དཔལ་མགོན་ཏྲཀྴད་ཀླུ་བདུད་བཀའ་སྡོད་རྣམས་ཀྱི་གསོལ་ཀ་ཕྲིན་ལས་སྒྲུབ་བྱེད།
དཔལ་མགོན་ཏྲཀྴད་ཀླུ་བདུད་བཀའ་སྡོད་རྣམས་ཀྱི་གསོལ་ཀ་ཕྲིན་ལས་སྒྲུབ་བྱེད་བཞུགས་སོ། །
ཨོཾ་ཨཱཿཧཱུྃ། ཨ་ལས་དྲག་པོའི་ཐོད་སྣོད་སྟོང་གསུམ་གྱི་ནང་དུ་གཏོར་མ་ཤ་ལྔ་བདུད་རྩི་ལྔ། བསྐང་རྫས་མཆོད་རྫས་རྟེན་རྫས་སྒྲུབ་རྫས་གཞན་ཡང་སྟག་གཟིག་མདའ་གཞུ་རལ་གྲི་མདུང་དར་རྟ་ནག་བྱ་ནག་ཁྱི་ནག་ལུག་ནག་གཡག་ནག་བཀྲ་ཤིས་རྟགས་བརྒྱད་རྒྱལ་སྲིད་སྣ་བདུན། དབང་པོ་རྣམ་ལྔ། །ཀོང་ཟོར་མདོས་ཟོར་དྲག་པོའི་མཆོད་རྫས་ཆེན་པོ་བདུད་མགོན་ཏྲཀྴད་ནག་པོ་ཡུམ་བཞི་བདུད་མགོན་བརྒྱད་རུ་འདྲེན་སྡེ་བདུན་སྤྲུལ་པ་ཡང་སྤྲུལ་ཉིང་སྤྲུལ་གྱི་ཚོགས་དཔག་ཏུ་མེད་པ་རྣམས་དྲག་
པོའི་གཟི་བྱིན་དགྱེས་པར་བསྐྱེད་པའི་མཆོད་སྤྲིན་ཀུན་ཏུ་བཟང་པོའི་སྨོན་ལམ་ལས་བྱུང་བ་ལྟར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ ཞེས་བྱིན་གྱིས་བརླབས་ནས། ཧཱུྃ་མ་ཧཱ་ཀཱ་ལ་འཇིགས་པའི་གཟུགས། །དཔལ་མགོན་དྲག་ཤུལ་རྫུ་འཕྲུལ་ཅན། །དམ་རྫས་མཆོད་གཏོར་སྨན་རཀ་བཞེས། །གཡར་དམ་མ་གཡེལ་དུས་ལ་བབ། །སྔོན་ཚེ་སློབ་དཔོན་བཀའ་བཞིན་དུ། །སངས་རྒྱས་བསྟན་པ་བསྲུང་དུ་གསོལ། །དཔལ་ལྡན་བླ་མའི་སྐུ་ཚེ་སྲིངས། །བཞེད་པའི་དོན་རྣམས་མ་ལུས་སྒྲུབས། །བར་ཆད་བདུད་
དཔུང་ཐལ་བར་རློག །ཕྲིན་ལས་རྣམ་བཞི་བསྒྲུབ་ཏུ་གསོལ། །ཧཱུྃ་ཧཱུྃ་ཧཱུྃ། ཆོས་དབྱིངས་གདོད་མའི་ཧེ་རུ་ཀ །མི་བཟད་དྲག་པོར་ཁྲོས་པའི་སྐུ། །མ་ཧཱ་ཀཱ་ལ་ཐོད་ཕྲེང་ཅན། །ཤན་པ་ལག་དམར་ཟ་བྱེད་ཆེ། །ག་ཡ་ངྷ་ར་བདུད་ཀྱི་མགོན། །ནག་པོ་བཀྲག་མེད་དུག་སྤུ་གྲི། །དུར་ཁྲོད་བདག་པོ་གནོད་སྦྱིན་གཙོ། །སྣ་ཚོགས་མཚན་དང་མ་ངེས་གཟུགས། །སྐད་ཅིག་གྲངས་མེད་འགྱེད་པ་ཡི། །དགྲ་བགེགས་རླག་བྱེད་གཤེད་མ་ཆ། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་
ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་བྷྱོ། ཡུམ་གཅིག་སྲིན་མོ་དུང་སྐྱོང་མ། །སི་ན་ར་མ་དཔལ་འབར་གདོང་། །མ་མོ་གཤིན་རྗེ་ཀླུ་བདུད་བཙན། །སྦྱོར་སྒྲོལ་གསང་བའི་ཡུམ་བཞིའི་ཚོགས། །ཕོ་ཉ་ལས་བྱེད་དྲག་པོ་རྣམས། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །
དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། བདུད་མགོན་ཏྲཀྴད་བཀའ་ཉན་པ། །རླུང་བདུད་དྲག་ཤུལ་འཇིགས་པའི་གཟུགས། །བྱེ་བ་གུང་རིང་བདུད་ཀྱི་རྒྱལ། །སྲིད་གསུམ་གཡོ་བྱེད་འཁོར་དང་བཅས། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་
བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། མ་ཧཱ་ཀཱ་ལ་ཏྲཀྴད་ཀྱི། ཕོ་ཉ་མེ་བདུད་དགྲ་བོའི་གཤེད། །བཛྲ་སཱ་ངྷུ་དྲེགས་པའི་རྒྱལ། །སུམ་བརྒྱ་དྲུག་ཅུའི་དམག་དཔུང་རྣམས། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་
མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། བདུད་ཀྱི་མགོན་པོའི་ལས་བྱེད་པའི། །དབུགས་ལེན་ཆུ་བདུད་དྲག་ཤུལ་ཅན། །ནག་པོ་མགོ་དགུ་ཀླུ་བདུད་རྒྱལ། །གདུག་པའི་ལག་འགྲོའི་དུག་རླངས་འཕྱོ། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་
ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། ནག་པོ་ཆེན་པོ་ཏྲཀ་ཤད་ཀྱི། །ལས་མཁན་ས་བདུད་མཐུ་བོ་ཆེ། །ཡ་མ་རཱ་ཛ་འཆི་བདག་རྒྱལ། །ཡུལ་མཁར་བཤིག་བྱེད་འཁོར་བཅས་རྣམས། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། ཏྲཀ་ཤད་ནག་
པོའི་ཕྲིན་ལས་བདག །བཙན་མགོན་ཉི་བདུད་འཇིགས་རུང་གཟུགས། །ཡམ་ཤུད་དམར་པོ་རྫུ་འཕྲུལ་ཅན། །མྱུར་མགྱོགས་སྲོག་འཕྲོག་འཁོར་དང་བཅས། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། དཔལ་མགོན་བདུད་རྒྱལ་བཀའ་སྡོད་ཆེ། །ཤེལ་གིང་
ཚངས་པ་སྲོག་གི་བདག །ཟླ་བདུད་ཏྲཀ་ཤད་མཐུ་བོ་ཆེ། །སྲོག་འཕྲོག་འཁོར་དང་བཅས་པ་རྣམས། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། མ་ཧཱ་ཀཱ་ལ་ཐོད་ཕྲེང་གི །བཀའ་སྡོད་ཁྱབ་འཇུག་རཱ་ཧུ་ལ། །སྲིན་པོའི་རྒྱལ་པོ་སྐར་བདུད་ཆེ། །
གཟའ་གིང་གདོང་མོ་ལས་ལ་འགྱེད། །འདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། ལས་ཀྱི་མགོན་པོའི་ཕོ་ཉ་ནི། །ཚེ་ལེན་འདྲེ་བདུད་མེ་ལྟར་འབར། །སྤྲུལ་བསྒྱུར་དུ་མས་དགྲ་སྲོག་གཅོད། །སྲིད་གསུམ་མ་མོ་ལྷ་འདྲེའི་ཚོགས། །འདིར་གཤེགས་མཆོད་སྤྲིན་དམ་
པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། །ཧཱུྃ་ཧཱུྃ་ཧཱུྃ། འཇིག་རྟེན་མགོན་པོ་དྲག་རྩལ་ཅན། །བདུད་མགོན་ཏྲཀ་ཤད་ནག་པོ་ཡི། །དམག་དཔོན་འདོད་ཁམས་དབང་ཕྱུག་མ། །གཤིན་རྗེ་གཟའ་བདུད་བྱ་རོག་གདོང་། །ལེགས་ལྡན་ནག་པོ་ཀླུ་བདུད་རྒྱལ། །སྲོག་བདུད་ཤན་པ་ལག་དམར་
སོགས། །འདིར་གཤེགསའདིར་གཤེགས་མཆོད་སྤྲིན་དམ་པ་བཞེས། །རྟེན་རྫས་བསྐང་རྫས་སྒྲུབ་པའི་རྫས། །གསང་རྫས་སྨན་གཏོར་རཀྟའི་ཚོགས། །ཡང་གསང་སྦྱོར་སྒྲོལ་མཆོད་པ་དང་། །དགྲ་བགེགས་བསྒྲལ་བའི་ཤ་ཁྲག་རུས། །ཚིམ་པར་བཞེས་ལ་བར་ཆད་སོལ། །ནད་གདོན་ཉེར་འཚེ་ཞི་བར་མཛོད། །རྡོ་རྗེ་སློབ་དཔོན་སྐུ་ཚེ་སྲིངས། །བསོད་ནམས་དཔལ་འབྱོར་རྒྱས་པར་མཛོད། །ཁམས་གསུམ་མ་ལུས་དབང་དུ་སྡུས། །སངས་རྒྱས་བསྟན་དང་བསྟན་འཛིན་ལ། །སྡང་བའི་དགྲ་བགེགས་ཚར་ཆོད་ཅིག །དམ་ཉམས་ལོག་ལྟ་ཐལ་བར་རློག །ཕ་རོལ་བྱད་མ་རང་གཤེད་ཕོབ། །དོན་སྙིང་ཕུང་ཁམས་ཟས་སུ་རོལ། །རྣམ་ཤེས་མཁའ་སྤྱོད་དབྱིངས་སུ་སྒྲོལ། །ལས་བཞིའི་ཕྲིན་ལས་བསྒྲུབ་པར་མཛོད། ༈ །བདེ་ཆེན་ཡེ་ཤེས་རྡོ་རྗེའི་གར་མཁན་པདྨ་འབྱུང་། །སྒྱུ་འཕྲུལ་རོལ་པ་དཔལ་ཆེན་བླ་མ་ཀརྨ་ཀའི། །གང་གི་ཕྲིན་ལས་དྲག་པོའི་ངོ་བོ་ནག་པོ་ཆེ། །སྟོབས་ལྡན་ཀུན་དང་བཛྲ་རཱ་ཛས་ལས་མཛོད་
ཅིག །ཟུར་ཕུད་ལྔ་ལྡན་དྲི་ཟ་མཆོག་དང་འཇིགས་རུང་ཀླུ། །ལྷ་བརྒྱད་ལ་སོགས་ཇི་སྙེད་གཟུགས་སུ་སྟོན་པ་ཁྱོད། །རྡོ་རྗེ་སློབ་དཔོན་པདྨ་ཀ་ར་ཀརྨ་ཀའི། །དམ་ཚིག་གཉན་པོའི་ཆངས་དོན་གཡེལ་མེད་བསྒྲུབ་པར་མཛོད། །དམ་ལྡན་རྣལ་འབྱོར་བདག་གིས་ཁྱོད་མཆོད་ཁྱོད་བསྐུལ་ན། །རྒྱལ་བའི་བསྟན་དང་བསྟན་འཛིན་ཕྲིན་ལས་མཆོག་ཏུ་སྤེལ། གཙུག་ལག་ཁང་སྲུངས་འཇིག་རྟེན་བདེ་ཞིང་སྐྱིད་པ་དང་། །ཇི་ལྟར་བཅོལ་བའི་ཕྲིན་ལས་རྣམ་བཞི་མ་གཡེལ་སྒྲུབས། །ཁྱད་པར་རྒྱལ་བའི་བཞེད་པ་ཇི་བཞིན་བསྒྲུབ་པ་དང་། །བར་ཆད་དམ་སྲི་དགྲ་བགེགས་མི་དང་མི་མིན་ཀུན། །ཤིན་ཏུ་དྲག་པོས་ཚར་ཆོད་ཐལ་བ་རྡུལ་དུ་རློག །རྫུ་འཕྲུལ་ནུས་པའི་ཤུགས་བསྐྱེད་དོན་ཀུན་འགྲུབ་པར་མཛོད། །ཧཱུྃ་ཧཱུྃ་ཧཱུྃ། ཀླུ་རྒྱལ་དུག་གདོང་མཐུ་བོ་ཆེ། །སྟོང་གསུམ་ཀུན་ལ་དབང་བསྒྱུར་བ། །ཟུར་ཕུད་ལྔ་ལྡན་དྲི་ཟའི་རྒྱལ། །དགེ་བསྙེན་སྨྱོ་ཁ་སྣ་ཚོགས་གཟུགས། །ཟུ་ར་ཟླ་གདོང་གཉན་མཁར་ནག །མཁའ་རི་
ཏྲཀྴད་གཙུག་ཕུད་ཅན། །ཇི་སྙེད་དུ་མའི་སྒྱུ་འཕྲུལ་གར། །སྲོག་བདུད་བཛྲ་རཱ་ཛ་ཆེ། །གདུག་པ་ཅན་ལ་ཁྲོས་པའི་སྐུ། །བུང་བའི་མདོག་ཅན་གཉིས་འཐུང་བཅིབས། །མ་རུངས་འཇོམས་བྱེད་རྡོ་རྗེ་དང་། །དུག་ཅན་ལྟོ་འགྲོའི་ཞགས་པ་གཡས། །གདུག་པའི་ནད་རྐྱལ་གཡོན་གྱིས་འདེབས། །དར་ནག་གཡང་གཞི་སྐུ་ལ་གསོལ། །སྟག་དོང་གཟིག་ཤུབས་རལ་གྲིའི་བརྒྱན། །ཁ་ལ་ནག་པོ་དུག་གི་གདོང་། །མཐོང་རེག་བསམ་པའི་དུག་ཅན་སོགས། །གདུག་པའི་ཀླུ་བདུད་བརྒྱད་དང་བཅས། །བྲན་གཡོག་ཕོ་ཉ་བསམ་འདས་རྣམས། །འདིར་གཤེགས་འབར་བའི་གདན་ལ་བཞུགས། །དངོས་འབྱོར་ཡིད་སྤྲུལ་མཆོད་པའི་ཚོགས། །ཛ་གད་གསེར་སྐྱེམས་དཔའ་བོའི་རོ། །དམར་ཆེན་རཀྟའི་རྦ་ཀློང་འཁྲུགས། །མཐུན་རྫས་བ་ལིཾ་ལ་སོགས་པའི། །འདོད་ཡོན་མཁོ་དགུའི་སྤྲིན་དཔུང་གཏིབས། །མཆོད་དོ་འབུལ་ལོ་དགྱེས་པར་རོལ། །ཞི་རྒྱས་དབང་དང་དྲག་པོ་ཡི། །ཕྲིན་ལས་ལྷུན་གྱིས་འགྲུབ་པར་མཛོད། །
བསྟན་དང་བསྟན་འཛིན་སྲུང་མ་ལ། །ལོག་པའི་བསམ་སྦྱོར་འཆང་བ་སོགས། །ཉམས་པའི་དགྲ་བགེགས་མ་ལུས་ཀུན། །ལོ་ཟླ་ཞག་དུས་མ་འགྱང་བར། །སྐད་ཅིག་ཙམ་གྱིས་ཐལ་བར་ཟློག །འཆོར་མེད་ཕོ་ཉའི་ལྕགས་ཀྱུས་ཟུངས། །བྲོས་མེད་གདུག་པའི་ལག་འགྲོས་ཆིངས། །འདུ་བའི་ནད་རྣམས་ཁོང་ནས་སློངས། །ལས་མཁན་ཤན་པས་སྲོག་དབུགས་སྡུས། །བཅོལ་པའི་ཕྲིན་ལས་བསྒྲུབ་པར་མཛོད། །གཙུག་ལག་རྟེན་བཅས་ཀུན་ཏུ་སྲུངས། །ལུས་དང་གྲིབ་མ་འགྲོགས་བཞིན་དུ། །མི་འདའ་རྩེ་གཅིག་དོན་ཀུན་སྒྲུབས། །ཧཱུྃ་རབ་འབྱམས་མཁའ་དབྱིངས་གང་བ་ཡི། །མཐུན་རྫས་སྨན་རཀ་གསེར་སྐྱེམས་ཚོགས། །འདོད་ཡོན་མཁོ་དགུའི་སྤྲིན་སྤྲུལ་ཏེ། །སྔར་བཅོལ་བསྒྲུབས་པའི་གཏང་རག་དང་། །ད་བཅོལ་ཕྲིན་ལས་བསྒྲུབས་པའི་ཕྱིར། །རྡོ་རྗེ་རྒྱལ་པོ་འཁོར་དང་བཅས། །ལས་མཁན་མཐུ་ཆེན་མངའ་གསོལ་ལོ། །སྲོག་བདུད་ཆེན་པོ་མངའ་གསོལ་ལོ། །ནག་པོ་དུག་གདོང་མངའ་
གསོལ་ལོ། །ཀླུ་བདུད་མགོ་དགུ་མངའ་གསོལ་ལོ། །ཕྲིན་ལས་བསྒྲུབ་ཕྱིར་མངའ་གསོལ་ལོ། གསོལ་ལོ་མཆོད་དོ་ལས་མཛོད་ཅིག །ཆོས་མིན་སྤྱོད་པ་སྲོག་དང་ཕྲོལ། །དམ་ཉམས་བསྟན་དགྲའི་སྙིང་ཁྲག་རྡུབས། །དམ་ལྡན་དྲི་མེད་སྲུང་སྐྱོབ་མཛོད། །འདོད་པའི་དོན་བསྒྲུབས་བཀྲ་ཤིས་སྩོལ། བཤགས་པ་ནི། ཧཱུྃ་བསྟན་སྲུང་ཆོས་སྐྱོང་ཆེན་པོ་འཁོར་བཅས་ལ། །རྣལ་འབྱོར་བདག་གི་ཉམས་ཆགས་བཤགས་པ་ནི། །སོ་སོར་མཆོད་པའི་དམ་རྫས་མ་ཚང་དང་། །བསྙེན་སྒྲུབ་གཡེལ་དང་གཏོར་མ་ལོ་ཟླར་འདས། །བསྒྲུབ་ལ་མ་བརྩོན་གཡེང་བས་ཁྱེར་བ་སོགས། །བསྟན་སྲུང་སྲོག་བདུད་ནག་པོར་བཟོད་པར་གསོལ། །ཕྱི་ནང་གསང་བའི་རྟེན་རྫས་མ་ཚང་དང་། །གཏོར་འབུལ་ལོ་ཟླ་རྗེས་སྔོན་ཆག་པ་སོགས། །ཉམས་ཆག་བཤགས་ལ་ཚངས་དབང་དངོས་གྲུབ་སྩོལ། །ཅེས་དཔལ་མགོན་ཏྲཀྴད་ཀླུ་བདུད་བཀའ་སྡོད་བཅས་ཀྱི་ཕྲིན་ལས་བཅོལ་ཕྲིན་ལས་སྒྲུབ་བྱེད་ཅེས་པ་འདི་ཡང་༧དམར་ནག་ཅོད་པན་འཆང་བས་ཆོས་སྐྱོང་རྣམས་ལ་འདོད་གསོལ་དུ་བགྱིས་པས་བསྟན་
དགྲ་བརླག་པར་གྱུར་ཅིག །མཆོད་པ་བྱིན་རླབས་དང་བཤགས་པ་གཉིས་མི་འགྱུར་རྡོ་རྗེའི་ཡང་སྲིད་ཀརྨ་རིག་སྔགས་གྲུབ་པའི་རྒྱ་མཚོས་བགྱིས་པའོ། །ན་མོ་མ་ཧཱ་ཀཱ་ལ་ཡ། བསངས་མཆོད་ཀྱི་ཞོར་དུ་ཏྲཀ་ཤད་མངའ་གསོལ་བྱ་བར་འདོད་ན་འདི་ལྟར་བྱའོ། །ཨཱོཾ་ཨཱཿབིགྷྣནྟ་ཀྲྀ་ཏ་ཧཱུྃ་ཕཊ། ཨོཾ་སྭ་བྷཱ་ཝ་སོགས་སྟོང་པ་ཉིད་གྱུར། སྟོང་པའི་ངང་ལས་རླུང་མེ་ཐོད་སྒྱེད་ཀྱི་སྟེང་དུ་ཀ་པཱ་ལ་ཡངས་པའི་ནང་དུ་གཏོར་རྫས་ཤ་ལྔ་བདུད་རྩི་ལྔའི་ངོ་བོར་ཞུ་བ་ལས་ཡེ་ཤེས་ཀྱི་བདུད་རྩི་དང་འདྲེས་པའི་གཙང་ཞིང་བསོད་པ་ཡིད་དུ་འོང་བ་བསམ་གྱིས་མི་ཁྱབ་པར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱིཿ རང་ཉིད་ཡི་དམ་ལྷར་གསལ་བའི་ཐུགས་ཀ་ནས་འོད་ཟེར་འཕྲོས་པས་ནག་པོ་ཆེན་པོ་ཏྲཀ་ཤད་འཁོར་དང་བཅས་པ་སྤྱན་དྲངས། ཧཱུྃ༑ བསྐུལ་ལོ་འབོད་དོ་ཏྲཀ་ཤད་བདུད། །ནག་པོ་ཐོད་ཕྲེང་འཁོར་བཅས་རྣམས༔ མུན་པའི་ཀློང་ནས་འདིར་གཤེགས་ཤིག༔ དམ་ལ་མ་འདའ་ད་ཚུར་བྱོན༔ མ་ཧཱ་ཀཱ་ལ་ས་མ་ཡ་ཏིཥྛ་ལྷན༔ ཧཱུྃ། །ནག་པོ་ཆེན་པོ་འཇིགས་བྱེད་ཁྲོ་བོའི་རྒྱལ། །དུས་མཐའི་མེ་ལྟར་
འབར་བའི་གཟི་བརྗིད་ཅན། །འཇིག་རྟེན་མགོན་པོ་ཏྲཀ་ཤད་ནག་པོ་ཁྱོད། །སངས་རྒྱས་བསྟན་པ་སྲུང་ཕྱིར་མངའ་གསོལ་ལོ། །དམར་ཆེན་རཀ་ཏ་ཁྲག་གི་རྒྱ་མཚོ་དང་། །བདུད་རྩི་ཟག་མེད་རྨད་བྱུང་མཆོད་པའི་སྤྲིན། །ཉེར་སྤྱོད་ཚོགས་དང་འདོད་ཡོན་རྣམ་པ་ལྔ། །དཔག་ཡས་མཆོད་པའི་སྤྲིན་གྱིས་མངའ་གསོལ་ལོ། །བཟའ་བཅའ་ལྡག་གཞིབ་བཏུང་བ་སྣ་ཚོགས་ཀྱི། མཉེས་རྫས་གཏོར་མ་བདུད་རྩིའི་ལོངས་སྤྱོད་རྣམས། །གཟི་བྱིན་རབ་ཏུ་འཕྲོ་བའི་འོད་ཟེར་དང། །འཆི་མེད་བཅུད་ཀྱིས་རྣམ་པར་རྒྱས་པ་ཡིས། །ལོ་ཀ་ནཱ་ཐ་འཁོར་བཅས་མངའ་གསོལ་ལོ། །སྲིན་མོ་ཤང་ཁ་པཱ་ལ༴ སྦྱོར་སྒྲོལ་གསང་བའི་ཡུམ་མཆོག༴ འཇིགས་བྱེད་བདུད་པོ་བརྒྱད་པོ༴ བདུད་དམག་ས་ཡ་དྲུག་འབུམ༴ གཤིན་རྗེ་ས་ཡ་དྲུག་འབུམ༴ མ་མོ་ས་ཡ་དྲུག་འབུམ༴ བདུད་བྱ་ས་ཡ་དྲུག་འབུམ༴ ཁྱི་ནག་དོམ་བུ་དྲུག་འབུམ༴ ལས་མཁན་སྲོག་བདག་དྲུག་འབུམ༴ སྤྲུལ་པ་ཡང་སྤྲུལ་ཉིང་སྤྲུལ་མངའ་གསོལ་ལོ། །ཁྱེད་རྣམས་ཐུགས་ཀྱི་
གཟི་བྱིན་ཆེར་བསྐྱེད་ནས། །དགྱེས་པ་ཆེན་པོར་རབ་ཏུ་ཚིམ་པར་མཛོད། །ཞེས་བདུད་རྩི་ནམ་མཁར་ཕུལ། གསོལ་ལོ་མཆོད་དོ། གསོལ་ཞིང་མཆོད་པ་ལ་བརྟེན་ནས་སྒྲུབ་པ་པོ་བདག་ཅག་གིས་བྱིན་པའི་ཟས་ཟོ། བཅོལ་བའི་ལས་གྱིས། གདམས་པའི་ངག་ཉོན། སྡང་བྱེད་ཀྱི་དགྲ་སོད། གནོད་བྱེད་ཀྱི་བགེགས་ཐུལ། བར་ཆད་ཀྱི་རྐྱེན་ཟློག །རྡོ་རྗེ་སློབ་དཔོན་གྱི་སྐུ་ཚེ་སྲིངས། སངས་རྒྱས་ཀྱི་བསྟན་པ་སྲུངས། དགེ་འདུན་གྱི་སྡེ་སྐྱོངས། ཁྱད་པར་དུ་དཔལ་ལྡན་ཀརྨ་པའི་བསྟན་པ་འདི་ཉིད་ཟླ་བ་ཡར་གྱི་ངོ་ལྟར་འཕེལ་ཞིང་རྒྱས་ལ་ཡུན་རིང་དུ་གནས་པར་མཛད་དུ་གསོལ།། །།ཞེས་བདུད་རྒྱལ་ཏྲཀ་ཤད་ཀྱི་མངའ་གསོལ་འདི་བཞིན་དགོས་ཞེས་བསྟན་འཕེལ་གྱིས་བསྐུལ་པ་ལྟར་སི་ཏུའི་མིང་ཅན་དྷརྨ་ཀ་རས་རིག་འཛིན་དྲག་པོ་ནུས་ལྡན་གྱི་གཏེར་གཞུང་དང་གུང་བསྒྲིགས་ཏེ་སྒར་བསངས་དང་སྦྱར་ཆོག་པར་བྲིས་པ་དགེ་ལེགས་འཕེལ།། །།སརྦ་མངྒ་ལཾ༔ ༈ མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་
ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།