ཚིགས་བཅད་བཞི་པ།
བཞི་པ་ནི།
ཕྱག་འཚལ་དེ་བཞིན་གཤེགས་པའི་གཙུག་ཏོར། །
མཐའ་ཡས་རྣམ་པར་རྒྱལ་བར་སྤྱོད་མ། །
མ་ལུས་ཕ་རོལ་ཕྱིན་པ་ཐོབ་པའི། །
རྒྱལ་བའི་སྲས་ཀྱིས་ཤིན་ཏུ་བསྟེན་མ། །ཞེས་པ་སྟེ།
དེ་བཞིན་གཤེགས་པ་རྣམ་པར་སྣང་མཛད་ཀྱི་གཙུག་ཏོར་ལས། ཕན་ཡོན་མཐའ་ཡས་ཤིང་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་བའི་རིག་སྔགས་སྤྲུལ་པ་ལ་ལོངས་སྤྱོད་པའི་ལྷ་མོར་སྦྱིན་ཚུལ་བཟོད་བརྩོན་བསམ་ཤེས་ཐོག་ཐབས་སྨོན་ལམ་སྟོབས་ཡེ་ཤེས་བསྣན་པའི་ཕར་ཕྱིན་བཅུ་པོ་མ་ལུས་པ་ཐོབ་པའི་རྒྱལ་སྲས་བྱང་ཆུབ་སེམས་དཔའ་ས་བཅུ་པ་ལ་གནས་པ་རྣམས་ཀྱིས་ཀྱང་ཤིན་ཏུ་གུས་པས་བསྟེན་པའོ། །