རྡོ་གྲུབ་ལུང་བསྟན།

༄༅། རྡོ་གྲུབ་ལུང་བསྟན་བཞུགས།

ན་མོ་གུ་རུ། སྐྱབས་དུས་གསུམ་ཀུན་མཁྱེན་པད་འབྱུང་དང་། དོན་དབྱེར་མེད་མཁྱེན་བརྩེའི་འོད་ཟེར་རྗེ། ཁྱོད་ཀྱི་ཐུགས་རྗེ་ནུས་མཐུ་ཡིས། །འབྱུང་འགྱུར་གྱི་ལུང་བསྟན་གསལ་བར་མཛོདཿ བདག་བློ་བླ་ཀུན་བཟང་གཞན་ཕན་གྱི། །སེམས་ཀུན་ཤེས་རྒྱལ་པོའི་མེ་ལོང་དུ། །དུས་འབྱུང་འགྱུར་གྱི་གཟུགས་བརྙན་འགའ་གསལ་བ། དེ་རེ་དོགས་དང་བྲལ་བཞིན་འདི་ན་ཟློ། ཡུལ་འདི་ག་ཡི་དཀོར་གྱི་གནས་དང་ནི། སྤོར་དགེའི་གནས་ལྷུན་པོ་དཔལ་བརྩེགས་དང་། ཤུག་ཆེན་གནས་འགྲོ་དོན་ལྷུན་གྲུབ་གསུམ། ཡོངས་རྩ་གསུམ་གྱི་བྱིན་རླབས་སྤྲིན་ལྟར་འདུ། དེར་ཕྱག་བསྐོར་ཕན་ཡོནདཔག་མེད་ཀྱང་། སྙིགས་དུས་ཀྱི་འགྲོ་རྣམས་དད་མོས་ཆུང་། དེར་དགོན་གནས་དང་རི་ཁྲོད་ཆགས་གྱུར་ན། ཡུལ་འདི་གའི་འགྲོ་ལ་བདེ་སྐྱིད་འབྱུང་། ཡུལ་འདིའི་སྟོད་སྦས་ཚུལ་རྣལ་འབྱོར་པ། རྗེ་མི་ལས་བྱིན་བརླབས་སྙིང་སྟོབས་ཅན། གང་དེ་ཡིས་སྔར་མེད་གནས་སུ་ནི། རྟེན་གསུམ་བཞེང་ན་བསྟན་འགྲོར་སྨན། མཐར་བདུད་སྤྲུལ་ཟིག་གིས་རྐྱེན་བྱས་དེ། མི་མོས་གཤེ་ཞིང་ཁ་མཆུ་འབེབས། སླར་ཆོས་སྐྱོང་སྲུང་མའི་ཆད་པ་ཡིས། སྐུལ་མེད་དེ་དག་མནར་བར་འགྱུར། བར་དེ་རུ་ཡུལ་ཕྱོགས་གཞན་ཞིག་ནས། འོངས་བའི་བླུན་པོས་ཆོས་ལོག་གི །གཏེར་འདོན་ཅིང་རྡོ་འདིར་ལག་རྗེས་འཇོག །ས་འོག་གི་སྲིན་མོ་ས་སྟེང་དུ་འདོན། དེའི་གྲོགས་བྱེད་སྐལ་མེད་ཐམས་ཅད་འདུ། མི་ནད་དང་ནོར་ནད་སྔར་མེད་འབྱུང་། སྐྱེས་ཆེན་ཞིག་གི་གཙོར་བྱས་པའི། ཉེས་མེད་མང་ཞིང་དུག་གིས་གསོད། བསྟ་སེལ་དང་སྡེ་འཁྲུག་རྐྱེན་ཡང་བྱེད། སྨད་ལྷ་མིན་ལྟར་བརྫུས་ལྷ་པ་དང་། ལྷ་མ་དང་འདས་ལོག་ཚུལ་ཅན་དང་། དེར་མཚུངས་པའི་བུད་མེད་རྒན་ཞིག་གིས། རྐྱེན་བྱས་དེ་ལོག་ལྟ་དར་བ་འབྱུང་། དེ་དག་གི་རྐྱེན་ཀྱིས་རྡོ་ཡུལ་འདིར། ལྷ་མི་ཡི་བསོད་ནམས་འགྲིབ་གྱུར་ན། ཁོང་པད་འབྱུང་གིས་བྱིན་བརླབས་བྱང་ཕྱོགས་ཀྱི། གཏེར་སྟོན་ཞིག་གིས་གསོ་ཡང་སྲིད། དེར་རྟེན་འབྲེལ་མ་འགྲིག་བར་ཆད་ཀྱི། དབང་གྱུར་ན་རང་དཔོན་མངའ་རིས་རྣམས། རང་དགྲ་རུ་ལངས་ནས་སེང་ཁོག་ཏུ། འབུ་ཞིག་པའི་དཔེ་ཟླ་བསྙེག་ཀྱང་སྲིད། ཡུལ་འདི་ཡི་བྱང་ཕྱོགས་གནོད་སྦྱིན་གྱིས། སྐྱོང་བའི་གནས་མགོ་ལོག་གི་ཡུལ་དེ་རུ། མགོན་པད་འབྱུང་དང་དབྱེར་མེད་གདོང་པ་ལྔའི། མཚན་ཅན་ཞིག་མུ་དྲའི་འདོད་ཡོན་སྤྱོད། གང་དེ་ཡིས་བསྟན་འགྲོར་ཕན་བདེ་སྤེལ། འཁོར་དམར་སེར་གྱི་སྡེ་གཉིས་འབྱུང་འགྱུར་ཞིང་། གནས་སྐྱིད་ཚལ་དུ་པདྨའི་བྱིན་རླབས་འཕོ། ཁོང་དམ་པ་དེ་ཡི་སྒྲུབ་གནས་ལ། འདི་ཡི་འཇུག་ཆད་འདུག །གཞན་གྱིས་ཕུང་ལ་ལྟད་མོ་ངོམ། ས་སྙིང་གི་མིང་འཛིནཧ་ཡུལ་འདི་གར། ཕུང་བྱེད་ཀྱི་ཁུར་བོ་བཅུ་གཉིས་འཕོག །ལ་ལ་ཞིག་དགྲ་ཟླར་བསྙེགས་པས་བྲེལ། འགའ་ཞིག་ནི་ས་གཏིང་འཛུལ་ལ་རིངས། ཕལ་མོ་ཆེ་བདུད་སྲིན་སྐྱབས་སུ་འཚོལ། དེ་དག་ཀུན་རང་བྱས་ལས་ངན་འབྲས། ཡིན་ཕྱིར་ན་དགེ་སྒྲུབ་སྡིག་སྤོང་གལ། ད་ལོ་ནས་བཟུང་སྟེ་ལོ་དྲུག་ཚུན། ལྷ་མིན་དང་སུམ་ཅུ་རྩ་གསུམ་གཉིས། རེ་འགའ་ཙམ་འཁྲུགས་ཤིང་འཐབ་ངེས་ན། མི་རྣམས་ཀྱི་དགེ་སྡིག་ཆེ་ཆུང་གི། སྟོབས་འབྲས་ཀྱིས་ལྷ་རྒྱལ་ཕམ་གཟུགས། འབྱུང་ངེས་ཤིང་ལྷ་རནམྶ་ཕམ་གྱུར་ན། མི་རྣམས་ལ་མི་བདེ་སྣ་ཚོགས་འབྱུང་། དེ་བཟློག་ཕྱིར་ལྷ་རྣམས་རྒྱལ་བའི་ཐབས། ཆོས་དགེ་བ་བཅུ་ལ་ནན་ཏན་མཛོད། མེ་གླང་འདིའི་མཇུག་མ་ཕྱོགས་མང་དུ། གཡུག་པ་དེར་མི་འདོད་སྣ་དགུ་འབྱུང་། དོན་དེ་ཕྱིར་ན་ཀུན་གྱིས་འགལ་སྤོང་དང་། མཐུན་སྒྲུབ་ཀྱི་རིམ་གྲོར་བརྩོན་པ་སྐྱེད། ཁྱད་པར་དུ་པད་མ་བཀའ་ཐང་དང་། ལེའུ་བདུན་དང་བསམ་ལྷུན་གང་མང་སྒྲུབས། སློབ་དཔོན་གྱི་སྐུ་གསུང་ཐུགས་ཀྱི་རྟེ། ཅི་མང་དུ་བཞེངས་ན་ཕན་དང་བདེའི། །མངོན་རྟོགས་གཟུགས་མཐོང་ལ་ཐེ་ཚོམ་མེད། དེ་ཕིར་ན་དེ་ཡི་དོན་བསམ་བཞིན། ཅིས་ཀྱང་ནིས་སྒུརབ་པར་མཛོད་དང་ནི། འཕྲལ་ཕུགས་ཀུན་བདེ་ཞིང་སྐྱིད་པར་ངེས། མཆོག་གསུམ་དང་རྩ་གསུམ་བདེན་སྟོབས་དང་། ཁོ་བོ་ཡི་ལྷག་བསམ་རྣམ་དག་མཐུས། རྒྱལ་ཁམས་ཀྱི་མི་བདེའ་ིསྨག་རུམ་དུ། བདེ་སྐྱིད་ཀྱི་འོད་སྟོང་འཆར་བར་ཤོག །དགེའོ། སྐྱབས་མགོན་གྲུབ་པའི་དབང་པོ་རྡོ་རྗེ་འཆང་ཆེན་པོས་མཛད་པའི་འབྱུང་འགྱུར་ལུང་བསྟན་གསལ་བའི་མེ་ལོང་བཞུགས། ༈ ཞིང་རབ་འབྱམས་ཀྱི་རྒྱལ་བ་ཀུན་གྱི་དངོས། དཔལ་ཨོ་རྒྱན་གྱི་མཁན་པོའི་ཞལ་སྐྱིན་མཆོག །ཕ་བླ་མ་མཆོག་མཁྱེན་བརྩེའི་འོད་སྟོང་ཟེར། བུ་ང་རང་གི་སྙིང་དབུས་པདྨ་རུ། དུས་རྟག་པ་རུ་འབྲས་མེད་རྒུན་བཞུགས་ནས། ཆོས་རྟེན་འབྲེལ་གྱི་གནས་ལུགས་ཡོངས་གསལ་མཛོད། དུས་སྙྀགས་མ་ཡི་མར་གཤམ་ལྕགས་ཕོ་རྟ། འདི་ལྕགས་རྟ་ལ་མ་ཐུག་དེ་ཡི་བར། དགེ་མི་དགེའི་རྟགས་མཚན་སྣ་ཚོགས་གཟུགས། གཟུགས་མེ་ལོང་དུ་ཤར་བཞིན་འདི་ན་ངོམ། ཡུལ་འདི་ག་ཡི་སྟོད་དུ་བདེ་དོགས་ཀྱི། རྐྱེན་ག་ངེས་པ་སྒྱུ་མའི་ཆེ་རོལ་བཞིན། དཔེ་རིང་དགས་ཀྱི་རྒྱལ་པོ་ཁོང་སྲན་གྱིས། དེའི་མངོན་རྟེགས་གཟུགས་གཞིག་དང་གཙུགས་པ་གསལ། བར་འདི་ག་རུ་བདུད་སྲིན་བཙན་གསུམ་གྱིས། དཔེ་ཕམ་རྒྱལ་གྱི་མིག་མང་རྩེ་བ་བཞིན། མི་ཕམ་མོ་ཆེའི་བློ་དེ་ཀྲུག་ཁྲ་བོར་འུར། དབྱངས་དོར་བའི་མི་ཆགས་སྡེ་དང་དཔོན། དཔེ་རྡོ་བརྐོས་ཀྱི་རི་མོ་ཇི་བཞིན་དུ། འཕྲལ་བྱ་བྱེད་ལས་དལ་ཡང་བརྟན་ཆགས་ངོམ། ཡུལ་ཚན་བཞི་རུ་བགོས་པའི་འོག་མ་ཟུང་། དེའི་དང་པོ་དེར་ལྷ་མི་སོ་སོར་འབྲལ། སྨད་ཕྱོགས་མཚམས་སུ་ལྟ་ཞིང་ཕུང་ལས་བརྩོན། ཤར་ཙི་ན་ཡི་སྒྲ་གསར་ཡང་ཡང་གྲགས། མཐར་ས་ཀུ་ཙི་དགའ་རེ་བརྒྱལ་ཡང་སྲིད། ལར་ལོ་འདི་ནས་བཟུང་སྟེ་ཡུལ་འདི་ཡི། ཆོས་བསམ་སྦྱོར་ཀུན་མ་ངེས་སྣ་ཚོགས་ངོམ། བར་བཙུན་པ་འགས་སྡིག་སྤེལ་ལས་ཐབས་བརྩོན། ཡང་མི་ནག་དག་རྣམ་དཀར་ལས་སྤེལ་ཞིང་། ཚུལ་གོ་ལོག་གི་སྤྱོད་པ་སྣ་ཚོགས་བྱེད། དཔོན་དགའ་ཞིང་ནི་རང་སྲིད་ཀྱིས་མི་ངོམས་པར། གཞན་མངའ་ཞབས་སུ་བཙུད་འདོད་ལས་ཀྱིས་ཕུང་། ཡུལ་བྱང་རོང་གི་ས་གནས་ཕལ་མོ་ཆེ། ཤར་རྒྱ་སྟག་གི་སྐྱོ་གླུའི་ངར་སྐད་ལ། ཡོངས་སུན་གྱུར་ནས་རང་བདེའི་བསྟི་གནས་ཚོལ། ཡུལ་སོ་སོ་ཡི་བྱ་སྤྲེལ་ཝ་སྤྱང་སྡེ། མི་ཕལ་མོ་ཆེ་འགྲོ་འཆག་ཉེས་པའི་རྒྱར། ཚུད་ངེས་མོད་ཀྱང་ད་དུང་ལས་ངན་སྤེལ། དེ་ལ་ལ་ཞིག་སྔོན་ལས་མཐུས་བསྐུལ་ནས། ལས་བཟོད་ལ་འཇུག་གུམ་འཕྱང་མོ་ཉུག །དཔལ་མྱ་ངན་མེད་ཀྱི་གནོད་སྦྱིན་དཔུང་། གྲངས་མང་བསགས་ལྷན་དུ་ཡོངས་བཀོལ་ནས། ཡུལ་འཛམ་གླིང་ས་གནས་བྱེ་བ་རུ། དུས་ནུབ་གཅིག་མཆོད་རྟེན་བྱེ་བ་གཅིག །ང་ཞེང་ངེས་པའི་ནང་ཚན་ཡུལ་འདིའི་རྐེད། གནས་བཀྲ་ཤིས་སྒོ་མང་ཞེས་གྲགས་པར། དུས་ད་ལོ་འཛམ་གླིང་གནས་རྟེན་ལྷ། ཡོངས་འདུས་ནས་འགྲོ་བའི་ཚོགས་བསགས་ཞིང་། ཞིང་མངོན་སུམ་འཕོས་ཐེ་ཚོམ་མེད། དོན་དེ་ཕྱིར་ཕྱག་མཆོད་སྐོར་བར་འཕུངས། དེའི་རྟགས་སུ་སྐུ་གསུང་ཐུགས་ཀྱི་རྟེན། རྟེན་རང་བྱུང་གཟུགས་ལས་སྣང་དག་པར་མངོན། གཞན་མིག་སྨན་གྱི་མདོག་འཛིན་ཁྱིམ་བསྟི་བའི། མི་སྟངས་དཔྱལ་ཀུན་བདེ་དོགས་ཚོན་རིས་གཟུགས། གཟུགས་ངོམ་མེད་དེ་རེ་ཞིག་ཅིས་མི་བདེ། ལྷ་ཨོ་རྒྱན་གྱི་བྱིན་ཐོབ་རྣལ་འབྱོར་པ། བན་ཨ་བྷ་ཡི་མིང་འདིས་མཐོང་ཡུལ་ཚོགས། དཔལ་ཕན་བདེ་ལ་འགོད་པའི་ཐབས་ལ་བརཙོན། རྗེ་མི་ལ་ཡིས་བྱིན་བརླབས་དམ་པ་མཆོག །མིང་ཨོ་དྲི་ཡ་ཤ་ས་ནས་སྤུད་དེས། ཡུལ་འདི་ག་རུ་ཕན་བདེ་སྤེལ་ཡང་སྲིད། ཡུལ་འདི་ག་དང་ཡུལ་གཞན་བརྗེ་བ་ལྟའི། སེམས་བསམ་པ་དང་སྦྱོར་བ་ངེས་མེད་ངོམ། ཚུལ་དེའི་སྐྱོན་གྱིས་སྤྱོད་པ་ཁྲ་བོར་འགྱུར། ཨེ་མ་ཧོ། སེམས་ཅན་གྱི་ལས་དབང་གཟུགས། མི་ཕོ་མོ་འགའ་སྡིག་ལ་ངོ་མཚར་བྱེད། ཁོང་མཁས་པ་ཚོ་དེ་ལྟར་གལ་ཡིན། དུས་ད་ལོ་ནས་བཟུང་སྟེ་ཡུལ་འདི་ཡི། བན་བཙུན་གཟུགས་ཕལ་མི་དགེར་ངོ་མཚར་བྱེད། མི་ཁྱིམ་པ་ཕལ་རྣམ་དཀར་ལས་ལ་བརྩོན་ཕོ་སྐྱེས་པ་འགའ་སྡིག་ལ་འགྱོད་སེམས་སྐྱེས། དེའི་ནང་གི་ཁྱད་པར་སེམས་དཔའི་རིགས། མིག་རིགས་ལྔ་དང་ཚེ་དང་དབང་དག་རིགས། ཡང་དྷརྨ་སོགས་མཆོག་གསུམ་མཚན་འཛིན་གྱིས། ཡུལ་འདི་ག་དང་གཞན་ལའང་ཕན་འདོགས་བརྩོན། ཡུལ་འདི་ག་ཡི་བུད་མེད་ཕལ་མོ་ཆེས། མི་དུས་ཡོལ་གྱི་རྗེས་སུ་སྨེ་སྔགས་ཀྱི། ཚིག་དུ་ངག་གིས་དབྱངས་བླངས་དེའི་སྐྱོན་གྱིས། ཁོང་ཚེ་འདས་ཕལ་མཁའ་རྒྱུའི་ཡི་དྭགས་སུ། སྐྱེ་ངེས་པ་དེ་ལས་འབྲས་བསླུ་མེད་འབྲས། དོན་དེ་ཕྱིར་ན་བླ་དཔོན་མཁྱེན་ལྡན་གཙོས། བན་བཙུན་པ་དང་མི་ནག་ཕོ་མོ་ཀུན། མི་ང་ཁ་ལ་ཉན་ན་དེང་ཕྱིན་ནས། ཁོང་གཤིན་པོ་ཡི་རྗེས་སུ་མྱ་ངན་སྤོངས། དེས་ཤི་གསོན་ཀུན་ཕན་བདེའི་མངོན་རྟོགས་མཐོང་། ཡུལ་རྨ་ལུང་གི་མི་སྡེ་ཁྲ་བོའི་ཁྱུ། ཕྱོགས་དྲེགས་ལྡན་གསལ་ཤྭ་འུད་སྐྱོན་གྱིས་འཚེ། མཐར་ཐ་དད་ཀྱི་གོ་ས་བསྙེག་ཀྱང་སྲིད། ཡུལ་འདི་ག་ཡི་ཁུགས་པ་ཆུ་སྐྱེས་ཚལ། དཔལ་མཚོ་སྐྱེས་ཀྱི་བྱིན་ཐོན་ནི་རྨ་ཀཿ གང་དེ་ཉིད་ཀྱི་བསྟན་འགྲོར་ཕན་བདེ་སྤེལ། སྨད་ཉིན་བྱེད་ཀྱི་ཟེར་ནུབ་མཐའ་འཁོབ་ཏུ། དཔལ་པད་འབྱུང་གི་སྒྱུ་འཕྲུལ་ཟླ་དཀར་གཟུགས། སླར་བསྟན་འགྲོ་ཡི་མུན་པ་སེལ་ཕྱིར་གསལ། གང་དེ་མཐུ་ཡི་ཡུལ་དེའི་ལྷ་མིའི་སྡེའི། ཁྱུ་ཀུ་མུ་ཏའི་ཚལ་ཆེན་རྒྱས་བཞིན་དགོད། ལྷ་ཨོ་རྒྱན་གྱི་སྤྲུལ་པའི་ཛོ་ཀི་ཞིག །ཡུལ་འདི་ག་རུ་ཕེབས་ནས་ལས་ཆེན་བཞིའི། ཚུལ་སྣ་ཚོགས་ཀྱི་བས་ཏན་འགྲོ་ཕན་བདེར་སྦྱོར། རྒྱ་ནག་པོའི་ཕོ་ཉའི་ཤ་སྦྲང་མཆུས། ཡུལ་ཕོ་མོ་ཆེའི་གཡེར་ཆེན་ཤ་ཕུང་གཙེ། རོང་ལ་ལ་དང་བྱང་གི་སྡེ་བ་འབྲེལ། ཡང་འགའ་ཞིག་དང་དགྲ་ཟླ་རྡོ་ཆས་ཟུགས། དུས་རིང་མིན་ནས་མངོན་ཀྱང་དམ་སྲིས་འཕྲུལ། ཡུལ་ལ་ལ་ཡི་ཁ་མཆུའི་ཆུ་འཛིན་གཟུགས། མགོན་རྒྱལ་ཁུན་གྱི་བདེན་མཐུས་རེ་ཞིག་ཡལ། ཡུལ་འདིའི་སྟོད་ཀྱི་སྡེ་གསར་མཁའ་ལྡིང་ཁྱུ། རིགས་མི་མཐུན་ཡང་གྲུ་ནང་གཅིག་གི་མགྲོན། སྨད་གཏན་ཆགས་ཀྱི་བླུན་རྨོངས་ཝ་རའི་ཚང་། གཞན་བྱམས་བྲལ་གྱི་མཐའ་མིས་རྡོ་བས་བརྡེག །བར་ཝ་སྤྲེལ་འཕར་སྤྱང་ཚོགས་ཀྱི་བླུན་རྨོངས་ཝ་རའི་ཚང་། གཞན་བྱམས་བྲལ་གྱི་མཐའ་མིས་རྡོ་བས་བརྡེག །བར་ཝ་སྤྲེལ་འཕར་སྤྱང་ཚོགས་ལྟའི་དཔུང་། དཔེ་སྣལ་མའི་ཐགས་བྲེགས་པའི་ཟླ་རུ་འགྲོ། ལར་ཡུལ་འདི་ནས་འགོ་བཙུགས་སྙིགས་མའི་ལྟས། བཞིན་མེ་ལོང་དག་འད་ལྟར་སུས་འགོག་ནུས། དོན་དེ་ཕིར་ན་ཡུལ་འདིར་ཕན་བྱེད་ཆོས། ལྷ་ཨོ་རྒྱན་གྱི་གསོལ་འདེབས་ལེའུ་བདུན་དང་། ཡང་བསམ་ལྷུན་དང་མྱུར་འགྲུབ་ལམ་སེལ་བསྒྲུབས། ཁྱད་རཔ་དུ་འཆི་ངེས་སྲོག་བླུ་དང་། ཇོ་དར་དང་རྡོ་འབུམ་སློབ་དཔོན་གྱི། གསོལ་འདེབས་ཀྱི་སྙིང་པོ་སྔགས་ལ་འབུངས། ཡང་འབྱུང་འགྱུར་གྱི་སྒྱུ་མའི་འདུ་བྱེད་གཟུགས། དཔེ་ཆུ་ཟླ་བཟིན་ངོམ་ལ་ལྟད་མོ་ལྟོས། ཡུལ་སུ་ཝརྞའི་མིང་འཛིན་སུམ་ཅུ་རུ། ཡོངས་བགོས་པ་ཡི་སྟོད་པ་འགའ་ཟླར་འབྲེལ། སྡེ་བར་བའང་དཀར་ནག་མགོ་གཉིས་སྟོད། སྨད་པ་ཡིས་ལྷ་མིའི་སྡེ་ཟུང་དབྱེ། དབྱེ་བ་དག་མཐུན་ཡང་བྱེར་ལ་རིངས། ཡུལ་ཟླ་ལུང་དུ་གྲགས་པའི་ཆོས་སྲིད་ཟུང་། དཔེ་བྱེའུའི་ཁྱུ་ཧོར་ཁྲས་དཀྲོག་པ་བཞིན། ཧོར་སྡེ་བཞི་ཡི་ཐ་མའི་མིང་ཐོག་ཅན། དཔེ་གདོང་ལྔ་ཡི་ཁོང་སྲིན་དགྲར་ལངས་བཞིན ཡང་སྡེ་བཞི་ཡི་དང་པོ་གཉིས་པའི་མིང་། ལྟ་བདུད་བཙན་གསུམ་གང་ཐོབ་རྩོད་པས་བྲེལ། སྟོད་བཀའ་བསྟ་གྱི་འབྱུང་གནས་སྡེ་མང་མཚོ། ལྷ་འདོད་ཁམས་ཀྱི་བདག་པོའི་རྟ་བདུན་གནོད། མཐར་དམ་ཉམས་ཀྱི་འབྱུང་པོའི་གྲལ་གཤམ་བསྙེགས། ཚུལ་དེ་མཐུ་ཡི་སྡིག་སྲིན་མགོ་ཆང་གཟེངས། ཡུལ་རྡོ་སྟོད་དུ་མཛའ་བཤེས་དགྲ་རུ་ལྡང་། བར་ལ་ཡག་སོགས་དབྱར་ཁའི་གངས་ཞུའི་ཟླ། སྨད་དཔོན་སྡེའི་བཞིན་མེ་ཏོག་སད་ཁྱུར་མཚུངས། ཁོང་ཀུལ་ལ་རྡའི་མཚན་འཆང་དམ་པ་དེས། ཚུལ་དམན་པ་རུ་བསྒྱུར་ནས་བསྟན་འགྲོ་གསོ། ཡུལ་སྟོད་སྨད་བར་གསུམ་རྫིང་དཀྲུག་ལྟར། མཛའ་མི་མཛའ་དང་བཏང་སྙོམས་འཆོལ་རྙོག་སྤྱོད། ལར་ཡུལ་དེ་རུ་འདྲེ་སྲིན་ཚང་མང་འཚོལ། མཁར་རྒྱུ་བ་ཡི་གདུག་འདྲེའི་རྟེན་ཡུལ་འཆོས། མི་ཕམ་མོ་ཆེས་སྙིང་དུ་བསེན་མོ་འཇུག །ལས་མཆོག་གསུམ་དང་འགལ་བའི་བྱ་བར་བརྩོན། དཔལ་བཀའ་བརྒྱུད་ཀྱི་བསྟན་པའི་མེ་རོ་ལངས། ཆོས་སྔ་འགྱུར་གྱི་ན་བུན་ས་བླར་ཆགས། རྗེ་ཇོ་ནང་པའི་བས་ཏན་པའི་དབྱར་རྔ་སྙན། ཡུལ་འཛི་ཀ་རུ་བདེ་སྡུག་ཅིར་ཡང་མངོན། གནས་འཛམ་ཐང་དུ་བསོད་ནམས་དམ་ཆོས་འཕེལ། རྡོའི་སྨད་པ་ཡི་ར་ཛཱ་ཚིག་གིས་བྲེལ། སྨད་ཚ་ཁོ་ཡི་མི་ཆོས་གར་སྟབས་སྒྱུར། ཡུལ་འཛི་འགག་ཏུ་ལུགས་ཟུང་དཔལ་ཡོན་ངོམ། དགྲ་ཐབས་འོག་ཏུ་ཚདུ་ན་ལྡང་བར་དཀའ། མ་རལ་གཅིག་མའི་སྤྲུལ་པས་བསྟན་འོ་སྐྱོང་། དཔལ་བཻ་རོ་ཡི་སྤྲུལ་པ་ཡུལ་དེར་སྨན། ཡང་མཆོག་རྩེ་ལ་དཀར་ནག་ཆགས་མ་གཟུགས། དཔེ་སྒྱུ་མ་མཁན་མངོན་དུ་ཆས་པ་བཞིན། མི་མཆོག་དམན་ཀུན་འདུལ་བའི་ཆོ་འཕྲུལ་སྟོན། ཡུལ་ལ་ལ་རུ་ལྷ་མིན་ལྷ་རྫུ་དང་། མི་མིན་ཀྱང་མི་ཡི་གཟུགས་བསྒྱུར་ནས། ལྷ་མི་ཡི་བར་དུ་དབྱེན་སྦྱར་དང་། མྱོད་ལ་འདྲེག་སྦྱང་བས་བསླད། ཚུལ་འདི་བཞིན་དང་འདི་ལས་གཞན་པ་འགའ། མངོན་སུམ་བཟིན་གསལ་ཡང་རེ་ཞིག་བཤོལ། དགེའོ།། །