དྲིས་ལན།
༄༅།།དྲིས་ལན།། ལགས། དྲི་བ་འདི་རྣམས་ལ། མདོས་མཁན་བདག་གིས་ཀྱང་ལན་ཐེབས་དཀའ་ཡང་། སྤོབས་པ་བསྐྱེད་ནས་ཞུ་ན། བདག་བསྐྱེད་གཞུང་གི་དགོངས་པ་ནི། །དཔལ་ཆེན་འདུས་པའི་དགོས་སྒྲུབ་གཞུང། །སྐབས་སུ་གང་བབ་རིག་པས་འཕྲུལ། །ཅེས་པའི་དོན། བདག་བསྐྱེད་དཔལ་ཆེན་དགོས་སྒྲུབ་ལས། གཙོ་བོ་བྱད་བཟློག་གི་ཆེད་ཡིན་ན། གཤིན་རྗེ་འཆི་བདག་ཟིལ་གནོན་དང་། ནད་ཡམ་བཟློག་ཚེ་རྟ་མགྲིན་ཁམས་གསུམ་རོལ་པ་དང་། དམག་བཟློག་གི་ཚེ་ཕུར་པ་བདུད་དཔུང་ཟིལ་གནོན་རྣམས་གཉེན་པོ་སྟོབས་ཀྱི་ལྷ་ཡིན་པས་སྐབས་སུ་གང་བབ་དེ་དགོས་པའི་དོན་ལགས། གཡུལ་མདོས་ཡིག་ཆུང་ལས། དཔལ་ཆེན་ཕྱག་རྒྱ་རྒྱས་པའམ་སོགས་ཀྱི་དོན། སྤྱིར་བཏང་ཙམ་དུ་དཔལ་ཆེན་ལས་བྱང་གཞུང་བསྲང་ན་ཆོག་རྒྱུ་ལས་རྒྱས་སྤྲོས་ལ་དགའ་ཚེ་འདས་པ་སྡེ་ལྔ་ཕྱག་རྒྱ་རྒྱས་པ་ལྟར་བྱ་བའམ། ཡང་ན་ལས་བྱང་རྩ་བའི་དངོས་བསྟན་ལྟར་མངོན་རྟོགས་བསྡུས་པས་ཆོག་རྒྱུ་རེད་ལགས། དཔལ་སེང་གཉིས་ཀ་དགོས་ཟེར་བ་དང་། སེང་གདོང་བདག་མདུན་གྱི་ཆོ་ག་ཟེར་བ་དེ་ནི། དེ་དུས་ཕྲན་གྱིས་སྡེ་དགེར་བཅའ་དགོས་བྱུང་སྐབས། ཕྲན་ནས་སེང་གདོང་མའི་བསྙེན་པ་འགྲོ་མ་མྱོང་བས། དང་པོ་དཔལ་སེང་གཉིས་ཀའི་བདག་བསྐྱེད་བསྙེན་པའི་དོན་དུ་བྱེད་དགོས་བྱུང་བ། ཕྱིས་བྱད་བཟློག་དམིགས་བསལ་ལ། གཤིན་རྗེའི་བསྙེན་པ་མེད་པས། བདག་མདུན་གཉིས་ཀ་སེང་གདོང་བྱེད་དགོས་བྱུང་ལ། དེའི་དགོས་པ་དང་དགོངས་གཞི་མ་ཤེས་པ་རེད་ལགས། བསྲུང་བ་བདག་བསྐྱེད་སེང་གདོང་ཡིན་ཚེ་དེ་གའི་བསྙེན་མཇུག་དང་། བཟློག་པ་བདུད་བཟློག་བསྙེན་མཇུག་གམ། ཟློག་པའི་མགོར་སྦྱར་རྒྱུ་ཡིན། བདག་བསྐྱེད་གཞན་ཡིན་ཚེ། མདུན་བསྐྱེད་བསྙེན་མཇུག་དང་། བཟློག་མགོར་སྦྱར་བ་ལས་འོས་མེད། སྤྲོས་དང་སྤྱི་འགྲོས་ཀྱི་གླུད་ཟ་ལམ་གུད་ནས་བླང་ན་ལེགས། ཚད་ལྡན་བྱས་ན་ཟ་ལམ་སྲིན་མོ་ལྕགས་ཐག་མགོ་དགུ་རེད་ལགས། སྟབས་བདེར་སྤྱི་འགྲོས་འཐུས། དངོས་གྲུབ་དུས་སེང་གདོང་གཏོར་མ་སྐུ་ཙཀ་ཅན་དང་། མདོས་ཀྱི་རྟེན་མདའ་དར་མ་མོའི་སྐུ་དང་མེ་ལོང་ཅན་ལེན་པ་ཡིན། གཞན་ཟེར་ཚད་རྫུན་རེད་ལགས། འདོན་ཆ་ལས་བྱང་གང་ཡིན་གྱི་དངོས་གྲུབ་ལེན་ཆོག་ལོས་ཡིན། གསེར་གཡུ་བརྡལ་བའི་ཕྱེ་མ་བཏབ་པའི་ཇ་ཕུད། ཆང་ཕུད་ལ། གསེར་སྐྱེམས་གཡུ་སྐྱེམས་ཟེར། རིན་ཆེན་ངར་གྱི་མི་བོ་ཆེ། ངར་ཟན་གྱི་གླུད། ངར་བྱ་ངར་ཕྱེ་ལས་བཟོས་པའི་བྱ་ཡིན་ནོ། །དམུ་བྱ་ཕུག་རོན་རེད། དེ་མིན་ཚད་འཛོམ་ལེ་ཨི་རེད་ཧ་ཧ།། །།