ཚིགས་བཅད་བདུན་པ།
བདུན་པ་ནི།
ཕྱལ་འཚལ་ཏྲཊ་ཅེས་བྱ་དང་ཕཊ་ཀྱིས། །
ཕ་རོལ་འཁྲུལ་འཁོར་རབ་ཏུ་འཇོམས་མ། །
གཡས་བསྐུམ་གཡོན་བརྐྱང་ཞབས་ཀྱིས་མནན་ཏེ། །
མེ་འབར་འཁྲུགས་པ་ཤིན་ཏུ་འབར་མ། །ཞེས་པ་སྟེ།
མེ་འབར་ཤིན་ཏུ་འབར་བའི་ཁྲོ་མོ་ཁྲོས་ཤིང་འཁྲུགས་པའི་སྐུར་བསྟན་ཏེ། ཏྲཊ་དང་ཕཊ་ཀྱི་སྔགས་སྒྲས་ཕ་རོལ་བྱད་མ་རྣམས་ཀྱི་འཁྲུལ་འཁོར་དང་སྔགས་ཀྱི་སྟོབས་འཇོམས་པ་དང་། ཞབས་གཡས་བསྐུམ་གཡོན་བརྐྱང་སྟབས་ཀྱིས་གདུག་པ་ཅན་རྣམས་མནན་པའི་ཚུལ་གྱིས་རིམས་ནད་ལ་སོགས་པ་ཞི་བར་མཛད་དོ། །