སྣ་བདུན་དང་རྟགས་བརྒྱད་རྫས་བརྒྱད་བཅས།།
༄༅། །སྣ་བདུན་ནི། ཧཱུཾ་རྒྱལ་སྲིད་རིན་ཆེན་སྣ་བདུན་པོ། །སྐལ་ལྡན་བུ་ལ་བྱིན་པ་ཡིསཿ འཁོར་ལོས་སྒྱུར་བའི་རྒྱལ་པོ་དང་། །མཚུངས་པའི་བསོད་ནམས་ཐོབ་པར་ཤོག །ༀ་སབྟ་ཨུ་པ་རཏྣ་ཨ་བྷི་ཥིཉྩ་ཧཱུཾ། རྟགས་བརྒྱད་ནི། ཧཱུཾ་གདུགས་དང་གསེར་ཉ་བུམ་པ་བཟང་། །པདྨ་དུང་དཀར་དཔལ་བེའུ་སོགས། །རྒྱལ་མཚན་འཁོར་ལོ་འདིས་བརྒྱན་པས། །དུས་རྣམས་ཀུན་ཏུ་ཤིས་པར་ཤོག །ཨཥྚ་མང་ག་ལམ་ཨ་བྷི་ཥིཉྩ་ཧཱུཾ། རྫས་བརྒྱད་ནི། ཧཱུཾ་སྔོན་དུས་ཤཱཀྱ་ཐུབ་པ་ཡིས། །བྱིན་གྱིས་བརླབས་པའི་རྫས་མཆོག་བརྒྱད། །སྐལ་ལྡན་བུ་ལ་བྱིན་པ་ཡིས། །བཀྲ་ཤིས་ཕུན་སུམ་ཚོགས་པར་ཤོག །ༀ་མངྒ་ལ་ཀུ་རུ་ཨ་བྷི་ཥིཉྩ་ཧཱུཾ། དེ་ནས་ཡེ་དྷརྨ༴