སྲོག་ཤིང་བྱ་ཚུལ་ལེགས་བཤད།

རྟེན་ལ་ནང་གཟུངས་འབུལ་ཚུལ་འཐོར་བུ་ནི། སྲོག་ཤིང་རིང་ཐུང་མཆོད་རྟེན་གྱི་གདོང་ཆེན་ནས་ཆོས་འཁོར་བར་སླེབ་པ། ལུགས་གཅིག་ལ་བུམ་གདན་ནས་བྲེ་ཡན་ཆད་ཟླུམ་པོའང་ཆོག་ཉི་ཟླའི་བར་བཏང་བ་དང་། ལྷ་ལ་སྐྱིལ་ཀྲུང་ནས་གཙུག་ཏོར་བར་དང་། ལུགས་གཅིག་ལ་ལྟེ་འོག་ནས་སྤྱི་བོའི་བར་གསུངས། དེ་ལ་མཆོད་རྟེན་དང་རྡོ་རྗེ་མ་བརྐོས་ཀྱང་ཆད་སྐྱོན་མེད། བརྐོ་ན་རྣམ་རྒྱལ་མཆོད་རྟེན་བང་རིམ་ཟླུམ་པོ་གསུམ་ཅན་ལ་སེང་ཁྲི་ཡོད་ལུགས་མེད་ལུགས་གཉིས་གང་བྱེད་ཆོག །རྡོ་རྗེའི་རྭ་ངོས་ལ་འཕྲོད་པར་བྱ་ཞིང་རྭ་འོག་ཏུ་འཕང་ལོའང་རང་དོད་འོང་བར་བྱས་ན་བདེ། མི་བརྐོ་ན་རྩ་བའི་སྟ་བཞི་ཅུང་ཟད་རེ་བཞོག །རྩེ་མོའི་ངོས་བཞི་ནས་ཅུང་ཟད་རེ་རྩེར་གཞོལ་བར་བཞོག་ནས། དེ་ལ་ཤར་དུ་ཧཱུྃ། ལྷོ་རུ་ཏྲཱྃ། ནུབ་ཏུ་ཧྲཱིཿ བྱང་དུ་ཨཱཿ སྟེང་དུ་ༀ། བྲི་ས་བྱ། མཆོད་རྟེན་ཡོད་ན། མཆོད་རྟེན་འོག་ཏུ། ཤར་ༀ྅ཧཱུཾ། ལྷོར་ཏྲཱྃ། ནུབ་ཧྲཱིཿ བྱང་ཨཱཿ གཟུངས་ཁུང་རྣམས་སུ་དྲི་བཟང་དང་སྨན་འདམ་བྱུག་ནས། སྤྱི་བོའི་ཁུང་བུར་མཆོད་རྟེན་ལ་རྣམ་རྒྱལ་མའི་གཟུངས་དང་། འོད་ཟེར་དྲི་མེད་གཟུངས་མདོ་ཚང་མ། མ་ཤོང་ན་ཉེ་སྤར་རྩེ་མོ་ཞེས་པ་ཚར་གྲངས་གར་འབྱོར་ཆོག །མཆན། སྙིང་ཙམ་ཕུལ། ལྟེ་བའི་ཁུང་བུ་བཞི་ལ་སྲོག་ཤིང་སྔགས་དང་སྒྲིབ་སེལ་གཟུངས་གཉིས་ཚར་༩༩ རེ་འཇུག་དགོས་པས་ཕྱོགས་གསུམ་ལ་༢༥རེ་ཕྱོགས་གཅིག་ལ་༢༤ཕུལ། རྩ་བའི་ཁུང་བུར་འོད་དྲིའི་སྙིང་པོ་དང་རྟེན་སྙིང་མང་ཉུང་ཅི་འབྱོར་ཕུལ། སྲོག་ཤིང་ཙནྡན་དམར་པོ་ཡིན་ན་ཚོན་བྱུག་མི་དགོས་དྲི་བཟང་བྱུག །གཞན་ལ་ཚོན་དམར་པོ་སོགས་སྐབས་དང་མཐུན་པར་ཏེ། དབང་པོ་ལག་པའམ་འོ་མ་སོགས་གཙང་མས་དམ་ཁ་བྱེད་པ་ལས། ཀོ་སྤྱིན་གཏན་ནས་བསྲེ་མི་ཆོག །དང་པོ་གནས་རི་གང་དུ་གཅོད་སྐབས་ནས་ཤར་རྟགས་མ་ནོར་བར་བཞག་པ་དེ་རྟེན་གྱི་མདུན་ལ་འཕྲོད་དགོས་ཏེ། མདུན་ངོས་ཀྱི་གནས་ལྔར་འཇའ་གུར་རེའི་ཁུངས་སུ། གསེར་གྱིས་ༀ་ཨཱཿཧཱུྃ་སྭཱ་ཧཱ། ཞེས་ལཉྫནར་འབུར་མ་བརྐོ་ཡང་ལེགས། བྲི། རྣམ་རྒྱལ་མཆོད་རྟེན་ཡོད་ན་བུམ་སྒོར་ༀ་བྷྲཱུྃ་སྭཱ་ཧཱ། ༀ་ཨ་མྲྀཏ་ཨ་ཡུརྡ་དེ་སྭཱ་ཧཱ་བྲི། མི་ཤོང་ན་རྣམ་རྒྱལ་མཆོད་རྟེན་གྱི་རྩ་བར་བྲི། མཆོད་རྟེན་མེད་ན་རྩེ་ཀླད་དུ་ཉལ་སྟབས་སུ་བྲི་སྟེང་། ༀ་གྱི་མདུན་ཕྱོགས་ལའོ། །དབུ་དང་བྲེའི་ཐད་ཙམ་དུ་ༀ་སརྦ་བིདྱཱ་སྭཱ་ཧཱ། དང་། སྙིང་དང་བུམ་དབུས་ཙམ་དུ། ༀ་བཛྲ་ཨཱ་ཡུ་ཥེ་སྭཱ་ཧཱ། དང་། རྩ་བར་ༀསུཔྲཏིཥྛ་བཛྲཡེསྭཱཧཱ། བྲི་སྟེ་སུམ་འབུད་བྱེད་ཀྱང་ལེགས་ཏེ། དེ་གསུམ་ཀའང་སྐུ་ཁང་ལྟ་བུའི་འཇའ་གུར་ཉ་མགོ་ཅན་གྱི་ནང་དུ་བྲི། སྲོག་ཤིང་ཆེན་པོ་ལ་རྒྱས་པར་བྲིས་མོས་ན། རྣམ་རྒྱལ་མཆོད་རྟེན་གྱི་ཉི་མ་ལ་ཨ། ཟླ་བ་ལ་འཿཨཿཤཿསཿམཿཧཿ གདུགས་ལ་མམཀོལིངསམནྟཿབྲི། རྩ་བ་རྡོ་རྗེ་ཕྱེད་པའི་པད་འདབ་བཞི་ལ་བྷྲཱུྃ་རེ་རྭ་བཞི་ལའང་བྷྲཱུྃ་རེ་མཚམས་བཞིའི་ཁོངས་སུ་འཇའ་སྐོར་ཉ་མགོ་ཅན་དུ་གཞི་མཐིང་ག་ལ། ༀབཛྲཨཱཡུཥེསྭཱཧཱ། རེ་བྲིའོ། །མགྲིན་པ་དང་བྲེ་མགུལ་གྱི་ཐད་ཙམ་དུ་དབྱངས་གསལ་ངོས་རེ་ལ་ཚར་རེ་བྲི། སྙིང་ཁར་ཨཱ་ཡུ་ཥེའི་འོག་ནས་ངོས་སོ་སོར་གཟུངས་ཆེན་སྡེ་ལྔ་སྤར་མ་ལྟར་རྒྱས་པ་བྲི། མ་ཤོང་ན་གཟུངས་ཐུང་བྲི་སྟེ། ཤར་དུ་གཙུག་ཏོར་རྣམ་རྒྱལ་ནི། ༀབྷྲཱུྃསྭཱཧཱ། ༀཨམྲྀཏཨཡུརྡདེསྭཱཧཱ། ༀཨཱཿཧཱུྃཏྲཱྃཧྲཱིཿ ཨྃཨཱརཀྵརཀྵམྃསརྦསཏྭཾཤྩསྭཱཧཱ། ཞེས་ཚར་དུ་ཤོང་གི་མཇུག་ཏུ། ཡེ་དྷར་ཚར་ཅི་ཤོང་དང་ཡེདྷར་གྱི་བོད་སྐད་ནི་ཆོས་རྣམས་ཐམས་ཅད་རྒྱུ་ལས༴ སོགས་ཀྱང་བྲི། དེ་མཐར་རབས་བདུན་གསོ་སྦྱོང་རྒྱས་པ་ནི། ཟིན་བྲིས་གཞན་ཕན་ཟླ་སྣང་ན་བཞུགས་པ་ལྟར་བྲི་བོད་སྐད་ཙམ་ནི་སོར་མདོ་ནའང་སྣང་། བསྡུ་ན་རྣམ་གཟིགས་གསོ་སྦྱོང་ནི་ཀྵཱནྟིཿཔརམིཏཏཔསྟིཀྵནྟིནིརྦཱཎཱཾཔརམཔདནྟིབུདྡྷཿ ནཧིཔྲབྲཛིཏཿ པརོཔརོཏཱཔཱིཤྲམཎོབྷབཏིབྷརཱནཱིཧེཋམཱནཿ ཞེས་པ་བོད་སྐད་དུ། བཟོད་པ་དཀའ་ཐུབ་དམ་པ་བཟོད་པ་ནི། མྱ་ངན་འདས་པ་མཆོག་ཅེས་སངས་རྒྱས་གསུངས། རབ་ཏུ་བྱུང་བ་བཞན་ལ་གནོད་པ་དང་། གཞན་ལ་འཚེ་བ་དགེ་སྦྱོང་མ་ཡིན་ནོ། །ཞེས་དང་། ཉིན་མོ་བདེ་ལེགས༴ ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པ། །དཀོན་མཆོག་གསུམ་གྱི་བཀྲ་ཤིས་ཤོག །བསོད་ནམས་རི་བོ༴ བསོད་ནམས་རི་བོ་བཞིན་དུ་བརྟན་པ་དང་། །བརྒྱུད་འཛིན་ཉི་ཟླ་བཞིན་དུ་གསལ་བ་དང་། །སྙན་གྲགས་ནམ་མཁའ་ལྟ་བུར་ཁྱབ་གྱུར་པའི། །གསུམ་པོ་དེས་ཀྱང་དེང་འདིར་བདེ་ལེགས་ཤོག །ལོ་བརྒྱ་ཐུབ་ཅིང་༴ ལོ་བརྒྱ་ཐུབ་ཅིང་སྟོན་བརྒྱ་མཐོང་བ་དང་། །ཚེ་རིང་ནད་མེད་བདེ་སྐྱིད་ཕུན་སུམ་ཚོགས། །ཐེག་པ་མཆོག་ལ་ངེས་པར་འབྱུང་བ་སྟེ། །ལྔ་པོ་དེས་ཀྱང་དེང་འདིར་བདེ་ལེགས་ཤོག །བསྟན་པའི་དཔལ་གྱུར་བླ་མེད་ཞབས་པད་བརྟན། །བསྟན་འཛིན་སྐྱེས་བུས་ས་སྟེང་ཡོངས་ལ་ཁྱབ། །བསྟན་པའི་སྦྱིན་བདག་མངའ་ཐང་འབྱོར་པ་རྒྱས། །བསྟན་པ་ཡུན་རིང་གནས་པའི་བཀྲ་ཤིས་ཤོག །ལྟ་བུའི་བཀྲ་ཤིས་གང་འོས་རེ་བྲི། ༈ ལྷོར་གཙུག་དྲི། ༀནམསྟྲཻཡདྷྭིཀཱནཱཾ། སརྦཏཐཱགཏཧྲྀདཡ་གརྦྷེཛྭལཛྭལ། དྷརྨདྷཱཏུགརྒྷེ། སཾབྷརམམཨཱཡུཿ སཾཤོདྷཡ་འདི་གཟུངས་སྤར་རྣམས་ན་མེད་ཀྱང་། གཟུངས་མདོ་དངོས་ན་བཞུགས་པས་ཆད་པ་འདྲ། སཾ་ཤོདྷཡམམསརྦཔཱཔཾསརྦཏཐཱགཏསམནྟོཥྞཱིཥབིམལེབིཤུདྡྷེཧཱུྃཧཱུྃཧཱུྃཧཱུྃ། ཨྃབྃསྃཛཿསྭཱཧཱ། ཞེས་ཚར་དུ་ཤོང་དང་། རྟེན་སྙིང་། གསོ་སྦྱོང་། བཀྲ་ཤིས་བཅས་སྔར་ལྟར་བྲི། ༈ །ནུབ་ཏུ་གསང་བ་རིང་བསྲེལ། ༀསརྦཏཐཱགཏོཥྞིཥདྷཱཏུམུདྲཱཎི། སརྦཏཐཱགཏདྷརྨདྷཏུབིབྷུཥིཏེཨདྷིཥྛིཏེཧུརུཧུརུཧཱུྃཧཱུྃསྭཱཧཱ། ཅི་ཤོང་མཐར་སྔར་ལྟར་སྦྱར། ༈ བྱང་དུ་བྱང་ཆུབ་རྒྱན་འབུམ། ༀསརྦཏཐཱགཏབྱབལོཀིཏེསྭཱཧཱ། ཛཡཛཡསྭཱཧཱ། ༀཧུརུཧུརུཛཡམུཁེསྭཱཧཱ། ཅི་ཤོང་དང་རྟེན་སྙིང་གསོ་སྦྱོང་རྒྱ་སྐད་བོད་སྐད་གང་མོས། བཀྲ་ཤིས་བཅས་ལྷག་ཆད་བྲིས་སུབ་མེད་པར་བྲིའོ། །མཆོད་རྟེན་སྲོག་ཤིང་ལ་གཟབ། ཅེས་པ་ཡིན་པས་སྲོག་ཤིང་ལས་སྐབས་ཐམས་ཅད་དུ་གསོ་སྦྱོང་བླང་ནས་གཙང་སྦྲ་ལ་གནས་ཏེ་ཁ་ཤུབས་དང་ལག་ལྕིབས་གོན། སྦྱོང་ཁྲུས་དང་གཟུངས་སྒྲུབ་ཚར་ནས་གཟུངས་འབུལ་ཚེ་སྨྲ་བ་བཅད་ལ། ༀ་མནྟྲ་དྷཱ་ཏུ གརྦྷ་ཡ་སྭཱ་ཧཱ། དང་། རྟེན་སྙིང་། རིག་པ་ཕུག་རོན། ནམསམནྟབུདྡྷཱནཱཾ། མཙིཏྱབྷུཏརཱུཔིཎཾ། ༀཏརེསྭཱཧཱ། སྡིག་པ་ཅི་ཡང་༴ བཟོད་པ་དཀའ་ཐུབ༴ བཀྲ་ཤིས་བཅས་འདོན་བཞིན་དུ་ཕུལ་བར་རྣམས་གུར་གུམ་སྤོས་ཕྱེས་གཏམས། གཟུངས་འགར་རིག་པ་ཕུག་རོན་ནི། ནམཿསམནྟབུདྡྷཱནཱཾ། ཨཙིནྟྱཏབྷུཏརཱུཔིནི། ༀཏཱརེསྭཱཧཱ། དགོས། ཚར་ནས་ཀྱང་སྦྱང་ཁྲུས་རབ་གནས་ཕྲལ་དུ་བྱ། ཡང་ཁུང་བུ་མི་འཇུ་བའི་སྲོག་ཤིང་ཕྲ་མོ་ལ་ཕྱི་ནས་གཟུངས་དྲིལ་ཕྱོགས་ཕྱོགས་སུ་བཅིངས་ཀྱང་ཆོག །གཟུངས་ཕུལ་ལུགས་འདི་མཆོད་རྟེན་ཆ་བརྒྱད་ཁང་བརྩེགས་སོགས་གྱི་རིགས་ཐམས་ཅད་སྤྱི་འགྲེས་ཡིན། ལྷ་ལ་སྲོག་ཤིང་གཙོ་བར་མ་བཤད་པས་གཟུངས་མདོའི་གླེགས་བམ་དང་གཟུངས་༩༩རེ་དགོས་པ་རྣམས་ཅི་བདེ་བྱས་ཀྱང་ཆད་སྐྱོན་མེད་དེ་ལྷ་རང་རང་གི་སྲོག་སྔགས་སོགས་དམིགས་བསལ་གཙོ་བོ་བྱེད་དགོས། ཆོས་སྐྱོང་གི་རིགས་ལ་དྲག་པོའི་ཤིང་གི་སྲོག་ཤིང་སོགས་སྐབས་ཐོབ་དཔྱད། གཟུངས་དང་སྲོག་ཤིང་གི་ན་བཟའ་རྣམས་ཀྱང་ཞི་རྒྱས་དབང་དྲག་གང་ཡིན་གྱི་རང་མདོག་ཆོག་སྟེ། ཡོངས་གྲགས་སེར་པོ་ཡིན་རྩ་བའི་རྡོ་རྗེ་རྭ་བར་རྣམས་སུ་རིན་ཆེན་ཕྱེ་མ་ཐུམ་པོ་བཅེར་ལ། འཕང་ལོ་ལ་དེའི་གཟུངས་༩༩དཀྲི། སྲོག་ཤིང་གི་ཧཱུཾ་ཐད་དུ་གཟུངས་ཆེན་སྡེ་ལྔ་ཅི་མང་བཅིངས། སྭཱ་ཐད་དུའང་བཅིང་། ཤིན་ཏུ་མང་པོ་འབྱོར་ན་བུམ་པའི་སྟོད་སྨད་བར་གསུམ་ཁེངས་པར་གཏམ། ལྷའི་ཧཱུཾ་ཐད་དུ་སྡེ་ལྔ་ཉུང་ཙམ་དང་ལྷ་རང་རང་གི་བསྙེན་སྔགས་ཁོ་ནས་ཁེངས་པར་བྱ། ༈ རྟེན་ཆུང་ངུ་སོགས་ཀྱི་སྲོག་ཤིང་ལ་གནས་ཡིག་འབྲུ་ལྔ་དང་། སརྦ་བིདྱཱ༴ ཨ་ཡུ་ཥེ༴ སུ་པྲ་ཏིཥྛ༴ ཡེ་དྷར་ཙམ་བྲིས་ཀྱང་འཐུས། ཡང་། གནས་ཡིག་ཙམ་མམ། སྲོག་སྔགས་ཙམ་དང་། ཤིན་ཏུ་ཆུང་ངུ་ལ་ༀ་྅ཨཱཿ྅ཧཱུྃ་྅བྲིས་ཀྱང་ཆོག་གསུངས། ༈ ནང་གཞུག་གཞན་རྣམས་མཐོ་དམན་གོ་རིམ་ནི་ཡིག་ཆ་རྣམས་ནས་ཀྱང་གོ་རིམ་མི་འདྲ་བ་ཅུང་ཟད་རེ་སྣང་ཡང་སྤྱི་རྒྱུག་ཙམ་ནི། སཱཙྪ་རྣམས་བུམ་པའི་ནང་གཞུགས། མ་ཤོང་ན་རྨང་དགེ་ཡན་ཆད་བཞུགས་ཀྱང་རུང་། བུམ་གཏེར་རྣམས་དང་ས་འཛིན་སྐོར་ལ་གཞུག །གནོད་སྦྱིན་འཁོར་ལོ་དང་ཆོས་སྐྱོང་སྐོར་བསྔོ་སྨོན་དང་བཀྲ་ཤིས་སྐོར། གོ་ཆ་སོགས་སེང་ཁྲིའི་སྟོད་གདོང་ཆེན་ཐད་དང་། ལྷའི་པད་གདན་ལའོ། །ཚད་མེད་དང་སྐྱིལ་ཀྲུང་ནང་དུ་༼ཙ༽ཤེར་༼ཚ༽ཕྱིན་༼ཛ༽མདོ་སྡེ་སྐོར། བུམ་གདན་དང་གསང་བ་སྐོར་༼བ༽ལ་༼མ༽བྱ་རྒྱུད། དེ་སྟེང་སྤྱོད་རྒྱུད། བུམ་སྨད་དང་ལྟེ་བར་༼པ༽རྣལ་འབྱོར་རྒྱུད། སོར་འབྲང་འཁོར་ལོ་གྲོང་ཁྱེར་སྒྲོལ་འཁོར། བུམ་དབུས་དང་མཐར་༼ཕ༽སྐོར་ལ་རང་རང་གི་སྒྲུབ་སྔགས་དང་། ༼ཇ༽མ་༼ཉ༽ཧཱ་༼ཏ༽ཡོ་༼ཐ༽གའི་༼ད༽སྐོར་༼ན༽ དགོངས་འདུས་མཐོང་གྲོལ། དགེ་འདུན་འདུ་འཁོར། བུམ་སྟོད་དང་སྐུ་སྟོད་ལ། ཨ་ནུ་ཡོ་ག་དང་ཨ་ཏི་ཡོ་ག་༼ཅ༽བླ་སྒྲུབ་ཞི་དྲག །ཞི་ཁྲོའི་༼ཆ༽བཏགས་གྲོལ། རྟེན་འདུས་རིལ་བུ། བྲེ་མགུལ་དང་མགྲིན་པར། ༼ཚ༽དབྱངས་གསལ་དང་། སངས་རྒྱས་བྱང་སེམས་ཀྱི་མཚན། མྱང་གྲོལ་རིལ་བུ། བྲེ་དང་དབུ་ལ་རིམ་པར་༼ཀ༽བླ་མ་༼ཁ༽བརྒྱུད་༼ག༽པའི་༼ང༽མཚན་སྔགས། སྙིང་ཐིག་གི་བཏགས་གྲོལ་༼ཆ༽རྒྱུད་དྲུག་འདི་རྣམས་ཚེ་གཤིས་དང་ཨ་འཛམ་སྒར་སྤར་གླེགས་བམ་སོར་བཞི་པ་བཞུགས། སངས་རྒྱས་སྲས་གཅིག །འདས་རྗེས་གསུམ། སྲོག་ཤིང་གི་རྩེར་རྣམ་རྒྱལ་བུམ་ནང་དང་ལྷའི་གཙུག་ཏོར་དུ་ཡུངས་འབྲུ་ལྟ་བུའི་རིང་བསྲེལ་དར་གྱི་བསྟུམ་སྟེ་རིན་པོ་ཆེའི་ག་འུར་སྩལ་བ་བཞུགས་སུ་གསོལ། ཚུལ་འདི་ནི་རྙིང་ལུགས་ཡིན། གསར་ལུགས་ལ་ནང་རྒྱུད་སྡེ་གསུམ་མལ་དུ། ཕ་མ་གཉིས་མེད་རྒྱུད་གསུམ་ཡར་སྤར། ༈ གཞན་ཡང་སྟོད་སྨད་ཐམས་ཅད་དུ་གཞུག་ཆོག་པ་ནི། ཡིག་བརྒྱ། ས་ཏྭ། ཡེ་དྷར། དབྱངས་གསལ། རིག་པ་ཕུག་རོན། ཡང་བྱང་ཆུབ་ཤིང་སོགས་སངས་རྒྱས་དང་འབྲེལ་བའི་རྟེན་རྣམས་དབུ་ལ་གཞུག །བླ་མ་མཆོག་གི་དབུ་ཞྭ་སོགས་སྐུ་སྟོད་ལས་བྱུང་བ་རྣམས་སྟོད་དུ་གཞུག །ཤམ་ཐབས་སོགས་སྐུ་རྨད་ལས་བྱུང་བ་རྣམས་སྨད་དུ་གཞུག །ཆོས་འཁོར་དང་རྒྱལ་མཚན་ནང་དུ་གདུགས་དཀར་འཁོར་ལོ་དང་རྒྱལ་མཚན་རྩེ་མོ། ཏོག་ཏུ་ཏོག་གཟུངས། དབུའི་གཙུག་ཏོར་དུ་གདུགས་དཀར་འཁོར་ལོ་གཞུག ༈ །བུམ་ནང་དུ་དྲི་མེད་རྣམ་གཉིས་ཀྱིས་དཀྱིལ་འཁོར་བཞེངས་སྐབས་སོགས་རྟེན་གྱི་སྲོག་ཤིང་རིང་ཐུང་མཐའ་གཅིག་ཏུ་མ་ངེས་པས། སྲོག་ཤིང་གི་གཟུངས་སྐོར་ཙམ་མ་གཏོགས། གཟུངས་དང་བྱིན་རྟེན་གཞན་མང་ཆེན་རྣམས་གོང་ལྟར་རྟེན་གྱི་ཕྱི་ཁོག་ལ་གཞལ་ཏེ་གཞུག་དགོས། སྐྱེ་མཆེད་བྱིན་རླབས་སོ་སོར་སྦྱར། དཀྱིལ་འཁོར་མེད་སྐབས་རུ་ཤིང་ངམ་ཚུགས་ཤིང་ལ་སྲོག་ཤིང་བཅིང་བ་ཡིན། ༈ གཟུངས་འཕྲེད་གཞུག་དགོས་སྐབས་བྱུང་ན། དབུ་གཡས་ཕྱོགས་དང་རྒྱབ་ཕྱོགས་གང་བདེར་བསྟན། གླེགས་བམ་རིགས་ཀྱང་དབུ་རྒྱབ་ཕྱོགས་སུ་བསྟན་ལ་དབུ་ལྡེབ་ཡར་བསྟན་གསུངས། སྤྱིར་རྟེན་བཞེངས་འཕྲོ་ལུས་པ་ལ་བར་ཆད་མི་འཇུག་པའི་ཕྱིར་གུ་གུལ་བདུག་བཟོ་བོའི་ལག་ཆ་བཞག །གོས་དམར་སེར་གྱིས་བཀབ། སྟེང་ནས་བྱིན་ལྡན་གྱིས་མནན་གསུངས། སྲོག་ཤིང་སོགས་སྔ་ཚགས་དགོས་པས་རྣམས་ཉེར་མཁོ་དགོས་པ་ཀུན་ཚང་ལྟར་ཐུགས་འཇགས། ཀོང་སྤྲུལ་རིན་པོ་ཆེས། མཆོད་རྟེན་ཆེ་ཆུང་གང་ཡིན་ནའང་དྲི་མེད་རྣམ་གཉིས་ཀྱི་ཆོ་གས་བསྒྲུབས་པ་ཞིག་བྱུང་ན་ས་རྡོ་ལས་བཅོས་ཀྱང་འབྲེལ་ཚད་དོན་ལྡན་བྱས་པ་དོན་ཡོད་དུ་འགྱུར། དེ་ལྟར་མ་ཡིན་གསེར་དངུལ་ལས་བཅོས་པའང་རྟེན་ཕལ་པ་ཙམ་ལས་མི་འགྱུར། ཞེས་གསུངས་སོ། ༈ །འཇམ་དཔལ་བདེ་བའི་ཉི་མའི་སྐུ་གདུང་ལྟ་བུ་ལ། རྩ་གསུམ་གཟུངས་འཇུག་སྤྱི་ལྟར་ལས། སྒོས་ཆོས་སུ། བུམ་དབུས་སུ་ལྷག་པའི་ལྷ་འཇམ་པའི་དབྱངས་ཀྱི་གསེར་སྐུའམ་འདག་སྐུ་གཟུངས་གཞུག་བྱིན་ལྡན། དེའི་ཐུགས་ཀར་ཕྱི་ནང་གང་བདེར་ཤེལ་རྡོ་ཧཱུཾ་གིས་མཚན་པ། ༀ་ཨཱཿཧཱུཾ། མཚན་སྔགས་མཐར། མཚུངས་མེད་ཆོས་རྗེ་འཇམ་དཔལ་བདེ་བའི་ཉི་མ་དཔལ་བཟང་པོ་ཞེས་བགྱི་བའི་ཐུགས་ཀྱི་དགོངས་པ་ཟབ་མོ་གོང་ནས་གོང་དུ་ཡོངས་སུ་རྫོགས་པར་གྱུར་ཅིག །འབྲེལ་ཐོགས་བདག་ཅག་རྣམས་ཀྱང་ཚེ་རབས་ཀུན་ཏུ་རྗེས་སུ་གཟུང་བར་གྱུར་ཅིག །རྗེས་འཇུག་བསྟན་པའི་མངའ་ཐང་ཡུན་རིང་དུ་རྒྱས་པར་གྱུར་ཅིག །ཅེས་པ་ལྟ་བུའི་འདོད་གསོལ་གྱིས་དྲིལ་སྤྲོ་ན་གཏེར་མཛོད་༼ནི༽པར་སྐུ་གདུང་མཆོད་ཚུལ་ནང་ནི། སྲིད་ཞུ་འབུལ་བ། དུས་གསུམ་སངས་རྒྱས་ཐམས་ཅད་ཀྱི་སོགས་ཚང་བ་ཕྲེང་གཅིག་ཏུ་བྲི་ནུས་ན་ཤིན་ཏུ་ལེགས། དེ་དང་མཉམ་དུ་གདུང་གི་སཱཙྪ། བླ་མའི་ཐུགས་དམ་གྱི་རྟེན་གང་རྙེད། འཇམ་དཔལ་གྱི་ཆོས་གླེགས་བམ་རིགས་དང་ཨ་ར་པ་ཙ་སོགས་བསྙེན་པ་ཤིན་ཏུ་མང་པོ་གཞུག །སྒྲུབ་ཚེ་དྲི་མེད་རྣམ་གཉིས་ཀྱི་དཀྱིལ་འཁོར་མཆོད་རྟེན་ནང་དུ་རྒྱུན་བཞག་མ་ཤོང་ནའང་། ཕྱི་རོལ་དཀྱིལ་འཁོར་བཤམས་ནས་བསྒྲུབ་ལ་སྲོག་ཤིང་ཕུལ། རྗེས་དཀྱིལ་འཁོར་མི་མངོན་པར་བསྡུ་བར་གསུངས་སོ། །རབས་གནས་སྐབས་སུ་ཐུགས་དམ་གང་ཡིན་གྱི་སྒྲུབ་པ་དེས་ཁོག་ཕུབ་ན་ལེགས་སྙམ་མོ། ༈ །ཡང་སྔར་མ་གྲགས་ཀྱང་རང་བཟོ་བྱས་ན། ཕྱི་རོལ་ས་རྡོ་ལས་བྱང་ཆུབ་མཆོད་རྟེན་ཆུང་འབྲིང་བཞེངས་སྐབས་བུམ་ནང་དུ་དཀྱིལ་འཁོར་སྒྲུབ་སྟབས་མི་བདེ་བས་ན། སྔ་མོ་ནས་ཤིང་གི་སྒམ་བང་སྒྲོམ་གསུམ་བརྩེགས་བཟོས་ནས། འོག་གཉིས་གཞིར་དཀྱིལ་འཁོར་བྲིས་ཏེ། ལྷ་ཁང་ལྟ་བུར་བཀོད་ནས་མཆོད་རྫས་རྒྱན་བཅས་ཚང་བར་བཤམས། དེའང་རྣམ་ལྔ་སོགས་ནི་འོག་གཞི་ལ་གྲོ་སྐྱོ་སྨན་འདམ་གྱིས་སྦྱར། འཕན་གདུགས་རྣམས་ནི་བླ་རེ་ལ་དཔྱངས་ཏེ་མི་འགྱེལ་བའི་ཐབས་བརླིང་བར་བྱས་ནས་སྟེང་མའི་བླ་རེ་དང་སྤང་ལེབ་ལ་སྲོག་ཤིང་ཤོང་ངེས་པའི་གནམ་མཐོངས་བཞག་སྟེ། དཀྱིལ་འཁོར་གཉིས་ཚུལ་བཞིན་བསྒྲུབས་ནས་འཇོག །ནམ་ཕྱི་རོལ་གྱི་མཆོད་རྟེན་བུམ་པའི་ཕྱེད་བར་བརྩིགས་ཟིན་པ་དང་། བུམ་གདན་ཡན་ཆད་ཚུགས་ཤིང་མེད་པར་བྱས་ཏེ། དཀྱིལ་འཁོར་གཉིས་པོ་དལ་བུས་སྤྱན་དྲངས་ནས་བཞག་ལ་མཆོད་རྫས་འགྱེལ་བ་དང་ཕོས་པ་བྱུང་ན་ལེགས་པར་བཅོས། སེར་སྦྲེང་པ་རྣམས་ནས་སེམས་ཅན་ཤེས་བཅུ་སོགས་འདོན་གྱིན་སྲོག་ཤིག་འཛུགས་ཏེ་སྒོམ་གསུམ་པ་བརྩེགས་པའི་ནང་དུ་སཱཙྪ་བཞག་པས་སྲོག་ཤིང་སྐྱོར་ཏེ་མི་འཁྱོར་བ་བྱ་ཞིང་། སཱཙྪས་བུམ་པ་བཀང་སྟེ་རྩིག་འཕྲོ་ཉི་ཟླའི་བར་མཐར་ཕྱིན་པར་བྱ། རབ་གནས་བསྡུས་པས་བདག་ལ། ཞལ་བ་ལན་གྲངས་ཚོན་རྩི་བཅས་འཇོག་མཚམས་གྲུབ་པའི་ཚེ། སླར་སྲོག་ཤིང་འཛུགས་ཆོག་གཤར་རྒྱུག་མ་ཞིག་བཏང་བའི་སྒྲུབ་མཆོད་ཚར་བ་དང་། ཕྱི་རོལ་མཆོད་བཤམས་རྒྱས་པ་བྱ་བ་ནས་རྗེས་ཆོག་མཐར་ཕྱིན་པར་བྱ། ཕྱི་ཉིན་རབ་གནས་རྒྱས་པ་བྱ་བ་ན་འཇུག་པ་བདེ་སྟེ། དཔེར་ན་གནོད་སྦྱིན་འཁོར་ལོ་དང་བུམ་གཏེར་སྔར་ནས་སྒྲུབ་པ་བཞིན་དུ་ཉེས་འགལ་མེད་སྙམ་ལགས། སྔར་ཡིག་ཆའི་སྟེང་ནས་ཞུས་ཤིང་མཁྱེན་བཞིན་པ་གཞིར་བཞག་ནས་རེ་ཞིག་བརྗེད་ཐོ་དེ་ཙམ་ལེགས་བཤད་ནས་གནས་བརྟན་ལ་ཞུ་ལགས།