ཚིགས་བཅད་དགུ་པ།
དགུ་པ་ནི།
ཕྱག་འཚལ་དཀོན་མཆོག་གསུམ་མཚོན་ཕྱག་རྒྱའི། །
སོར་མོས་ཐུགས་ཀར་རྣམ་པར་བརྒྱན་མ། །
མ་ལུས་ཕྱོགས་ཀྱི་འཁོར་ལོ་བརྒྱན་པའི། །
རང་གི་འོད་ཀྱི་ཚོགས་རྣམས་འཁྲུགས་མ། །ཞེས་པ་སྟེ།
དཀོན་མཆོག་གསུམ་མཚོན་པར་བྱེད་པའི་ཕྱག་རྒྱ། སྙིམ་པ་ཁ་སྦྱར་གྱི་གོང་མོ་སྦྱར་ཞིང་མཛུབ་མོས་བརྟེན་ནས་མཐེ་བོང་གཤིབས་ཏེ་རྩ་བར་བཀོད་པ་ཐུགས་ཀར་གཏོད་པས་རྣམ་པར་བརྒྱན་པ་དང་། རང་གི་སྐུ་ལས་བྱུང་བའི་འོད་ཟེར་གྱི་ཚོགས་རབ་ཏུ་འཁྲུགས་ཤིང་འཕྲོས་པས་ཕྱོགས་བཅུའི་ཞིང་ཁམས་མ་ལུས་པ་ཁྱབ་ཅིང་བརྒྱན་པར་མཛད་པའོ། །