འཇམ་མགོན་ཆོས་ཀྱི་རྒྱལ་པོ་དཔལ་རྒྱལ་བ་ཙོང་ཁ་པ་ཆེན་པོའི་གསུང་འབུམ་ཡིད་བཞིན་ནོར་བུའི་དཀར་ཆག་ངོ་མཚར་ལྷའི་རྔ་བོ་ཆེའི་སྒྲ་དབྱངས།
བཻ་སྨ་ཡྻདེབདུནྡུབྷིཤབྡབྷོཥནཱམམཛྙུནཱཐདྷརྨརཱཛཤྲཱིཛལམཧཱསུགནྡྷིམུཁལཀྵབཀྟཙིཏྟཱམཎིབརྞྞབིཧརྟིསྨ།
འཇམ་མགོན་ཆོས་ཀྱི་རྒྱལ་པོ་དཔལ་རྒྱལ་བ་ཙོང་ཁ་པ་ཆེན་པོའི་གསུང་འབུམ་ཡིད་བཞིན་ནོར་བུའི་དཀར་ཆག་ངོ་མཚར་ལྷའི་རྔ་བོ་ཆེའི་སྒྲ་དབྱངས་ཞེས་བྱ་བ་བཞུགས་སོ།
ཐུབ་པའི་རྒྱལ་ཚབ་ལུང་རྟོགས་བསྟན་ཡི། །གསལ་བྱེད་ཀུན་མཁྱེན་ཆོས་ཀྱི་རྒྱ་མཚོ་མཛོད། །
ཛཾག་མཱ་ནཱཾཏྲིལོཀོགུརུཛྙཱནཡོཿཙཱཡརཱུཔཉྫིཏཱབྱཾཛཡཱནཱཾཡསཱ།
ཁམགས་གསུམ་འགྲོ་འབི་བླ་མ་རྒྱལ་ཀུན་གྱི། །ཡེ་ཤེས་འདུས་གཟུགས་གང་དེ་རྒྱལ་གྱུར་ཅིག །
བསྐལ་བཟང་སྒྲོན་མེ་སྟོང་རྩའི་དབུས་ནས་ཐུགས་བསྐྱེད་དམ་བཅའ་ཕུལ་བྱུང་བས། འདྲེན་པ་ཀུན་གྱིས་པད་དཀར་ལྟར་བསྔགས་རྩོད་དུས་གདུལ་བྱའི་མགོན་མཛད་པ། བྲལ་སྨིན་ཡོན་ཏན་རྒྱ་མཚོའི་མངའ་བདག་སྤངས་རྟོགས་མཐར་ཕྱིན་བཅོམ་ལྡན་འདས། མཉམ་མེད་སྟོང་མཆོག་ཐུབ་དབང་ཞབས་ལ་སྒོ་གསུམ་གུས་པས་ཕྱག་བརྒྱུའོ། ཤེས་དང་ཤེས་བྱ་ཀུན་གྱི་དེ་བཞིན་ཉིད། ཡེ་ཤེས་སེམས་དཔའི་ངོ་བོར་བརྗིད་ཆགས་པ། སྐུ་གསུམ་ལྷུན་འགྲུབ་རྒྱལ་བ་མ་ལུས་པའི། ཡབ་གྱུར་འཇམ་དཔལ་དཔའ་བོར་གུས་ཕྱག་འཚལ། །བདེ་གཤེགས་ཆོས་ཀྱི་ལ་མངླ་ཐམས་ཅད་མཁྱེན། །སྲིད་ཞིའི་དཔལ་གཅིག་གྱུར་ཐུགས་རྗེའི་བདག །མཚུངས་མེད་རྒྱལ་བློ་བཟང་གྲགས་པ་ཡི། །ཞབས་པད་སྤྱི་བོའི་རྒྱན་དུ་རྟག་པར་བསྙེན། །དེ་ཡི་ཏིང་ལུགས་དྲི་མ་མེད་པ་ལ། །བདག་ནི་མི་ཕྱེད་པ་ཡི་དད་པ་ཡོད། །དེ་ཕྱིར་སྐྱེ་བ་ཀུན་ཏུ་མགོན་ཁྱོད་ཀྱི། །རྗེས་སུ་ཞུགས་པར་སྨོན་ནོ་ཐུགས་རྗེས་ཟུངས། །གང་གི་མགྲིན་པ་རོལ་མཚོའི་ཀློང་ནས་འཕོས་པ་ཡི། གསུང་རབ་རིན་ཆེན་ཕྲེང་བའི་ཚོགས་ནི་དོན་གཉིས་ཀྱི། །འདོད་རྒུ་ཅི་དགར་འཇོ་བའི་ཕུང་བྱུང་གངས་ལྗོངས་ན། །ཐེག་གསུམ་ཆོས་ཀྱི་འཁོར་ལོའི་གཞི་གཅིག་བུར་གྲུབ། །ཐུན་མོང་གདུལ་བྱར་གང་སྔགས་ཀྱི། །ཟབ་དོན་མཛོད་གྱུར་བཀའ་རྣམས་དེང་སྐབས་ཀྱང་། །ཆོས་གཏེར་གསར་དུ་བསྐྲུན་པ་ལས་བརྩམས་ཏེ། །ངོ་མཚར་གཏམ་གྱི་སྦྱོར་བ་ཅང་ཟད་བགྱིད། །ཅེས་བརྗོད་ནས། འདིར་རྣམས་འདྲེན་བཞི་པ་སྟོན་མཆོག་ཐུག་པའི་དབང་པོ་དང་གཉིས་སུ་མ་མཆིས་པ་ཁམས་གསུམ་ཆོས་ཀྱི་རྒྱལ་པོ་དཔལ་ཙོང་ཁ་པ་ཆེན་པོའི་གསུང་རབ་རིན་པ་ཆེ་རྨད་དུ་བྱུང་བ་གང་
དག་དེང་གི་སྐབས་ཀྱང་ཆོས་སྦྱིང་མི་ཟད་པའི་གཏེར་གསར་དུ་བསྐྲུན་པ་ལས་བརྩམས་ཏེ་ཅུང་ཟད་གཏམ་དུ་བྱ་བ་ལ་གསུམ། བསྟན་བཅོས་མཛད་པ་པོའི་ཆེ་བ་ཅུང་ཟད་གེང་། དེས་མཛད་པའི་བསྟན་བཅོས་ཀྱི་རྣམ་གཞར་ཟུར་ཙམ་སྨོས། སྐབས་དོན་དེ་ཉིད་སྤར་དུ་ཇི་ལྟར་བསྒྲུབ་ཚལ་ལོ། དེ་ལ་དང་པོ་ནི། བདེ་བར་གཤེགས་པ་ཆིས་ཀྱི་དབང་ཕྱུག་ཏུ་གྱུར་པ་འདྲེང་པ་ཆེན་པོ་རྣམས་རང་དོན་དུ་བྱང་ཆུབ་ཀྱི་མངོན་རྟོགས་མཐར་ཕྱིན། གཞན་དོན་དུ་ཡེ་ཤེས་ཆེན་པོའི་སྤྱོད་པ་རྒྱུན་མི་འཆད་པ་ལ་མངའ་དབང་བསྒྱུར་བའི་བདག་ཉིད་བླ་ན་མེད་པའི་ཕུལ་དུ་གྲུབ་པ་ཅན་ཞིག་སྟེ། སངས་རྒྱས་ཕལ་པོ་ཆེ་ལས། བྱང་ཆུབ་རྒྱ་མཚོ་རབ་བརྙེས་གྱུར་ནས་ཀྱང་། སེམས་ཅན་རྒྱ་མཚོ་རབ་ཏུ་སྨིན་བྱའི་ཕྱིར། བྱང་ཆུབ་སྤྱོད་པ་རྒྱ་མཚོ་དུས་ཀུན་སྟོན། བདེ་གཤེགས་རྣམས་ཀྱི་རྣམ་འཕྲུལ་དེ་འདྲའོ། ཞེས་གསུངས་པ་ལྟར་རོ། དེས་ན་བདག་ཆེན་པོ་འདི་ཡང་ཐོག་མེ་མེད་པའི་དུས་ནས་ཁྱད་ཆོས་བཞི་དང་ལྡན་པ་ཆོས་ཀྱི་སྐུར་མངོན་པར་བྱང་ཆུབ་ཅིང་། ངེས་པ་ལྔ་དང་ལྡན་པ་ལོངས་སྤྱོད་རྫོགས་སྐུའི་ཞིང་ཁམས་ཀྱི་སྤྲིན་རྒྱ་མཚོ་བཀོད་ནས། འགྲོ་བ་འཁྲུལ་བའི་གཞན་དབང་དུ་གྱུར་པ་རྣམས་གང་འདུལ་སྤྲུལ་པའི་རོལ་པ་རྣམས་པ་སྣ་ཚོགས་པས་བླ་ན་མེད་པའི་བྱང་ཆུབ་ཆེན་པོར་དབུགས་དབྱུང་བའི་ཆོ་འཕྲུལ་སྐད་ཅིག་རེར་ཡང་ཞིང་གི་རྡུལ་སྙེད་དུ་རྒྱུན་པའི་འཁོར་ལོར་སྤྲོ་བའི་བྱེད་པོར་ཕྱོགས་བཅུ་རབ་འབྱམས་ན་བཞུགས་པའི་རྒྱལ་བ་སྲས་དང་བཅས་པ་ཐམས་ཅད་དང་མངའ་ཐང་མཉམ་པ་ཉིད་དུ་གྱུར་པ་ཞིག་ཡིན་ཏེ། བློ་བཟང་གྲགས་པ་འདི་ཉིད་ནི། སངས་རྒྱས་ཀུན་གྱི་སྤྲུལ་པ་སྟེ། ཞེས་པ་ལ་སོགས་པའི་ལུང་གི་གསལ་
བ་བཞིན་ནོ། དེ་ལྟ་བུའི་རང་བཞིན་ཅན་གང་གི་རྣམ་པར་ཐར་བ་ནི་བསམ་གྱིས་མི་ཁྱབ་པའི་གཤིས་ལུགས་ཡིན་པའི་ཕྱིར། ཡབ་སྲས་མཇལ་བའི་མད་ལས། བྱ་ལམ་ནམ་མཁར་དཔག་པར་ནུས་ཀྱང་སྲིད། རྒྱ་མཚོ་བུམ་པས་འཇལ་དུ་རུང་བ་ཡང་སྲིད། །རི་རབ་སྲང་ལ་འཇམ་ཡང་རུང་དུ་སྲིད། སངས་རྒྱས་ཡོན་ཏན་མཐར་རྟོགས་མི་ནུས་སོ། །ཞེས་གསུངས་པ་ལྟར་འཕགས་པའི་བློས་ཀྱང་མཐའ་འགོག་པར་ནུས་པ་མ་ཡིན་ནམ་རིག་པའི་ལིང་རྟོག་གིས་ཤེས་རབ་ཀྱི་མིག་ལྡོངས་པ་འགྲོ་བ་འཁྲུལ་བའི་རྒྱ་མཚོར་བྱིང་བ་རྣམས་ཀྱིས་ནི་སྒྲ་རྟེ་རྡུལ་ཕན་དུ་བཤིགས་པའི་ཆ་ཤས་ཙམ་ཡང་མཐོང་བ་ལྟ་ཅི་སྨོས་ཏེ། སྲིད་པའི་གནས་ཅན་དད་པ་ཆུང་བ་ཡིས། སངས་རྒྱས་བྱང་ཆུབ་ཤེས་པར་མི་ནུས་སོ། ཞེས་པ་ལྟར་རོ། འོན་ཀྱང་བུ་གའི་ཁམས་ཀྱི་ནམ་མཁའ་མཚོན་པའི་དཔེར་ཚུར་མཐོང་ཕྱོགས་རེའི་དབང་དུ་བྱས་ན། སྐབས་འདིར་རྒྱལ་བ་མ་ལུས་ཤིང་ལུས་པ་མེད་པ་སྲས་དང་བཅས་པ་ཐམས་ཅད་ཀྱི་མཁྱེན་པའི་ཡེ་ཤེས། བརྩེ་བའི་ཐུགས་རྗེ། ནུས་པའི་ཕྲིན་ལས་རྣམས་གཅིག་ཏུ་བསྡུས་པའི་བདག་ཉིད་ཆེན་པོ་རྗེ་ཙོང་ཁ་པ་བློ་བཟང་གྲགས་པའི་དཔལ་ཞེས་མཚན་གྱི་སྙན་པ་ཞིང་ཁམགས་རབ་འབྱམས་རྒྱ་མཚོའི་རྒྱན་དུ་ཉིད་བྱེད་བྱེ་བའི་འོད་ལྟར་གསལ་བ་གང་ཡིན་པ་ཉིད་ནི་ཐུགས་བསྐྱེད་དང་སྨོན་མམ་རྒྱ་མཚོ་ལྟ་བུ་གཏིང་དཔག་པར་དཀར་པའི་མཐུ་ལ་བརྟེན་ནས། ལྔ་བརྒྱ་ཐ་མ་བའི་དུས་བོད་ཁམས་ཁ་བ་ཅན་གྱི་གདུལ་བྱ་ཉམ་ཐག་པ་རྣམས་ཕྱག་འཚལ་དུ་བདག་གིར་བཞེས་པའི་སླད་དུ་འོག་མིན་སྟུག་པོ་བཀོད་པའི་རྒྱན་དུ་གྱུར་པ་གང་ཡིན་པ་དངོས་གྱི་རྣམ་འགྱུར་མཚན་དཔེའི་དཀྱིལ་འཁོར་ཞིང་འདིར་ཆེད་དུ་བཀོད་པ་ནི་བུ་རམ་ཤིང་པའི་སྲས་མིའི་སྲིད་ངར་བཟུང་བ་དང་
འགྲན་ཟླ་གྱུར་ཅིང་། རྒྱལ་བ་འཇིག་རྟེན་དུ་གྱོན་པ་ན། གདུལ་བྱ་འདུལ་བའི་དགོས་པ་ལ་བརྟེན། དང་པོ་ཟང་ཟིང་བྱིན་པས་བསྡུ། བར་དུ་སྙན་པའི་གཏམ་གྱིས་བྲིད། ཐ་མ་དོན་མཐུན་ཆོས་བཞིན་སྐྱོང་། རང་ཉིད་ཆོས་བཞིན་སྐྱོད་པའོ། ཞེས་བསྡུ་དངོས་རྣམ་པ་བཞིའི་ཕྲིན་ལས་ཀྱིས་ཁོགས་དབུབ་པའི་འཇིག་རྟནེ་དང་མཐུན་པར་སྤྱོད་པའི་ཚུལ་སྟོན་ཇི་སྙེད་ཅིག་འགྲོ་ངོར་གདུལ་བྱ་ཁ་དྲང་བའི་ཕྱིར་ཕྱག་ཏུ་བསྟར་བ་ནི་བདེ་བར་གཤེགས་པ་རྣམས་ཀྱི་རང་གཤིས་ཡིན་ཕྱིར། བདག་ཉིད་ཆེན་པོ་འདིས་ཀྱང་། གདོད་ནས་རྒྱལ་བ་མཆོག་གི་གོ་འཐོང་བརྙེས་ཤིང་ཐམབས་མཁྱེན་པར་གྱུར་ན་འང་རང་ཉིད་ཆོས་བཞིན་སྤྱོད་པའི་ལམ་བཙོ་བོར་བཟུང་བས། དང་པོ་སོ་སྐཀྱེས་རྟེན་ཅན་གྱི་ཚུལ་ལྟ་བུས་སློབ་པ་ལམ་ལ་ཞུགས་པ་ནས་མཐར་བྱང་ཆུབ་བརྙེས་པའི་བར་དུ་ཚུལ་སྟོན་གྱི་མཛད་པ་ཡིད་དུ་འོང་བ་ལ་བརྩོན་པར་མཛད་དོ། དེ་ལྟ་བུའི་ཚུལ་སྟོན་དེ་ཡང་དང་པོར་སྐུ་ཤིན་རུ་བྱིས་པའི་དུས་ནས་ཀྱང་འཁོར་བ་ལ་ངེས་འབྱུང་། སེམས་ཅན་ལ་སྙིང་རྗེ། ལས་རྒྱུ་འབྲས། འཆི་བ་མི་རྟག་པ་སོགས་མངོན་སུམ་ཐུབས་རྒྱུད་ལ་ཡིད་འཁུལ་བ་ལྟ་བུ་ལྷན་སྐྱེས་ནས་མངའ་བས་སྐྱེ་བཔོ་ཕལ་བ་ཀུན་གྱིས་ཀྱང་དམ་པར་བསྒྲགས་པ་སོགས་གཞན་དང་མི་འདྲ་བའི་ངོ་མཚར་གྱི་སྒོ་རྣམས་ཐུན་མོང་དུ་གྱུར་ཐོག གཟིགས་པ་དུ་མས་ཉེ་བར་གཟིགས་པ་ན། རྒྱལ་བའི་བསྟན་པ་རིན་པོ་ཆེའི་སྒོར་ཞུགས་པ་དོན་ཆེ་ཞིང་འབྲས་བུ་ཆེ་བར་གཟིགས་ནས། དེའང་ཐོག་མར་འཇུག་སྒོའི་རྨང་གཞི་རབ་ཏུ་བྱུང་བའི་གནས་སུ་གླང་པོ་ཆེ་པད་འཚོར་ཞུགས་པ་བཞིན་དགའ་བགའ་བས་རོལ་པ་ནས་བཟུང་། ཚུལ་གནས་ཐོས་དང་བསམ་ལྡན་པས། སྒོམ་པ་ལ་ནི་
རབ་ཏུ་སྦྱོར། ཞེས་པའི་རྣམ་གཞག་དང་གོ་རིམ་གྱི་རྒྱ་ལས་མི་འདའ་བར་ཆོས་ཚོལ་བའི་ཚུལ་ཁེངས་པ་དང་མངོན་པའི་ང་རྒྱལ་མེད་པར་ལེགས་བཤད་ཆ་རེའི་ཕྱིར་ཡང་རྟག་ཏུ་ངུའི་རྣམ་ཐར་ཇི་ལྟར་ཞིང་བརྩོན་པ་ཤུགས་དྲག་པོ་ཉིན་མཚན་འདའ་བར་རྒྱུན་ཆགས་སུ་བསྐྱངས་པས་ན། བོད་གངས་ཅད་ཀྱི་ལྗོངས་སུ་སངས་རྒྱས་ཀྱི་བསྟན་པ་མདོ་སྔགས་ཉིན་གྱི་བཤད་པ་དང་བསྒྲུབ་པ། མན་ངག་གི་གསེང་ལམ། དབང་ཁྲིད་ལུང་གསུམ་གྱི་རྒྱུན་ཀ་ཡོད་ཅོག་གམ། གཞན་དུ་སྒྲུབ་རྒྱུད་ཤིང་རྟ་ཆེན་པོ་ཆེ་བརྒྱད་དུ་གྲགས་པ་རྣམས་ཀྱི་ཆོས་སླུགས་ལྟ་སྒོམ་སྤྱོད་པའི་ཆ་བཞུགས་སོ་ཅོག་ཐམས་ཅད་གསར་སྙིང་གི་དབྱེ་བ་དང་རང་ལུགས་གཞན་ལུགས་ཀྱི་ཕྱོགས་འཐེན་མེད་པར་ངང་པས་ཆུ་ལ་འོ་མ་བཞིན་དུ་རྣམ་པར་དག་པའི་གནད་མ་ཉམས་པ་ཟབ་པ་དང་རྒྱ་ཆེ་བའི་བཏུང་བ་གང་ན་ཅི་མཆིས་པ་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་བདག་གིར་མ་བཞེས་པ་དགའ་ཡང་མེད་ཁར་ཉམས་བཞེས་འཆད་སྤེལ་གྱི་བཀའ་དྲིན་བསྐྱངས་པས་ཡོངས་རྫོགས་བསྟན་པའི་བདག་པོ་ཆེན་པོ་འགྱུར་པ་ཡིན་ནོ། །དེ་ཡང་རྡོ་རིན་ཕ་ཆེ་འདི་ཉིད་སྐབས་འདིར་གངས་ལྗོངས་སུ་ཆེད་དུ་སྐྱེ་བ་བཞེས་པའི་དགོས་པ་འང་། །སྤྱན་རས་གཟིགས་ཀྱི་གདུལ་ཞིང་གི་ཁྱད་པར་དུ་བྱས་པའི་ཕྱིར་བོད་ཁམས་འདི་ཡང་ཆོས་ཚིགས་ཀྱི་ཡུལ་དབུས་གཞན་ལས་ཁྱད་འཕགས་ལྟ་བུར་བརྟེན། །སྔོན་དུས་ཆོས་རྒྱལ་མེས་དབོན་རྣམས་གསུན་ནས་བཟུང་ཐུབ་དབང་བསྟན་པ་ལུས་ཡོངས་སུ་རྫོགས་པ་དོན་དང་ལྡན་ཅིང་འབྲས་བུ་ལ་བདེ་བླག་ཏུ་སྤྱོད་པ་ཤ་སྟག་བྱུང་རུང་། །ཕྱིས་དུས་དབང་མི་བཟད་པའི་སྟབས་ཀྱིས་མདོ་སྔགས་གཉིས་ཚ་གྲང་ལྟར་
འགལ་ཟླར་བཟུང་། ཐོས་སྒོམ་གཉིས་མེད་ཆུ་ལྟར་དགྲ་གཤེད་དུ་ལྟ་བས་བསྟན་པའི་རིས་སུ་བཅས་པར་མ་ཟད། །ལྟ་བ་མཐའ་ལ་ལྷུན་ཞིང་སྒོམ་པ་ཅི་ཡང་ཡིད་ལ་མི་བྱེད་པ་དང་། །སྤྱོད་པ་རྒྱུ་འབྲས་བརྩིས་མེད་སོགས་དོན་གྱིས་འཆོལ་སྤྱོད་དང་ལོག་སྤྱོད་ཁོ་ནས་བསྟན་པ་ཤིན་ཏུ་དབུགས་ཤིང་ཆེར་དབུགས་པའི་བདག་འཛིན་གྱི་འགོང་པོ་ཐུལ་བར་དཀའ་བ་འབྱམས་ཀླས་སུ་བདོ་བའི་སྐབས་ན་གཉེན་པོ་བླ་ན་མེད་པ་མཁྱེན་པའི་ཡེ་ཤེས་འཇམ་དཔལ་དབྱངས་དང་། །བརྩེ་བའི་ཐུགས་རྗེ་སྤྱན་རས་གཟིགས་དང་། །ནུས་པའི་མཐུ་སྟོབས་ལག་ན་རྡོ་རྗེ་བསྙན་པ་རྣམས་ཐུགས་དབུས་པདྨའི་ཟེའུ་འབྲུར་མི་ཤིགས་པའི་རྒྱན་དུ་འཆང་ནས། །འགྲོ་བ་ཐམས་ཅད་ཡང་དག་པའི་ཆོས་ཀྱི་ལམ་དུ་གཅུར་བའི་ཉེར་ལེན་བསྟན་པ་དྲི་མ་མེད་པའི་གཞུང་དང་སྲོལ་ཀ་གསར་དུ་འཛུགས་པའི་ཕྱིར་ཐོལ་བྱུང་དུ་མིའི་ཟོལ་འཛིན་ཏེ་ཕེགས་པ་ཡིན་ནོ། །དེ་ལྟ་བས་ན་ཐབས་མཁས་ཀྱི་སྒོ་ནས་མིག་ལྟོས་བཟང་པོའི་བདག་རྐྱེན་དུ་འགྱུར་བ་ལ་མངོན་དུ་ཕྱོགས་བཞིན། །ཐོག་མར་རབ་ཏུ་བྱུང་བ་ནས་བརྩམས་རྒྱལ་བའི་དཀའ་དང་དགོངས་འགྲེལ་འཕགས་ཡུལ་གྱི་བསྟན་བཅོས་བཅས་ཟུང་དུ་འབྲེལ་བའི་དབུ་ཕལ་འདུལ་མཛོད་ལ་སོགས་བརྒྱུ་མཚན་ཉིད་ཐེག་པའི་སྐོར་དང་། །ཁྱད་པར་གསང་ཆེན་རྒྱུད་སྡེ་རྒྱ་མཚོ་གོང་འོང་གི་རྒྱུད་གཞུང་ཤིན་ཏུ་མང་པོ་སོགས་འབྲས་བུ་རྡོ་རྗེ་ཐེག་པའི་སྐོར་ཇི་སྙེད་ཅིག་བཞུགས་པ་རྣམས་བོད་ཡུལ་པའི་ཐོས་བསམ་སྤྱི་རྒྱུགས་ལྟ་བུ་མ་ཡིན་པར་ཤིན་ཏུ་དཀའ་བའི་གནད་མཐའི་རྒྱ་མཚོ་ལྟ་བུ་གདིང་ཟ་བཅིང་། །དངོས་རྒྱ་ཆེ་བའི་དོན་ལ་ལུང་རིགས་མན་ངག་གསུམ་གྱི་སྒོ་ནས་སྐྱེས་སྦྱངས་ཀྱི་རྩ་ལ་ཕུན་སུམ་ཚོགས་པ་དགེངས་པའི་
མཐིལ་མཐར་འདོད་ཅིང་གཅིང་དཔོག་པར་མ་གྱུར་པར་ལན་བརྒྱ་ཕྲག་ཏུ་བསྣུན་པའི་གཟི་བརྗིད་ཆེན་པོ་ཁོ་ནའང་དེ་སྐབས་བོད་ཡུལ་མཐའ་དབུས་ཀུན་ན་མཁས་པ་ཚད་མར་གྱུར་པ་བཟང་བ་གྲངས་མང་བ་བཞུགས་པ་རྣམས་ཀྱི་ཆོས་གྲྭ་ཆན་པོར་རྒྱུ་སྐར་གྱི་དབུས་ན་ཉི་མ་ལྟ་བུ་འགྲན་ཟླ་དང་བྲལ་བའི་དཔལ་དུ་ལྷམ་པར་གྱུར་ཅིག །ཐོས་པ་ཙམ་གྱིས་ཆོ་ག་ཤེས་སུམ་བཟུང་བ་བསམ་བྱུང་གེ་ཤེས་རབ་དུས་མཐའི་མེ་བཞིན་སྤར་བས་ཐོས་དོན་གྱི་གནས་ལ་གྱ་ཚོམ་སྒྲོ་འདོགས་ཀྱི་ཚང་ཚིང་ཅི་མཆིས་པ་ཐམས་ཅད་ལྷག་མེད་དུ་བསྲེགས་བཞིན་པའི་མཐའ་འཇམ་དཔལ་དཔའ་བོའི་གོ་སར་ངེས་པར་འཁོད་པར་གྱུར་བའི་ཚེ་ན་རེ་ཞིག་ཤེས་ཀྱི་ངལ་གསོ་ལྷུན་ཆགས་པར་གནང་བ་ཡིན་ནོ། །སྤྱིར་ཡོན་ཏན་ཅི་ཙམ་གྱིས་འབྱོར་ཡང་མངོན་པའི་ང་རྒྱལ་མེད་པར་ཆོས་ཀྱི་དོན་ཤློ་ཀ་གཅིག་ཙམ་ཡན་དཀའ་བ་ཆེན་པོས་ཚོལ་བ་དང་། །དངོས་དང་བརྒྱུད་ནས་ཐམས་ཅད་མཁྱེན་པའི་ཉེ་རྒྱུ་འབའ་ཞིག་པའི་ཕྱིར་རིག་པའི་གནས་ལྔ་སོགས་ཤེས་བྱ་ཕྲ་མོ་ཡན་ཆད་ལ་མཁོ་བ་མེད་ཅིང་དགོས་པ་མེད་པའི་རྒྱུ་མཚན་ཡུལ་ན་མི་གནས་པ་ཙམ་དུ་མ་ཟད། །རྒྱལ་བསྟན་གྱི་སྟེགས་ལྟ་བུར་དགོངས་ཏེ་ཤེས་བྱ་ཐམས་ཅད་བཟང་མཉམ་གྱི་སྒོ་ནས་བསླབ་སྦྱངས་ལ་རྩེ་གཅིག་ཏུ་འགྲུབ་པར་མཛད། །ལྷག་པར་ཐེག་པ་གསུམ་གཅིག་ལ་གཅིག་བརྟེན། །མདོ་སྔགས་གཉིས་པར་ལྟོས་ཚུལ་ལྟོས་ཀྱི་གནད་བག་ལ་ཉལ་བ་ཁོངས་སུ་ཕུད་ནས་རྒྱལ་བའི་བཀའ་ཐམས་ཅད་ཚིག་གཅིག་ཀྱང་སྤང་བྱ་མེད་པར་འགལ་མེད་ཉམས་ལེན་གྱི་གྲོགས་སུ་འཁྱེར་དགོས་པའི་སྲོལ་བླ་ན་མེད་པ་ཕྱེས་པའི་ཆོས་ཀྱི་ཤིང་རྟ་ཆེན་པོའི་མཚན་གཞི་ཐུབ་བསྟན་གྱ་
མཁན་ན་བརྗིད་ཆགས་པ་དང་ལྷན་ཅིག་སྤོབས་པའི་གཏེར་ཆེན་བརྒྱད་པོ་རང་ཤུགས་ཀྱིས་གྲོལ་བའི་དབང་གིས་འཆད་པའི་གནས་སྐབས་ན་ཆོས་ཉིད་ཞི་བའི་ངང་ལས་མ་གཡོས་བཞིན་དུ་མགྲིན་པ་ཚངས་པའི་དབྱངས་ཀྱིས་གསལ་དག་སྙན་གསུམ་གྱི་སྒོ་ནས་ཐུགས་ཆོས་ཀྱི་འཁོར་ལོ་གྱུར་པའི་མཛོད་ལས་འཕྲོག་པ་བཞིན་དུ་བླངས་པའི་མདོ་སྔགས་ཀྱི་གཞུང་ལུགས་འབྱམས་སུ་ཀླས་པའི་ལེགས་བཤད་ལྟའི་རྔ་བཞིན་སྒྲོག་པ་ལ་ཆགས་དང་ཐོགས་པ་མེད་ཅིང་། །ལྷག་པར་སྣོང་ཆད་མཁས་པ་རྣམས་ཀྱི་སྤྱོད་ཡུལ་དུ་གྱུར་པ་ཤིན་ཏུ་དཀའ་བའི་གནས་ཟབ་དོན་གྱི་གནད་མཐིལ་དུ་འདོད་ཏེ་བཀྲོལ་བ་ན། །སྟོན་པ་པོ་ང་ཚོས་ཀྱང་ང་། ཞེས་པའི་རྒྱ་ལས་མི་འདའ་བར་དཀོན་མཆོག་གསུམ་གྱི་སྤྲིན་སྤྲོ་བའི་བདག་པོ་ལྟ་བུའི་རྩལ་མངོན་སུམ་དུ་ངོམ་པ་དང་། །དེ་བཞིན་དུ་རྩོད་པའི་ཚུལ་ཡང་། །ལུང་རིགས་ཀྱི་འགལ་འབྲེལ། །བརྒལ་བརྟག་གི་དགག་སྒྲུབ་སོགས་རྣོ་བ་དང་། མྱུར་བ་དང་། །ཟབ་པའི་ཤེས་རབ་རྣམས་གཅིག་ཅར་དུ་འཚོགས་པའི་དབྱིངས་ཆེན་པོ་ཐམས་ཅད་དུ་ཐོགས་པ་མེད་པ། །མི་ཆོས་པ་མི་ཤིགས་པ་སོགས་རྡོ་རྗེའི་ཆོས་བདུན་དུ་ངང་གིས་འཇུག་པ་ལ་བརྟེན་ཐོག་མར་གསན་བསམ་མགོ་བརྩམས་པའི་སྐབས་ནས་ཀུང་གཞན་གང་གིས་ཀྱང་སྤོབས་པ་མི་ཆོམས་པ་ཞིག་མངའ་བས་སྦྱངས་པ་མཛད་རིང་ལ་གཞུང་བཤད་པའི་གྲྭ་ས་ཡོད་པའི་ཆོས་སྡེ་ཆེན་པོ་ཁག་ཡོད་དོ་ཅོག་ཏུ་གྲྭ་སྐོར་ལན་མང་དུ་མཛད་ཅིང་བརྒལ་བརྟག་ཕྲ་མོ་རེས་ཀྱང་ལོ་མང་དུ་རིགས་ལམ་ལ་འབད་པ་མང་པོའི་ཁྱུན་ངེས་པར་འབྱིན་བ་ཅི་མཆིས་པ་དེ་དག་གི་ཚོགས་ཀྱི་རྣམ་དཔྱོད་ཀྱི་སློབས་པ་
ཐམས་ཅད་ཀྱང་ཉི་མའི་དྲུང་ན་མེ་ཁྱེར་ལྟ་བུར་གྱུར་ནས་ཕྱོགས་ལས་རྣམ་པར་རྒྱལ་བའི་གྲགས་སྙན་ཁོར་ཡུག་རི་བོའི་ལྗོངས་སུ་ཡང་ན་ཡང་དུ་ཁྱབ་པར་གྱུར་ཏོ། སྤྱིར་དཀའ་བའི་གནད་ཀྱི་དོན་ལ་དྲི་བ་ཇི་ཙམ་ཞུགས་ཀྱང་བརྗོད་བྱེད་ཀྱི་ངག་ཉང་ལ། །བརྗོད་བྱའི་དོན་ཁོང་ནས་སློང་བ་ཤ་དག་པའི་སྒོར་བརྗིད་ཆེ་བར་རྟག་ཏུ་ལན་འདེབས་པ་སྟེ། །དོན་དང་མི་མཐུན་པའི་ན་ཡམས་སུ་གྱུར་པའི་སྐབས་ཕྲ་མོ་ཙམ་ཡོང་བལྟ་ཞོག །མཁས་པ་རྣམ་དཔྱོད་དང་ལྡན་པས་ལོ་བརྒྱར་བརྟགས་ཀྱང་ཚིག་འཁྲི་ཙམ་ཡང་འདོགས་ས་མི་རྙེད་པའི་གནས་ལུགས་དཔྱད་གསུམ་གྱི་རིགས་པར་བབས་པ་ན་གཞན་མཁས་པ་བསྙེམས་ཤིང་སྡེ་སྣོད་འཛིན་པ་བརྒྱ་ཕྲག་མང་པོ་ཐོས་པའི་ང་རྒྱལ་བག་ལ་ཞ་ནས་གསུང་གི་དབང་ཕྱུག་ཆེན་པོ་ངེས་པར་རྙེད་དེ་ཐམས་ཅད་སློབ་མར་མ་གྱུར་པ་གཅིག་ཀྱང་མེད་དོ། རྩོམ་པའི་གནས་ལའང་ཆོས་ཉིད་ཇི་ལྟ་བ་གཟིགས་པ་དང་། །ཆོས་ཅན་ཇི་སྙེད་པ་མཁྱེན་པའི་ཡེ་ཤེས་ངག་རྣམ་པ་ཐམས་ཅད་པའི་གདངས་སུ་འཐོས་པའི་ངོ་བོ་བརྗོད་བྱ་ཟབ་པ་དང་རྒྱ་ཆེ་བའི་དོན་ཁོ་ན། རྗོད་བྱེད་ཀྱི་ཚིག་རྣམ་པར་གསལ་ཞིང་འབྲེལ་ཆགས་པ་བཅས་སྔན་མེད་པའི་བསྟན་བཅོས་སྔོན་ཀླུ་ཐོགས་ཟུང་དང་འདྲ་བའི་ལེགས་བཤད་ཙམ་དུ་མ་ཟད་རྩོད་པས་རྒོལ་དུ་མེད་པའི་རིན་ཐང་ཆེ་བའི་ཕུལ་རྒྱལ་བའི་བཀའ་དང་མཉམ་པ་ཤ་སྟག་བརྩོམ་པར་མཛད་པ་ནི་ཆེད་དུ་འབད་རྩོལ་གྱི་སྤྲོས་པ་མེད་པ་རང་གི་གཤིས་ལུགས་སུ་གྲུབ་པ་བཅས་མཁས་པའི་དབང་དུ་བྱས་ན་འཕགས་ཡུལ་གྱི་མཁས་པ་ཆེན་པོ་ཤིང་རྟ་རྣམ་གཉིས་ཀྱིས་གཙོས་རྒྱན་དྲུག་མཆོག་གནིས། མཁས་པ་སྒོ་དྲུག་གི་ཡོན་ཏན་མ་ལུས་པ་ཕྱོགས་
གཅིག་ཏུ་སྤུངས་པ་ལྟ་བུར་གྱུར་ཅིང་། །བཙུན་པའི་དབང་དུ་བྱས་ན་ལྷག་པར་ཡང་ཕྱི་དུས་སྙིགས་ལྔ་ཆེས་ཆེར་བདོ་བའི་རང་མདངས་འདུལ་བའི་གཞུང་དང་ཚུལ་ཁྲིམས་ཀྱི་ལམ་ལ་ཕབ་ཆེ་བ་གཚིགས་སུ་མེད་ཁར་གསང་སྔགས་ལ་ཁག་བསྙད་པའི་རྩིང་སྤྱོད་ཆོས་སྡེ་ཁག་སུ་ལའང་གང་མིན་འབྱུང་དང་འབྱུང་བཞིན་པ་ལ་གཞིག །ཁྲིམས་ནི་རྒྱུ་དང་མི་རྒྱུའི་ས་བཟིན་དུ། །ཡོན་ཏན་ཀུན་གྱི་གཞི་རྟེན་ལགས་པར་གསུངས། །ཞེས་པ་ལྟར་ཡོན་ཏན་ཀུན་གྱི་གཞི་རྟེན་ཐར་བའི་རྨང་རྡོ་མེད་དུ་མི་རུང་བ་ལ་དགོངས་པ་གཏད། །སྟོན་དང་བསྟན་པ་གཉིས་ཀ་ཡིན་པའི་རིན་ཐང་ཆེ་བ་ལ་གུས་པ་གཙོར་འདོན་གྱིས་འདུལ་བའི་བསླབ་བྱ་ཚིགས་གསུམ་གྱི་གནས་ལ་ཉེས་ལྟུང་ཕྲ་མོ་ཀྱང་མ་གོས་པའི་ཉམས་ལེན་སྲོག་ལྟར་བཙའ་བས་གཙོ་བོར་མཛད། །ནང་བྱང་ཆུབ་སེམས་ཀྱི་བསླབ་པ་དང་ཐུགས་རྒྱུད་གཉིས་དབྱེར་མེད་རོ་གཅིག་ཏུ་བསྲེས། །གསང་བ་སྔགས་ཀྱི་དམ་ཚིག་འཁྱེར་སོ་གསུམ་ལས་སྐད་ཅིག་ཀྱང་འདའ་བར་སོགས་ལེགས་པའི་ཡོན་ཏན་མཐའ་དག་རང་བཞིན་ལྷུན་འགྲུབ་ཀྱི་འབྱོར་བར་ཀུན་ནས་ཚང་བས་ཆོས་ཀྱི་འཁོར་ལོས་སྒྱུར་བའི་རྒྱལ་ཐབས་ཆེན་པོ་ག་ལ་བར་རྒྱལ་ཚབ་གཅིག་པུར་དོན་གྱིས་གཞུགས་པར་གྱུར་ཏོ། །དེ་བཞིན་དུ་བཟང་པོའི་ཐད་ནས་ཀྱང་། བཅོས་མིན་གྱི་ངེས་འབྱུང་དང་། །སྙིང་རྗེ་ཆེན་པོ། གཞན་ཕན་གྱི་བརྩེ་བ། ཤེས་བྱའི་གནས་ལ་ཐོགས་པ་མེད་པར་འཇུག་པའི་ཤེས་རབ། །ཡང་དག་པའི་ལྟ་བ་ལ་སོགས་པ་ཐུན་མོངས་དང་ཐུན་མིན་གྱི་ཡོན་ཏན་ནམ་མཁའི་མཐའ་དང་མཉམ་པ་གཅིག་ཅར་དུ་བརྙེས་པས་མཚོན་རྒྱལ་བ་སྲས་
དང་བཅས་པ་ཐམས་ཅད་པའི་ཐུགས་རྗེ་དང་ཕྲིན་ལས་གཅིག་ཏུ་བསྡུས་པ་ལྟ་བུའི་སྒོ་ནས་མུ་མེད་ཀྱི་འགྲོ་བ་ཐམས་ཅད་སྐུ་རྫུ་འཕྲུལ་ཆེན་པོས་འདུལ་བ། །གསུང་ཆོས་ཀྱི་སྒོ་མོས་འདུལ་བ། །ཐུགས་མངོན་པར་ཤེས་པས་འདུལ་བ། །ཡོན་ཏན་དང་ཕྲིན་ལས་བསམ་གྱིས་མི་ཁྱབ་པས་འདུལ་བ་སྟེ། །འདུལ་བ་བཞི་ཡི་ཆོ་འཕྲུལ་སངས་རྒྱས་དང་འདྲ་བའི་རྒྱུན་བསམ་གྱིས་མི་ཁྱབ་མའི་རོལ་པར་དབང་བསྒྱུར་བ་སོགས་རླབས་ཆེན་ཀྱི་སྤྱོད་པ་ས་བཅུ་ལ་གནས་པའི་སྐྱེ་བོས་ཀྱང་མཚོན་དུ་མེད་པར་དུས་མཐའི་སྐད་ཅིག་རེར་ལང་ཞིང་ཁམས་རྒྱ་མཚོའི་རྡུལ་སྙེད་དུ་རྟག་པ་རྒྱུན་གྱི་འཁོར་ལོ་འབྱམས་ཀླས་སུ་བརྡལ་པའི་བྱེད་པོར་སྤངས་རྟོགས་མཐར་ཕྱིན་པའི་རྒྱུ་མཚན་ཀྱིས་གྲུབ་པས་ན་ཁམས་གསུམ་ཆོས་ཀྱི་རྒྱལ་པོ། །སྐྱབས་གསུམ་ཀུན་འདུས་ཀྱི་ངོ་བོ་གཅིག་པུར་གསལ་བ་ཡིན་ནོ། །བསྟན་པ་རིན་པོ་ཆེ་མདོ་སྔགས་གཉིས་ཀའི་ལུང་རྟོགས་ཆོས་ཀྱི་འབྱོར་བ་ནམ་མཁའི་མཛོད་ལ་མངའ་དབང་བསྒྱུར་ཟིན་ནས། །མཐར་ནན་ཏན་སྙིང་པོར་བྱེད་པ་སྒོམ་པའི་མཚན་ཉིད་སྒྲུབ་པ་ལྷུར་ལེན་པ་ཡང་། ཟུར་ཕུད་ལྔ་བའི་ལུང་གིས་ཉེ་བར་བསྐུལ་བ་བཞིན། །དུས་རེ་ཞིག་ནས་བྱ་བཏང་ལ་གཤེས་ཏེ་ཐོག་མར་བསགས་སྦྱངས་ཀྱི་རིམ་པ་ཡང་སྟོན་པ་ཐུགས་རྗེ་ཅན་གྱི་སྐྱེས་རབས་དང་ཚུལ་མཐུན་པར་དཀའ་སྤྱད་ཀྱི་འཇུག་སྒོ་སེམས་མེད་བེམ་པོའི་ས་ཡང་འདར་བར་བྱེད་པ་ལྟ་བུ་མངོན་དུ་མཛད་པས་ཐོག་དྲངས། །རིམ་པར་ཆོས་ཀྱི་རྩ་བ་བྱང་ཆུབ་སེམས་གཉིས་ལ་བློ་སྦྱོང་སོགས་བཀའ་གདམས་པའི་ཉམས་བཞེས་ལྷ་ཆོས་བདུན་ལྡན་གྱི་ཉམས་ལེན་རྨད་བྱུང་དུ་སྐྱོང་བས་གཞི་འདིངས། གསང་སྔགས་རྡོ་རྗེ་
ཐེག་པ་རྒྱུད་སྡེ་བཞི་ལ་སོགས་པ་གསང་ཆེན་ཆོས་ཀྱི་མཛོད་འཛིན་པ་རྡོ་རྗེ་འཆང་དང་གཉིས་སུ་མ་མཆིས་པར་གྱུར་པ་དང་འབྲེལ་བསྐྱེད་རྫོགས་ཟབ་མོའི་ཉམས་བཞེས་ལ་གནད་དུ་བསྣུན་པས་ཟུང་འཇུག་གྲུབ་པའི་གོ་སར་ཡུན་ཐུང་དུས་བདེ་བླག་ཏུ་གཤེགས་པའི་ཚུལ་བསྟན་ངོ་མཚར་བར་གནང་ཞིང་། ནང་གི་ལམ་གྱི་བགྲོད་པ་ཡང་བླ་མེད་མཐར་ཐུག་གི་མན་ངག་གི་གནད་ཟབ་མོ་དང་འབྱོར་བའི་དབེན་གསུམ་ལས་སྐྱེས་པའི་བདེ་སྟོང་གི་རིང་ངེ་འཛིན་མཐར་ཕྱིན་པ་མངོན་དུ་བརྙེས་པར་གྱུར་པ་སྟེ། །ཞི་གནས་ཙམ་དང་འབྲེལ་བའི་ཉམས་ཙམ་ལ་སེམས་ཀྱི་རྟོགས་པར་གདིང་འཆའ་བ་དང་མཚུངས་པ་མེད་པའི་སེམས་ཀྱི་ཆོས་ཉིད་རྗེན་ལ་བུད་དེ་ཚེ་གཅིག་ལ་རྡོ་རྗེ་འཆང་གི་གོ་འཕང་མངོན་དུ་མཛད་པའི་ཚུལ་ཡང་། གྲུབ་ཐོབ་ཀྱི་མཚན་གཞི་འཇོག་པ་ལྟར་ན། །འཕགས་ཡུལ་གྱི་གྲུབ་པའི་དབང་ཕྱུག་ས་ར་ཧ་པ་ལ་སོགས་པ་གྲུབ་ཆེན་བརྒྱད་ཅུ་དང་ངོ་མཉམ་པར་གྱུར་ཅིང་། །དེར་མ་ཟད་དང་པོར་ཐོས་པ་མཛད་པའི་སྐབས་ནས་སེམས་ཀྱི་ཏིང་ངེ་འཛིན་གསལ་བོ་རང་འཁྲུངས་དང་བསྟུན་ཐོས་སྒོམ་ཟུང་འཇུག་ཏུ་མཛད་འདུག་པ་ལ་གཞིག་ན་དོན་དུ་རྟོགས་གྲོལ་དུས་མཉམ་པ་ཨིནྡྲ་བོ་དྷི་ཇི་ལྟ་བ་བཞིན་ཡིན་པར་མངོན་སུམ་གྱི་ཚད་མས་གསལ་བར་སྣང་ངོ་། །བོད་དབུས་གཙང་མདོ་ཁམས་དང་བཅས་པར་དགེ་བའི་བཤེས་གཉེན་བཅུ་བཞི། ནང་གསེས་འགྲན་ཟླ་མེད་པ་བཞི་སོགས་ཀྱིས་མཚོན་འཕགས་ཐོབ་ངེས་པའི་གཙུག་ནོར་ཤིན་ཏུ་མང་པོ་བསྟེན་པའི་ཚུལ་མཛད་འདག་ནའང་། དོན་ལ་ནི་དགེ་བའི་བཤེས་གཉེན་རྣམ་པ་ཀུན་ཏུ་ཡི་དམ་འཇམ་དཔལ་དཔའ་བོ་ཁོ་ན་བརྟེན་པར་མཛད་པ་
ཡིན་ཏེ། ཀུན་རྫོབ་སྒྱུ་མའི་དབང་དུ་འཇམ་དབྱངས་དེ་ཉིད་དང་ཉིན་མཚན་དབྱེ་བ་མེད་པར་མི་དང་མི་ལབ་པའི་ཚུལ་དུ་ཡོད་པར་མ་ཟད་དབང་ཐོབ་པའི་སྤྱོད་ཡུལ་ཡིན་ཕྱིར་སངས་རྒྱས་བྱང་སེམས་གངྒཱའི་རྡུལ་དང་མཉམ་པ་འདུ་འབྲལ་མེད་པར་ལྷན་ཅིག་པའི་དབུས་ན་ཟབ་རྒྱས་ཆོས་ཀྱི་བགྲོ་གླེང་དང་། ཟབ་དོན་གྱི་ཆོས་ཚོལ་བ་སོགས་བསམ་གྱིས་མི་ཁྱབ་པའི་རྣམ་ཐར་ལ་རྟག་ཏུ་མངའ་དབང་བསྒྱུར་བ་ལས་གཞན་དུ་མ་དམིགས་པ་ནི་རྟགས་སྤྱོད་པས་སྟོན་པ་ཡིན་ནའང་ཐ་མལ་བའི་བློས་ཇི་བཞིན་གཞལ་བྱའི་གནས་དང་བརྗོད་བྱའི་ཡུལ་དུ་མ་གྲུབ་པོ། སྤྱིར་རྗེ་རིན་པོ་ཆེ་འདི་ཉིད་སྤྲུལ་གཞི་བྱེ་བྲག་པའི་དབང་དུ་འཇམ་དཔལ་དབྱངས་ཀྱི་རྣམ་པར་འཕྲུལ་བ་གཙོ་བོར་བཟུང་དགོས་ཏེ། །མདོ་རྒྱུད་དུ་མ་ནས་ཡང་ཡང་ལུང་གིས་གསལ་བར་བསྟན་པའི་ཕྱིར་དང་། གཞན་ཡང་། མཁའ་འགྲོ་གསང་བའི་རྒྱུད་ལས། །འཇམ་དཔལ་སྤྲུལ་པ་བློ་བཟང་ཞེས། བསྟན་པ་རྒྱས་བྱེད་ངོ་མཚར་ཅན། །ཞེས་གསུངས་པ་ལྟར་རོ། རྨད་དུ་བྱུང་བའི་ཕྲིན་ལས་ཀྱི་རིམ་པ་ནི་སངས་རྒྱས་སྟོང་གི་མཛད་པ་དང་ཕྲིན་ལས་ཐམས་ཅད་གཅིག་ཏུ་བསྣམས་ཏེ་བྱོན་པ་ལྟ་བུ་འགྲན་པའི་ཟླ་ཐམས་ཅད་དང་བྲལ་བ་ཡིན་ཏེ། དམིགས་གསལ་དང་པོར་ཐོས་བསམ་སྐབས་ནས་ཀྱང་ཆོས་སྡེ་ཁག་རྣམས་སུ་སྡེ་སྣོད་འཛིན་པ་ཐོས་བསམ་པ་གང་བཟང་ཕལ་ཆེ་བ་རྣམས་སློབ་མར་མ་གྱུར་པ་གཅིག་ཀྱང་མེད་པས་མཚོན་སློག་ཚོགས་མང་དུ་འདུ་བ་ནས་བཟུང་། །འཁོར་དགྲ་བཅོམ་པ་ལྟ་བུའི་དགེ་འདུན་གྱི་ཚོགས་མཚོལ་ངང་མོ་ལྟར་བརྒྱ་ཕྲག་ཁྲི་ཕྲག་མང་པོ་ལོ་ཟླ་བཞིན་གང་མང་དུ་འདུས་པར་བརྟེན་ཆོས་ཀྱི་འཁོར་ལོ་རྒྱུན་ཆད་
མེད་པར་བསྐོར་བས་ཐུགས་སྲས་ཀྱི་ཐུ་བོ་མཁས་གྲུབ་དགེ་ལེགས་དཔལ་བཟང་དང་། རྒྱལ་ཚབ་དར་མ་རིན་ཆེན་གྱིས་གཙོས་མཁས་གྲུབ་ཀྱི་སློབ་མ་བགྲང་པ་ལས་འདས་པ་བྱུང་ཞིང་། འཇམ་དཔལ་དཔའ་བོའི་ཞལ་ལུང་བཞིན་དགའ་ལྡན་གྱི་གདན་ས་ཆེན་པོ་བཏབ་ནས་མདོ་སྔགས་ཀྱི་ཆོས་གྲྭ་འོག་མིན་གྱི་ཞིང་ཁམས་ལྟ་བུ་གཙུགས་པས་གདན་སའི་མཐིན་དུ་མཛད། །དེ་ནས་ཐུགས་སྲས་སློབ་མ་འགའ་རེ་ལ་བཀའ་ལུང་ཕོག་པའི་འབྲས་སྤུངས། །སེ་ར། །བཀྲས་ལྷུན་སོགས་ཆེས་སྡེ་ཆེན་པོ་བཟང་ལ་གྲངས་མང་པའི་དཀྱིལ་འཁོར་ཀྱི་འཁོར་ལོ་ཤར་བ་ལས། །རིམ་པར་སློབ་མ་ཡང་སློབ་མཐའ་ཡས་པ་བྱུང་བའི་ཐུགས་བསྐྱེད་སྒོ། །རྒྱ་སོག་བོད་གསུམ་གྱིས་མཚོན་རྗེ་འཇམ་མགོན་བླ་མའི་རིང་ལུགས་འཛིན་པའི་ཆོས་སྡེ་རྣམས་ཀྱི་སྡོད་ཛཱ་ཏི་དབྱུག་པས་བརྡུངས་མན་ཆད་དང་། སྨན་རྒྱ་མོ་དར་འཐག་ས་ཡན་ཆད་དུ་མཚན་མོ་སྔོ་བསངས་མའི་མཁའ་ལ་རྒྱུ་སྐར་གྱི་བཀོད་པ་དང་འདྲ་བ་དཀར་འཇམ་ཡུགས་བརྡལ་གྱིས་ནོར་འཛིན་གྱི་ཁྱོན་ཐམས་ཅད་ཁྱབ་པར་གྱུར་པ་ནི་ད་ལྟ་ཀུན་གྱི་མིག་དང་རྣ་བར་བཤམས་པ་བཞིན་དུ་མངོན་སུམ་དུ་གྱུར་པ་འདི་བཞིན་པ་སྟེ། །དེ་འང་ཆོས་གོས་གསུམ་གྱིས་ལུས་བརྒྱན། །སྡེ་སྣོད་གསུམ་གྱིས་ངག་བརྒྱན། །བསླབ་པ་གསུམ་གྱིས་སེམས་བརྒྱན་པ་ཤ་སྟག་མ་གཏོགས་བསྟན་དགོན་གྱི་མིང་ནི་ཐོགས་ལ་དོན་ནི་ཆུང་བ། ལྷག་པར་འཚོ་བ་སྤྱོད་དེ་འདྲ་མ་ཡིན་པར་དུས་དེང་སང་བར་དུ་ཕྱི་གཙང་ནང་གཙང་། ཐོས་བསམ་སྒོམ་གསུམ་གྱིས་བྱ་བ། །འཆད་རྩོད་རྩོམ་གསུམ་གྱི་བྱེད་པ་ཅན་ཤ་སྟག་པས་རྒྱལ་ཁམས་གང་
བ་ནི་མངོན་སུམ་ལ། གྲངས་མང་བའི་དབང་དུ་བྱས་ན་དགོན་ཆེ་ཤོས་ཁྲི་ཁྲག་མང་པོ་དང་། །དགོན་ཆུང་ཞིག་ཡིན་ནའང་འཚོགས་པ་བརྒྱ་ཕྲག་རེ་ཟུང་ལས་ཕྱིར་དམའ་མི་སྲིད་པ་ལྟ་བུ་དང་། །གྲངས་མང་པ་ཙམ་ལ་ངོ་མཚར་རྒྱུ་ཆེར་ཅི་ཡོད་ཀྱང་། དེ་དག་ཐམས་ཅད་སྡོམ་གསུམ་རྣམ་དག་གིས་རྒྱུད་ཕྱུག་པ་ཤ་སྟག་སྟེང་ཕལ་ཆེར་སྡེ་སྣོད་འཛིན་པའི་བཤེས་གཉེན་རྣམས་ཏེ། །ཡོན་ཏན་ཁྱད་པར་འཕགས་པའི་ཆེ་བ་གཞན་ལྟ་ཞོག །ཐ་ན་ཕྱི་ནང་གི་སྤྱོད་ལམ། །ཀུན་སྤྱོད་གཙང་སྦྲ་ཙམ་ཁོ་ནའང་ཆོས་སྡེ་གཞན་གྱི་སྤྱོད་ཡུལ་དུ་མ་གྱུར་པའི་ཁྱད་བྱེ་བ་ཞིག་གོ །དེས་ན་གྲུབ་མཐའ་གཞན་ལའང་འདུལ་ཁྲིམས་ཀྱི་སྤྱོད་པ་གཅེས་སྤྲས་སུ་བཟུང་སྟེ་སངས་རྒྱས་ཀྱི་བསྟན་པ་ལུང་རྟོགས་ཀྱི་གཞི་ཞེས་དེང་སང་གི་བར་དུ་མིང་འདོགས་ཆོ་ག་པ་འདི་ལྟ་བུ་འང་བསྟན་པའི་དངོས་གཞི་རི་བོ་དགེ་ལུགས་པའི་མིག་ལྟོས་ལ་བརྟེན་ནས་བྱུང་བ་ཡིན་ཏེ། འཕགས་ཡུལ་ན་བསྟན་པ་རྒྱས་པའི་སྐབས་དང་འདྲ་བ་ནི་བོད་ཡུལ་འདིར་རྗེ་རིན་པོ་ཆེ་བྱོན་པ་ནས་བཟུང་བྱུང་བ་ཡིན་པར་སྙོན་དུ་མེད་པར་ལྟར་གངས་རིའི་ལྗོངས་སུ་ཐུབ་དབང་གཉིས་པ་དངོས་སུ་གསལ་ཞིང་གྲུབ་པ་སོགས་གད་ལྟར་ཡང་། འཇམ་དཔལ་རྩ་རྒྱུད་ལས། །འཇིག་རྟེན་ང་ནི་མྱ་ངན་འདས། །ས་ཡི་སྟེང་འདི་སྟོང་གྱུར་ན། །ཁྱོད་ཉིད་བྱིས་པའི་གཟུགས་ཀྱིས་ནི། །སངས་རྒྱས་མཛད་པ་བྱེད་པར་འགྱུར། །དེ་ཚེ་དགོན་ཆེན་རབ་དགའ་བ། །ཁ་བ་ཅན་ན་ཡོད་པ་ཡིན། །ཅེས་པའི་ལུང་དོན་ཇི་བཞིན་གྲུབ་པ་ཡིན་ཅིང་། གཞན་ཡང་རྒྱལ་བས་དཔལ་གྱི་མགུལ་ནས་ལུང་དུ་ཡང་ཡང་བསྟན་པའི་ཚུལ། མདོ་སྡེ་གདམས་ངག་འབོགས་པའི་
རྒྱལ་པོ་ལས། །མ་འོངས་སྙིགས་མའི་དུས་སུ་ནི། །འབྲི་དང་ལྡན་པའི་ས་མཚམས་སུ། །དགེ་ཞེས་བྱ་བའི་དགོན་པ་འདེབས། །བློར་བཟང་ཞེས་བྱའི་མིང་ཅན་འབྱུང་། །ཞེས་པ་ལ་སོགས་པས་མཚོན་ཤིན་ཏུ་མང་ངོ་། །ཁྱད་པར་འཕགས་ཡུལ་ནས་དམ་ཆོས་བསྒྱུར་བ་སོགས་ལོ་ཙཱ་བ་སྔ་ཕྱི་བྱོན་པ་རྣམས་ཀྱིས་གཙོས་གསར་རྙིང་གང་ལའང་བསྟན་འཛིན་གྱི་སྐྱེས་བུ་ངོ་མཚར་བ་ཅན་དུ་མ་བྱོན་པ་རྣམས་ཀྱིས་བཀའ་དྲིན་གྱི་མཐའ་བསམ་ལས་འདས་ཀྱང་། །བསྟན་པའི་སྲོག་རྩ་ལྟ་བ་ལ་ཐུག་སྟབས། གཞུང་ལུགས་རྣམས་ལ་ཐོས་བསམ་སྦྱི་རྒྱུགས་ཞིགས་གི་ངེས་པ་ཅི་རྙེད་ལས་གནད་དུ་ཕིགས་པའི་གདིང་ལོན་པ་ཞིག་ནི་སྔོན་ཆད་གངས་རིའི་ལྗོངས་སུ་སུ་ཡང་མ་བྱུང་བའི་དེ་ལྟའི་རྒྱུན་ཙམ་གྱིས་ཐུགས་ཁ་མ་ཚིམ་ནས། །རྟོགས་པར་དཀའ་བ་ལྟ་བའི་གནད་ལ་ལྷག་པར་ཤེས་རབ་ཟབ་མོའི་རིགས་འདའ་མཆོག་གི་ཕུལ་དུ་བསྣུན་པའི་ཐུགས་བརྩོན་ལན་གཅིག་མིན་པར་གནང་ཐོག །བོད་ཡུལ་འདིར་ཐེ་ཚོམ་རིགས་ཀྱི་སྒྲོ་འདོགས་ཆོད་ཡུལ་མེད་པར་དགོངས་ནས་འཕགས་ཡུལ་དུ་གཤེགས་པར་བརྩམས་པའི་ཚེ། རྒྱལ་བའི་ཡབ་གཅིག་འཇམ་དཔལ་པོའི་ཞལ་གཟིགས་ཏེ་དེ་དངོས་ཀྱི་མདུན་ནས་དཀའ་གནད་ཐམས་ཅད་ལྷུག་པར་གྲོལ་བའི་མན་ངག་ཞིབ་ཅིང་ཟབ་པ་མཐར་ཕྱིན་པ་ཐོབ་པའི་མཐར་ཡང་དག་པའི་ལམ་རྒྱལ་བ་སྲས་དང་བཅས་པའི་གཤེགས་ཤུལ། །ཀླུ་སྒྲུབ་ཡབ་སྲས་ཀྱི་བཞེད་པ་འཁྲུལ་མེད་དུ་རྟོགས་ནས་གཞན་ལ་ཐར་བའི་སྒོ་ཕྱེས་པ་སོགས་ལྟ་བ་སྣ་ཚོགས་པའི་མུན་པ་འཐིབས་པའི་མཁའ་ན་ཡང་དག་ལྟ་བའི་ཉི་མ་འོད་ཟེར་
སྟོང་དང་ལྡན་པ་ཤར་བའི་དབང་གིས་གྲུབ་མཐའ་ཀུན་གྱི་དབུས་ན་རྒྱལ་མཚན་གྱི་ཏོག་ལྟར་མངོན་པར་མཐོ་བའི་ཉེར་ལེན་ཡང་དེ་ག་རང་ལ་ཐུག་པ་བཅས། །མདོར་ན་བོད་གངས་ཅན་གྱི་ལྗོངས་སུ་ཐལ་འགྱོར་གྱི་ལྟ་བ་དང་གཅིག །མ་ཀི་ཀཱ་རི་ཀ་ནས་བཟུང་ཡ་གི་སྔགས་བླ་མེད་ཀྱི་བར་ཆོས་ཐམས་ཅད་འགལ་མེད་དུ་ཉམས་སུ་ལེན་དགོས་པའི་མན་ངག་དང་གཉིས། །རྒྱལ་བསྟན་གྱི་གཞི་མ་སོ་ཐར་ལ་གཅེས་སྤྲས་སུ་བྱེད་པའི་ལུགས་སྲོལ་དང་གསུམ་སྟེ། འདི་གསུམ་གྱི་གནས་ལ་རྗེ་རིན་པོ་ཆེ་འདི་ཉིད་བཀའ་དྲིན་ལྷག་པར་ཆེ་ཞིང་སྟོན་པ་ལས་ཀྱང་ཆེ་བ་བསྙོན་དུ་མེད་པར་གྲུབ་པོ། མཛད་པ་དང་ཕྲིན་ལས་ཀྱི་ཚུལ་དུ་སྟོན་ཅིང་དགེ་བའི་བཤེས་གཉེན་མཛད་པའི་འཇམ་དཔལ་དབྱངས་འདི་ཡང་དེ་སྐབས་ན་ཐུགས་རྗེ་དང་ཐབས་མཁས་ལྷག་པར་དུ་ཁྱད་པར་འཕགས་པ་ཞིག་སྟེ། དེ་ཉིད་ཀྱི་བཀའ་ལས་འདའ་མེད་དུ་མཛད་སྟབས། །རང་གི་ཡོན་ཏན། །བསྟན་པའི་བྱི་དོར། བཤད་སྒྲུབ་ཀྱི་ཕྱག་རྗེས་སོགས་ཕུན་སུམ་ཚོགས་པའི་སྒོ་ནས་བསྟན་པ་དང་འགྲོ་བའི་དོན་མཁའ་དང་མཉམ་པ་འདི་བཞིན་འཕགས་བོད་ཀུན་ན་འགྲན་ཟླར་བགྱིད་དུ་མེད་པ་མངོན་སུམ་ལ་སྟོན་པ་ཇི་ལྟ་བ་དེ་བཞིན་དུ་བྱུང་བ་ནི་བརྗོད་མ་དགོས་འཛམ་གླིང་གི་ཐ་གྲུ་ཀུན་ཏུ་ཕན་བདེའི་རྒྱུན་དུ་བརྗིད་བཞིན་པ་ལྟར་དང་། གཞན་ཐུན་མིན་མངོན་པར་ཤེས་པ་ལྔ་སོགས་ཀྱིས་མཚོན་སྐུ་གསུང་ཐུགས་ཀྱི་རྫུ་འཕྲུལ་བསམ་གྱིས་མི་ཁྱབ་པའི་རང་བཞིན་ཟག་པ་མེད་པའི་དཔལ་དུ་རྫོགས་པ་ནི་གཞིར་གྲུབ་མོད། །རྗེས་འཇུག་གདུལ་བྱ་བརྒྱུད་མར་གྱུར་པ་གཞན་ཏནམས་ཁམས་དབང་སྣ་ཚོགས་པའི་སྟབས་འཆོལ་བ་ལྷུང་དོགས་གསང་བ་ཤིན་ཏུ་སྦས་པ་
དམ་པ་རྣམས་ཀྱི་ལུགས་སྲོལ་ཏེ། ཤུགས་འབྱུང་འགའ་དང་འགའ་ཞིག་གསལ་བ་ཡང་སངས་རྒྱས་དངོས་ཀྱི་ཆོ་འཕྲུལ་ཉིད་ལས་མི་གཞན་པའི་ངོ་མཚར་བ་ཤ་དག་པ་ཉིད་དུ་གསལ་ལོ། །སྤྱིར་འཇམ་དཔལ་ཞིག་གི་བཀོད་པ་རྒྱ་ནག་རི་གེ་རྩེ་ལྔ་ཧ་ཅང་མི་འགྱངས་པའི་སའི་ཐིག་ལེ། །མདོ་སྨད་ཤར་ཕྱོགས་ཀྱི་ཡུལ་དུ་མཚན་དཔེའི་པདྨོ་བཀོད་ནས་བཟུང་། །རིམ་པར་དབུས་འགྱུར་འཆང་དུ་ཕེབས་ཏེ། །དང་པོ་རང་ཉིད་གསན་བསམ་སྒོམ་པ་མཛད་པ་ནས་བརྩམས། །མཐར་བསྟན་འགྲོའི་དོན་རླབས་པོ་ཆེ་བསྒྲུབ་པར་མཛ་བཞིན་པའི་བགྲང་བྱ་རེ་གསུམ་པར་གྱི་ཐུན་མོང་པའི་ཚུལ་དང་། །ནང་དང་གསང་བི་རིམ་པ་འགའ་ཞིག་གསལ་བ་བཅས་རྣམ་ཐར་རིགས་ལེ་ཚན་མང་དུ་བཞུགས་པ་རྣམས་བལྟ་བྱ་ལས། །འདིར་སྤར་བྱང་གི་འགྲོས་སུ་ས་བཅད་ཁོངས་གླེང་སློང་ཙམ་མ་སྤྲས་འཐུས་མེད་ལྟར་བགྱིས་པ་ཡིན་ཤེས་པར་བྱ་བའི་གནས་དང་། མདོར་ན་དང་པོ་བསྟན་པའི་སྒོར་འཇུག་ལུགས། །བར་དུ་ཐོས་བསམ་བསྒོམ་པར་བརྩོན་ལུགས། །ཐ་མ་གཞན་དོན་ཕྲིན་ལས་གནད་ལུགས་སོགས་ལ་གཞིག་ན་སྐད་ཅིག་བསྐལ་བར་བསྒྱུར་བའི་རྒྱུན་གྱི་མཛད་པ་ལྟ་བུ་སྟེ་གཞན་དམ་པ་ཆེན་པོར་གྱུར་པ་གང་གིས་ཀྱང་དེ་འདྲ་བའི་ངོ་མཚར་རྩོམ་པ་ལྟ་ཞོག །བློ་ཡི་ཡུལ་དུའང་གཏན་ནས་མི་འཆུན་པའི་རང་གཤིས་སུ་སྣང་ཞིང་། རང་དོན་ལ་འཇུག་སྐབས་དཀའ་སྤྱད་བརྩོན་འགྲུས་ཁྱད་འཕགས། །གཞན་དོན་ལ་འཇུག་སྐབས་ཉིན་བསྟར་ཆགས་ཆོས་ཐུན་གྲངས་མང་བ་ཆགས་ན་མེད་ཅིང་། གསུང་གི་ཀུན་སློང་ཁོ་ན་ཙམ་ཡང་ཉིན་མཚན་ཀུན་དུ་ཆོས་ཀྱི་འབེལ་གཏམ་དང་གཞན་གྱི་དྲི་བས་དུས་
འདའ་བ་གཏོགས་ཐ་མར་བའི་ངག་དོན་དུ་མེད་པ་འགའ་ཙམ་ཡང་ལབ་པའི་སྲོལ་མེད་པ་སོགས་མཁས་པ་དང་བསྟན་འཛིན་ཕལ་ཆེར་བའི་འགྲོས་ཐོས་བསམ་སྒོམ་གསུམ་རིས་སྒྱུར་རེས་འཇོག་ཙམ་གྱི་སྟེང་། །གཙོ་ཆེ་བ་གདུལ་བྱ་དཀོར་སྡུད་རྒྱ་ཆེར་བྱས་ལུགས་སོགས་ཕྲ་མོ་ཙམ་ཞིག་རྣམ་ཐར་ཐོག་མཐའ་བར་གསུམ་གང་ས་ནས་བརྗོད་རྒྱུ་མ་རྙེད་པར་བྱུང་འདུག་པ་འདི་ཁོ་ནའི་བབས་ཀྱང་སུ་དང་གང་གི་འང་སྤྱོད་ཡུལ་དུ་མ་གྱུར་པའི་ངོ་མཚར་ཆེ་བ་ཞིག་ཡིན་པར་དྲན་ནོ། མ་འོངས་སྤྲུལ་པ་འདི་ཉིད་བསྡུ་བའི་ཚུལ་བསྟན་མཛད་པའི་ཚེ་དེ་མ་ཐག་དུ་དགའ་ལྡན་གྱི་གནས་མི་ཕམ་མགོན་པོའི་དྲུང་དུ་བྱང་ཆུབ་སེམས་དཔའ་སྙིང་པོ་ཞེས་པར་འགྱུར་བ་དང་། གཞན་དུ་བསྐལ་བཟང་གི་སངས་རྒྱས་བདུན་པ་འམ་བཅུ་གཅིག་པ་སྤྱན་ལེགས་དང་། །ཞིང་ཁམས་གཞན་དུ་རྒྱལ་བ་སེང་གེའི་ང་རོ་དང་། ཀུན་ཏུ་གཟིགས་པ་འཚང་རྒྱ་ཚུལ་ལུང་བསྟན་མདོ་སྡེ་ཁག་དུམ་ནས་གསལ་བར་གསུངས་པའང་ཐད་ཐད་ནས་ངེས་དོན་དུ་བཟུང་དགོས་ཏེ་ཐམས་མཁས་ཀྱི་སྒྱུ་འཕྲུལ་བསམ་གྱིས་མི་ཁྱབ་པའི་བདག་ཉིད་ཡིན་པའི་ཕྱིར་རོ། །དེས་ན་དེ་དོན་དང་འབྲེལ་བའི་གོང་གི་བརྗོད་པ་ཐམས་ཅད་ཀྱི་རྒྱབ་སྐྱོར་དུ་ལུང་གི་ཡི་གེ་ཡང་རིམ་པ་བཞིན་པདྨའི་བཀའ་ཆེམས་ལས། །འཇམ་དབྱངས་སྤྲུལ་པ་གདུལ་བྱ་བསྟན་པའི་བདག །མདོ་སྔགས་བསྟན་འཛིན་བློ་བཟང་གྲགས་པ་ཞེས། །མི་རབས་བརྒྱད་དུ་མདོ་སྔགས་རྒྱས་པར་སྟོན། །ཞིང་འདིར་འདས་ནས་བྱམས་པའི་དྲུང་དུ་འགྲོ། །དེ་ཡི་བརྒྱུད་འཛིན་ཚེ་གཅིག་སངས་རྒྱས་ཡིན། །ཅེས་དང་། །མ་གཅིག་ལ་བསྒྲོན་ལུང་བསྟན་དུ། །བུ་མོ་ཁྱོད་ཀྱིས་དྲིས་པའི་བྱང་སེམས་དེ། །མ་འོངས་
བསྐལ་བཟང་སངས་རྒྱས་བདུན་པ་ཡིན། །ད་ལྟ་བྱང་ཆུབ་སེམས་དཔའ་སྙིང་སྟོབས་ཆེ། །སྙིགས་དུས་ལོག་སྤྱོད་བོད་ཡུལ་འབྱུང་བའི་ཚེ། །དགེ་སློང་ཚུལ་འཛིན་གྲགས་པའི་མཚན་ཐོགས་ཏེ། །གང་གི་ཞིང་དུ་སེང་གེའི་ང་རོང་གྲགས། །ཁྲིམས་འཆལ་ལོག་སྤྱོད་སྤོབས་ཟིལ་གནོན་པས། །ཁྲིམས་འཆལ་བག་མེད་ཡང་དག་ཁྲིམས་ལ་སྦྱོར། །ཐུན་ཉིད་སྲོལ་བཏོད་བསྟན་པའི་ཕྱག་རྟགས་འཛིན། །བསྟན་པ་གསལ་བར་བྱེད་པའི་དགེ་སློང་ངོ་། མཐའ་ཡས་རྒྱུད་སྡེའི་ཚོགས་ལ་དབང་བསྒྱུར་ཞིང་། །རྒྱུད་སྡེ་རྒྱ་མཚོའི་དགོངས་པའི་བཅུད་འཐུངས་ནས། གདུལ་བྱར་གྱུར་པའི་སྐལ་ལྡན་ཚིམ་པར་མཛད། ཅེས་དང་། སློབ་དཔོན་པདྨས། རྒྱལ་བའི་སྲས་པོ་གྲགས་མཐའ་ཅན་དེས། །ཤཱཀྱའི་རྒྱལ་པོ་ལོངས་སྤྱོད་རྫོགས་སྐུར་བསྒྱུར། །ཕ་རྒྱུད་ཟབ་གནད་ཕྲ་མོའི་རྣལ་འབྱོར་དང་། མཐའ་བཞི་སྤྲོས་བྲལ་རིག་པའི་ལྟ་བ་ཡིས། །སྐལ་བཟང་གདུལ་བྱ་མང་པོའི་སྨིན་གྲོལ་མཛད། །ཞིང་འདིའི་སྐུ་ཡི་བཀོད་པ་ལེགས་བསྡུས་ནས། །ངོ་མཚར་རྨད་བྱུང་བཀོད་པའི་འཇིག་རྟེན་དུ། །རྒྱལ་བ་སེང་གེའི་ང་རོར་མངོན་འཚང་རྒྱ། །དེ་ཡི་ཕྱག་གི་མཆོད་སྡོང་ཆེན་པོ་ལས། །འོད་ཟེར་བྱེ་བའི་ཕུང་པོ་རབ་ཏུ་འགྱེད། །ཅེས་དང་། གསང་འདུས་རྒྱུད་མངོན་བརྗོད་བླ་མ་ལས། །མ་འོངས་བྱང་གི་ཕྱོགས་སུ་འབྱུང་། །མིང་གི་ཐོག་མར་བློ་ཞེས་བྱ། །བཟང་པོ་སྤྱོད་པས་བསྟན་པ་སྐྱོང་། །གྲགས་པ་ཀུན་ཁྱབ་སྐྱེ་བ་ནི། །འཇམ་དཔལ་ཞིང་གི་བཀོད་པར་འགྲོ། །ཞེས་པ་ལ་སོགས་ཤིན་ཏུ་མང་ངོ་། དེ་བས་སྙིང་པོར་བཟུང་བའི་དབང་དུ་བྱས་ན་རྗེ་འདི་ཉིད་ནི་སངས་རྒྱས་ཀྱི་གྲལ་ན་ཡོད་པའི་
ཕྱིར། ཡབ་སྲས་མཇལ་བའི་མདོ་ལས། །དཔའ་བོ་ཆེན་པོ་ཐབས་མཁས་ཏེ། །བྱེ་བ་ཕྲག་བརྒྱར་རྒྱལ་བ་ཉིད། །སངས་རྒྱས་ཉིད་དུ་བསྟན་གྱུར་ཀྱང་། །སེམས་ཅན་ཡོངས་སུ་སྨིན་བྱའི་ཕྱིར། །ད་དུང་དུ་ཡང་འདྲེན་པ་ཁྱོད། །སངས་རྒྱས་མང་པོར་སྟོན་པར་མཛད། །ཅེས་གང་འདུལ་སྒྱུ་འཕྲུལ་གྱི་རོལ་མོ་ནམ་མཁའི་མཐའ་དང་མཉམ་པར་རྟག་པར་རྒྱུན་གྱི་འཁོ་ལོའི་སྤྱོད་ཡུལ་འཆང་བ་ལས་གཞན་དུ་མ་དམིགས་ཤིང་། །དེ་ལྟ་བུའི་སྤྲོས་པ་འདུ་མཛད་པ་ཡང་གཞན་དོན་ཁོ་ནའི་ཕྱིར་ཡིན་ཏེ། །བདག་ཉིད་ཆེན་པོ་སེམས་ཅན་ཡོངས་སུ་སྨིན་བྱ་དང་། །ཞིང་སྦྱོང་ཕ་རོལ་ཕྱིན་རྫོགས་དོན་བྱེད་ཁོ་ནར་ཟད། ཅེས་པ་ལྟར་གཞན་ཕན་ཁོ་ནའི་དོན་དུ་སངས་རྒྱས་ཀྱི་ཞིང་སྦྱོང་བ། །སེམས་ཅན་ཡོངས་སུ་སྨིན་པ། །ཕ་རོལ་ཏུ་ཕྱིན་པ་དྲུག་གི་དོན་སྒྲུབ་པའི་ཚུལ་སྟོན་པ་སོགས་ལ་དུས་རྟག་ཏུ་གཞོལ་བའི་རྣམ་པར་ཐར་བ་ནི་བསམ་གྱིས་མི་ཁྱབ་པའི་ཕྱིར་སངས་རྒྱས་ཉག་གཅིག་གི་སྤྱོད་ཡུལ་ཁོ་ནའོ། བྱེ་བྲག་འཕགས་བོད་ཁོ་ན་ཙམ་དུའང་རྣམ་འཕྲུལ་སྣ་ཚོགས་བ་རྒྱུན་མི་འཆད་པ་འབྱུང་བའི་ཚུལ་ཡང་། བློ་བཟང་གྲགས་པ་འདི་ཉིད་ནི། སངས་རྒྱས་ཀུན་གྱི་སྤྲུལ་པ་སྟེ། །པན་ཆེན་རྐྱང་གི་ལུས་བཟུང་ནས། །མདོ་དང་སྔགས་ཀྱི་དོན་བཤད་ཅིང་། །ངེས་པར་ཁོ་ནར་འཚང་རྒྱའོ། །རྒྱ་གར་རྒྱ་ནག་བལ་བོ་དང་། །དབུས་གཙང་མདོ་ཁམས་ཡུལ་ཕྱོགས་སུ། །སྐྱེ་བ་བཟུང་ཞིང་འགྲོ་ཀུན་རྣམས། །ཐར་བའི་ལམ་དུ་འཁྲིད་པར་མཛད། །ཞེས་པ་ལྟར་བཟོ་སྐྱེ་མཆོག་གི་རིམ་པ་བགྲང་ཡས་འབྱུང་བ་གཞིར་གྲུབ་མོད། །མཆོག་གི་སྤྲུལ་པ་ཁོ་ནའི་དབང་དུ་བྱས་ན་ཡང་དེང་སང་བར། །ས་དགེ་ཀར་རྙིང་སོགས་རིས་
མེད་པའི་གྲུབ་མཐའ་ཀུན་ན་ཐོབ་བསམ་སྒོམ་གསུམ། མཁས་བཙུན་བཟང་གསུམ། །འཆད་རྩོད་རྩོམ་གསུམ་གྱི་ཡོན་ཏན་གྱིས་རྒྱུད་ཕྱུག་པའི་བསྟན་འཛིན་གྱི་སྐྱེས་བུ་དང་། །དགེ་བའི་བཤེས་གཉེན་ཚད་གྱུར་པ་གང་བྱུང་བ། ཐམས་ཅད་དོན་གྱིས་རྗེ་རིན་པོ་ཆེ་འདི་ཉིད་ཁོ་ནའི་རོལ་གར་ཡིན་པར་ངེས་ཤིང་། །ཕྱི་དུས་ཀུན་མཁྱེན་སི་ཏུ་ཆོས་ཀྱི་འབྱུང་གནས་ལྟ་བུའང་སྐུ་ཆུང་ངུ་ཤིན་ཏུ་བྱིས་པའི་སྐབས་རྗེ་རིན་པོ་ཆེའི་རྣམ་འཕྲུལ་འཁྲུལ་མེད་ཡིན་པར་གཏེར་ཆེན་གྲུབ་པའི་འཁོར་སྒྱུར་ཡོངས་དགེ་མི་འགྱུར་རྡོ་རྗེས་ལུང་ནས་བསྟན་འདུག་པ་སོགས་སོ། །སྐྱེ་བ་སྔ་མའི་རིམ་པ་རགས་རིམ་ཙམ་ཡང་། མདོ་སྡེ་གདམས་ངག་འབོགས་པའི་རྒྱལ་པོ་ལས། །བློ་བཟང་གྲགས་པ་འགྲན་གྱི་དོ་ཟླ་མེད། །སྐྱེ་བ་བརྒྱ་རུ་པཎ་ཆེན་རྐྱང་དུ་བླངས། །ཞེས་པ་ལ་སོགས་པས་མཚོན་མཐའ་ཡས་ཀྱང་། །འགའ་ཞིག་ལུང་ལས་གསལ་བ་རྣམས་འདི་ལྟར། །དེ་བཞིན་གཤེགས་པ་ཀླུའི་རིགས་མཆོག །དེ་བཞིན་གཤེགས་པ་མོས་པ་རབ་ཏུ་དགའ་བའི་སྙིང་པོ། །རྗེ་བཙུན་འཇམ་དབྱངས། །བྱང་སེམས་སྙིང་སྟོབས་ཆེན་པོ། །བྱང་སེམས་ནོར་བུ་བཟང་པོ། །བདག་ཅག་གི་སྟོན་པའི་དྲུང་དུ་ཤེལ་དཀར་གྱི་ཕྲེང་བ་ཕུལ་ནས་ཐུགས་བསྐྱེད་པའི་དགེ་སློང་པདྨའི་དད་ལྡན། །དགྲ་བཅོམ་པ་ཉེ་བར་འཁོར། །དགྲ་བཅོམ་པ་ཉེར་སྤས། །དགའ་ལྡན་བྱམས་པའི་དྲུང་དུ་བྱང་སེམས་འོད་ཟེར་ཕྲེང་བ། །ཌོམྦྷི་ཧེ་རུ་ཀ ལྭ་བ་པ། ལཱུ་ཧི་པ། མངའ་བདག་མར་བ་ལོ་ཙཱ། སྐ་བ་དྲི་མེད་འོད། །གཉོས་ཆོས་སྟོན་འབར། །དན་འབག་སྨྲ་བའི་སེང་གེ །ལྷ་རི་སྡེ་སྣོད་འཛིན་པ་དར་མ་སེང་གེ །ཀུན་མཁྱེན་མཚོ་སྣ་
བ་ཆེན་པོ་ལ་སོགས་པ་དང་། །ཁྱད་པར་སློབ་དཔོན་ཆེན་པོ་པདྨ་འབྱུང་གནས། མགོན་པོ་ཀླུ་སྒྲུབ། དཔལ་ལྡན་ཨ་ཏི་ཤ །དྭགས་པོ་ལྷ་རྗེ་རྣམས་ནི་མངོན་སུམ་ལྟ་བུ་ཡིན་ཅིང་ལུང་ལས་ཀྱང་ཤིན་ཏུ་གསལ་བ་དང་། ལུང་གཞན་དུ་བྱམས་པའི་སྤྲུལ་པར་ཡིན་པ་དང་། །བཻ་རོ་ཙ་ན་དང་སྒོམ་པ་ཚུལ་ཁྲིམས་སྙིང་པོ་སོགས་ཀྱང་ཡིན་པར་གསུངས་པ་བཅས་གང་ལྟར་ཡང་རྒྱལ་བ་སྲས་དང་བཅས་པ་ཀུན་འདུས་ཀྱི་རང་གཟུགས་བྱང་ཕྱོགས་གངས་རིའི་དབུས་འགྱུར་རྡོ་རྗེ་གདན་གྱི་སྟོན་པ་གཅིག་པུ་སྙིང་ལྔ་ཆེས་ཆེར་མདོ་བའི་སྐབས་ན་པདྨ་དཀར་པོ་ལྟར་བསྔགས་པར་འོས་པའི་བྱེ་བྲག་ཅིག་རྩོད་བྲལ་བསྙོན་མེད་བུ་ཡིན་པར་འཁུམས་སོ། གཉིས་པ་དེས་མཛད་པའི་བསྟན་བཅོས་བཅོམ་གྱི་རྣམ་གཞག་ཟུར་ཙམ་གླེང་བ་ནི། རྫོགས་པའི་སངས་རྒྱས་རྣམས་འཇིག་རྟེན་དུ་བྱོན་ནས་མཛད་པའི་རིམ་པ་གང་དང་གང་སྟོན་པའི་གཙོ་བོ་ནི་ཆོས་སྟོན་པ་ཁོ་ན་ཉིད་ཡིན་ལ། །གཞན་རྣམས་དེ་ཡི་བདག་རྐྱེན་ལྟ་བུར་གྱུར་པ་སྟེ། །གདུལ་བྱ་རྣམས་ཐར་བའི་ལམ་དུ་སྦྱོར་བ་བྱེད་པ་ལ་ཆོས་ཀྱི་སྒོ་ནས་བྱེད་བ་མ་གཏོགས་གཞན་ཐབས་གང་གིས་ཀྱང་དབྱར་མི་ནུས་ཏེ། །ལུང་ལས། །ཐུབ་རྣམས་སྡིག་པ་ཆུ་ཡིས་བཀྲུ་བར་མི་མཛད་ཅིང་། འགྲོ་བའི་སྡུག་བསྔལ་ཕྱག་གིས་ཀྱང་ནི་སེལ་མི་མཛད། །ཉིད་ཀྱི་རྟོགས་པ་གཞན་ལ་སྤོ་བསམ་ཡིན་ཏེ། ཆོས་ཉིད་ངེས་པར་བསྟན་པས་གྲོལ་བར་མཛད་པ་ཡིན། ཅེས་པ་ལྟར་རོ། སྤྱི་ཆོས་ཞེས་པའི་སྒྲ་ཡང་། ཌུཌྷྲྀཉ་འཛིན་པའི་བྱིངས་ལས་དྷརྨ་ཞེས་གྲུབ་པ་ཉིད་དེ། རྣམ་བཤད་རིགས་པ་ལས། ཆོས་ནི་ཤེས་བྱ་ལམ་དང་ནི། མྱ་ངན་འདས་དང་ཡིད་ཀྱི་
ཡུལ། བསོད་ནམས་ཚེ་དང་གསུང་རབ་དོན། །འབྱུང་འགྱུར་ངེས་དང་ཆོས་ལུགས་ལའོ། ཞེས་དོན་དགུ་ལ་འཇུག་གསུངས་པ་ལྟར་བརྗོད་བྱ་རྗོད་བྱེད་ཅི་རིགས་པ་དང་འབྲེལ་བའི་སྒོ་ནས་གྲངས་ཀྱི་དབྱེ་བ་དེ་ལྟར་དུ་ཡོད་པ་ཡིན་ཅིང་། དམ་པའི་ཆོས་དབྱེ་བྲག་ཏུ་ཕྱེ་བའི་དབང་དུ་བྱས་ན། གང་ལ་དམིགས་ནས་སྲིད་པའི་སྡུག་བསྔལ་རྒྱུ་དང་བཅས་པ་དང་། ལས་བསགས་པའི་སྒོ་ནས་ཐར་བ་ལ་སྒྲིབ་པའི་ཚོགས་ཅི་མཆིས་པ་ཀུན་སེལ་བར་བྱེད་པའི་དངོས་རྒྱུ་གང་ཡིན་པ་དེ་ནི་དམ་པའི་ཆོས་ཀྱི་ངོ་བོ་ཡིན་ཏེ། ཇི་སྐད་དུ། སྡུག་བསྔལ་དག་ནི་ཐམས་ཅད་དང་། སྒྲིམ་ཀུན་སེལ་བྱེད་དམ་པའི་ཆོས། ཞེས་པ་ལྟར་དང་། །ལུང་དང་རྟོགས་པའི་བདག་ཉིད་བརྗོད་བྱ་རྗོད་བྱེད་ཀྱི་ཚུལ་དུ་གནས་པ་ནི་དམ་པའི་ཆོས་ཀྱི་མཚན་ཉིད་དེ། མཛོད་ལས། སྟོན་པའི་དམ་ཆོས་རྣམ་གཉིས་ཏེ། ལུང་དང་རྟོགས་པའི་བདག་ཉིད་དོ། །ཞེས་པ་ལྟར་རོ། དེའང་རྟོགས་པའི་ཆོས་ནི། མགོན་པོ་བྱམས་པས། །གང་ཞིག་གང་གིས་ཆགས་བྲལ་བ། །བདེན་གཉིས་མཚན་ཉིད་ཅན་དེ་ཆོས། །ཆགས་བྲལ་ཉིད་ནི་འགོག་པ་དང་། །ལམ་གྱི་བདེན་པ་བདག་གིས་བསྡུས། །ཞེས་པ་ལྟར་སྡུག་ཀུན་སྤོང་བྱེད་ལམ་གྱི་བདེན་པ་དང་། །དེ་སྤངས་པའི་འགོག་པའི་བདེན་པ་སྟེ་གཉིས་སུ་གསུངས་སོ། །ལུང་གི་ཆོས་ནི་ཞལ་ནས་གསུངས་པའི་བཀའ་དང་། །རྗེས་འཇུག་མཁས་པའི་བསྟན་བཅོས་རྣམས་ཏེ། དེ་གཉིས་སུ་ངེས་པའང་ལྷའི་བུ་བློ་གྲོས་རབ་གསལ་གྱིས་ཞུས་པའི་མདོ་ལས། ཆོས་རྣམས་བཀའ་དང་བསྟན་བཅོས་གཉིས་སུ་འདུ། །ལེགས་པར་གསུངས་དང་དེ་ཡི་དགོངས་འགྲེལ་བ། །
ཞེས་པ་ལྟར་རོ། ལུང་གི་ཆོས་ལེགས་པར་གསུངས་པའི་བཀའི་ངོ་བོ་ཡང་། བསླབ་པ་གསུམ་སྟོན་ངག་ཚིག་དྲི་མ་མེད། །ཚད་མ་གསུམ་ལྡན་ཐོག་མཐའ་བར་དགེ་བ། །དེ་ནི་ཆེན་པོར་གསུངས་པ་རྒྱལ་བའི་བཀའ། །ཟློག་པ་གཞན་གྱི་གཞུང་དུ་ཤེས་པར་བྱ། །ཞེས་པ་ལྟར་བརྗོད་བྱ་བསླབ་པ་གསུམ་སྟོན་པ། རྗོད་བྱེད་ངག་ཚིག་དྲི་མ་མེད། །སྒྲུབ་བྱེད་ཚད་མ་གསུམ་དང་ལྡན་པ། །འབྲས་བུ་ཐོག་མཐའ་བར་གསུམ་དུ་དགེ་བ་ཅན་ཞིག་གོ །ཚུལ་ཇི་ལྟར་གསུངས་ན། །རྩ་ཤེར་ལས། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། ཞེས་བརྗོད་བྱ་བདེན་པ་གཉིས་ལ་བརྟེན་ནས་གསུངས་ཏེ། རྗོད་བྱེད་ཀྱི་རིམ་པ་ཡང་། གསུང་རབ་ཡན་ལག་བཅུ་གཉིས་ཀྱི་རང་བཞིན་ཏེ། འགྲེལ་ཆེན་སྙིང་པོ་མཆོག་ལས། །མདོ་སྡེ་དབྱངས་བསྙད་ལུང་དུ་བསྟན། ཚིགས་བཅད་ཆེན་བརྗོད་གླེང་གཞི་དང་། རྟོགས་བརྗོད་དེ་ལྟ་བུ་བྱུང་དང་། སྐྱེས་རབས་ཤིན་ཏུ་རྒྱས་པ་དང་། རྨད་བྱུང་གཏན་ལ་དབབ་པའི་སྡེ། གསུང་ཏབ་ཡན་ལག་བཅུ་གནིས་སོ། ཞེས་པ་ལྟར་དང་། ཡང་གཉེན་པོ་ལ་བལྟོས་ནས་གསུངས་པའི་ཚུལ་ནི། མགོན་པོ་བྱམས་བས། སྡེ་སྣོད་དག་ནི་གསུམ་མ་མ་གཉིས་ཀྱང་རུང་། བསྡུས་པའི་ཕྱིར་ན་རྒྱུ་ནི་དགུས་འདོད་དོ། དེ་ཡིས་བག་ཆགས་རྟོག་དང་ཞི་བ་དང་། རབ་ཏུ་རྟོག་པས་རབ་ཏུ་གྲོལ་བར་བྱེད། ཞེས་པ་ལྟར་དང་། གདུལ་བྱ་ལ་བལྟོས་ནས་གསུངས་པའི་ཚུལ་ཡང་། དམན་པར་མོས་པ་ལ་འདུལ་བའི་སྡེ་སྣོད། ཟབ་མོ་མོས་པ་ལ་མངོན་པའི་སྡེ་སྣོད། རྒྱ་ཆེ་བར་མོས་པ་ལ་མདོ་སྡེའི་སྡེ་སྣོད། ཆགས་བཅས་ཀྱི་ལམ་གྱིས་འདུལ་བ་ལ་གསང་སྔགས་ཀྱི་སྡེ་སྣོད་རྨས་བསྟན་
ཏོ། ནང་གསེས་ཀྱི་ཁམས་དབང་བསམ་པ་ཐ་དད་ལ་བལྟོས་ནས་གསུངས་པའི་ཚུལ་ཡང་ཐེག་པ་ཆེ་ཆུང་གསུམ་དང་། ཐེག་པ་ཆེན་པོ་སྐབས་ཀྱང་། དབང་རྟུལ་རྒྱུ་ལ་མོས་པ་རྒྱུ་ལམ་དུ་བྱེད་པ་ལ་ཕར་ཕྱིན་གྱི་ཐེག་པ། དབང་པོ་རྣོན་པོ་རྒྱུ་འབྲས་ལྷུན་འགྲུབ་ཏུ་མོས་པ་འབྲས་བུ་ལམ་དུ་བྱེད་པ་ལ་གསང་སྔགས་ཀྱི་ཐེག་པ་རྣམས་གསུངས་སོ། བདག་རྐྱེན་གྱི་སྒོ་ནས། ཞལ་ནས་གསུངས་པ། བྱིན་གྱིས་བརླབས་པ། རྗེས་སུ་གནང་བའི་བཀའ་རྣམས་བྱུང་བ་ནི་བཀའི་མཚན་ཉིད་དུ་གྲུབ་ཅིང་། རིགས་ཀྱི་དབང་དུ་བྱས་ན་རྒྱུ་འབྲས་ཀྱི་བརྗོད་བྱ་ལས་བརྩམས་ནས་གསུངས་པའི་བཀའི་རིགས་མདོ་སྔགས་རྣམ་པ་གཉིས་སུ་ངེས་ཏེ། དེའང་ཐུན་མོང་གི་ཕྱོགས་མདོ་རྣམས་མཆོག་གི་སྤྲུལ་སྐུའི་ཚུལ་གྱིས་འཁོར་བྱང་སེམས་དགྲ་བཅོམ་པ་རྣམས་ལ་གསུངས་ཤིང་། ཐུན་མིན་གྱི་ཕྱོགས་སྔགས་ཀྱི་སྐོར་རྒྱུད་སྡེ་བཞི་ལ་སོགས་པ་རྣམས་ནི་རྡོ་རྗེ་འཆང་སོགས་དཀྱིལ་འཁོར་གྱི་འཁོར་ལོའི་སྐུར་བཞེངས་ཏེ་འཁོར་གསང་སྔགས་གྲུབ་པའི་དབང་པོ་བརྟུལ་ཞུགས་སྤྱོད་པ་རྣམས་ལ་རང་བྱུང་ནཱ་དའི་དབྱངས་ཀྱི་སྒྲ་རུ་འཕོས་པའི་སྒོ་ནས་གསུངས་པ་སྟེ་གསང་བ་བསམ་གྱིས་མ་ཁྱབ་པའི་གནས་སོ། རྫོགས་པའི་སངས་རྒྱས་ཀྱི་བཀའ་ལུང་གི་རིམ་པ་རྣམས་ཟབ་རྒྱས་གང་གི་ཕྱོགས་ནས་ཀྱང་དྲང་ངེས་རྣམ་པར་དབྱེ། །འཁྲུགས་པ་ཁྲིགས་སུ་བསྡེབས། གབ་པ་མངོན་དུ་ཕྱུང་བ་སོགས་བཀའི་དོན་ལྷུན་པར་བཀྲོལ་བའི་དགོངས་འགྲེལ་རྣམས་ནི་རྗེས་འཇུག་མཁས་པའི་བསྟན་བཅོས་ཏེ། དེའི་ངོ་བོ་ཡང་། རྣམ་བཤད་རིགས་པར། ཉོན་མོངས་དགྲ་རྣམས་མ་ལུས་འཆོས་པ་དང་། །ངན་འགྲོ་སྲིད་ལས་སྐྱོབ་པ་གང་ཡིན་པ། །
འཆོས་སྐྱོབ་ཡོན་ཏན་ཕྱིར་ན་བསྟན་བཅོས་ཏེ། །གཉིས་པོ་འདི་དག་གཞན་གྱི་ལུགས་ལ་མེད། །ཅེས་འབྱུང་བ་ལྟར་ལ། མཚན་ཉིད་ཀྱི་དབང་དུ་བྱས་ན། ས་སྡེ་ལས། དོན་མེད་དོན་ལོག་དོན་དང་ལྡན། ཐོས་རྩོད་སྒྲུབ་པ་ལྷུར་ལེན་དང་། ངན་གཡོ་བརྩ་ཟལ་སྡུག་བསྔལ་སྤོང་། བསྟན་བཅོས་དྲུག་བྲལ་གསུམ་དུ་འདོད། ཞེས་གསུམ་ཚན་གསུམ་ལས་སྔ་མ་གཉིས་རེ་དང་བྲལ་ཞིང་། ཕྱི་མ་རེ་རེ་དང་ལྡན་པ་གང་ཡིན་པའོ། དེ་ལྟ་བུའི་བསྟན་བཅསོ་གང་ཟག་གང་དང་གང་ལྟ་བུས་བྱས་ཀྱང་སངས་རྒྱས་ཀྱི་བཀའི་དགོངས་འགྲེལ་འབའ་ཞིག་པའི་དབང་དུ་བྱས་ཏེ་རྩོམ་པ་པོ་ལྟ་བ་ངན་པ་དང་ཐེ་ཚོམ་སོགས་རྣམ་གཡེང་མེད་པའི་ཡིད་ཆོས་རབ་རྣམ་འབྱེད་ཀྱི་བློ་གྲོས་ཕུལ་དུ་ཕྱིན་པས་བཤད་པའི་ངག་ཐར་བ་ཐོབ་པའི་ལམ་དང་རྗེས་སུ་མཐུན་པ་ཤ་སྟག་པ་འདུག་པ་རྣམས་ནི་དོན་ལ་རྒྱལ་བའི་བཀའ་དང་ཁྱད་མེད་ཅིང་བཀའ་དང་འདྲ་བ་དང་དུ་ལེན་དགོས་པའི་ཚུལ་ཡང་། རྒྱུད་བླ་མ་ལས། །གང་ཞིག་རྒྱལ་བའི་བསྟན་པ་འབའ་ཞིག་གི །དབང་བྱས་རྣམ་གཡེང་མེད་ཡིད་ཅན་གྱིས་བཤད། ཐར་བ་ཐོབ་པའི་ལམ་དང་རྗེས་མཐུན་ན། དེ་ཡང་དྲང་སྲོང་བཀའ་བཞིན་སྤྱི་བོས་ལོངས། ཞེས་པ་ལྟར་རོ། རྒྱལ་བའི་བསྟན་པ་ལུང་རྟོགས་གཉིས་པོ་དེ་ཉིད་རྗེས་འཇུག་རྣམས་ཀྱིས་ཇི་ལྟར་འཛིན་པའི་ཚུལ་ཡང་། སློབ་དཔོན་དབྱིག་གཉེན་གྱིས། དེ་འཛིན་བྱེད་པ་སྨྲ་བྱེད་པ། སྒྲུབ་པར་བྱེད་པ་ཁོ་ནའོ། ཞེས་གསུངས་བ་ལྟར་འཆད་རྩོད་རྩམ་གསུམ་གྱི་སྒོ་ནས་གཞན་ལ་སྨྲ་བར་བྱེད་པ་དང་། དེའི་དོན་རང་ཉིད་ཉམས་སུ་བསྟར་བ་སྒྲུབ་པར་བྱེད་པ་སྟེ་དེ་གཉིས་ཟུང་དུ་འབྲེལ་བ་ཞིག་དགོས་པའི་ཕྱིར་ན། སྐབས་སུ་བབས་པ་འཇམ་མགོན་ཆོས་ཀྱི་རྒྱལ་
པོ་འདི་ཉིད་ཀྱིས་ཀྱང་སངས་རྒྱས་ཀྱི་བསྟན་པ་རྣལ་མ་བག་ལ་ཞ་བའི་མེ་རོ་གསར་དུ་སློང་བའི་ཐུགས་བསྐྱེད་དང་སྨོན་ལམ་དུས་སུ་སྨིན་པ་དང་ཆབས་ཅིག་ཐབས་མཁས་ཀྱི་ཕྲིན་ལས་མཐའ་ཡས་པར་བརྡལ་བར་མཛད་པའི་ནང་ནས། རྒྱལ་བསྟན་རིན་པོ་ཆེའི་རྒྱུན་འཁོར་བ་ཇི་སྲིད་དུ་གནས་པའི་ཆེད་རྩོམ་པའི་བསྟན་རྒྱུན་བཞག་པའི་གསུང་རབ་ཀྱི་ཕྲེང་བ་ཉིད་ནི་མཛད་པ་ཀུན་གྱི་སྙིང་པོའམ་གཙོ་བོའི་ངོ་བོར་གནས་པ་ཡིན་ཏེ། དེའང་རྫོགས་པའི་སངས་རྒྱས་ཀྱི་བཀའ་གདུལ་བྱའི་ཁམས་དབང་མོས་པ་ཐ་དད་པ་དང་བསྟུན་པའི་ཆོས་སྒོ་བརྒྱད་ཁྲི་བཞི་སྟོང་ལ་སོགས་པ་གསུངས་པ་རྣམས་དངོས་བརྒྱུད་གང་ནས་ཡང་དག་པའི་ལམ་འདག་གྲོལ་གྱི་རྒྱུར་མི་འགྲོ་བ་ཅི་ཡང་མེད་སྟབས་གདུལ་བྱའི་རྒྱུད་ཚོད་དང་འབྲེལ་བ་ཐམས་ཅད་ཉམས་སུ་ལེན་བྱ་ཉིད་ཀྱང་། བྲང་ངེས་ཀྱི་རིམ་པ་སོགས་མཐའ་དྲུག་ཚུལ་བཞིའི་རྒྱས་བཏབ་པའི་དབང་གིས་གང་ཟག་སོ་སྐྱེ་བས་ཤིན་ཏུ་རྟོགས་དཀའི་གནས་སུ་གྱུར་པ་ན་རིམ་གྱིས་རྗེས་འཇུག་མཁས་པ་ཤིན་རུ་ཚད་མར་གྱུར་པ་མང་པོས་དགོངས་འགྲེལ་གྱི་བསྟན་བཅོས་རྒྱ་ཆེར་མཛད་ཅིང་། ལྷག་པར་ཤིང་རྟ་ཆེན་པོ་ཀླུ་ཐོགས་གཉིས་ཀྱིས་དྲང་ངེས་ལེགས་པར་ཕྱེ་བ་སོགས་ཟབ་རྒྱས་ཆོས་ཀྱི་ཤིང་རྟ་ཆེན་པོའི་ལམ་སྲོལ་ཡང་དག་པར་བཏོད་པ་ནས་བཟུངས་འཔྱངས་ཡུལ་དུ་གདུལ་བྱའི་པདྨོར་དམ་ཆོས་ཀྱི་འོད་སྟོང་ཅི་དགར་འཁྱུད་པའི་བསྟན་པའི་བསྟན་པའི་བབས་དཔྱིད་ཀྱི་ཉི་མ་ལྟར་འབར་བར་གྱུར་ཐོག བོད་གངས་ཅན་གྱི་ལྗོངས་སུ་ཡང་པཎྜི་ཏས་བཤད། ལོ་ཙཱ་བས་ཉན། འཆད་ཉན་ཉམས་ལེན་གྱི་སྒོ་ནས་བཀའ་དང་དགོངས་འགྲེལ་གཅེས་གཅེས་རྣམས་བོད་རང་སྐད་དུ་བསྒྱུར་བ་སོགས་སྔ་འགྱུར་ཕྱི་འགྱུར་གང་གིས་
ནས་ཀྱང་ཆོས་ཀྱི་ཉི་མ་ཆེན་པོ་ཤར་བར་གྱུར་ནའང་། འཕགས་ཡུལ་བའི་སྐད་བཙན་ཞིང་ངག་སྒྲོས་དམ་པའི་ཤན་ཞུགས་སྟབས་བོད་ཡུལ་བ་ཕལ་གྱིས་རྟོགས་དཀར་གྱུར་པ་ལ་དགོས་མཁས་གྲུབ་ལོ་ཙཱ་བ་རྣམས་ཀྱིས་གསལ་བྱེད་བསྟན་བཅོས་ཀྱི་རིམ་པ་ཇི་སྙེད་ཅིང་མཛད་རྒྱུའི་བཀའ་དྲིན་བསྐྱངས་རུང་། སྐྱེས་ཐོབ་སྦྱོར་བྱུང་གང་ཐད་ནས་འཕགས་ཡུལ་གྱི་མཁས་པ་དང་མཉམ་པ་སུའང་མ་བྱུང་བར་བརྟན་དགོངས་པ་ཇི་བཞིན་ལོན་པ་ཡེ་བྱུང་མི་འདུག་པ་རྒྱུ་མཚན་དུ་བྱས་ནས། རྗེ་བདག་ཉིད་ཆེན་པོ་འདི་ཉིད་ཀྱིས་མཁྱེན་རབ་དང་ཐུགས་རྗེ་མཚུངས་པ་མེད་པའི་སྒོ་ནས་སངས་རྒྱས་ཀྱི་བསྟན་པ་ཡང་དག་པའི་གནད་ངོ་མ་ཁྱབ་གདལ་དུ་སྤེལ་བའི་ཐུགས་ཁུར་ཆེར་བཞེས་པ་དང་འབྲེལ། རྒྱུ་མཚན་ཉིད་ཐེག་པའི་སྐབས་འདུལ་བ་དང་། མདོ་སྡེ། མངོན་པ་སོགས་སྡེ་སྣོད་གསུམ་གྱི་བཀའ་དང་དགོངས་འགྲེལ་བསྟན་བཅོས་ཟབ་མོ་རྣམས་ཀྱི་དཀའ་གནད་ལྷུག་པར་བཀྲོལ་བའི་དབུ་ཕལ་འདུལ་མཛོད་སོགས་ཀྱི་འགྲེལ་བ་དང་སྤྱི་དོན་ལམ་རིམ་སོགས་ལེགས་པར་གསུངས་པའི་སྒོ་ཇི་སྙེད་དང་། ལྷག་པར་དབུ་མ་རྩ་ཤེར་དང་། འཇུག་པ་བཅས་ལྟ་བའི་སྲོག་ངོམ་ཡང་བོད་རྣམས་ཟབ་མོའི་དོན་ལ་མཐའ་གང་རུང་ཞིག་དང་། ལུང་མ་བསྟན་ལྟ་བུའི་གཡང་སར་ལྷུང་བ་མང་བ་ལས། དབུས་ཀྱི་གནས་ལུགས། བདེན་གཉིས་ཀྱི་གསང་གནད་རྣམས་ཇི་བཞིན་རྟོགས་མཁན་ཉུང་བར་གཟིགས་ནས་གྲུབ་མཐའི་སྙིང་པོ་ལྟ་བ་ཡིན་གཤིས་འདིའི་གནད་ལ་ནི་ཚུ་ཚེ་རིང་པོའི་བར་ཐོས་པས་བཙལ། བསམ་པས་དཔྱད། སྒོམ་པས་ཉམས་སུ་མྱོང་། ལུང་རིགས་ཀྱི་ནན་ཏན་བསྒྲུབ་རྒྱུ་སོགས་ལྷུར་ལེན་མཛད་ནས་
གཞན་ལས་གོ་རྟོགས་མྱོང་གསུམ་ཁྱད་བྱེ་བ་དཔེར་ན་རྒྱུ་སྐར་གྱི་དབུས་སུ་ཉི་མ་ལྟ་བུར་གྱུར་རུང་དེ་ཙམ་གྱིས་ཀྱང་ཟབ་མོའི་གྲུབ་མཐའ་གཏན་ལ་འབེབས་པར་མི་ཡོང་བར་དགོངས་ཏེ་འཇམ་དཔལ་གཞོན་ནུ་ལ་གསོལ་འདེབས་དང་དྲི་བའི་འབད་རྩོལ་ལྷུར་ལེན་ངོས་ཞལ་ལུང་དྲི་མ་མེད་པ་ལ་བརྟེན་བསྟན་བཅོས་འདི་གཉིས་ཀྱི་འགྲེལ་བ་མཛད་པ་ནི་ཀླུ་སྒྲུབ་ཡབ་སྲས་ཀྱི་དགོངས་པ་འཁྲུལ་མེད་དུ་གཏན་ལ་ཕབ་པའི་བསྟན་བཅོས་གཅིག་པུར་སོང་བས་ཐུབ་དབང་ཆོས་ཀྱི་རྗེས་སྐྱེས་རྣམས་ནི་འདི་ཁོ་ན་ལ་སྙིང་པོར་སེམས་པར་འོས་ཤིང་། ལྷག་པའི་ལྷ་འཇམ་དཔལ་དབྱངས་སྐུ་ཚེར་ཡི་དམ་དུ་བསྟེན་པའང་འདིའི་དོན་ཁོ་ནའི་གྲོགས་སུ་བརྣག་པ་བཞིན་ནོ། དེ་བཞིན་དུ་ཕར་ཕྱིན་གྱིས་མཚོན་བྱམས་ཆོས་རྣམས་དང་། དཔལ་ཆོས་ཀྱི་གྲགས་པའི་ཚད་མའི་གཞུང་སོགས་ཀྱི་འགྲེལ་བཤད་སོགས་ཀུན་མཁྱེན་གྱི་རྒྱུ་ཚོགས་མདོ་རིམ་མཐའ་དག་མ་ཚང་བ་མེད་པའི་ལེགས་བཤད་མཐའ་ཡས་པ་དང་། ཁྱད་པར་འབྲས་བུ་རྡོ་རྗེ་ཐེག་པའི་སྐབས་སྔགས་རིམ་ཆེན་མོས་ཐོག་དྲངས། བླ་མེད་ཀྱི་རྒྱུད་སྟེ་གསང་འདུས་དང་། །དུས་འཁོར་གྱི་རྒྱུད་ཀྱི་འགྲེལ་བཤད་སྐོར་གྱིས་གཙོས་རྒྱུད་སྡེ་བཞི་ལ་སོགས་པའི་གཞི་ལམ་འབྲས་གསུམ་གྱི་རྒྱུད་ཟབ་མོ་རྣམས་ཀྱི་དགོངས་པ་ངེས་འགྲེལ། །བསྐྱེད་རྫོགས་ཀྱི་ཟང་བཤད། །མན་ངག་གི་སྨར་ཁྲིད་སོགས་སྣན་ཅན་བོད་ཡུལ་ན་ལྟ་ཞོག འཕགས་ཡུལ་པའི་མཁས་པ་ཆེན་པོ་རྣམས་ཀྱི་ཞལ་ནས་ཀྱང་མ་བྱུང་བའི་ངོ་མཚར་གྱི་ལེགས་བཤད་ཤིན་ཏུ་རྨད་དུ་བྱུང་བ་བཟང་ལ་མང་བ་རྣམས་སྤྲོས་སུ་མཛད་པ་སྟེ། དེ་ལྟར་ན་མདོ་སྔགས་གཉིས་ཕྱོགས་ནས་
སྤྱིར་བཏང་ཙམ་གྱི་ལུགས་སུ་མིན་པ་དངོས་ཤུགས་ཀུན་ནས་ཚིག་ཉུང་ལ་དོན་ཐོན་པ། ཁྱད་པར་ཟབ་དོན་དཀའ་བའི་གནད་རྣམས་རྒྱ་མཚོའི་ཟབས་གདིང་ནས་དཀྲུགས་པ་ལྟ་བུའི་རྗེན་གཅེར་དུ་ཕྱུང་བ་སོགས་ངོ་མཚར་བའི་སྒོ་འབྱམས་སུ་ཀླས་པ་བཅས་མདོར་ན་ཚིག་གཅིག་ང་མཆིས་པ་ཐམས་ཅད་ཟབ་རྒྱས་ཀྱི་དོན་ཁོ་ནའི་རྩལ་གཏོན་པ་ཞིག་གི་ལུས་སུ་གྲུབ་པ་ལས་གཞན་དུ་མ་དམིགས་པ་དང་། དེ་ཡང་མ་ཀི་འདུལ་བ་ཀཱ་རི་ཀ་ནས་བཟུང་། ཡ་ཀི་གསང་ཆེན་རྡོ་རྗེ་ཐེག་པའི་བར་གཞུང་སྡེ་སྣོད་རྒྱུད་ལུང་མན་ངག་རྣམས་ཀྱི་ལྟ་སྒོམ་སྤྱོད་པའོ་ཕྱོགས་དང་འབྲེལ་བ་ཁོ་ནའི་རང་བཞིན་མ་གཏོགས། གཞན་ཕལ་ཆེ་བའི་བཀའ་འབུམ་ཞེས་བསྟོད་བསྔགས་ཕྲིན་བསྐུར་ལྟ་བུའི་རྩོམ་ཆོས་ཐར་ཐོར་དང་། །འདོན་འགྲིགས་ལྟ་བུའི་ཆོག་སྒྲིགས་ཤས་ཆེ་བ། གཏོ་མདོས་ཡས་གླུད་སོགས་ཀྱི་ཡིག་ཆ་ཡན་ཆད་བོད་དུ་བསྒྲིགས་པ་དང་མཚུངས་སུ་མེད་པ་སྨོས་སུ་ཅི་དགོས། །གཞན་གཟུང་ལུགས་ཟབ་མོ་རྣམས་ལ་སྔར་དང་བྱིས་བྱོན་གྱི་མཁས་པ་བརྒྱ་སྟོང་མང་པོས་ལུང་རིགས་དང་བློ་གྲོས་ཀྱི་རྩལ་ཅི་ཡོད་ཀྱི་སྒོ་ནས་རྣམ་བཤད་ཀྱི་སྤྲོས་པ་ཇི་སྙེད་ཅིག་བགྱིས་པ་བོད་ཡུལ་བའི་ལུགས་སུ་ཡོངས་གྲགས་རྣམས་ཀྱི་ཡིག་ཆས་ཀྱང་ཚིག་དོན་གཉིས་ཀའི་ཆ་ནས་སྐྱོན་དང་བྲལ་ཞིང་ཡོན་ཏན་དང་ལྡན་པའི་རང་གཤིས་ལ་ཆ་ཙམ་ཡང་བསྒྲུན་དུ་ཡོད་མེད་ནི་གཟུ་བོར་གནས་པའི་རྣམ་དཔྱོད་དང་ལྡན་པ་རྣམས་ཀྱིས་ཤེས་པར་ནུས་ལ། དེར་མ་ཟད་ལེགས་བཤད་ཕྲ་མོའི་གནས་ལའང་མཁས་པཚད་མར་གྱུར་པ་རྣམས་ཀྱིས་ལུང་རིགས་དྲི་མ་མེད་པས་གཞལ་བའི་ཚེ་སངས་རྒྱས་ཀྱི་བཀའ་དང་
ཁྱད་མེད་པར་ཕྱི་ཕྱིར་ཆེས་བརླིང་ཞིང་ཟབ་པར་གྱུར་པ་མངོན་སུམ་བྱུང་དང་འབྱུང་བཞིན་པ་ལྟར་རྒྱལ་བའི་བཀའ་དང་དགོངས་འགྲེལ་རྣམས་ཀྱི་ཟབ་རྒྱས་ཀྱི་ལུགས་ཡོངས་རྫོགས་པ་མན་ངག་ཏུ་དྲིལ་བའི་གསུང་གསང་འགང་པོ་ཆེ་རྩོད་པ་དང་བྲལ་བ་ཡིན་རྒྱུར་གཟུར་གནས་ཆོས་ཀྱི་སྤྱན་དང་ལྡན་པ་རྣམས་ཀྱིས་མགྲིན་གཅིག་ཏུ་བསྔགས་བརྗོད་ཀྱི་མེ་ཏོག་དུས་གསུམ་དུ་འཐོར་བ་སོགས་ཀྱིས་མཚོན། མདོར་ན་གང་གསུག་བ་ཐམས་ཅད་འཇམ་དཔལ་དཔའ་བོའི་ཞལ་ལུང་གི་བདུད་རྩིས་མ་ཐེབས་པ་གཅིག་ཀྱང་མེད་ཁར། ཕྱོགས་བཅུའི་སངས་རྒྱས་བྱང་སེམས་བྱེ་བ་ཁྲག་ཁྲིག་འདུ་འབྲལ་མེད་པ་ལྷན་ཅིག་ཏུ་གདན་འཛོམ་པ་ན་ཐུགས་བགྲོས་པའི་ཆོས་དང་ལེགས་པར་བཤད་པའི་འབེལ་གཏམ་འབའ་ཞིག་པ་སྟེ། །ཐར་བ་དོན་དུ་གཉེར་བའི་གང་ཟག་རྣམས་ཀྱིས་ཐུབ་པའི་དབང་པོའི་བཀའ། རྡོ་རྗེ་འཆང་གི་གསུང་གཉིས་སུ་མེད་པ་འདི་ལྟ་བུའི་གསུང་རབ་ཁོ་ནའི་གནས་ལ་ཐོས་བསམ་སྒོམ་གསུམ་གྱི་སྒོ་ནས་སངས་རྒྱས་ཀྱི་གོ་འཐང་ཡང་དག་པར་ལེན་པར་རིགས་སོ། གཞན་ཡང་དོན་ལ་བཀའ་དང་མཉམ་པར་ངེས་པའི་རྒྱུ་མཚན་ཡང་། བསླབ་པ་གསུམ་ནི་རབ་སྟོན་ཅིང་། ཕྱག་རྒྱ་གསུམ་དང་ཡང་དག་ལྡན། །ཐོག་མ་བར་དང་མཐར་དགེ་བ། །སངས་རྒྱས་གསུང་དུ་མཁས་པས་རྟོགས། །ཞེས་པ་དང་། རྒྱུད་བླར། གང་ཞིག་དོན་ལྡན་ཆོས་དང་ཉེར་འབྲེལ་ཞིང་། ཁམས་གསུམ་ཀུན་ན་ཉོན་མོངས་སྤོང་བྱེད་གསུངས། །ཞི་བའི་ཕན་ཡོན་སྟོན་པར་མཛད་པ་གང་། །དེ་ནི་དྲང་སྲོང་གསུང་ཡིན་ཟློག་པ་གཞན། །ཞེས་པ་ལྟར་ངེས་སོ། །བསྟན་བཅོས་རྩོམ་པ་པོའམ་འཆད་པ་པོའི་མཚན་ཉིད་ཀྱང་།
ཐུན་མོང་པའི་དབང་དུ་བྱས་ན། །གཙང་མཁས་གཞན་ལ་ཕན་པར་འདོད། །ཅེས་པ་ལྟར་ཚུལ་ཁྲིམས་དག་པས་ལུས་གཙང་བ། །ཤེས་རབ་དག་པས་ལུང་རིགས་ལ་མཁས་པ། །ལྷག་བསམ་དག་པས་གཞན་ལ་ཕན་པར་འདོད་པའི་མཚན་ཉིད་སུམ་ལྡན་དང་། །གཞན་ཡང་བསྟན་བཅོས་མཛད་པ་པོ་རབ་ཆོས་ཉིད་ཀྱི་བདེན་པ་མཐོང་བ། འབྲིང་ཡི་དམ་ལྷའི་གནང་བ་ཐོབ་པ། ཐ་མ་རིག་པའི་གནས་ལ་མཁས་པ་སྟེ་གསུམ་དུ་གསུངས་པའི་དོན་ཐམས་ཅད་རྗེ་བདག་ཉིད་ཆེན་པོ་འདི་ལ་ངེས་པར་ཚང་བ་སྨོས་སུ་མེད་པའི་དབང་གིས་ཚུལ་བསྟན་ཕྱོགས་རེ་བར་དེ་ལྟ་བུའི་རྣམ་གཞག་ཀྱང་ཆོག་མོད། ཐུན་མིན་གྱི་དབང་དུ་རྒྱལ་བ་ཐམས་ཅད་ཀྱི་བདག་ཉིད་ཡིན་པས་རྒྱལ་བ་ལོངས་སྤྱོད་རྫོགས་སྐུ་དང་། སྤྲུལ་པའི་སྐུ་རྣམས་ཀྱི་ཡེ་ཤེས་ཆེན་པོའི་ཆོ་འཕྲུལ་གྱི་སྒོ་ནས་རང་སྟོབས་ཀྱིས་ཆོས་གསུངས་པ་གང་ཡིན་པ་དང་གཉིས་སུ་མེད་པར་ངེས་དོན་དུ་རྣམ་པར་བཞག་དགོས་པའང་དངོས་པོའི་གནས་ལུགས་སུ་ཟད་དོ། །གསུམ་པ་ཆོས་སྦྱིན་ཕྱི་མོ་ཇི་ལྟར་བསྒྲུབ་པའི་ཚུལ་ལ་ལྔ་ལས། དང་པོ་གང་གིས་བསྒྲུབ་པའི་ཚུལ་ནི། དེ་འང་བྱང་ཕྱོགས་གངས་རིའི་རྭ་བས་ཡོངས་སུ་བསྐོར་བའི་ལྗོངས་འདིར་སྔོན་ཆོས་རྒྱལ་མེས་དགོན་རྣམས་གསུམ་སོགས་ཀྱི་ཐུགས་རྗེ་ལ་བརྟེན་ཐུབ་བསྟན་ཆོས་ཀྱི་ཉི་མ་བསོད་ནམས་ཡངས་པའི་མཁའ་ན་ཅི་དགའ་ཤར་བ་དང་ཆབས་གཅིག་གནས་སྐབས་དང་མཐར་ཐུག་གི་བདེ་སྐྱིད་ཐམས་ཅད་རྫོགས་ལྡན་ཀྱི་དཔལ་ཡོན་ཀྱང་བག་ལ་ཞ་བར་བྱེད་པའི་སྟོབས་སུ་འཕེལ་ཞིང་རྒྱས་པའི་ལོངས་སྤྱོད་ཀྱིས་མཐར་དབུས་རྒྱལ་ཁམས་མ་ལུས་པ་ཡོངས་སུ་འཚོ་བཞིན་པར་ཡང་། བར་སྐབས་སུ་ཆོས་སྲིད་ཟུང་འཇུག་གི་ཆོས་ཀྱི་
འཁོར་ལོས་སྒྱུར་བའི་མངའ་བདག་རྒྱུན་མི་འཆད་པར་འཆར་བའི་བདག་རྐྱེན་གདུལ་བྱའི་བསོད་ནམས་ཅུང་དམན་དུ་སོང་བས་བསྟན་པའི་འཆོ་ཆིས་ཕྱོགས་རེ་བར་ཆད་ནས་བསྟན་པའི་འཕེལ་འགྲི་བ་ཅི་རིགས་དང་། འགྲོ་བའི་བདེ་སྐྱིད་ཀྱི་འགྱུར་ལྡོག་ཀྱང་སྣ་ཚོགས་འབྱུང་བ་ན། འཕགས་མཆོག་འཇིག་རྟེན་དབང་ཕྱུག་གི་ཐུགས་བསྐྱེད་དང་ཐུགས་རྗེ་ཚད་མེད་པ་སླར་ལ་བདོ་བའི་དབང་གིས། །དུས་རེ་ཞིག་ན་ཐམས་ཅད་མཁྱེན་པ་རྒྱལ་དབང་ལྔ་པ་ཆེན་པོའི་མཚན་དཔེའི་དཀྱིལ་འཁོར་ཞིང་འདིར་བཀོད་ནས་ཆོས་སྲིད་གཉིས་ཀའི་གཞུང་བཟུང་ཞིང་བསྟན་འགྲོའི་དཔལ་མགོན་བླ་ན་མེད་པར་མཛད་ནས་བཟུང་དེང་བར་ཕྱོགས་མེད་རིས་མེད་ཀྱི་བསྟན་པའི་དབུ་འཕང་། འགྲོ་བའི་བདེ་སྐྱིད་ཐམས་ཅད་ལྷུན་གྱིས་གྲུབ་པས་ཞིང་ཡོངས་སུ་སྦྱོང་བའི་ཞིང་གི་འཁོར་ལོ་འཁྱིལ་བ་ལས་གཞན་དུ་མ་ཡོལ་བ་བཞིན། དེང་གི་དུས་ཤིན་ཏུ་སྙིགས་མ་ཆེས་ཆེར་འདོ་བའི་སྐབས་ན་ཕྱོགས་བཅུའི་རྒྱལ་བ་སྲས་དང་བཅས་པ་གངྒཱའི་རྡུལ་དང་མཉམ་པ་ཐམས་ཅད་ཀྱི་ཐུགས་བསྐྱེད་དང་རྣམ་ཐར་གཅིག་ཏུ་བསྡུས་པའི་རང་གཟུགས་རྒྱལ་དབང་ཐམས་ཅད་མཁྱེན་གཟིགས་རྣམ་འདྲེན་ལྷ་མིའི་གཙུག་རྒྱན་སྐུ་ཕྲེང་བཅུ་གསུམ་པ་མེ་ཏོག་ཨུ་དུམྦཱ་ར་ལྟར་དུས་གསུན་ན་འབྱོན་པར་དཀའ་བ་ཐུབ་བསྟན་རྒྱ་མཚོ་ཞེས་མཚན་གྱིས་སྙན་པ་འོག་མིན་གྱི་ཞིང་གི་བར་དུ་འང་གཡོ་བ་ད་ལྟ་འཚོ་ཞིང་གཞེས་པ་ཉིད་ནི་རྒྱལ་དབང་སྲིད་ཞིའི་སྐྱབས་མགོན་རིམ་བྱོན་གྱི་ཡོན་ཏན་དང་མཛད་པ་ཐམས་ཅད་གཅིག་ཏུ་རྫོགས་པ་ལྟ་བུའི་ཐུགས་རྗེ་དང་ཕྲིན་ལས་ནམ་མཁའི་མཐའ་དང་རྒྱ་མཚོའི་མཇིངས་བཞིན་གཞལ་དུ་མེད་ཅིང་གཏིང་དཔག་དཀའ་བའི་བདག་ཉིད་ཅན་ཞིག་སྟེ། ནག་ཕྱོགས་བདུ་ཀྱི་སྡེ་
རིག་སྟོབས་དང་ལྡན་པ་དག་ཀྱང་ནམ་ཡང་ལྡང་བ་མེད་པའི་ཁ་གནོན་དུ་ལྷག་པར་བརྗིད་ཐོག །བསམ་གྱིས་མི་ཁྱབ་པའི་སྨོན་ལམ་ལས་གྲུབ་པ་བཞིན་དུ་གསང་བ་གསུམ་གྱི་བྱིན་གཟི་བསྐལ་མེ་ལྟར་འབར་བས་སྲིད་ཞིའི་ཁམས་ཅན་ཟིལ་གྱིས་མནན་ཅིང་གདུལ་བྱའི་འགྲོ་བ་རྣམས་དམིགས་མེད་བརྩེ་བ་ཆེན་པོའི་གཏེར་ཆེ་གྱིས་རྟག་པར་སངས་རྒྱས་བཞིན་དུ་ཡོངས་སུ་བསྐྱངས་བཞིན་པ་དང་། ལྷག་པར་རིས་སུམ་ཆད་པའི་བསྟན་པ་ཡོངས་རྫོགས་ཀྱི་འཛིན་སྤེལ་སྐྱོང་གསུམ་གྱི་མངའ་བདག་ཏུ་བཞུགས་བཞིན་པ་སོགས་ཀྱི་མཛད་ཕྲིན་ཉིན་བྱེད་བྱེ་བའི་འགྲན་ཟླར་ཆས་པ་འཛམ་གླིང་ཡོར་ཡུག་ཏུ་ཁྱབ་པར་གྱུར་པའི་དངོས་པོ་རྒྱུན་གྱི་འཁོར་ལོའི་སྣང་བ་འདི་ལྟར་སྟོན་མཆོག་ཐུབ་དབང་སྲས་དང་བཅས་པ་ལས་ཀྱང་ཕན་བདེའི་བཀའ་དྲིན་ཆེས་ཆེར་ཆེ་བ་མངོན་སུམ་པ་ལ་གཞིག་ན། དུས་དེར་སང་བོད་ཀྱི་ཡུལ་འདི་ཉིད་ཉམ་ང་སྙིགས་ལྔའི་མུན་པ་ལས་སྒོས་ཐལ་གྱི་ངང་། གནམ་བསྐོར་དགའ་བ་བརྒྱ་ལྡན་པའི་ཕོ་བྲང་ཆེན་པའི་ཆབ་སྲིད་ཀྱང་བྱང་ཕྱོགས་ཤམྦྷ་ལའི་མཚན་གཞིར་བསྙད་ཆོག་པར་གྲུབ་པོ། དེ་ལྟ་བུའི་ཆོས་ལྡན་རྒྱལ་ཁབ་ཆེན་པོའི་ཕྲིན་ལས་ཀྱི་ཟེགས་མས་འཆོ་བའི་ནང་གསེས། འོད་གསལ་ལྷ་ལས་ཆད་པའི་གདུང་རབ་རིན་པོ་ཆེ་གསེར་རིའི་ཕྲེང་བ་ལྟར་བརྒྱུད་མར་ཕེབ་པའི་སྡེ་བཞི་དག་བ་བཅུ་ལྡན་གྱི་རྒྱལ་ཁབ་ཆེན་པོ་འདིར་ཆོས་བཞིན་སྐྱོང་བའི་སར་གནས་ཀྱི་འཕགས་པ་ཤ་སྟག་དང་། ཁྱད་པར་དུ་འཇམ་དཔལ་རྩ་བའི་རྒྱུད་ལས། །ཆུ་བོ་གསེར་ལྡན་འབབ་པའི་འགྲམ། །རྒྱལ་པོ་བྱིས་པའི་མིང་ཅན་འབྱུང་། ཞེས་རྡོ་རྗེའི་ལུང་གིས་གསལ་བའི་ཆོས་རྒྱལ་
ཆེན་པོ་བསྟན་པ་ཚེ་རིང་མ། མཚན་བླ་དགས་སུ་བུ་རིན་པོ་ཆེ་འབོད་པ་དེ་ཉིད་ཀྱི་ཐུགས་བསྐྱེད་ཕྲིན་ལས་ཁྱབ་འཇུག་གནས་ཀྱིས་གཞལ་མི་སྡུས་པའི་བདག་རྐྱེན་གྱིས་སྦྱར་ཁང་ཆོས་མཛོད་འཛམ་གླིང་རྒྱན་གཅིག་བཀྲ་ཤིས་མི་ཟད་བརྒྱན་གྱི་འཁོར་ལོ་འདིར་བཀའ་བསྟན་མཐའ་དག་གི་ཡན་ལག་མཚང་བ་མེད་པའི་ཆ་རྐྱེན་དུ། མཆོག་གཟིགས་སྐྱེས་ཆེན་མོང་པོས་དམ་པའི་སྤྲུལ་པར་ལུན་བསྟན་པ་སྡེ་དགེ་ཆོས་རྒྱལ་ཆེན་པོ་ལྷ་སྲས་ཚེ་དབང་བདུད་འདུལ་ཉིད་འཇིགས་བྲལ་གསེར་གྱི་ཧྲི་ལ་བཞུགས་བཞིན་པའི་སྐབས་རྣམ་པར་དཀའ་བའི་བདག་རྐྱེན་གྱི་གཙོ་བོར་མཛོད། གཞན་ཡང་སྒྱུ་མའི་ནོར་ལ་རྙིང་པོར་སྤྱོད་པའི་ཐུགས་བསྐྱེད་དང་ལྷག་པའི་བློ་གྲོས་པད་རྩ་ལྟར་དཀར་བའི་མཆོད་ཡོན་རྣམས་ཀྱིས་ཡོན་སྦྱོར་ཏེ་ཡིད་བཞིན་ནོར་བུ་ལྟ་བུའི་འཕྲུལ་སྤར་སྡེ་དགེའི་སྤར་ཁང་ཆེན་པོར་བཞུགས་སུ་གསོལ་གྲུབ་པའོ། གཉིས་པ་ཞར་བྱུང་བཞུགས་བྱང་དཀར་ཆག་གི་ཕྲེང་བ་ནི། ཐོག་མར་གླེགས་བམ། ༼ཀ༽ བ་ལ། རྫེའི་རྣམ་ཐར་དད་པའི་འཇུག་ངོགས་ལྡེབ། ༧༤ ཟུར་འདེབས་རྣམ་ཐར་ལེགས་བཤད་ཀུན་འདུས་ལྡེབ། ༡༣ གསང་བའི་རྣམ་ཐར་རིན་པོ་ཆེའི་སྙེམ་ལྡེབ། ༡༨ །གསང་བའི་རྣམ་ཐར་ངོ་མཚར་རྨད་དུ་བྱུང་བའི་གདམ་ལྡེབ། ༦ །གསང་བའི་རྣམ་ཐར་གསོལ་འདེབས་ལྡེབ། ༦ ལྷོ་བྲག་གྲུབ་
ཆེན་དང་མཇལ་ཚུལ་ལྡེབ། ༥ བ་སོ་ཆོས་རྗེ་ལ་གནང་བའི་བླ་མའི་རྣལ་འབྱོར་ལྡེབ། ༣ མཁས་གྲུབ་རྗེ་ལ་གནང་བའི་བླ་མའི་རྣལ་འབྱོར་ལྡེབ། ༤ གསན་ཡིག་ལྡེབ། ༣༢ ཞུ་ལ་ན་སྨན་མཆོད་བདུད་རྩིའི་ཕྲེང་བ་ལྡེབ། ༡༦ བླ་མ་ལྔ་བཅུ་པའི་རྣམ་བཤད་ལྡེབ། ༥༠ གསང་སྔགས་ཀྱི་ཚུལ་ཁྲིམས་རྣམ་བཤད་དངོས་གྲུབ་སྙེ་མ་ལྡེབ། ༨༤ བྱང་ཆུབ་སེམས་དཔའི་ཚུལ་ཁྲིམས་ཀྱི་རྣམ་བཤད་བྱང་ཆུབ་གཞུང་ལམ་ལྡེབ། ༡༡༨ འདུལ་བའི་བསླབ་བྱ་རྗེའི་གསུང་བཞིན་བརྒྱལ་ཚབ་ཟིན་བྲིས་སུ་མཛད་པ་ལྡེབ། ༨༦ དགེ་ཚུལ་ཀྱི་བསླབ་བྱ་གནམ་རྩེད་ལྡིང་མ་ལྡེབ། ༩ ལྟ་བའི་ཞལ་ཤེས་ཡིག་ཆུང་ལྡེབ། ༤ བཅས་འབོར་བསྡོམས་ལྡེབ། བཞུགས། གླེགས་བམ། ༼ཁ༽ པ་ལ། འདུལ་བ་མདོ་ཙེའི་དཀའ་གནད་ཀྱི་ཟིན་བྲིས་ལྡེ། རྗེ་རིན་པོ་ཆེའི་གསུངས་ཐོབ་བུ་སྐོར་ལྡེབ། རྡོ་རྗེ་ཙེ་མོའི་ཟིན་བྲིས་ལྡེབ། ཡེ་ཤེས་མཁའ་འགྲོའི་སྒྲུབ་ཐབས་འཕོ་བཀའ་བསྒོ་བཅས་ལྡེབ། སྒྲ་མི་སྙན་གྱི་ཚེ་སྒྲུབ་ལྡེབ། སྡོམ་པ་གོང་མ་གཉིས་ཀྱི་ཕྱིར་བཅོས་བྱེད་ཚུལ་རྗེའི་ཕྱག་ལེན་བཞིན་བཀོད་པ་ལྡེབ། གཏོར་མ་བརྒྱ་རྩའི་རིམ་པ་རྗེའི་ཕྱག་ལེན་བཞིན་ལ་ལྡེབ། བཅས་འབོར་བསྡོམས་ལྡེབ། བཞུགས། གླེགས་བམ། ༼ག༽ པ་ལ། རྒྱལ་བ་ཁྱབ་བདག་རྡོ་རྗེ་འཆང་ཆེན་པོའོ་ལམ་གྱི་རིམ་པ་གསང་བ་ཀུན་གྱི་གནད་རྣམ་པར་ཕྱེ་བ་ལྡེབ། ༤༩༧ བཞུགས། གླེགས་བམ། ༼ང༽ པ་ལ། རྒྱུད་ཐམས་ཅད་ཀྱི་རྒྱལ་པོ་དཔལ་གསང་བ་འདུས་པའི་རྒྱ་ཆེར་བཤད་པ་སྒྲོན་མ་བསལ་བའི་ཚིག་དོན་ཇི་བཞིན་འབྱེད་པའི་མཆད་ཀྱི་ཡར་འགྲེལ་ལྡེབ། །
བདེ་མཆོག་བསྡུས་པ་ལྡེབ། ༤༨ བཅས་འབོར་བསྡོམས་ལྡེབ། ༥༠༣ གླེགས་བམ། ༼ཏ༽ པ་ལ། ཟབ་ལམ་ནཱ་རོ་ཆོས་དྲུག་གི་ཁྲིད་རིམ་ཡིད་ཆེས་གསུམ་ལྡན་ལྡེབ། ༦༣ ནཱ་རོ་ཆོས་དྲུག་གི་དམིགས་སྐོར་ལག་ཏུ་ལེན་ཚུལ་མདོར་བསྡུས་རྗེའི་གསུང་བཞིན་སེམས་དཔའ་ཆེན་པོ་ཀུན་བཟང་པས་བཀོད་པ་ལྡེབ། བདེ་མཆོག་ལཱུ་ཨི་པའི་མདོ་རྟོགས་ངག་འདོན་གྱི་ཆོ་གའི་རིམ་པ་ལྡེབ། ༡༥ དཔལ་འཁོར་ལོ་བདེ་མཆོག་གི་མངོན་རྟོགས་རྒྱ་ཆེར་བཤད་པ་འདོད་འཇོ་ལྡེབ། ༡༩༧ མངོན་རྟོགས་འགྲེལ་པ་ཁྱད་པར་གསལ་བྱེད་ལས་ཟུར་ཕྱུངས་ལྡེབ། ༧ མཀའ་འགྲོ་རྒྱ་མཚོ་སྐོར་ཀྱི་ཟིན་བྲིས་ལྡེབ། ༡༡ ལཱུ་ཨི་པའི་ལུགས་ཀྱི་འཁོར་ལོ་སྡོམ་པའི་སྒྲུབ་ཐབས་བདེ་ཆེན་གསལ་བ་ལྡེབ། ༤༡ དྲིལ་བུ་ལུས་དཀྱིལ་གྱི་ལྷན་ཐབས་ལྡེབ། །༡༣ ལཱུ་ཨི་པའི་ལུགས་ཀྱི་བདེ་མཆོག་རྫོགས་རིམ་རྣམ་བཤད་དངོས་གྲུབ་སྙེ་མ་ལྡེབ། ༦༧ བཅས་འབོར་བསྡོམས་ལྡེབ། ༤༣༧ གླེགས་བམ། ༼ཐ༽ པ་ལ། དྲི་བུ་པའི་ལུགས་ཀྱི་བདེ་མཆོག་ལུས་དཀྱིཀ་གྱི་མངོན་རྟོགས་དགོངས་པ་རབ་གསལ་ལྡེབ། ༢༨ དྲིལ་བུ་པའི་ལུགས་ཀྱི་བདེ་མཆོག་ལུས་དཀྱིལ་དབང་ཆོག་རིན་པོ་ཆེའི་བང་མཛོད་ལྡེབ། ༢༩ བདེ་མཆོག་རིམ་ལྔའི་བཤད་པ་སྒྲས་དོན་ལྟ་བའི་མིག་འབྱེད་ལྡེབ། ༣༧ དྲིལ་བུ་རིམ་ལྔའི་ཁྲིད་རྗེའི་གསུང་བཞིན་ལྟེ་སྟོན་ཀུན་དགའ་བཟང་པོས་མཛད་པ་ལྡེབ། ༡༣ མཁའ་སྤྱོད་དམར་མོའི་སྒྲུབ་ཐབས་ལྡེབ། ༣ རྡོ་རྗེ་མཁའ་འགྲོའོ་འགྲེལ་བའི་ཟིན་བྲིས་ལྡེབ། ༣ རྡོ་རྗེ་རྣལ་འབྱོར་མའི་འགྲེལ་བ་ཆོས་བཅུའི་མཆོད་པའི་ཆོ་ག་དཱ་རི་ཀ་པས་མཛད་
པའི་ཟིན་བྲིས་ལྡེབ། མན་ངག་སྙེ་མའི་ཟིན་བྲིས་ལྡེབ། ༢༤ ངན་སོངས་སྦྱོང་རྒྱུད་མཆན་དང་བཅས་པ་ལྡེབ། ༡༠༠ ཀུན་རིགས་ཆོ་གའི་ཟིན་བྲིས་ལྡེབ། ༤ འཇིགས་བྱེད་ལྷ་བཅུ་གསུམ་པའི་སྒྲུབ་ཐབས་ཟ་མ་ཏོག་བཀོད་པ་ལྡེབ། །༡༩ འཇིགས་བྱེད་ཀྱི་སྒྲུབ་ཐབས་བདུད་ལས་རྣམ་རྒྱལ་ལྡེབ། ༡༧ གཤིན་རྗེ་དགྲ་ནག་གི་སྒྲུབ་ཐབས་རིན་ཆེན་འབར་བ་ལྡེབ། ༡༧ གཤིན་རྗེ་གཤེད་ལྷ་བཅུ་གསུམ་མ་རྣམས་ཀྱི་དཀྱིལ་འཁོར་དུ་དབང་བསྐུར་བསྒྲུབ་པའི་ཐབས་ཀྱི་ཆོ་ག་རིན་ཆེན་ཕྲེང་བ་ལྡེབ། ༥༣ རྫོགས་རིམ་སྤྱི་དོན་དཔྱིད་ཀྱི་ཐིག་ལེའི་དམིགས་རྣམས་བསྐྱེད་པའི་ཟིན་བྲིས་རྗེའི་ཞལ་ཤེས་ལྡེབ། བདེ་མཆོག་རྫོགས་རིམ་ཟིན་བྲིས་རྗེའི་ཞལ་ཤེས་ལྡེབ། རྫོགས་རིམ་རྣལ་འབྱོར་ཆེན་པོའི་ཁྲིད་ཀྱི་རིམ་པ་མདོར་བསྡུས་ལྡེབ། ༥༡ རྫོགས་རིམ་དཔྱིད་ཀྱི་ཐིག་ལེའི་ཟིན་བྲིས་ལྡེབ། ༢༠ བཅས་འབོར་བསྡོམས་ལྡེབ། བཞུགས། གླེགས་བམ། ༼ད༽ པ་ལ། ཞེ་དགུ་མའི་ཟིན་བྲིས་ལྡེབ། ༦ འཇམ་དཔལ་ཞི་དྲག་གི་སྲུང་བ་ལྡེབ། ༣ འཇིགས་བྱེད་ཀྱི་ཕྱག་མཚན་སོགས་བཤད་པའི་ཟིན་བྲིས་ལྡེབ། ༡༠ འཇིགས་བྱེད་ཀྱི་སྦྱིན་སྲེག་དངོས་གྲུབ་རྒྱ་མཚོ་ལྡེབ། ༣༠ དུས་ཀྱི་འཁོར་ལོའི་ནང་ལེའི་རྣམ་དག་མཁས་གྲུབ་རྗེས་ཟིན་བྲིས་སུ་བཏབ་པ་འཕྲོ་ཅན་ལྡེབ། ༦༦ ཨ་ཙ་ལ་གདྡྷས་དོན་ཚན་བདུན་ཅུ་བྱེད་པ་ལྡེབ། ༣ རྒྱུད་བརྟག་གཉིས་ཀྱི་ཟིན་བྲིས་ལྡེབ། ༨༢ སྦྱོར་དྲུག་རྡོ་རྗེའི་ཚིགས་བཅད། །དེའི་བཤད་པ། དུས་འཁོར་ཟིན་བྲིས། དུས་འཁོར་མངོན་རྟོགས་དང་དབང་གི་ཟིན་བྲིས། སྦྱོར་དྲུག་ཉེར་འཁོའི་ཟིན་བྲིས། འཆི་ཞག་དང་ཚེ་ལྷག་ཇི་ཙམ་ཡོད་དཔྱད་པ་རྣམས་ལྡེབ། ༢༣
༢༢༡ བཞུགས། གླེགས་བམ། ༼ཅ༽ པ་ལ། སྒྲོན་གསལ་རྒྱ་ཆེར་ནས་འཆད་པའི་ས་བཅད་བསྡུས་དོན་ལྡེབ། ༣༡ གསང་འདུས་སྒྲོན་གསལ་གྱི་དཀའ་གནད་མཐའ་དཔྱོད་རིན་ཆེན་མྱུ་གུ་ལྡེབ། ༡༠༡ འདུས་པའི་བཤད་རྒྱུད་ལྷ་མོ་བཞིས་ཞུས་ཀྱི་རྒྱ་ཆེར་བཤད་པ་སྲོག་རྩོལ་གྱི་དེ་ཉིད་གསལ་བ་ལྡེབ། ༥༢ གསང་འདུས་བཤད་རྒྱུད་ཡེ་ཤེས་རྡོ་རྗེ་ཀུན་ལས་བཏུས་པའི་ཊཱི་ཀ་ལྡེབ། ༦༧ གསང་འདུས་མི་བསྐྱོད་རྡོ་རྗེའི་དཀྱིལ་འཁོར་གྱི་ཆོ་ག་དབང་དོན་དེ་ཉིད་རབ་གསལ་ལྡེབ། ༧༢ འབའ་སེར་བཀའ་བཅུ་པས་རྗེ་ལ་གསན་པའི་གསང་འདུས་བསྐྱེད་རིམ་གྱི་ཟིན་བྲིས་ལྡེབ། ༤༠ གསང་འདུས་དཀའ་གནད་ཀྱི་ཟིན་བྲིས་ལྡེབ། དབལ་ཡེ་ཤེས་རྡོ་རྗེ་ཀུན་ལས་བཏུས་པའི་རྣལ་འབྱོར་ཆེན་པོའི་རྒྱུད་ལྡེབ། ༡༠༢ ལྷ་མོ་བཞིས་ཞུས་ཀྱི་རྒྱུད་ལྡེབ། ༧ ཡེ་ཤེས་རྡོ་རྗེ་ཀུན་ལས་བཏུས་པ་ལྡེབ། ༧ བཅས་འབོར་བསྡོམས་ལྡེབ། ༥༧༠ བཞུགས། གླེགས་བམ། ༼ཆ༽ པ་ལ། རྣམ་བཞག་རིམ་པའི་རྣམ་བཤད་གསང་འདུས་གནད་དོན་གསལ་བ་ལྡེབ། ༨༧ བཤད་རྒྱུད་རྡོ་རྗེ་ཕྲེང་བའི་ཟིན་བྲིས་ལྡེབ། ༦ རྒོད་བཟླས་ཟིན་བྲིས་ལྡེབ། ༨༩ དགོངས་པ་བླ་ན་མེད་པ་རིམ་པའི་ཟིན་བྲིས་ལྡེབ། ༣༨ མན་ངག་གི་མཐར་ཐུག་བདག་བྱིན་རླབས་ལྡེབ། མན་ངག་མཐར་ཐུག་གི་མངོན་པར་བྱང་ཆུབ་རིམ་པའི་བཤད་པ་ལྡེབ། ༡༥ རིམ་ལྔ་བསྡུས་པའི་ཟིན་བྲིས་ལྡེབ། ༢༠ རྣལ་འབྱོར་བཞི་རིམ་ལྡེབ། རྣལ་འབྱོར་བཞི་རིམ་གྱི་ཊཱི་ཀ་ལྡེབ། ༥ འདུས་པའི་དཀའ་གནད་ཟིན་བྲིས་ལྡེབ། ༢ རྒྱལ་བས་བྱིན་གྱིས་མཛད་པའི་གསང་འདུས་ལེའུ་དང་པོའི་འགྲེལ་བའི་ཟིན་བྲིས་ལྡེབ། ༨ ཁྲོ་བཅུའི་ཟིན་བྲིས་ལྡེབ།
པ། ལྷ་གཅིག་པའི་དོན་བཤད་པ་ལྡེབ། ༣ གསང་འདུས་དཀྱིལ་ཆོག་གི་ངག་འདོན་ལྷན་ཐབས་ལྡེབ། ༡༨ གསང་འདུས་ཡིག་ཆུང་ཉེར་གཅིག་སོགས་ལ་ལྡེབ། ༩༠ གསང་འདུས་མན་ངག་ཡིག་ཆུང་གི་སྐོར་རྣམས་ལྡེབ། ༦༦ བཅས་འབོར་བསྡོམས་ལྡེབ། ༤༧༨ བཞུགས། གླེགས་བམ། ༼ཇ༽ པ་ལ། དཔལ་གསང་བ་འདུས་པའི་མན་ངག་རིམ་ལྔ་གསལ་སྒྲོན་ལྡེབ། ༣༤༡ གསང་འདུས་སྒྲུབ་ཐབས་རྣལ་འབྱོར་དག་པའི་རིམ་པ་ལྡེབ། ༣༡ གྲུབ་ཆེན་བརྒྱད་ཀྱི་བཞུགས་ཚུལ་ལྡེབ། ༣ གསང་འདུས་བསྐྱེད་རིམ་གྱི་ཟིན་བྲིས་བློ་གསལ་བུང་བའི་རེ་སྐོང་ལྡེབ། ༣༠ བཞི་བརྒྱ་ལྔ་བཅུ་པའི་སྐོར་ཀྱི་ཟིན་བྲིས་ལྡེབ། ༧ རྡོ་རྗེ་ཕྲེང་བ་ལས་གསུངས་བའི་དྲང་དེས་སྔགས་བཏུའི་ཟིན་བྲིས་ལྡེབ། ༡༤ བཅས་འབོར་བསྡོམས་ལྡེབ། ༤༢༦ བཞུགས། གླེགས་བམ། ༼ཉ༽ པ་ལ། རྡོ་རྗེ་འཆང་གི་གོ་འཕང་བརྙེས་པར་བྱེད་པའི་ལམ་ལ་སློབ་པའི་ཚུལ་ལྡེབ། ༣༠ ཞལ་ཤེས་གནད་ཀྱི་ཐིམ་ཡིག་ལྡེབ། ༢༠ གསང་འདུས་རྡོར་སེམས་ཆོ་གའི་ངག་འདོན་གྱི་རིམ་པ་ལྡེབ། ༡༣ འཇམ་པའི་རྡོ་རྗེའི་སྒྲུབ་ཐབས་འཇམ་དབྱངས་དགོངས་གསལ་ལྡེབ། ༢༣ ཆོས་ཉི་ཤུའི་ཁུངས་དགོད་པ་ལྡེབ། ༩ རྗེའི་ཞལ་གདམས་རིམ་གཉིས་སྒོམ་ཚུལ་སྠ་བི་ར་སཱ་དྷཱ་བྷ་དྲ་བའི་ཟིན་བྲིས་ལྡེབ། ༡༤ གསང་འདུས་རྫོགས་རིམ་རིམ་ལྔ་གདན་རྫོགས་ཀྱི་དམར་ཁྲིད་ལྡེབ། ༦༣ རབ་གནས་རྒྱས་པའི་ཟིན་བྲིས་ལྡེབ། ༣༤ འཁོར་ལོ་སྡོམ་པ་བདེ་མཆོག་བསྡུས་པའི་རྒྱུད་ཀྱི་རྒྱ་ཆེར་བཤད་པ་སྦས་དོན་ཀུན་གསལ་ལྡེབ། ༢༠༤ དཔལ་ཁྲག་འཐུང་གི་རྒྱལ་པོ་འཁོར་ལོ་སྡོམ་པར་བརྗོད་པ་རྣལ་འབྱོར་མ་བླ་ན་མེད་པ་རྒྱུད་ཐམས་ཅད་ཀྱི་བླ་མ་
སྦྱོར་དྲུག་གི་རྫོགས་རིམ་གྱི་གནད་བསྡུས་རྗེའི་གཟུང་བཞིན་རྒྱལ་སྟེང་པས་མཛད་པོ་ལྡེབ། ༢༤ མཁས་པ་གཞོན་ནུ་བློ་ལྡན་གྱིས་གཟུགས་དུས་སོགས་ལས་བརྩམས་པའི་དྲིས་ལན་ལྡེབ། ༣ དཔལ་མཆོག་གི་ཟིན་བྲིས་ལྡེབ། ༡༩ ཀྱཻ་རྡོར་རྒྱུད་ཀྱི་ཟིན་བྲིས་དང་དེ་ཉིད་ཀྱི་ཟིན་ཐིས་བཅས་པ་ལྡེབ། ༨ རྗེ་བཙུན་པ་དག་མེད་པའི་དཀྱིལ་འཁོར་གྱི་སྒྲུབ་ཐབས་ཟིན་བྲིས་ལྡེབ། ༦ སངས་རྒྱས་ཐོད་པའི་མི་འཇིགས་གཞུང་འགྲེལ་སོགས་ཀྱི་ཟིན་བྲིས་ལྡེབ། ༩ འཕོ་ཁྲིད་ཀྱི་རྩ་ཚིག་བརྟག་པ་བརྒྱད་པའི་རབ་བྱེད་གསུམ་པ་ལྡེབ། ༨ རྣམ་ཤེས་གོང་དུ་འཕོ་བའི་རྒྱ་ཆེར་བཤད་པ་གསེར་གྱི་སྒོ་འབྱེད་ལྡེབ། ༢༩ འཁོར་ལོ་ཆེན་པོའི་མངོན་རྟོགས་རྗེའི་གསུང་བཞིན་ཟིན་བྲིས་སུ་དཀོད་པ་ལྡེབ། ༡༡ སྟོབས་པོ་ཆེ་ལ་བརྟེན་པའི་ཆར་འགེགས་ལྡེབ། ༤ སྤྲིན་བྲལ་མན་ངག་དང་རྟ་མགྲིན་ཉྭན་བཞི་སྐོར་བཅས་ལྡེབ། ༤ རི་ཁྲོད་ལོ་མ་ཅན་གྱི་སྒྲུབ་ཐབས་ལྡེབ། ༢ ལྷ་མོ་དབྱངས་ཅན་མའི་སྒྲུབ་ཐབས་ལྡེབ། ༤ སྨེ་བརྩེགས་ཀྱི་སྒྲུབ་ཐབས་ལྡེབ། ༣ སངས་རྒྱས་སོ་ལྔའི་ཀུན་མདོག་ཕྱག་མཚན་གནས་བརྟེན་བཟང་སྐྱོང་པས་བཀོད་པ་དང་། ལྷ་སྐུའི་ཕྱག་ཚད་གཟུགས་བརྙན་ལེགས་པར་བལྟ་བའི་མེ་ལོང་ལྡེབ། ༨༥ དེ་ཉིད་བསྡུས་པའི་ཟིན་བྲིས་ལྡེབ། ༣ རྡོ་རྗེ་དབྱིངས་ཀྱིས་ཆོག་གི་ཟིན་བྲིས་ལྡེབ། ༧ རྡོར་དབྱིངས་འཁོར་སྒྱུར་གྱི་བསྙེན་རིམ་ལྡེབ། ༡༥ འཇམ་དབྱངས་ཞི་ཁྲོ་སྦྲགས་སྒྲུབ་ཐུན་མོང་མ་ཡིན་པ་ལྡེབ། ༤ རྗེ་རིན་པོ་ཆེར་འཇམ་དཔལ་གསང་ལྡན་གྱི་ཟིན་བྲིས་སུ་མཛད་པ་ལྡེབ། ༥ བླ་མ་ཡི་དམ་དབྱེར་མེད་དུ་སྒྲུབ་ཚུལ་ཤིན་ཏུ་ཐབ་པ་ལྡེབ། ༨ ཡི་གེ་བཞི་པའི་བསྲུང་བའི་མན་ངག་
སོགས་ལྡེབ། ༦ རྡོ་རྗེ་འཇིགས་བྱེད་སེར་པོ་ལ་བརྟེན་པའི་ཤིན་ཏུ་ཟབ་པའི་མན་ངག་ལྡེབ། ༣ སྦྱོར་དྲུག་གི་དམིགས་རིམ་ཟབ་མོ་ལྡེབ། ༨ རྗེའི་གསུང་སྦྱོར་དྲུག་གི་ཟིན་བྲིས་ལྡེབ། ༦ བཅས་འབོར་བསྡོམས་ལྡེབ། ༤༤༠ བཞུགས། གླེགས་བམ། ༼ན༽ པ་ལ། འཇམ་དཔལ་དབྱངས་ཀྱི་གསུང་རྗེ་ཙོང་ཁ་པས་རེད་མདའ་བ་ལ་ཕུལ་བའི་ཕྱག་བྲིས་མཛད་པ་ལྡེབ། དཔལ་གསང་བ་འདུས་པའི་སྒྲུབ་ཐབས་ཀྱིས་ལྷན་ཐབས་ལྡེབ། གསང་འདུས་མངོན་རྟོགས་དང་བསམ་གཏན་གྱི་སྒྲུབ་མཆོག་ནང་འདོན་ལྷན་ཐབས་བཅས་ལྡེབ། ས་ཆོག་སྐབས་ཀྱི་གར་ཕྲེང་དགོངས་པ་བཞིན་རྗེའི་གསུང་གྲགས་རྒྱལ་གྱིས་བཀོད་པ་ལྡེབ། སྟོང་ཕྲག་བཅུ་གཉིས་པ་དྲི་མེད་འོད་ཀྱིས་དཀའ་གནད་རྣམས་འབྱེད་བརྗེད་བྱང་མཁས་གྲུབ་ཆོས་རྗེས་རྗེ་ལ་གསན་པ་ལྡེབ། ༡༠༨ སྒྲུབ་ཐབས་ཀུན་བཟང་གི་ཚིག་དོན་རྗེའི་གསུང་རྒྱལ་ཚབ་ཆོས་རྗེས་བཀོད་པ་ལྡེབ། ནང་སོང་ཡངས་སྦྱོང་གི་ཆོ་ག་རྒྱུད་དོན་གསལ་བ་ལྡེབ། བྱ་སྤྱོད་སྤྱིའི་ཆོ་གའི་རྣམ་བཞག་རིགས་གསུམ་ལ་སྦྱོར་ཚུལ་རྗེའི་གསུང་བཞིན་བཀོད་པ་ལྡེབ། འོད་ཟེར་ཅན་མའི་སྒྲུབ་ཐབས་རྗེའི་བཞེད་པ་ལྟ་བཀོད་པ་ལྡེབ། འཁོར་ལོ་སྡོམ་པའི་ཕྱི་རོལ་མཆོད་ཆོག་སོགས་ལྡེབ། འཇིགས་བྱེད་ཀྱི་དག་སྦྱོར་ལྡེབ། བཅས་འབོར་བསྡོམས་ལྡེབ། བཞུགས། གླེགས་བམ། ༼པ༽ པ་ལ། བྱང་ཆུབ་ལམ་གྱི་རིམ་པ་ཆེན་མོ་ལྡེབ། བཞུགས། གླེགས་རམ། ༼ཕ༽ པ་ལ། བྱང་ཆུབ་ལམ་གྱི་རིམ་པ་ཆུང་བ་ལྡེབ། ༢༠༠ བྱང་ཆུབ་ལམ་རིམ་གྱི་ཁྲིད་གྱི་ས་བཅད་ལྡེབ། ༡༥
ཞི་ལྷག་གཉིས་ཀྱི་དཀའ་གནད་བཤད་པ་ལྡེབ། ༥ དྲང་ངེས་རྣམ་པར་ཕྱེ་བའི་བསྟན་བཅོས་ལེགས་བཤད་ཀྱི་སྙིང་པོ་ལྡེབ། ༡༢༤ འཇམ་དཔལ་དབྱངས་ཀྱིས་གདམས་པའི་ལྟ་བའི་གནད་འགག་མདོར་བསྡུས་རེད་འདའ་བ་ལ་ཤོག་དྲིལ་དུ་ཕུལ་བ་ལྡེབ། ༦ བསླབ་བཏུས་རྒྱས་པར་གསུང་སྐབས་བསྡུས་དོན་འཇམ་དབྱངས་ཆོས་རྗེས་ཟིན་བྲིས་མཛད་པ་ལྡེབ། ༢༦ རྒྱལ་ཚབ་རྗེས་རྗེ་ལ་གསན་པའི་ཤེས་རབ་ལེའུའི་ཟིན་བྲིས་ལྡེབ། ༤༩ ཚད་མའི་བརྗེད་བྱང་ཆེན་མོ་ལྡེབ། ༤༧ བཅས་འབོར་བསྡོམས་ལྡེབ། ༤༨༦ བཞུགས། གླེགས་བམ། ༼བ༽ པ་ལ། དབུ་མ་རྩ་བའི་ཚིག་ལེའུར་བྱས་པའི་རྣམ་བཤད་རིགས་པའི་རྒྱ་མཚོ་ལྡེབ། ༢༩༢ དཀའ་གནད་བརྒྱད་ཟིན་བྲིས་རྗེའི་གསུང་བཞིན་ཟིན་བྲིས་སུ་བཀོད་པ་ལྡེབ། ༡༨ རིགས་པ་དྲུག་ཅུ་པའི་ཟིན་བྲིས་རྗེའི་གསུང་བཞིན་རྒྱལ་ཚབ་རྗེས་བཀོད་པ་ལྡེབ། ༡༤ རྒྱབ་ཚབ་རྗེས་རྗེ་ལ་གསན་པའི་མངོན་ལེའི་བརྗེད་བྱང་ལྡེབ། ༥༦ སྲིད་ཞི་མཉམ་ཉིད་ཀྱི་ལྟ་ཁྲིད་ལྡེབ། ༢༦ སྙན་ངག་གི་ལམ་ནས་དྲངས་པའི་བོ་སྦྱོང་ལྡེབ། ༤ དབུ་མ་རྒྱན་གྱི་བརྗེད་བྱང་ལྡེབ། ༡༧ བཅས་འབོར་བསྡོམས་ལྡེབ། ༤༢༨ བཞུགས། གླེགས་བམ། ༼མ༽ པ་ལ། དབུ་མ་འཇུག་པའི་རྣམ་བཤད་དགོངས་པ་རང་གསལ་ལྡེབ། ༣༠༣ རྒྱལ་ཚབ་ཆོས་རྗེས་རྗེ་ལ་གསན་པའི་དབུ་མ་རྒྱན་གྱི་བརྗེད་བྱང་ལྡེབ། ༡༣ མངོན་ལེའི་ཊཱིཀ་རྗེའི་གསུང་བཞིན་མཁས་གྲུབ་རྗེས་མཛད་པ་ལྡེབ། ༡༠༣ སྤྱོད་འཇུག་ཤེར་ལེའི་ནཱི་ཀའི་ཟིན་བྲིས་ལྡེབ། ཚད་མའི་ལམ་བསྒྲིགས་ལྡེབ། ༣༡ གཤིན་རྗེའི་འཁྲུལ་འཁོར་གྱི་མན་ངག་ཧ་ལའི་ལོ་
འདབ་ལྡེབ། ༥ འཇིགས་བྱེད་པ་བརྟེན་ནས་དགྲ་བགེགས་ཚར་གཅོད་ཉེར་མཁོའི་ཡིག་ཆུང་ལྡེབ། ༡༧ གཤིན་རྗེའི་འཁྲུལ་འཁོར་ཀྱི་ཆོ་ག་ཁམས་གསུམ་རྣམ་པར་རྒྱལ་བའི་ཉི་འོད་ལྡེབ། ༥༤ བཅས་འཁོར་བསྡོམས་ལྡེབ། ཞུགས། གླེགས་བམ། ༼ཙ༽ པ་ལ། ཤེར་ཕྱིན་མངོན་རྟོག་རྒྱན་འགྲེལ་དང་བཅས་པའི་ལེགས་གཤད་གསེར་ཕྲེང་གི་རྣམ་མཁྱེན་བཤད་པའི་སྐབས་ལྡེབ། ༣༣༦ ལམ་ཤེས་བཤད་པ་ལྡེབ། ༧༣ གཞི་ཤེས་བཤད་པ་ལྡེབ། ༢༨ བཅས་འབོར་བསྡོམས་ལྡེབ། ༤༣༥ བཞུགས། གླེགས་བམ། ༼ཚ༽པ་ལ། ལེགས་བཤད་གསེར་ཕྲེང་ལས་སྦྱོར་བཞིའི་ཡན་ལག་བཤད་པ་སྡེབ། ༡༥༩ རྩེ་མོའི་མངོན་རྟོགས་མན་ཆད་ཀྱི་སྐབས་བཞི་པོའི་བཤད་པ་ལྡེབ། ༡༣༨ ཞུགས་གནས་ཀྱི་རྣམ་བཞག་བློ་གསལ་བགྲོད་པའི་ཐེབ་སྐས་ལྡེབ། ༤༣ ཡིད་ཀུན་གཞི་དཀའ་བའི་གནད་ཀྱི་རྩ་བ་ལྡེབ། །དེའི་འགྲེལ་པ་ལེགས་བཤད་རྒྱ་མཚོ་ལྡེབ། ༥༥ བཞི་ནས་འབྱུང་བའི་བསླབ་བྱ་ཟིན་བྲིས་ལྡེབ། ༡༠ སྡེ་བདུན་ལ་འཇུག་པའི་སྒོ་དོན་གཉེར་ཡིད་ཀྱི་མུན་སེལ་ལྡེབ། ༢༤ བསམ་གཟུགས་ཟིན་བྲིས་ལྡེབ། ༡༡ དབུ་མའི་ལྟ་ཁྲིད་བསྡུས་པ་ལྡེབ། ༧ དབུ་མའི་ཉ་ལྟ་ཁྲིད་རྗེ་ཡབ་སྲས་ཀྱི་དགོངས་པ་བཞིན་མཁས་གྲུབ་རྗེས་ཟིན་བྲིས་སུ་མཛད་པ་ལྡེབ། དགེ་འདུན་ཉི་ཤུ་དང་ཞུགས་གནས་དཀའ་གནད་བཅས་ཀྱི་བཤད་པ་ལྡེབ། ༧ བཀའ་བུམ་དཀར་ཆག་ལྷའི་རྔ་བོ་ཆེའི་སྒྲ་དབྱངས་ལྡེབ། ༣༨ བཅས་འབོར་བསྡོམས་ལྡེབ། བཞུགས། གསུམ་པ་དགོས་ཆེད་ནི། ལེགས་བྱས་རྣམ་པར།
དཀར་བའི་སྟོབས་གྲངས་མེད་མང་པོ་བརྩོན་དགོས་པའི་ཚུལ་ཡུད་ཀྱིས་རྫོགས་པར་འགྱུར་བས་ན། སྤྱིར་རང་རང་གི་ཚོགས་གཉིས་རྫོགས་ནས་དོན་གཉིས་ལྷུན་གྱིས་གྲུབ་པའི་དོན་དུ་གཞོལ་ཞིང་འབབ་པར་གཞིར་གྲུབ་མོད། བྱེ་བྲག་ཏུ་ཕན་བདེའི་འབྱུང་གནས་བསྟན་པ་རིན་པོ་ཆེ་རིས་སུ་མ་ཆད་པ་ཐམས་ཅད་བཤད་སྒྲུབ་གཉིས་ཀྱི་སྒོ་ནས་དར་ཞིང་རྒྱས་པ་དང་། དགེ་འདུན་འདུས་པའི་སྡེ་རྣམས་སྡོམ་པ་གསུམ་དང་བསླབ་པ་གསུམ་གྱི་ཉམས་ལེན་སོགས་ཆོས་བཞིན་སྤྱོད་པས་དུས་འདའ་བ་དང་། བསྟན་འཛིན་གྱི་སྐྱེས་བུ་ཚད་མར་གྱུར་པ་དམ་པའི་ཚུལ་དགུའི་རྣམ་ཐར་ཕུན་སུམ་ཚོགས་པ་གང་ན་སུ་བཞུགས་པ་རྣམས་ཞབས་པད་བསྐལ་བརྒྱར་བརྟན་ཅིང་མཛད་ཕྲིན་ནམ་མཁའི་མཐའ་དང་མཉམ་པ་དང་། ཡངས་པའི་རྒྱལ་ཁམས་ཀུན་ཏུ་ཆོས་བཞིན་སྤྱོད་པའི་ལེགས་བྱས་ཕུན་སུམ་ཚོགས་ཤིང་། འཁོར་བ་མཐའ་ཅན་བགྱིད་པའི་ཉེར་ལེན་སེམས་དང་ལྡན་པ་མ་ལུས་པ་ལུས་པ་མེད་པ་རྣམས་ལ་དུས་གསུམ་ཀུན་ཏུ་ལྷུན་གྱིས་གྲུབ་ནས་མཐར་ཐུག་རྣམ་པ་ཐམས་ཅད་མཁྱེན་པའི་གོ་སར་ཕྱམ་གཅིག་ཏུ་འགོད་པ་དང་། གཞན་ཡང་མི་མཐུན་པའི་ཕྱོགས་མིང་ཙམ་ཡན་མི་འགྱུར་པ་ནས། དྲུས་ཀྱི་རྒུད་པ། བསྟན་པ་འཚེ་བ་ནག་ཕྱོགས་མཐའ་འཁོར་ཀླ་ཀློའི་རྒྱུ་འགྲུལ་རིགས་བསྐལ་བའི་བར་དུ་འང་ལྡང་བ་མེད་པ་དང་ཆབས་ཅིག་རྫོགས་ལྡན་གྱི་དུས་བཟང་ཟླ་བ་ཡར་ངོ་ལྟར་ཚེས་པ་སོགས་ཀྱི་དགོས་པ་དང་། ལྷག་དོན་དེང་སང་རྒྱུ་འབྲས་ལ་ཡིད་ཆེས་བརྩི་སུང་མེད་ཅིང་བསྟན་པ་ལ་ཁག་གཡར་ཏེ་གདོལ་སྤྱོད་སྣ་ཚོགས་པས་མཚན་ལྟ་བ་དང་སྤྱོད་པ་ཐམས་ཅད་ཕྱིན་
ཅི་ལོག་པ་ལ་ངང་གིས་འཇུག་པར་འགྱུར་པའི་ཆོ་བབ་ཇེ་འཕེལ་སྟབས། སྟོན་མཆོག་ཐུབ་པའི་དང་པོའི་བཀའ་དང་བསྟན་བཅོས་ཐམས་ཅད་ཀྱི་མན་ངག་ཏུ་གྱུར་པའི་ལེགས་བཤད་ཀྱི་ཚོགས་བླ་ན་མེད་པ་བྱིན་རླབས་ཀྱི་སྤྲིན་ཕུང་གཅིག་ཏུ་འཕྲོ་བ་འདི་ཉིད་ཀྱི་ཡེ་གེ་ཕྱོགས་དུས་ཀུན་ན་གྲངས་མེད་འབྱམས་ཀླས་སུ་ཁྱབ་པའི་སྒོ་ནས་བདག་ལེགས་འདོད་པའི་སྐྱེ་བོ་མ་ལུས་པ་ཐམས་ཅད་ཐོས་བསམ་སྒོམ་པའི་སྐལ་བ་བཟང་པོར་སྤྱོད་དེ་ཞི་སྒོ་གཅིག་པའི་ལམ་དུ་འཕྱུགས་པ་མེད་པར་ཞུགས་བཞིན་རྫོགས་པའི་སངས་རྒྱས་ཀྱི་གོ་འཕང་སྐུ་གསུམ་གྱི་འབྲས་བུ་ཡང་དག་པ་བདེ་བླག་ཏུ་རྒྱུད་ལ་འབྱོར་བ་སོགས་ཀྱི་མཚན་གྲུབ་མཐའ་ཀུན་གྱི་ནང་ནས་ཁང་བཟང་གི་དབུས་ན་རྒྱལ་མཚན་གྱི་ཏོག་ལྟར་མཐོན་པར་མཐོ་བ་རི་བོ་དགེ་ལྡན་པའི་རིང་ལུགས་དྲི་མ་མེད་པ་འདི་ཉིད་འཛིམ་གླིང་ཁོར་ཡུག་ཀུན་ཏུ་དར་ཞིང་རྒྱས་ལ་རྒྱལ་བ་བྱམས་པའི་བསྟན་པ་མ་ཤར་བར་མཉམ་མེད་དུ་གནས་པ་ནི་ཁྱད་པར་གྱི་དགོས་པ་དང་། ཡང་སྒོས་སུ། དེང་སང་གངས་ཅན་བོད་ཀྱི་བསྟན་འགྲོའི་བདེ་སྐྱིད་མཐའ་དག་རྒྱལ་དབང་ཐམས་ཅད་མཁྱེན་པ་ཆེན་པོའི་མཚན་དཔའི་དཀྱིལ་འཁོར་གཅིག་ཏུ་ལ་རྒས་ལས་པས། རྒྱལ་བ་གངྒཱའི་རྡུལ་སྙེད་ལས་ཀྱང་ཐུགས་རྗེའི་བཀའ་དྲིན་ལྷག་པར་ཆེ་བ་རྒྱལ་དབང་ལྷ་མིའི་གཙུག་རྒྱན་ཉིད་ཞགས་པད་བསྐལ་བརྒྱ་མཚོར་གཞར་ཡང་མི་གཡོ་བ་བྱུང་ན་ཅི་མ་རུང་ངོ་སྙམ་པའི་འདུན་རྩེ་གཅིག་པས་རྟེན་འབྱུང་བསླུ་བ་མེད་པའི་ལེགས་བྱས་སུ་ཆེད་དུ་བརྩོན་རྒྱུ་བྱུང་བ་ནི་དགོས་པ་ཀུན་གྱི་སྙིང་པོ། ཉིད་དགོས་ཁྱད་འཕགས་སུ་གྲུབ་པ་ཡིན་ནོ། བཞི་པ་ཕན་ཡོན་ནི། ཟབ་པ་དང་རྒྱ་ཆེ་བའི་དམ་པའི་ཆོས་ནི་
སངས་རྒྱས་ཀུན་གྱི་ཡེ་ཤེས་ཀྱི་ཆོས་སྐུ་མཐར་ཐུགས་པའི་རང་བཞིན་ཡིན་སྟབས་ཡུལ་ཤེར་ཕྱིན་ལ་སོགས་པའི་མདོ་སྡེ་རྣམས་ནས་གསུང་གི་རྟེན་བཞེངས་པ་དང་། ཡིད་ལ་བྱེད་པ་དང་། མཆོད་པར་བགྱི་བ་སོགས་ཕྲ་མོ་ཙམ་འདུ་བྱས་པའི་ཕན་ཡོན་ནི་གཞན་སྐུ་གསུགས་མཆོད་རྟེན་སོགས་སྟོང་གསུམ་གྱི་སྟོང་ཆེན་པོ་གང་བའི་བསོད་ནམས་བསགས་པས་ཀྱང་ཆ་ཙམ་ཡང་རྡུལ་ཙམ་ཡང་འགྲན་དུ་མེད་ཅིང་བརྗོད་དུ་མེད་པའི་ཚུལ་གསལ་བར་འབྱུང་བ་ལྟར་བསམ་གྱིས་མི་ཁྱབ་པའི་གནས་དང་། གཞན་ཡང་གསེར་འདོ་དམ་པ་ལས། ང་ཡོངས་སུ་མྱ་ངན་ལས་འདས་པའི་འོག་ཏུ་འཐོར་ཞིང་ནུས་པར་མི་འགྱུར་བར་བྱེད་པ་དེ་ནི་བླ་ན་མེད་པའི་བྱང་ཆུབ་ཀྱི་རྒྱུ་ཡང་དག་པ་ཡིན་པས་བསོད་ནམས་ཇི་སྙེད་ཅིག་འཐོབ་པར་འགྱུར་པ་ནི་བསྐལ་པ་གངྒཱའི་རླུང་གི་བྱེ་མ་སྙེད་དུ་བརྗོད་ཀྱང་མཐར་ཐུག་པར་མི་འགྱུར་རོ། དགེ་བསྙེན་ནམ། །དགེ་བསྙེན་མ་འམ། རིགས་ཀྱི་བུའམ་རིགས་ཀྱི་བུ་མོ་ལ་སོགས་པ་གང་ལ་ལ་ཞིག་མཆོད་པ་དང་བཀུར་སྟི་བྱས་ནས་ཡི་གེར་བྲིས་ཏེ་རྒྱ་ཆེར་སྤེལ་བ་དང་། གཞན་དག་ལ་ཡང་དག་པར་སྟོན་པར་བྱེད་པས་ཐོས་པའི་བསོད་ནམས་གང་ཡིན་པ་དེ་ཡང་དེ་བཞིན་ནོ། ཞེས་དང་། མདོ་སྡུད་པ་ལས། ལ་ལས་གངྒཱའི་ཀླུང་གི་བྱེ་སྙེད་ཞིང་རྣམས་ན། སེམས་ཅན་ཇི་སྙེད་འཁོད་ཀུན་དགྲ་བཅོམ་ཉིད་བཏུལ་བས། གང་གིས་ཤེས་རབ་མ་རོལ་ཕྱིན་འདི་ཡིག་བྲིས་ཏེ། སེམས་ཅན་མཆོག་ལ་ཀླེགས་བྱིན་བསོད་ནམས་ཁྱད་པར་འཕགས། ཞེས་དང་། སྙིང་པོའི་མདོ་ལས་ཀྱང་། ཀུན་དགའ་བོ་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་། གཞན་དག་ལའང་རྒྱ་ཆེར་ཡང་
དག་པར་རབ་ཏུ་སྟོན་པ་དང་། གླེགས་བམ་དུ་བྱས་ཏེ་འཆང་བ་དེས་འདི་སྙམ་དུ་བདག་གི་དེད་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པོ་སྙམ་དུ་སེམས་བསྐྱེད་པ་བྱའོ། དེ་ནི་ཇི་ལྟར་དང་ལྟ་བ་བཞིན་དུ་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཀྱི་ཕྱག་བྱ་བའི་འོས་དང་མཆོད་པའི་འོས་ཡིན་ནོ། ཞེས་པ་ལ་སོགས་པ་མཐའ་ཡས་པ་འབྱུང་བའི་དོན་དང་མཐུན་པའི་འབྲས་བུ་ཡང་དག་པར་སྨིན་པར་ངེས་སོ། ལྔ་པ་མཐར་བསྔོ་སྨོན་གྱི་རིམ་པ་ནི། དེ་ལྟར་རྣམ་དཀར་གྱི་བྱ་བ་རླབས་སུ་ཆེ་བའི་ལེགས་བྱས་ཟླ་བ་བདུན་རྩིའི་ཁང་བཟང་ལྟར་བཀྲ་བ་གང་ཞིང་། རྒྱུ་སྦྱོར་བ། བྱ་བ་བྱེད་པ། ལག་ཏུ་ལེན་པ། སྒོ་གསུམ་གྱི་འབྲེལ་ཐོགས་དང་བཅས་པའི་རྒྱུད་ལ་དགེ་ཚོགས་ཇི་སྙེད་ཅིག་འཕེལ་བ་རྣམས་བ་མདོར་ཆུད་མི་ཟ་བ་དང་། གོང་ནས་གོང་དུ་འཕེལ་བའི་ཕྱིར་ཡོངས་སུ་བསྔོ་བས་རྒྱས་གདབ་དགོས་པ་ཡང་། བློ་གྲོས་རྒྱ་མཚོས་ཞུགས་པའི་མདོ་ལས། ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུག་། རྒྱ་མཚོ་མ་ཟད་བར་དུ་དེ་མི་འཛད། །དེ་བཞན་བྱང་ཆུག་ཡོངས་བསྔོའི་དགེ་བ་ཡང་། །བྱང་ཆུབ་མ་ཐོབ་བར་དུ་དེ་མི་འཛད། །ཅེས་གསུངས་པ་ལྟར་ཡིན་ནོ། །དེས་ན་བསྔོ་བའི་རིམ་པ་ཉིད་བྱང་ཆུབ་སྙིང་པོར་བསྒྱུར་བའི་དགེ་རྩ་ལ་གནད་དུ་ཟབ་པའི་ཐབས་ཁྱད་པར་ཅན་ཡིན་པ་ཡང་། མགོན་པོ་བྱམས་པས། ཡོངས་སུ་བསྔོ་བ་ཁྱད་པར་ཅན། །དེ་ཡི་བྱེད་པ་མཆོག་ཡིན་ནོ། །ཞེས་གསུངས་པ་ལྟར་དང་། །བསྲོ་རྒྱུའི་དངོས་པོ་ཡང་། །མ་ཆགས་ཞེ་སྡང་གཏི་མུག་མེད། །དེས་བསྐྱེད་ལས་ནི་དགེ་བའོ། །ཞེས་གུངས་པ་ལྟར་ཀུན་སློང་རྣམ་པར་དག་ཅིང་འབྲས་
བུ་བདེ་བ་སྐྱེད་པའི་དགེ་བ་རྣམས་ཏེ། །བསྔོ་བའི་གནས་སྐབས་ན། །དགེ་བ་དེ་ལྟ་བུའང་དུས་གསུམ་དུ་རང་ཉིད་དང་གཞན་ལ་བསག་ཏུ་བཅོལ་བས་མཚོན། ནམ་མཁའི་མཐའ་དང་མཉམ་པའི་སྐྱེ་འཕགས་ཀྱི་སེམས་ཅན་གང་སུ་ཡང་རུང་བས་མངོན་པར་འདུ་བྱས་པའི་དགེ་བ་ཟག་བཅས་ཟག་མེད་ཇི་སྙེད་ཅིག་ཡོད་པ་རྣམས་གཅིག་ཏུ་བསྡོམས་ཏེ་བསྔོ་བར་བྱ་དགོས་པའི་ཚུལ་ནི། ཕལ་པོ་ཆེ་ལས། འགྲོ་ཀུན་དགེ་བ་ཇི་སྙེད་ཡོད་པ་དང་། བྱས་དང་བྱེད་འགྱུར་དེ་བཞིན་བྱེད་པ་དག བཟང་པོ་ཇི་བཞིན་དེ་འདྲའི་ས་དག་ལ། ཀུན་ཀྱང་ཀུན་ནས་བཟང་པོར་རེག་གྱུར་ཅིག ཅེས་གསུངས་པ་ལྟར་རོ། གང་དུ་བསྔོ་བའི་གནས་ནི། ཁམས་གསུམ་གཏོགས་པ་མ་ཡིན་དང་། ཞེས་པ་ལྟར་དངོས་བརྒྱུད་ནས་སྡུག་བསྔལ་གྱི་རང་བཞིན་ཅན་ཡིན་པའི་ཕྱིར་ཁམས་གསུམ་ན་ཆེན་པོར་གྲགས་པ་འཁོར་བའི་རང་བཤིན་ཅན་གྱི་བདེ་འབྲས་ཀྱི་སར་མི་མི་བསྔོ་ཞིང་། དེར་མ་ཟད། ཤེར་ཕྱིན་ཟད། ཤེར་ཕྱིན་ལས། དགེ་བའི་རྩ་བ་ཐམས་ཅད་རྣམ་པ་ཐམས་ཅད་མཁྱེན་པ་མ་གཏོགས་པ་ཉན་ཐོས་ཀྱིས་སའམ་རང་སངས་རྒྱས་ཀྱི་སར་བསྔོར་མི་འཇུག་གོ ཞེས་གསུངས་པ་ལྟར། གཞན་དོན་དུ་རྫོགས་པའི་སངས་རྒྱས་ཀྱི་གོ་འཕང་དེ་ཉིད་མྱུར་དུ་ཐོབ་པ་ལ་གེགས་བྱེད་པའི་ཕྱིར་རང་ཉིད་གཅིག་པུ་ཞི་བཙམ་མཐར་ཐུག་གི་དོན་དུ་ཐུབ་པ་ཉན་ཐོས་དང་། རང་སངས་རྒྱས་ཀྱི་སར་ཡོངས་སུ་བསྔོ་བའང་མ་ཡིན་ནོ། དེ་ནས་ན་སྲིད་ཞིའི་མཐར་གཉིས་ལ་མི་གནས་པའི་བདག་ཉིད་ཆེན་པོ་རྫོགས་པའི་སངས་རྒྱས་ཀྱིས་འབའ་ཞིག་ཏུ་བསྔོ་བ་ནི་རྒྱལ་བ་དགྱེས་པའི་ལམ་སྲོལ་རྨད་དུ་བྱུང་བ་སྟེ། མཁས་མཆོག་དཔའ་བོས། དགེ་བའི་རྩ་བ་བསྒྲུབ་པ་དེ་དག་ཀྱང་། གྲགས་དང་སྙན་
དང་ལྷ་མིའི་བདེ་འབྲས་དང་། རེ་བཅས་འཁོར་བའི་བསམ་པ་རྣམས་བྲལ་ཏེ། འཇིག་རྟེན་འདས་པ་ཁོ་ནའི་རྒྱུར་བསྔོའི། ཞེས་གསུངས་པ་ལྟར་རོ། འོ་ན་འཇིག་རྟེན་འདིར་ཚེ་རིང་བ་དང་། དཔལ་འབྱོར་རྒྱས་པ་སོགས་ཀྱི་རྒྱུར་གཏན་ནས་བསྔོར་མི་རུང་སྙམ་ན། །མཐར་ཐུག་གི་འབྲས་བུ་རྣམས་མཁྱེན་གྱི་དམིགས་པ་དང་འབྲིལ་ན། དེ་ཉིད་མངོན་དུ་མ་གྱུར་བར་གནས་སྐབས་བདག་རྐྱེན་མཐོ་རིས་ཀྱི་ཡོན་ཏན་བདུན་ལ་སོགས་པས་འབྱོར་ཚེད་དུ་བསྔོ་བ་ནི་འགལ་བ་ཡོད་པ་མ་ཡིན་ནོ། ཚུལ་ཇི་ལྟར་བསྔོ་བ་ཡང་། འགལ་རྐྱེན་དམིགས་པའི་དུག་སྤོང་བ་དང་། མཐུན་རྐྱེན་ཐབས་ཤེས་ཀྱི་རྩིས་ཟིན་པ་སྟེ་སྤང་བླང་གཉིས་ཀྱི་སྒོ་ནས་ཡོངས་སུ་བསྔོ་བར་བྱ་དགོས་ཏེ། དེ་འང་དགེ་རྩ་གང་བསགས་པའི་དངོས་པོ་ཀུན་ལ་འཁོར་གསུམ་རང་ག་བའི་མཚན་མར་འཛིན་པའི་འདུ་ཤེས་ཅན་གྱིས་བསྔོ་བ་ནི་བསྔོ་བ་དུག་དང་བཅས་པ་ཞེས་བྱ་སྟེ། །བརྒྱད་སྟོང་པ་ལས། །དམིགས་པའི་འདུ་ཤེས་ཅན་ལ་ཡོངས་སུ་བསྔོ་བ་མེད་དོ། དེ་ཅིའི་ཕྱིར་ཞེ་ན། དམིགས་པའི་དུག་དང་བཅས་པས་སོ། ཞེས་གསུངས་པ་ལྟར་རོ། །དེས་ན་ཤེས་རག་བདག་མེད་པའི་ལྟ་བ་དང་། ཐབས་བྱང་ཆུབ་སེམས་ཀྱིས་ཟིན་པའི་སྒོ་ནས་བསྔོ་བར་བྱ་བའི་ཚུལ་ཡང་། །དང་པོ་ནི། ཆོས་ཐམས་ཅད་རང་བཞིན་གྱིས་སྤྲོས་དང་བྲལ་བའི་ཕྱིར་བསྔོ་བའི་ཡུལ་བསྔོ་རྒྱུའི་དགེ་རྩ་གོང་གི་བསྔོ་བའི་བྱེད་པ་པོ་གསུམ་ཀ་ལ་མཚན་མར་འཛིན་པ་ལ་སོགས་པ་སྤངས་ཏེ། དམིགས་པ་མེད་པའི་རང་བཞིན་མངོན་དུ་བྱེད་པའི་སྒོ་ནས་བསྔོ་སྟེ། །མགོན་པོ་བྱམས་པས། དེ་ནི་དམིགས་མེད་རྣམ་པ་ཅན། །ཕྱིན་ཅི་མ་ལོག་མཚན་ཉིད་དོ། ཞེས་གསུངས་པ་ལྟར་རོ། དེ་ལྟ་བུ་དེ་ནི་
འཇིག་རྟེན་ལས་འདས་པའི་ཕ་རོལ་ཕྱིན་པ་ཞེས་བྱ་བ་ཡིན་པ་ཡང་། སྦྱིན་པ་སྦྱིན་བྱ་ལེན་པོ་གཏོང་པོས་གཏོད། འཇིག་རྟེན་འདས་པའི་ཕ་རོལ་ཕྱིན་ཅེས་བྱ། ཞེས་པ་ལྟར་རོ། གཉིས་པ་ནི། དེའི་ངང་ལས་ཐ་སྙད་ཀུན་རྫོབ་ཏུ་དངོས་པོའི་ཆོ་ཐམས་ཅད་སྣང་བ་རང་བཞིན་མེད་པ་སྒྱུ་མ་ལྟ་བུར་མངོན་སུམ་དུ་བྱེད་པའི་བློས་མཁའ་མཉམ་གྱི་སེམས་ཅན་ཐམས་ཅད་དང་ཐུན་མོང་དུ་བྱས་ཏེ་རྣམ་མཁྱེན་ཀྱི་གོ་འཕང་ཐོབ་པའི་ཕྱིར་ཡོངས་སུ་བསྔོ་བ་སྟེ། ཞི་བ་ལྷས། དངོས་སམ་ཡང་ན་བརྒྱུད་ཀྱང་རུང་། སེམས་ཅན་དོན་ལས་གཞན་མི་སྤྱད། སེམས་ཅན་ཁ་ནའི་དོན་གྱི་ཕྱིར། ཐམས་ཅད་བྱང་ཆུབ་རྒྱུར་བསྔོའོ། ཞེས་དང་། མདོ་ལས། ཕྱོགས་བཅུའི་འཇིག་རྟེན་དག་ན་གང་ཡོད་པའི། དགེ་བ་དེ་དག་ཡང་ཡང་བསྒྲུབས་པས་ན། འགྲོ་བ་ཀུན་ལ་ཕན་དང་བདེ་སེམས་ཀྱིས། །ཡེ་ཤེས་མཁས་པ་དེ་དག་ཡོངས་སུ་བསྔོ། །ཞེས་པ་ལྟར་རོ། དེ་ལྟར་ཐབས་ཤེས་ཀྱི་ཟིན་པའི་བསྔོ་བས་ཡོངས་སུ་བསྡོས་པ་ནི་བཟང་པོ་བཞི་ལྡན་གྱི་བསྔོ་བར་འགྱུར་ཏེ། དམིགས་པ་བཟང་དང་སྟོན་པ་བཟང་། ཐབས་བཟང་བ་དང་ངེས་འབྱུང་དང་། སྤྱོད་པ་བཟང་པོའི་བདག་ཉིད་ཀྱིས། ཡང་དག་སྨོན་ལམ་ཡིན་པར་བཤད། ཅེས་པ་ལྟར་རོ། དེ་ལྟ་བུའི་བསྔོ་བ་དེ་ནི་ནང་པ་སངས་རྒྱས་པའི་ལུགས་ཀྱི་ཁྱད་པར་འཕངས་པའི་ཆོས་གཅིག་སྟེ། སློབ་དཔོན་མཐོ་བཙུན་གྲུབ་རྗེས། །བསོད་ནམས་བྱ་བའི་དངོས་པོ་ནི། །སེམས་ཅན་རྣམས་ལ་ཡོངས་བསྔོ་བ། །བཅོམ་ལྡན་ཁྱོད་ཀྱིས་གང་གསུངས་བ། །དེ་གཞན་བསྟན་བཅོས་ལས་མ་བཤད། །ཅེས་པ་ལྟར་རོ། སྤྱིར་བསྔོ་བ་ཞེས་པའི་
སྒྲ་དོན་ཀྱང་། པ་རི་ཎཱ་མ། ཞེས་པ་ཡོད་པ་དེ་ཉིད་ཡོངས་སུ་བསྒྱུར་བའམ་སྦེལ་བ་ལ་འཇུག་པས། དགེ་བའི་རྩ་བ་གང་མཆིས་པ་ཐམས་ཅད་བྱང་ཆུབ་སྙིང་པོའི་རྒྱུར་ཡོངས་སུ་བསྒྱུར་བ་དང་། དེ་མ་ཐོབ་ཀྱི་བར་དུ་ཟད་པ་མེད་པ་གོང་ནས་གོང་དུ་སྤེལ་བའི་ཕྱིར་དེ་སྐད་དུ་བྱའོ། དེས་ན་ཡང་དག་པའི་བསྔོ་བ་དངོས་ནི། སྟོང་ཉིད་མངོན་སུམ་རྟོགས་པའི་གང་ཟག་གི་བྱེད་ལས་ལས་འབྱུང་བས་ན། ད་ལན་གྱི་སྐབས་སུ་བབ་པའི་བསྔོ་བ་དངོས་ཀྱི་རིམ་པའང་། རྣམ་དཀར་འདུ་བྱེད་པའི་མཆོད་ཡོན་དང་གཞན་ཡང་འཕགས་པའི་ས་ལ་བཞུགས་པའི་སྐྱེས་མཆོག་དམ་པ་རྣམས་ཐུགས་རྒྱུད་ལེགས་པར་བསྐུལ་བའི་སྒོ་ནས་ཐབས་ཤེས་ཟུང་འཇུག་ཕུན་སུམ་ཚོགས་པས་རྩིས་ཟིན་པའི་རང་བཞིན་བླ་ན་མེད་པའི་བྱང་ཆུབ་ཆེན་པོའི་བསྔོ་བ་རྒྱ་ཆེར་གནང་རྒྱུ་བྱུང་ཡོད་པར་གཞིར་གྲུབ་ཕྱིར། ཇི་སྲིད་དགེ་བའི་རྩ་བ་མ་རྫོགས་པར། །དེ་སྲིད་སྟོང་ཉིད་དམ་པ་རྟོགས་མི་འགྱུར། །ཞེས་སོ་སྐྱེ་ཉོན་མོངས་པ་བསགས་སྦྱངས་ཕྲན་བུ་ཡང་མེད་པ་ཅན་བདག་དང་བདག་འདྲ་བ་རྣམས་ལ་སྟོང་ཉིད་ཀྱི་གནས་ལུགས་དྲི་ཙམ་ཡང་བྲོ་བར་དཀའ་བའི་ཕྱིར་བསྔོ་བར་བྱ་བའི་ཁུར་ཐང་ལེན་པའི་འོས་མ་ཡིན་མོད། འོན་ཀྱང་། གང་ཚེ་དངོས་དང་དངོས་མེད་དག །བླི་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པ་རས་ཏུ་ཞི། །ཞེས་པ་མཚན་མ་དང་། མཚན་མ་མེད་པ་སོགས་གང་ཡང་ཡིད་ལ་མི་བྱེད་པའི་སྟོང་པ་ཉིད་ཀྱི་གཤིས་ལུགས་འཁོར་གསུམ་རྣམ་པར་མི་རྟོག་པའི་རང་ངོར་མཉམ་པར་འཇོག་བཞིན་དུ་རྟེན་ཅིང་འབྲེལ་བར་འབྱུང་བའི་སྣང་ཆ་སྒྱུ་མ་ཙམ་གྱི་འཆར་སྒོ་མ་འགགས་པ་ཙམ་ཞིག་དོན་སྤྱིའི་ཚུལ་
གྱིས་ཡིད་ལ་བྱེད་པའི་ངང་ནས་རྩེ་གཅིག་ཏུ་བསྔོ་བའམ། དེ་ཙམ་ཡང་མི་ནུས་ན། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་བསྔོ། །ཞེས་པ་ལྟར་སྔོན་གྱི་རྒྱལ་བ་སྲས་དང་བཅས་པ་རྣམས་ཀྱི་གཟིགས་ངོན་འཁོར་གསུམ་གྱི་རྣམ་རྟོག་གང་ཡང་དམིགས་པ་དེ་བཞིན་པའི་རྗེས་སུ་སློབ་སྟེ། དེ་དག་ཀུན་གྱིས་ཇི་ལྟར་བསྔོ་བར་མཛད་པ་དེ་བཞིན་དུ་བདག་གི་ཀྱང་ཡོངས་སུ་བསྔོ་བའི་འདུན་བདང་བཅས་ཏེ་སྔོ་བར་བྱེད་ན་རྗེས་མཐུན་གྱི་བསྔོ་བ་ཡང་དག་པར་འགྱུར་པར་གསུངས་པ་དང་རྗེས་སུ་འབྲེལ་བར། ཆོས་རྣམས་ཐམས་ཅད་རྐྱེན་བཞིན་དུ། འདུན་པའི་རྩེ་ལ་རབ་ཏུ་གནས། ཞེས་པ་ལྟར་འདུན་པ་རྩེ་གཅིག་པས་རྗེས་སུ་ཡི་རང་བའི་སྒོ་ནས་བསྔོ་སྨོན་གྱི་རིམ་པ་གྱི་རིམ་པ་སྤེལ་བའང་ཉེས་པའི་ནོངས་པ་མེད་པར་མ་ཟད་དོན་ཆེན་པོ་ཡོད་པས་ན། འདིར་ཡང་དེ་དོན་དང་མཐུན་པའི་བསྔོ་སྨྱོན་གྱི་རིམ་པ་ཅུང་ཟད་ཅིག་ཚིགས་སུ་བཅད་དེ་སྤེལ་བ་ནི་འདི་ལྟར། མངྒ་ལ་ཤྲཱི་ཛ་ཡནྟུ། རང་བཞིན་མ་གྲུབ་ངོ་བོས་ཡོངས་སྟོང་མཁའ་དང་མཉམ་པའི་ཆོས་དབྱིངས་དང་། ལྷན་ཅིག་ངེས་པ་ལྔ་ལྡན་འཁོར་ལོ་རྣམ་པ་ཀུན་ཁྱབ་སྦྲིན་བཀོད་ནས། གང་འདུལ་སྒྱུ་འཕྲུལ་དྲྭ་བའི་འོད་ཟེར་བསམ་ཡས་རྟག་པར་འཕྲོ་བ་ཡི། སྐུ་གསུམ་རྒྱལ་བ་རྒྱ་མཚོའི་ཚོགས་ཀྱིས་དགེ་ལེགས་གཡོ་བ་མེད་པར་མཛོད། ༡ བྲལ་དང་སྨིན་པའི་ཡོན་ཏན་ཀུན་གྱི་ཕོ་རོལ་ཕྱིན་པའི་རྒྱལ་ཐབས་སུ། སྤངས་དང་རྟོགས་པའི་ཡེ་ཤེས་གར་གྱིས་བདེ་བར་རྩེན་
པའི་རྫོགས་སངས་རྒྱས། །ཇི་ལྟ་ཇི་སྙེད་མཁྱེན་པ་ཕུལ་བྱུང་འཕགས་ཚོགས་སྲས་དང་བཅས་རྣམས་ཀྱིས། ཐགུས་རྗེ་ཆེན་པོའི་འཇུག་པ་བསམ་ཡས་འདིན་ལན་གཅིག་བསྐྱེད་དུ་གསོལ། ༢ གང་ཞིག་འཁོར་གསུམ་མཚན་མར་འཛིན་པའི་ཆོས་ཀུན་ཀ་ནས་དག་པ་ཡི། །སྤྱོད་ཡུལ་ལྷུན་གྱིས་གྲུབ་པའི་དབང་ཕྱུག་རྒྱལ་སྲས་འཇམ་དཔལ་དཔའ་བོ་དང་། །ཀུན་ཏུ་བཟང་དང་སྤྱན་གཟིགས་ལ་སོགས་གྲགས་ལྡན་བྱང་ཆུབ་སེམས་དཔའ་རྣམས། །ལེགས་བྱས་མི་ཟད་རྒྱན་གྱི་འཁོར་ལོར་སྤེལ་བའི་གྲོགས་སུ་དེ་སྤྱོན་ཅིང་། ༣ །མཐའ་གཅིག་ཞི་བ་བདེ་བའི་དགའ་སྟོན་བསོད་ནམས་ཀུན་གྱི་སྙིང་པོ་ར། །སྒྲིམ་བྲལ་བློ་ཡིས་ལེགས་པར་མཐོང་བས་དཀར་པོའི་ཆོས་ལ་རྟག་གནས་པ། །ལྷ་དང་དྲོང་སྲོང་གྲུབ་པའི་ཚོགས་རྣམ་དེང་འདིར་བྱང་ཆུབ་སྤྱོད་པ་ཡི། །ཆོ་འཕྲུལ་མི་ཟད་སྤྲོ་བའི་དཔལ་ལ་དགའ་ཆེན་རོལ་མོ་སྒྲོག་པར་གྱིས། ༤ སྲིད་དང་ཞི་བ་ཀུན་གྱི་ཁམས་ནས་ཀུན་དང་མི་མཚུངས་མཚུངས་མེད་པའི། །ལས་དང་སྐལ་བའི་བགོ་སྐལ་བཅིག་པུར་དུས་སུ་སོན་པའི་ལེགས་བྱས་ནི། །རྨད་དུ་བྱུང་བ་འདི་ཡིས་ཉེར་མཚོན་འཕགས་དང་སོ་སྐྱེ་མ་ལུས་པས། །དུས་གསུམ་བསགས་པའི་དགེ་ཚོགས་ཅི་མཆིས་མ་ལུས་གཅིག་ཏུ་བསྡོམས་བྱས་ནས། ༥ ཆོས་དབྱིངས་མཐའ་དང་བྲལ་བའི་རྩེ་དགར་ཡང་དག་འཁྱུད་པའི་ཉེར་ལེན་དུ། །རིན་ཐང་བྲལ་བའི་ཡོན་ཏན་ཀུན་ཚང་ཉེས་པའི་སྐྱོན་རྣམས་སྤངས་པ་ཡི། །བྱང་ཆུབ་སྙིང་པོར་ཡོངས་སུ་བསྔོ་བའི་བདུད་རྩིའི་སྤྲིན་གྱི་བླ་བྲེ་ནི། །ཀུན་མཁྱེན་མཁའ་ན་ཡང་དག་བྲེས་པའི་དམ་བཅའ་བདག་གི་
དེ་རིང་ལེན། ༦ །དམ་པའི་དོན་དུ་དངོས་པོའི་ཆོས་རྣམས་བདེན་པར་གྲུབ་པ་མེད་མོད་ཀྱང་། །མེད་སྣང་འཁྲུལ་བས་རྟག་ཏུ་ཡོངས་བསླུས་གཟུང་འཛིན་གཡང་སར་འཆེས་པ་ཡི། །འཁྲུལ་འཁོར་ཐོག་མཐའ་མེད་པའི་ཡུལ་རྣམས་དེང་ནས་གཟུང་སྟེ་སྟོང་བ་དང་། །རྟེན་འབྱུང་དབྱེར་མེད་ཡེ་ཤེས་དབྱིངས་སུ་རྩད་ནས་དག་པ་ཉིད་གྱུར་ཅིག ༧ མིང་ཙམ་ཉིད་ཀྱང་དྲན་མི་ཕོད་པ་ཤིན་ཏུ་ཡ་ངའི་བསྟི་གནས་སུ། །མི་བཟད་སྡིག་པའི་ལས་ཀྱིས་བསྐྲུན་པའི་རིམ་པ་བརྒྱད་པོ་ཉེ་འཁོར་བཅས། །གནས་ངན་ལེན་གྱི་རྣམ་སྨིན་རྒྱུ་བ་ཀུན་ནས་ཆད་པའི་རྟེན་འབྲེལ་གྱིས། །སྟོང་ཆེན་ཆོས་སྐུའི་རྒྱལ་ཐབས་ཆེན་པོར་དབང་བསྒྱུར་ཕུན་སུམ་ཚོགས་གྱུར་ཅིག ༧ །དེ་བཞིན་བཀྲེས་དང་བསྐོས་དང་སྐོམ་བས་མནར་བའི་ཚོར་བ་མི་བཟད་གནས་རྣགས་དང་། །སྡིག་དང་སྡུག་བསྔལ་བརྒྱ་ཡིས་ཉམ་ལེན་དུད་པར་འགྲོ་བ་དེ་དག་ཀུན། མི་དགེ་སྤྱོད་པའི་སྤྲོས་པ་མཁའ་ལྟར་དབེན་པའི་གནས་སུ་ནུབ་པ་ཡི། །དགེ་མཚན་གསལ་བ་བདེ་ཆེན་ངོ་བོའི་འདུ་འགོད་རབ་ཏུ་བདོ་གྱུར་ཅིག ༩ །འཆི་འཕོ་ལྟུང་བའི་ཆད་པ་དྲག་པོའི་དམ་ལ་གནམ་པའི་མཐོ་རིས་དང་། །མི་བདེའི་སྡང་སེམས་བྱ་ངས་དུས་འདའ་སྦྱིན་སྐྱེས་བུ་ཡི་ཁམས་རྣམས་ཀྱང་། །ཟག་བཅས་ལས་ཀྱི་བདུད་གྱི་སྒྱུ་མེད་འཁོར་བ་མཐའ་ཅན་བགྱིད་པ་ཡི། །དཀྱིལ་འཁོར་འཁོར་ལོའི་རང་གཟུགས་ཉིད་དུ་གེགས་མེད་པར་ཡང་འཁྱིལ་གྱུར་ཅིག ༡༠ ཆགས་དང་སྔར་སོགས་ཉོན་མོངས་དུ་མའི་རང་བཞིན་རྣམ་པར་ཀུན་ནས་ཀྱང་། །དགའ་བའི་གནས་མེད་སྡིག་པས་ཡོངས་བཟུང་འཆིང་པའི་རྒྱ་ལས་མི་འདའ་བ། །ད་ལྟ་བདག་ཅག་གནས་པའི་འཇིག་རྟེན་
སྣོད་བཅུད་གཉིས་པོ་འདི་ཉིད་ཀྱང་། །བདེ་ལྡན་དག་པའི་ཞིང་གི་སྣང་བ་དམ་པའི་ཕྱག་རྒྱས་ཐེབས་གྱུར་ཅིག ༡༡ །སྨྲ་བ་ཤེས་ཤིང་དོན་རྣམས་གོ་བའི་མཆན་ཉིད་ཚད་དང་ལྡན་བཞིན་དུ། །ཤིན་ཏུ་བླང་དོར་ཕྱིན་ཅི་ལོག་པས་བསླུ་འོས་མ་མཆིས་འགྲོ་འདི་དག །མ་བརྟགས་ཉམས་དགའི་གཡུལ་ལས་རྒྱལ་ནས་རྟག་ཏུ་ལེགས་པར་སྤྱོད་པ་ཡི། །རྒྱལ་ཐབས་གཞོམ་དུ་མེད་པའི་གླིང་དུ་ཐམས་ཅད་བདེ་བར་འཁོད་གྱུར་ཅིག ༡༢ གཏན་གྱི་བདེ་བ་དམ་པའི་འབྱུང་གནས་སྲིད་ན་རིན་ཐང་དང་བྲལ་བ། །རིན་ཆེན་རྣམ་གསུམ་ཁྱད་ཆོས་དྲུག་ལྡན་སྒྲོན་མེའི་སྣང་བ་མཐའ་ཡས་པས། །ནམ་མཁའི་མུ་དང་རག་ཏུ་མཉམ་པའི་འགྲོ་ཁམས་རྒྱ་མཚོ་ཡོངས་བཟུང་བའི། །ངོ་མཚར་བླ་མེད་རྟག་པར་མི་ཤིགས་ཆོས་དབྱིངས་རྒྱན་དུ་རྒྱས་གྱུར་ཅིག ༡༣ ཐུགས་རྗེ་ཚད་མེད་སྟོན་མཆོག་ཐུབ་དབང་གང་གི་ལུང་རྟོགས་བསྟན་པ་ཡི། །ཆོས་ཀྱི་འཁོར་ལོ་བཤད་དང་སྒྲུབ་པའི་ལྨ་ནས་འཁོར་བ་མ་སྟོང་བར། །ཕན་དང་བདེ་བ་མཆོག་གི་དཔྱིད་དུ་རྟག་པར་འཕེལ་ཞིང་གནས་པ་ཡི། །དགའ་སྟོན་སྟུག་པོ་གསེར་གྱི་རི་ལྟར་རྣམ་ཀུན་སྟོབས་དང་ལྡན་གྱུར་ཅིག ༡༤ གང་ཞིག་གང་དུ་མཆིས་པ་དེ་ན་བདེ་བ་ཆེན་པོའི་འོད་འབར་བ། རེས་མེད་རྒྱལ་བསྟན་ནོར་བུའི་གྲོང་ཁྱེར་ནོར་འཛིན་ཁྱོན་ཀུན་གང་སྣང་བ། །ཐམས་ཅད་དཀོན་མཆོག་བླ་མར་བྱེད་པའི་རྒྱལ་ཁམས་ཀུན་གྱིས་སྤྱི་བོ་ན། །རྟག་པར་བརྗིད་ཆགས་འདུས་བྱས་ཉམས་པའི་ཆོས་དང་རྣམ་ཀུན་བྲལ་གྱུར་ཅིག ༡༥ །ཐེག་གསུམ་མདོ་སྔགས་ཆོས་ཀྱི་དགེ་མཚན་རྒྱ་མཚོའི་གོས་ཅན་མཐར་ཐུག་བར། །ཕུ་སུམ་ཚོགས་པར་བརྡལ་བའི་མཐུ་དང་མཐའ་ཡས་འགྲོ་བའི་
མགོན་གྱུར་པའི། །སངས་རྒྱས་བྱང་སེམས་ཡེ་ཤེས་ཡོངས་ཟློས་སྤྲུལ་པའི་སྐྱེ་བོ་གྲངས་མེད་པ། །དུས་གསུམ་ཀུན་ཏུས་རྣམས་གང་བ་སྲིད་འདིར་རྒྱུན་དུ་འབྱོན་གྱུར་ཅིག ༡༦ མཁྱེན་དང་བརྩེ་བའི་ཡོན་ཏན་རྨད་བྱུང་རྣམ་ཐར་ཁྱད་འཕགས་ལ་གནས་པ། །བསྟན་འཛིན་སྐྱེས་བུ་ཉི་མ་ལྟ་བུ་གང་ན་སུ་བཞུགས་ཐམས་ཅད་ཀྱང་། །བསྟན་འགྲོའི་དོན་ཆེན་སྐད་ཅིག་དེར་ཡང་འབྱམས་ཀླས་འགྲུབ་བཞིན་སྲིད་མཐའི་བར། །བདུད་ལས་རྣམ་རྒྱལ་འཚོ་གཞེས་དཀྱིལ་འཁོར་ནམ་ཡང་གཡོ་བ་མེད་གྱུར་ཅིག ༡༧ །མཐུན་པར་ཞུགས་ཤིང་ཐལ་མོ་སྦྱར་བའི་འོས་གྱུར་བསོད་ནམས་དཔལ་གྱི་ཞིང་། །ནང་གི་དྲ་རྣམས་ལྷག་མེད་བཅོམ་ཡང་སེམས་དཔའི་བརྟུལ་ཞུགས་མི་གཏོང་བ། །ཡོན་གནས་དགེ་འདུན་འདུས་པའི་ཚོགས་རྣམས་ངུར་སྨིག་གོས་ཀྱིས་བཀླུབས་བཞིན་དུ། །བྱེ་བ་ཕྲག་བརྒྱའི་སྒྱུ་འཕྲུལ་རོལ་པས་འཇིག་རྟེན་ཁམས་ཀུན་མཛེས་གྱུར་ཅིག ༡༨ །གང་དུ་སྐྱེས་པའི་འགྲོ་བ་མ་ལུས་ཐུབ་པའི་ཆོས་དང་འཕྲད་གྱུར་ནས། །བར་ཆད་མེད་པར་སྒྲིབ་གཉིས་སྤོང་པའི་གོ་ཆ་མཆོག་ཏུ་བགོ་བ་ན། །སྲིད་པ་རྣག་རྗེས་ལྟ་བུར་འཚལ་བའི་གོ་སྐབས་འབྱེད་པའི་དེ་མ་ཐག །དེན་གཉིས་སྡུན་འགྲུབ་རྒྱལ་སྲིད་དཔལ་རྟག་ཏུ་ལོངས་སྤྱོད་ཐོབ་གྱུར་ཅིག ༡༩ །ཚེ་འདི་མི་རྟག་སྒྱུ་མའི་གར་འདྲ་འཁོར་བསྡུག་བསྔལ་ཀུན་གྱི་གནས། །བྱས་པའི་ལས་རྣམས་ཆུད་མི་ཟ་བ་དེ་དང་དེ་དག་རྣམས་སུ་ནི། །ངེས་འབྱུང་ཡིད་ཆེས་བློ་སྦྱངས་རབ་གཤིམས་དལ་འབྱོར་ཉིད་ཀྱང་རྙེད་དཀའ་བས། །དོན་ལྡན་བྱེད་པ་དམ་བཅའའི་འཁྲུལ་འཁོར་སྲིད་ཞིའི་བླ་ན་བརྗིད་གྱུར་ཅིག ༢༠ །འདོད་པའི་ཡོན་ཏན་ལྔ་ཡི་གཡང་སར་ལྷུང་
པའི་ཆོས་བརྒྱད་འཕྲང་གཟར་པོ། །བག་ཡོད་དྲན་ཤེས་མིག་གིས་བསྲུངས་ནས་ཐུབ་པ་གཤེགས་པའི་ལམ་ཡངས་བོར། །ཐབས་ཤེས་གོམ་པ་འདོར་བའི་ཉེར་ལེན་ལུང་རྟོགས་བདེ་བའི་ཐང་ཆེན་དུ། །བློ་གྲོས་རྩལ་སྦྱངས་ཕུན་སུམ་ཚོགས་པའི་བསམ་སྦྱོར་རྟག་ཅིང་བརྟན་གྱུར་ཅིག ༢༡ །དགའ་དང་དད་པའི་སེམས་ཀྱི་རྗེས་འབྲངས་ཐར་ལམ་དཀར་བའི་ཡོན་ཏན་དཔྱིད། །ཆོས་གོས་གསུམ་དང་སྡེ་སྣོད་གསུམ་སྟེ་དེ་བཞིན་བསླབ་པ་གསུམ་གྱིས་ནི། ལུས་ངག་ཡིད་གསུམ་མཛེས་པར་རབ་བརྒྱན་མཛེས་པར་གྱུར་པ་དེ་ལྟ་བུའི། །ཆོས་ཀྱི་མཆོད་སྡོང་ཆེན་པོ་འཕགས་ལ་སུ་ཡང་སྐལ་མེད་པ་གྱུར་ཅིག ༢༢ ཉིས་བརྒྱ་ལྔ་བཅུའི་ཁྲིམས་ཀྱི་སྐ་རགས་དམ་པོར་འཆིང་པའི་ཐོད་དེ་ནས། །སྨོན་འཇུག་སྡོམ་པའི་གོ་ཆ་རབ་མཁྲེགས་དག་པ་རབ་འབྱམས་དམ་ཚིག་གི །སྤོས་ཀྱི་གླང་པོའི་སྟེང་ན་ངལ་གསོ་འཁོར་བའི་གཡུལ་ངོ་འཇོམས་པ་ཡི། སྡོམ་པ་གསུམ་གྱི་ནུས་མཐུ་འཆང་བའི་སྐྱེ་བོར་ས་རྣམས་གང་གྱུར་ཅིག ༢༣ ཟབ་དང་རྒྱ་ཆེའི་གཞུང་ལུགས་རྒྱ་མཚོ་ཐོས་པའི་མགྲིན་པས་རྡུབ་པ་དང་། །དེ་དོན་བསམ་པའི་ཤེས་རབ་ནོར་བུ་ཅི་དགྲ་བསྐྲུན་དང་ཆབས་ཅིག་པ། ཡང་དག་དོན་གྱི་སྙིན་པོ་སྒོམ་པའི་ཉི་མ་སྟོང་འབྲ་ལས་ཉོན་གྱི། །རི་དང་ནགས་ཚལ་གཅིག་ཆར་བསྲེགས་པའི་དྲང་སྲོང་བརྒྱ་ཕྲག་གསལ་གྱུར་ཅིག ༢༤ །ཤེས་བྱ་མ་ལུས་འཆད་པའི་གནས་ལ་ཆགས་དང་ཐོགས་པའི་གོ་ལ་ས་མེད། །བརྒལ་བརྟག་དགག་སྒྲུབ་རྩོད་པའི་དཔལ་ནི་ལུང་དང་རིགས་པའི་ཆོ་འཕྲུལ་བཞིན། །ཡང་དག་ལེགས་བཤད་རྩོམ་པའི་ངག་ལ་དབྱངས་ཅན་ངག་གི་ཁ་བྱེ་བའི། མཁས་པའི་གོ་སར་ལུས་
ཅན་ཐམས་ཅད་དབྱེ་བ་མེད་པར་རྩེ་ན་གྱུར་ཅིག ༢༥ །དངོས་དང་བརྒྱུད་ནས་ཀུན་མཁྱེན་རྒྱུ་རུ་ཉེ་བར་འགྲོ་བའི་གནས་ལུགས་ཅན། །བཅུ་ཕྲག་རིག་པའི་གནས་རྣམས་ལ་སོགས་ཐུན་མོང་ཐུན་མིན་ཤེས་བྱ་ཀུན། །འབྲས་བུ་བཟང་པོ་ཕྱི་མཐར་རྩི་སླད་ཤེས་བརྩོན་མཉམ་པར་བརྡལ་བ་ལ། །རྒྱལ་བ་ཀུན་གྱི་རྣམ་ཐར་སྒྲིབ་མེད་འགྲོ་བའི་སྙིང་གར་རྫོགས་གྱུར་ཅིག ༢༦ །ཟག་པ་མ་ལུས་ཀུན་ནས་ཟད་ཅིང་རྟོགས་པ་མཐར་ཕྱིན་གྱུར་པའི་གནས། །བསོད་ནམས་དང་ནི་ཡེ་ཤེས་ཉིད་དེ་ཚོགས་གཉིས་རྒྱ་མཚོ་ལྟར་བསགས་པའི། སྤྱོད་པ་རྨད་བྱུངས་དང་ལམ་གྱི་རིམ་པ་ཐམས་ཅད་འདེར་བགྲོད་ནས། །ཟུང་འཇུག་མངོན་དུ་བྱེད་པའི་ཉེར་འཚོ་མཁའ་ལ་སྤྲིན་བཞིན་གཏིབས་གྱུར་ཅིག ༢༧ ཤིན་ཏུ་རྙེད་དཀའ་ཟབ་མོའི་རང་བཞིན་མྱུར་ལམ་བླ་ན་མེད་པའི་ཕུལ། །ཆོས་དབྱིངས་དམ་པ་ཟད་མི་ཤེས་པ་གསང་ཆེན་རྡོ་རྗེ་ཐེག་པ་ཡི། །བསྐྱེད་དང་རྫོགས་པའི་རིམ་པ་ཡོ་ལང་རིགས་དྲུག་གྲོང་ཁྱེར་འོག་མིན་གྱི། །སྟུག་པོ་བཀོད་པའི་རྣལ་འབྱོར་ཉིད་དུ་ཁ་སྦྱོར་དཔལ་དང་ལྡན་གྱུར་ཅིག ༢༨ །བདག་པས་གཞན་གཅེས་བྱང་ཆུབ་སེམས་འབྱོངས་སྟོང་ཉིད་སྙིང་རྗེའི་འཁོར་ལོས་སྒྱུར། །ཐ་མལ་མ་ལུས་ལྷ་དང་སྔགས་ཀྱི་རྣལ་འབྱོར་ཕུལ་ཕྱིན་ཁྱད་པར་ཡང་། །རླུང་སེམས་དྷུ་ཏིར་དག་པའི་དབྱིངས་ནས་དབེན་གསུམ་ལས་སྐྱེས་བདེ་སྟོང་གི། །ཏིང་འཛིན་མཐར་ཕྱིན་མཆོག་དང་དངོས་གྲུབ་པ་རྣམས་ཀྱིས་སྲིད་གསུམ་འགེངས་གྱུར་ཅིག ༢༩ གངས་ཅན་འདི་ན་མདོ་དང་སྔགས་ཀྱི་བསྟན་པ་དྲི་གྲལ་རྣལ་བའི་དོན། །ཡང་དག་འཛིན་པའི་ངོ་མཚར་རྨད་བྱུང་འཇམ་མགོན་བླ་མའི་རིང་ལུགས་གང་། །འགྲོད་པ་གཅིག་པུའི་
ཉེ་ལམ་ངེས་ཕྱིར་འཁོར་ལོ་གཉིས་ཀྱི་སྒོ་ནས་སུ། །ཕྱོགས་དུས་ཀུན་ཏུ་དར་རྒྱས་དངོམ་བཞིན་བསྐལ་མང་མཐའ་ལ་གནས་གྱུར་ཅིག ༣༠ ཁྱད་པར་ཡོངས་རྫོགས་བསྟན་པའི་མངའ་བདག་གངས་ཅན་སྐྱེ་བོའི་སྐྱབས་གཅིག་པུ། །བཀའ་དྲིན་སངས་རྒྱས་སོང་ལས་ལྷག་པ་རྒྱལ་དབང་ཐམས་ཅད་མཁྱེན་པའི་ཞབས། །ཐུབ་བསྟན་རྒྱ་མཚོའི་མཚན་དཔེའི་དཀྱིལ་འཁོར་ཞིང་འདིར་སྲིད་མཐའི་བར་དུ་ཡང་། །མཚི་ཞིང་གཞེས་པའི་དགའ་སྟོན་དེ་ནི་གཞར་ཡང་གཡོ་བ་མེད་གྱུར་ཅིག ༣༡ །འགྲོ་བ་བདེ་ཞིང་བསྟན་པ་འཕེལ་བའི་རྩ་ལག་གཅིག་གྱུར་སྲིད་གསུམ་ཁོངས། །ཆོས་སྲིད་ལེགས་བྱས་རི་དབང་ལྟར་མཐོ་གནམ་བསྐོས་དགའ་བ་བརྒྱ་ལྡན་པའི། །རྒྱལ་ཐབས་ཆེན་པོ་འཇིག་རྟེན་ཀུན་ན་ཕྱོགས་ལས་རྣམ་པར་རྒྱལ་བའི་ངང་། །མངའ་ཐང་དབུ་འཕང་སྲིད་པའི་རྩེ་མོར་རྟག་ཏུ་གཡོ་མེད་ཕྱོགས་གྱུར་ཅིག ༣༢ ནག་ཕྱོགས་ཀླ་ཀློ་གདུག་པའི་དཔུང་སོགས་བསྟན་ལ་འཚེ་བྱེད་ཐམས་ཅད་པ། །ནམ་ཡང་ལྡང་བའི་གོ་སྐབས་མེད་ཅིང་ཤ་ཟ་འབྱུང་པོའི་ཚོགས་རྣམས་ཀྱང་། །གནོད་འཚེའི་བསམ་སྦྱོར་ཞི་བར་རབ་སྤང་ཁྱད་པར་དུ་ཡང་མཐའ་དམག་གི །རྒྱུ་འགྲུལ་ཐམས་ཅད་འཁོར་བ་མ་སྟོང་བར་དུ་འབྱུང་བར་མ་གྱུར་ཅིག ༣༣ །ཆུ་གཏེར་བཞི་ཡི་སྐ་རགས་འཆིང་པའི་ནོར་འཛིན་དགའ་མ་མཛའ་གྲོགས་སུ། །ཐོབ་པའི་བསོད་སྐལ་དམན་པར་མ་གྱུར་ས་བདག་སྟོབས་དང་ལྡན་རྣམས་ཀྱང་། །རང་རང་སྡེ་དང་མ་བར་རིས་གང་ཡོད་དེ་ཡིས་རྟག་ཏུ་ཆོ་ག་ཤེས་ཏེ། །གཞན་ལ་འགྱེད་དང་རྩོད་པའི་རིམ་པ་ནམ་ཡང་བརྩམས་པར་མ་གྱུར་ཅིག ༣༤ ས་ལ་དབང་བསྐྱུར་རྒྱལ་དང་བློན་རྣམས་ཁྲེལ་དང་ངོ་ཚལ་གནས་
ཏེ། སྒྱུ་མའི་ནོར་གྱིས་བསླད་པ་མེད་པའི་ཁྲིམས་སྲིད་གསེར་གྱི་གདུགས་དཀར་གྱིས། །མངའ་འབངས་ཐམས་ཅད་མནར་གཅོད་བྲལ་བའི་བདེ་དང་སྐྱིད་པར་སྐྱོང་བ་ཡི། །བདག་རྐྱེན་བཟང་པོ་ལྷ་ཡུལ་ལྟ་བུའི་འབབས་སྟེགས་རྒྱུན་དུ་བཞེས་གྱུར་ཅིག ༣༥ །མདོ་ཁམས་བསྟན་པའི་རྩ་ལག་རྨད་བྱུག་སྡེ་བཞི་དགེ་བ་བཅུ་ལྡན་གྱི། །རྒྱལ་ཁབ་ཆེན་པོའི་བ་གམ་དག་ཀྱང་ཕྱོགས་ཀྱི་རྒྱལ་ཕྲན་གཙུག་ན་མཐོ། །ཕན་བདེའི་ཉེར་མཆོག་ཏུ་གྱུར་ཕྱིར་མངའ་ཐང་ཟླ་བ་ཡང་ངོ་ལྟར། །དེང་ནས་བཟུང་སྟེ་གོང་འཕེལ་འབྱུང་བའི་རྟེན་འབྲེལ་ཤིན་ཏུ་མཁྲིགས་གྱུར་ཅིག ༣༦ །སྐྱེ་བོ་མ་ལུས་སྒོ་གསུམ་དགེ་བ་ཁོ་ནར་གཞོལ་བའི་རང་བཞིན་ལས། །སྡིག་དང་མི་དགེ་སྦྱོར་བ་མི་འཆེལ་དཀར་པོའི་ལས་དང་མཛའ་དེ་མཐུས། །འདི་དང་ཕྱི་མར་ལེགས་པའི་འབྲས་བུ་ཀུན་ནས་འཚོ་བའི་ལོངས་སྤྱོད་ནི། །ནམ་མཁའི་མཛོད་བཞིན་ཉམས་སུ་མྱོང་བས་དུས་རྣམས་ཀུན་ཏུ་འདའ་གྱུར་ཅིག ༣༧ ལས་དང་རྒྱུ་འབྲས་ཁྱད་དུ་གསོད་ཅིང་དགེ་སྡིག་མི་ཤེས་པ་དང་། །དུག་ལྔའི་རྣམ་འགྱུར་མེ་ལྟར་འབར་ཞིང་བསྟན་པའང་འཆོལ་བར་སྤྱོད་པ་དང་། །སྣོད་བཅུད་འགྱུར་ལྡོག་སྐད་ཅིག་རེར་ཡང་མང་བ་ལ་སོགས་སྙིགས་ལྔ་ཡི། །དུས་རྟགས་ཐམས་ཅད་མི་གནས་ཡི་ཤེས་ཟབ་མོའི་དབྱིངས་སུ་འཇོམས་གྱུར་ཅིག ༣༨ རྒྱལ་ཁམས་ཀུན་དུ་དབུལ་ཕོངས་བཀྲེས་སྐོམ་ལ་སོགས་མུ་གེའི་དད་བ་དང་། །དེ་བཞིན་ནད་དང་ཕྱི་ནང་མི་བདེའི་མཚོན་གྱི་འཁྲུགས་པ་ཇི་སྙེད་སོགས། །བཀྲ་མི་ཤིས་པའི་སྐལ་བ་ངན་པ་གཏན་ནས་མི་འབྱུང་སྒོ་ཀུན་ནས། །རྫོགས་ལྡན་དུས་ཀྱི་དགའ་སྟོན་གསལ་བ་དར་ལ་བབ་པ་
ཉིད་གྱུར་ཅིག ༣༩ བསོད་ནམས་དབང་ཐང་དབྱར་མཚོ་ལྟར་འཕེལ་ཆོས་ནོར་འདོད་དང་ཐར་བ་ཡི། །འབྱོར་བ་རྣམས་ཐོས་སུ་དང་རབ་མཉམ་ཁྱད་པར་ཚེ་ཡི་འཕེན་པ་ནི། །ལྷ་དང་དྲང་སྲོང་རིག་འཛིན་རྣམས་དང་སྐལ་བ་མཉམ་པ་ཤ་སྟག་སྟེ། །བཀྲ་ཤིས་ཀུན་གྱི་བཀྲ་ཤིས་མཆོག་ནི་འཛམ་གླིང་ཀུན་ཏུ་རྒྱས་གྱུར་ཅིག ༤༠ འགྲོ་རྣམས་སྤྱོད་པ་ཆོས་སུ་དཀར་བས་བསྟན་ལ་དགའ་བའི་ལྷ་ཀླུ་སོགས། །དཔལ་མགོན་ཚོགས་རྣམས་གཅིག་ཏུ་ཡི་རངས་གྱུར་པའི་རྣམ་འགྱུར་མཛད་མེད་མཐུས། །ཆར་ཆུས་དུས་འབེབས་ལོ་ཕྱུགས་རྟག་ལེགས་ལ་སོགས་བསོད་ནམས་སྤྲིན་ཆེན་གྱི། །འདོད་ཡོན་རྒྱ་མཚོ་བསྙིལ་བའི་བདག་རྐྱེན་ནམ་ཡང་ལྷོད་པ་མེད་གྱུར་ཅིག །ཡེ་ཤེས་ལས་དང་འཇིག་རྟེན་ཚུལ་བཟང་ཆོས་བཞིན་སྐྱོང་བའི་སྲུང་མ་རྣམས། །ཐུབ་པའི་བསྟན་པ་ཀུན་ནས་སྲུང་བའི་མེ་ལ་ཚེ་ནམ་ཡང་ཆི་གཡེལ་ཞིང་། བཤད་དང་སྒྲུབ་པའི་ཆོས་མཛད་རྣམས་ལ་འགོ་ཞིང་སྟོང་གྲོགས་ཀྱིས་མཚོན་ཏེ། འཇིག་རྟེན་བདེ་བའི་ཕྲིན་ལས་རྣམ་བཞི་ཟད་མེད་སྤྲོ་ལ་བྲེལ་གྱུར་ཅིག ༤༢ བྱང་ཆུབ་སྙིང་པོ་མངོན་དུ་བགྱིད་པའི་དམ་བཅའ་སྙིང་ལ་བརྟན་པ་ནས། །ཐོས་དང་སྒོམ་པའི་ལམ་དུ་ཞུགས་པའི་སྐྱེ་བོ་ཀུན་ལ་རྟག་པར་ཡང་། བདུད་ཀྱི་བར་ཆད་འགལ་རྐྱེན་མི་འབྱུང་མཐུན་རྐྱེན་འབྱོར་བ་ཡིད་བཞིན་དུ། །ཚང་བའི་ངང་ནས་དོན་གཉིས་འབྲས་བུ་གཡུར་དུ་ཟ་བས་སྤ་གྱུར་ཅིག ༤༣ །ཆོས་སྦྱིན་ཟླ་མེད་བསྐྲུན་པའི་བྱེད་པོ་མཆོད་ཡོན་ཉི་ཟླའི་དཀྱིལ་འཁོར་ཡང་། རྒྱལ་བ་གཉིས་པའི་རིང་ལུགས་ཟླ་མེད་ཕྱོགས་མཐར་སྤེལ་བའི་མཐུ་ཐོབ་བཞིན། །བསྟན་འགྲོའི་དོན་ཆེན་ཕུན་སུམ་ཚོགས་འགྲུབ་སྐུ་ཚེ་ཡུན་དུ་རྟག་
པ་ནས། །ཐུགས་ཀྱི་བཞེད་པ་ཅི་མ་ཆིས་ཐམས་ཅད་གེགས་མེད་མཐར་ཕྱིན་འགྲུབ་གྱུར་ཅིག ༤༤ འཆད་ལ་ཐོགས་མེད་གསུང་རབ་ཆུ་རྒྱུན་ལོངས་སྤྱོད་འཁོར་ལོའི་རྫིང་བུར་བསྐྱིལ། །རྩོད་པའི་རིག་ལམ་གནམ་ལྕགས་རལ་གྲིས་མུར་འདུག་ལོག་སྨྲའི་འཁྲི་ཤིང་གཅོད། །རྩོམ་སྙན་ལྡེབ་ལེགས་རིན་ཆེན་ཏོག་གིས་ཐུབ་བསྟན་ཁང་བཟང་མཛེས་བྱས་པའི། །རིས་སུ་མ་ཆད་བསྟན་འཛིན་མཐའ་དག་སྐུ་ཚེ་བསྐལ་བརྒྱལ་བརྟན་གྱུར་ཅིག ༤༥ །གཞན་ཡང་ལེགས་བྱས་འདི་ཡི་གནས་སུ་སྒོ་གསུམ་འབྲེལ་བ་ཐོགས་སོ་ཅོག །གང་ཡིན་མ་ལུས་གནས་སྐབས་མཐར་ཐུགས་བདེ་ལེགས་འབྱོར་བས་མཛའ་བ་ནས། ནམ་ཞིག་ལས་ཉོན་འཆིང་བ་ཀུན་བྲལ་འཁོར་བ་ཡོངས་སུ་དག་པའི་ས། བློ་བཟང་རྒྱལ་བའི་ཞིང་ཁམས་ཆེན་པོར་ཐམས་ཅད་བདེ་བླག་ཕྱིན་གྱུར་ཅིག ༤༦ ཟབ་དང་རྒྱ་ཆེའི་ཆོས་ཀྱི་མཛོད་གྱུར་ཐུབ་དབང་ཞལ་གྱི་མན་ངག་བཞིན། །སྲིད་པའི་གདུང་སེལ་ཆོས་ཀྱི་རྒྱལ་པོའི་ལེགས་གསུང་འདི་རྣམས་ཕྱོགས་དུས་ཀུན། །ཐོས་བསམ་སྒོམ་པའི་ལམ་དུ་རྒྱུ་བས་ཐུབ་བསྟན་རྒྱན་དུ་བརྗིད་དང་བཅས། །བྱམས་པའི་བསྟན་པ་མ་ཤར་བར་དུ་ངོ་མཚར་འགྲིབ་པ་མེད་གྱུར་ཅིག ཆོས་ཉིད་དེ་བཞིན་མཐའ་དང་དབུས་མེད་མཁའ་ལྟར་ཟབ་མོའི་བདེན་པ་དང་། ཆོས་ཅན་རྒྱུ་འབྲས་བསླུ་བ་མེད་པ་བསམ་མི་ཁྱབ་པའི་བདེན་པ་སྟེ། །བདེན་པ་ཆེན་པོའི་དེ་དག་གིས་ནི་བདག་གི་གུས་པས་སྨོས་པ་ཡིས། །རིམ་པ་འདི་རྣམས་དོན་དང་ལྡན་པར་བྱིན་གྱིས་ཡོངས་སུ་བརླབ་གྱུར་ཅིག ༤༨ བཀྲ་ཤིས་སྲིད་དང་ཞི་བའི་ཁམས་ན་མཚུངས་མེད་པའི་དབྱངས་སྙན་མོ། བཀྲ་ཤིས་ཞི་བསིལ་དམ་ཆོས་རྔ་སྒྲས་
མཐའ་ཡས་འཇིག་རྟེན་ཁམས་མང་ནི། །བཀྲ་ཤིས་དགེ་ལེགས་ཡང་དག་བྱེད་པའི་དགེ་མཚན་བསམ་ལས་འདས་པ་ཡི། །བཀྲ་ཤིས་ལེགས་ལམ་དངོས་པོའི་ཆོས་ཀུན་རྟག་ཏུ་སྟོབས་དང་ལྡན་གྱུར་ཅིག ༤༩ དེ་ལྟར་བསྔོ་སྨོན་གྱི་རིམ་པ་ཅུང་ཟད་ཅིག་བསྟར་བས་ལེགས་པའི་མཐའ་ཡོངས་སུ་ཟིན་པར་བྱས་ནས། །སླར་ཡང་སྨྲས་པ། །འགྲོ་བ་སྨིན་པར་བྱེད་པའི་བློ་མངར་ཞིང་། བཟང་པོ་སྤྱོད་པའི་ཡོན་ཏན་བསམ་མི་ཁྱབ། །གྲགས་པ་འཇིག་རྟེན་གསུམ་ན་ལྷང་ངེ་བ། །འཇམ་མགོན་བླ་མའི་ཞབས་ལ་སླར་ཡང་འདུད། །ཁྱོད་ནི་གདོད་ནས་མངོན་པར་སངས་རྒྱས་ཏེ། །ཐུགས་རྗེ་ཕྲིན་ལས་རྒྱལ་བ་ཀུན་ལས་ལྷག དེ་ཕྱིར་ཞིང་ཁམས་རབ་འབྱམས་རྒྱ་མཚོན། །འགྲན་ཟླ་བྲལ་བའི་རྣམ་འདྲེན་གཅིག་པུར་གྱུར། །གང་གིས་ལེགས་གསུངས་ཆོས་ཀྱི་ཕུང་པོ་ཡང་། །རྣམ་གྲོལ་འོད་ཟེར་སྟོང་ཕྲག་འཕྲོ་བ་ཡི། །ལུང་རྟོགས་ཟབ་མོའི་ཉིན་མོར་བྱེད་པ་རུ། །འཁྱིལ་བའི་ངོ་མཚར་བསམ་གྱིས་ཅི་ཞིག་ཁྱབ། །ཐོས་བ་ཙམ་གྱིས་སྡིག་ལྟུང་མང་བསྲེག་ན། །དད་པས་མྱོང་བ་ཀུམ་མཁྱེན་ཡེ་ཤེས་ནི། མྱུར་དུ་མི་ཐོབ་ཅི་ཞིག་དེ་བས་ན། །ཞི་བའི་ལམ་པོ་ཆེ་འདིར་མི་གུས་སུ། །གང་ཞིག་སྔོ་སྨོན་རྣམ་པར་དཀར་བ་ཡིས། །རྩེ་གཅིག་འདི་ལ་བསྟེན་རྣམས་དེ་མ་ཐག །འཁོར་བའི་རྩ་བ་བཅད་པའི་མཐུ་གྲུབ་ཕྱིར། །མཆོག་དངོས་རྙེད་པའི་སྐལ་བ་ཅིས་མ་བཟང་། །ཐོས་པས་རྨོངས་པའི་མུན་ཆེན་དྲུངས་ནས་འབྱིན། །བསམ་པས་ཡང་དག་ཤེས་རབ་གདིང་ནས་རྣེད། །སྒོམ་པས་ཆོས་སྐུ་བདེ་བླག་མཐོང་བོ་སྟེ། །གསུང་རབ་འདི་ཡི་ནུས་པ་བརྗོད་མཐའ་ཡས། །འཆད་པར་བཞེད་ན་ཟབ་དོན་བློ་ཡི་མཛོད། །རྩོད་པར་དགྱེས་ལ་ལུང་རིགས་རྡོ་རྗེའོ་ལྗགས་
རྩོམ་པར་མོས་ཚེ་ལེགས་བཤད་འབའ་ཞིག་པའི། །འབྱུང་གནས་གྱུར་བ་འདི་ནི་རྒྱལ་བ་དངོས། །ཐོས་པ་འདོད་ལ་ཤེས་རབ་མིག་བུ་དང་། །སྒོམ་པ་འདོད་པ་གནས་ལུགས་མ་མ་སྟེ། །དེ་ཕྱིར་ཡིད་བཞིན་ནོར་དང་ལྗོན་བཟང་གིས། །མི་མཚོན་སྔོན་མེད་དཀོན་མཆོག་གཉིས་པ་ཡིན། །དེ་བས་ཐམས་ཅད་མཁྱེན་པ་མངོན་བྱེད་ལ། །ཐོས་སྒོམ་ཟུང་འཇུག་དགོས་པ་རྒྱལ་བའི་བཀའ། །དེས་ན་དེ་དོན་འདོད་པ་རྣམས་ཀྱིས་ནི། །ཚུལ་འདིར་འབད་པ་དྲག་པོས་བསྟིན་ཅིང་ཀྱེ། །བཀའ་དང་བསྟན་བཅོས་ཀུན་གྱི་སྙིང་པོ་རུ། །ཡོངས་སྣང་སྲིད་འདིར་དམ་ཆོས་མ་ལུས་པའི། །གཅེས་ནོར་བླ་ན་མེད་པ་མངོན་སུམ་ལྟར། །འདམ་ག་ནོར་བ་གཞར་ཡང་མི་བགྱིར་འཚལ། །འདི་བྲིས་དགེ་བས་བདག་དང་གཞན་རྣམས་སྐྱེ་བ་ཀུན་ཏུ་ཡང་དག་པའི། །ཆོས་དང་འཕྲད་ནས་ལྟ་སྒོམ་སྤྱོད་པའི་ཆ་རྣམས་འགལ་མེད་རྒྱལ་བ་ནི། །ཀུན་ཏུ་དགྱེས་པའི་ལམ་རྫོགས་བཞིན་མགོན་པོ་ཀུན་ཏུ་གཟིགས་པ་ཡི། །གོ་འཕང་འཆེག་དེ་རིང་པོར་མི་ཐོགས་མྱུར་བར་ཐོབ་པའི་རྒྱུར་གྱུར་ཅིག །ཅེས་བདེ་བར་གཤེགས་པ་སྟོན་པ་ཐུབ་པའི་དང་པོ་དང་གཉིས་སུ་མེད་པ་ཁམས་གསུམ་ཆོས་ཀྱི་རྒྱལ་པོ་གངས་ཅན་བོད་ཀྱི་སྟོན་མཆོག་འཇམ་མགོན་ཙོང་ཁ་པ་ཆེན་པོའི་བཀའ་འབུམ་གྱི་ཕྲེང་བ་རྣམས་ཆོས་སྦྱིན་ཕྱི་མོའི་ལམ་དུ་གསར་དུ་དྲངས་པའི་སྐབས་ན་སྦར་བྱང་གི་སྦྱོར་བ་ཞིག་ཀྱང་དགོས་ཞེས་མཆོད་ཡོན་ཟུང་འབྲེལ་ནས་བཀའ་ཕེབས་སྤྱི་བོར་མཆོད་དེ་སྙོམས་ལས་པ་ཀུ་སེ་བ་འཇམ་དབྱངས་ཆོས་ཀྱི་རྒྱལ་མཚན་གྱིས་དཔལ་སྤུངས་ཡང་དབེན་ནས་སྤེལ་བ་དགེ་ཞིང་བཀྲ་ཤིས་པར་གྱུར་ཅིག། །