རྗེ་དུས་གསུམ་མཁྱེན་པའི་ཐུགས་དམ་ལྔ་ཚན་ལྔ་ལས་བདེ་མཆོག་ལྷ་ལྔའི་མངོན་པར་རྟོགས་པ།
རྗེ་དུས་གསུམ་མཁྱེན་པའི་ཐུགས་དམ་ལྔ་ཚན་ལྔ་ལས་བདེ་མཆོག་ལྷ་ལྔའི་མངོན་པར་རྟོགས་པ་རྗེ་ཀརྨ་པ་བརྒྱད་པས་མཛད་པ་བཞུགས་སོ། །
ཆོས་ཀྱི་རྗེ་རིན་པོ་ཆེ་ཀརྨ་པ་དཔལ་ལྡན་དུས་གསུམ་མཁྱེན་པའི་ཞབས་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །བྱིན་གྱིས་བ་རླབ་ཏུ་གསོལ་ལོ། །འདིར་དེ་ཉིད་ཀྱི་ཐུགས་དམ་ལྔ་ཚན་ལྔར་གྲགས་པ་ལས། བདེ་མཆོག་ལྷ་ལྔའི་ལྷན་སྐྱེས་ཀྱི་མངོན་དཀྱིལ་གྱི་ཆོ་ག་རྟོགས་ལྡན་རིན་པོ་ཆེ་ཞྭ་དམར་པའི་སྤྲུལ་སྐུ་ན་རིམ་སོགས་གཞན་ཡང་སྒྲུབ་བ རྒྱུད་འདི་པའི་གྲུབ་ཆེན་མང་པོའི་ཡིག་ཆ་འདུག་ནའང་། ཐེག་པ་མཆོག་གི་སྤོང་བ་པ་མང་པོས་མངོན་དཀྱིལ་ཚིགས་བཅད་མ་ཞིག་ཏུ་སྦྱོར་ཞེས་བསྐུལ་བ་ལ་བརྟེན་ནས། བླ་མ་གོང་མའི་ཆོ་ག་ཁྲིགས་ལུགས་བཞིན་བྲི་བར་བྱའོ། །གསང་བའི་གནས་དམ་
པར་མཆོད་གཏོར་འདུ་བྱ་ཞིང་། ནང་མཆོད་དང་ཅང་ཏེའུ་དང་རྡོ་རྗེ་དྲིལ་བུ་མདུན་དུ་བཀོད་ནས། དང་པོ་བདུད་རྩི་མྱང་བ་ནི། བདག་ཉིད་སྐད་ཅིག་ཧེ་རུ་ཀ །ལྷན་ཅིག་སྐྱེས་པའི་ངོ་བོར་གྱུར། །ༀ་ཁཎྜ་རོ་ཧེ་ཧུཾ་ཧཱུཾ་ཕཊ། ཅེས་ནང་མཆོད་བསངས། ༀ་སྭ་བྷཱ་ཝ་ཤུདྡྷཱཿསརྦ་དྷརྨཱཿསྭ་བྷཱ་ཝ་ཤུདྡྷོ྅་ཧཾ། གིས་སྦྱངས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་ཡི་དཀྱིལ་འཁོར་སྟེང་། །ༀ་ཨཱཿཧཱུཾ་ལས་ཐོད་སྒྱེད་གསུམ། །དེར་གནས་ཨ་ལས་ཐོད་པ་ནི། །ཡངས་ཤིང་རྒྱ་ཆེའི་དབུས་ཕྱོགས་བཞིར། །ཧཱུྃ་ༀ་ཁྃ་ཨྃ་ཏྲཱྃ་དང་ནི། །བཱྃ་
ལཱྃ་མཱྃ་པཱྃ་ཏཱྃ་ཡིག་ལས། །ལྕགས་ཀྱུ་ལྔ་དང་སྒྲོན་མ་ལྔར། །གྱུར་པ་རང་རང་ས་བོན་མཚན། །རླུང་བསྐྱོད་མེ་སྦར་བསྐོལ་བ་ལས། །ས་བོན་དང་བཅས་རྫས་རྣམས་ཞུ། །འཆར་ཁའི་ཁ་དོག་ལྟ་བུར་འབར། །དེ་ཡི་རླངས་པ་ལས་གྲུབ་པའི། །དངུལ་ཆུའི་མདོག་མཚུངས་ཁ་ཊྭཱཾ་ག །འོག་ཏུ་ཁ་ལྟ་དེ་ཡང་ཞུ། །བཅུད་དང་དབྱེར་མེད་འདྲེས་པའི་སྟེང་། །ཨཱ་ལི་ཀཱ་ལི་ཡོངས་གྱུར་ལས། །བརྩེགས་པའི་ༀ་དང་ཨཱཿཧཱུཾ་ལས། །དཀྱིལ་འཁོར་པ་སྤྲོས་སེམས་ཅན་གྱི། །དོན་བྱས་སྙོམས་པར་ཞུགས་པ་ནས། །ཡིག་གསུམ་ལ་ཐིམ་ཡིག་གསུམ་ཡང་། །དམ་ཚིག་བདུད་རྩིར་གཅིག་ཏུ་གྱུར། །གཡོན་པའི་མཐེབ་སྲིན་སྦྱར་བས་བདུད་རྩི་མྱང་ངོ་། །གཉིས་པ་གཏོར་མ་བཏང་བ་ནི། གཏོར་མ་བསངས་སྦྱངས་བྱིན་རླབས་སྔར་ལྟར་བྱས་ལ་པད་ཀོར་རྡོ་རྗེ་ཐལ་མོ་ཁ་ཕྱེ་བས། ༀ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙོནྨཱ་དཱ་པ་སྨཱ་ར་ཌཱ་ཀ་ཌཱ་ཀི་ནྱཱ་ད་ཡཿ ཨི་མཾ་བ་ལིཾ་གྲྀཧྞནྟུ། ས་མ་ཡ་རཀྵནྟུ། སརྦ་སིདྡྷིམྨེ་པྲ་ཡཙྪནྟུ། ཡ་ཐཻ་བཾ། ཡ་ཐཻཥྚཾ།
བྷུཉྫ་ཐ། པི་བ་ཐ། ཛི་གྷྲ་ཐ། མཱ་ཏི་ཀྲ་མ་ཐ། སརྦཱ་ཀཱ་ར་ཏ་ཡཱ་སཏྶུ་ཁཾ་བི་ཤུདྡྷ་ཡེ་ས་ཧཱ་ཡི་ཀཱཾ་བྷ་ཝནྟུ་ཧུཾ་ཧཱུཾ་ཕཊ་སྭཱ་ཧཱ། གསུམ་གྱིས་འབུལ་ལ། ལྷ་ཀླུ་གནོད་སྦྱིན་སྲིན་པོ་དང་། །འབྱུང་པོ་ཡི་དྭགས་ཤ་ཟའི་ཚོགས། །སྨྱོ་བྱེད་བརྗེད་བྱེད་མཁའ་འགྲོ་མ། །མ་མོའི་ཚོགས་རྣམས་མ་ལུས་པ། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་
རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་དང་། །བདེ་ལེགས་ཕུན་སུམ་ཚོགས་པ་དང་། །ཡིད་ལ་འདོད་པ་ཀུན་འགྲུབ་མཛོད། །ཅེས་ཕྲིན་ལས་བཅོལ་ཏེ་གཏོར་མ་གཙང་སར་བསྐྱལ། གསུམ་པ་མཆོད་པ་བྱིན་རླབས་ནི། བསངས་སྦྱངས་སྔར་བཞིན། སྟོང་པའི་ངང་ལས་ཨ་ལས་ཐོད། །ནང་དུ་ཧཱུཾ་ལས་མཆོད་ཡོན་དང་། །ཞལ་བསིལ་བསང་གཏོར་ཞབས་བསིལ་བ། །མེ་ཏོག་བདུག་སྤོས་སྣང་གསལ་དང་། །དྲི་ཆབ་ཞལ་ཟས་རོལ་མོ་རྣམས། །དྭངས་ཤིང་ཐོགས་མེད་ཀུན་ཏུ་བཟང་། །རྣམ་ཐར་ཇི་བཞིན་མཆོད་པའི་སྤྲིན། །དཔའ་བོ་རྣལ་འབྱོར་དགྱེས་བསྐྱེད་གྱུར། །ༀ་བཛྲ་ཨརྒྷཾ་ཨཱཿཧཱུཾ། ཞེས་པ་ནས། ཤཔྡའི་བར་བརྗོད་སོ་སོའི་ཕྱག་རྒྱ་རོལ་མོ་དང་བཅས་པས་བྱིན་གྱིས་བརླབ་བོ། །བཞི་པ་སྐྱབས་འགྲོ་སེམས་བསྐྱེད་ནི། བདག་སོགས་མཁའ་མཉམ་སེམས་ཅན་ཀུན། །དུས་འདི་ནས་བཟུང་བྱང་ཆུབ་བར། །དུས་གསུམ་གཤེགས་པའི་རྒྱན་འཁོར་ལྔ། །གཅིག་བསྡུས་ཆོས་ཕུང་བརྒྱད་ཁྲི་དང་། །བཞི་
སྟོང་འབྱུང་གནས་འཕགས་པ་ཡི། །དགེ་འདུན་བདག་ཉིད་རྩ་བརྒྱུད་ཀྱི། །བླ་མ་རྣམས་ལ་སྐྱབས་སུ་མཆི། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །ཞེས་ལན་ཅི་རིགས་དང་། རྣལ་འབྱོར་གསང་སྔགས་མཁའ་འགྲོ་མ། །འཁོར་ལོ་གསུམ་གྱི་བདག་ཉིད་ཅན། །དཔའ་བོ་དང་ནི་དཔའ་མོའི་ཚོགས། །ཀུན་ལ་རྟག་ཏུ་སྐྱབས་སུ་མཆི། །སེམས་ཅན་ཀུན་གྱི་དོན་གྱི་ཕྱིར། །བདག་ནི་ཧེ་རུ་ཀར་གྱུར་ཅིང་། །སེམས་ཅན་ཐམས་ཅད་ཧེ་རུ་ཀའི། །གོ་འཕང་མཆོག་ལ་འགོད་པར་བགྱི། །ཞེས་ལན་གསུམ་བརྗོད། ལྔ་པ་སྒོ་གསུམ་དག་ཅིང་ཚད་མེད་བཞི་བསྒོམ་པ་ནི། ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་སོགས་སྟོང་པ་ཉིད། །རུ་ནི་ཚོགས་དང་བྲལ་བ་སྟེ། །ཀ་ནི་གང་དུའང་མི་གནས་པའོ། །ཤྲཱི་ཧེ་རུ་ཀོ྅་ཧཾ། །བདག་ཉིད་བཅོམ་ལྡན་སྐུ་མདོག་མཐིང་། །ཞལ་གཅིག་ཕྱག་གཉིས་རྡོར་དྲིལ་འཛིན། །གར་དགུ་ཕྱག་རྒྱ་དྲུག་གིས་བརྒྱན། །གཡས་བརྐྱང་
གནས་པ་ཡུམ་དང་བཅས། །སྐད་ཅིག་གསལ་བའི་ལྟེ་བར་ནི། །ༀ་ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱཿ ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧཀྵཿཧཱུཾ་ཧཱུཾ་ཕཊ། ཅེས་ལན་གསུམ་བརྗོད། ཡིག་ཕྲེང་འོད་ཟེར་ཁ་དོག་ལྔ། །གཡོན་སྐོར་རིམ་པ་གསུམ་པ་ལས། །འཁོར་ལོ་གསུམ་གྱི་ལྷ་ཚོགས་སྤྲོས། །བགེགས་བསྐྲད་བཅོམ་ནས་སྔགས་ཕྲེང་ལ། །སླར་ཡང་ཐིམ་པ་ཉིད་དུ་གྱུར། །སེམས་ཅན་ཐམས་ཅད་བདེ་གྱུར་ལྡན། །སྡུག་བསྔལ་རྒྱུ་བྲལ་བདེ་ཚིམ་དགའ། །རིས་མེད་ཀུན་ལ་བཏང་སྙོམས་གྱུར། །ཅེས་བསྒོམ་མོ། །དྲུག་པ་ཕུང་སོགས་བྱིན་གྱིས་བརླབ་པ་ནི། མགོ་དབུས་བུམ་ལས་རྣམ་སྣང་དཀར། །འཁོར་ལོ་གདེངས་པ་ཕྱག་གཡས་བསྣམས། །གཡོན་སྙེམས་དང་བཅས་དྲིལ་དཀུར་བརྟེན། །ལྟེ་བར་ཨཱཾ་དང་མགྲིན་པར་ཧྲཱིཿ །རྐང་པའི་ལོང་བུའི་འོག་ཏུ་ཧོཿ །ཡི་གེ་དེ་དག་རིམ་བཞིན་དུ། །རྡོ་རྗེ་ཉི་མ་
ཁ་དོག་སེར། །པདྨ་གར་དབང་དམར་པོ་དང་། །རྡོ་རྗེ་རྒྱལ་པོ་ལྗང་གུ་རྣམས། །གཡས་པས་རིན་ཆེན་པདྨ་དམར། །སྣ་ཚོགས་རྡོ་རྗེ་གདེངས་གཡོན་པ། །དྲིལ་བུ་ཐུགས་ཀར་འཛིན་པའོ། །སྙིང་གར་ཧཱུཾ་ལས་རྡོར་སེམས་དཀར། །གཡས་བསྒྱིངས་རྡོ་རྗེ་ཐུགས་ཀར་འཛིན། །གཡོན་པ་དྲིལ་བུ་དཀུར་བརྟེན་པའོ། །སྤྱི་གཙུག་ཧིཿལས་ཧེ་རུ་ཀ །ནག་པོ་གཡས་པ་ས་གནོན་གྱིས། །རྡོ་རྗེ་གཡོན་དྲིལ་དཀུར་བརྟེན་པའོ། །ཞེས་ཕུང་པོ་དྲུག་དང་རིགས་དྲུག་བྱིན་གྱིས་བརླབ་པའོ། །མིག་གཉིས་རྣ་གཉིས་སྣ་བུག་གཉིས། །ལྕེ་རྩ་དཔྲལ་བ་སྙིང་ག་རུ། །ༀ་ཧཱུཾ་ཏྲཱཾ་ཨཱཾ་ཁཾ་ཧཾ་ལས། །གཏི་མུག་རྡོ་རྗེ་དཀར་པོ་གཡས། །འཁོར་ལོ་འཕྱར་ཞིང་གཡོན་དྲིལ་བུ། །ཞེ་སྡང་རྡོ་རྗེ་ནག་པོ་གཡས། །རྡོ་རྗེ་གཡོན་ན་དྲིལ་བུ་བརྟེན། །ཕྲག་དོག་རྡོ་རྗེ་སེར་པོ་པ། །འདོད་ཆགས་རྡོ་རྗེ་ཁ་དོག་དམར། །སེར་སྣ་རྡོ་རྗེ་ལྗང་གུ་རྣམས། །གཡས་པས་རིན་ཆེན་པདྨ་དམར། །སྣ་ཚོགས་རྡོ་རྗེ་གདེང་ཞིང་
གཡོན། །དྲིལ་བུ་ཐུགས་ཀར་འཛིན་པའོ། །དབང་ཕྱུག་རྡོ་རྗེ་དཀར་པོ་གཡས། །རྡོ་རྗེ་གཡོན་པས་དྲིལ་བུ་བརྟེན། །ཀུན་ཀྱང་ཞལ་གཅིག་སྤྱན་གསུམ་པ། །རལ་པའི་ཅོད་པན་ཕྱག་རྒྱ་ལྔས། །སྤྲས་པ་གཡས་བརྐྱང་སྟབས་ཀྱིས་བཞུགས། །ཞེས་ཉོན་མོངས་པ་དྲུག་དང་སྐྱེ་མཆེད་དྲུག་བྱིན་གྱིས་བརླབ་པའོ། །ལྟེ་བར་ལཱཾ་ལས་ལྟུང་བྱེད་མ། །སེར་མོ་གཡས་དང་འཁོར་ལོ་འཛིན། །སྙིང་གར་མཱཾ་ལས་གསོད་བྱེད་མ། །ནག་མོ་གཡས་དང་རྡོ་རྗེ་འཛིན། །མགྲིན་པར་བཾ་ལས་འགུགས་བྱེད་མ། །དམར་མོ་གཡས་དང་པདྨ་འཛིན། །དཔྲལ་བར་ཏཱཾ་ལས་པད་གར་གྱི། །དབང་ཕྱུག་མ་ལྗང་གཡས་དང་པོ། །རལ་གྲི་ཀུན་ཀྱང་ཞལ་གཅིག་ཕྱག །བཞི་མ་གཡས་འོག་གྲི་གུག་དང་། །གཡོན་དང་ཐོད་པ་གཡོན་འོག་མས། །ཁ་ཊྭཱཾ་ག་འཛིན་གསང་བར་ནི། ཁཾ་ལས་པད་དྲ་ཅན་དུད་ཁ། །རྩ་ཞལ་དུད་ཁ་གཡས་དཀར་གཡོན། །དམར་པོ་ཕྱག་དྲུག་གཡས་གསུམ་ན། །ལྕགས་ཀྱུ་གྲི་གུག་ཚངས་པའི་
མགོ། །གཡོན་གསུམ་ཐོད་པ་ཁ་ཊྭཱཾ་ཞགས། །ལྔ་གའང་གཅེར་མོ་སྐྲ་གྲོལ་བ། །སྤྱན་གསུམ་ཕྱག་རྒྱ་ལྔ་ཡིས་སྤྲས། །གཡས་བརྐྱང་སྟབས་ཀྱིས་རང་རང་གི །འབྱུང་བའི་དཀྱིལ་འཁོར་ལ་བཞུགས་པའོ། །ཞེས་འབྱུང་བ་ལྔ་བྱིན་གྱིས་བརླབ་པའོ། །ༀ་པྲ་ཀྲྀ་ཏ་པ་རི་ཤུདྡྷཱཿསརྦ་དྷརྨཱཿ་པྲ་ཀྲྀ་ཏ་པ་རི་ཤུདྡྷོ྅་ཧཾ། ཞེས་པད་ཀོར་དང་འཁྱུད་ཚུལ་བྱའོ། །བདུན་པ་སྲུང་འཁོར་བསྒོམ་པ་ནི། །གཡོན་པའི་མཐེབ་མཛུབ་ཀྱིས་སེ་གོལ་རིམ་པ་བཞིན་གཏོག་ཅིང་། ཤར་དུ། ༀ་སུམྦྷ་ནི་སུམྦྷ་ཧུཾ་ཧཱུཾ་ཕཊ། བྱང་དུ། ༀ་གྲྀཧྞ་གྲྀཧྞ་ཧུཾ་ཧཱུཾ་ཕཊ། ནུབ་ཏུ། ༀ་གྲྀཧྞཱ་པ་ཡ་གྲྀཧྞཱ་པ་ཡ་ཧུཾ་ཧཱུཾ་ཕཊ། ལྷོར། ༀ་ཨཱ་ན་ཡ་ཧོཿབྷ་ག་བན་བཛྲ་ཧུཾ་ཧཱུཾ་ཕཊ། ཡི་གེ་དེ་རྣམས་གཡོན་སྐོར་དུ། །ནག་ལྗང་དམར་སེར་ཁ་དོག་ཅན། །ཚངས་པའི་འཇིག་རྟེན་ནས་བཟུང་སྟེ། །གསེར་གྱི་ས་གཞིར་ཐུག་གི་བར། །ཁྱབ་ཅིང་འབར་བའི་འོད་ཟེར་གྱིས། །རྡོ་རྗེའི་ར་བ་གྲུ་བཞི་པ། །ཕྱོགས་མདོག་འོག་ཏུ་ཧཱུཾ་ཡིག་ལས། །སྣ་ཚོགས་རྡོ་རྗེའི་ལྟེ་བར་ཧཱུཾ། །མཚན་ལས་འོད་འཕྲོས་
ས་གཞི་ནི། །སྣ་ཚོགས་རྡོ་རྗེའི་རང་བཞིན་དང་། །རྡོ་རྗེའི་ར་བ་སྟེང་ཕྱོགས་སུ། །རྡོ་རྗེ་རྩེ་ལྔའི་མདའ་ཡི་དྲ། །གུར་གྱི་ནང་དུ་བླ་རེ་དང་། །ཕྱི་རོལ་རྡོ་རྗེའི་མེ་དཔུང་གིས། །བར་མེད་འབར་བས་ཁྱབ་པར་གྱུར། །ༀ་མེ་དི་ནཱི་བཛྲཱི་བྷ་བ་བཛྲ་བནྡྷ་ཧཱུཾ། ༀ་བཛྲ་པྲཱ་ཀཱ་ར་ཧཱུཾ་པཾ་ཧཱུཾ། ༀ་བཛྲ་པཉྫ་ར་ཧཱུཾ་བཾ་ཧཱུཾ། ༀ་བཛྲ་བི་ཏཱ་ན་ཧཱུཾ་ཁཾ་ཧཱུཾ། ༀ་བཛྲ་ཤ་ར་ཛཱ་ལ་ཏྲཾ་སཾ་ཏྲཾ། ༀ་བཛྲ་ཛྭཱ་ལ་ཨ་ན་ལཱརྐ་ཧཱུཾ་ཧཱུཾ་ཧཱུཾ། སྔར་ལྟར་སེ་གོལ་དང་བཅས་ཏེ། ༀ་སུམྦྷ་ནི་སུམྦྷ་ཧུཾ་ཧཱུཾ་ཕཊ། ༀ་གྲྀཧྞ་གྲྀཧྞ་ཧུཾ་ཧཱུཾ་ཕཊ། ༀ་གྲྀཧྞཱ་པ་ཡ་གྲྀཧྞཱ་པ་ཡ་ཧུཾ་ཧཱུཾ་ཕཊ། ༀ་ཨཱ་ན་ཡ་ཧོཿབྷ་ག་བན་བཛྲ་ཧུཾ་ཧཱུཾ་ཕཊ། ཅེས་བརྗོད་ཅིང་། ཕྱོགས་བཞིའི་སྔགས་ལས་གཡོན་སྐོར་དུ། ཁྭ་གདོང་ནག་མོ་འུག་གདོང་ལྗང་། །ཁྱི་གདོང་དམར་མོ་ཕག་གདོང་སེར། །སླར་སེ་གོལ་དང་སྔགས་ལན་གཉིས་སུ་བཟླ་ཞིང་། ༀ་སུམྦྷ་ནི་སུམྦྷ་ཧུཾ་ཧཱུཾ་ཕཊ། ༀ་ཨཱ་ན་ཡ་ཧོཿབྷ་ག་བན་བཛྲ་ཧུཾ་ཧཱུཾ་ཕཊ། ༀ་ཨཱ་ན་ཡ་ཧོཿབྷ་ག་བན་བཛྲ་ཧུཾ་ཧཱུཾ་ཕཊ། ༀ་གྲྀཧྞཱ་
པ་ཡ་གྲྀཧྞཱ་པ་ཡ་ཧུཾ་ཧཱུཾ་ཕཊ། ༀ་གྲྀཧྞཱ་པ་ཡ་གྲྀཧྞཱ་པ་ཡ་ཧུཾ་ཧཱུཾ་ཕཊ། ༀ་གྲྀཧྞ་གྲྀཧྞ་ཧུཾ་ཧཱུཾ་ཕཊ། ༀ་གྲྀཧྞ་གྲྀཧྞ་ཧུཾ་ཧཱུཾ་ཕཊ། ༀ་སུམྦྷ་ནི་སུམྦྷ་ཧུཾ་ཧཱུཾ་ཕཊ། ཞེས་བརྗོད་ཅིང་། མཚམས་སུ་ཕྱོགས་བཞིའི་སྔགས་གཉིས་གཉིས། །འོད་ཟེར་འདྲེས་ལས་གཡས་སྐོར་གྱི། །ཤར་ལྷོར་གཤིན་རྗེ་བརྟན་མ་ནི། །གཡས་སྔོ་གཡོན་སེར་ལྷོ་ནུབ་ཏུ། །གཤིན་རྗེ་ཕོ་ཉ་མོ་གཡས་སེར། །གཡོན་དམར་ནུབ་བྱང་དུ་གཤིན་རྗེ། །མཆེ་མ་གཡས་དམར་གཡོན་ལྗང་བ། །བྱང་ཤར་གཤིན་རྗེ་འཇོམས་མ་གཡས། །ལྗང་གུ་གཡོན་སྔོ་བརྒྱད་ཀ་ཡང་། །ཞལ་གཅིག་ཕྱག་གཉིས་ལྟེ་བ་མན། །རྡོ་རྗེ་རྩེ་གཅིག་རྣམ་པ་ཅན། །ཕྱག་གཡས་རྡོ་རྗེའི་ཐོ་བ་དང་། །གཡོན་པས་རང་འདྲའི་ལྷ་མོ་ནི། །སྐུ་སྨད་ཕུར་བུའི་དབྱིབས་ཅན་འཛིན། །སྤྲུལ་པ་དུ་མ་ཕྱོགས་མཚམས་དང་། །ཤར་དང་ནུབ་ཀྱི་ཁྲོ་མོ་ཡིས། །སྟེང་དང་འོག་ཏུ་སྤྲོས་པ་ལས། །ཕྱོགས་བཅུའི་བགེགས་ཚོགས་མ་ལུས་བཀུག །རྡོ་རྗེའི་ར་ཕྱིར་ཧཱུཾ་ཡིག་ལས། །བྱུང་བའི་
ཁྲོན་ཟབ་བརྒྱད་ནང་དུ། །བཅུག་ནས་བཅོམ་ལྡན་འདས་ཉིད་ཀྱིས། །ཁྲོ་མོ་རྣམས་ལ་བཀའ་བསྒོས་པས། །ཕྱོགས་རྣམས་གཡོན་བསྐོར་མཚམས་གཡས་བསྐོར། །གདུག་ཅན་སྤྱི་བོར་ཕུར་བུས་བཏབ། །ༀ་གྷ་གྷ་གྷཱ་ཏ་ཡ་གྷཱ་ཏ་ཡ་སརྦ་དུཥྚཱན་བིགྷྣན་ཧཱུཾ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཱན་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཀཱི་ལ་བཛྲ་དྷ་ར་ཨཱ་ཛྙཱ་པ་ཡ་ཏི། སརྦ་དུཥྚཱ་ན་བིགྷྣན་ཀཱ་ཡ་ཝཱཀྩིཏྟཾ་བཛྲ་ཀཱི་ལ་ཡ་ཧཱུཾ་ཕཊ། རྡོ་རྗེ་ཐོ་བས་ཕུར་བུ་ནི། །བརྡུངས་བས་རྐང་མཐིལ་བར་ཕུག་གྱུར། །ༀ་བཛྲ་མུངྒ་ར་བཛྲ་ཀཱི་ལཱ་ཀོ་ཊ་ཡ་ཧཱུཾ་ཕཊ། བགེགས་ཚོགས་བདེ་ཆེན་དེ་ཉིད་དུ། །རང་བཞིན་གཅིག་བྱས་བགེགས་ལྷག་མ། །རྒྱང་རིང་བསྐྲད་ནས་ཁྲོ་མོ་རྣམས། །ར་བ་ལ་ཐིམ་ཆུ་ལ་ཆུ། །བརྡབས་པས་ཟེགས་མ་འཐོར་བ་བཞིན། །འོད་ཟེར་ཕྱིར་འཕྲོས་རྡོ་རྗེ་དང་། །པདྨ་འཁོར་ལོའི་ར་བ་ནི། །ཟླུམ་པོ་བར་མེད་དུམ་བུ་གཅིག །གྱུར་པས་བགེགས་དང་བྲལ་བའོ། །ༀ་བཛྲ་པྲཱ་ཀཱ་ར་ཧཱུཾ། །ༀ་པདྨ་
པྲཱ་ཀཱ་ར་ཧཱུཾ། །ༀ་ཙཀྲ་པྲཱ་ཀཱ་ར་ཧཱུཾ། ཞེས་གཞུག་པས་བརྟན་པར་བྱའོ། །བརྒྱད་པ་ཚོགས་བསགས་པ་ནི། སྲུང་འཁོར་དབུས་སུ་བདག་ཉིད་ནི། །ཧེ་རུ་ཀར་གནས་སྙིང་གར་ཨཾ། །ལས་བྱུང་ཟླ་དཀྱིལ་སྟེང་དུ་ཧཱུཾ། །སྔོན་པོ་འོད་ཟེར་སྣ་ཚོགས་འཕྲོ། །དེ་ཡི་སྣང་བས་མདུན་གྱི་མཁར། །བླ་མ་དཔལ་ལྡན་འཁོར་ལོ་སྡོམ། །རྟེན་དང་བརྟེན་བཅས་སྤྱན་དྲངས་ཏེ། །འོད་ཟེར་སྙིང་གར་ཐིམ་པར་གྱུར། །ཐལ་མོ་སྙིང་གར་སྦྱར་ཏེ། རྣལ་འབྱོར་རོ་གཅིག་བདུད་རྩི་གསོལ་བས་རྣམ་པར་དག་པའི་ཐུགས། །གནས་ལ་སོགས་པ་ཡུལ་དུ་བགྲོད་པས་རྣམ་པར་དག་པའི་སྐུ། །དཔལ་གྱི་གནས་ཀྱི་དབུས་མཆོག་དཀྱིལ་འཁོར་འཁོར་ལོའི་མགོན་པོ་དང་། །བླ་མ་མཆོག་ལ་སྤྱི་བོས་བཏུད་དེ་རྟག་ཏུ་ཕྱག་འཚལ་ལོ། །ལྷ་མོའི་ཕྲེང་བ་རིན་པོ་ཆེ་རྣམས་སྐུ་ཡི་རྒྱན། །དཔའ་བོ་རྣམས་ཀྱིས་རྟག་ཏུ་སྤྲས་པའི་སྐུ་རྣམས་ཀུན། །འཁོར་ལོ་གནས་མགོན་ལྷན་སྐྱེས་དྲི་མ་མེད་པ་ཡང་། །བདེ་མཆོག་རྣལ་
འབྱོར་སྙིང་པོར་རྟག་ཏུ་ཕྱག་འཚལ་ལོ། །སླར་ཡང་སྙིང་གའི་ས་བོན་ལས། །བྱུང་བའི་པི་ཝང་མ་ལ་སོགས། །སྦེག་ལ་སྒེག་ཅིང་འགྱུར་བ་ཡི། །ལྷ་མོ་བཅུ་དྲུག་གིས་མཆོད་གྱུར། །ༀ་བཛྲ་བཱི་ཎེ་ཧུཾ་ཧཱུཾ་ཕཊ། དེ་བཞིན་དུ་ཐོག་མར། ༀ་བཛྲ་དང་། མཐར་ཧུཾ་ཧཱུཾ་ཕཊ། ཀྱི་བར་སྤེལ་ལ། བཾ་ཤེ། མྲྀ་ཏཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲྀ་ཏྱེ། པུཥྤེ། དྷཱུ་པེ། དཱི་པེ། གནྡྷེ། ཡང་ཐོག་མར། ༀ་དང་། མཐར་བཛྲི་ཧུཾ་ཧཱུཾ་ཕཊ། ཅེས་སྦྱར་ནས། རཱུ་པ། ར་ས། སྤཪྴེ། དྷརྨ་དྷཱ་ཏུ། ཞེས་སྦྱར་རོ། །སླར་ཡང་སྙིང་གའི་ཧཱུཾ་ཡིག་ལས། །སྤྲོས་པའི་མཁའ་འགྲོ་མ་ལཱ་མ། །དུམ་སྐྱེས་གཟུགས་ཅན་མ་བཞི་ཡིས། །ཤ་ལྔ་བདུད་རྩི་ལྔས་གང་བའི། །ཐོད་པ་ཐོགས་ནས་མཆོད་པར་གྱུར། །ༀ་པཉྩ་ཨ་མྲྀ་ཏ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། མཆོད་ལྷ་དེ་རྣམས་བཅོམ་ལྡན་མར། །ཐིམ་པས་སྙོམས་ཞུགས་བདེ་མཉེས་གྱུར། །འཁྱུད་ཚུལ་དང་། ༀ་ཤྲཱི་མ་ཧཱ་སུ་ཁ་ཧེ་ཧེ་རུ་རུ་ཀཾ་ཨཱཿཧཱུཾ་ཧཱུཾ་ཕཊ་སྭཱ་ཧཱ། ཞེས་ཕྱི་ནང་གསང་བས་མཆོད་ལ།
འདོད་ཆགས་ཞེ་སྡང་གཏི་མུག་ལས་གྱུར་པའི། །ལུས་དང་ངག་དང་གཞན་ཡང་ཡིད་ཀྱིས་ཀྱང་། །སྡིག་པ་བགྱིས་དང་དེ་བཞིན་བགྱིད་སྩལ་རྣམས། །ཐམས་ཅད་རྒྱལ་བ་རྣམས་ཀྱི་མདུན་དུ་འཆགས། །གང་ཡང་དེ་བཞིན་གཤེགས་ཀུན་བསོད་ནམས་དང་། །གཞན་ཡང་རྫོགས་པའི་སངས་རྒྱས་ལ་བརྟེན་དང་། །རང་སངས་རྒྱས་དང་བླ་མ་མཆོག་རྣམས་ཀྱི། །དགེ་བ་ཀུན་ལ་བདག་ནི་རྗེས་ཡི་རང་། །དུས་གསུམ་ཀུན་ཏུ་གཤེགས་པའི་སངས་རྒྱས་དང་། །ནམ་མཁའི་ཕྱོགས་ཁྱབ་བརྩེ་ལྡན་ཡོན་ཏན་ཚོགས། །ཆོས་དང་སྐྱོན་སྤངས་འཕགས་པའི་ཚོགས་རྣམས་ལ། །གུས་པས་བདག་ནི་སྐྱབས་སུ་ཉེ་བར་མཆི། །སྡིག་པ་ཐམས་ཅད་རྩད་ནས་ཟད་བྱེད་ཅིང་། །གང་འདིར་བསོད་ནམས་ཚོགས་ནི་ཉེར་བསགས་པ། །དངོས་བྲལ་གཟུང་འཛིན་རྣམས་སྤངས་ཆོས་བདག་མེད། །དབྱེར་མེད་བྱང་ཆུབ་སེམས་ནི་བདག་གིས་བསྐྱེད། །ཚངས་པ་དབང་
པོ་སོགས་ཀྱིས་རྙེད་དཀའ་བ། །དྲི་མེད་རྣམ་དག་རྙོག་པ་ཡང་མ་མཆིས། །བརྩེ་ལྡན་སྲས་བཅས་རྒྱལ་བས་གསུངས་པའི་ལམ། །རྣམ་དག་བསམ་ཡས་ཡང་དག་བརྟེན་པར་བགྱི། །བདག་གིས་འགྲོ་རྣམས་བསྒྲལ་བའི་ཕྱིར། །བགྲོད་དཀའ་སྲིད་པའི་རྒྱ་མཚོ་ལས། །གང་གིས་རང་ཉིད་སྐད་ཅིག་ལ། །སངས་རྒྱས་རྣམས་ལ་དབུལ་བར་བྱ། །ཞེས་བསོད་ནམས་ཀྱི་ཚོགས་བསགས། ཚོགས་ཞིང་རང་ལ་ཐིམ་པར་གྱུར། །རང་གི་སྤྱི་མགྲིན་སྙིང་ག་རུ། །ཧེ་རུ་ཀ་ཡིག་དཀར་དམར་སྔོ། །ཧེ་ནི་རྒྱུ་སོགས་རྟེན་ཅིང་འབྱུང་། །རུ་ནི་གནས་འཇིག་ཚོགས་དང་བྲལ། །ཀ་ནི་མཐའ་གཉིས་ལ་མི་གནས། །ཆོས་ཀུན་དེ་ལྟར་མ་ཤེས་པས། །འགྲོ་ཀུན་བདག་བཟུང་འཁོར་བར་གྱུར། །དེ་ཕྱིར་བདག་ཉིད་ཧེ་རུ་ཀར། །གྱུར་ནས་གཟུང་འཛིན་བྲལ་བའི་ཆོས། །ཁོང་དུ་ཆུད་བྱས་དེ་དོན་བསྒྲུབ། །དགུ་པ་རྟེན་བརྟེན་པ་བསྐྱེད་པ་ནི། སྭ་བྷཱ་ཝའི་སྔགས་དོན་དྲན་པར་བྱས་ནས། ཁམས་གསུམ་ཐམས་ཅད་རང་བཞིན་
སྟོང་ཉིད་དོ། །རང་གི་སེམས་ཉིད་སྔོན་གྱི་སྨོན་ལམ་ལས། །ༀ་དཀར་ཨཱཿདམར་ཧཱུཾ་སྔོན་རྣམ་པར་བརྩེགས། །དེ་ལས་སྐུ་གསུང་ཐུགས་འཁོར་རྣམ་པར་སྤྲོས། །འགྲོ་ཀུན་འཁོར་ལོ་གསུམ་གྱི་ལྷར་བྱས་ཏེ། །སྙོམས་ཞུགས་ཞུ་བས་ཡི་གེ་གསུམ་སོ་སོར། །ཐིམ་ཞིང་དེ་དག་རིམ་གྱིས་ཧཱུཾ་ལ་བསྡུས། །དེ་ཡང་ཞབས་ཀྱུ་ཁོག་མགོ་ཟླ་ཚེས་དང་། །ཐིག་ལེ་ནཱ་ད་དེ་ཡང་སྐྲ་ཡི་རྩེ། །སྟོང་གི་ཆ་ཙམ་དུ་གནས་སེམས་ཅན་ཀུན། །ཆོས་ཀྱི་ཆོས་ཉིད་མ་རྟོགས་འཁོར་བ་ལ། །བདག་གིས་ཆོས་ཉིད་མངོན་བྱས་འགྲོ་རྣམས་ཀྱང་། །ཟབ་མོའི་དེ་བཞིན་ཉིད་དོན་རྟོགས་པར་བྱའོ། །ༀ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། སྟོང་པའི་ངང་ལས་ཨེ་ལས་ཆོས་འབྱུང་གནས། །དཀར་པོ་ཡངས་ཤིང་རྒྱ་ཆེའི་ནང་ཡཾ་ལས། །རླུང་དཀྱིལ་སྔོན་པོ་གཞུ་དབྱིབས་རྒྱལ་མཚན་གཉིས། །མཚན་པ་དེ་སྟེང་རཾ་ལས་མེ་དཀྱིལ་དམར། །གྲུ་གསུམ་འབར་མཚན་དེ་སྟེང་བཾ་ལས་
ཆུའི། །དཀྱིལ་འཁོར་དཀར་ཟླུམ་བུཾ་མཚན་དེ་ཡི་སྟེང་། །ལཾ་ལས་ས་དཀྱིལ་སེར་པོ་གྲུ་བཞི་པ། །རྡོ་རྗེ་རྩེ་གསུམ་མཚན་རྣམས་སོ་སོ་ཡི། །ས་བོན་གྱིས་ནི་བྱིན་བརླབས་དེ་ཡི་སྟེང་། །སུཾ་ལས་རིན་ཆེན་སྣ་བཞི་ལས་གྲུབ་པའི། །ལྷུན་པོ་གྲུ་བཞི་ལྕོག་བརྒྱད་མཛེས་པའི་སྟེང་། །པཾ་ལས་སྣ་ཚོགས་པདྨའི་ཟེའུ་འབྲུར་ཧཱུཾ། །དེ་ལས་སྣ་ཚོགས་རྡོ་རྗེ་ཤར་དཀར་བྱང་། །ལྗང་གུ་ནུབ་དམར་ལྷོ་སེར་དབུས་མཐིང་གའི། །ལྟེ་བར་བུཾ་ལས་མཚན་ཉིད་ཡོངས་རྫོགས་པའི། །གཞལ་ཡས་ཁང་མཆོག་རྩིག་པ་རིམ་ལྔ་དང་། །ལྡན་ཞིང་གྲུ་བཞི་སྒོ་བཞི་སྒོ་ཁྱུད་ཀྱི། །མཚམས་སུ་ཟླ་ཕྱེད་རིན་ཆེན་རྡོ་རྗེས་སྤྲས། །སྟེགས་བུ་བཞི་ལ་ལྷ་མོའི་ཚོགས་འཁོད་པ། །ཀ་བཞི་བཞིས་བཏེག་རྟ་བབས་བཞིས་མཛེས་ལ། །པད་ཟླའི་སྟེང་དུ་འཁོར་ལོ་གདུགས་རི་དྭགས། །ཕོ་མོ་དང་བཅས་རྟ་བབས་གཡས་གཡོན་དུ། །བུམ་བཟང་ལས་ཐོན་དཔག་བསམ་ཤིང་བཟང་ལ། །རྒྱལ་སྲིད་རིན་ཆེན་
སོགས་བརྒྱན་ནོར་བུ་མཆོག །དུ་མས་བཀྲ་བའི་ཕ་གུ་གསེར་གྱི་ནི། །སྐ་རགས་བཞི་ལ་བཏགས་པའི་ཆུ་སྲིན་གྱི། །ཁ་ནས་དོ་ཤལ་དོ་ཤལ་ཕྱེད་འཕྱང་བ། །བྱ་འདབ་འོག་དང་སྟེང་དུ་བ་ཀུ་ལཱི། །ཀྲ་མ་ཤྲཱིཪྵས་བསྐོར་ལ་སྣ་ཚོགས་པའི། །གདུགས་དང་རྒྱལ་མཚན་གྱིས་སྤུད་ནང་ཕྱོགས་ཀྱི། །སྟེང་འོག་ཐམས་ཅད་ཤར་སྔོ་བྱང་ལྗང་གུ། །ནུབ་དམར་ལྷོ་སེར་དབུས་སུ་པཾ་ཡིག་ལས། །སྣ་ཚོགས་པད་འདབ་བརྒྱད་པའི་མུ་ཁྱུད་ལ། །གྲི་གུག་ཕྲེང་བསྐོར་སྙིང་པོའི་པདྨའི་མཐར། །གནས་པའི་ཀ་བརྒྱད་ཀྱིས་བཏེག་ཐོག་གི་རྩེར། །རྡོ་རྗེ་ནོར་བུའི་ཏོག་བཅས་དཀྱིལ་འཁོར་ཕྱིར། །རྡོ་རྗེའི་ར་གུར་མེ་རིས་བསྐོར་བའི་ཕྱིར། །ཤར་ནས་གཡོན་སྐོར་གཏུམ་དྲག་ཚང་ཚིང་འཁྲིགས། །རྡོ་རྗེ་འབར་བ་ཀེང་རུས་ཅན་གྱི་གནས། །དབང་ལྡན་ཕྱོགས་ནས་གཡས་སྐོར་མི་བཟད་བཞད། །བཀྲ་ཤིས་ཚལ་དང་མུན་པ་དྲག་པོ་དང་། །ཀི་ལི་ཀི་ལཱ་སྒྲོགས་ཏེ་དུར་ཁྲོད་
རྣམས། །ཤིང་དང་ཕྱོགས་སྐྱོང་ཞིང་སྐྱོང་ཀླུ་དང་སྤྲིན། །རི་དང་མཆོད་རྟེན་བརྒྱད་བརྒྱད་རྣམ་པར་ལྡན། །གནོད་སྦྱིན་རོ་ལངས་འབྱུང་པོ་དུ་མ་དང་། །དཔའ་བོ་རྣལ་འབྱོར་མ་ཚོགས་དུ་མ་རོལ། །གཞལ་ཡས་ཁང་གི་པད་ལྟེར་ཉི་མ་དང་། །འཇིགས་དུས་ཕྱོགས་འདབ་དབུགས་བྲལ་གདན་བཅས་ལ། །དབུས་མའི་སྟེང་དུ་ཧཱུཾ་མཐིང་འོད་དུ་འབར། །དེ་ལས་སྣ་ཚོགས་འོད་འཕྲོས་སངས་རྒྱས་དང་། །བྱང་སེམས་ཀུན་གྱི་བྱིན་རླབས་འོད་དུ་བསྡུས། །ཧཱུཾ་ཐིམ་རྡོ་རྗེ་སྔོན་པོ་རྩེ་ལྔའི་ལྟེར། །ཧཱུཾ་མཚན་འོད་ཀྱིས་ཁམས་གསུམ་སེམས་ཅན་གྱི། །རྒྱུད་སྦྱངས་ཧེ་རུ་ཀ་ཡི་གོ་འཕང་ལ། །བཀོད་ནས་ཚུར་འདུས་ས་བོན་ཕྱག་མཚན་བཅས། །ཡོངས་གྱུར་བདག་ཉིད་ཧེ་རུ་ཀ་སྐུ་མདོག །ཟར་མའི་མེ་ཏོག་སར་པ་ལྟར་སྔོ་བསངས། །ཞལ་གཅིག་སྤྱན་གསུམ་མཆེ་བ་ཅུང་ཟད་གཙིགས། །རལ་པའི་ཅོད་པན་རྩེ་མོ་ནོར་བུ་དང་། །མདུན་དུ་སྣ་ཚོགས་རྡོ་རྗེ་གཡོན་ཕྱོགས་སུ། །
ཟླ་བ་ཕྱེད་སྤྲས་གསུམ་འཁྱོག་གྱེས་པ་ཡི། །དར་དཔྱངས་རྡོ་རྗེའི་ཕྲེང་སྦྲེལ་ཐོད་སྐམ་ལྔ། །རིན་ཆེན་རྩེ་བྲན་སྐྲ་ཡི་མཚམས་སུ་བཅིངས། །ཐོད་རློན་ལྔ་བཅུའི་དོ་ཤལ་ཕྱག་རྒྱ་དྲུག །བརྒྱན་ཅིང་སྒེག་པ་ལ་སོགས་གར་དགུར་ལྡན། །སྟག་ལྤགས་ཤམ་གྲོལ་ཕྱག་གཉིས་རྡོ་རྗེ་དང་། །དྲིལ་བུ་འཛིན་པས་ཡུམ་འཁྱུད་ཞབས་གཡས་བརྐྱང་། །གཡོན་བསྐུམ་དུས་མཚན་དམར་མོའི་ནུ་མའི་བར། །འཇིགས་བྱེད་ནག་པོ་མགོ་བལྟབ་སྟེང་དུ་བརྫིས། །དྲི་མེད་འོད་ཕྲེང་འཁྲུགས་པ་དེ་ཡི་པང་། །རྡོ་རྗེ་ཕག་མོ་གཞོན་ནུ་ལང་ཚོ་ཅན། །དམར་མོ་ཞལ་གཅིག་ཕྱག་གཉིས་སྤྱན་གསུམ་པ། །སྐྲ་གྲོལ་ཐོད་སྐམ་ལྔས་བརྒྱན་སྐམ་པོ་ནི། །ལྔ་བཅུའི་དོ་ཤལ་ཕྱག་རྒྱ་ལྔ་ཡིས་སྤྲས། །གཡས་པས་སྡིགས་མཛུབ་དང་བཅས་གྲི་གུག་འཕྱར། །གཡོན་པས་ཐོད་པ་བདུད་རྩི་དང་བཅས་འཁྱུད། །གཡོན་བརྐྱང་གཡས་བསྐུམ་འཁྲིལ་བས་བདེ་ཆེན་རྒྱས། །བསྐལ་མེ་འབར་བའི་གཟི་
བརྗིད་ལྡན་པའོ། །མདུན་དུ་མཁའ་འགྲོ་མ་མཐིང་གཡོན་ཕྱོགས་སུ། །ལཱ་མཱ་ལྗང་གུ་རྒྱབ་ཏུ་དུམ་སྐྱེས་དམར། །གཡས་སུ་གཟུགས་ཅན་མ་སེར་བཞི་ག་ཡང་། །ཞལ་གཅིག་ཕྱག་གཉིས་གཡས་ཀྱིས་གྲི་གུག་འཕྱར། །གཡོན་ཐོད་ཁྲག་བཀང་གྲུ་མོར་ཁ་ཊྭཱཾ་ལྡན། །རུས་པའི་རྒྱན་ཆ་ལྔས་མཛེས་སྤྱན་གསུམ་མངའ། །སྐྲ་གྲོལ་གཡས་བརྐྱང་གཡོན་བསྐུམ་སྟབས་ཀྱིས་བཞུགས། །མཚམས་བཞིར་བདུད་རྩི་ལྔས་བཀང་བུམ་པའི་སྟེང་། །ཤ་ལྔས་གང་བའི་ཐོད་པ་གསལ་བར་གྱུར། །ལུས་དྲན་ཉེ་བར་གཞག་པ་མཁའ་འགྲོ་མའོ། །ཚོར་དྲན་ཉེ་བར་གཞག་པ་ལཱ་མཱའོ། །ཆོས་དྲན་ཉེ་བར་གཞག་པ་དུམ་སྐྱེས་མའོ། །སེམས་དྲན་ཉེ་བར་གཞག་པ་གཟུགས་ཅན་མའོ། །ཡང་དག་ཏིང་འཛིན་བཅོམ་ལྡན་ཧེ་རུ་ཀའོ། །ཞེས་དག་པ་དང་བཅས་ཏེ་བསྒོམ་མོ། །བཅུ་པ་གནས་གསུམ་བྱིན་རླབས་དང་གོ་ཆ་འགོད་པ་ནི། གཙོ་འཁོར་ཀུན་གྱི་སྤྱི་བོར་ཟླ་ལ་ༀ། །དཀར་པོ་མགྲིན་པད་ཨཱཿདམར་སྙིང་གར་ནི། །
སྣ་ཚོགས་རྡོ་རྗེའི་ལྟེ་བར་ཧཱུཾ་སྔོན་པོ། །བཅོམ་ལྡན་འདས་ཀྱི་ཐུགས་ཀར་ཨཱོཾ་ཧ་དཀར། །མགོ་བོར་ན་མ་ཧི་སེར་གཙུག་ཏུ་སྭཱ། །ཧཱ་ཧུ་དམར་པོ་ཕྲག་གཉིས་བཽ་ཥཊ་ཧེ། །ནག་པོ་མིག་གཉིས་ཧཱུཾ་ཧཱུཾ་ཧོཿདམར་སེར། །ཡན་ལག་ཀུན་ལ་ཕཊ་ཧཾ་ལྗང་གུ་དང་། །ཡུམ་གྱི་ལྟེ་བར་ཨཱོཾ་བཾ་དམར་སྙིང་གར། །ཧཾ་ཡོཾ་སྔོན་པོ་ཁར་ཧྲཱིཾ་མོཾ་དཀར་མོ། །མགོ་བོར་ཧྲིཾ་ཧྲིཾ་སེར་མོ་སྤྱི་གཙུག་ཏུ། །ཧཱུཾ་ཧཱུཾ་ལྗང་གུ་ཡན་ལག་ཀུན་ཕཊ་ཕཊ། །དུད་ཁ་རྣམས་ཀྱིས་ཡང་དག་མཚན་པར་གྱུར། །བཅུ་གཅིག་པ་ཡེ་ཤེས་པར་མཆོད་ལ་བསྟིམ་པ་ནི། འབར་བའི་ཕྱག་རྒྱ་དང་ཕེཾ་གྱི་སྒྲས་བསྐུལ་ཏེ། སྙིང་གར་ཉི་མ་ལ་གནས་ཧཱུཾ་འོད་ཀྱིས། །ཡེ་ཤེས་འཁོར་ལོ་ཕྱོགས་བཅུའི་ཁམས་བཞུགས་པའི། །དཔའ་བོ་རྣལ་འབྱོར་མར་བཅས་དབང་གི་ལྷ། །མདུན་གྱི་ནམ་མཁར་སྤྱན་དྲངས་བཞུགས་སུ་གསོལ། །ༀ་བཛྲ་བཱི་ཎེ་ཧུཾ་ཧཱུཾ་ཕཊ། བཾ་ཤེ། མྲྀ་ཏཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲྀ་ཏྱེ། པུཥྤེ། དྷཱུ་པེ། དཱི་པེ། གནྡྷེ། ༀ་རཱུ་
པ་བཛྲི། ར་ས་བཛྲི། སྤཪྴེ་བཛྲི། དྷརྨ་དྷཱ་ཏུ། ཞེས་སྔགས་ཐོག་མཐར་སྤེལ་བའི་ལྷ་མོ་བཅུ་དྲུག་གིས་མཆོད། ཛཿཧཱུཾ་བཾ་ཧོཿ ཞེས་བརྗོད་ཅིང་། རྡོ་རྗེ་ལྕགས་ཀྱུ་ལ་སོགས་པའི་ཕྱག་རྒྱ་འཆིང་བཞིན་པས། ཡེ་ཤེས་པ་དང་དམ་ཚིག་གཉིས་མེད་གྱུར། །ཅེས་དགུག་གཞུག་བཅིང་མཉེས་བྱས་ནས་ལག་གཉིས་རྣམ་ལྔ་འདོད་བསྐོར་དང་། མཐར་འཁྱུད་པའི་ཚུལ་བྱ་ཞིང་། ༀ་ཡོ་ག་ཤུདྡྷཱཿསརྦ་དྷརྨཱ་ཡོ་ག་ཤུདྡྷོ྅ཧཾ། ཆོས་རྣམས་ཐབས་ཤེས་དབྱེར་མེད་ངང་དུ་དག །བདག་ཀྱང་དེ་ཡི་ངོ་བོར་རྣམ་དག་གོ །ཞེས་ང་རྒྱལ་བཟུང་། བཅུ་གཉིས་པ་དབང་བསྐུར་རྒྱས་གདབ་མཆོད་ཅིང་བསྟོད་པ་ནི། ཡེ་ཤེས་པ་དང་ལྷན་ཅིག་སྤྱན་དྲངས་པའི། །དབང་ལྷ་ནམ་མཁར་བཞུགས་ལ་མཆོད་པར་བྱ། །ༀ་བཛྲ་བཱི་ཎེ་ཧུཾ་ཧཱུཾ་ཕཊ། བཾ་ཤེ། མྲྀ་ཏཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲྀ་ཏྱེ། པུཥྤེ། དྷཱུ་པེ། དཱི་པེ། གནྡྷེ། ༀ་རཱུ་པ་བཛྲི། ར་ས་བཛྲི། སྤཪྴེ་བཛྲི། དྷརྨ་དྷཱ་ཏུ། ཞེས་རིག་མ་བཅུ་དྲུག་གིས་མཆོད། དེ་བཞིན་གཤེགས་ཀུན་བདག་ལ་དབང་བསྐུར་གསོལ། །གསོལ་བཏབ་མོད་ལ་སྒོ་མཚམས་མ་
བརྒྱད་ཀྱིས། །བགེགས་བསྐྲད་དཔའ་བོ་རྣམས་ཀྱིས་ཤིས་པ་བརྗོད། །དཔའ་མོས་གླུ་ལེན་ཡུམ་བཞི་ཕག་མོར་བཅས། །རིན་ཆེན་བུམ་པ་བདུད་རྩིས་གང་བསྣམས་ནས། །ཇི་ལྟར་བལྟམས་ཚེ་བཅོམ་ལྡན་ཁྲུས་གསོལ་ལྟར། །ལྷ་ཆུ་དག་པས་འདིར་ནི་ཁྲུས་བགྱིའོ། །ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། ཞེས་གསུངས་ཡེ་ཤེས་བདུད་རྩིའི་རྒྱུན་མཆོག་གིས། །དབང་བསྐུར་ལྷ་རྣམས་བདེ་ཆེན་བདག་ཉིད་གྱུར། །ཆུ་ལྷག་བཅོམ་ལྡན་འདས་ལ་མི་བསྐྱོད་པ། །རྡོ་རྗེ་ཕག་མོར་སྣང་མཛད་མཁའ་འགྲོ་མ། །བཞི་ལ་རིན་འབྱུང་དབུ་བརྒྱན་ཐུགས་ཀ་ཡི། །ས་བོན་འོད་ལས་བྱུང་བ་ལྷ་མོའི་ཚོགས། །མཆོད་རྫས་འཛིན་པ་ནམ་མཁའི་ཁམས་གང་བས། །དཀྱིལ་འཁོར་པ་ལ་མཆོད་པ་སྤྲོ་བར་གྱུར། །ༀ་ཤྲཱི་ཧེ་རུ་ཀ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། ཨརྒྷཾ་གྱི་གནས་སུ། ཨཱ་ཙ་མ་ནཾ། པྲོཀྵ་ནཾ། པཱ་དྱཾ། པུཥྤཾ། དྷཱུ་པཾ། ཨཱ་ལོ་ཀཾ གནྡྷཾ། ནཻ་ཝི་དྱཾ།
ཤཔྡཾ། ཞེས་དང་། ༀ་བཛྲ་བཱི་ཎེ་ཧུཾ་ཧཱུཾ་ཕཊ། བཾ་ཤེ། མྲྀ་ཏཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲྀ་ཏྱེ། པུཥྤེ། དྷཱུ་པེ། དཱི་པེ། གནྡྷེ། ༀ་རཱུ་པ་བཛྲི། ར་ས་བཛྲི། སྤཪྴེ་བཛྲི། དྷརྨ་དྷཱ་ཏུ། ཞེས་ལྷ་མོ་བཅུ་དྲུག་གིས་མཆོད། ལྷ་རྣམས་ལྗགས་ཧཱུཾ་རྡོ་རྗེ་རྩེ་གསུམ་དཀར། །སྦུ་གུས་བདུད་རྩི་དྲངས་ནས་གསོལ་བར་གྱུར། །ༀ་ཨ་མྲྀ་ཏ་སྭཱ་ད་སྭ་བྷཱ་ཝ་ཨཱཏྨ་ཀོ྅་ཧཾ། ༀ་ཨཱཿཧཱུཾ། གིས་བྱིན་གྱིས་བརླབས་ཏེ་གཡོན་པའི་མཐེབ་སྲིན་གྱིས་ནང་མཆོད་ནས་ཐིག་གཏོར་རིམ་བཞིན་དབུལ་ཞིང་། རྡོ་རྗེ་འཆང་ཆེན་ཏཻ་ལོ་ནཱ་རོ་དང་། །མར་པ་མི་ལ་རྗེ་བཙུན་སྒམ་པོ་པ། །དུས་གསུམ་མཁྱེན་པ་རས་ཆེན་སྤོམ་བྲག་པ། །ཀརྨ་པ་དང་གཉན་རས་རང་བྱུང་བ། །གཡུང་སྟོན་པ་དང་འཛམ་གླིང་མཁའ་སྤྱོད་དབང་། །དེ་བཞིན་གཤེགས་པ་རཏྣ་བྷ་དྲ་དང་། །མཐོང་བ་དོན་ལྡན་ཀུན་མཁྱེན་འཇམ་དཔལ་བཟང་། །རང་བྱུང་མཚོ་སྐྱེས་སངས་རྒྱས་མཉན་པ་དང་། །མི་བསྐྱོད་རྡོ་རྗེ་དཀོན་མཆོག་ཡན་ལག་དང་། །དབང་ཕྱུག་རྡོ་རྗེ་ཆོས་ཀྱི་དབང་ཕྱུག་
དང་། །ཆོས་དབྱིངས་རྡོ་རྗེ་ཡེ་ཤེས་སྙིང་པོ་དང་། །ཡེ་ཤེས་རྡོ་རྗེ་ཆོས་ཀྱི་དོན་གྲུབ་དང་། །བྱང་ཆུབ་རྡོ་རྗེ་ཆོས་ཀྱི་འབྱུང་གནས་དང་། །བདུད་འདུལ་རྡོ་རྗེ་ཆོས་གྲུབ་རྒྱ་མཚོ་དང་། །པདྨ་ཉིན་བྱེད་ཐེག་མཆོག་རྡོ་རྗེ་དང་། །བློ་གྲོས་མཐའ་ཡས་མཁའ་ཁྱབ་རྡོ་རྗེ་དང་། །པདྨ་དབང་མཆོག་མཁྱེན་བརྩེ་འོད་ཟེར་ཞབས། །ཁྱབ་བདག་རང་བྱུང་རིག་པའི་རྡོ་རྗེ་སོགས། །རྗེ་བཙུན་བླ་མའི་ཞལ་དུ་ༀ་ཨཱཿཧཱུཾ། །ༀ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ་ཌཱ་ཀི་ནཱི་ཛཱ་ལ་སམྦ་རཾ་ༀ་ཨཱཿཧཱུཾ། ༀ་བཛྲ་བཻ་རོ་ཙ་ནཱི་ཡེ་ༀ་ཨཱཿཧཱུཾ། ༀ་ཌཱ་ཀི་ནཱི་ༀ་ཨཱཿཧཱུཾ། ༀ་ལཱ་མེ་ༀ་ཨཱཿཧཱུཾ། ༀ་ཁཎྜ་རོ་ཧེ་ༀ་ཨཱཿཧཱུཾ། ༀ་རཱུ་པི་ཎི་ཡེ་ༀ་ཨཱཿཧཱུཾ། ༀ་མ་ཧཱ་ཀཱ་ལཱ་ཡ་ༀ་ཨཱཿཧཱུཾ། ༀ་མ་ཧཱ་ཀཱ་ལཱེ་ༀ་ཨཱཿཧཱུཾ། ཞེས་བླ་མ་ཡི་དམ་ཆོས་སྐྱོང་རྣམས་མཆོད། ༀ་ན་མོ་བྷ་ག་ཝ་ཏེ་བཱི་རེ་ཤཱ་ཡ་ཧུཾ་ཧཱུཾ་ཕཊ། ༀ་མ་ཧཱ་ཀལྤཱགྣི སནྣི་བྷཱ་ཡ་ཧུཾ་ཧཱུཾ་ཕཊ། ༀ་ཛ་ཊཱ་མ་ཀུ་ཊོཏྐ་ཊཱ་ཡ་ཧུཾ་ཧཱུཾ་ཕཊ། ༀ་དཾཥྚཱ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ་ཧུཾ་ཧཱུཾ་ཕཊ། ༀ་ས་ཧ་སྲ་བྷུ་
ཛ་བྷཱ་སུ་རཱ་ཡ་ཧུཾ་ཧཱུཾ་ཕཊ། ༀ་པར་ཤུ་པཱ་ཤོདྱ་ཏ་ཤཱུ་ལ་ཁ་ཊྭཱཾ་ག་དྷཱ་རི་ཎེ་ཧུཾ་ཧཱུཾ་ཕཊ། ༀ་བྱཱ་གྷྲ་ཛི་ནམྦ་ར་དྷ་རཱ་ཡ་ཧུཾ་ཧཱུཾ་ཕཊ། ༀ་མ་ཧཱ་དྷཱུ་མྲཱནྡྷ་ཀ་ར་བ་པུཥཱ་ཡ་ཧུཾ་ཧཱུཾ་ཕཊ། ༀ་ན་མོ་བྷ་ག་ཝ་ཏཱི་བཛྲ་བཱ་རཱ་ཧི་བཾ་ཧུཾ་ཧཱུཾ་ཕཊ། ༀ་ན་མ་ཨཱཪྱཱ་པ་རཱ་ཛི་ཏེ་ཏྲཻ་ལོ་ཀྱ་མཱ་ཏེ་མ་ཧཱ་བིདྱེ་ཤྭ་རི་ཧུཾ་ཧཱུཾ་ཕཊ། ༀ་ན་མཿསརྦ་བྷཱུ་ཏ་བྷ་ཡཱ་བ་ཧེ་མ་ཧཱ་བཛྲེ་ཧུཾ་ཧཱུཾ་ཕཊ། ༀ་ན་མོ་བཛྲཱི་ས་ནེ་ཨ་ཛི་ཏེ་ཨ་པ་རཱ་ཛི་ཏེ་བཤྱཾ་ཀ་རི་ནེ་ཏྲ་བྷྲཱ་མ་ཎི་ཧུཾ་ཧཱུཾ་ཕཊ། ༀ་ན་མཿཤོ་ཥ་ཎི་རོ་ཥ་ཎི་ཀྲོ་དྷེ་ཀ་རཱ་ལི་ནི་ཧུཾ་ཧཱུཾ་ཕཊ། ༀ་ན་མསྟྲཱ་ས་ནི་མཱ་ར་ཎི་པྲ་བྷེ་ད་ནི་ཨ་པ་རཱ་ཛ་ཡེ་ཧུཾ་ཧཱུཾ་ཕཊ། ༀ་ན་མོ་བི་ཛ་ཡེ་ཛམྦྷ་ནི། སྟམྦྷ་ནི་མོ་ཧ་ནི་ཧུཾ་ཧཱུཾ་ཕཊ། ༀ་ན་མོ་བཛྲ་བཱ་རཱ་ཧི་མ་ཧཱ་ཡོ་གི་ནི་ཀཱ་མེ་ཤྭ་རི་ཁ་གེ་ཧུཾ་ཧཱུཾ་ཕཊ། ཅེས་ཡུམ་གྱི་རྐང་པ་བརྒྱད་པས་བསྟོད་དོ། །བཅུ་གསུམ་པ་བདེ་བ་ཆེན་པོ་ཉམས་སུ་མྱོང་བ་ནི། བདག་ཉིད་ཧེ་རུ་ཀར་གནས་སྐུ་ཡི་ནང་། །རྩ་གསུམ་འཁོར་ལོ་བཞི་ལྡན་དེ་ཉིད་ཀྱི། །སྤྱི་བོར་ཧཾ་དཀར་མགྲིན་པར་ༀ་དཀར་པོ། །སྙིང་གར་ཧཱུཾ་སྔོན་ལྟེ་བར་
ཨཱཿདམར་པོ། །ཨཱཿལས་གཏུམ་མོའི་མེ་འབར་ཡིག་གསུམ་བསྲེགས། །ཧཾ་ལས་དཀར་ཆའི་རྒྱུན་བབས་ཡིག་གསུམ་གསོས། །སླར་ཡང་འོད་འཕྲོས་བདེ་ཆེན་ཉམས་མྱོང་གྱུར། །ཅེས་བསྒོམ་པས་དུ་བ་ལ་སོགས་པའི་རྟགས་ལྔ་འཆར་རོ། །བཅུ་བཞི་པ་བཟླས་པ་བྱ་བ་ནི། བགྲང་ཕྲེང་མི་རུས་ལས་གྲུབ་པ་གཞོན་ནུ་མས་བཀལ་བའི་སྲད་བུས་བརྒྱུས་ལ། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་ལས་པད་ཉིའི་སྟེང་དུ་བགྲང་ཕྲེང་ཧྲཱིཿ །དེ་ལས་པད་གར་དབང་དམར་ཞལ་གཅིག་ཕྱག །བཞི་པ་གཡས་དང་པདྨ་གཉིས་པ་ན། །ཌཱ་རུ་གཡོན་དང་དྲིལ་བུ་གཉིས་པ་ན། །ཐོད་པ་ཁ་ཊྭཱཾ་ག་བསྣམས་སྤྱན་གསུམ་པ། །རལ་པའི་ཅོད་པཎ་ཐོད་སྐམ་ལྔ་ཡིས་བརྒྱན། །རློན་པ་ལྔ་བཅུའི་དོ་ཤལ་སྟག་ཤམ་གསོལ། །ཕྱག་རྒྱ་དྲུག་ལྡན་གཡས་བརྐྱང་སྟབས་ཀྱིས་བཞུགས། །གནས་གསུམ་ཡིག་གསུམ་ཐུགས་ཀའི་ས་བོན་གྱི། །འོད་ཀྱིས་རང་འདྲའི་ཡེ་ཤེས་སྤྱན་དྲངས་ཏེ། །ཛཿཧཱུཾ་བཾ་ཧོཿདམ་ཚིག་དབྱེར་མེད་
གྱུར། །ༀ་བཛྲ་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ གནྡྷེ། ནཻ་ཝིདྱ། ཤབྡའི་བར་གྱིས་མཆོད། ༀ་པདྨ་ནཪྟེ་ཤྭ་ར་ཧུཾ་ཧཱུཾ་ཕཊ། ཅེས་བརྒྱ་རྩ་བརྒྱད་བཟླས་པའི་རྗེས་སུ། པདྨ་གར་དབང་ཡོངས་གྱུར་བགྲང་ཕྲེང་གྱུར། །ཅེས་བྱིན་གྱིས་བརླབས་པའི་ཕྲེང་བ་ལག་པ་གཡོན་པས་བཟུང་སྟེ། མཐེ་བོང་དང་ཕྲེང་རྡོག་ལྷའི་རང་བཞིན་དུ་མོས་ལ། གཅོད་པའི་ཚེ་ལྷ་རྣམས་འགུགས་པར་དམིགས་ནས། གཙོ་བོའི་ཐུགས་ཀར་སྣ་ཚོགས་རྡོ་རྗེའི་ལྟེར། །ས་བོན་ཧཱུཾ་ཡིག་འོད་ཟེར་དཀར་པོ་བྱུང་། །ཡབ་ཞལ་ཡུམ་ཞལ་དུ་ཞུགས་སྐུ་ཡི་དབྱིབས། །བརྒྱུད་དེ་ཡུམ་གྱི་མཁའ་ནས་རྡོ་རྗེ་ཡི། །ནོར་བུ་ནས་སོང་ཐུགས་ཀའི་ཧཱུཾ་ལ་ཐིམ། །ནད་གདོན་བར་ཆད་ཞི་དང་འོད་ཟེར་ལས། །ཚེ་དཔལ་འབྱོར་རྒྱས་དམར་ལས་ལོངས་སྤྱོད་བསྡུས། །མཐིང་གས་གནོད་བྱེད་ཐམས་ཅད་ཚར་གཅོད་པའོ། །ཞེས་བསྒོམ་བཞིན་པས། ༀ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་རཾ་སྭཱ་ཧཱ། བཅོམ་ལྡན་འདས་ཀྱི་སྙིང་པོ་ཡི་གེ་ཉི་ཤུ་རྩ་གཉིས་པའོ། །ཡང་ན། སྤྲུལ་པའི་
འཁོར་ལོར་པད་ལྟེར་ནཱ་ད་ལས། །ཟློ་བའི་སྔགས་ཕྲེང་སྣ་བུག་གཡས་ནས་ཐོན། །དཀྱིལ་འཁོར་པར་གྱུར་འགྲོ་དོན་མཛད་ནས་སྔགས། །གཟུགས་ཀྱིས་སྣ་བུག་གཡོན་ཞུགས་ནཱ་དར་ཐིམ། །ༀ་ཧྲཱིཿཧ་ཧ་ཧུཾ་ཧཱུཾ་ཕཊ། ཉེ་སྙིང་ཡི་གེ་བདུན་མའོ། །ༀ་བཛྲ་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ། ༀ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝཪྞ་ནཱི་ཡེ་ཧུཾ་ཧཱུཾ་ཕཊ། ཡུམ་གྱི་སྙིང་པོ་དང་ཉེ་སྙིང་ངོ་། །ༀ་དང་ཧུཾ་ཧཱུཾ་ཕཊ། བཏགས་ལ། ཌཱ་ཀི་ནཱི་ཡེ། ལཱ་མེ། ཁཎྜ་རོ་ཧེ། རཱུ་པི་ཎཱི་ཡེ། ཞེས་རྣལ་འབྱོར་མ་བཞིའི་སྔགས་སོ། །གྲངས་བསྙེན། གཙོ་བོ་ལ་འབུམ། ཡུམ་དང་འཁོར་ལ་ཁྲི། སློབ་དཔོན་དུ་འོས་པ་ཡིན་ན་ཡེ་ཤེས་དབབ་པའི་སྔགས་ལ་ཁྲི་སྟེ། དེང་སང་རྩོད་དུས་ལ་དེ་བཞི་འགྱུར་དུ་བཟླས་ནས། བཟླས་པའི་བཅུ་ཆའི་སྦྱིན་སྲེག་བྱའོ། །ཐུན་སོ་སོ་ལ་ནི་བཟླས་པ་ཅི་ནུས་སོ། །བཅོ་ལྔ་པ་ཐུན་བསྡུ་བ་ནི། ཐུགས་ཀའི་ཧཱུཾ་གི་འོད་ཀྱིས་གཞལ་ཡས་ཁང་། །འོད་ཞུ་འཁོར་ཐིམ་འཁོར་རྣམས་ཡུམ་ལ་ཐིམ། །ཡུམ་ཡབ་ཡབ་ཀྱང་ཐུགས་ཀའི་ཧཱུཾ་ལ་ཐིམ། །དེ་ཡང་ཞབས་ཀྱུ་ཁོག་པ་མགོ་ཟླ་ཚེས། །ཐིག་ལེ་ནཱ་ད་དེ་ཡང་མི་
དམིགས་ལས། །སླར་ཡང་ལྷན་སྐྱེས་དཔའ་གཅིག་རྣམ་པར་གྱུར། །བཅུ་དྲུག་པ་གཏོར་མ་འབུལ་བ་དང་། བཅུ་བདུན་པ་ལྷག་ཆད་ཁ་བསྐང་གཤེགས་གསོལ་སོགས་འདོན་འགྲིགས་ལྟར་དཀྱིལ་ཆོག་མཇུག་ཚོགས་རྗེས་ཆོག་སྐབས་བྲིས་ཡོད་དོ། །བཅོ་བརྒྱད་པ་ཐུན་མཚམས་བྱ་བ་ནི་སྤར་གཞུང་ལྟར་རོ། །བུམ་བསྐྱེད་ནི། བུམ་པ་ལྔའམ་གཉིས་གཙང་མར་བཀྲུས། གུ་གུལ་གྱིས་བདུག །ༀ་སུམྦྷ་ནི་སོགས་ཀྱིས་བགེགས་བསྐྲད། ཙནྡན་དཀར་པོ་དང་སིཧླའི་ཁུ་བས་དཀར་པོར་བྱུག །རྣམ་རྒྱལ་ལ་ཆོས་འབྱུང་གི་དབུས་སུ་སྣ་ཚོགས་པད་ཉི་ལ་རྡོ་རྗེ་སྔོན་པོ་རྩེ་ལྔ་པ་དང་། བུམ་པ་གཞན་དང་ལས་བུམ་ལ་པད་ཉི་རོ་གདན་གྱི་སྟེང་དུ་གྲི་གུག་བྲི། མགུལ་ཆིངས་སྲད་བུ་དཀར་པོས་བཅིངས་ཤིང་། ༀ་བཛྲ་ཤི་ཁ་རེ་རུ་ཊ་མ་ཊ་དི་ཤཱཾ་བནྡྷ་བནྡྷ་ཧཱུཾ། ལྷ་ཆུ་དལ་འགྲོར་བཀུག་སྟེ་བུམ་ཆུར་གྱུར། །ༀ་ཏབྟེ་ཏབྟེ་མ་ཧཱ་ཏབྟེ་སྭཱ་ཧཱ། བརྗོད་ཅིང་ཆུ་གཙང་མ་དྲིས་བགོས་པས་དགང་། ལྔ་ཚན་ལྔའི་རྫས་རྣམས་གཞུག །དྲིའི་མཎྜལ་ལམ་ཀུ་ཤའི་གདན་ལ་བཞག །དུང་ཆོས་དྲིའི་ཆུས་གང་བ། ༀ་བཛྲ་ཨ་མྲྀ་ཏོ་ད་ཀཿཋཿཧཱུཾ་ༀ་ཨཱཿཧཱུཾ། བདུན་བཟླས་ནས་རྣམ་རྒྱལ་གྱི་སྟེང་དུ་བཀོད། དེའི་སྟེང་དུ་རྡོ་རྗེ་མེ་ཏོག་གི་ཕྲེང་བ་དང་ལྡན་པ་བཞག་ནས་བསངས་སྦྱངས། སྟོང་
ལས་བུཾ་བྱུང་བུམ་པའི་ལྟོ་བ་ཡངས། །མཆུ་འཕྱང་མགྲིན་རིང་མཚན་རྫོགས་རྣམ་རྒྱལ་དབུས། །སྣ་ཚོགས་པད་འདབ་བརྒྱད་པའི་ལྟེ་བ་དང་། །བུམ་པའི་མཚན་མར་པད་ལྟེར་ཉི་མ་དང་། །འཇིགས་དུས་ཕྱོགས་འདབ་དབུགས་བྲལ་གདན་བཅས་ལ། །དབུས་མའི་སྟེང་དུ་ཧཱུཾ་མཐིང་འོད་དུ་འབར། །དེ་ལས་སྣ་ཚོགས་འོད་འཕྲོས་སངས་རྒྱས་དང་། །བྱང་སེམས་ཀུན་གྱི་བྱིན་རླབས་འོད་དུ་བསྡུས། །ཧཱུཾ་ཐིམ་རྡོ་རྗེ་སྔོན་པོ་རྩེ་ལྔའི་ལྟེར། །ཧཱུཾ་མཚན་འོད་ཀྱིས་ཁམས་གསུམ་སེམས་ཅན་གྱི། །རྒྱུད་སྦྱངས་ཧེ་རུ་ཀ་ཡི་གོ་འཕང་ལ། །བཀོད་ནས་ཚུར་འདུས་ས་བོན་ཕྱག་མཚན་བཅས། །ཡོངས་གྱུར་བཅོམ་ལྡན་ཧེ་རུ་ཀ་སྐུ་མདོག །ཟར་མའི་མེ་ཏོག་སར་པ་ལྟར་སྔོ་བསངས། །ཞལ་གཅིག་སྤྱན་གསུམ་མཆེ་བ་ཅུང་ཟད་གཙིགས། །རལ་པའི་ཅོད་པན་རྩེ་མོར་ནོར་བུ་དང་། །མདུན་དུ་སྣ་ཚོགས་རྡོ་རྗེ་གཡོན་ཕྱོགས་སུ། །ཟླ་བ་ཕྱེད་སྤྲས་གསུམ་འཁྱོག་གྱེས་པ་ཡི། །
དར་དཔྱངས་རྡོ་རྗེའི་ཕྲེང་སྦྲེལ་ཐོད་སྐམ་ལྔ། །རིན་ཆེན་རྩེ་བྲན་སྐྲ་ཡི་མཚམས་སུ་བཅིངས། །ཐོད་རློན་ལྔ་བཅུའི་དོ་ཤལ་ཕྱག་རྒྱ་དྲུག །བརྒྱན་ཅིང་སྒེག་པ་ལ་སོགས་གར་དགུར་ལྡན། །སྟག་ལྤགས་ཤམ་གྲོལ་ཕྱག་གཉིས་རྡོ་རྗེ་དང་། །དྲིལ་བུ་འཛིན་པས་ཡུམ་འཁྱུད་ཞབས་གཡས་བརྐྱང་། །གཡོན་བསྐུམ་དུས་མཚན་དམར་མོའི་ནུ་མའི་བར། །འཇིགས་བྱེད་ནག་པོ་མགོ་བལྟབ་སྟེང་དུ་བརྫིས། །དྲི་མེད་འོད་ཕྲེང་འཁྲུགས་པ་དེ་ཡི་པང་། །རྡོ་རྗེ་ཕག་མོ་གཞོན་ནུ་ལང་ཚོ་ཅན། །དམར་མོ་ཞལ་གཅིག་ཕྱག་གཉིས་སྤྱན་གསུམ་པ། །སྐྲ་གྲོལ་ཐོད་སྐམ་ལྔས་བརྒྱན་སྐམ་པོ་ནི། །ལྔ་བཅུའི་དོ་ཤལ་ཕྱག་རྒྱ་ལྔ་ཡིས་སྤྲས། །གཡས་པས་སྡིགས་མཛུབ་དང་བཅས་གྲི་གུག་འཕྱར། །གཡོན་པས་ཐོད་པ་བདུད་རྩི་དང་བཅས་འཁྱུད། །གཡོན་བརྐྱང་གཡས་བསྐུམ་འཁྲིལ་བས་བདེ་ཆེན་རྒྱས། །བསྐལ་མེ་འབར་བའི་གཟི་བརྗིད་ལྡན་པའོ། །མདུན་དུ་མཁའ་འགྲོ་མ་མཐིང་
གཡོན་ཕྱོགས་སུ། །ལཱ་མཱ་ལྗང་གུ་རྒྱབ་ཏུ་དུམ་སྐྱེས་དམར། །གཡས་སུ་གཟུགས་ཅན་མ་སེར་བཞི་ག་ཡང་། །ཞལ་གཅིག་ཕྱག་གཉིས་གཡས་ཀྱིས་གྲི་གུག་འཕྱར། །གཡོན་ཐོད་ཁྲག་བཀང་གྲུ་མོར་ཁ་ཊྭཱཾ་ལྡན། །རུས་པའི་རྒྱན་ཆ་ལྔས་མཛེས་སྤྱན་གསུམ་མངའ། །སྐྲ་གྲོལ་གཡས་བརྐྱང་གཡོན་བསྐུམ་སྟབས་ཀྱིས་བཞུགས། །མཚམས་བཞིར་བདུད་རྩི་ལྔས་བཀང་བུམ་པའི་སྟེང་། །ཤ་ལྔས་གང་བའི་ཐོད་པ་གསལ་བར་གྱུར། །ཅེས་དང་། ལས་བུམ་དབུས་སུ་བུམ་མཚན་པད་ཉི་རོའི། །གདན་ལ་པཾ་ལས་གྲི་གུག་པཾ་མཚན་པ། །ཡོངས་སུ་གྱུར་ལས་དུམ་སྐྱེས་དམར་མོ་ནི། །ཞལ་གཅིག་ཕྱག་གཉིས་གཡས་ཀྱིས་གྲི་གུག་འཕྱར། །གཡོན་ཐོད་ཁྲག་བཀང་གྲུ་མོར་ཁ་ཊྭཱཾ་ལྡན། །རུས་པའི་རྒྱན་ཆ་ལྔས་མཛེས་སྤྱན་གསུམ་མངའ། །སྐྲ་གྲོལ་གཡས་བརྐྱང་གཡོན་བསྐུམ་སྟབས་ཀྱིས་བཞུགས། །ཞེས་པས་དམ་ཚིག་པ་བསྐྱེད། དེ་ནས་ཡེ་ཤེས་པ་མཆོད་ལ་བསྟིམ་པ་ནི། ཕེཾ།
སྙིང་གར་ཉི་མ་ལ་གནས་ཧཱུཾ་འོད་ཀྱིས། །ཡེ་ཤེས་འཁོར་ལོ་ཕྱོགས་བཅུའི་ཁམས་བཞུགས་པའི། །དཔའ་བོ་རྣལ་འབྱོར་མར་བཅས་དབང་གི་ལྷ། །མདུན་གྱི་ནམ་མཁར་སྤྱན་དྲངས་བཞུགས་སུ་གསོལ། །ༀ་བཛྲ་བཱི་ཎེ་ཧུཾ་ཧཱུཾ་ཕཊ། བཾ་ཤེ། མྲྀ་ཏཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲྀ་ཏྱེ། པུཥྤེ། དྷཱུ་པེ། དཱི་པེ། གནྡྷེ། ༀ་རཱུ་པ་བཛྲི། ར་ས་བཛྲི། སྤཪྴེ་བཛྲི། དྷརྨ་དྷཱ་ཏུ། ཞེས་མཆོད། ཛཿཧཱུཾ་བཾ་ཧོཿ ཡེ་ཤེས་པ་དང་དམ་ཚིག་གཉིས་མེད་གྱུར། ༀ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ་྅་ཧཾ། ཆོས་རྣམས་ཐབས་ཤེས་དབྱེར་མེད་ངང་དུ་དག །ལྷ་ཡང་དེ་ཡི་ངོ་བོར་རྣམ་དག་གོ །ཡེ་ཤེས་པ་དང་ལྷན་ཅིག་སྤྱན་དྲངས་པའི། །དབང་ལྷ་ནམ་མཁར་བཞུགས་ལ་མཆོད་པར་བྱ། །ༀ་བཛྲ་བཱི་ཎེ་སོགས་དང་། རཱུ་པ་བཛྲི་སོགས་རིག་མ་བཅུ་དྲུག་གིས་མཆོད། དེ་བཞིན་གཤེགས་ཀུན་ལྷ་ལ་དབང་བསྐུར་གསོལ། །གསོལ་བཏབ་མོད་ལ་སྒོ་མཚམས་མ་བརྒྱད་ཀྱིས། །བགེགས་བསྐྲད་དཔའ་བོ་རྣམས་ཀྱིས་
ཤིས་པ་བརྗོད། །དཔའ་མོས་གླུ་ལེན་ཡུམ་བཞི་ཕག་མོར་བཅས། །རིན་ཆེན་བུམ་པ་བདུད་རྩིས་གང་བསྣམས་ནས། །ཇི་ལྟར་བལྟམས་ཚེ་བཅོམ་ལྡན་ཁྲུས་གསོལ་ལྟར། །ལྷ་ཆུ་དག་པས་འདིར་ནི་ཁྲུས་བགྱིའོ། །ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་གསུངས་ཡེ་ཤེས་བདུད་རྩིའི་རྒྱུན་མཆོག་གིས། །དབང་བསྐུར་ལྷ་རྣམས་སོ་སོའི་ལྷ་ལ་ཐིམ། །ཆུ་ལྷག་བཅོམ་ལྡན་འདས་ལ་མི་བསྐྱོད་པ། །རྡོ་རྗེ་ཕག་མོར་སྣང་མཛད་མཁའ་འགྲོ་མ། །བཞི་ལ་རིན་འབྱུང་དབུ་བརྒྱན་དུམ་སྐྱེས་ལ། །བཅོམ་ལྡན་རིན་ཆེན་འབྱུང་ལྡན་དབུ་བརྒྱན་གྱུར། །ཅེས་སོ། །དེ་ནས་མཆོད་པ་རྣམས། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་ཨ་ལས་ཐོད། །ནང་དུ་ཧཱུྃ་ལས་མཆོད་ཡོན་དང་། །ཞལ་བསིལ་བསངས་གཏོར་ཞབས་བསིལ་བ། །མེ་ཏོག་བདུག་སྤོས་སྣང་གསལ་དང་། །དྲི་ཆབ་ཞལ་ཟས་རོལ་མོ་རྣམས། །དྭངས་ཤིང་ཐོགས་མེད་
ཀུན་ཏུ་བཟང་། །རྣམ་ཐར་ཇི་བཞིན་མཆོད་པའི་སྤྲིན། །དཔའ་བོ་རྣལ་འབྱོར་དགྱེས་བསྐྱེད་གྱུར། །ༀ་བཛྲ་ཨརྒྷཾ་ཨཱཿཧཱུཾ། དེ་བཞིན་དུ། ཨཱ་ཙ་མ་ནཾ། པྲོཀྵ་ནཾ། པཱ་དྱཾ། པུཥྤཾ། དྷཱུ་པཾ། ཨ་ལོ་ཀཾ གནྡྷཾ། ནཻ་ཝིདྱཾ། ཤབྡཾ་ཨཱཿཧཱུཾ། ཞེས་པས་བྱིན་བརླབས། ཆུ་བཞི་ཉེར་སྤྱོད་རོལ་མོ་དང་བཅས་པས་འབུལ་བ་ནི། མཆོག་ཏུ་གཙང་ཞིང་ཡི་གར་འོང་ལ་སོགས། །ཡན་ལག་བརྒྱད་དང་ལྡན་པའི་མཆོད་ཡོན་འདི། །བཅོམ་ལྡན་དཔའ་བོའི་དབང་ཕྱུག་བཙུན་མོར་བཅས། །དཔའ་བོ་རྣལ་འབྱོར་མ་རྣམས་མཆོད་པར་བགྱི། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། ཤིན་ཏུ་དག་ཅིང་དྲི་མ་དང་བྲལ་ཡང་། །ལྷ་རྫས་དྲི་བཟང་དང་བཅས་ཞལ་བསིལ་འདི། །འགྲོ་བའི་ཉོན་མོངས་དྲི་ང་སེལ་བའི་ཕྱིར། །བཞེས་ནས་དངོས་གྲུབ་དམ་པའི་བཀའ་དྲིན་སྩོལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་ཨཱ་ཙ་མཱ་ནཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་
སྭཱ་ཧཱ། ཉེས་པའི་ཚ་གདུང་ཀུན་ཏུ་བཅིལ་གྱུར་ཀྱང་། །སྐྱེ་དགུའི་གདུང་བ་མཐའ་དག་ཞི་སླད་དུ། །རབ་ཏུ་ཚིམ་པ་སྐྱེད་པའི་བསང་གཏོར་གྱིས། །དཀྱིལ་འཁོར་ལྷ་རྣམས་རྟག་ཏུ་མཉེས་པར་བྱ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་པྲོཀྵ་ཎཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། སྒྱུ་འཕྲུལ་དྲ་བ་དབང་པོའི་གཞུ་འདྲའི་སྐུ། །ཕྲ་རབ་རྡུལ་གྱིས་གོས་པའི་གནས་མིན་ཡང་། །ཀུན་རྟོག་བག་ཆགས་དྲི་མ་སྦྱང་བའི་ཕྱིར། །ཞབས་བསིལ་ཡོ་བྱད་དག་གིས་བསྙེན་བཀུར་བགྱི། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་པཱདྱཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །ཆུ་དང་ཐང་སྐྱེས་ཡིད་ལས་བྱུང་བ་ཡི། །མེ་ཏོག་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་པུཥྤཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་
ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །སྤོས་ཀྱི་ཤིང་དང་ལྷ་ཡི་བདུག་པ་སོགས། །བདུག་སྤོས་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་དྷཱུ་པཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །རིན་ཆེན་ཉི་ཟླ་སྒྲོན་མེ་ལ་སོགས་པའི། །སྣང་གསལ་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་ཨ་ལོ་ཀཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །སྦྱར་དང་ཡོངས་སུ་གྱུར་པ་ལས་བྱུང་བའི། །དྲི་ཆབ་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་གནྡྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་
ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །བཟའ་དང་བཏུང་བའི་བྱེ་བྲག་མཐའ་ཡས་པའི། །ཞལ་ཟས་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་ནཻ་ཝི དྱཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །གླུ་དབྱངས་ཡིག་འཕྲོག་དུ་མ་དང་སྦྱར་བའི། །རོལ་མོ་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནཱི་བཛྲ་ཤཔྡཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། ཞེས་དང་། རིག་མ་བཅུ་དྲུག་ནི། རྡོ་རྗེ་ལྷ་མོ་པི་ཝཾ་བརྡུང་། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་སྐུ་མདོག་སྔོ། །བླ་མ་ཡི་དམ་མཁའ་འགྲོ་མཆོད། །ༀ་བཛྲ་བཱི་ཎེ་ཧུཾ་ཧཱུཾ་ཕཊ། །རྡོ་རྗེ་ལྷ་མོ་གླིང་བུ་འབུད། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་
སྐུ་མདོག་སེར། །བླ་མ་ཡི་དམ་མཁའ་འགྲོ་མཆོད། །ༀ་བཛྲ་ཝཾ་ཤེ་ཧུཾ་ཧཱུཾ་ཕཊ། །རྡོ་རྗེ་ལྷ་མོ་རྔ་ཆེན་བརྡུང་། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་སྐུ་མདོག་དམར། །བླ་མ་ཡི་དམ་མཁའ་འགྲོ་མཆོད། །ༀ་བཛྲ་མྲྀ་དཾ་གེ་ཧུཾ་ཧཱུཾ་ཕཊ། །རྡོ་རྗེ་ལྷ་མོ་རྫ་རྔ་བརྡུང་། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་སྐུ་མདོག་ལྗང་། །བླ་མ་ཡི་དམ་མཁའ་འགྲོ་མཆོད། །ༀ་བཛྲ་མུ་ར་ཛེ་ཧུཾ་ཧཱུཾ་ཕཊ། །བཞད་པ་རྡོ་རྗེ་ལྷ་མོ་ནི། །དམར་སྐྱ་ཕྱག་གཉིས་བཞད་དང་བཅས། །མཐའ་གཉིས་ཐོད་པ་ཅང་ཏེའུ་བརྡུང་། །གསང་བ་མཆོག་གི་དགྱེས་པར་རོལ། །ༀ་བཛྲ་ཧཱ་སྱེ་ཧུཾ་ཧཱུཾ་ཕཊ། །སྒེག་པ་རྡོ་རྗེ་ལྷ་མོ་ནི། །སྔོན་མོ་ཕྱག་གཉིས་སྒེག་དང་བཅས། །མཐའ་གཉིས་ཐོད་པ་ཅང་ཏེའུ་བརྡུང་། །གསང་བ་མཆོག་གི་དགྱེས་པར་རོལ། །ༀ་བཛྲ་ལཱ་སྱེ་ཧུཾ་ཧཱུཾ་ཕཊ། །གླུ་ཡི་རྡོ་རྗེ་ལྷ་མོ་ནི། །སེར་མོ་ཏིང་ཏིང་ཤག་དང་བཅས། །མཐའ་གཉིས་ཐོད་པ་ཅང་ཏེའུ་
བརྡུང་། །གསང་བ་མཆོག་གི་དགྱེས་པར་རོལ། །ༀ་བཛྲ་གཱི་ཏི་ཧུཾ་ཧཱུཾ་ཕཊ། །གར་གྱི་རྡོ་རྗེ་ལྷ་མོ་ནི། །ལྗང་གུ་ཕྱག་གཉིས་གར་དང་བཅས། །མཐའ་གཉིས་ཐོད་པ་ཅང་ཏེའུ་བརྡུང་། །གསང་བ་མཆོག་གི་དགྱེས་པར་རོལ། །ༀ་བཛྲ་ནྲྀ་ཏྱེ་ཧུཾ་ཧཱུཾ་ཕཊ། །མདོག་དཀར་རྡོ་རྗེ་མེ་ཏོག་ནི། །གཡས་ན་མེ་ཏོག་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །ༀ་བཛྲ་པུཥྤེ་ཧུཾ་ཧཱུཾ་ཕཊ། །མདོག་མཐིང་རྡོ་རྗེ་བདུག་སྤོས་ནི། །གཡས་ན་བདུག་སྤོས་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །ༀ་བཛྲ་དྷཱུ་པེ་ཧུཾ་ཧཱུཾ་ཕཊ། །མདོག་དམར་རྡོ་རྗེ་མར་མེ་ནི། །གཡས་ན་མར་མེ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །ༀ་བཛྲ་དཱི་པེ་ཧུཾ་ཧཱུཾ་ཕཊ། །མདོག་ལྗང་རྡོ་རྗེ་དྲི་ཆབ་ནི། །གཡས་ན་དྲི་ཆབ་ཅང་ཏེའུ་དང་། །གཡོན་པས་ཐོད་པ་
ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །ༀ་བཛྲ་གནྡྷེ་ཧུཾ་ཧཱུཾ་ཕཊ། །གཟུགས་ཀྱི་རྡོ་རྗེ་མེ་ལོང་བསྣམས། །དཀར་མོ་གཡས་མཐའ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་བརླབ་ཏུ་གསོལ། །ༀ་རཱུ་པ་བཛྲི་ཧུཾ་ཧཱུཾ་ཕཊ། །རོ་ཡི་རྡོ་རྗེ་མཁར་གཞོང་བསྣམས། །དམར་མོ་གཡས་མཐའ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་བརླབ་ཏུ་གསོལ། །ༀ་ར་ས་བཛྲི་ཧུཾ་ཧཱུཾ་ཕཊ། །རེག་གི་རྡོ་རྗེ་ན་བཟའ་བསྣམས། །ལྗང་གུ་གཡས་མཐའ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་བརླབ་ཏུ་གསོལ། །ༀ་སྤཪྴེ་བཛྲི་ཧུཾ་ཧཱུཾ་ཕཊ། །ཆོས་དབྱིངས་རྡོ་རྗེ་ཆོས་འབྱུང་བསྣམས། །དཀར་མོ་གཡས་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་བརླབ་ཏུ་གསོལ། །ༀ་དྷརྨ་དྷཱ་ཏུ་བཛྲི་ཧུཾ་ཧཱུཾ་ཕཊ། ཞེས་མཆོད་ལ། དེ་ནས། ༀ་བཅོམ་ལྡན་དཔའ་བོའི་དབང་པོ་ལ་ཕྱག་འཚལ། །
བསྐལ་པ་ཆེན་པོའི་མཐའ་ཡི་མེ་ལྟ་བུ། །རལ་པའི་ཚོགས་ཀྱི་ཅོད་པན་བཅིངས་པ་སྟེ། །མཆེ་གཙིགས་དྲག་ཅིང་འཇིགས་སུ་རུང་བའི་ཞལ། །ཕྱག་ན་འོད་ཟེར་སྟོང་ཕྲག་འབར་བ་པོ། །དགྲ་སྟ་ཞག་འཕྱར་མདུང་དང་ཁ་ཊྭཱཾ་འཛིན། །སྟག་གི་པགས་པའི་ན་བཟའ་འཆང་བར་མཛད། །དུ་བ་མུན་ཆེན་མདོག་མཚུངས་སྐུ་ལ་འདུད། །ༀ་བཅོམ་ལྡན་འདས་མ་རྡོ་རྗེ་ཕག་མོ་ལ་ནི་ཕྱག་འཚལ་ལོ། །འཕགས་མ་འཇིག་རྟེན་གསུམ་ཡུམ་གཞན་གྱི་མི་ཐུབ་རིག་པའི་དབང་ཕྱུག་ཆེ། །འབྱུང་པོ་ཐམས་ཅད་འཇིགས་མཛད་ཀུན་ཏུ་འབེབས་མ་རྡོ་རྗེ་ཆེན་མོ་ཉིད། །རྡོ་རྗེ་གདན་མ་མི་ཕམ་གཞན་གྱིས་མི་ཐུབ་དབང་མཛད་གཡོ་བའི་སྤྱན། །དུག་ཀྱང་སྐེམ་པར་མཛད་མ་འཇིགས་སུ་རུང་བའི་ཁྲོ་མོ་གཙིགས་བྱེད་མོ། །སྐྲག་བྱེད་གསོད་བྱེད་རབ་ཏུ་འབྱེད་པར་བྱེད་ཅིང་ཕ་རོལ་ལས་རྒྱལ་མ། །རྣམ་པར་རྒྱལ་མ་རྨུགས་པར་བྱེད་ཅིང་རིངས་དང་རྨོངས་པར་མཛད་པ་མོ། །
རྡོ་རྗེ་ཕག་མོ་རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཞེས་རྐང་བརྒྱད་གཉིས་དང་། དབང་གི་ལས་དང་དགའ་བྲལ་དང་། །ཆོས་རྗེས་དྲན་པའི་ངོ་བོ་ཉིད། །སྐུ་མདོག་དམར་མོ་དྲག་ཤུལ་ཅན། །ཁཎྜ་རོ་ཧེ་ལ་ཕྱག་འཚལ། །ཞེས་བསྟོད། གཡོན་ཁུ་ཚུར་གྱིས་གཟུངས་ཐག་གི་སྣེ་བཟུང་ལ། བདག་ཉིད་ཐུགས་ཀའི་སྔགས་ཀྱི་འོད་ཟེར་ནི། །གཟུངས་ཐག་བརྒྱུད་སོང་བུམ་ལྷ་གཙོ་འཁོར་གྱི། །ཐུགས་ཀར་ཐིམ་པས་ཡབ་ཡུམ་སྙོམས་ཞུགས་པའི། །བྱང་སེམས་དཀར་དམར་འོད་ཟེར་འཕྲོས་པའི་མཐུས། །ཡེ་ཤེས་བདུད་རྩིས་བུམ་པ་གང་བར་གྱུར། །ༀ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་རཾ་སྭཱ་ཧཱ། ༀ་ཧྲཱིཿཧ་ཧ་ཧུཾ་ཧཱུཾ་ཕཊ། ༀ་བཛྲ་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ། ༀ་སརྦ་བུདྡྷ་ཌཱ་ཀི་ནི་ཡེ་བཛྲ་ཝརྞ་ནི་ཡེ་ཧུཾ་ཧཱུཾ་ཕཊ། ༀ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ༀ་ལཱ་མེ་ཧུཾ་ཧཱུཾ་ཕཊ། ༀ་ཁཎྜ་རོ་ཧེ་ཧུཾ་ཧཱུཾ་ཕཊ། ༀ་རཱུ་པི་ཎི་ཡེ་ཧུཾ་ཧཱུཾ་ཕཊ། ཅེས་གཙོ་བོའི་སྔགས་བརྒྱ་རྩ་དང་། འཁོར་གྱི་ཉེར་གཅིག །ལས་ཀྱི་
བུམ་པའི་སྔགས་ནི། ༀ་ཁཎྜ་རོ་ཧེ་ཧུཾ་ཧཱུཾ་ཕཊ། ཅེས་བརྒྱ་ཕྲག་ཙམ་བཟླས་ནས། མེ་ཏོག་དཀར་པོ་དུང་ཆོས་སུ་གཞུག་ཅིང་། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཨཱརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། ཞེས་པས་མཆོད་ཡོན་ཕུལ་ལ། ལྷ་རྣམས་འདོད་ཆགས་ཆེན་པོས་ཞུ་བ་ལས། །བྱང་སེམས་ངོ་བོ་བུམ་ཆུར་རོ་གཅིག་གྱུར། །ༀ་བཛྲ་པུཥྤེ། དྷཱུ་པེ། ཨ་ལོ་ཀེ །གནྡྷེ། ནཻ་ཝི དྱེ་པྲ་ཏཱིཙྪ་སྭཱ་ཧཱ། ཞེས་མཆོད། ལས་ཐམས་ཅད་པ་ལ། ཅི་སྲིད་དཀྱིལ་འཁོར་ལས་རྣམས་མ་རྫོགས་པར། །དེ་སྲིད་བགེགས་ཀྱི་ཚོགས་རྣམས་ཟློག་པར་མཛོད། །ཅེས་གསོལ་བ་བཏབ་བོ། །མདུན་བསྐྱེད་ནི། བཅུ་པ་དཀྱིལ་འཁོར་སྒྲུབ་ཅིང་མཆོད་པ་ནི། དཀྱིལ་འཁོར་གྱི་ཤར་ཕྱོགས་སུ་འཁོད་དེ། ནང་མཆོད་བྱིན་རླབས་ནས་བཟླས་པའི་བར་བདག་བསྐྱེད་ཐུན་བསྡུ་བ་ཡན་བྱས་ལ། རྡུལ་ཚོན་ནམ་རས་བྲིས། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་ཨེ་ལས་ཆོས་འབྱུང་གནས། །དཀར་པོ་ཡངས་ཤིང་རྒྱ་ཆེའི་ནང་ཡཾ་ལས། །རླུང་དཀྱིལ་སྔོན་པོ་གཞུ་དབྱིབས་རྒྱལ་
མཚན་གཉིས། །མཚན་པ་དེ་སྟེང་རཾ་ལས་མེ་དཀྱིལ་དམར། །གྲུ་གསུམ་འབར་མཚན་དེ་སྟེང་བཾ་ལས་ཆུའི། །དཀྱིལ་འཁོར་དཀར་ཟླུམ་བུམ་མཚན་དེ་ཡི་སྟེང་། །ལཾ་ལས་ས་དཀྱིལ་སེར་པོ་གྲུ་བཞི་པ། །རྡོ་རྗེ་རྩེ་གསུམ་མཚན་རྣམས་སོ་སོ་ཡི། །ས་བོན་གྱིས་ནི་བྱིན་བ རླབས་དེ་ཡི་སྟེང་། །སུཾ་ལས་རིན་ཆེན་སྣ་བཞི་ལས་གྲུབ་པའི། །ལྷུན་པོ་གྲུ་བཞི་ལྕོག་བརྒྱད་མཛེས་པའི་སྟེང་། །པཾ་ལས་སྣ་ཚོགས་པདྨའི་ཟེ་འབྲུར་ཧཱུཾ། །དེ་ལས་སྣ་ཚོགས་རྡོ་རྗེ་ཤར་དཀར་བྱང་། །ལྗང་གུ་ནུབ་དམར་ལྷོ་སེར་དབུས་མཐིང་གའི། །ལྟེ་བར་བུམ་ལས་མཚན་ཉིད་ཡོངས་རྫོགས་པའི། །གཞལ་ཡས་ཁང་མཆོག་རྩིག་པ་རིམ་ལྔ་དང་། །ལྡན་ཞིང་གྲུ་བཞི་སྒོ་བཞི་སྒོ་ཁྱུད་ཀྱི། །མཚམས་སུ་ཟླ་ཕྱེད་རིན་ཆེན་རྡོ་རྗེས་སྤྲས། །སྟེགས་བུ་བཞི་ལ་ལྷ་མོའི་ཚོགས་འཁོད་པ། །ཀ་བཞི་བཞིས་བཏེག་རྟ་བབས་བཞིས་མཛེས་ལ། །པད་ཟླའི་སྟེང་དུ་འཁོར་ལོ་གདུགས་རི་དྭགས། །ཕོ་མོ་དང་བཅས་
རྟ་བབས་གཡས་གཡོན་དུ། །བུམ་བཟང་ལས་ཐོན་དཔག་བསམ་ཤིང་བཟང་ལ། །རྒྱལ་སྲིད་རིན་ཆེན་སོགས་བརྒྱན་ནོར་བུའི་མཆོག །དུ་མས་བཀྲ་བའི་ཕ་གུ་གསེར་གྱི་ནི། །སྐ་རགས་བཞི་ལ་བཏགས་པའི་ཆུ་སྲིན་གྱི། ཁ་ནས་དོ་ཤལ་དོ་ཤལ་ཕྱེད་འཕྱང་བ། །བྱ་འདབ་འོག་དང་སྟེང་དུ་བ་ཀུ་ལཱི། །ཀྲ་མ་ཤྲཱིཪྵས་བསྐོར་ལ་སྣ་ཚོགས་པའི། །གདུགས་དང་རྒྱལ་མཚན་གྱིས་སྤུད་ནང་ཕྱོགས་ཀྱི། །སྟེང་འོག་ཐམས་ཅད་ཤར་སྔོ་བྱང་ལྗང་གུ། །ནུབ་དམར་ལྷོ་སེར་དབུས་སུ་པཾ་ཡིག་ལས། །སྣ་ཚོགས་པད་འདབ་བརྒྱད་པའི་མུ་ཁྱུད་ལ། །གྲི་གུག་ཕྲེང་བསྐོར་སྙིང་པོ་པདྨའི་མཐར། །གནས་པའི་ཀ་བརྒྱད་ཀྱིས་བཏེག་ཐོག་གི་རྩེར། །རྡོ་རྗེ་ནོར་བུའི་ཏོག་བཅས་དཀྱིལ་འཁོར་ཕྱིར། །རྡོ་རྗེའི་ར་གུར་མེ་རིས་བསྐོར་བའི་ཕྱིར། །ཤར་ནས་གཡོན་སྐོར་གཏུམ་དྲག་ཚང་ཚིང་འཁྲིགས། །རྡོ་རྗེ་འབར་བ་ཀེང་རུས་ཅན་གྱི་གནས། །དབང་ལྡན་ཕྱོགས་ནས་གཡས་
སྐོར་མི་བཟད་བཞད། །བཀྲ་ཤིས་ཚལ་དང་མུན་པ་དྲག་པོ་དང་། །ཀཱི་ལི་ཀཱི་ལཱ་སྒྲོགས་ཏེ་དུར་ཁྲོད་རྣམས། །ཤིང་དང་ཕྱོགས་སྐྱོང་ཞིང་སྐྱོང་ཀླུ་དང་སྤྲིན། །རི་དང་མཆོད་རྟེན་བརྒྱད་བརྒྱད་རྣམ་པར་ལྡན། །གནོད་སྦྱིན་རོ་ལངས་འབྱུང་པོ་དུ་མ་དང་། །དཔའ་བོ་རྣལ་འབྱོར་མ་ཚོགས་དུ་མ་རོལ། །གཞལ་ཡས་ཁང་གི་པད་ལྟེར་ཉི་མ་དང་། །འཇིགས་དུས་ཕྱོགས་འདབ་དབུགས་བྲལ་གདན་བཅས་ལ། །དབུས་མའི་སྟེང་དུ་ཧཱུཾ་མཐིང་འོད་དུ་འབར། །དེ་ལས་སྣ་ཚོགས་འོད་འཕྲོས་སངས་རྒྱས་དང་། །བྱང་སེམས་ཀུན་གྱི་བྱིན་རླབས་འོད་དུ་བསྡུས། །ཧཱུཾ་ཐིམ་རྡོ་རྗེ་སྔོན་པོ་རྩེ་ལྔའི་ལྟེར། །ཧཱུཾ་མཚན་འོད་ཀྱིས་ཁམས་གསུམ་སེམས་ཅན་གྱི། །རྒྱུད་སྦྱངས་ཧེ་རུ་ཀ་ཡི་གོ་འཕང་ལ། །བཀོད་ནས་ཚུར་འདུས་ས་བོན་ཕྱག་མཚན་བཅས། །ཡོངས་གྱུར་བཅོམ་ལྡན་ཧེ་རུ་ཀ་སྐུ་མདོག །ཟར་མའི་མེ་ཏོག་གསར་པ་ལྟར་སྔོ་བསངས། །ཞལ་གཅིག་སྤྱན་གསུམ་མཆེ་བ་ཅུང་ཟད་
གཙིགས། །རལ་པའི་ཅོད་པན་རྩེ་མོར་ནོར་བུ་དང་། །མདུན་དུ་སྣ་ཚོགས་རྡོ་རྗེ་གཡོན་ཕྱོགས་སུ། །ཟླ་བ་ཕྱེད་སྤྲས་གསུམ་འཁྱོག་གྱེས་པ་ཡི། །དར་དཔྱངས་རྡོ་རྗེའི་ཕྲེང་སྦྲེལ་ཐོད་སྐམ་ལྔ། །རིན་ཆེན་རྩེ་བྲན་སྐྲ་ཡི་མཚམས་སུ་བཅིངས། །ཐོད་རློན་ལྔ་བཅུའི་དོ་ཤལ་ཕྱག་རྒྱ་དྲུག །བརྒྱན་ཅིང་སྒེག་པ་ལ་སོགས་གར་དགུར་ལྡན། །སྟག་ལྤགས་ཤམ་གྲོལ་ཕྱག་གཉིས་རྡོ་རྗེ་དང་། །དྲིལ་བུ་འཛིན་པས་ཡུམ་འཁྱུད་ཞབས་གཡས་བརྐྱང་། །གཡོན་བསྐུམ་དུས་མཚན་དམར་མོའི་ནུ་མའི་བར། །འཇིགས་བྱེད་ནག་པོ་མགོ་བལྟབ་སྟེང་དུ་བརྫིས། །དྲི་མེད་འོད་ཕྲེང་འཁྲུགས་པ་དེ་ཡི་པང་། །རྡོ་རྗེ་ཕག་མོ་གཞོན་ནུ་ལང་ཚོ་ཅན། །དམར་མོ་ཞལ་གཅིག་ཕྱག་གཉིས་སྤྱན་གསུམ་པ། །སྐྲ་གྲོལ་ཐོད་སྐམ་ལྔས་བརྒྱན་སྐམ་པོ་ནི། །ལྔ་བཅུའི་དོ་ཤལ་ཕྱག་རྒྱ་ལྔ་ཡིས་སྤྲས། །གཡས་པས་སྡིགས་མཛུབ་དང་བཅས་གྲི་གུག་འཕྱར། །གཡོན་པས་ཐོད་པ་བདུད་རྩི་དང་
བཅས་འཁྱུད། །གཡོན་བརྐྱང་གཡས་བསྐུམ་འཁྲིལ་བས་བདེ་ཆེན་རྒྱས། །བསྐལ་མེ་འབར་བའི་གཟི་བརྗིད་ལྡན་པའོ། །མདུན་དུ་མཁའ་འགྲོ་མ་མཐིང་གཡོན་ཕྱོགས་སུ། །ལཱ་མཱ་ལྗང་གུ་རྒྱབ་ཏུ་དུམ་སྐྱེས་དམར། །གཡས་སུ་གཟུགས་ཅན་མ་སེར་བཞི་ག་ཡང་། །ཞལ་གཅིག་ཕྱག་གཉིས་གཡས་ཀྱིས་གྲི་གུར་འཕྱར། །གཡོན་ཐོད་ཁྲག་བཀང་གྲུ་མོར་ཁ་ཊྭཱཾ་ལྡན། །རུས་པའི་རྒྱན་ཆ་ལྔས་མཛེས་སྤྱན་གསུམ་མངའ། །སྐྲ་གྲོལ་གཡས་བརྐྱང་གཡོན་བསྐུམ་སྟབས་ཀྱིས་བཞུགས། །མཚམས་བཞིར་བདུད་རྩི་ལྔས་གང་བུམ་པའི་སྟེང་། །ཤ་ལྔས་གང་བའི་ཐོད་པ་གསལ་བར་གྱུར། །ལུས་དྲན་ཉེ་བར་གཞག་པ་མཁའ་འགྲོ་མའོ། །ཚོར་དྲན་ཉེ་བར་བཞག་པ་ལཱ་མའོ། །ཆོས་དྲན་ཉེ་བར་གཞག་པ་དུམ་སྐྱེས་མའོ། །སེམས་དྲན་ཉེ་བར་གཞག་པ་གཟུགས་ཅན་མའོ། །ཡང་དག་ཏིང་འཛིན་བཅོམ་ལྡན་ཧེ་རུ་ཀའོ། །གཙོ་འཁོར་ཀུན་གྱི་སྤྱི་བོར་ཟླ་ལ་ༀ། །དཀར་པོ་མགྲིན་
པར་ཨཱཿདམར་སྙིང་གར་ནི། །སྣ་ཚོགས་རྡོ་རྗེའི་ལྟེ་བར་ཧཱུཾ་སྔོན་པོ། །བཅོམ་ལྡན་འདས་ཀྱི་ཐུགས་ཀར་ༀ་ཧ་དཀར། །མགོ་བོར་ན་མ་ཧི་སེར་གཙུག་ཏུ་སྭཱ། །ཧ་ཧུ་དམར་པོ་ཕྲག་གཉིས་བཽ་ཥཊ་ཧེ། །ནག་པོ་མིག་གཉིས་ཧཱུཾ་ཧཱུཾ་ཧོ་དམར་སེར། །ཡན་ལག་ཀུན་ལ་ཕཊ་ཧཾ་ལྗང་གུ་དང་། །ཡུམ་གྱི་ལྟེ་བར་ༀ་བཾ་དམར་སྙིང་གར། །ཧཾ་ཡཾ་སྔོན་པོ་ཁར་ཧྲཱིཾ་མཾ་དཀར་མོ། །མགོ་བོར་ཧྲཱིཾ་ཧྲཱིཾ་སེར་མོ་སྤྱི་གཙུག་ཏུ། །ཧཱུཾ་ཧཱུཾ་ལྗང་གུ་ཡན་ལག་ཀུན་ཕཊ་ཕཊ། །དུད་ཁ་རྣམས་ཀྱིས་ཡང་དག་མཚན་པར་གྱུར། །ཞེས་སྟ་གོན་གྱི་སྐབས་སུ། དེ་ནས་མཁར་བཞུགས་དཀྱིལ་འཁོར་བཞི་པོ་དབྱེར་མེད་དུ། །བཞུགས་པ་ཛཿཧཱུཾ་བཾ་ཧོཿགཉིས་མེད་གྱུར། །འབར་བའི་ཕྱག་རྒྱ་དང་ཕེཾ་གྱི་སྒྲས་བསྐུལ་ཏེ། ཕེཾ། སྙིང་གར་ཉི་མ་ལ་གནས་ཧཱུཾ་འོད་ཀྱིས། །ཡེ་ཤེས་འཁོར་ལོ་ཕྱོགས་བཅུའི་ཁམས་བཞུགས་པའི། །དཔའ་བོ་རྣལ་འབྱོར་མ་བཅས་དབང་གི་ལྷ། །མདུན་གྱི་ནམ་མཁར་སྤྱན་དྲངས་བཞུགས་སུ་གསོལ། །
ༀ་བཛྲ་བཱི་ནེ་ཧུཾ་ཧཱུཾ་ཕཊ། ཝཾ་ཤེ། མྲྀ་དཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲྀ་ཏྱེ། པུཥྤེ། དྷུ་པེ། དཱི་པེ། གནྡྷེ། ༀ་རཱུ་པ་བཛྲི་ཧུཾ་ཧཱུཾ་ཕཊ། ར་ས། སྤཪྴེ། དྷརྨ་དྷཱ་ཏུ། ཞེས་སྤེལ་མཆོད། ཛཿཧཱུཾ་བཾ་ཧོཿ ཡེ་ཤེས་པ་དང་དམ་ཚིག་གཉིས་མེད་གྱུར། །ༀ་ཡོ་ག་ཤུདྡྷཱཿསརྦ་དྷརྨཱ་ཡོ་ག་ཤུདྡྷོ྅་ཧཾ། ཆོས་རྣམས་ཐབས་ཤེས་དབྱེར་མེད་ངང་དུ་དག །སླར་ཡང་དེ་ཡི་ངོ་བོར་རྣམ་དག་གོ །བཅོམ་ལྡན་ཡབ་ཀྱི་གོ་ཆའི་ལྷ་རྣམས་དང་། །བཅོམ་ལྡན་ཡུམ་གྱི་གོ་ཆའི་ལྷ་རྣམས་དང་། །ཡེ་ཤེས་པ་དང་ལྷན་ཅིག་སྤྱན་དྲངས་པའི། །དབང་ལྷ་ནམ་མཁར་བཞུགས་ལ་མཆོད་པར་བྱ། །ༀ་བཛྲ་བཱི་ནེ། ཝཾ་ཤེ། མྲྀ་དཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲྀ་ཏྱེ། པུཥྤེ། དྷུ་པེ། དཱི་པེ། གནྡྷེ། ༀ་རཱུ་པ་བཛྲི། ར་ས། སྤཪྴེ། དྷརྨ་དྷཱ་ཏུ་བཛྲི་ཧུཾ་ཧཱུཾ་ཕཊ། ཞེས་ཐོག་མཐའ་སྤེལ་བས་མཆོད། དེ་བཞིན་གཤེགས་ཀུན་ལྷ་ལ་དབང་བསྐུར་གསོལ། །གསོལ་བཏབ་མོད་ལ་སྒོ་མཚམས་མ་བརྒྱད་ཀྱིས། །བགེགས་བསྐྲད་དཔའ་
བོ་རྣམས་ཀྱིས་ཤིས་པ་བརྗོད། །དཔའ་མོས་གླུ་ལེན་ཡུམ་བཞི་ཕག་མོར་བཅས། །རིན་ཆེན་བུམ་པ་བདུད་རྩིས་གང་བསྣམས་ནས། །ཇི་ལྟར་བལྟམས་ཚེ་བཅོམ་ལྡན་ཁྲུས་གསོལ་ལྟར། །ལྷ་ཆུ་དག་པས་འདིར་ནི་ཁྲུས་བགྱིའོ། །ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡེ་ཤྲཱི་ཡེ་ཧཱུཾ། ཞེས་གསུངས་ཡེ་ཤེས་བདུད་རྩིའི་རྒྱུན་མཆོག་གིས། །དབང་བསྐུར་ལྷ་རྣམས་སོ་སོར་ལྷ་ལ་ཐིམ། །ཆུ་ལྷག་བཅོམ་ལྡན་འདས་ལ་མི་བསྐྱོད་པ། །རྡོ་རྗེ་ཕག་མོར་སྣང་མཛད་མཁའ་འགྲོ་མ། །བཞི་ལ་བཅོམ་ལྡན་རིན་འབྱུང་དབུ་རྒྱན་གྱུར། །དེ་ནས། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་ཨ་ལས་ཐོད། །ནང་དུ་ཧཱུཾ་ལས་མཆོད་ཡོན་དང་། །ཞལ་བསིལ་བསངས་གཏོར་ཞབས་བསིལ་བ། །མེ་ཏོག་བདུག་སྤོས་སྣང་གསལ་དང་། །དྲི་ཆབ་ཞལ་ཟས་རོལ་མོ་རྣམས། །དྭངས་ཤིང་ཐོག་མེད་ཀུན་ཏུ་བཟང་། །རྣམ་ཐར་ཇི་བཞིན་མཆོད་པའི་སྤྲིན། །
དཔའ་བོ་རྣལ་འབྱོར་དགྱེས་བསྐྱེད་གྱུར། །ༀ་བཛྲ་ཨརྒྷཾ་ཨཱཿཧཱུཾ། དེ་བཞིན་དུ། ཨཱ་ཙ་མཱ་ནཾ། པྲོཀྵ་ནཾ། པཱ་དྱཾ། པུཥྤཾ། དྷུ་པཾ། ཨཱ་ལོ་ཀཾ གནྡྷཾ། ནཻ་ཝིདྱཾ། ཤཔྡཾ་ཨཱཿཧཱུཾ། ཞེས་པས་མཆོད་པ་བྱིན་རླབས་བྱས་ལ་ཕྱི་ནང་གསང་བ་དེ་ཁོ་ན་ཉིད་བསྟོད་པའི་མཆོད་པ་དང་ལྔའི། དང་པོ་ལའང་། ཆུ་བཞི། ཕྱི་ནང་གི་ཉེར་སྤྱོད་རོལ་མོ་ལ་སོགས་དབུལ་བ་ནི། མཆོག་ཏུ་གཙང་ཞིང་ཡིད་གར་འོང་ལ་སོགས། །ཡན་ལག་བརྒྱད་དང་ལྡན་པའི་མཆོད་ཡོན་འདི། །བཅོམ་ལྡན་དཔའ་བོའི་དབང་ཕྱུག་བཙུན་མོར་བཅས། །དཔའ་བོ་རྣལ་འབྱོར་མ་རྣམས་མཆོད་པར་བགྱི། །རྣམ་ལྔ་འདོད་སྐོར་བྱ་ཞིང་རྡོ་རྗེ་ཐལ་མོ་ཁ་ཕྱེ་བས་མཆོད་ཡོན་སྦྲེང་ལ། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། ཞེས་པའི་མཐར་སེ་གོལ་དང་བཅས་བྱའོ། །ཤིན་ཏུ་དག་ཅིང་དྲི་མ་དང་བྲལ་ཡང་། །ལྷ་རྫས་དྲི་བཟང་དང་བཅས་ཞལ་བསིལ་འདི། །འགྲོ་བའི་ཉོན་མོངས་དྲི་ང་སེལ་བའི་ཕྱིར། །བཞེས་ནས་དངོས་གྲུབ་དམ་པའི་བཀའ་དྲིན་སྩོལ། །གཡས་ཁུ་
ཚུར་གྱི་མཐེབ་མཛུབ་སྦྱར་བས་མེ་ཏོག་བཟུང་སྟེ། མཐེའུ་ཆུང་ནས་བཀྲོལ་ཞིང་། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཨཱ་ཙ་མཱ་ནཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། ཉེས་པའི་ཚ་གདུང་ཀུན་ཏུ་བཅིལ་གྱུར་ཀྱང་། །སྐྱེ་དགུའི་གདུང་བ་མཐའ་དག་ཞི་སླད་དུ། །རབ་ཏུ་ཚིམ་པ་སྐྱེད་པའི་བསངས་གཏོར་གྱིས། །དཀྱིལ་འཁོར་ལྷ་རྣམས་རྟག་ཏུ་མཉེས་པར་བྱ། །བསངས་གཏོར་བྱས་ཏེ། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་པྲོཀྵ་ནཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། སྒྱུ་འཕྲུལ་དྲྭ་བ་དབང་པོའི་གཞུ་འདྲའི་སྐུ། །ཕྲ་རབ་རྡུལ་གྱིས་གོས་པའི་གནས་མིན་ཀྱང་། །ཀུན་རྟོག་བག་ཆགས་དྲི་མ་སྦྱང་བའི་ཕྱིར། །ཞབས་བསིལ་ཡོ་བྱད་དག་གིས་བསྙེན་བཀུར་བགྱི། །གཡས་པའི་ཁུ་ཚུར་གྱི་མཐེབ་མཛུབ་ཀྱིས་མེ་ཏོག་བཟུང་བ་ཁ་གྱེན་དུ་ཕྱོགས་ཤིང་རོལ་པའི་ཚུལ་གྱིས་མཛུབ་མོ་ནས་རིམ་གྱིས་བཀྲོལ་ཏེ། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་པཱདྱཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་
ཧཱུཾ་སྭཱ་ཧཱ། ཞེས་པས་བཟེད་ཞལ་དུ་དབུལ་ལོ། །འཇིག་རྟེན་འདིའམ་འཇིག་རྟེན་གཞན་དག་ན། །ཆུ་དང་ཐང་སྐྱེས་ཡིད་ལས་བྱུང་བ་ཡི། །མེ་ཏོག་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་པུཥྤཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །སྤོས་ཀྱི་ཤིང་དང་ལྷ་ཡི་བདུག་པ་སོགས། །བདུག་སྤོས་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་དྷཱུ་པཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །རིན་ཆེན་ཉི་ཟླ་སྒྲོན་མེ་ལ་སོགས་པའི། །སྣང་གསལ་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཨཱ་ལོ་ཀཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་
མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །སྦྱར་དང་ཡོངས་སུ་གྱུར་བ་ལས་བྱུང་བའི། །དྲི་ཆབ་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་གནྡྷེ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །བཟའ་དང་བཏུང་བའི་བྱེ་བྲག་མཐའ་ཡས་པའི། །ཞལ་ཟས་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ནཻ་ཝིདྱཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འཇིག་རྟེན་འདིའམ་འཇིག་རྟེན་གཞན་དག་ན། །གླུ་དབྱངས་ཡིད་འཕྲོག་དུ་མ་དང་སྦྱར་བའི། །རོལ་མོ་རྣམ་པ་ཇི་སྙེད་ཡོད་པ་ཀུན། །ཧེ་རུ་ཀ་དཔལ་འཁོར་དང་བཅས་ལ་འབུལ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཤཔྡཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་
ཎ་ས་མ་ཡེ་ཧཱུཾ་སྭཱ་ཧཱ། ཞེས་དང་། ཡང་དག་དགའ་བའི་མེ་ཏོག་གིས། །རྡོ་རྗེ་ཉི་མ་པདྨར་བྱུང་། །མེ་ཏོག་བདག་ཉིད་ལ་མཆོད་པ། །རྡོ་རྗེ་གསུམ་གྱི་དམ་ཚིག་མཆོག །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་པུཥྤཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། རྣམ་རྟོག་ཚོགས་ཀྱི་ཡུལ་མིན་ཅིང་། །ལྟེ་བར་གཏུམ་མོའི་མེ་ཡིས་ནི། །ངེས་པར་སྲེག་པ་དེ་ནི་སྤོས། །ཐུགས་ཀྱི་རྡོ་རྗེ་ལ་དབུལ་བྱ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་དྷཱུ་པཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། ཡི་གེ་ཧཱུྃ་ལས་ཡང་དག་བྱུང་། །སྔགས་ཀྱི་འོད་ཟེར་ཤིན་ཏུ་གསལ། །མར་མེ་འབར་བ་ཡང་དག་འོད། །ཐུགས་ཀྱི་རྡོ་རྗེ་ལ་དབུལ་བྱ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཨ་ལོ་ཀཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། བདེ་བ་ཆེན་པོའི་གཞི་ལ་གནས། །བྱང་ཆུབ་སེམས་ནི་སད་པ་དང་། །དེ་ཉིད་ཀྱིས་ཀྱང་བྱུག་པ་དག །ཐུགས་ཀྱི་རྡོ་རྗེ་ལ་
དབུལ་བྱ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་གནྡྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། འདིར་ནི་གང་དང་གང་ལོངས་སྤྱོད། །དབང་པོ་ཐམས་ཅད་ཡང་དག་བརྟེན། །དེ་དག་ཐམས་ཅད་ཐུགས་རྡོ་རྗེ། །བཟའ་བའི་སྣོད་དུ་མཆོད་པར་བྱ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ནཻ་ཝིདྱཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། རྡོ་རྗེ་པདྨ་ཡང་དག་སྦྱར། །ཞུགས་པ་ལ་སོགས་རིམ་ལས་བྱུང་། །རྣལ་འབྱོར་པ་ཡི་མི་ཤིགས་སྒྲ། །ཐུགས་ཀྱི་རྡོ་རྗེ་ལ་དབུལ་བྱ། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཤཔྡཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་སྭཱ་ཧཱ། རིག་མ་བཅུ་དྲུག་གི་མཆོད་པ་ནི། རྡོ་རྗེ་ལྷ་མོ་པི་ཝཾ་བརྡུང་། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་སྐུ་མདོག་སྔོ། །བླ་མ་ཡི་དམ་མཁའ་འགྲོ་མཆོད། །པད་ཀོར་དང་གཡོན་ཁུ་ཚུར་བསྒྲེང་བ་པི་ཝང་འཛིན་པ་ལ་གཡས་ཀྱི་སོར་མོས་རྒྱུད་བསྐུལ་བ་ལྟར་བྱ་ཞིང་། ༀ་བཛྲ་བཱི་ཎེ་ཧུཾ་ཧཱུཾ་
ཕཊ། རྡོ་རྗེ་ལྷ་མོ་གླིང་བུ་འབུད། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་སྐུ་མདོག་སེར། །བླ་མ་ཡི་དམ་མཁའ་འགྲོ་མཆོད། །ལག་གཉིས་ཀྱིས་སོར་མོས་གླིང་བུ་བསྒྱུར་ཚུལ། ༀ་བཛྲ་ཝཾ་ཤེ་ཧུཾ་ཧཱུཾ་ཕཊ། རྡོ་རྗེ་ལྷ་མོ་རྔ་ཆེན་བརྡུང་། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་སྐུ་མདོག་དམར། །བླ་མ་ཡི་དམ་མཁའ་འགྲོ་མཆོད། །ལག་གཉིས་ཀྱིས་རྔ་ཁ་གྱེན་བསྟན་སྟེང་ནས་བརྡུང་ཚུལ། ༀ་བཛྲ་མྲྀ་དཾ་གེ་ཧུཾ་ཧཱུཾ་ཕཊ། རྡོ་རྗེ་ལྷ་མོ་རྫ་རྔ་བརྡུང་། །མཐའ་གཉིས་རྡོ་རྗེ་དྲིལ་བུ་བསྣམས། །རོལ་པའི་ལྷ་མོ་སྐུ་མདོག་ལྗང་། །བླ་མ་ཡི་དམ་མཁའ་འགྲོ་མཆོད། །ཐལ་མོ་གཉིས་རྔ་ཁ་འཕྲེད་བསྟན་བརྡུང་ཚུལ། ༀ་བཛྲ་མུ་ར་ཛེ་ཧུཾ་ཧཱུཾ་ཕཊ། བཞད་པ་རྡོ་རྗེ་ལྷ་མོ་ནི། །དམར་སྐྱ་ཕྱག་གཉིས་བཞད་དང་བཅས། །མཐའ་གཉིས་ཐོད་པ་ཅང་ཏེའུ་བརྡུང་། །གསང་བ་མཆོག་གི་དགྱེས་པར་རོལ། །རྡོ་རྗེ་ཁུ་ཚུར་གཉིས་ཁ་ཕྱིར་བསྟན་ཏེ་ཁ་འགྲམ་དུ་བཞག་ལ། ༀ་བཛྲ་ཧཱ་སྱེ་ཧུཾ་ཧཱུཾ་ཕཊ། སྒེག་པ་རྡོ་རྗེ་ལྷ་མོ་ནི། །སྔོན་མོ་ཕྱག་
གཉིས་སྒེག་དང་བཅས། །མཐའ་གཉིས་ཐོད་པ་ཅང་ཏེའུ་བརྡུང་། །གསང་བ་མཆོག་གི་དགྱེས་པར་རོལ། །རྡོ་རྗེ་ཁུ་ཚུར་གཉིས་དཀུར་བཞག་སྟེ་འགྱིང་བའི་ཚུལ་གྱིས། ༀ་བཛྲ་ལཱ་སྱེ་ཧུཾ་ཧཱུཾ་ཕཊ། གླུ་ཡི་རྡོ་རྗེ་ལྷ་མོ་ནི། །སེར་མོ་ཏིང་ཏིང་ཤགས་དང་བཅས། །མཐའ་གཉིས་ཐོད་པ་ཅང་ཏེའུ་བརྡུང་། །གསང་བ་མཆོག་གི་དགྱེས་པར་རོལ། །ཁུ་ཚུར་གཉིས་མཐེབ་མཛུབ་སོ་སོར་སྦྱར་བ་ཏིང་ཏིང་ཤགས་བཀྲོལ་བ་ལྟར་བྱས་ལ། ༀ་བཛྲ་གཱི་ཏི་ཧུཾ་ཧཱུཾ་ཕཊ། གར་གྱི་རྡོ་རྗེ་ལྷ་མོ་ནི། །ལྗང་གུ་ཕྱག་གཉིས་གར་དང་བཅས། །མཐའ་གཉིས་ཐོད་པ་ཅང་ཏེའུ་བརྡུང་། །གསང་བ་མཆོག་གི་དགྱེས་པར་རོལ། །ཐལ་མོ་གཉིས་བསྐོར་ཞིང་གཡས་གཡོན་དུ་གར་བསྒྱུར་ལ། ༀ་བཛྲ་ནྲྀ་ཏྱེ་ཧུཾ་ཧཱུཾ་ཕཊ། མདོག་དཀར་རྡོ་རྗེ་མེ་ཏོག་ནི། །གཡས་ན་མེ་ཏོག་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །མེ་ཏོག་མའི་རྒྱས། ༀ་བཛྲ་པུཥྤེ་ཧུཾ་ཧཱུཾ་ཕཊ། མདོག་མཐིང་རྡོ་རྗེ་བདུག་སྤོས་ནི། །གཡས་ན་
བདུག་སྤོས་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །བདུག་སྤོས་མའི་རྒྱས། ༀ་བཛྲ་དྷུ་པེ་ཧུཾ་ཧཱུྃ་ཕཊ། མདོག་དམར་རྡོ་རྗེ་མར་མེ་ནི། །གཡས་ན་མར་མེ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །མར་མེའི་རྒྱས། ༀ་བཛྲ་དཱི་པེ་ཧུཾ་ཧཱུཾ་ཕཊ། མདོག་ལྗང་རྡོ་རྗེ་དྲི་ཆབ་ནི། །གཡས་ན་དྲི་ཆབ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །མཆོག་རྣམས་རྡོ་རྗེ་དབྱིངས་མཉེས་མཛོད། །དྲི་ཆབ་རྒྱས། ༀ་བཛྲ་གནྡྷེ་ཧུཾ་ཧཱུཾ་ཕཊ། གཟུགས་ཀྱི་རྡོ་རྗེ་མེ་ལོང་བསྣམས། །དཀར་མོ་གཡས་མཐའ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་བརླབ་ཏུ་གསོལ། །གཡོན་ཁུ་ཚུར་གྱི་སྟེང་དུ་གཡས་པའི་ཐལ་མོ་གྱེན་དུ་བསླང་བ་བཞག་ནས། ༀ་རཱུ་པ་བཛྲི་ཧུཾ་ཧཱུཾ་ཕཊ། རོ་ཡི་རྡོ་རྗེ་མཁར་གཞོང་བསྣམས། །དམར་མོ་གཡས་མཐའ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་
བརླབ་ཏུ་གསོལ། །རྡོ་རྗེ་ཐལ་མོ་ཁ་ཕྱེ་བ་ཞལ་ཟས་བསྟབ་པའི་ཚུལ་གྱིས། ༀ་ར་ས་བཛྲི་ཧུཾ་ཧཱུཾ་ཕཊ། རེག་གི་རྡོ་རྗེ་ན་བཟའ་བསྣམས། །ལྗང་གུ་གཡས་མཐའ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་བརླབ་ཏུ་གསོལ། །གོས་བཟུང་འབུལ་ཞིང་། ༀ་སྤཪྴེ་བཛྲི་ཧུཾ་ཧཱུཾ་ཕཊ། ཆོས་དབྱིངས་རྡོ་རྗེ་ཆོས་འབྱུང་བསྣམས། །དཀར་མོ་གཡས་མཐའ་ཅང་ཏེའུ་དང་། །གཡོན་པས་ཐོད་པ་ཁ་ཊྭཱཾ་ག །བཞེས་ནས་བྱིན་གྱིས་བརླབ་ཏུ་གསོལ། །བསྡམས་པའི་མཐེབ་མཛུབ་དང་མཐེའུ་ཆུང་སོ་སོར་རྩེ་སྤྲད་ལ། ༀ་དྷརྨཱ་དྷཱ་ཏུ་བཛྲི་ཧུཾ་ཧཱུཾ་ཕཊ། འདོད་ཡོན་ལྔས་མཆོད་པ་ནི། མཐའ་ཡས་ཞིང་ན་གཟུགས་ཀྱི་བྱེ་བྲག་ནི། །མཆོག་དམན་བར་མའི་ཁྱད་པར་ཅི་སྣང་བ། །བདེ་བ་ཆེན་པོ་སྐྱེད་པར་བྱེད་པ་ཡི། །གཟུགས་ཀྱི་རྡོ་རྗེར་སྤྲུལ་ནས་མཆོད་པར་བགྱི། །ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གཱི་ནི་རཱུ་པ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུཾ་སྭཱ་ཧཱ། །འཇིག་རྟེན་ཀུན་ཏུ་སྒྲ་ཡི་དབྱེ་བ་ནི། །ཟིན་དང་མ་ཟིན་ལ་
སོགས་ཇི་སྙེད་པ། །གྲགས་སྟོང་སྔགས་ཀྱི་རོལ་པར་འཆར་བ་དག །སྒྲ་ཡི་རྡོ་རྗེར་སྤྲུལ་ནས་མཆོད་པར་བགྱི། །རོལ་མོ་དཀྲོལ་ཞིང་། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གཱི་ནི་ཤཔྡ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུཾ་སྭཱ་ཧཱ། རབ་འབྱམས་ཞིང་ན་དྲི་ཡི་རྣམ་པ་གང་། །ཡོངས་སུ་གྱུར་དང་དེ་བཞིན་སྦྱར་བ་སོགས། །རྣམ་ཀུན་རྡོ་རྗེ་དྲི་བརྙན་དང་ལྡན་པའི། །འདོད་ཡོན་ལྷ་མོས་རྟག་ཏུ་མཆོད་པར་བགྱི། །དྲི་མའི་རྒྱས། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གཱི་ནི་གནྡྷེ་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུཾ་སྭཱ་ཧཱ། དཔག་ཏུ་མེད་པའི་གནས་དང་ཞིང་ཁམས་སུ། །རོ་ཡི་ཁྱད་པར་རྣམ་པ་དྲུག་ལ་སོགས། །ཟག་མེད་ཏིང་འཛིན་ཟས་མཆོག་སྟེར་བྱེད་པ། །རོ་ཡི་རྡོ་རྗེར་སྤྲུལ་ནས་མཆོད་པར་བགྱི། །རོ་མའི་རྒྱས། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གཱི་ནི་ར་ས་ཀཱ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུཾ་སྭཱ་ཧཱ། ཕྱོགས་བཅུའི་འཇིག་རྟེན་རྣམས་ན་རེག་བྱའི་ཚོགས། །རྣམ་པ་དུ་མར་ཉེར་སྤྱད་གཞི་རྣམས་ཀྱང་། །ཕུལ་
བྱུང་བདེ་བ་འཕོ་མེད་སྐྱེད་ནུས་པའི། །རེག་བྱའི་རྡོ་རྗེར་སྤྲུལ་ནས་མཆོད་པར་བགྱི། །གོས་ཟུང་དབུལ་ལ། ༀ་ཤྲཱི་ཙཀྲ་སམྦ་ར་སརྦ་བཱི་ར་ཡོ་གཱི་ནི་སྤཪྴེ་ཀ་མ་གུ་ཎ་བཛྲ་པཱུ་ཛི་ཏེ་ཨཱཿཧཱུཾ་སྭཱ་ཧཱ། ནང་མཆོད་ནི། ལྷ་རྣམས་ལྗགས་ཧཱུྃ་རྡོ་རྗེ་རྩེ་གསུམ་དཀར། །སྦུ་གུས་བདུད་རྩི་དྲངས་ནས་གསོལ་བར་གྱུར། །ༀ་ཨཱ་མྲྀ་ཏ་སྭཱ་ད་སྭ་བྷ་ཝ་ཨཱཏྨ་ཀོ྅་ཧཾ། ༀ་ཨཱཿཧཱུཾ། རྡོ་རྗེ་འཆང་ཆེན་ཏཻ་ལོ་ནཱ་རོ་དང་། །མར་པ་མི་ལ་རྗེ་བཙུན་སྒམ་པོ་པ། །དུས་གསུམ་མཁྱེན་པ་རས་ཆེན་སྤོམ་བྲག་པ། །ཀརྨ་པ་དང་གཉན་རས་རང་བྱུང་བ། །གཡུང་སྟོན་པ་དང་འཛམ་གླིང་མཁའ་སྤྱོད་དབང་། །དེ་བཞིན་གཤེགས་པ་རཏྣ་བྷ་དྲ་དང་། །མཐོང་བ་དོན་ལྡན་ཀུན་མཁྱེན་འཇམ་དཔལ་བཟང་། །རང་བྱུང་མཚོ་སྐྱེས་སངས་རྒྱས་མཉན་པ་དང་། །མི་བསྐྱོད་རྡོ་རྗེ་དཀོན་མཆོག་ཡན་ལག་དང་། །དབང་ཕྱུག་རྡོ་རྗེ་ཆོས་ཀྱི་དབང་ཕྱུག་དང་། །ཆོས་དབྱིངས་རྡོ་རྗེ་ཡེ་ཤེས་སྙིང་པོ་དང་། །ཡེ་ཤེས་རྡོ་རྗེ་
ཆོས་ཀྱི་དོན་འགྲུབ་དང་། །བྱང་ཆུབ་རྡོ་རྗེ་ཆོས་ཀྱི་འབྱུང་གནས་དང་། །བདུད་འདུལ་རྡོ་རྗེ་ཆོས་གྲུབ་རྒྱ་མཚོ་དང་། །པདྨ་ཉིན་བྱེད་ཐེག་མཆོག་རྡོ་རྗེ་དང་། །བློ་གྲོས་མཐའ་ཡས་མཁའ་ཁྱབ་རྡོ་རྗེ་དང་། །པདྨ་དབང་མཆོག་མཁྱེན་བརྩེ་འོད་ཟེར་ཞབས། །ཁྱབ་བདག་རང་བྱུང་རིག་པའི་རྡོ་རྗེ་སོགས། །རྗེ་བཙུན་བླ་མའི་ཞལ་དུ་ༀ་ཨཱཿཧཱུཾ། ༀ་ཤྲཱི་བཛྲ་ཧེ་ཧེ་རུ་རུ་ཀཾ་ཧཱུཾ་ཧཱུཾ་ཕཊ་ཌཱ་ཀི་ནི་ཛཱ་ལ་སམྦ་རཾ་ༀ་ཨཱཿཧཱུཾ། ༀ་བཛྲ་བཻ་རོ་ཙ་ནཱི་ཡེ་ༀ་ཨཱཿཧཱུཾ། ༀ་ཌཱ་ཀི་ནི་ༀ་ཨཱཿཧཱུཾ། ༀ་ལཱ་མེ་ༀ་ཨཱཿཧཱུཾ། ༀ་ཁཎྜ་རོ་ཧེ་ༀ་ཨཱཿཧཱུཾ། ༀ་རཱུ་པི་ཎི་ཡེ་ༀ་ཨཱཿཧཱུཾ། ༀ་མ་ཧཱ་ཀཱ་ལཱ་ཡ་ༀ་ཨཱཿཧཱུཾ། ༀ་མ་ཧཱ་ཀཱ་ལཱེ་ༀ་ཨཱཿཧཱུཾ། ཞེས་བླ་མ་ཡི་དམ་ཆོས་སྐྱོང་རྣམས་མཆོད། བལྟ་དང་རྒོད་དང་ལག་འཛིན་དང་། །འཁྱུད་དང་གཉིས་སྤྲོད་སོགས་མཆོད་པས། །དབང་བསྐུར་བར་ནི་འགྱུར་བ་དང་། །རྒྱུད་རྣམས་ཀུན་གྱི་དོན་རྟོགས་ཤོག །ༀ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷ་ཝ་ཨཱཏྨ་ཀོ྅་ཧཾ། འཁྱུད་ཚུལ་བྱ། རང་བཞིན་མེད་
པའི་གནས་གོམས་པས། །ལྷ་ཡི་སྙིང་པོ་སྒོམ་བྱེད་པ། །དེ་ནི་མཆོད་པ་ཆེན་པོར་འདོད། །སངས་རྒྱས་ཐམས་ཅད་རྟོགས་བྱེད་པའོ། །བསྟོད་པ་བྱ་བ་ནི། ཆོས་ཀྱི་སྐུ་ལ་འགྱུར་བ་མེད་རྟགས་སུ། །སྐུ་མདོག་མཐིང་ནག་ཅུང་ཟད་སྔོ་བའི་མདངས། །བྱང་ཆུབ་སེམས་དང་སྟོང་ཉིད་དབྱེར་མེད་པ། །རྟག་ཆད་འགྲོ་འོང་བྲལ་ལ་ཕྱག་འཚལ་ལོ། །ལྷན་ཅིག་སྐྱེས་པ་བདེ་བ་ཆེན་པོའི་སྐུ། །བདུད་རྩིའི་རོ་ཡིས་ངེས་གང་ཚུལ་བསྟན་པ། །མཆོག་ལ་ཕན་མཛད་རྡོ་རྗེ་ཕག་མོ་དང་། །གཉིས་མེད་རོལ་པར་མཛད་ལ་ཕྱག་འཚལ་ལོ། །ཞལ་གཅིག་ཕྱག་གཉིས་སྤྱན་གསུམ་བགྲད་པའི་ཚུལ། །ཕྱག་གཡས་རྡོ་རྗེ་རྣམ་རྟོག་རྩད་ནས་འཇོམས། །ཕྱག་གཡོན་དྲིལ་བུ་དངོས་པོ་འཛིན་པ་སྤོང་། །སྣང་སྟོང་གཉིས་མེད་འཁྱུད་ལ་ཕྱག་འཚལ་བསྟོད། །འཇིག་རྟེན་སྤྱོད་གྲོལ་དབུ་སྐྲ་གྱེན་དུ་བཅིངས། །ཡེ་ཤེས་ལྔ་ལྡན་ཐོད་པའི་ཕྲེང་བས་བརྒྱན། །ཆོས་ཉིད་ཐུགས་ཆུད་རྡོ་རྗེའི་
ཐག་པས་བརྒྱུས། །ཡུལ་དང་ཡུལ་ཅན་དབྱེར་མེད་ཁྱོད་ལ་འདུད། །འཁོར་བའི་སྐྱོན་གྱིས་མ་གོས་པདྨའི་གདན། །བྱང་ཆུབ་མྱུ་གུ་སྨིན་བྱེད་ཉི་སྟེང་དུ། །ཞབས་གཉིས་བརྐྱང་བསྐུམ་འཇིགས་བྱེད་དུས་མཚན་མནན། །མ་རུང་ཚར་གཅོད་མཛད་ལ་ཕྱག་འཚལ་བསྟོད། །སྒྲིབ་གཉིས་སྲེག་མཛད་མེ་དཔུང་ནང་ན་བཞུགས། །ཉོན་མོངས་གདུང་སེལ་ཟླ་བ་ཕྱེད་པས་སྤྲས། །ཕྲིན་ལས་བཞི་ཡིས་སེམས་ཅན་དོན་མཛད་ཕྱིར། །སྣ་ཚོགས་རྡོ་རྗེས་མཚན་ལ་ཕྱག་འཚལ་བསྟོད། །ཡིད་བཞིན་རེ་སྐོང་ནོར་བུ་གཙུག་ན་འཛིན། །ཕ་རོལ་ཕྱིན་དྲུག་རྫོགས་པས་ཕྱག་རྒྱ་དྲུག །མཚན་དང་དཔེ་བྱད་བརྒྱན་པའི་སྐུར་གསལ་བ། །མི་བསྐྱོད་དབུ་རྒྱན་ཅན་ལ་ཕྱག་འཚལ་ལོ། །སྤང་བྱ་སྤོང་དང་གདུལ་བྱ་འདུལ་བའི་ཕྱིར། །སྟག་གི་པགས་པ་མི་མགོའི་ཕྲེང་བས་བརྒྱན། །བདུད་བཞི་འཇོམས་ཕྱིར་རྣོ་དཀར་མཆེ་བ་གཙིགས། །ཐུགས་རྗེ་འཛུམ་བཅས་ཁྲོས་ལ་ཕྱག་འཚལ་བསྟོད། །ཞི་
རྒྱས་དབང་དང་དགུག་པའི་ལས་བཞི་དང་། །ལུས་ཚོར་སེམས་ཆོས་དྲན་པ་ཉེར་བཞག་རྣམས། །དགའ་དང་མཆོག་དགའ་དགའ་བྲལ་ལྷན་སྐྱེས་དགའ། །སྙིང་པོའི་རྣལ་འབྱོར་མ་བཞི་ལ་ཕྱག་འཚལ། །རྟག་པ་ལ་སོགས་དེ་བཞིན་གཤེགས་པ་བཞི། །བུམ་པ་བཞི་དང་བདུད་རྩིས་གང་བའི་སྣོད། །མཚམས་སུ་མཆོད་པའི་གཟུགས་ཀྱིས་གནས་པ་ཡི། །ཐབས་ཤེས་དབྱེར་མེད་དེ་ལ་ཕྱག་འཚལ་ལོ། །ཞེས་དང་རྐང་བརྒྱད་ཀྱིས་བསྟོད་པར་འདོད་ན། ༀ་བཅོམ་ལྡན་དཔའ་བོའི་དབང་པོ་ལ་ཕྱག་འཚལ། །བསྐལ་པ་ཆེན་པོའི་མཐའ་ཡི་མེ་ལྟ་བུ། །རལ་པའི་ཚོགས་ཀྱི་ཅོད་པན་བཅིངས་པ་སྟེ། །མཆེ་གཙིགས་དྲག་ཅིང་འཇིགས་སུ་རུང་བའི་ཞལ། །ཕྱག་ནི་འོད་ཟེར་སྟོང་ཕྲག་འབར་བ་པོ། །དགྲ་སྟྭ་ཞགས་འཕྱར་མདུང་དང་ཁ་ཊྭཱཾ་འཛིན། །སྟག་གི་པགས་པའི་ན་བཟའ་འཆང་བར་མཛད། །དུ་བ་མུན་ཆེན་མདོག་མཚུངས་སྐུ་ལ་འདུད། །ༀ་བཅོམ་ལྡན་འདས་
མ་རྡོ་རྗེ་ཕག་མོ་ལ་ནི་ཕྱག་འཚལ་ལོ། །འཕགས་མ་འཇིག་རྟེན་གསུམ་ཡུམ་གཞན་གྱིས་མི་ཐུབ་རིག་པའི་དབང་ཕྱུག་ཆེ། །འབྱུང་པོ་ཐམས་ཅད་འཇིགས་མཛད་ཀུན་ཏུ་འབེབས་མ་རྡོ་རྗེ་ཆེན་མོ་ཉིད། །རྡོ་རྗེ་གདན་མ་མི་ཕམ་གཞན་གྱིས་མི་ཐུབ་དབང་མཛད་གཡོ་བའི་སྤྱན། །དུག་ཀྱང་སྐེམ་པར་མཛད་མ་འཇིགས་སུ་རུང་བའི་ཁྲོ་མོ་གཙིགས་བྱེད་མོ། །སྐྲག་བྱེད་གསོད་བྱེད་རབ་ཏུ་འབྱེད་པར་བྱེད་ཅིང་ཕ་རོལ་ལས་རྒྱལ་མ། །རྣམ་པར་རྒྱལ་མ་རྨུགས་པར་བྱེད་ཅིང་རེངས་དང་རྨོངས་པར་མཛད་པ་མོ། །རྡོ་རྗེ་ཕག་མོ་རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཞེས་བྱ་བ་དག་གོ །བཟླས་པ་བྱ་བ་ནི། གཙོ་བོའི་ཐུགས་ཀར་སྣ་ཚོགས་རྡོ་རྗེའི་ལྟེར། །ས་བོན་ཧཱུཾ་ཡིག་འོད་ཟེར་དཀར་པོ་བྱུང་། །ཡབ་ཞལ་ཡུམ་ཞལ་དུ་ཞུགས་སྐུ་ཡི་དབྱིབས། །བརྒྱུད་དེ་ཡུམ་གྱི་མཁའ་ནས་རྡོ་རྗེ་ཡི། །ནོར་བུ་ནས་སོང་ཐུགས་ཀའི་ཧཱུྃ་ལ་ཐིམ། །ནད་གདོན་བར་ཆད་ཞི་དང་འོད་
སེར་ལས། །ཚེ་དཔལ་འབྱོར་རྒྱས་དམར་ལས་ལོངས་སྤྱོད་བསྡུས། །མཐིང་གས་གནོད་བྱེད་ཐམས་ཅད་ཚར་གཅོད་པའོ། །ཞེས་སྒོམ་བཞིན་པས། ༀ་ཤྲཱི་བཛྲ་ཧེ་ཧེ་རུ་རུ་ཀཾ་ཧུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་སམྦ་རཾ་སྭཱ་ཧཱ། ༀ་ཧྲཱིཿཧ་ཧ་ཧུཾ་ཧཱུཾ་ཕཊ། ༀ་བཛྲ་བཻ་རོ་ཙ་ནཱི་ཡེ་ཧུཾ་ཧཱུཾ་ཕཊ། ༀ་སརྦ་བུདྡྷ་ཌཱ་ཀི་ནི་ཡེ་བཛྲ་ཝརྞ་ནི་ཡེ་ཧུཾ་ཧཱུཾ་ཕཊ། ༀ་ཌཱ་ཀི་ནཱི་ཡེ་ཧུཾ་ཧཱུཾ་ཕཊ། ༀ་ལཱ་མེ་ཧུཾ་ཧཱུཾ་ཕཊ། ༀ་ཁཎྜ་རོ་ཧེ་ཧུཾ་ཧཱུཾ་ཕཊ། ༀ་རཱུ་པི་ཎི་ཡེ་ཧུཾ་ཧཱུཾ་ཕཊ། གཙོ་བོའི་སྙིང་པོ་བརྒྱ་རྩ་བརྒྱད་དང་། འཁོར་གྱི་སྔགས་ཅི་འགྲུབ་བཟླ་བར་བྱའོ། །བཅུ་གཅིག་པ་ཕྱི་རོལ་པའི་གཏོར་མ་བཏང་ཞིང་ཉེ་རེག་བྱས་ཏེ་ནང་དུ་འོང་ཞིང་གསོལ་བ་གདབ་པ་ནི། སྒྲུབ་པའི་གྲོགས་དཀྱིལ་འཁོར་དུ་སྲུང་དུ་བཅུག །སློབ་དཔོན་གཞན་རྣམས་ཕྱི་རོལ་དུ་སོང་སྟེ། འཇིག་རྟེན་པའི་གཏོར་མ་ཆུ་གཉིས་ཉེར་སྤྱོད་དང་བཅས་པ་བཤམས། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་ཡི་དཀྱིལ་འཁོར་སྟེང་། །ༀ་ཨཱཿཧཱུཾ་ལས་ཐོད་སྒྱེད་གསུམ། །དེར་གནས་ཨ་ལས་ཐོད་པ་ནི། །ཡངས་ཤིང་རྒྱ་
ཆེའི་དབུས་ཕྱོགས་བཞིར། །ཧཱུྃ་ༀ་ཁྃ་ཨྃ་ཏྲཱྃ་དང་ནི། །བཱྃ་ལཱྃ་མཱྃ་པཱྃ་ཏཱྃ་ཡིག་ལས། །ལྕགས་ཀྱུ་ལྔ་དང་སྒྲོན་མ་ལྔར། །གྱུར་པ་རང་རང་ས་བོན་མཚན། །རླུང་བསྐྱོད་མེ་སྦར་བསྐོལ་བ་ལས། །ས་བོན་དང་བཅས་རྫས་རྣམས་ཞུ། །འཆར་ཁའི་ཁ་དོག་ལྟ་བུར་འབར། །དེ་ཡི་རླངས་པ་ལས་གྲུབ་པའི། །དངུལ་ཆུའི་མདོག་མཚུངས་ཁ་ཊྭཱཾ་ག །འོག་ཏུ་ཁ་ལྟ་དེ་ཡང་ཞུ། །བཅུད་དང་དབྱེར་མེད་འདྲེས་པའི་སྟེང་། །ཨཱ་ལི་ཀཱ་ལི་ཡོངས་གྱུར་ལས། །བརྩེགས་པའི་ༀ་དང་ཨཱཿཧཱུྃ་ལས། །དཀྱིལ་འཁོར་པ་སྤྲོས་སེམས་ཅན་གྱི། །དོན་བྱས་སྙོམས་པར་ཞུགས་པ་ནས། །ཡིག་གསུམ་ལ་ཐིམ་ཡིག་གསུམ་ཡང་། །དམ་ཚིག་བདུད་རྩིར་གཅིག་ཏུ་གྱུར། །ཞེས་བྱིན་གྱིས་བརླབས། ཨིནྡྲ་ས་པ་རི་ཝཱ་རཱ་ན་ཨཱ་ཀཪྵ་ཡ་ཛཿ དེ་བཞིན་དུ། ཡ་མ་ས་པ་རི་ཝཱ་ར༴ བ་རུ་ཎ་ས་པ་རི༴ ཀུ་བེ་ར༴ མ་ཧཱ་བྷུ་ཏ༴ ཨཱགྣི༴ རཱཀྵ་ས༴ བཱ་ཡུ་དེ་ཝ་ཏ༴ ཙནྡྲ༴ སཱུརྱ༴ བྲཧྨ༴ ཨ་དེ་ཝ༴ བེ་མ་ཙི་ཏྲི༴ པྲི་ཐི་ཝི་དེ་ཝ་ཏཱ་ས་པ་
རི་ཝཱ་རཱ་ན་ཨ་ཀཪྵ་ཡ་ཛཿ ཞེས་པ་དང་། ཛཿཧཱུྃ་བཾ་ཧོཿ སཾ་ཏྲྀཔྟཿསརྦ་དེ་ཝ་ཏཱཿསཱ་དྷ་ཀ་སྱ་ཤནྟིཾ་ཀུ་རུ། པཱུཥྚིཾ་ཀུ་རུ། སརྦ་ཀཪྻན་ཏུ་སིདྡྷིརྦྷ་བ་ཏུ་ཡ་ཐཱ་སུ་ཁཾ་སུ་ཁཻཿ ཞེས་སྤྱན་འདྲེན་ཞིང་འདོད་དོན་གསོལ། ༀ་ད་ཤ་དི གློ་ཀ་པཱ་ལ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། པཱ་དྱཾ། པུཥྤེ། དྷུ་པེ། ཨ་ལོ་ཀེ། གནྡྷེ། ནཻ་ཝིདྱེ། ཤཔྡ་པྲ་ཏཱིཙྪ་སྭཱ་ཧཱ། ཞེས་མཆོད། ༀ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷུ་ཏ་པྲེ་ཏ་པི་ཤཱ་ཙོནྨ་ད་བ་སྨཱ་ར་ཌཱ་ཀ་ཌཱ་ཀི་ནྱཱ་ད་ཡཿ ཨི་མཾ་བ་ལིང་གྲྀཧྞནྟུ། ས་མ་ཡ་རཀྵནྟུ། སརྦ་སིདྡྷིམྨེ་པྲ་ཡཙྪནྟུ། ཡ་ཐཻ་བཾ། ཡ་ཐཻཥྚཾ། བྷུཉྫ་ཐ། པི་བ་ཐ། ཛི་གྷྲ་ཐ། མཱ་ཏི་ཀྲ་མ་ཐ། མ་མ་སརྦཱ་ཀཱ་ར་ཏ་ཡཱ་སཏྶུ་ཁཾ་བེ་ཤུདྡྷ་ཡེ་ས་ཧཱ་ཡི་ཀཾ་བྷ་ཝནྟུ་ཧུཾ་ཧཱུྃ་ཕཊ་སྭཱ་ཧཱ། ཞེས་ལན་གསུམ་གྱིས་གཏོར་མ་ཕུལ་ལ། ལྷ་ཀླུ་གནོད་སྦྱིན་སྲིན་པོ་དང་། །འབྱུང་པོ་ཡི་དྭགས་ཤ་ཟའི་ཚོགས། །སྨྱོ་བྱེད་བརྗེད་བྱེད་མཁའ་འགྲོ་མ། །མ་མོའི་ཚོགས་རྣམས་མ་ལུས་པ། །འདིར་གཤེགས་བདག་ལ་དགོངས་སུ་གསོལ། །
མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་དང་། །བདེ་ལེགས་ཕུན་སུམ་ཚོགས་པ་དང་། །ཡིད་ལ་འདོད་པ་ཀུན་འགྲུབ་མཛོད། །ཅེས་ཕྲིན་ལས་བཅོལ། ༀ་བཛྲ་ཧེ་རུ་ཀ་ས་ཏྭ་ས་མ་ཡ་སོགས་ས་ཏྭ་ཨཱཿཧཱུྃ་ཕཊ། ཅེས་ཡིག་བརྒྱས་ལྷག་ཆད་ཁ་བསྐང་། འཇིག་རྟེན་པ་རྣམས་རང་གནས་གཤེགས་པར་གྱུར། །ཞེས་གཤེགས་སུ་གསོལ་ནས། ཙོག་པུར་འདུག་པའི་
ལག་པ་གཉིས་པུས་མོའི་ནང་དུ་སོན་པར་བྱ་ཞིང་། གཡོན་པས་དྲི་བཟང་དང་སྦྱར་བའི་ཆུའི་སྣོད་བཟུང་། གཡས་པའི་ཐལ་མོ་བཀན་པའི་གུང་མོ་དང་། མིང་མེད་ཅུང་ཟད་བསྐུམ་པས་ཆུ་ལ་རེག་ནས། མི་སྨྲ་བར་མཆུ་ལ་མང་དུ་བྱབ་ཅིང་། རྣ་བའི་བུ་ུག་གཉིས་དང་། མིག་གཉིས་དང་། སྣའི་བུ་ག་དག་དང་། ལག་པ་དང་། ལྟོ་བ་དང་། མགོ་བོར་ལན་གསུམ་དུ་ཉེ་རེག་བྱས་ལ། སློབ་དཔོན་གྱིས་རྟིང་མནན་ནང་དུ་འོང་སྟེ། རྡོ་རྗེ་དྲིལ་བུ་འཛིན་ཅིང་དཀྲོལ་བཞིན་པས། ༀ་སུམྦྷ་ནི་སུམྦྷ་སོགས་བརྗོད་ནས་དཀྱིལ་འཁོར་ལ་བསྐོར་བ་དངོས་སམ་ཡིད་ཀྱིས་བྱ་ཞིང་ནུབ་ཀྱི་སྒོར་གནས་པ་ལ་གཡས་བརྐྱང་གི་སྟབས་དང་ལག་པ་གཉིས་ཁུ་ཚུར་བཀན་པ་ལས་མཛུབ་མོ་བརྐྱང་པ་བསྣོལ་ཐབས་སུ་བཞག་པ་སོ་སོར་བསྐྱེད་ཅིང་སྒོ་ཕྱེ་བར་བསམ་ལ། ༀ་བཛྲོད་གྷཱ་ཊ་ས་མ་ཡ་པྲ་བེ་ཤ་ཡ་ཧཱུཾ། ཞེས་ཚར་བཞི་བརྗོད་ཅིང་། ལྷོ་ནས་བྱང་། བྱང་ནས་ལྷོ། ཤར་ནས་ནུབ་ཀྱི་སྒོ་ཕྱེ་ནས། དེ་བཞིན་དུ་གནས་བཞིན་པས། མེ་ཏོག་ཕྲེང་བ་ཐོགས་ཏེ། ༀ་པ་ར་མ་སུ་ཁཱ་ཤ་ཡ་སུ་ལ་ལི་ཏ་བི་ལཱ་ས་ན་མ་ཏི་ན་མ་ཏེ་ན་མཱ་མི་བྷ་ག་བནྟཾ་ཛཿཧཱུཾ་བཾ་ཧོཿ ཧི་ཧི་ཧི་ཧི་ཧཱིཿ པྲ་ཏཱིཙྪ་ཀུ་སུ་མཱཉྫ་ལི་ནཱ་ཐ་ཧོཿ ཞེས་དཀྱིལ་འཁོར་དུ་དོར་ཞིང་། སླར་ཡང་ཕྲེང་བས་དབང་བསྐུར་བའི་མོས་པས། རང་
གི་སྤྱི་བོར་བཅིངས་ཏེ་ཕྱག་བྱས་ལ། དེ་རིང་འགྲོ་བ་ཀུན་ལ་དངོས་གྲུབ་མཆོག །ལུས་པ་མེད་པའི་བཀའ་དྲིན་སྩོལ་བར་མཛོད། །ཅེས་གསོལ་བ་བཏབ་བོ། །བཅུ་གཉིས་པ་བདག་ཉིད་འཇུག་པའམ། གཞན་ལ་དབང་བསྐུར་བ་ནི། ལས་བུམ་གྱི་ཆུས། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་སོགས་བྱ། ས་གཞི་སྤོས་ཆུས་བྱུག་ཅིང་མེ་ཏོག་བཀྲམ། །རི་རབ་གླིང་བཞི་སོགས་ཀྱིས་མཎྜལ་ཕུལ་ནས་འཁོད་པ་ལ། བུ་ཁྱོད་ཅི་ཡིན་དངོས་པོ་ཅི་ལ་དགའ། །ཞེས་དྲིས་ལ། སློབ་མས། སྐལ་བཟང་བདག་ནི་བདེ་བ་ཆེན་པོ་ལའོ། །ཞེས་ལན་བཏབ། ༀ་ཙཀྵུརྦནྡྷ་ཝ་ར་མཱ་ནཱ་ཡ་ཧཱུཾ། གིས་གདོང་གཡོགས་དམར་སེར་བཅིངས། ཨཱ་ཁཾ་བཱི་ར་ཧཱུཾ། གིས་མེ་ཏོག་ལག་ཏུ་བཟུང་ནས། དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་
དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་འཇུག་པར་འཚལ། །ཞེས་ལན་གསུམ་རྗེས་ཟློས་བྱེད་དུ་བཅུག་ནས། བདག་གིས་སྡིག་པ་བགྱིས་པ་དང་། །བགྱིད་དུ་སྩལ་དང་ཡི་རང་བ། །སངས་རྒྱས་སྤྱན་སྔར་མཆིས་ནས་སུ། །དེ་དག་བདག་གིས་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང་། །རང་རྒྱལ་དགྲ་བཅོམ་འགྲོ་རྣམས་ཀྱི། །སྒོམ་དང་བཟླས་བརྗོད་བསོད་ནམས་གང་། །དེ་ལ་བདག་ནི་ཡི་རང་ངོ་། །སེམས་བསྐྱེད་མངོན་པར་སངས་རྒྱས་དང་། །ཆོས་ཀྱི་འཁོར་ལོ་བསྐོར་བ་དང་། །བྱང་ཆུབ་སེམས་དཔའི་ཚོགས་ཀྱི་མཆོག །དེ་ལ་བདག་ནི་སྐྱབས་སུ་མཆི། །སངས་རྒྱས་འབྱུང་བ་ཇི་ལྟ་བར། །སྐལ་ལྡན་བྱང་ཆུབ་སེམས་དཔའ་ཡིས། །བྱང་ཆུབ་ཏུ་ནི་སེམས་བསྐྱེད་ལྟར། །དེ་ཉིད་དུ་ནི་སེམས་བསྐྱེད་དོ། །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་འདིར་ནི་མྱུར་དུ་སངས་
རྒྱས་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བགྱིད་ཅིང་། །སེམས་ཅན་སྡུག་བསྔལ་མང་པོས་གཟིར་ལས་སྒྲོལ། །ཞེས་ལན་གསུམ་གྱིས་ལྔ་རྣམ་དག་བྱ། བདག་ཉིད་ཧེ་རུ་ཀར་གསལ་སྙིང་གར་ནི། །ཀུན་རྫོབ་བྱང་སེམས་ངོ་བོ་ཟླ་དཀྱིལ་དབུས། །དོན་དམ་བྱང་སེམས་ངོ་བོའི་རྡོ་རྗེ་དཀར། །རྩེ་ལྔ་འོད་ཟེར་འབར་བས་མཚན་པར་གྱུར། །རྡོ་རྗེ་དང་མེ་ཏོག་དང་བཅས་པའི་ལག་པ་གཡས་ཀྱིས་སྙིང་གར་རེག་བཞིན་པས། ༀ་སརྦ་ཡོ་ག་ཙིཏྟ་ཨུཏྤཱ་ད་ཡཱ་མི། ཞེས་སེམས་བསྐྱེད་དེ། ༀ་སུ་ར་ཏེ་ས་མ་ཡསྟྭཾ་ཧོཿ སིདྡྷི་བཛྲ་ཡ་ཐཱ་སུ་ཁཾ། གིས་བརྟན་པར་བྱའོ། །སངས་རྒྱས་སྲས་བཅས་ཐམས་ཅད་དང་། །དཔའ་བོ་རྣལ་འབྱོར་མ་རྣམས་ཀུན། །བདག་ལ་དགོངས་པར་མཛད་དུ་གསོལ། །རིག་པ་འཛིན་པ་བདག་གིས་ནི། །དུས་ནི་འདི་ནས་བཟུང་ནས་སུ། །བྱང་ཆུབ་སྙིང་པོར་མཆིས་ཀྱི་བར། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་
བསྐྱེད་པར་བགྱི། །སངས་རྒྱས་རྣལ་འབྱོར་སྡོམ་པ་ལ། །ཚུལ་ཁྲིམས་ཀྱི་ནི་སློབ་པ་དང་། །དགེ་བའི་ཆོས་ནི་སྡུད་པ་དང་། །སེམས་ཅན་དོན་བྱེད་ཚུལ་ཁྲིམས་གསུམ། །བདག་གིས་བརྟན་པོར་གཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །དེང་ནས་བརྩམས་ཏེ་གཟུང་བར་བགྱི། །ནམ་དུ་ཡང་ནི་མི་སྤོང་ངོ་། །རྡོ་རྗེའི་རིགས་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང་། །ཡང་དག་ཉིད་དུ་གཟུང་བར་བགྱི། །སློབ་དཔོན་དག་ཀྱང་གཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་ཞིང་ནི་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་ནང་གསང་བ་ཐེག་པ་གསུམ། །དམ་པའི་ཆོས་ནི་གཟུང་བར་བགྱི། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་
དག་ཉིད་དུ་གཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བླ་ན་མེད་པའི་བྱང་ཆུབ་སེམས། །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང་། །མ་བརྒལ་བ་རྣམས་བསྒྲལ་བར་བགྱི། །མ་གྲོལ་བ་རྣམས་བདག་གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་འགོད། །ཅེས་ལན་གསུམ་གྱིས་སྡོམ་པ་བཟུང་། །གནས་གསུམ་དུ་སྲིན་ལག་གི་རྩེ་མོས་དྲིའི་ཐིག་ལེ་བྱ་ཞིང་། སྤྱི་བོར་ཟླ་བའི་སྟེང་དུ་ༀ་དཀར་པོ། །མགྲིན་པར་པདྨའི་ལྟེ་བར་ཨཱཿདམར་པོ། །སྙིང་གར་ཉི་སྟེང་ཧཱུཾ་སྔོན་ལས་འོད་འཕྲོས། །ཕྱོགས་བཅུའི་སངས་རྒྱས་ཀུན་གྱི་སྐུ་གསུང་ཐུགས། །བྱིན་རླབས་བསྡུས་ཏེ་ཡི་གེ་སོ་སོར་ཐིམ། །གསང་བར་གདམས་པ་ནི། དེང་ཁྱོད་དེ་བཞིན་གཤེགས་ཀུན་བྱིན་རླབས་ཀྱིས། །དེ་བཞིན་གཤེགས་པ་ཀུན་གྱི་གསང་བ་འདི། །ཁྱོད་ཀྱིས་དཀྱིལ་འཁོར་མ་ཞུགས་པ་རྣམས་ལ། །སྨྲ་བར་མི་བྱ་མ་
དད་པ་ལའང་མིན། །ལས་ཀྱི་རྡོ་རྗེས། ཧཱུཾ་ཛཿཧཱུཾ། གིས་ཡོལ་བའི་ནང་དུ་བཅུག །ༀ་ན་མསྟེ་ཧཱུཾ། ན་མཱ་མི་ཧཱུཾ། ན་མོ་ན་མཿཧཱུཾ་སྭཱ་ཧཱ། །ཞེས་སྔགས་ཚར་བཞི་བཅས་ཕྱག་བྱས་ཤིང་། སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་སྐྱབས་སུ་མཆི། །གཙོ་བོ་ལྷ་མོར་བཅས་པ་ཡི། །རྣལ་འབྱོར་གསང་སྔགས་མཁའ་འགྲོ་མ། །འཁོར་ལོ་གསུམ་གྱི་བདག་ཉིད་ཅན། །ཀུན་ལ་བདག་ནི་སྐྱབས་སུ་མཆི། །ཞེས་ལན་གསུམ་གྱིས་སྐྱབས་སུ་སོང་ནས། དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །ཞེས་གསོལ་བ་བཏབ་པས། དཀྱིལ་འཁོར་གྱི་ཤར་སྒོ་ནས་ཞུགས། སྒོ་ཁྱམས་སུ་གནས་པ་ལ། ལག་པ་གཡས་ཀྱིས་རྡོ་རྗེ་སྤྱི་བོར་བཟུང་ལ། དེང་ཁྱོད་དཔའ་བོ་རྣལ་འབྱོར་མ་ཀུན་གྱི། །རིགས་སུ་ཞུགས་ཀྱི་ངས་ཁྱོད་ལ་ཡེ་ཤེས། །གང་གི་བདེ་གཤེགས་ཀུན་གྱི་དངོས་གྲུབ་ཀྱང་། །ཐོབ་ན་དངོས་གྲུབ་གཞན་ལྟ་སྨོས་ཀྱང་ཅི། །དགོས་
པས་དེ་ལྟའི་ཡེ་ཤེས་བསྐྱེད་པར་བྱའི། །ཁྱོད་ཀྱིས་དཀྱིལ་འཁོར་མ་མཐོང་མདུན་ཉིད་དུ། །བརྗོད་མི་བྱ་སྟེ་དམ་ཚིག་ཉམས་ཏ་རེ། །སྙིང་གར་རྡོ་རྗེ་བཞག་ལ། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཐོད་པའི་བདུད་རྩི་མཐེ་བོང་མིང་མེད་སྦྱར་བས་སྦྱིན་ཞིང་། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་ཉམས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་ཡིས་འགྲུབ། །ༀ་བཛྲ་ཨུ་ད་ཀ་ཋཿཋཿཋཿ ཞེས་དང་། དེང་ནས་བརྩམས་ཏེ་ཁྱོད་ཀྱི་དཔལ་ཧེ་རུ། །ཀ་ང་ཡིན་གྱི་ངས་འདི་གྱིས་ཤིག་ཅེས། །བསྒོ་བ་གང་ཡིན་ཁྱོད་ཀྱིས་བྱ་དགོས་ཏེ། །ང་ལ་བརྙས་པར་མ་བྱེད་གལ་ཏེ་ན། །མི་བདེ་མ་སྤངས་དུས་བྱས་དམྱལ་ཏ་རེ། །ཞེས་དམ་ལ་བཞག་ནས། དཔའ་བོ་རྣལ་འབྱོར་མ་ཀུན་བདག་བྱིན་རློབས། །ཧེ་རུ་ཀ་ཡི་ཡེ་ཤེས་བདག་ལ་ཕོབ། །ཅེས་ལན་གསུམ་བརྗོད། བདག་ཉིད་ཧེ་རུ་
ཀ་མཆོག་ཡབ་ཡུམ་དུ། །གསལ་བའི་ལྟེ་བར་ཨཾ་ལས་མེ་འབར་བས། །སྙིང་གའི་ཧཱུཾ་དང་མགྲིན་པའི་ༀ་བསྲེགས་པས། །སྤྱི་བོའི་ཧཾ་ལས་བདུད་རྩིའི་རྒྱུན་བབས་ཏེ། །ལུས་ཀུན་ཟག་མེད་བདེ་ཆེན་སྐྱེས་པར་གྱུར། །ཅེས་དང་། ༀ་ཧྲཱིཿཧ་ཧ་ཧུཾ་ཧཱུཾ་ཕཊ། ཅེས་མཐར། ཛྙཱ་ན་ཨཱ་ཝེ་ཤ་ཡ་ཨ་ཨ་ཨ་ཧྲཱིཿབཾ། ཞེས་པའམ། ཏིཥྛ་མ་ཧཱ་ཀྲོ་དྷ་ཨ་ཝེ་ཤ་ཡ་ཧཱུཾ། ཤྲཱི་ཧེ་རུ་ཀཱ་ཡ་བིདྨ་ཧེ་བིདྱཱ་རཱ་ཛ་ཡ་དྷཱི་མ་ཧེ་སྭཱ་ཧཱ། བརྗོད་ཅིང་རོལ་མོ་འཁྲོལ། གུ་གུལ་ལ་སོགས་པའི་དུད་པས་བདུག །ཕེབས་པར་གྱུར་ནས། མགོ་བོར་རྡོ་རྗེ་བཀོད་དེ། ཏིཥྛ་བཛྲ། ཞེས་པས་བརྟན་པར་བྱས། ཁ་དོག་བརྟགས་ལ་མེ་ཏོག་ཕྲེང་བ། པྲ་ཏིཙྪ་བཛྲ་ཧོཿ གཙོ་བོའི་དབུ་ལ་ཕུལ་བས་ལྷག་པའི་ལྷ་དེ་ཉིད་ཀྱིས། སེམས་དཔའ་སྟོབས་ཅན་ཁྱོད་ཀྱིས་ནི། །འདི་ནི་རབ་ཏུ་གཟུང་བར་གྱིས། །ཞེས་མེ་ཏོག་སྤྱི་བོར་བཞག །ༀ་བཛྲ་ནེ་ཏྲ་ཨ་བ་ཧཱ་ར་པ་ཊ་ལཾ་ཧྲཱིཿ གདོང་གཡོག་བསལ་ཏེ། རྟེན་དང་བརྟེན་པའི་དཀྱིལ་འཁོར་མངོན་སུམ་གྱུར། །དེ་ནས་དབང་བསྐུར་བ་ལ། རིག་པའི་དབང་ལྔ་བསྐུར་བ་ནི། ས་གཞི་སྤོས་ཆུས་
སོགས་མཎྜལ་ཕུལ་ནས། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་ལན་གསུམ་གྱིས་གསོལ་བ་བཏབ། སློབ་མ་དང་དབང་རྫས། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་སློབ་མ་དབང་གི་རྫས། །བུམ་ཆུ་དང་བཅས་པད་ཉིར་ཧཱུཾ་ཡིག་ལས། །རྡོ་རྗེ་ཧཱུཾ་མཚན་ཡོངས་གྱུར་མི་བསྐྱོད་པ། །སྐུ་མདོག་སྔོན་པོ་རྡོ་རྗེ་དྲིལ་བུ་འཛིན། །རང་འདྲའི་ཡུམ་འཁྱུད་ཕྱག་རྒྱ་ལྔ་ཡིས་བརྒྱན། །གཡས་བརྐྱང་སྟབས་བཞུགས་སྙིང་གའི་ས་བོན་ལས། །འོད་འཕྲོས་བསྐྱེད་པ་དང་འདྲའི་ཡེ་ཤེས་སེམས། །སྤྱན་དྲངས་ཛཿཧཱུཾ་བཾ་ཧོཿགཉིས་མེད་གྱུར། །མི་བསྐྱོད་ཡབ་ཡུམ་སྙོམས་ཞུགས་ཞུ་གྱུར་བས། །བུམ་པའི་ཆུ་གྱུར་སྙིང་གའི་ས་བོན་གྱི། །འོད་ཀྱིས་དྲངས་པའི་དབང་ལྷ་མཁར་བཞུགས་པའི། །དེ་བཞིན་གཤེགས་རྣམས་དབང་གི་དགོངས་པ་མཛད། །ལྷ་མོ་རྣམས་ཀྱིས་བུམ་པ་བདུད་
རྩི་ཡིས། །གང་བ་བསྣམས་ནས་དབང་བསྐུར་ཁྲོ་བོ་རྣམས། །བགེགས་བསྐྲད་སེམས་དཔའ་རྣམས་ཀྱིས་ཤིས་མཛད་དེ། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཐམས་ཅད་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་སྐྱེད་བྱེད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །མཆོད་པའི་ལྷ་མོས་མཆོད་བཞིན་དབང་བསྐུར་རོ། །སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་གནས་ལས་བྱུང་བ་ཡི། །ཁམས་གསུམ་པ་ཡིས་ཕྱག་བྱས་པ། །རྡོ་རྗེའི་དབང་བསྐུར་ཆེན་པོ་སྦྱིན། །ༀ་ཧྲཱིཿཧ་ཧ་ཧུཾ་ཧཱུཾ་ཕཊ། ཅེས་མཐར། ༀ་བཛྲ་ཨ་བྷི་ཥིཉྩ་ཧཱུཾ །ༀ་རཏྣ་ཨ་བྷི་ཥིཉྩ་ཏྲཱཾ། ༀ་པདྨ་ཨ་བྷི་ཥིཉྩ་ཧྲཱིཿ ༀ་ཀརྨ་ཨ་བྷི་ཥིཉྩ་ཨཱཿ ༀ་བུདྡྷ་ཨ་བྷི་ཥིཉྩ་ༀ། ཞེས་པའམ། བཛྲོད་ཀ་ཨ་བྷི་ཥིཉྩ་ཧཱུཾ་སུ་ར་ཏསྟྭཾ་ཨ་ཧཾ། བུམ་ཆུ་སྤྱི་བོར་བླུག །དབང་ལྷ་སློབ་མ་ལ་ཐིམ་ཆུ་ཡི་དབང་། །བསྐུར་བས་ཉོན་མོངས་ཞེ་སྡང་
རྣམ་ཤེས་ཀྱི། །ཕུང་པོ་གནས་གྱུར་མེ་ལོང་ཡེ་ཤེས་མཆོག །མངོན་བྱེད་བཅོམ་ལྡན་མི་བསྐྱོད་དབུ་བརྒྱན་གྱུར། །ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་སློབ་མ་ཅོད་པན་བཅས། །པད་ཉིའི་སྟེང་དུ་ཨཱཾ་ལས་རིན་པོ་ཆེ། །ཨཱཾ་གིས་མཚན་པ་ཡོངས་གྱུར་རིན་འབྱུང་ནི། །སྐུ་མདོག་སེར་པོ་རིན་ཆེན་དྲིལ་བུ་འཛིན། །རང་འདྲའི་ཡུམ་འཁྱུད་ཕྱག་རྒྱ་ལྔ་ཡིས་བརྒྱན། །གཡས་བརྐྱང་སྟབས་བཞུགས་སྙིང་གའི་ས་བོན་ལས། །འོད་འཕྲོས་བསྐྱེད་པ་དང་འདྲའི་ཡེ་ཤེས་སེམས། །སྤྱན་དྲངས་ཛཿཧཱུཾ་བཾ་ཧོཿགཉིས་མེད་གྱུར། །རིན་འབྱུང་ཡབ་ཡུམ་སྙོམས་ཞུགས་ཞུ་གྱུར་པས། །དབུ་རྒྱན་དུ་གྱུར་སྙིང་གའི་ས་བོན་གྱི། །འོད་ཀྱིས་དྲངས་པའི་དབང་ལྷ་མཁར་བཞུགས་པའི། །དེ་བཞིན་གཤེགས་རྣམས་དབང་གི་དགོངས་པ་མཛད། །ལྷ་མོ་རྣམས་ཀྱིས་རིན་ཆེན་ལས་གྲུབ་པའི། །དབུ་རྒྱན་བསྣམས་ནས་དབང་བསྐུར་ཁྲོ་བོ་རྣམས། །བགེགས་བསྐྲད་
སེམས་དཔའ་རྣམས་ཀྱིས་ཤིས་མཛད་དེ། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཐམས་ཅད་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་སྐྱེད་བྱེད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །མཆོད་པའི་ལྷ་མོས་མཆོད་བཞིན་དབང་བསྐུར་རོ། །སངས་རྒྱས་ཀུན་གྱི་རྒྱལ་སྲིད་ཆེ། །དབུ་རྒྱན་རིན་ཆེན་དམ་པ་སྟེ། །རིན་ཆེན་ཀུན་གྱིས་མཆོད་བྱེད་པ། །རྫོགས་སངས་རྒྱས་སུ་དབང་བསྐུར་རོ། །ༀ་སརྦ་བུདྡྷ་ཌཱ་ཀི་ནཱི་ཡེ་བཛྲ་ཝརྣ་ནཱི་ཡེ་ཧུཾ་ཧཱུཾ་ཕཊ། ཅེས་མཐར། ༀ་ཨཱཿམུ་ཀུ་ཊ་ཨ་བྷི་ཥིཉྩ་ཧཱུཾ། སུ་ར་ཏ་སྟྭཾ་ཨ་ཧཾ། ཅོད་པན་མགོ་བོར་བཅིངས། བཛྲོད་ཀ་ཨ་བྷི་ཥིཉྩ་ཧཱུཾ་སོགས་ཀྱིས་ཆུའི་དབང་ཡང་བསྐུར། དབང་ལྷ་སློབ་མ་ལ་ཐིམ་ཅོད་པན་དབང་། །བསྐུར་བས་ང་རྒྱལ་སེར་སྣ་ཚོར་བ་ཡི། །ཕུང་པོ་གནས་གྱུར་མཉམ་ཉིད་ཡེ་ཤེས་མཆོག །མངོན་བྱས་བཅོམ་ལྡན་རིན་འབྱུང་དབུ་བརྒྱན་གྱུར། །
ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་སློབ་མ་རྡོ་རྗེ་བཅས། །པད་ཉིའི་སྟེང་དུ་ཛྲིཾ་ལས་པདྨ་ཛྲིཾ། །མཚན་པ་ཡོངས་སུ་གྱུར་ལས་འོད་དཔག་མེད། །སྐུ་མདོག་དམར་པོ་པདྨ་དྲིལ་བུ་འཛིན། །རང་འདྲའི་ཡུམ་འཁྱུད་ཕྱག་རྒྱ་ལྔ་ཡིས་བརྒྱན། །གཡས་བརྐྱང་སྟབས་བཞུགས་སྙིང་གའི་ས་བོན་ལས། །འོད་འཕྲོས་བསྐྱེད་པ་དང་འདྲའི་ཡེ་ཤེས་སེམས། །སྤྱན་དྲངས་ཛཿཧཱུཾ་བཾ་ཧོཿགཉིས་མེད་གྱུར། །འོད་དཔག་ཡབ་ཡུམ་སྙོམས་ཞུགས་ཞུ་གྱུར་པས། །རྡོ་རྗེར་རབ་གྱུར་སྙིང་གའི་ས་བོན་ཀྱིས། །འོད་ཀྱིས་དྲངས་པའི་དབང་ལྷ་མཁར་བཞུགས་པའི། །དེ་བཞིན་གཤེགས་རྣམས་དབང་གི་དགོངས་པ་མཛད། །ལྷ་མོ་རྣམས་ཀྱིས་རྡོ་རྗེ་འོད་འབར་བས། །གསོར་ཞིང་བསྣམས་ནས་དབང་བསྐུར་ཁྲོ་བོ་རྣམས། །བགེགས་བསྐྲད་སེམས་དཔའ་རྣམས་ཀྱིས་ཤིས་མཛད་དེ། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཐམས་ཅད་བདག་ཉིད་
རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་སྐྱེད་བྱེད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །མཆོད་པའི་ལྷ་མོས་མཆོད་བཞིན་དབང་བསྐུར་རོ། །སངས་རྒྱས་ཀུན་གྱི་རྡོ་རྗེའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཉིད་དུ་རབ་བསྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོངས། །བཛྲ་ཨ་བྷི་ཥིཉྩ། སྙིང་ག་སོགས་གནས་གསུམ་དུ་རེག་ཅིང་གསོར་བར་བྱའོ། །བཛྲོད་ཀ་ཨ་བྷི་ཥིཉྩ་ཧཱུྃ་སུ་ར་ཏ་སྟྭཾ་ཨ་ཧཾ། ཆུ་དབང་ཡང་བསྐུར། དབང་ལྷ་སློབ་མ་ལ་ཐིམ་རྡོ་རྗེའི་དབང་། །བསྐུར་བས་ཉོན་མོངས་འདོད་ཆགས་འདུ་ཤེས་ཀྱི། །ཕུང་པོ་གནས་གྱུར་སོར་རྟོག་ཡེ་ཤེས་མཆོག །མངོན་བྱས་བཅོམ་ལྡན་འོད་དཔག་དབུ་བརྒྱན་གྱུར། །ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་སློབ་མ་དྲིལ་བུ་བཅས། །པད་ཉིའི་སྟེང་དུ་ཁཾ་ལས་རལ་གྲི་ཁཾ། །མཚན་པ་ཡོངས་གྱུར་དོན་ཡོད་གྲུབ་པ་ནི། །སྐུ་མདོག་ལྗང་གུ་
རལ་གྲི་དྲིལ་བུ་འཛིན། །རང་འདྲའི་ཡུམ་འཁྱུད་ཕྱག་རྒྱ་ལྔ་ཡིས་བརྒྱན། །གཡས་བརྐྱང་སྟབས་བཞུགས་སྙིང་གའི་ས་བོན་ལས། །འོད་འཕྲོས་བསྐྱེད་པ་དང་འདྲའི་ཡེ་ཤེས་སེམས། །སྤྱན་དྲངས་ཛཿཧཱུཾ་བཾ་ཧོཿགཉིས་མེད་གྱུར། །དོན་གྲུབ་ཡབ་ཡུམ་སྙོམས་ཞུགས་ཞུ་གྱུར་པས། །དྲིལ་བུའི་སྒྲར་གྱུར་སྙིང་གའི་ས་བོན་གྱིས། །འོད་ཀྱིས་དྲངས་པའི་དབང་ལྷ་མཁར་བཞུགས་པའི། །དེ་བཞིན་གཤེགས་རྣམས་དབང་གི་དགོངས་པ་མཛད། །ལྷ་མོ་རྣམས་ཀྱིས་དྲིལ་བུ་སྒྲ་ལྡན་པ། །ཕྱག་ཏུ་བསྣམས་ནས་དབང་བསྐུར་ཁྲོ་བོ་རྣམས། །བགེགས་བསྐྲད་སེམས་དཔའ་རྣམས་ཀྱི་ཤིས་མཛད་དེ། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཐམས་ཅད་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་སྐྱེད་བྱེད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །མཆོད་པའི་ལྷ་མོས་མཆོད་བཞིན་དབང་
བསྐུར་རོ། །སངས་རྒྱས་ཀུན་གྱི་དྲིལ་བུའི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཉིད་དུ་རབ་བསྒྲུབ་ཕྱིར། །དྲིལ་བུ་འདི་ནི་ཁྱོད་ཀྱིས་ལོངས། །རྡོ་རྗེ་དྲིལ་བུ་འཛིན་པས་ལྟེ་བའི་ཐད་དུ་འཁྱུད་པའི་ཚུལ་གྱིས། ༀ་བཛྲ་ཨ་དྷི་པ་ཏི་སྟྭཾ་ཨ་བྷི་ཥིཉྩ་མི་ཏིཥྛ་བཛྲ་ས་མ་ཡ་སྟྭཾ། བཛྲོད་ཀ་ཨ་བྷི་ཥིཉྩ་ཧཱུཾ་སུ་ར་ཏ་སྟྭཾ་ཨ་ཧཾ། ཞེས་ཆུ་དབང་ཡང་བསྐུར། དབང་ལྷ་སློབ་མ་ལ་ཐིམ་དྲིལ་བུའི་དབང་། །བསྐུར་བས་ཉོན་མོངས་ཕྲག་དོག་འདུ་བྱེད་ཀྱི། །ཕུང་པོ་གནས་གྱུར་བྱ་གྲུབ་ཡེ་ཤེས་མཆོག །མངོན་བྱས་བཅོམ་ལྡན་དོན་གྲུབ་དབུ་བརྒྱན་གྱུར། །ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་སློབ་མ་མིང་གི་དབང་། །པད་ཉིའི་སྟེང་དུ་བུཾ་ལས་འཁོར་ལོ་བུཾ། །མཚན་པ་ཡོངས་གྱུར་རྣམ་པར་སྣང་མཛད་ནི། །སྐུ་མདོག་དཀར་པོ་འཁོར་ལོ་དྲིལ་བུ་འཛིན། །རང་འདྲའི་ཡུམ་འཁྱུད་ཕྱག་རྒྱ་ལྔ་ཡིས་བརྒྱན། །གཡས་བརྐྱང་སྟབས་བཞུགས་སྙིང་གའི་ས་བོན་ལས། །འོད་
འཕྲོས་བསྐྱེད་པ་དང་འདྲའི་ཡེ་ཤེས་སེམས། །སྤྱན་དྲངས་ཛཿཧཱུཾ་བཾ་ཧོཿགཉིས་མེད་གྱུར། །རྣམ་སྣང་ཡབ་ཡུམ་སྙོམས་ཞུགས་ཞུ་གྱུར་པས། །མཆོག་གི་མིང་གྱུར་སྙིང་གའི་ས་བོན་གྱི། །འོད་ཀྱིས་དྲངས་པའི་དབང་ལྷ་མཁར་བཞུགས་པའི། །དེ་བཞིན་གཤེགས་རྣམས་དབང་གི་དགོངས་པ་མཛད། །ལྷ་མོ་རྣམས་ཀྱིས་སྙན་པའི་དབྱངས་ཀྱིས་མིང་། །འདོགས་པར་མཛད་ནས་དབང་བསྐུར་ཁྲོ་བོ་རྣམས། །བགེགས་བསྐྲད་སེམས་དཔའ་རྣམས་ཀྱིས་ཤིས་མཛད་དེ། །བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཐམས་ཅད་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་སྐྱེད་བྱེད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །མཆོད་པའི་ལྷ་མོས་མཆོད་བཞིན་དབང་བསྐུར་རོ། །སངས་རྒྱས་ཀུན་གྱི་མིང་གི་དབང་། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཉིད་དུ་རབ་བསྒྲུབ་ཕྱིར། །མིང་གི་
དབང་འདི་ཁྱོད་ཀྱིས་ལོངས། །རྡོ་རྗེ་དྲིལ་བུ་མཉམ་དུ་སྤྱི་བོར་བཟུང་ལ་མིང་གི་དབང་བསྐུར། ༀ་བཛྲ་ས་ཏྭ་སྟྭཾ་ཨ་བྷི་ཥིཉྩ་མི་བཛྲ་ནཱ་མ་ཨ་བྷི་ཥེ་ཀ་ཏ། ཀྱེ་དཔལ་ཧེ་རུ་ཀ་ཞེས་བྱའོ། །ༀ་བཛྲོད་ཀ་ཨ་བྷི་ཥིཉྩ་ཧཱུཾ་སུ་ར་ཏ་སྟྭཾ་ཨ་ཧཾ། ཞེས་ཆུ་དབང་བསྐུར། དབང་ལྷ་སློབ་མ་ལ་ཐིམ་མིང་གི་དབང་། །བསྐུར་བས་ཉོན་མོངས་གཏི་མུག་བེམ་གཟུགས་ཀྱི། །ཕུང་པོ་གནས་གྱུར་ཆོས་དབྱིངས་ཡེ་ཤེས་མཆོག །མངོན་བྱས་བཅོམ་ལྡན་རྣམ་སྣང་དབུ་བརྒྱན་གྱུར། །བརྟུལ་ཞུགས་ལ་གཉིས་ལས། རྡོ་རྗེའི་བརྟུལ་ཞུགས་ནི། པད་ཟླའི་གདན་ལ་སློབ་མ་རྡོ་རྗེ་སེམས། །སྐུ་མདོག་དཀར་པོ་རྡོ་རྗེ་དྲིལ་བུ་འཛིན། །རིན་པོ་ཆེས་བརྒྱན་སེམས་དཔའི་སྐྱིལ་ཀྲུང་བཞུགས། །འདི་དེ་སངས་རྒྱས་ཐམས་ཅད་ཀྱི། །དཔལ་ཧེ་རུ་ཀའི་ཕྱག་ན་བསྣམས། །ཁྱོད་ཀྱིས་ཀྱང་ནི་རྟག་ཏུ་བཅང་། །དཔལ་ཧེ་རུ་ཀའི་བརྟུལ་ཞུགས་བརྟན། །ༀ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷཱ་ར་ཡཱ་མི་ཧཱིཿཧི་ཧི་ཧི་ཧི་ཧཱུཾ། རྡོ་རྗེ་
སྙིང་གར་བཟུང་ངོ་། །སྤྱོད་པའི་བརྟུལ་ཞུགས་ནི། ཁ་ཊྭཱཾ་སོགས་བསངས་སྦྱངས། སློབ་མ་དབང་རྫས་བཅོམ་ལྡན་སྐུ་མདོག་མཐིང་། །བཅོམ་ལྡན་རྡོ་རྗེ་ཕག་མོས་ཡོངས་སུ་འཁྱུད། །དབང་རྫས་ཡབ་ཡུམ་ཡོངས་སུ་གྱུར་པ་ལས། །དབང་རྫས་སོ་སོ་སོ་སོའི་རྣམ་པར་གྱུར། །གཡས་ཅང་ཏེའུ། གཡོན་དུ་ཐཽད་པ། གྲུ་ཁུག་གཡོན་པར་ཁ་ཊྭཱཾ་ག །ཚངས་སྐུད་སེ་རལ་ཁར་བྱིན་ཏེ། ཁ་ཊྭཱཾ་ཅང་ཏེའུ་ལྷུང་བཟེད་དག །དཔའ་བོས་བྱིན་པ་བླངས་ནས་ནི། །དཔལ་ཧེ་རུ་ཀའི་ཕྱག་རྒྱ་འདི། །ཕྱི་དང་ནང་དུ་ཡང་དག་གནས། །ཁ་ཊྭཱཾ་ག་ནི་ལྷ་སྐུ་བདེ་བ་ཆེ། །ཌཱ་མ་རུ་ནི་ཤེས་རབ་སྟོང་པ་ཉིད། །ཐོད་པ་དེ་གཉིས་འདུས་པ་བདེ་བ་སྐྱོང་། །ཚངས་སྐུད་རྣམ་པར་མི་རྟོག་པ་ཡི་དོན། །ལུང་སྟོན་པ་དང་དབུགས་དབྱུང་བ་ནི། དཀྱིལ་འཁོར་གྱི་གཙོ་བོ་མཆོག་གི་སྤྲུལ་པའི་སྐུའི་རྣམ་པས། འདི་ལྟར་ང་ཡིས་ལུང་སྟོན་ཏེ། །འཁོར་ལོ་གསུམ་གྱི་བདག་ཉིད་ཁྱོད། །རང་ཉིད་སངས་རྒྱས་ཀུན་རང་བཞིན། །ཧེ་རུ་ཀ་དཔལ་ཞེས་བྱ་བའི། །དེ་བཞིན་
གཤེགས་པ་ཉིད་ཡིན་ནོ། །ཤྲཱི་ཧེ་རུ་ཀ་ཏེ་ནཱ་མ་ཏ་ཐཱ་ག་ཏ་སིདྡྷིཿས་མ་ཡ་སྟྭཾ། བྷཱུརྦྷུ་བཿསྭཿ ཁམས་གསུམ་ཀུན་གྱི་རྒྱལ་སྲིད་ཆེ། །དཔལ་ལྡན་ཡོན་ཏན་འབྱུང་བའི་གནས། །བདུད་ཚོགས་ཀུན་ལས་རྣམ་རྒྱལ་ཞིང་། །གྲོང་ཁྱེར་མཆོག་ཏུ་ཞུགས་པ་ཡིན། །སློབ་དཔོན་གྱི་དབང་ནི། ས་གཞི་སྤོས་ཆུས་སོགས་མཎྜལ་ཕུལ་ནས། ཕྱིར་མི་ལྡོག་པའི་དབང་བསྐུར་ཆེ། །དཔའ་བོ་ཆེན་པོ་བདག་ལ་སྩོལ། །འགྲོ་བ་མཚན་མ་མེད་བྱེད་པ། །དེ་ནི་དེང་འདིར་སྩལ་དུ་གསོལ། །ཞེས་ལན་གསུམ་གསོལ་བ་བཏབ་སྟེ། ཧཱུཾ་བྱུང་རྡོ་རྗེ་མ་ཧཱ་བཛྲ་ཧཱུཾ ། །ཨཱཿབྱུང་དྲིལ་བུ་བཛྲ་གྷཎྚ་ཨཱཿ ཞེས་རྡོ་རྗེ་དྲིལ་བུ་བཟུང་། སློབ་མ་སླར་ཡང་རྡོ་རྗེ་སེམས་དཔའ་དང་། །རྡོ་རྗེ་སྙེམས་མ་མཉམ་སྦྱོར་གསལ་བར་གྱུར། །རྡོ་རྗེ་ཆེ་དང་དྲིལ་བུ་ཆེ། །ཟུང་ཞིག་རྡོ་རྗེར་བྱིན་གྱིས་རློབས། །དེ་རིང་རྡོ་རྗེ་སློབ་དཔོན་གྱུར། །སློབ་མའི་ཚོགས་རྣམས་བསྡུ་བར་གྱིས། །དེ་ལྟར་དམ་ཚིག་གསུམ་པོ་ལྡན་པ་ལ། །དབང་ལྷ་རྣམས་
ཀྱིས་བུམ་པའི་དབང་བསྐུར་རོ། །ཇི་ལྟར་བལྟམས་ཚེ་བཅོམ་ལྡན་ཁྲུས་གསོལ་ལྟར། །ལྷ་ཆུ་དག་པས་འདིར་ནི་ཁྲུས་བགྱིའོ། །ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུཾ། ཞེས་པས་དབང་བསྐུར་སྒོ་གསུམ་དྲི་མ་དག །སྤྱི་བོར་མི་བསྐྱོད་རྡོ་རྗེས་དབུ་བརྒྱན་གྱུར། །ཁྱོད་ཀྱིས་འཇིག་རྟེན་འཇིག་རྟེན་འདས་པ་ཡི། །འགྲོ་བ་ཀུན་གྱི་སློབ་དཔོན་ཉིད་དུ་གྱིས། །དབང་ལྷ་རྣམས་ཀྱང་སློབ་མ་ཉིད་ལ་ཐིམ། །ༀ་བཛྲ་པུཥྤེ་དྷུ་པེ་ཨ་ལོ་ཀེ་གནྡྷེ་ནཻ་ཝིནྱེ་པྲ་ཏཱིཙྪ་སྭཱ་ཧཱ། ཞེས་མཆོད། དེང་ནས་བརྩམས་ཏེ་བུ་ཁྱོད་ཀྱིས། །གཟུགས་སྒྲ་དྲི་རོ་རེག་ལ་སོགས། །འདོད་ཡོན་ལྔ་ལ་སྤྱོད་པར་གྱིས། །དེང་ནས་བཟུང་སྟེ་བུ་ཁྱོད་ཀྱིས། །ལུས་དང་སྲོག་ལ་མི་ལྟ་བར། །རྟེན་ཅིང་འབྲེལ་བར་འབྱུང་བའི་ཆོས། །འགྲོ་བའི་དོན་ནི་དཔག་མེད་བྱོས། །ཞེས་ལྷ་མཆོད་པ་དང་འགྲོ་དོན་གྱི་རྗེས་གནང་བྱིན། ཐར་པ་ཆེན་པོའི་ཕོ་བྲང་རྣམ་སྣང་གི །རང་བཞིན་རིན་ཆེན་སྣ་ཚོགས་ལས་གྲུབ་པ། །གྲུ་བཞི་སྒོ་བཞི་རྟ་
བབས་དུར་ཁྲོད་དང་། །རྡོ་ར་མེ་རི་བཅས་འདི་རང་གི་སེམས། །དཀྱིལ་འཁོར་ཉིད་དུ་སྣང་བའི་ཡོན་ཏན་གྱི། །ཁྱད་པར་རྣམས་ལས་བྱང་ཆུབ་ཕྱོགས་ཀྱི་ཆོས། །སོ་བདུན་སྒོ་རྒྱན་ལ་སོགས་སྣང་བ་འདི། །དཀྱིལ་འཁོར་དེ་བཞིན་ཉིད་དུ་ཤེས་པར་གྱིས། །ཕུང་ཁམས་སྐྱེ་མཆེད་སྟོང་ཉིད་སྙིང་རྗེ་ཡིས། །རྒྱས་གདབ་རང་བཞིན་བཅོམ་ལྡན་ཡབ་ཡུམ་ནི། །ཐུགས་རྗེའི་དབང་གིས་མཁའ་འགྲོ་མ་ཚོགས་སྤྲུལ། །ལྷ་ཡང་དེ་བཞིན་ཉིད་དུ་ཤེས་པར་གྱིས། །རྡུལ་ཚོན་དཀྱིལ་འཁོར་ཉིད་ལས་བུམ་དབང་ཐོབ། །ལུས་ཀྱི་སྒྲིབ་བསལ་བསྐྱེད་རིམ་སྒོམ་ལ་དབང་། །འབྲས་བུ་སྤྲུལ་སྐུ་འགྲུབ་པའི་སྐལ་ལྡན་གྱུར། །གསང་དབང་གི་དོན་དུ། ས་གཞི་སྤོས་ཆུས་སོགས་མཎྜལ་ཕུལ་ནས། བྱང་ཆུབ་རྡོ་རྗེ་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་སྐྱོབ་པའི་དོན་གྱི་ཕྱིར། །ནམ་མཁའི་རྡོ་རྗེ་དེང་བདག་སྩོལ། །ཞེས་ལན་གསུམ་གསོལ་བ་གདབ། བྷ་གའི་དཀྱིལ་འཁོར་མ་
མཐོང་བའི་བརྡར། ༀ་ཙཀྵུརྦནྡྷ་ཝ་ར་མཱ་ནཱ་ཡ་ཧཱུཾ། གིས་གདོང་གཡོག་བཅིང་། བཅོམ་ལྡན་ཡབ་ཡུམ་སྙོམས་ཞུགས་སྦྱོར་མཚམས་ནས། །བྱང་སེམས་བདུད་རྩི་སངས་རྒྱས་ཐམས་ཅད་པ། །ཞུ་བའི་ངོ་བོ་བདག་བྱིན་རློབ་པའི་ཚུལ། །གསང་བ་མཆོག་གི་ངོ་བོས་དབང་བསྐུར་རོ། །ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་རྣམས་དབང་བསྐུར་ལྟར། །བདག་གི་གསང་བའི་སེམས་རྒྱུན་གྱིས། །དེང་འདིར་ཁྱོད་ལ་དབང་བསྐུར་རོ། །དམ་རྫས་བཏུང་ཞིང་། ཨ་ཧོ་མ་ཧཱ་སུ་ཁ། བརྗོད། བླ་མ་ཡབ་ཡུམ་བྱང་ཆུབ་སེམས་ཀྱི་རྫས། །མྱོང་བས་ལུས་ཀུན་བདེ་ཆེན་ཁྱད་པར་སྐྱེས། །གཙོ་བོ་ལས་སྤྲོས་ལྷན་སྐྱེས་ཡབ་ཡུམ་ནི། །བཅོམ་ལྡན་སྣང་བ་མཐའ་ཡས་རྣམ་གྱུར་ནས། །མགྲིན་ཐིམ་རང་བཞིན་བརྒྱད་ཅུའི་རྟོག་པ་འགགས། །ༀ་བཛྲ་པུཥྤེ་དྷུ་པེ་ཨ་ལོ་ཀེ་གནྡྷེ་ནཻ་ཝིདྱེ་པྲ་ཏཱིཙྪ་སྭཱ་ཧཱ། མཆོད་ཅིང་། ༀ་བཛྲ་ནེ་ཏྲ་ཨ་པ་ཧཱ་ར་པ་ཊ་ལཾ་ཧྲཱིཿས་མིག་དར་བསལ། བྷ་གའི་དཀྱིལ་འཁོར་མཐོང་ཞིང་
གསང་དབང་ཐོབ། །ངག་གི་དྲི་མ་དག་ནས་རྩ་དང་རླུང་། །སྒོམ་པར་དབང་ཞིང་ལོངས་སྐུ་འགྲུབ་པར་གྱུར། །ཤེས་རབ་ཡེ་ཤེས་ཀྱི་དོན་དུ། ས་གཞི་སྤོས་ཆུས་སོགས་མཎྜལ་ཕུལ་ནས། བཅོམ་ལྡན་ཞི་བ་ཆེན་པོ་ཀྱེ། །རྡོ་རྗེ་རྣལ་འབྱོར་གཅིག་བཞེད་པ། །མི་ཕྱེད་ཕྱག་རྒྱ་སྒྲུབ་པ་པོ། །རྡོ་རྗེ་རྣལ་འབྱོར་ལས་བྱུང་བ། །ཇི་ལྟར་ཁྱོད་ཉིད་བདག་ཉིད་ཆེ། །མངའ་བདག་བདག་ལའང་དེ་ལྟར་མཛོད། །འཁོར་བ་འདམ་གྱི་ཚོགས་ནང་དུ། །བྱིང་བ་སྐྱབས་མེད་བདག་ལ་སྐྱོབས། །ཞེས་གསོལ་བ་ལན་གསུམ་བཏབ། ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་མ་མཐོང་བའི་བརྡར་གདོང་གཡོགས་བཅིངས། ༀ་ཙཀྵུརྦནྡྷ ཝ་ར་མཱ་ནཱ་ཡ་ཧཱུཾ ། གཙོ་བོའི་ཡུམ་ལས་སྤྲོས་པའི་རྣལ་འབྱོར་མ། །མི་ཡི་བུ་མོ་གཟུགས་དང་ལང་ཚོ་ནི། །ཕུལ་དུ་བྱུང་བ་ཕྱག་གཡོན་གྱིས་བཟུང་ནས། །སློབ་མའི་ལག་པ་གཡས་སུ་གཏད་པར་གྱུར། །དགའ་སྟེར་གནས་སྟེར་ལྷ་མོ་ནི། །སྣ་ཚོགས་གཟུགས་ཅན་ཡིད་འོང་མ། །ཁྱེར་ཅིག་ཁྱེར་
ཅིག་སེམས་དཔའ་ཆེ། །ཁྱེར་ལ་མཆོད་པ་རྟག་ཏུ་གྱིས། །སློབ་མ་ལྷན་སྐྱེས་ཡབ་ཡུམ་གསལ་བ་ཡི། །ཡབ་ཀྱི་གསང་བ་མི་དམིགས་པ་ལས་ཧཱུཾ། །དཀར་པོ་ལས་ནི་རྡོ་རྗེ་ནག་པོ་བྱ། །དམར་ལས་ནོར་བུའི་རྩེ་མོར་བྱ་སེར་པོ། །ཡུམ་གསང་མི་དམིགས་ཨ་ལས་པདྨ་དམར། །འདབ་གསུམ་བྱཱ་ལས་དཔའ་བོའི་བྱང་ཆུབ་སེམས། །མཚོན་པའི་ཟེའུ་འབྲུར་བྱཱ་མཚན་རང་གི་ལྟེར། །ༀ་བཛྲ་བཻ་རོ་ཙ་ནི་སྙིང་གར། །ༀ་སརྦ་བུདྡྷ་མགྲིན་པར་ༀ་ཤྲཱི། །དཔྲལ་བར་ༀ་ཧྲཱིཿལྷ་མོའི་ལྟེ་བར་ནི། །ༀ་ཤྲཱི་སྙིང་གར་ༀ་ཧྲཱིཿམགྲིན་པར་ༀ། །བཛྲ་དཔྲལ་བར་ༀ་སརྦ་ཞེས་པའི། །ཡི་གེ་གསལ་བར་ཡབ་ཡུམ་སྙོམས་ཞུགས་པས། །བྱང་སེམས་སྤྱི་ནས་མགྲིན་པར་དགའ་བ་དང་། །སྙིང་གའི་བར་དུ་མཆོག་དགའ་ལྟེ་བའི་བར། །ཁྱད་དགའ་ནོར་བུའི་རྩེ་མོར་སླེབས་པ་ན། །འཕོ་མེད་ལྷན་ཅིག་སྐྱེས་དགའ་མྱོང་བར་གྱུར། །ༀ་བཛྲ་པུཥྤེ་དྷུ་པེ་ཨ་ལོ་ཀེ་གནྡྷེ་ནཻ་ཝིདྱེ་པྲ་ཏཱིཙྪ་སྭཱ་ཧཱ། ཞེས་མཆོད་ཅིང་།
ༀ་བཛྲ་ནེ་ཏྲ་ཨ་པ་ཧཱ་ར་པ་ཊ་ལཾ་ཧྲཱིཿ གདོང་གཡོག་བསལ། ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་མཐོང་། །ཤེས་རབ་ཡེ་ཤེས་དབང་ཐོབ་ཡིད་ཀྱི་དྲི། །རྣམ་དག་རང་འོད་རིག་མ་བསྟེན་ལ་དབང་། །འབྲས་བུ་ཆོས་སྐུ་འགྲུབ་པའི་སྐལ་ལྡན་གྱུར། །དེ་ནས་བཞི་པའི་དོན་དུ། ས་གཞི་སྤོས་ཆུས་སོགས་མཎྜལ་ཕུལ། ཁྱོད་ཞབས་པདྨའི་བཀའ་དྲིན་གྱིས། །གཙོ་བོའི་དབང་བསྐུར་རྣམ་གསུམ་ཐོབ། །དེ་རིང་རིན་ཆེན་བཞི་པ་ཡང་། །བཀའ་དྲིན་གྱིས་ནི་སྩལ་དུ་གསོལ། །ཞེས་གསོལ་བ་བཏབ། དོན་དམ་བྱང་སེམས་ཀྱི་དཀྱིལ་འཁོར་མ་མཐོང་བའི་བརྡར། ༀ་ཙཀྵུ རྦནྡྷ་ཝ་ར་མཱ་ནཱ་ཡ་ཧཱུཾ ། གིས་གདོང་གཡོགས་བཅིངས། གཙོ་བོ་ལས་སྤྲོས་ལྷན་སྐྱེས་ཡབ་ཡུམ་ནི། །སྨིན་མཚམས་ཐིམ་པས་བདེ་སྟོང་ཡེ་ཤེས་སྐྱེས། །ཡེ་ཤེས་འདི་ནི་ཆེས་ཕྲ་ཞིང་། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་རང་ཡང་ནི་དེ་ཡི་ཕ། །དེ་ལྟར་སངས་རྒྱས་ཐམས་ཅད་ཀྱི། །ཡེ་ཤེས་ཀུན་ནི་སྐྱེད་
བྱེད་ཕྱིར། །ཁྱོད་ནི་ཕ་དང་འདྲ་བ་ཡིན། །གསུམ་པའི་རྒྱུ་ལས་བཞི་པའང་ཡིན། །ༀ་བཛྲ་པུཥྤེ་དྷུ་པེ་ཨ་ལོ་ཀེ་གནྡྷེ་ནཻ་ཝིདྱེ་པྲ་ཏཱིཙྪ་སྭཱ་ཧཱ། ཞེས་མཆོད་ཅིང་། ༀ་བཛྲ་ནེ་ཏྲ་ཨ་པ་ཧཱ་རཱ་པ་ཊ་ལཾ་ཧྲཱིཿ གདོང་གཡོགས་ཕྱེ། དོན་དམ་བྱང་ཆུབ་སེམས་ཀྱི་དཀྱིལ་འཁོར་མཐོང་། །དབང་བཞི་ཐོབ་ཅིང་སྒོ་གསུམ་དྲི་མ་དག །ཕྱག་ཆེན་བསམ་མི་ཁྱབ་པ་སྒོམ་པར་དབང་། །ངོ་བོ་ཉིད་སྐུ་འགྲུབ་པའི་སྐལ་ལྡན་གྱུར། །གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །གཏང་རག་ཏུ། ས་གཞི་སྤོས་ཆུས་སོགས་མཎྜལ་ཕུལ། དེང་ནས་བརྩམ་ཏེ་བདག་བྲན་དུ། ཁྱེད་ལ་བདག་ནི་འབུལ་ལགས་ན། ཁྱེད་ཀྱི་སློབ་མར་བཟུང་བ་དང་། །ཆ་ཡིས་ཀྱང་ནི་སྤྱད་དུ་གསོལ། །དེ་ནས་བདེན་པའི་བྱིན་རླབས་བསྡུ་བ་ནི། སེམས་ཅན་ཀུན་གྱི་སྙིང་ལ་གནས། །སེམས་ཅན་ཀུན་གྱི་ཡབ་གྱུར་ཉིད། །འདོད་ཆགས་དམ་ཚིག་མཆོག་གྱུར་པའི། །བདེན་པ་གང་དག་ཡེ་ཤེས་མཆོག །ཤེས་རབ་ཐབས་བདག་
དཀྱིལ་འཁོར་ཡིན། །བདེན་པ་དེ་ཡིས་མགོན་ཁྱོད་ཀྱིས། །བདག་གི་འདོད་པ་རབ་རྫོགས་མཛོད། །ཅེས་དང་། སློབ་མ་གཞུག་པ་དང་འབྲེལ་ན། ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་བྱུང་། །དེ་བཞིན་ཉིད་ལས་ངེས་པ་སྐྱེས། །བདེན་པ་དེ་ཡིས་དཀྱིལ་འཁོར་དུ། །གཟུགས་བརྙན་གསལ་བར་སློབ་མ་ནི། །གསལ་ཞིང་དྲི་མེད་མཐོང་བར་ཤོག །ཅེས་ལན་གསུམ་བརྗོད་ལ། སློབ་མ་གཞུགས་པ་དང་། དབང་བསྐུར་བ་རྣམས་སྔར་བཞིན་རང་དང་སློབ་མ་འདོན་པ་སྤོས་ལ་བྱའོ། །བཅུ་གཉིས་པ་བཟའ་བཏུང་བྱ་ན་ལག་མཆོད་ནི། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། མེ་ཏོག་འགོད་ཅིང་། ལག་གཡོན་མཐིལ་དུ་པདྨ་འདབ་མ་ལྔ། །ༀ་བཾ་ཧཾ་ཡོཾ་ཧྲཱིཾ་མོཾ་ཧྲཱིཾ་ཧྲཱིཾ་ཧཱུཾ་ཧཱུཾ་ཕཊ་ཕཊ། ༀ་ཧ་ན་མ་ཧི་སྭཱ་ཧཱ་ཧུ་བཽ་ཥཊ་ཧེ་ཧཱུཾ་ཧཱུཾ་ཧོཿཕཊ་ཧཾ། དེ་ལྟར་ཡུམ་གྱི་གོ་ཆའི་ལྷ་མོ་རྣམས། །པདྨའི་ལྟེ་བར་ༀ་དང་གཞན་རྣམས་ནི། །གཡོན་སྐོར་ཚུལ་
དང་ཡབ་ཀྱི་གོ་ཆ་རྣམས། །མཐེ་བོང་ལ་སོགས་ལྔ་དང་སེན་མོ་ལ། །དཀྱིལ་འཁོར་མེ་ལོང་གཟུགས་བརྙན་ལྟར་གསལ་ཁམས། །ལྔ་པོ་རྣམ་དག་ལྷ་མོ་ལྔ་རུ་གྱུར། །ༀ་བཾ་ཧཾ་ཡོཾ་ཧྲཱིཾ་མོཾ་ཧྲཱིཾ་ཧྲཱིཾ་ཧཱུཾ་ཧཱུཾ་ཕཊ་ཕཊ། ༀ་ཧ་ན་མ་ཧི་སྭཱ་ཧཱ་ཧུ་བཽ་ཥཊ་ཧེ་ཧཱུཾ་ཧཱུཾ་ཧོཿཕཊ་ཧཾ། པུཥྤཾ་པྲ་ཏཱིཙྪ་སྭཱ་ཧཱ། དེ་བཞིན་དུ། དྷུ་པཾ། ཨ་ལོ་ཀཾ། གནྡྷཾ། ནཻ་ཝིདྱཾ་སོགས་ཉེར་སྤྱོད་ལྔས་མཆོད། ༀ་ན་མོ་བྷ་ག་ཝ་ཏེ་བཱི་རེ་ཤཱ་ཡ་ཧུཾ་ཧཱུཾ་ཕཊ། ༀ་མ་ཧཱ་ཀལྤཱགྣི སནྣི་བྷཱ་ཡ་ཧུཾ་ཧཱུཾ་ཕཊ། ༀ་ཛ་ཊཱ་མ་ཀུ་ཊོཏྐ་ཊཱ་ཡ་ཧུཾ་ཧཱུཾ་ཕཊ། ༀ་དཾཥྚཱ་ཀ་རཱ་ལོ་གྲ་བྷཱི་ཥ་ཎ་མུ་ཁཱ་ཡ་ཧུཾ་ཧཱུཾ་ཕཊ། ༀ་ས་ཧ་སྲ་བྷུ་ཛ་བྷཱ་སུ་རཱ་ཡ་ཧུཾ་ཧཱུཾ་ཕཊ། ༀ་པར་ཤུ་པཱ་ཤོདྱ་ཏ་ཤཱུ་ལ་ཁ་ཊྭཱཾ་ག་དྷཱ་རི་ཎེ་ཧུཾ་ཧཱུཾ་ཕཊ། ༀ་བྱཱ་གྷྲ་ཛི་ནམྦ་ར་དྷ་རཱ་ཡ་ཧུཾ་ཧཱུཾ་ཕཊ། ༀ་མ་ཧཱ་དྷཱུ་མྲཱནྡྷ་ཀ་ར་བ་པུཥཱ་ཡ་ཧུཾ་ཧཱུཾ་ཕཊ། ༀ་ན་མོ་བྷ་ག་ཝ་ཏཱི་བཛྲ་བཱ་རཱ་ཧི་བཾ་ཧུཾ་ཧཱུཾ་ཕཊ། ༀ་ན་མ་ཨཱཪྱཱ་པ་རཱ་ཛི་ཏེ་ཏྲཻ་ལོ་ཀྱ་མཱ་ཏེ་མ་ཧཱ་བིདྱེ་ཤྭ་རི་ཧུཾ་ཧཱུཾ་ཕཊ། ༀ་ན་མཿསརྦ་བྷཱུ་ཏ་བྷ་ཡཱ་བ་ཧེ་མ་ཧཱ་བཛྲེ་ཧུཾ་ཧཱུཾ་ཕཊ། ༀ་ན་མོ་བཛྲཱི་ས་ནེ་ཨ་ཛི་ཏེ་
ཨ་པ་རཱ་ཛི་ཏེ་བཤྱཾ་ཀ་རི་ནེ་ཏྲ་བྷྲཱ་མ་ཎི་ཧུཾ་ཧཱུཾ་ཕཊ། ༀ་ན་མཿཤོ་ཥ་ཎི་རོ་ཥ་ཎི་ཀྲོ་དྷེ་ཀ་རཱ་ལི་ནི་ཧུཾ་ཧཱུཾ་ཕཊ། ༀ་ན་མསྟྲཱ་ས་ནི་མཱ་ར་ཎི་པྲ་བྷེ་ད་ནི་ཨ་པ་རཱ་ཛ་ཡེ་ཧུཾ་ཧཱུཾ་ཕཊ། ༀ་ན་མོ་བི་ཛ་ཡེ་ཛམྦྷ་ནི། སྟམྦྷ་ནི་མོ་ཧ་ནི་ཧུཾ་ཧཱུཾ་ཕཊ། ༀ་ན་མོ་བཛྲ་བཱ་རཱ་ཧི་མ་ཧཱ་ཡོ་གི་ནི་ཀཱ་མེ་ཤྭ་རི་ཁ་གེ་ཧུཾ་ཧཱུཾ་ཕཊ། ཞེས་བསྟོད། ༀ་ཨཱཿཧཱུཾ། བརྗོད། བཟའ་བཏུང་གིས་ཀྱང་མཆོད། བདུད་རྩི་གཏོར་ཞིང་། ཧཱུཾ་ཨཱཿༀ། ཞེས་དང་། ལག་པའི་ལྷ་རྣམས་བདག་ཉིད་ལ་ཐིམ་གྱུར། །ཅེས་བརྗོད། བཅུ་གསུམ་པ་ཚོགས་ཀྱི་འཁོར་ལོ་ནི། ཐབས་ཤེས་ཀྱི་རྫས་ཚོགས་པ་སྟག་ལྤགས་ཀྱི་སྟེང་དུ་བཀོད། བདུད་རྩི་བྲན་ལ། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་ཡི་དཀྱིལ་འཁོར་སྟེང་། །ༀ་ཨཱཿཧཱུཾ་ལས་ཐོད་སྒྱེད་གསུམ། །དེར་གནས་ཨ་ལས་ཐོད་པ་ནི། །ཡངས་ཤིང་རྒྱ་ཆེའི་དབུས་ཕྱོགས་བཞིར། །ཧཱུྃ་ༀ་ཁྃ་ཨྃ་ཏྲཱྃ་དང་ནི། །བཱྃ་ལཱྃ་མཱྃ་པཱྃ་ཏཱྃ་ཡིག་ལས། །ལྕགས་ཀྱུ་ལྔ་དང་སྒྲོན་མ་ལྔར། །གྱུར་པ་རང་རང་ས་བོན་
མཚན། །རླུང་བསྐྱོད་མེ་སྦར་བསྐོལ་བ་ལས། །ས་བོན་དང་བཅས་རྫས་རྣམས་ཞུ། །འཆར་ཁའི་ཁ་དོག་ལྟ་བུར་འབར། །དེ་ཡི་རླངས་པ་ལས་གྲུབ་པའི། །དངུལ་ཆུའི་མདོག་མཚུངས་ཁ་ཊྭཱཾ་ག །འོག་ཏུ་ཁ་ལྟ་དེ་ཡང་ཞུ། །བཅུད་དང་དབྱེར་མེད་འདྲེས་པའི་སྟེང་། །ཨཱ་ལི་ཀཱ་ལི་ཡོངས་གྱུར་ལས། །བརྩེགས་པའི་ༀ་དང་ཨཱཿཧཱུཾ་ལས། །དཀྱིལ་འཁོར་པ་སྤྲོས་སེམས་ཅན་གྱི། །དོན་བྱས་སྙོམས་པར་ཞུགས་པ་ནས། །ཡིག་གསུམ་ལ་ཐིམ་ཡིག་གསུམ་ཡང་། །དམ་ཚིག་བདུད་རྩིར་གཅིག་ཏུ་གྱུར། །ཞེས་པས་བྱིན་གྱིས་བརླབས། ཚོགས་མགྲོན་སྤྱན་འདྲེན་ཞིང་བྱིན་རླབས་འབེབས་པ་ནི། གནས་རྡོ་རྗེ་བཙུན་མོའི་གསང་བ་ནས། །དཔལ་འཁོར་ལོ་སྡོམ་པ་གནས་འདིར་བྱོན། །གནས་འཁོར་ལོ་གསུམ་གྱི་དཀྱིལ་འཁོར་ནས། །རྣལ་འབྱོར་དབང་ཕྱུག་ཏཻ་ལོ་གནས་འདིར་བྱོན། །ཡུལ་དུར་ཁྲོད་ཆེན་པོའི་གནས་བརྒྱད་ནས། །དཔའ་བོ་ཆེན་པོ་ནཱ་རོ་གནས་འདིར་བྱོན། །ཡུལ་ཉི་ཤུ་རྩ་བཞིའི་
གནས་མཆོག་ནས། །རྗེ་ལྷོ་བྲག་ཆེན་པོ་གནས་འདིར་བྱོན། །ཐང་སྟོང་རི་ཡི་རྩེ་མོ་ནས། །རྗེ་རས་པ་ཆེན་པོ་གནས་འདིར་བྱོན། །ཤར་དྭགས་ལྷ་དཔལ་གྱི་སྒམ་པོ་ནས། །རྗེ་ལྷ་རྗེ་ཁུ་དབོན་གནས་འདིར་བྱོན། །མཚུར་མདོ་བོ་ལུང་གི་དབེན་པ་ནས། །གྲུབ་ཐོབ་ཁམས་པ་དབུ་སེ་གནས་འདིར་བྱོན། །འོག་མིན་ཀརྨའི་གནས་མཆོག་ནས། །རྗེ་འགྲོ་མགོན་ཡབ་སྲས་གནས་འདིར་བྱོན། །ཤར་ཕྱོགས་སྤུངས་རིའི་གནས་མཆོག་ནས། །གྲུབ་ཐོབ་ཀརྨ་པཀྴི་གནས་འདིར་བྱོན། །གདུང་ཤུགས་དྲག་པོའི་དབེན་པ་ནས། །རྗེ་སངས་རྒྱས་མཉན་པ་གནས་འདིར་བྱོན། །བྱིན་རླབས་འགྱུར་བ་མེད་པ་ནས། །རྗེ་མི་བསྐྱོད་རྡོ་རྗེ་གནས་འདིར་བྱོན། །ཐུགས་རྗེ་འགག་པ་མ་མཆིས་པའི། །དྲིན་ཆེན་དཀོན་མཆོག་ཡན་ལག་གནས་འདིར་བྱོན། །དངོས་གྲུབ་ཆར་ལྟར་འབེབས་མཛད་པའི། །རྗེ་བཙུན་དབང་ཕྱུག་རྡོ་རྗེ་གནས་འདིར་བྱོན། །བདེ་སྟོང་གི་
ཚོགས་ལ་རོལ་པ་ཡི། །རྗེ་ཆོས་ཀྱི་དབང་ཕྱུག་གནས་འདིར་བྱོན། །ཆོས་ཀྱི་དབྱིངས་ལས་སྤྲུལ་པའི་སྐུ། །རྗེ་ཆོས་དབྱིངས་རྡོ་རྗེ་གནས་འདིར་བྱོན། །ཆོས་དབྱིངས་གཉུག་མའི་གཞལ་ཡས་ནས། །དཔལ་ལྡན་ཡེ་ཤེས་སྙིང་པོ་གནས་འདིར་བྱོན། །ཐུགས་རྗེ་འགག་མེད་གཞལ་ཡས་ནས། །རྗེ་ཡེ་ཤེས་རྡོ་རྗེ་གནས་འདིར་བྱོན། །ཚད་མེད་བཞི་ཡི་ཐུགས་རྗེ་ཅན། །རྗེ་ཆོས་ཀྱི་དོན་གྲུབ་གནས་འདིར་བྱོན། །གནས་ཀུན་མཁྱེན་དྲ་བ་སྡོམ་པ་ནས། །རྒྱལ་དབང་བྱང་ཆུབ་རྡོ་རྗེ་གནས་འདིར་བྱོན། །གཤིས་ཀུན་ཁྱབ་འགྱུར་བ་མེད་པ་ནས། །རྗེ་ཆོས་ཀྱི་འབྱུང་གནས་གནས་འདིར་བྱོན། །བདེ་ཆེན་གྱི་འཁོར་ལོར་རྟག་རོལ་བ། །རྗེ་བདུད་འདུལ་རྡོ་རྗེ་གནས་འདིར་བྱོན། །དངོས་སྣང་སྲིད་སྒྱུ་མའི་རོལ་པ་ཅན། །རྗེ་ཆོས་གྲུབ་རྒྱ་མཚོ༴ དོན་འགྱུར་མེད་ཆོས་སྐུའི་ཕོ་བྲང་ནས། །རྗེ་པདྨ་ཉིན་བྱེད་གནས་འདིར་བྱོན། །མཆོག་རྡོ་རྗེ་གསུམ་འདུས་ཡེ་ཤེས་སྐུ། །རྒྱལ་དབང་
ཐེག་མཆོག་རྡོ་རྗེ་གནས་འདིར་བྱོན། །དཔལ་ཡེ་ཤེས་སྒྱུ་མའི་ཆོ་འཕྲུལ་ཅན། །རྗེ་བློ་གྲོས་མཐའ་ཡས་གནས་འདིར་བྱོན། །མཆོག་བདེ་ཆེན་ཡེ་ཤེས་མངོན་གྱུར་པས། །རྒྱལ་དབང་མཁའ་ཁྱབ་རྡོ་རྗེ་གནས་འདིར་བྱོན། །དོན་འཁོར་འདས་ཡོངས་གྲོལ་ཕོ་བྲང་ནས། །རྗེ་པདྨ་དབང་མཆོག་གནས་འདིར་བྱོན། །གཞི་སྣང་རིག་འདུས་མ་བྱས་པ་ནས། །རྗེ་མཁྱེན་བརྩེའི་འོད་ཟེར་གནས་འདིར་བྱོན། །གནས་འགགས་མེད་རྒྱལ་བའི་དཀྱིལ་འཁོར་ནས། །རང་བྱུང་རིག་པའི་རྡོ་རྗེ་གནས་འདིར་བྱོན། །ཁྱེད་བཀའ་བརྒྱུད་རྣམས་སྐུ་ལ་གཟི་བརྗིད་འབར། །སྐུ་མི་བཟོད་ཆགས་པའི་ཉམས་དང་ལྡན། །ཁྱེད་གྲུབ་ཐོབ་རྣམས་གསུང་ལ་རྡོ་རྗེའི་གླུ། །བརྗོད་མེད་ནཱ་དའི་སྒྲ་རུ་འབར། །ཁྱེད་བླ་མ་རྣམས་ཐུགས་བདེ་ཆེན་གྱིས་མྱོས། །དེ་མྱོས་པས་བདུད་རྩི་ཆར་དུ་བབ། །དེ་བབས་པས་སྣོད་བཅུད་ཚོགས་སུ་གྱུར། །ཚོགས་དེ་ལ་ཡེ་ཤེས་ཀྱི་མཆོད་
སྤྲིན་གྱུར། །དེ་མྱོང་ཙམ་ཕྱག་ཆེན་གྱི་དངོས་གྲུབ་ཐོབ། །བཟའ་བཏུང་ལ་བཅུད་ཅིག་དེ་ན་གདའ། །ཕ་བཀའ་བརྒྱུད་ལ་མཆོད་པ་འབུལ་སྙིང་འདོད། །དུས་དེ་ཙ་ན་གདུང་ཤུགས་མེ་ལྟར་འབར། །ཚོགས་ཕུད་གཏོར་མ་ཕུལ་ཏེ་བདུད་རྩིའི་བྲན་ལ། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་ཡཾ་ལས་རླུང་། །རཾ་ལས་མེ་ཡི་དཀྱིལ་འཁོར་སྟེང་། །ༀ་ཨཱཿཧཱུཾ་ལས་ཐོད་སྒྱེད་གསུམ། །དེར་གནས་ཨ་ལས་ཐོད་པ་ནི། །ཡངས་ཤིང་རྒྱ་ཆེའི་དབུས་ཕྱོགས་བཞིར། །ཧཱུྃ་ༀ་ཁྃ་ཨྃ་ཏྲཱྃ་དང་ནི། །བཱྃ་ལཱྃ་མཱྃ་པཱྃ་ཏཱྃ་ཡིག་ལས། །ལྕགས་ཀྱུ་ལྔ་དང་སྒྲོན་མ་ལྔར། །གྱུར་པ་རང་རང་ས་བོན་མཚན། །རླུང་བསྐྱོད་མེ་སྦར་བསྐོལ་བ་ལས། །ས་བོན་དང་བཅས་རྫས་རྣམས་ཞུ། །འཆར་ཁའི་ཁ་དོག་ལྟ་བུར་འབར། །དེ་ཡི་རླངས་པ་ལས་གྲུབ་པའི། །དངུལ་ཆུའི་མདོག་མཚུངས་ཁ་ཊྭཱཾ་ག །འོག་ཏུ་ཁ་ལྟ་དེ་ཡང་ཞུ། །བཅུད་དང་དབྱེར་མེད་འདྲེས་པའི་སྟེང་། །ཨཱ་ལི་ཀཱ་ལི་ཡོངས་གྱུར་ལས། །
བརྩེགས་པའི་ༀ་དང་ཨཱཿཧཱུཾ་ལས། །དཀྱིལ་འཁོར་པ་སྤྲོས་སེམས་ཅན་གྱི། །དོན་བྱས་སྙོམས་པར་ཞུགས་པ་ནས། །ཡིག་གསུམ་ལ་ཐིམ་ཡིག་གསུམ་ཡང་། །དམ་ཚིག་བདུད་རྩིར་གཅིག་ཏུ་གྱུར། །ཅེས་བྱིན་གྱིས་བརླབས་ཏེ་འབར་བའི་ཕྱག་རྒྱས། ཕེཾ། གཏོར་མགྲོན་ཕྱོགས་བཅུའི་དཔའ་བོ་རྣལ་འབྱོར་མ། །དེ་དང་ལྷན་ཅིག་དབང་པོ་ལ་སོགས་སྤྱོན། །ཨིནྡྲ་ས་པ་རི་ཝཱ་རཱ་ན་ཨ་ཀཪྵ་ཡ་ཛཿ དེ་བཞིན་དུ། ཡ་མ་ས་པ་རི། བ་རུ་ཎ། ཀུ་བེ་ར། མ་ཧཱ་བྷཱུ་ཏ། ཨཱགྣི། རཱཀྵ་ས། བཱ་ཡུ་དེ་བ་ཏཱ། ཙནྡྲ། སཱུརྱ། བྲཧྨ། ཨ་དེ་བ། བེ་མ་ཙི་ཏྲི། པྲྀ་ཐི་ཝཱི་དེ་བ་ཏཱ། རྣམས་ཀྱི་རྗེས་སུ། ས་པ་རི་ཝཱ་རཱ་ན་ཨཱ་ཀཪྵ་ཡ་ཛཿ ཞེས་བཏག་པ་དང་། ཛཿཧཱུཾ་བཾ་ཧོཿ སྃ་ཏྲྀཔྟཱཿསརྦ་དེ་ཝ་ཏཱ། སཱ་དྷ་ཀ་སྱ་ཤཱནྟིཾ་ཀུ་རུ་པུཥྚིཾ་ཀུ་རུ་སརྦ་ཀཱཪྻནྟུ་སིདྡྷིརྦྷ་བ་ཏུ་ཡ་ཐཱ་སུ་ཁཾ་སུ་ཁེཿ ཞེས་སྤྱན་དྲངས་ལ། ༀ་ཤྲཱི་ཧེ་རུ་ཀ་ས་པ་རི་ཝ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། པཱདྱཾ། པུཥྤཾ། དྷུ་པཾ། ཨ་ལོ་ཀཾ གནྡྷཾ། ནཻ་ཝིདྱཾ། ཤབྡཾ་ཞེས་པའི་བར་མཆོད་ནས་པད་
ཀོར་བྱ་ཞིང་། མཁའ་འགྲོ་དྲ་བ་དམ་པའི་བདེ་བ་མཆོག །ས་མ་ཡ་སྟྭཾ། ས་མ་ཡ་ཧོཿ ཞེས་ལན་གསུམ་བརྗོད། ལག་གཡོན་མཐིལ་དུ་ཨཱ་ལི་ཟླ་བ་དང་། །གཡས་པར་ཀཱ་ལི་ཉི་གྱུར་ཧཱུཾ་གིས་མཚན། །ༀ་ཨཱ་ནྱོ་ནྱ་ཨ་ནུ་ག་ཏ་སརྦ་དྷརྨཱཿཔ་ར་སྤ་ར་ཨ་ནུ་པྲ་བིཥྚ་སརྦ་དྷརྨཱཿཨཱ་དྱནྟ། ཨ་ནུ་པྲ་བིཥྚ་སརྦ་དྷརྨཱཿ ༀ་ཨཱཿཧཱུཾ། ཉི་ཟླ་ས་བོན་ཡོངས་སུ་གྱུར་པས་རྡོ་རྗེ་ཐལ་མོས་གཏོར་མ་བཏེགས་པར་མོས་ནས། ལྷ་མོ་ཚད་མ་དམ་ཚིག་ཚད་མ་དང་། །དེས་གསུངས་ཚིག་ཀྱང་མཆོག་ཏུ་ཚད་མ་སྟེ། །བདེན་པ་དེ་ཡིས་ལྷ་མོ་མཆོག་གིས་ནི། །བདག་ལ་རྗེས་སུ་འཛིན་པའི་རྒྱུར་གྱུར་ཅིག །གཏོར་མགྲོན་ལྗགས་ཧཱུྃ་དཀར་པོ་ལས་བྱུང་བའི། །རྡོ་རྗེ་རྩེ་གཅིག་སྦུབས་དྲངས་གསོལ་བར་གྱུར། །ༀ་ཨཱ་རལླི་ཧོཿཛཿཧཱུཾ་བཾ་ཧོཿ བཛྲ་ཌཱ་ཀི་ནི་ས་མ་ཡ་སྟྭཾ་དྲྀ་ཤྱ་ཧོཿ ཞེས་ལན་གསུམ་གྱིས་གཙོ་འཁོར་རྣམས་ལ་ཕུལ་ནས། ༀ་ཤྲཱི་ཧེ་རུ་ཀ་ས་པ་རི་ཝ་ར་ཨརྒྷཾ་པྲ་ཏཱིཙྪ་སྭཱ་ཧཱ། དེ་བཞིན་དུ། པཱ་དྱཾ། པུཥྤཾ། དྷུ་པཾ། ཨ་ལོ་ཀཾ །གནྡྷཾ། ནཻ་ཝིདྱཾ། ཤབྡཾ་བར་གྱིས་མཆོད། ཧེ་རུ་ཀ་
དཔལ་དཔའ་བོ་ཆེ། །རྣམ་དག་རྡོ་རྗེ་དབང་ཕྱུག་དང་། །རྗེས་ཆགས་ཆགས་པ་ཆེ་རྣམས་ཀྱི། །རྡོ་རྗེ་ཕག་མོ་དེ་ལ་འདུད། །སྲིད་དང་ཞི་བ་མཉམ་པར་ཆགས་པ་བཅོམ་ཞིང་ཀུན་ཏུ་རྟོགས་པ་འཇོམས། །ཁྱོད་ཀྱིས་དངོས་པོ་ཐམས་ཅད་མཁའ་དང་མཉམ་པའི་བདག་ཉིད་གཟིགས་པར་ལྡན། །མགོན་པོ་ཐུགས་རྗེས་ཆུ་ཡིས་ལྕིད་ཀྱིས་བརླན་པར་གྱུར་པའི་ཐུགས་ཀྱིས་ཆུས། །བདག་ལ་མཛོད་ཅིག་ལྷ་མོ་རྣམས་ཀྱིས་ཤིན་ཏུ་རྗེས་བརྩེར་མཛད་དུ་གསོལ། །ཞེས་གསོལ་བ་བཏབ་ནས། དུར་ཁྲོད་བརྒྱད་ཀྱི་ཕྱོགས་སྐྱོང་ལ་སོགས་པ་རྣམས་ལ་སྔར་ལྟར་ཕྱོགས་མཚམས་ཀྱི་རིམ་པས། ༀ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵ་ས་བྷཱུ་ཏ་པྲེ་ཏ་པི་ཤཱ་ཙོནྨཱ་དཱ་པ་སྨཱ་ར་ཌཱ་ཀ་ཌཱ་ཀི་ནྱཱ་ད་ཡཿ ཨི་མཾ་བ་ལིཾ་གྲྀཧྞནྟུ། ས་མ་ཡ་རཀྵནྟུ།སརྦ་སིདྡྷིམྨེ་པྲ་ཡཙྪནྟུ། ཡ་ཐཻ་བཾ། ཡ་ཐཻཥྚཾ། བྷུཉྫ་ཐ། པི་བ་ཐ། ཛི་གྷྲ་ཐ། མཱ་ཏི་ཀྲ་མ་ཐ། སརྦཱ་ཀཱ་ར་ཏ་ཡཱ་སཏྶུ་ཁཾ་བི་ཤུདྡྷ་ཡེ་ས་ཧཱ་ཡི་ཀཱཾ་བྷ་ཝནྟུ་ཧུཾ་ཧཱུཾ་ཕཊ་སྭཱ་ཧཱ། ཞེས་སྔགས་ལན་གཉིས་
བརྗོད་པས་གཏོར་མ་དབུལ། ལྷ་ཀླུ་གནོད་སྦྱིན་སྲིན་པོ་དང་། །འབྱུང་པོ་ཡི་དྭགས་ཤ་ཟའི་ཚོགས། །སྨྱོ་བྱེད་བརྗེད་བྱེད་མཁའ་འགྲོ་མ། །མ་མོའི་ཚོགས་རྣམས་མ་ལུས་པ། །འདིར་གཤེགས་བདག་ལ་དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་པ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང་། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱིས་སྟོང་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་དང་། །བདེ་ལེགས་ཕུན་སུམ་ཚོགས་པ་དང་། །ཡིད་ལ་འདོད་
པ་ཀུན་འགྲུབ་མཛོད། །ཅེས་ཕྲིན་ལས་བཅོལ། ཆོས་སྐྱོང་ཕྱག་བཞི་པའི་གཏོར་ཆོག་ཚིགས་བཅད་གཞུང་ལྟར་བཏང་། ལས་ཀྱི་རྡོ་རྗེས་མ་ད་ན་གཡས་སུ་བཟུང་། གཡོན་པས་བ་དན་གསུམ་པའི་ཕྱག་རྒྱ་བསྟན་ལ། མཐོང་བའི་ཆོས་ནི་དག་པ་ལ། །མེད་དོ་སྙམ་པའི་རྟོག་པ་ཐོང་། །བྲམ་ཟེ་ཁྱི་དང་གདོལ་པ་རྣམས། །ལྷན་ཅིག་སྐྱེས་པ་ཉིད་དུ་གསོལ། །ལེན་པ་པོས་གཡོན་པས་ཕྱག་རྒྱ་དེ་ཉིད་དང་གཡས་པས་བླངས་ལ། བདེ་གཤེགས་ཆོས་ལ་རིན་ཐང་མེད། །འདོད་ཆགས་དྲི་མ་དང་བྲལ་ཞིང་། །གཟུང་དང་འཛིན་པ་དང་བྲལ་བ། །དེ་ཉིད་ལ་ནི་གུས་པས་འདུད། །ཅེས་བརྗོད། བདེ་སྟོང་གི་རྟོགས་པ་དང་ལྡན་བཞིན་པས། དབྱིངས་ཀྱི་རྒྱལ་མོའི་གླུ་མངོན་བརྗོད་ནས་གསུངས་པ་ནི། བདེ་ཆེན་བདེ་བའི་གར་གྱིས་རོལ། །རྣལ་འབྱོར་མ་མཆོག་པདྨའི་བདེ། །ཨ་ལ་ལ་ལ་ལ་ལ་ཧོཿ །དགྱེས་པ་རྣམས་ཀྱི་བདེ་བའི་མཆོག །རྣལ་འབྱོར་མ་ཚོགས་མཆོད་པར་བརྗོད། །ཨ་ཨི་ཨཱ་ཨཱ་རལླི་ཧོཿ རབ་དགྱེས་མགོན་པོ་དགྱེས་བཞུགས་མཛོད། །མཁའ་འགྲོ་དྲ་བའི་བདེ་བ་
གསོལ། །དགྱེས་པའི་བདེ་བ་གསོལ་བར་མཛོད། །ཞི་བའི་གར་གྱིས་གར་མཛད་པ། །བདག་ལ་བདེ་ཆེན་བདེ་བ་སྩོལ། །ཐར་པའི་མཚན་ཉིད་ལྡན་པ་ཁྱོད། །ཨ་ལ་ལ་ལ་ལ་ལ་ཧོ། །བདེ་བ་སྤངས་པས་གྲོལ་མི་འགྱུར། །བདེ་མེད་སྡུག་བསྔལ་གྱིས་མི་གྲོལ། །བདེ་དེ་ཆུ་སྐྱེས་དབུས་ན་གནས། །ཆགས་པའི་དངོས་པོ་ཁྱོད་མ་བསྒྱུར། །བདེ་བ་ཆེ་ཡིས་གྲོལ་བར་མཛོད། །པདྨ་རྒྱས་པའི་རོ་ཉིད་ཀྱིས། །བུང་བ་ལྟ་བུར་ཚིམ་པར་མཛོད། །ཅེས་བརྗོད་ཅིང་། བདེ་བ་ཕུན་ཚོགས་ཡང་དག་ལྡན། །ནད་མེད་དགེ་བའི་སེམས་དང་ནི། །འདོད་དང་ཐར་སོགས་ཡང་དག་ཐོབ། །ཕུན་སུམ་ཚོགས་པ་འགྲུབ་གྱུར་ཅིག །ཅེས་སྨོན་ལམ་བཏབ། སློབ་དཔོན་གྱི་ལག་པ་གཉིས་མཐེ་བོང་དང་མཛུབ་མོ་རྩེ་སྤྲད། ལྷག་མ་བརྐྱང་བ་ཁའི་ཐད་དུ་བཞག་ལ། ཆང་གི་ཁ་ཕྲུ་དེའི་དབུས་ནས་ལྷག་མའི་སྟེང་དུ་བཏབ། རོལ་མོ་དང་བཅས་པས། ༀ་སརྦ་ཁ་ཁ་ཁཱ་ཧི་ཁཱ་ཧི་ཨུཙྪིཥྚ་བ་ལིཾ་ཨུཙྪིཥྚ་བྷཀྵེ་བྷྱཿསྭཱ་ཧཱ། ཞེས་བརྗོད་ནས་འབྱུང་པོ་ལ་ལྷག་མ་འདོར་རོ། །བཅུ་བཞི་པ་རྗེས་ཀྱི་ཆོ་ག་ནི།
མཆོད་པ་རྣམས། ༀ་ཁཎྜ་རོ་ཧེས་བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་ཨ་ལས་ཐོད། །ནང་དུ་ཧཱུྃ་ལས་མཆོད་ཡོན་དང་། །ཞལ་བསིལ་བསང་གཏོར་ཞབས་བསིལ་བ། །མེ་ཏོག་བདུག་སྤོས་སྣང་གསལ་དང་། །དྲི་ཆབ་ཞལ་ཟས་རོལ་མོ་རྣམས། །དྭངས་ཤིང་ཐོག་མེད་ཀུན་ཏུ་བཟང་། །རྣམ་ཐར་ཇི་བཞིན་མཆོད་པའི་སྤྲིན། །དཔའ་བོ་རྣལ་འབྱོར་དགྱེས་བསྐྱེད་གྱུར། །ༀ་བཛྲ་ཨརྒྷཾ་ཨཱཿཧཱུཾ། དེ་བཞིན་དུ། ཨ་ཙ་མཱ་ནཾ། པྲོཀྵ་ནཾ། པཱདྱཾ། པུཥྤཾ། དྷུ་པཾ། ཨ་ལོ་ཀཾ གནྡྷཾ། ནཻ་ཝིདྱཾ། ཤབྡཾ་སོགས་ཀྱིས་བྱིན་རློབས། བསྡུས་པ་སྔགས་མཆོད་ནི། ༀ་ཤྲི་ཙཀྲ་སམྦ་ར་སརྦ་བཱི་ར་ཡོ་གི་ནི་བཛྲ་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་ཡེ་ཧཱུཾ་སྭཱ་ཧཱ། དེ་བཞིན་དུ་སྔགས་ཐོག་མཐའ་ཤཔྡའི་བར་ཀུན་ལ་སྦྱར། ཨ་ཙ་མཱ་ནཾ། པྲོཀྵ་ནཾ། པཱ་དྱཾ། པུཥྤཾ། དྷུ་པཾ། ཨ་ལོ་ཀཾ གནྡྷཾ། ནཻ་ཝི དྱཾ། ཤབྡཾ། ཞེས་དང་། ༀ་བཛྲ་བཱི་ནེ་ཧུཾ་ཧཱུཾ་ཕཊ། དེ་བཞིན་དུ་ཐོག་མཐའ་འགྲེའོ། །བཾ་ཤེ། མྲྀ་དཾ་གེ །མུ་ར་ཛེ། ཧཱ་སྱེ། ལཱ་སྱེ། གཱི་ཏི། ནྲི་ཏྱེ། པུཥྤེ།
དྷུ་པེ། དཱི་པེ། གནྡྷེ། ༀ་རཱུ་པ་བཛྲི་ཧུཾ་ཧཱུཾ་ཕཊ། ར་ས། སྤཪྴེ། དྷརྨ་དྷ་ཏུ་སོགས་ལྷ་མོ་བཅུ་དྲུག་གིས་མཆོད། དེ་ནས། ༀ། བཅོམ་ལྡན་དཔའ་བོའི་དབང་པོ་ལ་ཕྱག་འཚལ། །བསྐལ་པ་ཆེན་པོའི་མཐའ་ཡི་མེ་ལྟ་བུ། །རལ་བའི་ཚོགས་ཀྱི་ཅོད་པན་བཅིངས་པ་སྟེ། །མཆེ་གཙིག་དྲག་ཅིང་འཇིགས་སུ་རུང་བའི་ཞལ། །ཕྱག་ནི་འོད་ཟེར་སྟོང་ཕྲག་འབར་བ་པོ། །དགྲ་སྟ་ཞགས་འཕྱར་མདུང་དང་ཁ་ཊྭཱཾ་འཛིན། །སྟག་གི་ལྤགས་པའི་ན་བཟའ་འཆང་བར་མཛད། །དུ་བ་མུན་ཆེན་མདོག་མཚུངས་སྐུ་ལ་འདུད། །ༀ་བཅོམ་ལྡན་འདས་མ་རྡོ་རྗེ་ཕག་མོ་ལ་ནི་ཕྱག་འཚལ་ལོ། །འཕགས་མ་འཇིག་རྟེན་གསུམ་ཡུམ་གཞན་གྱིས་མི་ཐུབ་རིག་པའི་དབང་ཕྱུག་ཆེ། །འབྱུང་པོ་ཐམས་ཅད་འཇིགས་མཛད་ཀུན་ཏུ་འབེབས་མ་རྡོ་རྗེ་ཆེན་མོ་ཉིད། །རྡོ་རྗེ་གདན་མ་མི་ཕམ་གཞན་གྱིས་མི་ཐུབ་དབང་མཛད་གཡོ་བའི་སྤྱན། །དུག་ཀྱང་སྐེམ་པར་མཛད་མ་འཇིགས་སུ་རུང་བའི་ཁྲོ་མོ་གཙིགས་བྱེད་མ། །སྐྲག་
བྱེད་གསོད་བྱེད་རབ་ཏུ་འབྱེད་པར་བྱེད་ཅིང་ཕ་རོལ་ལས་རྒྱལ་མ། །རྣམ་པར་རྒྱལ་མ་རྨུགས་པར་བྱེད་ཅིང་རེངས་དང་རྨོངས་པར་མཛད་པ་མོ། །རྡོ་རྗེ་ཕག་མོ་རྣལ་འབྱོར་ཆེན་མོ་འདོད་པའི་དབང་ཕྱུག་མ་ལ་འདུད། །ཅེས་པས་བསྟོད། ལྷག་ཆད་ཁ་བསྐང་ཞིང་གཤེགས་སུ་གསོལ་བ་ནི། རྡོ་རྗེ་བཟུང་དྲིལ་བུ་གནས་བརྒྱད་དུ་བསྐྱོད་ཅིང་། ༀ་བཛྲ་ཧེ་རུ་ཀ་ས་ཏྭ་ས་མ་ཡ་སོགས་ནས། མ་ཧཱ་ས་མ་ཡ་ས་ཏྭ་ཨཱཿཧཱུཾ་ཕཊ། ཅེས་ལྷག་ཆད་ཁ་བསྐང་། དཀྱིལ་འཁོར་ལ་བསྐོར་བ་ལན་གསུམ་བྱས་ནས་ཤར་སྒོའི་ཐད་དུ་འགྲེང་སྟེ། གང་ཡང་བདག་བློ་གཏི་མུག་པས། །ལེགས་སྤྱད་འདི་ལ་ཉེས་གྱུར་གང་། །གང་ཕྱིར་ལུས་ཅན་སྐྱབས་གྱུར་པའི། །མགོན་པོས་དེ་ཀུན་བཟོད་པར་མཛོད། །སོ་སོ་སྐྱེ་བོར་གྱུར་གང་དང་། །རྣལ་འབྱོར་མ་ཐོབ་དབང་གིས་དང་། །ཉེ་བར་མཁོ་བ་མ་ཚང་ཞིང་། །བརྗེད་དང་ཤེས་བཞིན་མ་ཡིན་པས། །ཅུང་ཞིག་ཆོ་ག་མ་ཚང་བ། །དེ་དག་ཀུན་ནས་བཟོད་པར་འོས། །ཞེས་ནོངས་པ་བཤགས། ༀ་ཁྱེད་ཀྱིས་སེམས་
ཅན་དོན་ཀུན་མཛད། །ཅེས་སོགས་དང་། ༀ་ཨཱཿཧཱུཾ་བཛྲ་མུཿ རྡུལ་ཚོན་དང་ནི་བུམ་པའི་ཡེ་ཤེས་པ། །རང་བཞིན་གནས་གཤེགས་དམ་ཚིག་སྙིང་གར་ཐིམ། །ལྷ་མོ་ཚད་མ་དམ་ཚིག་ཚད་མ་དང་། །དེས་གསུངས་ཚིགས་ཀྱང་མཆོག་ཏུ་ཚད་མ་སྟེ། །བདེན་པ་དེ་ཡིས་ལྷ་མོ་མཆོག་གིས་ནི། །བདག་ལ་རྗེས་སུ་འཛིན་པའི་རྒྱུ་གྱུར་ཅིག །རིགས་སུ་སྐྱེ་དང་དམ་ཚིག་ཅན། །སྨྱོ་མེད་འཁོར་ལོ་སྡོམ་པ་སྟོན། །བླ་མ་ལ་གུས་སྙིང་རྗེར་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པས་རྡོ་རྗེ་དྲིལ་བུ་འཁྲོལ། །ཟབ་མོའི་ཆོས་ནི་ཀློག་པ་དང་། །བཙུན་མོའི་ཤུ་ཀྲ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །སེམས་ཅན་ཐམས་ཅད་སྡིག་མེད་ཅིང་། །སེམས་ཅན་ཐམས་ཅད་བདེ་གྱུར་ཅིག །གང་གི་ལམ་ནས་འགྲོ་བ་ཡི། །སངས་རྒྱས་ཉིད་དང་ཕྲད་པར་ཤོག །མ་རྒལ་བ་རྣམས་བསྒྲལ་བ་དང་། །མ་གྲོལ་བ་རྣམས་བདག་གིས་དགྲོལ། །ད་ལྟ་ཉིད་དུ་རྗེས་བརྩེ་བས། །
རྣལ་འབྱོར་བསྟན་བཅོས་གནས་ལ་འགོད། །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་པ། །དེ་སྲིད་བཅོམ་ལྡན་བཞུགས་སུ་གསོལ། །རང་གི་སྙིང་གར་ༀ་ཧ་དཀར་མགོ་བོར། །ན་མ་ཧི་སེར་གཙུག་ཏུ་སྭཱ་ཧཱ་ཧུ། །དམར་ཕྲག་གཉིས་སུ་བཽ་ཥཊ་ཧེ་ནག་མིག །གཉིས་སུ་ཧཱུཾ་ཧཱུཾ་ཧོ་དམར་སེར་ཡན་ལག །ཐམས་ཅད་ཕཊ་ཧཾ་ལྗང་གུས་ཁྱབ་པར་གྱུར། །ༀ་སུམྦྷ་ནི་སུམྦྷ་ཧུཾ་ཧཱུཾ་ཕཊ། ༀ་གྲྀཧྞ་གྲྀཧྞ་ཧུཾ་ཧཱུཾ་ཕཊ། ༀ་གྲྀཧྞ་པ་ཡ་གྲྀཧྞ་པ་ཡ་ཧུཾ་ཧཱུཾ་ཕཊ། ༀ་ཨ་ན་ཡ་ཧོཿབྷ་ག་བན་བཛྲ་ཧུཾ་ཧཱུཾ་ཕཊ། ཞེས་པས་སྲུང་ཞིང་། ཨ་ཀཱ་རོ་འདོན་བཞིན་པས་དྲིལ་བུ་འཁྲོལ་ཞིང་གཡས་རྡོ་རྗེས་མེ་རི་ནས་ཤར་སྒོ་དང་། གཙོ་བོའི་གནས་ཀྱི་བར་དབྱིས་ལ། ཆོས་ཐམས་ཅད་གདོད་མ་ནས་མ་སྐྱེས་པའི་དོན་དྲན་པས་རྡུལ་ཚོན་མཐའ་ནས་བསྡུས་ཏེ་བུམ་པར་བླུགས་ལ། ཀླུ་རྣམས་ཀྱིས་མཆོད་པར་བལྟས་ཏེ་བཀུར་སྟི་དང་བཅས་པས། ཆུ་ཀླུང་དུ་སྤྱན་དྲངས། ཆུ་གཙང་མས་བུམ་པ་བཀང་བ་ཁྱེར་ལ་བསང་གཏོར་བྱ། ༀ་བཛྲ་ཀཱི་ལ་ཨུཏྐཱི་ལ་ཡ་སརྦ་
ཀཱི་ལ་བཛྲ་དྷཱ་ར་ཨ་ཛྙཱ་པ་ཡ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཧོཿ བརྗོད་ཅིང་། སྐམ་པའི་ཕྱག་རྒྱས་ཕུར་བུ་རྣམས་གདབ་རིམ་ལྟར་བཏོན་ནས། ༀ་རུ་རུ་སྥུ་རུ་ཛྭ་ལ་ཏིཥྛ་སིདྡྷི་ལོ་ཙ་ནི་སརྦ་ཨཱརྠཱ་སཱ་དྷ་ནི་སྭཱ་ཧཱ། བརྒྱ་རྩ་བརྒྱད་བཟླས་པའི་འོ་མས་ཕུར་བུའི་དབལ་བཀྲུ་ཞིང་ཕུར་ཁུང་དུ་གཏོར་ལ། བགེགས་ཀྱི་རྨས་པ་སོས་ཏེ་རང་གནས་དང་། །ཕུར་བུའི་ཡེ་ཤེས་རང་ལག་རྡོ་རྗེར་ཐིམ། །དེ་ནས་ཤིས་པ་བརྗོད་དེ། རྡོ་རྗེ་འཆང་ཆེན་ཏཻ་ལོ་ནཱ་རོ་དང་། །མར་པ་མི་ལ་རྗེ་བཙུན་སྒམ་པོ་པ། །དུས་གསུམ་མཁྱེན་པ་འགྲོ་མགོན་ཡབ་སྲས་སོགས། །བཀའ་བརྒྱུད་བླ་མ་རྣམས་ཀྱི་བཀྲ་ཤིས་ཤོག །ཧེ་རུ་ཀ་དཔལ་བཅོམ་ལྡན་རྣལ་འབྱོར་མ། །མཁའ་འགྲོ་མ་བཞི་མཚམས་ཀྱི་བུམ་པ་བཞི། །ཐོད་པ་དང་བཅས་དཀྱིལ་འཁོར་འཁོར་ལོར་བཅས། །དཔལ་ལྡན་བདེ་བ་མཆོག་གི་བཀྲ་ཤིས་ཤོག །རྡོ་རྗེ་བེར་ཅན་ལྷ་མོ་རང་བྱུང་མ། །སྐྱེས་བུ་ཆེན་པོ་རྡོ་རྗེ་ལེགས་པ་དང་། །ཀླུ་བདུད་ཆེན་པོ་རྡོ་རྗེ་རྒྱལ་པོ་སོགས། །ཆོས་སྐྱོང་སྲུང་མ་རྣམས་ཀྱིས་བཀྲ་ཤིས་
ཤོག །བཀྲ་ཤིས་གཞན་སྐབས་དང་བསྟུན། ཞེས་དཀྱིལ་འཁོར་དུ་འཇུག་པར་གསལ་བར་བྱེད་པའི་རིམ་པ་འདི་ནི། གཉན་ཆེན་པོ་རྒྱ་ལྷ་གངས་བཟང་གི་མགུལ། བསྐུངས་ཀྱི་རི་སུལ་དུ་ཀརྨ་པ་མི་བསྐྱོད་རྡོ་རྗེས་སྦྱར་བའི་དགེ་བས་སེམས་ཅན་ཐམས་ཅད་དཔལ་འཁོར་ལོ་སྡོམ་པའི་གོ་འཕང་ཐོབ་པར་གྱུར་ཅིག ༈ །དཔལ་སྤུངས་ཡངས་དབེན་བསམ་གཏན་ཆོས་གླིང་དུ། །སྒྲུབ་སློབ་བླ་མིང་ཀརྨ་དོན་གྲུབ་ནས། །གཞན་ཕན་ལྷག་བསམ་བཟང་པོའི་མཐུས་བསྐྱེད་ཀྱིས། །སྤར་དུ་བསྒྲུབས་དགེས་འགྲོ་ཀུན་འཚང་རྒྱ་ཤོག །སརྦ་མངྒ་ལཾ། དགེའོ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།