ཁྲོས་མའི་སྔོན་འགྲོ་བསགས་སྐབས་ཕྱག་ལེན།
ཁྲོས་མའི་སྔོན་འགྲོ་བསགས་སྐབས་ཕྱག་ལེན་ནི། ཐོ་རངས་མལ་ནས་ལངས་ཏེ་གོས་ཚགས་བསྡམས། རླུང་རོ་འབུད། ངག་བྱིན་རླབས་རྗེས། སྔོན་འགྲོའི་ངག་འདོན་ཟུར་བཀོལ་ལྟར། བླ་མ་རྒྱང་འབོད། ཀྱི། རྒྱལ་དང་རྒྱལ་སྲས་ནས་བསླུ་མེད་གཏན་གྱི་མགོན་པོ་བླ་མ་མཁྱེན༔ ཞེས་པའི་བར། བློ་ལྡོག་རྣམ བཞི་འདོན་བསྒོམ་བྱ། དེ་ནས་ཚོགས་ཞིང་གསལ་བཏབ་ནས། ཌཱ་འུར་རྐང་གསུམ་དང་། སྐྱབས་འགྲོ། ཕཊཿ༔ ཡེ་གཞི་ཀ་དག་ཡེ་གཞི་ཀ་དག །།ལན་གསུམ་རྗེས་་ཌཱ་བཅད་ལ། ཚ་བསགས་མཐར། ཌཱ་བཅས། ཕཊཿ༔ འགྲོ་ཀུན་སྲིད་པའི་སོགས། སེམས་བསྐྱེད་དང་། ཕཊ༔ སྐུ་གསུམ་རྒྱལ་བ་སོགས། ཡན་ལག་བདུན་པ་ལན་གཅིག་མཐར་སྦྲེལ་ཏེ་མཎྜལ། ཕཊ༔ ང་གསུམ་རབ་འབྱམས་ནས་རྣམས་ལ་འབུལ༔ ནས་ཌཱ་བཅད་ལ་བཞག །དེ་ནས་སྐུ་གསུམ་བསྒོམ་བཟླས་ཚིག་ལྷུག ཕཊ༔
སྐད་ཅིག་གིས་ནས། ཀ་དག་གི་སྐུར་སད་པར་བསྒོམཿ༔ བར་དང་། སྔགས། ཨོཾ་བཛྲ་ཀྲོ་དྷི་བཟླས་ནས། རིགས་བདག་རྡོ་རྗེ་ཕག་མོའི་ནས། རོལ་བར་དམིགས་ལ༔ བར་དང་། སྔགས། ཨོཾ་བཛྲ་ཝཱ་ར་ཧཱི་ཅུང་ཟད་བཟླས་ནས། རིགས་བདག་ཀུན་ཏུ་བཟང་མོའིནས། རང་བཞིན་དུ་ཞིག་པར་བསམ༔ བར་དང་། སྔགས། ཨོཾ་བཛྲ་ཝཱ་རཱ་ཧཱི་གཙོ་བོར་བཟླ། མཐར་ཡུམ་ཀུན་ཏུ་བཟང་མོའི་ནས། བདག་ཉིད་ཅན་དུ་གྱུར༔ བར་དང་། སྔགས་ཨོཾབཛྲ་ས་མནྟཱ་བཟླས་མཐར། ཡང་། ཨོཾ་བཛྲ་ས་མནྟ་བྷ་དྲ་ཨཾ༔ དྷརྨ་ཀཱ་ཡ་ས་མ་ཏི་སིདྡྷི་ཨ་ཨ་ཨ༔ ཞེས་སྦྲེལ་བ་ཉུང་ཟད་བཟླས་ལ་མཉམ་པར་བཞག དེ་ནས་བླ་མའི་རྣལ་འབྱོར་ཌཱ་བཅས། ཕཊཿ༔ རང་སྣང་རྣམ་དག་ནས། དབྱེར་མེད་རོལ༔ ནས་ཌཱ་འུར་རྐང་བཞི། ཧཱུཾ༔ གླིང་གི་གླིང་མཆོག་ནས། དབུགས་
དབྱུང་མཛོདཿ༔ གུ་རུ་ཧ་རི་ནི་ས་སིདྡྷི་ཧཱུྃ༔ ཞེས་སྔགས་ལན་གསུམ་ཌཱ་བརྡུང་ནས་བཅད་ལ་བཞག་སྟེ་སྔགས་བཟླ། མཐར་གསོལ་འདེབས་ལ་ཌཱ་བཅས། ཕཊ༔ དུས་གསུམ་སངས་རྒྱས་ནས། གདེང་ཐོབ་ཤོག༔ ཕཊ༔ ཕཊཿ༔ ཕཊ༔ ནསཌཱ་འུར་ནས་དབང་བཞི་ལེན་པ། ཕ་བླ་མ་ནས། ད་འཁོར་འདས་དག་མཉམ་ཨ་ལ་ལ༔ ཕཊ་ཕཊ་ཕཊ༔ མཐར་ཌཱ་འུར་བཞག་ཐབས། དཔལ་ལྡན་རྩ་བའི༴ནས། འཇུག་པར་ཤོག་བར། བ་ཀུན་ཏུ་ནས། མྱུར་ཐོབ་ཤོག་བར་དང་། དེ་ནས་ཕ་དམ་པའི་སྨོན་ལམ་སོགས་བསྔོ་སྨོན་གྱིས་མཇུག་བསྡུས་ཏེ་སྤྱོད་ལམ་ལ་འཇུག དེའི་འགྲོས་ཀྱིས། ཐོར་ཐུན། སྔ་ཐུན། དགོང་ཐུན་སྲོད་ཐུན་ཏེ་ཉིན་ཞག་རེར་ཐུན་བཞི་རེ་དང་། ཐུན་རེ་བཞིན་དུ། ཐུན་རེ་བཞིན་དུ། སྔོན་འགྲོ་ཕྱི་ནང་ངག་བྱིན་རླབས་མ་གཏོགས་ངག་འདོན་བླ་མའི་རྣལ་འབྱོར་གྱི་མཐར་ཐུག་བར་ཆ་ཚང་རེ་གཏོང་
དགོས། དེ་ནི་ཅུང་ཟད་རྒྱས་པའི་ལུགས་ཡིན། ཡང་གྲོང་ན་འདུག་སྐབས་དང་། འབུམ་ལྔ་ཞོར་བསགས་ལྟ་བུ་བསྡུས་པའི་ལུགས་ལ་ནི། ཞོགས་པར་སྔོན་འགྲོ་འགོ་ནས་སྐྱབས་ཕྱག སོགས་གང་བསགས་རྒྱུའི་དེའི་སྐབས་ལ་མ་ཐུག་བར་འདོན་ལ་ཉིན་གང་པོར་དེ་ཉིད་བསགས་ལ། དགོང་མོར་དེ་མན་ཆད་མཐར་ཆགས་སུ་བཏང་ཡང་རུང་ངོ་། །རི་ཁྲོད་ཡིན་ན་ཐོར་ཐུན་གྲོལ་ནས་དཀར་འགྱེད། སྔ་ཐུན་གྲོལ་ནས་ཁྲ་འགྱེད། དགོང་ཐུན་གྲོལ་ནས་དམར་འགྱེད། སྲོད་ཐུན་རྗེས་སུ་ནག་འགྱེད་བཏང་། དེར་མ་ཟད་ཐོར་ཐུན་གྱི་རྗེས་སུ་ཆུ་སྦྱིན། སྔ་ཐུན་རྗེས་སུ་བཤགས་པ་ཆེ་ཆུང་དང་སྦྲགས་བརྒྱ་ཕྱག་འཚལ། དགོང་ཐུན་རྗེས་སུ་གཏེར་གསར་གསོལ་ཀ སྲོད་ཐུན་གྲོལ་རྗེས། བསམ་ལྷུན་དང་བསམ་པ་མྱུར་འགྲུབ་མ་སོགས་བཏང་། གང་ལྟར་སྔོན་འགྲོ་བསགས་རྒྱུ་ནི། འབུམ་ལྔ་ཟེར་ཡང་། སྐྱབས་ཕྱག་སྦྲག་མ་འབུམ། སེམས་བསྐྱེད་འབུམ། མཎྜལ་འབུམ། སྐུ་གསུམ་མཁའ་འགྲོའི་སྔགས་ཚན་གསུམ་འབུམ་རེ་རེ། བླ་
མའི་རྣལ་འབྱོར་མཚན་སྔགས་འབྲུ་འབུམ་བཅས་དེ་རྣམས་ཁ་སྐོང་བཅས་འགྲོ་དགོས་པ་ནི། བརྒྱུད་པ་འདིའི་ཕྱག་བཞེས་ཡིན་ནོ། །ཞེས་པའང་དང་པོའི་ལས་ཅན་རྣམས་ལ་ཕན་ཆེད་ཀུ་སཱ་ལི་ཁྲོ་རྒྱལ་རྡོ་རྗེས་སུག་བྲིས་སུ་བགྱིས་པ་དགེའོ།།
ཤོག་སྟོང་།