རྒྱལ་དབང་བཅུ་བདུན་པའི་གསུང་འཁོར་ཡུགས་སྨོན་ལམ་ཨེ་མ་འཛམ་གླིང་།
ཨེ་མ་འཛམ་གླིང་། ང་ཚོའི་སྐྱེ་འཆིའི་ཕྲེང་བ་དང་། སྐྱིད་སྡུག་གི་ཟློས་གར་ཀུན། ཁྱོད་ཀྱི་ཕང་ན་རོལ། ཁྱོད་ནི་སྔོན་རབས་ནས། ང་ཚོའི་ཕ་ཁྱིམ་ཞིག་སྟེ། ང་ཚོས་ནམ་ཡང་གཅེས་ཤིང་ཕངས། ང་ཚོས། ཁྱོད་ནི་རྨི་ལམ་གྱི་ཞིང་ཁམས་དང་། འགྲོ་ཀུན་མཉམ་སྙོམས་ཀྱི་འཇིག་རྟེན། བརྩེ་ལྡན་དྲོ་འཇམ་གྱི་ལྷ་མོ་བཅས་སུ་བསྒྱུར་བར་འདོད། ང་ཚོས། ཁྱོད་ལ་བཅངས་པའི་རེ་འདུན་ནི། འགྱུར་མེད་གཡུང་དྲུང་ཞིག ཁྱོད་ནི། ང་ཚོའི་སྙིང་ཉེ་བའི་འཚོ་རྟེན་ཏེ། ཁྱོད་ཀྱིས། ངམ་གནག་པའི་བཞིན་རས་དེ་རང་དགར་མ་སྟོན་ཅིག ང་ཚོས། ཁྱོད་ཀྱི་ཆ་ཤས་རེ་ཡང་། ཞི་འཇམ་གྱི་ཞིང་ས་གཤིན་པོར་བསྒྱུར་ཏེ། བདེ་སྐྱིད་ཀྱི་ལོ་འབྲས་སྟོང་ཕྲག་དང་སྟོང་ཕྲག །རང་དབང་གི་བསུང་ཞིམ་འཐུལ་བས། ང་ཚོའི་ཚད་མེད་ཀྱི་རེ་བ་རྫོགས་པར་སྨོན། ཀརྨ་པ་ཨོ་རྒྱན་ཕྲིན་ལས་རྡོ་རྗེ། ༢༠༠༥ ལོར་དྷ་ས་རྒྱུད་སྟོད་དུ་སྨོན་པའོ། །