བྱ་རོག་མ་བསྟན་བསྲུང་གི་སྐོར་གྱི་ཆོས་ཚན་ཐོ་ཡིག་གསེར་གྱི་ཐུར་མ།

བྱ་རོག་མ་བསྟན་བསྲུང་གི་སྐོར་གྱི་ཆོས་ཚན་ཐོ་ཡིག་གསེར་གྱི་ཐུར་མ་བཞུགས་སོ། །བདེ་གཤེགས་རྣམས་ཀྱི་མཐུ་ནུས་རྡོ་རྗེའི་ཞུན། །མ་རུངས་འདུལ་བླུག་སྲིན་པོའི་གཟུགས་ཞུད་པོ། །མཐོང་བས་བདུད་བཞིའི་སྙིང་ཀུན་ཁར་འཚང་བས། །སྟོབས་བཀྱེ་མདུན་ན་ཚུགས་པ་མེད་དེར་འདུད། །འཇིགས་པ་མི་ཟད་ཆུ་སྲིན་གྱིས་བལྟམ་པའི། །འཁོར་བའི་རྒྱ་མཚོ་དུག་ལྔའི་རྦས་དཀྲུགས་པ། །འདི་ཁ་ཕ་རོལ་ཕྱིན་པ་མྱུར་བྱེད་དུ། །མཐུན་པའི་རླུང་ཆེན་གཡོ་འདིར་གསལ་པོར་བྱས། །སངས་རྒྱས་ཀྱི་བསྟན་པ་རིན་པོ་ཆེ་འཛིན་སྐྱོངས་སྤེལ་བ་དང་། གཡོན་ཅན་བདུད་ཀྱི་སྡེ་འཇོམས་པ་ལ་གཅིག་ཏུ་དཔའ་བར་འདོད་པར་དག་ལ་བསམ་པ་ལྷུན་གྱིས་གྲུབ་པར་བྱེད་པའི་ཆོས་ཀྱི་སྡེ། དཔལ་འབྲུག་པའི་སྒྲུབ་ཐབས་བསྐོར་ལྔར་གྲགས་པའི་ནང་ཚན། བྱ་རོག་མ་བསྟན་བསྲུངས་ཀྱི་སྐོར་གྱི་དཔེ་གཅེས་པ་རྙོག་པ་མེད་པ་རྣམས་ཐོ་ཡིག་ཏུ་འགོད་དོ། །ཐོག་མར། དངོས་གྲུབ་འབྱུང་འི་རྒྱུད་ལེའུ་ཉི་ཤུ་རྩ་ལྔ་པ། ཐུགས་རྗེ་འབྱུང་བ་རྩ་བའི་རྒྱུད་ལེའུ་བཅུ་བདུན་པ། ནམ་མཁའ་དང་མཉམ་པའི་རྒྱུད་དགོས་འདོད་འབྱུང་བ་ལེའུ་ལྔ་བཅུ་པ། སྤུ་གྲི་ཀླད་གཟིར་ནག་པོ་དངོས་གྲུབ་འབྱུང་བའི་བཀའ་བརྒྱུད་ལེའུ་བཅུ་བདུན་པ་སྟེ་འབྱུང་བ་བཞི། བྱ་རོག་རྩེགས་པ་དམ་ཚིག་བསྟན་པ་སྤྱིའི་རྒྱུད་ལེའུ་ཉི་ཤུ་རྩ་གཅིག་པ། རྡོ་རྗེ་གྲི་གུག་རྩེགས་པ་ཡེ་ཤེས་གསང་བ་རྒྱུད་ཀྱི་རྒྱལ་པོ་ལེའུ་ཉེར་བཞི་པ། ཤ་ཟ་རྩེགས་པའི་རྒྱུད་དུམ་བུ་བཅུ་བཞི་པ་སྟེ་རྩེགས་པ་གསུམ། ལས་ཀྱི་མགོན་པོ་བྱ་རོག་གདོང་ཅན་གསོད་བྱེད་སྲོག་གཟིར་ནག་པོ་ཞེས་བྱ་བའི་རྒྱུད་ལེའུ་བཅུ་བདུན་པ། ཐོད་པ་ནག་པོ་གསང་བའི་རྒྱུད་ལེའུ་ཉེར་གསུམ་པ་སྟེ། ནག་པོ་གཉིས། ལས་གསང་བ་ནམ་ངག་གི་རྒྱུད་ཀྱི་རྒྱལ་པོ་ལེའུ་ཉེར་གསུམ་པ་དང་། བཅོ་ལྔ་པ་སྟེ་ལས་གསང་གཉིས། དཔལ་ནག་པོ་ཆེན་པོ་ལས་ཀྱི་མགོན་པོ་བྱ་རོག་གདོང་ཅན་གསོད་བྱེད་སྲོག་གི་སྤུ་གྲི་གསང་བའི་རྒྱུད་ཅེས་བྱ་བ་ལེའུ་ཉེར་གསུམ་པ་དང་། ལེའུ་བཅོ་ལྔ་པ་གཉིས་ཏེ་འདི་གཉིས་ལ་དྲག་པོ་མཚོན་ཆ་བསྣོལ་བ་སྤུ་གྲིའི་རྒྱུད་ཆེ་ཆུང་ཟེར། ཁྲག་མཚོ་ཁོལ་མ་ཞེས་བྱ་བ་མགོན་པོ་གསང་བའི་རྒྱུད་ལེའུ་བརྒྱད་ཅུ་རྩ་གཅིག་པ་དང་། ཁྲག་མཚོ་ཁོལ་མ་གསོད་བྱེད་སྙིང་འབྱིན་ནག་པོ་ཆེན་པོའི་རྒྱུད་ལེའུ་ཉེར་གཉིས་པ་ཏེ་ཁྲག་མཚོ་ཁོལ་མའི་རྒྱུད་ཆེ་ཆུང་། ནག་པོ་ཆེན་པོ་སྙིང་རྗེ་ཁྲོས་པའི་རྒྱུད་ལེའུ་བཅུ་དྲུག་པ། བྱ་གདོང་ཁྲོས་པ་བཞི་སྙིང་གསང་བ་སྲོག་གཟིར་སྦས་པའི་རྒྱུད། ཁ་ཏནྟྲཱི་རྒྱུད་ཀྱང་ཟེར་བ་ལེའུ་བཅུ་བདུན་པ་ཁྲོས་པ་གཉིས་རྣམས་ཕོ་རྒྱུད། མེ་ལྕེ་འབར་མའི་རྒྱུད་ལེའུ་ཉི་ཤུ་རྩ་གཉིས་པ། མེ་ལྕེ་འཕྲེང་བའི་རྒྱུད་དུམ་བུ་གཉིས་པ་སྟེ་མེ་ལྕེ་གཉིས། གསོད་བྱེད་དམར་མོ་རྩ་འཇིབ་མ་དུག་རླངས་ཁོལ་མས་བསད་པའི་རྒྱུད་ལེའུ་བཅོ་ལྔ་པ། འཇིག་རྟེན་ཕུང་བྱེད་སྔགས་རྒོད་ནག་པོའི་རྒྱུད་ལེའུ་བཅུ་གསུམ་པ་གསང་བ་གཉིས། ཨེ་ཀ་ཛཱ་ཊིའི་སྔགས་རྒྱུད་ལེའུ་བཅོ་བརྒྱད་པ། མཁའ་འགྲོ་མ་སྙིང་པོ་སྡུས་པའི་རྒྱུད་ལེའུ་བརྒྱད་པ། མཁའ་འགྲོ་མ་ལས་ཚོགས་འཕྲེང་བའི་རྒྱུད་ལེའུ་བདུན་པ། མ་མོ་འཇིག་རྟེན་གཙུག་ལག་གི་རྒྱུད་ལས་ཡང་ཏིག་བཀོལ་བ་ལེའུ་དགུ་པ། མཁའ་འགྲོ་མ་བཅུད་བསྡུས་ཀྱི་རྒྱུད་དམ་མཁའ་གྲོ་དྲུག་སྐོར་གྱི་རྒྱུད་དུ་གྲགས་པ་ལེའུ་དྲུག་ཕ་མ་ལྔའོ། །དུག་རླབས་ཁོལ་མ་རྩ་བའི་རྒྱུད། རོ་ལངས་ནག་མོ་བཤད་རྒྱུད། སྒྲོལ་བྱེད་ནག་མོ་མན་ངག །ཐོད་ཕྲེང་ནག་མོ་སྐྱེ་རྒྱུད། ཁྲག་མཚོ་ཁོལ་མ་ལས་ཚོགས། ཟླ་གསང་ནག་པོ་གནད་འགག་སྟོན་པ་ཞེས་ཀྱང་ཟེར་རོ། །རྒྱུད་དེ་དག་གི་མན་ངག་བླ་མ་རྣམས་ཀྱིས་མཛད་པ་ལ། ཐོག་མར་ལོ་རྒྱུས་གསེར་གྱི་ཡང་ཞུན་དང་། སྟོང་མཐུན་གསེར་གྱི་སྒྲོམ་བུ་གཉིས་ཆོས་རྗེས་མཛད་པ། ནག་པོ་ཆེན་པོ་བྱ་རོག་ཅན་ཕྱག་བཞི་པའི་སྒྲུབ་ཐབས་ཞེས་བྱ་བ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་འདི་མགོན་པོའི་མན་ངག་ཐམས་ཅད་ཀྱི་ཐོག་མར་བྱུང་བའི་ཡི་གེ་ཡིན། དེའི་འགྲེལ་པ་ས་བཅད་དང་བཅས་པ་དཔལ་རྒ་ལོས་མཛད་པ། ནག་པོ་ཆེན་པོ་ལས་ཀྱི་མན་ངག་ཨ་བྷྱ་ཡ་ཀ་རས་མཛད་པ། འདི་ལས་ལས་བརྒྱད་དྲག་པོའི་སྦྱིན་སྲེག་དང་དགུ་བསྟན། དེའི་ཁ་སྐོང་ཏིང་ངེ་འཛིན་སྔགས་ཁ་སྦྱར་དབྱེ་བ། ཞི་རྒྱས་དབང་གི་ལས་གསུམ་རྡོ་རྗེ་གདན་པ་ཆེན་པོས། སྦྱིན་སྲེག །བསྲུང་བ། བཟློག་པ། ཆར་དབབ། སྲིའུ་གསོ་བ།ཆོ་འཕྲུལ་གྱི་ཕྲ་མོའི་ཡི་གེ་རེ་རེ། ཕྱི་སྒྲུབ་བོ། །བྱ་རོག་ཅན་གྱི་ནང་སྒྲུབ་ཞེས་བྱ་བ་སློབ་དཔོན་ཨཱརྻ་དེ་ཝ་མཛད་པ། གསུང་གི་སྙིང་པོའི་སྒྲུབ་ཐབས་རྒ་ལོ། འདི་གཉིས་རང་རྐྱང་དུ་བསྒྲུབ་པའི་གཞུང་ཡིན། བཀའ་སྡོད་ཅན་དུ་བསྒྲུབ་པ་ལ་རྒ་ལོས་མངོན་རྟོགས་ཚིགས་བཅད་དང་ལྷུག་པ་གཉིས་མཛད། དེ་གཉིས་ཚད་མར་གྱུར་ཀྱང་དར་བ་དང་ཚིགས་ཚོགས་ཆེ་བས་འདིར་མ་བཞུགས། དཀྱིལ་འཁོར་དེ་དང་འབྲེལ་བ་དབང་བཞི་རྫོགས་ཀྱི་ཆོ་ག་རྒ་ལོས་མཛད་པ། དེའི་ཁ་བསྐོངས་སྡོམ་གཟུང་། བཀའ་བསྒོ་སྔགས་དབང་གི་ཡི་གེ་དེའི་ཕྱི་མ་འདི་ཕྱི་སྒྲུབ་གྱི་རྗེས་གནང་དུ་ཡང་མཛད། འབྲུག་ལུགས་ཀྱི་རྗེས་གནང་འཇམ་དབྱངས་ཀུན་དགའ་སེང་གེས་མཛད་པ། ཐོད་ནག་གི་བསྙེན་པའི་གཞུང་ལས་ཀྱི་ནག་པོ་ཆེན་པོའི་སྒྲུབ་པ་ཞེས་བྱ་བ་དང་། ལས་ཀྱི་སྦྱོར་བ་གཉིས་ཨཱརྻ་དེ་ཝས་མཛད་པ། ཕྱི་མ་འདི་ལ་ཙ་མིའི་ལས་སྦྱོར་ཆེན་པོ་ཟེར་ཕྱི་རབས་པ་འདོད་པ་ནོར་བ་ཡིན་ལས་ཀྱི་སྦྱོར་བ་ཆེན་པོ་ངེས་པ་དྲུག་གི་གཏན་ལ་ཕབ་པ་ཙ་མི་ལོ་ཙཱ་བ་སངས་རྒྱས་གྲགས་པས་མཛད་པ། ངེས་དྲུག་མ་གཞན་འདིས་ཟོང་མར་བཏང་། བརྟེན་བཅའ་སྦྱོར་གཞུག །སེམས་བསྐྱེད། མངོན་རྟོགས། ལས་སྒྲུབ། ཐུན་སྒྲུབ། གདུང་ལས། འབྲུ་ཐེམས་གསལ་སྒྲོན། དྲིལ་གཏོར། བརྟགས་ཡིག་རྩ་འགྲེལ། སྦོབས དཀྲུགས་བཅད་་ ཆོག །གཟི་མདངས་སྡུ་བ། ལྷ་དབྱེ། ངག་མནན་ཡུམ་གྱིས་བསད་པ། བེང་གི་དམག་སྒྲུབ། གཏོར་འབུལ་ཟོར་ལས་ཏེ་ཕྲ་མོ་སྲོག་གཟིར་རྒ་ལོ། འགྱུ་བྱེད་མ། ཁྲག་འཇིབ་མ། སྒྲོལ་བྱེད་མ་གསུམ་གྱི་སྒེར་སྒྲུབ་ཀྱི་གཞུང་གསུམ་ཀླུ་སྒྲུབ་ཀྱིས་མཛད་པ། དུག་གསུམ་མགོན་པོའི་སྒྲུབ་ཐབས་ཁྲག་ཏིག་གསང་བ་སློབ་དཔོན་ཨ་ཝ་དྷཱུ་ཏཱི་པས་མཛད་པ། སྲོག་ཏིག་གཤན་པ་བྱ་གདོང་གི་སྒྲུབ་ཐབས་ཀླུ་སྒྲུབ་ཀྱིས་མཛད་པ། ཁྲག་འཐུང་ནག་པོའི་ལས་སྦྱོར་སྙིང་ཏིག་ཡང་ཏིག །གྱིམ་ཤང་བླ་མ་ཙ་མིས་བཅུག་པ། འདི་རྣམས་ཐོད་ནག་དང་འབྲེལ་བའི་ཡི་གེ། ཐོད་ནག་གི་བསྙེན་སྒྲུབ་ལས་སྦྱོར་གྱི་བེ་བུམ་གསུམ་རྒ་ལོས་ཇི་ལྟར་གསུངས་པ་ཁོ་ན་ལྟར་གནམ་རྩེ་ལྡིང་དུ་ཟིན་བྲིས་མཛད་པ། འདི་ལ་ཕྱི་ཆོས་སྡིངས་་བ་ རབས་པས་བར་དུ་བཅུག་པའི་ཡི་གེ་དར་ཀྱང་ཁུང་མི་ཐུབ་པས་འདི་ལ་གཅེས་པར་བྱ། གཅེས་བརྒྱད་ཀྱི་རྩ་འགྲེལ་ཞལ་གདམས་མངོན་རྟོགས་དང་ལས་བྱང་བསྡུས་པ་བསྒྲུབ་ཐབས་ལེའུ་བདུན་པ་ནང་བསྒྲུབ་བོ། །གསང་བ་ཐུགས་སྒྲུབ་ཀྱི་རྩ་བ། དཔང་ལོ་རྒྱུས་ཞལ་གདམས་རྒ་ལོས། འཁོར་ལོའི་གབ་ཕྱུང་། བསྙེན་པའི་ཐོ་ཡིག །སྒྲུབ་པའི་ཐོ་ཡིག །འདི་ལ་འཁོར་ལོ་བཞི་ཁྲིད་ཟེར། ལས་སྦྱོར་གྱི་ཐོ་ཡིག་གསང་སྒྲུབ་ཀྱི་དབང་ཆོག །དཔལ་རྒ་ལོ་དང་རྗེ་ཕག་མོ་གྲུ་པའི་ཞུ་ལན་ཉི་ཤུ་པ་གསང་བ་ཐུགས་སྒྲུབ་ཀྱི་གནད་ཐང་ལ་འབེབས་པ་ལྟ་བུ་རྣམས། དཔལ་ཕག་པོ་གྲུ་པའི་ཟིན་བྲིས་ངོ་མ་སྐུ་རགས་མ་མ་འཆུགས་པ་ཡང་དག་པ་ཡིན། གཞན་རྣམས་བསྲེ་སླད་ཅན་འབའ་ཞིག །གསང་སྒྲུབ་བོ། །སྦྱོར་བའི་འཕྲེང་བ། འདི་ལ་བོད་ཀྱི་མཁས་རློམ་དག་ཙ་མིའི་སྦྱོར་དྲུག་ཏུ་འདྲེན་ཏེ། དེའི་ལུགས་ཀྱི་སྦྱོར་དྲུག་ལོགས་པར་ཡོད། འདི་ཉིད་དུའང་། ལྷན་སྐྱེས་དྲི་མེད་ལ་དེ་བཞིན། ཡེ་ཤེས་འཆར་བའི་མན་ངག་ནི། ཅུང་ཟད་བདག་གིས་བྲི་བར་བྱ། སོགས་མ་གོ་བར་ཟད་དོ། །དེ་ཁོ་ན་ཉིད་ཀྱི་སྒྲུབ་པའོ། །དཀར་པོ་སྐུའི་སྒྲུབ་པ་འདུས་པ་ཆེན་པོ་ཚེའི་ལེའུ་ལ་བསྟེན་ནས་རྡོ་རྗེམངོན་ཤེས་ཅན་ཡང་ཟེར སཽ་རི་པའང་ཟེར་ གདན་པ་ཆེན་པོ་རིན་ཆེན་འབྱུང་གནས་སྦས་པས་མཛད་པ། དེ་ལ་མཁོ་བའི་བདུད་ཀྱི་ཞགས་འགྲོལ་ཨ་སེང་གིས་མཛད་པ། དམར་པོ་གསུམ་གྱི་སྒྲུབ་ཐབས་ལ་དབང་སྒྲུབ་དང་། རིན་ཆེན་དབང་གི་འཁོར་ལོ་ཞེས་བྱ་བའི་ལས་ཚོགས་གཉིས་སློབ་དཔོན་རྡོ་རྗེ་དྲིལ་བུ་པས་མཛད་པ། སེར་པོ་ཡོན་ཏན་གྱི་སྒྲུབ་པ། བྲམ་ཟེ་སྒྲ་གཅན་འཛིན་བཟང་པོས་ས་ར་ཧ་ཡང་ཟེར་བདེ་མཆོག་རྩ་རྒྱུད་རྒྱས་པའི་ནག་པོའི་རྟོག་པ་ན་འདུག་པ་གུད་དུ་ཕྱུང་པ། ལྗང་ཁུ་འཕྲིན་ལས་ཀྱི་སྒྲུབ་པ་ལ། ལས་བརྒྱའི་ཆོ་ག་ཞེས་བྱ་བ་དུམ་བུ་གསུམ་ཡོད་པ་སློབ་དཔོན་འཕགས་པ་ཀླུ་སྒྲུབ་ཀྱིས་མགོན་པོའི་རྒྱུད་སྣ་ཚོགས་ལས་ཕྱུང་བ། དེའི་གབ་འབྱིན་གྱི་ཕྲ་མོའི་ཡི་གེ་བཅུ། རིགས་བཞིའི་སྒྲུབ་པའོ། །འདི་རྣམས་ཕག་མོ་གྲུ་པས་དཔལ་རྒ་ལོ་དངོས་ལ་གསན་པ་ཡིན། གནད་ཀྱི་ཆིངས། ཕྱི་ནང་གསང་གསུམ་གྱི་སྒྲུབ་ཐབས་ཞལ་ཤེས། བསྒྲུབ་ཐབས་གསེར་ཁུར་མ། གནད་བཞི་མ། དེའི་ཞལ་གདམས་གཉིས། ཞལ་མྱུར་ལྟ། གཏོར་མའི་དགྲ་བསད་ཆུང་འབྲིང་ཆེན་པོ་ཙ་མིས་མཛད་པ། དེའི་ཞལ་ཤེས་གཉིས། དམ་ཚིག་གི་གཏོར་མ་རྒ་ལོས་མཛད་པ། སྲོག་ཕུར་གྱི་གཞུང་བྲམ་ཟེ་མཆོད་སྲེད་ཕྱི་མས་མཛད་པ། དམ་སྦྲགས། སྤོས་སྦྱོར། ནག་པོ་ཆེན་པོ་དང་ཨེ་ཀ་ཛ་ཊཱིའི་སྦགས་སྒྲུབ། སྲིང་མོ་བཞི་བསྐོར་རྒ་ལོས། གནོད་སྦྱིན་ཁྲག་རལ་ཅན་མེ་ཉག །བྱ་ཁྱུང་གི་བསྒྲུབ་པ་བྱ་རོག་ཅན་གྱི་རྒྱུད་ལེའུ་བཅུ་བདུན་པ་ལ་བརྟེན་ནས་ཀླུ་སྒྲུབ་ཀྱིས་མཛད་པ། དེའི་ཞལ་གདམས། འདི་རྣམས་དཔལ་རྒ་ལོས་བླ་མ་ཨ་སེང་མིན་པ་ལ་མ་གནང་། དེ་ལ་དཔལ་ཕག་མོ་གྲུ་པས་གསན། ཐུགས་སྒྲུབ་ཀྱི་སྐོར་མ་གཏོགས་གོང་གི་སྐོར་ཀྱང་ཨ་སེང་ལ་རྒ་ལོས་གནང་། རྒ་ལོས་གནང་བ་ལ་སློབ་དཔོན་འདི་གཉིས་རྒྱ་ཆེ་བ་ཡིན་ནོ། །ཕྱི་གནད་མགོན་པོ་འཇིག་རྟེན་པར་སྒྲུབ་པ་དང་། སྡེ་བརྒྱད་དང་སྡོང་ནས་ལས་བཀོལ་བ་ལེ་ཚེ་བརྒྱད་པ་གཉིས་བླ་མ་རྡོ་རྗེ་གདན་པས་མཛད་པ། དེའི་བསྐུལ་བྱང་། ནང་གནད་མགོན་པོ་ཞིང་སྐྱོང་དུ་སྒྲུབ་པ་ལ་ཞིང་སྐྱོང་མགོན་པོ་བྱ་རོག་གདོང་ཅན་བཞིས་སྐོར་བ་ཀླུ་སྒྲུབ་ཀྱིས་ན་ལེནྡའི་རྡོ་སྐུའི་རྩར་མཛད་པ། འདི་ལ་བཀའ་གཏེར་གཉིས་ཡོད་པའི་འདི་བཀའ་མ་ཡིན། འདིའི་ལག་ལེན་ཙ་མི་ལོ་ཙཱ་བས་མཛད་པ། དེའི་ལས་ཚོགས་པར་པུ་ཆིག་སྐོར། གཉིས་སྐོར་གསུམ་བསྐོར། གསང་གནད་མགོན་པོ་ཡེ་ཤེས་པར་སྒྲུབ་པ་ལ་གསང་བ་དམ་ཚིག་གི་སྒྲུབ་པ་ཨ་ཝ་དྷཱུ་ཏཱི་པས་མཛད་པ། འདི་ལ་སྐུ་རགས་མའི་རྩ་བའོ་ཟེར་བ་གབ་པ་མ་གོ་བ་ཡི་ནོ། །གསང་རྟེན་ཧཱུཾ་གཉིས་མ་ཞལ་མྱུར་ལྟ་དང་སྲོག་གི་ཞལ་གདམས། གསང་བ་སྲོག་གི་སྒྲུབ་པ་རྣམས་དཔལ་རྒ་ལོས་བླ་མ་སོག་པ་མིན་པ་ལ་མ་གནང་། ཁོང་ལ་དེ་ལས་མ་གནང་། དེ་ཁ་ལ་ཕག་མོ་གྲུ་པས་གསན། ལོ་རྒྱུས། ཞིང་སྐྱོང་ལྷ་ལྔའི་སྒྲུབ་ཐབས་འདི་རྡོ་སྐུའི་ཐུགས་ཁ་ནས་རྒ་ལོས་སྤྱན་དྲངས་པས་གཏེར་མ། གསང་བ་རྣམ་བརྒྱད། རྟེན་བཅའ་གསུམ་སྔགས་ཀྱི་འབྲུ་ཐེམས། སྤོག་ཆོག །ཐན། ཟློག་པ། བེ་ཏ་ལ་རྟེན་པ་འི་ནོར་སྒྲུབ་ཐོད་པས་དབང་། རལ་གྲིས་བསད་པ། ཁ་ཊཱཾ་གས་སྐུ་གསུང་ཐུགས་ཡེ་ཤེས་ལམ་དུ་བྱེད་པ་སྟེ་ཕྲ་མོ་རེ་རེ་འདི་རྒ་ལོས་བླ་མ་གསལ་སྟོང་ཤྭ་རེ་མིན་པ་ལ་མ་གནང་། ཁོང་ལ་འདི་ལས་མ་གནང་། དེ་ལ་ཕག་གྲུས་གསན། འདི་ཡོད་རྣམས་ཕག་གྲུ་ལུགས་ཐུན་མོང་མ་ཡིན་པ། ཚལ་ལུགས་ལ་གཞུང་དང་པོ་གཉིས་མ་གཏོགས་མེད་པ་ཀྱང་ཡིན། སྟེང་པ་ལུགས་ལའང་གཞུང་དང་པོ་གཉིས་ལས་སྦྱོར་གྱི་གཞུང་གཉིས་ཡོད། གཞན་མེད། རྗེས་གནང་། དབང་བསྐུར་གྱི་ཆོ་ག་རིན་ཆེན་འཕྲེང་འདྲ་ཞེས་བྱ་བ་སློབ་དཔོན་རྡོ་རྗེ་དྲིལ་བུ་པས་མཛད་པར་གྲགས་པ། གསང་བ་གསུང་གི་སྒྲུབ་ཐབས་སྤྱོད་མཛད་ཆོས་ཀྱི་རྡོ་རྗེས་མཛད་པ། དེའི་འགྲེལ་པ་རྒ་ལོས་མཛད་པ། གནད་གདམས་ཞང་ཆོས་རྗེས་མཛད་པ། མཁའ་འགྲོ་བརྒྱད་སྐོར་གྱི་ལས་ཚོགས་ནག་པོ་ཞབས་ཆེན་པོས་མཛད་པ། ལས་ཀྱི་ནག་པོ་གསང་བའི་སྒྲུབ་ཐབས་རྒ་ལོ་ལ་རྡོ་རྗེ་མཁའ་འགྲོ་མས་གནང་བ། དེའི་ལས་ཚོགས་དགྲ་བོ་མྱུར་དུ་བསད་པ་འགྱོགས་བྱེད་ཕོ་ཉར་བཏང་བའི་མན་ངག །གཞན་གྱི་རྦོད་གཏོང་བཟློག་པ་སྣང་སྲིང་བརྩད་ནས་གཅོད་པའི་འཁོར་ལོ་རང་གཞན་བསྲུང་བ་ཁམས་སུ་ཟིལ་གྱི་གནོན་པའི་ཏིང་ངེ་འཛིན། ལས་ཀྱི་མགོན་པོ་ཡུམ་བཅས་ཀྱི་སྒྲུབ་ཐབས་ཁྲག་འཐུང་ནག་པོས་མཛད་པ། འདི་སློབ་དཔོན་ཤནྟ་རྙིང་མའི་ གརྦྷ་ཡིན། ལས་ཀྱི་ནག་པོ་མཁའ་འགྲོ་དྲུག་གིས་སྐོར་བ་སློབ་དཔོན་ནག་པོ་ཞབས་ཕྱི་མས་མཛད་པ། འདི་མཁས་པ་སྒོ་དྲུག་གི་གྱ་བ་ཨ་ཙརྻ་བ་ལིང་ནག་པོ་ཡིན་ཟེར། དུར་ཁྲོད་བསིལ་བའི་ཚལ་དུ་དཔལ་རྒ་ལོ་ལ་བྱ་གདོང་དངོས་གྱི་གནང་བའི་ཤོག་དྲིལ་བྱ་གདོང་གསུམ་གྱི་སྒེར་སྒྲུབ་ གསུམ་གནང་འབེབས། སེང་གདོང་གི་སྒྲུབ་ཐབས་རྡོ་རྗེ་གདན་གྱི་བྱང་ཆུབ་ཆེན་པོའི་ཞབས་འོག་ནས་རྒ་ལོས་བཏོན་པ་དང་། དེའི་ཡུམ་སྒྲུབ་ཚངས་པ་ལྷའི་མེ་ཏོག་གིས་ཀླུ་སྒྲུབ་ཕྱི་མ་ལ་ཕུལ་བ་སོགས་དེའི་སྐོར་ཤོག་དྲིལ་བརྒྱད། ནག་པོ་སྟོང་གི་གཙོ་བོ་བདུད་ལྕམ་དྲལ། གནོད་སྦྱིན་ཁྲིའི་གཙོ་བོ་ནག་པོ་གནོད་སྦྱིན་མིང་སྲིང་། ཤ་ཟ་འབུམ་གྱི་གཙོ་བོ་མུ་སྟེགས་ཨ་སེ་ནག་པོ་རྣམས་ཀྱི་སྒེར་སྒྲུབ་རྣམས་ཙ་མིས་ཤོག་དྲིལ་གཉིས་གཉིས། སེར་བ། ཇག་ཆིངས། ཐོག་གི་བཙན་དུག །རྟེན་གཏོར་གྱི་བཅས་རྒྱས་པ་ཀླུ་སྒྲུབ་ཀྱིས་མཛད་པ། རྟེན་གཏོར་ཞང་དང་ཆོས་རྗེས་མཛད་པ། གཏོར་མའི་རྣམ་བཤད་ཆོས་རྗེས། གསང་བའི་གསོལ་འདེབས། གང་མཛེས་ཀྱི་ཤམ་བུ་ཅན་གྱི་ནོར་སྒྲུབ་སྲོག་འཁོར་གསུམ་ཡབ་ཡུམ་ལས་གསུམ་ རྗེས་གནང་སྒྲུབ་ཐབས་གོང་ཁུག་མ། སྒྲུབ་ཐབས་རྒྱས་པ་ཞང་གདན་ས་པའི་ཟིན་བྲིས། འདི་རྣམས་བླ་མ་ཞང་རང་ལ་རྒ་ལོ་དངོས་ཀྱིས་གནང་བ་ཚལ་ལུགས་ཁོ་ན། གཞན་ལ་མེད། ནག་པོ་སྤྱོད་པས་མཛད་པའི་གསང་བ་གསུམ་གྱི་བསྒྲུབ་པ། འདི་མངོན་འབྱུང་གི་རྒྱུད་ནས་གསུངས་པའི་དཀྱིལ་འཁོར། དེར་དབང་བསྐུར་བའི་དཀྱིལ་འཁོར་གྱི་ཆོ་ག་རིན་ཆེན་འཕྲེང་བ། རཏྣ་ཨཱ་ཀ་ར་གུ་སོ་རི་པ པྟས་མཛད་པ་འགྱུར་འགའ་ཞིག་ལས་རཏྣ་ཨ་ཀ་ར་ཤནྟི་པ་སྔ་མ ཤནྟི་བས་མཛད་ཟེར་ཅུང་མི་འདྲ་ཙམ་གནང་སྟེ་འགྱུར་ཁྱད་དུ་ཟད། འདི་གཉིས་བདག་གི་བྱས་པའི་མགོན་མངས་སུ་གྲགས་པ་འདིའི་རྩ་བ་ཡིན། སྟོང་མཐུན་རྙིང་པ་རྣམས་ན་ཀླུ་སྒྲུབ་ཀྱིས་མཛད་པ་མགོན་པོ་ལ་ལེགས་ལྡན་ཆེན་པོ་བདུན་ཅུ་རྩ་གསུམ་གྱི་སྐོར་བ་ཡོད་ཟེར། རྐང་བརྒྱད་རྒྱ་སྐད་མ། དེའི་རྒྱ་འགྲེལ་ཀྱང་ཡོད་ཟེར། རྒ་ལོའི་ཚིགས་བཅད་ལྷུག་འདི་རྣམས་ཚལ་ཕག་གཉིས་ཀ་ལ་ཡོད། སུམ་དྲིལ་རྒྱན་ཅན་ཞེས་བྱ་བའི་གསང་སྒྲུབ་སློབ་དཔོན་འཕགས་པ་ལྷས་མཛད་པ། རྒ་ལོས་མཛད་པའི་དེའི་སྒྲུབ་ཐབས་དང་ཞལ་གདམས་གསུམ། ལས་སྦྱོར་གནང་ལྔའི་ཡི་གེ། གཏོར་ཆེན་རྣམས་རྒ་ལོས་ཅོག་རོ་ཆོས་ཀྱི་རྒྱལ་མཚན་མིན་པ་ལ་མ་གནང་། མཁའ་འགྲོ་མ་ནཱ་ལི་སུརྻས་མཛད་པའི་མགོན་པོའི་སྒྲུབ་ཐབས་གཞུང་གཅིག་ལ་ཆ་ཚང་པ་དགེ་བཤེས་གཡོར་པོ་མིན་པ་ལ་མ་གནང་། ཁོང་ལ་འདི་ལས་མེད། ནག་པོ་ཆེན་པོ་ཡིད་བཞིན་ནོར་བུའི་ལོ་རྒྱུས། སྒྲུབ་ཐབས་ཡིད་བཞིན་ནོར་བུ། སློབ་དཔོན་ཡེ་ཤེས་ཀླུ་སྒྲུབ་ལ་ཝ་པ་སོགས་གྲུབ་ཐོབ་ བདུན་གྱི་སློབ་མ་ཟེར་ཏེ་ཡེ་ཤེས་ཞབས་འདྲའོ། སྤྱན་བཟང་པོས་མཛད་པ། ཕྱག་མཚན་ལ་རྟེན་ནས་སྒྲུབ་པ། ནད་གདོན་བསྲུང་བ། རྒྱས་པའི་ལས་གྲུབ། དབང་གི་ལས་སྒྲུབ། མངོན་སྤྱོད་ཀྱི་ལས་སྦྱོར། བསྐྲད་པ། དབྱེ། རིམས། སྨྱོར་འཇུག །ཆོ་འཕྲུལ། ལས་ཐམས་ཅད་པའི་སྔགས་འབུམ་རིན་ཆེན་རྡོ་རྗེས། གཞན་རྣམས་ཙ་མིས་ཡི་གེར་བྲིས་མཛད་པ། གཏོར་མའི་རིམ་པ་ཁ་ཆེའི་མཁས་པ་ཆེན་པོ་རིན་ཆེན་རྡོ་རྗེས་མཛད་པ། དེའི་ཡིག་ཆུང་རྣམས་དཔལ་རྒ་ལོས་ཁམས་པ་སླངས་སྟོན་ལས་གཞན་ལ་མ་གནང་། བྱ་རོག་ཅན་ཕྱག་གཉིས་པར་སྒྲུབ་པ་མགོན་དམར་རྐང་གླིང་མར་གྲགས་པ་ཡིག་ཚན་གཉིས་རྒ་ལོས་ལྷོ་པ་སྤྲེའུ་སྟོན་ཆར་འབེབས་ལ་གཞན་དོན་ལ་འབྱོན་ཁར་གནང་བའོ། །པཎྜྻི་ཏ་བདེ་བའི་གྲོས་ཀྱིས་མཛད་པའི་ལས་ཀྱི་ཙཎྛི་ཀ་དམར་མོའི་ཤོག་དྲིལ་ལྔ་རྒ་ལོ་མྱ་ངན་ལས་འདའ་ཁར་སྲེགས་བན་ལ་གནང་བ་འདི་རྣམས་རྒ་ལོ་ལུགས་སོ། །མགོན་པོ་བསྟན་པ་འདི་ལ་གསུང་ཚུལ། དེ་རྒྱ་གར་དུ་བྱོན་ཚུལ་གྱི་ལོ་རྒྱུས་གཉིས། གདམས་ངག་གསུང་བགྲོས་ཅེས་པ་ཐེམས་ཡིག །འདི་ལས་དོན་དགུར་ཕྱེ་ནས་གཙོ་བོ་ལ་སྒྲུབ་ཐབས་བཞི་ཡོད་ཅེས་པའི་དང་པོ་ཕྱི་སྒྲུབ་རྒྱ་གཞུང་མཐུན། དེའི་དོན་སྟེང་ལོ་ཉིད་ཀྱིས་མཛད་པ། ནང་སྒྲུབ་ཀྱང་གཞུང་མཐུན། དེའི་དོན་སྟེང་ལོས་མཛད་པ། བྱ་རོག་གདོང་ཅན་གྱི་གསང་སྒྲུབ་ལས་སྦྱོར་གྱི་གཞུང་གཉིས་ཨརྻ་དེ་ཝའི་ མཐུན། ངེས་པ་དྲུག་གིས་གཏན་ལ་ཕབ་པ་ཞེས་པ་སྟེང་ལོ་རང་གི་མཛད་པ། དེའི་ཉེ་བསྙེན་གྱི་མངོན་རྟོགས་ལག་ལེན། ནག་པོ་ཆེན་པོའི་སྒྲུབ་ཐབས་སྒྲུབ་ཐབས་རྒྱ་མཚོའི་གཤམ་ན་ཡོད་པ་དེ། ཕྱག་གཉིས་པ་ནག་པོ་ཆེན་པོའི་སྒྲུབ་ཐབས་ཀླུ་སྒྲུབ་དང་། ལོ་ཙཱ་བས་དེའི་བསྲུང་འཁོར་བོད་ཡིག་དང་། ཡབ་སྲས་ཀྱི་ལས་བྱང་གསུམ་བླ་མ་ཙ་མིས་སྡེབས་པ་དེ་རྣམས་ཡིན། འཁོར་ལ་སྒྲུབ་ཐབས་ལྔ་ཅེས་པ། གནོད་སྦྱིན། གིང་། བཙན། མ་མོ། ཀླུ། དེའི་གནོད་སྦྱིན་ལ་རྣམ་སྲས་ཞི་སྒྲུབ་དེ་ཝ་ག་ར་འམ་ཛ་ཡ་དེ་བར་གྲགས་པས་མཛད་པ་དྲག་སྒྲུབ་དེས་མཛད་པ། གཏོར་མའི་ཆོ་ག་དེ་དང་། རྒྱས་པ་ཙ་མིས། གསོལ་འདེབས་སྟེང་ལོ། རྟ་བདག་སོ་སོའི་སྒྲུབ་པ་བ་ཀྲི་མ་ལ་ཤི་ལ་བས་མཛད་པ། ཨ་བྷ་ཡ་ཡིན། ལྗང་སྔོན་གྱི་སྒྲུབ་ཐབས་སྟེང་ལོ། གིང་རྒྱལ་པོ་ལ་ཤོག་དྲིལ་དགུ །བཙན་རྡོར་ལེགས་ཀྱི་ཤོག་དྲིལ་བཅུ་བཞི། མ་མོ་དུར་ཁྲོད་བདག་མོའི་ཤོག་དྲིལ་ལྔ། ཀླུ་མེ་སྦལ་གྱི་ལས་ལ། ཁྱེའུ་མཐའ་ཡས་སྔགས་ཀྱི་སྒྲུབ་པ་ཞེས་བྱ་བ་ཀླུ་སྒྲུབ་ཀྱིས་མཛད་པ། ཀླུ་མེ་སྦལ་ནག་པོ་གསང་བ་ས་གསོར་གྱི་གདམས་ངག་ཀླུ་སྒྲུབ་ཀྱིས་མཛད་པ། འབྱུང་བ་རང་གཤེད་དུ་དབབ་པའི་མན་ངག་གཉིས། དུག་གསུམ་འཁོར་ལོ་དེའི་སྔགས་བྱང་། ཡང་སྔགས་བྱང་འདྲེའི་ཁང་བུ་མེ་སྦལ་གྱི་མངོན་རྟོགས་ཞལ་གདམས་གསུམ་རྣམས་སྟེང་ལོས། ལས་ཚོགས་བརྒྱད་ལ་ཐོ་ཡིག་བཞིན་གྱི་བདུན་ལ་ཤོག་དྲིལ་སོ་སོ། བརྒྱད་པའི་ཐུགས་དམ་བསྐང་མདོས་ལ། ཕྱི་སྲོག་ཆགས་ཀྱིས་བསྐང་བ། ནང་གཏོར་མདོས་ཀྱིས་བསྐང་བ། གསང་བ་མདོས་བསྐང་། ཡང་གསང་བཾ་གྱིས་བསྐང་བའོ། །གནད་ཀྱི་གདམས་པ་བདུན་དང་བཅས་པ་དེ་རྣམས་ཐམས་ཅད་ཙ་མིས་མཛད་པ་སྐོར་གཉིས་ལ་ཕོ་སྐོར་སྤུ་གྲི་རེག་གཅོད། ཁྲག་འཐུང་ནག་པོས་མཛད་པ། དེའི་བསྐུལ་བྱང་། ཡུལ་སྐོར་སློབ་དཔོན་བྱང་ཆུབ་བཟང་པོས་མཛད་པ། འདི་ལ་འགྱུར་མི་འདྲ་བ་གཉིས་ཀྱི་ལེགས་ཉེས་སྣང་བ་ལས་འདི་ལེགས་པ་ཡིན་གཞུང་གཉིས་སུ་མ་རྟོག་ཤིག །དེའི་ལས་ཚོགས་ཀྱི་གཞུང་ཡང་བྱང་ཆུབ་བཟང་པོས་མཛད་པ། དེའི་ལག་ཁྲིད་ཙ་མིས་སྟེང་ལོ་ལ་གནང་བའོ། །དེའི་བསྐུལ་བྱང་། བརྒྱད་ཀྱི་བསད་པ་ལ། ནག་པོ་ཆེན་པོའི་ཕྱག་བརྙན་གཟའ་བདུད་དམག་དཔོན་བརྒྱད་དུ་བསྒྲུབ་པ་ཀླུ་སྒྲུབ་ཀྱིས་མཛད་པ། དེས་ཚོད་ངེས་པར་གཟུང་བ་ཞེས་བྱ་བ་ཀླུ་སྒྲུབ་ཀྱིས་མཛད་པ། གཟའ་ཤོར་བའི་མན་ངག་ཀླུ་སྒྲུབ་ཀྱིས། མོན་པོ་རོག་ཏི་ནག་པོའི་སྒྲུབ་ཐབས་ཙ་མིས། དོན་བརྒྱད་གསལ་བའི་སྒྲོན་མེ་ཙ་མིས། སྟེང་ལོ་རང་གི་མཛད་པའི་སྒྲུབ་ཐབས་གཅིག །བར་ཆད་སེལ་བ་ཀླུ་སྒྲུབ། རྫས་སེར་ཙ་མིས། རྟགས། ནོར་སྒྲུབ་ཀླུ་སྒྲུབ་ཀྱིས་འགྱུར་དུས་ཀྱི་ཡིག་ཆུང་བཞི་ཕྱིར་རབས་པས་མཛད་པ། བསྲུང་བ་ཙ་མིས། དཔལ་ནག་པོ་ཆེན་པོའི་མདོས་གསུམ་ལ། བསྐང་མདོས། བཞི་མདོས་སུ་གྲགས་པ། གླུད་མདོས་སམ་ཟློག་མདོས་བཅུ་གསུམ་སོགས་སུ་གྲགས་པ། རཀྴ་དགྲ་མདོས་བརྒྱད་སོགས་སུ་གྲགས་པ་ཀུན་ཙ་མིས་མཛད་པ། འཁོར་ལ་སྒྲུབ་ཚུལ་གཉིས་ཟེར་བ་ར་ཐོད་དང་དམར་པོ་དགྲ་ཟོར་ཡིན། ར་ཐོད་ལ་ལོ་རྒྱུས། ལྷ་གསུམ་གྱི་གཞུང་བླ་མ་གསེར་གླིང་པས་མཛད་པ། འདི་ཁྲག་འཐུང་ནག་པོའི་སློབ་མ། དེའི་ལག་ལེན་ལོ་ཙཱ་བས། ལྷ་དྲུག་མའི་གཞུང་གསེར་གླིང་པས། ར་ཐོད་མ་ལྷ་དགུ་སོགས་ཀྱི་གཞུང་གསུམ་ཕྱི་རབས་པས་སྦྱར་པ། དེའི་ཞལ་གདམས་གཅིག །དགབ་འདྲེ་མནན་པ། ལྷ་དབྱེ། ཨར་གཏད། སེར་བ། བསད་པའི་ཡི་གེ་གསུམ་ལོ་ཙཱ་བ་རང་གིས་སོ། །ལྷ་དགུ་དང་ལྷ་བཅུ་གཉིས་མའི་རྒྱ་གཞུང་ཡོད་ཟེར། དམར་པོ་དགྲ་ཟོར་ཨ་བྷ་ཡ་ཀ་རས་མཛད་པའི་གཞུང་གཉིས་སྣང་བ་འགྱུར་གྱི་ཁྱད་ཁོ་ནར་ཟད་ལ་འགྱུར་འདི་ལེགས་སོ། །མངོན་རྟོགས། སྤྱན་འདྲེན། གཏོར་འབུལ། བསྟོད་པ། བསྐུལ། གཏོར་འབུལ་ཆེ་བ་དང་། རྟེན། སྔགས་གོ་ལོག །ཆོ་འཕྲུལ། འཁོར་ལོའི་བཅས་ཡིག་རྣམས་སྟེང་པ་ལུགས་སོ། །སྤུ་གྲི་ཀླད་གཟེར་ནག་པོའི་རྒྱུད་འགྲེལ་དཔེ་འགའ་ཞིག་ཏུ་གུང་ཐང་རས་པས་བྱས་ཟེར་ཏེ་མི་དག་པའོ། རོང་ལིངས་ལོ་ཙཱ་བ་རྡོ་རྗེ་དབང་ཕྱུག་གིས་མཛད་པ། འདི་ལ་རོ་ལངས་རྡོ་རྗེ་དབང་ཕྱུག་ཟེར་མང་པོ་བྱུང་བ་མ་དག་པའོ། །མ་མོ་སྒྲུབ་པའི་དགབ་མནོན། ཡུམ་ཙཎྜྻི་ཀའི་སྒྲུབ་ཐབས་ཕྱི་ནང་གི་རྣལ་འབྱོར་པ་རྣམས། བགྲོས་ནས་མཛད་པ། དེའི་ཤོག་དྲིལ་གསུམ་ཙ་མིས། མགོན་པོ་ལ་མཁའ་འགྲོ་དྲུག་གིས་སྐོར་བ་ཡེ་ཤེས་སྤྱན་ཞེས་བྱ་བ་ཨ་ཙརྻ་སྤྲིན་གྱི་ཤུགས་ཀྱིས་མཛད་པ། རྡོ་རྗེ་མཁའ་འགྲོ་མའི་བསྐང་མདོས། བསྐང་ཆོག །ལས་ཀྱི་གོ་རིམ་རྣམས་དེས་མཛད་པ། དྲུག་བསྐོར་གྱི་ལས་ཚོགས་ཨ་བྷྱ་ཡས་མཛད་པ། ཡིག་ཕྲན་གསུམ་རོང་ལིངས་ལོ་ཙཱ་བས་སྦྱར་བ་སྟེ་རོང་ལིངས་པའི་སྐོར། ལས་གསང་གི་འགྲེལ་པ་ཁེ་ཁད་ཀྱི་གསུང་ལ་ལྷོ་བྲག་པ་དར་མ་སེང་གེས་ཟིན་བྲིས་བྱས་པ། ལས་གསང་བའི་རྒྱུད་ཀྱི་ཁྱད་པར་གྱི་གནད་བསྟན་པ་ཁེ་གད་འཁོར་ལོ་གྲགས་རང་གིས་མཛད་པ། སྔགས་ཀྱི་མན་ངག་གསང་བ་ཞེས་བྱ་བ་རྟ་དབྱངས་ཀྱིས་མཛད་པ། དེའི་དོན་གསལ་བར་བྱེད་པ་ཁེ་གད་ཀྱིས་མཛད་པ། བྱད་འགྲོལ་དང་ངག་ལ་དབང་བསྐུར་གཉིས་སློབ་དཔོན་ཨ་ཝ་དྷཱུ་ཏཱི་པས་མཛད་པ་རྣམས་ཁེ་གད་ཀྱི་ལུགས་སོ། །འདི་སོ་སོ་ནས་བརྒྱུད་པ་ཐུན་མོངས་མ་ཡིན་པ་བཀོད། གཞན་སྒྲུབ་ཐབས་གསུམ་ཡུམ་སྐོར་ཐམས་ཅད་ལ་ཡོད། གསུམ་གྱི་སྟེང་པ་བླ་མ་གཞན་གཉིས་སློབ་མར་གྲགས་སོ། །དཀྱིལ་ཆོག་རིན་ཆེན་འཕྲེང་འདྲའི་ལོ་རྒྱུས། ལས་གསང་བའི་རྒྱུད་ནས་ཕྱུང་བ་དཀྱིལ་ཆོག་རིན་ཆེན་འཕྲེང་འདྲ་སློབ་དཔོན་ཆེན་པོ་ཞེ་སྡང་རིག་པ་གྲགས་ཀྱིས་མཛད་པ། ཞང་ཞུང་ལོ་ཙ་ཱབའི་ལུགས། བལ་པོ་ཡེ་རང་གི་བླ་མ་ཡེ་ཤེས་རྡོ་རྗེའི་གདམས་པ་ལོ་ཙཱ་བ་འཇམ་དཔའ་གྲགས་པས་བྲིས་པ་རིན་པོ་ཆེ་པ་རི་བས་བཅུག་པར་འདུག་གོ །མང་ཐོས་ཨུཏྤལ་ཟེར་འབྲུའི་ཁའི། །རྣམ་དཔྱོད་རལ་གྲི་ཆེན་པོའི་རྣོ། །ལུགས་མིན་ཐམས་ཅད་གཏུབ་བྱེད་འདི། །འཇམ་དབྱངས་རྣམས་ཀྱི་དཔུང་པའི་གཉེན། །འདིར་བཀོད་པའི་དཔེ་རྣམས་བར་གྱི་གཞུང་ཚིག་ཕལ་ཆེར་མཐུན་ཀྱང་ལྷད་བཅུག་པས་ལྷག་པ། ཆད་པ་དུ་མས་དེ་ལ་བློ་ཁ་མ་རྫོགས་ནས། སྡོན་གྱི་དཔེ་གང་རྙིང་པ་ཀུན་ནས་དག་པ་དག་པ་བཙལ་ནས་བྲིས་བྲིས་པ་རྗེ་ནུས་པར་བྱས་པས། ཡིད་ཆེས་པར་བྱའོ་ཞེས་པདྨ་དཀར་པོས་སོ།།