད་ཀྱི་སྙིང་པོ་ནི་སྔགས་ཀྱིས་མཚོན་པའི་དོན་གཉིས་སུ་མེད་པའི་ཡེ་ཤེས་འདིས་བྱིན་གྱིས་བརླབ་པར་བྱ་བའི་ཕྱིར། དོན་ཡོད་པའི་རྡོ་རྗེའི་བྱིན་གྱིས་བརླབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་དེ་ཉིད་ཀྱི་ཐུགས་ཀ་ནས་སྔགས་འདི་ཕྱུང་ནས། ལྷ་དེ་དག་དམ་ཚིག་ཅན་དུ་བྱིན་གྱིས་བརླབས་སོ། །ༀ་ནི་བཀྲ་ཤིས་ཤིང་སྔགས་ཀྱི་སྣ་འདྲེན་པ། བཛྲ་རྡོ་རྗེ་ཨ་དྷི་ཏྭིཥྠ་བྱིན་གྱིས་བརླབས་ལ་ཛྙཱ་ན་ཡེ་ཤེས་གང་གིས་ན་རྡོ་རྗེ་ཡེ་ཤེས་ཀྱིས་སོ། །ས་མ་ཡེ་ཧཱུཾ། ཇི་ལྟར་དམ་ཚིག་ཅན་དུའོ། །མཛད་རྒྱན་དུ་དབང་བཅུ། ཕྱག་རྒྱ་བཞི། རྡོ་རྗེ་གསུམ་ལ་སྦྱར་བའི་བཤད་པ་དང་སྔགས་འདོན་ཚུལ་མི་འདྲ་བར་བྱས་སོ། །དེ་ལྟར་ཏིང་ངེ་འཛིན་ལ་སྙོམས་པར་ཞུགས་དེ་ལྟར་འཇུག་པའི་ཕྱོགས་གཅིག་བསྟན་ནས་ཀྱང༌། སྔགས་སྔ་མས་བྱིན་གྱིས་བརླབ་པར་མ་ཟད་འོག་གི་སྔགས་ཀྱིས་ཀྱང་བྱིན་གྱིས་བརླབ་པའོ། །འབྲས་
བུ་ངེས་པར་འབྱིན་པའམ་མི་རྟོག་ཡེ་ཤེས་ཀྱིས་མི་མཐུན་ཕྱོགས་འཇོམས་པས་གདོན་མི་ཟ་བར་མི་ཚོམས་ནི་མི་མཐུན་ཕྱོགས་ཀྱིས་ཚུར་མི་ཕྱེད་པའི་རྡོ་རྗེའི་ནི་གཉིས་སུ་མེད་པའི་ཡེ་ཤེས་བྱིན་གྱིས་བརླབས་ཀྱིས་ ཆག་གིས་ཟིལ་གྱིས་མི་གནོན་པ་རྡོ་རྗེའི་བྱིན་གྱིས་ཞེས་དང། བྱིན་གྱིས་བརླབས་ནས། ངན་སོང་ཐམས་ཅད་ཡོངས་སུ་སྦྱོང་བའི་རྒྱལ་པོ་ཞེས་བྱ་བ་དེ་བཞིན་གཤེགས་པ་ཐམས་ཅད་ནི་རྣམ་སྣང་གི་རིགས་ཀྱི་སྙིང་པོ་འདི་ཞེས་འཆད་འགྱུར་བློ་ལ་བཞག་པའོ། །རང་གི་ཐུགས་ཀ་ནས་ཕྱུང་ངོ༌། །ༀ་ཤོ་དྷ་ནི་སྦྱོངས་ཤོ་དྷ་ནི་སྦྱོངས་སརྦ་པཱ་བཾ་སྡིག་པ་ཐམས་ཅད་བི་ཤོ་དྷ་ནི་རྣམ་པར་སྦྱོངས་ཤིག ། ཤུདྡྷེ་དག་པ། བི་ཤུདྡྷེ་རྣམ་པར་དག་པ། སརྦ་ཀརྨ་ཨཱ་བ་ར་ཎ་ལས་ཀྱི་སྒྲིབ་པ་ཐམས་ཅད། བི་ཤུངྡྷ་སྭཱཧཱ། འབྲུ་འགྲེལ་གྱིས་འདི་དང་འོག་གི་ཨ་བ་ཡ་ལྡན་པ་ལ་སྦྱར། རྣམ་པར་དག་པ་འདི་གཞི་ཚུགས། གཉིས་སུ་མེད་པའི་ཡེ་ཤེས་བསྐྱེད་པས་རིག་པ་མཆོག་ཏུ་གྱུར་པ། ཆེན་མོ་འདི་བཤད་མ་ཐག་ཏུ། སེམས་ཅན་ཐམས་ཅད་ཀྱི་ངན་སོང་གི་རྒྱུད་ཀྱི་རྒྱུས་བསྡུས་པའི་འཆིང་བ་ཐམས་ཅད་རྣམ་པར་བཅད་དེ། ངན་འགྲོའི་འབྲས་བུས་བསྡུས་པ་ཐམས་ཅད་རྣམ་པར་སྦྱངས་སོ། །དམྱལ་བ་ལྟ་བུའི་སྡུག་བསྔལ་དྲག་ཅིང་རྩུབ་པ་མི་བཟད་པ་རྣམས་རབ་ཏུ་སྦྱངས། སྐྱེ་བོ་མང་པོ་རྣམས་བདེ་བ་དང་ལྡན་པར་གྱུར་ཏོ། །དེ་ནས་གཞན་ཡང་གསང་བ་སྟེ་སྦ་བར་བྱ་བའི་སྙིང་པོ་འདི་གསུངས་སོ། །ༀ་ཤོ་དྷ་ནེ་ཤོ་དྷ་ནེ་སརྦ་ཨ་པཱ་ཡ་ངན་འགྲོ་ཐམས་ཅད་སརྦ་སཏྭེ་བྷྱོ་སེམས་ཅན་ཐམས་ཅད་ཀྱི་ཆེད་དུ། ཧཱུཾ། རྒྱལ་མཆོག་རིན་ཆེན་གྱི་སྙིང་པོ་པོའོ།། ལྷའི་དབང་པོ་གཞན་ཡང་། འདི་ནི་དེ་བཞིན་གཤེགས་པ་ཐམས་ཅད་ཀྱི་སྙིང་
པོའོ། །ༀ་སརྦ་ཨ་པཱ་ཡ་བི་ཤོ་དྷ་ནེ་ཧཱུཾ་ཕཊ། ཤཱཀྱ་རི་དབང་གིའོ། །ལྷའི་དབང་པོ་གཞན་ཡང་འདི་ནི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་ནི་ལྷའི་དང་དེའི་ཐུགས་རྒྱུད་བསྐུལ་བ་ཉེ་བའི་སྙིང་ འབྲུ་འགྲེལ་དུ་སྙིང་པོ་དེ་བཞིན་གཤེགས་པའི་ཐུགས་དེ་སྒྲུབ་པའི་ཐབས་ལ་ཉེ་སྙིང་དུ་བཤད་དོ། །པོའོ། །ༀ་ཏྲཊ་མེ་ཏོག་ཆེར་རྒྱས་ཀྱིའོ།། ལྷའི་དབང་པོ་གཞན་ཡང་འདི་ནི་ངན་སོང་ཐམས་ཅད་ཡོངས་སུ་སྦྱོང་བའི་སྙིང་པོའོ། །ཧཱུཾ་སྦྱོང་རྒྱལ་གྱིའོ། །ལྷའི་དབང་པོ་གཞན་ཡང་མདོར་ན་དྲན་པ་ཙམ་གྱིས་ཀྱང་བསོད་ནམས་ཆེན་ལྟ་སྨོས་ཀྱང་ཅི་དགོས། བསོད་ནམས་ཆུང་བའི་སེམས་ཅན་རྣམས་ངན་སོང་གི་རྒྱུད་ཐམས་ཅད་ལས་བདེ་བླག་ཏུ་རྣམ་པར་གྲོལ་བར་འགྱུར་བ་ནི་འདི་ཡིན་ནོ། །ན་མོ་ཕྱག་འཚལ་ལོ། །གང་ལ་ན། བྷ་ག་ཝ་ཏེ་སརྦ་དུརྒ་ཏི་པ་རི་ཤོ་དྷ་ནི་རཱ་ཛཱ་ཡ། བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ། ཏ་ཐཱ་ག་ཏཱ་ཡ། དེ་བཞིན་གཤེགས་པ། ཨརྷ་ཏེ་དགྲ་བཅོམ་པ། སམྱཀྶཾ་བུདྡྷ་ཡ། ཡང་དག་པར་རྫོགས་པའི་སངས་རྒྱས། ཏདྱ་ཐཱ། འདི་ལྟ་སྟེ། ༀ་ཤོ་དྷ་ནི་སྦྱོངས། ཤོ་དྷ་ནི། སྦྱོངས། སརྦ་པཱ་པཾ་གང་ན་སྡིག་པ་ཐམས་ཅད། བི་ཤོ་དྷ་ནི་རྣམ་པར་སྦྱོངས། ཤུདྡྷེ་དག་པ། བི་ཤུདྡྷེ། རྣམ་པར་དག་པར་གྱིས་ཤིག ། སརྦ་ཀརྨཱ་ཨཱ་བར་ཎ་གང་ན་ལས་ཀྱི་སྒྲིབ་པ་ཐམས་ཅད། བི་ཤོ་དྷ་ནི་སྭཱཧཱ། རྣམ་པར་དག་པ་ལ་གཞི་ཚུགས་། སྔགས་འདི་བགྲངས་བས་དཀྱིལ་འཁོར་པའི་ལྷ་ཐམས་ཅད་ཀྱི་སྔགས་སུ་འགྱུར་བས་རྩ་བའི་དཀྱིལ་འཁོར་འདི་དཀྱིལ་འཁོར་ཐམས་ཅད་ཀྱི་རྩ་བ་དང་དེའི་གཙོ་བོའི་སྔགས་ཡིན་པས་རྩ་རིག་གོ་ཞེས་
འདོད་པ་ཡང་ཡོད་དོ། །རིག་པའོ། །ༀ་སརྦ་བིད་སརྦ་ཨ་བ་ར་ཎ་བི་ཤོ་དྷ་ཡ་ཧ་ན་ཧཱུཾ་ཕཊ། ༀ་སརྦ་བིད་ཧཱུཾ། ༀ་སརྦ་བིད་ཕཊ། ༀ་སརྦ་བིད་ཨ། ༀ་སརྦ་བིད་ཏྲཊ། ༀ་སརྦ་བིད་ༀ། ཀུན་རིག ། ༀ་སརྦ་བིད་སྭ། སྦྱོང་རྒྱལ། ༀ་སརྦ་བིད་ཨ། རྒྱལ་མཆོག་རིན་ཆེན། ༀ་སརྦ་བིད་ཧཱུཾ། ཤཱཀྱ་རི་དབང༌། ༀ་སརྦ་བིད་ཏྲཊ། མེ་ཏོག་ཆེར་རྒྱས་རྣམས་ཀྱི་བསྐྱེད་སྔགས་སོ། །ༀ་ཤༀ་ཤཱུ་ནྱ་ཏཱས་སྟོང་པའི་དོན་དང༌། ༀ་བྷ་འབྱུང་བ་རིམ་བརྩེགས་ལ་འདོད་པ་དང༌། སཾ་བྷུ་ཊར་འགྲེང་བུ་བྱིན་ནས་རྩོལ་བྱེད་ཀྱི་རླུང་ལ་ཡང་བྷེ་རམ་པར་བཤད་པའམ་ཡང་ན་སྭ་བྷཱ་ཝ་ལ་སྦྱར། ཡང་ན་རྐྱང་པར་བྱས་ནས། བཛྲ་རྡོ་རྗེའི་ར་བ་སོགས་སྲུང་འཁོར་ལ་སྦྱར་བ་ཡང་ཡོད། སརྦ་བིད་བཅུ་ནི་གསོན་པོ་ལ་དབང་བསྐུར་བ་དང༌། གཤིན་པོ་ལ་བྲིས་ནས་གདགས་པའི་སྔགས་ཡིན་ལ། རྩ་རིག་ཡན་ཆད་ནི་བཟླ་བྱའི་སྔགས་ཡིན་ནོ། །བསྙེན་པའི་གྲངས་ནི་གཙོ་བོ་ལ་རྩ་རིག་འབུམ། འཁོར་རྣམས་ལ་ཁྲི། བཟླ་བྱའི་སྔགས་ནི། དེ་བཞིན་གཤེགས་པ་རྣམས་ཀྱི་སྙིང་པོ་གོང་གི་ལྔའམ། ཉེ་སྙིང་གང་རུང་ངོ༌། །སྔགས་དང་པོ་ལྔ་ནི། ཀུན་རིག་ནས་མེ་ཏོག་ཆེར་རྒྱས་ཀྱི་བར་རོ། །ལྷའི་དབང་པོ་དེ་བཞིན་གཤེགས་པ་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོའི་གསང་བའི་སྙིང་པོ་འདི། ནི་གོང་གི་རྩ་སྔགས་ཐམས་ཅད་ལ་སྙེག་གོ ། རིགས་ཀྱི་བུའམ་རིགས་ཀྱི་བུ་མོ་གང་ཡང་རུང་བས། མིང་ཙམ་ཡང་ཉན་ཏམ། བཅངས་སམ། བཀླགས་སམ། བྲིས་ནས་ཀྱང་མགོའམ། གཙུག་ཕུད་དམ། དཔུང་པའམ། མགུལ་དུ་བཏགས་ཏེ་འཆང་ ལུགས་འདི་གསལ་སྒྲོན་དུ་གྲོ་གསོགས་ལཙནྡན་གྱི་ཆུས་འཁོར་ལོ་རྩིབས་བཅུ་གཉིས་པ་བྱས་ལ་ལྟེ་བ་ལ་རྩ་རིག་རྩིབས་ལ་བིད་བཅུ་གཉིས། མུ་ཁྱུད་ལ་མིང་སྤེལ་དང་བཅས་ཏེ་གདགས་པར་
བཤད་དོ། །ན་ཚེ་འདི་ཉིད་ལ་དུས་མ་ཡིན་པར་འཆི་བ་བརྒྱད་ནི་བུད་མེད་རྒན་མོ་དང་ཉལ་བ། མི་ན་བཞིན་དུ་སྨན་བསྟེན་པ། ཁང་རྙིང་དུ་ཉལ་བ་འབྱུང་པོ་ཡོད་པའི་སར་གཅིག་བུར་འགྲོ་བ། ནད་པ་སྨན་པའི་ངག་མི་ཉན་པ། གཡུལ་དུ་འཇུག་པ། མི་ཐུབ་པ་ལ་བསྡོ་བ། གཉན་སར་ཉལ་བ། དུས་མ་ཡིན་པར་འཆི་བ་བརྒྱད་དང༌དམ། འབྲེལ་བ། ནི་ཆུ་ཆེན་ལ་རྒྱལ་པ་མེད་པར་རྐྱལ་བ། དུག་འཐུང་བ་སོགས་བཤད་ལ། རྨི་ལམ་གྱི་རྣམ་པ། ནི་དགྲས་འདེད་པ་འམ་མིག་བྱུང་བ། ཁ་ནས་ལྕེ་གཞན་གྱིས་ཕྲོགས་པ། ཉི་ཟླ་ལྷུང་བ། སྐྲ་བྱི་བ། སྒྲེན་མོར་འདམ་དུ་བྱིང་བ་སོགས་སུམ་ཅུ་རྩ་གཉིས་གསུངས། དེ་རྣམས་ནི་འབྲུ་འགྲེལ་གྱི་བཤད་པའོ། །ངན་སོང་དང་འབྲེལ་བའི་མཚན་མ་དེ་དག་ཐམས་ཅད་རྨི་ལམ་ཙམ་དུ་ཡང་མི་འབྱུང་ན། དཀྱིལ་འཁོར་དུ་ཇི་ལྟ་བ་བཞིན་དུ་ཞུགས་ལ། ཞུགས་ནས་ཀྱང་དབང་བསྐུར་ནས་བཟླས་བརྗོད་བྱེད་ཅིང༌། སྔགས་ཀྱི་དོན་ཡང་ནི་ལྷར་གསལ་བ་དང་དེ་ཁོ་ན་ཉིད་སྒོམ་པ་སྨོས་ཀྱང་ཅི་དགོས་ཏེ། དེ་དག་ལ་སྡིག་པ་གང་ཡང་ཉེ་བར་མི་འགྱུར། ངན་སོང་དུ་འགྲོ་བར་མི་འགྱུར་རོ། །དེ་ཡན་ཆད་གསོན་པོ་ལ་འབྱུང་བའི་ཕན་ཡོན་ཡིན་ལ། སྐྱེས་པའམ་བུད་མེད་དམ། ཞེས་པ་མན་གྱིས་ནི་གཤིན་པོ་ལ་འབྱུང་བའི་ཕན་ཡོན་གྱི་དབང་དུ་བྱས་ལ། ལྷ་འམ། སོགས་ལ་དབང་བསྐུར་བ་ནི་གང་ཟག་རྟོགས་པ་མཐོན་པོར་སོང་བས་དབང་བསྐུར་བའི་དབང་དུ་བྱས་སོ། །ཀླུ་འམ། གནོད་སྦྱིན་ནམ། སྲིན་པོའམ། བྱོལ་སོང་ངམ། ཡི་དྭགས་སམ། སེམས་ཅན་དམྱལ་བ་ལ་སོགས་པ་གང་ཡང་རུང་བ་ཤི་ ལྷ་དང་དམྱལ་བ་ལ་རོ་མི་འོང་བས་འདི་ཇི་ལྟར་ཡིན་སྙམ་ན་མིང་བྲིས་ནས་དབང་བསྐུར་བ་ལ་དགོངས་སོ། །དེ་ནས་གཞུང་
སྔ་མ་རྣམས་ཀྱིས་ནི་གཙོ་བོར་གསོན་པོའི་དབང་དུ་བྱས་པར་དངོས་སུ་བསྟན་ནས། གཞུང་ཕྱི་མས་གཤིན་པོ་སྔ་མའི་ཞར་བྱུང་དུ་བསྟན་པས། དཀྱིལ་འཁོར་དང་པོ་གཉིས་གཙོ་བོར་གཤིན་པོའི་དབང་དུ་བྱས་ཟེར་པའི་དགོས་པའི་གནས་མེད་དོ། །བའི་ལུས་དེ་དཀྱིལ་འཁོར་དུ་བཅུག་སྟེ་དབང་བསྐུར་ན། སེམས་ཅན་དམྱལ་བར་སྐྱེས་ན་ཡང༌། དེ་མ་ཐག་ཏུ་རྣམ་པར་ཐར་ནས་ལྷའི་རིས་སུ་སྐྱེ་བར་འགྱུར་རོ། །ལྷའི་རིགས་དེར་སྐྱེས་ནས་ཀྱང་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་མངོན་སུམ་དུ་བྱེད་དོ། །དེ་བཞིན་གཤེགས་པ་ཐམས་ཅད་ལ་བསྙེན་བཀུར་ལ་སོགས་པ་ཡང་བྱེད། ཕྱིར་མི་ལྡོག་པར་ཡང་འགྱུར་རོ། །རྒྱུད་ངེས་པ་ཅན་དུ་ཡང་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་རིགས་སུ་ཡང་སྐྱེ། སྒྲིབ་པ་རྣམས་རབ་ཏུ་སྤངས་ནས། དེ་བཞིན་གཤེགས་པ་ཐམས་ཅད་ཀྱི་རིགས་སམ། ལྷའི་རིགས་སམ། གཞན་གང་ཡང་རུང་བར་བདེ་བ་མྱོང་བར་འགྱུར་རོ། །ལྷའི་དབང་པོ་མདོར་ན་འཇིག་རྟེན་ནམ་འཇིག་རྟེན་ལས་འདས་པའི་ཕན་པ་དང་བདེ་བ་ཐམས་ཅད་མྱོང་བར་འགྱུར་རོ། །དེ་ནས་བརྒྱ་བྱིན་གྱིས་གསོལ་བ་བཏབ་པ་ནི། ལྷ་རྣམས་ཀྱི་དབང་པོ་བརྒྱ་བྱིན་གྱིས། བཅོམ་ལྡན་འདས་ལ་དེ་བཞིན་དུ་སྐོར་བ་བྱས་ཏེ་ཕྱག་བཙལ་ནས་བཅོམ་ལྡན་འདས་ལ་འདི་སྐད་ཅིས་གསོལ་ཏོ། །བཅོམ་ལྡན་འདས་ངན་སོང་ཐམས་ཅད་ཀྱི་དབང་དུ་གྱུར་པ་རྣམས་ལ་ཕན་པ་དང་བདེ་བར་བགྱི་བ་དང༌། ཅི་ནས་ཀྱང་སེམས་ཅན་དེ་དག་ངན་སོང་ཐམས་ཅད་ལ་རྒྱབ་ཀྱིས་ཕྱོགས་པར་བགྱི་བ་དང༌། བླ་ན་མེད་པ་ཡང་དག་པར་རྫོགས་པའི་བྱང་
ཆུབ་བདེ་བླག་ཏུ་རྟོགས་པར་བགྱི་བའི་སླད་དུ་བཤད་དུ་གསོལ། བརྗོད་ཅིང་དཀྱིལ་འཁོར་དུ་བཅུག །དབང་བསྐུར། བཟླས་པ་རྣམས་བྱས་ན་ཕན་ཡོན་ཆེ་བ་སྨོས་ཅི་དགོས། ཞེས་གསུངས་པས། ཞུ་བའི་སྐབས་རྙེད་ནས། དབང་སོགས་ལ་གསོལ་བ་འདེབས་པ་དངོས་སུ་མ་བྱུང་ཡང༌། གང་དུ་འཇུག་པའི་དཀྱིལ་འཁོར་ལ་སོགས་པ་རྣམས་བཤད་དུ་གསོལ། ཞེས་ཞུ་བར་གསོལ་ལོ། །མཛེས་རྒྱན་དུ་འདི་ཡན་གྱིས་རྩ་རྒྱུད་རྫོགས་པར་འཆད་དེ་དོན་དུ་མ་མཐོང་ངོ༌། །དེ་ནས་བཅོམ་ལྡན་འདས་ཤཱཀྱ་ཐུབ་པས། དེ་བཞིན་གཤེགས་པ་ཐམས་ཅད་ འདི་དང་འོག་གི་ཏིང་ངེ་འཛིན་ལ་ཞུགས་པས་ནི་དེ་ཉིད་རྣམ་སྣང་གི་སྐུར་བསྒྱུར་བ་བསྟན་ནོ། ནི་རིགས་ཐམས་ཅད་ཀྱིའོ། །ཀྱི་བྱེད་ལས་ནི། ངན་སོང་ཐམས་ཅད་ཡོངས་སུ་སྦྱོང་བ་གང་གི་བྱེད་ལས་ནི་གཉིས་སུ་མེད་པའི་ཡེ་ཤེས་མི་བྱེད་པས་རྡོ་རྗེ་ཞེས་དེའི་འོ། །བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་མིང་གཉིས་པ་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ་ཞེས་བྱ་བའི་དཀྱིལ་འཁོར་ཆེན་པོ་འདི་གསུངས་སོ། །སངས་རྒྱས་ཀུན་གྱི་བླ་ན་མེད་པའི་བྱང་ཆུབ་ཀྱི་སེམས་ནི། དོན་དམ་པའི་དེ་ཁོ་ན་ཉིད་དེ། དེ་རྟོགས་པས་ཏེ། ཁོང་དུ་ཆུད་པའི་ཡེ་ཤེས་དེ་ཉིད་དཀྱིལ་འཁོར་སྙིང་པོར་གསུངས་སོ། །དགོས་པ་ནི། མཚན་མེད་ཀྱི་ཏིང་ངེ་འཛིན་བརྙེས་པ་རྣམས་ཕྱི་དཀྱིལ་ལ་མི་བལྟོས་པའི་ཆེད་དུའོ། །ཞེས་ཀ་མ་དྷེ་ནུ་གསུང་ཀྱང༌། རང་ལུགས་ནི། འདི་ནང་དོན་གྱི་དཀྱིལ་འཁོར་གལ་ཤིན་ཏུ་ཆེ་བས་འདི་ལྟར་བཤད་པར་བྱའོ།། སངས་རྒྱས་ཀུན་གྱི་བྱང་ཆུབ་སེམས། །ནི་སྟོང་ཉིད་རྟོགས་པའི་ཡེ་ཤེས་གཟུང་རྣམ་ལྷར་
ཤར་བའོ། །དེ་ཡང་བླ་ན་སྟེ་གོང་ན་མེད་པའི་འབྲས་བུ་རྟོགས་པ་ནི་སེམས་དེས་ཐོབ་པར་གྱུར་པ། རྒྱལ་བས་ལན་ཅིག་མིན་པར་ཡང་ཡང་དུ་གསུངས་པའི་ཟབ་གསལ་གཉིས་སུ་མེད་པའི་ཡེ་ཤེས་གང༌། །ཡིན་པ། ཕྱིའི་ཟླས་དྲངས་པས་ནང་གི་དེ་ནི་དཀྱིལ་འཁོར་སྙིང་པོར་ཏེ་ཡེ་ཤེས་དེ་ཉིད་མཆོག་ཏུ་གསུངས། དེ་མཆོག་ཏུ་གྱུར་པའི་རྒྱུ་མཚན་ཅི་སྙམ་ན། ཡུལ་སྟོང་པ་ཉིད་དང༌། དེ་རྟོགས་པའི་ཡེ་ཤེས་ཙམ། ཕར་ཕྱིན་དང༌། ཉན་རང་གི་ཐེག་པ་ལའང་ཡོད་པས། དེ་ཙམ་གྱིས་སྙིང་པོ་མཆོག་ཏུ་ནི་མི་འགྱུར་རོ། །འོ་ན་ཇི་འདྲ་ཞིག་སྙམ་ན། སྟོང་ཉིད་རྟོགས་པའི་ཤེས་རབ་ཀྱི་གཟུང་རྣམ་ལྟར་ཤར་བ་ཞིག་དགོས་སོ། །དེའི་འཆར་ལུགས་ཇི་ལྟར་ཡིན་སྙམ་ན། འདི་ལ་གང་འཆར་བའི་གཞི། གང་གང་དུ་འཆར་བ། དེ་འབྲས་བུ་དང་ལམ་ལ་སྦྱོར་བ་གསུམ་ལས། དང་པོ་ནི། བདག་སྒྲུབ་པ་ལས། གང་གི་ཕྱིར་སེམས་ཀྱི་རང་བཞིན་གང་ཡིན་པ་དེ་ནི་འཛིན་པ་ལ་སོགས་པའི་རྣམ་པ་དང་བྲལ་བའི་ཕྱིར་ཆོས་ཀྱི་དབྱིངས་ཀྱི་རང་བཞིན་ཡིན་ལ། དེ་ཉིད་གློ་བུར་གྱི་དྲི་མ་དང་བྲལ་བས་འོད་གསལ་བ་ཉིད་ཡིན་པའི་ཕྱིར་དང༌། ཡེ་ཤེས་གཞན་བསྐྱེད་པའི་རྒྱུ་མཚན་ཡིན་པའི་ཕྱིར་མེ་ལོང་ལྟ་བུའི་ཡེ་ཤེས་ཀྱི་བདག་ཉིད་ཡིན་ནོ། །ཞེས་གསུངས་པའི་དོན་འདི་ལྟར་ཡིན་ཏེ། སེམས་ཀྱི་རང་བཞིན་ནི། སེམས་ཀྱི་དེ་ཁོ་ན་ཉིད་དེ་རྟོགས་པ་ཆོས་དབྱིངས་ཡེ་ཤེས་ཡིན་ལ། གཟུང་འཛིན་བདེན་པ་དང་བྲལ་བས་ནི་ཆོས་དབྱིངས་ཡེ་ཤེས་ཀྱི་ངོ་བོ་བསྟན། ཡེ་ཤེས་དེའི་ལྡོག་ཆ་ལ། དཔེར་ན་མེ་ལོང་དྲི་མ་དང་བྲལ་བ་ལ་ཆོས་གཞན་གྱི་གཟུགས་བརྙན་འཆར་བ་ལྟར། ཡེ་ཤེས་དེ་ཉིད་དྲི་མ་དང་བྲལ་ཞིང༌། ཡེ་ཤེས་གཞན་གྱི་རྒྱུ་བྱེད་པའི་ཆ་ནས་མེ་ལོང་ལྟ་བུའི་ཡེ་ཤེས་དང༌། བདག་གཞན་ངོ་བོ་ཉིད་ཀྱི་ཐ་དད་དུ་འཛིན་པ་ལོག་པའི་ཆ་ནས་མཉམ་ཉིད་ཡེ་ཤེས། ཤེས་བྱ་ཕྱིན་
ཅི་མ་ལོག་པར་རྟོགས་པའི་ཆ་ནས་སོར་རྟོག་ཡེ་ཤེས། འགྲོ་བ་མ་ལུས་པ་ལ་ཕན་འདོགས་པའི་ཆ་ནས་བྱ་བ་སྒྲུབ་པའི་ཡེ་ཤེས། མི་སྟོང་པ་ལ་བདེན་ཞེན་ལོག་པ་དང༌། ཕྱིན་ཅི་ལོག་གི་མཚན་མ་ལ་བདེན་ཞེན་ལོག་པ་དང༌། ཕྱིན་ཅི་ལོག་གིས་སྨོན་ལམ་ལ་བདེན་ཞེན་ལོག་པ་དང༌། ཕྱིན་ཅི་ལོག་གི་མངོན་པར་འདུ་བྱེད་པ་ལ་བདེན་ཞེན་ལོག་པའི་ཆ་ནས་རྣམ་པར་ཐར་པའི་སྒོ་སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པ་དང༌། མངོན་པར་འདུ་བྱེད་པ་མེད་པ་བཞི་དང༌། ཆོས་དབྱིངས་ཡེ་ཤེས་ཀྱི་ལྡོག་ཆ་མེ་ལོང་ལྟ་བུའི་ཡེ་ཤེས་ལ་ལྡོག་པས་ཕྱེ་ན། རང་གི་མིག་ལ་སོགས་ལ་བདེན་ཞེན་ལོག་པ་ནང་སྟོང་པ་ཉིད་དང༌། གང་ཟག་གཞན་གྱི་མིག་སོགས་ལ་བདེན་ཞེན་ལོག་པ་ཕྱི་སྟོང་པ་ཉིད། དབང་རྟེན་ཁོག་པ་ལ་བདེན་ཞེན་ལོག་པ་ཕྱི་ནང་གཉིས་ཀ་སྟོང་པ་ཉིད། སྣོད་ཀྱི་འཇིག་རྟེན་ལ་བདེན་ཞེན་ལོག་པ་ཆེན་པོ་སྟོང་པ་ཉིད་བཞི། མཉམ་ཉིད་ཡེ་ཤེས་ཀྱི་ལྡོག་ཆའི་ཆ་ལ་སྟོང་ཉིད་རྟོགས་པའི་ཡེ་ཤེས་ལ་བདེན་ཞེན་ལོག་པ་སྟོང་པ་ཉིད་སྟོང་པ་ཉིད་དང༌། དོན་དམ་པ་ལ་བདེན་ཞེན་ལོག་པ་དོན་དམ་པ་སྟོང་པ་ཉིད་དང༌། བྱང་ཆུབ་ཀྱི་རྒྱུར་མི་འགྱུར་བའི་དགེ་རྩ་ལ་བདེན་ཞེན་ལོག་པ་འདུས་བྱས་སྟོང་པ་ཉིད་དང༌། བྱང་ཆུབ་ཀྱི་རྒྱུར་འགྱུར་བའི་དགེ་རྩ་མཆོག་ལ་བདེན་ཞེན་ལོག་པ་འདུས་མ་བྱས་སྟོང་པ་ཉིད་དང་བཞི། སོར་རྟོག་ཡེ་ཤེས་ཀྱི་ལྡོག་པའི་ཆ་ལ་སེམས་ཅན་མཐའ་ཡས་པའི་དོན་བྱེད་པའི་ཆ་ལ་བདེན་ཞེན་ལོག་པ་མཐའ་དག་འདས་པ་སྟོང་པ་ཉིད་དང༌། འཁོར་བ་ཐོག་མ་དང་ཐ་མ་མེད་པ་ལ་བདེན་ཞེན་ལོག་པ་ཐོག་མ་དང་ཐ་མ་མེད་པ་སྟོང་པ་ཉིད་དང༌། ལྷག་མེད་ཀྱི་མྱང་འདས་སུའང་དགེ་རྩ་མི་འདོར་བར་གསོག་པ་ལ་བདེན་ཞེན་ལོག་པ་དོར་བ་མེད་པ་སྟོང་པ་ཉིད་དང༌། རང་བཞིན་གནས་རིགས་ལ་བདེན་ཞེན་ལོག་པ་རང་བཞིན་སྟོང་པ་
ཉིད་དང་བཞི། བྱ་སྒྲུབ་ཡེ་ཤེས་ཀྱི་ལྡོག་པའི་ཆ་ལ། གཟུགས་སྐུའི་མཚན་དཔེ་ལ་བདེན་ཞེན་ལོག་པ་རང་གི་མཚན་ཉིད་སྟོང་པ་ཉིད་དང༌། སྟོབས་སོགས་ལ་བདེན་ཞེན་ལོག་པ་དངོས་པོ་སྟོང་པ་ཉིད་དང༌། གང་ཟག་དང་ཆོས་ཀྱི་བདག་གཉིས་ཀྱིས་སྟོང་པ་ལ་བདེན་ཞེན་ལོག་པ་དངོས་པོ་མེད་པ་སྟོང་པ་ཉིད་དང༌། གང་ཟག་དང་ཆོས་ནི་ཡོད་བདག་གཉིས་མེད་པར་ཞེན་པ་ལ་བདེན་ཞེན་ལོག་པ་ངོ་བོ་ཉིད་སྟོང་པ་ཉིད་དང་བཞི། ཡང་ཆོས་དབྱིངས་ཡེ་ཤེས་ཀྱི་ལྡོག་ཆ་ལ་སྦྱིན་པའི་མི་མཐུན་ཕྱོགས་སེར་སྣ། ཚུལ་ཁྲིམས་ཀྱི་མི་མཐུན་ཕྱོགས་ཚུལ་འཆལ། བཟོད་པ་མི་མཐུན་ཕྱོགས་ཁོང་ཁྲོ། བརྩོན་འགྲུས་ཀྱི་མི་མཐུན་ཕྱོགས་ལེ་ལོ། བསམ་གཏན་གྱི་མི་མཐུན་ཕྱོགས་རྣམ་གཡེང༌། ཤེས་རབ་ཀྱི་མི་མཐུན་ཕྱོགས་ཤེས་འཆལ། སྨོན་ལམ་གྱི་མི་མཐུན་ཕྱོགས་ལོག་སྨོན། ཐབས་མཁས་ཀྱི་མི་མཐུན་ཕྱོགས་ཐབས་མི་མཁས་ཏེ་བརྒྱད། དད་པའི་མི་མཐུན་ཕྱོགས་མ་དད་དང༌། བརྩོན་འགྲུས་ཀྱི་མི་མཐུན་ཕྱོགས་ལེ་ལོ། དྲན་པའི་མི་མཐུན་ཕྱོགས་བརྗེད་ངས། ཏིང་ངེ་འཛིན་གྱི་མི་མཐུན་ཕྱོགས་རྣམ་གཡེང་སྟེ་བཞི། དེ་རྣམས་ལ་བདེན་ཞེན་ལོག་པའི་ཆ་ནས་སྦྱིན་པ་ནས་ཏིང་ངེ་འཛིན་གྱི་བར་བཅུ་གཉིས་ཡིན་ལ། དེ་ཡང་འཆར་གཞི་གཞན་རྣམས་ལྡོག་པས་ཕྱེ་བའི་ཆ་ཤས་ཡིན་ལ། མཐར་གཏུགས་པའི་འཆར་གཞི་ནི་ཆོས་དབྱིངས་ཡེ་ཤེས་ཉིད་ཡིན་ནོ། །གང་གང་དུ་འཆར་བ་ལ། ཆོས་དབྱིངས་ཡེ་ཤེས་རྣམ་སྣང་དུ་ཤར། ཡེ་ཤེས་གཞན་བཞི་སྦྱོང་རྒྱལ་སོགས་བཞིར་ཤར། དེ་བཞིན་ཏུ་རྣམ་ཐར་བཞི་ཡུམ་བཞིར། རང་རང་གི་མི་མཐུན་ཕྱོགས་སྔར་བཤད་པ་རྣམས་དང་བྲལ་བའི་སྟོང་ཉིད་དང་པོ་བཞི། རྡོ་རྗེ་སེམས་དཔའ་སོགས་ཤར་ཕྱོགས་ཀྱི་སེམས་དཔའ་བཞིར། སྟོང་པ་ཉིད་སྟོང་པ་ཉིད་སོགས་བཞི། རིན་ཆེན་སོགས་ལྷོ་ཕྱོགས་ཀྱི་སེམས་དཔའ་བཞིར། མཐའ་ལས་
འདས་པའི་སྟོང་པ་ཉིད་སོགས་བཞི། ནུབ་ཕྱོགས་ཀྱི་སེམས་དཔའ་བཞིར། རང་གི་མཚན་ཉིད་སྟོང་པ་ཉིད་སོགས་བཞི། བྱང་ཕྱོགས་ཀྱི་སེམས་དཔའ་བཞིར། ཆོས་དབྱིངས་ཡེ་ཤེས་ཀྱི་ལྡོག་ཆ། རང་རང་གི་མི་མཐུན་ཕྱོགས་སེར་སྣ་སོགས་ལས་ལོག་པའི་སྦྱིན་པ་སོགས་བཞི། སྒེག་སོགས་བཞིར། བསམ་གཏན་ནས་ཐབས་མཁས་ཀྱི་ཕར་ཕྱིན་གྱི་བར་བཞི། བདུག་པ་མ་སོགས་བཞིར། དད་སོགས་བཞི། རང་རང་གི་མི་མཐུན་ཕྱོགས་དང་བྲལ་བ་ལྕགས་ཀྱུ་སོགས་སྒོ་བ་བཞིར། ཡུལ་སྟོང་ཉིད་བཅུ་དྲུག་རྟོགས་པའི་ཡུལ་ཅན་ཡེ་ཤེས་བཅུ་དྲུག །བསྐལ་བཟང་གི་སེམས་དཔའ་བཅུ་དྲུག་ཏུ་ཤར་བ་ཡིན་ནོ། །འབྲས་བུ་དང་ལམ་ལ་སྦྱོར་ཚུལ་ནི། སྔགས་དོན་རྣམ་གཟིགས་སུ། རྣམ་ཤེས་ཚོགས་བརྒྱད་གནས་གྱུར་ནས། སྐུ་དང་ཡེ་ཤེས་སོགས་སུ་འགྱུར་བར་གསུངས་པས། འབྲས་བུ་ལའང་སྦྱར་དགོས་ཏེ། དེའི་ཚུལ་ནི། སྟོང་ཉིད་རྟོགས་པའི་ཡེ་ཤེས་ཀྱི་གཟུང་རྣམ་ལྷར་ཤར་བའི་སྒྲིབ་གཉིས་བག་ཆགས་དང་བཅས་པ་སྤངས་པ་ནི་འབྲས་བུ་ཡིན་ནོ། །ལམ་ལ་མཚོན་ན། ཐབས་ལྷའི་རྣལ་འབྱོར་དེ་ཁོ་ན་ཉིད་རྟོགས་པ་དང་བྲལ་བས་ནི་འཁོར་བ་ལས་ཀྱང་མི་གྲོལ་ན། བླ་ན་མེད་པའི་བྱང་ཆུབ་ལྟ་ཅི་སྨོས་ཞེས་བདག་སྒྲུབ་པ་ལས་གསུངས་པས། ཟབ་གསལ་གཉིས་སུ་མེད་པའི་ཡེ་ཤེས། འབྲས་བུ་སྐུ་གཉིས་ཀྱི་རིགས་འདྲའི་རྒྱུར་དགོས་ལ། དེ་ཡང་སྨིན་བྱེད་ཀྱི་དབང་རྣམ་པར་དག་པ་ཐོབ། དམ་ཚིག་དང་སྡོམ་པ་ཚུལ་བཞིན་དུ་བསྲུང་བའི་སྒྲུབ་པ་པོས་ལམ་སྒོམ་པའི་ཚེ། སྟོང་ཉིད་རྟོགས་པའི་ཡེ་ཤེས་དེ་ཉིད་གཟུང་རྣམ་ལྷར་ཤར་བ་ལ། ཡེ་ཤེས་ལྔ་ལྡོག་པའི་ཆ་ནས་ཆ་མཐུན་པ་འབྱེད་དུ་རུང་བས། སྔར་བཞིན་དུ་སྦྱར་བར་བྱ་སྟེ། མིག་སོགས་ལ་བདེན་པར་ཞེན་པ་ལ་སྟོང་ཉིད་རྟོགས་པའི་ཡེ་ཤེས་ཀྱིས་དངོས་
སུ་གནོད། སེར་སྣ་སོགས་ལའང་བརྒྱུད་ནས་གནོད་དོ། །དེའི་ཕྱིར་སྟོང་ཉིད་རྟོགས་པའི་ཡེ་ཤེས་དེ་ཉིད། མ་སྐྱེས་པ་གསར་དུ་བསྐྱེད་པ། སྐྱེས་པ་དེ་ཉིད་མི་གཏོང་བར་འདྲེན་པ། དེ་ལ་སེམས་སིམ་པའི་རྣམ་པར་ཞུགས་པ། དེ་ཉིད་ཡང་དང་ཡང་དུ་སྐྱོང་བ་རྣམས་རིམ་པ་བཞིན། རྡོ་རྗེ་སེམས་དཔའ། རྒྱལ་པོ། ཆགས་པ། ལེགས་པ་བཞིར་ཤར་ནས། དེ་བཞིན་གཤེགས་པ་རྣམས་ཀྱི་ཐུགས་རྒྱུད་བསྐུལ་ནས། སྒྲུབ་པ་པོ་ལ་བྱང་ཆུབ་ཀྱི་སེམས་གསར་དུ་བསྐྱེད་པ་སོགས་བྱེད་དོ། །དེ་བཞིན་དུ་འོག་མ་གཞན་ཐམས་ཅད་ལའང་སྦྱར་ནས། ཡེ་ཤེས་དེ་ཉིད། སེམས་རྒྱུད་ཡོན་ཏན་རིན་པོ་ཆེ་ལ་དབང་བསྐུར་བ། ལུས་ཀྱི་གཟི་བརྗིད་བརྟས་པར་བྱེད་པ། གདུལ་བྱ་རྣམས་སྦྱིན་པའི་ཕར་ཕྱིན་ལ་སྦྱོར་བ། སྦྱར་ནས་སོ་སོའི་ཡིད་ཚིམ་སྟེ་དགའ་བ་རྣམས་ལྷོ་ཕྱོགས་ཀྱི་སེམས་དཔའ་བཞིར། པདྨོ་འདམ་གྱིས་མ་གོས་པ་ལྟར་འཁོར་བར་གནས་ཀྱང་དེའི་ཉེས་པས་མ་གོས་པ་དང༌། དེ་ཁོ་ན་ཉིད་རྟོགས་པའི་ཡེ་ཤེས་བསྐྱེད་པ་དང༌། བྱང་ཆུབ་ལས་ཕྱིར་མི་ལྡོག་པ་དང༌། རྒྱལ་བའི་དགོངས་དོན་རྟོགས་དཀའ་བའི་གསུང་རབ་གཞན་གྱིས་རྟོགས་པར་སྨྲ་བ་དང༌། དེ་རྣམས་ནུབ་ཕྱོགས་ཀྱི་སེམས་དཔའ་བཞི་དང༌། ཚོགས་གཉིས་ཡོངས་སུ་རྫོགས་པའི་སྒོ་ནས་སངས་རྒྱས་མཆོད་པའི་ལས་དང༌། དང་པོ་ནས་བགེགས་ཀྱི་ཉེས་པ་མི་འཇུག་པར་བསྲུང་བ་དང༌། གལ་ཏེ་ཞུགས་ན་སླར་བཟློག་པ་དང༌། སྒྲུབ་པ་པོ་རང་གི་ལུས་ངག་ཡིད་གསུམ་དང༌། རྒྱལ་བའི་སྐུ་གསུང་ཐུགས་དབྱེར་མེད་དུ་བཅིང་བ་དང༌། དེ་རྣམས་དང་བྱང་ཕྱོགས་ཀྱི་སེམས་དཔའ་བཞིར་སྦྱར། བྱང་ཆུབ་ཀྱི་སེམས་ཀྱི་ཕན་ཡོན་མི་བརྗེད་པར་དྲན་པ་དང༌། གཟུངས་དང་རྣམ་པར་ཐར་པའི་ཕྲེང་བ་གཞན་ལ་འཆིང་བ་དང༌། ཆོས་ཀྱི་གླུ་དབྱངས་གདུལ་བྱ་ལ་སྒྲོག་པ་དང༌། སངས་རྒྱས་ཀྱི་སྐུའི་སྤྲུལ་པ་སྣ་ཚོགས་པས་སེམས་ཅན་གྱི་དོན་བྱེད་པ་རྣམས་སྒེག་
སོགས་བཞིར་ཤར། ཇི་ལྟ་ཇི་སྙེད་པའི་དོན་བྱེད་པའི་བློ་གྲོས། དགེ་བའི་དམིགས་པ་ཐམས་ཅད་ལ་རྩེ་གཅིག་པའི་ཏིང་ངེ་འཛིན། གནས་སྐབས་དང་མཐར་ཐུག་གི་སྨོན་གནས་ཁྱད་པར་ཅན་ལ་འདུན་པ་ཟག་པ་མེད་པའི་ཐབས་ཁྱད་པར་ཅན་རྣམས་བདུག་པ་མ་སོགས་བཞིར་ཤར། ཡུལ་ཁྱད་པར་ཅན་ལ་དང་བ་སོགས་ཡོན་ཏན་གྱི་ཆོས་བཞི། སྒྲུབ་པ་པོ་ལ་བྱིན་གྱིས་བརླབ་པའི་ཕྱིར་དགུག་པ་དང༌། ཆུ་དང་འོ་མ་འདྲེས་པ་ལྟར་གཞུག་པ་དང༌། དབྱེར་མེད་དུ་བཅིང་བ་དང༌། དགྱེས་བཞིན་དུ་བཞུགས་པ་རྣམས་ལྕགས་ཀྱུ་སོགས་སྒོ་བ་བཞིར་ཤར་བ་ཡིན་ནོ། །ལྷའི་སྐུ་ལ་སེམས་གཟུང་སྟེ་གནས་ཆ་ལེགས་པར་གྲུབ་པ་དང༌། དེ་ཉིད་གཞིར་བཟུང་ནས་བདག་མེད་པའི་དོན་གཏན་ལ་ཕབ་ནས། ཟབ་གསལ་གཉིས་སུ་མེད་པའི་དོན་སྒོམ་ཚུལ། རྩ་རྒྱུད་དེ་ཉིད་བསྡུས་པ་དང༌། དེའི་བཤད་རྒྱུད་རྩེ་མོ་ནས་གསུངས་པ། མཁས་གྲུབ་སངས་རྒྱས་གསང་བས་གཏན་ལ་ཕབ་པ་ལྟར་སྒོམ་དགོས་སོ། །ཞེས་གསུངས་པས། ཚུལ་འདི་ནི་ཤིན་ཏུ་གལ་ཆེ་སྟེ། རྡོ་རྗེ་དབྱིངས་ཀྱི་གསང་དབང་གི་སྐབས་སུ་ཡང་ཚུལ་དེ་ལྟར་ཤེས་པར་བྱའོ། །དེ་ནས་ཡང་བཅོམ་ལྡན་འདས་ཀྱིས་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ་ཕྱིའི་དཀྱིལ་འཁོར་འདི་གསུངས་སོ། །དེ་ལྟར་ན་དོན་གྱི་དཀྱིལ་འཁོར་གཏན་ལ་ཕབ་པས་དེ་ལ་ལྟོས་པ་ཕྱིའི་དཀྱིལ་འཁོར་གསུང་པ། ས་བརྟག་པ། བསླང་བ། སྦྱང་བ། དམ་ཚིག་གསུམ་བཟུང་ནས་སྒྲུབ་ཐབས་སྒོམ་པ། སྤྲོ་བ་བསྐྱེད་པ། སྙན་གསན་དབབ་པ། གསོལ་བ་གདབ་པ། དཀྱིལ་འཁོར་འདེགས་པ། འཇིག་རྟེན་གསུམ་རྒྱལ་དུ་བསྐྱེད་ནས་ང་རྒྱལ་གཟུང་བ། བསྐོར་ནས་བཀའ་བསྒོ་བ། ཕུར་བུ་རྣམས་ཁྲོ་བོ་མཐའ་
ཡས་སོགས་སུ་བསྐྱེད་ནས་གདབ་པ་སོགས་འགྲེལ་པར་རྒྱས་པར་གསུངས་པ་ལྟར། དེ་ལྟར་ན་དོན་གྱི་དཀྱིལ་འཁོར་གཏན་ལ་ཕབ་ནས། དེ་ལ་ལྟོས་པ་ཕྱིའི་དཀྱིལ་འཁོར་གསུངས་པ། རྐང་པ་གཉིས་ཀྱིས་ནི་གང་དུ་དཀྱིལ་འཁོར་བྱ་བའི་གནས་བསྟན་པ་ནི། གཙུག་ལག་ཁང་དང་སྐྱེད་མོས་ཚལ། །མཆོད་རྟེན་ལྷ་ཁང་ཀུན་དགའ་སོགས། སོ། །གནས་དེར་ཇི་བཞིན་པ་ཡི་སྟེ་ཇི་ལྟར་རིགས་པའི་ཆོ་ག་ཡིས། །སའི་ཚོགས་གནས་ནི་བྱིན་གྱིས་བརླབ་པ་བརྩམ། པར་བྱའོ། །བྱིན་གྱིས་བརླབས་པའི་གནས་དེར་ནི། །ཕྱི་ཡི་དཀྱིལ་འཁོར་ལས་ཐིག་ལས་ཐམས་ཅད་པར་བསྐྱེད་ནས་འདེབས་པ་སོགས་བྱས་ལ་ཐིག་ཚོན་གྱིས་བྲི་བར་བྱའོ། །དཀྱིལ་འཁོར་ཇི་འདྲ་ཞིག་སྙམ་ན། གྲུ་བཞི་པ་ལ་སྒོ་བཞི་པ། །སྒོ་རེ་རེར་རྟ་བབས་རེ་རེ་སྟེ་རྟ་བབས་བཞི་དང་ལྡན་པ་ལ། །ཐེམ་སྐས་བཞི་ཡི་ཕྲེང་བ་ནི་སྒོའི་ཐད་དང་། ཀྱོག་པོའི་འོག་དང༌། དེ་ཕན་ཙམ་དུ་བྱེད་པའི་ལུགས་དང༌། །གསལ་སྒྲོན་དུ་རྟ་བབས་ཀྱི་དཔངས་ཀྱི་རིམ་པ་ལ་བཤད། སེང་གེ་གླང་ཆེན་རྣམས་ནི་དར་དཔྱངས་ཀྱི་སྣམ་བུའི་སྟེང་ན་ཡོད་པ་རྣམས་ཀྱིས་བརྒྱན། པའོ། །གསལ་སྒྲོན་དུ་སྒོའི་གློ་གཉིས་སུ་བརྒྱན་པ་ལ་བཤད་དོ། །དར་དང་ལྡ་ལྡི་ལ་སོགས་པས་ནི་ཇི་ལྟར་མཛེས་པར་བརྒྱན། དོ་ཤལ་དང་དོ་ཤལ་ཕྱེད་པའི་ཕྲེང། བ་དང༌། དྲིལ་བུ་དང་ནི་རྔ་ཡབ་སྟེ། རྔ་ཡབ་ནི་དེ་དག་ལས་འཕྱང་བས་བརྒྱན། །རྡོ་རྗེ་དང་རིན་ཆེན་དང་པདྨ་དང༌། །རྒྱ་གྲམ་པ་སྟེ་སྣ་ཚོགས་རྡོ་རྗེ་ཡི་ཕྱག་རྒྱས་ཕྱི་ནང་གི་ཀ་བ་རྣམས་ལ་ཤར་ནས་རིམ་པ་བཞིན་བརྒྱན་ཅིང༌། །སྲད་བུ་ནི་ཐིག་ཆེན་བརྒྱད་དང་ལྡན་པ་དང༌། །ཕྱིའི་དཀྱིལ་འཁོར་ལ་
སྒོ་ཁྱུད་བརྒྱད་རྣམས་ཀྱིས་བརྒྱན་པའོ། །དགུ་ཡི་ཆར་ནི་བགོས་པ་ལ། །ཚུལ་འདི་ལ་བླ་མ་སྔ་མ་རྣམས་ཀྱི་བཞེད་ཚུལ་མང་དུ་བྱུང་བ་དང༌། ཁྱད་པར་དུ་འགྲེལ་པར་ཀ་མ་དྷེ་ནུས། ཐིག་གི་ཚུལ་འདི་དཀྱིལ་འཁོར་གཞན་དང་མི་འདྲ་གསུངས་ནས། ཆ་ཆེན་ཞེ་བཞིར་བྱས་ནས་རྩ་ཐིག་ནས་རྩ་ཐིག་གི་བར་ལ་ཆ་དགུར་བྱས་པའི་སུམ་ཆ་ལ་གཉིས་སུ་གཤགས་པའི་ཆ་རེས་སྒོ་དང་སྒོ་ཁྱུད་བྱེད་པར་བཤད་ཀྱང་ཧ་ཅང་མི་འཚམ་པས་དོན་དུ་མ་མཐོང་ངོ༌། །རང་ལུགས་ནི། གཞུང་འདི་ཤིན་ཏུ་དཀའ་བས་འདི་ལྟར་བཤད་པར་བྱའོ། །དེ་ཡང་གང་ལ་བགོ་བའི་གཞི་ནི། ཚངས་ཐིག་ནས་ཚངས་ཐིག་འགྲོ་མཚམས་ཚུན་ཡིན་ལ། དེ་ཡང་ཆ་མཉམ་པ་དགུར་བྱས་པའི་དབུས་ནས་ཕྱོགས་ལེ་ལ་ཆ་མཉམ་བཞི་བཞི་དང༌། མཐའ་གཉིས་ལ་ཆ་མཉམ་ཕྱེད་ཕྱེད་དེ། བསྡོམས་པས་ཆ་མཉམ་གཅིག །ཆ་མཉམ་རྣམས་ཀྱང་གསུམ་གསུམ་དུ་བགོས་པའི་ཆ་གཅིག་གི་སྒོ་ཚད་གཅིག་ཡིན་ལ། གཞན་ནས་སྒོ་ནི་འཁོར་ལོའི་བརྒྱད་ཆ་ཞེས་པ་བཞིན། དེ་འདྲའི་ཆ་གཅིག་གོ ། སྒོ་དང་དེའི་ཞར་ལ། སྒོ་ཁྱུད་ཀྱང་བྱ་བར་བསྟན་པའི་སུམ་ཆར་ཆ་ཆེན་གཅིག་གི་དེ་ལྟ་བྱ། །ས་ལ་ཐིག་སྐུད་ལྷར་བསྐྱེད་པའི། རྡོ་རྗེ་སྲད་བུས་ཐིག་གདབ་བོ། །ཚུལ་ཇི་ལྟར་ཞེ་ན། དབུས་ནས་ཆ་མཉམ་དང་པོའི་སུམ་གཉིས་སུ་དཀྱིལ་འཁོར་ནང་མའི་རྩ་ཐིག །དེ་ནས་སུམ་ཆ་གཅིག་སོང་བར་ནང་མའི་མདའ་ཡབ། དགུ་ཆ་གཉིས་པ་གསུམ་དུ་བགོས་པའི་སུམ་ཆ་དང་པོ་སོང་བར་དཀྱིལ་འཁོར་ཕྱི་མའི་རྩ་ཐིག །དེ་ནས་གཉིས་སོང་བར་མདའ་ཡབ། དེ་ནས་དགུ་ཆ་གསུམ་པ་གསུམ་དུ་བཏང་བའི་མཐར་རྟ་བབས་ཀྱི་ཕྱི་ཐིག །རྟ་བབས་དཔངས་སྒོ་ཚད་གསུམ་མའི་དབང་དུ་བྱས་སོ། །དགུ་ཆ་བཞི་པའི་སུམ་ཆ་དང་པོར་རྭ་རྩེའི་
ཐིག །དེ་ནས་སྒོ་ཚད་ཕྱེད་ལ་པད་ར་བྱ་སྟེ། ལུགས་འདི་ལ་སློབ་དཔོན་ཀུན་སྙིང་གིས་པད་ར་མ་བཤད་ཀྱང༌། རྡོ་རྗེ་ཕྲེང་བ་རྒྱུད་སྡེ་བཞི་ཁའི་དཀྱིལ་ཆོག་ཡིན་པས། དེར་ཨ་བྷྱཱས་པད་ར་བྱེད་པར་བཤད་ཅིང༌། ཀ་མ་དྷེ་ནུས་ཀྱང་མཛད་དོ། །དེ་ནས་སྒོ་ཚད་ཕྱེད་དང་གཉིས་སོང་བར་འཁོར་ཡུག་གི་ཐིག་སྟེ། དེ་ལ་བཀོད་རྒྱུའི་འཇིག་རྟེན་པ་མང་བའི་ཕྱིར། ངེས་ཆ་མཉམ་བཞི་པ་རྫོགས། དེ་ནས་སྒོ་ཚད་ཕྱེད་ལ་རྡོར། དེ་ནས་མེ་རི་ལ་སྒོ་ཚད་གཅིག་གོ །ངེས་མཐའི་ཆ་མཉམ་ཕྱེད་རྫོགས། །འོ་ན་ཆ་བཅུར་བགོས་པར་འགྱུར་རོ་སྙམ་ན། སྐྱོན་མེད་དེ། ཐིག་གི་ཆ་ནས་བཅུ་ཡོད་ཀྱང་། མཐའི་ཕྱེད་ཀ་གཉིས་སྡོམས་པས་དགུ་ཆ་གཅིག་ཡིན་པས་ཆ་དགུར་གསུངས་པ་དང་མི་འགལ་ལོ། །དེ་ནས་ནང་ཐིག་གི་དབང་དུ་བྱས་ནས། དབུས་ཀྱི་དཀྱིལ་འཁོར་ཐིག་གདབ་པ། །ཆོས་ཀྱི་འཁོར་ལོ་ནི་སྒྲ་ཡངས་པའི་དབང་དུ་བྱས་ནས་ལུང་རྟོགས་གཉིས། དོག་པའི་དབང་དུ་བྱས་ནས་རྟོགས་པའི་ཆོས་འཕགས་ལམ་ཡན་ལག་བརྒྱད་དེ། དེའི་དབང་དུ་བྱས་ནས་དཔེར་ན་འཁོར་ལོ་ལ་བརྟེན་པའི་ལྟེ་བ། གཅོད་པའི་རྩིབས། སྡུད་པའི་མུ་ཁྱུད་གསུམ་ཡོད་པ་ལྟར། ཡང་དག་པའི་ངག །ལས་ཀྱི་མཐའ། འཚོ་བ་གསུམ་ཚུལ་ཁྲིམས་ཀྱི་བསླབ་པར་བསྡུས་ནས་ཡོན་ཏན་གཞན་གྱི་རྟེན་བྱེད་པས་ལྟེ་བ། ཡང་དག་པའི་ལྟ་བ། རྟོག་པ། རྩོལ་བ། དྲན་པ་བཞི། ཤེས་རབ་ཀྱི་བསླབ་པར་བསྡུས་ནས་མི་མཐུན་ཕྱོགས་གཅོད་པས་རྩིབས། ཡང་དག་པའི་ཏིང་ངེ་འཛིན་གྱི་བསླབ་པར་བསྡུས་ནས་སྡུད་པར་བྱེད་པའི་མུ་ཁྱུད་དང་མཚུངས་སོ། །དེ་ལ་ཆོས་གསུམ་ཚང་བ་དེ་བཞིན་དུ། དོན་འདི་ལའང་ཆོས་དེ་རྣམས་ཚང་བས། འདྲ་བ་ལ། །སྟེ་དེའི་དོན་གྱིས་ལྟེ་བར་མུ་ཁྱུད་དང་བཅས་ཤིང་རྩིབས་བཅུ་དྲུག ། ཏུ་བཤད་དོ། །ཁ་ཅིག་ཆོས་ཀྱི་འཁོར་ལོ་ཞེས་པའི་ཚིག་གིས་མཚོན་
བྱའི་འཁོར་ལོ་གཅོད་པའི་དོན་ནོ་ཞེས་ཟེར་རོ། །དེ་ནི་བླ་མ་སྔ་མ་རྣམས་གཙོ་བོའི་གནས། གཤེགས་པའི་གནས། སེམས་དཔའི་གནས་གསུམ་ལ་འདོད་པ་དང༌། ལྟེ་བ། རྩིབས། མུ་ཁྱུད་གསུམ་དང༌། སྒེག་སོགས་ཀྱི་གནས། སེམས་དཔའི་གནས། ཕོ་བྲང་ནང་མའི་གནས་གསུམ་ལ་འདོད་པ་ཡོད་ཀྱང་མི་འགྲིག་པས། ལྟེ་བ་རྩིབས་བརྟེན་རྩིབས་གསུམ་ལ་བྱ་བར་རིགས་ཏེ་གང་ལ། རིམ་པ་གསུམ་དང་ལྡན་པའི་འཁོར་ལོ་ཡིན་ཞིང་རྩིབས་ཉིས་འགྱུར་དུ་གསུངས་པས་ཀྱང་དོན་ལ་འགྲིག་པར་སྣང་ངོ་ལ། རྩིབས་ནི་ཉིས་འགྱུར་ཉིད་དུ་བྱ། །ཞེས་པ་ལ་ཁ་ཅིག་གཙོ་བོའི་གནས་ཉིས་འགྱུར་རྩིབས་ལ་འདོད་པ་དང༌། ཁ་ཅིག་གཞལ་ཡས་ཁང་སུམ་སྦྲགས་ལ་ནང་མ་རྩིབས་བཅུ་དྲུག་པ་ལས་ཉིས་འགྱུར་སོ་གཉིས། ཕྱི་མ་དེ་ཉིས་འགྱུར་རེ་བཞིར་འདོད་པ་དང༌། ཁ་ཅིག་ལྟེ་བ་ལ་ཉིས་འགྱུར་གྱིས་དམན་པར་འདོད་པ་བྱུང་ཀྱང་དོན་དུ་མ་མཐོང་ངོ༌། །རང་ལུགས་བྲི་བྱའི་དབང་དུ་བྱས་ནས། རྩིབས་བརྟེན་ལ་ཆ་ཕྲན་གཅིག་ལས་མེད་ཀྱང༌། སྒོམ་པའི་དུས་སུ་གདུང་ཟླུམ་ནམ་མཁའ་ལ་ཡོད་པས་དེའི་ས་དེའི་རྩིབས་བརྟེན་ལ་ཕན་པས་དོན་སྟེང་དུ་རྩིབས་བརྟེན་ལ་ཆ་ཕྲན་གཉིས། དེ་ཉིས་འགྱུར་རྩིབས་ལ་རིགས་སོ། །དེས་ན་རྩ་ཐིག་ནང་དུ་ཆ་ཕྲན་གཅིག་འོང་བར་ཟླུམ་ཐིག་གཅིག །དེ་ནས་གཅིག་སོང་བར་མུ་ཁྱུད། དེ་ནས་བཞི་སོང་བར་རྩིབས། དེ་ནས་བྲི་བྱ་ལ་གཅིག་སོང་བར་རྩིབས་བརྟེན། དེ་ནས་གཅིག་སོང་བར་གདུང་ཟླུམ། དེ་ནས་ཕྱེད་དང་ལྔ་སོང་བར་སྦྱོང་རྒྱལ་ལྟ་བུའི་གནས་དང༌། དེ་ནས་གཙོ་བོའི་ས་གཅོད་བྱེད་ཆ་ཕྲན་གཅིག །གཙོ་བོའི་གནས་ལ་ཕྱེད་དང་གསུམ་སྟེ་འདིའི་ཐིག་གི་ཚུལ་ལ་དེ་ལྟར་ཤེས་དགོས་སོ། །དེ་ནས་དཀྱིལ་འཁོར་བྲིས་ཟིན་ཏེ་
མཚན་མ་དགོད་པའི་དབང་དུ་བྱས་ནས། དབུས་ཀྱི་ཕྱོགས་སུ་ཀུན་རིག་མཚན་མ་ནི། སྐུ་ཕྱག་ཆེན། ཕྱག་མཚན་ལག་པའི་ཕྱག་རྒྱ། ས་བོན་ཐིག་ལེ་འགོད་པ་ཡོད་པ་ལས་སྔ་མའི་དབང་དུ་བྱས་ནས། དུང་དང་ཀུན་ད་ཟླ་འདྲ་བ། །གསུམ་ནི་བསྣན་པའི་ཁྱད་པར་ཡིན་གྱི་འདྲ་ཆོས་མི་འདྲ་བ་མེད་དོ། །ཞལ་བཞི་པ་དཀར་པོ་ཕྱོགས་བཞིར་གཟིགས་པ་ལ་རྡོ་རྗེ་ཡི། སེང་གེའི་ སྟེང་དུ་རྡོ་རྗེ་སྐྱིལ་ཀྲུང་གི ། ཁྲི་ནི་ཕྱོགས་རེར་སེང་གེ་གཉིས་དབུས་ཀྱི་ཁོང་སྟོང་ལ་པདྨོ་རྡོ་རྗེས་མཚན་པ་ལ་ཀ་མ་དྷེ་ནུས་བཤད་ལ། གདན་ལ་ཁ་ཅིག་རྡོ་རྗེས་མཚན་པའི་སེང་ཁྲི་ལ་བཞུགས་པ་ ལ་འདོད་པ་ཡོད་དོ། །དང༌། །ཕྱག་གཉིས་ཏིང་འཛིན་ཕྱག་རྒྱར་ལྡན་པས་བཞུགས་པ་དང༌། །རིན་པོ་ཆེའི་དབུ་རྒྱན་སོགས་རྒྱན་རྣམས་ཀུན་གྱིས་བརྒྱན་པ་ནི་ལུགས་མ་དང་རི་མོར་བྲིས་པའོ། །དེ་ཡི་སྤྱན་སྔར་ཏེ་མདུན་ཤར་ཕྱོགས་སུ་ངན་སོང་ཀུན། །སྦྱོང་བའི་རྒྱལ་པོ་བྲི་བྱ་སྟེ། ཕྱག་གཉིས་ཏིང་ངེ་འཛིན་དུ་བསྣོལ། །འདིའི་སྐུ་མདོག་དཀར་དམར་དུ་བཞེད་པ་ཡོད་ཀྱང༌། སྨྲི་ཏི་དང་འབྲུ་འགྲེལ་གྱིས། ཟླ་བ་རྒྱས་དང་བ་མོའི་མདོག ། ཅེས་དཀར་པོར་བཞེད་དོ། །སྔར་བཤད་པ་ལྟར། རྒྱན་རྣམས་ཀུན་གྱིས་ལེགས་རྫོགས་ལ། །ཞེས་གསུངས་པས་དེ་བཞིན་གཤེགས་པ་བཞི་རབ་བྱུང་གི་ཆ་ལུགས་སུ་འདོད་པ་བཀག་གོ །སྦྱོང་རྒྱལ་གྱི་མིང་གཉིས་པ་རྒྱལ་མཆོག་སྐྱེས་བུ་གང་བ་ འབྲུ་འགྲེལ་གྱིས་ཡོན་ཏན་གྱིས་གང་བ་ལ་བཤད་ཀྱང་བུ་ན་རྫོགས་པ་ལ་འཇུག་
པས་ཡན་ལག་ཐམས་ཅད་རྫོགས་པ་ལ་བྱའོ། །བྲི། །རྒྱབ་ཏུ་སྟེ་ནུབ་ཏུ་ཤཱཀྱ་རིགས་དབང་པོ། །བསྟན་པའི་གཙོ་བོ་ཐུབ་པ་བྲི་བར་བྱ། །གཡོན་དང་གཡས་ཞེས་པ་འགྱུར་མི་ལེགས་པས་འབྲུ་འགྲེལ་དུ་གཡས་ལྷོ་ཕྱོགས་དང་གཡོན་བྱང་ཕྱོགས་གྱི་ཕྱོགས་ཆར་ནི། ཞེས་བཤད་པ་ལྷའི་རིམ་པ་དང་མཐུན་ནོ། །རྒྱལ་མཆོག་རིན་ཆེན་དང་མེ་ཏོག་ཆེར་རྒྱས་གཉིས། །གཤེགས་པ་ཕྱི་མ་གསུམ་ལ་སྐུ་མདོག་དང་ཕྱག་རྒྱ་ལ་གསལ་ཁ་མ་བྱུང་བ་ཀུན་རིག་དང་སྦྱོང་རྒྱལ་གྱིས་མཚོན་པས། ལྷ་ཐམས་ཅད་སྐུ་མདོག་དཀར་པོ་དང༌། ཐམས་ཅད་ཏིང་ངེ་འཛིན་གྱི་ཕྱག་རྒྱ་ཅན་དུ་འདོད་པ་བྱུང་མོད། ཀ་མ་དྷེ་ནུས་ཤཱཀྱ་རིགས་དབང་དམར་སེར་ཏིང་ངེ་འཛིན་གྱི་ཕྱག་རྒྱས་རྡོ་རྗེས་མཚན་པའི་པདྨ་འཛིན་པ། རྒྱལ་མཆོག་རིན་ཆེན་སྔོན་པོ་གཡས་མཆོག་སྦྱིན། གཡོན་ཏིང་ངེ་འཛིན་གྱིས་རིན་པོ་ཆེ་མརྒད་འཛིན་པ་སོགས་ཆོ་གར་བྲིས་པ་བཞིན་ནོ། །ལོ་ཙ་ན་དང་མཱ་མ་ཀཱི། །དེ་བཞིན་དཀར་མོ་སྒྲོལ་མ་རྣམས། །རྡོར་དབྱིངས་པའི་སེམས་མ་བཞི་ལྟར་ཡུམ་ཕྱག་མཚན་ལ་སྦས་པར་གསལ་སྒྲོན་དུ་བཤད་ཀྱང༌། རང་རང་གི་རིགས་ཀྱི་མཚན་མ་དང་ཡུམ་རྣམས་ཁ་དོག་མཐུན་པར་འདོད་པའི་ལུགས་བཞིན། ནོ། །གྲྭ་ཡི་ཕྱོགས་ནི་ཀུན་ཏུ་བྲི། །རྩིབས་ཀྱི་ནང་ནི་ཐམས་ཅད་དུ། །རྡོ་རྗེ་སེམས་སོགས་སེམས་དཔའ་མཆོག །རྫུ་འཕྲུལ་ཆེ་བའི་སེམས་དཔའ་རྣམས། །གོ་རིམ་བཞིན་དུ་བྲི་བར་བྱ། །ཀ་མ་དྷེ་ནུས་སྒེག་སོགས་བཞི་འཁོར་ལོའི་གོང་རས་ལ་འགོད་དོ། །མཁས་པས་ལཱ་སྱ་ལ་སོགས་ ཁོངས་ནས་ལྷ་མོ་བདུན་འདོན་ནོ། །པ། །མཆོད་པ་གྲྭ་ཡི་ཕྱོགས་སུ་བྲི། །སྒོ་བ་རྣམས་མོའི་རྣམ་པར་རྒྱ་གར་བ་འགའ་ཞིག་བཞེད་ལ་དོན་དུ་མ་མཐོང་བས་འོག་ནས་འཆད་དོ། །སྒོ་ཡི་ཕྱོགས་ནི་ཐམས་ཅད་དུ། །སྒོ་ནང་མ་ལ་སྒོ་བ་བཞི་པོ་བྲི་བར་བྱ། །རྟ་ ཞེས་པ་ནང་གི་རྟ་བབས་སུ་གསལ་ཏེ། ཕྱི་མ་ལ་བྱས་ན་བྱམས་པ་སོགས་བུམ་པ་བཟང་པོའི་མཐར་འགོད་དགོས་ཤིང༌། དེ་ལྟ་ཡིན་ན་དེ་རྣམས་དཀྱིལ་འཁོར་ནང་གི་ལྷ་མ་
ཡིན་པར་འགྱུར་རོ་ཞེས་བཞེད་པ་ཡོད་ཀྱང༌། གསལ་སྒྲོན་དུ་རྟ་བབས་དང་བཅས་པའི་ཁང་པའི་ནང་རྟ་བབས་མེད་པའི་ནང་གི་སྒོ་བར་ནི་ཁྱམས་ཡིན་ལ་དེར་བྱམས་པ་ལ་སོགས་པ་འགོད་པར་གསུངས་པས། སྒོ་ཉིས་སྒྲགས་ཡིན་ཀྱང་ནང་མ་ལ་རྟ་བབས་མེད་པའི་ལུགས་སོ། །བབས་ཁྱམས་ནི་ཐམས་ཅད་དུ། །བྱམས་པ་ལ་སོགས་བྲི་བར་བྱ། །ཉན་ཐོས་རྒྱལ་བ་ཐམས་ཅད་དང༌། །དེ་བཞིན་རང་རྒྱལ་གཙོ་བོ་རྣམས། །ཕྱིའི་སྒོ་བཞི་ལ། ཁྲོ་བོ་མངག་པ་ཕོ་ཉ་ ཀ་མ་དྷེ་ནུས། ཁྲོ་བོ་ནི་གཤིན་རྗེ་གཤེད། མངག་པ་ནི་གཞན་གྱིས་མི་ཐུབ་པ། ཕོ་ཉ་ནི་རྟ་མགྲིན། སོགས་ཁོངས་ནས་བྲན་ནི་མི་གཡོ་བ་ལ་བཤད། གསལ་སྒྲོན་དུ་ཉམས་དགུ་དང་ལྡན་པས་ཁྲོ་བོ། ལས་བྱེད་པས་མངག་པ། སྤྲུལ་པ་དུ་མ་འབྱུང་བས་ཕོ་ཉ་ཞེས་ཟེར་རོ། །སོགས། །བྲི་བྱ་ཡང་ན་མི་ཡང་རུང༌། །ཁ་ཅིག་འདི་སྒོ་སྦྲགས་ཀྱི་ཁུངས་སུ་འདོད་ཀྱང་མི་འཐད་དེ། ནང་དོན་གྱི་དཀྱིལ་འཁོར་ལ་བལྟོས་པའི་ཕྱི་ཡི་དཀྱིལ་འཁོར་ཕྱི་རོལ་ཏུ། རི་རབ་ཀྱི་ཁ་དོག་དང་མཐུན་པའི་གླིང་བཞི་པོ་ནི་གླིང་གཡོག་དང་བཅས་པ་བྲི་བར་བྱ། འཛམ་བུ་གླིང་སོགས་ཁའི་དབུས་སུ་དུ་ཚངས་པ་བཙུན་མོ་ཚངས་མ་ཕོ་ཉ་མངག་པ་སྟེ་མངག་གཞུག་ཡིད་འོང་བྲི། །བྱང་སྒྲ་མི་སྙན་གྲུ་བཞི་ཕྱོགས་སུ་ནི་དབང་ཕྱུག་ཆེན་པོ་ཆུང་མ་ཨུ་མ། ཕོ་ཉ་རྣམ་སྣང༌། མངག་གཞུག་སྡེ་དཔོན་རྣམས་བྲིའོ། །། །ཤར་ལུས་འཕགས་ཟླ་ཁམ་དང་ནུབ་ཀྱི་བ་ལང་སྤྱོད་ཟླུམ་པོའི་གླིང་དུ་ནི། སྔ་མར་བརྒྱ་བྱིན་ཕྱི་མར་བཙུན་མོ་སྡེ་སོགས། མངག་པ་ཡིད་འོང༌། ཕོ་ཉ་ཀུན་སྣང་བྲིའོ། །གཏོགས་འདོད་དེ་ཁྱབ་འཇུག་བཙུན་མོ་དཔལ་མོ། ཐམས་ཅད་ནི། །འཁོར་མངག་གཞུག་རྡོ་རྗེ་ཕོ་ཉ་སྡེ་དཔོན་དང་བཅས་ཏེ་བྲི་བར་བྱ། གཞན་རྣམས་ཀྱང་ནི་དེ་བཞིན་ཏེ། །ལྷ་མིན་ནི་རྣམ་སྣང་བྱེད། སྒྲ་གཅན་འཛིན། སུམ་བརྩེགས་
ཀུན་སྣང་དྲི་ཟ་ནི་ཟུར་ཕུད་ལྔ་ཡུལ་འཁོར་བསྲུང་ནམ་མཁའ་ལྡིང༌། །གསེར་མིག་ཅན་གནོད་སྦྱིན་ནི་གང་བ་བཟང་པོ། ནོར་བུ་བཟང་པོ། ནོར་སྦྱིན། རྣམ་སྲས། པི་ཙི་ཀུནྜ་ལི། ཀི་ལི་མི་ལི། སྒོའི་དབང་པོ། སྤྱོད་པའི་དབང་པོ་བརྒྱད་སྲིན་པོ་ནི་ལང་ཀ་མགྲིན་བཅུ། བུམ་སྣ། ཨུ་པ་ཀརྞི། ཀུན་ཏུ་སྡུག་པའི་གཟུགས་ཅན། ཐོད་པའི་ཕྲེང་བ་ཅན་དང་ལྔ། ལྟོ་འཕྱེ་ཆེ། །ནི་ཀླུའི་འགྲོ་བ་སྟེ་མཐའ་ཡས་སོགས་བརྒྱད། འབྱུང་པོ་ནི་དབང་ལྡན་ཏེ་འཁོར་བཅོ་ལྔ་ལ། རི་དྭགས་རྒྱལ། སྐེམ་བྱེད་གཞོན་ནུའི་གཟུགས། བརྗེད་བྱེད་ཝའི། ཁུ་ཚུར་ཅན་བྱ་རོག །ནམ་གྲུ་ཁྱིའི། སྲུལ་པོ་ཕག་གི །ཙི་མ་ཏ་ཀི་རྟིའི། འདོད་པ་ཅན་རྡོ་རྗེའི། སརྒ་བྱེད་པ་བྱི་ལའི། བཞིན་རྒྱས་འུག་པའི། གཉའ་ལག་ཅན་བྱ་ཀག །བྱ་ནི་འདབ་ཆགས། མིག་འཕྱང་ཕ་ཝང༌། འཇམ་པ་པོ་བ་ལང༌། མ་མོ་མིའི་གཟུགས་སོ།། ཡི་དྭགས། ཕྱིའི་སྒྲིབ་པ་ཅན་ལ་སོགས་པ་ལྔ། འདྲེ་རྣམས་ནི་ལོག་འདྲེན་ཆུ་ལྟར་གཡོ་བ། གཉེའུ་ཐུང་གནས། སྤྱིའུ་ཚུགས་ཐུར་ལྟས། སེ་མེན་ཏ་སྙིང་ལ་འཇུག་པ་དང༌། ཀླུ་དང་སྔར་གྱི་ཀླུ་ཆེན་རྣམས་ཀྱི་བཙུན་མོ་སྤྲུལ་དང་རི་ནི་གསེར་གྱི་རི་བདུན་ལ་གནས་པའི་ལྷ་རྣམས་དང༌། སྐབས་འདིར་ཕྱོགས་སྐྱོང་བཅུ་འགོད་པར་བཤད་དོ། །རྒྱལ་པོ་བཞི་ཡུལ་འཁོར་བསྲུང་སོགས་རྣམས་བྲི་བར་བྱ། །གཟའ་ནི་ཉི་མ་དང་ཟླ་བ་སོགས་བརྒྱད་དང་སྐར་མ་ནི་བདུན། བརྟན་པ། སུ་ར་བ། སྣ་རུ་ཅན་ཏེ་བཞིའོ་ཞེས་སྔ་མ་དག་བཞེད་དོ། །རྒྱུ་སྐར་ནི་ཐ་སྐར་སོགས་ཉི་ཤུ་རྩ་བརྒྱད་དང༌། ཁྲོ་བོ་མ་རུངས་ནི་ཚ་གྲང་གིས་ཕྱེ་བ་དམྱལ་བ་བཅུ་དྲུག ། འཚེ་ དུག་གསུམ་ང་རྒྱལ་བཞི་ལ་བཤད། །བ་ཡི། བགེགས་ནི་ཚངས་པ་དང༌། སྲིན་པོ། སྐེམ་བྱེད།
བརྗེད་བྱེད། གནོན་པོ། གྲིབ་གནོན། དང་བི་ན་ཡ་ཀ་ནི་ལོག་འདྲེན་རྣམས། །སེམས་ཅན་རྣམས་ལ་ཕན་བྱེད་པའི། །དྲང་སྲོང་ནི་མེ་བཞི། ནག་པ། ཡང་དག་ཤེས། ཆུ་བདག །གྱ་གྱུ། འགྱུར་མེད། ཨ་མ་གུར། གཡོག་འདོར་བརྒྱད། བསྐལ་པ་ཆེན་པོ་རྣམས། །ལས་དང་རྫུ་འཕྲུལ་སྟོབས་ཀྱི་མཁའ་འགྲོ་ ཁ་ཅིག་དཀར་མོ་སོགས་ཕྲ་མེན་མ་བཞི་ལ་འདོད། ལམ་མ་ཀེའུ་རི། ལམ་མ་ཙོ་རི། ལམ་མ་བྲ་མོ་ཧ། ལམ་མ་བེ་ཏ་ལི། ལམ་མ་དུ་ཀ་ལི། ལམ་མ་གྷསྨ་རི། ལམ་མ་ཙཎྜ་ལི། ལམ་མ་སྨ་ཤ་ལི། དེ་དག་བུད་མེད་དུ་གནས་པ་བུད་མེད་ཅེས་འབྲུ་འགྲེལ་གྱིས་བཤད། མ་རྣམས་བུད་མེད་བྲི། །ནི་ཚངས་མ། ཁྱབ་འཇུག་མ། གཞོན་ནུ་མ། དྲག་མོ་ནག་མོ། ནག་མོ་ཆེན་མོ། ཟབ་མོ། སྲིན་མོ་སྡེ་བརྒྱད་ལ་འདོད་དེ། དེ་བཞིན་སྲིང་མོ་ནི་རྒྱལ་མ། རྣམ་པར་རྒྱལ་མ། མི་ཕམ་མ། རིག་སྔགས་འཆང་མ། རྣལ་འབྱོར་མ། ནི་པདྨ་ཅན། འཇིགས་བྱེད་མ། རྣམ་རྒྱལ་མ། གདེངས་ཅན་མ། འདོད་ལྡན་མ། ཡིད་འབྱུང་མ། དྲི་མེད་མ། ཡིད་བཟང་མ་བརྒྱད། འབྱུང་བ་བཞི་ཡི་ལྷ་ཆེན་པོ། །ནི་མེ་ལྷ། ཆུ་ལྷ། རླུང་ལྷ། ས་བདག་ལག་ཆེན་བཞི། ཁྱིམ་གྱི་ལྷ་ཀུན་སྣང༌། དང་རིའི་ལྷ་རབ་བརྟན་བློ་གྲོས། ལ་གནས་པ་རྣམས། །ཤིང་གི་ལྷ་ཀུན་ནས་འོད་ཟེར་དང་ཀུན་དགའ་ར་བའི་ལྷ་ཀུན་ཏུ་སྣང་བའི་བློ་གྲོས། ནགས་ཚལ་ལམ་གནས་ཀྱི་ལྷ་སྣ་ཚོགས་སྒོ་སོགས ཆག་གིས་གནས་ལ་སོགས་ཟེར། །དུར་ཁྲོད་ཀྱི་ལྷ་འབྱུང་པོ་དགེ་བ་གྲོང་ཁྱེར་གྱི་ལྷ་བསོད་ནམས་དགེ་བའི་བློ་གྲོས་གནས་པ་རྣམས། །མིང་ནི་ས་བོན་དང་བརྡ་ནི་ཕྱག་མཚན་འམ་ཡང་ན་ནི། །ཐིག་ལེ་ནི་ཚོན་ནམ་མེ་ཏོག་ཚོམ་བུ་གདན་དུ་བྱས་པ་རྣམས་ཀྱང་བྲི་བར་བྱ། དཀྱིལ་འཁོར་འོག་མ་རྣམས་ཀྱི་ལྷ་དང་འཇིག་
རྟེན་པ་རྣམས་ཕལ་ཆེ་བ་རྩ་དཀྱིལ་འདིར་མ་འདུས་པ་མི་སྣང་ངོ༌། །དེ་ནས་སྔགས་མཁན་མཁས་པས་དཀྱིལ་འཁོར་ལ། །བརྒྱན་པ་བླ་རེ་དང་རྒྱལ་མཚན་དང་བ་དན་གྱི་ལྷབ་ལྷུབ་ཕྲེང་བར་བཤད་པ་སྟར་དང༌། །རིན་པོ་ཆེའི་གདུགས་དང་ཡང་ན་གཤེགས་པ་ལ་བཞི། ཡུམ་བཞི་ལ་གཅིག །སེམས་དཔའ་རྣམས་ལ་གཅིག །ལྷ་མོ་བརྒྱད་ལ་གཅིག །སྒོ་བ་བཞི་ལ་གཅིག་དེ་བརྒྱད་དམ་དེ་མ་གྲུབ་ན། རྔ་མའི་རྔ་ཡབ་དར་གྱི་ལྡ་ལྡི་དང༌། འཕན་དང་སྣ་ཚོགས་ན་བཟས་ནི་ལྷ་རེ་ལ་ཟུང་རེ་མ་འབྱོར་ན་ཐུན་མོང་དུ་ཟུང་གཅིག་གིས། མཆོད། །དོ། གསལ་སྒྲོན་དུ། གསེར་ལས་བྱས་ བུམ་པ་ནི་ཞེས་འདོན། པའི་འགྲེལ་པ་གཞན་རྣམས་ཀྱིས་བུམ་པ་ལ་དོན་བླངས་མཛད། བྱ་རྣམས་ནི། །བརྒྱད་ རྒྱས་པ་ལ་ལྷ་གྲངས་དང་མཉམ་པ། འབྲིང་བཅུ་དྲུག །བརྒྱད་ལྔ་ཐ་མའང་གཉིས་བྱ་བ་ཀ་མ་དྷེ་ནུས་བཤད། དམ་བཅུ་དྲུག་ལྷག་ཀྱང་རུང༌། །ཡང་ན་གཤེགས་པ་ལྔ་དང་ཡུམ་བཞི་ལ་དགུ །སེམས་དཔའ་ཕྱོགས་བསྡུས་ནས་བཞི། སྒེག་སོགས་བཞི་ལ་གཅིག །བདུག་པ་མ་སོགས་བཞི་ལ་གཅིག །སྒོ་བ་བཞི་ལ་གཅིག ། དབང་བསྐུར་པའི་བུམ་པ་རིན་ཆེན་ནི་བུམ་རྫས་སོ། །ཆུས་བཀང་བའི། །འཇུག་སྒོའི་བུམ་པ་དང་རྣམ་རྒྱལ་དང་དྲུག་བྱེད་པར་ཡང་ཀ་མ་དྷེ་ནུས་བཤད་དོ། །ལྔ་ནི་གཞག་པར་བྱ། །མར་མེ་གཏོར་མ་བུམ་པ་ ནི་ཁ་ཅིག་ལས་བུམ་དུ་འདོད་པ་ཡོད་ཀྱང་མཆོད་བུམ་དུ་གསལ་ལོ། །དང། །མཛེས་པའི་བཤོས་རྣམས་གཞག་བྱ་སྟེ། །བཟའ་དང་བཏུང་བ་སྦྱར་ལེགས་དང། །བཅའ་བ་སྣ་ཚོགས་གཞག་པར་བྱ། །སྐབས་དེར་གནོད་སྦྱིན་སྲིན་པོའི་ཁ་ཟས་སུ། །གཏོར་མ་རྣམ་པ་སྣ་
ཚོགས་བཞག་ཅེས་པས་བགེགས་ཀྱི་གཏོར་མ་བསྟན་ཏེ་འདིར་བཤད་པ་ནི་གཏོར་མ་བཤམ་པའི་དབང་དུ་བྱས་པའོ། །འབྱུང་པོ་འདིས་གཏོར་མ་འབུལ་བའི་ཡུལ་བསྟན། དག་དང་ཀླུ་དང་ལྷ། །གཏོར་མའི་ཡུལ་མི་བཤད་པ་ནི་ཁྱེའུ་དང་བུ་མོ་གྲོང་པའི་ཆོས་ཀྱིས་མ་གོས་པ་ལ་ཟས་སྟེར་བའོ། །མི་དང་མི་མིན་དེ་བཞིནཏེ། །མེ་ཏོག་དྲི་རྣམས་ འདིས་གཏོར་མའི་རྒྱུ་བསྟན། སྣ་ཚོགས་དང༌། །འོ་མ་མར་དང་ཀ་ར་བཅས། །བུམ་པའི་གྲངས་སྔ་མ་བཞིན་མ་འབྱོར་ན་རྣམ་པར་རྒྱལ་བ་དྲི་ཡི་ཆུས། །རབ་ཏུ་དཀང་སྟེ་གཞག་པར་བྱ། །ཞེས་རྣམ་རྒྱལ་དང༌། དེའི་སྟེང་དུ་ལས་བུམ་དང་གཉིས་བསྟན་ནོ། །སྐབས་འདིར་སུམ་སྟོན་ཡེ་ཤེས་འབར་སོགས་སྔ་མ་ཁ་ཅིག་ཆས་སུ་ཞུགས་ནས་དཀྱིལ་འཁོར་དུ་འཇུག་པ། སྒྲུབ་པ། ལྷ་སྤྱན་དྲང་པ། གང་ཡང་མེད་པར་འཛིན་མས་འཇུག་པར་འདོད་པ་མི་རིགས་པས། ཀ་མ་དྷེ་ནུས་དཀྱིལ་འཁོར་སྒྲུབ་པ་ལ་བཤད་པ་ལྟར་ལེགས་པས་ཐོག་མར། དེ་ནས་ཁྲུས་ལ་སོགས་རྣལ་འབྱོར་གྱི་གྲོགས་སུ་འགྲོ་ན། བྱས་ལ། །དྲི་ཞིམ་པོ་ལུས་ལ་བྱུག་དང་མེ་ཏོག་ཕྲེང་བ་མཆོག་ནི་རིན་པོ་ཆེ་ཅན། །དྲི་ཞིམ་པོས་ཁ་བཀང་བ་སྟེ་བཤལ་བ་དང༌། མཆོག་མཛེས་པའི། །ནི་ཟེའུ་ཁ་དང་གཙུག་ཏོར་སོགས་བཅིང་བ་སྟེ། རབ་བྱུང་ལ་ཆ་ལུགས་དེ་ཉིད་ཀྱིས་ཆོག་པར་ཀུན་སྙིང་དང་ཀ་མ་དྷེ་ནུས་བཤད་དོ། །དེ་ནས་བདག་བསྐྱེད་ཆོ་ག་བཞིན་བྱས། ཕྱག་ཆེན་བཀོད་པ་ལ་སྤྱན་དྲངས་པས་མི་ཆོག་པས། མདུན་དུ་དམ་ཚིག་པ་བསྐྱེད་ལ། བོད་ཀྱི་མཁས་པ་དག་གིས། དཀྱིལ་འཁོར་ཚོན་གྱིས་བྲིས་ཟིན་པ་དང༌། ཆད་ལྷག་གི་ཉེས་པ་ཞི་བའི་དོན་དུ། འཛིན་མས་ཞུགས་སྐོར་བ་བྱེད་པར་གསུངས་ཏེ་ཤིན་ཏུ་ལེགས་པ་ཡིན་ནོ། །རྡོ་རྗེ་འཛིན་མ་ནི་སེམས་མ་རྡོ་རྗེ་མ་ལ་ཀ་མ་
དྷེ་ནུས་བཤད། རྡོ་རྗེ་འཛིན་མས་དཀྱིལ་འཁོར་དུ་ཞུགས་ནས་ཀྱང༌། །སླར་མེ་ཏོག་ཐོགས་ཏེ་སྒོ་ཕྱོགས་འདུག་ལ། སྤྱན་དྲང་རྒྱུའི་གཙོ་བོ་ནི་ཀུན་རིག། རྒྱལ་བ་ནི་གཤེགས་པ་ཡབ་ཡུམ། སྲས་ནི་སེམས་དཔའ་རྣམས་དང་འཁོར། །མང་པོ་འཇིག་རྟེན་པ་རྣམས་ནི་སྤྱན་དྲངས་ཏེ། །ཚུལ་ཇི་ལྟར་སྙམ་ན་བསྡུ་བའི་ཕྱག་རྒྱ་སྔགས་ནི་ས་མཱ་ཛཿ འི་དང་བདག་ལྡན་ཞིང༌། །ལྕགས་ཀྱུ་ལ་སོགས་རྣལ་འབྱོར་ཏེ་ང་རྒྱལ་གྱིས། །ཛཿ ཧཱུཾ་བཾ་ཧོཿ ཞེས་སོགས་རྐང་པ་གཉིས་འོག་ནས་རྒྱ་སྐད་དུ་འབྱུང་བ་ལྟར་རམ་ཡང་ན། ཐུགས་རྗེའི་བདག །ཚུར་གཤེགས་ཞེས་ནི་བརྗོད་ནས་ཀྱང༌། །དབང་མ་ཐོབ་པའམ་ཐོབ་ཀྱང་མི་དད་པ་ལ་སྦ་བས་ཕྱག་རྒྱ་མི་བསྟན་པ། གསང་བའི་བཅིང་བ་རྡོ་རྗེ་ཐལ་མོ་བཅིངས་པ་བསྡམས་ནས་ནི། །མཛུབ་གཉིས་ལྕགས་ཀྱུའི་ཚུལ་དུ་བྱ། །མཛུབ་མོ་གཉིས་ཞགས་པ་བཞིན་དུ་སྦྱར་ནས་ཀྱང༌། །མཛུབ་མོ་དེ་ཉིད་ལྕགས་སྒྲོག་ཚུལ་དུ་བྱ། །སོར་མོ་གཉིས་བསྡམས་པ་ལས། མཐེབ་གཉིས་ནང་དུ་བཀུག་ནས་ནི། །བསྐྱོད་པར་གྱུར་ན་དགུག་གཞུག་བཅིང་པ་དང༌། དབང་དུ་འགྱུར འདི་རྣམས་དམ་རྒྱས་བྱེད་པར་ཀ་མ་དྷེ་ནུས་བཤད། །།དེ་ནས་མཚན་མ་སྐྱེས་ཏེ་འོད་ཟེར་དང་མི་ལས་འདས་པའི་དྲི་བཟང་པོ་དང་གཟུགས་ཁྱད་པར་ཅན་མཐོང་བ་འབྱུང་ཞིང་དེའི་ཚེ་སློབ་མའི་དོན་བྱེད་ནུས་སོ་སྙམ་པས། མགུ་ནས་དགའ་སྤྲོ་དང་ནི། །སློབ་དཔོན་མཚན་ཉིད་དང་ལྡན་པས་སློབ་མར་དབང་བསྐུར་བའི་ཕྱིར་དཀྱིལ་འཁོར་བསྒྲུབས་པ་ན་ཐོག་མ་གཙོ་བོ་དང༌། ཐ་མ་འཇིག་རྟེན་པའི་བར་རིས་
ཆད། མེད་པར་མངོན་སུམ་མཐོང༌། །བ་ཡང་འབྱུང་ངོ༌། །ཨརྒྷཾ་ནི་མཆོད་ཡོན་མཆོག་ནི་སྣོད་དང་རྫས་ལ་སོགས་པ་བཤད་པ་བཞིན། སྟབས་ཞེས་ཀྱང་འབྱུང་སྟེ་དེ་ལྟ་ནའང་ལྷ་ལ་འབུལ་བའོ། །བརྟགས་པ་ནི་རང་བཞིན་སྟོང་པ་རྣམ་པ་མཆོད་རྫས་གསང་ནི་སྒེག་སོགས་ཀྱིས་མཆོད་པ་ལ་སོགས་ཁོངས་ནས་བདུག་པ་མ་སོགས་ཕྱིའི་མཆོད་པ་ཡི། །མཆོད་དབྱངས་ནི་དྲུག་ལྡན་སོགས་སྙན་པའི་ང་རོ་ཡི་མཉམ་མེད་མི་གཡོ་སོགས་ཀྱིས་བསྟོད་དང་ལྷ་རྫས་ཀྱི། མཆོག་གི་དམ་པ་ནི་འདོད་ཡོན་ལྔ་པོ་རྣམས་ཀྱིས་ལེགས་པར་མཆོད། །མེ་ཏོག་འབྲས་བུ་ཆུར་བཅས་པ། །འདབ་མར་བཅས་པའི་གཏོར་མ་སྟེ། །ཕྱི་རོལ་འབྱུང་པོ་ཐམས་ཅད་ལ། །ཞེས་གསུངས་པ་ལྟར། དེ་ནས་འབྱུང་པོ་རྣམས་ཀྱི་གཏོར་མ་བྱ། །འདིས་ཡི་དྭགས་ཀྱི་གཏོར་མ་བྱ་བ་སྔ་མ་དག་བཞེད་དོ། །སེམས་ཅན་བཀྲེས་ཤིང་སྐོམ་པས་གདུང་བ་དང༌། །ཕྱོགས་ཞེས་འདི་དང་སྔར་བསྟན་པ་གཉིས་ཀྱིས་ཆ་གསུམ་བྱ་བར་བསྟན། ཕྱོགས་ན་གནས་པ་རྣམས་ལ་རྣམ་པར་བརྟག །དེ་ཡི་གཏོར་མ་ཇི་ལྟར་མཐུན་པར་བྱ། །སྐབས་འདིར་གཏོར་མ་བསྟན་པ་འདི་འབུལ་བའི་དབང་དུ་བྱས་སོ། །དེ་ནས་རྐང་པ་བདུན་གྱིས་སློབ་མ་ལྷག་གནས་བསྟན་ཏེ། བཤད་པའི་རིམ་པ་འདི་ལ་འབྱུང་ཡང་ལག་ལེན་དངོས་གཞིའི་གོང་དུ་ཡིན་ནོ། །སྔགས་པས་བླ་མེད་བྱང་ཆུབ་ཀྱི། །ནི་མི་གནས་པའི་མྱང་འདས་དེའི་གནས་སུ་སློབ་མ་ཡོངས་སུ་སྨིན་བྱ་བ། །དེ་ཡང་སྡིག་བཤགས་ཡི་རང་སྐྱབས་འགྲོ་སོགས་སྔོན་དུ་བཏང་སྟེ། འགྲོ་ལ་ཕན་ཕྱིར་མྱུར་དུ་བྱང་ཆུབ་པར། །དེ་དག་བྱང་ཆུབ་སེམས་མཆོག་བསྐྱེད་དུ་གཞུག ། ཅེས་འདིས་ཐུན་མོང་བའི་སྡོམ་པ་སྟེར་སློབ་མ་དེ་རྣམས་
ཀྱི་གནས་གསུམ་བྱིན་གྱིས་བརླབ་བདག་གི་དགེ་བའི་ལས་རྣམས་འདི་དག་གིས་ཞེས་སོགས་བྱང་ཆུབ་སྨོན་ལམ་གདབ། །རྣམ་སྣང་མངོན་བྱང་ལས། འཇིག་རྟེན་ན་ནི་ཀུན་མཁྱེན་རྣམས། །ཞེས་སོགས་སོ། །ཟབ་ཅིང་རྒྱ་ཆེ་བ་ཡི་ཆོས་བསྒྲགས་ལ། །དཔུང་པ་གཡོན་པ་ལ། སྲུང་སྐུད་གདགས་བ་བྱས་ནས་བརྟུལ་ཞུགས་སྡོམ་གནས་པ། །ནི་སྟ་གོན་དུ་ཐུན་མོང་བའི་སྡོམ་པ་དང་དངོས་གཞིའི་སྐབས་སུ་ཐུན་མོང་མ་ཡིན་པའི་སྡོམ་པ་གཉིས་སྟེར་རོ། །དཀྱིལ་འཁོར་དུ་འཇུག་པ་ལ། ཐོག་མར་གསོལ་བ་གདབ་པ། མིག་དར་འཆིང་བ། རྒྱུན་བཤགས་བྱེད་པ། སྡོམ་པ་བཟུང་བ། ཐམས་ཅད་རྣལ་འབྱོར་གྱི་སེམས་བསྐྱེད་པ། སེམས་མ་རྡོ་རྗེ་མའི་ཕྱག་རྒྱ་བཅིངས་ཏེ། འོག་གི་སྔགས་རྣམས་ཀྱིས་ནང་དུ་འཇུག་པ། ཡེ་ཤེས་དབབ་པ། འོག་ནས་འབྱུང་བའི་སྔགས་གཉིས་བརྟན་བྱེད་དུ་བླང་བ། དམ་ཚིག་སྦྱིན་པ་སོགས་ཡོད་པ་ལས། རབ་ཞི་ནི་དུལ་བའི་སློབ་མ་དང་སློབ་དཔོན་གཉིས་ཀའི་ཁ་ནས་འོག་གི་སྔགས་བརྗོད་ཅིང་གཞུག་པར་བྱ། །དར་ལ་སོགས་པའི་གདོང་གཡོགས་ཀྱི་ས་མིག་གཉིས་གཡོགས་ནས་ནི། །རྡོ་རྗེ་འཛིན་མ་དཔལ་གྱིས་ནི་སེམས་མ་རྡོ་རྗེ་མ་པདྨར་དམ་ཚིག་ཕྱག་རྒྱས་ལག་གཉིས་ལྡན་པར་བྱ། །སྟེ་མེ་ཏོག་གཟུང་ལ་རིན་ཆེན་ལ་སོགས་དེ་བརྒྱན་ཏེ་ཆས་འཇུག་རྒྱས་བསྡུས་ཇི་ལྟར་རིགས་པར་བྱས་ལ། །གཡོན་གྱི་ལག་པ་བཀང་ནས་བླ་མ་ལ་ཕུལ་སྟེ་གཞུག་པར་བྱ། །འོ། འཇུག་པའི་སྔགས་ནི་འདི་རྣམས་ཡིན་ནོ། །ཕྱག་རྒྱ་འཆིང་བའམ་བྱིན་གྱིས་བརླབ་པའི་སྔགས་ནི། ༀ་བཛྲ་ཨ་དྷི་ཏིཥྛ་ཧཱུཾ། དཀྱིལ་འཁོར་དུ་འཇུག་པའི་སྔགས་
ༀ་བཛྲ་ས་མ་ཡ་ཧཱུཾ། འདི་དང་འོག་མ་གཉིས། དེ་བཞིན་གཤེགས་པའི་ཡེ་ཤེས་ཀྱི་རྣམ་པར་ཡེ་ཤེས་དབབ་པའི་སྔགས། ༀ་བཛྲ་པྲ་བེ་ཤ་ཧཱུཾ། མཐའི་སྔགས་བརྟན་བྱེད་དུ་ཡར་བླང༌། དགག་པ་ཨ་ས་མེ་མཉམ་པ་ལ་ཨས་བཀག་པས་མི་མཉམ་པ་སྟེ། དཀྱིལ་འཁོར་དུ་མ་ཞུགས་པའི་ཚེ་ལྷ་དང་སྐལ་བ་མི་མཉམ་པ་ལ། ཏྲི་ནི་གསུམ། ས་མེ་མཉམ་པ། མ་ཧཱ་ས་མ་ དཀྱིལ་འཁོར་དུ་ཞུགས་པའི་ཚེ་རིགས་གསུམ་གྱི་ལྷ་དང་སྐལ་མཉམ་དུ་བྱས་སོ། །ཡེ་ཧཱུཾ། དེ་ནས་འདི་ལ་སྔགས་དང་ཚིགས་བཅད་གཉིས་ལས། སྔགས་འདིས་མེ་ཏོག་ལ་སོགས་པ་དོར་བར་བྱའོ། །ཆེད་དུ་བྱ་བ། སངས་རྒྱས་དངོས་གྲུབ་ཐོབ་བྱའི་ཕྱིར། །སློབ་དཔོན་བདག་ལ་ཐུགས་བརྩེར་དགོངས་ནས་ནི། །བྱེད་པ་པོ་འགྲོ་ལ་ཕན་པའི་གཙོ་ཆེན་གྱིས། །སློབ་མ་རྣམས་ལ་སྨན་པར་དགོངས་ནས་བཞེས་སུ་གསོལ། །ༀ་བཛྲ་མེ་ཏོག་འདོར་བའི་ཡུལ། པྲ་ཏི་གྲྀཧྞ་ནི་སོ་སོར་བཟུང་། ཧཱུྃ། ཁ་ཅིག་སྔགས་དང་པོས་མགོ་ལ་འཆིང༌། གཉིས་པས་འདོར་ཟེར་ཡང༌། ཀ་མ་དྷེ་ནུས་དང་པོས་འདོར། གཉིས་པས་འཆིང་བར་བཤད་དོ། །། ༀ་པྲ་ཏཱི་ཙྪ་སོ་སོར་བཞེས་བཛྲ་ས་མ་ཡ་རྡོ་རྗེའི་དམ་ཚིག་ལ་གནས་པ་ཁྱོད་ཅེས་བོད་པ། སྟྭཾ་གང་ན་སློབ་མ་རྣམས་སོ། །མེ་ཏོག་རིན་ཆེན་ལ་སོགས་གང༌། །ལ་བབས་པར་གྱུར་པ་དེ་རང་རིགས་ཀྱི་ལྷ། །ཡིན་པས། གཙོ་བོའི་རིགས་དེའི་སྒོ་ནས་བསྒྲུབས་ན་ནི། །དངོས་གྲུབ་མྱུར་ཏེ་ཐེ་ཚོམ་མེད། །དེ་ནས་སྔགས་པ་མཁས་པ་ཡིས། །སྔགས་འདིས་དམ་ཚིག་སྦྱིན་པར་བྱ། །ༀ་བཛྲ་ས་མ་ཡ་ཧཱུཾ་ཆག་གིས་དེ་ནས་རིགས་ཀྱི་ཕྱག་རྒྱ་སྙིང་གར་བཅིངས་ཏེ་དམ་ཚིག་གི་ལྷ་སྙིང་ལ་གནས་པར་བྱ་བའི་སྔགས་
ཟེར། ཕཊ། ༀ་བཛྲ་ས་མ་ཡཾ་ཧྲྀ་ད་ཡ་མེ་བདག་གི་སྙིང་ལ་རྡོ་རྗེའི་དམ་ཚིག་ཕུ་བེ་ཤ་ཕོབ་དྲྀ་ཌྷ་ཏིཥྛ་ཧཱུྃ། བརྟན་པར་བཞུགས་ཤིག །བླ་མ་སྔ་མ་དག་ཡེ་ཤེས་དབབ་པ་དང༌། དམ་བཞག་རྣམས་ཡོ་ག་སྤྱི་འགྲོ་ལྟར་ཁ་བསྐང་ནས་བྱེད་དེ་ལེགས་པ་ཡིན་ནོ། །ཡེ་ཤེས་ཕབ་པའི་བརྟན་བྱེད་ལ། སྔ་མ་ཁ་ཅིག་ཕྱག་རྒྱ་ནི་སེམས་མ་རྡོ་རྗེ་མའི་དམ་རྒྱ། ལྷ་ཀུན་རིག་གི་སྙིང་གར་བསྟན་ཟེར་ཡང༌། མེ་ཏོག་ཕོག་པའི་ལྷས་ཆོག་ལ། སྔགས་གོང་མ་བླ་མས་སྤྲོད་ཅིང་སློབ་མས་འདོན། སྔགས་ཕྱི་མས་ཡེ་ཤེས་ཕབ་པ་བརྟན་པར་བྱས་ན་ལེགས་སོ། །དེ་ནས་འདིས་དམ་ཚིག་བསྒྲག་པར་བྱའོ། །དེའི་ཚུལ་ནི། རྡོ་རྗེ་སེམས་དཔའི་མནའི་ཆུ་འདི་ནི་སློབ་མ་ཁྱོད་ཀྱི༼ས་དམ་ཚིག་མ་བསྲུངས་ན། དམྱལ་བར་འགྲོ་བའི་ཆུ། །ཡིན་ཏེ། དམ་ཚིག་འདས་ན་དམྱལ་བའི་ཆུ་དེས་སྲེག་པར་བྱེད། །པའི་ཕྱིར་རོ། །དམ་ཚིག་བསྲུངས་ན་དངོས་གྲུབ་ནི། །ཐོབ་པར་བྱེད་པས། སྔ་མ་ནི་ཚར་གཅོད་པས་རྡོ་རྗེ་ཕྱི་མ་ནི་ཕན་འདོགས་པས་བདུད་རྩིའི་ཆུ་ཡིན་པས་ཆུ་འདིས་ཕན་ཡོན་ཉེས་དམིགས་གཉིས་ཀ་འགྲུབ་བོ། །ཅི་སྟེ་དམ་ཚིག་མ་བསྲུངས་པར་འདས་ན་ནི། དེ་མ་ཐག་ཏུ་སྙིང་བཀས་ནས་སྔར་ཕབ་པའི་རྡོ་རྗེ་སེམས་དཔའ་དེ་གཤེགས། །ཤིང་རྡོ་རྗེ་འཛིན་རྒྱལ་རྡོ་རྗེ་འཆང་ཁྲོས་པའི་ཚུལ་བསྟན་ནས་ནི། སྣང་བའི་རྒྱན་དུ་བཤད་པ་ལྟར་རང་ནས་བརྩམས་པའི་བུ་ཚ་བོ་སོགས་བདུན་ ཁ་ཅིག་ཆོས་བརྒྱུད་བདུན་ཟེར། བརྒྱུད་རིགས་ནི་བརླག་པར་བྱེད། །དེ་བས་རྟག་ཏུ་བུ་ཁྱོད་ཀྱིས། །རྒྱལ་བས་གསུངས་པའི་དམ་ཚིག་དང༌། །ནི་འདའ་བར་མི་བྱ་བ་སྟེ་བཅས་མཚམས་ལྟ་བུ། སྡོམ་པ་ནི་བཅས་པའི་རྟེན་ངེས་པར་བསྲུང་དགོས་པ་དང་ནི་བླ་མའི་
བཀའ། །རྩ་ལྟུང་དང་པོའི་དམ་གཞག་ཤིན་ཏུ་མོས་པས་བསྲུང་བར་བྱ། །སྤང་བར་བྱ་བའི་དམ་ཆིག་ནི་ཁྱོད་ཀྱིས་སྲོག་ཆགས་ཕྲ་མོ་རྣམས་ཀྱང་གསད་མི་བྱ། །ཏིལ་གྱི་ཕུབ་མ་ཙམ་མ་བྱིན་པར་ཡང་བླང་མི་བྱ། །བཞད་གད་གྱི་ཆེད་དུ་ཡང་བརྫུན་དང་འདོད་ལ་ལོག་པར་སྤྱོད་པ་རྣམས། །ཀུན་སློང་གི་སྟེང་ནས་ཀྱང་དངོས་གྲུབ་འདོད་པས་བྱ་བ་མིན། །ཆང་ནི་སྲོག་གི་ཕྱིར་ན་ཡང་མ་གནང་བས་བཏུང་བར་མི་བྱ་ཞིང༌། །ཁ་ན་མ་ཐོ་བའི་ཤ་དང་ལ་སོགས་པ་བཟའ་བར་མི་བྱ། །སྟེ། རྩེ་མོར། ཤ་དང་ཆང་དང་སྒོག་པ་སོགས། །བཟའ་བ་མིན་པས་རྣམ་པར་སྤང༌། །ཞེས་པ་དང༌། འདི་པའི་འོས་པའི་བཟའ་བཏུང་ནི། །མར་དང་འོ་མ་འབྲས་ཆན་ཉིད། །སློབ་དཔོན་ཟས་ནི་དཀར་གསུམ་ཟ། །ཞེས་གསུངས་པ་ལྟར་རོ། །མདོར་ན་སེམས་ཅན་གནོད་པའི་སྦྱོར་བ་ནི། །ནམ་ཡང་བྱ་བ་མ་ཡིན་ནོ། །དཀོན་མཆོག་གསུམ་ལ་སྐྱབས་སུ་འགྲོ་བ་ནི་ཡོངས་མི་སྤང༌། །སྟེ་ནང་པར་ཚུད་པ་དང་སྡོམ་པ་ཐམས་ཅད་ཀྱི་རྟེན་ཡིན་པ་སོགས་སོ། །དུས་ཀུན་ཏུ་ནི་སྨོན་འཇུག་གི་བྱང་ཆུབ་སེམས། །དང༌། ལྷའི་སྙིང་པོ་དང་དེའི་ཐུགས་རྒྱུད་བསྐུལ་བའི་སྔགས་དང་ཕྱག་རྒྱ་དང༌། །ལྷ་དང་བླ་མ་མི་སྦང་བ་དེ་བཞིན་ནོ། །སྡིག་སྲོག་གཅོད་པ་ལ་སོགས་པ་མི་དགེ་བཅུ་གང་ཡིན་སྤང་བ་དང༌། །བླ་མའི་བཀའ་ལས་འདའ་མི་བྱ། །ལྷ་ལ་ཕུལ་བའི་མཆོད་རྫས་སྙིགས་མ་དང༌། །མཆོད་ཡུལ་ལྷ་དེ་ཡི་གྲིབ་མར་འགོམ་མི་བྱ། །ཕྱག་རྒྱ་ལྷའི་གཟུགས་སམ། ཕྱག་མཚན་འཁོར་ལོ་སོགས་ལའང་མི་འགོམ་པ་དེ་བཞིན་ཏེ། །རྒྱལ་བས་གསུངས་པའི་སྔགས་དང་ལྷའི་དེ་ཁོ་ན་ཉིད་རྣམས་ལའང་ཐེ་ཚོམ་མི་བྱ་ལ་སྨད་པར་མི་བྱ། རིག་པ་མཆོག་ལས་
བཤད་པའི་ཕྱོགས་སྐྱོང་སོགས་གདོན་ཆེན་རྣམས་ལ་དགོས་པ་ཁྱད་པར་ཅན་མེད་པ་དྲག་གྱི་ལས་སོགས་བྱ་བ་མིན། །ཏེ། ལེགས་གྲུབ་ལས། མཁས་པས་རིག་སྔགས་དག་ལ་ནི། །ཁྲོས་ནས་མནན་དང་བཅིང་བ་དང༌། །བསད་པ་དང་ནི་ཚར་བཅད་དང༌། །ཕག་གཅོད་དེ་དང་དེ་མི་བྱ། །ཞེས་པ་ལྟར་རོ། །ལྟ་ངན་བཟློག་པའི་ཕྱིར་མ་གཏོགས་མུ་སྟེགས་ཅན་ལ་ཞེ་སྡང་གིས་སྨད་པར་མི་བྱ་སྟེ། །མུ་སྟེགས་ཅན་ལ་སྨད་བྱས་ན། །རྣམ་པར་སྣང་མཛད་རིང་བའི་རྒྱུ། ཞེས་གསུངས་སོ། །མདོར་ན་དམ་ཚིག་རྣམས་བསྲུངས་པའི་ཕན་ཡོན་དང་མ་བསྲུངས་པ་ལ་ཉེས་དམིགས་འབྱུང་བ་ལ། ཡིད་གཉིས་སོམ་ཉི་ཐེ་ཚོམ་མི་བྱ་སྟེ། །རྒྱལ་བའི་གསུང་མི་བསླུ་བས་སོ། །རྩེ་མོར། གང་ཟག་བཞིས་ནི་འཇིག་རྟེན་དུ། །བསྒྲུབས་ཀྱང་འགྲུབ་པར་ཉིད་མི་འགྱུར། །བྱང་ཆུབ་སེམས་ནི་མ་བསྐྱེད་དང༌། །ཐེ་ཚོམ་ལྡན་པ་ཉིད་དང་ནི། །བཀའ་བཞིན་དུ་ནི་མི་བྱེད་དང༌། །དད་པ་མེད་ཉིད་འགྲུབ་མི་འགྱུར། ཞེས་སོ། །བདག་གི་དེ་ཉིད་དང་ནི་སྔགས་ཀྱི་དེ་ཉིད་དང༌། སོགས་ཀྱིས་བསྡུས་པ་ལྷའི་དེ་ཁོ་ན་ཉིད་ལའང༌། དེ་བཞིན་ནོ། །དེ་ལྟར་དཀྱིལ་འཁོར་དུ་འཇུག་པའི་ཚུལ་བསྟན་ནས། ཞུགས་པ་ལ་དབང་བསྐུར་བའི་ཚུལ་ནི། དབང་བསྐུར་བའི་སྔགས་དང་དབང་ཐམས་ཅད་རྫོགས་པར་ཕྱག་ན་རྡོ་རྗེ་ནས་འབྱུང་ཞིང༌། འདིར་ནི་བུམ་པ་སོགས་དབང་གི་གྲངས་ཙམ་ཞིག་སྟོན་ཏེ་སློབ་མ་མོས་པ་སྟེ་དད་པ་བརྟན་པ་དང་ལྡན་པས་དམ་ཚིག་རྣམས་ལ་མི་གཡེལ་བར་དམ་བཅས་ པ་ལ། འདི་ལ་སྔ་མ་ཁ་ཅིག་སློབ་མའི་མགོར་རྡོ་རྗེ་བཞག་ནས་སརྦ་བིད་ནས་ༀ་བྷ་ཞེས་པའི་བར་གྱི་སྔགས་བརྗོད་པས་སྔགས་དབང་ཟེར་རོ། །ཀ་མ་དྷེ་ནུས། གསེར་གྱི་སྣོད་དུ་ཡུངས་ཀར་བཞག་པ་ལ་སྔགས་དེ་རྣམས་
ཀྱིས་བསྔགས་ནས་སློབ་མའི་སྤྱི་བོར་བཞག་པས་སྒྲིབ་པ་སྦྱངས་ནས་ཡེ་ཤེས་བསྐྱེད་དོ། །ནས། སརྦ་ཐམས་ཅད་རིག་པ་བིད་ཀྱིས་ཇི་བཞིན་དྲི་མ་འཁྲུད་པའི་དབང་བསྐུར་བར་བྱ་ཏེ། །ཇི་ལྟར་ཞེ་ན། བུམ་པ་ལ་སོགས་པ་དབུ་རྒྱན་གྱིས་མཚོན་པ་ཇི་སྙེད་མང་ཐོགས་པས། །བསྐུར་རོ། །དེ་ལ་དུ་ཡོད་ཅེ་ན། བཅུ་པོ་རྣམས་ཀྱི་ ཞེས་པས་གྲངས་བསྟན་ཏེ། དབང་ནི་ཅི་དགར་ཏེ་ཇི་ལྟར་རིགས་པར་བསྐུར་ན། དོན་དབང་བཙན་པའི་དབང་དུ་བྱས་ན། འདི་ལ་གཉིས། སློབ་མའི་དབང་དང༌། རྡོ་རྗེ་སློབ་དཔོན་གྱི་དབང་གཉིས་ལས།དང་པོ་བུམ་པའི་དབང་ནི། རིགས་དེ་ལ་སྒྲིབ་པའི་དྲི་མ་འཁྲུད་པའི་ནུས་པ་འཇོག །དེ་ནས་རིགས་བདག་དབུས་ན་ཡོད་པ་ཅོད་པན་གྱི་དབང་གིས། ཐོབ་བྱ་དེ་བཞིན་གཤེགས་པ་དེའི་གཙུག་ཏོར་བསྐྱེད་པའི་ནུས་པ་འཇོག །དེ་ནས་རིན་པོ་ཆེའི་ཕྲེང་བ་དང༌། དར་དཔྱངས་ཀྱི་དབང་གཉིས་ཅོད་པན་གྱི་དབང་གི་འཁོར་ཏེ། དེ་གཉིས་གཅིག་ཏུ་བྱས་ནས། ཕྱག་རྒྱའི་དབང་ནི་དེ་བཞིན་གཤེགས་པ་རྣམས་ཀྱི་ཕྱག་མཚན་ཡིན་ལ། འོག་གི་དྷཱ་ར་ཎ་གཟུངས་ལ་འཇུག་པས་གཟུང་མའི་དབང་སྟེ། ཡུམ་རྣམས་ཀྱི་ཕྱག་མཚན་གྱི་དབང་ཡིན་ལ། དེ་གཉིས་ཕྱག་མཚན་གྱི་དབང་གཅིག་ཏུ་བྱས་ནས་བསྐུར་བས། ཐུགས་ཀྱི་ནུས་པ་འཇོག་གོ །དེ་ནས་མིང་དབང་བསྐུར་བས་སངས་རྒྱས་དེའི་མཚན་གྱི་ནུས་པ་འཇོག་པར་ཕྲེང་བར་བཤད་དོ། །དེ་ལྟར་སློབ་མའི་དབང་ལྔ༌། འདིར་དེ་བཞིན་གཤེགས་པ་ལྔའི་མིང་དབང་ཕྱུག་ཡང་བསྒྲུབ་བྱ་ལ་གཙོ་གང་ཆེ་བ་ཞིག་གི་མིང་འདོགས་སོ། །འོ་ན་འདི་པའི་དབང་ཐམས་ཅད་རིགས་ལྔས་བསྐུར་བ་ཇི་ལྟར་ཡིན་སྙམ་ན། རིགས་ཐམས་ཅད་རིགས་ལྔར་བསྡུས་ནས་དབང་བསྐུར་བའི་ལུགས་སོ། །ཡང་དོན་དབང་བཙན་པའི་དབང་དུ་བྱས་ནས་སློབ་མའི་དབང་བསྐུར་བའི་རྗེས། དེ་ནས་ལག་ཏུ་རྡོ་རྗེ་དྲིལ་བུ་སྦྱིན།
ཞེས་སློབ་དཔོན་གྱི་དབང་གསུང་ཏེ། འདིར་བསྐུར་བའི་སྔགས་དོན་ནི་འོག་ཏུ་འཆད་ལ། དེ་ཡང་ཕྱག་རྒྱ་སྐུའི་དམ་ཚིག །རྡོ་རྗེ་ཐུགས་ཀྱི་དམ་ཚིག །དྲིལ་བུ་གསུང་གི་དམ་ཚིག་གསུམ་བྱིན་པའི་སྒོ་ནས་གསལ་བར་བསྟན་ཏེ། དེ་ཡང་སློབ་དཔོན་གྱི་དབང་ནི་གཙོ་བོ་ཡིན་ལ། འཕྲིན་ལས་སོགས་བཞི་ནི་དེའི་འཁོར་ཡིན་ནོ། །ཇི་ལྟར་ཡིན་ཞེ་ན། རྡོ་རྗེ་སློབ་དཔོན་དུ་དབང་བསྐུར་ནས་གཞན་གྱི་དོན་འཕྲིན་ལས་བཞིས་བྱེད་དགོས་པས། དེ་ནས་ལས་ཀྱི་དབང་བསྟན། འཕྲིན་ལས་ཀྱི་དོན་ཡང་ཆོས་འཁོར་བསྐོར་བ་ཡིན་པས། དེ་ནས་འཁོར་ལོའི་དབང་བསྟན། ཆོས་འཁོར་བསྐོར་བ་དེ་ཡང་བདག་པོ་རིགས་ལྔས་བྱས་པའི་སྒོ་ནས་བསྐོར་དགོས་པས། དེ་ནས་བདག་པོའི་དབང་བསྟན། དེ་ནས་འོག་གི་གུ་ཧྱ་ནི་གསང་བའི་དོན་ལ་འཇུག་པས། གསང་བའི་དབང་བསྟན་ཏེ། དེའང་དཀྱིལ་འཁོར་གྱི་དེ་ཁོ་ན་ཉིད། ལྷའི་དེ་ཁོ་ན་ཉིད། སློབ་དཔོན་གྱི་བྱ་བའི་རིམ་པ་ལ་མཁས་པ་རྣམས་ཀྱིས་མཛད་དེ། སྔར་ནང་དོན་གྱི་དཀྱིལ་འཁོར་དུ་བཤད་པ་བཞིན་ནོ། །ཀ་མ་དྷེ་ནུས་བདག་སྒྲུབ་པ་ལ་ཁ་འཕངས་སོ། །དེ་ལྟར་སློབ་དཔོན་གྱི་དབང་ལ་ཡང་ལྔ་དང་བཅུའོ། །དེ་ནས་རིན་པོ་ཆེ་བདུན་གྱི་དབང་ནི། འཁོར་ལོ་དང་ལ་སོགས་པ་ནོར་བུ་སོགས་རིན་ཆེན་བདུན་ཐོགས་ལ། །དཔེར་ན་གླིང་བཞི་ལ་དབང་བའི་མི་དབང་དབང་ཕྱུག་འཁོར་ལོས་སྒྱུར་བའི་རྒྱལ་པོ་ཐོབ་པ་ན་དང༌། །རང་གི་སྲིད་ལ་རིན་པོ་ཆེ་བདུན་གྱི་སྒོ་ནས་དབང་སྒྱུར་བ་ལྟར་རྡོ་རྗེ་སློབ་དཔོན་གྱི་དབང་བསྐུར་བས། ཁམས་གསུམ་ཆོས་ཀྱི་རྒྱལ་པོར་གྱུར་ནས་ཀྱང་། སྡོང་པོ་བཀོད་པ་ལས། ཕ་རོལ་ཕྱིན་པ་རྟག་འབྱུང་འཁོར་ལོ་ཡིན་ཏེ་གླང་པོ་མངོན་པར་ཤེས་པ་མཆོག །ཡེ་ཤེས་རྫུ་འཕྲུལ་རྟ་སྟེ་ཆགས་པ་མེད་འགྲོ་ཤེས་རབ་ནོར་བུ་དམ་
པ་ཡིན། །སྤྱོད་པ་བཙུན་མོ་བསྡུ་བ་རྣམ་པ་བཞི་པོ་ཁྱིམ་བདག་དམ་པའོ། །ཐབས་ལ་ཤིན་ཏུ་མཁས་པ་བློན་པོ་ཡིན་ཏེ་འཁོར་ལོ་སྒྱུར། །ཞེས་ཀ་མ་དྷེ་ནུས་དྲངས་པ་ལྟར། ཡོན་ཏན་གྱི་ཆོས་བདུན་གྱིས་ཆོས་ཀྱི་རྒྱལ་སྲིད་ལ་དབང་སྒྱུར་བའི་ནུས་པ་འཇོག་པ་ལ་རིན་པོ་ཆེ་སྣ་བདུན་གྱི་དབང་བསྐུར་བ་ཡིན་གྱི་འཁོར་ལོ་སོགས་ཐོགས་ནས་ཤིས་བརྗོད་བྱེད་པ་འདྲ་བ་གཅིག་ཏུ་མི་ཟུང་ངོ༌། །དེ་ནས་སྡིག་པ་གཞོམ་པ་དང་ནུས་པ་ཁྱད་པར་ཅན་འཇོག་པའི་ཕྱིར་སྔགས་མཁན་མཁས་པས་དབང་ནི་བསྐུར་བར་བྱ། །བ་ཡིན་ནོ། །དགོས་པ་སྔགས་སྒྲུབ་ཕྱིར་ནི་ཀ་མ་དྷེ་ནུས། མོས་ལྡན་སློབ་མ་ལ། །དབང་ཟིན་ནས་སློབ་དཔོན་ལ་ཡོན་ཕུལ་ཞིག་ཅེས་བསྒོ་བ་ལ་བཤད་དོ། །སྔགས་པས་སློབ་དཔོན་གྱིས་འོག་གི་བཀའ་འདི་རྣམས་ནི་སློབ་མ་ལ་རབ་ཏུ་བསྒོ་ བོད་ཀྱི་མཁས་པས་བཀའ་དང་རྗེས་གནང་སྐད་དོད་གཅིག་པས་རྗེས་གནང་དུ་བསྒྱུར་ནས་མདའ་གཞུ་དང་མིག་ཐུར་སྟེར་བ་སོགས་ཀྱི་རྗེས་གནང་ལ་མཛད་དོ།།བར་བྱ། །འདི་ལ་ཁ་ཅིག་བཀའི་དབང་དང༌། དམ་ཚིག་གི་དབང་དུ་འདོད་པ་དེ། ཚེ་དཔག་མེད་དུ་དཀའི་དབང་དང་དམ་ཚིག་གི་དབང་གཉིས་སོ་སོར་བཤད་པས་མི་རིགས་ལ། སྤྱིར་སྔགས་དབང་ཙམ་ཞིག་གི་མིང་འདོགས་རུང་ངོ༌།།སློབ་མ་དེས་ཀྱང་མོས་པས་སྤྱི་བོས་ཕྱག་བཙལ་ཏེ། ཅི་སྟེ་ནོར་རང་ལ་ཡོད་ན་བླ་མར་དབུལ་བར་བྱ། །ནོར་གང་སྙམ་ན་དང་གཏེར་དང་འབྲུ་དང་དབྱིག་དང་གསེར། །བཞོན་དང་ཁྱིམ་ཐབ་བུ་ཕོ་བུ་མོ་དང༌། །སྐྱེས་པ་དག་དང་བུད་མེད་ཡང་ན་ནི། །གྲོང་དང་གྲོང་ཁྱེར་དེ་བཞིན་ཅི་བཞེད་རྣམས། །རང་གི་སེམས་ནི་རབ་ཏུ་དད་པ་ཡིས། །ཡོན་གྱི་མཆོག་ཉིད་དབུལ་བ་ཉིད་དུ་བྱ། །མྱུར་དུ་འགྲུབ་ཕྱིར་མོས་པས་བླ་མ་ལ། །མདོར་ན་རང་གི་ལུས་ཀྱང་
དབུལ་བར་བྱ། །ཚེ་འདིའི་བདེ་བ་ནི་ལྷའི་བདེ་བ་ཟུར་དུ་སྨོས་པས་མིའི་བདེ་བ་མ་ལུས་དང༌། །འཇིག་རྟེན་ཕྱི་མའི་མངོན་མཐོ་སོགས་ཀྱི་བདེ་མཆོག་དང༌། །དེ་འདྲ་ལ་སངས་རྒྱས་ཉིད་ཀྱང་ཐོབ་འགྱུར་ན། །ལྷ་ཡི་བདེ་བ་སྨོས་ཅི་དགོས། །སངས་རྒྱས་ཀུན་དང་བླ་མ་བསོད་ནམས་གསོག་པའི་ཞིང་དུ་མཉམ། །པའམ་ལྷག་པས། རྡོ་རྗེ་སློབ་དཔོན་བརྙས་ན་ནི། །རྟག་ཏུ་སྡུག་བསྔལ་ཐོབ་འགྱུར་བས། །སློབ་དཔོན་ལ་ནི་བརྙས་མི་བྱ། །བླ་མ་གཅིག་ལ་དབང་ཐོབ་པའི་སྐྱེས་པ་ནི་རྡོ་རྗེ་སྤུན་དང་བུད་མེད་ནི་སྲིང་མོ་དང༌། །ཀ་མ་དྷེ་ནུས་སྐུལ་བྱེད་མ་དང་རལ་གཅིག་མ་ལ་སོགས་ལ་སྨད་ན་རྩ་ལྟུང་དུ་འཆད་དོ། །རྡོ་རྗེ་མ་ ཁ་ཅིག་བླ་མའི་བཙུན་མོ་ཟེར་རོ། །རྣམས་ཉིད་ལ་ནི། །རྣལ་འབྱོར་ཅན་གྱིས་བརྙས་མི་བྱ། །རྟག་ཏུ་ཡིད་ལ་ཁོན་འཛིན་དང་བཅུགས་ཏེ་ཕྲ་མ་མི་བྱ། །དཀོན་མཆོག་གསུམ་ འགྱུར་ཁ་ཅིག་ཏུ། ཏེ་མཚམས་མེད་སོགས་མི་དགེ་བ་ ལ་གནོད་པ་བྱེད་པའི་གདུག་པ་ཅན་ལ། །བཟོད་པ་བསྒོམ་པར་མི་བྱ་སྟེ། །བླ་མ་སྨོད་པ་ལ་བརྩོན་པའི་སེམས་ཅན་མ་རུངས་དང༌། །དམ་ཚིག་ལས་ནི་འདའ་བ་སྟེ་མི་བསྲུང་བ་དང༌། །དེ་སོགས་བྱེད་པ་ཚར་བཅད་ན། །འབྲས་བུ་བླ་ན་མེད་པ་འགྲུབ་འགྱུར་ཞེས་ནི་ཤེས་བྱ་ཀུན་རིག་པ་སྟེ་མཁྱེན་པའི་སངས་རྒྱས་གསུང༌། །སེམས་ཅན་ཀུན་ལ་ཕན་པའི་བྱམས་པ་དང༌། །བརྩེ་བའི་སྙིང་རྗེ་དང་ལྡན་ན་ཐུན་མོང་དང་མཆོག་གི་དངོས་གྲུབ་ཐོབ་པར་འགྱུར། །བ་སྨོས་ཅི་དགོས་སོ། །ང་ནི་ནུས་པ་བསྐྱེད་པའི་བསྙེན་པ་ལས་སུ་རུང་ནས་དངོས་གྲུབ་སྒྲུབ་པར་ཀ་མ་ངྷེ་ནུས་བཤད་དེ་དེའི་ཚུལ་ནི་དེ་ནས་
བཅོམ་ལྡན་འདས་ཀྱིས། ལྷ་རྣམས་ཀྱི་དབང་པོ་བརྒྱ་བྱིན་དང༌། ལྷའི་འཇིག་རྟེན་དུ་བཅས་པ་རྣམས་ཀྱི་དོན་དང་ཕན་པ་དང་བདེ་བའི་ཕྱིར་སྒྲུབ་པའི་ཆོ་ག་འདི་གསུངས་སོ། །དེ་ཡང་རིམ་པ་དང་པོ་ལ་རས་ལ་བཅོམ་ལྡན་འདས་ཐམས་ཅད་རིག་པ་དེ་བཞིན་དུ་བྲིས་ལ། གཡས་ཕྱོགས་སུ་ནི་དེ་བཞིན་གཤེགས་པ་ངན་སོང་ཐམས་ཅད་ཡོངས་སུ་སྦྱོང་བའི་རྒྱལ་པོ། གཡོན་ཕྱོགས་སུ་ནི་ཤཱཀྱ་ཐུབ་པ། ངན་སོང་ཐམས་ཅད་ཡོངས་སུ་སྦྱོང་བའི་འོག་ཏུ་ནི། ཀུན་ཏུ་སྤྱན་རས་གཟིགས་དབང་ཕྱུག་མདོག་ཟླ་བ་ལྟ་བུར་ཕྱག་ན་པདྨོ་བསྣམས་པའོ། །ཤཱཀྱ་ཐུབ་པའི་འོག་ཏུ་ནི་ཕྱག་ན་རྡོ་རྗེའོ། །དེ་གཉིས་ཀྱི་བར་ ཇི་སྐད་དུ། གང་ཞིག་སངས་རྒྱས་སྨན་གྱི་བླ་འདི་ཡི། །མཚན་རྣམས་དྲན་ནམ་མཆོད་དང་བསྙེན་བཀུར་བྱེད། །དེ་ཡི་ནང་རྣམས་བྱང་ཞིང་སྨན་རྣམས་ནི། །ལྷག་པར་མཐུ་དང་ལྡན་པར་འདི་ངེས་འབྱུང༌། ཞེས་པ་ལྟར་རོ། །དུ་སྨན་གྱི་ བྲི་བ་ནི་སྨན་གྱི་རྫས་ལ། དངོས་གྲུབ་བསྒྲུབ་ན་མཐུ་ཆེ་བ་ལ་དགོངས་ཞེས་ཀ་མ་ངྷེ་ནུས་བཤད་དོ། །བླ་བཻ་ཌཱུ་རྱ་མདོག་སྔོན་པོ། ཕྱག་གཅིག་ནི་འབྲས་བུ་ཨ་རུ་ར་བསྣམས། ཕྱག་གཅིག་ནི་མཆོག་སྦྱིན་དུ་བྱ། རྟ་རང་གི་ལྷ་སྤྱན་རས་གཟིགས་ཀྱིའོ། །མགྲིན་དང་། འཇིག་རྟེན་གསུམ་ལས་རྣམ་པར་རྒྱལ་བ་མ་རུངས་པ་འཇོམས་པ་བརྩོན་པ་གཉིས་ནི་རང་གི་ལྷ་ལ་བརྟེན་ ཕྱག་རྡོར་གྱི་འོག་ཏུ། པར་བྲི། དེ་གཉིས་ཀྱི་དབུས་སུ་ལོ་ཙ་ན་དང༌། མཱ་མ་ཀཱི་དང༌། ན་བཟའ་དཀར་མོ་དང༌། སྒྲོལ་མ་རྣམས་རང་གི་མཚན་མ་ཕྱག་ན་བསྣམས་པ་བྲི། དེ་དག་གི་འོག་ཏུ་རིམ་པ་གཉིས་པ་ལ་བཀྲ་ཤིས་པའི་རྫས། པདྨའི་རྫིང་བུ་དང༌། ཆུ་སྲིན་དང༌། ཉ་དང༌། རུས་སྦལ་དང༌།
སྦལ་པ་དཀར་པོ་དང༌། ཉ་ཁར་པ་ལ་སོགས་པར་བཅས་པ་དང༌། ཆུ་ལས་སྐྱེས་པའི་མེ་ཏོག་རྣམ་པ་དུ་མས་ཡོངས་སུ་གང་བར་བྲི། དེ་ནས་རིམ་པ་གསུམ་པ་ལ་མཆོད་རྫས། བདུག་པ་དང་མར་མེ་དང༌། དྲི་དང་ཕྲེང་བ་དང༌། བཤོས་དང་མེ་ཏོག་དང༌། འབྲས་བུ་རྣམ་པ་སྣ་ཚོགས་བྲི། དེའི་འོག་ཏུ་སྒྲུབ་པ་པོ་ཉིད་ཐལ་མོ་སྦྱར་ཏེ་ཕྱག་འཚལ་ཞིང་འདུག་པར་བྲི་བ་ནི་ལྷས་མྱུར་དུ་བྱིན་གྱིས་བརླབ་པའི་ཆེད་དུ་ཡིན་གྱི་སྦྱིན་བདག་བྲི་བ་དང་མི་འདྲའོ། །འདིར་དཀྱིལ་འཁོར་རྫོགས་པར་མི་བྲི་བ་ནི། ཀ་མ་དྷེ་ནུས། སྦྱིན་བདག་འབྱོར་པ་ཆུང་བའི་དབང་དུ་བྱས་པའམ། རྫོགས་པར་བྲིས་ནས་སྣོད་མིན་གྱིས་མཐོང་ན་སྒྲུབ་པ་པོའི་དངོས་གྲུབ་རིང་དུ་བྱེད་པའོ་ཞེས་གསུངས་ཀྱང་འོག་ཏུ་རྫོགས་པར་བྲི་བར་བཤད་པས་རྒྱས་བསྡུས་སུ་མངོན་ནོ། །དེ་ནས་རི་མོའི་སྐུ་གཟུགས་དེ་མངོན་པར་མཆོད་དེ། བདག་ཉིད་ཀྱིས་སྤྱན་དབྱེ་བ་བྲིས་ཟིན་ནས་རབ་ཏུ་གནས་པ་བསྟན་ཏེ། སྒྲུབ་པ་པོ་རང་ཉིད་ཀྱིས་ཤེས་སམ། སྔགས་མཁན་གཞན་གྱིས་རབ་གནས་བྱ་ཞིང༌། བདེན་པའི་བྱིན་གྱིས་བརླབས་པ་ནི་བདག་གིས་རབ་ཏུ་གནས་པ་བགྱིས་པའི་མཐུས་དངོས་གྲུབ་འདི་མྱུར་དུ་འགྲུབ་ཅེས་སོགས་བདེན་པ་བརྗོད། དམིགས་པར་བྱའོ། །དེ་ནས་ཅི་སྟེ་མཚན་མ་ཞིག་མཐོང་ན་ནི་མྱུར་དུ་དངོས་གྲུབ་ཐོབ་པར་འགྱུར་རོ། །འོན་ཏེ་མཚན་མ་མ་ཐོབ་ན་ནི་རིང་མོ་ཞིག་ནས་དངོས་གྲུབ་ཏུ་འགྱུར་ཏེ། མཚན་མ་རབ་ལ་ནི་བྲིས་སྐུ་བཞད་པ་དང་ནི་རྔ་སྒྲ་དང༌། །དྲིལ་བུའི་སྒྲ་དང་འབྲུག་སྒྲ་དང༌། །འབྲིང་ལ་ནི་དགེ་སློང་བྲམ་ཟེ་བུ་མོ་དང༌། །ཐ་མ་ནི་ཤིང་ཏོག་གི་འབྲས་བུ་མཐོང་ན་མྱུར་དུ་ནི། །མཆོག་དང་བར་མ་ཐ་མ་འགྲུབ། །དེ་ནས་གཟུགས་བྲིས་སྐུ་དེ་མདུན་དུ་
བཀྲམ་ལ། དེ་གསང་སྔགས་མང་དུ་བཟླས་ལ་དང༌། །དེ་ཉིད་ཀྱི་ཕྱག་རྒྱ་བསྟན་ཏེ་མངོན་པར་བྱིན་གྱིས་བརླབས་ནས། །བཞག་གོ ། ཅི་བདོག་པས་ནི་མངོན་པར་མཆོད་པར་བྱས་ལ། །བྲིས་སྐུ་བཀྲམ་པ་དེའི་མདུན་དུ་སྒྲུབ་པ་པོ་རྟག་ཏུ་མངོན་སུམ་འདུག་ནས་ཀྱང༌། །འཇིག་རྟེན་གསུམ་ལས་རྣམ་རྒྱལ་གྱི། །བདག་བསྲུང་ལ་སོགས་སོགས་ཁོངས་ནས་གཟུགས་བརྙན་སྦྱོར་བ་ལན་ཆོད་བསྟན་པ་བྱས་ནས་ནི། །བདག་གི་དེ་ཉིད་བདག་བསྐྱེད་ཀྱི་དཀྱིལ་འཁོར་རྫོགས་པར་བསམས་པ་སྟེ་བསྒོམས་ནས་སུ། །བྲིས་སྐུ་ལས་དངོས་གྲུབ་མཚན་མ་བྱུང་བྱུང་བར་དུ། །རབ་ལ་བསྙེན་པ་འབུམ་ཕྲག་གསུམ་མམ་འབྲིང་ལ་དྲུག་ཐ་མ་ལ་བཅུ་འབུམ་བཟླས། །ལ། དེ་ནས་སེམས་རྣམ་གཡེང་མེད་པའི་དབེན་པའི་གནས་སུ་ནི། །སྔགས་བརྒྱད་བརྒྱ་ཉིད་དུ་ཚང་བར་བྱས་ནས། །མཚན་མ་ཉིད་ནི་བྱུང་བར་དུ། །སྔགས་ནི་འཁྲལ་འཁྲུལ་མེད་པར་ཏེ་དག་པར་བཟླས། །དེ་ནས་མ་ཡེངས་པར་བཟླས་པའི་མཇུག་ཏུ་ནི། །དཀྱིལ་འཁོར་ཕྱིའི་དཀྱིལ་འཁོར་སྔ་མ་བཞིན་བསམས་ལ། །དེ་ལ་མཆོད་པ་རྒྱ་ཆེན་བྱས་ནས་ནི། །མཚན་གཅིག་ཐོག་ཐག་མི་ཉལ་བར་སེམས་འཇུར་བས་བཟླ་བར་བྱའོ། །སྐབས་འདིར་འདི་དཔྱད་པར་བྱ་སྟེ། །ཁ་ཅིག་ན་རེ་ཡོ་ག་བའི་ལུགས་ཀྱིས་བསྙེན་པའི་བདག་བསྐྱེད་ལ། བདག་རྫོགས་རྣལ་འབྱོར་ཆེན་པོ་ངེས་པར་དགོས་ཟེར་རོ། །འོ་ན་ཡོ་ག་ལ་མཁས་པ་གསུམ་གྱི་སློབ་དཔོན་སངས་རྒྱས་གསང་བས། མེ་ཏོག་གང་ཕོག་གི་དབང་དུ་བྱས་ནས་གཙོ་བོ་ལ་མེ་ཏོག་ཕོག་ན། གཙོ་བོ་དེའི་ང་རྒྱལ་བཟུང་བའི་བདག་བསྐྱེད་རྫོགས་པ། འཁོར་ལ་ཕོག་ན་མེ་ཏོག་གང་
ཕོག་དེའི་ང་རྒྱལ་བཟུང་སྟེ། མདུན་དུ་དཀྱིལ་འཁོར་རྫོགས་པ་བསྐྱེད་ནས་བསྙེན་པ་བྱེད་པར་བཤད་པ་ནི་ཇི་ལྟར་བྲང༌། སློབ་དཔོན་ཀུན་སྙིང་གི་ལུགས་ལ་ངེས་པར་དགོས་སོ་ཞེ་ན། སློབ་དཔོན་དེས་མཛད་པའི་གཙུག་དགུ་དང༌། སྒྱུ་འཕྲུལ་དྲ་བའི་དཀྱིལ་འཁོར་རྣམས་ལ། རྣལ་འབྱོར་ཆེན་པོའི་མིང་ཡང་མི་སྣང་བས་འདི་ཇི་ལྟར་ཡིན། ཡང་བླ་མ་ཁ་ཅིག་ལུགས་འདི་ལ་བསྙེན་པ་གསུམ་སྟེ། དཀྱིལ་འཁོར་ལ་བརྟེན་པའི་བསྙེན་པ་ནི། བདག་བསྐྱེད་ཡོངས་རྫོགས་བསྒོམ་ཟེར་བ་ནི་ཤིན་ཏུ་ལེགས་སོ། །དཔའ་བོ་གཅིག་པའི་བསྙེན་པ་ནི། རྡོ་རྗེ་སེམས་དཔར་བདག་ཉིད་བསྒོམས་ནས། ལྷ་ཐམས་ཅད་ཀྱི་བསྙེན་པ་བྱས་པས་རུང་སྟེ། རྡོ་རྗེ་སེམས་དཔའི་གནས་འདུག་ནས། །ཐམས་ཅད་ཐོས་ཤིང་ཀུན་བྱས་ཀྱང༌། །ཞེས་སོགས་གསུངས་པ་ཟེར་བ་ནི། ལུང་དེའི་དོན་དེ་ལྟར་མིན་པར་འོག་ཏུ་འཆད་དོ། །རྡོ་རྗེ་སེམས་དཔའ་བསྒོམས་ནས་སྤྱན་མའི་བསྙེན་པ་བྱས་ཀྱང་འབྲེལ་བ་མི་འོང་བས་མི་འཐད་དོ། །བྲིས་སྐུ་ལ་བརྟེན་པའི་བསྙེན་པ་ནི། སྐབས་འདིར་བསྟན་པ་ཡིན་ཟེར་བ་མི་རིགས་ཏེ། བྲིས་སྐུ་ལ་བརྟེན་པའི་བསྙེན་པ་ནི། ལྷའི་སྒོམ་བཟླས་དང་ནུས་པ་བསྐྱེད་པའི་བསྙེན་པ་མཐར་ཕྱིན་ནས། དངོས་གྲུབ་བསྒྲུབ་པའི་སྐབས་ལ་དགོངས་ལ། འདིར་ནི་ཆོ་ག་ལ་དབང་བའི་བསྙེན་པའི་དབང་དུ་བྱས་སོ། །འོ་ན་བདག་བསྐྱེད་རྫོགས་པར་བསྒོམས་པའི་བསྙེན་པ་ལེགས་ན། དེ་རྒྱུད་ཀྱི་ཚིག་གིས་ཇི་ལྟར་ཐོན་སྙམ་ན་བཤད་པར་བྱ་སྟེ། འཇིག་རྟེན་གསུམ་ལས་རྣམ་རྒྱལ་གྱིས་གཙོ་བྱས་པའི་སྲུང་འཁོར། གཟུགས་བརྙན་སྦྱོར་བ་ཡན་སྔོན་དུ་བཏང་ནས། དཀྱིལ་འཁོར་སྔ་
མ་བཞིན་བསམས་ལ་ཞེས་པའི་དོན་ནི། བྲིས་སྐུའི་དཀྱིལ་འཁོར་ལ་མི་བྱ་སྟེ། དེར་དཀྱིལ་འཁོར་གྱི་ལྷ་རྫོགས་པ་མེད་ཅིང༌། དཀྱིལ་འཁོར་གྱི་ལྷ་མ་ཡིན་པ་རྟ་མགྲིན། སྨན་བླ་སོགས་ཀྱང་བསྙེན་པས། དཀྱིལ་འཁོར་ཞེས་པའི་དོན་མེད་དོ། །འོ་ན་གང་ཡིན་སྙམ་ན། ནང་དོན་གྱི་དཀྱིལ་འཁོར་ལ། བལྟོས་པའི་ཕྱིའི་དཀྱིལ་འཁོར་ལ་བསྙེགས་པར་གསལ་ཏེ། དེར་རྟེན་གྱི་དཀྱིལ་འཁོར་དང༌། དབུས་ཀྱི་ཕྱོགས་སུ་ཀུན་རིག་ནི། ཞེས་སོགས་བརྟེན་པའི་དཀྱིལ་འཁོར་འཇིག་རྟེན་པའི་བར་རྫོགས་པར་གསུངས་པས་ཤེས་ལ། སྤྱིར་རྣལ་འབྱོར་རྒྱུད་གཞན་ནས་ལེན་དུ་མི་རུང་བ་མིན་ཡང༌། རང་གི་གཞུང་དུ་བདག་བསྐྱེད་ཚང་བར་ཡོད་པ་བསྒོམ་བཞིན་དུ་རྣལ་འབྱོར་ཆེན་པོ་གཡོར་དོན་མེད་དེ། བསྐྱེད་ཚུལ་ཡང་ལྷ་ཐམས་ཅད་ཆོ་ག་གསུམ་གྱིས་བསྐྱེད་པ། གནས་གསུམ་བྱིན་གྱིས་བརླབ་པ། གཙོ་བོ་ནས་འཇིག་རྟེན་པའི་བར་ཐམས་ཅད་ལ་རིགས་ལྔའི་དབང་བསྐུར་བ་རྣམས། ཚེ་དཔག་མེད་གཉིས་ནས་འབྱུང་བས། དེས་ན་བདག་བསྐྱེད་ཚང་བར་སྒོམ་ཚུལ་ནི། འཇིག་རྟེན་གསུམ་ལས་རྣམ་རྒྱལ་ཞེས་སོགས་དང༌། བདག་གི་དེ་ཉིད་ཅེས་སོགས་དང༌། དཀྱིལ་འཁོར་སྔ་མ་བཞིན་བསམས་ལ། ཞེས་པའི་རྒྱུད་ཚིག་གིས་ཐོན་པས། ལེགས་པར་བཤད་པའི་དགའ་སྟོན་གྱིས་ཚིམ་པར་གྱིས་ཤིག །ཅི་སྟེ་གཙོ་བོའམ་དེ་ཡི་སྲས། །སྤྱན་མ་དང་སེམས་དཔའ་སོགས་སམ། ཡང་ན་ལྷ་རྣམས་རྫོགས་པར་མཐོང་གྱུར་ན། །བསོད་ནམས་སྣོད་ལ་སྟེ་སྐལ་བ་དང་འཚམ་པའི་ཅི་དགའ་བར། །དངོས་གྲུབ་མཆོག་ནི་གསོལ་བར་བྱའོ།། ལྷ་ཡིས་ཀྱང་དངོས་གྲུབ་འབྲས་བུ་ནི། །སྒྲུབ་པ་པོ་དེ་ལ་རྟག་ཏུ་དགྱེས་ནས་སྩོལ། །ལོ། །ཕྱག་འཚལ་ནས་རྫས་ལ་བརྟེན་པའི་དངོས་གྲུབ་ཡིན་ན་བགོ་བའི་ཚུལ་ནི་ལ་སོགས་བླང༌། །དཀོན་མཆོག་གསུམ་དང་བླ་མ་དང་གྲུབ་པ་བརྙེས་པའི་གང་ཟག་དང༌། སྒྲུབ་གྲོགས་དང༌། རང་རྣམས་ལ་ཆ་ལྔར་
བགོས་པའི་ལ། །སྐལ་བ་རེ་རེ་ཕུལ་ནས་ནི། །དེ་ནས་རང་གི་དེ་རྟག་ཏུ་བདག་ཉིད་སྤྱོད་ཅིང༌། །བླ་མ་དང་བཀོན་མཆོག་མེད་ན་མཁས་པ་བདག་ཉིད་ཀྱིས། །བླངས་ནས་བདག་ཉིད་སྤྱད་པར་བྱའོ། །དཔུང་བཟང་གིས་ཞུས་པར། བཅོམ་ལྡན་འདས་ཀྱི་སྐུ་སྐལ་དུ། །རྫས་ཀྱི་ཆ་གཅིག་ཐོག་མར་དབུལ། །བློ་དང་ལྡན་པས་བླ་མ་ལ། །ཕྱག་བྱས་ནས་ནི་གཉིས་པ་དབུལ། །གསུམ་པ་སྔགས་པ་གྲུབ་རྣམས་ལ། །དཀྱིལ་འཁོར་ཕྱི་རོལ་དབུལ་བར་བྱ། །བཞི་པ་གྲོགས་པོ་རྣམས་ལ་བྱིན། །ལྔ་པ་བདག་ཉིད་སྤྱད་པར་བྱ། །མཆོད་ཡུལ་ཕུལ་ནས་བཅོམ་ལྡན་སྐལ། །བདག་ཉིད་ཀྱིས་ནི་བཀུར་བར་བྱ། །བླ་མ་མེད་པར་གྱུར་ན་ནི།།བླ་མའི་སྐལ་བ་བདག་གིས་བླང༌། །རྟག་པར་བྱ་བའི་རྫས་ཀུན་ལ། །ཆོ་ག་འདི་དག་བཤད་པ་ཡིན། །ཞེས་གསུངས་སོ།། སེམས་ཅན་ཀུན་ལ་ཕན་བརྩོན་པར། །ཚེ་བསྐལ་པ་དུ་མར་གནས་པ་དང་སྐྲ་མཐོན་མཐིང་ལྟར་གནག་པར་འགྱུར་རོ། །ཅི་སྟེ་དངོས་གྲུབ་མ་གྲུབ་པར་གྱུར་ན། །རིག་འཛིན་གྱི་གནས་སུ་འགྲོ་བ་སོགས་ལས་རྣམས་ཐམས་ཅད་ནུས་པར་འགྱུར། །གནོད་སྦྱིན་སྐར་མའི་གདོང་ལ་སོགས། །ཆད་པས་བཅད་ཅིང་བཀའ་ཙམ་གྱིས། །ཞི་བ་ལ་སོགས་ལས་ཀུན་ནི། །བྲན་བཞིན་ལས་ཐམས་ཅད་བྱེད་པར་འགྱུར་རོ། །དེ་རྣམས་ནི་གོང་དུ་དཀྱིལ་འཁོར་དུ་ཚུལ་བཞིན་དུ་ཞུགས་ཏེ་དབང་བསྐུར་ན་ལྟ་ཅི་སྨོས་ཞེས་པའི་དོན་གསོན་པོའི་དབང་དུ་བྱས་ནས་གསུངས་སོ།། །།འདི་མན་ཆད་ནི་གང་ཡང་རུང་བ་ཤི་བའི་ལུས་དཀྱིལ་འཁོར་དུ་བཅུག་ན་ཞེས་གསུངས་པའི་དོན། གཤིན་པོའི་དབང་དུ་མཛད་ནས་གསུངས་པ་ནི། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྡིག་པ་བགྱིས་པས་སེམས་ཅན་
དམྱལ་བ་ལ་སོགས་པའི་དབང་དུ་གྱུར་པ་རྣམས། ཇི་ལྟར་ན་སེམས་ཅན་དམྱལ་བ་ལ་སོགས་པའི་སྡུག་བསྔལ་སྤང་པའི་སླད་དུ་སྒྲུབ་པར་བགྱི། ཞེས་ཞུས་པའི་ལན་དུ། བཅོམ་ལྡན་འདས་ཀྱིས་བཀའ་སྩལ་པ། ལྷ་ཡི་དབང་པོ་ཉོན་ཅིག །སེམས་ཅན་དམྱལ་བ་ལ་སོགས་པའི་དབང་དུ་གྱུར་པའི་སེམས་ཅན་སྡིག་བྱེད་པ། སྡིག་པ་ཆེན་པོ་བྱེད་པ་དག །ཅི་ནས་ཀྱང་སེམས་ཅན་དམྱལ་བའི་སྡུག་བསྔལ་ལས་ཐབས་སླ་བས་གྲོལ་བ་ཉོན་ཅིག ། རྣ་བ་གཏད་པར་བསྐུལ་ནས་དེའི་ཚུལ་ནི་གསོན་པོ་ལ་བཤད་པ་བཞིན་དུ། དེ་བཞིན་དཀྱིལ་འཁོར་བྲིས་ནས་ ཞེས་དཀྱིལ་འཁོར་སྒྲུབ། ནི། །སྔ་མ་བཞིན་དུ་བུམ་པ་ལ། །བརྒྱ་རྩ་བརྒྱད་དུ་བཟླས་ནས་ནི། །ཞེས་བུམ་པ་སྟ་གོན་དང༌། ཀ་མ་དྷེ་ནུས་སློབ་མ་སྟ་གོན་བྱ་ཟེར་ཡང༌། མཁས་པ་སྔ་མ་དག་ལྷོ་སྒོའི་ཆོ་ག་བྱེད་པ་སློབ་མ་སྟ་གོན་དུ་བཞེད་པས་དེ་བཞིན་ལེགས་སོ། །འཇུག་པའི་ཆོ་ག་རྣམས་སྔ་མ་བཞིན་བྱས་ལ་དབང་བསྐུར་བར་ནི་རབ་ཏུ་བརྟག་པ་སྟེ་བསྐུར་བར་བྱའོ། །དེ་ནས་ཕན་ཡོན་སྡིག་པ་ཀུན་སྦྱངས་ཏེ། །དམྱལ་བ་ལ་སོགས་སྡུག་བསྔལ་ལས། །དེ་ནི་མྱུར་དུ་རྣམ་པར་ཐར། །སྡིག་ལས་རྣམ་གྲོལ་བདག་ཉིད་དེ། །དག་པར་གྱུར་པའི་ལྷ་རྣམས་ཀྱི། །རིགས་སུ་སྐྱེས་པར་གྱུར་ནས་ཀྱང༌། །དེ་ནི་རྟག་ཏུ་སངས་རྒྱས་དང༌། །ཆོས་དང་དགེ་འདུན་ལ་སྐྱབས་སུ་འགྲོ་བ་ནི་ཐོབ་པར་འགྱུར། །ཕྱིར་མི་ལྡོག་པའི་ས་ལ་གནས། རིམ་གྱིས་བྱང་ཆུབ་ཐོབ་པར་འགྱུར་རོ། །དེ་ནི་རོ་ཡོད་པའི་དབང་དུ་བྱས་པའོ། །གལ་ཏེ་རོ་མེད་ན་དེ་ཡི་གཟུགས་བརྙན་བྲིས་པའམ། །གུར་ཀུམ་གྱིས་ནི་མིང་ཡང་བྲིས་ལ་རུང༌། །ངན་སོང་གསུམ་གྱི་སྡུག་བསྔལ་ལས། །
སེམས་ཅན་རྣམས་ནི་གྲོལ་བའི་ཕྱིར། །སྔགས་མཁན་གཞན་ལ་ཕན་བརྩོན་ཞིང༌། །སྙིང་རྗེ་ཅན་གྱིས་དབང་བསྐུར་རོ། །དེ་ནས་རྣལ་འབྱོར་ཅན་གྱིས་ནི། །སྔགས་དང་ཕྱག་རྒྱས་དེ་དབང་བསྐུར་རོ། །དེ་དག་ནི་ཐོག་མར་དབང་བསྐུར་ནས་སྡིག་པ་སྦྱོང་བའོ། །ལྷའི་གཟུགས་སུ་བརྟགས་ནས་ནི། །མཆོད་རྟེན་དབུས་སུ་གཞག་པར་བྱ། །ས་ནས་མཆོད་བསྟོད་བཟླས་པ་སོགས་བྱས་ན། །ཀ་མ་དྷེ་ནུས་མཆོད་རྟེན་གྱི་བྱ་བ་བྱེད་དོ་ཞེས་གསུངས་ཏེ་རོ་མཆོད་རྟེན་དུ་བཞག་ནས་སྦྱོང་བའོ། །ཚེ་འདས་རང་གི་ལྷ་ངོ་ཤེས་ན་དེའི་སྙིང་པོ་འམ་མི་ཤེས་ན་ལྷ་གཞན་གྱི། །སྙིང་པོ་སྙིང་གར་བྲིས་ཏེ་བཏགས་ནས་ཀྱང༌། །ལྷ་འདྲ་བར་ནི་སྟེ་དེ་ཉིད་ཆོ་ག་བཞིན་སེམས་བསྐྱེད་དེ། །ཁྱིམ་གྱི་ནང་དུ་གཞག་པར་བྱས་ནས་མཆོད་བསྟོད་བཟླས་པ་སོགས་བྱེད་པའོ། །དེ་ནི་དྲི་གཙང་ཁང་དུ་བཞག་ནས་སྦྱོང་བ་སྟེ། འདི་དང་སྔ་མ་གཉིས་དབང་བསྐུར་བ་སྔོན་དུ་སོང་བའི་དབང་དུ་བྱའོ། །དེ་ཡི་མིང་ནས་སྨོས་ནས་ནི། །གུར་ཀུམ་བཟང་པོས་སྔགས་རྩ་རིག་གི་ཨ་བ་ར་ཎ་དང་སྤེལ་ཏེ། བྲིས་པ་དང་རུས་བུ་ལ། །རིམ་གྱིས་འབུམ་གྱི་ཚད་ཙམ་དུ། །བཟླས་པ་བྱས་ནས་འཇིམ་པ་དང་བསྲེས་ནས། མཆོད་རྟེན་ལས་ནི་རབ་ཏུ་བྱ། །འདི་རོ་མ་བསྲེགས་པའི་རུས་བུའམ། རོ་མེད་ཀྱང་མཆོད་རྟེན་ནོ། །སྡིག་ཅན་སྡིག་ནི་ཟད་བྱའི་ཕྱིར། །མཆོད་རྟེན་བྱེ་བ་སྙེད་ནི་ཚང་བར་བྱ། །དེ་ལྟར་བྱས་ན་ངེས་པར་ནི། །དམྱལ་བ་ལས་ནི་གྲོལ་བར་འགྱུར། །ཡི་དྭགས་བྱོལ་སོང་སྡུག་བསྔལ་ལས། །གྲོལ་ཏེ་ལྷ་ཡི་གནས་སུ་སྐྱེ། །ཞེས་ཚིགས་བཅད་ཕྱེད་དང་གཉིས་ནི་ཕན་ཡོན་ཏེ། དེ་དག་ནི་མཆོད་
རྟེན་བྱས་ནས་སྡིག་པ་སྦྱོང་བའི་ཕྱོགས་གཅིག་གོ ། དེ་ཡི་མིང་ནས་སྨོས་ནས་ནི། །ཞེས་པའི་མིང་སྤེལ་ཚིག་ལ་བཏགས་པའོ། །ཇི་ལྟར་གསུངས་པའི་སྔགས་བཟླས་ཤིང༌། །འབུམ་ཕྲག་སྟོང་ངམ་ཡང་ན་ནི། །བརྒྱ་ཕྲག་སྟོང་དུ་ཚང་བ་དང༌། །བྱེ་བ་སྟོང་དུ་རབ་བཟླས་ན། །ལྷ་ཡི་གནས་སུ་ངེས་པར་སྐྱེ། །འདི་ནི་བཟླས་པའི་སྒོ་ནས་སྦྱོང་བའོ། །སྦྱིན་སྲེག་གི་སྒོ་ནས་སྦྱོང་བ་ལ་ཕུང་པོ་བསྲེག་པ་དང་མ་འབྲེལ་བའི་དབང་དུ་བྱས་ནས། དེ་ཡི་མིང་ནས་བརྗོད་ནས་ནི། །མིང་སྤེལ་ཚིག་དང་སྦྱར་ནས་མཁས་པས་འབུམ་ཕྲག་བརྒྱའམ་ནི། །ཡང་ན་བརྒྱ་ཕྲག་སྟོང་སྙེད་དུ། །སྦྱིན་སྲེག་བྱས་པར་གྱུར་ན་ནི། །དམྱལ་བ་ཆེན་པོར་གྱུར་པ་ཡི། །སྡིག་པ་དེ་ལས་ཐར་བར་འགྱུར། །ཇི་སྲིད་སྡིག་པ་དག་པའི་མཚན་མ་ཤིན་ཏུ་ནི། །འབར་བའི་གནས་སུ་སྐྱེ་ བའི་ཚུལ་རྣམས་རྒྱས་པར་འོག་ཏུ་འབྱུང་ངོ༌། །འགྱུར་བ། །ཏིལ་ནི་ཞི་བའི་བསྲེག་རྫས་ཀྱི་གཙོ་བོ། མར་དང༌། ཡམ་ཤིང་ནི་མེད་མི་རུང་ཡིན་ནོ། །འོག་ཏུ་གཤིན་པོའི་དོན་དུ་ཡང་ལས་བཞི་གའི་སྦྱིན་སྲེག་བྱ་ཚུལ། ངན་འགྲོར་གནས་དུས་ཞི་བ། དེ་ལས་ཐར་པའི་མཚན་མ་རྙེད་དུས་ལས་གཞན་རྣམས་བྱ་བར་གསུངས་སོ། །དང་ཡུངས་དཀར་འབྲས་རྣམས་དང༌། །ར་ཡི་འོ་མར་ལྡན་པ་དང༌། །དྲི་ཡིས་བསྐུས་པའི་ཡམ་ཤིང་གིས། །ཆོ་ག་བཞིན་ནི་སྦྱིན་སྲེག་བྱ། །དེ་ནས་དེ་ནི་ངེས་པར་ཡང༌། །སྡིག་པ་དག་ནས་བདེ་འགྲོར་སྐྱེས་པའི་མཚན་མ་བྱུང་ཚུལ་སྟོན་ཏེ། ལྷ་ཡི་གནས་སུ་སྐྱེས་གྱུར་ནས། །དེ་ཡི་མཚན་མ་སྟོན་པར་བྱེད། །ཡང་ན་ལྷ་ཡི་མཆོག་ཏུ་འགྱུར། །མཚན་མ་བྱུང་ཚུལ་ཡང་ན་ཧ໋་ནི་སྦྱིན་སྲེག་གི་ཐབ་ཁུང་ནང་དུ་ནི། །མི་ཡིས་
ལྟས་ནི་སྟོན་བྱེད་ཅིང༌། །ལྷ་ཡི་གནས་སུ་སྐྱེས་པ་དང༌། །སྡིག་པ་བཅོམ་པའི་མཚན་མར་ནི། །དཀར་པོ་ཉིད་དང་གཡས་སུ་འབར། །གྱེན་དུ་འབར་ཞིང་དྲི་མ་མེད། །ཟླུམ་ཞིང་རྣམ་པར་མི་འཕྲོ་ལ། །རླུང་གིས་མི་བསྐྱོད་པས་བརྟན་ལ་གློག་བཞིན་དྲི་མ་མེད། །ཡང་ན་མེ་ལྷ་ཉིད་ཀྱིས་ནི། །མཚན་མ་སྟོན་ཚུལ་བདག་ཉིད་དེ་བཞིན་སྟོན་བྱེད་དེ། །ཟླ་བ་དྲི་མེད་ འདིས་ཞི་བའི་མེ་ལྷའི་ཁ་དོག་བསྟན། དཀར་འདྲ་ལ། །བཞིན་མདོག་དཀར་ཞིང་ལྷམ་མེར་འབར། །དེ་ནི་མཚན་མ་འདི་དག་གིས། །དམྱལ་བ་ལ་སོགས་རྣམ་གྲོལ་ཞིང༌། །སྡིག་པ་བཅོམ་པས་བདེ་འགྲོར་ནི། །སྐྱེས་པ་ཡིན་པར་ཤེས་པར་བྱ། །སྦྱིན་སྲེག་བྱས་པས་སྡིག་པ་དག་ཚུལ་དེ་ལྟར་ཡིན་ན། དེའི་ཐབ་ཇི་ལྟར་ཡིན་སྙམ་ན། ཁྲུ་ ཚེ་དཔག་གཏུ་རབ་ལ། བཞི་ འབྲིང་ལ་དོ། ཐ་མ་གང་སྟེ་དེ་གསུམ་གང་རུང་གིས་འགྲུབ་པའི་དོན་ནོ། །པ་ བྱེད་པ་ཁ་ཅིག་རོ་ནར་མོར་བྱེད་པའི་དབང་དུ་བྱས་ཟེར་བ་ནི་མ་ཡིན་ཏེ། ཡི་ཚད་དུ་ནི། །ཆོ་ག་བཞིན་དུ་ཁུང་བརྐོས་པའི་ཐབ་བྱེད་པ་ལ། །རྡོ་རྗེ་ཐ་མ་བསྐོར་བ་ཡི། །འཁོར་ལོ་ཐབ་ཀྱི་དབུས་སུ་བྲི་བར་བྱ། །རིགས་ལྔ་ཡི་ནི་ཕྱག་རྒྱས་མཚན་མ་རྣམས། །ཇི་ ཆག་གིས་ཇི་བཞིན་རང་རང་ཕྱོགས་སུ་བྲི་ཟེར། བཞིན་པ་ཡི་ཤར་ལ་སོགས་པའི་ཕྱོགས་དང་ཡུམ་བཞིའི་མཚན་མ་རྣམས་མཚམས་སུ་བྲི། །དེ་བཞིན་མུ་རན་དང་ཁ་ཁྱེར་འཐོན་ནས་ལྷ་སྣམ་ལ་སེམས་དཔའ་སོགས་འཇིག་རྟེན་ལས་འདས་པ་རྣམས་དང་ནི། །འཇིག་རྟེན་པའི་གཙོ་བོ་ལ་སོགས་བྲིས། །རྣམས་ཀྱི། མཆོད་པས་བརྒྱན་པའི་ཚུལ་ནི་བྱ་དང་བུམ་པ་གང་བ་དང༌། །གཏོར་མས་སྣོད་རྣམས་བཀང་བ་དང༌། །བརྒྱད་སྙེད་ཙམ་དུ་བཞག་པ་
འམ། །ཡང་ན་བཅུ་དྲུག་ ནི་ཁ་ཅིག་གཏར་མའི་གྲངས་ལ་འདོང་པ་བྱུང་ཡང་བུམ་པ་ལ་བྱས་ན་ལེགས་སོ། །སྙེད་དུ་བཞག །བཟའ་བ་དང་ནི་བཅའ་བའི་བཤོས། །མེ་ཏོག་ཕྲེང་སོགས་དེ་བཞིན་ཏེ། །བླ་བྲེ་རྒྱལ་མཚན་དར་ལ་སོགས། །གདུགས་མཆོག་རྣམས་ཀྱིས་ལེགས་པར་བརྒྱན། །སྦྱིན་སྲེག་གི་ཐབ་བྲིས་པ་དཀྱིལ་འཁོར་དང་འདྲ་བས། དཀྱིལ་འཁོར་དམ་པ་ནི། །ཡང་ན་སྦྱིན་སྲེག་གི་ཡན་ལག་ཏུ་གྱུར་པའི་དཀྱིལ་འཁོར་ལ་བྱས་ནས། ཐབ་རྐྱང་ལ་བརྟེན་པ་དང༌། ཐབ་ཀྱི་དབུས་སུ་དཀྱིལ་འཁོར་རྫོགས་པར་བྲི་བའི་ཚུལ་གཉིས་སོ། །སྦྱིན་སྲེག་རབ་ཏུ་བྱ་བ་ཡིན། །ཆོ་ག་ཤེས་པས་བྲིས་ནས་ཀྱང༌། །དམ་ཚིག་པ་བསྐྱེད་པ་ལ་ལྷ་རྣམས་མང་པོ་སྤྱན་དྲངས་ལ། །སྔགས་ཤེས་པས་ནི་སྔགས་ཕྱག་རྒྱས། །ཨརྒྷཾ་མཚོན་ནས་ཕུལ་བ་ཤེས་ནས་ཀྱང༌། །མདོར་ན་མཆོད་པ་ཐམས་ཅད་ཀྱིས་མཆོད་པ་དང་བསྟོད་པ་བྱས་ནས་ནི། །ལྷ་ཡི་སྦྱོར་བས་རབ་གནས་ལ། །ཞེས་པས་སྔ་ཕྱིའི་བདག་བསྐྱེད་བསྟན་ནོ། །ག་བུར་གུར་གུམ་ལ་སོགས་པས། །དྲི་ཞིམ་པོའི་ཆུ་དང་མར་དང་འོ་མས་ཏིལ་སོགས་བསྲེག་རྫས་རྣམས་ལ་བགོས་ལ། །དེར་མ་ཟད་ཏིལ་དང་ཡུངས་ཀར་འབྲས་རྣམས་དང༌། །དྲི་ཡི་ཆུ་ཡིས་ལགས་བཀང་སྟེ། །འབྲས་ཆེན་སྤོས་དང་ལ་དུ་ལ། །སྦྲང་རྩི་ཤ་ཁ་རར་ལྡན་པ། །རྩ་བའི་རིག་པ། བརྒྱ་ཕྲག་དུ་མར་ཡོངས་བཟླས་ལ། །ཡམ་ཤིང་ལ་ཡང་དེ་བཞིན་ཏེ། །རང་གི་སྔགས་ཀྱིས་བཏབ་པའི་བུད་ཤིང༌། །ཁུང་བུའི་ནང་དུ་གཞག་པར་བྱ། །སྟེ་སྦྱིན་སྲེག་དབུལ་ལོ། །དེ་ཡན་ཆད་དུ་སྦྱིན་སྲེག་རྐྱང་པའི་དབང་དུ་བྱས་སོ། །དེ་ནས་རོ་བསྲེག་པ་དང་འབྲེལ་བའི་དབང་དུ་བྱས་ནས། ཐབ་བསྲེག་རྫས་བུད་ཤིང་སོགས་གཞན་རྣམས་སྔར་བཞིན་བྱས་ལ།
བསྲེག་རྫས་རོ་ལ་སྔགས་རྩ་རིག་ཀྱིས་བཏབ་ནས་ཀྱང༌། །རོ་ཆས་སུ་གཞུག་པ་སྟེ། སྔགས་བཟླས་པའི་ཆུ་མཆོག་གིས་ནི་བཀྲུས་ནས་སུ། །སྔགས་བཟླས་པའི་དྲི་ཡི་ཆུས་བྱུག་པར་བྱ། །གོས་དང་རྒྱན་གྱིས་ཀླུབས་ནས་ཀྱང༌། །སྔགས་ཀྱིས་བཏབ་པའི་བདུག་པས་བདུག །མེ་ཏོག་ཕྲེང་ལ་སོགས་པས་མཆོད། །གཙུག་ཕུད་ སོགས་གནས་རྣམས་སུ་སྔགས་གདགས་ཤིང་གདགས་རྒྱུའི་སྔགས་ནི་སྔར་བཤད་པའི་རྩ་རིག་དང་བིང་བཅུ་རྣམས་ཡིན་ནོ། །དཔུང་པར་དེ་བཞིན་ནོ། །སྔགས་བྲིས་ནས་ནི་གདགས་པར་བྱ། །སྙིང་ག་ལྐོག་མ་ཁ་ཕྱོགས་སུ། །སརྦ་བིད་ཀྱིས་བྱིན་གྱིས་བརླབ། །དཔྲལ་བ་མཛོད་སྤུ་རྣ་བ་གཉིས། །མགོ་བོ་གཙུག་ཕུད་དཔུང་པ་གཉིས། །སྣ་དང་རྐེད་པ་པུས་མོ་བོལ། །ལོང་བུ་སྣ་ཡི་རྩེ་མོ་དང༌། །མིག་གཉིས་དང་ནི་གསང་བ་ཡི། །དབང་པོ་རྣམས་ཀྱི་གནས་ལ་ནི། །དེ་ལྟར་དབང་པོ་གཞན་དུ་འང་ཡི་གེ་སྔགས། །མཆོག་ཏུ་དགེ་བ་རྣམས་བཞག་གོ །དེ་ནས་ངན་སོང་སྦྱོང་བའི་ཕྱིར། །སྟན་དང་བཅས་ཏེ་ཐབ་དབུས་སུ། །བཞག་པ་ཉིད་དུ་བྱ་བ་ཡིན། །ཞེས་པ་ནི་བསྲེག་པའི་ཆེད་དུ་ཡིན་ནོ། །འདིར་ཀ་མ་དྷེ་ནུས། ཕུང་པོ་དཀྱིལ་འཁོར་གྱི་དབུས་སུ་དཀྱིལ་འཁོར་གྱི་གཙོ་བོ་དང་ཐ་མི་དད་དུ་མོས་ཟེར་བ་ཡང་མི་འཐད་ལ། བོད་ཀྱི་མཁས་པ་དག །སྔར་བཤད་པ་ལྟར་དཀྱིལ་འཁོར་བྲིས་བསྒྲུབ་བྱས་ནས་འདིར་ཡང་དབང་བསྐུར་བ་མི་འཐད་དེ། དབང་བསྐུར་བ་སྡིག་པ་སྦྱོང་བའི་སྒོ་གཅིག་ཡིན་པས་སྔར་བཤད་ཟིན་ལ། འདི་དེ་ལས་གཞན་ཕུང་པོ་བསྲེགས་ནས་སྡིག་པ་སྦྱོང་བའི་སྒོ་གཅིག་ཡིན་པས་མི་འཐད་དོ། །དེས་ན་ཕུང་པོ་ཐབ་ཀྱི་དབུས་སུ་བཞག་
ནས་བསྲེག་རྫས་སུ་འབུལ་བར་བླ་མ་སྔ་མ་རྣམས་བཞེད་པ་ལེགས་ཏེ། འདིར་ཕུང་པོ་བསྲེགས་ནས་སྡིག་པ་སྦྱོང་བའི་དོན་དེར་སྣང་ངོ༌། །དེ་ནས་སྔགས་འཆང་སྔགས་ཀྱིས་ནི། །བཏབ་པའི་གོས་ཀྱིས་གཡོག་པར་བྱ། །དེ་ནས་བྱིན་ཟ་མེ་དགེ་བ་མེ་ལྟས་བཟང་བ་རབ་སྦར་ལ། །མེ་ལྕེ་སྟོང་གིས་འཁྲིགས་ཤིང་འབར་བའི་ལུས། །ཟླ་དཀར་ཀུན་དའི་ཞལ་ལ་ཞི་བའི་ལུས། །མཐའ་ཡས་ མཆོད་ནས་ནི་རྣམ་སྣང་མངོན་བྱང་དུ། སངས་མ་རྒྱས་པའི་དུས་སུ་མེ་ལྷ་བཞི་བཅུ། སངས་རྒྱས་ནས་བཅུ་གཉིས་སོགས་བཀའ་སྩལ་པར་ཀ་མ་དྷེ་ནུས་བཤད་པ་ལྟར་སམེས་ཅན་གྱི་དོན་དུ་གཟུགས་སྣ་ཚོགས་སྟོན་པའོ། །པ་ཡི་གཟུགས་ཀྱིས་མེ་བཀུག་ལ། །ཨརྒྷཾ་ཕུལ་བར་བཏགས་རང་ལུགས་ནི་འཇིག་རྟེན་པའི་མེ་ལྷ་བསྲེག་རྫས་ཕུལ་ནས་དེ་བཞིན་དུ། །ཞེས་པའི་དོན་བསྒྲུབ་བྱ་མདུན་དུ་དམིགས་པའི་སྡིག་པ་བསྲེག་པ་ལ་ཟེར་ཡང༌། བློ་མཆོག་ལྡན་པའི་སྒྲུབ་པ་པོའི་མདུན་དུ་གཟུགས་སོགས་བཞག བོད་ཀྱི་མཁས་པ་དག་གིས་བསྒྲུབ་བྱའི་སྡིག་སྒྲིབ་བསྲེག་རྫས་སུ་འབུལ་བ་ལེགས་སོ། །པ་ནི་འཇིག་རྟེན་ལས་འདས་པའི་མེ་ལྷ་ལ་དམིགས་ནས་ཕུལ་པའོ། །ཇི་སྐད་གསུངས་པའི་འདོད་པའི་ཡོན་ཏན་གྱིས། །ཆག་གིས་ཇི་ལྟར་གསུངས་པ་བཞིན་ཡོན་ཏན་འདོད་པ་ཡིས། འདིས་འཇིག་རྟེན་ལས་འདས་པའི་མེ་ལྷ་དེ་བཞིན་གཤེགས་ཚོགས་དེ་བཞིན་སྤྱན་དྲངས་ ཀ་མ་དྷེ་ནུས་འདིས་འཇིག་རྟེན་ལས་འདས་པའི་མེ་ལྷ་དྲག་པོར་བསྟན་གསུང་ངོ༌། །ལ། །ཨརྒྷཾ་ལ་སོགས་བཏགས་ཏེ་དེ་བཞིན་དུ། །བདེ་གཤེགས་གསུངས་པའི་མཆོད་པ་ལ་སོགས་བྱ། །དེ་ནས་བྱིན་ཟ་ལ་ནི་འཇིག་རྟེན་ལས་འདས་པའི་མེ་ལྷ་ལ་ཡིད་ཀྱིས་བརྟག་པ་སྟེ་སྒོམ་པར་བྱ་བ་འོ། །བསྲེག་བྱས་བཀང་སྟེ་དེ་ཡང་སྦར་བའི་ཕྱིར། །དེ་ནས་བསྲེག་བྱས་བཀང་སྟེ་རིམ་གྱིས་ནི། །
རྒྱལ་བ་གཙོ་བོ་དང་ལ་སོགས་དཀྱིལ་འཁོར་བ་ཐམས་ཅད་ལ་བརྒྱ་རྩ་བརྒྱད་དུ་བརྟག ། པ་སྟེ་དབུལ་བའོ། །དེ་ནས་སྦྱོང་བའི་རྩ་རིག་གིས་སམ་སྙིང་པོས་སྔགས་ཀྱི་རྒྱལ་པོ་གཙོ་བོ་ལ། །ཉེར་གཅིག་གིས་དབུལ་ལོ། །བསྲེག་པར་བྱ་བ་ཉི་ཤུ་རྩ་གཅིག་བརྟག་པ་སྟེ་དབུལ། །དེ་ནས་སྤྱན་དྲངས་ གསུམ་ནི་ལྷ་རྣམས་མང་པོ་སྤྱན་དྲངས། དེ་བཞིན་གཤེགས་སྦྱན་དྲངས། འཇིག་རྟེན་གསུམ་རྒྱལ་སྤྱན་དྲང་པའོ། །ཡོ་བྱད་ལན་གསུམ་ ནི་གསུམ་པོ་དེ་སྤྱན་དྲངས་པ་ལ་མཆོད་ཡོན་གསུམ་འབུལ་བའོ། །དང༌། །ཨརྒྷཾ་ལ་སོགས་པདྨོ་དཀར་ ༈ འདིས་འདས་པའི་མེ་ལྷ་བསྟན་པས་དེ་དག་དྲག་པོར་འདོད་པ་ཁེགས་སོ། །ཞལ་མཆོད། །ཕྱག་ན་རྡོ་རྗེ་པདྨོ་ཞགས་པ་བསྣམས། །འཇིག་རྟེན་གསུམ་ལས་རྣམ་པར་རྒྱལ་བའི་གཟུགས། །སུ་བསྒྱུར་ནས་ཕྱག༌བཞི་དང་པོ་གཉིས་རྡོར་དྲིལ། འོག་མ་གཉིས་གཡས་ཞགས་པ། གཡོན་པདྨ་འཛིན་པར་ཀ་མ་དྷེ་ནུས་བཤད། ཞབས་ཀྱི་པདྨས་གཤིན་པོའི་སྡིག་མནན་ཅིང༌། །རྒྱན་རྣམས་ཀུན་གྱིས་རབ་རྫོགས་ལ། །རྫོགས་སངས་རྒྱས་ཀྱི་རིགས་ལྔས་དབུ་བརྒྱན་མཐོ། །བསམས་པ་སྟེ་སྒོམས་སམ་ཡང་ན་བྲིས་ཀྱང་རུང༌། །སྟེ་ཐབས་ཀྱི་ནང་དུ་བྲི་ཡིས་གཙོ་བོའི་མདུན་དུ་བྱ་མི་དགོས། དེ་ཡི་སྙིང་པོས་ནི་ཧཱུཾ་བཞི་པའི་སྔགས་ལ་སྤེལ་ཚིག་བཏགས་ཏེ་སྦྱིན་སྲེག་བྱེད་པ་ཡིན་ནོ། །དེ་བཞིན་དུ། །བརྒྱ་ཕྲག་སྟོང་ངམ་ཡང་ན་ནི། །བྱེ་བའི་ཚད་དུ་སྦྱིན་སྲེག་བྱ། །ཅི་སྟེ་སྡིག་པ་དག་པའི་མཚན་མ་ལ་སོགས་འབྱུང༌། །དེ་བཞིན་ ཆག་གིས་སྡིག་རྒྱུད་སྤངས་པར་ཤེས་པར་བྱ་ཟེར། །སྡིག་པ་དག་པ་ཅན་གྱི་རྒྱུད་དུ་ཤེས་པར་བྱ། །ལམ་བྱུང་ན་སྡིག་པ་ཅན་དུ་ཤེས་པར་བྱའོ།། །།༈ དེ་ན་རུས་པ་ལ་སོགས་ལ་མཆོད་རྟེན་བྱ་བ་བསྟན་ཏེ། དེ་ནས་རུས་པ་དང་ཐལ་བར་གྱུར་པ་རྣམས་དང༌། །རྡོ་རྗེ་བསྡུ་
བའི་ཕྱག་རྒྱ་དང་བཛྲ་ས་མ་ཛའི་སྔགས་ཀྱིས་ནི། །ཆོ་ག་བཞིན་དུ་བསྡུ་བར་བྱས་ལ། །ཐལ་བ་དེ་དང་རུས་པའི་རྡུལ། །ལྷའི་སྔགས་ཀྱིས་བཏབ་པའི་དྲི་ཞིམ་པོའི་ཆུ་དང༌། །བ་སྐྱས་འོ་མ་སྟེ་བ་བྱུང་ལ་སོགས་ལྔས། །སྦྱོང་བའི་སྔགས་རྩ་རིག་ཀྱིས་བློ་ལྡན་གྱིས། །འབུམ་དུ་བཟླས་པས་འཇིམ་པ་དང་ལྷན་ཅིག་བརྫིས་ནས་ནི། །སྔགས་ཀྱིས་བཏབ་པའི་ག་བུར་དྲིའི་ཆུ་དང་བགོས་པ་ཡི། །འཇིམ་པ་དང་ནི་བསྲེས་ནས་ཀྱང༌། །སྐུ་གཟུགས་སུ་བྱའམ་ཡང་ན་ནི། །མཆོད་རྟེན་གྱི་ནི་ལྷར་བྱས་ལ། །གཅིག་གམ་གཉིས་སམ་གསུམ་མམ་ལྔ། །ཡང་ན་བརྒྱ་རྩ་བརྒྱད་བར་དུ། །སྔགས་བརྗོད་ཅིང་དང་ཕྱག་རྒྱས་ཏེ་རང་ལྷར་བསྐྱེད་ནས། བཏབ་ནས་སུ། །ཅི་ཙམ་སྙམ་ན་འབུམ་ཕྲག་ཉིས་བརྒྱའི་བར་དུ་ ཆག་གིས་འབུམ་ཕྲག་གཉིས་ཀྱི་བར་དུ་བཟླས་ཟེར། བཟླས། །དེ་ནས་སྡིག་པ་དག་པའི་མཚན་མ་མཆོད་རྟེན་འབར་གྱུར་ཏམ། །ཡང་ན་སྐུ་གཟུགས་ཀྱིས་ཞལ་འཛུམ་མམ། །དྲི་དང་བདུག་པ་འོད་ཀྱང་རུང༌། །སྣང་ངམ་ཡང་ན་ངད་ལྡང་ངམ། །ལྷ་ལ་སོགས་པའི་རྣམ་པ་ནི། །སྣ་ཚོགས་པར་ནི་སྣང་གྱུར་ཏམ། །རྫུ་འཕྲུལ་རྣམ་པར་འཕྲུལ་བ་དང༌། །མེ་ཏོག་ལ་སོགས་འདོར་བ་དང༌། །དུང་དང་རྔ་ལ་སོགས་པའི་སྒྲ། །གླིང་བུ་པི་ཝང་གི་སྒྲ་ལ་སོགས་རྣམས། །ནི་དག་པའི་མཚན་མ་ཡིན་ལ་ཅི་སྟེ་མཚན་མ་འདི་དག་ནི། །སྡིག་པ་ཤས་ཆེ་བ་ཅན་བློས་ནི་མ་མཐོང་ན། །སླར་ཡང་འབུམ་གྱི་ཕྲག་ནི་བརྒྱ་སྟོང་ངམ། །ཇི་སྲིད་མཚན་མ་བྱུང་བར་དུ། །དེ་བཞིན་གཤེགས་པ་མཆོད་ཅིང་གསོལ་བ་
གདབ་པ་སོགས་བྱས་ནས་ནི། །མཉམ་པར་བཞག་པས་བཟླས་པར་བྱ། །དེ་ཡི་མཐར་ནི་མཁས་པས་ཀྱང༌། །མཚན་གཅིག་ཐོག་ཐག་མི་ཉལ་བཟླས། །དེ་ལྟར་ལན་མང་དུ་བྱས་པ། དེ་ནས་དེ་ཡི་སྡིག་པ་ནི། །དག་པ་ཉིད་དུ་ངེས་པར་མཐོང༌། །དག་པའི་མཚན་མ་ལྷ་ཡི་ལུས་ཀྱི་གཟུགས་གྱུར་ལ། །རང་གི་རྒྱུད་དུ་སྔགས་མཁན་གྱིས་ངོ་ཤེས་པ་སྟོན་པར་འགྱུར་རོ། །མཚན་མ་འདི་དག་ཤེས་ནས་ནི། །རྣམ་པར་མི་རྟོག་སེམས་ཀྱིས་ཀྱང༌། །བྱམས་དང་སྙིང་རྗེར་ལྡན་པ་ཡིས། །ཞི་སོགས་ཀྱི་ལས་གཞན་རྣམས་ཐམས་ཅད་ཀྱང་བྱེད་པར་འགྱུར་རོ། །དེ་རྣམས་ནི་ཡོད་པའི་དབང་དུ་བྱས་ལ། ཡང་ན་རོ་མེད་པར་གྱུར་ན་ཡང༌། །སྔགས་བཟླས་ཤིང་ལྷ་སྒོམ་པའི་ཚུལ་གྱིས་ནི། །མིང་ཙམ་ལེགས་པར་བྲིས་ནས་ཀྱང༌། །མཆོད་རྟེན་ཕྲེང་བ་བྱ་བ་དང༌། །ཡང་ན་སྐུ་གཟུགས་སུ་བྱས་ཀྱང་རུང༌། །སྦྱིན་སྲེག་མངོན་པར་དབང་བསྐུར་ན། །གདོན་མི་ཟ་བར་བདེ་འགྲོར་སྐྱེ། །དེ་ནས་ཕྱིར་བཟློག་གི་སྦྱང་བ་ནི། གཙུག་དགུར། དེ་ནས་ཕྱིར་བཟློག་བྱ་བ་ནི། །ཡུངས་ཀར་གྱིས་ནི་བྱ་བ་ཡིན། །ཡུངས་ཀར་མེ་ཏོག་དང་ལྡན་པས། །གསང་སྔགས་བཟླས་ཤིང་བརྡེག་པར་བྱ། །ཞེས་གསུངས་པ་ལྟར། ཐལ་བ་ཡུངས་ཀར་བྱེ་མ་སོགས། །བསྒྲུབ་བྱ་རང་གི་མིང་སྨོས་ཏེ་བརྡེག་པའི་སྔགས་རྣམས་ཀྱིས་བཏབ་ནས། །བཟླས་པ་བྱས་ཏེ་སོང་ནས་ཀྱང༌། །རྒྱ་མཚོར་འབབ་པའི་ཆུ་ཀླུང་དོར། །དེ་ལྟང་ན་ནི་སྡིག་ཅན་ཡང༌། །ངན་སོང་ལས་ནི་ཐར་འགྱུར་ན། །དགེ་བའི་མཆོག་ནི་བསྐྱེད་པ་དང༌། །བྱང་ཆུབ་ས་བོན་བྱང་ཆུབ་ཏུ་སེམས་བསྐྱེད་པའི་བདག །
སངས་རྒྱས་འབྲས་བུའི་རྒྱུ་ལྡན་པ། །སྦྱིན་པའི་ཕ་རོལ་ཕྱིན་པར་ལྡན། །ཚུལ་ཁྲིམས་རྒྱུ་དང་རབ་ལྡན་པ། །བཟོད་པ་བརྩོན་འགྲུས་མཉམ་གཞག་དང༌། །ཤེས་རབ་རྣམས་ཀྱིས་རྒྱུ་བསྒོམས་པའི། །འཇིག་རྟེན་འབྲས་བུ་སངས་རྒྱས་ཀྱི་རྒྱུར་ཕ་རོལ་ཏུ་ཕྱིན་པ་དྲུག་གི་བསོད་ནམས་ལྡན་པ་རྣམས་ལྟ་ཅི་སྨོས། །མྱུར་དུ་བསྒྲུབ་བྱ་དེ་ཡི་ངན་སོང་ནི། །ཐབས་དེ་རྣམས་ཀྱིས་བཅོམ་པར་འགྱུར་ཏེ་དག་པ་ལ་ཐེ་ཚོམ་མེད་དོ། །དགེ་བའི་རྩ་བ་ཆུང་ངུ་ཙམ་ཡང་མ་བསྐྱེད་ལ། །མེད་པར་ཏེ་ལོག་པ་ལྟ་བ་པ་དགེ་རྩ་བཅོམ་པ་གང་ཡིན་དང༌། །བྱང་ཆུབ་ལམ་ལས་རྣམ་པར་ལོག་པ་སེམས་བསྐྱེད་བཏང་བ༽ས། །དང༌། སངས་རྒྱས་ཀྱི་བསྟན་པ་ལ་ཞེ་སྡང་གནོད་པ་བྱེད་ཅིང༌། །སྡིག་པའི་རང་བཞིན་མི་མཐོང་ལ། །སྟེ་མི་ཤེས་པར་ལས་འབྲས་ལ་རྨོངས་ཏེ། ཕ་དང་མ་ལ་སྙིང་རིང་བ་སྟེ་བྱས་པ་མི་གཟོ་ཞིང༌། །བྱང་ཆུབ་སེམས་ལ་བརྟེན་པ་སློབ་པ་དེས་གནས་བསད་པ་དང༌། །འདོད་ཆགས་བྲལ་བ་དགྲ་བཅོམ་བསད་པ་རྣམས། །ཅི་སྟེ་འཇིག་རྟེན་གྱི་ལྷ་ཆེན་པོ་རྣམས་གྲོགས་སུ་མེད་པར་གྱུར་ཏམ། །སངས་རྒྱས་དང་དགེ་འདུན་དང་ཆོས་དེ་བཞིན། །ཏེ་དཀོན་མཆོག་གསུམ་ལ་མ་བརྟེན་པ། ཇི་སྐད་བཤད་པའི་སྔགས་དང་ཕྱག་རྒྱའི་ཚོགས་ལ་སོགས། །ཤེས་རབ་ཐབས་རྣམས་མེད་ན་ནི། །སྡིག་ཅན་དེ་དག་མི་ཐར་བ་སྟེ་ཐར་དཀའོ། །ཞེས། །གཤེགས་རྒྱལ་བ་ཉིད་ཀྱིས་གསུངས།། །། དེ་ལྟར་ན་རྟེན་བསྐྱེད་པ་འདི་ཉིད་དུ། དེ་ཡི་གཟུགས་བརྙན་བྲི་བ་འམ། གུར་གུམ་གྱིས་ནི་མིང་ཡང་རུང༌།།ཞེས་གསལ་བར་གསུངས། རྣམ་ཤེས་འགུགས་པ་ནི། དེ་ཉིད་བསྡུས་པར། དེ་ནས་དེ་བཞིན་གཤེགས་པ་
ཐམས་ཅད་ཀྱིས་འཇིག་རྟེན་གསུམ་པོ་མཐའ་དག་གི་བདག་པོ་དབང་ཕྱུག་ཆེན་པོའི་ལུས་ཀྱི་སྲོག་གསོ་བའི་ཕྱིར་ཤི་བའི་རྣམ་པར་ཤེས་པ་འགུགས་པའི་སྙིང་པོ་འདི་ཉིད་ཀྱི་ཐུགས་ཀ་ནས་བྱུང་ངོ༌། །ༀ་བཛྲ་སཏྭ་ཛཿ ཞེས་གསུངས་པ་དང༌། ཀྱཻ་རྡོ་རྗེའི་རོ་བསྲེག་གི་ཆོ་ག་ནག་པོ་ཞབས་ཀྱིས་མཛད་པར། རོ་ལྷག་པར་གནས་པ་ནི་ཁྲུས་བྱ། དྲི་ཞིམ་པོ་ལྡན་པའི་བདུད་རྩི་ལྔས་བྱུགས་པ། རྣམ་པར་ཤེས་པ་འགུགས་པ་སོགས་སྔོན་དུ་འགྲོ་བས་རང་གི་ལྷར་བསྐྱེད་ལ། ཞེས་པ་དང༌། མན་ངག་སྙེ་མར། ཤི་བ་གསོ་བ་ལ་ནི་སྤྱན་མ་དང་རྣམ་པར་སྣང་མཛད་ཀྱི་གཟུགས་ཅན་དུ་བུད་མེད་དང་སྐྱེས་པ་དག་རང་གི་ས་བོན་ལས་བསྐྱེད། ཡེ་ཤེས་པ་བཅུག་ནས་ས་བོན་གྱི་འོད་ཟེར་དང་རང་གི་སྙིང་གའི་ས་བོན་གྱི་འོད་ཟེར་གྱིས་སྔགས་ཐོས་ཤིང་བར་དོའི་སྲིད་པ་བཀུག་ནས་གཞུག་པར་བྱའོ། །ཞེས་དམ་ཚིག་པ་ལ་ཡེ་ཤེས་པ་འཇུག་པ་བཤད་དོ། །སྡིག་པ་དྲལ་བ་ནི། གཙུག་དགུར། དེ་ནས་འོད་ཀྱི་སྣང་བ་ཡིས། །སེམས་ཅན་ཐམས་ཅད་ངན་སོང་ལས། །སྔགས་ཀྱི་འོད་ཀྱིས་བཀུག་ནས་ནི། །སྔགས་དང་ཕྱག་རྒྱས་དྲལ་བར་བྱ། །ཞེས་དང༌། བཤད་མ་ཐག་པའི་ཕྱིར་བཟློག་རྣམས་ནི། གཞུང་ཆེན་མོ་རྣམས་ཀྱིས་ཟིན་པས། དམ་པ་རྣམས་ཀྱིས་མཛད་པའི་ཕྱག་ལེན་ལྟར་ལེགས་པ་ཡིན་ནོ། །རྣམ་ཤེས་བཀུག་པ་ལ་ནི་གཤེགས་གསོལ་མི་དགོས་ལ། རྟེན་བསྐྱེད་པ་ལྷར་བསྐྱེད་ནས་ཡེ་ཤེས་པ་བཅུག་ན་ནི་གཤེགས་གསོལ་དགོས་སོ། །ཐབས་མཁས་ཐུགས་རྗེ་ཅན་གྱི་སྟོན་པ་ཡིས། །ལུས་ཅན་ངན་འགྲོར་སྐྱེ་བ་མ་བཟོད་ནས། །ཐབས་ཚུལ་དུ་མས་སྡིག་པ་སྦྱང་བའི་སྒོ། །མཐའ་ཡས་མཐོང་ནས་གུས་པ་ཅིས་མི་སྐྱེ། །དེ་ནས་བརྒྱ་བྱིན་ལ་སོགས་ལྷ། །པདྨ་ལྟ་བུའི་མིག་ཕྱེ་ནས། །ལེགས་ཞེས་བྱ་བས་མཉེས་བྱས་ཏེ། །རབ་ཏུ་མགུ་བས་བཀའ་དྲིན་དྲན་པའི་སྒོ་ནས་
མཆོད་པ་རྒྱ་ཆེན་པོ་བྱས་ནས། །བརྒྱ་བྱིན་ནོར་བུ་དྲི་མ་མེད་པས་མཚོན་པའི་སེམས་ཅན་གཞན་ལ་ཕན་བརྩོན་པས། །ཇི་ལྟར་གསུངས་པའི་བཀའ་བཞིན་དུ། །ཤཱཀྱའི་གཙོ་བོས་བཀའ་སྩལ་པ། །བདེན་པ་སྟེ་མི་བསླུ་བ་ཉིད་དུ་བྱས་གྱུར་ནས། །དེ་ནས་དེ་ནི་དམྱལ་བ་ཡི། །སྡུག་བསྔལ་ལས་ནི་ཐར་ནས་ཀྱང༌། །དགའ་ལྡན་གནས་སུ་སེམས་ཅན་ཀུན། །ཕན་ཕྱིར་བདེ་གཤེགས་འདྲ་བར་ཐེག་པ་ཆེན་པོའི་རིགས་ཅན་དུ་སྐྱེས། །དེ་ནས་ནོར་བུ་དྲི་མ་མེད་པས་སྟོན་པ་ལ་མཆོད་པའི་ཕྱིར། དབང་པོར་བཅས་པ་ཡི། །གྲགས་ཆེན་ལྷ་རྣམས་ཀྱང་སྟོན་པའི་བཀའ་མི་བསླུ་བ་བདག་ཅག་རྣམས་ལ་ངན་འགྲོའི་འཇིགས་པ་མི་འབྱུང་ངོ་ཞེས་དགའ་བས་གར་བྱེད་ཅིང༌། །མཆོད་པའི་སྤྲིན་ནི་མཐའ་ཡས་པས། །ལྷའི་བུ་དེས་དེ་བཞིན་གཤེགས་ལ་མཆོད་བྱའི་ཕྱིར། །ལྷ་ཡི་ཚོགས་ཀྱིས་མདུན་བྱས་ཏེ། །ངན་འགྲོ་ལས་ཐར་ལྷར་སྐྱེས་པའི་ཚེ་འདི་ཉིད་ལ་སྟོན་པ་དང་བརྒྱ་བྱིན་མཆོད་པའི་ཕྱིར། །བྱང་ཆུབ་ཏུ་ཡང་སེམས་བསྐྱེད་ནས། །ལྷ་རྫས་རྣམ་པ་སྣ་ཚོགས་ཀྱིས། །མེ་ཏོག་བདུག་པ་བྱུག་པ་དང༌། །གདུགས་དང་རྒྱལ་མཚན་འཕན་ལ་སོགས། །རྒྱན་ལ་སོགས་པས་རབ་མཛེས་དང༌། །ན་བཟའ་རིན་ཆེན་ཆར་ལ་སོགས། །མཆོད་པའི་སྤྲིན་གྱིས་དགའ་བའི་ཚལ་ནི་གང་བར་བྱས། །དེ་ནས་སུམ་ཅུ་རྩ་གསུམ་པ་རྣམས་ཡ་མཚན་ཆེར་གྱུར་ཏེ། །ལྷ་རྣམས་ཀྱིས་ཀྱང་ཕྱག་བཙལ་ནས། །དགའ་བའི་ཚལ་ནི་ཡིད་འོང་བ། །ཀུན་ནས་གང་བར་གྱུར་པ་ཡི། །སྣ་ཚོགས་བྱུང་བ་འཁོར་རྣམས་ཀྱིས་སྟོན་པ་ལ། ཡིད་དུ་འོང་བའི་རྫས་རྣམས་ཀྱིས་ཀྱང་གང༌། ཆོ་འཕྲུལ་སྣ་ཚོགས་པ་འདི་སུའི་མཐུ། འདི་ཅི་ལགས། །ཞེས་རྐང་
པ་ལྔས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་ཤེས་པར་གྱིས་ཤིག །རྫུ་འཕྲུལ་རྣམ་པར་འཕྲུལ་པ་འདི་ནི། ལྷའི་བུ་ནོར་བུ་དྲི་མ་མེད་པའི་འོད་ཅེས་བྱ་བ་དེའི་ཡིན་ནོ། །ཞེས་ནོར་བུ་དྲི་མ་མེད་པའི་མཐུར་བསྟན་ཏོ། །མཚམས་མེད་པའི་དབང་དུ་གྱུར་པ་ཡང་མྱོང་ཞིང༌། མཐོང་བའི་ཆོས་ནི་ནོར་བུ་དྲི་མ་མེད་པ་དམྱལ་བར་སྐྱེས་པ་དང་དེ་ལས་ཐར་ནས་ལྷར་སྐྱེས་པ་ལ་ལྟོས་པའི་མཐོང་ཆོས་མིན་གྱི། འཁོར་གྱི་ལྷ་རྣམས་ཀྱིས་མཐོང་བའི་མཐོང་ཆོས་འདི་ཉིད་ལ་བདེ་འགྲོའི་དབང་དུ་གྱུར་པ་གང་ལགས་པ་དེ་ནི། བཅོམ་ལྡན་འདས་ངོ་མཚར་ལགས་སོ། །བདེ་བར་གཤེགས་པ་ངོ་མཚར་ཆེའོ། །འདི་དཔྱད་པར་བྱ་སྟེ། ནོར་བུ་དྲི་མ་མེད་པས་ཕ་བསད་ནས་སྐྱེ་བ་ཕྱི་མ་ལ་སུམ་ཅུ་རྩ་གསུམ་དུ་སྐྱེས། དེ་ནས་དམྱལ་བར་སྐྱེ་བར་གསུངས་པ་འདིས་ལས་དེ་བར་ཆད་མེད་པར་དམྱལ་བར་སྐྱེ་བའི་མཚམས་མེད་ཀྱི་ལས་མ་ཡིན་ནམ། སྐྱེ་བ་གཞན་ལ་ལྷར་སྐྱེས་པ་ཇི་ལྟར་སྤང་སྙམ་ན། ཀ་མ་དྷེ་ནུས། འོག་ནས་དྲང་སྲོང་ལ་རབ་ཏུ་འགྱོད་ཅིང་བཤགས་པར་གསུངས་པ་དང༌། རིགས་ནུས་ཅན་གྱི་གང་ཟག་འགའ་ཞིག་ལ་སྐྱེ་བས་བར་དུ་ཆོད་ནས། མདོ་སྡེ་རྒྱན་དུ། རིང་མོ་ཞིག་ནས་ངན་སོང་དུ། །འགྲོ་ཞིང་མྱུར་དུ་ཐར་པ་དང༌། །དེ་ཡང་སྡུག་བསྔལ་ཆུང་དུ་མྱོང༌། །སྐྱོ་བཅས་སེམས་ཅན་སྨིན་པར་བྱེད། །ཅེས་དང༌། མི་བཟད་པ་ཡི་ལས་རྣམས་བྱས་པ་དག །བདག་ལ་རྣམ་པར་སྨད་པས་བསྲབས་པར་འགྱུར། །རབ་ཏུ་བཤགས་དང་བསྡམ་པ་བྱས་པ་ན། །དེ་དག་རྩ་ནས་འདོན་པར་ངས་བཤད་དོ། །ཞེས་གསུངས་པས། འདི་དམིགས་བསལ་ཅན་དུ་བཞེད་པ་ལེགས་སོ། །མཛེས་རྒྱན་དུ། ནོར་བུ་དྲི་མ་མེད་པ་ངན་སོང་གསུམ་དང་མཐའ་འཁོར་ཏུ་ལོ་བརྒྱ་བརྒྱ། དབུས་སུ་ལྔ་བཅུ་སྐྱེས་ཟེར་བ་དང༌། བརྒྱ་
བྱིན་གྱིས་དེའི་རོ་བསྡུས་ཏེ་བསྲེགས་ཟེར་བ་རྣམས་ཤིན་ཏུ་མི་རིགས་ཏེ། སྟེན་པ་ཉིད་བཞུགས་པའི་རིང་ལ་དམྱལ་བར་སོང་བ་དང༌། བརྒྱ་བྱིན་གྱིས་ཆོ་ག་བྱས་པས་ཐར་བ་ཡིན་པ་གཉིས་ཀར་གསུངས་ཤིང༌། སངས་རྒྱས་ཀྱི་སྐུ་ཚེའི་ཚད་གསུངས་པ་དང་ཡང་འགལ་ཞིང༌། ལྷ་ལ་རོ་མེད་པར་གསུངས་པས་ཀྱང་གནོད་དོ། །དེས་ན་ཀ་མ་དྷེ་ནུས་མིའི་ལོ་བདུན་དམྱལ་བར་གནས་པར་བཤད་དོ།། །། དེ་ནས་བརྒྱ་བྱིན་ལ་སོགས་པ་ལྷ་ཐམས་ཅད་ཀྱིས་མགྲིན་གཅིག་ཏུ་ཚིག་འདི་སྐད་ཅེས་སྨྲས་སོ། །སངས་རྒྱས་འདྲ་བའི་ལམ་སྟོན་པ་མེད། །ཆོས་དང་འདྲ་བའི་དགེ་བ་སྟེ་སྐྱོབ་པ་མེད། །དགེ་འདུན་འདྲ་བའི་སྣོད་སྟེ་ཞིང་མེད་དེ། །སྔགས་དང་འདྲ་བའི་ངན་འགྲོ་ནས་བདེ་འགྲོར་འདྲེན་པ་མེད། །དེ་ནས་སུམ་ཅུ་རྩ་གསུམ་པའི་ལྷའི་བུ་དེ་དག་གིས། བཅོམ་ལྡན་འདས་ལ་འདི་སྐད་ཅེས་གསོལ་བ་བཏབ་བོ། །བཅོམ་ལྡན་འདས་ཀྱིས་བྱིན་གྱིས་བརླབས་ཀྱིས། དགའ་ལྡན་གྱི་ལྷའི་རིས་སུ་སྐྱེས་པའི་ལྷའི་བུ་དེའི་ལུས་ལ་སོགས་པའི་མཚན་ཉིད་ཅི་འདྲ་བ་ཞིག །དེའི་རྫུ་འཕྲུལ་དང་མཐུ་ནི་ཇི་ལྟ་བུ་ཞིག་ལགས་པ། ལྷའི་བུ་ནོར་བུ་དྲི་མ་མེད་པའི་འོད་ཅེས་བགྱི་བ་དེ་བདག་ཅག་བལྟ་བར་འཚལ་ལོ། །ཞེས་ཞུས་སོ། །དེ་ནས་བཅོམ་ལྡན་འདས་ཀྱིས་འོད་ཀྱི་བྱེད་ལས། ལྷ་ཐམས་ཅད་ཀྱི་སྙིང་སྐུལ་བར་བྱེད་པ་ཞེས་བྱ་བའི་འོད་ཟེར་གྱི་ཕྲེང་བ་ཉིད་ཀྱིས་གནས་ཞབས་ཀྱི་མཐེ་བོང་གཉིས་ལས་ཕྱུང་ངོ༌། །ཕྱུང་ནས་ཀྱང་ནོར་བུ་དྲི་མ་མེད་པའི་འོད་ཅེས་བྱ་བའི་ས་ ཆག་གིས་འོད་ཀྱིས་ལུས་ཐམས་ཅད་སྣང་བར་བྱས་ཟེར། ཐམས་ཅད་སྣང་བར་བྱས་ནས། ནོར་བུ་དྲི་མ་མེད་པའི་སྙིང་གར་ཞུགས་ཏེ། སེམས་དགའ་བའི་ཚལ་དུ་འོང་འདོད་པར་བསྐུལ་ནས་ཡང་འོད་ཟེར་དེ་ལྷའི་གནས་དེ་ཉིད་
དུ་མི་སྣང་བར་བྱས་ནས་ཕྱིས་མཐེ་བོང་གཉིས་ལ་ཐིམ་པར་གྱུར་ཏོ། །དེ་ནས་ལྷའི་བུ་དེ་ཉིད་རབ་ཏུ་དགའ་བར་གྱུར་ནས། ལུས་ཀྱི་འོད་ཟེར་གྱིས་དཔག་ཚད་སྟོང་ཚུན་ཆད་ཀྱི་ནམ་མཁའི་ངོས་ཐམས་ཅད་གསལ་བར་བྱས་ཏེ། ལྷའི་བུ་སྟོང་ཕྲག་དུ་མའི་འཁོར་ གནས་གཙར་མའི་ལྷ་རྣམས་ལ་མཛེས་རྒྱན་དུ་བཤད་དོ། །གྱིས་བསྐོར་ཞིང་མདུན་དུ་བྱས་ནས། རྫུ་འཕྲུལ་ཆེན་པོས་མི་སྣང་བར་བྱས་ཏེ་འོངས་ནས། དགའ་བའི་ཚལ་ཐམས་ཅད་སྣང་ཞིང་གསལ་བར་བྱས་ཏེ། བཅོམ་ལྡན་འདས་དང་བརྒྱ་བྱིན་གཉིས་མ་གཏོགས་པ་ནི་ང་རྒྱལ་ཅན་ལྷ་རྣམས་ཀྱི་འོད་ཟིལ་གྱིས་མནན་ནས་བླ་མ་བཀུར་བ་དང་སྔགས་ཀྱི་ཆེ་བ་དབྱུང་བའི་ཕྱིར། ཏོ། །དེ་ནས་ལྷའི་བུ་དེས། བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ཀྱེ་མ་ཤཱཀྱ་མགོན་པོ་ཡི། །སངས་རྒྱས་མཛད་པ་ཡ་མཚན་ཆེ་སྟེ། །རྒྱུ་མཚན་གང་ཕྱིར་ངན་སོང་ལྷུངས་པ་ཡི། །སེམས་ཅན་མྱུར་དུ་གློག་མྱུར་བའི་དཔེ་བཞིན་གྲོལ། །བར་མཛད་པའི་ཕྱིར་རོ།། དེ་ནས་སྐད་ཅིག་དེ་ཉིད་ཀྱི་ཚེ། ཤིང་རྟའི་འཕང་ལོ་ཙམ་གྱི་པདྨ་ཐམས་ཅད། རྒྱུ་རིན་པོ་ཆེ་ལས་བྱས་པ། དཔག་ཚད་བརྒྱ་ཕྲག་སྟོང་དུ་དྲི་ཞིམ་པོའི་ངད་ལྡང་བའི་པདྨ་ལས་ལྷའི་གླུ་སྙན་པའི་སྒྲ་གྲག་པ། ཡ་མཚན་དུ་མ་ཡང་དག་པར་སྟོན་པ། ལྷ་རྫས་ཀྱི་གླུང་དང་། གར་དང༌། བརྡུང་བ་དང༌། གླིང་བུ་དང༌། རྔ་དང༌། ཀར་ཀོ་རྣམས་ཀྱི་སྒྲ་སྙན་པ་ཞིག །བཅོམ་ལྡན་འདས་ཀྱི་སྤྱན་སྔར་ལྷ་དེ་རྣམས་ཀྱིས་མཐོང་བའི་ཉེ་འཁོར་དུ་བྱུང་སྟེ། དེ་མཐོང་ནས་ཤིན་ཏུ་ཡ་མཚན་སྐྱེས་ཏེ་
འདི་སྐད་སྨྲས་སོ། །དེ་བཞིན་གཤེགས་པའི་ཆོས་ནི་བསམ་མི་ཁྱབ། །ཅེས་སངས་རྒྱས་ལ་བསྟོད་པ་སྔགས་ཀྱི་ཡོན་ཏན་སྣ་ཚོགས་རྣམ་པར་ཤེས་པ་དང་བཅས་པའི་ལུས་ལྟ་ཞོག །དེ་དང་བྲལ་བའི་ལུས་རོ་ལྟ་བུ་དང༌། མིང་ལ་དབང་བསྐུར་བ་སོགས་བྱས་པས་ཀྱང་ངན་འགྲོ་ལས་ཐར་བ་འདི་བསམ་མི་ཁྱབ། །བྱང་ཆུབ་བརྟེན་པ་རྣམས་ཀྱང་ནི་སྔགས་ལ་སྤྱོད་པའི་གང་ཟག་བརྒྱ་བྱིན་ལྟ་བུ་ཡང་བསམ་མི་ཁྱབ། །ཚངས་སྤྱོད་ ནོར་བུ་དྲི་མ་མེད་པ་དགའ་ལྡན་དུ་སྐྱེས་བྱང་ཆུབ་ཏུ་སེམས་བསྐྱེད་པ་ལ་མཛེས་རྒྱན་གྱིས་བཤད། །ཚུལ་ཁྲིམས་དྲི་མེད་བསྐྱེད་བསམ་ཡས། །དེ་ནས་སུམ་ཅུ་རྩ་གསུམ་པའི་ལྷའི་བུ་དེ་དག་གི་ནང་ནས་སྔར་མ་མཐོང་བ་འགའ་ཞིག་དེ་བལྟ་བར་འདོད་ནས། ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ལྷའི་བུ་དེ་དང་དེའི་འཁོར་གྱི་དཀྱིལ་འཁོར་རྣམས་བལྟ་བར་འཚལ་ལོ། །བཅོམ་ལྡན་འདས་བལྟ་བར་འཚལ་ལོ། །བདེ་བར་གཤེགས་པ་བལྟ་བར་འཚལ་ལོ། །དེ་ནས་བཅོམ་ལྡན་འདས་ཀྱིས་ཡང་མཐེ་བོང་གཉིས་ལས་འོད་ཟེར་ཕྱུང་སྟེ། འོད་ཟེར་དྲི་མ་མེད་པ་དེས་ལྷའི་བུ་དེ་དང་ལྷའི་འཁོར་དེ་དག་ཀུན་སྣང་བར་བྱས་ཏེ་བསྐུལ་ནས་དེ་ཉིད་དུ་མི་སྣང་བར་གྱུར་ཏོ། །མཛེས་རྒྱན་དུ། སུམ་ཅུ་རྩ་གསུམ་པ་རྣམས་ཀྱིས་སྟོན་པ་སངས་རྒྱས་དང༌། ཕྱིར་མི་ལྡོག་པའི་བྱང་ཆུབ་སེམས་དཔའ་རྣམས་ཀྱང་མཐོང་བར་ནུས་ན། ནོར་བུ་དྲི་མ་མེད་པ་འཁོར་བཅས་མི་མཐོང་བ་ཇི་ལྟར་ཞེ་ན། སྔ་མ་ནི་མཐོང་ནུས་པར་སྟོན་པས་བྱིན་གྱིས་བརླབས་ལ། ཕྱི་མ་ནི་ལྷ་རྣམས་ཀྱི་སྤྱོད་ཡུལ་མིན་ནོ་ཞེས་སྔགས་ཀྱི་ཆེ་བ་དབྱུང་བའི་ཕྱིར་མི་སྟོན་པ་དེ་ལྟར་མཛད་དོ། །དེ་ནས་ནོར་བུ་དྲི་མ་མེད་པའི་འོད་ཅེས་བྱ་བ་དང༌། དེ་ལ་སོགས་པ་འཁོར་གནས་གཙང་མའི་རིགས་ཀྱི་ལྷའི་བུ་རྣམས་ཀྱིས་བཅོམ་ལྡན་འདས་དང༌། བརྒྱ་བྱིན་གཉིས་ཀྱི་གདན་མ་གཏོགས་
པ། དགའ་བའི་ཚལ་ཐམས་ཅད་གཡོས་པར་བྱས་ཏེ། ལན་བརྒྱ་ཕྲག་སྟོང་དུ་མར་སྐོར་བ་བྱས་ཤིང༌། སྐོར་བ་བྱས་ནས་ཡང་དང་ཡང་འདི་སྐད་ཅེས་གསོལ་ཏོ། །ཀྱེ་མ་སངས་རྒྱས་རྣམས་ཀྱི་ནི། །སྔགས་ཀྱི་བྱིན་རླབས་ཡ་མཚན་ཆེ། །གང་ཕྱིར་ངན་སོང་ལྟུང་བ་ཡི། །སེམས་ཅན་ལྷ་གནས་མྱུར་དུ་སྐྱེ། །དྲིན་དུ་གཟོ་བ་དང་དགའ་བ་དང་བཅས་པའི་ཚིག་གིས་སངས་རྒྱས་ལ་བསྟོད་པ་ཉིད་དེ། དེ་ནས་ནོར་བུ་དྲི་མ་མེད་པའི་འོད་ཅེས་བྱ་བ་ལྷའི་བུ་དེ་དག་གིས། བཅོམ་ལྡན་འདས་ལ་ནོར་བུ་དང༌། གསེར་དང༌། དངུལ་དང༌། དོ་ཤལ་དང༌། སེ་མོ་དོ་དང༌། གདུ་བུ་དང༌། དཔུང་རྒྱན་དང༌། སྙན་ཆ་ལ་སོགས་པའི་རྒྱན་གྱི་ཁྱད་པར་བརྒྱད་དང༌། བླ་མ་རྣམས་དབུ་རྒྱན་ཡང་མཛད་དེ། རྣམ་པ་སྣ་ཚོགས་པ་དུ་མ་དང༌། གདུགས་དང༌། རྒྱལ་མཚན་དང་། འཕན་དང༌། ལྡ་ལྡི་དང༌། རྔ་མ་ལ་སོགས་པ་བླ་རེ་སྟེ་ཡོ་བྱད་ཀྱི་ཁྱད་པར་དྲུག་སྟེ་སྣ་ཚོགས་དང༌། སེང་གེའི་གདན་དང༌། གཟིམས་ཆ་དང༌། ཕོ་བྲང་དང༌། གཞལ་མེད་ཁང་དང༌། ཁང་བུ་བརྩེགས་པ་ལ་སོགས་པ་དང༌། ཟླ་གདན་ཏེ་གནས་ཀྱི་ཁྱད་པར་སྣ་ཚོགས་པ་དྲུག་དང༌། མེ་ཏོག་དང༌། སྤོས་ལ་སོགས་པ་ཉེར་སྤྱོད་ལྔ་སྟེ། མཆོད་པའི་ཁྱད་པར་སྣ་ཚོགས་དང༌། ཉེར་ལྔས་མཆོད་པའི་ཚུལ་དེ་སྔོན་དུ་བྱུང་ལ། ནོར་བུ་དྲི་མ་མེད་པས་སྟོན་པ་ལ་ཕུལ་བ་ལྟར། རྗེས་འཇུག་ལ་སྒྲུབ་པ་པོས་ཀྱང་དབུལ་བར་བྱའོ་ཞེས་བླ་མ་རྣམས་གསུང་ངོ༌། །རང་གི་ལུས་དང་ངག་དང་སེམས་རྣམས་ཀྱང་ཕུལ་ཏེ། བ་ལང་དང༌། རྟ་དང༌། སེང་གེ་དང༌། སྟག་དང༌། སྤྲེའུ་དང༌། དགོ་བ་དང༌། ཐུག་རེ་དང༌། མ་ཧེ་དང༌། བོང་བུ་དང༌། རྔ་མོ་དང༌། ཆུ་སྲིན་དང༌།
ཕག་དང༌། ར་དང༌། གླང་དང༌། བ་དང༌། འདོད་པའི་བཞོན་ལ་སོགས་པ་ ཆག་གིས་འདོད་པའི་ཁྱད་པར་ཟེར།།བཞོན་པའི་ཁྱད་པར་དུ་མ་ཡང་ཕུལ་ནས། བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་རྣམས་ཀྱང་མངོན་པར་མཆོད། ལྷ་རྣམས་ཀྱི་དབང་པོ་བརྒྱ་བྱིན་གྱིས་དཀྱིལ་འཁོར་རྣམས་ཀྱང་མངོན་པར་མཆོད་དེ། ལེགས་སོ་ཞེས་བྱ་བ་གསོལ་ནས། བཅོམ་ལྡན་འདས་དང་བརྒྱ་བྱིན་གཉིས་ལ། བླ་མ་སྟེ་གོང་མ་དང༌། བསྟི་སྟང་དུ་བྱས་ཏེ། ཕྱག་བཙལ་ནས་དེ་བཞིན་དུ་སོང་ངོ༌།། །།དེ་ནས་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་མཆོག་ཏུ་ཡ་མཚན་དུ་གྱུར་ནས། བཅོམ་ལྡན་འདས་ལ་ཡང་དང་ཡང་དུ་ལེགས་སོ་ཞེས་བྱ་བས་བསྟོད་ཅིང་མཆོད་དེ། ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་སླད་དུ། མ་འོངས་པའི་བྱིས་པ་སོ་སོ་སྐྱེ་བོ་རྣམས། འཆད་པ་དང༌། ཀློག་པ་སྤྲོ་བར་བགྱི་བའི་སླད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོའི་བརྟག་པའི་མཚན་བརྗོད་པའི་ཡོན་ཏན་བཤད་དུ་གསོལ། ཞེས་ཞུས་སོ། །བརྒྱ་བྱིན་དང་ཚངས་པ་ལ་སོགས་པ་རྣམས། ངས་བཤད་ཀྱིས་ལེགས་པར་ཉོན་ལ་ཡིད་ལ་ཟུངས་ལ་ཆོངས་ཤིག ། ཅེས་བཤད་པར་ཞལ་གྱིས་བཞེས་ནས་མཉན་པར་བསྐུལ་བའོ། །ལྷའི་བུ་རྣམས་དགེ་བ་བཅུ་དང་ལྡན་པའི་སེམས་ཅན་རྣམས་ཀྱི་རྣ་ལམ་དུ་ཐོས་པར་འགྱུར་གྱི། སེམས་ཅན་མ་རབས་རྣམས་ཀྱིས་ནི་མ་ཡིན་ནོ། །ཕ་རོལ་ཏུ་ཕྱིན་པ་བཅུ་ལ་མོས་པའི་སེམས་ཅན་རྣམས་ཀྱི་རྣ་ལམ་དུ་ཉེ་བར་འགྲོ་བར་འགྱུར་གྱི། སེམས་ཅན་ཕལ་པ་རྣམས་ཀྱིས་ནི་མ་ཡིན་ནོ། །
སེམས་ཅན་བསམ་པ་ངེས་པ་རྣམས་དང༌། ཕྱིར་མི་ལྡོག་པའི་ཡོན་ཏན་མང་པོ་ལ་མངོན་པར་འདོད་པའི་སེམས་ཅན་རྣམས་ཀྱི་རྣ་ལམ་དུ་འགྲོ་བར་འགྱུར་ཏེ། མདོར་ན་ཐམས་ཅད་མཁྱེན་པའི་ཡེ་ཤེས་ལ་བརྟེན་པའི་སེམས་ཅན་རྣམས་ཀྱི་རྣ་ལམ་དུ་འགྲོ་བར་འགྱུར་རོ། །དེ་ནས་བརྒྱ་བྱིན་དང༌། ཚངས་པ་ལ་སོགས་པ་ལྷའི་བུ་དེ་དག་ཡང་དག་པར་དགའ་བ་སྐྱེས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་སྣོད་དུ་གྱུར་པའོ། །བདེ་བར་གཤེགས་པ་བདག་ཅག་ནི་སྣོད་དུ་གྱུར་པའོ། །ནོར་བུ་དྲི་མ་མེད་པ་གང་གི་སླད་དུ་གསུང་བ་འདི་བདག་ཅག་གིས་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངན་སོང་ཐམས་ཅད་ཡོངས་སུ་སྦྱོང་བའི་གཟི་བརྗིད་ཀྱི་རྒྱལ་པོ་ཞེས་བགྱི་བའི་མཚན་བརྗོད་པ་འདི། བཅོམ་ལྡན་འདས་པདྨོའི་ཞལ་ཉིད་ནས་ཐོས་པས། བདག་ཅག་ནི་ངན་སོང་གིས་འཇིགས་པར་མི་འགྱུར། དུས་མ་ལགས་པར་འཆི་བར་ ཆག་གིས། དུས་མ་ལགས་པའི་འཆི་བས་འཇིགས་པར། མི་འགྱུར། དུས་མིན་དུ་འཆི་བ་དང༌། ངན་འགྲོར་ལྟུང་བ་དང༌། ད་ལྟར་གནས་གཅིག་ཕྱི་མ་སོ་སོར་སྐྱེ་བ་རྣམ་པར་འཐོར་བ་དང༌། དེར་ཡང་ལུས་རྣམ་པར་འཇིག་པ་ལ་སོགས་པས་འཇིགས་པར་མི་འགྱུར་ཏེ། བཅོམ་ལྡན་འདས་བདག་ཅག་ནི། གདོན་མི་འཚལ་བར་སངས་རྒྱས་ཉིད་དུ་འགྲུབ་པའི་སྣོད་དུ་གྱུར་པ་ལགས་སོ། །བཅོམ་ལྡནའདས་བརྟག་པའི་རྒྱལ་པོ་འདིས། སེམས་ཅན་རྣམས་ཀྱི་དོན་བགྱིད་པ་གང་ལགས་པའི་སྐྱེས་བུ་དམ་པ་དེ་དག་གི་འབྲས་བུ་ནི་ཅིར་འགྱུར། རྣམ་པར་སྨིན་པ་ནི་ཅིར་འགྱུར་ཞེས་
མ་འོངས་པའི་སེམས་ཅན་འདི་ལ་འཇུག་ཅིང་སྤྲོ་བ་བསྐྱེད་པའི་ཚུལ་དུ་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷའི་དབང་པོ་དེ་དག་ནི་སྐྱེས་བུ་དམ་པ་འབའ་ཞིག་ཏུ་མ་ཟད་ཀྱི། སྔགས་ཀྱི་ལམ་ཁྱད་པར་དུ་འཕགས་པའི་ཕུལ་བྱུང་བརྗོད་པ་ཡང་དག་པར་རྫོགས་པའི་སངས་རྒྱས་ཉིད་དུ་བལྟ་བར་བྱ་སྟེ། ལྷའི་དབང་པོ་གང་གི་ཕྱིར་འདི་ནས་འཇིག་རྟེན་ཕ་རོལ་ཏུ་སོང་ནས། མཚམས་མེད་པ་ལ་སོགས་པའི་སེམས་ཅན་དམྱལ་བ་ཆེན་པོར་སྐྱེས་པའི་སེམས་ཅན་རྣམས་ཀྱི་སྡུག་བསྔལ་རྣམ་པ་སྣ་ཚོགས་པ་རབ་ཏུ་སྤོང་བར་བྱེད་པ་དང༌། བྱང་ཆུབ་ལ་གདོན་མི་ཟ་བར་བརྟེན་པར་བྱེད་པ་དང༌། བྱང་ཆུབ་སེམས་དཔའི་ས་ཕྱིར་མི་ལྡོག་པ་ལ་རབ་ཏུ་འཇོག་པའི་ཕྱིར་ཏེ། མང་དུ་བཤད་ཅི་དགོས་ལྷའི་དབང་པོ་སྐབས་སུ་བབ་པ། དཔེར་བླངས་ན། ཁྱོད་ཀྱིས་ལྷའི་བུ་ནོར་བུ་དྲི་མ་མེད་པའི་འོད་ཅེས་བྱ་བ་མཚམས་སམ་མནར་མེད་པའི་སེམས་ཅན་དམྱལ་བ་ཆེན་པོར་སྐྱེས་པའི་དོན་བྱས་པ་དེ་བཞིན་ནོ། །ཇི་སྐད་དུ། ཀུན་ནས་སྒོར་འཇུག་པའི་འོད་ཟེར་གཙུག་ཏོར་དྲི་མ་མེད་པར་སྣང་བ་ལས། ཀྱེ་མ་སངས་རྒྱས་ཀྱེ་མ་ཆོས། །ཀྱེ་མ་དགེ་འདུན། ཀྱེ་མ་རིས་སྔགས་འབྲས་བུ་འཕྲལ་དུ་སྟོན་པ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ། ཐུགས་རྗེ་མཆོག་ཏུ་ཆེ་བ། ཡིད་བཞིན་གྱི་ནོར་བུ་དེ་ལ་ཕྱག་འཚལ་ལོ། །ཞེས་གསུངས་སོ། །ལྷའི་དབང་པོ་དེ་ལྟར་གཞན་ཡང་མ་འོངས་པའི་སེམས་ཅན་རྣམས་ཀྱི་དོན་བྱེད་པའི་སེམས་ཅན་དེ་དག་ཅི། སོ་སོ་སྐྱེ་བོ་ཡིན་སྙམ་སེམས་སམ། གསོལ་པ། བཅོམལྡན་འདས་མ་ལགས་སོ། །བདེ་བར་གཤེགས་པ་མ་ལགས་སོ། །ལྷའི་དབང་པོ་སེམས་ཅན་དེ་དག་ནི་སྐྱེས་བུ་དམ་པ་ཆེན་པོ་གཞན་ལ་ཕན་འདོགས་པ་སྟེ། དེ་བཞིན་གཤེགས་པ་རྣམས་ཀྱིས་ཀྱང་ཕྱག་བྱ་བ།
མཆོད་པ། རྗེད་པ། བསྟི་སྟང་དུ་བྱ་བ་ཕྲག་པ་ལ་བཀུར་བར་བྱ་བ་ཡིན་ན། ལྷར་བཅས་པའི་འཇིག་རྟེན་གྱིས་ལྟ་སྨོས་ཀྱང་ཅི་དགོས། དེ་ནས་བརྒྱ་བྱིན་དང་ཚངས་པ་ལ་སོགས་པའི་ལྷའི་བུ་རྣམས་དང༌། རྒྱལ་པོ་ཆེན་པོ་བཞི་དང༌། ཕྱོགས་སྐྱོང་བ་བཅུ་དང༌། འཇིག་རྟེན་སྐྱོང་བ་བརྒྱད་དང༌། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང༌། གནོད་སྦྱིན་གྱི་སྡེ་དཔོན་ཆེན་པོ་ནོར་བུ་བཟང་པོ་ལ་སོགས་པ་དང༌། ནོར་བུ་བཟང་པོ་ཆེན་པོ་ལ་སོགས་པ་བྱང་ཆུབ་སེམས་དཔའི་ས་ལ་རབ་ཏུ་གནས་པ་རྣམས་དང༌། ཀླུའི་རྒྱལ་པོ་དགའ་བོ་དང༌། ཉེར་དགའ་བོ་གཉིས་དང༌། འཕྲོག་མའི་བུ་ལྔ་བརྒྱས་བསྐོར་བ་རྣམས་དང༌། གནོད་སྦྱིན་གྱི་སྡེ་དཔོན་ཆེན་པོ་པན་ཅི་ཀ་ལྔས་བརྩེན་དང༌། པན་ཅི་ཀ་ཆེན་པོ་ལ་སོགས་པ་དང༌། གང་གཞན་དག་ཀྱང་རྒྱ་ཆེ་ཞིང་རྒྱ་ཆེ་བ་དང༌། ལྷ་དང༌། ཀླུ་དང༌། གནོད་སྦྱིན་དང༌། སྲིན་པོ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། དྲི་ཟ་དང༌། མིའམ་ཅི་དང༌། ལྟོ་འཕྱེ་ཆེན་པོ་དང༌། འབྱུང་པོ་དང༌། ཡི་དྭགས་དང༌། འདྲེ་དང༌། རིམས་དང༌། གདོན་དང་དུག་དང༌། སྐར་མ་ལ་སོགས་པ་ཐམས་ཅད་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་འདུས་ཤིང་ཚོགས་པ་ཐམས་ཅད་ཀྱིས། རྒྱུད་འདིའི་སྒོ་ནས་སེམས་ཅན་གྱི་དོན་བྱེད་པའི་སྐྱེས་བུ་དམ་པ་ཆེན་པོའི་རྐང་པ་གཉིས་མགོ་བོས་བླང་བར་བགྱིའོ། །མདོར་ན་རྟག་པར་རྒྱུན་དུ་དུས་ཐམས་ཅད་དུ་བསྲུང་བ་དང་བསྐྱབ་པ་དང་སྦ་བར་བགྱིའོ། །བཅོམ་ལྡན་འདས་གང་དུ་བརྟག་པའི་རྒྱལ་པོ་འདི། རིགས་
ཀྱི་བུའམ་རིགས་ཀྱི་བུ་མོ་དད་པས་འཆང་དམ། ཀློག་གམ། གཞན་ལ་རྒྱ་ཆེར་ཡང་དག་པར་འཆད་པར་འགྱུར་རམ། གདུགས་དང༌། རྒྱལ་མཚན་དང༌། བ་དན་ལ་སོགས་པས་མཆོད་པར་འགྱུར། རྒྱལ་རིགས་སམ་བྲམ་ཟེའི་རིགས་སམ། རྗེའུ་རིགས་སམ། དམངས་རིགས་སམ། གཞན་ཡང་རྒྱལ་པོ་འམ། རྒྱལ་པོའི་བུའམ། རྒྱལ་པོའི་བུ་མོའམ། རྒྱལ་པོའི་བཙུན་མོའམ། རྒྱལ་པོའི་འཁོར་ཕོའམ། རྒྱལ་པོའི་འཁོར་མོའམ་སུ་གང་ཡང་རུང་བས་འཆང་ཞིང་ཀློག་པ་ནས་གཞན་ལ་རྒྱ་ཆེར་ཡང་དག་པར་འཆད་ཅིང་སྟོན་པའི་བར་དུ་བགྱིད་ན། བཅོམ་ལྡན་འདས་བདག་ཅག་བརྒྱ་བྱིན་སྐར་མའི་བར་འདུས་ཤིང་ཚོགས་པ་ཐམས་ཅད་དེའི་བྲན་དུ་གྱུར་པ་ལགས་སོ། །རང་གི་སྐྱེ་བོ་དང༌། གཉེན་གྱི་སྐྱེ་བོ་དང༌། ཡོངས་ཀྱི་སྐྱེ་བོ་དང༌། གྲོང་དང་གྲོང་ཁྱེར་དང༌། གྲོང་རྡལ་དང༌། ལྗོངས་དང༌། རྒྱལ་པོའི་འཁོར་རྣམས་ཡོངས་སུ་བསྐྱང་བར་བགྱི། དུས་དུས་སུ་ཆར་དབབ་པར་བགྱི། འབྲུ་ལ་སོགས་པར་བསྐྱེད་པར་བགྱི། སྐྱེ་བོ་མང་པོ་ལ་ཕན་པ་དང་བདེ་བའི་སླད་དུ་རྗེས་སུ་སྒྲུབ་པར་བགྱིའོ། །སྒྲུབ་པ་པོ་ལ་གནོད་པའི་ཕ་རོལ་གྱི་ཕྲུ་མ་དམག་གི་དཔུང་ལ་སོགས་པ་གཞོམ་པར་བགྱི། སེམས་ཅན་མ་རུངས་པ་གནོད་ཅིང་འཚེ་བ་པོས། དེ་ལ་མི་ཕན་པའི་སེམས་བསྐྱེད་པ་གང་ཡིན་པ་དེ་དག་བརླག་པར་བགྱི་བའི་སླད་དུ་སྒྲུབ་པར་བགྱིའོ། །མ་རུངས་པར་བགྱིའོ། །དེ་ལ་བདུད་ཀྱི་ལས་ཀྱང་བགྱི། གནོད་པར་བགྱི་བ་ལ་ཡང་ཉེ་བར་གནས་པར་བགྱི། བཅོམ་ལྡན་འདས་མདོར་ན་མ་འོངས་པའི་སེམས་ཅན་རྣམས་ལ། བརྟག་པའི་རྒྱལ་པོ་འདི་ནི། སངས་རྒྱས་ཀྱི་མཛད་པ་ལྟ་བུར་སེམས་ཅན་གྱི་དོན་བྱེད་པར་གནས་པ་ལགས་པས། བཅོམ་ལྡན་འདས་བུ་
བཞིན་དུ་བདག་ཅག་གིས་བསྐྱང་བར་བགྱིའོ། །ཞེས་བསྙེན་བཀུར་ཞིང་བྱས་པ་གཟོ་བ། ལྷའི་དབང་པོ་ཇི་ལྟར་སྨྲས་པ་དེ་བཞིན་ཏེ། བརྟག་པའི་རྒྱལ་པོ་འདི་ནི་དེ་བཞིན་དུ་བལྟ་བར་བྱའོ། །ལྷའི་དབང་པོ་ལེགས་ཀྱི། འཛམ་བུའི་གླིང་ན་གནས་པའི་སེམས་ཅན་སྡིག་པའི་ཆོས་ལ་ཀུན་ཏུ་སྤྱོད་པ། སེམས་ཅན་དམྱལ་བའི་དབང་དུ་གྱུར་པ། འཁོར་བ་མི་གཙང་བ་ཕྱི་སའི་ཁྲོད་དང་འདྲ་བའི་དོང་དུ་བྱིང་བའི་སེམས་ཅན་རྣམས་ལ་ཕན་པ་དང་བདེ་བར་བྱ་བའི་ཕྱིར་ཡུན་རིང་པོར་བག་ཡོད་པར་བྱོས་ལ་སྒྲུབས་ཤིག ། རྒྱུད་འདི་བརྒྱ་བྱིན་ལ་སོགས་པའི་འཁོར་རྣམས་ལ་ལེགས་པར་གཏད་དོ་ཞེས་སོ། དེ་ལྟར་རྩ་བའི་རྒྱུད་ཀྱི་དོན་རྣམས་ནི་བརྗོད་བྱ་བརླིང་ཞིང་ཤིན་ཏུ་དཀའ་བས་ཞིབ་ཏུ་བཤད་དོ། །གལ་ཡང་ཤིན་ཏུ་ཆེ་བར་སྣང་སྟེ། རྩ་རྒྱུད་ཀྱི་དོན་རྣམས་ལ་ངེས་པ་རྙེད་ན། འོག་གི་དོན་དཀའ་བ་རྣམས་ཀྱང་དེའི་ཁོག་ནས་ཐོན་པར་སྣང་ངོ༌། །བམ་པོ་དང་པོ་ནི་འོག་གི་གཉིས་པ་སོགས་ལ་ལྟོས་པའོ།། །།དེ་ལྟར་རྩ་བའི་རྒྱུད་བསྟན་ནས། རྩ་རྒྱུད་བཤད་པའི་རྗེས། དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། རང་དབང་དུའམ་སྙམ་ན། བཅོམ་ལྡན་འདས་ཀྱི་མཐུས། གང་ན་བརྟག་པའི་རྒྱལ་པོ་བརྟག་པ་ཕྱི་མ་འདི་བཤད་ཅེས་སྦྲེལ་ལོ་ འདིར་འཆད་པ་པོ་ནི་ཕྱག་ན་རྡོ་རྗེ་ཡིན་ལ། སྟོན་པ་དང་རྒྱུད་ཀྱི་བདག་པོ་ནི་ཤཱཀྱ་ཐུབ་པ་ཡིན་ནོ། །ཁ་ཅིག་ན་རེ། བདག་པོ་ནི་ཕྱག་ན་རྡོ་རྗེ་ཡིན་ཏེ། རྒྱུད་ཡོངས་སུ་རྫོགས་པར་ཉེ་བ་ན། ཕྱག་ན་རྡོ་རྗེ་རྒྱུད་ཀྱི་བདག་པོ་ལ་བསྟོད་པ་ཞེས་ཀྱང་ཟེར་རོ། །ཞེས་ཀ་མ་དྷེ་ནུས་གསུངས་སོ། །དཔའ་བོ་ནི་ཕྱག་རྡོར་གདན་ལས་བཞེངས་ནས་ནི། །དགྱེས་ཤིང་རྡོ་རྗེ་གསོར་ནས་ཀྱང༌། །སྟོན་པ་ཤཱཀྱའི་རྒྱལ་པོ་དགྱེས་མཛད་པ། །ཐུབ་པའི་གཙོ་ལ་ཕྱག་བཙལ་ནས། །
རང་དང་གཞན་གྱི་སྒྲིབ་པ་ཐམས་ཅད་རྣམ་པར་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མཚན་ངན་སོང་ཐམས་ཅད་རྣམ་པར་སྦྱོང་བ་ཞེས་བྱ་བ་ལྷ་སོ་སོ་དང་ཕྱག་རྡོར་རང་གི་སྙིང་པོ་འདི་ཉིད་ཀྱི་ཐུགས་ཀ་ནས་ཕྱུང་ངོ༌། །ཀ་མ་དྷེ་ནུས། དེ་གཉིས་ཀའི་ལྷ་རྣམས་ཀྱི་དབྱིབས་དང་ཁ་དོག་དང༌། གནས་དང༌། ངེས་པ་དང༌། དབང་བསྐུར་བ་དང༌། དཀྱིལ་འཁོར་དང༌། དངོས་གྲུབ་དང༌། སྦྱིན་སྲེག་ལ་སོགས་པ་རྣམས་ནི། རྩ་རྒྱུད་དུ་བཤད་ཟིན་པས་མི་བརྗོད་དོ། །ༀ་ཤཱཀྱ་ཐུབ་པའི་ས་བོན། སརྦ་པཱ་པཾ་སྡིག་པ་ཐམས་ཅད་ད་ཧ་ན་བཛྲ་ཧཱུཾ་ཕཊ། བསྲེག་པའི་རྡོ་རྗེ། ༀ་ཕྱག་རྡོར་གྱི་ས་བོན། སརྦ་ཨ་པཱ་ཡ་བི་ཤོ་དྷ་ན་བཛྲ་རྣམ་པར་སྦྱོང་བའི་རྡོ་རྗེ། ཧཱུཾ་ཕཊ། ༀ་རྒྱལ་བའི་གཙུག་ཏོར། སརྦ་ཀརྨྨཱ་ལས་དང༌། ཨཱ་བ་ར་ཎཱ་ནི་སྒྲིབ་པ་བྷ་སྨིན་ཀུ་རུ་ཐལ་བར་མཛོད། ཧཱུཾ་ནི་ས་བོན་ཕཊ། ༀ་བྲུཾ་འཁོར་སྒྱུར་གྱི་བྷུཾ་ནི་ས་བོན་བི་ནཱ་ཤ་ཡ་རྣམ་པར་འཇོམས་པ། ཨཱ་བ་ར་ཎཱ་ནི་སྒྲིབ་པ་ཧཱུཾ་ཕཊ། ༀ་རྣམ་པར་རྒྱལ་བ་དྲུཾ་ནི་ས་བོན། བི་ཤོ་དྷ་ཡ་རྣམ་པར་སྦྱོངས་ཨཱ་བ་ར་ཎཱ་ནི་ཧཱུཾ་ཕཊ། ༀ་གཟི་བརྗིད་ཕུང་པོའི། ཛྭ་ལ་འབར་བ་དྷ་ཀ་ཆོད་དྷ་ཀ་ཆོད་ཧ་ན་བསྣུན། ཧ་ན་བསྣུན། སརྦ་ཨཱ་བ་ར་ཎཱ་ནི་ཧཱུཾ་ཕཊ། ༀ་གདུགས་དཀར། སྲུཾ་ནི་ས་བོན། ས་ར་འཇོམས་པ་ས་ར་འཇོམས་པ། པྲ་ས་ར་རབ་འབྱམས། པྲ་ས་ར། རབ་འབྱམས། ཨཱ་བ་ར་ཎཱ་ནི་ཧཱུཾ་ཕཊ། ༀ་རྣམ་པར་འཐོར་བའི་ཧཱུཾ། ཧ་ར་ཕྲོགས་ཧ་ར་ཕྲོགས། སརྦྦ་ཨཱ་བ་ར་ཎཱ་ནི་ཧཱུཾ་ཕཊ། ༀ་རྣམ་པར་འཇོམས་པའི། ཧཱུཾ་ཕཊ་སརྦྦ་ཨཱ་བ་ར་ཎཱ་ནི་སྥོ་ཊ་ཡ་ཁོས་སྥོ་ཊ་ཡ་ཁོས་ཧཱུཾ་ཕཊ། ༀ་བྷྲྀ་ཏ་དྲ་ལ་བར་གྱིས་བྷྲྀ་ཏ་དྲལ་བར་གྱིས། ༀ་ཏྲ་ཊ་ཆོད་ཏྲ་ཊ་ཆོད་སརྦྦ་ཨཱ་བ་ར་ཎཱ་ནི་ཧཱུཾ་ཕཊ། ༀ་ཙྪིནྡྷ་གཏུབས་ཙྪིནྡྷ་གཏུབས་སརྦྦ་ཨཱ་བ་ར་ཎཱ་ནི་ཧཱུཾ་ཕཊ། བཞི་པོ་འདི་སྒེག་སོགས་བཞིའི་བསྐྱེད་སྔགས་ཟེར་ཏེ་འཐད་པར་མ་མཐོང་ངོ༌། །ༀ་བི་དྲ་བ་རྣམ་པར་འཇོམས་པ་བི་དྲ་བ་
རྣམ་པར་འཇོམས་པ་སརྦྦ་ཨ་བཱ་ཡ་ཏ་ཏ་ཏྭ་ན་ནི་ཧཱུཾ་ཕཊ། ༀ་ད་ཧ་སྲེགས་ད་ཧ་སྲེགས་སརྦྦ་ན་ར་ཀ་དམྱལ་བར་ག་ཏ་འགྲོ་ཧེ་ཏུཾ་རྒྱུ་ཧཱུཾ་ཕཊ། ༀ་པ་ཙ་ཚོས་པ་ཙ་ཚོས་སརྦྦ་པྲེ་ཏ་ཀ་ཡི་དྭགས་ག་ཏི་འགྲོ་ཧེ་ཏུཾ་རྒྱུ་ཧཱུཾ་ཕཊ། ༀ་མ་ཐ་ཆོམ་མ་ཐ་ཆོམ་སརྦ་ཏི་རྱ་ཀ་ག་ཏི་དུད་འགྲོ་ཧེ་ཏུཾ་རྒྱུ་ཧཱུཾ་ཕཊ། དེ་ནས་དེ་དག་གི་ཡོ་བྱད་རྣམས་བཤད་དེ། ༀ་སརྦ་ཨཱ་པ་ཡ་ལོག་པར་ལྟུང་བ། བི་ཤོ་དྷ་ནི་དྷ་མ་ རྒྱན་དུ་། མཛེས་འཆུ་བ་ལ་བཤད། དྷ་མ་དྷཱུ་པ་ཡ་བདུག་པ་མས་ཧཱུཾ་ཕཊ། ༀ་སརྦ་དུརྒ་ཏི་ངན་འགྲོ་ཐམས་ཅད་བི་ཤོ་དྷ་ནི་རྣམ་པར་སྦྱོངས་པུཥྤ་མེ་ཏོག་བི་ལོ་ཀི་ནི་རྣམ་པར་གཟིགས་ནས་ཧཱུཾ་ཕཊ། ༀ་སརྦ་ཨ་པཱ་ཡ་བི་ཤོ་ནི་རྣམ་པར་མཛད་མ་ཛྙཱ་ན་ཡེ་ཤེས་ཨཱ་ལོ་ཀ་ཀ་རི་མར་མེ་མས་མཛོད་ཧཱུཾ་ཕཊ། །ༀ་སརྦ་ཨ་པཱ་ཡ་ག་ཏི་གནྡྷེ་དྲི་ཆབ་མས་ནཱ་ཤ་ནི་འཇིགས་གནྡྷ་པ་ཏི་དྲི་ལྡན་མ་ཧཱུཾ་ཕཊ།སྒོ་བ་རྣམས་ཀྱི་སྔགས་ལ། ༀ་སརྦྦ་ན་ར་ཀ་ག་ཏི་དམྱལ་བར་འགྲོ་བ་ཐམས་ཅད་ཨཱ་ཀརྵ་ཎི་ལྕགས་ཀྱུས་ཁུག་ཅིག་ཧཱུཾ་ཕཊ། ༀ་སརྦ་ན་ར་ཀ་ཨ་བྷྱུད་དྷ་ར་ཎི་ཕྱག་གིས་ཞགས་པས་འཛིན་ཧཱུཾ་ཕཊ། །ༀ་སརྦྦ་ཨ་པཱ་ལ་ཕྱག་གིས་བནྡྷ་ན་འཆིང་བ་བི་མོ་ཙ་ནི་རྣམ་པར་གྲོལ་བར་གྱིས་ཧཱུཾ་བཾ་ཕཊ། ༀ་སརྦ་ཨ་པཱ་ཡ་ག་ཏི་ག་ཧ་ན་བི་ནཱ་ཤ་ནི་རྣམ་པར་འཇིགས་པར་གྱིས་ཧཱུཾ་ཧོ་ཕཊ། དྲིལ་བུའི་ས་བོན། གཙུག་དགུར་ཤཱཀྱ་སེང་གེའི་ཐུགས་ཀར་དཀྱིལ་འཁོར་བསྐྱེད། ཐུགས་ཀའི་སྔགས་ཕྲེང་གི་འོད་ཟེར་སྤྲོ་བསྡུས་ངན་སོང་སྦྱངས་ནས། སླར་ལྷ་རྣམས་ལ་མཆོད་བསྟོད་བྱས་པ་དང་པོ་སྦྱོར་བ་དང༌། དེ་ནས་འབྱུང་བ་རིམ་བརྩེགས་ནས་རྟེན་གཞལ་ཡས་ཁང་བསྐྱེད་པའི་ནང་དུ། གཙོ་བོའི་ཐུགས་ཀ་ནས་ལྷ་རྣམས་སྤྲོས་ཕྱོགས་མཚམས་སུ་བཀོད་པའི་དཀྱིལ་འཁོར་དཀྱིལ་འཁོར་རྒྱལ་མཆོག་དང༌། ཐུན་མོང་གི་ལས་འཚོལ་
པ་ལས་རྒྱལ་མཆོག་ཏུ་བྱས་པའི་ཏིང་ངེ་འཛིན་གསུམ་བསྒོམས་ནས་བསྙེན་པ་བྱེད་པར་བཤད་པ་ལྟར་རམ། ཡང་ན་ཀུན་རིག་གི་ཆོ་གར་བཤད་པ་ལྟར། ཏིང་ངེ་འཛིན་བསྒོམས་པའི་བསྙེན་པ་སྔོན་དུ་བཏང་ནས། སློབ་དཔོན་གྱི་བྱ་བའི་རིམ་པ། ས་ཆོག །སྟ་གོན། དཀྱིལ་འཁོར་ཐིག་ཚོན་གྱིས་བྲི་བའི་དབང་དུ་བྱས་ནས། དེ་དག་གི་དཀྱིལ་འཁོར་བཤད་དེ།ནང་གི་དཀྱིལ་འཁོར་འཁོར་ལོ་ནི། །ཤིན་ཏུ་མཛེས་པའི་རྩིབས་བརྒྱད་ཅན། །ལྟེ་བར་བཅས་ཤིང་མུ་ཁྱུད་ལྡན། །ནང་གི་རིམ་པས་བྲིས་ནས་ནི། །མཚན་མ་འགོད་པ་ན་ལྟེ་བའི་ནང་དུ་ཤཱཀྱ་ཡི། །བདག་པོ་ཐུབ་པ་བྲི་བར་བྱ། །ཕྱག་ན་རྡོ་རྗེ་སྟོབས་ཆེན་ནི། །དཔའ་བོ་དེ་ཡི་སྤྱན་སྔར་བྲི། །ཤར་གྱི་རྩིབས་སྟེང་དུ་རྒྱབ་ཏུ་འཁོར་ལོས་སྒྱུར་བ་བྲི། །གཡས་ཕྱོགས་ལྷོའི་རྩིབས་སྟེང་ལ་རྒྱལ་བའི་གཙུག་ཏོར་ལ། །གཡོན་པར་ཏེ་བྱང་དུ་རྣམ་པར་རྒྱལ་བ་བྲི། །གཟི་བརྗིད་ཕུང་པོ་མེ་ཡི་ཕྱོགས། །ཆག་གིས་ དབང་ལྡན་ཕྱོགས་སུ་གདུགས་དཀར་མོ། །རྣམ་པར་འཐོར་བ་རླུང་གི་ཕྱོགས། །རྣམ་པར་འཇོམས་པ་ནཻ་རི་ཏི། །ནི་བདེན་བྲལ་ལམ་སྲིན་པོར་བྲིས་ནས་ཕྱི་རོལ་བྲི་བྱ་སྟེ། །གྲུ་བཞི་པ་ལ་སྒོ་བཞི་པ། །སེང་གེ་རྟ་བབས་བརྒྱན་པར་བྱ། །དཔའ་བོས་ལྕགས་ཀྱི་ཞགས་པ་དང༌། །ལྕགས་སྒྲོག་དྲིལ་བུ་སྙན་རྣམས་བཞག །གྲྭ་ཡི་ཕྱོགས་ནི་ཐམས་ཅད་དུ། །བདུག་པ་ལ་སོགས་བྲི་བར་བྱ། །དེ་ནས་དྲི་ཞིམ་དྲི་ལ་སོགས། །རང་གི་ལུས་ནི་བསྐུས་པ་སོགས་ཆས་སུ་ཞུགས་ནས་ནི། །སྔར་བཤད་པ་བཞིན་རྡོ་རྗེ་འཛིན་མས་ཆད་ལྷག་གི་ཉེས་པ་བཞི་པ་དང་ཡེ་ཤེས་པ་གཞུག་པའི་དོན་དུ་ཞུགས་ནས་ནི། །ལྷོ་ཕྱོགས་སུ་འདུག་སྟེ་ཛཿ ཧཱུཾ་བཾ་ཧོཿ བྷ་ག་ཝན་བཅོམ་ལྡན་འདས་ཨེ་ཧྱེ་ཧི་ཚུར་གཤེགས་མ་ཧཱ་ཀཱ་རུ་ཎི་ཀ་ཏྲྀ་ཤྱ་ཧོ་ཐུགས་རྗེ་ཆེན་པོ་ཅན་གཟིགས་
ཤིག་གང་གི་སན་སམ་ཡ་སྟཾ། དམ་ཚིག་ཅན་ཁྱེད་ཞེས་བྱ་བའི་སྔགས་དང་ཕྱག་རྒྱས་ལྷ་ཐམས་ཅད་སྤྱན་དྲང་ངོ་། །དེ་ནས་ཡེ་ཤེས་པ་རྣམས་གཤེགས་པར་མོས་པ་བསྐྱེད་དེ། མཆོད་པ་བྱས་ནས་དགུག་གཞུག་བཅིང་དབང་དུ་བྱས་ཏེ་མཆོད་བསྟོད་ནས། སྔར་ཀུན་རིག་ཏུ་བཤད་པ་དེ་བཞིན་དུ་འཇུག་པའི་ཆོས་རྣམས་ཀྱིས་སློབ་དཔོན་དཀྱིལ་འཁོར་དུ་ཞུགས་དབང་བླངས་ལ། དེ་ནས་སློབ་མ་བཅུག་སྟེ་དབང་བསྐུར་ན། ཕན་ཡོན་ནི་ངན་སོང་ཐམས་ཅད་ལས་རྣམ་པར་གྲོལ་ཏེ། བདེ་འགྲོ་མཐོ་རིས་ཀྱི་འཇིག་རྟེན་དང༌། གོང་ནས་གོང་དུ་ས་རྣམས་སུ་ཡང་སྐྱེ་བར་འགྱུར་རོ། །བསྙེན་པ་ལས་སུ་རུང་སྟེ་བསྒྲུབས་ན་དངོས་གྲུབ་ཐམས་ཅད་ཀྱང་འགྲུབ་པར་འགྱུར་རོ། །མཐར་ཐུག་སངས་རྒྱས་སུ་ཡང་གདོན་མི་ཟ་བར་འགྲུབ་པར་འགྱུར་རོ། །སྔ་མ་བཞིན་དུ་ལས་ཐམས་ཅད་ཀྱང་བྱེད་ཅིང་ཐམས་ཅད་ལ་ཐོགས་པ་མེད་པར་འགྱུར་རོ། །བསྙེན་པ་ལས་སུ་རུང་བས་རྡོ་རྗེ་དང་བཅས་པའི་རྨ་བྱའི་སྒྲོས་བྱབ་པ་བྱས་པས་ནི་རིམས་ནད་ཐམས་ཅད་དང་གདོན་དང་དུག་ལ་སོགས་པ་ལས་ཐར་བར་འགྱུར་རོ། །ཡེ་ཤེས་དབབ་པའི་སྐབས་སུ་དེ་བཞིན་གཤེགས་པ་ཐམས་ཅད་ཕྱག་ན་རྡོ་རྗེའི་ཧཱུཾ་གི་རྣམ་པར་ཞུགས་པ་ཞེས་བྱ་བ་ལ་སོགས་པའི་མཐུས་ཞི་སོགས་ཀྱི་ལས་ཐམས་ཅད་བྱེད་ནུས་པར་འགྱུར་རོ། །བརྟག་པ་གཞན་ནས་བསྟན་པའི་ཆོ་གས་ གྱི་ཏེ་ལས་མཆོག །ཀྱང་འདིའི་སྒོ་ནས་ལས་ཐམས་ཅད་འགྲུབ་པར་འགྱུར་རོ། །དེ་ནས་གཤིན་པོའི་དོན་བྱ་ཚུལ་སྟོན་ཏེ། ལྷ་དང་ཀླུ་དང༌། གནོད་སྦྱིན་དང༌། སྲིན་པོ་ལ་སོགས་པ་ངན་སོང་གི་རྒྱུད་ཀྱི་དབང་དུ་གྱུར་པ་རྣམས་ཀྱི་ཤི་བའི་རོའམ། གཟུགས་བརྙན་ནམ། མིང་ལ་སོགས་པ་ཡང་ཀུན་རིག་ཏུ་ཇི་ལྟར་བཤད་པ་བཞིན་བྱའོ། །བྲིས་ཏེ་བཟླས་
པ་དང་སྦྱིན་སྲེག་དང་དབང་རྣམས་ཀྱིས་སྔ་མ་བཞིན་དུ་རྟེན་བསྐྱེད་པ་ནི། རོ་མཆོད་རྟེན་དུ་འཇོག་པ། དྲི་གཙང་ཁང་དུ་འཇོག་པ། དབང་བསྐུར་བ་རྣམས་ལ་རྟེན་ལྷར་བསྐྱེད་དགོས་ཤིང༌། ཤེས་བྱེད་རྣམས་ནི་སྔར་བཤད་ལ། རྣམ་ཤེས་འགུགས་པ་ཡང་ངེས་པར་དགོས་ཏེ། མིང་བྱང་ལ་བཀུག་ནས་དེར་ཞེན་ཏེ་སྒྲིབ་པ་སྦྱོང་བའི་ཐབས་རྣམས་བྱེད་དེ། རྣམ་ཤེས་བཀུག་པ་ལ་ལས་གཞན་བྱེད་པར་སྣང་བས་ཀྱང་ཤེས་སོ། །རྣམ་ཤེས་མི་འགུགས་ན་མིང་བྲིས་པ་ལ་དགོས་པ་མེད་པའི་ཕྱིར་རོ། །ཚེ་དཔག་མེད་དུ་བཤད་པ་ལྟར་བགེགས་སྦྱངས་པ་དང༌། ཚེ་འཕོ་བའི་མདོ་དྲངས་ནས། ལྷན་ཅིག་སྐྱེས་པའི་འདྲེ་སྐྲོད་པར་ཡང་ཁ་ཅིག་འདོད་དེ། བྱས་ཀྱང་རུང་ངོ༌། །གཟུངས་སྔགས་བཟླས་པའི་ཆུ་དང༌། ཟབ་པའི་ཕྱིར་བཟློག་རྣམས་ཀྱང༌། གོང་དུ་བྱེད་པར་གསུངས་པ་འདིར་ཡང་མཚུངས་ལ། ཤིས་བརྗོད་སྐྱབས་འགྲོ་སོགས་ཀྱང་དམ་པའི་ཕྱག་ལེན་ལ་འདུག་པ་ལྟར་ལེགས་སོ། །ཡུལ་འགའ་ཞིག་ན་ཟས་གཏོར་བྱེད་པ་ནི། ལྷར་བསྐྱེད་པ་ལ་འབུལ་བ་ལྟར་འཐད་ཀྱི། གཞན་བྱས་ཀྱང་དགོས་པ་མེད་དོ། །དེ་ལྟར་བྱས་ན་ཐེ་ཚོམ་མེད་པར། ངན་སོང་ཐམས་ཅད་ལས་ཡོངས་སུ་གྲོལ་བར་བྱེད་དོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སེང་གེའི་ལྟ་སྟངས་ཀྱིས། ནི་འཁོར་གྱི་དབུས་སུ་བག་ཚ་བ་མེད་པའི་ བཅོམ་ལྡན་འདས་ཀྱི་ཞལ་དུ་བལྟས་ཏེ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་ཕྱག་རྒྱ་དམ་པ་ཡི། །མཚན་ཉིད་དམ་པ་བཤད་པར་བགྱི། །ཞེས་གསུང་བ་དམ་བཅའོ། །འདི་དཔྱད་པ་ལ་བཞི། གང་ལ་རྒྱས་འདེབས་པའི་གཞི། དེ་ལ་རྒྱས་འདེབས་བྱེད་ཀྱི་ཕྱག་རྒྱ། རྒྱས་བཏབ་པའི་དོན། རྒྱས་བཏབ་པའི་དགོས་པའོ། །དེ་ལ་ཁ་ཅིག་ན་རེ། ལྷ་དམ་ཚིག་པ་ལ་ཡེ་ཤེས་པ་བཅུག་ནས། དབྱེར་མེད་དུ་བྱེད་པ་ཡིན་ཏེ། རྒྱས་འདེབས་ཀྱི་སྐབས་སུ་དེ་ལ་རྒྱས་འདེབས་སུ་མཛད་པའོ་སྙམ་དུ་བསམས་སོ། །དེ་ནི་འཐད་པར་མ་མཐོང་སྟེ། དམ་ཚིག་པ་ལ་ཡེ་ཤེས་པ་དབྱེར་མེད་དུ་བྱས་པ་རྒྱས་བཏབ་པའི་དོན་ཡིན་གྱི་གདབ་གཞིར་མི་འཐད་དོ། །འོ་ན་རང་ལུགས་ཇི་ལྟར་ཡིན་ཞེ་ན། གཞི་དུས་ཀྱི་ལུས་ངག་ཡིད་བྱ་བ་དང་བཅས་པ་ནི་སྦྱང་གཞི། དེ་ལམ་གྱི་ཕྱག་རྒྱ་བཞིས་སྦྱངས་
པས་འབྲས་བུའི་ཕྱག་རྒྱ་སྐུ་བཞིར་སྒྲུབ་པས། འདི་པའི་ལུགས་ཀྱིས་ཕྱག་རྒྱ་བཞིའི་རྒྱས་འདེབས་ཀྱི་ནང་ནས་ལམ་གྱི་གནད་ཡོངས་སུ་རྫོགས་པ་ཞིག་ཐོན་དགོས་སོ། །དེའི་རྒྱུ་མཚན་གྱིས། སྒྲུབ་པ་པོའི་ལུས་ངག་ཡིད་གསུམ་བྱ་བ་དང་བཅས་པ་ནི་རྒྱས་གདབ་གཞི་ཡིན་ནོ། །གཉིས་པ་འདེབས་བྱེད་ཕྱག་རྒྱ་ནི། ལག་པའི་ཕྱག་རྒྱ་ཁོ་ན་ལ་བཟུང་ན་ཁྱབ་ཆུངས་བས་འདི་ལ་གཉིས། དང་པོ་ནང་གི་ཕྱག་རྒྱ་ནི། སྒྲུབ་པ་པོ་རང་གི་ལུས་ལྷ་དེ་དང་དེར་བསྐྱེད་པ་ནི་ཕྱག་ཆེན་ཡིན་ལ། སྙིང་གར་ཟླ་བའི་སྟེང་དུ་དང་པོའི་རྡོ་རྗེ་རྩེ་ལྔ་པ་སྒོམ་པ་ནི་དམ་རྒྱ། ཆོས་རྒྱ་ནི་ལྐོག་མར་ལྕེའི་སྟེང་དུ་རྡོ་རྗེ་དང༌། དེའི་ལྟེ་བར་ཆོས་ཀྱི་ཡི་གེ་འགོད་པ། སྙིང་གར་སྣ་ཚོགས་རྡོ་རྗེ་སེམས་པ་ནི་ནང་གི་ལས་རྒྱའོ། །ཕྱིའི་ཕྱག་རྒྱ་བཞི་ནི། ནང་གི་ཕྱག་རྒྱ་བཞིས་རྒྱས་འདེབས་པའི་ཚེ། ལག་པའི་ཕྱག་རྒྱ་བཞི་འཆིང་བའོ། །གསུམ་པ་བཏབ་པའི་དོན་ནི། ཕྱི་ནང་གི་ཕྱག་ཆེན་གཉིས་འཆིང་བ་ན། རང་གི་ལུས་ཀྱི་རྡུལ་ཕྲ་རབ་ཐམས་ཅད་དང༌། དེ་བཞིན་གཤེགས་པའི་སྐུའི་ཆ་ཐམས་ཅད་དང་དབྱེར་མེད་པར་མོས། ཕྱི་ནང་གི་དམ་རྒྱ་གཉིས་འཆིང་བ་ན་རང་གི་སེམས་དང༌། སངས་རྒྱས་ཀྱི་ཐུགས་དབྱེར་མེད་པར་མོས། ཕྱི་ནང་གི་ཆོས་རྒྱ་གཉིས་འཆིང་དུས། རང་གི་ངག་དང་སངས་རྒྱས་ཀྱི་གསུང་དབྱེར་མེད་པར་མོས། ཕྱི་ནང་གི་ལས་རྒྱ་གཉིས་འཆིང་དུས། རང་གི་སྒོ་གསུམ་གྱི་བྱ་བ་དང༌། སངས་རྒྱས་ཀྱི་སྐུ་གསུང་ཐུགས་ཀྱི་འཕྲིན་ལས་གསུམ་དབྱེར་མེད་པར་མོས་པ་ཡིན་ནོ། །ཕྱག་རྒྱའི་སྒྲ་དོན་ནི། ཕྱག་རྒྱ། རྟགས། མཚན་ཉིད། མཚན་མ་རྣམས་དོན་གཅིག་པས། མཚོན་པར་བྱེད་པའམ། དྲན་པར་བྱེད་པས་ཕྱག་རྒྱ་སྟེ། འབྲས་བུའི་ཕྱག་རྒྱ་ཆོས་སྐུ་དང་གཟུགས་སྐུ། དེའི་ཡན་ལག་གསུང་འཕྲིན་ལས་ཏེ། དེ་དག་དང་གདབ་གཞི་དབྱེར་མེད་དུ་དྲན་པའོ། །ཡང་ན་འདེབས་བྱེད་དེས་གང་བ་གཞི་དེ་ལ་རྒྱས་བཏབ་པས། ལྷ་དེ་དང་དབྱེར་མེད་པ་ལས་འདའ་བར་དཀའ་བས་ཕྱག་རྒྱ་སྟེ། དཔེར་ན་རྒྱལ་པོའི་ཁྲིམས་སུ་བཅས་པའི་ཕྱག་རྒྱ་ལས་གཞན་གྱིས་འདའ་བར་མི་ནུས་པ་བཞིན་ནོ། །རྒྱུད་ཕྱི་མར། རྒྱལ་པོའི་ཕྱག་རྒྱ་མཆོག་གི་ཁྲིམས། །འདའ་དཀའ་མི་ཕྱེད་དེ་བཞིན་དུ། །ཞེས་གསུངས་པ་ལྟར་རོ། །
འོ་ན་རྒྱས་བཏབ་པའི་དོན་དེ་ལྟར་ཡིན་ན། དགོས་པ་དེ་ནང་གི་ཕྱག་རྒྱས་འགྲུབ་པས། ལག་པའི་ཕྱག་རྒྱ་འཆིང་མི་དགོས་པར་འགྱུར་སྙམ་ན་དེ་ནི་མ་ཡིན་ཏེ། དཔལ་མཆོག་གི་དོན། ཨ་བ་ཏ་རར་འདི་ལྟར་བཤད་དེ། དཔེར་ན། ལུས་དང་བྲལ་བའི་སེམས་ཡན་གར་བ་ནི་ནམ་མཁའ་དང་འདྲ་སྟེ་འགྲོ་འོང་སོགས་ཀྱི་བྱ་བས་སྟོང༌། སེམས་དང་བྲལ་བའི་ལུས་ཡན་གར་བ་ནི་རྩིག་པ་དང་འདྲ་བས་རང་གི་བྱ་བ་མི་འགྲུབ། ལུས་སེམས་གཉིས་ཚོགས་ནས་ཕན་ཚུན་གྲོགས་སུ་ཡོད་ན་རང་རང་གི་བྱ་བ་འགྲུབ་པ་གཞིན་དུ་ཕྱི་ནང་གི་ཕྱག་རྒྱ་གཉིས་ཀྱང་ཕན་ཚུན་གྲོགས་སུ་ཚོགས་ན་ཕན་ཚུན་གྱི་བྱ་བ་འགྲུབ་པ་ཡིན་ཏེ། དཔལ་མཆོག་ཏུ། སེམས་ནི་སྟོང་པ་སྒྱུ་མར་མཚུངས། །ལུས་དང་བྲལ་བར་མ་གྲུབ་སྟེ། །ལུས་དེ་ཡང་ནི་རྩིག་པ་འདྲ། །བྱ་བ་མེད་ཅིང་སེམས་དང་བྲལ། །དེ་བཞིན་ཕྱག་རྒྱ་རྣལ་འབྱོར་གྱི། །ཞེས་སོགས་གསུངས་པ་ལྟར་རོ། །བཞི་པ་དགོས་པ་ལ་བཞི། སྲུང་བ་ཆེན་པོར་འགྱུར་བའི་དགོས་པ་ནི། རང་གི་ལུས་ངག་ཡིད་བྱ་བ་དང་བཅས་པ། ལྷའི་སྐུ་གསུང་ཐུགས་དང་དབྱེར་མེད་གཅིག་ཏུ་རྡོ་རྗེའི་སྐུར་བསྒྲུབས་པས། བགེགས་ཀྱི་གནོད་པས་མི་ཚུགས་པར་འགྲེལ་བས། རྣམ་སྣང་མངོན་བྱང་གི་ལུང་གིས་བསྒྲུབས་སོ། །གཉིས་པ་མཐའ་གཉིས་ལས་གྲོལ་བའི་དགོས་པ་ནི། སྤྱིར་ཐེག་པ་ཆེན་པོའི་ལམ་གྱི་དགག་བྱ་ནི། སྲིད་པ་འཁོར་བའི་མཐའ་དང༌། ཞི་བ་མྱང་འདས་ཀྱི་མཐའོ། །མཐའ་དེ་གཉིས་ཕྱག་རྒྱ་བཞིའི་ལམ་གྱིས་གྲོལ་ཚུལ་ནི། ཐབས་དང་བྲལ་བའི་ཤེས་རབ་ཀྱིས་ནི་སྲིད་པའི་འཆིང་བ་ཙམ་བཅད་ནུས་ཀྱང་ཞི་བའི་མཐའ་མི་ཁེགས་སོ། །འོ་ན་མཐའ་དེ་གང་གིས་སྤོང་ན། ཐབས་སྙིང་རྗེ་བསྒོམས་པའི་འབྲས་བུ་ཕྱག་ཆེན་མཚན་དཔེས་བརྒྱན་པའི་གཟུགས་སྐུར་ཤར་བས་ནི། ཞི་བའི་རྒུད་པ་ལས་གྲོལ་ལོ། །ཤེས་རབ་དང་བྲལ་བའི་ཐབས་ནི་ཇི་ཙམ་གོམས་ཀྱང་སྲིད་པའི་འཆིང་བ་ལས་མི་གྲོལ་བས། ཐུགས་གཉིས་སུ་མེད་པའི་དམ་ཚིག་གི་ཕྱག་རྒྱ་དངོས་པོའི་དེ་ཁོ་ན་ཉིད་ལ་ཞུགས་པས་སྲིད་པའི་རྒུད་པ་ལས་གྲོལ་ལོ། །ཆོས་རྒྱ་དང་ལས་རྒྱ་གཉིས་ཀྱིས་ཕྱག་རྒྱ་སྔ་མ་གཉིས་ཀྱི་གྲོགས་བྱས་པས།
སྐུ་ཕྱག་ཆེན་གྱི་ཆོས་འཁོར་བསྐོར་བས། གདུལ་བྱའི་རྒྱུད་ལ་འབད་མེད་ལྷུན་གྲུབ་ཏུ་འཇུག་པའི་འཕྲིན་ལས་བཞིས་རྒྱུན་མི་འཆད་དུ་གཞན་གྱི་དོན་འབྱུང་ངོ༌། །གསུམ་པ་ལྷར་བཏགས་པའི་དགོས་པ་ནི། འབྲས་བུའི་ཕྱག་རྒྱ་བཞིའི་དབང་དུ་བྱས་ནས། དེ་ཡང་རི་རབ་དང་གཞན་འཕྲུལ་དབང་བྱེད་ཀྱི་གནས་རྣམས་སུ་སྟོན་པས་ཆགས་བྲལ་གྱི་སྐུ་སྤངས། འཁོར་ལོས་སྒྱུར་བའི་གཟུགས་ཀྱིས་སྤྲུལ་བཤད་མཛད་དེ། ཕྱག་རྒྱ་བཞིས་རྒྱས་འདེབས་ཚུལ་གསུངས་ཤིང༌། དེ་ལྟར་རྒྱས་བཏབ་ན་དེ་བཞིན་གཤེགས་པ་རྣམས་ཀྱིས་བྱིན་གྱིས་རློབ་པར་ཞལ་གྱིས་བཞེས་སོ། །བཞི་པ་དམ་ཚིག་ཅན་གྱི་བཏགས་པའི་དགོས་པ་ནི། རྒྱུའི་ཕྱག་རྒྱ་བཞིའི་དབང་དུ་བྱས་ཏེ། སྒྲུབ་པ་པོས་ལུང་ལས་དེ་ལྟར་གསུངས་པ་ལྟར་ཤེས་ནས། སྨིན་བྱེད་དབང་རྣམ་པར་དག་པ་ཐོབ། དམ་ཚིག་དང་སྡོམ་པ་ཚུལ་བཞིན་དུ་བསྲུང༌། གྲོལ་བྱེད་ལམ་སྒོམ་པ་ན། ཕྱག་རྒྱ་བཞིས་རྒྱས་བཏབ་སྟེ་ལམ་བསྒོམས་པས་དེ་བཞིན་གཤེགས་པ་རྣམས་ཀྱིས་ངེས་པར་བྱིན་གྱིས་རློབ་སྟེ། ལྷའི་ལུང་ལས། ལྷ་རྣམས་སྔོན་དམ་ཚིག་མཛད་པའི་རྗེས་སུ་དགོངས་ནས་བྱིན་གྱིས་བརླབ་པ་མཛད་དེ། ཇི་སྐད་དུ་རྩ་བའི་རྒྱུད་ལས། ཡང་དག་བཅིངས་པ་ཙམ་གྱིས་ནི། །དམ་ཚིག་ཉམས་ལས་འཇིགས་པས་ན། །རྡོ་རྗེ་སེམས་དཔའ་ལ་སོགས་ཚོགས། །བྱིན་གྱིས་བརླབ་པ་ཉིད་དུ་འགྱུར། །ཞེས་གསུངས་པས་དེས་ན་རྒྱས་འདེབས་པ་ཡང་གཙོ་བོར་སྒྲུབ་པ་པོའི་ངོས་ནས་ཡིན་གྱི། གཞན་ལ་ཕུན་སུམ་ཚོགས་པའི་ཡན་ལག་ཡིན་ནོ། །ཕྱག་རྒྱ་བཅིངས་ནས། ཐུགས་རྗེས་བསྐུལ་བའི་ཐུགས་མངའ་བའི། །རྒྱལ་བ་ཀུན་གྱིས་བྱིན་གྱིས་རློབ། །ཅེས་ཕྱག་རྒྱ་བཅིངས་པའི་དགོས་པ་བསྟན་ནོ། །མཉམ་པར་བཞག་པས་དཔྲལ་བར་ནི། །ཕྱག་འཚལ་བ་ཡི་ཐལ་མོ་སྦྱར། །སངས་རྒྱས་བདེ་གཤེགས་སྐྱེས་རྣམས་ཀྱིས། །ཕྱག་འཚལ་བ་ཡི་ཕྱག་རྒྱར་བཤད། །རྣལ་འབྱོར་རིག་པས་མགྲིན་ཕྱོགས་སུ། །ཐལ་མོ་སྙིམ་པར་སྦྱར་བ་ནི། །རྟག་ཏུ་པདྨའི་རིགས་
ཉིད་ཀྱི། །པདྨའི་ཕྱག་རྒྱ་ཡིན་པར་བཤད། །རྡོ་རྗེ་ཐལ་མོ་སྦྱར་ནས་ཀྱང༌། །སྙིང་གར་གུང་མོ་མཐའ་སྦྱར་བ། །རྡོ་རྗེ་རིགས་ཀྱི་ཕྱག་རྒྱ་འདི། །དམ་ཚིག་ཐམས་ཅད་འཛིན་བྱེད་པའོ། །ལག་པ་གཡོན་པའི་ཐལ་མོ་གན་རྐྱལ་དུ་བཞག་ལ། དེའི་སྟེང་དུ་གཡས་པ་བཞག་སྟེ། མཐེ་བོའི་ངོས་གཉིས་སྤྲད་པ་ལ་ཞི་བའི་ལྟ་བས་བལྟ་བ་འདི་ནི། དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་ཕྱག་རྒྱ་སྟེ། དམ་ཚིག་ཡིན་པར་བཤད་དོ། །དེ་ཉིད་ལས་བཟློག་སྟེ། གཡོན་འོག་ཏུ། ལྟག་འོག་བསྣོལ་ལ། མཐེ་བོང་དང་མཐེའུ་ཆུང་གཉིས་གཅིག་ལ་གཅིག་ལུ་གུ་རྒྱུད་ཀྱི་ཚུལ་དུ་བསྣོལ་བ་སྙིང་གར་བཞག་པ་འདི་ནི། སློབ་དཔོན་དཀྱིལ་འཁོར་དུ་འཇུག་པའི་རྡོ་རྗེའི་རིགས་ཀྱི་རྡོ་རྗེ་འཛིན་མའི་དམ་ཚིག་གི་ཕྱག་རྒྱའོ། །ཐལ་མོ་རྫོགས་པར་སྦྱར་བ་ལས། །མཐེ་བོང་མཐེའུ་ཆུང་གཉིསབསྙམས་ལ། ལྷག་མ་རྣམས་བརྐྱང་བ་འདི་ནི་པདྨའི་གཙོ་བོ་ཤཱཀ་ཐུབ་ཀྱི་དབང་བསྐུར་བ་རིགས་ཀྱི་དམ་ཚིག་གི་ཕྱག་རྒྱའོ། །རྡོ་རྗེ་བསྡམས་པ་ལས་གུང་མོ་གཉིས་རྡོ་རྗེ་འདྲ་བར་བསྙམས་ལ། མཐེ་བོང་དང་མཐེའུ་ཆུང་གཉིས་བརྐྱང་པ་འདི་ནི་ཤཱཀ་ཐུབ་ཀྱི་ཤར་ན་གནས་པའི་ཕྱག་ན་རྡོ་རྗེའི་རྡོ་རྗེའི་ཕྱག་རྒྱའོ། །དེ་ཉིད་ལས་ཞེས་པ་རྡོ་རྗེ་བསྡམས་པ་ལ་ཕལ་ཆེར་བསྙེགས་པ་ཡིན་ཏེ། དེ་ལྟ་མ་ཡིན་པར་ཕྱག་རྒྱ་སྔ་མ་ལ་བྱེད་ན། མཐེ་བོང་དང་མཐེའུ་ཆུང་གཉིས་དེ་བཞིན་དུ་བྱས་ལ། ཞེས་པའི་ཚིག་དགོས་པ་མེད་པར་འགྱུར་ཏེ། མཐེ་བོང་དང་མཐེའུ་ཆུང་གཉིས་བརྐྱང་པ་འདི་ནི་ཞེས་བརྐྱང་པར་སྣང་བའི་ཕྱིར་རོ། །དེ་བཞིན་དུ་མེད་པའི་ཁྱད་པར་མཛུབ་མོ་དང་སྲིན་ལག་པདྨ་འདྲ་བར་བཀུག་པ་ནི། ངན་སོང་ཐམས་ཅད་ཡོངས་སུ་སྦྱོང་བའི་རྒྱལ་པོའི་ཕྱག་རྒྱའོ། །དེ་ཉིད་ལས་མཛུབ་
མོ་དང་སྲིན་ལག་གཉིས་རིན་པོ་ཆེ་འདྲ་བར་བྱས་པ་ནི་རྒྱལ་མཆོག་རིན་ཆེན་གྱི་དབང་བསྐུར་བའི་ཕྱག་རྒྱའོ། །འདིས་གཞན་གསུམ་ཡང་མཚོན། མཐེའུ་ཆུང་དང་མཐེ་བོང་སོ་སོར་བསྡམས་ལ་ལྷག་མ་རྣམས་བརྐྱང་བ་ནི་སྡིག་པ་ཐམས་ཅད་སྲེག་པའི་ཕྱག་རྒྱའོ། །ལག་པ་གཡོན་པས་དེ་བཞིན་དུ་བསྒྱུར་ཞིང་བྱ་བ་ནི་ལས་ཐམས་ཅད་ཀྱི་དངོས་གྲུབ་ཀྱི་རིགས་མེ་ཏོག་ཆེར་རྒྱས་ཀྱི་ཕྱག་རྒྱའོ། །སྨྲི་ཏིས། དེ་ནས་ལག་གཡོན་བསྒྱུར་བྱ་སྟེ། །མི་འཇིགས་སྦྱིན་པར་བྱ་བ་ནི། །ཕྱག་རྒྱ་འདི་ནི་ལས་ཀྱིའོ། །སྙིམ་པ་བཟེད་པ་ཐུར་དུ་བླུགས་ འདི་འགྱུར་རྙིང་དུ་གྱེན་དུ་འཐོར་བ་ཟེར་ཡང༌། ཆག་གིས་འདི་ལྟར་བསྒྱུར་བ་ལེགས་སོ། །པ་ནི་བདུག་པ་མའི་ཕྱག་རྒྱའོ། །དེ་ལས་འོག་ནས་གྱེན་དུ་འཐོར་བ་ནི་མེ་ཏོག་གི་ཕྱག་རྒྱའོ། །དེ་ཉིད་ལས་མཐེ་བོང་གཉིས་གྱེན་དུ་མཉམ་པ་མདུན་དུ་འཛིན་པ་ནི་མར་མེ་མའི་ཕྱག་རྒྱའོ། །དེ་ཉིད་ལས་དུང་དང་འདྲ་བར་བྱས་པ་ནི་དྲིའི་ཕྱག་རྒྱའོ། །དེ་ཉིད་ལས་རབ་ཏུ་བརྐྱང་སྟེ་འཛིན་པ་ནི་གཏོར་མ ་དང་ལྷ་བཤོས་དང་སྐད་དོད་གཅིག་པས་ལྷ་བཤོས་ཀྱི་ འི་ཕྱག་རྒྱའོ། །དེ་ཉིད་ལས་གུང་མོ་གཉིས་ནང་དུ་བཀུག་པ་ནི་ཨརྒྷཾ་གྱི་ ནི་མཆོད་ཡོན་གྱི་ ཕྱག་རྒྱ མཆོད་ཡོན་སྔོན་དུ་འགྲོ་བའི་ཉེར་སྤྱོད་ལྔའི་དབང་དུ་བྱས་སོ། །འོ། །དཀྱིལ་འཁོར་འདི་ཉིད་ཀྱི་ལྷ་རྣམས་ཀྱི་དབང་དུ་བྱས་ནས་རྡོ་རྗེ་བཅིངས་པ་སྟེ་བསྡམས་པ་ལས་གུང་མོ་གཉིས་བསྙམས་ཏེ་ཚིགས་དང་པོ་བཅག་ལ་སོར་མོ་ཐམས་ཅད་བརྐྱང་བ་ནི་རླུང་ཕྱོགས་ཀྱི་རྣམ་པར་འཐོར་བའི་ཕྱག་རྒྱའོ། །དེ་ཉིད་ལས་མཐེ་བོང་དང་མཐེའུ་ཆུང་གཉིས་བཀུག་པ་ནི་ལྷོ་ནུབ་ཀྱི་རྣམ་པར་འཇོམས་པའི་ཕྱག་རྒྱའོ། །དེ་ཉིད་ལས་འོད་ཟེར་འབར་བ་འདྲ་བ་ནི། ཤར་ལྷོ་གཟི་
བརྗིད་ཕུང་པོའི་ཕྱག་རྒྱའོ། །དེ་ཉིད་ལས་སྤྱི་བོར་བསྐོར་བ་ནི་བྱང་ཤར་གདུགས་དཀར་པོའི་ཕྱག་རྒྱའོ། །རྡོ་རྗེ་ཁུ་ཚུར་གཉིས་ཁ་གྱེན་དུ་བསྟན་པ་ལས་མཛུབ་མོ་གཉིས་དང་མཐེའུ་ཆུང་གཉིས་བསྣོལ་ལ་མདུད་པ་གྱེན་དུ་བསྐོར་བ་ནི། ནུབ་ཀྱི་འཁོར་ལོའི་ཕྱག་རྒྱའོ། །རྡོ་རྗེ་བསྡམས་པ་ལས་གུང་མོ་གཉིས་གཤིབས་ཏེ་འགྲེང་སྟེ་རྡོ་རྗེར་བྱས་ལ། མཛུབ་མོ་གཉིས་ཚིགས་པར་མ་བཅག་པ་རིན་པོ་ཆེ་ལྟར་བྱས་པའི་ལྷག་མ་རྣམས་ཕྱེ་སྟེ་འོད་ཟེར་འདྲ་བར་བྱས་པ་ནི་ལྷོར་འགོད་པ་རྒྱལ་བའི་གཙུག་ཏོར་གྱི་ཕྱག་རྒྱའོ། །དེ་བཞིན་དུ་མཛུབ་མོ་གཉིས་རྡོ་རྗེར་བྱས་ལ། སོར་མོ་ལྷག་མ་རྣམས་བསྡམས་ནས་རྡོ་རྗེ་འདྲ་བར་བྱས་པ་ནི་བྱང་དུ་འགོད་པ་རྣམ་པར་རྒྱལ་བའི་ཕྱག་རྒྱའོ། །གཡས་པ་མཆོག་སྦྱིན་དུ་བྱས་ལ། གཡོན་པ་མི་འཇིགས་པ་སྦྱིན་པ་ནི་དེ་བཞིན་གཤེགས་པའི་ཡིན་ནོ། །རྡོ་རྗེ་བསྡམས་པ་ལས་མཛུབ་མོ་གཉིས་བརྐྱང་སྟེ་རྡོ་རྗེ་འདྲ་བར་བྱས་པ་ནི་རྡོ་རྗེའི་ཕྱག་རྒྱ དེ་ནས་གོང་གི་ཀུན་རིག་བྱ། འོག་གི་འཁོར་ལོས་སྒྱུར་བའི་སེམས་དཔའ་བཅུ་དྲུག་གི་ཕྱག་རྒྱ་རྣམས་བསྟན་ཏེ་གོ་སླའོ། །བླ་མ་རྣམས་རྒྱུད་འདིར་དམ་ཚིག་གི་ཕྱག་རྒྱ་སྐབས་འདིར་དངོས་སུ་བསྟན། སྐུ་ལྷར་བསྐྱེད་ནས་བསྒོམས་པས་ཕྱག་ཆེན་བསྟན། གསུང་ཡིག་འབྲུ་འགོད་པ་དང༌། ལྷའི་ཐུགས་རྒྱུད་བསྐུལ་བའི་སྔགས་རྣམས་ཀྱིས་ཆོས་རྒྱ་བསྟན། དེ་རྣམས་ཀྱི་ཤུགས་ལ་ལས་རྒྱ་ཡང་བསྟན་པར་བཞེད་དོ། །འོ། །དེ་ཉིད་ལས་མཛུབ་མོ་གཡས་པ་བཀུག་པ་ནི་རྡོ་རྗེ་ལྕགས་ཀྱུའོ། །དེ་ཉིད་ལས་མེ་ཏོག་འདྲ་བར་བྱས་པ་ནི་མདའི་འོ། །དེ་ཉིད་ལས་སླར་བཀུག་སྟེ་མཐེ་བོའི་རྩེ་མོ་གཉིས་དང་ཕྲད་པ་ནི་བློ་གྲོས་ལེགས་པའོ། །དེ་ཉིས་ལས་ཚིགས་པར་མ་བཅག་པ་ནི་རིན་པོ་ཆེའི་འོ། །དེ་ཉིད་ལས་སོར་མོ་རྣམས་འོད་ཟེར་འདྲ་བར་བཀྱེད་པ་ནི་གཟི་བརྗིད་ཀྱིའོ། །དེ་ཉིད་ལས་སྤྱི་བོར་
བཞག་པ་ནི་དཔལ་གྱིའོ། །དེ་ཉིད་ལས་མདུན་དུ་བཞག་པ་ནི་བཞད་པའི་འོ། །དེ་ཉིད་ལས་པདྨ་འདྲ་བར་བྱས་པ་ནི་པདྨའི་འོ། །དེ་ཉིད་ལས་རྩེ་མོ་ཡིད་ཙམ་བཀུག་པ་ནི་རལ་གྲིའི་འོ། །དེ་ཉིད་ལས་གདུ་བུ་འདྲ་བར་བྱས་པ་ནི་འཁོར་ལོའིའོ། །དེ་ཉིད་ལས་པདྨ་འདྲ་ ཆག་གིས་པདྨའི་འདབ་མ་འདྲ་བར་བྱས་པ་ནི་ཟེར། བར་བྱས་པ་ནི་ལྕེའིའོ། །དེ་ཉིད་ལས་རྩེ་མོ་ཡིད་ཙམ་བཀྱེད་པ་ནི་རྒྱ་གྲམ་གྱིའོ། །དེ་ཉིད་ལས་ཤིན་ཏུ་བཀྱེད་པ་ནི་སྲུང་བའིའོ། །དེ་ཉིད་ལས་རྩེ་མོ་གཉིས་སླར་བཀུག་པ་ནི་གནོད་སྦྱིན་གྱིའོ། །དམ་དུ་བཀུག་པ་ནི་བསྡམས་པའིའོ། །བསྡམས་པ་ཉིད་ལས་མདུན་དུ་བཞག་པ་ནི་བདུག་པའི་འོ། །དེ་ཉིད་གྱེན་དུ་གཏོད་པ་ནི་ཕྲེང་བའི་འོ། །མདུན་དུ་མཐེ་བོ་གཉིས་བསྙམས་ཏེ་བསྐོར་བ་ནི་མར་མེའི་འོ། །དེ་ཉིད་བྱུག་པ་ལྟར་བྱས་པ་ནི་དྲིའི་འོ། །དེ་ཉིད་ལས་མཛུབ་མོ་གཉིས་བཀུག་པ་ནི་ལྕགས་ཀྱུའི་འོ། །དེ་ཉིད་ལས་རྩེ་མོ་གཉིས་སྤྲད་པ་ནི་ཞགས་པའི་འོ། །དེ་ཉིད་ལས་གཅིག་ལ་གཅིག་མདུད་པ་ནི་ལྕགས་སྒྲོག་གིའོ། །དེ་ཉིད་བསྐྱོད་པ་ནི་མཉེས་པའི་འོ། །སྐུ་གཟུགས་ཀྱི་ཆོ་ག་ཡང་འདིར་དེ་བཞིན་དུ་བྱ་སྟེ། ཅུང་ཟད་དམ་རྣམ་པ་གཅིག་དུ་ན་བཅོམ་ལྡན་འདས་འཇིག་རྟེན་གསུམ་ལས་རྣམ་པར་རྒྱལ་ དབུས་ཀྱི་གཙོ་བོར་བྲི་བ་ནི་གདུལ་བྱ་མོས་པའི་དབང་དུ་བྱས་པར་ཀ་མ་དྷེ་ནུས་བཤད་དོ།།བའི་གཟུགས་བྲིའོ། ཡང་ན་དབུས་ཀྱི་སྐུ་གཟུགས་ནི་མེ་ཏོག་གང་ཕོག་གི་དབང་དུ་བྱས་ནས། ལྷ་བཅུ་བདུན་གྱི་དཀྱིལ་འཁོར་གྱི་ཚུལ་དུ་བྲིས་ལ། མེ་ཏོག་ལ་སོགས་པས་མཆོད་དེ། དེའི་སྤྱན་སྔར་འབུམ་ཙམ་ཞིག་སྔར་བསྙེན་པ་བྱས་ནས་ལས་ཐམས་ཅད་བྱའོ། །ཞེས་པའི་
བར་གྱིས་རས་བྲིས་ལ་བརྟེན་པའི་དངོས་གྲུབ་སྒྲུབ་ལུགས་སྟོན་ཏེ་རྒྱས་འབྲིང་བསྡུས་གསུམ་ཡོད་དོ། །དེ་ནས་ནོར་བུ་དྲི་མ་མེད་པ་ལས་གང་གི་རྣམ་པར་སྨིན་པ་དམྱལ་བ་སོགས་མྱོང་བའི་དྲིས་ལན་རྒྱས་པར་བསྟན་པ་ནི། ཚངས་པ་ལ་སོགས་པའི་ལྷའི་ཚོགས་རྣམས་ཀྱིས། བཅོམ་ལྡན་འདས་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལས་ཀྱི་རྣམ་པར་སྨིན་པ་གང་གིས། ལྷའི་བུ་ནོར་བུ་དྲི་མ་མེད་པའི་འོད་ཅེས་བགྱི་བ་དེ། དམྱལ་བ་ལ་སོགས་པ་སྡུག་བསྔལ་གྱི་དབང་དུ་གྱུར། དེ་ནས་བཅོམ་ལྡན་འདས་ཕྱག་ན་རྡོ་རྗེས། བཅོམ་ལྡན་འདས་ཤཱཀྱ་ཐུབ་པའི་བྱིན་གྱིས་བརླབས་ཀྱིས་འདི་སྐད་ཅེས་བཀའ་སྩལ་ཏོ། །ལྷའི་དབང་པོ་ཉོན་ཅིག ། འདི་ནི་སྔོན་གྱི་ལས་ཀྱི་སྒྲིབ་པ་ཡིན་ཏེ། འཛམ་བུ་གླིང་གི་རིགས་འདི་ཉིད་ན་མཐའ་འཁོབ་པའི་རིགས་ངན་དུ་གཏོགས་པའི་རྒྱལ་པོ་ལུས་མི་བདེ་ཞེས་བྱ་བ་ཞིག་ཏུ་སྟོན་པ་འདིའི་བསྟན་པའི་སྔར་བྱུང་བར་གྱུར་ ཆག་གིས་ཞེས་བྱ་བ་ཞིག་བྱུང་སྟེ། ཏོ། །དེས་མི་ཤེས་པའི་དབང་གིས་མི་དགེ་བའི་བཤེས་གཉེན་ལ་བརྟེན་ནས་རང་ཉིད་རྒྱལ་པོ་འདོད་པའི་ཕྱིར། རང་གི་ཕ་སྲོག་འཚོ་བ་དང་ཕྲལ་བར་གྱུར་པ་དང། དེའི་མྱ་ངན་གྱིས་མ་ཡང་དུས་ལས་འདས་སོ། །ལན་ཅིག་ཅི་ཞིག་གི་རྐྱེན་གྱིས་ནགས་ཚལ་སྟུག་པོ་གཞན་ཞིག་ཏུ་རྩེ་ཞིང་དགའ་བའི་ཕྱིར་ཉེ་བར་སོང་ངོ་། །དེ་ན་ཡང་དྲང་སྲོང་དགོས་པ་མེད་པར་བྱམས་པ་ཞེས་བྱ་བ་ཞིག་གནས་ཏེ། དེ་མཐོང་བ་དང་རྒྱལ་པོ་ཤིན་ཏུ་ཡ་མཚན་སྐྱེས་ནས། ཀྱེ་མ་འདི་ལྟ་བུ་སེང་གེ་དང༌། སྟག་དང༌། རི་དྭགས་དང༌། ཕག་རྒོད་དང༌། བ་ལང་དང༌། མ་ཧེ་ལ་སོགས་པ་དང༌། སྦྲུལ་དང༌། སྲེ་མོང་ལ་སོགས་པ་དང༌། སྦྲང་བུ་དང༌། སྦྲང་བུ་མ་ཆུ་རིངས་དང༌། སྦྲུལ་གདུག་
པ་ཅན་རྣམས་ཀྱིས་གཙོ་བ་དང༌། བཟའ་བ་དང༌། བཏུང་བ་དང༌། བགོ་བ་དང༌། ལོངས་སྤྱོད་རྣམས་དང་རྣམ་པར་བྲལ་བ། རླུང་དང་གྲང་བས་ཡོངས་སུ་གདུང་ཞིང་གཙེ་བ་དེ་ན། བདག་ཉིད་ཆེན་པོ་འདི་གནས་སོ་སྙམ་པར་སེམས་ཀྱིས་བརྟགས་ནས། དེའི་དྲུང་དུ་ཉེ་བར་སོང་སྟེ་ཕྱིན་པ་དང༌། དེ་ལ་འདི་སྐད་ཅེས་སྨྲས་སོ། །དྲང་སྲོང་ཆེན་པོ་ཁྱོད་ཅིའི་ཕྱིར་ནི་རླུང་དང་ཚ་བ་ལ་སོགས་པའི་དཀའ་སྤྱད་ཀྱི་སྡུག་བསྔལ་གྱིས་བདག་ལ་གནོད་པ་བྱེད། ཅེས་དྲིས་སོ། །དྲང་སྲོང་གིས་སྨྲས་པ། སྐྱེས་བུ་ཆེན་པོ་ཞེས་རྒྱལ་པོ་ལ་བོས་ནས་བསྐལ་པ་བརྒྱ་ཕྲག་སྟོང་དུ་མར་སྒྲིབ་པའི་མི་དགེ་བའི་འབྲས་བུས་སྡུག་བསྔལ་མྱོང་བར་འགྱུར་བ་ལས། ཚེ་འདིར་དཀའ་སྤྱད་ཀྱི་སྡུག་བསྔལ་གྱི་ཁུར་ཅུང་ཟད་ཙམ་ཞིག་བླངས་ནས། ལམ་ཉམས་སུ་བླངས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བས་དཀའ་སྤྱད་ཙམ་འདི་ནི་སྡུག་བསྔལ་མ་ཡིན་གྱི། སྐད་ཅིག་ཡུད་ཙམ་ཞིག་འདྲ་བའི་ཚེ་འདིའི་ཡུལ་གྱི་བདེ་བ་རྗེས་སུ་མྱོང་བས། དུས་བསྐལ་པ་བརྒྱ་ཕྲག་དུ་མ་མུ་མཐའ་ཐུག་པ་མེད་པར་དྲག་ཅིང་རྩུབ་པའི་དམྱལ་བ་ལ་སོགས་པའི་སྡུག་བསྔལ་རྗེས་སུ་མྱོང་བར་འགྱུར་རོ། །ཇི་ལྟ་བུ་ཞེ་ན། ཡུལ་གྱི་བདེ་བ་འདོད་པའི་ཕྱིར་དྲིན་ཆེ་བ་ཕ་མ་ལ་སོགས་པ་ཡང་གསོད་པར་འགྱུར་ན། སྲོག་ཆགས་གཞན་ལྟ་ཅི་སྨོས་ཏེ། གཉེན་པོ་སངས་རྒྱས་དང་ཆོས་དང་དགེ་འདུན་དང་ལས་དཀར་ནག་གི་འབྲས་བུ་ཡོངས་སུ་མི་ཤེས་པའི་ཕྱིར་སྡིག་པ་ཐམས་ཅད་བྱེད་པར་འགྱུར་རོ། །དྲང་སྲོང་གིས་སྨྲས་པའི་ཚིག་དེ་སྐད་ཐོས་པ་དང༌།
སེམས་ཤིན་ཏུ་འཇིགས་སྐྲག་ཡིད་སྐྱོ་སྟེ། ལུས་སེམས་སྡུག་བསྔལ་ཐམས་ཅད་ཀྱིས་གཟིར་ནས་འདི་སྐད་ཅེས་སྨྲས་སོ། །སངས་རྒྱས་དང་ཆོས་དང་དགེ་འདུན་ཞེས་བྱ་བ་ཡོད་ན་དེ་ཅི་ཞིག །དེའི་རང་བཞིན་ཇི་ལྟ་བུ་ཡིན་པ་དཀའ་ཐུབ་ཆེན་པོ་སྨྲོས་ཤིག་དང༌། དེ་ལ་ཁོ་བོ་ཡང་སྐྱབས་སུ་འཆིའོ། །ཕ་མ་ལ་སོགས་གཙེས་པ་དང༌། སྲོག་ཆགས་རྣམས་ཀྱི་སྲོག་བཅད་ན་སྡིག་པའི་རྣམ་སྨིན་ཇི་ལྟ་བུ་ཞིག་ཐོབ་པར་འགྱུར། སངས་རྒྱས་དང་ཆོས་དང་དགེ་འདུན་སྐྱབས་གནས་སུ་ཡོངས་སུ་ཤེས་ན་བསོད་ནམས་ཇི་འདྲ་བ་ཞིག་ཡོངས་སུ་འཐོབ། ཕ་མ་བསད་པ་དྲིན་དུ་གཟོ་བས་སྲི་ཞུ་དང་སྲོག་ཆགས་རྣམས་ཀྱང་མ་བསད་ཅིང༌། སྙིང་རྗེས་སྲོག་གི་ཕན་བཏགས་ན་བསོད་ནམས་ཇི་འདྲ་བ་ཞིག་འཐོབ། མཐའི་འབྲས་བུ་ཇི་ལྟ་བུ་ཞིག་འཐོབ། འདོད་པའི་ལོངས་སྤྱོད་སྤངས་ན་བསོད་ནམས་དང་འབྲས་བུ་ཇི་ལྟ་བུ་ཞིག་འཐོབ།དེ་ནས་དྲང་སྲོང་དེས་རྒྱལ་པོ་དེ་ལ་འདི་སྐད་ཅེས་སྨྲས་སོ། །ཅི་སྟེ་སེམས་ཅན་ཆེན་པོ་ཁྱོད། །ང་ཡི་ཚིག་འདི་ཉན་འདོད་ན། །ཐལ་མོ་སྦྱར་ཏེ་ཕྱག་ཚོལ་ལ། །གུས་པར་ཉོན་དང་བཤད་པར་བྱ། །དེ་བཞིན་བགྱི་ཞེས་བསྒྲུབས་ནས་ནི། །ཅི་འདོད་ ཆག་གིས་ཅི་བདེག་པས་ནི་ཟེར། པས་ནི་མཆོད་བྱས་ཏེ། །སངས་རྒྱས་སྤྱོད་ཡུལ་སངས་རྒྱས་ཀྱི།།ཟབ་མོའི་ཆོས་ནི་མཉན་པར་གྱུར ཆག་གིས་མཉན་པར་བྱོས་ཟེར།། །སངས་རྒྱས་ཆོས་དང་ཚོགས་དག་པར། །ཐོས་ནས་ཀྱང་ནི་སྐྱབས་སུ་སོང༌། །སངས་རྒྱས་རྣམས་ཀྱི་སྒྲིབ་མེད་ཆོས། །རྒྱལ་པོས་ཐོས་ནས་དགའ་བར་གྱུར། །ཡི་དྭགས་བྱོལ་སོང་དམྱལ་བ་རྣམས། །སྡིག་པ་མི་དགེ་བ་ཀུན་གྱི་འབྲས་བུ་སྟེ། །འདོད་པའི་
ཡུལ་ལ་སྲེད་ཅིང་ལོངས་སྤྱོད་པ་དང་སྲོག་ཆགས་རྣམས། །གསོད་ཅིང་ཤིན་ཏུ་མི་བཟད་པ། །ཕ་མ་བཙེས་པ་སྟེ་མཚམས་མེད་པའི་ལས་བྱས་པའི་རྒྱུ་ལས་བྱུང༌། །བསྐལ་པ་དུ་མར་རབ་སྡུག་བསྔལ། །དམྱལ་བའི་སྡུག་བསྔལ་མི་བཟད་པ། །མྱོང་དགོས་པར་ཤེས་ནས་དེར་མགོན་མེད་སྐྱབས་ཀྱང་མེད་པ་སྟེ། །གཏམ་དེ་ཐོས་ནས་མྱ་ངན་ཟུག་རྔུ་ཡིས། །རང་གི་ཡིད་ལ་གདུངས་པ་ན། །ཇི་ལྟར་རླུང་གིས་བསྐྱོད་པའི་མེ་མར་ཤི་བ་བཞིན་དུ༽། །དེ་ཉིད་དུ་ནི་དུས་ལས་འདས་སོ༽། །འོན་ཀྱང་དེ་ལྟར་ཤེས་ནས་སྔ་མ་ལ་འགྱོད་ཅིང་ཕྱིས་སྡོམ་པའི་སེམས་ཀྱིས་དྲང་སྲོང་ལ་བཤགས་པའི་ཕྱིར་འཆོས་པའི་ལས་ཀྱི་རྣམ་སྨིན་དེ་ཡིས་ནི། དགའ་དང་ལྡན་པའི་ལྷར་སྐྱེས་ནས། །བརྒྱ་བྱིན་ལྷ་ཡི་དབང་པོ་ཡི། །བློན་པོ་གཟུགས་དང་ལྡན་པ་ལ། །ལྷ་རྣམས་ཀུན་དང་ཡིད་མཐུན་ཞིང༌། །རབ་དགའ་བདེ་དང་ལྡན་པར་སྐྱེས། །བདེ་བའི་མཆོག་ནི་མྱོང་གྱུར་ནས། །ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བར་གསུངས་པ་བཞིན། །སྔོན་གྱི་ལས་སྟོབས་ཅན་དེའི་མཐུས། །ངན་སོང་དུ་ཡང་ལྷུང་བར་འགྱུར། །དེ་ནས་ད་ལྟར་ལྷ་དབང་པོ། །ཁྱོད་ཀྱི་ཆོ་ག་བྱས་ཤིང་སྡིག་པ་སྦྱངས་པའི་མཐུས་ཀྱང་དེ་ཉིད་ནི། །དགའ་ལྡན་གནས་ནི་དགའ་བའི་མཆོག །བདེ་མང་ཀུན་གྱི་གནས་སུ་སྐྱེས། །ལྷའི་དབང་པོ་ཉོན་ཅིག །གང་གི་ཚེ་སྔོན་བྱུང་བ་དེའི་ཚེ་དེའི་དུས་ན་དྲང་སྲོང་དུ་གྱུར་པ་ནི། གཞན་ཡིན་པར་ཁྱོད་ཀྱིས་ཤེས་པར་མི་བྱའོ། །བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉིད་དོ། །དེའི་ཕར་གྱུར་པ་གང་ཡིན་པ་དེ་ནི་གཞན་
ཡིན་པར་ཁྱོད་ཀྱིས་ཤེས་པར་མི་བྱ་སྟེ། ལྷའི་དབང་པོ་དེའི་ཚེ་དེའི་དུས་ན་ཁྱོད་ཉིད་དེའི་ཕར་གྱུར་ཏོ། །མ་གང་ཡིན་པ་དེ་ནི་གཞན་ཡིན་པར་མི་བལྟ་སྟེ། དེའི་ཚེ་དེའི་དུས་ན་ཤ་ཅི་ཀ་ཉིད་ཡིན་ནོ། །འཁོར་གྱི་དཀྱིལ་འཁོར་གང་ཡིན་པ་དེ་ནི་གཞན་ཡིན་པར་མི་བལྟ་ཡི། ལྷའི་འཁོར་འདི་དག་ཉིད་ཡིན་ནོ། །ཞེས་པའི་བར་རྣམས་ནི་སླ་བས་མ་བྲིས་སོ། །རྩ་རྒྱུད་དབང་རྣོན་རྒྱས་པ་ལ་དགའ་བའི་དབང་དུ་བྱས་ལ། དཀྱིལ་འཁོར་འདི་ལྷའི་རྣལ་འབྱོར་རྒྱས་པ་མི་ནུས་པ་མདོར་བསྡུས་པ་ལ་དགའ་བའི་དབང་དུ་གསུངས་པས། སེམས་དཔའ་རྣམས་དང་བསྐལ་བཟང༌། འཇིག་རྟེན་ཁོར་ཡུག་བྱེད་པ་རྣམས་མི་འཐད་པར་ཀ་མ་དྷེ་ནུས་བཤད་དོ། །ཤཱཀྱ་སེང་གེའི་དཀྱིལ་འཁོར་བཤད་པའི་རྗེས། དེ་ནས་བརྒྱ་བྱིན་དང་ཚངས་པ་ལ་སོགས་པ་ལྷའི་བུ་རྣམས་ཡིད་རབ་ཏུ་མགུ་ཞིང་རང་སྟེ། བ་སྤུའི་ཁུང་བུ་ནས་སྤུ་རྣམས་ལངས་ཤིང༌། རྒྱལ་བ་རྒྱལ་བ་ཞེས་སྐད་ཆེན་པོས་བོས་ནས། བཅོམ་ལྡན་འདས་ཕྱག་ན་རྡོ་རྗེ་ལ་མིང་བཅུ་པ་འདིས་མངོན་པར་བསྟོད་དེ་གསོལ་བ་བཏབ་བོ། །འདི་རྣམས་མཉམ་སྦྱོར་དུ་རླུང་བཅུ་ལ་བཤད་ཅིང། ཡེ་ཤེས་རྡོ་རྗེ་ཀུན་ལས་བཏུས་སུ་དབང་པོ་ལྔ་དང་ཡུལ་ལྔ་ལ་བཤད། སྒྲོན་གསལ་དུ། སྒྲ་དེ་དོན་དེ་ལ་འཇུག་པར། འཇིག་རྟེན་པ་དང་འཇིག་རྟེན་ལས་འདས་པའི་བསྟན་བཅོས་གང་ལ་ཡང་མ་གྲགས་པས། དེ་བཞིན་གཤེགས་པས་གློ་བུར་དུ་བརྡ་མཛད་པས་སྒྲ་ཇི་བཞིན་མ་ཡིན་པར་གསུངས། འདིར་ནི་ཕྱག་རྡོར་གྱི་མཚན་བཅུ་ལ་བཤད་ཅིང༌། ཁ་ཅིག་གནོད་སྦྱིན་གྱི་སྐུར་བཞུགས་པ་ལ་གནོད་སྦྱིན་གྱི་སྐད་ཀྱིས་བསྟོད་པ་ཡིན་ཟེར་རོ། །ཀོ་ཊཱ་ཁྱ། ཁྱོད་ནི་གླང་པོའི་རྣ་བ་ཅན། ཀོ་ཊཱ་ཝ། ཁྱོད་ནི་སེང་གེའི་རྣ་བ་ཅན། ཀོ་ཊ། ཁྱོད་ནི་མེ་ལྕེ་འབར་བ་ཅན། ཀོ་ཊ་ཝཥྩ། ཁྱོད་ནི་བདེན་པའི་སྤྲིན་ཡིན་ཏེ། ཀོ་ཊ་རཱ་ག ཁྱོད་ནི་ཕ་ལྟར་སློབ་པ་ཡིན། ཀ་ལ་ཁྱཱ། ཁྱོད་ནི་མ་
ལྟར་བསྐྱེད་པ་ཡིན། ཀོ་ལ་ཝ། ཁྱོད་ནི་བརྟེན་པའི་ས་ཡང་ཡིན། ཀོ་ལ། ཁྱོད་ནི་ཆུ་བོའི་རྒྱུན་ཡིནཏེ། ཀེ་ལ་ཝཥྩ། ཀོ་ལ་ཁྱོད་ནི་འཐོར་བྱེད་རླུང་ཡིན་ནོ། །ཀོ་ལ་ཏ་ཐ། ཁྱོད་ནི་རིན་ཆེན་འབྱུང་གནས་ཚོགས་ཞེས་མཉམ་སྦྱོར་ལས་གསུངས་སོ། །བརྒྱ་བྱིན་ལ་སོགས་ལྷ་མཆོག་རྣམས། །སེམས་ཅན་ཀུན་ལ་ཕན་པ་དང༌། །ཚེ་དང་བསོད་ནམས་སྤེལ་བྱའི་ཕྱིར། །མགོན་པོ་ཕྱག་ན་རྡོ་རྗེ་ཁྱོད་ལ་གསོལ་བ་འདེབས། །བཅོམ་ལྡན་འདས་ཚེ་ཐུང་བ་དང་སྐལ་བ་ཆུང་བ་རྣམས་ཀྱི་དོན་དང༌། ཕན་པ་དང༌། བདེ་བ་དང༌། ཚེ་རིང་བའི་སླད་དུ་བཤད་དུ་གསོལ། གསང་བའི་བདག་པོ་བཤད་དུ་གསོལ། དེ་ནས་བཅོམ་ལྡན་འདས་ཕྱག་ན་རྡོ་རྗེས། བརྒྱ་བྱིན་དང་ཚངས་པ་ལ་སོགས་པ་ལྷའི་འཁོར་མང་པོ་དེ་དག་ལ་གཟིགས་ནས། ལེགས་སོ་ཞེས་བྱ་བས་མགུ་བར་བྱས་ཏེ། ཚངས་པ་ལ་སོགས་པའི་ ཆག་གིས་བརྒྱ་བྱིན་ལ་སོགས་པའི་ཞེས་བསྒྱུར། །ལྷའི་བུ་རྣམས། གང་ཁྱེད་ཀྱིས་འདི་ལྟ་བུའི་སྤོབས་པ་ཡང་དག་པར་བསྐྱེད་པ་དེ་ནི་ལེགས་སོ་ལེགས་སོ། །ལེགས་པར་སྒྲུབས་ཤིག་དང་བཤད་པར་བྱའོ།། །།དེ་ནས་དེ་བཞིན་གཤེགས་པ་ལྔའི་སྔགས་ལས་ཐོག་མར་བཅོམ་ལྡན་འདས་ཕྱག་ན་རྡོ་རྗེས། སེམས་ཅན་ཐམས་ཅད་ཀྱི་ཚེ་དཔག་ཏུ་མེད་པས་ཁྱབ་པར་འབྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཚེ་དང་བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པར་འཕེལ་བ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ༌། །ༀ་པུ་ཎྱེ་བསོད་ནམས་པུ་ཎྱེ་བསོད་ནམས་མཧཱ་
པུ་ཎྱེ་བསོད་ནམས་ཆེན་པོ། ཨ་པ་ར་མི་ཏ། དཔག་ཏུ་མེད་པ་ཨཱ་ཡུར་པུ་ཎྱེ། ཚེ་དང་བསོད་ནམས་ཛྙཱ་ན་སཾ་བྷ་ར། ཡེ་ཤེས་ཚོགས། ཨུ་པ་ཙ་ཡ་ཉེ་བར་འཕེལ་བར་ཀ་རི་ཎཾ་སྭཱཧཱ། བྱེད་པ་ལ་གཞི་ཚུགས། དེ་བཞིན་གཤེགས་པ་ཐམས་ཅད་ཀྱི་སྙིང་པོའི་གཟུངས་འདི་བཤད་མ་ཐག་ཏུ་ངན་སོང་ཐམས་ཅད་རབ་ཏུ་ཞི་སྟེ། སེམས་ཅན་དམྱལ་བ་དང༌། བྱོལ་སོང་དང༌། ཡི་དྭགས་རྣམས་སུ་སྐྱེས་པའི་སེམས་ཅན་ཐམས་ཅད་གྲོལ་བར་བདག་ཉིད་ཀྱིས་ཡང་དག་པར་རབ་ཏུ་ཤེས་སོ། །འཇིག་རྟེན་གྱི་ཁམས་ཐམས་ཅད་རབ་ཏུ་སྣང་བར་བྱས་ཏེ། སྣང་བར་བྱས་ནས་ཀྱང༌། སངས་རྒྱས་ཀྱི་མཛད་པ་རྣམ་པ་བཅུ་གཉིས་ཀྱི་ཚུལ་དུ་བྱས་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་ཆོས་ཀྱི་ཡི་གེའི་དེ་ཉིད་དུ་ཞུགས་པར་གྱུར་ཏོ། །དེ་ནས་ཡང་། བཅོམ་ལྡན་འདས་ཀྱིས་ཚེ་དཔག་ཏུ་མེད་པའི་རྡོ་རྗེ་འོད་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཚེ་དཔག་ཏུ་མེད་པ་ཞེས་བྱ་བའི་སྙིང་པོའི་གཟུངས་འདི་བཤད་དོ། །ༀ་ཨ་མི་ གོང་འོག་གི་འགྲེང་བུ་འདི་རྣམས་རྒྱ་དཔེ་ལ་མེད་བོད་ཀྱིས་འདི་ལྟར་བསྟན་ཞེས་བླ་མ་ཆག་གསུང་། ཏེ། དཔག་ཏུ་མེད་པ། ཨ་མི་ཏ། དཔག་ཏུ་མེད་པ། ཨ་མི་ཏོདྦྷ་ཝེ། དཔག་ཏུ་མེད་པ་འབྱུང་བ། ཨ་མི་ཏ་སམྦྷ་ཝེ། དཔག་ཏུ་མེད་པ་ཡང་དག་པར་འབྱུང་བ། ཨ་མི་ཏ་བི་ཀྲཱནྟེ། དཔག་ཏུ་མེད་པ་རྣམ་པར་གནོན་པ། གཱ་མི་ནི། བགྲོད་པ། སརྦྦ་ཀརྨྨ་ཀླེ་ཤ། ལས་དང་ཉོན་མོངས་པ་ཐམས་ཅད། ཀྵ་ཡཾ་ཀ་རེ་ཟད་པར་མཛོད། སྭཱཧཱ། དེ་ནས་འདི་བཤད་མ་ཐག་ཏུ་དེ་བཞིན་དུ་སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་ཞིའོ། །དེ་ནས་ཡང་
བཅོམ་ལྡན་འདས་ཀྱིས་གདོན་མི་ཟ་བར་སྒྲིབ་པ་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྒྲིབ་པ་གཅོད་པ་ཞེས་བྱ་བའི་སྙིང་པོའི་གཟུངས་འདི་རང་གི་ཐུགས་ཀ་ནས་ཕྱུང་ངོ༌། །ༀ་ཀཾ་ཀ་ནི་སྡིག་པ་རྣམས། ཀཾ་ཀ་ནི་སྡིག་པ་རྣམས། རོ་ཙ་ནི་ཉམས་པར་གྱིས། རོ་ཙ་ནི་ཉམས་པར་གྱིས། ཏྲོ་ཊ་ནི་ཆད་པའམ་དུམ་བུར་གྱིས། ཏྲོ་ཊ་ནི་ཆད་པའམ་དུམ་བུར་གྱིས། ཏྲཱ་ས་ནི་སྐྲག་པར་གྱིས། ཏྲཱ་ས་ནི་སྐྲག་པར་གྱིས། པྲ་ཏི་ཧ་ན་སོ་སོར་བསྣུན་པའམ་རབ་ཏུ་ཆོམས། པྲ་ཏི་ཧ་ན་སོ་སོར་བསྣུན་པའམ་རབ་ཏུ་ཆོམས། སརྦྦ་ཀརྨྨ་པ་རཾ་པ་རཱ་ཎི་ལས་ཐམས་ཅད་ཕ་རོལ་ནས་ཕ་རོལ་ཏུ་གྱིས། སརྦྦ་སཏྭཱ་ནཱཾ་ཙ་སེམས་ཅན་ཐམས་ཅད་ཀྱི་ཞེས་པའི། །སྭཱཧཱ། འདི་བཤད་མ་ཐག་ཏུ་ཡང་ཐམས་ཅད་དེ་བཞིན་དུ་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་སྒྲིབ་པ་ཐམས་ཅད་དྲི་མ་མེད་ཅིང་རྣམ་པར་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆག་གིས་འདི་ལྟར་བསྒྱུར་བ་ལེགས་སོ། །དེ་བཞིན་གཤེགས་པ་ཐམས་ཅད་ཀྱིས་སྒྲིབ་པ་མ་ལུས་པར་འཇོམས་པ་ཞེས་བྱ་བའི་སྙིང་པོའི་གཟུངས་འདི་རང་གི་ཐུགས་ཀ་ནས་ཕྱུང་ངོ༌། །ༀ་རཏྣེ་དཀོན་མཆོག ། རཏྣེ་རིན་ཆེན། མཧཱ་རཏྣེ་རིན་ཆེན་ཆེན་པོ། རཏྣ་སམྦྷ་ཝེ། རིན་ཆེན་འབྱུང་བ། རཏྣ་ཀི་ར་ཎེ་རིན་ཆེན་འོད་ཟེར། རཏྣ་མཱ་ལ་རིན་པོ་ཆེའི་ཕྲེང་བ། བི་ཤུདྡྷེ་རྣམ་པར་དག་པ་ཞེས་བོས་ནས། ཤོ་དྷ་ཡ་སྦྱོངས་ཤིག ། སརྦྦ་པཱ་པཾ་སྡིག་པ་ཐམས་ཅད། ཧཱུཾ་ཏྲཊ་ཁས། དེ་ནས་འདི་བཤད་མ་ཐག་ཏུ་བདུད་ཀྱི་གནས་ཐམས་ཅད་བཅོམས། རྣམ་པར་བཅོམས་
པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་གདོན་མི་ཟ་བར་མི་ཆོམས་པའི་སྒྲིབ་པ་ཐམས་ཅད་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྙིང་པོའི་གཟུངས་འདི་རང་གི་ཐུགས་ཀ་ནས་ཕྱུང་ངོ་། །ༀ་ཨ་མོ་གྷ་དོན་ཡོད་གྲུབ་པ། ཨ་པྲ་ཏི་ཧ་ཏ་མི་ཆོམས་པ། སརྦྦ་ཨཱ་ཝ་ར་ཎ་སྒྲིབ་པ་ཐམས་ཅད། བི་ཤོ་དྷ་ནི་རྣམ་པར་སྦྱོངས། ཧ་ར་ཕྲོགས། ཧ་ར་ཕྲོགས་ཧཱུཾ་ཕཊ། འདི་བཤད་མ་ཐག་ཏུ་འཇིག་རྟེན་གྱི་ཁམས་ཐམས་ཅད་གཡོས། རབ་ཏུ་གཡོས། ས་གཡོ་བ་ལ་རྒྱུ་དྲུག་ལས། རླུང་འཐབས་པ། ཆུས་གཡོ་བ། བདུད་ཀྱིས་གཡོ་བ། བྱང་ཆུབ་སེམས་དཔས་ས་ནོན་པ། སངས་རྒྱས་པ། ཆོས་ཟབ་མོ་གསུངས་པ་རྣམས་ལས། འདི་ཕྱི་མའི་དབང་དུ་བྱས་པ་ཡིན་ཞེས་སྔ་མ་དག་གིས་གསུངས་སོ། །ཡང་དག་པར་རབ་ཏུ་གཡོས་སོ། །བསྐྱོད། རབ་ཏུ་བསྐྱོད། ཡང་དག་པར་རབ་ཏུ་བསྐྱོད། བསྒུལ། རབ་ཏུ་བསྒུལ། ཡང་དག་པར་རབ་ཏུ་བསྒུལ་ནས། རྨད་ཀྱི་ཡ་མཚན་དུ་མ་ལྟས་ཆེན་པོ་བཅོ་བརྒྱད་འཇིག་རྟེན་དུ་སྣང་བར་གྱུར་ཏོ། །བསྙེན་པ་ལས་སུ་རུང་བའི་སློབ་དཔོན་གྱིས། དེ་ནས་སའི་ཆོ་ག་སྟ་གོན་དུ་གནས་པ་རྣམས་སོང་ནས། དཀྱིལ་འཁོར་གཞི་བྲི་བ་ནི་འདི་ཡིན་ཏེ། གྲུ་བཞི་པ་ལ་སྒོ་བཞི་པ། །སྒོ་བ་རྣམས་དང་ལྡན་པ་སྟེ། །རྟ་བབས་བཞི་དང་ལྡན་པར་བྱ། །ལྟེ་བ་དང་ནི་ ཆག་གིས་ཁ་ཁྱེར་དང་ན་ཟེར། །སྒོ་ཁྱུད་ལྡན། །དེ་ཡི་དབུས་སུ་འཁོར་ལོ་ཡི། །དཀྱིལ་འཁོར་དམ་པ་བྲི་བྱ་སྟེ། །རྩིབས་བཞི་དག་དང་ལྡན་པ་ལ། །ལྟེ་བའི་དཀྱིལ་འཁོར་ལྡན་པར་བྱ། །མཚན་མ་བྲི་བའི་སྐབས་སུ། དེ་ཡི་དབུས་སུ་གཙོ་བ་ནི། །ཕྱག་ན་རྡོ་རྗེ་སྟོབས་ཆེན་པོ། །ཕྱག་ན་རྡོ་རྗེ་དྲིལ་བསྣམས་
ཤིང༌། །ཟླ་བ་རྒྱས་པའི་ཞལ་འཛུམ་བྲི། །ཤར་གྱི་རྩིབས་ཀྱི་སྟེང་དུ་ནི། །མགོན་པོ་མི་བསྐྱོད་བྲི་བར་བྱ། །ལྷོ་ཡི་ཕྱོགས་སུ་རིན་ཆེན་བྲི། །ནུབ་ཕྱོགས་ཆུ་སྐྱེས་པདྨ་ལ། །བྱང་ཕྱོགས་སུ་ནི་གདོན་མི་ཟ། །དཔའ་བོ་སྟོབས་ཆེན་བྲི་བར་བྱ། །དེ་བཞིན་གཤེགས་པ་ཐམས་ཅད་ནི། །འཁོར་ལོས་སྒྱུར་བའི་ཆ་ལུགས་དང༌། །ཟླ་བའི་དཀྱིལ་འཁོར་མདོག་འདྲ་ཞིང༌། །སྟེ་ཐམས་ཅད་སྐུ་མདོག་དཀར་པོ། རྒྱན་རྣམས་ཀུན་གྱིས་བརྒྱན་པ་དང༌། །ཕྱག་ནི་གཡས་མཆོག་སྦྱིན་གཡོན་མི་འཇིགས་ ༈ ཞེས་གསུངས་པས་དེ་བཞིན་གཤེགས་པ་ཐམས་ཅད་ཕྱག་རྒྱ་རིགས་ལྔ་སྤྱི་འགྲོ་ལྟར་མཛད་པ་མི་ལེགས། པ། །རྡོ་རྗེ་སྐྱིལ་མི་ཀྲུང་བཞུགས་བྲི། །གྲྭ་ཡི་ཕྱོགས་ནི་ཐམས་ཅད་དུ། །དེ་བཞིན་བདུག་སོགས་ཐམས་ཅད་བྲི། །སྒོ་བ་དག་ཀྱང་ཁྲོས་པ་ལ། །ཁྲོ་བོའི་དབང་དུ་གྱུར་པ་བྲི། །འདིར་སྒོ་བ་རྣམས་ཁྲོ་བོར་བྲི་པར་བཤད་པ། ཀུན་རིག་སོགས་གཞན་ལ་ཡང་མཚོན་པ་ཡིན་ནོ། །ཆད་ལྷག་གི་ཉེས་པ་ཞི་བའི་དོན་དུ་དེ་ནས་རྣལ་འབྱོར་ཅན་སློབ་དཔོན་ཉིད་དཀྱིལ་འཁོར་དུ་ཞུགས། །མེ་ཏོག་དོར་བསྐོར་ཏེ་ཕྱིར་བྱུང་སྒོ་ཕྱོགས་སུ་འདུག་ནས་སྔགས་ཀྱི་ལྷ་རྣམས་སྤྱན་དྲངས་ཏེ། །ཛཿ ཧཱུཾ་བཾ་ཧོཿ ༀ་བྷ་ག་ཝཱན་བཅོམ་ལྡན་འདས་བཛྲ་ཨེ་ཧྱེ་ཧི་རྡོ་རྗེ་ཆུར་བྱོན་ཞེས་སྤྱན་དྲངས་ས་མ་ཡ་སྟྭཾ། དམ་ཚིག་ལ་གནས་པར་མཛོད། དེ་ནས་གཙོ་བོ་བྱོན་པ་དང༌། །མདོར་ན་མཆོད་པ་བྱས་ནས་ཀྱང༌། །དགུག་གཞུག་སོགས་དཀྱིལ་འཁོར་བསྒྲུབས་ཤིང་མཆོད་ནས། སློབ་དཔོན་བདག་ཉིད་དཀྱིལ་འཁོར་དུ་ཞུགས་ཏེ་དབང་བླངས་ལ་དེ་ནས་སློབ་མ་དཀྱིལ་འཁོར་དུ་གཞུག་པའི་ཕྱིར་འཆི་བདག་ནི་མ་རུངས་ཤིང་སྲོག་འཕྲོག་པ་སྦྲུལ་གྱི་གདུག་
པ་དང་འདྲ་བས་འཇིགས་པ་རྣམས། །འཆི་བདག་གཞོམ་ཕྱིར་གཞུག་པར་བྱ། །ༀ་བཛྲ་ས་མ་ཡ་ཧཱུཾ། སྔགས་འདིས་རྡོ་རྗེ་ཏི་རིན་ཏི་རི་ ནི་མཐའ་མེད་པ་སྟེ་རྡོ་རྗེའི་ཁྲོ་བོ་ཐམས་ཅད་བསྡུས་པ་མེ་ལྟར་འབར་བ་ཡིན་པས། དེའི་ཕྱག་རྒྱ་བཅིངས་ནས་དཀྱིལ་འཁོར་དུ་སློབ་མ་འཇུག་པའོ།།བཅིང་། །ཚུལ་ཇི་ལྟར་སྙམ་ན། ལག་ན་རིན་ཆེན་ཐོགས་ཏེ་གཞུག །ཡང་ན་མེ་ཏོག་ཕྲེང་བ་སྟེ། །དེ་ནི་དཀྱིལ་འཁོར་ཉིད་དུ་དོར། །ༀ་པྲ་ཏཱིཙྪ་བཛྲ་ཧཱུཾ། དེ་ནས་མནའི་དམ་ཚིག་སྦྱིན་པར་བྱ་སྟེ། ༀ་བཛྲ་ས་མ་ཡ་ཧཱུཾ། དེ་ནས་འདིས་གདོང་གཡོགས་དགྲོལ་བར་བྱ་སྟེ། ༀ་བཛྲ་རྡོ་རྗེ་ཧཱ་སྱ་བཞད་པས་ཨུད་གྷ་ཊ་ཡ་ཧཱུཾ། ཕྱེ་ཞིག ། དེ་ནས་འདིས་བསྟན་པར་བྱ་སྟེ། ༀ་བཛྲ་པཱ་ཤྱ་ཧོཿ ཀྱེ་རྡོ་རྗེ་ལྟོས་ཤིག ། དེ་ནས་འདིས་དབང་བསྐུར་བར་བྱའོ། །རིགས་ལྔའི་དབང་ༀ་བཛྲ་ཨ་བྷི་ཥཱི་ཉྩ་རྡོ་རྗེ་རིགས་ཀྱིས་མངོན་པར་དབང་བསྐུར། ཧཱུཾ་མི་བསྐྱོད་པའི་ས་བོན་དེས་གཞན་རྣམས་ཀྱང་འགྲེའོ། །ༀ་བུདྡྷ་སངས་རྒྱས། ཨ་བྷི་ཥཱིཉྩ་ༀ་མངོན་པར་དབང་བསྐུར། ༀ་རཏྣ་རིན་ཆེན་ཨ་བྷི་ཥཱིཉྩ་ཏྲཱཾ། ༀ་པདྨ་ཨ་བྷི་ཥཱིཉྩ་ཧྲཱིཿ ༀ་ཀརྨྨ་ལས་རིགས་ཨ་བྷི་ཥཱིཉྩ་ཨཱཿ དེ་ནས་བུམ་པའི་དབང་བསྐུར་བར་བྱའོ། །བུམ་པའི་དབང༌། ༀ་བཛྲ་ཀ་ལ་ཤ་ཨ་བྷི་ཥཱིཉྩ་ཧཱུཾ། ༀ་བུདྡྷ་ཀ་ལ་ཤ་ཨ་བྷི་ཥཱིཉྩ་ༀ། ༀ་རཏྣ་ཀ་ལ་ཤ་ཨ་བྷི་ཥཱིཉྩ་ཏྲཱཾ། ༀ་པདྨ་ཀ་ལ་ཤ་ཨ་བྷི་ཥཱིཉྩ་ཧྲཱིཿ ༀ་ཀརྨྨ་ཀ་ལ་ཤ་ཨ་བྷི་ཥཱིཉྩ་ཨཿ དེ་ནས་ཕྲེང་བའི་དབང་བསྐུར་བར་བྱའོ། །ཕྲེང་བའི་དབང་ༀ་རཏྣ་མཱ་ལ་རིན་པོ་ཆེའི་ཕྲེང་བ། ཨ་བྷི་ཥཱིཉྩ་ཏྲཱཾ་ཏྲཱཾ་ ཏྲཱཾ་ཏྲཱཾ་ཏྲཱཾ། དར་དཔྱངས་ཀྱི་དབང༌། ༀ་བཛྲ་རྡོ་རྗེ་ཕཊ་དར་དཔྱངས་ཨ་བ་ལ་བ་ན་འཆིང་བ་ཨ་བྷི་ཥཱིཉྩ་ཏྲཱཾ། ཕྱག་རྒྱའི་དབང་ༀ་བུདྡྷ་མུ་དྲཱ་ཕྱག་རྒྱའི་ཕྱག་མཚན། ཨ་བྷི་ཥཱིཉྩ་ༀ། ༀ་བཛྲ་མུ་དྲཱ་ཨ་བྷི་ཥཱིཉྩ་ཧཱུཾ། ༀ་རཏྣ་
མུ་དྲཱ་ཨ་བྷི་ཥཱིཉྩ་ཏྲཱཾ། ༀ་པདྨ་མུ་དྲཱ་ཨ་བྷི་ཥཱིཉྩ་ཧྲཱིཿ ༀ་ཀརྨྨ་མུ་དྲཱ་ཨ་བྷི་ཥཱིཉྩ་ཨཱཿ མིང་དབང་། ༀ་བཛྲ་ནཱ་མ་ཨ་བྷི་ཥཱིཉྩ་ཧཱུཾ། ༀ་ཧཱུཾ་ཧྲཱཾ་ཧྲཱིཿ ཨཱཿ ས་བོན་བསྡུས། ཕྲིན་ལས་ཀྱི་དབང་ༀ་བཛྲ་ཀརྨྨ་རྡོ་རྗེའི་ཕྲིན་ལས་ཨ་བྷི་ཥཱིཉྩ་ཧཱུཾ་ ཆག་གིས་ ཨཱཿ འཁོར་ལོའི་དབང་ༀ་བཛྲ་ཙ་ཀྲ། འཁོར་ལོ། ཨ་བྷི་ཥཱིཉྩ་ཧཱུཾ་བྷྲུཾ། བདག་པོའི་དབང་ༀ་བཛྲ་ཙ་ཀྲ་ཨ་དྷི་པ་ཏི་ཏྭ་ཨ་བྷི་ཥཱིཉྩ་བདག་པོའི་མངོན་པར་དབང་བསྐུར་བ་ༀ་ༀ་ༀ། ཧཱུཾ་ཧཱུཾ་ཧཱུཾ། ཏྲཱཾ་ཏྲཱཾ་ཏྲཱཾ། ཧྲཱིཿ ཧྲཱིཿ ཧྲཱིཿ ཨཱཿ ཨཱཿ ཨཱཿ གཟུང་མའི་དབང་ༀ་བཛྲ་དྷཱ་ར་ཎི་གཟུངས་མ་ཨ་བྷི་ཥཱིཉྩ་ཧཱུཾ། ༀ་སརྦ་ཏ་ཐཱ་ག་ཏ་དྷཱ་ར་ཎི་ཨ་བྷི་ཥཱིཉྩ་ༀ། ༀ་རཏྣ་དྷཱ་ར་ཎི་ཨ་བྷི་ཥཱིཉྩ་ཏྲཱཾ། ༀ་པདྨ་དྷཱ་ར་ཎི་ཨ་བྷིཥཱིཉྩ་ཧྲཱིཿ ༀ་ཀརྨྨ་དྷཱ་ར་ཎི་ཨ་བྷིཥཱིཉྩ་ཨཱཿ གསང་བའི་དབང་ༀ་སརྦྦ་ཏ་ཐཱ་ག་ཏ་གུ་ཧྱ་དེ་བཞིན་གཤེགས་པ་ཐམས་ཅད་ཀྱི་གསང་བའི་དབང་ཨ་བྷི་ཥཱིཉྩ་ༀ། ༀ་བཛྲ་རྡོ་རྗེའི་གུ་ཧྱ་གསང་བ་ཨ་བྷི་ཥཱིཉྩ་ཧཱུཾ། ༀ་རཏྣ་གུ་ཧྱ་ཨ་བྷི་ཥཱིཉྩ་ཏྲཱཾ། ༀ་པདྨ་གུ་ཧྱ་ཨ་བྷི་ཥཱིཉྩ་ཧྲཱིཿ ༀ་ཀརྨྨ་གུ་ཧྱ་ཨ་བྷིཥཱིཉྩ་ཨཱཿ སློབ་དཔོན་གྱི་དབང་། ༀ་པྲཛྙཱ་ཤེས་རབ་ཨུ་པཱ་ཡ་ཐབས་ས་མ་ཡོ་ག་མཉམ་པར་སྦྱོར་བ་ཨ་བྷི་ཥཱིཉྩ་མངོན་པར་དབང་བསྐུར་བ་ཧཱུཾ་ཨཱཿ ས་བོན་དེ་ལྟར་དབང་བསྐུར་ནས་ཚེ་བསྲིང་བའི་རིག་པ་འདི་སྦྱིན་པར་བྱའོ། །ཁ་ཅིག་རྗེས་སུ་གནང་བའི་རིགས་ཡིན་ཟེར་རོ། །ༀ་བྷྲུཾ་བཛྲ་ཨཱ་ཡུ་ཥེ་ཧཱུཾ་ཨཱཿ དེ་ཡི་སྒྲུབ་པ་ནི་འདི་ཡིན་ཏེ། །བཅོམ་ལྡན་འདས་ཕྱག་ན་རྡོ་རྗེ་ཚེ་དཔག་མེད་སྐུ་མདོག་དཀར་པོ་ཟླ་བའི་འོད་ཅན། ཟླ་བའི་དཀྱིལ་འཁོར་ལ་བཞུགས་ཤིང༌། རྒྱན་ཐམས་ཅད་ཀྱིས་བརྒྱན་པ། ཕྱག་གཉིས་མི་འཇིགས་པ་དང༌། མཆོག་སྦྱིན་དུ་མཛད་པ་ལས་བདུད་རྩི་འཛག་པར་བྲིའོ། །ལྷས་བྱིན་གྱིས་བརླབ་པའི་
ཕྱིར། དེའི་འོག་ཏུ་སྒྲུབ་པ་པོ་ཐལ་མོ་བརྐྱང་བ། གདོང་གྱེན་དུ་བཅོམ་ལྡན་འདས་ལ་བལྟ་བར་བྲིས་ལ་མཆོད་པ་རྣམ་པ་ལྔས་མཆོད། དེའི་སྤྱན་སྔར་ལྷའི་རྣལ་འབྱོར་སྔོན་དུ་སོང་བའི་བསྙེན་པ་འབུམ་བཟླ་བར་བྱའོ། །དེ་ནས་སྒྲུབ་པ་ནི་ཟླ་བ་ཉ་བ་ན་མཆོད་པ་ཆེན་པོ་བྱས་ཏེ། རྫས་ལ་བརྟེན་པའི་དངོས་གྲུབ་སྒྲུབ་པ་ནི། བ་དམར་སེར་གྱི་མར་སྣོད་གསར་པར་བཅུག་ལ། གཡོན་པའི་རྡོ་རྗེ་མནན་གསེར་དངུལ་གྱི་རྡོ་རྗེ་དང་བཅས་པའི་ལག་པས་སྣོད་ཀྱི་ནང་དུ་ཏེ། སྣོད་ཀྱི་སྟེང་དུ་བཅོམ་ལྡན་འདས་ཀྱི་བྲིས་སྐུ་ལ་རབ་ཏུ་སེམས་ཤིང༌། ཆག་གིས་བདུད་རྩི་སྣོད་ཀྱི་ནང་དུ་འཛག་པར་བསམས་ལ། མཚན་གཅིག་ཐོག་ཐག་བཟླ་བར་བྱའོ། །དེ་ནས་དངོས་གྲུབ་ཀྱི་རྟགས་དྲི་མནམ་ཞིང་སྔོན་མ་བྱུང་བའི་དྲིའི་ངད་ལྡང་ལ། རླངས་པའམ། དུ་བའམ། མེ་འབྱུང་ངམ། འོད་ཟེར་རམ། མེ་སྒྲོན་ནམ། འོད་འབྱུང་ངམ། དེ་ལ་སོགས་པའི་མཚན་མ་བྱུང་ན། མར་དེ་འམ། མར་གསར་རམ། ཏིལ་མར་རམ། ཆུ་འམ། འོ་མ་འམ། ཞོ་འམ། ཆང་ངམ། ཁྲག་གམ། ཞག་གམ། ཀླད་པའམ། ཤའམ། གང་ཡང་རུང་བ་སྔར་གྱི་མར་དེ་ལ་བསྲེས་ལ་ཅུང་ཟད་རབ་ཏུ་སྒྲུབ་སྟེ། ནང་པར་འཕྲོག་པ་དགག་པའི་ཕྱིར་སྔར་བདག་བསྲུང་བ་ལ་སོགས་པ་བྱས་ནས། བདག་ཉིད་སྦྱངས་ཏེ། ལྷར་བསྐྱེད་ནས་འཐུངས་སམ་ཟོས་ན་མཚན་མ་འམ་ཕན་ཡོན་ནི། ཇི་ལྟ་བ་བཞིན་བྱུང་ན་ནི། ནམ་ཉི་ཟླ་ཡོད་ཀྱི་བར་དུ་ཚེ་རིང་ཞིང་རྡོ་རྗེ་དང་མཚུངས་པར་འགྱུར་ཏེ། རྟགས་ཐ་མས་ནི་དངོས་གྲུབ་ཐ་མ་འགྲུབ་པས་འདི་ལ་ཐེ་ཚོམ་མེད་དོ། །མཚན་མ་མ་བྱུང་ན་ཡང་དེ་ཟོས་ན་འཇིག་རྟེན་ན་ནད་མེད། ལྡོབ་རྐྱེན་ལུས་ལ་སྐྲ་དཀར་དང་གཉེར་མ་མེད་པར་འགྱུར་རོ། །
ལུས་བརྟན་ཞིང་ཚེ་ལོ་བརྒྱ་ཐུབ་པར་འགྱུར་རོ། །གཞན་ཡང་བཟླས་པ་བྱས་པ་ཙམ་གྱིས། ཞི་བ་དང་རྒྱས་པ་དང་དབང་ལ་སོགས་པའི་ལས་རྣམས་བརྟགས་མི་དགོས་པར་འགྱུར་ཏེ་ཐེ་ཚོམ་མེད་དོ།། །། དེ་ནི་འཇིག་རྟེན་པའི་དཀྱིལ་འཁོར་དྲུག་ལས་ཐོག་མར་རྒྱལ་པོ་ཆེན་པོ་བཞིའི་དཀྱིལ་འཁོར་སྟོན་ཏེ། དེ་ནས་རྒྱལ་པོ་ཆེན་པོ་བཞིས། འཇིག་རྟེན་པའི་དཀྱིལ་འཁོར་སྒྲུབ་པ་སྟོན་ན། དཔུང་བཟང་གིས་ཞུས་པར། འཇིག་སྐྱོང་ཚངས་པ་བརྒྱ་བྱིན་ཁྱབ་འཇུག་དང༌། །དྲག་པོའམ་རླུང་སོགས་ལྷ་ལ་ཕྱག་མི་བྱ། །དེ་ཡིས་བཤད་པའི་ཆོས་ལ་མི་བརྟེན་ཞིང༌། །དེ་དག་དཀའ་ཐུབ་མ་སྤྱད་རྟག་མི་མཆོད། །སྔགས་ཀྱང་མི་བཟླ་དེ་དག་མདོ་མི་ཀླག །ཅེས་གསུངས་ཤིང༌། འཇིག་རྟེན་གསུམ་རྒྱལ་གྱི་ཆོ་ག་ཞིབ་མོ་ལས་ཀྱང༌། སྡུག་བསྔལ་སྡིག་པས་འཇིགས་འགྱུར་བའི། །འཇིག་རྟེན་ལྷ་ནི་ཡོངས་མི་བསྟེན། །ཞེས་གསུངས་པ་མ་ཡིན་ནམ། འདིར་དེ་དག་སྒྲུབ་པར་ཇི་ལྟར་རིགས་སྙམ་ན། ལུང་དེ་དག་གིས་ནི། འཇིག་རྟེན་པ་རང་མཚན་པ། དེ་དག་ལ་སྙིང་ནས་སྐྱབས་སུ་འཛིན་པ་བཀག་པ་ཡིན་ལ། འདིར་ནི་དེ་དག་གདུལ་བྱའི་དབང་གིས་འཇིག་རྟེན་པར་སྣང་ཡང༌། ངོ་བོ་འཇིག་རྟེན་ལས་འདས་པ་ཡིན་ཏེ། དེ་ཉིད་བསྡུས་པར། ཨེ་མ་སངས་རྒྱས་ཐམས་ཅད་ཀྱི། །ཐབས་ནི་སྙིང་རྗེའི་བདག་ཉིད་དེ། །གང་དུ་ཐབས་ཀྱིས་འདུལ་མཛད་ན། །ལྷ་རྣམས་སུ་ཡང་འགྱུར་བ་ཡིན། །ཞེས་པ་དང༌། གང་དང་གང་གི་གཟུགས་ཀྱིས་ནི། །ལུས་ཅན་རྣམ་པར་འདུལ་འགྱུར་བ། །ཐུགས་རྗེས་སྟོན་ལ་དེ་དང་དེར། །བརྩེ་བའི་བདག་ཉིད་སྟོན་པར་མཛད། །ཅེས་པས་སོ། །ཞེས་ཀ་མ་དྷེ་ནུས་གསུངས་སོ། །བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ཀྱང༌། སེམས་ཅན་ཐམས་ཅད་ཀྱི་དོན་དང༌། ཕན་པ་དང༌།
བདེ་བའི་སླད་དུ། རང་རང་གི་སྙིང་པོ་བཤད་པར་འཚལ་གྱིས། བཅོམ་ལྡན་འདས་ཀྱིས་བཀའ་སྩལ་དུ་གསོལ། རྡོ་རྗེ་འཛིན་པས་བཀའ་སྩལ་དུ། སྟེ་བྱིན་གྱིས་བརླབ་ཏུ་གསོལ། རྒྱལ་པོ་ཆེན་པོ་རྣམས་ལེགས་ཀྱིས་ཤོད་ཅིག་དང༌། ངས་ཀྱང་རྗེས་སུ་ཡི་རང་ཞིང་བྱིན་གྱིས་བརླབ་པར་བྱའོ། །དེ་ནས་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུས། བཅོམ་ལྡན་འདས་ཀྱིས་གནང་ཞིང་རྗེས་སུ་ཡི་རང་སྟེ་བྱིན་གྱིས་བརླབས་པས་རང་གི་སྙིང་པོ་འདི་བཤད་དོ། །ༀ་བཻ་ཤྲཝ་ཎ། རྣམ་ཐོས་ཀྱི་བུ། དེ་ནས་དྲི་ཟའི་རྒྱལ་པོ་ཡུལ་འཁོར་བསྲུང་གིས་ཀྱང་རང་གི་སྙིང་པོ་འདི་བཤད་དོ། །ༀ་དྷྲྀ་ཏཱ་ར་ཥྚ། ཡུལ་འཁོར་བསྲུང༌། དེ་ནས་གྲུལ་བུམ་གྱི་རྒྱལ་པོ་འཕགས་སྐྱེས་པོས་ཀྱང་རང་གི་སྙིང་པོ་འདི་བཤད་དོ། །ༀ་བི་རུ་ཌྷྲག །འཕགས་སྐྱེས་པོ། དེ་ནས་ཀླུའི་རྒྱལ་པོ་མིག་མི་བཟང་གིས་ཀྱང་རང་གི་སྙིང་པོ་འདི་བཤད་དོ། །ༀ་བི་རུ་པ་ཀྵ། མིག་མི་བཟང་དེ་ནས། བྲི་བ་ལ་དེ་དག་གི་དཀྱིལ་འཁོར་བཤད་དེ། གཞིའི་དཀྱིལ་འཁོར་ནི། གྲུ་བཞི་པ་ལ་སྒོ་བཞི་པ། །ནང་གི་ཐིག་གི་སྐབས་དབུས་དང་ཕྱོགས་བཞིར་ཟླུམ་པོ་རེ་རེ། དཀྱིལ་འཁོར་ལྔས་ནི་བརྒྱན་པ་སྟེ། །མཚན་མ་འགོད་པའི་དབང་དུ་བྱས་ནས། དེ་ཡི་དབུས་སུ་གཙོ་བོ་ནི། །ཕྱག་ན་རྡོ་རྗེ་འགྱིང་བཅས་བྲི། །དེ་ཡི་གཡོན་གྱི་ཕྱོགས་སུ་ནི། །རྣམ་ཆག་གིས་ངལ་བསོས་དགེ་བའི་ལག་པ་ན་ཟེར། ཐོས་བུ་དགེའི་ལག་པ་ན། །གཡས་བེ་ཅོན་གཡོན་ནེའུ་ལེ་ཁ་ནས་རིན་པོ་ཆེའི་ཆར་འབེབས་པས་སྐྱེ་དགུ་འཕོངས་པ་ལས་སྒྲོལ་བ་ཐོགས་པ་དང༌། །རིན་ཆེན་རྒྱན་གྱིས་བརྒྱན་པ་དང༌། །སྦོམ་ཞིང་སེང་གེའི་གདན་ལ་བཞུགས། །གསེར་མདོག་རིན་ཆེན་ ཆག་གིས་གཟི་
བྱིན་ལྡན་པ་བྲི་ཟེར། །ཁ་ཅིག་རྣམ་སྲས་ཀྱི་གཡོན་དུ་གནོད་སྦྱིན་ནོར་བུ་བཟང་པོ་དང༌། བུམ་པ་བཟང་པོ་བྲི་བ་དང༌། ཁ་ཅིག་བུམ་པ་དང་ནོར་བུ་བྲིས་ནས་དེ་ལས་རིན་པོ་ཆེའི་ཆར་འབེབ་པར་འདོད་དོ། །ལྡན་པར་བྲི། །མཁས་པས་བུམ་པ་བཟང་པོ་དང་ལ་སོགས། །ཁོངས་ནས་དཔག་བསམ་ཤིང་དང་འདོད་འཇོའི་བ། སྐུ་ལས་རིན་ཆེན་ཆུ་བོ་འབབ་པ་བྲི། །མདུན་དུ་ཡུལ་འཁོར་བསྲུང་ཉིད་ནི། །པི་ ཆག་ ཝང་ལེན་པར་བྱེད་ལ་བརྩོན་པ་དང༌། །མཛེས་ཤིང་ཁ་དོག་ལྗང་གུ་སྟེ། རྒྱན་རྣམས་ཀུན་གྱིས་བརྒྱན་པ་བྲི། །གཡས་ཕྱོགས་དཔའ་བོ་ལུས་འཕགས་པོ། །རལ་གྲི་ལག་ན་ཐོགས་པ་བྲི། །ནུབ་ཕྱོགས་སུ་ནི་མིག་མི་བཟང༌། །རྡོ་རྗེ་ཞགས་པ་འཛིན་པའི་མཆོག །སྦྲུལ་མགོ་བདུན་གྱིས་བསྐོར་བ་ལ། །མིག་ཀྱང་དམར་ཞིང་ཤིན་ཏུ་འབུར། །སྒོ་ཡི་ཕྱོགས་ནི་ཐམས་ཅད་དུ། །སྒོ་བ་དག་ཀྱང་དེ་བཞིན་ནོ། །དེ་ནས། དེ་ལྟར་བྲིས་ཟིན་པ་དང་དམ་ཚིག་པ་བསྐྱེད་དེ་ཆད་ལྷག་གི་ཉེས་པ་ཞི་བའི་དོན་དུ། རྡོ་རྗེའི་ཕྱག་རྒྱ་ཞེས་བྱ་བས། །སྔགས་མཁན་བདག་ཉིད་དཀྱིལ་འཁོར་དུ་ཞུགས་ཏེ་བསྐོར་ནས་སླར་སྒོ་ཕྱོགས་སུ་འདུག་ནས་ཀྱང༌། །ཡེ་ཤེས་པ་བཅོམ་ལྡན་འདས་ནི་སྤྱན་དྲངས་ཏེ། །དེ་ནས་རྒྱལ་པོ་སྤྱན་དྲང་ངོ༌། །སྤྱན་དྲངས་ནས་ནི་མཁས་པས་མཆོད། །ཆོ་ག་བཞིན་དུ་མཆོད་པ་འབུལ། །བསྟོད་པ་བྱས་ཏེ་བསྒྲུབས་པའི་དཀྱིལ་འཁོར་དེར། དེ་ནས་སྔགས་མཁན་སྔགས་འདི་དང༌། །རྡོ་རྗེ་འཛིན་མའི་ཕྱག་རྒྱ་འདིས། །རང་ཉིད་ཞུགས་ནས། སློབ་མ་རྒྱལ་རིགས་རྗེའུ་རིགས་དང༌། །བྲམ་ཟེ་ལ་སོགས་དེ་བཞིན་ཏེ། །མེ་ཏོག་རིན་ཆེན་ཐོགས་ཏེ་གཞུག །ༀ་བཛྲ་ས་མ་ཡ་ཧཱུཾ།དེ་ནས་མེ་ཏོག་རིན་པོ་
ཆེ་འདིས་དོར་བར་བྱའོ། །ༀ་བཛྲ་པྲ་ཏཱི་ཙྪ་ཏྭཾ་མ་ཧོ་ཏ་ཏ་མ། མེ་ཏོག་གང་ལ་བབས་པའི་རྒྱལ་པོ་ནི། །སྒྲུབ་པ་པོ་དེ་ནི་འདིས་འགྲུབ་གཞན་དུ་མིན། །དེ་ནས་གྲྭ་ན་གནས་པ་རྒྱལ་པོ་བཞི་ཡི། །བུམ་པ་བཞི་ཡིས་དབང་བསྐུར་ཏེ། །བུམ་པ་ལྔ་པ་ཕྱག་ན་རྡོ་རྗེ་ཡི། །རྡོ་རྗེ་རྩེ་ལྔ་པའི་ཕྱག་རྒྱ་ཉིད་ཀྱིས་སློབ་མའི་སྤྱི་བོ་སོགས་གནས་བཞིར་གཏུགས་ནས། དབང་བསྐུར་བྱ། །དེ་ལ་སོགས་པའི་དབང་རྣམས་ཀྱི་གོ་རིམ་གྱིས། །དཀྱིལ་འཁོར་ཉིད་དུ་དབང་བསྐུར་ བར་བྱ་སྟེ། འདིར་ཡང་རིན་པོ་ཆེ་བདུན་དང་ཉེ་བའི་རིན་པོ་ཆེ་བདུན་དང༌། བཀྲ་ཤིས་ཀྱི་རྫས་བཅུ་དྲུག་རྣམས་སྟེར་བར་ཀ་མ་དྷེ་ནུས་བཤད་དོ། །ན། །ཕན་ཡོན་ནི་མཐོང་བའི་ཆོས་འདི་ཉིད་ལ། རྒྱལ་པོ་མ་ཡིན་རྒྱལ་པོར་འགྱུར། །སྔར་རྒྱལ་པོ་ཡིན་ན་ཆེན་པོར་འགྱུར། །འཛམ་བུ་གླིང་ལ་དབང་བའི་དཔལ་དང་ལྡན། །གླིང་བཞི་པ་ལ་དབང་བའི་མཆོག །ལན་བཞིར་དབང་ནི་བསྐུར་བ་དང༌། །ལན་བཞིར་འཇུག་པར་བྱས་ན་ནི། །དེ་ལ་བསྐྱང་བར་ཁས་བླངས་པ་ནི། རྡོ་རྗེ་འཛིན་རྒྱལ་ཞེས་བོས་ནས་བདག ། ཅག་གི་བུ་སྡུག་བཞིན་དུ་བསྐྱང་བར་བྱ། །བདག་ཅག་རྒྱལ་པོ་ཆེན་པོ་བཞིས། །བྲན་དང་གཡོག་དང་བཅས་པ་དང༌། །ཕོ་བྲང་ནང་གི་འཁོར་བཅས་པས། །རྒྱལ་པོ་རྟག་ཏུ་བསྐྱང་བར་བགྱི། །དེ་གནོད་གཞན་གྱི་ཕྲུ་མ་དང༌། །དེ་ཡི་ནང་དང་འཆི་བདག་གི །འཇིགས་དང་མུ་གེ་ལ་སོགས་པའི། །གནོད་པ་རྣམས་ནི་གཞོམ་པར་བགྱི། །བྱེ་བྲག་ཏུ་སོ་སོས་ཁས་བླངས་པ་ནི། རྣམ་ཐོས་བུས་ནི་རྒྱས་པར་བགྱི། །ཡུལ་འཁོར་བསྲུང་གི་ཞི་བར་བགྱི། །ཕྱུགས་དང་གཉེན་བྱས་དུས་མིན་པའི། །འཆི་བདག་
ལུས་འཕགས་པོ་ཡིས་འཇོམས། །མིག་མི་བཟང་གིས་བཀྲ་ཤིས་ཤིང༌། །མུ་གེ་ལ་སོགས་རྣམ་པར་འཇོམས། །མདོར་ན་བདག་གིས་དེ་ཡི་ནི། །རེ་དང་བསམ་པ་ཀུན་བགྱི་སྟེ། །ཇི་སྟེ་ངེས་པར་ཁས་བླངས་པ་བཞིན། མ་ལགས་ན། །ཕྱག་ན་རྡོ་རྗེ་ལ་འཁུས་པ་སྟེ་བསླུས་པར་གྱུར། །ཅིག་ཅེས་མནའ་དོར་བའོ།། །། རྒྱལ་ཆེན་བཞིའི་དཀྱིལ་འཁོར་བཤད་པའི་རྗེས་དེ་ནས་ཕྱོགས་སྐྱོང་བཅུ་པོ་རྣམས་ཀྱིས་བཅོམ་ལྡན་འདས་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྣམས་ཀྱིས་ཀྱང་སེམས་ཅན་རྣམས་ལ་ཕན་པ་དང་བདེ་བའི་སླད་དུ། རང་གི་སྙིང་པོ་རྣམས་དབུལ་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། འཇིག་རྟེན་སྐྱོང་བ་རྣམས་ལེགས་སོ་ལེགས་སོ། །ལེགས་ཀྱིས་ཕུལ་ཅིག །དེ་ནས་སྔགས་སྒྲུབ་པ་དག་ལ་ནི་ལྷའི་བུའི་བདུད་དང་ལོག་འདྲེན་དག་ཕལ་ཆེར་བར་དུ་གཅོད་ལ། འདི་དེ་གཉིས་ཀའི་བདག་པོར་གྱུར་པས། འདིར་བསྲུང་བར་དམ་བཅས་པས། འབྱུང་པོ་རྣམས་ཀྱི་བདག་པོ་དབང་ལྡན་ལ་སོགས་པས་རང་གི་སྙིང་པོ་རྣམས་ཕུལ་བ། ༀ་ཨི་ཤ་ན། དབང་ལྡན། ༀ་ཨིནྡྲཱ། དབང་པོ། ༀ་ཨགྣེ། མེ་ལྷ། ༀ་ཡ་མ། གཤིན་རྗེ། ༀ་རི་ནི་ཏེ། སྲིན་པོ། ༀ་བ་རུ་ཎ། ཆུ་བདག ། ༀ་ཡ་བ་པེ།རླུང་ལྷ། ༀ་ཀུ་བེ་ར། གནོད་སྦྱིན། ༀ་ཨཱ་དིདྱ། ཉི་མ་ཟླ་སྐར་ཡང་མཚོན། ༀ་བ་ར་ཧེ་ལ་ག་གམ། བ་སུ་དྷ་ར་སའི་ལྷ་མོ། སྟ་གོན་ཡན་སོང་བ། ནས་དེ་དག་གི་དཀྱིལ་འཁོར་བྲི་བ་བཤད་དེ། དཀྱིལ་འཁོར་སྔ་མ་བཞིན་བྲིས་ལ། མཚན་མ་བྲི་བའི་སྐབས་སུ། མགོན་པོ་དབུས་
སུ་དེ་བཞིན་བཞག །ཕྱོགས་སྐྱོང་རང་གི་ཕྱོགས་གནས་སུ། །གཞག་བྱ་སྤྱན་སྔར་ཉི་མ་དང༌། །ཕག་གི་གཟུགས་དང་གཉིས་བཞག་སྟེ། །སྒོ་བ་རྣམས་ཀྱང་དེ་བཞིན་ནོ། །བྲིས་ཟིན་ནས་དམ་ཚིག་པ་བསྐྱེད་ཆད་ལྷག་གི་ཉེས་པ་ཞི་བར་བྱས་ནས། ཆག་གིས། དེ་ནས་ཡེ་ཤེས་པ་དེ་ཀུན་སྤྱན་དྲངས་ལ། །བཅུག་པའི་དཀྱིལ་འཁོར་སྒྲུབ་པ་ལ། མཆོད་པ་ཀུན་གྱིས་མཆོད་བྱས་ལ། །དེ་ནས་སྔགས་མཁན་བདག་ཉིད་ཞུགས་ཏེ་དབང་བླངས་ནས་ཀྱང༌། །སློབ་མ་རྣམས་ནི་གཞུག་བྱ་ཞིང༌། །ཕྱོགས་སྐྱོང་རང་གི་སྔགས་བཏབ་པའི། །བུམ་པ་རྣམས་ཀྱིས་དབང་བསྐུར་རོ། །དེ་ནས་ཕན་པར་འདོད་པ་ཡིས། །མེ་ཏོག་གང་ཕོག་གི་ཕྱོགས་སྐྱོང་སྒྲུབ་པའི་ཕྱིར་སྙིང་པོ་སྦྱིན་པར་བྱ། །སྟེ་བཟླས་པའི་ཚེ་གཙོ་བོའི་སྔགས་ལ་ཕྱོགས་སྐྱོང་སོགས་ཀྱི་སྔགས་བཏགས་ནས་བཟླས་པ་འཇིག་རྟེན་པ་ཐམས་ཅད་ལ་ཤེས་དགོས་པར་གསུངས་སོ། །ཕྱོགས་སྐྱོང་རང་གི་ཕྱོགས་གནས་རྣམས། །བརྟག་མི་དགོས་པར་འགྲུབ་པར་འགྱུར། །དེ་ནས་ཕྱོགས་སྐྱོང་དེ་དག་མགུ་ནས་དཀྱིལ་འཁོར་འདིར་ཞུགས་པ་རྣམས་བསྐྱང་བར་ཁས་བླངས་པ་ནི། འདི་སྐད་ཅེས་གསོལ་ཏོ། །བཅོམ་ལྡན་འདས་གང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བས་དཀྱིལ་འཁོར་འདིར་ཞུགས་ཏེ། དབང་བསྐུར་བ་ཐོབ་པའམ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དེ་དག །བཅོམ་ལྡན་འདས་རྟག་པར་དུས་ཐམས་ཅད་དུ་བསྲུང་བ་དང༌། བསྐྱབ་པ་དང་སྦ་བར་བགྱིའོ། །ཕ་རོལ་གྱི་ཕྲུ་མ་ཀུན་གཞོམ་པར་བགྱི། དུས་དུས་སུ་ཆར་དབབ་པར་བགྱི། འབྲུ་དང༌། མེ་ཏོག་དང༌། འབྲས་བུ་རྣམས་བསྐྱེད་པར་བགྱིའོ། །
དབང་པོ་དང་མེ་ལྷ་མ་གཏོགས་བྱེ་བྲག་སོ་སོར་ཁས་བླངས་པ་ནི་དེ་ནས་ཆོས་ཀྱི་རྒྱལ་པོ་གཤིན་རྗེས་ཀྱང༌། བཅོམ་ལྡན་འདས་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང༌། རྒྱལ་པོ་ཆེན་པོ་དེའི་ཚེ་བསྲིང་བར་བགྱི། དུས་མ་ལགས་པར་འཆི་བ་བརྒྱད་ནི་ནད་པ་རིམ་གྲོ་མི་བསྟེན། སྨན་ལོག་པར་སྩལ་བ། རྒྱལ་པོའི་ཆད་པ་དང༌། མི་མ་ཡིན་གྱིས་མདངས་ཕྲོགས་པ་དང༌། མེ་ལ་སོགས་པ་འབྱུང་བས་གནོད་པ་དང༌། དུད་འགྲོ་མ་རུངས་པས་འཚེ་བ་དང༌། གཡང་དུ་ལྷུང་བ་དང༌། བྱད་དང་རོ་ལངས་ཀྱིས་གཙེས་པ་དང༌། དེ་བཞིན་གཤེགས་པ་བདུན་གྱི་སྔོན་གྱི་སྨོན་ལམ་གྱི་ཁྱད་པར་རྒྱས་པའི་མདོ་དྲངས་ནས་ཀ་མ་དྷེ་ནུས་བཤད། སོ་སོར་དགག་པར་བགྱིའོ། །དེ་ནས་སྲིན་པོ་རྣམས་ཀྱི་བདག་པོ་ཆེན་པོ་ནི་རི་ཏིས་ཀྱང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང༌། རྒྱལ་པོ་དེ་དང༌། ཆག་ རྒྱལ་བུ་དང༌། བྲམ་ཟེ་དང༌། རྗེའུ་རིགས་དང༌། རྒྱལ་རིགས་དང༌། མིའམ་གཞན་གང་ཡང་རུང་བ་ལ་ནད་དང༌། ཡི་དྭགས་དང་འདྲེས་འཇིགས་པར་མི་བགྱི། སྲིན་པོ་ལ་སོགས་པས་འཇིགས་པར་མི་བགྱི། དུས་མ་ཡིན་པར་འཆི་བདག་གིས་འཇིགས་པར་མི་བགྱི་སྟེ། དུས་ཐམས་ཅད་དུ་བསྲུང་བ་དང༌། བསྐྱང་བ་དང༌། སྦ་བར་བགྱིའོ། །དེ་ནས་ཀླུའི་རྒྱལ་པོ་ཆེན་པོ་བ་རུ་ཎས་ཀྱང༌། འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་རྟག་པར་དུས་ཐམས་ཅད་དུ་རྒྱལ་པོ་དེ་དང༌། ཡུལ་ཐམས་ཅད་སོ་སོར་བསྐྱང་བར་བགྱི། ཀུན་ཏུ་བསྲུང་བར་བགྱི། འབྲུ་རྣམས་
བསྐྱེད་པར་བགྱི། ཀླུའི་ཉེས་པ་རྣམས་མི་འབྱུང་བར་བགྱི། དུག་དང་སེར་བ་རྣམས་མི་དབབ་པར་བགྱི། དུས་མ་ཡིན་པར་འཆི་བ་རྣམས་སོ་སོར་དགག་པར་བགྱིའོ། །དེ་ནས་རླུང་གི་རྒྱལ་པོ་ཡ་བ་བེས་ཀྱང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་སེམས་ཅན་ཆེན་པོ་དེ་ལ་དུས་ཐམས་ཅད་དུ་རླུང་གི་འཇིགས་པ་མི་འབྱུང་བར་བགྱི། དུས་མ་ལགས་པའི་རླུང་མི་འབྱུང་བར་བགྱི། འབྲུ་དང༌། མེ་ཏོག་དང༌། འབྲས་བུ་ཐམས་ཅད་བསྐྱེད་པར་བགྱི། འཇིགས་པ་ཐམས་ཅད་སོ་སོར་དགག་པར་བགྱིའོ། །དེ་ནས་གནོད་སྦྱིན་གྱི་རྒྱལ་པོ་ཆེན་པོ་ཀུ་བེ་རས་ཀྱང༌། བཅོམ་ལྡན་འདས་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་ལྷན་ཅིག་ཏུ་མཆིས་ཏེ། སྟོབས་དང་ལྡན་པས་སེམས་ཅན་ཆེན་པོ་དེ་ལ་དུས་ཐམས་ཅད་དུ་འཇིགས་པ་ཐམས་ཅད་སོ་སོར་དགག་པར་བགྱིའོ། །ནོར་དང་འབྲུ་ཐམས་ཅད་ལེགས་པར་འབྱོར་བར་བགྱིའོ། །རང་གི་སྐྱེ་བོ་དང༌། ཡོངས་ཀྱི་སྐྱེ་བོ་དང༌། ཡུལ་དང༌། གནས་དང༌། བྲན་དང༌། སྣག་གི་གཉེན་དང༌། རུས་ཀྱི་གཉེན་དང༌། གྲོགས་དང༌། བུ་དང༌། བུ་མོ་དང༌། ཆུང་མ་ལ་སོགས་པ་བསྲུང་བར་བགྱི། གླང་དང༌། བ་དང༌། བོང་བུ་དང༌། རྔ་མོ་དང༌། ལུག་དང༌། མ་ཧེ་དང༌། བ་ལང་དང༌། རྟ་དང༌། ར་ལ་སོགས་པ་ལ་ཡང་བསྲུང་བར་བགྱིའོ། །དེ་ནས་འབྱུང་པོ་རྣམས་ཀྱི་བདག་པོ་དབང་བྱེད་ཀྱིས་ཀྱང༌། བཅོམ་ལྡན་འདས་ལ་ཕྱག་བཙལ་ནས་འདི་སྐད་
ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང༌། རྒྱལ་པོ་དང༌། རྒྱལ་པོའི་བུ་དང༌། རྒྱལ་རིགས་དང༌། བྲམ་ཟེའི་རིགས་རྣམས་འདི་དང་ཕ་རོལ་ཏུ་སྐྱོབ་པ་དང༌། ཕན་གདགས་པ་དང༌། ཡོངས་སུ་བསྐྱང་བ་དང༌། ཞི་བ་དང༌། བཀྲ་ཤིས་པ་དང༌། ཆག་གིས་འདི་ལྟར། ཆད་པ་སྤང་བ་དང༌། མཚོན་ཆ་སྤང་བ་དང༌། དུག་གཞིལ་བ་དང༌། དུག་གཞོམ་པ་དང༌། མཚམས་བཅད་པ་དང༌། ས་འོག་གི་མཚམས་བཅད་པ་དང༌། ཕྱོགས་ཀྱི་མཚམས་བཅད་པ་དང༌། རྡོ་རྗེའི་ར་བས་བསྐོར་བ་དང༌། རྡོ་རྗེ་ཕུར་བུས་གདབ་པ་དང༌། རྡོ་རྗེའི་ ཆག དྲ་བ་རྣམས་བྲི་བར་བགྱི། དགོས་པ་ཐམས་ཅད་ལ་ཉེ་བར་གནས་པར་བགྱི། དགོས་པ་དང༌། དགོས་པ་མ་ཡིན་པ་རྣམས་ཀྱི་མཚན་མ་ཉེ་བར་བསྟན་པར་བགྱི། དགེ་བ་དང་མི་དགེ་བ་ཐམས་ཅད་རྨི་ལམ་དུ་བསྒོམ་པར་བགྱི། སྒྲུབ་ན་ཡང་བགེགས་མ་མཆིས་པར་དངོས་གྲུབ་ཐམས་ཅད་སྩལ་བར་བགྱིའོ། །དེ་ནས་ཡང་ནམ་མཁའ་ལ་སྤྱོད་ཅིང་ནམ་མཁའ་ལ་འགྲོ་བའི་བདག་པོ་ཉི་མ་ལ་སོགས་སྟེང་ན་གནས་པ་རྣམས་ཀྱི༽ས་ཀྱང༌། བཅོམ་ལྡན་འདས་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་ཀྱང༌། དུས་ཐམས་ཅད་དུ་རྒྱལ་པོ་ཆེན་པོ་དེ་དང༌། རྒྱལ་པོའི་བུ་དང༌། རྒྱལ་པོའི་བློན་པོ་དང༌། བྲམ་ཟེ་དང༌། རྒྱལ་རིགས་རྣམས་འཇིགས་པ་ཐམས་ཅད་ལས། བདག་ཉིད་འཁོར་ཐམས་ཅད་དང་མཆིས་ལ། བསྲུང་བ་དང༌། བསྐྱབ་པ་དང༌། སྦ་
བར་བགྱི། མཆོག་ཐམས་ཅད་རབ་ཏུ་བརྟས་པར་བགྱི། ནད་ཐམས་ཅད་རབ་ཏུ་ཞི་བར་བགྱི། དུས་ཐམས་ཅད་དུ་ཕྱི་བཞིན་འབྲང་བར་བགྱིའོ། །དེ་ནས་སའི་ ཆག་གིས་འོག་གི །བདག་པོ་ཕག་ཆེན་པོས་ཀྱང༌། བཅོམ་ལྡན་འདས་ལ་ཕྱག་བཙལ་ནས། འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང༌། མིའི་བདག་པོ་དེ་དང༌། མིའི་བདག་པོ་དེའི་བུ་དང༌། བྲམ་ཟེ་དང་པོ་རང་གི་མ་ལས་བྱུང་དེ་ནས་དེའི་རིགས་ཀྱི་སློབ་དཔོན་ལས་བྱུང་བས། ལན་གཉིས་སུ་བྱུང་བའམ། ལན་གཉིས་སུ་བྱུང་བའི་གཉིས་སྐྱེས་ཀྱི་བུ་དང༌། རྒྱལ་རིགས་དང༌། རྗེའུ་རིགས་དང༌། དམངས་རིགས་སམ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་རྣམས་ཀྱི། དུས་ཐམས་ཅད་དུ་དོན་ཐམས་ཅད་བསྒྲུབ་པར་བགྱི། འཇིགས་པ་ཐམས་ཅད་ལས་དུས་ཐམས་ཅད་དུ་བསྲུང་བར་བགྱི། བདག་ཉིད་ཀྱིས་ཀྱང་ཡོངས་སུ་བསྐྱབ་པར་བགྱིའོ།། །། ཕྱོགས་སྐྱོང་གི་དཀྱིལ་འཁོར་བཤད་པའི་རྗེས། དེ་ནས་གཟའ་ཆེན་པོ་བརྒྱད་ཀྱི་དཀྱིལ་འཁོར་སྟོན་པ་ནི། གཟའ་རང་གི་དང༌། འཁོར་རྒྱུ་སྐར་དང་བཅས་པ་རྣམས་ཀྱིས་ཀྱང་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་འཁོར་དང་བཅས་པ་རྣམས་ཀྱིས། རང་རང་གི་སྙིང་པོ་རྣམས་དབུལ་བར་འཚལ་ན། དེ་དག་བཅོམ་ལྡན་འདས་ཀྱིས་བྱིན་གྱིས་བརླབ་པར་གསོལ། ལེགས་སོ། ངས་བྱིན་གྱིས་བརླབས་ཀྱིས། གཟའ་ཆེན་པོ་རྣམས་ཤོད་ཅིག །དེ་ནས་ཉི་མ་ལ་སོགས་པ་རྣམས་ཀྱིས། བཅོམ་ལྡན་འདས་ལ་ཕྱག་བཙལ་ནས་འདི་སྐད་ཅེས་གསོལ་