ནག་པོ་ཆེན་པོའི་གདབ་ལས་ཀྱི་ཆོ་ག
ནག་པོ་ཆེན་པོའི་གདབ་ལས་ཀྱི་ཆོ་ག་བཞུགས་སོ། །
རྡོ་རྗེ་འཆང་དབང་བླ་མ་དང། །ནག་པོ་ཆེན་པོ་ལྕམ་དྲལ་ལ། །བཏུད་ནས་དྲག་པོའི་ལས་རིམ་གྱི། །ངག་འདོན་གནོད་འདྲིལ་ཁྱེར་བདེ་བྱ། །དེའང་ནག་པོ་ཆེན་པོ་བེར་ནག་ཅན་ཡབ་ཡུམ་གྱི་སྒོ་ནས་དྲག་པོའི་ཕྲིན་ལས་བྱ་ཚུལ་ཡིག་ཆ་གསར་རྙིང་མང་དུ་བཞུགས་པ་དང་། ཁྱད་པར་རྗེ་དགུ་པའི་ཞལ་སྔ་ནས་སྒྲུབ་བསྐོར་གསུམ་དང་བསྒྲལ་ལས་རྒྱས་འབྲིང་བསྡུས་གསུམ་སོགས་ཡིག་ཆ་མང་དུ་མཛད་པ་ཡོད་ཀྱང་། འདིར་ཁྱེར་བདེ་ཞིང་གནད་དུ་འདྲིལ་བའི་ངག་འདོན་ཙམ་ཞིག་བསྡུས་ནས་བརྗོད་པར་འདོད་དེ། དེ་ལ་ཐོག་མར་ས་བཅད་ཀྱི་སྡོམ་ནི། ཉེས་པ་བསྒོ་བ། ཉེས་པ་བསྒྲགས་པ། གཟུ་དཔང་གསོལ་བ། ལས་
ཁུང་ལིངྒ་སྐྱེད་པ་དང་། །དགུག་པའི་ལས་དང་དཔལ་མགོན་འཕྲོག །ཕུར་སྐྱེད་ཕུར་གདབ་ཐུན་རྡེག་པ། །རྣམ་ཤེས་སྤར་དང་བསྒྲལ་བསྟབ་བོ། །ཞེས་པའི་དང་པོ་ཉེས་པ་བསྒོ་བ་ནི། དཔལ་ལྡན་བདེ་གཤེགས་ཐུབ་པའི་བསྟན་པ་ལ། །ལོག་པར་ཞུགས་པའི་སྐྱེས་བུ་འདི་ཉིད་ལ། །འགྲོ་བ་ཀུན་གྱི་ཉོན་མོངས་ལྔ་ལ་སོགས། །མཐའ་དག་བསྡུས་ཏེ་སེམས་ལ་རབ་བཞུགས་པས། །དེ་ཡི་དབང་གྱུར་རྣམ་པར་བརྣག་པའི་བློས། །མི་དགེ་སྤྱོད་པའི་ངང་ཚུལ་ལྡན་པ་དང་། །མཚམས་མེད་ལྔ་སོགས་ཉེས་བྱས་རབ་བསྐྱེད་ཅིང་། །ལོག་
པའི་ལམ་དུ་ཞུགས་པ་ཉིད་དུ་གྱུར། །དེ་ནས་ཉེས་པ་བསྒྲགས་པ་ནི། བདག་གི་ཐུགས་ཀའི་ཧཱུྃ་ལས་ཁྲོ་བོའི་རྒྱལ། །མཐིང་ནག་སྙིང་གར་ཐལ་མོ་སྦྱར་བ་ཅན། །འཕྲོས་ཏེ་ཕྱོགས་བཅུའི་བདེ་བར་གཤེགས་རྣམས་ལ། །གསོལ་བའི་ཚིག་གིས་གསོལ་བ་འདེབས་པར་གྱུར། །ཉམས་པའི་དགྲ་བོ་འདིས་སངས་རྒྱས་ཀྱི་བསྟན་པ་བཤིག །དཀོན་མཆོག་གི་དབུ་འཕང་སྨད། །བླ་མའི་སྐུ་ལ་བསྡོས། །རིག་འཛིན་གྱི་བརྒྱུད་པ་བཅད། །དགེ་འདུན་གྱི་སྡེ་བཤིག །དབེན་རི་གཉེན་པོ་བཅོམ། །མཚམས་མེད་ལྔ་ལ་སྤྱད། །མི་དགེ་བཅུ་ལ་རྔམ་པ་འདི་ནི་བསྒྲལ་བར་བྱ་བའི་འོས་སོ། །གསད་པར་བྱབའི་མཆོག་གོ །ཤིན་ཏུ་མ་རུངས་གདུག་པ་ཅན། །ཞི་བས་འདུལ་བར་མི་འགྱུར་བ། །ཐབས་དང་ཤེས་རབ་སྦྱོར་བ་ཡི། །ཁྲོ་བོར་དེ་བཞིན་གཤེགས་སྤྲུལ་མཛད། །འདིས་ནི་ངན་འགྲོ་རྣམ་པར་བསྒྲུབས། །ཞི་བའི་བདེ་ལ་རྒྱབ་ཀྱིས་ཕྱོགས། །དེ་ནི་རྣམ་པར་དགྲོལ་བའི་སླད། །ཇི་ལྟ་
བུ་ཡིས་སྐྱོབ་པར་བྱ། །ཞེས་གསོལ་བ་ལ། གང་ཞིག་མི་དགེ་བཅུ་ལ་སྤྱོད། །དེ་ནི་ཤིན་ཏུ་བསྒྲལ་བྱ་སྟེ། །དེ་ཉིད་ངན་འགྲོ་ལས་བཟློག་ཕྱིར། །དྲག་པོའི་ཐབས་ཀྱིས་འདུལ་བར་གྱིས། ཞེས་བཀའ་སྩལ་པའི་ངག་དང་ལྡན་ཁྲོ་བོ་རང་ཉིད་ལ་ཐིམ་པར་གྱུར། གཟུ་དཔང་གསོལ་བ་ནི། མདུན་གྱི་ནམ་མཁར་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་དང་ཡེ་ཤེས་དང་ལས་དང་འཇིག་རྟེན་གྱི་ཆོས་སྐྱོང་སྲུང་མ་ཐམས་ཅད་དང་། ཁོའི་སྲུང་སྐྱོབ་བྱེད་པའི་ལྷ་དང་སྲུང་མ་ཐམས་ཅད་གཟུ་དཔང་དུ་བཞུགས་པར་གྱུར། ཧཱུྃ། ཐམས་ཅད་གཟིགས་ཤིག་ཐམས་ཅད་གསོན། །གཟུ་དཔང་དཀོན་མཆོག་གསུམ་ལ་གསོལ། །ཉེས་དང་མ་ཉེས་ཤན་ཕྱེ་ལ། །བདེན་རྫུན་གཉིས་ཀྱི་མགོ་མ་སྙོམས། །སྡང་བའི་དགྲ་བོ་ལས་ངན་འདིས། །རྒྱལ་བའི་བསྟན་པ་བཤིག་མ་བཤིག །དཀོན་མཆོག་དབུ་འཕངས་སྨད་མ་སྨད། །འདི་ཡང་དཀོན་མཆོག་
དཔང་དུ་བཞུགས། །སྡང་བའི་དགྲ་བོ༴ བླ་མའི་སྐུ་ལ་བསྡོས་མ་བསྡོས། །རིག་འཛིན་བརྒྱུད་པ་བཅད་མ་བཅད། །འདི་ཡང་དཀོན་མཆོག་དཔང་དུ་བཞུགས། །སྡང་བའི་དགྲ་བོ་ལས་ངན་འདིས། །དབེན་རི་གཉེན་པོ་བཅོམ་མ་བཅོམ། །དགེ་འདུན་འདུས་པ་བཤིག་མ་བཤིག །འདི་ཡང་༴ སྡང་བའི་༴ མཚམས་མེད་ལྔ་ལ་སྤྱད་མ་སྤྱད། །མི་དགེ་ནག་པོ་བསྒྲུབས་མ་བསྒྲུབས། །འདི་ཡང་༴ དགྲ་དམིགས་བསལ་ཡོད་ན། དགྲ་འདིས་བདག་ཅག་དཔོན་སློབ་ལ། །སྔ་དགྲ་ལག་གི་བརྡར་མ་བརྡར། །ཕྱི་དགྲ་ཡིད་ལ་སེམས་མ་སེམས། །ད་དགྲ་ཐད་དུ་བཙུགས་མ་བཙུག །འདི་ཡང་དཀོན་མཆོག་དཔང་དུ་བཞུགས། །རིག་འཛིན་དམ་ལ་གནས་པ་བདག །རྒྱལ་བའི་བསྟན་ལ་ཞུགས་མ་ཞུགས། །དགེ་བཅུ་དང་དུ་བླངས་མ་བླངས། །འདི་ཡང་༴ རིགའཛིན༴ བསྟན་པའི་སྤྱི་དོན་བསྒྲུབས་མ་བསྒྲུབས། །གཞན་ལ་གནོད་པ་བྱས་མ་བྱས། འདི་ཡང་༴ ད་ནི་རྣལ་འབྱོར་ཆེན་
པོ་བདག །དམ་ཉམས་ལོག་པར་ལྟ་བ་འདི། །ངན་སོང་གསུམ་དུ་ལྷུང་དོགས་པས། །སྙིང་རྗེས་བསྒྲལ་བའི་ལས་ཤིག་བརྩམ། །ཁྲོ་རྒྱལ་ཆེན་པོ་ཁྱེད་རྣམས་ཀྱིས། །བདག་གི་གཟི་བྱིན་བསྐྱེད་དུ་གསོལ། བཀའ་སྲུང་དམ་ལ་གནད་པ་རྣམས། །མ་ཐོགས་བདག་གི་ལས་འདི་སྒྲུབས། །ལས་ཁུང་དང་ལིངྒ་བསྐྱེད་པ་ནི་རྒྱས་པར་ལས་འགྲིགས་ནས་འབྱུང་བ་ལྟར་རམ། བསྡུ་ན། ཨོཾ་དཾཥྚཱོ་ཏ་སོགས། སྭ་བྷ་ཝ་སོགས། མདུན་དུ་ཨེ་ཡིག་ལས་བྱུང་བའི། །ལྕགས་ཀྱི་ཁང་སྒྲོམ་མེ་འབར་བ། །ཟུར་གསུམ་ལྡེབས་གསུམ་བང་རིམ་གསུམ། །སྒོ་མེད་འཇིགས་ཤིང་ཡ་ངའི་ནང་། །དགྲ་ཁོ་ན་ཡིན་ན་ཪྣྲྀ་ཡིག་ཅེས་བརྗོད་པས་འཐུས། ཪྣྲྀ་ཏྲི་ཡོངས་སུ་གྱུར་པ་ལས། །དགྲ་ཁོ་ན་ཡིན་ན་དགྲ་བོ་ཞེས་བརྗོད། །ཉམས་པའི་དགྲ་གེགས་དངོས་ཇི་བཞིན། །མདོག་རིང་སྐྲ་གཟིང་མི་སྡུག་གཟུགས། །ཉམས་ཆུང་ཅི་བྱ་གཏོལ་དང་བྲལ། །དབུགས་ཐུམ་འདར་ཞིང་ཁྲག་འཛག་པ། །སྔངས་ཡེང་མིག་ཧྲིག་སྨྲེ་སྔགས་འདེབས། །ལྷ་སྲུང་
གཉེན་བཤེས་དགྲར་ལངས་ཤིང་། །མྱ་ངན་དུ་མས་གདུངས་པར་གྱུར། །འགུགས་པའི་ལས་ནི། བདག་མདུན་གྱི་ཐུགས་ཀ་ནས་ཡ་ལས་གཤིན་རྗེ་དང་ཧཱུྃ་དང་མ་ལས་མགོན་པོ་དང་མ་མོ་དུ་ལས་བདུད་ཀྱི་དམག་ཚོགས་དཔག་ཏུ་མེད་པ་སྤྲོས་ཏེ། དགྲ་བོ་ཐམས་ཅད་གར་གནས་གང་དུ་འདུག་ཀྱང་རངདབང་མེད་པར་བཀུག་པར་གྱུར། །ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། །རིག་འཛིན་ཆོས་སྐྱོང་གྲུབ་ཐོབ་ཕོ་མོ་རྣམས་ཀྱི༴ ཡི་དམ་ལྷ་ཚོགས་རྣམས་ཀྱི༴ སངས་རྒྱས་བྱང་ཆུབ་སེམས་དཔའ་རྣམས་ཀྱི༴ གསུང་རབ་དམ་ཆོས་རྣམས་ཀྱི༴ འཕགས་པའི་དགེ་འདུན་རྣམས་ཀྱི༴ གསང་སྔགས་དང་རིག་སྔགས་ཀྱི་རྒྱལ་པོ་ཁྲོ་བོ་རྣམས་ཀྱི༴ གཟུངས་སྔགས་དང་རིག་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི༴ སྙིང་པོ་དང་ཕྱག་རྒྱ་དང་ཏིང་ངེ་འཛིན་རྣམས་ཀྱི༴ ཕོ་རྒྱུད་དཔའ་བོ་རྣམས་ཀྱི༴ མོ་རྒྱུད་དཔའ་མོ་
རྣམས་ཀྱི༴ དཔལ་ཁྲག་འཐུང་ཧེ་རུ་ཀའི༴ ཆོས་སྐྱོང་མ་མགོན་ལྕམ་དྲལ་བྲན་གཡོག་འཁོར་དང་བཅས་པའི༴ བཀའ་སྲུང་དམ་ཅན་རྒྱ་མཚོ་རྣམས་ཀྱི༴ གཞན་ཡང་འཇིག་རྟེན་གྱི་ཁམས་འདིའི་ལྷ་དང་དྲང་སྲོང་རིག་འཛིན་སྒྲུབ་པ་པོ་ཚིག་གི་བདེན་པ་གྲུབ་ཅིང་དམོད་པ་འདོར་ནུས་པ་རྣམས་ཀྱི་བཀའ་བདེན་པ་དང་། རྣལ་འབྱོར་པ་བདག་གི་ལྷག་བསམ་རྣམ་པར་དག་པའི་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས། དམ་ཉམས་པའི་དགྲ་བོ་འདི་རྣམས་ཉེ་དུ་ཉེ་འབྲེལ། རིགས་བརྒྱུད་མཛའ་བཤེས། ཕ་ཚོ་སྡེ་དང་བཅས་པ། མིང་དང་རུས་སུ་སྨོས་པ་ཐམས་ཅད་གཟུགས་ལིངྒ་དང་བཅས་པ་འདི་ལ་ཁུག་ཅིག །ཕོབ་ཅིག །ཅེས་དང་། །དགྲ་ཆོས་ནས་འབྱུང་བའི། ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། །སངས་རྒྱས་ཀྱི༴ ཆོས་ཀྱི༴ དགེ་འདུན་གྱི༴ གསང་སྔགས་དང་རིག་
སྔགས་ཀྱི་རྒྱལ་པོ་ཁྲོ་བོ་རྣམ་ཀྱི༴ གཟུངས་སྔགས་དང་རིག་སྔགས་ཀྱི་རྒྱལ་མོ་ཁྲོ་མོ་རྣམས་ཀྱི༴ ཡི་དམ་རྒྱུད་སྡེ་བཞིའི་ལྷ་ཚོགས་གསང་སྔགས་ཞི་ཁྲོ་རབ་འབྱམས་རྣམས་ཀྱི༴ དམ་པ་ཆོས་སྐྱོང་བའི་སྲུང་མ་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་མཐུས་ཡིད་ལ་བརྣག་པའི་དགྲ་བོ༴ མིང་དང་རུས་སུ་བྲིས་པ། རུས་དང་མཚན་མར་བཅུག་པ། དམིགས་པའི་དགྲ་བོ་འདི་ཉིད། མཐོ་བ་ནམ་མཁའི་དབྱིངས་དང་། དམའ་བ་རྒྱ་མཚོའི་གཏིང་ཁུང་། གསལ་བ་ཉི་ཟླའི་ཐེམ་བར། འཐིམས་པ་སྤྲིན་གྱི་གོ་བར། རི་རབ་ཆེན་པོའི་ངོས། བྲག་གི་གཅོང་རོང་ཟབ་མོ། རྒྱ་མཚོ་ཆེན་པོའི་གླིང་རུམ། ཆུ་བོ་ཆེན་པོའི་འགྲམ་ཤེད། ས་འོག་ས་སྟེ་ས་བླ། འཛམ་གླིང་ས་ཆ་ཡུལ་གྲུ། ཁྱིམ་གྱི་སྟེང་ཤོད་བར་གསུམ། སྒོའི་ཕྱི་ནང་མཚམས་གསུམ། གར་གནས་གང་དུ་འདུག་ཀྱང་རང་དབང་མེད་པར་ལིངྒ་དང་འབྲེལ་ན། གཟུགས་བརྙན་ལིངྒ་འདི་ལ་ཅེས་དང་། མ་འབྲེལ་ན། དམར་
གྱི་གཏོར་མ་འདི་ལ་ཁུག་ཅིག །ཅེས་དང་། བསྐང་གསོ་གཞུང་གི་ལས་འགྲིག་ནས་བྱུང་བའི་འགུགས་གཞུག་རྒྱས་པ། ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་། རིག་སྔགས་དང་། གཟུངས་སྔགས་དང་། སྙིང་པོ་དང་། ཕྱག་རྒྱ་དང་། ཆོས་ཉིད་དེ་བཞིན་ཉིད་ཀྱི་བདེན་པ་དང་། དཔལ་ཡེ་ཤེས་ཀྱི་མགོན་པོ་མ་ཧཱ་ཀཱ་ལ་བེར་ནག་པོ་ཅན་ལྕམ་དྲལ་དྲན་གཡོག་འཁོར་དང་བཅས་པ་རྣམས་ཀྱི་བདེན་པའི་མཐུས། །སྤྱིར་སངས་རྒྱས་ཀྱི་བསྟན་པ་བཤིག་པ། དཀོན་མཆོག་གི་དབུ་འཕངས་སྨད་པ། བླ་མའི་སྐུ་ལ་བསྡོ་བ། རིག་འཛིན་གྱི་བརྒྱུད་པ་བཅད་པ། དགེ་འདུན་གྱི་སྡེ་བཤིག་པ། དབེན་རི་གཉེན་པོ་བཅོམ་པ། མཚམས་མེད་ལྔ་ལ་སྤྱད་པ་མི་དགེ་བ་བཅུ་ལ་རྔམ་པ། ཁྱད་པར་དུ་དཔལ་ལྡན་ཀརྨ་པའི་
བསྟན་པ་བསྟན་འཛིན་བརྒྱུད་པ་དང་བཅས་པ་རྣམས་ལ་ཕོད་བཙུགས་པ། དོ་བསྡོ་བ། འགྲས་འཚོལ་བ། ཡ་བོ་བཟུང་བ། སྔ་དགྲ་ལག་གིས་བདར་བ། ཕྱི་དགྲ་ཡིད་ལ་བསམ་པ། ད་དགྲ་ཐད་དུ་བཅུགས་པའི་དགྲ་བགེགས་བྱད་མ་རྦོད་གཏོང་དང་བཅས་པའི་བླ་སྲོག་རྣམ་པར་ཤེས་པ་སྲིད་པ་གསུམ་གང་དུ་གནས་ཀྱང་རང་དབང་མེད་པར་གཟུགས་བརྙན་ལིངྒ་འདི་ལ་ཁུག་ཅིག །ཅེས་དང་། ཨོཾ་བཛྲ་ཨཱངྐུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྥོཊ་པཾ། བཛྲ་གྷཎྜེ་ཧོ། སྡུས་པ། ༈ ན་མོ་རཏྣ་ཏྲ་ཡཱ་ཡ། སངས་རྒྱས་ཀུན་དངོས་བླ་མ་མཆོག །བརྒྱུད་པར་བཅས་པ་ཐམས་ཅད་དང་། །ལྷ་མིའི་སྟོན་པ་བཅོམ་ལྡན་འདས། །རྣམ་གྲོལ་མཆོག་སྦྱིན་ཆོས་ཀྱི་མཆོག །དེར་གནས་རྒྱལ་བའི་སྲས་རྣམས་དང་། །ཡི་དམ་ལྷ་དང་མཁའ་འགྲོའི་ཚོགས། །ཁྱད་པར་དཔལ་ལྡན་ནག་པོ་ཆེ། །འཁོར་དང་བཅས་པའི་བཀའ་བདེན་ཅིང་། །བདེན་པ་ཆེན་པོའི་མཐུ་རྩལ་གྱིས། །གནོད་པར་བྱེད་
པའི་དགྲ་བགེགས་ཀྱི། །བླ་སྲོག་རྣམ་ཤེས་གར་གནས་ཀྱང་། །རང་དབང་མེད་པར་འདིར་ཁུག་ཅིག །ཅེས་དང་། ལས་འགྲིགས་གཞུང་གི་འགུག་སྔགས། བཛྲ་ཨཱངྐུ་ཤ་ཛཿ བཛྲ་པཱ་ཤ་ཧཱུྃ། བཛྲ་སྥོ་ཊ་བཾ། བཛྲ་གྷཎྜེ་ཧོཿ ཀཱ་ལ་རུ་པ་ནི་ཀུ་རུ་ཨཱ་ཀཪྵ་ཡ་ཨཱ་ཀཪྵ་ཡ། ཐེང་མ་ཐེང་མ་ཧྲི་སྟི་ག་ཡེ། ཨུ་ནི་ཨུ་ནི་ལ་ར་ཛ་ཛ། ཞེས་སོགས་དང་། ཚིག་གིས་འགུགས་པ། ཧཱུྃ། ཆོས་སྐྱོང་སྲུང་མ་དམ་ཅན་ཚོགས། །གཏུམ་ཆེན་མི་བཟད་རྔམས་པའི་ཚོགས། །གདུག་པའི་མཚོན་ཆ་བསྣམས་པའི་ཚོགས། །མ་གཡེལ་མ་གཡེལ་སྲུང་མའི་ཚོགས། །སྔོན་གྱི་ཁས་བླངས་དམ་བཅས་པའི། །ཐུགས་དམ་གཉན་པོ་མ་གཡེལ་བར། །མྱུར་མགྱོགས་རྫུ་འཕྲུལ་ཤུགས་སྐྱེད་ཅིང་། །དྲག་ཤུལ་རྔམས་པའི་སྟོབས་སྐྱེད་ལ། །དམ་ཚིག་ཉམས་པའི་སྡིག་ཅན་འདི། །གང་དུ་འདུག་ཀྱང་ཁུག་ལ་ཤོག །དོས་དྲག་ཆེན་པོས་དེད་ལ་ཤོག །ལས་ཀྱི་དབང་གིས་འདིར་ཁུག་ཅིག །རིངས་པར་ཁུག་ལ་སྨྱོ་རུ་ཆུག །ཐོ་
བ་ཅན་གྱིས་ཀླད་ནས་ཆོམས། །ལྕགས་ཀྱུ་ཅན་གྱིས་སྙིང་ནས་ཟུངས། །ཞགས་པ་ཅན་གྱིས་སྐེ་ནས་ཆིངས། །ལྕགས་སྒྲོགས་ཅན་གྱིས་ཡན་ལག་སྡོམས། །དྲིལ་བུ་ཅན་གྱིས་མྱོས་སུ་ཆུག །རླུང་གི་འཁོར་ལོས་ཞབས་ནས་ཐེགས། །མུན་པ་ནག་པོས་མདུན་ནས་སུས། །བེ་ཅོན་ཅན་གྱིས་རྒྱབ་ནས་དེད། །རི་རབ་ཆེན་པོས་སྟེང་ནས་ནོན། །དུས་མཐའི་མེ་དཔུང་དབུས་སུ་རྒྱོབ། །ལྕགས་ཁང་སྒོ་མེད་ནང་དུ་ཆུག །འཆི་བདག་ནག་པོའི་ལག་ཏུ་གཏོད། །འཁོར་ལོ་འབར་བའི་རྩིབས་ལ་སྐྱོན། །སྲུང་སྐྱོབ་བྱེད་པའི་ལྷ་དང་ཕྲོལ། །སྲོག་བཅོད་བྱེད་པའི་བདུད་དང་སྤྲོད། །ནད་ཀྱི་བདག་མོས་ནད་ཡམས་ཐོངས། །རིམས་ཀྱི་བདག་མོས་རིམས་སྣ་ཁྲིད། །དམག་གི་རྒྱལ་མོས་དམག་སྣ་དྲོངས། །དགྲ་བོ་མི་ནོར་འཁོར་བཅས་ལ། །གནམ་ལྕགས་ཐོག་སེར་ཀི་ཀཾ་ཕོབ། །གྲོང་ཁྱེར་ཡུལ་ཁམས་ཐམས་ཅད་དཀྲུགས། །ཅི་བསམ་ཕྱིན་ཅི་ལོག་ཏུ་ཐོངས། །ཁུག་ཅིག་དྲོངས་
ཤིག་མ་ཤོར་བར། །སོད་ཅིག་སྒྲོལ་ཅིག་ལུས་སྲོག་ཕྲོལ། །ཟུངས་ཤིག་ཆིངས་ཤིག་རབ་ཏུ་སྡོམས། །རྡུངས་ཤིག་སྐྲོད་ཅིག་རེངས་པར་གྱིས། །སུབ་གཅིག་གཏུབས་ཤིག་བརླག་པར་གྱིས། །ཕོབ་ཅིག་རྣམ་པར་གཟིར་བར་གྱིས། །དབང་དུ་སྡུས་ལ་དུམ་བུར་གཏུབས། །ཁོང་ཁྲག་དྲོན་མོ་ཞལ་དུ་བཞེས། །རྣམ་ཤེས་ཚངས་པའི་དབྱིངས་སུ་སྤོར། །ཞེས་པ་སྟེ། དེ་རྣམས་ཐམས་ཅད་དམ་བསྡུས་པའི་གང་མོས་བརྗོད་ཅིང་དགུག་གཞུག་སོ་སོའི་མཐར་ལས་འགྲིག་གཞུང་གི་འགུགས་སྔགས་དང་། ཨོཾ་བཛྲ་རཀྴ་མ་ཧཱ་ཀཱ་ལ་མ་ཧཱ་ཀཱ་ལི་ཛཿཧཱུྃ་བཾ་ཧོཿདགྲ་བགེགས་བྱད་མ་རྣྀ་ཏྲི་ཨཱ་ཀཪྵ་ཡ་ཨཱ་ཀཪྵ་ཡ་ཁུག་ཁུག་ཛཿཛཿ ཞེས་མང་དུ་བརྗོད། སྒྲུབ་པ་སོགས་ཀྱི་ཚེ་དགོས་པ་བྱུང་ན། ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏཱ་ལི། ཤེལ་ཤེལ་དགྲ་བོའི་བླ་ལ་ཤེལ། ཤག་ཤག་དགྲ་བོའི་བླ་ལ་ཤག །ཕུང་ཕུང་དགྲ་བོའི་བླ་ལ་ཕུང་། ཐུན་ཐུན་དགྲ་བོའི་བླ་ལ་ཐུན། མུག་མུག་དགྲ་བོའི་བླ་ལ་མུག །དགྲ་བོ་ཆེ་གེ་མོ་དེ་གནོད་བྱེད་བྱད་
མའི་བླ་ཁུག་ཨངྐུ་ཤ་ཛཿཛཿ ཞེས་གཏེར་ཁྱིམ་ནས་འབྱུང་བ་དང་། ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏཱ་ལི། དགྲ་བོའི་བླ་ཤ་རེ་མ་ཏི་འགྲིམ་འགྲིམ། ཤ་མ་རུ་ཏི་ཐུལ་ཐུལ། མྱོག་མྱོག །ཡེད་ཡེད། ཤ་མ་རུ་ཏི་ཁུག་ཁུག །ལིང་མྱོས། ལིང་ཤ །ལིང་ཐུམ་ཛཿ མུག་ཐུན་བྷྱོ། དགྲ་བོ་ཆེ་གེ་མོ་དེ་གནོད་བྱེད་བྱད་མའི་བླ་ཚེ་སྲོག་ཛཿཧཱུྃ་བཾ་ཧོཿ ཞེས་པའང་ཅི་ནུས་བརྗོད། དཔལ་མགོན་འཕྲོག་པ་ལ་རྣམ་པ་གསུམ་གསུངས་པའི་ལུས་ལྷའི་ཁ་སྦྱོར་དབྱེ་བའམ། ལྷ་དབྱེ་ནི། གཏོར་མ་དཀར་དམར་གཉིས་བཤམ་ཆུ་ཆང་གིས་བྲན། ཨ་ཀཱ་རོས་བྱིན་གྱིས་བརླབས་ནས། དམ་ཉམས་པའི་དགྲ་བོ་སྡིག་ཅན་འདིས་ཁྱེད་རྣམས་ལ་དོ་བསྡོས། གལ་བགོས། ཕོད་བཙུགས། འགྲས་བཙལ་བས། འདིའི་མགོན་སྐྱོབས་མ་བྱེད་པར་གཏོར་མ་འདིས་ཚིམ་པར་གྱིས་ལ་རང་རང་གི་གནས་སུ་གཤེགས་ཤིག །དེ་ཝ་སྥ་ར་ཎ་ཕཊ། ཧཱུྃ། ཡུལ་ལྷ་དགྲ་ལྷ་མ་ལྷ་བདུད་དུ་ཕོབ། །སྡིག་ཅན་དམ་ཉམས་དྲང་མཁན་ཡོངས་ཀྱིས་སྤོངས། །སྲོག་ལྷ་ཕོ་ལྷ་མ་གནས་གཞན་དུ་གཤེགས། །ཞང་ལྷ་
མགོན་ལྷ་གྲོགས་ལྷ་སོ་སོར་དེངས། ཞེས་གཏོར་མ་དོར། ཨོཾ་མ་ཧཱ་ཀཱ་ལ་ཀཱ་ལ་ཡ་ཏྲ་རཀྵ་ཁཾ་ཁཾ་བུཾ་བུཾ་ཤཱནྟིཾ་ཤག །དེ་ཝ་སརྦ་ཨུཙྪ་ཊ་ཡ་དགྲ་བོ་མཱ་ར་ཡ་ཕཊ། དེ་ཝ་ཤཱནྟིཾ་ཀུ་རུ་སྭཱ་ཧཱ། དེ་ཝ་ཙིཏྟ་ཤཱནྟིཾ་ཀུ་རི་སྭཱ་ཧཱ། ཙིཏྟ་མ་ཁ་ཤཱནྟིཾ་ཀུ་རུ་སྭཱ་ཧཱ། མ་མ་ཀ་ཆུ་ཤཱནྟིཾ་ཀུ་རུ་སྭཱ་ཧཱ། བེ་ཏེ་ཤྱ་ཕཊ་ཤཱནྟིཾ་ཀུ་རུ་སྭཱ་ཧཱ། ས་མ་གྷ་ཊེ་ཤཱནྟིཾ་ཀུ་རུ་སྭཱ་ཧཱ། ཏ་པ་ཏིཥྛི་ཤཱནྟིཾ་ཀུ་རུ་སྭཱ་ཧཱ། ནཱ་ག་པུཥྤ་ཤཱནྟིཾ་ཀུ་རུ་སྭཱ་ཧཱ། ཏི་ཏ་ནཱ་ག་ཤཱནྟིཾ་ཀུ་རུ་སྭཱ་ཧཱ། ཞེས་བརྗོད་ཅིང་དུད་པས་བདུག །བྱ་རོག་དང་འུག་པའི་སྒྲོ་ཐོགས་པའི་ལག་པ་སོར་མོ་གཟིང་བའི་པད་ཀོར་དང་ཐལ་མོ་དྲལ་ཞིང་རྒྱབ་སྤྲོད་དུ་རྡེབ་པའི་ཕྱག་རྒྱ་བྱ། སྒྲུབ་པ་སོགས་ཀྱི་ཚེ་བླ་འབྱེད་ཀྱི་སྔགས། ཨོཾ་མ་ཧཱ་ཀཱ་ལ་ཀཱ་ལི་ཏྲག་རཀྵ་ཁཾ་ཁཾ་བུཾ་བུཾ་ཤནྟིཾ་ཤག་དགྲ་བོ་ཆེ་གེ་མོ་དེ་གནོད་བྱེད་བྱད་མ་མཱ་ར་ཡ་ཧཱུྃ་ཕཊ། ཅེས་པ་དང་། ཨོཾ་ཤྲཱི་མ་ཧཱ་ཀཱ་ལ་རཱུ་པ་ཧཱུྃ་ཕཊ། ཙིཏྟ་ཁ་ཕྱེ། འབྱེད་པ་ཕྱེ་ཕྱེ། དེ་ཝ་ཕྱེ། ཕུ་ཕྱེ། ཨ་ཕྱེ་ཕྱེ། ཤ་ཏྲུཾ་དེ་ཝ་བི་དེ་ཤ་ཡ་ཧཱུྃ་ཕཊ། བྲྀ་ཏ་བྷ་ག་བ་ཨ་ཨེ་ཛྭ་ལ། ཨེ་ཛྭ་ར་ཙ་ཕྱེ་ར་ཙ་ཕྱེ། ཨ་ཤག་ཤག །ས་མ་
ཡ་ཕྱེ་ཡ། སྥུ་ཏ་སྥུ་ཏ། ཕུས་ཕུས། ལ་ལ། སེ་ན་མ་ཕུས་ཕུས། ཨོཾ་ཏྲག་རཀྴ་ཁཾ་ཁཾ། བུཾ་བུཾ། ཤཱནྟི་ཤག་དགྲ་བོ་མཱ་ར་ཡ་ཕཊ། དེ་ཝ་ཤཱནྟིཾ་ཀུ་རུ་ཡེ་སྭཱ་ཧཱ། དེ་ཝ་ཙིཏྟ་ཤཱནྟིཾ་ཀུ་རུ་ཡེ་སྭཱ་ཧཱ། ཙིཏྟ་མ་ཁ་ཤཱནྟིཾ་ཀུ་རུ་ཡེ་སྭཱ་ཧཱ། ས་མ་ཡ་གྷ་ཊེ་ཤཱནྟིཾ་ཀུ་རུ་ཡེ་སྭཱ་ཧཱ། མ་མ་ཀ་ཆུ་ཤཱནྟིཾ་ཀུ་རུ་ཡེ་སྭཱ་ཧཱ། ཏ་པ་ཏིཥྛ་ཤཱནྟིཾ་ཀུ་རུ་ཡེ་སྭཱ་ཧཱ། ནཱ་ག་པུཥྤ་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་པའི་སྔགས་རིང་ཡང་བཟླ་དགོས་སོ། །དེ་ནས་ཤ་དང་རུས་པའི་ཁ་སྦྱོར་དབྱེ་བའི་དམིགས་པའང་མན་ངག་ལྟར་བྱ། ཕུར་སྐྱེད་ནི་གདབ་ཕུར་ཐོད་པ་འབྲུའི་བཀང་བའི་ནང་དུ་བཙུགས་ནས། སློབ་དཔོན་གྱི་མདུན་དུ་བཞག །བསང་ཆུ་དང་བདུད་རྩི་བྲན། ཨོཾ་དཾ་ཥྟོཏྐ་ཊ་བྷེ་སོགས་ཀྱིས་བསངས། སྭ་བྷ་ཝས་སྦྱངས། སྟོང་ལས་པད་ཉི་རོ་གདན་སྟེང་། །ཧཱུྃ་བྷྱོ་མཐིང་ནག་ཡོངས་གྱུར་ལས། །སྲས་མཆོག་ནག་པོ་ཡབ་ཡུམ་ནི། །གྲི་གུག་ཐོད་པ་རབ་འཛིན་ཅིང་། །ཐོད་པ་སྦྲུལ་གྱིས་ལེགས་པར་བརྒྱན། །ཁྲོ་གཏུམ་སྐུ་སྨད་རྡོ་རྗེ་ཡི། །ཕུར་བུ་འབར་བས་དགྲ་བགེགས་འདུལ། །གནས་གསུམ་ཡིག་གསུམ་ཧཱུྃ་འོད་ཀྱིས། །ཡེ་
ཤེས་སེམས་དཔའ་སྤྱན་དྲངས་པ། །ཛཿཧཱུྃ་བཾ་ཧོཿགཉིས་མེད་གྱུར། །སླར་ཡང་དབང་ལྷ་སྤྱན་དྲངས་ཏེ། །དབང་བསྐུར་སྐུ་གང་དྲི་མ་དག །ཆུ་ལྷག་ཡར་ལུས་མི་བསྐྱོད་པ། །སྤྲུལ་སྐུའི་རྣམ་པས་རྒྱས་བཏབ་གྱུར། །ཨོཾ་མ་ཧཱ་ཀཱ་ལ་མ་ཧཱ་ཀཱ་ལི་བཛྲ་ཀཱི་ལཱ་ཡ་པྲ་ཏིཥྠཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཞེས་ཉེར་གཅིག་སོགས་བརྗོད། ཕུར་གདབ་ནི། ཕུར་པ་ལག་ཏུ་ཐོགས་ལ། སྲས་མཆོག་རིགས་གྱི་ཕུར་པ་འདི། །མགོ་བ་ོརྒྱ་མདུད་གཞལ་ཡས་ཁང་། །རྒྱ་མདུད་ཁ་ནས་འབྲུག་ལྟར་སྒྲོགས། །སྟེང་གི་ལྷ་རྣམས་འདུལ་བར་བྱེད། །ཆང་ཟུངས་ཁ་ནས་གློག་ལྟར་འཁྱུག །བར་གྱི་ལྷ་སྲིན་འདུལ་བར་བྱེད། །ཆུ་སྲིན་ཁ་ནས་རྦབ་ལྟར་འགྲིལ། །འོག་གི་ཀླུ་རྣམས་འདུལ་བར་བྱེད། །རྩེ་མོ་ཟུར་གསུམ་དཔལ་དང་ལྡན། །དཔལ་ཆེན་རྩེ་ལ་མེ་ལྟར་འབར། །དྲིལ་བ་ཙམ་གྱིས་སྲིད་གསུམ་འདར། །གདེངས་པ་ཙམ་གྱིས་ལྷ་རྣམས་སྐྲགས། །བཏབ་པས་ཁམས་གསུམ་ཐལ་བར་རློག །སྟྭཾ་བྷ་ཡ་ནི་
ཀཱི་ལ་ཡ། །འཕངས་པས་དགྲ་བོའི་སྙིང་ལ་ཡ། །དགྲ་བོའི་སྲོག་སྙིང་ཀཱི་ལ་ཡ། །ཞེས་པ་ཙམ་མམ། སྤྲོ་ན། སྡང་བའི་དགྲ་བོ་ལས་ངན་གྱི། །ལུས་ཀྱི་གཙོ་བོ་མགོ་ཡིན་པས། །དཔྲལ་བའི་དཀྱིལ་དུ་ཀཱི་ལ་ཡ། །ལྟ་བར་བྱེད་པ་མིག་ཡིན་པས། །མིག་གི་དཀྱིལ་དུ༴ ཉན་པར་བྱེད་པ་རྣ་བ་ཡིན། །རྣ་བའི་དཀྱིལ་དུ༴ རེག་ཅིང་མཛེས་པ་སྨིན་མ་ཡིན། །སྨིན་མའི་དཀྱིལ་དུ༴ སྣོམ་པར་བྱེད་པ་སྣ་ཡིན་པས། །སྣ་ཡི་སྟེང་དུ༴ མྱང་བར་བྱེད་པ་ལྕེ་ཡིན་པས། །ལྕེ་ཡི་སྟེང་དུ༴ ཟ་བར་བྱེད་པ་མགྲིན་པ་ཡིན། །མགྲིན་པའི་སྟེང་དུ༴ སྙབ་པར་བྱེད་པ་ལག་པ་ཡིན། །ལག་པའི་སྟེང་དུ༴ བསམ་པར་བྱེད་པ་སྙིང་ཡིན་པས། །དཀར་ནག་མཚམས་སུ༴ སྲིད་པ་ཆགས་བྱེད་ལྟེ་བ་ཡིན། །ལྟེ་བའི་སྟེར་དུ༴ ཆགས་པ་སྤྱོད་པ་གསང་གནས་ཡིན། །གསང་བའི་གནས་སུ༴ འགྲོ་བར་བྱེད་པ་རྐང་པ་ཡིན། །རྐང་པའི་སྟེང་དུ༴ མ་ཧཱ་ཀཱ་ལ་སྟོབས་དང་ལྡན། །འཁོར་ཚོགས་སྤྲུལ་པ་ཡང་སྤྲུལ་བཅས། །
མ་ལུས་ཇི་སྙེད་བཞུགས་པ་རྣམས། །སྔོན་གྱི་དམ་ཚིག་དྲན་པར་གྱིས། །དྲག་པོའི་ལས་ལ་སྐུ་བཞེངས་ལ། །དམ་ལས་འདས་པའི་སྡིག་ཅན་གྱི། །ལུས་ངག་ཡིད་ལ་ཕུར་བུས་ཐོབ། །ཕུར་པའི་ཐུན་ཚོགས་དགྲ་ལ་ཡ། །ཨོཾ་བཛྲ་ཀཱི་ལ་ཡ་དགྲ་བགེགས་བྱད་མ་མཱ་ར་ཡ་ཧཱུྃ་ཕཊ། ཞེས་པས་ཕུར་པ་གདབ། ཐུན་རྡེག་པ་ནི། ཨོཾ་མ་ཧཱ་ཀཱ་ལ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། །ཨོཾ་མ་ཧཱ་ཀཱ་ལི་ཏྲག་རཀྵ། མ་ཧཱ་ཀཱ་ལ་ཀཱ་ལཱ་ཡ། ཡཀྵ་བེ་ཏཱ་ལི་ཧཱུྃ་ཛཿ ཨོཾ་ཤྲཱི་མ་ཧཱ་ཀཱ་ལ་ཡཀྵ་བེ་ཏཱ་ལི་ཧཱུྃ་ཛཿ ཨོཾ་མ་ཧཱ་ཀཱ་ལ་ཀཱ་ལཱ་ཡ་ཡཀྵ་གུ་ཎ་ཧྲི་ད་ཧཱུྃ་ཕཊ་ཛཿསྭཱ་ཧཱ། ཨོཾ་ཏྲག་རཀྵ་དུན་ཏིཾ་མ་བྷྱོ། ཨོཾ་མ་ཧཱ་ཀཱ་ལ་ཀཱ་ལཱ་ཡ། ཤཱ་ས་ནཾ། ཨུ་པ་ཀཱ་རི་ཎཱཾ་ཨེ་ཥཱ་པཉྩི་མ་ཀཱ་ལོ་ཡཾ། དུཾ་དུཾ་རཀྵ་ཚལ་པ་ཧ་ལ་དུཥྚཾ་ཤ་ཏྲཱུཾ་ཏ་ཐཱ་རུ་ཏྲི་པི་ཏ། དྷ་མི་རཏྣ་ཏྲ་ཡཱ་ཡ། ཨ་པ་ཀཱ་རི་ཎཱཾ། ཡ་ཏི་པྲ་ཏཱི་ཛྙ། སྨ་ར་སི་ཏ་དཱ། ཨི་དཾ་མ་མ་དུཥྚཾ་ཤ་ཏྲཱུཾ་དེ་ཝ་བྷ་སི་དྷ་ན་མི་ཁ་ཁ་ཁཱ་ཧི་ཁཱ་ཧི། མ་ར་མ་ར། གྲྀཧྞ་གྲྀཧྞ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། །
དི་ན་མེ་ཀེ་ན། དགྲ་བགེགས་མཱ་ར་ཡ་ཧཱུྃ་ཕཊ། ཨོཾ་མ་ཧཱ་ཀཱ་ལཱ་ཡ་ཧཱུྃ་ཕཊ་སྭཱ་ཧཱ། ཨོཾ་བཛྲ་མ་ཧཱ་ཀཱ་ལཱ་ཡ་ཧཱུྃ་ཧཱུྃ་ཕཊ། ཨོཾ་མ་ཧཱ་ཀཱ་ལ་ཀཱ་ལཱ་ཡ་དེ་ཝ་རཀྵ་ཛཿཧཱུྃ་བཾ་ཧོཿའདིར་ཤོག་འདིར་ཤོག །ཨཱ་གཙྪ་ཡ་ཨཱ་གཙྪ་ཡ། ཧཱུྃ་ཡ་ཛཿ ཧཱུྃ་ཡ་ཛཿ ཨོཾ་མ་ཧཱ་ཀཱ་ལ་ཀཱ་ལཱ་ཡ། ཤོག་ཧེར་ནི་ཤོག །ཧེར་མ་དུམ་རིལ་ཤོག །འདིར་ཤོག་འདིར་ཤོག །འདིར་དུམ་འདིར་དུམ། གནོད་བྱེད་དགྲ་བོའི་ཙིཏྟ་བཾ་ཙིཏྟ་རྦད། ཨོཾ་མ་ཧཱ་ཀཱ་ལ་ཀཱ་ལཱ་ཡ། ཤཱ་ས་ནཾ། ཨུ་པ་ཀཱ་རི་ཎཱཾ། ཨེ་ཥཱ་པཤྩི་མ་ཀཱ་ལོ་ཡཾ། ཨི་དཾ་རཏྣ་ཏྲ་ཡཱ་ཡ། ཨ་པ་ཀཱ་རི་ཎཱཾ། ཡ་ཏི་པྲ་ཏི་ཛྙ། སྨ་ར་སི་ཏ་དཱ། ཨི་དཾ་དུཥྚཾ་ཁ་ཁ་ཁཱ་ཧི་ཁཱ་ཧི། མ་ར་མ་ར། གྲྀཧྣ་གྲྀཧྣ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན། མཱ་ར་ཡ་ཧཱུྃ་ཕཊ། ཨོཾ་མ་ཧཱ་ཀཱ་ལ་ཀཱ་ལཱ་ཡ། དེ་ཝ་རཀྵ་དགྲ་བོའི་ཙིཏྟ་ལ་ཧུ་ར་ཧུ་ར། བེ་ར་བེ་ར། དུ་ན་དུ་ན། ཏྲི་ལིཾ་ཤཾ་ཀ་རུ་ཏྲི་ཏ་ཏྲག་རཀྵ་རྦད། ཨོཾ་སྟྭཾ་བནྡྷ་སྟྭཾ་བནྡྷ་ཧཱུྃ་ཧཱུྃ་ཕཊ། ཨོཾ་ཨེ་ཨཱ་རལླི་ཧོཿ ཤྲཱི་མ་ཧཱ་ཀཱ་ལ་ཁཱ་
ཧི། ཏྲག་རཀྵ་ཁཱ་ཧི། ཏྲག་རཀྵ་ཐུན་བྷྱོ་ཁཱ་ཧི། ཏྲག་རཀྵ་རྦད་བྷྱོ་ཁཱ་ཧི། ཞེས་སྔགས་ཐུན་དང་། ཧོ། དམ་ཉམས་པའི་དགྲ་བོ་ཡིད་ལ་བརྣག་པ་འདི་ཞེས་གྱི་བ་རྣམས་ལ། རྣོ་བ་མཚོན་གྱི་ཆར་ཕོབ་ཅིག །གཏོར་བ་རླུང་གི་ཆར་ཕོབ་ཅིག །སྲེག་པ་མེའི་ཆར་ཕོབ་ཅིག །བཤལ་བ་ཆུའི་ཆར་ཕོབ་ཅིག །མནན་པ་སའི་ཆར་ཕོབ་ཅིག །བཤིག་པ་སྔགས་ཀྱི་ཆར་ཕོབ་ཅིག །འཇིག་པ་ཐོག་གི་ཆར་ཕོབ་ཅིག །སྣ་ཚོགས་ཐུན་གྱི་ཆར་ཕོབ་ཅིག །ནད་རིགས་བཞི་བརྒྱ་རྩ་བཞིའི་ཆར་ཕོབ་ཅིག །གདོན་རིགས་སུམ་བརྒྱ་དྲུག་ཅུའི་ཆར་ཕོབ་ཅིག །བགེགས་རིགས་སྟོང་ཕྲག་བརྒྱད་ཅུའི་ཆར་ཕོབ་ཅིག །བྱིས་པའི་གདོན་ཆེན་བཅོ་ལྔའི་ཆར་ཕོབ་ཅིག །མི་འདོད་པ་སྣ་དགུའི་ཆར་ཕོབ་ཅིག །མདོར་ན་དགྲ་བོའི་ལུས་ངག་ཡིད་གསུམ་ཐལ་བའི་རྡུལ་ཕྲན་བཞིན་དུ་རློག་ཅིག །ཅེས་དང་། ཐུན་སྔགས་བསྡུས་པ། ཤྲཱི་མ་ཧཱ་ཀཱ་ལ་ཀཱ་ལི་དགྲ་བོའི་སྲོག་རྩ་ལ་ཪྣྲྀ་ཧུར་ཐུཾ་ཛ་མཱ་ར་ཡ་རྦད་རྦད་
སོད་སོད། །ཅེས་བཟླས་ཤིང་ཐུན་སྔགས་རྣམས་ཀྱིས་བྲབས། རྣམ་ཤེས་སྤར་བ་ནི། ཆོས་ཀྱི་འཁོར་ལོའི་ནང་གནས་པའི། །རྣམ་པར་ཤེས་པ་ཨ་ཡི་ཚུལ། །ཚངས་པའི་ལམ་ནས་རབ་གཤེགས་ཏེ། །བདེ་གཤེགས་ཐུགས་དང་རོ་གཅིག་གྱུར། ཅེས་བརྗོད་ཅིང་མཐར། ཕཊ། སྒྲ་བྱ། འདིའི་སྐབས་སུ་བེམ་རིག་ཁ་སྦྱོར་དབྱེ་བའི་དམིགས་པ་མན་ངག་བཞིན་བྱ། དེ་ནས་རཱུ་པ་བསྒྲལ་བ་ནི་མན་ངག་ལྟར་དམིགས་པ་དང་བཅས་ཏེ་གྲི་ལྕགས་ལས་གྲུབ་པའི་གྲི་གུག་གིས་རཱུ་པ་གཏུབ་ཅིང་ནང་སྒྲུབ་ཀྱི་བཞི་སྦྲེལ་ཧེ་ར་ནི། ཤཱ་ས་ན། ཧུར། རྦད་སྔགས་རྣམས་དང་། ཨོཾ་མ་མ་ཏྲག་རཀྵ་ནས་དུཾ་བྷྱོའི་བར་མ་མོའི་སྔགས་གསུམ་ལ་རྦད་སྔགས་བཏགས་པ་དང་། རྦད་བསད་ཀྱི་སྔགས། ཨོཾ་མ་ཧཱ་ཀཱ་ལ་ཀཱ་ལཱ་ཡ། ཤོག་ཧེར་ནི་ཤོག །ཧེར་མ་དུམ་རིལ་ཤོག །འདིར་ཤོག་འདིར་ཤོག །འདིར་དུམ་འདིར་དུམ། གནོད་བྱེད་དགྲ་བོའི་ཙིཏྟ་བཾ་ཙིཏྟ་རྦད། ཨོཾ་མ་ཧཱ་ཀཱ་ལ་ཀཱ་ལཱ་ཡ། ཤཱ་ས་ནཾ། ཨུ་པ་ཀཱ་རི་ཎཱཾ། ཨེ་ཥཱ་པཤྩི་མ་ཀཱ་ལོ་ཡཾ། ཨི་དཾ་རཏྣ་ཏྲ་ཡཱ་ཡ། ཨ་པ་ཀཱ་རི་ཎཱཾ། ཡ་ཏི་པྲ་ཏི་ཛྙ། སྨ་ར་སི་ཏ་དཱ། ཨི་དཾ་དུཥྚཾ་ཁ་ཁ་ཁཱ་ཧི་ཁཱ་ཧི། མ་
ར་མ་ར། གྲྀཧྣ་གྲྀཧྣ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དི་ན་མེ་ཀེ་ན། མཱ་ར་ཡ་ཧཱུྃ་ཕཊ། ཨོཾ་མ་ཧཱ་ཀཱ་ལ་ཀཱ་ལཱ་ཡ། དེ་ཝ་རཀྵ་དགྲ་བོའི་ཙིཏྟ་ལ་ཧུ་ར་ཧུ་ར། བེ་ར་བེ་ར། དུ་ན་དུ་ན། ཏྲི་ལིཾ་ཤཾ་ཀ་རུ་ཏྲི་ཏ་ཏྲག་རཀྵ་རྦད། ཨོཾ་སྟྭཾ་བནྡྷ་སྟྭཾ་བནྡྷ་ཧཱུྃ་ཧཱུྃ་ཕཊ། ཨོཾ་ཨེ་ཨཱ་རལླི་ཧོཿ ཤྲཱི་མ་ཧཱ་ཀཱ་ལ་ཁཱ་ཧི། ཏྲག་རཀྵ་ཁཱ་ཧི། ཏྲག་རཀྵ་ཐུན་བྷྱོ་ཁཱ་ཧི། ཏྲག་རཀྵ་རྦད་བྷྱོ་ཁཱ་ཧི། རག་མོ་རག་མོ་མ་མ་ཡ་དུན་བྷྱོ། ཧེད་ཧེད་མ་ཧེད་བྷྱོ། ཨོཾ་བཛྲ་ཀརྟ་རི་ནི་རྦད། དགྲ་བོ་སྙིང་ཁྲག་ཚལ་པ་རྦད། གཏུབས་ཙིཏྟ་རྦད། མྱོགས་རྦད། དགྲ་བོའི་སྙིང་ཁྲག་ཚལ་པ་ཁ་ལ་རྦད། ཚལ་བུ་སེ་ན་སེ་དུ་རྦད། དགྲ་བོའི་ཙིཏྟ་ཧུར་ཐུཾ། སྲོག་ལ་མཱ་ར་ཡ་རྦད། རག་མོ་རག་མོ་དགྲ་བོའི་སྙིང་ཁྲག་རྩ་ལ་བྷྱོ། ཁྲག་ལ་རག་མོ་མུ། ཤ་ལ་བྷྱོ། རག་མོ་སེམས་བྱེད་སྙིང་ལ་བྷྱོ། རག་མོ་ལྟ་བྱེད་མིག་ལ་བྷྱོ། རག་མོ་ཉན་བྱེད་རྣ་བ་ལ་བྷྱོ། རག་མོ་སྣོམ་བྱེད་སྣ་ལ་བྷྱོ། རག་མོ་སྨྲ་བྱེད་ལྕེ་ལ་བྷྱོ། རག་
མོ་ཚོར་བྱེད་ལུས་ལ་བྷྱོ། རག་མོ་དགྲ་བོའི་སྙིང་ལ་རྦད། སྲོག་ལ་རྦད། དགྲ་བོ་ཐུཾ་རི་ལི་ལི། ཤ་རྒྱུས་སྙིང་ཕྱུང་། སྙིང་རྒྱུས་སྲོག་ཆོད། སྲོག་རྒྱུས་དབུགས་ལོང་། ཤ་ལ་ཟོ། ཁྲག་ལ་རྔུབས། དགྲ་བོའི་སྲོག་སྙིང་ཁྱེར། མཱ་ར་ཡ་ཕཊ། ཅེས་བརྗོད། ཞལ་དུ་བསྟབ་པ་ནི། ཧཱུྃ། དགྲ་བགེགས་བསྒྲལ་བ་ལས་བྱུང་བའི། །ཤ་ཁྲག་རུས་པ་རྩ་རྒྱུས་དང་། །དོན་སྙིང་ལྔ་དང་དབང་པོ་ལྔ། །ཀླད་པ་ནང་རོལ་དང་བཅས་པ། །བཀའ་བརྒྱུད་བླ་མའི་ཞལ་དུ་བསྟབ། །བཞེས་ཤིག་རོལ་ཅིག་ཁ་རཾ་ཁཱ་ཧི། །ཡི་དམ་ལྷ་ཚོགས་ཞལ་དུ་བསྟབ། །དཔའ་བོ་རྒྱ་མཚོའི༴ བཞེས་ཤིག་རོལ་ཅིག་ཁ་རཾ་ཁཱ་ཧི། །དཔའ་མོ་རྒྱ་མཚོའི༴ བཞེས་ཤིག༴ ཡེ་ཤེས་མགོན་པོའི༴ བཞེས་ཤིག༴ ལས་ཀྱི་མགོན་པོའི༴ བཞེས་ཤིག༴ འཇིག་རྟེན་མགོན་པོའི༴ བཞེས་ཤིག༴ སྲས་མཆོག་ནག་པོའི༴ བཞེས་ཤིག༴ དཔལ་ལྡན་ལྷ་མོའི༴ བཞེས་ཤིག༴ དབུགས་ལེན་ཡབ་ཡུམ༴ བཞེས་ཤིག༴ ཕྱོགས་
བཅུ་མགོན་པོའི༴ བཞེས་ཤིག༴ དྲེགས་པ་དོན་གཉིས༴ བཞེས་ཤིག༴ དྲེགས་པ་རྣམ་གསུམ༴ བཞེས་ཤིག༴ མ་མོ་བདུན་གྱི༴ བཞེས་ཤིག༴ སྲིང་མོ་བཞི་ཡི༴ བཞེས་ཤིག༴ འབར་མ་དགུ་ཡི༴ བཞེས་ཤིག༴ དུས་བཞི་ལྷ་མོའི༴ བཞེས་ཤིག༴ དམག་གི་རྒྱལ་མོའི༴ བཞེས་ཤིག༴ དབང་ཕྱུག་ཉེར་བརྒྱད༴ བཞེས་ཤིག༴ སྤྲུལ་དང་ཡང་སྤྲུལ༴ བཞེས་ཤིག༴ དམ་ཅན་རྒྱ་མཚོའི༴ བཞེས་ཤིག༴ རྒྱལ་ཆེན་རྣམས་སྲས༴ བཞེས་ཤིག༴ ཀླུ་རྒྱལ་སྔགས་བདག༴ བཞེས་ཤིག༴ དམ་ཅན་རྡོར་ལེགས༴ བཞེས་ཤིག༴ སྲིན་མགོན་ཐོད་ཕྲེང་༴ བཞེས་ཤིག༴ ཞིང་སྐྱོང་སེང་གདོང་༴ བཞེས་ཤིག༴ ཡུལ་ལྷ་གཞི་བདག་ཞལ་དུ་བསྟབ། །བཞེས་ཤིག་རོལ་ཅིག་ཁ་རཾ་ཁཱ་ཧི། །ཁྱེད་རྣམས་མཆོད་པའི་བསོད་རྣམས་ཀྱིས། །སངས་རྒྱས་བསྟན་པ་དར་བ་དང་། །ཞི་རྒྱས་དབང་དང་དྲག་པོ་ཡི། །ལས་རྣམས་འགྲུབ་པའི་ཕྲིན་ལས་མཛོད། །ཅེས་བརྗོད་ཅིང་ལིང་རོ་གཏོར་མར་
བསྟབ། དེ་ནས་ཐུན་གཏོར་ལ་དགུག་གཞུག་དང་བསྒྲལ་བསྟབ་ཀྱི་དམིགས་པ་དང་བཅས་དྲག་བསྐུལ་རྣམས་འདོན་པ་སོགས་ལག་ལེན་ལྟར་བྱའོ། །ཞེས་མ་མགོན་གྱི་བསྐང་གསོ་བདུད་ལས་རྣམ་རྒྱལ་གསར་བསྒྲིགས་ཀྱི་ཆ་ལག་ཏུ་དགོས་པར་བསམ་ནས་བསྒྲལ་ལས་ཀྱི་ངག་འདོན་མདོར་བསྔུས་འདིའང་བསྟན་པའི་ཉིན་བྱེད་ཀྱིས་ཤིང་མོ་བྱ་ལོ་རྒྱལ་ཟླའི་ཡར་ཚེས་དགྲ་བགེགས་བརླག་པའི་ཉི་མ་ལ་བྲིས་པ་ཛ་ཡནྟུ།། ༈ །།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །ཅེས་པ་འདིའང་རྫོགས་ཆེན་དཔོན་སློབ་ཀརྨ་ངེས་དོན་གསུང་རབ་བསྟན་པའི་རྒྱལ་མཚན་དུ་འབོད་པ་དེས་ཐུན་སེང་ཞིག་ལ་མཁའ་ལྡིང་ཕུག་ཏུ་བྲིས་པ་དགེ་ལེགས་འཕེལ།། །།སརྦ་མངྒ་ལཾ།། །།