ལྷ་མོ་དབྱངས་ཅན་མའི་སྒྲུབ་ཐབས་རྗེ་ཙོང་ཁ་པས་མཛད་པ་དང་། དབྱངས་ཅན་མའི་སྒྲུབ་ཐབས་རྗེས་གནང་བ།
ལྷ་མོ་དབྱངས་ཅན་མའི་སྒྲུབ་ཐབས་རྗེ་ཙོང་ཁ་པས་མཛད་པ་དང་། དབྱངས་ཅན་མའི་སྒྲུབ་ཐབས་རྗེས་གནང་བ་བཞུགས་སོ། །
རང་ཉིད་ལྷ་མོ་དབྱངས་ཅན་མ་དཀར་མོ་ཤེལ་དཀར་པོ་དྲི་མ་མེད་པ་ལྟར། ཕྱི་ལྟས་ནང་གསལ། ནང་ལྟས་ཕྱི་གསལ་བ་འོད་ཟེར་དཀར་པོ་འཕྲོ་བ་དང་བཅས་པ། པདྨ་དཀར་པོ་འདབ་མ་སྟོང་དང་ལྡན་པའི་ལྟེ་བའི་སྟེང་དུ་ཟླ་བའི་དཀྱིལ་འཁོར་དྲི་མ་མེད་པའི་སྟེང་དུ། ཙོག་པུའི་ཚུལ་དུ་བཞུགས་པ། དབུ་སྐྲ་འཇམ་ཞིང་མཉེན་པ། བུང་བ་ལྟར་གནག་པ། ཐོར་ཅོག་ཅུང་ཟད་དང་བཅས་པ་ལ། མེ་ཏོག་དཀར་པོའི་ཕྲེང་བས་བཅིངས་པ། ལྷག་མ་རྣམས་རྒྱབ་ཏུ་འཕྱང་བ་ལ། རིན་པོ་ཆེ་སྣ་ཚོགས་པའི་རྒྱན་གྱིས་སྤྲས་པ། གསེར་གྱི་རྣ་ཆ་ལ་རིན་པོ་ཆེ་སྣ་ཚོགས་པའི་ཕྲ་བཀོད་པས་མཁུར་ཚོས་མཛེས་པར་བརྒྱན་པ། དབུ་རྒྱན། མགུལ་རྒྱན། དོ་ཤལ། ཕྱག་གདུབ་ཞབས་གདུབ་རྣམས་རིན་པོ་ཆེ་སྣ་ཚོགས་པས་སིལ་ཁྲོལ་གྱི་
སྒྲ་སྙན་པར་སྒྲོགས་པ། གཞོན་ནུ་མ་ལོ་བཅུ་དྲུག་ལོན་པའི་རྣམ་པ་ཅན། ལང་ཚོ་དར་ལ་བབ་པ། རེག་ན་བདེ་བ་བསྐྱེད་པའི་ནུ་འབུར་གཉིས་འཁྲང་ཞིང་རྒྱས་པ། ཆགས་པའི་ཉམས་དང་ལྡན་པས་གཡོན་དུ་འགྱིང་ཞིང་། སྤྱན་མིག་ཟུར་གྱིས་གཟིགས་པ། ཀ་ཙ་ལི་ཀའི་སྟོད་གཡོགས་དང་། སྨད་གཡོགས་ལ་མེ་ཏོག་གི་ཚོམ་བུས་སྤྲས་པ། པདྨ་དཀར་པོའི་མེ་ཏོག་གི་ཆུན་འཕྱང་གིས་མཛེས་པར་བརྒྱན་ཅིང་། ཕྱག་གཉིས་ཀྱིས་བཻ་ཌཱུརྱ་སྔོན་པོའི་པི་ཝང་རྒྱུད་སྟོང་དང་ལྡན་པ་བསྒྲེངས་པས། ལྷ་དང་དྲི་ཟ་དང་རིག་པ་འཛིན་པ་ལ་སོགས་པའི་སྐྱེ་དགུ་ཐམས་ཅད་ཀྱི་ཡིད་མགུ་ཞིང་འཕྲོག་པར་བྱེད་པ། སྤྱི་གཙུག་ཏུ་ཟླ་བའི་དཀྱིལ་འཁོར་དྲི་མ་མེད་པ་བསྒོམ།དེའི་སྙིང་གི་མགོ་ཐུར་དུ་བསྟན་ཅིང་ཡོད་པ་བློས་གྱེན་དུ་བསླང་སྟེ། ཚལ་བ་བརྒྱད་ཕྱིར་གྱེས་
པས་པདྨ་དཀར་པོ་འདབ་མ་བརྒྱད་པ། དཀར་ཞིང་འཇམ་པ་ལྟེ་བ་ལྗང་སེར་ལ། ཟེའུ་འབྲུ་དམར་སེར་གྱིས་བསྐོར་བའི་མཚམས་ནས། ཉི་མ་སྟོང་དང་ལྡན་པའི་འོད་ཟེར་འཕྲོ་བ། ལྟེ་བའི་སྟེང་ནས་ཟླ་བའི་དཀྱིལ་འཁོར་ཉ་གང་བ་དྲི་མ་མེད་པའི་དབུས་སུ། སེམས་ཀྱི་ངོ་བོ་ཧྲཱིཾཿ དཀར་པོ་རིང་ཆ་ཟླ་ཚེས་ནཱ་ད་དང་བཅས་པ། འདབ་མ་རྣམས་ལ་མདུན་ནས་བརྩམས་ཏེ། གཡས་སྐོར་དུ་དབྱངས་ཡིག་བཅུ་དྲུག །འདབ་མ་རེ་ལ་ཡི་གེ་གཉིས་གཉིས་གནས་པ། ཐམས་ཅད་ཀྱང་ཤེལ་དཀར་པོ་དྲི་མ་མེད་པ་ལྟར་དྭངས་ཤིང་གསལ་བ། འོད་ཟེར་དཀར་པོ་དྲི་མ་མེད་པ་འཕྲོ་བ་ལྷམ་མེར་གདན་ལ་མ་རེག་ཙམ། ཅུང་ཟད་འདར་ཞིང་། འཁོར་ལོ་ཡི་གེ་དང་བཅས་པའི་འོད་ཟེར་གྱི་དྲ་བས་སྙིང་གི་མུན་པ་མ་ལུས་པ་སེལ་བར་གྱུར། ཐུགས་ཀའི་འཁོར་ལོ་ཡིག་འབྲུ་དང་བཅས་པ་ལས། འོད་ཟེར་སྣ་བུག་གཡས་ནས་སོང་། ལྷོ་ཕྱོགས་རྒྱ་མཚོའི་འགྲམ་ནས་ལྷ་མོ་འཁོར་དང་བཅས་པ་སྤྱན་དྲངས། མདུན་གྱི་ནམ་མཁར་བཞུགས་པ་ལ་མཆོད་པས་མཆོད། ༀ་སྭ་ར་སྭསྟི་ཧྲི་ད་ཡ་ཏིཥྛ་ཧྲཱིཾཿ ཞེས་བརྗོད་པས། དམ་ཚིག་པའི་ལུས་ངག་ཡིད་གསུམ་ལ་ཡེ་ཤེས་པའི་ལུས་ངག་ཡིད་གསུམ་ཐིམ་སྟེ། གཉིས་སུ་མེད་པར་སྒོམ། ལུས་ཀྱི་དམིགས་པ་དེ་དང་མ་བྲལ་བར་སྒོམ་ཞིང་། ཐུགས་ཀའི་ཧྲཱིཾཿ ལས་ཧྲཱིཾཿ མུ་ཏིག་གི་དོ་ཤལ་ལྟ་བུ་ཁ་ནས་ཐོན། ལྟེ་བ་ནས་ཞུགས། ཐུགས་ཀའི་ཧྲཱིཾཿ ལ་ཐིམ། དེ་ལས་འོད་ཟེར་ཕྱོགས་བཅུར་འཕྲོས། ཕྱོགས་བཅུའི་སངས་རྒྱས་བྱང་སེམས་ཉན་ཐོས་རང་རྒྱལ་གྲུབ་ཐོབ་པཎྜི་ཏ་རིག་འཛིན། དྲང་སྲོང་། རིན་པོ་ཆེ། སྨན། བདུད་རྩི་ལ་སོགས་ཐམས་
ཅད་ཀྱི་མཐུ་ནུས་ཤེས་རབ། ཡོན་ཏན་གྱི་ཚོགས་ཐམས་ཅད་བསྡུས། སྙིང་གའི་འཁོར་ལོ་ཡིག་འབྲུ་དང་བཅས་པ་ལ་ཐིམ་པས། ཤེས་བྱ་ཐམས་ཅད་ལ་བློ་གྲོས་ཐོགས་པ་མེད་པར་རྒྱས་པར་སྒོམ་ཞིང་། ཧྲཱིཿ ཞེས་པའི་བསྙེན་པ་ཅི་ནུས་བཟླས་ནས། བསྙེན་པའི་རྟགས་སྔར་ལས་ལྕེ་བདེ་བ་དང་། དྲན་པ་གསལ་བ་དང་། འཛིན་བཟང་བ་དང་། བུ་མོ་གཞོན་ནུ་མས་ཟས་གོས་དང་ཕྲེང་བ་བྱིན་པ་དང་། ཉི་ཟླ་ཤར་བ་དང་། མར་མེ་ཟོས་པ་ལ་སོགས་པའི་རྟགས་དངོས་སམ། རྨི་ལམ་དུ་འབྱུང་ངོ་། །བསྙེན་པ་ནི་འབུམ་ཕྲག་ལྔ་ལ་སོགས་པའམ་གོང་གི་རྟགས་བྱུང་གི་བར་བྱའོ། །དབྱངས་ཡིག་ནི། ཨ་ཨཱ། ཨི་ཨི། ཨུ་ཨུ། རི་རཱི། ཨེ་ཨཻ། ཨོ་ཨཽ། ཨཾ་ཨཿ ། ༈ དབྱངས་ཅན་མའི་སྒྲུབ་ཐབས་རྗེས་གནང་བ་ནི། ངག་དབང་ལྷ་མོ་དབྱངས་ཅན་མ་ལ་ཕྱག་འཚལ་ལོ། །འདིར་སྒྲ་དབྱངས་ལྷ་མོ་དབྱངས་ཅན་མའི་སྒྲུབ་པ་ཉམས་སུ་ལེན་པར་འདོད་པས། གནས་ཡིད་དུ་འོང་བ་ལ་སྟན་བདེ་བ་ལ་འདུག་སྟེ། སྐྱབས་སུ་འགྲོ་བ་བྱ། ཚད་མེད་པ་བཞི་སྒོམ། སངས་རྒྱས་ཐོབ་པར་བྱ། དེའི་ཆེད་དུ་སྒྲ་དབྱངས་ལྷ་མོ་དབྱངས་ཅན་མ་ཉམས་སུ་བླང་སྙམ་དུ་བསམ་ཞིང་སྭ་བྷཱ་ཝའི་སྔགས་ཀྱིས་ཆོས་ཐམས་ཅད་སྟོང་པར་བསམ། སྟོང་པའི་ངང་ལས་པཾ་ལས་པདྨ་ཨ་ལས་ཟླ་བའི་དཀྱིལ་འཁོར་གྱི་སྟེང་དུ། བདག་ཉིད་ཀྱི་སེམས་ཉིད་ཧྲཱིཿ དཀར་པོ་ལས་འོད་འཕྲོས་འཕགས་པ་རྣམས་མཆོད། སེམས་ཅན་གྱི་དོན་བྱས་ཚུར་འདུས་ཡོངས་སུ་
གྱུར་པ་ལས། རང་ཉིད་ལྷ་མོ་དབྱངས་ཅན་མ་སྐུ་མདོག་དཀར་མོ་ཞལ་གཅིག་ཕྱག་གཉིས་མ་འཛུམ་པའི་མདངས་ཅན། དགྱེས་པས་སྤྱན་གཉིས་རྒྱུད་མངས་བསྒྱུར་བ་ལ་གཟིགས་ཤིང་དབུ་སྐྲའི་ཐོར་ཅོག་མེ་ཏོག་དཀར་པོའི་ཕྲེང་བས་བཅིངས་པ་སིལ་བུར་འཕྱང་བ་རྣམས་ལ་གསེར་གྱི་གཡེར་ཁ་དཔག་ཏུ་མེད་པ་འཁྲོལ་བ། ཕྱག་གཡོན་དུ་བཻ་ཌཱུརྱ་སྔོན་པོ་ལས་གྲུབ་པའི་པི་ཝང་རྒྱུད་སྟོང་དང་ལྡན་པ་བསྣམས་པ། ལག་པ་གཡས་པའི་འདུ་བྱེད་ཀྱིས་བསྒྱུར་བས་ལྷ་དང་དྲི་ཟ་སོགས་སྐྱེ་དགུ་རྣམས་ཀྱི་ཡིད་རང་དབང་མེད་པར་འགུགས་པ། རིན་པོ་ཆེ་དང་དར་སྣ་ཚོགས་ཀྱི་རྒྱན་ཅན་ཀ་ཙ་ལི་ཀའི་སྟོད་གཡོགས་དང་སྨད་གཡོགས་ཀྱིས་མཛེས་པ་པདྨ་དཀར་པོའི་ཆུན་འཕྱང་དང་ལྡན་ཞིང་། གཞོན་ནུ་མ་བཅུ་དྲུག་ལོན་པའི་ན་ཚོད་ཅན་རེག་ན་བདེ་བ་སྐྱེད་པའི་ནུ་འབུར་གཉིས་རྒྱས་པ། ཆགས་པའི་ཉམས་དང་ལྡན་པས་གཡོན་དུ་འགྱིང་ཞིང་། པད་ཟླའི་གདན་ལ་ཙོག་པུའི་ཚུལ་གྱིས་བཞུགས་པ་སྤྱི་གཙུག་ཏུ་ཟླ་བའི་དཀྱིལ་འཁོར་གྱིས་མཚན་པ་ཞིག་སྒོམ་མོ། །དེ་ནས་བདག་གི་སྙིང་མགོ་གྱེན་དུ་བསླངས་ཏེ་ཚལ་བ་བརྒྱད་དུ་གྱེས་པ་ལས་པདྨ་དཀར་པོ་འདབ་མ་བརྒྱད་པའི་ལྟེ་བ་ལྗང་སེར། ཟེའུ་འབྲུ་དམར་སེར་གྱིས་བསྐོར་བའི་མཚམས་ནས་ཉི་མ་སྟོང་གི་འོད་ཟེར་དང་མཉམ་པའི་འོད་ཟེར་འཕྲོས་པས་སྙིང་གའི་མུན་པ་སེལ། དེའི་ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་བདག་གི་སེམས་ཉིད་དབྱངས་ཅན་གྱི་ངོ་བོ་ཧྲཱིཾ་གི་རྣམ་པར་སྒོམ། ཧྲཱིཾ་གི་མཐའ་མ་རྣམས་ལ་མདུན་ནས་བརྩམས་ཏེ་གཡས་སྐོར་དུ། ཨཱ་ལིས་བསྐོར་བ་གསུང་དབྱངས་
ཡན་ལག་དྲུག་ཅུའི་རྣམ་པར་སྒོམ། རྣམ་ཤེས་འོད་གསལ་དང་བཅས་པ་གདན་ལ་མ་རེག་ཙམ་དུ་བཞུགས་པར་བསམ། དེ་ནས་སྙིང་གའི་ཡིག་འབྲུ་རྣམས་ལས་འོད་ཟེར་འཕྲོས་པས་ སྣ་བུག་གཡོན་པ་བཀག་ནས་རླུང་ཅུང་ཟད་ཕྱིར་བཏང་། རྒྱ་མཚོའི་འགྲམ་ན་ལྷ་མོ་བཞུགས་པར་འཕོག་པས་ཐུགས་རྒྱུད་བསྐུལ་ནས་མདུན་གྱི་ནམ་མཁར་སྤྱན་དྲངས། ཨརྒྷཾ་ལ་སོགས་པའི་མཆོད་པས་མཆོད། བསྟོད་ནས་རང་ལ་ཐིམ་པས་གཉིས་སུ་མེད་ སྣ་བུག་གཡོན་ནས་ཞུགས་པར་བསྒོམས་ལ་རླུང་ཅུང་ཟད་ནང་དུ་རྔུབ་བོ། །པར་གྱུར།དེའི་ངང་ལས་ཅི་ནུས་པའི་བཟླས་པ་བྱ་ཞིང་། དེ་ཡང་ཧྲཱིཾཿ ལས་མུ་ཏིག་གི་ཕྲེང་བ་ཁ་ནས་འཐོན་ནས། ལྟེ་བ་ནས་ཞུགས་ སྙིང་གའི་ཧྲཱིཿ ལ་ཐིམ་ཞིང་རྒྱུན་དུ་འཁོར་བར་བསམ། པའི་འོད་ཟེར་གྱིས་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐུགས་རྗེ་དང་འཕྲིན་ལས་ལྷ་དང་དྲང་སྲོང་རྣམས་ཀྱི་རིག་པ་སྔགས་འཆང་གྲུབ་པ་བརྙེས་པ་རྣམས་ཀྱི་མཐུ་སྟོབས་དང་རྟོགས་པ། པཎྜི་ཏ་རྣམས་ཀྱི་མཁྱེན་བརྩེ། འབྲུ་རྣམས་ཀྱི་བཅུད་དང་ནུས་པ་རྣམས་ལྟེ་བར་ཞུགས་སྙིང་གར་ཧྲཱིཾཿ ལ་ཐིམ་པའི་དམིགས་པས་འབུམ་ཕྲག་ལྔའི་བར་དུ་བཟླས་པའི་ཐུན་འཕྲོ་འཇོག་པ་ན། ལྷ་མོ་མདུན་དུ་སྤྱན་དྲངས་ནས་གང་ཤེས་པས་བསྟོད་ཅིང་མཆོད་ནས། གང་འདོད་པའི་དོན་ལ་གསོལ་བ་གདབ། བསྔོ་བ་སྨོན་ལམ་གྱིས་རྒྱས་བཏབ་ལ་མཐར་ལྷ་མོ་རང་ཉིད་ལ་བསྟིམ། དམིགས་པ་གསལ་བར་བྱུང་ནས་ཆགས་པ་དྲག་པོ་སྐྱེས་ན་རྣམ་པར་མི་རྟོག་པའི་ཤེས་རབ་ཀྱིས་རྒྱས་གདབ་བོ། །ཞེས་
རྗེ་རིན་པོ་ཆེ་རང་ཉིད་ཀྱིས་མཛད་པ། རྗེས་དགྱེས་བཞིན་དུ་བཀོད་པའོ། །སྭ་སྟི། རྒྱལ་པད་ཚལ་ཕན་བདེའི་དྲི་བསུང་ཅན། །བཤད་སྒྲུབ་འདར་རྒྱས་རྣམ་གྲོལ་སྦྲང་རྩའི་བཅུད། །འགྲོ་ཀུན་སྤྱོད་ཕྱིར་སྡེ་དགེ་ལྷུན་གྲུབ་སྟེང་། །ཆོས་སྡེ་ཆེ་ནས་ཆོས་སྦྱིན་ཆར་འདི་སྤེལ། །།མངྒ་ལཾ། །