གང་གི་གདུང་བ་སེལ་བར་བགྲོས་པའི་ལེའུ་སྟེ་བཞི་པ།
དེ་སྐད་སྨྲས་ཏེ་གདུངས་པ་ལས། །སྲིད་གསུམ་འགྲོ་བའི་གཉེན་གཅིག་པ། །རྒྱལ་བ་རྒྱ་མཚོ་རྣམས་ཀྱིས་གསན། །སྙིང་རྗེའི་བདག་པོ་དེ་དག་ཀུན། །ལྕང་ལོ་ཅན་གྱི་ཕོ་བྲང་དུ། །གསང་བའི་བདག་པོ་གནས་སུ་འདུས། །བསྐུལ་པ་ཆེན་པོ་འདི་སྐད་གསུངས། །གསང་བ་པ་ཡི་བདག་པོ་ཁྱོད། །སྔོན་གྱི་གོ་ཆ་ཡལ་ལམ་ཅི། །འཇིག་རྟེན་སྡུག་བསྔལ་མི་ཤེས་སམ། །སྙིང་རྗེའི་ས་ལ་བབས་ནས་ཀྱང་། །འཇིག་རྟེན་གདུང་བ་བསལ་བའི་རིགས། །སོ་སོའི་རིགས་ཀྱི་ཆ་བཟུང་བས། །མ་རུངས་པ་དག་ཀུན་བཏུལ་ཏེ། །འདོད་ཁྲིད་ཐབས་སུ་ཚིག་རྣམས་ཀྱིས། །ལས་ཀྱི་ཆ་དང་སྤྱོད་མཐུན་པར། །འདུ་ཤེས་བསྒྱུར་བ་བྱས་ནས་ནི། །བཀའ་ཡི་བགྲོ་བ་བཤད་སྦྱར་ནས། །ཡང་དག་དོན་ལ་དགོད་པའི་རིགས། །དེ་སྐད་རྣམ་པར་བསྐུལ་བ་ལས། །དཔའ་བོ་རྡོ་རྗེ་འཛིན་རྒྱལ་པོས། །གདུལ་དཀའ་འདུལ་ལ་མཁས་པའོ། །འཇིག་རྟེན་ཀུན་ལ་རྒྱལ་བའི་མཆོག །གསང་བའི་རྟགས་འཛིན་རྡོ་རྗེ་ཅན། །དགྱེས་ཤིང་གདན་ལས་བཞེངས་ནས་ནི། །ཆོ་འཕྲུལ་ཆེན་པོ་ཀུན་བསྟན་ནས། །འཇིག་རྟེན་ལོག་པའི་གཙོ་བོ་རྣམས། །སྐལ་དང་ལྡན་པར་ལུང་བསྟན་པ། །ལས་དང་སྐལ་བར་རབ་ལྡན་ཞིང་། །རྒྱལ་བས་འབྱུང་བར་ལུང་བསྟན་པའི། །བསོད་ནམས་ཆེན་པོའི་སྐལ་ཅན་རྣམས། །སྤྲུལ་པས་ཇི་ལྟར་ལུང་བསྟན་བཞིན། །ད་ལྟར་དུས་ལ་འདིར་བབས་ཀྱིས། །འཁོར་བའི་སྙིང་པོར་ལུང་བསྟན་ཕྱིར། །ཆོ་འཕྲུལ་རྣམས་ཀྱི་བྱིན་རླབས་ཀྱིས། །བསྟན་པའི་སྙིང་པོ་དམ་པ་ཞིག །ཇི་ལྟར་བཤད་ཅིང་ལུ ང་བསྟན་བཞིན། །སྐལ་ལྡན་ཅན་ལ་བགྲོ་བར་བྱའོ། །དྲག་ཤུལ་ཅན་ཞེས་བྱ་བའི་རི། །དགོན་པ་ཆེན་པོའི་གནས་འདི་ནི། །ཡེ་ཤེས་སྙིང་པོ་ཅན་རྣམས་ཀྱི། །ཐེག་ཆེན་གསང་བ་འབྱུང་བའི་གནས། །ཐོག་མ་ཐ་མའི་དུས་མེད་པར། །དམ་པ་རྣམས་ཀྱིས་བསྔགས་པ་ཡིན། །ཐོག་མ་ཐ་མ་མེད་པ་ཡི། །རྒྱལ་བ་དཔག་ཏུ་མེད་པ་ཡིས། །དམ་པའི་དགོན་གནས་ཆེན་པོ་དེར། །སེམས་ཀྱི་དཀྱིལ་འཁོར་མེ་ལོང་བཞིན། །བསྟན་པ་དེ་ལྟར་བདག་གིས་ཀྱང་། །ཐོག་མ་ཐ་མ་མེད་པ་རུ། །བསྐུལ་བའི་དུས་ནི་གར་བྱུང་བར། །བདག་ཀྱང་དེ་བཞིན་ཆོ་འཕྲུལ་སྣང་། །ཞེས་བགྲོས་སོ། །སངས་རྒྱས་ཀུན་གྱི་
དགོངས་པ 
་འདུས་པའི་མདོ་ཆེན་པོ་ལས་གང་གི་གདུང་བ་སེལ་བར་བགྲོས་པའི་ལེའུ་སྟེ་བཞི་པའོ།། །།