སངས་རྒྱས་དཔལ་བཟང་ལ་གདམས་པ།
༈ །སེམས་འཁོར་བ་ཡི་རང་བཞིན་མུན་པའི་དཔེ། །དེ་རིང་དྲུག་དང་བར་སྲིད་རྣམས་ལ་ཡོད། །སེམས་ལས་འདས་ཀྱི་རིག་པ་ནི་ལངས་དེས། །དེ་རྒྱལ་ཀུན་གྱི་བསྒྲོད་པ་གཅིག་པའི་ལམ། །གང་ཟེ་ན་རྣམས་གྲངས་འདི་ལྟ་སྟེ། །སེམས་རི་བཅས་ཀུན་གཞི་མ་རིག་དངོས། །དེའི་ངོ་བོ་རྟོག་མེད་ལུང་མ་བསྟན། །རང་བཞིན་འཁྲུལ་པའི་འཆར་གཞི་བྱེད། །རྩལ་སྣང་འཁྲུལ་རྟོག་རྒྱུན་ཅད་མེད། །འབྲས་བུ་སྡུག་བསྔལ་འདུ་བར་བྱེད། །སེམས་ལས་འདས་རིག་པ་ཆོས་ཀྱི་སྐུ། །ངོ་བོ་འགྱུར་མེད་ནམ་མཁའ་འདྲ། །རང་བཞིན་གྲོལ་ལམ་ལྷུན་གྲུབ་མདངས། །རྩལ་སྣང་ཤར་ཀྱང་གཟུགས་འཛིན་བྲལ། །འབྲས་བུ་བདེ་ཆེན་མངོན་དུ་བྱེད། །ལར་སེམས་དང་རིག་པའི་དབྱེ་བ་ཡང་། །མཉམ་པར་ཞོག་དང་མཐོང་ནས་འོང་། །ཁ་བཤད་དོན་ལ་འབྱོར་དུས་དཀོན། །སེམས་རིག་གཉིས་འཛིན་སངས་ཙ་ན། །ལྟ་བ་མེ་གཤམ་བུ་ཡི་གཟུགས། །སྒོམ་པ་རི་བོང་ར་ཡི་མཚོན། །སྤྱོད་པ་རུ་སྦལ་སྤུ་ཡིས་ཐག །འབྲས་བུ་ནམ་མཁའི་པད་མོར་མཚུངས། །སངས་རྒྱས་དཔལ་བཟང་ལའོ། །བཀྲ་ཤིས།