སྤར་བྱང་སྨོན་ཚིག

གུ་རུའི་ཐུགས་ཀྱི་རྣམ་སྤྲུལ་༧སྐྱབས་རྗེ་བྱ་བྲལ་སངས་རྒྱས་རྡོ་རྗེ་རིན་པོ་ཆེའི་བཀའ་དགོངས་བཞིན་སྲས་མོ་ས་ར་སྭ་སྟི་མཆོག་ནས་བཀས་བསྐུལ་བ་ལྟར་༧སྐྱབས་རྗེ་བྱ་བྲལ་སངས་རྒྱས་རྡོ་རྗེ་རིན་པོ་ཆེའི་བཀའ་འབུམ་རིན་པོ་ཆེ་ཞུ་དག་དང་གོ་སྒྲིགས་དང་སྤར་བསྐྲུན་བཅས་བདག་ཅག་རྣམས་ནས་ལེགས་པར་ཞུས་པའི་དགེ་བ་ལ་བརྟེན་ནས་གནས་སྐབས་འཛམ་གླིང་ཞི་བདེའི་དཔལ་ལ་གནས་པ་དང་མཐར་ཐུག་སེམས་ཅན་ཐམས་ཅད་སངས་རྒྱས་ཀྱི་གོ་འཕང་འཐོབ་པའི་རྒྱུར་གྱུར་ཅིག །ཅེས་པའང་༸སྐྱབས་རྗེ་ཡིད་བཞིན་ནོར་བུའི་དངོས་སློབ་ཐ་ཤལ་བ་མཁན་མིང་བིདྱཱ་དྷཱ་རས་སྤྱི་ལོ་༢༠༡༦ཟླ་༡༠་ཚེས་༥བཟང་པོར་སྦྱར་བ་དགེའོ། །དགེའོ། །དགེའོ།། །