མ་ངེས་པའི་ཆོས།

---

^{[མ་དཔེ་གཟིགས་ན་འདིར་གནོན།]}

གསུམ་པ་མ་ངེས་པ་འདོན་པ་ལ། སྒྲོ་སྐུར་སྤང་བའི་ཕྱིར་སྡོམ་ནི། སྡོམ་ལ། དབེན་པ་སྐྱབས་ཡོད་འདུག་པའོ། །ཞེས་སོ། །ལུང་ལ་གུས་པ་བསྐྱེད་ཅིང་ལུང་འབོག་པ་ནི། ཚེ་དང་ལྡན་པ། ཞེས་སོགས་སོ། །བཅས་པའི་སྐབས་ནི། དགེ་སློང༌། ཞེས་སོགས་སོ། །འདོན་པ་འཇུག་བསྡུ་བ་ནི། ཚེ་དང་ལྡན་པ། ཞེས་སོགས་སོ། །དགེ་བ་རྣམ་པར་བཞག་པ་བསྒྲག་པ་ནི། དེ་ལ། ཞེས་སོགས་སོ། །དེ་ཉིད་ཀྱི་དོན་བཤད་ན། དབེན་པ་སྐྱབས་ཡོད་པ་ན་དགེ་སློང་ཕོ་མོ་པུས་མོ་སྤྲད་དེ་ཆོས་སྟོན་པ་ནི་ཕམ་ལྷག་གང་རུང་དུ་འབྱུང་དུ་ཉེ་ལ། ཕམ་པ་ཡང་མ་ངེས། ལྷག་མ་ཡང་མ་ངེས་པའོ། །དབེན་པ་སྐྱབས་ཡོད་པ་ན་དགེ་སློང་ཕོ་མོ་ཕན་ཚུན་དུ་བསྡད་དེ། ལྟུང་བྱེད་དང་སོར་བཤགས་དང་ཉེས་བྱས་གསུམ་པོ་གང་རུང་ནི་འབྱུང་དུ་ཉེ་ལ། ལྟུང་བྱེད་ཁོ་ན་འབྱུང་བ་ལ་མ་ངེས། སོར་བཤགས་ཁོ་ན་འབྱུང་བ་ཡང་མ་ངེས། ཉེས་བྱས་ཁོ་ན་འབྱུང་བ་ཡང་མ་ངེས་པས་མ་ངེས་པའོ། །